Rainer Black- 41 to 54

CHAPTER -41 

"Accidentally on Purpose "

Rainer hian anxiety a nei tih hre tho mah ila panic attack lehzel hi chu a nei ang tih hi ka ring pha lo hrim hrim.Amaherawhchu ka pa avangin ka tan thil thar a ni lo hlauh a, chiai miah lovin ka buaipui theih phah.

"Sleep my love and peace attend thee, All through the night Guardian angels God will send thee, All through the night" ka thiam ang tawkin zawi sap hian ka han sa leh vang vang a, ka zai thiam emaw thiam lo emaw a lungphu a pangngai na tur a nih phawt chuan ka zai char char mai ang.

Tlema a rawn pangngai deuh takah chuan a jacket siam ṭhat pah chuan a rawn ding ngil a, a kut ka vawnna chu ka thlah nghal vat bawk.

" a la na em? " ka ngaihtuah em avang chuan ka han thlek deuh ha a, a lu a thing takah chuan ka thaw nghal huai mai.

"lut rawh "

" maw!! thlifim te hi dawng ve phawt ang " panic attack neih laiin pawn boruak thawveng tak leh thingkung en mai mai te hi a ṭha an tih kha ka hriat ve kar avangin ka lut mai duh bik lo.

" car ah thlifim chu kan dawng dawn nia lut phawt rawh " teh tlat a, ka tlanbo dawn pawh a ni tawp si lova engvanga car a min awmtir chak em em nge maw a nih le?

Ka luh hma loh chu min nawr leh sek dawn tih ka hriat avangin ei loh hmel zet hian ka lut ta nge nge a, min tih hlauhthawn dan ngaihtuah chuan ṭha deuha min be tur hi a ni asin.

Tlan chhuah ka la phal loh avangin car ah kan pahnih chuan kan ṭhu ngawi dun ran a,a ni erawh seat hnung nghen ar ar pahin a maimichhing daih a ,a awm mai mai pawh hi a hmelṭha in amah hrim hrim hi hmuhnawm a tling hranpa ve hrim hrim.

A tuamah in biak hmasak kan tum loh ve ve avangin kan chhehvel te nen lam chuan a reh tlawk tlawk a, chu chu remchangah lah in Rainer a hmel ngun taka en nan ka hmang a nuam ka ti ve em em tho.

"panic attack hi engtik aṭangin nge i neih ṭan? " tia ka zawh chuan a rawn meng nghal siar siar a, a mitmeng dur khup leh natna hlira khat chu en pawh ka en ṭha ngam lo, chhan awm lovin ka lo na ve ringawt zel.

"ka hrelo "

"ka pa pawhin min boral san hma khan a nei ṭhin a,na a ti khawp asin "

" a nih chuan na ka tih hmel ve lo em ni? " min rawn nuih vur vur pah hian min rawn fiam a, ka thutak lai tak alo ni bawk nen ka lo tum khum hmuk ringawt.

" umm.... ni deuh tho " ni e, a mittui te chu han tling ve pam mahse a tawrhchhel em a ka pa ang em em kha chuan a nat hmel ve lo.

Min rawn chhan let tawh loh avang chuan ngawi rengin kan awmdan ngai ang chiah khan kan awm leh a,hahchawlh tir ka duh avangin va biak buai sek ka tum lem lo.

A maimichhin daih avangin min hmu thei lo bawka ,timna nei hauh lovin a khat tawk hian ka lo melh leh vung vung tawh a, a khabe kuh kual vel invuah fuh zet te leh a hmui ro rap te chuan ka mit a la leh tlat peka, ka en zawng ringawt pawh hian ka hrawk te chu a ti ro zo vek a, ka chil ka lo lem leh dak ṭhin.

" Rainer... " thil hrilh duh ka neih avangin ka han ti leh sap a, maimichhing reng chung chuan, "umm... " a rawn ti sup ringawt.

A aw thum dut te leh a engkim mai hian min hip mai bakah mak tak maiin ka thlan te hi a ti tla thei takngial dawn in ka hria, tuna ka awm ang hian hmeichhiate hi mipa lakah an awm thei ang tih hi ka ring pha ngai lo.

"ihh... englo ania, Nolan nen hian in ṭhianṭhat na bak kan inkar ah engmah a awm lo " thil hriat sual a nei ni a ka hriat avangin ka insawifiah ngei hi a ṭul in ka hria, a ni pawhin Amira nen an in kawp loh thu min hrilh ve tho alawm.

"A en dan che kha i lo hmu ve lo em ni, a awmdan kha ka duh lo "a lu thing mat mat pahin a han ṭhu ngil nghal a,lungnih loh hmel zetin tukverh lam a hawi daih ringawt.

" min ring miah lo em ni? " ka tih chuan hmel nelawm loh zet hian a rawn hawi phei a, a hmui a liah huh lai te leh a chil lem zawnga a hrawk bawk che ralh ralh te chu hmuhnawm ti takin leh ngun takin ka lo thlir dauh dauh a,ka fawh chak em avangin ka hmui ro rap chu ka pet ta ringawt a .

" ring e " tih paha a rawn hawi phei chuan kan mit chu a in tawng fuh nghal chat a, ka awmdan a dik tawh loh sa nak alaiin ka ṭek nghal chuai mai!

Second rei lo te mit laksawn nachang pawh lek hrelo a kan in en reng hnu chuan ka insum thei tawh lo chuan ka huaisenna zawng zawng sawm khawmin, " min fawp rawh " tiin ka ngen ta ringawt a, a mak ti lai hmel hmuh ka duh loh avangin ka kun nghal daih bawk.

" sawi ṭha leh rawh "

Rawn kun hniam pah chuan a rawn ti leh kher a,ka ṭawng a hriat loh vang nilo in amah avanga ka awmdan danglam vek hi hmuhnawm a tih vang zawk a ni.

" ka... ka "

Hmai sen ṭawn ṭawn chunga ka hawi chhuah rual chuan duhthawh zet hian min rawn fawp nghal tawn tawn a, beisei lawk ang ngeiin min fawh lai te chuan ka lo mur nghal sung sung a, a fawh zûn ngah zet te hi nikhat chhung lek pawhin ka ngai hman em em a, hetiang anga danglam bik taka min siam apiang hian nuam ka ti.

Vawiin chiah kan dam tawh dawn emaw tih tur khawpa duhthawh a ka fawh let tawn tawn rual chuan a jacket hak lai chu ka phelh sak nghal a ,a tshirt pawh phelh sak tuma ka pawh lai tak chuan ka kutah a rawn hum chawt a,ka kut a rawn lak hran daih avang chuan hriatthiam loh hmel takin ka lo en ha ringawt.

" ka room ah kan kal thei ang car a tih i duh te a nih ngawt loh chuan " a tih chuan ka lo bu nghat a, khua ala eng uarh si a a in a kal chu ngaihdan ṭha tak a niin ka hria.

Ka hmuia a rawn fawh leh zeuh hnu chuan ka ṭhutna lamah ka insawn phei zal zal a, a hmui peh pah chuan min rawn nuih vur vur a a in lam pan chuan min tlan pui nghal a.

Minute 10 dawn kan tlan hnu chuan a in chu kan thleng nghal mai a, rei hle angin lang mahse kan tlan chhung zawng khan rilru dang ka put leh lo nan ka kut chu a dawm char char a, a khat tawkin min biak buai zeuh zeuh bawk avangin ka thil tih hi a dik nge dik lo tih lampang pawh ka ngaihtuah hman lo hrim hrim.

Inchhung kan luh rual rual chuan a t-shirt chu a pawt phelh nghal a chuatah a paih nghal tawp bawk .

"he thil hi tih i duh tak tak maw? "

Ka vawikhatna tur a nih dawn avangin ka inchhir leh a duh avangin min rawn zawt ṭha leh ngat a, chhang buai lovin ka pawt kun pawp a ka fawp nghal tawn tawn ringawt.

A ni pawh in keimah ang tho in a chak ve tho avangin min pawm kan lawp pahin min rawn fawp let ve nghal a, kawngka chu a ke in a tlawh kalh nghal tawp a,kan duh kan chiang dun bawka khum lamah min pawm phei nghal bawk.

Rainer chuan uluk takin khumah chuan min mut a, ka la thianghlim a ni tih a hriat vang nge pawh ka hrelo nidang aiin a nem sawt in min uluk ta riau hian ka hria mahse a hma a Rainer ka hriat ṭhin leh rough taka che ṭhin kha ka duh zawk.

"a hma ang khan awm leh rawh " min khawih nat a hlauh em avang chuan ka ti ta ringawt a, min rawn nuih leh vur vur tawh.

"hmanhmawh suh babe, I'm gonna f*** you hard" a tih rual chuan Rainer ka lo duh ṭhin em em kha a rawn let leh tawh tih ka hria a,  ka hlim lo thei lo.

" ka mamawh che " ka han ti leh a.

Rainer hian ka duh zia leh a tan ka in pumpek zia hi hria se ka duh avangin ka mamawh zia ka hrilh nawn leh ngat a, amaherawhchu hmeichhe dangte anga zei ka nih loh avang erawh chuan ka zâm hle thung.

" kha kha a ni ka hriat duh chu "

Ka awm bawr ṭham nawk nawk pahin min rawn fawp leh tawn tawn a,ka kekawr zipper a phelh lai chuan ka kawr ka lo phelh ve nghal zung zung a, ka chet dan avang chuan a lungawi in a rawn khi leh suk zel.

Ka kekawr leh panty min phelh sak hnu chuan ruak ngal ngatin Rainer hma ah chuan ka mu zat a," i mawi takzet " min rawn en vang vang paha a tih chuan ka lo lai nghal ringawt.

Hetiang anga Rainer meuh ina min fak takah chuan ka inrintawkna te chu ka neih let leh phah a, insit miah lovin ka hmachhawn theih phah bawk.

"i hmai a sen vek a nia, zah angai reng reng lo "

Ka zâm em avangin boruak tih zân nan a rawn ti a, ka chung a rawn bawh pah chuan ka awm bawr leh ka dul bawr vel chu a fawp thla dan dan a, ka nghawngah rawn in sawn chho leh in na zet hian a rawn fawp nghal ngawng ngawng a,a sam ṭham chial pahin ka lo rum ham ham ringawt .

"hei aia ringa rum tur hian ka siam dawn che "

Ka beng bula rawn tih sap pahin ka hmeichhiatna chu zei zet hian a rawn nuai a, a sawi ang ngei in a ban ṭham ngawng ngawng pah chuan ka rum nghal kawk kawk mai.

Chutia vanram tlafual ka chen mek lai chuan a kut chu la hrang in a ti tawp thut a, ka hmui rawn fawh zeuh pah chuan a tho nghal daih ringawt!! a thinrim thut emawni le?

" ngatinge i tawpsan? " a awmdan chu ka hriatthiam loh em avangin aw khur dar dar chung hian ka lo zawt leh hmanhmawh a,a ruk tak chuan ka hlauthawng hle.

Ngawi rengin ka zawhna pawh chhang lovin a jacket ipte chu a va zen rawk rawk a, wallet a rawn la chhuak a, a awm dan chu mak ti takin ka lo en reng thung.

"invenna " tih sup pahin a wallet aṭang chuan condom hi a rawn la chhuak a, a thinrim lo a ni tih ka hriat chuan ka lo thaw nghal huai mai.

"i chiang chiah maw ?" a tawp tak tak nan min rawn zawt ṭha leh ngat a, ka duh lo ti ngat ila chuan chak viau mahse min nawr luih ka ring lo.

" min zawt leh a nih chuan ka thawmhnaw hi ka ha ang "

" ka tihpalh, ka zawt tawh lo ang che "ka sam rawn chul paha min rawn fawh leh zeuh hnu chuan a kekawr zipper chu a phelh a, ti ṭhang tih hriat takin awlsam deuh hian condom chu a vuah nghal mai a ,chil thli tla lo chauh in ka lo thlir dauh dauh ringawt.

"a nat viau chuan min hrilh vat dawn nia"

Ka lo buk nghat takah chuan ka mal ah vuan in hnehsawh zet hian khum mawng lamah min pawt thla a,ka ke pahnih inkarah rawn ṭhingthi nghal in min en reng chung chuan ka taksa chhungah chuan muangchang hian a rawn lut zal zal a, a nat em avangin ka lo er nghal ngawng ngawng mai.

" phiangsen chuan a thi ania, a na viau em? " min ngaihtuah em avangin na ka tih leh tih loh chu min zawt chhen a, a bulah sawi kher lo mah ila a nat dan chu ṭawng pawh ka ṭawng ṭhat theih loh danah hian a hriat mai.

Ka hmui pet fan fan pahin bedsheet chu ka ṭham tawn tawn a, ka inrin loh laiin ka mittui chu a rawn luang thla nghal ngiai ngiai bawk.

"Fuck ,Sadie...tawp turin min duh em? " a rawn tih rual chuan ka meng nghal kawk a,ka mit ah tak chiang takin min lo en reng chu niin hlauthawng hmel te pawh a pu in ka hria .

" khawngaihin tawp suh " a ban puam ah chuan na zet hian ka han ṭham nghal tawn a, keimah ang chiahin a ni pawh hmeichhe thianghlim a vawikhat mutpui na a nih avangin a hlauthawng pawh a ni mahna.

" ka che dawn ania " chil lem dak pahin ka lo bu nghat a, a nat tawh sa nak alaiin an che leh chiah phei chu maimichhin pahin ka dak nghal awrh a, a ban vun te chu ka ṭham pilh pheng phung mai.

Reiloteah kan zo rual a, a chau bawk aniang min rawn fawh zeuh pahin ka chungah chuan a rawn bawk hle hle a, ka thaw dun hlawp hlawp bawk.

CHAPTER -42

"Take my hand

Take my whole life too, 

For I can't help falling in love with you"

Kan thil tih zawh chiah kha ka ngaihtuah let a, nuih ver ver pahin a sam thlantui in a tih hnawm chap ah chuan duat takin ka lo chul sak heuh heuh a ,ka thinphu rang lutuk te chu tih zia awm tum chuan ka awm chu ka sep lawp lawp a. Ka thlan tui in min bual huh nasat mai bakah a na te chu la reh lo mahse Rainer hmel ka hmuh ringawt pawh hian ka dam sawng sawng thei in ka hria.

Tlema kan awmdan a pangngai tak hnu chuan Rainer chu ka bulah chuan a let thla tawp a, ka mit ah tak chiang taka rawn en lehin ka mittui ka biang vela tla niai chu min rawn hruk reh sak pahin ka hmuiah a rawn fawp zeuh a,"lo hnai teh " tih pahin a ban kham turin alam ah chuan min pawt hnai bawk a, inchung thlir dun pahin ka sam chu a chul heuh heuh bawk.

" ka tihpalh,ala na em?" a rawn ti sap a, a inthiamloh em avangin vawi engzat nge ngaihdam min dil dawn ni.

" umm... tlemin" a na miau a, a na lo tiin dawt ka sawi peih vel lo.

" i bula ka awm tawh hi chuan ka insum thei ṭhin lo a tin ni "

Keichuan insum thei ka ti zawk a chhanchu ka phalna la hmasa lo chuan min khawih ngai lova, ka in rin hun thleng leh ka in peih hun thleng min nghak ṭang ṭang bawk.He thil hi ka inngaihtuah fe hnua ka thutlukna siam a ni a, ka duh thu ngeia ti ka nih avang Rainer thiamloh pakhatmah a awm lo.

" Rainer inthiamloh angai lo " a awmah ka kut phah chu ka nghat a, a khat tawkin ka beng thek thek bawk a.

"ka chunga khatiang thil titu khan tuna ka rilru put ang hi a pu ve angem? "

A thusawi ka hriat thiam loh em avangin mak ti takin ka han melh a, a mitmeng chu natna leh hrehawmna hlir in alo khat a, thil tamtak a ngaihtuah tih hriat takin a melh ngai chu a melh vung vung bawk.

" engthil maw i chungah an tih ?"

" thawnthu sei tak a ni, i hre duh kher lovang " a tih phei chuan ka hre chak nghal zek zek a ,sawi tura nawr luih mai te ka duh.

"sawi vat vat teh... " hre chak hle mah ila ka hre duh tak tak em tih erawh ka chiang lo a chhanchu Amira chungchang pawh alo ni maithei.

Urghh!!  Sadie. ..tun ah hunah Amira ringawt ngaihtuah lo teh.
Ka hrechak lutuk hmel a hmuh chuan khik suk pahin ka kutṭang karah a kutṭang chu a rawn rawlh lut a, thawk hak pahin a hmer nghal vawng vawng a.

" i hre duh tak tak ang maw? " a rawn ti leh ngat a rum zet a melh ram ram pah chuan ka lo bu nghat a , engvanga thil hrim hrim hi min zawt nawn reng nge maw a nih le? 

" I vannei in i perfect bik min tih lai kha i la hre em em? " tia bul a ṭan chuan ka lo bu nghat a, ka sawi lai pawh ka la hrechiang khawp mai.

"kei hi ka vannei in ka perfect bik reng reng lo mi vanduai tak ka ni zawk asin....Kum14 mi chiah ka nih laiin Nicolas (Nikki) nen frat party ah kan kal ru a,kan vawikhat na a ni bawka zu pawh kan in hnem ngang mai,kan rui lutuk kha kan che hlei thei lo a ni ber. "a tih zawh rual chuan a han thaw chhuak hak a, ka rilru te te chuan party na ah a kal hma ka lo ti hle.

" ka ruih tawh em avangin hmeichhe pakhat chhelo fahran leh inha bul zet mai hian room ah min chhoh pui ta ringawt a, room a kan luh rual rual chuan khumah min bawh thlu tawp a, duhthawh zet hian min rawn fawp nghal huam huam bawk a chumai chu duhtawk lovin ka kekawr chu min phelh luih sak bawk a, ka mipatna chu rawn fawp in a khal kual vel chiam bawk. Ka rilru harh fim vek in duh lo hle mahila ka chet theih tawh miau loh avangin khami zan khan kha nu nen khan tih luihna in kan mudun ta ani "

A sawi zawh rual rual chuan mak tih na in ka khat nghal! Rainer hian sexual harassment alo tawk tawh amaw !!! Hmeichhia te chungah chauh a thleng ṭhin emaw ka lo ti a mahse mipa te chungah pawh alo thleng ve thei tho a nih hi mahse Rainer ka duhna hi chhete pawhin a tlem phah lo .

" midang hria an awm tawh em? "

 Mak ka tih rual rual in ka lo thinrim pui zawk! khatiang ang hmeichhia tenawm lutuk a tawng fuh avang khan ka lainat in hmeichhia te hi a rin tawh loh nachhan ah ka puh hmiah.

" nangmah chiah.... Nikki takngial pawhin a la hre lo "

" i nu pawhin a hre miah lo amaw? "

" uhmmh...Samantha maw?" tih pahin a khi lui suk a, "a ni hian engmah a hre ngai lo,min ngaihsak bawk hek lo. A chang hi chuan ka piang ve tih pawh a hrelo niin ka hre ṭhin "

"Engvanga i nu hi haw em em nge i nih? ka sawi awmzia chu....."

Ka tum loh deuhin ka zawt phawng ringawt!! mahse a nu chungchang zawt mahila a hma ang khan a lo thinrim nghal hlur tawh lova, a in hawng tak em avang hian mak ka ti lek lek zawk.

"ka duh duh min pe tawpa mahse ka bula awm aiin a ngaihzawng te bula awm a thlang zawk, inah pawh a awm ngai mang lo ,Nanny(nau awmtu) a hire tawp a chu chuan min enkawl mai ṭhin.

Samantha Walker hi en ringawt hi chuan hetianga a awm hi in ring pha bik miah lovang ,tupawh maiin a an zah rawn leh ngaihsan rawn a ni a kei ngei pawh hi a ngaisang tute zingah chuan ka tel ve nghe nghe.

"Tlai khat chu kan school Paris trip chungchang sawipui turin ka school bang chu a room ah ka tlan cho a mahse a room a ka thil hmuh i hre duh em?" rawn kun pah hian a rawn ti sap a, amah chu ngun takin ka lo en kar ringawt.

" ka mit ngeiin mipa pakhat nen an khawsa lai ka hmu " a tih rual rual chuan ka mengphawk nghal kawk a, Rainer an a nu a lo huat em em nachhan kha ka hriat takah chuan ka dem ta hauh lo mai, kei ni ila chu tun thlengin ka hmuh duh tawh ka inring lo.

" chuan engtin nge i tih chupa chu i hnek hrep em? " ka lo ṭang lutuk chu ka hah vek thei ,Rainer ni ngat ila chu a hmunah chupa chu ka pawt darh vek ang mawle .

Ka lo thinrim pui lutuk a ka zawh loh tur tur pawh ka zawt ta zeuh zeuh mai.

"hnek e..." tih pahin min rawn nuih suk a, "damdawiin kalpui ngai khawpin ka hnek mahse ka nu erawhin inthiamlohna nei hauh lo in ka thiam loh ah a puh thla ta veka khata ṭang khan engmah hi a kal fuh thei tawh lo,ka nu laka ka thil duh zawng chu a ngaihsakna tlemte chauh mai hi a ni "

" chupa chu police i man tir lo a nih chu..." ka tih chuan lungngaih hmel tak hian min rawn en a, ka kut khawih neuh neuh pah hian," man tir ka duh ṭhin alawm mahse  ka thei lo "

Eng nge maw a hriat a tun ataka a zaidam tak viau le? Hai rual loh in heng thil rapthlak lutuk zozai avanga anxiety leh Pannic attack nei ṭhin a ni tih hi hrilh ngai lovin ka hre nghal a, heng a thil paltlang tawh te ngaihtuah hi chuan a puitling zawk ka ti takzet.

" mahse heng thil te hi engvanga keimah kher min hrilh nge i nih? " ka han ti leh a, a mak ve bawk em a ni engvanga a thuruk te hi ṭawmpui duh ta tlat nge a ni tih hi ka hrethiam thei lo.

Engvanga Amira pawh nilova kei kher min hrilh nge a nih?  Lalpa leh!  Rainer bula ka awm tawh hi chuan ka rilru hi zawhna hlirin a khat reng mai chu a nih hi.

" i chungchang ka hriat tam tluk zetin ka chungchang hi hre ve la ka duh a ni "

Min chhanna avang hian lawm avangin ka mittui a tla thei takngial dawn in ka hria. Rainer hian min duh ve tak tak emawni le?

"ka lawm e " ka ti ta ringawt a,

A nihna takah chuan duh chauh nilo in ka hmangaih a ni tih hi hrilh ka duh takzet ,a zunah hian ka uai takzet tawh a ni tih hi hrilh ta ila min hmangaih thu hi min hrilh let ve angem le?

Maimichhing paha a ban ka khawih vel na lamah chuan pawng deuh thluah thluah awma ka hriat avangin en chiah tum chuan ka han meng a, a thisen zam pawng mai mai emaw ka tih kha ka han en chiah takah chuan ser a ni mai hian ka hria mahse a tattoo in a khuh hneh em avangin zut loh chuan a hriat loh.

" Rainer heihi ser em ni? "

Ka kawihna lai chu a ban lak kan pah chuan a han thlek vel a, "umm" tih ringawt in min chhang.

"I banah hian a awm thluah mai ngatinge? "

" ka inzaina a nih hi....in tihnat ka lo tum fo tawh ṭhin alawm" hei erawh zawh thui lutuk ka duh lo, a nun hlui hrehawm tak te kha hriatchhuah tir leh hi ka tum tawh lo.

" chuan ser te hi tattoo in i khuh bo tihna em ni? "

"a chinfel dan awlsam ber a ni miau a "

Rainer hi ka rin ang alo ni tawp lo mai, duhdah taka khawsa thin angin lang mahse a thil tih engkim hian a phenah chhan ṭha tak tak hi a lo inthup bo ziah a, a tattoo chhut nachhan mai mai pawh hian thawnthu thui tak a neih zel avang hian a chungchang hriatbelh zel hi ka chak.

☆5:15 pm☆

Balcony aṭanga thli rawn thaw heuh heuh chuan min ti harh hlawl a, ka han hawi chhoh nak chuan Rainer'n mutthilh sak sak pahin nghet takin min lo kuah chu niin,ka nui nghal ver ver mai . 

"ka hmangaih che " zawi sap hian ka han ti a, a mutthilh avangin ka thusawi erawh a hrelo.

Mut lehnghal mai ka han tum a mahse a lo tlai ruih tawh avang chuan sana chu ka han thlek zeuh a dar5 a lo pel der tawh chu niin ka phu deuh zawk bawk!!

" Braydon " thil hriatchhuah ka neih avangin min kuahna kut chu amah ti harh lo thei ang ber chuan ka han dah sawn a, a chau bawk aniang a harh eih lo hrim hrim.

Rainer a mu lai hi kaihthawh duh viau mah ila a la muttui em avangin kaitho ta lo chuan ka in ha nghal sawk sawk a ,ruak veka ala awm avangin puan chu ka sin ṭhat tira thawm dim thei ang berin ka chhuahsan nghal zal zal bawk.

Bus station ka thlen rualin bus a rawn thleng hlauh a, reiloteah in pawh ka thleng vat. Kawng tluanin Rainer leh kan awmdan vel kha ka ngaihtuah let a lawm loh in keimahin ka lo nui leh ver ver ṭhin.

In ka thlen chuan vanneih thlak lutuk in kawtah ka û car alo la awm lo hlauh a, a awmzia chu ka û a rawn la haw lo tih na, vawiin hi ka vanneih ni a ni ringawt alawm.

Ka lo chau ve deuh bawk nen ham bai bai paha inchhung ka luh rual chuan Nolan chu couch aṭang hian a rawn ding chhuak nawlh a, min lo la nghak reng a ni tih ka hriat hian nuam lo ka ti letling zawk.

" Sadie i ṭha maw? "

" i lo la awm elaw....ngatinge i haw mai loh "

"engtin nge khapa nen in chhuah daih hnuah ka hawsan daih thei ang che, i û rawn haw thut ta se engtin nge i tih anga ?" min hau titih ta maia, Nolan lehzel hi chuan min hau lo se ka duh.

" a rawn la haw chuan lo hi, bakah dar6 a ri dawn tawh a i nu i kân dawn lo em ni? " ka ring kham lutuk chu ka han dawm a, ka bam bai bai reng bawk .

"Enga!! call pawh la lovin khawi hmunah emawni i chhuak daih a, ka lo nghah che avangin ka nu bulah pawh ka kal lo " Rainer angin vin ve lo mahse a thinrim  takzet a ni tih hi hai rual a ni lo.

" pawi ka ti lutuk, ka chau lutuka mut ka duh naktuk ah kan sawi tha leh dawn nia " tih sam et paha inchung chhoh ka tum lai tak chuan ka kiu ah dawm in min pawt her nghal sawk a, hnaih zet hian min pawt bet tlat bawk.

" khapa nen khan khawiah nge in kal?  engtin nge a tih che?  a khawih na che em? bakah hepa hi mi hlauhawm a ni tih hi hria la ka duh "

Rainer chungchang hetiang anga a sawi takah chuan ka kham ta hle mai ,engvanga Rainer nena kan chungchang pawh chu min zawt peih em em nge maw a nih le? a hriat tur thil a awm chuan ṭha deuhin ka hrilh mai ang.

" min thlah rawh " tih vin hluk pahin min vawnna chu ka paihthla tawp a,mak tih hmel takin min lo en kar bawk. " Kan kalna pawh chu engvanga hre chak em em nge maw i nih le?  ka nunah hian lo buai lutuk teh suh. Nolan engvangin nge min ngaihtuah em em? "

" a chhanchu ka duh vang che a ni " ka mit ah tak chiang taka rawn en pah chuan a ti ta mai!!  ka nghing nghal lawih in ka hria.

" Engmaw? "

" Engkim hi hre ve tur i ni asin,i thil tih engkim hriat vek ka duh a, ka thei lo a nih pawhin puih hram hram che ka duh bawk ṭhin ,humhim che ka duh a i hlimna hi ka duh ber a ni .Ka ṭhian ṭha tak i nih mai bakah ka nuna mi pawimawh tak i ni asin "

"chuan ka hnung lam aṭangin min lo bum reng amaw?  ka ṭhian ṭha tak angin i awm vela mahse i ni lo "

Nolan awmdan hian ka lung a ti awi lo takzet. A chungah eng rilru danglam mah ka put loh mai bakah Rainer hi ka hmangaih a, rinawm loh san emaw a thik tura awm hi ka tum lo bûr.

" Sadie... hriatthiam tum teh, i lakah hian engmah ka beisei lo ka duh zawng chu i hlimna leh i himna hi a ni "

" nilo.... engtin nge i lakah hian ka him a ni tih ka rin theih tawh ang ni, ka hlimna i duh tiraw ka thil tih ang apiang hi min lo en tawp la ka hlim a ni mai "

Nolan a hma ah chuan a rilru tur pawh ngaihtuah lovin ka ti ta piap piap mai. A nihna takah chuan ṭhian ṭha tak a ni emaw ka lo tih laia hetianga a awm avang hian ka haw takzet.

"engtik ni ah emaw chuan khapa khan i thinlung ala ti keh chhe vek anga chumi hunah chuan ka hnenah i rawn kal dawn nia, ti hlim tur che leh humhim tur che in i tan ka lo awm reng ang ,ngaizawng tur che ni lo in "

" chhuak rawh " Rainer hi engvanga puh chhe em em reng nge maw an nih le?  min ṭha tak a ni tih hi engvangin nge a awih duh miah lo.

"ka thusawi kha hre reng rawh mangṭha le " inhum ruh pahin Nolan chu a chhuak nghal hlawk hlawk a, ka ṭhian ṭha tak leh ka harsatna ah pawh ka lo pun ziah ṭhin kha ka chan takah hian ka ruak vek in ka inhria a, ka lungngai takzet bawk.


(Rainer sexual harassment ka tawn tir nachhan chu kan fanu ang bawkin kan fapa te pawh hian sexual harassment an tawng ve thei tih hria la ,i fanu i ngaihtuah ang chiahin i fapa pawh thlithlai ṭhin ang che. Hmelhriat loh te laka an him loh chu sawiloh hostel, school leh zirtirtute lakah pawh an him zo tawh lo a ni tih hria la engpawh tawng thei vek kan nih avangin i fanu/fapa in thil a hrilh ngam loh khawp che in in hmuam up suh ang che. )

CHAPTER -43

"I wanna be first, 

Wanna be the first to take it all the way like this" 

Sunday a ni bawka ka nu in an in lamah phei tura min koh miau avangin Braydon an hmun danga chhuah phal lo mahse ka nu te in ah erawh kal min phal sak hram a, in a awm reng ka nin em avangin ka phur hle nghe nghe.

" ka thlah lo tak tak ang che maw? " Braydon an ka lu fawh zeuh pah chuan a rawn ti a, ka lo bu nghat a.

