Rainer Black-53 by Remruati Bawitlung (Haylor)

CHAPTER -53

"The love I want, I only found it in you. 

No other one, could ever make me laugh and cry like you do"

Chutia mi â ang maia ka din khawng reng lai chuan Shane chuan Carla chu va pawt hrang nghal in a kal chhuahpui nghal dawr dawr a, Rainer lah chuan ngeiawm zeta min rawn melh pah hian la fawh leh chak hmel zetin a hmui a han khawih leh kher bawk a chu chuan ka thinlung hi na taka vih sawk sawk ang mai hian a rawn ti na nghal zawk zawk bawk.

"In inkarah engmah a awm lo tih min hrilh rawh "

Chu zawhna chauh chu ka rilru ah a awm tawh, chu pawh chu khur der der chungin ka sawi chhuak thei ṭawk ṭawk chauh.

" mawh? " min chhan duh loh avangin ka nawr lui leh ngat.

" I hmuh ang kha a ni mai " a ti duh chauh mahse ka chhanna duh tak min la pek loh avangin kal mai ka tum bik lo.

" Maw?  khatiang thil kha engtin nge ka chungah i tih theih zawk mawh... engvangin nge min rinawm loh san theih zawk ?" ka thinrim em avangin ka mittui pawh a tla thei lo,ka in hum ruh ngawt ngawt ringawt.

" Rinawm loh san a?!!!.... hahh... kan inkarah engmah a awm loh laiin ka rinawm loh san che maw ?"

Ngeiawm zet hian min rawn nuih vela, a nui hmel ka hmuh phei hi chuan a hmaia ben nghal chawrh mai ka duh.

" Eng.... eng nge i sawi awmzia, khang... khang kan hun hman zawng zawng te kha... " inseh ruh ṭeuh chung hian ka ti hul hak a.

"I lo la serious a nih chuan pawi ka ti lutuk... mahse ka tan chuan intih hlimna mai chauh a ni " tih pahin min hnungchhawn zawng hian a ding nghal daih a, " hun khawhral nan " a tih chhunzawm sup bawk.

Rainer chuan timna leh hrehawm tihna nei hauh lo in min hrilh ta piap piap mai!! ka awm na ut ut mai te leh ka kawchhung tawt up up mai te chu ṭah chhuah hawm hawm chak hle mah ila ka la insum ve ṭang ṭang, awlsam taka ṭah mai mai ka tum bik lo.

"A nih chuan ka mit a en chungin min hrilh nawn leh rawh "

Pawm har ka tih em avangin ka la ti lui ve ṭang ṭang ,amaherawhchu ka mit hmuh lai ngeiin hmeichhe dang a fawp tawh a ,a laka beiseina ka lo neih ve te pawh kha second tin in a bo tial tial.

"Ka mit hmuh ah rawn in lan leh tawh suh ang che.... nang ang hmeichhia mipa kawp kual ching leh party hrat lutuk hi ka kham hluah hluah "

Min hnungchhawn zawngin sawi mahse hei zet zawng na ka ti in a sawi leh tur lo dawngsawng tur pawhin chakna ka nei tawh lo.

" ka haw lutuk che " tih sup pahin rang takin room aṭang chuan ka tlan chhuak nghal hlawk hlawk a, khang kan hun lo hman dun ve zawng zawng te leh ka rilru ka lo pek ve na zawng zawng te kha engmah alo ngai miah lo tih ka hriat hian pawm har ka ti in tawrh har ka ti takzet.

Ka ṭhianten Rainer hnaih lo tura min tih lai te kha ka hrechhuak leh hnuhnawh , tun hun hi a thleng dawn ani tih hi lo hre lawk ila ṭha tur, hetiang em em hian ka rilru a ti na lo tur .

Music ri hut hut karah pawh Rainer an, ' min rawn hmu leh tawh suh ang che' a tih ri chauh chu ka bengah a ri nawn tluk tluk reng a, engang pawhin ka beng hup in tih bo han tum teh mah ila chiang takin ka hre zel lo.

"Tawp rawh.... khawngaihin tawp rawh " au vak vak mah ila tumah in an hre lova min ngaihsak bawk hek lo.

Rainer aw ka hriat reng avangin a reh mial takin tiin ka bul lawka beer chu ka han tlak nghal pawp a, ka pum alo ruak bawk nen a sa nghal ham ham bawk.

" Party ching... " nuih suk pahin no khat dang chu vawikhat ah ka han tlak lehnghal pap a, ka rilru lakpen tum engang mah ila ka harh telh telh zawkin ka hria.

No li ka in meuh chuan ka dose alo hniam ve bawk nen ka rui tawh hle amaherawhchu ka rilru a harh kur reng avangin in belh zel ka duh.

Ka zun a chhuah em avangin haw hma in bathroom ah ka kal leh te te phawt a, bathroom lehzel pawh a lun in hmeichhia an lo awm khawm luih luih mai!

" Hey.... I mit chu, i rilru a na em ni? "

Ka zung zo ekin aṭanga ka chhuah rual chuan hmeichhe pakhat inhnawih dum fahran hian cigrattee zuk pawt pawt pah hian a rawn ti a, midang ho erawh eng eng emaw tiin an lo buai hle thung.

"chutiang deuh chu " ka lo ti ringawt ,ka ṭap bawk si lova engtin nge ka rilru a na tih ka mitmeng aṭangin a hriat theih?

"I rui thei meuh nange no tamtak i in hnu ah pawh ..."

Henu hian ka awmdan hi a hrechiang takzet, a hma in hetiang ang hian alo awm tawh tih a hriat reng.

" umm.... " kal ṭha hleithei tawh lo mah ila harhfim ang tlatin ka inhria ka tih tawh kha.

" Engmah hre lova awm hmak i duh em?  ka sawi awmzia chu zanin atan chauh " a rawn tih takah chuan ka beng a verh nghal zar, ka duh chiang alawm zanin chauh chu Rainer theihnghilh vek khawpa awm ka duh.

Mahse ka hmelhriat ngai pawh nilo hian engvanga min lo duhsak ve ringawt nge a nih?

"Kha heihi hip rawh... mahse ka tilui lo ang che " tih pahin basin bula powder var phut tam vak tawh lo chu min kawh hmuh a, eng nge a nih pawh ka hrechiang hle.

" Drugs maw? " nidang ang lo takin mak ka ti teh vak lo, ka lo nuih liam mai mai ringawt.

Rainer theihnghilh tur chuan ka la harhfim hle mahse ka chhia leh ṭha hriatna hmang tur erawh chuan ka rui tawh mah mah, engmah pawisak ka nei tawh lo ti ila ka sawisual lovang, ka û takngial pawh ka ngaihtuah thleng pha tawh lo.

" aw mahse ,Cocaine a ni lo a nia ....hetiang hi chu a hlauhawm ve loh ,nuam i ti veng veng mai ang "

Hahh...a fak thiam kher mai ,drugs hmansual hi hlauhawm loh a awm dawn em ni ? mahse nuam tih veng veng chu ka duh alawm .

" aw le... "

Nuih sek pahin hmeichhe pakhat tih dan ang chuan hrehna nei miah lovin ka hnarin ka han hip lut nghal kawk a, Rainer ka theihnghilh na tur a nih avangin inchhirna ka nei lo reng reng.

Ka thluak chawmawlh vek leh buai chhu mai chu nuam ka tiin min ti phur em em mai lehnghal a, lam hut hut  ho karah te chuan engmah pawh hre mumal lovin ka va bu ve nghawng nghawng ringawt.

__________________________________________

★9:30 am★ 

Ka lu na lutuk rit bur mai leh tui hal huam huam mai chuan min ti harh ta nge nge a, meng tur ringawt pawhin ka mit te hi a kham erh urh mai.

Ham bai bai paha ka tal ṭalh ṭalh rual chuan Nolan hian min rawn ko thut ringawt!!  nilo... ka hresual em ni?

" Sadie... na i nei em? " ka khum tlanga ṭhut pah chuan a rawn ti leh a, Ka mumang nilo in a tak ngei a ni tih ka hriat rual chuan ka meng phawk nghal kawk ringawt.

"Engthil nge thleng ?"

Thut chhuah pahin ka lo zawt hu a, ka lu na lutuk mai te chu ka dawm nghal vang vang bawk .

Nizana zu ka in dan te leh drugs ka tih dan te chu ka hrechhuak nghal uai uai a mahse powder ka hnara ka hip luh hnu lam erawh engmah ka hrechhuak thei tawh lo.

Chutah ka ṭhut chhuah rual chuan khum mawnga Braydon  lo ṭhu kun lap lai chu ka zuk hmu thut lehnghal a, ka phu chiang kher mai!!

Nilo... Braydon an party na ah ka kal tih kha hrechhuak lo hram rawh se ,khawngaihin...

"Braydon " ka zuk koh rual chuan a tho nghal hmak , en pawh min en lovin room aṭangin a chhuak nghal nal nal bawk.

Braydon khan engang pawh in thup tum mahse a mit sen ram mai aṭang khan a ṭap a ni tih ka hrenghal. Engthil nge maw ka tih tak hi?  urghh.... tunah pawh hian ka la ni deuh chhû mai.

" Nolan ka û khan engmah a hrelo tiraw? " ka zawh rual chuan a lo kun nghal lap a.

" Sadie.... nizanah i û nen party na hmun aṭang khan kan rawn hruai haw che tih i hre tawh miah lo em ni.... nangmah ngeiin ṭap chungin min rawn call kha "

" Enga? "

Keiman ka va call maw?  Lalpa leh!!  engmah ka hrechhuak zo tawh lo.

"Zankhua in ilo harh hun nghakin i û kha a tlaivar ṭhak asin... Ngatinge khatiang khan i awm?  Rainer nen in in hmu em ni? "

" Nolan khapa hming kha ka bulah sawi tawh suh... engpawh chu nise ka û hnenah ngaihdam dil ka ngai "

Ka û hriat loh in party na ah ka kal ru a, chutah ka chatthla hmak lehnghal ,thinrim khum lovin ka û hnenah ngaihdam dil vat ka ngai.

" Ka û hian min biak duh i ring em? " ka hlauhthawn deuh avangin ka zawt ta ringawt.

"Umm... va in phih fai phawt rawh,inhnuaiah ka lo nghak ang che "

" aw le... " Nuih suk pahin ani pawh room aṭangin a chhuak ve nghal.

Nolan a chhuah rual rual chuan ka lo thup ve ṭang ṭang ka rilru natna te kha ka hmelah a rawn lang chhuak nghal a, tun lawka thil thleng ang maiin ka tawrh nat dan pawh a nep phah chuang lo.

Tui ka in khawlh khawlh hnu chuan in phih fai tumin bathroom lam ka pan nghala, darthlalangah ka han in en chiah mai chu ka mengphawk chiang teh e!!!

Lalpa leh!!  engthil nge ka tih tak mai!!?

Ka sam sei hnap mai kha ka dar chen lek hian alo tawi ta mai!!  chutah ka mit te chu hai rual loh in a sen ṭuak a ,ka nghawng velah te chuan love bite niawm tak hi a duk thluah bawk.

Darthlalanga in en vung vung pah chuan ka nghawng duk thluah mai chu ka khawih vawng vawng a. Ka mittui a rawn tla nghal sawk mai!

Ka sam ka tan lai te, hetiang nghawng duk nei tura mipa in min fawh lai te chu engmah ka hre chhuak zo tawh lo. Mipa ka mutpui nge mutpui lo pawh ka hre lo.

Engthil nge ka tih tak hi?

Chutah loh theih loh in Rainer'n min tih dan te kha ka hrechhuak leh nghal uai uai a, ka chunga a thil tih avang khan engtik ah mah ka ngaidam leh tawh ngai lovang, engtikah mah .

Ka inphih fai hnu chuan ka inthlak nghal bawka, ka lu la na hle mahse ka û biak hi ka ngaihpawimawh hmasak ber avangin phur lo deuh chungin inhnuai ah ka chhuk thla chhat chhat a.

Rin ang ngeiin Kendra leh ka û ṭhiante ho zawng zawng chu living room ah an lo ṭhu kun lap hlawm a, keimah vanga hetianga awm hi an ni tih pawh ka hrechiang hle.

" Sadie.... " Kendra chuan min rawn kuah nghal vata, min ngaihtuah zia ka hriat hian ka inthlahrung in hrehawm ka ti takzet.

" Kitchen ah a awm va kal rawh " a tih chuan ka lo bu nghat a.

Ka û awmna kitchen lam chu ka pan phei nghal chhat chhat a, chair a ṭhu chungin thil ngaihtuah nei niawm tak hian a melh ngai chu a lo melh vung vung a, hetianga ka û awm lai ka hmuh hian a hma aiin ka na zual.

" Braydon " ka awm tih a hriat rual chuan a ṭhutna aṭanga tho chhuak nghalin min rawn pan hnai a, chiang zeta min rawn en pahin ,"Rainer nen in in karah eng nge awm ?" a rawn ti hlawl !!!



Nizanah khan engthil nge thleng ka hrelo , Rainer nen an in ti buai a nih loh vek pawhin Amira in a hrilh a nih ka ring.

" maw! "

" Amira thusawi kha a dik em,  Rainer nen in chhuak dun em ni? " ka rin dan chiah Amira in min lo va hek leh tawh.

" Ai... " ka lo ti hmak, " Kan in karah engmah a awm lo " ka tih chhunzawm zat bawk.

Ni e, thudik a ni miau alawm Rainer berin kan pahnih inkarah engmah a awmlo a ti miau alawm.

Ka inkarah engmah a awm loh thu ka hrilh rual chuan a thaw nghal huai in ka hria.Amira in hrilh engang mahse ka sawi a nih tawh phawt chuan ka û hi chuan min ring nghal vat zel.

Mahse hetah hian ala duhtawk mai lo, ka û phal loh em em ka tiru a min man chhuak bawk a awlsam takin a lungawi mai mai dawn lo tih pawh ka hrechiang hle.

" Nizan avang khan pawi ka ti takzet... ka tihpalh lutuk " kuah thlawpa ṭah hawm hawm ka chak.

" tiam chin awm lovin grounded i ni tun aṭang chuan khawiah mah i riak sawn leh tawh ngai lovang " tih hmuk pahin kitchen aṭang chuan a chhuak nghal nal nal.

Ka û hian min ngaidam daih tawh tih ka hria mahse ka chungah a lungawi loh em avanga hetianga la awm mai mai hi a ni.

Tun aṭang chuan Rainer theihnghilh in nun bul ṭan leh ka tum ang, ka û tih lungawi leh tumin ka theihtawp ka chhuah anga ,a hma anga kan awm leh theih nan nasa takin ka bei bawk ang.

Nolan an phal lo hle mahse college kal ka duh tlat avangin ka kal lui ta tho a, engang pawhin awm nuam lo in ka lu na ber bur mahse ina awm ai chuan ka project vel buaipui in mahni intih buai ka duh zawk .

" Sadie ka thlah let leh ang che... vawiin chu hahchawl phawt rawh " Nolan chuan a ti chhen a, ka chau hmel viau pawh a ni mahna.

"Braydon ka tih lungawi leh theih nan min pui dawn lo em ni? "

" mahse vawiin chauh te chu... Engpawh chu nise Rain... " a ti dek dek a vin zet hian, " Khapa hming kha lam tawh lo tur che in ka ti che a ni lawm ni " ka ti nghal hluk a, mak tih hmel takin min lo en ha ringawt.

" aw le " thil hrethiam nghal niawm tak hian a bu nghat a.

" Hey... Sadie, Nolan... good morning " Chelsea leh Kaitlyn ka hmuh takah chuan ka thawveng nghal huai mai.

An ni lehzel ka hmuh pawh hian Rainer bawk ka hrechhuak leh ṭhin. Min duhpui lo zia leh hnaih lo tura min hrilh nasat zia te kha ka hrechhuak lo thei lo.

Chelsea te pahnih an rawn lan hnu chuan Nolan pawh class a neih avangin a kal hrang nghal a, tunah tak hian ka ṭhiante pahnih hi ka mamawh takzet.

" wow.. sam thar " Chelsea chuan mithmul tih kan zawk zawk pah hian min rawn chhiah vela, za lo zetin ka lo nui ringawt.

" Sadie...you look horrible " Kaitlyn meuhin a rawn tih takah chuan ka pawm thlap, ka mit a sen nasa in a bui chur vang te pawh hi a ni mahna.

" oh!! saw Rainer pawh a rawn kal a nih saw " Chelsea in a tih chuan ka phu chiang kher mai, chutah ka tum loh deuhin in kan in melh fuh chat lehnghal , ka hawi sawn rang ngei mai. Pehhel tum engang mah ila kan in kal pel tho tho angai.

(fakna kha aw...)

Read More

Rainer Black-52 by Remruati Bawitlung(Haylor)

CHAPTER -52

"IT'S NOT EASY TO BE WITH YOU BUT I DON'T MIND"

Read More

Rainer Black-51 by Remruati Bawitlung(Haylor)

CHAPTER -51

"I hate when she is too friendly with other guys"

Rainer chu balcony ah thil ngaihtuah nei niawm takin amah chauh in a dak vung vung leh tawh a, ka ko te a nih ngawt lo chuan tumah in an va hnaih duh tawh lo.

A ban a tliaka, hliam na tak tak a nei bawk mahse chung te chu a tan chuan a na reng reng lo, Rainer ti na tur chuan Sadie leh mipa dang awmdun lai hmuh kha a tawk em em.

Hetiang hian hmeichhe lakah ngat phei chuan a la awm ngai lo.Sadie nen an chungchang engmah hre lo mah ila a lo atchilh tawh hle a ni tih a awmdan aṭang hian mimawl ber pawhin an hria ang chu.

" Thil kan ei chhuak dawn, i rawn kal ve dawn em? "

Ka thusawi hre lo ang maiin a awmdan ngai ang chuan a awm renga,mahse a hre vek a ni tih erawh ka hre reng thung.

"Hetiang anga I awm lai hian Sadie erawh hlim takin a awm ngei ang "

Sadie hming ka lam takah chuan a melh ngai melh reng chung hian a han ding ngil deuh a,ka thusawi leh tur ngaichangin a beng erawh a rawn chhi kar thung.

"I lung a leng a nih te chuan va be la ... awlsam lutuk "

Tihel deuh in ka ti kher!

Sadie leh mipa pakhat inkuah lai a hmuh aṭang khan ala nui leh lo hrim hrim, hetiang hian thil ngaihtuah ngut ngut nei niawm tak hian a melh ngai a melh ngur ngur renga, a nin zawngin midang an awm phei chuan kut a thlak nghal pawp a ni mai.

" Engvangin nge ka biak ringawt ang? "

A tawp a tawpah a rawn ṭawngchhuak ve ta!!  min chhang hmuk hmuk mahse biak in min chhang ve tawh a,a ṭha tho tho .

" I biak loh te chuan mi ã ang maiin i awm tak hi....hahh...bakah Sadie insawi fiahna te pawh ngaithla ve phawt rawh "

" khanu hming kha ka hriat theih turin sawi tawh suh "

Rainer hi chu ka hrechiang , biak duh hle mahse a chapo na hian engtik ah mah a tih tir dawn reng reng lo tih pawh kei tluka hrechiang an awm kher lovang. Hetiang hian amahin a tuar tlawk tlawk reng anga, a thinchhe em em bawk ang.

" Engpawh chu nise Nikki in restaurant ah min nghak reng tawh ... i rawn kal dawn a nih chuan ka lo nghak ang che " motor a khalh theih loh avangin ka nghah ngei ngei a ngai, chutilo chu midang in an phur ngam dawn reng reng lo.

" Ka ril a ṭam lo "

Setan leh!! hahh.... vawiin nileng in tui bak a la in lo, chutichung chuan a ril a ṭam lo a nih chu!!  ka awih a ring emawni le?

Hmangaihna hian thil a lo tih theih hi le... hetiang ang mipa rothap lutuk thinlung pawh a sawp zawi vek thei ania.

"Rawn hruai tur che in Sadie va koh kher angai em ni?"

Ngeiawm zeta tih pahin ka phone chu ka han la chhuak der vela,ka call leh duh tak tak dawn tih a hriat avangin a thinrim chuan ka jacket nghawng rawn ṭham pawp pah chuan min rawn melh khai a, engmah sawi lovin min nam sawn nghal dawrh a ,a kal nghal nal nal bawk .

A kal liam chiah tih in ka jacket siam ṭhat pah chuan ka khi nghal suk ringawt.

Awlsam lutuk....tikhan a rawn kal a ni mai lawm.

Sadie ka lam rik apianga a danglam vek ṭhin hi kei ngei pawh hian mak ka la ti, mahse thil a awlsam phah sawt a a nuam dawn phian.

Kan ṭhian dangte awm huat huat na kara awm tir ka la duh loh avangin leh hliam neuh neuh a neih avang in hahdam thei ang berin muang changin midang hnungah ka tlan pui a, a mu tlem bawk aniang seat hnung nghen ar ar pahin a maimichhing vang vang mai.

"I ban kha eng nge a an tawh? a nat chuan min rawn hrilh vat dawn nia " a rilru lak pen ka duh avangin eng eng emaw ka sawi pui lui hram hram a , amaherawhchu hre lo ang hmakin a awm leh tlat tawh.

" I party dawn em? "

" aw" a rawn ti hmuk.

Tun hnaite aṭang khan party kal a bansan hmak sia, hei pawh hi Sadie vang bawk a lo ni leh reng tawh a niang.

" Zanin phei chu hmeichhia an tam dawn teh a nia ...i duh ber ka tihpui ang che "

"Sawi tur i hriat loh chuan ngawi mai rawh "

Tih hlim ka tum bakah ka ti lui tih a hria ni maw!  ni e, a ni nen hi chuan kan in hrechiang ve bawk em a ni. Keimah ang lo taka ka awm lui vel hi a kham viau ta ve ang.

Kan tlan muan deuh bik avangin midang ho chuan parking lot ah min lo nghak ṭhap tawh a, Nikki pawh an zingah alo awm ve bawk.

Kan ṭhian ho hi midang kan an lohna chu khawi hmunah pawh kal dawn ila kan in hrilh hmasak loh leh in nghah khawm hi kan tum hram hram ṭhin ,ṭhian ho nilo in chhungkua kan ni zawng mah aniang chu.

" Hey... " car aṭanga ka chhuah rual rual in Nikki chuan min lo kuah nghal a, Rainer best friend mah nise an mizia hi a in ep thawk.

" Hna thar i nei ta bawka kan chhuah ho lohna a rei ta hle mai " ka lo ti nghal zung zung bawk.

Chutia kan titi khawm nak nak lai chuan tum loh deuhin kan awmna aṭanga hla vak lo ah Sadie ka va hmu hlawl mai!! engvanga helai hmun kher kher a rawn kal nge maw a nih le?

Rang takin Rainer ka va melh nghal vat a, vanneih thlak lutuk in a hmu ve lo hlauh, Sadie pawhin min rawn hmu bik lo.

Sadie chauh nilo in mipa pakhat ka la hmuh ngai pawh nilo hian a rawn zui tel ve a ni tih ka hmu lehzel bawk nen Rainer an a va hmu leh ang tih ka hlau takzet.

Mahse ngawi lawh teh!!  Sawpa sawn Sadie duh lo chung biak luih emaw khawi hmun ah emaw hruai luih a tum niin a lang.

" kal ang u "

Rainer an a hmuh ka hlau avangin ka ti nghal zung zung ringawt. Chumaibakah sawpa saw Sadie hmelhriat a ni tih an awmdan aṭanga a hriat nghal vek avangin thil lian tham a nih ka ring lo,a bialpa te pawh a lo nimai thei asin .

"Ni e kan kim chuan lut ila "

Nikki in a tih chuan kan ril a ṭam hlawm tawh bawk a niang tumahin hmun danga kal hmasak an rawt lo.

Inchhungah luh tuma kan in zui dam dam lai chuan ring zet hian chupa chuan Sadie hming a rawn lam ta mai!!  Rainer tan chuan hai der theih a ni lo. Kan vai mai chuan Sadie te awmna lam chu ka hawi phei nghal ṭhap bawk.

" Derek min thlah rawh "

Chupa chuan a ban ah a man beh tlat avangin Sadie chu tal chhuah tumin a lo ṭang ve mek a , engtin nge Rainer a awm tih hriat tumin rang lutuk in ka va melh nghal vat bawk.

Ka rin ang ngeiin a thinrimna te chu a lo sosang leh tawh ngang mai , tuna a awm dan hi han en ringawt pawh hian engmah pawisak a nei tawh lo a ni tih a hriat theih.

Rainer an Sadie te lam a pan nghal hmak avang chuan midang ho chu mak ti takin an in en ha hlawm a, kan hlauthawng tlang angiang a hnungah kan zui nghal huk bawk.

" Thlah rawh "

Hnek nghal lova warning a pe hmasa ringawt pawh hi thil mak a tling , Sadie mitmei a ven ve deuh vang te pawh a ni mahna.

" Ngangpa bawk chu " Chupa chuan cho zet hian a lo ti let ve nghal at, ṭhelh an ngai ngei dawn a ni tih hai rual a ni lo.

" lo in rawlh ve suh "

Chupa bawk chuan a rawn ti nawn leh ngat a, Sadie lah a thlah duh der lo lehnghal! chutah zet zawng Rainer thinchhiat lai leh thinrim lai a lo ni lehzel bawk nen khawih a tum ta mai!! a che rang lutuk a tumahin kan dang hman lo, chupa hmaiah tak chuan a kut veilam chuan a hnek dak ta awrh mai.

" Rainer khawih tawh suh "

Rang takin Sadie chu a rawn in rawlh nghal zat!

Rainer alo dan avang hian an vai mai chuan mak an ti in a â a nih te pawh an ring hman hial ang mahse keichuan a tan a hlauhawm zia hre reng chung pawha hetiang a ti ngam hi hmeichhe huaisen tak a ni in ka hria. Rainer an alo atchilh nachhan pawh zawh buai ka ngai ta lo a lo danglam bik em a nih hi.Hmeichhe tamtak tih ngam loh a ti ngam tlat.

Khawih luih a tum tlat avangin Sadie bawk chuan khur dar dar chung in Rainer melh chho kar pah hian , "Rainer... min en rawh, ka mit ah hian en rawh " a han ti leh a, kan vai mai chuan kan lo ngawi dak hlawm .

Sadie pawh hian a thinrim lai hi chuan a hlau ve tho mahse dan tumin a huaisenna zawng zawng a sawm khawm a, kan ngaisang letling zawk a chhan chu in hriat angin tumah hi Rainer va hnaih ngam pawh kan awm loh hi .

" Keimah chauh min en rawh " thuawih takin Rainer chuan a melh chhuk run a, second tlemte an in melh vang vang hnu chuan mak tak maiin Rainer chuan a kut hum ruh sa vek tawh chu a thlah thla ta riai riai mai!!

Kei ngei pawhin ka thil hmuh lai hi ka awih thei lo, khati khawp khan a thin a rim a , a thinchhiat zia leh insum a harsat zia pawh ka hre vek chutih lai kara hmeichhia lehnghal a dar pawh chen lo hian a mitmeng hmang lekin a bengdai thei amaw!! engtin tehhrep nge maw a tih bik ni?

Chutia chet nachang pawh hre lova kan thlir ṭhap lai chuan engmah sawi lovin Rainer chu a kal nghal nal nal a, ka zui nghal avangin midang pawhin min rawn zui ve nghal vat bawk.

Parking lot kan thlen phei rual chuan car chung ben rik ṭhuai pah hian, " Khanu kha tu mipa mahin an hnaih tur a ni lo " a ti vin nghal hluk ringawt .

An vai mai chuan mak ti takin Rainer chu an en ha hlawm a, a awmdan avang khan Sadie a duh a ni tih chu tu tan pawh hriatthiam loh ngaihna a awm lo .Rin loh lutuk maia Rainer ber kher hmangaihna a a tluk luh tak avang hian an hamhaih hlawm hle bawk.

Rainer chu Nikki car ah a luh daih avangin midang ho pawh chu an car ah an lut sap sap hlawm a ,kei erawh Rainer an 'va thlah rawh' tih melh a min rawn melh avangin Sadie ka thlah phawt angai.

Khati khawpa rei Amira in a tihbuai chung pawh khan kawng laiah pawh nise a kalsan hmak hmak a, vawikhat pawh Amira thlah tur in emaw pui turin min la ti ngai lo mahse Sadie erawh a thinrim ber lai pawhin a ngaihtuah em em tho a nih hi .

"kal ila... " Nikki chuan a rawn ti sap a.

"kan va thlah phawt ange " ka tih takah chuan ka sawi awmzia a hre nghal.

" thil thleng kha a mak takzet rin phak bak a ni .... urghh... engpawh chu nise Rainer chu keiman ka lo buaipui vek mai ang " a lu thing nar nar pahin min rawn nuih suk a, a car ah a lut nghal a kei erawh Sadie zawng turin ka let lehnghal.

"Ka thlah ang che"

Zawn pawh ngai lovin ka va hmu nghal, a hma a ka lo thlah tawh vang nge ni min rawn hmuh rual chuan min rawn nuih nghal ver ver mai.

" Ngatinge min thlah leh i tum? "

Zawhna khirh tak tak hi min zawt a, Rainer an thlah rawh a ti ka ti thei ngawt bik si lo. Bakah a hma pawh khan Rainer an hruai haw turin min ti tawh a, him taka thlah haw hi ka tih turah ka ngai hmiah.

" khapa kha a rawn let leh palh ang "

Boruak rit lutuk tur tih ziaawm nan kan han uang vela, a lo nui leh ver ver tawh.A hlim lo a ni tih hriat reng chung pawha hetiang anga min rawn nuih ver ver tawh hi chuan a nelawm in a duhawm takzet.

" A hma in mipa dang pahnih chuan tunah mipa dang leh bawk "

Car a luh pah chuan ka zawt a, bialpa a lo nei chiah em tih hi hriat vek ka duh, a hma mite pahnih kha chu Rainer hriat sual liau liau an nia tuna mi pawh hi a bialpa a nih loh vek chuan a hre sual leh bawk a niang.

" ni e... insawifiah tur pawhin ka thusawi a ngaithla duh bawk si lo "
A kawchhung tawt lutuk chu a han thaw chhuak hak hak a chutichung pawh chuan hlim hmel a pu lui hram hram reng tho.

"anih chuan vau mai rawh " a nui chhuak hak ringawt.

"i lo hmu em a mit te kha... ka vau zawngin min en thlu tawp thei ang chu haha.... "


(Ka luh lehna tur test leh interview pe in ka zin kual char char a ,ka duh ang pawhin ka type tam hman meuh lo ,min lo hrethiam hram hram dawn nia )

Read More

Rainer Black-50 by Remruati Bawitlung(Haylor)

CHAPTER -50

"THE OLD RAINER IS BACK"

" Tunge i nih?  ka chungah engthil nge i tih? "

Ka puan sin lai a inkhuh ṭhat mawlh mawlh pah chuan ka ti nghal tuarh tuarh a, mangan tawh nak alaiin engmah hre lo ang hmak in a bawk thlur reng a, vawikhat pawh a rawn che eih lo .

" Tho rawh tunge i nih?  khawiah nge ka awm? "

A mut thlur reng avang chuan vin tuarh tuarh pahin lukham in a hnungzangah ka vaw ta vak vak ringawt a, peihloh hmel zet hian a rawn che ṭulh ṭulh duh chauh.

" I van bengchheng tak "

Aw ki hniam leh thum zet hian a rawn ti chher chhap a, a awmdan chuan ka thin a ti rim zual hle.

" Enga!! " ka lo ti chuai raih.

Ka mipa hriat ngai pawh nilo bulah ka tho a, chutah ka chungah engthil nge a tih pawh ka hriat loh laiin bengchheng min ti amaw?!!

Thinrim hle mah ila ka hnuk a ulh ṭun tawh avangin ka ṭawngchhuak ṭha thei reng reng lo. Tun thlengin a hmel takngial pawh ka la hmu lo a, ka ngaihdan tur pawh a ngaihtuah ve miah lo a nih dawn hi.

"Engthil nge ka chungah thleng? "

Ka hlauthawng a ni tih a hre ve pawh a ni mahna khum aṭang chuan a rawn tho chhuak nghal ṭuih ṭuih a, hmelṭha in chhelo hle mahse ka hlauh deuh avangin a che vel en kar pah chuan ka inkhuhna puan chu nghet takin ka vuan ṭai a, min rawn khawih a tum a nih pawhin lukhama lo vaw nghal thei turin ka kut lehlam in lukham ka vuan ran bawk.

"Kha inha rawh "

 Tih hmuk pahin t-shirt var pakhat hi a rawn theh phei a, ka inhak duh a rin avangin min hnungchhawn zawnga din daih pahin a tshirt chu a ha nghal mawlh mawlh bawk.

" khawiah nge ka kawr a awm? " a engah mah hma in ka vin nghal em em ringawt.

"ka paih... "

Min chhan dan hmuk hmuk hi Rainer nen danglamna an nei lo, ughhh!!  engvanga ka mi hriat ngai pawh nilo hi Rainer nen ka tehkhin theih zawk?  Atthlak lutuk, a let sing chuangin Rainer a ṭha fe zawk.

" enga!!? ka paih a !!"

 Engvanga ka kawr chu paih ringawt nge a nih? Hur leh lutuk, min râwn hmasa lovin ka kawr alo paih daih avang hian ka sa nghal phat!!

" Hmela " lukham in ka vawm nghal pawp !

" Engvangin nge i paih?  engthil nge ka chungah i tih? Hmela " tih tuarh tuarh pahin lukham dang chuan ka vawm lehnghal pawp a," Tenawm lutuk...thlawk bo rawh " ka thin a rim bawk nen ṭawngkam chhe tak tak a ṭawngkhum tuarh tuarh pah chuan vawm lehna tur ka zawng kual nghal chung bawk.

Vawm lehna tur ka dap kual lai chuan khum bul dawhkan a phone chu ka ban fuh hlauh !!

"ka haw lutuk che " tih paha vawm leh ka tum lai tak chuan min rawn hmu fuh ta mai!!  Rang lutuk hian phone chu min rawn chuhsak pawp a, ka in rin hma in khumah chuan min rawn bawh bet ta thut mai!!

" Tho rawh. ..min khawih hlek suh "

Tal chhuah tumin ka leng nghal awrh awrh a,a kapah te pawh ka nghawk fuh deuh in ka hria , mahse min bawhbeh chu sawi loh a kut hrawl zetin ka ban pahnih a man beh tlat tawh avangin ka duh ang pawhin ka tal hlei thei lo.

" Che tawh suh "

" min thlah rawh.... tho rawh " Min khawih dawn emaw ka tih avangin ka mittui chu a tling nghal pum tawh a, ka mangang lutuk hi ka rilru in ka ṭawngṭai nghal mawlh mawlh bawk.

"Che tawh suh ka ti na dawn lo che " a tih pawh chuan ka tal aih aih reng a,a chak em em mai lehnghal .

"Nizanah engthil mah a thleng lo, hriatchhuah tum rawh "

Ka mit ah tak en kalh pahin min rawn vin let nghal hluk a, a aia na in ka ban rek ah a hmer vang vang bawk .

Chutia a tih takah chuan ka tal tawp chawt ringawt! Tal leh tur pawhin tha ka nei tawh lo

" Hmela ni lovin ka hming chu Ruben a ni chuan i kawr ka paih nachhan chu mipa pakhat in a luah khum che avangin...."

" mah... mahse engvangin nge kawr i hak loh? " ka tih rual chuan ka chung atangin a tho nghal vat a, ka kut a hmer na a thlah rualin a na nghal vang vang mai.

Ngawi rengin nichina a t-shirt min rawn pek amah vawm nana ka hman tak chuata let bal chu chhar in ka hmuh theih tur hian a rawn pharh a, "Beer-a min thehhuh lai kha i hre tawh lo a ni tih min hrilh suh "

Ka hrechhuak thei tawh lo tih melh hian ka lo melh ha a, mahse mumang ang maiin ka hre deuh ruai ruai thung.

" Ngaihtuah chhuah tum rawh mipa pakhat in khawih a tum che a ka rawn chhanchhuak che a nih kha....  nangmah vangin pawn aṭangin ka ṭhianten min kalh khum lehnghal, he room ah hian ka duh reng vanga riak ka ni bik lo "

A sawi zel takah chuan ka chet theih tawh loh avanga mipa pakhat dum zet in inchung lamah min put chhoh lai te, ka duh lo chung min khawih a tum lai te, min luah khum lai te leh mipa pakhat in min rawn chhan lai te thleng chuan ka hrechhuak nghal uarh uarh a, beer-a ka theh lai erawh ka hrechhuak thei tawh lo thung.

Ka mal leh ban vel a rawl ṭhum nachhan hi mipa pakhat in min khawih a tum avanga ka tal na vang alo nih dawn hi.

" Anih chuan engmah a thleng miah lo amaw? " lawm ru tak si hian ka ti sap a.

" Aw... kha heihi ha hrih rawh, kawngka hawn dan tur kan ngahtuah dawn nia "

A t-shirt bawk kha min rawn pe leh a, tunah zet chuan phur takin ka lo la vat tawh.  A chungah thinrim a hnekin engtin mah min tih loh chu sawi loh min chhanchhuah avang khan a hnena lawmthu sawi ka ba tawh zawk.

Ka inhak lai chuan bang lam a hawi daih a, hur leh tenawm tih vela ka lo ṭawngkhum avang khan ka inchhir leh hnuhnawh.

"Ka tihpalh.... chuan ka lawm takzet " ka zah ve deuh avangin zawi sap hian ka va ti dek dek a, a khi deuh suk a ni tih ka hre thei.

" Khatiang ang em em a i ruih kha chuan a hlauhawm a nia " Hahh.... ka rui emaw a lo ti a ni maw!  zu farkhat pawh ka in tawp si lo.

"ka rui reng reng .... " ka tih laia kawngka rawn beng dawt dawt ri ka hriat rual chuan ka phu nghal zawk!!

 Rawn ben mai pawh duhtawk lova an rawn tlawh tak chawrh chawrh avang chuan mak tih hmel taka in en pahin ka ṭhutna aṭang chuan ka tho chhuak nghal.

" Rawn hawn an tum a niang...a ṭhat hlauh hi " tih sup pahin kawngka lam chu a pan nghal vat a, tukverh aṭanga chhuah a ngaih hma a an rawn hawn avang chuan ka lo lawm ru hle.

" An hawng thei lo aniang "

Va puih tuma ka thawh rual chuan kawngka chu an rawn tlawh hawng nghal ṭhuai mai !! chutah tum loh lutuk maiin Rainer ka va hmu thut bawk a , ramhuai hmu ang maiin ka lo meng phawk nghal kawk ringawt !! Amah chauh nilo in Amira leh Declan te pawh an tel!!

" Rainer.... " ka ti sap thei chauh.

A hma ai zawngin a meng rum emaw tih mai tur a ni, mipa dang nen min rawn hmuh thut bakah a tshirt ka lo ha lehzel bawk nen mak ti hmel te pawh a pu mahse min rawn melh dan erawh a hlauhawm in a thinrim hle a ni tih hai rual a ni lo.

"Tute nge in nih? "

Reuben an a tih rual rual chuan Rainer insum zo lo chuan a hmaiah a hnek ri nghal pawp ringawt!! phawk fe a men nghal kawk pahin ka kã ka hup nghal.

" Thlah rawh " ka ti nghal tuarh a mahse ka kal hnaih ngam lo .

A ban lehlam awrh mahse a veilam in khumah a rek bet nghal chawt a!! a thin a rim tawpkhawk bawk aniang a hma ai zawngin a chak in ka hria,Reuben pawh a che hman meuh lo .

" Rainer thlah rawh "

 Ka thusawi te chu engah mah a ngai lo,hria ang pawhin a awmlo .A tawpah a thah dawn takngial avangin Declan chuan a rawn thlelh hlauh zawka, rawn ṭhelh lo phei se chuan Reuben hi a rek hlum duh ang.

" ka sawi reng kha...He mi hur nu hian mipa dang a lo kawp reng alawm " A sir aṭangin ngeiawm zet hian Amira chuan a rawn ti nghal zawt zawt a nih chu!! a rukin min rawn nuih deuh suk lehnghal!!

Ka rin lo lutuk leh ka mumang ah pawh ka la mang ngai loh thil Amira in a ti ta mai chu mak ka tiin han sawi mai tur pawh ka hre lo.

Engtin nge hetiang dawt muhlum hian min puh theih zawk?

"Tikhan i awih tawh em?  henu hi mi lehchiah leh bum hmang a nih hi "

 Amira in min tih khum piap piap lai pawhin Rainer chuan engmah a ti lo, rum zeta min rawn melh khai pah chuan a ding khawng reng a ,min lo chhan a hnekin ngawi rengin min hua a ni tih hria takin room aṭangin a chhuak nghal hmak!

Rainer an min hnungchhawn a a kal liam lai chu mittui tling pam chung hian ka en zui vawng vawng a, ka thinlung hi vih sawk sawk ang mai hian a rawn na nghal zawk zawk bawk.

Eng thil nge thleng tih vawikhat pawh min zawh loh avang hian ka rilru a na in ka lungawi lo takzet.

" Bum hmang " A kal hma in Amira chuan min rawn ti leh kher a, Declan pawhin a zui ve nghal.

Reuben chu rawn tho chhuak nghal in a nghawng chu a tuai nghal nauh nauh a, Rainer thinrim hmel ringawt ka mitthla ah a awm avangin buaipui nachang pawh hre lovin ka ding khawng reng ringawt.

" A hnek na reuh hle mai " a tih bul bul ri te chu hre vek mah ila ka che sawn eih lo, ka la hamhaih vang te pawh a ni mahna .

" I bialpa khan I rui a ni tih hre phei se chuan a â thei ang " engah mah ngaih loh hmel zet hian a khi nghal suk a, rui anga min sawi ve ziah avang hian ka lo lungawi lo ngang mai.

" Ka rui lo... nizanah khan tui bak in ka nei lo "

Ni e, dawt ka sawi lo zu chu sawi loh tui pawh no khat bak ka in lo.

" I sawi dik.... zu rim i nam lo ,a nih chuan drugs i rui a nih chu " hriat ṭhan tawh hmel zet hian a ti sam et ringawt, mahse ka tan chuan thil liantham lutuk a ni.

" Mah... mahse tui bak ka in lo ka tih chu " ka ti let ve leh ngat, ka rui miau lova a tawp thlengin ka ṭang tlat dawn.

" Anih chuan an hrai rui che a nih chu " a rawn ti leh hram!!  mahse a thil sawi hian awmzia a nei tlat, ngaituahna pawh a ti kal thui hle.

Nizana thil thleng kha mumal takin ka hrechhuak thei tawh lova, nikhaw hrelo in ka awm thut bawk!! Anih chuan a awmzia chu tuemaw in min hrai rui tihna maw ni a!!

"Tui chu tuin nge pe che ?"

Reuben sawi a nih loh avangin kawngka lam chu kan hawi phei rual ṭhawt a, kawngka bulah inkuangkuah chung hian Declan alo ding reng chu niin.

" Amira in " Ka tih takah chuan Amira nih ka ring nghal "nizana tui min pek hnu ah khan thil dang engmah ka ei in ka in leh tawh lo hrim hrim"

Anih chuan Amira in min lo hrai rui reng amaw!!  mahse engvangin?




Amira hming a hriat rual chuan Declan chuan mak ti hmel leh awih loh hmel pawh a pu lo, a khi nghal suk ringawt.

" A thangah i awk chu a nih hi " ala ti ang deuh deuh a, heng mite hi engvanga nghal leh ngeiawm em em nge maw an nih le?  min hnem tur an ni zawk asin .

" Mahse engvangin? "

" A chiang mai alawm " tih pahin a jacket hi a rawn theh phei a, ka lo dawng chat bawk.

" Ha rawh ka thlah ang che " tih pahin a kal daih lehnghal.

A thusawi hriatthiam loh hmel zet hian a jacket chu ka ha nghal sawk sawk a, Declan nen hian kan vawikhat inbiakna chauh ni mahse ka awmna hmun hi ka hriat miau loh avangin min thlah dawn mahse ka hnial lem lo.

" ka lawm e... " Reuben chu ka hrilh nawn leh ngat a, keimah vangin hnek a tawk lehnghala ka inthiam lo takzet.

"I bialpa hi chuhpui tu i nei a ti a nih kha " ka chhuah dawnah Reuben chuan a rawn ti ringawt!!  mahse a sawi tum ka man nghal Declan thusawi ka hriatthiam loh kha a rawn sawifiah a ni.

" midang ring lutuk suh ang che" rawn tih leh zeuh pahin min rawn bye bye a, ka mi hriat ngai pawh nilo in hetiang thil min hrilh avang hian mak ka ti hle.

Mahse!!  a awm tho e, thil hi ka man lo thei em alawm!   Amira in dawt a min puh nachhan kha tudang vang nilo in Rainer vang a ni tih hi engvanga hre miah lo nge ka nih! ? atthlak lutuk.

Kawng tluanin Declan nen kan inbe lo hrim hrim ,Rainer nen an inkawm nachhan pawh ka hrethiam nghal mai an mizia alo in ang em a nih hi.

" ka lawm e... " tih pahin ka seatbelt chu ka phelh nghal rawk rawk a, kan in kawt thleng min thlah thlap avang hian fel ka ti ru hle bawk.

" Declan... " ka chhuah dawn chuan a hming ngeiin ka ko thlap a.

" Engvanga min thlah nge i nih? "

Kan in nel lova kan inbe ngai bawk hek lo,hetianga ka chunga ṭhat a chhuah thut nachhan leh min thlah nachhan hi hriat hrim hrim ka duh.

" Min zawh ka ring renga... "a khi deuh suk ,"Rainer an thlah tur che in min tih vang a ni" a tih rual chuan ka meng phawk leh nghal kawk tawh.

"a nih chu " tih bak sawi tur ka hre lo, ngawi rengin kawngkhar chu ka khar khap a, a tlan liam lai chu ka en zui vung vung ringawt.

Inchhung ka luh rual rual chuan Braydon an min lo melh Salla leh tun tawh!!  nizan zet zawng min man chiang viau ang.

" Khawiah nge i kawr ? kha kha tu kawr nge?  Nizanah khawiah nge i riah? " a lo ti nghal zung zung a, a thinrim hmel em em lehnghal.

Ngatinge mi zawng zawng hi ka chungah an thinrim tak vek mai le? ka kham tawh takzet.

"ka. . .ughh... "

"Engvangin nge engmah min hrilh loh? "

Dawt sawi ka duh loh rual rual in thudik ka hrilh chuan a thinrim dawn bawk si, chutah Amira chungchang ka hrilh leh ngat phei chuan min ring dawn lo chiang sa.

" Ih... englo "

" Sadie... i va rei ve, ka nghak rei tawh lutuk che " Ka insawifiah hma in Nolan a rawn lut hlauh mahse engvanga rawn kal thut nge maw a nih le?

Ka û in Nolan a hmuh rual chuan an in Hi five nghal a, Braydon thinrim lai pawh a nui nghal sung mai lawm.

"ka tihpalh takzet ... nizanah Sadie nen project kan buaipui tlaivar a, chemical in a kawr a ei chhe lehnghal a heihi ka rawn hak tir ta mai a nih hi... E chuan...phone battery a low avangin kan rawn hrilh thei lo che a, pawi ka ti takzet "

Nolan an nal tak leh awihawm lutuk tak maia dawt a sawi lai chuan mak ti takin ka lo melh ha ringawt, sawi zawm tur pawh ka hre mai lo.

" nia... " za lo zeta nuih suk pahin Nolan chu ka kawk ta ringawt a, Nolan sawi a nih vang nge ka û pawhin a awih kher mai.

" a lehpek ah chuan min rawn hrilh tawh ang che ...project pawh nise " ka chalah a fawp nghal zeuh a, " han inthlak la breakfast pawh ka peih fel tawh " tih pahin kitchen lam a pan nghal a.

" Nolan... eng nge awmzia? "

" nakinah lawmthu min hrilh dawn nia mahse a lehpek a awm tawh lo ang " ka khi nghal sek a, thihna ata min rawn chhanchhuak nimai hian ka hria .

