Rainer Black -55 to 61 (Last )by Remruati Bawitlung (Haylor)

CHAPTER-55

"if i could get just one wish i had you by my side"

"Sadie tah hian lo awm rawh keiman ka va tih fel sak ang che "

Nolan chuan zingkar aṭang tawh khan ka awm a nuam lo tih a hriat avangin min puih dan kawng chu a zawng ngar ngar a mahse amah chauh a tih tir vek ka duh loh avangin ka zui tlat tho.

"keimah ngeiin HOD chu ka hmuh angai alawm...min ngaihtuah duh suh "

" a nih leh i tih tlat chuan mahse ka rawn zui ve zel dawn che min dang thei lovang " a tih chuan ka khi nghal sek a, Nolan hian min lo ngaihtuah ber a nih hi.

HOD hmu tur chuan kan kal ta ngei a mahse a buai lai tak alo nih avangin nghak turin min lo hrilh a, a hman ṭep tawh thu min hrilh tel bawk avangin HOD room kawta couch ah chuan Nolan nen nghah pahin kan ṭhu ngawi dun kâr a.

" Sadie i awmdan hi a dik miah lo ania "

Ni e, kei ngei pawh hian ka awmdan a danglam tih chu ka hria, ka lu a hai in ka chau em em reng a ,a rawn thim nghal khup te hian ka hria.

" tui a awm em? " ka ti ta ringawt a, tui ka in chuan ka harh deuh mahna.

" kha le..." tui chu min pe nghal vat a, " chawl hahdam phawt la nakinah kan kal leh mai dawn nia "

" aih... tunah hian ka hmuh ngei ngei angai " ka lo ti ve tlat bawk si, Nolan tih ngaihna hrelo chu a han thaw chhuak leh hak ṭhin a, min ngaihtuah hmel takzet bawk.

Tui ka in zawh chuan tlemin ka harh phah tak tak mahse ka awm erawh a nuam thei chuang lo.

" Ka harh kawk mai, tui ka in chuan ka harh ka ring rengah " Nolan nuih sek pah chuan ka ti vâr a, harh phah mah ila lem ka chang tel deuh tih chu a lo hai lo ngang mai.

"HOD kan hmuh zawh veleh ka thlah haw ang che "

"lungngai suh " tih pahin a darah chuan ka va kuah fiam a, "Kei Sadie Morin hi chutiang mai mai in ka damlo mai mai.... "

Ka sawi zo hman lo, Carla'n Rainer a rawn zui lut hnawk hnawk lai ka hmuh thut avangin ka ngawi nghal chawt a,tum loh deuh in ka ṭhutna aṭang chuan ka ding chhuak nghal zawt bawk.

Hepa hi ni hnih chhung ka hmu tawh lo a hmuh leh hi ka duh tawh lo asin. Rainer chauh hmuh chu sawi loh Carla emaw Amira emaw nen ka hmuh dun ngat phei hi chuan zan ka mut theih loh phah ziah lehnghal.

Kei ang tho in Rainer pawh chuan min hmu thut chu mak a tih hmelin a ding ve nghal chawt a , chutah min rawn hmuh rual chuan ngeiawm zet hian Carla darah chuan a kuah zui kher lehnghal.

Ka taksa chak loh vang nge ni hetianga Rainer awm lai ka hmuh hian ka luak a ti chhuak in ka luhai hi ka tlukpui mai dawn te hian ka hria.

Ka huat tur ang taka Rainer a awm takah chuan min ti luhlul zual sauh , rilru na hmel hmuh ka tum bik hauh lo.

Inhum ruh chungin, amah melh kar chung chuan Nolan chu ka kai ve nghal sak a.

"kal ang "

Nolan han nuih kher pah chuan room aṭang chuan ka kai chhuak nghal dawr dawr a, Rainer hmel awmdan tur chu ka hmu zui tawh lo a ka ngaihsak hek lo, amaherawhchu ka chet dan avang hian Nolan erawh in mak min ti hle .

Room aṭangin kan chhuak chiah tih chuan ka lu hai lutuk chu ka ding nghal chut a, Nolan'n min kuah bet hman lo phei se chuan chhuatah ka tlu nghal tawp ang.

" Sadie.... " a aw chu chiang takin ka hria mahse ka khaw hmuh erawh a vai ruai thung.

"ṭhut hahdam lawk ka duh "

"nilo doctor bulah ka hruai ang che " a tih chuan ka awmdan a dik lo tih ka hriat ve kar avangin ka hnial lem lo.

___________________________________________

★Rainer's POV★

HOD in min koh avangin a office lam chu ka pan nghal a, ka kal lai chu Carla in min lo hmu fuh lehnghal, min rawn zui leh chat tawh.

"Rainer khawiah nge i kal dawn? " phur zet hian min zawt a mahse chhang lovin hmalam ka pan hmiah hmiah.

" Class ka nei lova, ka lo zui ve dawn che "

Ka ban ah a rawn kuah nghal chat, thing thlak tum teh mah ila min kuah nghet sauh avang chuan thawk halh pahin ka mit ka chet kual ralh a ,henu hi chu han tih vak ngaihna pawh ka hre tawh lo.

"I phal tiraw.... yes" a la ti zui.

Carla hian min ngaizawng a ni tih chu hre daih tawh mah ila Shane nau a ni a, tette aṭanga in hre tawh kan ni a rilru dang a chungah ka pu lo, nau ang bakin ka en thei lo. Sadie ka tawn hnu aṭang khan hmeichhe dang ka melh thei tawh lo.

Sadie runluih nan leh a rilru tih nat sak ka duh avanga Carla ka fawh aṭang khan Carla hian ka chungah beiseina a neih phah a ni tih pawh ka hria amaherawhchu duh ni ngat ila chu khami zan a Carla in min thlem pawh khan ka mutpui thei mahse hmeichhe dang hian min hip thei tawh hlawl lo.

Tum loh deuh in waiting room ah Sadie ka hmuh thut avang chuan ka ding chut a, ani pawhin min hmu chu mak a ti in alo ding ve nghal zawt a mahse Nolan dara a kuah lai kha ka lo hmuh hmaih hauh lo.

Nolan nen an awm dun lai ringawt pawhin ka thin a tih rim tawh sa nak alai in a kuah leh ngat phei hi chuan ka kut a za nghal zak thei.

Nolan chu hnek thluk nghal tawp chak hle mah ila buaina siam aiin Sadie runluih chu ka thlang ta zawk a, a hmuh lai reng chuan Carla zuk nuih suk pahin a darah ka kut chu ka zuk nghat lui kher a mahse ka thil tih avang chuan ka inchhir chiang kher mai.

Sadie chuan hrehawm ti hmel pawh a pu eih lo min rawn nuih let sak duh chauh ,chutah Nolan phiangsen-a kutah vuanin room aṭangin a chhuah pui leh ngat phei hi chuan insum te chu khawilam inhum ruh chungin Carla chu ka thlah nghal vata vawikhat pawh inngaihtuah nawn lovin 'kan nih ang ang kan ni ang' tih rilru pu reng chungin ka umzui nghal.

"Hey!!Khawiah nge i kal dawn ? Rainer! " Carla chuan min rawn umzui nghal dawr dawr a mahse a awm ve tih pawh ka hrechang tawh lo.

Room aṭangin ka chhuak chiah tih chuan Nolan'n Sadie a kuah chiah lai chu ka va hmu ta thut mai !!

Ka ding thut a an pahnih awmdan ngeiawm zet chu va dan pawh tum lovin ka melh reng ringawt.

" hawh lut ang " Carla chuan ka banah chuan a rawn kuah nghal chat a,room chhunga min kaih luh lai te chuan ka en zui vawng vawng reng a, ka awm zawn hi a rawn na nghal vang vang bawk.

Hmeichhia ka lo kawp tawh te reng reng in min run luih nan mipa dang an kawp pawhin engtin mah ka awm ngai lo, thik chu sawi loh an hming pawh ka hre zui tawh ngai lo mahse tun ṭum erawh a dan a dang tlat!

Chhungril ah min ti na vawng vawng a,a tello chuan hlim leh tawh ngai tawh lo tur ang maiin ka inhre tlat bawk.

Kan ṭhian ho awmkhawm ṭhinna room ah chuan bang lam melh ngur ngur chung hian ka ṭhu tum bur reng a, cricket ball khalh neuh neuh pahin Sadie leh Nolan te chungchang ka ngaihtuah zui reng bawkva ,ka thinrim hlur tawh.

" Rainer .... Kan kal dawn mi?" Declan'n a rawn tih rual chuan ka ball ken lai chu ka vawm nghal pawp a ,a lo bum hman hlauh.

"Khapa phiangsen kha maw ka ti che lawm " ka inthiam lo chuan ka ti zui sup ringawt.

" Dude puih i ngai em ni? Tunge? "

" Theihnghilh rawh "

" anih chuan hei class a awm tawh lo bawka kal phawt ang " tih pahin ka darah a rawn vuan a ,keimah chauha awm ka duh zawk avangin ṭhut ṭhat pah chuan hmalam chu ka melh nghal ngur ringawt .

Engmah sawi lo mah ila Declan hi chuan min hriatchian tawh em avangin ," Guys kal ang u " tiin midang ho chu a hrilh nghal a ," dah ṭha turin min duh chuan kan inpeih reng ania " tih leh kal a rual nghal .

Nolan dah ṭha turin inpeih reng mahse Sadie nen kan inkarah hian ka ṭhian te hi rawn inrawlh ve lo se ka duh a chhanchu Sadie ka ngaihtuah avangin.

Ka ṭhiante haw hnuah reilote chauh ka la ṭhu emaw ka tih laiin security-in kawngka inkhar fel leh fel loh en turin a rawn kal der.

University an khar tawh dawn miau avangin peih lo hle mah ila haw turin ka ṭhutna aṭang chuan ka tho ṭuih ṭuih a, zanin party-a kal tur pawhin phurna chhete mah ka nei lo.

Tumah an awm tawh lo bawka ka ipte a cigarette chu phawrh chhuakin lift lam pan pah chuan ka zu phei hlat hlat a, ka sana ka zuk thlek meuh chuan ka rin aiin a lo tlai tawh .

____________________________________

☆Sadie's POV☆

Nurse in darkar tam fe min muttir hnu chuan ka chau lutuk pawh kha a zia deuh, Nolan erawh class kal turin ka nawr lui tlat a phur lo takin a kal tak kha mahse amah lo nghak tura min ngen avangin tlai tawh hle mahse ka hawsan duh bik lo .

Sana ka han thlek hnu reilote ah Nolan pawh hmanhmawh tih hriat takin a rawn tlan lut hlawk hlawk a ,ka lo ṭhu peih tawh ani tih a hmuh chuan min rawn nuih nghal sang bawk .

"Eng nge i an tawh ? Ka rawn tlaia pawi ka ti lutuk thil buaipui tur ka nei lawk alawm mawle"

"Ka ṭha tawh mah mah...kal ila " ka lo nuih let ve nghal.

Rainer'n engatan mah min ti lo mahse min ngaihtuah tak tak tu ṭhian ṭha tak ka la nei tho a ni tih hi ka theihnghilh ngai tur a ni lo .

Nolan nen chuan elevator lam panin kan inzui phei chhat chhat a ,ka rilru nat laia hmel hlim sãng min hmuh reng theih avang hian min ti hahdamin Nolan hi ka tan a lo pawimawh zia min hriat chhuah tir lo thei lo.

" oh!! Nurse room ah khan ka file ka theihngilh daih" Elevator kan nghah lai chuan a rawn ti thut a, a haihawt em avang chuan," va la vat rawh ,an khar ṭep tawh ang an khar tawh maithei bawk" tiin ka lo fiam nghal.

" ka rei lo ang,min lo nghak rawh " tih leh tlan a rual nghal .

" Car ah ka lo nghak zawk ang che "

A tlan chak bawka "ok" a tih ri pawh ka hre ruai ruai thei chauh .

Heta lo din reng ai chuan elevator pawh a rawn thleng tawh bawka hahchawlh pahin car a lo nghah mai chu a ṭha zawkin ka hria .

" Haihawt lutuk mai " nuih ver ver pah chuan ka ti sap a mahse ka nui rei lo kher mai ,elevator a rawn in hawn rual chuan tum loh deuh in Rainer ka hmu ta thut mai !! Ka nui tawp chiang teh e .

Phawk fe hian ka melh nghal kawk a ,ani pawhin min lo melh let kur takah chuan tlanchhiat nghal daih te ka duh .

Nilo, hepa hian ka nunah pawimawhna pakhatmah a nei tawh lo ka tlan chhia a nih chuan engtin emaw tak a ngaih dawn avangin ka tlan chhe bik tur a ni lo. Ka engmah a nih tawh loh zia hi ka hmuhtir zawk tur a ni.

Thawk lak hak pahin mahni inring tawk tih hriat tak hian elevator ah Rainer bulah ngei mai chuan ka va ding ve nghal zân a ,inbiak chu sawiloh melh pawh kan in melh eih lo.

Hmelma ding dun tih takah floor khat chauh thlen thlak chhung pawh a rei takzet ,nghakhlel takin kan thlen chin chu ka melh kar reng mai alawm.

Floor hnih chiah hmabak kan nei tawh tih in vawi lehkhatah elevator light chu a rawn phe ta zawk zawk mai!! chutah warning pawh awm lovin elevator chu tla thla pawp ang mai hian min thing nghal nawk a ,a ri thla nghal rawk bawk.

Ka hlau lutuk chu ka ṭe nghal ṭhawt a beng hup chungin bang kil lamah ka ṭhu tawm nghal chawih bawk a, meng pawh ka meng ngam tawh lo,kan thi tawh dawn emaw ka ti hman tawh .

" Sadie ....i na em? Engtin nge i awm?"

Hlauthawng tih hriat takin rang lutuk hian Rainer chuan nghet tak hian min rawn kuah bet nghal vata, ka hlauthawng bawk nen ṭap deuh pur chungin nget takin a banah chuan ka lo kuah leh ve nghal ṭai a .

" Na i nei em?"

A rawn ti leh a ,ka kiangah Rainer a awm tih ka hriat takah chuan ka lo bu nghat a ka thla a muang nghal huai bawk .

"Kan tang em ni?"aw khur deuh dar dar hian ka zawt a, engkim mai chu a thim khup mai bawk si a ka hlau ru takzet .

"Ka hrelo " phone light a tih en rual chuan a tho nghal a ,thil chinchang hriat tumin kawngkhar chu a han beng dawt dawt bawk a hawng tuma a beih ngial pawhin awmzia a awm thei lo.

" Engtin nge kan tih tak ang ?"

Chiai ru deuh chung hian kawngkhar chu ka va beng ve dawt dawt a ,ka theihpa tawpa ring hian "Tuemaw in awm em? Min pui rawh u ,kan tang ania " ka han ti leh lauh lauh a, min rawn puih chu sawi loh a reh hian a reh tlawk tlawk .

Tumah min pui tu tur an rawn kal mai bawk si lo,Rainer chu mi thinchhia tih takah a dawhtheihna chuan a tuar leh ta lo.

"Hawng phiangsen rawh u" Vin deuh hluk a tih hlur pah chuan kawngkhar chu a rawn tlawh ri ta bur mai ,ka phu chiang teh e !

" Open the f**king door you motherfu*ker..."

Duhtawka anchhia a lawh mawlh mawlh lai chuan ka vawt ti lutuk chu ka lo khur beuh beuh ve thung a ,phone flashlight eng teng teng chauh chu eng awmchhun a ni tawh bawk si thaw a ipik takzet.

"Ka phone battery a thi dawn tuemaw phone rawh " a sawi ang tak tak in a phone chu a thi nghal .

" aw ......aw le "

Khur hlak hlak chung chuan ka han in dap nghal rawk rawk a mahse !!

"Ka phone! ....nilo " ava hun lo tak em !ka phone nurse room ah khan ka theihnghilh daih alawm!

"Eng nge?"

"Ka theihnghilh "ka tih zawh rual chuan ngeiawm zet hian a chek zui tlak ringawt .

"Khawi i bag kha kan lo zawng ṭha leh ang " tih pahin ka bag chu rawn lak a tum ta mai ! Rang zat hian a kut chu ka lo paihthlak sak pawp a ,"ka theihnghilh ka tih chu " ka ti vin hlar bawk .

" Sadie i kut a va vawt ve " a ban na lo lam zawk chuan ka kut hit thlar chu a rawn hum nghal, a lum nghal ther ther in ka hria .

Ni e vawt ka ti takzet chu chuan min ti chau zual in ka kut te pawh a ti khawng vek tawh .

"AC vang anih hi vawt i tih " ka bula a rawn ṭhut rual chuan amah hlat thei ang berah chuan ka tawlh phei nghal vat a ,a nui ri nghal hak ringawt .

Rainer hian min ti na tawk tawh chuvang chuan amah hlat thei ang berah awm ka loh chuan engtin nge ka huat reng theih ang zahthlak khawpa hma in ka nem leh duai duai ang tih ka hlau ber.

"Hlau suh ka hran khum dawn lo che "

Thim mahse a aw aṭangin a nui a ni tih ka hre thei "i damlo ang" rawn ti leh in a leather jacket lian ṭha zet chuan min rawn khuh nghal hlup a ,vawt ka ti em avangin ka lo hnial lem lo mahse hnaih ka duh miau loh avangin rang takin a awmna ngaiah bawk chuan a tawlh phei lehnghal .

"Zanin chu kan riah mai angaih hmel"

"Maw!! Nilo ....security guard ala awm ngei ngei ang " ka ṭhutna aṭang chuan ka tho chhuak nghal a beiseina nen kawngkhar chu ka han beng leh dawt dawt bawk a mahse thawm pakhat te mah hriat tur a awm lo .

Hetiang AC vawt lutuk hnuaiah Rainer bulah lehnghal tan ka duh teuh lo, khawvela ka mi huat ber leh hmangaih ber bulah hian zankhua in ka awm thei lo ,ka nem leh mai ang tih ka hlau.

" naktuk zingah an hriat veleh an rawn hawng mai ang, ka that dawn che pawh ni hlei lo " a sawi zawnga ei loh hmel zeta a meng kual vel tur ka ngaihtuah zawng ringawt pawh hian ka hua.

" nang nen hian helai room zim te a boruak hip dun hi ka duh hleinem " ka ti let ve ngat, ani chauh hi ngeiawm thiam a ni bik hleinem." Bakah helai a tan hi nuam i tih viau te chuan ...."

" Che suh " a rawn ti ta thut mai mahse thu ka sawi zawh hma hma a thupe zeta a rawn tih avang chuan ka lo ngaithei bik lo ngang mai .

"Engvangin maw? Ka duh duh ka ti ang " tih leh khawngkhar ben leh chu ka rual a mahse ka lo runluih ta kher kher kha ka inchhir chiang hle.

Vawilehkhatah elevator chu a rawn che leh ta dawt mai ,ka hlau lutuk chu Rainer bula ka tlan phei lai pawh ka hre tawh lo .Che lo tura min lo hrilh nachhan pawh kha hrilh chawp kher ngai lo in ka hre chiang ta khawp mai .

Hlauhawm viau mahse a chet dawt hnu chuan light a rawn eng hlauh! Mahse chet leh ngam pawh a ni tawh lo.

" Light a eng hlauh " Rainer ka nek nasat em avang chuan ka tawlh phei nghal a.

Kan na lo chu vannei inti ru tak chung in Rainer ka va en nak chuan ka delh na lamah a ban na lam chu alo delh chu niin ,a na ti lutuk chu alo in pet ruh fan fan a .

"A...a na em? A na em?" Rang lutuk hian ka va pui nghal , ner sawk pahin bang nghek ar ar chung hian chhuatah chuan a ṭhu thluang duai a, a ruk tak chuan ka inthiamlo hle .

"Tikhan ala na em? Thi te a chhuak em?"

Ka hlauhthawn luatah ka phi leh cheng tawh, a ban awrhna ka siamṭhat sawk sawk lai chuan nghet takin ka ban chu a rawn hum thut a, mak ti tak chungin ka melh chho nghal kawk ringawt .

"A na viau em?" Ka tih ngaihna hre lo chuan amah melh kar pah chuan ka ti sap a
,a ni pawhin chiang taka min en reng pah chuan ka kut chu a awm zawngah chuan a hmehbel a ," helai hi a na zawk " a rawn tih sup takah chuan ka kut chu ka en ngur ngur ringawt .

Ka hlauh ang ngei in ka lungphu chuan min phatsan ta emaw tih mai tur hian a rawn phu rang nghal a, ka awmdan hi a dik lo ṭan tih pawh ka hrechiang hle.

"Min haw tak tak lo a ni tiraw ?" Inringtawk tak hian a rawn ti leh sup a ,a accent ril nguih mai te hian min ti chawmawlh zo vek .

Chutia Rainer zunah mi ã ang maia ka lo uai mek lai chuan kawngkhar rawn beng ri chu ka hre ta thut mai !! Ka suangtuahna aṭangin ka harh chhuak nghal zawk bawk .

" Sadie ....Sadie " ka hming ngeia min rawh koh ri ka hriat takah chuan ka thawm hriat kha thawm satliah mai mai a ni lo tih ka hre nghal.

"Aw ...keimah Sadie,kan tang ania min pui ru " kawngkhar ben vak vak pah chuan ka lo chhang let ve nghala chutah Nolan aw ngei mai chuan chiang zet hian ,"hlauthawng reng reng suh pawnah hian ka awmpui reng che ania " a rawn tih takah chuan ka thla a muang nghal huai thei.

" Nolan ....security ko rawh ,nilo mi tupawh ko rawh " Nolan hming ka lam rik tak vang nge pawh ka hrelo Rainer chu a lo chek zui tlak a, a ngaihdan a nih loh hmel em em lehnghal.

" University an khar vek tawh bakah midang tumah an awm lo "

"Anih ....anih chuan Braydon call mai rawh "

" ih...englo ania ,nurse room kha an lo khar hman a ....Sadie naktuk ah tu emaw a rawn kal em em ang ,hlau miah suh pawna hi ka awm reng ania "

Khawvar hma chu Rainer bulah ka awm angai tho tho dawn a ni tih ka hriat hian ka zawi nghal vek , engkim hi ruahman lawk te pawh a ang zawk .

" ka tih reng kha " a lo ti hmanhmawh ,rum zeta melh hraw pahin a ṭhutna ep chiah a bang kil ngheng chung chuan ka ṭhu hnawk a, a vawt ka ti in ka lu lah chu a na em em mai lehnghal.

"Sadie .....naktuk chu class zawh veleh movie kan en dawn mi niang " Min hnem tumin Nolan chuan a rawn ti ang lauh lauh a,ka ngaihṭhat nan a khat tawkin kan in be reng bawk .

" in va bengchheng tak " maimichhing reng chung hian a rawn ti vin hluk a ,kan in biak reng avang chuan Rainer pawi kan sawi leh ringawt tawh .

