February 09, 2018
PS I HATE YOU
Remruati Bawitlung(Haylor )
ig- @remruati_haylor
(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)
(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)
.
Chapter-1
.
★Hospital★
.
" Lola...Lola...engtin nge i awm?"ka mutthilh tui lai lai chuan mangan hmel tak hian Maisie chuan min rawn sawi nawk nawk a mutthilh luih na chi ani tawh lo.
"Maisie... kal teh ka mut a chhuak ania"meng mang lo chuan ka lo ti buh nuai a.
" mimawl nu... min ti mangang hman alawm, engtin nge i hnathawhna ah i tluk theih zawka? " ka harh loh hlau niawm tak chuan min rawn sawi leh nghal nawk nawk a,ka ning tawh lutuk thawk chhuah hak pah chuan ka thu chhuak leh ta nge nge a.
"Khawiah nge Mark hi... damdawi in ah a hruai che an ti sia "
.
" khawmaw cigarette chu?"
"Henu tak hi chu aw... i damloh hi"
"ka chauh vang mai mai alawm... mu tam deuh ila ka dam ani mai, khawi... " tih pahin ka kut ka dawh lui tlata.
" ka nei lo... ka nei lo...inenkawl tha rawh ka tih mawlh mawlh kha bakah Boss in leave a pe lo che ania"
" maw!! ka damloh hi, tun angah te chuan chawlh hahdamna hun te pawh min pek ve tur ania... duham leh lutuk"
"VIP customer kan nei dawn a nang tluka dawngsawng tu thiam leh zei an awm hleinem"
" ka hria lawm" tih pahin kan han nui dun leh rih a.
.
"hahdam rawh... nang chu zan ah ani tho...."
" awle.... Enteh Maisie tunlai chu ka awm a nuam thei tho reng reng, whisky takngial pawhin ka luak a ti chhuak tlat "
"i taksa a chauh vang mai mai aniang.... mu la a reh leh mai ang, khawiah nge maw Mark pawh hi a awm le?"
"khawi emaw balcony velah a inti thawveng aniang "
"damlo awmpui ve si a ngaihsak tur che asin... engtin emaw in i lo awm thei reng asin"
"i hlauthawng hma lutuk... arsa leh beer ka ei chak takzet "
.
" i ti ve ziah... i thau lutuk ange bakah tunlai chu thil i ei hnem hrim hrim,ei chin tawk i nei lo "
" nia... ka ril a tam reng bawk sia lawm, awi... tunah tak hian dawnfawh ka ei chak, dark chocolate ice-cream pawh nilo... fish and chips pawh,arsa bawp nen... "
"Lola.... i tamchhawl ani lo maw?"Maisie chuan mak tih hmel takin min rawn en ha a
"anih pawh ani maithei....ughh... ka chau lutuk ka mu duh "
" ok... doctor kan ko ange " tih pahin Maisie chu a tho hluai a mahse doctor a rawn lut hlauh.
.
"ughh... Miss Lola.... " Doctor chu a ngawi deuh chut a.
" umm... Lola chauh" Ka hming chu Lola chauh ani hming hnuhnung ka nei lo.
"na lai te i la nei em.. ?" a tih chuan ka inngaihtuah vung vung a.
"aih nei lo....ka chau em em ani mai chuan Doctor khawngaih in zan hnih tal damdawiin a riak turin min ti hram rawh" ka lo tinghal zung zung a, diktak chuan hna a kal ka peih lo em ani.
" umm...Miss Lola i vannei takzet i tlu na lo hlauh a, x-ray leh CT scan vela a lan dan chuan i nau pai pawh a tha e"
.
" Engmaw!! " Maisie nen chuan mak tih hmel takin kan au rual nghal tuarh a. Kan in en phawt a doctor chu kan en chho leh ha a
" ka... ka... ka rai a!! "
"I rai tih i la in hre lo ani maw!!,kha heihi en rawh" tih pahin file hi min rawn pe a, kan en chuan alo positive kalh bawk si.
"Ihh...pregnancy test nawn leh ka duh " ka ti bah nuai a Maisie phei chu tawng nachang pawh a hre lo.
"Test that leh i duh chuan engtik lai pawhin i test thei ang mahse a chiang thawkhat viau in ka hria tunah hian fa thla khat leh a chanve mi i pai ani"
.
"eng... engtin nge chu chu a thlen theih? " Maisie chuan a rawn ti chhuak hlawl a.
" ka hre bik lo "
" anih chuan tunge a pa?"ti a min zawh chuan ka buai ta nak mai.
" Maisie vawin hi ni engzat nge? "
"July ni5 "
" anih chuan... ih... Doctor... "
" Enge ni ta? "
"umm...sex ka hman hnuhnung ber chu May thla kha ania chuan chumi hma kar khat na vel ah ka hmang leh bawk a tu zawk nge a pa niang? "
"maw!! " Doctor chuan min rawn en ha a
.
Mahse professional tak anih avangin a hrawk then kharh kharh pah chuan"mipa hran ve ve tiraw?"
"aw.... "
" anih chuan i mutpui hnuhnung zawk chu apa anih ka ring i nau pai thla atang hi chuan a dik vel chiah ang, anih loh pawhin DNA test kan ti thei tho ania naute pa nizawk a i rin kha rawn hruai la "
" nilo... " ka lo ti nghal hlur a,a chhan chu engtik ah mah ka hruai thei dawn lo a hming pawh ka hre tlat lo.
" Ngatinge...? " Maisie chuan a rawn ti sa sa a.
" Doctor tun ah hian damdawiin atanga chhuah ka duh"
" Lola...i la dam hleinem" Maisie chuan alo ti vata.
.
" Awle...mahse damdawi ka chawh che hi tha taka i ei angai ang "
"tehreng mai "
"tunah chuan i nau pai chu a hrisel tha mahse thla khat ah vawikhat tal checkup turin rawn kal thin ang che "
" Nau pai a!! " Mark chu kawngka
bulah alo ding reng chu niin, a phone chu chhuatah a thlauh nghal chawrh bawk.
" tu maw nau pai? " Maisie nen chuan thawk kan han la halh a
"Haw ang.... " ka lo ti vata.
" i in enkawl tha dawn nia... " tih pahin doctor chuan min chhuahsan nghala..
.
" Boss in i tha tih a hria a zanin ah hna zawm leh turin a duh che,Boss hi a ti mah mah ani"
"anih chuan nau chungchang vel a hria em?"Maisie chuan alo ti vata.
" Hrelo... mahse tu zawk nge naupai min hrilh loh chuan Boss beng a thleng rang ngawt ang "
" Hepa tak hi chu aw....apa pawh kan hriat hma hma in... ughh.. Lola tunge apa ni reng reng?" Mark leh Maisie chuan hriat chak hmel zet hian min rawn melh kar a.
" Lola... tunge? " Mark chuan a rawn ti ve leh bawka.
"huizz.... ka chau lutuk, car ah ka lo zuk awm ang, tihfel ngai kha lo tifel mai ru" tih leh chhuah ka rual nghala.
.
Ka chauh em avangin car ah chuan ka lo zuk mu dar dar a, nghah pahin cigarette ka lo zu khu hlat hlat bawk .Minute 15 hnu velah Maisie leh Mark pawh an rawn lang ve nghal vata
"Lola... No smoking " Maisie chuan car a rawn luh pah chuan a ti a.
"Nau i pai tih Boss in hria se engtin nge a tih ang....? "
" Mark... i hlauthawng anih kha, huizz min be buai tawh lo teh u ka mu duh" tih pahin ka ke ka hlang sawk sawk a thatchhe zetin ka mu nghal thak a.
Maisie nen a kan apartment lam pan in kan tlan chhuak nghala.
.
In kan thlen chuan angai te bawkin alo hnawk leh nuai tawh, hun kan neih loh mai bakah a zau si a ,kan chawlh ve chhun ah lah mut nan ka hmang bawk si ,in fai ngaihna chu a awmlo. Inchhung ka luh rual rual chuan ka jacket ka phelh sawk sawk a, chhuata paih let tawp pahin couch ah ka zuang lut ngal thak a Tv ka on zui zat bawk.
" Mark... khawmaw beer kha min lo pe teh... "
"Boss chu engtin nge ni dawn ?" beer can chu rawn theh thlak pahin ka bulah chuan a rawn inrawlh ve nghal thak a.
"a hre chhuak tur ani lo chuti lo chu ka carrier a tawp nghal ani mai "
.
"Lola...nau i pai te chuan Bar a thawk reng lo in hna dang te pawh zawng ve la"
" pawisa a tlem emai "
"sum hi chu i atchilh ve ngawt mai,sum ngah leh hausa chauh i duh ania" Maisie chuan min rawn nuih suk pah hian a rawn ti a
" hausa ngaizawng lo ila he in ah pawh hian kan cheng thei tawp nang...he khawvel ah hi chuan sum bak pawimawh a awm lo ...Mark nangpawh inluah tur i hmuh loh apiangin hetah i rawn riah ziah kha aw"
" i sum duh lutuk hian a ti chhe vek ang che " Maisie in a tih chuan lukham in ka vawm nghal chawrh a .
.
" Zanin pawh Customer tha deuh i neih leh dawn kha....nang hi chu i vannei lellawl ngawt mai" Mark chuan a ti a
"zanin chu ka phur lo.... bakah midang pe daih mahse pawi ka ti lo"
" maw!! " An rawn ti rual nghal thawt a, diktak chuan chau chung chung pawn customer tha leh hausa zawng zawng chu keiman chan vek ka duh thin, hetiang thu kan chhakchhuak ta mai hi mak te pawh a mak ve ang ,chu aia mak zawk chu midang ang lo takin ka ngaihzawng nilo ka customer nazawng ka mutpui ngai lo thung chumi avang chuan Boss rin leh duhsak ka hlawh phah reng ani.
.
" ka rai vang kha aniang tun hnai te atang khan mihausa te hian ka luak an ti chhuak "
"i khuasik ani lo maw! " Mark chuan ka pang chu a rawn dep vela
" Mark duhtawk teh... fiamthu nan tha ka nei lo ania...zanin chu tlai deuh ah ka kal ang "
" tlai mahla nangte chu Boss in a ngaidam lehzel ang che bakah customer te thinrim in i chhuah ngai hleinem"
" Mark... nang hi chu aw...hmelchhe hle mahla Bartender fel ber i niang "
"chuan ka sexy bawk" a tih chuan Maisie nen kan lo ner khum nanga.
.
" Lola...naute hi engtin nge i tih dawn... i pai tlang dawn nge?" inla thutak fe hian Maisie chu ka bulah a rawn thu hnai a
" umm... ka la ngaihtuah ang chu bakah thla hnih pawh ala tling hleinem tih tlak nan hun ala tam alawm"
" Lola... " Maisie chuan a rawn ti nghal tuarh a "hetiang em em a nunrawng hi i nih ka ring ngai lo "
"anih chuan Idea dang i nei ami? "
" nei lo... a hmasa berin a pa kan hriat phawt angai... "tih pahin hnai zet hian a rawn kun hniama
" Lola... tunge a pa? " Mark chuan a rawn ti sa sa a.
" nia.. tunge? "
.
"in hre duh tak tak ami?" ka tih chuan an lo bu nghat a
"saw pa saw" tih pahin Tv chu ka kawk va va a, an hawi rang ngei mai. Tv chu an en vung vung a Mark phei chuan a beer in lai a phuh chhuak hial .Meng phawk fe chungin an pahnih chuan min rawn en leh nghal kawk a tawng nachang pawh an hre lo, an â zo tawh anih hi.
" hey!! enge in hriat a?"
"Ka....ka...ih..naute pa chu Kai Burton maw!! " Maisie chuan a rawn ti chhuak hlawl a
" i ti tak tak em...Landscape Software corporation President Kai Burton kha maw? " Mark chuan a rawn ti ve leh ngat a
" aw...chutiang em em ka hrelo mahse khipa khi"
" Big Boss kha.... " tih pahin an pahnih chuan an in en a an han te tak tak mai chu mi â an ang zawk.
.
Chapter-2
.
" awle... Lola... " Maisie chuan thawk an han la te te phawt a
" Engtin nge a thlen theih... nang Paris ah i awma ani London ah... "
" ka hre bik lo.... khami zan khan ka lo rui ve deuh bawk nen Boss in min man chhuah ka hlauh avangin a harh hma in zingkar ah ka haw daih alawm"
" i chiang chiah maw Kai Burton ani tih? " Mark an thutak fe a a rawn tih chuan ka tho thuta, Tv bula vase lianpui chu ka hai ruk ruk a, thi pakhat hi ka khai chhuak va va a
" He thi hi engtin nge ka neih ka hrelo mahse ka thawmhnaw karah khan alo awma Kai Burton a ta anih ka ring hralh ila engzat man nge ni ang?" ka tih rual rual chuan thi chu Mark an a rawn pawtthla nghal.
.
"i hralh thei lo ang... he thi hi i pe kir leh ngei tur ani " alo ti vata.
" Mark... enge maw i hriat le,en ta che lunghlu a nih hi ka kumkhat hlawh aia tam man daih anih hi "
" Chupawh nise a fa i pai a i hrilh angai alawm"
"Mark i ngaih ang kha ani lo" tih pahin couch ah chuan ka thu hnawk a
"min la hriat i ring reng reng ami? khang te chu one nightstand chauh anih kha "
" chuan naute hi engtin nge i tih dawn" Maisie chuan a rawn ti vin hlar a, chhan mai dan pawh tur ka hrelo. He naute hi ka pai tlang anih chuan ka carrier zawng zawng a tawp vek dawn tih chu kei tluka hre chiang an awm lo.
" naktuk ah ka titla ang " tih pahin room ah ka luhsan nghal daih a.
.
Ka room tukverh lian zet atang chuan Paris khawpui chu ka han thlir vang vang a ka ngaihtuahna a kal thui takzet. Kei ngei pawh hi ka nu in min duhlo in bawlhhlawh bawmah min paih a mahse vanneih thlak takin mipa pakhat in min chhar hlauh !! hnuchham inah min dah ta ani.Hnuchham in ah seilian in Ka hming pawh 'Mighty' tiin min phuah sak nghe nghe ,nu leh pa leh unau neih te chu ka suangtuahna mai an ni.Tlai khat chu ka suangtuahna a thlen dik ve ta Kum 6 mi ka nih in nupa fa nei thei lo hian min la hlauh khami tuma ka hlim zia kha chhungte ka nei ve tawh dawn...nu, pa tia koh tur ka nei ve dawn ta!! mahse ka lungngaihna intanna tur ani tih ka hre der si lo.
.
Ka nu leh pa thar te nen chuan thingtlang khaw te reuh te ah kan cheng ve a min duat in school te min kal tira, rethei hle mahse ka duh apiang min lei sak ve thin ka hming pawh Mighty Gonzalez tiin min thlak sak vat bawk.Ka suangtuahna te chu ani telin a thleng dik zela mahse chu chu pawnlam landan mai ani. Ka pa hi zu heh tak anih avangin a ruih apiangin ka nu nen min vaw ziah thin ,a chang leh lei te min barh a ,a chang phei chuan nilenga tui chauh rin chang te ka nei hial.Chutia nghaisak leh tihduhdah reng kan nih avang chuan reilo te ah ka nu chu thi in a luak tan ta a!! ka pa in a hriat meuh chuan a mangang em em a, damdawiin ah kan lut hial mahse a tlai tawh lutuk ka nu chuan reilo te ah natna leh hrehawmna awmtawh lohna ramah min kalsan ta ani.Ka hnena a thusawi hnuhnung ber pawh ka pa tlan bosan turin min hrilh ani.
.
Ka nu thih hnu atang phei chuan ka pa chuan zu a in nasa zual a, damdawi hial a tih phah bawk.School pawh kal chhunzawm thei lo in ka pa chuan a zu man tur mi pawisa min ruk tir ta thin ani.Ka ruk tlem deuh chuan min vaw hrepa a chang phei chuan ka taksa na lutuk hi kal pawh ka kal tha thei ngai lo, ka ril tam lutuk hi min chaw paih te ka ei mai mai thin. Kum16 ka tlin meuh chuan nula hleitling leh hmeltha tia sawi ka hlawh fo mahse ka chhungril natna erawh tumahin min hriatpu der si lo.Tlaikhat chu ka pawisa khawl sa in flight ticket a daih tawh bawka a hma daiha ka lo tum lawk tawh ang chuan ka pa tlanbo san in Paris pan ka tum ta a,chutah chuan nun nuam zawk ka neih ngei ka beisei.Hmeichhe naupang mawl leh berh ve tak ka nih avangin ka zam takzet.
.
Vawitam tak ka bo hnu ah leh harsatna tamtak ka tawh hnu chuan Paris ka thleng ve hlawl ta!!ka hlim lutuk hi ka mittui a tla hial. Hun enge maw chen chu kawngsir ah te riak kual in ka khawsa ve naw naw a chutah chuan Maisie hi ka tawng ta ani.Ani pawh mi baihvai ve tak ni mahse riahna tur in tal a nei alawm. A apartment luah te reuh te khum pawh lenglo ah chuan kan pahnih in kan khawsa ve naw naw a restaurant ah hna te min zawn kual pui thin a mahse sêr leh duk ka ngah em avangin tumah in hna thawk ah min chhawr duh lo. Maisie hlawh chauh kan ring thei si lo a Medical college pakhat ah bathroom tifai in ka inhlawh ta thin ani.
.
Chutia ka hun kal tawh rapthlak leh hrehawm tak ka ngaihtuah let leh avang chuan ka mittui chu a rawn far fap a.
" Lola... " Maisie in min rawn koh chuan ka lo phu deuh zawk a, ka tap lai min hmuh ka duh loh avangin ka mittui ka lo hru hul vat bawk.
" Lola... i tap ami? "a rawn ti sap a,ka lo insut hraih avang chuan min rawn kuah nghal thlawp a.
"Lola....i tun hma nun kha chu ngaihtuah tawh suh... tunah chuan tumah in an ti na thei tawh lo che " tih pahin ka hnung chu a rawn beng thak thak a, Maisie tluka min hrechiang tu an awmlo, khang thil ka hun kaltawh rapthlak takte avang khan tun thleng hian mang chhia ka la nei fo zan ah pawh ka muhil thei ngai lo.
.
"Ka nu in min tih ang chiah khan ka fa hi paihbo ve ta ila ka nu ang chauh kha ka ni dawn bawk si mahse ka pai tlang anih erawh chuan engtin nge ka hna, ka eizawnna hi ni ve ta ang "Maisie pawhin min chhan ngaihna a hre bik lo min hnem chauh lo chu.
" umm... ka tihpalh" tih pah chuan ka nui der suk a, "club a kal alo hun leh der tawh anih hi kan insiam ange "
"i ti thei chiah ang maw? "
" Engvangin nge ka theih loh ang... Lola ka nih hi "
"ka dang lo ang che anih chuan insiam la, Mark an a thlah dawn che nia "
" awle "
.
Ka insiam lai te chuan thil dang ka lo ngaihtuah leh veng veng zel.Boss in min rawn call chhen avang chuan ka insiam sawk sawk a, ka thawhna 'W bar" lam pan in Mark chuan min thlah nghala. Car a ka chuan lai te chuan ka mittui a rawn tla leh ringawt zel.
" Lola... tap suh hetiang hian i awm ngai loh kha" tiin ka inhrilh mawlh mawlh a ngatinge hetiang hian ka awm tlat le, ka naupai vang hi aniang.Pawn lam ka hawi vauh vauh lai chuan Nick Harper nena kan inngaihzawn lai vel te chu ka ngaihtuah chhuaka engtik ah mah khatiang thil kha thleng nawn leh turin ka duh tawh lo.
.
*
Eng eng emaw vanga hna atanga min ban tak daih avang chuan Maisie in a thawhna tuna ka thawhna ni bawk 'W bar' ah hian min hruai ta ringawt a,a tir ah chuan ka hreh in hrehawm ka ti hle zantin deuh thaw ka tap thin. Mipa mutpui emaw inzuar turin ka thawk lo a mipa te ti hlim tur leh dancer(Stripper) angin ka thawk zawk ani.Chutia bar a ka thawh tak reng avang chuan fimkhur thu ah tiin Boss in ka hming Mighty Gonzalez tih chu Lola Gonzalez tiin min thlak sak ta daih a, Mighty tih phei chu sawi chhuah leh a phal tawh lo hrim hrim.Ka tan khua a var tan ve dawn chauh emaw ka tih laiin mangchhia leh ka hun kal tawh in min tih buai reng avang chuan engkim theihnghilh vek a nun thara bul tan ka duh avangin ka hming atangin Gonzalez tih chu ka paih ve leh a chuta tang chuan Lola tih chauh chu ka hming alo ni ta ani.
.
Ka hlawh ka kham tak loh avang leh ka thil mamawh a pung ve zel si avangin ka duham chho telh telh a mihausa te ngaizawng kualin an thil neih chu ka lo ei ve thin , putar emaw nupui nei lai pawh nise ka pawisa lo ka hlawkna tur anih chuan engthil pawh tih ka huam, rukruk erawh Paris ka thlen atangin ka ti leh tawh ngai lo a chhan chu rukruk kha ka thil duh lo ber leh hrehawm tih ber te zinga mi ani mahse khatih lai khan duhthlan tur dang ka nei miau lo alawm.
.
" Lola... Lola... " Mark chuan min rawn sawi nawk nawk a ka ngaihtuah na atangin ka harhchhuak hlawl bawk.
"enge ilo ngaihtuah daih a hmanhmawh ang Boss thin alo rim tawh ang "
" awle" tih pahin ka mittui ka hruhul zeuh a,club hnung lam stuff ho chauh luhna atang chuan hmanhmawh zetin kan inzui lut nghal hlawk hlawk a.Vanneih thlak lutuk in boss ka hmu lo hlauh, a ruk thei ang berin dressing room lam ka pan zal zal a. Hmanhmawh tak siin kawrfual ka mawng khuh chang chang chu ha in lipstick sen tak ka inhnawih bawka.Ka hna nen a inzawm tlat pheikhawk sang tak bun in ka sam chu ka han tuai thur deuh a.
"i chhelo thlawt" darthlalanga in en pah chuan ka innuih suk a.
"Anthony khawiah room nge?" tih pahin engkim order leh kan room luhna tur vel lo buaipui tu Anthony bulah chuan ka ti a .
" nangchu VIP room no.24 ah...a khirh deuh hlek ania"
" min ngaihtuah suh... mi khirh te chu ka buaipui nuam tih zawng tak alawm" dawhkana whisky lak zeuh pahin room no.24 lam chu ka pan nghala.
Room chhung ka luh dawn chuan ka ding vung vung a " ngatinge ka lu a nat em em le" tih pahin ka lu chu ka han thing nawk nawk phawt a, nuih suk pahin kawngka ka han hawng dek dek a.
.
Ka customer pa chu min hnungchhawn zawng hian a lo thu run lehnghal, hnung lam atang chuan kum40 bawr vel anih ka ring. Light chu dim zet hian a eng riai a, ka hmaikawr chu pawt thla in chupa bulah chuan ka zut thu nghal thaka.
"min lo nghak rei tawh em? " a beng bulah chuan ka zuk ti sa sa a, a awm leh a malpui vel te chu ka han zut kual vela alo si hlurh hlurh lehnghal.
A no ah chuan brandy ka han thlit chhuah saka a tlak nghal pap bawk.
"i chhelo hle mai, ka duhzawng tak ini" tih pahin ka beng chu a rawn seh ne ne a,a ruk tak chuan ka ten deuh tlat ka luak te pawh a ti chhuak.Min rawn fawh a tum pawhin ka kutzungchal in a hmui chu ka lo hup tlat zel .
.
Hun khawhral nan tiin ka han lam khum vela a chang leh ka lampui thul zanin zet zawng ka che hleithei lo nuam tih na reng ka nei bawk hek lo, Darkar khat rei ber ala ni hial ang.Sana chu ka thlek deuh chhen a ka ning tawh takzet.
"i in belh duh em?"ka ti hmuk a
"duh belh tehreng e... " a tih chuan a hma ah tak thingthi in ka han thlit belh saka.
"min in pui thei angem? " ka lo nuih suk a, a no ken lai chu fawh zeuh pahin tlem ka han lem zeuh a, mahse ka che buai nghal. Ka pum atang chuan a rawn in pam chho ta up up mai ka hmui chu ka hup tlat a ka luak mai dawn in ka hria..
.
"Min lam sak leh thei angem? " buh nuai hian a rawn ti a.
"teh... tehreng mai " tih pahin din ka han tuma mahse ka insum theih tawh lo, ka inthiar fihlim hma in a kekawr ah ka luah khum anih chu!!
" ka... ka tihpalh " ka ti zo chiaha ka luah khum lehnghal, ka rin ang ngeiin a thin a rim kher mai,ka va han chak dawnlo tak em?.
" Eng hmeichhia nge maw i nih le? " tih pahin a tho thut a thinrim takin min chhuahsan nghala.
Buaina nasa zawk a thlen hma in ka chingfel vat angai ,dawhkan a lehkha chu tissue emaw tiin ka ban zuk a ka tlan chhuak ve nghala .
.
" Lola.. engthil nge thleng hi? " room atanga ka chhuak chiah chu boss min min kai hrang nghal dawr dawr a.
" ka... ka hre bik lo ka la dam chiang lo aniang"
" khapa kha mi pawimawh tak ani asin"
" ka tihpalh "
"Lola... ka thiamloh zawk ani i dam chian hma in ka ko che a,engpawh chu nise inenkawl tha rawh " Boss hi chu a fing ve ngawt mai, kei tluka pawisa lalut hnem an awmlo tih a hre ve kar aniang .
"karleh atangin hna i rawn zawm mai dawn nia.... Sammy... Lola hi va thlah haw mai rawh ....inenkawl tha ang che"
" ka lawm e boss... " ka lo ti vata.
.
________________________________________
.
Ka pum nuamlo leh luakchhuak lutuk chuan min ti harh zawka thawhphang pawh sawi lo in hmanhmawh takin bathroom lamah ka tlan phei nghal dawr dawr a.Insum na tel hauh lo a kan han luak bawrh bawrh mai chu a nuam teh e.
" naute...min ti muhil thei hleinem" ka pum zut pah chuan ka ti sap a.Mut leh ka han tum ngial na a ka muhil thei tawh thlawt lo dar5 a rik pawhin ka room ah ka la vei theuh theuh mai.Chutia ka vei kual chhen lai chuan couch a lehkha sen nalh zet chuan ka mit ala nghal zar .
.
"Engthil nge mawn le ?" tih pahin ka zuk la vata,E...taka nizana tissue emaw ka tih kha ani maw!! hmanhmawh zetin ka hawng nghal sawk sawk a, a chhung kan chhiar nak chuan ka nui nghal suka. Sana chu ka en seka dar8 a rik meuh chuan ka mu lui peih tawh lo ka tho chhuak ta nge nge a.
" Morning... "
" Mark... zing kar kar ah enge hetah i rawn tih? "
" nizan thil thleng kha ka ngaihtuah deuh che lawm... "
" ka luak i ti chhuak ania"
" Lola... sual lutuk suh,hei breakfast ei rawh" Maisie chuan alo ti vata.
"Banana pancake hi ei rawh... naute tan a hrisel ania"
" Enga.... Banana pancake a!!"
.
" Chuan hei bawnghnute "
" Maisie.... "
" Naute tan... " uang zet hian a rawn ti leh a.
"heng ai chuan beer leh pizza ka duh zawk "
"teuh lo...tun atang chuan i naute chiah kan ngaihtuah tawh ang... awi Lalpa leh nutei ka ni dawn"
" kei a putea... " Mark chuan alo ti ve bawka.
" duhtawk te u....inngaihtuah ka ngai ania "
" tak tak a.. Lola naute hi tih tlak i tum em lo tiraw? " Maisie in a rawn ti chuan nuih suk pahin envlope sen chu ka theh phei nghala, chhiar chakin an inchuh ani ber mai.
.
"Landscape corporation in an software thar ber Paris ah an launch dawn maw!!? " Mark chuan alo ti ha a.
" chuan... chutah chuan Kai Burton pawh a rawn kal ngei ang " Maisie chuan a tih chhunzawm zat bawk.
"a hun pawh naktuk tukleh ani tawh Lola... he invitation card hi enge awmzia? " Maisie chuan hriatthiam loh hmel zet hian a rawn ti leh a.
"Idea ka nei alawm"
" maw!! " a mak ti hmel hian ka nuih an ti za zawk.
"Engthil chiah nge tih i tum a ?"
"Lo thlir reng rawh u... Kai Burton hi pasal ah ka nei ngei ang " tih pahin ka khi deuh suk a.
Show post links
Top
Ngaia
Site Admin
Quote
Unread post December 3rd, 2017, 1:02 pm
Chapter-3
www.storyfb.com mizo story thar nitin dah ziah a ni e
.
" Lola... engthil nge maw i suangtuah le... Kai Burton pasala neih maw!! " Maisie chuan min rawn en ha a
" Thil theih loh hulhual ani " Mark pawhin alo ti ve bawk.
"Thil theih loh a awm lo, Kai Burton a hausakna hi tawmpui ve ka duh ani "
"Engmaw!! " an rawn ti rual thawt a.
"Lola... i suangtuahna atang hian harh chhuak teh in enchiang ta che Kai Burton te chu hmeichhe chhelo leh hausa tak tak in an bawr reng ang chu "
" mahse a fa an pai ve hleinem.... "
.
" urhhh....tinge maw i luhlul viau le a fa i pai thu i hrilh chuan a lo berah ti tla turin a hrilh ngei ang che" Maisie in a tih chuan ka ngawi hmak, ni e... ti tla turin min hrilh ngei ang anih loh vek pawhin pawisa min pe ang mahse chu chu ka duhtawk lo pasal atan ka neih ngei angai.
"chutiang lam chu nakinah kan sawi dawn nia ...Lola breakfast ei phawt rawh " Mark chuan kan inhnial buai tur chu min lo dang vata, tui ti lo zetin banana pancake chu ka ei ta nge nge a.
*
Vawin chu Boss in chawlh min pe bawka tiin couch a thut dar dar pahin pizza chu ka ei tuam tuam a,hun thawl tak neih a pizza leh beer ei chu tui tak ani. Naktuk mai hi Landscape corporation in an software thar an hawn tur ni ani tawh bawka party na a kal ve ngei tumin ka hmai chu facepack leh thingfanghma in ka han chiah vela a ruk tak chuan ka tang ve hle.
A chang leh ka thil ei ka luakchhuak leh veka mahse ka ril tam a reh theih si loh avangin ka han ei leh tawka vawin ni zet chu awm mai mai mah ila ka chau takzet .
.
" Lola....harh teh" tih pahin Maisie chuan lukham in min rawn vawm chawrh a ka harh chiang ngei mai.
" Ahh... ilo haw tawh ani maw" tih pahin ka chilthli chu ka tuaifai nghal vata,pawnlam ka thlir chuan khua alo thim der tawh.
" nizanah ka mu tlem lutuk a, tlaiah ka lo muhil aniang "
" dar8 a ri tawh ania i van mu rei em em dinner pawh engmah ilo peihfep lo ania "
" umm...ka tihpalh,kan ei chhuak mai dawn mi?" inthiam lo tak chung chuan ka ti sapa.
" a pawilo...hei eitur ka rawn hawn alawm"
" ani maw!" tih pahin Maisie thil rawn hawn chu ka va hai nghal ruk ruk a.
.
" awi... Lalpa leh ka ril a tam lutuk" tih pahin ka phawrh chhuak nghal zung zung a.
" fimkhur ve deuh la... Lola Dark chocolate ice- cream pawh ka rawn hawn che sin "
"ka lawm e... " tih pahin ice- cream chu ka hawng sawk sawk a kan hawp tan tan mai chu a tui teh e ka dam nghal sawng sawng in ka hria . Maisie chuan ka thil ei lai chu hmuhnawm ti takin min lo thlir dauh dauh a ei ve tura ka sawm lo chu ka inthiam lo leh hnuhnawh.
.
"Enge...?" ka lo ti vin hlar a
"hetianga i thil ei lai hi ka la hmu ngai miah lo "
"Hey... min en reng hian ka ei tui thei lo ania "
" ei mai mai teh.... E... taka" tih pahin a laptop chu a rawn la chhuaka.
" vawin ah Kai Burton a chungchang tlem a zawng ka lo zawng a " a tih chuan ka beng ka lo chhi nghal hru a.
" Enge i hriat belh?"
" umm....nau mipa pakhat kum8 mi a nei a chuan anu hi actress hlui niin a pa hi Landscape corporation President ani thin a mahse car accident ah a spinal cord a tih chhiat avangin Kai Burton an a thlak anih chu "
.
" anih ama chungchang? "
" umm... ka hre vak lo mahse a hnathawk te chuan sawiselna an nei lo a perfect ani tawp mai chuan mak deuh chu sawisel tur pawhin thla khatah vawi hnih vel bak a hnathawk te bulah a hmel a lan ngai lo an ti meeting pawimawh emaw mi pawimawh dang an awm te anih loh chuan"
" anih ngaihzawng lam te "
" Engmah ka hrelo... engkim hi a dah private vek aniang "
" huizz...eng mi nge a nih ang le?"
" alo ler in alo sual viau maithei bawk Lola keichu ka hlauthawng tlat i thil tum hi thulh leh mai rawh "
"ka lo hlawhtling lo anih pawhin ka tum tal alawm... " ka ti sap a.
.
_________________________________________
°SUNDAY°
<7:00pm>
.
Party na a kal ve zawng zawngte mit lak tum ran in ka kawrfual dum a sir ka mal thleng vela kak chu ka ha a ka chawn tilang sei zual turin pheikhawk sang tak ka bun bawk. Ka makeup pawh ka uluk in lipstick sen lar tak ka inhnawi bawka min ti confi zualin ka hria.
" Lola... security a khauh awm ropui si a engtin nge i luh ang ?" Mark chuan hlauhthawn hmel tak hian a rawn ti a
" heihi ka nei alawm" tih pahin invitation card chu ka lek va va a.
" kan rawn lut ve thei dawn si lo a engemaw a thlen palh takin building hnung lamah Mark nen kan lo awm ang"
" awle... " a ruk chuan ka hlauthawng ve tho.
"all the best "
" haha... ka lawm e" tih pahin car atang chuan ka chhuak nghala.
.
Mihausa tih hriat tak tak chu inchhung lamah an lut sung sung a, security pahnih lai ka paltlang tawh phawt a a pathumna hi tlema an strict deuh avangin ka lut tlang thei lo maithei. Ka clutch chu nghet takin ka vuana ka chhungril ah ka khur der der bawk mahse ka zam tih ka tilang chhuak tur ani lo. Security pathumna lam pan chuan confi takin ka pan phei a, sawm bikte hming an chhinchhiah vek avangin tu hming nge ka sawi tak ang
" Engpawh thleng se pawi ka ti lo " chil lem dak pah chuan ka inhum ruh vata, ka lungphu pawh a rang tawh kher mai.
.
Ka hma chiah ami chuan a hming zawnah a sign meka kei hian khawiah nge ka sign ve tak ang ka thlan tui in min bual huh nghal vek tawh chutia thlauthawng taka ka awm lai chuan vanneihthlak lutukin ka hmelhriat ka hmu ta thut mai!! " ka lawm a ka lawm zia chu au chhuah vak vak mai ka duh
" Mr Smith" tih pahin ka va kuah nghal chawt a ka ngaihzawng hlui thianpa anih avangin kan innel bawka ka zak lem lo.
" oh!! Hi Lola... "
" khawiah nge in nu?"
" ughh... a khup ruh a nat avangin a rawn kal thei lo a, tar tawh lamah hi chuan na neuh neuh hi kan nghah khawp mai "
.
Mr. Smith-a kawppui anga ka luh avang chuan hming pawh sign ngai lovin ka lut tlang thei hram.Inchhung kan lut chiah chu ka tum ai daihin a ropui mahse mihausa te inhmuh khawmna ah ka kal ngun tawh bawka ka mikhual lem lo.
"Kan inhmuh lohna a rei ta hle mai, ka hmu leh thei che chu ka lawm takzet chuan a hma aiin i hmel tha daih in ka hria "
" ka lawm e... nangpawh ila tlangval reng... Mrs Smith chu dam vat turin duhsakna ka hlan e... ka ngaihtuah thu i lo hrilh dawn nia "
" tehreng mai.... fanu ang chiahin a en che a, ani pawhin a hmuh che chuan a lawm ngawt ang "
Kan inbiak pah chuan Kai Burton zawngin ka hawikual hruk hruk a.
.
" Lola... min lo hrethiam lawk"
" tehreng mai " Mr Smith-a chuan midang biak tur a neih avangin min kalsan nghala.
Mr Smith a kal velah Kar Burton zawng chuan ka han kalkual vela mahse a hmel reng reng hmuh tur a awm lo.
" khawiah nge maw a kal le?" ka phun nung nung lai chuan ka hmu ta thut mai!! Ka awmna atanga hla vak lo ah midang nen an lo inbe mawlh mawlh a. Kan en chiang mai mai khawpa, a suit manto zet atanga a kutzungchal a a zungbun bun thlengin ka hmuh hmaih hauh lo.
" Kai Burton....ft 6'2",mit paw dal ,sam dum ...Landscape software corporation president " nuih suk pahin ka va pan hnai a.
Kai Burton a bul ka thlen phei meuh chuan ka zam lutuk hi ka hmulthi te hi a ding nghal sung sung thei in ka hria ,hmeichhe lian leh sang ve tawk ka ni nachungin Kai Burton a bulah chuan ka te kawk mai alawm .
" Hi!! " midang nen an inbiak mawlh mawlh lai chuan ka va ti ve thawr a, ka wine glass ken lai chu ka hmetna tawh ngei mai.
Kai Burton a rawn hawi chiah chu khawvel hi a tawp mai dawn in ka hria,a reh duka ka en reng ringawt, ka rilru te te in engtin nge hetianga hmeltha hi ani tih ka lo hriat loh le? tiin ka inzawt nghal zat bawk.
.
Min rawn hmuh chuan mak tih hmel takin min en nghal kawk a min la hria niin ka hria mahse a awmdan erawh a danglam miah lo thung.
" min lo hrethiam lawk "a tih chuan a mi biak lai pa pahnih te chuan min rawn nuih suk pahin an kalsawn nghala.
" Hi!! Enge ni ta?"British awphawi nalh lutuk cool leh thum dut chuan a rawn ti sap a,a zawi in a thum si a ka hre lo lek lek, pangngai deuh chuan min en renga hepa hian min hre reng chungin min hriat loh der a tum amawn le?
