July 01, 2019
RAINER BLACK
Remruati Bawitlung (Haylor)
Ig- @remruati_haylor
fb- Remruati Haylor
(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)
(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)
PROLOGUE
Meet Sadie Morin !!
Hey!! Sadie Morin ka ni a,kum 18 thla hmasa khan ka tling chiah bawk. Totonto, Ontario(Canada) a piang ka nih angin Canadian ka ni nghe nghe amaherawhchu ka nu hi Philipino a ni daih thung!! a awmzia chu Philipina - Canadian ka ni tihna a nih ber chu!!
Kum4 mi lek ka nih lai in ka pa in min boral san a, a hnu deuh lawkah ka nu in ka unaupa,ka pa fa hmasa Braydon Morin nen Toronto aṭangin Nashville, Tennnesse(USA) ah a thiante bulah min pempui ta daih a, chutah chuan kan in bengbel ta a ni.
Nu la upa lo tak leh hmelṭha tih takah ka nu chuan Kum 5 kalta mai khan pasal dang min neihsan leh vat a, kan unau a min chhuahsan tak daih avangin chutaṭang chuan ka û Braydon chuan a theih ang tawkin min enkawl chho ṭan ta a, ka nu pawhin thlatin pawisa tlem a zawng chu min rawn pe ve ziah tho.
Ka û thla zâr hnuai a seilian ka ni bawk a ,a chhungkaw neih chhun ka lo ni lehzel bawk nen min duat dan leh ka thlavang a hauh dan chu puitak hi a ni ringawt!! ka mipa date tur thlengin a phalna lak hmasak phawt angai ,engpawh ti dawn ila a duhzawng a nih loh chuan tih luih ngam a ni tawh ngai lo.
College ṭha taka kal tir min duh avangin Nashville a boarding school ṭha berah min awmtir char char ṭhin a, College ka kal hma kha chuan boarding ah ka awm char char ti ila ka sawi sual lovang.
Ka û hi ka sawi tawh angin ka pa fa hmasa a ni a, kum 5 laiin kan inthlau, tette aṭanga chhungkawpa chan chang reng ṭhin tih takah a rualpui te aiin a puitling bik hle bawk.
Braydon nu hi Dutch a nih avangin kei ang lo takin vun ngo sâr leh sam buang a nei bik thung a,a palian in a hmelṭha hle bawk .
Kei erawh thlahpawlh(biracial) tih takah vun hang lam ka nei ve thung a (mizo te vun ang hi),Asian thlah tih takah ka tawi in ka tê bik hle, ka tê navang e ti lo chuan 'hmelṭha' tih erawh ka hlawh hle thung.
Ka û nen landan ah kan inang lo lutuk hi chu unau chu sawi loh ram hran mai pawh nilo inhre ngai lo tawp angin in sawi pawh ni ila tupawhin an awih vek ang.
Tunah hian ka nu ṭhiante (ka pute tiin kan ko mai ṭhin ,thisen a inzawmna erawh kan nei lo) te in bulah ka û nen kan khawsa ve naw naw a,workshop bakah motor silna hmun an neih avangin chutah chuan ka û nen kan in hlawh mai ṭhin,chumi chauh nilo part time job pahnih lai ka û hian a thawk tel bawk.
________________________________________
CHAPTER-1
Motto- "Be the change you want to see in this world "
★VANDERBILT UNIVERSITY ★
"Sadie.... thu pawimawh lutuk hrilh tur che ka nei!!"
Class aṭanga ka chhuah rual rual in Chelsea chuan washroom lam pan in min kai phei nghal dawr dawr a, a sam kir buk chhap te leh a kekawr arh zet hak te chu a kalpui phe hlawp hlawp a min vawnna lah chu ka thlah hlau niawm fahran hian min kai bet tlat lehnghal.
Mak ti hle mah ila hetianga a tih fo avangin ngawi rengin ka zui ve mai bawk .Tunṭum chu party na a kal turin min sawm tawh loh hram ka beisei.
Washroom kan luh rual rual chuan midang an awm nge awmlo tiin toilet te chu hawng kual in a check nghal vat vat a, a awmdan chuan ka ngaih a ti ṭha lo lek lek!! a bialpa Neon nen an in ṭhen te hi a ni lo maw?
"tumah an awmlo.... "
"eng nge?" zawi sap hian ka lo ti sa sa a.
" enteh.... " midang hriat hlau tih hriat tak hian a han hawi kual leh hrak hrak phawt a,thil tiru tur te pawh kan ang zawk.
"Eng nge? i sawi vat loh chuan ka dawp dawn che a nia" nuih tut tut pah chuan ka bag a pen chu la chhuak in ka han tin der a.
"ihh... Derek leh Camille te in fawp lai ka hmu...." ka nui tawp nghal riai riai, an inkawp a ni tih ka hre na chungin min ti na em em tho, ka rilru natna chu thup theih loh khawp in ka hmel pawh a inthlak danglam chiang hle!!
"Derek nen kan in ṭhen tawh " a ri chang chang chauh, meng khup nghal lap in hnungchhawn zawng chuan ka ding nghal daih a,Derek hming ka hriat tawh hi chuan ka hnuk a ulh nghal ṭun zel.
" Enga!! engtik ah !!" Chelsea hmel a mak tihna te chu ka hriatthiam pui a chhanchu engmah ka hrilh ve lo tlat alawm.
"karkhat vel chu a ni tawh... "
"eng... engvangin ?"
" uughh... min lo kawp a Camille nen ..." a mak ti lutuk chu a ang nghal phuau a, a khabe chu chhuatah a tla lo chauh!!
"Maw!! Chupa phiangsen chu " nichin a thawm a dim ang aiin a au ring , keimah zawk hian a ṭawng ri midang in an hriat ka hlau tawh zawk.
" mahse... ngatinge engmah min hrilh loh, Sadie i bestfriend hi engmah min hrilh lo amaw!! ?" lungawi lo tih hriat tak hian a han ti leh a, Derek an min kawp ai mahin engmah ka hrilh lo chu a la na zawk mah in ka hria.
"hrilh cheu ka tum alawm.... Kaitlyn nen... "
"Kaitlyn pawh i la hrilh lo amaw!! engtik ah nge min hrilh i tum a ?"
"ughh....ka hrelo "
" anih i û in a hre tawh em? nilo... ala hrelo tih ka hria Derek a hmel ala him pial danah " chhan ngai lovin amah leh amah chu a in chhang zo nghal vek.
"a hre tawh... kan inṭhen tih chu mahse kan inṭhen chhan erawh a hre lo... "
" a kawp hnu ah che pawh i la ṭan cheu a maw?!! hrilh la a phu tawk chu a hmu mai dawn alawm ..." a ngaihna i awm lo tih nuih hian min rawn nuih chhuak hak a,a thinrim a ni zawk mah ang chu.
"kan in karah inhuatna siam ka duh lo alawm..."
Ni e, kan in ṭhen chhan ka û ka hrilh lohna chhan chu kei ai ai in alo la na leh anga,Derek hi a hmel hmuh tlak loh khawpin a sawisa duh mai ang.
Chutah rilru na ang pawhin ka awm ngam lo ,Derek a chan a chhe dawn lutuk a chubakah kan inkarah hian ka û a lo in rawlh ve ka duh lo.
"engpawh chu nise Kaitlyn in min lo zawng tawh ang... " a tih rual rual chuan message kan dawng rual nghal!!,phone pawh en lovin kan in nuih suk a , "Kaitlyn Wang " tih rual pahin washroom aṭang chuan kan in zui chhuak nghal a.
Kum hnih kan in ngaihzawn hnu ah Derek an min kawp avanga kan inṭhen thu Kaitlyn kan hrilh ve chuan kei ai ai in min lo thinrim pui zawk a,an han in sawi chhiatsiak tak tak mai chu rilru na e ti lovin ka nui ka nui ta mai.
Nidanga kan tih ṭhin dan ang bawkin class ban ah university bula restaurant ah chuan thil ei turin kan pathum chuan kan ṭhu leh ṭhâm tawh a,tlemte mah ni ila kan bengchheng ve em em ringawt.
"Sadie...Vawin chu bus in kan haw ho mai dawn mi? " Kaitlyn in a tih chuan Derek bawk ka hrechhuak leh ta!! nidang chu nise class ban veleh helai restaurant ah ngei hian kan ṭhian pathum ho hian thil min eipui leh ngei anga, chutah in thleng min thlah loh pawhin mall velah kan leng leh mai mai awm sia.
Kar khat lek mah nise ka lung a lengin ka ngai tawh takzet. Naktuk hi inrinni alo ni leh reng tawh a,Derek a awm loh chuan weekend ah eng nge ka tih tak ang ti a ka inngaihtuah lai chuan Chelsea chuan in ti thei fahran hian,"zanin chu ka ṭhiannu in house party a kalna tur a hria a min sawm ve asin " kan pahnih chuan min rawn melh tawn zak zak a.
" Bam!!! ṭhulh chi a ni tawh lo, kal ngei ngei ang u...Derek pawh a rawn kal leh ngei ang "
" ni e... a tello a i hlim theih zia hmuh tirna hun remchang tak a niin ka hria... "
Keichu ka lo ngawi leh dâk tawh ,kum 18 ka ni emaw ni lo emaw engtik ah mah ka û in kal ve a phal dawn chuang lo.
"Sadie... " an pahnih chuan ka chhanna ngaichangin min en kar a, a mood tih chhiat ka duh lo takzet bakah keimah vangin an ṭhulh fo tawh lehnghal mahse ka û hi .....
"umm... " ka kut seh pahin ka han thaw chhuak hak a, zahzel ah ka bag kheuh niap niap pahin "in hriat angin... " ka han ti dek dek a Chelsea chuan ha seh chilh ran chungin a hmui hup deuh pahin zawi sap hian ,"Saw mi tenawm pahnih... " kan piah a dawhkan melh hrak hrak pah in an chungchang sawi lo niawm takin a tukhum chu a han chul leh vel a, keini lah in kan lo manlo nasa a melh na lam chu ka hawi phei rual haw ringawt!!
"in mawl a mi... nge in en nghal a... " Chelsea chuan a ti vin zui hlak a.
Derek leh Camelle te in si riala an ṭhu dun lai ka va hmuh chuan ka kawchhung hi a rawn sa nghal up up a,an infawp zeuh zeuh lai ka hmuh phei chuan ka thin zawn chu ṭham nawk nawk ang mai hian a rawn na nghal zawk zawk a, ka en tih hria niawm fahran a a kut Camelle malchunga a dah kher te sawn min ti na zual.
"hmela chu ka rin aiin a zak thei lo... "Kaitlyn in a tih nauh nauh lai chuan Camelle nen kan in melh fuh chat avangin ka hawi let rang kher mai!!
A hawiher, a mitmeng leh a awmdan vel aṭang sawn a intih theihzia leh min runluih a ni tih te chu ka hai hauh lo, neih let leh chu sawi loh ral khat aṭanga lo tuar tlawk tlawk bak engmah ka ti ve ngam lo chu a nih hi.
"sawtiang anga kan in ha chhing ve a nih chuan tupawh in min duh ang chu..."
"makeup tello chuan a hmelṭha bik lo emai...helai hmun hi hotel emaw a ti a nih hi... saw an in ti lo chauh a nih saw... "
Engang pawhin sawichhe mahse Camelle chhiatloh zia leh hmelṭhat zia chu tlang hriat a ni tho tho, mi bully a ching tih mai lo chu sawisel bo a ni ringawt.
"washroom ah ka kal lawk dawn " ka tho vut a,ka ṭhiante lah chuan chhang pawh min chhang lo in phone min khawihsan daih lehnghal , sawi nawn tawh lem lovin washroom lam panin ka kal nghal nal nal a.
Khami te pahnih awmdun hmuh kha ka peih tawh lo takzet, hetah an rawn kal dawn tih hria ila hmun dangah ka kal daih mai tur.
"urghh... Sadie, hetiang hian awm lo teh.. move on tawh rawh " dim na nei lek lovin ka hmai phih pah chuan ka han in nuai nawk nawk a, theih chu nise an chuah hma chu heta tawm char char mai hi ka duh.
Washroom aṭanga ka chhuah rual chuan Derek nen kan intawk hlawl mai!! rin loh deuh a in hmu kan ni bawk a ramhuai hmu ang maiin alawm kan mengphawk ni .
" oh!! hi... " za lo zet hian min rawn nuih suk a, a ha var rual ṭhah te leh a biaksum ka hmuh rual rual a tuiral lo tur in ka insik ru mawlh mawlh a,kan inthen hnu hian a ṭha zual sauh nimai hian ka hria.
Min kawp dan vel te leh min ṭhen dan vel kha ka ngaihtuah chhuak lo thei lo, chu chuan min ti thinrim leh hnuhnawh a ka hmelah a rawn lang chhuak hial.
Biak takngial pawh ka peih lo, tum hmuk pahin kal pelh mai chu ka han tum a mahse nikum valentines day a ka bracelet pek kha a lo la bun tih ka hmuh chuan ka ding chut a.A ni pawhin ka hmu tih a hriat chuan sawi tur hre lo fahran hian, "ughh...ka phelh vat ang " a tih chuan ka khi suk ringawt.
"i duh duh danin i ti thei alawm... i duh chuan i paih thei ang... "
"Sadie... min haw viau mi? "
"lawmthu ka hrilh zawk ang che... i nih na dik tak ka hriat phah a " min rawn melh rum ngang mai,hetiang hian vawikhat min melhna.
"hahh.... in en ta che hetiang te chuan tuin nge kawp reng peih ang che " oh!! a ṭawngkam chuan min khei zak mai !! hre thang lo niawm takin ka awm zawn chu a rawn na leh zawk zawk tawh.
"Min zahpui vang maw lo ni a..." ka han nui lui ngial na a ka mit erawhin dawt a sawi ve thei lo, ka mittui chu ka inrin hma in a rawn tling leh pam tawh.
"High School student pawh kan nih tawh loh hi... inthlak danglam ve tawh rawh, hetiang hian hmanlai mite anga awm hi bansan tawh rawh "
"Party na a ka kal theih loh vang leh tun thlenga ka la virgin avang hian hmanlai min ti maw!!... Derek, ka in peih hma min nghah ka lo ring asin ..."
" khang thil kha ka kham tawh lutuk...engtik ah nge i in peih hun chu ni ang? tunah maw... keichuan tlem talin kan inzawm na tih ngheh chauh mai a ni ka duh mahse hetiang ringawt hi chuan ka peih tawh lo "
"tunah chuan i duh i hmu tawh bawk a ka lawmpui che... party, sex leh hmeichhia i duh duh chu kawp ta pauh che " a hmuh loh turin ka mittui chu ka han hru hul zeuh a.
"ka rilru zawng zawng ka lo pe che kha ka inchhir takzet... " tih pahin ka kal nghal nal nal bawk.
" kal ang u... " ka ti thut a, ka bag ka ah that sawk sawk takah chuan ka ṭhian te pahnih chuan min rawn melh ha a.
Engmah sawi belh lovin ka kal nghal hlawk hlawk a, ka ṭhiante pawhin ka hnungah min rawn umzui ve nghal dawr dawr bawk.
Ka kal dawn a nih tih Camelle in min rawn hmuh chuan a rawn ding chhuak kher a, ka kalna tur dalin a rawn ding lui kher bawk.
Derek an min rawn hmuh chuan inthiam lo hmel a pu ve deuh in ka hria chu chauh pawh chuan beiseina min pe leh ringawt tawh!! Ni e.. kha leh chen kan lo in kawp ve tawh a,min ṭawngkum dan zawng zawng ngaihtuah phei hi chuan hrehawm ti a kun ngawih ngawih zawk tur a ni.
"Love...tun weekend chu rawn riak rawh aw...i ex boring zet theihnghilh ṭhak khawpin ka lo awm ang che" min rawn melh kher pah a Camelle in a tih chuan 'aw ka rawn riak em em ang' ti niawm tak hian a nui vel a nih chu!! ka inhum ruh rang kher mai.
An thusawi hrelo niawm takin ka mit ka han chet kual ralh a ," excuse me... " ka ti ve ngat ,"hmun dangah i ding thei angem" ka tih ruala ka ṭhiante pahnih nui ri zui hak chuan min ti phur zual.
"tunge? " pheikhawk sang a bun avangin a khabe ka thleng awrh chauh a, ngeiawm zet a min rawn en khum luih vel pah chuan lehlam chu a han hawi kual vel a ,"oh!! nang lek chu niin... " ka thin in a tuar lo ṭep tawh.
" aw keimah... " ka han nui lui suk a.
"Miss Tan...ka lo hmu lo che alawm mawle "
Enga!! tunah khan ka vun rawng vangin min hmusit vel amaw!! heihi ka vawikhat tawnna ni lo mahse ka vun vanga min chhaih nawmnah ni hmasa bera ka rilru nat ang tho khan tunah pawh ala na renga engtik ah mah ngaiah ka nei thei ngai bawk lovang !!
"Umm...Camille kan kal dawn mi niang " Derek chu min rawn melh hrak hrak pahin a rawn in rawlh nghal vat , mahse min chhan a hnek in a chhuahpui nghal daih bawk.
"Sadie... kal ang u, dar4 subway kan nang hman lo ang "
"zanin party kha dar engzat nge... " ka ti chhuak phawng ringawt!! tuna ka rilru a awm zawng chu party leh a kaih hnawih ho hi ka ti ve thei tho a ni tih Derek hriat tir ka duh chuvang chauh a kal tum chu ka ni .
An pahnih chuan in melh ralh pah in an nuih chhuah loh nan an han in sum deuh a, Chelsea chuan min rawn kuah pahin ," kha chu ngaihtuah buai duh suh... i û chiah buaina a ni tawh mai"
"ka û chu ka ching fel thei mai ang " ka tih takah chuan an han au tak tak mai chu restaurant a awm ho chuan min rawn melh ṭhap mai alawm.
( pic hi Sadie Morin aw)
CHAPTER-2
Motto- "Be the change you want to see in this world"
Kan ṭhian ho pathum, ka û, ka putea leh a nupui Madilyn , ka putea ṭhianpa leh a fapa te ho nen a zahriah kan kil ho ṭhap lai chuan ka û hnenah thil dil tur ka neih avangin kan ṭhian ho chuan a ruk in kan in sik zeuh zeuh hlawm a, kei ang tho in an ni pawh in an huphurh ve hle tih an hmelah hai rual a ni lo.
Kun ngur chungin chaw ṭhial chap chap pah chuan kan han melh kual hrak hrak hlawm a, vawin berkher hi ka û mood fuh loh ni alo ni bawk nen ka ṭhian te in a riak tura dil takngial pawh ka ngam lo chu a nih hi.
"a tlai zel ania... " Chelsea in ha seh chilh rana a rawn tih su su takah chuan ka han ṭhu ngil deuh at a,fork hum ngheh sauh pahin midang ho chu ka han melh kual leh a chutah ka ṭhian te bawk ka va melh leh chuan 'ṭha takin aw' ti niawm tak hian an lo bu nghat a,keipawh inring niawm takin ka bu let zeuh bawk.