" mahse i va rawn kal hma ve "

" Niminah note i la si lova.... kha heihi la rawh " note thar vek nizana a ziah tih hriat reng hi min rawn pe a.

" ka lawm e... " kuah zeuh pahin note chu ka la a, inchungah inthlak turin ka tlan chho nghal a.

__________________________________________

★Declan's POV★

Kan ṭhian ho kan awm khawm nuk nuk lai chuan kan hlat deuh takah tukverh melh vung vung pahin Rainer chu amah chauh hian a ṭhu run a, rilru mawlh tu nei niawm takin a melh ngai a melh vung vung bawk.

" Rainer rawn kal rawh " midang in an han ko ṭhin tak na in hria ang pawhin a awm lo.

Tun thla reilo te chunga Rainer mizia inthlak danglam dan chungchang hi kan ṭhian ho ti ti tam ber pawh a ni reng a , a nelawm sawt in a nui tam sawt em em a mahse nimin thilthu ah a inthlak danglam lehnghal vek bawk.

Heng a chunga thil thleng zawng zawng te hi midang in hrelo mahse kei chuan chiang takin Sadie a ni tih ka hria.

Rainer hian Sadie hi a thinlung zawng zawng in a hmangaih tawh a, awlsam takin a move on mai mai dawn lo tih pawh kei tluka hre chiang an awm lo.

Hmeichhia hi kawp nual tawh mahse hetiang ang em em a vei leh thlak danglam tu hi an la awm ngai lo, tunah chuan mi luhlul leh rothap engmah ngaihtuah ngai lo hlimna chu Sadie kutah chiah a awm ta. Party , games leh engmah in a ti hlim zo tawh lo , tisawn a awm ngawt ngawt tawh mai a nih saw .

" Tinge Rainer saw? " Sam chuan a rawn ti sa sa a.

" Tibuai suh u... in thil tih lai kha ti mai mai rawh u " tiin ka lo hrilh nghal vat, a chhan chu a va tibuai a nih vaih chuan thil thleng tur hi a hriat lawk loh.

" A hlim viau emaw tih laiin artui chhung mu pawh sehkeh zo tawh lo ang maiin a awm leh tak saw " Shane chuan fiamthu titak deuh hian a rawn ti a,mahse Rainer ber tianga a awm tawh saw chuan midang pawh kan hlim thei tak tak tawh lo.

" Aiah... " ti tuarh ri kan hriat rual chuan Rainer lam chu kan hawiphei ṭhap hlawm a, Ashton chu chhuatah alo zal der tawh Rainer erawh mitthi sun ang maiin tum hmuk chungin room a chhuahsan daih thung.

" i ṭha maw? " Ashton chu kan va buaipui nghal vata, Rainer a va tibuai anga, a ni thinrim tuar lo in a lo khawih tih hriat reng reng.

" Video games khelh pui turin sawm ka tum mai ania... ka ban hi a na lutuk khawih suh u"

Ashton pawh hi mi tawrhchhel tak a ni mahse Rainer'n a khawih meuh chuan a mittui a tling pam mai alawm, tiang khawp chuan a kutthlak a na.

" Hepa hian eng nge maw a hriat le? " an phun nak nak hlawm a.

" The old Rainer is back " Danny an a tih chuan chil lem dak pahin kan en ṭhap hlawm a.

Ni e, Rainer kan hriat ṭhin kha a rawn let leh tawh mahse a hma aiin a tawrh hlelhawm fe zawk a ni tih hi hre tel bawk se ka duh.

(Chhiar zawh veleh fakna khu aw )

Read More

Rainer Black -49 by Remruati Bawitlung(Haylor)

CHAPTER -49

"Becoming a cold hearted motherfucker wasn't really what I planned to do with my life but here I am"

Ka rilru a hah em avangin class a lecture pawh ka ngaithla mumal thei lova Rainer thinrim lutuk hmel ringawt kha ka mitthla ah a rawn lang nawn tluk tluk a dawt ka lo hrilh ta kher kher kha ka inchhir takzet.

Class a zawh veleh Rainer te ṭhian ho awmna ṭhin room lam chu ka pan nghal chat a, chutah chuan a awm ring chiah lo mah ila a ṭhian ten a awmna an hriat ka beisei vang a ni.

Room chhungah lut ngam chiah si lovin pawn aṭanga ka lo thlek dek dek lai chuan Chelsea in min rawn ko ta thut mai!!  ka phu chiang teh e.

" Eng nge hetah i tih? "

" I ṭawng ring lutuk " tih pahin midang in min rawn hmuh ka hlauh avangin ka tlan chhe nghal hlawk hlawk a, ka hnungah Chelsea leh Kaitlyn te chuan min rawn umzui ve nghal dawr dawr bawk.

" Sadie... "

Kaitlyn chuan min rawn pawt ding ta ringawt a, kan vai mai chuan kan hah lutuk chu thaw hlawp hlawp chungin kan han ding leh rih a.

" I va hlauhthawn hmel ve, Rainer nen in in kar a ṭha maw? "

Chelsea hian thil a hre thei ngawt mai min rawn zawt leh nghal chat tawh!!

" Hey!!  dawt sawi tum suh aw... Rainer te ṭhian ho awm ṭhina room a ni tih kan hre ve tho a nia "a rawn ti zui leh zat bawk.

" ni e... hmanni in chhuahdun aṭang khan engmah i la rawn sawi leh miah lo ania " Kaitlyn pawh chuan a lo ti ve nghal bawk a, hrilh vek duh hle mah ila han sawi ṭan mai dan tur pawh ka hre lo.

" Ih... "

Ka tih zawng ringawt pawh a mangang lutuk hmel hi an hai bik ka ring lo.

" Sawi vat vat rawh "

Chelsea chuan midang awmloh na laiah min pawt phei nghal dawr dawr a, a ni hi chu a hmanhmawh ṭhin lutuk a thil hi a ti nghal chung chung zel.

" Rainer an Nolan nen kan inkuah lai min hmu "

" Enga !!?" hrehawm ka tih tawh sa nak alaiin mak tih hmel zet hian an rawn ti rual ṭhawt lehnghal.

"In inkar ah engmah a awm loh thu i hrilh lo em ni? "

" Lo ṭawng suh u... ka sawi dawn alawm " min ṭawng khalh zel avangin ka lo ti vin nghal tun a.

Nolan nen a kan inkar chungchang te, a nu damloh chungchang te leh Rainer nen kan in tih thiamloh dan te chu chipchiar deuh in ka hrilh nghal vek a, ka sawi zawng te chuan an lo ner nasa mai, ka thiamloh ah an puh vek lehnghal .

" Chutiang chuan Nolan an a ti che maw?!! Anih chuan Rainer inah ngaihdam va dil la... alo be duh mial maithei che asin " Chelsea tak hi chu ngaihdan mak pui pui hi a rawn ngaihtuah chhuak ziah.

"nilo.... alo hmuh hniam phah zawk ang che, hun thawl pe la nakinah in la sawi ṭha leh zawk dawn nia "

Nolan sawi ang chiahin Kaitlyn pawh chuan a rawn ti ve leh chiah bawk .Engpawh chu nise Rainer ber hmuh tur a awm miau loh avangin haw vat ila a ṭha zawk, Nolan leh Kaitlyn te sawi ang takin zanin nghak phawt ila naktuk ah tha tharin biak leh ka tum zawk mai ang.

____________________________________________

★A tuk★

Vawiin nilengin Rainer hmuh tur reng reng a awm lova, a awmna ṭhin chu sawiloh a car takngial pawh hmuh tur a awm lo.

Nizan zankhua deuh thaw in ka insawifiah dan tur ka ngaihtuah na lamah mut pawh ka mu thei lova , vawiin ah lah nileng in ka ngaihtuah bang chuang lo ,kan inkar hi a fel hma loh chuan ka engtih mah a tui thei tawh lo chu a nih hi .

"Sadie... I kal tawh dawn em ni? "

 Note pawh la lovin nidang zawng aia hma ah haw daih ka tum avangin Nolan chuan min rawn zawt nghal vat a, a ngaih a ṭhat loh hmel em em lehnghal.

" umm... " ka lo bu nghat ringawt.

"Note pawh i la si lova ,library ah tal i kal dawn lo em ni ?"

"aw... vawiin chu ka kal lovang " ka lo ti chuai raih a.

" Rainer nen in in be tawh em? "

Ka hmel a ngui bawk aniang min rawn zawt lehnghal chat tawh, mahse keimah ai mahin hrehawm a tih hmel zawk in ka hria.

" Pawi ka ti lutuk... keimah vang vek a nih kha "

" Hey!!  tikhan han ti leh na teh " tih pahin ka nui lui nghal ver ver a, min ngaihtuah hmel takin min lo en reng thung.

" ka thlah ang che... "

" nilo... vawiin chu keimah a haw ka duh "

"nangmah chauh chuan a him lo "

" Nolan... min ngaihtuah suh, ka tih ngai loh dan pawh a ni hleinem "

Ka lo tih ve tlat avangin leh a nu bul a kal vat a ngaih avangin min nawr lui duh ta bik lo. A nihna takah chuan Rainer in a kal ka duh avanga keimah a haw tum ka ni zawk mah.

Rainer flat ka thlen dawn chuan min lo zawn loh nan kan ṭhian ho group ah ,*'ka haw tawh a nia '* tih ringawt hi ka va thawn a, hetia ka tih loh chuan min lo nghak leh char char palh ang.

"Sadie... i ti thei em em ang " tiin keimah leh keimah ka infuih phur chawp a, Rainer thinrim lai han hmachhawn ringawt pawh hi thil namai a ni lo, indo na a kal tur ang maiin ka hreh em em ringawt.

Hrehtak chungin ka bag hmer ngar ngar pah chuan chhawng chung ber lam panin elevator ah chuan ka chhuang chho vang vang a, ka thlen san pauh leh ka thinphu a rang ting tawh mai.

Elevator a rawn in hawn hnu phei chuan ka hlauthawng lutuk hi ka thaw deuh hak hak reng tawh a, Rainer a mitmeng rum lutuk leh nelawm loh zet mai hmachhawn tur hian ka inring tawk chiah em tih pawh ka chiang leh tawh lo.

Ka huaisenna zawng zawng sawmkhawm in leh inhum ruh ṭun chungin elevator aṭang chuan ka pen chhuak chhat chhat a, tunah ngat phei hi chuan ka thaw dep dep tawh.

Thil ti sual tu zawk nih hi chuan kan ṭi duk zel mai chu a nih hi.

Ka insawi fiah dan tur ngaihtuah mawlh mawlh pahin corridor ah chuan ka phei zel a mahse doorbell ka hmeh hnu ah pawh tuman an rawn hawng lo.

A vawihnih nan ka han hmet nawn leh a chutah pawh chuan thawm pakhat pawh hriat tur awm lovin a reh ruih reng ringawt.

" a awm lo emawni le? "

Phun sup pahin bang ngheng chung hian ka ding awn laih renga, darkar 1 ka nghah hnu ah phei chuan chhuatah bang ngheng chung hian ka ṭhu ta ringawt a ,reh ruih reng mahse a rawn haw vat beisei in ka la ṭhu ve ngat ngat reng tho.

" khawiah nge a kal ang le? "

Ka sana chu ka bih deuh chhen tawh a, darkar hnih chu ka nghak tling der tawh mahse Rainer thawm reng reng hriat tur ala awm chuang lo.

Chutia chhuata ṭhu chunga a rawn haw pawh ka beisei tawh lo hnu chuan elevator a rawn in hawng ri rang a!! ka lawm lutuk hi nuih ver ver pahin ka hawi chhuak nghal vat bawk mahse Rainer pen thawn a ni ta hauh lo hmeichhe pheikhawk sang bun ri tlek tlek ri a ni ta daih zawk a, chunu chu tudang nilovin Amira ngei a ni bawk .

" Sadie... !!"

Min rawn hmuh rual chuan ka ding nghal zawt a, a ni pawh a menphawk danah hian min rawn hmuh a inring bik lo aniang.

" Eng nge hetah i tih? " chu zawhna chu ka zawh tur awm zawk tak a ni in ka hria.

"umm.... " mahse engmah ka sawi chhuak leh thei tawh lo,ka dang a awk nghal vek ringawt.

" Rainer i nghak em ni? " a rawn tih leh chuan ka lo bu nghat a, a hma aiin mak a tih hmel zual sauh bawk.

"nang? " ka zawt chak tawh bawka ka zawt ve ta alawm.

" Hetah Rainer a awm hleinem party na ah a kal daih alawm...eng chungchangah nge hmuh i duh a ?"

"project chungchang mai mai mawle "ka ti ringawt a, a awih loh hmel ngang mai !! mahse hetiang thil mimal lutuk hi in zawh ngai pawh a ni lo .

" I hmanhmawh chuan i rawn kal ve thei alawm keipawh ka kal dawn chiah asin "

Fel hle mahse ngaihṭhat thlak loh zet hian min rawn nuih ver ver renga, zui ka duh bik lo amaherawhchu Rainer hmuh ka duh em avang leh party na a a awm ngei ka rin avangin ka lo bu nghat a, zui ve chu ka rem ti nghal bawk.

Amira car -a ka luh rual chuan ka sana chu ka zuk thlek zeuh a, a rei berah darkar khat pawh tling lo ka hmu zawk anga ka haw leh vat ang ka ti rilru melh melh reng a. Ka û in min man chhuah ka duh bik loh avangin reilo te tak tak bak ka awm lo ang.

"Braydon a dam maw? tunlai chu ka hmu ngai meuh lo "

A hma ang bawkin nelawm zet hian min rawn nuih sek pahin a rawn ti siam siam a, Ka û chungchang mah nise Rainer chungchang min zawh loh chhung chuan ka lawm tho tho.

" A dam ṭha ...University ah a lut tawh lo a "

" a nih chu... engpawh chu nise a dam ṭhat chuan a lawmawm a nih chu "

Thil eng eng emaw sawiin a nui deuh har har renga, a fiamthu thawh rualin za lo zet hian ka lo nuihpui ve suk suk ringawt. A awmdan aṭang hian Braydon lakah rilru put hmang danglam a nei tawh lo a ni tih a hriat hle bawk.

Party na hmun kan thlen chuan ka rin ang ngeiin frat party alo ni leh ngei tawh a, a ngai te bawkin boruak a rit nghal em em bawk.

"hawh lut ang... nuam han tawl ang hmiang"

Tih pahin inchhungah chuan min kai lut nghal dawr dawr a, midang lamna kara kan va in hnawh phei tawt tawt lai te chuan a rukin Rainer ka zawng deuh renga mahse mi an tam bawka han zawn hmuh nghal mai chu thil awlai lo tak a ni .

" Hetah hian lo ṭhu rawh Rainer pawh a rawn kal ṭep tawh ang " tih pahin a bo nghal daih ringawt .

Amira min kawh hmuhna couch ah chuan buk nghat pahin ka ṭhu nghal a, light phe zawk zawk karah te chuan ka hawi kual hrek hrek reng a, hepa hi khawih ber hian nge a awm tak ang ?

Rei pawh ka ṭhut hma in Amira bawk chu plastic no sen pahnih nen hian a rawn lang leh a, " Sadie... beer nge tui i duh? "

" Tui ka lo in zawk ange? " Party tura kal ka nih loh avangin zu farkhat pawh lem ka tum lo.

" ka ring rengah " nuih sek pahin tui zawk chu min rawn pe a, ka in zawh meuh chuan ka dang ro lutuk pawh kha a zia deuh in ka hria .

Amira a bo leh tak hmiah avang chuan keimah ngeiin Rainer chu zawn ka tum ta ringawt a, hetia ṭhu chunga lo nghah ringawt hian awmzia a nei lo.

Mipui lam leh ri hut hut karah chuan ka va inhnawh phei ve leh tawt tawt a, boruak a rit bawk aniang ka lu a hai in ka khawhmuh te chu a rawn fiah lo telh telh a, hetiang boruak rit lutuk hi ka zo lo niin ka hria.

Ka lu a nat tak em avang chuan ka bula dawhkan chu ka bawh nghal rawk rawk a, ka khawhmuh fiah lo ruai mai tih fiah leh tum chuan ka han khap deuh fak fak a mahse awmzia a nei lem lo.

" i ṭha maw? " Aw thum deuh dut ka hriat rual chuan chupa chu ka rinchhan ta ringawt a, min kuah lo phei se chuan keimah pawhin ka ding thei tawh lo.

" Min pui rawh... "
Tih chiah ka sawi hman, Rainer hming sawi leh ka han tum a mahse a ri chhuak thei tawh lo, ka hriat theih zawng chu ka bul hnai vela music ri ruai ruai te leh light phe zuk zuk te chu an ni tawh .

____________________________________________

Phone vibrate chur chur ri ka hriat rual chuan ka harh chhuak hlawl a, ka lu na lutuk dawm vawng vawng pahin khum atang chuan ka ṭhu chhuak nghal hlawl bawk.

" Tunge... ?"

Meng mang lo in ka khum bula ka phone dah ri chur chur reng chu ka han ban rawk rawk a ka ban fuh theih tak si lovah chuan ka han meng fiah deuh a, ka room a ni lo tih ka hriat rual rual chuan ka harh nghal kawk ringawt!!

" ka phone a nih kha "

 Mipa aw ka hriat rual rual chuan ka mutna bul chu ka va melh phei a ka hlauh ang ngeiin mipa pakhat alo mu tak tak!!

" Lalpa leh!! " phawk fe a men nghal kawk pahin ka han in en fiah nghal vat bawk a, ka bra leh panty chauh ka lo ha tawh!!

 Khawiah nge ka kawr a awm?!! Tunge hepa hi?  Hetah hian engtin nge ka awm theih?

Sadie Morin engthil nge thleng ta hi!!

(Chhiar zawh veleh fakna khu aw )

Read More

Rainer Black-48 by Remruati Bawitlung(Haylor)

CHAPTER -48

"You know it hurts me but you do it anyway"

An in hmuhna hmun tur nia an sawi kan va thlen meuh chuan rin ang ngeiin mi 20 bawr vel chu an lo awm luih luih ngei a Declan, Shane leh Josh te chu lo sawp zawi vek tawh mahse thinrim loh hram erawh ka tum tlat thung.

Rang takin Sam leh Blake te chuan an pathum chuan an va kuah hrang nghal vat a, pahnih chauh an nih avangin an lo khawih let lem lo .

" Hmel ho min rawn khawih leh ta che u "

 Zack chuan theih leh thei lo hian a va au khum leh hram a, an rual tawh nak alaiin hmanrua an thawh lehnghal a dawih ka tih em avangin beih let chi ah pawh ka ngai lo.

" Kal ang "

 Nidanga bei let na tur phet zawng ṭhin leh ṭhiante thlavang hauh em em mai ṭhin berin kal ka rawt tak daih avang chuan ka ṭhian te ho chuan mak ti takin min rawn en ha hlawm a, Declan phei chu ka chungah a thinrim takzet a ni tih a mitmeng aṭang pawhin a hriat theih.

" Rainer... hetiang ringawt hi chuan kan kal thei lo ang " Blake chuan a rawn ti hau a , ka beih let a lo rin vang te pawh a ni mahna.

" hemi te pathum anga awm hi in duh em ni? " zawi si vin deuh hluk si hian ka chhang let a.

A nihna takah chuan pathum chauh an ni a, an hneh dawn lo a ni tih hre sa reng chung pawha an va cho lui tlat hi huai vang a nilo ,a atthlak takzet zawk.

" Kal ang u "

Declan chuan lungawi loh hmel zet hian a rawn ti ta ringawt a, ala tlawm mai lo tih ka hria mahse a beih let theih tawh miau loh avangin duhthlan tur dang a nei lo, min rawn zui mai angai.

A upa ber leh kan râwn ber Declan ber in kal a duh takah chuan tumahin an hnial ngam tawh lo, tlawm tak chung leh hrehawm ti tak chungin chumi te ho chu hnungchhawn in kal kan tum ta a mahse Roger chuan," In tlawm ta mai em ni?  nge i nu in a phal lo leh tawh zawk ?" a tih takah chuan ka ding nghal chut a, ka nu a rawn hmer tel leh kher takah chuan ka ngeng a chhun ta zak mai!!

Ding khawng reng chunga ka inhum ruh lai chu ngun takin Declan chuan min lo en ran a, ka nu hming a lan tawh hi chuan ka sa nghal phat ṭhin a ka insum thei tawh ngai lo a ni tih a hriat vang a ni.

Ka kut chu a za in a hmaia va hnek sawk sawk te chu chak hle mah ila Sadie in insual leh tawh lo tura min lo in tiam tir tawh avangin inbeng daih tum chuan ka kut ka hum ruh ṭun tawh chu ka thlah thla nghal riai riai a, min in tiam tir laia Sadie mitmengte leh a hlauthawng hmel ka mitthla rual phei hi chuan mak tak maiin ka insum theih phah tlat nia!!

Ka ṭhian ten ka beih let tawh ngei an lo beisei vek tawh lai chuan hawi pawh hawi let lovin ka kal nghal nal nal a. Sadie laka ka thutiam bawhchhiah ai chuan mualpho taka tlawm ka thlang zawk a lo nih ber hi .

" Hey!!  hmela min rawn bei let ta che, nge i nu ka mutpui hunah min rawn bei lei chauh dawn zawk ?"

Roger chuan ngeiawm zet leh min tih el zet hian a rawn ti vel pang pang a, chutah a ṭhiante nen min rawn nuih sawh vel takah chuan ka nihna ngaiah ka let leh ta!!

" A inchhir viau ang le " Sam chuan alo ti zui sap bawk.

Vawikhat pawh inngaihtuah nawn lovin leh an tam leh tam loh pawh ngaihtuah hmasa lovin Roger chu ka va bawh thlu nghal tawp a, ka hnek nghal bawrh bawrh takah chuan an vai mai chuan min rawn bawh rawn nghal huk bawk a ,hneh dawn loh mah ila nui leh ngam tawh lo tur khawpa a ha ka hnek bal vek chuan ka duhtawk tho tho.

Ka ṭhian te pawhin min rawn pui tho mahse hmanrua an thawh miau avangin duh ang pawhin a beih let hleih theih loh, mi 10 vel in min vuak rawn nimai hian ka hria.

Rei pawh ka in beih hma chuan police siren a rawn ri nghal vung vung a, ṭhenkhat tlanchhe hman mahse a tam zawk erawh an man hman thung.

___________________________________________

★HOSPITAL★

Min sawisak nat deuh bakah ka ban veilam ruh (upper arm) min vuak tliah sak lehnghal a, ka ban puam ah thir an phum avang leh hliam tenau ṭhui tur neuh neuh kan neih nual hlawm avangin darkar thum vel chu damdawiin ah hian kan awm tawh.

Josh phei chu a inhliam nasat deuh hlek avangin an admit nghal a, midang erawhin admit ngai khawpa hliam liantham kan nei lo thung.

Ka dar dinglam hliam an ṭhui zawh hnu chuan Josh a awmna cabin lam chu ka pan nghal a, kan ṭhian dangte ho pawh an lo kim thawkhat hle.

" Buddy....kha i ban rek tliak a dam deuh chauh a I ban I awrh lehnghal a ni maw? "

 Jonny an min hmuh rual chuan min rawn fiam nghal a, intih buaina a tel ho chu kan hmai a dukin a vung lak hlawma nuih te pawh an ti za zawk.

" Roger pawh a ha hmai i hnek bal a tunah damdawiin ah a awm ve mek " Shane an a tih chuan kan nui nghal ham ham hlawm a, a damlo ber Josh nuih a za hlei hlei .

" tuin nge Police call? " Declan chuan thutak deuh hian a rawn ti chhuak hlawl a.

" Ele... keimah, message ka dawn rual khan in hneh dawn lo tih ka hria a ka report nghal alawm "

Jonny chuan a lo ti sam et a ,a report dan erawh sawi lo mahse Roger te ṭhian ho chauh an man danah a report thiam hle a nih dawn hi.

Kan awm luih luih avangin Nurse in cabin aṭang chuan min hnawhchhuak diak hlawm a, eng ang pawhin hliam in sawisak rawn ni mah ila kan awm khawm tawh hi chuan fiamthu nan bak kan hmang ngai lo.

Motor ka khalh theih loh avangin Declan an min thlah dawn a, ala thinrim reng pawh a ni mahna kan la inbe leh lo.

"I ban kha a na em? "

 Amah aia ka hliam nasat tak avang hian a inthiam loh hmel hle .

" aw "

Tawi hle mahse nidanga ka ṭawng dan ang tho a nih avangin a khi nghal suk a, ka dar na lai taka a rawn ben thuk rual chuan ka lo ner nghal sawk.

" a na " ka lo ti vin nghal hlur bawk.

" ka tih palh... I nu chungchang a rawn sawi khan engvanga bei let lo nge i nih? "

Min zawh kha ka ring rengah mahse Sadie laka ka thuthiam ka hlen loh zia min hriatchhuah tir zawka ka in thiam loh phah hle nghe nghe.

"ka hrilh dawn lo che "

 Ka lo nuih liam puat ringawt ,engvangin nge a chhan ka hrilh tehlul ang Sadie nen kan inkar a ni tlat.

"Keini ho takngial pawhin i nu chungchang kher kher hi chu kan sawi chhuak ngam ngai lo kha a nia mahse Roger lehzel pawhin a ti thinrim zo tawh lo che a nih hi, i lo danglam ta hle mai nilo ...i lo zaidam ta khawp mai "

Mi zawng zawng in thinchhia, luhlul leh insual hrat tih hlir in min ko ṭhin , Declan chiah hi zaidam min titu awmchhun leh min ti hmasa ber tu a ni.

Hetiang anga ka danglam tak zia leh ka zaidam tak zia min hrilh chhen takah chuan Sadie ka tawn aṭanga danglam ka ni tih chu ka in pawm ve ṭan telh telh a, Sadie laka ka rilru put hmang danglam tak zia pawh ka hre chho ṭan telh telh bawk.

Chutia inhnuai lam pana kan inzui thlak lai chuan Declan'n,"Khu khu Sadie a ni em?" a tih ruala ka zuk hawi thlak nak chuan Sadie leh Nolan te inkuah lai chu ka zuk hmu ta thut mai!!

Ka nu hming an sawi rual a ka lo thinrim ve na te kha chu nep te, ka alh nghal puat thei.

" a nih khu, hawh kal ang "

 Khik suk pah hian a rawn ti leh a mahse engah mah ngai lo ang maia han kalsan daih chu ka thei ta hauh lo!

An in kuah lai chu rum zeta melh thlak ngur ngur pah chuan ka inhum ruh nghal ngawt ngawt bawk a, ka awmdan danglam nghal thut chu Declan pawhin alo hmuh hmaih bik lo.

" Rainer kal ang " a rawn ti nawn leh ngat mahse hria ang pawhin ka awm lo.

Nizan ah min duh thu min hrilh zo chiah a tunah mipa dang a kuah leh si amaw!!!  Phiangsen chuan!  Khatih hun chhung zawng khan min lo bum in lem a lo chang lek maw lo ni a!!

Tenawm lutuk!

__________________________________________

*Sadie's POV*

Lab class a zawh rual chuan rang takin Nolan an min rawn um chhuak nghal a, nidanga ka kawm ber ṭhin leh engkima ka kawppui ni ṭhin kha ka pehhel a ngai ta mai hi hrehawm ka ti takzet.

" Sadie.... "

Min rawn koh pawh chuan ka en ringawt a, rang takin ka kalsan lehnghal dawr dawr ringawt.

"Hetiang hian awm tawh lo teh " tih pahin ka hma ah tak chuan a rawn ding nghal a, a hmel pawh hi ka en ṭha duh lo.

"Ka ....ka tihpalh mahse min pehhel  tawh suh"

"Ka lakah hian eng nge i duh? "

" A hma a kan in ṭhianṭhatna kha.... Sadie a hma ang khan awm leh ang "

" kan in ṭhianṭhat na chu nang hian i ti chhia asin"

 A hma anga kan awm leh a nih chuan beiseina ka siam sak leh anga, a rilru ka ti nat sak leh tho tho dawn, Nolan rilru hi tih nat sak ka duh tawh lo.

" Ka thusawi te kha theihnghilh rawh ,engmah ka sawi lo angah ngai rawh "

"chutiang mai mai a theihnghilh awlsam a ni hleinem "

"a nih chuan theihnghilh suh bakah nang ang hmeichhe kawlh lutuk hi tu in nge duh ang ?" min rawn nuih vur vur pahin a hma a a hmaia ka ben chungchang kha fiamthu in a rawn sawi chhuak leh a, a tawp a tawp ah ka nui chhuak hak ringawt.

"I sual lutuk " tih pahin ka kuah nghal vawng vawng a, ka ṭhian ṭha tak leh ka innghahna ber hi chân ka duh bik reng reng lo, hetia kan inkar a ṭhat leh tak avang hian ka hlim takzet.

"Khawiah nge Rainer?" kan in kuah zawh chuan min rawn zawt nghal a, nuih ver ver pahin ," ka hrelo... ka ril a ṭam thil ei ang " tiin ka lo chhang nghal var a.

" Ka treat dawn miah lo che nia " a rawn ti leh a, "keipawhin ka treat dawn bik lo che " nuih dun hak hak pahin kan inzui nghal hnak hnak a.

Nolan phone a rawn rik avangin kan han ding leh rih a.

" Enga?!! " phone a lak rual rual chuan a ti nghal tuarh a, engmah a sawi belh lo a phone chu a ipte ah a dah sawk sawk a.

" Eng thil nge thleng? "

" Tunah khan ka nu a zual thut a damdawiin ah ka kal nghal vat angai.... Sadie nidangah thil chu ka ei mai dawn nia " tih leh tlan a rual nghal , a hnungah ka theihpatawp a chakin ka umzui ve nghal bawk.

" Class i la neih kha rawn kal duh suh "

" Ai... ka rawn kal ve duh alawm " ka ti ve tlat .

Engtin nge Nolan nu a ṭhat loh laiin ka lo awm mai mai theih bik ang, engpawh thleng dawn se ṭhian ṭha tak a kianga engtik lai pawha awm reng ṭhin a nei tih hi hria se ka duh.

__________________________________________

★HOSPITAL★

" Tunah chuan nachhawkna in kan chiu tawh a, a zia tawh e" Doctor in a tih chuan hnara hlit phawi ang maiin ka thaw nghal huai mai.

" Sadie...class i neih kha let leh tawh rawh keichu ka rawn let tawh hrih lo ang "

" I nu kha a ṭha ang tiraw? " keimah zawk hian hrehawm ka tiin ka lo mangan pui takzet .

" A ṭha leh mai ang.... mahse ka nu hian min mamawh a i rualin ka rawn let tawh hrih lo ang "

" aw le "

Inchhungah a luh theih loh mai bakah engmah tih theih kan neih loh avangin let leh chu a finthlak zawk bakah tuna ka class neih tur hi ka project atana class pawimawh tak alo ni lehzel bawk nen.

" lo kal rawh.... taxi awmna thleng ka va thlah ang che "

" nilo... angai lo keimah in ka kal thei "

" a nih chuan i thlen veleh min rawn hrilh dawn nia "

 A hlauthawng lutuk hmel leh a mit sen ram mai ka hmuh chuan ka khawngaih lutuk chuan ka kuah nghal vawng vawng a, tlem talin a rilru a hahdam  phah ve huai ka ring.

" Nolan... ka rawn kal leh vat ang" tiin ka thiam ang tawkin ka han hnem a, ka hnuk lah chu a ulh deuh ṭun lehnghal.

Ka phone a rawn rik rual chuan ka sam tuai chhoh phawk pahin ka phone chu ka han en nghal a, Nolan melh chhoh ha pah chuan, " Rainer a nih hi " ka ti zui sap a.

"I let leh vat angai a nih kha... kal vat vat rawh "

" aw le... "

Ka hnuk a ulh a ni tih hi hrelo se ka duh avangin thawk halh pah chuan ka pickup nghal a,min hmu dawn lo mahse ka nui lui nghal sak bawk.

" Khawiah nge i awm? "Hello pawh ka tih hma hma in a engah hma chuan a rawn ti vin nghal hluk a, ka ṭawng bah phah nghal nuaih lehnghal.

 " umm... ughhh " damdawiin ah ka awm ka tih chuan a chhan min zawt leh ngei anga chutah Nolan hi a thik ropui lehnghal engtin nge ka sawi tak ang?

" ughh... lehkhabu dawrah ka awm "

Dawt ka sawi ringawt!! thudik ka hrilh a nih chuan kan inkar a buaina chu sawiloh engmah hre lovin Nolan hi a sawisa leh duh ngei ngei dawn tih ka hriat lawk sa avangin dawt ka sawi ta ringawt a ni.

" Tu nen? "

Engvanga min zawt thut nge maw a nih le?  Dawt ka sawi nawn a ngaih phah dawn a nih hi .

"Kaitlyn nen... " ka tih zawh rual chuan maimichhing chungin ka hmui ka seh  ngawt ngawt ringawt.

" Ngatinge dawt i hrilh? "

Nolan an zawi te a a rawn ti sap rual chuan ngawi turin ka lo signal nghal vat a,a ṭawng ri a hria a nih vaih chuan buaina ka tawk nghal a ni mai.

" Anih chuan eng nge damdawiin ah i tih?"

 Enga!! Tunah khan engthil nge a sawi?

Rang lutuk in ka hawi kual nghal vat a, ka hlauhthawn ang ngeiin kan piah lawkah Rainer an rum zet hian min lo melh kur reng chu niin!!

Ramhuai hmu ang maiin ka meng phawk nghal kawk a, Rainer lah chu en mai pawh sawn a thinrim takzet a ni tih hai rual a ni lo.

" Rainer... " ka ti sap a.

Engmah sawi tur ka hre lo, han in sawifiah vak ngaihna pawh ka hre hek lo, ka ding khawng reng ringawt.

Ngawi rengin Rainer chu a kal nghal daih a, Nolan pawh ka ngaihtuah hman tawh lo ka umzui nghal dawr dawr a, ka ṭawng hria ang pawhin a awm lo hma lam panin a kal nghal nal nal ringawt .

" Rainer min ngaithla teh "

Car-a a lut tur chiah chu vanneih thlak lutuk in a jacket ah ka va pawt hman hlauh.

" min ngaithla teh " rum zetin ka mit ah tak min rawn melh chiah mai chu ka hlau bawk a niang ka thau ah min man thei.

A hmel ka hmuh zawng ringawt pawh hian biak ngam a ni lo , muang changin ka vawnna chu ka thlah thla nghal riai riai a, engmah sawi lo mahse a thinrim dan chu pui tak a ni.

Rainer thinrim lai hi ka lo hmu fo tawh ṭhin na in tun ang em em a a thinrim ang erawh hi chuan ka la hmu ngai lo.

Ka vawnna ka thlah takah chuan min hnungchhawn nghal hmak a, car ah min luhsan hmak bawk.

" Sadie... Engkim a ṭha vek tiraw? "

 Rainer a kal liam hnu lawkah Nolan pawh a rawn thleng phei vat a, sawi tur reng reng ka hre lo.

" Engtin nge ka tih tak ang? " mangang takin ka han melh ha a, " i lo hmu em a hmai te kha, a inhliam lehnghal a bula awm ka duh takzet " ka ti zui sap bawk a .

" Nolan... Rainer khan min be duh lo, ka thiam loh vek a ni, engthil nge ka tih tak hi? "

"nawr lui hrih suh hun thawl pe phawt la naktuk lamah i sawipui zawk dawn nia "

" mahse a mizia te chu i hriat kha,awlsam taka biak theih a ni dawn lo "

Ka rilru a hah in ka mangmang takzet, thinrim dawn pawh nise dawt kha lo hrilh lo tawp tur ka ni asin.

Mimawl nu engthil nge i tih tak hi?

(Chhiar zawh veleh fakna khu hmet zeuh ang u aw ...Xoxo)

Read More

Rainer Black-47 by Remruati Bawitlung(Haylor)

CHAPTER-47

"I have you and that makes me smile everytime I think about it "

" Eng nge maw ei duh i nei em?" sawi tur ka hriat loh avangin ka zawt ta ringawt a, ka in a kal tura han sawm tawp chu ka hreh ve deuh.

" umm.... movie kha dar5 ah a nia" a tih rual chuan ka sana chu ka zuk melh zeuh a, minute 30 vel chiah alo awm tawh.

"a lo berah darkar2 vel a nia nga i project kan en hman dawn em ni?"

A nihna takah chuan Movie en hi boring ka ti, a theih hram chuan chhuanlam siam a hmun danga hruai daih ka duh, engvanga en pui tura lo remti ve ringawt nge ka nih pawh ka hre lo.

" Project chu naktuk ah kan en mai dawn nia " a lo ti sam et lehnghal, engpawh chu nise movie a ngaihpawimawh zawk danah hian ka enpui ngei a ngaih hmel.

Car ka dah fel hnu chuan engmah sawi lovin chhuah nghal daih chu a tum a mahse a banah ka va man bet hman.

 Ka vawnna kut rawn melh ralh pahin mak tih hmel tak hian min rawn en nghal kar a, ka khawih apiang hian a danglam nghal vek ṭhin a ni tih ka hria mahse a insum tlat ṭhin avang hian ka huang chin hi ka pel lui kher ṭhin, min mamawh a ni tih hi a kâ aṭanga hriat nawn mawlh mawlh hi ka duh.

" tikhan i chhuak mawl tawp dawn em ni? " beisei nei deuh hian ka han ti sup a, a ni chauh nilo kei ngei pawh hi a vawikhat nan ka lungphu a rang kher mai.

" Eng eng... nge awmzia? "

Huizz.... tlang takin min fawp rawh tih leh tawl a ngai dawn a ni maw? mahse hrilh ngai lovin ama thu ngeiin min fawp ve tawh se ka duh.

"I chhuah hma in thil tih theihnghilh i nei " kan ti leh ringawt a, mi pangngai tan chuan ka va hnaih danah leh fawp rem tura ka awm danah hian a hrethiam ve tawh turah ka ngai.

" eng chu maw? "

Ka mithmul chu ka han kan ak a, a ngaihna a awm hlawl lo ,hetiang ang hmeichhe zei lo lutuk leh ka type pawh nilo bulah hian engvanga la awm cheu reng nge maw ka nih? ka hun ka khawh ral mai mai a ni.

Ka tih ngaihna hre lo chuan a seatbelt chu ka phelh sak ta ringawt a, " i chhuak thei tawh ang " ka ti bul hmuk bawk.

Popcorn leh in tur vel kan lei zawh hnu chuan theatre lam panin kal dun reng siin inhlat deuh takin ka kal a, ka kekawr ipte zen chung hian a bulah ngawi rengin ka kal ve zel a, ka lo chei mawi hi a ni ringawt.

" Eng movie nge kan en dawn? "

Peih lo hle mah ila phur lo hmel ka pu ngam bik miah lo,a chhanchu a phur lutuk hmel ka hmuh ringawt pawh hian nuam ka lo ti ve ringawt miau alawm.

" Crazy Stupid Love ....a trailer ka en tawh a a hmuhnawm viau ang ,ka nghak rei tawh bawka a tawp a tawpah ka en ve thei dawn ta" a ticket ken lai en pahin a nui nghal ver ver a, a nui hmel ka hmuh rual chuan a rukin ka lo khi ve suk ringawt.

Hahh.... A movie hming reng reng pawh chu hmangaihna ka lo ngaihdan nen a in ang chiah, Hmangaihna hi a atthlak in thil ho mai mai a ni.

Movie kan en laklawh lai chuan ka phone a rawn vibrate ve sek avangin a tawp a tawp a ka phone chu ka la chhuak ta nge nge a, Engvangin nge Declan'n tun ang hunah min rawn call le?

Pick up ta lo chuan Sadie in hmuhnawm ti taka a en dauh dauh lai chu ka melh zeuh a nuih suk pahin ka phone chu ka reject hmak a ,ka jacket ipte ah ka thun lut daih bawk.

Bawp khawkherh chunga ka ke ka lo tih chet hlerh hlerh lai chuan," tissue ... "
mittui tling piau chung hian luh dawna tissue kan lei lawk sa kha min rawn dil a ,rang takin ka lo pe nghal .Movie pawh en lovin thil dang daih ka lo ngaihtuah bawk a ,a ṭah nachhan pawh ka lo hre ve lo.

Sadie chauh nilo midang ho pawh chu an ṭap pur hlawm a, hmeichhe ṭap hmel hmuh hrehawm tih tawh sa nak alaiin hmeichhe ṭap in min han hual phei hi chuan ka tawt nghal up up thei.

Ka phone a vibrate reng bakah boruak dang hip ka duh avangin zun chhuak chhuanlam in theatre chu ka chhuahsan thei hram a ,ka chhuah rual rual chuan rin loh deuhin Declan nen kan in tawk hlawl .

" Rainer kan mamawh che... Roger te ṭhian ho in Carter an lo sawisa ve ringawt a, tunah an frat house ah kan luhchilh dawn " a hmel aṭangin a hlauthawng a ni tih hai rual a ni lo mahse hetiang ringawt hi chuan Sadie ka kalsan thei bik lo.

" Ka hman lo " ka lo ti bul hmuk a .

" I awmloh chuan midang an lut ngam lo, i rawn kal ngei ngei angai "

" Engtin nge hetah ka awm tih i hriat? "

"Sadie nen movie in en a ni lawm ni, chu chu tunah a pawimawh ber lo, i ṭhian te hian tunah kan mamawh takzet che" ni dawn tak ,Sadie in min rawn sawm lai khan a awm ve tak.

Ka ṭhianten min mamawh laia Sadie bula lo awm veng veng chu thil dik nia ka hria bik loh avangin, " lo va kal rawh ru, ka rawn thleng har lovang " tiin ka chhang ta ringawt a, buk nghat pahin hmanhnawh takin min kalsan nghal vang vang bawk .

Ka kal tur thu hrilh tuma ka hawi let nak chuan Sadie chu ka hnungah a lo ding reng tawh chu niin, kan thusawi lai kha alo hre vek a ni tih pawh a hmel aṭangin a hriat theih.

" Umm... ngatinge i rawn chhuah,a tawp tawh em ni? "

" aw... " min chhang tawi tap .

" ka thlah ang che... " tih pahin min chhan hma hma chuan ka kalsan nghal nal nal a ,ngawi rengin ka hnungah min rawn zui ve nghal dawr dawr bawk.

Ka hmanhmawh em avangin chak takin ka khalh a, kawng tluanin kan in be lova in biak na hun lah kan nei hek lo. Tunah hrih chuan ka ṭhiante ka pui phawt anga naktuk lamah Sadie chu hmun dangah ka hruai mai ang tiin ka ngaihtuah zui neuh neuh bawk.

Nidanga ka thlahna ṭhin ah bawk chuan car chu ka ti ding chat a, hetianga han kalsan daih chu hreh hle mah ila ka hruai ngawt thei bik si lo.

" Rainer... " chhuak ta mai loh chuan a ṭhut dan ngai chuan a ṭhu renga, kal turin hrilh ka tum bik hauh lo.

A chil lem dak pah chuan min rawn en kar a, a huaisenna zawng zawng sawmkhawm in khur dar dar chung hian  ka hmuiah chuan a rawn fawp nghal zeuh bawka, ka in rin hma in ka lo khi nghal suk ringawt.

A tawp a tawp ah min fawp hmasa leh ta alawm !!

Hmeichhe khur nasa lutuk leh zam lutuk ṭhin te hi ka duh loh ber te leh huat ber te an ni ṭhin amaherawhchu tunah chuan a duhawm ka ti in hmuhnuam ka ti tawh zawk.

" Rainer ummm.... " sawi hreh hmel takin ka biang lehlam dawm pah chuan min en kar a, " Buaina ah i tel tawh lo ang tih min tiam rawh " a rawn ti khauh mai!! chhan ngaihna ka hre der lo.

" Khawngaihin i insual tawh lo ang tih min tiam rawh " a thil sawi ah a chiang in a rilru sawhsawn a tum hmel loh khawp mai.

" heihi ka nihna a ni "

" nilo.... i nihna a ni lo " a hmel thutak khak mai chu chiang zet hian ka en reng a, " khawngaihin " a rawn tih leh ngat phei hi chuan,

"aw le "

Inngaihtuah nawn eih lo in ka tiam nghal der!! Engvanga ka ṭhiante awlsam taka phatsan nge ka ni tih pawh ka in hre der lo!!

Henu hi chuan a duh duh dan in min her kawi kual vel mai mai chu a nih hi, control tumin amah han hnaih ve teh mah ila ka hriat loh karin keimah zawk hi min lo control reng tawh a nih zawk hi.

"ka lawm e... " min rawn nuih sek pahin min rawn fawp lehnghal vawng vawng a, ka thiante ka phatsan avanga inchhir na nei lek lovin min siam leh tak hi.

Duhthawh zet hian ka lo fawp let nghal tawn tawn a, ka kut lah a ninhlei leh ṭan tawh khawp mai, a kawr chhungah zen lutin a awm bawr chu ka ṭham nghal chat a, amah ka dim rual rual in ka che rough leh ṭan tawh hle bawk.

" Rainer.... " hetiang anga ka hming a lam apiang hian nuam ka ti.

"Umm... " rum nghulh pahin a nghawng chu ka fawp a, nilo ka hne dek dek a ni zawk mah.

"Tunah ni lo... ka sawi awmzia chu hetah nilo " rum deuh halh halh pah chuan a rawn ti leh a, car a tih hi a duh lo pawh a ni mahna.

" ka inah kan kal dawn em ni? "

" nilo... umm ka kal a ṭha zawk in ka hria " tih pahin a inla hrang nghal vat a, hetiang anga a tih ziah avanga ka lungawi lo hmel pawh ka pe lian leh nghal hle.

"aw le " ka lo ti leh hmak tawh.

" i thinrim em ni? "

A nuam tilo chuan min rawn zawt leh dak dak a, han thinrim khum theih pawh hi a ni lo .

" kal tawh rawh " ngeiawm zetin car chu ka ti nung nghal thawt thawt bawk.

" umm.... englo ania " thil sawi tur nei ang deuh hian a awm a, a sawi meuh hi chuan min ti thinrim leh nge nge zel.

" ka duh che " tih sep pahin a nui sek a, kawngka a hawng rawk rawk a rang takin a tlan chhuak nghal vang vang ringawt !!

Ka tih ngaihna hre lo chuan ka en zui vung vung ringawt a ,a tawp ah a chet dan naupang chhia tak avang khan ka khi nghal suk a ,hma lam panin ka tlan chhuak nghal bawk.

Sadie in insual tawh lo turin min in tiam tir tawh avangin Roger te frat house lam inlo in ka in kawngah chuan ka kawi phei ta zawka, engmah hre dawn tawh lo mahse hetia a thu ka lo awih ve ringawt avang hian ka nui phei vur vur ringawt.

_____________________________________________

Vawiin chu nidang ang lo takin hma takah College ka kal a, kan ṭhian ho awmna room ka thlen phei chuan tuvakmah an lo la awm lo.

" Dude... heihi eng nge? "

 Sam chuan dawhkana ka lehkhabu dah Sadie project atana pawimawh em em mai library aṭanga ka hawh chu a keu nuap nuap a, helai room ah hian lehkhabu kan ken luh ngai loh avangin mak a ti hle nghe nghe.

"khawih suh "

A keu uluk loh em avangin ka lo ti vin hlur a, Sadie hian a lehkhabu te a uluk thei bawka a lehkhabu nilo mahse ka lo uluk pui ve em em ringawt.

Nizana Sadie awmdan naupang chhia lutuk leh a thil min hrilh ngaihtuah let paha ka melh ngai ka lo melh veuh veuh lai chuan tuemawni hian min rawn ko thut a, ka phu chiang kher mai !!

" Rainer.... nizanah khawiah nge i awm? " Zack hmai chu a duk chur a, a mit pawh a meng ṭha thei mang lo.

" khawiah nge Carter? " ka lo ti nghal vat a, thil thleng hi a ṭha lo tawp mai .

" tunah damdawiin ah a awm mahse na lutuk erawh a nei lo "

" a ṭhat chu... " ka ti zui sup a, an buaina ah erawh va inrawlh ka tum lo.

