February 09, 2018
Chapter-21
.
Riah kan tum avang chuan dinner pawh kan ei tlai hle , awmho reng e tilo chuan tumah inbiak kan tum lo. Mei chu kan thut hual thap a, ka ep chiaha thu Georgia leh Kai te chuan ka mit an ti kham takzet ka melh lo thei bawk si lo. Georgia chu Kai darah a bei hle hle a va pawh then sawk te nia ka duh.
" kha coffee.... " Nick chu ka bulah a rawn tawlh phei a.
"ka lawm e... " ka in chak lai tak alo ni bawk nen ka lo nuih ver ver a.
" Ee.... taka Kai te games siam thar kha i khel ve tawh em?" a tih chuan Kai chu ka va melh zeuh a, min lo la en kur zui,ka hawi sawn rang ngei mai.
.
" aih... engtin nge an khelh a... "
" helai hi hmet rawh... " Nick chuan chiang takin min hrilh thlap thlap a, Kai chu nise min vin leh hrep tawh ang.
"Kai... hawh hmun dangah kal ang... "
" va mu tawh rawh a tlai tawh..." games khel chung chuan Kai leh Georgia te inbiak na chu ka ngaithla ru ran a ,a then erawh an tawng zawih em avangin ka hre thei lo.A kar lakah Kai ka lo va en leh vung vung thin avang chuan Nick chuan a hrawk chu a rawh thian kharh kharh a
" Lola...i thik anih chuan ngatinge i pawh then mai loh... " Nick chu ka en nghal haw a.
.
"haha... thik hmel ka pu ami?" ka nui lui hak a.
"nupa in ni a mahse en ta che Kai nupui i ni tih pawh tu mahin an hre lo ang... "
"pawi ka ti lo....an nun ania ka lo buaina tur a awm hleinem"
"contract hmangin innei pawh ni ula i pasal tho lawm anih" contract tih a rawn sawi takah chuan Kai hriat ka hlauh em avangin Nick hmui chu ka va hup thut a ,ka hlauthawng hman ngei mai.Kai chu a rawn ding chhuak thut a kan vai mai chuan mak tih hmel takin kan lo en thap bawk.
" Kai... enge? " Georgia chuan alo ti vata.
.
"Lola.... va mu tawh rawh a tlai tawh" chumi sawi tur ringawt chuan hetiang hian a awm amaw!!
"ka... ka duh lo, ka mut ala chhuak lo " ka lo ti nghal vata.
"engthil teh hrep nge thleng hi" a phun sap a,a awmdan atang hian a thinrim ani tih tumahin an hai hauh lo ang.
" Kai... a mut a chhuah hunah a mu mai dawn alawm" Nick chuan min lo chhan vata.
"Engthil nge thleng hi... " Georgia lah hi lo tawng ve hman ziah.
"haw ang " tih pahin ka bag chu a va la ta mai!! tawng ngaihna pawh ka hrelo,engvanga hetianga awm teh thut nge maw a nih le?
"kal ang... "min kalpui nghal hlawk hlawk a,awm dan tur pawh ka hrelo zui mai loh chu.
.
"Kai engthil nge maw i tih le, naupang chhia ang maiin i chet a?"Nick chuan Kai banah a vuan a mahse a thil tum thulh a tum hauh lo.
" lo inrawlh suh... " tih pahin min kai nghal dawr dawr a, hetiang hian a hma in a awm ngai si lova vawin chu Kai awmdan hi a danglam takzet.
Car awmna kan thlen phei chuan kawngka min hawn sak nghal vata
" lut rawh... " a ti bul hmuk bawk.
" Kai... ngatinge... "ka han ti dek dek a
" lut rawh ka tih chu... " a thinrim a kaltluang laklawh ani maw!!
" awle...vin kher ka ngai hleinem... khawi... " tih pahin ka bag a ken lai chu laksak ka tum a mahse sang takah a khai kang hman.
.
" ka bag kha min pe rawh... " tih pahin ka han zuan thut a, ka bag atang chuan beer can hnih a rawn tla ta!! ka meng phawk nghal kawk a.Kai an min hau dawn chiang lutuk, naute tana tha lo hrim hrim chu ei emaw in emaw pawh a phal lo chutah beer phei chu a huat ber te zinga mi ala ni zui!
"Nilo...ka ta ani lo" tih pahin chhar vat ka tum a mahse min lo chhar khalh hman.
Ngawi rengin beer chu a melh vung vung a,a awmdan hian ka ngaih a ti tha lo .
"engzat nge i ken... "
" pa... pahnih... " min rin loh hmel kher mai.
.
" Engzat nge i ken ka tih chu.... ?" min rawn vin nghal tuarh avang chuan ka phu nghal zawka, thil tha lo tih hi chuan kan dawih bik tlat zel.
"hreptak chuan.... " tih pahin a paih per nghal lawp a, engmah sawi lo in car ah a lut nghal daih bawk.A lu chu a han dawm vang vang a, engvanga beer mai mai in hetianga awm tir nge maw a nih le? ka inthiam lo letling zawk.
Ngawi rengin car ah ka lut ve nghala, Kai awmdan chu ka en renga, sawi tur pawh ka hrelo.Chutia minute10 vel kan thut vang vang hnu chuan seat belt min rawn hren tira
" Kai... i tha maw?"min chhang lo, "pahnih chiah ka keng tak tak" ka han ti leh sap a,min chhang leh chuang lo thawk lak hak pahin a khalh chhuak nghala .
.
Farm house kan thlen chuan dar2 a ri der tawh, ngawi rengin inchhungah min luhsan hmaka ka biak lah in min chhang duh bawk si lo, a nuam lo takzet. Inthiam lo tak chungin ka lut hna hna a ,room a ka luh chuan Kai chu min hnungchhawn zawng hian alo ding ran a.
" ka tihpalh... "
" ughh.... engah chuan maw!!"
" vin tur che ka ni lo asin... " hei zet chuan min khawih takzet, Kai hi a inthiamlo ve tak tak amawn le?
"keipawh ka tihpalh... "khuma thut pah chuan ka ti a, diktak chuan ka tihpalh tih thu hi sawi hmasa zawk tur ka nia,a phal loh chuan tihluih loh mai tur ania mahse ka lo runluih leh thin.
.
"i khup chu a thi anih kha" nichin a lung a ka tawlh sual na kha ani maw?
"a na lo...hengte chu..." ka sawi zawh hma hma in first kit box a la nghal vata.
" rai lai chuan in uluk tur...a bik takin blood type (AB-) tan ngat phei chuan..." bandaid bel pah chuan a rawn ti sap a,min ngaihsak na tawngkam avang chuan mak tak maiin ka thinphu a rawn rang ta hle mai! mahse engmaw! engtin nge ka blood type te a lo hriat hman , min lo en thla ru reng ami le?
" maw!!... engtin nge i hriat? " ka mak ti hmel avang chuan a rawn nui suk a.
"i blood group ang hi a vang em avangin i in enkawl that angai alawm chuvang chuan ti tura ka tih che leh ei tura ka ti chauh i ei tawh ang " naa... min duh vang nilo in ka blood type vang chauhin maw min lo ngaihtuah a!!
.
" ka tha... engmah a thleng dawn lo" lungawi lo deuh chung chuan ka lo ti ve bawka.
" mu tawh rawh... "
" khawiah nge i kal dawn? "
" khawiah mah...."
" awle... " Georgia bulah a kal dawn loh avang chuan phur takin ka mutna tur chu ka siam nghal sawk sawk a, ani erawh ngawi rengin couch ah a thu daih thung.
" Nick hi i ngaina viau ami? " a rawn ti chhuak thut a, ka thil tih lai ka tawp nghal chat, ka chhan loh avang chuan min rawn en pahin a nui suk a.
"i duh chuan in in date thei ang..." a ngawi vang vang "midang hmuh loh in.. "
.
" i ti tak tak ami? " ka ti lui ve ngata, Georgia nen an indate vangin a inthiam lo niang.
" ka... ka hrelo" tih pahin tukverh lam hawi chuan a ding daih a.
" anih duh lo ta ila... " a din ngai chuan a ding renga, zanin chu zaidam deuh deuh in min be renga ka ngaih a ti tha lo zawk.
"anih... kan inthen hnu ah Georgia nen in in neih ang tiraw?"
"mu tawh rawh... " thil dang daih a rawn sawi leh tawh, aw leh aih talin min chhan ve tur ania.
"awle... mangtha le" ka be lui duh tawh lo, puan in ka inkhuh hmaka reilo te ah ka muhil vat bawk.
.
________________________________________
.
#Kai's POV#
.
Breakfast kan ei lai chuan Nick leh Lola te inbe lai chu ka en renga,an tawng ka hre thei bawk si lo, a ruk tak chuan ka thinrim hle mahse ka tilang lemlo,hemi te pahnih hi kei ai pawhin an inhre har daih zawk a ngatinge an in nel bik em em le? Lola pawhin a khat tawkin min rawn melh leh zeuh thin mahse ka en tih a hriat in a hawisan lehnghal vat zel.
" Kai...ngatinge i ei loh a... " Grorgia chuan a rawn ti sap a.
"ughh..."
"ngatinge nizan khan i haw daih a?"Lola ka hruai haw chungchang kha a rawn sawi lan ka ring rengah.
" ughh... Nick an a hruai haw che em?"
" umm... " tih pahin ka ban a rawn kuah a, ka darah a rawn bei nghal thak bawk.
.
Lola ka en nghal vata mahse thik ang pawhin a awm lo, Nick nen an inbiak dan ngaiin an inbe reng tho.
" bawnghnute i duh belh em?" Georgia chu ka zuk nuih suka, engvanga runluih duh kher nge maw ka nih le? ka tum loh ang deuh hian ka awm leh tlat thin.Georgia chu ka theihtawpa ka han ngaihsak ve pawh chuan Lola awmdan a danglam phah eih lo.
" Kai...vawin enge i tih dawn? " ka nu in a rawn tih chuan ka hawi phei vata.
"ugh... ka hrelo"
" Chuti chu Lola in kan sakawr ho en a duh ang... va kalpui rawh aw... " ka ngawi renga, duh leh Nick an kalpui mai rawh se
" Ka nu keiman ka lo hruai mai ang... " Nick chuan a lo ti vata.
" tak tak em? " Lola a phur tak em avang chuan ka ngaithei leh ta der lo.
"dar10 ah lo inpeih hman ang che... "mak tih hmel deuh hian min rawn en nghal thup anih chu!! enge maw an hriat ni, ka tihngaihna hre lo chuan ka ding thut a pawnah ka chhuak nghal daih bawk.
" Kai... " thawk lak hak pahin ka hawi let a.
" Ka lo kal ve dawn... "
" Georgia.... nau i pai hi ,i rawn kal thei lo ang"
" Lola... pawh a rai ve tho alawm"
.
"ka nu lo pui zawk rawh.. "
" Kai... zanin ah leng chhuak ang, dinner ei ila kan pahnih chauh in"
" Georgia ngatinge i hriatthiam theih miah loh ka enkawl che a ka ngaihsak che avang hian ka rawn let leh ring tawh suh"tih pahin car ah ka luhsan daih a.
" Kai... " min au tuarh turah a mahse ngaihsak duh lovin chak zetin Lola nen kan riahna farm house lam pan chuan ka tlan nghala. Ka khalh lai te chuan Nick vanga Lola hlim hmel chu ka mit thla ah a lang tlata ,hetiang hian ka la awm ngai si lova natna ani ngei ang doctor ka pan vat angai.Farm house ah let ta lo chuan hmun dangah boruak dang daih hip turin ka kal ta zawka. Rei tak ka tlan hnu chuan bar ka hmu hlawl mai, mi an tam vak loh avang chuan ka lut ta nge nge a.
"hello.... Mr...enge i duh le?" hmeichhe pakhat bra leh fawnfen chhing zet feng chuan min lo chul nghal luam a, a inchei danah chuan Lola ka hmuh hmasak ber tum kha ka hre chhuak nghal zawk.
.
"ka hmuh theih turin rawn in lan tawh suh chu chu ka duh... " ka chhana avang chuan a lungawi loh hmel kher mai,ka hmelhriat pawh nilo in min khawih chu sawi loh min chul ngat phei hi chuan ka ngaithei der lo.
" hremhmun ah kal rawh" tih pahin chu nu chu a kal nghal hmawk hnawk a,min rawn khawih na vel rawmawl a hruk fai thuak thuak pah in chair ah ka thu a. In tur lam ka tum lai tak chuan ka rilru ah beer a rawn lang ta tlat mai!!
" beer... "ka nui suk a, beer hi ka la in ngai miah lova, ka pa in tui lo a tih em vangin in chhin pawh ka la tum ngai lo.
Beer ka in dawn chuan ka hawikual te te phawt a, mi an tam vak loh avangin tlemte ka han lem zeuh a, a tui loh lem loh hi.
.
Reitak ka awm hnu chuan sana ka zuk bih zeuh a, ehe..!!! Lola kha dar10 ah lo inpeih turin ka ti asin ,dar11 alo ri dawn der tawh.Hmanhmawh lutuk in farm house lam panin chak zet hian ka tlan chhuak nghala ,ka rilru ah Nick an alo hruai daih tawh ang tih chauh chu a awm tawh. Farm house ka thlen chuan inchungah ka tlan chho nghal vata vanneih thlak lutuk in Lola alo la awm hlauh, ka thaw nghal huai thei.
" ka.. ka tihpalh ka tlaia... " min chhang duh miah lo, a thinrim anih dawn hi.
"insiam la kan kal vat dawn nia... "min chhang lo in a thawmhnaw hak tur chu a buaipui char char a.
.
" Lola... hetiang hian min awm khum miah suh" ka insum zo thin lo, ka lo vin leh hluk zel.
" maw!! " rum zet hian min rawn melh chho ha a. "khawiah nge i kal daih a, ka nghak char char che asin darkar khat laiin i tlai a chuti chung chuan min thinrim khum zawk amaw?"
"enteh... ka duh vang ani lo "
" ka kal duh lo... i duh leh Georgia nen va kal ru... " chhan ngaihna pawh ka hrelk, ka dang a awk nghal vek.
" awle... a tha e, i rawn kal hma chu ka nghak char char ang che " kawngka khar thuai pahin ka chhuak nghala. Thinrim tun chungin Lola lo kal hun nghakin car ah ka lo awm ta ringawt a.
.
Minute 20 vel zet ka nghah hnu chuan kawngka a rawn in hawng ve ta, ka lawm lutuk hi tih lan dan tur phawh ka hrelo. Ngawi rengin car ah a rawn lut a, ala lungawi vak loh anih hmel, lo dawnsawn dan vak ka hriat loh avangin ngawi rengin sakawr in lam panin ka tlanpui nghala.Hmai chhana en ka duh loh avangin side glass atangin a awmdan chu ka en leh zeuh thin a,tunah hian hmeichhe thinrim thlem dan min hrilh tu tur ka mamawh takzet.
Sakawr in kan thlen chuan Nick a rawn chhuak nghal vata, hepa hi engvanga rawn kal nge maw anih le?
" i ko ami? " ka tih chuan alo bu nghata, hreptak chuan leh.
"i rawn haw tawh dawn lo emaw ka ti alawm" a rawn ti zui zat bawk.
Chapter-22
.
Nick chuan Lola chu kawngka alo hawn sak nghal vata kei erawh ei loh hmel zet in ka lo awm thung.Ngawi rengin sakawr intlansiak na ah ka kal daih a.
" Hi! Kai... "
" hi!! pu Curvy " Pu Curvy hi sakawr chung chuan thiam ani a,helai hmunah hian a awm deuh chawt ani ber mai.
" kan va in hmu khat ve... khawiah nge Nick hi?" a tih chuan kan thutna atanga hla vak loa Nick an Lola sakawr chung chuan a zirtir lai chu ka zuk en a.
" oh!! Nick chuan a bialnu thar a rawn hruai ani maw!! " a tih chuan ka sa nghal phat.
" pu Curvy.... thil pakhat min tih sak thei angem? "
" Enge ni? "
" ka nupui khu Nick ni lovin nangman i zirtir thei angem? "ka thusawi avang chuan a nui nghal huah huah a.
.
"tehreng mai, i nupui nen in inneih dan chungchang kha ka lo hria a mahse tunah chuan an sawi ang kha chu anih hmel loh"
" maw? " a sawi awmzia ka hrelo.
"a awmzia chu i nupui leh hmeichhe dang i melh dan a in ang lo" ka bo tulh tulh mai.
" Naua... tha takin le, khu hmeichhia khu mi enge maw tak anih khu le" a lukhum parh zet khum pah chuan Lola sakawr chung chuan zirtir tur in a chhuk thla nghala.
Thatchhe zeta thut pahin Lola chu ka thlir renga
"i tha maw? " Nick chu ka bulah a rawn thu a, ka mood a off nghal vek.
.
"ngatinge Georgia hi i kal tir mai loh?"
" amah enkawl hi ka tihtur ani"
" anih chuan Lola ve thung hi"
" enteh Nick... tihtur min hrilh angai lo ang "
"Lola hi i duh tiraw...? " a tih chuan ka nui lui suk a.
"i duh zawk ani lo maw? " ka lo ti let ve ngat. "rilru na in awmtir tawh suh...a tuar hnem tawh emai"
"Lola hrechiang ang takin awm tum vel suh...i hmangaih Mighty kha neih let tum la atan rinawm hle la a tawk" ka tho thut a, Lola te awmna lam pan chuan ka chhuk thla nghala. Nick hian Lola hi a duh tak tak amawn le?
.
" Pu Curvy ka lo pui ang" sakawr chu ka vuan nghala.
" awle... tha takin le" ka dara rawn beng thak thak pah chuan a kal nghala.
" sakawr chung chuan lehzel pawh i thiam nange? "
" ka la chuang ngai hleinem"
" chu tak chu lawm i tlaw na..."
" khawiah nge Nick?"
" ka hrelo... khawi muang changin kan kaltir ange "A invawn ngheh theih loh avang chuan ka kut lehlamin ka veng reng bawka,darkar khat dawn ka kal kual pui hnu ah pawh ala ngai reng nia!! eng mihring nge maw anih le?
" Engthil teh hrep nge i ei bika... " ka ti vin nghal hluk a.
" maw!! ka chhuk duh... ka chuang peih tawh lo " a rawn ti ve nghal thah bawk.
.
"thiam engmah i nei lo anih hi"
"sakawr chung chuan hi thil awlai tak ani hleinem... bakah min zirtir tur in ka ti reng reng hieinem che"
" hahh... ka zirtir peih bik che i ring ami? "
" ka chhuk duh...min chhuk tir rawh... khawiah nge Nick kha... "Lalpa leh!! Nick bawk chu, thawk halh pahin ka kut in a chhuk tur chu ka dang tlata
"lo che suh" tih pahin a hnungah ka chuang ve nghala
"Engthil nge maw i tih le? "
"i hriat duh chuan Google mai rawh"rum zet hian min rawn melh a, mahse a lawmawm ka ti.
" min vuan tlat rawh aw...ka tla ange"sakawr a kal takah chuan a rawn ti nghal vata.Ka lakah chuan ani chu tê tak ani ka veng zo lutuk tlat,mahse engvanga tlak in ring tlat nge maw anih le?
" Kai... chak deuhin tlan tir teh... "min rawn nuih sang pahin a rawn hawi leta.
" awle... " ka ti tak na in ka tlan tir duh hauh lo, nau pai lai ani a hetia muangchanga kaltir bek bek hi a tawk chiah.
.
________________________________________
.
#Lola's Pov#
.
Vawin chu Georgia tello in nilengin Kai bulah ka awma a nuam takzet. Inhnial buai in ingeih lo hle mah ila ka hlim em em tho.Kai nen pawh a hma aiin kan inpawh ve telh telh a, ka hmuh dan chuan amah hi vawt hle mahse chhungril ah chuan lum tak ani thung mahse chu lumna chu tichhuak turin aman a dang bet tlat ni mai hian ka hria.
In kan thlen chuan midang an lo awm leh nek nek anga, Georgia alo inrawlh ve leh bawk anga Kai nen chuan in hmel hriat loh ang maiin kan awm leh ngei ang chuvang chuan sakawr intlansiak na ah khan awm reng ka chak takzet.
.
" ehe... ruah a sur dawn anih hi... " van lam hawi pah chuan ka ti a
"lut vat ang "
" awle... " inchhungah kan lut nghal a.
"Lola... lo kal teh" Mrs Burton chuan min lo kaihrang nghal vata.
" vawin chu a nuam em? "
" aw... nuam tak ani, Georgia a awm lo a"
" rawn kal ve a tum a, ka lo dang bet tlata, Nick pawh ka rawn ko haw daih anih kha"
" nu ka lawm e... "
" taka dinner in ei tawh em? "
" aw... ei tawh e... "
" animaw!! ka van lawm tak, Kai hian a duh chiang che lawm"
" nu... chutiang ani lo, vawinah pawh min vin char char "
" mi hi a vin ngai lo asin le... mahse a pawilo... i chau ngawt ang mu vat ru"
.
Mrs Burton in min phur pui em avang hian beiseina ka nei thar leh thin mahse hma ka sawn mawh khawp mai, hun ka la duh rei viau ang .
" Kai... in chau ang, va mu vat vat ru" Mrs Burton chuan phur zet hian a rawn ti a, kan mu dun ngailo tih a hre ve der si lo.
"kan rawn thlen ve chiah hi... " hepa han zei loh dan hi.
"a ho emai... Lola i chau tiraw? "
" aw... " ka lo ti fan ruih a
" kha... va mu vat vat rawh u... "
" ka nu... i khuasik ami? "
" hey...i nu hi khuasik ila min duh ami? "
" khawiah nge Georgia hi...? "naa.. Georgia a zawng leh ta!!
.
" ughh... khawi emaw ah a kal aniang..
.a rawn let leh em em ang, Nick pawh a chhuak a, khawi emaw ah an kal dun aniang "
"zan a rei tawh asin le...an rawn haw hunah min lo hrilh dawn nia..."
" awle... ruah sur hma in kal vat vat rawh u"
" Kai kal ila... " ka lo ti ve nghal vata, Georgia chauh a ngaihtuah bika tan ka lak vat angai.
"umm.. nu mangtha le" a nu chalah a fawp zeuh a.
" mangtha le... i pa pawh a hna a zo tep tawh a a rawn kal vat ang.. "
" mangtha le... ka nu" Mrs Burton chu ka kuah a " tha deuh in aw" ka beng bulah chuan a rawn ti sa sa a, nuih ver ver pahin car ah ka lut nghala.
.
A khalh laklawh lai te chuan sana a en seka, a chang leh a phone
" Georgia chu i ngaihtuah viau ami?"
" maw!!" ka tawng pawh a hrechiang hman meuh tawh lo .
" ughh... nia, ka nu in min rawn la hrilh lova... "
" a haw leh em em ang.... khawiah mah a kal lovang"
" a pum a puar tawh sia buaina a tawh chuan a in saseng thei lo tawp ang... " a rilru a awm ang ang chu min hrilh nghal phawng phawng a, ka lawm rual rual in ka thik takzet bawk.
" ahh... naute a rawn che... " a rilru lakpeng tum chuan ka han ti a
"ani maw! " car a ti ding thut a
" engtin nge a awm? "
.
Phur hmel zet hian a rawn hawi phei a, a kut chu la in ka pum ka han dawm tir vang vang a, thawk pawh a thaw tha ngam lo ani ber.
" naute..apa kut anih hi" ka tih chuan min rawn nuih suk a, a thinrim miah lo mawle!! Reilo te ah ka pum chu a rawn che talh talh a.
" kha... kha kha ka fa maw!! a rawn che ania... !!" a tawng buai nghal vek, a awmdan avang chuan ka nui chhuak hak a
" a hria che aniang... "
"a rawn tlawh khan a na em? "
" na lo e... "
.
Farm house kan thlen chuan ruah a sur nghal der, khawpui leh kawlphe nen a romantic vel vek.
"vawin chu ka sil takzet"
"anih chuan mu vat rawh.... "
" zanin chu couch ah ka lo mu dawn em ni"
" naute kha a che leh em? " thil dang daih a rawn sawi leh tawh,min chhan duhloh hi chuan thil dang a
a sawi daih zel.
" a rawn che leh tep tawh ang.. "
" ok... mu tawh rawh" couch a thut pahin a laptop ah thil a chhu lut mawlh mawlh a, hna a thawk leh tawh aniang. Khuma mut pahin a hna thawk lai chu ka lo thlir leh veng veng tawh.
.
" Kai... "
" umm... " a laptop ala en ngar ngar tho.
" a rawn che leh a.. "
" tunah khan maw!! " a laptop chu dah in khumah a rawn lawn ve nghala,
"hei a che... " ka dul rawn khawih a tum lai tak chuan Mrs Burton in a rawn call , a la rang ngei mai.
" Hello... " A ngawi vung vung a.
" engmaw!! " engthil nge thleng le?
" awle... kan zawng ange" tih pahin a tho thut a, a jacket chu a ha nghal mawlh mawlh a, a awmdan atang chuan a hlauthawng hle tih a hriat theih.
"Engthil nge thleng? "
" tun thlengin Georgia ala haw lo"
"anih chuan khawiah nge a awm ang..?"
" ka hrelo... lo va mu rawh ka rawn let leh vat ang "
" aih... ka lo kal ve duh"
" nilo... ruah a sur nasa lutuk, "
" anih chuan rawn let leh vat rawh aw... "
"awle... lo mu rawh aw... " tih pahin room atangin a tlan chhuak nghala.
Mut chu khawi lam ka harh tulh tulh maiin ka hria, ka vei chhen a khawiah nge maw Georgia chu a awm ang le? nge buaina alo tawk reng zawk?. Ruah a sur buan buan mai bawk si a ngaihtuah a na takzet. Midang ka call lah in an la thei bawk si lo, keimah chauhin ka lo buai ve em em ringawt.
.
Darkar thum lai a thang tawh engmah chanchin a rawn sawi bawk si lo, sana ka en seka dar1:30 a ri va tawh mai bawk si.Ka awm hle hle thei tawh lo, a chang leh ka mu a, a chang leh ka vei kual thul,Georgia in buaina alo tawk anih ngat phei chuan a hrehawm tur zia ka hriapui a chhanchu riahna tur leh eitur pawh nei lovin ruahsur karah vawi tamtak ka lo vakvai tawh thin vang ani.
Kai a rawn let har tak em avang chuan ka kawrlum ka ha sawk sawk a inhnuai ah ka tlanthla ve nghala.
Engpawh thleng se tanpui ngaiin an lo awm reng maithei, garage ah lut in hemi farm house enkawl tute car tawng tawh zet chu ka khalh chhuak ve thawr a, Georgia leh Kai te zawng turin ka chhuak ve nghala.
.
Rei fe ka tlan hnu chuan kawng lai takah motor chu a nung thei ta tlat lo,rei fe ka beih hnu pawhin ka beidawng thak. Ka awmna lai hriat chhuah tum in ka han hawikual vela, ngaw dur khup bak hmuh tur a awm lo. Tanpui tur zawngin kal dawn ila ruah a sur nasa in têk a tla chuaih chuaih mai bawk si. Motor tlan lai phar din dawnin tun ang hun tlai tawh lutuk ah motor hmuh tur a awm der mai bawk si lo. Ka phone ka han lek va va a, singnal pakhatmah ka nei lo leh nghal.
Hetia thut tawp ai chuan engemaw ka tih theih takin tiin ka kawrlum khum chung chuan a hma lam chu ka va hawng ve thawr a, siam ngaihna reng ka hrelo.
.
Ka huh vek tawh avangin ka khur zawih zawih a, ka hmui te pawh a duk vek tawh,ka kut te phei chu ka ti che tha peih tawh lo. A khat tawkin motor phar tur zawngin ka dak chhuak a,ka mangang tawh takzet mahni chauha ngaw hual khup kara riah chu ka ngam bik lo.
Chutia rei zet mangang taka ka awm hnu chuan motor headlight rawn eng va va ka hmu ta!!
Ka lawm lutuk hi sawi fiah vak ngaihna pawh ka hrelo, hmanhmawh lutukin ka tlan chhuaka, min hmuh loh hlau in ka ban ka phar lauh lauh bawk.
.
Car ka zawn a rawn thlen chuan a ding nghal chawt a ,vanneih thlak lutukin Kai ani hlauh!! mumang te pawh a ang zawk.
" Lola... " tih pahin nghet takin min rawn kuah bet nghal thlawp a.
"chhuak lo turin ka hrilh che kha... ka zawng nasa lutuk che asin... "tih pahin ka hmuiah a rawn fawp nghal tawn tawn a, mak ka ti bawk si awm ngaihna pawh ka hrelo,ka thiphu pawh a rang sawt hle bawk tunah hian Kai Burton an min fawp!! Lalpa leh Kai Burton an min fawp!!.
"i in ti na em?.... na i nei em? " min endik nghal vat vat a, keimah vangin Kai hi a mangang amaw!! engthil nge thleng ta hi ka awih thei lo.
" nei lo... mo... motor hi a rawn thi ringawt alawm" mumal tak pawhin ka tawng thei tawh lo.
"mawl lutuk.... " min rawn fawp lehnghal tawn tawn a, ka lo chhanglet rang kher mai.
*
.
" zanin chu ruah a sur nasat em avangin kawng an block a, naktuk ah kan let mai dawn nia.. "
" kawng an block maw!! anih chuan engtin nge kan tih tak ang? "
" heta tanga hla vak lo ah motel a awm a chutah chuan kan riak mai dawn nia... " Hotel pawh nilo motel maw!! engpawh chu nise Kai bulah chuan a nuam vel vek.
" Georgia chu... "
" a tha... a ngaihtuah awm tawh lo"
"a tha anih chu" nichin Kai an min fawh lai vel kha ka ngaihtuah let a, mimawl ang maiin ka lo nui leh ver ver thin, ani lah chu engmah thleng lo ang maiin a awm hmak bawk si.
.
" Hei motel chu kan thleng e... " thing veka sak hlui hmel tawh zet light pawl a motel tih inziak ve teng teng hi alo ni a.
"a chim loh hram ka beisei... " tih sup pahin a chhuak nghala,ka nuih aza takzet. Ka thut na lam kawngka chu min hawn sak ve nghalin a jacket chu min khumtir bawka, motel chhungah min kuah lut nghala.
Luh chiah ah chuan an manager ni awm tak nu lianpui hmelchhe lo tak zu heh hmel zet hi alo thu a.
" room pakhat chiah a awl tawh... " vannei in ti takin kan in nuih suka.
"awle..."
"zan engzat nge in riah dawn? " .
"zanin chiah ani mai" ka lo ti vata.
" awle... $1000 " ehe!! ava ti to em em ve, mahse Kai tan chuan eng tham mah ani lo.
.
"condom pawh a awm ania $10" chewing gum thial tuam tuam pah hian a rawn ti a, ngatinge pawh ka hrelo ka zak tlat anih chu!! ,bakah helai hmunah hian thil a to em em vek anih dawn hi.
" ughh... ka lawm e... " Kai lah chu a nui duh der bawk si lo,a zak ve lo aniang.
" kha... chahbi, mamawh in neih chuan min lo hrilh dawn nia... " Kai chu a kal nghal daih a.
" awle... " tih pahin ka zui chho ve nghala.
Show post links
Top
Ngaia
Site Admin
Quote
Unread post December 3rd, 2017, 1:15 pm
Chapter-23
.
Kan room tur a ka luh chuan a lo thim khup a Kai erawh tukverh bulah min hnung chhawn zawngin a ding daih thung. Light dim zet chu ka on nghal vata ,room lah chu a hlui in enkawl that vak ani lo tih a hriat hle ,bangah chuan chanchinbu emawni hi a inbel thluah a, a in ziak rang nuai bawk.Kawlphe zawk zawk lai en chungin Kai chu a ding renga thil ngaihtuah te pawh a ang zawk.
"heater a awm bawk si lova a vawt ngei mai " ka thawmhnaw a huh vek avang chuan ka khur der der a, intuam lum tumin khuma puan lo awm chu ka zuk ban thuak a
" khawih suh" Kai chuan a rawn ti nghal hluk a, ka che ngam tawh lo puan ah khuan rul emaw maimawm emaw a awm ani hrim hrim ang.
.
"enge?" hlauthawng ru deuh chuan ka ti nghal vata.
" Puan kha a bal ang a tenawm khawih suh" ka thaw nghal huai,chumi tê sawi tur ringawt chuan min ti hlauthawng hman alawm.
"a vawt alawm... " tih pahin ka la lui ta tho a, duh thlang thei dinhmun ah pawh kan awm loh hi.Ka thawmhnaw huh far tluk tluk chu ka phelh then a, intuam lum na tur a awm bawk si lo a vawt takzet.
" vawt i ti lo mi?"a ngawih reng avang chuan ka han ti sap a.
" Hetah lo awm rawh... ka rawn let leh vat ang " tih pahin a tlanchhuak nghal daih a nih chu!!
.
Engthil nge a tih dawn le? keimah chauhin min awm tira,a thim em em lehnghal,hawi kual hruk hruk pah chuan ka thu ran a.
Signal a awm takin tiin ka phone chu ka ipte atangin ka la chhuak a,tui nen ka phawrh chhuak ta mai!!.
" Lalpa leh....engtin nge ka tih tak ang?" ka phone hmeh nung chu sawi loh tui a rawn far ta tluk tluk mai, ruah ka do na lam ah khan ka ti huh palh anih dawn hi. A that leh tak thutin tiin badsheet chuan ka hru nghal nawk nawk a,Mrs Burton te kan biak loh chuan min lo ngaihtuah tawh ngawt ang.
.
Chutia ka phone ka buaipui lai tak chuan têk a rawn tla ta thut mai!! Tê tuarh pahin khum sir kilah ka biru nghal vata,a rawn tlak leh thut ka hlauh avangin maimichhing chungin ka beng ka hup tlat bawk.
Ngatinge Kai hi a rei em em le? hetiang hmunah keimah chauhin ka awm ngam lo asin,pawngsual ka nih khan hetiang chiah hian ruah a sur a,light dim takin a eng ruih bawk chu chuan min ti hlauthawng a,ka thau ah min man tlat bawk.
Ka khup ah an rawn khawih avang chuan ka phu zawk a ka meng nghal kawk bawk,.
" Kai... " tih pahin ka kuah nghal hlawp a,ka hlauthawng hman takzet.
.
" Khawiah nge i kal daih a? " tap aw tuau chuan ka ti a, ka awmdan chu a hrethiam aniang ka samah duat takin a rawn chul heuh heuh a.
"kha heihi ha rawh... " sweat shirt lian zet hi min rawn pe a, ka lo bu nghat bawk.
"hlau tawh suh ka kal sawn tawh dawn lo... " zawi sap hian a rawn ti a,ka thlamuan pui takzet. Ka inthlak lai chuan tukverh lam a hawi daih a, zanin hi a cool zual riau in ka hria.
" Khawia mi nge... kawr hi?" a len em avangin ka khup a thleng thla tep.
"umm... car ah hak thlak tlem ka dah alawm" anih chuan tuna ka hak lai hi Kai kawr maw!! Lalpa leh!!... a thawmhnaw hak chu sawi loh a thil engpawh tuma khawih phal lo thin khan a kawr min hak tir ania, ka mumang ani zawk hial lo maw? bakah a ten chhe emai midang hnawmhnaw chu min hak tir lo tawp ang.
.
Ani pawhin a kekawr a thlak a, mahse a kawr ka hak daih avangin kawr ha lo chuan a awm ta ringawt a, a vawt viau ang le.
Light dim tak karah pawh a abs leh pian nalh zet te chu ka hmuh hmaih hauh lo,a chhelo takzet ani tih hi a in hre ve angem le?
" vawt ila ti em?"vawt ti hle mah ila tih theih dang a awm chuang lo chuvang chuan a ngaihthat nan tiin ka lo bu nghata.
" mahse i kut a vawh vek hi" ka kut chu a rawn hum vang vang a.
"vawt ka tilo... nangmah zawk khan vawt i ti ang.. puan hi sin rawh" tih pahin puan chuan ka tuam nghal thuk a, a duh lo ngei mai.
.
"Kai.... " tih pahin ka thut hnaih deuh a.
"ka lawm e... " hriatthiam loh hmel zet hian min rawn en a.
"min rawn zawng tura i rawn kal avangin..."a tawp a tawp ah a rawn nui ve suk mai.
"mu tawh rawh... " a ti ve ziah.
"anih nang? "
" keipawh ka mu vat ang.... "
"chhuak tawh suh aw... "
"ngatinge thim hi i hlauh em em a?"ka mit ah tak a rawn en kalh a.
" Kai... pawngsual lo ni tawh ta ila a pawi em? " Engvanga sawi chhuak nge maw ka nih le? mahse engtin nge a awm ang tih ka hriat chak vang ani, min ten anga min chhuah tir maithei bawk.
.
Ka zawhna avang chuan a awmdan a danglam eih lo,min en reng avang erawh chuan ka hlauthawng takzet. Min ten a hnekin ka sam hnawp chap chu ka bengah a rawn zep a
"a pawi ka ti lo"ka sam a tham deuh pah in duhthawh zet hian min rawn fawp nghal tawn tawn a, ka rin loh ang deuha a awm avang chuan mak ka ti a ka lawm hle bawk.
A aia duhthawh lehzual chuan min rawn fawp leh nghal tawn tawn a ,ka fawp let lo phal lo hrim hrim.
Ka kawr chu rawn zen in ka hnute chu a tham nghal tawn tawn a, a fawp bawka ka lo rum leh ham ham thin.
A thaw lum ham ham te chuan min ti phur zual a,kan in mamawh tawn zia hai rual ani lo.Ka mumang mai mai ani lo tih ka inhrilh nawn mawlh mawlh a, Kai hmel ka hmuh ringawt pawh hian ka lungawi hliah hliah.
.
Duat takin ka pum chu a rawn fawp a
"a pawi lo ang tiraw?"a rawn ti sap a, a metmeng a chakna tamtak te chu ka hmuh hmaih hauh lo.
" umm... " tih pahin a kekawr kilhna chu ka phelh sak a,nuih suk pahin a phelh thla nghal vat bawk.Khawpui ri dur dur te leh têk tla te chuan hmun an chang tawh lo.Zawi muang in a rawn lut riai riai a,ka rum chhuak hial. Duat takin ka chalah a rawn fawp zeuh thin a a chet vel dan chuan min ngaihsak zia leh min ngaihtuah zia a ti lang chiang hle.
A khat tawkin ka hmuiah a rawn fawp leh zeuh thin a,he thil thleng hi ka mumang mai mai nilo se ka ti takzet.
.
_________________________________________
.
Ka harh chuan khua alo var der tawh,Kai ka zawng nghal vata mahse alo tho daih tawh. Zik mar pahin pawnlam ka thlir veng veng a, khua a thiang in a nuam takzet.
" Khawiah nge Kai hi a kal ang le? " tukverh ah chuan ka dak chhuaka, a car chu a awm bawk sia.Tih tur dang a nei aniang tiin thut mai mai pahin nizana thil thleng vel chu ka ngaihtuah a, ka mumang ani lo tih ka hriat in ka lo nui leh ver ver thin.