" Nolan mu suh ...in be reng ang aw " runluih nan ka han ti leh kher a , hepa bula ngawi renga ṭhut tlawk tlawk te chu ka peih teuh lo.

Darkar hnih dawn kan tan hnu chuan ka ril a ṭam deuh hlek avangin ka bag a chesunut chu ka ei mial mial a mahse mahni chauha tang ka nih loh avangin inla polite fahran hian ," i duh ve em?" Ka va ti sap a, min rawn melh kur ringawt .

"Zankhua in engmah ei tur a awm dawn lo ania" mihring ve tho a ni a a ril ala ṭam vat dawn tih pawh ka hria chuvang chuan tlem tal ka ei tir ngei ngei tur a ni.

"Ei zo rawh....ka ril a ṭam lo " a rawn ti chher chap a mahse a ṭawng zawnga a aw khur der der chu ka lo hai lo nasa .

" Rainer vawt i ti tiraw?"eng ang zawhna nge ni ngai ,a jacket ka haksak daih avangin tshirt nen chauh a awm a, jacket ha chung pawha vawt ka tih chuan engah nge vawt a tih loh bik ang .

Rang takin a bulah chuan ka va tawlh phei nghal sawt sawt a, a kut ka va khawih sak rual chuan a kut chu a la sawn nghal hmak bawk .

"I kut a hit vek tawh ...in sin ṭawm ang " ka ti ta ringawt a mahse a lo tlawmngai ve khanglang .

"Vawt ka ti lo, kalsawn rawh AC in a rawn chhem na lai takah hian rawn awm suh "

Keimah min ngaihtuah avang chauh a sawi mai mai a ni tih ka hriat chuan nuam ka ti bik lo,ngawi rengin a jacket chu ka va zawn nghal mawlh mawlh a ,mak ti hmel tak leh ka chet dan chu hmuhnawm ti hmel deuh hian min lo en reng ringawt.

Ka va zawn luih tlat takah chuan kan pahnih in jacket pakhat chauh chuan min daih lo bawk nen ka inrin loh lai chuan ka kawngah a rawn dawm thut a ,hnehsawh zet mai hian a kap karah chuan min ṭhut tir ta daih mai !!

" Engthil nge maw i tih le ?" Ka lo ti hu a.

Ngawi rengin jacket chuan min rawn khuh nghal mawlh mawlh a,a ban vel pawh khuh tel ve nghalin kan pahnih chuan jacket pakhat chu awlsam deuh hian kan inzawn a ,chu chu remchangah la in ka kawngah nghet takin min rawn kuah a ,ka darah a khabe a rawn nghat leh kher bawk .

"Che tawh suh a vawt ania " ka tal deuh uih uih reng avang chuan a rawn ti ta nge nge a.

Rainer nen taksa insi renga kan awm takah chuan reilote ah a rawn lum nghal ther ther a ,hetiang anga inhnaih taka awm hi duh lo hle mah ila jacket pakhat chauh a awm sia ,nuam ti ru tak chung siin ka tuar deuh tlawk tlawk a ngai dawn a nih hi .

" Sadie ....darkar tam angai tawh lo ania " a khat tawkin Nolan chuan min rawn hnem ve reng a mahse Rainer bula ka awm vang nge ni va chhanlet reng pawh a phur awm tawh loh .

"In ngawi thei tawh em? Ka lu in ti na " Rainer chuan vin deuh hlur hian a rawn ti zek a nih chu!! A thinchhiat luatah min ti inthlahrung vek .

"I beng i lo chhu ngawng ve thei mai lo mi?"

"Ka hriatah hepa tehhrep hi be reng tawh suh ....a kham awm" A lu nat vang nge a thik vang pawh ka hre tawh bik lo.

Tawng a phal tawh miau loh avangin reilote ah chuan ka muhil nghal mai a,ka harh leh chuan Rainer chuan ngun takin min lo en reng chu niin .

" Good morning " mak ti takin ka sana chu ka zuk melh zeuh a zing dar 6 alo ri der tawh ! reilo te chauh ka chhing sek emaw ka tih laiin khua alo var der tawh .

"Ka muttui hle mai " tih pahin Rainer kap kar aṭang chuan ka tho nghal vata , ka delh vang nge ni a dar kham lutuk chu a in hmeh nghal nawk nawk a, a hmel aṭangin a mu ṭha lo tih pawh a hriat reng .

"Ka lawm e " inthlahrung tak chungin a jacket chu ka pe let a , min en kur chung hian lungawi lo hmel pu deuh chung hian a la ve mai bawka.

"I mu ṭha em?" Ka sawi tur hre lo chuan kan ti leh ringawt a .

" Ka hming i lam renga engtin nge ka mut theih ang "

" Enga ?"

A sawi hi a tak tak em ni ? Nilo ....ka ṭawngvai nasa ṭhin tih chu ka hria mahse Rainer hming kher kher hi chu lam tur ka ni lo asin .

"Min vei viau em ni?" tih pahin hnai set sawtah min rawn melh ta kar mai ! Melh ber tur pawh ka hrelo .

"Ai .....teuh lo ,haha ....ka engmah i ni miau hleinem" luih ver ver paha hawi sawn daih ka tum lai tak chuan hawisawn thei lo turin ka biangah chuan a rawn dawm nghal chat .

" dawt min hrilh thei a ni maithei mahse ka laka i rilru put hmang erawhin i in bum thei ngai lovang " a aw pa leh sexy zet chuan a ti thawp sat a, chet ngaihna ka hre tawh lo .

Ka sam ṭham tih tîh deuh chungin muang
changin min rawn hnaih telh telh a ,kan hmui pawh a insi ṭep tawh tih in kawngkhar chu tuemaw hian a rawn beng ta chawrh chawrh mai ,chu veleh rang lutuk in Rainer chu ka nam sawn nghal dawrh a kawngkhar pawh chu a rawn in hawng nghal ruau ruau a .

" Sadie i ṭha em?"

Nolan chuan min rawn ngaihven nghal vata ,Rainer erawh a ṭhian te Carla pawh tiamin an rawn buaipui thung bakah midang pawh an lo awm nual mahse hnathawk min chhanchhuak tura rawn kal vek an nih avangin a zia hlauh .

" Rainer ....ka ngaihtuah lutuk che sin,i ban hi i ti na em?" Zawhna tamtak karah Carla i aw chauh chu ka bengah a ri a,a bak zawng chu ri satliah mai mai ang chauh a ni.

"Haw vat ang ...Braydon pawh ka hrilh lo " Nolan chuan a jacket in min khuh a min kuah pah chuan min kalpui nghal dawr dawr a , kan kal liam dawn ṭep tihin a tawp nan ka va hawi let leh hram, Rainer chuan midang buai hut hut na karah chuan min lo en ve reng a ni tih ka hriat chuan muang changin ka hawi let leh a ,a mit ah khan thik na leh hrehawm tihna ka hmu in ka hria .

CHAPTER-56

"She's not afraid of all the attention,

She's not afraid of running wild,

How come she's so afraid of falling in love.

She's not afraid of scary movies,

She likes the way we kiss in the dark,

But she's so afraid of falling in love."

Car ah kan lut fel chiah tih chuan Rainer leh a ṭhiante ho pawh an rawn lang ve nghal .

" Sadie " Rainer'n min rawn ko tih ka hriat rual chuan Nolan hnenah ," Kal vat ang " tih pahin seatbelt chu ka hreng ṭha nghal sauh a ,Carla a awm ve vang hrim hrim pawh sawn hawi chhuah ka tum lo.

" inbia ang " Rainer chuan kan car awmna lam chu a rawn pan ta mai! sideglass aṭang chuan thinphu zawk zawk chungin ka lo en reng ringawt .

"Nolan...hmanhnawh ang "

Min ngaihchan deuh avang chuan hmanhnawh turin ka nawr a, min hrethiam nghal avangin rang takin car engine chu a ti nung nghal a .

Rainer hian engvanga min be duh thut nge maw a nih le ? Hre chak viau mah ila amah hmachhawn turin ka la in peih lo.

"Hmela kawngka hi hawng nghal rawh " a engamah hma in Carter chu a rawn pawr nghal em em ringawt .

"Rawn ti buai tawh suh..." ṭha deuh hian alo chhang let a .

" Phiangsen che chuan " Carter chuan Nolan chu car aṭang chuan rawn ṭham chhuah a tum ta mai, rang takin a ṭhian dangte chuan a rawn pawt hrang nghal a ,keini pawh kan tlan chhuak zui nghal.

"Hmela tunah i him a ni maithei engtik hunah pawh ka kut tuar turin lo in ring ang che " a rawn ti tuarh tuarh ri hre reng chung chuan hma lam panin Nolan chu a tlan ngar ngar a , a hmel aṭangin nizanah a mu bik lo tih a hriat bawk nen hei ai hian ding rei ila chu Nolan ngei pawh hi a thinrim thuai ang.


Nolan nen in kan thleng chiah chu Braydon chu ka chungah alo thinrim nasa mai, ka awm bo vang chu thuhran nise chanchin engmah ka hrilh loh vang a ni .

" Nizanah khawiah nge i awm ?"

Chhan dan tur ka hriat mai loh avangin Nolan chu ka han melh ringawt .

" Ih.. englo ania ..." Nolan chuan a ti dek dek a ,vin zet in Braydon chuan ," lo ngawi rawh " a ti ta hlur mai !

Keimaha ka insawifel mai angai dawn anih hi.

"Project kal lai a awm a Nolan nen hian kan buaipui a chuan ka phone classroom ah ka theihnghilh bawk nen chanchin engmah ...." Nurse room ah phone ka theihnghilh tih a hriat chuan Nurse room a ka kal chhan engkim hriat leh vek kha a tum anga insawifiah a buaithlak mai mai dawn avangin dawt ka sawi leh ringawt.

" Eng project ..." Nidangah min zawt vak ngai lo asin ,eng project chungchang nge ka sawi tak ang .

"Karleh a University buatsaih exhibition tur atan "

Vanneih thlak lutuk in karleh ah University ah exhibition a awm dawn hlauh!

Ka thiam ang tawkin dawt chu ka hrilh nghal par par a ,ka sawi thiam bawka Nolan pawhin mak min ti takzet.Vawikhat pawh ṭawng bahlah ngat ila chu min ringhlel nghal a ni mai ,kha kha ka hre ve kar.

"Ka nu ,Chelsea leh Kaithlyn te inah ka va zawng che asin ,a lehpek ah chuan min hrilh hmasa lovin hmun dangah i riak tawh tur a ni lo ,i room ah chho rawh " ka thaw nghal huai mai , Inchunga ka chhoh hma in Nolan chu ka melh leh hrek a ka in sawifihlim theih avang chuan a lo bu nghauh a.


Kan ṭhian thum chuan corridor ah kan inzui phei ṭham ṭham a, ka ṭhiante pahnih an titi mawlh mawlh lai chuan kei erawh nizana Rainer nen ka awmdan vel ngaihtuahin khawvel dangah ka lo cheng daih thung .

" Sadie... I ṭha maw? " Kaithlyn in min rawn ti harh zawk mai.

" ni e, i hmel aṭang hian i chau tih a hriat teh mai ania " Chelsea pawhin alo ti ve bawka ,mahse hai rual loh in ka mut ṭhat loh vang leh thil ka ei ṭhat loh vang mai mai chauh a ni tih ka hria.

Ka hmai khawih pah chuan ," nizana thil thleng kha ka rilru aṭang hian ka paih bo thei thlawt lo " ka ti sap a .

" Rainer ...Rainer ...Huizzz a ngaihtuah tak tak che a nih chuan vawiin ah pawh hian biak a rawn tum daih tawh ang che " Chelsea pawhin a ning thlu ngang aniang, vawiin ah hian Rainer mai pawh nilo a ṭhiante takngial pawh ka la hmu lo.

"Rainer hian a ti chhe zo vek tawh che a nih hi ,kha I dark circle pawh artui tiat in a lian tawh "

"Hepa hian engahmah angai tak tak lo che anih hi , Nolan'n pawhin a nghak reng che a hetiang hian â reng tawh suh " Chelsea nge nge ka rilru nat leh nat loh pawh ngaihtuah lek lovin a rilru a awm zawng zawng a sawi leh tak hi .

" Chelsea " Kaithlyn chuan a lo khak nghal " Ni e ....Sadie hei chauh hi ka ngen ang che Nolan hi chance vawikhat tal pe ve rawh a bak chu eng thutlukna pawh siam la i kiangah kan awm reng ania "

Ka ṭhiante pahnihin Rainer theihnghilh tur leh Nolan fel zia leh min ngaihsak zia te min lo hrilh mawlh mawlh lai chuan Nolan ṭhian ṭha ber Zacharchy chu hlauthawng tih hriat tak hian a rawn tlan phei hlawk hlawk a ,kan bul a rawn thlen pawhin a ṭawng mai thei lo a thaw hlawp hlawp a.

" Zac...thawk han la phawt teh " Kaithlyn chuan a dara vawn pahin kut zai zir chung hian alo thawk pui a.

" Sawi vat teh ..." Hriat chak hmel zetin Chelsea lahin a lo tur ve sek bawk .

" Tute emaw in Nolan an sawisa ,nikhaw hrelo in a awm a tunah damdawiin an panpui mek "

" Enga!!" Kan vai mai chuan ka ti rual ṭhawt ringawt .

__________________________________

Nolan a hmuh theih miau loh avangin beidawng tak chungin kan pathum chuan damdawiin atangin kan haw leh ta ringawt a ,tumah inbiak nachang pawh hre lovin bus tlar hnung berah kan chuang ṭhap a .

"Tuten nge sawisa ta ang , a ban leh a nakruh an tih tliah saka chutah a lu ah thi a tling lehnghal " Kaithlyn chuan mittui far fap fap chung hian a ti sap sap a, inhnem tur bik kan awm chuang lo .

" A nu kha ka khawngaih takzet amah enkawl tu ber nikhaw hrelo in a awm ta sia "Chelsea meuh pawh a ṭap pur mai .

" A ...a dam chhuak ang tiraw ?"

Chubak sawi tur ka hrelo , tluang takin an zai tih hre reng mah ila a hliam te a nasa si a , mangṭha tih em pawh ka hrilh hma hian a na tuar lovin min kalsan mai ang tih ka hlau takzet .

A hma daih tawha Nolan assignment ka hawhsak chu submit tu tur amah ber a awm tak si loh avangin submit sak turin college ah ka let leh a,ka ṭhiante pahnih erawh class an nei tawh lo bawka an haw tlang thung.

Assignment ka submit sak hnu chuan hma lam melh vung vung pahin college bus dinna lam pan chuan ka kal chhat chhat a, ka rilru ah erawh Rainer leh a ṭhiante rin hlelhna in ka khat tlat thung.

Carter pawhin a sawisak tur thu in alo vo lawk tawh a ,Rainer nen pawh an inkar a ṭha lo hle tih ka hria, an ni nilo hi Nolan haw tu an awm âwm ka hre lo .

" In bia ang "

Rainer leh a ṭhiante ho huat tawh sa nak alaiin Rainer chuan ka kalna tur dangin ka hma ah kher a rawn ding a chutah ka thinrim ti sosang turin a mit kotlang chu a lo vung lehkher bawk nen eng sawi set set lovin a hmaiah chuan ka beng nghal pawp ringawt.

" ka hua che " vawikhat ben leh ka han tum a mahse a kut na lo lampang chuan min lo dang hman .

" Sadie ...!!?" A mak ti hmel leh a hrilhhai hmel ka hmuh phei hi chuan ka thin a rim zual ,a lemchan thiam lutuk phiangsen avang hian ka ã reng tawh dawn bik lo .

" Hetiang thil hi Nolan chungah i tih ka ring ngai lo asin....nunrawng lutuk ,hremhmun ah kal rawh ,ka hua che vawikhat pawh ka hmuh theihah rawn inlan tawh suh ang che "
Anchhia chu ka lawh ta piap piap mai, ni e ..ka thinrim bawk em a ni .A thil tih ngaihtuah phei chuan hei aia nasa hi a phu.

Min vawnna paih thlak sawk pahin rum fe hian ka han melh leh kher a , ka haw takzet a ni tih a in hria pawh a ni mahna mak min tih hmel zet hian min en renga, bus ah ka luhsan hmak bawk .

-----------------------------------

☆Rainer's PoV☆

"Nolan chu damdawiin ah a awm mek ,ala harh lo a nih hmel"

Declan chuan ka ngenna angin Nolan chanchin chu ava hrechiang veka ,vawiin a Sadie thinrim em em nachhan pawh kha a hriat nghal vek .

"Sadie chu i be ta em?" Ka ngawi reng ringawt .

Declan hian vawikhat chiah inngaihtuah chiang leh turin leh Sadie nena kan inkar chu siamṭha turin min ngen a ,a sawi angin Sadie chu biak ka tum ta ngei a mahse inrem chu sawiloh a thinlung zawng zawngin min hua nimai hian ka hria.

" Ka tih vek emaw a ti " za lo zetin ka khi suk a,Declan erawh in a hriatthiam loh hmel hle .

" Nolan .....ka sawisak emaw a ti "

" Enga?!!! I ti a nilo tih i hrilh em? Keiman ka lo hrilh dawn em ni?"

" I hria em ? mi luhlul lutuk leh mahni thu duh tak a ni tih, awlsam takin a rilru a sawhsawn lovang " mahse hetiang hmeichhia hi ni mahse kei ngei pawh hi a thuhnuai ah ka kun tawh chu a nih hi .

"Henu hi mi eng nge maw tak chu a ni , special na a nei lova ,a tê in a bawp te hi a tawi ropui si chutah a thinchhe zek lehnghal " Declan chuan ka dara rawn vawn pah chuan a ti a ," mahse i mood zawng zawng chunga thu neitu a ni leh lawi bawk si " a tih chhunzawm zat a .

Keichuan a sawi uar mah mah in ka hria mahse a dikna lai chen a awm, nilo a sawi dik chiah zawk Sadie nen kan inkar a ṭhat loh chuan ka thil tih engmah a tui lova , ka kianga a awm loh chuan ka nun hi a ruak vekin ka hre bawk.

" Vawikhat tal i be leh ang tiraw? " hreh hmel tak hian min zawt a ,ka lu ka lo thing vat a .

Engvangin nge kei chauhin kan inkar chu siamṭhat ka tum bik ang , min hua a ka hmel takngial pawh hmuh a duh hleinem.

Henu chungchang kan sawi hi chuan ka thin a rim hlur ṭhin kha ania ,Declan pawh hian hria in a chungchang sawi lan hi a hreh zo tawh .

"Engpawh chu nise party phawt ila, engkim a ṭha leh mai ang " boruak tih ziaawm tumin a han ti ham ham a mahse party tih vel te hi nuam pawh ka ti tawh nek love .

*
Inngaihtuah muk tak chunga classroom lam pana ka kal lai chuan hmeichhe pahnih hian ka kalpel chiah tih chuan min rawn ko thut a , ka ding chut ringawt .

" Rainer ....ding rawh " an pahnih chuan ka hma ah tak an rawn ding a ,engvanga min ti ding nge an nih tih ngaihdan pawh ka neilo.

" Tute nge in nih ?"

" Hah...hahhh...." Pakhat zawk chu zat loh hmel zet hian a rawn nui chhuak hawk hawk a ," i fiamthu em ni ? Hahhh....Sadie ṭhian ṭha ber te pahnih hi min hrelo amaw?" Ka mit ko ka lo ti kang euh duh chauh .

Sadie ṭhiante an han in tih takah chuan ka ngaih anga hmeichhe lepchiah an nih dawn loh hi.

" kei hi Chelsea chuan heihi Kaithlyn ....ahh! Min hriat pawh angai tawh kher love a chhanchu Sadie'n midang a nei tawh tho a "

" Eng nge sawi i tum?" Ka beng a verh nghal var .

"I lo la hre ve nange Sadie leh Nolan te inkawp thu kha ....oh!! Enga tan mah i ti chuang lo i ni lawm ni? "

" ni e ....Nolan a rawn harh veleh Sadie a propose ka ring " pakhat zawk chuan alo ti ve bawka ,kei erawh sawi tur hre lovin ka ngawi reng thung.

"I thil tih hi kan hai bik hleinem, engang pawhin Nolan hi sawisa in ṭhen hran tum mahla an in hmangaihna i ti zual sauh zawk ...hawh Kaith kal vat ang engkim a hriat ve hi a ṭul kher love " tih pahin hmanhmawh takin min tlansan nghal dawr dawr a .

Mak tak maiin kha mite thil sawi avang khan rilru pangngai ka pu thei tawh der lo , hemi te pahnih phiangsen inkawp avang hian engtinmah awm lo tur ka nih laiin Nolan lakah Sadie chan chu ka phal tlat lo. Hlim tur ka nih laiin ka lungngai a, ka nunah Sadie alo pawimawh zia ka hrechhuak nghal uarh uarh bawk .


" Hey man"

Shane'n ka bula rawn ṭhut paha a rawn tih chuan ka lo phu zawk a Sadie bawk ka lo ngaihtuah leh tawh .

"Hey ..."

" Nolan a harh tawh "

" maw !" Ka lo ti hu ringawt, Nolan lo harh tawh chu ka lawm rualin Sadie a propose dawn avangin ka lo ṭhu mai mai dawn bik lo .

" A sawisa tute erawh kan la hre thei lo "

" Tu phiangsen nge maw ni dawn ni?" inhum ruh chungin ka tho thut a ," hriatchhuah lo tum leh ang che u " tih leh chhuah ka rual ngal.

Nolan'n Sadie a propose dawn ! tih tehhrep ringawt chu ka bengah a ri nawn tluk tluk a tih theih engmah nei si lovin ka thinrim hlur reng ringawt .

Chemistry Lab-3 aṭanga Sadie rawn chhuak tur chu room chhung lamah chuan ka nawr lut nghal pawp a che thei lo turin a kut pahnih chu ka man beh sak tlat bawk .

" min thlah rawh " a rawn tih vin nghal hlar takah chuan harh chhuak zawkin rang takin a kut chu ka thlah nghal.

Sadie lakah hian ka tum vang reng pawh nilo in mawi lo takin ka lo che ṭhin a ka duh vang reh pawh nilo in ka nem leh viau ṭhin bawk.

Ka thlah takah chuan ngawi rengin chhuah nghal daih a tum a mahse ka thil zawh tum ka la zawh miau loh avangin chhuah daih chu ka lo phal lo nasa .

"Nolan nen in in karah eng nge awm ?" Ka ti nghal thawr . Han pehhel kual vel hi ka thiam ve lo .

"Kan inkara awm i hre duh a maw ?" Za lo zet hian min rawn nuih sak a .
" Carla nena in inkara awm lo ang kha a ni mai "

Enga?!!! Engvanga Carla chu rawn hmer tel kher nge a nih? Chhanna awmze nei tak hriatfiah har tak siin min chhan avang chuan ka dâng chu a ni der .