" umm.... biak che ka duh"
"tehreng mai...." tih pahin ka thusawi nghak chuan a ngawi renga
"kan pahnih chauh in" tih pah chuan ka hawikual a.
.
" ok...naktuk ah dar2 ah i rawn kal dawn nia... " tih pahin mipa pakhat chu a ko vata.
"umm....Naktuk dar2 ah Miss.... " tih pahin a mithmul chu a rawn ti sang ak a.
" Lola... "
" ok... Naktuk dar2 ah Miss Lola hian appointment a nei a i lo chhinchhiah dawn nia.... "
" awle... " chupa chuan alo ti vata
"a nih chuan Miss Lola min lo hrethiam lawk dawn mi niang "tih pahin kal nghal daih chu a tuma mahse a ban ah ka vuan hman .
.
" tunah kan inbiak angai.... a fal in " ka awmdan avang chuan min en vung vung a tawng pawh a tum chuang lo.
"ih... thil hrilh tur che ka nei "
"min rawn zui rawh " ngawi rengin inchung lam a pan nghal nal nal a ,a awmdan atang chuan min la hria tih ka chiang engmah thleng lo anga lan a tum mai ani.
"avan induh hmel tak... " tih nung nung pahin ka zui chho ve nghala. A kalna apiangah ngawi rengin ka zui ve zela room pakhat ah hian a lut thut a,ka zui lut ve nghal vat bawk.
.
Room chhung ka luh chuan min hnungchhawng zawngin ipte zen chung hian alo dinga, thawm dim takin ka lut them them a ka thil sawi tur pawh ka theihnghilh leh nghal vek.
"sawi rawh "a din ngai chuan a la ding reng .
" umm... ih... englo ania " ka pan hnai tur chu mat chuar deuh lai ka rap chu niin ka pheikhawk alo sang bawk nen ka pheikhawk chu ka rap lek ta thut mai!! ka tluk hma in dawhkan ah ka in vuan hman hlauh.
" awi... ana lutuk... " ka te nghal tuarh a.
.
" i tha maw? " tih pahin min rawn kai tho nghal vata mahse ka ke ka rap na ngam tawh lo.
" hetah hian thu rawh" leather couch lian leh chhah zet ah chuan min thut tira ka pheikhawk chu min phelh sak nghal vat bawk.
" a vung anih hi, a ulh aniang " a tho thut a dawhkan a vur tlang ho chu puan ah chhung khawm in ka ke chu a rawn dep nghal vata.
" haha... ka tha engmah ani lo... ih ka sawi tum chu... "
Ka sawi hma hma chuan tuemaw hi rawn kal vat turin a phone nghala ,ka hmanhmawh angai midang in min rawn tihbuai hma in ka sawi zawh hman vek angai.
.
" ka tha... " tih pahin ka ke chu ka la sawn daih a.
" umm... ka party ah i in ti na a ka mawhphurh na ani " tih pahin ka ke chu vur chuan a rawn dep lui leh ngata.
" ih... ka rai... " a tawp a tawp ah ka sawi chhuak ta!!
Chapter-4
.
" i fa ka pai" ka ti nawn leh ngata
"Ka driver in a thlah dawn che ania...ka party ah hetiang thil a thlen avang hian thupha ka chawi e " ka sawi hre lo ang mai chuan a awm ngai chuan a awm renga.
"ka rai ka tih chu... "
"ka lawmpui a che " a awmdan avang chuan ka nui chhuak hak a, ka tum ai daih in thil a harsa dawn tlat.Ka ke chu la sawn in lunghlu thi chu a hmuh theih tur chuan ka khai va va a mahse a awmdan a danglam eih lo.
"He thi hi i la hria em?"
"Miss Lola..." tih pahin a ding hluai a,hepa hian min la hre chiang lutuk a fuh tan dawn e...
"damdawiin ah kal zawk la a tha ang "
" maw!! " ka tum lo deuha min chhan avang chuan phawk fe hian ka melh nghal kawk a.
.
" i ke hi a vung nasa lutuk... "
"chu... chu chauh chu maw sawitur i neih i fa.... " ka sawi zawh hma hma chuan waiter phakhat hi a rawn lut a sawi chhunzawmna chi ani tawh lo.
"Big Boss enge ni ta?"
"Miss Lola hi damdawiin ah i va hruai dawn mi niang? "
"awle... "
"nilo... angai lo ka tha... " ka lo ti vata.
"Miss Lola....lo kal rawh" tih pahin waiter chuan min rawn kaihthawh nghal a tuma, thawk lak hak pahin keimah chuan ka in beng tho ta zawka.Theih chu nise a sam a keh vak vak te hi ka chak sual leh lutuk.
.
" Mr Burton...ka thusawi tur ka la sawi zo lo " ka ti te te a mipa pakhat a rawn lut ve lehnghal,ngatinge maw ka thusawi lai min rawn tihbuai zel le.
"Boss...minute3 hnu ah thu i sawi tawh dawn anih chu"
"awle..."tih pah chuan kal nghal mai a tuma
"he.... he.. thi hi... i hre tawh miah lo ami khami zan..... "
" Miss Lola... buaina i nei anih chuan ka assistant Alfred hi ilo be mai dawn nia"min lo pawtchat vata, a assistant chuan a card min rawn pe vat bawk.Engmah ka sawi hman tawh lo room atang chuan an inzui chhuak nghala.
.
" Hreptak chuan... " ka nui lui hak a ka thinrim lutuk hi au chhuah vak vak mai ka duh.
" ka pi... kal ang le " waiter chuan a rawn ti leh a.
" ka kal thei... " tih pahin thi chu dawhkan ah ka theh thla nghal tawp a,ka pheikhawk chu khai in bai uih uih pahin ka chhuak ve nghala.
" ka pi...ka lo pui ang che "
" angai lo ka tih chu... thlawk bo teh" ka lo ti vin nghal hlar a.
Pawn ka chhuah dawn chuan ka hawi let leh ngata Kai Burton a thusawi ri pawh ka la hre thei ruai ruai mahse chu chuan min ti thinrim zual.
.
Maisie leh Mark te chuan car ah min lo la nghak ran a ,ka bai aih aih lai min rawn hmuh chuan min rawn pui nghal vata.
" Lola... Engthil nge thleng? " Maisie chuan alo ti vata.
"ka ke hi ana lutuk... " Mark chuan car ah min pawm lut ta ringawt a, ka thinrim lutuk hi tawng pawh ka tawng peih lo.
" Lola...tinge i ke hi, chuan i va rawn chhuak hma ve?" Maisie chuan a rawn ti leh a.
" Ni e... Kai Burton chu i va hmu em? engtin nge alo tih che? " Mark pawhin a lo ti ve bawka, zawhna ngah hle mahse ka chhang peih hlawl lo, tukverh lam chu ka hawisan tlat bawk.
.
"An lo thehchhuak che ami? "
" in duhtawk thei tawh em...ngatinge in ah kan haw mai loh?" ka ti nghal tuarh a, ang hrep ka chak takzet.
" awle... " Tih chuai raih pahin Mark chuan a khalh chhuak nghala.Elevator a kan chuan lai te chuan an pahnih chuan min en hrek hrek a, ka thinrim chhan erawh min zawt ngam tawh lo. Ngawi rengin inchhungah min zui lut hna hna a
" ka mu dawn nia... " clutch couch a paih let tawp pahin ka room lam ka pan nghal.
Ka room kawngka khar thuai pahin khumah ka thu nghal hnawk a, ka thinrimna zawng zawng kan au chhuak tak tak mai chu 30% velin ka zia awm deuh in ka hria.
.
" hepa hian min la hrechiang lo anih hi... ka beidawn dawn lo hrim hrim" ka in hum ruh a, a chang leh ka inseh ruh thul.Ka ke ka tuam sawk sawk a khumah puan in ka inkhuh phui tlat tlata
" a chak dawn lo lutuk...khawiah nge thi kha... ?" tih pahin ka thu chhuak hlawl a
" awi... Lalpa leh, room dawhkanah khan ka dah daih alawm.... Lola i van mawl tak em... " ka rizai chu ka beng vak vak a mahse awmzia a nei tawh der bawk si lo.
" lo hralh tal ila tha tur ania.... ughh... " ka thinrim lai hi chuan engmah ngaihtuah hmasa lo hian thil ka lo ti leh pawp pawp thin.
.
Ka mutthilh theih loh em avang chuan ka tho thut a kitchen lam ka pan nghala.Maisie leh Mark chu dawhkan kil chungin beer an lo la in anih chu!! sana ka en vata dar2 alo ri der tawh.
" Maisie.... " min rawn hmuh chuan an phu zuk lehnghal.
" tinge... i makeup te nei nuai chu"ni dawn tak ka inhnawih chhah nak laiin ka la ti reh lo zui a pherh nasa ngawt ang.
"dar2 a rik tawh hi enge in ila tih?" fridge a beer chu lain an bulah ka thu ve nghala.
"party na ah engthil nge thleng pawh kan hriat loh laiin engtin nge kan mut theih anga" Mark an a tih chuan ka lo thaw halh a
.
"min hre tawh lo aniang..." beer chu kan lem pap a
"khatiang mi lian lutuk te kha chuan kawngsir a ui ek ang lekin a ngai ang che chu " Mark hi chu aw a frank leh lutuk a, Maisie chuan min rawn melh ralh pahin a lo nghawk zeuh a.
" A dik alawm... ek ang lek ka ni,zanin zet chu ke na bak ka hlawh lo " ka tawngkam avang chuan mak tih hmel takin min en dun ha a,a chhanchu Lola confi tak leh chhel tak ka ni thin zanin chu enge maw ka hriat ni ka beidawng nghal der.
" Lola... engthil chiah nge thleng hi? " Maisie chuan alo ti vata.
"ka sawi ang kha ani mai min hre tawh lo"
.
"anih chuan naute hi engtin nge ni dawn? "
"ka hrelo.... "
"huizz....naktuk ah kan ngaihtuah tha leh dawn nia tunah chuan hlim takin awm phawt ang u...cheers" Mark chuan boruak tih zan tumin a rawn ti vata.
" Cheers... " kan lo ti chuai raih a.
Chutia ngawi renga kan thut ngui lap lai chuan thil ka hrechhuak zawk mai!!
"khawiah nge ka clutch...? " ka ti chhuak hlawl a
"couch ah... " Maisie in a tih chuan rang mangkheng in clutch chu ka va la nghal vata.
" Engthil nge maw i hriat le? "
"Kai Burton assistant in a card min pe alawm "
" chuan... "
.
"buaina ka neih chuan be turin min tia lawm... vawikhat Kai Burton ka hmuh leh chuan engkim ka sawifiah thei hrim hrim ang "
" kha kha lawm ka hriat thin Lola chu " Mark chuan min fuih nan alo ti ve bawka.
" kha le... be rawh.. " tih pahin Maisie phone kan pe thut mai chu a hawihai teh e.
" maw!! nilo... ka be thei lo ang "
" Hello... " mipa pakhat hian a rawn chhang a loud speaker ka on nghal vat bawk.
" umm... "a ti ringawt anih chu ,zaizir chuan tawng turin ka lo ti vata.
.
" ka pu...ihhh " awi... avan hahthlak thin tak em
"Lola ka nia.... "
"awle... Miss Lola enge nita? i ke chu enge a an tawh?"fel fiah fai tak chuan a rawn ti a .
"ugghh... hei ka dam tha lutuk, Mr Kai Burton hi engtik ah nge ka hmuh theih ang?"
"Boss chu zanin dar12 khan England lam a pan tawh"
" maw... a haw tawh maw !!!"
" aw...sawi duh i neih chuan ka hnenah sawi la ka lo hrilh mai dawn em ni?" Zaizir in phone chu off turin ka lo ti vata.
" ughh... mangtha le"Maisie chuan phone chu a dah nghal vata.
.
"Lola... Kai Burton chu a haw tawh"
"anih chuan engtin nge niang?" Mark chuan alo ti vata.
"ka hre bik lo " ka lo ti chuai raih a
"buaithlak ber chu naute hi..."
"mu tawh ru...mangtha ule" tih pahin room lamah ka bai phei leh au au a, khumah ka thu hnawk bawk,kum17 mi lek ka nih laiin duh leh hmangaih em em ka nei ve a mahse chu chuan natna bak min thlen lo, tunah lah ka hriat ngai loh lakah fa ka paia chu pawh chuan rilru hahna bak min thlen lo,pawn lamah tha tak anga langin tap kher lo mah ila chhungril ah hian ka na in ka beidawng ru takzet.
"ka naute... ka ti tla dawn che nge ka enkawl ang che" ka pum zut pah chuan ka ti sapa, ka pai tlang anih vaih chuan ka retheih tur zia chu kei tluk a hre chiang an awm kher lo ang.
*Kai Burton's POV*
.
London, England :-
.
Nidanga ka tih thin dan ang bawkin ka in pan hmasa lo in airport atangin ka nu leh pa in lam panin ka kal ta zawka,tun tum ka zin chu kha nu Lola in ti khan ka awm a ti nuam thei lo,hre lo angin awm mah ila kha zan kan pahnih chauha kan hman dun kha fiah fai takin ka la hria, mahse hmeichhe lepchiah tak ani a a nau pai chu remchang ah la in ka fa ah phuh a tum tih ka hria.
"Alfred... "
"Big Boss enge ni ta? "
"hmeichhia pakhat in nau lo pai ta se i fa ani tiin puh leh ta si se engtin nge i tih ang?"
" maw!! "
" theihnghilh rawh" tih pahin tukverh lam chu ka thlir daiha.
" ughh....i hausakna um hmeichhia ani ngei ang "
"uhh...ka hmelhriat chungchang ania ka sawi"ka lo ti ringawt a,a awih loh hmel em em lehnghal...Alfred hian a sawi dik chutiang hmeichhia chu a ni ngei ang.
.
.
#FLASHBACK#
.
*One half months earlier*
.
Kan software thar ber launch tur buaipui turin in Paris lam kan pan meka,thlawhna ka chuan lai chauh hi ka chawlh hahdam ve theih na hun anih avangin thlamuang takin ka han maimichhing vang vang a,reilo te ah ka muhil vat bawk.
" Big Boss... " Alfred an min rawn sawi chuan ka harh zawka.
"Paris kan thleng tawh e... "
Ka coat siam that pahin ka ding nghal vata .
" Big Boss zanin chu hahchawl nan hmang mai rawh Mr Thompson nena meeting in neih tur chu naktuk ah sawn mai ta che"
.
"Alfred...a hun taka thil ti thin ka ni tih i hriat kha " tih pahin ka kal nghala car ah lut in hotel lam panin kan kal nghal vat bawk,meeting hma in darkar khat lai hun ala awm bawka hna tamtak ka la thawk hman.
Ka email ka check hma in Georgia chu Paris ka thleng tawh thu ka hrilh vata chhanna erawh ka dawng lo.Georgia nen hian kum khat lai kan inkawp ve tawh a mahse mipui leh ka hnathawk ten an hriat erawh ka duh lo a chhan chu media leh thil dang thil ho mai mai in kan inkar hi tibuai lo se ka duh vang ani.Hna ka ngah em avang leh hun awl ka neih loh em avangin ka lakah a vui fo mahse ka theih anga tam a bulah hun ka hmanga ka hna tih lo ah ani chauh hi ka rilru zawng zawng luahtu ani.
.
Hotel kan thlen pawh chuan Georgia in min reply hun nghak chuan ka phone chu ka en renga, min reply loh avang erawh chuan va biak luih ka tum lem lo. Hun khawh ral hman ka nih loh avangin ka hnathawh kar lakah ka phone chu ka zuk melh leh zeuh thin a ,ka ngaih chu a tha zan lo tun hnai thla hnih khat vel atang khan Georgia hi a danglam em em a ,a hma chuan nitin in min rawn call ziah thin tunah chuan ka message pawh a reply ngai mang lo.
" Big Boss... meeting a hun tawh e" sana ka lo en vata,
" awle... " ka file ken tur vel ka lakkhawm lai chuan a tawp a tawp ah message ka dawn ta!!
Georgia message ngei ani hmanhmawh takin message chu ka hawng nghal vata,
*" Kai... engtin nge ka tih ang"* chu te mai chu!!
"Alfred...file pawimawh hi la la ka rawn zui ve nghal ang che"
" awle... Boss " file ho chu la in min chhuahsan nghala.Hlauthawng ru tak siin hmanhmawh takin Georgia chu ka call nghala alo la nghal vat bawk.
"Engthil nge thleng ?"
" Kai... " Georgina chuan hnukulh deuh chung hian a rawn ti a ,buaina a tawk tih ka hriat hian ka buai nghal vek ani ber.Sawi mai tur ka hriat loh avangin ka ngawi renga
" ka... ka rai... Kai engtin nge ka tih ang? " a tih chuan ka lo nui suka.
.
" Chungte chu thu lawmawm tak anih chu "
" ih... englo ania... Reymond a fa ania ..." ka ngawi renga mahse chhungril ah chuan chemte a vin sawk sawk ang maiin ka na thung
"Kai ka tihpalh ,ka duh reng vang ani lo hun i nei lo in i buai thin si a Reymond an min lo zar buai ve chhen bawk nen...Kai ka tihpalh...ka tihpalh takzet"
Engmah ka ngaithla duh tawh lo phone chu ka off hmaka,ka chhungril chuan a awih lo mahse Georgia ka atang ngeiin ka hria a, a thusawi ka awih loh chuan tu thu thusawi nge ka awih chuan ang.
.
Hun a tam tawh loh avangin ka coat siam that pahin room ka chhuah san nghala, car a ka chuan lai te chuan Georgia bak ka rilru ah a lut thei tawh lo ,ni e ...atan hun ka nei lo tih ka hria mahse rinawm tur ani asin.A tan ka rilru zawng zawng ka pek laiin ani chuan min rinawm loh san amaw!! inthiam lohna leh thinrim na hlirin ka khata mahse tihlan erawh ka duh lo.
.
Mr Thompson nena kan meeting chu harsatna leh buaina awm miah lo in kan zo fel thei a,ka rilru ah thil dang daih awm mahse ka hna leh ka mimal thil dah pawlh ka duh loh avangin ka mimal harsatna in ka hna a khawih buai ngai lova ka rilru natna te hi ka hnathawk te bulah tih lan ka duh hek lo.
" Alfred lo va hahchawl rawh... zanin chu keiman kan khalh ange "
" Boss..."
" lo va haw rawh...mangtha le" tih pahin ka kal nghal nal nal a, tawng kual duah leh insawi thiam vel hi ka thiam zawng ani ve lo chuvang chuan ngawi renga awm tawp ani mai.
.
Midang in min hmuh ka hlauh avangin zan rei tawh ah tlema bar changkang lo leh fal deuh chu ka zawng a, a tawp a tawp ah 'W bar' tih ka hmu hlawl mai.Ka rin ang ngeiin chu bar chu a hlui tawh in mi pawh an awm tawh lo.
" Ka pu... kan khar tawh a"mipa pakhat hian alo ti vata.
"
" ka hria alawm... hetah hian darkar khat chiah ka awm anga ka awm man chu ka chawi mai ang " ka tih chuan putar pakhat thau dur kiar luah hi a rawn kal vata, a neitu tih ka hre nghal chuan pawisa duh ve tak ani tih ka hre bawk.
"ugh.. ka pu... " a rawn ti dek dek a ka credit card chu ka phawrh chhuak vata,mahse ka nihna leh ka hming erawh a hriat ka hlau hle thung.
" i duh zat zat ani mai...chuan ka awm chhung chuan helai hmunah hian tumah hmuh ka duh lo "
" awle...W bar ah ka lo lawm a che"tih pahin waiter chu a be sa sa a, an inthiar fihlim nghal zung zung a.
.
Intur chu thli chhuakin ka han tlak pap pap a ,ka rilru tawt up up hi tih zia awm dan ka hre lo ,whisky chu kan tlak leh pap ringawt a.Ka necktie chu ka han phelh thawl te te a,engmah hre lo khawpa in ka duh mahse Georgia hmel erawh ka theihnghilh thei si lo. Thawk lak hak pahin ka han tlak leh pawp thin a ka harh fim tulh tulh mai hian ka hria.No dang ka thlit belh lai chuan ka piah lawka inhau thawm chuan min ti buai hle mai ,keimah chauhin thawm dang engmah awmlo na a awm ka duh asin le.
Hmeichhe pakhat leh pa upa tawh lampang inhnial buai lai chu ka thlir renga, a lan dan chuan putar sawn mutpui luih a tum a hmeichhia sawn a duh lo ni ber in ka hria.
.
Rei tak an inhnial buai hnu chuan chunu chu ka thutna bulah rawn thu in whiskey chu a rawn tlak pap a,a hmeltha in chhelo hle mahse ka bengkhawn lem lo.
"ka pu...bar hi kan khar tawh"ka ngawi renga, a tawng hre lo ang mai chuan ka thil in lai chu ka in mawlh mawlh bawk.
"huizz....customer luhlul dang bawk maw"
"i tha maw? " ka lo ti ringawt a, engvanga zawt nge ka nih pawh ka hreli.
"vawihnih lai ben ka tawka tichuan ka that leh that loh thu min zawt amaw? ka awih thei lo" a awmdan avang chuan ka nui suk a, Georgia nen an mizia a inang hle mai nilo...engtin nge heng mi dukdak lo leh Georgia ka tehkhin thei zawk?.
*Kai Burton's POV*
.
London, England :-
.
Nidanga ka tih thin dan ang bawkin ka in pan hmasa lo in airport atangin ka nu leh pa in lam panin ka kal ta zawka,tun tum ka zin chu kha nu Lola in ti khan ka awm a ti nuam thei lo,hre lo angin awm mah ila kha zan kan pahnih chauha kan hman dun kha fiah fai takin ka la hria, mahse hmeichhe lepchiah tak ani a a nau pai chu remchang ah la in ka fa ah phuh a tum tih ka hria.
"Alfred... "
"Big Boss enge ni ta? "
"hmeichhia pakhat in nau lo pai ta se i fa ani tiin puh leh ta si se engtin nge i tih ang?"
" maw!! "
" theihnghilh rawh" tih pahin tukverh lam chu ka thlir daiha.
" ughh....i hausakna um hmeichhia ani ngei ang "
"uhh...ka hmelhriat chungchang ania ka sawi"ka lo ti ringawt a,a awih loh hmel em em lehnghal...Alfred hian a sawi dik chutiang hmeichhia chu a ni ngei ang.
.
.
#FLASHBACK#
.
*One half months earlier*
.
Kan software thar ber launch tur buaipui turin in Paris lam kan pan meka,thlawhna ka chuan lai chauh hi ka chawlh hahdam ve theih na hun anih avangin thlamuang takin ka han maimichhing vang vang a,reilo te ah ka muhil vat bawk.
" Big Boss... " Alfred an min rawn sawi chuan ka harh zawka.
"Paris kan thleng tawh e... "
Ka coat siam that pahin ka ding nghal vata .
" Big Boss zanin chu hahchawl nan hmang mai rawh Mr Thompson nena meeting in neih tur chu naktuk ah sawn mai ta che"
.
"Alfred...a hun taka thil ti thin ka ni tih i hriat kha " tih pahin ka kal nghala car ah lut in hotel lam panin kan kal nghal vat bawk,meeting hma in darkar khat lai hun ala awm bawka hna tamtak ka la thawk hman.
Ka email ka check hma in Georgia chu Paris ka thleng tawh thu ka hrilh vata chhanna erawh ka dawng lo.Georgia nen hian kum khat lai kan inkawp ve tawh a mahse mipui leh ka hnathawk ten an hriat erawh ka duh lo a chhan chu media leh thil dang thil ho mai mai in kan inkar hi tibuai lo se ka duh vang ani.Hna ka ngah em avang leh hun awl ka neih loh em avangin ka lakah a vui fo mahse ka theih anga tam a bulah hun ka hmanga ka hna tih lo ah ani chauh hi ka rilru zawng zawng luahtu ani.
.
Hotel kan thlen pawh chuan Georgia in min reply hun nghak chuan ka phone chu ka en renga, min reply loh avang erawh chuan va biak luih ka tum lem lo. Hun khawh ral hman ka nih loh avangin ka hnathawh kar lakah ka phone chu ka zuk melh leh zeuh thin a ,ka ngaih chu a tha zan lo tun hnai thla hnih khat vel atang khan Georgia hi a danglam em em a ,a hma chuan nitin in min rawn call ziah thin tunah chuan ka message pawh a reply ngai mang lo.
" Big Boss... meeting a hun tawh e" sana ka lo en vata,
" awle... " ka file ken tur vel ka lakkhawm lai chuan a tawp a tawp ah message ka dawn ta!!
.
Georgia message ngei ani hmanhmawh takin message chu ka hawng nghal vata,
*" Kai... engtin nge ka tih ang"* chu te mai chu!!
"Alfred...file pawimawh hi la la ka rawn zui ve nghal ang che"
" awle... Boss " file ho chu la in min chhuahsan nghala.Hlauthawng ru tak siin hmanhmawh takin Georgia chu ka call nghala alo la nghal vat bawk.
"Engthil nge thleng ?"
" Kai... " Georgina chuan hnukulh deuh chung hian a rawn ti a ,buaina a tawk tih ka hriat hian ka buai nghal vek ani ber.Sawi mai tur ka hriat loh avangin ka ngawi renga
" ka... ka rai... Kai engtin nge ka tih ang? " a tih chuan ka lo nui suka.
.
" Chungte chu thu lawmawm tak anih chu "
" ih... englo ania... Reymond a fa ania ..." ka ngawi renga mahse chhungril ah chuan chemte a vin sawk sawk ang maiin ka na thung
"Kai ka tihpalh ,ka duh reng vang ani lo hun i nei lo in i buai thin si a Reymond an min lo zar buai ve chhen bawk nen...Kai ka tihpalh...ka tihpalh takzet"
Engmah ka ngaithla duh tawh lo phone chu ka off hmaka,ka chhungril chuan a awih lo mahse Georgia ka atang ngeiin ka hria a, a thusawi ka awih loh chuan tu thu thusawi nge ka awih chuan ang.
.
Hun a tam tawh loh avangin ka coat siam that pahin room ka chhuah san nghala, car a ka chuan lai te chuan Georgia bak ka rilru ah a lut thei tawh lo ,ni e ...atan hun ka nei lo tih ka hria mahse rinawm tur ani asin.A tan ka rilru zawng zawng ka pek laiin ani chuan min rinawm loh san amaw!! inthiam lohna leh thinrim na hlirin ka khata mahse tihlan erawh ka duh lo.
.
Mr Thompson nena kan meeting chu harsatna leh buaina awm miah lo in kan zo fel thei a,ka rilru ah thil dang daih awm mahse ka hna leh ka mimal thil dah pawlh ka duh loh avangin ka mimal harsatna in ka hna a khawih buai ngai lova ka rilru natna te hi ka hnathawk te bulah tih lan ka duh hek lo.
" Alfred lo va hahchawl rawh... zanin chu keiman kan khalh ange "
" Boss..."
" lo va haw rawh...mangtha le" tih pahin ka kal nghal nal nal a, tawng kual duah leh insawi thiam vel hi ka thiam zawng ani ve lo chuvang chuan ngawi renga awm tawp ani mai.
.
Midang in min hmuh ka hlauh avangin zan rei tawh ah tlema bar changkang lo leh fal deuh chu ka zawng a, a tawp a tawp ah 'W bar' tih ka hmu hlawl mai.Ka rin ang ngeiin chu bar chu a hlui tawh in mi pawh an awm tawh lo.
" Ka pu... kan khar tawh a"mipa pakhat hian alo ti vata.
"
" ka hria alawm... hetah hian darkar khat chiah ka awm anga ka awm man chu ka chawi mai ang " ka tih chuan putar pakhat thau dur kiar luah hi a rawn kal vata, a neitu tih ka hre nghal chuan pawisa duh ve tak ani tih ka hre bawk.
"ugh.. ka pu... " a rawn ti dek dek a ka credit card chu ka phawrh chhuak vata,mahse ka nihna leh ka hming erawh a hriat ka hlau hle thung.
" i duh zat zat ani mai...chuan ka awm chhung chuan helai hmunah hian tumah hmuh ka duh lo "
" awle...W bar ah ka lo lawm a che"tih pahin waiter chu a be sa sa a, an inthiar fihlim nghal zung zung a.
.
Intur chu thli chhuakin ka han tlak pap pap a ,ka rilru tawt up up hi tih zia awm dan ka hre lo ,whisky chu kan tlak leh pap ringawt a.Ka necktie chu ka han phelh thawl te te a,engmah hre lo khawpa in ka duh mahse Georgia hmel erawh ka theihnghilh thei si lo. Thawk lak hak pahin ka han tlak leh pawp thin a ka harh fim tulh tulh mai hian ka hria.No dang ka thlit belh lai chuan ka piah lawka inhau thawm chuan min ti buai hle mai ,keimah chauhin thawm dang engmah awmlo na a awm ka duh asin le.
Hmeichhe pakhat leh pa upa tawh lampang inhnial buai lai chu ka thlir renga, a lan dan chuan putar sawn mutpui luih a tum a hmeichhia sawn a duh lo ni ber in ka hria.
.
Rei tak an inhnial buai hnu chuan chunu chu ka thutna bulah rawn thu in whiskey chu a rawn tlak pap a,a hmeltha in chhelo hle mahse ka bengkhawn lem lo.
"ka pu...bar hi kan khar tawh"ka ngawi renga, a tawng hre lo ang mai chuan ka thil in lai chu ka in mawlh mawlh bawk.
"huizz....customer luhlul dang bawk maw"
"i tha maw? " ka lo ti ringawt a, engvanga zawt nge ka nih pawh ka hrelo.
"vawihnih lai ben ka tawka tichuan ka that leh that loh thu min zawt amaw? ka awih thei lo" a awmdan avang chuan ka nui suk a, Georgia nen an mizia a inang hle mai nilo...engtin nge heng mi dukdak lo leh Georgia ka tehkhin thei zawk?.
Chapter-5
.
"kan khar tawh sia ngatinge i chhuah mai loh khawiah nge Boss kha.... Boss in a hmuh che chuan i chak lo viau ang bakah nangni ang ho hian ka haw hun ah pawh min haw tir thei ngai lo"a rui deuh bawk nen a tawng duh kher mai, ka nin deuh avangin a awm ve tih pawh hrelo ang mai chuan ka awm lui tlata, a chang leh thawk kan la leh hak thin.
"kha putar kha ilo hmu em.. nupui a nei tawh a a fanu rual lek mutpui zu han duh a mawle... hahhh... ka awih thei lo"a no chu a han tlak leh pap a, ka rin aiin a in thei phian.
"ih... khawiah nge?"
"ka pi... i kalbo thei angem?"ka lo pawtchat vata.
.
" maw!! "
"keimah chauha awm ka duh"
"ka pi a!!.... haha min en ta che kum23 chauh ka la nih hi" henu hi enge maw a hriat le? Waiter pakhat dawhkan hru lai chu ka mitmei zeuh a, a hrethiam nghal hmanhmawh takin a rawn tlan nghal bawk.
"ka pu...kan tihpalh lutuk hetiang hian a awm ngai lo asin mawle... Lola lo kal rawh"
"maw!! tinge keimah chu? hepa hi lawm kal tur zawk chu "
"ngatinge hetiang hian i awm?" tih pahin chupa chuan a kuah phei nghal dawr dawr a, en zui pawh ka enzui peih lo .
.
Reilote chauh ka awm emaw ka tih laiin darkar1 ka lo awm tling der tawh. Ka duh chuan pawisa pek belh in ka la awm thei mahse mi kalphung tih khaihlak ka duh loh avangin inthiar fihlim vat a tha zawk in ka hria. Pawisa ka pek zawh chuan ka car lam ka pan chhat chhat a,khawpui chuan ka lungngaihna hre ve niawm takin a ri dur dur bawk.Georgina pek tura ka lei lunghlu thi chu ka melh vung vung a, min rinawm loh san avang khan ka thin a rim in ka haw takzet mahse atan hun ka lo nei lo lutuk kha ka inthiam thei lo. Engkim hi keima thiamloh vek ani chuan chu Reymond phiangsena pawh chu tunge maw anih le?
.
Zan rei tawh hle mahse Alfred ka call nghal vata.
" Big Boss enge nita?"a muhil lai ka ti harh ani maw.
" umm... Alfred, Georgia in tun hnaia a mipa hmuh thin ho hriatchhian ilo tum dawn nia "
" Boss Chungte chu min tih tir vek tawh kha... "
"a hmuh thin Reymond tih kha engkim a chanchin hriat vek ka duh " tih pahin phone ka dah hmaka, ka thinrim lutuk in steering chu kan hnek leh pawp thin.
.
Bar atanga ka inkhalh haw meuh chuan ruah a sur buan buan tawh ,in hnem hle mah ila rui buai chi ka nih loh avangin ka motor khalh lai erawh a buai lem lo.Reife ka ka tlan tawh tih in kawngsira hmeichhe lo tap lai ka hmu hlawl mai!!zan a rei tawhin ruah a sur nasa bawk si a engvanga tap nge maw a nih le? Ka tlan pel zet na in ka ngaih a that theih thlawt loh avangin ka tlan let leh ngata.Hmeichhia mahni chauh a awm tlan san tur khawpa sual ka ni bik lo .
Vanneihthlak takin a awmna ngaiah a lo la awm hlauh, chunu zawn ka thlen chuan horn ka han hmet ri tuarh tuarh a hria ang pawhin a awm lo.
.
"Engthil nge maw a hriat le? " tih pahin ka tlan chhuak vata mahse ka va pawh mai ngam lo.
" Ka pi... ka thlah haw ang che " ka aw a hriat chuan a rawn hawi chhuak vata, a hmel ka hmuh chuan mak tih hmel takin ka melh nghal kawk a ,bar a ka hmeichhe hmuh ngei kha ani.Engmah sawi lo in min rawn kuah nghal thlawp anih chu!! a ngaihna hriat loh hmel zet chuan ka ding renga.
" ka pi... " a hma aiin min kuah nghet sauh , henu hian enge maw a hriat le min hre ngai tawp si lo.
" khawiah nge i awm... ka thlah haw ang che "tih pahin car ah ka luhtir lui thei hram.
.
Car a ka luh ve meuh chuan alo muhil der tawh.
" ka pi... "khawih tha ngam si lo hian ka va sawi det det a.
" khawiah nge i awm ka thlah haw ang che?" a harh thei lo,zanin zet chu henu hian min ti buai takzet. Kawngsira hnutchhiah ngawt ai chuan tiin ka thlenna hotel lam ka panpui ta ringawt a.A khat tawkin ka en leh zeuh thin a,hmeichhe hmeltha tak ani ala naupang si a engvanga zan rei taka bar a awm nge maw anih le?
" ka pa khawngaihin min vaw suh... " a harh tawh emaw tiin ka hawiphei vata alo tawngvai lek chu niin.A mittui chu a rawn luang thla ngiai ngiai a hun harsa tak a paltlang ani ngei ang,kei ang tho a lungngai an lo awm ve anih dawn hi.
.
Hotel ka thlen chuan Alfred an alo buaipui nghal vata kei erawh miin min hmuh ka hlauh avangin ka lo han kal hmasa thung.Ka huh zawr vek avangin inbual turin bathroom ah ka lut nghal vat bawk.Ka inbual zo ka inthlak vek tawh hnu ah pawh an rawn la thleng thei lo.Lo nghah pahin whisky ka lo lem mai mai a,ka phone ka check chuan Georgia miscall alo tam ngang mai mahse callback erawh ka tum lem lo.Message pathum lai alo hnutchhiah tel bawk pakhat chu open vata.
*"Kai... ka tihpalh min ngaidam rawh"* a dang erawh ka delete vek thung. Ka thinrim chuan no thum vel ka han tlak leh pap pap a, haw chak na reng ka nei tawh lo.
.
Kawngka an rawn kik karh karh chuan Alfred ani tih ka hre nghal, ka hawn sak vata.
"Lift ah a chuang duh lo a step ah ka rawn chhoh pui a" hah tih hriat tak chuan a thaw hlawp hlawp bawk.
"sawtah sawn mut mai rawh" tih pahin couch chu ka kawk va va a,
"Boss... a huh vek si a, a thawmhnaw thlak turin hmeichhia ka ko mai dawn em ni? "
" angai lo....heihi sin mai rawh se " tih pahin puan chu ka thehphei a, Alfred an alo sin that tir zui zat bawk.
"i kal thei tawh ang... Alfred ka lawm e"
"atih buai che chuan min rawn hrilh vat dawn nia" tih pahin min chhuahsan nghala.
.
Vawt a tih ka hlauh avangin room heater ka on vata,Balcony ah whiskey in pah in Paris khawpui chu ka thlir san daih a, mut chu sawi loh ka harh tulh tulh mai hian ka hria.
"Pa min that lo hram rawh... " a rawn tawngvai leh nak nak tawh, henu hi mi enge maw tak ani.Ngaihsak lem lo in ka din na ngaiah chuan ka ding renga, a tah faih faih reng avang chuan ka ngaih tha lo in ka va pan hnai ta ringawt a,a kawr huh hnuang chu phelh in puan hlang chauh alo sin tawh.Kalsan lehnghal mai ka tuma mahse ka ban ah a rawn man chat.
" khawngaihin kal suh... "a harh tih ka hriat chuan hawilet lo in ka din ngai chuan ka ding renga.
.
"i harh tawh chuan inha la ka thlah haw ang che "
"kha...kha putar bulah khan min hruai i tum lo tiraw?"
"in ha rawh"
" ka duh lo... ka kal dawn lo" couch kil ah a tawm tlata, kha putar kha a hlau hle aniang.
"enteh nula... " tih pahin ka zuk kal hnaih deuh a min hlauh hmel takin alo tawm chawih chawih a, light dim tak hnuaiah pawh nise a bianga benna thla duk kalh erawh ka hmu chiang hle,la harh chiang lo tih hriat takin alo la meng si lap bawk.
" engtin mah ka ti dawn lo che... inha la ka thlah haw ang che "
.
"ka ring lo che " a sam la hnawm chap leh a hmui sen no chek te chu ka hmuh hmaih hauh lo.Engtin emaw hian ka awm tlat,zun a ngah in mi hipna a ngah takzet.Henu hi tu tehhrep nge maw anih le Georgia tih loh hmeichhe dang in min hip hmasa ber tum ani hial ang,engvanga hetianga awm tlat nge maw ka nih le?.
"chu pa chu tupawh nise ka hmelhriat anih tawp loh chu" ka ti zo chiah têk rawn tla rum rum ri ah chuan min rawn kuah nghal chawt a,chet ngaihna pawh ka hrelo.
.