Chutia mi â ang maia ka lo in ngaihtuah veng veng lai chuan Kai a rawn lut a.
" morning" nizana ka thawmhnaw huh zawr vek kha ro diam hian min rawn pe a.
.
" eheee... a ro, i tih ro tir ami? "
" umm... in ha la, farm house lamah kan let vat dawn nia... "
" awle... ka nu te i be tawh em? "
" aw... kan riak chhuak tih i hrilh chuan buaina ah i in hnuk lut ani mai" min rawn nuih suk pah hian a rawn ti a, ni e... a sawi dik ang Mrs Burton hi chuan min ngaihtuah leh lutuk a, Motel ah kan riak tih a hriat phei chuan Kai a hau reng anga chuan keipawh ka duh na hmun a chhuah min phal sak tawh lo ang chuvang chuan zep tlat ka duh.
Ka kawr ka kilh mai theih loh avangin Kai an min rawn pui nghal vata.
" nizana ka thil sawi kha ka ti tak tak ania... " ka hmai rawn khawih zeuh phahin a chhuak nghal daih a.
.
Anih chuan Pawngsual pawh lo ni mahila Kai chuan pawi a ti lova min en hniam hek lo tihna a nih chu,hepa hi chu mi danglam tak zawng ani.Midangin min ngaihtuah kan hlauh avangin khawiah mah kal kawi loin farm house lam kan pan ding nghala,dawr pakhat lian lutuk lo kan thlen chuan car a ti ding thut a hmanhmawh takin a kal chhuak nghal bawk.
" lo chhuak suh ang che" tih pahin mipa pakhat la upa lo tak hma ah chuan a ding ran a, Engemaw a hriat ni khatiang khan a awm thut le?
Mipa pakhat nen an inbe lai chu car atangin ka lo thlir renga thil diklo a awm tih ka hre nghal.
.
An inbiak mawlh mawlh lai chuan chupa kawr nghawngah chuan Kai an a tham ta thut mai!! Hmanhmawh lutuk in car atangin ka tlan chhuak nghala.
" Kai... " ka tawng ri a hriat chuan a thlah nghal vata, thinrim tih hriat tak hian car lam panin min kai phei nghal hlawk hlawk a, thil thlen dan hi ka hrethiam lo takzet.
Kai mood chu a off leh nghal vek tawh biak ngam pawh ani lo hma lam chauh a melh ngur ngur a, khapa kha ka hriat ngai ani bawk si lova engvanga inti thinrim nge maw an nih le?
" Kai i thinrim ami? " ka ti ta ringawt a
Rawn hawi phei pahin ka kut chu a rawn hum vang vang a
"thinrim lo e"zaidam deuh hian min rawn chhang a, a hmel ah a thinrim tih a hriat vek sia dawt min hrilh kher angai amawn le?
" i ti tak tak em? " min rawn nuih suk a, hepa tawng tlem leh lutuk hi chu a buaithlak,
" Kai... ih!! ka pa hi engtik ah nge a rawn kal ang... " ka tum loh deuh ka zawt daih, Georgia chungchang zawh ka tum asin le..
" ka hrelo... " min chhang bul thei lutuk a, sawi tur pawh ka hre tawh lo.
.
Farm house kan thlen chuan thawk lak hak pahin chhuah nghal ka tum a
"Lola... " ka hawi let rang kher mai.
"i nghawng hi... " tih pahin ka sam chuan ka nghawng duk lai chu a rawn hliah a, nizan a kan chetna vel avanga duk pawh ani mahna.
" i rawn lut ve dawn lo mi? "
"umm.. lo va lut la ka rawn kal vat ang "
" awle... " zawhna dang zawt lovin ka lut tlang nghala.Inchhung ka luh chuan an lo tei suau suau a, thil pui deuh thleng tur te pawh an ang zawk.
" Engthil nge thleng le?"mi zawng zawng chu an buai hmel takzet.
" Rita... engthil nge thleng? "
" umm....Mr. Franco leh a nupui in dinner an rawn ei dawn a "
" oh!! anih chu.... "
.
" Lola...inthlak vat rawh ,pu Franco te nupa pawh an rawn thleng tep tawh ang " tih pahin Mrs Burton chuan ka thawmhnaw hak tur min rawn pe a.
" awle... ka nu i car ka hmang thei angem? "
" hmanhnawh la aw... " tih pahin chahbi min pe nghala.Ka thawmhnaw kan riahna farm house ah a awm daih avangin hmanhmawh takin ka inkhalh chhuak nghala, Mr. Franco te nupa chu an pawimawh viau anih ka ring chuvang chuan Kai hmel ti mawitu ka nih dawn avangin ka theihtawp ka chhuah angai.
.
Kan awmna Farm house ka thlen chuan hmanhmawh takin ka tlan chhuak nghala.Garage a car thar nalh zet lo inhung chuan ka mit ala nghal zar mai,midang an rawn kal amawn le?.
"Ka pu... tu car nge? " Farm enkawl tupa chu ka zawt nghal vata.
" Big Boss an min pe a? " mak tih hmel takin ka en ha a.
"ka car ve kha a tawng tawh lutuk a mi an che sual ang a tia ka duh lo chung min pe ta anih kha... Boss hi chu a fel ngawt mai " anih chuan keimah vanga pe ani thei mai angem? car kha ka ti chhe daih sia.
.
Hmanhmawh lutuk in Mrs Burton in kawr hak tur min pek chu ka ha nghal sawk sawka,ka sam chu felfai takin ka bawk a, ka hmui ah lipstick sen tak ka hnawih tel bawk. Ka insiam mawlh mawlh lai chuan Kai a rawn lut hlawl a.
" Kai...ka kawr hi min lo zip sak" ngawi rengin ka kawr chu a rawn zip a, ka hmanhmawh bawk nen ka che buai leh nuai tawh.Ka pheikhawk sen sang zet chu ka inthawlh nghal vata,ka ke a na nghal in ka hria.
" a sang lo i bun thei mai lo ami? " a ngaimawh ve ngang aniang, a rawn sawi chhuak hlawl mai.
" khual lian kan thleng dawn a, thing deuhin ka hmachhawn thei hleinem"
" fimkhur la"
" tehreng mai... kal ang ka hman".
.
Ka in hak bulh em avang chuan coat fual dum hian min rawn khuh nghal vata.
"vawt i tih chuan phelh kher angai lo ania"
" awle... " ka inbun san em avang chuan ka hnung lamah min lo veng a.
" Kai... ka tlu dawn lo " a ngaih a tha thlawt lo aniang, ka hnung lam atangin min veng reng tho.
"Fimkhur rawh... " chupawh chu min van hrilh zing tawh tak.
" Kai...ka fimkhur alawm"
" pheikhawng hniam bun mai rawh... "
"ka kawr nen a inmil dawn lo asin"
" awle...a tha e" tih pahin a chhuak hnasa nghal dauh a, a ruk chuan nuam ka ti takzet, Kai hian min ngaihtuah ve tak tak tawh in ka hria.
.
Mrs Burton te riahna farm house kan thlen chuan an lo chei mawi takzet, a eng pup a ,ka rin aiin an cheimawi daih.
" Lola... in va rawn thleng hma ve... " Mrs Burton chuan alo ti vata, diktak chuan ka hmanhmawh ve bawk em ani.
" Kai... Lola hi Mr. Franco nen kan inhmel hriat tir ange? "
" awle... " Mrs Burton chuan min hruai hrang nghala, Kai bula awm kha ka la chak asin le.
"Lola... zam miah suh aw... ka nervous em avang chuan fiamthu titak deuh hian a ti a ,ka lo nui suk ringawt.
" Pu Franco ...hei ka monu Lola anih hi ..." Pu Franco a rawn hawi chuan ka meng phawk nghal kawk a ,Mr.Franco an min hmuh chuan mak tih hmel takin min rawn melh ve bawka .
.
Chapter-24
Tawng mai nachang pawh ka hrelo,
" Hi!! Lola... " Pu Franco nupui chuan a lo ti vata,
" Hi... " Pu Franco melh hrek hrek pah chuan ka lo ti ve bawka ,min hmuh thut avang chuan ani pawh tawng ngaihna a hre bik lo niin a lang.
" Hi!!... Mr. Franco, ka hmu che chu ka lawm hle mai" thawk halh pah chuan ka han ti a, min nuih suk pahin min rawn chibai nghal vata.
"i hmeltha hle mai... Kai kawppui ni tur awm tak i ni"Pu Franco nupui Elizabeth in min tih chuan ka nui chhuak hak a,ka hmelthat thu hi chu min hrilh fo mahse Kai nen inhmeh erawh tumah in min la ti ngal lo.
" ka lawm e.... "
" Lola... Pu Franco hi Kai pa thian tha tak ania...heta a awm lai ani hlauh a kan vanneih phah ta anih hi " Mrs Burton chuan min lo hrilh fiah nghal zung zung a.
.
" Khawiah nge Nick hi?"Pu Franco an a rawn tih takah chuan ka hlauthawng kher mai, min zawh ka ring sa reng bawka.
" Khawiah emaw a awm aniang...Kan pa chu awmse nuam a ti ngawt ang, hna vangin ala rawn kal ve thei bawk si lova... "
" ni e....London ah kan kal leh dawn tho alawm Hammad chu dinner ka kil pui ngei angai ang"
" oh!!...Pu Franco pawi i tih loh chuan Eli hi thil ho te pek ka duh a,min lo hrethiam lawk thei angem?" Mrs Burton chuan hawihhawm tak in a han ti a.
" Tehreng mai..."
"Lola... ka rawn let leh vat ang"
Ms Elizabeth chuan a pasal chu a fawp zeuh a, inchhung lamah an inzui lut nghala.
.
"in tur i duh belh em?" pangngai taka awm hram hram ka tum a mahse a harsa takzet.
" umm... kan inhmuh lohna a rei ta hle mai... " nuih suk pah chuan ka han ti leh ringawt a, a ruk tak chuan ka hlauthawng kher mai.
" Nick a tha maw? "
" umm.... ughh...a tha lutuk"
" Kai nilo in Nick a nupui zawk i ni maw ka ti hman alawm... " Nick nen kan inngaihzawn lai khan Pu Franco hi kan inkar siam tha tu ber ani thin. Nick hian pa ang maiin a en a kei pawhin ka nelin ka pa ang maiin ka en ve bawk mahse hetiang hian kan inhmu leh ang tih ka ring pha lo.
.
"umm... Mighty i nau pai lai chu enge a an? " a rawn ti leh a,ni e... mak ti tur pawh ka ni lo ka hmel hre lo mahse Kai nen kan chanchin hi chu an hre thup alawm.
"Pu Franco.... khawngaihin Lola min ti thei angem? "
"ngatinge hetiang hian i awm tak?"
" Hello... Mr. Franco... " Kai a rawn kal thuta,Pu Franco nen chuan an in chibai nghal bawk.Hlauthawn hmel deuh hian ka en kar a,Nick nen kan chungchang a sawi chhuah ka hlau takzet.
" umm...nupui fel tak ani"min rawn melh zeuh pah chuan a ti a, ka awmdan chu a hrethiam anih ka ring min hrelo ang mai chuan a awm nghal a, ka lawm takzet.
" min lo hrethiam lawk teh u... " tih pahin inchhungah ka luhsan daih a, Pu Franco bula ka awm reng chuan thil a kal buai mai mai .
.
Keimah chauha awm ka duh avangin inchung ber balcony ah wine in pahin ka thu mai mai a,thil eng eng emaw ka ngaihtuah a a chang leh awmze nei lo in ka nui leh hak thin.Ngatinge maw ka nun hi a harsat em em le, hma lam ka pan veleh ka nun hlui bawkin min rawn ti buai leh thin. A hmasa berin chhungkaw thar ka nei a mahse chu chu ka vanduaina intan na chauh ani si, ka hlim ve dawn emaw ka tih apiangin ka min ti tap tu ani zel zawk a, mi vanduai tak ka va ni em.
" ngatinge nangmah chauh a i thut?"Nick chu ka bulah a rawn thu a.
" Nick... Mr. Franco a rawn kal kha rawn kalsan mah ta che "
.
"i hlauthawng tiraw...? "
" zep lo chuan aw... " ka wine ken lai chu ka melh vung vung a.
"ka tihpalh takzet... hetiang hi thleng tur ani lo asin... "
" a ho lutuk... keimah a awm ka duh zuk chhuk tawh rawh an lo zawng ang che... "
" hlauthawng tawh suh.... tumah in an hre chhuak lo ang..." a mit ah tak ka en chho a, a rilru a na hle tih ka hre thei,ni e...kan inkar chungchang hi zep tlat angai a Nick tan chuan a hmangaih ber chungchang thup tlat chu thil harsa tak ani ngei ang .
" Nick... "
" umm... " zawi sap hian a rawn ti a.
.
" ka kal bo nachhan kha i hre duh tiraw?"
" umm.... mahse tunah chuan ka hmu leh tawh che a, i dam tih ka hre bawka thil dang engmah hriat belh ka duh tawh lo... "
" mahse ka kalbo khan ka inthiam lo takzet ani tih hi hria la ka duh engkim kha ka thiam loh vek anih kha...mahse khawngaihin kei chu min theihnghilh tawh rawh " a ngawi renga,duat takin ka kut chu a rawn beng thek thek a.
"Lola... ngatinge maw i hlauhthawn em em zel le...keipawh thawveng deuhin ka awm mai mai hi.... " boruak tih ziaawm nan chuan fiamthu a rawn thawh zeuh a.
.
"hawh chhuk tawh ang.... min lo zawng palh ang... " a tih chuan ka lo bu nghat a.
"Nick... ka lawm e" lawmthu sawi hi ka ba nasa takzet, ka inthlahrung a ka inthiamlo tel bawk.
" Lola... i ke chu ava vung nasa ve... " ka hma ah tak a khup pakhat zawk thingthi chung chuan ka ke chu a en nghal vata.
" nia...ka hre tawh bik lo"
" i naupai vang anih hi.... chuan pheikhawk sang bun tawh suh aw... " tih pahin ka pheikhawk sang zet chu min phelh sak nghal a.
" mahse.... pheikhawk sang tello in ka awm thei lo tih i hriat kha... " tiang kawngah chuan Nick hian min hrechiang khawp ang, tui cheng tura kan kal dun pawhin ka bun zel thin kha ania,ke ah bandaid bel tup chung pawhin ka bun lui tang tang peih.
.
" i nau pai tan a tha hleinem.... nakinah a rawn pian hunah pheikhawk sang nen a rawn piang mai tur ania...." ka nui chhuak hak a, ka sawi tawh kha Nick bulah hi chuan ka hlim em em zel mai.Ka ke chu zawi te te hian a rawn hmet a, a kham na thum kha a reh sawng sawng in ka hria.
" tikhan a zia deuh tawh em? "
"aw.... ka ke a na thei lutuk a"
"tun bak chu bun tawh suh aw... "
" umm....ka hrelo le "
" hahh....i luhlul ve ngawt mai,engtik ah emaw dinner kan ei chhuak thei angem? "
" tehreng mai....French restaurant ah aw... "
" awle... "
"hawh chhuk tawh ila...." min nuih suk pahin min kaitho nghala.
.
Step a ka chhuk thlak dawn chuan ka ding thut a Nick chuan mak tih hmel takin min lo en ha a.
" Nick... khawngaih in i chhuk hmasa thei angem? " a hriatthiam loh hmel takzet mahse Kai an min hmuh dun chuan a ngai dik lo ang tih ka hlauh vang zawk ani.
" Ngatinge? "
" umm.... ahh...nakin ah ka rawn kal ang "
"I pheikhawk vang kha mi? ka lo pui ang che... " tih pahin ka kawngah a rawn kuah nghal chat a.
" nilo.. Nick... " a hrethiam der mai bawk si lo, han hrilh tawp ka hreh ve bawk si.
"lo kal rawh le... "kan chhuk dawn chiah tihin room pakhat atangin Kai a rawn chhuak ta thut mai!!
.
Kan awmdan a lai bawk nen Nick chu hlauhthawn hmel takin ka en ringawt a,mahse Nick erawh in min thlah a tum hauh lo min kuah nghet sauh thung.Kai chuan Nick kut chu a rawn melh zeuh a mahse engmah a sawi lo .
"inhnuai ah kan nghak tawh che ania. ." tih pahin min rawn kaih a tum a.
"keiman ka rawn hruai mai ang... " Nick a tawngkam avang chuan ka meng phawk nghal hraw a, nidang chu nise min kaltir ang mahse enge awmzia zanin hi?
"awle a tha alawm... "Kai chu ipte zen chungin a chhuk thla nghal hmak anih chu!!
Hepa hi enge maw a hriat le, tlem te talin a thik ve ka lo ring asin, anih loh vek pawhin hope ka lo pe sang lutuk pawh ani mahna.
.
Kai awmdan chuan ka lung a ti awi lo takzet mahse ka tilang lem lo.
"Nick... keimah in ka kal thei alawm" tih pahin ka chhuk thla nghala,min rawn zui ve vat bawk.
Kan vai chuan dawhkan kan kil thapa, Kai erawh ka ep chiah ah a thu daih thung a bulah Georgia a thut loh avang erawh chuan ka lawm ru hle.
Mrs. Burton leh Pu Franco te inbiak lai chuan midang erawh kan ngawi thap thung, Kai chu ka melh leh zeuh thin a min rawn melh let ve eih lo nia. Nizan kha chuan a fel in min ngaihsak hle si a ngatinge tunah a mizia a thlak leh daih le?
" Kai ngatinge Lola bulah i thut loh" Pu Franco an a rawn tih chuan min rawn en zeuh a, a tawp a tawp ah min rawn melh ve ta.
.
"Duh duh na ah a thut theih alawm... " Pi Elizabeth chuan Kai chu alo chhan nghal vata, Pu Franco hian Kai nen kan inhmangaih lo tih a hriat avangin Nick nen inkawp tha leh turin min duh takzet tih ka hria ,kan inkawp leh theih nan theihtawp a chhuah ngei bawk ang mahse engkim a hma ang khan a awm thei tawh lo tih a hre si lo.
"ugh...Lola rai vanga in nei mai mai in ni tih ka lo hria a pawi ka ti khawp mai" a rawn ti leh kher anih chu!! ngatinge maw buaina ah min hnuh luh a tum tlat le, nilo a ngaihdan ah chuan Nick nen kan inkawp leh theih a rin vang ani.
" a dik alawm... " Kai a chhan dan chuan min ti na nghal zawk !!,hriatthiam loh hmel zet hian ka va en a mahse ani erawh thil a ei mial mial thung.
.
Kan inkar hi a tha chho tan emaw ka tih laiin ngatinge heti hian a awm thut mai le?
" anih chuan a rukin ngaihzawng neih a awl dawn anih chu" pu Franco tawngkam chu mak tiin kan ngaithla thap hlawm a,tumah kan thil ei a tui tawh lo mahse a sawi hi a dik vek bawk si.
" Dear.... enge maw i sawi le... an la in hmangaih dawn chauh alawm... tiraw Leah... ?" pi Elizabeth chuan alo khuh mawi zung zung a, tumah tawng nachang pawh kan hre tawh lo.
" Ni e..." Mrs Burton chuan alo ti sap a.
"puar deuh in ei ang u aw.... " Pu Franco chuan Nick nen min rawn melh zeuh pah chuan a ti a, engmah thleng lo ang maiin a ei chhunzawm leh hmak bawk, midang erawh kan thil ei a tui thei tawh lo.
*
*
Mr. Franco te nupa an haw fel chiah tih chuan Maisie in min rawn call avangin rei tak kan han in be leh te te phawt a, a buai em avangin kan inbe khat tawh bawka sawitur kan ngah ngei mai mahse Kai nen kan chhung chang leh nizan thil thleng erawh ka hrilh lem lo.
" Lola....Kai an a nghak reng tawh che ania... " Mr. Burton in a rawn tih avang chuan phone ka dah nghala vata.
" awle... ka rawn kal nghal.... "
"reilote awm leh ula tha tur ania.... Kai an haw a ti tlat sia mahse pawilo naktuk ah kan inhmu leh vat dawn tho lawm"
"nia.... khawiah nge Georgia hi...? " zanin chu Georgia a vang riau.
" a awm a nuam vak lo aniang.... Nick a awm hlauh a a zia deuh.... "
"ok... a nih chuan ka kal mai ang.... "
" awle.... mangtha le.. " tih pahin ka biangah a rawn fawp zeuh a.
" oh!! ka thiahnghilh tep alawm... lo va chhuak la ka rawn kal leh vat ang "
" awle.... " tih pahin muangchang in ka chhuak a.
Kai chuan alo ning leh tawh ngawt ang mi nghah a thei lo ropui si.Car lam panin ka kal phei chhat chhat a, ka ke a na tawh takzet.
" a dik alawm... ka nupui ania a pawina a awm ami? " Kai leh Nick te inbe thawm ka hriat avang chuan bang phenah ka ding nghal vata.
" hmela....khawih hlek suh ang che"chutiang tawngkam chu Nick an a hmang ngai lo, mahse a thinrim hle anih dawn hi mahse engvangin maw?keima chungchang an sawi in ka hria,mahse ka bihruk tlat avangin an awmdan ka hmu thei lo.
.
"Engmah tih theih i nei lo? "
"Lola hi i hmangaih lo a, i engmah anih si lo chuan ngatinge i kaltir mai loh"
" a duh chuan a kal thei reng alawm..." Kai a chhan dan avang chuan ka rilru ana takzet, atan chuan inkhualte lemna naute lem ang lek chauh maw ka lo ni a.Ngawi rengin ka ding khawng renga awm dan tur pawh ka hrelo. Atan engmah ka nih si loh chuan nizan a hun hlimawm tak kan hman dun pawh kha engmah lo mai anih chu!! Ka rilru na lutuk chu ka melh ngai ka melh renga, enge ka tih hmasak ber tur pawh ka hrelo.
"a nun zawng zawng i tih chhiat sak vek tih i hria em? "
"Chutiang hre tur chuan ka buai lutuk tlat... " tih pahin car kawngka inkhar ri ka hre zui bawk.
.
" Lola... hre lo angin awm rawh" keimah leh keimah ka infuih nawn char char a, ka mittui rawn tling pawm tawh chu tih tlak ka tum hauh lo.
" i theih tur ani"engmah hre lo ang maiin ka kal a, ka hlawhchham lek lek .
" Lola... i puar em?" Nick chuan alo ti vata, Kai erawh car chhungah a thu vang thung.
" mangtha aw... "engmah thleng lo ni awm tak chuan min lo nuih sang a, chu chuan ka hnuk a ti ulh tlat anih chu!!
Ka tawng chhuak thei tawh lo nuih suk pahin car ah ka lut nghala, theih nise mangtha tih let tal chu a phu asin mahse ka tawng anih chuan ka tap ani deuh nghal mai.
.
Kai chuan ngawi rengin a khalh chhuak nghal a,min biak loh chuan biak ka tum bik hauh lo.Tukverh lam ka hawi tlata a hmel ka hmuh ringawt pawh hian ka thin a rim.
Farm house kan thlen chuan a lo reh leh thap tawh , car a tih din rual rual chuan ka chhuak nghal hmak a, khawngka ka khar nghal chawrh bawk.Inchhung ka luh chuan ka thinrim zual emaw tih mai tur ani, thawk kan han la kawk kawk a. Ka pheikhawk takngial pawh ka phelh peih tawh lo,ka tlawh thal ve mai mai.Kai rawn luh hma hma in inchungah ka chho nghal hmawk hmawk a, ka thin ti rim tu ber chu min duh emaw ka lo tih kha ani.
.
Kawngka ka kalh tlat avang chuan a rawn chum dawt dawt a, hawn ka tum hauh lo.Khumah thu in ka inngaihtuah nasa hle, a khat tawkin ka thinrim lutuk chu ka vei kual thul.
" Nizana thil thleng zawng zawng kha engmah lo mai maw ni a" nilo, ani thei lo.
Kawngka ka hawng nghal thuai a, rang lutuk in inhnuai ah ka tlan thla nghal bawk.
Kai chu couch ah bawp khawkherh chung hian a lo thu run a
" Nizana thil thleng kha i tan awmzia tlem te tal a nei miah lo ami? " a ngawi renga, chu chuan ka thin a ti rim zual.
.
" tlemte tal pawh... " ka han ti leh a
" Lola... nupa kan nih angin kan tih tur kan ti mai chauh ani "
" maw!! " ka thinlung hi vih sawk sawk ang maiin a na takzet,kan chheh vel te chu a reh nghal duk in ka hria.
"khatiang thil mai mai avang khan ka rilru put hmang ka thlak i ring ani maw?"
"chutiang chu engtin nge i sawi theih zawk? nawm chen nan chauh min lo hmang mai mai amaw?"
"i vawi khat tawnna a ni chuang hleinem... mak ti tak ang khan awm suh... "
" tenawm lutuk... "
" tenawm a!! ka tenawm amaw!! hahh" a nui ri hak a "Nick nen inchung balcony ah chance in nei a, i ke a hmeh sak bawk che a kha kha tenawm ani lo maw!! "
.
Nick nen kan awmdun lai min lo hmu leh hman tawh ani maw!!
"duhtawk rawh.... "
"kan inkar chungchang hi chu business thil chauh ani" a phone a rawn rik avang chuan a pickup nghala.
" Hello.... "
" maw! " a meng phawk nghal kawk a.
"awle... ka rawn kal nghal" phi buai miah lo mahse a hmelah buaina liantham a awm ani tih ka hre nghal, engthil nge niang le?
"Engthil nge thleng? " min chhang lo in a chhuak nghal daih a, ka zui nghal vat bawk.
Car a tih nun lai chuan rang lutuk in ka lut ve nghal thak a.
"Chhuk rawh... " a rawn ti ta mai!, mahse a ti mai mai lo tih a chiang hle.
.
Chapter-25
.
" Engthil nge thleng a? min hrilh loh chuan ka chhuk dawn chuang lo" ka tih chuan thawk an la hak a,engmah sawi lo in chak zetin a khalh chhuak nghal,inhnial buaina hun a nei lo pawh ani mahna. Kai awmdan chu ka en renga thlamuang hmel deuh in awm mahse thil diklo a awm tih a hriat reng bawk si.
" Kai...ngatinge thil thleng hi min hrilh duh miah loh a... "
" nakin ah ka hrilh ang che " zawh luihna chi ani tawh lo mahse engthil chiah nge thleng ka hre chak takzet.
Mrs Burton ka call ta ringawt a mahse a pickup thei lo chu chuan ka ngaih a ati tha lo zual.
Farm house lamah kan kal dawn emaw ka tih laiin kawng peng dangah a tlan ta daih mai.
Ka hawi kual nghal ruai a khawiah nge min kalpui a tum le? Rei pawh kan tlan hma chuan helicopter ri ka hre zui nghal.
.
Ka meng phawk nghal hraw a, ngatinge Helipad lam kan pan tak mai!!
Helipad kan thlen chuan helicopter chhungah Georgia an zawhlut chiah lai hi ka va hmu ta thut mai!! ka meng phawk nghal kawk a, ka hlauthawng hman takzet. Kai nen chuan kan tlan phei nghal vata ani chu Georgia bulah a va lut nghal thak bawk, midang pawh an lo kim thap tawh,Kai chuan min hrilh se a hre hnuhnung ber ka ni lo tawp ang .
" nga... ngatinge Georgia hi....? " Nick chu ka va zawt nghal vata
"a tlu suala damdawiin kan panpui vat angai... "
" maw... anih naute enge a an?"ka rilru ah naute a rawn lang hmasak ber avang chuan ka zawt nghal vata.
" ka hrelo....ka kal angai" tih pahin helicopter ah a lut ve nghala,an thlawk liam lai lo thlir tawp loh chu tih theih dang ka nei lo.
.
Kan vai mai chuan farm house lamah kan let lehnghala,chanchin thar ngaichang in ka thu ngui bam hlawm a.
" anu ka mu a chhuak... " Aiden chuan ham bai bai chung hian a ti a.
" lo kal rawh.... ka lo mutpui ang che.. " tih pahin anu nen chuan inchung lamah an chho nghala.
" Rita....Georgia chu engtin nge a tluk a... "
" zing atang tawhin a awm a nuam tawh lo a, engmah a ei lo bawk nen a luhai kha a tlu ta mai anih kha... "awmdan tur pawh ka hrelo ka hlauthawng lutuk chu ka vei chhen a, haw thin hle mah ila hetiang dinhmun ah a han din meuh chuan rilru a nuam thei bik lo.
.
Ngatinge Chanchin engmah an rawn sawi loh le? hetah hlauthawng em em in kan awm a enge maw tal rawn sawi ve tur ania.
" Pi Caroline.... damdawiin hi a hla em? "
" aw... hla ve tho "
" awle...ka lawm e" tih pahin ka tlan chhuak nghala ,kawta car awmah chuan ka lut nghal thak bawk.Damdawiin chu map nen ka zawn hmuh theih mai ka ring ,car engine chu ka han ti nung hlat hlat a.
" Lola.... kal suh.. " pu Jack chu a rawn tlan chhuak nghala.
" Ka rawn let leh vat ang.... "
" nilo... khawngaihin kal suh"
" pu Jack.... ka rei dawn lo"
"Kai an kaltir lo tur che in min ti alawm... hetah awm tir reng tur che in min ti ani "
.
Chupa mai mai chuh ka kal dawn tih a lo hre leh reng tawh ani maw? nge min lo hrechiang mah mah tawh zawk.
"kal lo la a tha zawk ang.... " a rawn ti nawn leh a,diktak chuan kal ka duh mahse ka kal lui anih chuan kei nilo in pu Jack an a tuar ngei ang chu chu ka thlen tir thei lo.
" awle.... " tih pahin ka chhuk leh hna hna a .
Vei kual chhen pahin Nick ka call reng bawka, a tawp a tawp ah a la thei hram.
"Hello.... "
" Hello... Nick, Georgia chu enge a an?"a ngawi vang vang a, a thaw ri zui hak bawk.
" mawh... engthil nge thleng khawiah nge Kai a awm? "
" Kai chu Georgia bulah a awm" ni e a awm reng ang chubmahse ka thik tlat anih chu!! nilo.... inthik na hun pawh anih loh hi.
.
" Chuan Georgia chu a tha tiraw...naute pawh?"
" aw....A tha" a ti muang fan raih a, a tawngdan atang chuan thil dik lo a awm.
" anih naute... "
"ih... ah, naute chu a chhiat a" zawi sap hian a ti a, a thaw chhuak leh hak thin.
" maw!! " sawi tur ka van nghal vek.
"tunah chuan a muhil a a ngaihtuah awm tawh loh..... "
" Nick... tha deuhin enkawl rawh aw.... "
" umm... zan a rei tawh mu tawh rawh... "
" min rawn hruai ve thei mai lo ami? "
" Lola....tunah chuan nilo e... "
" anih Kai engtin nge a awm? " ngatinge maw Georgia damloh lai lai a Kai chungchang ka lo ngaihtuah ve chhen le?
.
"umm.... ka hrelo"
"a rilru a na ngawt ang... " ka ti chuai raih a, ni e... a hmeichhe hmangaih ber damdawiin ah a awm a engvang tehlul in nge a rilru a nat loh ringawt ang.
"nia... ka kal angai, nakin ah ka rawn be leh ang che "
" awle... mangtha aw... " ka ti ta ringawt a, han sawi belh vak tur pawh ka hrelo. Ka chan ah ka dah a Georgia rilru nat tur zia ka hriatthiampui takzet.
Georgia chanchin chu midang pawh ka hrilh nghal vata,hrehawm kan ti tlang bawk aniang tumah mu thei kan awm lo.
Keiphei chu mut a hnekin ka harh tulh tulh emaw tih mai tur ani.
.
________________________________________
.
Breakfast kan ei zawh chuan Mrs Burton leh Aiden te nen damdawiin lam kan pan nghala, darkar khat leh a chanve meuh kal zu han ni a, a hla hle mai.
Georgia awmna room kan thlen choh chuan Nick nen kan intawk hlawl a, ani pawh luh a tum chiah anih hmel.
"enge a an tawh...? " Mrs Burton chuan a zawt nghal vata.
" tunah chuan a muhil a....kan damdawi in lamah sawn phei mai a tha in ka hria... "
" ni e... a tha i tih ang ang kha ani mai, aw... ka van lainat tak.... "
" lut ila... "
" awle.... "
.
Nick, Mrs Burton leh Aiden te chu an lut hmasa a an hnungah ka zui ve nghal bawk mahse ka tim deuh tlat anih chu. Kai an nghet taka Georgia kut a vawn lai ka hmuh chuan ka ding nghal chawt a,ka luh belh duh tawh lo kawngka bulah chuan ka ding ta reng ringawt .
An pathum chuan eng eng emaw an sawi khawm a kei erawh ka lut phei duh lo, Ni e... Georgia hian Kai a mamawh tak meuh mai mahse an pahnih a an awmdun lai ka hmuh hian nuam ka ti lo.Mak tak maiin ho te te pawh ka thik zo vek tawh chu chu ka duhlo takzet bawk.
"Ngatinge i din renga...? " Nick an a tih chuan Kai chu ka va melh zeuh a.
" umm.... pawnah ka lo nghak zawk ang " tih pahin ka tlan chhuak nghal daih a.
.
Reife pawna ka nghah hnu chuan doctor pakhat hi a lut a, reilo te ah Mrs Burton nen chuan an rawn inzui chhuak lehnghal a.
" awle... lehkha vel chu ka rawn buaipui ang.... "
"awle... " tih pahin doctor chu a kal lehnghala.
" Ka nu... engthil nge thleng a... ?"
" umm.... Kai an London lama phurh haw a duh tlata,bakah chutah chuan inenkawlna pawh a tha zawk ang... "
" anih chuan engtik ah nge an phurh haw ang... "
" Georgia pawh a rawn harh tawh a... chuvang chuan minute 10 hnu velah chuan a nawr chhuah theih tawh ka ring... "
"anih chu.... " a ti chuai raih a
.
" lo va lut la... lehkha pawimawh ka zuk buaipui ange" Doctor chu a zui ve nghala.
Loh theih loh in room ah chuan ka lut leh ta ringawt a, awmdan tur pawh ka hrelo.Georgia chu a tap kerh kerh a, a fa a chan tih a hre tawh aniang Kai an a buaipui dan vel chu ka en renga, Georgia dinhmun angah sawn ding ta ila sawtiang sawn min buaipui ve angem le? tih ringawt te ka ngaihtuah a, ka rilru a na tlat ani chu!!
Nick chu ka bulah a rawn thu vata, ka kut chu a rawn hum vang vang a
" i kut ava vawt ve... ngatinge i in hak lum loh ... "
" nia... "
"vawin phei chu a vawt lehzual a i damlo palh ange" tih pahin a kutkawr bunlai chu phelh in min rawn bun tira
" ka tha alawm... "
"i ril a tam em? "
" aih... "
.
Kai chu ka va melh zeuh a, min lo la melh kur zui ka hawisawn rang ngei mai.
"Georgia chu ngaihtuah ngai ani tawh lo tiraw?" a rawn harh tawh avang chuan ka ti sap a, a chang chuan ka awm ve avangin min runluih anih te ka ring hial.
" umm....enkawlna tha a dawng anga reilo te ah a dam leh vat mai ang" Chutia kan inbiak lai tak chuan mipa pakhat leh Mrs Burton te chu an rawn inzui lut a.
" Damlo chu a hruai chhuah theih tawh e... "
"Nick hetah i awm angai bawk sia Lola... Kai nen in kal ve nghal dawn mi niang.... " Mrs Burton chuan a rawn ti a,Grorgia samah Kai chuan duat takin a chul a an awmdan chu ka en reng a.
" aih... ka duh lo hetah ka awm duh zawk... " ka lo ti nghal vata.
.
"Ka nu... Lola chu ka rualin rawn haw mai rawh se... " Nick chuan alo ti nghal vata,diktak chuan Kai bula awm ka chak lutuk mahse Georgia nen an awm dun lai vel hmuh ai chuan heta awm ka thlang zawk.
Mrs Burton in a chhan hma chuan Kai'n pawnah min rawn kai chhuak nghal dawr dawr a,
" min thlah rawh... " ka lo ti vin hlar a.
"ka rualin i rawn haw ngei ngei tur ani"
" maw!! " ka nui lui hak a "i thu ang vekin ka awm ang maw? hahh teuh lo, i duh chuan zalen takin Georgia chu i enkawl thei ang.... "
"anih chuan Nick nen indate kual vel i duh vang ani maw i rawn haw duh loh" ngeiawm zet hian a rawn ti sak a
"oh!! ....Kai Burton a nupui leh a doctor an indate.... wow... thil ropui tak ani " nui vel mahse a chhungril ah chuan a thinrim tih ka hria, mahse ani ni lo in kei zawk hi ni thinrim tur chu.
"ka haw lutuk che" chu bak chu sawitur ka hrelo.
" enga?!! "
" ka haw lutuk che... " tih pahin hmanhmawh takin ka tlan nghal hlawk hlawk a, ngatinge hepa hian ka rilru a ti nat em em mai le.
" Lola... khawngaihin tap suh... " ka inhnem mawlh mawlh a, ka thin a rim bawk si au tuarh tuarh mai ka duh.
.
Elevator ah ka lut chiah tih chuan Kai a rawn lut ta thut mai, mak tih hmel takin ka melh nghal kawk a.
" ka thlah ang che "
"Nick rualin ka haw mai ang " ka tih rual rualin bang a chum ri nghal dawt a, ka phu chiang ngei mai.
"Keiman ka thlah ang che... " a rawn ti nawn leh ngata, ka chhang peih tawh lo. Duh lo mah ila a tilui dawn tho tho.Ngawi remgin elevator atangin ka chhuak nghal hmawk hmawk a, min rawn zui ve nghal vat bawk.
" hetah lo awm rawh... car ka rawn la ang " kal a tum lai tak chuan a phone a rawn ri a.
*" aw... ka nu" *
.........
*" tunah kal a hun tawh maw!! "* tih pahin min rawn en a.
..........
*"awle... "* tih sap pahin a dah nghala.
.
"kal zawk rawh"
"ka thlah phawt ang che"
"Keichu Nick rualin ka haw mai ang... "
" Nick rual lo in i haw thei mai lo ami? "ka ngawi renga, Nick ruala haw ka tum vang animaw min thlah a tum tlat nachhan.
"Kai... hetianga i awm avang hian ka rilru ka thlak i ring ami?,midang nunah inrawlh lo ang kan tih kha"
"awle... a tha e... mahse Nick rualin Naktuk tuk leh ah i rawn haw ngei ngei tur ani.... " ka kut ah a rawn vuan a,
"min thlah rawh"
" ka sawi chu hre reng ang che.... " tih pahin hmanhmawh takin elevator ah a lut leh nghala.
.
