June 11, 2018
Chapter-41
.
"Alexa ....Alexa"tiin ka au zel bawka, a chang leh chhuak rawh ka lo ti kher kher kha ka inchhir leh thul.
" Ale..." ka au leh tur chuan leia a tarmit lo tla bal ka hmuh chuan ka ding nghal chawt ringawt. He tarmit hi Alexa ta ani tih ka hai hauh lo a chhan chu a sir ah dragon lem sticker a bel vang ani.
"Alexa... " tarmit chhar pah a ka pen leh chiah chuan kawng thlang lamah tuihawk nen ka tleng thla ta pur pur mai!! ṭe thlak rawng rawng pahin hnim leh thingṭang te chu ka tawn thla pawp pawp a, han in ham tang tum teh mah ila ka vawn ngheh hman ngang loh avangin ka tawlh thla zel mai bawk si,ka mangang tawh takzet,ka thi ngei dawn anih hi !!.
.
Thui fe ka tawlh thlak zel hnu chuan tuiah ka tla thla ta bawrh mai, tui ka hleih thiam loh avangin thei leh thei lo in ka han in hai ve nawk nawk a, vanneih thlak lutuk in tuifawn in lungpui lian zet bulah min len phei hlauh mai chutah zet zawng ka in man bet nghet ta kher mai.
Tui ka hak nasat em avang chuan khuh bawrh bawrh pahin ka bawk hle hle a,che tur pawhin tha ka nei tawh lo. Ka hlauthawng bawk nen ka tha pawh ala khur der der mai.
Minute 10 vel zen zawn ka bawh reng hnu chuan tui ah ka ke lam ala inchiah bawk nen ka vawt ti lutuk chu ka khur der der a,hetiang ang hian ka awm reng thei lo ani tih ka hriat avang chuan thawh tumin inben kan ka han tum zeta ka ner nghal sawk ringawt.
.
Ka ban a nat em avang chuan ka han en nghal vata,ka kutzungchal chen velin alo kak chu niin ka jacket lah a thler vek bawka, thisen a kai hnuang lehnghal.Keima thisen ka hmuh takngial pawhin ka mit a vai nghal ruai thei alawm chutikhawp chuan thisen hi ka ngaina lo.Na pawh a sawi theih tawh loh thei leh thei lo in ka han in beng kang hram hram a, ka awmna hmun hi ka hriat tawh loh avangin a rang thei ang berin kawng ka hmuh vat angai.
"Alexa.... " he ramhnuai a awmchhun anih avangin ka han au leh vak thin na in rannung hram bak thawm dang hriat tur a awm lo.
.
Beidawng tak chungin ka ban dawm ṭai chung chuan hma lam panin ka bai saih saih a, ka khel ka sawh nat deuh avangin ka duh ang pawhin ka kal ṭha hlei thei lo.
" Alexa... "a khat tawkin ka au reng bawka, ka mangan tawh em avangin ka mittui pawh a rawn far leh fap thin,ka rilru te te chuan damin ka haw pawh ka inring tawh lo.A chang leh midang hmuh miah loh a ka chhuah ruk avang khan ka in inchhir leh thul mahse thil thleng tur ang zawng zawng chu a thleng fel vek tawh, engmah siam ṭhat theih anih tawh loh avangin kawng ka zawn hmuh vat angai.
.
Ruah lah chu a sur cherh cherh renga, khawpui lah a ri chawl lo bawk nen han tawm hul na mai tur a awm bawk si lo ṭhut tawpa ṭah chhuah hawm hawm ka chak takzet.
Chutia thlabar tak chunga ka kal chhat chhat lai chuan ka hnung lam aṭangin, "ding rawh "tih leh silai inload ri ka hre zui zat bawk, rang lutuk in ka banphar nghal vata, thawk pawh ka thaw ṭha ngam tawh lo.A aw aṭangin min rawn la hnaih lutuk lo ani tih ka hre nghal, mahse engtin nge kei hi ka tlanchhiat hman tehlul ang.
.
"rawn hawi rawh " a tih takah chuan muang changin banphar reng chungin ka han hawi phei a,a hmai a tuam vek bakah lukhum a khum tlat avangin a hmel ka hmu thei lo.
"khawngaih in min kap suh... "ka ṭawng chhuak thei chu ka in awih lo lek lek zawk!!
Ka hmel a hmuh takah chuan a silai ken lai chu a dahthla a, min rawn pan hnaih pahin a hmai khuhna an phelh chiah chu Arden lo ni rengin!!ka lawm lutuk chu ka hnuk a ulh leh tlat peka, ka mittui a rawn tla nghal zung zung ringawt.
"Arden.. " ka tih rual rual chuan nghet takin min rawn kuah bet nghal thlawp a, kei lah lungchhe sa bawk nen ka ṭap chhuak nghal hawm hawm bawk.
.
"engtin nge helai hmunah te i awm theih... camp ah him taka awm tur i ni asin "
"ka... ka... " ṭawng pawh ka ṭawng ṭha thei lo,insum hram hram tumin ka han in hnit hlawp hlawp leh rih ṭhin,hetiang anga nghet taka min kuah hian ka thla a muang in ka dam nghal sawng sawng thei nia mawle.
"i ṭha em? " a tih chuan ka lo bu nghat a,mahse ka ban kak a hmuh takah chuan a hmel a rawn danglam nghal vek anih chu!!
"heihi tu tih nge.... min hrilh rawh tu tih nge? " a hmel aṭangin a thinrim ani tih hai rual ani lo.
"ih.. ka... ka... tuihawk in min len thla a " ka tih takah chuan a hrethiam nghal mai in ka hria.
.
"ngatinge i room ah i awm mai loh....engvangin nge ramhnuai ah te i rawn kal? " tih pahin ka jacket thler hnuang tawh chu min phelh tir a,ka inrin loh lai takin ka tank top chu a rawn pawt thler ta thut mai!!
"engthil nge maw i tih le?"bra chauh ka hak tawh avang chuan ka veilam in ka han inkhuh ve ṭang ṭang tak na in min hmu vek tho.Ka tank top in ka ban uluk taka min tuam sak lai chu ka lo thlir renga, min ti na in min hliam fo ṭhin mahsela ka mamawh laiin a rawn inlan vat ṭhin thung.A tuam zawh chuan a jacket chu phelh in min rawn hak tir nghal vata ,Ka kut ka duh angin ka chet thei lo bawk nen min hnehsawh takzet.
.
"na ila nei em? "
"aih.... "
"na i neih chuan min hrilh vat ang che " a tih chuan ka lo bu nghat a,
"kan kal vat angai...."
" maw!! "
"bengchheng suh " tih pahin min kai nghal dawr dawr ringawt.
"engtin nge hetah ka awm tih i hriat? "
"camp kan luh vat angai..."
"mahse.... mahse engvangin nge he ramhnuai ah hian i awm? ,engvangin nge silai i ken? chuan engvangin nge i hmai i tuam?" ka tih zawh rual rual chuan a ding thut a, ka hmuiah a rawn fawp thut ringawt!!
.
A aia duhthawh in min rawn fawp dawn emaw ka tih laiin min rawn nuih suk pah chuan, "i ngawi thei tawh angem ? zawhna min zawt tawh suh " tih pahin a kal nghal nal nal anih chu!!keilah lah min rawn fawh avang khan ka lo danglam leh vek pek tawh.Mak tih hmel takin ka hmui khawih pahin Arden chu ka zui leh ta ringawt a, hetiang anga min ṭhawn thut thut reng te chuan ka lungphu pawh a buai vek thei ang.
"umm.... Alexa.... " ka ti chiah chu thingbul ah ka in chhuih khut a,ka ṭhingṭhi nghal rawp bawk.
"fimkhur rawh" tih pahin min rawn kai tho nghal lawp a,uluk takin ka inhliam leh hliam loh a rawn endik nghal vat bawk.
.
"a na lo... ughh.... saw saw ka chhuih palh alawm mawle " tih paha ka hawi kual vel lai chuan ka piah lawkah ruang ka hmu ta thut mai!!
.
Follow me on IG - @remruati_b
Chapter-43
FOLLOW ME ON IG @remruati_b
.
FACEBOOK - Haylor Sept
.
Chapter-42
.
ṭe tuarh tuarh pahin Arden chu ka va kuah nghal thlawp a, nghet takin a kawngah ka bawp ka khawkher tlat bawk.
"ruang ....Alexa ruang " tih pahin a awma hmai hnim phum pah chuan ka tal nghal vak vak a, ani erawh in nghet takin min lo pawm bet tlat thung.Ka thil hmuh kha ka awih thei chuang lo,Alexa a thi amaw!!!! ka rilru ah zawhna tamtak a rawn lang nghal zut zut mai.
Alexa hi engtia thi nge? tu thah nge ni ta ang?
Ka hlauthawng bawk nen Arden awmah duhtawk in ka ṭap nghal hlawp hlawp bawk. Rei fe min pawm pah a min hnem nan tiin ka sam a chul heuh heuh hnu chuan ka bengbul ah zawi sap in,"ka awm hi " a rawn tih takah chuan ka thla a muang nghal huai mai.Mahse ruang kha ka hmuh chian em avangin ka hawi chhuak mai ngam lo,ka hlauhthawn avanga ka thinphu ri dup dup te pawh ala reh hek lo.
.
"Alexa... Alexa hi engtin nge a thih theih?" amah kuah tlat chungin ka han ti leh sap a, min chhan mai dan tur a hre bik lo aniang nghet takin min rawn kuah leh ringawt ṭhin a.
"hetah hian lo awm rawh aw " ka chhan lo avang chuan thawk lak hak pah in,"kan en fiah ange " a tih takah chuan ka lo bu nghat a, "engthil mah a thleng dawn lo" min dah thlak pahin ka chalah chuan a rawn fawp zeuh a, enfiah turin Alexa ruang chu a pan nghal vat bawk .
Ruang chu pen sawm vel leka hla a awm anih avangin jacket nghet taka ṭham pahin khur der der chungin Arden che vel chu ngun takin ka en ran a, ani pawhin ka awmdan a danglam nge danglam lo tiin a khat tawkin min rawn melh zeuh zeuh bawk.
.
Alexa pang chu ala lum deuh avangin a mar a la awm nge awmlo tiin a nghawng chu a han dep vang vang a,a mit a han chhin tir takah chuan hrilh nawn ngai loin a thi chiang ngei ani tih ka hre nghal.Chutah zet zawng beisei a bo ta map mai,hetiang anga ṭhiante ruang ka mit ngeia ka han hmuh tak ah chuan ka thau ah min man tlat peka, ka awm hle hle thei lo ani ber.
"Eng... engtin nge kan tih ang..?"min chhang lo chuan ngawi inrengin Alexa ban rek chu a han nuai nawk nawk a,a thil tih dan saw ka hrethiam lo mai pawh nilo in ngaihdan pawh ka nei lo.
.
Alexa ban rek a nuai takah chuan tattoo bial mak tak mai hi a rawn lang hlawl anih chu!! mak ka ti lutuk chu ka ding reng ringawt, ka awih thei lo khatih chhung zawng khan makeup in a tattoo saw alo khuh char char amaw!! Arden chuan a ipte aṭangin phone ang deuh mai thil dum hi a rawn phawrh chhuak a,chu chuan Alexa ban a tattoo chu a scan nghal zeuh bawk.
"kha... kha. .." tih paha ka va pan hnaih chuan "ding rawh " a rawn ti nghal tuarh ringawt.