Aw le... ka ti thei ngei ngei ang, ka vawikhat dilna pawh a ni hleinem bakah kan ṭhian ho in kan riak khawm fo a hlauh tur engmah a awm lo. Ka huaisenna zawng zawng sawmkhawm in indopui pathumna a kal tur ang maia ka in ngaihna chu dah bo hmak in ka han ang zuau a , mahse ka sawi leh ngam thlawt lo.
Ka ṭhiante chuan ngun takin min lo en kar a, ka kâ ka ang zuau phei kha chuan beiseina an lo nei sang hman hle tih ka hria mahse ka thusawi turte ṭhulh a ka va melh hrak takah chuan thawk halh pahin an chal chu an lo dawm chawt a, Chelsea phei chu a hmanhnawh tawh bawk nen ṭap ṭep hmel te pawh a pu tawh.
"Braydon.... ughh, zanin ah kan ṭhianho in Kaitlyn te in ah kan riak khawm dawn " ka tih chhuah phawng takah chuan ka rin aiin ka aw a khur lo, ka ti ṭha phian lehnghal.
An in rin hma a ka sawi thut avang chuan phur fahran hian an rawn hawi chhuak nghal ṭhawt a,mahse Kaitlyn chuan an in ka sawi tel avang khan a ṭhawng bawk aniang Braydon nen min melh tawn zak zak pah chuan 'tinge kan in kher ' tiin a rawn phun sap a,keilah ka thu ka thlak thei tawh bik si lo, za lo zetin a nuih suk ringawt.
Braydon chuan min chhang mai ta lo chuan sa chu a han ṭhial leh te te phawt a, keilah ka lo hmanhmawh bawk nen a chhanna nghak chuan kan ṭhu ngawi ṭhap hlawm a, ka thinphu te chu a ri zawih zawih tawh.
Nidang chu nise awlsam deuh in ka hrilh leh mai ang mahse zanin chu dawt ka hrilh mai bakah party a kalruk kan lo tum bawk nen a lo hre lawk vek tawh ni ang te hian ka ngai tlat pek a,dawt sawi hi chu ka ti mi ve thlawt lo.
"ok... a ṭha alawm " kei ai ai in ka ṭhiante chu an lo ip rei zawk , min rawn kheuh zeuh zeuh pahin an han thawchhuak hak a, a ruk in kan in nuih tut tut hlawm a.
Braydon chuan a tih ṭhin dan ang bawkin Kaitlyn te in thleng min rawn thlah leh thlap a,inchhungah lut in a nu leh pa te nen lam a rawn be thlap bawk.
Dawt ka hrilh avang khan ka awm a nuam thei thlawt lo,min man chhuak dawn ang tlata hriatna ka nei tlat lehnghal.
"thawmhnaw ka keng miah lo a nia... " tih pahin an pahnih chuan ka bag chu ka han hmuh a, lehkhabu hlir in a khat ni e, ka thawmhnaw khung tur pawhin huaisenna ka nei tlat lo alawm.
"ka kawr i ha mai dawn nia " Chelsea chuan a bag chu a hai nghal mawlh mawlh a, a in thuam dan en hi chuan maksak deuh a rawn phawrh chhuah loh chuan a mak ngawt ang.
" chuan ka pheikhawk i bun ve thung ang... " Kaitlyn nen kan ke size alo inang hlauh chu a tihzia teh e,kan ṭhian zingah a mit a lerh ve ber a, a thawmhnaw leh pheikhawk pawh tlemin a zia ve deuh ber kei leh Chelsea nen tehkhin chuan ....
Kan pathum chuan Bathroom ah kan in chei mawlh mawlh hlawm a,kan phur tawh bawk nen ṭawng kan in chan lo a ni ber.
Chelsea kawr chu ka ha ta cheng a ka rin aiin ka inhmeh phian. Kawrfual dum a bah sin ,simple tak leh ka malpui chanve khuh thlap a ni a,a dang pawh min rawn pe leh mahse ka thlak dawn tawh lo reng reng.
"perfect!! ka hak chuan ka mawng a khuh chang chang chauh... " a mit dum zeta hnawih pah chuan a rawn ti a,chutah a hmui lah chu lipstick dum ala hnawih zui!! mahse party na a kal tur a nia ka sawisel sak lem lo hetiang hian an in chei ṭhin pawh a ni mahna.
"kha pheikhawk chu ka dah chhuak tawh... " Kaitlyn in a tih chuan ka chhip a ka sam bawk fel than pah in pheikhawk sang gold rawng bun har hmel zet chu ka han in thawlh thak a.Han bun kual vel chhin tur pawhin Kaitlyn bathroom hi a te lutuk a, kan pathum pawh hian kan leng chang chang.
"guys Zuri a rawn thleng tawh... kal tawh ang u ...." Chelsea chuan tukverh a dah chhuah pah chuan a ban a phar lauh lauh a, Kaitlyn nen chuan Zuri a tih ve ziah party ngainat hmel zet chu kan la hmu ve lo nain a hmelhriat a nih avangin a fel turah kan ngai hmiah.
"hey!! guys...party ang u hmiang ..." Chelsea nen chuan an inkuah nghal a, Kaitlyn nen erawh Zuri kan hmuh rual rual chuan ka in melh hrak ringawt!!
A hming ringawt pawh Zuri a ni tih kan hriat khan a hming ang chiahin amah pawh a danglam tih hre tur kan ni asin.
A sam sen thâr thur zet te leh a hnar beh tle sar sar te chu hmuhnawm a tling.A kawr hak sexy lutuk a hnute hmur lang lo chauh te a leather pawnfen beitham zet leh a boot heel chhah zet te chu bun a har hmel tiin ka ngaihtuah nghal neuh neuh a.
Nel awm fahran hian chewing gum ṭhial chuap chuap pahin kan pahnih chuan min rawn kuah ve nghal a, a perfume rim na zet inkah te chuan lu a ti hai dawn alawm mawle.
"Guys....kal ang u... " a tih zawnga a lei beh te chu ka lo en chik leh tawh ngang mai. A lai pawh a verh ania engvanga a lei verh pawh chu mak ti em em nge maw ka nih le?
Kawng tluanin Zuri chu a titi char char a, a lan ang ngawt alo ni lo tawp mai rin aiin a nelawm in a fel daih.
Kan college a a kal ve tho thu te leh Economic a major thu te ,party na a ka la kal ve ngai lo chu mak a tih thu leh Derek nen a kan lo in ngaizawng ṭhin chu a awih lo zawk thu te min hrilh chiam hnu chuan party na hmun tur chu kan thleng ve mai bawk a,pawn aṭang pawhin boruak a rit nghal hle.
Inchhung kan lut chiah chu disco light nen an lo ri hut hut a, a ṭhen in games an khel a, a ṭhen an lam thul kil khata lo ṭhu khawm leh infawp ngawng ngawng lah an bang lo. Chelsea leh Kaitlyn ten party chungchang hi min hrilh nghek tawh mahse ka beisei aiin a takah chuan boruak a danglam daih .Nilo, ka beisei ang a pel dawrh zawk !!
" kha in rawh u... " Zuri chuan kan pathum chuan plastic no sen hi min rawn pe a,ka ṭhiante chuan phur zetin la mahse kei erawh enge a nih pawh ka hriat loh avangin ka han hnim dat a ,zu rim ka hriat chuan a ruk tak chuan ka phur ve hle.
Zuri chu a bo nghal daih a, kan ṭhianho erawh inkalsan lo tura kan intiam tawh avangin kan ding ho ṭham a .
" Sadie... in ang u... "
"aw le... " ka awih thei lo, beer te chu lo in ve tawh mah ila zu pangngai ka in tur hi ka la ring thei lo.
"tehreng mai... " mit ko kân ak chuan ka lo ti a, kan han nui leh rih ṭhin.
Zu chu tui lo hle mahse party, zu leh a chhehvel ho hi tih ve ka lo chakna a rei tawh bawk a, lu na ṭeuh chungin no thum lai ka tlak der tawh !!
Midang lam hut hut na karah chuan kan va inthawlh ve a, midang mitmei vengthawng lo leh duh tawka lam chu a nuam dan a dangdai zâr mai.
Ka lo in ve nual tawh bawk nen ka lu te chu a hai chhû tawh a,ka thlan in min bual hneh tawh hle mahse ka ti ta sa sa nuam deuhin ka hmang tlang tur hi a ni ringawt.
"Sadie a nuam i ti em? "
" aw... naktuk zan party dang ala awm angem " ka tih chuan an pahnih chuan an in en a, min rawn nuih leh hak a.
"ka tih reng kha... kum18 kan tling tawh bawk a party turin dan pawhin min dang thei tawh lo " kan pathum chuan kan hlim ve em em ringawt Neon (Chelsea bialpa) a rawn lan hma kha chuan.
Neon chuan Chelsea chu a rawn hruai hrang daih a, mahse Kaitlyn nen kan la ni tho bawk a pawi ka ti vak lo.
"hey!! " ka lam lai chuan mipa pakhat sang thlerh thlawrh, chhelo zet hi ka hma ah chuan a rawn su ve nghawng ngawng a, chhan ngaihna ka hriat loh em avang in Kaitlyn chu ṭanpui dilin ka va melh nghal zâk a.
" Derek theihnghilh nan chuan a chhelo mah mah... " ka beng bulah chuan a rawn ti sa sa a,ka lo nghawk zeuh ringawt.
"Shane ka nia... chuan nang ve...? "
"Sadie... " einch!! S&S a fuh dawn khawp e, mahse Kaitlyn bawk chu ka va melh leh zeuh a, mahni thu in engmah ka ti ngam lo a nih ber hi.
Ka hnar ang nge ka lo pawm ang tih ka zawhna chu ka mitmeng aṭangin a hrethiam nghal mai a," condom kha theihnghilh lo la " a rawn tih sa sa takah chuan hnar loh tur a ni tih ka hrethiam nghal.
" in tur i duh em...? " Shane chuan hawihhawm fahran hian a rawn ti a, mahse ka in belh chuan ka chatthla daih ang tih ka hlau.
"aw..." ka ti tak na in inbelh ka tum tawh lem lo, heihi ka vawikhatna tih hre lo se ka tih vang mai mai a ni zawk.
" a nih chuan kan pahnih in kan va en dun dawn mi niang... " a nihna takah chuan infawp ila sex hmang dun ang tihna a ni mah zawk.
Ka zam hle na in kan ṭhian ho hian kum18 kan tling veleh kan virginity ka hlauh ang tiin kan lo sawi khawm tawh ṭhin a, mahse ka û vang in keimah chiah ka bang leh tawh .Vawitam Derek pawh hmanpui tumin ka lo in ruahman tawh ṭhin na a ka huaisenna hian a tlin ve thlawt lo.
" kal rawh kal rawh... " Kaitlyn chuan hnung lam aṭangin min lo nawr ti tih a, kei lah chu ka zah avangin ka biang a tai nghal tûk a, engmah pawh a thlen hma hma in a nat dan tur vel te chu ka lo ngaihtuah nghal der. haha!! hetiang hi ka nih dan ziah a ni, midang te tih ang zel hi tih ka duh ve a, ka thisen hian a ngam ve thlawt si lo.
Inla zei chawp zet chung hian intur an dahna lam chu ka thlek zeuh a, hrethiam niawm takin min rawn nuih put put chung hian ka kawngah a rawn chul thuak a ,ka lo ṭim nghal uaih mai!! mahse kitchen lam pan chuan kan inzui phei ta nge nge a.
Ka easy deuh mah mah in ka hria mahse heihi American rawlthar te tih loh dan pawh a ni lova engvanga mithar ang maia ka lo ip zawk zawk leh ṭhin le?
"eng hi nge i duh.... umm cocktail pawh a awm a nia " min rawn fiam pah chuan a nui ri hak hak a ka rin aiin fiamthu a duh phian, kan in hre ve chiah a min fiam nghal thei a nia.
"engpawh kha a ni mai... " ka lai lutuk chuan ka nghawng chu ka han tuai ringawt a, a hma a ka lo in tawh avanga ka pum leh ka biang sa hat hat chu ala chambang reng.
"chuan hetah hian i vawikhat rawn kalna em ni?... ka va hmu ngai lo che ve..."
" nia... hetah hi chuan ka vawikhatna "lem zet chuan ka nui vel a, ka dawt sawi awih chuan a lo bu nghat a,helai hmun nilo house party dangah ka kal tih chu hrilh nawn loh pawhin a ring nghal thlap.
" naktuk zan ah i hman angem? "
" maw? ngatinge? " nge mawnle, ka kâ hi a chak leh lutuk a, ka duh loh pui ka sawi chhuak leh tawh ,van profe loh theih tak!!
"ughh... frat party lamah i rawn kal theih chuan ka ti mai mai" Enga!! frat party a!! hepa hian min hmuh leh a duh tak tak a nih dawn hi.
"i ru tawh in ka hria...kha i biang a tai tuk tawh mai "
"haha... ughh " ka han nui lui ngial a min melh kûr avang chuan min ti zam leh vek tawh.
Lalpa leh!! party ah ka vawikhat kalna a ni tih a hriat hi ka duh lo bur a chhanchu zawhna maksak tak tak ngaihthlak ka peih lo.
" a nih chuan inchungah kan chho dawn mi niang... " plastic cup min rawn pek paha a tih chuan ka thaw nghal huai mai. Zanin zet chu hepa ka mi hriatchian pawh nilo lakah hian ka thianghlim na hlauh turin huaisenna ka neih hram ka beisei. Nilo, eng nge maw ka ngaihtuah le? step by step in kan kal zawk tur a ni.
Inchunga kan chhoh dawn lai chuan thil theihnghilh nei niawm tak hian a hawi let vut a,a indap nghal vat bawk,"eng nge? " ka lo ti leh hmanhnawh tawh.
" umm....ka wallet ughh.... kitchen ah khan ka theihnghilh daih alawm mawle " ka ngaihtuahna tenawm tak chuan min ti lai nghal ringawt, ni e ...tun anga a wallet a dah pawimawh chuan condom a dah lo ang tih pawh hriat va ni suh!!
" lo han chho rawh... ka rawn um pha leh hman ang che " a tih chuan ka lo bu nghat a, a ni pawh a let leh vat bawk.
Aaaaaaahhhhh!!! ka awih thei lo, zanin ah hian engthil nge thleng chiah hi!! engvanga phur, zam leh lai em em nge maw ka nih le? khapa lah kha a chhelo em em mai lehnghal!!
Ka ú pawh hre chang tawh lek lova room hmasa ber ka hawn nak chuan ka nghing nghal lawih mai!!
Derek leh Camelle te chu khumah in bawn chungin an lo in fawp ngawng ngawng a nih chu!!!
Nilo!! ngatinge ka danglam nghal vek a!! hetianga awm tur hi ka nilo asin!! ka awmzawn lah chu dan rual loh in a rawn na nghal ut ut a, ka lu hai chhu te kha a rawn let leh nimai hian ka hria.
Ka mittui chu a rawn hnam nghal sawk a, kawngka khar bûr pahin inhnuai ah ka tlan thla nghal hlawk hlawk a, ka mittui a tlak nasat em avangin kawng pawh ka hmu chiang thei lo, midang tawn phei nawk nawk pahin kawngka pui lam panin ka tlan phei zel a ,he party aṭang hian chhuah vat ka duh.
"Sadie... " Zuri ka hmuh chuan ka kuah nghal chawt ringawt, a ni lah alo rui tawh bawk nen tlem a tlem ah ka bawh thlu lo chauh.
"eng nge awmzia... i mit chu?!!!" Party a ka vawikhat kalna a ni tih a hriat avangin hriattiam hmel tak hian min rawn en a.
"ka haw duh... heta ṭanga chhuah vat ka duh " ka ṭap pur tawh.
" khawiah nge Chelsea leh Kaitlyn...? "
"ka hrelo... "
" a nih chuan car chahbi hi la la... i ṭhiante chu ka lo hrilh ang " a thusawi pawh hrechiang mang lovin a car chahbi chu min rawn pe a, eng nge ka ngaihtuah pawh ka hrelo ka la ve ringawt lehnghal.
Rang takin parking lot ah Zuri car zawng chuan ka kal phei hlawk hlawk a ,a chep lai berkher ah alo awm lehnghal !!
Rang takin driver sear ah chuan ka thu lut nghal thak a, ka khalh ngam angem tih erawh ka hrelo!!
Vawithum vel chu ka û in min zirtir tawh a, ka hriatchhuah thei hram ka beisei.
Ka zu in vang nge pawh ka hrelo, mi dawizep tak ni ṭhin kha car khalh ka tum ta mai chu ania!! he party aṭanga ka chhuah theihna a nih dawn phawt chuan hlauhna pakhat mah ka nei lo lehnghal!!
Chahbi rawlh luhna tur te chu ka zawng chawp lehnghal a, vanneihthlak lutuk in ka hmu hlauh. Braydon a min hrilh kha tlem tlem ka la hriat avangin a engine chu ka han ti nung hlat hlat a, ka tim eih lo chu ka harh chhuah hunah ka hlau leh hnuhnawh ang tih ka hlau hlel love.
Car pahnih inkar aṭang chuan him takin ka la chhuak thei mai a, a dawt leh ah eng nge lo thleng dawn erawh ka hrelo.
"Derek hmela kha... a lehpek ang chuan hetiang hian ka awm tawh miah lo ang " ka han inhnem tak na in ka mittui a luang ngiai ngiai reng tho.
"hmela!! " inseh ruh ṭeuh chung chuan eng nge ka rah pawh ka hrelo ka tlan chhuak ta phut mai!!
"enge enge thleng? " ka phu lutuk chu ka harh nghal kawk in ka hria, car in park ṭha hle hle te chu ka su ṭep ṭep a, a tawp a tawp ah a brake chu ka râp chut a, thil in tai ri rût in a zui zât bawk.
Ka in tih nat loh avanga ka thawk huai lai chuan ,"ohh!! sh*t !! Engthil phiangsen nge maw i tih le? " tih vin hluk ri chu ka hre zui nghal zat a, thleng hriat tuma ka hawi chhuah nak chuan tuemaw hian car kawngkhar chu rawn hawng in tha chak zet hian min rawn pawt chhuak ta dawr dawr mai!!
Parking lot a car 50 rual in park ho chu an in peep chhawk tluk tluk hlawm a, ka thil tih avang chuan ka lu te hi zu han hai vek thei a.
"F*cking car .... " a tih ri te chu ka hre ruai ruai chauh a, a aw lah chu vin hle mahse a thum in ril nguih lehnghal!! a British accent mawi lutuk te chuan min awi nimai hian ka hria.
Chupa chu a lian in a sang takzet, ka rui tawh bawk nen a awm zawn chu ka melh ngawt ngawt ringawt!! Chutah min din hliah khup bawk a ,a len danah hian ramhuai pawh a ni maithei .
"ka tihpalh... " zawi sap a tih pahin ka han hawi chho dawn a, ka luak mai dawn in ka hria.
"hei nangni kha engthil nge maw in tih le? " ka hawi let chiah chu Cop lo ni rengin, ka luak chhuak pawh a let nghal vek.
"engmah a ni lo " chu pa awi mawi sang zet chuan alo ti nghal vat a, keilah ding ngil thei lovin ka la pai khat khat reng a!!
"nula... rui chungin motor i khalh elaw... " engtin nge ka khalh tih a hriat ? a fing ka tih em avang chuan ka lo khi suk a,hlauh vak ngaihna pawh ka hrelo.