Diktak chuan kal lo turin ngen mai ka duh mahse ka sawi thei si lo, haw lo tura thutlukna ka siam te kha ka inchhir leh hnuhnawh. Lobby ah ngawi rengin Nick rawn chhuk hun chu ka lo nghak ran a, Kai te chu an kal tawh angem le? tih bak ka rilru ah a awmlo. Kai an Georgia a ngaihsak dan te, a biak dan te chu ka ngaihtuah let a, ka nui leh hak thin. Khatiang khan engtik ah mah ka chungah a ti ve dawn si lo .
Lola mi thawveng leh engmah pawisak nei lo angah khan ka let leh ngei tur ani.
Ka bag a cigrattee ka dah ruk chu ka la chhuak a,Kai a awm lo bawka tiin pawnah mi hmuh loh na laiah ka han zu hlat hlat a ,ka zuk chakna a rei tawh bawka a tui bik riau in ka hria.
.
Chutia thlamuang taka ka lo zuk hlata
hlat lai chuan tu emaw hian min rawn laksak ta thut mai!! ,ka la zu tlem bawk nen ka sa nghal zak Nick anih ka ring nghal.
" Nick... enge maw!!! " ka tawng tawp chat, ka meng phawk nghal kawk a
" Kai.... eng... enge hetah i tih?" ka ti bah nuai bawk
.
Chapter-26.
www.storyfb.com mizo story thar englai pawhin chhiar tur a awm reng
" Khawiah nge a dang a awm?"
"ka.... ka nei tawh lo" tih pahin ka bag chu na zet hian ka hmer nghala,min lak sak ka hlau takzet .
"i bag kha rawn la rawh... " ka meng phawk nghal kawk a, engtin nge a awm tih a hriat le?
"eng... engmah a awm lo... " na... ngatinge ka chet buai nghal zela.
" Rawn la rawh ka tih chu... " tih pahin ka bag chu a rawn pawt a, ka lo phal bik der lo ka kuah bet ve tlata, cigrattee bawm a hmuh chuan min hau ngei dawn chuvang chuan kuah char char pawh ka thlang zawk.
" Engthil nge maw i hriat le? thlah rawh" ka ti nghal chul a, ani pawhin thlah a tum bik hauh lo.
.
Rei tak kan inchuh hnu chuan a rawn pawt pawp a, a khaina a chat ta hmawk mai!!
"Lalpa leh... kha bag to zia kha i hria em, awle vun atanga siam kut ngeia thui ani asin..." ka thusawi hre lo ang mai chuan ka bag chu a bun ruak nghal veka, cigarette bawm chu a la nghal chat bawk.
" ka bag... " ka thu hnawk a engmah ka ngaihtuah thei tawh lo, ka bag chu ka han kuah vang vang a. He bag neih tuma ka beih nasat zia kha,hetiang ang bag hi pangnga chauh an siam chhuaka chumi neitu zinga ka tel ve chu ka in tithei in ka inchhuang thin hle mahse tunah chuan a chhe vek tawh.
.
"khawi atanga i neih nge? " Kai chuan min pawt tho nghal lawp a, cigarette bawm chu chiang takin a lek va bawk.
" min khawih suh... " ka lo ti vin nghal hluk a, diktak chuan ka thin a rim takzet.
"maw!! hahh" a nui lui hak a " ngatinge thu i awih duh miah loh a... Lola naupang pawh i nih tawh loh hi " ka chhang duh miah lo a chhanchu ka thinrimna te hi mittui in ka hritthlak thin vang ani.Ngawi rengin ka bag pawm chung chuan ka kal nghal hlawk hlawk a kal tumna bik pawh ka nei chuang lo.
"khawiah nge i kal dawn? " ka banah min rawn man bet a,ka lo thingthla vat bawk.
" Hey!! i bag vangin hetiang hian i awm tak tak ami a?" a hmel ka hmuh ringawt pawh hian ka thin a ti rim zual.
.
Min man beh tlat avang chuan a kut phelh tumin ka tang ve tlata mahse awmzia a awmlo.
"hemi bag vang hian maw!!"nuih suk pahin ka bag chu a rawn la a, mak a ti bawk si a nuih aza bawk si mahse he bag man thawhchhuah nan hian zan engzat nge ka tlai var engmah a hrelo,thi leh thau pawlhin ka thawka he bag lei tur ringawt hian Argentina ah ka kal vang vang asin.
"min thlah rawh... "
"umm.... a dang ka lei leh ang che"
"maw!! hahh.... i hausakna chu i chhuang viau ani maw! "
" chutiang lam ani lo.... "
.
" ka hua che.... ka haw lutuk che... " hnuk ulh deuh tun chuan ka ti a, ka bag chu tah khum ngawih ngawih mai ka duh.
" ka hria alawm... " a rawn ti sap a.Rum zeta melh pahin nichina a thil bun ruah ho kha ka bag ah ka khung sawk sawk a,sawi vak ngaihna pawh ka hrelo ka thin a rim hle tih mai loh chu .
" ka tihpalh... " chhang lo in ka khung chhunzawm mawlh mawlh tho.
" ka tihpalh ka tih chu.... " ka han melh chho ha a, ka bulah ipte zen chung hian min lo en renga.
" chuan hemi chungchang pawh hi kan la sawi zo lo ania... " tih pahin cigratte bawm chu a rawn theh thla leh kher anih chu!! ka hawng nghal vata mahse a lo ruak vek tawh engtik khan nge a lo paih hman le?
.
Cigrattee bawm melh ngur ngur chuang chuan ka thu renga ani pawhin ngawi rengin min lo nghak ve mai bawk a.
"i zawh tawh chuan haw ang... "
" ka duhlo... "
"zan a rei tawh....haw ang" a rawn ti leh ngata, min pawt tho a, car lam panin min kai nghal dawr dawr bawk.
" ka kal ve thei reng... "
"anih chuan kal ta che" ngawi rengin car ah ka lut nghal hmawk hmawk a, lut duh lo mah ila min luh luih tir leh dawn tho tho chuvang chuan tihian thuawih takin awm ila a tha zawk.
A khalh chhuak nghal vata ka ti tau ve deuh bawk nen tukverh lam ka hawi tlata ani pawhin min biak a tum chuang lo.
.
Reife kan ngawih vang vang hnu chuan a hrawk a rawn thian kharh kharh a.
" i thin ala rim em?"chhang lo in ka awmdan ngai chuan ka awm renga,ka awmdan avang chuan a lungawi bik vak lo in ka hria.
"London a ka let loh chhan min zawh i tum miah lo ami? " a rawn ti leh a, diktak chuan zawh tur ka ngah lutuk mahse ka ti tau laklawh tawh. Ka chhan duh miau loh avang chuan thil dang min zawh a tum tawh lem lo, hmeichhe titau thlem a thiam lo ve ngawt mai.
Farm house kan thlen chuan ngawi rengin a chhuk a inchhungah a lut hmak bawk. Ngawi lawk teh, keimah zawk hi ka titau ani lawm ni engvanga khatianga min awm khum nge maw a nih le? hahh.... tu zawk nge be lo rei thei zawk chu kan la hria ang chu.
.
Room a ka luh chuan khumah lu dawm chung hian a lo thu ngui bam a, engah mah ngai lo ang deuhin ka jacket lian leh lum zet chu ka han phelh a, kawrlum dang tlema hak nuam deuh ka ha ta zawk a.
" ka tih palh... " a rawn ti sap a, ka va melh chuan min lo en reng a.
" a pawilo... " ka ti tak na in ka la lungawi zan lo ani tih chu a hre ve ngei ang.
Ka makeup vel ka han phih fai sar sar a, ka chau bawka mut hmak ka duh,ka hmai a cream ka hnawih lai te chuan min lo en renga mahse ka hmu lo der tlat tho .
.
"ih...ei phal loh leh tih phal loh ka ngah em em nachhan chu Aiden vang ania... " a rawn tih takah chuan ka thil tih lai chu ka tawp nghal chat a.
"ngatinge? "
"umm...ka nu in nau a pai theih tawh loh avangin hmeichhe pakhat nau pai turin kan hire ta ringawt a, nau chu a pai ngei a mahse drugs leh thil dang dang nau tana tha lo a ti thin tih erawh kan lo hre har mah mah ani. Chuvang chuan Aiden hi lungtha lo leh kal lehlam function lo in a awm phah ta a,Aiden chunga thleng ang hi ka fa chunga thleng turin ka duh ve lo" an sawi takah chuan ka inthiam lo leh hnuhnawh,a bulah ka va thut hnaih deuh a.
"ka tihpalh... " ka ti sap a,han sawi belh leh tur pawh ka hre chuang lo.
.
" beer pawh ka in tawh lo ang.... ka tiam a che " ka han ti nawn leh ngata.
"chuan nangmah enkawl turin doctor dang ka be fel vek tawh... "
" maw!! mahse Nick... " ngatinge doctor pawh chu a thlak thut le?
"in hmuhna hun remchang in ngah lutuk tunah chuan Nick i hmu tawh tur ani lo.... "
"mahse Engvangin maw!! "
"i hre chak viau anih leh zawng chhuak ve tawh mai rawh... " avan sual tak ,ngatinge Nick ka hmuh pawh chu a phal loh em em le? engtin mah kan awm ngai tawp si lo bakah media lam pawhin min umzui peih lo hrim hrim.
.
"i ril a tam tawh em? "
" umm...engmah ka la ei hleinem"
" min rawn zui rawh.... " tih pahin room atangin a chhuak nghal daih a,ka zui chhuak ve vat bawk.
Pawnah a chhuah daih avang chuan mak tih hmel takin ka zui chhuak ve zela.
" Enge kan tih dawn? "
" hetah hian lo thu rawh... "thuthlengah chuan ka thu a, a che vel chu ngun takin kan en reng bawk.Khua a vawt bawk si a engvanga pawna min awm tir reng nge maw anih le ti a ka lo ngaihtuah lai takin mei a rawn chhem alh ta hluah hluah mai.
" kha..." tih pahin enge mawni hi min rawn pe a.
" marshmallow maw!! "
" umm.... " nuih suk pahin tulthir sei zetah chuan ka thil a, meiah ka hem nghala.
.
" zanin ah vur a tla dawn asin... "phur zet hian ka ti a
"ani maw "tih bakin min chhang lo, a phur ve lo amawn le.
"vur tla chu i va duhlo awm ve.... " ka tih chuan a nuih a za ngang mai. Hun rei tak a nui lai ka hmu tawh lo bawka a nuam ka ti.
Ka ep chiaha a thut avang chuan ka va melh leh zeuh thin a, zanin chu zan dang aiin a hmeltha emaw tih mai tur ani. Ngawi rengin a tho thut a
" khawiah nge i kal dawn? " ka lo ti vata.
" ka rawn let leh vat ang... " ka lo bu nghata.
A awm loh hi chuan ka ruak vek hian ka inhria, kum tamtak chung a tello in ka awm tawh a mahse tunah chuan a tello a awm chu a nuam ka ti tawh lo.
.
Reilo te ah eitur nen a rawn chhuak leh a, a kawrlum rawn ken chuan min rawn khuh nghal thak bawk.
"kha heihi ei rawh... " apple pie ani maw!! ka ngainat loh zawng tak mahse ka la ta tho a.
"vawt i tih chuan i sawi dawn nia... "
" awle... " zanin hi min ngaihsak bik riau in ka hria.
" i thiante i be leh tawh em? " chu chu engvanga min zawt nge maw anih le? nidangah min zawt ngai miah si lova.
" Maisie maw? ughh.... be lo " ka phone a chhe daih alawm engtin nge ka biak theih anga.
"umm...i hmu duh em? "
" i ti tak tak em? Maisie ka hmu thei dawn ami?"
"i fel viau chuan... " ka ner nanga, min chhaih vel mai mai ani maw.
.
"heihi hmang hrih rawh... " tih pahin iphone hi min rawn pe a, mak tih hmel takin ka lo en ha thung.
"i phone a chhia ani lawm ni.... heta kan awm chhung chuan hmang hrih rawh... " hman tur dang ka nei chuang lo, ka la nghal a
" ka lawm e... uluk deuhin ka lo hmang dawn nia... " min rawn nuih suk a, zanin hi a nui tam riau enge maw a hriat le?
Ngawi rengin apple pie chu ka ei a ka rin ai daihin a tui, kan ngawih tak reng avang chuan sawi tur enge maw ka ngaihtuah chhuah angai.
" Engthil nge i tih chak ber? ka sawi awmzia chu.... "
"ka hrelo... " min chhan dan teh tawp chu.
.
" i hrelo maw? " ka ti chuai raih ringawt.
" nang? " chiang zet hian min rawn en kalh a.
" keichu chak ka nghah lutuk... a hmasa berah chuan London ka fang chhuak ang... " a nui ri hak a, ka tum ropui viau amawn le?
" Chuan... " a rawn ti leh a.
" chuan...beer leh arsa ei ka chak ,fa ka neih hnu a ka tih hmasak ber tur chu sky diving"
"maw!! " a rawn ti nghal haw a.
"hun ka nei lo thei lutuk a...khawiah mah ka kal ve hman hleinem"
"i kal chak viau ami? "
"umm.... mahse nakinah... " tih pahin van lam ka han thlir vang vang a.
"ehe... vur a tla"
Vur a rawn sur seng seng a ka kut ka lo dawh vata
"maimichung la chuan i thil duh wish rawh... " ka tih chuan a ngaihna a hriat loh hmel kher mai.
" vatin... " ka han ti leh a, thuawih takin a maimichhing ve mai bawka.
A rawn meng veleh ka lo nuih ver ver a
"enge i wish...? "
"a vawt emai lut ang... " thil dang daih a sawi leh tawh.
" awle" lungawi loh zet chung hian ka tho tuih tuih a min lo pui vat bawk.
" coffee in ang aw... "
"lut phawt ang... " min kuah lut nghala, ka rai lian telh telh a ka inthazo lo tulh tulh in ka hria.
.
Couch ah ka thu nghal thak a heater a rawn on vat bawka a vawt rei lo kher mai.
Tv en pah in a nuam thei ang ber hian ka lo thu ar ar a,
" Coffee.... " coffee hnung lam atang hian min rawn pe a.
" ka lawm e... " ka hawi let chuan min lo en reng chu niin,hawi sawn vat ka tum a mahse a rawn kun hniam ta zawka.Zawi muang in ka hmuiah a rawn fawp vang vang a, chet nachang pawh ka hre tawh lo.Ka kutah nghet takin a vuan bet bawka, a aia duhthawh zawk chuan min han fawp lehnghal tawn tawn a.
.
Chutia duhthawh taka kan infawh lai chuan phone a rawn ri ta thut mai!!mahse ngaihsak duh lo in min fawh ngai chuan min fawp reng tho chu chuan min ti hlim hle bawk .
" i phone chu... "
" a pawilo... "
" mahse thil pawimawh alo ni thei asin... " ka tih chuan a inla hrang nghal vata, a phone chu a la nghal vat bawk.
"enge Georgia " a tih chuan ka lo thaw hak a.
" awle....chhuak miah suh aw... " ka ngaithla peih lo, inchungah ka chhohsan hmak. Ngatinge maw Georgia hian min tihbuai reng mai le,a duh tak tak anih chuan engvanga kal lo nge a anih? .
.
Khumah chuan ka thu tum bur a,an in biak rei tak em avang chuan ka thin a rim tun thei. Rei fe an inbiak hnu ah Kai chu a rawn lut a.
"naktuk ah kan haw dawn a i duh chuan i insiam lawk thei ang " leh ringawt a, Georgia vang bak ani lo ang.
"maw!! Georgia vang tiraw? "
" kan chhuah hma dawn avangin mu tawh rawh i chau lutuk ang... " a mizia a thlak lehnghal vek tawh.
" ka haw ve dawn lo... " ka ding nghal hluai a.
" luhlul na hun ani lo.... "
" ngatinge i thuhnuai ah min dah i tum renga,Georgia vang tiraw? engpawh chu nise ka haw dawn chuang lo " a ngawih reng avang chuan ka lung a awi lo zual.
" nangmah in haw la Georgia chu va ngaihsak rawh... Keichu ngaihtuah ka ngai lo... "
" Lola... " a rawn ti vin nghal hluk a.
.
Hetiang chuan kan inti thiam lo rei mai mai dawn,
" ka mu dawn... " tih pahin puanin ka inkhuh hmaka.
" mangtha le" ala rawn ti hram anih chu!! sual hle mahse min mangtha lo chuan a mu ngai lo, mi pakhat chu ani ve chiang alawm.
Run luih ka duh vang hrim hrim in a hriat tur kher in Nick ka call lui ve ngata,
" Hello Nick... " a thut ngaiin a thu reng tho.
*"Enge Lola... "* Nick chuan alo ti vata.
"naktuk zanah dinner ei chhuak ila... "
"umm.... ngawi rawh aw!" awi Lalpa leh, hun a nei lo ang tih ka hlau takzet.
Show post links
Top
Ngaia
Site Admin
Quote
Unread post December 3rd, 2017, 1:29 pm
Chapter-27
.
" awle... dar engzat ah nge niang?"a rawn tih takah chuan ka thaw huai thei.
" umm... dar8 velah aw... " tih pahin Kai chu ka va melh zeuh a mahse a awmdan a ti danglam duh der lo. Hetiang chuan awmzia a awm dawn lo tlat, ka tho thut a vur a tlak avangin lukhum ka khum nghal vat bawk balcony ah ka chhuak nghal daih a, ka rin aiin a vawt zek lehnghal.
" Nick.... Georgia chu tuin nge hawpui a...? "
"Alfred leh Rita in an hawpui ta anih kha... "
" mahse Kai kha kal a tum sia"
" nia mahse thil tih tur a neih avangin a haw theih loh thu a sawi a" engthil nge maw tih tur a neih le?
" anih chu.... mangtha le"
" mangtha le... "
.
A vawh em avangin inchhungah ka lut leh nghal vata Kai chuan bag ah ka thawmhnaw ho chu a lo khung mawlh mawlh a
" Engthil nge maw i tih le? "
" naktuk zing ah kan haw ang "
" maw!! ka haw dawn lo....khawi khung tawh suh" a khung sa ho chu ka phawrh chhuak nghal hmawk hmawk a,ani pawhin a khung lui zel tho.
" ka haw duh lo ka tih chu.... " a kawr ken lai chhuh tum chuan ka va chuh ve vata.
"thlah rawh.... khawi min pe rawh.... " ka pawh bet tlat avang chuan thinrim hmel zet hian min rawn en a, " Ngatinge i naupang chhiat em em a" ka ti zui zat bawk.
.
Ngawi rengin ka kawr chu chhuatah a paih nghal pawp a
"Kai... " tih vin hluk pahin ka tawlh hnung nghal hrat bawk, ka kawr paih mai pawh duhtawk lo in ka bag chawp chuan a paih thal nghal thuai a. Hetiang hian a awm ngai si lova mak tih hmel zet hian ka meng phawk nghal kawk a,mi zaidam thinthawk a na an tih hi alo dik tak tak ani dawn hi mahse engvanga hetiang em em a thinrim nge maw a nih le?
" lo insiam ang che... " tih sap pahin a chhuak nghal daih a, min vin vak dawn emaw ka tih laiin pangngai deuh hian a awm leh lawi bawk sia ka hrethiam tawh bik lo.
.
Ngawi rengin ka thawmhnaw a paih ho chu ka khung lehnghal mawlh mawlh a,insiam fel vek tura min tih avangin peih lo chung chung in ka in pack leh hna hna tho. Ka inpack zawh chuan khumah ka inthawlh nghal thak a Kai a rawn luh leh mai ringin ka lo nghak ran bawk.Ka thut mai mai lai chuan thil chi hrang hrang ka ngaihtuah leh hman tawh, tuna Kai nen kan awmdan hi ka hrethiam tawh lo, a chang leh min thinrim khuma a chang leh a thikthu a chhe leh em em bawk sia chutih rualin Georgia a ngaihsak reng bawk a engtin nge awm a tum ka hrethiam lo takzet.
Kai lo luh hun nghak chuan ka thu ngui bam a, ka mutthilh lai pawh ka hre tawh lo.
.
________________________________________
.
Vawt ka tih deuh avang chuan ka han meng siar siar a, nizanah vur atla bawka pawn lam pawh a var sur mai.Ham bai bai pahin Kai awm leh awm loh ka enkual nghal vata ka rin ang ngei in hmuh tur a awmlo mahse nizanah khan ka thu si a tunah chuan fel takin ka mu thlap a puan pawh ka sin belh bawk.Kai bak ti tu tur an awmlo hrim hrim a awmzia chu ka mutthilh laiin Kai a rawn kal tihna. Phur takin ka tho nghal vata London ah kan haw tawh dawn avangin ka in phih fai sawk sawk a, ka inthuam lum nghal vat bawk.
Ka insiam mawlh mawlh lai chuan phone hmang chungin Kai a rawn lut thuta
"Ka rawn thleng har lo ang... " tih pahin a dah nghala, Georgia nen an inbe leh tawh ani maw!!
.
" I hman tawh em? " a tih chuan ka lo bu nghata.
" vur a tlak chuan kan haw thei dawn ami? "
" tunah a tla hleinem...." tih pahin ka trolly chu a pawt chhuak nghal a ka zui chhuak nghal vat bawk.
Car ah kan bungrua a load mawlh mawlh lai chuan ka lo thlir renga
"Georgia chu enge a an tawh? " ka ti chhuak hlawl ringawt,chu chauh chu ka rilru ah a awm miau alawm.
" Naktuk ah damdawiin atangin a chhuak ang... "
" anih chu... " ka ti chuai raih a, Georgia a dam vanga lawm lo ni lo in damdawiin atanga a chhuah tawh chuan Kai a rawn zar buai leh chhen anga chu chu ka peih lo takzet.
.
"lum deuhin inha thin rawh... " tih pahin muffler chu min rawn awrh thuah tira, a vawh em avangin ka hnar a tai leh hlar tawh. Kawngka a hawn avang chuan ka lut nghal vata, tukverh atang chuan farm house chu ka han thlir vang vang a, ka hmuh tawp ber na tur a ni tawh dawn sia kalsan ka hreh takzet.
"engtik ah nge ka kal leh theih ang?"ngui lap chungin ka zawt a.
" vacation leh ah... " alo ti sam et bawk mahse chumi hunah chuan kan inthen tawh dawn,nilo hmun hla takah ka awm tawh ngei ang.
"awle... " ka ti chuai raih ringawt.
.
Airport kan thlen chuan Mrs Burton, Aiden leh Jacob te pawh an lo awm tawh a,min hmuh chuan min rawn pan nghal vata.
" tlung deuhin in thleng dawn nia? "Mrs Burton chuan a rawn ti a.
"ka nu in rawn haw ve dawn lo ami? "
" aw.... vacation ala zo hleinem bakah Kai-a pa pawh naktuk ah a rawn kal dawn chauh alawm... tun tum chu kan hun tawnin a zir lo bawk nen in haw hma angai ta sia... " Rum zetin Kai chu ka melh nghal a,heng thil zawng zawng hi Georgia vang vek.
" anih chuan min rawn ngaihtuah suh... nuam deuh in in hmang dawn nia"
" tehreng mai.... chuan i in checkup hun kha theihnghilh lo la, damdawi pawh tha deuhin i ei dawn nia.... bakah Nick pawh ka lo hrilh ang lo ngaihsak deuh tur che in... "
" i sawi zo tawh em? " Kai chu a lo inrawlh nghal vata, Nick hming a lan tawh hi chuan Kai hi ngeiawm deuh deuh in a rawn tawng ngei ngei.
.
" hepa han dawhtheih loh zia hi chu aw... ka fapa chu ani ve sia... " Mrs Burton chuan nuih suk pahin Kai chu a kuah a.
" ka nu duhtawk teh... "
" kha a tan leh dawn ta.... Lola hetianga a awm chuan Nick bulah kal daih zel rawh... " Mrs Burton hian engmah lah chu a hre der mai bawk si lo, Kai lah chu a thinrim tulh tulh mai bawk si.
"rawn hmanhnawh ang che... " tih hmuk pahin a kal nghal nal nal anih chu, khatiang khan anu bulah a awm tur ani lo hrim hrim, nungchang mawi pawh hrelo.
" Nick... hi a thik anilo maw?" Mrs Burton chuan mak tih hmel zet hian min rawn zawt ha a.
"ughh.... Kai mizia chu i hriat kha... " za lo zetin ka nui suk ringawt.
" ni dawn tak.... va zui vak rawh.... mangtha aw... " tih pahin min rawn kuah nghala, Aiden leh Jacob ka kuah zawh chuan Kai ka zui ve nghala.
.
________________________________________
.
*London, England *
.
London kan thleng chuan airport ah Alfred an min lo lam nghal.
" hi! Alfred"phur hmel zet hian ka ti a mahse min nuih ringawt. North Yorkshire ah vur a tlak laiin London erawh a vawt ve lutuk lem lo mahse kawrlum erawh hak a ngai tho. Alfred an kan bungrua car a a dah luh mawlh mawlh lai chuan Sport car nalh zet hi tu emaw hian a rawn khalh phei a Kai-a car a ni tih ka hre nghal. Alfred an min rawn lam tho sia engvanga car dang mamawh leh kher nge maw kan nih le?
"Alfred....inah i lo va thlah haw dawn nia...Lola...ka rawn let leh vat ang"tih pahin car ah chuan a lut hmaka Mak tih hmel takin ka hawi nghal haw bawk,a ngaihna ka hrelo takzet .
" eng... enge... " tawng pawh ka tawng zawh hma in a tlan liam tawh.
.
"Kai kha khawiah nge a kal dawn? "
" ka hrelo.... Ms Lola lut rawh le... " Alfred hian Kai kalna tur a hrelo amaw!! ka awih lo.
" tunah damdawiin ah kal ka duh...Georgia hmuh ka duh?"
" tunah chuan a theih hrih lo ang.... "
" Engvangin maw? "
"Big Boss an inah hruai haw tur che in min ti alawm... "
" awle... a tha e, taxi ka la mai ang " tih pahin taxi awmna lam pan in ka kal nghal hlawk hlawk a.
" Ms Lola.... khawngaihin car ah lut rawh..."
" aih...damdawiin ah kan kal hmasak phawt loh chuan..." ka ti ve tlata,Alfred hian ka thu a awih ngei dawn tih ka hria a chhanchu keimahin taxi ah min chuan ti dawn lo hrim hrim .
.
" awle.... mahse Boss in a hre tur ani lo"
" tehreng mai... " tih pahin phur zetin car ah ka lut nghala,damdawiin lam chu min panpui ta ringawt a,kalkawngah te chuan ka inhum ruh a,Kai ka hmuh loh ngei ka beisei.
" Alfred.... Big Boss hi Georgia bulah a awm i ring em?" ka zawhna avang chuan a nui suk a mahse min chhang lem lo.
"A ke te hi a sei ropui si....a thinchhe bawk si.... " ka ti bui bui a, diktak chuan ka rilru a awm awm ka sawi chhuak ani ber zawk.
" enteh... Alfred, Big Boss tan hian kum engzat nge i thawh tawh... i rinawm ropui sia hlawh a pe tha che em? "
" Ms Lola...kan thleng tawh e... "
" ani maw?!! ...ka rawn let leh vat ang... " thawk hlak hak pahin damdawiin chu ka thlir chho vang vang a ka chhuah rual rual chuan min rawn zui chhuak ve nghala.
" i rawn kal ve dawn ami? " ka lo ti ha a.
"aw... anih chuan rawn hmanhnawh ta che"tih leh tlan ka rual nghala.
.
Mak tak maiin Kai a awm ka ring tlat anih chu mahse keimah chauha min hawtir in hetah a kal daih chu ka ring chiah lo bawk nen ka rilru a insual nasa hle.
" Khawi room ah nge Georgia a awm? "
" room no. C-45 ah " Alfred chuan min lo chhang nghal vata,a kal ngun hle aniang min chhan zat danah.Phur vak lo chungin elevator ah ka lut hna hna a ,ka ding kun lap bawk.
"kal lo zawk la a tha in ka hria.... "
" engvangin maw?"Alfred chu ka en kar a.
" let leh zawk ang... "
" nang pawhin Kai a awm i ring ve tho ani maw? " ka nui suk a, mahse chhungril ah erawh ka hlauthawng hle thung.
.
Georgia awmna room kan thleng dawn chuan muang changin ka kal chhet chhet a, ka rilru in ka tawngtai mawlh mawlh bawk.
" Alfred hetah hian min lo nghak rawh.... "
" awle"
Thinphu dep dep in ka kal zela ,Georgia room kawngkha atang chuan ka bih dek dek a ka rin ang ngeiin Kai ka hmu ta thut mai!!Georgia bulah thu in ngun takin a kut vel chu a hrufai a ,ka en reng lai chuan Kai leh Doctor chu an rawn inzui chhuaka bang phehah ka biru nghal thlawp ,ka thinphu a rang ta kher mai!!Ka rilru na lutuk chu awmdan pawh ka thiam lo. Kei min kalsan in Georgia a pan ta mai hian min ti na takzet chuan tlawm thlak ka ti hle bawk.
Doctor nen an inbiak lai chuan Kai chu ka call ta ringawt a mahse ka hmuh lai ngeiin a dah busy hmak anih chu!!
Ngawi rengin an inbiakna chu ka ngaithla renga kehsawm mai lo turin ka inhnem mawlh mawlh bawk mahse ka rilru ti na zual em em tu chu Georgia a inah awmtir hrih a tum hi ani
Ka ngaithla peih tawh lo, Kai hian enga tan mah min lo ti tak tak lo anih hi. Hmanhmawh lutukin elevator ah ka tlan lut nghala, Alfred pawhin min rawn zui vat bawk. Alfred pawh ka zah zo tawh lo ka thu hnawk a,ka mittui a rawn tla ta zung zung mai a vawikhat nan Kai vangin ka tap ve ta!! nilo ka tap tur ani lo. Ka mittui chu ka hru hul sawk sawk a mahse a rawn tla leh zel tho .
" Alfred ka tihpalh... " ka inthlahrung lutuk chuan ka tita ringawt a, min chhan dan vak a hre lo aniang ka bulah a ding ngawi reng ringawt kei erawh tah loh tumin ka inhnit hlawp hlawp thung.
.
Muang changin Lobby lam panin ka kal hnak hnak a, ka rilru ah Kai an ka call a pick duh loh lai ringawt kha a awm. Doctor nen an inbiak avang khan a buai pawh a ni maithei mahse engemaw tal sawi se chuan hlim deuhin ka hawsan mai thei tur ania. Engvangin nge hepa vang hian ka rilru a nat em em reng mai le? A lakah hian ka beisei sang lutuk pawh ani mahna chuvang chuan tun atang chuan a hma a Lola, mi thawveng leh a ênglam chauh thlir traih ah khan ka let leh ngei tur ani.
Chutia ka inngaihtuah neuh neuh lai chuan Nick nen kan intawk hlawl mai mahse damlo hmanhmawh taka an rawn nawr avangin kan inbe hman lo ,an damlo nawr lai chu ka en vung vung a, thil hrechhuak ni awm takin ka kâ ka hup vata, ka meng phawk nghal kawk bawk.
.
" Alfred.... min lo va kalsan rawh... " tih pahin Nick te kalna lamah ka tlan ve nghal hlawk hlawk a,Emergency room ah an nawr luh hma chiah chuan chupa kut chu ka va hum hman hrama
" Nick... " Nick chu ka pawt let nghal a.
" damlo... damlo kha... " tawng pawh ka tawng tha thei tawh lo.
" Lola...enge ni ta?" mak tih hmel takin min rawn en ha a.
" tu... tunge, kha kha.... "
" ka hrelo.... mahse a lan dan chuan zu a in nasat avangin a thin a chhe vek tawh anih hmel i hmel hriat ami?"
Kawngka a darthlalang atang chuan emergency room chu ka va melh tawk tawk a, rilru nat sa tawh nen ka awmdan a dik lo nghal vek,ka kut a thisen kai hnuang chu ka melh vung vung a.
.
" Lola... i tha maw!! "
"ka lut duh... khawngaihin min luh tir rawh... " ka chet buai nghal vek avang chuan Nick chuan min rawn sawi nawk nawk a.
" Lola....pa pakhat ve mai anih saw... murder case awrh lai lehnghal"
" nilo... sawpa saw.... " ka kawk vaw vaw a.
" ka pa ani asin... " ka ti chuai nghal raih a
Show post links
Top
Ngaia
Site Admin
Quote
Unread post December 3rd, 2017, 1:31 pm
Chapter-28
.
"Engmaw? " Nick chuan a rawn ti nghal haw a, ka pa chu ka thlir renga ka hai thei lo hrim hrim.
"ka pa anih saw.... ka lut duh... "
"Lola... nilo tunah chuan doctor in buaipui phawt rawh se....i rawn thleng chauh bawk sia i chau lutuk ang ka thlah haw ang che"
" aih hetah ka nghak dawn"
"Lola... "
" Nick.... khawngaih in ka pa saw min buaipui sak hram rawh? " ka ngen ta ringawt a, diktak chuan ka pa ka chhuahsan dawn pawh khan zu a in nasa em em a, a tam zawng chu engmah hrelo in a chatthla thin khatichung chuan ka chhuahsan ta tho a, ka inthiam thei thlawt lo .
.
Nick chu a ngawi vang vang a, min lainat hmel takin min en reng bawk.
" lo kal teh... " tih pahin min kal nghal dawr dawr a.
" min thlah rawh... ka pa ka nghak dawn"
Damdawiin chung zawlah min kai chhuak nghal hlawk hlawk a.
" Nick... min thlah rawh"
" Lola... " a rawn ti vin nghal tuarh a, ka darah vuan in chiang takin min en kalh bawk
"i pa chu ka enkawl sak em em ang che... mahse he thil thleng hi hrelo angin i awm tur ani "
" mahse... "
"tunah hian i pa hian murder case awrh lai a nei meka chuvang chuan lo inrawlh ve lo la ka duh ani "
.
" Mu.... murder case a!! ka pa chu chutiang mi chu ani lo.... "
" ni e.... ani lo ang, tunah hrih chuan enkawlna tha a dawn hi a pawimawh ber "
" Nick... ka pa chu kalsan turin min ti tihna mi? nilo... kha lehchen kha keimah vangin a tuar tawh a, hrehawm ka tih lai leh pa ka duh em em laiin ka pa ani a, school min luh tira chhungkua min pe asin chuan.... chuan tunah min mamawh em em laiin ka kalsan daih ang maw!! "
"Kai Burton a nupui pa in murder case anei tiia lar i duh ami?,hmun tinah media ho mit a awm kual vek tih hria ang che ,mualpho taka awm tir che ka duh lo...nilo chutiang dinhmun ah chuan ka din tir thei lo che "
.
Nick chu tuthleng ah a thu hnawk a, thawk an la leh hak thin .
" keimahin ka enkawl mai thei lo ami?" a rawn ti chuai raih a, a bulah ka zuk thu ve nghala.
"i pa hi ahma atang daih tawh in he damdawiin ah hian a awm tawh alawm" a tih chuan ka meng phawk nghal kawk a.
"tumah in a nihna an hrelo,tihian a dam hun nghakin ka enkawl ta ngawt ngawt mai ani ....zu a in nasat thin em avangin a thin thlak angai a mahse chutichung chuan a dam veleh police kuta hlan tur ani ta tho a,nu pakhat that tu a puh ani .... i pa chuan min hrilh thin a tumah a thah lo thu leh mi dik anih zia... " ka pa tawrh nasat tur zia leh a tawrh zozai te kha ka ngaihtuah ringawt pawh hian ka khawngaih lutuk hi keiman enkawl ngei ka duh takzet zet.
.
"tlema a lo dam tak deuh hnu khan police kut ah awm duhlo in a tlan chhuak ta a ,mahse hei zu alo in leh ni ngei tur ani chumai bakah sawisakna hnuhma a awm bawk" ni e... ka pa hi zu a in chuan pawr ve chi alo ni bawk nen midang a cho leh tawh aniang.
" i pa i enkawl anih chuan nang leh Kai chauh nilo Burton chhungkaw hming pawh a chhe nghal vek dawn....chuvang chuan inngaihtuah chiang la he thil hi ka kuta dah tur che in ka duh ani " Nick chu ka en vung vung a, chhan mai dan tur ka hrelo. Ka pa enkawl chu ka duh alawm chumai bakah ka engkim hi Nick kuta hlan vek ka duh lo, min buaipui nasa tawh a chuvang chuan puih ve ngei ka duh. Chutih rualin Burton chhungkua hi tih hmingchhiat ka duh bawk hek lo,he thu hi lo hria pawh nise Kai ang midik lutuk hi ka pa lamah a tang dawn lo hrim hrim, tunah hian ka rilru a buai takzet.
.
" a rukin tih dan a awm mai lo ami? " e... ngaihdan tha tak ani,a rukin a enkawl theih em em ang.
"keichuan nurse leh doctor ho awm loh laiin ka awmpui mai anga chuan he thu hi Kai mai bakah midang pawhin an a hre bawk hek lo ang ...."
" chutiang em em chuan ami enkawl i duh a? "
" aw... engpawh thleng dawn se ka pa neihchhun ania ka kalsan thei lo"
"ok.... anih chuan tihdan ka lo ngaihtuah dawn nia mahse midang in a hria anih chuan i inthiar fihlim vat ang tih min tiam rawh"
"awle.... Nick ka lawm e"
" thlamuang deuh in lo awm rawh.... lo kal rawh ka thlah ang che.... "
" awle... " ka ti tak na in haw ka phur thlawt lo.
.
In kan thleng tep tawh tih chuan pawn lam ka melh ngur ngur a.
"Nick.... "
" umm.... "
" hotel ah ka riak zawk mai ang... "
" Enga.... ?"
"ughh.... ka tih awmzia chu zanin chu intih thawven nan hotel ah riak zawk ila a tha ang... "
" Lola.... in pawh hotel ang tho alawm...nangmahin room hran i nei bawka tuman an tibuai dawn hleinem che "
"nia... " ka ti chuai raih ringawt, diktak chuan Kai hmuh ka peih loh vang zawk ani.
.
In kan thleng chuan ka la thu vung vung a, ka chhuk peih lo takzet.
"Lola... enge i ngaihtuah a? " ka phu deuh zawk lehnghal.
" hahh... kan thleng tawh ani maw? "
" umm... chuan dinner chu naktuk zanah kan kil dun mai dawn nia aw... "
"nia... ni dawn tak, naktuk hi ka incheckup hun ani leh tawh a chutah chuan ka pa chungchang chu kan sawi leh mai dawn nia... "
" awle...." phur lo zetin car atangin ka chhuak nghala .
" naktuk ah kan inhmu leh dawn nia.... "tih pahin a tlan chhuak leh nghala.
Phur lo zet chungin step ah ka chho hna hna a, ka pent house thlan ah lah Georgia a awm daih bawk sia chutah chuan insawn chhuah daih ka duh asin le.
.
Inchhung ka luh dawn chuan Alfred nen kan intawk hlawl mai, damdawiin ah khan ka kalsan ta daih sia a lo va haw anih dawn hi.