Thlamuang takin ka ṭhu dawn chiah tih in mipa pakhat hi hmanhmawh takin room ah a rawn tlan lut a, Sam an alo va buaipui nghal vat a.

" Tunah hian Declan ,Shane leh Josh te pathum in Roger te ṭhian ho hmachhawn turin an kal mek "

" Chill.... thil serious lutuk a nih loh chu " Hetiang anga han in tih buai bap bap te hi chu a thleng deuh reng a, ka la thutak teh chiam lo.

"Roger an thian 20 vel a rawn hruai a ,Declan te lah pathum chauh an ni thung "

" ava fair lo ve " Sam chuan alo ti nghal nang nang a.

" engmah fair lo a awm lo " tih hmuk pahin ka ṭhutna ah chuan thatchhe zet hian ka ṭhu zui leh ngat a,va puih buai erawh ka tum lo hle .

" kal ve nghal ang u.... " Blake chuan a rawn ti nghal at a, Sam pawh a in ring nghal hle.

" Rainer i rawn kal ve dawn lo em ni? " ka la ṭhut khawmuan ser ser avang chuan Blake chuan a rawn ti leh a.

"I tello chuan an sawisa vak mai ang " Sam chuan a ngen hian min rawn ngen ti tih tawh.

" ka hman lo " ka lo tih hmak avang chuan Blake chuan, "keimah chauh pawh ni dawn mah ila ka pui dawn... keichu ka kal dawn in duh chuan min rawn zui thei ang " tih bung hmut pahin room aṭang chuan a chhuak tau a.

" Rainer lo kal rawh....Carter pawh damdawiin ah a awm tawh hi " Sam chuan a ti leh a.

" ni e ...mi 20 rual bei tur chuan an tlem mah mah an sawisa hlum thei mai ang " pakhat pa pawh chuan a lo ti ve bawk a.

"an lo khawih rawn hrep mai ang...khawngaihin rawn kal rawh "

Min dil ngawrh tak em avang chuan phur lo zet chung hian ka ṭhut na aṭang chuan ka tho ṭuih ṭuih a
,"min rawn zui rawh u" tih leh thatchhe zet chunga kal ka rual nghal.

Hetia ka kal avang hian Sadie thu min tiam tir kha ka theihnghilh tih na a ni lo, khami avang chauh a kal tum lo kha ka ni zawk.Nidang chu nisenise nizan ah pawh khan ka hriat rual la la khan a hmun ka thleng tawh ang mahse tunah hi chuan va inrawlh vak pawh ka tum hran lo, min dil ngawrh em avanga a hminga kal tum mai mai chauh ka ni.

(fakna khu chhiar zawh veleh hmet keuh ang u aw)

Read More

Rainer Black- 21 to 40 by Remruati Bawitlung (Haylor)

CHAPTER-21 

" Just a little bit of your Heart is all I want" - Harry Styles

  "Sadie....engmah lo sawi miah suh ang che "

  Kendra in a tih chuan buk nghat pahin hmanhmawh takin kan in zui lut nghal hlawk hlawk a,office incharge nen a in biak lai te chuan hawi kual hrak hrak pahin a bulah chuan ka lo ding ve ran a.

  Lock up ah Braydon an ṭhu chunga a indawm kun lap lai te leh a piah a Shane leh a ṭhianpa ṭhu dun rial lai te chu ngun takin ka en reng a, sawtiang dinhmun ah sawn ka lo din ve tawh avangin a hrehawm zia ka hrechiang a Braydon hian khatiang thil kha tuar ve lo turin ka duh takzet.

  Ngaihtuahna mumal pawh pu lo a ka lo hawi kual daih lai chuan Kendra chu a rawn ding chhuak thut a,"kal phawt ang "a rawn tih thut avang chuan an thusawi lai engmah ka lo hre lo bawk nen mak tih hmel takin ka meng nghal kâwk a. Kendra chu pawn lam panin a kal nghal hlawk hlawk bawk a.

  "engtin nge police khan a lo tih?" hrethiam lo hle mah ila ka zui chhuak ve nghal hlawk hlawk a.

" zanin ah bail chhuah an phal lo..."

   " enga..!! engvanga midang ho kha chhuak bik nge maw an nih le ?" nilo... zankhat chauh pawh nise sawtiang hmun hrehawm lutuk mutna pawh awmlo ah sawn riah tir tur chuan ka ngaingam thlawt lo.

  "restaurant neitupa khan buaina chhawk chhuak tu ber tiin a report a...midang pahnih pawh an khung tel in ka hria ..."
 "Braydon te chuan min rawn chhan ringawt a nih kha. .."

  "khatianga sawi khan awmzia a awm lo... ka nî awm se chuan ka bail chhuak theih mai ka ring... mahse a duty loh lai tak a nia"
"engtin nge kan tih ang? "
"ka lo buaipui vek mai ang... ka thlah haw phawt ang che.. "

  "nilo... ka lo kalpui ang che "
"Sadie...i û i ngaihtuah tih ka hria mahse letin ani hian a ngaihtuah zawk ang che chuvang chuan ruah a sur hma hian inah awm zawk la ka duh... "

   "nangmah chauhin ka buaipui tir vek thei hleinem che...engtin engmaw tal pui theihna che ka neih chuan... "
  "ka sawi ang chuan inah awm la, i him a ni tih ka hriat hian min pui tihna a ni mai... Braydon hi ka chungah thinrim tir suh... khawngaih in " hlauthawng tih hriat tak hian min rawn en a,kawng dawm pahin ka lo thaw chhuak hak ringawt.

   Engmah tih theih nei lo mah ila Kendra puih hi ka duh takzet mahse tuna a bail chhuah tur hi Braydon a ni tlat si !! zanah amah bail chhuah tumin hmun hran hran ah kan kal a ni tih a hriat chuan min ngaihtuah em avangin a thinrim leh maw kha ania nga, chutah kei chauh nilo Kendra chungah leh zel a ṭuan leh dawn avangin Kendra dinhmun pawh hi ka hriatthiam pui.

   "ka thlah phawt ang che ...khawngaih in car ah lut rawh ..." thupe aw deuh hian a rawn tih leh a,Braydon hian amah chauh nilo a chhungte lehzel pawh ngaihsak em em tu a tawng hi vannei ka ti takzet.

   "puih che ka duh takzet..." ka sam hui chhoh phawk pah chuan chhum dum kara kawl rawn phe zawk zawk chu ka han en cho a.

     " a la tlai lo bawk a keimahin min haw tir rawh bakah Kaitlyn in assignment tih pui ah min sawn hrim hrim a ... "za lo zeta nuih suk pah chuan ka ti ta ringawt a,Kendra tih buai reng mai hi ka inthlahrung zozai tawh chuvang chuan hetiang kawng zawng tal hian pui ve ila a ṭha in ka hria.

Min kalsan daih a hreh a ni tih hriat tak huan a sana chu a zuk melh nghal zeuh a, min rawn chhan leh hma chuan, "dar 8:30 chiah ala ri... " ka lo ti nghal zung zung a, min hnial ring tho mah ila a hmanhnawh ve tho avangin ka hmin theih mai ka ring.

  " ruah a sur dawn bawk nen...ka thlah che chuan subway emaw bus emaw ai chuan kan thlen hma zawk ka ring.. "

  "traffic jam nen chuan kan hman lo maithei "
"uff... traffic "a han thaw chhuak deuh hak a.

  Ka lo hnial zel avang chuan a nui ta ringawt a, a ni pawhin tun anga la hma ah chuan kei maha min haw tir mai hi a finthlak zawk a ni tih a hre ve kar niin a lang bakah naupang ka ni tawh lo a Braydon nau nilo ila chu ngaihṭha deuhin min haw tir daih tawh ang.

   "haha.... ok, mahse i thlen veleh min rawn hrilh dawn nia" nu in a fanu a hrilh ang mai chuan chiang takin min hrilh a,mahse hetiang thil hi a tih a ngai miau bawk sia.

  "aw le...ka û hi i chungah ka thinrim tir dawn reng reng lo " fiamthu titak deuh hian ka lo chhanglet ve bawk a.

  "zanin ah ka bail chhuak thei lo a nih pawhin naktuk ah chuan a chhuak em em ang " a tih chuan ka lo bu nghat a,engpawh chu nise zanin ah lockup ah a riak emaw riak lo emaw case rit tak nei lova a lo chhuah hrim hrim chuan ka lawm tho tho ang.

  " a nih chuan... "Kendra chu nuih ver ver pahin ka û car ah chuan a chuang lut nghal a,chahbi rawlh lut in a engine a tih nung hlat hlat rual chuan min ngaihtuah a ni tih hriat tak hian min rawn melh leh zeuh a, min rawn nuih leh mahse hma lam a melh rual chuan a han thaw halh a, khawpui a rik rum rum rual chuan a tlan chhuak nghal vang vang bawk.

Kendra a tlan chhuah rual rual chuan kawl rawn phe nghal zawk zawk te leh khawpui ri rum rum te chuan min ti hmanhnawh zual a, a khat tawka van lam hawi zeuh zeuh pah chuan ruahsur hma a subway station thlen hman loh hlau in ka pen nghal hlawk hlawk a,minute 15 vel lai kal a nih avangin ka tlan ti tih tawh.

Kaitlyn te inah pawh kal tumna ka nei lem lo, ka û a rawn chhuah theih takin inah lo awm ila a ṭhat zawk ka rin mai bakah inah ka awm a ni tih a hriat chuan a thla a muang sawt bawk anga buaina a awm lo a ni mai.

  Ka tlan hlawk hlawk lai chuan Nolan message ka dawn avangin tlema kal muan deuh pah chuan ka zuk chhiar lui hram hram a,project chungchang min rawn zawh avangin kal pah chuan message chu ka type phei nghal mawlh mawlh a sidewalk a ka kal avangin a khat tawk lekin hmalam ka melh zeuh zeuh chauh.

 Chutia ka type phei mawlh mawlh lai chuan hma lam ka lo en lo bawk nen car headlight eng zetin in min rawn chhun eng pup rual chuan horn a rawn ri nghal tuarh a,phut zawk pahin hlauthawng tih hriat tak hian ka hawi chhuak nghal zawk bawk a, sidewalk a ka la awm reng avang chuan ṭul lo fahran a horn rawn hmet tu lam chu rum zet hian ka va hawi phei ngat a, classic Mercedes dum ka hmuh rual rual chuan Rainer car a nih ka ring nghal.

  "Lalpa leh!!.. " ka hriat tawk lek hian ka phun nghal sap a,sidewalk a kal mai mai lai hnena polite lo taka horn pek ringawt nachhan tur a neih loh avangin ka thinrim ru hle.

  Ka lo rin lawk ang ngeiin car kawngkhar a rawn inhawn ruala Rainer a rawn pen chhuah chuan ei loh hmel zetin ka mitmu ka lo chet kual nghal ralh a, a hmai duk deuh chûr te leh a hnar ngul a bandaid in bel vu te chu ka lo hmu chiang leh tawh kher mai.

"police station aṭanga hla vak lo ah i awm ka ring reng ah... "

A jacket ipte zen chung chuan nuih zat hmel zet hian ka bulah chuan a rawn ding nghal run a,tihpalh thil thu nilo a ka awm a rin rêng avanga rawn kal ni tih ka hriat chuan ngawi rengin ka lo melh chho ru ringawt.

  "min rawn nuih sawh tur ringawt a rawn kal i nih chuan ka mood a fuh vak lo a nia... "

  Ka hmel serious lutuk a hmuh rual chuan a hma aiin a nuih a za emaw tih mai tur hian min rawn nuih put put a,a nuih chhuah a hlauh avangin a hmui liah zeuh pah chuan a hawisawn nghal daih lehnghal a ka thinrim tawh sa nak lai in min ti thinrim zual.

  "ka kal thei angem? " ka kalna turah a din khur avang chuan kal pahin ngeiawm zetin ka su lui kher a,a nui ri zui hak bawk.

   Tun ang hunah hi chuan inhnial buai ka peih loh avangin Rainer hlat thei ang bera awm ka duh.

  "ka lo thlah ang che car ah lut rawh ... " ring vak lova a tih ri chu hre mah ila hre lo ang maiin ka kal lui ngat ngat tho .

  "ruah a sur dawn a nia... " a rawn tih rual chuan ruah mal ka hmaiah a rawn tlak sep avang chuan ka ding deuh chut a, ruah a tla nge tla lo tih hriat chian tumin ka hmai a tui rawn far khawih pah chuan footpath ro rap chu ka melh vung vung a, second khat chhung lekin a rawn huh nghal tluar tluar bawk.

   Station ka thleng hman dawn lo a ni tih ka hriat avangin hreh hle mah ila ka hawi let leh ta nge nge a, Rainer chuan ti fuh inti takin a dar chu a lo kân âk a ,a car a lut tur chuan min mitmei nghal zeuh bawk.

  "university ah emaw i apartment ah emaw khawiah mah kal ka duh lo ania... "
  Tih nghal zung zung pahin ka kal pel nghal fua a, a car ah chuan ka lut ta nge nge a,ka ṭhu ṭha chiah tih in ruah chu tam mangkheng hian a rawn sur nghal buan buan bawk.

Ngawi renga car a a rawn luh lai chuan ngun takin a che vel chu ka lo en reng a, a jacket te chu a huh hman hram bawk.

Seat belt a hren hma chuan a sam hnawm chap chu uluk lo zet mai hian a han tuai thuak thuak a, a jacket lah chu phelh chu sawi loh ngaimawh ang pawhin a lang lo.

"i huh hman em? " a tih chuan phone en pahin ka lu ka lo thing nar nar a, a hmel en pawh hi ka duh tawh lo engtin emaw hian ka awm tlat zel.

  "ala hma bawk a khawiah emaw kal i duh em? " a polite em avang chuan mak ka ti lek lek.

"enteh... nang nen hian khawiah mah kal ka duh lo, i car a ka chuan avang hian i duh duh na ah min hruai thei tihna a ni lo ania... " ka duh aiin ka ṭawng ring,mahse enga tan mah a ngai leh chuang lo ang.

  "Shane avang khan pawi ka ti lutuk... " Hahh... ngaihdam te a dil sak vel amaw!! hetiang thu hi Rainer nen pawh a in hmeh nek love.

  "tumah kha rawn tho chhuak lo ula ṭha ni mai tur ...engkim in rawn ti buai vek.. "
"a nih chuan kha thil kha keimah vanga thleng ah i ngai amaw? " a aw a vin lek lek.

  "khawngaihin ka û hmuh theih turah rawn inlan tawh suh... " ka tih chuan thinrim hmel zet hian a chêk zui tlak a,tukverh lampang a hawi nghal daih bawk.

  "chu chu i lo sawi theih a ni in ka hre lo... " oh!!  chu kher kher ava na deuh ve,ka thin a khei nghal zak bawk .

  "nangmah vangin hnawhchhuah a ni a tunah police station ah a awm mek bawk...khawngaihin rawn ti buai tawh suh... " Amira chungchang erawh ka sawi peih lo in tih theih nan a hmang emaw kha a nia nga bakah hetiang thil hi sawi duah tur pawh ka ni lo asin,ka thinrim tawh hi chuan ka kâ hi ka veng hman ṭhin lo.


"hahh... a phu ve reng i ti ve lo em ni? " ngeiawm zeta a nui lui hak hmel ka hmuh chuan ka ngaithei der lo, rum zeta melh hraw pahin kawngkhar chu ka hawng rawk rawk a, ruah sur buan buan pawh ngaihsak lovin ka do phei nghal pawp pawp a, hma lam ka melh ngur bawk.

  Braydon chungah khatiang thil zozai a tih chung pawha inthiamlohna nei hauh lova a la nui thei hi ka awih thei lo, nilo... hepa hian thinlung pawh a nei lo engkim mai hi atan chuan milem ang lek an ni a, zahna leh hrehawm tihna themte pawh a nei lo hi mak ti tur pawh ka ni lo.

       Thinrum ṭun chunga ka kal hlawk hlawk lai chuan ṭek a rawn tla ta thut mai!!  beng hup pahin ka ṭe nghal tuarh a, han tawm hul na mai tur a awm lo bawk nen ka hlau takzet.

  "ding rawh... " Rainer aw ka hriat chuan ka hawi phei nghal zawk a, ka lam pana a rawn pen phei hlawk hlawk lai ka hmuh chuan a hma aia chak in ka kal leh sauh a, car ah min pawt lut lui dawn a ni tih ka hriat avangin min rawn umphak loh nan motor tlan lai chuan kawng cross chu ka tum a,mahse min rawn um pha hma hman.

  "i hlau lo em ni ...?" rawn tih vin hluk pahin ka in rin hma chuan min rawn pawt her nghal sawk a,a kut ka lo paih thla rang ngei mai.

  "ka hlau fe zawk che... "
"motor in a su mai tur che asin"
"eng nge pawi" hawi san vah pah chuan ka ti let ve ngat a, min rawn melh rum ngang mai.

    "a nih chuan ka hlauh tir ang che... " ka rin ang ngeiin ka ban rekah a rawn vuan chawt a a car lam panin min kai phei ta dawr dawr mai, duh lo eng ang mah ila a tha a chak em avangin ṭan theih pawh a ni lo.

  Car ah chuan uluk lo zetin min nawr lut ti tih a kawngkhar lah chu a khar chawrh lehnghal.

  Driver seat a a rawn ṭhut rual chuan ka lo khurh bauh bauh avangin heater on pahin a engine chu a ti nung nghal hlat hlat a, ngawi rengin a tlan chhuak nghal fua bawk.

  Minute 10 pawh a tlan hma chuan building pakhat bulah hian a car chu a ti ding a, ruah sur lai lai chuan a chhuak nghal hmak a car hma lam hel paha a ka ṭhutna lam a rawn pan lai te chu ka lo en reng a, ka ṭhutna zawn a rawn thlen chuan kawngkhar chu min rawn hawn sak a.

"min rawn zui rawh... " a rawn tih deuh hmuk avang chuan chhuah loh ngam pawh a ni tawh lo.
"ka duh lo... " kan kalna tur pawh ka hriat loh avangin ka lo ti ve ngat a, ka ṭhu rei lo ngei mai thawk halh pahin min rawn pawt chhuak nghal dawr dawr ringawt.

   Building lian zet mai thim rek ruk ah hian min kai lut nghal dawr dawr a,light pakhat lo eng teng teng in a en chin aṭang chuan boxing te, karate mai bakah eng eng emaw training na hmun a ni tih ka hre thei.

  "eng nge kan tih dawn? " mak tih hmel takin ka hawi kual hrak hrak a, room pakhat ah hian min hruai lut leh a, min kaihna thla a min kal san daih avang chuan ka awmna hmun ah chuan hlauthawng ru tak si hian ka ding reng a, a thim em avangin engmah ka hmu thei tawh lo.

  "Rainer... " room zau tak a ni tih hriat reng reng a khawk nghal rum rum a,chutia ngaihdan pawh nei lo a ka awm lai chuan light a rawn on eng nghal pup a, ka han hawi kual nak chuan silai khahna hmun lo ni rengin,a hmun hrim hrim hian mi rap .

  " rawn kal teh... " tih pahin silai hi a remkhawm nghal mawlh mawlh a, a rem zawh rual rual chuan shooting glass chu vuah nghal in a hma a kah fuh tur an siam chu tin pawh a tin rei hma chuan a kap ta pawp pawp mai!!

A kah apiang chuan ka lo phu nghal zawk zawk a, thinrim chunga kap a nih avangin ka hlau hman takzet.

CHAPTER-22

 "He can be good just for her "

   A duhtawk a kah hnu chuan " kha kap rawh... "rawn hawi let pahin a silai ken lai chu min rawn pek a tum ta mai!!

    Phawk fe hian ka lo meng nghal kawk a ,a mitmeng rum lutuk leh a kuta silai chu ka melh tawn nghal zawk zawk a ka duh lo thu sawi ngam pawh a ni lo.

  Engmah sawi lova ka ding khawng tak reng avang chuan ," kap rawh ka tih chu... " room khawk rawng rawng thei khawpa ring hian a rawn ti nghal tuarh a, ka kiu a vawn chawt pah chuan min pawt phei ta dawr dawr mai!! 

  Target board hmachhawn zawng chuan min din tir ran a, a silai ken lai chu ka kutah a rawn hmet bet lui chawt chawt bawk a,ka hnunga rawn din run pah chuan silai chu ka kut pahnih in min hum tir a, ka kut chu a kut pahnih lian zet chuan a rawn hum thuah nghal bawk a, target board lam chu kan tin ta ran mai !!

   Silai ka vawikhat khawihna a nih avangin a engah mah hma chuan ka tha chu a rawn khur nghal der der a, chet sawn han tum teh mah ila Rainer chuan ka hnung lam aṭangin min khuap thup tawh mai bawk si, hlau ru tak chung chuan ka chil ka han lem dak a, target pawh en ngam lo in ka maimichhing tlat ringawt.

  Hlauh tawh sa nak alaiin ka in rin hma chuan silai chu target board ah chuan a kap lut nghal zawt a, a kah zawng chuan ka lo phu leh nghal zawk zawk tawh , ka tha te lah chu a rawn zawi nghal vek a ,a nghawr nat mai bakah a rik rin em avang chuan ka thaw te hi a chham mai dawn in ka hria .

  " duh tawk rawh... " maimichhing chung chuan ka ti nghal tuarh a,engmah hre lo ang maia min kah chhunzawm tir zel avang chuan ka hlau in ka mangang takzet.

   " khawngaih in duh tawk rawh .... " ṭap aw deuh ṭuau a ka tih takah chuan a kut chu la thla in a in la hrang nghal vat a,silai a dah rual chuan room chhung chu a reh nghal duk bawk.

   Ka hriat loh laiin ka mittui te chu a lo tla leh hman der tawh a, ka tha zawi vek te leh hlauhna avanga ka thinphu ri dup dup te chuan zual lam a pan zel emaw tih mai tur hian ala in thum rawn dup dup reng a, Rainer hma a mittui tih tlak ka duh loh avangin insut hraih pahin ka ban chuan ka mittui chu ka hru hul nghak zeuh bawk a ,ka mit lah chu a sen râm lehnghal .

  "tikhan i hlau tawh em? " aw ngaihno bei lo zet hian a rawn ti a ,chhan let hrep chak hle mah ila ka ṭawng chhuak a nih chuan ka ṭap mai dawn a ka hriat avangin ka ngawi ta zawk a.

   "khatianga kawng kân kha a hlauhawm zia i hria em? hetiang.... " a tih rual chuan silai chu a en kher a, "hetiang thil mai mai ai hian a hlauhawm zawk... i chungah thil eng nge maw thleng ta se.... " a ṭawng laklawh lai chuan a ngawi leh daih a, ka mitah tak chiang taka en pah chuan min rawn pan hnai a.

   " engtin nge ka awm ang? " ka hriat tawk leka ring hian a rawn ti sap a, a accent ril nguih mai hi ka hre thei lo ṭep ṭep ṭhin na in tuna a thusawi erawh kha chu ka hre chiang hle thung.

   Tun lawk a Rainer thusawi khan min ṭhawng takzet, a hmela hlauhthawnna te leh min ngaihtuah niawm taka a ṭawng avang khan engtin emaw tak hian ka awm lehnghal der tawh.

   Rainer awmdan ho te te tê leh a thusawi ho te avanga hetianga ka awm ṭhin hi ka duh lo takzet.

   "enga tan mah ka ti lo... " min en chian em avang chuan ka kun nghal daih a,chhuat a ka thawmhnaw huh far tluk tluk chu ka en reng ringawt.

     "oh!!  Morin... kun tlat teh suh, kha thu kha min en chung hian han sawi leh teh... " tih el deuh hian a rawn ti kher a, ka lo ngaithei leh tawh lo ngang mai.

  "ka kal dawn... "
"ruahsur karah hian maw? "
"aw... " ka lo tih deuh hmak avang chuan mak tih hmel deuh hian a mithmul chu a han kan deuh âk a,thinrim hmel erawh a pu tawh lo thung.

  Hawilet tawh lovin silai kah zirna room aṭang chuan ka kal chhuak nghal hlawk hlawk a,room thim phei ruih te leh tukverh aṭanga kawl rawn phe zawk zawk te chu ka ngaina lo takzet.

   Boxing ring chu kal pelin karate an practice na carpet dup al ah chuan ka kal phei zel a,thawkleh khatah light rawn thim khup pah chuan ṭek a rawn tla zui ta mai!! 

    Beng hup pahin ka maimichhing nghal vat a, khawpui leh kawlphe chu sawi loh ṭek tlak lai phei hi chuan keimah pawhin ka mu ngam ngai lo kha a nia, tunah tak hian Braydon ka ngai takzet, ṭek a tla a ni tih a hriat phei chuan min rawn ngaihtuah zual leh sawt ngei ang.

    Chutia ka ding khawng reng lai chuan ka darah tuemaw hian min rawn khawih avangin ka beng hupna chu ka phelh nghal vat a ,helai hmunah hian midang tumah an awm loh avangin Rainer a ni tih hrilh ngai lovin ka hre nghal .

   "Hey!! " a aw zaidam ta lutuk chu ka awih lo lek lek.
"i hlau em ni...? " min hmu chiang thei lo mahse thim thamah chuan ka lo bu nghat a, haw hle mah ila ka bula a awm avang hrim hrim pawh hian ka thla a muan phah.

"helam ah hian rawn kal rawh.... "
"ka haw duh... "
" ka hruai haw dawn che lawm mawle"
"rawn kal lo ni la chu helai hmunah hian ka awm lo tawp tur... " ka ti sap a,ka hlauh tak em avang chuan min khawngaih leh ta deuh aniang.
"ka tihpalh... " a rawn ti ta nge nge a, a hmel ka hmuh theih loh avang hian a thusawi avang hian a nuih leh vur vur tawh ang.

Thil ka sut deuh khurh avang chuan hnung lam aṭangin ka kawrah min rawn pawt bet nghal vat a.

" min rawn khawih hlek suh... "min rawn kaih a tum rual chuan ka lo ti vin nghal hlar a, helai hmunah hian ka duh lo chung min hruai tawh a, hmun hrana min hruai leh tur chuan ka ring zo tawh lo.

"i in chhuih na anga sin..." tih pahin ka kut chu a rawn kai lui hram a, light a thim vek tawh avangin kawlphe in a rawn chhun eng zawk zawk loh chuan kan kalna pawh ka hmu thei lo.

  " engvangin nge police station ah khan i rawn let leh...? " ka rilru a zawhna awm reng chu ka zawt ta nge nge a min chhan erawh ka ring lem lo.
" ughh....police station ah i awm sia lawm " ringawt a!!  min chhan dan hian awmze thui tak a nei nain a sawi tum erawh ka hrethiam lo.

CHAPTER-23

" He can make her want him more than she thought she would"

A thusawi avang chuan mit chet kual ralh pahin min kaih na aṭang chuan ka kut ka la sawn nghal a,a lungawi lo a ni tih hriat takin a thaw chhuak hak ri ka hre zui nghal bawk.

Ka ipte a phone chu ka la chhuak nghal vat a,ka phone waterproof alo ni hlauh chu a tih zia teh e, buaina awmlo in flashlight chu ka ti eng nghal a, ngeiawm zetin a hmaiah tak ka kap siah lehnghal a,min khaih kher ngai lovin keimah in ka kal theih takah chuan a ner deuh suk hmel chu ka hmu thei .

" ka tih palh... " a mit ah tak ka chhun siah avang chuan nuih pat pat pah hian ka ti zui sap a, min chhang lo in a sam tuai thuak pah chuan a in her nghal daih a, a kal nghal daih avang chuan nuih suk pahin ka zui ve nghal a.

Rainer hnunga ka kal hnak hnak lai chuan Chelsea in message min rawn thawn avangin rem leh rem lo in kal chung chuan ka hawng nghal vata, Derek leh Camelle te sex video leak out chungchang min rawn hrilh chu niin!!

 Min ṭhawng nghal dawt mai!! rilru natna avangin ka awm zawn a rawn na nghal ut ut bawk.

Chelsea chu reply lem lo in ka han thaw chhuak hak a, ka bulah hian Rainer chu awm lo se ka mittui rawn tling nghal pam hi a tla leh daih tawh ang.

Derek chungah hian feeling nei tawh lo angin in ngai ṭhin mah ila kan lo inkawp rei hman em vang pawh kha a ni mahna hetiang thil a thlen hi chuan min ti na nawn leh ṭhin. Duh lo eng ang mah ila hmeichhe dang nen ka hmuh dun apiang hian thikna hi alo awm leh ṭhin.

"helai hmunah hian kan kal ta sa sa i en kual duh em?"ka chhan lawk loh avang chuan, "ruah ala sur tam bawk a" a rawn tih chhunzawm leh zat a, chhang chuang lovin sir lam ka hawisan hmak thung .

Ka sawi sual loh chuan nichin deuh lawk khan ka haw duh thu ka hrilh tawh a, tunah lah min tih khawtlai dan ringawt a zawng leh a, mi luhlul tak a ni tih chu ka hria mahse hetiang em em hian a luhlul in ka thusawi hrelo ang hmak in a awm ang tih erawh ka ring pha lo.

"silai hi engtik aṭangin nge i kah ṭan ?"

 Silai kah a thiam em avang leh ka rilru lak pen nan ka han zawt deuh tawl a ,tun hnai maia kap ṭan a ni lo tih a chiang hle .

" kum 10 ka nih aṭangin....ka pa in min zirtir ṭhin"

Rawn hawi let deuh pah hian min rawn nuih suk a, nui hmel pu mahse a mit erawh in a lungngaih zia a thup bo thei lo,a pa a chân tawh emawni a pa chungchang a sawi rual khan a hmel a in thlak danglam chak emai.

"silai kah i zir ve duh em ni? " min rawn fiam chhunzawm nghal zat a, nuih ver ver pahin ka lu ka lo thing nar nar thung.

"a thlawn pawhin ka zir duh lo... " ka tih chuan a rawn nui chhuak deuh hak a, tun hnai te aṭang hian Rainer hi a nui tam sawt in thinrim reng hmel pawh a pu lutuk tawh lo , a chang hi chuan thil ho te te ah a nui leh vur vur ṭhin avang hian mak ka ti lek lek ṭhin .

"mahni in ven nan a ṭha alawm.. "

A rawn ti leh hram a, silai chu sawi loh tharum thawhna chi hrim hrim hi ka ngaina lo bûr ,ka theih chhung chu pehhel ka duh.

Rainer kal na lam lam ah chuan ka zui zel a, current a rawn eng leh tak avang chuan ka phone flashlight pawh chu ka off nghal vat a.

Room pakhata kan luh leh tak avang chuan pawn lama chhuak tur nilo in room hran ah min hruai leh a ni tih ka hre nghal.

"khawiah nge kan awm?" punching bag paruk vel inkhai leh boxing gloves in rem tlar ṭhut te chu ka en kual hrak hrak a, thil hmuhnawm tak a awm si lova engvanga min kal kual pui chak em em nge maw a nih le?  huizz...

Ngawi rengin boxing gloves chu la in a bun nghal mawlh mawlh a, na lo te te in a hma chiah a punching bag chu a han hnek dawt dawt bawk a, ngun takin a che vel chu ka lo en reng thung.

"ka hnek ve thei angem?" ka tih chuan a han nui deuh suk a, vawikhat na zeta hnek leh pawp pah chuan, "la ve mai rawh " hi a rawn ti sam et a, a ṭawngkam avang chuan thawk halh pahin ka mit ka lo chet kual ralh a.

Ka gloves tur chu keimah in ka in lak ve nghal a mahse ka bun thiam der lo.

 A rem dan ang ang chuan ka kut chu glove ah chuan ka han hnawh lut ve tawt tawt a, Rainer kha chuan awlsam te khan a bun mai sia ka rin aiin bun a har zek.

"khatiang khan a ni lo "
Rawn tih sap pahin min hmachhawn zawng chuan a rawn in her rem a, a glove bun lai chu phelh in min rawn bun tir nghal sawk sawk a.

"i kut hi a thi a nia... " a kut châng kak aṭanga thi rawn chhuak ser ser te leh bel kang niau te chu ka en reng a.

"na i ti lo em ni...?" chiang takin ka melh chho leh kar a.

"umm... "
"insual lo in a sawi fel mai theih loh em ni ?"
" sawifel a?!!  hahh insual hi buaina chinfel dan awlsam ber a ni"

A ngaihdan hi ka pawmpui ve lo nasa ,insual hi buaina nasa zawk chawh chhuahna a ni tih hi ka ring nghet bûr.

"chutiang chuan i ngai amaw? "
"hun a duh rei lo alawm... " hahh...dawhtheihna a tlachham tih hi ka lo theihnghilh leh ṭhin.

  "Engvangin nge ka û hian a huat em em nachhan che ? "

Ka han ti leh thawr a, a chhan bulpui ber chu Amira a nih ring tho mah ila thil dang a awm ka rin avangin ka zawt leh ngat a.

"Holy crap!!!  zawhna i va ngah em em ve " min nin hmel zet hian a chêk zui tlak bawk a, zawhna ka zawh apianga hetianga a awm ziah mai hian min ti thinrim lek lek ṭhin .

Ni e, zawhna ka ngah tih chu ka hre ve tho mahse amah vek hi a ni a chhanna min ti hre chak ṭhin tu chu.

" le... heihi hnek rawh le... " tih pahin punching bag hawi zawng chuan min pawt her a, mak ti tak chungin ka ding khawng reng ringawt.

"engvanga.... " ka ti dek dek a, hnung lam aṭang chuan punching bag en tur chuan ka lu chu a rawn her rem nghal sawk a.

"helai chiah hi en rawh "a kawh sawk sawk na lai chu ngun takin ka melh ran a ,he punching bag hi Derek nise chuan a thler vek hma chu ka hnek char char ang mawle.

"hnek rawh le... " a tih rual chuan na vak lo hian ka han hnek taih taih a, mahse ka hnek rei telh telh a Derek a sex video hlir ka rilru ah a awm bawk nen ka thinrim tulh tulh a, ka hnek na telh telh bawk.

Punching bag chu Derek angin ka ngai hmiah tawh, ka theihpatawpa na chuan ka han hnek leh pawp pawp a,ka hnek na lamah ka kut chu a na ṭhum tawh , ka thlan pawh rawn tla bawrh bawrh mahse ka tawpsan duh chuang lo

" Arghhh...."  thawk hlawp hlawp pah chuan ka hnek chhunzawm zel a,Derek'n ka hmangaih che ka ngai lutuk che min tih lai te chu ka ngaihtuah chhuak a, ka mittui a rawn tling nghal pam ringawt.

"wow ,wow..!! duhtawk rawh " ka thinrim tak em avang chuan Rainer chuan min pawt hrang nghal vat a,"khatianga hnek tur kha a ni hleinem... " duh lo hle mah ila ka mittui chu a rawn far nghal fap a, lehlam ka hawi nghal vat bawk.

"hey!! "  zaidam zet hian a rawn ti leh sap a, hetianga ka awm nachhan hi hrelo mahse a inthiamloh hmel takzet.

"i ṭap em ni? "

Ka hma ah tak chuan a rawn ding siah a, engang pawhin inthup tum mah ila a hrechhuak leh tho tho.

Ngun taka min en reng pahin a kut pahnih chuan ka biang chu a rawn dawm a, amah en thei turin muang changin min kuai dak nghal a, min nuih zat dawn emaw ka tih laiin a hmelah chuan inthiamlohna leh rilru buai tak hmel a pu daih thung.

" hei hi phelh ka duh... " kun daih pah chuan ka boxing glove bun lai chu ka melh a,hnai taka rawn kun hniam kher pahin engmah sawi buai lem lovin min rawn phelh sak ve nghal mai bawk a, mahse mak tak maiin ka kut a khawih zawng te chuan engtin emaw hian ka awm leh tlat tawh,min rawn hnaih lutuk vang pawh hi a ni mahna .

Ka sawifiah thiam si loh hian boruak chu a ṭang nghal at a, Derek avanga mittui tla zo chiah si kha zahpuiawm khawpa rangin rilru dang ka pu leh hman tawh, hetiang mi hi ka ni ngai si lova keimah leh keimah pawh hi ka in hrethiam tawh lo.

A khat tawkin Rainer chu ka han melh zeuh zeuh thin a, Lalpa leh!!  a hmui ka hmuh hian ka fawp chak takzet!!  nilo... Sadie harh teh, hetiang hian awm suh.

" umm... ka.... ka kal dawn " tih bah nuaih pahin rang lutuk hian ka in la hrang nghal vat a, Rainer hnaih taka ka awm tawh hi chuan thil mak deuh deuh ka ngaihtuah loh leh amah hnaih chakna rilru ka put zel avang hian ka awmdan hi ka duh lo.

Hawi kual hrak hrak pahin kawngka lam chu ka pan phei chhat chhat a, a ni erawh gloves vel a dahfel avangin ala awm thung.

Ka kut sik neuh neuh pah chuan ka kawchhung rawn sa tawt up up te chu thawk chhuah tumin ka han thaw leh hak ṭhin a,ngatinge maw hepa hian huhang a ngah em em mai le?  min ti â lo chauh chu a nih hi.

Khawpui a rawn rik rum rum rual chuan thil hriatchhuah thut ka nei emaw tih mai tur hian ka hawi let thut a, ka insum zo tawh lo chuan Rainer lam chu ka pan phei nghal hlawk hlawk a.

Rainer an min rawn hmuh chuan mak tih hmel tak hian min rawn melh nghal kawk a, mahse a zawn ka thlen phei meuh chuan min lo pawm kang nghal nawlh a,inhrilh chawp ngai lovin tun darkar chiah hi kan dam tawh dawn emaw tih tur khawpa duhthawh chuan kan in fawp nghal tawn tawn a, a kawngah nghet takin ka bawp ka khawkherh tlat a, nghet takin ka mal ah a lo tham bet tlat thung.

" i rawn let leh dawn tih hi ka hria alawm" confi zet hian nuih vur vur pah chuan a rawn ti a,a hmui liah huh hlap pah chuan min rawh fawp lehnghal tawn tawn a, a nghawngah nget takin ka lo kuah bet tlat bawk.

"F*ck Morin ... i duhawm lutuk tlat "
" khatiang khan min ko tawh suh... " min rawn fawh leh a tum chuan rum zet hian ka lo melh a," ka tih palh Miss Sad... " ngeiawm zet hian a rawn ti leh kher a mahse chutiang haw hman ka ni tawh lo, tuna ka hriat zawng chu Rainer hi fawh reng ka duh tih hi a ni.

"fawh reng mai che hi ka duh zankhua in ... " ka rilru a awm chiah chiah a rawn sawi chhuah avang chuan ka lo khi suk a mahse a ṭawngkam avang hian ka hmai a rawn sen nghal ṭawn ṭawn thung.

Min fawp reng chung chuan boxing ring tlangah chuan min nghat a, ka nghawng leh ka beng bawr vel fawh dek dek pah chuan zei zet hian ka bra kilhna chu ka kawr chhanah chuan a rawn phelh a, ka tank top pawh a phelh nghal vat bawk.

Rainer hma ah kawr pawh ha lova kekawr bul nen chauh ka awm takah chuan ka zak leh hnuhnawh, mahse ngun taka min en hnu ah lungawi hmel taka min rawn nuih var var avang chuan tlemin ka thla a muang leh deuh.

Ka awm bawr vel tham pah chuan ka mit ah tak chiang takin min rawn melh leh kalh tawh a,min en reng avang chuan ka rilru hriat tum te pawh a ang zawk.

Ka awmdan awkward zet avang chuan zah pawh dawn lovin ka han fawp leh nghal chawt a, ka hnute hmur a khalh niap niap lai te chuan ka han thaw chhuak ham ham a, room zau leh reh ruih maiah chuan kan in fawp ri chawk chawk ri bak hriat tur a awm lo.

Kan infawh lai chuan a hmui chu la hrangin ka hma ah tak chuan a rawn ṭhingṭhi rawp a, duhthawh zet hian ka awm bawr chu a rawn fawp ta mai!! ka mûr nghal chuaih chuaih a, a sam hnawm deuh chap ah chuan ka lo ṭham nghal tawn tawn bawk a,nuam ti hle mah ila han rûm em chu ka hreh deuh avangin ka han thaw chhuak leh hak ṭhin a.

Hetiang thil hi ka vawikhat tawnna a nih avangin awmdan tur pawh ka thiam lo.

" rûm chhuak rawh a pawi reng reng lo... " ka lo sen lehnghal ṭawn ṭawn tawh mahse min nuihzat loh avangin ka zak lutuk duh bik lo.

Rûm chhuak tura min hrilh hnu ah pawh khati khawpa nuam a min siam pawha ka la zah cheu avang chuan thinrim hmel pu lek lek hian," rûm chhuak mai pawh nilo ka hming lam mawlh mawlh tur khawpa nuam in ka siam ang che "a rawn ti zui sap a.

Ka kekawrbul zipper chu phelh in ka panty chhungah chuan a rawn zen lut a, ka hmeichhiatna an nuai chiah mai chu ka insum thei tawh lo, ka rûm chhuak nghal kawk kawk a, hlawhtling inti fahran hian a nui nghal vur vur bawk.

"ka hming lam rawh chutilo chu ka tawpsan dawn a nia... "ngeiawm zet hian ka beng bulah chuan a rawn ti sa sa a, ka ngei bawk si tawp turin ka duh bawk si lo min chhaih kual dan hi a thiam takzet.

" khawingaihin tawp suh... "
" a nih chuan... " thupe aw deuh hian a rawn ti leh a, ka nghawngah chuan a han fawp leh zeuh a, ka rin loh lutuk maia a kutṭang pahnih ka hmeichhiatna a a rawn kawm luh chuan, "Rainer... " tih nghal hrawk pahin a kut ah chuan ka hmer nghal sawk a, a na lutuk chu ka ke ka kawm nghal awrh mai!

" oh!!  Sh*t.... " thinrim hmel zet hian a rawn ti vin nghal hluk a, a kut chu rang takin a rawn la chhuak nghal vat bawk.

"F**k...i vawikhatna a ni tih engvangin nge min hrilh loh... " a kutṭanga thisen kai chu ka zuk melh zeuh a, Derek ang maia ka thianghlim avanga hetianga a awm avang hian ka thinrim takzet.

CHAPTER-24

"How many nights have you wished someone would stay?"- Infinity🎵

Ka zah rual rual in ka thinrimna chu a nasa zawk!

Ngawi rengin ka sam ka benga zeh ṭhat pahin ka tank top chu ka ha nghal mawlh mawlh a, chumi chhung ringawt pawh chuan ka rilru a kal thui hman hle.

Rainer hi mi danglam tak emaw ka lo ti ṭhin a mahse mipa dang ang tho a ni, Derek nen pawh danglamna an nei chuang lo.

A mizia, a ṭawngkamte leh a chezia vel aṭang ringawt pawh hian hetiang thil hi a thleng dawn a ni tih hrelawk tur ka nih laiin hetianga mualpho taka keimah leh keimah ka la insiam fo mai hi mak ka in ti tawp thei lo.

Engvanga â nawn mawlh mawlh reng nge maw ka nih le?

Ka chhanna nghak chuan min la melh kur reng a,ka ṭawng chhuak hleithei tawh lo chu a nih ber hi!!

Rainer hmel ka hmuh zawng ringawt pawh hian ka rilru a na ngawih ngawih,a chungah rilru put hmang danglam tak ka neih avanga hetianga awm hi ka ni tih engvanga hrethiam duh miah lo nge a nih? nilo....hepa hi ka duh tur a ni lo, keimah min hmangaih tak tak tu chauh a ni ka phu ni.

"i ṭap em ni?" ka kun tlat avang chuan a ngaihṭha lo chuan a rawn ti sap a, min rawn khawih a tum pawhin ka lo hawi sawn nghal hmak.

"Sadie....hey !!" ka dara rawn vawn pahin zaidam tak hian a rawn ti diam a, a aw ah tihderna a awm lo.

"min nuihzat dawn a nih pawhin midang bulah chuan sawi suh... " thinrim insum tih hriat tak hian ka nui lui sak a, pangngai takin ka sawi chhuak thei erawh mak ka in ti hle.

"eng chu maw? "
"tuna thil thleng kha"

Ka sawi zawng ringawt pawhin ka hmai chu a rawn sen nghal ṭawn ṭawn a, ka thin te hi a rawn vung ta emaw tih mai tur hian min hnawh ut ut lehnghal.

"engvang chuan maw? "

Chik zet hian min rawn zawt leh ngat a, thil hrethiam lo niawm ang ziazang a a rawn tih leh kher takah chuan ka ngeng a chhun nghal zâk !! ka insum thei ta lo.

"hmeichhe sihhnip tak angin min ngai a nih chuan i ti sual der!! ka thianghlim avang hian min hmusit in min nuihzat mahla pawi ka ti lo... " ka rilru a awm ang ang chu ka chhakchhuak nghal tawn tawn a,hmun reh taka awm kan ni bawka ka aw chu a ring kher mai.

Rainer chu chiang zet hian ka en chho nghal kar a, ka mittui rawn tling nghal pam mai a hmuh rual chuan inthiamlo hmel a pu nghal a, rilru buai tak hmel te pawh a pu tel in ka hria .

"ka nuihzat che ilo ring amaw?"mak tih hmel zet hian min rawn en nghal haw a, ka lo buk nghat avang chuan nuih chhuah deuh hak pahin a jacket ipte chu a han zen a, thinrim nui a ni zawk mah ang chu.

"ka nuihzat reng reng lo che... i la thianghlim avang hian inchhuang zawk tur i ni asin... " chal chuar deuh nâng hian a rawn ti a, ka rin loh lam daih a min chhan avang chuan mak ti takin Rainer chu ka melh nghal kawk a, ka taksa tawt lutuk pawh kha a rawn zia nghal hawk mai.

"i vanneih zia hi i in hria em,in sit tawh reng reng suh " a rilru tak tak in a sawi nge ka zah a hlauh avangin hetiang hian min hnem mai mai zawk ?

"mipa khawlo deuh ka lo ni lo hlauh a... mipa dang chu nise khawih chhiat che an tum tawh ang... " thu ṭha min hrilh nge amah a infak zawk pawh ka hrethiam tawh lo.

"mahse engvanga thinrim nge i nih?" ka tih chuan thawk lak deuh hrawih pahin inthiamloh hmel zet hian min hnungchhawn zawng chuan a ding nghal daih a.

"tih nat che ka hlau a tin ni... " a ti zui sap a.

"engvang chuan maw? " ka lo ti ha a, engvanga min tih nat hlau leh si nge a ni tih hi ka hriatthiampui pha lo.

"umm....hmeichhe thianghlim hi ka la tawng ngai lova min ti hamhaih hman alawm... "

A nghawng tuai thuak pah chuan min hmachhawn zawng hian a rawn hawi let leh a,"engpawh chu nise na i tih kha? " thutak deuh hian a rawn ti zui zat a, a kut ṭanga thisen tlemte kai khang tawh chu a zuk melh kher bawk.

"kha kha i en tawh lo thei angem? "

"engchu maw heihi maw? " tih pahin a kut chu min rawn la hmuh ang deuh deuh a,rang lutuk hian a kut chu ka lo ben thlak sak a, ka zak lutuk hi khuk ral daih ka chak.

"a na tawh lo tiraw...?"

Ngaihṭhat loh hmel zet hian min rawn zawt leh ngat a,engmah lah hi sawi hreh a nei si lova a ṭawngkam avang hian ka lo ip chawih chawih zel.

Ka lo buk nghat avang chuan rawn khik deuh suk pah hian a han thaw deuh huai a," puih i ngai em? "tih pahin ka ṭhutna bul a ka bra let bal chu a rawn la thurh a, a rawn khai chhuah rual rual chuan ka lo pawhthlak sak nghal sawk a,ka hnung lamah ka thukru nghal vat bawk. Ka bra pawh ha lovin ka tank top chauh ka ha a ni tih pawh ka lo in hre tawh lo.

