Remruati Haylor's stories

"Ka tân engkim a thiang a; mahse, a ṭangkai vek lêm lo, ka tân engkim thiang mah se eng bawihah mah ka inphal lo" -1 Korinth 6:12

ZERO-16 by Remruati Bawitlung (Haylor)



Chapter-16
.
" ka thlah ang che.... " a tih chuan ka lo bu nghat a, hnial kher ka tum lem lo a chhan chu haw a ka khuma mut vat vat ka chak tawh vang ani.
Ngawi rengin inbe miah lo chuan kan chuang dun ran a,a khat tawkin ka va melh leh zeuh ṭhin a, a sam tih phir dan te leh a mitmu hring nghal te hi hetiang em em hian a inhmeh tih ka lo hre ngai miah lo.
"hmelṭha min va ti awm ve " rang lutuk in tukverh lam ka hawi phei nghal vat, engvanga lo en leh reng tawh nge maw ka nih le? chhang lo chuan lehlam chu ka han hawi ngar ngar a,a chang leh tihsual ka nei hleinem engvanga lehlam hawi tlat nge maw ka nih le?  tiin ka han inzawt leh thul.
"Arden i nih si chuan engvangin nge Zero an tih che.... ?"
"I ril a ṭam em? " engvanga thil dang min zawt daih nge maw anih le?  phakar lutuk mai.
.
Reife kan tlan hnu chuan ka han hawi kual vela, kan in kawng alo ni hauh lo, hlauhthawng tih hriat tak hian Arden chu ka melh nghal kawk a ,lo ring lo tawp tur ka ni asin.
" khawiah nge min hruai dawn? "
"khawiah mah "
" khawiah nge min hruai dawn ka tih chu? " ka awki pawh ka san sawt hle,kawngka hawn tum chuan ka han dap nghal rawk rawk a mahse a lo lock fel diam tawh lehnghal.
"car hi ti ding rawh "chiai miah lo in chhuah ruk dan tur chu ka enkual hrek hrek a, ka thlan in min bual huh dup tawh lehnghal.
"kan thleng ṭep tawh " hepa teh hrep hian khawiah nge maw min hruai a tum le ? nge min rukbo a tum zawk.
.
Chutia mangang ru tak chunga ka lo awm mek lai chuan hmun pakhat hi kan thleng hlawl mai, in lianpui hlui tawh zet kawtah chuan car chu ti dingin a chhuak nghal vat bawk,kei erawh chhuah ka tum hauh lo thung.
"i rawn chhuak dawn lo em ni?" ka han hawikual vela,in lah chu a sangin darthlalang pawh a tla zo vek tawh lehnghal ,a bang khawk nuai te leh a chhung thim phei mup te sawn mi rap takzet.
"inah ka haw duh.... "
"oh... c'mon" tih pahin kawngka chu a rawn hawng a "engtin mah ka ti dawn lo che " a ti zui sap bawk.
" engvangin nge ka rin ngawt ang che "
"a chhanchu helai hmunah hian kan pahnih chauha, kan awm avangin "
.
Engthil nge maw ka chungah thleng ta hi le?  a tir aṭang khan lo inngaihtuah chiang tur ka ni asin, tunah hian ka bulah misual leh nunrawng ti a miten an sawi hut hut chu a awm reng a,keilah chuan a thusawi apiang ringin ka lo inthlah tir vel maw?!.Mi chuan hria se mi â emaw rilru kim lo emaw min ti ngei ang. Eng thluak nge maw ka neih a, ka mawl em em mai le? Valentina harh rawh, i bula mi hi misual anih hi, tiin ka han in hrilh ve mawlh mawlh na a, a hmel ka hmuh hian min ti na dawn lo ni a hriatna ka nei tlat peka, ka â tawh takzet in ka hria.
.
" minute 10 chiah a awm tawh ania " a thusawi hi ka hrethiam lo takzet, engvanga minute5 chauh awm tawh nge maw anih le? anih loh pawhin min thah a tum ami le?
" khawngaihin min ti na suh... "a nui ri zui hak ringawt,thil nuihzatthlak pawh ka sawi tawp si lo.
" han in en ta che... tih nat tlak pawh i nih tawh loh hi... " ni e, ka hmai a pilh nasa in a duk thluah bawka chutah ka ke ala na zui, min ti na duh nise helai hmuna min hruai kher lo hian min khawih daih tawh ang chu.
.
" khawiah nge kan kal dawn? "
" min rawn zui rawh... ka tiam a che i kal nawn leh duh ngei ngei ang " a mit aṭanga tih takzet na ka hmuh chuan ka ring leh nghal vek tawh chu sawi loh ka hlauhthawnna te kha a bo nghal vek nia mawle.
Ngawi rengin a kalna apiang ah chuan ka zui chho chhat chhat a, a khawih hrim hrim ka duh loh avangin ka kal chak thei lo bawk nen ka hma ah chuan muangchangin a chho zela,a chang leh alo kal chak deuh chuan min lo nghak leh ṭhin a ,engmah chu sawi lo mahse a dawh thei lo lek lek ṭhin in ka hria.
"ka chho thei tawh lo ka hah tawh lutuk "
"kan thleng ṭep tawh ...." ka sawi sual loh chuan chhawng li lai kan chho tawh in ka hria,ka hah lutuk hi thawk pawh ka thawk ṭhat theih tawh loh laiin ani erawh hah hmel pawh ala pu lo.
.
"khawi.... " a kut chu a rawn dawh a, mahse a kaih ka duh lo ve khanglang.
" awle... " a kut lak let zal zal pah chuan a chho lehnghal daih a,a lungawi vak lo aniang nghah pawh min nghak tawh lo hrim hrim.
A sawi ang tak tak in reilo te ah inchung zawl chu ka thleng chho der mai,kawngka aṭang ka pen chhuak chiah chu thli fim hian min rawn chhem nghal heuh heuh a,boruak a thiang in tlai ni tla tur sen phut mai te leh van a sava rual thlawk te chu an mawi takzet.
" a mawi lutuk "
"hetah lo kal teh " ka hawi let chuan kawngka sirah cigarette zu chung hian min lo nghak chu niin,bang ngheng chung hian min rawn en kar a, ngatinge pawh ka hrelo ka thinphu te hi a rang sawt riau in ka hria.
.
"hetah hian awm zawk ang"
"sang i hlau em ni? " a tih chuan ka lo bu nghat a, a hmun chu nuamin mawi viau mahse ka kal thui vak ngam lo chuti lo chu ka lu a hai leh mai ang.
" awle ka hrethiam e " a bula ding tur chuan min pawt hnai deuh a, min khawih zawng ringawt maw hian ka mur ur ur thei nia mawle, mahse ka awmdan danglam tak hi a hriat ka hlau hle thung.
" helai hmunah hian i kal ṭhin mi? "
"umm.... "
"a nuam hle mai "
"i kal nawn leh duh ngei ngei ang ka tih kha... " ka lo khi suk a, kal ka hlauh ang hu in a nuam phian lehnghal.
.
"i hmai chu ala na em ?"
" aih... " tih pah chuan ka han hawi chho mai a, min lo en reng chu niin.
" ughh... " thil dang sawi leh ka tum pawhin ka mit ah tak chuan min rawn melh kak a, dan rual loh in ka thinphu chu a rawn ri nghal dawt dawt ringawt,a hre pha hial maithei ani.
"ughh....  chhuk tawh ila a ṭha ang " tih pahin hawisawn daih ka chu han tum a mahse ka khabe ah dawm in min kuai her nghal sawk ringawt.Ka hniam em avangin hnai takah a rawn kut hniam a,chutah zet zawng ka hawisawn thei tawh lo, amah chu ka en kar ringawt.
.
Ka sam ka benga zeh pah chuan zawi te hian ka biang chu a rawn khawih a, engvanga min hmuh apianga ka biang khawih ziah nge anih tih hi ngaihdan pawh ka nei lo.
A chal leh ka chal chu rawn insik tirin ,nghet takin ka kawngah a rawn vuan bawka, khawvel hi a reh duk nimai hian ka hria,mahse a thaw lum ham ham erawh chiang takin ka hre thei thung.
Muang changin a kut hit zet chuan ka kawr chu a rawn zet chho a ,ka lo maimichhing diar diar thung.
"khapa kha tunge? " tih pahin ka hnute chu a rawn tham nghal tawn a,ka ip nghal chawih bawk.
" tu chu maw? " min rawn fawp dawn emaw tiin rem takin ka hmui chu ka lo dawh ha a.
"damdawiin aṭanga rawn hruai tu che kha " a tih chuan ka meng nghal kawk ringawt.
.
Chiang zet hian a mit ah tak chuan ka en nghal kawk a min rawn la nuih suk zui.
" min khawih suh... " tih pahin ka nam sawn nghal dawrh a,engmah thleng lo ang maiin ka sam chu ka tuai mam nghal thuak thuak a, inhnuai ah ka chhukthla nghal daih bawk.
" Valentina... eng thil nge maw i ngaituah le? pasal hual i neih kha" ka hmai chu ka han beng thek thek a, ala na em em zui.Min fawp dawn emaw tia ka hmui ka lo dawh lai te kha ka han ngaihtuah let leh a, ka zak lutuk hi au vak vak mai ka duh.
.
Car ah pawh chuang lo in ke a kal ṭha in ka hre ta zawka, anihna takah chuan ka hmuh zak tawh vang zawk ani, khatiang thil tehhrep a thlen hnu khan  engtin nge ka hmuh ngam chu sawi loh a bulah ka awm theih tawh ang. Khua a thim vek tawh avangin hnung lam aṭagin light chuan min rawn chhun sawt a, horn a hmet ri nghal tuarh bawk.
Arden ani tih ka hriat avang chuan hawi pawh hawi let duh lo in ka kal dan ngai chuan ka kal ngar ngar a,a ni hmuh leh ai chuan ke thi phung in kal dawn pawh ni ila pawi ka ti lo.Thil thleng ka ngaihtuah let apiang chuan ka zak lutuk hi ka thlan nghal bawrh bawrh thei nia mawle mahse ka indem hran lo nangni pawh heti khawpa mipa zun ngah leh huhang nghah hian khawih ve cheu se chuan kei ai hian in dinhmun a chhe zawk ngei ang.
.