"Kai a awm em? " man beh pah chuan ka ti hu a,a lo bu nghat bawk.
" naaa..... ka van peih lo tak" tih nung nung pahin ka lut nghala. Kai hmuh hlau tak chungin hmanhmawh zet hian ka room lam ka pan nghal hlawk hlawk a.
" Khawiah nge i kal? " ka ding nghal chawt, ner suk pahin kal lehnghal ka tum a.
" ding rawh... " ke pen ri in min rawn hnaih telh telh,ka ding ngil nghal zawta confi zetin ka hawi let nghal.
" haw lo in khawiah nge i kal? " atawng chu a nelawm loh ngei mai, chhan pawh a peihawm loh.
.
"ka leng... " ka chhan dan avang chuan a lungawi loh hmel ngei mai.
" Kha... " tih pahin thil a rawn theh phei a, ka lo dawng chat bawk.
" Enge.... ?" ka keu nghala, kan contract kha alo ni a.
"ka kawl dawn mi? " ka tih chuan ka nui lui zui hak
"dan thar ka siam belh leh a i zawm ngei ka beisei...." eng dan nge ni leh ta!! ka chhiar thla nghal vata .
"chhuah dawnin kalna tur sawi zel tur maw!! ....?"
"hre reng ang che... "
" he dan hi ka pawm ve lo. " ka pa ka hmuh dawn apiangin dawt ka sawi ziah angai dawn anih hi.
"hming i sign hnan vek alawm.. "
" maw!! hengte chu hming ka sign hnuah alawm... "
"dan thar hi tun atangin i zawm thei ang.. " tih pahin contract chu min rawn chhusak a, ngeiawm zeta min rawn nuih pahin a kal daih anih chu.
.
Thinrim tak chungin ka room ah ka lut nghal hmawk hmawk a, ka bag Vacation a ka ken Alfred an ka khum bulah a lo dah fel sa thlap chu ka chhuih thlu kher bawk.
"engtin nge ka tih tak ang.... naaa.... " a hma zawnga ti si lo, tun a taka tih thar leh vel.... enge maw a hriat teh hrep le?
Ka bag khumah ka paih nghal pawp a,ka thu tum hmuk bawk,khuma shopping bag nalh zet lo awm chu ka khawih fuh a.
" engthil nge le? " tih pahin ka han thing a.A chhunga carton box dum nalh zet chu ka phawrh chhuak nghal bawk .
" Hermes maw!! "a chunga thil inziak chu ka chhiar nuah nuah a, thil ka hrechhuak nghal zawk. Awi Lalpa leh!! ka kâ ka hup nghal vata, phawk fe in box chu ka en reng bawk.
.
Thawk lak hawk pahin ka han hawng chiah mai chuh,ka thlauh nghal!! chet ngaihna pawh ka hre tawh lo.
" Hermes matte crocodile Birkin bag maw!! awi... Lalpa leh!! " ka mumang ani em? ka han in piai nawk nawk a.
" a takah ka hmuh che ka in ring ngai lo asin... " tih pahin bag chu ka kuah nghal ngawih ngawih a. Ni e,nangni pawh ni ula hetiang hian in awm ve tho ang, hetiang bag to leh vang lutuk hi neih chu sawi loh ka khawih pawh ka inring ngai lo.
" awle vun atanga siam.... chuan a kilh na ah white diamond carat sawm lai an hmang bawk....alo berah $120,000 vel aniang " tih zung zung pahin ka han chul kual vela,ka mumang ani tak tak amawn le? ka inring hlel rum rum mai.
.
Ngawi lawk teh u!!
" He bag hi engvanga heta awm nge maw a nih le? " tih pahin ka ding nghal hluai a,rilru fim ka pu nghal vat bawk. Kai Burton lo dah ani hrim hrim ang.Hmanhmawh lutuk in bag chu ka khung sawk sawk a Kai room lam panin ka kalpui nghal hlawk hlawk bawk. Kawngka alo in kalh avang chuan ka beng ti tih deuh a,
" min bum hauh lo ang... " ka tih bul bul lai chuan a rawn hawng ta thut mai, ka lo inring lo bawk nen ka awmdan a lai takzet.
" Enge? "
" chu chu zawt zawk tur che ka ni heihi eng nge?... "bag chu ka lek va va a.
" lo lut rawh.... " a kal daih avang chuan ka zui lut ve nghala.
.
" he... he thil hi i theihnghilh in ka hria chuvang chuan ka rawn dah let dawn" inla fel zet chung chuan a khumah ka theh phei nghala,ka inchhir leh hnuhnawh sawtiang bag to lutuk saw lutuk taka dah tur ka ni asin.
" i ta tur anih kha... " ka hma ah tak ipte zen chung hian a ding ran a.
"ka... ka ta tur maw!! " nilo Lola... harh chhuak rawh a bum che anih kha.
" ka... ka... ka duh bawk lo.... " ka ti bah nuai ringawt, kei ngei pawhin ka thusawi hi ka ring bik lo, nidang chu nise ka la nghal daih ang.
" i bag ang kha ka hmuh loh avangin kha kha ka rawn lei ta mai anih kha.... la rawh, chuan i bag ang ka hmuh loh avangin pawi ka ti takzet." ka bag nena tehkhin chuan ka bag te kha chu ek ang chauh aniang chu.
.
"haha... pawisa i in la nei hle mai ka bulah i in luling vel ani maw! ...ka duh lo ka la dawn lo" tih pahin chhuah lehnghal ka tum a mahse ka ban ah a rawn vuan hman.
" luhlul viau lo teh...."
" bag mai mai hian min tih lungawi i tum amaw!! hahh... i tisual der ani " nuih suk pahin ka inher vut a.
"Georgia hetah reilote chhung chu alo awm hrih dawn" ka ding nghal chawt a,chuvang chu ani maw bag min lei nachhan min tlawn nan.
"hahh.... eng mi ang nge min ngaih a" min tih dan avang hian ka lungawi lo takzet.
" i duh chuan a awm thei alawm... kei min hrilh kher angai hleinem"
"minute20 hnu velah a rawn thleng ang.
."
" maw!!" naktuk ah a ti maw ka tia ,a va rang tut tut ve ka inring hman reng reng hleinem
" ngatinge Georgia pawh chu i ngaihsak em em a? "
"umm.... a hriselna dinhmun ala derthawng deuh hlek a...ngaihsaktu a nei lo bawk nen"
" anih kei ve hi "
" Lola... nangte chuan min nei alawm,in khatah kan cheng dun bawka... "
" chuvang chauh chu maw!! " ka nui lui hak a, in khatah chengdun mah ila min ngaihsak chuang hleinem.
"Georgia nen chuan in awm dawn nia... zanin ah ka riak chhuak dawn nia... " tih pahin ka chhuak nghal nal nal a.
.
Kawng ka en lo bawk nen hmeichhe pakhat hian min rawn su chawrh a,a hmel atang chuan Chinese emaw Japanese emaw anih duh hmel.
" tunge i nih? " ka la hmuh ngai loh avang chuan ka ti haw a.
"Lin ka nia...hna thawktu thar ka ni , mamawh i neih chuan min hrilh hre vat turin ka ngen a che " a polite phian lehnghal.
" hahh... Georgia enkawl turin hnathawhtu thar ala vel ani maw! " rum zeta melh pahin ka kalpel nghal hlawk hlawk a.
.
Ka bag ah ka mamawh tur leh ka damdawi ei lai ho chu ka khung sawk sawk a. Georgia awm chhung chu ka let tawh lo ang tih rilru pu ran chungin ka chhuak nghal hmawk hmawk a, ka hawi let tawh lo hrim hrim. Reife ka kal hnu chuan main gate ka thleng thei hram, ke a kal zet chuan compound a neih zau zia ka hre thar leh hnuhnawh.Tennis court ringawt pawh pahnih a nei ania, basketball court,badminton court leh golf course a nei bawk. Chutah a in ah ringawt pawh bathroom sawmpanga lai a awm hem mai, swimming pool pali, chulo pawh chu eng eng emaw a awm teuh ka ring nakin ah ka la hre chho ve zel mai aniang chu.
" Heti khawp hian a hausa a Georgia chu in hranah awm tir mai tur ania "
.
Thui pawh ka kal hman lo ka hah lutuk chu ka ding ta ringawt a
" khawiah nge ka kal ang le,hotel ah riak ringawt dawn ila a to leh awm ropui si? "Nick ka call ta ringawt a, ka insawi khawngaihthlak awm bawka rei lote ah a rawn thleng nghal vat.
" Lola.... enge awmzia? "
" ugh...hawh hmun dangah kal vat vat phawt ang... "
" awle... lo lut rawh... " a tih chuan car ah ka lut nghala.
"Eng thil nge thleng? "
" aa.... ka thin a rim lutuk... "tih pahin tui ka han in khawlh khawlh phawt a
" Kai nen in in ti thiam lo tiraw? "
" ka haw tawh dawn lo.... Nick riahna tur hotel tlawm deuh i hre lo maw? "
"ughh.... haw leh la a tha zawk in ka hria"
Chapter-29
.
" Teuh lo mai.... Kai Burton a hlat thei ang berah awm ka duh"
"kha heihi in phawt rawh... " tih pahin tui min rawn pe a, ka han lem leh khawlh khawlh phawt a.
"chuan engtin maw awm i tum? "
"Riah chhuah ka duh... Georgia rawn awm chhung chuan ka haw tawh dawn lo "
" maw!! Georgia a rawn awm dawn maw!! ?"
"niang chu mawle.... Urghh.... Nick ka ril a tam lutuk" ka pum a rawn ri nghal rawk rawk bawk, zing atangin engmah ka la ei lo bawka ka ril a tam takzet.
" awle... enge i ei chak...? "
" umm.... French restaurant ah kal ang.. ka treat ang che" ka la ti hawm hawm zui pawisa nei miah si lo hian.
" awle... " min rawn nuih suk a.
.
Nick nen thil kan ei zawh meuh chuan khua alo thim der tawh,ei na man a pe leh ta nge nge a, ka zin haw atangin hah chawlhna hun pawh ka la nei lo, ka chau takzet.
"Hotel tlawm deuhna i hria em? " a lu alo thing vata.
" ani maw!! anih chuan khawiah nge ka awm ang ka in thlan lah Georgia a awm daih bawk si"
"ei duh dang ila nei em? "
" umm..... ka hre mai lo" ka puar tho na chu enge maw ei chak deuh ka la nei.
" Nick.... ka pa ka hmu thei angem? " a ngawi vung vung a, a tawng hun ka lo nghak ran bawk.
" tunah chuan tuma hmuh phal ala ni lo a"
"a na nasa viau ami? "ka hlauthawng hman takzet.
"nasa lo e... i hmuh duh chuan ka hruai ang che " a tih chuan ka lo bu nghata.
.
Damdawi in kan thlen chuan thawk kan la hak a
" i tha maw? " ka nui suk a, mahse a ruk tak chuan ka pa damlo lai hmuh chu ka hreh takzet.
" kal ila.... "
" ngawi rawh aw... " tih pahin thawk kan la kawk kawk a,hetiang hi ka nih dan ve reng ani damlo ka hmuh hian ka nu kha ka hrechhuak thin a chuvang chuan ka tim deuh tlat zel.
"i pa chu a tha em em ang... " ka kut chu a rawn hun vang vang a.
" Nick... ngatinge harsatna ka tawh apiangin min tanpui zela... " Nick chu ka en kar a engvanga zawt thut nge ka nih pawh ka hrelo.
" Lola.... hmana Mighty kha ka la hmangaih reng ani "
.
Ngawi rengin Nick chu ka en kar a ka thinphu te hi a chawl dup nimai hian ka hria,keipawhin hmana Nick kha ka la duh reng tih ka hria mahse Kai a awm tawh tlat. Hun reilo te chauh la awmdun in inngeih lo hle mah ila ani ang em em a vei leh ka thin ti phu rang tu hi ka la tawng ngai lo.
" ugh... haha... kal tawh ila... " boruak tihzia awm nan tiin ka nui lui ta vel mai mai a,rang lutuk in car atangin ka chhuak nghal daih bawk. Nick pawn min rawn zui nghal vata ka lo zawt ta kher kher kha ka inchhir leh hnuhnawh. Elevator a kan chuan lai pawh chuan inhre ngai lo ang maiin ngawi rengin ka chuang dun ran a awmdan thiam a har takzet.
.
Nick kalna lamah chuan ka zui ve zela
"Hello....Nick.." Nurse leh Doctor kan tawh apiangin kal pel pah chuan an lo ti zela,doctor anih vang pawh ani mahna betu an tam em em nachhan.
" i lar hle mai " nuih tet tet pah chuan ka ti a.
"ka la lar dawn chauh" min lo fiam let ve nghal.
" Hetah hian lo ding teh... " min pawt hnai a, a din na ah chuan min din tira.
" i pa chu heta tang bakin en phal ani lo a.... ICU a a awm chhung chu hetia lo thlir tawp mai loh chu tih theih dang a awm lo.... " kawngka darthlalang atang chuan ka pa khum a mu bam lai chu ka thlir vang vang a, a cher in a dawldang em em a ka lainat takzet.
.
" tisawn nikhaw hrelo in a awm tihna ami? " ka ti sap a.
" aw.... a thin thlak vat angai bawk a mahse tunah donner kan zawng meka a dam vat mai ang.... "
" Eng chen nge ti sawn a awm ang le? "
" ka hre bik lo.... " doctor meuh pawhin a hriat loh chuan kei mimawl ve tak tan chuan rin dan pawh thiam a har .Ka ding kun nghal lap a, thawk chhuah hak pahin thuthleng ah ka thu nghal hnawk a
"ngatinge i pa hi phuba la in i kalsan mai loh.... " mak tih hmel takin ka en nghal kawk a.
" Maisie in min hrilh tawh alawm" a rawn ti leh a, Nick an a hre lo emaw ka lo ti char char a Maisie in alo hrilh leh vek ani maw!! chunu mai mai chuh.
.
" umm..... " ka ngawi vung vung a.
" ni e... ka pa khan ka nu nen min sawisa nasa thin meuh mai ,a zu man atan thil min ruk tir thin bawk a mahse zu leh drugs a ruih lai chauh in chutiang chuan min ti thin. A ruih loh lai chuan pa fel tawpkhawk ani asin, a fa diktak ni miah lo chu a fanu ang tak tak in min enkawl seilian a,a ruih lai pawhin vawikhatmah fa lak ka nih thu a sawi chhuak ngai lo chuvang chuan kei pawhin pa tak tak angin ka en a,fanu tak tak anga min pawmtu chu kei pawhin pa tak tak anga pawm ve ka duh ani. " ka nunhlui ka sawi chhuah leh tak avang chuan ka tawt lehnghal up up a, mahse tah erawh ka tum tawh hauh lo.
" pa ka mamawh lai berin ka pa ani a, chuvang chuan fanu enkawl tu a mamawh lai hian a fanu nih ka duh ... " ka nui lui suk a, mahse ka mittui erawh a tling pam thung. Diktak chuan ka pa ka tlanchhiat san nachhanchu nun tha zawk neih ka in beisei vang zawk ani kha mi avang khan ka inchhir bawk hek lo mahse engtik ah mah ka inngaidam thei tawh ngai lo ang .
.
" ka tih palh lutuk.... " a rawn sawi chhuah avang khan a inthiam lo leh hnuhnawh a.
" a ho lutuk.... " a darah chuan ka bei hle hle a,
"a tha leh vat mai ang... "
"ka lawm e... " Nick chungah hian lawmthu sawi mawlh mawlh tur ka ni chuan ka hrilh tam tawk lo ka in ti hle bawk. Rei tak damdawiin a kan awm hnu chuan ka chau bawk nen ka ham bai bai a.
" ka thlah dawn che mi niang? " ka ding nghal zawt a.
" aih ka haw tawh dawn lo.... kawng sira riah pawh ka thlang zawk... "
"Lola...."Nick chu a lungawi loh hmel takzet.
"zanin chu ka inah i awm dawn nia... "
" nilo... hotel ah ka riak zawk mai ang "
.
"Kai Burton a nupui hotel ah a riak tih chanchinbu kawmah lang se i duh em ni? "
" miin an hre dawn hleinem... "
" khawi hmunah pawh mit a awm tih ka hrilh tawh che kha chuvang chuan zanin chu ka in ah awm phawt la nakin ah hotel chu i zawng dawn nia... "
"Nick nilo...hotel ah awm zawk ila a tha ang.... "
" ngatinge i luhlul em em a? "
" khawngaihin... hotel ah min thlah zawk rawh... "
" awle... a tha e... mahse nangmah chauh chuan ka riah tir dawn lo che "
" maw!! enge awmzia.... ?"
"room chhunga mut i phal loh pawh balcony ah ka awm mai ang... "
" naa.... anih leh i inah chuan kal mai ang... " ka ti ta ringawt a, hetia ka tih mai loh chuan balcony ah khawtvawt hnuaiah a riak leh duh tak tak ang,a hma pawhin pawn ah ruahsur hnuaiah a awm char char tawh a khatiang kha thleng nawn turin ka duh tawh lo.
.
Nick in lam pan chuan kan haw a ka mut chhuak lutuk chu ka ham leh bai bai thin.
" mu rawh tikhan"
" aih... ka mut a chhuak lo " ka ti ve tlata, car a mut chu ka tum bik hauh lo.
"anih chuan kan tlan chak deuh ange " ka chhang peih tawh lo, ka meng tawk tawk ani ber tawh. Hetiang em em hian ka mut ala chhuak ngai lo mahse North Yorkshire ah khan ka mu tlem thin bawk em ani.
Nick in kan thlen chuan ka lawm ru ngei mai, mut ka chak tawh takzet zah pawh ka dawn zo tawh lo.
Nicka apartment chu 2nd floor ah a awm a, a zau in a fel khek a a nuam takzet.Khaw thlir na tur darthlalang langtlang thei lian zet hma ah chuan ka han ding vang vang a, khawpui eng phe un te chu a mawi takzet.
.
" Heng zawng zawng hi zantin i hmu thei bik awm sia a nuam ngawt ang... " tih pahin couch ah chuan ka han thu ar ar a, ka kawng ana tawh bawk nen ka dam sawng sawng mai.
"... coffee i duh em? "
" aw.... khua a vawt bawk sia a tui ngawt ang... " ka lo nuih sang a.
" tikhan lo thu la ka rei lo ang... "
London khawpui chu zan lamah pawh alo mawi tho anih hi....ka thlir renga, a chang leh ka ham leh bai bai thin. Nick rawn let hun nghakin ka lo meng ve tang tang a, sana ka en chhen bawk.
" avan rei em em...? " tih pahin thatchhe zet hian ka thu awn deuh a, ka melh ngai ka melh ngawt ngawt a, ka mutthilh lai pawh ka hre tawh lo.
.(Nick-a apartment )
________________________________________.
*Kai Burton's POV*
.
"mangtha le "Georgia room ka chhuahsan rual rual in sana ka en nghal.
" khawiah teh hrep nge maw a kal le? "ka ti zui sap bawk. Vawin khan a rawn haw loh tur thu kha a sawi a, a rawn haw leh mai ringin ka umzui duh lo kha ani a mahse alo ti tak tak anih dawn hi.A rawn haw tak thut in tiin a room kawngka bulah chuan ka ring renga, ka hawng mai duh bik lo.Lo awm ta reng si se ka ngaihven tih a hriat chuan a aia nasa in min thinrim khum ang tih ka hlau ani. Dar 11:30 a rik pawh chuan Lola hmel reng reng hmuh tur a awm lo, ka room ah ka kal nghal vata, Lola room a cctv ka dah chu ka en nghal vat bawk.
.
Hmun hran hran a cctv ho chu ka enkual den den a, hmuh tur a awmlo reng reng.Khawiah nge a kal tak ang, ka call nghal vata mahse a ring ral thak thak.
" hreptak chuan... " ka phone chu khumah ka paih nghal thuai a, ka lu ka han dawm vang vang a.
Khawiah nge a kal ang le nge buaina a tawk reng zawk Ka coat fual leh ka phone chu la in ka room atangin ka chhuak nghal hlawk hlawk a.
" Boss Khawiah nge i kal dawn? " Lin nen chuan kan intawk hlawl mai.
"zanin ah ka rawn haw lo maithei a Georgia saw ilo thlithlai reng dawn nia"
" awle... "
Car a luh pahin Alfred ka call nghala
"Alfred.... hotel to lutuk lo ho ah khan Lola a awm nge awm lo min en sak ta che"
" awle... Big Boss.... "
" ka lo ngaichang reng dawn che nia.... ."tih pahin Lola zawng turin khawvawt karah ka chhuak leh ta nge nge a
.
A khat tawkin ka call reng bawka mahse a pick up duh lo hrim hrim, Alfred pawhin hotel ah a hming a hmuh loh thu min hrilh lehzel bawk nen ka mangang tan.Khawi emaw kawng sir vela restaurant ah a awm ringin ka enkual zel bawka mahse ka hmu chuang lo.A tawp a tawp ah duhthlan tur ka nei ta lo ka hreh em em Nick chu ka call ta ringawt a.A in ring lai te chuan thawk kan la leh hak thin, Nick laka tlawm lutuk a awm hi ka tum lo bur bawk nen call ringawt pawh hi ka tan chuan thil harsa tak ani.Nick a pick hun chu ka ngaichang renga mahse a in ring ral thak.
" Eng tehhrep nge maw a tih le? "a in lam pan chuan ka inturn pawp a,Lola ka hmuhna tur anih chuan ka kal mai tur ani tiin ka i hrilh mawlh mawlh bawk.
Nick apartment ka thlen chuan chhuk mai lo in car ah ka awm char char a ,mahni nupuite mipa dang in a han zawng duk duk mai chu tlawmthlak ka ti ve deuh bawk nen ka thu ngawi renga. Rilru fim pawh ka pu thei lo,Nick in a kal hi ka hreh ani tawp mai .Rei tak car a ka thut vang vang hnu chuan Nick a rawn chhuak hlauh!!Min hmuh hlau tak siin ka han thu hniam deuh tak na in min rawn pan nghal chat. Min hmu ani tih ka hriat rual rual chuan car atangin ka chhuak nghal vata
" Khawiah nge Lola a aw? " ka han ti thawr ringawt a.
" biak che ka duh... " tih pahin ka car ah chuan a lut a, thawk hak pahin kalut ve nghal bawk.
" Khawiah nge Lola a awm? " ka han ti nawn leh ngata.
.
" a pasal i nia ngatinge hetah i rawn zawn.... " ni e a sawi dik,
"ka bula a awm i rin na chhan chu Lola nen kan inpawh viau turah i ngaih vang tiraw? " ngeiawm zetin min rawn nuih suk lehnghal.
"Ngatinge maw thil hi i ngaihtuah nasat em em mai le? Lola i bula a awm leh awm loh chu sawi vat mai rawh"
"sawi duh ta lo ila... "
"hreptak chuan... " tih pahin a kawr nghawngah chuan ka tham nghal tawn a
" Kai....i in a awm saw Lola hian nuam a tih i ring reng reng ami? rawn haw a hreh zia te hi hriat sak ve ta che... "
" Engmaw? " Lola in ka bula awm hrehawm a ti amaw!!
"ni e... i ring dik Lola chu ka inah a awm, tunah chuan thlamuang takin a muhil asin,chuan Georgia i ina a awm chhung chu rawn haw a tum hek lo "
.
"ka kaitho anga a rawn haw tho ang... " chhuah ka tum lai tak chuan Nick an min rawn vuan bet a.
" a rilru hahna te leh a hrehawm tihna te hi i hriatthiampui ve tawh reng reng em? nangchuan hriatthiam a hnekin a mittui i tih tlak sak zawk asin... tun atang chuan Lola hi i tih nat ka phal leh tawh angai lo ang "
" ngaihsak tak angin awm tum vel suh"
" hahh....tun atang chuan Lola chiah ka ngaihsak tawh ang....chuan hlim takin ka dah bawk ang "
"woww... mi ropui tak i nih hi le? "
"Kai.... Georgia i thlang anih chuan Lola hi rawn ngaihsak tawh suh ang che.... keichuan i tih nat ka phal leh tawh lo ang.... " tih pahin a chhuak nghala, Nick thusawi avang khan ka sa nghal phat, car steering chu ka beng nghal pawp pawp a,chang leh ka hnek thul .
Ngatinge hetiang hian ka awm tlat le ,ngatinge Lola hi Nick hnena ka pek phal tlat loh le? .
.
Nick thusawi te chu a mal te te in ka ngaihtuah let a ka thin a rim in ka thik takzet bawk.Lola a neih tur thu a sawi lai leh a ven tlat tur thu a sawi lai te kha ka bengah a ri nawn tluk tluk a,a chang leh kan chek leh tlak thin.Ka hmui khawih neuh neuh pahin thil eng eng emaw ka ngaihtuah neuh neuh a, zanin atan chuan haw phawt ila a that ka ring. Chak zetin in lam panin ka tlan chhuak lehnghala, zanin chu Nick a bulah lo riak phawt rawh se naktuk zingah hruai turin ka kal leh mai ang. Ngawirawh engmaw Nick bulah ah!! ka brake nghal tuarh !! an pahnih inkar ah thil enge maw pawh a thleng thut thei eng vanga ngaihtha taka haw tum nge maw ka nih le? ka hlauthawng leh hnuhnawh a, ka inturn nghal pawp a Nick in lam panin chak zetin ka tlan let leh nghal .
Nick apartment ka thlen chuan luh hrehna chhe te ka nei tawh lo, chak zetin step ah ka cho nghala ,kawngka zawn ka thlen rual rual chuan tupawh in an hre lo ang ti hlau niawm fahran a ringin ka beng nghal dawt dawt a.
.
Chapter-30
.
An rawn la hawng mai lo zui,ka han ngaithla vang vang a, engemaw an ti amawn le? chu veleh a aia na chuan ka han beng leh dawt dawt a ka rilru te te chuan an rawn hawng lo anih chuan ka chhir tawh ang tiin ka ngaihtuah tawh.Ngatinge an rawn hawn har em em le nge an pahnih hian engthil emaw an lo ti dun reng zawk. Tlawh ka tum lai tak chuan kawngka a rawn in hawng ta phut mai, Nick ka hmuh veleh chuan ka coat chu ka siam tha nghal vata ka melh khai bawk.
" Kai... enge? " a ti dek dek a inchhungah ka lut nghal a, Lola zawngin ka hawikual nghal ruai bawk.
" khawiah nge Lola....? " a enga mah hma chuan a kawr nghawng ah ka tham nghal tawn a.
.
" Engthil nge maw i tih le? " ka kut a paih thla nghal sawk bawk,a sawi duh lawk loh avang chuan ka kutzung chal hmuh va va pah chuan ka kawk a.
" sawi vat rawh...i sawi lo a nih chuan"
" Kai... haw zawk rawh i tan a that zawk ka ring.. "
" teuh lo.... " tih pahin a bedroom ah ka lut nghal a ,a bathroom ah nen ka lut kual nghal vek bawk.
" Lola... Lola... " khawiah teh hrep nge maw a awm le? amah ko chung chuan ka en kual zela ka hmu tur hi ani ringawt.
"Lola.... " tih pakhat in room pakhat ah hian ka lut a, light on pahin
" Lola.... Lo... " Lola tui taka a lo muhil sak sak lai ka va hmuh chuan ka tawng tawp nghal chawt.
.
Rang lutuk in kaihthawh tum chuan ka pan nghal vata
" Lola.... " sawi harh ka tum lai tak chuan Nick an min lo dang nghal.
" ti harh suh... " a rawn ti sap bawk.A thu ka awih duh bik lo, ka zuk sawi lui leh nghat a mahse a harh chuang lo, a ruk tak chuan kaihthawh ka hreh ve tho mahse ka ti laklawh tawh.Nick chuan ka banah a rawn vuan a
"inbia ang.... " thawn dim thei ang berin a chhuak nghala. Keipawh in thawm dim ka duh ve tho mahse Nick bula khatianga awm vel kha ka duh loh vang ani. Lola tui taka a muhil sak sak lai chu ka thlir renga,a hmeltha chiang kher mai,hetiang hian a hmeltha tih ka lo hre ngai miah lo.Zan dangah a mu tlai thei thin hle si a zanin chu a chau takzet anih dawn hi.A puan ka sin that tir zawh chuan room atangin ka chhuak nghala, Nick chu min hnungchhawn zawng hian balcony ah alo lo ding ran a, a bulah ka va ding ve nghal vat bawk.
.
"i hruai haw duh anih chuan Georgia chhuah tir hmasa phawt rawh "
" Engmaw? " ka ti nghal haw a
"ngaihsak tu a mamawh ani i nupui a ni a i ngaihsak a phu asin.... anih loh pawhin hmeichhe dang i duh anih chuan ngatinge i then mai loh" ka ngawi vung vung a, a sawi dik chiah mahse inthen chungchang hi ka lo la ngaihtuah leh miah lo.
" chu chu keima thu ani.... "
"Kai.... Lola hi i hmangaih lo tih ka hria chuvang chuan thlah zalen rawh... " ka nui lui nghal hak .
" ka fa a pai meka tichung chuan ka kaltir daih ang maw!! ni lo e... mi ten misual tak anga min ngai turin ka duh ka duh hleinem"
" chuvang chauh chuan maw?,mite ngaihdan avang chauh in maw i neih? "
.
Ka lo nuih ringawt a, ni e... ka neih nachhan kha chu miten misual angin min hre lo se ka duh vang ani chubakah ka fa lo piang tur hi khatiang hmeichhe lep chiah bar a thawk mai mai enkawl atan ka duh hleinem.
" awle... a tha e, i ngaihdan diktak i sawi avangin ka lawm e... " min tih el zet hian min rawn nuih vel a
"i lo duh ru reng ani zawk lo maw?" han tih el vel hi a nuam ve hrim hrim, Nick chu a ngawi vung vung a,bar a thawk mai mai chu a duh bik lo anih dawn hi.
"aw.... " ka rin loh dan ang daih a min chhan avang chuan ka nui tawp chiang kher mai.
" ni e.... Lola hi ka duh alawm chuvang chuan ka sawi tawh ang khan Lola thinlung hi hneh ngei ka tum anga ka nei ngei bawk ang.... "
.
Ka ngaihdan a ni ta hauh lo, Nick an Lola a duh amaw!!!? thil theih ani nilo..... Lola hian a duh ve angem? hreptak chuan.... engvangin nge ka thinrim em em a? chuan ka thik hle bawk ka awmdan hi a dik hauh lo mai.Hemi te pahnih hi an lo in ngaizawng ru reng ani hial lo maw? tenawm lutuk nge a rukin an lo mudun thin reng tawh zawk? Engthil nge maw ka ngaihtuah le? Engpawh thleng dawn mahse an inkar ah hmangaihna ka piantir hauh lo ang .
" han tum chhin la.... " inchhungah ipte zen chungin ka lut lehnghala,ka awmdan hi ka inhrethiam tawh bik lo, ka thinlung hi chemte a vih sawk sawk ang mai hian a na a, Lola chan hlauhna ka nei tlat bawk.
.
Ngawi rengin Nick in atang chuan ka chhuak nghal nal nal a, car a ka luh hma chuan ka lu ka han dawm leh vang vang phawt a. Hetiang hian awm tur ka nilo asin, mahse ka thunun theih loh khawpin ka thinlung erawh a na hle thung.
" phiang sen chuan... " tih pahin ka car chu ka pet ri nghal tuarh tuarh a, thinrim tawh sa nak alaiin min ti thinrim belh chhah. Zanin chu ka haw phawt anga tui takin ka mu anga naktuk zingah chuan hetiang rilru hi ka put tawh lo hram beisei chungin car ah ka lut leh ta ringawt a, hawi chhoh vang vang pahin ka tlan chhuak nghala.
.
________________________________________
.
Tuk dang ang bawkin zing hma takah ka harh a, nizan ka mu tha lo bawk nen ka chau ve takzet. Lola a lo haw tawh takin tiin phur zetin cctv bawk chu ka bih leh nghal chat tawh mahse a hmel reng reng hmuh tur a awm lo, zingah pawh a rawn haw lo anih dawn hi.Excer te, breakfast te leh thil dang dang ka tih zawh hnu pawhin a rawn haw chuang lo. Henu hi rawn haw tawh loh a tum tak tak amawn le? Office ka kal hma chuan Georgia room ah ka lut a, nimin atangin engmah ala ei peih loh avangin ka ngaihtuah deuh hlek.
" morning ...." ka luh chuan min nuih sang pahin alo thu chhuak nghal vata.Khumah thu in a sam thur bam chu ka chul mam saka.
" ei chak te i nei em? "
.
" nei lo e... " aw tham tiak chung hian min lo chhang a,en ringawt pawh hian a chau hle tih a hriat .
" nizan i mu tha em? "a lo bu nghat a.
" Enge maw tal ei rawh aw... Rita kan ko ange? " ka kutah a rawn hmer vang vang a, a mittui a tling pam bawk.
"Kai....ka lawm e... " sawi mai tur pawh ka hre lo, ka ngawi renga.
" a tha leh mai ang.... " ka ti ta ringawt a.
"Lola in ala hrelo tiraw...? " a tih chuan ka bu nghat a.
"keimah vangin a chhuak sia.... i thin a rim em? " ka nui suk a,
"in in then tep tawh ang tiraw? "
"Rita ka rawn ko ang enge maw tal ei rawh....office ka tlai dawn....ni hman nuam le"a sam a chul zeuh pahin ka chhuak nghal nal nal a.
.
Nizan atang tawhin ka awmdan a dik tawh lo, nidangah Georgia in Lola nen kan inthen tur chungchang a sawi pawh in engtin mah ka awm ngai lo mahse tukin zing chu kan inthen hun tur chungchang ngaihthlak ringawt pawh hi nuam ka ti lo.
Ka chhuah pahin Rita bulah chuan
"Georgia saw eitur enge maw tal ilo pe dawn nia,a damdawi kha a hun takah i lo eitir bawk dawn nia ... chuan Lola a rawn haw anih chuan min rawn hrilh vat ang che " ka ti nghal zung zung a,
" awle... Boss.... "
" chuan doctor leh nurse ho kha vawin nilengin Georgia enthla reng turin lo ti bawk ang che "
Lola rawn haw ve mai ringin office ka kalsan ta ringawt a mahse ka ngaih erawh a tha thei chuang lo.
.
Hna ka thawh mawlh mawlh lai pawh in sana ka thlek leh zeuh thin
"Rita in ngatinge min rawn la call loh le... ?" pen dah pahin ka chair nghenchhan dup zet chu ka han ngheng ar ar a.
Phone chu ka thlek ngur ngur a, Rita in min rawn biak loh chuan biak ka hreh bawk si,ngaihsak tak anga lan hi ka duhlo.Thawk lak hak pahin hna ka thawh chhunzawm lehnghal mawlh mawlh a ,a chang leh Lola call ka tum thul mahse min rawn biak si loh chuan va biak hmasak ka tum hauh lo.
"Engvangin nge a luhlul em em le? " tih sup pahin ka file buaipui lai chu ka khup thak a, ka hnathawh pawh a tui thei tawh lo.
.
Chutia ka inngaihtuah buai lai tak chuan ka secretary pakhat zawk Lily a rawn lut a.
" Big Boss.... meeting a hun tawh dawn e.... "
" awle.... ka lawm e" Lily chu chhuah lehnghal a tum a.
" Miss Lily.... " a rawn hawi let nghal vat ,kei lah bawp khawkherh chungin thatchhe zet hian ka thu a
"i pasal nen in in tih thiam loh in engtin nge in in ngeih leh thin? " ka zawhna avang chuan min rawn en nghal kawk a, ni e... a mak reng alawm tiang lampang hi ka sawi ngai miau lo ,a awmdan avang chuan nuam lo ka ti leh hnuhnawh a min chhan hma hma chuan
" i kal thei tawh ang.... " ka lo ti vata.
" Boss.... ngaihdam dil hi kei chuan tha ka ti ber " tih pahin a chhuak lehnghal a.
.
Engmaw!! ngaihdam dil a!! ngaihdam dil turin engthil sual nge ka tih.... hahh... pawisa pe ila a lawm zawk ang.Ka coat fual dum chu ka ha sawk sawk a, meeting nei turin ka chhuak nghal bawk.
Ka room pawnah Alfred an min lo nghah reng tawh avangin ka kalpel a, min rawn zui vat bawk.Lift a kan chuan lai chuan hnathawk dang an awm lo bawka tiin thawk kan la hak a.
" Lola in in checkup turin doctor a pan nge pan lo hriat lo tum ang che.... "
" awle... Boss"
" Alfred....thu thar a awm phawt chuan min rawn hrilh hre vat dawn nia" a lo bu nghat a, Tun tum zet chu Alfred pawh ka ring zo tawh lo, hman ila chu keimah ngei kal in va zawh ka duh takzet.
Car a luh pahin ka phone chu ka thlek leh kher a,Rita in min rawn call har danah Lola a rawn la haw lo ani ngei ang.
.
Meeting kan neih lai te chuan ka phone chu ka thlek sek a,presentation lamah ka rilru ka pe hlei thei tawh lo chuan hetiang hian hmeichhe vangin ka awm vawikhat na, nidangah hmeichhia in ka hna ngaihsak thei lo khawpa rilru hah in min la siam ngai lo.Kutzungpui a hmui khawih meuh a ka lo inngaihtuah lai chuan ka phone a rawn eng ta thut mai!! rang lutuk in message ka hawng nghal vata.
* Alfred:-" Lola chu doctor hmu turin a kal chiah e"* tih te hi a lo ni a, engmah pawh ngaihtuah lo in ka ding nghal thut bawk,
" Mr. Burton" pu Martin chuan thu turin min rawn mit mei zeuh a, tupawh mai chuan ka awmdan chu mak an ti niin a lang .
"chhunzawm rawh u " tih pahin ka chhuak nghal daih a
Lola inentir na tur hmun ka thlen chuan hmanhmawh takin ka kal nghal vat vat a, Lola hmuh hlan ka nghakhlel ani ber.Room a ka luh dawn te chuan ka zam ve hle mahse ka tilang lem lo. Phur ru tak chungin kawngka ka hawng nghal vata.
" Hello.... Mr. Burton" nurse chuan alo ti vata, ka lo nuih ringawt thung ,beisei nei tak siin zawt hreh bawk si chuan ka ding renga.
"In nu i rawn hruai dawn em ni? an la rei deuh ang mahse i fanu i hmuh duh chuan min rawn zui rawh.... "hlim hmel pu sang chungin a ti a, kei erawh mak ka ti hle thung, engtin nge fanu ka nei dawn tih an hriat?
.
Nurse chu ka zui nghala ,Lola chu khumah a lo bu bam a, a dul puar ve tawh tak chu an hlim tir vek bawk,eng khawl emaw hian doctor chuan a dul chu a han zut kual vela ,
" Mr. Burton hetah lo thu rawh.... " Doctor chuan Lola bula chair ah chuan thu turin min ti a,kawngka bula ding reng chung chuan Lola chu ka en renga,mahse ka awm ve tih pawh hrelo ang maiin a awm tlat anih chu.