"oh!  C'mon.... hetiang hian awm tawh lo teh " mit chet kual ralh pahin ka hnung lamah a rawn zen lut nghal a,ka bra min rawn chhuhsak rual chuan chiang deuh a en pahin a mit ko chu a han kân nghal âk a, ngeiawm deuh a awm hi a thiam ve ngawt mai.

"umm... ka... ka kal dawn " tih leh kal ka rual nghal, hepa bula ka awm tawh hi chuan zak deuh hian min siam ziah.

Pawn ka chhuah chuan ruah chu alo la tla cherh cherh a, Rainer an min rawn zui ve nghal mai ka rin avangin inkuangkuah chung in kawngka lian zet bulah chuan ka lo nghak ran a, ka thawmhnaw a hnawm deuh chuap lehnghal a ka khur der der bawk .

Car alarm a rawn rik ṭat ṭat rual chuan Rainer pawh chu a rawn lang nghal mai a, min hmuh lawk loh avang chuan a han hawi kual nghal vat vat bawk a, min zawn ve hrim hrim avang ringawt pawh hian ka lawm leh em em tawh.

"rawn lut rawh... "tih pahin ka lam pawh rawn hawi lo in car ah chuan a lut nghal daih a, engtik lai khan nge min lo hmuh leh hman tawh pawh ka hrelo.

Ngawi rengin car ah chuan ka lut ve nghal thak a, seat belt ka hren mawlh mawlh lai chuan a ṭhutna bul lawka ka bra a dah fel than chu ka zuk hmu thut mai! rang lutuk tak mai hian ka la lehnghal zawt a, khatiang em em khan ka la che rang ngai lo.

Ka chet dan chu alo hmuhhmaih lo nasa, nuih vur vur pah in tukverh ah chuan a kiu chu a han nghat a, a hmui liah zeuh pahin tukverh lam chu a hawi nghal daih bawk a, ka hmuh theih loh turin a rukin a nui tih a chiang reng.

Kan in kawngka ka hawn rual chuan light pakhat chu ka on nghal vat a, ruah a rawn sur leh tak vak avangin car aṭanga kan in ka tlan chhung lek pawhin ka huh leh hman vek.

"lut turin min sawm dawn lo em ni? " Rainer aw ka hriat rual chuan ka hawilet nghal vut a,a lo ding far tluk tluk lai ka hmuh chuan mak ti takin ka melh nghal kawk a ,mangṭha tih pahin ka tlan chhuak nghal daih sia min rawn zui tih pawh ka lo hre lo.

" ka tihpalh... "inchhunga luh pahin kawngka chu ka han hawng zau deuh a, ka û a awm lo bawk a reilote rawn awm lum mahse pawi tihna ka nei hran lo.

" i in angin ngai rawh... " hawihhawm taka ka lo tih avang chuan nuih tut tut pah hian a han hawi kual vel a, a apartment angin changkang lo mahse kan in hi ka thlang zawk tho tho.

" inhruk hul na tur ka rawn la ang "hrilh chawp ngai lovin ka lo ti nghal zung zung a, towel lak tumin inchungah ka tlan chho nghal vat bawk.

Ka closet a ka towel thleh fel sa thlap chu thimthanah chuan ka han dap kual dan dan a, ka hmanhmawh bawk nen ka thawmhnaw thlehfel sa ho pawh ka hai hnawk nuai mai.

Towel ka dap fuh rual rual chuan ka pawt chhuak nghal zawt a ,hmanhmawh taka ka inher rual chuan ka room kawngka bula Rainer alo ding rûn lai ka va hmuh chuan ka phu chiang kher mai!! thawm enge maw rawn neih ve tal tur ania.

Thawk lak kawk pah chuan ka awm chu ka han dawm vang vang a, "min ti phu alawm.. " ka lo ti nghal vat bawk.

"ramhuai ka ni lo ania... " tih pahin room chhungah chuan a rawn lut nghal a.

"kha inhru fai rawh... sawtah sawn bathroom a awm ang " towel pek pahin ka khum bula light dim ruai chu ka han on nghal a.

" nangman i mamawh zawk ang... " a sam hnawm chap chu a han hru hul thuak thuak a, a jacket leh kekawr huh far tluk tluk hian ka mit a ti kham takzet.

"ka rawn let leh vat ang " tih pahin room aṭang chuan ka tlan chhuak nghal hlawk hlawk a, ka û room ah lut nghal in a tshirt leh a pajama chu ka zawng nghal a, sawtiang renga a awm a nih chuan a damlo thei mai ang bakah ka û hian thawmhnaw a ngah bawka a hriatchhuah ka ring lo.

Ka û thawmhnaw keng chung chuan ka room ah ka let leh a mahse Rainer a thawmhnaw leh pheikhawk vel chhuata lo let bal ka hmuh chuan ka ding nghal chawt a, room ah alo awm tawh loh avangin bathroom ah a awm ka ring nghal.

Minute 5 hnu lekah Rainer chu bathroom aṭangin towel chauh veng chung hian a rawn chhuak a, a abs te leh a pian in khai thli thlarh ka hmuh rual chuan ka chil ka han lem khawlh a,a chhelo takzet!!

"i rawn let tawh elaw.... " a sam huh hlap chu a han tuai thuak thuak a, a taksa la hruk hul loh tih hriat tak mai te chuan a ti chhelo zual emaw tih mai tur a ni .

"ughh.... kha heihi i ha haw thei ang " buai nuai hian ka lo ti a,ka û thawmhnaw a hmuh chuan mak ti hmel a pu.

"ka duh lo " hmm.... a thawmhnaw a huh veka hnar turin duhthlan tur dang a nei pawh a ni tawp si lo , lawm hle tur a ni zawk asin.

" maw?! "
" ka thawmhnaw a ro hma loh chuan ka haw dawn lo... "
"enga!! zankhua a pho angai alawm "
" a nih chuan hetah ka riah a ngai dawn a ni chu... " a lo ti sam et lehnghal.

" nilo.... i thei lo "
"engvang chuan maw? " tih pahin ka khumah chuan a zuang phei tharh a, ngeiawm zet hian min rawn la nuih zui.

"ka û in a rawn hmu ang che... haw vat zawk rawh... " ka rilru a awm ang ang chu ka chhak chhuak lehnghal vek tawh.
" chuan? " enga!!?  hepa hian hlauhthawnna chhete pawh a nei ve miah lo em ni?

"bakah ka. .."
" relax... hlauthawng viau ṭhin teh suh ,i û chu a hma berah dar10 ah bak a rawn haw dawn lo "

hahh!  engmah a hre tawp si lo, Kendra in zaninah a rawn hruai chhuak maithei tih hi hria se chuan rawn riah a tum hauh lo ang.

"thlamuang deuh khan awm rawh...ka mut a chhuak teh ania" a ham zui bai bai a.

" nilo.... heihi ha la kal vat la a ṭha zawk " tih pahin ka û thawmhnaw chu ka va theh phei kher a, Lockup ah a riah ngun tawh hmel bawka kei aiin a hre daih zawk dawn tih chu hre tho mah ila in khata Rainer nen a awm hi a dik lo, nilo... engkim hi a dik lo vek tawh zawk.

Ka thawmhnaw lak chhuah pahin inbual turin bathroom lam chu ka pan ve nghal a.

ka luh hma chuan hawi let leh kher pah hian ," ka rawn chhuah leh hunah chuan i awm tawh loh hram ka beisei " tih kher pahin bathroom kawngkhar chu ka khar zui nghal a.

Ruah eng eng pawhin sur tam mahse a haw dawn phawt chuan ka pawi sa tawh lo, buaina a chhuah ai chuan Rainer chungah hian sual taka chet pawh ka thlang zawk.

Ka inbual pah chuan ka mut dawn apianga ka nu min sâk sak ṭhin Angels watching tih chu ka sa pah rat rat bawk a, khawpui ri rum rum te leh kawlphe kara inbual ka nih avangin ka in bual zo rang kher mai.

Kekawr bul hak nuam tak leh top mawlmang tak mai hi bathroom aṭang chuan ka ha chhuak a, ka sam hruk pah chuan ka zai chhuak leh rat rat a, ka rin ang ngeiin Rainer chu alo la awm.

Tukverh bulah dingin hma lam chu a melh ngur ngur a, tshirt la ha lo mahse ka pajama pek kha alo ha tawh a, engpawh hi a inhmeh em em zel mai chu a nih hi.

" Rainer... " thil diklo  awm a ka hriat avangin ka va pan hnai  a, a dar ka khawih rual chuan a rawn hawi nghal vat a, a hmel ka hmuh chuan lungngai tak hmel a pu, hetiang em em a a lungngai hmel hi ka la hmu ngai lo.

" i ṭha maw? "
" kha hla kha... " a rawn ti sap a.
" Engchu maw? "
"tuna i rawn sak chhuah kha... "
" Angels watching tih kha maw... hahh... ka nu in min sak sâk ṭhin a... "

" sa leh rawh.. " min ngen pawh a ang lo thu min pe a ni zawk mah in ka hria.
"maw!!  tunah hian maw? "
" aw... "

Nichin kha chuan awlsam deuh khan ka sa mai sia, sa leh tura min tih takah hian sak a har ṭalh mai.Thawk deuh halh pah hian tukverh lam chu ka hawi ve nghal a.

"Angels watching e'er around thee, all through the night " aw khur dar dar chung chuan ka sa a, thawk ka han la leh deuh kawk a .
" Mightnight slumber close surround thee "

" ka nu in min sâk sak ṭhin " ka zai lai chu min rawn pawt chat a, ka hriat sual loh chuan Rainer hi a mittui a tling nimai hian ka hria, engvanga he hla hian ti lungngai em em nge maw a nih le?

" Ms Samantha in maw? " ka han ti leh kher a, a lan dan kha chuan an in ngeih lo viau in ka hria.
"aw.... Samantha Walker" ka lam rawn hawi pahin za lo zet a nui suk a, Rainer rilru na hmel ka hmuh hian ka lo na ve ringawt.

"nu fel tak a ni dawn chu... " ka sawi tur hre lo chuan ka ti ta ringawt a.
"ni e... tlemin a chhungkua ngaihsak ve deuh se chuan... "

Hriat chhunzawm chakawm lek hian a tawpsan leh daih a, chhungkaw thil a nih avangin aman min hrilh tawp te a nih loh chuan ka zawt ngam bik lo. An chhungkaw chanchin hi hre vak lo mah ila Rainer awm dan aṭang hi chuan buaina thuk tak a nei tih a chiang reng.

" i sak chhunzawm leh thei angem? "

 Tunah ṭum erawh thu min pe lovin min ngen ve tak tak tawh. Chhang buai lovin min ngen ang chuan ka han sak chhunzawm leh a.

" soft the drowsy hours are creeping"

chil lem dak pahin ka han melh cho a,ngun takin min lo en reng a ni tih hre tho mah ila ka han hmuh meuh chuan ka mur nghal sung sung thei.

"hills and dale in slumber sleeping... "

" tunah hian fawh che ka chak takzet "

Ka mit ah tak en reng chung chuan min rawn pawt chat a, ka chhanna pawh nghak buai lovin lungchim tak hian min rawn fawp nghal vawng vawng a, Rainer a fawh hi chu a danglam bik takzet, duhtawk hun hi ka nei thei ngai lovang.

CHAPTER -25

"He bends his head just to meet her lips " 

A dar ka chen awrh chauh avanga kan tan chauh a rawn kun hniam ṭhin te,min tichhiat hlau niawm fahrana dim taka min khawih ṭhin te leh ka bula a nuih tam sawt dan te hi danglam ngai lo se ka ti takzet.

Khum tlangah ṭhu in dimna nei hauh lovin a aia duhthawh chuan min rawn fawp lehnghal tawn tawn a,ka kawngah vuan in a mal chunga ṭhu tur chuan min pawt ṭhu a, ka ke in a ke ka karcheh,a nghawngah ka ban chu ka suih zawm rial bawk a, a khat tawkin a sam hnawm chap chu ka ṭham zeuh zeuh bawk.

Min khawih hlek pawha ka tuiral vek laia lungchim taka min fawh phei hi chuan rilru pangngai pawh hi ka pu hlei thei lo, dawi ât vek ang mai hian a tih dan dan hian ka awm tawh mai ṭhin.

Zei zet leh awmze nei tak hian ka kâ chhungah a lei chu a rawn hawl kual zeuh zeuh a,kan in hip tawnna chu a nasa in ka taksa chu a rawn sa chhuak nghal vek a,ka thinphu lah chu a rang sawtin hetiang ang em em hian in fawh hian taksa a thlak danglam thei ang tih ka lo ring pha ngai lo.

A hmui nem them leh hnawm chapin ka nghawng leh ka khabe ruh kual vel a rawn nawr zawng ringawt te chuan ka lo mûr nghal uai uai a, ka dâng te chu a ro sawt in ka chil chu ka lem leh khalh ṭhin.
  
Engang pawhin Rainer min khawih dan vel hian min thlak danglam mahse ka û tshirt khuma let bâl mai ka zuk hmuh chuan tlem tlem in chhia leh ṭha hriatna ka rawn nei chho ṭan telh telh a,chu chuan min hawi sawn tir thei hram.

Ka awm bawr vel rawn ṭham pahin min rawn fawh chu a han tum leh a mahse ka hawisawn leh hmak avang chuan ngaihṭhat loh hmel zet hian min rawn en nghal a.

" ngatinge? " a rawn ti zui sap bawk.

"nichina i thusawi kha hre reng rawh "

"engchu maw? " mitmeng rilṭam leh tawrhhar zet hian min rawn en a.

"mipa khawlo deuh chuan khawihchhiat che an tum daih tawh ang i tih kha " ka tih chuan mit tih chet kual ralh pah hian a sam chu a han tuai thuak a , ka zah leh hnuhnawh avangin ka hmui seh pah chuan ka kun nghal daih a.

"ka hria lawm... infawh mai mai te chu a pawi dawn em ni? " tih pahin min rawn fawh chu a han tum leh a.

"Rainer... " a dara vawn pah chuan ka lo nam deuh a, a mal chung aṭanga chuan ka chhuk thla nghal bawk .

Rûm deuh hak pahin khumah chuan a letthla nghal thawk a,a kut pahnih a a hmai nuai nawk nawk pah chuan a rawn ṭhu chhuak leh a.

"khum khatah kan mu dun thei angem?"

A thawmhnaw huh chhuata a paih tawp kha ka chhar lai chuan a rawn ti sap a,haw chu a tum loh hmel kher mai.

"engtin mah ka khawih lo ang che... " ka va melh leh rual chuan a lo in kuangkuah nghal thak a, engvanga ka bula mu duh tlat nge a nih hi ka hrethiam lo.

"ka.... ka thei lo " a thawmhnaw chair a dah pah chuan ka han thaw deuh hluai a.

" khawngaih in... "

Ka chhanna nghak chuan min en kar reng a,keipawhin a bula mut te chu ka chak takzet mahse kan inkara inhip tawnna nasa lutuk hian ka duh lo thleng min thlenpui ṭhin hi chu a buaithlak a nih hi.

" aw le... mahse i thusawi kha hre reng rawh... " ka thinlung chuan duh lo turin min nawr mahse ka taksa erawh in a hnar thei thlawt lo.

Mut dun mai mai te chu eng nge pawi, engtin mah kan awm dawn chuang hleinem tiin keimah leh keimah chu ka han in thiam chawp leh vel a.

"yes... ma'am " a awm chen vela a ban phar pah chuan min rawn nuih nghal vur vur a.

Khum sirah amah hnungchhawn zawng hian ka mu kawm ngal a mutthilh chu sawiloh ka harh tulh tulh mai hian ka hria.

Insi lovin inhlat deuh takin mu ve ve mah ila boruak chu a ṭang nghal em em a,ka awmdan chu tih ziaawm tum chuan ka han muhil der ngial tak na in awmzia a awm lo.

"i muhil der tih ka hria...bei nasa lutuk teh suh... " a tih chuan ka meng nghal kawk a, hepa bulah hi chuan engmah hi a thup ve theih loh.

" lo kal teh... " ka dara rawn vawn pah chuan ama lam hawi tur chuan min kuai her a, a ban puam min kham tir a ka sam chu a khawih niap niap bawk a . A ban lehlam erawh aman a kham thung.

A awm ah chuan khur dar dar chungin ka kut chu ka nghat a, a ni pawh kei ang tho in a thinphu a rang ve a ni tih ka hriat chuan hetianga ka awm hi ka in dem ta bik lo.

"thil ngaihtuah vak vak suh muhil rawh... "
"Braydon hi naktuk ah a rawn chhuak thei angem le? " thil dang daih ka zawt a.
" a rawn chhuak em em ang..." Rainer meuh in a tih takah chuan ka ngaih a ṭha nghal hmak.

"thil ka zawt thei che ngem?"
" zawhna hi ka hua... " a rawn tih deuh hmuk avang chuan ka hmui ka lo ti pawrh tarh a.

"thil pakhat chiah.. "
" sawi rawh... " min ning hmel zet hian a maimichhing leh daih tawh, duhloh hi a pe na ve ngawt mai.

" umm.... Amira hi a chhelo in a hmelṭha takzet " ka sawi tum lo deuh ka sawi chhuak phawng ringawt, mahse bialnu nei reng chung pawha hetianga ka chunga a awm avang hian bialnu a nei reng a ni tih hriat nawn tir ve hrim hrim ka duh.

Rainer hian bialnu nei reng mahse min fawh chang te, min khawih chang te leh ka bula alo awm ve avang ringawt pawha ka lo hlim em em mai ṭhin hi mak ka in ti in tlawm ka in ti takzet.Mahse ka rilru put ang a pu ve lo hian min ti na zawk a lungawi lo turin dikna ka nei der si lo .

" ka hria... chu chu zawhna a nih loh chu "

Keima sawichhuah zawk ni mahse Amira chhiatloh zia a pawm thlap mai hian min ti na in min ti lungngai takzet.

"in kawp reng chungin engvanga ka bula hetianga awm nge i nih? "

"ka hriat chinah Amira nen hian kan la in kawp lo" a tih chuan phawk fe hian ka meng nghal kawk a,an inkawp si loh chuan an awmdan zozai kha eng nge ni ta ang!!?

Mak ka tih rual rual in ka lawmna a nasa zawk!! Rainer ngeiin kan inkawp lo a tih chuan ka ring nghal hmiah a chhanchu ka ringhlel phal thlawt lo.

"mahse khang...." ka han ti leh dek dek a ,"mu tawh rawh.." a rawn ti nghal hmak.

"tui deuhin mu tawh rawh... " tih chhan nei deuh hian a rawn ti leh kher a,Amira nen an inkawplo a ni tih ka hriat avanga ka hmela hlimna rawng lang chhuak chu a lo hmuh hmaih bik lo aniang.

" mangṭha le " tih sap pahin ka lu ah a rawn fawp zeuh a, zawhna la ngah viau mah ila zanin a ka thil hriat hi ka lungawi pui em em tho.

____________________________________________

★8am★

Silai kah ri ka hriat rual chuan ka harh nghal kawk a,ka pute'n silai a kap leh tawh a ni maw!! heihi a vawikhatna pawh a ni tawh lo,min ti harh phah ziah lehnghal .

Keimah chauhin ka mu lo a ni tih ka hriat chhuah chuan Rainer mutna lam chu ka en nghal vat a alo tho daih tawh chu niin.

Rang lutuk in ka ṭhu chhuak nghal zawt a. Ka û pajama Rainer a hak kha khumah alo let tal a ni tih ka hmuh rual chuan a kawr ka khai ṭhat sak kha ka va melh lehnghal vat a chupawh chu alo awm tawh lo.

Engmah pawh min hrilh lova a kal daih avang chuan lungawi lo ru tak chungin khum atang chuan ka tho chhuak chhat chhat a,mut kham lo tih hriat takin ka ham nghal bai bai bawk.

Ka in phihfai hnu pawh a silai ri ka la hriat cheu avang chuan a ri lo chhuahna lam kan in hnung lamah chuan ka chhuak phei ta nge nge a ,khua lah chu a thiang kuk lehnghal.

In hnung lamah hian ka Putea te hian hmun awl zau deuh mai basketball court pahnih tiat vel bakah swimming pool lian vak lo hi an nei tel bawk a, chutah chuan family party te pawh a throw ṭhin nghe nghe.

Ka putea silai kah ṭhinna lam chu ka pan nghal vat a .Rainer leh ka pute'n silai an lo in kah thiam siak chu niin, Rainer hi haw lovin hetah alo awm reng a ni tih ka hriat chuan ka lungawi lohna te kha a bo leh nghal hmiah.

"morning bawihi... " Ka pute'n min rawn hmuh rual chuan alo ti nghal vâr a.

" morning " ka putea chhang lovin Rainer ka wish a ni zawk mah aniang chu.Min rawn nuih suk avang chuan ka lo lai nghal ringawt.

"kha... kap leh tawh rawh..." tih pahin ka putea chuan Rainer chu silai a pe nghal a,Rainer an target a tin lai vel chuan ṭhutna lam panin ka putea nen chuan kan in zui phei chhat chhat a.

"i bialpa saw ka mi ngainat zawng tak a ni... " ka putea meuh in a tih takah chuan ka meng phawk nghal kawk a, mak ti tak chungun Rainer chu ka va melh leh ha a.

Ka putea hian ka û tih loh hi chu tumah hi a fak ngai lo kei ngei pawh bakah a hmel hi a lo bawrchhawr ve bawk nen tumahin an nel ngai lova a ni pawhin engah mah a ngai lem lo.Ka putea hian hetiang anga a sawi tawh a nih chuan a ngaina hle tihna a ni mai.

" ka bialpa a ni lo... " ka tih chuan mit tih zim sãn chung chuan min rawn en a, ka sawi nilo se chuan a awih miah lo ang.

"umm... engpawh chu nise Braydon hi ava reh ve... " Lalpa leh!!  lockup ah a awm a ni tih hi a hre tur a ni lo, engkim a buai vek a ni mai .
" Kendra nen an awmdun aniang... " ka lo ti liam puat ringawt.

" Pute.... " hlauhthawn hmel tak hian ka en a, Rainer chungchang hi ka û hrilh lo se ka ti takzet.

" hlauthawng suh... i û ka hrilh dawn lo, bakah eng nge hlauhthawn tur awm in in kawp chuang hleinem... " ka rilru hria niawm tak hian a rawn ti a,ka thaw nghal huai mai.

"i mu tui em? "

Rainer chuan dawhkana silai dah pah chuan a rawn ti ta mai!! engmah lah hi sawi hreh a nei der si lo .

Pute an mu dun turah min ngai nghal dawn a ni tih ka hriat avangin hmai sen ṭawn ṭawn chung chuan ka va melh zal zal a, a ni lah chuan phur hmel fahran hian min rawn melh zuk zuk lehnghal.

" aw... umm...nang?" i ngaih ang kha a ni lo tih melh hian ka putea chu ka va melh zak zak a,nakinah ka hrilh tha leh tho ang Rainer awm loh hunah .

"aw... ka mut ṭhat lohna a rei tawh bawk a " a tih chuan za lo zet hian ka nuih suk ringawt.

Rainer an college kalkawngah breakfast ei a tih tlat avangin engmah pawh ka siam buai duh lova mahse ka pum a rik nasat em avangin chhangthawp pet va chungin car lam ka pan lai chuan ka sam chu ka ṭawn phei nghal mawlh mawlh a, Rainer leh ka putea te an la inbiak tui em avang chuan car ah ka lo nghak ringawt a, ka duh aiin an in nel dawn tlat.

Minute 5 vel hnuah Rainer chu car ah a rawn lut ta nge nge a, ka putea nen an in kawm a ta langin ka be ve hman hleinem.

"in in date zawh tawh chuan kan kal thei tawh angem... " nuih vur vur pahin a ipte aṭang chuan condom pali vel hi a rawn phawrh chhuak a, a ṭhutna bula bawm chu hawngin a dah lut nghal mai a, engah mah ngai lo mahse khatiang zah zah a pai avang chuan mak ti takin ka lo en nghal ha a, rilru diklo ka pu lo thei lo.

" hetiang zah zah hi enga tan nge i tih? "
 ten hmel zet hian ka han ner vel a, ngeiawm deuhin min chhang a nih vaih chuan thinrim nghal mai thei dinhmunah ka ding.

" i putean min pe alawm... " Enga!!  ka putea tak hi chu aw... Braydon chunga a tih chuan a duhtawk ve thei mai lo em ni? Kendra nen an chhuah dawn apiangin condom hi a pai tir ve ziah a, mahse Rainer lehzel pek hi chu a ti mah mah a ni min ti zak takzet.

"engvangin nge i lak? "
" ka mamawh tho alawm.. " ala ti ang deuh deuh a.
" Maw...!!? "
"Relax... ngai kawi vak ṭhin teh suh, condom te hi chu kawl reng a pawi hleinem... sex ka hmang dawn tihna a ni chuang lo "

" urghh.... kal phawt ang, ka ril a ṭam .."
" aw le... mahse khatiang khan min melh tawh suh "
" engtiangin maw? "
" rum deuhin...thil ti sual melh in alawm min melh " a tih chuan ka lo nuih ringawt.

CHAPTER -26

"Her world is like a rainbow whilst mine is Black & White " 

★Rainer's POV★

Ka restaurant ngainat berah breakfast kan ei zawh hnu chuan ngawi rengin car lam panin min zui phei hnak hnak a, han biak ve te hi duh viau ṭhin mah ila sawi tur hi ka haihchham leh tlat ṭhin.

Car ah ka lut fel chiah tihin Sadie chu rawn lut ve ta mai lo chuan pawnah a ding tlat a, chahbi rawlh luh pah chuan tukverh ah ka kiau ka han nghat chhuak a.

"rawn lut rawh... "tum loh deuh hian ka lo vin leh hluk ṭhin.

"lo va kal hmasa rawh "

"eng nge i tih dawn? "

"umm... police station ah ka kal dawn " a tih chuan lehlam hawi pah hian ka chêk zui tlak a.
"kan tlai dawn!! i û chu vawinah a chhuak em em ang"vawi engzat nge ka hrilh tawh pawh ka hrelo.

"Kendra ka biak theih loh mai bakah thuthar engmah min rawn la hrilh bawk si lova...ka kal ngei ngei angai "

"engmah tih theih i nei lo chuvang chuan alo chhuah hun tur lo nghak tawp mai rawh " ka thusawi hi helh hle mahse dik a ti ve tho a ni tih a hmelah a hriat theih mahse lo ngai reng mah rawh min hnial leh tho ang.

"kal zawk rawh...bus in ka rawn kal mai ang " kha maw!!  hahh...henu hi chuan min hnar reng mai dawn a nih hi.

"i thu thu le... mahse minute 10 vel tal i nghah angai ang... traffic zam nen phei chuan a rei viau ang le ... " ngeiawm zet a nuih suk pahin car chu ka han ti nung hlat hlat a, tunah hian a in ngaihtuah mek tih ka hria mi â te a nih ngawt loh chuan minute2 chhungin car ah a rawn lut ang.

"fine..." vin deuh hlar a tih pahin car hma lam chu a hel nghal a, a ruk in ka lo khi suk ringawt. A tet tet nen hian a vin zek lehnghal.

"ka thu awih la a ṭha a nimai " a rawn luh rual chuan ka lo ti kher a, min rawn melh rûm leh tawh nang mai!!

 A huatzawng sawi te hi ka tum dan pawh a ni bik lo mahse mak tak maiin a bula awm a han chhaih vel hi nuam ka ti tlat pek a,a lai hmel te leh a zak hmel hmuh hi a nuam ka ti.

" project buaipui tur nei lo ila chu bus ka nghak ang... "
" ka tih pui ang che... " ka lo ti vat a, ka ti tak tak bawk.
" Enga!!  hahh...ka lawm e mahse partner ka nei tawh... " a tih rual chuan ka nui tawp nghal riai riai a, tu phiangsen nge a partner chu ni ta ang?

"tunge? "
"ka partner lehzel engvangin nge ka hrilh ngawt ang che..." mipa pakhat a kawm ve ziah pa kha a nih ka ring nghal.

"ka pui ang che ka tih kha... "
"Rainer... i thil tih hman loh tur min offer suh " hahh... hnar dan mawi hnai tak a ni.Hreptak chuan...

"bullshit... " ka hriat tawk leka phun sup pah chuan car chu ka khalh chhuak nghal dawrh a,chhanglet pawh ka tum tawh lo mahse a partner chu tunge a nih? tih bak ka rilru ah a awm lo thung.

In hre ngai lo ang maiin kan ṭhu ngawi leh kar tawh a,Sadie in tukverh lam hawi daih paha crisps a ṭhial rik rep rep bak thawm hriat tur a awm lo.Breakfast kan ei zo chiah a thil dang a ei lehnghal thei a nia engang pumpui nge maw a neih bik ni?

Kawng peng pahnih kan thlen chuan college kawnga tlan lovin ka apartment awmna lamah chuan ka peng ta zawk a,Sadie pawh a rawn in rawlh nghal .

"college kawng helam hi a ni lo... "
"ka in thlak ve phawt angai alawm " ka tih chuan min hriatthiam hmel tak hian a lo bu nghat a, ka thawmhnaw hi a hnawm deuh chuap a thlak vat ka duh.

"i rei lo ang tiraw? " tih pahin dashboard a sana chu a han melh nghal zeuh bawk a,hmanhmawh viau mahse kha pa nen khan an awmdun leh mai mai dawn tho kal hma vak a ngai in ka hrelo.

"ka hrelo... " ni e, ka hre miau lo ka rei viau maithei.

Car ka park fel hnu chuan ka room lam panin lift ah kan chuang chho nghal a, kawngka hma takah chuan kekawr ipte zen chung chuan ka ding run a,a ni erawh ka bulah zâm hmel takin a kut a kheuh niap niap thung.

"ṭawng rawh... "
" maw!! " mak tih hmel tak hian min rawn melh chho nghal ha a.
" ka sawi awmzia chu tikhan awm reng lo teh...tual that tu ka nih loh hi " tih pahin ka ipte a cigratte chu la chhuak in ka pet nghal vu a.

"a ṭha lo a ni tih i hre awm tho sia...khatiang thil i zuk khan cancer a thlen thei a ni tih i hre lo em ni ? "
"ka hria lawm... "
" i hriat chuan tawpsan ta si che... " ka meng phar deuh âk a, ka mei zuk chungchang ah hauh vawikhat ka tawh na. Tumah in bansan turin min la hrilh ngai lo a,thu ṭha tumah in min la hrilh ngai hek lo.

"zuk chhan ka nei maithei asin... "
"cancer vangin ka pa ka chan tawh a...i nu leh pa in cancer vangin an chan ve loh hram che ka beisei.. "
"i pa pawh khan zuk chhan a nei tho ang... " nuih suk pahin ka han pak khu leh talh a.

" a nih engvangin nge i zúk... " zawi sap hian min rawn zawt leh a, lift kawngka a rawn in hawn avangin pen chhuah pah chuan, " hun awl hnawh khat nan mawle " ka ti zui sap a.

Hetiang chungchang hi tumah in min la zawt ngai lo, tumah in min ngaihsak bawk hek lo chuvang chuan ka nun awhawm loh zet leh ruak tak mai hi tlan chhiat san tumin khawvel ka chen a ni tih hi tumah in min hriatthiam pui lo.

" zu tawh suh... " thupe tak hian a rawn ti a, a serious hle bawk. Ka chhanna nghakin min melh kar avang chuan ka tih ngaihna hre lo chuan ka sam tuai thuak pah in a hmui ah chuan ka zuk fawp zeuh ringawt a, a mak ti hmel leh hawihai hmel ka hmuh hian ka insum thei ṭhin lo, a ruk hian ka lo nui leh vur vur ṭhin .

Ka room password ka hmeh zawh chuan ka han hawng ri rak a, inchhung kan hmuh ruala Sadie mak ti hmel ka zuk hmuh chuan awm lo ka ti hran lo,
A rawn kal hmasak zawk khan kitchen light dim ruih bak a in on lova hetiang hian a ruak a ni tih a lo hmu lo pawh a ni mahna.

Ka in rawn tlawh tu apiang in hetiang chiah hian mak ti hmel an put ziah avangin ngaiah ka nei tawh .

He flat ah hian kum3 vel cheng tawh mah ila ka nun ruak tak ang chiah hian ka inchhung pawh hi a ruak .

 He inchhung zau leh lian tak ah hian kitchen lian ṭha tak rawng bawl ngai lohna tih hriat tak mai te,couch lian ṭha zet pahnih leh Tv lian tak hma a video games leh gamepad in zam hnawk nuaih mai te, excer lakna hmanrua dumbbell tih vel loh chu ka khum a awm leh deuh tlawng a ni mai a bak chu bungrua han lakluh emaw han chei ve eih pawh ka tum lo.

"ramhuai i hmu em ni ?" a awm a nawm loh hmel em avang chuan ka han fiam a,engtik lai aṭang khan nge henu ngaihdan hi ka lo care ṭan ni, tih hlim phet ka tum ta ziah mai hi ka in hrethiam thei lo.

Sadie in min chhan hma chuan pa lian thlerh thlawrh la upa lo tak kum50 pawh la tling lo,jeans leh sweatshirt simple taka ha hi kitchen aṭang chuan a rawn pen chhuak thauh thauh a, hepa hi vawi li chiah la hmu mah ila ka pa a ni tih ka hai lo .

"hello...nula maw ?"

Min nuih sang pah hian a rawn ti nghal vâr a," Muhammad ka nia... " tih pahin Sadie chu a chibai nghal bawk .Sadie pawhin a hming hrilh pah chuan tunge a nih pawh hre lovin a lo nuih let nghal sâng a, keimah ang tho in mak ti hmel pu mahse pangngai takin a awm lehnghal.

"engtin nge hetah i awm theih? " zawhna atthlak tak a ni,engthil nge i duh?  tiin zawt ila a finthlak zawk. Ka car te ,apartment te hi ama min pek vek a ni a ka password te lek lek hi chu a hre vek ang mawle. Mahse heng thil te hi a thlawn in min pe reng reng lo ka puih vang chauh a min pe a ni.

"Nashville ah hian software thar kan launch dawn mawle..mahse ka mamawh chu i hriat kha " a mamawh chu ka puihna!!  a sawi har ka ti reng a ni, ka hming sign tel lo hi chuan software pakhat pawh a launch theilo chu a nih hi.

"i hmei khan a pui thei ang che chu..." Sadie a awm ve avangin a sawi ṭha duh lo a ni tih ka hre ve kâr,ka puih mamawh em em si hian engvanga min mamawh lo anga lan tum tlat nge maw a nih ni?

" umm... balcony ah ka lo va chhuak ange " Sadie inthlahrung chuan a rawn ti ta ringawt a.
" a ngai lo... khawiah mah kal angai lo " ka lo tih ve tlat avang chuan a chhuak mai ngam bik lo, ka hnungah chuan inthiam loh hmel takin alo ding ngawi kar ringawt.

" Rainer... luhlul chhuah duh suh kan in mamawh tawn a ni tih i hriat kha..."
"Samantha in hetah i awm tih a hre tawh em? "
" i nu hmuh hi thil awlai tak a ni hleinem" za lo zet hian a nui lui suk a.

"zaninah i hman chuan dinner kan kil dun dawn nia...address ka rawn thawn ang che " tih pahin ka dar a rawn hmer zeuh a, kal pahin Sadie chu a nuih deuh suk a "kan inhmu leh vat dawn nia " tih pahin inchhung aṭang chuan a chhuak nghal a.

Ka nu leh pate hi kum 5 mi lek ka nih laiin ka pa in ngaihzawng dang a neih avangin an in ṭhen a,dan anga an in ṭhen lawk theih loh avangin in aṭangin ka nu nen chhuak tawh tho mah ila a ngaihzawng nu nen chuan an in neih theih lawk bik lo avangin chu nu chu a hmei angin hun rei tak chhung a awmpui a chuvang chuan 'Hmei' tih bakin ka ko ngai lo.

Ka pa leh a hmei chuan fa pathum an nei a , a upa ber pawh keimah aia kum 2 leka naupang a ni nghe nghe a awmzia chu ka pa hian ka pian hnu deuh lawkah midang lakah fa a nei tihna a nih chu !!

Kum13 ka nih in UK aṭangin America ah ka nu in min pem pui ta daih a.UK a kan awm chhung zawng khan ka pa nen hian vawikhat bak kan in hmu lo.

 America a ka awm hnu hian company ah share ka ngah em avangin ka puihna a duh avang chauh in vawi thum lai min rawn hmu turin a rawn kal tawh a , vawiin nen chhiar tel in ka pa nen vawi nga kan in hmu tawh tihna a nih chu.

Inhmu khat ta ngang chu min rawn ngaihsak lo bawk nen kan in nel lovin inhuatna pawh kan nei hran lo, amaherawhchu ka mal em avang hian a fate pathum bula a awm lai ka hmuh hian ka thik in ka awt ve ṭhin .

A company hi a thlawnin ka pui ringawt bik lova, ka nu hriatloh in a rukin thla tin pawisa min rawn thawn ṭhin turin kan in rem siam a,amah avang chauh a ka nu lak aṭanga tal chhuak thei ka nih avangin puih hrehna ka nei lo .

CHAPTER -27

"it's ok if you don't like me, not everyone has Good taste" 

Ka pa a chhuak fel chiah tih in ka sam tuai thuak pah chuan khum lam chu ka pan nghal a, ka jacket leh ka tshirt pawh phelh nghal in chhuatah chuan ka vawm let nghal tawp bawk a, ka closet a tshirt var plain chu la chhuak in ka ha nghal vat bawk.

"kha kha engtin nge i tih dawn? "

Mak tih hmel takin ka thawmhnaw chhuata ka paih let tawp kha a rawn melh ralh a.Engmah care hran lo ka lo ni bawk nen tihian ka thawmhnaw bal apiang chhuatah ka paih mai zel.

"umm...tihian in tifai tuin a rawn chhar mai ang " ka lo ti liam puat a, mahse ka ṭawngkam chu a lo helh leh tawh ngang mai.

Mahni a khawsa tih takah in tifai tur hi ka ruai mai zela, ka thawmhnaw pawh tihian ka paih tawp a ka in tifai tu in a su a ka closet ah a lo thlep ṭha mai ṭhin.

"in tifai tu a?!! hahh " a nui deuh hak a mahse engmah a sawi chhunzawm lem lo, chu chuan min ti dil chhut zual.

"eng nge? " tih pahin kitchen lam chu ka pan nghal a.
"umm...nangmahin i awm a i ti ve thei reng alawm " a tih chuan a rukin ka khi suk ringawt.

College kal lai ka ni a, keimahin ka khawsak avang hian khawi aṭanga pawisa hi nei nge ka ni tih a ngaihtuah tih ka hria ,ka sawi tawh ang khan ka pa hnen aṭangin pawisa ka dawng hnem lutuk tlat.

"a nih chuan min zirtir la "

Ka tih chuan a mit chu a lo chet kual nghal ralh a, nuih vur vur pahin fridge a beer can pahnih chu ka la chhuak a,pakhat zawk chu a awmna zawnah ka lum phei nghal bawk.

" ka duh lo... ka lawm e " tih pahin beer chu a rawn lum phei lehnghal,engvanga a awmdan apiang mai hian ka nuih tihza em em zel nge maw anih le?

Vawiin chu nidang anglo takin thinrim hlur leh huat tur zawng reng reng ṭhin kha ka mood a fuh in ka nui ta reng mai. Nizan ka mut ṭhat vangah ka puh thla hmiah.Hun rei tak hnu ah tui takin ka mu leh thei a, Sadie bula ka mut avanga mu tui ka ni tih chu hrilh ngai lovin ka hai bik lo.

"Rainer... i kut kha a rawn thi leh tawh a nia... "

Min rawn en vung vung hnuah hlauhthawn hmel tak hian a rawn ti chhuak phawng a,ka mit ti kân deuh âk pahin ka kut pilh hrep hrup leh ro bem bum chu ka han thlek zeuh a,ka kut châng hmun hnih vela lo thi ve ser ser ka hmuh chuan hlauhthawnpui tham nia ka hriat loh avangin beer chu ka lem san leh daih a .

"damdawi hnawih angai a nih hi... " tih pahin ka kut chu a rawn la nghal sawk a,ka kut pilh phung chu ngun taka a thlek lai vel chuan mak ti takin ka lo en reng ringawt.

Min ngaihtuah niawm takin a awm a,a thutak hle bawk ,hetiang thil hi ka tan chuan thilthar a ni a, lo châwn dan ka thiamlo.

"hetah hian first aid kit a awm " a kawnga dawm pahin ka lamah ka pawt hnai nghal a,en ringawt pawh hian a zâm hle a ni tih ka hre thei mahse chu chauh pawh chu hmuhnawm a tling em em tho .

"umm...kan ...kan la ange? "

Kun tlat pahin a han inla hrang nghal vat a,a zak a ni tih hre reng mah ila ka mit ka lak san theih bik loh avangin a chezia chu ngun takin ka lo thlir reng a,thil ho te te ah pawh a lai nghal zel mai te hian a nun thianghlim zia leh hetiang kawngah hian mithar a nih zia a ti lang chiang hle.

Drawer a hawn kual rak rak lai chuan a sam hma lama rawn tla chham mai chu a bengah ka lo zeh sak a, first aid box a hmuh mai loh avang chuan ka dinna bula drawer chu ka hawng ta ringawt a,amah en reng chung chuan ka la chhuak nghal a.

 Ka kut hi na ka ti lova ka ngaihsak lem lo amaherawhchu Sadie react dan hmuh ka duh vang hrim hrim a hnial lo mai chauh ka ni.

"uluk deuh la chuan a dam daih tawh ang..."

Ka kut pilh a damdawi uluk taka hnawih pah chuan zawi sap hian a ti a,min hau a ni zawk mah a niang chu .

Nichin aṭang tawh khan a zah avangin hnuai lam a la bih ngar ngar a mahse thil maktak mai chu a ni chauh hi zam leh awmdan danglam a ni bik reng reng lo ,kei ngei pawh hi ka thinphu a râng sawt in a awmdan ho te te pawh hian min hip em em ringawt .

"a zo ta... ti huh tawh hrih suh... " lapua dah pah chuan a nui nghal ver ver a, kalsawn a tum pawh chuan a kawngah nghet takin ka lo dawm bet tlat a,ka lama ka pawh hnai takah chuan mak tih hmel takin min rawn en nghal kâr a kei lah ka mit ka la sawn thei tawh lo.

"Rainer kan tlai dawn... " hawisawn hmak pahin talchhuah a han tum deuh aih aih na in kei ang tho in kal nghal a duh bik lo tih ka hria.

"min en rawh... " thu pe takin a hriat tawk lek hian ka han ti chher chhap a,a la kun tlat avang chuan," i duhawm takzet " ka han ti leh sap a, hetiang ṭawngkam hi midang lakah ka la hmang ngai lo, mahse Sadie bulah erawh awlsam takin a chhuak mai thei thung.

Muang changin a rawn chho a, mitmeng hriatthiam har deuh hian min rawn en nghal kâr bawk, tunah zet zawng mipa thisen lum leh in ring nghal at tih takah insum buai lovin a hmui sen no chek ah chuan duhthawh takin ka zuk fawp nghal tawn tawn a, min hnar loin min lo fawp let ve nghal tawn tawn avang chuan a rukin ka khi suk ringawt.

Infawp reng mah ila ka kut chuan khawih tur zawngin a awm bawr vel chu ka dap nghal ruai a,a chang leh a mal ka zut thul ka awm hle hle thei lo a ni ber.

Thir hip thei lianpui ang maiin kan in hip tawnna a nasa in kan in mamawh tawn zia kan hre chiang a he hun nuam tak mai hi bawhpelh mai mai kan tum hauh lo.

Infawp pah reng chung chuan khum lam ka panpui nghal a,khuma ka mut tir rual rual chuan a ke pahnih chu kuai kak in a chungah chuan ka ban veilam in ka in nem khalh a lehlamin a kekawr kawng ka phelh nghal mawlh mawlh thung.

A kekawr ka phelh thlak sak rual rual chuan a kawr hlip leh in a dul leh a nak bawr vel chu ka hmui chuan ka han nawr ne ne a, a hnute ka fawh lai phei chuan ka sam ṭham pahin a rawn rum nghal ham ham a, nuam ti takin ka siam tih ka hria a ka khi nghal suk bawk.

A hmui fawh leh pahin a khat tawkin ka kekawr chhanah ka mipatna pawng ṭul chuan ka han nawr a,a lo maimichhing nghal diar diar a.

"min en rawh" thupe tak hian ka han ti a, a maimichhin bo daih hi ka duh lo,a hun tawn nuam tak siamsak tu hi chiang takin min en se ka duh.

Mitmeng tawrh har zet leh chakna a khat vek hian min rawn melh nghal chiai a,a duhawm takzet.

A nghawng vel fawh leh pah chuan a panty chhanah chuan ka han nuai sak a mahse harhchhuak niawm takin min rawn nam sawn deuh pah hian,
"Rainer... ka.. ka theilo " a rawn ti tham nghal ṭiak a, ka lo chek zui tlak bawk.

Hreptak chuan a la thianghlim a ni tih hi ka lo theihnghilh leh ṭhin.

" infawh ringawt te chu a pawi lo "
 chhuanlam chhete ka neih chhun chuan ka han thlem a, mutpui erawh ka tum lo mahse kan ti ta sa sa nuam ti tak leh lungawi taka siam ka duh.

"engmah a thleng dawn lo,engtiklai maha i thil theihnghilh ngai loh tur hun nuam tak ka pe ringawt dawn che " ka tih leh takah chuan min ring a ni tih ka hriat theih nan a lo bu nghat a, a ni pawhin a thil la tawn ngai loh hi dai a chak tih ka hriat avangin in tawpsan mai ka tum lo.

Nuih suk pahin a chalah chuan ka han fawp zeuh a, khum mawng lamah tawlh thla nghal in a panty chu phelh sak ka han tum a mahse ka kut ah vuan in min lo dang nghal vat thung.

" min ring rawh... " ka hmui liah zeuh pahin ka han melh a, lukhama leh thlak tawp pah chuan min vawnna chu a thlah thla riai riai a, min ring a ni tih ka hriat chuan ka nui nghal vur vur a, hei aia thu lawmawm hi a awm thei dawn dawn em ni?

Min rin tawh miau avangin a panty chu awlsam takin ka phelh sak a, a hmeichhiatna nuai sak pahin kan fawp chiah mai chuan rum ham ham pahin a rawn er nghal ngawng ngawng a,ka sam ah a rawn tham nghal tawn tawn bawk.

Reilo te ah a ke chu a rawn khur nghal der der a ,a vawrtawp a thleng a ni tih ka hriat rual chuan ka in sawn chho nghal a, a hmui ka fawh hnu ah a chal thlan dap ah chuan ka han fawp leh zeuh a, a pangngai hun nghak in ka ban chu ka kham tir nghal bawk.


_________________________________________

Sadie a in hak fel hnu chuan college kal tur chuan kan in zui chhuak nghal a, a hma aiin a hmel hmuh a nuam in hlim hmel a put sang avang chuan a khat tawkin ka lo en leh vung vung ṭhin.

"tlaiah min lo nghak rawh... " lift a kan chuan lai chuan a ngawih reng avang chuan nuam lo a tih ka hlauh avangin ka be hmasa a.

"project buaipui ka ngai maithei " chu project bawk chu!! khapa phiangsen nen khan an buaipui dun loh ngei ka beisei.

"i chawlhsan maithei lo em ni? "a engamah hma in ka vin nghal hlur a .
"submit vat angai alawm... bakah tih tur i neih kha "
"engchu maw? "
"Muhammad nen dinner in kil dun dawn kha... "ka lo theihnghilh leh hman tawh,engpawh chu nise khapa nen khan project an buaipui dun ai chuan ka thlah haw hmasa mai ang .

"ka pa a nih kha... " ka ti chhuak phawng ringawt!! engvanga ka pa min ngaihsak duh eih lo tu kha ka pa a ni tih hrilh kher nge ka nih pawh ka hre bik lo.

Sadie chuan mak tih hmel tak hian min rawn en nghal kawk a mahse pangngai takin a awm leh vat tho.
"in in ang ka ti reng a... a nelawm in a fel takzet " hahh...a han fak mawi ve tak naiin a ngai ka ti lem lo.