" in pahnih hian police station ah min rawn zui rawh u... " a ti ta mai !! kan in sawi fel hma hma chuan ka kut pahnih chu ka hnungah min suih tir lui a, handcuff min bun tir pah chuan min kalpui dawr dawr ringawt. "
Kan ṭhian ho pathum, ka û, ka putea leh a nupui Madilyn , ka putea ṭhianpa leh a fapa te ho nen a zahriah kan kil ho ṭhap lai chuan ka û hnenah thil dil tur ka neih avangin kan ṭhian ho chuan a ruk in kan in sik zeuh zeuh hlawm a, kei ang tho in an ni pawh in an huphurh ve hle tih an hmelah hai rual a ni lo.
Kun ngur chungin chaw ṭhial chap chap pah chuan kan han melh kual hrak hrak hlawm a, vawin berkher hi ka û mood fuh loh ni alo ni bawk nen ka ṭhian te in a riak tura dil takngial pawh ka ngam lo chu a nih hi.
"a tlai zel ania... " Chelsea in ha seh chilh rana a rawn tih su su takah chuan ka han ṭhu ngil deuh at a,fork hum ngheh sauh pahin midang ho chu ka han melh kual leh a chutah ka ṭhian te bawk ka va melh leh chuan 'ṭha takin aw' ti niawm tak hian an lo bu nghat a,keipawh inring niawm takin ka bu let zeuh bawk.
Aw le... ka ti thei ngei ngei ang, ka vawikhat dilna pawh a ni hleinem bakah kan ṭhian ho in kan riak khawm fo a hlauh tur engmah a awm lo. Ka huaisenna zawng zawng sawmkhawm in indopui pathumna a kal tur ang maia ka in ngaihna chu dah bo hmak in ka han ang zuau a , mahse ka sawi leh ngam thlawt lo.
Ka ṭhiante chuan ngun takin min lo en kar a, ka kâ ka ang zuau phei kha chuan beiseina an lo nei sang hman hle tih ka hria mahse ka thusawi turte ṭhulh a ka va melh hrak takah chuan thawk halh pahin an chal chu an lo dawm chawt a, Chelsea phei chu a hmanhnawh tawh bawk nen ṭap ṭep hmel te pawh a pu tawh.
"Braydon.... ughh, zanin ah kan ṭhianho in Kaitlyn te in ah kan riak khawm dawn " ka tih chhuah phawng takah chuan ka rin aiin ka aw a khur lo, ka ti ṭha phian lehnghal.
An in rin hma a ka sawi thut avang chuan phur fahran hian an rawn hawi chhuak nghal ṭhawt a,mahse Kaitlyn chuan an in ka sawi tel avang khan a ṭhawng bawk aniang Braydon nen min melh tawn zak zak pah chuan 'tinge kan in kher ' tiin a rawn phun sap a,keilah ka thu ka thlak thei tawh bik si lo, za lo zetin a nuih suk ringawt.
Braydon chuan min chhang mai ta lo chuan sa chu a han ṭhial leh te te phawt a, keilah ka lo hmanhmawh bawk nen a chhanna nghak chuan kan ṭhu ngawi ṭhap hlawm a, ka thinphu te chu a ri zawih zawih tawh.
Nidang chu nise awlsam deuh in ka hrilh leh mai ang mahse zanin chu dawt ka hrilh mai bakah party a kalruk kan lo tum bawk nen a lo hre lawk vek tawh ni ang te hian ka ngai tlat pek a,dawt sawi hi chu ka ti mi ve thlawt lo.
"ok... a ṭha alawm " kei ai ai in ka ṭhiante chu an lo ip rei zawk , min rawn kheuh zeuh zeuh pahin an han thawchhuak hak a, a ruk in kan in nuih tut tut hlawm a.
Braydon chuan a tih ṭhin dan ang bawkin Kaitlyn te in thleng min rawn thlah leh thlap a,inchhungah lut in a nu leh pa te nen lam a rawn be thlap bawk.
Dawt ka hrilh avang khan ka awm a nuam thei thlawt lo,min man chhuak dawn ang tlata hriatna ka nei tlat lehnghal.
"thawmhnaw ka keng miah lo a nia... " tih pahin an pahnih chuan ka bag chu ka han hmuh a, lehkhabu hlir in a khat ni e, ka thawmhnaw khung tur pawhin huaisenna ka nei tlat lo alawm.
"ka kawr i ha mai dawn nia " Chelsea chuan a bag chu a hai nghal mawlh mawlh a, a in thuam dan en hi chuan maksak deuh a rawn phawrh chhuah loh chuan a mak ngawt ang.
" chuan ka pheikhawk i bun ve thung ang... " Kaitlyn nen kan ke size alo inang hlauh chu a tihzia teh e,kan ṭhian zingah a mit a lerh ve ber a, a thawmhnaw leh pheikhawk pawh tlemin a zia ve deuh ber kei leh Chelsea nen tehkhin chuan ....
Kan pathum chuan Bathroom ah kan in chei mawlh mawlh hlawm a,kan phur tawh bawk nen ṭawng kan in chan lo a ni ber.
Chelsea kawr chu ka ha ta cheng a ka rin aiin ka inhmeh phian. Kawrfual dum a bah sin ,simple tak leh ka malpui chanve khuh thlap a ni a,a dang pawh min rawn pe leh mahse ka thlak dawn tawh lo reng reng.
"perfect!! ka hak chuan ka mawng a khuh chang chang chauh... " a mit dum zeta hnawih pah chuan a rawn ti a,chutah a hmui lah chu lipstick dum ala hnawih zui!! mahse party na a kal tur a nia ka sawisel sak lem lo hetiang hian an in chei ṭhin pawh a ni mahna.
"kha pheikhawk chu ka dah chhuak tawh... " Kaitlyn in a tih chuan ka chhip a ka sam bawk fel than pah in pheikhawk sang gold rawng bun har hmel zet chu ka han in thawlh thak a.Han bun kual vel chhin tur pawhin Kaitlyn bathroom hi a te lutuk a, kan pathum pawh hian kan leng chang chang.
"guys Zuri a rawn thleng tawh... kal tawh ang u ...." Chelsea chuan tukverh a dah chhuah pah chuan a ban a phar lauh lauh a, Kaitlyn nen chuan Zuri a tih ve ziah party ngainat hmel zet chu kan la hmu ve lo nain a hmelhriat a nih avangin a fel turah kan ngai hmiah.
"hey!! guys...party ang u hmiang ..." Chelsea nen chuan an inkuah nghal a, Kaitlyn nen erawh Zuri kan hmuh rual rual chuan ka in melh hrak ringawt!!
A hming ringawt pawh Zuri a ni tih kan hriat khan a hming ang chiahin amah pawh a danglam tih hre tur kan ni asin.
A sam sen thâr thur zet te leh a hnar beh tle sar sar te chu hmuhnawm a tling.A kawr hak sexy lutuk a hnute hmur lang lo chauh te a leather pawnfen beitham zet leh a boot heel chhah zet te chu bun a har hmel tiin ka ngaihtuah nghal neuh neuh a.
Nel awm fahran hian chewing gum ṭhial chuap chuap pahin kan pahnih chuan min rawn kuah ve nghal a, a perfume rim na zet inkah te chuan lu a ti hai dawn alawm mawle.
"Guys....kal ang u... " a tih zawnga a lei beh te chu ka lo en chik leh tawh ngang mai. A lai pawh a verh ania engvanga a lei verh pawh chu mak ti em em nge maw ka nih le?
Kawng tluanin Zuri chu a titi char char a, a lan ang ngawt alo ni lo tawp mai rin aiin a nelawm in a fel daih.
Kan college a a kal ve tho thu te leh Economic a major thu te ,party na a ka la kal ve ngai lo chu mak a tih thu leh Derek nen a kan lo in ngaizawng ṭhin chu a awih lo zawk thu te min hrilh chiam hnu chuan party na hmun tur chu kan thleng ve mai bawk a,pawn aṭang pawhin boruak a rit nghal hle.
Inchhung kan lut chiah chu disco light nen an lo ri hut hut a, a ṭhen in games an khel a, a ṭhen an lam thul kil khata lo ṭhu khawm leh infawp ngawng ngawng lah an bang lo. Chelsea leh Kaitlyn ten party chungchang hi min hrilh nghek tawh mahse ka beisei aiin a takah chuan boruak a danglam daih .Nilo, ka beisei ang a pel dawrh zawk !!
" kha in rawh u... " Zuri chuan kan pathum chuan plastic no sen hi min rawn pe a,ka ṭhiante chuan phur zetin la mahse kei erawh enge a nih pawh ka hriat loh avangin ka han hnim dat a ,zu rim ka hriat chuan a ruk tak chuan ka phur ve hle.
Zuri chu a bo nghal daih a, kan ṭhianho erawh inkalsan lo tura kan intiam tawh avangin kan ding ho ṭham a .
" Sadie... in ang u... "
"aw le... " ka awih thei lo, beer te chu lo in ve tawh mah ila zu pangngai ka in tur hi ka la ring thei lo.
"tehreng mai... " mit ko kân ak chuan ka lo ti a, kan han nui leh rih ṭhin.
Zu chu tui lo hle mahse party, zu leh a chhehvel ho hi tih ve ka lo chakna a rei tawh bawk a, lu na ṭeuh chungin no thum lai ka tlak der tawh !!
Midang lam hut hut na karah chuan kan va inthawlh ve a, midang mitmei vengthawng lo leh duh tawka lam chu a nuam dan a dangdai zâr mai.
Ka lo in ve nual tawh bawk nen ka lu te chu a hai chhû tawh a,ka thlan in min bual hneh tawh hle mahse ka ti ta sa sa nuam deuhin ka hmang tlang tur hi a ni ringawt.
"Sadie a nuam i ti em? "
" aw... naktuk zan party dang ala awm angem " ka tih chuan an pahnih chuan an in en a, min rawn nuih leh hak a.
"ka tih reng kha... kum18 kan tling tawh bawk a party turin dan pawhin min dang thei tawh lo " kan pathum chuan kan hlim ve em em ringawt Neon (Chelsea bialpa) a rawn lan hma kha chuan.
Neon chuan Chelsea chu a rawn hruai hrang daih a, mahse Kaitlyn nen kan la ni tho bawk a pawi ka ti vak lo.
"hey!! " ka lam lai chuan mipa pakhat sang thlerh thlawrh, chhelo zet hi ka hma ah chuan a rawn su ve nghawng ngawng a, chhan ngaihna ka hriat loh em avang in Kaitlyn chu ṭanpui dilin ka va melh nghal zâk a.
" Derek theihnghilh nan chuan a chhelo mah mah... " ka beng bulah chuan a rawn ti sa sa a,ka lo nghawk zeuh ringawt.
"Shane ka nia... chuan nang ve...? "
"Sadie... " einch!! S&S a fuh dawn khawp e, mahse Kaitlyn bawk chu ka va melh leh zeuh a, mahni thu in engmah ka ti ngam lo a nih ber hi.
Ka hnar ang nge ka lo pawm ang tih ka zawhna chu ka mitmeng aṭangin a hrethiam nghal mai a," condom kha theihnghilh lo la " a rawn tih sa sa takah chuan hnar loh tur a ni tih ka hrethiam nghal.
" in tur i duh em...? " Shane chuan hawihhawm fahran hian a rawn ti a, mahse ka in belh chuan ka chatthla daih ang tih ka hlau.
"aw..." ka ti tak na in inbelh ka tum tawh lem lo, heihi ka vawikhatna tih hre lo se ka tih vang mai mai a ni zawk.
" a nih chuan kan pahnih in kan va en dun dawn mi niang... " a nihna takah chuan infawp ila sex hmang dun ang tihna a ni mah zawk.
Ka zam hle na in kan ṭhian ho hian kum18 kan tling veleh kan virginity ka hlauh ang tiin kan lo sawi khawm tawh ṭhin a, mahse ka û vang in keimah chiah ka bang leh tawh .Vawitam Derek pawh hmanpui tumin ka lo in ruahman tawh ṭhin na a ka huaisenna hian a tlin ve thlawt lo.
" kal rawh kal rawh... " Kaitlyn chuan hnung lam aṭangin min lo nawr ti tih a, kei lah chu ka zah avangin ka biang a tai nghal tûk a, engmah pawh a thlen hma hma in a nat dan tur vel te chu ka lo ngaihtuah nghal der. haha!! hetiang hi ka nih dan ziah a ni, midang te tih ang zel hi tih ka duh ve a, ka thisen hian a ngam ve thlawt si lo.
Inla zei chawp zet chung hian intur an dahna lam chu ka thlek zeuh a, hrethiam niawm takin min rawn nuih put put chung hian ka kawngah a rawn chul thuak a ,ka lo ṭim nghal uaih mai!! mahse kitchen lam pan chuan kan inzui phei ta nge nge a.
Ka easy deuh mah mah in ka hria mahse heihi American rawlthar te tih loh dan pawh a ni lova engvanga mithar ang maia ka lo ip zawk zawk leh ṭhin le?
"eng hi nge i duh.... umm cocktail pawh a awm a nia " min rawn fiam pah chuan a nui ri hak hak a ka rin aiin fiamthu a duh phian, kan in hre ve chiah a min fiam nghal thei a nia.
"engpawh kha a ni mai... " ka lai lutuk chuan ka nghawng chu ka han tuai ringawt a, a hma a ka lo in tawh avanga ka pum leh ka biang sa hat hat chu ala chambang reng.
"chuan hetah hian i vawikhat rawn kalna em ni?... ka va hmu ngai lo che ve..."
" nia... hetah hi chuan ka vawikhatna "lem zet chuan ka nui vel a, ka dawt sawi awih chuan a lo bu nghat a,helai hmun nilo house party dangah ka kal tih chu hrilh nawn loh pawhin a ring nghal thlap.
" naktuk zan ah i hman angem? "
" maw? ngatinge? " nge mawnle, ka kâ hi a chak leh lutuk a, ka duh loh pui ka sawi chhuak leh tawh ,van profe loh theih tak!!
"ughh... frat party lamah i rawn kal theih chuan ka ti mai mai" Enga!! frat party a!! hepa hian min hmuh leh a duh tak tak a nih dawn hi.
"i ru tawh in ka hria...kha i biang a tai tuk tawh mai "
"haha... ughh " ka han nui lui ngial a min melh kûr avang chuan min ti zam leh vek tawh.
Lalpa leh!! party ah ka vawikhat kalna a ni tih a hriat hi ka duh lo bur a chhanchu zawhna maksak tak tak ngaihthlak ka peih lo.
" a nih chuan inchungah kan chho dawn mi niang... " plastic cup min rawn pek paha a tih chuan ka thaw nghal huai mai. Zanin zet chu hepa ka mi hriatchian pawh nilo lakah hian ka thianghlim na hlauh turin huaisenna ka neih hram ka beisei. Nilo, eng nge maw ka ngaihtuah le? step by step in kan kal zawk tur a ni.
Inchunga kan chhoh dawn lai chuan thil theihnghilh nei niawm tak hian a hawi let vut a,a indap nghal vat bawk,"eng nge? " ka lo ti leh hmanhnawh tawh.
" umm....ka wallet ughh.... kitchen ah khan ka theihnghilh daih alawm mawle " ka ngaihtuahna tenawm tak chuan min ti lai nghal ringawt, ni e ...tun anga a wallet a dah pawimawh chuan condom a dah lo ang tih pawh hriat va ni suh!!
" lo han chho rawh... ka rawn um pha leh hman ang che " a tih chuan ka lo bu nghat a, a ni pawh a let leh vat bawk.
Aaaaaaahhhhh!!! ka awih thei lo, zanin ah hian engthil nge thleng chiah hi!! engvanga phur, zam leh lai em em nge maw ka nih le? khapa lah kha a chhelo em em mai lehnghal!!
Ka ú pawh hre chang tawh lek lova room hmasa ber ka hawn nak chuan ka nghing nghal lawih mai!!
Derek leh Camelle te chu khumah in bawn chungin an lo in fawp ngawng ngawng a nih chu!!!
Nilo!! ngatinge ka danglam nghal vek a!! hetianga awm tur hi ka nilo asin!! ka awmzawn lah chu dan rual loh in a rawn na nghal ut ut a, ka lu hai chhu te kha a rawn let leh nimai hian ka hria.
Ka mittui chu a rawn hnam nghal sawk a, kawngka khar bûr pahin inhnuai ah ka tlan thla nghal hlawk hlawk a, ka mittui a tlak nasat em avangin kawng pawh ka hmu chiang thei lo, midang tawn phei nawk nawk pahin kawngka pui lam panin ka tlan phei zel a ,he party aṭang hian chhuah vat ka duh.
"Sadie... " Zuri ka hmuh chuan ka kuah nghal chawt ringawt, a ni lah alo rui tawh bawk nen tlem a tlem ah ka bawh thlu lo chauh.
"eng nge awmzia... i mit chu?!!!" Party a ka vawikhat kalna a ni tih a hriat avangin hriattiam hmel tak hian min rawn en a.
"ka haw duh... heta ṭanga chhuah vat ka duh " ka ṭap pur tawh.
" khawiah nge Chelsea leh Kaitlyn...? "
"ka hrelo... "
" a nih chuan car chahbi hi la la... i ṭhiante chu ka lo hrilh ang " a thusawi pawh hrechiang mang lovin a car chahbi chu min rawn pe a, eng nge ka ngaihtuah pawh ka hrelo ka la ve ringawt lehnghal.
Rang takin parking lot ah Zuri car zawng chuan ka kal phei hlawk hlawk a ,a chep lai berkher ah alo awm lehnghal !!
Rang takin driver sear ah chuan ka thu lut nghal thak a, ka khalh ngam angem tih erawh ka hrelo!!
Vawithum vel chu ka û in min zirtir tawh a, ka hriatchhuah thei hram ka beisei.
Ka zu in vang nge pawh ka hrelo, mi dawizep tak ni ṭhin kha car khalh ka tum ta mai chu ania!! he party aṭanga ka chhuah theihna a nih dawn phawt chuan hlauhna pakhat mah ka nei lo lehnghal!!
Chahbi rawlh luhna tur te chu ka zawng chawp lehnghal a, vanneihthlak lutuk in ka hmu hlauh. Braydon a min hrilh kha tlem tlem ka la hriat avangin a engine chu ka han ti nung hlat hlat a, ka tim eih lo chu ka harh chhuah hunah ka hlau leh hnuhnawh ang tih ka hlau hlel love.
Car pahnih inkar aṭang chuan him takin ka la chhuak thei mai a, a dawt leh ah eng nge lo thleng dawn erawh ka hrelo.
"Derek hmela kha... a lehpek ang chuan hetiang hian ka awm tawh miah lo ang " ka han inhnem tak na in ka mittui a luang ngiai ngiai reng tho.
"hmela!! " inseh ruh ṭeuh chung chuan eng nge ka rah pawh ka hrelo ka tlan chhuak ta phut mai!!
"enge enge thleng? " ka phu lutuk chu ka harh nghal kawk in ka hria, car in park ṭha hle hle te chu ka su ṭep ṭep a, a tawp a tawp ah a brake chu ka râp chut a, thil in tai ri rût in a zui zât bawk.