.
Ka kal rual zelin muangchangin ka zawnah chuan a rawn tlan ve zela,hria ang pawhin ka awm duh hauh lo thung.Ka hawi duh miah loh avang chuan a khat tawkin horn chu a rawn hmet ri deuh reng bawka, ka nin tak em avang chuan rum zet hian hawilet hraw pahin ka kutzung lai chu ka han hmuh va va a,a nui nghal suk bawk.
"Engthil nge maw i tih le? "
" rawn lut rawh.... "
"teuh lo.. "
"zankhua in kal mah la i thleng chuang lo ang... mahse i thu thu le " tih pahin kawngka chu a rawn hawng a,a hmui liah zeuh pahin min en ran bawk.
.
"Lalpa leh.... ka ke chu na lo se ke in ka kal thleng ṭhak ang mawle " tih bul bul pah chuan ka lut leh ta nge nge a, chuan duh lo hle mah ila kawng a thuitham mai bakah motor tlan a van em avangin ka chuan mai angai.
Hmalam melh run pah chuan engthil thil emaw ka ngaihtuah neuh neuh a, engtin chiah nge he misuala nen hian kan inzui ziah tak dan hi ka hrethiam tawh bik lo.
" Engvangin nge min zui renga...,min thah i duh vang em ni?" ka ti chhuak hlawl ringawt.
"i rilru a awm ang ang kha a chhanna ani mai "
" maw!!  buaina ka tawh apiangin i rawn in lan ziah a mahse buaina nasa tak min thlen ṭhin tho bawk si " min chhang lo in a nui suk ringawt.
.
________________________________________
.
Arden chuan in thleng min thlah a,car atanga ka chhuk rual rualin a tlan nghal daih anih chu!!  nungchang mawi pawh a hrelo.
" Bawihte... " zanin chu maktak maiin ka pa in pawnah min lo nghak anih chu!! a bul a rawn thlen rual rual chuan min rawn kuah nghal thlawp a, a hlauthawn hmel hle bawk.
"ka pa... engthil nge thleng "
" i na em?  engtin mah i awm lo tiraw? ngatinge i hmai hi ? tu tih nge?"
" ka ṭha engtin mah ka awm lo.... inchhung ah lut phawt ang " ka pa hlauthawng hmel ka hmuh hian thil diklo a thleng tih ka hre nghal .
.
" Tunge rawn thlah tu che kha.... vawin ah engthil mah a thleng lo tak tak maw? "
"ka hmai hi chu accident vang ania.... insual na ah ka tel palh alawm... mahse thil dang engmah a thleng lo"
" a ṭha anih chu" thawk halh pahin a room ah a lut nghal daih bawk. Thil thleng hi ka hrethiam lo takzet engvanga hetianga awm nge maw anih le?
" ka pi ka pa saw ngatinge....?"
" vawin chu min ti rilru hah khawp mai, i phone lah a in switch off hmak bawk si "
" battery ka nei lo alawm... mahse engvanga hlauthawng em em nge maw in nih le?, nidangah pawh ka chhuak ṭhin tho si a "
" a chhanchu i pa in phone call a dawng alawm.... "
" tu hnen aṭangin ?"
" ka hre bik lo....tuemaw in hruai bo a tum thu che an rawn hrilh alawm" a tih chuan Arden an min phurh lai khan min hmu tu an awm anih ka ring nghal. 

ZERO-15 by Remruati Bawitlung (Haylor)