"Kendra nen in chhuah dawn kha kal vat vat zawk rawh "

Ham bai bai pah hian ka lo chhang let a, nizanah Nolan chungchang leh thil eng eng emaw in min ti muhil thei lova tunah hian ka mut a chhuak leh sia ka lu a na bur mai.

" i va chauh hmel em em ve, nizanah phone i khawih leh tawh em ni? "

"weekend a nih hi khawih tlaivar pawh ni ila eng nge pawi "

" aw le ka hrethiam e "

 Min rawn nuih vur vur pah hian a rawn ti leh a, a ni pawhin naupang chhia ang maia min en hi ka ninzia a hre ve pawh a ni mahna.

" zanah ka riak maithei a nia"

 Sawi hreh hle mah ila ina awm ngar ngar ai chuan ka nu te in a riah ka thlan zawk avangin hrilh lawk sa ngei ngei hi angai chuti lo chu a phal lo leh palh ang.

"anih chuan zanah ka rawn kal ve ang ,Lucas kha lo hrilh suh aw "

"Hrilh dawn lo ,a hun dawn ṭep ah i rilru i thlak leh tho ang " ka û nih dan chiah a nih hi, a bik takin Amira nen an inkawp lai phei kha chuan chhungkaw thil tih khawmna ah pawh a rawn kal ngai lo.

"ka lo tum ang ka tih kha " a rawn nui leh suk tawh.

Amah leh amah pawh a in hriatchian khawp hi, a tum loh deuh in Kendra te inah a riak leh tho ang ka û hi chu ka hrechiang lutuk tlat .

" tunah i kal dawn loh chuan ka kal tawh dawn a nia, bus ka nang hman lo ang " tih pahin ka sam chu ka bawk mawl tawp a, ka nu te in a kal tur tih takah face cream takngial pawh ka in hnawih lo.

"aw le " apple kaih pahin a dar chu a lo ti kang âk a, ei lo hmel zetin ka mit ka lo chet kual ralh bawk.

" i thlen veleh min rawn hrilh ang che " ka chhuak tur chu min rawn kuah leh a, ka chala fawh zeuh pahin ,"ka hmangaih che " a rawn ti sap bawk.

" kei pawhin chuan che na lutuk suh ang che" fiam let zeuh pahin in aṭang chuan ka chhuak nghal a,min rawn nuih zui vur vur ringawt .

Braydon hi chu fiam a nuam ve hrim hrim ,engtin pawh fiam ila a huat loh mai bakah a thil tih tawh hi chu mawi lo viau mahse a thup ve ngai lova, a dawt sawi manchhuah phei hi chu kei ai pawhin a awlsam zawk.

Kan in aṭanga hla vak lo ka thlen chuan tum loh deuh in Rainer car hi ka bulah chuan a rawn ding thut a,kan in tawh thut danah hian kan inah rawn kal leh a tum tih a hriat reng.

Ka va pan hnaih hma chuan Braydon an min rawn hmu nge hmu lo tih fiah hmasak tumin ka hawi kual nghal hrek hrek a, tumah ka hmuh tak lovah chuan nuih ver ver pahin driver seat lo lampang tukverh zawk ah chuan ka kut pahnih nghah pahin ka dak lut a.

" Khawiah nge i kal dawn? " hre lo ang hmakin ka han zawt vel a.

" ka rawn hruai dawn che "

" Rainer.... i duh hun hun ah kan inah rawn kal ṭhin suh "

Hlauh engmah hi a nei ve der si lova, a hun hma in ka û in a hrechhuak palh ang tih ka hlau takzet.

"a nih chuan rawn lut rawh " tih deuh hmak pah hian passenger seat lampang chu a melh zeuh a.

A lukhum dum khum te leh a denim jacket hak pawr deuh hrup te chu a in hmeh bik hliah hliah, ama tan bik liau liau a siam niawm tak a ni, midangin ha ve se chuan an in hmeh ve kher lovang.

" ka thei lo ka nu te inah ka kal dawn "

" ka thlah ang che "

" bus ka chang mai ang" ka ti leh hram ,a chhanchu ka nu te ina rawn kal ve turin ka duh loh mai bakah nuam a tih ka ring lo.

" rawn lut phawt rawh " a ti leh tlat tawh, ka hnial leh chuan tih luihna in min nawr lut leh duh tak tak dawn tih ka hriat avangin ka lut ta nge nge a, min thlah duh a nih phawt te chuan min thlah mai ang hmiang.

" khawiah nge i phone? "

"heta hi " mak ti tak chungin ka phone chu ka ipte aṭangin ka la chhuak a, min rawn laksak leh hmiah tawh.

Ka phone leh a phone a kawih tawn zak zak hnu chuan ," engthil nge maw i tih le? " tiin ka zawt ta ringawt a, ka phone min rawn pek let leh pah chuan, "i phone number ka la mawle " a ti zui sap a.

A hma zawng pawh khan min dil ngai tawp si lova tuna taka a duh thar leh vel hian min ti lungawi lo ru hle.

" ṭha deuhin min dil thei reng alawm "

"min pe phal lo kha maw a ni leh anga " ner suk pahin car steering chu na lo te hian a han beng a. A sawi dik chiah a tirah chuan a duh tak tak nge duh tak tak lo fiah nan ka pe phal lo der ngei ang.

" nangpawhin min rawn be leh tawp nang " ka lo ti let ve ngat a min chhanlet dan tur chu ka hrechak nghal hle bawk.

" nizanah pawh rawn biak che ka tum reng alawm" hahh.... ka number nei miah lo chungin maw?!

"ka number i nei hleinem"

"chuvang chuan lawm ka dil che, in inah rawn kal ka tum....."

" ni lo ,i rawn kal thei lo ang ka û in a hmu palh ang che " tiin ka lo pawtchat nghal vata,ka hlauthawng nghal hle bawk .

" ka ngaihtuah vang chauh che a rawn kal lo ka ni mahse ka hriat loh hlanin min hawsan a nih kha " min chhang tawk thei hmak hmak khawp mai,a thusawi hi a dik vek ṭhin si a chhanlet dan tur hi ka hre lo lek leh ṭhin.

" i muhil alawm "

" ka thlah ang che ka tih kha.... kawng lakah engpawh tawk thei i nih hi "

" hahh.... engtin mah ka awm dawn lo,nilo... Rainer min ngaihtuah em ni ?" chiang zet hian a mit ah tak chuan ka va en nghal kalh a, kan chhehvel te chu a rawn reh nghal duk hian ka hria.

" ngaihtuah lo che ila ka harh veleh ka rawn umzui tawp nang che " a tih zawh hnu phei chuan engkim hi slow motion ang vek hian a awm in ka hria a, ka rilru leh ka thinlung zawng zawng hi lawmna in a rawn khat nghal vek bawk.

" min rawn umzui maw? !!"

" umm....inchhunga i luh lai ka rawn hmu hman a, ka let leh ta a nih kha " a tih zawh rual rual chuan a hmuiah tak ka va fawp nghal vawng vawng a, lawm avangin ka mittui te hi a tla mai dawn.

Rainer hian min ngaihtuah ve tak tak a ni tih hi ka la awih thei chuang lo, hetiang mipa ngaihsam lutuk leh thil ngaihtuah lo lutuk hian min ngaihtuah avangin min rawn umzui a nih chu!! min duh thu emaw min hmangaih thu lampang hrim hrim engmah la sawi lo mahse ka lawm tawk em em tho.

Rainer chuan ka nu te in thleng chu min thlah ta ngei a mahse haw daih ka phal tak loh avangin inchhungah chuan tih luihna in ka luhpui a, a ni lo ang takin a zam hmel takzet.

 "mahal ko (my love)" ka nu in min rawn hmuh rual rual chuan Rainer awm ve lo ang maiin min rawn kuah nghal bawrh bawrh a,ka chalah leh ka biang velah te chuan min fawp nghal ruai bawk.

Ka nu hi chu tiang mi hi a ni ve hrim hrim, nu nelawm leh mi hlim thei tak a nih avangin a lungngai hmel pawh awlsam takin a hriat hran nghal vat theih a,ka sawi tawh thin angin Tagalog hian min be deuh kher ṭhin ka ṭhiante thleng pawhin .

Ka nu in ka hnunga Rainer ngawi renga a lo ding reng lai a hmuh takah chuan ka beng bulah zawi zet hian,"hepa hi tunge? " a rawn ti sap a, za lo zetin ka lo nui der suk ringawt.

" Ka nu, Rainer a nih hi.... chuan Rainer heihi ka nu " English-in ka lo ti nghal zung zung a,Rainer-a hmai duk deuh thluah te leh ahliam hil tawh lampang te chu ka nu tan chuan thil thar a nih avangin Rainer chu a en duh hle nghe nghe.

" Hello.... "

Rainer chuan polite takin chibai tum chuan a kut chu a han lek chhuak vat a,a kut chang hliam belkang niai tawh te chu en vung vung pahin ka nu chuan alo chibai nghal vat a,ka lo thaw nghal huai mai.

" Kamusta... Tagalog i thiam em? "

 Tagalog chuan a be chhunzawm nghal zat bawka, Rainer a hawihai lutuk leh tih ngaihna hre lo hmel ka hmuh chuan ka nu chu ka lo mitmei nghal zeuh a,a rukin lungawi loh hmel zet hian min rawn melh nghal ram ram bawk.

"Marica ka nia.... ka lo lawm a che, i in ang maiin ngai rawh " Ka nu in English a a tih takah chuan Rainer pawhin nuih let vur vur pah hian a lo bu nghat a, kan awmdan hi a lai kual vel vek.

"in ril a ṭam tawh em? "

" aw... " Rainer melh zeuh pah chuan ka lo ti nghal vat a, chhun chaw ka la ei loh avangin Rainer pawhin ala ei bik ka ring lo ve ringawt.

" rawng ka bawl meka ka zo ṭep, taka i pi in Philippines aṭangin Balut a rawn thawn vang vang asin in ei dawn nia "

(Balut chu varak tui a naute in siam ṭan tawh hi a ni a, Philippines ah chuan street food ah an hmang )

" ka nu " ka lo ti vin nghal hluk.

Rainer ang mi duhtui leh khirh lutuk hian balut te ang ngat phei hi chu a duh loh chu sawi loh a ten dawn tih ka hriat sa avangin ka nu hi dan vat ka duh.

" angai lo.... i rawng bawl zawh hun kan nghak thei alawm " tih pahin ka nu chu kitchen lamah ka zui lut nghal dawr dawr a, ka hnungah ngawi rengin Rainer chuan min rawn zui ve zel bawka.

"hetiang ang te hi chu helaiah hmuh tur a awm zen zen lova ei na hun in nei hi lawm zawk ta che"

" nakinah keimahin ka ei mai ang bakah balut kher kher hi chu a duh lo ang"

Tagalog hlira kan inbiak avang chuan engmah hrethiam lovin ka hnungah chan alo ding ngawi renga,ka nu vang hian ka â thei takngial dawn.Amah avangin Chelsea leh Kaitlyn te mai bakah Derek lehzel pawhin balut hi ten chung chungin an ei phah tawh lehnghal.

"ei chhin mai mai te chu a pawi hleinem... duh pawh nise a awm tawh kher lovang " tih pahin Balut chu dawhkan ah a rawn chawi phei a, nelawm fahran hian," Rainer ei chhin rawh i duhzawng a ni maithei asin " nuih sak pah hian a ti kher a ,Rainer tan chuan hnial ngam na chi pawh a ni tawh lo .

"umm " min rawn melh zeuh pahin chair ah chuan thuawih tak hian a ṭhu ve nghal mai a, a ṭhutna bul chair ah chuan ka ṭhu ve nghal vat bawk.

" ka lo kheh sak ang che " ka nu chuan ala ti ang deuh deuh a, varak tui pakhat a lak rual chuan ka ei turin pakhat chu ka la ve nghal bawk a.

" i duh loh chuan i chhakchhuak dawn nia " a chhakchhuak leh dawn tih ka hriat lawk sa avangin a in thlahrun loh nan ka lo hrilh lawk sa thlap.

Kan kheh lai te chuan a vawikhat hmuhna a ni bawka engmah sawi chhuak lo mahse mak a ti in a ten hmel takzet.

" chi tlemte hi kan telh leh anga, chuan kha ei rawh le... a tui teh mai ania "

Ka nu in tlemte a kheh sak hnu chuan a pe ta ngei a, min rawn melh hrak pahin hreh hmel tak hian a la nghal zal zal a, chutah a ei hreh tawh nak alaiin a ei hma chuan a han hnim leh kher a nih chu! luak chhuak lutuk insum hmel te pawh a pu, ni lo... a luak a chhuak tak tak ang ka nu hi awm lo se chuan a uak nghal tuarh tuarh ang ka ring.

Ka nu nen lah chuan thil hmuhnawm tak en dauh dauh niawm takin a ei hun tur chu ka lo nghak ran a, a chil lem dak pahin min chhanchhuak rawh tih melh hian min rawn melh tawh.

" umm.... hetiang hian i ei dawn nia "

A ei hreh lutuk hmel ka hmuh chuan ka varak tui ken lai chu ka kheh nghal mawlh mawlh a, chi tlemte ka telh hnuah tui tih hmel taka ka ei takah chuan a hmel dâng lutuk pawh kha a rawn zia ta deuh in ka hria .

"Derek pawhin tui a ti viau asin, tui i ti ve em em ang "

Ka nu chuan a rawn ti chhuak nghal phawng ringawt !! rang lutuk in ka va mit mei nghal zeuh a ,a lo hrethiam nghal mai bawk a.

Rainer lah chuan rum bawk si mak tih hmel bawk si hian min rawn melh hrawk a ,a lungawi vak lo hmel hi chu ka hrechiang tawh lutuk ringawt .

Chutia ka nu in Derek-a hming a rawn lam chhuah takah Rainer chuan a thil ken lai chu hrehna awm miah lovin a chanve chu a keih bung ta hmawk mai !! ka lo meng phawk nghal kawk ringawt !! ,chutah tui tih loh hmel zeta a ṭhial nuap nuap lai hmel ka va hmuh phei chuan ka nui chhuak nghal hawk a,hetiang em em a tam vawi khatah a ei kan rin lawk bik loh avangin ka nu nen pawh ka in nuih ringawt, a thikthu chhiat luatah amah zawkin a tawrh phah.

Engtin tin emawni a tih hnuah chuan a lem ve mai bawka mahsa Sashimi ang em em a tui lo a nih loh avangin a hmel pawh a pe chhe lutuk tawh lo bakah ka nu alo awm ve bawk nen cool takin a tling tla thei hram... haha..

" a tui em? " ka nu bawk chuan alo ti nghal vata.

"umm... " tih pahin a lo bu nghat a, a awmdan hian ka nuih a ti za takzet.

" Bawihi, kha heihi lo chan rawh Lucas a thawmhnaw ro tawh ho ka han dah fel lawk ange "

Ka nu chuan purun sen chan tur min rawn pek hnu chuan kitchen aṭang chuan min chhuahsan nghal a, ka nu a chhuak fel chiah tih in Rainer chuan ,"Derek-a hetah hian i hruai tawh amaw? " a ti nghal zat, a rawn sawichhuah kha ka ring rengah.

" aw " tiin ka lo chhang sam et a, kan in kawp rei tawh zia hria se chuan awm lo a ti bik lovang.

" anih an in ah i kal tawh em? "

" aw... "

" hreptak chuan... tih dun loh pawh in nei tehhrep lo a nih hi "awki ring lutuk lo vin lek lek si a a rawn tih hlak takah chuan ka thil chan lai chu dah in, "Rainer... engkim kan ti dun lo " ka han ti sap a, thil hriatchhuah tir ka tum a ni zawk mah.

" Anih eng nge in la tih dun loh chu ? " tia min rawn zawh rual chuan thil hrechhuak thut niawm tak hian min rawn nuih nghal vur vur a, a engamah hma in ka lo lai nghal ringawt.

"kei hi i mipa hmasa ber ka ni " a hrechhuak ta nge nge alawm.

Ni e, a sawi dik Rainer hi ka mipa mutpui hmasa ber a nih mai bakah a ni chiah hi mahni pawh in control thei lo khawpa min siamtu a ni a, a ni chiah hi mahni in pek pumhlum vek pawh pawi ka tih loh khawpa ka mipa rin awmchhun a ni bawk.  Tunah chuan Derek nen engkim ka tih dun loh zia a hre tawh ang chu.

Ka nu thawm ka hriat takah chuan nuih ver ver pahin ka thil chan lai kha ka chhunzawm lehnghal mawlh mawlh a, reiloteah ," Lucas hi a leng leh tawh a niang ?" tiin a rawn phun lut nghal mawlh mawlh a ,a hnungah Mark pawhin a rawn zui ve chhat chhat a, a rui leh tawh a ni tih ka hre nghal.

Engvanga Mark hi zu in ta ziah nge maw a nih le?  A hna a chan aṭang khan a mumal tawh lo hrim hrim.

" Hey, Mark... " rui viau mahse nuih pah chuan ka lo ti nghal vâr a.

"Hey... " rawn tih let sap pahin hnung lam aṭangin ka lu ah chuan a rawn fawp nghal zeuh bawk a.

" ṭhian i rawn nei a ni maw? "

Rainer chu chibai ve leh a han tum zet a mahse an in hmuh rual rual chuan in hre sa tawh ang maiin mak ti takin an in melh nghal kawk ringawt.

" Nangpa hi Muhammad-a fapa kha i ni maw? " tih vin hluk pahin Mark chuan Rainer jacket ah chuan a ṭham ta chawt mai! ka nu nen chuan ka phawklek hman hle .

" in pafa hian ka thlah dawn lo che u,ruk hmang in nih hi " a sawi nawk nawk lai te chuan hriatthiam loh hmel takin Rainer chu a ngawi renga, ka pa ni lo se chuan a hnek thlu daih tawh ang.

" Mark thlah rawh... " ka nu chu a in rawlh nghal vat a, mahse a thusawi ve te hi chuan awmzia a nei thui lem lo.

" ka software design sa ru chung hian ka inah i rawn la kal ngam vel a ni maw?  i va zak lo ve...ka in aṭang hian chhuak nghal rawh "

Engmaw!! Mark-a Software ru tu kha Rainer pa maw lo ni reng a? !! khawvel hi a va zim tak em.

Mark-a rui lutuk chu din pawh a ding ngil ṭha hleithei lova, Rainer hian khawih duh se chuan a vawikhat vai ah pawh a tlu nghal tawp thei ang mahse engtin mah a ti let miah lo!

" Mark thlah rawh.... Sadie Rainer hi inchungah lo han hruai chho rawh " ka nu in a tih takah chuan a ban ah chuan ka va vuan nghal a, " hawh kal ang" ka ti nghal sap bawk.

Ka nu in an pahniha a pawh hran theih takah chuan Rainer chu inchung room lamah ka kai chho nghal dawr dawr a, Mark lah chuan ṭawngkam chhe thei ang berin a rawn la ân khum zui zel a, thil thleng hian kei chang nilo in Rainer pawh hi a ṭhawng hle niin a lang.

Room awl ah chuan ka luhpui ta ringawt a, buaina a awm leh tawh loh nan kawngka chu ka kalh nghal hmak bawk.

Rainer chu khum tlangah ṭhu in a ban pahnih a mal chunga nghah pah chuan a ṭhu kun nghal lap a ,a theih hram hi chuan apa chungchang hi sawi chhuah tawh loh ka duh asin.

" Mark khan a ti mai mai aniang engah mah ngai duh suh " tih pahin a bulah chuan ka va ṭhu a, helai hmunah hian lo hruai lo tawp ila ṭha tur.

"hahh... a ti mai mai lo ang ,ka pa hi hetiang ti duh mi hi a ni chuan.... chuan kei lahin engmah hre chiang lovin ka hming ka sign sak bawk a ,ka thiamloh vek a ni "

" i thiam loh a awm reng reng lo "

" Ka thiam loh ni e... kha paper kha sign lo ni ila chu Mark-a hnenah hian ka pe let leh thei em em ang mahse tunah chuan engmah tih theih ka nei tawh lo "

" engmah i hre hleinem hria la chuan i sign miah lovang , khatiang tih duh tur kha i ni lo "

Ka thiam ang tawkin ka han hnem ve a,chhungril ah erawh ṭan zawk tur ka hre lo thung.

"i hria em? khami zan khan ka pa chhan nan Mark-a nghawngah ka rek asin " inthiamlo takin min rawn melh a, hrehawm a tih em avangin rei pawh min melh ngam lo.

" Rainer.... " ka lam rawn hawi turin ka kut pahnih in a biangah chuan ka dawm a, a mit ah tak chiang taka en pah chuan ,"i thiam lo a ni lo ka tih chu " ka ti nawn leh ngat a, dim takin a hmuiah chuan ka fawp nghal vawng vawng bawk.

(Ka story hrim hrim ah hian midang tih loh dan deuhin hla thu te ,thu tawi te te bakah milem thlengin ka zep tel thin a ,heihi story ti interesting tu atana ka dah a ni .(thu ho khi Harry Styles /Taylor Swift a nih loh chuan credit ka pe dawn lo haha)

Story ka ziah tirh atang tawhin a changtute lem han dah vel te hi nuam ka tih zawng a ni a ,ka story in hriathran nghal theih nana dah ka ni pakhat bawk .A hnawk in lo ti deuh a nih pawhin ka signature angah min lo ngaihsak mai dawn nia .

Darkar tamtak chunga ka ziah hi minute10 vel lekah in chhiar zo nghal mai thin a ,a tawi deuh a nih pawhin hriatthiam na nen chhiar tum hram hram ang u aw ....chuan fakna in hmeh hian story ka chhuah avanga lawmthu min hrilh let na angah ngai ula chhiar zawh veleh hmet nghal keuh bawk ang u aw ...xoxo)

CHAPTER -44

"I find your lips so kissable, 

And your kiss unmissable. 

Your fingertips so touchable, 

And your eyes irresistible"

"Ngatinge engtik lai mai pawh hian  fawh che hi ka chak reng mai le? " a aw ril ruih leh thum dut mai ka hriat rual chuan chhungril ah hian au mai pawh nilo in a khek hian ka khek in ka hria.

Ka biang tawn tawn ah rawn dawm in kan chal chu a han insik tir leh vang vang a,rawn thawk lum ham ham ruala a mitmeng vutbuak rawng paw phat mai leh tawrh harzet in chiang taka min rawn en ngat phei hi chuan ka taksa temperature hi nasa takin a rawn sang nghal âwk âwk a , chutah ka thinphu bawk hi ka thunun thei ṭhin lo,min ti â thei takngial dawn .

" ka fawh che hian nuam i ti tiraw? "

"engtik lai pawhin fawh che ka duh" ka lo ti ve hmiah, engah nge ka rilru put hmang te hi ka thup reng bik ang.

" ka thusawi i copy ania "

Min rawn nuih vur vur pahin min ti ṭek chuai chuai thei khawp a zei hian min rawn fawp nghal tawn tawn a ,awmze nei taka a lei a tih chet kual zawng te leh min fawh dan zul zui chuan ka lo chhang let ve nghal tawn tawn a, room chhung ah hian ka infawp ri chêk chêk thawm leh chakna avanga kan thaw rang ta lutuk thawm bak chu hriat tur a awm lo.

"fawh che hi engtik ah mah ka kham thei ngai lovang "

Lungawi tih hriat takin kan infawh kar lahlah chuan a rawn ti leh sap a,midang fawh chu sawiloh Rainer lakah ngat phei hi chuan inrintawkna ka nei ngai lo mahse hetiang anga a rilru a rawn sawi chhuah apiang hian ka lakah a lungawi tih ka hriat phah a, ka inring tawh sauh bawk.

Min tih phur dan a thiam bawka fawh reng pah chuan a jacket chu ka phelh sak nghal sawk sawk a, a T-shirt pawh phelh lovin a kawnghren phelh tum chuan ka dap lehnghal rawk rawk bawk a ,a zipper ka hawn zawh rual chuan ka kut pahnih man beh pahin min fawhna chu a han ti tawp thut a ,ka lo hrilhhai leh tawh ngang mai.

"i chiang chiah maw?  ka sawi awmzia chu helai hmun phiangsen ah hian " tih pahin a han hawi kual a,a nihna takah chuan khawi hmun pawh nise a tan chuan engmah pawina a awmlo mahse ka nu te in a nih avangin ka nu leh Mark te a zah a ni tih tihlan nan a min rawn zawt mai chauh a ni.

"i duh lo a nih chuan ka nghak thei alawm "

 Ka phur tawh zia a hre nachungin naktuk emaw tukleh thleng pawh ka nghah thei thu chu ka lo hrilh ve kher a, amah zawk zawk hi nghak thei lo a ni leh tho ang.

" aih...ka nghak thei lo " tih deuh hmuk pahin a mal chunga ṭhu tur chuan min pawt phei nghal dawrh a, ka mal chunga a kut hraw zet mai nghah kher pah chuan min rawn fawp leh a.

A nghak thei lovang ka tih reng kha, tawpsan thut tur chuan a tlai tawh mah mah.

Thil thar tih chhin ve reng reng ka chak avangin Rainer fawp reng chung chuan a mal aṭangin ka chhuk thla a,ka kut nghet taka rawn vawn pah chuan ka hma ah tak a rawn ding nghal khur a, a sang bawk si a engang pawhin dak in han dingdihlip ve teh mah ila min rawn fawp turin a rawn kun leh khur tawh.

Hun kan ngah loh avangin ka nghawng a fawh lai chuan a kekawr ah ka zen lut a ta ringawt , ka khawih fuh bawk aniang a rawn rum nghal ham ham mai.

" bengchheng suh "

"f*ck...a nih chuan i kut hi la chhuak rawh "

Nuih ver ver pahin ka lu ka lo thing nar nar a, thawm a siam lih nan ka sam nghet taka ṭham pahin a hmui chu a pet nghal fan fan ringawt.

" Rainer ka... " tih pahin ka kut chu ka la chhuak nghal a, ka sawi zak leh deuh avangin a laklawh ah ka tawpsan ta daih a.

"eng nge sawi rawh? " ka chhan hun nghak chuan ngun takin min rawn en leh kar tawh.

Urghh... hetiang anga min en ziah te chuan zâm lutuk avangin ka tlu tawp thei ang chu,ka biang te lah chu a rawn sa nghak up up lehnghal, han sawi ṭan mai dan tur pawh ka hrelo.

" ih... englo ania " tih sup pahin amah hnungchhawn zawng chuan ka ding nghal daih a, ka kekawr phelh thlak pahin zam avanga khur der der chung chuan ka hma a dawhkan ah chuan kun deuh pah hian ka han in nem khalh a, a hma ah tak ka bungbun takah chuan ka sawi tum a man thiam nghal mai in ka hria.

" style thar maw? "

Mit ko tih kân âk pah hian ka mawng zawnah chuan a rawn ding a, awkward zet hian, "tih chhin ve reng reng ka duh " ka huaisenna zawng zawng sawmkhawm chuan ka hrilh ta ringawt a, a ruk tak chuan Chelsea ka dem nghal mawlh mawlh ringawt, hetiang hian a bialpa nen sex an hman thin thu hi a sawi fo ṭhin a, engtin nge a awm tih hriat ve reng reng ka duh phah vek.

Engvanga thil hi ti awkward zo vek ṭhin nge maw ka nih le?  Rainer hian ka sawi tum a hriat bakah experience ka la neih loh zia a hriat avangin min hrethiam zel mai mai pawh a ,mipa dang chu nise min nuihsawh nan an hmang daih tawh ang.

" khawi aṭanga i hriat nge? "insum nasa hle mahse nuihzat hmel zet hian a rawn kun hniam a ka chalah a rawn nghal fawp zeuh bawk.

" chutiang min zawt suh " tih vin hluk pahin ka ding ngil nghal a, hetianga a tih vel nachhan hi ka ngen leh a duh vang a ni tih ka hrethiam ve vek tho.

Ka lungawi vak lo a ni tih a hriat rual chuan hnung lam aṭangin a rawn kun hniam a, a kut lehlamin ka khabe a hmer bawk a, ka nghawng kuai her pah chuan min rawn fawp lehnghal bawrh bawrh mai!! tunah zet zawng a chet rough dan leh min fawh dan ah te hian Rainer tak tak kha a rawn let leh tawh tih ka hre thei.

" Doggy style a nih kha "

Hepa tak hi chu aw.... zep ṭhen lovin tlang takin ka beng bula rawn ti leh sap tawh.

A kut ṭang pahnih chu a liak huh nghal zeuh a chutah ka panty ah a rawn zen lut ta mai, bengchheng lo tura hrilh tu zawk kha ka bengchheng  ta zawk daih mai!

" bengchheng suh " a rawn ti ve leh ngat a.

Khik suk pahin min rawn fawp leh zeuh a, nichin a ka awmdan anga awm tur khan dawhkan ah chuan min nam thlu tawp a. A kekawr a phelh thla a, Rubber chu a vuah nghal mawlh mawlh bawk a, second rei lo te hnuah ka taksa ah a rawn lut chiah mai chu ka au chhuah loh nan ka hmui chu a rawn hup nghal vat ringawt.

★

Rainer nen inngeih taka banga lem ziak intar kan lo thlir dun vauh vauh lai chuan kawngka hi tuemaw hian a rawn beng nghal dawt dawt a, thawm ri deuh khat khat kan hriat ruala rawn hawng tura an rawn tih takah chuan Lucas a ni tih ka hre nghal.

" ka nau a nih chu " tih pahin kawngka hawn tumin kal nghal mai chu ka han tum a mahse mitko ti kân ak pah hian min rawn pawt let nghal dawrh ringawt.

" Rainer... tunah nilo "

" min fawp phawt rawh " a tih takah chuan nuih sek pahin ka han fawp zeuh a, alo la duhtawk lo nasa mai ,nghet takin ka kawngah chuan a rawn kuah nghal chawta ka sam tla chham mai chu ka bengah a rawn zep nghal bawk a, min rawn fawh tuma a rawn kun hniam leh rual chuan ka lo nam sawn nghal dawrh ringawt!!

" tunah nilo ka tih kha " nuih ver ver pahin a hmuiah chuan ka han fawp leh zeuh a, rang takin kawngka chu ka va hawn nghal vat bawk.

" Lucas... i va leng rei ve, ka ngai tawh lutuk che " tih nghal luam pahin ka lo kuah nghal chung a,a bianga fawh leh zeuh pah chuan," naktuk ah rawn riak phei rawh aw " ka lo ti nghal zung zung bawk a, Rainer ve thung chuan Lucas ka fawh apiangin thik hmel zet hian ngawi rengin min lo en reng thung .

" anu in a ko cheu.... " Rainer a hmuh takah chuan a zak ve ta deuh aniang a ṭawng zawi sawtin a ṭawng ṭha duh ta lo riau.