Ngawi rengin chair ah chuan ka zuk thu a
" Enge in tih hi? "
" Sonography anih hi.... en rawh khi i fanu anih hi... " tih pahin monitor chu ka en chho a. Mahse ka hrethiam ve lo, thil dum vek a var a phe ruai ruai chu ka fanu maw!! enge awmzia ?
.
" Heihi a ke ania.... heihi a ban chuan heta che det det hi a lungphu anih hi "doctor in min han hrilhfiah takah chuan ka hrethiam tep mahse thil var phe ruai ruai naute anga hmuh talh han tum chu a thil harsa tak ani.Sonography an tih zawh chuan doctor leh nurse chu an chhuak daih a, Lola nen chauh kan awm avangin kan thu ngawi dun ran a.
"i kawrlum ha la.... haw ang.... "
" ka duh lo... " heti ringawt chuan Nick inah a riak leh takngial dawn ,a kawrlum leh a bag chu la in ka chhuak nghal daih a.
" Mr. Burton thil hrilh duh che ka nei.... "doctor chuan a ti a
" Enge ni pi Stephanie...."
" naute hi a letling zawnga a pai avangin enkawl uluk deuhhlek angaih mai bakah siam rem angai dawn a, i nupui hi rawn tawiawm zel la ka duh ani "
.
" awle.... chuan naute enge a an? "
" a hrisel tha e.... " Lola chu a rawn chhuak chhat chhat a,thil eng eng emaw a tih fel hnu chuan
"Lola....in enkawl tha ang che... chuan ka sawi ang zawng zawng kha zawm hram i tum dawn nia.... " doctor in a tih chuan " awle... " a ti sap a, min rawn melh zeuh bawk.
" kan lawm e.... kan kal nghal mai ang... " Lola chu ka kai bet tlata ka kalpui nghal hlawk hlawk bawk.
" Enge maw i hriat le? "
" car ah lut rawh... "
" ka rawn haw tawh dawn lo ka tih kha... " luhlul ala chhuah reng dawn ani maw!!
" awle.... i duh duh na ah i riak dawn nia... "
" tehreng mai... "
.
Ka rin loh dan deuha min chhan avang chuan ka lungawi leh tawh ta lo.
" a tha e.... " tih pahin a bag leh a kawrlum keng chung chuan car ah ka lut hmaka.
" hey.... khawi ka bag kha.."
" i rawn luh phawt loh chuan... "
"Lalpa leh" tih pahin a rawn lut ve mai bawka,ka khalh chhuak nghal zat bawk.
" hetah hian ka chhuk duh.... "
"beach ah i kal duh em? " a kal chak tih ka hriat avang chuan ka ti ve ngat a.
" duh lo. ...car hi tiding rawh.... " ka chhang duh tawh lo, ngawi rengin beach lam pan chuan ka khalh lui tlat a, Lola pawhin a sawisel tawh lem lo. Ka tih reng kha beach a kal hi nuam a ti alawm.
.
Kan thleng tep tawh toh ka ka phone a rawn ri ral ral a, mahse ka ngaihsak lem lo.
" i phone a rik hi... " Lola chuan a rawn ti a. Phur lo zetin ka phone chu ka en ta nge nge a, Lin alo ni lehnghal. Thil diklo a awm tih ka hre nghal, rang lutuk in ka pick nghal vata.
"sawi rawh.... " ka ngawi vung vung a
.........
"awle.... " tih pahin phone ka dah nghala ,car chu ka turn nghal pawp bawk.
" Engthil nge thleng ....?" hlauhthawn hmel zet hian min rawn en a, ka khalh chak em avangin a in vuan tai bawk.
"inah ka let vat angai.... "
"maw!! "
" nakin ah kan kal mai dawn nia... " hma lam chu ka bih ngur ngur a, ka inthiam lo bawk nen nuam lo ka ti takzet.
" Georgia leh bawk... " a hriat tawk vel leka phun sap pahin lehlam a hawi nghal daih
.
Chapter-31
.
In kan thlen chuan Lola pawh ka nghak hman tawh lo hmanhmawh lutuk in ka tlan chho nghal vata. Georgia room ka thlen dawn chuan thil keh chuai chuai ri ka hre zui zat bawk.Hmanhmawh lutuk in kawngka ka pawt hawng nghal sawk a,Georgia chuan vessel leh thil dang dang alo paih keh nuai chu niin.Doctor leh nurse te chuan tih tawp tumin man beh an lo tum ve mek bawka, Rita leh Lin te erawh hlauhthawn hmel takin bang nghengin an lo in kuah bet tlat thung.
"Georgia.... duhtawk rawh" tih pahin a pot ken lai chhuhsak pah chuan ka kuah bet nghal thlawp a.
" min thlah rawh... " a lo tang ve tlat bawka mahse ka kuah bet tlat tho.
"Shh.... che tawh suh, engkim a tha vek mai dawn alawm" duat takin a sam ah ka chul sak heuh heuh a, a tawp a tawp ah a rawn tap chhuak nghal hawm hawm a.
.
" Kai... khawiah nge kan naute....? " chhan ngaihna ka hrelo, engtin nge naute a chhiat tih ka hrilh tak ang.
"umm.... doctor ten an enkawl mek alawm... " dawt ka hrilh ta ringawt a mahse duh thlan tur dang ka nei miau lo alawm.
" tunah hmuh ka duh... "
" nilo... tunah chuan mu phawt la, i thawh hunah hmu turin kan kal dawn nia aw.... "
" ka duh lo... tunah ka hmu duh.... "
"Georgia.... thu awih tur ka tih kha... " a inrin loh laiin nurse chuan a rawn jection thut a,a tal avangin ka manbet tlat bawk.
"Kai.... kal bo suh aw....kan fa chu hmu turin kal vat ang aw... " reilo te ah a rawn zawi tan a, ka pawm vata khumah ka mut nghala.
.
A mutthilh hma chu a bul ah a thu ran a,ka kut a chelh tlat bawk.
"kan naute chu.... " a rawn ti leh sap thin a, mahse a meng tawh lo.
"mu phawt rawh.... " a sam chul pah chuan ka ti a, rei lo te ah a muhil nghal vat bawk. Min vawnna chu ka phelh riai riai a puan sin that tir pahin ka tho nghala. A thil tih hnawk vel chu Rita leh Lin te chuan an lo ti fai nghal sawk sawk bawk.
"Mr. Burton.... biak che ka duh " doctor chu balcony ah a chhuak nghala ka zui vat bawk.
"Georgia hi zual lam a pan zel avangin amah buaipui tur hi lak belh a tha in ka hria"
" awle... ka lo hre dawn nia,chuan a natna hi engtia enkawl chi nge ni ang... "
.
"Umm... Alzheimer vei te hi chu an nihna ang ang a pawm thiam a pawimawh ber, ka hrilh tawh ang che khan a hriat rengna te a ni telin a bo telh telh anga a chang leh mi mawl ang maiin a khawsa anga chutah chuan nang hi a mamawh dawn che ani.... damdawi leh treatment hi tha tak in la se enge maw chen chu a pui thei ang "Doctor in min chhan dan chu ka lungawi zan lo diktak chuan he natna hi tih dam theih nise ka ti takzet mahse amah enkawl nan pawisa sen tih chauh lo chu tih theih ka nei si lo.Georgia hi hun rei tak atang tawh in he natna hi alo vei reng tawh a mahse min tihbuai a duh loh avangin ka lakah a zep tlat thin alo ni a, nau a chhiat tum khan doctor in min hrilh atang chauh a hria ka ni .A hriatrengna a that tawh loh mai bakah a ni telin a zual zel avangin ka bulah awm se treatment tha tak la se ka duh avangin ka in ah ka hruai lut ta ani.
.
A chang hi chuan a fa kha kan pahnih a kan fa emaw a ti tlat thin hmu phet a tum tlat thin bawk,a chang leh ka dah bo anih te a ring hial thin a chang chuan pangngai takin a awm a, a fa a chan tih pawh a pawm leh thlap lawi bawk si a awmdan hi hriatthiam a har thin takzet mahse heti mai hi chuan ka kalsan dawn reng reng lo. A chang hi chuan Lola hi a haw thei em em a thah a duh thu hial min hrilh thin a chhan chu ka phone ah a thlalak a awm vang ani , a chang leh tunge a nih a hre lo thul a hming an sawi lan pawhin a hre ngai lo.
"doctor.... Georgia hian a buai chang in mi huat deuh a nei thin a chumi tan chuan a hlauhawm thei angem? "
"ughh.... hlauhawm na chin a awm ang mahse hetiang hi chuan a awm tam lem lo, a pawi ber chu a tir atangin treatment a la tha loh kha ani,nakinah phei chuan a hming hial pawh ala theihnghilh ang " .
.
Georgia tui taka a muhil lai chu ka thlir vang vang a, ngatinge a ni kher? ngatinge hetianga a awm hma hian min hrilh mai loh? ngatinge a vanduai bik em em le? zawhna tamtak ka rilru ah a rawn lut nghal zung zung a chhanna erawh a awm si lo.
"ka lo hre reng dawn nia.... " ka ti sap ringawt, sawi belh tur ka nei tawh lo ka tih tur chu Georgia tha taka enkawl chauh hi ani.
Inchhung ah lut in Rita bulah chuan "khawiah mah kalsan lo turin ka duh che,engtin emaw a awm anih chuan min rawn be vat dawn nia... " room atangin ka chhuak nghala, Lola ka zawng kual nghal vat bawk.
.
Lola zawn kual pahin Alfred ka be nghala,doctor lo lak belh turin leh hnathawk dang lak belh turin ka ti nghal bawk, ka buai thin em avangin Georgia kiangah ka awm reng theih thin loh avangin hna thawk tu tamzawk chu kan mamawh hrim hrim.Georgia natna hi midang hriat tir ka duh loh chhan chu amah hmuh tumin a fans leh leh media lam an rawn kal ka hlauh vang ani. Lola ka hmuh mai loh avangin pawnah ka chhuak ta ringawt a vanneihthlak lutuk in car ah chuan alo la thu ran a, inchhunga luh chakna a nei hlawl lo pawh ani mahna. Nuih suk pahin car lam ka pan nghal vata ka rilru erawh a hah hle thung , min hmuh chuan min lo melhrum leh tawh ngang mai mahse hetianga a awm hian a duhawm thlawt.
.
" i rawn lut dawn lo em ni? " lehlamah chuan a rawn lut lo kha a vanneih thlak zawk,nau pai chung chuan khatiang thil kha hmu lo se ka duh.
"Nick inah min hruai let leh rawh... " Nick bawk chu....
"a pawi khawp mai....ka thei lo" ka lo ti bul hmuk a mahse thinrim lo anga lan hram hram ka tum tlat thung.
" Anih chuan Nick ka call mai ang.... " tih pahin a phone a la chhuak nghala mahse ka lo laksak vat, meng pual ralh pahin thawk an la hak a.
"ka lei ve thei tho.... " ngatinge maw a luhlul em em mai le? a tih tawh loh na ah chuan luhlul ve tak ani.Ka insum thei ta lo kawngka ka hawng rawk rawk a ka pawt chhuak nghal dawr dawr a.
.
Ngawi rengin ka kut a paih thla lawp a, min melh kar bawk.
"hrep tak chuan... khatiang khan min melh reng reng suh" tih pahin ka hawisawn nghal vata.
"hetah i riak tawh ang... khawiah mah ka kaltir dawn lo che "
" Kai.... ngatinge hetiang hian i awm leh si, I duh chuan Georgia chu va ngaihsak ta che" a vin lek lek,Georgia a thik tih ka hria mahse ka chhuah tir ringawt thei si lo chutiang bawkin Lola tello in ka awm thei hek lo, anih chuan Lola zun ah hian ka uai let der tawh niin a lang.
"fa ka nei anga kei chu ka kal bo leh tho tho dawn chuvang chuan hetah ka awm thei tawh lo.... Georgia nei zawk rawh in inkar hi tihbuai ka duh lo"
" chutiang sawi suh.... " tih pahin ka fawp nghal tawn tawh a, ni e... ka insum thei tawh lo, a hmui sen siah a fawh hi ka chak takzet,min rawn fawh let ve avangin ka khi suk a,a sawi ang em em hian min kalsan thei bik lo tih ka hria.
.
" Reilo te lo la nghak leh rawh... " ka ti sap a, tunah chuan engmah hrilh ka duh lo nakin ah amahin ala hre chhuak tho tho dawn.
"sual lutuk...." a rawn ti sap a,hetianga a awm hian a duhawm zual.
"Nick bulah chuan let tawh suh aw.... "
"ka hmuh leh i phal dawn chuan.... " engthil nge maw a sawi le? thutlukna siam harsa tak ani mahse Nick bula awm tir ai chuan in hmuh zeuh te chu a tha zawk ang.
"mahse in kalna tur leh in thil tih min hrilh zel ang che.... "
"kan thil tih.... chutiang te chu contract ah a awm loh kha.... " min hnial kalh dan hi a hre zek lehnghal, min hnial dang leh nge nge thin.
" Chupawh nise..... "tih pahin ka han fawp leh vang vang a.
.
________________________________________
.
Lola's POV:
.
Kai an min dan tlat avang chuan heti hian ka rilru ka siamfel ta a, Georgia nen in ah duhtawk a nuam chen tir ai chuan ka awm ve hian min zah ve mahna tiin ka let leh mai mai chauh ani.
Ka room a ka luh rual rual chuan khumah ka mu nghal thlawp a.
" hemi te pahnih hi ka en thla reng tur ani...." tih sap pahin ka inhum ruh nghal vata. A hrim hrim in ngatinge Georgia hi awm turin a tih thut le, duh chu nise kan inneih hma daih tawh pawh in an cheng dun thei tho si a.
Ngaihtha lo zet chungin darthlalang hma ah ka ding to a, ka kawr hlim in ka pum chu duat takin ka han chul vel a.
" engpawh chu nise Kai fa ka pai tho alawm... " tih pahin ka khi suk a, ka in hnem ve na te lah hi Kai tan chuan engmah ani awm der si lo.Ka chau deuh bawk nen a tlai a tlai in ka muhil leh ta ringawt a.
.
Kawngka in kik karh karh ri chuan min ti harh zawk a, ka hawi chhuah chuan khua alo thim der tawh.,sana en pahin ka sam chu ka han tuai mam thuak thuak a.
"Dar8 alo ri der tawh anih hi ....." tih nang nang pahin kawngka hawng turin ka tho vata .Ham bai bai pahin kawngka ka hawng nghal pawp a.
" Miss Lola..... dinner ei a hun tawh e... boss in a nghak reng tawh che ania.... " Lin chuan chinese awphawi hriat har zet chuan a rawn ti a.
" awle.... " ngeiawm zetin ka melh kher a, Georgia enkawl tu tur anih vang hrim hrim in nelawm taka awm ka tum lo bur
" ka rawn kal dawn.... kal tawh rawh... " ka ti zui zat bawk.
.
Ka chhuah hma in darthlalang ah ka in en zuai a,ka sam tuai man thuak thuak pahin lipstick tlem ka inhnawh tel bawk ,Georgia a awm ve bawk si a in elna a sang dawn riau mai engpawh nise ka lang tha em em tur ani ringawt.
Confi zetin dinning table lam ka pan nghal a, Kai chuan min lo nghak reng tawh a mahse a sira Georgia lo thu ve kur chuan ka mit a ti kham takzet. Melh ram ram pahin a ep chiah ah chuan ka thu ve nghala ,awm ho kher kan ngai amawn le? ka haw hi ka inchhir leh hnuhnawh.
" Kai.... henu hi tunge? " Georgia chuan mak tih hmel takin min rawn en a, ani aiin mak ka ti zawk. Hetiang zawng hian maw a chet dawn a!!
" ka hre bik lo che... " ka lo ti ve nghal hlar a, min hre duh lo tu chu ka hre peih bik reng reng lo bakah naupang pawh ani tawh lo a, in hriat loh der tih vel hi a thing tawh lutuk.
" ei tawh ang u le.... " Kai chuan zaidam tak hian a ti a, min nuih sang bawk. Georgia melh ram ram pah chuan ka ei hmuk hmuk a, ka thil ei pawh a tui thei lo .
" Kai.... kan naute chu engtik ah nge kan hmuh dawn? " Georgia in a tih chuan ka tui in lai ka phuh chhuak tep, mak tih hmel takin Kai chu ka melh nghal kawk a.
" ih... " ka tawng tam hma in Kai chuan min rawn mitmei zeuh a,ka sawi chhunzawm tawh lem lo. Zanin thil thlen dan hi a mak takzet, ngatinge thil tha lo tak a thup ni a hriatna ka neih tlat le?
.
" henu hi alo thu ve reng bawk sia engmah pawh ka sawi thei lo.... " min rawn melh kher anih chu, thawk chhuah hak pahin "I lem chan hi duh tawk rawh.... "ka ti sap a, a awmdan hi ka ngaithei thlawt lo.
" Lola.... duh tawk rawh... " Kai chuan zaidam tak hian a rawn ti a, engvanga keimah chauh min khap bik reng nge maw anih le?
" ka kham tawh.... " fork dah pahin thawh ka tum a.
" thu rawh.... "
" ka kham tawh ka.... "
" thu rawh ka tih chu.... " a vin em avangin phur lo zetin ka thu leh hna hna ta ringawt a.
.
Georgia chu ka va melh zeuh a, a lu a dawm vung vung a a awmdan a dik lo tih ka hre nghal.
" Georgia.... " ka ti sap a, Kai an a buaipui nghal vat bawk .A rawn zawi nghal veka, chet nachang pawh ka hre tawh lo ka mak ti lutuk chu phawk fe in ka melh reng ringawt.
Kai chuan ngawi rengin a pawm kang lawp a,inchung lamah a chhoh pui nghal daih bawk.
" ka awih thei lo..... lem a chang leh tawh anih kha.... " tih pahin sausage chu zai phel loh in ka ei tuam tuam a,
"Khatiang khan lem chang ve ila chu min pawm ve tho ang.... " tih bui bui pahin ka tho vat a, pawnah boruak tha hip turin ka chhuak daih bawk.
.
He in lian zet ah hian bihruk na pawh a awm lo anih dawn hi, Kai leh Georgia te hmu lo hian awm bo daih ka chak takzet.Nick an min rawn call avang chuan ka pick nghal vata
" Lola..... i pa chu a hmuh theih tawh e.... "
" ani maw!! a harh tawh em ni?"
" la harh chiah lo mahse i hmu thei tawh ang.... "
" ka lawm lutuk ka lawm takzet "
" a pawilo....zanin chu French food ka rawn hawn ang che aw "
" Nick ka haw tawh a"thawk halh paha ka tih chuan Nick chu a ngawi vung vung a, min chhang tawh dawn lo emaw ka tih hnu ah " a that hlauh chu.... " a ti chuai raih a.
"ihh.... i in ah ka riak reng thei si lo alawm,eitur ka duh ropui si ... tunah ka chhuak thei tawh si lo a, naktuk ah ka rawn kal mai ang.... "thawm ka hriat avang chuan ka hawi let vata, Kai an min lo melh kur zui, ka phu chiang ngei mai.
" nakin ah ka rawn be leh ang che.... " tih pahin phone ka dah nghal vata.
.
Chapter-32
www.storyfb.com mizo story thar englai pawhin chhiar tur a awm reng
Hlauhthawn hmel takin Kai chu ka en renga, ka thusawi te kha alo hre vek angem le?
"Enge? "a enga mah hma chuan ka lo ti vin nghal hlar a, hetia thinrim khalh hian an thinrim lo daih duh.
" Lut ang.... " a ti bul hmuk a,
" ka.... ka duhlo.... "
" zan a rei tawh.... khua a vawt si pawn a awm reng chu a tha lo... " a rawn ti leh a, engmah a rawn sawi chhuah tak loh avang chuan ngaihtha lo zetin ka melh kar a,ka thusawi kha a hre lo tak tak amawn le nge a hrelo der zawk? Aaa.....hria se chuan tunge ka biak tih min zawt leh daih tawh ang.
"Kai ngatinge min ngaihsak niawm tak angin i awm a? hetiang hian awm kher angai lo " ka rilru a awm chu ka zawt leh phawng tawh,inchhungah luhsan daih ka tum a mahse ka ban ah a rawn vuan a.
.
" nichin a i thil hmuh kha engkim chhan nei a ti vek ka ni a chhan chu Georgia hian..... "
" duh tawk rawh..... " Georgia hming a lam rik avang ringawt chuan ka lo pawt chat vata,engthil emaw ka rilru ti na deuh tu tur a sawi ka hlauh avangin ka ngaihthlak chhunzawm duh tawh lo.
" Engmah ka ngaithla peih lo"
" mahse i hriat ngei angai si alawm... "
" Engchu maw ka hriat ngai,Georgia nen in chungchang hi engmah ka ngaithla duh lo.... " a kut paih thlak pawp pahin inchhungah ka lut nghal hlawk hlawk a,lungawi loh sa tawh nak alaiin Lin ka la tawk thut zui.
" Miss Lola.... mamawh i nei em? "
" maw? " rum zetin ka melh nghal a" i duh leh Georgia va zawt rawh... " ka ti zui zek bawk.
.
"kha tui hi in rawh...." tih pahin Georgia a pek tur niawm tak ,tray a a chawi lai chu min rawn pek a tum a.
" ka duh lo.... "a kut ka lo dan na lamah chuan ka lo beng na deuh aniang no chu chhuatah a tla keh nghal ta chuai mai!!.Ka inthiam lo leh hnuhnawh mahse inthiam lo anga lan ka tum hauh lo, confi hmel zetin ka hawi sang vah thung.
" ka... ka tihpalh lutuk... " tih pahin no keh chu a rut nghal mawlh mawlh a.
" Lin.... tho rawh.... "Kai chu ka hma ah tak a rawn ding run a, a ruk tak chuan ka hlauthawng ve deuh.
"Lola....i tih tlak ani lawm ni chhar fai vek rawh... " a hmel atang chuan a ti mai mai lo tih ka hria.
" maw!! ka.... ka chhar fai ang maw! " ka nui lui hak a,min lo hmu leh reng tawh ani ngei ang .
.
" ka nupui ni mah la.... ka hnathawk te hmusit taka i biak hi ka duh lo ...."
" ka.... ka tih tlak anih loh kha,ka lo in dan na lamah a tla anih kha.... "
" chhar rawh... " a rawn ti bul leh hmuk a, tunah zet zawng ka thinrim ka insum thei tawh lo.
" teuh lo.... khatiang kha thleng nawn leh pawh nise ka chhar dawn chuang lo " tih pahin ka room lam panin ka tlan nghal nal nal a, room ka luh rual rual chuan kawngka ka kalh nghal in balcony couch ah ka thu hnawk a ka mittui chu a rawn luang nghal zung zung bawk. Ka mittui hi rawn tla tawh lo se ka ti takzet mahse ka hruk pawhin a rawn luang zel bawk si. Ka sawi tawh ang khan ka thinrimna te hi mittui ah a chang zel thin avangin ka thinrim tawh hi chuan ka tawng chhuak thei tawh ngai lo.
.
" tui kha ka in duh miau hleinem" tih nung nung pahin ka insut leh hraih thin a, eng kimah Georgia chauh a tan bika tun atang chuan inah a awm chuan room ah ka tawm char char tawh ang.
Maisie ka call ta ringawt a, kan inbe khat bawk nen ka ngai takzet, thil thlen dan engkim Georgia rawn awm dan te leh Kai an min tih dan te chu ka hrilh fai veka, a chang leh ka thinrim thar leh thul.
Maisie in min lo thinrim pui em avang chuan ka thinrim zual leh hnuhnawh a,Kai leh Georgia te hi inthen tir daih ka duh mahse inthen tir turin eng thil nge ka tih chuan ang.
.
Zan rei takah pawh ka room ah ka la vei theuh theuh a, tlaiah ka mu bawk nen ka mut a chhuak hlawl lo.A chang leh ka phone ka han khawih leh rawk rawk thin a ka khawih tui thei tak tak chuang lo. Dar1 a rik meuh chuan ka pum a rawn ri tan ta!!
" awi.... ka ril a tam lutuk" ka pum dawm vang vang pah chuan ka ner nung a, diktak chuan dinner kha ka ei tlem bawk em ani, Georgia vang vek.
Thil ei turin chhuak ta ila Kai ka hmu angem le? naaa.... enge hmuh pawh chu ka hlauh em em a, zanin chiah ka lo hmu anih pawhin a pawi lo naktuk atangin ka plan ang kha chuan ka awm mai ang.
.
Thawm dim thei ang berin kawngka chu ka hawng zal zal a, kawngka kar atang chuan ka han bih dek dek phawt a, tumah ka hmu lo,
"ngatinge hetiang hian ka awm kher le? " ding ngil zawt pahin confi zetin ka chhuak nghala, tumah an awm loh lai chuan ka pawr ve thin lutuk..lol..... Thawm dim thei ang berin ka kal thauh thauh a, midang an awm nge awm lo ka enkual reng bawk.A tawp a tawp ah kitchen ka thleng ta!! ka thaw nghal huai thei.
"ei tur.... ei tur.... " tih pahin fridge ka hawng nghal rawk rawk a,eitur ban awlsam deuh chu ka kâ ah a lut nghal zung zung bawk.
Ei zawh san hlau niawm fahran in ka kâ khat tun chuan ka thial tuam tuam a, ka helh awk awk mai.
.
Ka kâ ah eitur hnawh luh reng pah chuan no ah vur ka dah chiah tih chuan Kai-a whiskey in ka chak tlat anih chu!!, a changkang ber ber chi leh a to ber ber chi hlir a nei lehnghal a tui viau ang.
" Engthil nge maw ka ngaihtuah le? Lola insum hram hram rawh... " tih pahin apple juice chu ka han in khawlh khawlh a mahse whiskey ka châkna a reh phah chuang lo.A tawp a tawp ah chuan ka inthu nun thei ngang lo, ka insum thei lo bawk nen whisky chu ka va ru chhuak ta nge nge a, vanneih thlak lutuk in zanin chu tuman min hmu hauh lo ang.
Fridge pahnih lian zet phenah chuan ka ding ran a, midang pawh rawn lut se min hmu lo tawp ang.
.
No ah ice cube pahnih chu ka thlak ri karh karh a whiskey chu ka thli chhuak zui zat bawk. Ka in loh na a rei tawh bawka ka hnim ringawt pawh hian ka in chakzia ka inhre thei.
" tlemte bak ka in dawn hleinem"Khik suk pahin tlem te ka han lem khalh a.
" tui lutuk.... tui lutuk... " ka han maimichhing vang vang a, a tui zual bik riau in ka hria. A sehhmeh atan a ka lak chips ho chu ka ei nghal tawn tawn a,zanin zet chu ka lungawi hliah hliah.
Vawilehkhata pen thawm ka hrr ta thut mai!! ka meng phawk nghal hraw a,whiskey um leh chips pawm tan chung chuan ka tawlh hnung hrat bawk ,tunge maw tun ang hun zan rei tawh ah rawn tho le? Pen thawm a reh tak vang vang avang chuan an kal tawh emaw tiin chips chu kan ei chhunzawm leh nghala.
.
" Enge hetah i tih? " ka thil ei lai ka phuh chhuak nghal tuarh!! Kai leh bawk maw!! tinge ka tho tih hi a hriat theih em em le, nge min en thla ru reng te hi ani zawk lo maw?.No leh zu um chu hnung lamah ka thukru nghal vata, Kai kawr a ka phuh balh pawh ka ti fai hman tawh lo.
Hnai takah rawn kun hniam in min rawn hnim a, ka mit ah tak min en kar bawk. Thawk pawh ka thaw tha ngam tawh lo, nam sawn dawnin no leh zu um ka keng tlat bawk si au vaka tlan nal nal ka chak takzet.
Ngawi rengin min en ran chung chuan ka hnung lamah a rawn zen lut nghal,phawk fe in ka melh nghal kawk a, whiskey um chu min laksak ta nge nge a. Min hau dawn emaw ka tih laiin zu um chu kitchen table ah dan in chair ah a thu nghal daih a.
.
A awmdan hi a mak takzet, engmah a sawi bawk si lo ka ngaih a ti tha lo zawk. No pahnih ah whiskey chu thli chhuakin no khat a tlak nghal pap bawk.A khat tawkin thawk an la leh hak thin a, a awmdan chu ka thlir renga ka kalsawn ngam bik lo.
" Kai.... tlemte bak ka in lo... " ka tih rual rual chuan no chu a vawm ta thuai mai!!, ka phu chiang kher mai.Bang chum dawt pah chuan min nam bet nghal chawrh a,ka mit ah tak chiang takin min en kar bawk.
" hetiang em em hian em ni min lo huat a?" chhang lo chuan ka en kar a, chhan na chi pawh ani lo hrim hrim.
" awle.... a tha e... in ta che " tih pahin no pakhat zawk chu min rawn pe lui a.
" Kai.... "
" in rawh.... " a rawn ti nghal tuarh a.
.
" aih... ka duh lo " ka hmai ah a rawn tham nghal tawn a, a thinphu ri dup dup te leh a thaw lum ham ham te chu ka hrethei.
" min ti â thei takngial dawn.... " tih sap pahin min rawn fap nghal tawn tawn a, a sawi awmzia pawh ka hre lo. A aia duhthawh chuan min rawn fawp leh nghal tawn tawn a, ka kawr chhungah rawn zen lut nghal in ka hnute chu a tham tawn tawn bawk. Ka nghawng ah fawp in a seh ner ner bawka, ka lo thaw ri leh ham ham thin.
" ka duh che.... " ka beng bulah chuan a rawn ti sap a, mahse a tih tak tak ka ring lo ,hetiang thu hi ka bulah a sawi ngai loh avang erawh chuan mak ka ti hle thung.
.
___________________________________________
.
Ka pa tlawh ka tum avangin Kai office kal hun nghak chuan ka room ah ka thu renga, ka hmui khawih niap niap pah chuan nizan thil thleng chu ka ngaihtuah a ka lo nui leh ver ver thin.
" nilo.... ka nem nghal mai tur ani lo, ka plan ang khan ka kal zel tur ani " ka in hum ruh nghal vata,Kai an min fawh avang khan Georgia a chhuah phah chuang lo chuvang chuan ka nem mai mai tur ani lo. Breakfast ei zawh atangin ka room ah ka la tawm char char , chhuah chak hle mah ila Kai office kal hun ka nghak hram hram tur ani.
Dar9:30 a rik meuh chuan a kal tawh ngei ngei ang nidangah dar8 velah a kal daih tawh thin a fimkhur thu ah tiin dar 9 thleng ka nghak mai mai chauh ani
Ka bag ah ka pa mamawh tura ka rin ho chu ka khung sawk sawk a, ka room atangin ka chhuak nghal nal nal bawk. In hnuai ka thleng thlak chuan a lo reh thlap a, thawm dim vak pawh a ngai lo. Ka rin loh lutuk in Kai nen kan intawk ta thut mai!! mak ka ti lutuk chu a thla anih te ka ring hial.
"i... i la kal nange? "
"aw... vawin chu ka kal tlai dawn"ngeiawm zet hian min nuih lehnghal
" maw !!"
" Khawiah nge i kal dawn...i bag te chu i va ak puar ve " ka bag chu nghet takin ka vuan nghala .
" ughh....tui cheng turin ka kal dawn?" naa ...engthil nge maw ka sawi le?
" wow.... tui cheng turin maw, inah pawh swimming pool zau tak tak heti zat a awm a chuan.... " a awih loh hmel ngei mai.
.
"Inah te chuan a nuam hleinem, tui a vawt bawk si"
" i duh chuan i ti lum thei reng alawm... " a lehzel chuan." vawin chu chhuak suh ang che.... "
"... nilo, hawi thawkveng te pawh ka duh ve alawm... "
"ka hrilh tawh che kha.... Nick nen in in hmu dawn anih chuan tha deuh a min hrilh turin..... a tir khan sawi tha mai la chuan thil a harsa lo nimai tur, vawin chu gate saw i pel tur ani lo thupek anih chu "
"Nick hmuh ka tum bawk lo "
" aw... Lola... " tih pahin ka sam ah a rawn chul a " min bum theih i ring ami? Nizan ah inhmuh tumin eng eng emaw in sawi tih ka hria ania... ".
.
Min rawn nuih suk pahin ka hmuiah a rawn fawp zeuh a " ka sawi hi hre reng ang che.... " tih pahin a chhuak daih anih chu!! ka ke per taih pahin ka in hum ruh a " nizan ah khan hre lo anga a awm chhan chu ruahmanna alo siam lawk vek tawh vang ani maw, ho emai ka chhuak lui tho ang .Chhuah luih chu ka tum ta tho a, tumah in min dang tur ani lo.
" Lola... " Rita chu a rawn tlan nghal vata.
" khawiah nge i kal dawn? "
" ka chhuak lawk dawn a... Kai hrilh miah suh aw... " ka ti sa sa a.
" nilo.... ka chhuah tir thei lo che "
" Rita.... ngatimaw!! "
"Big Boss in i chhuak lui anih chuan ni thum chhung chaw i nghei ang min ti alawm" .
.
" maw!! "
" Boss chu i hriat chian kha..." ni e...ka chhuak anih chuan a ti leh duh tak tak ang ,naaa engtin nge ka tih tak ang kal ta ila Rita chaw ngei tir tur khawpa rilru chhia ka ni bik lo.
Nick ka call leh ta ringawt a.
" Nick.... ka lo kal thei lo ang vawin chu... "
" ngatinge....? "
" Kai an chhuah a phal lo a" zep ka tum hauh lo, Nick chu a nui ri hak a.
"awle.... hun ala awm leh mai ang.... "
" nia awm.... " tê tuarh ri ka hriat avang chuan inchung lam ka hawi chho nghal vata.
" Nick... nih leh aw... " tih pahin Rita nen chuan Georgia room lamah kan tlan chho nghal hlawk hlawk a. Doctor te leh Nurse te pawh an tlan lut nghal bawk.
.
Georgia an lo bawr laih laih avang chuan mak tih hmel takin ka tlan phei nghal vata.
" Engatinge? " hrilh fiah pawh ka ngai lo, Georgia awm dan chuan min thawng takzet.
" Rita.... ngatinge Georgia sam hi, tukin zing kha chuan ala pangngai vek sia... " a chhip sam chu alo tla kawng rawt a,amah lah chuan mi â ang aiin a sam chu a khal niap niap bawk si.
" engthil nge thleng hi ?" ka ti nghal tuarh a, chu aiia mak zawk chu room chhung bungrua zawng zawng a paper var lo inbel far hlawm chu ani,thil a inziak vek bawk. Khum a a thil tar chu pawtthla in ka chhiar a * Khum= muttna tur* tih te mai hi.
.
A dang pawh chu ka chhiar zela, dawhkan ah chuan dawhkan tih an bel a chutiang bawkin bungraw dangah pawh.
" Doctor.... engthil nge thleng hi min hrilh vat rawh.... " ka ti nghal tuarh a...chhiar zawh rualin click kha aw...
Show post links
Top
Ngaia
Site Admin
Quote
Unread post December 3rd, 2017, 2:14 pm
Chapter-33
.
" Ka pi.... khawngaih in i aw ki san lo hram rawh damlo hi i ti chi ai ang.... "
" awle.... anih chuan engthil nge thleng hi? " ka tih chuan tawng hriat theih loh na tur lamah a kal nghala.
"Georgia hian Alzheimer a vei ani "
"Alzheimer a!! " Georgia chu ka en vata,mak ka ti bawk nen sawi mai tir pawh ka hrelo.
" aw... tunah hian enkawl mek ani a mahse zual lam a pan zel mai bawk si.... "
"a tih dam leh theih angem? "
"kan theihtawp kan chhuah mek e.....tuna kan tih theih zawng chu a nihna ang ang a pawm thiam hi ani hrih " ka thu hriat hian min thawng takzet, ngatinge Georgia kher?
" anih chuan heng lehkha them zozai te hi... "
"ani telin a hriat rengna hi a tha lo telh telh bawk nen a rilru a sen vak vak loh nan heng thil te hi ka tar ta anih hi,thil ho te te a theihnghilh anga a then te phei chu hriatchhuah leh te pawh a nei ang.... " ka inngaihtuah let a, min hriat lohna chhan kha hetiang natna alo vei reng vang hi ani maw?!!
.
Ngawi rengin Georgia bulah chuan ka kal phei a, a hma ah tak thu in chiang takin ka en renga haw thin hle mah ila a awm dan han hmuh meuh chuan ka lainat takzet.
" Georgia.... " a rawn hawi avang chuan a hming chu ala hria tih ka hre thei.
" min hria em? " ka han ti sap a, a awmdan atang chuan min hria mahse ka hming erawh a sawi chhuak thei lo thung.
" ih.... " a han ngaihtuah vang vang a.
" a pawi lo.... a pawi reng reng lo... " tih pahin paper them ah Lola tih ka ziak a ka kawr ah chuan ka han bel a.
"i ril a tam em? " ka sawi tur hrelo chuan ka ti ta ringawt pek a, diktak chuan ka rilru ah engmah a lut thei tawh lo hetiang natna khirh tak a lo vei reng vang anih hi Kai an awmpui turin a rawn hruai luh chuk chuk nachhan kei lah in ka lo hrethiam der mai bawk si lo.
.
" Doctor....ka hruai chhuak thei angem? "
" aw thei e ... mahse mi pakhat talin an zui che angai ang " ka lo bu nghat a,tun thlengin Georgia chunga thil thleng hi ka awih thei lo mahse hai rual loh in a awm dan atangin a hriat vek bawk si .
" Georgia lo kal rawh.... " mak tih hmel takin min rawn en ha a
" i pum chu...." tih pahin zawite hian a rawn chul a,thil hriat chhuah nei te pawh a ang.
"a lian tawh hle mai...." engkim chu ala theihnghilh bik lo mahse a tam zawk chu a theihnghilh tawh niin a lang,vacation kan hman lai pawh khan maksak tak tak a a chet chhan leh a khua a sik deuh reng chhan te ka hei vang hi alo nih dawn hi, a awmdan maksak deuh deuh te chu ka ngaihtuah chhuak zela,vawikhat phei kha chu a haihawt zia Rita in min hrilh hial tawh.
.
Pawn a chhuah a duh loh avangin ka chhuahpui lui lem lo, pangngai tak hian a awm a mahse a chang chuan a thil theihnghilh tawh hriatchhuah tuma a beih nasat zia ka hmuh hian ka lainat thin,thil eng eng emaw a chhiar renga a chang leh a thil theihnghilh duh loh te dairy ah a ziak chhuak bawka ,nakin ah a theihnghilh huna chiar sh a ti te pawh ani mahna. A khat tawkin ka va en leh zeuh thin a ,mi â ang maia enkawl ka duh loh avangin a hma a ka awmdan ang khan a bulah hian awm hram hram ka duh.Nilengin thil eng eng emaw ka ngaihtuah neuh neuh a Georgia hlir ka rilru ah zu awm tlat peka.