Ka ruih vang nge mawni henu ka hmelhriat pawh nilo hi fawh ka chak takzet.Hlauhthawn hmel tak chuan min rawn en chho ha a ka awm ang chiah hian ani pawh a awm ve tih ka hria.Kan thinphu pawh a rang dun tawh kher mai,a sam a mit hliah tu chu ka huikiang sak a khap miah loin min lo en kar bawk.Ka thinlung in duh lo mahse ka taksa erawh ka thunun thei lo, a hmui sen siah ah chuan duhthawh takin ka fawp nghal tawn tawn a ani pawhin min chhang let rang kher mai.A hnute kawhlah chu ka tham sak nghal tawn tawn bawka, a rum ham ham ri chuan min ti phur zual.Thawmhnaw engmah a ha lo bawka a puan in khuhna chu pawh thlak sakin khumah ka bawh bet nghala.
A khel leh a malpui vel ka fawh lai te chuan alo rum leh ham ham thin ,a nghawng leh a awm ka sehsak na techu a duk kalh bawka, kan hming leh kan chanchin inhriat tawn lo mah ila kan duh kan inpe tawn thei tih kan hre kar chuvang chuan tawpsan mai kan tum hauh lo. A taksa a ka luh lai te chuan kan infawp tawp chuang lo, ka mit ah tak min melh kar a, a mitmeng chak tak leh a engkim hi engtik ah mah ka theihnghilh thei ngai lo ang. A ke chu a rawn khur der der a kan zo rual der.A hmuia fawp zeuh pahin a sirah ka let thla tawpa, ka ban kham chung chuan nghet takin min rawn kuah a, kan chau bawk aniang biak pawh inbe lo in kan muhil nghal a.
.
Kawngka kik ri chuan min ti harh zawka, khua alo var der tawh.Nizan thil thleng kha ka ngaihtuah a inchhirna ka nei hran lo mahse invenna!!
" Lalpa leh".invenna ka hmang lo tih ka hriat chhuah avang chuan ka thu chhuak nghal zawt a,ka mutna bul ka en chuan kha hmeichhia kha alo awm tawh hauh lo,bathroom ah a awm ringin ka en vata mahse a hnuhma engmah hmuh tur a awmlo. A phone no. emaw a chungchang engemaw tal hnutchhiah lo a ngawi renga a kal daih avang chuan min ti thinrim takzet .Ka inha sawk sawk a kawngka chu ka hawng nghal vata
" Alfred... kha hmeichhia kha i lo hmu em? nizan ami kha"
" hmu miah lo...." ka awmdan avang chuan mak tih hmel takin min en ha a "Boss...thlawhna in a nghak reng tawh che ania " a tih chuan ngui zet in ka lo bu nghata.
.
# END OF FLASHBACK#
.
" Big Boss... " Alfred an min rawn koh chuan ka ngaihtuahna atangin ka harh chhuak zawk
"in in kan thleng tawh ania... "
" Alfred... khanu Miss Lola kha a chanchin engkim hriat vek ka duh chuan a nau paina pa pawh" ka coat siam that pahin car atang chuan ka chhuak nghala.
" Kai... ilo thleng tawh ani maw"ka nu chuan min rawn kuah nghal thlawp a, reilo te ah Aiden leh ka pa pawh an rawn lang vat.
.
" in hlawhtling thei maw?" ka pa chuan a ti a.
" aw...hlawhtling thei e"
" anih chuan khawi hmunah nge ni leh dawn?"
" Russia leh Italy ah "
" Kai vawin chu inkhel ila... " ka nau Aiden chuan alo ti ve bawka.
" awle...golf aw.. "
" umm... " Aiden hi kum8 chauh ala ni a,ka pa ke a that tawh loh avangin surrogate hmanga neih anih avangin kum24 laiin kan inthlau ani.
" Kai...nupui lam te hi " a tan leh dawn ta, in a ka kal apiang in ka nu hian nupui nei tawh turin min nawr ziah .
.
"kum 32 i ni ve tawh dawna nupui hi nei vat rawh... "ka nu thusawi hre lo ang mai chuan ka thu ngawi renga
"Georgia kha chu ka mi ngainat zawng ani lo.....e taka blind date ah kal ve la "
" ka nu.... "
" nupui i neih har lutuk chuan fa i nei thei lo ang " ka nu hian fanu neih a chak mai bakah fa neih lama harsatna tamtak a lo tawh tawh avangin a hlauthawng a chuvang chuan nupui nei vat turin min nawr chhen phah ta ani.
" nupui te chu ala nei ve ang chu a hmanhmawh thlak hleinem" ka pa chuan alo ti vata.
.
"In pafa hian in tang dun ziah mai hei vang hi lawm ka lam tang ve tur monu tha tak neih vat ka duh nachhan"
"fapa pahnih kan nei tawh a a tawk mai alawm"
" nilo... hmeichhia alawm ka duh, titi pui tur, rawngbawl pui tur leh thawmhnaw chungchang sawipui tur pawh ka duh ve a "
" nu.... hna ka ngah deuha ka kal tawh mai ang" Georgia chanchin a sawi lang leh thuai ang,min rinawm loh san avang leh midang fa apai avang khan ka nu hian a ngaidam thei thlawt lo .
" ka la sawi zo hleinem"
" kal tir rawh... i fapa hi a hlawhtling mek ani tih i hre nange... "
" Aiden bye... " tih pahin ka kal nghala.
.
Chapter-6
.
1 week later.
.
Meeting kan zawh meuh chuan chhun chawlh alo ni der tawh,ka office chhung ka luh chuan Georgia alo awm reng chu niin.
" Kai... " Alfred chu alo inthiar fihlim nghal vata.Ngawi rengin ka chair dup leh lian zet ah chuan ka thu thak a.
" Kai... khawngaihin min ngaithla teh"
" sawi ta che"
"min pehhel renga ka call i pickup duh bawk si lo... nitin i office ah ka rawn kal ziaha hmuhtur i awm hek lo... Kai ka thiam loh ani khawngaihin min ngaidam rawh... "
" ka ngaidam daih tawh che "
" anih chuan a hma ang khan awm leh ang....min hmangaih em kha ka tello in i awm thei lo tih ka hria.. "a tih chuan ka nui suka
.
" Georgia... engmi ah nge min ngaih a, ka hrilh chiang thawkhat viau tawh che in ka hria ...."
" Min neih i duh ani lawm ni... chuti chu inneih vat ang "
" tunah chuan ni tawh love... min lo hrethiam la mi hmuh tur ka nei tlat" ka tho hluai a ka chhuahsan nghal nal nal bawk. Diktak chuan ka rilru a na lo bik lo mahse hmeichhia vanga inham buai vel ka duh ve lo.Company a share nei tam pawl tak Mr. Baker nen lunch ei dun paha sawi tur neuh neuh a awm avangin Hemz Hotel lam panin Alfred nen kan kal nghala.
.
" Big Boss....Miss Lola chanchin ka hriat theih ang zawng zawng anih hi" tih pahin file hi min rawn pe a.
"ka lawm e... chuan Mr. Angelo nena kan inhmuh na tur vel kha peihfel ani tawh em? "
"aw... naktuk zan dar7 ah"
"kan apps thar kha miten an ngaihhlut dan vel survey nei ila a tha ang "
" ka lo buaipui dawn nia "
File a thil inziak chu ka chhiar nghal zung zung a,
.
"A hming hmasa chu Lola Gonzalez ani a mahse Gonzalez kha a paih tak daih avangin Lola tih bakin an ko ngai lo. Kum23 chauh ala ni a mahse W bar ah stripper hna a thawk a ni. " Alfred chuan alo ti zung zung a,file a a in ziah dan chuan fahrah niin a pa nen chauh an cheng thin niin a lang.
"Hei chauh hi ami i hmuh theih?"
" aw... thian a kawm tam lo bawk nen chanchin a ngah lo khawp mai "
" hei chauh hi kala duhtawk lo,hriat belh leh ilo tum dawn nia "
" awle...chuan nimin piah khan in checkup turin a kal leh a"
" chuan... " hriat chak hmel tak chuan ka lo ti vata.
" doctor in min hrilh dan chuan in DNA a inmil chiah anih chu...." hmanhmawh zetin paper chu ka en nghal vata, keihi naute pa maw ka nih!!
.
Pawnlam thlir in ka ngawi vung vung renga, keihi naute pa maw!! Lola khan a rai tih chu min hrilh ngei alawm mahse ka fa ani ang tih rin ngaihna ka hre lo.Phat rual lo in khami zan khan kan mu dun ngei alawm mahse khatiang hmeichhe lepchiah lutuk kha engtin nge ka lo mutpui theih zawk.
"Boss...Miss Lola chu engtin nge i tih dawn tak? "
" ka hrelo... " ka chhan dan avang chuan Alfred chuan mak tih hmel takin min en ha a ,a chhan chu engkim hi ka ruahman fel lawk sa diam thin vang ani.
.
Hemz hotel ka thlen hnu reilo te ah Mr. Baker pawh a rawn thleng vata, kum tamtak kan thawk dun tawh bawka kan inngaina hle nghe nghe.
"Kai... kan inhmuh lohna a rei tawh hle mai"
" ka hmu leh thei che chu ka lawm takzet..." hna chungchang mai bakah a chhungte chanchin min hrilh luam bawk a mahse ka ngaihtuahna erawh hmun dang daih ah a awm thung.Lola hi engtin nge ka tih ang, nupui ah ka nei thei lo a ka fa ka hlamchhiah thei bawk si lo, engthil nge ka tih leh ang ka hrethiam lo takzet.
.
" Kai...engtik ah nge hmelthar te hi kan hmu ve dawn a "
"chutiang lam chu ka la ngaihtuah miah lo"
"i la naupang mai bakah i hlawhtling tawh bawka nupui neih te chu a hmanhmawh thlak hleinem tiraw? "
" nia... " za lo zet hian ka khi suk ringawt.
Mr. Baker nen kan inhmuh zawh chuan car ah ka lut nghal vata.
"nupui chungchang em ni in sawi leh... " Alfred chuan min chaih deuh pah chuan a rawn ti ngata.
"aw...ngatinge maw mi hian ka chungchang an ngaihven em em ni...hreptak chuan" ka lo ti vin hlar a.
.
Vawin zet zawng ka hna thawh pawh a tui thei nek love,Georgia in min la hel renga lehlamah Lola in ka fa alo pai leh zel bawk nen rilru a buai duh takzet.Hma takah ka haw daiha keimah chauh a awm ka duh vang ani.Inchhungah ka lut chiah chu light an rawn on ta thut mai,
" Happy birthday to you.... Happy birthday to you" ka nu in cake keng chung chuan a sa a, ka pa leh Aiden pawhin a sirah an lo sakpui ve bawka.Vawin hi ka birthday ani tih pawh ka lo hre leh tawh lo.
" Nu... naupang ka nih tawh loh hi "
"ka tan chuan naute tho lawm ila nih... kha chhemhlum vat rawh" .
.
" pa ka nu hi hrilh fiah teh.... "
" Kai ...vatin... " ka nu chuan alo ti vin hlar a,ner nang pahin bati chu ka chhemhlum nghal veka
" i lawm tawh em" ngeiawm zetin ka nu melh pah chuan ka ti zui zat bawk.
" ai... birthday wish pawh i la wish lo ania "
" awle... " nuih suk pahin ka maimichhing vata ,ka wish chu ka nu hian naute angin min en tawh lo se tih ani.
" Enge i wish...? " ka nu chuan hriat chak hmel zet hian min rawn melh a.
"kumtin ka nu hian ka birthday ah min surprise tawh lo se tih... " ka pa leh Aiden chu an lo nui hak hak a
.
" Kai... i nu in dinner a peihfel vek tawh han inthlak la " ka pa chuan alo ti ve bawka
" awle... "
" Kai...ka fapa" ka nu chuan min chhuan hmel tak hian ka coat chu a siam tha a.
"ka fapa...ka chhuang takzet che... "
" ka hria alawm... "
" i ril a tam tawh ang...rawn chhuk vat rawh aw"
" awle... " ka nu chala fawh zeuh pah chuan ka room lamah ka chho nghala.
Hmanhmawh takin ka inthlak nghal sawk sawk a,ka room chhuahsan zet ka tuma mahse thil theihnghilh ka nei tlat!!!
.
" Lalpa leh... " tih pahin inhnuai lamah ka tlan thla nghal vata,
" ka nu... hetah hian file.... "
" heihi em ni? " ka pa chuan Lola chungchang inziahna file chu a rawn lek va va a
" He hmeichhia i fa pai mek tu hi engtin nge tih i tum? " ka ngawi renga
"i fa chu i mawhphurhna ani, henu hi i nei ngei tur ani "
"ka duh lo "
"he nu hi hmuh ka duh rawn hruai ang che ... "
"ka pa...hmeichhe lepchiah mai anih kha"
"Leah....Alfred be la he nu hi rawn hruai turin ti ang che "
" awle... " ka nu chuan alo ti vata.
" ka tihpalh"inhum ruh teuh chungin ka chhuak nghala.
.
Ka sport car la chhuakin chak zetin ka tlan chhuak nghala. Henu hi ka nei thei lo, ka fa lo pai pawh nise he mi lepchiah nu hi ka nei tur ani lo. Ka nu in nupui nei in fa nei tawh se min tih nak alaiin hetiang thil an hriat lehzel hian he hun hi an bawhpelh dawn lo ti ka hria. Ka chhungte hian ka sum bak a duh lo tih hi an haider tlat dawn tih ka hria heivang hian thil a harsa zual takzet.
#Lola's POV#
.
Zawi zetin zan rei tawh takah chuan keimah in ka kal chhat chhat a,Maisie erawh zankhua in hna a thawk dawn thung.Ka chau bawk nen ka ham leh bai bai thin a mut hahdam tawh ka chak takzet. Chutia thlamuang taka ka kal chhat chhat lai chuan Oscar ka hmu hlawl mai!! phawk fe in ka melh nghal kawk a,a hmel ka hmub ringawt pawh hian ka khur nghal der der, tlan chhiat tumin ka lehhawi vat a mahse palian pui pui pahnih in min man bet hman.
"Oscar ...khawngaihin min ti na lo hram rawh"
"Lola...ngatinge maw tha deuha ka sawi lai hian min pek mai loh"
" khawngaihin hun min pe leh rawh..."
.
"Thla hnih lai hun ka pe tawh che...anih lo chuan ka bula rawn let leh ani mai"
" khawngaihin... kar khat chhungin ka rul zo em em ang che "
"hre reng rawh... kar khat chhungin... anih loh chuan "tih pahin ka biangah min beng nghal sawk a, ka luhai lutuk chu ka tlu nghal thlawp bawk.Oscar nen hian hun rei tak kan inngaizawng thin a,a hmeltha in a hausa hle bawk mahse mi sual tak ani ,a duh loh zawnga ka awm chang emaw a thinrim chang apiangin kut min thlak thin chuvang chuan ka then phah ta ani. Ka then avang chuan ala na em em a,a bula ka let leh hma loh chuan a duh duh hunah rawn inlan in kan inngaihzawn laia a thil min leisak leh pek te chu pawisa a rul vek turin min rawn vau ta thin ani.
.
Min ben na avanga ka biang vung lak chu beer vawt chuan ka han dep vang vang a,
" Ngatinge maw mal riaua ka in hriat tlat le" tih sap pahin ka mittui chu a rawn far fap a. Hetiang vang mai mai hian ka tap in ka mittui a tla ngai lo asin
" Lola... ngatinge maw i vanduai em em le " beer chu ka han lem leh pap pap a ,ka nun hi a hahthlak takzet. Pawn lamah chuan nui in hlim hle angin lang mah ila chhungril ah erawh ka rum thung. Zanah lah mangchhia vangin ka muhil thei lo a, ka nun hi a nuam ve thei ngai dawn lo anih hi.
.
_______________________________________
.
Door bell ri chuan min ti harh zawka, dawhkan bawh in ka lo muhil chu niin ,
" Maisie... rawn hawng ve mai ta che " meng mang lo chuan kawngka chu ka hawng vata.
" Miss Lola... " ka meng phawk nghal kawk a, ka harh chiang ngei mai.
" Alfred.... " enge hetah a rawn tih? Kai Burton an a rawn tir em ni? zing kar kar ah enge rawn tih a tum?
"lo kut rawh... " tih pahin kawngka chu ka hawng zau deuh a.
" hetah lo kal rawh... " couch chu ka lo kawh hmuh zung zung a, han biak vak ngaihna pawh ka hrelo.
" i tha maw?" chu chu engvanga min zawt nge a nih?
.
"maw!! "
"umm... i hmui kha a thi a chuan i biang kha a duk a a vung nasa hle bawk... "
" ughh... heihi maw ka tlu palh a...coffee i duh em?"
" ai... duh love" Kai Burton nen chuan inang lo tak an ni.
" anih chuan... enge? " a hrawk chu a han thian kharh kharh a.
" Pu Hammad Burton an hmuh che a duh ani " Engmaw!! Kai Burton a pa in maw!!
" pu.. pu Hammad an maw!! "
" aw... a rang lama England a hruai tur che in min rawn tir a"
" mah... mahse enge awmzia ka hrethiam lo takzet"
" i fa pai lai DNA hi enfiah a duh ani....Miss Lola England ah min zui thei angem?" a tih chuan ka meng phawk nghal kawk a.
.
Chapter-7
.
"DNA maw!!"Pu Hammad a beng a thleng tawh si a, Kai Burton a fa lo ni lo ta se engtin nge min tih ang?
"Miss Lola... i thei angem?"
" ka... ka hrelo, inngaihtuah hmasak ka duh" ni e, a hma khan neih chu ka tum ngei alawm mahse tunah chuan ka hlauthawng ani a chhan chu Oscar ang kha lo tawng leh ta ila min that duh tawh hial ang.
" anih chuan lo inngaihtuah la kan inhmu leh dawn nia " a tih chuan ka lo bu nghata, mahse ka chhanna erawh England ah ka zui haw dawn lo, engtik ah mah.
.
Alfred chu a kal leh nghala kawngka thleng ka va thlah nghal bawk
"i lo in enkawl tha dawn nia "
" awle... " a kal chiah tih chuan Maisie pawh a rawn lang ve nghal.
"tunge khapa kha?"
" Kai Burton assistant anih kha... "
" maw!!... Enge hetah a rawn tih?" a tih chuan thawk halh pahin ka luhsan nghal daiha.
"Mawh...Kai Burton an a rawn tir ami? "
" ai... Hammad Burton zawkin" "Lola...ngatinge i hmai chu..."ngaihthat loh hmel zetin hnai takah min rawn en a, min rawn melh vung vung pahin
" Oscar.... " a rawn ti hlawl , ka lo bu nghata.
.
" Hepa hian ngatinge a um zui reng che le...a sual ropui si police hnenah report leh mai ila a tha ang"
" Maisie... awmzia a awm loh kha,a hma pawhin zan khat pawh a tang loh kha... "
"urgh... ngatinge mihausa te hian an duh duh a min tih kawi mai le... tunah lah Pu Burton an a assistant a rawn tir ringawt bawk"
" DNA test an duh a"
" maw!!... chuti chu Pu Burton an i fa pai lai hi a duh tihna em ni?"
" ka hrelo...England a zui turin min ti bawk"
" anih engtin nge i tih dawn? "
.
"ka zui thei lo ..."
"Ngatinge? "
"Oscar ai pawhin a lo sual zawk maithei asin... "
"chuan alo fel viau thei bawk" Maisie chuan a lo tih chhunzawm zat bawk.
"ka ring chiah lo...ughh ka ril a tam "
"Lola... ka tilui lo ang che chiang takin inngaihtuah la... England a kal pawh chu i vanneihna intan na tur alo ni mial thei bawk"ka ngawi renga, ni e... ka hma hun ka hre lo Kai Burton hi mi tha tak pawh alo ni reng thei bawk.
"inthlak la....rawng kan lo bawl ange " tih pahin kitchen lamah ka phei san ta daih a.
.
________________________________________
Zan lamah ka duty thin avangin chau hle mah ila chawlh ka lak theih si loh vangin ka kal leh ta nge nge a.
" Lola... room no.4 aw..." Anthony chuan ka dara rawn beng thak thak pah chuan a rawn ti a.
" awle... " VIP room bawk maw!! mihausa te hi hrawn an hrehawm ropui si ngatinge VIP room hi min chantir ziah le?.Phur lo zetin ka tho taih taih a ,darthlalanga inen pahin Oscar an min benna avang ka hmui kak leh biang duk chur chu makeup chuan ka han khuh bo leh thuak thuak a.
" Lola...tha takin aw" nidanga ka tih ziah thin ang chuan ka han infuih phur leh a, nuih suk pahin dressing room ka chhuahsan nghala.
.
"Lola... mipa pakhat in a zawng che a"Julia chuan chupa lam chu a melh zeuh a.Alfred maw!!, hetah enge a rawn tih?
"ka hrethiam e... "
"Boss in a hmu reng che tih theihnghilh suh" Bu nghat chungin Alfred lam chu ka pan nghala.
" Hi!! " customer dang ka tih thin dan ang tho chuan ka han nuih sanga.
" Hi !!... "
" intur i duh em? kan nei kim vek ania"
"biak lawk che ka duh a"
" awle... han sawi la.. " nuih suk pahin a ep chiah a chuan ka thu ve nghala.
.
" i lo inngaihtuah tawh ang tiraw... " nizan ah lawk inngaihtuah turin min ti a, tunah min zawt lehnghal amaw!!
" ugh..." chhan mai ngaihna pawh ka hrelo.
" England ah chuan ka zui thei lo ang che... "
" maw!! "music a rin em avang chuan a rawn ti vata.
" ka... ka zui thei lo ang che... "
" Lola... Boss in a thlir reng che ania, i room kalna turah lut vat rawh" waiter pakhat chuan rawn min rawn hrilh ru sa sa a, lehlam ka hawi chuan Boss in min lo melh kur reng chu niin.
.
Kan Club hian dan khauh tak a nei a customer biak hran emaw ngaihzawn bik neih phal ani lo . Tupawh ang khata veka en in tumah kan mutpui tur ani bawk hek lo, chu dan chu khauh takin kan kalpui renga, kan customer te dan anglo a an awm anih erawh chuan man theih an ni thung.Alfred chu an man mai ka hlauh avangin ka ding thuta.
" min lo hrethiam rawh... ka kal angai.. " hawi let leh tawh lo in room no.4 lam chu ka pan ding nghal nal nal a, ka awm dan avang hian mak min ti ngawt ang mahse warning kan hmuh vaih chuan a pawi dawn si a.
.
Whisky um nen room no.4 ah chuan ka lut nghala.
"ka tlai avangin thupha ka chawi e"
" anih chuan lam rawh... " ka ding khawng nghal awt a,hlauhna in ka khat nghal.
" Oscar.. hetah enge i rawn tih?"
"hmu tur che in mawle.... "
"pawisa chu ka pe vat ang che ka tih kha... khawngaihin ka hnathawhna ah rawn kal tawh suh "
" anih chuan tunah min pe rawh..anih loh chuan ka bulah rawn let leh la ka lo duat ang che chuan pawisa pawh min pek angai lo ang "ngeiawm zeta tih pahin min rawn pan hnai zela,ka lo tawlh hnung vat thung.
.
Hmeichhe kutthlak a hreh bawk si lo ,ka hlau lutuk chu ka kut te a khur vek tawh.
" tun... tunah chuan ka nei lo" bangah chuan na vak lo hian min rek beta, ka che ngam tawh lo hrim hrim.
" anih chuan kan pahnih chauhin tuma tibuai loh na room romantic tak ah hian nuam kan chen dun dawn em ni?" tih pahin min rawn fawp nghal tawn tawn a,ka hmui ka lo chip tlat thung.
" khawngaihin min kalsan rawh... "
"hahh...nula tamtakin min buaipui laiin min lo hnawl vel amaw" tih pahin na zet hian min rek kang nghal lawp,a kut chu ka han beng vak vak a ,min that mai dawn in ka hria.
.
Rum zeta min en pahin chhuatah min paih nghal lawpa, vanneih thlak lutuk in ka pum ka veng hman hlauh.
"mi lepchiah nu...lam rawh, min han lam sak ta che " ka samah thamin min pawt tho nghal lawpa,a na lutuk hi ka mittui takngial pawh a tla thei lo.
"lam rawh..lam ta che ...hetiang hmeichhe hringtu hi eng nu leh pa teh hrep nge maw an nih le?"a tih chuan ka sa ta phat mai.
" Hremhmun ah kal rawh" ka biangah a ri nghal sawk.
" emergency button ka hmeh vaih chuan jail ah i tang chiang viau ang "
"Engmaw!! han sawi nawn leh teh... "
.
"Jail ah kumkhua in i tang ang "ka ti nawn leh ngata,min ben na ngai bawkah chuan min beng lehnghal sawk, a na lutuk chu chhuatah ka let tawpa ka mit te chu a vai nghal ruai bawk.
"I duh chuan min report rawh zan khat pawh ka tang lo ang mahse ka hming i ti chhe nawn leh anih vaih chuan... " min nem sawk pahin min chhuahsan nghala.Ka biang na lutuk chu awmngaihna pawh ka hrelo,Inhum ruh teuh chungin ka tho taih taih a, thil thleng hi Boss hrilh ka duh takzet mahse a hma in Oscar nen hian kan lo buai hrep tawh a keimah zawk ka tang thelh anih kha chuvang chauha ngawi mai mai chauh chu ka ni.
.
Ngawi rengin ka hmai hliah chung chuan dressing room lam ka pan vata, midang in min hmuh ka hlau takzet.Inthlak hmasa lo in ka bag ah ka thawmhnaw ka khung sawk sawk a ka insiam mawlh mawlh lai chuan tuemaw hian min rawn ko thut a ka phu chiang kher mai.
" Lola.... i va phu nasa ve"
" Linna...ka awm a nuam lo deuh a ka haw mai ang Boss i lo hrilh mai dawn nia" Linna hnungchhawn zawng chuan ka ding tlata ,ka hawi let anih vaih chuan ka hmui thi hnuang leh ka biang duk char te hi a hmuhhmaih hauh lo ang.
" mahse... room no.6 ah nangmah hmu duh an awm asin"
"Boss chuan ka hlawh lo cut mai rawh se... mangtha le" tih pahin ka chhuak nghala.
.
Midang in min hmuh ka hlauh em avangin ka lu chu puanin ka khuh tlata,hlauh thawn tawh nak alai in Oscar ka hmu thut anih chu!! ka hawi let vuta hmanhmawh zetin hnung lam atangin ka tlan chhuak nghal dawr dawr a.
" Lola... "ka hlau lutuk chu ka ding nghal chawt , ka che ngam tawh lo.
" Miss Lola... i tha maw?"Alfred ani tih ka hriat chuan ka thu hnawk a, ka insum zo tawh lo ka tap chhuak nghal hawm hawm a. Ka nun rethei lutuk leh hrehawm lutuk hi ka ngaihtuah ringawt pawh hian ka tim ur ur thei. Ka hun kal tawh vangin ka tap ngai lo a,thil ho te ah ka tap ngai bawk hek lo mahse tun tum zet chu a tawpkhawk ve ngang tawh ani mahna.
Ka tah chhung zawng chuan Alfred chu ka bulah alo ding ve renga,mak tak maiin ka bula a awm hian ka thla a muang tlat peka.
" lo kal rawh ka thlah haw ang che " chuan ka lo bu nghata, hnial buai ka tum hran lo. Ka hmai vung duk chur leh ka hmui thi sung a hmuh chuan mak tih hmel takin min en nghal kawk a mahse eng zawhna mah min zawt lo.
" lo kal rawh le... " car kawngka chu min hawn saka
" ka lawm e... " tih pahin ka lut nghala.Tukverh lam hawin in ka thu ngawi renga, ka mittui a rawn far leh fap thin.
.
" Miss Lola...kan thleng tawh e.. " ka hawi chhuak vata " ka lawm e... " tih pahin za lo zet hian ka lo nuih suka.
"i hmai ah khan heihi i hnawih dawn nia.." damdawi hi min rawn pe a
" Umm... Alfred" ka koh dan avang chuan ka tim deuh
" ughh...England ah chuan ka zui haw ang che "
" awle...naktuk dar2 ah airport ah kan inhmu dawn nia "
" awle... " chhuah nghal ka tum a.
"in enkawl tha ang che... mangtha le" a tih chuan ka lo nuih suk a, hetiang mi zaidam leh fel lutuk hi engtin nge Kai Burton ang mi ngeiawm leh induh bulah a awm thei zawk?
.
Inchhung ka luh chuan Maisie chuan mak tih hmel takin min en ha a, hmanhnawh takin a rawn tlan phei nghal vat bawk.
" Lola... ngatinge i hmai chu? " ka hnuk a ulh tlat pek a, insut hraih pahin couch ah ka thu nghal hnawk a.Maisie chuan first kit box la in ka bulah a rawn thu ve nghal vata.
" Maisie... hetiang nun hi ka kham tawh takzet, ngatinge mi zawng zawng hian min huat vek mai le? "
" Lola... ka awm hi, keichuan ka hmangaih lutuk che asin" tih pahin min rawn kuah vata.
" Oscar an min tih buai theih loh na hmun hla taka kal ka duh...engtin nge hetiang mi nun rawng lutuk hi ka lo duh theih zawk le? "
.
"anih chuan England a kal chu i tum ta em ni? " a tih chuan ka lo bu nghata.
"ka rawn kal ve thei dawn si lo a,ka ngai ngawt ang che mahse chutah chuan hlim deuh a awm i tum dawn nia hetah chuan i tuar hnem tawh emai "
"DNA test tir zawh hunah chuan ka haw theih ka ring mahse hetah chuan ka rawn let tawh lo ang... "
" Lola... "
"passport i siam tir hunah rawn kal ve rawh aw ka lo nghak reng dawn che nia ..."
"anih chuan England chu engtik ah nge i kal ang "
" naktuk dar2 ah... "
" maw!! ava rang teh thut ve... "
"Alfred ka hnial thei si lo a lawm"
.
________________________________________
Airport thleng Mark leh Maisie chuan min thlah a,Maisie ka hmu thei tawh lo tur hian min ti lungngai takzet mahse Paris a ka awm chhung zawng chuan Oscar an min ti duhdah reng tho dawn chuvang chuan ka tlanchhiat mai hi angai ani. Maisie pawh hian ka kal a phal lo tih ka hria mahse ka tawrhna zawng zawng min hriatpui vek avangin min chelh ngam lo ani.
" Lola... min rawn be ziah rawh aw... " Maisie chuan min kuah vang vang a, a ruk tak chuan ka tah a chhuak takzet mahse nui hmel ka hmuh ta zawka.
" Mark ...Maisie hi lo enkawl tha rawh aw... "
" tehreng mai...Kai Burton an a tih duhdah vaih che chuan ka rawn thlawk nghal ani mai " boruak tih ziaawm nan Mark chuan alo ti vata.
.
" Miss Lola... kan kal a hun tawh e... "Alfred chuan a rawn ti a.
"in rawn kal ve ang tih min tiam rawh u... "
" Kan tiam a che... Lola tluang takin aw" Maisie phei chu ka en tha duh lo,ka kut vai lauh lauh pahin ka kal nghal nal nal a, hawilet pawh ka duh lo. Paris chhuahsan in England ka pan anga chutah chuan nun nuam zawk ka nei ngei ang. Engpawh chu nise fa ka pai meka, ka fa hi ka kianga a awm chhung zawng chu ka mal tawh bik lo ang, hna nasa takin ka thawk anga ,ka ding chhuak thei em em ang.
.
.
*London, England*
.
Hostess in London kan thleng tih a rawn puan chuan pawn lam ka thlir vata
"London..." ka thaw chhuak hak a "he hmunah hian ka ding chhuak ngei tur ani"tih pahin ka inhum ruh sauh a,ka hmai a duk nasat em avangin ka khuh tlat a makeup pawh ka hmang chhah hle.
" Miss Lola... lo kal rawh le "
" awle... " Alfred chu ka zui chhuak vata, car nalh leh lian zet mai hian min lo hmuak ran bawka,lalfanu ang maiin ka inhria.
.
Tukverh ah dakchhuak in London boruak chu ka han hip vang vang a, hmelhriat tumah nei lo mah ila ka him in ka thla a nuang riau in ka hria.
" Khawiah nge kan kal dawn? " Alfred chu ka zawt vata.
" damdawi in ah test nei turin kan kal nghal ang... "
" tunah maw!! " an va hmanhnawh ve, Kai Burton a fa lo ni lo ta se engtin nge ka tih tak ang?Test kan neih zawh chuan min pet chhuak daih awm sia khawiah nge ka riah tak ang ,hotel man a to awm ropui si ..
" aw... chumi zawh ah pu Hammad a guest house lam kan pan ang, chutah chuan awm hrih turin a duh che ani " ka zang huai mai, tunah chuan riahna tur ka nei ta phawt a.
.
Chapter-8
.
DNA test vel kan neih zawh chuan ka awm hle hle thei tawh lo, hlauhthawnna in ka khata Kai Burton a fa anih loh mawlh ka hlau. A lo ni lo anih vaih chuan London khawpui ah hian ka vakvai ngei dawn tih chu kei tluka hrechiang an awm lo.Reilo te ah doctor
pawh a rawn lut vata,ka zam lutuk chu ka kut a thlan vek tawh .Alfred nen chuan zawi te te in an inbe sep sep a ka ngaih a ti tha lo zual.
"inenkawl tha ang che" tih pahin Doctor chuan min chhuahsan leh nghal daiha, ngatinge engmah an sawi loh le, ka hriat theih turin sawi ve mai tur a nia.
.
" Miss Lola kal ang le" tih pahin Alfred chu a chhuak ve nghala ,min ti hrilh hai takzet.
" Alfred..." ka um chhuak nghala.
"Enge awmzia?"min chhang lo hrim hrim
"Enge result...?"
" umm... nakin ah a chhuak ang " anih chuan nichin khan enge an sawi le?
"oh!! anih chu... " tih sap pahin ka zui lehnghal hna hna a.
Ngawi rengin car ah ka luta, ka awm a nuam thei thlawt lo,ka rilru hah lutuk chu Maisie ka call ta ringawt a mahse a pickup thei lo.
.
Pu Hammad a guest house kan thlen chuan en tur ber pawh ka hrelo,a lian in a fai em em a engkim mai chu a nih dan tur ang thlapin a awm vek bawk, hetianga khawp hian an guest house pawh a ropui anih chuan an in phei chu ka ngaihtuah thiam lo zawk.
"lut ang le "
" awle... " inchhungah kan lut nghala, hetah hian ka awm dawn chu ani sia ka mumang ani zawk hial ang.
" Miss Lola... mamawh i nei anih chuan Pi Anderson hi i hrilh mai dawn nia chuan buaina a awm chuan min rawn be vat dawn nia.... " tih pahin Alfred chu chhuah nghal mai a tum a.
" ih... helai hmunah hian engtik thleng nge ka awm ang? "
" chu erawh ka hre lo...kan inhmu leh vat dawn nia" tih pahin a chhuak nghala.
" umm... Miss Lola.. i room tur ka kawh hmuh dawn che mi niang"ka hminga min koh nghal avang chuan mak tih hmel takin ka lo en ha a.
" awle.... mahse engtin nge ka hming i hriat.? "
" ugh... Pi Burton in a tha thei ang bera lo dawngsawng tur che in min ti alawm"
" anih chu... ka lawm e"
" min rawn zui rawh le " inchung lamah a chho nghala, keipawhin ka zui ve nghal vat bawk.
.
" Heihi i room tur anih hi... " room chhung chu ka rin phak bakin a zau, khum lian tak a awm bawka, Maisie hmuh ve atan ka it takzet.
"Mamawh i neih chuan phone hian min rawn ko mai dawn nia"
" awle... " Pi Anderson a chhuak chiah tih chuan ,ka briefcase chu ka hawng rawk rawk a beer ka pai ruk chu in pahin tukverh ah ka dak chhuak vang vang a.Beer ka inchakna a rei tawh bawka a tui bik riau in ka hria, boruak pawh a thiang in a nuam takzet,
" helai hmunah hian kumkhua in awm thei ila ka ti takzet" tih sap pahin kan thaw chhuak halh a, ka nau pai result hi ka hriat hma lo chu thlamuang takin ka awm thei lo. Jason kha lo mutpui lo tawp ila chuan Kai Burton fa ka pai tih hi chiang takin ka hre mai tur ania.
.
________________________________________
.
Pi Anderson in breakfast ei tura min koh avang chuan inhnuai lamah ka chhukthla vata. Nizan chu mangchhia in min tibuai leh tawh a ka mumang lo mahse zingah rei tak ka muhil thei hlauh a, ka chau lutuk tur pawh a zia deuh.
" Morning " Pi Andersoni hlim hmel ka hmuh hian ka nu ka hrechhuak zawk mai.
" morning... " tih pahin dawhkan ka kil nghal vata.
"heihi i hmai dukah khan i hmang dawn nia... "
" ka lawm e... "
" Pi Burton-i pawh a rawn thleng tep tawh ang "
" maw!! "
.
"Zingkar ah hrilh tawh tur che ka nia mahse i la mutthilh tui em avangin ka rawn tibuai duh ta lo che anih kha... ei vat vat la chuan i in siam vat dawn nia" min nuih sang pah chuan alo ti zung zung a. Pi Burtoni a rawn kal dawn maw!! Lalpa leh Kai Burton anga ngeng leh ngeiawm lo ni ta se engtin nge ka lo dawnsawng tak ang.Tam pawh ka ei hma chuan doorbell chu a rawn ri rang rang a. Ka bawnghnute in lai ka phuh chhuak tep ani, ka la inthlak bawk si lo engtin nge ka tih tak ang?
" Pi Anderson... "hlauthawng tih hriat tak chuan ka ti a
"a pawilo... Pi Burton chu mi fel tak ani alawm...lo kal rawh le" a tih chuan a bulah ka kal nghala, ka zam lutuk hi tlan chhiat daih mai duh.
" hlauthawng suh "tih pahin kawngka chu a hawng nghal a
.
Pi Burton chu ka rin ai daihin ala thalai,kawrfual sendang zahawm leh man to hmel zet chu ha in pheikhawng sang lutuk lo a bun bawka, a makeup natural tak chuan a ti hmeltha in a vun pawh a ti lang nung sar mai.
" Hi!! Lola...kan inhmu thei chu ka lawm takzet" min rawn nuih sang pahin min kuah nghal thlawp a,kei erawh mak ka tih em avangin chet nachang pawh ka hrelo thung.
" i rawn kal na ah te i chau em?" min be nghal bawrh bawrh a,ka rin ai daihin a nelawm in a fel takzet.