"vawi 5 chiah min hmu turin a rawn kal chupawh ama hlawkna tur chauhin chu mi chu mi fel tak a ni thei dawn em ni? "
"pawi ka ti lutuk... mahse i pa a nihna a bo chuang hleinem"
"i sawi dik... mahse a fapa ka nihna ve thung hi " za lo zet hian ka nui nghal suk a, thinrim avanga nui ka ni zawk.

Garage lam pana ngawi renga kan inzui phei lai chuan Nikki chu hmanhmawh hmel takin a rawn tlan phei nghal hlawk hlawk a, kan bul a rawn thlen phei chuan Sadie nen min hmuh duh avangin phawk zet hian min rawn melh nghal kawk a,' insawifiah i ba' ti niawm fahran hian "hello " ha seh chilh ran in a rawn ti zui hlak bawk.

"Sup... Sadie ....eng nge hetah i tih?" Nikki in a zawh chuan Sadie chuan min rawn melh zeuh pah hian, " umm... project chungchang kan sawi a... " a lo ti nghal vâr a, ka lo nui chhuak nghal hak a.  Nikki lah chuan ngaihṭha lo tih hriat zet hian min rawn melh leh ram a, nuih vur vur pahin, " a sawi ang chuan " tiin ka lo chhang ringawt .

"eng nge hetah i tih? " a hmanhnawh em avang chuan ka ti a.
" ka car ka kah ṭhat tir a... vawin chu office ah min hruai ngei ngei a ngai "

"lut rawh " tih pahin driver seat ah chuan ka lut nghal a, Sadie chu passenger seat ah a ṭhu a Nikki erawh a hnungah a chuang thung.

Sadie thlah phawt ka ngaih avangin college lam panin ka khalh chhuak nghal a.

"Sadie eng project nge in buaipui a? " Nikki chuan dilchhut zetin Sadie chu a han zawt kual vel a, front glass aṭangin Sadie awmdan vel chu ka lo thlir reng a,a zam em avang chuan tukverh lam hawi pahin a rukin ka nui vur vur ringawt.

"Rainer... nizanah Amira a rawn kal a, a rawn zawng che lawm "Nikki in Amira chungchang a rawn sawi chhuah rual chuan Sadie chu front glass aṭang chuan ka han melh leh zeuh a, engmah sawi lo mahse a hmel hlim sâng kha a awm tawh lo.Amira hi a thik emawni le?

Chutah mi chhe sawi chu koh aiin a hnai tih takah ka phone chu a rawn ri nghal rang rang a, ka ṭhutna bul maia ka dah avangin ka zuk melh nghal zeuh a Amira hming ka hmuh rual chuan ka thaw chhuak nghal hak a, ka hmet tawp nghal. Amira call ka dawn aṭang phei kha chuan Sadie chu a ṭawng duh ta miah lova tukverh lam a melh char char ringawt.

 College kan thlen rual rual chuan ,"banah ... "ka han ti dek dek a .
" ka hman lo... project tih tur ka nei " Sadie chu lungawi lo tih hriat takin car atang chuan a chhuak nghal hmak a. Nikki thlah leh ka ngaih avangin ka umzui lem lo.

" Well... well.... eng nge awmzia tunah khan a vawikhat nan hmeichhia in an hnar che maw?!!" Nikki chu nuih hak hak pahin a hma lamah chuan a rawn in sawn nghal a.
"ka awih thei lo...!!"
"hmeichhia zawng zawngi hian thil ṭha an duh vek hleinem "in ring tawk takin khik vur vur pah chuan Nikki te office lam panin kan tlan chhuak lehnghala.

(Intimate(sex) scene hi lehkhabu ka chhiar atanga ka ziah vel mai mai a nia ...awm ang lo deuh emaw a nih dan tur lo ang deuhin ka lo ziak a nih chuan min lo hrilh dawn nia )

CHAPTER -28

" i'll be as dirty as I please, and I like to be Dirty and I will be dirty" -Emily Bronte

Nikki ka thlah hnuah khawiah mah kalkawi lovin college ah ka let lehnghal a, lecture hall pan lovin kan ṭhian ho a kan ṭhut khawmna ṭhin room lam chu ka pan hmasa zawk a.

Room a ka luh chuan a ngai te bawkin kan ṭhian ho Shane tih loh chu an lo kim leh ṭhap tawh,class kal kan peihlo tlang a ni e.

" Hey!! man...i va hma ve "ka tlai bik ziah avangin Declan chuan min lo fiam nghal a.Midang ho nen kan in high-five tliar tliar hnu chuan thatchhe zetin couch ah chuan ka ṭhu ve nghal thak a.

"Rainer... Shane chanchin i hre leh tawh em? " buaina a awm apiangin a chingfel tu ber ka nih ṭhin avangin Carter chuan min rawn zawt a, midangin min lo en ṭhap thung.

Nizana Braydon te unau restaurant a an rawn luh rual khan Zack an buaina siam lo turin kan vaiin min in tiam tir vek tawh hnuah Shane rui phur in Sadie a va be lui vei awt awt a, a chan tawk a hmu a ni mai .

"ka hrelo...a bodyguard ka ni lo "tiin ka lo chhang hmak.

"Braydon nau tihbuai loh hi a fin thlak reng a ni" kan zinga upa ber leh puitling ber Zack an a tih chuan midang ho ngaihdan a lo ni lo ngang mai .

"keini nilo in an ni ho zawk sawn min rawn tibuai lo se a finthlak a ni mai " Carter an alo hnial nghal.

" A dik chiah...Braydon a nau saw ka la khawih chhe vek ang mawle... John pawh saw ka la hnek ang" Declan pawhin inla pawr takin a rawn ti nghal pang pang a,ngawih chuh tlat ṭhin mah ila tun ṭum erawh Sadie chungchang a sawi dan hi ka helh tlat.

"i bialnu a chhuhsak chung che pawn engtin mah i tih ngam tawp loh kha... "

Ngeiawm zet hian ka lo ti ve ngat,mahni ngaihdan pawh sawi chhuak ngai zen zen lo ka nih avangin mak tih hmel takin Zack leh Carter te pahnih chuan min rawn en nghal.

Declan chu a hma aiin a thinrim zual sauh emaw tih mai tur hian a rawn ding chhuak nghal hluai a, engang pawhin inhrosa ve teh mahse buaina chawh chhuah ka duh loh avangin ka ṭhut dan ngaiin ka ṭhu reng tho.

"hmela...ṭawng fimkhur rawh " a rawn tih takah chuan ka pai dam thei ta lo, ka ṭhutna aṭang chuan ka ding chhuak nghal vut a ,mahse kan in tihbuai hma in Zack a rawn in rawlh hman .

"Guys... duhtawk rawh u, Shane police station-ah a awm mek a hetah keini ho hi Braydon vangin kan lo in ti buai ang maw? "Zack chuan a rawn ti nghal tuarh a.

"Jessica chungchang a rawn sawi a nih kha... "
" Declan ngawi hmak rawh...Jessica a ni emaw Braydon nau emaw pawh ni rawh se an ni ṭhian ho nena kan inkar buaina ah hian inrawlh na an nei lo " Zack an Declan a zilh zawh chuan keimah min rawn en veleh a .

"Rainer... an ni ho avanga kan tawrhna kha theihnghilh ngai suh " a rawn ti zui sup a.

"engtik lai mahin ka theihnghilh ngai lo " ka tshirt pawh mar pahin ka ti ram hmaih a,Declan melh kur pah chuan engmah sawi chhunzawm lo in room aṭang chuan ka chhuak nghal nal nal.

Kawngka ka pel fel chiah tih in Zack bawk chuan min rawn umzui a.

" Rainer... Braydon nen hian kan ṭhian ho nen a kan buaina aia thuk fe buaina dang i nei tih ka hria... engmah sawi duh lo mah la keini ho tal hi chu kan ṭan rual a ngai tih hi hre reng rawh"

" ka hria " ka ti sup a.
"he buaina ah hian pawisawi lo hmer lut tel lo turin ka duh che, an ni ho leh keini ho inkar chauh ni rawh se" a tih chuan ka khi lui nghal suk.

"i rilru a ṭha bik hle mai " tih pahin Zack chu ka han din hnaih deuh a, "heihi hre reng rawh Braydon leh a chekhnawk ho zawng zawng hi zahngaihna tel hauh lo in ka ti chhe vek dawn... tuman min dang thei lo "tih pahin ka in her a ka kal lehnghal nal nal.

Kum 2 liamta daih atang tawh khan Braydon te ṭhian ho nen hian kan lo in hmelhriat tawh ṭhin, mahse drugs chungchangah buaina kan neih hma kha chuan in tih buaina kan nei lo.

Hun rei tak chhung chu Braydon hian weed (ganja)leh drugs kan ṭhian ho mai bakah midang dang hnenah a lo supply kual tawh ṭhin a, amaherawhchu an ṭhian ho fimkhur loh luatah keini ho chu police in min ringhlel ta daih a.

Thla 2 dawn teh meuh enthlakna hnuaiah leh case rit tak kan awrh hnu chuan engtin tin emawni kan in sawi fihlim thei hlauh amaherawhchu khatah khan kan inkara inhuat na te chu a tawp mai awzawng lo kha thil thleng avang khan hmelma kumhlun tia sawi hat hlawh khawpin kan in huat phah a, buaina sawifel theih loh chu kan neih phah ta a ni.

Zack hian vawi tamtak pawisawi lo hmer tel lo turin leh keini ho inkara buaina chauh ni rawh se tiin min hrilh fo tawh ṭhin mahse keichuan ka pawm ve lo a chhanchu Braydon nen hian buaina  dang thuk tak tuma hriat ve loh kan nei tlat.

Thianho intih buaina satliah ang mai mai kha a ni ve tawh lo,reh thei tawh lo tur khawpa lian ser nung a hnutchhiah tlat tawh avangin engpawh thleng dawn se pawisawi lo hmer tel ngai pawh ni rawh se ,a kehchhiat vek na tur a nih dawn phawt chuan engthil pawh ka ti ang.

Mahni chauha awm ka duh avangin class kal reh ṭhep ṭhawp lai chuan corridor ah kekawr ipte zen chung hian ka kal phei thauh thauh a,khawi hmun pawh nise a reh a midang awm loh na hmun anih pawt chuan chutah chuan ka awm mai ṭhin.

" Rainer... " Samantha aw ka hriat chuan ka ding chut a, ka mood a fuh lo bawk nen a hmel hmuh pawh hi ka peih lo.

Engmah sawipui tur ka neih loh avangin kal leh nghal mai chu ka tum a mahse  a chamber a zui turin min rawn tih takah chuan ka hawi let ta nge nge a.

"min be duh tak tak a nih chuan zaninah kan in hmu thei ang "

" hahh... ka fapa be tur pawhin appointment ka lak a ngai ta a ni maw " ngeiawm zeta min rawn nuih pah hian a in kuangkuah nghal.

" a ni mai a niang chu " a awki ang chiahin mit ko tih san ak pah chuan ka ti let ve ngat.

"tih luih kher i duh loh chuan tunah min rawn zui rawh... "

 Thutak leh thinrim insum tih hriat tak hian a rawn ti leh a, a mitmeng paw châk mai nelawm loh zet chuan min melh khai bawk.

"a nih loh pawhin hetah hian kan sawi mai dawn mi? "  ka zui dawn lo tih a hriat chian em avangin min vau leh ta nge nge.

Midang hmuh ah leh langsar taka in biak ka duh loh avang leh ka nu anga awm lo tura ka hrilh ṭhin avangin hetiang zawng hian min vau leh nge nge ṭhin.

"helai hmun ualau taka inbiak hi i duh lo a nih chuan min rawn zui rawh "hnehtu in ti taka min rawn nuih suk pah chuan a in her a, a chamber lam panin confi zetin a pen nghal auh auh bawk.

Samantha nen hian kan in be ngai zen zen lova ,thil pawimawh tawpkhawkah lo chuan min hmu tur pawhin a rawn kal ngai lo. Hei tunah pawh engthil pawimawh tak sawi leh ang maw? duhthlan tur dang ka nei miau lo ka zui leh ta nge nge a.

A office a ka luh rual rual chuan ṭhu turin min lo hrilh nghal vat a, nu leh fapa inbe tur ai mahin business chungchang sawi tur te pawh kan ang zawk, engkim hi official takin kan ti thlap thlap reng mai dawn chu a nih hi.

Thil dang a buaipui lai chuan ṭhu tura min tih na ah chuan thatchhe zet hian ka lo ṭhu ar ar a,dawhkana a name plate a 'Dr.Samantha Walker' tih inziak chu ngun takin ka melh ngur bawk a,a hming tawpa Black tih kha engtik aṭanga lo paih daih nge a ni tih pawh ka hre nek love.

"kha heihi chhiar rawh... " tih pahin paper hi ka hma ah tak chuan a rawn dah a, chhiar pawh tum lovin ka lo melh ringawt.

"tikhan sawi mai rawh"

Ka ṭhutna chair vir thei nghenchhan nghen ar ar pah chuan ka in sawi chhen a.

" Contract a nih kha "a tih takah chuan mak ka tih em avangin ka meng phawk deuh ak hman a mahse ka in siam ṭha leh vat.

"nizanah police station ah i lut leh a ni tih ka lo hria a...." a han thaw chhuak leh halh a " engpawh chu nise i thil duh em em Braydon Morin pawh ka hnawtchhuak tawh a,thil dang tamtak pawh ka la tih sak thei che tih i hriat kha chuvang chuan police station a bail chhuah ngai in emaw min ti hmingchhe zawngin awm tawh suh " a sawi zawh rual chuan ka lo khi suk ringawt.

"ka duh apiang min tih sak thei dawn em ni? " ṭhut ngil pahin paper chu ka la a, ka nu a ni a a hma a sial in a hmingṭhatna humhim nan chuan engpawh a ti duh tih ka hria mahse contract em em hi chu ka beisei lo.

"engthil nge i duh sawi rawh " a ṭhutna chair nghen pah chuan a han in kuangkuah leh a.

" i mipa mutpui pa nen a in chungchang hi mi zawng zawng hnenah sawi rawh " ngeiawm zet hian ka nui nghal vur vur a,Samantha erawh bomb puak tur ang maiin a ling nghal vur thung .

" Rainer Black... i ṭawngkam fimkhur rawh " inchhung khawk rawng rawng thei khawp a ring chuan a rawn au nghal tuar a .

"relax...thil ho te te ah hlauthawng viau ṭhin teh suh "
" contract hi sign vat mai rawh....Braydon Morin tihchhiat i duh a nih pawhin ka pui ang che amaherawhchu kha thil chungchang kha sawi chhuak leh tawh suh ang che "

" i puihna tel lo pawhin ka ti chhe vek thei,ka thil duh zawng chu ka duh hun apiangin dinner emaw breakfast emaw min eipui ṭhin la a ni mai " dawhkanah pen chu la in paper ah chuan ka sign nghal mawlh mawlh a ," i tih hlawhtlin theih ngei ka beisei " ka tih chuan mak tih hmel takin min rawn en nghal kawk a,a chamber aṭang chuan ka chhuak nghal vat bawk.


Kha kha a ni ka nu mizia chu ama tana ṭha tur a nih dawn phawt chuan engpawh tih a huam ka tih tawh kha.

Tu nu in nge mahni fate contract sign pui ngai!! min ngaihsak ve deuh theih nan nasa takin ka beih hnu ah pawh business ang lek bakin min lo en miah lo a nih dawn kha.

Samantha office kawngka ka pel fel chiah tih in ka in rin hma hma in hnung lam aṭang chuan Amira hian lecture room ruakah chuan min nawr lut nghal dawr dawr a, kawngka a kalh rual in a thim nghal mup bawk.

" Engthil nge maw i tih le? " ka lo thinrim sa bawk nen ka vîn leh hle tawh.

"shh...bengcheng suh " rawn tih sa sa pahin ka nghawnga a kut suihzawm tlat pah chuan min pawt kun nghal a, ka hmuiah chuan ngeiawm zet hian a rawn nawr ne ne bawk.

"keimah chauh a awm ka duh " chiang fek fawk a ka hrilh pawh chuan a beng chhu ngawng tlatin duhthawh zet hian min rawn fawp nghal tawn tawn a,hetiang khawpa hmeichhe zei, sexy leh chhelo lutuk tak mai ka hnial tih hi midangin hria se chuan ka â ta emaw an ti hial ang .

" Rainer... min hnar tum suh nangpawhin i chak tih ka hria "

Thawk chhuah ham ham pahin ka mipatna chu a rawn ṭham a, chutah zet zawng mipa azawnga harhvang leh thisen lum nghal at ṭhin tih takah ka insum duh ta bik lo duhthawh tak leh dim lo lek hian ka fawp let nghal tawn tawn a, a awm bawr chhah ṭha tak mai chu ka ta a nih tawh miau avangin ka ṭham nghal bawrh bawrh bawk.

"ka tih reng kha... kei hi min hnar thei lo "

 Shit!! ka duh aiin a ṭawng hnem tawh mah mah amaherawhchu min tih phur dan a thiam em avangin a hmui hi ka thlah phal chuang lo.

Amira in ka kawnghren leh ka kekawr zipper a phelh hnu chuan ka kekawr chu tlemin a han pawt thla deuh a, ka hma ah tak rawn ṭhingṭhi nghal in ka mipatna chu hum in zei zeta liah duai pah chuan a rawn hmuam ta pulh pulh mai !! reiloteah ka tla nghal vat bawk.

"helai hmunah hian rawn kal tawh suh ang che " a hmuiah ka fawp lehnghal.

"a nih chuan kan block lamah kan phei dawn mi aniang " ngeiawm zeta min rawn nuih pah hian a pawnfen chu a han pawt chho kher a!!

"Don't makes me want to fuck you everytime "

Ka hmui liah zeuh pahin dawhkanah ka pawm kang nghal nawlh a, a panty a phelh zawh ah ka hma ah tak awhawm zet hian a ṭhu dawrh nghal siah a ,a taksa chhunga ka luh rual chuan a ṭe ring em avangin midangin kan thawm an hriat loh nan a hmuiah ka fawp lehnghal chawt ringawt.

CHAPTER -29

"All i have is her "

Amira in a panty leh a pheikhawk a bun ṭhat lai chuan thatchhe zeta dawhkan nghen pahin phone bih ngur chung chuan ka lo nghak ran a.

"hmelṭha pa... "

 Ka hma ah tak rawn ding in min rawn nuih ver ver pah chuan zei zet hian ka awm aṭangin ka dul thleng a rawn zut thla leh a,a hmui sexy zet seh pahin la kham lo niawm fahran hian min rawn en chho kar a, a kut zungchala ka hmui rawn khawih leh pah chuan ka hmui chu a rawn liak zeuh a, ngawi rengin a che vel chu ka lo melh kur ringawt.

"a lehpek ah chuan helai hmunah hian hmuh che ka duh tawh lo " fiamthu na tel hauh lo chuan ka han ti ram hmuk a.

" min hrilh ngun tawh lutuk... hahh mahse hei hun nuam tak kan hmang dun a ni lawm ni " a tih takah chuan ka lo khi suk a.

Rilru natna emaw buaina ka tawh chang apiang hian Amira hi a rawn lang fuh chat ṭhin a, ka rilru pawh buaina lak aṭanga min lak pen sak tu awmchhun a ni.

"a lehpek pawh ka nghakhlel tawh takzet " tih pahin ka mipatna chu a rawn nawk pah zeuh zeuh bawk a,henu hi chu hnar hi a harsa mah mah ṭhin.

"ka hrilh tawh che kha.... " ka han ti dek dek a, "bialnu neih i duh lo chuan kei ngei pawh hetiang thleng thleng kan thlen hnuah pawh ṭhian angin min la en " nuih kêr kêr pah chuan a lo ti nghal zung zung a, hetiang thu hi ka hrilh ngun tawh bawk a tunah chuan rilru tih nat nan a hmang tawh bik lo a nih dawn hi.

"aw le...i sawi dik " ka tukhum sam tuai chungin thawk halh pah chuan ka han ti leh a.

"Rainer nang hi chu ka hrechiang lutuk tlat che ka zem kual chhung che chuan hneichhe dang i mutpui dawn lo tih ka hria mahse engtik ni ah emaw chuan ka rilru hi i la hrethiam ve ngei ang "

Henu tak hi chu... ni e, a sawi dik mipa dang angin hmeichhe pakhat an hne avanga kar khata hmeichhia dang dang mutpui kual ṭhin ang kha ka ni ve lo.

Amira in min zar buai chhung chu amah ah chauh ka bet a, midang ka lo mutpui a nih erawh chuan Amira hi ka thlah hmak anga chunu chauh chu ka kawp leh a ni mai.

Amira nen pawh hian kan awmdan en chuan ingaihzawng ang chiah kan ni amaherawhchu 'inngaizawng' tih hi kan inkar inzawmna hming atana vuah hi ka duh lo, ṭhian chin bak lo chu a aia thui ka pelh tir ngai bawk hek lo.

"nang hi chu i mak ve ngawt mai.... engvanga bialnu nei duh miah lo nge i ni? " a han ti leh a, he zawhna bawk chu!!  tupawh mai hian min zawt zel chu a nih hi.

"hun khawhralna mai a ni " tih pahin ka han in la hrang nghal vat a,"kal ang... room hi an hmang ṭep tawh ang " tih pahin room aṭang chuan ka chhuak nghal a.

Ka ngaihdan ah chuan inngaihzawnna tih vel hi hun khawhralna mai a ni, tawp chin a nei a ,mi pahnih inkar a tih chhiat mai bakah mimal zalenna a phuar beh tlat avangin khatiang thil ah kha chuan ka buai ve duh lo.

" Zaninah movie en ila... " Amira chuan beisei ngam chiah si lo beisei ru deuh si hian min rawn melh a.

" ka hman lo... ughh kalna tur dang ka nei "

"khawiah? "

" ka pa nen dinner kan kil dun dawn" zep buai lovin ka hrilh nghal maia,a chang hi chuan ṭha deuha chhan hi a phu ve hian ka hre ṭhin.

"oh!!  a lawmawm nasat chu, zan dangah a ni mai " rilru hnual tih hriat tak hian a ti zui sap a, ka inthiam lo lek lek.

"tunah class ka nei dawn... ni hman nuam le " ka sana bun lai en pah chuan kal mai ka han tum a.

"Rainer" a awm dan cool lutuk chuan ka ngaih a ti ṭha lo lek lek.

"eng nge? "

"ni hman nuam le " tih pahin a rawn dingdihlip a, ka hmui a rawn fawh zeuh hnu chuan ngawi rengin ka in her a hawi let tawh lovin kan department lam panin ka kal nghal nal nal a.

Carter nen Physics lecture room lam pana kan kal lai chuan ral lehlama Sadie leh mipa pakhat hmanhnawh taka an inzui hlawk hlawk lai ka va hmuh chuan ka en zui nghal vung vung a, Carter thusawi lai pawh ka bengkhawn hman tawh lo.

" Rainer.... " Carter an min rawn ko tih ka hriat rual chuan ka hawi let lehnghal zawk a, ka hawi na lampang thlir chung chuan eng thil nge ka en tih a lo zawng ve mek bawk .

"sawi rawh... "
" Shane pawh a rawn chhuak tawh a... zaninah frat party a awm bawk nen hmaih chi a ni lo "

"weekend ah ka rawn kal ang "
" wow!! man...weekend a!! "

Ka fiamthu a nih ringin a nui nghal hawk hawk a, keimah zawk zawk hi party na a kal tam zawk ka nih laiin weekend daih lo sawi chu a mak ve em ani mahse tun ṭum erawh ka fiamthu lo ,Samantha contract ka sign pui tawh a ,chhungkua anga hun ka hman dun theihna tur a nih dawn phawt chuan a thusawi kha a tam thei ang ber zawm sak ka duh.

Class tawp ber a zawh hnu chuan ka pa hnen aṭangin message in kan inhmuhna tur address ka dawn avangin hmanhmawh takin parking lot lam pan chuan ka pen nghal hlawk hlawk a amaherawhchu Sadie bulah ka hruai haw tur thu ka lo hrilh tawh avangin leh a rawn in lan ngei ka rin avangin nghah pahin cigrattee pak khuk laih laih chung chuan car ah ka lo la ṭhu khawmuang a.

Minute 15 dawn ka nghah hnu ah pawh ala rawn lan thei loh avang chuan sana chu ka thlek sek tawh a, heihi hmeichhia ka vawikhat nghahna a nih avangin ka dawh thei lovin kum khat ang maia rei ka nghak tawh in ka hria.

 Minute 5 dang ka nghah belh leh hnu chuan side glass aṭang chuan nichin a a mipa zui pa kha ka hmuh thut avangin car kawngka chu hawng nghal in ka pen chhuak nghal thurh a, Sadie hmel erawh hmuh tur a awm lo.

Chupa hma ah tak chuan kekawr ipte zen chung chuan ka ding khur a, hepa hi Sadie zar buai chhen tu leh ka lo sawisak hrep tawh pa kha a ni tih a hmel ka hmuh rual hian ka hre nghal.

"hey!!  khawiah nge Sadie? " ka ti nghal thawr a, min cho hmel zet hian a rawn hawi sang nghal vah lehnghal.

" Hey nilovin Sadie bialpa Derek ka ni " a tih chuan ka khi lui nghak suk, biak rei chi a ni in ka hrelo.

"ka sawi sual loh chuan Sadie awmna ka zawt che in ka hria "

"chutia i hre duh te a nih chuan mipa dangin an thlah haw daih tawh a ni tih hi ka lo hrilh hre ve mai mai ang che " a tih rual chuan ka ngeng a chhun nghal zak!! mahse ka awmdan tih danglam ka tum lo.

"a lehpek ah chuan keiman ka thlah tawh ang...lo nghak buai duh tawh suh "insual cho nghal ar tih hriat tak hmel pu hian min rawn melh a.

A kalsawn hnu chuan car ah ka lut nghal a, lungawi lo leh thinrim ru tak si in car chu ka han ti nung hlat hlat a, ka pa address min rawn thawn na lam panin ka tlan chhuak nghal a.

Kan inhmuhna hmun tur ka thlen meuh chuan dinner kan kil dun na hmasa ber tur a nih avangin ka zam ve deuh.In hmu ngai lo tih takah ka pa mizia leh ṭawngkam tlemte tal ka hriat belh ringawt pawhin ka tan chuan thil lawmawm tak a ni ang.

Car ka dah fel hnu chuan chhuak lovin ka han ṭhu kawi leh rih a kei ang mi nelawm loh leh ṭawng mawh lutuk hian eng nge ka sawi hmasak ber anga eng nge ka zawh ang tih chu ka buaina lian ber a ni.

Zankhua a inngaihtuah hman ka nih loh avangin thawk halh pahin car aṭang chuan ka chhuk thla a.
Inchhung a ka luh hma chuan ka thawmhnaw chu ka han beng fai thuak thuak a, t-shirt plane leh kekawr khup ṭet hrep hrup ka hak avangin midang hian min en duh riau in ka hria.

"Rainer He lamah... " ka pa aw ka hriat rual chuan veilam pangah ka hawi phei nghal a, phone a hman lehnghal daih avangin ka ṭhut lai pawh a hre lo.

Minute 5 dawn phone a biak hnu chuan a hrawk then kharh kharh pah in tui chu a han in leh te te a, dawhthei takin ngun takin a awm dan chu ka lo thlir reng a.

" minute 10 chiah hun ka nei dawn a...coffee kan in mai dawn mi niang ?"

 Shit!!  he dinner hi chhungkaw hun ah a hman ka lo rin nen business bak a ngaihtuah lo chu chuan rilru dang hlak min put tir nghal bawk .

" aw le... " nuih luih suk pahin tui chu ka han lem khalh a, a phone bawk chu a rawn rik leh avangin thupha chawi pahin lehlam hawi pah chuan a la lehnghal  a.

" Kevin naktuk hi ka fapa upa ber birthday a ni a, zanin dar12 ah London ka thlen hman a ngai, meeting pawh ka sawn hlat tir vek tawh " a tih ri ka hriat rual chuan tui chu a chanve dawn ka han lem nghal khawlh khawlh a.

Keiin engtik lai pawha ka pa tia ka koh laia a fapa ang pawhin min lo en ve miah lo a ni tih ka hriat hian miin thinlung vur tlang tiin min ko thin mahse ka rilru alo na ve thei tho a ni tih hi ka in hre chiah.

A fapa tan chuan a thil ngaihpawimawh em em business pawh dah ṭha hmak in a birthday hman pui turin a haw thei a mahse ka tan erawh dinner vawikhat lek pawh kil a harsa chu a nih hi, eng ang fapa nge maw ka lo nih tehhrep ni hetiang em em a ka nu leh pa ten min hlamchhiah bik ni.

"i pawisa tur pawh ka rawn thun vat ang....chuan heihi kan software chungchang chu a nih hi " tih pahin file hi dawhkanah a rawn dah nghal a, en chakna pawh ka nei lo.

"sign duh lo ta ila "
"he company hi i ta ve tho a ni a, hma a sawn zel hi i duhdan ve tho a nih ka ring "
"ka pu thu kha awih la chuan i ta vek a ni mai tur " ngeiawm zet hian ka nui suk a.

"arrange marriage hi in tih luihna chi a ni hleinem...i pu in min tih luih pawh khan i nu kha lo nei duh lo ila chuan hetiang chen chen hi kan thleng lo tur " ka pu thih veleh ka nu nen an in ṭhen nghal reng bawk a, mahse khatiang thil kha ka pu in a hriat lawk sa vek avangin company share tam zawk chu ka hmingin a dah a,khami vang chauha hlu mai mai kha ka ni.



" enteh... Rainer sign vat mai rawh lawng pakhat a chuang kan ni tih hi hria la engmah a kal sual tur a ni lo " tih paha a ipte atanga pen a rawn phawrh chhuah rual rual chuan pa pakhat hian ka pa chu a thutna atang chuan a rawn pawt tho nghal lawp a, keipawh mak ti tak chungin ka in perh tho rang hle.

" Muhammad... min pe let leh rawh, ka thlah dawn lo che " tiin a vau nghal khur khur a, ka pa lah chu min thlah rawh tih bak a ṭawng chhuak thei tawh lo.

"eng thil nge maw i tih le? " a ṭhamna chu pawh phelh ka va tum a, " nanghi a fapa engkim ti thei chu maw i nih a " tih pahin min rawn khawih ve chu  tum ta mai!! ka lo inring lo bawk nen Samantha thusawi pawh theihnghilh in chupa chu ka rek kang nghal châwi a,ka pa chu chair ah thu in a khuh nghal tuarh tuarh a, security in min rawn pawt ṭhen nghal vat bawk.

"kalpui vat rawh u... security ava chhe em em ve " thei leh thei lovin ka pa chuan a lo ti a, engvanga khapa khan rawn bei ve ngawt nge a ni tih ngaihdan pawh ka nei lo.

"tunge khapa kha ?" ṭhut leh pawh ka tum tawh lo.
"min itsik tu a nih kha... kha heihi sign vat rawh " tih pahin file chu a keu nghal chung a, engang pawhin zawt mah ila min chhang dawn lo tih ka hriat avangin ngawi rengin chhuata pen tla chu ka char a, file a ka hming ka sign zawh hnu chuan engmah sawi belh lovin lungawi lo tak chungin ka chhuak nghal nal nal a.

CHAPTER -30

"once you go BLACK you'll never go Back" 

★Sadie's Pov★

Nikki te dawrah lehkhabu hawh ka duh mai bakah a hmunah a chhiar nghal theih avangin Nolan an Nikki te dawr thleng min rawn thlah a, a ni erawh in hna thawh tur a neih avangin min kalsan vat thung.

Nikki te dawr hi lehkhabu dawr a nih chu thuhran lehkhabu chhiar nghal na tur couch lian tak tak pathum a awm nghal a chumaibakah lehkhabu chhiar laia in tur drinks pawh a order theih nghal bawk.

Ka kal hun hi midang tam loh lai tak a nih avangin a hma aiin a reh zual sauh a mahse lehkhabu chhiar nan chuan duhthusam a ni.

Self service a nih avangin ka drinks  order ka lam hnuah ka duh na lai berah ka ṭhu nghal thak a, ka lehkhabu ken lai 'The fault in our stars' chu keu nghal in ka chhiar nghal mawlh mawlh bawk.

Ka rilru zawng zawng nena ka chhiar malh malh lai chuan ka han hawi chhuak a khua alo thim der tawh chu niin!!

 Rang takin ka sana chu ka zuk melh nghal vat a darkar hnih dawn ka awm tawh a ni tih ka hriat rual chuan ka chhiar chin chu bookmark a chhinchhiah in ka khup nghal thak a,ka hun hman tawh a zawnga darkar 2 rei lo ber a la ni hial ang.

Lehkhabu chu a awmna ngaia ka dah let leh hnu chuan ka bag chu ka zip ṭha nghal mawlh mawlh a ka chhuak tur chu Nikki nen kan in tawk hlawl mai!!

"Hello... " tih pahin min rawn nuih nghal sang a, hello tiin ka lo chhang let ve nghal bawk .

" i kal tawh dawn em ni? "

"aw... ka duh aiin ka awm rei "

" an ti chawk asin...ughh...bus in i haw dawn em? "

"a ni mai a niang chu "dar tih kan âk paha ka tih rual chuan a han thaw chhuak nghal hak a.
"thank God!!  keipawh bus in ka haw dawn asin " a ti zui nghal zat a, ni dawn tak a car a kah ṭhat tir tak.

"a nih chu" ka lo ti sap a.

"lawks....kan kal rual dawn nia " tih pahin a nu nen chuan Spanish in an in be nghal mawlh mawlh a, tunah khan Nikki hi Spanish a ni tih ka hre ve chiah mahse a accent aṭang hian Spanish a ni tih engmah a hriat loh thung.

A nu nen an inbiak zawh hnu chuan bus station a hlat vak loh avangin ke in kan kal dun chhat chhat a, khua dur deuh khui mahse boruak awmdan hi a nuam tawk takzet.

"oh! taka i project chu eng nge a an? " min rawn zawh deuh thut avang chuan maw tih nghal hu pahin mak ti tak chungin ka en nghal haw a, engvanga ka project chungchang min zawt daih nge maw a nih le?

" Rainer khan a pui che a ni lawm ni ?"
"kha kha maw...ughh " ka chhang bah leh nuai tawh,ava hahthlak ṭhin tak .

"hepa hi a phakar ve ngawt mai sawm ngawng ngawng pawhin tumah hi a pui ṭha duh ngai miah si lova mahse ring tawp rawh a hmel en aiin Chemistry leh Physics hi a thiam zek a nia a ti tha duh lo mai pawh a " tih pahin a nui nghal hak hak a.

Rainer chanchin  ka hriat belh leh ta!!  mahse a chungchang ka hriat thar a piang hi a mak in a inhmeh lo ṭhin takzet.

" lehkhabu takngial pawh class ah a keng lut ngai si lova "
"chuan ngaithla hmel pawh a pu ngai lo... haha... a nih dan ziah alawm han zawt ila a lo hre leh vek zel " a best friend leh a school luhpui berin a sawi miau a han awih loh ngawt theih pawh a ni lo.

" tunlai hi Rainer nen hian ka hmu ngun riau cheu "
" hahh... teu lo " awkward zet hian ka ti nghal vat a,kan inkar hi thup chu tum ve ṭang ṭang tak ka ni.

"in in kawmngaih viau a nih hmel " a rawn ti nawn leh ngat a.

"a letling thawk zawk "ka tih chuan ka thusawi awih loh hmel zet hian min rawn nuih a mahse engmah min zawh chhunzawm leh tawh lem lo.

Engang pawhin Rainer nen kan inkar hi haider tum teh mah ila tukin zing kha chuan kan thlen tur chin bak bak a thui min thlenpui a nih kha.

"a ṭhat hlauh chu ...Rainer hi chu ka best friend mah nise an hrechiang fe te a nih loh chuan hnaih lo se ka duh "

" a sual i tihna em ni? " hriat chak hmel zet hian ka lo zawt nghal vat a, ka hre chak em a ka insum hman thlawt lo.

"hahh....sual chuang love , ka sawi tum zawk tak chu a hnen atang hian thil an beisei sang leh ṭhin sia, tum loh deuh a an rilru a ti na lai hmuh hi ka duh tawh lo bakah hmeichhia hi ṭhian aia thui a thlenpui ngai chuang lo,amah hi a mal thin em avangin hun a khawhral ve dan a nih hi" a tih chuan hriatthiam loh hmel zet hian ka lo en ha a.

"engvangin maw?" tiin ka lo zawt nghal, hmeichhia a kawp hnem viau tawh awm si a, Amira pawh a ṭhian a nih si chuan engvanga ṭhian anga awm mai lo nge an nih?

"umm...a chhan erawh ka hrilh thei lo che... bakah atan chuan ṭhian awmzia hi a danglam bik a " a sawi engkim hi ka man lo, ṭhian chu ṭhian a ni a awmze dang a neih awm pawh ka hre lo.

" oh!! " tih ringawt in ka lo chhang a.

"well... once you go Black you'll never go back "

Hei erawh a sawi tum ka hrechiang hle  Black a tih khi rawng dum a sawina nilovin Rainer Black tih a ,a hming hnuhnung zawk Black a sawi tumna hi a ni.

A awmzia chu Rainer hi vawikhat i hnaih a nih chuan a zunah i uai anga i tawn hma a i nun ngaiah khan i let leh thei tawh ngai lovang tihna a nih ber chu.

"hei... i kalna tur bus a rawn thleng tawh a nih hi "

Nikki in a tih rual chuan kan hma ah tak Bus chu a rawn ding a,Nikki erawh kan college lamah a awm avangin bus hran a chan a ngai dawn a, ka kal lohna lamah a kal ve thung ang.

" kan inhmu leh vat dawn nia... mangṭha le "tih pahin bus ah chuan ka pen lut nghal a, ka ṭhut fel hnu chuan Nikki chu ka zuk en leh ngat a min lo bye bye lauh lauh avangin nuih ver ver pahin ka kut ka lo vai let ve nghala.

Nikki aṭangin Rainer chungchang thil tamtak ka hriat belh ṭeuh a,min duhsak avanga Rainer hnaih lo turin min warn a ni tih pawh ka hria mahse Rainer mize mak tak leh a nui hmel phen a thil inthup tamtak hi hriat belh zel ka chak phah tlat pek a ,ka ngaihtuah zui nghal neuh neuh bawk.

Bus aṭanga ka chhuk hnu chuan reilote ke a kal a ngaih avangin muang changin ka kal chhat chhat a, kan in aṭanga hla vak lovah Mercedes dum ka hmu ta thut mai!! Rainer ta ang chiah a nih avangin men phawk nghal kawk pahin ka ding nghal chut a,mahse Rainer a nih erawh ka ring ngam chiah lo.

Pangngai takin ka kal lehnghal maia car ka kalpel fel chiah tih chuan ṭul lovah horn an rawn hmet ri nghal tuarh a,phut zawk paha ka hawi let nak chuan Rainer chu car atang chuan a rawn pen chhuak nghal a, tum deuh hmuk thin mahse nidang ang lo takin lungngai tak hmel a pu in ka hria.

"hi!! " tih pahin car kawngkhar chu a khar nghal khap a.
" hey!!  eng nge hetah i tih? " tih tum nei lo se hetah din ringawt nachhan tur a awm lo.

" eng nge hetah ka tih i rin? " min zawt let hlauh, zawhna ngeiawm deuh a lo chhan let hi a talent a nih dawn hi.

" umm...ka hre lo, mangṭha le "hawi let vut pahin kal nghal daih chu ka tum a.

"dinner ei dun ang" a rawn tih rual chuan ka hawi let rang hle ,mahse Nikki thusawi kha ka hriat chhuah thut avangin ka hnial nghal .

" pawi ka ti lutuk... Braydon an min lo nghak reng tawh ang " ka ti deuh kher a,mahse chhuanlam satliah mai mai ni lovin a dikna chen a awm.

"zawhna ka zawt lo che "
"i pa nen in ei dun a ni lawm ni " ka tih pawh chuan " reilote chiah.... khawngaihin " a rawn ti leh hram a.

Zanin hi Rainer awmdan hi en mai pawh hian a danglam tih ka hre thei, nidang chu nise hetiang hian min dil hauh lo ang.Lem a chang te a nih ngawt loh chuan min mamawh takzet hmel a pu.

"reilote chiah... " tih pahin car ah ka lut nghala, ngatinge pawh ka hrelo ka chhungril hian kal tur hian min nawr tlat zel.

"ti daih tawh tur kha a ni " tih pahin a ni pawh a rawn lut ve nghala.

"ka ril a ṭam vang chauh in ka rawn zui che a nih hi... thil dang engmah a awm lo " tiin ka lo in sawi khalh ve nghal zung zung a, a nihna takah chuan tihtak zeta min sawm vang zawk a ni.

Nuih suk pahin a khalh chhuak nghal a ,hla ka hriat ngai pawh nilo hi a play nghal bawk a, ka lo ner nang ringawt.

"eng hla nge maw i play reng le? "ning hmel zet hian ka han thaw chhuak deuh halh a.

"Rolling stone ho hla 'Paint it Black" hahh... thil hi a duh classic thei sia, a car pawh chuti bawk.

"nalh pawh ka ti lo "

"music diktak i hriat hunah nalh i ti ve mai ang " a rawn ti kher a nih chu!! heng ho ai chuan Pia Mia hla Bitter Love pawh kartluan in ngaithla dawn pawh ni ila ka thlang zawk tho tho.

Shack Shake restaurant kawtah chuan car a ti ding a, ka restaurant ngainat ber a nih avangin ka lawm ru hle.

Rainer an ShackBurger a chah a keiin Smokeshack ka chah ve thung a.

Eitur kan order zawh hnu ah mi reh ṭhep ṭhawp lai takin Rainer chuan inti fel fahran hian "kha i rubber i thlauh!! " a rawn ti ta mai!!  ka zak lutuk chu ka lo ip nghal chawih a, kan bul hnaia ṭhu ho lah chuan min rawm nuih tet tet pahin min rawn la melh hrek hrek zui!!

"Enga!! "

"chhuat a mi khi i rubber a ni lo em ni ?" a tih chuan a melh na lam ka zuk en nak chuan eraser (nawhrehna) lek chu lo niin ,engtik lai khan nge ka lo thlauh hman ni.

"eraser maw!! " ka ti nghal haw a.

"eng nge ni se ti tih vak chuan... ?" a lo ti sam et lehnghal.

" ka lo rin dan chuan..... "

America ah chuan Condom hi rubber kan ti mai ṭhin a, nawhrehna erawh eraser kan ti thung mahse British ho in nawhrehna hi rubber an ti ṭhin tih ka hriat loh vang liau liau a ni,ka rilru kawih vang a ni bik lo,min dem ngawt thei bik lo ang .

"condom maw ?" min sawi khalh ,ka duh aiin a sawi ring mah mah lehnghal.
" aw... " tih pahin ka chhar nghal vat a, he thil te reuh te hian min ti zak takzet.

CHAPTER -31

"You don't deserve to be crying when all you did was try to make things work" 

★

"i project topic i thlang fel tawh em? "

" maw? " ka lo ti leh hu tawh, kei ang tho in ka project hi a ngaihtuah ve niin a lang.

" Alien chungchang ka zawt lo che mak tih vak tur a awm lo "

"a mak em a... ka sawi awmzia chu ka project chungchang hi min zawt ngun em a... " ka tih chuan mit ko tih san ak pahin tui chu a han lem khawlh a ,a hrawk bawk che ralh ralh chu ka lo en reng ringawt.

" Engvanga buaipui em em nge maw i nih le?  thil dang buaipui tur tamtak a awm sia " ka rin aiin a dil chhut zek, kei chu ni ila min nin hmel zet ang khan a awm leh tawh ang.

"he project hian Master ka tihna ah nasa takin min puih theih dawn vang a ni, sponsorship ka hmu anga chuan scholarship te pawh " chiang takin ka hrilh fak fak a, nuih suk a lo bu nghat nghat bawk a.

" nangni ang mi vannei lutuk mahni zirna tur fee pawh ngaihtuah ngai lo tan chuan buaipui a ngai lo " ka ti leh kher a, an ni ho hi chuan dam khawchhuahna tur ni lovin hmeichhe chhelo ah an buai zawk.

Ka thusawi avang chuan zat loh hmel zet hian a nui lehnghal suk a mahse min chhang zui lem lo.

Zanin hi ngatinge pawh ka hre lo a dawh thei in a awmdan hi a danglam riau, Rainer ka hriat ṭhin ngeiawm leh nghal zet kha a ni tawh lo.

" eng nge? " thil sawi duh nei niawm taka awmze nei lova a nuih vur vur reng avang chuan ka han ti leh a.

"chutiang khawpa pawimawh a nih chung pawh chuan mipa dang dang fawr kual pui na hun i nei tho alawm " a tih chuan ka nui tawp chiang kher mai.

A ṭawngkam ngeiawm zet hian min ṭhawng takzet, a sawi awmzia pawh ka hrethiam lo, mipa dang dang ka chhuahpui lova a mah zawk hian hmeichhe dang dang a chhuapui a ni lawm ni ?

"kei hian maw ? mipa dang dang maw ?!!!" tiin ka zawt tlawng a,thinrim hmel te pawh a pu deuh in ka hria.

"  hre lo ang takin awm tum suh... vawinah mipa i awmpui a tlaiah pawh mipa dangin an thlah leh che a ni lawm ni " vawinah a ka mipa awmpui a tih chu Derek a ni hrim hrim chuan Engtin nge Nolan an min thlah tih alo hriat leh hman tawh?

" min stalk a ni maw? " ka tum loh deuh in ka sawi chhuak mahse a rawn nui chhuak hak ringawt, thil nuihzatthlak ka sawi awm pawh ka hrelo.

"chutiang ang ngaihtuahna mawlmang lutuk chu i sawi awm reng pawh a ni " lu ṭhing pahin a nui nghal vur vur a,a nuih hian a hmelṭha takzet.

"i duh hun hun ah khatiang khan min mawhpuh thei ngawt lovang "
"thudik a ni lo em ni? " a tih chuan phawk zet hian ka en nghal kawk a, a sawi dik chiah mahse Nolan emaw Derek nen kan inhmuh hian chhan ṭha tak a nei thung.

"i duhtawk thei tawh angem? ka lerh kual ve mai mai ngai lo " sawi chhan nei deuh in ka lo ti let ve ngat a.

Kan eitur order a rawn thlen chuan ka ril a ṭam tawh bawk a ,Rainer pawh ngaihtuah lek lovin ka ei nghal tawn tawn a a ni erawhin ka thil ei lai chu ngun takin min lo thlir reng ringawt.

"i ei dawn lo em ni ?" ka thil ei a ti tui lo zo vek.

"dawn e " tih pahin peih lo hmel zet hian a ei nghal a, thil diklo a awm chiang alawm.

"i pa nen in in hmu em? " zawh chi a ni em ka hre chiah lo mahse apa nen an inkar ah buaina a awm ka ring nghal ringawt.

"mmm... "zawi zet hian a rawn ti sap a, ka hre chang chang chauh.

"engkim a ṭha tiraw? " ka ngaihtuah em avangin ka ti leh a.

" ngawi rengin min ei pui la a tawk mai " thinrim ni si lo hian a ti sap a, hetiang thil hi sawipui a duh lo a ni tih ka hre nghal, sawipui pawh ka tum tawh lo.

Kan thil order zawng zawng ka ei zawh hnu chuan car lam panin ngawi rengin kan in zui chhuak a, ka puar em em laiin a ni erawhin vawithum vel a ei bak kha chu a ei belh awm pawh ka hre lo.

Biak huphurh awm khawpa a mood a off avangin nichin aṭang tawh khan kan in be leh tawh lo hrim hrim, engthil chiah nge maw thleng ni?

A car a kan tlan chhuah leh hnu pawh chuan kan la ngawi dun kar a, a reh in sawi tur a vang takzet.