Chapter-15
.
"khatah khan tunge awm ?"tih pahin zawi muangin ka bai phei chhat chhat a,tumah an awm loh chu sawi loh a reh phei duk avang chuan nichina ka thawm hriat kha ka bengchhe ri a nih te ka ring rum rum tawh.
" Hello.... " hlauthawng ru tak si chuan ka han ti leh a,ka hawi kual nghal hrek hrek bawk,inthiar fihlim daih chu duh viau mah ila engthil chiah nge thleng tih hriat ngei ka duh avang chuan thinphu dawt dawt chung pawh chuan car inrem phei put chu muangchangin ka en phei zela, mi veivak takngial pawh hmuh tur an awmlo.
" Tina.... " ka phu chiang kher mai!! rang lutuk in ka hawi let nghal vata Jade ka hmuh chuan ka thaw nghal huai thei.
.
"Ka zawng nasa lutuk che....ke na chung khan helai ah eng nge i tih? "
"nichin khan..... "
"ka ril a ṭam lutuk thil ei phawt ang... "
"awle..."
"car kan la chhuak nghal ange "
" mahse tinge i thil chan lai kha? " ka tih chuan thawk lak hak pahin a poster ken lai Lakers player rawn kal tur ho tan liau liau a a siam chu ka kuta rawn hmeh beh chawt chawt pah chuan,"an rawn kal daih tawh.... "
" maw?,anih chuan ka hmu ve hman lo ani maw "
" ni chiah e...i phone i switch off tlat bawk sia hawsan mai che ka tum a, mahse hei vanduaithlak lutuk in hetah ka hmu leh che a " a tih chuan ka lo ner nanga, a car la turin rawn chhuk lo se chu min hawsan leh daih tawh ang, henu hi chuan engmah hi a care ve thlawt lo.
.
" ka zawn na lamah che ka ril a ṭam tawh lutuk " tih pahin car ah chuan min luhsan nghal daih lehnghal,min nghah chu sawi loh ka ke na pawh hi a hrechang tawh lo reng reng.
"Dylan ang deuh ka hmu a.... mahse a awm tawh miah lo bakah nichin khan hmeichhe au thawm ka hre bawk asin " ka thusawi ngaithla tur pawhin dawhtheihna a nei tawh lo, car chu ti nung nghal in kawngka chu min lo hawnsak nghal vata,a hmanhnawh em avang chuan ka theih ang tawka rangin seat hnung ah chuan poster leh ka tiang hawl lai chu ka dah nghal sawk sawk bawk.
.
"keipawh ka ril a ṭam ve tho mahse nang ang.... " car a ka lut tur chu thisen ka rah pherh avang chuan ka ṭawng tawp nghal chawt,mak ti tak chung chuan ka pheikhawk hnuai chu ka han leh a "Jade.... thisen ka rap pherh ania " ka ti nghal vat bawk,mahse ka chiai lem lo.
"Tina.... hmanhnawh teh chutiang ngaihtuah hman kan nilo... " ngatinge maw Jade hi a ngaih a sam em em mai le, bakah a hma in hetiang zawng hian kan lo intih der fo tawh ṭhin avangin fiamthu turah a ngai vek tawh te pawh ani mahna.
" ka fiamthu lo ania....  hei rawn en rawh "
" nakin ah kan en dawn nia..bakah hetiang lai hmuna thisen hmuh te chu a awihawm loh lutuk rawng aniang,ughh rawn chuang phawt teh kal vat vat ang "
.
Jade sawi ang hian rawng pawh alo ni reng thei, thisen ani ngei ani tih prove na a awmloh avangin ngaihṭha lo deuh chung chuan ka lut ta ringawt a mahse ka awm a nuam thei chuang lo, eng nge maw hian min mawlh tlat pek a.
Tukverh lam thlir vauh vauh paha ka lo inngaihtuah vung vung lai chuan Arden ka hmu ta thut mai!! Car ah a luh ve chiah avang chuan hmanhmawh lutukin ka dak chhuak nghal vat a,angai te bawkin kawrdum vek a ha a, lukhum a khum tlat avangin ka hai ṭep lehnghal.
"Jade.... nichin khan hmeichhe au thawm ka hre chiang alawm "
" Eng chu maw i hriata? "
"min that suh tih ri ka hria alawm.... ka hresual thei lo hrim hrim " Arden ka hmuh ngat phei kha chuan ka rinhlelhna a zual sauh, khang thisen te leh mangang au thawm ri te kha Arden tih a ni thei mai angem?
.
" Lalpa leh.....Gas a zo dawn!!" Jade chuan thinrim hmel zet hian a rawn ti vin nghal hluk a, ka awm a nawm tawh loh sa tawh nak alaiin Jade-i aw vin phei hi chu ka ning hluah hluah.
" saw kan hma lawkah sawn gas station a awm reng saw.... "
" mahse ka ril a ṭam tawh alawm.... ka nghak thei lo ang "
" Jade....gas station ah sawn tlan lut phawt teh " a thinchhiat em avang chuan ka lo ti ve nghal hluk a,kan pahniha kan awm dun tawh hi chuan kan inhnial loh leh kan inti thinrim ngei ngei.
Phun bul bul pahin gas thun tur chuan a tlan lut ta nge nge a,car a tih din rual rual in ka chhuak nghal vat bawk.
.
"khawiah nge i kal dawn? "
" i ei tur lei turin mawle.... "
" anih chuan rei suh ang che " tih pahin ka tiang hlawl tur chu min rawn pe a, diktak chuan a ke na zawk hi car a awm tur zawk ka ni asin mahse a awmlo hran love ka chuahpui nu hi Jade a ni miau sia lawm.
*
Minute 10 pawh tling lo ah ka let leh hnu chuan Jade in hmeichhe pakhat alo inhnialpui leh hman tawh chu niin!!Hmanhmawh takin ka bai phei nghal hlawk hlawk a, va thleng hman lo ila chu an insual ngei ngei ang.
"Jade ....Engthil nge maw i tih le? "
"henu hian ka tlan na tur ah motor a rawn dah alawm....zakthei lo lutuk mai" a inhnialpui nu lah chu en reng reng pawh hian a nelawm loh thlawt,a sangin a lian ropui si a, a banah lah tattoo a inchhu khat dul a,a sam te lah chu an rang nasa em em khawp lehnghal,sam ka hmuh tawh ah chuan rawng ala chikim ber awm e.
"kal ang...." a inhnialpui nu hi cho chi ani lo tih ka hriat avang chuan ka han ti leh sap a, Jade lah chu a thinrim tulh tulh emaw tih mai turin a ling vur tawh mai bawk si .
.
"heta ṭang hian kalsawn vat rawh u... in ti fuh zawk ang " chu nu sam ṭiali chuan a rawn ti ve lehkher bawk nen , Jade lah chuan alo la na ngang mai.
" Tina.... khawmaw i tiang kha "
" maw? "
" i tiang kha min rawn pe vat teh "
"kal zawk ang...."
" teuh lo mai...." tih pahin ka tiang ken lai min rawn chhuhsak rual chuan chunu banah tak chuan a vaw ta pawp mai!! Jade chetdan chu mak ka tih em avang chuan phawk fe hian ka melh nghal kawk a,a rawn let leh lam chu ana khawp ang le.... ka ngaihtuah ngam lo zawk.
.
"Hmeli.... " tih pahin chunu chuan Jade samah chuan a rawn kek ta bawrh bawrh mai!! an insual ṭan chu ani der, Jade lah alo tlawm lo nasa a theih ang tawkin a han kek let ve leh bawrh bawrh a, kei erawh tihngaihna hre lo in ka ding khawng reng ringawt.
" Duhtawk teh u.... " ka han hawikual vela tumah an awm bawk si lo,ka ke alo na lehzel bawk nen han ṭhelh mai ngaihna pawh ka hre lo.
" Tina.... a sam ah hian lo kek ve ta che "
"Enga!! " Diktak chuan Jade hian a hneh hlawl lo,ka ṭhelh thei lo anih pawhin ka puih mai loh chuan tihngaihna a awm tawh lo, tlawm se a ṭha nimai tur ania, min ti buai ngawt mai.
.
Ka thil ken lai chu leiah ka dah sawk sawk a,thawk lak kawk kawk pahin chunu hnungah chuan thelh tumin ka va bawhbet ve ta ringawt a, min theh thla rang ngei mai.
" Jade....  thlah rawh " tih pahin pawh ṭhen chu ka han tum leh a mahse chunu bawk chuan ka sam ah a rawn ṭham ta tuarh mai!!  a na lutuk hi sawi ngaihna pawh ka hre lo.
" min thlah rawh "tal chhuah tumin a hmaiah tak chuan ka ham nghal bawrh bawrh a, naupang harh leh nghal ṭhin tih takah ka zia kha a rawn lang leh ṭan tawh.
Kan pahnih in ṭang kawp mah ila kan sama a man beh tlat tawh avangin kan che hleithei tawh lo, bakah hneh tur pawh kan ni lo, a che vel leh kut min han thlak vel dan ah hian a vawikhatna chu ani lo tawp ang, bakah a zei danah hian ṭha taka train te pawh a ang zawk.
.
Chutia kan lo insual buai lai tak chuan mipa pakhat hian min rawn pawm sawn ta nawlh mai, chutiang ang bawkin Jade leh Sam ṭiali pawh.
"Jose khanu kha kalsawn pui nghal rawh " an tih ri ka hriat rual chuan Jade chu car ah a pawt lut a, an tlanpui nghal daih bawk.
"min thlah rawh.... " ka theih ang tawkin ka han tal vak vak a, car pakhat ah hian min pawm lut nghal nawlh ringawt.
" tunge maw i..... " ka hawi phei chiah chu Arden alo ni leh tawh, ngatinge maw hepa hi ka awmna apiangah a awm mai le?  nge min zui ru zawk.Ka sam pheng zet mai tuai pam pawlh pawlh pah chuan " Khawiah nge Jade kha in hruai....?"a engah mah hma chuan kan han ti vin nghal hluk ringawt a.
.

.
" Jose an alo buaipui mai ang... "
"maw?Lalpa leh khawiah nge hruai a tum?" car aṭang chuan chhuah ka tuma,min pawh her sawk pah chuan, "hlauthawng suh... engtin mah a ti dawn lo ,him takin a hruai haw ang tih ka tiam a che " ka mit a tak chuan min en kar a ,a thusawi lai pawh hi a ti mai mai lo ani tih ka hrethei.
" Ngatinge maw ka hmuh theih ah hian i rawn awm ziah a... min kalsan thei mai lo em ni?"
Arden ka hmu ziah mai hi chu mak ka ti zawk, a chang hi chuan min zui ru anih te ka ring hial bakah ani ang mihring hi chu hnaih ka duh lo hrim hrim.
.
"kha heihi i biangah khan dep rawh " beer can vawt dap mai hi min rawn pe a, ka mamawh tak anih avangin ka biangah chuan ka han dep vang vang mai chu ka zia nghal sawng sawng in ka hria.
" ka lawm e... "
"i ke chu a zia deuh tawh em? " ka lo bu nghat a,ka ke na pawh hi amah vang vek.
"I biang pilh ah khan heihi hnawih ang " damdawi rawn hnawih a tum ta mai!!
" ka duhlo... " tih pahin lehlam chu ka hawi hmak,a hma ang khan thil a thlen leh ka hlauh avangin damdawi lam chi hi chu a hnen aṭanga dawn hi ka duh lo bur.
.
"damdawi kan hnawih loh chuan i pi in a hau leh ang che " tih pahin ka khabe ah chuan a rawn dawm a, a hnawih nghal mawlh mawlh bawk mahse kei erawhin mak ti tak chungin ka lo en reng thung.
" engtin nge pi ka nei tih chu i hriat?  Engtin nge min hau ṭhin ani tih i hriat theih? " ka rilru ah zawhna chi hrang hrang a rawn lang nghal zut zut mai, ka rin ai daih in ka mi hriat ngai pawh nilo leh gangster lehnghal hian min hrechiang takzet in ka hria mahse chu chuan min ti hlauthawng hle thung.
Chutia a chhanna ka nghah reng lai chuan nichina ka insual pui sam ṭiali khan kawngka a rawn hawng ta thut mai!!
.
" Ka tihpalh... " tih ringawt hi a rawn sawi a, lungawi loh hmel zetin a kal lehnghal daih anih chu!!  khanu awmdan kha a mak takzet, engvanga khatiang thu kha rawn sawi ve ringawt nge maw anih le?
"i hria tiraw?" buk nghat pahin ka kut a thi kai tlemte chu a hru fai mawlh mawlh a ,
Ka rin dah chiah ani,khang ho nen khan an inkawm tawk lek zawk.
"hahh... khawvel hi chu a zim teh e... " nuih suk pahin amah chu ka en renga ,hetia chiang taka ka en hian a hmelṭha zual sauh emaw tih tur ani.
A khabe ruh invuah dik zet te leh a hnarngul zum vah te hian a ti hmelṭha zual in a ti chhelo thlawt. 