" aw... ka hmu thei che chu ka lawm e" ka lo ti ve vata,
.
"kan lut dawn em ni... pi Anderson Lola hian theitui engemaw a duh ang"
" aih... angai lo breakfast ka ei zo chiah a"
"nangmah chauh nilo in naute pawh i ngaihtuah tel angai alawm" a tih chuan ka lo nui suka, anih chuan naute hi Kai Burton fa tih na em ni?
" umm.... ka tho tlai lutuk a,ka lo inchei hman lo a" vanneihthlak lutuk in ka hmai duk makeup in ka lo hliah hman hlauh.
" a pawilo....nizan te i mu thei maw? keichu ka hmu chak tawh lutuk che a ka muhil thei lo, ka helhhawlh ani ber mai"
.
" aw... mutui e "kan vawikhat inhmuhna chauh ala ni bawka han chhan mai dan tur pawh ka hre lo, mifel tak alo ni hlauh a ka vannei takzet.
" E... heihi zanin a i kawr hak tur anih hi,i thlalak chauh kan la hmu sia ,i dul ala lian lo bawk nen heihi i inhmeh ka ringa "
" zanin maw!! "
" aw...company anniversary party a awm dawn a,chutah chuan in inhual nghal bawk ang... mipui te surprise ve hrim hrim hi a nuam... " Inhual a!!! zanin ah maw! an va hmanhmawh ve, Kai Burton nen pawh kan la inhmu leh reng reng hleinem.
.
" umm.... ngatinge zan in tut tut ah... " ka hriat chak em avang chuan ka zawt ta ringawt a.
"ni e...hma deuh pawh i ti maithei ,hei en rawh" tih pahin magazine hi a rawn phawrh chhuaka.
" Kai an fa a neih tur thu media lamin an lo hre leh tawh ...buaina a tam hma hian in hual vat ula kan duh vang ani chutilo chu thudiklo a darh chak lutuk thin a "
" Eng.. engtin nge an lo hriat hman le? " bah nuai chuan ka ti a.
" umm... doctor nu kha mawle mahse i hming leh hmel an tarlang lo hlauh, a lehpek ah chuan doctor dang kan ruai tawh ang " .
.
Pi Burton nen chuan nilengin kan inkawm a, a tawng duh in a nelawm si a ka nu ang maiin ka en nghal thei nia. Fa hmeichhia a awh thin zia te ,kei ka awm tak avanga a hlim zia leh naute a hmuhchak tawh thu te min hrilh luam a, a bula awm chu a hahdamthlak in a thlamuan thlak takzet. Ka chanchin an lo hre vek tawh pawh ani mahna ka chhungte chanchin emaw ka chanchin emaw pawh min zawt miah lo thung chu chuan a mah min ngainat zual tirin ka hrehawmna leh ka retheihna te chu min theihnghilh tir veka a nuam ka ti takzet.
.
________________________________________
.
#Engagement party#
.
Pi Anderson leh hmeichhe pahnih puihna zarah ka insiam zo ve thei hram, kawrfual senduk nalh tak ha in ka sam chu nalh takin min siam sak bawk a nalh ka inti ve hle.
Hall lian zet kan luh chuan mipui an lo tam hle a, hmelhriat tumah ka nei lo bawk nen chu chuan min ti zam takzet.
Company Anniversary anih angin mi lian tak tak hlir an kalkhawm a,heng mipui zozai hma ah hian ka inhual dawn chu ani sia, ka zam lutuk chu ka thinphu te hi a rang sawt riau in ka hria.
Kai Burton pawh ka awmna atanga hla vak lo ah a kut leh lamah wine glass kengin lehlam erawh a ipte a zen thung company dang president ni awm tak ho nen chuan an inbe mawlh mawlh hlawm a,kan inhual na party ah pawh business chungchang bak an sawi lo ang, a suit dak nalh tak leh manto tih hriat tak chu a inhmeh in a hma ai zawng khan a hmeltha emaw tih mai tur ani.
Kan inhmuh hmasak kha chuan hmelhriat loh ang maiin kan intawng a, tunah lah ka inhual dawn chu a ni der si a, ka awih thei lo zawk. Hetiang mipa chhelo leh hmeltha lutuk hi ka pasal chu ani mai dawn si a, hmeichhe tamzawk hian min thik ngei dawn tih chu a chiang reng.
.
Chutia zam leh khur der der a ka awm lai chuan Mrs Burton a rawn kal hlauh, ka hmelhriat awmchhun a ni bawka ka lawm takzet.
" Lola... i nalh hle mai " tih pahin min rawn kuah nghala, ka zam avanga ka kut khur nasa lutuk erawh a reh thei chuang lo.
"Ka lawm e Mrs Burton... "
"het... Nu tiin min ko zawk rawh"a tih chuan ka lo bu nghata.
"Lola... ka hmu che chu ka lawm hle mai,Kai Burton pa Hammad Burton ka ni e" pa upa tawh tak wheelchair a thu chuan a rawn ti a .
"ka hmu che chu ka lawm takzet"chibai ka lo ti let vata.Maisie khan alo sawi dik chiah Mr. Hammad Burton chu a accident na avangin a spinal cord a chhiat avangin a kal thei tawh lo.
.
" Nangmah rawn hmasa lo che a inhualna kan kalpui tut tut avangin thupha ka chawi e... "
"a pawilo... " Lalpa leh!! ngatinge maw ka zam em em le? ka inrintawkna te kha khawiah nge a awm tak?
" khawiah nge Kai hi a awm le? " tih pahin a hawi kuala,Mrs Burton in Kai a hmuh chuan a va pan nghal vata.Midang nen an inbiak mawlh mawlh lai chuan a kai hranga,kan lam panin a rawn kalpui nghal dawr dawr a.
" Kai...business chungchang hlir in sawi a, Lola hi be ve ta che "Kai Burton an min hmuh chuan thlarau hmu ang maiin min melh nghal kawk a,a mak ti lutuk chu tawng mai nachang pawh a hre lo.
.
" henu hian hetah enge a rawn tih? " a thusawi chuan min thawng takzet. Kai Burton hian London ah ka awm ve tih hi a hre lo niin a lang. Anih chuan a nu leh pa te thil tih vek maw ni a!!
" Hi!! " nuih sang pahin pangngai tak chuan ka ti a mahse 'zak theilo nu chhuak nghal rawh' tih melh in min melh thung,ka zam dawn bik lo reng reng.
" ka fapa...inbeng dai rawh, ti kha chuan i hmel a chhe vek ania" a nu chuan hnehsawh zet hian a ti a, ka nuih a za takzet.
"anih chuan i zo tawh em? " anu vawnna chu thlah in nichin a ami biak ngai bawk te lam pan chuan a kal leh nghal daih anih chu !!
.
A va han ngeiawm tak,khatiang kha bu leh pa bula awmdan tur pawh ani lo. Pangngai deuhin min be ve mai thei lo ami le? ka lo ner suka.
"Lola... kha kha chu ngai ah i nei ve mai ang, mi zawng zawng a tih thin dan anih kha... " anu chuan alo ti vata.
" ni e... Khawiah nge Aiden pawh hi" Pu Hammad chuan a lo ti vata.
" ni e...i la hmu lo anga ka fapa naupang zawk Aiden ania ,Kai nen chuan an mizia a in letling thawk ani mai " anih chuan a fel dawn ani maw? a tih zia hlauh e.
.
Mrs Burton in Aiden min hmelhriat tir lai chuan, glass no khawng rik karh karh na lam chu ka hawi nghal thup a .
" in zavaiin chibai vek ule... " Pu Hammad chuan a rawn ti a,
" He lai hmuna in rawn kal avangin lawmthu ka hrilh a che u..." lehlam hawi pahin Kai chu a bula kal turin a hui zeuh a.
"Zanin ah hian Anniversary mai nilo thu lawmawm deuh mai puantur ka nei a, in hriat ang theuhin ka fapa Kai Burton leh Lola te chu zanin ah hian an inhual dawn ani"Kai Burton chuan mak tih hmel takin a pa chu a melh nghal kawk a, a hrilh hai lutuk hmel atang chuan kan inhual tur thu hi a hre ve lo tih a hriat reng .
" Lola... lo kal rawh le " Pu Hammad an a tih chuan ka kal nghal vata.
Chapter-9
.
Kai Burton an kan inhual tur thu a hria emaw hre lo emaw a nu leh pa te ka lamah an tang chhung chuan ka zam bik tur ani lo hrim hrim,ka tana tha tur anih avangin engemaw vang mai mai in ka inhnuk dawk dawn bik lo. Thenkhat chuan min hmuh chuan an inhrilh ru nghal sep sep a,mahse hre lo ang mai in inrintawk hmel zetin hlim hmel pu sang chung chuan pu Hamnad a kut chu ka vuan a ,tichuan Kai Burton hma tak ah min kai phei nghal bawka. Kai Burton chu ka melh chho ha a, a hrilhhai lutuk leh mak ti lutuk chu sawi tur a hre lo ani ber. Mipui chuan kut an lo beng dar dar a,tuna ka hlauh ber chu Kai hian min ti mualpho ang tih hi ani mahse pa fing tak leh puitling tak ani bawka a mualpho ve tho na tur anih bawk avangin naupang chhia taka a chet erawh ka ring lem lo thung.
.
"Kai.... zungbun bun tir rawh le " Pu Hammad chuan a rawn ti sapa, Kai erawh in a chhang lem lo. Zungbun a en tak vung vung avang chuan mipui chu an lo ngawi thup a,ka thinphu pawh a rang tawh kher mai engmah sawi lova hrilhhai taka min kalsan daih te nia ka rin ni. A rawn hawi chhuaka mipui lam a hawi zawh chuan apa chu a en leh a,a thinrim hle ani tih ka hai hauh lo ,a meng rum sa tawh nak alaiin min han melh leh ngat phei chu 'Thi daih rawh' tih melh in min melh in ka hria.Min en rum em avang chuan chhungril ah ka khur der der thei,kan pahnih chauh in awm phei ila chu inhualna thulh tu zawk ka ni ngei ang.
.
Ngawi rengin zungbun chu a bawm atang chuan a la chhuaka,ka mak ti lutuk chu ka hmel ah a lang chhuak hial maithei a ni.Ka kut chu ka lo dawh nghal vata,min khawih hreh niawm tak hian a kut khing khat chauh chuan zungbun chu ka kut chang thleng chauh hian a rawn nawr lut anih chu!! ,ner suk pahin ka bun tha nghal mawlh mawlh a. Kan inhual chu ani der!! mahse a chet dan kha ka lawm lo takzet.Mi tenawm ber melh in min melh reng a, ngawi reng mahse a chetdan leh a mizia hi a ngeiawm thlawt. Hausa lo phei se chuan ka nei peih lo hetiang misual lutuk hi.
"Hei aia thu lawmawm chu tun thla ni20 ah an inneih nghal bawk ang" Pu Hammad an a tih chuan ka meng phawk nghal kawk a. Anih chuan karleh mai ah hian kan inneih tawh dawn anih chu!!
.
Mipui chuan min lawmpui tih lantir nan kut an lo beng dar dar a,thenkhat chuan mak an tih hmel hle nghe nghe a chhan chu Kai Burton leh hmeichhia a ngaihzawng emaw a thian pawh nise sawi zawm tur a awm ngai loh vang ani.A engkim hi a dah private em em veka, a chanchin an sawi pawhin a hmelthat zia leh a chhiatloh zia te ,a hnathawh thatzia leh a fel thu bak sawi tur an hre ngai lo reng ani.
Zungbun min buntir zawh chuan thinrim hmel takin a kal nghal nal nal a,nichina a mi biak laite bulah chuan hlim hmel takin a awm lehnghal thei nia mawle ,mi mak tak zawng ani. Hetiang em em hian a nimaw business alo ngaihpawimawh a!! a awmdan avang chuan ei loh hmel zetin ka nui chhuak hak a ,hetiang mi hi chu nuangchang mawi zirtir hlak an la ngai ani.
.
________________________________________
.
*Kai Burton's POV*
.
Party a zawh rual rual chuan ka pa in lam ka pan ding nghala, zanin a min tih dan kha ka lungawi lo takzet. Inhualna chu sawiloh inneihna lehzel pawh maw!!
In ka thlen chuan angai ang bawkin a lo reh leh thap tawh , ka pa awm ziah na thin a library lam ka pan nghala.
" ka pa enge awmzia....? " Ka luh rual rual chuan ka ti nghala.Ka pa chu muangchangin lungkham nei hauh lo hian a rawn hawi a.
"Zanin a i hriat ang zawng zawng kha ani mai "
"c'mon...ka pa fiamthu na hun anih loh hi "
" engtik ni ah emaw nupui i la nei tho tho dawn chuvang chuan tuna lo nei hi a tha mai lawm ni"
.
"hahhh... " za lo zet chuan ka nui suka
"ka hmel hriat loh ka inhual pui a, ka hriat miah loh in kan inneih hun tur in lo ruat vel vek bawk a... Ka pa.. eng vang tehhrep a hre hnuhnung ber nge ka nih...kha nu phiangsen kha hremhmunah kal rawh se "
"Kai... i tawngkam fimkhur rawh... "
" ka nei thei lo ang....ka sum bak duh a nei lo "
"mahse i fa apai alawm... " a tih chuan ka ngawi hmak
"engpawh thleng dawn se i fa a pai meka chu chu theihnghilh ngai suh ang che... chuan inneihna pawh kan kaltlang pui ang, lo inbuatsaih ang che " ka pa chuan a ti hmuka,ka pa hi ka hnial ngai lova hnial in awmzia a nei dawn lo tihpawh ka hria .Chuvang chuan thinrim tak chungin ka kal chhuak lehnghala,ka chhungte hi kha dawithiam nu khan alo hmin vek tawh anih dawn hi ...hreptak chuan....
.
" Kai... ilo kal ani maw!! " Huizz... ka nu leh bawk maw!!, ngatinge min tih thinrim phet hi a tum le? A tawng hre lo ang mai chuan kaltlang ka tuma mahse ka nu ani tlat .Ka hma ah tak chuan inkuangkuah chung hian a rawn dinga min melh khai bawk. Lalpa leh!!
"C'mon... nu, min ti thinrim belhchhah lo teh"
" ka fapa hi ngatinge a thinrim le aw...lo kal teh ka lo kuah ang che"
" nu... naupang ka nih tawh lo hi" ka lo ti vin hlar a.
" mahse ka naute ka hnute hne thin tho kha lawm i nih... " chu thu bawk chu, a sawi chhuak ve ziah lehnghal.
"nu...duhtawk teh khang te chu ka tet lai daih a mi tawh anih kha.... "
"umm...fanu ka nei chak em em a mahse fapa luhlul em em chauh anih hi ka neih " a tan leh ta.
" nu mangtha le" tih pahin ka kalsan nghal daih a.
.
Ka in lam panin chak zetin ka khalh chhuak leh nghala, ngatinge zanin khan engkim ka lo tihtawp vek mai loh. Mahse ka pa hmel ka hmuh khan ka titawp thei thlawt lo ani. Inhualna kha ka titawp anih vaih chuan mi in an sel nasat tur zia leh ka pa zah dan tur zia ka ngaihtuah khan ka pa ka ti mualpho duh lo ani. Media lamin kan chhiatna lai hlir an zawn ngar ngar avangin he inneihna pawh hi fing taka ka tih tawp vat angai ani, he mi lepchiah nu hi engtik ah mah ka nei thei ngai lo ang.
In ka thlen hnu pawh chuan inthlak hmasa lo in bar table lam kan pan nghal chawt a,whisky chu thli chhuak in ka han tlak pap a kha mi lepchiah nu avang khan tul lo lo ah ka ngaihtuah na ka hmang hnem tawh hle mai....Phiangsen chuan..
.
*
*OFFICE*
.
Meeting kan neih dawn tep ah pawh hna ka ngah em avang chuan ka la thawk mawlh mawlh a,a kar lakah Lola hmel chuan min ti khaihlak leh zeuh thin, a hmel ka ngaihtuah ringawt pawh hian ka thin a ti rim.Ka office kawngka rawn kik karh karh tu an awm avang chuan ka hawi chhuak vata
" Big Boss.... Georgia in a hmu duh che a" ka secretary Lily chuan a rawn ti sap a.
" rawn luh tir rawh... " ka hna ka chhunzawm lehnghal mawlh mawlh. Hawi chhuak lo mah ila a thawm atang chuan a rawn lut tih ka hre nghala mahse ka awmdan a danglam eih lo.
" Kai.... "
" sawi rawh... " hawi chhuak lo in ka thil tih lai chu ka chhunzawm mawlh mawlh reng tho.
.
" Ngatinge hetiang hian i awm... ka hmangaih che asin" a tih chuan ka thil tih lai chu ka chawl thut a.
"Keimah vang tiraw.... " a sawi awmzia hriat loh hmel zet chuan ka hawi chhuaka.
"nupui i nei dawn tih chanchinbu ah an rawn chhuaha mahse dawt vek tiraw... " ka ngawi renga.
"hetiang thil hi keimah vanga ti ini tiraw...Kai, min la hmangaih tih ka hria, inneihna hi thulh la kan pahnih in hlim takin awm zawk ang " a thusawi avang chuan ka nui suka.
"Georgia thil i ngaihtuah nasa lutuk anih kha i nau pai lai khan a tuar ange" ngeiawm zet chuan ka ti lui ngata.
" Kai.... " a rawn ti nghal tuarh a, tunah chuan Georgia nihna a rawn lang chhuak tan ta.Georgia hi a lang ang ngawt a ni lo, a aw a nem in a zaidam hmel hle mahse a nihna takah chuan a thinchhe em em a, model hlawh hnem pawl tak ani tawh mahse tumah in an thawhpui tha duh ngai lo mahse ka duh em avangin chung zawng zawng chu enkan in a nihna ang ang in ka pawm a ,tunah chuan ka mize tha lo lam hi a cho chhuak ve ta ni berin ka hria.
"Kai...chunu phiangsen chu hmuh ka duh, engvanga kan inkara rawn inrawlh nge maw anih le a zak thlawt lo ami "Georgia inhrosa lai vel chu ka en renga.
.
"Engtik ah mah ka inneih tir ngai lo ang che u... engtik ah mah... "
" han tum chhin la... a chhan chu ni20 ah mai hian kan inneih tawh dawna" nuih suk pahin office atang chuan ka chhuak nghala.A ruk tak chuan kan inneihna tur hi rawn titawp se ka ti takzet
" Lily... ka office ah hian appointment nei lo chu rawn luh tir tawh suh ang che " tih chhan nei deuh chuan ka ti kher a, meeting nei turin Alfred pawhin min lo nghak reng tawh anih hi, Georgia awm avangin a rawn lut duh lo pawh ani mahna.
" Alfred.... document pawimawh zawng zawng kha i lo peihfel tawh em?"
"aw... chuan i nu in min rawn bia a in inneih hma in Lola nen vawikhat tal inhmu turin a duh cheu ani "
"maw!!.... "
"i pa phei chuan zanin tlaiah dinner ei pui che u a duh a mahse ka lo hnial sak che anih kha"
" Alfred.... ka lawm e, thian tha tak i
... "
Meeting kan zawh meuh chuan dar9 alo ri dawn der tawh, rel tur a tam in kalphung chi hrang hrang thlak angaih avangin darkar nga lai kan meeting phah ani.Nizanah ka mu mang lo bawk nen ka chau takzet ,Georgina pek ka tum thi chu ka hum vang vang a ,ka thin a rim thar leh peka. Khami zan khan Georgia in a rai thu min hrilh lo se chuan Lola phiangseni nen hian kan inhre lo tawp tur ania,chuan tun hun hi ka thleng bawk hek lo ang .Ka chair dup zet ngheng ar ar pah in inchunglam ka thlir vung vung a,engthil nge ka tih leh hmasak ber ang engmah hi ka hrethiam tawh lo.Inneihna hi thleng lo se ka ti takzet mahse ka titawp anih chuan ka pa leh kei ngei pawh kan awm dan tur kei tluka hre chiang an awm kher lo ang.
Ka inngaihtuah vung vung lai chuan ka tho thut a. Hetiang mai mai ngaihtuah hian hun ka khawhral tur ani lo, ka thi ken lai chu bawlhhlawh bawma paih pahin ka office chu ka chhuahsan nghala.
.
Ka inbual zo ka inthlak zawh chuan khuma thut ar ar pahin news iPad ah ka en vel mai mai a,mite hian ka nupui neih tur chungchang bak sawi tur an hrelo niin a lang. Chau in mut chak hle mahila ka muhil thei bawk si lo engkim hi kha Lola phiangseni vang vek kha ani .
Mutchhuak in min rawn zem tan tih chuan ka phone ri in min ti harh leh ta.
" tunge mawn le? " tih pahin ka phone chu ka en nghal vata.
Georgia maw!!
Pickup lo in phone chu khum mawng lamah chuan ka theh thla daih a,thawk halh pahin bar table lam ka pan nghal bawk, whisky um lak ka tum zeta mahse wine chu ka thli chhuak ta zawka.
.
Reilo te ah ka phone a rawn ri lehnghal, la lo chuan ka ring ral tir thak thak a mahse a rik ngun tak em avang chuan ka ngaih tha lo in ka pickup ta ringawt a
" Kai.... " Georgia chu a tap nghal hawm hawm a, thil tha lo a thleng tih ka hre nghal.
" Georgia...khawiah nge i awm?...tah khan awm reng ang che Ka rawn kal nghal" a awmna a sawi zawh rual rual chuan phone off pahin ka tlan chhuak nghala,ka buai nghal vek ani ber .Ka sport car dum chu chak zetin ka khalh chhuak nghala,khalh chak hle mah ila kawng a thui ka ti takzet.Ka mangang lutuk chuan Georgia chu ka call leh ringawt thin mahse a pickup tawh lo chu chuan ka ngaih a ti tha lo zual.
.
Georgia in a awmna hmun nia a sawi ka thlen chuan hmanhmawh takin ka zawng nghal ruai a, zan a rei tawh bawka tumah hmuh tur an awm hek lo.
" Georgia.... " ka ko thin chhanna a awm bawk si lo. Chutia hlauthawng takah ka awm lai chuan hnung lam atang chuan min rawn kuah ta thut mai a tam nghal hawm hawm a, Georgia ani tih ka hriat chuan ka thaw nghal huai a.
" Engthil nge thleng... " ka hawilet nak chuan mak tiin ka mengphawk nghal kawk a.
" Georgia.... engthil nge thleng, ngatinge i hmai hi ava duk nasa em em ve... " Georgia hmai ah chuan sawisak na hnuhma a awm thluah a,a chal phei chu a kak lehnghal.
" Tunge.... tunge hetiang hian ti che " ka tih chuan min rawn kuah nghal thlawpa
Show post links
Top
Ngaia
Site Admin
Quote
Unread post December 3rd, 2017, 1:07 pm
Chapter-10
www.storyfb.com mizo story thar nitin dah ziah a ni e
" Khawngaihin min kalsan suh" han hnem vak ngaihna pawh ka hrelo, a lu ah duat takin ka chul saka, a tah bang hun nghah tawp mai loh chu tih dan ka hre lo.
"Kai... khawngaihin min kalsan suh chuti lo chu Reymond an min sawisa hlum duh mai ang " inhnit hlawp hlawp chung chuan a rawn ti a
Maw!! Reymond maw!! chupa tehhrep chuan alo khawih vel amaw!!
"car ah lut rawh" tih pahin car kawngka ka hawn sak vata, ngawi rengin in lam pan in ka khalh chhuak nghala. Ka lo thinrim sa tawh bawk nen zanin zet zawng ka eng tih mah a phur thei lo. Georgia chu ka melh leh zeuh thin a, a hmai duk leh vur bur ka hmuh ringawt pawh hian ka thinur zual. Reymond phiangsena chuan eng thil nge a chungah ka tih theih hre mawlh teh se.
.
A in a him tawh loh avang leh hmeichhe chaklo leh raipuar mai anih avangin amah chauha awm turin ka kalsan thei lo. Georgia chu ka inah ka hruai haw ta ringawt a sawi tur em em pawh ka neih loh avang chuan ngawi rengin first kit box chu ka zuk thehthla ringawt a.
" Kai...ngatinge mi hrang ang maiin i awm a? "
"i hmai ah khan damdawi hnawih rawh..."
" ka duhlo... hetiang hian i awm dawn tih hria ila chuan ka rawn be miah lo ang che" a tih chuan ka thaw chhuak hak a
" enteh Georgia... i in enkawl that hi angai... " tih pahin lapua ah damdawi ka dah mawlh mawlh a, a hmai pilh lai velah chuan dim takin ka hruk saka.
.
" Dinner i ei tawh em?" alo bu nghata
" zanin chu hetah riak phawt la naktuk ah ka thlah haw ang che "
" nilo... ka let duh tawh lo... Kai khawngaihin hetah min awm tir rawh" ka ngawi renga, tun hma kha chu nise ka awm tir ngei ang mahse tunah chuan a lakah rilru dang daih ka pu tawh.
"mu rawh... i chau lutuk ang"chhuah nghal ka tum a mahse ka kawr ah alo man bet hman.
" Kai....chunu chu i hmangaih ami? "Chiang tak mai hian min rawn melh kalh a.
" i nupui tur chu hmuh ka duh tunge a hming khah Lola maw!!... "tihel hmel zet hian a nui suk a.
.
"Tu chiah nge anih Kai Burton a fa pai thei tu chu...." a tih thin dan ang bawkin ka hma tak ah dingin min melh kar a,
"Hetah... hian ngatinge ka awm theih mai loh? Inneihna chu thulh in kan pahnih hian kan inneih mai thei lo ami... " a mittui a tla nghal zawih zawih a, diktak chuan hmeichhe tap lai hmuh hi hrehawm ka ti keimah vanga tap an nih ngat phei chuan ka hrehawm ti lutuk hi ngawi rengin an awmdan chu ka lo thlir tawp thin.
" Kai... ka hmangaih che asin" dingdihlip pah chuan min rawn fawp vang vang a,ni e... Georgia hi ka duh in ka atchilh lo chauh thin anih kha mahse a hma ang khan kan awm thei tawh lo tunah chuan engkim a danglam vek tawh.
.
Fawh let a hnekin Georgia chu ka nam sawn deuha, mak tih hmel takin phawk fe hian min en ha bawk.
"mu tawh rawh... "
"Kai... ngatinge hetiang hian i awm tlata" a au nghal tuarh tuarh a
"khawiah nge ka pa hnena i thutiam te kha a awm tak...min kalsan suh mawh....khawngaih in" tap zawih zawih chungin chhuatah a thu nghal hnawk a
"i pa hnena ka thutiam chu ka hlen ngei ang mahse a hma ang kha chuan kan awm thei tawh lo ang " tih pahin room atangin ka chhuak nghal nal nal a. Pawnah boruak tha hip pahin pool bulah ka thu a,Georgia hi engtin nge ka tih leh ang? tih chu ka inzawt nasa hle.
.
Thla6 kalta khan Georgia hi apa in a thih sana, a thih dawn khan engpawh thleng se Georgia hi ka enkawl tur thu leh ka kalsan ngai loh tur thu kha ka lo tiama mahse tunah chuan kha ka thutiam te kha hlen harsa ka ti takzet.
Hun khirh tak hmachhawn mek mah ila mahni thutiam a ding thin leh mi dik Kai Burton kha ka la ni reng tho chuvang chuan engpawh thleng se Georgia hi ka enkawl ngei tur ani. Hlim takin ka siam theilo ani maithei mahse ka mawhphurhna ani a, amah a a in tun nung theih hma loh chuan ka kalsan ngai lo ang.
Alfred chu ka call vata.
" Alfred... naktuk ah ka penthouse cheshire ami kha lo peihfel rawh aw... "
" awle... Big Boss"
" mangtha le... " tih pahin phone ka dah nghala.
.
________________________________________
.
*Lola's POV*
.
Kan inneih hma in ni hnih chiah a awm tawh bawka chauh pawh a sawi theih tawh loh. Mrs Burton nen nitin mai in kan inneihna tur buaipui in kan chhhuak renga,thawmhnaw lah min lei sak hnem tawh bawk.Mrs Burton pawh a phur in engkimah min buaipui vek bawk, a sawi dan phei chuan a fate nupui neih huna theme tur leh engkim mai chu an pian tirh khan alo ruahman lawk vek tawh chutiang khawp chuan kan inneih tur hi a phur.Kan inneih hma chu an guest house ah ka khawsa reng dawna lalfanu ang maiin min enkawl bawka a nuam takzet. Maisie nen pawh zantin ka in be ziaha Kai Burton erawh kan inhual zana ka hmuh bak kha chu ka la hmu leh lo reng reng.
.
Mrs Burton nen Mo kawr kan en lai chuan Pu Hammad chu an rawn nawr luta.
" oh!! duhtak i rawn kal ani maw?"Mrs Burton chuan fawh zeuh pah chuan a lo ti vat a.
" in in buaisaihna te a kal tluang maw"
" aw... " ka lo ti vata,pu Hammad bulah hi chuan ka zam tlat zel.
" a that chu....Leah...file kha rawn la rawh le"
" awle... " Mrs Burton chuan file chhah zet hi dawhkanah chuan a rawn dah a, mak tih hmel takin ka lo en ha a.
" Lola... hengte hi hmun hrang hrang a kan ram leh building neih te an ni a,kan chhungkaw danah chuan fapa ten nupui an neih dawnah kan monu te hnenah an ram duh ber ka hlan thin ani. "
.
" maw!! ughh... angai lo " ka ti tak na in ka lawm ru hle,
"Lola... a tur ve reng alawm, kan fanu i ni tih chhinchhiahna ang anih chu "ka inthlahrun a hlauh avangin Mrs Burton chuan alo ti vata.
"tun tut tut ah thutlukna i siam theilo ani maithei ngun takin lo inngaihtuah phawt la min hrilh leh dawn nia "
" Leah...Aiden te school ah kal ka ngaia ka lo ve kal phawt ange"
" awle...mahse fimkhur rawh aw ...duhtak" Pi Burton in Pu Hammad chu a thlah chhuak leh nghala. Hemi te nupa hi an awhawm ngawt mai han en ringawt pawh hian an inhmangaih dun in an hlim tih a hriat mai.
.
" Enteh Lola.... kan chhungkaw zing ami i ni mai tur hi ka awih thei lo" hnuk ulh deuh chung hian Mrs Burton chuan a rawn ti a
" Mrs Burton...kei deuh hi sin lawm"
"ka nu tiin min ko rawh ka tih kha... " a tih chuan ka nui suka.
" he hun lo thlen hun hi ka nghakhleh takzet asin... fanu bazar pui tur leh thil chi hrang hrang sawipui tur ka nei tawha ka hlim lutuk hi i chungah lawmthu sawi mawlh mawlh ka duh "
" Ka nu... nang ka nei che hi ka lawm takzet.. "
" oh!! taka in chu en la... i duh ber kha sawi hreh lo la ....pangpar vel ka lo va buaipui ange" tih pahin a kal nghala.
.
File ka hawng chiah chu ka khi nghal suk , in ropui tak tak ka dam chhunga ka neih theih ngai lo tur chu a thlalak nen engkim mai chu alo awm thla dul a, khawi ber hi nge thlan tur pawh ka hrelo.
" ughh.... Cinderella ka ni ringawt alawm" tih sap pahin ka duh sawm vel chu ka thlang chhuak phawta, an tha in an ropui vek si a eng ber hi nge ka thlan tak ang.
Chutia thlan tur ka buaipui mek lai chuan Alfred a rawn lut hlawl mai.
" hi!! " ka lo ti vata.
" Big Boss in hmuh che a duh ani "
" maw!! "
.
" Hello... Alfred.. " Mrs Burton chuan a rawn ti vata.
"Ms Leah... Big Boss in Lola hi a hmu duh ani "
" chuti chu an inhmu anga ani mai alawm... tiraw Lola"
" nia... haha... " Naa... ka van hmu peih lo tak
" anih chuan min rawn zui dawn em ning? "
"awle... " za lo zet hian ka nui suk ringawt.
" va kal rawh.... tha deuhin aw... " Mrs Burton chuan min nuih sang pah chuan a rawn ti a, lo nui ve teh mah ila ka kal peih loh zia a hriat ve tho ka ring.
.
Office ah min hruai dawn emaw ka tih laiin hmun pakhat fal zet ah min hruai ta zawka.Midang hmuh tura awm a duh vak lo bawka vei vak hmuh tur tumah an awm lo.
" Alfred... khawilai hmun nge kan awmna hi... "
"Resort ah....helamah lo kal rawh le"
"enteh... Alfred, Big Boss hian a hau thin che em?"ka tih chuan a nui suka.
" ahh... i nui,i nui ve thei ani maw!!"
"Lut rawh le... "
" maw!!.... "
" Big Boss in alo nghak reng tawh che... "
" Lalpa leh... engtin nge min tih a tum le? " thawk lak hak pahin ka lut zal zal a.
Kai Burton ep chiah ah chuan fel hmel zetin ngawi reng chuan ka thu a,dawhkan ah ama chuanna megazine ngei ala awm zui.Ka melh leh zeuh thin,a hmeltha in a chhelo bawka a suit dum dak zaih leh a kami's senduk hak pawh a inhmeh takzet sawisel bo an lo tih thin pawh kha a phu hliah hliah,a sir zawng ringawt pawhin a chhelo ania, amah hmachhawn zawnga thut ngat phei chuan ka za mer mer in ka hria. Ka awm tih hre lo ang mai chuan a iPad chu a bih ngur ngur a ,ni e... a tan chuan hun hi pawisa ang ani ngei ang mahse inhmu turin min ko ve a tiang hian min awm san leh daih si. Ka thinrim lutuk chu ka inhum ruh vata mahse ka lungawi lo ani tih erawh ka ti lang ngam lo thung.
.
Rei tak ngawi renga kan thut hnu chuan a rawn hawi chho thut a, ka lo en reng lai ani bawk nen ka lai ringawt anih chu. A mitmu paw phat nalh em em maia min han en chiah mai chu!! awi Lalpa leh... min han zap dai teh u. A bawp sei zet khawkherh pahin file hi a rawn theh thla a ,iPad bawk a en leh nghal.
File chu la in ka chhiar nghal zung zung a.
" Contract maw!! " ka ti chhuak nghal tuarh .
Thawk halh pahin a han thu rem leh te te phawta.
"inneihna ka tih tawp theih tak si loh avangin nau i neih veleh kan inthen nghal ang"
" in... inthen a!! "
" kumkhua a min neih i tum ami... hahhh..." ni e...sual viau mahse kan inneih tawh chuan inthen mai mai ka duh bik hleinem.
.
"mahse... ka fa.."
"naute chu keiman ka enkawl ang, engkim ka pe ang nang erawh i rawn inlan leh tawh tur ani lo"a thusawi avang chuan mak tih hmel takin ka en ha a.
"kan inneih chhung zawngin duat takin ka enkawl che anga chupawh naute vangin...i duh chuan a rukin mipa dang i date thei ang mahse min ti hming chhe zawngin emaw company khawih buai thei thil a thleng anih erawh chuan chumi ni la la chuan ka in atangin i chhuak nghal ang kut ruakin..."
" maw!! " hetiang em em hian nimaw min lo ngaihtheih loh a, a nunrawng takzet amah chauh a in ngaihtuah anih hi.
.
" anih chuan eng hlawkna nge ka chan ve ang " ka ti ve ngata, kan inneihna pawh business ang lekin a ngai anih chuan a awmdan ang chiah hian ka thungrul ve tur ani.
"hahh... min zawt har ka ti reng a " ngeiawm zet hian min melh khai a.
"i thutiam i hlen dawn anih chuan mihausa tawntaw ah ka siam ang che " za lo zetin ka nui chhuak hak a. Ni e, ka thutiam ka hlen chuan a thusawi ang chuan mi hausa takah min siam thei tih ka hria, chu offer tluka thil duh ka nei chuang hleinem. Ka fa chu ka hausak te chuan ka la let leh mai dawn alawm ,ani in ka awmbo a duh a keiin pawisa a bulah hian kumkhua in ka awm thei lo bawk chuvang chuan kan inmil ani mai lawm ni.
.
"tawngkam ngeiawm tak tak in min tawngkhum lo anga chuan min ti buai tur ani lo... "
" tehreng mai"
"anih chuan khawiah nge ka sign ang?"
"hetah hian... " a kawh na laiah chuan ka sign vata.
"a tha e... contract chungchang hi midang in an hriat vaih chuan kutbeng in i chhuak ang "
"an hre hauh lo ang... "a awmdan hi ka ngei takzet, sual leh lutuk mai.A ding uai a,file chu la in kal nghal mai a tuma mahse thil hrechhuak niawm tak hian a rawn hawi let leh a.
"e.. takah kan inneihna tur vel kha lo buaipui lutuk duh suh court ah kan inneih dawna ka nu leh pa te chauh an awm dawn avangin pajama pawh ha la a zahthlak vak lo ang ,honeymoon te phei chu ngaihtuah duh suh" tih pahin a chhuak nghal daih anih chu!!
.
"kha... khapa khan enge a hriat a? " inbeng daih tumin tui ka han lem khawlh khawlh a, Lalpa leh!! khatiang mihring pawh nilo ramhuai kha engtin nge ka tawn theih zawk?
Ngatinge a hma khan court ah kan inneih dawn tih min hrilh mai loh, inneihna tur buaipui in kan buai em em a,engkim a fel vek tawh tih in kan thulh leh vek anga maw!! Aaa.... hepa bula awm hi chuan thinrimna tur hlir. Guest house ah Alfred an min thlah leh thlapa,ka thinrim lutuk chu thawk kan la leh kawk kawk thin, theih chu nise a bawp sei zet ah tak tlawh pawp pawp mai ania ka duh.
.
" Alfred... Kai Burton hian fel lai a nei em? " ka ti leh ringawt a mahse min chhang lo, ka insum thei thlawt lo
" he ramhuai pa hnuaiah hian engtin nge i thawh reng theih zawka... " ka ti leh ngata.
"Big Boss te chu mi zaidam tak ani asin...tul lo ah a tawng mai mai ngai lo mahse a thinthawk erawh tumahin kan tuar thei lo thung"
"zaidam a!! ka awih thei lo "
"Miss Lola... "
" Lola min ti mai thei lo ami" ka lo ti vin hlar a, hetianga in koh vel hi ka ning.
" Lola... kan thleng tawh e" ka hawi chhuak vata kan lo thleng reng tawh chu niin.
.
" Ka lawm e...oh!! thil pakhat"ka zuk kun hniam deuh a.
" Kai Burton hian hmangaih a nei tiraw? "
"mangtha le... i in enkawl tha dawn nia" tih pahin a tlan nghal daih ani chu.