" pawi ka ti lutuk... hrehawm i ti em? " a rawn ti chhuak hmasa hlawl a, min ngaihtuah hmel te pawh a pu deuh in ka hria.

"aih... ka puar lutuk" ka lo ti leh ringawt a, a zawhna leh ka chhanna intuha lo lutuk chu a nuihpui leh hak tawh.

"a ṭhat chu i puar chuan.... a la hma bawka rilru tih thawven nan khawi hmunah emaw kan ṭhu kawi dawn mi niang? "a inthlahrung polite ta lutuk hi a in hmeh ve thlawt lo.

"haw tlang ila a ṭhat zawk ka ring"

" aw le... " a ti chuai nghal raih a, a hmel dûr lutuk ka hmuh hian ka lo na ve ringawt.

" umm.... reilo te chu ka la hman ka ring " ka inthiam lo chuan ka ti ta ringawt a, engmah sawi lo mahse tuemaw a kianga awm tur a mamawh nia ka hriat avangin Amira bula a kal ai chuan ka û bulah ka in sawifiah zawk mai ang.

Rainer an ṭhu tura min tihna lung lem ṭhuthleng hit thlar ah chuan ral lehlam lei lianpui a motor tlan zung zung lai thlir vung vung pah chuan ka ṭhu ran a,  ka awmna lai hmun tak hi a reh in a thawveng takzet.

"ka rei em? " tih pahin in tur min rawn pe nghal a, ka piahah ṭhutna awl reng mahse ka bulah a chep a chep chuan a rawn ṭhu ve nghal a.

"a nuam hle mai "

Thlifim dawn heuh heuh pahin ka han maimichhing vang vang a, ka hriatna hi a chak khawpa Rainer hian min en renga hriatna ka nei tlat pek a .

"ṭangkai lo leh hlutna nei lo angin i in hre ve ṭhin em? " rilru natna hlira khat a a rawn tih chuan ka meng nghal kawk a, Rainer chu mak ti takin ka en nghal ha bawk a, ka sawi tawh kha thil zep a nei tih hai rual a ni lo.

" chungte chu mi chak lo te ngaihdan mai mai alawm " ka lo ti liam puat a, chhan dan tur ka hriat loh vang zawk a ni.

" a nih chuan khawvela mi chaklo ber ka nih dawn chu "

" Rainer! ..thil eng nge maw a thleng tiraw ?"

"ka pa nen dinner kan vawikhat kil dun na tur a ni a mahse a fapa upa ber birthday vangin a cancel leh... keichu a fapa ah pawh min ngai lo " beidawng tih hriat tak hian a nui sun sun a, mahse a rilru a na hle a ni tih erawh hai rual a ni lo.

Rainer meuh in hetianga anga a rilru natna a sawi chhuak tawh a nih chuan a rilru a na hle tihna a ni mai, a ni ang mi private lutuk leh ṭawng chhuak zen zen ngai lo hian engvanga kei kher min hrilh nge maw a nih le?

"mahse pa ila nei tal alawm " ka lo ti ve leh sap a, kei chuan pa pawh ka nei tawh lova kei ai chuan ala vannei zawk tho tho.

"ni e... mahse chaw mahni a ei reng te, mahni a khawsak te leh hlimna tur zawn reng a ngaih tho chuan eng nge awmzia awm? " ka dâng nghal der chhan dan tur ka hre tawh reng reng lo mahse hei erawh ka hrechiang hle Rainer hi a lo mal em em vang a nih dawn hi dinner emaw breakfast emaw ei pui tura min sawm reng thin nachhan.

" pawi ka ti lutuk.... "

"pawi i tih chuan zaninah ka bulah riak rawh " a rawn ti leh khauh tawh

" mahse ka.... "
"couch ah ka mu ang" tiin min lo pawtchat nghal vata.

"ka.... ka theilo ka riak chhuak thei lo "

"aw le... a nih chuan ka thlah haw ang che " nghal tut tut a, sawi sual ka nei leh tawh em ni?

"khawiah nge i kal dawn? "
" party ah ka kal anga ka tih ṭhin ngai bawk ka ti leh ang mawle " zu, drugs leh hmeichhia... Lalpa leh!!  a fiamthu zawk em ni?  mahse Rainer hi chu a thil sawi hi a ti leh tak tak zel.

" Engmaw? chutiang chu i ti thei lovang "
"keimah chauh a awm ka duh bik hleinem ka sawmna i hnar tak si ah chuan ka ti mai loh ten " a serious em em lehnghal!!  urghh min ti â thei takngial dawn.

(Rainer leh Sadie te thutna lung thuthleng)

Khawlo tak leh rui kual a khawi khawi emaw a riahkual tir mai mai ka duh loh avangin a inah riak tur chuan thutlukna ka siam ta nge nge, ka thil tih tur hi a ropui em a missionary hna angah te pawh a ngaih theih ang chu... Couch a mu turin leh engmah ka chungah ti lo turin a intiam nasa bawk a ka huphurh lutuk  lo.

Rainer a in thlak laiin ka û hnenah Chelsea te in a ka riah tur thu ka hrilh hnu chuan alo phal ve mai bawk a ,project tih tur ka nei tih a hriat avangin a hma anga phal lo ṭung ang khan a awm tawh lo.

"games khelh nge movie en i duh zawk? " tihtur ber hre lova ka ṭhut lai chuan a rawn ti a,dawhkanah eitur leh drinks a rawn dah nghal a.

Pajama dum leh tshirt sen plain hi a rawn in bel bawk a, a chhelo thlawt,hetiang anga Rainer inchei lai hi hmuh tur a vang bawk a ,a hmu tu awmchhun ka ni hial maithei .

" movie... " ka tih chuan a ner nang ringawt, games khelh a duh zawk tih a chiang reng a inla polite vel bawka a en tho tho angai.

"a nih chuan han thlang la.. " tih pahin ka ṭhutna lo zawk couch ah chuan thatchhe zet hian a ṭhu nghal a ,a intiamna chu a zawm ṭhat hi le.

Movie chu ka han enkual dan dan hlawm a en chak deuh deuh ngah hle mahila keimah chauha en tur ka nih loh avangin Star Wars chu ka thlang ta ringawt a,a en duh ve ngei ka beisei.

Chapter-32

"Whatever his hands have held He can have it " 

Star Wars ka thlan miau avangin engmah sawi buai lovin kan en ta nge nge a, couch dangah a ṭhut daih avangin popcorn ei niap niap chung chuan a khat tawkin ka va melh leh zeuh ṭhin a, a bawp sei zet khawkerh in a ban chu couch ban ah chuan a nghat ar ar a lehlam in beer can a hum ran thung.

"eng nge maw sin tur i duh em?"

Ruah in sur a tum mai bakah a vawh reuh em avang chuan min rawn zawt a ,ka inla tlawmngai buai duh vel lo ka lo bu nghat a.A beer hum lai chu dawhkan ah nghat nghalin a tho nghal uai a ,a khum lam panin a kal nghal nal nal bawk a .

Screen lam ka en vung vung lai chuan blanket lian zet hi ka bulah chuan a rawn dah a, ka popcorn ken lai rawn ṭham ṭhen pahin a ṭhutna ngaiah tho mahse a hma aia min hnaih hian a rawn ṭhu a, a thil tih ho te te hian min ti hlim veng veng zel.

"hmuhnawm i ti lo em ni?" sawi lo mahse a nin hmel em avang chuan ka zawt ta ringawt a.

" nang hmuhnawm i ti em? " min zawt let leh hlauh tawh.

"ti e... " ka ti takah chuan a han ṭhu ṭha deuh a, thutak zet a min rawn en pah hian ," a phenah hian ramhuai thiltihtheihna tamtak a awm asin " a ti thum dut a.

"ramhuai a!! " ka lo meng phawk nghal kawk a,hriat chhunzawm chak hmel takin ka en kar bawk .

"i hre lo em ni... an shoot lai pawhin ramhuai an hmu alawm, an power ṭhenkhat te phei hi chu a tak tak a ni lehnghal " couch nghenchhan nghen pah chuan beer chu a han lem leh khalh a, a thutak em avang chuan ka lo awih leh hmak tawh, a ruk tak chuan ka hlau in ka en tui lo zo vek .

" ramhuai chu engtin vel nge an hmuh? "

"palian pui a ni mai... movie en tu apiang a ti buai ṭhin " screen en pah chuan a nui zui suk a, a nuihza hmel hliah tumin a kut hnunglam in a hmui chu a hru zeuh bawk a, a ti der a ni tih ka hre nghal.

" i phuah chawp tiraw? " a rukin ka nui nghal put put a mahse thinrim hmel ka hmuh thung.

" aw... " tih pahin a rawn nui nghal vur vur a, a nuihza hmel ka hmuh chuan keipawh ka nui chhuak ta nge nge a mahse ka hlau hman takzet.

" min ti hlau hman alawm " thawk chhuah halh pahin ka tho nghal vut a,ka thawh thut nachhan min rawn zawt nghal vat bawk.

"tui ka in lawk dawn " ka tih chuan rawn thawh tumin a rawn che nghal hrut a .
"keimahin ka la thei " ka lo ti nghal vat avang chuan a bawp chu a khawkherh leh a, kitchen lam ka pan lai chuan min rawn en zui a ni tih ka hriatna tha zam hian a hre thei.

Tui vawt raih mai chu thlit chhuah tum chuan no ka han melh kual nghal hrak hrak a khawiah hian nge maw a thuhruk vek ni.

"ka awih thei lo "tih sap pahin drawer chu ka han hawng kual dan dan hlawm a, a hnuai berah wine glass ka hmu hlauh!! Heihi ka hman mai a ngaih hmel.

Wine glass pakhat chu la chhuak in drawer chu nawr luh leh mai ka han tum a mahse lehkha pakhat hi ka nawr chilh avangin siam ṭhat tum chuan ka han pawt chhuak leh ngat a.

" wine glass leh paper maw!! "

Wine glass zingah paper a dah avang chuan mak ka tih deuh hlek avangin paper chu ka han en thuak thuak a. Blood test leh X-ray result vel a lo nih avangin ka han chhiar chiang leh deuh a.

A hnuaiah paper dang pawh a lo awm nual a chung ho chu ka chhiar chian chuan treatment a lak na vel te, psychiatrist a pan na lehkha te a lo ni nawk hlawm a, chuta ka thil hmuhchhuah chuan min thawng takzet!!

Rainer hian anxiety leh panic attack a lo nei ṭhin reng a nih chu!!!
(anxiety chu depression anga mental disorder ve tho mahse depression nen chuan a inang chiah lo )

Phawk fe a men nghal kawk pahin Rainer a movie en lai chu ka va melh vawng vawng a, ka khawngaih lutuk chu va kuah nghal vawng vawng mai ka duh.

Ka rei tak em avang chuan lehkha chu a ngaiah ka hnawh lut leh mawlh mawlh a, wine glass pawh la ta lem lo chuan bottle nen living room lam chu ka pan phei ta ringawt a.

Rainer hmel ka hmuh hian a thil tawrh hrehawm dan tur zia ka ngaihtuah chhuak a zanin a heta awm tura thutlukna ka lo siam kha ka inchhir lo takzet.

★
Balcony kawngkhar in vaw ri pawp pawp chuan min ti harh nghal zawk a,ka han hawi kual nak chuan a lo thim mup mai chu niin ka ṭhu chhuak nghal zawt a,couch ah Rainer tui taka a mu lai ka va hmuh takah chuan ka thaw nghal huai mai .

Khum ah ka lo mut daih tawh avangin Rainer an min sawn a nih ka ring nghal, movie kha kan en char char sia ka mutthlak lai pawh ka hre lo.

Khum aṭang chuan ka tho chhuak nghal vata, kawngkhar chu ka va kalh nghal bawk.

Ruahsur tur inṭham ,kawlphe zawk zawk te leh khawpui ri dur dur mai bakah thli thaw vûk vûk mai te chuan min ti muhil thei tawh lo ka mu meng kur reng ringawt.

Chutah hlauh ruk tawh sa nak alaiin Rainer a ramhuai sawi vel chungchang kha ka ngaihtuah chhuak thut a, ka hlau lutuk chu rang lutuk in blanket chu ka pawm lawp a, a hreh tak chungin Rainer a bula mu tur chuan ka insawn ta ringawt a.

Rainer chu inkuangkuah chung hian tui takin a lo mu sâk sâk a, tihharh hlau tak siin thawm dim thei ang berin a bulah a sir thei ang berah chuan ka mu nghal zal zal a, blanket ka sin ṭhat rual chuan nghet takin min rawn kuah nghal a, ka sam kara a hmai hnim pah chuan ,"dan i bawhchhia a nia " mutchhuak aw hian a rawn ti chher chhap a,tih harh ka tum lo tehreng nen ka ti harh ta tho a nih hi.

"ka hlau a " zawi sap hian ka lo chhang let a.

Keimah zawk in ka dan siam ka bawhchhe dawn chu a nih hi. Rainer kha chuan a intiam tawh angin vawikhat pawh min fawp lova min khawih bawk hek lo. Duh se chuan khumah ka bulah a rawn mu thei reng mahse ka dan siam min zah sak avangin couch ah a mu hial a nia, mi rinawm ve tak chu a ni.

"engmah hlauh tur a awm lo " ka nghawng zawnah chuan a rawn ṭawng lum ham ham a, ka lo mur nghal chuaih mai!!

"thli hi " ka tih chuan a kut lehlam in ka beng chu a rawn hup nghal a.
"unicorn leh chhimbal chiah mitthla tum rawh" a sawi zawng chuan a nui deuh suk a ni tih ka hre thei.
Unicorn leh chhimbal kher kher tu sawi nge maw a hriat ni.

" mu tawh rawh " rawn tih leh pahin ka lu ah chuan a rawn fawp zeuh a, a sawi ang khan unicorn leh chhimbal mitthla tumin ka han mainichhing vang vang a rei lo teah ka mutthilh a rawn chhuak nghal riai riai mai ,a thawk tak tak a nih dawn hi.

__________________________________________

Ka bulah che deuh hrut awma ka hriat avangin ka han meng siar siar a, Rainer an lu dawm meuhin min lo en reng chu niin ka phu deuh zawk bawk.

"Good morning " mut kham tih hriat zet aw zang vah hian a rawn ti a, ka lo nuih ver ver ringawt.

Hetiang anga Rainer bula thawh hi a nuam in ka la suangtuah phak ngai lo.Maktak maiin ka mi hriatchian pawh nilo, ka thian pawh nilo nen inzawmna thuk tak kan nei a ,in khatah lehzel kan riak dun ta mai hi ka mumang a nih te ka ring hial.

"i mu tui em? " a rawn ti leh a, min en chiang bawk si a a ruk tak chuan ka lai takzet tawh.

"aw...darzat nge? "

"a la hma lutuk " tih pahin ka hmuiah a rawn fawp nghal zeuh a, ka lo nam sawn dawrh ringawt.

"i intiamna kha hre reng rawh " fawh let chak viau mah ila induhtawkna ka nei ve tho.

" zing a nih tawh hi...ka intiamna ah zing a tel lo " ka biang dawm pahin min rawn fawp leh a,fawh ka chak ve tho avangin ka hnar duh ta bik lo bakah Rainer ang mipa chhelo lutuk leh zún ngah lutuk hi tu in nge hnar reng phal ang.

Min fawh hnu reilo te ah a kut chu rul ang maiin ka kawr chhungah chuan a rawn zen lut zal zal a, a kut hit thlar in ka hnute a rawn ṭham rual chuan ka lo ip nghal chawih a, a rawn nui nghal suk bawk.

A hma aia duhthawh chuan min rawn fawp lehnghal tawn tawn a, si deuh ham ham pahin a mipatna pawng ṭul chuan min rawn nawr zeuh zeuh bawk a ,min fawp reng chung chuan a mu zangthal leh a , a mal chungah ṭhu in a chungah chuan ka bâwk bawk a kan in fawp tawp chuang lo.

Ka thiam ang angin a nghawng leh a beng vel ka fawh hnu chuan a tshit hak lai chu ka phelh sak a,ka mal rawn zut pahin a mipatna chuan ka kap chu a rawn nawr ne ne a ,ka sam tla chhum mai hui kiang pah chuan ka kut chu a rawn la a, ka mitmei veng reng chung chuan a kekawr chhungah min zen luh tira a nuam ti hmel ka hmuh chuan a kut a tih chet ang ang chuan ka kut chu ka dah tawp a laksawn ka tum bik lo.

"F*ck.... kan ti thei mai lo em ni? " a chak lutuk chuan a rawn ti nghal hluk a, chil lem dak pahin mitmeng buai zet hian ka lo en a, ka la inpeih lo tih a hriat chuan min nawr lui bik lo.

Rainer a tlak fel hnu chuan duhtawh zet hian min rawn fawp lehnghal tawn tawn a, a thlan a tlak nasat mai bakah a chau em avang chuan a han maimichhung vang vang a, a awmah ka lo bei hle hle thung.

"inbual ang" ka sam ka benga zeh ṭhat pah chuan min rawn en a.

"kan...?" ka hriatsual a nih ringin ka zawt nawn leh ngat a.

"um... kan pahnih chauhin midang sawm i duh em ni? " ngeiawm zet hian a rawn ti leh kher a, ka lo ner nang ringawt.

"midang tumah i sawm lovang ..." tih let sak pah chuan a mal chung atang chuan ka tho a ,din pahin "keimahin ka inbual dawn " ka ti leh kher bawk a.

Bathroom lam ka pan lai chuan ka ruala rawn inbual ve tum chuan min rawn zui a, a rawn luh ve ka duh loh avangin bathroom ah ka tlan lut phut a mahse kawngka khar ka tum lai takin a rawn pawt hawng hman.

"phakar tum suh " kawngka kalh pah chuan a nui nghal vur vur a shower a on lai chuan a kekawr leh a boxer chu awlsam te hian a phelh nghal mai a, engkim ka hmu vek sia a zak miah lo mawle.

Rainer hian a chawn ah leh a malpuiah tattoo lian pui a nei tih ka hre ve chiah!!  eng nge a nih chiah hre lo mah ila a lang tak tak chuang si lova awmzia a awm lo ka ti.



"i inbual ve dawn lo em ni? " ka din reng avang chuan min rawn zawt ta nge nge a.

"inbual hmasa phawt rawh " ka zah vang chu ni tho mahse inbual rual em em hi chu a mah mah deuh in ka hria.

"i huh vek dawn ania... thawmhnaw huh i hak haw duh ka ring lo " tih pahin tui lum chuan a han inphu tir sar sar a, a pian nalh zia hi a in hre ve angem le? ka thlir na lamah ka chilthli a tla lo chauh.

A sam a nuai vel zawng chuan ngeiawm zet hian a rawn ti per lui kher zel a, ka mit ka lo chet kual ralh a.

"i huh vek dawn ka tih reng kha... " a dar a kan zui ak bawk.

" Rainer... hmanhmawh rawh ka tlai dawn ania "ka û bukah dar 7:30 ah ka let hman tur thu ka hrilh tawh sia engpawh thleng dawn se ka pel thiang lo.

" mi pahnih inbual nan chuan a te hauh lo ania "

Min nawr lui chiah si lova mi han ti vel dan hi a thiam ve ngawt mai, a tawpah chuan mahni duhthu ngeiin ka tih leh nge nge a ngai dawn a nih hi.

"lehlam hawi rawh "

" ka hmu vek.... "

" lehlam hawi rawh ka tih chu " ka lo pawt chat nghal vata, engmah hi han sawi mawi hnai hi a tum ve si lova min ti zak leh vek dawn.

"fine... "

Nuih vur vur pahin lehlam a hawi nghal a, hetiang hun a a nuih vur vur tawh hi chuan ka ngaih a ṭha lo tlat zel.

A tlai tawh bawk nen ka hmanhmawh mai bakah a chet muan luih tlat avang chuan ka tshirt leh kekawrbul hak lai chu ka phelh ta nge nge a, a ni pawh a zak bik chuang lova ka zak duh tawh bik lo.

" ka rawn hawi thei tawh em? "

"aih... min rawn en suh tikhan awm char char rawh " ka tih avang chuan bang lam hawi chung chuan a ding char char a, a hnungah chuan ka va ding ve nghal a mahse a sang em avangin tui zawng zawng a chang veka keichu huh pawh ka huh thei lo.

"tlemin i tawlh phei deuh thei angem? " Lalpa leh!!  Rainer nen a inbual dun hi rem ka ti ang tih hi ka ring pha ngai lo.

" ka hma ah hian i awm duh em?  " ka ngawih deuh vung vung avang chuan, "ka en lovang che " a rawn ti leh sap a.

" a nih chuan maimichhing rawh "

 naupang chhia min ti ngawt ang mahse ka ngaihṭhat na tur a ni miau a a tih mai a ngai.

"aw le.. " tih pahin a maimichhing ve mai bawk a, tui zawng zawng a block vek sia a hma ah chuan ka va ding ta ringawt a, tui luma ka han in phuh tir sar sar takah chuan a nuam takzet.

Rainer a maimichhing tlat avang chuan amah hawi zawng chuan ka ding a, uluk takin a hmel chu ka en kar reng bawk a ,engtin emaw hian ka awm leh tlat tawh.

 Kan inkar a magnet chak lutuk awm hian rilru pangngai min put tir hleithei ṭhin lo, a hmui leh a awm bawr vel tui in a phuh huh ser ser ka hmuh te chuan ka dang a rawn ti ro nghal vek a, ka fawp chak takzet. Nilo... Rainer hian a kut ngeiin min khawih se ka duh.

" min hmu thei lo tiraw? "

"mainichhing turin min ti miau a engtin nge ka hmuh thei ang che "

 Ngatinge ka thu a awih em em mai le?  ka ngaihṭhat na tur a nih chuan engpawh min tih sak zel mai hi mak ka ti tawp thei lo.

" i meng thei tawh ang " ka tih rual chuan a rawn meng siar siar a, a tum lo deuh in a hma ah tak ding in ka lo en reng avang chuan mak ti hmel a pu deuh a mahse a pangngai vat thung.

Second reilote kan in en hnu chuan ka awm ang hian a ni pawh a awm ve tho a ni tih confirm nan bang vawt thlar a min nawr beh pah chuan duhthawh zet hian min rawn fawp lehnghal tawn tawn a, ka lo hnar lo chiang kher mai.

☆Choose Love and be kind to others☆

CHAPTER -33

"your Sweetness is my Weakness " 

Rainer chuan a kut pahnih a ka biang tawn tawn a dawm pah chuan kan chal chu a rawn in sik tir a, kan lungphu pawh a rang sawt in kan awm chu a in sep lawp lawp bawk .

"engtik ah mah fawh che hi ka kham thei ngai lo ang "
Rawn tih sap pahin dimna nei lek lo hian min rawn fawp lehnghal tawn tawn a, zet hian ka bra hook chu a rawn phelh zui zat bawk.

Ka bra chu chhuatah ka theh thla nghal tawp a,a kut chuan a tih tur a hai lo ngang mai ka hnute chu a rawn ṭham nghal tawn tawn a, ka mawng bawr vel chu a zut kual ruai bawk.

" ka mamawh che...!! "

Ka insum theih tawh thlawt loh avang chuan ka ti chhuak nghal phawng a,ka sawi tum chu a lo hai lo ngang mai a nui nghal suk a.

"in ngaihtuah na hun ka pe leh ang che "

A hma khan ka duh ngai si lova ka mamawh tawh em avanga sawi mai mai ah min ngai pawh a ni mahna mahse ngun taka ka in ngaihtuah hnu ah he thutlukna hi siam chauh ka ni.

" ni lo... zankhua in ka ngaihtuah tawh"

Thawk hlawk hlawk pah chuan ka han ti leh a,ka tawngkam avang khan nuihza hmel a put leh ka lo rin nen a thutak in nuihza hmel pawh a pu lo.

Rainer chuan chiang taka min rawn en pah chuan a rawn kun hniam a, engmah sawi lova min rawn fawh leh takah chuan ka thusawi kha min pawmpui a ni tih ka hre nghal.

Chutia duhthawh taka kan in fawh lai chuan doorbell rawn ri rang rang chu ka hre thut a, ka meng nghal kawk ringawt!

"Rainer... " tih sap pahin ka han nam sawn deuh a mahse engah teh vak mah a ngai lo a nih hmel min rawn fawp lui lehngat tho.

" mi tu emaw an rawn kal in ka hria " hawi sawn hmak pah chuan ka han ti leh a.

Door bell ri in ka rilru a lak pen daih avang chuan ka khabe rawn dawm pah chuan amah en thei turin min rawn kuai dak a,ka hmui tawk lo chiah chiah vel hian a rawn kun hniam nghal bawk a.

"I can’t wait to feel you inside me"

Ka mit ah tak en reng chung chuan a hmui a liak zeuh a , ka lo mûr nghal chuaih mai!!

Ka khup te chu a rawn zawi nghal vek a, a thusawi leh a awmdan engkim mai hian min ti chak lo zo vek tawh a ka lungphu pawh a pangngai thei tawh lo .

" hun ka nei tawh lo "

Lehlamah door bell a lo ri ve chhen bawk nen mangan hmel zet hian ka han en a, mahse ka thusawi hrelo ang mai chuan ka dar chu a rawn fawp leh ngat a,a kutzung chal in muang changin ka panty chhanah a rawn zut chho chiah mai chu ka lo rum chhuak hak ringawt!!

"khatiang tur kha a ni "

A ṭan dawn chauh emaw ka tih laiin khik suk pah hian a kut chu a la sawn nghal daih a, mak ti taka en chho ha pah chuan, "ngatinge i tawpsan? " ka huaisen zawng zawng sawmkhawm in ka zawt ta ringawt a.

"condom la turin hun kan nei tawh hleinem mahse I want to taste you first" a tih chuan ka lo bu nghat a.

 A mitmeng in min rawn dil a ni ber ,a duh chuan engkim a ti nghal buan buan thei mahse hetiang thil liantham ah hi chuan ka mitmei a ven hmasak mai bakah ka phalna lak hmasak phawt a duh ṭhin na hian min zah der zia a ti lang a Rainer mizia a ka duh ber a ni bawk.

A duh ang ang ti tura phalna ka pek tawh miau avangin ka hmuia rawn fawh leh zeuh pah chuan ka hma ah tak a rawn ṭhu hniam a, ka panty a phelh thlak hnu chuan ka hmeichhiatna chu a rawn fawp nghal ngawng ngawng a,a kutṭang pahnih a rawn rawlh luh rual chuan er ngawng ngawng pahin a samah nghet takin ka lo ṭham nghal tawn tawn a, ka au chhuah mai loh nan ka hmui chu ka pet fan fan bawk.

★

Ka in hak ṭhat lai chuan Rainer chu kawngka hawng turin bathroom aṭang chuan a chhuak hmasa a, ka bra leh panty a huh vek tawh avangin bra leh panty ha lo in ka thawmhnaw hlang chuan ka ha ta ringawt a, ka ruak vek hian ka inhria.

Bathroom aṭanga ka chhuah meuh chuan Rainer pawh a lo in ha fel vek tawh a, vawin chu nidanga a hak ngai loh kamis var hi a ha a, a ban chu duhdah taka thlep in a awm a tattoo awm chu ti lang thei turin a hma kilhna chu tlemte chauh a kilh kher bawk a, a inhmeh in a chhiat loh pui leh em em tho.

"tunge?" tumah ka hmuh mai loh avang chuan ka zawt ta ringawt a.

" umm... pi Susan mawle, ka in tifai tu "a tih chuan ka lo bu nghat a.

"i sam a huh hian i sexy zual " min rawn siai zeuh pah hian a rawn nui nghal vur vur a, ka lo lai nghal ringawt. Engtikah mah ngaiah ka nei thei ngai dawn lo a nih hi.

" Rainer.... kha khawizu leh ser tui, in pawp pawp la i penṭawng pawh a zia deuh ang "

Kitchen aṭang chuan hmeichhe pakhat hian a rawn ti lang lang a, Rainer an nizanah zu a in miau loh avangin kan lo in nuih suk ringawt.

" umm... pi Susan zu ka in lo " mahni in sawifiah nawk nawk pahin kitchen lamah chuan a phei nghal a, ka rin aiin an in nel daih mai, nufa te pawh an ang zawk.

Ka sam ka chhem ro tir hnu chuan tui in turin kitchen lam ka pan ve nghal a, nu pakhat la upa lutuk lo,ka hriat sual loh chuan kum 50 bawl vel chuan dawhkan chu a lo hru fai mawlh mawlh a Rainer erawh hmuh tur a awm miah lo thung.

"umm... pi Susan khawiah nge Rainer? " a hnathawk lai ka tihbuai avangin polite tak hian ka zawt a, min chhang lawk lo in mak tih hmel zet hian min rawn en ha ringawt.

" umm.... Sadie ka nia ummm" ka ti bah nghal nawk nawk a, min en duh em avang hian sawisual ka nei a nih te ka ring hman hial.

"Thil lam turin a chhuak lawk a nih kha "

"a nih chu... " tih sap pahin tui chu ka han in nghal khawlh khawlh a, ka ngaihbel nge pawh ka hrelo min en duh ruai hian ka hria.

"coffee i in duh angem? " a rawn ti leh ringawt a.

" aw... ughh... ka lo siam dawn mi? " ka inthlahrung chuan ka ti ta ringawt a .

"no ah khan thli chhuak la bawnghnute  i duh tel chuan heta hi a awm "

" aw le... i duh ve dawn em? "

" kan lo in ve ange bawnghnute tel lo in " a tih chuan no lo inrem sa thlap ah chuan coffee a siamsa vek tawh chu ka thli chhuak nghal mawlh mawlh a.

" ih... pi Susan " tih pahin pi Susan lam hawi chuan ka in let nghal vut a.
" thil diklo a awm em ni? " a awmdan a mak em avang chuan ka zawt ta nge nge a.

" awm lo e.... i danglam bik em a " min rawn nuih ver ver pahin dawhkan chu a hrufai lehnghal a.

"tu lak aṭangin maw?" hriatthiam loh hmel zet hian ka lo en ha a.

" Rainer hmeichhe rawn hruai haw ṭhinte lak aṭangin mawle... Rainer an he in a luah tir aṭang tawh khan hetah ka thawk tawh a nangmah chiah in ka hming i hria "

Pi Susan meuh in danglam min tih avang chuan ka nui nghal ver ver a, fak nih hi chu a lo nuam a nih hi.

"hetah hian kar khatah vawihnih ka kal ziah ṭhin a, vawiin ni ang em em a Rainer a hmel hmuh nuam hi ka la hre ngai lo "

"i hmuh loh kar lakah a lo inthlak danglam pawh a ni mahna bakah hmeichhia engzat chiah nge a rawn hruai haw tawh ?" ka zawh zawng ringawt pawh hian ka thik in ka rilru a na nghal ringawt mahse tih lan ka tum miah lo thung.

Pi Susan coffee tur chu dawhkan ah chuan ka dah sak a,ka rin aiin a lo nelawm daih mai.

"a tam hran lo... Rainer hi chu a mal em a, intih hlim nan engthil pawh hi a ti mai ṭhin a hmeichhe chi hrang hrang a kawp pawh hi a dem awm hran lo" awlsam te in a sawi mai a mahse awlsam taka lo dawnsawn chu thil harsa tak a ni thung.

" oh!! " tih bakin chhan dan tur ka hre tawh lo, coffee lem zeuh pahin ka ngaihtuah zui vung vung ringawt.

" engpawh chu nise Rainer hi chu thinchhe hle mahse a rilru hi a chhe lo teh mai a nia...heihi mi hian an hmuh kan ṭhin in ka hria " pi Susan chuan a rawn ti leh a, keipawh heihi ka ngaihdan chiah a landan ang em em in Rainer hi a sual hran lo.

Pi Susan nen kan lo ti ti mek lai chuan Rainer pawh a rawn let leh hman a,kitchen chair a rawn ṭhut pah chuan ka hmuiah a rawn fawp zeuh a.
" kan kal tawh dawn em ni? " a rawn ti nghal zat bawk.

Rainer nen chuan kan in lam panin kan tlan nghal vang vang a, ka hmanhmawh ang hu in ka thleng har dawn.

" khawiah nge i kal a? " kan ngawih vang vang hnu chuan ka zawt thut a.

"painting ka order a... vawiin ah an rawn dah ang " hepa tak hi chu painting nilo thil dang inchhung a dah tur a tam tehreng nen painting berkher!!

Dar 8 a rik ṭep tawh avangin kut ṭawng sik neuh neuh chung chuan ka ṭhu ṭang ṭung a, ka û hnena insawifiah dan tur ka ngaihtuah neuh neuh bawk.

"i tlan chak deuh thei angem?"

"i û in engtin mah a ti lo ang che min ring rawh..."

"rawn riak lo tawp tur ka ni asin" ka duhthlanna ngeiah ka inchhir leh tawh,heihi ka nih dan chiah a ni.

Ka thusawi avang khan Rainer ngaihdan alo ni leh tawh lo ngang mai,chek zui tlak pah chuan ....

"rawn riak turin ka ti lui hleinem che " a rawn ti nghal vat a.

"enga!!? "

"inchhir leh tur si engvanga rawn riak nge i nih ?"

Hetiang hian min ti leh dawn a ni tih hre lawk ila chu ka riak lo tawp tur.

"mahse.... ka lo rin dan chuan.... "

" min duh vang em ni? " confi lutuk hian min rawn pawt chat nghal a, ka lo meng phawk nghal kawk a.

"Sadie... min duh suh chuan min hmangaih bawk hek suh..."kan chhan hma hma chuan a ti nghal zung zung a.

" maw!!? "

"hetiang thil hi chu a boring lutuk... min duh lo la nimai ka sawi chu i hrethiam em? " ngatinge a ṭawngkam tin mai hian min chhun pawp pawp ang maia ka hriat tlat le, ka thin zawn te hi a rawn sa nghal pup pup lehnghal.

" hahh.... engvanga confi em em nge maw i nih le?  chutiang te chu thil harsa a ni tawp nang "

Ka lo ti let ve ngat a ,a ruk tak chuan ka rilru a na in ka nun a thil hlu ber chan tur ang mai hian ka in hria.

" a ṭhat chu " tih zui sap pahin a ngawi zui hmak a, kan in luh chhohna kawi kan thlen hma thleng kha chu kan in be leh tawh lo hrim hrim.

Nizana a din na zawn ah bawk khan a ding leh a, a aia thui erawh tlan luh ka phal lo chuti lo chu ka û in min rawn hmu mai ang.

Ka lungawi vak loh avangin ngawi rengin kawngka chu ka hawng rawk rawk a chhuah mai chu ka han tum a.

" min fawp dawn lo em ni? " ka chhuah hma a a rawn tih chuan ka melh nghal hraw a mahse a nui hmel ka hmuh hian thinrim khum hi a harsa thin.

"ka tihpalh...duh aiin ka ṭawngkam hi alo na mah mah ṭhin a " ka thinrim a ni tih a hre ve ngei aniang.

" a pawilo... "Ngaihdam min dil tawh miau a ,lo thinrim khum reng na chi a nih loh avangin ka ti ta ringawt a mahse ka lungawi phah chuang lo.

"a nih chuan min fawp rawh "  a tih thin dan ang bawkin thupe deuh hian a rawn ti leh a, min pawh beh tlat avang chuan a tawp a tawpah nuih suk pah hian a hmuiah chuan ka fawp zeuh ta nge nge a ,hmanhmawh takin ka chhuak nghal nal nal bawk.

(ṭawngkam mawi lo... mizo ṭawnga leh dawn a mawi thlawt lo leh in rem thlawt lo a awm ṭhin avangin english in ka dah tawp ṭhin a hriatthiamna nen min lo chhiar sak hram hram dawn nia chuan fakna kha sec30 tal enkual tur aw... xoxo )

☆choose love and be kind to others☆

CHAPTER-34

"She is the light that lighten my dark soul" 

Inchhung ka luh chuan Kendra chu chair ah thu in juice in chung hian a melh ngai a lo melh vung vung a,a mittui a tling deuh pum te hian ka hria .A sam thur bam te leh a hmel la phak chual ka hmuh phei chuan nizanah a rawn riak a ni tih ka hre nghal.

"Hey... " tih paha dawhkana ka bag ka dah rual chuan a lo phu deuh zawk ! a bul lawka chair chu pawt chhuak in ka ṭhu ve nghal a.

" Hey... i in ve duh em? " min nuih sang chung hian a lo ti nghal vat a mahse a mitmeng erawh in a lungngaihna a thup bo hauh lo .

" aih... Braydon hi ala mu em ni? " a hmel chu chiang zet hian ka en kar a, ka ngaih a ṭha lo telh telh.

"nizan a chhuak kha a la rawn haw leh lo hrim hrim, zankhua in ka call a mahse pickup lo...chuan nichin deuh khan a rawn haw mek thu min rawn hrilh leh ringawt a, engmah hi ka hrethiam lo "

"engvanga chhuak nge a nih? "

"nizan dar 11 vel khan thil pawimawh tih tur a neih thut avangin hmanhmawh deuhin a tlan chhuak nghal a ,a chhan erawh engmah ka hre lo " a ti chuai raih a, ka û chet dan chuan min ṭhawng takzet ,mak ka tih ber zawk chu engthil pawimawh chiah nge a tih ang tih hi a ni!

" umm... a rawn thlen ṭep tawh chu engkim a ṭha leh vat mai ang " ka ti ta ringawt a, han hnem ve teh mah ila keimah zawk zawk hi ka ngaih a ṭha lo.

Kendra chu za lo zeta nuih pah hian a lo bu nghat a, a rilru puitlin zia leh a dawhtheih zia ka hmuh hian ka û hi vannei ka ti in inkawp tur ve reng an ni.

Diktaka sawi chuan Braydon hi ka hre chianga ka û mah nise Kendra hi a phu lo ka ti takzet. Ka û tan hian Kendra hi ka duhpui a mahse Kendra tan erawh ka û hi ka duhpui hlawl lo, ka û aia ṭha hi a phu in ka hria.

"Engpawh chu nise ka lawm takzet " Kendra en vung vung pah chuan ka ti sap a, min tiam tawh angin ka û a bail chhuak a lawmthu hi ka hrilh seng dawn lo chu a nih hi.

" a ho lutuk... ka tih tur ve reng alawm,  Sadie i nghawng a mi kha eng nge? "

Ka nghawng chu a rawn tuai thuak a,a rawn khawih na lai chu mak ti tak chunga dawm pahin phone ah chuan ka han in en vat a, hickey(love bite) duk ruih mai ka hmu chiah chu ka meng phawk nghal kawk ringawt!!

Rainer an ka nghawng a fawh khan he thil lianpui hi a lo hnutchhiah a ni maw!!  min hrilh tur a ni asin,Braydon an hmu se chuan min ṭhat duh ang.

"oh!! " Kendra chu hlauthawng zet hian ka va melh zeuh a, a ni lah in a lo hai lo ngang mai min rawn nuih ver ver pah hian,"tunge a nih chu ka hre lo na in a hnutchhiah lian mah mah a nih kha " tiin min rawn fiam zui a, ka lo sen nghal ṭawn ṭawn ringawt.

"umm...Braydon an a hmuh loh hram ka beisei " nui pât pât pahin ka ngawng chu ka nuai ka nuai ta ringawt a.

"naupang i ni tawh lova i duh duh ti turin chhia leh ṭha hriatna i nei tih hi Braydon pawhin a la hrechhuak vat mai ang,mahse i û in a rin na che hi ti chhe suh engtik ah mah "

Kendra rilru ang hi ka û hian pu ve se ka ti takzet, engtik ah nge naupang ka ni tawh lo tih hi a hriatthiam theih ang?
Naupang kum 5 mi ang leka en reng nih hi ka kham tawh takzet.

"ka hrethiam e "

Pawn lamah car ri kan hriat avangin kan pahnih chuan ka in en vat a, in hrilh chawp ngai lovin Braydon a ni tih ka hre nghal.

" Sadie... han in thlak vat rawh,i ngawng a mi kha a hmu palh ang "

Kendra chuan hlauhthawn hmel tak hian a rawn ti nghal vat a,buk nghat pahin ka bag chu dawhkan aṭangin ka pawtthla a inchung lamah ka tlan chho nghal a.

Ka room kawngka ka khar rual rual in tukverh aṭangin ka û chu ka zuk bih dek dek a, car aṭanga a rawn chhuak lai ka hmuh chuan thawk chhuah hak pahin parda chu ka pawt phei a, ka khumah ka let nghal tawp bawk.

Khuma mut pah chuan inchung chu khap miah lovin ka melh vung vung a, tukin zinga Rainer nen a kan awm dan te, min fawh dan te leh nawmna namen lo min pek dan te chu ka ngaihtuah let leh a, ka mur sung sung thei nia mawle.Hepa hi chu engtik ah mah ka kham thei ngai lovang, in hmu zo chiah pawh ni ila ka ngai lehnghal vawng vawng mai .

Hickey hliah nan kawr nghawng nei ka ha ta ringawt a, nidanga ka hak ang tho kekawr bul leh sneaker chu ka inbel leh tawp a, ka sam sang takah ka ṭawn mar pang bawk a, ka insiam zo lehnghal der.

Class kal a hun leh tawh avangin hmanhmawh takin inhnuai lamah ka tlan thla nghal a,kawngka ka hawn rual chuan balcony a Braydon leh Kendra te inhau ri ka hriat chuan ka ding nghal chawt !! 

Engang pawhin ka beng chhut ngawng tumin haider han tum teh mah ila Kendra in nizanah keimah min kalsan in Amira nen in lo awm dun reng a ni tih hi ka awih thei lo, a tih ri chu chiang takin ka hre thei .

Ngatinge pawh ka hrelo Amira hming ka hriat zawng ringawt pawh hian ka awm zawn hi a rawn na nghal vawng vawng a, Kendra ka lo nat pui ve nge Amira hi ka thik vang pawh ka hre lo.

Braydon chu thinrim insum tih hriat tak hian inchhungah a rawn lut nghal hlawk hlawk a,engang pawhin thinrim mahse min hmuh chuan za lo zet hian min rawn nuih suk a.

" bawihte i kal tawh dawn em ni? " min rawn kuah pahin ka lu ah a rawn fawp zeuh a.

"ka lo thlah ang che " a rawn ti leh a.

" angai lo... Kendra saw ṭha deuhin sawipui la a ṭha zawk in ka hria " balcony a ding reng Kendra chu ka va melh zeuh a.

" han in beng dai phawt se nakinah ka be mai ang "

"engpawh chu nise ngaihdam i dil ang tih min tiam rawh " ka tih chuan a khi suk a.

" aw le... ka let leh veleh ka dil ang " a ti a.

Ka ú nen ngawi renga college lam kan pan lai chuan,"nizanah Amira bulah i awm em ni? " tiin ka zawt hlawl ringawt!!  a ni pawhin ka zawh a ring bik lo aniang mak tih hmel takin min rawn en nghal kawk a.

"ughh... chutiang pawh chu a ni chiah lo "
Lalpa leh!!  Amira bulah a awm tho alawm, eng thil dang nge an tih ang tih pawh hriat va ni suh .

"chuan Kendra i kalsan daih amaw?... Braydon ,Amira hi theihnghilh tum tawh rawh "

Amira hi ka kham tawh takzet, a hming ringawt pawh hian ka luak a ti chhuak.

Rainer vangin ka û a kalsan a tunah a move on ve chauh a, a rawn beisei leh a ,engthil nge maw tih a tum chiah ni ? Rainer tan emaw ka û tan emaw pawh nise ka duh lo ve ve.

" a nau a damlo a min mamawh alawm... engthil mah a thleng lo ka ti tak tak " thinrim miah lovin a insawi fiah a ,dawt a sawi lo tih chu hre tho mah ila Kendra a kalsan daih avang khan ka lawm chuang lo.

"i nun a nia engthil pawh ti turin zalen mahla Kendra hi tlem talin ngaihtuah ve rawh...i inchhir hma in "

" ngaihdam ka dil ang ka tih tawh kha... bakah Amira thiamloh pawh a ni hleinem engmah hrelo in in mawhchhiat ringawt zel a...." a tih rual chuan seat nghenchhan nghen pahin ka thaw chhuak nghal hak a, engmah ka sawi thui duh tawh lo.

Amira hi hmeichhe sual tak a ni hran lo mahse khati khawp khan a rilru a tih nat sak tawh avang khan ka ring leh thei tawh lo, a bul hnaih a awm tir pawh ka duh lo .

 Eng black magic nge maw a hman bik ni heti khawpa mipa a dawi at theih?

_________________________________________

Corridor a ka kal phei lai chuan hnung lam aṭangin Chelsea leh Kaitlyn te chuan min rawn kuah thut a, zanhnih lai kan in be tawh lova hun rei tak hnu a inhmu leh te pawh kan ang alawm.

" Sadie.... dawt sawi miah suh ang che nizanah khawiah nge i riah? "

Chelsea chuan ka mit ah tak chiang taka rawn en ran chung chuan min rawn vau ti tih ta mai a, a zawhna avang chuan mak ka tiin Braydon an alo va be leh tawh a nih ka ring nghal.

" umm... khawiah mah " ka in her vut a,an pahnih chuan ka kalsan nghal hlawk hlawk a mahse min rawn umzui leh tho.

"Sadie thil zep ruk i nei tiraw? i ṭhiante hi min hrilh ve dawn lo em ni? "
Kaitlyn chuan zaidam tak hian a lo ti ve bawk a.Engkim min hrilh vek laia zep ruk ka lo nei bik chu ka in thiam lo takzet mahse engtin nge ka hrilh fiah tak ang.

" sawi nghal rawh. ..bialpa thar i nei em ni nge i in zuar ṭhin zawk ?" Chelsea in a rawn tih chuan Kaitlyn chuan alo nghawk zeuh a, a mitmei nghal zeuh bawk.

" chutiang pawh chu a ni chiah lo "ka lo ti chuai raih a.

" a nih engthil nge... nizanah i û bulah dawt kan sawi phah ringawt alawm, a pawi lo i sawi duh lo a nih chuan keini pawhin engmah kan hrilh tawh bik lo ang che " Chelsea chu a thinrim ṭan tawh, engkim hrilh vek ka duh mahse khawi lai ber aṭanga ṭan tur nge pawh ka hre lo.

" ihh.... ka "

Sawi ka tum lai tak in Rainer leh a ṭhiante ho an rawn kal phei ṭham ṭham avang chuan ka ngawi ta daih a, min rawn kal pel pahin Rainer chuan min rawn nuih suk bawk a, ka lai lutuk chu ka kun daih ringawt.

"Sadie tunah khan Rainer an a rawn nuih che " Kaitlyn chuan mak tih hmel zet hian min rawn en a, a chi ai a ni zawk mah a niang chu.

" ni e... keipawhin ka lo hmu " Chelsea a ṭawng rin theih em avangin an pahnih chuan midang tam loh na laiah ka pawt phei dawr dawr a.

"Nizanah Rainer inah ka riak " ka ti chhuak nghal phawng
ringawt.An pahnih chuan ramhuai hmu ang maiin vawilehkhatah a meng phawk nghal kawk a, an dãng nghal vek bawk.


" Eng... eng maw? Rainer inah i riak amaw ?"

" shh.... in ṭawng ring lutuk " hawi kual vat vat pahin ka lo khap nghal vat a.

" engkim min hrilh vek rawh "

An hriat chak avanga hrilh nilovin hriat ve an phu avangin Rainer nen ka chungchang chu an pahnih chuan ka hrilh ta vek a, Rainer kan in a a rawn riah thu te, kan in fawh dan te chu ka hrilh vek a mahse a vawrtawp min thlen pui dan erawh kha chu engmah ka hrilh tel lo thung.

Ka sawi zawh meuh chuan an mak ti lutuk chu ṭawng mai nachang pawh an hre lo, an ding khawng reng ringawt.

" umm....Rainer hi i duh em ni? " Kaitlyn chuan a aia chik hian min rawn zawt a, ka duh a ni tih hi keipawh in ka in hria mahse Rainer nen a kan inkar hi a chian loh mai bakah amah duh lo tura min hrilh avang khan ka thinlung hi ka la hawng ngam chiah lo.

" ummm.... ka duh in ka hria " kun lap chung hian ka ti sap a, ka ṭhiante bulah hi chuan ka zep hran lo.