ZERO-14 by Remruati Bawitlung (Haylor)



Chapter-14
.
Ka khumah Arden alo mu reng chu niin!! chutah inthlahrung hauh lo in ka teddy bear duat em em mai Jakie chu alo la kham zui !!
"Eng.... eng... " mak ka tih em avang chuan ṭawng pawh ka ṭawng ṭha thei lo,ka dang a awk leh vek tawh lehnghal.
" ka ril a ṭam ..." ṭhut pahin a basketball ken lai chu ka lamah a rawn theh phei a ka lo dawng nghal chat bawk.
"Engtin nge i rawn luh theih? chhuak nghal rawh, police ka phone dawn ania"
"anih chuan saw i phone..." chhuata ka phone thlauh darh nuih chu ngeiawm zet hian a va melh kher anih chu!!
"hmela " na zetin ka basketball ken lai chuan ka han vawm chawrh a,a lo bum avangin dawhkana ka snowball dah Dylan min pek chu ka vawm keh ta chuaih mai!!
.
" nilo.... " hmanhmawh lutukin ka va tlan phei nghal vata,ani lah chu min charfai pui a hnekin a mu leh daih anih chu!! chutah zet zawng ka insum thei ta lo,
"tho rawh.... ka haw lutuk che"tih tawn tawn pahin a ban ah chuan ka beng nghal pawp pawp a,ṭha deuhin alo dawh ve mai bawk.
" khapa kha i bialpa em ni? "
"hmela ....tho rawh ka tih chu.... " ka beng na ve hle emaw ka tih pawhin engah mah zu han ngai duh miah lova.Tih ngaihna ka hre tawh lo, mittui tling pam chung chuan rum zet hian ka va melh khai ringawt, ka thinrim hmel a rawn hmuh phei chuan a nuih a za zual emaw tih mai tur hian min rawn la nuih vur vur zui !!.
.
" Tho rawh... Jakie kha ṭhut tawh suh... " rang zet hian a tho thut a, a hawi kual nghal vat bawk.
" i delh bek vek alawm... " tih pahin ka teddy bear chu ka kuah nghal ṭai a, mak tih hmel takin en lo en reng thung.
" kha kha maw Jakie chu...? "
" chhuak rawh...."
" Lalpa leh!!  anih leh hemi hian hming a nei ve tho em? " tih pahin ka panda pillow chu a rawn lek kang va va a.
" Calli kha khawih hlek suh..."
" maw....!! Calli maw!!a mawi loh lem loh chu.... anih leh hei hi" ka teddy bear dang chu a han kawk leh a,a hming phuahsak tho mahila ka sawi duh tawh lo.
.
"chhuak tawh rawh ..chuti lo chu ka au vak dawn ania "
"i ke chu a dam tawh em? "
" Nganghi.... "
" eng nge kei chu.... "
"cctv awmna kha i hre vek tiraw?  chuan.... chuan min chiu pawh khan min hliah lui tih ka hria ania"
" i fing hle mai "basketball bawk chu la leh in tih vir pah chuan room aṭangin a chhuak a, ka zui nghal vat bawk.
" Khawiah nge i kal dawn.... engvangin nge kha lam ah khan i kal ve ringawt a ?"
" ka ril a ṭam ka tih tawh kha.... "
" maw....!! "
.
In neitu zawk ang hrimin fridge chu a hawng rawk rawk a, eitur a duh zawng zawng chu a ei nghal tawn tawn bawk.A ei dan aṭang ringawt pawh hian a ril a ṭam hle ani tih tumah in an hai hauh lo ang.Ngawi rengin hmuhnawm ti tak chungin a thil ei lai chu ka lo en dauh dauh reng a,hauh pawh ka tum chuang lo a chhan chu hetiang em em a rilṭam te chuan a duh zat zat ei sela nimai lawm.
" i duh ve em? " inthlahrun nachang pawh a hrelo.
"Engtin nge khatiang khan i tih thei zawk? " ka tih chuan mak tih hmel takin min rawn en ha a.
" In thil tih zawng zawng avang khan Hailey in a tuar vek asin...police ho pawhin dawt sawi ah min ngai vek alawm... "
.
"hawh inkhel ang "
"kha kha ei zo la chhuak tawh rawh ..." thawk hak pahin kal nghal mai chu ka han tuma.
"khatiang hunah khan cctv ah ka lang ve thei hleinem "ka zawhna a chhan avang chuan rang lutuk in ka hawi let nghal vata.
"Engvangin maw? "
"ila hre mai ang... "tih pahin ka kâ ah strawberry chu a rawn hnawh lut a,hnai takah rawn kun hniam in ,"nakinah.... "a rawn ti zui sap bawk.
" Hmela....ka report dawn che "strawberry chuan a hnungah ka vawm zui leh hrama,rawn hawi let chuang lo chuan ,"min man chhuah loh nan theihtawp i chhuah zawk ngei ang " tih pahin kawngka chu a hawng rawk a, a chhuak nghal daih bawk.
.
__________________________________________
.
Weekend ni mahse ka ke ala nat avangin hla ngaithlak pahin khumah chuan ka lo mu zal mai mai a ,hetiang anga awm reng hi ka ning tawh takzet.
"Tina.... tho rawh " ka headphone pawh thlak pahin Jade chuan ka puan sin lai chu a rawn hlip ta pawp mai!!
"Eng nge....? "
"inkhel en ang.... "
"ka ke a nat hi... "
"pawilo kal tho ang.... "
" nidangah kan en mai dawn nia.... "
" nidangah a theih loh..... Lakers player ṭha ṭha an rawn kal dawn alawm... " Basketball tih vel hi ka tuina anih ve loh avangin ka phur teh chiam lo, bakah Basketball ani tih ka hre ve ringawt a, a bak hriat ka nei lo.
.
"tho la insiam vat rawh "
" Jade... ka peih lo " ka ṭawng hre lo ang mai chuan ka thawmhnaw hak tur ho chu a rawn theh phei nghal vata, ka ke na pawh a hre chang tawh lo.
"Enteh....an chhelo hlawm teh mai ania, helai hmuna kan player neih ṭhat ho nen an inkhel dawn a.... tournament phei chu nise a hmuhnawm zual ngawt ang "
"Engtik lai aṭang khan nge Basketball fan i lo nih ve hrim hrim a "
" in ha vat teh....Airport ah kan chan angai dawn nia "
" maw? " ke na chung hian mipui zi nuaih nuaih karah ka awm dawn chu ani sia, ka peihlo takzet.

.
°Airport °
.
Basketball player ho nghakin hmeichhe za rual vel chu airport ah banner nen kan ṭhu ṭhap hlawm a, a lum bawk nen ka luak te hi a chhuak bur tawh.
" Jade.... darkar thum lai kan ṭhu tawh ania, engtik ah nge an rawn thlen dawn "
" an rawn thleng ṭep tawh ang "
" nichin aṭang tawhin an rawn thleng ṭep tawh ang ila ti char char.... ka ril a ṭam tawh lutuk thil ei phawt ila chuan ka let leh dawn nia ...."
"reilote nghak leh phawt ila chuan kan kal dawn nia "
"anih chuan ka lo va kal ang...."
" awle... "
.
Phur tak chungin thil ei tum chuan ka bai phei chhat chhat a,ka ril a ṭam tawh bawk aniang engkim ka eichak vek tawh.
" awle.... engkim lo peihfel vek rawh "
Chutia hmanhmawn taka ka kal lai chuan Dylan ka va hmu thut mai!!Eng nge airport ah hian a tih le? kawr dum vek a hak ngai miah loh chu ha in lukhum a khum tlat bawka misual te pawh a ang zawk.
" Dylan... " ka auh zawih em avang chuan a hre pha lo aniang,room pakhat ah hian a lut daih a,kan intih thiamloh lai alo ni bawk nen ka hmuh ve chhunah hi chuan biak ngei ka tum bur.
.
Thil ei pawh ka ngaihsak tawh lo, Dylan luhna pindan ah chuan ka lut ve nghala, step a chhuk angaih avangin ka peih lo takzet.
" khawiah nge maw a kal daih le?" ringhlel ru ṭeuh chung chuan ka chhuk thla zela,a tawp ah phei chuan ka kalna hi a dikloh te pawh ka ring rum rum tawh.
A tawp a tawp ah garage ka thleng thla hlawl mai, Dylan chu sawi loh midang veivak hmuh tur pawh an awmlo hrim hrim.Ka han hawikual vela a reh duk mai bawk si, keimah leh keimah pawh ka inringhlel rum rum tawh.
.
"min that suh.... khawngaihin " hmeichhe pakhat au thawm ka hriat chuan ka beng ka chhi nghal hra a,ka bengchhe ri mai mai anih ka rin avangin a aia chiang zawk chuan ka han ngaithla leh a. 