" aaa.... Alfred pawh hian Kai Burton mizia a la zo vek tawh " phun bul bul pah chuan ka kal nghal hlawk hlawk a, ka ke a vung nasa in pheikhawk ka bun sang bawk nen ka bai deuh uih uih lehnghal.
Kawngka bula hmeichhe pakhat lo ding reng ka hmuh chuan ka kal ngil nghal zawta, Mrs Burton ani si lova tunge maw a nih le?
" Hi!!...." nuih sang pah chuan ka ti ve thawr a,a nu in a hmel a tha takzet, a sang tha in a pian pawh a nalh hle engvanga heta rawn kal nge maw anih le?
"Hi... Georgia ka nia... " tih pahin a kut a rawn dawh a ka lo chibai nghal vata.
Chapter-11
.
" Lola... " mak tih hmel taka ka en avang chuan a nui suka.
" Umm... Kai bialnu ka nia.... "
" oh!! anih chu, lo lut rawh" tha deuh hian ka lo ti nghal zung zung a,engvanga min rawn hmu duh nge maw anih le?.
"lo thu rawh... umm... tui i in duh em? "
" aih duh lo "
" min lo nghak rei awm si a enge maw tal in tur ka rawn lak ang che " tih pahin kal nghal ka tuma
" in inneihna tur hi titawp rawh... " ka ding nghal chawt a ka hawi let vat bawk.
"Kai hian enga tan mah a ti lo che atan chuan hmeichhe lepchiah leh amah tibuai tu lek ini "
.
Enge maw a hriat le hetianga min tih tak chiam chiam mai
"a fa ilo pai pawh ani mahna kan inkar erawh i ti chhe thei ngailo ang " ngeiawm zet hian min rawn nuih sawh lehnghal.
"in in then theih loh te chuan a tawk mai lawm ni.... " ka lo ti let ve ngata.
"maw!! "
"Kai an a duh che chuan ngatinge min rawn tihbuai ve kher..... kei nilo in nanghi hmeichhe lepchiah zawk chu i nih kha.... "
"Engmaw i sawi kha... kei hi supermodel ka nih hi....mite ngaihzawn rawn ka ni asin chuan nang enge i nih ve...? "
"model lo ni mai mai teh...Kei hi maw Kai Burton nupui tur mawle... chmai kan inneih hma in ni2 chiah a awm tawh a... oh!! sawm i ni ve lo tak"
.
"tunah hian Cheshire a a pent house ah ka khawsa meka.... i hriat thiam dan tur chuan kei hi min kalsan ngai lo turin min tiam anih chu nang nilo in..."
" maw!! in a!!"
" mangtha le... " min bye bye pah chuan a chhuak nghala. Khanu khan engmi ah nge a inngaih a supermodel maw!! hahhh....hmeltha hle mahse a nunrawng emai ,Kai Burton pawhin a then vat duh hial ang.
" Ho emai.... an inhmangaih leh hmangaih lo ah ka lo buai ve na tur a awm lo... " tih pahin inchungah ka chho nghal a.
.
.
*weddings day*
.
"Lola... Kai chu meeting an la neia a rawn thleng tep tawh ang " Mrs Burton chuan inthlahrun hmel zet hian min rawn hnem a,Lehlamah pu Hammad an alo nawr ve sek bawka chuti chung pawh chuan a la rawn tlai thei nia. Ka thin a rim em avangin tawng pawh ka tawng chhuak thei lo.Sana ka en chhen a darkar1 laiin a rawn tlai tawh ,midang innei ve tho tur an awm avangin chung ho pawh chuan min inneih zawh san vek takngial dawn, in seh ruh tun chung chuan ka melh ngai chu ka melh ngawt ngawt a,a duh dan angin inneihna pawh court ah kan ti tawh a chutah a rawn la tlai lehzel amaw ani tawh em em lo,au chiam chiam mai ka duh.
.
Rei tak kan nghah thap hnu chuan Alfred a rawn lut hlawl mai Kai an a rawn zui beisei in kan lo thlir thap hlawm a.
" Khawiah nge Kai...? " Pu Hammad chuan alo zawt vata.
"saw a rawn kal tawh e... " kawngka lam chu kan hawi phei thap a, a tawp a tawp ah Kai Burton misuala chu a rawn lang ve ta!!
Ka thin a rim em avangin ka inhum ruh vata,Kai nu leh pa an awm avangin ka inbeng dai mai mai.
" Kai... iva rei em em ve....Lola hnenah ngaihdam dil rawh" Pu Hammad chuan alo ti vata.
.
"Mr Huntington nen meeting kan nei bawk nen.... "
" ngaihdam dil rawh ka tih chu "
" ka pa....kan company tan vek alawm ka tih"
" Kai...." vin deuh thah chuan a han ti leh a .
"awle..." tih pahin ka lam a rawn hawia " Ka tih palh ...i lawm tawh em?"
awi...ka ngei lutuk hi a sam pawhkawlh vek mai ka duh.Thawk lak hak pahin ngeiawm zet hian min rawn nuih suka,ala hmeltha em em zui...awi enge maw ka ngaihtuah le?. ...
" a pawilo... " tiin ka chhang ta zawka, a ruk chuan vin hrep hrep ka chak takzet,theih phei se chuan khawvel pawnah pet chhuah daih mai ka duh.
.
" Lola... Kai aiawh in thupha ka chawi e... " Pu Hammad chuan a rawn ti ve leh a.
" Ka pa... pawilo a rawn kal tawh tho hi"
"ni e....pawi ka ti takzet... anih chuan inneihna chu tan ila...Aiden hetah lo kal rawh"Mrs Burton chuan alo ti nghal zung zung a, Kai Burton erawh judge hma ah a ding ngawi reng thung. Engmah sawi lo mahse he inneihna hi a duh lo takzet tih ka hria mahse anu leh pa thu a awih mai bakah a chhungte tih mualpho a duh loh vang mai mai a min nei ani tih pawh ka hria chu chu remchangah la in keimah intun nun nan ka lo hmang ve dawn anih hi.
.
Inneih thu tiam kan chham hnu chuan hming kan sign nghala.
" Tunah chuan dan angin nupa in ni ta" Judge in a tih chuan Mrs Burton chuan min rawn kuah nghal thlawp a
" tunah chuan ka fanu tak tak ini ta... " a mittui chu a tling pam a, hetiang em em hian fanu a awt ang tih ka ring pha ngai lo.
"Kai... Lola hi Burton chhungkaw monu leh i fa paitu ani a vawin ang khan beidawng takin siam tawh suh ang che" Kai chu alo bu nghata,a pa bulah hi chuan a fel mawle ka bulah ve thung chuan ramhuai ang mai ani.
" Lola...ka khawngaih ngawt mai che, honeymoon in hmang dawn bawk si lo... "
" Ka nu...hun ala tam alawm"
.
" ni e...honeymoon in hman theih loh aiah thil surprise tur ka nei cheu nia... a tlai hma hian haw vat vat rawh u" phur hmel zet hian min rawn nuih sanga.
"awle... ka lawm e"
"Aiden te school chawlh hunah kan inhmu vat dawn nia, Kai... i nupui hi hruai ta che... "
" oh God!! nu...tunah chuan toys infiampui tur i nei tawh bawka...keichu min tibuai tawh suh" men pual ralh pah chuan a chhuak nghal nal nal anih chu, a awmdan avang chuan ka nui lui suka,hetiang mihring nungchang mawi pawh hrelo.
" Lola...a mizia kha chu ngaiah i nei ve mai ang, i thawmhnaw pawh ka sawn vek tawh ania..."
" ka lawm e... ka nu, ka pa ka kal mai ang... Aiden bye bye le... " tih pahin Kai chu ka zui ve nghala.
.
Vanneih thlak takin min lo la tlansan lo hlauh, hmanhmawh lutuk in car ah ka lut vata ka pheikhawk a sang bawk nen ka hah takzet. Inbe miah lo in kan chuang dun char char a, a hmel ringawt pawh ka hmuh peih loh avangin pawn lam ka thlir char char a, a khat tawkin Maisie nen kan in text zeuh zeuh bawk.
"Cheshire a ka pent house nilo i duh duh thlang zawk rawh" a tawp a tawp ah a rawn tawng chhuak ve ta.
"ka duhlo.... " Georgia awmna a nih vang hrim hrim a thlang ka ni, enge hnehsawh taka min tih vel.
"hreptak chuan.... saw in lo saw i thlang thei mai lo ami? "
"enge saw penthouse ka thlang pawh chu a pawi viauna... "
.
"awle... a tha e... " min rawn vin deuh hlak pah chuan car atangin a chhuak nghala.
"thildang thlang tura min tih chhan chu Georgia vang tiraw... " ka tih chuan a ding nghal chawt a
"Saw inah sawn i bialnu supermodel kha a awm vang tiraw.... " ka ti leh ngata mahse min chhang lo in a kal leh nghal daih.
" Rawn hawi let ve tal tur ania... sual lutuk... " tih bul bul pahin kan hawi chho chiah mai chu!! Lalpa leh!! ka khabe nawr chho angai hial.
" Heihi.... Kai Burton in maw!!! "
.
In pawh ani lo Lalin ani zawk hial ang,Sailung var a sak ang mai hian a var sur a ,inchhung light eng takin darthlalang chhah tak mai leh kawt vel chu a rawn chhun eng sut bawk, chu aia mawi zawk chu in hma taka swimming pool lian zet mai chu ani. Inchhung luh chhoh nan kailawm lian leh ropui zet pahnih a awm bawka chu chuan a ti nalh zual hle. Heti khawp hian pawnlam pawh a ropui ania inchhung phei chu ka suangtuah thiam lo zawk. Pangngai deuha awm ka han tum tak na in en tur apui a tam lutuk a ka kâ hau reng mai.
"Lolo.... i in ani tawh mak ti lutuk suh... " infuih pah chuan ka nui suka step lian leh ropui zet ah chuan ka tlan chho nghala.
.
Inchhung ka luh chuan pa pakhat la naupang tak hian chibai min lo buk vata, a inchei dan atang chuan heta hnathawk ani tih ka hrenghal. Inchhung êng lutuk leh mawi lutuk chuan mit a tivai dawn alawm le, mak min tih ka hlauh avangin pangngai tak chuan ka awm dera mahse ka mit erawh ka len reng tho
"Miss Lola... ka lo lawm a che "
" ka lawm e.... "
" i chau awm si a... i room tur ka hmuh dawn che mi niang... "
" Kawiah nge Kai hi... "
" room ah a awm ang min lo zui rawh.... " hawihhawm tak chuan min lo chhang vat vat zela.
" awle... " hawi kual vual vual pahin chupa chu ka zui nghala.
Inchung lamah min hruai chho zela ,a mawi lutuk chu a rukin ka hawikual reng tho ,a tawpah kawngka lian zet kan thlen chuan Kai Burton room ani tih ka hre nghal, a chhanchu a kawngka ringawt pawh a danglam in a ropui bik tlat alawm
" Miss Lola.... lut rawh le... " a tih chuan ka lut vata,
awi!! Lalpa leh!! Room chu bati leh pangpar in alo khat veka, Ka in zau ka lo tih ve te kha chu nep te,chhuat te chu a fai in a var sur a ,a khum lian lutuk leh dup hmel zet mawlh saw!! rose par sen in a inchei khat vek bawk, engkim mai chu a changkang em em vel vek. Duhthala design ani bawk anga engkim mai chu duhthusam vek ani.Ka kal zela Kai Burton chu Balcony chhuahna bul pawn lam lan vek theihna tukverh bulah chuan phone alo hmang mawlh mawlh a.
.
" ka nu...a thawmhnaw te hi engvanga ka room a dah vek nge i nih, chuan ka room hi hetiang bawlhhlawh.... maw!! Surprise a!! "a ti bul bul ri chu ka hrethei. Heng thil zawng zawng bati leh rose par te hi a nimaw Mrs Burton in surprise tur che u ka nei a tih kha.
" nilo.....khalam ah khan lo awmpui mai rawh zantin amaha dinner a ei ziah a ngai dawn chutiang ka ti thei lo....chuan..."min rawn hmuh avang chuan a tawng tawp nghat chawta.
" Nu... mangtha le" tih pahin phone a dah nghal bawk.
"William lo kal teh... " nichina chhiahhlawhpa kha a rawn lut vata.
" ka room a bawlhhlawh zawng zawng hi paih vek rawh... "
" awle... "
" chuan.... a room ah i hruai nghal dawn nia" tih pahin kal nghal daih a tum a mahse a ban ah ka vuan hman.
.
" Ngatinge i thu i duh em em a.... min haw viau anih chuan ngatinge court ah i rawn kal"
" maw!! " rum zet hian min rawn melh a, William pawh alo inthiar fihlim nghal vat bawk.
"Court ah kan inneih tawh a chuan honeymoon pawh kan hmang hek lo chuan tunah i room..... Lalpa leh ka awih thei lo.... "
"anih chuan nupa inhmangaih tak tak te angin honeymoon kan hmang vel ang maw!! "ngeiawm zet hian min rawn nuih suka.
" awle... a tha e" a kut paih sawk pahin room atang chuan ka tlan chhuak nghal hlawk hlawk a, ka thinrim lutuk leh min tih dan avanga ka rilru na lutuk avang chuan ka mittui a rawn tla nghal zung zung a.
.
William chuan ka room turah min hruai nghala, Kai Burton room nen chuan inhlat tak ani.Ka room tur pawh a zau tha hle a mahse Kai Burton room nen chuan tehkhin chi pawh ani lo. Ka khum lian lutuk lo ah chuan ngawi rengin ka thu ran a dar2 a rik pawhin ka la meng kar.
Thawk halh pahin ka room ah chuan ka vei chhen a, hetiang em em hian tumah in min la hmusit ngai lo. Ka tho thut a inhnuai lamah chhukin bar table lam ka pan nghal vat bawk.
"zawn i nei ami?" ka phu zuk lehnghal, ka hawilet vata hmeichhe pakhat William form hak ang tho ha chu alo ding reng chu niin,a hmel atang chuan kum27 vel chauh anih ka ring .
.
" Hi.... Lola ka nia.. " ka lo ti vata.
" Rita....ka nia i mu thei lo ami? "
" umm... aw beer ka zawnga a awmna i hria em? "
" beer maw!! "
" ughh.... beer chu Big Boss in a in ngai lo a....hetah chuan a awm lo" awi... ka in chak asin le...
"heng zu in tlar zozai ah hian beer a awm miah lo maw!!" zu chi hrang hrang a inrem khat dul a mahse ka in chak ber beer erawh a awmlo....
" umm... i rai bawk sia wine hi i duh mai lo mi.... "
"eng ber hi nge ka in ang... "
" ihh.... 1996 hi a tui an ti... "
" awle... ka lawm e" tih pahin 1996 tih inziahna um leh no keng chung chuan pawn lam ka pan hna hna a.
.
Ka ding chawt a ka hawi let vuta.
"i in ve duh angem? " a hmel atang chuan a in châk tih ka hria mahse a Big Boss a hlau tlat
"ka sawi lo ang " tih pahin ka nuih suka.
"mahse.... "
" ka chhan ang che... bakah a hre lo ang " ka tih chuan hawi hrek hrek pahin min rawn zui chhuak ve nghala, A boss a hlau bawk si a in chak bawk si hmel hi a nuihzatthlak takzet.
Swimming pool a ke chiah pahin vanlam ka thlir vang vang a Rita erawh inring rengin a thu ve thung.
" in rawh.... " ka tih chuan alo bu nghata, kei aiin upat hmel mahse a chetdan hi a naupang chhia takzet chuan a mizia avang hian ka nel nghal em em bawk.
.
" ngatinge Kai hi i hlauh em em a, a hau thin che mi nge a sawisa thin che?"
" hahh....ai teuh lo chutiang mi ani lo, amah hi a zahawm em alawm bakah kei ang hna min pe duh hi ka lawm takzet chuvang chuan zah hi a phu alawm... "
" enge awmzia... "
"umm...Big Boss i nei hi i vannei takzet, ani chuan mi lian leh te a en hrang ve ngai lo... chuan kei hmeichhe baihvai ve tak pawh ka college fee zawng zawng min tum sak vek ania... "
" hahh.... dawt i sawi tiraw?" ka lo ti ha a,ka awih thlawt lo.
" ani alawm...kei lo pawh mitam tak riahna takngial pawh neilo a tanpui thin alawm...Alfred ,William, Jacob pawh an bang chuang lo " a fel viau si chuan ngatinge ka chungah a sual em em si?
.
" Chutiang chu nise ka ti takzet... " tih pahin wine chu ka han tlak pap pap a mahse rei lo te ah ka uak ta tuarh mai
" i tha maw.....? " Rita chuan ka hnungzang ah a rawn chul vata.
" ka ...ka... hrelo... " ka awmdan pawh ka hre tawh lo ka pum atangin min rawn pam nghal ut ut a, ka luak a chhuak bawk si ka luak thei bawk si lo
" Miss Lola... i biang a sen vek ania... " reh bet ang mai hian ka thaw thei lo a, ka kut te chu a vual nghal vek bawk.
Thawk kan la kawk kawk a, ka mittui te chu a luang nghal zung zung bawk
" Miss Lola... Lola...." min ko tuarh tuarh a mahse a ri erawh a hla telh telh thung. Ka kâ atangin chil phuan a rawn chhuak bawrh bawrh a engmah ka hre zui tawh lo.
.
Chapter-12
.
Light in min chhun sût avang chuan ka han khap fak fak a
" ilo harh tawh ani maw?"aw ka hriat avang chuan peihlo chung chung chuan ka han meng tawk tawk a,coat var a hak avang chuan doctor ani tih ka hre nghal, chuti chu damdawiin ah ka awm ani maw?
"Engtin nge ka awm? " ka han ti sap a.
"engmah ani lo e.... i wine in kha i haw deuh a, tunah chuan i tha tawh"
" ka lu hi ana lutuk.... "
" umm.... nau i pai avangin damdawi engmah i ei thei bawk si lo a mu hahchawl la....a zia mai ang "
Ka lu a nat deuh avang chuan ka han maimichhing vang vang a ka muhil ani leh nghal mai.
.
Kawngka in khar ri ka hriat chuan ka harh zawka tunah chuan ka lu pawh ana tawh lo.Ka hawi kual nghal ruai a, damdawiin ah ka lo la awm anih hi. Ka piah lawk a couch ah chuan Rita chu alo mu bam a ka harh tih a hriat chuan khum bula chair ah chuan a rawn thu phei nghal vata.
" Miss Lola.... i tha maw? na te i nei em? "
" aih... engtin nge ka awm? "
" ka tihpalh lutuk....nizana wine kha cherry wine alo nia...ka tihpalh takzet " Cherry te chu ka duh viau thin sia tun a takah ngatinge ka huat viau le, ka nau pai vang hi niang.
"a pawi lo.... ka that tawh hi"
.
"Kai an a hria em? " ka tih chuan a kun lap a ,"a hre lo tiraw....? "ka han ti leh a
"nizan pawh a muhil lo hrim hrim ,i bulah a awm char char alawm... "
"maw!!"
" umm.... a pawilo, lehkha kan tifel anga kan haw dawn nia, Alfred an lobby ah min nghak reng tawh a"
" Kai an engtin nge a tih che? "
" Engmah a sawi lo... a ho lutuk engtin mah min ti lo ang" a ti tak na in a hmel atangin a hlauthawng hle tih erawh ka hai hauh lo.
"hlauthawng suh.... lehkha chu zuk tifel la ka lo nghak ang che "
" awle... Miss Lola ka tihpalh takzet min ngaidam hram rawh... "
"Lola min ti zawk rawh... " tih pahin ka lo nuih sanga.
.
Alfred an Rita nen chuan inah min hruai haw a, a ruk tak chuan Kai hmel hmuh ka peih lo chuta karah a wine ka la inzui mahse kei aia hlauthawng an awm tih ka hriat avangin hreh lo ang deuh in ka awm lui ta vel mai mai a.
" Alfred....khatah khan ding rawh" mak tih hmel takin a rawn hawi let ha a.
"ngatinge? " Rita chuan alo ti vat bawk.
"saw lai ah sawn arsa leh beer in ang u... "
" mahse Big Boss.... "
" ho lutuk....haw u lo kal ru, ka treat ang cheu" tih pahin car atang chuan ka chhuak nghala.
.
Rita leh Alfred te pawh chuan min rawn zui nghal vat, ka kalna apiangah min zui dawn tih ka hriat avangin zanin tal chu hun nuam tak hmang ve se ka duh vang ani.Big boss strict lutuk bula awm reng chu an ning ve te pawh ka ring.
" Arsa leh beer pathum.... " waiter chu ka hrilh nghal zung zung a, Rtia leh Alfred te erawh an thu ngawi reng thung.
" Miss Lola... a tlai tawh si a kan haw mai dawn mi" Alfred chuan hlauhthawn hmel deuh hian a rawn tia.
" Nia... Boss in min lo nghak reng tawh ang " Rita pawh chuan a ti ve bawka.
" saw arsa alo thleng ....ei vat vat ila kan haw vat dawn nia....aw "min hnial ngam bik si lo, mahse hun nuam tak hman te pawh an phu ve alawm bakah boruak rit lutuk tih zia awm nan te pawh a tha.
.
Kan ril a tam tawh hlawm bawk aniang Arsa chu kan ei nghal tawn tawn hlawm a, Alfred leh Rita te ei lai phei chu a hmuhnawm zawk.
" A hma in tiang hi in ei ngai lo ami? " ka tih chuan an pahnih chuan a in melh nghal hrek hrek a
" umm.... boss in fastfood ei a phal lo a, ughh hrisel na atan a tha lo atia... " Alfred chuan alo mitmei nghal vata, ngatinge maw an Big Boss hi a tan em em le?
" maw!! hetiang chaw tui lutuk te... urghh... enge maw a hriat le , ei teuh ru aw... "
" awle...kan lawm lutuk" Rita chuan alo ti nghal vata.
Rei tak kan awm hnu chuan kan haw ve thei hram, sana ka en chuan dar11 alo ri der tawh .
.
Inchhung kan lut tur chu hreh hle mah ila inla huai zet hian hma ka hruai a, Alfred leh Rita te tan chuan hero ka ni ringawt. Inchhung chu alo thim vek tawh,A ruk thei ang berin ka hruai lut zal zal a, Kai Burton a awm lo tih ka hriat chuan confi zet hian ka ding ngil uai a
" Rita i room ah kal vat rawh... Alfred nangpawh haw vat la In Big Boss bulah engkim ka lo sawi vek mai ang " inla huai zet chuan ka ti a an lo bu nghata.
" mangtha u le" Alfred a chhuak dawn chiah tih chuan light a rawn eng ta uarh mai.
"ding rawh" awi!! chu aw chu....thil tisual niawm tak hian ka thinphu lah chu a rang em em lehnghal.
.
Kai Burton chu Couch lianpui ah bawp khawkherh in alo thu reng chu niin. Kan pathum chuan kan ding tlar tham a, Rita leh Alfred te erawh an hawi chhuak ngam tawh lo.
" Lola.... i room ah chho rawh.." hnial chi a ni tawh lo mahse Rita leh Alfred te chhan ka lo tiam ve tawh si a ngawi reng chuan ka ding lui tlata.
" Dar engzat nge in hria em?"Dar zat te chu a hre ve awm tho sia min zawh kher angai ami le?
" Rita.....i room ah chho rawh.... Alfred naktuk ah rawn tlai suh ang che" A tih chuan an kal nghal vata, tunah chuan keimah chiah ka ni ta. Nichin khan ka lo chhoh san daih lo a min hau hrep ang tih ka hlau takzet.
.
Min melh run pah chuan a rawn ding nghal uai a min rawn pan ta mai. Ka lo tawlh hnung hrut a mahse tlawm bik nih ka duh loh avangin ka hawi sang vah tho.
"Midang nun ah inrawlh loh tur kan tih kha"
"han mu rawh... i chau lutuk ang " ka tum loh ang deuha min chhan avang chuan chhan let ngaihna pawh ka hre lo.
"ngatinge tikhan min melh run a... "a meng rum em avang chuan ka han ti leh a.
" Jacob...a room ah hruai chho rawh... " tih pahin a kal nghal daih anih chu!! ngatinge min hauh miah loh le? khatiang khan a awm ngai si lo a, nge a tho â zawk. Ngaihtha lo deuh in ka room ah ka chho hna hna ta ringawt a.
.
________________________________________
Ka room kawngka an rawn beng dawt dawt avang chuan ka tal tual tual a, nizan ah ka muhil thei lo bawk nen ka muhthilh chhunzawm lehnghal. Chawl lo a an rawn ben tak reng avang chuan ka thu chhuak hlawl a.
" ka muhil ve chiah asin... " ka tah te pawh a chhuak, meng mang lo chuan kawngka ka va hawng vata.
" Rita.... " hmanhmawh lutuk in Rita chuan min nawr lut nghala,
" enge... enge awmzia? "
"in thlak rawh... in phih fai vat la Boss in ko tur che in min tira... "
" maw!! dar7 chauh ala rik hi "
"khawngaih in.... "
.
" awle... " ka inphih fai nghal sawk sawk a, zing thawh vela in chei te chu ka peih teuh lo, sam la thur bam chung chuan inhnuai ah ka chhuk thla chhat chhata, ka mut ala chhuah em avangin ka la ham bai bai zui.
Kai Burton chu a chair lian zetah chuan alo thu ran a, a sirah chuan Alfred leh Rita an lo ding zum zât bawk.
"dar7 ah breakfast maw" ner suk pahin ka thu ve nghala. Kai chuan ka hma ah tak file a rawn thleh thla a mak tih hmel takin ka lo en thung.
" heihi enge...? "
" tun atang chuan breakfast ei turin dar7 ah i tho zat zat tawh ang.... "
"maw!!... dar7 a!! tho duhlo ta ila"
" henghi nangma tana ti ka ni lo... ka fa tana ti ka ni zawk chuvang chuan ka in a i awm chhung chuan ka thu i zawm tur ani " avan strict tak, ner nung pahin ka melh kar a.
" chuan thil pakhat... vawikhat mah i room chung ami nilo chu khawih sawn tawh suh ang che... " kum5 mi maw min ti mawn le, a inchhung bungrua hi ka kawih sawn peih teuh lo.
" i sawi duhtawk tawh em? khawiah nge breakfast chu" ngeiawm zet hian ka lo ti ve ngata.
Min chhang lo chuan ngawi rengin dawhkana mi chu a ei nghal mawlh mawlh a .
.
Bacon, sausage leh artui maw chuan bawnghnute nen
" henghi enge? " tih pahin ka khai va va a, Hetiang hi maw British ho in breakfast atana an ei thin chu!!
"Lalpa leh... " tih pahin ka uak ta tuarh mai, a rim hi ka huat zawng tak ani. Engmah sawi lo in bathroom lamah ka tlan nghal hlawk hlawk a
" Engtin nge i awm? " Kai chuan ka hnungzangah a rawn chul vat vat a
" nizan ah engthil nge in ei? " a ti nghal tuarh a.
" Chi... chicken leh beer... " Rita chuan a ti bah nuai a.
"hreptak chuan... doctor ko vat ru... "
" aw... awle Boss" an vai mai chuan an chiai ani ber mai, kei lah ka luak bawrh bawr mai bawk si.
"a rai vang anih hi,Mr Burton.. i nupui hian a naupai avang hian huat leh ei duh loh a nei nual ang chuvang chuan i hrethiam hram hram thin dawn nia... "Doctor chuan a ti zung zung a, Hetiang em em a Kai Burton a mangang hmel hi ka la hmu ngai lo,alo hlauthawng ve thei tho anih hi .
" Miss Lola....in enkawl tha ang che.... "
ka lo bu nghata.
"Doctor... anih chuan enge ei se tha ang "
"tha bik pawh a awm lo chaw tha takin ei se ani mai chuan alcohol lampang in lo bawk rawh se....thla khatah vawi khat tal in checkup ziah rawh se "
" awle.... "
.
Doctor a kal liam chiah tih chuan Kai chuan thinrim hmel zetin min rawn en a.
"thluak chhe te tal i nei ve lo ami? "
"maw!! "
"hreptak chuan... " tih pahin room atang chuan a chhuak nghal daih anih chu!!
" hahh....thinrim turin engthil nge ka sawi a,sual lutuk..." ka ti zui hlak bawk.
Rita chu a rawn tlan lut vata,
" i bulah sawi a nei em? "
" ka hmuh theih ah awm tir suh ang che... tih ringawt a sawi"
" Enga... ka hmu peih bik reng reng lo"
"a hlauhthawn em avangin khatiang khan a awm mai mai anih kha "
" ngatinge I boss hi i tan tlata"
" mi zaidam tak leh thinrim mai mai lo ani tlat alawm"
" Lalpa leh... ka awih thei lo " tih pahin ka nui chhuak hak a.
.
Chapter-13
.
Tih tur ka neih loh em avangin nilengin ka ei a ka mu a ni deuh tawp mai,mahse nuam ka ti lo hetianga nileng leng a awm reng chu a ninawm. Room a awm reng ka nin avangin inhnuai ah ka chhuk thla chhat chhat a, he in hi ka en ning thei thlawt lo a mawi lutuk hi ka lo enkual leh vung vung zel. In a lian in a zau si a a reh ruih reng mai bawk si a khawhar thlak zawk.
" Miss Lola....eitur i duh leh em? " Jacob chuan alo ti vata, a ruk tak chuan ka nuih a za a chhanchu vawin nilengin eitur la tura ka tirh reng avangin min hmuh hian eitur duh leh turin min ngai aniang.
"aw...duh tho"
"anih chuan dinner pawh kan peihfel vek tawh e.... lo kal rawh le"
" awle... "
.
Jacob chu ka zui nghala ngawi rengin Kai Burton a thutna thin chair lian bik deuh ah chuan ka thu nghal thak a.
" umm.... Miss Lola... "
" chaw chu.... " thu sawn turin min rawn hrilh dawn tih ka hriat avangin ka lo pawt chat vata ,ka en reng avang chuan... "awle... " tih pahin a kal ta ringawt a.
"thutna bik te a nei vel a inla Lal leh lutuk" A thutna te lah chu a lian in a dup niam bik em em a ka thut theih loh bik na tur ka hrelo.
Phone ka khawih nuap nuap lai chuan Rita leh Jacob chuan eitur chi hrang hrang an rawn chhawp zung zung a mahse French mite leh English mite eitur hi a inan loh em avangin an thil rawn chhawp hi engmah ka hrelo.
.
" Heihi enge...? " tih pahin fork chuan ka han hawlh che det det a.
"heihi Yorkshire pudding leh green pea ania chuan heihi grilled chicken ....heta mi hi salad" Jacob chuan a ti zung zung a
" Salad kha chu ka hria"ka lo ti vata.
" awle.... chuan heihi fish pie anih hi... "a ruk tak chuan ka eichak lo ka la ei ngai loh vang pawh ani mahna.
" Anih enge dessert.... "
" umm... Bread and butter pudding"
" maw!! pu..pudding a!!"
" anih chuan sticky toffee pudding i duh zawk em? "
" aih angai lo... pastries a awm chuan a tha ani mai"
.
" umm... Lola pastries chu a awmlo ih...kan ei ngai lo a hetah chuan" Rita chuan alo ti vata.
" a pawilo..." sa hrang khat chu zai thla in ka han thial chap chap a,min lo en kar lehnghal.
"a tui loh lem loh hi " ka tih chuan an lo nui sanga, an awmdan chuan ka nuih an ti za letling zawk.
" in rawn ei ve dawn lo em ni? "
" ughh.... keini chu Big boss ei khamah kan ei ang "
" a la rawn haw bawk si lo a, in ril a tam lo mi? "
" tam mahse kan nghak thei alawm" Jacob chuan alo ti vata,
"nghak tur cheu in a ti mi? "
" aih ti love... kan chungah a tha em a engtin nge dinner pawh a ei loh laiin kan lo eisan daih theih ang "Rita chuan alo ti ve bawka.
.
Eng rilru nge maw an put le nakinah phei chuan Pathian biak in an la be hial ang ti nia.Sawm mah ila an rilru ka thlak thei dawn chuang lo chuvang chuan keichuan puar takin ka lo ei hmasa mai dawn ani chu bakah Kai hian ka bulah dinner a ei ka ring ngai lo hrim hrim.
Puar nelh nawlh a ka ei hnu chuan ka room ah bawk ka chho leh hna hna a, he in hi a boring thlawt tih tur ka zawn angai, anih loh pawh hna chhete tal thawh ve ka chak.
Darthlalang hma ah dingin ka kawr chu ka han hlim chho tâng a, ka pum chul pahin ka han inthlek kual vela ka pum pawh alo puar ve tawh hle mai mahse kawr thawl deuh hlek ka hak chuan alang chuang lo.
.
Khuma thut pahin ka phone ka khawih nuap nuap a Maisie lah phone a off tlat lehnghal, hna ah a kal leh tawh aniang.Balcony ah ka vei chhen a tihtur awmlo lutuk hi ka ning thlawt.
Eng eng emaw ka tih hnu chuan ka muhil ve thei hram.
*' Mighty.... min chhan rawh...Mighty...khawngaih in'* ka pa in mangang taka min kohna ri ka hriat chuan ka thu chhuak hlawl a, ka thlan tui in min bual huh leh vek tawh.
Ka mumang bawk maw lo ni a!!thawk ka han la kawk kawk a, ngatinge mang chhia hian zantin deuh thaw min tih buai reng mai le.
A chang phei chuan ka pa in ka nu nen min sawisak thin lai te kha ka hmu leh thin a zanlaiah keimaha tah chang ka nei fo.
.
Ka mu leh thei dawn lo tih ka hriat avangin inhnuai lamah ka chhuk thla leh ta ringawt a
"Lola....khawiah nge i kal dawn?" Rita pawh alo la meng a
" kan tei kual vel mai mai ange... Eee taka Kai garage password i hria em? "
" aih hre miah lo.... ngatinge? "
"umm...pawnah thli fim kan dawng vel mai mai nge ..." thil dang ka sawi daih a
" Awle... mahse Big Boss in a rawn hmu che nge aw.... "
" a rawn haw tawh mi? "
" aih... haw love.... "
" ala rawn haw lo maw!! " sana ka en chuan dar11 alo ri va tawh a ,anih chuan chaw an la ei miah lo tihna .
" Hepa hian enge maw a hriat le?" tih sap pahin pawn ah ka chhuak nghala.
.
Rei pawh ka tei kual hma in car headlight rawn eng phei va va chu hla deuh hlek atangin ka hmu a, Kai Burton ani tih ka hre nghal, chu veleh garage lam panin ka tlan phei nghal vata.
Garage a a tlan luh hma chuan car hma takah chuan ka ding lui ngata ,horn a rawn pek tuarh tuarh pawhin hre lo ang hmak in ka ding lui tlat tho, nge a rawn haw tlai vei. A duh chen chen lengin haw tlai mahse pawi ka ti lo mahse Rita leh Jacob ten chaw an ngei reng erawh ka ngaithei hauh lo.
A tawp a tawp ah car atangin a rawn chhuk thla nge nge a ka hma takah chuan a rawn ding a ran bawk,a sang bawk si ka melh chho kar bawk, a ruk tak chuan a hmel rum leh nelawm loh zet hi ka hlau ve tho mahse a mizia hi thlak se ka duh vang ani.
.
" awm sawn rawh... "
" awle... " sam et hian ka lo chhanga, sir deuh hlek ah ka ding nghal vat bawk,ka awmdan naupang chhia tak avang chuan mak tih hmel takin min en a,ani pawh a ngeiawm anih chuan a let za in ka ngeiawm thiam zawk. A phone chu a hmet neuh neuh a garage chu a rawn in hawng ta tual tual mai!!
A phone a hmet lai khan en lo angin lang mah ila ka mit sirin ka melh ru kar tho.
" tunah chuan i garage password ka hre tawh bawka ka duh duh na hmun ah ka leng tawh mai dawn ani" nuih suk pahin inchhungah ka luhsan lehnghala.
.
Ka luh hnu reilo te ah Kai pawh a rawn lut ve nghal mai a, mahse ka awm ve tih pawh hre lo ang maiin min kalpel hmak anih chu!! ka nui ri hak a, good night te pawh tih ve tur ania.
"Dinner i ei dawn lo mi?"
" ka ei tawh... "
" maw!! i ei tawh maw!! "
"dinner ka ei pawh chu a pawi viau ami?"
" anih chuan rawn sawi ta che... " ka lo ti nghal tun tun a,
"midang nun ah inrawlh loh tur i tih kha" nizana ka sawi ang chiah khan a rawn ti ve ngat anih chu!! chhoh leh nghal mai a tum a mahse ka ngaithei ta hauh lo.
"Dinner i ei chhuah dawn chuan rawn sawi thin la ,a har viau ami? Rita leh Jacob ten mi â ang maiin an nghah che saw" .
.
" Engmaw! "
"i hre miah lo amaw!! hahh... nge i hrelo der zawk,tun thlengin dinner pawh an la ei loh saw... an nghak reng che asin"
" min nghak turin ka ti hleinem"
" hahh.... mihring i ni ve tak tak em? nge ramhuai i lo ni reng zawk"
" Ramhuai a!! "
" aw.... ramhuai " Ramhuai lian chi a ni zawk mah ang.
" enteh.... inhnial buai ka peih lo, han mu tawh rawh a tlai tawh" tih pahin a chho lehnghal daih anih chu!!
Lalpa leh!! khapa kha a thinrim ve ngai lo tak tak amawn le?
" ka awih lo... a zia a thup anih kha"tih bui bui pahin ka room ah ka lut ve nghala.
.
________________________________________
Ka room kawngka an rawn kik leh ta!!
" urghh.... ninawm" ka sira sana chu ka han siai a dar6 pawh ala ri lo lehnghal,ka mu leh hmak .
Reilo te ah door bell a rawn ri ta thut mai !!
Chu door bell chu engtik laiin nge a lo awm? Ka harh chiang lutuk ka mu leh thei dawn chuang lo,ner nung pahin kawngka ka va hawng a.
" Tunge i nih? " mipa pakhat hian min lo nuih sang a.
"Scott ka ni e... train tur che a ruat ka ni"
"eng train maw! "
"i naute pai hian nitin excer lak a mawh a nangmah leh i naute hrisel nan hian i tih hram hram angai dawn ani, in phih fai la minute5 hun ila nei"
" eng... enga!! " a kal daih tawh,avan strict hmel em em.
Naaa.... Kai Burton tih leh bawk aniang,Kei nilo in naute chiah a ngaihtuah a ,zan ka meng rei tih pawh a hre awm tho si.
.