"rawn kal hnai suh... i mit hup la lehlam hawi rawh "
" eng engvangin maw!? " ka tih rual rual chuan thawm kan hre ta thut mai!!,Arden en pah in ka beng chu ka chhi nghal hru a,ui bauh thawm anih avangin police an nih loh vek pawhin misual an ni ngei ang, thawm lah chuan min rawn hnai telh telh mai lehnghal.
.
Arden bula tlan phei vat pahin,"Police an ni ngei ngei ang tunah chuan kan him tawh "
"police an ni lo "Alexa kawr hak hlip pawp pahin a dul chu a han hmet vang vang a.
"engthil nge maw i tih le? "
"duhthlantur dang kan nei lo, lehlam hawi rawh " tih pahin min pawt her nghal sawk ringawt, kei lah ka lo lungawi lo ngang mai hawi let pah chuan "Engthil.... " ka ti chiah chu ka hawi let leh rang ngei mai,Arden an Alexa pum chu chemtein zai thler anih chu!!ka lu te hi a rawn hai nghal mup mup mai.
"bag hi hawng rawh "
"mmmmm... maw!!"ka hamhaih em avangin chet nachang pawh ka hre tawh lo, ka khawng vek tawh hi ani ber.
.
Amah vek chuan bag chu a hawng leh ta nge nge a,Alexa pum aṭang chuan thil dum lian ve tak hi a rawn phawrh chhuak nawlh ringawt, chu chu bag ah khung in a ak nghal thak bawk.
"kal ang "
"Anih ruang hi.... kan... kan kalsan thei lo ang "
"hun a awm tawh lo " tih pahin min kai a, min tlan pui nghal hlawk hlawk bawk.Zawhna tamtak awm mahse hun kan nei tawh lo, tunah tak hi chuan kan sahim na turin kan tlan char char angai.
.
Hah leh hah loh pawh a sawi theih tawh loh,hma lam panin kan tlan zela khua lah chu a thim ṭep tawh mai bawk si,kan awmna lah hi ramhnuai pilril tak tawm him na tur pawh awmlo rannung hram bak thawm dang hriat tur a awm bawk si lo,a ruk tak chuan ka mangang takzet mahse Arden ka kiangah a awm chhung hi chuan ka thla a muang ve em em tho.
"hetah hian ṭhu rawh ka rawn let leh vat ang " tih pahin tlema puk lai deuh ah chuan min ṭhut tir sauh sauh a,"khawiah mah lo kal suh ang che" tih pahin min tlansan lehnghal daih anih chu.
.
Bengchhen na chi ani tawh bawk si lo,bang ngheng chung chuan ka ṭhu tawm ran a ,ka hah em avanga ka awm in sep lawp lawp te chu a rin loh nan tiin ka kâ chu ka hup tlat bawka,khua lah chu a thim vek tawh mai bawk si a ka hlau lutuk chu ka mittui a tling pam thei nia mawle.
Thawm engmah ka hriat tak loh avang chuan tlemin ka han inthlah dul ve deuh a,mahse ruah tla cherh cherh erawh in ka awm a ti nuam thei thlawt lo.Zan hmasa ang khan thli leh ruah sur leh vak vak ta se helai ramhnuai pilril a keimah chauha ka awm tur hi ka ngai ngam thei thlawt lo.
.
Chutia mit pawh khap ṭha ngam mang lova ka lo ṭhut khurh hlak hlak lai chuan chunglam aṭangin mipa pakhat a rawn zuang thla ta thut mai!! mahse Arden ani tih ka hriat nghal avangin rang takin ka ding nghal vata, nghet takin ka kuah nghal vawng vawng bawk.
"hmela engvangin nge min kalsan... "
"ka tihpalh "
"ka... ka hlauthawng hman lutuk asin....rawn let leh lo ta la keimah chauh a min awm tir i tum em ni ?"ka thinrim bawk si lawm bawk si hi awmngaihna ka hrelo ani ber.
.
Ruah a sur nasat deuh avangin puk ah chuan kan ṭhu ngawi dun renga, a banah nghet takin ka kuah tlat bawk.Kan awmna hi puk thuk tak anih loh avangin ruah in a rawn theh thei deuh bawk nen Arden jacket ha mah ila a ruk in ka khur der der tho.
"i ṭha maw? " ka ban na lai tih nat hlau tak siin nghet bawk siin min rawn kuah tlat a,a dara bei hle hle pah chuan,"engtin nge Alexa kha ni dawn?" tiin ka han zawt sap a,min chhan loh avang chuan amah en deuh pahin, "A pum aṭanga i phawrh chhuah kha enge ?"tiin ka zawt leh kher bawk.
.
"a vawt i ti em? "thildang daih a rawn sawi avang chuan chet hrut pahin ka lungawi lo ani tih ti lang tak chung si hian ,"drugs ani tiraw? " kan ti thawr maia, engvanga he thu hi ka kâ aṭanga rawn chhuak ve ringawt nge ka nih pawh ka inhre tawh bik lo.Min rawn en pah chuan kawchhung tawt lutuk thaw chhuak hawk ang mai hian a han thaw chhuak hak a mahse "umm... " tih bakin min chhang chuang lo.
.
.
Follow me on IG @remruati_b
Facebook - Haylor Sept, Remruati Bawitlung
.
A hmel chu ka en reng a, a sawi hreh hle ani tih ka hria mahse a awmdan aṭang hian min hrilh duh a nei ani tih ka hai hauh si lo.A khat tawkin ka chal chu a rawn fawp leh zeuh ṭhin a, Arden hi ka hriatchian em avangin hegtiang ringawt hi chuan a sawi chhuak dawn lo tih ka hria chuvang chuan ṭha taka ka zawh angai dawn ani.
"chuan umm....Alexa kha Sacramento a drugs rawn tawlh luh nan an hmang tiraw? " ka han ti leh sap a.
" umm... " tih bakin min chhang leh chuang lo, mahse thil thleng dan erawh ka man nghal uarh uarh thung.Alexa khan hmun dang aṭangin drugs chu a ril ah thukru in a rawn pai lut a ,amah lo pawh midang tamtak an awm ngei ang amaherawhchu eng vanga camp a rawn luhpui kha nge anih tih erawh Alexa bakin a chhanna a nei lo thung.
.
"muhil tawh rawh "
" awle "
Ni e, Arden an engthil mah min hrilh duh loh na chhan chu heng thil hi ka hriat vek chuan ka tan a hlauhawm tur zia leh ka hria ani tih midang beng a thleng anih vaih chuan tihna hial a thleng thei ani tih ka hrechiang hle amaherawhchu heng thil zawng zawng hi hriat vek ka duh,heng thil kan inkar a thuruk rawn tlazep tamtak te leh dawt nge thudik ani tih pawh thliar hran hram khawpa Arden min hnai tir thei lo tu hi ka hriatchhuah vek ka duh takzet .
.
___________________________________________
.
Sava hram ri neuh neuh ka hriat chuan ka han meng siar siar a, khua a lo var der tawh chu niin.Ham bai bai pahin ka mawng kham lutuk tih ziaawm nan ka han ṭhu ṭha deuh a,Arden awmah ka muhil ani tih ka hriat chhuah chuan ka khi nghal sek bawk.Ani erawh nghet taka min kuah chungin bang ngheng pah chuan ala muhil sak sak a, a kut veilamin silai a hum ran bawk. Engpawh lo thleng thut se hmang nghal vat theih turin alo in ring sa reng pawh ani mahna.
.
Arden muhil tui lai tih harh ka duh loh avangin amah thlir reng chung chuan ka ṭhu ngawi renga,a mithmul dum kak te leh hmui nalh zet te chuan mi â ang maiin min nuih tir leh vur vur ṭhin.Mahse duh angin thil a kal thei leh ta lo ka nghawng chu thil zum leh hriam taka vih zawk ang mai hian a rawn thip ta zawk mai!!,keilah tuar zuau tih takah Arden muhil lai pawh ngaihtuah hman lo lekin ka ṭe nghal ṭhawt a ka ding nghal zawt bawk ,Arden pawh ka ti harh chiang kher mai,in ring renga muhil ani bawka a harh rual rual in a ṭhut dan ngai ang ang a ṭhu reng chungin a silai ken lai chuan min rawn tin nghal zawt bawk.
.
"ka nghawng hi a thip lutuk " tih pahin ka han nuai leh nawk nawk ṭhin a,a rin ang hu thil a thleng tak loh avang chuan thawk halh pahin silai chu a han dahṭha leh te te phawt a,muang changa a rawn thawh ṭuih ṭuih avang chuan ka ngei ru hle bawk.
"khawi... " tih pahin ka kut chu a rawn paih thla sawk a,rawn kun hniam pahin ngun takin ka nghawng chu a han en vang vang a,"khuai in a zuk che anih hi " tih sap pahin a rawn fawp ta thut mai!! ka mur nghal chuaih ringawt.
"Eng... engthil nge i tih? " tih pahin ka han che deuh hrut a,ka ban a rawn vuan bet nghal vat,hetiang ringawt te hi chuan ka thinphu rang lutuk hi a puak darh vek thei mai ang.
.
"ka la chhuak tawh e " min rawn nuih vur vur pahin khuai zang chu a han chhakchhuak nghal vata, kei lah ka lo lai ve bawk nen ka hmai a sen lehnghal ṭawn ṭawn tawh.
"ka... ih... "
"kha heihian dep rawh " tih pahin lung lian vak lo phone tiat vel lek hian a rawn dep a,ruah nan vawh sa vek ani bawk nen a vawt nuam kher mai, ka nghawng sa leh thip lutuk pawh kha a zia nghal sawng sawng thei.
"i ban kha ala na em? "
" aih... "
" anih chuan min rawn zui rawh "tih pahin min kalsan nghal daih anih chu!! ner suk pahin ka zui ve nghal dawr dawr a, ka rilru te te in a bag kha a ak tawh si lova khawiah nge a dah ang le tiin ka ngaihtuah neuh neuh bawk.
.
_________________________________________
.
Darkar khat chuang zet kan inzui hnak hnak hnu chuan kan camp na hmun pawh kha kan thleng ve ta hlawl mai .
" saw....dinning hall chung ka hmu !!" ka lawm lutuk chu zuan pahin hla ve deuh taka dinning hall chung chu ka han kawk va va a, tunah chuan ka him ta ka thla a muang nghal huai bawk.
"haw mai ang.... ughh inah " Arden chu a kun nghal lap a, ka hlim ang hian a hlim ve lo ani tih ka hre nghal.
"ka haw daih thei hleinem "
"ka hrethiam e " tih pahin min kalsan lehnghal daih anih chu, hepa hian eng nge maw a hriat le?
.
Arden a rawn kal ve theih tak loh avangin midang an la mu vek bawk nen a ruk thei ang berin hmanhmawh takin si in room lam pan chuan ka tlan chho nghal hlawk hlawk a mahse inchhung ka lut chiah chu camp director leh secretary ka hmu ta thut mai!!
"Miss Garcia min rawn zui rawh " tih pahin camp director chu thinrim hmel takin a chhuak nghal daih a, camp secretary nen chuan kan zui chhuak ve nghal vat bawk.
Camp director room ka luh thleng pawh chuan engvanga min ko thut nge ani tih ka la hre chuang lo.
.
"nizanah khawi room ah nge i riah? "
"ka... ka"
"dawt min hrilh tum hauh suh ang che " tih pahin dawhkan chu a han beng ri nghal ṭhuai a, ka phu nghal zawk bawk.