ZERO-13 By Remruati Bawitlung (Haylor)



Chapter-13
.
"i ke hi engtin nge i tih nat theih a....? bakah i awmdan hi a dik lo hrim hrim " min en dan atangin min ringhlel tih ka hrenghal,mahse hetiang anga a awm hian min ti luhlul zual sauh zawk.A ṭawng hre lo ang maiin inchung lam panin ka chho chhat chhat a, ka mut a chhuak tawh takzet.
"Valentina.... "
"Eng nge ka chau ania... " min koh reng avang chuan ka lo ti vin nghal hlur a, mood fuh tawh loh nak alaiin min ti thinrim zual.
" hetah hian lo ṭhu teh... "
"eng nge?" nin hmel zet hian ka han thaw chhuak nghal hawk a,peih lo hle mahila ṭhu tura min tih na ah chuan ka ṭhu leh ta nge nge a.
.
"Engthil nge thleng engkim min hrilh vek rawh....i lo hmu em Dylan kha kan chungah a lungawi miah lo ania"
"naktuk ah ka lo sawipui dawn nia "
"anih chuan in in ti thiamlo tih na ani maw? ngatinge maw i at em em mai le, heng mite hi kan kaltir thiang lo ani tih hre reng tur i ni asin.... "
" engthil nge maw i sawi le? " kawngka rawn inhawng ri rawk kan hriat rual chuan kan pahnih chuan kan hawi chho nghal vata, ka pa ka hmuh chuan ka thaw nghal huai thei ,a chhanchu ka pi bula ka awm tawh hi chuan Dylan leh sum bak sawi tur a hre ngai lo.
.
" Ngatinge i ke chu? "
"umm.... ka bilh sual palh alawm mawle"
"anih chuan han hahchawl la...." ka pa chuan a rukin min rawn siai zeuh a,ka lo nuih nghal suk bawk,hetiang anga a rawn tih kher nachhan chu ka pi in min hau leh tawh ani tih a hriat vang ani.
"awle....mangṭha ule " thawh ṭuih ṭuih pahin ka pi chu ka zuk melh leh kher a,a lungawi loh hmel ngang mai.
"vur ka rawn laksak dawn che mi niang.... ala na viau em?" ka pa chuan min rawn kai nghal vata.
"Nichin khan nachhawkna in min chiu a, ka mu anga ka zia mai ang "
.
"Dylan hnar a rawn thi sung a nang lah i ke i rawn ti na ringawt bawk,i rim i nam rawm rawm lehnghal....engthil nge thleng ang tih pawh ngaihdan ka nei love" ka pi in a rawn tih takah chuan ka pa chu a ding nghal chawt a, ngaihṭhat loh hmel zet hian min rawn en nghal kawk bawk.
"Engthil nge thleng? "
"pa...i ngaih ang khan engthil mah a thleng lo "
"anih chuan tuin nge Dylan hnar chu ti thi? " police tih takah a dil chhut in thil a hre thei bawk si a, a buaithlak teh e.
"Arden.... "ka zep nachhan tur ka hre lo, bakah police hnena report hi chu a phu ve tawh hrim hrim.
" tunge chu pa chu..? "
" ka hre bik lo... "
.
"awle....ka hrethiam e, hetah hian ṭhu ila in be phawt ang aw.... " Ka pa chuan zaidam deuh hian a rawn ti sap a, step ah kan pahnih chuan kan han ṭhu dun leh rih a.
"awle,thawk han la la .... thil thleng hi min han hrilh vek teh le...?"
"umm....Arden ania,ka ke a nat avangin damdawi inah min hruai alawm "
"chuan chupa ughh Arden chu i hre ngai miah lo amaw? "zaidam tak hian a han ti leh a.
" aw....ughh,ka ke pawh hi nachhawkna a min chiu vang khan alawm a zia tawh em em nachhan"
"Engmaw? " ka pa chu a ding nghal zawt a,mak tih hmel takin ka lo en ha thung.
.
"damdawi in tu tih hriat loh in a chiu che a hlauh nachang pawh i hre nange?"
"mahse engtin mah ka awm loh hi.... "ka mut a chhuak tawh em avang chuan ka han ham bai bai a, chu chuan ka pa ngaih a ti ṭha lo zual.
"damdawiin ah kal nghal ang "
"pa.... engthil nge maw i hriat le? "
"túr te hi alo ni ange "ka pi chuan alo ti ve bawka,engthil nge thleng ta hi túr tih te an sawi rik tak mai.Keilah pek chu ka mut a chhuah tak em avang chuan a hlauthawng ber ber ah ka ṭang leh ta nghala, ka chhungte ka ti chiai zo vek tawh.
"damdawiin ah chuan kal vat ang u.... "
"bawihte.... muhil miah suh ang che " ka chal a fawh zeuh pahin ka pa chu car la chhuak turin a kal nghal vat bawk.
.
_________________________________________
.
*Police Station *
.
School banah veleh ka pa in Police station a kal turin min tih avang chuan hreh tak chungin ka kal leh ta nge nge a,vanneihthlak lutuk in Jade ka sawm chhuak thei hram .
"rawn luh chu i tum lo tak tak ami? "
"car ah ka lo nghak ang che police station a kal reng hi ka kham tawh takzet bakah hepa tehhrep avang hian vawi hnih lai police station ah i kal tawh tih i hria em? "
"Ka duh vang pawh ani hleinem "
"fimkhur ve ta che.... nizan ah pawh túr in a chiu ṭep che kha "
" mahse túr ani hleinem.... doctor pawhin eng tur mahin min chiu lo tih a finfiah vek tawh "
.
"anih chuan ṭawngṭai mawlh mawlh ta si che "
" nang tal chuan min hau reng lo teh... ka pi pawh ka kham tawh mah nak alaiin chutah Dylan an min be duh bawk si lo, ka haw hun chu ka pi ka hmu peih lo takzet"
"Lalpa leh!!.... i nun ang hi nei ila chu ka in awk hlum daih tawh ang "
" Jade duhtawk teh... " tih pahin car aṭang chuan ka chhuk thla nghal chhat a,ka ke lah chu ka la rap ṭha ngam der mai bawk si lo ka ning tawh takzet.
"min lo kalsan miah suh ang che... " tukverh a dah pah chuan ka zuk ti leh hram a, melh pawh min rawn melh ṭha duh tawh lo, shade vuah pahin glass a up nghal daih anih chu!! ner nawng pahin Police station lam panin ka bai phei nghal chhat chhat bawk.
.
" Hi!  Hailey..... " Hailey nen kan intawk hlawl mai, ani pawh zawhna an zawt ani ngei ang.
"nizan kha pawi ka ti lutuk.... "
" nilo.... pawi ti suh, khang mi ho zawng zawng kha an man theih phah anga a ṭha zawk alawm.... "
"Tina....kan pahnih tih chauh lo chuan khang ho hmel kha an sawi thei tawh reng reng hleinem bakah tumah an inhre hrang tawh bawk si lova"
" maw!!  engtin nge chu chu a thlen theih? "
"ka hre bik lo... an rui hle anih loh vek pawhin an sawi duh lo pawh ani mahna... bakah sulhnu pakhatmah an hnutchhiah reng reng hleinem.... " a sawi awmzia ka hrethiam lo tulh tulh mai.
"mahse khang zu zozai te kha.... "
"keima party anih avangin engkim kha keima chungah a tla vek alawm " anih chuan an thil rawn ken luh ho zawng zawng te pawh kha Hailey tih vekah an ngai amaw?
.
" Tina min rawn zui rawh.... " kan inbiak laklawh lai chuan pu Corey chuan a rawn ti zeuh a,
" nakinah ka rawn bia ang che " a kut vawn zeuh pahin pu Corey chu ka zui phei nghal vat bawk.
"Tina.... hepa hi ani em Arden chu? " chair a ka ṭhut rual rual in ka pa chuan paper a lem ziak chu min rawn en tira,ka lu ka lo thing nghal vat bawk.
" han enchiang leh teh.... "
"hepa hi chu a hmelchhe lutuk amah ani lo" zawhna chi hrang hrang min zawt zela,ka hriat ang ang chu zep ṭhen miah loin ka hrilh vek a mahse mak ka tih deuh chu an rinhlelh ho thlalak min entir pawhin Arden hmel ang reng reng a awm lo,khati khawp khan misual tiin thang nasa hle mahse rinhlelh zingah a tel ve miah lo hi mak ka ti takzet.
.
"anih chuan damdawiin a cctv in a record ho hi han en leh chhin teh .... " tih pahin laptop chu ka en theih turin a rawn her rem a,
" hepa hi anih hi.... " ka kawh rual rual in video chu an han pause nghal vata mahse a hnunglam bak a lang lo,a hmel hmuh beisei in video chu kan han en leh zela, ka hmel lang ṭhin mahse Arden hmel erawh a tawp thlengin a lang ve miah lo mawle, cctv hnungchhawng zawng hlirin zu han awm char char a.
"Tina.... damdawiin thil tuma phalna tello in a khawih tih chu i chiang amaw? "
" aw.... amah ngeiin min jection alawm... hetah hian" tih pahin ka ban chu ka han kawk va va a,finfiahna mumal a awm loh avangin ka thusawite chu ring ang pawhin an awm lo,mahse ka pa hian min rin tawk avangin finfiahna min la zawnpui mai mai niin ka hria .
.
"chutiangin duh duh a damdawiin thil khawih mai mai phal ani hleinem,.... han en nawn leh chhin ang u hmiang " pu Corey chuan alo ti ve bawka.Kan han ennawn leh ngial pawhin finfiahna kan hmu chuang lo, min chiu lai te pawh khan aman min lo hliah vek chu niin, cctv a a lan dan chuan inbe mai mai te pawh kan ang zawk.
"Tina...nizan khan i rui lo tak tak amaw? " min ring lo hmel ka hmuh hian chhan chakna pawh ka nei lo, diktak chuan party na ah khan zu a tam mai bakah beer ka lo in in nam ve sek bawk nen ka pa tan chuan rinhlelhawm deuh tur ka ni tih chu ka hria mahse thudik ka sawi avangin min an loh hian ka rilru a na takzet.
.