*
"Ka... ka tlan thei tawh lo"
"kan thleng tep tawh.... i thei tih ka hria rawn ti leh hram hram rawh... " compound chhungah chauh tlan mahila azau em avangin ka hah takzet, minute20 bak ka la tlan lo mahse ka awm awl in excer ka la ngai bawk si lo a duhthusam in a hahthlak.
In kawta fountain lian zet bulah chuan ka thu hnawk a, ka tlan chhunzawm thei tawh ngang lo,ka ke te hi a mu vek in ka hria .
" Miss....minute10 chiah tlan leh ang "
" aih... ka tlan thei tawh lo "
"anih chuan naktuk zingah kan chhunzawm leh mai dawn nia... "
" awle.... lo kal teh.." ka thut tir sawk sawk a ka inpuak tir ta ringawt a,
" ka ril a tam lutuk....thil ka ei vat vat angai" ka ril a tam bawk si ka hawhchawlh chhungin ka tamchhawl hman dawn in ka hria, Scott hi ka hmel hriat a ni lo a ka nel bawk hek lo mahse ka kal theih tawh ngang loh avangin in kawt thleng ka inpuak tir ta ringawt a.
.
" ka lawm e... "tih pahin inchhungah ka bai lut aih aih a, room pakhat atangin Kai a rawn chhuak hlawl mai!! nidanga a inchei dan lo ang takin vest leh jogger pants chauh ha a ka hmuh avang chuan mak ti takin ka en ha a.
A hmel chauh nilo in a pian pawh a nalh tel anih hi! ,a thlan tla leh a sam huh dap te hian a ti hmeltha zual chuan a bana a tattoo chhut saw hmutu awmchhun ka ni maithei bawk.
Ka en reng avang chuan ka hma ah tak hian a rawn dinga.
" tiang hian min hmu tih sawi suh ang che" tih pahin a kal leh daih anih chu!!Tawngthei viau turah min ngai amawn le bakah holam taka a inchei lai hmuh tur a awm lo tia an sawi thin chu ka hre chhuak zawka,keipawhin kan cheng dun atangin ka vawikhat hmuhna.A chanchin hriat tur a awm loh em nachhan chu a lo invawng in alo in zep nasat thin em vang anih dawn hi.
A rawn chhuah na room a khar loh avang chuan khar hma in ka va dak dek dek a,Gym alo ni reng chu niin, ka sa nghal phat, tikhawp hian gym lian leh tha nei reng siin kawtah min tlan tir char char amaw!!!
"ka tlanna ka ke te pawh ana vek tawh " tih bui bui pahin ka khar nghal chawrh a.Ka inbual lai te chuan ka thinrim lutuk chu ka han au leh vak vak thin, hepa bulah hian ka awm reng chuan min ti â thei takngial dawn.
T-shirt lian zet ka mawng khuh chiah chiah chauh ha in breakfast ei tur in inhnuai lamah ka chhuk thla chhat chhat a ,ka thinrim lai tak ani bawk nen Kai Burton hnunglam ka hmuh ringawt pawh hian min ti thinrim zual.
.
Rita leh jacob an min hmuh chuan phawk fe hian min lo en ha a mit khap nachang pawh an hre lo.
" ka ngei lutuk che...misualpa" French chuan ka ti zeuh a, hrethiam se chuan a thin a rim leh ngawt ang .
" tartine (French chhang a seizawnga zai jam leh butter tah) leh fruit juice aw... " tih pahin chair ah chuan ka thu nghal thak a,Kai Burton an min hmuh chuan a coffee in lai a phuh chhuak tep lehnghal.
" tinge min en reng hlawm a" Ka ke a vung nasat bakah a kham em avangin ka hlangkang ta ringawt a ka nuam huai mai.
Kai chuan thawk chhuah hak pahin a fork ken lai chu a dahthla chawrh a, a awmdan atang chuan a thinrim ani hrim hrim.
.
"pakhatna....i sam a ro hma loh chuan dawnkan kil phal ini tawh lo ang, pahnihna ngil taka thut dan nilengin lo zir ang che, pathumna thawm.... " thawk an la hak a "he in a i awm chhung chuan khawmhnaw mal lang hak phal i ni lo "
"Enga?!! midang nunah inrawlh loh tur... "ka nui suk a.
"ka thusawi hi hrereng ang che... anih loh chuan"
"anih loh chuan enge.... "
"mipa in an melh nasa lutuk ang che" a hriat tawk lek chuan a phun sap a, mahse ka lo hre leh hman tawh.
"ugh....i rawn haw hunah Gelato (Italian ice-cream) min lo hawn rawh aw.... "
" ka rawn haw tlai dawn... ka hman lo"
" chupawh nise... ka lo nghak dawn che nia.... "
.
" Tawng tawng lo khan breakfast kha ei rawh... "
"in breakfast hian ka luak a ti chhuak"a hriat thiam loh turin French chuan ka ti lui ngata.
"ei mai mai rawh..."tih pahin a tho thut a a kal nghal daih bawk, mak tih hmel takin ka lo en ha thung,
" French a thiam maw!! " Rita chu ka melh ha.
" Big Boss hian ram dang tawng chi sawmpakhat lai a thiam alawm" Rita chuan alo ti vata.
"anih chuan.... nichin khan awi.. Lalpa leh!!"
"Big Boss hi Harvard University atanga pass chhuak anih mai bakah basketball ah pawh a hming a chher viau hman alawm mahse apa a accident atang khan company hi a enkawl ta ani "
"nih chuan mi perfect ani ringawt alawm" ka zahzel ah ka ti ta vel mai mai a,anih na tak pawh ani reng ani.
.
________________________________________
.
Kai Burton lo haw hun nghak chuan dar11:30 a rik pawh chuan swimming pool bulah ka la vei thauh thauh a ,vawin chu Mrs Burton in reilo te min rawn tlawh hlauh a a zia deuh, ka hun awl hnawh khah nan tiin laphiar te min zirtir a ,Maisie nen kan inbe bawk nen ning lutuk lo in ni ka hmang liam thei hlauh.
Dar12 a rik pawh chuan a car ri takngial pawh hriat tur a awmlo.A ice- cream rawn hawn tur chu ka nghakhlel ani ber, ka sawi chhuak lo na in ka ei chakna a rei tawh a mahse a to em avangin ka lei ngam thin loh avangin chil put zur zur chunga ngaihtuah chu ka tih theih tawk chauh ani.
.
Ice- cream ka ei hma loh chu ka mut theih pawh ka ring lo, vawin nilengin ka ngaihtuah char char a Mrs Burton ka leitir ngam bawk si lo, zan ni vat vat se tiin ka nghakhlel em em a ,hetiang em em hian Kai hmuh hlan ka la nghak hlel ngai lo.
A rawn haw har em avangin ice- cream hrim hrim a awm takin tiin fridge chu ka han hawng dan dan a.
"Ngatinge maw a awm ka rin reng reng ni.... hetiang mihring ice-cream pawh ei ngai lo hian engvangin nge a kawl ve ringawt ang " tih sap pahin ka khar leh hna hna a.
Mak tak mai chu ka rai hnu atang hian thil mak deuh deuh ka eichak huam huam a, eichak ka neih tawh vek vek chuan awihawm loh khawpin ka eichak bawk chuan ka ei hma loh chuan chiri ang mai hian ka awm thin in ka hria.
.
Rei fe pawna ka thut hnu chuan car headlight rawn eng va va ka hmuh ta!! hetiang em em hian car headlight vang ringawt in ka la hlim ngai lo.
Kai car atanga a chhuah rual rual chuan ka va tlan phei vata,mak tih hmel takin min lo en ha thung
"i lo hawn em? "
" Engchu maw!? "
" aw.... zinga ka chah che kha " a ngaihtuah vung vung a
"ice-cream kha maw! "
" aw....ilo hawn em?"
"chumi chauh nghak chuan ilo la mu lo ami? "
" um... ka ei chak tawh lutuk a, ka muhil thei lo "
.
"ka theihnghilh daih.... naktuk ah ka lei mai dawn nia... zan a rei tawh mu tawh rawh"
" maw! i theihnghilh maw!!"
"umm... mangtha le" tih pahin inchhungah min luh san daih anih chu!!
Ka thin a rim bawk si, ka ngei bawk si... au vak vak mai ka duh .
"pawilo....ice-cream vang mai mai in ka tap tur ani lo" ka inhnem ve tak na in, Kai Burton awmdan khan ka rilru a ti na takzet. Thinrim tun chungin ka room ah ka chho leh hna hna ringawt a.
.
Zingah pawh kawngka an rawn kik pawhin ka hawng duh miah lo a, harh reng mah ila puan in ka inkhuh tlata a khat tawkin ka tap zeuh zeuh bawk.Hetiang em em hian ka rilru ala nem ngai lo hei pawh hi ka rai vangah ka puh zo vek tawh. Ril tam hle mah ila Kai Burton hmuh ai chuan ka room a tawm char char pawh ka thlang zawk.
" Lola... Lola... lo hawng rawh" Mrs Burton aw ka hriat chuan ka tho vata, rang lutukin ka hawng nghal vat bawk.
" Bawihte... ngatinge hetiang hian i awm a? " mangan hmel takin min rawn kuah nghal thlawp a.
" Nu...Kai hi ka hua... ka haw takzet" ka ti nghal tawn tawn a,Mrs Burton hian kan inmil loh zia a hre vek bawka ka zep peih bawk hek lo.
.
" a pawilo... a pawilo" zaidam takin ka hnungah a beng thek thek a.
Reife ka tah hnu chuan ka thawl hawk in ka hria mahse ka tah chhan leh ice-cream vanga rilru na ka ni tih erawh ka sawi duh miah lo thung.
" Lola... insiam la vawin hi i in checkup ni ani tawh a...bakah doctor thar Kai highschool luh pui thin in a enkawl tawh dawn che a a nuam tawh viau ang... "
" awle... "
" lunch kan ei chhuak dawn nia...chuan gelato pawh"
" tak tak maw!! "
" Umm... Kai an lo leisak tur che in min tia...engvanga chu chu sawi ringawt nge maw anih le? " a chhan ka hre reng mahse ka nui suk ringawt,tlem te talin min lo ngaihtuah ve tho anih hi.
.
Breakfast ka ei loh avangin kalkawngah eng eng emaw ka ei mawlh mawlh a, Mrs Burton erawh in min hrethiam hle thung.
Ka incheckup na tur room lam pan chuan kan inzui phei dat dat a
"Oh!! Aiden te school atangin min rawn call anih hi... lo va lut la ka rawn lut ve vat ang "
" awle... " tih pahin room ah ka lut nghala.
"ugh.. ka pu Lola ka nia... " Doctor pa chu a rawn hawi chho vata, mak tih hmel takin ka meng phawk nghal kawk a.
" Mighty... " a rawn ti sap bawk.
Ani thei lo, Nick Harper maw!! Ka mipa duh hmasak ber leh awmchhun ka thianghlimna ka lo hlan tak Nick Harper hi min enkawl tu tur maw!!
.
Chapter-14
.
"Mighty.... ka.. ka zawng nasa lutuk che asin" min rawn khawih a tum a mahse ka lo tawlh hnung hrut a.
" Ka hming chu Lola... Kai Burton nupui ka ni "buai miah lo in ka sawi thei hram mahse helai hmun atang hian ka chhuah vat angai.
" Lola chu i hming lem mai ani....hlau suh tuma bulah ka sawi dawn lo"
"ka pu min lo hrethiam rawh... " tih pahin chhuah daih ka tuma mahse Mrs Burton a rawn lut hman.
" Nick....i dam maw? hei ka fanu nen hian inhmel hriatna te in lo nei tawh em? "
" aw... nei tawh e,lo thu rawh u" za lo zeta nui luih suk pah chuan min rawn melh zeuh a, kum tamtak hnuah kan inhmuh leh thut avang hian kei ang tho in a hamhaih ve hle tih ka hria.
.
" Lola...Nick hian tun atang chuan a enkawl tawh ang che, Kai thianpa a high school luhpui thin ania... Nick ka lawm takzet ka ngenna i tih hlawhtlin sak avangin chuan Kai te inneihna a i rawn kal loh avang pawh khan ka la ngaidam miah lo che nia"
"Ka nu...Kai nupui neih tur takngial pawh chanchinbu atang bakin ka lo hre hleinem...hepa hi chu a buai leh lutuk a ka rawn haw atangin kan la inhmu leh lo hrim hrim"
"ani te chu i hrechiang ber ang chu engtik lai pawhin a buai em em reng alawm... "
" hahh.... ni e, Lola khumah sawn va mu rawh... i nau pai that leh that loh kan en dawn nia... "
" awle... " Nick chu ka melh zeuh a, a hmel atang ringawt pawhin a rilru a na hle tih a hriat.
.
*
________________________________________
Nick nen hian Medical College a bathroom vel tifai a ka inhlawh laia intawng kan ni a, khatih lai khan kum17 mi chauh ka ni a Nick erawh Doctor ropui tak kar khat chhung chauh lecture pe tura an sawm ani der tawh.
A wallet tih bo ka lo chhar avanga inhmelhriat chho tan kan ni a, ka hmuh hmasa ber atangin ka rilru ah a cham renga, a mitmu pawl phat te leh a khabe phir thaih te chuan a ti pa in a ti hmeltha zual takzet,college zirlai chhelo tak takte duh rawn anih laia kei bathroom tifai tu mai mai min duh thu min hrilh hmasak ber tum phei chuan ka tlanchhe ringawt tawh, a ngaihna a hre lo hle nghe nghe.Bathroom tifai tu mai ni mah ila hmelah erawh tumah in min tluk bik ka ring lo.
.
Nitin mai hian ka hnathawh na ah min hmu turin a rawn kal ziah thin a,buai ve hle mahse min hmu tur erawh chuan hun a insiam hram hram thin thung.Nitin kan inhmu ziah a,chutia inhaw lo ta ve ve chu kan inngaizawng chho tan ta a,ka hun kal tawh te theihnghilh in bul ka tan ve theih phah bawk ani.Kum kua laiin in upat hleih mah ila kan inkawp nghet hle a,ka nihna avangin min hmusit ngai lova, ka awm ang ang hian min pawm tawp, ka thianghlimna hial ka hlan bawk ani.
Ani chu ka engkim, ka lungphu leh ka nunna ni hialin ka hre thin ,Nick ka duh zual na em em chu min duh thu leh min hmangaih thu tawngkam chauh nilo in chetzia a a lantir thin hi a ni.
.
Kum hnih lai kan inkawp tawh a kan inkar chu a nghet zual sauh emaw tih mai tur ani a bialnu hlui Levia a rawn inrawlh hma kha chuan.Hun rei tak chhung Levia in min vo na te chu Nick bulah ka thup tang tang thin a a chhan chu Levia vang mai mai in kan inkar hi buai lo se ka duh vang ani.Min tih buai tak reng avang chuan a tawp a tawp ah Nick ka hrilh ta ringawt a, alo thinrim ngang mai. Levia chu tawpan turin leh a duh tawh loh thu a hrilh vata, reilo te chhung chu a reh ve mai mahse ka vanduaina intan ta tur ani tih reng ka hre si lo.
.
Tlai khat chu ka hnathawk zo Nick ka lo nghah lai chuan mipa pahnih hian car ah min nawr lut lui a, ka tal nasat em avangin min tlanpui mai thei bik lo pakhat zawk chuan damdawiin min rawn jection nghal vata, damdawi chu rui mah ila ka rilru a fim in engkim ka hmu vek mahse ka che thei si lo.Tlangval pahnih te chuan an duh tawkin min mutpui a, mittui tla zawih zawih chungin min sawngbawl dan vel chu ka thlir renga mahse ka che thei si lo. An duhtawk a min khawih hnu chuan Maisie nen kan inluahna kawtah min paih lawp a, tunah chuan hmeichhe tenawm mi pawngsual mai ka lo ni ta!!
.
Ka nun hrehawm lutuk chu hremhmun nen ka tehkhin hial, keimah leh keimah ka insit a Nick tan phei chuan hmeichhe tenawm mai ka ni tawh. Ngai awh chu sawi loh kan in luah chhete atanga chhuak ngam tur ringawt pawhin hun ka duh rei takzet. Thla tamtak hnu ah ka reh tak daih avang chuan inthiam lo in Nick hmuh tha in ka hre ta a, insit tak chungin a thawhna damdawiin kawtah ka lo nghak ran a .A tawp a tawp a Nick pawh a rawn chhuak mahse Levia nen an ni tlat,ka rilru na lutuk chu tah pawh ka tap chhuak thei lo hial,khatih hun laia ka na tawrh ang kha tawrh nawn leh ka duh tawh lo chuvang chuan ngaihzawng mumal tak ka nei leh tawh ngai lo, khata tang khan ka rilru ka siam fel ta a, ngawi reng a Nick then a a hmuh theih tura awm leh tawh ngai loh ani.
.
________________________________________
" i naupai chu a tha e" Nick an a tih chuan ka ngaihtuah na atangin ka harh chhuak zawka, ka mittui a rawn far fap a mahse midang hmuh hma in ka hru hman.
"anih leh Lola hrisel na lam te hi.... "
"anih pawh a hriselna a tha.... "
" a that hlauh chu... Nick lunch min rawn zawm ve la... " Mrs Burton in a tih chuan ka meng phawk nghal kawk a.
" umm.... ughh... " Nick chuan min rawn melh zeuh a,"Vawin chu.... " a ti dek dek a Mrs Burton chuan a phone en vung vung pah chuan
"Nick.... vawin chu Lola hi lunch lo eipui mai ta che "
" maw!! khawiah nge i kal dawn... "ka lo ti vata
" Aiden... te school ah bawk mawle,midang nen an lo in tibuai aniang "
.
" Lola.... vawin chu Nick nen inhriat chian nan lo hmang mai rawh u aw.... ka tihpalh takzet...chuan ka rawn tlai takin Nick i lo va thlah mai dawn nia"
"lo ngaihtuah duh suh ... "
" Lola... ka tihpalh takzet ,a lehpek ah chuan hetiang hi a thleng tawh miah lo ang "
" a pawi lo... " ka ti chuai raih a.
" ka kal...kan inhmu leh vat dawn nia" ka biangah a rawn fawp zeuh a.
" Nick... lo enkawl tha rawh aw...eee... chuan gelato ice- cream lo lei sak bawk rawh aw" tih pahin hmanhnawh takin a chhuak nghal hlawk hlawk a.
.
Mrs Burton a chhuak chiah tih chuan ka ding thut a chhuah ve nghal mai ka tum a
" ka thlah ang che... "
"angai lo ang keimahin ka haw thei" pangngai deuh chuan ka ti a.
"Mighty ...luhlul viau suh"
"Kha... kha hming khan min ko tawh suh... "
"inbia ang... "
" engmah sawi tur ka nei lo "
" keiman ka nei alawm... " min rawn khawih leh a tum a mahse ka lo indang tlat
"khawngaihin min hria angin awm suh"
"hreptak chuan... Mighty ka zawng reng thin che asin ngatinge engmah sawi lova i bo daih? chuan... chuan ngatinge Kai nen hian in neih? "
.
Chhang lo in ka kal nghal hmawk hmawk a, hetia ka tih mai loh chuan ka mittui tla lai hi hmu lo se ka tih vang ani.Damdawiin kawt ka thlen chuan Kai Burton nen kan intawk ta thut mai!! Mak tih hmel takin ka melh nghal kawk a,
" Kai.... kal ang " Georgia chuan car atanga chhuk pah chuan a ti a, kei erawh chet nachang pawh ka hrelo.Mak tak maiin Georgia leh Kai ka hmuh dun hian ka thinlung hi chemte a vih zawt zawt ang maiin a na anih chu!! ngatinge hetiang hian ka awm le?.
.
" Hey!! Kai... " Nick chu ipte zen chungin ka bulah a rawn ding vata.
"hi!!....Nick "Georgia chuan a lo kuah nghal chung a, an awmdan atang chuan hun rei tak atanga in hre tawh an ni tih a hriat theih.
"oh!!.. Georgia, i dam maw!! "
" Henu nen hian in in hria mi? "
"umm... Lola doctor thar ka nia.. "
"anih chu... a that chu " Kai chuan alo ti vata
"khawiah nge in kal dawna...? "
"Kai an min in checkup pui dawn a" tih pahin min rawn melh kher anih chu,
" anih chu mawle... Lola kal ang " Nick chuan a ti a,melh ringawt in thi thei ni ila chu Kai an min melh dan avang hian ka let tawp tawh ang.
" awle... "runluih nan chuan ka ti ve ngata, mahse engvanga runluih duh nge ka nih pawh ka hrelo.
.
" rawn haw har suh ang che" melh pawh min rawn melh loh chuan a rawn ti sap a mahse ka ngaithei der lo.
" zanin chu dinner ka ei chhuak dawna ka tlai ang... gelato... Nick an min lei dawn a..."ngeiawm zet chuan ka ti lui ngata,
"kal ang le.... " Nick an a tih chuan car ah ka lut nghal vata, tuna ka awmdan hi ka inhre thiam tawh bik lo,engmah pawh ka ngaihtuah thei lo. Nick pawh rawn lut nghalin a khalh chhuak nghala.
Rei pawh kan tlan hma chuan ka muttui chu a rawn far fap fap a,ngatinge Kai khan kei nilo in Georgiea zawk a duh em em le...nilo engthil nge maw ka ngaihtuah le,Georgia leh keite chu tehkhin chi pawh kan ni lo.
" car hi ti ding rawh... " ngawi rengin a tlan lui ngat ngat tho
" Kai nen hian in in hmangaih lo tih ka hria mahse ngatinge pasal ah i neih ?"
"Car tiding rawh ka tih chu" ka tih chuan a ti ding nghal chawt a
"Mighty...thil thlen dan hi ka hai bik reng reng lo i lo hmu em i pasal in nang nilo in a bialnu hlui in checkup turin a hruai saw..."
"min kalsan rawh...khawngaihin min kalsan rawh"
"aih... rilru na taka i awm lai hi hmuh ka duh tawh lo"
"Nick ka rilru a na lo, pasal ka nei tawh chuvang chuan min rawn tibuai suh... "
"awle....ka hre thiam e mahse nangmah enkawl che hi min phal sak rawh... " ngawi rengin ka en renga.
" thian angin... " a rawn ti leh a.
.
Rei tak kan inbiak hnu in Nick nen chuan kan tun hma hun theihnghilh in thian anga awm turin kan intiam ta ringawt a. Diktak chuan a bula awm ka chak in hmuh reng pawh ka chak thin mahse hetiang mi fel lutuk Nick atan chuan ka thianghlim tawk tawh lo nun thar ka awh ngawih ngawih nei turin ka duhsak zawk ani,ani pawhin min la hmangaih takzet tih ka hria mahse pasal nei tawh ka nih avangin thian anga awm mai loh chu tih theih dang a nei bik lo. Nick hi mi fel tak ani a, a duh chuan engkim Kai hrilhin min in then tir daih thei mahse chutiang mi ani lo, a hmangaih ber in pasal nei pawh nise a hlimna tur anih chuan a kalsan mai ang chutiang mi chu ani.
.
Rilru nuam zan lo in Nick nen chuan dinner kan ei dun a,a hma daih atang tawh a ka lo nel sa ani bawka a bula awm hi a hahdamthlak takzet.
Thian inkawm ngeih tak angin min be bawrh bawrh a,ka hun kal tawh min zawt bawk hek lo,min enkawltu tur doctor ani a chuvang chuan thian anga awm hi tha bera ka hriat avangin engmah ka sawi lem lo.Nick an min thlah tawh hnuin Kai runluih ka duh vang hrim hrim in tuipuipui kamah keimah in ka thu khawtlai vel mai mai a ka mitthla ah Kai leh Georgia te bak an awm lo, a chang in ka lo inhum ruh leh rih thul.
Dar12 a rik chuan keimah in ka haw chhat chhat a, boruak a thiang in a reh thup mai bawk si a a nuam takzet.
.
A ruk thei tak berin inchhungah ka lut zal zal a, thawm dim thei ang berin inchung lam ka pan chho them them bawk
"i va rawn haw tlai ve" ka phu chiang kher mai.
"dar12 a rik tawh hi....tun hun hi leng haw na hun pawh ani ami? " min vin ve khanglang anih chu!! a haw tlai theih theih nen.
"mangtha le" ka chau bawk nen ka ham bai bai a.
" Ice- cream chu naktuk ah ka leisak ang che "
" ka duh bawk lo " rum zeta melh pahin ka room lam ka pan nghala.
" lo ding teh... " enge maw a hriat le?
" Enge... "
" khatiang khan min melh reng reng suh"
.
"mu tawh rawh zan a rei tawh... " min tih dan ang chuan ka ti lui ve ngata
" maw!! " ka bulah a rawn kal hnai deuh a, "naktuk ah walk turin dar6 ah tho ang che" tih pahin a kal daih anih chu.
" hahh.... ka peih teuh lo,i gym ka hmang dawn... " nuih suk pahin ka room ah ka lut nghala.
Chapter -15
Muthilh tum in puan in ka han inlukhup vang vang a,thil chi hrang hrang ka ngaihtuah a mutthilh chu khawilam ka harh tulh tulh mai in ka hria.
" Aaa....Kha nu kha engvangin nge in checkup pui turin a kalpui bika... " tih pahin ka thu chhuak hlawl a, ka lungawi thei thlawt lo.A nupui zawk pawh ngaihsak lo in a bialnu chauh maw a ngaihsak a,
"a ti mah mah ani.... " tih pahin ka tho thut a sana ka en chuan zing dar5 alo ri der tawh.
Mu lo in ka tlaivar leh thak tawh, ka rai hma kha chuan mut ka duh ve thin asin mawle mahse tunah chuan muthilh ringawt pawh ka harsat.Nau ka pai avangin mutthilh na Damdawi ka ei thei bawk si lo ka kham tawh takzet.
.
Ka mutthilh theih loh em avang chuan ka room balcony zau zet ah chuan ka tei kual vel mai mai a,Kai Burton golf course leh car intlansiak na hmun vel pawh a lang mawi takzet.
"a duh duh a nei thei sia thil awh a nei ve angem le? " tih sap pahin kan thaw chhuak hak a.
Tihtur a awm loh em avangin Kai room kawngka bul chhuatah bang ngheng chuan ka thu renga, Georgia nen an inzui lai ka ngaihtuah chhuah apiang hian ka thin a rim tlat zel.A chang leh Georgia te chu a hmangaih alawm ka ti thul mahse ka chhungril ah thikna a awm tlat anih chu!! ka inhrethiam tawh bik lo, hetiang hian a hma khan ka awm miah si lova.
.
Thil tha deuh ngaihtuah chhuak niawm tak chuan ka ding hluai a
"Breakfast atan Choclate croissant kan siam teng... haha" inhnuai lamah tlantha nghalin kitchen ah ka lut vat bawk, tumah an la tho lo bawka ka siam vat vat anga ka room ah ka awm daih ang,Kai Burton hmel ka hmuh chuan ka thin a rim leh mai mai ang.
Chhangphut zawngin cabinet
vel chu ka hawng dan dan a
" Khawiah nge an dah le... " fridge pakhat zawk kan hawng chiah mai chu phawk fe hian ka meng nghal kawk a
" Ge....gelato.... Lalpa leh!!" Fridge khat vekin Gelato leh ice- cream dang flavour chi hrang hrang in alo khat vek anih chu!!
.
A hma in a awm tawp si lo, anih chuan heng thil zawng zawng hi Kai tih vek maw!! Kai thu lo chuan tuman heng thil hi an dah dawn lo hrim hrim.
"ka ei peih tawh loh veleh... nimin ah ka ei daih tawh " tih hluk pahin cream bur lian zet pakhat chu ka la thla nghal, ka ei peih tawh lo ka ti tak na in ka kâ khat tun tunin kan hawp mai chuh a tui teh e...
Ka thiam ang tawkin ka breakfast tur chu ka han siam vela,oven a ka dah avang chuan nghah pahin tiin chair a thu chung chuan ka thlir renga.Ka mut loh mai bakah ka chau bawk nen,minute20 lai nghah ala ngaih avang chuan kitchen table bawh pah chuan ka muhil sak sak a .
.
Thil rimchhe zet chuan min ti harh zawk a,ka hawi kual chu alo khu luih luih mai.
" Engthil nge mawn le? " ham bui bui pahin ka hnar chu ka han len vela,awi leh ka thil ur.
" Lalpa leh.... "tih pahin ka tho vata,Oven lah a khu luih luih tawh mai bawk si. Ka chi ai bawk nen dawmchhan telo in oven hawn kan tum rawka ka kut a kang chiang ngei mai.
Ka chet buai em avang chuan tanpuitu koh nachang pawh ka hre tawh lo, oven ka hawng chiah chu a rawn alh ta puat mai, ka tawlh hnung na lamah chhuatah chuan ka thu chawrh a ka mangang takzet,engtin nge ka tih tak ang?.
.
Thelh tumin ka kawrlum hak lai phelhin ka han vai vela chutih lai tak chuan tuemaw hian fire extinguisher in mei alh chu a rawn kap mit ta vek mai!!
ka lawm lutuk chu ka thaw nghal huai thei.
" Engthil phiangsen nge maw i tih le? " Tih pahin extinguisher chu a paih nghal pawp a, Lalpa leh Kai Burton maw lo ni a!! min hau leh ngei ngei ang.
" heng te hi enge....? " tih pahin ka chhang ur ut dum vek tawh chu a rawn khai chhuak va va a.
" in tih kan i tum ami? tun atang chuan kitchen ah lut tawh suh ang che... "naupang ang maia min vin vak vak avang chuan ka rilru a na takzet,ka mittui a rawn tling leh pam tawh, ka kut na chu ka hup tlata kan kun tlat bawk.
.
" Tho rawh.... " ka thut dan ngai chuan ka thu tlata,ka mangan zia te kha hre tawp si lo in min vin vak vak ringawt mai, chhanlet duh viau mah ila ka tawng chuan ka tap ani nghal mai chuan Kai Burton hma a tah hi ka duh lo takzet bawk.
" Ngatinge i kut hi? " tih pahin ka hma ah tak a rawn thu hniama, ka kut chu ka hnungah ka lo thukru nghal vat bawk.
" khawmaw... ka en dawn lawm... "
" min rawn khawih suh.. " ngawi rengin ka kut chu a rawn la a, lo tang ve teh mah ila ka hneh der mai bawk si lo. A na lai a khawih fuh deuh avang chuan ka lo ner nak a
" ka tihpalh.... " a rawn ti sap a.
.
First kit box la nghal in ka kut chu zawi te te hian a hru faia, a che vel chu ka lo en renga. A mithmul dum hlap te , a hnar ngul nalh zet te leh a khabe ruh amah ti hmeltha zual tu te chuan min ti hawisan thei thlawt lo, hetiang em em a mipa hmeltha hi ka la hmu ngai lo.
"engthil nge siam i tum a...? "
" choclate croissant.... " ka lo en lai tak chuan a rawn hawi chho thut a, kan mit leh mit a intawng nghal chat.Ngawi rengin min en renga, a thaw lum ham ham te chu ka hre thei,a mitmu paw phat mai chuan ka mit ah tak a en renga ,ka lungphu te hi a chawl dup maiin ka hria .Ka bul vel te chu a reh nghal duk a chet nachang pawh ka hrelo.
.
" Chocolate croissant maw!! " a tih chuan ka harh chhuak zawka, ka lo bu nghat bawk.
"heihi maw!! "rawn khai pahin a ti leh ngat,avan ngeiawm chiang tak.
"Georgia nen khan fimkhur rawh u... " ka tho nghal vata " media in an hriat chuan hmeichhe khawngaihthak angah min chhuah leh anga ka duh miah lo ania" kal pah chuan ka ti leh hrama,ngatinge kha thu kha ka sawi le? naa....Georgia thik angah min ngai hrim hrim ang.
"nangpawh Nick nen khan fimkhur rawh u... " min rawn kalpel nghal vuta ,tui cheng turin pawn lamah a kal nghal nal nal bawk. Kai hian Nick nen kan chungchang hi a hria amawn le?
" Aa...a hre lo ang,nilo a hre tur ani lo"
.
________________________________________
.
*Kai Burton's POV*
#Bar#
.
"i dam maw?"
" umm... " Nick bulah chuan ka thu ve nghala.
"Ngatinge min hmuh i duh a? "
" ughh... englo ania, " a tih chuan ka lo nghak kar a.
" nupui i neih tur thu pawh min hrilh lo a" a tih chuan ka khi suk a, martini chu ka han lem khalh a.
"nang pawhin nei ve tawh rawh... nge kum6 liamta a i hmeiche tawn kha ila hmangaih reng zawk... " Nick hian Paris a hna a thawh laiin hmeichhe tleirawl pakhat a tawn thu a sawi ri leh zeuh thin, a hming kha Mighty ni ta in ka hria. Chu nu chu nasa takin a zawng thin a, khanu vang khan hmeichhe dang a ngaihsak leh tawh ngai lo.
.
"umm.... aw, ka hmu a"
" ngatinge i hlim si loh.... "
"pasal a nei tawh a" a ti chuai raih a,sawi chhunzawm tur hre lo chuan kan thu ngawi vang vang a.
"Ngatinge nupui nei chungin Gorgia hi i la ngaihsak fo a... " Nick hi a lungngai takzet niin a lang.
" i rui tawh nih kha..."
" mawh... Kai, ngatinge Georgia hi then in i nupui i ngaihsak zawk mai loh" a rawn ti leh a,zanin Nick awmdan hi a mak takzet.
"ka thlah ang che... " a ruih tawh em avang chuan kuah thawh ka han tuma
" tenawmpa.... " tih pahin ka hmaiah a rawn hnek nghal sawk a.
.
Midang in min lo en thup avang chuan Nick chu ka kuah vata, ka chhuahpui nghal hlawk hlawk bawk.Hetiang em em hian a rui ngai si lova engvanga hetianga awm thut nge maw anih le?
Motor a khalh thei tak si loh avang chuan ka thlah ngei a ngai dawn anih hi. Sana ka han en zeuh a dar9 alo ri der tawh,zanin chu hna ka ngah lo bawka hma taka haw ka duh chutilo chu Lola in min lo thinrim khum leh ang.
Nick ka thlah zawh chuan Lola damdawi tur ka lei a, a kut a ti kang nasa si a a sêr vak ang tih a hlauhawm.Ka hmanhmawh deuh avang chuan chak zetin ka khalh a, Ka haw hma avanga Lola mak tih hmel chu ka hmuh chak ber ani .
Ka khalh laklawh lai chuan Georgia in min rawn call leh a,thawk halh pahin ka pickup nghal bawk.
" enge... "
"Kai... grape leh strawberry ka ei chak lutuk... " a tih chuan Lola in gelato a eichak avanga a tah kha ka hre chhuak zawka.
"ngatinge... Pi Sandy in a lei lo ami? "
"umm....Pi Sandy hian min ngaihsak lo teh mai nia "
"ok... minute 10 ah ka rawn thleng ang " phone ka dah nghal hmak, Ka penthouse lam pan in ka in turn lehnghala,pawilo ka pe zâwk anga dar11 rik hma in ka thleng hman em em ang.
.
Ka pent house ka thlen chuan Georgia a rawn tlan chhuak nghal vata.
" kha..." car chhung atang chuan grape leh strawberry tam tham tak seat hnung lama ka dah chu ka kawk zeuh a.
" i rawn lut dawn lo ami? "
" umm....a tlai tawh emai "
"minute 5 chiah pawh i rawn lut thei lo ami?"
" Georgia.... i thil tur chu la la, va lut tawh rawh a tlai tawh... "
"sual lutuk... " tih pahin a thil min chah pawh la lo chuan a tlan lut nghal daih a.
Thawk lak hak pahin car atang chuan ka chhuk ta nge nge a,seat hnunga ka thil dah chu khai chhuak in ka lut ve nghala.
.
A reh thap avang chuan ngawi rengin couch ah ka dah a, chhuah lehnghal mai ka tum a
"Ding rawh.... " ka hawi let nghal vat bawk.
"Kai...mangtha pawh i ti dawn miah lo ami?"
" mangtha le... " kal ka tuma mahse ka hma ah a rawn tlan nghal vat.
"tukin zing chanchinbu kha ilo hmu em? fa ka pai tih an rawn chhuah a"
" i pai miau alawm... " a tih thin dan ang bawkin ka hmui tawk lo chiah chiah chuan a rawn dak a
"apa min zawt se engtin nge ka chhan ang... mawh?" nuih suk pahin min rawn fawp vang vang a.
" enteh... Georgia "ka tawlh hnung deuh a "naute pa diktak i sawi mai tur alawm"
" maw!! "
.
"zan a rei tawh.... mangtha le" duat takin a sam chu ka chul zeuh a,hetiang hian awm mah ila ka thutiam ka hlen zia ka hriattir na ani.
"naktuk zanah dinner ei dun ang aw.... "
"awle... " ka ti ta ringawt a, thinrim leh rilru nuam lo in mu lo se ka duh vang ani.
" mangtha le... " ka ti nawn leh ngata, hmanhmawh takin ka chhuak nghal hlawk hlawk bawk.
Chak zetin ka inkhalh chhuak nghala, thlen hma loh mawlh ka hlau. A kar lakah sana ka en chhen bawk.
.
In ka thlen chuan angai te bawkin alo reh leh thap tawh.Lola ala mut loh takin tiin ka hawi kual vela , mahse alo mu tawh anih dawn hi. Step a ka chho tur chu thil ri rawk ka hriat avangin kitchen lamah ka tlan phei nghal vata.
"Engthil nge maw i tih le? " Lola chu kitchen table sirah thu in chocolate alo ei mawlh mawlh chu niin,ka nuih a za kher mai mahse thinrim hmel ka hmuh ta zawka.
"i hmuh ang hian thil ka ei" min chhan dan avang chuan ka lungawi lo.
"tun ang hunah thil i ei tho chuan dinner pawh ei lo la a tha ang "
" maw!! "
" i kut na chu enge a an... thluak chhete tal nei la chu i in ti kang lo tawp tur"
.
"sual lutuk... " a hriat tawk lek tur chuan a phun sap a, mahse ka hre hman tho.
"Han mu rawh....a tlai tawh"
"ka duh hunah ka mu ve mai ang "
"tho tlai suh ang che " tih pahin kal nghal ka tuma mahse ka haw hma chhan min zawt miah lo erawh ka lungawi lo takzet.
"chuan thil pakhat... "a rawn tho vata, a dul puar ve deuh tawh pawh ka hmuh hmaih lo nasa,ka lo chik ngai lova ka rin aiin a dul pawh a lo puar ve tawh.