Ka in tih nat loh avanga ka thawk huai lai chuan ,"ohh!! sh*t !! ngthil phiangsen nge maw i tih le? " tih vin hluk ri chu ka hre zui nghal zat a, thleng hriat tuma ka hawi chhuah nak chuan tuemaw hian car kawngkhar chu rawn hawng in tha chak zet hian min rawn pawt chhuak ta dawr dawr mai!!
Parking lot a car 50 rual in park ho chu an in peep chhawk tluk tluk hlawm a, ka thil tih avang chuan ka lu te hi zu han hai vek thei a.
"F*cking car .... " a tih ri te chu ka hre ruai ruai chauh a, a aw lah chu vin hle mahse a thum in ril nguih lehnghal!! a British accent mawi lutuk te chuan min awi nimai hian ka hria.
Chupa chu a lian in a sang takzet, ka rui tawh bawk nen a awm zawn chu ka melh ngawt ngawt ringawt!! Chutah min din hliah khup bawk a ,a len danah hian ramhuai pawh a ni maithei .
"ka tihpalh... " zawi sap a tih pahin ka han hawi chho dawn a, ka luak mai dawn in ka hria.
"hei nangni kha engthil nge maw in tih le? " ka hawi let chiah chu Cop lo ni rengin, ka luak chhuak pawh a let nghal vek.
"engmah a ni lo " chu pa awi mawi sang zet chuan alo ti nghal vat a, keilah ding ngil thei lovin ka la pai khat khat reng a!!
"nula... rui chungin motor i khalh elaw... " engtin nge ka khalh tih a hriat ? a fing ka tih em avang chuan ka lo khi suk a,hlauh vak ngaihna pawh ka hrelo.
" in pahnih hian police station ah min rawn zui rawh u... " a ti ta mai !! kan in sawi fel hma hma chuan ka kut pahnih chu ka hnungah min suih tir lui a, handcuff min bun tir pah chuan min kalpui dawr dawr ringawt.
CHAPTER-3
Motto- "Be the change you want to see in this world "
Midang an man ve ho te chu ka enkual hrak hrak reng a an hmel han en mai pawh hian thinthi a ṭhut mai mai ngam pawh a ni lo.
Keimah tiamin hmeichhe pali lai kan awm a mahse an mipa man te erawh an ro thap in an sual hmel hlawm takzet . Kei lah ka lo inha bul ve bawk nen min en duh bik riau te hian ka hria a, ka kawr chu ka pawt ka pawt ringawt.
Ka ṭhiante be dawn pawh ni ila ka phone awmna pawh ka hre tawh lo, party na ah khan ka theihnghilh daih pawh a ni mahna.
"Engthil nge maw ka tih le?" ka hlauhthawnna chu ala in ṭan dawn chauh!!
Ka û in min rawn bail chhuak a nih vaih chuan ka van chak dawn lo tak em!! mahse ka û lo midang an be dawn der si lo.
" Aaaghhh.... " a khat tawkin ka sam chu ka han ṭham leh nawk nawk ṭhin a ka harh telh telh a,ka mangang telh telh a, ka ṭah lah chu a chhuak tulh tulh tawh mai si .
Thil dang vang chu nise Braydon hian min hrethiam hrim hrim ang mah zu ruih vanga min man kher kher hi chu engtik ah mah min hrethiam ngai lovang. Ka û hmel ka ngaihtuah zawng ringawt pawh hian ka hlau in party na a ka lo kal kher kher kha ka inchhir leh hnuhnawh.
" Hey... Sweety!! " mipa aw thum zet ka hriat rual rual chuan ka phu nghal zawk a, ka hawi chhuak rang kher mai. Mipa pakhat han en mai pawh a a ban vela tattoo khat vek leh bengbeh bial dum lian pui mai beh hi ka bulah chuan a rawn ṭhu ta khur mai!! zu rim lah chu a nam huam lehnghal!
Chet nachang pawh hre lova ka en reng lai chuan min rawn ṭhut hnaih sauh a, min rawn nuih suk pah a ka khupah a kut a rawn nghat chiah phei chu ka hlau bawk nen ka ṭap ti tih ta mai!!
Rang lutuk in ka tawlh hnung nghal hrut a,ka lo duham deuh aniang mipa pakhat hi na zet hian ka su nghal chawrh ringawt ! hlauhthawn sa tawh nak alaiin ka phu nghal dawrh mai.
Ka va sut chawrh pa chuan a thut dan ngaia thu reng chung chuan "heta ṭang hian kal bo rawh... " chu aw thum leh ril zet chu, a British accent nen zawng zawng chuan ava pa tehreng em!! lairil a fan nghal rawih thei alawm.
ehee!! taka hepa hi nimaw a car ka tai ran sak pa kha!! keimah vangin an man tel ve a ni tih ka lo theihnghilh daih alawm.
oh!! lehlawk tu nge a biak zawk pawh ka hre lo, keimah nge saw pa tattoo ngah zeta saw? a aw lah chu nalh hle mahse a nelawm loh phian lehnghal.
"lo in rawlh ve suh... " tang ve tho tattoo ngah deuh a khan min rawn khawih leh a tum chuan ka tawlh hnung ngam tawh loh avangin lehlam hawi chungin ka maimichhing ta ringawt a,ka ip nasa lutuk a ka thaw tawh lo hrim hrim.
"hmeichhia a nih hi... " a rawn tih ram leh hmuk takah chuan tun ṭum chu saw tattoo ngah a saw a bia tih ka hre ve chiah!
" ti buai tawh suh... " ka va sut pa bawk khan a rawn ti leh a, a eng chinah a hmel a rawn tih lan takah chuan chupa tattoo ngah zeta chuan police lam chu a va melh zak zak phawt a, aw pa zeta bawk chu a rawn melh leh a, keimah min rawn melh leh in a khabe tuai nawk nawk pah chuan engmah sawi lo in a tho ta daih a!! mak ka ti bawk si, ka lawm bawk nen ka lo thaw chhuak nghal huai ringawt .
Chet pawh a che lova, thil ho te a sawi ringawt a khapa khan engmah ti lova a kal ta daih kha thil mak a tling tawh hrim hrim.
" ka lawm e... " ka sawi ve tur reng a nih avangin lawmthu ka va hrilh sap a, min rawn chhan chu sawi loh hre lo ang maiin lehlam a hawi hmak a nih chu!! keimah vangin a tang a, ka chungah lawm lo mahse a ti mah mah deuh lo maw? ngei ru hle mah ila min pui tu a ni miau sia, ngawi rengin a bulah chuan thlamuang takin ka ṭhu ta hle hle a.
Minute 10 vel a liam meuh chuan kan pahnih tih loh chu chhuatah chuan an mu phung hlawm a, an chatthla te pawh a ni ta ve ang.
Ka mutchhuak chu han ham bai bai ve ṭhin mah ila hepa bul hnaih a ka awm takah hian ka sawi fiah thiam si loh hian engthil emaw ka feel tlat pek a, ka rui vangah ka puh tla leh ringawt tawh.
A khat tawkin chupa chu ka va melh leh zeuh ṭhin a, rei erawh ka en ngam bik lo.Hmun thim deuh laiah ṭhu mahse thim thamah pawh a hnar ngul sang vah te , a khabe ruh (jaw line) invuah fuh zet te leh a mithmul dum er tak te chu ka lo hmu leh diam tawh chu chauh pawh chu ala nilo a kut zungpui a 'feel me ' tih leh a kut zungchal a anchor lem (⚓) inchhu te chu ka lo hmuh hmaih lo nasa a dang pawh en chiang ngam ngat ila chu ka la hmu thei hrim hrim ang.
He mit tak hi chu aw!... a ṭha tih zawng a hmuh tawh hi chuan thim thamah pawh nise alo hmu fiah thei khawp mai.
"Tikhan min en reng dawn em ni?" ka phu leh zuk tawh!! rang takin ka hawisawn nghal vat a, tinge maw min tih phut reng mai le... ngawiteh!! tunah khan eng nge a sawi zawh chiah kha? ka en reng a ni tih alo hre reng amaw!! Lalpa leh!! avan zahthlak tak em...
Mahse engtin nge a hriat theih? a rawn hawi tawp si lova.
Inhau ru mawlh mawlh chungin lehlam hawi pahin ka khup chu ka bawh daih a, ka sawi tawh ang khan hepa ka hriat ngai pawh nilo huhang ngah zet bulah hian ka awmdan hi a dik thei thlawt lo, han sawifiah vak ngaihna pawh ka hrelo,hlauhthawnna leh hlauhna tel miah lovin ka lungphu te chu a rang em em a,a chhan pawh hre lovin ka awm a nuam lo ve ringawt bawk.
Braydon an min rawn hruai chhuah huna ka chhuanlam siam tur ngaihtuah a ka rilru a lo in sual nawk nawk lai chuan nu la ṭhalai tak mai, a hawiher aṭang ringawt pawh a smart leh vengva tih hriat tak ,hmeltha leh chhelo tak mai hi hlauhthawn hmel taka police station a a rawn tlan lut hlawk hlawk lai ka hmuh chuan ka lo en reng a, police ho lah chuan an hmelhriat sa emaw tih mai turin a hmel an hmuh rual rual chuan an lo phe nghal vat a.
Rei pawh an in be lo ang ,police pakhat chu kan tan na lam pan chuan a rawn kal phei nghal a, thir kawngka rawn hawn pah chuan "Rainer Black leh Sadie Morin kha rawn kal rawh u " a rawn ti ta mai!! ka rin loh lutuk a min rawn ko chhuak ta mai chu chet ngaihna pawh hre lovin ka kâ ka ang nghal phuau a, ka khabe chhuatah ka thlauh lo chauh.
Chu ai maha mak ka tih zawk chu ka hming an rawn lam chu sawi loh ka bula ṭhu aw pa zeta kha Rainer Black a lo ni reng tih ka hriat phei chuan heart attack ka nei mai dawn in ka hria!!
Ni e,mak ka ti hi a awm lo lo, kan university ah na nâ na hi chuan Rainer Black tih hming hi chu lar vet vet tak a ni, hre lo pawh an awm kher lo ang. Kei takngial pawhin college a ka first day a ka hming hriat hmasak ber chu Rainer Black tih hi a ni tlat,tun thlengin ama chanchin hi topic hot ber ala ni reng.
Ngaihsak lo pawh ni ila engvang in nge ka hriat loh ngawt ang? a chhan chu mi pathum an awm khawm tawh chuan hepa hming hi a ri ngei ngei ziah tlat a lawm.
A larna chhan pawh engdang vang nilo in kan university (Vanderbilt University) chancellor Samantha Walker Black fapa neihchhun chhelo leh hmelṭha kha a ni miau alawm.
Kar khat lek class kan la kal a, a hmel hmu lo pawhin a chanchin hi ka hre hnem thawkhat viau, thlakhat phei chu awm ila ka hre ve thei hial ang, ka ngaihsak vang pawh nilo in midang te ti ti ber a nih avang zawk in.
Mak tih hmel taka ka lo ṭhut reng lai chuan Rainer chu a in beng tho vat a, a kekawr mawng ben fai thawk thawk pahin a kal chhuak nghal nal nal a.
An sawi ang tak tak in hnung lam aṭang ringawt pawh sawn a chhelo,nilo an sawi uar lo mah mah zawk. A dar hlai tak leh a pian in khaithli zaih te saw nalh ka lo ti ru rengah !! amah alo nih vang lek alo nih dawn hi.
"Sadie Morin... "ka tho ta mai lo chu ka awm ta lo emaw ti a hawi kual pahin police pa in a rawn tih leh chuan ka harh chhuak zawk a, ka ding chhuak nghal uai bawk a,khapa vang khan ka rilru a buai phah vek.
Kan university Chancellor meuh in min rawn bail chhuak chu ka zak viau na in ka û min rawn hruai chhuah ngawt ai chuan pawi ka ti lo fe zawk.
Paper sign tur kan sign zawh hnu chuan Rainer chu a nu hnenah lawmthu pawh sawi lovin zah lo takin a chhuak nghal daih a, a awm dan chu sawi chhuak lo mah ila a nu lakah hian ka lo inthiam loh pui vawng vawng mai,khatianga awm lo khan inthiam lo zawk tur a ni asin.
"ding rawh, buaina siam tawh lo turin ka ti che a ni lawm ni... heihi a tawpna ni tawh rawh se... "an nufa chuan car lam panin an in um phei hlawk hlawk a, an hnungah ngawi rengin ka lo zui ve bawk a.
Min hrilh lo pawh nise Rainer saw bail chhuah ngaiin alo awm fo tawh tih a hriat reng. Fapa fel tak ani hauh lo ang a nu a tih dan ah sawn, a ngeng in a induh ropui si, lawmna chang pawh hrelo,ala inthiam lo map lo lehnghal .
Ralkhat aṭang chuan ka lo ngei pui lutuk a, ka lo ner nang nang ringawt.
"Rainer....min ngaithla teh... " engmah sawi lovin a nu chu car a a luhsan hmak a, kawngka a khar zui nghal chawrh bawk.
Ngatinge maw engmah a sawi loh le? a tan na chhan chu keimah vang a nia min puh dawn lo emawni le? ....engmah a sawi lo chu ka tan vanneih na. Kei ni ila ka thiam loh pawh nise midang puh ṭalh ka tum leh tlat ang chu.
Chancellor chu a lut ve mai dawn emaw ka tih laiin min rawn pan ta mai!! ka awm ve tih theihnghilh daih tawh tur a ni asin , heihi ka vawikhat hmuhna a nia Chancellor hmuh a har nak alaiin ka vawikhat hmuhna ah hetiang kher kher hi chuan min hre lo se ka duh asin.
Ka inthiam loh mai bakah ka zak lutuk chu ka kun nghal daih a, a ni erawh in nelawm hmel zet a min rawn nuih suk pah hian,"Sadie Morin tiraw...? " a tih chuan ka lo bu nghat a. Rainer khan a nu a chhun a lo nih dawn hi ,an accent a nalh in a zahawm khup mai.
"umm... he thil hi sawi chhuak lo la ka duh... "
" maw? "
"ugh... i hriat angin umm... zanin chungchang vel hi hrelo angin awm rawh... "
"aw... aw le, tehreng mai " ka ṭawng bah nghal nuaih ringawt, "chuan min bail chhuah avangin ka lawm takzet " hemi chungchang hi sawichhuah ka duh lo na in lawmthu sawi hi ka ba tlat sia.
"min zep sak dawn avanga ka lawmthu sawina ah ngai rawh" tih pahin ka darah a rawn vuan zeuh a, "mangṭha le " chiang taka ka hmel en pahin car lam chu a panphei nghal at at a.
Lalpa leh!! ka kâ min hup sak a duh vang a ni maw min lo bail chhuah, kan university hming ka lo ziak telh hlauh chu ava tihzia e. Mahse... mahse ka scholarship min cancel sak angem?!!
Aaarghhh!! mi vannei vanduai ka va ni chiang tak em....
Ka pheikhawk pawh bun peih tawh lovin ka khai a, zawi zet in Kaitlyn room ah chuan ka lut chhat chhat a,police station ah ka awm tih an lo hre tawh pawh a ni mahna room ah hlauthawng taka an lo in vei kual chhawk lai ka hmuh chuan ,,"hei nangni pahnih kha... " pheikhawk chu khum bulah ka thehphei nghal tawp a, min rawn hmuh chuan thlarau hmu ang maiin zan lai lai ah an ṭe nghal tuarh ringawt!!
"shhh... bengchheng suh u" ka lo ti zuai raih a
"Sadie.. min hrilh vat rawh, Rainer Black a hmel engtin nge a awm? " Chelsea chuan hriat chak hmel tak hian a rawn ti nghal vat a.
Enga!! kei ni lovin Rainer Black zawk maw hetiang hian an lo awmpui a, thian tha tak chu an va ni em....
" Hei... Chelsea duhtawk rawh... Sadie min ti mangang lutuk alawm ..." Kaitlyn chuan min rawn kuah nghal chawt a, chutiang ang bawkin Chelsea pawhin . Zanin ah ka û thinrimna tawng baw tur anga ka lo inngaihna khan min la ti hlauthawng reng in ka hria.
"nangnu hi engkim min hrilh vek rawh... " Chelsea bawk chu, ka mit ka lo chet kual khum ralh a.
"inthlak phawt ila ka hrilh vek ang che u " an phur ngang mai , khumah chuan an zuang lut nghal a, "mahse thuruk ania aw... " pajama inthawlh pahin an inkar ah chuan ka inthawlh lut ve nghal a.
____________________________________________
Kan department thleng Braydon chuan min thlah leh thlap a, tun ṭum erawh ka ṭhian te pahnih aiin ka hma a nih hmel!!
"tlaiah chuan ka ṭhiante rualin ka haw leh ang... "
"aw le mahse ...i va chauh hmel ve i ṭha maw? i khuasik em ni ?" ṭha lo deuh anga ka lan hi chuan a phili buai vek zel mahse ka party na avanga hetiang hmel pu hi ka ni tih hrilh ka tum hauh lo.
" ka ṭha ...weekend khan kan meng rei deuh a... " ka ti a, ka ti tak tak bawk.
"i awm a nawm lo chuan min rawn hrilh vat ang che... i hria em? "
"aw le " car aṭanga ka chhuah hma chuan ka chalah a rawn fawp zeuh a, "ka hmangaih che... " tih pahin ka chhuahsan nghal bawk.
Braydon nen hian University khatah kan lut a, kei Bsc 1st semester chauh ka nih laiin a ni ve thung chu Master final year a ni mek tawh thung. Department hran, block hran a awm kan nih avangin college ah chuan kan in hmu ngai meuh lo, hetia min hruai bak hi chu inah kan in hmu leh a ni mai.
"Hey!! Sadie... " hmeichhe pakhat, sam buang thak hian min rawn kal pelh pah hian min rawn siai zeuh a, ka vawikhat hmuhna a nih avangin mak tih hmel taka ka hawi let chuan Braydon nen an infawp zeuh lai chu ka va hmu fuh a, ka ner suk ringawt.
Amira nen khan kum 1 chuang lai an in zui tawh sia engtik lai khan nge an lo in ṭhen hman pawh ka hrelo tunah lah bialnu thar...!! Braydon tak hi chu aw playboy tih hi a inhmeh ngawih ngawih.
Vawin chu first class ah Chemistry a ni bawk a ka lo inbuatsaih lawk tawh bawk a phur takin class lam pan chuan ka kal nghal hlawk hlawk a,a kar lakah ka hmelhriat te nen kan in 'Good morning' phei ang lawp lawp a. Ka ṭhian te pahnih an awm loh hi chuan chet sawk sawk hi ka tih ṭhin dan a ni reng bawk a ni.
Class room a ka lut tur chu Derek an min pawt let pawp a, bang ngeng in min nam bet tlat bawk.
Midang in min hmuh hlau in ka hawikual nghal vat vat a, min kalpel apiang chuan min rawn en ang haw haw a.
"Sadie... party na ah i kal amaw? "
"ka hmanlai nun bansan turin min duh a ni lawm ni... "
Min ngaihtuah hmel a pu in ka hria mahse engmah a tih danglam phah lo.
"eng... engvangin nge ka rualin i kal mai loh ,chuan... Shane nen in hangout tiraw? " heng thil zozai hi engtin nge alo hriat leh hman tawh pawh ka hrelo, nia party ah khan tu tu emaw kal an tam a ka hmelhriat ve loh a ṭhian ten an lo hrilh pawh a ni mahna. Mahse mak ka tih zawk chu Derek a hmela thikna rawn lang hi a ni zawk .