" awle... khawiah nge Mark? "

" a muhil "

" a nih chuan chhuk ila.... kha chu silai elaw? " a lu a chul pahin a silai ken lai chu ka zuk kawk a.

" aw... nizan aṭangin a ri thei tawh lova "

" khawi ka lo en sak ang che " Rainer'n a silai siamṭhat sak tuma a kut a rawn ban rual chuan hlauh hmel takin a thil ken lai kuah pah chuan a tawlh hnung nghal hrut ringawt.

Ni e, a mengrum in a nelawm loh si a naupang tan chuan a hlauhawm ve bawk em a ni.

" Lucas ....Rainer hian a laksak dawn lo che, a en ringawt dawn alawm "

Ka tih takah chuan Rainer chu a belchiang hmasa phawt emaw tih mai tur hian a melh nghal kâr a. Lucas hi chu hetiang mizia hi a pu ve hrim hrim Braydon tih loh chu mipa dang hi a nel teh vak lo, Derek takngial pawhin a be ṭawng hlei thei lo kha ania Rainer phei hi chuan a be ṭawng lo hulhual ang.

"Shotgun a nih hi...Sipai ho hman duh ber ang chi kha a ni maw? "

Lalpa leh! Rainer hian a sawi fuh lutuk tlat! Lucas hian sipai leh silai tih vel hi a ngaisang in a ngaina a ni tih hi hrelawk ang maiin lawm a ṭawng le.

" Engang chi nge? a ṭha teh mai ania " hahh... a be ṭawng tak tak nia!! chutah a en theih turin a hma ah tak a silai chu a va lek kher lehnghal.

"umm... SRM 1208 a nih hi, ka en chhin i phal em? "

Lucas chauh nilo kei lehzel pawh thiam taka thlem thei tu Rainer kha a ni miau a, Lucas pawhin a inngaihtuah vang vang hnu ah a tawp a tawpah a silai chu a pe ta nge nge alawm.

Hepa hian thinlung awlsam taka hneh dan a thiam hle mai, a talent a ni ringawt alawm.

" nizanah apa in a vawm a, a ri thei tawh lova... " a chhiat dan vel te leh a rik theih tawh loh dan te chu a bula din pah chuan a sawi nghal siam siam a, an inhmeh dun lutuk a an bula din pahin ka lo nui ver ver ringawt.

" ka nu ka lo zuk pui ange "

"nichin ami ang kha ka duh ve a nia " Lucas ka fawh chungchang vel kha a rawn sawi chhuak ta nge nge alawm. A dara ben taih pahin ka zuk mitmei zeuh a, inhnuaiah ka chhuk thla nghal bawk .

Ka nu nen thleng kan rem lai chuan phur takin Lucas chu inchung aṭang hian a rawn tlan thla nghal hlawk hlawk a, " a ṭha tawh ,hei a ṭha tawh " tih pahin a silai chu a han hmet ri kual vela a hnungah muang changin ipte zen chungin Rainer chuan a rawn zui chhat chhat bawk.

Lucas an a silai ka nu a hmuh lai vel chuan nuih ver ver pahin Rainer chu ka va pan nghal a ," ka lawm e " ka tih chuan nuih suk pahin a kun daih ringawt. Haha... Rainer hi a lai tihna em ni?  ka awih thei lo a lai ve thei nia mawle.

" a wire a chat ringawt a nih kha "

" chuan... silai SRM 1208 chu ,nilo dawt i hrilh lo tih min hrilh rawh ?" ka tih rual chuan nuihzat hmel zet hian min rawn en a, a hmel atang hian a risk leh tawh a ni tih hrilh ngai lovin ka hre nghal. SRM te chu han awm ve mahse Lucas a silai hi chu SRM lem a ni lo.

CHAPTER -45

"Loving you is like breathing how can I stop? " 

Chaw kan ei lai chuan Lucas chu Rainer bulah kher lo chuan a ṭhu duh tlat lova, ka ṭhutna turah a ṭhu daih lehnghal ,keipawh ka ṭhu chak ve tho sia.

Minute20 vel chauh la in hre mahse Lucas hian kei ai ai in a nel in a ngaina zawk a ,engthil nge maw a lo hrilh bik ni  ka nu pawhin mak tih hmel takin a en tawp ringawt.

Ka sawi tawh ang khan Rainer hian rin phak bakin zûn angah lutuk tlat!!  ka nau ngei pawh hi ka ṭhik lo chauh chu a nih hi.

Ka nu in thleng a sil lai chuan a bulah dingin a sil zawh apiang chu ka lo hru ro nghal zela ,Rainer te pahnih erawh living room ah an awm daih a ,eng nge an tih pawh ka va hriat pui lo. 

" amak hle mai Lucas hian a nel nghal mai ania " ka nu chuan a rawn ti sap a, Rainer hi fel a tih thu a sawi tumna emawni le? 

"nangpawh in i nel nghal ve tho alawm "nuih sun sun pahin uang deuh hian ka lo chhang let a ,min rawn luih let leh pah chuan ," nia... amah ah hian enge maw riau a awm, ṭawng luam lo mahse ughh ka hrethiam bik lo "

Ka nu hian a sawi dik chiah keipawh hian ka sawifiah thiam bik lo,mahni infak ching emaw ṭawng zung zung mi nilo mahse midangte hipna hi a nghah riau.

" zanin thleng a awm dawn em? "

" aih.... a haw ang " Rang lutuk hian ka lo chhang nghal zat, Braydon hi engtik lai pawha rawn kal thei reng a nih avangin awmtir ve hi ngaihdan ṭha tak a ni in ka hrelo .

"e taka.... Braydon an a rawn kal theih loh tur thu a rawn sawi asin"

" Enga!!  Lucas birthday lawmna ah lehzel te chuan chhuanlam siam tur a ni lo asin "

 Braydon hian min rawn hrilh ngam lo anga ka nu a rawn hrilh tih hriat reng reng.

"Kendra pi damdawiin ah kal pui thut a ngai a tia , damlohna te hi chu mihring hriat lawk sa pawh a ni hleinem, bakah Lucas birthday tak tak pawh ala ni chuang lova "

"makpa interview ava nei leh tawh a nih chu! In zin daih dawn a tun bak lawmna hun a awm lo, chhungkaw inhmuhkhawm na ah hian a rawn tel lo ve ziah "

Ka nu te chhungkua hi Paris ah chawlh hmangin an zin daih dawn avangin chhungkaw in hmuh khawm pahin Lucas a pre birthday zaninah hian lawm ka tum a, chhuanlam fahrah te te a siam leh dawn a ni tih hre tho mah ila a ti mah mah tawh a ni, heihi a vawithum rawn kal lohna a ni tawh.

"i putea te pawh an rawn kal ṭep tawh ang,huanah grape leh strawberry i lawh chhungin cake ka lo buaipui anga min rawn pui leh mai dawn nia "

Ka nu hi chuan ka awm mai mai lai hi a hmu thei lo khawpa thil tih tur min hrilh mai bakah ka tih zawh huna ka tih leh tur pawh min hrilh nghal zel mai chu a nih hi.

" a hma anga châng (hard)kha chuan siam tawh lo ang "

Ka sawi zawh rual chuan min rawn en pahin a nui nghal hawr hawr a,nikumah Lucas birthday ah tho a hmai cake ah kan nawr ve ngei a ,ka nu nena kan cake siam kha rin aiin a lo châng ta sia a hnar a thi phah lehnghal.

Grape leh strawberry lo turin in hnung lamah chuan basket leh bakcheh nen ka chhuak phei a,  ka nu hian ft6 bial vel lek strawberry hmun leh grape tlemte rah ṭha duh zet mai hi a nei ve a, kan kham tawk hle nghe nghe.

Strawberry hmin ṭha zet mai chu lo in ka han ei chhin vel a, ka nu hian a enkawl uluk bawka ka rin aiin a thlum daih mai.

A awmna a hlat zawk avangin grape lawh hmasak tum chuan grape zamna lampang chu ka pan phei chhat chhat a, a reh ruih vang nge pawh ka hrelo a rapawm ru riau .

" khawiah nge i kal dawn? "

Ka phu nghal zawk!!  Rainer aw ka hriat rual rual chuan ka hawi let nghal! ka lam panin hmanhmawh takin a rawn pen phei nghal hlawk hlawk chu niin.

"ka... " ka ti hman chauh tihin a kut in ka biang tawn tawn ah chuan a dawm a, min rawn fawp nghal ringawt!!

" strawberry i ei em ni ?"

A hmui liah zeuh pah chuan a ti sap a, a ring dik nghal chat!! nichina ka strawberry ei kha min rawn fawh rual khan a tem thei aniang.

" umm... lawh ka tum a, i va hlauhthawn hmel ve ?"

" ka hmu lo che lawm "

Hah... inchhung ah min hmu zo lo anga min rawn zawng nghal a ni maw? naupang in a nu awmna a hre lo a a zawng nghal ruai te pawh kha a ang zawk .

" khawiah nge Lucas? " Lucas nen khan an inkawm khan ka hre sia, ka va ngaihsak vak duh lo kha a nia.

" a muhil.... " naute tih takah chhunah ala mu ṭhin tak.

" Rainer.... zanah Lucas birthday kan lawm dawn a i haw lo ang tiraw? "

Ka ú a rawn kal dawn chuang lo duh dawn lo mahse party-a a kal mai mai leh dawn ai chuan sawm chhin ve reng reng hi ka duh.

"i û in min hmuh I hlau viau a ni lawm ni ?"

" umm... ughhh...a rawn kal dawn lo " ka tih chuan a khi nghal suk a.

" ka lo inngaihtuah dawn nia " tih hmak pahin grape awmna lamah chuan min kalsan daih a nih chu!! a ṭawngkam avang chuan ka lo ner zui nghal nang nang ringawt .

★

Birthday kan lawm lai chuan Mark pawh a rawn tho chhuak tawh a, a harh fim tawh vang nge pawh ka hrelo Rainer hi hre tho mahse a hma ang kha chuan a che tawh lo. Mark hi pa râwn leh zahawm tak a ni a, thil ngaihtuah chiang lova thil ti ngai lo mi a nih avangin chu a mizia chu tuna a harhfim tak hnuah hian a rawn lang chhuak lehnghal chiah bawk.

An pahnih chuan inhlat takin an thu a, an in be lova a tu amah an ṭawng chhuak lo hrim hrim bawk chumaibakah buaina engmah a thleng bawk hek lo amaherawhchu an inngeih lo a ni tih erawh an in melh dan aṭangin a hriat hle thung.

Kitchen ah tui ka in mek lai chuan Rainer chu a jacket ipte zen chung hian a rawn lut phei zal zal a, party anga ri nuai nuai leh nuam a nih ve loh avangin a ning ru viau maithei.

"haw mai hi a ṭha in ka hria" counter ngheng deuh chung hian ka bulah a rawn ding a.

"umm...ok, I tan chuan a ninawm viau ang " ka lo ti nghal vat, a awmdan hi ka hrethiam lutuk tlat.

" chutiang lam a ni lo...nuam ka ti lutuk" a nih chuan Mark vang saw a ni thei mai angem?  Amah vangin Mark mood a off phah vek ta sia.

"aw le... ka nu ka va hrilh ange " tih pahin kal nghal mai chu ka tum a mahse ka kiu ah min rawn vuan bet nghal.

" engatan mah a ti lo ang, tihian ka chhuak tawp mai ang " a rawn ti leh sap a.

Ngatinge Rainer hian engtik lai mai pawh hian midangin engatan mah an tih loh anga a in ngaih ziah mai le? Vawikhat tal pawh mi pawimawh tak a nih zia hi an hrilh ngai lo pawh a ni mahna.

" Rainer. ..min ngaithla rawh ,ngawi rengin i chhuak a nih vaih chuan kan vaiin kan zawng ang che. Lucas leh ka pute'n I awmna min zawt chhen anga ka nu in a ngaihtuah em em bawk ang che "

A mit ah tak en chungin chiang tak hian ka hrilh a, a hmel chu hlimna leh lungngaihna in a inchawpawlh nimai hian ka hria,a hma a a mit de sawt sawt erawh a awm tawh lo.

Ngawi renga haw tir daih ka phal tlat loh avangin ka nu chu ka hrilh ta nge nge a, in aṭanga a chhuah dawn phei chuan ka nu leh Madelyn(putea nupui) te chuan a biangah fawp in an mangṭha thlap a, Lucas leh ka putea pawhin an kuah a pangngai takin an thlah thlap bawk.

"tluang takin khalh ang che "

Mark pawhin kan chhuak dawn chiah tih in a rawn ti ve bawka, mak ti takin kan in en hrak hrak hlawm mai,mahse mi puitling a nihzia a tih lan mai bakah Muhammad Black nen hian ṭhianṭha tak an lo nih tawh ṭhin vang te pawh a ni maithei.

Mark an a inleng te hrim hrim an haw dawn apianga a thlahna thu a ni tih hre tho mah ila Rainer hnenah erawh a sawi hi ka ringpha lo.

Hma lam melh vung vung pahin a car lam pan chuan a kal phei chhat chhat a ,a bulah muangchangin a pen rual chuan ka lo pen ve zela, ka awm ve tih pawh a hre tawh lo niin ka hria .

" I ṭha maw? " tiin ka zawt ta nge nge.

"Chhungkua a awm hi hetiang ang hian alo hlimawm a ni maw? " chu zawhna zet chuan min khawih hle mai, rilru natna avangin ka awm zawn pawh a rawn na nghal zawk zawk thei.

" Rainer.... "

" ka vawikhat experience na ania a lehpek te ala awm a nih ngai chuan ka hmachhawn thiam tawh ang "

"i rawn kal avangin ka lawm takzet " ka ṭawngsual ka hlauh avangin ka ti ta ringawt a, lungngai tak hmel pu mahse za lo zet hian min rawn nuih suk thung.

" va lut tawh rawh... an lo ngaihtuah lutuk ang che "

" kal phawt rawh "

" inchhung I luh hun thleng ka lo thlir ang che " engang pawhin kal hmasak tir tum mahila ka luh phawt loh chuan a kal duh leh dawn lo tih ka hriat avangin dingdihlip pahin a hmuiah ka han fawp zeuh a, bye bye chungin inchhungah ka tlan lut nghal nal nal .

_____________________________________________

★Rainer's POV★

Lift a ka chuan chhoh lai te chuan ka hriat loh hlan in ka lo nei leh vur vur ṭhin, zanin kha boring angin lang mahse ka hun tawn tawha nuam ber leh ka hlim ber ṭum a ni ka ti ngam sak.

Ka dam chhunga hmangaihna ka dawn tawh zawng zawng aiin zanin hun reilote chunga hmangaihna leh duhsaka ka dawn kha a tam fe zawk.

Maktak maiin Sadie ka tawn aṭang hian ka la pawimawh ve a ni tih mai bakah thil tamtak ka tawng in ka hriat belh phah ṭeuh tawh a, a chang hi chuan a hmangaihna dawn zozai te avang hian lo thinrim in han thik ve viau ṭhin mah ila ka rilru a nawm loh chang apiangin ka bula awm turin ka duh leh lawi sia amah bawk ka pan leh nge nge ṭhin.

Hetiang ang hian ka nu leh paten min hlamchhiat dawn a ni tih hi ka pu khan a lo hriat lawk sa vek tawh vang pawh a ni mahna engkim ka hminga a dah nachhan.

Ka room lam panin muangchangin corridor ah chuan ka pen phei chhat chhat a, kawngka hma ah Amira in min lo nghak reng a ni tih ka va hmuh rual chuan ka sana bun lai chu ka zuk thlek zeuh a, dar10 a lo pel der tawh.

" Rainer khawiah nge i kal? " hlauhthawn hmel zet hian min rawn pan nghal a, a inchei dan aṭangin party na aṭangin a rawn tlang tih ka hre nghal.

" ka leng chhuak mai mai....haw tawh rawh a tlai tawh "

" Enga!!  i â ta em ni, zan dangah chuan dar 3 thleng anih kha i men ṭhin "

" ka routine ka thlak tawh" tih hmak pahin kawngka chu ka hawng nghal a, tunah tak hi chuan Amira thawmhnaw sexy lutuk te leh a hnute bu chhah ṭha tak te hian min hip loh chu sawi loh biak mood ah pawh ka awm lo.

Hetiang ang em em hian Amira hmuh hi ka peihlo ngai si lova, ka chau takzet a nih dawn hi. Ka mu tam deuh anga ka hne hi a reh ve mai ang.

Inchhung ka luh rual chuan ka jacket leh cap chu couch ah ka theh tawp a, Amira lah chuan engkim hriat tumin min rawn la zui zel.

" Rainer.... ngatinge hetiang hian i awm?  i chau tak tak em ni? "

A tih pawh chuan chhang lovin kitchen lamah tui in turin ka phei san daih! Mahse min rawn zui zel tho.

"ka lo message dawn che mi? "

Ka ban chu rawn khawi a han tum dek dek a ka tum reng vang pawh ni lovin ka man bet nghal chawt ringawt !!

"I ṭha maw? " a tih rual chuan Sadie ka hre chhuak nghal zawk mai!! a ni ngaihtuah chhuah hi khawvela ka thil duh loh ber a ni bawk.

" naktuk ah kan inhmu dawn nia ,haw phawt rawh " ka nghawng tuai nawk nawk pahin tui chu kan han lem leh a.

" ka haw hma in ka duh chu i hriat kha " sex bawk maw!!  nidang chu nise awlsam takin ka ti lawm anga, ka khumah ngei sawn kan riak dun leh ngei bawk ang.

" Amira... " ka awki ka han san hlek a.

"I thil duh hi ka hrechiang lutuk tlat "

Min rawn nuih ver ver pahin a kawrkilh chu a phelh nghal veka, a hnute bu chhah zet mai alo chhuan ṭhin em em chu ka chak lohna a ni tih hria in ka hmuh thei tur hian a rawn ding kher bawka chutah ka kut chu la kangin min khawih tir kher a, ngawi rengin mit khap miah lovin a che vel chu ka lo en reng ringawt.

Ka kut chungah chuan a kutin a rawn hum hnan a a awm bawr vel min khawih kual tir pah chuan maimichhing chungin a rum nghal ngher ngher bawk.

Mipa tha za leh fit ṭha tak ka lo ni bawk nen ka thinsen rawn lum nghal ap ap te leh hnuailam chu a rawn danglam nghal ṭalh ṭalh a, chu chuan insumna a nei ve tlat lo.

Ka hma ah hmeichhe hmelṭha lutuk leh itawm tawpkhawk a din reng laiin engah nge ka lo insum bik ang, a duh ang ngeiin nuam chu ka chenpui dawn lawm ni?

A sama ṭham pahin dimna nei lek lo hian ka va fawp nghal tawn tawn a,a duh a hmu ta bawka kan in fawh lai chuan a nui nghal sek bawk .

" min mamawh tih hi ka hria alawm, Mr Rough ..." thawk chhuah hawk hawk pahin a awmbawr chuan min rawn nawk chhen bawk a, chu chuan min ti phur zual hle bawk .

Hmeichhe dang ang lo takin Sadie ka fawh leh ka khawih apiang hian ka rilru hi a nem ta thut emaw tih mai tur hian tih nat hi ka hlau em em ṭhin a, Sadie lakah chuan sakeibaknei zaidam tak ang mai hian ka in chan ber.

Engmaw!  Sadie maw!!

" phiangsen chuan "

Sadie ka hriat chhah rual rual chuan Amira chu ka nawr sawn nghal dawr a, a ni ai mahin keimah zawk hian ka awmdan hi mak ka ti zawk.

"eng nge awmzia? "

" che suh "

Ka awmdan ka duh loh em avangin ka rilru lak pen tumin ka va fawp lehnghal.A hma ang chiahin ani pawhin min rawn chhanglet ve nghal a engang pawhin duhthawh takin fawpin, a panty thlengin zen lut mah ila a hma ang khan phurna ka nei tawh tlat lo.

" bullshit "tih vin hluk pahin ka in la nghal thut a ,counter dawm pahin ka ding kun nghal lap bawk .

"Engthil nge maw i hriat le? " lungawi lo takin a ni pawh a rawn au nghal tuarh.

"kawngka a in hawng sa ang " tih bak ka sawi lo.

Kei ngei pawh hian ka awmdan hi ka hrethiam tawh bik lo, Sadie ka ngaihtuah chhuah avang ringawt in hmeichhe dang hipna chu vawilehkhatah a bo nghal hmiah a, chu aia ka thin tirim tu zawk chu a bula ka awm loh lai pawhin ka rilru aṭangin Sadie ka paih chhuak thei lo hi a ni.

" Rainer....tuna i thil tih kha i hria em?  i la inchhir khawp ang " a kawr chu a ha ṭha nghal mawlh mawlh a,ka lo ngawi reng thung.

"Tunge i hmeichhe hmuh ṭhin hi?  Rainer engkim min hrilh vek rawh hmeichhe dang i hmu ṭhin tih ka hria ania .Weekend ah takngial pawh I party ngai tawh lova, inah I awm khat hle bawk. Tun hnai te aṭang khan min ngaihsak lo sawtin min mutpui duh ta miah lova, hmeichhe dang hmuh ṭhin i nei te a nih ngawt loh chuan hetiang hian i awm dawn lo tih ka hria.... " a sawi zawng chuan a mittui chu a rawn luang nghal zung zung a, hmeichhe mittui tla lai hi ka hmu thei ṭhak lo lehnghal.

" I mittui kha hru rawh " a lam pawh hawi lovin tissue box chu ka nawr phei a.

" ka hrechiang lutuk tlat che hmeichhe pakhat ah chiah i bûr ṭhin a ni tih pawh ka hria"

A sawi dik hmeichhe pakhat bak ka ngaihsak thiam ve lo, bialnu nei ngai lo mah ila pakhat ka mutpui tawh chuan midang ka mutpui leh hma chu chunu chiah chu ka buaipui ṭhin .Sadie pawh hi ka duh vang nilo in khatiang anga ka lo tih ṭhin vang te pawh a ni mahna,hmeichhe pakhat chuah buaipui hi ka tradition te pawh ti ila ka sawi sual lovang .

" chhuak rawh mut ka duh " dawt sawi ka duh loh avangin chhuak tur chiahin ka hrilh, midang ka kawp leh kawp loh erawh a hriat ve kher a ṭulna ka hre lo.

" engkim ka la hrechhuak vek tho tho ang.... hmeichhe dang i kawp a ni tih ka hrechhuak a ni vaih chuan chumi ni chu chunu tawpna chu a ni ang "

Inhum ruh pahin min rawn melh kar a,tihderna pakhatmah a awm lo a, a sawi ang hian a ti ngei bawk ang.

" in enkawl ṭha ang che " rawn tih leh kher pahin thinrim tak chungin a chhuak nghal nal nal bawk.

CHAPTER -46

"Why her? " 

Nizana Sadie te chhungkaw bula ka awm hnu aṭang phei kha chuan a hma ai zawngin chhungkua a awm ve chu ka chak zual a, ka pa a awm thei lo a nih pawhin Samantha nen a kan inkar tal hi ṭha se ka duh avangin nizan zankhua deuhthaw a ka in ngaihtuah hnu ah Samantha nena kan inkar ṭha lo tak hi chingfel tura ṭan la turin ka rilru ka siamfel nghal bawk.

Samantha dinner ei puia sawm turin ka chapo na te dah ṭha in a office lam chu ka pan a, a ruk tak chuan ka hreh in let leh daih te pawh ka duh rum rum.

Kan inkar siam ṭhat tum ka nih avangin a office-a ka luh hma chuan hlim hmel put hram hram tumin ka han nui lui suk a, lem chan hi alo hahthlak a nih hi!! tum zui hmuk pahin ka jacket chu ka han siam tha te te a, kik lovin kawngka ka hawng nghal rawk bawk.

Kawngka ka hawn rual rual chuan Samantha leh mipa pakhat couch-ah inbawh chunga an lo infawp tawn tawn lai chu ka zuk hmu nghal!

Vawilehkhatah ka alh nghal phat!!

Insum te chu khawi lam ka va hmuh rual rual chuan chupa chu couch aṭang chuan ka ṭham tho nghal lawp a, ka hnek zui thlu nghal tawp bawk.

" Rainer duhtawk rawh "

Hnek leh ka tum lai takin Samantha chu kan inkar ah chuan a rawn tla zep hman! amah zawk hi ka hnek hman tep ka kuttum pawh a hmai zawnah ka lek vu hman tawh.

" hnek tawh suh ,khawngaihin..." a hlauthawng a ni tih a aw khur der der aṭang hian a hriat theih.

A sam pheng phang te leh a kawrkilh pawh la in kilh zo mang lo ka hmuh rual chuan in seh ruh chungin ka kuttum chu ka la thla riai riai a, rum zetin chupa chu ka zuk melh zui leh khai a, a hmel ka hmuh hian ka hnek leh duh mai dawn avangin lehlam hawi hmak pahin ka in hum ruh nghal vut ringawt.

Hetiang thil thleng hi a vawikhatna nilo mahse ka tawrh nat dan erawh a ngai reng thung.

 Samantha in a sam thur zet mai a tuai mam thuak thuak lai chuan chupa chuan a hnar thi chu a tuai fai mawlh mawlh thung a, inchhirna nei lek lovin min rawn melh ram ram pahin room aṭang chuan a chhuak nghal daih a chu chuan an min ti thinrim zual hle.

" Eng nge i rawn tih dawn? " a tih rual chuan hawi pawh hawi let lo in ka khi nghal suk ringawt, ka nuihzat vang nilo in ka thinrim tawpkhawk vang zawk a ni.

 Kan inkar siamṭhat chu sawiloh khatiang lampang kha ngaihtuah leh tawh lo turin ka rilru ka siam fel nghal.

"kan contract a dinner ei dun tih phiangsen kha i tih angai tawh lovang "tih hmak pahin kawngka bula pot chu ka vai thla nghal pawp a, let leh tawh lo turin hma lam panin ka kal nghal nal nal bawk.

Nidanga ka tih ṭhin dan ang bawkin building chung zawl ah ka rilru lak pen tumin pushup ka ti ngar ngar a, vawi 90 ka tih hnuah pawh ka rilru aṭangin kha thil phiangsen kha ka thai reh thei chuang lo.

" fuck... "

 Ka hah tawh em avangin tih vin hluk pah chuan cement charah chuan ka let thal nghal tawp a, khapa kha damdawiin panpui ngai khawpin ka lo hnek lo kha tunah hian ka inchhir leh hnuhnawh.


★2 hours later ★

Chemistry class ah Sadie a kal lo an tih a avangin zawng turin ka chhuak nghal a, engvanga zawng kher nge ka nih pawh ka hrelo.

A hmel ka hmuh loh hlek hi chuan mak tak mai in hmuh ka chak em em zel a, ruak huai ang hian ka in hre tlat ṭhin bawk. In be dawn lo mah ila a bula ka awm phawt chuan ka lungawi em em tho.

A awmna tur awm anga ka rin Chemistry laboratory ah leh library ah ka zawng ve ve a chutichung pawh chuan a hmel hmuh tur a awm chuang lo ,ka zawn hmuh loh avang chuan ka thinrim ṭan titih nghal mai lehnghal.

"a rawn kal lo phiangsen emawni le? " phun sup pahin ka phone ka la chhuak nghala, a la lo anih vaih chuan an inah ka kal ang.

Thinrim ṭun chunga Sadie call ka tum lai tak chuan balcony aṭangin ground lam chu ka zuk thlek thla zeuh a, vanneihthlak lutukin Sadie leh a ṭhiante pahnih in be mawlh mawlh lai chu ka zuk hmu fuh hlauh!!

A ṭhiante a biak paha a nui ver ver hmel ka zuk hmuh chuan thinrim hle e ti lo chuan chhan awmlo in ka khi nghal suk a, ka chhungril tawt lutuk pawh kha a zia nghal sawng sawng bawk.

A chang hi chuan ka bulah awm lova a ṭhiante bula a awm daih avang ringawt pawh khuan ka thik a, a nuih lehngat phei hi chuan hruai hran daih a khap miah lova a nui hmel thlir ngawt ngawt mai ka duh rum rum ṭhin.

"hmela ka farnu i lo melh vel elaw?"

 Ralkhat aṭanga Sadie ka lo thlir mai mai lai chuan Braydon an min rawn pawt her nghal sawk a, college a ka hmuh leh avang erawhin mak ka ti amaherawhchu ka hmelah ka ti lang lo.

" a pawina a awm em ni? "nui suk pahin ngeiawm zet in Sadie chu ka zuk melh leh kher.

"hmela " ka jacket nghawngah a rawn ṭham nghal a," melh pawh melh hlek suh " min rawn melh khai bawk.

A farnu lo melh ringawt pawh chu a haw ngang a nih dawn hi a mit pawh a sen vek thei alawm mahse hetiang anga a awm avang hian min ti luhlul zual sauh thung.

" a lehpek ah ka lo reng tawh dawn nia "

Ngeiawm zetin nuih vur vur pah hian ka ti leh ngat a, ka lo rin lawk ang ngeiin ka hmai ah a rawn ri nghal sawk.

Braydon a thinrim hmel ,hmai sen vek tawh ka hmuh chuan ka sam tuai thuak pahin ka in beng tho nghal a, ka khabe sawi rem nawk nawk pah chuan kan in hma chhawn nghal ran a.

"I melh lai ka hmu leh a nih vaih chuan ka kuttum hi a in ring reng ania "

" I hria em... i farnu khu ka duh chuan ka laksak daih thei che asin"

 He thu hi ahma in ka hnenah alo sawi tawh a, chuvanga hrilh let ve chauh chu ka ni. Amaherawhchu dawt ka sawi bik hauh lo ka duh chuan an pahnih hian ka then hrang daih thei mahse a ni ang ka nih loh avanga zahngaihna la lantir mai mai chauh ka ni.

" Phiangsen che chuan... "

Min rawn hnek leh a tum lai tak chuan hmeichhe pakhat hian a rawn ko thut a.

" Babe kal tawh ang " chu nu chuan min hria niawm tak hian min rawn melh hrek hrek a mahse a hmel ti danglam leh in a bana kuah pahin a hmuiah a rawn fawp nghal zeuh bawk a,a bialnu thar a ni in a lang .

A bialnu in kal a duh tlat avangin a hnial ngam bik lo, min rawn melh khai pahin," ka sawi kha hre reng ang che" a rawn ti leh hram a, an inzui phei nal nal lai chuan ka lo khi nghal suk a .

Tun ṭum kan buaina ah kha chuan kut thawh ve ka tum hauh lo a chhanchu a unau nu chunga ka thil tih avang hian min hnek ve hrim hrim se ka duh chuti lo chu thudik a hriatchhuah hunah min hnek turin chakna a nei tawh dawn si lo.