" awle... a tawk e, Tina min lo zui rawh " ka pa chu lungawi loh hmel zet hian pawn lamah a chhuak nghal daih a, muang changin ka zui chhuak nghal chhat chhat bawk. Pawnah mi tam vak lohna laiah chuan min hnung chhawn zawng hian a lo ding ran a,ka pa mah nise ka be hreh takzet.
"Tina..... nizan ah khan khapa nen khan engtin nge in awm? "
" Maw? "
"zu rim i nam tih ka hai hauh lo ania.... a lan dan chuan nizan party na a i tawn thar i zui kual mai mai te pawh a ang zawk alawm "
" pa..... dawt ka sawi i ring em ni? "
"a lan dan chuan ani miau sia lawm.....min ti zak hle mai"
"chutiang chuan engtin nge i ngaih theih zawk a? "
"tun aṭang chuan i mipa kawm te bulah fimkhur tawh ang che....engpawh a thleng thei ania" tih pahin car kawngka chu min hawn saka, ka thinrim lutuk chu ṭawng ngaihna pawh ka hre lo.
.
Kan in kan thlen pawh chuan chhuk nachang pawh hrelo in ka lo la inngaihtuah ngut ngut a, diktak chuan ka pa chungah khan ka lungawi lo takzet.
" i chhuk dawn lo em ni? "
"Jade..... ka pa khan mipa duh duh kawp ṭhin angah min ngai alawm.....bakah nizan khan ka rui lo hrim hrim, khapa Zero vang vek kha..... engtin nge cctv ah te khan a lang ve miah loh theih zawk? "
" cctv awmna a hre kar anga.... a hmel lang lo tur chiah chiahin a awm zel ani mai alawm.... "
"chupawh chu lo ni ta se.... engkimah khan keima thiamloh vek angin lawm a lan.....damdawiin ah te khan ka ruih em avangain ka kal ṭha thei lo min kuah lut te pawh a ang zawk alawm.... mahse ka ke a nat vang zawng ani reng sia "
.
" urgghhh..... ka lu i ti na zo vek tawh, tikhan nangmahin i room ah han inbe rawh "
" nangpawhin min ring lo tihna em ni? "
" Tina.... fing teh, zu tam em em na party ah i kal a, rin lawk ang ngeiin zu rim i nam bawk chutah mipa i hmelhriat ngai pawh nilo nen damdawiin ah in kala chuan damdawi a chiau ah che i puh zui bawka heng thil zozai hi tuin nge awih se i tih a.... "
"mahse.... "
" mahse ti suh.... a lan dan chuan nangpawh hian damdawi i rui tel ve anga inthup nan midang i puh daih te pawh a ang zawk alawm chuan i ruih tawh em avangin i ke i ti na a chuan kha pa khan a fel em avangin damdawiin ah a hruai bawk che a "
.
" Jade duhtawk teh.... " tih leh car aṭanga chhuah ka rual nghal, inah tumah an awm loh avang chuan nghet takin kawngka ka kalh sawk sawk a, ka room lam ka pan nghal chat bawk.
"Ngatinge tumah hian min rin loh le?" ka mittui a rawn tling nghal pam mai,mahse ṭah erawh ka tum hauh lo thung.
Intih thawven nan tiin ka phone a hla chu ring zet hian ka han play te te a, ka ke a nat em avangin ka room thlen chhoh nan pawn hun ka duh rei takzet.Zai rat rat pahin ka room kawngka kan hawng chiah mai chu!!ka phone ka thlauh rualin ka ṭe zui nghal ṭhawt bawk. 

ZERO-12 BY Remruati Bawitlung (Haylor)



Chapter-12

★Hospital★

Hospital kan thlen meuh chuan ka ke na pawh ka hre chang tawh lo, Arden a ban chu ka en deuh chhen a, chu chiah ka rilru ah a awm tawh.
"lo kal rawh.... " tih pahin bike atang chuan min kai thla chhat a, a kut pawh ka vuan ṭha ngam tawh lo.
Ngawi rengin Emergency room lam panin min kuah phei chhat chhat a,ka inthlahrun em avangin a khat tawkin ka han melh leh zeuh ṭhin ,tih vak ngaihna pawh ka hrelo.
"i.. i kut hi a hit vek tawh ania.... "ka   ṭawng hria ang pawhin a awmlo,ka ngaihbel nge pawh ka hrelo a chau sawt riau te hian ka hria.
.
Emergency room tih takah mi zawng zawng chu an buai vek emaw tih turin an phe sup sup hlawm a, accident tawk an lo awm ve reng bawk nen a khat tawkin thisen kai hneng hnuang, thi lek lek tawh te hi an rawn nawr lut reng bawk ,a ṭhen lah an ṭe ruai ruai mai bawk si,thisen thang rim te leh damdawi rim nam rum rum te chuan mi rap in min ti chau zual vek in ka hria.
"haw mai ang.... " ka tawt vek tawh avang chuan ka ti ta ringawt a, hetiang hmunah hian ka awm reng anih chuan nikhaw hrelo in ka tlu thei hial ang.
" hetah hian lo thu rawh.... nurse ka va ko ange"min ṭhut tir te te a kal nghal daih chu a tum ta mai!!,rang lutuk in a vest hmawrah chuan ka lo pawt nghal vata.
.
"hetah hian lo nghak zawk ang " ka tih chuan a han hawikual phawt a,damlo leh hliam tur mek thisen kai hnuang te,a ṭhen phei chu an na nuar lova ṭe rawng rawng te a hmuh chuan thawk chhuah hak pahin ka ṭhutna ka piah a bang ngheng chung chuan a ding ta ringawt a.Engmah sawi lo mahse ka hmel hriat awmchhun anih avangin ka hmuh phaka a awm ve hrim hrim avang hian ka thla zu han muang tlat peka,mahse ka indem hran lo a chhanchu hetiang hmunah hi chuan hmelhriat ṭha leh ṭha lo thliar hran theih pawh ani tawh lo.
.
Chutia minute 10 vel lai kan nghah hnu pawh chuan tumah rengin min rawn ngaihsak hman lo , nurse leh doctor te lah chu keia ke ulh mai mai en tir tura  koh pen ngam pawh an ni si lo,an sual vang nilo in an buai em avang zawkin.
" i ke chu ala na em? " a sana bun lai thlek zeuh pahin ka bulah chuan a rawn ding hnai a, ka lo bu nghat bawk.
"pangngai takin awm ang che " tih pahin min rawn din hliah sauh sauh a,damdawi tui pahnih chu pawlh nghalin syringe chuan a hip chhuak ta mawlh mawlh mai!!
" Engthil nge maw i tih le? "mak tih hmel takin a che vel chu ka lo en kar a,a zei danah a vawikhat tihna chu ani lo tawp ang.
.
"au miah suh ang che " lapaw huhin ka ban chu a rawn hru thuak thuak a,ka in rin hma in syringe chu a rawn vit tlum ta pawp mai!! au tumin ka ang hman zuau a mahse ka kâ a rawn hup hman.
" kha kha ni mai lawm " min rawn nuih suk pahin ala ti sam et zui.
" tunah.... tunah khan "
"kal ang le.... " ka ban chu lapua in min dawm tir sawk sawk a,min rawn kuah tho nghal nawlh bawk.
" min khawih suh.... " ka lo ti vin nghal hlur a, diktak chuan min jection na kha túr ani nge nilo pawh ka hre ringawt hleinem, ka lo ring ve ringawt kha ka inchhir takzet.
.
" anih chuan pawnah ka lo nghak ang che " tih pahin a chhuak nghal nal nal anih chu!!  khatiang mipa nungchang mawi pawh hrelo kha engtin nge ka tawn theih zawk ni mahse a chevel ka hmuh khan doctor ang mai ani, min vih pawh khan a thip zek bak ka hre hman lo.
Lungawi lo tak chungin muang changin pawn lam ka pan phei chhat chhat a,Arden ruala haw ka duh tawh loh avangin Dylan ka call ta ringawt a,a rawn thlen phei vat pawh ka ring ,ka pa erawh a ngai te bawkin a in ring ral leh ṭhak ṭhak tawh.
.
Pawn ka chhuah phei meuh chuan ka ke na pawh a rawn reh ṭan in ka hria,
" i va rei em em ve.... " ka hawi chhuak nghal zawk a, Arden an min lo la nghak reng ani tih ka hmuh chuan nin hmel zet hian ka thaw chhuak nghal hak bawk.A ṭawng hrelo ang mai chuan a piah deuh lawkah chuan ka ding lui ve ngat a, Dylan lo thleng vat vat tawh se ka ti takzet.
"tun ang zan rei tawh ah... taxi a haw i hlau lo em ni?" rum zet hian ka hawi phei nghal hraw a,en pawh min rawn en eih lo lehnghal.Ka chhan duh miah loh avang chuan min rawn pan hnai ta ringawt a, ka theih ang angin ka lo tawlh sawn ve chhat chhat bawk.
.
"Engthil nge maw i hriat le? "
" min kalsan rawh... " min chiu vang te pawh kha ani mahna ka lu a rawn hai chem chem mai.Ka awmdan chu hrethiam ni awm tak hian min rawn dawm nghal chawt a ,"damdawi khan a chhawk ṭan che anih kha "a rawn ti zui sap bawk.
Kan hma lawka car rawn ding ka hmuh chuan ka lo khi nghal suk a, a chhanchu Dylan ani tih ka hriat vang ani.
"Zero.... oh!!  Arden.... "
"kal ang le "
"min kalsan rawh ka tih kha " min rawn khawih a tum pawhin ka lo in dang nghal ah zel,bakah hepa hi ka ngaina thlawt lo.
.
" tunge maw i nih le? " Dylan chuan Arden dara khawih pah chuan a rawn ti dek dek a, a kiu in alo nghawk nghal sawk ringawt.
"Dylan.... " ṭe thawt pahin ka bai phei nghal auh auh a, a hnar alo nghawk thi sung chu niin!!
"a na em?  engtin nge i awm?"
" kal ang.... " tih pahin car ah min kuah lut nghal bawrh bawrh a,ka ke na pawh a ngaihsak tawh lo hrim hrim.
"Dylan.... pawi ka ti lutuk " tissue in a hnar chu hrukfai sak ka han tuma mahse tukverh lam a hawi hmak anih chu!!
" ka hrelo.... "
"lehpek ah chuan i hmelhriat loh chu be tawh suh ang che " tih pahin headphone a vuah hmaka, min  maimichhing san daih bawk.
.
Ngawi rengin inthiam lo tak chungin ka ke intuam bur chu ka zuk melh vung vung a, ni e... Dylan tan chuan lungawi loh pawh a awm tho mai mahse ka ṭhat leh ṭhat loh takngial pawh min zawt lo ania,ti lang lo mah ila a ruk te te chuan ka lungawi lo takzet.
In kan thlen chuan pawnah ka pi in min lo nghak ran a, Dylan an alo va hrilh lehpek tawh aniang.
Car aṭanga ka chhuk rual rual chuan ka pi chu hlauhthawn hmel takin a rawn tlan phei nghal hlawk hlawk a,
"i ṭha em? tinge i ke hi? "
" ka ṭha ka ngaihtuah awm loh... "
Dylan chu ka zuk melh zeuh a rawn chhuah tum ang pawhin a lang lo
" ehe... Dylan tinge i hnar chu ?"tih pahin Dylan awmna lampang ah chuan a phei nghal vata, ka pi lah hi a mit a var leh lutuk a alo zuk hmu leh vek tawh aniang,
" kal rawh... " ka pi in a biak hma hma chuan car chu a kal tir hmak anih chu!!
.