"Carla? " ka khi suk a ," i thik em ni? Ani nena kan inkarah hian i hriat loh thil tamtak a awm asin "

Thik tir ka duh avangin ngeiawm zet hian ka ti a ka rin ang ngeiin a hmelah thikna a rawn lang nghal chu chuan min ti phur nghal em em bawk.

"Engatan mah ka ti lo " han ti ve teh mahse a thikzia a hmelah a lang tho .

"Oh!! Anih chuan khapa kha i duh em ni nge i lo hmangaih reng tawh zawk? "

Tih el zet hian ka han ti leh a ,Nolan nen an inkarah engmah a awm loh thu a sawi ka duh vanga zawt ka ni .

Zam loh hmel deuhin lang mahila Nolan i duh loh thu leh in inkarah engmah a awm loh thu sawi rawh tiin ka rilru in ka ṭawngṭai char char thung .

" I sawi dik " min chhanna chuan min ṭhawng hle ,ka meng nghal kawk bawk.

" Nolan hi ka duh mai pawh nilo in ka hmangaih a ni " a tih rual rual chuan bang chum dawt pah hian ," ka mit a en reng chungin sawi nawn leh rawh "

A kun tlat avang chuan a thil sawi kha ka pawm lo .Kei nilo mipa dang phiangsen hi a hmangaih thei lo,kei chauh hi a mipa duh ka ni tih ka chiang .

"Ka sawi nawn leh a ṭulna ka hrelo ,Nolan ka hmuh angai " tih pahin rang takin a tlan chhuak nghal dawr dawr a ,umzui nachang pawh ka hre lo .

___________________________________

Sadie's POV 

Nolan reilote ka tlawh hnuah starbuck ah ei tur ka order sawk sawk a hmanhmawh takin bubble tea leh burger keng chung chuan ka kal leh nghal dawr dawr a .

" Sadie" min ko tu an awm avangin ka hawi let haw a tum loh deuhin khawvela ka mi hmuh peihloh ber mai Carla chu ka lam pan hian a rawn kal a.

Pangngai takin awm tum rawh.

" Hi!! Ka lo thlah dawn che mi ?"

Enga? Kan inhre ṭha pawh ani tawp silo engvanga hetianga rawn awm thut nge maw a nih ?

" umm...subway in ka haw mai ang ,a hnai tho "

" c'mon...."

Ka hnial theih ngang loh avangin Carla chuan min thlah ta nge nge a ,a tu amah inbiak pawh tum lovin kan ṭhu ngawi reng ringawt.

Kan kal thui telh telh a ka awm a nuam lo telh telh .Rainer nen an inkarah ka hriat loh thil tamtak a awm tih ka ngaihtuah phei hi chuan a awm mai mai pawh hi ka lo thik em em ringawt.

"Tun aṭang chuan Rainer ṭhian i nih angin ṭhian kan ni nghal a ni mai alawm " za lo zetin ka khi suk a ,ka lo bu nghat ringawt.

"Rainer nen movie kan en dawn a movie ṭha deuh min râwn tur te i nei mial em?" Ka phu deuh zawk !! Rainer leh movie maw!!?

" in in Date dawn em ni ?" Ka in rin hma hma in ka zawt hman ,ka hre chak bawk em a tin ni .

" a rukin ka hrilh ang che ....'aw' " an inkarah thil eng nge maw a awm tih hre tho mah ila an in ngaihzawn em chu ka rin bik loh avangin min ṭhawng takzet.

" Min ngaihsak in min duat em em a kei chauh hi a hmeichhe duh awmchhun ka ni tih min hrilh asin, tet lai aṭanga ka lo duh tawh kha a tawp a tawpah ka nei ve ta a nih hi ,Rainer hi ka ta a ni tawh...Sadie min support tlat rawh aw "

A thusawi tin mai chuan min ti na in ka thinlung hi Sulphuric acid-a leih ang maiin a sa nghal huam huam a ka tawt nghal up up bawk .

In a haw tlang aiin ka nu te ina kal hmasak chu ka thlang ta zawka ,tunah hian ka nu ka mamawh takzet .

Ka nu in kawngka a rawn hawn rual rual chuan ka lo kuah nghal thlawp a , insum ka tum ve tehreng nen ka inrin hma in ka ṭap chhuak nghal hawm hawm ringawt.

" aw....Bawihte " Ka nu chuan duat takin ka samah a chul heuh heuh a, a hma aiin ka kuah nghet sauh .

" ṭap suh Pu Gary a awm ania a hre palh hlauh ange "

Ka putea a awm ve tih ka hriat chuan ka mittui te chu ka hru hul vata. Ka putea hian ka thlavang a hauh nat theih em avangin Rainer chungah buaina a chawk chhuak mai ang tih a hlauhawm.

Ka nu te room-ah ka nu nen chauhin khumah chuan kan ṭhu dun a, thil thleng engkim leh ka rilru ti na tu zawng zawngte chu ka hrilh fai vek a ,hetiang hian ka vawikhat awmna a nih avangin ka nu pawh a hrilhhai hle .

"Bawihte ...engkim a ṭha leh vek mai ang " min kuah pahin ka lu ah a fawp zeuh a " Rainer hi i tana khuanu ruat a nilo pawh a ni mahna "

" i hria em ? A aia ṭha zawk i tawn leh na chance pawh alo ni maithei asin "

" Nu engkim hi ka theihnghilh theih hun tur ka nghakhlel tawh takzet "

Rainer runluih nan Nolan ka hmangaih thu leh ka duh thu kha ka hrilh na in a tawpah keimah bak ka na leh chuang lo. Tunah chuan engkim a tawp tak tak tawh ,hmeichhe dang a kawp tawh a keipawhin Rainer hi kumkhua in ka theihnghilh hmak tawh tur a ni.

Braydon hnenah ka nute in a ka riah tur thu ka hrilh na in naktuk hi Kaithlyn birthday a ni a,Chelsea nena kan surprise na tur engkim inah a awm vek avangin zanriah ei khamah ka putea rual in ka haw ta ringawt a.

Engtin nge Kaithlyn birthday ka theihnghilh daih theih zawk? Hria se chuan min that duh ang.

"Pute heng zozai hi enga tan nge i tih ?" Ka Putea chuan dawr aṭangin thei leh ei tur chi hrang hrang hi a rawn khai chhuak ṭeuh a .

" I ta tur a nih hi " tih pahin truck chu a ti nung a ,kan tlan chhuak lehnghal.

" ka ta tur maw ? Hahhh....heng zozai hi engtin nge ka ei zawh theih anga ?" Nui hau chung hian ka ti a .

"Bawihte zirlai i ni a thil i ei ṭhat angai chaw ṭha i ei ṭeuh ṭeuh loh chuan i taksa in a zo lo mai ang " ka pute meuh in a tih takah chuan tunlai thil ka ei ṭhat loh leh mut ṭhat loh chu ka hmelah a rawn lang chhuak ta aniang .

Ka chêr in ka dang viau emawni le ?

In kan thlen chuan car man to hmel zet hi kan in kawtah chuan alo ding a.

" ka awm loh veleh party alo tum vel a ni maw ,eitur hi ka pe ve miah lo ang " tih nuah nuah pahin ka putea eitur min lei sak zawng zawng khai chung chuan kawngka chu ka han hawng rak a ,ka û ṭhiante ho an lo awm ṭhup dawn emaw ka tih laiin alo reh ṭhuap zawk.

" phal lo mah ula in party-na ah ka rawn tel lui dawn tho tho "

Kitchen ah eitur ka dah fel zawh chuan putea te swimming pool lamah an awm ringin in hnung lamah sprite can nen ka chhuak phei ve nghal a mahse hmeichhe pakhat in ring leh vin zeta ,

"Tunah pawh A ban ruh a ti tliak a, a scholarship cancel ngai ṭep khawpin class kal lovin damdawiin ah a awm phah a heng thil zawng zawng hi nang leh i nau thil tih vek a ni " tih pahin chunu chuan a kutzung chal chuan a kawk ta sawk sawk mai!!

" ngaihtuah ang tak khan awm vel kha angai lovang chuan heihi hre reng rawh ka nau i hmer tel emaw a hming i lam ri leh a nih chuan kei aia sual an awm lovang " Braydon'n tim hauh lova a tih lai te chuan phawk fe hian ka lo en renga chu aia mak ka tih zawk chu a hmeichhe biak lai saw Rainer nu Samantha a nih vang a ni!!

CHAPTER-57 

" I hate how I know I'm not over you , yet I pretend to be" 

Samantha sawn Rainer nen kan inkawp emaw tiin ka û alo bia amaw!! Nilo Rainer nen kan inkawp loh thu chiang takin ka hrilh tur a ni .

" I nau school leh boarding fee zawng zawng ka tum sak vek che a ,a college luhna tur leh scholarship nen zawng zawng ka ngaihtuah sak vek bawk chutichung chuan Rainer hi i la ti buai ngam cheu amaw?" A tih lawng lawng ri ka hriat rual rual chuan ka ding nghal chawt a ka ti ril a khur nghal der der bawk.

"Chutiang zawng zawng chu min tih sak turin ka dil lo che ,min duh em avanga min tih sak zawk i ni lawm ni " Braydon chu a khi suk a " kum tamtak liam ta ah khan reilote kan inkawp ve zuai chauh a,i fapa....."a ti chiah chu min ṭhawn em avangin ka sprite can ken lai chu ka thlauh ta bawl bawl mai!!

An pahnih chuan an rawn hawi phei nghal a Braydon phei chu a thlarau a thlawk chhuak dawn emaw tih tur khawpin mak a ti , tlanchhiat theih a ni tawh lo ka ding khawng reng ringawt.

" Bawihte ..." Ka û in min rawn pan tak ah chuan rang takin inchhung lamah ka tlan lut nghala ka rilru a buai nghal vek bawk .

" Bawihte ....min ngaithla teh ka hrilhfiah vek ang che khawngaih in " ka ding chawt a ,hawi let pah chuan ," Engvangin nge khang thil kha i tih ?" Ka û pawh zah zo tawh lovin ka ti vin nghal tuarh a.

"Mawh? Engvangin nge Samantha kha i kawp? " Engang pawhin min hrilhfiah mahse amah aia kum20 dawna upa a ngaihzawn nachhan hi ka hrethiam ngai lovang .Tunah tak hi chuan Samantha a ngaihzawn ai mahin Rainer nu a ngaihzawn avangin ka haw zawk mah .

" Mawh sawi ta che keimah vang em ni nge Pawisa i duh vang zawk sawi rawh min hrilh vat ta che "

" aw ..." Ka tur sek avang chuan in khawk rawm rawm khawp hian a rawn ti nghal tuarh a ," Boarding ṭha berah leh College ṭha takah luh tir che ka duh a, rual i awh ka hlau bawk nen ani kha kawng awmchhun a ni " a ti chuai raih a,ka û kã aṭang ngeia thudik ka hria chu min ṭhawng takzet .

" kei....keimah vang maw lo ni a ?"
" ka tihpalh ,ka thiamloh vek a ni " ka û in min rawn khawih a tum rual chuan ka lo tawlh hnung nghal hrut a ," keimah chauh a awm ka duh,khawngaih in " tih pahin inchung lam pan tum chuan melh ngai melh reng chungin ka kal phei chhat chhat a .

Tunah chuan Rainer leh ka û te inhuat em em nachhan ka hre ta !! Engkim hi keimah vang veka inṭan a lo ni reng a nih chu !!

Khang boarding school man to ber ber te zinga ka luh theih nachhan te , rin loh lutuk tak maia Vanderbilt University-a ka luh theih nachhan te leh tuna Scholarship ka lak theih nachhan zawng zawng te hi Samantha vang vek maw lo ni a !!

Rainer'n min huat nachhan leh min tih nat em em nachhan hi heng zawng zawng vang hi a ni tih ka ringhlel ta love ,heng thil zawng zawng hi ka phu hliah hliah zawk.

Keimah vangin ka û in a tuar a ,ka nawm a duh avangin a thil duh loh leh thil tenawm tak a tih phah a , kei hian ka û hi ka lo ti rethei takzet . Braydon lakah thinrim hle mah ila a dinhmun leh ka tana a thil tih zawng zawng te kha ka ngaihtuah in ka thiam lo lo keimah zawk hi atan phurrit ka ni a ,tun thlenga buaina ka la siam sak zel avang pawh hian hrehawm ka ti in ka inthiam thei ngai lovang .

Inchung chhohna step ka rap tur chu ka lu a rawn hai thut a,ka mit nghal sawlh a ,ka khaw hmuh a rawn fiah loh rual chuan ka û mangang aw ka hre zui nghal ,a bak chu ka û in damdawiin a min hruai thu leh engtin mah ka awm loh tur thu min hrilh mawlh mawlh lai te chu ka hriat awmchhun an ni tawh .

Tuemaw in ka kut a rawn vuan ani tih ka hriat rual chuan fiah lo ruai hian ka han meng diar diar a ka thil hmuh hmasak ber chu Braydon mangang hmel a ni .

" Bawihte na i nei em?" Lu thing pahin ka han hawi kual vela ka kutah venflon an lo vuah vu a ,drip an lo khai mawlh mawlh reng chu niin !! Chutah ka nu leh ka putea te chu mangan hmel takin ka mutna bulah chuan an lo ṭhu ve bawka.

Engthil chiah nge thleng ?

" ngatinge damdawiin ah ka awm ?" Ka ṭawng chhuak chang chang chauh .

" Doctor in a sawi dan chuan i mut tlem mai bakah i taksa mamawh tawk thil i ei lova i taksa in a zo lova i tlu a ni awm e "
Ni e, hun rei tak chhung kha chu zombie ang maiin ka mu mang lova ka ei a tui miau loh avangin thil lah ka ei tlem .

" darkar hnih dawn i muhil a ,i chauh deuh chuan mu leh rawh " ka nu chuan ka sin lai chu min sin ṭhat tir sawk sawk a.

Ka û chu ngawi rengin ka putea bulah chuan alo ding ve renga ,a inthiam lo hmel ka hmuh chuan a ngaih tih ṭhat nan ka han nuih sek a engmah thiamloh a nei lo tih hi hria se ka duh vang a ni .

Thawk han lak kawk pahin muthilh tumin lehlam chu ka hawi daih a , khang thil zawng zawng kha mumang a ni lo tih ka hriat rual chuan maimichhin pahin ka muttui chu ka khap tla fap a .

1day later

"Congrats .....a tawpah a tawpah chuan damdawiin aṭangin i chhuak ve dawn ta " Chelsea chuan phur zet hian a ti lawng lawng a , nikhat chauh damdawiin ah awm mah ila ka zãng phah deuh huai in ka hria.

" nikhat chauh anih hi ka awm ,ka lu i ti hai leh zo dawn ka tluk leh chuan ka mawhpuh tawh ang che" thutak si fiamthu deuh hian ka lo chhang let a.

" Taka Nolan pawh naktuk ah damdawiin aṭangin a chhuak dawn asin " Kaithlyn'n a tih chuan ka hlim takzet .
" in lamah a in enkawl tawh zawk dawn a ,rin aiin a dam chak "

" Girls, in in peih tawh em? Engkim ka ti fel vek tawh a nia " Braydon chu a rawn lut a,ka ṭhiante pahnih a kuah hnuah ka lu ah a rawn fawp nghal zeuh bawk .

_____________________________________

Chelsea's POV

" Enteh Nolan damdawiin aṭanga i awm hnu hian i hmuh tlak sawtin ka hria " Nolan chu ka fiam bawrh bawrh renga ,a khat tawkin ka lo fiam na deuh aniang Kaith leh Sadie ten min lo khak sek bawk.

"Sadie damdawiin ah i awm tih ka lo hria a ,i ṭha tawh em?" Nolan hian Sadie hi a thinlung zawng zawng in a hmangaih a ni tih ka hai hauh lo amaherawhchu ka hmuh danah chuan Rainer hian a letin Sadie hi a hmangaih zawkin ka hria .

Mahse team Rainer ka ni miah lo ania .

Nolan chu a duh anga ala kal theih loh avangin wheelchair in garage lam panin Sadie chuan a nawr a, a khat tawkin Sadie chu ka lo chik a hlim ang takin lang mahse chhungril ah erawh a hlim tlat lo.

" Chelsea saw Rainer leh Carla ka hmu, elevator aṭangin an rawn chhuak chiah" Kaith'n a rawn tih sa sa rual chuan rang takin Sadie chu ka va melh nghal a ,a lan dan chuan ala hmu ve lo niin a lang .

" Hruai pen dan tur zawng ang " Kaith chu ka va nghawk zeuh a, Rainer pawh saw tun ang hunah a ban ruh checkup tura rawn kal angai kher emawni le ...chupawh Carla nen lehnghal. Sadie in a hmuh dun chuan thil a buai leh zo vek ani mai .

" Sadie ....umm Nolan lehkha vel tihfel loh a awm takin hetaṭang hian kan kal dawn mi ? " Elevator hmang lova wheelchair nawr na lampanga kal ka rawt chuan Sadie chuan mak ti takin min rawn melh kawk ringawt .

Ni e, khawiah mah ke in ka kal peih ngai miau lo.

" ka ti fel vek tawh engmah tih tur a awm tawh lo " ka thu a awih lo vei a engkim a buai leh ta vek e ,Rainer leh Carla te chu kan hmachhawn ta ran mai .

An in hmu chiah chu kan vai mai chuan kan ding chut hlawm a mahse sawi ho tur a awm miau loh avangin ngawi rengin kan in kal pel a ,Sadie erawh hawi chhuak lovin a kun ngur a ,a mood a off leh vek tawh tih hai theih a ni lo .

" Nolan party i throw ngei angai ang bakah zanin chu in inah riak ho ila ,thil tih tur kan neih kha " thil awihawm loh lutuk tak mai chu Rainer hriat theih tur ngei maia ring chuan ka han rawt ta mai a nih kha ,ka ṭhiante ho pawh hian ka chhul an paih ta emawni an ti ngei ang .

" I â ta em ni ?" Kaith bawk chuan zawi te hian min rawn nghawk zeuh a .

" nakinah lawmthu min la hrilh dawn nia " ka lo ti liam puat thung ,a chhanchu ka thil sawi avang khan Rainer thik hmel leh lungngai hmel ka hmu tlat alawm .

Lo ngai reng mah rawh u kan che tak tak anga hepa hian Sadie nei let leh turin ṭan ala rawn la ngei ang ,Nolan hnenah hian awlsam taka chan chu a tum hauh lo ang .

Nolan damdawiin rawn chhuah kan lawm hnu chuan kan pathum bawk chuan subway in kan in lam pan chuan kan kal a .

" Chelsea ,Kaith...ka thil chah cheu kha inlo hmu tawh em?" Sadie chuan ka dara rawn bei pah hian a ti sap a .

" in luah tur kha maw ? Aih ,i budget mil tur kha chu la hmu mai lo mahse engvanga inluah hran tum nge i nih ?"

" puitling ka nih tawh hi ka û thlazar hnuaiah ka awm reng thei hleinem ...a dik in ti ve em ?" Kan pahnih chuan kan lo bu nghat a .A sawi dik ve tho ,tupawh hian mahni a khawsaka zalen taka awm te chu kan chak ṭheuh alawm .

" umm....engpawh chu nise in tur lei ila zanin na nã na chu chatthla hnawk khawpin in ang u "

" maw?" Sadie meuhin chutiang thil a sawi chu mak kan ti dun hle .

" i û in a phal dawn em ni ?" Ka rilru a awm tak Kaith in a rawn zawt .

" ka sawi tawh kha puitling ka ni tawh a,ka û thu in ka awm reng tawh dawn lo ,vawiin ni aṭang hian ka zalen tawh chu chu lawm ang u " chhuanlam engpawh siam mahse keichuan a rilru tawt lutuk tih ziaawm nan leh zankhat tal Rainer theihnghilh a duh avanga heng thil hi rawt a ni tih ka hre kar .

Sadie hi ka duh aiin ka hrechiang tawh mah mah. Engang pawhin dawt sawiin hlim ang takin lan tum mahse chhungril ah erawh a rûm thung.

Sadie in whisky no li a tlak pawp pawp hnu chuan a rui tawh hle ,a in luih nasat em avang chuan Kaith nen chuan mak ti takin kan en tawp .

" khawi... in tawh suh " Kaith chuan a no chu a lak luih sak ta ringawt a ," beer kha lo order mai mai zawk ila ṭha tur " a ti zui sap bawk .

" Whisky a duh miau sia lawm ..."

" tui tam deuh pawlh sak tal tur che ania "

" c'mon Kaith....a rilru a na anih hi ,en ta che a rui chung pawhin a mittui a tlak char char hi " ka tih zawh rual rual chuan Sadie dawhkawn bawh chunga a mu lai chu a rawn tho thut a Kaithlyn no ken lai rawn laksak pah chuan buh zet hian ," khawi , ka..ka in loh chuan ka harh fim telh telh ania " a rawn la ti zui ,a chatthla lo chauh a ni sia.

" ngailo in tawh suh " Kaithlyn bawk chuan laksak leh a han tum nak chuan chhuak lutuk tak mai hian Sadie chu a rawn ṭap chhuak ta mai !!

" ngatinge kha misual nunrawng phiangsen lutuk khan min duh ve mai loh " a tih chuan Kaithlyn nen kan in en ringawt .

"Rainer ka chân tawh a ni tih ka ngaihtuah pauh leh ka thinlung hi a na a , a na lutuk hi ka thi mai dawnin ka hria...helai hi a na " a awm zawn chu a han tuai nawk nawk a ," helai hi a na takzet , ngatinge ka hnenah rawn kal in min duh thu min rawn hrilh mai loh? Tunah chuan engkin a tawp vek tawh ,a tawp tawh ...." dawhkan bawh chung chuan a ṭap hawm hawm a ,a rui bawk aniang kan awm ve tih pawh a hre tawh lo .

"Midang hmuh ah ṭah a duh ngai lo kha a nia, hetianga a awm lai hmuh hi a hrehawm takzet " Kaith lahin a lo ṭahpui ve bawk kan va chhangchhe tak em.

Kaith sawi ang hian Sadie hian buaina a tawh reng rengin tumah hrilh lovin amah a tuar chhuah vek a tum ṭhin a, amaherawhchu kan tan chuan a awm reng ṭhin thung .

"Van buaithlak tak " phun nuah nuah pahin Sadie phone chu ka la lawk a ,ka thawhpui ta daih mai !

" Chelsea khawiah nge i kal dawn? "

" A tan hmun siamin ka kal dawn " Sadie en pawh chuan ka khi sak a ,balcony pan pahin Rainer number chu ka dail a .

____________________________________

Rainer's POV

Zanin party zet zawng nuam tihna chhete mah ka nei lo ,engkim mai hian ka ṭhin an tirim. Beer no khat tal inchak na pawh ka nei lo, hmeichhia ho phei hi chu melh pawh ka melh peih lo ,helai hmunah hian kei chauh hi harhfim ka ni ta ve ang .