" engvangin nge i khawih let loh? "

Ka jacket ka siam ṭhat lai chuan Declan chuan a rawn ti a, kan in tibuai lai kha ngawi rengin a lo hmu leh vek tawh a nih dawn hi.

" nidangah chuan khawih na hun remchang kha i zawng reng ṭhin kha a ni sia " a rawn ti leh a, Sadie zuk melh zui zeuh pah chuan," chutia mi? " tiin nuih suk pahin ka chhanglet ringawt a.

"Braydon i hmuh tawh hi chuan nilengin i mood a off ṭhin kha a nia" ka lo nuih vur vur avang chuan a rawn ti kher a, ka tum chiang khawp mai.

"hepa lakah hian i nem sawt ta khawp mai chhan ṭha deuh te a awm a ni lo maw? " min zawh vel dan aṭang hian Sadie nen hian min ringhlel a ni tih ka hai bik lo.

"Engmah a awm lo " tih hmuk pahin ka inher vut a,kal ka tum lai takin ka hnung lam aṭang chuan rang zet hian min rawn kuah thuk a...

" midangin min nghak reng tawh a nia"a ti a.

"kal sawn teh "

Kan pahnih in kan ṭhian dangte awmna lam pan chuan kan kal nghal a.

Declan an room kawngka a hawng chiah tih in Sadie'n min rawn koh thut avang chuan ka hawi phei nghal a, Declan lahin mak tih hmel takin min rawn en nghal hau lehnghal mahse Sadie ka hmuh avanga ka hlimzia erawh thup bo theih a ni lo ka hmelah a rawn lang chhuak nghal.

" Rainer ka be lawk thei che ngem?"

Declan awm ve reng mahse thil serious lutuk a nih ka rin loh avangin, "sawi rawh "tiin ka lo chhang let a , a hma aiin a zam hmel sauh in ka hria.

"umm....class zawhah ka project min en pui thei angem? "

A vawikhat nan a project tih pui turin Nolan nilo in keimah ngei min sawm ve ta!! Hetiang ang em em hian ka la hlim ngai lo.

"Ban ah min lo nghak dawn nia " ka tih takah chuan thawk huai pah min rawn nuih nghal ver ver a, a zam lutuk hmel te lehzel pawh hi a duhawm takzet.

Room-a luh lehnghal tum chuan kawngka chu ka ban a.

" ih...chuan movie ticket pahnih ka nei a i hman chuan.... "

" ok"

A sawi zawh hma hma chuan inngaihtuah nawn pawh ngai lovin rang tak hian ka lo chhang nghal! kei ai mahin ka bula ding hian mak a ti zawk!

"Khati kum zozai kha kan lo in hre ve tawh a vawikhat pawh movie en turin kan sawm chhuak thei ngai lo che" Inchhung kan luh rual chuan Declan chuan a ti nghal mawlh mawlh a ka lo ngawi reng thung.

"ṭhianpa khanu kha i duh a nih chuan tlang deuhin min hrilh rawh " a rawn tih rual chuan ka hawi let vut a, Sadie ka duh anga a sawi avang chuan ka mitmeng pawh a nelawm loh nghal hle.

"Engmah a awm lo "

" I in pawm duh lo a nih kha "

 A rawn ti leh ngat a mahse chhang buai lovin ka ṭhutna ṭhin ah chuan thatchhe zet hian ka ṭhu zui nghal.

Sadie ka hmuh hian ka hahdam in ka hlim ṭhin tih chu ka hria mahse ka duh tihna erawh a ni lo, a û tih nat ka duh laia a ni lo duh te chu thil thleng thei lo tawp a ni.

Message ka dawn avangin ka phone chu ka ipte aṭangin ka la chhuak nghal a, Sadie in ,*"ka lawm e"* tih ringawt hi a lo thawn chu niin ,thil ho te mah nise min ti nui lehnghal vur vur tawh.

Chutia keimah ang lo taka ka phone bih chunga ka lo nuih vur vur lai chuan ka ṭhian te chuan mak ti takin min lo en ṭhap hlawm a, thil maktak hmu te pawh an ang.

" Eng nge? " hawi chhuah pah chuan ka ti tum nghal hmuk a.

" i tho â em ni? " Zack chuan a rawn ti nghal.

"thil thleng hlimawm deuh a awm em ni? " Carter pawhin a rawn ti ve bawk a.

" kan hre ve chak ania min hrilh ve rawh " fiamthu titak deuh hian Declan chuan a rawn ti ve leh kher bawk .

Ka awmdan a danglam tih pawh ka lo hre lo, engtin nge ka awm?

"Thil thleng engkim kan hrilh vek ṭhin a mahse a ni chuan thil pakhat pawh a sawi chhuah ve ngai loh hi zawt zawt duh suh u " lungawi lo tih hriat takin Shane chuan remchangah a rawn la ve nghal bawk a, kei ngei pawh hian ka awmdan ka hriat bik loh laiin eng chu nge ka hrilh an phut? !!

"Amira nen in in kar a ṭha lo hle sia engtin nge i la nuih vur vur theih zawk?"

 Shane hi chuan Amira chungchang bak min sawipui tur a hre lo a nih dawn hi.

 Amira in kan chungchang alo va hrilh leh tawh a ni maw, engvanga kan inkar chungchang hi ka ṭhiante hmanga chinfel tum ziah nge maw a nih?

"Lungngaih na chhan tur ka nei em ni?"bawp khawkherh pah chuan a aia thatchhia hian ka han ṭhu leh a.

"I duh lo a nih chuan hnawl ve mai rawh hetiang anga hmeichhe rilru ti na kual vel lo hian "

Shane nen ka in chhan leh fak fak ṭan tawn avangin Zack chuan buaina a chhuah leh hma in "Guys...hmeichhia te chu kawp a ṭhen leh mai mai tur an move on leh vat zel tho " a tih chuan midang ho chu an nui nghal dar dar a, Shane erawhin min rawn melh khai thung.

"Amira hi keipawhin ka lo khawsak pui ve zuai tawh a...zei hle mahse zun a nei viau lo " Carter chuan intithei tak hian a rawn ti vel a, hetiang thil lampang sawi tawh hi chuan midang ho lah hi an lo phur nghal hlut zel.

"Hey.... hey tikhan sawi vak vak suh u Rainer an a thik ange" fiamthu in an tih pawh chuan engah teh vakah mah ka ngaih loh avangin ka lo nuih liam vel mai mai ringawt.

" E taka Shane nangpawh hmeichhe kawp zuai i neih ve hman kha " Blake an a tih chuan Shane chu za lo zet hian a khi nghal suk a.

"Sadie kha tiraw?" Carter chuan alo ti vat a, chu hming zet chuan ka beng a verh nghal zâr mai.

"....hahh khanu kha maw? in hre lo anih kha infawh a zei thlawt lo " nuih pahin elsen zeta a tih lai vel chuan ka hriat loh kar in ka lo in hum ruh hmanhmawh .

"A ni fawh ai chuan lollipop fawh pawh a hlawk zawk bakah a ni ang hmeichhe awlsam lutuk " a tih leh rual rual chuan ka sa nghal zak! ka insum hman lo chuan ka ṭhutna aṭangin ka tho chhuak thut a Shane chu ka ṭham tho nghal lawp mai!

" Rainer....thlah rawh" ka hnek hma in Declan'n rang zet hian min lo dang hman .

Kan rik tak hlut avang chuan midang ho pawh chuan min dan tumin an lo ding uai hman hlawm a, ka awmdan avang hian mak min tih hmel hle nghe nghe.

" Amira chungchang an sawi in i haw tawp si lo,engvanga Sadie thlavang hauh ta em em nge i nih? "

 Shane an tihchhan nei deuha a tih lai chuan khap miah lovin rum zet hian ka lo melh khai reng thung, awlsam taka kaltir mai mai ka tum hauh lo.

" ni e... nidangah pawh i nuih liam vel mai mai ṭhin a ni lawm ni ?"

" Rainer la thutak lutuk teh suh fiamthu vek a nih kha " midangin an rawn tih liam liam hnu ah pawh ka lung ala dam thei chuang lo.

" Rainer....engmah a nih loh kha "

 Declan meuhin vin zeta a rawn tih takah chuan buaina siam ka duh bik loh avangin Shane chu ka thlah ta ringawt a, min lo man bet tute kut ho chu ka thing thla pawp a, room aṭang chuan ka chhuak nghal a.

__________________________________________

Class banah Sadie hnenah min lo nghak turin ti mah ila a ni aia ka hman hma deuh hlek avangin car ah ka lo nghak ta zawka ,vawiin a thil thleng zozai avang ringawt pawh khan ka chau in ka rilru lak pen na tur ka duh.

Rei pawh ka nghah hma chuan darthlalang rawn kik keuh keuh ri ka hriat avangin peihlo zet chung hian ka han meng a,Sadie emaw tih nak alaiin Nikki in min lo nuih ṭhaw ringawt.

" rawn hawng teh " a tih chuan ṭhut ṭhat pahin kawngka ka hawn nghal a.

" i mood a fuh leh tawh nange?"

Ka lo bu nghauh a, Engtin nge maw a lo hriat leh tawh ni?

"i mood a fuh loh hi chuan i mithmul pahnih inkar leh i chal hi a chuar tup zel "

"Eng nge i rawn tih? " nuih pawh ka nui peih lo.

"I nu in min ko a, ka car a chhe lehzel bawk nen ka rawn zawng tawp che " ka nu hming a sawi zawng ringawt pawh hian ka thin a rim nghal hlur thei.

" Engthil ah? "

"A ngai te bawk enthla tur che in min ti leh tawh .... engpawh chu nise nui ve tawh teh ti ber bur kha chuan i hmelchhe teh mai a nia "

Nuih a hnek in a hma aia thinrim hmel ka put phah zawk, ka nu hming ka hriat rual hian khapa hmel kha ka hrechhuak leh ṭhin.

Khalh chhuak mai lova kan ṭhut dun reng takah chuan Nikki chuan, " tunge kan nghah kal ta che " a lo ti ve sek a, Sadie ka nghak a ni tih han sawifiah vak ngahna ka hre der lo.

" ka peih lo " Shitt... chhuanlam siam tur kan hriat miah lo chuh...

"enga? " Nikki chuan mak ti zet chung hian min rawn en ha ringawt.

Chutih lai tak chuan Sadie pawh a ṭhiante nen an rawn thleng phei ve chiah bawka Nikki in Sadie a hmuh takah chuan hrilhfiah leh chuan ngai lovin hrethiam niawm tak hian min rawn nuih ngal var mai alawm.

" hahh... kha i nui ve ta alawm,in in date na turah ka tibuai palh ang che u subway in ka haw mai ang " tih pahin chhuah nghal a tum ta mai,hetiang anga a awm hian engkim hi a ti awkward zo vek.

"Dawr thleng ka thlah ang che " tih pahin car aṭangin ka chhuak nghal a, Sadie nui hmel ka hmuh rual hian ka zâng nghal huai hian ka in hria.

A ṭhiante nen an inthlah fel hnu chuan amah fiam nan hrim hrim ning hmel zet in car bulah chuan ngawi reng in ka lo nghak ran a , a ṭhiante pawh khan min hmu thut kha mak an ti in an hamhaih deuh in ka hria, kan inkar a thil thleng kha a zep a ni tih hai rual a ni lo.

" min lo nghak rei tawh em? "

A awmdan hi a lai ṭut zel, a rilru thianghlim zia leh tawnhriat ala neih loh zia awlsam takin a hriat theih.

" aw "

" min rawn hrilh mai tur a nia bakah ka ṭhianten party na a kal turin min sawm a "

" Enga?  engtik ah? "

" Zaninah.... i kal ka ringa aw tiin ka lo chhang ve hmiah asin "

"ka kal dawn lo " ka lo ti hmak, a nihna takah chuan Sadie hi khatiang ang hmun bawlhhlawh lutuk ah khan a kal ka phal lo.

" mahse.... "

" lut rawh... " ka vin tak em avang chuan a lo ngaithei bik ṭhak lo, a hmel nelawm sar kha a rawn meng phungpui nu nghal hra a, kan tan chuan thil thar a nih tawh loh avangin kan in hnial buai leh ngei dawn a ni tih hrilh chawp ka ngai lo.

"kal ka chak bik reng reng hleinem... i awm ka rin avang chauh a remti mai ka ni " in hnial buai ka peih lo avangin ka lo ngawi reng thung.

"bakah i kal loh pawhin keimah in ka kal ve thei tho alawm... "

 He a luhlul na leh a thu duhna tak hi Sadie mizia a ka huat ber lai leh amah min hip tu ber a ni thung. Keimah ang chiahin a luhlul in a thil tih tawh loh ah chuan a rilru sawh sawn tir a har hle bawk.

"aih... " ka ti bul hmuk ringawt.

Party-a a kal apiangin buaina a tawk loh leh a rui chhe thei hle a ni tih hi ka lo hmuhhmaih ngai bik reng reng lo, a ruk in ka lo thlithlai kar ṭhin.

"ka dil hleinem che "

" tun aṭang chuan party ah i kal tawh ngai lo anga, zu pawh i in tawh ngai lovang a tawk em? " car chung chu ka beng nghal dawt a, min run luih na chi a ni tawh lo tih a hre chiang khawp ania nge a ngawi dak mai alawm.

" car ah lut rawh " tih pahin kawngkhar chu ka hawn sak a, ngawi rengin min hlauh hmel taka a luh takah chuan a chungah ka sual viau em ni tiin ka ngaihtuah chhunzawm nghal a, ka vin em avang khan ka inchhir leh hnuhnawh hle bawk.

Ka awm ti nuam lo zual turin Nikki chu alo awm ve tlat bawka, Sadie tan erawh a thawven thlak huai thung ang.

Car ka tih nun hma chuan ka ṭhutna bula ka cigratte dah chu la chhuak in inthlahrung lo zetin ka han ṭan khu nghal luih a, Sadie chuan a lo ngaithei lo leh tawh ngang mai a khuh nghal khak khak bawk.

 Cigratte ka zuk apiang hian Sadie in a huat zia ka hrechhuak ve ziah .

Ngawi reng hian ka zial nawr hlum na tur thir phek lian vak lo hi ka hma ah chuan a rawn lek kang va a, a hmel aṭang chuan laksawn mai a tum hmel loh, chutah Nikki lah chuan min lo nuih vur vur lehnghal .

" Eng nge? " hre reng mah ila ka zawt nawn leh ngat.

" nawr hlum rawh " hahh... thu a duh ka tih tawh kha, a tet tet nen hian a thu hnial hi a har phian a nia.

" a ral ṭep tawh "

Nikki melh hrak pah chuan ka ti leh a, Nikki pawh hian nghei turin vawitam min lo nawr lui tawh ṭhin a ka zawm leh dawn chuang lo a ni tih a hriat avanga nuih za a ni zawk mah.

" ok... a nih chuan i zuk zawh hunah min rawn hrilh dawn nia " tih hmak pahin car aṭang chuan chhuah a tum ta mai!!  a fiamthu em ni? engvanga mi khei dan thiam em em nge maw a nih le?

Kawngkhar a hawng chiah tih in a kiu ah ka va vuan bet hman, chhuah a tum tak tak nia mawle! a chhuah tak tak pawh ka lo ring lo asin, a tet ang aiin a rilru a lian reuh hle mai.

"a nih chuan kha... " a ngai te bawk maw!

"a rei tawh lo ang " keilah ka lo luhlul ve bawk, Nikki alo awm ve lehzel bawk nen han tlawm mai chu ka tum bik lo.

Nawr hlum ka tum lo a ni tih a hriat takah chuan a seat belt chu a phelh nghal rawk rawk a, a chhuak tak tak dawn a ni tih ka hre ve kar mahse tlawm ka duh loh tluk zetin hetiang vang mai mai a min kalsan daih chu ka phal bik lo.

" ok... fine " tih vin hluk pahin keimah ngeiin a thir phek ken lai chu ka va lak sak a, ka nawr hlum ruala Nikki mak ti hmel te chu en pawh ka en peih lo.

Duhthlan tur dang ka nei miau lo ka  cigratte aiin Sadie ka thlan zawk mai angai a chhan erawh ka hre lo, zial zuk hi tha ka tih loh ve tho vang te pawh a ni mahna .Engpawh chu nise a tawpah a tlawm zawkah ka ṭang leh ta duai duai chu a nih hi.

" i zu tawh lo ang tih min tiam rawh " ka tlawm a ni tih tih belh chhah turin min la zawt ang deuh deuh a.

" aw le... ka zu tawh lo ang " Nikki chu ka va melh zeuh a, a mak ti lutuk chu a khabe chhuatah a tla lo chauh.

Kei ngei pawh hian mak ka in ti ve tho, engvanga tlawm hi hreh ta miah lo nge ka ni tih ringawt pawh hi a mak tawk tawh hrim hrim.

Nikki te dawr kan thlen chuan Nikki in an dawrah lut lawk turin min tih tlat avangin ka va zui lut ta nge nge a, Sadie erawhin car ah min lo nghak thung.

" ka awih thei lo... khati kum zozai kha tumahin i zial zuk lai an dang thei ngai lo che nilo i thil tih lai hrim hrim engpawh tumahin kan dang thei ngai lo che a tuma thu i awih ngai hek lo....mahse Sadie thu erawh i awih hle si " a ti phei nghal mawlh mawlh a.

" a te ropui si...a Asian mit rapawm zeta min melh kha ka duh hleinem"

" hey!!  racist viau suh " a nui zui nghal hak a," mahse a asian mit sawn a khap hnan tawh che a nih ber hi "

" engthil nge? "

" engmah a awm lo "

" a nih ka kal.... "

" lo la ding lawk teh " tih pahin ka kutah lehkhabu hi a rawn hmehbel chawt a, ka  zuk chhiar nak chuan 'How to date' tih hi a lo in ziak kulh a.

"tuna i mamawh ber a nih kha ...hmeichhe han ti dan vel thiam mahla in date dan erawh i thiam lo "

"ka mamawh lo " mi ka date ngai loh avang ringawt in hetiang lehkhabu hi ka mamawh tihna a ni lo bakah indate tih vel hi ka mamawh lo.

"tikhan ti tawp zel suh.... la rawh ,nakinah lawmthu min la hrilh dawn nia "

Min pek luih tlat avangin Sadie hmuh hlau tak chungin ka jacket hnuaiah ka thun ta ringawt a, car lam panin ka let lehnghal a. 

CHAPTER-47

"I have you and that makes me smile everytime I think about it "

" Eng nge maw ei duh i nei em?" sawi tur ka hriat loh avangin ka zawt ta ringawt a, ka in a kal tura han sawm tawp chu ka hreh ve deuh.

" umm.... movie kha dar5 ah a nia" a tih rual chuan ka sana chu ka zuk melh zeuh a, minute 30 vel chiah alo awm tawh.

"a lo berah darkar2 vel a nia nga i project kan en hman dawn em ni?"

A nihna takah chuan Movie en hi boring ka ti, a theih hram chuan chhuanlam siam a hmun danga hruai daih ka duh, engvanga en pui tura lo remti ve ringawt nge ka nih pawh ka hre lo.

" Project chu naktuk ah kan en mai dawn nia " a lo ti sam et lehnghal, engpawh chu nise movie a ngaihpawimawh zawk danah hian ka enpui ngei a ngaih hmel.

Car ka dah fel hnu chuan engmah sawi lovin chhuah nghal daih chu a tum a mahse a banah ka va man bet hman.

 Ka vawnna kut rawn melh ralh pahin mak tih hmel tak hian min rawn en nghal kar a, ka khawih apiang hian a danglam nghal vek ṭhin a ni tih ka hria mahse a insum tlat ṭhin avang hian ka huang chin hi ka pel lui kher ṭhin, min mamawh a ni tih hi a kâ aṭanga hriat nawn mawlh mawlh hi ka duh.

" tikhan i chhuak mawl tawp dawn em ni? " beisei nei deuh hian ka han ti sup a, a ni chauh nilo kei ngei pawh hi a vawikhat nan ka lungphu a rang kher mai.

" Eng eng... nge awmzia? "

Huizz.... tlang takin min fawp rawh tih leh tawl a ngai dawn a ni maw? mahse hrilh ngai lovin ama thu ngeiin min fawp ve tawh se ka duh.

"I chhuah hma in thil tih theihnghilh i nei " kan ti leh ringawt a, mi pangngai tan chuan ka va hnaih danah leh fawp rem tura ka awm danah hian a hrethiam ve tawh turah ka ngai.

" eng chu maw? "

Ka mithmul chu ka han kan ak a, a ngaihna a awm hlawl lo ,hetiang ang hmeichhe zei lo lutuk leh ka type pawh nilo bulah hian engvanga la awm cheu reng nge maw ka nih? ka hun ka khawh ral mai mai a ni.

Ka tih ngaihna hre lo chuan a seatbelt chu ka phelh sak ta ringawt a, " i chhuak thei tawh ang " ka ti bul hmuk bawk.

Popcorn leh in tur vel kan lei zawh hnu chuan theatre lam panin kal dun reng siin inhlat deuh takin ka kal a, ka kekawr ipte zen chung hian a bulah ngawi rengin ka kal ve zel a, ka lo chei mawi hi a ni ringawt.

" Eng movie nge kan en dawn? "

Peih lo hle mah ila phur lo hmel ka pu ngam bik miah lo,a chhanchu a phur lutuk hmel ka hmuh ringawt pawh hian nuam ka lo ti ve ringawt miau alawm.

" Crazy Stupid Love ....a trailer ka en tawh a a hmuhnawm viau ang ,ka nghak rei tawh bawka a tawp a tawpah ka en ve thei dawn ta" a ticket ken lai en pahin a nui nghal ver ver a, a nui hmel ka hmuh rual chuan a rukin ka lo khi ve suk ringawt.

Hahh.... A movie hming reng reng pawh chu hmangaihna ka lo ngaihdan nen a in ang chiah, Hmangaihna hi a atthlak in thil ho mai mai a ni.

Movie kan en laklawh lai chuan ka phone a rawn vibrate ve sek avangin a tawp a tawp a ka phone chu ka la chhuak ta nge nge a, Engvangin nge Declan'n tun ang hunah min rawn call le?

Pick up ta lo chuan Sadie in hmuhnawm ti taka a en dauh dauh lai chu ka melh zeuh a nuih suk pahin ka phone chu ka reject hmak a ,ka jacket ipte ah ka thun lut daih bawk.

Bawp khawkherh chunga ka ke ka lo tih chet hlerh hlerh lai chuan," tissue ... "
mittui tling piau chung hian luh dawna tissue kan lei lawk sa kha min rawn dil a ,rang takin ka lo pe nghal .Movie pawh en lovin thil dang daih ka lo ngaihtuah bawk a ,a ṭah nachhan pawh ka lo hre ve lo.

Sadie chauh nilo midang ho pawh chu an ṭap pur hlawm a, hmeichhe ṭap hmel hmuh hrehawm tih tawh sa nak alaiin hmeichhe ṭap in min han hual phei hi chuan ka tawt nghal up up thei.

Ka phone a vibrate reng bakah boruak dang hip ka duh avangin zun chhuak chhuanlam in theatre chu ka chhuahsan thei hram a ,ka chhuah rual rual chuan rin loh deuhin Declan nen kan in tawk hlawl .

" Rainer kan mamawh che... Roger te ṭhian ho in Carter an lo sawisa ve ringawt a, tunah an frat house ah kan luhchilh dawn " a hmel aṭangin a hlauthawng a ni tih hai rual a ni lo mahse hetiang ringawt hi chuan Sadie ka kalsan thei bik lo.

" Ka hman lo " ka lo ti bul hmuk a .

" I awmloh chuan midang an lut ngam lo, i rawn kal ngei ngei angai "

" Engtin nge hetah ka awm tih i hriat? "

"Sadie nen movie in en a ni lawm ni, chu chu tunah a pawimawh ber lo, i ṭhian te hian tunah kan mamawh takzet che" ni dawn tak ,Sadie in min rawn sawm lai khan a awm ve tak.

Ka ṭhianten min mamawh laia Sadie bula lo awm veng veng chu thil dik nia ka hria bik loh avangin, " lo va kal rawh ru, ka rawn thleng har lovang " tiin ka chhang ta ringawt a, buk nghat pahin hmanhnawh takin min kalsan nghal vang vang bawk .

Ka kal tur thu hrilh tuma ka hawi let nak chuan Sadie chu ka hnungah a lo ding reng tawh chu niin, kan thusawi lai kha alo hre vek a ni tih pawh a hmel aṭangin a hriat theih.

" Umm... ngatinge i rawn chhuah,a tawp tawh em ni? "

" aw... " min chhang tawi tap .

" ka thlah ang che... " tih pahin min chhan hma hma chuan ka kalsan nghal nal nal a ,ngawi rengin ka hnungah min rawn zui ve nghal dawr dawr bawk.

Ka hmanhmawh em avangin chak takin ka khalh a, kawng tluanin kan in be lova in biak na hun lah kan nei hek lo. Tunah hrih chuan ka ṭhiante ka pui phawt anga naktuk lamah Sadie chu hmun dangah ka hruai mai ang tiin ka ngaihtuah zui neuh neuh bawk.

Nidanga ka thlahna ṭhin ah bawk chuan car chu ka ti ding chat a, hetianga han kalsan daih chu hreh hle mah ila ka hruai ngawt thei bik si lo.

" Rainer... " chhuak ta mai loh chuan a ṭhut dan ngai chuan a ṭhu renga, kal turin hrilh ka tum bik hauh lo.

A chil lem dak pah chuan min rawn en kar a, a huaisenna zawng zawng sawmkhawm in khur dar dar chung hian  ka hmuiah chuan a rawn fawp nghal zeuh bawka, ka in rin hma in ka lo khi nghal suk ringawt.

A tawp a tawp ah min fawp hmasa leh ta alawm !!

Hmeichhe khur nasa lutuk leh zam lutuk ṭhin te hi ka duh loh ber te leh huat ber te an ni ṭhin amaherawhchu tunah chuan a duhawm ka ti in hmuhnuam ka ti tawh zawk.

" Rainer ummm.... " sawi hreh hmel takin ka biang lehlam dawm pah chuan min en kar a, " Buaina ah i tel tawh lo ang tih min tiam rawh " a rawn ti khauh mai!! chhan ngaihna ka hre der lo.

" Khawngaihin i insual tawh lo ang tih min tiam rawh " a thil sawi ah a chiang in a rilru sawhsawn a tum hmel loh khawp mai.

" heihi ka nihna a ni "

" nilo.... i nihna a ni lo " a hmel thutak khak mai chu chiang zet hian ka en reng a, " khawngaihin " a rawn tih leh ngat phei hi chuan,

"aw le "

Inngaihtuah nawn eih lo in ka tiam nghal der!! Engvanga ka ṭhiante awlsam taka phatsan nge ka ni tih pawh ka in hre der lo!!

Henu hi chuan a duh duh dan in min her kawi kual vel mai mai chu a nih hi, control tumin amah han hnaih ve teh mah ila ka hriat loh karin keimah zawk hi min lo control reng tawh a nih zawk hi.

"ka lawm e... " min rawn nuih sek pahin min rawn fawp lehnghal vawng vawng a, ka thiante ka phatsan avanga inchhir na nei lek lovin min siam leh tak hi.

Duhthawh zet hian ka lo fawp let nghal tawn tawn a, ka kut lah a ninhlei leh ṭan tawh khawp mai, a kawr chhungah zen lutin a awm bawr chu ka ṭham nghal chat a, amah ka dim rual rual in ka che rough leh ṭan tawh hle bawk.

" Rainer.... " hetiang anga ka hming a lam apiang hian nuam ka ti.

"Umm... " rum nghulh pahin a nghawng chu ka fawp a, nilo ka hne dek dek a ni zawk mah.

"Tunah ni lo... ka sawi awmzia chu hetah nilo " rum deuh halh halh pah chuan a rawn ti leh a, car a tih hi a duh lo pawh a ni mahna.

" ka inah kan kal dawn em ni? "

" nilo... umm ka kal a ṭha zawk in ka hria " tih pahin a inla hrang nghal vat a, hetiang anga a tih ziah avanga ka lungawi lo hmel pawh ka pe lian leh nghal hle.

"aw le " ka lo ti leh hmak tawh.

" i thinrim em ni? "

A nuam tilo chuan min rawn zawt leh dak dak a, han thinrim khum theih pawh hi a ni lo .

" kal tawh rawh " ngeiawm zetin car chu ka ti nung nghal thawt thawt bawk.

" umm.... englo ania " thil sawi tur nei ang deuh hian a awm a, a sawi meuh hi chuan min ti thinrim leh nge nge zel.

" ka duh che " tih sep pahin a nui sek a, kawngka a hawng rawk rawk a rang takin a tlan chhuak nghal vang vang ringawt !!

Ka tih ngaihna hre lo chuan ka en zui vung vung ringawt a ,a tawp ah a chet dan naupang chhia tak avang khan ka khi nghal suk a ,hma lam panin ka tlan chhuak nghal bawk.

Sadie in insual tawh lo turin min in tiam tir tawh avangin Roger te frat house lam inlo in ka in kawngah chuan ka kawi phei ta zawka, engmah hre dawn tawh lo mahse hetia a thu ka lo awih ve ringawt avang hian ka nui phei vur vur ringawt.

_____________________________________________

Vawiin chu nidang ang lo takin hma takah College ka kal a, kan ṭhian ho awmna room ka thlen phei chuan tuvakmah an lo la awm lo.

" Dude... heihi eng nge? "

 Sam chuan dawhkana ka lehkhabu dah Sadie project atana pawimawh em em mai library aṭanga ka hawh chu a keu nuap nuap a, helai room ah hian lehkhabu kan ken luh ngai loh avangin mak a ti hle nghe nghe.

"khawih suh "

A keu uluk loh em avangin ka lo ti vin hlur a, Sadie hian a lehkhabu te a uluk thei bawka a lehkhabu nilo mahse ka lo uluk pui ve em em ringawt.

Nizana Sadie awmdan naupang chhia lutuk leh a thil min hrilh ngaihtuah let paha ka melh ngai ka lo melh veuh veuh lai chuan tuemawni hian min rawn ko thut a, ka phu chiang kher mai !!

" Rainer.... nizanah khawiah nge i awm? " Zack hmai chu a duk chur a, a mit pawh a meng ṭha thei mang lo.

" khawiah nge Carter? " ka lo ti nghal vat a, thil thleng hi a ṭha lo tawp mai .

" tunah damdawiin ah a awm mahse na lutuk erawh a nei lo "

" a ṭhat chu... " ka ti zui sup a, an buaina ah erawh va inrawlh ka tum lo.

Thlamuang takin ka ṭhu dawn chiah tih in mipa pakhat hi hmanhmawh takin room ah a rawn tlan lut a, Sam an alo va buaipui nghal vat a.