" oh!!  God! " an pahnih chuan hlauhthawn hmel zet hian min rawn en a, tun ṭuma kan thu sawi hi chu a serious em avangin ni dang angin a ṭha lutuk an ti liam mai tawh lova min ngaihtuah tazet hmel an pu thung.

"keipawh ka in ring hman bik lo... engvanga bad boy ho hi an zûn a uai awlsam em em nge maw a nih le? " chhuanlamah ka ti ta ringawt a, dikna chen pawh a awm.

" Chutiang te chu thil thar pawh a nih loh chu " Chelsea chuan a lo ti awlsam et a.

" ka ngaihtuah takzet che... i ú in hrechhuak ta se a ṭha lo viau ang ,engkim a kal dik lo leh vek a ni mai " Kaitlyn in a tih chuan Rainer hi min duhpui chiah lo a ni tih ka hre thei.

"ni e... Sadie, i luh thuk hma in bansan la a ṭha in ka hria... Rainer hi chuan rilru natna bak a thlen lo ang che" Chelsea meuh pawhin min duhpui lo mahse keimah berin ka duh miau a vawilehkhata han bansan tawp chu a harsa ang.

"a ni pawhin min duh alawm... min duh lo se nizanah pawh riak turin min sawm lovang " inring tawk tak hian ka lo ti let ve ngat a, ka nun a nia ka duh zawng chu ka ti ve tur a ni dawn lawm ni.

"Hepa kher kher hi chu a ṭha kan ti lo... kan duhpui lo che.... bakah Amira nen an inkawp a ni lawm ni? " Kaitlyn chuan a rawn ti leh a.

" a nih a duh thu che a hrilh tawh che em? " Chelsea chuan a lo ti ve bawk a.

" Amira nen an in kawp lo... bakah Rainer hian min duh thu min la hrilh chiah lo mahse min la hrilh vat ang " ka lo ti let ve hlar a, kan awmdan ngaihtuah kha chan ka lakah feeling engemaw tal a neih ve ka ring.

" Sadie hriatthiam tum teh... "

" umm... class ka nei dawn, kan kal tawh ange " tih pahin ka bag chu ka vuan nghet sauh a, in hum ruh ṭun chungin class lam panin ka kal nghal nal nal bawk.

Class zawh veleh Nolan nen Library ah kan project tur vel buaipui in inhma tawn chuan kan ṭhu a ran a, class chhung zawngin leh tun thleng pawhin ka ṭhian te thusawi avang khan ka awm a nuam thei lo.

" Nolan i nu eng nge a an tawh? " ka rilru lak pen tumin thil dang daih chu ka sawipui a.

"a ṭha a dam vat ang.... Sadie kan project hi a khirh dawn riau tlaiah kan stayback loh pawhin zanah kan tih dun angai ang " Nolan chuan a pencil ken lai chuan min rawn khawng keuh a.

"keichu ka hman reng, i hman hun hun ah a ni mai " ka lo ti nghal var a, Nolan hi chu a buai ṭhin si a a chang hi chuan ka khawngaih ṭhin.

" a nih chuan zaninah in inah ka rawn kal ang... tlaiah chuan ka nu awmpui ka ngai a ka hman dawn lo "

" aw le... ka ú ka lo hrilh lawk dawn nia, eng nge maw in tur i duh em?" ka ti nghal zat a.

" duh e... " a mit tih zim san pahin a han in kuangkuah a, Nolan hi ka ṭhian nilo se chuan ka star hrim hrim ang .A hmelṭhat chu thuhran nise a fel in a caring si a, a in nghahna tlak takzet bawk.

" keiman ka zuk la ang" thawh a han tum zet a.
" ehemm... vawiin chu keiman aw "ka awm ben thak thak pah chuan ka han ti a, kan nui ri ngam bawk si lova ka hmui ka hup tawp

In tur la tura vending machine hma a ka din vauh vauh lai chuan hnung lam aṭangin tuemaw hian min rawn din hliah khup a, phut zawk paha ka hawi let nak chuan Rainer a lo ni a!! 

" Hey... " za lo zetin ka lo nuih suk ringawt.

"class i nei dawn lo em ni? " hmm... class tih vel leh Rainer hi a in hmeh ve thlawt lo.

"aw... " tih ringawt in ka chhang a, vending machine lam chu ka hawi leh daih a. Ka ṭhian te thusawi kha ka la hriat kar avangin ka theih ang tawkin mawihnai tak si in Rainer hi hlat ka duh.

"Morin... thil diklo a awm em ni? "

" aih... ka hmanhnawh deuh a " tih pahin coke can pahnih chu ka la sawk sawk a hmanhnawh takin library lamah ka tlan nghal a.

Coke pakhat zawk chu dawhkan ah ka dah a, pakhat zawk erawh ṭhut pahin ka hawng nghal a ka hmanhnawh bawka ka thaw deuh hluam hluam lehnghal.

"sawpa saw i rawn hruai em ni? " Nolan chuan ka hnunglam chu a melh daih a.
" tu maw? " tih paha ka hawi let nak chuan Rainer an min rawn zui chu lo niin, kan in en fuh chat lehnghal.

" ai.... aih " ka sawi zawh hma hma chuan Rainer chu ka bula chair chu pawt chhuak in a rawn ṭhut nghal thurh a, barakhaih thut ang maiin phawk fe hian ka lo melh haw ringawt .

☆Choose Love and be kind to others ☆

CHARTER -35

"I want to share every important things with you " 

"Sadie rawn chhuak lawk teh... "

Rainer chuan kan bulah Nolan a awm ve a ni tih hmu lo ang mai hian a rawn ti kher a chutah min hnaih sêt hian ala rawn tawlh phei zui.

Rainer chet dan avanga Nolan hmela mak tihna leh hrilh hai hmel chu ka lo hmuh hmaih lo nasa mahse rawn in rawlh buai lovin ngawi rengin a thil ziah lai chu a chhunzawm lehnghal mawlh mawlh.

"eng nge? "

 Nolan ka zah em avangin Nolan melh hrak hrak pah chuan zawi te hian ka lo ti sap a, Rainer lam phei chu ka hawi duh lo hrim hrim .

"thil hmuh tur che ka nei " a kut lehlam in ka chair nghenchhan chu a vuan a lehlam erawh dahkan ah a nghat khur thung .

"ka la buai hrih. ..nakin ah min hmuh mai dawn nia "

Ka tih rual chuan ka pencil ken lai chu min rawn laksak hmak! Nolan hian kan thusawi a hre thei vek a ni tih ka hriat ve kur avangin ka ṭawng ṭha vak duh lo.

" a rei lo ang "

"Rainer...tikhan min hmuh mai rawh " tih paha ka hawi phei nak chuan min rawn ṭhut hnaih em avangin a mit ah tak ka han en fuh chat a, a mitmeng paw châk mai thutak lutuk leh hriatthiam har tak ka hmuh rual chuan ka hawi sawn rang kher mai.

Eng ang pawhin min sawm mahse ka kal dawn lo a ni tih a hriat chuan ngawi rengin ka notebook chu khup in ka bag ah a kung lut hmak ringawt.

" engthil nge maw i tih le? "

Ka lehkhabu dang pawh chu a khup leh a lak kan a tum lai tak chuan Nolan'n lehkhabu chu a rawn nem bet ta hmak mai!! 

Rum lutuk tak mai hian Rainer chuan a melh nghal kúr a ,kut thawh nghal duh mai hmel te pawh a pu in ka hria.

"nakinah a tih mawlh mawlh kha "

 Nolan hi mi zaidam tawpkhawk a ni a, a rawn in rawlh tawh chin ah hi chuan a ngaithei lo ve ngang a ni mai.

"i kut hi la sawn rawh " tawi fel at ngeiawm zet si hian Rainer chuan a ti a.

"hetah midang lehkha zir lai rawn tibuai suh...i zir ve duh a nih chuan ṭhutna awl ala tam mai "

Nolan chuan ṭha deuh a tih pahin kan piah lawk a ṭhutna awl chu a kawk a mahse Rainer ngaihdan a lo ni lo ngang mai, ri hluk ṭhin leh puak thut thei reng tih takah in hum ruh chung chuan a ding ta uai mai !! midang ho chuan an rawn en nghal ṭhap bawk.

"Rainer... duhtawk rawh "

Buaina nasa zawk a chhuak dawn takngial a ka hriat avangin ka lo in rawlh ve nghal vat a, kan thawm a ring bawk a min rawn hau ṭep tawh ang.

" Nolan... zanah kan ti ṭha leh mai dawn nia " tih pahin ka lehkhabu chu ka bag ah ka khung lut nghal mawlh mawlh a.

 Rainer melh cho kar pah chuan, " min rawn zui rawh " ka ti sap a, ka bag chu ak ṭha in ka kal chhuak nghal hlawk hlawk a.

Rainer chuan ngawi rengin ka hnungah min rawn zui ve nghal hlawk hlawk a,
Library aṭanga kan chhuah rual rual chuan midang an awm lo bawk a, hawi let hraw pah in vin hler hlawr hian,"Eng nge? " ka ti nghal ṭhah a, a chet dan avang khan ka lungawi lo a ni tih hi hre ve reng reng rawh se.

"khapa phiangsen nen khan zanah eng thil maw tih in tum? "

" Rainer.... khapa phiangsen a ni lo Nolan a nih kha, i ṭawngkam fimkhur deuh rawh "

"hming a nei ve phiangsen a ni maw? " ngeiawm zet a rawn tih kher pahin a nui lui suk a.
"thil dang sawi tum suh engthil maw tih in tum tehhrep a? " a ti zui zat bawk.

"Project kan ti dun dawn, i lawm tawh em? "

" ka pui ang che ka tih kha... "

"Nolan hi mi thiam tak a ni a... rawn tihbuai kher che ngai lovin min tih pui thei alawm " ka awki a hniam tawh hle, hetiang anga in vin hluk hluk reng hi ka kham tawh takzet.

" khapa khan ka kutthlak vawikhat pawh a dawl dawn mi le? "

A chapo em avang leh mahni a in fak chawp avang chuan ka mit ka lo chet kual ralh a, sawi dik viau mahse ei loh hmel zet hian ka lo ner zui suk bawk.

"engpawh chu nise ngatinge hetiang hian i awm thut? " Rainer pawhin a awki a hniam tawh bawk a, ka san bik nachhan tur a awm lo.

" engtin maw? "

"tukin zingah kha chuan engkim a ṭha vek a mahse tunah min pehhel i tum leh a " min hriatthiam lo hmel zet hian min en a, a rilru buai hmel hmuh hi a khat bawk a hmuh a nuam ve hrim hrim.

"ka awmdan a ngai reng alawm " dawt ka sawi avangin min man chhuah vat loh nan ka hawi sawn daih a.

"nilo... tukin zingah kha chuan ka hming lam mawlh mawlh chungin a vawrtawp i thleng a nih kha... tunah... "

" Rainer.... " ip chawih chungin ka lo pawt chat nghal vat!!  ka zah em avangin ka biang chu a rawn sen nghal vek a, a ni lah chuan kan bul hnaiah tumah an awm lo tiin a sawi phawng phawng tawh mai si.

" eng nge? " nuih vut vur pah hian a rawn ti a.

"eng nge min hmuh i duh chu sawi rawh"

" min rawn nui rawh "

" min hrilh hmasak phawt loh chuan ka zui dawn lo che " ka ti ve tlat a, amah ang tho in ka luhlul ve thei tho.

"vawin ah class bunk ang " ka lo meng phawk nghal kawk a.

" Class bunk a!!  teuh lo "

" vawiin chiah... nidangah a thleng leh tawh lo ang "

" nilo... a hma pawhin Derek nen kan bunk tawh a, ka û in min man chhuak a min grounded phah lehnghal"

Engmah ngaihtuah chiang hmasa lo chuan ka ti chhuak nghal phawng a, ka sawi loh tur thil ka sawi tih ka hriat chhuah meuh chuan ka sawi fel vek tawh.

"tuna i thil sawi kha sawi ṭha leh rawh" thinrim hmel zet hian a rawn ti a.

"engmah a ni lo "

" Derek nen chuan khawiah nge in kal? "

"Rainer... thil hi min zawt vak vak ṭhin teh suh " min tih dan ang chiah in ka lo chhang let ve ngat a, a thinrim zual sauh ermaw tih mai tur hian a meng thip hlur tawh mai.

" hahh... ka rin ang i lo nih loh tawp hi" a sam tuai thuak pah chuan a rawn ti kher a nih chu!!  ka ngeng a chhun nghal zak mai.

"a nih chuan engvangin nge min zawh... i thik em ni? "

" thik... i sawi awmzia chu kei hian Derek chu ka thik ang maw... hahh, i dream nasa mah mah lo maw " min tih zek pah chuan a in her vut a, mahni induh tawk leh inring tawk tih takah vawikhat pawh rawn hawi let lovin a kal nghal nal nal a,ka lo en zui vawng vawng ringawt.

" ka hmui hi ka veng hman ṭhin lo " ka hmui khawih pah chuan ka in hau ru mawlh mawlh a mahse Derek kha a thik lo a nih si chuan engvanga thinrim ve ringawt nge a ni tih ka ngaihtuah let pawhin ka hrechhuak thei chuang lo bakah engthil nge min hmuh a tum chu ni ta ang ?

Library ah let tawh lovin ka assignment buaipui tum in laboratory lam ka pan ta ringawt a, rilru lak pen tum in thil dang tih tum eng ang mah ila ka rilru ah Rainer bak a awm thei chuang lo.

Eng eng emaw ka test kual vel lai chuan mi chhe sawi chu koh aiin a hnai tih takah Derek hi a rawn lut hlawl a, hmu lo ang deuhin ka thil tih lai chu ka chhunzawm mawlh mawlh tho.

"Sadie ....in be lawk ang " min rawn hmuh rual chuan min rawn pan nghal a, vawiin ni hi eng nge maw an hriat vek ni tupawh mai hian thil min hrilh duh an neih tak thut ni.

"ka laklawh lutuk... tikhan sawi rawh "

A engamah hma a lo biak ṭhat duh loh ngawt kha ka duh bik loh avangin ṭha deuh hian ka lo chhang let a.

"Camelle nen kan inṭhen " a ruk chuan ka phu deuh zawk!!  mahse engah mah ngai lo anga awm hram hram ka duh.

" chuan... "

" Sadie... ka rilru put hmang chu i hriat vek kha kan pahnih hian a hma ang khan awm leh ang "

" Derek ka... "

" ka hmangaih che Sadie .... Camelle nen kan inkawp lai pawh khan ka theihnghilh ngai reng reng lo che, i laka ka rilru put hmang pawh a la danglam reng reng lo "

Derek a mitmeng chuan dawt a sawi lo tih ka hria, a awmdan leh a thusawi engkim mai chu ngun takin ka lo ngaihthlak sak a ,Camelle nen an in kawp atanga an chet buai tak dan te, class a kal ṭhat loh mai bakah a party nasat dan te, zu a in nasat tak dan te chu ka hmu hmaih bik lo, mahse let leh tur chuan ka kal thui tawh mah mah.

" tuna ka nundan hi engkim kalsan vek ka duh mahse min puih loh chuan keimah chauhin ka paltlang thei lo... Sadie ka mamawh takzet che... min ngaidam hram rawh " tih pahin min rawn kuah nghal thlawp a, tiang ang em em hian Derek hi a beidawng in a la lungngai ngai lo.Amah hi ka hrechiang ve tawk bawk a a tawrhna hi ka lainat in ka lo na ve em em ringawt.

"tiang hian awm suh... " ka ti leh ringawt a,chungril ah erawh Camelle ngeina hlir in ka khat thung.

" ka ngai tawh lutuk che...kuah reng che hi ka duh thin asin" kei ngei pawh hian a kuah te a engkim mai kha ka ngai lo ti ila dawt ka sawi ang, mahse ṭhian ang bakin ka en thei tawh lo a let leh pawh ka duh tawh lo.

CHAPTER -36

"she wears Gucci, I wear my smile "

"Derek... ihh... ka ngaihdan chuan ..."

"tunah min chhan kher pawh a ngai lo,i rilru ka ti na tih chu ka hria mahse siam ṭhat leh nan hun min pe rawh ...ka lo nghak reng ang che " tiin min lo pawt chat nghal vat a, keipawhin thil ngaihtuah chiang lova tih tut tut ai chuan tiin ka lo bu nghat a.

"tun aṭang chuan kan inkarah tumah in rawlh tir ka duh tawh lo..."

Ka mit ah tak chiang takin a rawn en a,tih derna leh tih mai mai na a awm hauh lo,tun ṭum bik hi a serious zual in a hnenah let leh turin min duh tak tak in ka hria.

"ka ti ṭap leh tawh ngai lo ang che " a rawn ti sap a ,ka sam tla chham mai ka benga zeh pah chuan muang changin min rawn fawp nghal vawng vawng  a mahse ka rin loh dan deuha a chet thut avang chuan inlak hran vat pahin zahzel ah ka hma a lehkhabu chu ka keu ta ringawt a.

A ni pawh a inthiam lo leh deuh aniang a hmui hnuai lam fawh pahin a tukhum chu a hriat nauh nauh a.

" Umm... Derek ka buai deuh a... "ka chil chu ka han lem dak a, ka hawi chhuak duh tawh lo, lehkhabu melh vung vung pahin ka kun tlat a.

"ka... ka hrethiam e, ka nawr lui lo ang che ,ngun takin ilo in ngaihtuah dawn nia "

Nuih suk pahin ka samah a rawn chul zeuh a, a kekawr ipte zen pahin a kal nghal hna hna a.

Kawngka a thlen dawn chuan ka hawi chhuak a, ka hmui khawih pahin a kal liam lai chu ka en zui nghal vawng vawng a.

"engthil nge ka chungah thleng ta hi !" mak ti tak chungin ka ti chhuak hlawl bawk.

Derek an min kuah lai te min fawh lai te khan engtin mah ka awm miah lo.

 Khatiang khawpa ka mipa duh leh ka ṭhian ṭha ber tia ka lo chhal ṭhin lakah khan eng feelings mah ka nei tawh miah lo a, thinphu han rang ve eih pawh a awm miah loh avang khan mak ka ti zawk hial.

A kuah te, a engkim mai kha ka ngai takzet tih chu ka hai bik lo.... nilo kei hi Derek lak aṭangin ka move on tawh tih na em ni?!!  Ka awih thei lo hetiang em em a rang hian a laka ka rilru put hmang danglam tak kha a bo ang maw!!

Lawm viau tur ka nih laiin mak ka in ti zawk!! Ka hriat ṭhin Sadie kha ka ni tawh tawp lo mai!!

Rainer bulah ve thung chuan ka bula a awm ringawt pawha ka lo mur chuai chuai ṭhin kha chu sawi loh min en hlek pawhin ka awmdan hi a rawn danglam nghal vek a, control theih loh khawpin ka thinphu a rawn rang nghal thin bawk a, mi hran daih ang te hian ka in hre hial ṭhin.

Hetiang hian mihring hi a mihring pui te vêk bulah a awm thei ang tih hi ka ring ngai bik lo ,eng ang pawhin awih duh lo mah ila ka chungah ngei a thleng miau sia!

Ka thil tih tur pawh min ti tui lo zo vek, phur lo deuh chungin ka thil test tur sample chu ka han buaipui vel a, a kar lakah thil dang daih ka lo ngaihtuah leh vung vung zel.

" Sadie... ngaihtuah rawh, i thil tih tur chiah hi ngaihtuah rawh "

Mahni leh mahni in fuih phur chawp in ka ban chu ka han sawizawi vel a, ka lu chu ka han hmet nawk nawk bawk a.

Ka rilru ka sawrbing dawn chiah tih in hmeichhe pahnih hi thil test ve tho turin ṭawng mawlh mawlh pah hian an rawn lut a, pakhat zawkin "vawiin hi Rainer birthday a ni in ka hria " a tih ri ka hriat rual rual chuan ka beng ka lo chhi nghal hra a, mahse an awmna a hlat deuh hlek avangin an ṭawng ri ka va hre pha tawh lo.

Vawiin hi Rainer birthday a ni tih ka hriat takah chuan chhuak tura min rawn sawm dan vel te kha ka hrechhuak leh hnuhnawh a, a birthday amah chauh a hman ai chuan tiin keimah min rawn sawm ve em em a keilah chuan ka lo ti let hrep lehnghal a .

" urghh.... ka â thei takngial dawn "

Rainer mal zia leh a bula awm tura min duh ṭhin zia ka hre ve reng sia engvanga thil hi hre lo ṭhin em em nge maw ka nih le?  Tunah pawh kei tih loh chuan vawiin hi a birthday a ni tih an lo hre leh vek tawh ang chu.

Sample ka buaipui zawh a ka label vek hnu chuan fridge ah ka dah ṭha a,ka lab coat ka khai ṭha nghal bawk a, ka gloves bun lai ka paih hnu chuan ka lehkhabu khung fel nghal in class lehpek nang hman tur chuan ka tlan chhuak nghal hlawk hlawk a.

Corridor a ka tlan phei hlawk hlawk lai chuan step ah Rainer niawm tak chhuk thla liam chiah lai ka va hmuh chuan lecture room lam pan ta lo in chupa chu ka zui ta zawk a, ka chungah thinrim viau mahse a piancham lawmpui tal ka duh, amah ka umzui duh reng vang nilo in hetiang mi hi a nih ṭhin avang zawkin.

Ground ka thlen thlak chuan ka rin ang ngeiin Rainer a lo ni tak tak a, hmanhmawh taka parking lot lam a pan avang chuan a tlan chhuah hma a um phak hman tum in kan tlan tak tak mai chu ka chhip aṭang hian a rawn na thei in ka hria.

Car a ti nung chiah tih in ka va nang hman hlauh, min rawn hmuh chuan glass down pahin mak tih hmel tak hian min rawn en haw a, a shades vuah lai inhmeh zet chu a phelh thla nghal bawk.

" eng nge hetah i rawn tih? " hmm... hetah hian ka kal thei lo em ni? ama ta ang ziazâng a.

" khawi.... khawiah nge i kal dawn? " ka la thaw hlawp hlawp reng a, ka sawi tur lah chu ka theihnghilh daih lehnghal.

"rawn lut rawh... "

" maw!! "

"thil kan ei dawn nia... ka thlah leh ang che " a tih chuan ka sana chu ka zuk thlek zeuh a, lunch time a nih ṭep tawh mai bakah ka ril a lo ṭam ve bawk nen class kal ta lo chuan car ah ka lut nghal a, tui in tur min lo pe nghal vat bawk.

Rainer hi chuan awlsam deuh in min thlem thlu zung zung zel mai chu a nih hi!

Sawi tur kan hre lo dun bawka Rainer chuan a ngai te bawkin eng classical hla emaw ni hi a play leh ṭang ṭang tawh a, tukverh ah a ban nghat chhuak leh in hma lam chu a melh ran a, a shades vuah nen zawng zawng mai hian a chhelo in en loh hi a har ṭhin.

Restaurant tam tak kan tlan pel tawh a, ding mai lova kan tlan rei tawh em avangin, " khawiah nge kan kal dawn? " tiin ka zawt ta ringawt a, a hla play lai herh zawi pah chuan ka ril ṭam leh ṭam loh min rawn zawt leh daih a, uar zet hian ka ril a ṭam thu ka hrilh chuan a hmel ngui bam kha nui hmel ah a rawn in thlak leh vat tawh.

Ka sawi uar bawk aniang Starbucks kawtah chuan car a ti ding ta nge nge a.

" min lo nghak rawh "

Car kawngka khar pahin Starbucks ah chuan a lut nghal a ,rei pawh a awm hma in ei tur leh in tur hi a rawn chawi chhuak ṭeuh a ka lawm zia chu han sawi vak dan pawh ka hrelo.

Eitur ho chu ka mal chungah rawn dah in intur ve thung chu a ṭhutna bul ah chuan a dah a, a seatbelt siam ṭhat mawlh mawlh pahin hma lam panin a tlan chhuak lehnghal a.

Let tawh tur kan nih laia a tlan zel avang chuan thil hmuam ṭun chung hian,"khawiah nge kan kal dawn? " ka lo ti ha a,min chhang lovin min rawn nuih ringawt.

" ka thlah leh ang che i tih kha "

" a hun ka sawi hleinem " a lo ti hmak a nih chu!!  Lalpa leh!! Hepa han fin zia hi, phakar bawk si.

" a nih khawiah nge min hruai dawn? " min hruai na hmun tur hi ngaihdan pawh ka nei lo.

" i hre mai ang " tih pahin a in tur lei matcha lemonade chu a han in khawlh khawlh a, a hla play bawk chu herh ring leh in kan ngawi dun leh kar tawh.

Tlema car a tlan muan takah chuan ka han meng siar siar a, muhil chiah lo mah ila ka lo ṭhu tui hman lutuk a ka chhuk thla peih lo takzet.

In pakhat nalh deuh mai kan thlen chuan hawi kual hrak hrak pah hian, "hetah hian mi kan kal dawn? " ka lo ti nghal vat a,hnim leh thingkung a tam bawk a a hmun hi a thawveng takzet.

" umm... " tih ringawt in min chhang leh tawh, car a tih din hnu chuan a seat belt phelh pahin," i bag kha car ah hnutchhiah suh " a rawn ti leh ringawt a, iPad seat hnunga a dah chu a la nghal bawk .

Car aṭanga a chhuah rual chuan hmeichhe pakhat chhelo zet mai kum 25 bawr vel , sam var sar a mawng chen vel awihawm loh khawpa ngil hi nui sang chungin a rawn tlan chhuak nghal a, Rainer nen chuan an in kuah nghal chat bawk.

Car aṭangin an awm dan chu ka lo en kar a, an in nel hmel in saw nu sawn a duh hmel takzet, an in kar ah eng thil emawni tak chu a awm chiang alawm.

Car a lo awm bik reng ka duh loh avangin ka chhuak vel nghal a, chunu lah chuan min rawn nuih sang pah hian,"hi!  Becky ka nia " a lo ti nghal zung zung a, za lo zeta nuih suk pahin Rainer chu ka va melh zeuh a.

" Sadie.. " tih let pahin kan in chibai nghal a.

Becky inchei dan chu ka lo en chiang leh tawh kher mai, a pheikhawk thlengin Gucci vek a ni a ,a pheikhawk man ringawt pawh hi $1,230 (India pawisa in singriat leh tih vel ) man a ni leh dawrh ang chu , kei ve thung chuan thawmhnaw simple te te chauh ka in bel thung, mahni insit a na duh khawp mai.

Makeup tamtak hmang mahse engkim mai chu a nih dan tur ang thlapin a awm a, a hmelṭha in a chhelo thlawt .

Engvanga Rainer a hmeichhe hmelhriat te hi chhelo em em zel nge maw an nih le?  keimah zawk hian nuam ka lo ti lo ve ringawt zel.

" chuan... Kum khat hnuah i hmel i rawn lan leh ta alawm... ka ngai lutuk che "

Becky lah chuan zep nei map lo hian a rilru a awm ang ang chu a hrilh hmiah hmiah a, Rainer lah chuan a lo huat loh hmel ngang mai.

" inchhungah kan lut dawn mi niang ?"
a tih chuan an pahnih chuan an kal nghal daih a, ka awm ve tih pawh an hre tawh lo.

An hnunga zui chhoh hnak hnak pahin thik ru tak si hian ka lo meng rum ve em em ringawt a, ka mood lah chu a off nghal vek a ,ka lo kal kher kher kha ka inchhir leh hnuhnawh .

"i rawn kal khat sia dinner te in ei ang chu " Becky chu Rainer mal chungah a ṭhu lo chauh, ṭhian satliah an ni thei lo hrim hrim.

" khawiah nge i pa? " Rainer chuan a lo ti sap a.

"umm... Singapore ah a kal, a awm hman dawn si lova keimah min rawn hrilh a, chuan hei kan in hmu leh ta alawm... "

A kut Rainer mal chungah a nghah kher avang sawn ka mit alo kham leh hman tawh kher mai,va pawh ṭhen sawk ka chak.

"chuan hei chahbi...tunlai hi i hmel hmuh a nuam khawp mai, i hmelṭha deuh pawh kha a rawn let leh ta alawm "
A sam te chu a han chul sak a, ka mit chet rual ralh pahin lehlam ka hawi hmak!! a ruk chuan ka thik in an awm dan sawn ka rilru a ti na takzet.

Ka hma ah tak, kan mit hmuh lai ngeiin an flirt ngam a nia, Rainer hian ka rilru tih nat hi a duh ve hrim hrim in ka hria.

" i hmanhnawh hmel sia...ka tibuai tawh lo mai ang che, mahse dinner chu kan kil dun ngei angai ang " Becky chuan inla pangchang tak hian a han ti vel a, ka lo ei lo lutuk hi a ruk in ka ner nawng nawng .

"tehreng mai!! Nashville a i awm reng dawn chuan ..."

"reh vung vung tawh suh... min rawn hmu ve zeuh zeuh ṭhin tawh rawh... " tih pahin chahbi chu a pe a.

" Sadie... min rawn zui rawh " Rainer an min rawn koh thut avang chuan ka lo phu deuh zawk !! ka awm ve tih a theihnghilh daih tawh emaw ka lo ti hman alawm.

Min rawn ko hmingchhe ve teh mah se an pahnih in min kalsan leh daih tawh, min rawn zui rawh a tih miau avangin ngawi rengin lungawi lo tak chungin ka zui ve mai bawk a mahse eng nge kan tih dawn erawh ngaihdan pawh ka nei lo.

An pahnih hian ka mit kham zawnga an awm leh a nih vaih chuan ka haw daih ang tih rilru pu ran chungin inhnuai chhuk thlakna step ah chuan ka zui thla zel a, he in to hmel tak hian inhnuai room thukru deuh mai a lo nei ru reng pawh hi a mak hran lo.

Kawngka pakhat kan thlen thlak takah chuan Rainer an a han hawng rak a, light a on chiah chuan ka rin loh lutuk maiin laboratory hi a lo ni a, a zau in khawl a awm kim vek bawk a, mak ti tak chungin ka hawikual nghal ruai ringawt.

"engmah ala danglam lo....engkim a awmna i hriat vek kha... " Becky chuan a lo ti nghal zung zung a.

"ka hriatchhuah theih hram ka beisei " Rainer an fiamthu a thawh ve pawh chuan ka nuih a za thei tawh lo, ka thin a ti rim hlûr zawk.

"Chuck a rawn haw dawn a, ka hruai angai bawk sia, ka kalsan mai ang che u ...Sadie all the best " min rawn nuih sek pahin Rainer lu ah a fawp zeuh a, hmanhmawh takin chhuak nghal bawk.

A ruk tak chuan ka lo lawm in rawn let leh tawh lo mahse pawi pawh ka ti lo, engpawh chu nise Rainer hian engvanga heta min hruai nge a ni tih hi ka zawhna a la ni fan tho.

"hetah hian i duh hun hun ah i project i buaipui thei ang "

Ka rilru hria niawm takin Rainer an a rawn tih chuan mak ka tih em avangin han sawi mai tur pawh ka hre lo.

" tu ta nge? "

"Professor Alan-a mimal laboratory a nih hi... ka pu ṭhianpa a ni a inthlahrung miah lovin i hmang thei ang "

" mahse..."

" mahse ti suh... college ah rei tak tak awm lovin hetah hian i awm thei ang chuan ka pui thei ang che"

Ngatinge pawh ka hrelo ka rilru a khawih tlat a nih chu!!  tukin zinga thil ka hmuh ang che a tih kha helai hmun hi maw lo ni a, min puih a duh avangin engkim hi keima tan a buaisaih vek maw lo ni a!!!

" topic tur chu i thlang fel tawh em?" mak ka ti tawp thei lo, Rainer hian min puih a duh tak tak emawni le?

"aih....eng ber ka tih dawn pawh ka la hre lo " ka ti tak tak , ka topic duh ho hi scholarship hmuh nan chuan a ṭha tawk lo,chuvang chuan ka rilru a buai hle.

Chair ah chuan ka han ṭhu dat a, ka lehkhabu ka lak chhuah lai chuan kan piaha file inrem khat dul chu a han en nghal vat vat a ,file pahnih hi a rawn phawrh chhuak hlawl a, ka hma ah tak ka en theih tura rawn dah pahin ka bul a chair ah chuan a rawn thu ve nghal a.

" hemi te pahnih hi kan college ah hian ti an la awm lo ... i duh zawk zawk hi i thlang thei ang "

File pahnih chu kan han en kual vel a 'To analyse a sample of Brass Qualitatively ' tih chuan ka mit chu la zawk mahse an pahnih hian an ṭha ve ve a, thlan mai tur pawh ka hre lo.

" khawi hi nge ṭha ang? " duhzawk a lo neih takin tiin ka han zawt let ve thung a.

"ka check kha chuan Preparation of Cuprammonium Rayon threads lampang hrim hrim hi topic ala awm lo a awlsam in buaipui rei angai lo " a lo ti sam et a, a lo ti chhin vek tawh a ni tih hriat reng reng.

Bakah Rainer hian ka hriat loh hlanin ka en theih ngai loh tur topic ṭha leh ṭha lo a lo en sak vek tawh avang hian a inhmeh lo in mak ka ti takzet, lawmthu han sawi mai dan pawh ka hre lo .

" a nih chuan chu chu ka ti ang "ka tih chuan min rawn nui nghal vur vur a ," i duh duh i ti thei ang? " ka notebook rawn en vung vung pah chuan a rawn ti leh kher a.

" heihi a dik lo a nih hi.... Benzyltrimethylammonium hydroxide ah hian alcohol a awm tur "

tha deuhin ka structure ziah dik loh chu min rawn siamṭhat sak nghal zung zung a,ka hriatthiam theih turin a sawifiah nghal vek bawk.

Nikki in Rainer hian Chemistry a tui in a thiam lutuk a tih kha a tak tak a lo nih dawn hi, amah hi a luhlul in a ti ṭha duh lo mai mai pawh a.

"Rainer ka lawm e " ka ti ta nge nge a, thil dang tih sak theih ka chak takzet.

" engvangin? "

" umm... heng zawng zawng hi min buaipui sak vek a "

" ka pui ang che ka tih tawh kha " a rawn ti sap a, an sawi ang em em in Rainer hi a sual lo a ni tih hi midang hian hre ve se ka ti mahse midang bulah hetiang hian a awm dawn teuh si lo.

" ughh... engpawh chu nise Happy Birthday " ka nui nghal hak hak a.

Mak tih hmel tak hian min rawn en nghal, a mitmeng chu hriatthiam har tak a ni ringawt .Lawm hmel a put mai bakah rilru na hmel a pu tel deuh bawk in ka hria.

"ka birthday hre tu awm chhun i ni.. " a nui tawp riai riai a. Kei chauh nilo mitam takin a birthday an hriat sak a ni tih hi hria se chuan mak a ti ngawt ang.

"tuman an wish ngai lo che mi? " a ṭhiante emaw a nu takngial pawhin an wish em em ang.

" aih... ka pa takngial pawhin a fapa upa ber birthday tuk chiah hi ka birthday a ni tih pawh a hre lo "

A lungngai hmel ka hmuh hian ka lainat lutuk a ka mittui a rawn tla mai dawn in ka hria .Hetiang khawpa mi ṭha hi engvanga mal em em nge maw a nih le?

" umm... games kan khel dawn mi niang? " boruak tih zia awm tum chuan ka ti ta ringawt a,a rawn nui suk bawk .

"eng? "

" Dots and boxes, tic-tac-toe te pawh a tam mai" "

" boring... "

Ngeiawm zet hian a rawn ti kher !mahse tun dinhmun a ka games hriat awmchhun a ni miau sia,nuam lo ti mahse ka khelh pui tho ang .

Ka notebook hnung lam ah chuan games khelh na tur chu ka ziak nghal nauh nauh a,ka ziah lai vel te chuan ka hriatna  ṭha tak mai hian min en reng a ni tih a feel thei.

CHARTER -37

" His mind is somewhere far away

And I don't know how to get there"

Vawiin chu a ni khatna a ni bawka engmah ti ta lem lo chuan games chu kan kher ta char char a, a tir lama a tui loh ang aiin a game kalphung a hriat takah chuan a hlim pui ta phian lehnghal a ,ti fuh ka in ti ru hle.

A nihna takah chuan a birthday ah hian hei aia thil special hi tih sak tur ka nih laiin kan hun tawn in a zir lo bawk nen engmah ka tih sak thei mang bawk si lova ka in thiam lo takzet ,mahse a hlim hmel ka hmuh leh avang hrim hrim pawh hian ka lawm.

"hei... i phakar lutuk ka ti hmasa ve tawh ang "

A chak zel avang chuan fair lo ka ti in ka phun deuh nung nung a min rawn nuih leh ringawt zel.

" kha ti hmasa rawh " a hma anga ka phur tawh lo avang chuan a rawn ti ta nge nge a.

" aw le... mahse eng nge kan in chawi ang ?" phur fahran hian ka lo ti nghal vat a,thil inchawi hi chu boruak siam nan a  ṭha ve hrim hrim.

" ka hrelo... "

" ka chak chuan ka duh duh ka ti ang"
ka lo ti nghal zung zung a, a mit hmul tih kân âk pah hian, "i duh duh i tih thei alawm " a lo ti ve sup bawk a.

Ti hmasa zawk tura min tih ang ngei chuan chak ngei tumin paper ah chuan ka han thai hmasa ta cheng a, ka ṭan ve teh reng nen minute5 chhung lekin min hneh nia mawle!! ka ruahmanna zawng zawng a flop vek.

" ka peih tawh lo... "

Tum deuh hmuk pahin pen chu dawhkanah chuan ka dah chawrh a, mipa zawk a nia min chak tir ve tal tur a nia.

"i ril a ṭam leh tawh em? "
a hmui khawih neuh neuh pah hian min rawn zawt a, ka lehkhabu khup hmak pah chuan, "aw... " ka lo ti hmuk a.

"a nih chuan thil ei turin kan chhuak lawk dawn mi? "

A sana bun lai chu a zuk melh zeuh a, a birthday a nih vang nge pawh ka hrelo vawiin bik hi a fel riau in ka hria.

" a ṭha alawm... "

"umm... eng thil nge tih i duh chu?"

"engmaw? !!" ka lo ti deuh hu a.

"nichin khan ka duh duh ka ti ang i ti a ni lawm ni "

Ka lungawi lo hmel hi ka pe chhe thei bawk a alo hmuh hmaih bik lo aniang min rawn zawt ta nge nge alawm.

" mahse i chak kha " ka ti ve tak na in min tih tir se ka ti takzet.

"sawi rawh...chak lo mah la "

Chiang zet hian min rawn melh leh kûr tawh, min ti zâm leh zo vek.

"umm...engtin nge Ig leh Twitter ah i awm? " ka tih chuan nuihza insum tih hriat tak hian min rawn en a, a hmui liah zeuh pahin lehlam a hawi sawn nghal daih ringawt.

Social media a a awmdan ka zawh nachhan chu a chanchin hriat belh ka in beisei avang a ni.A mimal nun erawh zawh ka tum hauh lo thung.

"mawh ?" ka han ti leh ngat a.

" ka awm lo ve ve " a rawn nui leh vur vur tawh, dawt a sawi a nih ka la ring fan tho.

" i ti tak tak em? " keiin ka lo hmang uar em em a, a tel lovin ka awm thei lo a ni ber zawk ang chu.

"engmah ka hmang lo...call a ni mai " a rawn ti liam leh puat a.

Enga!!? Rainer nun hi a boring takzet. Ramhnuai a khawsa ṭhin a ni bawk si lo , Nge early man alo ni reng zawk !!

A dik theihna chin awm tho mahse tun ang laiah chuan eng nge maw tal hmang tur a ni asin.

urgghh!!  engpawh chu nise Rainer a ni miau a, a chet classic zia leh thil a duh classic theih zia ngaihtuah chuan a awm ve tho e.Lehlam zawnga ngaihtuah chuan a ngaihsan awm letling zawk.

"i zawh tawh chuan ka chhuak chho thei tawh angem?" ngeiawm zet hian a rawn ti leh kher a, ka lo ner nang ringawt.

Ka ngaihtuah let a zawhna dang tamtak zawt thei ka nih laia khatiang zawhna naupang chhia lutuk ka zawt kha ka ui leh hnuhnawh. Ehe!! taka phone number pawh kan la in pe reng reng hleinem!!

 Sadie a phone number tal zawt la ṭha tur.

Inchung lamah chuan kan in zui chho hnak hnak a, nidang aiin Rainer nen hian kan in nel sawt in ka in hnaih sawt ruai in ka hria chu ringawt pawh chu nileng mood ṭhat na tham.

"eng nge kan ei ang? " polite takin kan thil ei tur min rawn zawt ve ngei, a rukin ka lo nui pât pât mai.

" seafood... " ka ti dek dek a, ka sawi chhunzawm leh hma in a phone a rawn rik thut avang chuan min lo hrethiam lawk ti niawm takin a kut chu a rawn vai zeuh a.

" Becky sawi rawh " hawi sawn pah a a tih rual chuan ka sa nghal up up mai!!

 Becky bawk chu airport ah a awm a ni lawm ni rawn biak leh kher pawh angai lo.

Lungawi lo zet chunga ka din reng lai chuan sakawr hram thawm ka hriat avangin in hnung lam chu ka melh nghal hru a, ka beng lah chu ka chhi leh ran tawh.

" sakawr a nih chu!! "

An thawm a rawn ring deuh takah chuan Rainer an phone ala hman laklawh em avangin hrilh lem lovin phur tak chungin in hnung lamah chuan ka tlan phei san daih a, pawn ka chhuah meuh chuan sakawr khalh na tur hmun phul zawl zau deuh mai hi a lo awm reng chu niin!! 

Mipa pakhat sa nalh deuh mai workout nasa tih hriat tak , kawr pawh ha lo, cowboy lukhum parh khum hian sakawr pahnih hi tui a lo pe mek a ,chupa chuan Tagalog (Philippines ho ṭawng) in sakawr a be ri ka hriat rual chuan hriat chian leh zual tum in ka va pan hnai nghal vat a.

"kamusta, Magandang gabi (hello,good evening)"

Tagalog a thiam a ni tih ka hriat lawk sa tawh avangin ka va ti ve ngat a. Ka sawi tawh angin ka nu hi philipina a ni a, kan awm dun tawh hi chuan Tagalog bakin kan in be ngai lo, chuvang chuan duhthusam in ka thiam.

Chupa chuan mak tih hmel tak hian min rawn en nghal ha a tum loh deuh a Tagalog a ka biak vang pawh a ni mahna ,mahse ka hmel a hmuh rual chuan min lo nuih nghal vat a.

"kamusta... helai hmunah hian ka va hmu ngai lo che ve "

Tagalog bawk chuan min rawn chhang let a, in hmu chiah mah ila hnam khat tih takah kan in nel nghal surh mai.

"laboratory ka hmang lawk a ... sakawr hi i ta em ni? "

" ni love.. ka enkawl sak a engpawh chu nise Marcus ka nia " kum 20 vel lek hmel a put avangin sakawr enkawl tur atan chuan a naupang mah mah in ka hria.

" Sadie ka nia ...ughh an nalh dun hle mai " sakawr hi ui ai pawhin ka ngaihna zawk, nei ve thei phei ila chu ka mutthilh theih pawh ka ring lo.

"Sadie.... ka zawng nasa lutuk che, hetah tehhrep hian a ni maw i lo awm "

 Rainer chu thinrim hmel pu leh hmanhmawh tak hian a rawn pen phei hlawk hlawk a, mit chet kual ralh pahin sakawr lam chu ka hawi leh daih.

" i chuang duh em? " Marcus chuan min rawn nuih vur vur pah hian a rawn ti a.

" i ti tak tak em? " ka phur bawka ka za nghal cheng mai.

" kal ang...a tlai tawh " Rainer bawk chuan thupe deuh hian a rawn ti leh sap a, thinrim hmel pu mahse midang an awm ve avangin a awki erawh a hniam vat a, nichin a Becky nen a inbiak avang khan ka ngei ve hrim hrim avangin ka lo hre lo der hmak .

" khawiah zawk ah hian nge i chuan duh? " Marcus pawh chuan alo pehhel ve hmak .

"Ka hre lo... a fel zawk zawk ah a ni mai "

" a uk hi a fel zawk... i chuang thiam em ni? "

" aih...kum10 ka nih laia ka chuan bak kha ka chuang leh tawh lo"

" a nih chuan ka lo chuan pui ang che "

" eng nge maw in sawi phiangsen le"

 Tagalog a kan in biak avang chuan Rainer an alo hre thiam lo lehzel bawk nen a hma aiin a thinrim emaw tih mai tur hian a meng rum run tawh a, a hmel phei chu en ngam pawh a ni tawh lo  mahse ka run lui ve chak hrim hrim.

" a nih chuan ka chuang nghal thei ang tiraw? "

" aw...lo kal rawh" tih pahin sakawr chu a han chul a, a chungah chuang nghal in min rawn pawh chho tumin a kut chu a rawn dawh a, Marcus kut vawn ka tum lai takin Rainer chuan min rawn pawt hrang nghal dawrh ringawt .

"engthil nge maw i tih le? " hriatthiam loh hmel zet hian a rawn ti nghal ha a.

" sakawr chungah hian ka chuang dawn mawle "

" enga!! " awki sang zet hian a rawn ti vin nghal hluk a ,engvanga thinrim viau nge maw a nih le ?

"sakawr chunga chuan mai mai te chu a pawi hleinem... " tih pahin Marcus kutah chuan ka chelh a, sakawr chungah chuan awlsam deuh hian min pawt chho nghal.

"i kal a nih chuan ka hawsan dawn che "

 Enga!!  tunah khan Rainer hian hawsan ah min vau em ni?  ka awih thei lo, thinrim nachhan tur a nei lo hrim hrim.

"chuan chu i la duh tho em ni? " Marcus pawh in nuam a ti bik lo aniang min rawn zawt nawn leh ngat a.

Rainer lah chu thinrim sa tawh nak alaiin Marcus an Tagalog in min rawn be leh kher bawk nen ,"hreptak chuan " tih vin hluk pahin a in her vut a, a kal ta daih mai!!

" Marcus pawi ka ti lutuk.... nidangah ka chuang mai ang " ka ti ta ringawt a, ka chuang a nih vaih chuan an Rainer thinrim hian min hawsan daih duh tak tak ang.

"hun ala tam alawm... i bialpa thikthu chhe tak saw va thlem phawt rawh " a tih chuan ka lo khi ver ver a ,ka bialpa a tih avang ringawt pawh hian ka hlim.

Tih theih dang ka neih miau loh avangin Marcus chuan an min pawm thla leh ta ringawt a, chuang chak hle mah ila en zui vawng vawng pahin Rainer chu ka umzui ve nghal dawr dawr a.

Ka rin ang ngeiin Rainer chuan a car lam a pan tak tak!! min haw san duh tak tak ang ka tih tawh kha, a thil sawi tawh hi chu a ti ngei ngei zel.

" Rainer... engthil nge maw i tih le? "ka duh aiin ka vin,ka ngei ve bawk em a tin ni .

"i chuang duh a ni lawm ni... khapa bulah khan va chuang ta che " kan in hnial chu a ni nghal der, awmze nei lova a thinrim mai bakah a vin em avang chuan ka lo ngaithei bik lo, rilru lian tih takah "aw... " tih let hmak pahin ka in her nghal a, kal daih tak tak ka tum.

" ding rawh... khawiah nge i kal dawn? " kal ka tum tak tak takah chuan a rawn ti leh lawi sia.

" kal rawh min ti a ni lawm ni "

"hreptak chuan... car ah lut rawh " a sam tuai thuak pahin car ah chuan a lut nghal a, keipawhin ka lo hnial hran lo ka lut ve nghal mai bawk a.

"Rainer... i fiamthu em ni, naupang chhia angin awm suh "

"naupang chhia a... khapa phiangsen khan i kut a vawn kha... kawr a ha lo phiangsen lehnghal " car steering chu a chhum nghal pawp a, ka lo phu zawk mai!!