"nizan hmasa ang khan haw tlai phal i ni tawh lo "
" Enga!! "
" ka sawi ang chuan ani mai" tih pahin inchungah ka chho nghal daih a.
.
Ka room ka luh rual rual chuan iPad la lain balcony a couch ah chuan ka thu nghal vata.Zan danga ka tih thin dan ang bawkin kitchen cctv chu ka en nghal vat bawk mahse alo awm tawh lo.Lola room chhung ka en leh nghala, khumah thu in tui tih hmel takin chocolate a lo ei tawn tawn chu niin, ka nui suka. Thatchhe zeta thut pahin Lola chet dan vel chu ka thlir renga,a khat tawkin ka nui leh hak thin.
Khumah a mu fel chiah tih chuan zik mar pahin sana ka han thlek zeuh a dar1 alo ri va tawh.
Inchhungah lut in iPad chu khumah ka theih phei a, ka coat leh necktie ka phelh chiah tih chuan Lola au ri ka hre ta thut mai!!
.
Hmanhmawh lutukin iPad ka la nghal vata ,mangchhia in a tibuai leh tawh ani maw?
"ka pa khawngaihin min that suh" he thu hi a tawng vaih apiangin a sawi chhuak ziah,a chungah engthil chiah nge thleng?.Heng cctv, amah ngaihsak te hi amah hriatchian ka duh vanga ti ka ni, a mize hlimawm tak phenah hian engthil chiah nge inthukru ,engkim hriat chhuah vek ka duh.A chanchin hi engmah hriat ka nei lova, a hnam hming lah ka hre hek lo mahse hei erawh ka chiang Lola nunah hian thil inthup tamtak a awm a, engvanga min nei nge anih? chuan engvanga kan inhual zan ah khan hmai duk thluah leh pem nge anih? makeup in hliah tum teh mahse ka hmuh hmai hauh lo, chuvang chuan amah hriatchian lehzual hi ka chak takzet.
Tih theih dang ka neih si loh avang chuan a room kawngka bulah ngawi rengin iPad en chung chuan ka thu ran a, tui taka a mut hun chu ka nghak tawp mai ani.
Chapter-16
.
*Lola's POV*
.
Thophang zetin inhnuai lamah ka chhuk thla leh chhat chhat a,Rita chuan hmanhmawh zetin min rawn tlan pel nghal fua a, thil diklo a awm tih ka hriat avang chuan ka zui nghal vat bawk.
"Rita ngatinge ....i va hlauthawng ve"
"Lola... Big Boss in a file a ken theihnghilh a, Alfred ka call a a pickup thei bawk si lo "
"a pawimawh viau ami? "
"vawin ah meeting an nei dawna chuta mi tur chu anih ka ring... engtin nge ka tih tak ang, Jacob an motor khalh a thiam bawk si lo"
" ka lo pe ang... "
" maw!! "
.
" lo va lut rawh.... ka lo pe ang "
" engtin...? " Kai Burton garage lam pan chuan ka tlan nghal hlawk hlawk a,
" Rita... heihi lo keng teh" file chu ka pe vata,thawk lak hak pahin password chu ka chhu nghal mawlh mawlh a, a rawn in hawng ta ruau ruau a.
" Lola... ih engtin....!!? "
" hun a awm tawh lo "
"Big Boss in a hre chhuak ange.... "
" hlauthawng suh... ka tifel vek mai ang "
Garage pawh duh thusam in a zau,mak tih hmel takin kan ka ho a, Rita pawhin ala hmu bik lo niin a lang, car brand lar tak tak chi hrang hrang alo in tlar khat dul a, ka chiar thuak a sawmhnih vel ka chhiar hman mahse hun ka nei tam lo.Ka tlan phei dan dan a BMW ngei mai chuan ka mit ala nghal chat.
.
" Chahbi...khawiah nge chahbi...? " ka ti nghal ruai a
"hei... hei chahbi... " Jacob chu hmanhmawh takin a rawn tlan thla hlawk hlawk a.
"eng... engtin nge i rawn lak theih?!!" thlauhthawn hmel takin Rita chuan alo ti vat bawk.
"Big Boss in a chahbi min tihfai tir thin alawm....hmanhmawh ru"
" awle... awle... " tih pahin ka lut nghal vata.
"Lola... fimkhur rawh aw.... "
"awle.... min man chhuah loh nan khan lo tawngtai char char ang che u... " a engine chu kan ti nung hlat hlat a, a ri pawh a nalh teh e...
"Miss Lola... tha takin aw... " tih pahin kan in hi5 zeuh a, zei lo zetin ka tlan chhuak nghala.
.
BMW ka vawikhat khalhna ani bawka a smooth in khalh a nuam takzet.Hetiang vela car khalh nuam hi nitin in a khalh awm bik sia a nuam ngawt ang.An office awmna ka hre bawk si lova map nen ka zawng chawp a buaithlak takzet. A car thil engmah ka khawih ngam bawk si lova,a buaithlak vel vek.
A tawp a tawp ah ka thleng ve ta!!
Elevator a ka lut tur chu thil hriat chhuah zawk ka nei, hmai ka la phih reng reng hleinem. Pajama leh t- shirt lian zet ka ha bawk ,midang ho chuan min en duh riau in ka hria.Ka sam chu ka han chul mam thuak thuak a ka zak bawk si mahse zak hman pawh ka nilo.
.
Ka duhna ber floor ah ka chhukthla ve thuai a, software company anih vang aniang engkim mai chu darthlalang vek ani, pindan bang pawh darthlalang langtlang thei vek zu han hmanga, a eng uarh mai bawk si a hetiang hmun a hnathawh hi a nuam ngawt ang.
" ka pu... min lo hrethiam lawk" pa la upa vak lo chu ka lo tiding ringawt a.
" Khawiah nge Big Boss office a awm? "Ka ke ler atanga ka lu chhip thleng chuan ngun takin min han en vang vang
a
" Enge i tih dawn?"
" ughh....thil pek tur ka nei a"
" Enteh nula... keini a hnathawk te pawhin a tul bik te ah lo chuan kan hmu ngai lo asin... "
.
" anih chu.... min hrilh thei tawh angem? Big Boss room chu... "
"top floor ah a awm... mahse buaina i tawh chuan min mawhpuh miah suh "
" awle... ka lawm e... "
" e... chuan thawmhnaw hak tur nei lo mahla i sam tal kha felfai deuh in tawn rawh aw.... " ka nui tawp chiang ngei mai, kutdawh emaw min ti mi le?
"Kan Big Boss hi chuan rethei leh hausa a thlir hrang lo ania...tha deuh in aw... "
elevator ah thinrim tak chungin ka luhsan nghal daih,
" ka inchei chuan ka hmeltha ve tho... " tih bui bui pahin Kai office lam pan chuan ka kal nghal hlawk hlawk a.
.
A room bulah chuan hmeichhe pahnih hi inhlat lo takin an lo thu a, a buai hmel hle bawk,
"secretary pahnih a nei ani maw?" tih sap pahin room chhungah luh nghal mai ka tum a.
" ka pi...min lo hrethiam lawk... " pakhat zawk chuan min lo tiding a.
"appointment i nei em? "
" nei love... ughh.... heihi pek angai a"
" anih chuan min lo pe la... Boss chu ka lo pe mai dawn nia... "
" awle... mahse keiman ka pe thei tho alawm... "
" min lo hrethiam la... appointment i neih loh chuan Boss hmuh phal ini lova... "
" awle.... " tih pahin file chu ka pe a.
"vawin meeting na a hman tur anih avangin hmanhnawh angai aw... "
.
" meeting chu a zo daih tawh alawm... a pawi love..ka lo pe tho ang"
" aa... a zo tawh maw? ughh...awle awle" Kai Burton ka hmu lo tur chu ka lawm takzet, thawk hak pahin kal nghal ka tuma mahse Kai nen kan intawk chat mai!! min hriatchhuah ka hlauh em avang chuan thawk pawh ka thaw tha ngam tawh lo.
"min rawn zui rawh... "
" aih... " ka lo ti vata, hetia ka tih loh chuan a car ka la chhuak tih a hriat ka hlau ani.
" maw... aih a!! "
"kha i file i theihnghilh a ka rawn pe che nih kha... ka kal mai ang, theihnghilh leh tawh suh ang che "
.
A secretary pahnih te chuan mak tih hmel takin min lo en ha a.Vanneih thlak lutuk in chhuanlam turin ka phone a rawn ri hlauh mahse Nick ani.
" min lo hrethiam lawk.... " tih pahin chak zetin ka kal nghal hlawk hlawk a
" Hello Nick... " elevator ah ka tlan lut nghal vat bawk.
Kai Burton an min rawn zui tih ka hmuh chuan a down button ka hmet nghal pawp pawp a, ka hlauh ang ngeiin kawngka inkhar hma in a rawn lut hman,
" Enge? " engmah a sawi hma hma chuan ka lo ti vin nghal hlar a,thil tih sual hi chuan min man chhuah hlauh avangin kan pawr nghal em em ringawt chu anih hi.
.
"breakfast i ei tawh em? "
"umm.... "
" hmai ila phih lo anih maw!!...Hna thawk ten ka nupui i ni tih an hriat loh ngei ka beisei" ngeiawm zetin a rawn ti kher anih chu
"lungngaih suh an hre lo ang.... bakah i nupui tak tak pawh ka ni hleinem... i contract nupui chauh lawm ka nih "
"chupawh chu nise i fimkhur tho angai... "
" i file kha theihnghilh lo la chu ka rawn kal miah lo ang "
" eng file maw?" .
" huizz.... i secretary ka pe tawh en ve mai rawh... "
" i kut chu enge an tawh?"
" enga tan nge i tih?"
" min hria angin awm suh ang che..." tih pahin elevator atangin a chhuak nghal hmak anih chu!! awi hetiang mi ngeiawm lutuk hi ka hre peih bik reng reng lo.
.
" a car hi ka accident pui dawn mawn le... "
Phun bul bul pahin pawn ah ka chhuak nghal hlawk hlawk a, min man chhuah loh avang erawh chuan ka thaw huai thei.
Midang hmuh pawh a ka park ngam loh a ruk thei ang bera ka park na lamah chuan hawi zuk zuk pahin ka kal hlawk hlawk a.
" Lalpa leh... ka lawm lutuk, awi ka duatte zan ka mut theih loh hunah chuan kan pahnih in kan leng thin dawn nia" chul heuh heuh pah chuan hawng ka han tuma
" Lola.. "
" awi... engnge? " phut zuk pah chuan ka ti nghal tuarh a, ka hawi let nak chuan Nick lo ni rengin ka thaw huai mai.
.
" min ti phu lawm... "
"kha chu... Kai car ani maw!! " car chu a thlek zeuh a,
" sawi miah suh aw... "
"tehreng mai" tih pahin a hmui a hup vata,a awmdan avang chuan ka lo nui chhuak hak bawk.
" ka lawm e... "
" eng vang chuan maw? "
" Lola... min tih avang khan... " Mighty tia min koh loh avang ringawt pawh hian lawmna tham
"lunch i ei tawh em? "
"breakfast i ei tawh em?ti zawk rawh" hmana min chhan dan thin ang chuan ka chhang let ngata.
" anih chuan.... starbuck ah aw.... " ka tih thin dan ang chuan a rawn ti ve leh a, kan han nui leh rih thin.
.
Kan thil order kan nghah lai chuan kan lo ti ti vel mai mai a, Nick bula awm hi chu tu hmeichhia pawhin an chak vek ka ring.
"Kai an min manchhuah loh ngei ka beisei.... "
" chhuak maithei.... "
" maw..ngatinge? ...uluk takin ka dah leh dawn lawm enteh...car an ngah zia chu tam tak ani"
"hahh... nia, Kai chuan sakawr a atchilh thin a mahse car in a thlak ta anih hi, khawvel ah pahnih chiah an siam chhuah pawhin a pakhat zawk neitu a ni thei zel alawm... " chuvang anih chu car a ngah em em nachhan.....
"car intlansiak pawh chawlh a neih chuan a en hmaih ngai lo... "
"car te mai mai... a ho emai, vawin i buai lo ami? "
" buai lo ani mai.... kal chakna te i nei em? "
"umm... nei e, mahse car hi ka dah let phawt loh chuan "
"awle...."
"yey... arsa alo thleng...i hria em Kai Burton chuan ei a phal lo a,ka ei ru thei reng tho sia" ka ei lohna a rei leh tawh bawka phur tak ka ni.
"ei teuh rawh.... "
" tehreng mai....Nick nupui neih te i tum em?"
" ka nei thut dawn" ka ngawi renga, ti lang lo mah ila Nick hi ka rilru ah ala awm reng aniang,kum hnih aia tam kan inzui a thla khat vel lek chhunga theihnghilh chu thil harsa tak ani.
.
" nangpawh ei teuh rawh... " nuih suk pahin arsa bawp chu ka han keih thla tawn tawn a,ei chak tak han ei hi chuan alo tui bik nge nge anih hi.
" Nick... "
" umm... "
" Georgia hi i hria tiraw? "
" aw....tinge? "
" Kai.... Kai hian a duh viau ami? "
"ughh.. "
" a rai tih chu ka hre tho a... mahse midang fa daih ani sia, tinge Kai hian a buaipui reng le "
" chu chu Kai chauh in a hria"min nuih suk pah chuan a ti a
" nia... mahse a inah a cheng tira... a buaipui vek bawka "
.
"Mighty.... Georgia te chu Kai thian tha tak lawm anih"
" a la inhmangaih viau a niang a? " Nick chu a ngawi renga, mahse ka zawt lo thei lo ka hre chiang chak em ani.
"a nupui ka awm ve renga midang a ngaihtuah daih a..."
" Mighty...ngatinge i hriat chak viau a contract hmanga innei mai mai in nih kha "
" maw!!...." engtin nge a hriat theih?
chapter-17
.
Ka hlauthawng kher mai engtin nge Nick hian alo hriat hman, midang in an hriat rual rual in kan contract a tawp nghal dawn... nilo.. chhuak turin ka la inpeih lo.
"ka hriat dan chu a pawimawh ber lo.... Mighty... "
"Khawngaihin tikhan min ko tawh suh... "
" Enteh...engvanga hetiang hi ti nge i nih chu ka hrelo mahse a tha lo takzet, i thil tih hian a vaw let ngei ang che "
" Nick.... " ka ti nghal tuarh a,ka phone ka la sawk sawk a ka chhuak nghal hlawk hlawk a.
.
"Mighty.... ding teh" tih pahin ka ban ah a rawn vuana
" min khawih suh"
"awle... a tha e" a thin a rim ve ngang aniang, tun tum zet chu Nick pawh in min vin ve nia.
" Lola.... hreptak chuan,i thil tih hi i chiang maw?"
"khawngaihin contract chungchang hi hria angin awm suh"
"Engchen nge lem i chan dawn... Kai hian a hmangaih theih che i ring reng reng ami? "
"i lo buaina tur a awmlo...heihi ka nun ania chuan kan inkar chungchang pawh hi a hre tur ani lo "
"mahse Kai nun erawh kei ang hian ti chhe suh ang che.... "
.
Nick thusawi chuan min hneh takzet. Kei pawh hi amah ang tho in ka rilru a na ve tho asin, ka duh em em a a hnena let leh pawh ka duh mahse.... mahse Nick atan chuan hmeichhe tenawm leh bawlhhlawh tak ka ni tawh chu chuan amah min hnaih tir ngam lo ani.Amah kalsan ka theih loh em avangin a thian ni tura min sawm na chu ka pawm saka, a bulah hian ka hlim in vannei bik riau ah ka in ngai thin.Tunah chuan engkim adanglam tawh, pasal ka nei tawh a ka pasal chu ka hmangaih emaw hmangaih lo emaw a tana rinawm chu ka tih tur ani,kan inneih chhung tal chu ka rinawm tur ani dawn lawm ni?
.
Ngawi rengin car ah ka lut hmaka,chak zetin ka tlan chhuak nghal bawk. Ka hun kaltawh te chu ka ngaihtuah let leh a,tah hawm hawm ka chak takzet mahse ka tap tur ani lo tunah chuan Mighty anga nunnem leh tihnat awl tak ang kha ka ni tawh lo tiin ka in hnem mawlh mawlh a, ka mittui a tling pam a mahse tah erawh ka tum hauh lo.
Nick chuan min rawn call zui nghal char char a mahse ka pickup duh lo.
Inah haw tlang lo in hmun thawveng deuh hlek tuma awm loh na ah chuan ka awm vang vang a, saw in reh leh hrehawm zet ah sawn let chakna ka nei hlawl lo.
Ka pum rawn puar tan tawh chu duat takin ka chul heuh heuh a.
"Nangmah vang hian nun nuam tak ka neih ngei ka beisei" ka ti sapa.
.
Kai rawn haw hma si in dar8 velah in ka thleng a, Rita leh Jacob te chuan gate bulah min lo nghak ran bawk.
" Rita.... enge hetah in tih.. ?"
" buaina i tawk emaw kan tia... nilengin gate bulah kan lo in nghah chhawk che lawm" hetiang hian an awm dawn tih hria ila ka hrilh vat tur ania, ka van mawl tak.
"tihpalh lutuk....rawn lut ru... Kai rawn haw hma in dah fel vat ang "
" awle.... " tih pahin a rawn lut nghal vata.
" eheee... Boss car hi hetiang hian a nuam tih ka lo hre miah lo a" Jocab chuan a ti lauh lauh a, ala naupang bawka a rilru a awm ang ang hi a sawi chhuak phawng phawng zel
.
" Jacob... tinge college i kal loh a? "
" Rita hian kal lo mai rawh a tia... "
" Big Boss in hria se engtin nge i tih ang? "
" maw... ? anih chuan Boss in college min kal tir duh tawh lo ang a" a mangang hmel hian ka nuih a tiza zawk. Jacob hi fahrah anih avangin Kai hian a college fee zawng zawng a tum sak vek a,zan lamah erawh inchhung chet vel engkim a ti vek thung a chhan chu Kai hian pawisa hlut zia leh thawh chhuah a har zia hria se a duh vang ani, chu chu Rita min hrilh dan ania thudik pawh a ni ka ring.
" Jacob...ho mai mai ah college chawl tawh suh aw, Kai tan ani lo nangma tan bawk ani"
" awle... Miss Lola.. "
.
"anih chuan zanin chu pizza kan order dawn mi niang "
" maw? " a rawn ti rual thawt a
"in ei ngai lo mi? "
"keichu vawikhat ka ei tawh a tui lutuk... " Jacob chuan alo ti vata.
" keipawh... mahse ka ei lohna pawh ka hre tawh lo "
" anih chuan kan ei dawn nia...Big Boss hriat loh in.. " nuih suk pahin garage ah ka tlan lut nghala.
" hmelhem lai te a awm em? " kan han endik vat vat hlawm a.
" Miss Lola... nakin ah motor khalh min zirtir ve rawh aw... " Jacob chuan a ti a
" teh reng mai, kal ang u "
" awle... " kan inzui chhuak hnak hnak hlawm a, password hmang bawk chuan ka kalh leh thlap a,min hre chhuak thei miah lo ang.
.
Pizza leh beer kan order a, midang an awm lo bawka tim na nei hauh lo in kan ei tawn tawn hlawm a, Rita leh Jacob an awm hlauh a ka rilru hahna te pawh ka theihnghilh phaha an bula awm hi a nuam takzet bawk.
"Georgia in hria em? "
" aw.... model kha maw?" Jacob chuan alo ti vata
" aw....kha nu kha, a chanchin in hria em?"
" aih....mahse ka thian ten an sawi dan chuan mihausa a ngaizawng kual thin an ti "
" maw!! ava zaklo ve"ka lo ti vata ka nihna ve tho ani reng sia.
"Jacob chutiang in midang chanchin an sawi ngai lo... " Rita chuan alo khap vata.
" an sawi sia lawm.... "
.
" a ho lutuk....ei vat vat zawk ang u in Big Boss thinchhe zet lo thlen hma in" tih pahin beer chu kan lem khawlh khawlh a
" Engthil nge in tih?"ka beer in lai ka phuh chhuak nghal ,kan eizo tep asin min hau leh ngei dawn anih hi. Kan pathum chuan ka ding nghal vata, Rita leh Jacob te phei chu an che ngam tawh lo.
Kai chu ngawi rengin ka hma ah tak a rawn ding vang mai, min en chiang bawk si ka hawi chhuak ngam tawh lo hrim hrim. Ka beer ken lai chu min rawn chhuhsak a
"Jacob i in em? "
" aw... Boss" a ngawi vang vang a,engemaw tal sawi se chuan a thinrim nge rim lo tih kan hre thei tur ania.
.
" in room ah chho nghal rawh ru... "tha deuh chuan a ti a, min hauh loh avang chuan ka lawm takzet.
" kal ang u... " tih pahin Rita leh Jacob te chuan min rawn zui nghala.
" Lola.... lo ding teh" awi!! Lalpa leh!!kal luihna chi ani tawh lo, Rita te pahnih chuan min kalsan nghala.
"Jacob kha kum engzat nge anih i hria em? " ka ngawi renga.
" kum17 chauh ala ni asin... engtin nge hetiang thil hi i intir theih zawk...hreptak chuan"ka tawng chuan a thinrim zual mai mai dawn tih ka hria chuvang chuan ka ngawi renga.
"i nu leh pa ten engmah an zirtir lo che anih dawn hi.... " a phun sap a, tunzet chu a ti mah mah ani, ka sa nghal phat.
" Engmaw?"
" han mu tawh rawh"
.
" Enteh... Mr Burton,hmeichhe mawl tak ang pawhin min hmu maithei mahse min hre chiang ang takin awm tum suh... " tih pahin ka room ah ka tlan chho nghal hlawk hlawk a, tuntum zet chu ka insum thei tawh lo, ka khumah ka bawk thlawp a ka tap chhuak nghal hawm hawm a. Ka nu in min duhlo a min paih a kha thil kha engtiang chiaha na nge ani tih a hrethiam ngai lo ang. Ka dam chhuah theih nana ka beih nasat zia te ,hlim taka awm tura ka beih nasat zia te hi engtik ah mah a hrethiam ve ngai lo ang. Kai an min tih dan avang chuan ka rilru ana takzet, ka thian emaw min hre chiang tu pawh nilo in khatiang khan min ti thei lo hrim hrim.
.
Rei tak ka tah hnu pawh chuan thil eng eng emaw ka ngaihtuah a,ka hnuk a ulh zel mai bawk si.Mi vanduai tak ka ni, engtik ah mah ka hlim ve thei ngai dawn lo anih hi. Khumah thu in ka tap kerh kerh a ,chutih lai tak chuan ka room kawngka an rawn chum nghal dawt dawt a.
" Lola... hawng rawh... "Kai Burton an enge hetah a rawn tih?.
Ka hawn duh miah lo a, mahse a beidawng duh lo, a tawp a tawpah ka va hawn ta ringawt a.
Ngawi rengin ka khumah ka lawn lehnghal thak a, biak pawh ka tum lo,ani pawh kawngka bulah a ding ngawi renga .
" ughh..... ih englo ania" a ngawi vang vang a.
" ka tihpalh... " lehlam ka hawi hmak.
.
Ka chhan loh avang chuan chhuah lehnghal a tum a.
" ngatinge ka chungah hian i sual bik em em a? " ka ti sap a ,ngawi rengin ka bulah a rawn kal phei a
"ei chak te i nei em? " ka lo bu nghata.
" pasta ka ei chak... "
" maw!! " a rin loh deuh ka sawi aniang.
" ok...lo kal rawh ka siam ang che" mak tih hmel takin ka en nghal kawk a, nuih suk pahin a chhuak nghala.
" Engthil nge maw a hriat le? a tho â aniang " tih pahin ka zui ve nghala.Kitchen ka luh chuan iPad nen alo inchhawp rap a,ama tawkah a buai ve hle.
" purun var leh red pepper flakes.... khawiah nge a awm? " min rawn zawt hâ a,engmah ka hre der mai bawk si lo.
.
" ok... artui leh cheese kha rawn la rawh... " a tih chuan ka la nghal zung zung a,recipe en chawpa siam ani bawka, a duh uluk ngei mai. A che vel chu khabe dawm meuh in ka lo thlir renga ,a zei lo bawk nen aruk in ka lo nui leh ver ver thin.Hetianga a awm meuh chuan ka rin aiin a fel daih mai, ka rin ang em em chuan alo sual lo anih hi.
"a hma in i la siam ngai lo ami? "
" umm... "
"anih chuan hmeichhia eitur i siam hmasak ber ka ni tihna ami? " ka ti leh ngata.
" aw.... kha ei chhin teh... " plate chu ka hma ah chuan a rawn dah a,ka rilru ah erawh eitur keimah chiah min la siam sak tih chauh chu a ri nawn tluk tluk thung.
"hello... " a tih chuan ka harh chhuak zawka, ka suangtuahna ah ka lo cheng leh veng veng tawh chu niin. Fork min rawn pe a, nuih suk pahin ka ei nghala.
"ammm... a tui lutuk... "
" ani maw! " tih pahin a ei ve nghala.
" Cheese a tlem lutuk anih hi"
"anih chuan kan telh belh ange... "
" ok... " wine glass pahnih hi a rawn la phei a, no pakhat zawk ah chuan a thli chhuak kar kar a, pakhat ve thung ah erawh chuan mango juice a thli thunga.
"Cheers" ka no chu ka chawi kanga,min rawn nuih suk pahin a no chuan a rawn sik tira.
" i ei ve dawn lo ami? "
" ei teuh rawh...keichuan wine hi kan in ange "
.
" keichu beer ka duh zawk" min rawn melh rum nang mai,a hrawk chu a han thian kharh kharh a.
" eichak dang ila nei em? "
" aih... eee...ngatinge Rita leh Jacob hi fastfood ei i phal loh a" ka tih chuan thawk an la hak a.
"thawnthu sei tak ani'
"ih...tennis i en hunah min hruai ve rawh aw... "fiamthu deuh chuan ka ti a, a rawn nui suka.
" umm... ka la kal ve miah lo a"ka han ti leh a.
" ei vat vat rawh...zan a rei tawh" sana ka en chuan dar2 alo ri der tawh.
"naktuk ah hna i kal dawn lo ami? "
" dawn e..."
" anih chuan lo han mu rawh"
.
" a pawilo... ei vat vat rawh... "
" awle... " pangngai taka kan in biakna hmasa ber ani hial ang, tuna kan awmdan hi a nuam takzet. Ka ei lai chu min lo en renga ka duh ang pawhin ka ei tha ngam lo.
" ih... chhunah tih tur a awm lo thei lutuk a hna thawh tur zawn ka duh a"
"angai lo" naa... a ti leh tlat tawh
" ka nu hi a buai thei bawk sia... nilenga awm reng chu a nuam lo"
" angai lo ka tih chuan angai lo ani mai....naktuk zing chu i tho har dawn nia mangtha le" tih pahin a kal nghal daih anih chu!!ka tawngsual amawn le khatianga a awm thut?.
.
_________________________________________
.
Tih tur hre lo a ka vei kual chen lai chuan Mrs Burton a rawn kal hlauh , chhuak turin min rawn sawm dawn niang,phur lutuk in ka tlanthla nghal vata.
" ka nu chhuak turin min rawn sawm dawn mi? "
" ughh.... Aiden te school ah kal ka a ngaia chumi hma chu ka rawn kalkawi zawk" ka biangah a rawn fawp zeuh a
" umm... anih chu" ka lo ti chuai raih a.
" i pum chu a lian ve tawh hle mai " ka pum chu a rawn chul heuh heuh a.
" hawh lut ang...."
" awle... "
.
" naute hming atan chuan Kai hming ang kha chu phuah tawh lo ila a tha ang "
" Aahh.... a awlsam zawk daih lawm... "
" i hrelo anih kha... eee...taka Kai hming diktak ila hre lo ami? " ka lo bu nghata
"a pian tirh khan a pu in a pi hming chawiin spanish hming Ignãcio Joãquin Burton tiin a phuah a mahse lam a harsat em avangin Kai tiin kan ko thin a chu chu a pu hlen ta ani " Kai hming avang chuan ka nui suk a, hria an tam ka ring miah lo, a tet laia a school luhpui te an nih ngawt loh chuan.
"thu a awih thei lutuk , a tawng tlem bawk si biak tawng lah a harsa hetiang hian a thang lian ang tih ngsihna reng ka hre lo... thian pawh a nei mang ngai lo, Nick nen hian an inkawm a nimai, i chungah alo sual deuh anih pawhin a rilru tak tak ani lo tih i lo hre dawn nia... "
.
"Heihi in rawh... " tih pahin intur ka pe a.
" oh!! Lola a lo tlai leh tawh hle mai, Aiden ten winter vacation an nei dawn a lehkha vel tihfel tur a awm a"
" umm... a that hlauh chu,in rawn leng char char thei tawh anga"
"nia..taka i lo insiam tawh em?"
" Engah chuan maw? "
" aw... Kai an a hrilh lo che mi, winter vacation chu North Yorkshire a kan farm ah kan hmang thin alawm... Burton chhungkaw dan ania... " chutiang Kai an min hrilh lo hrim hrim.
" anih chu... engtik ah nge kan kal dawn?"
" naktuk tuk leh ah... " ka meng phawk nghal kawk a, alo van hnai tawh em em.
.
Mrs Burton kal hnu chuan hmanhmawh lutuk in ka insiam nghal sawk sawk a, ken tur ber pawh ka hrelo.
" farm anih chuan sakawr chungah te kan chuang anga a nuam dawn e... " kan mitthla vela a nuam dawn takzet, Kai pawh hna a thawk reng lo anga ,tlemin kan innel phah bawk anga. Trolley pahnih khat vekin ka thawmhnaw ka hnawh khawma, ken tur ka ngah bawk nen ka in daih lo ani ber.
" ee... lukhum pawh ka la dah lo " tih pahin lukhum pangnga leh kawrlum ka dah belh bawka,ka ken theih nghilh tur awm vel ka han ngaihtuah a
" pawilo... nakinah ka dah leh mai ang " ka phur lutuk hi ka helh hawlh ani ber.
.
" Lola... Dinner lo ei tawh rawh" ka hawi chhuah chuan khua alo thim der tawh, inpack reng reng in ka buaia sana en nachang pawh ka lo hrelo.
Dinner ka ei lai te chuan ka lo nui leh ver ver thin
" ngatinge i nuih ver ver a?"
" Ee... i inpack tawh em? "
" Vacation tur khan maw"
" aw.. "
" umm... Boss hian an chhungkaw thil tih na ah min hruai ve zel thin a, a fel takzet"
" nia..." nuih suk pahin ka ei chhunzawm lehnghal mawlh mawlh a, Kai lo haw hun ka nghakhlel takzet.
.
Kai lo haw hun nghakin swimming pool bulah chuan ka vei kual chhen a ,zanin chu rawn haw hma turin ka hrilh bawka a rawn haw hma ngei ka beisei. Ka rin aia a rawn haw har tak em avang chuan ka thu ngui bam a a buai viau anih ka ring.
" tih dan ka hria.... "nuih hak pahin garage ah ka tlan lut nghal vata,ka car duh ber ah ka lut nghal vata.
" Kai lo nghah pahin eitur kan lei teng... a rawn haw hma in ka let leh hman tho ang.... "
.
Chapter-18
.
In awmna hi a fal deuh hlek avangin hmanhmawh takin ka khalh a hetia zana mahni chauha han in tih thawveng vel hi a nuam takzet.Ka duh aia ka rei tak avangin engmah lei lo in ka haw leh ta zawka.
Rei tak a rawn haw hun ka nghah lai chuan ka phone a rawn ri rang rang a,phur zetin ka la nghal bawk.
" Hello... Kai... "
" hahh... "hmeichhia maw!! tunge maw anih le?
" tunge? "
" Lola... tu vak nge ka nih anga... haha...i pasal ila nghak ani maw?" min rawn tih dan vel atang hian Georgia ani tih ka hre nghal,min rawn in tihtheih khum dawn aniang.
"ka lo nghak anih pawhin enge a pawi vak na" ka tih chuan a nui chhuak hak a.
.
"nghak duh suh... "
" maw!! " ka tih tur min hrilh tur hian tu ah nge a in ngaiha.
"Kai chu ka bulah a awm... chuvang chuan... " ka ngawi renga.
"lo nghak duh suh... bakah a nupui raipuar aiin a bialnu a ngaisak zawk ania ngaihthat lohna i nei ve miah lo ami?" ngatinge ka rilru a nat tak tlat le? lo inkawp pawh nise rilru na lo tur ka ni asin mahse ka rilru a na tlat si.
"nang zawk kha lawm ngaihtha lo tur chu... kan cheng dun a engthil nge kan tih pawh i hre der si lo" ngeiawm zet chuan ka ti ve ngat a phone ka dah hmak bawk, ka sawi tawh ang khan ngeiawm taka min bia anih chuan an ni aia let sawmin ka ngeiawm thiam zawk.
.
" hepa hi ngatinge a rawn haw har em em le?" Georgia thusawi kha chu ka ring vel duh lo mahse ka ngaih erawh a tha miah lo thung.Inchhungah ka vei lo leh pawnah ka vei thul, a chang leh step ah ka thu ngui leh bam thin, engvanga nghak reng nge maw ka tih le? tih te in ka inzawt leh rih thin mahse a rawn haw phawt loh chuan ka muhil thei chuang si lo.
Ka nin tawh em avangin inchung chhohna step kil khatah chuan lu dawm chungin ka thu ngui bam a.
" Georgia bulah a kal tak tak ami le? " ka ti leh sap thin mahse ka mit ngeia ka hmuh loh vek pawhin Kai an min hrilh te anih loh chuan ka awih duh lo.
.
Pen ri ka hriat avang chuan ka hawi chho vata ka rin ang ngeiin Kai ngei ani, zanin zet chu a chauh hmel takzet.
"Kai... i va rawn haw har ve" nuih sang pahin ka va pan hnai vata,mak tih hmel takin min lo en thung.
"ngatinge ila mut loh a?"
" umm... ka muhil thei lo a"
" mutthilh tum rawh... i chau lutuk ang " kal lehnghal mai a tum a.
" ih... Kai... " a rawn hawi let vata.
" i in pack tawh em... ughh winter vacation North Yorkshire a in farm ah kan kal dawn kha... "
" la inpack lo"
" ani maw!! keichu ka in pack vek tawh asin...ka la kal ngai si lova ken tur pawh ka hrelo" naaa.... sawi tur pawh ka hrelo, ka be ve duh bawk si.
.
" insiam duh suh Rtia nen inah in lo awm dawn nia... " engthil nge a sawi hi ka hrethiam lo takzet.
" Eng... engvangin maw!! ka kal ve dawn lo maw?!!"
"umm... "
"ngatinge?"ka ti nghal haw a
"i rai a chuvang chuan i kal thei lo"a thaw nghal hak a,a awmdan ah hian min nin hmel takzet.
"meng rei lutuk suh mangtha le" a chho nghal daih anih chu!! ka inpuah chah ve nasa sin... za lo zetin ka han nui chhuak hak a.
"ka kal ve dawn lo maw!! " ka room kawngka chu ka khar nghal chawrh a,thinrim tun chungin khumah ka thu tum nghal bûr bawk.
.
" ka pum pawh tlemte chauh in ala puar a ngatinge tun ataka min ngaihtuah viau le... " nge min lo ngaihtuah ve tak tak zawk,a mut dawn pawhin mangtha min ti thlapa,ka nui suk a puan in ka hmai ka chu ka han hupa.
" min ngaihtuah ani hrim hrim ang... " ka nui lehnghal ver ver a mahse....Georgia,ka ngaihtuah chhuak thut a ka nui tawp lehnghal hmak.Ka tho thut a Kai room lam ka pan nghal vat bawk,kawngka bulah chuan ka ding renga
"ngatinge hetianga ka awm tlat le? " keimah leh keimah pawh hi ka inhrethiam tawh lo, Kai vangin ho te ah ka hlim a ho te ah ka thin rim leh em em a mi â te pawh ka ang zawk lawm le.
.
Zanin khan Georgia nen an inhmu tak tak ami le? a room kawngka kik tum chuan ka kut chu ka phar uaih a.
"zan a rei tawh si bakah ngatinge Kai Burton leh Georgia pawh chu ka ngaihtuah em em a?" tih pahin ka kut ka la thla vata let tumin ka inher vuta mahse kawngka a rawn ri rak mai!! Lalpa leh!! a rawn tho ami le? Kan rin ang ngeiin kawngka a rawn inhawng ta!! tlanchhiat na chi ani tawh lo.
Kawngka inhawng rual rual chuan ka hawi let leh vut a ,Kai Burton an min lo en reng tawh chu niin.
" Enge hetah i rawn tih? " a rawn ti thum dut a.
"umm... biak che ka duh " ve leh thawr mai a, ka rin ai daihin ka huaisen.
.
Rawn chhuah pahin a room kawngka chu a khar a " sawi rawh" in kuangkuah chung chuan min melh ran a.
"khatia min melh kûr reng te chuan ka sawi thei nang... "
" Lalpa leh... " tih pahin luh lehnghal a tuma mahse ka lo dang vat thung.
"ih... Zanin i rawn haw tlai nachhan chu Georgia nen in in hmuh vang tiraw"a awmdan a danglam eih lo.
"aw... chuan enge thil dang? " 'aw' ti a min chhan avang chuan ka hnual nghal vek, dawt sawi ve tal tur ania.
" a nimaw! " ka ti chhuak thei hram.
"Georgia hi i la duh reng ami? " ka han ti leh a.
" Lola... va mu tawh rawh, thil i ngaihtuah nasa lutuk anih kha... "
.
Thil dang daih a sawi danah a la duh reng anih dawn hi,
"mangtha le.... " tih sap pahin kun lap pahin ka kal leh hna hna a.
" Lola... " min rawn koh leh avang chuan ka hawi rang ngei mai.
" North Yorkshire ah chuan i kal duh tak tak a mi? "
" aw.... duh e... "
"a vawt dawn ania....thawmhnaw lum i keng tam deuh dawn nia... muttui le" tih pahin a lut nghal daih anih chu!!
" Engthil nge maw a hriat le, a naute lem pawh ka ni lo duh duh dana min ti kual vel turin... "
Georgia nen an inhmuh chungchang min hrilh a ka thin a rim em em a, tunah lah North Yorkshire a ka kal theih tur thu min hrilh leh a, ka thinrim na te a reh lehnghal vek tawh.
.
________________________________________
Airport:
.
Mrs Burton leh Aiden te nen chuan kan inzui tham tham hlawm a, Pu Hammad erawh hna avangin a rawn kal tlai deuh dawn avangin kan rualin a rawn kal lo thung. Rita leh Jacob te erawh kan bag vel buaipui in an kal bo daih bawk.