Hetiang khawp hian thil a theihnghilh tam tawh a, ka hming takngial pawh a theihnghilh tawh a mahse ngatinge Kai hi a theihnghilh ve si loh?
Naa.... ka thik leh ringawt tawh, a damlo tih ka hre renga ka thik tawh tur ani lo, that ka chhuah hram hram zawk tur ani.
.
Dinner kan ei zawh chuan couch ah thu in juice in pah in ka lo inngaihtuah vung vung a pen thawm ka hriat chuan ka phu zawka, Lin alo ni lehnghal.
" Lin.... Georgia a mu tawh em? "
" aih... Kai rawn haw hma loh chu a mut duh loh thu a sawi a" sana ka en chuan dar9:16 alo ri der tawh.Thawk hak pahin ka ding nghal hluai a,
"lo han awmpui hrim hrim rawh....."
" awle....."
Tihtur ka nei lo bawk nen Kai lo haw hun nghak chuan pawnah ka tei kual vel mai mai a, a khat tawkin sana ka bih leh zeuh thin.
" Ngatinge maw a rawn haw har em em le? " call ka tum a mahse Georgia vanga han call chu tlawmthlak ka ti ve deuh bawk si, ngatinge maw hetiang hian ka awm tlat thin le?.
.
Step ah chuan ka thu ngui bam a rei fe ka nghah hnu chuan a tawp a tawp ah car ri ka hre ta!! ka tho nghal vata, Kai ka hmuh chuan ka lawm ngei mai. Chauh hmel takin a rawn chho chhat chhat a.
"Kai.... "min hmuh chuan mak a tih hmel hle bawk.
"Lola... i la mu nange? "
" ngatinge i va rawn haw har em em ve" ka tih chuan min rawn nuih suk a
"hei tunah ka rawn haw tawh alawm... "
" min lo zui rawh... "
" maw? " chhang lo in inchhungah ka lut nghal daih a,min rawn zui lut nghal vat bawk .
" Lola.... enge? "
" lo kal phawt rawh.... " tih pahin Georgia room ah ka luhpui a heng thil liantham lutuk ka lakah a thup avang hian ka lungawi lo takzet.
.
" Ngatinge hetah kan kal " a tih rual rual chuan Georgia in a rawn kuah nghal chunga,Kai chuan min rawn en nghal vata a ruk chuan ka thik takzet,a thil zep avanga thinrim ka tum ve nen tunah chuan lo thinrim khum chi pawh ani tawh lo.
" Kai.... i va rawn haw har em em ve "
" ngatinge i la mut loh a.... "
"ka lo nghak che a ka mu thei lo alawm"
" mu hma turin ka hrilh che kha.... naktuk atang chuan min lo nghak tawh suh aw.... "
" awle.... " Georgia chuan a hmuiah chuan a fawp zeuh a, ka sa nghal phat mai men pual ralh pahin thawk kan la hak a.
" mu tawh rawh.... lo kal rawh le " Georgia chu khumah a mut tira, keipawh chu an bulah ka ding ve tlata, kalsawn ka tum bik hauh lo.
.
Light dim zet chauh chu on in khum bulah chuan Georgia mut hun nghak chuan a thu ran a.
" Kai.... ngatinge khi nu khi alo din ve tlata.... " min rawn melh zeuh a,
Inkuangkuah chung in rum zet hian ka lo melh let zek lehnghal
" awle... a tha e" tih vin hluk pahin kalsawn ka tum a mahse Kai an ka ban ah min rawn vuan hman.
"kal suh... " a rawn ti sup a
" mahse.... " couch ah min pawt thu chawrh a, Georgia hmuh loh in ka kut a man bet tlat bawk.
" mutthilh tum rawh.... " a puan sin lai chu a sin that tir a, tumah kan tawng tawh lo bawka reilo te ah a muhil nghal vat bawk.
.
Georgia a mut meuh chuan keipawh ka mut a chhuak ta hle mai, ka ham bai bai avang chuan min rawn nuih suk a, room atangin min kai chhuak nghal bawk.
" min thlah rawh... " inkhuangkuah pahin lehlam ka hawi hmaka
" Ngangpawh mu tawh rawh...." chhang lo chuan ka nghal daih ka tum a,a lo ngaithei der lo.
" mangtha i ti dawn lo em ni?"
" mangtha le.... "
" chu chauh chu maw.... " a awmdan avang chuan mak ka ti ru hle.A lamah min rawn pawt hnai deuh a, ka kawngah vuan in chiang zet hian min en ran a.
"Kai ....Georgia kha..."thil dang ka sawi daih a, ka lungawi loh zia hi hria se ka duh.
" ka inah ka awm tir nachhan chu i hre tawh tiraw? " ka lo bu nghat a.
"i hriatthiam hram hram angai ani.... khawngaih in a chungah hian that chhuah tum hram hram ang che "
" mahse ngatinge min hrilh mai loh,hetiang thu lian tham lutuk hi ka hriat ve tul i ti miah lo em ni... "
"ka tum reng alawm....." ni dawn tak a sawi takah chuan nizanah khan thil min hrilh a duh thu kha a sawi a mahse ka ngaihthlak sak duh lo kha ani a.
.
" mahse a hnu ah pawh min hrilh thei tho alawm.... " min ngaipawimawh chu nise ka ngaihdan te pawh min zawt ve ngei ang, ngatinge Kai lakah hian ka phut san em em mai le ? a tan chuan a fa pai tu mai chauh ka ni thildang engmah a awm lo.
"hun ka neih loh kha.... "
" ka hria lawm... " ka tih lai tak chuan ka phone a rawn vibrate ta chur chur mai!! ka zuk bih zeuh a Nick alo ni lehnghal
"ka kal angai"pahin ka room lam ka pan nghal hlawk hlawk a,ka pa chungchang ah min rawn be duh pawh ani mahna chuvang chuan Kai a bulah ka pick thei lo.
" aw... Nick sawi rawh"Ka room kawngka ka kalh tur chu Kai chuan a kut hian a rawn dang thut a vawilehkhatah a rawn hawng nghal pawp bawk. Phawk fe hian ka melh nghal kawk a, min manchhuah ka hlau takzet.Ngawi rengin ka phone chu min rawn chhuhsak nghal pawp a
" Engthil nge maw i tih le? "ka tih chuan phone chu a off nghal hmak anih chu!!
"Zan rei tawh ah Nick nen maw!!".
.
"ka mu tawh dawn chhuak rawh... " ka lo ti nghal hluk a,ka hawi sawn daih avang chuan amah en turin min kuai her a
"ok... ka chhuak anih chuan ka rawn let tawh lo ang... "
" Enge maw i sawi le? i duh leh rawn let tawh lo la nimai lawm"min man chhuah ka hlauh em avang chuan ka thlan a tla dup thei nia
"Lola.... Nick nen in inkar hi chiang taka min hrilh anih chuan i nun atangin ka bo vang vang ang chuvang chuan engkim min hrilh turin ka duh che.... "
" Eng... engmah sawi tur a awm lo" ka tih rual rual chuan Nick an a rawn call nawn leh anih chu!! a thaw chhuak hak a,nuih suk pahin phone chu ka hmai zawnah tak min rawn hmuh a
"tihian sawitur engmah i nei chuang amaw!! "
" khawi phone kha min pe rawh... " a thinrim chuan a paih nghal pawp a.
"ngatinge i paih a? "
" a chhan chu Nick nen a inkungkaih thil anih vang ani "
" maw!!.... Kai naupang chhia ang maiin awm suh... " ka tih chuan ka khabe ah dawm in chiang takin min en kalh a.
" naupang chhia taka ka chet chhan hi i hre lo amaw!! " ka kut a vawn beh tlat avang chuan ka tal aih aih a
"vawikhat chiah ka zawt leh ang che Nick i duh tih sawi rawh chuan i nun atang hian ka inthiar fihlim nghal ang... " Kai awmdan hi a mak takzet, a hmel en chuan a ti mai mai lo tih ka hria mahse engvangin nge Nick ka duh tih chu ka hrilh kher anga.
.
" duh tawk rawh....min ti na ania "
" ngatinge maw i luhlul em em mai le... " a lu dawm vang vang pahin thawk an la hak a.
" Engvangin nge chu chu min zawh...? " a kun nghal lap a, min rawn en pahin
" a chhanchu ka hmangaih che ani.... " maw!! engmaw!! tuna ka thil hriat hi a tak tak ani em? Kai an min hmangaih amaw! ka awih thei lo ka meng phawk nghal kawk a sawi tur pawh ka hrelo.
" ka.... " ka mit ah tak min en avang chuan ka kun daih a.
" min en rawh.... " toh pahin amah en turin min kuai dak a.
"kalbo turin min tih chuan ka kalbo em em ang " chhang tur pawhin tuna ka thil tawh hi mumang ang ruai in ka hria.
.
"vawitam tak ka inngaihtuah tawh a... a ni telin ka hmangaih zual zel che ani chuvang chuan ka neih nan che naupang chhia taka ka chet a ngaih phah fo bawk.... Lola.... nanghi ka hmeichhe hmangaih hmasa ber i ni chuan a tawpna i ni bawk ang " min rawn fawp a tum a mahse ka kun daih thung.
" Kai.... " hlauhthawn hmel takin min en renga.
" ka hlauthawng ani.... " chu bak sawi tur ka hre lo, ni e.... Kai hian min tih nat leh ka hlau ani, ahma in Nick an tunah hmangaih ka nei a min kalsan leh mai ka hlau ani.
Show post links
Top
Ngaia
Site Admin
Quote
Unread post December 3rd, 2017, 2:14 pm
Chapter-34
.
Ka thusawi avang chuan a nui suk a,ka sam chul pahin a rawn kun hniam deuh a" ka kut i vawn chhung zawng chuan ka thlah ngai lo ang che ,mahse i engkim i rinna zawng zawng ka chungah nghat vek turin ka duh che ani. Harsatna i tawh pawhin a hre hmasa ber tu nih ka duh a ,chinfel sak tu che nih ka duh bawk chuvang chuan hlauthawng suh ka chelh tlat ang che... ka tih tawh kha" a hmel ah chuan a ti mai mai lo ani tih ka hria mahse ngatinge ka hlauhthawn tlat le?
"mahse Georgia.... " ka ti dek dek a ka hmui chu a rawn hup a.
" shh..... kan pahnih inkar chauh... midang inrawlh tir ka duh lo " tih pahin a hmui nem tak chuan min han fawp vang vang a,ka mur chuaih chuaih thei mawle. A perfume rimtui zet te chuan min fan riai riai a zûn a nei vek tawh nimai hian ka hria.
.
Ka tukhum ah dawm in a aia duhthawh chuan min rawn fawp leh nghal tawn tawn a, zei zetin ka lo chhang let ve nghal zat bawk.Zawi te te in ka hmui hnuailam chu a seh ner ner bawk a, a kar lakah a rawn nui leh suk thin .
" Enge? " tih pahin ka nam sawn deuh a.
" ka hmangaih che.... " a chal leh ka chal chu a rawn sik tira,a coat smart leh nalh zet atang chuan kan inneih zungbun kha a rawn phawrh chhuak nghal bawk,mak tih hmel takin ka lo en ha a.Engtin nge zungbun hi a kawl daih theih, in ka chhuahsan dawn khan khumah ka paih tawp kha ani a ,anih chuan ka room ah alo lut ani maw!! .
.
" phelh tawh suh ang che " zawi muangin min rawn bun tir leh a.
"ka room ah i lut tiraw....? "
"tunah chuan i room ani tawh lo... "
" maw!! " ka awmdan avang chuan a nuih aza ngei mai,
" zanin atang chuan room khatah kan awm dun tawh ang... " a tawp a tawp ah chuan room khatah kan awm ve dawn ta!! ka hlim lutuk hi kei aia hlim an awm tawh kher lo ang.Ka lawm lutuk chu ka mittui a rawn tling ringawt anih chu!!Kai hriat loh in ka hru zeuh a, tunah tak hi chuan engkim nei vek angin ka inhria.
" awle... " ka lo nuih ver ver a,
" thil ei chak i nei em? "
" aih nei lo.... "
" ok... anih chuan i chau awm si mu tawh rawh... " a tih chuan ka khum lam ka pan nghal vata ,ka hawi chhoh chuan a lungawi loh hmel ngang mai.
.
" i ti tak tak em? " a rawn ti ringawt a,a awmzia pawh ka hrelo.
"he room hi ti ruak vat ila a tha ang.... mut theih tawh loh na turin... " a tih takah chuan thil ka hre chhuak zawk , room khatah kan awm tur thu min hrilh zo chiah a engthil nge maw ka tih le? Naa... Lola thil hi ngaihtuah chiang ve thin rawh.
"umm....ka lukham lak ka tuma" avan hit lo tak em, chhuanlam siam tur ka hre thlawt lo alawm.
" awle... i lak duh te chuan... " nuih deuh suk pah hian a rawn ti a, ka zak ngei mai. " tuna i mamawh tur ho kha rawn la vek rawh.... entirnan lukham ang te... " ngeiawm zeta tih pahin a chhuak nghala.Avan sual thiam tak, khatia rawn tih leh kher kha angai lo asin min ti zak zo vek alawm.
.
Reife hnu ah Kai room oh!! nilo kan room.. ah chuan ka va lut ta nge nge a. Kawr pawh ha lo in towel chauh veng chung chuan bathroom atangin a rawn chhuak ve chiah bawka.A pian nalh zet ,a abs te leh a V-line lang kalh te chuan a ti chhelo takzet a sâng bawk si a a pian chu duhthusam ani chutah ala hmeltha lehzel zui,a hmel ringawt pawh hian zün a nghah tawh nak alaiin a mizia hre tan phei chuan a zûn ah kan uai ngawih ngawih chu anih hi.
"lo va mu rawh... zan a rei tawh si " a lu hruk hul mawlh mawlh pah chuan a ti sam et a, hetiang hian kan vawikhat awmna ani bawk nen awmdan thiam a har takzet. Lola... zam reng reng suh i zei thin em kha... ti a ka inhnem ve mawlh mawlh chung pawh hian Kai bulah hi chuan ka zero vek zel.
.
" ngatinge i din renga.... ?"
" umm... ka mu dawn lawm... "sweat shirt dum leh kekawr dum a ha a ,thawmhnaw ho te pawh a inhmeh em em zel mai chu anih hi.
"i rawn mu ve dawn lo mi? " tih pahin a khum King size dup zet ah chuan ka thu a.
" ka rawn mu vat ang... hna tawh tur ka la nei a... "
" anih chu... " ka ti sap a, a ruk tak chuan a room a zau in a reh ruih bawk si a a khawharthlak ka ti.
" mu tawh rawh... ummm... " ka chala fawh zeuh pah chuan a rawn ti a.
" lo mu vat rawh aw... "
" tehreng mai.... "
.
Mut tum chuan puan sin tur chu ka han hlip ve thawr ringawt a
" i inthlak dawn lo mi? "
" maw!! " ka lo ti hu a, engvangin nge ka inthlak ringawt ang.
" i thawmhnaw hi mutpui a nuam dawn mi? " ka in en nghal vata, ka rai lian ve tawh bawk nen ka kawr hak chu a mar pûng chu niin mahse hak tur dang ka nei miau hleinem ka tawt zo vek tawh.
" ughh.... englo ania... " ka nui suk a, ka sawi hreh bawk nen lehlam ka hawi daih a.
" ka kawr ka tawt vek a.... "
" ngatinge chung te chu min hrilh loh..." a hma a min tih dan te kha chuan hrilh ngam pawh ani hleinem.
.
" lo kal teh... " tih pahin min kai nghal dawr dawr a. A closet khawngkar a hawng a, light an on chiah mai chu kâ ang phuau in ka en nia mawle. A closet chu a pui rem rem khawp mai,a zau in a nalh takzet uluk taka design ani tih en ringawt pawh hian a hriat. Uluk takin ka hawi kual vel a, coat dum ringawt pawh a inkhai tlar hnem khawp mai.Sana, necktie,necktie pin, pheikhawk, sunglass, bag leh thil dang dang te chu duhthusam a tam awmze nei takin a inrem tlar thap bawk.
" heng zawng zawng hi i ha vek hman dawn mi? " ka ti chhuak hlawl a.
" ka hrelo..... hetah hian lo thu rawh " a lai takah chuan thutna tur lian zet a awm a chutah chuan min thut tira.
" Eng ang chi nge hak i duh....? "
" maw! "
" umm.... tlema deh nuam deuh hlek a that ka ring.... " tih pahin a wardrobe chu a hawng nghal zung zung a .
.
"Enge i hak ang.... heihi kamis, heta mi hi t-shirt" engtin nge maw ka thlan ang le, T-shirt ringawt pawh ban tluan leh tluan lo ,collar nei leh nei lo, a awm thluah si a enghi nge ka hak tak ang.
" ka hrelo.... " ka ti leh ringawt tawh. A thawmhnaw ho chu an enkual dan dan a. Heichu a pan lutuk hak a nuam lo ang,a ban a tawi mah mah, duh aiin a thap, mutpui atan chuan a lum mah mah ,a rawng a nalh a,a rawng a thim mah mah....chumi ringawt ah pawh chuan a buai em em ringawt ,ti ringawt hi chuan hak tur kan zawng hmu zo dawn lo takngial
"heihi hak a nuam ang...ka ha mai ang " tih pahin t-shirt ban tluan nem zet hi a ka la chhuak ta ringawt a.A thil thlang ringawt pawh hi a uluk tawh ania thil dangah phei chuan a khirh lutuk tur hi ka ngaihtuah peih lo zawk.
.
Ka kawr mar zet chu phelh in Kai kawr chu ka ha a, ka khup a zuk thleng tep nia, a rim te lah chu an nui em em khawp lehnghal.Hna thawh tur ala neih avangin keimah chauh chuan khum zau zet ah ka mu a, ka muhil leh thei tawh lo.Ka in let kual ka inlet kual a ka mu rem thei thlawt lo.
"ngatinge i la mut loh a.... " a study room kawngka ngheng chuan min lo en reng chu niin.
" ka muhil thei lo.... " ka tih chuan ka bulah a rawn inthawlh nghal vata,
" mutthilh tum rawh.... " tih pahin a awm ngheng chuan min kuah a, a thinphu ri ka hre thei....
" Georgia hi engtin nge ni dawn...? " ka ti sap a.
" ka hre lo.... "
" ila ngaihtuah reng tiraw.... "
" mmm...... "dawt sawi ve tal tur nia, ka thik zel mai bawk si.
"ka tih tur alawm.... enkawl ka intiam tawh a ka thutiam chu ka hlen ngei bawk thin....mu tum rawh "tih pahin nghet takin min kuah a.
" mangtha le.... " ka chal a fawh zeuh pah chuan a ti sap bawk
.
_________________________________________
Kai office kal lai ani bawk nen ka pa tlawh tur chuan damdawi in ah ka kal a ,
" Nick.... engtik ah nge a harh ang... " ka pa en vang vang chung chuan ka ti sap a.
" ka hre bik lo... "
"keichu Kai hrilh ve hi a tha in ka hria bakah ka pa ania aruk a enkawl ai chuan a hriatpuina ngeia enkawl hi ka duh zawk... "
" ni e... a tha alawm" Nick an min lo thlawp ve avang chuan ka lawm takzet, ni e.... Kai an engkim hrilh vek turin min ti a chuvang chuan hrilh ve ngei hi a tha in ka hria.
" anih chuan ka haw veleh ka hrilh ang.... "
.
Damdawiin atanga ka haw chuan dar5:30 alo ri der tawh ,muang changin room ah ka lut chhat chhat a vawin chu ka pa nilengin ka awmpui bawka ka rilru a nuam huai thei. Khumah chuan ngawi rengin ka thu a, thil ka ngaihtuah leh vung vung tawh .
" khawiah nge i kal a? " Kai aw ka hriat chuan ka phu nghal zawk , sana ka en nghal vat bawk.
" zanin chu i va rawn haw hma ve... "
" nia... ka nu te an rawn haw tawh a... dinner ei ho turin min sawm a... "
" maw.... dinner maw!! "
" umm.... insiam la kan kal vat dawn nia... " ka hmuiah chuan a rawn fawp zeuh a.
" Kai.... "
" umm.... enge? " min rawn nuih sang a, engtin nge ka pa chungchang hi ka hrilh tak ang.
" ih.... englo ania... " ka tawng hun nghak chuan min en renga.
" i laina hnai deuh kha murder case nei ta se ka tih awmzia chu puh ni ta se mahse nasa takin damlo si se engtin nge i tih ang... "
" ka enkawl ang.... ngatinge chu chu min zawh a? " mak tih hmel takin min en kar a.,min chhan dan avang chuan ka lawm takzet.
" ugh... ka hre chak mai mai a chuan anih a dam hunah police kutah hlan tur ni ta se engtin nge i tih ang..." ka han ti leh a.
" police kutah chuan ka hlan mai ang chu... "
" i chhungte pawh ni mahse i tang tir tho ang maw?"
" umm.... thil ti sual chuan hremna an pumpelh thei dawn em ni....ngatinge? "
" ugh... chutiang chu vawin ah an sawi a... " ka ti ta ringawt a, diktak chuan hrilh ka phur tawh lo chuvang chuan hrilh lo ila a that zawk ka ring.
.
" chutiang ngaihtuah tawh suh... insiam la ka lo nghak ang che " ka lo bu nghal a, phur lo zetin ka insiam taih taih a. Kai te in meuh ah dinner kan ei dawn bawk si a tiin ka kawrfual hring duk chu tawt deuh hian ka ha lui hram hram a chutah pheikhawk sang zet ka bun bawk. Reife ka insiam hnu chuan Kai study room ah chuan ka va lut a.
" kal tawh ang le... " min hmuh chuan min han en vang vang a.
" i kawr hak kha a tawt lo mi? " naa... i nalh hle mai min ti dawn emaw tih laiin ka tawt hmel a ti deuh aniang, mahse a fan thei hlauh a lan ang em em hi chuan a tawt lo.
.
"aih.... tawt lo... " ka lo ti bul hmuk ringawt.
"ok... i nalh takzet ... "
"tak tak em? "
" umm... " min rawn fawp leh vang vang phawt a.
" kal ang kan tlai tawh ang... "
" vawikhat leh chiah... "
" aih... kal ang" tih pahin ka kai nghal dawr dawr a, kan tlai lutuk chuan pu Hammad a zahawm emai .
*
*
Dinner kan ei lai chuan Kai leh apa chu an inbe mawlh mawlh a, Mrs. Burton pawh a fapa hrai in a buai hle bawk kei ve thung erawh chu ka kawr tawt lutuk avangin ka na vek thung. A khat tawkin kan thaw leh hak thin a, ding hluai a kal bo daih ka chak takzet.
" Lola... i tha maw? " Mrs. Burton chuan min rawn melh ha a.
" aw.... "
" i va dâng ve.... Kai a damlo ani lo maw? " ta deuh deuh chuan kawr ka tawt vanga hetianga awm ka ni tih an hre der si lo.
" Lola.... i awm a nawm loh chuan sawi rawh aw... " Kai chuan a rawn ti vat a.
" ka tha.... lum ka ti deuh mai ania "
"min hrilh hreh suh ang che " ka lo bu nghata.
.
Dinner kan ei zawh rual rual chuan bathroom ah ka lut nghal vata, ka pheikhawk ka phelh a ka kawr zipper ka phelh thawl deuh bawka ka nuam huai thei. Commode chhin ah chuan ka thu renga, ka chhuak peih tawh lo takzet thil eng eng emaw an sawi leh phei chuan darkar engzat nge tawrh la ngai ang le?
Darkar chanve dawn bathroom ah ka awm hnu chuan kawngka chu tuemaw hian an rawn kik ta mai!!, ka meng phawk nghal kawk a.
" Loka... rawn hawng rawh... " awi engtin nge ka tih tak ang.
"I tha maw!! kawngka rawn hawng rawh" Hmanhnawh lutuk in ka kawr chu ka zip sawk sawk a, pheikawk bun tha mang lo chuan kawngka chu ka hawng nghal vata.
Show post links
Top
Ngaia
Site Admin
Quote
Unread post December 3rd, 2017, 2:15 pm
chapter-35
.
Ka in siam rem hma hma chuan a rawn pawt nghal pawp a, ka pheikhawk ka bun tha hman lo bawk nen ka tlu tep lehnghal, min hmuh chuan a hmel ah a hlauthawng ani tih ka hre nghal
" Engtin nge i awm... i tha em? " tih pahin min endik nghal mawlh mawlh a.
" ka tha.... "
" na i nei mi.... hei i thlan a tla vek alawm... "ka hmai a rawn khawih a a chi ai vek nimai in ka hria, Kai awmdan hian min ti lawm letling zawk, a chhan chu hetiang hian ala phi buai ngai lo. Engpawh thleng se chiai miah lo in thlamuan hmel tak hian a chingfel mai thin mahse tun tum zet chu a hlauhthawn hmel takzet.
.
" ka tha engtin mah ka awm lo.... "ka kut pahnih in a hmai chu ka khawih a,a hlauthawn em avangin tih ziaawm nan ka han ngawi vang vang phawt a.
"i awm a nuam lo anih chuan sawi hreh suh ang che ...engkim min hrilh ang che ka tih tawh kha...." ka lo bu nghata, commode chhin ah chuan min thut tira, ka hma ah tak a khup pakhat zawk thingthi chung chuan ka kut chu nghet takin a han vuan a.
" le....engthil nge thleng sawi rawh le?" hepa hi chu a fing ve ngawt mai, mipa dang chu nise ka tha ka tih khan an ngaih a tha leh mai ang mahse ani chu ani ve lo.Ka tawng hun nghak chuan min en renga sawi loh na chi ani tawh lo, thawk kan la kawk phawt a
" ka kawr hi ka duh aiin ka tawt deuhin ka hria.... " ka thaw huai mai.
" ih... ka pum a lian tawh bawk nen min hreng nasa lutuk a" ka han ti leh a.
.
Ka kut rawh fawh zeuh pahin min rawn nuih suk a.
"a lehpek ah chuan thil ho te pawh nise min hrilh vek tawh ang tih min tiam rawh.... "
"awle.... " ka ti sap a, a ruk tak chuan ka zak ve reng.
" i kawr kha phelh rawh... " tih pahin a rawn ding hluai a ,engthil nge maw tih tum le?
" maw!! teuh lo... " Engtin nge Pu Hammad te in a ka awm laiin ka kawr k as phelh theih ang min tih zah a tum a mawn le? ka duh lo hrim hrim.
" tikhan i awm reng dawn mi? "
" aw.... " tih pahin ka ding nghal zawt a, lungawi loh hmel zeta melh pahin kal ka tum a mahse ka ban ah a rawn man bet hman!
.
" Kai....inah nilo in i pa te inah anih hi kan awm,engmah ha lo in ka awm thei hleinem.... "
" tunge ruakin i awm dawn ti che... "tih pahin min rawn kuah ringawt a,
" Kai... " min rawn kuah nghet a tum emaw ka tih laiin ka kawr hnung zipper a rawn phelh ta thut mai!!!
" Engthil nge maw i tih le? " ka lo tal nghal vata mahse min kuah bet tlat thung.
" che suh.... " ka beng fawh zeuh pah chuan a rawn ti sap a, a awmdan hi ka hrethiam lo takzet.
"Che suh... " a rawn ti leh a.
" ka chet loh hi... " min kuah bet tlat avang chuan ka lo ti vin hlar a.
" tha lutuk... " a necktie a phelh zawh chuan a coat leh kamis a phelh leh bawka.
.
Hepa hi enge maw a hriat le? anu te inah chupawh bathroom ah lehnghal ah sex hman a tum amawn le?
" Kai ...ka thei lo ,i... i pa ten an hria ange?" ka zak bawk nen ka hmai a rawn sen ringawt mawle.
"i rilru a awm ang kha engmah ka ti dawn lo..." nuih vur vur pahin a kamis sen duk rimtui zet chuan min rawn khuh nghala, mak tih hmel takin ka lo en reng thung.
" i kawr kha phelh la... heihi i hak chuan a nuam deuh zawk ang... "
" maw!! " ka awmdan lai lutuk chu han sawi mai tur pawh ka hrelo.A coat dak nalh zet chuan a vest a hak hnan lehnghal a
"tikhan i ding reng mai dawn mi...? " ngeiawm zet chuan a rawn ti leh kher anih chu.
"pawnah lo va awm rawh... " a inkuangkuah nghal hmak bawk.
.
" Engvangin maw?"
" ka... ka inthlak dawn lawm"
" Lola.... " an thaw chhuak halh a " hun kan nei tam lo ania " nin hmel zet chuan an ding sawi kher bawk
" chuvang chuan lo va chhuak rawh"
" aih.... " a awm ve reng laia inthlak hi ka zak pawh ani lo mahse min lo en reng hi chuan ka tim deuh tlat zel.
" awle... a tha e" tih pahin ka kawr chu ka phelh nghala, uluk takin min lo en reng bawk ka nuih a za takzet.
"min en reng te chuan ka zak ve thei tho ania" ka tih takah chuan men pual ralh pahin a hrawk a han thian kharh kharh a, a chet dan hi a ngeiawm thin mah mah.
"naute chu a lian tawh hle mai... " tih pahin kawrkilh chu min rawn kilh saka.A rawn kun dun mai bawk si a ka thinphu a rang leh thut tawh.A kilh zawh chuan min rawn fawp zeuh a.
" kal ang le... " ka kawr chu keng in min kai chhuak nghala.
.
Inhnuai kan thlen thlak chuan Mrs Burton chuan min rawn pan nghal vata
" khawiah nge ka pa hi? " Kai chuan a ti nghal vat bawk.
" umm... zanin chu a kawng na a ti deuh a, alo han mu hma ta anih kha... "
"keini pawh kan haw nghal mai ang... "
" ka pa chu mangtha tih min lo hrilh sak dawn nia... " ka lo ti nghal vat a.
" tehreng mai" tih pahin min rawn kuah vang vang a " ka ngai tawh lutuk che a.... kan hman veleh Aiden nen kan rawn leng dawn nia... "
" ni e... a tha khawp ang.. " Kai chuan min rawn nuih suk pahin a lo ti ve bawka.
"Georgia chu enge a an tawh? " Kai nen chuan kan inmelh nghal kawk a, engtin nge kan bulah a awm tih a hriat?
.
" tikhan mak tih hmel deuh khan min en suh u... tukin zing chanchinbu ah Georgia Kai inah a awm tih ka lo hmu a, Rita ka call nghal vata Georgia damloh thu min lo hrilh lehzel bawk nen hrehawm ka ti takzet. "
" ka pa in a hre tawh em? " Kai an a tih chuan a lo bu nghata.
" Engkim ka chingfel vek ang ,a natna hi media ho in an hriat loh chuan a tha ani mai... "
" ni e.... engpawh thleng se ka fapa i ni miau alawm, engtin pawh sawi che se se in inthen tur ani lo " ka rin dan chuan chanchinbu ah Kai an a bialnu hlui a rawn hruai luh avangin hmeichhe khawngaih thlak takah min chhuah ngei ka ring.
" kan kal phawt mai ang... mangtha le " a nu bianga fawh zeuh pah chuan a nghal nghal nal nal a.
" ka nu... mangtha le... "
"tha takin aw... " kan inkuah zawh hnu chuan hmanhmawh takin ka zui chhuak ve nghal hlawk hlawk a.
.
Kai chu car ah alo thu ran tawh a ,a mood a fuh loh hmel takzet. Hmanhmawh zetin ka lut ve nghala,melh pawh min rawn melh eih lo,kan tlan chhuak nghal vat bawk. Ngawi rengin ka thu kar a, a khat tawkin ka va melh leh zeuh thin. Tuna kan awmdan hi a nuam lo takzet Georgia vang ani angem le? chutia ka lo inngaihtuah niap niap lai chuan ka kut chu rawn la in a fawp zeuh a engmah a sawi chuang lo, hmalam a melh ngur ringawt.Ka kut chu laksawn ka han tum a mahse a aiin a rawn hum nghet sauh thung.
" Kai... i thinrim lo tiraw? "
" rim lo e... " min rawn nuih suk a mahse a awmdan atang hi chuan thinrim a ang bawk si. Ngaihthat loh hmel zet chuan tukverh lam ka hawi ta ringawt a, hetianga a mizia a thlak thut thin hi chu ka haw takzet.
.
Inchhung kan luh chuan ka ding thut a min kaihna chu ka phelh vat bawk.
" tui ka in lawk dawn ... lo han chho rawh "
" awle... rei lo la " tih pahin room lamah a chho nghal nal nal anih chu!! ka nui lui hak a engvanga khatianga awm thut kha nge maw anih le?
Kitchen lamah thinrim tûn chung chuan ka phei nghal hmawk hmawk a, Rita alo awm avang chuan chair ah thu in kan thaw chhuak hak a.
" kha tui hi in rawh " tui min rawn pe nghal vata ka mamawh tih a hria pawh ani mahna , vawi khatah ka tlak nghal pawp bawk.
" Engthil nge thleng ?"
" Georgia...enge a an?" zawh pawh ka tum lem lo mahse ka rilru a awm hi ka lo sawi chhuak leh thin .
" zanin chu a room ah a tawm deuh chawt mai, dinner pawh a room ah ka pe a"
.
" amah a tha hrim hrim em? "
" aw... ehe... Lola kha chu Kai kawr tiraw? "ei loh hmel zetin ka lo bu nghata.
" ngatinge? mak i va tih hmel ve... "
" a mak alawm... Kai hian a thawmhnaw reng reng midang hak chu sawi loh a khawih tir ngai lo hrim hrim " chutia Rita in a sawi takah chuan tlemin ka thinrimna kha a zia deuh.
" i ti tak tak em? "
" aw... alo hak tir anih pawhin a ha nawn duh tawh ngai lo ang.... " ka nui nghal suk a, anih chuan a ha nawn duh tawh lo ang a, tinge a thinchhiat em em mai le?
"mangtha aw...." tih pahin ka tho nghal hluai a
" awle mangtha le " phur zetin inchungah ka chho nghal vata.
.
Room a ka luh chuan dim light chiah alo in on tawh, Kai erawh ka hmu lo thung. Ka clutch khuma paih pawp pah chuan ka thu hnawk a,Georgia room ah a kal leh tawh aniang.Minute 10 vel zat inthlak lo a ka lo thut tum bur lai chuan Kai a rawn lut ta thut mai, ka lo hmu lo der tlat thung. Ngawi rengin ka pheikhawk sang zet chu ka phelh a, ka ke a nat em avangin ka ner zui sawk bawk, ka ke a vung nasa bawk nen a kham in a na thum mai. Kai chu ngawi rengin ka hma ah tak chuan a rawn thu a ,ka melh lo hrim hrim
"hetiang hi chu bun tawh suh... " ka pheikhawk lehlam chu min rawn phelh sak nghal a.
" Georgia room ah mi i kal a... " a ngawi vung vung a.
" umm.... a mu tawh nge mu lo ka en ringawt a... " tih pahin ka ke chu dim tak hian a han hmet a, a nuam takzet mahse ka lo la sawn vat thung.
.
" i hriselna mai bakah naute tan pawh a tha lo ang.... bun tawh suh ,thupek anih chu"
" Kai.... i awmdan hi ka hrethiam lo, Georgia hi i hmangaih takzet in ka hria"
" hmangaih pahnih a neih theih em ni? " hriatthiam harsa deuh hian min chhang ve ziah.
" ka hre nang... "
" mahse keichuan hmangaih pakhat chauh ka nei... " hriat chak hmel zet hian ka lo en ha a.
" inthlak la. ..mu tawh ang "
" anih chuan tunge i hmangaih chu? " a nui chhuak hak a.
" nakin ah i hre mai ang.... kum24 i tlin hunah... " naaa.... avan sual tak,a chang hi chuan kum9 laiin inthlau mah ila kei ai pawh hian a naupang chhia thei daih zawk.
" kawr hi... ka pe let dawn che nge?" Rita sawi hre reng chung chuan ka zawt a,ka inthlahrung takzet.
" tahkhan dah rawh... "
" i hak duh tawh loh chuan ughh....a pawi lo ania... "
" tahkhan dah tawp rawh..." a tih chuan ka chhang buai duh tawh lo, ka lo bu nghata
.
__________________________________________
.
Ni eng in min rawn chhun avang chuan ka han meng siar siar a, ka bulah Kai ala mut ringin ka dap kual vel a mahse a lo mu tawh miah lo. Sana chu ka han siai sar sar a, dar10 alo pel daih tawh chu niin. Ka tho nghal zawta,
" ehe.... heihi enge ?" dawhkan ah chuan pangpar bawr nalh tak leh breakfast tuihnai tak hi alo awm a chupawh ka duh chi hlir.
"ngatinge le? " mak tih hmel deuh in dawhkana card te reuh te chu ka la in a chhungah thu tlemte inziak chu ka chhiar nghal vata.
#Happy Birthday
I mu tui em a ka kaitho duh ta lo che anih kha, chuan Dinner i duh na ber hmunah aw...
Ka hmangaih che #
.
tih te mai hi alo ni a mahse birthday wish atan chuan duhthusam ani,nizan khan ka lo theihnghilh daih a nidangah ka theihnghilh ngai lo asin le. Kai chu ka va text vata.
* French Restaurant ah aw... i ei ve ngei angai ang... * tih chauh chu ka va thawn nghala, a rawn chhang rang kher mai.
*morning.... i mu tui em? *
*aih... min thawh khalh avangin zanin chu London khawpui min fan kualpui ngei angai ang *
* tehreng mai *
Ka reply hma chuan Maisie in min rawn call avang chuan darkar khat zen zawn kan han inbe leh te te phawt a, khuma thut ar ar pahin breakfast ka ei bawka tawng tui laklawh bawk nen kan inbe rei takzet.
.
Kan inbiak zawh veleh Kai chu ka reply leh nghala.
* dar7 ah aw... rawn tlai suh ang che*
* enge i tih? i va rawn reply har ve* ka reply har em avang chuan a lungawi lo ngang mai, kan han inthlem leh rih thin, vawin zet zawng ka in text nileng thak mai, ka birthday anih vang pawh ani mahna, a chang chuan a buai deuh aniang minute15 hnu ah te min rawn reply a, a hman hunah min rawn be tura ka tih lahin a duh bawk si lo, a vawikhat nan nileng tak tak in kan inbe ve ngei mawle!!
.
__________________________________________
.
Khua a rawn thim dek dek tih chuan ka insiam tan der tawh, uluk takin ka sam chu ka curl a, nidang aiin makeup pawh ka uluk zual.Kawr sen Kai an min leisak chu hak turin ka phawrh chhuak nghala, ka sawi tawh em aw. ..ka kawr ka tawt vek avang khan a tuk ah wardrobe khat vekin ka thawmhnaw ho chu thawmhnaw thar in an rawn thlak nghal veka tunah chuan hak tawk loh pawh ka nei tawh lo. Phur tak chungin ka insiam nghal mawlh mawlh a, a chang leh ka lo zai leh rat rat thin.