" kei nilo in i bialnu saw va ngaihsak zawk rawh... " Camelle chuan room chhung aṭangin min rawn melh rum ngang mai!! ka chungah thil atthlak tak a tih leh ka hlau takzet.
Kal ka tum pawhin ka ban ah min man bet tlat a, a awm dan hian ka thin a ti rim ṭun tawh mai.
"Derek... min thlah rawh " a kut chu ka paihthlak sak pawp a rum zetin ka melh kar bawk , rilru na hmel a put avang chuan ngaihdam dil ka duh ut ut hman tawh, mahse bialnu a nei a engvanga rilru na nge a nih ve ringawt ang, lemchanna mai a ni.
Room chhung ka luh chuan ṭhut tumin dawhkanah ka bag chu ka han dah thla te te a, thawk halh pah a ṭhut ka tum lai tak chuan white board a an thlalak tar chu ka hmu ta thut mai !!
Party a ka kalna thlalak leh 'Miss Tan-i party ah a kal ' tih hi an lo tar chu niin!! Camelle chu ka zuk en nghal vat a, ngeiawm zetin min rawn la nuih suk zui. Heng thil zawng zawng hi a ni lo chuan ti tu tur an awm lo hrim hrim.
"hey ...min Tan, in ram Asia ah haw leh rawh " min rawn ti leh kher takah chuan ka hnuk a ulh nghal!! ka han hawi vela midang lah chuan min lo nuih tut tut a, ka zak in ka thinrim hle a, ka awm zawn chu rilru natna avangin a rawn na leh zawk zawk tawh!!
Chutah ka rilru ti na turin Derek chu a han fawp leh kher bawk a, hei zet zawng ka tuar thei tawh lo, class pumpui leh Camelle hma a tlawm taka ka ṭah chhuah hma in room aṭang chuan ka tlan chhuak nghal dawr dawr ringawt.
Midang awm lai zawngin ka insum char char a, hmun reh midang vei vah tam lohna Block in ṭhenna corridor ah chuan ka ṭap chhuak nghal hawk hawk a, engvanga American ho hi racist em em nge maw an nih le?
First day aṭang tawh in Camelle hian min ṭawngkhum fek fek tawh a ,engah mah ka ngai duhlo zela tunah hi chuan a ti mah mah tawh.
Min tih dan vel ka ngaihtuah chian pauh leh ka ṭah a chhuak ting a, ka mittui lah chu dan a har em em lehnghal.
" i va bengchheng reuh e... "
Ka ṭah laklawh laia an rawn tih thut avang chuan ka phu chiang kher mai!! a aw ka hriat rual chuan ka múr chuaih ringawt.Ngatinge pawh ka hrelo he aw danglam leh pa tak hian zún a ngah em em mai le? kawchhung pawh a sa nghal hut hut thei alawm.
Chhak lam ka hawi chhoh nak chuan , ka awmna corridor chhak a tukverh ah chuan Rainer chu thatchhe zet a ṭhu chungin min lo en reng chu niin!!
(Sadie thian te pahnih kha aw )
CHAPTER-4
Motto- "Be the change you want to see in this world "
Min nin hmel zet hian Rainer chu a rawn zuang thla chhat a,a sam thur zet tuai chhoh phawk pah in a han zî mâr te te phawt a ,a hmui liah huh hlap pahin a cigratte peh lai chu leiah a paih thla tawp a, na zetin a rap hlum zui bawk.
Engmah sawi lova a in her tak daih avang chuan a kal dawn emaw tiin ka lo thaw deuh hluai a,ka thaw ri hak a hriat chuan a rawn hawi let leh kher a nih chu!!...ka lo thaw ri ve ringawt pawh chuan a ti thinrim emawni le, a mit buang paw thak sawn a men rum theih tawp in min melh in ka hria.
A kut pahnih a a kekawr ipte zen pah in zawi muang hian min rawn pan hnai chhat chhat a,a thla chuan min hliah khup bawk.
Hlauhthawn hmel tak hian ka lo melh chho ha a,rei ka en ngam lo ka kun lehnghal daih . A hmel,a awmdan vel leh a engkim hi a nelawm hlawl lo.
A hmel aṭang hi chuan min hria ang pawhin a awm lo... nilo min lo chhinchhiah kar maithei ni.
Ehee!! hepa hian min lo la hrereng anga a car ka tai ran sak avang khan a siam ṭhatna tur min chawi tir a tum a ni chiang mai!!
Hun reilo te chhung pawhin thil tamtak ka ngaihtuah leh hman tawh a van hahthlak thin tak em!
A khabe tuai nauh nauh pah hian a rawn kut hniam deuh a,ngun deuh a min en hnuah ka mit ah tak chiang taka a rawn en leh chiah phei chu ka ṭek nghal chuaih!! min rawn hnaih chu sawiloh min en ringawt pawh hian ka sa chhuak nghal vek a, ka kawchhung ah hian electric voltage sang tak a ṭek chuai chuai nimai hian ka hria. Tinge maw a huhang hi a nat em em mai le?
A awmdan chu mak tih hmel takin ka ang phuau in ka lo en kar a,ka thaw dep dep tawh a ni ber .
Chîk zet a min rawn en hnu chuan a hmel dûr khup karah chuan nuihza insum hmel hi a rawn lang deuh a ,ka mit rawn kawh pah hian...
"i mit hnawih a pherh " a rawn ti ta mai.
Ouch! a va han zahthlak tak em!! tukin zingah uluk zetin ka mit ka dum tak... chutah ka zahna ti belhchhah turin chumi te mai min hrilh hnu chuan a inher vut a, a kal daih lehnghal.
Rang lutuk in darthlalang ah ka in bih nghal vat a, ka mit hnawih pherh nuaih kan hmu chiah mai chu keimah leh keimah ka in hlau hman ṭep alawm.
"aghhh.... " Lalpa leh!! Rainer meuh in pehhel lova min hrilh tawh chuan a pherh nasa thawkhat viau tihna a ni mai.Ka mittui a tlak hma khan hre lawk sa tur ka ni asin.A van zahthlak tak!!
"Sadie....tinge class i kal loh ?" ka mit ka hruk fai mawlh mawlh lai chuan ka û ṭhianpa kan department a mi ni bawk John chu ka bulah a rawn ṭhu thak a, ka mit sen râm a hmuh chuan, "i ṭap elaw... " a rawn ti nghal vat a.
"aih... teuh lo, ka mit hnawih hruk reh ka lo tum mek a " ka ṭap tih a hriat vaih chuan Braydon a hrilh anga, chutah Braydon an a chhan a hriat chhuah chuan buaina a siam leh dawn chiang sa, khatiang ang drama kha a thlen ka duh lo.
"het a pawh hi a pherh a nih hi... " zawhna dang min zawt chhunzawm lovin tissue chu a pawt chhuak nghal a, ka la hrukfai loh lai chu min rawn hrukfai pui nghal sawk sawk a .
"Chuan.... hetah eng nge i rawn tih ? ka sawi awmzia chu class kal lovin "
"e... hehi rawn pek che tumin ka rawn zawng che lawm... " tih pahin lehkha hi min rawn pe a, ka chhiar hma chuan a heading a Project competition tih chu ka zuk hmu hmasa ber.
" Project Competition maw?!! "
"aw... i thiam zawng tak a ni in ka hria, i tel ve a nih chuan i grade pawh a san phah sawt bawk ang... " John tak hi chu aw... ka û zia hi ala zo vek tawh, ka grade tih san nan chuan ka hna kal ai pawh min kalsak duh khawpa min duhsak tu kha a ni tlat a.
"nia... topic tur ka lo ngaihtuah ve hrim hrim dawn nia... hun ala tam alawm "
"nichin khan Derek an i awmna min zawt a... nangni pahnih hi in in ṭhen tawh sia. .." enga!! Derek an John ka awmna alo zawt amaw!! hepa hian eng nge a hriat a, thil hi a ti harsa zo vek dawn.
" aw... in ṭhen tawh... haha, ṭhian kan ni tawh tho alawm " za lo zet hian ka lo nui lui ngial a. Mi rilru chhe tak chu ni ila kan in ṭhen chhan hi ka û ka hrilh daih tawh ang mahse ka duh em avang hian na a tawrh ka phal lo.
Class banah chuan Chelsea leh Kaitlyn te nghah pahin university parking lot piah a step ah ka lo ṭhu mai mai a,ning hmel zetin vei vak ho chu ka lo thlir dauh dauh bawk a.
"Hey...i harh maw ?" Nolan chuan nuih vur vur pah hian min rawn sawi nawk a, ka lo muhil hman deuh aniang ka harh nghal zawk ringawt . Nolan hi Chemistry laboratory a ka partner ka ti mai, ka ṭhiante pahnih an awm loh hi chuan a ni nen hian kan in kawp deuh chawt a,kan in kawmngaih em avangin engmah hre hlei lovin Derek an alo thik ve em em ringawt zel.
Ka hmuh dan chuan sawi chhuak lo mahse Kaitlyn hi a duh deuh in ka hria, in kawm rei deuh ila min la hrilh turah ka ngai.
"oh!! hi! "
"khawiah nge? " ka ṭhiante zawn pah chuan a han hawikual a.
" ka la nghak mek... " sawi chhan nei deuh hian ka lo nuih var var a.
"a nih chuan ka thlah dawn che mi? pawi i tih loh chuan... "
"umm... an lo thinrim lutuk palh ang... " nuih dun hak hak pahin a car lam pan chuan kan in zui phei a.
" kha car thar em ni...? "a car sen hlui tawh zet mai kha alo thlak ta nge nge a nih hi. A hun ve tawh reng a ni, a sawi dan kha chuan a pa ta hlui a rochun a ni lehnghal.
" aw... second hand ṭha deuh ka hmu fuh hlauh alawm...tlema tlemah ka châng lo hman ṭep lehnghal "
" road trip nei nan a ṭhat dawn kha... " ka fiam chuan a han nui hak hak a, a nuih hian a nelawm zual.
" a khawl hi ala thar teh mai ania haha... nakin ah hetiang ang hi ka la lei ve ang... " fiamthu titak deuh hian a car bul chiah a car dum chu a han thlek zeuh a, a handle leh a sideglass zut kual pah chuan awh hmel takin a thlek zui vawng vawng bawk.
"Classic Mercedes Benz ... Ka dream car a nih hi....Sadie ka dream car hi han hmelhriat ta che ..." a hmela awhna te chu ka hmu thiam nghal mai,mahse a fiamthu zui daih avang chuan ka lo khi suk a.
"i la nei vat mai ang... "ka ti tak tak, a ni chu lehkha a thiam a, hna sang tak a thawk anga a la nei vat ang.
" ni e... Millionaire ka nih hunah...chuan nangpawh ka leisak ve ang che ...haha "
"tehreng mai "
" oh!! tuition pek ka ngai...ka kalsan phawt mai ang che.... " sana melh zeuh pah chuan a han ti sup a.
" aw le... him takin khalh la... "
" yes Miss" a kut ṭang pahnih a salute rawn tih zeuh pah chuan car ah a lut nghal a,min rawn bye bye lauh lauh pahin a tlan chhuak nghal vang vang bawk.
Nolan a dream car chu ka han en vang vang a, car chungchang hi ka hriat loh vang nge pawh ka hrelo he car hi a ṭhat bikna ka hre reng reng lo.
"a rang a nih hi.... " tih pahin en chian tumin a kawngkhar hnuai lampanga langsar deuh taka lo rang niai chu ka zuk bih duk duk a a bal a nih ringin ka chil hnawm pahin ka han tuai nawk nawk bawk a , Rainer car ka tai sak kha ka hrechhuak zawk lehnghal .
"Engthil phiangsen nge maw i tih le? " ka phu lutuk chu ka thawh na lamah a side glass ah ka in tauh chawrh ringawt!! ka tauh na bawka ka lu a hai chhawlh mai.
Ka lu tuai nawk nawk pah chuan hnunglam chu ka hawi nghal vat a, Rainer hmel rum lutuk ka hmuh chuan ka ding ngil nghal zawt a,a car alo ni reng a ni tih ka hriat phei chuan a car nen ka en tawn zawk zawk ringawt.
"i car em ni? "
"kal sawn rawh... " a ṭawng bul hmuk hmuk zel, hetiang hi midang chhan dan tur pawh a ni lo.
"oh!! ka... ihh!! a rang hi... " a va mak tak, ka ṭawng dik theih reng reng loh chu le ? ka sawi thui pauh leh a buh tulh tulh lehnghal.
"umm....hman zan khan ka rui a chuan ka vawikhat in na alo ni bawk nen ka..... "in sawi fel tum chuan ka banphar tak ang tawk tawk a.
"kalsawn rawh... " ka sawi zawh hma hma chuan chiang fek fawk hian min rawn hrilh nawn leh ngat a nih chu!!
Tunṭum zet zawng a ṭawngkam hian mi khei zak mai !! ka in hum ruh a, ha seh chilh ran chungin a kalna tur chu ka kian nghal zal zal a. Ni e, ka ṭawngkhum ve ngam thlawt lo, a thinrim hmel ropui si... nilo thinrim hmel a pu reng zawk.
Ka sam phe hlawp hlawp a min tlan pelh rual chuan Chelsea leh Kaitlyn te chu hmanhnawh takin ka bulah chuan an rawn tlan phei ve bawka, engvanga hmanhmawh em em nge maw an nih le?
"Sadie.... kha.. khapa kha... " an hah lutuk chu ṭawng pawh an ṭawng ṭha thei lo.
"Rainer... Rainer Black tiraw? " Chelsea in min zawh chuan mak tih hmel takin ka lo bu nghat a,hah hmel hle e tilo chuan an han au dun leh rih a.
"in â ta em ni? "
"enge a sawi... mawh min hrilh vat rawh... "
" kalsawn turin min ti... "
" maw!! a bia che maw... " a in nuih a,an zuang bawk a, min biak avang khan hlimna chhan tur a awm âwm pawh ka hrelo hetiang anga awm nan leh ngat phei hi chuan ....
(Rainer Black a car Classic Mercedes Benz kha
Ps a nalh vawt vawt asin)
CHAPTER-5
Motto- "Be the change you want to see in this world "
Ka ṭhiante chu mall ah lengkual tum in an kal kawi a chutih lai chuan kei erawh Braydon a zilh hau na ka ngaithlak peih loh avangin ka haw tlang nal nal thung.
Ka haw tlai deuh hi chuan min rawn call sek zel, kum18 ka ni ve tawh a naupang anga min en hi a bansan dawn lo chu a nih hi!
Vawin chu nidang aia hma a ka haw avangin Braydon chuan mak alo ti ngawt ang chu. A mak ti hmel tur ka ngaihtuah zawng ringawt pawhin ka nuih a za lawk.
Inchhung ka luh rual rual chuan apple pie rim a lo nam huk a !! Braydon an engtik lai aṭang khan nge apple pie siam dan a lo thiam tak ?
Ka hnar len phei vut vut pahin ngawi rengin kitchen lam chu ka pan nghal chat a ka ngaih a ṭha lo lek lek.
"hey... sweety... " tukin zinga Braydon bialnu thar kha alo awm chu niin, a apple pie siam chu oven aṭangin alo la chhuak mek a,a buai hle e ti lo chuan min rawn la nui var var thei nia mawle.
A sam buang thang ngil zet te ,a kawrfual par sen khup khuh lo chiah chiah te leh a sneaker var bun te chu ngun takin ka lo en leh hman tawh.
Braydon chuan Amira te ang hmeichhe sexy, confi leh makeup ngaina tak kha a duh ṭhin sia,engtin nge maw henu hi a duh ve teh mial ni.
"H... Hi...!! " mak tih hmel takin ka mithmul chu ka han ti kang âk a, apple pie siam dan a thiam avang chuan ngaihsan hmel zetin buk nghat nghat pahin ka hmui ka lo ti sawi zeuh bawk.
"han dai deuh se a ei theih vat ang... kha i tem chhin duh em? "
"oh!! okhay... " ka rin aia a fel phian avang chuan awki sang lai rut hian ka lo chhang a, a fork min rawn pek hmang chuan tlemte ka han pir zeuh a,liah zeuh pahin hawi kual hrak hrak chungin ka tep zui chap chap bawk .
"eng nge a an? "
" a tui... ughh... a tui lutuk... " awkward zet hian ka lo bu nghat nghat a, ngun takin min lo en reng lehnghal.
"haha...tui i tih zawng a nih chuan kan dawrah rawn la ei la a ṭhat dawn chu... "
"pie in zuar amaw? "
"aw...engpawh chu nise Kendra ka nia.. chuan nangchu Sadie... " ka chhan hma chuan a lo ti nghal zung zung a, han en mai hi chuan ṭha vûr ni lo mahse a mizia ang hi chu Braydon tan hian a ṭha mah mah lo maw? ughh... ka û chu ni tho mahse Braydon hi chu a lerh ve em a...
"umm...ka han inthlak phawt ange? " inchung chu ka kawk zeuh a,hetiang anga hmelhriat thar ka neih hi chuan ka awmdan hi a lai zût zel, zahzum lutuk hi ka pianpui pawh a ni mahna.
"kan lo peih fel ange... " min rawn nuih leh ver ver a, a in nei tu zawk mah ni ila ka khawr deuh ṭut mai, chutah lai zet in inchung lamah ka tlan chho zui nghal nal nal bawk a,midang chuan min rawn hmu se ngaihna awmlo min ti leh ngawt ang.
Ka room a ka luh rual rual chuan ka bag chu fel takin chair ah ka dah nghal thlap a, thawk halh pahin ka pheikhawk nen khumah ka let thla nghal tawp bawk .
Rei pawh ka mut hma chuan kawngkhar rawn kik ri karh karh ka hriat avangin ka thu chhuak nghal vat a.
" rawn lut rawh..." ka lo rin lawk ang ngeiin Braydon chuan ka awm nge awm lo tih a rawn enfiah leh dak dak tawh,a tih ṭhin dan pangngai a nih avangin ngaiah ka nei tawh .
Kawngka a din khur pah chuan ,"Bawihte...i va rawn haw hma ve "a ti a, ka mit chu ka lo chet kual ralh a, hmm... amah vanga haw hma ka ni reng sia, hetiang zawhna min zawt leh dawn tih hre lawk ila chu ka ṭhiante rual khan ka leng daih ang mawle.
"nia ,chuan...Kendra nen chuan thla engzat nge? "A bialnu thar chungchang chu ka zawt ta daih a,laih hmel zetin a tukhum chu a hiat nauh nauh a, min chhan hun ka lo nghak reng thung.Eng nge a hriat pawh ka hrelo Amira nen an in ṭhen chungchang takngial pawh min hrilh ve lo ania, ka lungawi lo takzet.
"umm... kar hnih vel... " enga!! ka kâ ka ang phuau ringawt. Kar hnih chiah maw!! chuan kan in ah ka nu ang maiin a rawn khawsa bawk a.
" a la rei lo mah mah lo maw? " ka tih chuan min hrilh fiah tumin khum tlangah chuan a rawn ṭhu khur a, engmah min hrilh ve loh avanga in thiam lo hmel te pawh a pu.