An vai maia nuam tawla an ruih luih luih lai chuan kil khatah ṭhu in Nolan leh Sadie te ṭhian ho riah khawm dan tur te leh an awm dan tur vel te chu ka ngaihtuah a ,mahni tawka ka lo thinrim em em lai chuan ka phone rawn nghawr der der chu ka hria ,lak pawh tum lem lova ka en nak chuan Sadie lo ni rengin!!

Kei ang lo takin ka phu chiang hle .

Hmanhmawh takin phur ru tak si hian hmun fal lam chu ka melh nghal ruai a , midang awm lohna hmun in hnung lamah chuan a rang a rangin ka tlan phei nghal .

Ka pickup hma chuan in lak cool tumin thawk ka han la te te a ,ka sawi tur ka lo puahchah lawk lo erawh ka inchhir leh hnuhnawh .

"Eng nge?"

A engamah hma chuan kan ti ngawt a , a ruk tak chuan a dah leh daih ang tih ka hlau leh lawi a .

" Hello " Sadie aw a ni lo .

" khawiah nge Sadie a awm?"

" hahh...Sadie in a lam reng che a i hmuh duh chuan ka address rawn thawn ah khan rawn kal rawh " a tih rual rual chuan phone a dah hmak .

Sadie ṭhiante kha a ni tih ka hriat avangin rang takin message ka en nghal chutah kal loh ka tum vei nen address ka hmuh rual rual chuan ka rilru ka thlak lehnghal .Engpawh thleng dawn se kha Nolan phiangsena kha Sadie bulah ka awm tir dawn reng reng lo.

Hmanhmawh takin inchhungah ka tlan lut lehnghal a ,ka ṭhiante pawh hrilh lovin ngawi rengin pawnah ka chhuak daih a, ka ban na avangin car ka la khalh thei lova taxi ka phar ding ta zawka.

" Rainer ...khawiah nge i kal dawn ?" Taxi kawngkhar ka hawng tur chu Carla in min rawn zui avangin lut lovin ka hawi phei a .

" ka chhuak lawk dawn "

" anih chu keipawh chhuahna tur ka nei a ,kal dun ila " ka chhanna pawh nghak lovin taxi ah chuan luh a tum ta mai ," aih ...keimaha chhuah ka duh " ka lo ti hmuk a.

" Sadie bulah mi i kal dawn ?" Fiamthu in nuih ver ver pah hian min zawt a mahse ka kal dawn miau avangin aih leh aw pawh ti lovin ka ngawi reng ringawt .

Chutia ka ngawih tak reng avang chuan Carla chuan mak ti takin min rawn en nghal ha a ," nilo in inṭhen tawh ani lawm ni? i kal dawn tak tak em ni? Khanu bulah khan i kal dawn mi ?"

" aw "

" kal suh ,khawngaihin kal suh " ka kutah a vawn tlat avangin zawi te hian ka thing thla a ,"ka hrilh tawh che kha Sadie bak hi hmeichhe dang ngaihtuah ka nei lo " zaidam tak hian ka ti sup a .

" anih kei ve hi ...ka hmangaih che a ka duh che ka tih tawh kha "

" nau ang bakin ka en lo che "

"Sadie nen kan inrual reng alawm ngatinge nau angin min en bik, mawh? chance min pe la khanu kha ka theihnghilh tir em em ang che"

" Sadie hi engtik lai mahin theihnghilh ka duh lo " tih pahin ka luhsan hmak a ,rang takin Sadie hmu tur chuan ka chhuak nghal bawk.

Sadie ṭhiannu address min pekna hmun ka thlen chuan doorbell ka han hmet ri rang rang a ,rei lovah Chelsea zawk chuan a rawng hawng a inchhung ka luh pah chuan Nolan awm leh awm loh ka en kual hram .

" Nolan a awmlo dawt ka hrilh che a nih kha " ka rilru hria niawm takin min fiam pah chuan min nuih ṭhaw a,ka zâng nghal huai mai.

" min rawn zui rawh " inchungah lamah a chho nghal a, ngawi rengin ka zui ve mai bawk Sadie hmuh hlan ka nghakhlel tawh em a ni .

Room chhung kan luh chuan zu rim a nam huam a,Sadie chu dawhkan bawh chung hian alo mu niai bawk ,a ṭhiannu lo awm ve pakhat chuan min rawn hmuh chuan mak ti takin min rawn en kawk a, Chelsea chu ka hriat phak loh hian a hrilhru nghal sa sa a.

Rei fe an phun sep sep hnu chuan an inrem ta aniang Chelsea lo zawk chuan ," Nolan chu koh theih se chuan kan rawn ko miah lo ang che" a tih chuan Chelsea chuan a lo nghawk zeuh a .

" ahh...a ti mai mai a nih kha Sadie hi i kutah kan dah tawh ania, him takin i hruai haw hram ka beisei " Chelsea in a tih chuan a rukin ka khi suk a .

A lan dan chuan Team Nolan leh Team Rainer kan awm a nih hmel .

Ngawi rengin Sadie mu lai kan paw chiah chu na zet hian ka awmah min rawn chum nghal pawp ringawt.

" haw ka duh lo ,min haw tir suh u " harh ni si lo hian a rawn ti niap niap a ,a muhil chhunzawm lehnghal.

Chelsea in a car min hman hawh tir dawn avangin ka ban lehlam la hmang ṭha thei lo mah ila Sadie bula ka awm theihna tur a nih dawn phawt chuan kut lehlam chauha khalh pawh ka hreh lo .

Zan a rei tawh bawka Police in min man loh ngei ka beisei.

Car ah Sadie ka mut fel chiah tih in Kaithlyn chuan thupe tak hian ," A chungah thil engpawh a thleng a nih vaih chuan kan ngawi mai mai dawn lo ania " a ti a,min vau a ni zawk mah .

" hey....Kaith lo va lut rawh " Tih pahin Chelsea chuan Kaithlyn chu inchhungah a nawr lut nghal dawr dawr a .

" ih...Rainer, Sadie hian awm hran a tum a mahse inluah tur phei chu ala hmu chuang law ..urghh...ka hrilh ve mai mai che a nih chu engah mah ngai suh engpawh chu nise Kaith sawi ang khan i ti ṭap leh a nih chuan tumah i lama ṭang tur an awm tawh lo ang "



" him takin ka hruai haw ang " car ah ka lut nghal a, hetiang hmeichhe rui zawi lutuk hi ka khawih duh an ring reng reng emawni .


" haw ka duh lo ,ka û bulah ka haw duh lo " Sadie ṭawngvai lai chu car tih nung hlat hlat pah chuan ka en renga, a sam tawi mãt leh pheng zet mai chu a bengah ka zeh sak a " ka khawih loh na che alo rei ta hle mai " tih pahin a chalah ka fawp nghal zeuh bawk .

Haw a hreh em avang chuan a nu te in lam pan chuan ka kalpui ta zawk a .

Engvanga Sadie hmuh tura kal kher nge maw ka nih? Nolan nen an inkawp tawh a an inkara va tlak zeh phet tum hi eng nge a ṭulna tih te in ka ngahtuah leh hnuhnawh a.

" Rainer engvangin nge min duh mai loh ?" Sadie ṭawngvai ri ka hriat rual rual chuan kawng sirah car chu ka ti ding nghal !! A thusawi hriat chian leh tumin ngun takin a hmel chu ka en renga.

"Rainer hi ka hmangaih asin " a tawp a tawpah hun rei tak chhung ka lo nghah tawh leh ka hriat chak em em mai chu ka hre ta !!

" tu maw i hmangaih chu?" Nuih vur vur pahin ka zawt nawn leh kher a.

" Carla ,Rainer hi min pe let leh rawh...helai hi a na asin ...helai hi " a awm dawm vawng vawng pah hian a mittui chu a rawn lung nghal zung zung a, a harh tawh a nih te ka ring hial mahse a maimichhing tlat bawk si .

"Engtik ah mah ka kal tir leh tawh lo ang che" tih pahin a mittui chu ka kut chuan ka hruk saka .

Ti na leh tawh lo turin leh ti ṭap leh tawh ngai lo tura intiam ka chak takzet mahse intiam turin in rin tawkna ka nei lo ,amaherawhchu ka kalsan leh tawh ngai lo ang tih erawh inring tawk takin ka tiam ngam thung.

"Rainer hi nang aiin ka hmangaih zawk asin ...min pe leh rawh ..." A tih nuah nuah lai chuan car chu ka ti nung leh a khik vur vur pah chuan ka khalh chhuak lehnghala.

*
Sadie khuma ka mut tir zawh chuan a pheikhawk ka phelh saka uluk takin puan ka sin tir nghal bawk , theih chu nise a khum bulah hian ṭhut zankhua ka chak.

" in be lawk ang hming " Sadie nu in a tih chuan buk nghat pahin ka tho nghala kan pahnih chuan inhnuai lamah kan inzui thla a.

" Ka fanu hi control ka duh ngai lo mahse a ṭap lai hmuh reng hi nu nan chuan a hrehawm takzet " tih pahin thawk a han la kawk a," Sadie hi hnaih tawh lo la ka duh "

Chu thil zet chuan min ti na hle mai, Sadie in min hmangaih tih ka hre ve chiah a tuna kalsan lehnghal mai chu ka thei lo.

"Kal san ka tum tawh lo ,a hnaih a awm reng ka tum tawh zawk "

" Enteh Rainer ka sawi chiang viau in ka hria, in inkawp hian i ti na a.. lungngaihna bak i thlen lo "

"Ka ti ṭap a ka ti na ṭhin tih pawh ka hria mahse ti hlim tu pawh keimah tho ka ni ,ka telloin a hlim thei ngai lovang " inring tawk taka ka tih takah chuan Pi Marica pawh chuan Sadie hi ka tello chuan a lungngai reng dawn tih a hriat chian em avangin alo bu nghat a .

" Eng hi nge ṭha a ṭha lo pawh ka hrethiam tawh lo ,ka duh zawng chu ka fanu hlimna hi a ni " a ti sap a .

_____________________________________

Party-na ah bawk chuan ka let leh a mahse mi zik huai huai na karah ka awm peih tawh loh avangin inchung room ah inngaihtuah neuh neuh pahin ka ṭhu renga.

"Min va ti phu ve" Declan chuan light on pah hian ka bulah a rawn ṭhu ve nghal a ," i ṭha maw?"

" Engtin nge hmeichhe rilru ka hmin theih ang? " ka rilru ah a awm renga ka awm a ti nuam lo .

" Sadie em ni ?" nuih suk pahin ka lo bu nghauh a .

"Nei let leh turin engpawh ka ti ang " tunah chuan min hmangaih tih ka hre tawh bawk a engmah rinhlelh tur ka nei tawh lo.

"Sadie tih loh hmeichhe chungchang i sawi ka la hre ngai lo engpawh chu nise beidawng lo la ṭha anga i hriat kha ti tawp mai rawh "

"A thin a rim angem? "

" ṭhiana hmeichhia chu i hriat kha ...hriatchian i tum pauh leh i rilru an ti buai ang. A chhan pawh i hriat miah lovin i ti thinrim anga i thil tih ho te avangin an hlim leh lawi ang .Pathian thil siam dan hi a buaithlak a nih hi hmeichhe tello hian kan awm thei mang si lo " tih nuah nuah pahin a beer ken lai chu a han lem pap a.

Kan bo dun lutuk a kan in en a kan in nuih ringawt .

Engpawh chu nise a hmasa berah Carla nen kan inkawp emaw a ti a, a dik loh zia ka hriat tir phawt ang, a bak chu ka thil duh tawh chu ka nei ngei ngei ṭhin a ni tih hi a hre mai ang .

CHAPTER-58

🎼Changes - XXXTentacion 

"Mmm..baby, I don't understand this

You're changing, I can't stand it

My heart can't take this damage

And the way I feel, can't stand it

Mmm, baby, I don't understand it

Girl, you're making it hard for me"

☆Sadie's pov☆

"Ka lu a na lutuk " tui in khawlh khawlh pah chuan ka sam chu ka hiat nauh nauh a ,ka nu in min rawn kaitho lo phei se chuan tunah pawh ka la mu ang .

" nizana thil thleng kha engmah i hre tawh lo em ni ?" Kaithlyn chuan uluk zet hian min rawn en ha a .

" Engchu maw ka hriat anga?"

" kha ih englo ...Ra"

"Ugh...kha in in ah nilo i nu te inah kan hruai haw daih che kha " Chelsea chuan rang zet hian Kaithlyn chu a rawn pawt chat nghal zung zung .

"Aw.." Ka lo bu nghauh nghauh a ," ka lawm eeeee" an pahnih chuan ka kuah nghal chunga "inah min hruai haw ula chu ka û in min that duh ang "

"Anih leh i û i hrilh tawh em?"

" aih ...in luah tur ka hmuh hun hun ah ani mai,engpawh chu nise nizan ah khan ka duh aiin ka in tam engmah pawh ka hre chhuak thei tawh lo mahse i awm tho a, luak pawh ni ila in thian dawn tho a ni lawm ni "

" uak...." An pahnih chuan uang zet hian an rawn uak der nghal ," hey ...sual suh u " tih pahin ka inseh ruh der ve nghal a .

Class lam panin lu hai chhû leh tui hal zet chunga ka kal phei chhat chhat lai chuan Rainer nen kan in tawk ta thut mai !! Rang lutuk tak mai hian ka kal pel nghal fua a , a hmel ka hmuh zawng ringawt pawh hian Carla leh Amira te ka hrechhuak zel a ka luak a ti chhuak .

" Miss Morin ..." Tum loh lutuk maia min rawn koh avang chuan ka lo phu zuk ringawt. Ka ding chut a mahse a hmel hmuh ka peih loh avangin ka kal lehnghal .

" ding rawh " thupe zeta a rawn ti takah chuan ka thin in a tuar ta lo .
" Eng nge ?" Ka lo ti vin hlar a mahse engmah sawi lovin ka banah a man chawt a min kai nghal dawr dawr a .

" i thu thu a awm tur pawh ka ni lo " ka thin a rim tawh bawk nen ka bottle ken lai thlauh thla pawp khawpin ka kut chu ka thing thla a .

" a na ..." A ban dawm pah chuan a ṭhen sawk a , ka duh aia ka thing nat avang khan ka inthiam lo leh hnuhnawh mahse ka ti lang dawn reng reng lo.

"Ka hmu duh lo che ka tih tawh kha ...inhria angin awm ....." Ka ti hman chauh tihin mipa pakhat leh Carla te inkuah rial a an kal dun lai chu ka va hmu fuh ta thut mai !! Ka mak ti lutuk chuan ka va kawk ringawt .

" saw ....saw saw"
" Engchu maw?" Rainer chuan ka kawh na lam chu a en nghal a .

" Carla leh a bialpa saw maw?" A lo ti sam et a,Rainer chu ka han melh kawk ringawt , thil awm dan hi ka hrethiam lo takzet .

" ka lo rin dan chuan Carla leh nang hi ..."

" kan in kawp ...c'mon nau ang bakin ka en lo "

Maw!! Carla leh Rainer te an lo inkawp miah lo amaw !!!

" mahse ...!"
" mawl lutuk " tih pahin ka bottle chu min chhar saka min rawn pe leh nghat a chutah engmah sawi lovin a kal daih lehnghal.

Tun lawka ka thil hriat kha ka mumang em ni ....nilo a tak ngei a ni .Haha...Rainer leh Carla te an inkawp lo.

" nilo Sadie a duh che tihna a ni lo " mahni inhauh pah chuan ka lu chu ka han thing nawk nawk a ,chhungril ah erawh ka hlim veng veng thung .

____________________________________


" Anih Carla leh Rainer te an inkawp si loh chuan i let leh dawn tih na em ni ?" Chelsea chuan ring zet hian a rawn ti chhuak hlawl a ,ṭawng zawi deuh turin ka lo ti rang kher mai .

" aih ...let leh ka tum tawh lo ,kan inkar a tawp vek tawh " ka na hnem zozai tawh ,ka tuar chhuak ṭan ve dawn chiah a na leh turin let leh ka tum tawh lo .

" a dik chiah hma lam chiah pan tawh rawh " Kaithlyn chuan a lo ti nghal vat a.

" nia, mahse engtin nge ka awm leh zel dawn pawh ka hre lo "

" taka ...Sadie, in luah tur ka hmu tawh asin " Chelsea chuan phur fe hian a rawn ti var a ,a ni ai ai in ka lo phur zawk .

" khawiah ? A to em? In en fel tawh em ni ?"

" University aṭanga hla lo te ah ania luah man pawh a to lo thla khatah $220 lek "

" haha...engtin nge chutiang chu in hmuh theih zawk? In van fel tak " nghet zetin an pahnih chuan ka kuah bet tlata.

" Ka scholarship bakah part time hna ka thawk tel bawk anga ka tution fee nen lam ka intum vek thei ang " ka phur lutuk hi ka appartment thar tur hmuh hlan ka nghakhlel tawh takzet .

" tun aṭang chuan i in ah hlir kan riak khawm tawh ang " kan in kuah khawma, lawm avangin kan zuang thul .

" mahse Sadie ...i û engtin nge i hrilh tak ang "

" Kaith ,vawiin tlaiah ka hrilh ang " thawk ka han la deuh kawk a ," a phal ngei ka beisei " ka ti chuai zui raih a .

A tawp a tawpah chuan ka û tibuai lovin ka awm ve thei dawn ta . Khang hun zozai ah khan ka tan alo tuar char char tawh a tunah chuan keimah in ka in enkawl thei tawh a ,min enkawl puitling tawh a ni tih hi hmuh tir ngei ka duh.

In a ka haw chuan Braydon te ṭhian ho chuan game an lo khel dar dar a ,Kendra erawh kitchen ah eng eng emaw tiin alo awm daih thung.

" Sadie ...i lo haw tawh a ni maw?" Braydon nen an inkar a ṭhat ngei ka beisei.

" umm...ka ril a ṭam lutuk " fridge a ice-cream chu ka la chhuak a, " Braydon hi khawiah nge?" Game khel zingah a awm ve loh avangin ka ti a .

"Tui a cheng ,tunlai a awmdan hi a dik lo riau in ka hria ka hrethiam tawh bik lo a awm mai mai te hi a lungngai riau hian ka hre ṭhin ...taka i insawn tur thu kha i hrilh tawh em?"

" aih...a mood fuh lai hian ka va bia ange " Kendra chu ka nuih ver ver a ," lo lungngai lo la " tih pahin ice-cream keng chungin in hnung lamah ka chhuak phei nghal .

Braydon hi thil thleng avang khan ala lungngai reng emawni le? Khami chungchang kha chu kan sawi dun vek tawh sia.

Swimming pool tlanga ka kal thauh thauh lai min rawn hmuh chuan rang takin tui aṭang chuan a rawn chhuak nghal a ,Kendra sawi ang tak takin a nui hmel phenah hian lungngaihna a awm in ka hria.

"Thu lawmawm nge lawmawm loh khawi nge i hriat duh zawk ?"

" a pahnih in " a sam chu towel chuan a hru hul pah a .

" anih chuan eng zawk nge i hriat hmasak duh zawk ?" Ka ti leh hram ,a ning leh ngawt ang chu .

" thu lawmawm " a khi nghal suk a, a hlim hmel ka hmuh hian ka awm a nuam sawng sawng thei nia mawle .

" ka project submit kha professor in alo pawm a tunah chuan keima thiamna tak tak in scholarship ka la anga ka tution fee chanve University in a tum tawh dawn "

" Enga? I fiamthu em ni? Sawi ṭha leh teh" ka û hmel chu mak tihna in a khat nghal ,lawm avangin a hmel chu a êng nghal vek bawk .

"Pawisa mawle ,pawisa ...hahah "tih pahin nghet takin ka kuah nghal vawng vawng a.

Tunah chuan Samantha puihna tel lovin keima thiamna ngeiin Scholarship ka la ve thei dawn ta.

" anih thu lawmawm loh ve thung chu?"

Engtin nge ka hrilh tak ang ?

" umm...ih englo ania ,Scho bakah ka tution fee chanve University in a tum dawn takah chuan puitlin zir nan ..." Thawk ka han la leh te te a ,ngun takin min lo en reng thung .
" in luah hran ka tum deuh a...bakah "

Ka sawi zawh hma hma chuan a hmel a rawn dur nghal khui a, sawi chhunzawm ngam pawh a ni tawh lo .

" chu chu engtik ah mah a thleng ngai lovang "

" mahse.... Naupang pawh ka nih tawh loh hi "

" naupang emaw puitling i nih ka pawisa lo "

" keiman pawi ka ti alawm ....rei tak chhung i thlazar hnuaiah ka awm char char tawh a, i tawrhna zozai te khan min ti na zawk asin .Tun aṭang chuan khawvel hi nangmah angin chhel taka hmachhawn ka duh ve tawh asin "

" ngawi hmak rawh "
" khawngaihin ,ka tana thil i lo tih tawh zawng zawng te kha rulh let vek che ka duh . I tawrh ang kha ka tuar ve lo anih chuan engtik ah mah ka in thiam thei ngai lovang "

Ka thusawi pawh ngaithla mang lovin inchhungah min luhsan hmak . Hetianga a thlazar hnuaiah engmah ti lova ka awm reng hian ka inthiam lo tulh tulh a ni tih hi engtik ah nge a hriatthiam theih ang?

Inchhung ka luh rual rual chuan Kendra chuan ka û awmdan aṭang khan alo hrethiam nghal aniang.

" Sadie lungngai suh ...i û chu ka lo bia ang "tih pahin Braydon chu a umzui nghal dawr dawr a, Kendra hian insawn ka tum chhan pawh hre lovin engkimah min support ve em em ringawt.

Braydon leh Samantha te chungchang kha ka ṭhiante chu sawi loh Kendra takngial pawh hrilh ka tum lo, kei Rainer leh ka û in kan hriat chuan a tawk viau .

Ka insawn tur thu ka hrilh aṭang khan ka û nen kan la inbe leh lo ,biak ka tum apiangin min pehel zel a ,ka thusawi engmah a ngaithla duh hek lo Kendra phei chu awm lo se chaw pawh kan ei dun ngai lovang.

" tun weekend chhung zawng khan kan la inbe leh lo ....guys ,ni thum lai a ni tawh ania " ka ṭhiante pahnih leh Nolan nen kan pali chuan kan in video call a, an ni pawhin tih vak ngaihna an hre bik lo .

" lungngai suh ...Braydon te chuan i thil duh apiang a tih hlawhtlin sak zel ṭhin che kha " Chelsea chuan a rawn ti leh khauh tawh ,a sawi dik chiah mahse....

" Chelsea ,tun ṭum chu a dan a dang alawm " Kaith pawhin alo ti ve bawka.

" Engpawh chu nise nghak phawt mai rawh, hun ala tam alawm " Nolan thusawi hian min hnem hlawl lo .

"Urghh...mahni a dam khawchhuah tumna rilru ka nei ve chiah a bakah hetianga ka awm reng te chuan..."

" Bawihte... " Braydon'n ka room kawngka a rawn kik avang chuan rang takin ," ka û a rawn kal ,nakinah kan in be leh dawn nia " tih pahin laptop chu ka khup nghal vat a.