"ka.... ka tihpalh lutuk " thil thlen dan kha ka hrilh anih vaih chuan hei aia buaina nasa zawk hi a thlen dawn avangin midang room ah ka riak angin hria se a ṭha zawk.
"camp dan i bawh chhiat avangin camp aṭangin hnawhchhuah i ni e "
" maw!! "
"inpack la...Mark (bus driver) an a thlah haw ang che "
" mahse... ka "
" pawi ka ti lutuk.... principal thuchhuak ka hnial thei lo "
.
Insawifiah in awmzia a neih dawn loh avangin, "ka tihpalh lutuk" tih pahin ka kal nghal hna hna a,kawngka ka thlen chuan hawi let pahin, "pu Robin...engtin nge room ah ka awmlo tih i hriat? " tiin ka han zawt leh ngat a, ani erawh chuan, "khawi hmunah pawh awm la report tu tur che a awm ani tih hre reng ang che "alo ti sam et bawk.
.
★
★
.
Ngawi rengin pawn lam thlir vauh vauh pahin ka rucksack pawm ran chungin truck ah chuan ka chuang bauh bauh a ,haw ka hreh vang pawh nilo in Alexa ruang khan ka awm a ti nuam thei thlawt lo.
"Zero i hmu tawh em? " ka tih chuan pu Mark chuan mak tih hmel takin min rawn melh nghal kawk ringawt, a ngaihna a hriat loh hmel takzet.
"awlsam taka hmuh theih chu nise an man daih tawh ang "
"anih a sual viau em ni? "
"ka fanu chu nila hetiang thil hi sawi lo turin ka ti ngei ang che " tih pahin min rawn nuih suk a ,fiamthu ang takin sawi mahse a hmel ah erawh a thutak zia hai rual ani lo.
.
Chutia ngawi renga kan tlan zel hnu chuan kawng lai taka Lamborghini dum lo ding reng avang chuan truck chu a ding nghal chawt a,horn a han pek takah chuan car kawngka chu a rawn in hawng a Arden a rawn chhuak ta mai !!.Mak tih hmel takin ka ang phuau chungin ka lo en reng ringawt.
"ka lo phur ve tawh dawn em ni? " kawngka rawn kik pahin pu Mark hnenah chuan a rawn ti a, pu Mark chuan alo phal lo nasa.
"i seat belt kha hreng nghet rawh " a rawn tih takah chuan min chhan nan chuan car saw sut chhiata tlan tlang mai pawh a pawisa tawh lo tih a hriat reng.
"nilo ..." tih pahin a steering chu ka va vuan nghal vata,"ka hmelhriat a ni.. " ka tih takah chuan Arden chu a zuk en vata, ani lah chuan ngeiawm zetin hnehtu in tih hmel takin alo la nuih suk zui.
.
FACEBOOK -Remruati Bawitlung / Haylor Sept
.
Chapter-44
.
"pu Mark ka lawm e ...." tih pahin kawngka chu ka hawng nghal vata, Arden chuan ka bag rawn lak vat pahin min pawm thla nghal vat bawk.
"him takin thlah haw ngei ang che"
"tehreng mai "
Kan awmdan hi a hrethiam ve deuh pawh ani mahna , min han hnial vak a tum bik lem lo.
Ka bag chu car ah dah lutin kawngka chu min hawn saka ka lut nghal vat bawk. Kawng block a ding kan nih avangin Arden chuan a han side nghal vata, Pu Mark pawh chuan min rawn tlan pelh pahin nui vur vur chungin fiamthu deuh hian salute a rawn pe zui zeuh bawk.
.
"khawiah nge kan kal ang? "
"ka haw ang " ka tih chuan a sana zuk melh zeuh pahin ," dar9 chiah chiah....ala hma lutuk"a ti zui sap bawk.
"mahse.... " ka jacket hak lai chu a rawn pawt thla pawp a lo ṭang deuh ṭuk pah hian ,"engthil nge maw i tih le? " ka lo ti vin ve nghal hluk bawk.
"ka tuam ang ang khan i la dah elaw? "
"hun ka nei hleinem....camp aṭangin min hnawh chhuah hi "
"a pun anga sin....hreptak chuan ..."
"ka hliam ania... ilo buai ve na tur a awm lo " ka tih takah chuan Arden chu a thinrim ta kher mai.
.
"urghhhh..... " tih tuarh pahin car steering chu a beng pawp a, pawnah a chhuak nghal daih bawk.Kei lah ka lo luhlul ve bawk nen lehlam hawi hmak pahin ka jacket chu ka ha ṭha nghal sawk sawk a, motor dang rawn tlan se chuan ka chuan san daih ang mawle.Hetiang anga awmze nei lova Arden a thinrim ṭhin hian min ti lungawi lo takzet, thil ho te te ah a thinrim vaka a chang chuan min huat deuh na a nei emawni ka ti hial.
.
Minute 10 dawn chutiang anga kan awm hnu chuan ruah in rawn sur a tum ta mai, khawpui ri dur dur te leh khaw dur khup te chuan a ti thinrim zual sauh emaw tih mai turin rawn luh reng reng a tum hauh lo.A tawp a tawp ah chuan side glass down pahin ka va dakchhuak ta nge nge a,ani lah chu naupang chhia ang maiin lung ṭhil alo la chhir mai mai chu niin ,a awmdan chuan ka nuih a ti za leh hnuhnawh .
"Arden... " tih pahin ka chhuak ta ringawt a, hria ang pawhin a awmlo.
" rawn lut rawh ruah a sur dawn nia.... " min chhan loh avang chuan luh leh mai ka han tuma mahse, "cheng dun ang " a rawn tih thut takah chuan ka ding nghal chawt ringawt,ka mak ti hmel hi hmu se chuan min nuihzat ngawt ang .
.
" Engmaw!! " mak tih hmel takin ka hawi let nghal haw, ka thil hriat kha ka awih thei lo Arden an chengdun puiah min sawm amaw!! Tina... i mumang ram aṭang hian harh chhuak vat rawh.Ka mit ah tak min en reng chung chuan ka hma ah tak a rawn ding ran a,ka tawlh hnung hrut avang chuan ka ban rawn vawn pah chuan,"cheng dun ang "an rawn ti leh mai chu khawvel hi a vir nghal muai muai in ka hria.
" ka... "
"tunah thutlukna i siam nghal kher angai lo ang "
" mahse... ka... ka theilo "
"tunah min chhan nghal kher angai lo ka tih tawh kha " tih pahin car ah a lut hmak anih chu!!a thinrim vang nilo in ka chhuanlam a ngaihthlak peih loh vang zawk ani.
.
_____________________________________________
.
★7:30 pm★
.
Kan camp na hmun a hlat mai bakah ka ban kak dressing ṭhat tir turin damdawiin a kan kal leh te te avangin in ka thlenmeuh chuan dar7:30 alo ri der tawh.Arden an ka bag a lak chhung chuan chhuah pawh tum loin car ah chuan ka la ṭhu reng a, diktak chuan Arden hi engtik ah nge ka hmuh leh dawn pawh ka hriat loh avangin kalsan ka hreh takzet.Kawngka min rawn hawnsak takah chuan amah melh zeuh pah chuan ka han chhuak hna hna a,"ka lawm e " tih sap pahin ka bag a khai lai chu han laksak mai ka han tum a mahse ka khai hma in alo khai sawn nghal hrut ringawt.
"ka bag "lak tumin ka han ban leh zuau a nuih vur vur pahin sang takah a khai nghal daih anih chu.
.
"engthil nge maw i hriat le? " tunah tak hi chuan infiam mood ah pawh ka awm lo.
" lak han tum chhin la "
"ka peih lo"ngeiawm zetin ka lo in kuahkuah ve hmak bawk,ka ban a na tih a hre reng sia hetiang anga min run luih hi chuan runluih ve hmak mai tur.
"anih chuan eng thil nge awm kan en chhin ange " tih pahin ka bra jade in heihi a sexy keng ngei ngei rawh a tih ngei mai chu a rawn khai chhuak ta nawlh mai !! Lalpa leh !! engvanga a chung bera lo dah kher kher nge maw ka nih le !!..... ka zak lutuk hi khuk ral chem chem mai ka duh.
"khawi min rawn pe vat rawh " tih pahin ka han zuan leh vaka, hetiang anga sanga a ken tlat te chuan kei a dar pawh chen lo hian engtin nge ka lak thei ang.
.
"nui phawt la "
"hmela min pe vat rawh "ka tihngaihna hre lo chuan ka rucksack in a ban ah ka han vaw vak ringawt mahse min rawn la nuih vur vur avang chuan ka thin a ti rim zual hle.
"anih chuan nei rawh "
"i ti tak tak em? " tih pahin a ṭhing kher anih chu!! keilah ka lo thinchhe ve bawk nen ka bag chuan vuak leh ka han tuma mahse ka ban ah a rawn vuan hman, ka kut chu ka hnung lamah a vawn beh tlat avangin rum zeta melh pah chuan ka han talh aih aih a, in min rawn nuih suk pahin ka hmuiah a rawn fawp zeuh ringawt, ka kut lehlam in ka lo namsawn rang ngei mai.
.
"i duh na ah chuan i ban tha pawh a chak hle mai " ka bra lah chu a rawn la khai vu vu zui,a ṭawngkam ngeiawm zet te leh bra vang mai mai a thinrim ka ni tih ka han ngaihtuah let leh chuan ka nuih a za hnuhnawh leh rauh peka,
"a pawimawh viau em ni " a tawp a tawp ah chuan, "nghal lutuk mai " tih pahin kan in nuih vur vur ringawt.
"Jade vang vek " tih sup pahin bra chu ka pawtthla pawp a, bag ah ka khung ṭha nghal thak bawk.
.
Chutia Arden nen kan lo awmdun mek lai chuan ka pa pawh a rawn thleng hlawl mai,car garage ah pawh dah lovin Arden nen kan awmdun ani tih min hmuh rual rual chuan car aṭangin a rawn tlan chhuak nghal vata,"nilengin khawiah nge i kal?" tih pahin min rawn kai hrang nghal vat bawk.
"ka pa "
"in camp director in zingah min rawn call tawh....in camp na hmun thleng thleng in ka rawn zawng che asin "
"ka... damdawi inah ka ban hi kan dressing ṭhat tir alawm.... "ka tih rual rual in ka pa chuan Arden jacket nghawnga ṭham nghal pawp pahin "hmela eng thil nge ka fanu chungah hian i tih "ha seh chilh ran hian a han ti a, an inmelh dun khai tawh mai bawk si, a tu ve ve mah tlawm an tum bawk si lo, Arden lah a lo duai duh bik hauh si lo hetiang ringawt hi chuan buaina liantham zawk a thleng thei mai ang.
.
"ka pa Arden hi thlah rawh "ka han ti tuarh a, mahse awmzia a awmlo.
"ka fanu hi vawikhat pawh rawn hmu tawh suh ang che "
"i fanu hi ka ta anih hi "
"hmela... " tih pahin ka pa chuan a hnek ta pawp mai!!, hetiang reng reng a ka pa thinrim hmel hi ka la hmu ngai lo, a hmel ah thinurna leh kutthlak chakna hlirin a khat veka,ka pa hi midang kutthlak mi anih loh mai bakah Arden phei chu a vawikhat hmuhna anih avangin hetiang anga a awm ta mai hi mak ka ti in ka pa anih ka ring lo hial zawk.Engvanga Arden chunga thinrim em em nge maw anih le? pa zaidam leh nunnem ti a sawi ṭhin khan insum zo lo in mi a hnek chu ani si a,engtiang chiaha thinrim nge maw anih le?