" Tunah hian Declan ,Shane leh Josh te pathum in Roger te ṭhian ho hmachhawn turin an kal mek "

" Chill.... thil serious lutuk a nih loh chu " Hetiang anga han in tih buai bap bap te hi chu a thleng deuh reng a, ka la thutak teh chiam lo.

"Roger an thian 20 vel a rawn hruai a ,Declan te lah pathum chauh an ni thung "

" ava fair lo ve " Sam chuan alo ti nghal nang nang a.

" engmah fair lo a awm lo " tih hmuk pahin ka ṭhutna ah chuan thatchhe zet hian ka ṭhu zui leh ngat a,va puih buai erawh ka tum lo hle .

" kal ve nghal ang u.... " Blake chuan a rawn ti nghal at a, Sam pawh a in ring nghal hle.

" Rainer i rawn kal ve dawn lo em ni? " ka la ṭhut khawmuan ser ser avang chuan Blake chuan a rawn ti leh a.

"I tello chuan an sawisa vak mai ang " Sam chuan a ngen hian min rawn ngen ti tih tawh.

" ka hman lo " ka lo tih hmak avang chuan Blake chuan, "keimah chauh pawh ni dawn mah ila ka pui dawn... keichu ka kal dawn in duh chuan min rawn zui thei ang " tih bung hmut pahin room aṭang chuan a chhuak tau a.

" Rainer lo kal rawh....Carter pawh damdawiin ah a awm tawh hi " Sam chuan a ti leh a.

" ni e ...mi 20 rual bei tur chuan an tlem mah mah an sawisa hlum thei mai ang " pakhat pa pawh chuan a lo ti ve bawk a.

"an lo khawih rawn hrep mai ang...khawngaihin rawn kal rawh "

Min dil ngawrh tak em avang chuan phur lo zet chung hian ka ṭhut na aṭang chuan ka tho ṭuih ṭuih a
,"min rawn zui rawh u" tih leh thatchhe zet chunga kal ka rual nghal.

Hetia ka kal avang hian Sadie thu min tiam tir kha ka theihnghilh tih na a ni lo, khami avang chauh a kal tum lo kha ka ni zawk.Nidang chu nisenise nizan ah pawh khan ka hriat rual la la khan a hmun ka thleng tawh ang mahse tunah hi chuan va inrawlh vak pawh ka tum hran lo, min dil ngawrh em avanga a hminga kal tum mai mai chauh ka ni.

CHAPTER -48

"You know it hurts me but you do it anyway"

An in hmuhna hmun tur nia an sawi kan va thlen meuh chuan rin ang ngeiin mi 20 bawr vel chu an lo awm luih luih ngei a Declan, Shane leh Josh te chu lo sawp zawi vek tawh mahse thinrim loh hram erawh ka tum tlat thung.

Rang takin Sam leh Blake te chuan an pathum chuan an va kuah hrang nghal vat a, pahnih chauh an nih avangin an lo khawih let lem lo .

" Hmel ho min rawn khawih leh ta che u "

 Zack chuan theih leh thei lo hian a va au khum leh hram a, an rual tawh nak alaiin hmanrua an thawh lehnghal a dawih ka tih em avangin beih let chi ah pawh ka ngai lo.

" Kal ang "

 Nidanga bei let na tur phet zawng ṭhin leh ṭhiante thlavang hauh em em mai ṭhin berin kal ka rawt tak daih avang chuan ka ṭhian te ho chuan mak ti takin min rawn en ha hlawm a, Declan phei chu ka chungah a thinrim takzet a ni tih a mitmeng aṭang pawhin a hriat theih.

" Rainer... hetiang ringawt hi chuan kan kal thei lo ang " Blake chuan a rawn ti hau a , ka beih let a lo rin vang te pawh a ni mahna.

" hemi te pathum anga awm hi in duh em ni? " zawi si vin deuh hluk si hian ka chhang let a.

A nihna takah chuan pathum chauh an ni a, an hneh dawn lo a ni tih hre sa reng chung pawha an va cho lui tlat hi huai vang a nilo ,a atthlak takzet zawk.

" Kal ang u "

Declan chuan lungawi loh hmel zet hian a rawn ti ta ringawt a, ala tlawm mai lo tih ka hria mahse a beih let theih tawh miau loh avangin duhthlan tur dang a nei lo, min rawn zui mai angai.

A upa ber leh kan râwn ber Declan ber in kal a duh takah chuan tumahin an hnial ngam tawh lo, tlawm tak chung leh hrehawm ti tak chungin chumi te ho chu hnungchhawn in kal kan tum ta a mahse Roger chuan," In tlawm ta mai em ni?  nge i nu in a phal lo leh tawh zawk ?" a tih takah chuan ka ding nghal chut a, ka nu a rawn hmer tel leh kher takah chuan ka ngeng a chhun ta zak mai!!

Ding khawng reng chunga ka inhum ruh lai chu ngun takin Declan chuan min lo en ran a, ka nu hming a lan tawh hi chuan ka sa nghal phat ṭhin a ka insum thei tawh ngai lo a ni tih a hriat vang a ni.

Ka kut chu a za in a hmaia va hnek sawk sawk te chu chak hle mah ila Sadie in insual leh tawh lo tura min lo in tiam tir tawh avangin inbeng daih tum chuan ka kut ka hum ruh ṭun tawh chu ka thlah thla nghal riai riai a, min in tiam tir laia Sadie mitmengte leh a hlauthawng hmel ka mitthla rual phei hi chuan mak tak maiin ka insum theih phah tlat nia!!

Ka ṭhian ten ka beih let tawh ngei an lo beisei vek tawh lai chuan hawi pawh hawi let lovin ka kal nghal nal nal a. Sadie laka ka thutiam bawhchhiah ai chuan mualpho taka tlawm ka thlang zawk a lo nih ber hi .

" Hey!!  hmela min rawn bei let ta che, nge i nu ka mutpui hunah min rawn bei lei chauh dawn zawk ?"

Roger chuan ngeiawm zet leh min tih el zet hian a rawn ti vel pang pang a, chutah a ṭhiante nen min rawn nuih sawh vel takah chuan ka nihna ngaiah ka let leh ta!!

" A inchhir viau ang le " Sam chuan alo ti zui sap bawk.

Vawikhat pawh inngaihtuah nawn lovin leh an tam leh tam loh pawh ngaihtuah hmasa lovin Roger chu ka va bawh thlu nghal tawp a, ka hnek nghal bawrh bawrh takah chuan an vai mai chuan min rawn bawh rawn nghal huk bawk a ,hneh dawn loh mah ila nui leh ngam tawh lo tur khawpa a ha ka hnek bal vek chuan ka duhtawk tho tho.

Ka ṭhian te pawhin min rawn pui tho mahse hmanrua an thawh miau avangin duh ang pawhin a beih let hleih theih loh, mi 10 vel in min vuak rawn nimai hian ka hria.

Rei pawh ka in beih hma chuan police siren a rawn ri nghal vung vung a, ṭhenkhat tlanchhe hman mahse a tam zawk erawh an man hman thung.

___________________________________________

★HOSPITAL★

Min sawisak nat deuh bakah ka ban veilam ruh (upper arm) min vuak tliah sak lehnghal a, ka ban puam ah thir an phum avang leh hliam tenau ṭhui tur neuh neuh kan neih nual hlawm avangin darkar thum vel chu damdawiin ah hian kan awm tawh.

Josh phei chu a inhliam nasat deuh hlek avangin an admit nghal a, midang erawhin admit ngai khawpa hliam liantham kan nei lo thung.

Ka dar dinglam hliam an ṭhui zawh hnu chuan Josh a awmna cabin lam chu ka pan nghal a, kan ṭhian dangte ho pawh an lo kim thawkhat hle.

" Buddy....kha i ban rek tliak a dam deuh chauh a I ban I awrh lehnghal a ni maw? "

 Jonny an min hmuh rual chuan min rawn fiam nghal a, intih buaina a tel ho chu kan hmai a dukin a vung lak hlawma nuih te pawh an ti za zawk.

" Roger pawh a ha hmai i hnek bal a tunah damdawiin ah a awm ve mek " Shane an a tih chuan kan nui nghal ham ham hlawm a, a damlo ber Josh nuih a za hlei hlei .

" tuin nge Police call? " Declan chuan thutak deuh hian a rawn ti chhuak hlawl a.

" Ele... keimah, message ka dawn rual khan in hneh dawn lo tih ka hria a ka report nghal alawm "

Jonny chuan a lo ti sam et a ,a report dan erawh sawi lo mahse Roger te ṭhian ho chauh an man danah a report thiam hle a nih dawn hi.

Kan awm luih luih avangin Nurse in cabin aṭang chuan min hnawhchhuak diak hlawm a, eng ang pawhin hliam in sawisak rawn ni mah ila kan awm khawm tawh hi chuan fiamthu nan bak kan hmang ngai lo.

Motor ka khalh theih loh avangin Declan an min thlah dawn a, ala thinrim reng pawh a ni mahna kan la inbe leh lo.

"I ban kha a na em? "

 Amah aia ka hliam nasat tak avang hian a inthiam loh hmel hle .

" aw "

Tawi hle mahse nidanga ka ṭawng dan ang tho a nih avangin a khi nghal suk a, ka dar na lai taka a rawn ben thuk rual chuan ka lo ner nghal sawk.

" a na " ka lo ti vin nghal hlur bawk.

" ka tih palh... I nu chungchang a rawn sawi khan engvanga bei let lo nge i nih? "

Min zawh kha ka ring rengah mahse Sadie laka ka thuthiam ka hlen loh zia min hriatchhuah tir zawka ka in thiam loh phah hle nghe nghe.

"ka hrilh dawn lo che "

 Ka lo nuih liam puat ringawt ,engvangin nge a chhan ka hrilh tehlul ang Sadie nen kan inkar a ni tlat.

"Keini ho takngial pawhin i nu chungchang kher kher hi chu kan sawi chhuak ngam ngai lo kha a nia mahse Roger lehzel pawhin a ti thinrim zo tawh lo che a nih hi, i lo danglam ta hle mai nilo ...i lo zaidam ta khawp mai "

Mi zawng zawng in thinchhia, luhlul leh insual hrat tih hlir in min ko ṭhin , Declan chiah hi zaidam min titu awmchhun leh min ti hmasa ber tu a ni.

Hetiang anga ka danglam tak zia leh ka zaidam tak zia min hrilh chhen takah chuan Sadie ka tawn aṭanga danglam ka ni tih chu ka in pawm ve ṭan telh telh a, Sadie laka ka rilru put hmang danglam tak zia pawh ka hre chho ṭan telh telh bawk.

Chutia inhnuai lam pana kan inzui thlak lai chuan Declan'n,"Khu khu Sadie a ni em?" a tih ruala ka zuk hawi thlak nak chuan Sadie leh Nolan te inkuah lai chu ka zuk hmu ta thut mai!!

Ka nu hming an sawi rual a ka lo thinrim ve na te kha chu nep te, ka alh nghal puat thei.

" a nih khu, hawh kal ang "

 Khik suk pah hian a rawn ti leh a mahse engah mah ngai lo ang maia han kalsan daih chu ka thei ta hauh lo!

An in kuah lai chu rum zeta melh thlak ngur ngur pah chuan ka inhum ruh nghal ngawt ngawt bawk a, ka awmdan danglam nghal thut chu Declan pawhin alo hmuh hmaih bik lo.

" Rainer kal ang " a rawn ti nawn leh ngat mahse hria ang pawhin ka awm lo.

Nizan ah min duh thu min hrilh zo chiah a tunah mipa dang a kuah leh si amaw!!!  Phiangsen chuan!  Khatih hun chhung zawng khan min lo bum in lem a lo chang lek maw lo ni a!!

Tenawm lutuk!

__________________________________________

*Sadie's POV*

Lab class a zawh rual chuan rang takin Nolan an min rawn um chhuak nghal a, nidanga ka kawm ber ṭhin leh engkima ka kawppui ni ṭhin kha ka pehhel a ngai ta mai hi hrehawm ka ti takzet.

" Sadie.... "

Min rawn koh pawh chuan ka en ringawt a, rang takin ka kalsan lehnghal dawr dawr ringawt.

"Hetiang hian awm tawh lo teh " tih pahin ka hma ah tak chuan a rawn ding nghal a, a hmel pawh hi ka en ṭha duh lo.

"Ka ....ka tihpalh mahse min pehhel  tawh suh"

"Ka lakah hian eng nge i duh? "

" A hma a kan in ṭhianṭhatna kha.... Sadie a hma ang khan awm leh ang "

" kan in ṭhianṭhat na chu nang hian i ti chhia asin"

 A hma anga kan awm leh a nih chuan beiseina ka siam sak leh anga, a rilru ka ti nat sak leh tho tho dawn, Nolan rilru hi tih nat sak ka duh tawh lo.

" Ka thusawi te kha theihnghilh rawh ,engmah ka sawi lo angah ngai rawh "

"chutiang mai mai a theihnghilh awlsam a ni hleinem "

"a nih chuan theihnghilh suh bakah nang ang hmeichhe kawlh lutuk hi tu in nge duh ang ?" min rawn nuih vur vur pahin a hma a a hmaia ka ben chungchang kha fiamthu in a rawn sawi chhuak leh a, a tawp a tawp ah ka nui chhuak hak ringawt.

"I sual lutuk " tih pahin ka kuah nghal vawng vawng a, ka ṭhian ṭha tak leh ka innghahna ber hi chân ka duh bik reng reng lo, hetia kan inkar a ṭhat leh tak avang hian ka hlim takzet.

"Khawiah nge Rainer?" kan in kuah zawh chuan min rawn zawt nghal a, nuih ver ver pahin ," ka hrelo... ka ril a ṭam thil ei ang " tiin ka lo chhang nghal var a.

" Ka treat dawn miah lo che nia " a rawn ti leh a, "keipawhin ka treat dawn bik lo che " nuih dun hak hak pahin kan inzui nghal hnak hnak a.

Nolan phone a rawn rik avangin kan han ding leh rih a.

" Enga?!! " phone a lak rual rual chuan a ti nghal tuarh a, engmah a sawi belh lo a phone chu a ipte ah a dah sawk sawk a.

" Eng thil nge thleng? "

" Tunah khan ka nu a zual thut a damdawiin ah ka kal nghal vat angai.... Sadie nidangah thil chu ka ei mai dawn nia " tih leh tlan a rual nghal , a hnungah ka theihpatawp a chakin ka umzui ve nghal bawk.

" Class i la neih kha rawn kal duh suh "

" Ai... ka rawn kal ve duh alawm " ka ti ve tlat .

Engtin nge Nolan nu a ṭhat loh laiin ka lo awm mai mai theih bik ang, engpawh thleng dawn se ṭhian ṭha tak a kianga engtik lai pawha awm reng ṭhin a nei tih hi hria se ka duh.

__________________________________________

★HOSPITAL★

" Tunah chuan nachhawkna in kan chiu tawh a, a zia tawh e" Doctor in a tih chuan hnara hlit phawi ang maiin ka thaw nghal huai mai.

" Sadie...class i neih kha let leh tawh rawh keichu ka rawn let tawh hrih lo ang "

" I nu kha a ṭha ang tiraw? " keimah zawk hian hrehawm ka tiin ka lo mangan pui takzet .

" A ṭha leh mai ang.... mahse ka nu hian min mamawh a i rualin ka rawn let tawh hrih lo ang "

" aw le "

Inchhungah a luh theih loh mai bakah engmah tih theih kan neih loh avangin let leh chu a finthlak zawk bakah tuna ka class neih tur hi ka project atana class pawimawh tak alo ni lehzel bawk nen.

" lo kal rawh.... taxi awmna thleng ka va thlah ang che "

" nilo... angai lo keimah in ka kal thei "

" a nih chuan i thlen veleh min rawn hrilh dawn nia "

 A hlauthawng lutuk hmel leh a mit sen ram mai ka hmuh chuan ka khawngaih lutuk chuan ka kuah nghal vawng vawng a, tlem talin a rilru a hahdam  phah ve huai ka ring.

" Nolan... ka rawn kal leh vat ang" tiin ka thiam ang tawkin ka han hnem a, ka hnuk lah chu a ulh deuh ṭun lehnghal.

Ka phone a rawn rik rual chuan ka sam tuai chhoh phawk pahin ka phone chu ka han en nghal a, Nolan melh chhoh ha pah chuan, " Rainer a nih hi " ka ti zui sap a.

"I let leh vat angai a nih kha... kal vat vat rawh "

" aw le... "

Ka hnuk a ulh a ni tih hi hrelo se ka duh avangin thawk halh pah chuan ka pickup nghal a,min hmu dawn lo mahse ka nui lui nghal sak bawk.

" Khawiah nge i awm? "Hello pawh ka tih hma hma in a engah hma chuan a rawn ti vin nghal hluk a, ka ṭawng bah phah nghal nuaih lehnghal.

 " umm... ughhh " damdawiin ah ka awm ka tih chuan a chhan min zawt leh ngei anga chutah Nolan hi a thik ropui lehnghal engtin nge ka sawi tak ang?

" ughh... lehkhabu dawrah ka awm "

Dawt ka sawi ringawt!! thudik ka hrilh a nih chuan kan inkar a buaina chu sawiloh engmah hre lovin Nolan hi a sawisa leh duh ngei ngei dawn tih ka hriat lawk sa avangin dawt ka sawi ta ringawt a ni.

" Tu nen? "

Engvanga min zawt thut nge maw a nih le?  Dawt ka sawi nawn a ngaih phah dawn a nih hi .

"Kaitlyn nen... " ka tih zawh rual chuan maimichhing chungin ka hmui ka seh  ngawt ngawt ringawt.

" Ngatinge dawt i hrilh? "

Nolan an zawi te a a rawn ti sap rual chuan ngawi turin ka lo signal nghal vat a,a ṭawng ri a hria a nih vaih chuan buaina ka tawk nghal a ni mai.

" Anih chuan eng nge damdawiin ah i tih?"

 Enga!! Tunah khan engthil nge a sawi?

Rang lutuk in ka hawi kual nghal vat a, ka hlauhthawn ang ngeiin kan piah lawkah Rainer an rum zet hian min lo melh kur reng chu niin!!

Ramhuai hmu ang maiin ka meng phawk nghal kawk a, Rainer lah chu en mai pawh sawn a thinrim takzet a ni tih hai rual a ni lo.

" Rainer... " ka ti sap a.

Engmah sawi tur ka hre lo, han in sawifiah vak ngaihna pawh ka hre hek lo, ka ding khawng reng ringawt.

Ngawi rengin Rainer chu a kal nghal daih a, Nolan pawh ka ngaihtuah hman tawh lo ka umzui nghal dawr dawr a, ka ṭawng hria ang pawhin a awm lo hma lam panin a kal nghal nal nal ringawt .

" Rainer min ngaithla teh "

Car-a a lut tur chiah chu vanneih thlak lutuk in a jacket ah ka va pawt hman hlauh.

" min ngaithla teh " rum zetin ka mit ah tak min rawn melh chiah mai chu ka hlau bawk a niang ka thau ah min man thei.

A hmel ka hmuh zawng ringawt pawh hian biak ngam a ni lo , muang changin ka vawnna chu ka thlah thla nghal riai riai a, engmah sawi lo mahse a thinrim dan chu pui tak a ni.

Rainer thinrim lai hi ka lo hmu fo tawh ṭhin na in tun ang em em a a thinrim ang erawh hi chuan ka la hmu ngai lo.

Ka vawnna ka thlah takah chuan min hnungchhawn nghal hmak a, car ah min luhsan hmak bawk.

" Sadie... Engkim a ṭha vek tiraw? "

 Rainer a kal liam hnu lawkah Nolan pawh a rawn thleng phei vat a, sawi tur reng reng ka hre lo.

" Engtin nge ka tih tak ang? " mangang takin ka han melh ha a, " i lo hmu em a hmai te kha, a inhliam lehnghal a bula awm ka duh takzet " ka ti zui sap bawk a .

" Nolan... Rainer khan min be duh lo, ka thiam loh vek a ni, engthil nge ka tih tak hi? "

"nawr lui hrih suh hun thawl pe phawt la naktuk lamah i sawipui zawk dawn nia "

" mahse a mizia te chu i hriat kha,awlsam taka biak theih a ni dawn lo "

Ka rilru a hah in ka mangmang takzet, thinrim dawn pawh nise dawt kha lo hrilh lo tawp tur ka ni asin.

Mimawl nu engthil nge i tih tak hi?

CHAPTER -49

"Becoming a cold hearted motherfucker wasn't really what I planned to do with my life but here I am"

Ka rilru a hah em avangin class a lecture pawh ka ngaithla mumal thei lova Rainer thinrim lutuk hmel ringawt kha ka mitthla ah a rawn lang nawn tluk tluk a dawt ka lo hrilh ta kher kher kha ka inchhir takzet.

Class a zawh veleh Rainer te ṭhian ho awmna ṭhin room lam chu ka pan nghal chat a, chutah chuan a awm ring chiah lo mah ila a ṭhian ten a awmna an hriat ka beisei vang a ni.

Room chhungah lut ngam chiah si lovin pawn aṭanga ka lo thlek dek dek lai chuan Chelsea in min rawn ko ta thut mai!!  ka phu chiang teh e.

" Eng nge hetah i tih? "

" I ṭawng ring lutuk " tih pahin midang in min rawn hmuh ka hlauh avangin ka tlan chhe nghal hlawk hlawk a, ka hnungah Chelsea leh Kaitlyn te chuan min rawn umzui ve nghal dawr dawr bawk.

" Sadie... "

Kaitlyn chuan min rawn pawt ding ta ringawt a, kan vai mai chuan kan hah lutuk chu thaw hlawp hlawp chungin kan han ding leh rih a.

" I va hlauhthawn hmel ve, Rainer nen in in kar a ṭha maw? "

Chelsea hian thil a hre thei ngawt mai min rawn zawt leh nghal chat tawh!!

" Hey!!  dawt sawi tum suh aw... Rainer te ṭhian ho awm ṭhina room a ni tih kan hre ve tho a nia "a rawn ti zui leh zat bawk.

" ni e... hmanni in chhuahdun aṭang khan engmah i la rawn sawi leh miah lo ania " Kaitlyn pawh chuan a lo ti ve nghal bawk a, hrilh vek duh hle mah ila han sawi ṭan mai dan tur pawh ka hre lo.

" Ih... "

Ka tih zawng ringawt pawh a mangang lutuk hmel hi an hai bik ka ring lo.

" Sawi vat vat rawh "

Chelsea chuan midang awmloh na laiah min pawt phei nghal dawr dawr a, a ni hi chu a hmanhmawh ṭhin lutuk a thil hi a ti nghal chung chung zel.

" Rainer an Nolan nen kan inkuah lai min hmu "

" Enga !!?" hrehawm ka tih tawh sa nak alaiin mak tih hmel zet hian an rawn ti rual ṭhawt lehnghal.

"In inkar ah engmah a awm loh thu i hrilh lo em ni? "

" Lo ṭawng suh u... ka sawi dawn alawm " min ṭawng khalh zel avangin ka lo ti vin nghal tun a.

Nolan nen a kan inkar chungchang te, a nu damloh chungchang te leh Rainer nen kan in tih thiamloh dan te chu chipchiar deuh in ka hrilh nghal vek a, ka sawi zawng te chuan an lo ner nasa mai, ka thiamloh ah an puh vek lehnghal .

" Chutiang chuan Nolan an a ti che maw?!! Anih chuan Rainer inah ngaihdam va dil la... alo be duh mial maithei che asin " Chelsea tak hi chu ngaihdan mak pui pui hi a rawn ngaihtuah chhuak ziah.

"nilo.... alo hmuh hniam phah zawk ang che, hun thawl pe la nakinah in la sawi ṭha leh zawk dawn nia "

Nolan sawi ang chiahin Kaitlyn pawh chuan a rawn ti ve leh chiah bawk .Engpawh chu nise Rainer ber hmuh tur a awm miau loh avangin haw vat ila a ṭha zawk, Nolan leh Kaitlyn te sawi ang takin zanin nghak phawt ila naktuk ah tha tharin biak leh ka tum zawk mai ang.

____________________________________________

★A tuk★

Vawiin nilengin Rainer hmuh tur reng reng a awm lova, a awmna ṭhin chu sawiloh a car takngial pawh hmuh tur a awm lo.

Nizan zankhua deuh thaw in ka insawifiah dan tur ka ngaihtuah na lamah mut pawh ka mu thei lova , vawiin ah lah nileng in ka ngaihtuah bang chuang lo ,kan inkar hi a fel hma loh chuan ka engtih mah a tui thei tawh lo chu a nih hi .

"Sadie... I kal tawh dawn em ni? "

 Note pawh la lovin nidang zawng aia hma ah haw daih ka tum avangin Nolan chuan min rawn zawt nghal vat a, a ngaih a ṭhat loh hmel em em lehnghal.

" umm... " ka lo bu nghat ringawt.

"Note pawh i la si lova ,library ah tal i kal dawn lo em ni ?"

"aw... vawiin chu ka kal lovang " ka lo ti chuai raih a.

" Rainer nen in in be tawh em? "

Ka hmel a ngui bawk aniang min rawn zawt lehnghal chat tawh, mahse keimah ai mahin hrehawm a tih hmel zawk in ka hria.

" Pawi ka ti lutuk... keimah vang vek a nih kha "

" Hey!!  tikhan han ti leh na teh " tih pahin ka nui lui nghal ver ver a, min ngaihtuah hmel takin min lo en reng thung.

" ka thlah ang che... "

" nilo... vawiin chu keimah a haw ka duh "

"nangmah chauh chuan a him lo "

" Nolan... min ngaihtuah suh, ka tih ngai loh dan pawh a ni hleinem "

Ka lo tih ve tlat avangin leh a nu bul a kal vat a ngaih avangin min nawr lui duh ta bik lo. A nihna takah chuan Rainer in a kal ka duh avanga keimah a haw tum ka ni zawk mah.

Rainer flat ka thlen dawn chuan min lo zawn loh nan kan ṭhian ho group ah ,*'ka haw tawh a nia '* tih ringawt hi ka va thawn a, hetia ka tih loh chuan min lo nghak leh char char palh ang.

"Sadie... i ti thei em em ang " tiin keimah leh keimah ka infuih phur chawp a, Rainer thinrim lai han hmachhawn ringawt pawh hi thil namai a ni lo, indo na a kal tur ang maiin ka hreh em em ringawt.

Hrehtak chungin ka bag hmer ngar ngar pah chuan chhawng chung ber lam panin elevator ah chuan ka chhuang chho vang vang a, ka thlen san pauh leh ka thinphu a rang ting tawh mai.

Elevator a rawn in hawn hnu phei chuan ka hlauthawng lutuk hi ka thaw deuh hak hak reng tawh a, Rainer a mitmeng rum lutuk leh nelawm loh zet mai hmachhawn tur hian ka inring tawk chiah em tih pawh ka chiang leh tawh lo.

Ka huaisenna zawng zawng sawmkhawm in leh inhum ruh ṭun chungin elevator aṭang chuan ka pen chhuak chhat chhat a, tunah ngat phei hi chuan ka thaw dep dep tawh.

Thil ti sual tu zawk nih hi chuan kan ṭi duk zel mai chu a nih hi.

Ka insawi fiah dan tur ngaihtuah mawlh mawlh pahin corridor ah chuan ka phei zel a mahse doorbell ka hmeh hnu ah pawh tuman an rawn hawng lo.

A vawihnih nan ka han hmet nawn leh a chutah pawh chuan thawm pakhat pawh hriat tur awm lovin a reh ruih reng ringawt.

" a awm lo emawni le? "

Phun sup pahin bang ngheng chung hian ka ding awn laih renga, darkar 1 ka nghah hnu ah phei chuan chhuatah bang ngheng chung hian ka ṭhu ta ringawt a ,reh ruih reng mahse a rawn haw vat beisei in ka la ṭhu ve ngat ngat reng tho.

" khawiah nge a kal ang le? "

Ka sana chu ka bih deuh chhen tawh a, darkar hnih chu ka nghak tling der tawh mahse Rainer thawm reng reng hriat tur ala awm chuang lo.

Chutia chhuata ṭhu chunga a rawn haw pawh ka beisei tawh lo hnu chuan elevator a rawn in hawng ri rang a!! ka lawm lutuk hi nuih ver ver pahin ka hawi chhuak nghal vat bawk mahse Rainer pen thawn a ni ta hauh lo hmeichhe pheikhawk sang bun ri tlek tlek ri a ni ta daih zawk a, chunu chu tudang nilovin Amira ngei a ni bawk .

" Sadie... !!"

Min rawn hmuh rual chuan ka ding nghal zawt a, a ni pawh a menphawk danah hian min rawn hmuh a inring bik lo aniang.

" Eng nge hetah i tih? " chu zawhna chu ka zawh tur awm zawk tak a ni in ka hria.

"umm.... " mahse engmah ka sawi chhuak leh thei tawh lo,ka dang a awk nghal vek ringawt.

" Rainer i nghak em ni? " a rawn tih leh chuan ka lo bu nghat a, a hma aiin mak a tih hmel zual sauh bawk.

"nang? " ka zawt chak tawh bawka ka zawt ve ta alawm.

" Hetah Rainer a awm hleinem party na ah a kal daih alawm...eng chungchangah nge hmuh i duh a ?"

"project chungchang mai mai mawle "ka ti ringawt a, a awih loh hmel ngang mai !! mahse hetiang thil mimal lutuk hi in zawh ngai pawh a ni lo .

" I hmanhmawh chuan i rawn kal ve thei alawm keipawh ka kal dawn chiah asin "

Fel hle mahse ngaihṭhat thlak loh zet hian min rawn nuih ver ver renga, zui ka duh bik lo amaherawhchu Rainer hmuh ka duh em avang leh party na a a awm ngei ka rin avangin ka lo bu nghat a, zui ve chu ka rem ti nghal bawk.

Amira car -a ka luh rual chuan ka sana chu ka zuk thlek zeuh a, a rei berah darkar khat pawh tling lo ka hmu zawk anga ka haw leh vat ang ka ti rilru melh melh reng a. Ka û in min man chhuah ka duh bik loh avangin reilo te tak tak bak ka awm lo ang.

"Braydon a dam maw? tunlai chu ka hmu ngai meuh lo "

A hma ang bawkin nelawm zet hian min rawn nuih sek pahin a rawn ti siam siam a, Ka û chungchang mah nise Rainer chungchang min zawh loh chhung chuan ka lawm tho tho.

" A dam ṭha ...University ah a lut tawh lo a "

" a nih chu... engpawh chu nise a dam ṭhat chuan a lawmawm a nih chu "

Thil eng eng emaw sawiin a nui deuh har har renga, a fiamthu thawh rualin za lo zet hian ka lo nuihpui ve suk suk ringawt. A awmdan aṭang hian Braydon lakah rilru put hmang danglam a nei tawh lo a ni tih a hriat hle bawk.