"an dawrah ka thawk a... chuan i hriat ang hi a ni mai...enteh, Amira chungchang kha chu ka sawipeih lo ania " ka rilru hria niawm fahran hian a rawn ti zui zat a, zawh ka lo tum ruk tehreng nen.
"chuan..." ka han thluk vang vang a,"ughh... apple pie pawh a siam thiam khawp mai" nuih vur vur pahin ka ti ta zawk a, a ni pawh lai zetin a nui chhuak zui hak hak a.
Tun ṭum zet zawng Braydon pawh Amira nen a an inkawp lai nen a tehkhin kha chuan a mizia pawh a danglam ta khawp mai. Kei takngial pawhin pa rorum, chak leh rilru na thei lo anga ka lo ngaih ṭhin hial kha a ni ṭhin a, tunah chuan Kendra vangin a lai ve put put ta lawm.
____________________________________________
Kan ṭhian ho a college bus a kal ho kan tum avangin Chelsea leh Kaitlyn te chu nidang zawng aia hma ah kan in an rawn thleng tawh a,ka hmai ka chei lai chuan ka hak tur hai in ka closet chu an lo lipse nasa mai.
"thawmhnaw nalh i nei ve thlawt lo, kekawr bul,kekawr tluan, tshirt leh sneaker chauh hi fashion pawh a ni tawh lo " Chelsea chuan ka thawmhnaw en pahin hnehsawh zet hian min rawn kap zui a, a sawi dik reng bawk.
"hmanhnawh rawh... kan tlai dawn nia... " Kaitlyn meuh pawhin min tûr tawh. Inchei vak mi ka nih loh avangin sunscreen ka inhnawih thuak thuak a, nidangah chuan ka mit hmul er zet ti lang chiang turin ka mit ka dum ve ṭhin na in hun a awm lo bawk nen lipgloss ka inhnawih mawl leh tawp a,ka lan felfai zawk nan sang takah ka sam ka ṭawn vah bawk.
Kan hmanhnawh em avangin inhnuai lamah kan in um thla ti tih tawh a, chuti chung pawh chuan ka ṭhiante pahnih chuan hmanhnawh turin min la tûr zui mawlh mawlh a.
"hey... Sadie morning... " Putea bawlhlawh paih tur pawh chhang lovin kut vai let pahin ka nuih hman ṭawk.
"i putea vang hian in in a rawn kal pawh hi a phurawm loh zo vek zel... " bus a kan chhuan hnu ah pawh Chelsea chu ala phun phei mawlh mawlh a, Kaitlyn pawhin a pawmpui tih hriat takin alo bu nghauh nghauh bawk.
"a duat em cheu kha... " ṭan ve ngang ngang tak ka ni,thisen ah inzawmna nei lo mah ila ka chhungte hi ka ṭhiante takngial pawhin an sawi chhe thei lo.
" nahh...a hmel en reng reng hian mafia te pawh a ang alawm, chutah a ulhbun kah nat hmel zet kha alo hru fai ziah lehnghal.... " Chelsea hi chuan engkim hi a sawi hnehsawh thei ve hrim hrim.
Ka putea chungchang sawi tawh hi chuan a nelawm loh ve bawk em a tin ni. A khabe hmul ṭuak var vo duhdah zeta ṭo kikawi chhup te leh a mitmeng thim khui te hi a hlauhawm hranpa ve hrim hrim. Cowboy lukhum parh Mexico aṭanga a chah ngei mai kha a taksa peng ang maiin a khum kher thin bawk a, a ulhbun ngainat em em lah hi nitin in zu han hru fai ziah ṭhin a mawle.
Miten hlau ṭhin hle mahse a lan ang ngawt hi a ni bik lo, a fel in min duat ve thei teh mai ania.
★ Vanderbilt University ★
"first period kan nang hman lo ṭep alawm... " inchung lamah ka inzui chho hlawk hlawk hlawm a.
"Sadie a tlai em alawm... "
" Hey... guys Zankhua in group ah khan pawt lo ula chuan thlamuang takin ka mu anga zingah hma takin ka tho ang chu " ka lo ti ve tân a, ka ti tak tak bawk.
"thu pawimawh chiah alawm kan sawi ... " nuih luih hak pahin ka mit ka lo chet kual ralh a, ka thiante kalna tur block chung chuan ka ding nghal tau a ,"i fiamthu em ni? Rainer kha a chhelo, Rainer kha in hmu ve em? eng nge a sawi ...tih vel mai mai kha thu pawimawh chu maw ni a "
"C'mon Sadie...a ni hi chu topic pakhat a ni ve hrim hrim.... "
"hahh....ka awih thei lo, ka kal dawn... " an pahnih chuan ka kuah a, kan class tur ṭheuh ah kan in ṭhen darh thei ta hram a.
An pahnih hi chuan a ngaihna hi an awm thlawt lo, nizanah lah zankua deuh thaw in group ah Rainer leh mipa chhelo chungchang hlir zu han pawt char char peih a mawle.
Vawin chu first class ah Chemistry practical ka neih avangin lab coat hak mawlh mawlh pahin laboratory ah ka tlan lut dawr dawr a, class an lo ṭan daih tawh avangin ṭhutna awl lam tlar hnung lam chu kun kut kut pahin ka pan phei nghal chat a.Explanation tih buai ka duh loh avangin thawm lah chu kan dim em em khawp lehnghal.
Rin loh lutuk maiin tlar hnung berah chuan Rainer chu amah chauh a thatchhe zeta lo ṭhu khur lai chu ka hmu ta thut mai!! ka ding ngil nghal zawt a!! chutah a ngai te bawkin min ngei hmel zet hian min rawn la melh kur zui.
Ni e, min ngei kher lo mahse midang a melh dan hi a ngei hmel in a ngeiawm hranpa ve hrim hrim.Ka thawmhnaw ah emaw ka hmelah diklohna a awm emaw ka tih phah ziah lehnghal.
Rang takin hma lamah ṭhutna awl ala awm leh awm loh chu ka thlek kual nghal vat a ,ka hmu mai lo lehnghal.
"Buaina a awm em ni?" ka hawi kual nasa ngang aniang Lab assistant chuan a rawn ti nghal vat a,midang ho lah chuan min rawn en ṭhap lehnghal.
" aih... a... aih... " Rainer melh zawk zawk pah chuan ka ti bah nuai a, ka thluak hi a chawmawlh zo vek tawh a nih dawn hi pangngai tak pawhin ka ṭawng chhuak hleithei ṭhin lo.
" a ṭhat chu... SOP kha chhiar la, i chhunzawm ve nghal dawn nia... "
" aw le... " phur lo zetin Rainer bulah chuan rem leh rem lo hian ka va ṭhu ta nge nge a, ka awm dan dek duk hi tinge pawh ka hre lo, hepa bulah hi chuan ka ṭi duk zel ,a ni lah chuan hetiang a awm lo thei lo hian min siam a tum rân emaw tih mai turin a ṭhu khur lehnghal a.
Chil lem dak pahin ka sam ka han hui phawk a,in la confi zetin SOP chhiar pah chuan pawhdawh a gloves leh transparent glass chu ka la chhuak a ka vuah nghal mawlh mawlh bawk.
" haha....vawin chu Benzoic acid Benzanilide hmanga siam tur a nih hi... " zahzel ah mahni leh mahni chu ka inbia a,a hriat theih turin ka va ti kher lehnghal ,min lo chhan ve ringin za lo zeta nuih pah chuan ka va thlek leh zeuh a,a bawp sei zet khawkherh chung hian a hma a SOP chu alo bih ngur ngur a, ka tawng hria ang pawhin a awm lo.
"oh!!...a ni leh lo " a dik lo zawk ka lo chhiar chu niin,page dang chu ka keuh lehnghal thawk a ka zak lutuk chu lehlam hawi chungin ka in siam chhe zui nghal mawlh mawlh a, ka sa nghal hut hut mai,ka thlan a tla lo chauh tawh .
"umm....concentrated sulphuric hi test tube ah dah angai a" ka zahzel ah naupang ang maiin ka phun bul bul a,a ni lah chu a ṭhut ngaiin ala ṭhu ngul reng a, chutichung chuan ka lo zam ve em em ringawt, ka chet buai phah hrep lehnghal.
" umm... conc. H₂SO₄" ka phun neuh neuh a, chumi ringawt pawh chu a bur kan zawn chiam chu le ka hma lawkah a awm reng sia, a van hahthlak ṭhin tak em.
Pangngai taka awm hram hram tumin ka han thaw chhuak leh hak a, heti ringawt hi chuan ka che pelh phung dawn tlat.
Ka thil tih lai chiah ngaihtuah tum in dropper chu ka la lawk a, sulphuric acid chu hip chhuak in test tube ah thun mai ka han tum a mahse Rainer an a ṭhut dan sawn tuma a chet ṭual ṭual takah chuan ka kut a khur ta mai !!
Nilo... Sadie Focus, Focus....
Ka drop lawk theih loh avang chuan min rawn puih tumin a kut phah hlai zet chuan ka kut chu hum hnan in test tur chu a rawn dawm ta mai!! ka zawi nghal vek a, ka thinphu pawh rawn pawk chhuak tur ang mai hian a ri nghal zawih zawih a,ka ṭhu khawng reng ringawt.
" fimkhur rawh..."thum zet hian a rawn ti sup a, a zawih em avangin ka hre thei lo lek lek.
" ugh... ka ka lawm e... " ka rin aiin ka chhang pangngai phian.
A puihna chuan... ni e, a puih na in Sulphuric acid chu test tube ah chuan ka thlawr lut thei ta hram a... huizz... ka ropui lo khawp mai, khatiang pawh tih hleih theih loh chu.Tinge maw ka chet khir theih em em le?
Rainer chu a awmdan ngai ang bawk chuan a awm leh a, a awm dan hi a boring thlawt midang biak nachang pawh hrelo. Hei tunah pawh tlar hnung berah kan pahnih chiah in kan ṭhu a, inhre lo ang maiin kan la awm chu a nih hi.
"Nitric acid kha min lo pe thei angem? " a aia ring chuan ka han ti leh a, min nin hmel zet hian a thaw chhuak nghal hak a, tunah chuan ka tawng a hre tawh tal alawm.
"la ve mai rawh... " Enga!! hahh, a fiamthu em ni? a hma chiah ah a awm a, chupawh chu min pe thei lo amaw!! keima tan lo va ban ṭung ṭung kha a mawi chiah loh avangin mawihnai takin ka dil a ni ve mai a,ṭha deuh in min chang tal tur a ni asin .
"hmela a biak che kha... " Derek a aw ka hriat rual rual chuan ka hawilet nghal vut a,thlarau hmu ang maiin ka meng phawk nghal kawk bawk.
"Derek... eng nge hetah i rawn tih? " an ni chu group B an ni sia, heta awm tur hi a ni lo asin.
" hmela ka ṭawng chu i hrelo em ni? " ka zawhna pawh chhang lovin Rainer hma ah chuan a inhum ruh ṭun a,a ngaihna hrelo zetin ka en tawn chhen ringawt.
Chutia Derek an a inhum ruh khum pawh chuan Rainer chuan a ṭhut dan tlem pawhin zu han ti danglam duh eih lo a mawle!! ngeng ve ngat ngat tak a ni.
" ka bialnu hi lo tibuai tawh suh... " Enga!! ve ringawt a.
" bialnu hlui zawk " ka lo ti hnanhnawh,nia a pawimawh em alawm .
"hmela... ka ṭawng chu i hre thei lo em ni? "
Derek a chu a au titih ta mai,thawm a ring tak em avang chuan midang ho pawh chuan min rawn en nghal ṭhap hlawm a,an in hrilh ru nghal sep sep lehnghal, ka zak bawk nen khuk ral chem chem ka chak takzet.
Chutah zet zawng a ning ta ngang a niang, ning hmel zetin a han thaw chhuak hak a, SOP khup thuk pah chuan Derek a hma ah tak chuan a rawn ding run a,engah mah ngaih loh hmel zet hian ," in bengchheng dun hle mai " tih chiah a sawi , a lab coat dawhkan a dah tawp pah in class laklawh lai chuan a chhuak nghal daih bawk.
Derek a ka huat rual rual in Rainer pawh hian ka thin a ti rim takzet. Engvanga midang hi ning em em nge maw a nih le? mi ṭha ber ang ziazang a. Han bia ila ṭawng peih loh hmel zet hian thu tawi te te awmze nei deuh ngeiawm si hian min chhang ang hmuk hmuk a.
"Sadie... inbia ang... " Derek chuan a rawn ti dek dek a, "min khawih suh... " ka lo ti vin hlar a.
"Ka be duh tawh lo che... hmu che pawh ka duh tawh lo" tih let hrep pahin laboratory aṭang chuan ka kal chhuak ve nghal hlawk hlawk a.
CHAPTER-6
Motto- "Be the change you want to see in this world"
Chu aia mak ka tih zawk chu Derek a awm dan kha!! ngeiawm leh rawng takin min kawp a min ṭhen zui bawk chutichung chuan a bialnu ang maiin min rawn en ringawt thei kha a zak lo takzet chutah midang a la rawn thik khanglang lehnghal.
Vawin hi ngatinge mawni thil mak tak tak hian min ṭhawng mawlh mawlh chu a nih hi,first class aṭang tawh in thil thleng hi a dik lo nghal vel vek.
"hey... Michael... " ka û te ṭhian zinga mi Michael ka tawh thut avang chuan ka lo ti nghal vâr a, a ni pawhin min lo nuih nghal sang bawk.
" class i nei tawh lo em ni? "
"aw... hetah eng nge i rawn tih?" a ni chu Arts a nih avangin kan block a a rawn kal daih hi mak tih awm reng pawh a ni.
" umm....hmeichhe hmelṭha ka rawn zawng mawle... " a fiamthu zui daih avang chuan ka lo nui ringawt a, chhan ṭha tak nei a rawn kal a ni tih hre tho mah ila ka tan a pawimawh lem loh avangin ka zawh chhunzawm tawh lo.
"ughh... Rainer kha laboratory aṭanga a rawn chhuak lai kha ka lo hmu a,class khatah i awm tih na mi? " Maw!! Michael an Rainer hi a hria amaw!! haha... ka awih chiah lo, midang chungchang aniang a sawi.
"Rainer Black maw? " awih loh hmel zetin ka zawt nawn leh ngat a,ei lo tih hriat takin ka nuih zui kher bawk.
"umm... i hria em ni? " a la ti zawk zamah!! chu zawhna chu kei hian zawt tur zawk ka ni asin...
" aih... hre chiah lo mahse a lan dan aṭang hian a ngeng ka ti "
"a rorum bawk..." ka nui chhuak hak ringawt... Michael ang mipa sek leh lian ṭha meuh in a rorum leh ngeng a tih tawh chuan a rorum in a ngeng ve hle aniang.
"i hria em ni? " ka tih takah chuan a han in la thutak nghal vat a,ka ṭawng sual a nih ka ring hman hial ,a hrawk then kharh kharh pah hian,"tupawn an hria ang chu...class in neih loh chuan in block ah hian ka bo nasa khawp mai " a ti ta daih a, hruai kual turin ka peih nghal a ni tih hriattir nan ka sam chu ka tuai phawk a," khawiah nge kal i duh? " tiin ka lo fiam zui nghal a.
Michael chuan a ṭhianpa hmuh a duh avangin physics class room lam pan in inbiak pahin muang changin ka kal dun chhat chhat a, a ni hi chu ka û te ṭhian ho zingah pawh ka nel pawl tak a ni bawk a thil hi ka lo sawipui leh luam zel.
Chutia kan lo in biak mawlh mawlh lai chuan hnung lam aṭangin tuemaw hian ka mawng a rawn ben thut avang chuan ka mawng dawm vat pahin rang takin ka hawi let nghal zawk a, kan class ami playboy an tih mai, min ît hmel zet a min melh ziah thin tu Carter lo ni rengin, ngeiawm zeta min rawn siai zui suk pahin room pakhat ah hian a lut nghal daih a.
"tunge? " Michael chuan lungawi loh hmel zetin min zawt nghal vat a,mahse ka la serious lo lui. Ka û te ṭhian ho hi chuan engtik lai pawha buaina siam leh insual hi an in peih at ṭhin avang hian thil ni lo lo a thleng leh ang tih ka hlauh avangin ka lo nui der ta vel mai mai .
"engmah a nih loh kha.. a vawikhat tih na pawh a ni lo "
" Enga!! " Lalpa leh!! engthil nge ka sawi zawh chiah kha? la lap ang taka awm ka tum lutuk na lamah kan ṭawng sual palh chuh!! naa... avan pawi tak.
"ughh...engmah a nih loh kha, e saw i ṭhianpa te class room chu kan thleng tawh dawn... "zahzel ah ka kal tak daih avang chuan engmah sawi lovin min rawn zui ve mai bawk a, mahse lungawi lo hmel erawh ala pu reng tho.
Library ah project topic vel en pahin chhuat a ṭhu meuh in lehkhabu ka chhiar mai mai a,ka rilru ka pe bawk aniang veivak an awm leh awm lo pawh ka bengkhawn hman lo .
Library hi chu a reh in a thawveng ka ti a,university ah hian chuan ka hmun ngainat ber a ni nghe nghe a chhanchu a reh mai piah lamah hetah hi chuan in chhaihnawmnah na tih vel hi ka tawng ve ngai lo.Hun awl ka neih chuan intih thawven nan tal ka kal ngei ngei ṭhin.Ka ṭhiante pawhin min hmuh loh chuan hetah hian min rawn zawng chat a ,min hmu ngei ngei ṭhin bawk.
Class pakhat ka la neih avangin ka lehkhabu chhiar lai chu laklawh viau mahse ka khup thawk a, chhiar chhunzawm leh ka duh avangin bookmark chuan ka chhiar chin ka chhinchhiah tel bawk a, shelf a dah let nawk nawk pahin hmanhmawh takin class lam pan in ka kal leh nghal dawr dawr a.
Hetiang anga chet buai leh hmanhmawh a thil tih chuk hi ka tih ṭhin dan ve reng a nih avangin class te hi ka tlai ṭep ṭep ziah, engang pawhin han in peih hma ve ṭhin mah ila a tawpah chuan hetiang hian ka awm leh nge nge zel,ka sim thei lo chu a nih hi maw!
Chutia hmanhnawh bak lenga ka tlan ti tih lai chuan ka kal pheina tur corridor reh ruih lai ah tak chuan Ranier leh Chancellor in hmachhawn rân lai ka hmuh thut a!! ka ding nghal chut ringawt.
"Min ngaithla teh luhlul viau teh suh"kal tlang mai ka han tum a mahse vin zeta chancellor in a tih lai ka hriat takah chuan kal tlang na chi ah ka ngai tawh lo.
Min rawn hmuh hma in ka leh hawi vut a, phawk fe a men kawk pahin bang phenah ka biru nghal vat bawk.
" a va hun lo tak " phun sap pahin ka va bih leh dek dek a, an boruak ala ṭang ṭha khawp lehnghal.
Tumah veivak an awm lo bawk a, an ṭawng a ring ṭha in ka awmna aṭang pawhin Chancellor in, "police station a i awm loh leh damdawiin ah i awm a... weekend mai pawh nilo weekdays ah lehzel hi chuan party hi duh tawk tawh rawh " chiang taka a tih tawn tawn ri te chu ka hre thei vek.