.
Dylan awmdan chu mak tih hmel takin ka en liam vawng vawng ringawt.Lungawi lo hle mahse khatiang em em kha chu ka beisei ngai lo.
" ngatinge Dylan kha.... a hnar kha ava thi nasa ve.... "
"ka pi zawhna min zawt lo teh... ka chau ania.... " tih pahin inchhung ah ka luh san nghal daih a, ka pi lah chu a dil chhut zual sauh emaw tih mai tur hian min rawn la um zui du du lehnghal.
" Valentina... khawiah nge i pheikhawk....? " thil hrechhuak zawk niawm tak hian ka ke chu ka zuk en nghal vata,Lalpa leh!! ka pheikhawk Arden an a kawl daih alawm. 

ZERO-11 By Remruati Bawitlung (Haylor)



Chapter-11
.
Che miah lo a ka en tak reng avang chuan khik suk pahin ka kâ a hupna kut chu a la thla vata,a inla hrang nghal vat bawk, kei lah pek chuan a biangsum ringawt ka lo en leh vung vung tawh,nilo mi â ang maiin ka awm tur ani lo,ka hrawk thian kharh kharh pah chuan ka insiam ṭha nghal sawk sawk a
,"Hetah eng nge i rawn tih dawn? " ka lo ti vin nghal hluk a mahse engah teh vakmah a ngaih hmel lem lo,ka zawhna pawh a chhan loh avang chuan melh ram ram pahin "nungchang mawi pawh hrelo " tih zui sap pahin chhuah nghal mai ka han tum a,mahse ka hma zawn chiah a bang chu a rawn chum ri ta dawt mai!! hlauhthawn hmel takin ka melh chho nghal kawk bawk.
.
"hetah hian awm la a  ṭhat zawk ka ring "
"engmaw!!  ka tih tur min hrilh ang maw? "
"anih chuan " min rawn nuih vur vur pahin a ban chu a la thla nghal vata,thawk hak pahin ka chhuahsan nghal hlawk hlawk bawk.
"engvanga rawn kal ve ringawt nge maw a nih le ?"ka phun phei bul bul a,a hmel ka hmuh tawh hi chuan buaina ka tawk zui zat zel.
" Buaina lah hi..... " ka sawi zo hman lo common room a thil thleng ka hmuh rual rual chuan ka ding nghal chawt a,mak ka tih em avangin khabe tla lo chauhin ka ang nghal phuau bawk.Mi zawng zawng chu an rui vek tawh emaw tih turin an lo lam suau suau a, a ṭhen in birthday cake an lo bar thul,an ṭhen lah eng games emaw khel in an au dur dur a, an ṭhen in weed an lo zu khu luih luih bawk, kil khatah lo in fawp ngawng ngawng lah an bang chuang lo ,chu aia mak ka tih zawk chu heng mite zozai hi khawi  aṭanga rawn kal nge an nih?
.
Kil khata Hailey lo  ṭhu tum bar ka hmuh chuan ka va pan hnai nghal vata,thil thleng avang hian ka lungawi lo takzet bawk .
" Hailey.... engthil nge thleng ta hi? i sawi dan kha chuan ...." ka sawi zawh hma hma chuan min rawn kuah nghal thlawpa, a ṭap zui nghal hawm hawm bawk.
" Hailey.... ngatinge i  ṭah tak mai a?"
" Tina.... heng mite hian ka birthday party min tih chhiat sak vek alawm.... ka lo inbuatsaih ve na zawng zawng te kha engmah lo maiah an chan tir ta anih hi "
" mahse heng mite hi? "
"ka hmelhriat ngai pawh an ni lo....tukverh atangin an rawn lut ru a, an duh duh danin an rawn che kual vel anih hi.... saw ka birthday cake pawh a chhe vek tawh..."
.
" pawi ti suh.... police hnenah kan report nghal vat ange "
" nilo..... police hnenah kan report anih vaih chuan inchhung bungrua zawng zawng hi tihchhiat vekah min vau alawm "
" maw!! an vau che maw? "
" aw.... Tina, Engtin nge kan tih tak ang....? "
"lungngai suh.... " tih leh thawh ka rual nghal,Zero pawh chu washroom atangin a rawn chhuak ve chiah bawka ka thin a lo tirim sa tawh bawk nen a hmel ka hmuh rual rual chuan ka lo inhum ruh nasa hle.
Min rawn nuih vur vur pah chuan, "chhuak lo turin ka tih che kha " a rawn ti zui lehkher anih chu!!
.
Chutah zet zawng ka insum hman tawh lo, a hmai ah tak ka beng nghal ta, ṭhuai  mai!!.Inchhunga awm ho zawng zawng chu an rawn hawi nghal ṭhap a, music pawh an ti tawp nghal vat bawk.
"Midang tih buai a an party tih chingpen vel hi a nuam viau em ni? Engvangin nge midang in tihbuai reng, kan khawtlang chu sawi loh thil tisual lo lehzel pawh in tibuai ang maw?,nangni ho avang hian zatin ka pa in mutna damdawi a ei thin asin, midang in vau avang hian ka report ngam lo cheu emaw in tih chuan in ring sual der ang " ka ti ta piap piap mai, Hailey in min lo dan tum eng ang mahse ka thin a rim tawh hi chuan ka insum hlei thei thin lo. Ka sawi zawh rual rual chuan kut min thlak tumin an rawn ri ta hlut mai !! mahse vawilehkhatah Zero chuan zo zet hian min pu nawlh a, pawnah min pu chhuahpui nghal nal nal bawk.
.
" min dah thla vat rawh..... hmela min dah thla rawh ka tih chu " a hnungzang chum pawp pawp pah chuan ka tal vak vak a ,min dah thlak chu sawi loh min man nghet zual sauh emaw tih mai turin min kalpui dawr dawr lehnghal .
A bike bul a thlen chuan min dah thla nghal vata, inchhung lam pawh engmah thleng lo ang maiin thawm a ring leh tawh hle.
"i duh chuan i lut leh thei ang " a bike thatchhe zeta thut pah chuan ngeiawm zetin a han inkuangkuah leh kher a ,ka lo ei lo ngang mai .
" Enteh Zero..."
" Arden zawk.... " A hming diktak chu Zero nilo in Arden zawk maw ni a!!  a nalh loh lem loh hi...
"Engmaw? "
" Zero te chu misual alawm.... " a sawi awmzia pawh ka hre nek love,bakah engvanga a hming min hrilh nge maw anih le?
.
" lo ngai reng rawh in thil tih man hi in la hmu khawp ang.... " police hnena report mai ṭha a ka hriat avangin ka bag ah sawk sawk pah chuan ka phone ka la chhuak vat a ,ka ṭawng a hriat phak vek ka hlauh avangin inchhung lam panin ka kal nghal hlawk hlawk bawk. Chutia phone bih ngur ngur paha ka kal hlawk hlawk lai chuan kawng ka lo en hman lo bawk nen hnim dup lai tak chu ka rap fuh palh ta hlauh mai!!  ka lo bun sang ve deuh bawk nen ka ke chu ka rap lek nghal pawp a,ka phone theh lawp pahin leiah ka ṭhingṭhi nghal hnawk bawk.
" sawpa vang vek saw " tih sap pahin ka phone chu ka ban nghal rawk rawk a,hmanhmawh takin ka tho nghal vat bawk mahse ka duh angin ka ke chu ka rap na ngam ta hauh lo mai, ka rin ai daihin ka tlu na.
.
Zero oh!! Arden chu ala awm nge awm lo tiin ka hawilet leh kher a,kal sawn chu sawi loh a ṭhut dan ngai chiah chuan a lo la ṭhu ran a, min rawn nui vur vur lehnghal. Ka chet chhiat em avang chuan ner suk pahin ka inher ṭuih ṭuih a, ka ke lah chu a na em em mai lehnghal.