Party na hmun kan thlen chuan ka rin ang ngeiin frat party alo ni leh ngei tawh a, a ngai te bawkin boruak a rit nghal em em bawk.

"hawh lut ang... nuam han tawl ang hmiang"

Tih pahin inchhungah chuan min kai lut nghal dawr dawr a, midang lamna kara kan va in hnawh phei tawt tawt lai te chuan a rukin Rainer ka zawng deuh renga mahse mi an tam bawka han zawn hmuh nghal mai chu thil awlai lo tak a ni .

" Hetah hian lo ṭhu rawh Rainer pawh a rawn kal ṭep tawh ang " tih pahin a bo nghal daih ringawt .

Amira min kawh hmuhna couch ah chuan buk nghat pahin ka ṭhu nghal a, light phe zawk zawk karah te chuan ka hawi kual hrek hrek reng a, hepa hi khawih ber hian nge a awm tak ang ?

Rei pawh ka ṭhut hma in Amira bawk chu plastic no sen pahnih nen hian a rawn lang leh a, " Sadie... beer nge tui i duh? "

" Tui ka lo in zawk ange? " Party tura kal ka nih loh avangin zu farkhat pawh lem ka tum lo.

" ka ring rengah " nuih sek pahin tui zawk chu min rawn pe a, ka in zawh meuh chuan ka dang ro lutuk pawh kha a zia deuh in ka hria .

Amira a bo leh tak hmiah avang chuan keimah ngeiin Rainer chu zawn ka tum ta ringawt a, hetia ṭhu chunga lo nghah ringawt hian awmzia a nei lo.

Mipui lam leh ri hut hut karah chuan ka va inhnawh phei ve leh tawt tawt a, boruak a rit bawk aniang ka lu a hai in ka khawhmuh te chu a rawn fiah lo telh telh a, hetiang boruak rit lutuk hi ka zo lo niin ka hria.

Ka lu a nat tak em avang chuan ka bula dawhkan chu ka bawh nghal rawk rawk a, ka khawhmuh fiah lo ruai mai tih fiah leh tum chuan ka han khap deuh fak fak a mahse awmzia a nei lem lo.

" i ṭha maw? " Aw thum deuh dut ka hriat rual chuan chupa chu ka rinchhan ta ringawt a, min kuah lo phei se chuan keimah pawhin ka ding thei tawh lo.

" Min pui rawh... "
Tih chiah ka sawi hman, Rainer hming sawi leh ka han tum a mahse a ri chhuak thei tawh lo, ka hriat theih zawng chu ka bul hnai vela music ri ruai ruai te leh light phe zuk zuk te chu an ni tawh .

____________________________________________

Phone vibrate chur chur ri ka hriat rual chuan ka harh chhuak hlawl a, ka lu na lutuk dawm vawng vawng pahin khum atang chuan ka ṭhu chhuak nghal hlawl bawk.

" Tunge... ?"

Meng mang lo in ka khum bula ka phone dah ri chur chur reng chu ka han ban rawk rawk a ka ban fuh theih tak si lovah chuan ka han meng fiah deuh a, ka room a ni lo tih ka hriat rual rual chuan ka harh nghal kawk ringawt!!

" ka phone a nih kha "

 Mipa aw ka hriat rual rual chuan ka mutna bul chu ka va melh phei a ka hlauh ang ngeiin mipa pakhat alo mu tak tak!!

" Lalpa leh!! " phawk fe a men nghal kawk pahin ka han in en fiah nghal vat bawk a, ka bra leh panty chauh ka lo ha tawh!!

 Khawiah nge ka kawr a awm?!! Tunge hepa hi?  Hetah hian engtin nge ka awm theih?

Sadie Morin engthil nge thleng ta hi!!

CHAPTER -50

"THE OLD RAINER IS BACK"

" Tunge i nih?  ka chungah engthil nge i tih? "

Ka puan sin lai a inkhuh ṭhat mawlh mawlh pah chuan ka ti nghal tuarh tuarh a, mangan tawh nak alaiin engmah hre lo ang hmak in a bawk thlur reng a, vawikhat pawh a rawn che eih lo .

" Tho rawh tunge i nih?  khawiah nge ka awm? "

A mut thlur reng avang chuan vin tuarh tuarh pahin lukham in a hnungzangah ka vaw ta vak vak ringawt a, peihloh hmel zet hian a rawn che ṭulh ṭulh duh chauh.

" I van bengchheng tak "

Aw ki hniam leh thum zet hian a rawn ti chher chhap a, a awmdan chuan ka thin a ti rim zual hle.

" Enga!! " ka lo ti chuai raih.

Ka mipa hriat ngai pawh nilo bulah ka tho a, chutah ka chungah engthil nge a tih pawh ka hriat loh laiin bengchheng min ti amaw?!!

Thinrim hle mah ila ka hnuk a ulh ṭun tawh avangin ka ṭawngchhuak ṭha thei reng reng lo. Tun thlengin a hmel takngial pawh ka la hmu lo a, ka ngaihdan tur pawh a ngaihtuah ve miah lo a nih dawn hi.

"Engthil nge ka chungah thleng? "

Ka hlauthawng a ni tih a hre ve pawh a ni mahna khum aṭang chuan a rawn tho chhuak nghal ṭuih ṭuih a, hmelṭha in chhelo hle mahse ka hlauh deuh avangin a che vel en kar pah chuan ka inkhuhna puan chu nghet takin ka vuan ṭai a, min rawn khawih a tum a nih pawhin lukhama lo vaw nghal thei turin ka kut lehlam in lukham ka vuan ran bawk.

"Kha inha rawh "

 Tih hmuk pahin t-shirt var pakhat hi a rawn theh phei a, ka inhak duh a rin avangin min hnungchhawn zawnga din daih pahin a tshirt chu a ha nghal mawlh mawlh bawk.

" khawiah nge ka kawr a awm? " a engah mah hma in ka vin nghal em em ringawt.

"ka paih... "

Min chhan dan hmuk hmuk hi Rainer nen danglamna an nei lo, ughhh!!  engvanga ka mi hriat ngai pawh nilo hi Rainer nen ka tehkhin theih zawk?  Atthlak lutuk, a let sing chuangin Rainer a ṭha fe zawk.

" enga!!? ka paih a !!"

 Engvanga ka kawr chu paih ringawt nge a nih? Hur leh lutuk, min râwn hmasa lovin ka kawr alo paih daih avang hian ka sa nghal phat!!

" Hmela " lukham in ka vawm nghal pawp !

" Engvangin nge i paih?  engthil nge ka chungah i tih? Hmela " tih tuarh tuarh pahin lukham dang chuan ka vawm lehnghal pawp a," Tenawm lutuk...thlawk bo rawh " ka thin a rim bawk nen ṭawngkam chhe tak tak a ṭawngkhum tuarh tuarh pah chuan vawm lehna tur ka zawng kual nghal chung bawk.

Vawm lehna tur ka dap kual lai chuan khum bul dawhkan a phone chu ka ban fuh hlauh !!

"ka haw lutuk che " tih paha vawm leh ka tum lai tak chuan min rawn hmu fuh ta mai!!  Rang lutuk hian phone chu min rawn chuhsak pawp a, ka in rin hma in khumah chuan min rawn bawh bet ta thut mai!!

" Tho rawh. ..min khawih hlek suh "

Tal chhuah tumin ka leng nghal awrh awrh a,a kapah te pawh ka nghawk fuh deuh in ka hria , mahse min bawhbeh chu sawi loh a kut hrawl zetin ka ban pahnih a man beh tlat tawh avangin ka duh ang pawhin ka tal hlei thei lo.

" Che tawh suh "

" min thlah rawh.... tho rawh " Min khawih dawn emaw ka tih avangin ka mittui chu a tling nghal pum tawh a, ka mangang lutuk hi ka rilru in ka ṭawngṭai nghal mawlh mawlh bawk.

"Che tawh suh ka ti na dawn lo che " a tih pawh chuan ka tal aih aih reng a,a chak em em mai lehnghal .

"Nizanah engthil mah a thleng lo, hriatchhuah tum rawh "

Ka mit ah tak en kalh pahin min rawn vin let nghal hluk a, a aia na in ka ban rek ah a hmer vang vang bawk .

Chutia a tih takah chuan ka tal tawp chawt ringawt! Tal leh tur pawhin tha ka nei tawh lo

" Hmela ni lovin ka hming chu Ruben a ni chuan i kawr ka paih nachhan chu mipa pakhat in a luah khum che avangin...."

" mah... mahse engvangin nge kawr i hak loh? " ka tih rual chuan ka chung atangin a tho nghal vat a, ka kut a hmer na a thlah rualin a na nghal vang vang mai.

Ngawi rengin nichina a t-shirt min rawn pek amah vawm nana ka hman tak chuata let bal chu chhar in ka hmuh theih tur hian a rawn pharh a, "Beer-a min thehhuh lai kha i hre tawh lo a ni tih min hrilh suh "

Ka hrechhuak thei tawh lo tih melh hian ka lo melh ha a, mahse mumang ang maiin ka hre deuh ruai ruai thung.

" Ngaihtuah chhuah tum rawh mipa pakhat in khawih a tum che a ka rawn chhanchhuak che a nih kha....  nangmah vangin pawn aṭangin ka ṭhianten min kalh khum lehnghal, he room ah hian ka duh reng vanga riak ka ni bik lo "

A sawi zel takah chuan ka chet theih tawh loh avanga mipa pakhat dum zet in inchung lamah min put chhoh lai te, ka duh lo chung min khawih a tum lai te, min luah khum lai te leh mipa pakhat in min rawn chhan lai te thleng chuan ka hrechhuak nghal uarh uarh a, beer-a ka theh lai erawh ka hrechhuak thei tawh lo thung.

Ka mal leh ban vel a rawl ṭhum nachhan hi mipa pakhat in min khawih a tum avanga ka tal na vang alo nih dawn hi.

" Anih chuan engmah a thleng miah lo amaw? " lawm ru tak si hian ka ti sap a.

" Aw... kha heihi ha hrih rawh, kawngka hawn dan tur kan ngahtuah dawn nia "

A t-shirt bawk kha min rawn pe leh a, tunah zet chuan phur takin ka lo la vat tawh.  A chungah thinrim a hnekin engtin mah min tih loh chu sawi loh min chhanchhuah avang khan a hnena lawmthu sawi ka ba tawh zawk.

Ka inhak lai chuan bang lam a hawi daih a, hur leh tenawm tih vela ka lo ṭawngkhum avang khan ka inchhir leh hnuhnawh.

"Ka tihpalh.... chuan ka lawm takzet " ka zah ve deuh avangin zawi sap hian ka va ti dek dek a, a khi deuh suk a ni tih ka hre thei.

" Khatiang ang em em a i ruih kha chuan a hlauhawm a nia " Hahh.... ka rui emaw a lo ti a ni maw!  zu farkhat pawh ka in tawp si lo.

"ka rui reng reng .... " ka tih laia kawngka rawn beng dawt dawt ri ka hriat rual chuan ka phu nghal zawk!!

 Rawn ben mai pawh duhtawk lova an rawn tlawh tak chawrh chawrh avang chuan mak tih hmel taka in en pahin ka ṭhutna aṭang chuan ka tho chhuak nghal.

" Rawn hawn an tum a niang...a ṭhat hlauh hi " tih sup pahin kawngka lam chu a pan nghal vat a, tukverh aṭanga chhuah a ngaih hma a an rawn hawn avang chuan ka lo lawm ru hle.

" An hawng thei lo aniang "

Va puih tuma ka thawh rual chuan kawngka chu an rawn tlawh hawng nghal ṭhuai mai !! chutah tum loh lutuk maiin Rainer ka va hmu thut bawk a , ramhuai hmu ang maiin ka lo meng phawk nghal kawk ringawt !! Amah chauh nilo in Amira leh Declan te pawh an tel!!

" Rainer.... " ka ti sap thei chauh.

A hma ai zawngin a meng rum emaw tih mai tur a ni, mipa dang nen min rawn hmuh thut bakah a tshirt ka lo ha lehzel bawk nen mak ti hmel te pawh a pu mahse min rawn melh dan erawh a hlauhawm in a thinrim hle a ni tih hai rual a ni lo.

"Tute nge in nih? "

Reuben an a tih rual rual chuan Rainer insum zo lo chuan a hmaiah a hnek ri nghal pawp ringawt!! phawk fe a men nghal kawk pahin ka kã ka hup nghal.

" Thlah rawh " ka ti nghal tuarh a mahse ka kal hnaih ngam lo .

A ban lehlam awrh mahse a veilam in khumah a rek bet nghal chawt a!! a thin a rim tawpkhawk bawk aniang a hma ai zawngin a chak in ka hria,Reuben pawh a che hman meuh lo .

" Rainer thlah rawh "

 Ka thusawi te chu engah mah a ngai lo,hria ang pawhin a awmlo .A tawpah a thah dawn takngial avangin Declan chuan a rawn thlelh hlauh zawka, rawn ṭhelh lo phei se chuan Reuben hi a rek hlum duh ang.

" ka sawi reng kha...He mi hur nu hian mipa dang a lo kawp reng alawm " A sir aṭangin ngeiawm zet hian Amira chuan a rawn ti nghal zawt zawt a nih chu!! a rukin min rawn nuih deuh suk lehnghal!!

Ka rin lo lutuk leh ka mumang ah pawh ka la mang ngai loh thil Amira in a ti ta mai chu mak ka tiin han sawi mai tur pawh ka hre lo.

Engtin nge hetiang dawt muhlum hian min puh theih zawk?

"Tikhan i awih tawh em?  henu hi mi lehchiah leh bum hmang a nih hi "

 Amira in min tih khum piap piap lai pawhin Rainer chuan engmah a ti lo, rum zeta min rawn melh khai pah chuan a ding khawng reng a ,min lo chhan a hnekin ngawi rengin min hua a ni tih hria takin room aṭangin a chhuak nghal hmak!

Rainer an min hnungchhawn a a kal liam lai chu mittui tling pam chung hian ka en zui vawng vawng a, ka thinlung hi vih sawk sawk ang mai hian a rawn na nghal zawk zawk bawk.

Eng thil nge thleng tih vawikhat pawh min zawh loh avang hian ka rilru a na in ka lungawi lo takzet.

" Bum hmang " A kal hma in Amira chuan min rawn ti leh kher a, Declan pawhin a zui ve nghal.

Reuben chu rawn tho chhuak nghal in a nghawng chu a tuai nghal nauh nauh a, Rainer thinrim hmel ringawt ka mitthla ah a awm avangin buaipui nachang pawh hre lovin ka ding khawng reng ringawt.

" A hnek na reuh hle mai " a tih bul bul ri te chu hre vek mah ila ka che sawn eih lo, ka la hamhaih vang te pawh a ni mahna .

" I bialpa khan I rui a ni tih hre phei se chuan a â thei ang " engah mah ngaih loh hmel zet hian a khi nghal suk a, rui anga min sawi ve ziah avang hian ka lo lungawi lo ngang mai.

" Ka rui lo... nizanah khan tui bak in ka nei lo "

Ni e, dawt ka sawi lo zu chu sawi loh tui pawh no khat bak ka in lo.

" I sawi dik.... zu rim i nam lo ,a nih chuan drugs i rui a nih chu " hriat ṭhan tawh hmel zet hian a ti sam et ringawt, mahse ka tan chuan thil liantham lutuk a ni.

" Mah... mahse tui bak ka in lo ka tih chu " ka ti let ve leh ngat, ka rui miau lova a tawp thlengin ka ṭang tlat dawn.

" Anih chuan an hrai rui che a nih chu " a rawn ti leh hram!!  mahse a thil sawi hian awmzia a nei tlat, ngaituahna pawh a ti kal thui hle.

Nizana thil thleng kha mumal takin ka hrechhuak thei tawh lova, nikhaw hrelo in ka awm thut bawk!! Anih chuan a awmzia chu tuemaw in min hrai rui tihna maw ni a!!

"Tui chu tuin nge pe che ?"

Reuben sawi a nih loh avangin kawngka lam chu kan hawi phei rual ṭhawt a, kawngka bulah inkuangkuah chung hian Declan alo ding reng chu niin.

" Amira in " Ka tih takah chuan Amira nih ka ring nghal "nizana tui min pek hnu ah khan thil dang engmah ka ei in ka in leh tawh lo hrim hrim"

Anih chuan Amira in min lo hrai rui reng amaw!!  mahse engvangin?




Amira hming a hriat rual chuan Declan chuan mak ti hmel leh awih loh hmel pawh a pu lo, a khi nghal suk ringawt.

" A thangah i awk chu a nih hi " ala ti ang deuh deuh a, heng mite hi engvanga nghal leh ngeiawm em em nge maw an nih le?  min hnem tur an ni zawk asin .

" Mahse engvangin? "

" A chiang mai alawm " tih pahin a jacket hi a rawn theh phei a, ka lo dawng chat bawk.

" Ha rawh ka thlah ang che " tih pahin a kal daih lehnghal.

A thusawi hriatthiam loh hmel zet hian a jacket chu ka ha nghal sawk sawk a, Declan nen hian kan vawikhat inbiakna chauh ni mahse ka awmna hmun hi ka hriat miau loh avangin min thlah dawn mahse ka hnial lem lo.

" ka lawm e... " Reuben chu ka hrilh nawn leh ngat a, keimah vangin hnek a tawk lehnghala ka inthiam lo takzet.

"I bialpa hi chuhpui tu i nei a ti a nih kha " ka chhuah dawnah Reuben chuan a rawn ti ringawt!!  mahse a sawi tum ka man nghal Declan thusawi ka hriatthiam loh kha a rawn sawifiah a ni.

" midang ring lutuk suh ang che" rawn tih leh zeuh pahin min rawn bye bye a, ka mi hriat ngai pawh nilo in hetiang thil min hrilh avang hian mak ka ti hle.

Mahse!!  a awm tho e, thil hi ka man lo thei em alawm!   Amira in dawt a min puh nachhan kha tudang vang nilo in Rainer vang a ni tih hi engvanga hre miah lo nge ka nih! ? atthlak lutuk.

Kawng tluanin Declan nen kan inbe lo hrim hrim ,Rainer nen an inkawm nachhan pawh ka hrethiam nghal mai an mizia alo in ang em a nih hi.

" ka lawm e... " tih pahin ka seatbelt chu ka phelh nghal rawk rawk a, kan in kawt thleng min thlah thlap avang hian fel ka ti ru hle bawk.

" Declan... " ka chhuah dawn chuan a hming ngeiin ka ko thlap a.

" Engvanga min thlah nge i nih? "

Kan in nel lova kan inbe ngai bawk hek lo,hetianga ka chunga ṭhat a chhuah thut nachhan leh min thlah nachhan hi hriat hrim hrim ka duh.

" Min zawh ka ring renga... "a khi deuh suk ,"Rainer an thlah tur che in min tih vang a ni" a tih rual chuan ka meng phawk leh nghal kawk tawh.

"a nih chu " tih bak sawi tur ka hre lo, ngawi rengin kawngkhar chu ka khar khap a, a tlan liam lai chu ka en zui vung vung ringawt.

Inchhung ka luh rual rual chuan Braydon an min lo melh Salla leh tun tawh!!  nizan zet zawng min man chiang viau ang.

" Khawiah nge i kawr ? kha kha tu kawr nge?  Nizanah khawiah nge i riah? " a lo ti nghal zung zung a, a thinrim hmel em em lehnghal.

Ngatinge mi zawng zawng hi ka chungah an thinrim tak vek mai le? ka kham tawh takzet.

"ka. . .ughh... "

"Engvangin nge engmah min hrilh loh? "

Dawt sawi ka duh loh rual rual in thudik ka hrilh chuan a thinrim dawn bawk si, chutah Amira chungchang ka hrilh leh ngat phei chuan min ring dawn lo chiang sa.

" Ih... englo "

" Sadie... i va rei ve, ka nghak rei tawh lutuk che " Ka insawifiah hma in Nolan a rawn lut hlauh mahse engvanga rawn kal thut nge maw a nih le?

Ka û in Nolan a hmuh rual chuan an in Hi five nghal a, Braydon thinrim lai pawh a nui nghal sung mai lawm.

"ka tihpalh takzet ... nizanah Sadie nen project kan buaipui tlaivar a, chemical in a kawr a ei chhe lehnghal a heihi ka rawn hak tir ta mai a nih hi... E chuan...phone battery a low avangin kan rawn hrilh thei lo che a, pawi ka ti takzet "

Nolan an nal tak leh awihawm lutuk tak maia dawt a sawi lai chuan mak ti takin ka lo melh ha ringawt, sawi zawm tur pawh ka hre mai lo.

" nia... " za lo zeta nuih suk pahin Nolan chu ka kawk ta ringawt a, Nolan sawi a nih vang nge ka û pawhin a awih kher mai.

" a lehpek ah chuan min rawn hrilh tawh ang che ...project pawh nise " ka chalah a fawp nghal zeuh a, " han inthlak la breakfast pawh ka peih fel tawh " tih pahin kitchen lam a pan nghal a.

" Nolan... eng nge awmzia? "

" nakinah lawmthu min hrilh dawn nia mahse a lehpek a awm tawh lo ang " ka khi nghal sek a, thihna ata min rawn chhanchhuak nimai hian ka hria .

" mahse i va rawn kal hma ve "

" Niminah note i la si lova.... kha heihi la rawh " note thar vek nizana a ziah tih hriat reng hi min rawn pe a.

" ka lawm e... " kuah zeuh pahin note chu ka la a, inchungah inthlak turin ka tlan chho nghal a.

__________________________________________

★Declan's POV★

Kan ṭhian ho kan awm khawm nuk nuk lai chuan kan hlat deuh takah tukverh melh vung vung pahin Rainer chu amah chauh hian a ṭhu run a, rilru mawlh tu nei niawm takin a melh ngai a melh vung vung bawk.

" Rainer rawn kal rawh " midang in an han ko ṭhin tak na in hria ang pawhin a awm lo.

Tun thla reilo te chunga Rainer mizia inthlak danglam dan chungchang hi kan ṭhian ho ti ti tam ber pawh a ni reng a , a nelawm sawt in a nui tam sawt em em a mahse nimin thilthu ah a inthlak danglam lehnghal vek bawk.

Heng a chunga thil thleng zawng zawng te hi midang in hrelo mahse kei chuan chiang takin Sadie a ni tih ka hria.

Rainer hian Sadie hi a thinlung zawng zawng in a hmangaih tawh a, awlsam takin a move on mai mai dawn lo tih pawh kei tluka hre chiang an awm lo.

Hmeichhia hi kawp nual tawh mahse hetiang ang em em a vei leh thlak danglam tu hi an la awm ngai lo, tunah chuan mi luhlul leh rothap engmah ngaihtuah ngai lo hlimna chu Sadie kutah chiah a awm ta. Party , games leh engmah in a ti hlim zo tawh lo , tisawn a awm ngawt ngawt tawh mai a nih saw .

" Tinge Rainer saw? " Sam chuan a rawn ti sa sa a.

" Tibuai suh u... in thil tih lai kha ti mai mai rawh u " tiin ka lo hrilh nghal vat, a chhan chu a va tibuai a nih vaih chuan thil thleng tur hi a hriat lawk loh.

" A hlim viau emaw tih laiin artui chhung mu pawh sehkeh zo tawh lo ang maiin a awm leh tak saw " Shane chuan fiamthu titak deuh hian a rawn ti a,mahse Rainer ber tianga a awm tawh saw chuan midang pawh kan hlim thei tak tak tawh lo.

" Aiah... " ti tuarh ri kan hriat rual chuan Rainer lam chu kan hawiphei ṭhap hlawm a, Ashton chu chhuatah alo zal der tawh Rainer erawh mitthi sun ang maiin tum hmuk chungin room a chhuahsan daih thung.

" i ṭha maw? " Ashton chu kan va buaipui nghal vata, Rainer a va tibuai anga, a ni thinrim tuar lo in a lo khawih tih hriat reng reng.

" Video games khelh pui turin sawm ka tum mai ania... ka ban hi a na lutuk khawih suh u"

Ashton pawh hi mi tawrhchhel tak a ni mahse Rainer'n a khawih meuh chuan a mittui a tling pam mai alawm, tiang khawp chuan a kutthlak a na.

" Hepa hian eng nge maw a hriat le? " an phun nak nak hlawm a.

" The old Rainer is back " Danny an a tih chuan chil lem dak pahin kan en ṭhap hlawm a.

Ni e, Rainer kan hriat ṭhin kha a rawn let leh tawh mahse a hma aiin a tawrh hlelhawm fe zawk a ni tih hi hre tel bawk se ka duh. 

CHAPTER -51

"I hate when she is too friendly with other guys"

Rainer chu balcony ah thil ngaihtuah nei niawm takin amah chauh in a dak vung vung leh tawh a, ka ko te a nih ngawt lo chuan tumah in an va hnaih duh tawh lo.

A ban a tliaka, hliam na tak tak a nei bawk mahse chung te chu a tan chuan a na reng reng lo, Rainer ti na tur chuan Sadie leh mipa dang awmdun lai hmuh kha a tawk em em.

Hetiang hian hmeichhe lakah ngat phei chuan a la awm ngai lo.Sadie nen an chungchang engmah hre lo mah ila a lo atchilh tawh hle a ni tih a awmdan aṭang hian mimawl ber pawhin an hria ang chu.

" Thil kan ei chhuak dawn, i rawn kal ve dawn em? "

Ka thusawi hre lo ang maiin a awmdan ngai ang chuan a awm renga,mahse a hre vek a ni tih erawh ka hre reng thung.

"Hetiang anga I awm lai hian Sadie erawh hlim takin a awm ngei ang "

Sadie hming ka lam takah chuan a melh ngai melh reng chung hian a han ding ngil deuh a,ka thusawi leh tur ngaichangin a beng erawh a rawn chhi kar thung.

"I lung a leng a nih te chuan va be la ... awlsam lutuk "

Tihel deuh in ka ti kher!

Sadie leh mipa pakhat inkuah lai a hmuh aṭang khan ala nui leh lo hrim hrim, hetiang hian thil ngaihtuah ngut ngut nei niawm tak hian a melh ngai a melh ngur ngur renga, a nin zawngin midang an awm phei chuan kut a thlak nghal pawp a ni mai.

" Engvangin nge ka biak ringawt ang? "

A tawp a tawpah a rawn ṭawngchhuak ve ta!!  min chhang hmuk hmuk mahse biak in min chhang ve tawh a,a ṭha tho tho .

" I biak loh te chuan mi ã ang maiin i awm tak hi....hahh...bakah Sadie insawi fiahna te pawh ngaithla ve phawt rawh "

" khanu hming kha ka hriat theih turin sawi tawh suh "

Rainer hi chu ka hrechiang , biak duh hle mahse a chapo na hian engtik ah mah a tih tir dawn reng reng lo tih pawh kei tluka hrechiang an awm kher lovang. Hetiang hian amahin a tuar tlawk tlawk reng anga, a thinchhe em em bawk ang.

" Engpawh chu nise Nikki in restaurant ah min nghak reng tawh ... i rawn kal dawn a nih chuan ka lo nghak ang che " motor a khalh theih loh avangin ka nghah ngei ngei a ngai, chutilo chu midang in an phur ngam dawn reng reng lo.

" Ka ril a ṭam lo "

Setan leh!! hahh.... vawiin nileng in tui bak a la in lo, chutichung chuan a ril a ṭam lo a nih chu!!  ka awih a ring emawni le?

Hmangaihna hian thil a lo tih theih hi le... hetiang ang mipa rothap lutuk thinlung pawh a sawp zawi vek thei ania.

"Rawn hruai tur che in Sadie va koh kher angai em ni?"

Ngeiawm zeta tih pahin ka phone chu ka han la chhuak der vela,ka call leh duh tak tak dawn tih a hriat avangin a thinrim chuan ka jacket nghawng rawn ṭham pawp pah chuan min rawn melh khai a, engmah sawi lovin min nam sawn nghal dawrh a ,a kal nghal nal nal bawk .

A kal liam chiah tih in ka jacket siam ṭhat pah chuan ka khi nghal suk ringawt.

Awlsam lutuk....tikhan a rawn kal a ni mai lawm.

Sadie ka lam rik apianga a danglam vek ṭhin hi kei ngei pawh hian mak ka la ti, mahse thil a awlsam phah sawt a a nuam dawn phian.

Kan ṭhian dangte awm huat huat na kara awm tir ka la duh loh avangin leh hliam neuh neuh a neih avang in hahdam thei ang berin muang changin midang hnungah ka tlan pui a, a mu tlem bawk aniang seat hnung nghen ar ar pahin a maimichhing vang vang mai.

"I ban kha eng nge a an tawh? a nat chuan min rawn hrilh vat dawn nia " a rilru lak pen ka duh avangin eng eng emaw ka sawi pui lui hram hram a , amaherawhchu hre lo ang hmakin a awm leh tlat tawh.

" I party dawn em? "

" aw" a rawn ti hmuk.

Tun hnaite aṭang khan party kal a bansan hmak sia, hei pawh hi Sadie vang bawk a lo ni leh reng tawh a niang.

" Zanin phei chu hmeichhia an tam dawn teh a nia ...i duh ber ka tihpui ang che "

"Sawi tur i hriat loh chuan ngawi mai rawh "

Tih hlim ka tum bakah ka ti lui tih a hria ni maw!  ni e, a ni nen hi chuan kan in hrechiang ve bawk em a ni. Keimah ang lo taka ka awm lui vel hi a kham viau ta ve ang.

Kan tlan muan deuh bik avangin midang ho chuan parking lot ah min lo nghak ṭhap tawh a, Nikki pawh an zingah alo awm ve bawk.

Kan ṭhian ho hi midang kan an lohna chu khawi hmunah pawh kal dawn ila kan in hrilh hmasak loh leh in nghah khawm hi kan tum hram hram ṭhin ,ṭhian ho nilo in chhungkua kan ni zawng mah aniang chu.

" Hey... " car aṭanga ka chhuah rual rual in Nikki chuan min lo kuah nghal a, Rainer best friend mah nise an mizia hi a in ep thawk.

" Hna thar i nei ta bawka kan chhuah ho lohna a rei ta hle mai " ka lo ti nghal zung zung bawk.

Chutia kan titi khawm nak nak lai chuan tum loh deuhin kan awmna aṭanga hla vak lo ah Sadie ka va hmu hlawl mai!! engvanga helai hmun kher kher a rawn kal nge maw a nih le?

Rang takin Rainer ka va melh nghal vat a, vanneih thlak lutuk in a hmu ve lo hlauh, Sadie pawhin min rawn hmu bik lo.