Rainer ṭawng ri erawh ka hrelo nangin an in hnial buai a nih ka ring ve ringawt !! a nih loh vek pawhin a nu in thu ṭha a hrilh pawh a ni mahna mahse hetianga ka lo ngaihthlak ruk kûr hian keimah leh keimah ka lo inthiamlo ve ringawt.
An reh tak vung vung avang chuan an kalsawn tawh ringin va bih thlak leh ka tum rilruk lai takin Rainer chuan, "rawn chhuak rawh... " a rawn ti ram ta hmaih mai!! ka phu nghal zawk ringawt.
Bang ngheng chung chuan ka la ding khawng reng a,ka bag chu nghet takin ka ṭham tlat a ,keimah ka ni lo tiin han in hrilh teh mah ila ka thinphu erawh a pangngai thei tawh lo.
"rawn chhuak rawh ka tih chu... " vin zeta a rawn ti tuarh ri chu ka hre leh a,tunṭum zet zawng thinrim lutuk aw a ni tih hai rual a ni ta lo.
Hahh...min hmu lova keimah ka ni theilo hrim hrim, keite chu bang phenah hian ka biru char char alawm tiin ka la in hrilh fan tho.
"rawn chhuak rawh ka ti a ni lawm ni... " hnung lam aṭang chuan tha chak zet hian ka ban puam ah tak rawn ṭham in min pawt her nghal sawk a, Rainer hmel ka hmuh takah chuan phat theih a ni tawh lo.
Min pawt nat em avangin a awm ka sut chawrh loh nan ka kut lehlam chuan ka lo in veng nghal vat a,ka bag pawh chhuatah ka thlauh nghal tawp bawk.
" ka.. ka... " ka han hawi chhoh nak chuan khawvel a ka mitmeng hmuh tawh a zawnga rum ber mai chuan ka mit ah tak min lo melh kur a nih chu!! unconscious in ka awm mai dawn in ka hria.
Mipa ka ni in ti chin ngat pawhin a rorum leh ngeng tia an sawi , ft 6"2' vel a sang,dar hlai zet leh chhelo em em in a ka hma ah tak rum zet a min en tak kûr si ah chuan ka ṭawng chhunzawm ngam tawh lo hrim hrim,zam awm vet vet tak a ni.
"i hnawk reuh hle mai " ouchh!! chu ṭawngkam kher kher chu...ngeiawm tak tak a ṭawng chauh hi a thiam emawni le? vawithum vel chauh kan la in hmu a hetianga min sawi theihna dah hi a nei lo hrim hrim.
Min man beh tlat avang chuan kan in si lo chauh tawh !! kan inkar hi hriau hmawr tiat lek a ni tawh ti ila ka sawi uar deuh mah mah maithei mahse in din hnaih tawh tak kan ni ,ka beng leh a awm a in zawn reng avangin a thinphu ri dat dat pawh ka hre thei.
Rainer bul hnaih a ka awm apiang a ka taksa in a hre em em mai hi a mak zawk,a hmel ka hmuh ringawt pawh a rapthlak khawpa ka thin phu nghal dawt dawt mai ṭhin te, ka chet buai vek ṭhin dan te leh khawvel hi a reh duk ni a ka hriat ṭhin dan te ngaihtuah chuan vawithum vel chiah kan la inhmu hi a awihawm loh zawk!! kei chauh nilo hmeichhe dang pawh hetiang hian a bul hnaiah hi chuan an awm ve tho ka ring .
" a na a nia... " ka rin aiin ka vin! Ka ban a hmer na chu a na ngut ngut tawh a, thisen kal hle hle lai pawh a hmet tawp vek maiin ka hria.
"midang hnenah sawi miah suh ang che... " min thlah nghal vat a, ka ban dawm pahin amah hlat thei ang berin ka tawlh hnung nghal hruk a.
" engchu maw!! i nu in thu ṭha a hrilh che kha maw? "
"ngawi hmak rawh... " hmm... engvanga thinrim vâk nge maw a nih le? engtik lai pawhin a thinrim a nih dawn hi.
" ka nu a ni lo... " ka hriat theih chang chang turin a ti zui sup a,zawm loh hmel zetin min en kâr mahse thinrimna ai mah chuan lungngaihna a hmelah a lang tawh zawk.
"i nu hi Samantha Walker Black a ni tih chu tupawh in an hre vek ang chu... thup nachhan tur a awm lo "
"Engmah i hrelo... henu hi ka nu a ni lo.. " a chiang fak fak khawp mai,mahse a hmel ka hmuh hian ka hriat fiah theih si loh rilru natna thuk tak a nei ang hian ka hre tlat pek a, ka rilru alo na ve ringawt lehnghal.
Rainer nen awmze nei deuh a kan in biak na hmasa ber a nia chutah hetiang thil kan sawi dun hi ka awih thei lo. Ka sawi awmzia chu sawidun tak tak lo mah ila 'thlawk bo rawh ' tih nilo a a chhungkaw chungchang kan sawi hi ka la awih thei lo.
"thlawk bo rawh... " ughh... tun lawka ka thu sawi kha ka sut lehnghal !! minute khat em pawh a ral hma in thlawk bo turin min hrilh leh tawh!!
"hahh... tehreng mai " ka ti ve ngat , ka bag chu char in ka han beng fai nghal thak thak a, ngawi rengin bang ngheng chungin ka che vel chu min en reng tih ka hre thei,min chhar sak pawh tum lovin ngeiawm zetin alo inkuangkuah than lenghal .oh!! engvangin nge min chhar sah tehreng ang? hepa tehhrep hian.
Thawk halh pahin ka han insiam ṭha nghal vat a, a ruk tak chuan ka ngei in chhut chawrh ka chak takzet.
Rainer ka kalpel deuh chiah tih in Kaitlyn chu hmanhmawh deuh hian ka lam panin a rawn tlan phei nghal hlawk hlawk a, a hlauhthawn hmel em em lehnghal. Mahse keimah ang tho a hmanhmawh chuk chuk ṭhin a nih ve tho avangin a thil ti tur a tlai leh tawh ah ka ngai hmiah.
" Sadie.... Sadie... Braydon " ka bul a rawn thlen hma hma chuan a rawn ti phei lang lang a, Braydon hming ka hriat rual rual chuan hmanhmawh takin ka tlan phei ve nghal.
" tinge Braydon chu...? "
"Carter a nen an in tibuai "
" enga? !!"
" rawn kal vat vat rawh... " ehe!! Michael an ka û hnenah Carter an ka mawng a ben changchang kha a hrilh a nimaw!! chumi bak in tih thiam loh na chhan tur an nei lo.
"oh!! sh*t... " keima avanga buaina chhuak a ni tih ka hriat chuan Kaitlyn pawh hre chang lek lovin ka tlan nghal dawr dawr a. Ka rilru a awm zawng chu Braydon hi an hnawt chhuak angem? tih bak a awm tawh lo, a hma in an lo warn tawh a, buaina a in hnam hnawih thei a ni tawh lo asin.
Corridor ah chuan an lo bial laih laih a,thawm lah chu a ring em em lehnghal "excuse me ..." mipui karah chuan ka in hnawh phei ve nghal tawt tawt a, ka ṭhelh thei ang hrim in ka kal ve chu a ni sia mahse Braydon an Carter a lo hnek thi hnuang lai ka zuk hmu chiah chu ka rap em avangin ka kâ ka hup nghal vat a, an insual ṭhelh chu sawi loh phawk fe hian ka en reng ringawt.
"Sadie... i û khu ṭhelh ta che... " hmeichhe ṭhenkhat chuan min lo an khum ve bawk a. Thelh chu ka duh lutuk mahse engtin? engtin nge hetiang insual te kei tehlul hian ka ṭhelh ang ni.
" Braydon... duhtawk rawh " mipui au hut hut karah chuan ka han ti ve tak na in awmzia a awmlo kher mai.
" Braydon.... duh... " ka ti dek dek a, ka hnung lam aṭang hian mipa pakhat hi a rawn tlan lut fua a, Braydon chu a rawn hnek ta pawp pawp mai!! chupa chu tudang nilo in Rainer ngei a ni. Lalpa leh!! engthil nge thleng ta hi.
An insual lai chu pui tak hi a ni ringawt, an thinrim tawh em avangin thisen chhuah lah an hreh tawh der mai si lo,an in hnek a an in pet pawp pawp tawh mai bawk si.
"duhtawk rawh u... ṭhelh hram teh u " a sir aṭanga mittui tling pam chunga lo tih mai loh chu engmah ka ti ve ngam lo.
Security chu an insual hrep tawh hnu ah an rawn tlan lut ta nge nge a,engang security nge maw an nih ni? che muang hlawm lutuk.
Hrasa tak chungin Rainer leh Braydon chu an rawn ṭhelh a,an pawt hrang nghal vat a, Carter erawh chhuatah thi hnuang chungin a let bal thung.
"Min thlah rawh u... " Security ho chuan Rainer chu an thlah mai a, mahse ka û erawh misual tak ang maiin an la man bet tlat thung.
"min thlah rawh u... hmela ka unau nu hi ti buai tawh hlek suh ang che u " "
Tun mai a hil thleng zozai kha ka awih thei lo, Rainer leh Chemistry maw!!! hahh a in awm lo mah mah lo maw? mahse class ah khan a awm ve miau bawk sia.
Chu aia mak ka tih zawk chu Derek a awm dan kha!! ngeiawm leh rawng takin min kawp a min ṭhen zui bawk chutichung chuan a bialnu ang maiin min rawn en ringawt thei kha a zak lo takzet chutah midang a la rawn thik khanglang lehnghal.
Vawin hi ngatinge mawni thil mak tak tak hian min ṭhawng mawlh mawlh chu a nih hi,first class aṭang tawh in thil thleng hi a dik lo nghal vel vek.
"hey... Michael... " ka û te ṭhian zinga mi Michael ka tawh thut avang chuan ka lo ti nghal vâr a, a ni pawhin min lo nuih nghal sang bawk.
" class i nei tawh lo em ni? "
"aw... hetah eng nge i rawn tih?" a ni chu Arts a nih avangin kan block a a rawn kal daih hi mak tih awm reng pawh a ni.
" umm....hmeichhe hmelṭha ka rawn zawng mawle... " a fiamthu zui daih avang chuan ka lo nui ringawt a, chhan ṭha tak nei a rawn kal a ni tih hre tho mah ila ka tan a pawimawh lem loh avangin ka zawh chhunzawm tawh lo.
"ughh... Rainer kha laboratory aṭanga a rawn chhuak lai kha ka lo hmu a,class khatah i awm tih na mi? " Maw!! Michael an Rainer hi a hria amaw!! haha... ka awih chiah lo, midang chungchang aniang a sawi.
"Rainer Black maw? " awih loh hmel zetin ka zawt nawn leh ngat a,ei lo tih hriat takin ka nuih zui kher bawk.
"umm... i hria em ni? " a la ti zawk zamah!! chu zawhna chu kei hian zawt tur zawk ka ni asin...
" aih... hre chiah lo mahse a lan dan aṭang hian a ngeng ka ti "
"a rorum bawk..." ka nui chhuak hak ringawt... Michael ang mipa sek leh lian ṭha meuh in a rorum leh ngeng a tih tawh chuan a rorum in a ngeng ve hle aniang.
"i hria em ni? " ka tih takah chuan a han in la thutak nghal vat a,ka ṭawng sual a nih ka ring hman hial ,a hrawk then kharh kharh pah hian,"tupawn an hria ang chu...class in neih loh chuan in block ah hian ka bo nasa khawp mai " a ti ta daih a, hruai kual turin ka peih nghal a ni tih hriattir nan ka sam chu ka tuai phawk a," khawiah nge kal i duh? " tiin ka lo fiam zui nghal a.
Michael chuan a ṭhianpa hmuh a duh avangin physics class room lam pan in inbiak pahin muang changin ka kal dun chhat chhat a, a ni hi chu ka û te ṭhian ho zingah pawh ka nel pawl tak a ni bawk a thil hi ka lo sawipui leh luam zel.
Chutia kan lo in biak mawlh mawlh lai chuan hnung lam aṭangin tuemaw hian ka mawng a rawn ben thut avang chuan ka mawng dawm vat pahin rang takin ka hawi let nghal zawk a, kan class ami playboy an tih mai, min ît hmel zet a min melh ziah thin tu Carter lo ni rengin, ngeiawm zeta min rawn siai zui suk pahin room pakhat ah hian a lut nghal daih a.
"tunge? " Michael chuan lungawi loh hmel zetin min zawt nghal vat a,mahse ka la serious lo lui. Ka û te ṭhian ho hi chuan engtik lai pawha buaina siam leh insual hi an in peih at ṭhin avang hian thil ni lo lo a thleng leh ang tih ka hlauh avangin ka lo nui der ta vel mai mai .
"engmah a nih loh kha.. a vawikhat tih na pawh a ni lo "
" Enga!! " Lalpa leh!! engthil nge ka sawi zawh chiah kha? la lap ang taka awm ka tum lutuk na lamah kan ṭawng sual palh chuh!! naa... avan pawi tak.
"ughh...engmah a nih loh kha, e saw i ṭhianpa te class room chu kan thleng tawh dawn... "zahzel ah ka kal tak daih avang chuan engmah sawi lovin min rawn zui ve mai bawk a, mahse lungawi lo hmel erawh ala pu reng tho.
Library ah project topic vel en pahin chhuat a ṭhu meuh in lehkhabu ka chhiar mai mai a,ka rilru ka pe bawk aniang veivak an awm leh awm lo pawh ka bengkhawn hman lo .
Library hi chu a reh in a thawveng ka ti a,university ah hian chuan ka hmun ngainat ber a ni nghe nghe a chhanchu a reh mai piah lamah hetah hi chuan in chhaihnawmnah na tih vel hi ka tawng ve ngai lo.Hun awl ka neih chuan intih thawven nan tal ka kal ngei ngei ṭhin.Ka ṭhiante pawhin min hmuh loh chuan hetah hian min rawn zawng chat a ,min hmu ngei ngei ṭhin bawk.
Class pakhat ka la neih avangin ka lehkhabu chhiar lai chu laklawh viau mahse ka khup thawk a, chhiar chhunzawm leh ka duh avangin bookmark chuan ka chhiar chin ka chhinchhiah tel bawk a, shelf a dah let nawk nawk pahin hmanhmawh takin class lam pan in ka kal leh nghal dawr dawr a.
Hetiang anga chet buai leh hmanhmawh a thil tih chuk hi ka tih ṭhin dan ve reng a nih avangin class te hi ka tlai ṭep ṭep ziah, engang pawhin han in peih hma ve ṭhin mah ila a tawpah chuan hetiang hian ka awm leh nge nge zel,ka sim thei lo chu a nih hi maw!
Chutia hmanhnawh bak lenga ka tlan ti tih lai chuan ka kal pheina tur corridor reh ruih lai ah tak chuan Ranier leh Chancellor in hmachhawn rân lai ka hmuh thut a!! ka ding nghal chut ringawt.
"Min ngaithla teh luhlul viau teh suh"kal tlang mai ka han tum a mahse vin zeta chancellor in a tih lai ka hriat takah chuan kal tlang na chi ah ka ngai tawh lo.
Min rawn hmuh hma in ka leh hawi vut a, phawk fe a men kawk pahin bang phenah ka biru nghal vat bawk.
" a va hun lo tak " phun sap pahin ka va bih leh dek dek a, an boruak ala ṭang ṭha khawp lehnghal.
Tumah veivak an awm lo bawk a, an ṭawng a ring ṭha in ka awmna aṭang pawhin Chancellor in, "police station a i awm loh leh damdawiin ah i awm a... weekend mai pawh nilo weekdays ah lehzel hi chuan party hi duh tawk tawh rawh " chiang taka a tih tawn tawn ri te chu ka hre thei vek.
Rainer ṭawng ri erawh ka hrelo nangin an in hnial buai a nih ka ring ve ringawt !! a nih loh vek pawhin a nu in thu ṭha a hrilh pawh a ni mahna mahse hetianga ka lo ngaihthlak ruk kûr hian keimah leh keimah ka lo inthiamlo ve ringawt.
An reh tak vung vung avang chuan an kalsawn tawh ringin va bih thlak leh ka tum rilruk lai takin Rainer chuan, "rawn chhuak rawh... " a rawn ti ram ta hmaih mai!! ka phu nghal zawk ringawt.
Bang ngheng chung chuan ka la ding khawng reng a,ka bag chu nghet takin ka ṭham tlat a ,keimah ka ni lo tiin han in hrilh teh mah ila ka thinphu erawh a pangngai thei tawh lo.
"rawn chhuak rawh ka tih chu... " vin zeta a rawn ti tuarh ri chu ka hre leh a,tunṭum zet zawng thinrim lutuk aw a ni tih hai rual a ni ta lo.
Hahh...min hmu lova keimah ka ni theilo hrim hrim, keite chu bang phenah hian ka biru char char alawm tiin ka la in hrilh fan tho.
"rawn chhuak rawh ka ti a ni lawm ni... " hnung lam aṭang chuan tha chak zet hian ka ban puam ah tak rawn ṭham in min pawt her nghal sawk a, Rainer hmel ka hmuh takah chuan phat theih a ni tawh lo.
Min pawt nat em avangin a awm ka sut chawrh loh nan ka kut lehlam chuan ka lo in veng nghal vat a,ka bag pawh chhuatah ka thlauh nghal tawp bawk.
" ka.. ka... " ka han hawi chhoh nak chuan khawvel a ka mitmeng hmuh tawh a zawnga rum ber mai chuan ka mit ah tak min lo melh kur a nih chu!! unconscious in ka awm mai dawn in ka hria.
Mipa ka ni in ti chin ngat pawhin a rorum leh ngeng tia an sawi , ft 6"2' vel a sang,dar hlai zet leh chhelo em em in a ka hma ah tak rum zet a min en tak kûr si ah chuan ka ṭawng chhunzawm ngam tawh lo hrim hrim,zam awm vet vet tak a ni.
"i hnawk reuh hle mai " ouchh!! chu ṭawngkam kher kher chu...ngeiawm tak tak a ṭawng chauh hi a thiam emawni le? vawithum vel chauh kan la in hmu a hetianga min sawi theihna dah hi a nei lo hrim hrim.
Min man beh tlat avang chuan kan in si lo chauh tawh !! kan inkar hi hriau hmawr tiat lek a ni tawh ti ila ka sawi uar deuh mah mah maithei mahse in din hnaih tawh tak kan ni ,ka beng leh a awm a in zawn reng avangin a thinphu ri dat dat pawh ka hre thei.
Rainer bul hnaih a ka awm apiang a ka taksa in a hre em em mai hi a mak zawk,a hmel ka hmuh ringawt pawh a rapthlak khawpa ka thin phu nghal dawt dawt mai ṭhin te, ka chet buai vek ṭhin dan te leh khawvel hi a reh duk ni a ka hriat ṭhin dan te ngaihtuah chuan vawithum vel chiah kan la inhmu hi a awihawm loh zawk!! kei chauh nilo hmeichhe dang pawh hetiang hian a bul hnaiah hi chuan an awm ve tho ka ring .