Ka pheikhawk hniam dum leh clutch sen ka keng bawka nalh ka in ti ve hle.Ka pum puar ve tawh tak chu ka kalpui ve hnak hnak a ,rai lo ila chu hei ai hian ka chhelo zawk daih ang mawle.
.
Inhnuai ka chhuk thlak chuan Alfred an min lo nghak reng tawh a, Kai an a rawn tir leh tawh aniang.
" Khawiah nge Kai...? "
" Big Boss chu meeting an la neih avangin hruai tur che in min ti ani "
" awle... " a hman miau loh te chuan Alfred pawhin min rawn hruai mahse pawi ka ti reng reng lo. Dar6 a rik meuh chuan in atangin kan chhuak vai vai tawh ,ka phur lutuk hi ka helh hawlh ni ber in ka hria.
Hotel kan thlen meuh chuan ka phur lutuk chu ka khi reng mai, zanin chu dinner ei zawh ah movie te en ila, inngaizawng te indate ang tak tak hian indate ve ka chak takzet.
.
Dar7 a pelh hnu pawh chuan Kai chu ka lo la nghak ran a, meeting an nei bawk si a call chi lah ani bawk si lo. Ka va text ta ringawt a mahse min reply lo, a buai aniang a rawn kal em em ang.
Dar 9 a rik pawh chuan Kai hmel reng reng hmuh tur a awm lo,ka ril a tam tawh bawk nen ka pum chu a ri leh rawk rawk thin, midang lo awm ve te chuan ka thu rei lutuk chu mak min ti tan riau hian ka hria.
" ka pi order kan siam tawh mai dawn em ni? " Waiter chuan a rawn ti a.
" ughh.... nakin deuh ah, tui min lo pe zawk theih angem?... "
" awle... " tui ringawt pawh no nga ka in zo tawh ,ka call ngam bawk si lo ka text a reply thei bawk si lo ka mangang lek lek tawh mahse ka nghak hram hram tur ani.
.
Dar 9:30 a rik meuh chuan ka mangang takzet tawh ,a tawp a tawp ah Kai chu ka call ta ringawt a mahse a ring ral thak thak. Ka tihngaihna hre lo chuan a secretary Lily chu ka call ta ringawt a.
" Hello... "
" ugh... Lola ka nia, boss ka be thei angem? "
" ughn... Miss Lola pawi ka ti lutuk boss chu dar7:30 khan a haw daih tawh alawm... "
" maw!! ...."
phone chu ka dah nghal hmaka,ka rilru na bawk si thinrim bawk nen ka mittui chu a rawn tla nghal sawk a,
"a rawn kal dawn loh te chuan rawn hrilh ve tal tur ania... " ka mittui chu ka hru nghal vata.
.
Hotel atanga chhuah pah chuan Kai chu ka call nawn leh ngata, rei fe a inring hnu ah a la hram.
" Lola... pawi ka ti lutuk ,dinner chu naktuk zanah kan ti mai dawn mi niang hei Georgia.... " phone ka off nghal hnak, ni e Georgia chu a damlo ngei alawm mahse a rawn kal theih loh tur thu rawn sawi se chuan ka hrethiam em em ang.
.
Chapter-36
.
Kawng sir hmun thim lai deuh ah chuan ka ding renga, mi kawngkal an tam lo bawk nen a reh duk mai, thil dang daih ka lo ngaihtuah leh ngawt ngawt tawh.
" A rawn kal theih loh tur thu sawi a harsat loh nen... " ka mittui chu a rawn tling pam a, a chang leh inhnem nan "Georgia te chu a damlo alawm... a chungah engthil emaw alo thleng thei reng bawk " ka lungawi thei thlawt lo, thil engmah ei lo in hun reitak chhung ka nghak ve char char a ,a rawn kal theih loh tur thu rawn sawi se chuan ka haw daih loh vêk pawhin ka pa tlawhna hun ka nei ni mai tur.
" min ngaihtuah ve miah lo anih hi... " ka mittui chu ka khap per leh fap thin , tah loh ka tum pawhin ka mittui a rawn zel mai bawk si.
.
Zawi muangin ka kal chhat chhat a, kal tumna bik pawh ka nei lo mahse zanin chu haw chak na chhete ka nei lo. Taxi rawn kal hmasa ber chu ka lo phar ding nghal vata,
"St George's hospital " tih pahin ka lut nghala.A khat tawkin ka insut leh hraih thin ,thawk chhuah hak pahin pawnlam chu ka han en vang vang a.
Driver chuan ngawi rengin rawmawl hi min rawn pe a, mak tih hmel takin ka lo en ha thung.
" la rawh... i duh duh danin i hmang thei ang... " .
Lak pah chuan "ka lawm e" ka ti sap bawk.
" tun ang zan rei tawh ah ngatinge hospital ah kal i duh a ?" ngatinge maw chutiang zawhna te min zawh le, ka hmelhriat pawh ani tawp si lo.
" ka pa a awm a? " .
.
" i vannei hle mai i pa in ala dampui che a"
" nia..." ka lo ti ringawt a.
Hospital kawt kan thlen rual rual chuan rang takin ka chhuk nghal vata.
"engzat tur nge? " taxi driver ka hmuh chuan tlangval naupang te hi alo ni a,a la hmeltha em em zui, a biangsum khuar kak chung chuan min rawn nuih suk a.
" angai lo... keipawh ka kal dawn lawm" tih pahin a rawn chhuak nghala.
" oh!! anih chu mahse a thlawnin ka chuang thei hleinem" ka chuan man chu pek luih ka han tum pawhin ala duh hauh lo.
"nakin ah coffee min leisak mai dawn nia.... " min rawn nuih suk pahin a lut nghal daih anih chu.
" maw!! lo ding lawk teh... " rawn hawi let chuang lo in ka tawng a hria tih hriat nan thump's up min rawn hmuh va va a, rei lo te ah a kal liam nghal vat bawk.
.
Muang changin ka pa awmna room lamah ka chho hnak hnak a, ka haw lo anih chuan ka pa bulah ka riak daih ang.
Ka pa awmna cabin ka thlen choh chuan nurse te leh midang veivak hrim hrim pawh hmuh tur an awmlo.
" zanin chu tum mah hian min hmuh an peih lo aniang " tih sap pahin ka lut nghala.Ka bag chu couch ah dah in ka pa mutna bul chair ah chuan ka han thu hnawk a. Ka pa kut hum vang vang pah chuan a hmel chu ka en vang vang a
" engtik ah nge i rawn harh ang le? " za lo zetin ka nui suk bawk,ka pa chu oxygen hmangin a thaw tawk tawk a ,a cher in a dang bel bawk si a ka lainat takzet. Hun rei tak hnu ah chiang taka ka vawikhat hmuh lehna chauh anih avang awmdan thiam a har hle.
.
Rei pawh ka thut hma in ka pa kut leh a ke vel chu towel huh in ka hruk fai saka, ka tet lai pawhin min bual thin a tunah a mah leh amah a intih fai theih loh lai hian engvangin nge ka hruk fai loh bik ang .
" pa rawn harh tawh mai la... min hmu la chuan min hai tawh hrim hrim ang,tunah chuan pawisa ruk ngai tawh lo in i duh duh ka tihsak tawh ang che" chhanna engmah a awm lo, a reh duk a ka pa en reng chunga ngawi renga thut bak tih theih ka nei si lo.
Ka mut chhuak lutuk chu chair ah thu pahin ka lo buk lauh lauh lai chuan kawka in pawt tawlh ri chuan ka min ti harh nghal zawk a. Ka ding nghal zawt a ka harh chiang ngei mai. Doctor pakhat hi ward fang turin a rawn lut chu niin.
.
" Hi! " Doctor in a rawn tih takah chuan ka meng phawk chiang ngei mai.
" Nang... nang hi driver kha i ni tiraw? " min rawn nuih suk a, enge hetah a rawn tih nilo... doctor maw a nih a?
" Hetah enge i rawn tih? "
" ughh... ward ka rawn fang dawn a.... " ka pa chu a endik nghal mawlh mawlh a, mak ka ti lutuk chu ka ding reng ringawt.
" chuan he... hetah i thawk amaw? "
" ughh.... internship ti lai ka nia ,thla leh ah ka zo ang... "
" anih chu... " ka lo ti sap a " eee... leh lawk " ka bag ka hai nghal rawk rawk a " kha ka chuan man kha.... "tih pahin pawisa pek ka han tum leh a.
" umm.... diktak chuan taxi kha chu ka û ta ania, zan rei ah ka hman sak thin a service lo in... chuvang chuan min pek angai lo ang "
" mahse.... "
" ughh.... coffee kan in zawk mai dawn mi? " tih pahin sana chu a en zeuh a "minute10 chhung chu hun ka nei ang... i rawn chhuak thei te anih chuan... "
.
" tehreng mai... ka hman alawm... " ka coat fual chu ka ha sawk sawk a," pa ka rei lo ang... " tih sup pahin ka
chhuak nghala. Diktak chuan keimah chauha awm kha chu a khawhar thlak ka ti, chutah he tlangval pawisa hi ka ba ngawt thei bawk si lo... a bula coffee in ringawt te chu a pawina a awm hleinem.Damdawiin balcony ah chuan kan pahnih chauh chuan kan thu a, coffee no sa vat vat chuan ka kut chu ka han dep a ,ka kut vawt lutuk pawh a zia deuh in ka hria.
" Sean... ka nia " tih pahin a kut chu a rawn phar chhuak a.
" Lola.... " ka lo chibai let vat bawk,
" damdawiin ah i riah chuan naute tan khan a tha lo ange aw... "
.
"nia....mahse.."ka phone a rawn vibrate avang chuan ka en vata Kai alo ni a ,ka en vung vung a ka ak leh nghal daih.
"umm... kan ring chhin i bialpa emaw i pasal nen in in ti thiam lo tiraw.... "
" chutiang vel chu... " nuih suk pahin coffee chu ka han lem dak a.Kan ngawih vang vang hnu chuan a phone a hmeichhe tleirawl hmeltha tak thlalak hi min rawn hmuh a.
" Bella anih hi... " a bialnu a ni hrim hrim ang.
" a hmeltha hle mai... "
" nia....kum thum dawn kan in zui tawh.... mahse nizan khan min boral san a"
" pawi ka ti lutuk....anih chuan ngatinge chawlh i lak loh a"
"amah vanga chawlh lak hi a thil duh loh ber ania.... hun kal tawh ah let leh thei ila chu a chungah khan ka thinrim leh tawh lo ang ...ka inchhir takzet asin"
.
Han hnem vak ngaihna pawh ka hrelo, ka thu ngawi reng ringawt.
"nimin khan a chungah ka thinrim avangin in hmuh a duh pawh in ka kal duh lo a a call lah ka pick up duh hek lo....khatah khan lo pickup ni ila chu min hmu turin a rawn kal lo anga accident pawh a tawk hek lo ang mahse tuna ka tih theih chhun chu a chunga ka lo thinrim avanga inchhir ngawih ngawih kha ani kan chungah engpawh a thleng thei chuvang chuan i pasal hnenah chuan let in thinrim tawh lo turin ka duh che ani " chutia a sawi takah chuan a sawi dik ka ti mahse let erawh ka tum lo bur.
"i thinrim chhan kha ngaihtuah chiang turin ka duh che .....chuan a thusawi tur vawikhat tal i ngaihthlak khan in inkar a that phah mial maithei asin... "
" mahse.... kei aiin hmeichhe dang a ngaihsak zawk alawm... "
"a rawn call char char tho che kha...urghhh zanin chu a vawt hle mai"thil dang a rawn sawi daih a.
.
" nia....kan lut tawh ange, nangpawh i hna chhunzawm leh tawh rawh "
" awle... ka thusawi kha hre reng rawh aw... " nuih suk pahin a kal nghal a.Lut ta lem lo chuan ka inngaihtuah vung vung a, Kai thusawi tur hi vawikhat tal ngaihthlaksak a tha in ka hria ,a rawn kal theih loh chhan leh a rawn kal theih loh thu min rawn hrilh lohna chhan tha tak a neih ka ring tlat. Sean thusawi kha ka rilru ah a awm renga, ka thinrim avang hian kan inkar hi a chhiat phah daih thei, ka venghim lo anih chuan Kai chauh chuan a thei lo tih ka hria chuvang chuan kan pahnin inkar hi siam that vat a tha in ka hria,anih loh vek pawhin tih tawp vat ka duh.
.
A tawp a tawp ah chuan ka haw leh ta nge nge a, phur lo zetin step ah chuan ka chho hnak hnak a. Kai pawh alo la mu bik lo kawtah chuan alo la vei vut vut a,min hmuh chuan a rawn tlan thla nghal vat bawk.
" Khawiah nge i awm? Nick bulah i awm bawk si lo khawiah nge i awm? " a ti nghal tuarh a.
" min khawih suh... " tih pahin a kut chu ka lo thing thla nghal vata,ngawi rengin ka kalsan nghal hmawk hmawk bawk.
"Alfred an rawn hruai tur che a a rawn kal khan khawiah nge i awm.... min chhang rawh khawiah nge i awm ka tih chu? " min kuai her lawp pah chuan a ti nghal tuarh a, in a khawk rawm rawm thei in ka hria.
" khawiah nge i awm zawk ? engmah ei lo in ka nghak char char che asin... i rawn kal theih loh tur thu pawh sawi thei lo khawpin khawiah nge i awm a? " ka lo ti ve nghal hlar a,room ah ka choh san nghal daih bawk.
.
Ka inphih fai a, ka inthlak nghal vat bawk, ka ril atam em avang chuan chhangthawp ro leh jam ka ei ta ringawt a, paris ah pawh zan rei a ka ei thin anih avangin tuilo ka ti lem lo. Ka che vel chu khuma thut pahin Kai chuan min lo en renga mahse ka melh eih lo. Engmah sawi lo in khumah ka mu nghal daih a puan in ka in khuh tlat bawk.
"ka rawn kal theih loh chhan chu Georgia nikhaw hrelo in a rawn awm thut a....ka phone office ah ka theihnghilh daih avangin ka rawn hrilh theih ta lo che anih kha... " a thaw chhuak zui hak bawk, mahse ka chhang duh miah lo thung.
" Lola.... " a rawn ti sap a. " ka tihpalh .... " ka inhum ruh tang tang a ngatinge ka nem nghal vek zel le?
" hetiang a i awm hian hrehawm ka ti takzet.... engemaw tal sawi la? "
Chutia a tih takah chuan ka thu chhuak thut a, nizana a kamis ka haksak kha a ha tih ka hmuh hmaih hauh lo.
.
" i kawr kha... i office kalna ah i ha ami? " a bu nghat a, ka thusawi hi a hriatthiam loh hmel takzet mahse ka tan chuan thu lawmawm tawpkhawk ani.
"ngatinge i hak a? "
"Lola.... " ka kut chu a rawn vuan a "i kawr hak hnu hak hi nuam ka ti, a hma chuan mi nazawngin min khawih hi ka duh ngai lo mahse awmze nei miah lo a min khawih pawh hian nuam ka ti zawk asin... "
"mahse min ngaihsak chuang hleinem... "
" nilo.... ka nun ah hian i pawimawh hmasa ber.... ka engkim i ni asin"
"a chang hi chuan kei aiin Georgia i ngaihsak zawk ni hian ka hre tlat thin..
"mahse ka hmangaih che alawm... Georgia ni lo in... " ka mit ah tak a mitmu phaw phat chuan chiang takin min en kalh a.
"zanin ang kha chu a thleng leh tawh lo ang... min ngaidam rawh "
"inthen mai kha ka duh hman asin... " ka han ti dek dek a " nilo... " a hlauhthawn hmel takzet.
"ka tihpalh....chu bak chu sawi tur ka hrelo" a tawngkam thiam lo lutuk hi ka nuih a ti za letling zawk.
"I duh chuan Georgia chu i ngaihsak thei ang mahse keimah aiin i ngaihsak tur ani lo" a inthiam loh em avang chuan ka ti ta ringawt a.
" min ngaidam tihna mi?" ngawi rengin ka va kuah thut a,min kuah let rang ngei mai ,ka tum dan chuan rei deuh thinrim ka tum asin le mahse a inthiam lo hmel ka hmuh hian ka thinrim rei thei thlawt lo.
.
"tun hi a tawp na ni tawh rawh se.... "
" umm... " nghet takin min rawn kuah nghal a " ka hmangaih che... " a rawn ti sap bawk.
" min hmangaih tih engtin nge ka hriat theih ang... " ka fiam let zeuh a mahse a lawm hmel vak lo.
" min fiah i tum tihna mi? "a rawn ti bul hmuk a.
" ughh.... aih, mu tawh ang " tih pahin ka mu lehnghal daih a.
" zanin khan khawiah nge i awm? " ka bulah chuan a rawn mu ve nghala.
"ih!! tlangval pakhat nen kan intawng a"
" maw!! " min rawn melh nghal haw a.
"taxi driver emaw ka tia mahse doctor a lo ni a" a tho thut a, a lungawi loh hmel em em lehnghal
"chupa bulah chuan i awm amaw? " ka lo bu nghak a.
"engtin nge i mi hriat chian loh bulah i awm theih zawk? "
" a sual hleinem... a fel lutuk "
" ka awih thei lo.... chupa chuan lo khawih che se la engtin nge i tih ang?" a ti vin nghal hluk a.
.
" Kai... engtin mah ka awm loh hi... "
"tun atang chuan mipa dang bulah i awm tawh tur ani lo... "
"ka hria ka hria....inbengdai rawh"
"Lalpa leh!! ka ngaihtuah lutuk che hi ka awm hle hle thei lo chu anih hi... "
"zan a rei tawh mu tawh ang.... "
" i mut a chhuak tawh mi? "
" aih... mahse a tlai tawh lawm"
" London khawpui fang kha i chak tiraw?"
" umm.... ngatinge? "
" min rawn zui rawh" tih pahin kawrlum min hak belh tira, kan inthuam lum zawh chuan inchung lamah min kai chho hnak hnak a.
.
"Khawiah nge kan kal dawn? "
"sawtah sawn... " tih pahin inchung a helicopter chu a kawk a, phawk fe hian ka meng nghal kawk bawk
" saw... sawtah sawn maw!! " Helicopter chu sawi loh helipad a lo awm reng tih pawh ka lo hre lo reng reng chupawh inchung lawk ah lehnghal.
"London khawpui fang i duh ani lawm ni... "
" aw.... mahse "
"lo kal rawh... " tih pahin min kai phei nghal hlawk hlawk a,a ruk tak chuan ka phur takzet. London khawpui hmuh hi ka thil chak ber te zinga mi ani.
" Kai.... ka hlau ania"
" ka veng tlat dawn che lawm" tih pahin min hlang chho a, ani pawh a rawn lut ve nghal vat a.
.
Chapter-37
.
Darkar hnih dawn London khawpui chungah kan thlawh kual hnu chuan zing dar4 alo ri daih tawh chu niin. A ban kuah chungin room lam kan pan hnak hnak a, ka mut a chhuak bawk aniang ka ham leh bai bai thin.
"a tlai tawh sia office i kal thei lo ang a...kal lo mai la"
"ka chawl thei si lo alawm... "
"i chau lutuk ang "
"chau lo e... " min rawn nuih suk pahin room kawngka a hawng nghala.
"Kai.... vawikhat chiah kal loh te chu a pawi dawn mi ?" ka tih chuan min rawn nuih sang a.
" i upat hunah i hrethiam mai ang " naupang ang maia min biak hian ka thin a rim tlat zel.
" naupang ka nih tawh loh hi... " lungawi loh hmel zetin ka lo ner khum nang a. Ka sam rawn chul thur pahin " tleirawl chauh lawm ila nih " ka ngei lutuk chu rum fe hian ka melh hrawk a, anih chuan tleirawl ang lekin maw min lo hmuh a!!
.
" anih Georgia ve hi.... "
" ani te chu kum30 a tling tawh dawn alawm...." naaa.... nula angin min lo en ve miah lo ani maw!!
" chutichu naupang ang lekin min lo en ani maw? " ka lungawi lo takzet,Georgia chu nula angin a en a kei ve chu... urghhh kawng engkim ah Georgia hi ka thik vel vek.
" Ka mu dawn" tih pahin puan in ka inkhuh nghal daih a, Kai nui ri ka hre zui zat bawk chu chuan min ti thinrim zual. A nuihzatthlak viau amawn le?
" Lola... " puan chu a rawn pawt a mahse ka lo pawt bet tlat thung.
"naupang chhia viau lo teh "
"i duh leh nula anga i en bulah chuan va kal rawh... " ka tih chuan puan chu a rawn pawt hlip nghal pawp a.
"engthil nge maw i tih le? " ka thu chhuak hlawl a,melh pawh ka melh peih lo ani erawh a nuih a za hle thung.
.
" lo hawi teh... " tih pahin ka khabe dawm pah in amah en tur chuan min kuai dak deuh a.
"ka nupui angin alawm ka en che "ka lawm bawk si han nuih vur vur ka hreh bawk nen ka khi suk ringawt.
" ka chunga i lungawi loh chang leh min biak duh loh changte hian hrehawm ka ti thin chuvang chuan khatiang khan awm tawh suh "
"anih chuan dinner ei chhuak ang....British ho chaw ei reng hi ka hne tawh lutuk ka luak a ti chhuak... "
"haha.... tehreng mai" a rawn khi suk a.
" naupang chhia leh lutuk " tih pahin min fawp zui zat bawk.
" naute a rawn che ania.... "kan infawh laklawh lai chuan ka ti chhuak hlawl a
"a na em? " tih pahin a han dawn vang vang a, naute in a pa khawih a hria emaw tih mai tur hian a aia nasa chuan a rawn che leh tawlh tawlh a, kan han nui dun leh rih thin.A rawn pian hma pawhin heti khawp hian min ti hlim ania a rawn pian hunah phei chuan engtiang taka hlimna nasa rawn keng lut ang maw.
.
_________________________________________
.
Jacob an breakfast min siamsak mawlh mawlh lai chuan Lin chuan tui min rawn pe a
" Khawiah nge Rita?" Lin nilo in Rita pek ka duh zawk, bakah Lin hi chu Georgia nau deuh ania duh leh Georgia va ngaihsak rawh se kei nilo in .
"Rita chu damdawiin ah a riak a... "
" maw!! amah chauh in maw? "
" nilo e... Alfred nen an riak " Jacob chuan alo ti vat a, Lin erawh zahzum hmel takin a ding zum zai thung.
" Lin... ngatinge nangmah i riah mai loh" a ngawi renga a kun lap bawk.
"Ughh.... diktak chuan Boss riah a tum a mahse inah i awm lo tih a hriat khan Alfred leh Rita chu riak turin a ti ta anih kha....doctor an awm tho a Lin chu in lamah boss in a awm tira" Jacob chuan alo ti leh a
"inah i awm avang hian zalen viau turin lo in ngai hauh suh ang che "Lin melh pah chuan ka ti leh kher bawka, ka mi ngei zawng hi chu ka pe na ve thei ania.
.
Breakfast ka ei zawh chuan inkawt ah nilum a inpho pahin hla ka ngaithla mai mai a, nileng a hetianga awm ringawt hi chu a nuam miah lo a ninaem lek lek .
" ka pa bulah kal daih ila a tha ang " tih pahin midang in min hmu nge hmu lo tiin ka hawikual nghal vata. Tuin nge maw min hmu chuang ang le Jacob leh Lin bak an awm hleinem. Phur takin ka insiam nghal sawk sawk a, ka pum a puar tawh bawk nen kawrfual ka khup chen leh jacket lum zet chu ka ha a, pheikhawk hniam simple tak ka bun tel bawk. Ka bag ah chuan ka pa mamawh tur leh a ei chak a ka rin deuh ho chu ka ak puar lang bawka a ruk thei ang berin ka chhuak zal zal a.
.
" Miss Lola khawiah nge i kal dawn? " ka phu bawk nen ka ding nghal chawt a, Lin bawk maw?
" ka duh duh na ah "
" mahse i rai lian tawh si a chhuak lo la a tha zawk lo maw? " ava zakthei lo reuh e.
" ka thu thu.... inah awm reng lo in Rita va thlak vat la anih chu " melh rum pahin ka kal nghal hlawk hlawk a.
" Kai bulah a sawi chuan ka chhe vek ani mai " ka hriat tawk lekin ka phun zui sap bawk.
Shades vuah pahin confi zetin taxi ah ka lut a ke in ka kal rei bawka ka chau hman takzet a lehpek ah chuan Kai motor ka hmang tawh ang.
.
Ka pa awmna cabin ka thlen chhoh chuan doctor leh nurse ho chu hmanhnawh taka an tlan lut sap sap lai ka hmuh chuan ka hlauthawng nghal hle, hmanhnawh lutuk in ka tlan lut ve nghala. Ka pa electric hmanga an lo shock kang lawp lawp lai ka va hmuh chuan ka hmui ka hup a ka tawlh hnung nghal hrut bawk.
"vawikhat leh" doctor au lauh lauh ri chu mumang ang mai hian ka hre ruai ruai a. Ka pa an sawngbawl lai chu ka en renga chet ngaihna pawh ka hrelo.
" Lola.... " tih pahin tuemaw hian min rawn kuah nghal thlawp a, Nick ani tih ka hre nghal.
" kal ang... " tih pahin min chhuahpui nghal dawr dawr a, khatiang thil ka hmu thut khan min thawng bawk nen tawng mai nachang pawh ka hrelo.
.
" i tha tiraw? " buk nghat pahin thuthleng ah chuan ka thu hnak a, " a tha leh mai ang... " tih pahin ka kut a rawn hum vang vang bawk.
"eng... engtin nge ka pa kha a awm? " ka lo ti sap a.
"a thawk a buai mai chauh anih kha... " a ti ringawt a mahse chutiang chauh chu anilo tih ka hria
" Nick.... ngatinge ka awm tih nawm nan dawt i sawi kher a " min en vang vang pahin thawk an la kawk a.
"a mar phu an hmu zo lo a... "a chil a lem zui dak bawk
" a that leh hram ka beisei " tih bak sawi tur ka hre lo, Nick darah chuan ka bei hle hle a doctor te lo chhuah hun chu kan nghak tawp mai ani.
.
" I ril a tam em? "
" umm... "
"ka rawn let leh vat ang... " tih pahin min kalsan nghala ,diktak chuan ka ril tam vang pawh ani lo keimah chauha awm ka duh avangin khatiang khan ka chhang ta anih kha. Nick a kal liam chiah tih chuan a tawp a tawp ah doctor leh nurse ho chu an rawn chhuak hlawl mai,
" ka pa chu engtin nge a awm? " Doctor bulah chuan ka ti nghal vata.
" tunah chuan a tha tawh e.... mahse a theih anga tam awmpui tu nei se a tha ang "
" awle.... chuan engemaw a thlen chuan hetah hian min rawn be dawn nia "tih pahin ka phone number chu ka pe nghala.
" awle.... i pa chu i hmu thei tawh ang "
" ka lawm e... " nuih sang pahin ka lut nghala.
.
Ka pa chu a ngai te bawkin alo mu leh bam tawh ,hmui liah zeuh pahin a mutna bul chair ah chuan ka thu hnak a.
" nang tal chuan min dampui ve la...pa" ka mittui dan tum chuan ka insut leh hraih thin a mahse ka pa hmel ka hmuh hian ka hnuk a ulh leh thin.Ka pa hmel chu ka en renga vawikhat tal ka la theihnghilh loh zia hre se ka ti asin,a fanu ka nihzia leh a duhzawng tihsak te pawh ka chak ve asin. Rei pawh ka thut hma chuan Nick chu eitur nen a rawn lut a
"i tha lo tiraw? " tih pahin ka hma ah tak a rawn thu hniam a, ka lo bu nghat bawk.
" i hria em? ipa hi a damchhuak em em ang, chuan nangmah chauh i ni lo engtik lai pawhin ka pui zel ang che i kiangah ka awm reng ang"
" Nick...hetianga ka chunga i that hian i chungah ba tamtak nei angin ka in hre hial thin. "
.
" nilo... chutiang sawi suh "
"ka pa chungchang hi Kai hrilh ka tum a mahse ka hrilh thei thlawt lo "
"anih chuan nakin ah pawh i hrilh thei tho alawm mahse a rang lama hrilh hi a tha in ka hria "
" ka hre bik lo mahse lo hre ta pawh nise tih theih a nei chuang hleinem.... anih loh vek pawhin ka pa tan phurrit pawh alo ni reng thei asin"
"mahse hetianga thup reng chu a tha dawn em ni?"
"Burton chhungkua hi lo hmingchhiat phah ta se....chhungte murder case nei lai neih an duh dawn mi... nilo... a hma pawhin ka ti hmingchhe hrep tawh a tunah chuan ni tawh lo e"
" awle.... i tih dan dan le? " a rawn ti sap a.
.
Nick an haw tawh tura min tih tlat avang chuan ka hnial thei bik lo ,ka pa a awmpui a ngai dawn a min thlah theih loh avangin taxi min chanpui ta ringawt a.
" Nick.... i buai lo tak tak ang maw? "
" aw.... a tlai tawh lo va haw phawt rawh... "
" umm... mahse engemaw a thlen chuan min rawn hrilh ve ngei ngei rawh aw.... "
" awle... i chau lutuk ang in enkawl tha la "
" awle... ka lawm e "
"lut tawh rawh... " ka chal a fawh zeuh pahin taxi kawngka chu min hawn sak nghala.
" mangtha le " tih sap pahin ka lut nghala.
Rei fe kan tlan hnu chuan driver bulah chuan " Landscape office ah zawk aw" Inah haw tlang lo in Kai bulah kal ka chak zawk.Mak tak maiin ka hmuh loh hlek chuak hmuh ka chak in biak ka chak ngawih ngawih zel mahse a buai thin em avangin tihbuai ka tum ngai lem lo. A chang chuan ka ngai lutuk hi ka va call leh tawp zel.
Kai te office ka thlen chuan Landscspe tih lian taka inziak chu ka thlir vang vang a, helai hmun a ka kal hmasak ber leh a tawpna ni bawk tum kha ka ngaihtuah a hun a inher danglam chak takzet. Khatih hun lai kha chuan hreh tak chungin ka hmelma hmu turin ka kal a mahse tunah erawh phur takin ka hmangaih ber hmu turin ka kal thung.Nuih suk pahin office chhungah ka lut nghala, a ropui ngai rengin alo la ropui anih hi, mi ho chu an inkal pel suau suau a an buai hmel hlawm takzet.
.
Ngawi rengin Kai chauh hman tur a an tih a private elevator lam chu ka pan nghal chat a midang ho chuan mak min tih hmel hlawm hle. Ka duh chuan public elevator ah ka chuang thei mahse Landscape company President meuh nupui ka lo nih takah chuan hawi sang vah pahin elevator ah chuan ka lut nghala ka hawi sang lutuk kha ka kal na ka hmu thei lo tep lehnghal. Thawk hak pahin ka shades chu ka phelh nghala.
"naupai lo phei ila chu khabe tla khawpin min en thei ang " tih pahin ka pum chu ka han chul a " ka fanu duat te ka tihpalh..." ka ti zui zat bawk.
.
Kai room chu chhawng chung berah a awm bawka kal chhung a rei takzet, elevator ah minute7 dawn ka chuang hman ang. Kai room kawtah chuan inhlat takin a secretary pahnih te chu an lo thu leh ran tawh a
" ka pi... puih theihna che kan nei em?" sam sen zawk chuan alo ti vata.
" oh!! miss Lola lo kal rawh " sam buang zawk a dawhkan hma a Lily Spencer tih intar zawk chuan alo ti vata.
" umm... Lily" kei aiin a upa daih si a, ka inthlahrung leh deuh " Kai ka hmu thei angem? " hawihhawm tak chuan ka han ti a.
" awle.... lo nghak lawk rawh" tih pahin Kai roomah chuan a lut nghala.A luh chhung chuan a secretary pakhat zawk chuan min enduh takzet.
" Enge min en renga?" ka lo ti vin hluk a, a hawisawn rang ngei mai ,reilo te ah Lily pawh chu a rawn chhuak leh vat a.
" Miss Lola ...Boss chuan alo nghak reng tawh che nia " a tih chuan ka lut nghala.
.
Kai office chhung ka luh chuan ka tum ai daiin a zau in a ropui. Chhuat chu a var tle sur a bang lehlam erawh rawng dum vek an hmang thung. Bang lehlam ve thung erawh chu London khawpui lang thei turin darthlalang langtlang thei an hmang kual vek a, balcony pawh a nei zau in a nawm hmel takzet.A thutna dawhkan hnung lamah ve thung chuan inchung thlengin sang takin lehkhabu uluk takin a inrem khat cho veka, ropui hem hem tak ani chuan a mawi hle bawk.Kai chu hna a lo thawk malh malh a min hmuh chuan rawn tho chhuak in min rawn pan nghal vat a,a hna thawh lai thulh meuh a min rawn pan avang ringawt pawh hian a tan mi special tak ka ni tih ka inhria a chhanchu a hna a dah pawimawh hmasa ber thin miau alawm.
"ka ngai lutuk che " tih pahin min rawn fawp vang vang a, ka lo chhang let nghal vat bawk.
.
" Rawn thawh kher angai lo asin...i hna thawk lai ka ti buai ang che"ka lo ti vat a, rawn tho lo se chuan ka thinrim leh hle tho awm sia
"rawn biak che ka tum a mahse i rawn kal hlauh a " min biak alo tum ve chiah avang chuan ka lawm kher mai.
"hna thawk leh tawh rawh... i hmel rawn hmuh hrim hrim ka duh a, ka kal leh tawh mai ang.... " tih pahin ka tho thut a mahse ka ban ah a rawn vuan hman.
" teuh lo....i kal ka phal lo"hnung lam atanga min kuah bet tlat pahin ka nghawngah a rawn seh zeuh a, a thaw lum ham ham te leh a thinphu dup dup ri pawh ka hrethei.Hepa bula awm hi ngaiah ka nei thei thlawt lo min khawih tawh hi chuan tih danglamin ka awm ani tawp mai.
.
" Maimichhing rawh " ka beng bulah chuan a rawn ti sap a, nuih vur vur pahin ka lo maimichhing vata, eng thil nge tih a tum le?
" meng tawh rawh le.... " ka han men nak chuan ka mit zawn ah tak lunghlu thi hi a rawn khai va va a, ka nui tawp chiang kher mai.
" Kai.... "
" ka lo awrh tir ang che... i in hmeh ngawt ang "
" nilo... " ka ti nghal tuarh a,ka tawlh hnung vat bawk.
" Lola....i ta tur anih hi" mak tih hmel takin min en ha a .
" Kai ...ka duh lo ,ih... thi hi ka duhlo tihna ni lo in engmah min pe lo turin ka duh che.... "
" ngatinge maw? "
" min hmangaih chuan a tawk mai alawm " ka ti ta ringawt a, Diktak chuan Oscar avang hian thilpek ka la ngam tawh lo ,engthil emaw thleng se rul let leh vek turin min tih ve ka hlauh avangin thilpek liantham ka la duh tawh ngai lo
.
Chapter-38
.
" awle.... " mak tih hmel deuh hian a ti chuai raih a, thil dang ka sawi pawhin a nui duh miah lo.
" ngatinge ka thil pek che hi i lak duh ngai miah loh a"
" ughh... " tih pahin ka phone chu ka lek va va a " hei ka lak hi... ka mamawh bak angai hleinem " nidangah pawisa ka duh thin nen min rin loh hmel takzet mahse ka sawi tawh ang khan hetiang thilpek liantham hi chu lak ka tum lo.
" a tha e... " a chair dup hmel zet ah chuan a thu nghal daih a a hna thawh lai a thawh chhunzawm leh nghal daih anih chu!! Chutia ka awm ve tih pawh hrelo ang maia a awm daih avang chuan ngawi rengin ka ding renga.
" umm.... ka kal mai ang " tih pahin kal tum chuan ka inher nghal a.
" Ding rawh... "
.
Ka hawi let nghal vata mahse min en lo hrim hrim a thil tih lai a chhunzawm char char tho.
" min lo nghak rawh kan haw rual dawn nia... "
" awle... " ngaihtha zan lo chuan couch ah ka thu hnak a, tih tur pawh a awm lo.
Ngawi rengin ka thu kar a a changin ka va melh leh zeuh thin mahse ani erawh a buai hle thung.Ka hawi kual hrek hrek a sana melh ngut ngut bak tih tur a awm thlawt lo,
" E... taka " tih sup pahin ka phone ka la chhuak nghala ,Kai te games siam thar kha ka la khel miah lo. Lo nghah pahin games chu ka lo kher vel mai mai a,ka khel tui phian lehnghal a chang leh ka nui leh hak thin, a chang leh ka lo te leh tuarh thin a hna a thawk tih pawh ka hrechang tawh lo .
.
" Ka ui lutuk.... " tih pahin Kai chu va en ka tum a mahse ka ep chiah ah bawp khawkherh meuh in min lo en run anih chu!!
" Lalpa leh!! " ka phu chiang lutuk,a rawn thut lai ka lo hre lo reng reng.
" Naute tan a tha dawn mi? " tih pahin ka phone chu min rawn chhuhsak nghal pawp a, ka games khelh lai a en chuan a khi suk lehnghal.
"tih tur a awm lo lutuk a... "
" anih chuan... " a tho hluai a, a lehkhabu ho chu a han en kual dan dan a, lehkhabu pahnih lak chhuah pahin " hun awl i neih chuan lehkhabu i chhiar ziah tawh ang "
" maw!! " school ka kal lai pawhin lehkhabu chhair kher kher hi chu ka peih ngai lo.
.
"lehkhabu tha anih hi... i chhiar tam poh leh naute tan a tha ani mai " lehkhabu chu min rawn pe a, diktak chuan ka chhiar peih thlawt lo .Pawilo ka la anga ka chhiar lo anga ni mai lawm.
" khawi... inah ka chhiar mai ang " ka bag ah chuan ka khung nghal mawlh mawlh a.
"heihi tunah lo chhiar rawh... ka zo tep " lehkhabu pakhat zawk chu ka bag atangin a rawn phawrh chhuak leh a ,
" khawi... " tih vin hluk pahin ka laksak leh nghal pawp a .Kai pawh chu a let leh nghal mai bawka
" min lo hrilh mai dawn nia...i zawh hunah" lukham ka siam rem sauh sauh a, thatchhe zetin couch ah chuan ka han mu dar dar a ka kawng a na bawk nen ka nuam huai in ka hria.
.
Lehkhabu chhiar ang tak chuan ka han keu vela mahse ka chhiar peih hlawl lo, a chang leh dawhkan a ke hlang chungin ka chhiar der thul lemchan reng hi ka ning. Thatchhe zeta ka lo mut zawl zawl lai chuan Kai secretary Lily a rawn lut ta thut mai!! ka tho hman tawh lo dawhkan atang chuan ka ke ka hlang thla leh zal zal a, min rawn nuih na a chu mak min tih hmel takzet. Ka awm ve avang chuan a ngawi renga a sawi hreh niin ka hria.