Sadie chauh nilo in mipa pakhat ka la hmuh ngai pawh nilo hian a rawn zui tel ve a ni tih ka hmu lehzel bawk nen Rainer an a va hmu leh ang tih ka hlau takzet.

Mahse ngawi lawh teh!!  Sawpa sawn Sadie duh lo chung biak luih emaw khawi hmun ah emaw hruai luih a tum niin a lang.

" kal ang u "

Rainer an a hmuh ka hlau avangin ka ti nghal zung zung ringawt. Chumaibakah sawpa saw Sadie hmelhriat a ni tih an awmdan aṭanga a hriat nghal vek avangin thil lian tham a nih ka ring lo,a bialpa te pawh a lo nimai thei asin .

"Ni e kan kim chuan lut ila "

Nikki in a tih chuan kan ril a ṭam hlawm tawh bawk a niang tumahin hmun danga kal hmasak an rawt lo.

Inchhungah luh tuma kan in zui dam dam lai chuan ring zet hian chupa chuan Sadie hming a rawn lam ta mai!!  Rainer tan chuan hai der theih a ni lo. Kan vai mai chuan Sadie te awmna lam chu ka hawi phei nghal ṭhap bawk.

" Derek min thlah rawh "

Chupa chuan a ban ah a man beh tlat avangin Sadie chu tal chhuah tumin a lo ṭang ve mek a , engtin nge Rainer a awm tih hriat tumin rang lutuk in ka va melh nghal vat bawk.

Ka rin ang ngeiin a thinrimna te chu a lo sosang leh tawh ngang mai , tuna a awm dan hi han en ringawt pawh hian engmah pawisak a nei tawh lo a ni tih a hriat theih.

Rainer an Sadie te lam a pan nghal hmak avang chuan midang ho chu mak ti takin an in en ha hlawm a, kan hlauthawng tlang angiang a hnungah kan zui nghal huk bawk.

" Thlah rawh "

Hnek nghal lova warning a pe hmasa ringawt pawh hi thil mak a tling , Sadie mitmei a ven ve deuh vang te pawh a ni mahna.

" Ngangpa bawk chu " Chupa chuan cho zet hian a lo ti let ve nghal at, ṭhelh an ngai ngei dawn a ni tih hai rual a ni lo.

" lo in rawlh ve suh "

Chupa bawk chuan a rawn ti nawn leh ngat a, Sadie lah a thlah duh der lo lehnghal! chutah zet zawng Rainer thinchhiat lai leh thinrim lai a lo ni lehzel bawk nen khawih a tum ta mai!! a che rang lutuk a tumahin kan dang hman lo, chupa hmaiah tak chuan a kut veilam chuan a hnek dak ta awrh mai.

" Rainer khawih tawh suh "

Rang takin Sadie chu a rawn in rawlh nghal zat!

Rainer alo dan avang hian an vai mai chuan mak an ti in a â a nih te pawh an ring hman hial ang mahse keichuan a tan a hlauhawm zia hre reng chung pawha hetiang a ti ngam hi hmeichhe huaisen tak a ni in ka hria. Rainer an alo atchilh nachhan pawh zawh buai ka ngai ta lo a lo danglam bik em a nih hi.Hmeichhe tamtak tih ngam loh a ti ngam tlat.

Khawih luih a tum tlat avangin Sadie bawk chuan khur dar dar chung in Rainer melh chho kar pah hian , "Rainer... min en rawh, ka mit ah hian en rawh " a han ti leh a, kan vai mai chuan kan lo ngawi dak hlawm .

Sadie pawh hian a thinrim lai hi chuan a hlau ve tho mahse dan tumin a huaisenna zawng zawng a sawm khawm a, kan ngaisang letling zawk a chhan chu in hriat angin tumah hi Rainer va hnaih ngam pawh kan awm loh hi .

" Keimah chauh min en rawh " thuawih takin Rainer chuan a melh chhuk run a, second tlemte an in melh vang vang hnu chuan mak tak maiin Rainer chuan a kut hum ruh sa vek tawh chu a thlah thla ta riai riai mai!!

Kei ngei pawhin ka thil hmuh lai hi ka awih thei lo, khati khawp khan a thin a rim a , a thinchhiat zia leh insum a harsat zia pawh ka hre vek chutih lai kara hmeichhia lehnghal a dar pawh chen lo hian a mitmeng hmang lekin a bengdai thei amaw!! engtin tehhrep nge maw a tih bik ni?

Chutia chet nachang pawh hre lova kan thlir ṭhap lai chuan engmah sawi lovin Rainer chu a kal nghal nal nal a, ka zui nghal avangin midang pawhin min rawn zui ve nghal vat bawk.

Parking lot kan thlen phei rual chuan car chung ben rik ṭhuai pah hian, " Khanu kha tu mipa mahin an hnaih tur a ni lo " a ti vin nghal hluk ringawt .

An vai mai chuan mak ti takin Rainer chu an en ha hlawm a, a awmdan avang khan Sadie a duh a ni tih chu tu tan pawh hriatthiam loh ngaihna a awm lo .Rin loh lutuk maia Rainer ber kher hmangaihna a a tluk luh tak avang hian an hamhaih hlawm hle bawk.

Rainer chu Nikki car ah a luh daih avangin midang ho pawh chu an car ah an lut sap sap hlawm a ,kei erawh Rainer an 'va thlah rawh' tih melh a min rawn melh avangin Sadie ka thlah phawt angai.

Khati khawpa rei Amira in a tihbuai chung pawh khan kawng laiah pawh nise a kalsan hmak hmak a, vawikhat pawh Amira thlah tur in emaw pui turin min la ti ngai lo mahse Sadie erawh a thinrim ber lai pawhin a ngaihtuah em em tho a nih hi .

"kal ila... " Nikki chuan a rawn ti sap a.

"kan va thlah phawt ange " ka tih takah chuan ka sawi awmzia a hre nghal.

" thil thleng kha a mak takzet rin phak bak a ni .... urghh... engpawh chu nise Rainer chu keiman ka lo buaipui vek mai ang " a lu thing nar nar pahin min rawn nuih suk a, a car ah a lut nghal a kei erawh Sadie zawng turin ka let lehnghal.

"Ka thlah ang che"

Zawn pawh ngai lovin ka va hmu nghal, a hma a ka lo thlah tawh vang nge ni min rawn hmuh rual chuan min rawn nuih nghal ver ver mai.

" Ngatinge min thlah leh i tum? "

Zawhna khirh tak tak hi min zawt a, Rainer an thlah rawh a ti ka ti thei ngawt bik si lo. Bakah a hma pawh khan Rainer an hruai haw turin min ti tawh a, him taka thlah haw hi ka tih turah ka ngai hmiah.

" khapa kha a rawn let leh palh ang "

Boruak rit lutuk tur tih ziaawm nan kan han uang vela, a lo nui leh ver ver tawh.A hlim lo a ni tih hriat reng chung pawha hetiang anga min rawn nuih ver ver tawh hi chuan a nelawm in a duhawm takzet.

" A hma in mipa dang pahnih chuan tunah mipa dang leh bawk "

Car a luh pah chuan ka zawt a, bialpa a lo nei chiah em tih hi hriat vek ka duh, a hma mite pahnih kha chu Rainer hriat sual liau liau an nia tuna mi pawh hi a bialpa a nih loh vek chuan a hre sual leh bawk a niang.

" ni e... insawifiah tur pawhin ka thusawi a ngaithla duh bawk si lo "
A kawchhung tawt lutuk chu a han thaw chhuak hak hak a chutichung pawh chuan hlim hmel a pu lui hram hram reng tho.

"anih chuan vau mai rawh " a nui chhuak hak ringawt.

"i lo hmu em a mit te kha... ka vau zawngin min en thlu tawp thei ang chu haha.... "

CHAPTER -52

"IT'S NOT EASY TO BE WITH YOU BUT I DON'T MIND"

Hmeichhia hi chu an lo mak ngawt mai an rilru na hle mahse engahmah ngai lo ang maiin an nuihpui thei zel a, mipa erawh an ni ve lo, entirnan Rainer te ang ve thung hi chu rilru na in a thi lo chauh chu a nih hi. Nuih chu sawi loh thinrim hmel a pu renga biak huphurhawm khawpin midang lakah a inla hrang nghal hmak bawk.

" Declan ummm.... " tlemin a han inla thutak leh deuh a.
" Rainer kha a ṭha tiraw? "

" a ṭhat khawp kha " ka lo ti liam puat ringawt.

" a hmai duk leh vung te kha a thar riau a... a ban kha engtin nge a awm? "

 Hahh...Love guru nilo mah ila Sadie mitmeng ka hmuh hian Rainer chauh in alo hmangaih bik reng reng hleinem, Sadie pawh hian alo hmangah ve tho a nih hi.

" Engmah a nilo.... a ti tliak mai chauh a nih kha... " ka sawi nat viau chuan a rilru a hah mai mai dawn avangin ho te anga sawi hram hram tum mah ila a hlauhthawn hmel tho.

"heihi i lo pe thei angem? "

Inthlahrun hmel takin damdawi hmeh chhuah chi hi min rawn pe a, lak pahin mak ti takin ka lo en ha thung.

" a hmai hliam ah i hnawih tir dawn nia... ka pek a ni tih a hriat chuan a la duh lo ang " a nui tawi tap ringawt.

Damdawiin ah khan Rainer hliam te kha a lo hmu daih tawh a, a ngaihtuah avangin alo lei sak thlap a ni maw? 

Damn!  He Rainer thinchhe phiangsena hian Sadie ang hmeichhe rilru thianghlim lutuk hi a phu hlawl lo, a be duh loh chung pawh hian a ngaihtuah em em a ni tih pawh hi a hre tawp nang.

" nangmah ngeiin va hmu la a ṭha lo em ni? "

An inhmuh thiam lohna chungchang hi vawikhat sawi dun se chuan Rainer pawh hetiang hian a awm tawh bik lo ang, tuna pawimawh ber chu an in biak hi a ni .

" ka... ka hrelo "

Tukverh lam hawi pahin a inngaihtuah nghal vung vung a, Rainer hi biak a har zia leh thil sawipui a har zia ka hre tawh a, a awmdan hi ka hriatthiam pui.

____________________________________________

Sadie ka thlah zawh veleh khawi mah kalkawi lovin frat party ah ka kal tlang nghala chutah chuan ka ṭhian dangte pawh an kim vek tawh ka ring.

" Hey... dude "

Party ka thlen rual rual in ka hmelhriat te ho chu ka han Hi five kual vel a,ka kuah (pound hug/ one- armed bro hug)  bawk ,chutah a ngai te bawkin beer no ka hum hmasa ber leh chat tawh.

Rainer tih loh midang ho chu ka hmu kim thawkhat viau, zanin chu a ban a na lehnghal a party na ah hian hmu lo mah ila pawi ka ti lo.

" Rainer ilo hmu em? "

Zuri in alo hmuh mial takin ka zawt ta ringawt a, min rawn nuih ver ver pah hian," sawtah sawn phei la alo ṭhu tum bur mai ang " a mithmul chu a han ti kang ak a, min rawn siai zeuh pahin a bo lehnghal.

Zuri in min kawhhmuh na lam chu ka pan nghal vat, a sawi ang tak tak in Rainer chu midang ho zik hut hut na karah chuan a melh ngai melh ngur ngur pahin a lo ṭhu tum bur tak tak. A bul velah hmeichhia an tam tehreng nen hmu ang pawhin a awm lo.

"ka thlah tawh... thlamuang takin awm tawh rawh " a piah lawka cough a ṭhut pahin ka ti kher a ,midang ho chuan an hriatthiam avangin an lo nui var var hlawm a.

"Who cares" a lo ti hmak mahse Sadie him takin ka thlah tih a hriat ruala a hmel kha amah ngei hian hmu se chuan lem a chan chhunzawm tawh kher lovang.

"In pahnih hian in in biak ...." ka ti dek dek a Amira aw ka hriat thut avangin ka ngawi lehnghal hmak.

" Hi guys.... " Amira in a rawn tih rual chuan kan lo nuih sang hlawm a amaherawhchu a rukin kan ning vek a ni tih erawh kan hmel aṭangin hai theih a ni lo.

A tih ṭhin dan ang bawkin Rainer bulah a ṭhu lehnghal chat , midang kan awm ve a ni tih pawh hre lek lovin a chul chhen a, a awmdan hi chu ngaiah kan neih tawh avangin tumahin mak kan ti tawh lo.

" Rainer saw a tlan chhe leh ṭep tawh ang " Carter chuan zawi sap hian a rawn ti a, a rukin kan lo khi vur vur hlawm ringawt.

Carter sawi ang tak tak in a ning ngang aniang Rainer chu a tho ta nge nge a, engmah sawi lovin Amira laka tlanbo tumin a kal nghal nal nal bawk.

Amira in Rainer a umzui chiah tihin Andrew chuan pawr zet hian,"Victor $10 chu min pe nghal rawh " a rawn ti a, Rainer kal bo leh bo loh ah an lo in bet leh hmanhnawh tawh chu niin, lu thing nar nar pahin kan lo nuihpui ham ham hlawm a.

" Declan... Rainer sawi kha kan ti tak tak dawn em? " Carter chuan thutak zet hian a rawn ti chhuak hlawl!! 

" ni e...nidangah min pui ziah a,Guys... kan pui tur a ni dawn lawm ni? " Blake an a tih chuan pawmpui niawm takin an lo bu nghat nghat a.

Rainer an Sadie hian mipa dang a hnaih tur a ni lo a tih kha hetiang hian an lo lak thutak pui ang tih ka ring pha lo. Mahse a awm ve tho e a vawikhat nan Rainer an hmeichhe chhungchang a sawina a nih bakah hetiang thil hi thil thleng zen zen lo a nih avangin a ṭhiante hian puih ngei kan duh.

"hetianga a danglam thei hi a mak takzet... "

"haha. ...eng nge ni vak chuang ang... HMANGAIHNA " Shane chuan uang zet hian a rawn ti a, fiamthu mahse a sawi dik chiah lehnghal.

"Henu hi tu chiah nge maw a nih le?  Rainer meuh hetiang anga siam thei tu chu " Zack an a tih chuan 'ni e' an lo ti sap sap hlawm a, Rainer vangin party na a kal e tilo chuan keini ho ang lo takin hmangaihna chungchang kan titi chu a nih hi.

" a ṭha alawm... mahse tunah rih chuan a bulah Sadie hming hi kan lam ri tur a ni lo " ka ti a.

__________________________________________

★SADIE'S POV★

" Rainer.... "

 Parking lot ah Rainer ka hmuh rual rual in bus aṭanga chhuk thlak vat pah in ka au nghal tuarh a, atan pawh hriat loh der theih a nih loh avangin a rawn hawi let a mahse min hmuh rualin kal lehnghal daih a tum!!

"kan in be lawk thei angem? ih... " ka ti zo chah tih in Rainer car aṭangin Amira a rawn chhuak ta mai!! 

Mak ti takin ka lo melh nghal kawk a, a ni lah chuan tih el zet hian min rawn nuih sak lehnghal.

"Eng nge? "

Ka hma ah tak dingin inkuangkuah chung hian a rawn ti kher a, a nui hmel leh a chezia engkim ka hmuh hian ka rilru a na in ka hrilh hai takzet.

" Rainer biak che ka duh "

Amira chu pehhel in in hum ruh ṭeuh chung hian ka ti chhuak nghal kawk a, theih chu nise henu hi damdawi a min hrai rui tu a ni tih piap piap mai te ka duh rum rum tawh.

" Sawi rawh " Rainer a ngawih reng avangin Amira chuan a rawn chhan sak vela, Rainer an a ban a tih nat avangin a car a khalh sak a nih loh vek pawh in min tih nat a duh avangin hetiang hian a awm mai mai alawm tiin keimah leh keimah ka la inhrilh fan fan tho.

" a fal a biak ka duh " ka la ti ve ṭang ṭang ,tlawm mai mai ka tum bik lo .

" lo han kal rawh " a tawp a tawpah Amira chu lo han kal hmasa turin a hrilh ve ta alawm!!  hun lo viau mahse Amira lungawi lo hmel ka hmuh hian ka hlim tlat a nih chu.

Rainer an kal tura a tih tlat avangin lungni lo deuh chung hian a kal tau nghal nghawng nghawng a, a rukin ka lo khi suk ringawt.

" Sawi rawh "

A rawn ti leh hmuk tawh, a mitmeng a dur khup bawka ka hmuh hmasak ber ṭuma a mitmeng thip zet ai pawh khan en a nuam lo zawk.

" khapa nen khan kan inkarah..... " ka ti dek dek a, ka sawi zawh hma hma in, "mipa dang chungchang i sawi dawn a nih chuan ka ngaithla peih lo " tiin min lo pawt chat hmak a nih chu!!

" ka thusawi hi ...... "

"a tawk " a ti ram hmuk a, a kal nghal daih a nih chu!! 

Ka thusawi a ngaihthlak duh si loh chuan engvangin nge sawi turin min tih si?  A mit ngeiin min hmu mahse a thil hmuh te kha a ngaih ang a ni lo tih hi engtin nge ka hrilhfiah tak ang.

" Ngatinge maw biak a har em em le? " phun bul bul pahin kan block lam chu ka pan ta ringawt a, ka rilru te te chuan beidawn mai mai ka tum bik lo .



Zinga ka hmuh bak kha chu nilenga ka hmuh leh tak miah loh avangin mawi lo viau mahse a flat lam pan chuan ka kal leh ta ringawt a, min be duh dawn lo tih hre tho mah ila vawikhat tal chu biak ka tum leh tur a ni dawn lawm ni? 

Bus a ka chuan lai chuan Nolan engmah hrilh lova ka kal tak daih avangin min rawn call ta nge nge a, ka ṭhiante ka hrilh tho a Nolan lehzel hi chu hrilh ka duh hrih lo.

" khawiah nge i awm? " a rawn mangang nasa mai.

"khawiah emaw ka kal lawk dawn "

" a nih chuan in inah ka lo va nghak ang che" a tih chuan ka lo aw liam puat ringawt.

Ka rin ang ngeiin Rainer chu alo in kalh leh ṭhap tawh , biak ngei ka duh avangin a rawn haw hun nghakin kawngka bulah chuan ka ding ta ringawt a, rawn haw har dawn pawh nise a rawn haw hma chu ka nghak char char ang.

Reilote ah darkar 1 chu a liam nghal mai mahse haw erawh ka la tum lo hle.Hetia a in bula lo nghah ringawt hi thil atthlak tak ni mahse a kalna hmun ka hriat miau loh avangin dawhthei taka ka lo nghah mai hi angai.

Darkar thum a liam leh meuh chuan ka phone ka khawih na lamah a battery te chu a low ṭep tawh. Tlaiah engmah ka ei loh avangin ka pum te chu a ri ruk ruk tawh a, thil ka ei chhuak a nih chuan ka kal hlanin alo haw hman ka hlau bawk si. Helai hmun hi ka kalsan ngam thlawt lo.

Dar 9 a rik hnuah pawh Rainer hmel reng reng a rawn lang thei lo, ka ril a ṭam tawh mai bakah Nolan miscall a tam tawh em avangin phur lo deuh chungin haw chu ka tum ta ringawt a, Nolan kan ina a awm vang nge ni ka û in min rawn la call miah lo thung.

Naktuk ah ka nghak leh mai ang tih rilru pu ran chungin inhnuai lam panin elevator ah ka chuang thla vang vang a, darkar5 zet nghak thlawn mah ila ka inchhir chuang lo.

Elevator aṭanga kun lap chunga ka chhuah hnak hnak lai chuan Zuri nen kan in tawk hlawl mai, ka ril ṭam tawh vang nge ni zu rim a nam tlatin ka hria.

" Oh!!  Sadie.... kan inhmu khat hle mai "

" ni e... " za lo zet hian ka lo nui lui sek a.

" Eng nge hetah i tih?  min lo nghak em ni? "

" umm... englo a nia " Rainer ka nghak ka ti ringawt thei bawk si lo, han sawi mai tur pawh ka hre lo .

" Party na ah i rawn kal vel dawn mi ?"

" aih ...ai nilo "

" c'mon.... midang pawh an awm vek asin " midang a tih takah chuan ka beng a verh nghal zar mai!!  Rainer a tel ve angem?

"umm... tu midang ?" chik zet hian ka han zawt leh a nuih har har pah hian ," Nikki ,Declan chuan Shane pawh " ka hriat duh ber hming ala sawi lang ve lo .

"E...Rainer pawh "zawh chawp ngai lovin a rawn ti leh chiah ,ka thaw nghal huai mai .

Rainer hmuh duh hle mah ila hman zana thil thleng avang khan engmah ti dawn lo mahila hreh ruk na riau ka nei tlat tawh.

" i rawn kal dawn em?.... " ka lo inngaihtuah vung vung ringawt.

Ka kal chuan awlsam takin Rainer ka va hmu ngei ang mahse engtin nge hman zana thil thleng ang kha a thleng nawn tawh dawn lo tih ka hriat theih ang? 

Engpawh chu nise engpawh huam in ka kal ang chuan kan inkara buaina awm hi ka chingfel vek bawk ang chumai bakah Amira nilo in Zuri'n lawm min hriau dawn, tui takngial pawh ka in tawh lo anga nimai.

Rainer biak ka duh luatah ka û leh Nolan te pawh pawisa lovin Zuri chu ka zui leh ta nge nge a, reilote chiah awm ka tum avangin Nolan an chhuanlam min lo siamsak leh turah ka ngai.

Pawn aṭanga pawha a rin tawh nak alaiin inchhung phei chu music riin beng a khat leh mup mup tawh, ka pum a lo ruak lehzel bawk nen ka chau sawt in ka dang te chu a ro nghal rup mai.

"Zuri khawiah nge midang? " ka thil tih tum ah ka bur nghal chat.

" ka hre mai lo... i duh duh na ah zawng mai rawh " a bengchhen em avangin a rawn au lauh lauh a, chutichung pawh chuan ka hre ruai ruai chauh.

Zuri zawhin awmzia a nei dawn lo ni a ka hriat avangin keimaha zawn mai chu a awlsam zawk.

Rainer hi a lam dawn lo tih ka hriat chian em avangin lam hut hut ho hlat thei ang berin ka kal nghal a Zuri erawh a bo tak daih avangin keimah leh keimah ka inbuai pui angai tih chu ka hrechiang hle bawk.

" Hey Sadie....!!! "

Min ko tu awm tlata ka hriat avangin ka hawi let nghal haw a, vanneihthlak lutuk in Declan alo ni hlauh !!A hma in inhre ngai lo mah ila vawihnih lai min thlah tawh avang leh Rainer ṭhian a nih vang hrim hrim in ka ngaina nghal em em ringawt .

" Eng nge hetah i rawn tih? " mak a ti em em lehnghal.

"Rainer... i lo hmu em? "

"aih... hmu leh tawh lo " tih pahin a han hawi kual vela, "i be duh anih pawhin helai hmun thleng thleng hi rawn kal angai hleinem... min rawn call la ka hruai mai dawn lawm "

" ma... mahse " Hetiang anga ka tih mai loh chuan amah hmuh dan tur ka hre tlat lo.

" hetah hian lo ṭhu rawh... Rainer chu ka rawn ko ang "

" aw le... " zawn buai ngai lovin Declan'n min koh sak theih dawn avang hian ka lawm takzet.

Rem lo zetin couch ah Rainer rawn kal hun chu ka lo nghak ran a, amah zawngin ka hawi kual reng tho.

Chutia boring ti zeta ka hawi kual hrak hrak lai chuan inchung corridor a Rainer kal phei lai chu ka han hmu ta thut mai!! ka ding nghal zawt bawk.

A ban na a awrh aṭangin leh a denim jacket hak aṭang khian ka hai thei lo hrim hrim. Rang lutuk in inchung lamah ka tlan chho nghal vat a, mahse Rainer hmel awm ang ka hmu leh tawh lo.

" Rainer.... " koh pahin room hmasa ber chu ka han hawng thawr a, mahse midang daih an lo awm avangin ka khar lehnghal.

Ka mit ngeiin chiang deuha ka han hmuh avang in beidawng lovin room dawtchiah chu hawn ka han tum leh a mahse chhung lamah an lo kalh tlat.

Chum dawt dawt chung pawha an hawn duh miau loh avangin room pathum na chu hawn ka han tum leh a mahse awlsam deuhin alo in hawng nghal mai!! 

Mahse.....

Engthil nge ka hmuh tak hi!!

Rainer chu khumah hmeichhe pakhat bra leh panty chauh ha hian alo bawn bet a nih chu!!

Amira pawh nilo in hmeichhe dang maw a lo awmpui leh taka!!

Ka thil hmuh hian min ṭhawn em avangin ka ding khawng nghal awt a, phawk zetin ka meng nghal kawk bawk ,sawi hmasak ber tur pawh ka hrelo ka awm zawn chu a rawn na nghal ut ut ringawt .

An pahnih chuan rang takin an tho nghal vata, Rainer pawhin ka kal hi a ring bik lo aniang min hmuh hian mak a tih hmel takzet.

" Eng.... engthil nge i tih? " ka ti chhuak thei hram.

" Shane.... "

 Chunu chuan ka hnunglam en pah chuan a lo ti ve sap bawka, ka hnunga Shane lo ding ve reng chu ṭah chhuah hmel zet hian ka han melh ringawt, engtik lai khan nge alo awm hman pawh ka hrelo.

"Carla....lo kal rawh " Shane chuan chunu chu alo ko hrang nghal vat a mahse ka rilru ti na zual turin Carla kal tur chu Rainer'n a kawngah alo kuah bet tlat ringawt.

" Khawiah mah i kal dawn lo " tih sup pahin Shane a melh khai hnu ah keimah min rawn en ve leh a, a hmela hrehawm tihna leh inthiam lohna awm hauh lova min rawn en phei hi chuan ka thaw chhuak thei lo mai dawn te hian ka in hria.

Ka dinna ngaiah pawh ka din ngheh theih tawh loh avangin hnung lamah ka tawlh hnung nghal hrut a, rang takin Shane an ka darah alo chelh nghal vat bawk.

" Sadie i ṭha tiraw? .....Carla.... "

 Shane chuan a han ko leh a mahse Rainer a ti luhlul zual sauh zawk.

Carla chu a kal tir tawh mai dawn emaw ka tih laiin min run luih nan Rainer chuan Carla chu ka hma ah tak a fawp sak mai!!! 

Chet nachang pawh ka hre tawh lo an pahnih infawp lai chu ka en reng ringawt.

Hei zet zawng ka dam chhunga ka theihnghilh theih tawh ngai loh tur ser nung a ni ngei ang.

CHAPTER -53

"The love I want, I only found it in you. 

No other one, could ever make me laugh and cry like you do"

Chutia mi â ang maia ka din khawng reng lai chuan Shane chuan Carla chu va pawt hrang nghal in a kal chhuahpui nghal dawr dawr a, Rainer lah chuan ngeiawm zeta min rawn melh pah hian la fawh leh chak hmel zetin a hmui a han khawih leh kher bawk a chu chuan ka thinlung hi na taka vih sawk sawk ang mai hian a rawn ti na nghal zawk zawk bawk.

"In inkarah engmah a awm lo tih min hrilh rawh "

Chu zawhna chauh chu ka rilru ah a awm tawh, chu pawh chu khur der der chungin ka sawi chhuak thei ṭawk ṭawk chauh.

" mawh? " min chhan duh loh avangin ka nawr lui leh ngat.

" I hmuh ang kha a ni mai " a ti duh chauh mahse ka chhanna duh tak min la pek loh avangin kal mai ka tum bik lo.

" Maw?  khatiang thil kha engtin nge ka chungah i tih theih zawk mawh... engvangin nge min rinawm loh san theih zawk ?" ka thinrim em avangin ka mittui pawh a tla thei lo,ka in hum ruh ngawt ngawt ringawt.

" Rinawm loh san a?!!!.... hahh... kan inkarah engmah a awm loh laiin ka rinawm loh san che maw ?"

Ngeiawm zet hian min rawn nuih vela, a nui hmel ka hmuh phei hi chuan a hmaia ben nghal chawrh mai ka duh.

" Eng.... eng nge i sawi awmzia, khang... khang kan hun hman zawng zawng te kha... " inseh ruh ṭeuh chung hian ka ti hul hak a.

"I lo la serious a nih chuan pawi ka ti lutuk... mahse ka tan chuan intih hlimna mai chauh a ni " tih pahin min hnungchhawn zawng hian a ding nghal daih a, " hun khawhral nan " a tih chhunzawm sup bawk.

Rainer chuan timna leh hrehawm tihna nei hauh lo in min hrilh ta piap piap mai!! ka awm na ut ut mai te leh ka kawchhung tawt up up mai te chu ṭah chhuah hawm hawm chak hle mah ila ka la insum ve ṭang ṭang, awlsam taka ṭah mai mai ka tum bik lo.

"A nih chuan ka mit a en chungin min hrilh nawn leh rawh "

Pawm har ka tih em avangin ka la ti lui ve ṭang ṭang ,amaherawhchu ka mit hmuh lai ngeiin hmeichhe dang a fawp tawh a ,a laka beiseina ka lo neih ve te pawh kha second tin in a bo tial tial.

"Ka mit hmuh ah rawn in lan leh tawh suh ang che.... nang ang hmeichhia mipa kawp kual ching leh party hrat lutuk hi ka kham hluah hluah "

Min hnungchhawn zawngin sawi mahse hei zet zawng na ka ti in a sawi leh tur lo dawngsawng tur pawhin chakna ka nei tawh lo.

" ka haw lutuk che " tih sup pahin rang takin room aṭang chuan ka tlan chhuak nghal hlawk hlawk a, khang kan hun lo hman dun ve zawng zawng te leh ka rilru ka lo pek ve na zawng zawng te kha engmah alo ngai miah lo tih ka hriat hian pawm har ka ti in tawrh har ka ti takzet.

Ka ṭhianten Rainer hnaih lo tura min tih lai te kha ka hrechhuak leh hnuhnawh , tun hun hi a thleng dawn ani tih hi lo hre lawk ila ṭha tur, hetiang em em hian ka rilru a ti na lo tur .

Music ri hut hut karah pawh Rainer an, ' min rawn hmu leh tawh suh ang che' a tih ri chauh chu ka bengah a ri nawn tluk tluk reng a, engang pawhin ka beng hup in tih bo han tum teh mah ila chiang takin ka hre zel lo.

"Tawp rawh.... khawngaihin tawp rawh " au vak vak mah ila tumah in an hre lova min ngaihsak bawk hek lo.

Rainer aw ka hriat reng avangin a reh mial takin tiin ka bul lawka beer chu ka han tlak nghal pawp a, ka pum alo ruak bawk nen a sa nghal ham ham bawk.