" kan inbe lawk dawn mi ?" Ka room kawngkhar aṭang chuan a rawn dak dek dek a, ni thum hnua kan vawikhat inbiak leh na.

"Ngatinge i room-ah i tawm reng?" Ka khumah chuan a rawn ṭhu a , min biak duh loh avang khan runluih nan chhang lovin ka phone chu ka khawih san daih a .Tihi chuan inbiak duh loh hrehawm zia a hre tawh ang chu .

"Engtik ah nge i insawn chhuah theih ang? Eng eng nge lei ngai ?" Pehhel leh ka han tum zeta mahse a thil sawi hian min ti phu takzet .

" Enga ?" Phawk zeta melh kawk pahin rang zet hian ka va kuah nghal chung a ," i phal tak tak em ni ?" Ka ti nghal chul bawk .

" mahse ...." Ka han inla hrang leh deuh a ," engvanga phal thut nge i nih ?"

" lungngai taka i awm reng hi ka phal hleinem, puitling i ni tawh a thutlukna chu nangmahin i siam thei tawh alawm "

" puitling min ti tawh a,i rilru thlak tawh miah suh , Braydon ka...ka lawm e "

Braydon hian Kendra puihna tel lo chuan a rilru a thlak mai mai tawp lo ang ,tunah chuan Kendra pawhin a dawhtheihna a zarah ka û rilru a hmin ve thei ta alawm kei erawh Rainer nen kan inkar a zau telh telh mai bawk si .

" mahse thil pakhat min tiam rawh " ka lo melh ha a .
" buaina i tawhin emaw mamawh i neih reng reng in min rawn hrilh hre vat la , engkim keiman ka hre hmasa ber zel tur a ni "
Aaaaaa...ka û strict em em bawk kha a rawn let leh tawh !!

" aw le "
" anih i address ?"
"Ka address ka hrilh che chuan engtik lai pawhin i rawn kal reng anga ,engkim min rawn tih sak vek i tum leh anga engtin nge ka puitling theih ang "

"A nih chuan ka rilru ka thlak leh "
" nilo ...nilo ...thla khat hnuah ka hrilh ang che" ka ti ta ringawt a, a tawp a tawpah chuan kan inrem thei hram .

Braydon hian a rilru chhungril takah chuan ka awmhran hi a phal lo tih ka hria mahse min hmangaih em avangin lungngai taka ka awm lai hmuh hi hrehawm a ti a ,ka hlimna tur a nih dawn phawt chuan ka thil dil ang ang hi tih hlawhtlin a tum tih pawh ka hria .Address hrilh loh ngat phei chu rem a ti dawn lo hulhual mahse ka ngen tlat avang leh min hmangaih luat avangin a tlawm leh duai duai tawh hi.

Ka apartment thar enfel turin kan ṭhian pathum bakah Nolan nen chuan kan kal a ,ka vawikhat hmuhna tur a nih avangin ka phur ru hle.

Nolan phei chu doctor in pawn la chhuak lo turin a rãwn na in a phur berah a ṭang ta sia wheelchair in kan nawr tawp .

" Heihi a ni tih i chiang chiah maw, $220 man ava ang ta lo ve " Chelsea pawh a rilru a buai hmel takzet a chhanchu a building en ringawt pawh hian luah man a to dawn tih a hriat ngawih ngawih alo berah $1000 tal aniang .

" hahh...chiang e " hlauhthawn hmel takin a khi deuh suk a ,ava confi ta lo ve a hma in alo en lawk vek tawh a ni lawm ni mahse a vawikhat hmuhna te pawh a ang .

" ka hmuh ania $220 man a ni chiang alawm bakah roommate i nei dawn pawh a ni maithei asin "

Ni e, roommate ka nei dawn aniang , in conṭi loh chuan $220 an ti hauh lo ang an ã te a nih ngawt loh chuan.

" kal vat vat ang u a chhung ka hmu chak tawh " ka tih chuan phur takin kan inzui chho dam dam a ,ka apartment tur chu 5th floor ah a awm a ,a man a tlawm mai bakah a ṭha bawk si a vannei ka in ti ru hle.

" Guys ....in in ring em ?"

Phur zetin kawngka kan hawn nak chuan tumah ṭawng tur kan awm tawh lo mak tiin kan in en ṭhap ringawt.

Rin phak bak a ni ,a zau in tukverh lah a tam si ..a êng pup nimai hian ka hria .Ka lo rin dan chuan khum leh kitchen inzawm nghal khawpa te a nih ka lo ringa mahse room pawh pakhat aia tam a awm in ka hria.

" lut ang u " Nolan'n a rawn tih takah chuan kan harh chhuak thut a ,kan pathum in kan han ṭe rual tak tak mai chu ,a bengchheng viau ang !!

" Lalpa leh....Chelsea hetiang in hi engtin nge i hmuh theih zawk?" Room dangah te chuan kan han kal kual vela room pathum lai a awm lehnghal .

" kei ka ni miau a hehh....i roommate hi khawiah nge an awm ang le ?" Chelsea meuh pawh a rilru a buai hmel takzet .

" room dang zawng zawng a ruak vek , nangmahin i awm phawt anga nakinah an rawn awm belh dawn aniang " Kaithlyn in a tih takah chuan kan lo bu nghat hlawm a, roommate nei vat ila ka ti takzet chuti lo chu in luah man a to phah palh ang.

" in thar chu engtin nge kan lawm ang " Nolan chuan pawisa ka nei tam lo tih hrereng chung hian min rawn fiam a .

" ughh...orange Juice hi in mai ru " kan orange juice ken chupawh Kaithlyn lei ngei mai chu ka hawng nghal rawk rawk a , chutah Chelsea leh Kaithlyn te juice in peih lo hmel ka hmuh chuan ," hey ....hemi zawhah min bazar pui ala ngai dawn ania ,rack leh lukham case te pawh nakinah la hmang duh tur tur in nih kha " ka ti nung nung a.

" a nih leh in mai ang u..." An tih takah chuan kan han nui ho leh rih a.

Kan ṭhu fel deuh chiah tih in doorbell chu a rawn ri ta rang rang mai !! Luah em pawh ka la luah lut si lova tunge ni ta ang ? In neitu em ni?

" tunge le ?" Mak ti tak chunga ka va hawn nak chuan kawngka bulah Rainer alo ding reng a nih chu !!! Engtin nge helai hmun hi a hriat ? Engtin nge hetah kan awm tih a hriat ? Ka rilru ah zawhna chhan sen loh a rawn lut nghal .

Lut tura ka sawm hma hma chuan inchhungah a rawn la lut tlang nghal pawp pawp a chutah in tur leh pizza tam tham tak a rawn keng lehnghal .

"In thar chu lawm ang u hmiang " ala ti ham ham zui .

Chelsea in Rainer a hmuh rual chuan a thil in lai chu a phuh chhuak nghal ṭhawt , kei chang nilo midang pawhin a rawn lang thut chu mak an ti hlawm hle.

"Eng nge hetah i rawn tih ?" In ti tatu deuh hian ka zawt a ,thinrim hmel takin ka melh khai bawk .

" ka ...ka sawm a nih kha, a ni lawm ni Rainer ?"

Enga ? Chelsea in min hrilh lawk miah lovin alo sawm amaw?

" aw ...Chelsea in min sawm alawm " confi zetin a ti lehnghal.

" Sadie a ho lutuk , engmah a nih loh hi " Kaithlyn lehzel pawh chu .

Rang lutuk in a thil rawn ken ho chu Chelsea leh Kaithlyn te chuan phur fe hian an lo hawng nghal sawk sawk a ,kei leh Nolan erawh kan hlim ve hauh lo thung .

Thil ei chhung zawngin Rainer chu ka melh rum char char a engah mah a ngai duh miah lo lehnghal chutah Nolan nen an in khak fek fek reng bawka a hahthlak takzet .

Ka thil mamawh vel lam khawm turin bazar ah kal kan tum a chutah pawh chuan Rainer an min rawn zui ve zel a nih chu !! Hepa hian engthil chiah nge tih a tum?

Chelsea'n a khalh dawn a ,Kaithlyn pawh car ah a ṭhu lut vek tawh mahse Rainer leh Nolan te erawh ṭhutna turah an la buai .

" Nolan ka lo pui ang che "

Rainer ka ngei deuh hlek bakah Nolan hi awlsam taka a la chet theih loh avangin car a a luh lai chuan ka lo pui vat a ,Rainer lut tur erawh ka lo dang tlat thung .

" Rainer eng nge bazar ah i rawn tih ve dawn ?" Ngeiawm zet hian ka zawt kher a .

" bazar pui tur che in mawle " min rawn la nuih vur vur zui mahse a hmelah thikna te pawh ka hmu tel deuhin ka hria .

" Sadie kal tir mai mai rawh a ṭangkai phian maithei asin " ka ṭhianten an ti tlata hnial vak ngaihna pawh ka hrelo .

Men pual ralh paha luh ka tum lai tak chuan Rainer an min rawn luhkhalh ta daih mai!! Hepa hi ka haw takzet .

Ka ning a ni tih lan nan a hriat tur kher in kan han thawk chhuak halh a ,car a ka luh chuan min rawn nuih vur vur a tukverh lam ka hawisan hmak thung .

Rainer chu Nolan nena kan inkarah chuan a ṭhu kuk a ,a lian bawk si a a tawt takzet chutah a ban na lampang chu ka lamah a awm lehzel bawk nen tih nat sak ka lo hlau ve khanglang bawk si herh zetin ka ṭhut phah .

Kan vai mai chuan kan inzui ṭham ṭham hlawm a ,rei lovah kan thil duhzawng ṭheuh en in kan kal hrang nghal dial a .

" Nolan heihi a ṭha angem ?" Nolan-a wheelchair nawr pah chuan ka mamawh awma ka rin ho chu ka kawk zel a ,Rainer lah hian kan kalna apiangah ngawi rengin min rawn zui ve zel ringawt.

" Heihi nalh i ti em?"
" umm...a rawng a nalh kha " Nolan nen chuan bedsheet kan en kual vela , nalh deuh deuh a tam bawka ka rilru ka siam mai thei lo.

" khawi zawk nge ka lak ang ?" bedsheet offwhite leh a var chu ka khai kang a .

" Sadie ...hei zawk hi a nalh ka ring " Nolan'n a var zawk a thlan takah chuan nuih sang pahin shopping trolley ah chuan ka khung nghal . Khawi zawk nge ka lei ang tih in khâp buai ngai lovin Nolan a awm hlauh chu a nuam takzet .

" thlan pawh ngai lovin a in ang reng kha " Rainer chuan min rawn kal pelh pah hian ngeiawm zet hian a rawn ti kher a nih chu !! Nolan'n min lo dang hman lo se chuan ka chhang let hrim hrim ang .

" hey ...Nolan heihi nalh i ti em ?" Mipa t-shirt khawih pah chuan Rainer hriat hlau tak si hian ka va zawt sa sa a .

" aw .."

" ka lei sak ang che,i duh ber thlang rawh "

" ai... angai lo"

" ka project ah min pui char char a ,nangmah vangin scho pawh ka hmuh phah a lawmthu sawi nan pek che ka duh alawm "

Mutmu pawh tuah lovin ka project kha min buaipui sak char char a ,thil hote tihsak te hi chu a phu ngawih ngawih.

" Sadie...ṭhian inkarah lawmthu an sawi ngai lo ,engmah a nih loh kha "

" I lak duh loh chuan ka thinrim dawn ania ,karleh i birthday ah pawh dinner ka eipui miah lo ang che" ka vau avang chuan Nolan chu a nui chhuak nghal hak .

" anih chuan duhzawng ka neih chuan ka hrilh ang che "

" anih heihi " nichina mi bawk kha ka kawk leh a .
" rawn kal mai mai teh,i inchhir leh ang " nuih suk pahin min kalsan daih.

" a nalh tehreng nen " tih nung nung pahin a man kan en chiah mai chu ka au chhuak lo chauh, Nolan'n a duh lo kha ka vannei takzet.

Nge a man kha a lo hmu daih tawh anga ,duh lo angin a awm zawk.

"Sadie ,lo en teh heihi i duhzawng a ni em?" Nolan chuan dawhkan khuhna simple leh mawi zet mai hi min rawn hmuh a.

" ehee....hetiang ang hi lawm ka zawn " phur zet hian ka ti nghal var a .

" a ṭhing ,khatiang dawhkan khuhna pawh a nih loh kha, puan chhia a ang" Rainer bawk chuan hnehsawh zet hian a rawn ti leh tawh ,a sawisel hnehsawh thei lutuk a ka mawi tih pawh ka hmu ṭhing leh zo vek zel.

Nolan nen mawi kan tih apiang Rainer chuan ṭhing a ti zel a , ka thil duh apiang hnehsawh zetin alo sawisel zel bawk .Kei lah hi kan vaia nalh kan tih tlan loh chu lei hreh chi ka lo ni bawk nen a tawpah ka thil lei ho chu kan en chiang nak chuan a vaiin Rainer duh zawng vek ka lo lei reng chu niin.

Inchhung mamawh ka lei zawh vek tawh hnu ah Nolan chuan a kawr duhzawng a hmu a ni ngei ang ,kawr inkhai ho chu a en kual dan dan a ,kamis par fresh zet mai Nolan ti Nolan tu deuh mai hi a rawn khai chhuak nawlh mai.

" hahh...Hawaii lam kawr , khami kha i hak chuan khuai leh phengphehlep ho in pangpar emaw an ti ang che " Rainer bawk chuan ngeiawm zet hian a ti leh tawh .

" Sadie nalh i ti em?" Nolan pawhin a ning ta deuh aniang ,a thusawi chu engahmah ngai lo ang hmakin min rawn zawt a.

" nalh ka ti ,i in hmeh ngawt ang " a man a tlawm bawk a ,a inhmeh lehzel bawk nen ka lo duhpui hle nghe nghe.

" a nih chuan ..." Nolan an a ti hman chauh tih in Rainer chuan kawr chu Nolan kut aṭang chuan a rawn pawt thla pawp ringawt .

" Engthil nge maw i tih le ?" Ka lo ti vin nghal hlar a.

" keiman ka duh alawm "

Enga ? A fiamthu em ni?

" nalh i ti lo a ni lawm ni ...bakah i duhzawng pawh a ni lo ,nangchuan t-shirt plain leh simple deuh deuh hlir a nih kha i hak ṭhin "

Rainer mizia leh duhzawng ka hriatchian em avang chuan Nolan hmelah thikna a rawn lang nghal, ni e ...hetiang ang kawr par hi Rainer duhzawng a ni lo hrim hrim .

" tunge t-shirt simple deuh deuh chauh ka ha ṭhin ti, heihi ka duh ..ka la dawn " tih pahin a man pe turin a kal hmak a nih chu !

" hahh...ka awih thei lo" ka thinrim lutuk hi ka alh dawn in ka hria .
" Engtin nge kan tih ang ,khami chauh kha a awm tawh sia "

" a pawi lo ...hei pawh hi ka duh tho alawm " Nolan chuan kamis dang chu a la ta ringawt a .

Chapter-59

🎶Miley Cyrus - Slide Away

Once upon a time, it was made for us

Woke up one day, it had turned to dust

Baby, we were found, but now we're lost

So it's time to let it go

Kan bazar zo in ka thlen rual rual chuan couch ah ka thal nghal tawp ,ka kawng rawn kham nghal awl awl te chuan ka chauh zia a ti lang . Chauh tawh nak alaiin Rainer lo awm ve khan min ti chau zual .

Rainer kha engvanga khatianga rawn awm thut kha nge maw a nih le ? A ã tawh aniang .

" Sadie ...Sadie " Kendra aw ka hriat rual rual chuan ka in perh tho nghal .

" Eng nge? Min ti phu alawm "

A engamah hma chuan min rawn kuah nghal chung a, Braydon pawh min rawn nuih vur vur pahin a hnungah chuan a lo ding ve bawka.

A lan dan chuan Kendra hi a hlim hle tih ka hria mahse engthil chiah nge thleng tih erawh ngaihdan pawh ka nei lo .

" ka rai ....Sadie naute ka pai " tih pahin a test na stick chu min rawn hmuh ta mai !!

" Enga?" Braydon chu phawk fe hian ka han melh nghal kawk a,ka lawmpui rual rual in ka mak tihna a tam zawk .

" ka lawm takzet ...Sadie ka hlim takzet "
Lawm avanga min kuah lai te chuan kei erawh mak tih avangin heart attack ka nei lo chauh .

" ka lawmpui lutuk che ,kan lawm dawn lo em ni ?" Ka lo ti ṭial ruai ringawt .

"Ni e ....ka ṭhiante pawh rawn kal turin kan hrilh nghal ange " Braydon hmuiah chuan a fawp zeuh a ,a ṭhiante be kual turin kitchen lamah a lut phei nghal daih a.

" i va thun thei ve a " Braydon nghawk sawk pah chuan ka nuih nghal ver ver a ," ka lawmpui che mahse i mawhphurhna erawh theihnghilh suh " thurawn kan pe ve ngei bawka.

" ka theihnghilh lo chuvang chuan ..." A ipte aṭang chuan zungbun hi a rawn phawrh chhuak a ," zaninah ka propose dawn " a ti ta mai!!

Lalpa leh !! Hemi te pahnih hian Heart atrack min neih tir an tum tak tak em ni ?

Phawk fe a melh nghal kawk pahin ka hmui chu ka hup a ," i pro ...." Rang lutuk in ka hmui a rawn hup nghal.

" a hria ange , ṭawng ring suh " tih pahin ka bulah chuan a rawn ṭhu thla a,nghet takin ka û chu ka lo kuah vawng vawng a ka mittui a tla nghal ringawt .

" ka awih thei lo... A chhungten an hre tawh em?"

Ka mittui chu ka hru zeuh a .
" aw, an phalna pawh ka la vek tawh "

" ka hlim takzet , anih chuan diaper thlak turin ka lo lawm a che " kan han nui leh rih a .

An inkawp tirh aṭangin kei leh Rainer ang tho in an inkarah buaina chi hrang hrang a thleng a ,Kendra ṭah chang lah a tam .An in hau a ,an inti thiam lo a inṭhen ṭep ṭep chang lah an nghah mahse a tawp a tawpah chuan Kendra dawhtheihna avangin a hmangaih ber a nei dawn ta mai hi ka lawmpui lutuk a ka ṭap lo thei lo .

Kei leh Rainer erawh kan tawp dan avang khan min la vel ṭap fo dawn anih hmel .

" pawi i tih loh chuan chendun puiah ka sawm dawn a "

Surprise dang leh maw? Rainer nen kan inkar ka ngaihtuah chhuak lo thei lo ,engtikah mah hetiang thil hi Rainer an min tih sak ve dawn si lo ,Kendra hi ka thik letling zawk .

" ka phalna lak kher angai hleinem ....in chen dun dawn tak si ah chuan keipawh a rang a rangin ka insawn chhuah angaih hmel " a ngei tur deuhin ka fiam zui hlak a.

" i duh chen chen i awm thei ania, i rilru i thlak leh a nih pawhin i room khi a ruak reng dawn ania "

Chen dun tum lo mahse ni hnih hnuah insawn chhuah ka tum thu hrilh ka tum kha a nia mahse tunah chuan Kendra a awm dawn bawka ngaihṭha deuh in ka insawn san thei tawh ang .

Ka û te ṭhian ho mai bakah Kendra chhungte leh ṭhian hnaivai te nen chuan dinner kan ei ho a engvanga kal khawm thut nge kan ni tih leh engtiang chiaha surprise lian tham buatsaih nge ka ni tih Kendra hian a hre der si lo , a hlim hmel ka hmuh ringawt te hian ka hnuk te pawh a ti ulh zawk .

Braydon an a propose hun tur alo sawi lawk vek tawh avangin dinner ei zawh hun chu phur takin kan nghak ran hlawm a mahse rin loh lutuk maiin Rainer phone call ka dawng ta tlat mai !!! Ka reject hmak .

Chutia call ka lak duh tak si lovah chuan message in a rawn zui nghal. Call chu ka reject thei mahse message erawh ka chhiar chak tet tet a ,chhiar duh lo hle mah ila ka kut chu awm hle hle theilo ,ka hawng ta nge nge a .

*" pawnah ka awm ,i rawn chhuah lo chuan ka rawn lut dawn"*

Ka lo chhiar ta kher kher kha ka in chhir mange, laklet leh duh hle mah ila a in seen vek tawh bawk si .

*"ka rawn chhuak dawn "* tiin ka thawn let ta nge nge a, buaina a rawn siam ai chuan chhuah mai hi a finthlak zawk.

Thei leh thei lovin ka û hriat hlau tak siin ka chhuak ru zal zal a, chhuah rei ka tum loh avangin tumah ka hrilh lem lo.

Pawna ka chhuah chuan Rainer chu ka va hmu lawk loh lehnghal mahse zawn kual deuh paha ka kal thui deuh takah chuan tlem a hmun biru deuh laiah hian a lo ding reng chu niin .

" min tibuai lo hian i awm thei miah lo a mi a ?" Vin zet hian ka va ti nghal hluk hluk ringawt . Rainer hi chuan zaidam taka biak pawh hi a phu lo .

" Hei ..." Phur zet hian a ban na lampang chu min rawn hmuh a .

" Eng nge ?"

"I hmu thei lo mi, doctor in awrh angaih tawh loh thu leh a dam chak thu min lo hrilh a " a hlim hmel ka hmuh hian ka lo hlim ve em em ringawt ,mahse hemi min hrilh tur ringawt hian min ko chhuak amaw ?!!

" i sawi zawh tawh chuan ka lut dawn nia " tih pahin ka inher nghal vut a ,a ruk tak chuan thil ho te mah nise min hrilh duhna thinlung a neih vang hrim hrim pawh hian ka lawm .

" a na ....a na lutuk "

Eng nge ni leh ta a!! Mit men pual ralh pahin ka hawi let leh a .Na tih hmel zet in a ban chu a dawm ṭai a.

" tih der angai lo ang, let leh tawh rawh "

" hei ...a na tak tak alawm ,vur in deh angai vur min lei sak rawh "

" haw pahin i lei mai dawn nia "

" ka thei lo ...ka lei thei lo "

" a nih chuan tikhan tuar mai rawh " a tider a ni tih ka hriat avangin ka kal lui tlat a ka ngaihsak vel peih lo, tihian awm mai mai teh se .

" ding rawh ...tah khan ding rawh " ka rilru chuan kal zel turin min duh mahse ka thinlung erawhin min phatsan thung , duh lo deuh chungin ka ding ta nge nge a .

" Engvangin nge min koh ? Engvangin nge min tihbuai reng? Hmuh che hi ka duh tawh lo asin " midang awm leh awm loh pawh ngaihtuah lovin ka ti tuarh a.

" a chhan chu hmuh che ka chak vang a ni " chu chhanna zet chuan min ti mur nghal sung sung a ,ka thinphu pawh a rang sawt hle.