.
"ka thil duh min pe lo anih chuan i fanu hi ka laksak ang che "Arden an zah loh hmel taka a chhan avang chuan ka pa thin a thawk leh ta phat mai, hnek leh chu a han tuma mahse "duhtak naupang mai anih kha"Natalie ka hmu chiah mai chu ka mengphawk chiang teh e,hrilh hai hmel takin ka pa chu ka han melh leh a loh theih loh in ka mittui a rawn tling nghal pam mai ,Ka pa pawh chuan Natalie meuhin a sawi takah chuan Arden a ṭhamna pawh chu a thlah ve mai bawk.
"a pahnih in i neih ka phal ngai lo ang "Arden chuan a jacket siam ṭhat pahin ka biangah a rawn kawih zeuh a, "mangṭha le,kan inhmu leh dawn nia, "min rawn nuih suk hnu chuan Natalie chu a melh zeuh a, car ah lut in a tlan liam nghal vang vang bawk.
.
.
chapter-45
.
"duhtak i ṭha maw? "
" aw...pawi ka ti lutuk "
" engmah anih loh kha.... i hriatthiam an ngai ani naupang mai an la nih hi " tih pahin Natalie chuan min rawn melh kher anih chu.
"Tina.... khapa kha vawikhat mah hmu tawh suh ang che ... "
"henu hian eng nge hetah a rawn tih...ka pa henu hian a dawi â tawh che anih kha "
"Valentina...."ka pa in Natalie thlavang a hauh ani tih ka hriat chuan ka rilru a na kher mai, a fanu ai pawhin a ngaihsak zawk mai bakah a bulah hun a hmang tam zawk ania.Hetia ka din reng chuan he nu hma ah hian ka mittui ka ti tla mualpho mai mai dawn tih ka hriat avangin ka rucksack ah ṭhat sawk sawk pahin inchhungah ka tlan lut nghal dawr dawr bawk.
.
Inchhung ka luh rual rual in ka pi chuan, "Tina... i pa " engmah ka ngaithla hman tawh lo ka room lam panin ka tlanchho nghal dawr dawr a,kawngka ka kalh rual rual in ka nu ka call nghal vat bawk.Ka nu lah chu phone a pick up thei reng reng lo lehnghal ,"ka nu phone la teh " a tawp nan tiin ka han call nawn leh ngata rei fe a ring hnu in a pickup ve thei hram.
"nu... "
"Tina bawihte.... ka buai lutuk nakinah ka rawn be leh mai ang che "
" minute khat chiah "
"awle.... sawi rawh " sawi ka tum ka kâ ka ang hman zuau tawh tih in mipa pakhat hian *,'bawih tunge ni a ?'* a tih ri chu ka hre ta thut mai!!
.
"tunge kha pa kha " ka rilru in Nilo... ka nu hian ngaihzawng a nei thei lo ang tiin ka ṭawngṭai nghal char char bawk.
"ih...engmah ani lo "
" ka nu... bawih a tih che kha " ka tih chuan thawk a han la nghal kawk a second 3 vel a reh vang vang hnu chuan ,"Tina... ih englo ania hrilh che ka tum reng alawm "
" ka nu.... "
"hriatthiam tum teh kum10 lai anih tawh hi i pa nen kan inṭhen na pawh"
"engchu maw ka hriatthiam anga.... ka pa nen in in neih leh theih nan theihtawp ka chhuah ani tih i hre vek ani lawm ni? engtin nge ka nau te pahnih hi ni dawn? an la naupan em hi "
"ka enkawl reng dawn alawm... bakah i pa pawh a awm alawm... "
" engtin nge chutiang chuan i ngaihtuah theih zawk, ka haw lutuk che... ka haw takzet che " phone dah hmak pahin khumah ka bawk nghal thlawp bawk.
.
Tunah tak hian duhloh leh hlamchhiah ni ang maiin ka inhria,ka nu leh pa te lah chuan kan unau pawh min ngaihsak lek lovin midang an buaipui zawk ania,min hmangaih tak tak lo anih hi.
.
___________________________________________
.
"Tina... Tina " kawngka rik karh karh ri chuan min ti harh zawk bawk ,ka han hawi kual vel chuan khua alo var der tawh chu niin nizan khan ka mutthilh lai pawh ka hrelo reng reng puan lah ka sin lo a,ka ṭah na ah ka mit chu a bui chur a ka lu lah chu an na em em mai lehnghal. Ka pi in min koh tak reng avang chuan phur lo zetin ham bai bai chungin ka tho chhuak a, kawngka chu ka va hawn ta nge nge a.
"Breakfast.... "
" awle.... " vawin te chu summer camp a awm avangin school kal pawh angai tawp si lova engvanga min kaitho hma em em nge maw anih le?
.
Ka inphih fai hnu chuan breakfast ei turin inhnuai lamah ah ka chhuk thla chhat chhat a, ka pa ka hmuh chuan ka ding nghal chawt ringawt diktak chuan ka mood a off nghal vek ti ila ka sawi sual lovang.
" morning "engmah thleng lo ang maia a awm tlat avang chuan engvangin nge ka hriat reng bik ang,ka pa chungah hian ka thinrim reng tur ani lo bakah Natalie a hmangaih miau si chuan keipawhin pawm ka tum hram hram tur ani.
"morning... " nuih suk pahin dawhkan chu ka kil ve nghal vata,ka pa chuan orange juice chu ka no ah a rawn thli nghal vat bawk.
.
Minute rei pawh ka ṭhut hma in ka pa chu a tho nghal tharh a,"kan kal tawh mai ange " tih pahin ka biangah chuan a rawn fawp zeuh a, hmanhmawh takin a tlan chhuak nghal dawr dawr bawk.
"i pa kha a kal tawh em ni....? " tih pahin ka pi pawh in dawhkan chu a rawn kil vata,"ka tlai hret ani, thil hrilh tur ka nei asin" tiin ka lo chhang sap ringawt.
"eng chungchang "
" umm.... Natalie "
"chu.... i pawm tawh tihna em ni? "
"ani mai aniang chu.... ka pa a hlim chuan ka hlim ani mai "
"haha.... kan dan theihloh thil hi alo awm leh ṭhin a tin ni,chuan camp chu..."
" ka pi.... khami chungchang kha chu sawi lo ang "
"awle awle....keipawh office ka kal alo hun leh der tawh,kuminah ka retire tawh dawn bawka nuamsa deuhin ka awm thei tawh ang chu "
" ni e... " ka lo ti sap a.
.
Khua a dur khup avangin ka pi kal tur chu, "nihilap ken theihnghilh suh aw " ka han ti zeuh a, ka thil sawi ho te pawh chuan a ti hlim takzet ani tih a hmelah hai rual ani lo. Ni e, ka pi nen hian kan in mil lo in ka in hau buai fo mahse inah a awmloh hi chuan a reh in a kim lo riau hian ka hre ṭhin.
"ka rawn haw leh vat ang... in hi lo chhuahsan suh ang che "
"naupang ka nih tawh loh hi " tih paha kan hawi let chiah chu kawngka bulah ka pi chu a awm dawm chungin a ṭhingṭhi ta rup mai!!!
"ka pi.... engtin nge i awm? " au tuarh pahin ka tlanphei nghal vata, ani erawh chuan thei leh thei lo hian min rawn melh sar sar a, min rawn nuih suk pah hian "ka ṭha leh mai ang" ti chuai raih chungin a maimichhing nghal siai siai bawk.
.
___________________________________________
.
2days later
.
Ka room tukverh a dah chhuah vauh vauh pahin ka melh ngai chu ka melh renga "ka ṭha leh mai ang " tih ṭawngkam ka benga ri reng chuan ka mittui a far tir leh ṭhin,kha tih lai khan ka pi hun hnuhnung ber ani dawn ani tih hria ila a chungah ṭhat ka chhuah deuh tur."Ka ṭha leh mai ang" ti chung si khan min kalsan a,tun thleng hian ka pi in min boralsan ani tih hi ka la ring thei chuang lo.Kha aw kha ka hre leh ngai tawh dawn lo ani tih ka ngaihtuah ringawt pawh hian ka lungngai in ka la pawm thiam thei thlawt lo.
.
"Tina...i pa chu i be thei tawh em?"Nu Samantha (Jade-i nu ) chuan ka bula rawn ṭhut pah hian a rawn ti a, kun lap chungin ka lu ka lo thing nghat bawk.Ni e, ka pa hi khami ni ka pi in min boralsan ni a a chhuak kha a rawn haw leh tawh lo hrim hrim,a phone a in switch off hmak bawk si ka nu lah ka naute pahnih school kal avangin a rawn kal thei bawk si lo ka pi vui na ah pawh nu Samantha te chhungkua in min buaipui veka,inah lehzel min rawn awmpui thei lo mahse a khat tawkin min rawn tlawh reng tho.
.
"Jade te camp pawh vawinah an rawn haw dawn a....i rawn riak phei dawn mi niang "
"ka lawm e.... mahse min ngaihtuah duh suh ka ṭha alawm "
"i pa James pawh anu thihna hian a nghawng takzet, tun thlengin a nui hmel hmuh tur ala awmlo "
Ka pi thihna hian min nghawng nasa takzet,ka pa chu sawi loh Jade leh Hailey te tal ka kiangah awm thei se chuan hetiang em em hian ka mal lo tur.
★
★
Ni hnih chhung ngawt ka chhuah tawh loh avangin intih thawven nan tiin keimah chauhin kawngsir velah chuan ka tei kual vel mai mai a, a khat tawkin ka mittui a rawn far leh fap ṭhin bawk.Ka pi a awm tak loh ah chuan min lo ngaihsak zia leh ka pa ai pawha min lo hmangaih zawk zia ka hriat phah bawk.
Kan in chhohna step a ka lo indawm kun lap lai chuan car headlight in min rawn chhun sawk avangin ka mit chu ka kut in ka lo hliah nghal vata,car atanga ka pa rawn chhuk lai ka hmuh chuan chawplehchilh in a chunga ka thinurna te leh huatna zawng zawng te kha a bo nghal vek anih chu!!
.
" ka pa.... " nuih sang pahin ka va pan hnai nghal vata mahse Car chhung atangin Natalie in min lo melh kur lai ka va hmu chiah chu ka ding nghal chawt ringawt.Ka rin loh lutuk maia ka hmuh tak thut avang chuan ka pa chu ka en nghal haw a,,"nilo " ka lu thing nawk nawk pahin inchhungah ka tlan luhsan nghal daih bawk.Diktak chuan Natalie ka hmuh rual rual khan pawm tumna rilru tlemte ka lo neih ve pawh kha a bo nghal vek bawk.
.
Couch a ka lo ṭhut ngawih reng lai chuan ka pa chu inthlahrung hmel tak hian a rawn lut chhat chhat a,a pen thawm ka hriat zawng ringawt pawh hian ka thin a ti rim takzet. In hum ruh ṭeuh chungin ṭap lo turin ka in hrilh ru nghal mawlh mawlh a,ka pa awmdan hi ka pi in hria se chuan a ngaithei hauh lo ang mahse engthil nge ka tih chuan ang, engpawh thleng se ka pa ala ni tho alawm.
"pu Corey an ni thum chhung leave i lak thu min hrilh a " pangngai taka ka ṭawng chhuah theih avangin ka lawm takzet, "ka pi ugh... ka pi " a la hriat loh takin tiin hrilh ka han tum tak na in ka dang a awk tlat peka.