" Party ching... " nuih suk pahin no khat dang chu vawikhat ah ka han tlak lehnghal pap a, ka rilru lakpen tum engang mah ila ka harh telh telh zawkin ka hria.

No li ka in meuh chuan ka dose alo hniam ve bawk nen ka rui tawh hle amaherawhchu ka rilru a harh kur reng avangin in belh zel ka duh.

Ka zun a chhuah em avangin haw hma in bathroom ah ka kal leh te te phawt a, bathroom lehzel pawh a lun in hmeichhia an lo awm khawm luih luih mai!

" Hey.... I mit chu, i rilru a na em ni? "

Ka zung zo ekin aṭanga ka chhuah rual chuan hmeichhe pakhat inhnawih dum fahran hian cigrattee zuk pawt pawt pah hian a rawn ti a, midang ho erawh eng eng emaw tiin an lo buai hle thung.

"chutiang deuh chu " ka lo ti ringawt ,ka ṭap bawk si lova engtin nge ka rilru a na tih ka mitmeng aṭangin a hriat theih?

"I rui thei meuh nange no tamtak i in hnu ah pawh ..."

Henu hian ka awmdan hi a hrechiang takzet, a hma in hetiang ang hian alo awm tawh tih a hriat reng.

" umm.... " kal ṭha hleithei tawh lo mah ila harhfim ang tlatin ka inhria ka tih tawh kha.

" Engmah hre lova awm hmak i duh em?  ka sawi awmzia chu zanin atan chauh " a rawn tih takah chuan ka beng a verh nghal zar, ka duh chiang alawm zanin chauh chu Rainer theihnghilh vek khawpa awm ka duh.

Mahse ka hmelhriat ngai pawh nilo hian engvanga min lo duhsak ve ringawt nge a nih?

"Kha heihi hip rawh... mahse ka tilui lo ang che " tih pahin basin bula powder var phut tam vak tawh lo chu min kawh hmuh a, eng nge a nih pawh ka hrechiang hle.

" Drugs maw? " nidang ang lo takin mak ka ti teh vak lo, ka lo nuih liam mai mai ringawt.

Rainer theihnghilh tur chuan ka la harhfim hle mahse ka chhia leh ṭha hriatna hmang tur erawh chuan ka rui tawh mah mah, engmah pawisak ka nei tawh lo ti ila ka sawisual lovang, ka û takngial pawh ka ngaihtuah thleng pha tawh lo.

" aw mahse ,Cocaine a ni lo a nia ....hetiang hi chu a hlauhawm ve loh ,nuam i ti veng veng mai ang "

Hahh...a fak thiam kher mai ,drugs hmansual hi hlauhawm loh a awm dawn em ni ? mahse nuam tih veng veng chu ka duh alawm .

" aw le... "

Nuih sek pahin hmeichhe pakhat tih dan ang chuan hrehna nei miah lovin ka hnarin ka han hip lut nghal kawk a, Rainer ka theihnghilh na tur a nih avangin inchhirna ka nei lo reng reng.

Ka thluak chawmawlh vek leh buai chhu mai chu nuam ka tiin min ti phur em em mai lehnghal a, lam hut hut  ho karah te chuan engmah pawh hre mumal lovin ka va bu ve nghawng nghawng ringawt.

__________________________________________

★9:30 am★ 

Ka lu na lutuk rit bur mai leh tui hal huam huam mai chuan min ti harh ta nge nge a, meng tur ringawt pawhin ka mit te hi a kham erh urh mai.

Ham bai bai paha ka tal ṭalh ṭalh rual chuan Nolan hian min rawn ko thut ringawt!!  nilo... ka hresual em ni?

" Sadie... na i nei em? " ka khum tlanga ṭhut pah chuan a rawn ti leh a, Ka mumang nilo in a tak ngei a ni tih ka hriat rual chuan ka meng phawk nghal kawk ringawt.

"Engthil nge thleng ?"

Thut chhuah pahin ka lo zawt hu a, ka lu na lutuk mai te chu ka dawm nghal vang vang bawk .

Nizana zu ka in dan te leh drugs ka tih dan te chu ka hrechhuak nghal uai uai a mahse powder ka hnara ka hip luh hnu lam erawh engmah ka hrechhuak thei tawh lo.

Chutah ka ṭhut chhuah rual chuan khum mawnga Braydon  lo ṭhu kun lap lai chu ka zuk hmu thut lehnghal a, ka phu chiang kher mai!!

Nilo... Braydon an party na ah ka kal tih kha hrechhuak lo hram rawh se ,khawngaihin...

"Braydon " ka zuk koh rual chuan a tho nghal hmak , en pawh min en lovin room aṭangin a chhuak nghal nal nal bawk.

Braydon khan engang pawh in thup tum mahse a mit sen ram mai aṭang khan a ṭap a ni tih ka hrenghal. Engthil nge maw ka tih tak hi?  urghh.... tunah pawh hian ka la ni deuh chhû mai.

" Nolan ka û khan engmah a hrelo tiraw? " ka zawh rual chuan a lo kun nghal lap a.

" Sadie.... nizanah i û nen party na hmun aṭang khan kan rawn hruai haw che tih i hre tawh miah lo em ni.... nangmah ngeiin ṭap chungin min rawn call kha "

" Enga? "

Keiman ka va call maw?  Lalpa leh!!  engmah ka hrechhuak zo tawh lo.

"Zankhua in ilo harh hun nghakin i û kha a tlaivar ṭhak asin... Ngatinge khatiang khan i awm?  Rainer nen in in hmu em ni? "

" Nolan khapa hming kha ka bulah sawi tawh suh... engpawh chu nise ka û hnenah ngaihdam dil ka ngai "

Ka û hriat loh in party na ah ka kal ru a, chutah ka chatthla hmak lehnghal ,thinrim khum lovin ka û hnenah ngaihdam dil vat ka ngai.

" Ka û hian min biak duh i ring em? " ka hlauhthawn deuh avangin ka zawt ta ringawt.

"Umm... va in phih fai phawt rawh,inhnuaiah ka lo nghak ang che "

" aw le... " Nuih suk pahin ani pawh room aṭangin a chhuak ve nghal.

Nolan a chhuah rual rual chuan ka lo thup ve ṭang ṭang ka rilru natna te kha ka hmelah a rawn lang chhuak nghal a, tun lawka thil thleng ang maiin ka tawrh nat dan pawh a nep phah chuang lo.

Tui ka in khawlh khawlh hnu chuan in phih fai tumin bathroom lam ka pan nghala, darthlalangah ka han in en chiah mai chu ka mengphawk chiang teh e!!!

Lalpa leh!!  engthil nge ka tih tak mai!!?

Ka sam sei hnap mai kha ka dar chen lek hian alo tawi ta mai!!  chutah ka mit te chu hai rual loh in a sen ṭuak a ,ka nghawng velah te chuan love bite niawm tak hi a duk thluah bawk.

Darthlalanga in en vung vung pah chuan ka nghawng duk thluah mai chu ka khawih vawng vawng a. Ka mittui a rawn tla nghal sawk mai!

Ka sam ka tan lai te, hetiang nghawng duk nei tura mipa in min fawh lai te chu engmah ka hre chhuak zo tawh lo. Mipa ka mutpui nge mutpui lo pawh ka hre lo.

Engthil nge ka tih tak hi?

Chutah loh theih loh in Rainer'n min tih dan te kha ka hrechhuak leh nghal uai uai a, ka chunga a thil tih avang khan engtik ah mah ka ngaidam leh tawh ngai lovang, engtikah mah .

Ka inphih fai hnu chuan ka inthlak nghal bawka, ka lu la na hle mahse ka û biak hi ka ngaihpawimawh hmasak ber avangin phur lo deuh chungin inhnuai ah ka chhuk thla chhat chhat a.

Rin ang ngeiin Kendra leh ka û ṭhiante ho zawng zawng chu living room ah an lo ṭhu kun lap hlawm a, keimah vanga hetianga awm hi an ni tih pawh ka hrechiang hle.

" Sadie.... " Kendra chuan min rawn kuah nghal vata, min ngaihtuah zia ka hriat hian ka inthlahrung in hrehawm ka ti takzet.

" Kitchen ah a awm va kal rawh " a tih chuan ka lo bu nghat a.

Ka û awmna kitchen lam chu ka pan phei nghal chhat chhat a, chair a ṭhu chungin thil ngaihtuah nei niawm tak hian a melh ngai chu a lo melh vung vung a, hetianga ka û awm lai ka hmuh hian a hma aiin ka na zual.

" Braydon " ka awm tih a hriat rual chuan a ṭhutna aṭanga tho chhuak nghalin min rawn pan hnai a, chiang zeta min rawn en pahin ,"Rainer nen in in karah eng nge awm ?" a rawn ti hlawl !!!



Nizanah khan engthil nge thleng ka hrelo , Rainer nen an in ti buai a nih loh vek pawhin Amira in a hrilh a nih ka ring.

" maw! "

" Amira thusawi kha a dik em,  Rainer nen in chhuak dun em ni? " ka rin dan chiah Amira in min lo va hek leh tawh.

" Ai... " ka lo ti hmak, " Kan in karah engmah a awm lo " ka tih chhunzawm zat bawk.

Ni e, thudik a ni miau alawm Rainer berin kan pahnih inkarah engmah a awmlo a ti miau alawm.

Ka inkarah engmah a awm loh thu ka hrilh rual chuan a thaw nghal huai in ka hria.Amira in hrilh engang mahse ka sawi a nih tawh phawt chuan ka û hi chuan min ring nghal vat zel.

Mahse hetah hian ala duhtawk mai lo, ka û phal loh em em ka tiru a min man chhuak bawk a awlsam takin a lungawi mai mai dawn lo tih pawh ka hrechiang hle.

" Nizan avang khan pawi ka ti takzet... ka tihpalh lutuk " kuah thlawpa ṭah hawm hawm ka chak.

" tiam chin awm lovin grounded i ni tun aṭang chuan khawiah mah i riak sawn leh tawh ngai lovang " tih hmuk pahin kitchen aṭang chuan a chhuak nghal nal nal.

Ka û hian min ngaidam daih tawh tih ka hria mahse ka chungah a lungawi loh em avanga hetianga la awm mai mai hi a ni.

Tun aṭang chuan Rainer theihnghilh in nun bul ṭan leh ka tum ang, ka û tih lungawi leh tumin ka theihtawp ka chhuah anga ,a hma anga kan awm leh theih nan nasa takin ka bei bawk ang.

Nolan an phal lo hle mahse college kal ka duh tlat avangin ka kal lui ta tho a, engang pawhin awm nuam lo in ka lu na ber bur mahse ina awm ai chuan ka project vel buaipui in mahni intih buai ka duh zawk .

" Sadie ka thlah let leh ang che... vawiin chu hahchawl phawt rawh " Nolan chuan a ti chhen a, ka chau hmel viau pawh a ni mahna.

"Braydon ka tih lungawi leh theih nan min pui dawn lo em ni? "

" mahse vawiin chauh te chu... Engpawh chu nise Rain... " a ti dek dek a vin zet hian, " Khapa hming kha lam tawh lo tur che in ka ti che a ni lawm ni " ka ti nghal hluk a, mak tih hmel takin min lo en ha ringawt.

" aw le " thil hrethiam nghal niawm tak hian a bu nghat a.

" Hey... Sadie, Nolan... good morning " Chelsea leh Kaitlyn ka hmuh takah chuan ka thawveng nghal huai mai.

An ni lehzel ka hmuh pawh hian Rainer bawk ka hrechhuak leh ṭhin. Min duhpui lo zia leh hnaih lo tura min hrilh nasat zia te kha ka hrechhuak lo thei lo.

Chelsea te pahnih an rawn lan hnu chuan Nolan pawh class a neih avangin a kal hrang nghal a, tunah tak hian ka ṭhiante pahnih hi ka mamawh takzet.

" wow.. sam thar " Chelsea chuan mithmul tih kan zawk zawk pah hian min rawn chhiah vela, za lo zetin ka lo nui ringawt.

" Sadie...you look horrible " Kaitlyn meuhin a rawn tih takah chuan ka pawm thlap, ka mit a sen nasa in a bui chur vang te pawh hi a ni mahna.

" oh!! saw Rainer pawh a rawn kal a nih saw " Chelsea in a tih chuan ka phu chiang kher mai, chutah ka tum loh deuhin in kan in melh fuh chat lehnghal , ka hawi sawn rang ngei mai. Pehhel tum engang mah ila kan in kal pel tho tho angai.

CHAPTER -54

"You watch me bleed until I can't breath"

Engang pawhin hmuh loh der duh mah ila ka hmu tih a hriat tawh miau avangin pangngai taka awm chu ka tum hram hram a, ka sam a tawi mât tawh vang nge ni mak ti hmel te pawh a pu.

Rainer lak aṭanga tlan chhiat daih chi a ni tawh bawk si lo, hmachhawn mai a ngaih tawh avangin amah melh kân hmak pahin ka kalpel ve sak a en pawn en zui lovin hma lam ka pan char char.

" Hey... Hey.... nangni pahnih hi eng nge awmzia? " Chelsea chuan chik zeta min rawn en pahin min rawn pawt ding nghal.

" Ni e... Rainer kha i pehhel a ni lawm ni? " Kaitlyn pawhin alo ti ve bawk.

" Khapa hming kha vawikhat pawh hriat leh ka duh tawh lo "

Ka sawi zawng ringawt pawh hian ka thin a rim nghal ṭun thei, hepa hi ka theihchhung chu ka pehhel ang.

" Engvangin? " mak tih hmel takin an rawn ti rual nghal ṭhawt .

" Kan inkarah engmah a awm tawh lo "

" Han sawi chiang vat teh " Chelsea in min lo nawr leh tet tet tawh.

Ka ṭhian te pahnih chu engkim Rainer min tih dan te ,nizana thil thleng zawng zawng te leh ka û in min man chhuah dan te chu ka hrilh nghal vek a, mahni in ka pai rei bawka ka thaw nghal huai mai.

" Enga!! chupa mai mai chu! "

Chelsea thinrim lutuk chu a in hum ruh nghal a, mi ngei hi a pe pa thei bawka engmah ti thei lo mahse a melh rum leh ngawt ang chu.

"A ni lo pawh midang an tam emai " Kaitlyn takngial pawhin min hnem leh tawh, engvanga hnem ngai bik ziah nge maw ka nih le? 

" Sawi tawh suh u... tunah chuan keimah chauh a awm ka duh "

Ka ṭhiante bulah awm mah ila Rainer ka hriatchhuah zel tho avangin rilru lak penna tur ka duh.

" Ngai lo...phuba kan la ve ang, aw.... " min khawngaih hmel takin Chelsea chuan min rawn kuah nghal vawng vawng a, ṭah duh lo hle mah ila ka mittui a tling nghal pum mai.

" Chelsea ...." Kaitlyn chuan Chelsea chu a va mitmei zeuh a, " Sadie ni e...va in ti thawveng rawh, mahse i kiangah i ṭhiante hi kan awm reng a ni tih theihnghilh suh ang che " ka dinhmun min hriatthiam pui avangin alo ti nghal zung zung a, Chelsea pawhin a hnial lem lo.

" Class leh ah kan inhmu dawn nia... mahse i kal hma in... " Chelsea chuan ka sam tawi bawk si, thur bim bem chu min rawn tuai man sak thuak thuak a, "Khapa kha melh pawh melh tawh suh ang che .... he khawvel ah hian awm ve lo angin ngai hmak ang che " min fuih lai chuan ka lo bu nghat nghat a, Chelsea thusawi mah nise ka zawm ngei angai.

Kalna tur ber pawh hre lova hma lam ka pan chhat chhat lai chuan Nikki in 'Once you go Black you'll never go back ' a tih lai te kha ka hrechhuak vawng vawng a, khatih hun lai khan engah mah ngai lo mahila tunah hian alo dik zia ka hre chho telh telh!!

A hma ai zawngin zûn alo ngah zia leh kalsan alo harsat zia ka hrechhuak a, thil tamtak kan lo tih dun tawh avangin ka nun ngaiah ka let leh thei angem tih pawh ka hre lo, second tin mai hian amah vangin ka thinlung hi a na ngawih ngawih reng a , hetiang anga tawrh reng mai hi hrehawm ka ti takzet.

Mahni leh mahni intih buai hram hram tumin Chemistry laboratory ah chuan experiment tiin ka vei kual chhen a , Chemistry genius kan tih mai en mai pawha chut tih hriat nghal em em Peter pawhin ka awmdan avang chuan min en tawp.

" Sadie i ṭha maw? " a tawp a tawpah min rawn zawt ta nge nge.

"Ka rilru ah hian thil pakhat chiah a awm a chu chu ka paihchhuak thei thlawt lo " vei tawn sek pah chuan ka ti a, ka thusawi chu a hriatthiam loh hmel kher mai .

" umm.... thil kan va ei phawt dawn em ni? " a tih takah chuan min puih theih mial takin tiin thawk chhuah hak pah hian ka lo aw nghal.

Peter hi chu a chut hmel tawh nak alaiin brace leh tarmit lianpui a vuah lehnghala midang chhaih leh hmusit pawh a hlawh phah fo reng a ni.

Peter nen chuan thil ei turin Cafeteria ah chuan ka inzui lut hnak hnak a, inbe miah lova eitur kan ei lai chuan Peter chuan," I awm a nuam deuh tawh em? " a rawn ti sup a, a hmel en mai hi chuan min ngaihtuah ve tak tak in ka hria.

" Ka...ka hrelo"

Ni e,  tunah pawh hian Rainer lo chu thil dang ngaihtuah ka nei meuh lo, a inchhir lo a ni tih hriat tak maia min melh dan te kha ka mithla ah a cham renga, ka thil ei pawh hi a tui thei lo.

" Professor te hian min nawr nasa leh lutuk a...mahse rilru tih hah nan hmang duh suh, ka pui ang che" ka hnung zangah chuan a rawn beng thak thak a, buk nghat pahin a darah chuan ka bei nghal hle hle bawk.

Tunah tak hian kuah emaw hetianga dara bei hle hle na tur hi ka mamawh ber. Theih phei se chuan ṭah nghal hawm hawm ka chak.Mahse ka ṭap a nih vaih chuan Peter mangang lutuk hian min hnaih duh tawh loh phah hial ang.

Chutia thil ei pawh ngaihsak lek lova inhnem na tur ka lo zawn lai chuan Carter rawn lut lai chu ka hmu ta thut mai!!  chutah amah chauh a ni lo tih ka hriat chuan Rainer a tel ve ka ring nghal bur.

Nilo..... hemi te ho hi ka tlanchhiat san vat a ngai, ka hmachhawn a nih vaih chuan ka insum zo lo hi ka ṭap chhuak mai ang tih ka hlau.

Engvanga helai hmun kher kher a rawn kal teh thut nge maw an nih le? 

" Peter washroom a kal ka ngai " tih leh thawh ka rual nghal, a ni pawh chuan min hriatthiam hmel takin ka kalna tur kawng chu min lo kian nghal vata, engmah min zawt zui lem lo.

Minute 5 dawn washroom kawngka bula ka ding vung vung hnu chuan ka inngaihtuah nasa bawka, inhum ruh vut chungin ka huaisen ta thut emaw tih mai tur hian, " Engvanga biru bik reng nge maw ka nih le? " ka ti chhuak hlawl .

Kei hi thil tisual tu zawk ka ni reng reng lo, kha mi tenawmpa kha biru tur zawk a ni asin .

Ka sa nghal phat, thinrim tak chungin washroom aṭang chuan ka chhuak ta nge nge a mahse ka thil tih hi thil dik a ni em tih erawh ka hrelo a chhanchu Rainer hmachhawn tur hian huaisenna ka nei hlawl lo.

A ngai te bawkin Rainer te ṭhianho an rawn luh tak hnu hian boruak chu a ni nghal huk a, a bengchheng sawt hle bawk chutah vanneihthlak lutuk in Rainer a awm lo hlauh lehnghal! huizzz...

" Peter.... ka rei em?"

Nui lui sang chunga ka let leh nak chuan Peter chu a lo awm tawh hauh lo, mahse bang darthlalang vek a nih avangin pawn ah hmanhmawh taka a kal hlawk hlawk lai erawh ka va hmu hman thung.

Chair a ka bag let bal chu la in rang takin Peter chu ka um zui ve nghal hlawk hlawk a mahse pawn ka thlen meuh chuan ka hmu hman tawh lo.

" Sadie... "

Mipa aw ka hriat avangin ka hawi let zawk a, Shane an min lo um zui reng chu niin! min hmu lo mahse pawi ka ti lo asin.

"pawi ka ti lutuk... ka nau in Rainer chunga a thil tih avang khan "

Hahh!!  Carla kha Shane farnu maw lo ni a! Rainer leh Carla te hi hun rei tak aṭanga lo in hre tawh an ni tih ka hriat hnu phei hi chuan a hma aiin ka na zual zawk.

" Chu chu ka hnenah sawi suh " ka lo ti bah nuai ringawt, engpawh min hrilh mahse a tlai tawh lutuk engmah siam ṭhat theih a ni tawh lo.

" An inkarah engmah a awm lo ania"

Confi lutuk a a sawi ngam chu mak ka ti zawk,tak tak nise ka ti takzet bawk mahse an inkar ah enge maw awm lo se engvangin nge Rainer khan a fawh!!... urghhh engmah hi ka awih tawh dawn lo bum in ka awm nawn tawh dawn bik lo.

" Shane....an inkarah thil lo awm pawh nise eng nge pawi, an chungchang hi ka lo buaipui tur a ni love "

Nui lui sak mah ila ka mittui chu a tling nghal pum a ,Shane an thil dang a sawi leh hma chuan ka inher daih a amah hnungchawng zawngin hma lam pan chuan ka kal nghal nal nal a, min koh ri pawh hre reng mah ila ka hawi let duh tawh lo.

Ka û tih lawm nan hrim hrim nidang zawng aia hma ah chuan ka haw a, inah ka luh phei chuan ka û chang nilo in a ṭhiante ho pawh chuan mak an lo ti hle nghe nghe.

" Sadie min rawn zawm ve nghal rawh " Kendra chuan a lo ti nghal var a, ka û mitmei veng ru ran chung chuan ,"khawiah ?" ka lo ti nghal .

" pawnah sawn pool party kan nei a ....kan ṭan deuh chiah "

Ka û in va zawm ve a phal nge phal lo tiin ka va melh hrak a ,a hmelah phallo hmel a put tak loh avang chuan ," ka han inthlak ange " tiin ka chhang let a.

Nimin aṭang khan thil mumal ka ei loh bakah ka mut mang loh avangin dark circle ka nei kulh tawh a, chau hle mah ila ka û in min rin leh theih nan chuan a bula awm tam hram hram ka ngai .

Ka tui chenna bra chu ka ha a hnuai lamah erawh kekawr bul mawng khuh chang chang ka ha thung .

Pawn ka chhuah meuh chuan ka putea chuan eng eng emaw ni hi a lo hem vut vut a (BBQ),ka û te ṭhian ho mai piah lamah an bialnu te niawm tak tak pawh an awm nual .A ṭhen tui an cheng a, a ṭhen an lam thul mahse family party anih vang nge rui buai tih vel an awm lo thung.

"Sadie kha heihi ei rawh "

 Nu Madilyn chuan a lo ti nghal zung zung a mahse engmah ei chak ka neih loh avangin ka ei ta lem lo.

Ka thil tih engmah a tui loh avangin putea eitur siamna bulah chuan ka lo ṭhu ngawi renga, ka rilru aṭangin Rainer hi ka paih bo theih thlawt lo chu a nih hi.

" Bawihte nuam i ti lo em ni? "

Ka û aw ka hriat chuan ka phu deuh zawk mai, nidang chu nise mak ka ti lo ang mahse a chungah khatiang thil ka tih hnuah pawh min haw miah lo a ni tih ka hriat hian ka hlim takzet mahse a hma ang erawh kha chuan min ring mai mai tawh dawn lo tih erawh ka hre kar.

"ai.... nuam ka ti lutuk "

"hla saw i ning em ni?  ka va off tir ange"

" nilo... angai lo, û... " ka lawm em avangin ka kuah nghal vawng vawng a.
" ka tihpalh " ka ti zui sap bawk.

" keipawh.... ka rawn thlen har em avang khan ka tihpalh "

Ka û nen kan inkar a ṭhat leh takah chuan ka thaw deuh huai mai, unau tih takah kan in tibuai rei thei meuh lo chu a nih hi amaherawhchu ti lang lo mahse a rilru erawh ala dam tak tak lo.

Chhuanlam eng eng emaw siamin ka room lam ka pan thei hram, thil ka ei loh luatah ka pum a nat phah lehnghal, ka pum na a reh takin tiin apple chu ka ei chho niap niap bawk a mahse ka kâ a tui loh em avangin tam pawh ka ei lo.

★6 am ★

Zan ka mut ṭhat theih loh avangin hma takah ka harh a, ka tho mai peih loh hnuah dar6 ah chuan ka tho chhuak ta nge nge a , ka pum bawk chu a rawn na leh tawh.

Inphih fai hmasa lovin inhnuai ah thil eitur in ka chhuk thla chhat chhat a mahse engmah eichak ka neih loh avangin fridge a cake chu a hming lekin ka ei a, ei tam lo mah ila puar angin ka in hre tho.

A hma aiin Braydon a strict tawh bawka college thleng chu min thlah thlap a, hna thawh tur a neih avangin a let leh nghal vat bawk.

" Peter.... "

 Laboratory ah Peter a awm ringin ka lut tlang nghal mahse ka koh rual rual chuan a thil tih lai dah in Peter chu tlanchhiat a tum ta mai!!

" engthil nge maw i hriat le? " tih pahin a tlanchhuak tur chu ka va dang nghal, a hlauthawng bakah a thau bawk nen a thlantui in a bual huh hluam mai.

" Sadie...engtin mah min ti suh, khawngaihin min kal tir rawh "

 a hlauthawng a ni tih hai rual a ni lo... nilo kei hi min hlau a ni zawk mah, chutah ṭah a tum ta mai a awmdan avang chuan sawi mai tur pawh ka hre lo.

" Engtin nge ka tih ngawt ang che? "

" Min kaltir rawh " ngen tak meuh in min ngen tawh.

" Thil awmzia i sawi phawt loh chuan i kal lovang "

A hma aiin kan inti hlauhawm lui a, hetianga ka tih loh chuan engmah a sawi dawn lo.

" Sawi rawh " ka ti vin leh hlar a.

"Rainer leh a ṭhian ten hnaih tawh lo tur che in min ti alawm... ka hnaih leh che a nih chuan min sawisa dawn a ni "

" Enga!! "

Rainer leh a ṭhiante maw!!  mahse he thil hi engvangin nge an tih.

" Sadie.... khawngaihin ka bulah awm tawh suh, min kalsan rawh "

A hlauthawng lutuk hmel ka hmuh hian a ti der thei lo hrim hrim chubakah hemi te ho hi engkim ka zawh fiah vek angai,an lo ti tak tak a nih chuan ka ngawi mai mai bik dawn lo .

Ka thinrim bawk nen Peter ka khawngaih bawk nen inseh ruh ṭun chung chuan Rainer te ṭhian ho hmu tur chuan ka kal nghal vang vang a, an ṭhianho ka tih tawh kha Rainer erawh hmuh ka tum hauh lo.

Chutia khua pawh hmu lova ka kal hlawk hlawk lai chuan Nolan a rawn lang hlawl mai mahse tih tur dang ka neih avangin hmu lo ang maiin ka kalsan nghal.

" Sadie.... khawiah nge i kal dawn classroom chu helam pang hi alawm " tih leh min rawn zui a rual a.

"Hemi te ho hi ka nun aṭangin bo se ka duh " ka lo ti hmuk hmuk ringawt.

" Rainer maw? " min rawn umzui zel chung chuan a rawn ti a, a ring dik nghal chat bawk.

Chhang lovin Rainer te ṭhianho awmna ṭhin lam chu ka pan zela mahse tum loh deuh maiin room kawngka bulah Carla in Rainer hnung lam aṭanga a kuah chawt chawt lai tak chu ka va hmu ta thut mai!! 

Pen leh turin chakna ka nei tawh lo, men phawk nghal kawk pahin Nolan nen chuan kan ding nghal chawt bawk.

An awmdan chu chet nachang pawh hre lovin ka en reng a , ka thin zawn mai pawh nilo ka awm vel zawng zawng hi a na in a rawn tawt nghal up up a ,thawk a harsa in ka thinlung hi tham nawk nawk ang mai hian a rawn na nghal ut ut bawk .

" Sadie kal ang "

Nolan'n tih vin hluk pahin min rawn hmuh hma chuan min pawt let nghal dawr dawr a , naupang chhia ang maiin melh ngai melh ngur ngur pah ka zui zel tawp.

Mi awm lohna lai kan thlen chuan min kaihna chu phelh in min ngaihtuah tih hriat tak hian min rawn kuah nghal vawng vawng a mahse ka lo inla hrang nghal vat thung .

"Engtin mah ka awm lo min ngaihtuah suh " khik luih sak pahin ka lo ti hul hak a mahse Nolan ngaihdan a nih loh hmel ngang mai .

" ṭap rawh.... i rilru a nat chuan ṭap mai ta che ngatinge paukhauh tak anga lan i tum reng " min tih khum zek a, mahse rilru na lo ang maiin hian ka lo nuih liam mai mai ringawt .

" Sadie.... i lungngai hmel hi hmuh leh ka duh tawh lo tun aṭang chuan duh lo mah la i kiangah ka awm reng tawh ang " tih vin hlar pah chuan kal daih a tum a mahse ka ko hman.

" Nolan... " a ding nghal chawt a.

"minute khat chiah ka mittui hi ka ti tla thei angem?"

 ka tawt em avangin ka dil ta ringawt a, ka ṭah a chhuak a ni tih a hriat avangin ngawi rengin bang ngheng in a ding nghal a, kei erawh bang phenah ka ding daih thung.

Tah pawh ka duh lo,ka hmui pet fan fan chung chuan ka mittui chu a rawn luang nghal zung zung a, Nolan an ka thawm a hriat ka hlauh avangin ka kâ ka hup tlat bawk .

Carla leh Rainer te awmdun lai ka mitthla apiangin ka awm chu a rawn tawt zual sauh a, hetiang anga awm hi duh lo hle mah ila ka mittui a tla zel bawk si. Hetiang anga chak lo taka ka awm hian ka in haw takzet.
______________________________________________

★1 week later★

Kar khat chhung ngawt thil ka ei mumal tawh loh mai bakah ka mut ṭhat theih loh avangin ka hmelah a rawn lang chhuak ṭan tawh a, engang pawhin rilru na lo angin awm tum teh mah ila Rainer leh Amira chu sawi loh Carla nen pawh ka hmuh tel zeuh zeuh reng avangin ka pangngai thei meuh lo

Read More