"Sadie engtik lai pawhin ka bulah awm la ka duh , hmuh reng che ka chak a second khat pawh ngaihtuah loh lai che ka nei ngai lo asin "

Rainer kã aṭanga chutiang thu thlum lutuk a chhuak ta mai chu ka mumang a nih te ka ring hial , a thil min hrilh hian min ti lawm takzet mahse Rainer te ang mipa hi chuan tu tu bulah nge hetiang thil hi a sawi ang tih pawh hriat va ni suh.

"Awlsam takin ka awih i ring em ni ? I thu sawi avang khan ka hlim ang maw ? Ni e , ka hlim lutuk mahse i hmeichhe bum tamtak te zinga mi kha ka ni ve tawh lo " ka ti let hrep ka inher a ,rang takin in lamah ka tlan chho nghal daih a.

-------------------------------------------

☆3 days later☆

Beep......Beep ......Beep

Ka alarm dap ruk ruk pah in sana chu thei leh thei lo hian ka va siai a, dar zat ka en nak chuan ka harh chiang teh e.

" sh*ttt...." Khum aṭangin ka in perh tho nghal ,chutah ha nawh pahin ka phone kan hmet eng chiah chu Chelsea leh Kaithlyn te misscall a lo khat dul mai.

*'guys gate bulah min lo nghak rawh u '* tiin message ka va thawn nghal a ,a bak zawng chu buai phili in ka khawsa tluan ṭhak .

Nimin aṭang khan kan in aṭangin ka insawn chhuak ve chiah a thawh ka hai nghal ,min kai tho tu ber Braydon a awm tak si loh ah chuan thawh ka hai zeuh zeuh dawn a nih hmel ,chutah breakfast lah ka ei hman hek lo insawn lo ila chu ka û breakfast siam sa ka ei leh awm sia .

" min nghahna a rei tawh em?" Apple seh vu chung hian ka sam chu ka ṭawn ṭha mawlh mawlh bawka ,ka ṭhiante pawhin min en tawp.

" kha i hmaiah heihi hnawih rawh " Kaith chuan sunscreen hi min rawn hmehbel chawt chawt a .

" an lut mek ang ,ho kal vat vat ang u " Chelsea in a tih chuan hmanhmawh takin kan department leh Zoology department football (american football) inkhel en tur chuan kan tlan nghal hlawk hlawk a.

Kan department ho tih phur nan kan vai mai chuan kan zuang suau suau reng a ,phur lutuk fahran hian popcorn hmuam ṭun chungin hnung lam ka hawi chho chiah chu Rainer alo ṭhu khur mai ,nuih vur vur pahin min rawn la bye bye zui.

Khatih hun chhung zawng khan Rainer hi ka hnungah alo ṭhu reng amaw? A hma in inkhel a en ngai tawp si lova.

Rainer ka han hmuh fuh takah chuan a hma angin ka au ṭha thei tawh lo chutah kan ṭan ang hu in kan department kan la chak lo zui !! Rainer a awm tawh hi chuan engkim hi a kal dik thei ṭhin lo.

Inkhel a zawh veleh Rainer chu ka han en leh kher a ,a lo awm tawh lo.

" ehe ...Rainer an a phone a theihnghilh a nih hi " a ṭhutna a a phone lo let bal chu Chelsea chuan a la vat .
" ala kal thui hauh lo ang ,Sadie kan pek vat angai ang " Kaithlyn in a tih pawh chuan aw pawh ka ti duh lo mahse an pahnihin pe tura an kal tak daih si ah chuan ka zui leh ta nge nge a.

Rainer chu mipui karah chuan kan zawng kual a ,hmun tinah kan zawng ti ila ka sawi sual lo ang mahse a hmel hmuh tur reng reng a awm lo.

"Submit mai ang, a duh leh aman zawng ve tawh mai rawh se " kan hmu lo bawk nen ka thinrim chuan ka ti vin hluk ringawt.

Ka ril ṭam vang aniang ka thinrim em em na chhan hi .

Mood fuh tawh loh sa nak alaiin Amira chu room pakhat aṭang hian a rawn chhuak hlawl ,min rawn kal pelh pahin ngeiawm zetin min rawn la nuih zui !

" Sadie enga tan mah ti suh kal ang u "

" Class ṭan hma in thil ei phawt ang u ka ril a ṭam lutuk " Kaithlyn in a tih chuan kan lo hnial lo kher mai ,kan ril a ṭam bawk em a tin ni .

Chutia kal kan tum lai tak chuan Amira rawn chhuahna room chiah chiah aṭang chuan Rainer a rawn chhuak ta thut mai !

Hman zan lawkah min ngaihtuah reng thu leh ka bula awm a chak reng thu kha min hrilh a tunah Amira nen an awm dun leh si amaw? a thusawi kha awih lo angin lang mah ila ka thinlung chuan a awih vek hman asin.

Misualpa engchen nge ka thinlung hi i in fiampui dawn ?

" Miss Morin ...!" Ngei tawh sa nak alaiin Rainer chuan min rawn nuih sãng a ,a hmaia ben nghal pawp mai ka duh.

" I ril a ṭam em ? Hei eitur ka rawn lei sak che " eitur eng eng emawni chu a lei ngei mai mahse min bum tawh dawn reng reng lo.

" kha ..." Vin zet hian a phone chu a awmah ka hmehbel chawt a ," ka ril a ṭam lo ,ka lawm e " ngeiawm zet hian ka ti kher .

" i thin a rim em ni ?"

" hahh...engvang chuan maw ka thinrim anga ,i hmel ka hmuh zawng ringawt pawh hian ka luak a chhuak hluah hluah " ka ti let hrep a, ka kal nghal nal nal .

_______________________________________

☆ Rainer's POV☆

" Chelsea lo ding teh "

Chelsea lehzel pawhin min biak duh tawh loh avangin ka um zui dawr dawr a ,an vai maia ka chunga an thinrim thut nachhan hi ka hrelo.

" In bia ang ...Chelsea , min ngaithla teh " a kalna turah ka ding hmak ,ti hi chuan a tlan chhe thei tawh lo ang.

" Sadie ka chungah a thinrim ringawt a a chhan pawh ka hre lo min puih angai " a vawi khat nan Sadie vang bawkin midang puihna ka ngen ve ta .


" thinrim rêng ang chu ,Khatiang thil kha a thleng leh anih chuan ka pui tawh lo ang che ka tih kha "

Eng thil chungchang nge a sawi ?

" thil tihsual ka nei em ni ?" Ka bo tulh tulh .

" Amira nen room khat aṭangin in rawn chhuak lai kha kan hmu vek cheu"

" What !!"

Amira a! Engtik laiin nge Amira nen room khat aṭangin kan chhuah dun?

" Hrelo ang tak khan awm tum suh,nichin lawkah in awmdun a tunah Sadie i ti leh a "

" ka hmu lo tak tak ,nichin lawkah te kha chuan in thil eitur ka lei ringawt a nih kha ,awm dun chu sawi loh vawiin ah Amira ka la hmu lo " ka tih takah chuan min ring tawh a ni tih a hmel aṭangin ka hre nghal .

Tunah chuan Amira nen room khatah kan awm emaw ,ka hriat loh laia a kalna hnu a ka kal ringawt pawhin ka thiam loh a ni vek tawh .

" Amira nen in in karah engmah a awm lo anih tak tak chuan ngaihdam dil rawh ,tun ṭum chu a rilru pawh i thlak mai mai tawh lo ang "

Hahh...ka thiamloh ah pawh nilo ,Amira kalna hnu a ka kal avang ringawtin ngaihdam ka dil ang maw?

" Chuan ngatinge in chungchang kha min hrilh loh " Chelsea chuan min melh rum ngei mai .

" ka hrilh che kha...min rinhlelh loh nan $220 a pe anga a bak chu ka pek sak ang ka ti"

" mahse $220 atan chuan alian mah mah alawm, min hrilh lawk si lova ka insawi awk ṭep a ni "

Ka duh danah phei chuan in luah man hi a vaia pek ka duh mahse engti kawng zawng mahin a pawm dawn lo chuvang chuan min rinhlelh loh nan tlemazawng a chawi anga chupawh Chelsea kaltlang lo chuan a pawm duh dawn lo tih ka hriat avanga hetianga ti ka ni .


" ṭhiana zanin party kha Beast frat house ah anih kha aw " Declan chuan ka inngaihtuah vung vung lai chuan a rawn ti a ,party chungchang ngaihtuah hman pawh ka ni lo .

" Rainer ,engthil nge thleng leh ta?"

Thil ngaihtuah vung vung ka neih tawh hi chuan buaina ka nei tih Declan hi chuan a hre vat zel.

" ka tihsual ni miah lovah a thin a rim a "

" anih chuan ngaihdam i dil angai a nih chu "

" tihsual ka nei lo ka tih tawh kha "

" min ngaithla teh ,Sadie hi chân i duh em ?" Ka lu ka thing a .

" a nih chuan ngaihdam dil rawh .Tlawm zawkah i ṭan angai alawm .Ka hrilh tawh che kha hmeichhia te hi chu hriatchian i tum pauh leh i rilru an ti buai tulh tulh ang "

" ngaihdam dilin awmzia a nei a nih te chuan ...." Declan nen chuan kan khi suk a .
Ngaihdam ka dil anga a ni mai alawm.


Sadie rawn haw hun nghakin a appartment kawtah chuan ka vei thauh thauh renga ,a khat tawkin ka sana chu ka melh deuh reng bawk.

Hetah ka awm tih a hre lawk aniang a rawn haw har em em danah ,engpawh chu nise ka nghak chhuak tur a ni ringawt .

Darkar khat chuang ka nghah hnuah pawh a hmel reng reng hmuh tur ala awm chuang lo ,khua lah chu a dur in khawpui a ri dur dur renga , awmze nei lovin ruah sur dawn pawha haw nachang hrelo tiin ka phun nung nung reng ringawt .

Ruah pawhin a nghak peih tawh lo aniang tlem te te in a rawn sur ṭan seng seng ,kei erawh in thinrim ṭun chungin ka lo la nghak ṭang ṭang thung , kan in rem hma loh chuan haw ka tum hauh lo.

Kumkhua in ka nghak tawh dawn emaw ka tih hnuah Sadie chu taxi aṭang hian a rawn tlan chhuak a,min hmuh thut vang te pawh aniang thlarau hmu ang maiin min rawn melh .

" inbia ang "

" engmah sawi tur kan nei lo " tih leh inchhunga tlan luh a rual nghal .

" Sadie ..." Rawn hawi let chu sawi loh kawngka a khar hmak a ,a tlanchak lutuk a umzui hman pawh a ni lo.

Sadie awmdan chuan min ti luhlul zual sauh zawk , tun ṭum chu ka ti tak tak tawh a awlsam takin ka beidawng mai mai tawh dawn lo . Engtiang chiaha luhlul nge ka ni tih leh nei let leh ngei ka duh a ni tih hi ka la hmuh khawp ang.

Haw mai chu ka la tum lo nasa ,a tukverh aṭanga hmuh theih na laiah chuan ka ding renga ,engang pawhin ruah sur mahse ka haw chuang lovang, a luhlul chhung chu ka luhlul ve thei tho .

____________________________________

☆Sadie's POV ☆

Ka rilru lak pen tumin eng eng emaw ka han ti ve tak na in Rainer bak ka rilru ah a awm thei chuang lo .A khat tawkin ala awm nge awm lo tiin ka zuk melh deuh renga ruahsur hnuaiah pawh kal sawn zu han tum eih lova mawle.

" luhlul lutuk , i dam lo anga sin " ngaihtuah hle mah ila ngaihsak anga lan ka tum lo bur mahse inchhung dungah ka vei tawn seka ,ka awm hle hle thei lo.

Ruah a hãn deuh takah chuan ka zuk bih leh dek dek a ,alo awm tawh lo a haw tawh a ni ngei ang mahse ka ngaih tih ṭhat nan bawlhhlawh paih chhuanlamin Rainer ngaihven tum chuan inhnuai lamah ka chhuk thla leh ta nge nge a.

Hawi kual deuh zuk zuk pah hian bawlhhlawh chu ka paih a ka hawi let leh chiah chu ka phu chiang kher mai !! Rainer chu thingkhung hnuaiah hian a lo ṭhu thluang zar a ,a chau hmel hle .

Biak pawh tum lem lova ka kal pelh pawh chuan min hmu ang pawhin a awm lo .Ngatinge niang le ?

A awmdan a mak em avang chuan ka let leh ta ringawt a ,a muthlu emawni ?

" tho rawh " inkuangkuah chung hian lehlam ka hawi tlata, min chhang lo hrim hrim .

" Rainer ...." Ka ngaihṭha lo chuan en chian tumin ka va hnaih deuh a, a awmdan a diklo tih ka hre nghal .

" Rainer ....Rainer " sawi deuh paha a pang kan deh nak chuan a lo sa huam mai !! A khua a sik a nih hi !

" i harh em? Tho rawh " ka sawi nawk nawk takah chuan nghet takin min rawn kuah nghal vawng vawng a ," i rawn kal ta maw" tih zawng a sawi ,a khur nasa bawk nen a tlun a nih te ka ring hial .

Inchhungah ka hruai lut a ,a thawmhnaw a huh vek avangin ka phelh sak ta ringawt a chutah ka khumah ka muttir lehnghal min van tibuai tak em .

" khawilai nge na ...?" Min chhang lovin a ban chu a dawm vawng vawng reng a, a na hle aniang a tih chet apiangin a ṭhen leh sawk ṭhin .

" kha ...damdawi ei rawh " a mu lai chu ka zuk kai tho a ,a lu dawm pahin damdawi chu ka eitir a reilote ah a chhawng aniang a muhil nghal bawrh bawrh mai .

" mawl lutuk mahni inngahtuah nachhang pawh hrelo " a thawmhnaw ka nawh ro sak lai te chuan ka phun mawlh mawlh renga ngei hle mah ila ka ngaihtuah em em lawi bawk si .

A rawn harh veleh a a ei tur buhhawp leh khawizu tui chu dawhkan ah ka chhawp sa diam a tichuan a pang lum lutuk tih reh vat tumin puan huh chuan a pang chu ka deh sak reng bawk.

Rainer vil reng angaih avangin chhuatah ṭhu sawp niai chungin khum bawh nguai hian ka awm a ,engtik laiin nge ka mutthilh pawh ka hrelo.
*

Tu emaw in min pawm kang tih ka hriat chuan fiah lo ruai hian ka harh a, khumah min mut tir a ,ka chala fawh zeuh pah hian "ka hmangaih che "a ti sap ri chu ka hre deuh ruai ruai bawk mahse ka mut a chhuah em avangin ka mutthilh chhunzawm lehnghal .

" aw ...tunah ala mu " Rainer aw chuan min ti harh zawk , ham bai bai pah hian ka va en a tukverh bulah phone a lo hmang mawlh mawlh chu niin .

"engmah lo ti suh u ka rawn kal nghal " phone a dah rual chuan ka muhil der lehnghal a , engvanga muhil der leh kher nge ka nih pawh ka inhre tawh bik lo .

Rainer chu a inha nghal sawk sawk a ,ngawi rengin a kal dawn emaw ka tih laiin khum bulah chuan a rawn ṭhu leh te te phawt a ,ngun taka min en vang vang hnu chuan duat taka ka sam chul heuh heuh pah hian ka hmuiah a rawn fawp zeuh a ,a tho thut a a chhuak nghal nal nal a .

Kawngka inkhar khap ri ka hriat rual chuan ka meng nghal kawk a ,rang takin ka tho a room aṭang chuan ka tlanchhuak ve nghal .

"I khawsik a reh tawh nge reh lo pawh ka check hman lo asin le " phun sup pah chuan dawhkana ka buhhawp siam chu ka hawng a ,a lo ruah vek avang chuan ka nui nghal ver ver ringawt.

Ka in aṭanga a chhuah hnu aṭang khan ni thum lai chu Rainer ka hmu leh tawh lo hrim hrim , class a kal lova ,practical class lah a kal ngai hek lo ,corridor-a a kal mai mai lai pawh hmuh tur a awm lo hrim hrim .

Hei vang hian lawm Rainer hi ka huat zual beiseina chhete min pe a a hnu lawkah engmah sawi lovin a bo leh hmak zel ,a chunga ṭhat ka lo chhuah avang hian ka inchhir leh phah fo .

" Sadie kan in be lawk thei angem ?" Library a ka ṭhut lai chuan Declan'n min rawn be ve mial a,Rainer chungchang a nih chuan ka ngaithla peih lo.

" sawi la ..." Ka pencil ken lai chu ka dah a.

" Rainer hmu turin i rawn kal thei angem ?"

" teuh lo ....min pehhel a duh aniang chu a bo vang vang hi " ka ti ve hmak .

" a pehhel vang che a ni lo ,damdawiin ah a awm alawm " ka meng phawk chiang teh e ,a khua a sik leh emawni le ? Keima thiam loh vek lo ko lut ila chu ruah kha a do lo tur.

" Engtin nge a awm ? Eng nge a awm chhan? "

" umm....englo ania, accident a nia " hahh...a sawi hreh danah hian a insual leh tawh a ni maw ?

" tute nen nge an insual "

" maw!! Engtin nge i hriat ? A thiam loh pawh a ni chiah lo Stephen an lo sawisa a ,thih pawh huam in a chhan vang alawm "

" a phu tawk chiah a nih chu " engvanga nat pawh huam a midang tana inpe em em nge maw a nih le ?

" Khawngaih in inzai turin a rilru i hmin thei angem? "

" in...inzai a!"

" aw ...a ban ruh bawk kha ,Doctor sawi dan chuan an zai lo anih chuan ngai a awh leh tawh ngai lovang mahse Rainer hian doctor thusawi a ngaithla duh tlat lo, tlan chhuah phet a tuma pawn atangin kan kalh khum tawp. Chhuah a duh luatah damdawiin ah cigarette leh beer a chah lut a ,doctor leh nurse ho lah a vau khur khur reng bawk,a room a lut ṭha ngam pawh an awm tawh meuh lo .Damdawiin saw a pu ṭhianṭha ber ta nilo phei se chuan an hnawtchhuak daih tawh ang "

Declan'n min hrilhfiah takah chuan Rainer awm dan tur chu ka hrethiam nghal mai . Muang chang hman ka nih tawh loh avangin ka lehkhabu chu bag ah ka khung lut nghal sawk sawk a ," kal ang " ka bag ka ak a ,damdawiin lam pan chuan kan kal nghal a .

Damdawiin kan thlen chuan Declan sawi ang tak takin Shane leh Carter te chuan cabin pawnah Nurse chu ngaihdam an lo dil mawlh mawlh a , Carla pawh alo awm .

" Director in a dam hma chu a chhuak lo ang ti tlat lo se chuan an hnawhchhuahna a rei tawh ang ,nurse enkawl hreh lo pawh an awm tawh lo " nurse chuan a ti vin hlar a, a luhlul zia ngaihtuah in enkawl a har tur zia chu ka hrethiam mai.

" Sadie va lut ve chhin rawh ,i hmin thei mial maithei asin " beiseina sang tak nen Shane chuan a ti chuai raih a, ka hmin theih an ring em em a kei erawhin ka theih ka ring miah lo thung.

" ni e ...tuman kan hmin thei lo ,a inzai vat loh chuan zual lam a pan zel ania " Carla meuh pawhin a hmin theih loh chuan ka thei bik lovang ,engpawh chu nise bei nge sei rûndung kan ti mai aniang chu .

Ngawi rengin thinphu dawt dawt chung hian kawngkhar chu ka han nawr tawlh a,inchhung ka luh rual rual chuan," damdawi ka ei dawn lo ka tih tawh kha" a lo ti vin hlur a , tukverh lam hawi chungin min hnungchhawn zawng a din avang in min la hmu lo,cigarette a zu ham ham lehnghal. 

CHAPTER-60

" I wish life is like knitting ,so that i could remove the mistakes anytime and restart over and over again "

- Remruati Bawitlung 

Kan chhan lawk loh avang chuan a rawn hawi phei a ,min rawn hmu chiah chu thlarau hmu ang mai hian min rawn en nghal kawk a ,a rang a rangin a cigarette chu a hnungah a thukru nghal .

" Eng... enge hetah i rawn tih ?"

Inhum ruh chungin ngawi rengin ka va pan hnai a ,melh khai reng chung chuan khum bula megazine chu ka la kang a .

" hetah hian paih rawh " tih hmuk pahin a hma ah tak chuan ka dawh a, a nawr hlum hma loh chuan chetsawn ka tum lo.

" Eng chu maw?" A hrelo der ngam ka ti , zial zu lo niawm takin a awm lehnghal .

Ngawi rengin inla bossy zet hian a hnung lam chu ka zuk melh hrak a ,ka ti mai mai lo tih a hriat takah chuan a rawn la chhuak nghal zal zal mai,ui hmel zetin megazine ah chuan a nawr hlum nghal bawk.

" khawiah nge a dang ?"

" min melh hlum i tum em ni?" tih pahin drawer a cigagrette a dah ṭhat chu min rawn pe leh zal zal a mahse ka lung ala awi chuang lo .

" beer pawh i la lut a ni lawm ni "

" Sh*t.. hmela chu " a phun sup a," ka in hman lo...ka ti tak tak " beer can nga lai hi a rawn la chhuak a ,ka bag ah ka khung ṭha nghal hmak.

" khawi aṭanga i neih nge?"

" umm...Christ an min rawn tawlh ruk sak "

Hepa tak hi chu aw ...Christ te chu naupang mai ala ni a, ken sak turin a vau tih hriat reng reng.

Ka nawr luih tlat avangin lungawi lo deuh chung hian chaw chu a nei nuap nuap a ,a bulah ngawi rengin ka lo ṭhu ve renga ,ka kal mai mai dawn bik lo .

" damdawi hi ei nghal rawh " chaw ei kham veleh ka eitir nghal vek a ,ka sawi ang apiang hnial miah lova a tih zel avang hian mak pawh ka tiru takzet.

" Nurse leh doctor te sawi ang apiangin awm tawh rawh aw...i dam vat vat anga i chhuak vat mai dawn alawm " damdawiin ah alo awm ve bawk nen vin tun tun ka tum lem lo.

" inzai i duh lo em ni ?" Ka zawt ta nge nge a .

" inzai ngai lovin ka dam dawn lawm "

" anih inzai turin ngen ta che ila i inzai angem?" Ka tih chuan a lu a thing mat mat a.
" inzai hi dam chuahna a ni vek hleinem "

Declan sawi dan chuan a pu pawh kha an zai hnuah a harh chhuah zawh loh avanga thi tiin a sawi a,khatiang thil a chunga alo thlen vang te pawh kha a ni mahna inzai liantham a hmachhawn duh miah loh nachhan .

" anih naktuk ah i rawn kal leh dawn em ?"thil dang a sawi daih .

" ka hrelo "

" class ban ah ?" A rawn ti leh hram .

" ka lo tum dawn nia " ka tih takah chuan a khi suk a, a mood off lutuk pawh kha a reh nghal vek mai in ka hria.