" Hi!! ka nu... " Nick an a tih chuan mak tih hmel takin ka lo en ha a, hetah Nick an enge a tih?
" oh... Nick i rawn thleng thei maw? "
" aw...Hi!! Lola... "min rawn nuih sanga, kan rualin vacation a rawn hmang ve dawn ani maw?!
" Hi...!! " ka lo ti ringawt a.
" Winter vacation ah hi chuan Nick an min rawn zawm ve thin a ,kumin chu kan pa awmlo mahse Lola a awm tho a a khuahar thlak loh deuh ang khawiah nge maw Kai hi a awm le... "
" ka hrelo... zing atangin ka hmu tawh lo " ka lo ti vata
.
" Ngatinge maw a bo daih le " tih pahin Mrs Burton chu a han hawikual vela.
"Kan farm house thlen nan darkar hnih lai motor a tlan angai dawn a a awm loh te chuan car pakhat ah kan leng hleinem" a tih chhunzawm zat bawk.
" Nu saw... Kai " Aiden kawhna lam chu kan hawi nghal thap a.Lalpa leh!! engthil nge ka hmuh hi Georgia pawh a rawn kal ve amaw!!!
" saw nu bawk chu kan sawm tih pawh ka lo hre miah lo a" Mrs Burton chuan ka beng bulah a rawn ti sa sa a,ka thinrim bawk si ka thik bawk nen ka lo inhum ruh ve em em ringawt.
" Kai... i va rawn thleng tlai ve hei Lola in alo nghak reng tawh che nia... hmanhmawh ru " Mrs Burton chuan min rawn nghawk zeuh a.
" va kal rawh... " a rawn tih sap avang chuan Kai bulah ka va ding vata.
.
" Nick... Georgia ka phurh angaih dawn avangin Lola hi lo phur mai ta che " Kai chu ka en nghal kawk a
" mahse... " ka lo ti bui bui a
" Georgia kal ang le... " ani pawh kei aiin a rai lian daih tawh zawk sia kal a phal tho sia, Georgia chu Kai car ah chuangin an tlan nghal daih anih chu!!
" Lola... pawi ti suh, Nick bulah i chuang daih dawn nia... lo thlir reng rawh engthil nge ka tih theih... " Mrs Burton chuan inhum ruh chungin min hnem nan a han ti vela,awmzia a awm chuang lo.
" Lo kal rawh le... " Nick chuan a car kawngka chu a hawng a.
" kal rawh... hei keini pawh Rita te nen kan rawn kal nghal ang.... "
" awle... ka nu " tih pahin ka lut ve nghala.
.
Nick nen chuan biak pawh kan inbe lo, ngawi rengin pawn lam ka thlir vung vung a, vacation nuam deuh tur emaw ka tia ka rin ang ani dawn lo tlat.
" Nick... "
" ummm.... "
" ka lo khalh chhawk ang che.... " Nick chuan min rawn nuih suk a, Motor khalh hi Nick min zirtir vanga thiam ka ni.
" Woww.... car i su leh nge"
" hahh....khatah khan ding rawh, reilo te kan khalh nge "
" awle.... " kawng sir deuh hlek ah chuan a ding nghala, kan hawi kual vela a zawl dup mai ,tlang lah lung inrem khawm ang mai hian a êng sûr mai bawka, khua a ro in a khu hle.
Reilote kan ding chhungin Mrs Burton ten min rawn tlanpel leh hman.
" Kai an a chhun a... car pawh a khalh thiam lutuk.. " Nick an Mrs Burton chungchang chu a sawi ri zeuh a,
" nia... kha min rawn tlanpelh daih kha..." tih pahin shades ka han bun te te phawta
" kal ang... " car ah lut in hla ring zetin ka play nghal bawk, Georgia leh Kai te ngaihtuah thei lek lova awm ka duh.
Rei pawh kan tlan hma in ka luak chhuak lutuk vang chuan car ka ti ding ta ringawt a.
" ngatinge...? "
"khalh tawh rawh... "
" awle... mahse i tha maw? " Nick chuan ka pang a rawn dep vata.
" i pang chu a sa lo... i taksa chak loh vang anih kha ... "
.
Chapter-19
.
Muang changin kan tlan bek bek a, speed a san deuh hlekin ka luak a chhuak zel mai bawk si.
" Kan chawl mai dawn mi? "
" nilo... thleng vat vat zawk ang... " kan thlen har lutuk chuan Kai leh Georgia ten nuam an lo ti lutuk ang.
"reilo te chawl ila a zia leh mai ang... " tih pahin ka thaw leh ka mar chu a rawn check vat vat a.
" a pawilo ,ngatinge Georgia kha a rawn kal ve a..."
"Kai i ngaihtuah vang tiraw thlen vat i duh chhan... " ka zawhna min la chhan loh avang chuan ka lo nghak kar a.
" ok...Georgia te chu kumtin a rawn kal ziah thin alawm... " seat hnung nghen pahin ka thaw hak a.
" kal tawh ang... " ka han maimichhing vang vang a.
.
Car a din avang chuan ka harh nghala, khua alo thim der tawh.
" ngatinge kan din a... " min chhan hma chuan Mrs Burton chu car tukverh ah a rawn dak vata.
" Lola.... ngatinge in va rawn thleng har em em ve..? " mangan hmel tak chuan ka kut chu a han hmer vang vang a.
"umm... kan chawl a" Nick chuan alo ti vata, dawt a sawi nge ka mutthilh laiin kan lo chawl char char zawk?
Car atang chuan ka chhuk vata gate bulah Kai, Georgia, Aiden leh midang te pawhin min lo nghak reng chu niin.
" ngatinge pawnah in awm veka... ?"
" anu in in rawn thlen hma chu tumah luh a phal lova" Aiden chuan a lo ti nang nang a, ka nuih a za ngei mai.
.
"in rawn thleng tawh bawka... lut ila "
" awle... " inchhungah kan inzui lut tham tham hlawm a. Farm house tih takah chhawng hnih chauh, thing a sak vek ani a,a lian lutuk lo na in an chei mawi khawp mai. Inchhung bungrua pawh a nalh in uluk taka design ani tih en mai pawh hian a hriat theih.
"i chau em? " Nick chuan a rawn ti sa sa a, ka lu ka lo thing vat thung.Chutia inchhung ena kan buai lai tak chuan nu pakhat kum60 bawr vel hi kitchen atangin a rawn chhuaka, a hnungah a pasal niawm takin a rawn zui ve bawk.
"Ka pi... dinner kan peih fel tawh e... "
"pi Caroline kan lawm e.... " Mrs Buton chuan a kuah nghal thlawp a,an innel hmel takzet.
" Lola... lo kal teh, Pi Caroline leh pu Jack te an nih hi....kan farm enkawl tu te"
.
" Chibai ule...Lola ka nia" tih pahin ka chibai nghal sawk sawk a.
" Keini chuan kan hria che alawm...Kai nupui hmeltha tak i nei anih hi. " Kai chu ka melh zeuh a, nuih pawh a nui lo.Tiang angah te kha chuan engemaw tal sawi ve tur ania, Georgia lah saw Kai bulah a awm reng mai ninawm.
" Nick... nangpawh in nupui nei ve tawh rawh" Pu Jack chuan alo ti ve bawka
" Nia... " min rawn melh zeuh a, ka lo hawi sawn vat thung.
"kan ril atam tawh hlawm bawka... ho dinner ei vat vat ila... " Mrs Burton chuan nuih sang pahin a rawn ti, kan pawm tlan aniang ka kal nghal zung zung a.
.
Dinner kan ei lai chuan ka ep chiaha thu Kai leh Georgia te chu rum zetin ka va melh a, kei erawh Nick leh pu Jack te inkar ah ka thu thung, Georgia chu awmlo se Kai bula thu tur ka ni asin le.
" Kai...ka zai thei lo... " Georgia in a tih chuan ka nui lui suk a, henu hian sa hmin sa pawh a zai thei lo ania.Kai lah chuan ngawi rengin alo zai sak ve mai bawka.
" Lola... room kan indaih loh avangin Kai nen kan farm house dangah in riak mai dawn nia... " Mrs Burton in a tih chuan mak tih hmel takin ka en ha a, min rawn siai zeuh takah chuan ka hrethiam nghal.
" awle... " ka lo ti vata.
.
Midang ho chu an inbe nak nak hlawm a, kei erawh Kai leh Georgia te bak ka rilru ah an awm thei lo.Georgia lah saw a nupui ka awm ve reng laiin a ngampa leh lutuk a ti mah mah tawh ani, a chang leh a hrilh ru thul Kai erawh in alo benkhawn lemlo mahse ka thik tho tho.
" Lola... Juice i duh belh em? " Nick an a tih chuan ka lo bu nghata.
" Wine chu in hrih suh aw...chuan mu hma bawk la aw... "
" aw... anih chuan nang wine i duh belh em? "
"khawngaih in... " min chhan thin dan anga min rawn chhan avang chuan ka nui suk a.
"tam deuh aw....."nuih ver ver pahin wine um ka ban pah chuan Kai chu ka va melh a, min lo la en kur zui ka nui tawp chiang ngei mai.
.
"Kai...i va ei tlem ve... " Georgia lah saw lo inrawlh vat zel, ka ngei em avang chuan melh pawh ka melh peih tawh lo.
"Nick... naktuk ah min fan kual pui rawh aw... "
" awle.... i hmui bulah khan thil a kai ania... "
" Khawiah maw?"ka hmui chu ka han liak zeuh a
" ngawirawh aw... "a napkin chuan rawn hruk a tum a.
" i hmui a thil kai hru fai theilo tur khawpa mawl mi i nih a? " Kai an vin zeta a rawn tih chuan kan vai mai chuan mak tih hmel takin kan en nghal thap a,
" Kai... "Georgia in a tih chuan a tho thut a a napkin paih pawp pahin a kal nghal daih anih chu!! khapa khan enge maw a hriat le, mi mawl maw? haha... kei aiin a mawl fe zawk anih kha,manner pawh hrelo .
.
Dinner kan ei zo thleng vel ka hruk fai lai chuan Nick chu ka bulah a rawn kal nghal vata.
"Nick... hei hau teh lo chet ve phet a tum ania... " pi Caroline chuan alo ti vata.
"tih tir mai mai rawh...chhuhsak i tum chuan a chak ropui si i hneh lo ang" min rawn fiam nghal bawrh bawrh a, min rawn hrukfai pui ve nghal bawk.
Pi Caroline a kal takah chuan Nick nen chauh kitchen ah kan awma
"beer ka nei asin i duh ve em? "ka ti sa sa a.
" aw... mahse i in theilo tih i hriat kha... "
" a ho lutuk... tlemte chiah.. "
" Lola... luhlul suh "
.
" Anih chuan bawnghnute ka in ang aw... " ka tih chuan kan han nui dun leh rih a,Nick pawh a nelawm ngaiin ala nelawm reng anih hi. Ka sawi tawh ang khan Nick bulah hi chuan ka hlim in thlawk delh delh ang mai hian ka inhre thin,ka awmna atang chuan Kai leh Georgia te thu dun lai chu a hmuh theih a,a kar lakah ka lo melh leh vung vung thin.
" Naktuk chu dil ah nghakuai chiah i duh em?" ka rilru lakpeng tum chuan a rawn ti a.
" tak tak maw!? " phur hmel zetin ka lo ti vata,nghakuai chiah hi ka thil chak ber te zinga mi ani.
" a hlat deuh hlek avangin chaw ei lo in kan kal mai dawn nia... "
" awle... mahse ka tho thei awm lo, bakah Mrs Burton te hi "
" ka nu te chuan thlai vel an endik dawna.... " a sana chu phelhin min rawn bun tira.
" dar7 ah alarm ka set a... i thawh ngei ngei angai ania... " chutih lai tak chuan Kai a rawn lut ta thut mai!
.
" zan a rei tawh....in in biak zawh tawh chuan rei tak ka nghak peih miah lo che nia... " fridge a coke lak pahin a chhuak leh nghal hmak.
" Avan sual tak.. " ka lo ti zui hlak bawk.
" ughh... va kal vat rawh, in riahna tur hi minute10 lai tlan angai a, a kalsan che ang che" Nick chuan a rawn ti a, mahse a lawm vak bik lo tih ka hria.
" awle... " ka lo ti chuai raih thung.Kai bula awm hi chak viau mah ila a tawng tlem leh lutuk a a buaithlak.
" naktuk chu aw..."
" awle.... ka rawn sawm ang che "
" umm... muttui aw... "
"muttui le" ka kal nghala.
.
Pawn ah Kai an min lo nghak reng tawh chu niin .
" Lola... va kal vat rawh... " Mrs Burton chuan pawn thleng min rawn thlah a.
" awle... muttui le"
" ee....chuan lungngai suh aw... " tih pahin ka kut chu a rawn hum vang vang a.
" mahse... Georgia chiah a ngaihtuah a"
" a nupui lawm i nih... nichin Kai awmdan kha ilo hmu em Nick kha thik chiang lutuk"
" ka nu.... "
" awle... awle...naktuk chu huan thlai vel kan en fel dawna ilo kal ve duh angem? "
" Nick nen nghakuai chiah kan tuma... "
" ok... a pawiloh chu... kal tawh rawh,i pasal in alo nghah reng che saw"
" awle...mangtha le"
.
Kai chuan car chhungah min lo nghak ran a ,car ka luh rual rual chuan
"i seat belt kha hreng rawh... "
" awle... " tih pahin ka hreng nghal vat bawk.Ngawi rengin kan thu kar a, ka va melh leh zeuh thin a kawng a melh ngur mai bawk si, a awmdan hi thinrim te pawh a ang zawk.Reilo te ah farmhouse pawh chu kan thleng vata,ka rilru te te chuan Kai nen zankhua in he farm house lian vak loh ah hian kan awmdun dawn chu ania, ka phur rual rual in ka huphurh tel bawk.
Kai chu a chhuk vata, a bag leh ka trolly chu la in inchhungah min luh san daih anih chu.
" khatiang khan a awm ka ring rengah" tih bui bui pahin ka zui lut ve nghala.
.
Inchhung ka luh chuan ka phu nghal zawk!! Kai chu min hnungchhawn zawng hian a lo ding run a
"Enge? "
" Nick nen khan in inhriatna a rei tawh hmel hle mai " chu chauh chu maw?
"zan a rei tawh...ka mu dawn... " min chhan thin dan ang chuan ka chhang ve ngata mahse a lo ngaithei lo nasa. Ka kal tur chu ka ban ah a rawn vuan chat a.
" Nick nen khan in inngaizawng ani lo maw? "
" maw!! " Ka ti nghal haw a, Kai hian Nick nen ka chungchang a hria amawn le? nilo... a hre thei lo hrim hrim.
.
" nangpawh Georgia nen in in ngaihzawn tho kha... " a kut paih sawk pahin inchungah ka chho nghala, khatiang kha ka tih chak na a rei tawh lutuk.Room ka lut tur chu ka zuk hawi let leh hrama
" Lola... engthil nge maw i tih le? khatianga i chhan te chuan.... aaa.. mawl lutuk... " ka in hau nghal mawlh mawlh a, mahse ka sawi tur ang chu ka sawi vek tawh inchhir in awmzia a nei lo.
Ka room tur zawngin ka han hawikual dak dak a
" room pakhat chauh a awm.. " tih pahin room ah chuan a lut nghala,khumah a mu nghal thak bawk.
" maw!! ngatinge chu chu min hrilh loh"
" i duhloh chuan ngatinge ka nu bulah khan i sawi mai loh"
" ka... ka hre hleinem... "
" rawn mu rawh..."mak tih hmel takin ka en nghal haw a.
" nge couch ah i mu duh zawk...? "tih pahin puan chu couch ah a theh phei nghala. "khumah hian rawn mu rawh... "
" khawiah nge i mut ve dawn? "
"chu chu a pawimawh viau ami? "
"ugh...awle... " tih pahin khumah chuan ka mu nghal thaka.
" vawt i ti em? " ngatinge min ngaihsak tak viau le?
" aw... ti ve tho... " room heater chu a on nghal vata.
.
" mamawh i neih chuan min rawn hrilh dawn nia... " tih pahin chhuah a tum ta mai.
"khawiah nge i kal dawn? "
"inhnuai ah ka mu dawn... "
"hetah hian i mu thei mai lo ami?" ka tih chuan a ngawi vung vung a.
" Georgia... nen in in hmu dawn mi? " engvanga ka rilru a awm awm sawi chhuak leh phawng phawng thin nge ka nih pawh ka hre tawh lo e a...
"Nick nen a hma atangin in in hre tawh ami? " thil dang daih min zawh pahin a rawn lut leh a, couch ah chuan a rawn thu a.
"aih... " ka lo chhang rang kher mai.
"anih chuan ngatinge a sana i bun si "
" ugh... heihi maw, englo a nia naktuk ah" thil hrechhuak niawm tak chuan ka tawng tawp chut a.
" Engvangin nge chu chu min zawh?"
" Lalpa leh" min nin hmel zet chuan a ti a couch ah mu nghal in,puan chuan a inkhuh hmak bawk,
" mangtha le" ner nang pahin ka mu ve nghal mai a,hepa ngeiawm dan hi chu tih vak ngaihna pawh ka hrelo.
.
Ka mu rem chiah tih chuan light a rawn off ta thut mai, ka au nghal tuarh a.
" Enge? " mangan hmel zet hian a rawn tho nghal vata.
" ngatinge light i off a... " ka lo ti vin hluk a
" hreptak chuan... " a phun sap a,ka pa in room thim vekah min kalhkhum thin avangin light a thim vek chuan ka muhil ngam ngai lo.
"i bul lawkah ka mut hi... engmah hlauh tur a awm lo" tih pahin a off lehnghal hmak anih chu. Ka hlau lutuk chu ka puan chu ka han hner vang vang a, khuma thu chungin ka hawi kual hrek hrek bawk,ani tui taka a mut laiin kei muthei lovin ka awm bik anga maw?.
"Engvangin nge light hi kan on mai loh? " tih pahin ka on nghal vata.
.
" a chhan chu light on ka duh loh avangin... " a rawn off leh kher anih chu!! ka ngaithei bik der lo.
" awle... a tha e... " mak deuh chu ka thau ah min man tlat anih chu, thim lutuk ah hian awm hreawm ka ti takzet.
Puan chuan ka in lukhup tlata, phone light ka on ta ringawt a a zia deuh in ka hria.
Puan hnuaiah chuan ka hawikual hrek hrek a, ri hlekah ka phu leh zuk thin.
Rei pawh kan mut hma chuan light chu a rawn on leh ta nge nge a.
" Kai... " zawi sap chuan ka va ko a mahse hria ang pawhin a awm lo, a mu lui tlat tho.
" muttui le" tih sap pahin ka mu ve nghala.
.
________________________________________
.
Nick alarm chuan min ti harh zawka, tho peih lo hle mah ila nghakuai kan chiah dawn tih ka hriat avang chuan ka inperh tho nghal at a, Kai pawh alo tho tawh anih hi,.
Tui bulah kan awm dawn bawka tiin kekawr bul leh kawrlum ho te chu ka ha a, vawt ka tih tak thutin tiin kawrlum pakhat ka bag ah ka dah tel bawk.Car horn rawn ri tat tat ka hriat chuan Nick ani tih ka hre nghala.
Ka suitcase chu hawngin beer can hnih chu ka bag ah ka khung tel bawka, phur takin ka tlan chhuak nghal bawk.
" morning... " Nick chuan min rawn nuih sang a.
" ka tlai lo tiraw... " car a luh pahin a sana chu ka pe let leh nghala.
.
" vawt i ti lo ami? " ka inchei dan chu a rawn en a.
"hey...tui bulah kan kal dawn hi hetiang hi hak angai alawm.... " ka bag chu seat hnungah ka dah nghala.
" tent i keng ami? heihi tent ani tak tak em? "
" umm... ka haw tlai tak thutin bakah puan in kaih hi i chak ber thin ani lawm ni ...."
" aw... a nuam ngawt ang chuan kan sangha man te kan hem hmin bawk anga... " nghakuai chiah te leh puan in kaih ka chak thu Nick ka hrilh fo thin a, alo la hre reng anih dawn hi.
"kal vat vat ang... " phur zet chuan ka ti leh a.
" awle... " a khalh chhuak nghala.
.
Darkar khat zet kan tlan hnu chuan kan thleng ta!! Ngaw vek ani a, a reh in khua pawh a nuam takzet. Dil thlen hma chuan reilo te ke a kal angai a mahse nuam ka ti em em tho. Dil kan thlen chuan ka rin ai daihin alo liana ,nghakuai chiah nana uluk taka duan ani tih pawh a hmun a fai danah hian a hriat theih.
Dil kam zau leh zawl dup ah chuan puanin kan kaih a, a chhungah kan bungrua vel kan dah bawka,ka phur lutuk hi ka nui reng mai.
Nick an nghakuai vel leh thutna tur chair ulh thleh theih a hung rem vel chhungin coffee ka lo buaisaih thung a.
.
"hetiang lo hi thil dang nuam deuh deuh tih tur ala awm angem? " Chair a thut pah chuan coffee chu ka pe a.
" ahhh.... sakawr chung chuan te leh forest camp te pawh ala awm alawm"
" ani maw!! anih forest camp ah chuan enge in tih thin?"
" umm... ramhnuai ah puanin kan kaih a, mei te kan chhem a chutiang chuan kum tin kan ti ziah thin alawm"
" anih chuan... forest camp chu engtik ah nge kan neih dawn... "
" ka hrelo mahse a tlangpuiin farm a thlai zawng zawng lak khawm hnu ah kan nei thin... Burton chhungkua hian tihdan phung an nei ve hrim hrim a, farm ah sawn bulbawk an ching teuh thin a chu chu kan cho thin alawm... "
.
" maw!! "
" lungngai suh... nuam i ti ngawt ang... "
" umm... heihi engtin nge ka hman dawn" tih pahin nghakuai chu ka lek vu vu a.
"khawi ka lo zirtir ang che..a awlsam lutuk" ka hnungah a rawn dinga, ka hum dan tur leh ka tih dan tur vel chu chiang takin min hrilh nghal zung zung bawk.
Chutia kan awm lai tak chuan
" Nick... enge hetah in tih? " Nick nen chuan kan hawiphei nghal vata, Georgia leh Kai chu kan piah lawkah an lo ding reng chu niin!! Georgia hamhaih hmel sawn ka nuih a tiza zawk mahse enge hetah an rawn tih?.
"hei i hmuh ang hian nghakuai kan chiah... " Tha deuh chuan alo chhang mai a.
.
Georgia chuan Kai chu thinrim hmel zet hian a en vata.
"Kai... an kal dawn tih i hriat vang tiraw heta kal i duh tlat nachhan"
"bazar tura chhuah ai chuan a nuam daih zawk alawm" tih sap pahin min rawn pan hnai a
"kan kaltum na alo inang bawk si a....kan awm ho mai aniang chu" a chair tur chu ka chair bulah chuan a rawn hung ve nghala ,a thu nghal hmak bawk. Mak tih hmel takin Nick nen chuan kan in en ha a.
"a tha alawm.. " Nick chuan alo ti vata.
"Kai... nghakuai chiah ka duh lo tih chu i hriat ve reng kha... " Georgia pawh chuan a chair tur chu Kai bulah a rawn hung ve nghala, lungawi lo leh peihlo chung chung in a thu ve ran chu ani sia, a peih ngawt zawk ka ti.
.
Nick chuan tih dan tur vel chu min hrilh chhunzawm lehnghala.
"Ngatinge i thluak a thawl em em mai le, nghakuai chiah pawh i thiam lo ania" Kai an a rawn ti kher anih chu!! rum zetin ka melh kar a, ani erawh dil lam a hawi tlat thung.
" i thiam tawh ang tiraw... " Nick chu inthiam loh hmel zetin a thu ve nghala.
Ngawi rengin nghakuai chu kan chiah ran a,sangha man hun ka nghakhlel nghal em em ringawt
" Kai...heihi ka hmang thiam lo ania... " Georgia in a tih chuan Kai chu a tho vata.
" Tihian vuan la... chuan helai hi i vuan bawk dawn nia.... hetiang hian" Georgia chu tha deuhin a hrilh mai a, kei ve thluak thawl min ti maw!! ka ngei bawk si thik bawk si, ka han melh leh zeuh thin a ka thin a rim tun thei.
.
Chapter-20
.
Ka khur beuh beuh avang chuan Nick an kawrlum lian zet hian min rawn khuh vata,nuih sang pahin " ka lawm e.... " ka lo ti nghal vat bawk.
"i ha bul lutuk a tlai lamah phei chuan vawt i ti ngawt ang.... "
"mei kan chhem anga a zia mai ang...oh!!... a che... nghakuai hi a che ania" ka ti nghal tuarh tuarh a, lo vawn tawp mai loh chu thiam ka nei dêr lo.
" engtin nge ka tih dawn... ?" ka ti nghal chul a, ka lawm bawk si, tihdan ka hre bawk si lo ava buaithlak thin tak em!
" ka lo vawn pui ang che" Nick chu ka hnungah rawn ding nghalin nghakuai chu min rawn dawm pui nghal vata.
.
"helai ah hian herh rawh... ka lo dawm bet tlat ang.... " zaidam tak chuan min hrilh thlap thlap a.
" ohaw...!! ka herh theih lo, sangha lian deuh ani ngei ngei ang " tih pahin Nick chu ka nuih sanga, ka herh theih tak loh avang chuan min herh sak ta ringawt a.
Man a harsat dan ah hian sangha lian tak ani ngei ang
"hetah hian lo ding la kan lo pawt chhuak ange"
" awle... " phur tak chungin Nick a chet vel dan chu ka lo en kar a,a dah na tur bucket ka khai ran bawk, ka hmui ka chip hleithei tawh lo,a chang leh kut ka lo beng thul.
Minute nga vel zet a pawh hnu chuan sangha lian zet hi a rawn pawt chhuak ta nawlh mai!! ka lawm lutuk chu ka au nghal chul a.
.
Bucket ah a dah hma hma chuan a rawn in perh ta tup tup mai
"a chhuak a chhuak... " tih pahin man tum chuan ka han thingthi rawp rawp a,ka man ngheh dawn in a inperh zel mai bawk si.Rei fe kan beih hnu chuan a tawp a tawp ah ka man bet thei ta ,a inperh chhuah leh hma chuan Nick an min rawn hup pui nghal vat bawk.Kan hlim lutuk chu kan han nui leh bawk bawk rih a.
" hawh teh ang... a lian emai "
" awle... " tih pahin ka ban nen chuan a rawn teh a
" hehe... ka kiau a thleng tep mawle... ka man ani lehnghal.. ka awih thei lo "
"i ei teuh dawn nia..."bucket ah chuan a khung nghala.
.
"kan hem hmin anga... a tui dawn lutuk"Nick chuan min rawn kaihthawh pahin ka kawr leh ka khup vel chu a rawn beng fai nghal thuak thuak a.
" sawtah sawn ka va dah daih ange...a in perh..." bucket khai pah chuan ka hawi let a ka tawng tawp nghal chawt!!..a chhan chu Kai leh Georgia ten mit pawh khap lek lovin kan awmdan vel min lo thlir reng vang ani, ka nui tawp chiang kher mai.Ka tih ngaihna hre lo chuan Nick chu ka han melh leh ringawt a.
" tahkhan dah mai rawh kan man belh leh dawn nia... " inthlahrun hmel tak chuan a ti ta ringawt a.
" awle... " chair ah chuan kan thu lehnghala, hemi te pahnih hian a nawm tur ang pawhin an ti nuam lo vek.
.
Ngawi renga kan thut thap lai chuan Nick chu a rawn tho thut a
" Kai... lo awm ula thing ka va fawm ange... " a chhang miah lo anih chu!! hepa hian enge a hriata
" Lola... i lo kal ve duh angem?"
" aw... "phur zet chuan ka ding nghal vuta, hemi te pahnih bula awm ai chuan thing fawm ka thlang fe zawk.
" Keiman ka lo fawm ang... " Kai chu a rawn ding thut a, mak tih hmel takin kan en ha hlawm a.
" anih chuan keipawh ka rawn kal ve dawn" Georgia chuan alo ti ve bawka
" nilo...hetah lo awm zawk rawh i hah lutuk ang... " Kai an a tih chuan ka lo ner nanga, an awmdan hi ka ei thlawt lo.
"anih chuan kan pathumin kan kal dawn tihna mi?"ka lo ti haw a.
.
" Nick... Georgia hi amah chauha awmtir a tha lo... lo awmpui la Lola nen kan va fawm ange... " Nick chu a ngawi renga.
" Kal ang" tih pahin min kai nghal dawr dawr anih chu, lo tang ve teh mah ila awmzia a awm lo.
" min thlah rawh... "ka hawi leta, Nick a mak ti lutuk chu a ding khawng reng ringawt, engvanga hetianga awm thut nge maw a nih le?
" Enge i hriat a...? "a kut chu ka paih thla sawka.
"haw tlai i duh loh chuan rawn kal vat vat rawh"
" Georgia nen in rawn kala in rawn ti buai vek" tih bui bui pahin ka zui hna hna a.
.
Thui tak kan kal hnu chuan thingro pawh a tam tan ,Kai chuan ngawi rengin thingro ho chu a fawm khawm mawlh mawlh a keipawhin ka theih ang angin ka lo pui ve bawk.
"heihi engtin nge kan ken vek theih ang... "
" vawihnih kan kal mai dawn nia... "
" awle... "
"engtin nge helai hmunah hian in rawn kal theih?" ka han ti leh a,ka tawng hre lo ang maiin a tih lai a chhunzawm char char anih chu!! a ruk in rum zet hian ka melh a,a rawn kal avang hian nuam ka ti mahse Georgia a rawn tel ve zel hi chuan engmah a nuam thei lo.
.
" Nick nen engtik atangin nge in in hriat? " Nick chungchang hi a sawi chhuak leh zuk zel mahse hetiang sawi dun hi nuam ka ti lo,pehhel dan kawng ka zawn vat angai.
"Engatan nge i tih? "ka chhan dan avang chuan thawk an la hak a.
" engteh... " alam hawi turin min pawt her nghal sawk .
" Nick nen hian inkawp mah ula pawi tihna ka nei lo mahse media ho in an lo hria anih chuan a pawi viau ang chuvang chuan i in check up hunah bak hmu tawh suh ang che " a rawn ti vin nghal hluk a, a awmdan avang chuan mak tih hmel takin ka en ha thung .
"Georgia i hmuh theih laiin keiin ka hmu thei lo bik ang maw? " ka ban a hmer nat em avang chuan tal chhuah ka han tum a mahse a chak lutuk tlat.
.
" min thlah rawh a na ania... "
" ka sawi ang khan ani mai, hming chhiat ka duh lo tih i hriat kha... "
" Hming chhiat i duh loh te chuan Georgia hmu tawh lo la nimai lawm..." ka mit ah tak min en kar a,ka hawisawn duh bik hauh lo.
" Georgia te chu.... " a tawng tawp thut " hreptak chuan..." a thing tang ken lai chu a paih nghal pawp a,engmah thleng lo ang mai chuan a tih chhunzawm leh nghal mawlh mawlh thei nia,a thin a rim hle tih erawh ka hai hauh lo.
Engvanga thinrim leh ringawt nge maw anih le?kei hi thinrim tur zawk ka ni asin.
Thing kan lak khawm tam meuh chuan ka hah tawh kher mai, Kai lah chu ka awm ve tih pawh hrelo ang maiin a ngawi ngul mai bawk si.
" ka hah lutuk... kal hma in chawl phawt ang... " thawk hlawp hlawp pahin ka ti ta ringawt a, vawt hle mahse ka thlan dup thei nia.
.
"hetah hian thu rawh" thutna min siam sak ah chuan ka thu vata ,a mood a inthlak leh tawh ani maw? a ruk chuan nuam ka ti.
" Reilote chawl ila kan kal dawn nia... " tih pahin ka bulah chuan a rawn thu ve nghala, sawi tur kan hrelo dun bawka kan ngawi dun reng ringawt.Tlailam anih meuh chuan thosi a tam ta hle mai, ka inha bul bawk si a ka inbeng leh sawk thin.
" tun ang khua ah kekawrbul hak te chu a" a rawn tih sap ri chuan ka beng a verh lehnghal zar .
" Engmaw? "
"thosi in an zawn hma che in kal vat ang.. hei khua a thim dawn tawh... "ka van ngei tak, min hnungchhawn zawng chuan ding se ka chhiat khum loh tâkah.
.
" ahh... saw tui luang a awm a nih saw... " tui luang lam chu ka pan nghal vata.
" a nal ania... "
" tui ka in dawn... ka tui a hal lutuk... " tih pahin uluk takin ka kal phei dan dan a, lung nal atam em avang chuan ka duh ang pawhin ka kal chak thei lo.
Ka thu rem chiah tih chuan tui in turin ka zuk kun dak dak a
"lo in ve rawh..."
" i tla ange"
" tla lo ang ..." ka ti zo chiah a, lung nal ah ka awm avangin tuiah ka tawlh tla ta bawrh mai.Vanneih thlak lutuk in alo thuk lo hlauh ka ding chhuak nghal vata, Kai erawh ka bul a rawn thleng hman der, a awmna a hla hle si a a tlan chak kher mai.
.
" i tha maw? " hlauhthawn hmel takin a kut chu a rawn phar chhuak a, ka lo bu nghat bawk.
" na i nei em? " tih pahin a kut tha chak zet chuan min pawt chhuak nghal lawp a.
" aih... neilo" a vawt em avang chuan ka khur hlak hlak a ,ka huh zawr vek mai bawk si ,puanin kan kaihna hmun ka thlen zawh pawh ka ring lo.
" i kawr kha phelh rawh... " tih pahin ka kawr rawn phelh a tum ta mai!!
" Engthil nge maw i tih le? " ka lo indang nghal vat, ka awm dan avang chuan nin hmel zet hian a han thaw chhuak halh a.
"Hak ro thak i tum ami? i damlo mai tur sin"
" min thlah rawh... " ka jacket phelh a tum luih tlat avang chuan ka lo ti nghal tuarh tuarh a.
.
"i dam lo ang... phelh mai rawh... "
" ka duh lo... " ka tang ve tlat avang chuan min thlah nghal pawp a.
"i taksa chhete hi ka khawih chhiat duh i ring ami? " a rawn ti vin nghal hluk a.
" Chhete a!! ka taksa hmu tawh ang zia zanga i tawng vel le.... "thil ka hriat chhuah zawk avang chuan ka hmui ka hup nghal vat. Hepa hian ka taksa a hmu vek tawh... naaa avan zahthlak tak. Khami zan a thil thleng kha ka sawi chhuak leh ani ringawt alawm.
"chuvang chuan phelh vat rawh... " nuih suk pahin a jacket lian zet chuan min rawn khuh a. A nuih danah ani pawhin a hre chhuak ve ani ngei ang.
"anih chuan min rawn en suh... "
" awle... " tih pahin lehlam a hawi nghala.
.
"Rawn hawi miah suh aw... ka la zo lo ania... "
"khami zan khan ngatinge khapa khan a ben che a... " kan intawn hmasak ber zana Oscar-a pa in min ben lai kha alo hmu ani maw!!
" ughh... customer lungawi lo mai mai anih kha... " dawt ka sawi ta ringawt a.
" anih chuan ngatinge i ben let ve mai loh?" tih pahin a rawn hawi ta thu mai!!
Ka la inha hman bawk si lo,panty leh bra nen chauh a hma ah ka ding ta teu mai!! Kai chuan ngawi rengin min rawn en vung vung a
" hawi sawn vat rawh... " tih pahin ka inkhuh nghal vata.
" i dul chu a lo lian ve tawh hle mai " nuih suk pahin jacket chu min hak tir sawk sawk a, a muffler min awrh tir nghal bawk.Thla li leh a chanve a tling ve dawn tawh a, kawr hak pawh a ti buaithlak tan mahse rai lian chi ka nih loh vang pawh ani mahna jacket lian deuh ka hak chuan a lang lian lem lo.
" nichin pawh khan a rawn che asin... "
" ani maw!! " mak tih hmel takin min rawn en nghal haw a.
"a chet lai i hre duh ami? "
" aw... eng... engtin nge a awm?" ka awih theih lo, Kai hi tunah hian a zam amaw? haha... Kai Burton hi naute vangin a zam amaw!! midang in hria se mak an ti ngawt ang.
.
" a rawn che leh tep tawh ang... " a kut chu la in ka dul chu dawm tir ka han tuma, Chutih lai tak chuan Light a rawn eng ta pup pup mai!! a kut chu ka thlah nghal vata.
" Lola... engthil nge thleng in va rawn let har ve...?" Nick chuan ka that leh that loh a rawn endik nghal vat vat a, Kai erawh Georgia in a kuah tlat thung.Kai nen chuan kan in en renga mahse engmah kan sawi lem lo.
"Ngatinge i kawr te chu? i sam te chu ngatinge a huh a"
"ka tha, tuiah ka tla ringawt alawm... " Nick chuan a jacket in min rawn tuam ve nghal vata.A buai vek ani ber mai mahse Kai an min hriatchhuah ka hlau takzet.
.
"Nick... ka tha"
"i that chuan a tha anih chu... anih chuan let vat ang u... zan a rei hma in"ka lo bu nghata, Kai chu ka va melh zeuh a, Georgia in a lo kuah nghet ngang mai,ti mualpho lo tawk velin Georgia chu a nam sawn deuh a ,ka lo hmu ru leh kar tawh mahse ka thik tho tho,Kai hi ka duh tih fak tur chuan ka la sawi thei lo mahse Georgia erawh ka thik tih ka pha hauh lo.
Nick leh Kai chuan thing thenkhat chu an pu a, puanin awmna lamah ka let leh tham tham hlawm a.
.
Puanin awmna kan thlen chuan mei alo la in chhem hlat hlat a, bucket chu ka en nghal vat bawk.
" Nick... heihi i man vek ami? "
" umm... va in thlak la in ti lum vat rawh"
Ka inthlak zawh chuan Nick nen rawng kan bawla Kai erawh ngawi rengin a bawp sei zet khawkherh chung chuan a iPad a bih ngur ngur a, a sirah Georgia in alo ti buai char char thung mahse a ngaihsak hmel lem loh.
" Nick...Kai hian engtik lai pawhin hna a thawk reng thin ami? "
"umm... a hna aiin thil dang a dah pawimawh a nih chuan chu thil chu a tan a pawimawh hle tihna ani mai "
Anih chuan hna a ban apiangin Georgia a tlawh ziah sia, anih chuan Georgia chu atan a pawimawh hle aniang, ka kun nghal lap a.
.
0 COMMENT:
Post a Comment