" ka hria alawm.... " a tih chuan ka meng phawk nghal kawk ringawt, "han mu tawh rawh....mangṭha le " tih pahin a room ah min luhsan nghal hmak bawk.
.
.
Chapter-46
.
Ka pa awmdan kha ka awih thei lo,ka pa chu a ni ve si amaw!!, Kha Natalie phiangseni khan a dawi â zo tawh anih hi. Mahse engvanga kal bo daih nge anih? Ka pi a boral ani tih a hriat si chuan engvangin nge a rawn haw mai loh?
Thinrim ngaihna pawh ka hrelo,ka pa awmdan hian ka rilru a ti na takzet.Hetiang anga mi nep lutuk leh tenawm lutuk anih ka ring pha ngai lo.Engpawh chu nise ka inti pachang hram hram tur ani, hetiang vang mai mai hian ka ṭap in ka hnual tur ani lo,Tina.... ṭap suh ṭap reng reng suh ang che, hmabak i la ngah lutuk engmah thleng lo ang maiin i awm hram hram tur ani ka mittui hruk zeuh pahin ka infuih nghal char char bawk.
.
___________________________________________
.
Hailey nen a inhmuh kan tumna lai ah chuan ka ṭhu ran tawh a,inchhunga tawm ngawt ngawt ai chuan a thawven thlak deuh zawk.
"Tina.... "
Hailey hmel ka hmuh rual rual chuan ka kuah nghal thlawp ringawt. Camp avangin ka pi vuina ah pawh a rawn tel thei tawh lo a, ka mamawh lai leh fuih ka ngaih lai taka ka kianga a awm avang hian ka lawm in ani ang ṭhian ka nei hi vannei ka inti takzet.
"pawi ka ti lutuk .....kha camp phiangsen vang vek kha "
" a ho lutuk camp chu a nuam em? "
"aw.... mahse i haw ani tih chhunah kan hre chiah a, Dylan phei chu a thinrim lutuk asin "
"ummm.... ani maw"
"ngatinge thil thleng a awm em ni? "
" ughh.... englo a nia ih " Hailey chuan ka thil sawi tur ngaichang chuan ngun takin min melh kar a, "ihh.... Dylan te chhungkua nen inzawmna kan nei tawh lo "
"Enga!!!.... Dylan nen a in in hualna i ti tawp amaw!! " a tih chuan ka lo bu nghat ringawt.
.
"diktak chuan..... " engtin nge Arden ka duh zawk zia ka hrilh tak ang,mahse Arden vanga Dylan nen kan inkar ti tawp angah min ngai dawn bawk si a,ka ṭhian ṭha ber in hetiang anga min ngaih ka duh bawk si lo.
"Hailey.... "
" Eng nge? hawh rollercoaster ah khian chuang ve ang "hmun sang ka hlau tih a hriat avangin min tih nuih nan a han ti kher a, duh loh hmel zetin ka lo ner nghal suk bawk.
" ka hria ka hria.... anih ghost house ve thung saw..... " ngatinge maw min tih luih peih em em le,a hma pawhin ka hlau lutuk avangin ka thidang tawh chuvang chuan hetiang hmunah hian ka kal leh tawh ngai lo.
.
"i duhlo ani tih min hrilh miah suh..... "
"mahse.... ka "
" inti thawveng rawh..... hawh kal vat ang " tih pahin min kai phei nghal dawr dawr a,ka bula awm reng min tiam avangin rei fe min thlem hnu chuan kan in rem thei ta nge nge.
"kan kaltlang hunah chuan i thaw veng hawk mai ang"
"ka ring chiah lo "
"ticket ka va la ange...." tih pahin phur takin a tlan phei nghal hlawk hlawk a, kei erawh ka phone a rawn rik avangin ka bag ka hai nghal vat thung.
.
"nuam i tih loh chuan hrilh mai ta che " ka phu chiang kher mai, rang lutuk in hnunglam ka hawi nghal vata Arden hmel ka hmuh chuan phawk fe a men nghal kawk pah chuan, "engtin nge hetah ka awm tih i hriat ?"
"thil harsa ani hleinem " tih pahin ka bag mawng a GPS te reuh te chu a rawn la chhuak nawlh ringawt.
"hei.... hei.... engtin nge ka bag ah a awm theih? hmela i dah em ni?" a nuih ringawt avangin min chhang lo mahse a dah ani tih ka hre nghal.
"min stalk ani maw? "
"mawl lutuk " ka kut a rawn vawn chawt pahin min ngai nghal dawr dawr ringawt.
.
" Engthil nge maw i hriat le? min thlah vat rawh chuti lo chu Hailey in min zawng ang"
"Hailey chu nakinah i hrilh leh mai dawn nia.... nuam i tih loh te chuan hrilh mai ta che " engtin nge nuamlo ka ti ani tih a hriat, ka rilru a hre thei amawn le?
" tunge nuamlo ka ti ti ..."
" chuang rawh "a ti leh tawp tawh a helmet khum pahin bike ah chuan a chuang nghal thak lehnghal,chuan duh hle mah ila Hailey nen a chhuak dun kan nih avangin hetiang ringawt hi chuan ka kalsan thei bawk si lo.
"ka kal daih thei hleinem "
"a rei lo ang " a tih takah chuan a bula awm ka lo duh ve tho bawk nen rei lo te kalsan zawk te chu a pawi ka rin loh avangin ,"rei lo te chiah" tih kher pahin ka chuang nghal thak a,nuih ver ver pahin a hnungah ka bei nghal hle hle bawk.
.
Minute 20 dawn chak zeta kan tlan vang vang hnu chuan thlanmual gate kawtah hian min din pui nghal chawt ringawt.
"ngatinge hetah hian kan kal?"
" min rawn zui rawh " tih pahin a kal nghal nal nal a, keipawh chu mak tih hmel takin bike aṭang chuan ka chhukthla chhat a, hetah hian engvanga min hruai nge anih tih ngaihdan pawh ka nei lo.
"engthil nge kan tih dawn?"a kal daih tawh avang chuan au lawng lawng pahin ka zui ve nghal dawr dawr a, a kalchak em avangin hla deuh taka thlan pakhat hma ah hian alo ding kun lap a, ka va hmuh chuan thawk halh pah in ka va pan hnai vat bawk.
.
"hun ka nei lo ania ....ka let leh vat angai " ka hmanhmawh deuh avangin ka va au phei lang lang a, mahse Arden awmdan ka hmuh chuan ṭawng chhunzawm na chi ah ka ngai lo,a awmdan aṭangin a lungngai hle ani tih hai rual ani lo.
"Arden.... " a ban vawn pah chuan ka han ti sap a,min chhang lo in a hma a thlan pakhat Krissy Elordi kum19 tih inziahna chu a melh ngar ngar thung.
"tunge Krissy Elordi?" ka hre chak lutuk hmel a hmuh chuan khih suk pahin thlan lam chu a zuk en leh a,"ka nun a hmeichhe hmasa ber....a thih cham alo ni leh der tawh "a tih takah chuan ka thik lehnghal ringawt tawh mahse ka ti lang lem lo.
.
"Hi!! Krissy...." Arden chuan mak tih hmel takin min rawn en nghal haw a, ka hre lo der tlat thung. "umm...Valentina ka nia ,ughh...Arden ṭhian ṭha tak " henu hi tu chiah nge maw anih le hetiang khawpa a thinlung luahtu chu!! awm ve tawh lo mahse ka thik in ka awt takzet.Arden hi hetiang ang thil ngaipawimawh leh chhinchhiah thlip thlep chi anih loh avangin hetiang anga a awm ka hmuh hian henu hian a nun ah hmun pawimawh tak a luah ani tih ka hre nghal.
"pawi ka ti lutuk,mahse...."
Hepa nangmah hmangaih em em tu hi ka hmangaih ani chuvang chuan ka pe thei lo che tiin ka ngaihtuah zui sap bawk .
"lo lungngai reng reng suh... Arden hi ṭha takin ka enkawl em em ang... mangṭha le " tih hmuk pahin ka kal nghal vang vang ringawt.
.
Min hmuh theih loh chin Gate pawn ka thlen rual rual chuan ka sam ṭham nawk nawk pah hian , "engthil nge maw ka sawi le ka van â tak"tiin ka han in hau leh hnuhnawh a,diktak chuan khatiang sawi thei dinhmun ah pawh khan ka ding lo, kei a bialnu takngial pawh nilo hian a hmangaih hnenah ṭha taka ka enkawl tur thu ka hrilh amaw!! Arden an engtin nge min ngaih ang le? pawilo ka thik ve bawk em ani,ka hmangaih anih chuan ka hauh ve tlat tur ani dawn lawm ni?
.
Reilo te ah Arden pawh chu a rawn chhuak thla ve nghal mai a,a hmeichhe hmangaih min thik tir tur mai mai a min hruai avangin ka thinrim ru hle bawk.
"Engvangin nge hetah hian min hruai? "
"i hmanhnawh ani lawm ni.... "
" awle... a ṭha e " a chuan hma hma chuan ka lo han chuang nghal thawt thawt a,ka awmdan avang chuan min rawn nuih vur vur pahin a rawn chuang ve nghal mai bawka kei lah pek chu ka lungawi loh em avangin amah si lo thei ang berin ka ṭhu lui kher bawk.
"i tla ange... min rawn vuan rawh "
"ka duhlo "
"ok... "a hmui tih sawi suk pahin bike chu a han ti nung nghal dut dut a,a ruk tak chuan ka hlau takzet mahse ka ti laklawh tawh bawk si a rilru thlak na chi ani tawh lo .
"Krissy kha... ughh.... englo ania ngatinge hetah hian min hruai ?"
"Krissy in ka bialnu a hmu duh a.... chuan ....." bialnu maw!! Arden bialnu ka ni maw!! ka awih thei lo ka mumang ani hial lo maw?
"ngatinge mi â ang maia i nuih vur vur " ka mumang a ni lo ani tih ka hriat chuan phur zet hian ,"kal tawh ang le " tih pahin nghet takin ka kuah nghal thak a,mimawl ang maia nuih ver ver pahin a hnungah ka bei nghal hle hle bawk.
.
Chapter-47
.
Arden bialnu official taka ka nih takah chuan Hailey pawh ngaihtuah lek lovin ka mumang pawh a ka mang phak loh chu ka chen a,dawi at ang mai in ho te te ah ka hlim em em a, a chang leh ka mumang a nih takin tiin ka insik thul,ka sawifiah thiam dan berah chuan ka khi nileng deuh ṭhak ani ber mai.
Arden bulah awm la chak hle mah ila ka pi a awm tawh loh mai bakah ka pa tana phurrit nih ka duh loh avangin dinner ei zawh veleh min thlah haw nghal vat a,ka kham lo ru takzet bawk.
.
In kawt kan thlen hma deuh chuan car pakhat a rawn tlan luh thut avangin bike chu a ding nghal chawt a, invawn ngheh em avangin ka tla lo hlauh.
"i ṭha em? "
" aw.... "thawk lak kawk pahin ka han chhuk thla nghal thak a, ka thinphu pawh ala pangngai thei chuang lo,tu phiangsen nge mawni khatianga rawn tlan thut chu tiin kan hma a car ding chu ka va melh nak chuan ka meng phawk nghal kawk mai.
Ka pa leh Natalie chu rang takin car aṭang chuan an rawn chhuak nghal vata,buaina a thlen hma in Arden han melh zeuh pah chuan, "mangṭha le " tih leh inchhunga ka tlan lut ka rual nghal .
.