Darkar 2 ka awm hnu chuan ka haw alo hun leh der tawh, phone game te kan khel dun a Rainer bula ka awm tawh hi chuan hun te hi a kal duak duak zel.

" i rawn kal leh ang tih min tiam rawh "ka kal tur chu a mal chungah chuan min pawt ṭhu a, ka ṭek lehnghal chuai chuai tawh .

"I fel viau chuan " tih sap pahin khumah ka nam mu pawp a ,rang takin cabin aṭang chuan ka tlan chhuak nghal daih a.

------------------------------------

Nilengin Rainer ka kãn huna ka thil ken tur te chu ka ngaihtuah a keima tawkah ka buai ve hle.

" kha kha eng nge ?" Nolan chuan paper a tic tac toe khelhna tur ka ziah mawlh mawlh lai chuan a rawn ti a .

" class zawh veleh Rainer ka kãn dawna,chuta kan khelh tur chu mawle " ka lo ti sam et a .

" in...in pahnih hian in ṭha leh tawh em ni ?"

"Aih ...engkim a tawp vek tawh mahse tunah hian a damlova inzai a duh theih nan hmin ka tum mai chauh alawm"

Ni e ,Rainer hnena let leh tumna ka nei lo. A bula ka awm hian ka hlim tih ka hria mahse engtik ah nge min tih nat leh dawn tih ka hrelo ,na nawn leh turin chakna ka nei tawh lo.

" Sadie ...thutlukna i siam hma in inngaihtuah leh la a ṭha in ka hria "
"Ka inngaihtuah vek tawh alawm"

Class zawh veleh Chelsea leh Kaithlyn pawh hmu kawi lovin damdawiin lam ka pan nghal vat a, Rainer cabin ka thlen chuan pawnah Declan chu alo ṭhu ngui bam a .

" Hi !!"

" Sadie ...i rawn kal leh a ni maw?" Ka kal leh hi a beisei vak lo ania nge .

" Eng nge a an ?"

" umm...englo ania ,nizan pawh zankhua in a khua a sik leh char char tawh a ,zai a nih vat loh chuan nachhawkna sang pawhin a chhawk tawh lo mai thei an tia "

A ban chu ka rin ai daihin alo nasa tawh ,a nat em avanga nachhawkna sang pawhin a chhawk zo lo a nih chuan a na viau ang le.

" ka hrethiam e " ka ti chuai raih a .

Rainer an ṭhat loh lam a pan zel tih ka hriat chuan ka ngui nghal vek,ka ṭah te pawh a chhuak zawk .Engvanga inzai chu duh lo viau nge maw a nih le ?

Inti pachang hram hram chungin cabin ah chuan ka lut leh a ,Rainer an min rawn hmuh chuan min rawn nuih nghal sang a ,ka ngaihbel vang nge pawh ka hrelo nimin aiin a dãng sawt riau in ka hria.

" I khua a sik leh em ni ?" Khum tlangah chuan ka ṭhu a .

"Sik tawh lo ,engmah a nih loh kha " angaih awlsam vang ringawt hian a dam dawn lo .

Thawk chhuah deuh hawk pah hian ka kut chu a hum vang vang a ," ka lo nghakhlel tawh lutuk che asin " a hahdam huai nimai hian ka hria, kei erawh ngawi rengin ka lo ṭhu reng thung.

" Sadie ...." A mitmu paw chiai mai chuan chiang tak hian min rawn en a ," ka hmangaih che" ka mûr nghal sung sung thei. A aw ril raih leh accent mawi lutuk te hi ngaiah ka nei thei lo.

Tunah tak hian khawvela hmeichhe hlim ber ka ni hial ang a chhanchu he thil hi hun rei tak chhung ka lo nghak tawh miau alawm .

" kumkhua in ka kianga awm turin ka duh che ,a hma a ka thil hrilh che kha ka ti mai mai lo asin min han en teh tunah pawh hian ka ti mai mai lo a ni tih i hria ang ,ka hmangaih takzet che "

A hmel en ringawt pawh hian a ti mai mai lo tih ka hria mahse awlsam taka neih thei ka nih loh zia leh ka hlutna hi hre ve se ka duh .

Muang changin ka kut chu ka la chhuak riai riai a ," Rainer , nangmah pawh i in hmangaih thei loh chuan engtin nge midang i hmangaih theih teh lul ang " ka ti chuai raih a .

" Sadie ..." Min rawn khawih a tum leh chuan rang lutuk in ka tho thut a ,ka inla hrang nghal .

" tunah hian inzai i mamawh takzet asin ,i dam loh chuan i kiang ami te hi engtin nge an hlim theih ang .Midang i ngaihtuah a nih chuan nangmah pawh in hmangaih ve rawh " ka mittui chu a rawn tling leh pam tawh,a hmuh laia ṭah ka duh loh avangin ka tlan chhuak nghal .


Ka haw chuan inkawtah ka ṭhiante pahnih leh Nolan chuan min lo la nghak a ,zaninah ka inah movie en kan tum tih pawh ka lo theihnghilh leh hman .

" kan nghak rei tawh lutuk che ka ke a kham vek tawh " Chelsea chuan alo ti bai bai a.

" hei sausage ka rawn hawn ania ,kal nghal ang u " nuih luih ver ver pahin kan inzui chho nghal a.

" i ṭha maw ?" Nolan chuan a rawn ti sa sa a,ka lo bu nghat.

" i ṭahna i mit a sen vek ania " min lo chik bik hle mai ,kawng tluan deuh thaw in ka ṭap miau alawm .

Chelsea leh Kaithlyn nen kan pathum chuan dinner atan spaghetti kan siam a ,siam dan kan thiam loh bakah Nolan hi ala chet ṭhat thei loh avangin siam dan tur chu min lo hrilh zel ve thung.

Ka ṭhiante hi awmlo se chuan tunah pawh hian kil khatah indawm kun chungin ka ṭap leh kerh kerh tawh ngei ang .

" Rainer nen eng nge in an ?" Chelsea nen chauh kitchen a kan awm dun lai chuan min rawn zawt thut ringawt .
" kan inhmu leh tawh ngai lovang "
" engthil nge thleng ?"
" Rainer nen chuan engkim hi a kal dik thei lo ,buaina bak min thlen ngai lo "

" anih Rainer hi buaina i thlen sak lo bik em ni?" Chelsea chu ka en nghal kawk ringawt,hetiang zawng hian ka lo ngaihtuah ngai miah lo.

" kan inkar siam ṭhat leh nan theihtawp ka chhuah tawh a, a tan engkim ka tih hnuah pawh lungngaihna bak min hlen chuang hleinem "

" i beng i chhu ngawng tlat a engtin nge a thil tih zozai te hi i hriat theih reng ang , scholarship leh sponsorship i hmuh nachhan pawh hi Nolan vang nilo in Rainer vang zawk a hmu i ni asin ...i project atan topic a pe che ,i submit hnuah pawh pawm a nih theih nan a theih tawp a chhuah asin ...chuan ...chuan he in pawh hi $220 man chauh a ni reng reng lo "

" Sadie i phone a ri ania " Kaithlyn chuan livingroom atang chuan rawn ti lauh lauh a,mahse ka bengkhawn lem lo .

" $220 a nih loh chuan engzat man nge ?"

" ka hre bik lo ,heihi sawi tur ka ni lo na in i apartment pawh hi Rainer zawn sak vek che a nih hi "

Enga !! Sawi tur pawh ka hrelo ,engkim hi Rainer min tihsak vek maw lo ni a !!

" a ri leh tawh ,ka pickup sak mai che " Kaith chuan a rawn ti leh a .

Rei pawh a ni lo Kaithlyn chu hlauthawng tih hriat tak hian a rawn tlan phei nghal," Sadie ...emergency "

" Emergency ti ringawt lovin 911 call mai rawh " Chelsea chuan a lo ti hmanhmawh .

" nilo ...Declan'n a rawn call a ,Rainer an zai mek ,thisen a put hnem em avangin a dinhmun a ṭha vak lo a nih hmel "

" maw! Rainer an zai a?" Chelsea chu a ṭe chel chul mai.

Ngawi rengin ka appron awrh lai chu ka phelh sawk sawk a ,ka thil siam pawh ngaihtuah lek lovin ka tlan chhuak nghal,ka thiante ho pawh kei ang tho in an chiai nghal vek.

Ka rilru in Rainer chu ka hau mawlh mawlh renga ,engvanga min ti buai tur ringawta thil ti nge maw a nih le ?

Awlsam taka hmin theih ka nih tawh loh zia leh ka hlutna hre ve tura ka hremna chu hetiang hian maw min thungrulh a !

Dinhmun hlauhawm ah a din chiah hian ka lo hmangaih zia leh a tello a ka lo hlim loh zia ka hrechhuak nghal uarh uarh bawk.

Rainer an zaina room nia an sawi na lamah chuan hah pawh sawi lovin ka tlan chho nghal hlawk hlawk a ,Declan leh a ṭhian dangte ka va hmuh takah chuan helai hmun hi an zaina room a ni tih ka hre nghal .

" Engvangin nge i rawn kal ?" Declan ṭhutna lam pan ka tum lai takin Carla chuan min rawn nam sawk mai!

" Chhuak rawh heta rawn kal tur hi i ni lo asin " ka kawr nghawng ṭham chung hian a ṭap nghal hawm hawm a ,chet nachang pawh ka hre tawh lo .

" Rainer hian a thinlung zawng zawng in nang chauh hi a ngaihtuah che asin ,engtik lai mahin a rinawm loh san ngai lo che .A hlimna i ni a ,a nunna khawp ang hiala a ngaih lai che in nang chuan hetiang mai mai hian maw i lo chhan let a "

" Shane ...Carla hi lo va hruai rawh " Declan an a tih chuan Shane chuan Carla chu a la hrang nghal daih a ,kei erawh Declan'n hmun reh lampangah min hruai thung.


" kei chuan a hlimna nih hi ka duh ngai lo ,keimah vang nilo in amah vang vekin hlim se ka duh " kan pahnih chuan inchung ah kan ṭhu dun ran a ,boruak rit lutuk pawh kha a ziaawm sawt .

"Rainer hi chu a tette aṭang tawh a mal ṭhin a nia ,a tawn aṭang che khan ngaihsakna te hmangaihna te a dawng ve chauh a ngaiah a nei thei lo chu a nih hi ...nang hi Rainer hmangaih tu hmasa ber i ni asin"

" Engvanga a inzai tur thu hi min hrilh miah loh nge maw a nih le ?"

" hrilh lo tur che in min ti na in a dinhmun hetiang hi a nih tak si ah chuan ka hrilh lo thei lo che , a khawngaihthlak awm ngawt mai anu takngial pawhin a inzai tur thu a hre lo ania "

He thil hi chu ngaiah ka lo neih pui ve tawp ,Samantha hian engtik lai mahin a fapa hi a ngaihsak ngai lovang .

" i haw hnu lawkah khan inzai a duh thut thu leh a dam veleh surprise a tum thu che min hrilh a,ka ti flop ta vek a nih hi " a tih chuan kan nui leh rih a ,tluang taka an zai ngei ka beisei.

A inzai zawh hnuah darkar tam fe a harh chian hun nghaka kan ṭhut ṭhap lai chuan nurse chu a rawn chhuak ta nge nge a .

" a rawn harh chiang tawh a ,a la chau deuh avangin mi pakhat bakin hmuh phal a ni lo "

An vai mai chuan min rawn en ṭhap ringawt.

Rilru ṭawngṭai na nen zam tak chungin room chhungah chuan ka lut zal zal a,min rawn hmuh chuan min rawn nuih leh var var tawh .

" a na em?" Ka kal hnaih ngam loh avangin hla deuh takah a ding a.

" lo kal hnai teh " a kut lehlam chu a rawn dawh a ,insut deuh hraih pahin a kut chu ka va vawn sak nghal .

" ngatinge engmah min hrilh ve ngai miah loh ,min ti hlauthawng lutuk asin "

" tunah chuan keimah ka in hmangaih tawh bawka ka hmangaih thei tawh che angem?" Chutah zet zawng ka insum zo tawh lo ,ka mittui chu ka biangah a rawn luang thla nghal zung zung a .

" mawl lutuk, tinge apartment chungchang te kha i zep tlat a " tih nat hlau tak siin ka kuah nghal thlawp bawk .

" Chelsea hnenah hrilh miah lo tur che in ka hrilh asin mawle "

" Engmah ka lakah zep tawh suh ,kumkhua in dawt min hrilh theih i ring em ni ?"

" ahh....a na lutuk " hlauhthawn tawh sa nak alaiin a ban ka la tih nat sak zui .

" khawi...khawi lai tak nge na ,doctor ka va ko dawn em ni ?"

"Nolan a thinrim angem? A bialnu ka ruk sak sia " a rawn ti daih ,taka Nolan nen kan inngaizawng emaw a ti tak .

" chutiang sawi suh ,Carla pawh a thinrim ve tho ang " an ni pawh an inkawp chuang lo ,Nolan a rawn sawi chhuak bawka Carla chu ka sawichhuak ve khera a duh lo teh e .

____________________________________

1 month later

Rainer nen kan inkawp ṭhat lehna pawh thla khat lai a lo ni ta der mai ,nitin maiin kan in hmu a kan chhuak dun a ,movie te kan en dun bawka hetiang em em hian ka la hlim ngai lo mahse buaina tam zawk a chhuah loh nan kan inkar thu hi University ah chuan kan thup tlat thung .

"Good Morning "

" morning Sadie "

" hei i lehkhabu duh deuh kha ka rawn hawh sak che a " Nolan chuan Wild light tih lehkhabu chu min rawn pe a ,ka zawnna a rei tawh bawka a tawp a tawpah chuan ka chhiar ve thei dawn ta .

" ka lawm e ...taka naktuk zan chu movie en ho ila Chelsea leh Kaithlyn te pawh ka hrilh tawh "

" a thik leh si ange " nuih deuh vur vur pah hian a ti sup a .

Ni e ..Rainer hian Nolan hi tun thlengin ala thik nia mawle mahse a hma ang ni tawh lovin .

" Miss Morin " huizz...Miss Morin tiin min koh tawh hi chuan midang thik a nei leh tawh tihna chu chu hai rual lovin Nolan a ni.

" Hi ! Mr Rainer " ka ti let ve sak .

" Nolan..I'm gonna steal her, pawi i tih loh chuan " a ta ka ni tawh tih hriattir nan ka kawngah min rawn kuah nghal ,Nolan pawh a nui tawp .

" aw le ...Sadie kan in hmu leh dawn nia " min bye bye pah in a inthiar fihlim nghal nal nal.

Nolan a kal liam chiah tih chuan a nakah ka nghawk nghal sawk a ," i thik leh tawh em ni ?"

" thik vang pawh a ni lo ...i thiam loh a nih kha ,a bulah i nui vel alawm " hahh..mipa dang bula nuih pawh chu a uihawm viau mi le?

" aw le ...ka hria ka hria " tih pahin a hmuiah ka han fawp zeuh a ,"a lehpekah chuan Nolan vang ringawt in i subject thlak tawh suh ang che "

" I bulah ka awm chak alawm ,nangpawh Leona vang ringawt in practical class neih laiin min rawn pawh chhuah ve tho kha "

Ni dawn tak ,kha Leona lerhi khan Rainer alo zim buai vela ka thik em avangin an practical class neih lai lai in ka va lut tawp a ,Rainer ka va kai chhuak nghal dawr dawr tawh tak .

" a dang pawh ka la hre ṭeuh ania "

" aaaaa....sawi tawh suh ,kal ang ka ril a ṭam tawh lutuk " a thusawi pehhel tumin kal daih chu ka tuma mahse ka banah a rawn vuan hman .

" vawiin pawh min kalsan leh tawh ania "

" i hriat kha midangin kan kal dun lai min hmuh fuh vaih chuan ka thi a ni mai "

" Sadie ...kan inkawp a ni tih hi zep lovin kan ti lang maithei lo em ni ,midang awm laiin i bulah ka awm thei lova ka biak lah i duh hek lo "

" hriatthiam tum teh ,engmah kan sawi lo chung pawh hian buaina kan tawh tam tawk tawh em hi...taka zanin chu leng chhuak ila "

" ok.." A ti sap a.

University ah chuan inhnaih taka kal ka duh loh avangin ka kal hmasa zawk a ,ka hnungah ft6 vela hla ah min rawn zui hnak hnak a.

★LIBRARY ★

"Min lo va kalsan rawh u, zanin chu Rainer nen kan chhuak dawn a "

" awww....Date" Chelsea leh Kaithlyn te chuan min rawn chhaih a ,ka lo nui ringawt .

" In bengchheng lutuk kal mai mai teh u ,bakah ani pawh class a bang ṭep tawh ang "

" hmm...naktuk zan kha theihnghilh lo la ,Kaith kal teh ang bialpa tur ka zawn sak ve ang che " min rawn melh pahin Chelsea chuan Kathlyn chu a kuah bet tlata,a chhuah pui nghal nghawng ngawng a.

Hemite pahnih hi chu awm lo se chuan tun dinhmun pawh hi ka thleng lo anga ,Rainer pawh hi ka tawng hek lovang.

" hmeli.... I zak lawm ni " Amanda chu ka ṭhutna hma tak ah chuan a rawn ding tau a,min melh rum em em bawk.

Diktak chuan Amanda hi chu ka hlau takzet a chhanchu transgender a ni a ,a zak lo in mipa tha ang chiah a nei lehnghal ,tihbuai pawh a hlauhawm zawk .

" I zak miah nange "

" Engvang chuan maw ka zah anga?" A ṭawngkam a ngeiawm em avang chuan ka ngaithei bik ṭhak lo .

" Rainer i lo be vel elaw,phat tum duh suh zingah pawh in in be lai an hmu vek "

" ka bialpa ania ka duh leh ka bia ang chu" ka ti ve ngat .

" Enga !! A bialnu ka nih hi " ka nuih a za letling zawk, engtin nge chiang lutuk in dawt a sawi theih zawk .

" hahh...a duh che i in ring reng reng em ni ?" Ka tih rual rual chuan ka samah a rawn kek ta bawrh bawrh mai .

Amanda hi Rainer ang chen vel lian leh chak zet mai alo ni bawk nen ,a keh na lam lam ah ka tlan dawr dawr mai .

" zawng hmelchhe nu i zak lawm ni" min keh pawh duhtawk mai lovin anchhia min lawh tel nghal bawrh bawrh a ,min theh phar nasa lutuk a ṭan pawh ka ṭang thei tawh lo .Ka sam sei lai kha ni phei se chuan hei ai hian a na zawk ang .

Min theh hrep tawh hnuah chuan min rawn pawt hrang ta nge nge a ,Amanda chu Declan leh Carter ten an man bet tlat a kei erawh Rainer an min pawm kang nawlh a,min chhuahpui nghal nal nal .

" ashhh....Sadie hei hian dep rawh " Nikki chuan ka hmai duk ruih mai dehna turin vur tlang hi min rawn pe a ,Zuri pawh ka bulah ngawi rengin alo ṭhu ve ran mai .

"A na em ,ka van khawngaih tak che " Nikki bula awm tawh hi chuan a in tih pachan theih loh ,ṭah belh tih takah ka mittui te lah chu a far tawp thei miah lo ,ka hmai nilo ka taksa pumpui hi a na ṭhum a ,ka sam te lah chu a pawt kawlh lo chauh .

"Sawpa sawn min hnem pawh a tum lo " pawnah Rainer chu inngaihtuah muk tih hriat takin kekawr ipte zen chung hian a ding reng ringawt .

" a hlauhthawn vang a nih saw ...in be phawt rawh u ,kan kalsan dawn che ania"

Car aṭang chuan an chhuak sap sap hlawm a ,Rainer erawh nichin aṭang tawh khan ngawi rengin a din na ngaiah sawna a la ding char char, min hnem pawh a tum lo .

"Ka hmai vung vek te hi i hmu ve lo em ni? " ka ti ṭuau a,amah vangin hetiang hian ka awma , eng nge maw tal a sawi ve em em chu ka lo ring ve asin.

" min be duh lo mi? " lungawi lo tak chungin car aṭang chuan ka chhuak tau nghal hlawk hlawk a,mahse ngawi rengin ka ban ah vuan in min pawt her nghal sawk a .

" keimah vang a ni tiraw ?" Inthiam lo tih hriat tak hian a kun lap a ,amah vang a nih miau avangin ka lo bu nghat ringawt.

" a na em?" Ka sam ka benga zeh pah chuan ka hmai vung deuh luk chu a en vang vang a ,"min ti hlauthawng hman lutuk asin, i tuar lai hi ka hmu thei tawh lo ,kan inkar chungchang pawh hi i duh emaw duh lo emaw ka thup tawh dawn lo...kan thup chhung chuan hetiang hi a la thleng leh fo ang " Amanda vang pawh nilo in Rainer ṭawngkam avang hian ka mittui a rawn tling nghal pam mai .

" pawi ka ti lutuk Amanda kha chu ka hneh ngang lo a ni " ka tih chuan kan in nuih a ,duhthawh takin min rawn fawp nghal vawng vawng bawk .

" kan leng dawn lo em ni "
" i mu duh zawk em ?"

" ai ...taka Amanda in a bialpa i nih thu min hrilh asin ,engpawh chu nise hmeichhe dang pawhin min hrilh fo tawh a mahse ngaiah ka nei thei thlawt lo ,a chang hi chuan min rinawm loh san a nih te ka ring hial ṭhin" tih pahin car ah luh mai ka han tuma .

Hung lam aṭang chuan nghet takin min rawn kuah thut a ,a khabe ka dara nghah pah chuan ,"sshh...khatiang thil kha sawi tawh suh , i rinhlelh turin ka awm ngai lo asin ,i hmuh laiin hmeichhe dang ka be ngai lova ngaihtuah pawh ka ngaihtuah ngai lo...nang chauh hi ka hmangaih awmchhun i ni tih hre reng rawh "

A sawi dik chiah kei ang lo takin Rainer hian hmeichhe dang a be ngai lo ,rinhlelh tur ang pawhin a awm ngai lo mahse ka thikthu chhiat luat vangin hmeichhe dangin Rainer an lo duh ve ringawt pawh chu ka phal lova, Rainer chungah bawk ka ṭuan leh ṭhin.

Ka hmai a vung nasa in a duk chür e ti lo chuan Broadway Street ah chuan inkuah rial chung hian kan kal a, tu dang mah ngai lovin keimahni tawkah kan hlim ve em em ringawt .

Kawng sirah chuan naupang ho hian claw machine a naute lem awm chu lakchhuah tumin an lo au dar dar hlawm a , ka hmuh rual rual chuan ka va pan nghal .

" naupang thil a nih kha kal ang " Rainer an a tih pawh chuan ka ding lui tlat tho .

" i la chhuak thiam ve angem ? A har reuh lutuk asin "

" hahh... Engmah a nih loh kha ,khatiang mai mai "

" anih chuan han tum chhin la " tih pahin phur takin ka coins neih ho chu ka phawrh chhuak a, Rainer hi dah zero ve hrim hrim ka duh .