"sakawr ah min chuan pui ringawt dawn alawm... " tlemin ka awki chu ka han hniam deuh a.

"ka hriat ve loh tur thil in sawi ṭeuh kha, in duh chuan va chuang dun phiangsen ta che u " ṭawngkam a duh tui lo malh malh hle mai, chutia tih em ah te chuan kei zawk hi a ni thinrim tur zawk chu!!

" nangpawh... Becky nen khan va awmdun ta si cheu" ka thik bawk aniang ka mittui a rawn tling nghal pum mai!!

Nichin aṭang tawh a ka rilru kap tu kha a tawp a tawpah ka sawi chhuak ve ta alawm.

" Enga!! " engmah hrelo ni awm fahran in mak tih hmel tak hian a rawn hawi phei a, a awm dan avang chuan ka thinrim zual sauh.

"hre duh lo der vel suh... engkim a hriat vek "

" oh!!  c'mon... Morin harh teh " ngeiawm zet hian a rawn ti a,za lo zetin a nui lui suk lehnghal .

"ka harh vang alawm engkim ka la hriat kar ni "

" i thik em ni? " min rawn zawt let leh khauh tawh.

"ai... aih teuh lo, ka tih buai tak cheu in ka ti mai mai " tih pahin lehlam chu ka hawi daih a, an awmdan kha ka ngaihtuah let a ka mittui a tla ṭep ṭep lehnghal.

"Becky hi a hmelṭha in a chhelo takzet chuan a fel hle bawk " hawi pawh ka hawi chhuak duh tawh lo, a in sawifiah ka lo rin nen min chhan dan chuan ka mittui a ti tla nghal sawk mai!

Ka ṭap a ni tih a hriat loh nan lehlam ka hawi tlat a, a sawi leh tur pawh hi ka ngaihthla peih tawh lo.

" min rawn en teh... " Lalpa leh!!  Sadie ṭap tawh lo hram teh.

"helam rawn hawi rawh " rawn ti leh pahin amah en thei tur chuan min kuai her a, ka mittui tla niai a hmuh rual chuan," Fuck... i ṭap em ni? " a rawn ti nghal hlak bawk a. Hei vang hi lawm Rainer bulah hi chuan ka ṭah duh loh nachhan.

"i duh duh sawi rawh.... engah mah ka ngai lo " ka mittui hruk pah chuan ka han in sut hraih a.

"hey!!  ka tihpalh ...tih ṭah che hi ka tum dan a ni lo " dam diaia a rawn tih chuan ka hnuk a ulh zual, Becky a hmangaih thu min hrilh lo hran rawh se. Khawngaih in.

" ka sawi tum tak zawk chu Becky hi ka û ang bakin ka en lo, a ni pawhin nau en in alawm min en " ka dar pahnih ah chuan nghet takin a rawn dawm a, ka la kun ngar tho.

"mahse nichin khan... "

" i ngaih ang kha a ni lo...chuan Becky'n Airport a ava hruai pa Chuck kha a pasal hual a nih kha ....a chiang tawh em? " ka thaw nghal huai mai ,chawlhlehchilhin ka lungngaihna te kha a bo nghal duak in ka hria.

" hetah hian lo ṭhu teh "

Tih pahin rem leh rem lo in a mal chunga ṭhu tur chuan min pawm phei a, inhnial buai zo chiah tih takah a thinrimna zawng zawng inbun ruah nan a hmang emaw tih mai tura duh thawh hian kan in fawp nghal tawn tawn a,an in dim lo kher mai .

"i thik tiraw? Becky hi i thik tiraw? " thawk hak hak pahin Rainer chuan a rawn ti sap sap a.

" umm.. " chiang faka sawi ka duh loh avang chuan ka ti ringawt a, a rawn nui vur vur mai.

" ka awih thei lo... " min rawn fawp leh a.

" engchu maw? " in lak hran deuh pah chuan ka lo ti a.

" hmeichhe dang i thik avangin " ka sam tla chham mai ka benga zeh pah chuan min rawn fawp leh nghal tawn tawn a, ka, lo sen nghal up up ringawt.

Chutia midang pawh ngaihtuah lek lova kan lo infawh tawn tawn lai chuan motor ri ka hriat thut avangin Rainer chu ka nam sawn nghal dawrh a, a mal chung aṭang chuan ka ṭhutna ngaiah rang lutuk in ka insawn lehnghal vat a.

" Becky te an ni maithei "

Ka kawr siam ṭhat sawk sawk paha ka sam ka ṭawn ṭhat lai chuan a hmui a kut a hliah pahin min rawn nuih nghal vur vur a, ka in rin loh lai chuan min rawn fawp leh zeuh a, engmah thleng lo ang maiin car aṭang chuan a chhuak nghal a .

☆treat people with kindness☆

CHAPTER -38

"I see it, I like it, I want it, I got it " 

Ka lo rin lawk sa ang ngeiin Becky leh a pasal hual Chuck te chu an lo ni ngei a, Rainer'n an pahniha a biak mawlh mawlh lai chuan car aṭangin ka chhuak ve nghal a ,kan awmdan kha an rawn hmuh hman loh hram ka beisei.

" Chuck... Sadie a nih hi Rainer a ṭhiannu " Phur zetin Becky chuan a lo ti nghal vâr a, Chuck lah chuan mak min tih hmel em em lehnghal, ka hmaiah thil a kai a nih te ka ring hman hial.

" Buddy... ṭhian hmeichhia i nei ve ta a ni maw?  Hey!!  Sadie " ka bianga rawn fawh zeuh pahin min rawn kuah nghal bawrh bawrh a,ka lo in ring hman lo bawk nen kuah let pahin ka nui tawi tap ringawt.

 Chuck nen kan inkuah zawh chuan Rainer chuan nuih vur vur pah hian ka kawngah a rawn dawm nghal chawt a ,a ruk in Chuck a lak atang chuan min pawt hrang nghal hrut bawk.

" Guys... kan kal tawh mai ang kan tlai dawn tlat " ka ṭawng ve hma hma in Rainer chuan a lo ti nghal zung zung a, lai zetin ka lo nui liam vel mai mai ringawt.

" rawn kal leh vat ang che u "

Becky chuan hun rei tak min hre tawh ang mai hian min rawn kuah nghal a, Rainer nen an inkarah engmah a awm tak si lovah chuan a nelawm ka ti leh hnuhnawh.

" bye Guys... " engmah sawi loh aiah tiin ka va ti leh hram a.

Kan in mangṭha fel hnu chuan theihnghilh ka neih takin tiin ka han in dap nghal rak rak a, thil theihnghilh nei ang deuha ka lo inhriat na kha a lo dik tak tak, ka phone ka theihnghilh daih.

"theihnghilh i nei em ni? " Rainer chuan ka in dap ruk ruk lai chu min lo hmu fuh aniang min rawn zawt nghal vat a.

" aw... ka phone " ka tih chuan a chek zui tlak , ngeiawm deuh hian a lo awm ve hman ziah .

"ka rei lo ang "

 Ka bag car chhunga dah pah chuan let leh nghal mai chu ka han tum a mahse Rainer an min va lak sak tur thu leh car ah lo nghak tura min tlat avang chuan ka hnial lui duh ta lo.

"Sadie.... Rainer kha engtin nge i tih bik ,min pui tura ka dil ngawng ngawng pawhin a duh ngai lo kha a nia, i bulah chuan gentleman ang mai alawm a nih " Becky chuan  nuih hak hak pah hian min rawn zawt a, a fiamthu nge a ti tak tak pawh ka hrehrang love.

"a ngeiawm ngaiin ala ngeiawm reng " fiamthu bawkin ka lo ti let ve nghal vat a.

" tak taka a Birthday ah a kianga i awm avang hian ka lawm takzet, a ni hi chuan thil han tih hluai te hi a ngaina ve lova a birthday pawh hi lawm chu sawi loh tumah hian an hriatpui sak ngai lem lo "

" a thinchhe na in midang hi a care teh mai a nia " Chuck pawh chuan a lo ti ve bawk a.

 Rainer an hmuh dan leh ka hmuhdan hi a in ang thlawt lo keichuan thu duh ka tiin a ngeiawm thiam ka ti mahse chutichung pawh chuan a bula awm nuam ka ti em em bawk si.

Rainer chu hmanhmawh takin ka phone keng chung chuan step ah a rawn chhuk thla a, ka ngaihbel vang nge pawh ka hre lo a meng rum sawt in a thinrim hmel riau hian ka hria.

Ka zawn a rawn thlen thlak chuan biak tumin ka kâ ka lo ang hman zuau a,min hmu lo ang maiin min rawn kal pel hmak a, ngawi rengin car-a a luh tak daih avang chuan lungawi lohna a nei leh tawh a ni tih ka hre nghal.

Huizz... Rainer hi chu a in thup thiam ve thlawt lo, a rilru ang ang hi a lan chhuahpui phawng phawng zel mai chu a nih hi.

"mangṭha ule " din khawmuan reng na chi a nih tawh lo avangin Becky leh Chuck te bye bye lauh lauh chung chuan car ah ka lut ve nghal a, seat belt ka hreng ṭha hman chiah tih in chak zet hian a tlan chhuak nghal fua ringawt.

" Rainer khawiah nge ka phone chu?" ka tih chuan min chhang lovin hma lam chu a melh ngar ngar a.

" i thinrim em ni? " thil awmzia hriat tumin ka zawt leh ngat a .

" a... aih thinrim lo " min rawn melh zeuh pahin ka phone chu ka malchungah a rawn dah a.

Rainer hi khawvela dawt sawi thiam lo ber te zinga mi a ni hial ang ,a chezia leh a mitmeng aṭangin a thinrim a ni tih nausen pawhin a hria ang chu.

Mahse engvanga hetianga awm thut nge maw a nih le?

Ka thinrim lo a tih miau avangin ngaihṭha lo zet chungin ka phone chu ka han hmet êng a, Derek miscall pathum lai ka hmuh chuan Rainer chu ka va melh zeuh a, heivang hi a ni thei mai angem a thinrim nachhan?

Ngawi renga kan chuan dun vung vung hnu chuan a tawp a tawpah Rainer chuan,"in in zui leh tawh em ni? " thinrimna tel hauh lo hian a rawn ti chhuak hlawl ringawt!!

Engvanga kan in zui leh zui loh chungchang pawh chu min zawt kher nge maw a nih le?  ngawi lawk teh u.... Rainer hian Derek hi a thik a ni thei mai angem? !!

A tirah khan thinrim hmasa lovin ṭha deuh in min zawt se nimai tur. Sawi chhuah loh a tum pawh a ni maithei mahse a rilru a kap ve ngang a niang min rawn zawt ta nge nge alawm.

" umm... ughh englo a nia "

" sawi vat ta si che " ka sawi muan em avang chuan vin deuh hlar hian a rawn ti a, a enga mah hma in min rawn tur leh tut tut tawh.

"Derek an rawn let leh a duh a " ka tih rual rual chuan car brake chu a rap thut a, hma lamah kan bu nghal lawp bawk!!

" Enga!!"

" Rainer min ti hlauthawng alawm khatiang khan car ti ding thut tawh suh " ka hlauhthawn hman mai bakah ka thinphu pawh a rawn in thum rawn nghal tluk tluk a, kan accident tawh dawn emaw ka ti hman tawh.

" Engtin nge i chhan? "

Enga?!!  ka awih thei lo amah vangin heart attack ka nei lo chau a ni a, Derek a chungchang ah bawk maw a lo la buai a!!

"ka duh duh danin ka chhang ang chu " ka lo ti let ve ngat a, a ni ang thoin ka ngeiawm thiam ve tho a ni tih hi hre ve reng reng rawh se.

"a nih chuan engvangin nge hetah i awm, a bulah va awm ta si che " a sam chu a tuai phawk a, tukverh lam hawi daih pahin a chal chu a dawm lap a.

"maw!! hetah hian ka duh reng vangin ka awm reng reng hleinem"

"ka hrethiam e... i duh lo chung ka bula awm tir reng che hi ka tum dan a ni bik lo "

Min rawn vin let hrep dawn emaw ka tih laiin ka rin loh deuhin inthiam loh hmel zet hian a rawn ti ta zawk a, a bula awm chakna nei lo ang maia ka in sawi avang khan ka inthiam lo leh hnuhnawh. A nihna takah chuan a ni ai ai hian a bula awm hi ka chak zawk daih ang chu.

"ughh...ka lo inngaihtuah tur thu ka hrilh a mahse ...." ka inthiam lo chuan zawi sap hian ka han ti leh a.

"In in hmeh alawm " car tih nun leh pahin engahmah ngai lo ang maiin ngaihsam zet hian min lo chhang fel et a. Derek a thik emaw ka tih laia let leh turin min duh ang maia ṭawngkam a neih avang hian ka rilru a na tlat peka, a thusawi ho te te pawh hian ka rilru a ti na zel mai chu a nih hi.

"nangpawh Amira nen in in hmeh ve tho alawm " ka sawi zawng ringawt pawh hian ka khur der der.

" hahh... nangmah nen kan in hmeh fe zawk " a rawn tih rual chuan phawk fe hian Rainer chu ka va melh nghal kawk a, a ni erawhin a thusawi zawh chiah kha hre tawh lo ang hmak in kawng lam chiah a en leh ngur ngur tawh.

"Engmaw i sawi zawh chiah kha? "rilru buai nuai a min siam reng avang hian ka kham tawh takzet, a thusawi kha hrechiang hle mah ila a sawi ngei a ni tih chian leh hram ka duh.

Mahse ka zawhna chu chhang lo in ka hmuiah a rawn fawp zeuh a, chhanna ka duh avangin ka lo nam sawn nghal vat thung .

 "Rainer ka zawhna i chhang lo a nia bakah engvangin nge min fawh? " chhanna pangngai tak min pek hma loh chuan ka fawp tawh lo ang.

" i duh lo em ni? " mit tih zim san pah chuan min rawn nuih nghal vur vur a.

" chutiang lampang pawh a ni lo " ka sawi zawng ringawt pawh hian ka hmai a rawn sen nghal ṭawn ṭawn mai.

Car a tih din avangin kan hma a thil inziak chu chhiar tumin ka dak chhuak nghala, chhiar thiam lo mah ila Japanese emaw Chinese restaurant a ni tih ka hre thei nghal mai.

" seafood i ei duh a ni lawm ni "

Nichin a seafood ka sawi lan zeuh lai kha alo la hre reng a ni maw! ka sawi lai te kha chuan hre lo ang maiin Becky nen phone ah a in be daih kha a ni sia.

☆

"Sashimi (sangha hel) leh sushi " menu kawh neuh neuh paha ka sawi rual chuan waitress chuan notebook te reuh te ah hian a lo ziak zel a, Rainer erawh in menu pawh en lovin keimah chiah min lo en reng thung.

"Octopus i ei duh em? " Ka order ang apiang a ei tur thu leh ka duh duh order turin min ti mahse a hmingin ka va zawt leh hram a, nuih zat hmel zet hian alo bu nghut ringawt.

Kan thil order a rawn thlen meuh chuan ka ei chakna a rei tawh bawka ka chil a put nghal zung zung thei.

"kan lawm e "

Polite takin waitress hnena tih pah chuan disposal chopstick chu ka han nuai nawk nawk a, octopus in zailep sa vek tawh uluk taka rem chu ka zuk chep chhuak a, soy sauce a chhiah zeuh pahin ka ei nghal tam tam a, ka lungawi bawk aniang ka nui nghal ver ver mai lawm.

" i ei ve dawn lo em ni? " khap miah lova min lo en reng avang chuan mit hmul tih kan ak pah chuan ka ti a.

" dawn e "

Huphurh hmel zet hian a hrawk then kharh kharh pahin ka tih dan ang chiahin a chopstick chu a han nuai ve kher a, chopstick a vawn dan aṭang hian a hmang thiam lo a ni tih ka hre nghal.

" a hma in i ei tawh em? "

" aih..."

Rainer tak hi chu aw ...min hrilh ve mai tur a nia, keilah engmah hre lovin Sashimi ka la chah ang deuh deuh a.

" thil dang kan chah belh mai dawn mi? "

"a pawilo "a lo ti ve tum hrang a,in thlahrunna chi pawh a ni lo .

" a nih chuan kha octopus hi ei chhin rawh... " ka tih chuan uluk zetin chopstick chuan cheh beh a han tum a, a beih fe hnu ah pawh a chep fuh hleithei lo.

" he thil tehhrep hi hman tlak pawh a ni lo " a va han thinchhe tak.

"tihian vuan la i kutzungchal hi i ti che dawn nia "

Chopstick hman dan tur chu uluk zet hian ka han zirtir leh rih a,nuih za hle mah ila a thinrim leh ka hlauh avangin ka la in sum ṭang ṭang .

" a te em a nih hi " a phun zui nang nang a, a sawi dik ve reng ,a kut phah lah hi a hlai ve bawk si a atan chuan hetiang pencil tiat lek nghet taka hum chu a har ve ang.

A tawp a tawp ah rem lo zet hian a chep fuh ve thei hlauh, ka tih dan ang chiah khan soy sauce ah chuan a han chiah ve ngei a, a kâ a a dah luh rual chuan a reaction tur ngaichangin ngun takin ka lo en kar a, tui tih loh hmel zet hian a  ṭhial niau niau mai.

" engtin nge a awm? "

"ugh... rubber a ang " a tih rual chuan ka lo nui chhuak nghal hak ringawt.

Ni e, octopus hi chu ei ngai lo tan chuan a fei ve bawk em a ni, a awmdan lah chu an sawi thiam em em khawp lehnghal a .

" Sashimi hi chu tui i ti lo maithei mahse ei ve hrim hrim rawh "

" hei pawh hi tui ka ti chuang hleinem " a la ṭhial niau niau reng a, lem hun tur a hre lo aniang.

Sashimi chu ei tura ka tih tlat avangin huphurh deuh chung chuan a ei ta nge nge a, vawikhat a ṭhial rual chuan a uak nghal ṭhawt a, a hmui hruk fai pahin napkin ah a chhak chhuak lehnghal.

" engtin nge a awm? " tih pahin tui in tur ka lo pe nghal vat a, tui lo a ti bawk aniang a beng a sen nghal vut mai.

"Goddamn.... its fucking gross " tih pahin tui chu a in nghal khawlh khawlh, a rukin ka lo nuih char char .

________________________________________

Kan in peng kan thlen meuh chuan dar4:30 alo ri der tawh a kan hmanhmawh loh ang aiin in kan thleng hma.

" naktuk ah eng nge i tih dawn? " car a tih din rual chuan min rawn zawt a, min zawt lo se chuan weekend a ni tawh tih pawh ka lo hre leh tawh lo ang.

"ka.. ka hrelo "

"laboratory ah i duh chuan ka kalpui thei ang che "

Weekend apianga party ṭhin khan laboratory a kal a rawt chu a ni sia, a ning viau ang le.

" aw le " ka ti ve tak nain a rawn kal pawh ka ring chiah lo.

"kal tawh rawh i û in a rawn hmu ang che " min hlauhthawn pui ve deuh aniang, zawi sap hian a rawn ti tham ṭiak a.

Engmah ti miah lova kalsan daih chu ka ui ve deuh avangin a hmuiah chuan ka va fawp leh kher a, mahse ka kal daih chu a lo phal bik awzawng lo. A kut pahniha ka hmai tawn tawn a dawm pah chuan duhtawh zet hian min rawn fawp nghal tawn tawn a ,a hma ang bawkin ka mur leh nghal uai uai tawh a ,theih chu nise a bula awm reng ka chak takzet.

" Rainer kal tawh rawh... " kan tawp theih ngang loh avangin hrehtak chung chuan ka ti ta nge nge a, a tawp nan a hmui liah huh zeuh pah chuan min rawn fawp leh hram a.

" mangtha " nuih ver ver pahin rang takin car aṭang chuan ka chhuahsan nghal a ,min rawn la en zui vawng vawng mai .

Rainer a tlan liam chiah tihin ka hawi let nak chuan ka hnung lamah Kendra chuan mak tih hmel takin min lo en reng chu niin!!  phawk fe hian ka lo meng nghal kawk a, buaina ka tawk dawn a ni tih ka in hre nghal.

☆choose love and be kind to others☆

(Chhiar zawh veleh fakna khu theihnghilh loh tur aw )

CHAPTER -39

" They saw devil but I see Angel" 

"Kendra!! "

Sawi mai tur pawh ka hre lawk lo ,a ni ang tho in keipawhin ka hmuh thut avang hian ka hamhaih nghal vek a mahse ka rilru ah erawh Braydon a rawn lang hmasa ber thung.

" Sadie... kha kha Rainer a ni lawm ni "

"aw... ughh, ka... ka sawifiah thei ang "

" nilo...in in fawh kha" a hmela hlauhthawnna te chuan keimah zawk hi min ti hlauthawng zual a, ka ú a hrilh ang tih mawlh ka hlau.

"khawngaihtak in Braydon hrilh lo hram rawh " a enga mah hma chuan ka ti nghal ringawt a.

"an in huat zia pawh i hre ve veka engtin nge hetiang thil hi i û chungah i tih theih zawk?"

" ka... ka hre bik lo "

 Ni e, kei takngial pawhin hetiang thil ka û chunga ka tih nachhan hi ka hre tawh bik lo. Tunah hian ka rilru hi thunun in a awm mek a, Rainer a zûn ah hian chhuah lehna awm tawh lovin ka uai let der a ni tih hi tuman an hrethiam pha kher lovang.

" a hlauhawm lutuk a ni tih i hre ve lo em ni? "

Chu chu tupawn Rainer chanchin an sawi dan a ni. Hnaih lo turin leh a hlauhawm zia min hrilh chamchi thin mahse keichuan a hlauhawmna ka hre ve tlat lo, hlat a hnekin mi rilru ṭha tak a nih zia ka hriat chhuah phah zawk.

"Chhanna pakhat mah ka nei lo, ka û i hnaih na chhan ang chiah kha a ni mahna " ka ti hul hak a.

Kendra pawh hian kei ang chiahin Braydona lerh zia leh a luhlul zia a hre ve vek a chutichung pawh chuan tun thlengin a la chelh ṭang ṭang reng tho.Braydon hnena thil danglam riau a hmuh ang chiah khan keipawhin Rainer ah hian thil ṭha tak ka hmu a ni.

"ni e ...chhuah lehna a awm tawh lo tih erawh hre reng ang che "

Ka awmdan min hriatthiam pui avang leh ka tang ngheh tawh zia a hriat chuan min khawngaih em avangin a mittui chu a rawn tling nghal pam a, a lo tawrh nasat tawh zia leh Braydon avanga a mittui a lo tlak hnem tawh zia a ngaihtuah chhuah leh vang pawh a nia nge.

" engtik ah emaw ka û chu ka la hrilh em em ang mahse hun min pe rawh "

Rainer nena kan chungchang hi ka û hnena zep hlen hi ka tum bik hauh lo mahse tun tut tut a hrilh nghal tur chuan huaisenna ka neih loh mai bakah inngaihtuahna hun ka la mamawh. 

" ngun takin inngaihtuah la fimkhur hle ang che " sawi lo tura ka ngen tlat avang chuan a ti ta nge nge a, ka û ang lo tak maiin rilru zau tak a put avang hian ka nihlawh takzet .

" ka lawm e " tih pahin ka kuah nghal thlawp a, kan in hriatna la rei lo hle mahse ka û tak tak angin ka en hmiah tawh.

☆

Thil tisual ang maiin inchhunga ka luh chuan ka zam in ka û hmuh chu ka hreh nghal em em ringawt a, ka hlauhthawn em avang chuan engmah a la hriat ve loh thu ka in hrilh nawn nghal mawlh mawlh bawk .

" vawiin ah class kal lovin khawiah nge i awm? "!!

 Braydon an a rawn tih rual chuan in chunga ka cho tur chu ka ding nghal chawt ringawt !! vawilehkhatah ka taksa chu a rawn lum nghal pup pup a ,ka thlan te lah chu a rawn hnam chhuak nghal ṭiam ṭiam bawk.

" ka...ka " ka dang a awk leh tlat tawh!  zawhna ni ta chu engtin nge class ka kal lo tih hi a hriat theih ?

"Michael an a rawn zawng che a mahse a hmu lo che, khawiah nge i kal ?" Michael bawk chu!!  ka û ṭhianṭha tak leh ka nel ber mah nise ka û hnena min hek reng mai hi chu ka kham tawh takzet.

" ka project buaipui in ka chhuak lawk a nih kha"

 Rainer nen kan awmdun tih hrilh tel kher lo mahila dawt ka sawi bik lo, laboratory ah kan kal miau alawm.

" naktuk hi weekend a ni tawh a buaipui na hun a tam lutuk, mahse class kal lo ṭhak khawpa buaipui tur erawh i ni lo " thupe deuhin ka tih tur  leh tih loh tur a sawi avang chuan ka lo thaw chhuak deuh hak a.

" C'mon.... naupang ka nih tawh loh hi "

 kan ṭan leh dawn ta, ka û strict tak mai leh a nau zalenna duh em em mai hi a chhan ngai bawkah kan in hnial reng mai dawn chu a nih hi.

" kum18 i tling tawh emaw tling lo emaw ka thusawi hi awih ringawt mai rawh, tiam chin awm lo in grounded i ni e "

(grounded chu discipline siam nana school emaw thil pawimawh ah chauh loh chuan chhuah phal lova in hren na )

" Enga!! "

" i room ah chho nghal rawh... i ṭhiante inah pawh kal phal i ni tawh lo " a tih rual chuan ka thinrim lutuk chu ka inhum ruh nghal ṭun a,engmah sawi lovin rum zeta melh pah chuan ka room lamah ka tlan chho nghal hlawk hlawk a, room ka luh rualin kawngka chu ka khar nghal ṭhuai bawk.

"ka haw lutuk che "

Tih vin hlak pahin ka bag chu chair ah ka nghat chawrh a, ka lo tih ṭhin dan ang chiah in khumah ka lawn nghal a ,ka khup bawh chungin ka ṭah chhuak lutuk chu ka in hnit nghal hlawp hlawp bawk .

Ka û duhloh zawng ka tih apianga hetiang zawnga min hrem ziah ṭhin hi chu ka kham tawh takzet ,vawi khat phei kha chu kar khat dawn chhuah min phal sak lo lehnghal tun ṭumah pawh hian a daih rei leh viau ang le.

Dinner pawh ei duh lovin ka titau chu khuma ka mut ngat reng lai chuan ka room kawngkhar chu a rawn kik leh karh karh tawh a, ka û hmel ka hmuh peih thlawt loh avangin blanket a inkhuh ṭhat pahin ka maimichhing nghal daih a, min hrem chhung chu ka be dawn bik lo.

Ka chhan duh miau loh avangin kawngka kalh lo mahila a rawn la kik char char avang chuan ka ning lutuk chuan a tawp a tawpah blanket tlawh hlim pahin ,"keimah chauha awm ka duh " ka va ti nghal tuarh a, ka ṭah na lamah ka mit te lah chu a bui chur lehnghal.

"umm...i thinrim viau em ni? " kawngka a rawn dah dek dek pahin Nolan an a rawn tih chuan ramhuai hmu ang maiin ka mengphawk nghal kawk a,ka mit vai a nih ringin mak ti tak chungin ka ṭhu chhuak nghal zawt bawk!!

"Nolan hetah engtin nge i awm theih?" ka mitvai hmu sual mai mai a nih ka la ring hram.

"vawiinah ka rawn kal ang ka tih tawh kha "

" mahse Braydon kha, nilo i rawn lut ru em lo tiraw? "

A rawn lut ru te anih ngawt loh chuan Braydon hian awlsam takin ka roomah a rawn luh tir hauh lo ang .

"nilove i û nen pawh ka in bia alawm... c'mon tho rawh hun kan ngah lo a nia "

Khum tlanga ṭhut pahin ka hnungzangah a rawn beng thak a, nuih let ver ver pahin phur takin ka sam pheng zet chu ka ṭawn tawm tawp a,ka tho chhuak nghal bawk.

Ka û in chhuah phal lo mahse midang rawn leng a phal tal a, kawm tur ka neih avangin ka lawm takzet.

" dawhkan ah khan lo in rem fel rawh engmah ka la ei lo a ka ril a ṭam lutuk"ka pum tuai nauh nauh pah chuan ka ti a, ka ril a ṭam tawh bawk a ka pum a thip vek tawh.

"aw le...rei lo la ,thinrim avangin chaw nghei tawh suh " nuih vur vur pahin min rawn fiam a ka lo nui tawi tap mai.

Thawm dim thei ang berin leh ka û hmuh hlau tak chungin kitchen lam ka pan chhat chhat a, ka hlauh ang ngeiin ka û chu kitchen ah a lo ṭhu khur mai.

 Min rawn hmuh chuan min rawn melh hrak hrak pahin a hrawk chu a han thian nghal kharh kharh a, ka hmu lo der hmak thung.

"oven ah pasta ka dah i duh chuan i ti lum nghal thei ang " a rawn tih pawh chuan chhang lovin fridge a sausage chu la in ka thial chuap chuap a, in tur zawngin cold drinks kan dahna chu ka bih duk duk a.

"beer a awm tawh lo bawnghnute kha in mai rawh " ngeiawm zeta a rawn tih leh rual chuan mit tih chet ralh pahin coke bur lianpui chu ka la chhuak nghal a," ka be peih lo che tih i hriat kha " tih kher pahin fridge chu ka khar nghal chawrh bawk.

"engpawh chu nise Nolan kha mipa fel tak a nih kha " ka thil ei lai ka phuh chhuak ṭep.

Ni dawn tak Nolan'n an inbiak thu kha a sawi tak,engtak chu sawi ang maw ka û in fel a tih ve ngei a nachhan,ughh...Nolan hi chu a fel ve hrim hrim a ,a awm ve tho e .

"ka hria alawm " engah mah ngai lo ang deuh hian ka lo tisam et a, chhungril ah erawh ka mipa ṭhian kawm fel a tih ve ngei avangin ka au vak vak thung.

Ka û hi chuan a rin tawh laklawh hi chu engthil ah pawh nise a ring deuh bur ṭhin chutiang chiah chuan Nolan pawh hi ka room a rawn kal tir ngam khawpin a ring leh bûr tawh a nih hmel.

"han chho tawh rawh zan a rei mai dawn " amah zawk chu a ding nghal uai a, zanin chu a chhuak har emai party na ah kal lovin inah a awm dawn a niin a lang.

" ka putea te nen inkhel kan en dawn a i duh chuan i rawn kal ve thei ang mahse hmun dangah i chhuak thei tihna erawh a ni lo ania " chhuah phal loh ka nih thu chu min rawn hrilh nawn leh kher pahin a kal nghal nal nal a ,lungawi lo zetin ka lo ner nang nang thung.

Braydon a chhuak tawh bawk a rang takin oven a pasta chu ti lum nghal in eitui dang leh coke bur lianpui ka lakchhuah taka kha ka pawm nghal ṭun a, tlaivar tur ang maiin alawm le ka in puahchah ni.

☆

Nolan an lehkhabu a chhiar neuh neuh lai chuan khumah ṭhu in ka eitur lak chhoh ang ang chu ka ei nghal mawlh mawlh a ,ka ṭamchhawl hman lo chauh a nih kha.

"eng nge i nu chu a an? " ka hriatchhuah thut avangin ka zawt hlawl a.

"ṭhat lam a pan zel niin ka hria.... a hmuh chak thu che lo hrilh tur che in min chah nghe nghe asin "

" a ni maw!!  keipawhin ka hmu chak takzet " a nu hi ka la hmu lo na in Nolan a mizia aṭang hian nu fel tak a ni dawn tih a hriat mai.


" naktuk ah ka kal dawn asin "

"umm... i hriat kha ka û in min la hreng dawn, weekend boring tak a ni leh dawn a nih hi "

"a nih chuan damdawiin a ka kal zawh veleh ka rawn kal thei ang "

" i ti tak tak em?  chuan movie kan en bawk anga " phur takin ka lo ti nghal zung zung a, ṭhian ngaina tih takah mahni in ka awm dawn loh phawt chuan ka hlim leh em em tawh.

"ni e... i duh duh kan ti dawn nia "

Min rawn melh vung vung pah hian ka hmai rawn khawih tum chuan min rawn ban ta thut mai!!! min rawn fawp dawn emaw ka tih avangin chet nachang pawh hre lovin phawk fe hian ka lo melh nghal kawk a, sawi mai tur pawh ka hrelo.

"i ei ṭawp teh mai ania,i hmuiah cheese a kai nuai mai "

Nuih vur vur pahin ka hmuia thil kai a rawn nuai reh takah chuan ka lo thaw nghal huai mai mahse nidanga ka hmuh ngai loh deuh a mitmeng hriatthiam har zet chuan thil awmang lo deuh min ngaihtuah tir phah.

___________________________________________

Braydon an kan in piah lawka ka putea te car silna dawrah awm turin min tih tlat avangin phur lo zet chung hian counter chu ka nghak ran a, a ni erawh Kendra te dawrah a thawk ka tih tawh kha chutah chuan a kal daih thung. Inah awm kher lo mahse ka û hi ka hlau bawka ka chhuak ngam chuang reng reng lo.

Ning hle mah ila Nolan an nizana min lo tiam tawh angin a nu a kân zawhah a rawn kal thei hlauh a, ka û in rawn len a lo phal lehzel bawk nen kan pahnih in dawr kan nghak thei a a nuam phian lehnghal.

"lo ti ve duh tawh suh keimah pawhin ka ti thei reng alawm bakah midang pawh an awm tho a"

Ka car sil lai lehzel min rawn tihpui vek avang chuan ka inthlahrung chuan ka ti deuh chhen a, a ni lah chu a phur sauh emaw tih mai tur hian car bal zet te chu a nawt ang sauh sauh a.

"i chau tawh em kha lo va hahchawl zawk rawh "

" i rawn kal aṭangin i la thawk char char a midang hi tih tir ve tawh rawh "

" Sadie bawihte customer pakhat kan nei leh a saw mi saw i tihfai hnu ah chuan i haw thei tawh ang " ka nutei chuan a rawn ti hlauh a mahse dar2 chiah ala ri a ka hlawh tlem phah dawn avangin haw mai ka tum bik hauh lo.

"ka hmanhmawh hran lo, dar 5 thleng ka lo awm zawk ange " peih tawh lo hle mah ila pawisa hlawh nan chuan ka la ti ve ṭang ṭang .

" hahh... va hahchawl zawk rawh i hlawh pawh a tlem phah dawn chuang hleinem " ka rilru hre lawk niawm tak hian min lo chhang let nghal vat a.

"umm... mahse "

"swimming pool a hnahthel tla min lak chhuahpui avanga lawmthu sawina ah ngai rawh "

Ka lo inthlahrun ve tumhrang ṭhin avangin ka nutei chuan a ti ta ringawt a mahse ka in thlahrung lutuk tur erawh a zia deuh.

Nolan a lo awm ve reng bawk nen ka nutei hian min khawngaiha min ban hma tir a ni tih chu hre tho mah ila vawiin zet zawng ka phur vak lo bawk nen ka hnial ṭha duh lo.

" Nolan lo va inthlak rawh car pakhat chiah a awm tawh bawka keimahin ka ti thei mai ang "

" kan pahniha kan tih chuan kan zo hma zawk ang " a sawi dik viau nangin ka tibuai hreh zozai tawh.

"aw le... engemaw vawt deuh ka in chak "

Sawi chhan nei deuh hian ka han ti kher a, hetianga ka ti te a nih ngawt loh chuan Nolan hian engtikahmah keimawhin min sil tir dawn lo reng reng tih hi ka hre ve kar.

" tahkhan min lo nghak rawh ka va la ange "tih pahin hmanhnawh takin a tlan nghal a, keilah lo nghah chu sawiloh car lo sil ṭan hman tumin ka tlan chuak nghal dawr dawr thung.

Nuih hawr hawr paha car sil tuma ka tlan chhuah nak chuan ka car sil tur chu eng dang nilovin Rainer car classic Mercedes Benz ngei kha lo ni rengin, nuih tawp riai riai pahin ka ding nghal chawt bawk.

"Rainer " ka tih sap rual chuan a glass chu a down nghal a,a Shades vuah lai phelh pah chuan a signature hman uar em em,rum zet hian min rawn melh leh rûn tawh.

CHAPTER-40

"I'm into him and there is no way out " 

"Eng nge hetah i rawn tih? " rubber gloves bun mawlh mawlh pah chuan ka ti nghal vat a, ngeiawm zet hian a mit a lo chet kual ralh ringawt.

A car a fai danah sil tir tum chuan a rawn kal hauh lo ang.

" niminah ka hrilh chiang viau che a ni lawm ni "

hmm.... eng thil nge min hrilh le?  E...!!  taka laboratory ah kal ang a ti tak, urgghh... ka û vang vek chhuah a phal loh avangin ka lo theihnghilh leh hman alawm.

" Braydon an tiam chin awm lovin chhuah min phalsak tawh lova ka kal theih lo"

"a nih chuan eng nge i tih dawn? "

" i car hi ka sil zo anga ka haw ang bakah engtin nge hetah ka awm tih i hriat theih?"

A khat tawkin Nolan a rawn kal leh kal loh chu ka en deuh reng a, a rawn kal a nih vaih chuan Rainer hian a haw ropui si a buaina a chhuak leh mai ang tih ka hlau.

"i putea ka zawt mawle "

Enga?!!  kan inah alo va kal hman amaw! ka û alo awm lo hlauh chu ka vannei takzet chumaibakah ka û in a hua tih a hre ve renga a rawn kal lui leh hram zel, a huai ve ngawt mai.

"i û a awm chuang lo hluathawng duh suh, ka lo pui ang che " ka haw dawn ka tih takah chuan phur zet hian car aṭang chuan a rawn chhuak nghal a, ka hlauthawng lutuk chuan, " a ngai lo " ka lo ti nghal tuarh ringawt, mak min tih hmel em em lehnghal.

"engvangin maw? " chik zet hian min rawn en kher a, a lungawi loh hmel hle bawk.

"car ah lut la ka lo sil vat vat zawk ang "lut tur chuan ka nawr sek a, a lo ṭan ve tlat avangin a che sawn eih lo.

"kan pahnih in ka sil anga kan zo hma zawk ang " a rawn la ti hram,kan inah rawn kal a tum a nih ka lo ring ve ringawt .

"nilo...thil dang tih tur ka la ngah lutuk, kan inah i rawn kal thei lo ang " ka lo ti nghal zung zung ringawt a,kan in a a rawn kal tur thu pawh a sawi tawp si lova ,ka rilru a awm ang ang chu ka sawi chhuak leh ringawt tawh.

" aw le "

Mahni induh tawk ve tak tih takah ka ṭawngkam avang chuan a rawn ti deuh hmak a, min nawr luih pawh a tum lem lo.

 Diktak chuan a bulah hian engtik lai pawha awm reng ka chak takzet amaherawhchu buaina ka duh loh avang chauh a hetiang thil hi ti ka ni.

Thuawih takin Rainer chuan car kawngkhar chu a hawng ve mai bawka, luh a tum lai tak chuan Nolan chu rawn chhuak in, "Sadie ka rei i ti em ?" a rawn ti ta mai!!  rang taka hawi let pahin ramhuai hmu ang mai hian phawk fe hian Nolan chu ka va melh kawk a,rang takin Rainer lam bawk chu ka hawi leh nghal vat bawk .

Nolan pawh chuan Rainer chu a rawn hmu nghal mai a, hmuh a in ring bik lo aniang nuih tawp hmak pahin a ding chawt a. Rainer pawh lut ta mai lo chuan kawngkhar chu a khar hmak a, rum zeta min rawn melh hnu chuan Nolan chu hnek chak hmel zet hian a melh nghal khai bawk.

Lalpa leh!!  engthil nge ka chungah thleng ta hi ?

Nolan leh Rainer te chu inngaithei lo tih hriat zet hian an in melh khai a, keilah sawi tur pawh hre lovin ka lo en tawn zak zak ringawt.

" heihi maw thil dang tih tur i ngah nachhan chu? "

 Thinrim hle mahse Rainer chuan pangngai deuh hian a rawn ti hul hak a,ka sawifiah a phut niin ka hria.

 A awmdan hi sawi fak thiam lo mah ila a rilru a nat hmel in Nolan hi a thik hmel takzet,tunah hi chuan lawm tur nge lawm loh tur pawh ka hrethiam lo.

"Rainer ka sawi fiah thei ang"mangang takin ka han ti sap a, ka buai tiin chhuanlam ka lo siam tawh miau avangin ka insawifiah ngei angai, a chhan chu tun dinhmun ah chuan Nolan aiin Rainer hi a pawimawh zawk tlat.

"a nih chuan car ah lut rawh "

" maw! "

" tunah... " ka chet lawk loh avang chuan Nolan melh reng pah chuan thupe zet hian a rawn ti vin ta hluk mai, ka insawifiah dawn avanga car a ka luh nachhan tur ka hre lo.

"a duh lo a nih chuan nawr luih tum suh " min rawn vin vak takah chuan Nolan pawh chu a rawn in rawlh ta nge nge a,Rainer nen kan inkar mah nise a ngaithei lo ve ngang aniang a hnunga min din tir pah chuan an in hmachhawn ta ran mai.

" kal sawn rawh "ha seh chilh ran hian a rawn ti ta mai, melh rum ringawt in mihring hi thi thei ni ngat ila chuan Nolan hi a thihna a rei tawh ang.

Rainer a thinrim dan chu pui tak a ni ringawt kei ngei pawh hian ka hlau zawk hial.Nolan atan lehzel pawh hian ka lo hlauhthawnpui, buaina sawi fel hi a thiam loh avangin a lehpek ah chuan kut a thawh leh duh mai ang .

"hetaṭang hian inthiar fihlim la a ṭha zawk in ka hria "

Nolan lah chu a lo zam duh bik ṭhak lo ngeiawm zet hian alo ti let ve kher a, Rainer a in hum ruh ṭalh ṭalh lai ka hmuh takah chuan kut pawh tuar dawn ila ka dan ngei ngei angai tih hrilh chawp ngai lovin ka hre nghal.

"duhtawk rawh u.." rang lutuk in an inkarah chuan ka ding nghal a, keimah vanga intibuai chu ni tho mahse Rainer hi chuan a thil tih a lo inrawlh hrim hrim hi a huat vang a ni pakhat bawk.

" Rainer car ah lut rawh inbia ang " min tih dan ang chiah chuan ka ti ve ngat a,Nolan an hliam a tawrh ai chuan engpawh ka ti mai ang.

" Sadie... engthil nge maw i tih le? " Nolan chuan min kai hrang nghal vat a, ka thil tih lai hi ka hriatchian em avangin ka rilru thlak ka tum hran lo.

" ka kal angai ..." kal nghal daih chu ka tum a mahse ka ban ah vuan in min lo dang hman.

"a thinrim em saw a khawih duh mai ang che ,kal lo la a ṭha zawk " a tih chuan ka lo khi suk ringaw,Rainer hi thinchhe hle mahse engtikah mah kut min thlak dawn lo tih hi inringtawk takin ka sawi ngam .

" hlauthtawng suh engtin mah min ti dawn lo... ka û rawn haw hma in rawn let leh ka lo tum ang "min vawnna chu ka phelh a, Rainer an car ah min lo nghah reng tawh avangin ka lut ve nghal a.

Kan kalna tur lam pawh hre lovin min tlan chhuahpui nghal a, Nolan an engtin pawh min lo ngai dawn mahse ka pawisa lo, tuna ka thil duh ber chu Rainer thinrim tih reh hi a ni.

"thinrim miah lovin a sawifel theih lo em ni ?" thinrim ṭun thil sawipui ka peih loh avangin ka ti dam diai a.

"anih chuan engvangin nge dawt min hrilh?"

"hrilh lo ta che ila Nolan i hmuh hunah i thinrim dawn sia lawm " a chhan diktak zep miah loin ka hrilh ta vek a ,lo thupbo ṭhen deuh ila ṭha tur.

"ka hmu ta tho alawm.. khapa phiangsen avanga dawt min hrilh khan ka thinrim fe zawk,ka hnek thal tawp ṭep a nih kha " hnehsawh zeta a rawn tih chuan ka lo helh leh awk awk tawh,Nolan pawh hian duh se chuan a hnek ve thei tho a ni tih hi a hrelo emawni le ?.

" i thinrim apiangin khatiang khan i awm ziah a, dawt hrilh lo thei lo che in min siam alawm. Nolan ang khan insum ve ṭhin ta che " hrilhfiah ka tum lutuk na lamah Nolan hming ka lam tel palh!! ka kâ chak lutuk avang hian a thinrim  lehzual phah viau ang le.

"Enga !! khapa phiangsen nen khan min tehkhin vel amaw? "

"Nolan chu a zaidam in ka chungah a fel em em a, vin pawh min vin ve ngai lo "Nolan hming ka sawi lang ta sa sa thudik tak chu ka lo hrilh let ve nghal ṭhah a, eng dinhmun ah pawh ding ila ṭhiante chu ṭan ve ngang ngang tak ka ni.

Rainer chu a ngaihdan a ni ngang lo aniang car chu kawngsirah a ti ding chawt a, thawk chhuah deuh halh pahin a chhuak nghal daih ringawt.

"thinchhe leh lutuk mai" ka lo ti zui hlak a. Midang nena tehkhin leh a nihna diktak hrilh pawh hian inthlak danglam a hnekin a thinrim phah ziah.

Pawnah min chhuahsan daih avang chuan lungawi lo tak chung hian," hun ka nei tam lo ania... " tih nang nang pahin car aṭang chuan ka chhuak ve nghal a, mahse Rainer awmdan ka hmuh rual chuan ka mengphawk nghal kawk ringawt.

" Rainer... engtin nge i awm? "

 Car dawm paha alo thaw chhuak kawk kawk lai ka va hmuh chuan ka va zawt nghal vat a, min chhang lovin a awm dawm pah hian a lungphu rang lutuk ti pangai tumin a lo bei mek a ni tih ka hriat takah chuan panic attack a nei tih ka hre nghal.

Panic attack hi ka pa khan a nei ṭhin a, heart attack nen a nat dan a tehkhin hial ṭhin. A sawi ang tak tak in a na bawk aniang ka pa kha chu mangan thlak khawpin a au ṭhawt ṭhawt ṭhin a Rainer erawh a tawrhchhel takzet aw rawl pawh chhuah lovin ngawi rengin a tuar tlawk tlawk mai ania.

" maimichhing rawh chuan ka thawk chhuah rual in thawk tum rawh aw " chiai miah lovin ka nu in ka pa hnena a sawi ṭhin ang chiah chuan ka han ti ve leh chhawng a,thawk halh halh pah in mitttui tling pam chung hian min rawn melh kalh a,Rainer meuh a mittui a tling tawh chuan a nat dan tur chu in hrethiam mai ang.

"kalsawn rawh " a rawn ti chhuak thei tawk. Chak lo taka a awm lai leh a na tuar lai hmuh a duh lo avangin min hnawt bo a tum a mahse ka kalsan dawn reng reng lo.

"khawiah mah ka kal dawn lo... " tih pahin a kut phah hlai zet chu ka va hum rawk rawk a, "chhimbal leh unicorn chiah ngaihtuah tum rawh " min hrilh dan ang chiah khan ka ti ve ngat a, na tuar e tilo chuan a rawn nui suk ringawt.

Panic attack hi a tlang puiin minute2 chauh te a ni ṭhin a, Rainer erawh chumi aia rei a ni tawh avangin ka mangang ru takzet, mahse rilru thawveng deuh leh ralmuang deuhin awm tir tur an tih thin kha ka hrechhuak thut a, a nu hla sak sâk ṭhin chu ka sa ta ringawt a.

" Angels watching, e'er around thee
All through the night ,
Midnight slumber close surround thee "

A hnung zangah ka beng thek thek pah bawka, a thawk ṭha viau aniang a thawk dan pawh a rawn pangngai tial tial in ka hria.

(he hla hi Rainer leh Sadie te hian an inhmeh riau )

Consequences -Camila Cabello 

Loving you was young, and wild, and free
Loving you was cool, and hot, and sweet
Loving you was sunshine, safe and sound
A steady place to let down my defenses
But loving you had consequences

Read More