" sawi rawh... " Kai an a tih takah chuan a han ding ngil deuh a
" Boss.... Mrs Charlotte chuan kan sawmna chu a pawm anih chu "
" a tha e... buaipui ngai chu i hriat kha.... chuan French restaurant list min lo pe dawn mi niang "
" awle... "
" i kal thei tawh ang "
.
French restaurant an sawi rik avang chuan ka beng ka dawh nghal hru a
"eheee.... dinner kan ei chhuak dawn mi? "
" chhiar chhunzawm rawh... " tih ringawt in min chhang anih chu.
" Chhiar chhunzawm rawh " a sawi ang chuan ka zir nawn leh nghat a.
" ninawm.... lehkhabu chhiar reng hi " phun bul bul pahin ka mu leh nghala.
.
.
" Lola.... Lola" min rawn sawi deuh avang chuan ka harh zawk a
" eiah... eng nge? " tih tuarh pahin ka tho nghal zawt a ka lo muhil ani maw! ka mutthilh lai pawh ka lo hrelo reng reng .
" i zo tawh a mi? " a lo bu nghata,
" i chil thli a tla ania" nuih vur vur pahin ka hmui chu a rawn hru a.
" ani maw!! " a ruk tak chuan ka zak ve reng ,E...taka ka sawi tawh em aw.... ka mutthilh tawh hi chuan chilthli tlak chu sawi loh ka tawng vai loh vek pawhin ka mang a chhe thei hle, tichung hian Kai bulah ka mu ve ziah ania engtin nge min ngaih ang le?
" i ril a tam tawh em? "
" a tam na a rei tawh " tih bul bul pahin ka han zi mar vela ,vawin zet chu ka pa vangin hrehawm ti takin ka awm a mahse Kai bula ka awm hi chuan ka thla a muang huai zel.
"insiam la....thil kan ei dawn nia "
" awle... " phur takin ka kawrlum chu ka ha a, ka ril a tam tawh bawka ei teuh teng
.
Ka duh na ber hmun Cloś Maggiore restaurant ah chuan min kalpui a, a hmun pawh a nalh in a romantic ngang mai, ka rilru te te chuan thlang fuh ka inti hle. Menu kan en phei chu ka ei chak zawng hlir alo in tlar thla dul lehnghal ka khi reng mai.
" i duh duh order rawh.... "
" tak tak maw!" menu chu ka han en vung vung a " King crab & Lobster Tortellini chuan herbs smoked Wyagyu beef pawh.... eng nge dessert ah kan ei ang? "
" i ei chak ber kha ani mai... " min rawn nuih suk a
"anih chu Clafoutis aw.... " pakhat mai ka la duhtawk lo, nakin ah ka ei leh theih tawh loh takin "Cremé Bruléê pawh... "
" chuan in tur lampang te "
"Kai... " tih pahin ka va signal zeuh a, eitur ka thlang vek tawh a intur tal hi chu thlang ve tawh rawh se
.
" umm... Champagne " champagne maw!! yes ka in chak lai tak ani lehghal.
" nang chuan tui i in mai dawn nia... " ka nui tawp hmak.
" tui maw!! "
" aw.... " naaa.... nge ka in pawh chu a phal loh em em a, ninawm.
*
Reilote ah kan eitur pawh chu a rawn thleng vat a,ka nghak thei tawh lo ka ril a tam bawk nen ka ei nghal tawn tawn a, midang awm ve te chuan mak min tih hmel em em lehnghal, min dem thei an ni lo ka ei chak na a rei tawh em atin ni.
" Lola... i hak ange? "
" i ei ve dawn lo mi? "
" ka ei a lawm... " ka thil ei lai hmuhnawm ti taka min thlir reng avang chuan nuam ka ti lo leh hnuhnawh.
.
Chutia tui ti taka ka ei mawlh mawlh lai chuan Kai phone a rawn ri rang rang a,
" Hello.... "
.....................
" awle... "tih sap pahin min rawn en a
" Lola.... phone kan hmang lawk ange aw"
" awle... "ka tih chuan hmanhmawh takin a tho nghala.A hna lampang ani leh tawh aniang,engemaw tal hian kan awmdun lai hi min rawn tibuai ve hman ziah.Ngaihtuah chhunzawm lem lo chuan ka ei chhunzawm lehnghal mawlh mawlh a, Kai champagne in lai ka la inruk sak zui.
.
Kai chu ngawi rengin a thutna ngaiah chuan a rawn thu leh a mahse a awmdan ka lo chik lem lo.
"tui i ti em?" a rawn khi suk a.
" tui tak ani.... tunge rawn call a, hna lampang ami? " ka tih chuan alo bu nghat a.
"Kai... i va ei tlem ve " phone a biak hnu a rawn let atangin ala ei mang lo hrim hrim.
" umm....ka ril a tam vak lo a,ei teuh rawh aw....muang chang khan ei la" ka kut chu a rawn hum vang vang a," ka hmangaih che... "
" Keipawh.... " zawi muangin ka ei chhunzawm lehnghal a, Kai erawh a zia a zawi in a tawng mang lo thung .
.
Ka ei zawh hnu minute 5 vel kan thut khawmuang hnu chuan Nick an min rawn call ta mai!! mahse Kai a awm avangin ka chhang ngam lo, vanneih thlak lutuk in ka phone ka silent hlauh .
" Kai.... kan kal tawh mai dawn mi? "
"i puar tak tak em? "
" aw.... puar lutuk ....ih...Vawinah Georgia bulah i kal tawh em? "
" umm.... tukin zing ah ka kal "
"anih chu" ka lo ti sap a.
" anih chuan kan kal tawh dawn mi niang... "
" awle.... "
Ngawi rengin car kawngka min hawn saka, Kai awmdan hi a dik lo reng reng a tawng tlemin a cool takzet.
" Kai... i tha maw? "
" aw.... " tih pahin ka kut chu a fawp zeuh a
" Engkim ah...nilo... ka nunah hian nangmah i hmasa ber tih hria ang che... chu chu theihnghilh ngai suh " ka lo bu nghat a mahse mak ka ti hle thung, ngatinge hetiang thu te min hrilh tak thut le?
" Keipawhin ka hmangaih che... " ka kut vuan reng chung chuan motor a khalh a,hma lam a bih ngur ngur mai bawk si, kan inbe lo hrim hrim bawk.
" Kai.... Georgia bulah kan kal dawn em ni? " engvanga sawi nge ka nih pawh ka hrelo mahse ka rilru ah Georgia a awm tlat anih chu !!
" naktuk ah i kal dawn nia.... "
" awle.... " ka lo ti sap a .
.
Gas station kan thlen chuan car a ti ding a,
" ka rei lo ang.... " tih pahin Gas thun turin a chhuak nghala, kei erawh seat hnung ngheng ar ar pahin ka lo maimichhing vang vang thung. Kai phone chu a khat tawkin a rawn ri leh cher cher thin a mahse a tirah chuan ka ngaihsak lem lo ,a rik tak reng avang chuan ka ngaih tha lo in ka en ta ringawt a.
" Nick maw!! " Nick a miscall chu alo tam nang mai
" ngatinge niang le? "tih sap pahin Kai ko turin ka dak chhuak nghala mahse ka hmu lo.
" Khawiah nge alo kal hman le ?" tih bul bul pahin ka pick ta ringawt a.
.
" Nick... enge? "
" Lola... " a aw atangin thil diklo a awm tih ka hre nghal.
" aw... keimah Lola, eng nge ni ta? "
" ih... ih... Georgia.... tunah damdawiin ah rawn kal vat rawh u.... "
" maw!! Georgia chu engtin nge a awm?"
" a buai leh tawh a... Kai hming a lam renga rawn kal vat se a tha ang... "
" awle... " phone chu ka dah sawk sawk a, Kai ko turin ka tlan chhuak nghal vat bawk ka mangang lutuk chu ka che buai leh vek tawh .
" Kai.... khawiah nge i awm? " ka ti nghal tuarh a,ka tap ti tih deuh lehnghal.
" Lola.... " mak tih hmel takin min rawn en ha a, ka hmuh rual rual chuan ka kuah nghal thlawp bawk.
.
" Kai.... tunah tunah damdawiin ah kan kal nghal vat angai... Georgia a buai leh tawh... " ka hrilh nghal zung zung a mahse a awmdan a danglam phah eih lo.
" Hawh... kal nghal vat ang "
"ka thlah haw phawt ang che.... "
" Kai.... ngatinge hetiang hian i awm? " mak tih hmel takin ka melh nghal kawk a,mahse min chhang lo.
" i hre tawh tiraw? "ka ti chhuak hlawl a, a awmdan atang hian ka ringhlel deuh.
" Georgia a buai tih i hre tawh tiraw.... nilo.... dinner kan ei lai pawh khan i hre daih tawh tiraw?....Nick an a rawn call che ni lawm ni" ka mittui chu a rawn far fap a, ka mangang tawh bawk nen engmah ka rilru ah a lut thei tawh lo .
.
" min chhang rawh... " ka ti nghal tuarh a." i hre daih tawh tiraw...? " a bu nghat a, a kun lap bawk.
" ngatinge min hrilh mai loh.... mawh? "
" a... a chhanchu ka ngaihtuah vang che ani "
" maw!! "
" dinner kan ei laklawh lai khan damdawiin ah kal leh ta daih si ila nilo... a hma pawhin ka kalsan tawh che a kalsan nawn leh che ka duh tawh loh vang ani "
" min hrilh ni la chuan ka hrethiam em em ang "
" ka sawi tawh kha... nang hi ka nunah i pawimawh ber " Lalpa leh!! Kai an ka thinrim a hlauh avangin Georgia nat thu pawh min hrilh ngam lo in a lo awm reng amaw!! hetiang vang hi em ni a cool in a tawng tlem tak em em nachhan,.
.
Damdawiin kan thlen chuan hmanhmawh takin Georgia awmna cabin lam kan pan nghal hlawk hlawk a, ka hah lutuk hi thawk pawh ka thaw tha thei tawh lo.
Georgia cabin kawt kan thlen chuan Pu Hammid te chhung leh Nick te chu ngui takin an lo ding kun lap hlawm a
" Nick... Georgia chu a tha em? " ka ti nghal vata mahse tu mahin min chhang lo.
" ka nu.... Khawiah nge Georgia chu " Kai chu cabin chhungah a tlan lut nghala, ka zui lut ve nghal vat bawk.Georgia ka hmuh chuan ka ding khawng nghal zawt a, ka hmui ka hup vat bawk.
" Kai.... " Kai chuan nghet takin min rawn kuah nghal thlawp a,engmah ka sawi chhunzawm thei tawh lo.
Georgia chu puan var vekin an lo khuh a, a sir ah Lin, jacob leh Rita te chu an lo thu ngui bam hlawm a .
" ngatinge Georgia hi... " ka ti chhuak thei hram " Ngatinge a chet miah loh a"
" Lola.... Georgia chu a awm tawh lo" Mrs Burton chuan inhnit hlawp hlawp pahin a rawn ti sap a.
Show post links
Top
Ngaia
Site Admin
Quote
Unread post December 3rd, 2017, 2:18 pm
Chapter-39
.
" Engmaw? " ka ti nghal haw a ka hamhaih bawk nen Kai chu ka en ta ringawt a
" Kai... ih... Georgia saw" Kai chuan a aia nghet chuan min rawn kuah bet tlat a.
" ka... ka thiamloh ani lo tiraw? " ka mittui chu a rawn tla nghal zung zung a, diktak chuan ka inthiam lo takzet. A thih dawn tepah pawh Kai hming a lam tawk tawk a mahse keimah vangin a kal thei si lo.
"ka thiamloh ani lo tiraw?"ka han ti leh sap a keimah vangin hetiang thil hi a thleng ani ,engthil nge ka tih tak hi?
" nilo... i thiamlohna a awm lo " Kai pawh a rilru a na hle tih ka hria mahse tih theih a nei si lo.
.
Georgia ruang la turin doctor pakhat leh mi pahnih hi an rawn lut a
" Mr .Burton ....pawi ka ti lutuk " pu Hammad bulah doctor chuan a han ti a,
" theihtawp min chhuahsak avangin ka lawm takzet " Pu Hammad chuan Mrs Burton chu a kuah tlat bawka tumah insum thei kan awm tawh lo mahse Kai erawh engmah sawi lo in min kuah bet tlata a awmdan atang hian a inthiam lo hle tih ka hre thei.
" vawikhat chiah ka hmu leh thei angem? "ka tih chuan doctor chu alo bu nghata Kai rawn deuh pahin ka han en a mahse eng mitmei mah min hmuh lo.Zawi muangin Georgia an khuhna puan chu ka hawng a ,Georgia hmel awmdan chuan min thawng takzet!! ka hup pahin phawk fe hian ka meng nghal kawk a.
.
A sam a chhuan thin em em te kha a tla kawlh vek tawh a, a cher in a dâng em em bawk.A hmai te chu lang theih khawpin a zur a min hmuh avanga thinrim em em thin kha tunah chuan ka awm ve tih pawh hrelo ang maiin min maimichhing san daih a,a thih dawn tepa a hmuh chak em em pawh keimah avangin a hmu thei ta si lo.Enkawl tu mumal pawh nei loin a natna kha a tuar tlawk tlawk a,a neih zawng zawng a chan vek bawka chutah amah enkawl tu ber lah chu ka chelh bet tlat bawk si a tawrh kha alo van na dawn tak em. Inthiam lo tak chungin ka kun lapa,
" mangtha le.... engtik ah mah min ngaidam suh aw..." chu bak ka sawi thei tawh lo, thik in haw thin hle mah ila hetianga a awm hian ka rilru a ti na takzet.
.
Thlahna thu kan chah liam hnu ah Kai hun a thleng ve ta ,enge maw tal a sawi ringin kan nghak thap a, ani erawh a ding ngawi reng thung.
" Kai.... "a nu chuan a ban a vawn pahin a va ti sap a.
" engemaw tal sawi tur i nei lo em mi?" a kutah chuan ka va chel nghal vata, a ngawih tak reng avang chuan Mrs Burton chu a bu nghata.
" Doctor.... in hruai thei tawh ang " a ti zui sap bawk. Georgia ruang chu khum nawr kal theihna angah hian a sawn phei a chutah zet zawng a pawm thiam thei ta lo. Ka kaihna chu thlah in pawnah a chhuak nghal daih a.
"Kai... " zui chhuah ve nghal ka tum a mahse Mrs Burton in min lo dang hman.
" amah sawn awntir hrih rawh.... inngaihtuah a mamawh anih saw "
" awle... " ka ti chuai raih a.
.
*
*
Georgia kan vui zo tep tawh a mahse Kai hmel erawh room a chhuahsan atang khan hmuh tur a awm leh tawh lo, ka call lahin a inring ral thak thak zel bawk si, ngaihtuah hle mah ila Mrs Burton in inngaihtuahna hun a mamawh a tih kha ka hre chhuak leh thin chuvang chuan tibuai lo ila a tha zawk ang.
Ka lo inngaihtuah vung vung lai chuan Nick an min rawn koh avang chuan mumang atanga harh chhuak thut ang mai hian ka phu deuh zawk a.A sawi tum ka hriat avangin ka lo bu nghata sawhdur chu la in lei tlemte ka han rut a
" Georgia i chungah ka fel ngai lo tih chu ka hria mahse i tan Kai hi tha takin ka enkawl ang tih ka tiam a che " tih pahin lei chu kuang chungah ka zuk thlak thla a.
.
Sawhdur ka dah fel chiah tih chuan Kai ka hmu hlawl mai a tawp a tawp ah a rawn kal ve ta !! vawikhat tal thlahna thuchah sawi se ka duh ani Georgia duh dan pawh a nih ngei ka ring ,ngawi rengin sawhdur chu la in lei chu kuang chungah a theh thla ve nghala rei pawh a awm lo a kal lehnghal daih a mahse zui ka tum lem lo.
Mrs Burton chuan min rawn nghawk zeuh a.
"a mamawh tawh ang che.... a kianga i awm hi a tha ang... " a tih takah chuan Kai chu ka zui nghal vata mahse ka hmu hman tawh lo.Ka hawi kual nghal ruai a, khawih nge a kal hman ang le?
" K.... " ka ko dawn chiah tih chuan thlan pakhat chunga a thu kun lap lai chu ka va hmu ta thut mai !! ngawi rengin a bulah chuan ka va thu nghala.
.
"hetianga i awm te chuan Georgia a lawm nang " boruak tih zia awm tumin ka han ti a mahse min chhang lo.
"Kai.... " a rawn hawi a, a darah chuan ka han bei hle hle a.
"awm ve lo ni ila chu Georgia hi ala dam ang tiraw?" ka ti sap a, ni e... an pahnih inkar ah ka tla zep a, nasa takin Georgia ka tawrh tir bawk, ngatinge a hma daih tawh khan ka lo hriat loh le?
" nilo... chutiang sawi suh... " ka kut chu a rawn hum vang vang a.
" ka nun ah nanghi rawn lut lo ta la chu ka nun hi a ruak in ka hlim ngai lo ang...ka tawng che hi inchhirna ka nei ngai lo"
"ka thik avangin ka haw em em thin a mahse khatiang khan awmlo tur ka ni asin... " nghet takin min rawn kuah nghal thlawp a, duat takin ka sam ah a chul heuh heuh bawk.
" i tih tur diktak i ti alawm.... khatiang khan awm lo ta la ka thinrim zawk ngei ang " Kai hnem tur ka nih laiin hnem ka ngai zawka, a tawngkam tin te chuan min thlamuan in ka inthiam loh na te kha a ti zia awm deuh in ka hria.
_________________________________________
.
#1 month Later#
Kai's POV:
.
Georgia thih atanga thla khat meuh a liam hnu chuan kan inchhung boruak pawh a rawn danglam hret hret a, a nuam tan tawh hle,Chanchinbu miten min la ti buai reng tho a mahse nasa taka ka beih hnu ah Lola nui hmel pawh ka hmu leh ta zeuh zeuh mai.Georgia a thih atang khan inthiam lo reng reng in a nitin hun a hmang liam a, zanah lah a muhil thei hek lo, zing dar5 thleng menpui thak thak chang ka nei fo bawk. A chaw ei a tui lo a a hlim bawk hek lo a chhan ka zawh lah in engmah a sawi ngai bawk si lo mahse Georgia vanga inthiam lo ani tih ka hria ,amah vanga thi ah angai tlata vawitam tih hlim tum in ka bei thin mahse ka hlawhchham thak thak.A chang chuan ka nu te inah ka awmtir leh ringawt thin a, beidawng lo a ka bei tang tang na chuan rah a rawn chhuah tan ve ek ek tawh a tunah chuan ka hriat thin Lola mi thawveng leh mi hlim thei tak kha a rawn let niin ka hria.
.
A ni telin naute neih hun pawh a hnai tial tial a, naute neih hma in thla hnih pawh a awm tawh lo. Lola pawh a inthazo lo sawtin ngaihsak a ngai zual em em a mahse chu chu keichuan nuam ka ti,amah ngaihsak hrim hrim hi nuam ka ti. Office atanga ka bang chu phur takin in lam ka pan nghal vang vang a,Lola ka tawn hma kha chu nise hna thawkin zan rei tak tak thleng office ah ka awm leh ngei ang.A ni telin Lola ka duhna chu a zual zela, ka hmuh loh hlek chuan ka ngai em em mai ringawt, hmuh ka chak ngawih ngawih a ina haw vat vat te, hna thawh zawh vat vat te hi ka chak zek zek thin.
Nidanga ka tih thin ang bawkin Lola thil ei chak zawng lei turin car ka ti dinga ,tunah chuan Mc Donald's kawtah ka ding ta zeuh zeuh mai chupawh ka tan chuan thil thar ani a chhanchu thil ei duh ka neih chuan tu emaw ka tirh mai thin vang ani.
.
" Le Double Shiny Bacon.... " ka tih. chuan dawr nghak tupa chuan min lo nuih suk a, a chhan chu tunge ka nih a hriat vang ani.
"Sir.... a ni telin i hmel pawh a eng sawt khawp mai chuan nupui French mi neih chu a hahthlak duh khawp mai " a tih chuan ka nuih a za ngei mai, ka tawrh ang hi a tuar ve mek niin ka hria. Engtik lai pawhin French ani vek mai, breakfast, dinner engthil pawh ei dawn se French ani vek tawh a chhanchu British thil hrim hrim hian a luak ati chhuak miau alawm...haha... a chang chuan ka ei lui ve tang tang thin tui lo ka ti lem lo mahse han ei reng takah chuan a hne a na duh khawp mai.
Pangpar ai pawhin eitur a duh zawk avangin eitur lei hi ka hna ani ringawt mahse tui ti taka a ei hian nilengin ka mood a fuh phah vek thin bawk.
"Sir....vanneihna ka hlan a che " tih pahin ka thil order chu min rawn pe a.
" ka lawm e... " pawisa pek pahin tips tam tham tak ka pe tel bawka a lawm hle nge nge ka duh chuan card pawn ka pe thei mahse a nupui fanau chawm nan hna rim takin a thawk a ,a phu ve renga ka hriat avangin hetiang hian ka ti ta ani.
Hmanhmawh takin in lam ka pan lehnghal vang vang a, ka phur lutuk hi a khat tawkin awmze nei loin ka lo nui leh vur vur thin.
.
In ka thlen chuan hmanhmawh lutuk in ka lut nghal sawk sawk a, Lola hmel hmu lo in nilengin ka awm tawh a ka hmuh theih chhunah hi chuan ka bulah awm reng mai se ka duh. Lola in min hmuh rual rual chuan min rawn pan nghal vata, ani pawhin min lo nghak hlel ve hle tawh niin a lang.
"i va rawn haw har ve.... " tih pahin min rawn fawp nghal vawng vawng a,hei vang hi lawm haw ka chak em em thin nachhan, inah min nghakhlel tu an awm tih ka hriat avangin.
" i rawn hawn em?" a tih chuan ka thil hawn chu ka pe nghal vata
" Eheee.... a tui hmel lutuk ...."min rawn nuih sanga, a hmeltha takzet.
.
" hawh ei ang.... " hetia min sawm tlat thin vang hi lawm a tawp a tawp ah ka ei leh nge nge thin.
" awle... " ei chak vak lo mah ila phur takin ka ei ve mai thin.
" coke nen....a tui dawn lutuk" tih pahin min kai nghal dawr dawr a ,a tih dan ang ang chuan ka thle kual vel mai mai ni in ka inhria, mahse tlawm ka in ti hauh lo ,heti khawp hian hmangaihna in min ti danglam ang tih rinna ka nei bawk hek lo.
"a tui hle mai... " ka thil hawn sak chu tui ti takin a ei nghal tawn tawn a, a hmuhnawm takzet.
" Eee.... " a thil ei lai chawl meuh in min rawn en kar a
"vawin chu naute a che nasa lutuk a... rawn chhuah a chak tawh aniang "
" ani mai thei ni"
" vawin chu dawnfawh ka ei chak lutuk a"
" nimin ah ka rawn lei teuh kha a awm tawh lo ami? "
" nizanah ka ei zo daih tawh " a tih chuan ka nuih a za ngei mai ,a awm tho e mi pahnih tan a ei miau alawm.
.
_________________________________________
.
Kawngka inhawng ri rawk ka hriat avang chuan ka muhil tui lai chu ka harh zawk a,
" mumang tha lo i nei leh tawh mi? "tih pahin kuah ka han tum a mahse alo mu tawh lo. Sana ka en nghal vata dar2 alo ri va tawh lehnghal.
" Khawiah nge maw a kal le? " tih pahin room atang chuan ka chhuak nghal vata.
" Lola.... "a reh duka tumahin min chhang lo.
" Lola... i tha maw? " ka han ti leh a a ngai te bawkin a reh leh thap. Room ah lut in cctv chu ka en nghal vata, a ruk tak chuan kitchen ah a awm anih ka ring.
.
Ka han enkual vela khawiah mah hmuh tur a awm lo mahse cctv pakhat in a lo la fuh hlauh, hawi kual zak zak paha pawna a chhuak lai chu alo la chiang kher mai.
" Enge maw tih a tum le? " ngaihdan pawh nei chuang lo chuan pawnah ka chhuak ve nghala.Boruk hip tumin a chhuak anih te ka ring hial, ka han hawi kual vela a hmel chu sawi loh a thawm hriat tur pawh a awmlo. A rawn luh leh vat ringin luh leh nghal mai ka tum a mahse motor ri ka hriat avang chuan ka ding nghal chawt .Ka ngaih a tha thei ta lo, thawm dim thei ang berin garage lam chu ka pan nghal mahse ka rin loh lutuk in thil a thleng ta!! Ka sport car var chu Lola in a rawn khalh chhuak ta mai!! min hmuh ka hlauh avangin ka biru nghal vat bawk. Engvanga tun ang zan rei tawh ah ka car la chhuak ru nge maw a nih le? hmanhmawh lutuk in car ah ka lut ve nghala, thawm dim thei ang berin Lola chu ka umzui ve nghal a
Show post links
Top
Ngaia
Site Admin
Quote
Unread post December 3rd, 2017, 2:19 pm
Chapter-40
.
Rei tak ka um hnu chuan dawr pakhat bulah a car chu ti ding in chumi dawrah chuan a lut nghal bawka ,ral khat atangin ka lo thlir renga, a thil tih ka hre chak takzet mahse a ruk tak chuan ka thawveng huai mai ngatinge pawh ka hrelo mipa dang hmu turin a kal loh vang pawh ani mahna. Ngatinge hetiang hian ka awm tlat le ka nupui a ni a amah chauh ka ring tur ani dawn lawm ni.
Minute5 hnu velah Lola chu thil ei tam tam pahin a rawn chhuak hi ka hmu a, tui ti taka a thil ei lai ka hmuh chuan ka khi suk a,ngatinge min hrilh mai loh le min hrilh se chuan ka lei em em ang mahse a pawi love a ei chak thut pawh ani mahna lehlam ah chuan a thil ei chak tawh hi chu a ti tut tut zel bawka a awm tho e.
.
A thil ei zawh hma chu ka thlir renga hawsan mai ka tum hauh lo, a ei zawh chuan car ah a lut ve mai bawka in lam panin a tlan haw leh nghal bawk.A ruk thei ang berin ka zui haw ve nghala ,in kan thlen chuan fel takin car awmna ngaiah chiah ka dah dan ang chiah chiahin a dah fel thak a chu chuan ka nuih a ti za hle nghe nghe.
Inchhungah a lut fel chiah tih chuan ka car pawh chu ka dahfel ve nghala kitchen ah a la awm khawmuan avangin room ah ka chhohsan ta zawka lehlam ah chuan ka zui tih a hria ang tih ka hlau zawk.Ka mu fel deuh chiah tih chuan Lola pawh eitur nen a rawn lut ve nghala ,min tih harh hlau tak si hian thawm dim thei ang ber chuan a rawn mu ve leh mai bawka.
.
" khawiah nge i kal a? " tih pahin ka va kuah nghala,a nghawng fawh zeuh pahin a dar si chat chung chuan ka tawlh phei nghal bawk.
" umm... thil ka ei lawka"a tih chuan ka khi deuh suk a.
"mu tawh rawh.... zan a rei tawh " a kut fawh zeuh pah chuan ka han ti leh a,ka chau bawk nen rei lo te ah ka muhil nghal vat bawk.
*
" Kai.... " Lola chuan ka beng bulah a rawn ti sa sa a,meng mang lo chuan nghet takin ka lo kuah nghal vata ka muhil lehnghal mai
" Kai.... " a rawn ti leh a,
" umm... " mutchhuak aw tih hriat deuh hian ka han ti thum dut a.
" Kai.... harh teh "
.
" umm.... ka harh"
" i harh loh hi "
"Ngatinge..... ?" ka han meng siar siar a sana ka en chuan zing dar 3:30 alo ri va tawh darkar khat vel awrh ka lo chhing sek hman anih hi.
"ka muhil thei lo.... "
"i awm a nuam lo em ni? "
" aih.... ka mut a chhuak thei lo "
"anih enge kan tih ang ?"
" ka hrelo....muhil leh tawh rawh " a inthlahrung leh hnuhnawh a,a bawp tawi ve tak chuan min khan tai bawk mahse ka tan chuan thilthar ani lem lo, zan dangah pawh min khan lo hi chuan a muhil thei ngai lo, a mang a chhia in a tawngvai reng bawka zan laiah ka harh phah fo.
.
Kan riah dun hmasa ber North Yorkshire a vacation kan hman tuma a car a chhiah avanga motel a kan riah tum pawh khan a mangchhe lutuk avangin zankhua in ka tlaivar thak bawk, a tirah chuan mak ka tiin ka muhil thei ngai lo mahse tunah chuan min khan loh chuan ka ngaih a tha thei tawh lo thung.
" ih... light hi a dim lutuk aniang " a rawn ti leh a, a khat tawkin an thaw leh hak thin
" anih chuan kan on ang aw... " tih pahin light chu ka on nghal uarh a,zep lo chuan light dim raih hnuai ah lo chuan ka muhil thei lo mahse a mutthilh theihna tur anih phawt chuan engpawh ka ti ang.
" mutthilh tum rawh le " a sam a chul heuh heuh pah chuan ka ti a, ka awmah rawn bei nghal thak a, a reh zui vang bawk,a muhil tawh anih ka ring.
.
Lola a mutthilh takah chuan muthilh tumin ka han mu tha deuh a
" Kai ka kawng a na..... ka dar pawh " ala muhil ta lo,zanin chu ka tlaivar leh dawn anih hi.
" ka lo hmet dawn mi? "
" angai lo.... mu tawh rawh naktuk ah office i kal dawn sia i chau lutuk ang"
"i mutthilh hma chuan ka muhil dawn bik lo.... khawi ka lo hmet ang "
" awle.... " phur takin a thu chhuak nghala, keipawh ham bai bai pahin ka thu ve nghala mahse mutchhuak anga lan ka tum hauh lo.
Zawi te te in a dar chu ka han hmet a,
"tikhan a nuam deuh tawh em? "
" aw.... vawin chu ka awm a nuam lo nileng thak ... ngatinge niang le? "
" ngatinge chu chu min hrilh vat loh.... naktuk ah doctor bulah kan kal dawn nia"
" ka awm a nuam lo fo a mahse a tur ve rengah ka ngai a "
.
"i nawm loh hlek chuan min hrilh zel tawh rawh aw.... "
" awle.... hawh mu tawh ang, zing ah thawh hma i ngai sia" tih pahin a mu nghal thak a, kei pawh chu ka mu ve vat bawk.
"i mutthilh thei loh chuan min lo kaitho zel rawh aw... " ka tih chuan a rawn hawi chho a, min melh kar bawk.
"umm... ka thusawi hi hre reng rawh... " a hmui a fawh pahin ka ban chu ka khan tira,
" muttui" min rawn nuih suk a, zing dar5 velah pawh a hmeltha tho anih hi.
" muttui le ....ka hmangaih che" ka han ti sap a.
.
__________________________________________
.
*Office*
.
Hna ka thawh mawlh mawlh lai chuan ka chau lutuk chu chair nghen phahin inchung lam ka han melh vang vang a. Tukin zingah hna thawh tur ka ngah avangin dar8 velah office ah ka kal daih a Lola erawh a la tho hnam lo thung. Nizan hmasa ah pawh Lola muttheih loh avangin ka tlaivar thak tawh bawk mahse chung avang chuan ka thin a rim lova ka lungawi lo hek lo ,Lola ka bula a awm chhung chuan ka hlim em em tho, nuih suk pahin thawk kan la hak a .Heng thil zawng zawng hi hmangaihna tel lo chuan ka ti thei hauh lo ang. Ka buai em avangin Lola damdawiin a hruai turin ka nu ka ngen ta ringawt a a awl lai a lo ni bawk nen a phur hle nghe nghe .
.
" Big Boss.... Mrs Franklin chu a rawn thleng tawh e.... " Lily chuan a ti a
"rawn luh tir rawh " Mr. Franklin hi Paris lama kan company zawmpui Korns Enterprise CEO a ni a Nick nen pawh an in hre tha hle nghe nghe.
" Chibai... Mr Burton"
" Chibai le... ka hmu che chu ka lawm hle mai" tih pahin min rawn kuah nghala.
" hetah lo thu rawh.... " couch chu ka kawh hmuh nghal vata.
"Mr. Burton i chauh hmel hle mai " a tih chuan ka nui suk a " ni e.... naute kan nei hnai tawh a "
" wow... chuti maw, fa pali ka nei tawh a i harsatna chu ka hriatthiam pui che " min rawn fiam deuh pah chuan a han ti a,tun hma kha chuan hna chungchang hlir kan sawi dun thin kha ani a tunah chuan chhungkaw lampang ve thung ,hun hi alo kal chak hle mai.
.
Darkar 2 dawn hna chungchang kan sawi hnu chuan ka phone chu a rawn ri ral ral a, Mr. Franklin melh zeuh pah chuan ka tho thut a
" min lo hrethiam lawk... " tih pahin balcony ah ka chhuahsan nghala.
"Kai.... i buai em? "
" Buai love..." Lola in min rawn biak hi chuan buai ka in ti phal lo hrim hrim.
" ka ngai lutuk che a" ka khi suk a, ka chau lutuk te pawh kha a zia sawng sawng in ka hria.
" Keipawh in ka ngai lutuk che.... damdawiin ah chuan i kal ta em? "
" aw... mahse damdawiin rim hian ka luak a ti chhuak... "
"lo tuar hram hram rawh.... ka nu te inah lo awm la ka rawn lam ang che... "
" awle.... dinner kan ei nghal anga " a thil ei chak zawng ka nu in a lo siam sak leh tawh aniang
" awle.... "
.
" hna thawk leh tawh rawh....a nih aw"
" chu chauh chu maw!"
" aih... ka hmangaih che "
" keipawhin ka hmangaih che " tih pahin phone ka dah nghala,
" Mr. Franklin pawi ka ti lutuk..." tih pahin ka thu leh nghala ka inthiam lo hle bawk.
"chu aia mak zawk chu tu chiah nge Mr Burton meuh hna chungchang sawi thulh meuh a phone hman tir tu chu? tupawh chu nise i tan mi pawimawh tak a niin ka hria "
" ugh... ni e, ka nunna tluk zeta mi pawimawh a ni " hetiang thu hi engvanga sawi nge maw ka nih le? nilo... ka personal thil hi ka sawi chhuak ngai lo na meuh mai mahse tunah chuan mite hian hre ve se ka ti takzet.
.
"chuti khawpa mi pawimawh chu tu pawhin hmuh an chak ang chu.... "
" ni e.... dinner kan la kil ho ang chu "
" oh!! Khawiah nge Mr.Nick Harper pawh hi a awm le ...kum tamtak liam ta khan ani pawhin a hmeichhe hmangaih em em min hmelhriat tir tawh a kan vaiin dinner la kil ho ila a tha ang "
" ni e... ka lo hrilh dawn nia.... " Nick leh Lola te hi inhmuh tir ka duh lo asin le, thian an ni tih chu ka hria mahse Nick hian Lola hi thian bak bakin a ngaihsak tih ka hre ve kar chu chu ka thik hle bawk.
"thil pakhat.... tunah chuan mihring tak tak i ang ve tawh in ka hria" a rawn tih chuan ka nui chhuak hak a.
" a hma kha chuan khawl ang maiin hna i thawk a, hmeichhia i ngaihsak bawk hek lo, i engkim kha i thup em em veka i nui khat hle bawk mahse tunah chuan ilo danglam ta hle mai hmuh theih khawpin i hmel a êng a chhungkaw hlim tak i neih ngei ka beisei"
" ka lawm e... Mr. Franklin"
.
___________________________________________
.
Dar5 a ri dek dek a, ka file en lai chu ka khup thak a hmanhmawh takin ka coat fual hak sawk sawk pahin ka chhuak nghala, haw hma ka tum em avang chuan ka secretary te pahnih chuan mak tih hmel takin min lo en ha bawk.
" Boss.... mangtha le " Lily chuan a rawn ti vata.
" nangni pawh haw hma rawh u.... "
" awle.... Boss... "
" mangtha ule " tih pahin elevator ah ka lut nghala, ka awmdan avang chuan min en hu hu hlawm mai. Nidangah hlim hmel ka put ngai loh vang pawh ani mahna mahse ka hnathawk te chungah ka sual ngai lova sawisel tur pawhin ka awm ngai hek lo mahse engtiang taka danglam nge ka nih tih erawh ka inhre lemlo.
Ka nu te inah Lola lo lawm tura ka tih avang chuan haw lo in ka kal tlang nghala, ka nu tan pangpar ka lei saka Lola leh Aiden te tan erawh ei tur. In ka thlen rual rual in hmanhmawh takin ka lut nghala
" Lola.... "
" Kai...Aiden pawh hmu hmasa ve phawt la mawle" ka nu chuan min lo fiam leh nghal zat tawh ,pangpar chu ka pe nghala.
" Khawiah nge ka pa hi... "
" Library ah a awm niang.... "
" anih chu.... khawiah nge Lola a awm? "
"tunah chuan Lola... Lola kan ti reng tawh mai alawm "
" ka nu... fiamthu thawh reng lo teh "
" i nu hi min ring lo vela... ka sawi tawh kha Lola i la hmangaih ang tiin... hei tunah a thleng dik ta anih hi "
" ka nu.... "
" awle... awle... kitchen ah a awm "
.
Nui vur vur pahin Kitchen ah ka lut nghala ,Lola leh Nick ka hmuh chuan ka ding nghal chat.An pahnih chuan hlim hmel takin thil an lo siam dun a chuan ka thik hle bawk. Ka hrawk chu ka han thian kharh kharh a, an pahnih chuan an rawn hawi nghal vat a.
" Kai ...i va rawn haw har ve... " Lola chu rawn tlan phei nghalin min rawn fawp vang vang a.
" lo kal rawh... heihi han ei chhin teh ka siam anih hi " tih pahin min kaiphei nghal dawr dawr a.
" Hi!! Kai ...." Nick chuan pangngai tak hian a rawn ti a.
"Umm... Mr. Franklin an dinner kilpui a duh che a.... "
" anih chu.... ka lo be dawn nia... "
" Lola... kan nupa pawhin kan tel ang chuan Nick pawhin a bialnu a rawn hruai bawk anga.... "
.
" Maw!! " Lola chuan a rawn ti nghal hu a.
" ughh.... Mighty kha mawle Nick... i rawn hruai ang tiraw chuan kan pali in pu Franklin chu dinner kan kilpui theih hram ka beisei " ka tih chuan Lola chuan a fian ken lai chu a thlauh nghal pawp a ,
" Bawih.... nang chuan i thei ang tiraw...? " Nick a hmuh tur kher in Lola chal ah chuan ka fawp zeuh.
" umm.... kei chuan hun ka nei lo ang, ughh.... ka hman ka ring lo " Nick chuan a rawn ti nghal vata.
"Mighty tel lo pawhin i rawn kal theih hram chuan Mr. Franklin pawh a lawm ngawt ang.... " ka ti leh kher bawka.
.
0 COMMENT:
Post a Comment