Ka rin ang ngeiin minute 10 hnuah pawh naute pakhat pawh a la la chhuak thei lo .

" kal mai ang ,a har ka tih tawh kha "

" vawikhat leh chiah "

Vawikhat leh chiah a ti zela, coins pawh a hmang zo ṭap tawh .

A tawpah phei chuan a man thei lo lutuk a ,claw machine chu a chhir nghek ringawt .

" i thinchhe lutuk ...min rawn man hma in kal vat ang " tih pahin nghet takin a banah ka kuah tlata,hmanhmawh takin ka kalpui nghal dawr dawr a .

CHAPTER-61

🎶Taylor Swift - Mine

You put your arm around me for the first time

You made a rebel of a careless man's careful daughter

You are the best thing, that's ever been mine

☆Rainer's POV☆

Sadie apartment a kan chhoh lai chuan a kal mai mai lai chu ka pawt let thut a ," tuman min hmu lo " tih pahin duhthawh zet hian ka fawp nghal tawn tawn a ,min lo nam sawn rang teh e .

" kan thlen ṭep tawh hi" min rawn nuih pat pat pah hian a tlan chho daih ,ka hmai chu ka kut pahnih a tuai nawk nawk pahin ka nui ringawt .

Room-ah Sadie a inthlak lai chuan ka va lut thut a,inkhuh ṭhat sawk sawk pah hian ," Eng nge ?" Alo ti vin hlar a .

A in khuhna chu ka pawh thlak sak thut a," zanin chu hetah ka riak dawn " ka ti bung hmut ringawt.

"Mahse ..."

" nidanga ka tih lo dan pawh a ni hleinem nge ka in lamah kan riak phei ve thung dawn " a hriat thei chang chang tur hian ka ti sap a,a hmui ka fawh lai te chuan ka hmuh hmasak ber ni a ka thinphut rang dan ang bawkin a la phu rang.

" inphelh vat rawh thawmhnaw i hak chuan ka ti thei lo ania " a nghawng leh beng vel ka fawh lai te chuan a thawk a rangin a rum leh ham ham ṭhin a chu chuan min ti phur hle.

" Rainer ....kal suh " heihi lawm Sadie ka duh em em nachhan, min mamawh a ni tih hi a thup ngai lo.

A taksa te takte chu zo zet in ka pawm kang nawlh a ,muang changa khuma ka mut rual chuan a mal leh mawng bawr te chu ka zut kual ruai a ,a tawpah a panty ah bawk chuan ka zen lut a a eu nghal awrh bawk .

Rei pawh ka nghak thei tawh lo ka kekawr chu ka hlim sawk sawk a Sadie chhungah chuan muangchangin ka lut a .

* censor* 

Kan pahnih chuan inkuah rialin kan hmalam hun ruahman pahin kan titi mial mial a, ka hriat loh karin pa nih ka lo inpeih ve der tawh ani tih ka in hre ve chiah .

" Rainer thil hrilh tur che ka nei "

" Eng nge ? Nolan hnena let leh chungchang ani lo tiraw? "

He thil bawk chu ,Sadie hi ka rin loh vang pawh nilo in chan ka hlauh luatah ka lo ti leh thin .

" ni love ...umm, Braydon hi kan chungchang hrilh a hun tawh in ka hria "

" ok ...naktuk ah kan hrilh dawn nia "a luba fawh pahin ka ti chiah a ,door bell a rawn rik thut avang chuan kan in en ha a .

" Chelsea te ho an ni maithei vawiin thil thleng avang khan min ngaihtuah aniang "

" ka va hawng ange " tih pahin ka tho chhuak nghal vat a,kawr pawh ha lovin kekawr chauh hak sawk sawk pah chuan kawngka hawng tur chuan ka chhuak nghal .

" Chelsea"

Kawngka ka hawng chiah chu rin loh deuh maiin Braydon alo ni a,min hmuh rual rual chuan eng sawi set set lovin min hnek thlu nghal tawp. Ka duh chuan ka khawih let ve nghal thei mahse tunah chuan ni love.

" Sadie ....Sadie " tih tuarh tuarh pahin Braydon chu room ah lut nghal a ,a thinrim insum zo lo in Sadie a khawih mai ang tih ka hlauh avangin ka umzui ve nghal .

" Ka û"

" Eng nge thil awmzia? I thawmhnaw te chu!!...hepa hi ngatinge hetah a awm? " min rawn kawk sawk sawk a ,a awki pawn a sang sawt hle.

" eng nge hetah i rawn tih ?" Sadie chuan a ti bah nuai a ,thawmhnaw em pawh ala ha mumal hman lo .

" chu chu a pawimawh ber lo ,in ha vat rawh chuan engvangin nge hepa hi hetah a awm ka tih chu? "

A hma aia a vin tak em avang chuan ka lo inrawlh ve nghal.
" hmela lo inrawlh ve suh,ka farnu hi i kut hmawr pawhin i tawk tur a ni lo "

" hrilh che ka tum alawm, hrilh vat che ka tum asin " Sadie chu a ṭap deuh par a,a hlauthawng hle a ni tih pawh a hriat.

" Sadie..." Tih paha kuah ka tum chiah chu Braydon chuan hmela tih pahin min rawn bawh thlu nghal tawp a ,ka hmaiah a hnek nghal chawrh chawrh bawk .

" Braydon...thlah rawh ,khawngaihin thlah rawh" Sadie pawhin a theitawp chhuahin a û chu dan a han tuma mahse awmzia a nei lo .

" duhtawk tawh rawh , khawngaihin ...Braydon thlah tawh rawh" Sadie mangang ṭap hawm hawm ri ka hriat chuan ka insum thei tawh bik lo .

" zawng hmelchhe pa ...lo in thiar fihlim turin ka hrilh che a ni lawm ni"

Min hnek leh a han tum nak chuan dawh mai mai ka tum tawh hauh lo ,na zeta ka hnek chawrh hnuah ka tlawh thal nghal tawp bawk.

" Sadie ...na i nei em ?" Nghet takin ka va kuah nghal vawng vawng a, ani erawh a ṭap hawm hawm thung .

" min han en teh ,na i nei em ?" A biang tawn tawn ah ka dawm a ,a lu a thing takah chuan ka thaw nghal huai thei.

" engtin mah i awm dawn lo " a aia nghet chuan ka kuah lehnghal vawng vawng a,mahse eng nge lo thleng leh dawn kan hre der si lo .

Chutia Braydon pawh ngaihtuah zui tawh lem lova kan inkuah hle hle lai chuan Sadie chuan," Rainer ...." tih ṭhawt pahin a rawn inher thut a ,a hnungzangah a ri nghal ṭhuai mai !!

Braydon'n min vuak a tum lai chu Sadie in a lo hmu a, ka nat phal lovin amah leh amah a indawh chu lo niin!!

" Sadie ...."

A taksa chu a rawn zawi nghal vek, min kuah nghet theih tawh loh avangin a kut chu a thlah thla riai riai a , a tlu tur chu nghet takin ka kuah bet nghal vawng vawng a, khawvel hi a reh nghal duk in ka hria .

Braydon erawh phawk fe a men nghal kawk pahin a nau a vuakna painting lianpui chu chhuatah paihin a ṭhingṭhi nghal hnawk a ," bawihte ...ka tihpalh " a nau nikhaw hrelo a awm pawh a ngaihven thei tawh lo .

Kan pahnih in Sadie chu damdawiin ah kan tlanpui nghal vat a, kawng tluanin Braydon chuan Sadie kut lehlam chelh tlat chung hian ngahdam a dil mawlh mawlh reng a ,a kut lehlam erawh nghet takin ka lo chelh ve tlat thung.

Kan pahnih chuan kan chiai vek a,eng nge han tih hmasak ber tur pawh hrelo in kan phi ruai reng ringawt.

Tihpalh vang liau liau a vua a nih avangin Braydon chu hriatthiam hram hram ka han tum ve tak nain Sadie hmel ka hmuh hian a û hi hnek thluk tawp ka chak takzet .

Doctor ten Sadie an buaipui lai chuan a chhungte leh Braydon ṭhiante pawh chu an rawn thleng khawm ṭak ṭak a, awm hle hle thei lova ka vei kual chhen lai chuan Braydon erawh a melh ngai melh reng chungin a ṭhu tlawk tlawk thung.

" Sadie chu engtin nge a awm ?" Pi Marica chuan min rawn sawi nawk nawk a ,chhang lovin ka ngawi reng thung .

" ka fanu hi engtin emaw a awm a nih vaih chuan i chak lovang " a ṭap nghal zawih zawih a ,kuah a hnem ka chak takzet mahse ka thei tlat lo a chhanchu keima thiamloh vek a nih vangin.

Sadie hi lo hmangaih lovin lo kalsan daih ni ta ila hetiang thil hi a tawrh angai lo tur .

Tumah in biak tum pawh kan awm lo Sadie result chu rilru ṭawngṭai na nen kan nghak tlawk tlawk ringawt.

" in thil tih hi in hria em?" Pute Gary chu a rawn ṭawngchhuak hlawl a ," in pahnih inhuat avanga thil thleng hi in hmu em ?nangni hian in tuar reng reng lo Sadie chiah in asin tuar "a insum zo tawh ngang lo ania nge, a mittui hruk zeuh pah hian a rawn ding chhuak a.

" Braydon i nau hlimna mai pawh nilo in a nunna pawh i la ṭep asin chupawh in pahnih inhuat na avangin .Nangpawh Rainer an unau i inṭhen hran avang hian Sadie chiah in a tuar. In pahnih avang hian a rukin a ṭap ṭhin a ni tih in hria em? Sadie ngaihtuah lek lova nangmahni hlimna tur chauh in ngaihtuah lai khan a " in pahnih inhuat avanga thil thleng hi in hmu em ,nangni hian in tuar reng reng lo Sadie chiah in asin tuar " pu Gary chu a tawp a tawpah a ṭawng chhuak ve ta , a tuar thei tawh ngang lo ania nge.

" Braydon i nau hlimna mai pawh nilo in a nunna pawh i la ṭep asin chupawh in pahnih inhuat na avangin .Nangpawh Rainer an unau i inṭhen hran avang hian Sadie chiah in a tuar. In pahnih avang hian a rukin a ṭap ṭhin a ni tih in hria em? In pahnih hian a hlimna in ni a, a tu zawk zawk pawh Sadie laka ṭhen hran in tum a nih chuan a tuar tur chu Sadie bak a ni lo" tih hmuk pahin a kal nghal nal nal a,kan vai mai chuan kan ngaihtuah zui nghal vang vang bawk.

------------------------------------

☆ Sadie's POV☆ 

Thei leh thei lova ka mit ka han meng siar siar chuan ka thil hmuh hmasak ber chu Braydon a ni mahse a mittui tla lai leh a inthiam lo hmel hmuh hi a hrehawm takzet .

" ka tihpalh...bawihte ka tih palh " ka û meuh a ṭah dawn takah chuan ka hmu thei thlawt lo ,hnem tumin a kut chu ka han hum sak vang vang a .

" Rainer ka hmangaih avangin min ngaidam rawh ...Û i huat zawnga awm hi ka tum dan a ni bik lo asin"

"Ngatinge hepa kher kher hi a nih? A ni nilo hi tupawh nise ka pawm vek mai tur"

" ka tihpalh " ka tihpalh tih bak sawi tur ka hre lo ,An inhuat zia pawh hre vek mahila Rainer ka hmangaih avang hian ka inchhir reng reng lo amaherawhchu ka û ep zawnga ka awm avang hian ka inchhir hle thung.

" Khapa phiangsen khan ka engkim min laksak ta vek a nih hi .Ka hmeichhe hmangaih min lak saka ,ka hming ṭhatna te leh ka hma hun thlengin mahse ka tuar dam thei mai a chhanchu a neih ve loh nangmah ka neih che avangin mahse chupawh chu min laksak leh ta a nih hi "

" engtikah mah ka kalsan dawn reng reng lo che , in pahnih hian ka neih chhun in ni a hlim takin kan awm tlang maithei lo em ni?"

" khapa kha engtikah mah ka ngaidam ngai lovang "

" û.... Khawngaihin,mi ṭha tak a ni asin"a ngen in ka ngen tawp .

" ka ngaidam ngai lovang ka tih chu ..." Nghet takin ka kut chu a rawn hmer vang vang a ," mahse hlim takin a dah chhung che chuan buaina ka siamsak lovang, a venhim che ka phalsak anga ,i kianga awm turin phalna ka pe nghal bawk e mahse engpawh a thleng a nih chuan ka kuttum hian alo nghak reng thung ang " ka û in a tih chuan thei leh thei lo hian ka nui nghal ver ver a,"khapa khan a ngaihtuah takzet che,ka ngaih ang em em a sual erawh a ni lo "

" Braydon ka hmangaih che " ka ti sap a .

Ka chhungte ho an haw vek hnu chuan a tawp berah Rainer chu a rawn lut ve chhat chhat a ,a hlauhthawn rual rual in hlim hmel a rawn pu lui hram hram a.

" Hey ...Miss Morin " ka khi suk a .

" Hey ..Mr Rainer " ka lo ti let ve leh kher a.

Ngawi reng hian khum bula stool ah chuan a rawn ṭhu a, thil thleng avang khan rilru mumal ala pu thei lo a nih hmel.

" I ṭha maw?" A damlo zawk chuan ka zawt veleh chhawng a .

" ka chan hman tawh dawn che maw ka ti alawm "

" Rainer ....engtin mah ka awm loh hi"

" ka veng him tlat tawh ang che, Braydon pawh rawn let leh se chuan ka hnek hreh tawh hauh lo ang " fiamthu titak deuh hian a ti a ,"thinchhe viau ṭhin mahse rilru chhia a pu ngai lo asin ,mi ṭha tak a ni "

" kei ai chuan ni love"

" hahh...a kuttum in alo chang reng tur thu che a sawi asin mahse kan inkawp erawh a phal " Braydon an inkawp a phal tih ka hrilh chiah chu han react chiam lo mahse a hmel a rawn êng nghal sar thung .

" inkawp chiah maw ? inneih chhungchang a sawi tel lo em ni?"

" Rainerrr..." A nghal em avang chuan a darah ka beng taih ringawt.

" ka hmangaih che " tih pahin ka chalah a rawn fawp zeuh a, dim takin ka sam chu a chul heuh heuh bawk .

____________________________________

☆6 months later ☆

" Braydon lo va chhuak rawh...i hmel a dãng vek tawh a nia "

Braydon chu Kendra naute veina bulah chuan a lo ṭhu ve tlat a, Kendra na tuar hmel a hmuh chuan hai rual loh in a buai vek tih a hriat theih.

" Damdawiin ah hruai ang u , tunah ..." A khat tawkin alo ti ve chhen bawk mahse Kendra in damdawiin a nau neih a duh loh avanga in a doctor ko chauh kan ni .

"Sadie ...i û hi lo va chhuahpui mai rawh " ka nu in a tih takah chuan Braydon duhlo chung chu ka pawt chhuak dawr dawr a, pawnah chuan ka û te ṭhian ho mai bakah ka ṭhiante te thlengin kan kim tlang hle.

" ka lut dawn ...heti ringawt hi chuan a dik thei lo " Ka û chu luh leh a han tum a mahse Rainer chuan dan pah hian ," doctor, nurse leh I nu te pawh an awm a, pawnah hian Lo nghak zawk rawh "

" hmela min thlah rawh " Rainer kut chu a paih thla sawk ringawt .

" Braydon.... Buaina Lo Siam suh, hetah hian rawn ṭhu rawh " ka pute'n a tih takah chuan a ṭhu ve mai bawka mahse a ke erawh a chet reng thung.

" tuemaw in tuilum leh puan fai rawn la teh u " room chhung aṭanga an rawn ti chuan hmeichhe awm ho.. kei , Chelsea leh Kaith te chu inhnuai lamah kan tlan thla nghal dawr dawr a ,kan chiai vek tawh .

" Chelsea ,Kaith ...puan hi lo han dah rawh u ,tuilum ka rawn keng ang "

" aw le " inchung lamah an tlan chho lehnghal mai a ,kei erawh ka khur nasa lutuk a thil pawh ka khawih ṭha thei tawh lo.

" inbeng dai rawh .. " mahni inhrilh mawlh mawlh chungin tuilum chu ka chawi khur dur dur a,rin lawk ang ngeiin ka thlauh baw ta vek mai.

" Sadie i ṭha maw?" A hun takah Rainer a rawn kal hlauh ,ka che buai leh dawn tih a hre lawk pawh a ni mahna.

" ka. ..ka hrelo ,ka kut hi a khur vek ."

" lo han chho rawh keiman ka rawn keng ang " dam diai hian a ti a ,min ti ziaawm phah sawt.

Minute 10 vel a liam leh meuh chuan naute a rawn ṭap al al mai !!

"A nei ...chu a nei tawh " Chelsea chuan Kaith kuah pahin a ti nghal chul a .

" naute....Haha....chu naute " ka hlim lutuk chu Rainer kuah pahin ka zuang chel chul mai ,midang erawh mipa rual an ni bawka hlim hle mahse kan pathum ang em em chuan an bengchheng ve lo.

Naute chu inpawm kan inchuh titih nghal chutah hmeichhia a lo ni leh kher bawk nen ka atchilh nghal der.

" a hmelṭha takzet Braydon ,Ken ka lawmpui lutuk che u " naute chu ka pawm a,ka en ning thei thlawt lo.

" Rainer i pawm ve duh em ?" Tih paha Rainer pawm tir ve ka tum lai tak chuan ngeiawm zet hian Braydon chu a rawn khuh nghal kherh kherh a ,kan vai mai chuan kan nui ringawt .

Braydon sawi ang tak takin thla 6 hnuah pawh Rainer hi ala ngaidam thei chuang lo ,an awmdun tawh chuan an in khak fek fek reng mahse a hma anga inhua leh in hal a nih tawh loh avangin keini chuan ngaiah kan nei tawh a chhanchu an thinlung tak takin an inhuat tawh loh vang a ni .

Braydon hian a ruk tak chuan a ngaihtuah hle tih kan hre vek mahse a hma in an lo inhuat bakah inti pa ve chi alo ni bawk nen ngaihsak angin lan a tum lo bur.

Rainer chuan naute chu a pawm ta tho a , Rainer a nih tawh hi chuan Braydon hian engtin emaw tak hian a lo ti vat zel .

" Braydon kha pawm ve tawh rawh ,ka pawm lai min en nasa emai " tih pahin a fanu chu ka pawm tir ve a ,en vang vang pah hian ,"nang hi chu tumahin min laksak ka phal lo ang " Rainer tih chhan zet hian a ti kher a ,kan lo nui dar dar mai.

*
Ka apartment kan thlen rual rual ka couch ah ka let nghal tawp a, ka chau takzet .

" kha tui in rawh " Rainer chuan ka bula rawn ṭhut pah hian tui min rawn pe a .

" i haw na tur ka peih loh pui che "

Rei tak inkawp tawh mah ila kan la cheng dun em lo mahse hun tamzawk ah erawh kan awm dun a , cheng duh lo e ti chuan a in ah leh ka in ah kan in awm chhawk deuh reng thung.

" enteh... Naute kha hmelṭha i ti ve em ? A duhawm takzet " naute ringawt kha ka rilru ah ala awm.

" aw ti e "

" ka duh ve takzet ,a cute ropui si " ka tih rual rual chuan Rainer chuan min rawn pawm kang ta thut mai !!

" Engthil nge maw i tih le ?"

" naute i duh a ni lawm ni ?" Min rawn nuih vur vur a,a fiamthu tih hre tho mah ila chhuk tum chuan ka bei nasa hle.

" maw ? Nilo...ka sawi awmzia chu ...Rainer min dah thla rawh "

" i duh te chuan kan siam ve thei reng alawm " ka nuih a za bawk nen chhuk tum chuan ka leng vak vak a .

" min dah thla rawh " ṭe tuarh tuarh chungin room ah min pawm phei nghal lawp lawp a .

ONCE YOU GO BLACK YOU WILL NEVER GO BACK 

↭THE END↭

Ig - @remruati_haylor

Fb- Remruati Haylor

Author's note 

Rainer Black chu Pathian zarah a hmawr kan bawk ta der mai , dawt leh post tura intiamna 😂 karah keia story ve tehlul te in lo chhiar chhuak a nih chuan in chungah lawmthu ka sawi takzet zet e .Story (novel a ni zawk mah ang chu) ziah chawlhsan ka tum tawh hnuah Rainer Black hi reader te ngenna avangin ka zo thei hram a , ka ziak ta sa sa lockdown te alo ni lehzel bawk nen story thar " It all started with HELLO" tih chu ka ziak leh mek a,ka chhuah theih hun tur erawh ka sawi lawk thei lo.

Ka Story tawpah hian moral eng eng emaw ka zep tel ziah ṭhin a tunah erawh thil dang daih in hriat tawh hnu tho la hre ve lo ten an lo hlawkpui takin Covid-19 te a lo leng lehzel bawk nen thil ho te zeh tel hram ka duh .

Hydroxychloroquine leh Azithromycin te hi Australia ah chuan covid-19 vei te enkawl nan an hmang meka chu chu keini Mizo ten lo hria in corona hrik thattu emaw tia lo ei tawk an awm tih ka hriatin pawi ka ti takzet.

Hydroxychloroquine hi malaria vei te enkawl nan an hmang ṭhin a, dose diktak nilo a kan ei chuan kan insulin a tisang thei a ,a hlauhawm avangin mahni thu in lo ei ve tawp tawp loh tur .

Azithromycin chauh nilo antibiotics hrim hrim hi mitin mai hian kan ei nasa em em a mahse kan ei nasat chuan kan taksa in ngaiah alo nei anga ,taksa a natna hrik in alo hal hman phei chuan antibiotic ei in awmzia a nei tawh dawn lo chuvang chuan mahni thu in hritlang , kawṭhalo satliah mai mai a ei zen hi sim tawh ang u .

A tawp nan hand sanitizer hi Pharmacist emaw qualified person in a siam te a nih loh chuan mahni thu in DIY vela ka hmuh ang mai mai in lo siam ve ngawt loh tur .WHO kaihhruaina hmangin chemical concentration zawng zawng nen lam i follow anih loh phei chuan natna hrik a that thei dawn chuang lo. Dik taka siam a nih loh chuan Kut sa emaw kut kang hial te pawh a thlen thei.

Chuan surgical mask pawh hi one time mask a nih angin hman hnu hman nawn loh tur.

Heng thil zozai hi Pharmacist ka nih angin mipui te hrilhhriat hi ka hna a ni a ,in hriat tawh hnu alo nih pawhin ka reader te in him theih nan ka rawn share ve zuai a nih hi ...lol

Inchhiar zo vek te a nih chuan comment lamah kan in hmu vek dawn nia chuan fakna mawlh mai kha aw .....xoxo

Read More