Ka luh hnu deuh lawkah ka pa te pahnih pawh chu an rawn inzui lut ve nghal mai bawk a,melh pawh ka va melh lo hrim hrim.
"Tina....kan inbiak angai "a tih rual rual chuan ngeiawm zetin Tv chu ka han hmet ring nghal vaka,hria ang pawhin ka awm duh lo.
"khapa kha hmu tawh lo turin ka ti che ani lawm ni mi hlauhawm anih kha"Tv a rawn off hmak bawk, ka pa hmel aṭang chuan a thinrim hle ani tih hai rual ani lo amaherawhchu Natalie a awm ve reng avangin engmah thleng lo ang mai in couch ah ka ṭhu lui tlat thung.
.
Chutiang anga ka awm tak reng avang chuan ka pa chuan Natalie chu ka hriat phak si loh hian a han be sap a, buk nghat pahin a suitcase nen ka pa room ah a in nawr lut ta mai,saw nu sawn engthil nge maw tih a tum le?
"zanin aṭangin Natalie hi kan inah a awm tawh ang "
" maw!! " tih pahin ka ding nghal zawt a mak tih hmel takin ka mengphawk nghal kawk bawk. Diktak chuan engpawh sawi se ka pawisa lo mahse he thil kher kher hi chu ka pawmzam mai mai thei lo.
"thla hnih hnu ah kan innei bawk ang.... chuan ṭhat chhuah hram hram tum ang che"a tih chuan za lo zet hian ka han khi suk a,
.
"ṭhat chhuah turin min duh amaw? sawnu mi fing leh phakar lutuk chung ah sawn ṭhat ka chhuah ang maw? "
"Tina... hriatthiam tum rawh "
" engchu maw ka hriatthiam anga... ka pa khawngaih takin inneihna chu ṭhulh leh rawh, henu hian a bum che anih hi.... i hrethiam ve mai lo em ni kan chhungkua hi min ṭhen darh a tum alawm nilo....henu hi ka pawm thei lo" tih leh ka pa room a tlan luh ka rual nghal,
"engtik ah mah ka pawm ngai lo ang che.... chhuak rawh "a suitcase chu ka nawr chhuak nghal dawr dawr a, Natalie lah alo duai bik hauh lo suitcase rawn pawh thlak sawk pah chuan,"engthil mah tih theih i nei lo, i pa hi ka ta anih hi"ngeiawm zetin a rawn tih takah chuan keia kut rang lutuk leh insum hman lo chuan ka bula pangar khawina pot chu ka han vai thla nghal sawk a.
.
Ka rin loh deuh maiin a ke ah tak a fuh ta mai!! a ke aṭanga thi rawn chhuak ka hmuh rual rual chuan ka meng phawk nghal kawk a, inthiamloh na in ka khat nghal bawk.
"ka.... " ka inthiam loh thu leh buaipui tuma ka va pan hnaih dawn lai tak chuan ka biang a rawn ri nghal sawk ringawt.
"in sawifel theih ringin ka rawn zui lut duh lo che a mahse hetiang thil erawh i tih ka beisei lo asin "ka pa chuan Natalie chu a va buaipui nghal vata, kei erawh milim ang maiin ka ding khawng renga, ka pa ṭawngkam tin te chuan chemte a vih sawk sawk ang maiin min ti na takzet bawk.
.
Ka pa in Natalie a buaipui dan vel te leh a ngaihsak dan vel te ka hmuh chuan khik suk pahin ka han tawlh hnung hrat a, inseh ruh ṭeuh chung hian,"ka tihpalh "tih leh tlan chhuah ka rual nghal.Ka pa in min ben avang khan ka rilru a na in ka thinrim teh meuh mai, amaherawhchu ka pa nen a kan inkar a lo zau tawh zia leh a chhungkua aia Natalie a dah pawimawh tawh zia ka hmuh hian ka thinlung hi a kehchhe nghal vek. Ni e, ka pa lungawi na ah ka hian lungawi ve lo ani tih chu ka hria mahse a hlim avang hian ka thla a muang in ka lawmpui takzet bawk amaherawh chu a nunah hmun ka chan ve tak si loh ah chuan ka pa tana phurrit nih ai chuan inthiarfihlim mai hi a ṭha zawkin ka hria.
.
Ka duh vang ni miah lo leh ka rilru natna te min chhawk sak tura ka mittui rawn tling pam tawh chu tihtlak hlau tak chungin ka inti pachang hram hram a,inseh ruh ṭeuh leh kun ngur chunga hma lam pana ka kal hlawk hlawk lai chuan Arden ka hmu ta thut mai!! kan in kawt maiah chuan thatchhe zetin a bike ngheng ar ar chung hian cigratte a lo zu pat pat a,min rawn hmuh veleh a cigrattee rah hlum pah chuan min rawn pan nghal vat bawk. Min rawn pan hnaih takah chuan ka insum thei dawn lo takngiala ka hriat avangin ka bul a rawn thleng hma hma chuan a bike awmna lam panin ka kalpel nghal vut a,ngawi rengin min rawn melh vung vung pahin min rawn zui ve nghal mai bawk a,min hrethiam ve pawh ani mahna.
.
Min be mahse ka chhang dawn lo ani tih hrelawk niawm takin ngawi rengin bike ah chuan a rawn chuang ve mai bawka,engmah min zawt lem chuang lovin chak takin min tlan chhuahpui nghal vang vang bawk. Nghet taka kuah in a hnungzang hlai takah chuan ka melh ngai melh vung vung chung chuan ka bei hle hle a, ka mittui far khat pawh tih tlak ka tum eih lo.
.
Tuipui kama ṭhutna an siam ah chuan ṭhu in ral lehlama kawlphe zawk zawk te leh chhum dum khui rawn in let but but te chu ka thlir renga, Arden erawh in dawh thei takin ka chhak deuh ah min lo nghak ran thung.
"ruah sur hma in ka thlah haw ang che " tih sap pahin inthlahrun hmel tak hian ka darah a rawn khawih a,ka kawchhung tawt lutuk thawk chhuah vek tum niawm taka ka han thawk chhuah hak pah chuan ," cheng dun ang " ka han ti zui sap bawka, chutiang anga kan tih takah chuan a mengphawk chiang teh e .
.
.
.
Chapter-48
.
A sawi tur hrelo chuan min rawn en vung vung pahin a tukhum chu a han hiat ringawt a,"umm....tun tut tut ah min chhan kher angai lo ania"
"haw ang hei ruah a sur dawn ania "
"mahse i pa...."
"ka pa chu hlim takin a awm tawh.....kei pawhin hlim taka awm ka phu ve ani lawm ni ",khik suk paha rawn kun hniam in ka hmui ro rapa a rawn fawh chuan engmah sawi lo mahse thiamlo tak chung pawhin min hnem a tum ve ani tih ka hriat avangin khik let suk pahin nghet takin ka han kuah vang vanga, "ka lawm e " ka ti zui sap bawk.
.
Chak tak leh hmanhmawh takin min tlanpui fua fua mahse ruah erawh in min nan hman ta tho a,huh zawr vek chungin bike pawh dah ṭha lo in in pakhat ah hian min tlan luh pui nghal dawr dawr bawk.
Thli a thawt nasat em avangin kawngka chu kalh nghal in thaw hlawp hlawp chungin kawngka ngheng chuan kan ding dun ran a,khawpui leh ṭek ri dum dum karah pawh nghet takin kan la in kai reng tho. Inkaih satliah mai mai mah nise kan awmdan a danglam ve ve ani tih inhrilh ngai lovin kan hai lo chiang kher mai.Mahse ka tih hmasak ngam loh chu Arden an hma rawn hruai in ka sam ṭham pah chuan duhthawh tak hian min rawn fawp nghal tawn tawn a,keipawhin a jacket huh zawr vek tawh chu phelh sak pahin ka lo fawp let ve nghal tawn tawn bawk.
.
Min fawp reng chung chuan bedroom lamah chuan min tawlh phei pui zel a,khawpui ri leh ṭek te chuan min pawt ṭhen zo tawh lo a, kan thil duh te ti puitling turin tumah in min dang thei tawh hek lo kan hriat zawng chu kan in mamawh tawn zia leh kan in ngaih tawh zia chiah ani .
" Arden...min kal san suh aw"
"Chutiang sawi suh" khuma min bawh bet pahin ka chalah chuan a rawn fawp zeuh a, " ka kalsan lo ang che " tih sap pahin kan chal chu a han insik tir vang vang a,hepa kianga ka awm tawh hi chuan ka lungngaihna te dah ṭha in hlim hmel ka pu thei a,ka natna zawng zawng te chu theihnghilh vekin khawvela mi hlim ber ang maiin ka in hre hial ṭhin.
.
★
★
Khua a var tawh ani tih hre reng mah ila tho ta mai lo chuan vawt ka tih deuh avangin puan chu meng mang loin ka han dap rak rak a,hnung lam aṭanga puanin min rawn khuh paha nghet taka min rawn kuah takah chuan a harh daih tawh ani tih ka hre nghal.
"I lum nuam lutuk "
"Chuti maw" a kut hit zetin ka nghawng a rawn khawih chuan ka mûr nghal chuaih a, ka mutchhuak zawng zawng a reh nghal vek bawk,a lam hawia in leh thak pah chuan a mitmu hring kak chu ka han en sar sar a min fawh hmasak ber ni a electric shock ang mai khan ka la ṭek chuai chuai tho nia mawle .
.
"i harh na a rei tawh em? "
"umm.... "
"tinge min kaihthawh loh... school.... "ka han hawi kual takah chuan ka ṭawng tawp nghal chawt ringawt, "ngawi lawk teh " ka mit nuai nawk nawk pah chuan ka han en chiang leh a, mahse kan awmna hi Arden in a ni ta hauh lo mai.
"Arden.... " mak tih hmel taka ka va en chuan min rawn nuih vur vur pah hian, "eng nge a an i tih? "a rawn tih takah chuan a sawi tum ka hre nghal.
" ka awih thei lo.... engtik lai khan nge i lo lei hman a" tih pahin ka tho chhuak nghal vata,room aṭangin ka tlan chhuak nghal vat bawk.
.
Phur takin inchhung chu ka han en kual vel a,kitchen zim te leh tv hma a couch pakhat lek awm te chuan room lian lo tak anih zia ti lang chiang hle mahse engkim mai chuan ka lung a dum em em vek a chhan chu Arden nen a kan in ani tlat alawm.
"i duh zawng ani em?"
"ni tehreng mai"ka kut a nghawnga suih pahin a hmui ah chuan ka han fawp zeuh a thil hrechhuak thut niawm taka inlak hran deuh pah chuan ," ngatinge nizan ah khan haw lo in pawnah min lo nghah reng a?"ka tih chhunzawm zat bawk.
"minute reilo te ah i rawn chhuak leh vat dawn ani tih ka hria alawm " a tih takah chuan ka khi suk ringawt. Ni e, a sawi dik chiah Natalie nena kan inkar thu hre vek tu chuan khatiang khan kan awm dawn ani tih an hre vek ang chu.
.
" ka lawm e....min lo nghah avang khan " fawh leh zeuh ka han tuma mahse ka lu ah a rawn tuk lawlh ringawt ,"a na ania " ka lo ti vin nghal hlur bawk.
"i tlai dawn "
"urghh!!...School ka kal duh tawh lo "
" shh...va in siam rawh, breakfast ka lo siam ang "
"i ti tak tak em?"