" kha i ke a tliak ania.... i kal zel chuan a bung mai ang "
" maw!!" a nat em avang chuan a tliak anih te pawh ka ring rum rum tawh.
" kha en ta che.... " ka ke ka zuk en nak chuan a lo vung pum ul tawh anih chu!! chutah zet zawng ka hlauthawng ta kher mai,a na nual emaw tih mai tur ani, Lalpa leh!!  a nat em em dan atang hian a tliak ani thei mai angem?
" rawn chuang rawh.... damdawiin ah ka hruai ang che "
.
"Hailey ka call mai ang... ka lawm e " ngeiawm zetin ka lo chhang let ve kher bawk.
" anih chuan han tum chhin la "
A awmdan hi ka haw takzet, engvanga nghal em em nge maw anih le....keia pawh chu tlawm ka tum bik hauh lo, Hailey chu ka han call ve leh ngat a mahse a pick up thei ta reng reng lo, vawithum lai ka call nawn hnu pawh chuan a la in ring ral cheu, inchhungah lut dawn pawh nila ka ke ka rap na ngam tawh bawk si lo, hreh tak chungin hepa hi ka in hruai tir mai angai dawn niin a lang.Mahse buaina ka nei, engvangin nge ka hmelhriat ngai pawh nilo hi ka rin  ve ringawt ang.
.
" i pheikhawk kha phelh rawh " tih pahin ka banah chuan a rawn dawm nghal chata, mahse ka lo paihthla rang ngei mai.
"oh c'mon.... damdawiin a kal pawh chu i va hlau awm ve...."
"ka ring lo che... "
"chuti chu min rin mai angai dawn anih chu.... "
" Engtin nge min hruai bo daih anga min pawngsual dawn lo ani tih ka hriat theih ang? " ka tih chuan a rawn nui chhuak hak a,thil nuihzatthlak ka sawi awm pawh ka inhre lo e a .
"nanghi ka pawngsual ang che maw?" tih pahin ka ke ler atang chuan a rawn en chho kher a "pawngsual tham pawh i nih loh hi... " a ti zui leh kher bawk. Ni e,  ka tê tih chu ka hre ve tho mahse ka hmel erawh a tha hle tih ka hre ve ran ania chuvang chuan min en hniam thei bik hauh lo ania.
.
Ring lo hle mah ila ka dinhmun in a zir miau loh avangin ka rin mai angai dawn anih hmel.... pawilo, engtin emaw min tih a tum vaih chuan ka pa ka call nghal vat anga ni mai.
"hre reng rawh police ka call nghal vat dawn ania " tih pahin ka phone chu ka han hum nghet sauh a.
"awle... kan kal thei tawh angem?" min rawn pawm a tum a mahse ka lo tawlh hnung nghal vat thung .
" keimah in ka kal thei " tih sap pahin bike lam panin ka bai phei auh auh a, min rawn puih a tum lah in ka lo duh bik hauh lo lehnghal.
.
Ka bai phei chhung pawh a rei em avang chuan thawk chhuah hak pahin a kut pahnih chuan ka zak ah a rawn dawm thut anih chu!!  mak tih hmel takin ka mengphawk nghal kawk bawk.
" Engthil nge maw i tih le?  min thlah vat rawh "
" pawm i duh si lo alawm" tih pahin zo zet hian naute an chawi dan angin bike awmna thleng chuan min chawi phei ta le le mai!! mak ka tih em avangin han chhan mai dan tur pawh ka hrelo.
"chuang rawh " helmet khum pahin bike ah chuan a chuang nghal thak a, bike ka vawikhat chuanna tur anih dawn avangin ka hlau ru hle.
"i vawikhat chuanna ani tih min hrilh miah suh.... "
" teuh lo mai... bike ah te chuan ka chuang ngun emai " tih pahin ka han chuang ve ringawt a ,ka mur nghal chuaih chuaih thei nia mawle.
.

.
Bike engine ri thum dawt dawt te chuan mi rap takzet, zep lo ah chuan ka mawng te hi a za vek tawh in ka hria.A engah mah hma chuan nghet takin ka kuah bet nghal ṭai a, ka hlauh em avangin ka maimichhing tlat bawk.
"i hlau lo tak tak ang maw? "
" kal vat vat rawh "
" awle... " tih pahin chak zet hian a tlan chhuak nghal fua a,ka insum thei tawh lo ka theihpatawpa ringin kan au tak tak mai chu ding turin ka ti nghal chul mai alawm, mahse a hnu ah chuan min ngaihtuah avangin a han tlan muang leh deuh a. Hei vang hi lawm a hma pawhin bike ah ka chuan duh loh nachhan,tla teuh deuh deuh in an ṭhu a ,an tlan chak deuh phei hi chuan hnunga thute hi an la thlauh chek ang ti nia .
.
"tikhan i thu reng dawn em ni?" a rawn tih chuan ka hawi chhuak nghal vata,bike a tih din lai pawh ka lo hre lo reng reng.
"helai te chu damdawiin a nih loh hi.... "
" mahse damdawi an zuar ve thung alawm... "keimaha ka chhuk thlak theih loh avang chuan ka zak ah dawm in min chawi thla leh a,ka rit te pawh a ti ve lo amawn le?.
"lo thu rawh... ka rawn let leh vat ang " tih pahin dawrah chuan min luhsan nghal daih bawk.
Dawr luhna step sir ah chuan nghah pahin ngawi rengin ka lo ṭhu bam a, damdawiin a min hruai loh avang chuan ka lungawi lo hle bawk.
.
Reilote ah Arden pawh chu damdawi nen a rawn chhuak vata,ka hma ah tak rawn ṭhu in ka pheikhawk chu min phelhsak nghal mawlh mawlh bawk.
"damdawiin ah kal zawk ang... "
"hengte chu damdawiin a kalpui tham pawh anih loh hi.... "
" engmaw i sawi kha?  ka ke hi a na takzet a chuan damdawiin a kal vat ka ngai bawk"
"awle....ka hrethiam e" tih pahin a jacket hak lai chu a phelh vata, chu chuan min rawn khuh nghal thak bawk.
" Jacket hi ka mamawh lo.... ka ke na ang hi i la tawrh ve loh avangin i hrethiam ve...... " ka sawi zo hman lo, a ban bandage a in tuam luk ka hmuh chuan ka ngawi chiang teh e chuta chapah bandage ah thi a rawn la hnam chhuak ṭiam ṭiam zui,vest chauh a hak avangin a ban vela ser awm nuaih te pawh chu ka hmuh hmaih hauh lo bawk.
.
"i... i ban kha.... " ka rap em avang chuan ka ṭawng te pawh a bah zo vek tawh.
"ka tuam zo ta...damdawiin ah chuan ka hruai ang che " ka ke na ve te chu sawi pawh ka sawi ngam tawh lo,a ban na lakah chuan keia ke na ve te chu sisen seh ai pawn a na lo zawk ang,bakah kei nilo in amah zawk hi ani damdawiin a kal mamawh zawk chu.
"i ban hi a thi nasa lutuk ania... "
" a reh ve leh mai ang "
" i jacket hi kei aiin i mamawh zawk ang " inthlahrung tak chungin ka pe let nghal vata,ka ngaihbel vang nge pawh ka hrelo ,a kut ka tawh zawng te khan a khua a sik tlat in ka hria. 
Subscribe to: Posts (Atom)

Blog Archive

Popular Posts

Visitors

Copyright © Remruati Haylor's stories