"khumah khan i thawmhnaw hak tur ka dah aw.... "
"wow... ka rawn let leh vat ang "tih pahin phur takin room ah ka tlan lut nghal vata Arden an eitur min siamsak dawn takah chuan school kal peih loh pawh ka sawi phal tawh lo.
.
______________________________________________
.
★1 month later ★
.
Bell a rik rual rual chuan phur takin ka bag chu ka ak nghal sawk sawk a, Hailey pawh be lo in ka tlan chhuak nghal daih bawk a chhanchu midang in min rawn hmuh hma in Arden an min rawn hruai dawn vang ani.Gate sir ah chuan hmanhmawh ru deuh si in hawikual hrak hrak pah hian Arden lo kal hun chu ka lo nghak ran a, nidang ah chuan min lo nghak ziah ṭhin si a engvanga tun thleng pawha rawn la lang lo nge maw anih le?
"I va hmanhmawh hmel ve " phut zawk pahin ka hawi let nghal vuta, Hailey hmel ka hmuh takah chuan ka thaw nghal huai mai.
.
"umm... englo ania ..."
" Engchu maw? "
"A tlai tawh bawk si a.... Ar.... "Lalpa leh!! Arden an min rawn hruai dawn ani tih ka hrilh hman ṭep alawm mawle ka kâ tak hi chu aw....ka duh aiin ka lo ṭawng tam leh ṭhin,anih na takah chuan Hailey hi Arden nen a kan inkawp thu te, kan chengdun ani tih te hi hrilh vek ka chak takzet mahse Arden an tumah hrilh lo tur leh a ruk thei ang bera awmdun a duh avangin ka pahnih inkar chauh a thuruk awm hi sawi chhuah ka tum bik hauh lo.
"umm....ka lo nghak che mawle " ka ti leh ta daih zawka, mahse a hmel aṭangin a ngaih a ṭha zan lo ani tih chu a chiang reng.
.
"anih chuan kal ila "
"aih... "
" maw? "
" ka ...ka tih awmzia chu lo va haw hmasa rawh... thil tih tur ka nei a " avan buaithlak tak, dawt sawi hi ka thiam ve thlawt lo.
"Tina....tun hnai mai aṭang hian i danglam takzet... "
"hahh.....engthil nge maw i sawi le? "
"ka ti tak tak ania..... haw rual i duh ngai lova, i phone number i thlak hmak bawka chu mai bakah min pehel i tum tlat bawk "
"Hailey..."
"ka ṭhianṭha ber Tina kha khawiah nge a awm tak.....in ngaihtuah chiang rawh tuna ka hma a ding hi Tina ka hriat ṭhin kha ani tawh lo...." tih pahin lungawi tih hriat zet hian min hnungchhawn zawng chuan a ding daih a ," mahse puih i ngaih erawh chuan i kiangah ka awm reng ang "Phun sap pahin vawikhat pawh rawn hawi let lo in a kal liam nghal nal nal bawk.
.
Arden an engmah pawh rawn sawi lova min rawn hruai tak si loh avang chuan thinrim ru ṭeuh chung hian ka haw ta nge nge a,ka rin ang ngei in inah a lo awm lo lehnghal.
"a vawikhat na pawh ani tawh lo "
Phun bul bul pahin a pick up dawn chuang lo tih hre tho mahila ka han call ve leh ringawt a,a in ring ral chiang ngei mai.
Arden nena kan awm dan pawh hi ka hrethiam tawh bik lo,cheng dun reng leh riak dun reng si hian kan hrang em em a,inngaihsak tawn em em mah ila kan inkarah khi zau tak a awm lawi bawk si, mahse chungte chu haider lui in tun hun hi ka thleng ta chu ani a, engtik ni ah emaw chuan kan rilru te pawh ala inang ve mahna.
.
.
☆10:30 pm☆
.
Dar 10:30 ah pawh Arden hmel reng reng hmuh tur a la awm chuang lo,dinner pawh ei mai theih turin dawhkan ah ka chhawp fel sa vek tawh a amaherawhchu Arden tello chuan ei ka tum bik hauh lo.
"accident a tawk emawni le?" hlauthawng leh thinrim ṭeuh chung chuan ka vei tawn sek a,a khat tawkin sana ka en bang chuang lo,rei fe ka vei hnu chuan ka chau ve deuh bawk nen chair a ka ṭhut hnu reiloteah dawhkan bawh in ka mutthlu ta nge nge a, mahse kawngka rawn ri rawk ka hriat rual rual in ka harh lehnghal.
.
Rang takin ka ding nghal zawta, Arden ka hmuh rual rual chuan ka va pan hnai nghal vat bawk.
"khawiah nge i kal? min rawn hruai theih dawn loh te chuan min rawn hrilh ve tur che lawm...."a hoodie lukhum a khum tlat mai bakah min hnung chhawn zawnga ding vat pah chuan,"naktuk ah kan sawi dawn nia " tih sap pahin room ah a lut nghal daih anih chu!!
Ka tihngaihna hrelo chuan ka en zui vang vang ringawt,a hma aiin ka lungawi loh mai bakah zawhna ka ngah zual sauh bawk.
.
.
In hnial buai ka duh loh avangin ngawi rengin insum hram hram pahin room kawngka bulah chuan ka ding renga, Arden che vel chu ngun takin ka en kar bawk.
"mut hma in dinner ei phawt ang" min chhang duh lo nge a hrelo pawh ka hrelo, min hnung chhawn zawnga ding tlat pah chuan no ah tui leihluh tumin jug chu a han chawi kang a,mahse a leihluh hma hma in chhuatah a thlauh baw nghal chuai ringawt.
Chhuat hruk hul tuma ka va pan hnaih rual rual chuan ring leh vin zet hian,"ding rawh " a rawn tih tuarh avang chuan mak tih hmel takin ka ding nghal chawt a kal luih ngam pawh ani tawh lo.
.
"Arden"
"rawn kal hnai suh " a kut pilh hrup te leh khur dar dar ka hmuh rual rual chuan thil diklo a awm ani tih ka hrenghal,rang lutuk in a kut en chian tum chuan ka va khawih a a thing thla rang ngei mai, mahse a thu ka awih reng duh bik lo run luih ve ngat pahin a ban pawh sawk paha ka han hawi cho chiah chu a hmel ka hmuh rual rual in ka meng phawk nghal kawk ringawt!!
"nga... ngatinge?" ka tih rual rual chuan lehlam a hawi nghal vata,lukhum khum mahse a hmai duk leh thi sung te chu ka hmuhhmaih hauh lo.
.
"min en rawh .... "
" ka ṭha..."
" min en rawh ka tih chu" ka hlauthawng bawk nen ka tum loh deuhin ka vin nghal tuarh ringawt.Chutah zet zawng muang chang in a lukhum phelh pah hian a rawn hawi thla a,ka mit ah pawh min en ngam lo.
"khumah sawn lo va ṭhu rawh " tih pahin vur leh first kit box la turin ka tlan chhuak nghal vata,ka let leh chuan ka sawi ang chiah in khumah chuan a lo ṭhu kun lap a,a hmel ka hmuh hian ka thinrimna te kha a reh nghal vek in ka hria.
.
"heihian a vung lai kha dep rawh a zia deuh ang " min rawn melh zeuh pahin ka vur ken lai chu a rawn la a, a awmdan aṭang hian a inthiamlo a ni tih a chiang reng a chhanchu heihi a vawikhatna a ni lo ,vawithum vel chu hetiang hian a rawn haw tawh.
"i pem leh duk vel a dam dawn chauh a ngatinge i kal leh ṭhin a...."phun mawlh mawlh pahin a hmaia thisen kai chu ka hru fai mawlh mawlh a, hau chak hle mah ila a inthiamlo hmel ka hmuh hian ka khawngaih tlat peka.
.
A nihna takah chuan Arden hi insual aṭanga pawisa lakluh te, midang vau aṭanga pawisa hmuh te leh duh duh dan anga awm theihna kara seilian anih avangin a thil tui zawng te leh nuam tih zawng te hi a danglam in a rorum em em a, a tawrh a chhelhin mi phunchiar lo tak ani bawk. Amaherawhchu a thil tih leh tui zawng te hi khawtlang kalh leh khap te an nih tlangpui avangin bansan turin ka hrilh fo ṭhin.A tam zawk chu bansan tawh mahse insualna aṭanga pawisa lakluh te leh hnehtu nih a ro han rel vel te chu a nuam tih ber ala ni fan tho.
.
" umm.... ughh vawilehkhata bansan chu a harsa dawn tih ka hria....mahse sawlai hmunah sawn kal tawh lo turin min tiam rawh....hetianga i awm hi ka hmu duh tawh lo"
"mu tawh rawh" tih pahin khumah a mu hmak anih chu!! engvanga hetianga awm nge maw anih le? ni e... ka sawi tawh ang khan fighter ani a, pawisa pawh a hlawh chhuak hnem thawkhat viau vawilehkhata bansan tawp chu a harsat mai bakah mahni induh tawk ve tak anih avangin midang in a an rawn luahlan lai hmuh chu a harsa dawn ani tih ka hria mahse heng thil hian kan inkar ah khi zau tak a siam avangin ngun taka ka ngaihtuah hnuin bansan turin ka ngen kha ani a tihsual ka neih awm pawh ka hrelo.
.
.
( A hnuai lamah khuan Comment hnuai chiah ah khuan Advertisement click tur a awm tawh a, in hmu lo anih pawhin refresh emaw nghak deuh ula alo lang mai ang)
.
Chapter-49
.
Arden awmdan ka duh loh em avang chuan biak luih pawh tum lem lovin ka chhuak tau hmak a, beer in tumin fridge chu kan hawng ve tak na a nichin deuh lawk khan ka inzo daih tawh ani tih ka hriatchhuah leh hnuhnawh avangin chek tlak pahin fridge chu kan khar nghal pawp a .Ka dinner peih fel sa vek tawh uluk taka lo inrem tlar thap ka hmuh phei hi chuan a aiin ka thinrim zual sauh emaw tih mai turin ka rawn tawt nghal up up ringawt.Ka tihngaihna hrelo chu couch ah chuan ka han mu zar a ,mutthilh chu sawi loh ka let kual ka let kual reng ringawt.
.
Chutia thinrim leh phun chak zeta ka let kual ka let kual lai chuan phone a rawn ri ta thut mai, zan reh lai tak ani bawk nen ka phu chiang kher mai.
"tun ang zan reiah tunge maw rawn call le?" Emergency anih ringin dawhkana Arden phone chu ka la nghal vata.
"Arden.... " chunu aw chu ka hriat tawh hnu a ang kher mai amaherawhchu a rik nuai nuai avangin a sawi engmah ka hre thei lo.
"hello...." kan tih takah chuan a reh nghal hmak ringawt mahse a bengchhen danah an party ani tih chu a chiang reng.
.
"tunge le? Mia emaw ni le?...mahse number chauh ani bawk sia"tih nung nung pahin phone chu dah leh mai ka han tuma mahse hmeichhe pakhat thlalak rawn lang thut chuan ka mit a la chiang kher mai.
Arden nen hian phone kan in en sak ngai loh avangin a phone check min ti chak zo vek mahse min rin em avanga vawikhat pawh ka phone a khawih loh laiin hetiang rilru hi engtinge ka put theih zawk?.
"Engvangin nge ka inthiam loh em em a,kan cheng dun tawh a heng thil te hi chu ka tih ve tur reng alawm" mahni inthiam chawpin ka check ta nge nge a.
.
Gallary kan hawng chuan thlalak pangnga chiah zu han nei a mawle!!, chupawh tudang ni lo in Arden hmeichhe hmangaih leh ka thik ber ni bawk Krissy ani tih chu hai rual ani lo, chu mai bakah Arden, Krissy leh Ethan te pathum thlalak ho na pakhat a awm bawk a an hlim hmel mai bakah Arden nui hmel ka hmuh phei hi chuan ka thik zual sauh bawk.
"Krissy hi a hmelṭha hle mai" kan ti ve tak na a chu ka thlalak pakhat pawh a neih ve loh avangin ka thinrim ru hle mahse tihtheih ka nei chuang hleinem a hmeichhe hmangaih ber hi engtinnge a theihnghilh theih ka lo beisei reng reng le?.
.
"i en zo tawh em?"thil ti sual ang maiin kan phut zawk chu le , ngawi rengin hnung lam aṭanga ka phone ken lai rawn lak hmank pah chuan room ah luh leh daih a tum anih chu!!
"ih..." a din ka rin loh nen a ding ta thut mai, engtin nge ka chhunzawm tak ang?
"umm.... ughh, i bula ka mut ve paw... pawi i tih loh chuan ....." engthil nge maw ka sawi le?,mahse keimah tal ka in bengdaih loh chuan kan in pehel reng dawn tih a chiang reng.
.
Ka rin loh deuhin Arden chu inthiam loh hmel zet hian a rawn hawi leta ka mit ah tak en in ,"engmah tih sual i nei hleinem" tih pahin min rawn fawp nghal tawn tawn a mahse ka fawp let lawk duh bik lo.
"Arden.... " ka ṭawng hria ang pawhin a awmlo.
"inbe lawk ang.... "ka tih takah chuan a kut lehlamin ka hmai chu a han chul a
" naktuk ah "
" mahse.... "
"mu tawh ang.... "zan a rei tawh mai bakah a chau ani tih ka hriat avangin ka lo bu nghat a,"good girl" tih sap pahin ka chalah a rawn fawp zeuh bawk.
.
__________________________________________
.
Ka phone chawl lova vibrate ṭut ṭut ri chuan manglam aṭangin min ti harh hlawl mai,ka lu a nat mai bakah ka mut tlem em avangin meng mang lo in ka phone chu ka han dap kual rawk rawk a,vanneihthlak thlak takin ka dap fuh hlauh... tunge min rawn call tih pawh en ta lem lo chuan ka han pick up nghal vata tho phang aw zetin "Hello.... " ka ti chuai nghal raih bawk.
"Tina.... khawiah phiangsen nge i awm?" Dylan aw ka hriat rual rual chuan ka ṭhu chhuak hlawl ringawt,ka lu dawm vang vang pah chuan Arden mutna lam chu ka han hawia ,alo tho daih tawh chu niin.
.
"Dylan!! "
"School rawn kal i tum lo em ni.... " dar9 a pel daih tawh ani tih ka hriat hrual chuan khum aṭangin ka inperh tho nghal awt ringawt.
"eng.... engtikah nge i rawn let ?"
"Chutiang a pawimawh lo....khawiah nge i awm? ka rawn hruai ang che"
" angai lo ...ka ṭha"
"khapa phiangsen bulah khan i awm ani tih min hrilh miah suh"
"ka awmlo....i lawm tawh em? "
" a ṭhat hlauh chu.... i pa in i in sawn chhuah thu min hrilh khan ka ngaihtuah lutuk che a..."
"ka pa chu a dam ṭha maw?"
"aw ṭha e..." a tih takah chuan ka thaw nghal huai mai.Thla khat lai ka pa ka hmuh tawh loh mai bakah an chanchin engmah ka hriat ngai loh avang hian ka ngai lo tihna a ni chuang lo, mahse Natalie ka ngaihtuah chhuah apiang hian ka thinrim thar leh ṭhin.
.
Dylan nen kan inbiak zawh hnu chuan insiam sa vekin hmanhmawh takin room aṭang chuan ka tlan chhuak nghal dawr dawr a,
"submit ngai lo la chuan school ka kal miah lo ang mawle" tih sup pahin ka file ken lai chu ka bag ah ka khung sawk sawk a hmanhmawh takin ka tlan chhuak nghal dawr dawr bawk.
.
.
☆SCHOOL☆
.
"Dylan hun ka nei lo... "
"inbe lawk ang.... " hepa hian eng nge maw a hriata ka awmna hmun min zawh chhen le, gate bula min lo nghah chu sawi loh tun a taka ka chunga a ṭhat thut na chhan hi ka hrethiam thei lo.
"i chhungte ka hrilh chian viau kha... eng inhualna mah a awm tawh lo"
"chuvang tak chuan lawm kan inbiak angaih... "
"anih chuan eng nge?"a hmel aṭang hian a ti tak tak ani tih hai rual ani lo chu mai bakah a thusawi ngaithla duh lo turin ka chungah eng thil sual mah a ti hleinem.
"Ka chhungten hmeichhe dang nen min in hual tir leh a....mi... mihausa fanu nen... " tih pahin eiloh hmel zet hian a ner suk ringawt, Dylan nen hian khati chen kha kan lo inkawp ve tawh a mahse rilru na emaw thikna pakhat te mah ka neih loh avangin mak ka inti zawk hial.
.
"ka lawmpui a che...buaina liantham anih loh chu.... "
"mahse... Katie a rai alawm ..ughh thla 4 ...chuan ka.... ka fa a nia... "
" maw!! " engtik laiin nge a bialnu hlui nen an lo inkawp leh hman tawh a!!hreptak chuan kan nih lai pawh khan an lo inkawp ru char char ani maw!!.
"ka hria...mahse hrilh che kha ka tum nasa lutuk... ka ti tak tak chuan ka tihpalh takzet...."
"engthil chiah nge i duh....? "
"Ka chhungten an hre chhuak anih chuan Katie tan a pawi theih dawn avangin... i bulah lo awmpui hrih la ka duh ani.... chuan ka tiam a che a rang lamin chinfel vat ka lo tum dawn nia"
"Ka thei lo "
"Tina....khawngaihin,he nu hi ka hmangaih a tih nat ka duh bawk hek lo,a tan chuan ka chhungte pawh ka kalsan mai ang mahse thil ṭha anih loh avangin
felfai taka thil ka tih angai ani"
.
Dylan hmela hmangaihna te leh a tih takzet na te chuan min khawih in ka rilru a ti kal thui hman takzet.Arden hian ka tan hetiang thil atthlak tak tak hi a ti ve angem le? ka tan engkim chan a huam ve angem? zawhna ni ta ber chu min hmangaih ve angem? tih hi ani.
"Hailey ka lo be dawn nia...a inah a awm tir thei maithei"
"ka lawm e....khawi heihi ka lo submit sak ang che " tih pahin ka file ken lai chu a la lawk a,phur takin a tlanpui nghal vang vang bawk.
Khatiang ang em em a Dylan hlim hmel kha ka la hmu ngai lo,a hma a kan inhual lai pawh khan induh tho mah ila a tam zawk ah khan kei ang tho in lem a chang ve tho ani tih ka hriat hian ka nuih a za in ka ṭhen avanga ka inthiam lo lutuk pawh kha a zia huai mai.
.
.
☆
☆
.
Class a zawh meuh chuan nileng in Hailey ka hmuh loh avang chuan kan han zawng kual deuh a hmuh tur a awm lo reng reng ,school a rawn kal lo a ni hrim hrim ang mahse engvangin?
"min haw takzet anih dawn hi..." tih sup pahin ka bag chu ka ak sawk sawk a ka ril a ṭam tawh bawk nen library pan ta mai lo chuan inhnuai lam panin step ah chuan ka chhuk thla chhat chhat a, Arden lehzel pawhin min rawn la be lo hrim hrim chu chuan min ti lungngai zual ,"khawiah nge a awm ang le? "ka phone la chhuak in dinner tal kan ei dun theih takin tiin Arden chu call ka han tum zet na a mahse a pickup leh dawn chuang loh avangin ka ipte ah ka khung leh ta zawka.
.
Ngawi renga thil ka ei mawlh mawlh lai chuan ka ep chiaha ṭhuthlengah chuan Hailey a rawn ṭhu hlawl ringawt.
"Tina.... " a mak hle mai ka mamawh ani tih hriattheihna a nei ani chiang.
"engkim min hrilh vek rawh, khawiah nge i awm? "
"chu chu a pawimawh ber lo "
"khapa.... ughh... Arden nen khan in cheng dun tiraw....? " ka thil ei lai pawh a tawp hmak mai,Hailey lah chu a confi em em mai lehnghal.
"Tina.... in in kungkaihna hi engtik thleng nge zep i tum? ngatinge zalen takin in in kawp mai loh? " ni e.. a sawi dik engvanga zep tlat nge maw ka nih le? kan in kawp anih chuan engvangin nge midang ang tho in kan tih lan mai loh?
.
"ka hre tawh bik lo.... bakah Arden hi a danglam takzet min biak a tum bawk si lo.... ka hmuh apiang thil min hrilh duh a nei tlat hian ka hre ṭhin mahse nawr luih ai chuan ama duh thu ngeia min hrilh hun chu ka ngak ta zawk ani..." zep ka tum tawh bik lo Arden nen a kan awmdan leh chhungchang zawng zawngte chu ka hrilh fai veka ka rilru hahna te hrilh tur ṭhian ka neih avang hian ka thawveng in ka zâng nghal hawk bawk.
"Hailey.... engtin nge ka tih tak ang?"
" a duh thu che pawh ala hrilh lo che ania.... midang a nei ani lo maw? keichu hepa hi ka duhpui tawp lo che "
"Chutiang mi ani lo.... i ngaih ang mi kha ani lo " ka ti ve tak na a chu rinhleh na in ka khat vek tawh,chumai bakah tun laia a awmdan nen phei hi chuan rinhlelh loh chi rual ani lo.
.
Chutia Arden leh Katie chungchang vel kan lo sawidun mawlh mawlh lai chuan mi chhe sawi chu koh aiin a hnai an tih ang tak tak khan Arden rawn lut lai ka va hmu hlawl ringawt!! amah chauh in ani lo a hnungah Mia, Oliva, Ethan leh midang dang pawhin an rawn zui lut nual bawk.
Engthil nge thleng ta hi!! ka hmelhriat te zawng zawng he restaurant ah hian rawn kal vek an tum emaw ni le?
Ka rin ang ngeiin Mia chuan min rawn hmuh hmaih loh nasa ring leng lawng hian min rawn ko nghal zat bawk.
" Tina.... " midang ho chuan min rawn en ṭhap hlawm a, Arden phei chuan a tum loh deuhin min rawn hmu bawk nen mak a tih hmel takzet chutah Olivia in a ban ah a vuan ṭui lehnghal.
.
"Guys helamah..... "Mia kan bula a rawn
ṭhut rual rual chuan phur takin dawhkan an rawn dawh zawma,an lian hlawm bawk si a an rawn ṭhut kual meuh chuan light min hliah khup thei alawm.
"tunlai chu kan inhmu khat hle mai" Mia leh midang ho chuan ṭha takin min be mahse Ethan leh Olivia te pahnih erawh chuan min melh rum hle thung,Arden phei chu melh pawh ka melh peih lo ,min hmelhriat angin a awm loh chu thuhran Olivia nen inkhawp ang maiin an awm avang hian ka ngaithei bik der lo.
"Arden....i dam maw?" ngeiawm zetin amah melh kar pah chuan ka ti kher a,midang ho chuan mak tih hmel takin min lo melh ha thung.