" a na a nia... " ka rin aiin ka vin! Ka ban a hmer na chu a na ngut ngut tawh a, thisen kal hle hle lai pawh a hmet tawp vek maiin ka hria.
"midang hnenah sawi miah suh ang che... " min thlah nghal vat a, ka ban dawm pahin amah hlat thei ang berin ka tawlh hnung nghal hruk a.
" engchu maw!! i nu in thu ṭha a hrilh che kha maw? "
"ngawi hmak rawh... " hmm... engvanga thinrim vâk nge maw a nih le? engtik lai pawhin a thinrim a nih dawn hi.
" ka nu a ni lo... " ka hriat theih chang chang turin a ti zui sup a,lawm loh hmel zetin min en kâr mahse thinrimna ai mah chuan lungngaihna a hmelah a lang tawh zawk.
"i nu hi Samantha Walker Black a ni tih chu tupawh in an hre vek ang chu... thup nachhan tur a awm lo "
"Engmah i hrelo... henu hi ka nu a ni lo.. " a chiang fak fak khawp mai,mahse a hmel ka hmuh hian ka hriat fiah theih si loh rilru natna thuk tak a nei ang hian ka hre tlat pek a, ka rilru alo na ve ringawt lehnghal.
Rainer nen awmze nei deuh a kan in biak na hmasa ber a nia chutah hetiang thil kan sawi dun hi ka awih thei lo. Ka sawi awmzia chu sawidun tak tak lo mah ila 'thlawk bo rawh ' tih nilo a a chhungkaw chungchang kan sawi hi ka la awih thei lo.
"thlawk bo rawh... " ughh... tun lawka ka thu sawi kha ka sut lehnghal !! minute khat em pawh a ral hma in thlawk bo turin min hrilh leh tawh!!
"hahh... tehreng mai " ka ti ve ngat , ka bag chu char in ka han beng fai nghal thak thak a, ngawi rengin bang ngheng chungin ka che vel chu min en reng tih ka hre thei,min chhar sak pawh tum lovin ngeiawm zetin alo inkuangkuah than lenghal .oh!! engvangin nge min chhar sak tehreng angang ,hepa tehhrep hian.
Thawk halh pahin ka han insiam ṭha nghal vat a, a ruk tak chuan ka ngei in chhut chawrh ka chak takzet.
Rainer ka kalpel deuh chiah tih in Kaitlyn chu hmanhmawh deuh hian ka lam panin a rawn tlan phei nghal hlawk hlawk a, a hlauhthawn hmel em em lehnghal. Mahse keimah ang tho a hmanhmawh chuk chuk ṭhin a nih ve tho avangin a thil ti tur a tlai leh tawh ah ka ngai hmiah.
" Sadie.... Sadie... Braydon " ka bul a rawn thlen hma hma chuan a rawn ti phei lang lang a, Braydon hming ka hriat rual rual chuan hmanhmawh takin ka tlan phei ve nghal.
" tinge Braydon chu...? "
"Carter a nen an in tibuai "
" enga? !!"
" rawn kal vat vat rawh... " ehe!! Michael an ka û hnenah Carter an ka mawng a ben chungchang kha a hrilh a nimaw!! chumi bak in tih thiam loh na chhan tur an nei lo.
"oh!! sh*t... " keima avanga buaina chhuak a ni tih ka hriat chuan Kaitlyn pawh hre chang lek lovin ka tlan nghal dawr dawr a. Ka rilru a awm zawng chu Braydon hi an hnawt chhuak angem? tih bak a awm tawh lo, a hma in an lo warn tawh a, buaina a in hnamhnawih thei a ni tawh lo asin.
Corridor ah chuan an lo bial laih laih a,thawm lah chu a ring em em lehnghal "excuse me ..." mipui karah chuan ka in hnawh phei ve nghal tawt tawt a, ka ṭhelh thei ang hrim in ka kal ve chu a ni sia mahse Braydon an Carter a lo hnek thi hnuang lai ka zuk hmu chiah chu ka rap em avangin ka kâ ka hup nghal vat a, an insual ṭhelh chu sawi loh phawk fe hian ka en reng ringawt.
"Sadie... i û khu ṭhelh ta che... " hmeichhe ṭhenkhat chuan min lo an khum ve bawk a. Thelh chu ka duh lutuk mahse engtin? engtin nge hetiang insual te kei tehlul hian ka ṭhelh ang ni.
" Braydon... duhtawk rawh " mipui au hut hut karah chuan ka han ti ve tak na in awmzia a awmlo kher mai.
" Braydon.... duh... " ka ti dek dek a, ka hnung lam aṭang hian mipa pakhat hi a rawn tlan lut fua a, Braydon chu a rawn hnek ta pawp pawp mai!! chupa chu tudang nilo in Rainer ngei a ni. Lalpa leh!! engthil nge thleng ta hi.
An insual lai chu pui tak hi a ni ringawt, an thinrim tawh em avangin thisen chhuah lah an hreh tawh der mai si lo,an in hnek a an in pet pawp pawp tawh mai bawk si.
"duhtawk rawh u... ṭhelh hram teh u " a sir aṭanga mittui tling pam chunga lo tih mai loh chu engmah ka ti ve ngam lo.
Security chu an insual hrep tawh hnu ah an rawn tlan lut ta nge nge a,engang security nge maw an nih ni? che muang hlawm lutuk.
Hrasa tak chungin Rainer leh Braydon chu an rawn ṭhelh a,an pawt hrang nghal vat a, Carter erawh chhuatah thi hnuang chungin a let bal thung.
"Min thlah rawh u... " Security ho chuan Rainer chu an thlah mai a, mahse ka û erawh misual tak ang maiin an la man bet tlat thung.
"min thlah rawh u... hmela ka unau nu hi ti buai tawh hlek suh ang che u "
CHAPTER -7
Motto- "Be the change you want to see in this world "
"min thlah rawh u.... "Braydon an a tih pawhin mi pali vel chuan an la man bet tlat a,ka û chiah sawtianga an tih bik avang sawn ka lungawi lo kher mai, engvanga dang bet tlat bik nge maw an nih le? Rainer pawh an thlah tho sia....
Braydon an puitui nei lova an en ṭhup lai chuan ka huaisenna zawng zawng sawmkhawm in ka ding chhuak ve ta hlawl a !! midang ho chuan puih a hnek in phun sep sep pahin min en ṭhup ringawt, dawihzep hlawm lutuk mai .
Ka din chhuah takah chuan Rainer chuan min rawn melh hrawk a ,mak ti hmel te pawh a pu.
Braydon pawh hi he university ah hi chuan mi thinchhia, mi insual hrat tia lar ve hat kha a nia, unau nu a lo nei reng chu mak an ti pawh a ni mahna.
Unau kan ni tih hi kan thup lo na in ka û vanga midang ṭih nih ka duh lo a chuvang chuan a theih anga tam sawi chhuah loh hram ka tum ṭhin mahse hei loh theih loh in an hre ta vek alawm .
"thlah rawh u...." boruak a ziaawm deuh takah chuan ka inrawlh ve a hun tawh ni a ka hriat avangin security bulah chuan ka va ti ve hlak a, min ngaithla lo chiang kher mai.
"hahh...unau nu a!!" boruak a zia awm dawn chauh emaw tih nak alaiin Rainer chuan aw ki ngeiawm zet hian a rawn ti leh kher a, ka ngei em avangin rum fe in ka hawi let nghal hraw ringawt .A mit meng rum leh thip lutuk chuan min lo melh kûr tawh a,ngeiawm leh min ei loh hmel zet hian min rawn nuih zui kher lehnghal.
"i kut hmawr pawhin tawk hlek suh ang che " ka û chuan ala rawn ti ang tak ṭawk ṭawk a,ka thlavang a hauh luatah buaina a tawk reng mai chu a nih hi.
"hahh... tawk a!! hetiang hnute pawh neilo hi maw!! " Enga!! hmela mai mai chu!! ka zak lutuk chu khawvel hi a vir nghal muai muai hian ka hria a, ka biang leh ka kawchhung a rawn sa nghal hut hut a, ka thlan a tla nghal bawrh bawrh bawk . Midang ho lah chuan ka zahna tizual turin min rawn en pah chuan min rawn nui huk lehnghal.
Security in ka û an hruai hran daih avangin an hnung ah ka zui ve nghal hlawk hlawk a,ka ngei em avangin corridor a kan kal peng tur chu ka va hawilet leh ngat a, a hmui thi liah zeuh pah a min lo la en zui reng avang chuan ka kun nghal daih a, ka kal liam zui bawk.
Class pawh kal chhunzawm lovin inah kan haw tlang nghal nal nal a, ka û ṭhiante ho leh Kendra pawhin min zui haw ve nghal bawk.
"bawiha.... a thi nasa ropui si a na em? " Kendra in ka û hnar thi a tihfai lai chuan ka putea nupui Madilyn chuan an bulah ṭhuin hlauthawng tih hriat takin in a lo ve ti chhen a, ka û ṭhiante nen erawh couch ah kan ṭhu ngawi fâr hlawm a, kan ṭawng hlek chuan Braydon a thinrim a sosang leh mai dawn a ni tih kan hriat kâr hlawm avangin tumah ṭawng hmasa nih kan duh lo.
"in block ah a rawn kal tih pawh tuman kan hre lo... " George chuan tumah an rawn lan ve loh chhan chu ka bulah a rawn sawifiah sap sap a,thawk halh pahin ka lo bu nghat ringawt. An vaiin rawn kal phei se chuan buaina nasa zawk a thleng ngei ang.
"Love... a nat chuan sawi chhuak mai la... " Kendra chuan a pem a damdawi hnawih mawlh mawlh pahin hnuk ulh aw deuh hian a han ti sap a, a ni pawh kei ang tho a hlauthawng hma leh chiai hma a ni tih ka hriat avangin a rilru tur ka hriatthiampui.
A pem vel an tihfai a damdawi an hnawih zawh chuan Braydon chu inthiam loh hmel tak hian ka bulah a rawn ding a,a chungah ka lungawi vak loh avangin lehlam ka lo hawi hmak a, ka dara rawn vawn pah hian "Bawihte... a ti na hman che em? " a rawn tih chuan lungawi lo tih hriat zet hian ka han melh a.
"aih... " tih ringawtin ka chhang.
"umm... a ṭhat chu... "
"khawngaihin kum 18 ka ni tawh a ka thlavang hi hauh lutuk tawh suh... keimah in min awm tir ve mai mai rawh... " ka vin hle na in ka thil ngaihtuah zawk chu ka û hian hetiang anga keimah vanga buaina a tawh reng hi ka duh tawh lo,naupang chhia ang maia min ngaihsak pawh hi ka duh tawh hek lo.
"ka hria lawm... mahse zah lo taka an khawsak khum che hi ka duh lo "
"khatiang te kha chu engmah a nih loh kha" tih pahin ka û lo hrilh tu Michael chu ka va melh kher a, ka û ang chiah in an ni pawh hian ka thlavang an hauh tih chu ka hria mahse hei hi chu an ti mah mah tawh a ni.
"engmah a ni lo a...engah mah ngai lo mahla kei chuan ka ngai ... an ti nawn leh a nih pawhin ka thil tih ngai ang tho hi ka ti leh ang " ka û ṭawngkam chuan naupang mahni pawh inhum zo lo angin min in ngaihtir a, min rin zawh loh em avang hian ka thin a rim hle bawk,nula ka ni tawh a zalen takin min awm tir ve tawh se tih hi ka duhthusam ber a ni .
" zalen takin min awm tir ve tawh rawh... " lu thing pahin ka han ti sap a, inchungah ka tlan chho nghal dawr dawr bawk.
Ka û chunga ka lungawi loh em avangin khumah lukham pawm chungin ka ṭhu tum bâr reng a, ka mittui tling pam tawh chu a luang chhuah mai loh nan ka han khap fak fak bawk a, karkhat vel ka nu bula awm phei ka rilruk rum rum tawh.
"Sadie... " Kendra chuan ka room kawngkhar chu a rawn kik ri karh karh a, thawk halh pah in, "lo lut rawh " ka lo ti deuh hmuk bawk.
"umm... " inthlahrun hmel takin a rawn lut dek dek a, khum tlang ah ṭhu in ka lukham pakhat zawk chu a rawn ban a, ka kuah dan ang chiah chuan a rawn kuah ve than bawk a, a chezia nelawm zet chu ngawi rengin ka lo en kâr ringawt.
"ka û in min ngaihtuah zia chungchang min rawn sawipui dawn a nih chuan ka ngaithla peih lo a nia... " a engah mah hma chuan ka lo ti nghal hluk a, ka vin mah mah in ka hria.
"thu diktak a ni bawk sia lawm... ughh Braydon hi ka ngaihtuah takzet buaina a tawh bik hi ka hlau... chuvang chuan nang tal hi chuan ti thinrim suh "
"Carter leh Rainer pawh an in rawlh a amah chauhin a tuar bik dawn hleinem... " ka thusawi avang chuan a khi deuh suk a, rilru na hmel a pu mah zawk.
"He university ah hian Bachelor aṭangin ka zir ṭan tawh a, i û pawh hi hun rei tak ka lo hre tawh ṭhin ka hriat chinah buaina a tawh apiangin leh a bik takin Rainer nen an intih buai aṭang phei kha chuan amah chiah hian warning a hmu ziah ... "
"engvangin...? " fair lo tih hmel zet hian ka han ti a.
"a chhanchu Rainer nu hi Kan university chancellor a ni tlat alawm... hepa hian eng anga tam buaina siam tawh mahse an haider sak zel alawm...a tawpah i û bawkin a tuar leh ṭhin" heng thil zawng zawng hi Kendra takngial pawhin an hria ania, a hre hnughnung ber ka nih loh hram ka beisei.
Ka û hian engthil mah hi min hrilh ve ngai lo hi ka lung ti awi lo zual tu a ni, engtik lai mahin min ring ngam ve ngai thlawt lo.
" Rainer leh i û te hi chu an in haw ve em a ni... I û a in rawlh tawh hi chuan Rainer hi a rawn in rawlh tel ve ngei ngei chutiang bawkin i û pawh... bakah Carter kha Rainer ṭhian ṭha tak alo ni kher kher bawk nen "
"eng nge an in huat nachhan...? "
"ka hrelo chu erawh i û i zawh angai in ka hria.... "
Ka û pawh tih tawh mah nak alaiin Rainer chu ka haw leh hnuhnawh. A nu thil ti thei tak a nih avang mai a engmah a tuar ve ngai lo chu a fair lo takzet. He college ah hian thlakhat em pawh ka la awm lo a, buaina ka tawh zozai te hian min ti chau in college kal ka lo phur ve na zawng zawng te kha a bo nghal vek in ka hria.
A tukah chuan ka ṭhiante kalsan in phur lo zet hian class room ah ka ṭhu ngui bâm reng a, nimin a thil thleng avang khan Braydon a nau ka ni tih an hre ta bawk a a hma ang khan tumahin min chhaih nawmnah tawh lo,lehlam zawnga ngaihtuah chuan a ṭha phian.
Professor a rawn lut chiah tih in Rainer chuan a rawn zui lut ve nghal a ka hmuh thut avang chuan mak tih hmel zetin ka lo melh nghal kawk a ,a hmasa bera ka ṭhut vang pawh a ni mahna ka in en fuh chat ringawt!!
A rawn lang chiah tih in inchhunga hmeichhe ṭhu ho zawng zawng mit fuk na ber a ni nghal chu rin lawk sa a nih avangin mak ka ti lem lo,ka hnunga mi te lah chu a phun ru nghal ser ser lehnghal !! class chhung zawng in hetiang hian an awm loh hram ka beisei .
"a hmasa lamah khan aw... Mr. Black" class a vawikhat rawn kalna mah nise Professor in a hminga a ko chat thei chu a mak hran lo, mak ka tih zawk chu a duh chuan hnung lamah a ṭhu thei reng mahse ka bula a rawn ṭhu kher chu ka hrethiam thei lo.
Professor in lecture a pek mawlh mawlh lai chuan Rainer hian min en reng ang hian ka feel tlat a nih chu!! keilah awm hle hle thei ta lo chuan ka va en nghal hraw a, min lo en reng tak tak mawle....rang lutuk in ka lehkhabu ka bih nghal vat a, a mit buang paw thak chu nidang ang em em in a rum tawh lo.
"min entir ve dawn lo em ni? "
Lehkhabu, pen leh engemaw tal pawh keng lova a ṭhut mawl tawp avang chuan a tawp a tawp a ka lehkhabu en ṭawm pui turin min rawn dil ta nge nge a, ka lo hre lo der tlat thung.
"ka hmu thei lo... " a ṭawng rin em avang chuan "eng nge? " ka lo ti vin hluk a, ngei nak alaiin min rawn la nuih vur vur zui. A nui hmel han ṭhat dan hi Angel in min rawn nuih vur vur hi a ni ringawt,a biangsum lah saw a zun a uaina tham.
CHAPTER-8
Motto- "Be the change you want to see in this world "
Kan ti nek nek a class chu reilote ah a zo nghal vat a, vawin class zet zawng a boring hman meuh lo a nih ber hi.Professor in lecture a pek ṭhat em vang nge Rainer vang pawh ka hre tawh nek love.
"lehkhabu i ken si loh chuan engvanga class rawn kal nge i nih...? "sawi fuh in ti zetin ka lehkhabu chu ka khup thawk a,a ruk a nuih tuih pahin ka bag ah ka khung ṭha nghal mawlh mawlh a,ka che vel chu min en reng tih ka hre thei mahse amah en turin huaisenna ka nei thlawt lo.Engtin mah min ti tawp si lova engvanga zam em em nge maw ka nih le?
"lecture ngaithla turin... " kan in chhang tawk hmak hmak khawp mai!
"class chhung zawnga min en reng chung khan maw? " ka ti tak tak, professor in lecture a pek chhung zawngin keimah hlir min thlek ngar ngar a, engmah ka ngaihthlak theih loh phah lehnghal.
"ughh... ka ngaithla ṭha viau chuan ka hria..."
"a lehpek ah chuan ka en tir tawh lo ang che... " hmel serious deuh hian ka tum khum deuh hmuk a.
"a nih chuan a lehpek ah i bula rawn ṭhu leh turin min duh tihna em ni? " a ṭawngkam chimawm zet avang chuan ka mit ka han chet kual ralh a, min rawn la nuih vur vur lehnghal.
" aih" tih hmuk pahin ka tho chhuak nghal hluai a,ka awm dan teh thut avang chuan mak ti hmel a pu deuh mahse nuih za hmel in a inthlak danglam nghal vat a.
"khawiah nge i kal dawn? "
"i hriat duh tak tak ka ring lo " tih let kher pahin ka bag ka ak a, engang hmel nge a put pawh en duh tawh lem lovin class aṭang chuan ka chhuak nghal nal nal a, class room ip pik lutuk aṭanga ka chhuak ta chu ka thawveng nghal huai mai.
A nihna takah chuan hepa bula ka awm hi chuan keimah hi ka ṭang deuh ṭung zel, a hlat a ka awm chiah hian ka thawveng ta huai hian ka in hre ṭhin bawk.
" Rainer an a bawl kual vel lai kha i lo hmu em? a zak miah lo lehnghal ka khawngaih zawk e a ..." min sawi chhan zetin leh ka hriat theih tur kher in ka hnung lamah min rel tih ka hriat rual chuan ka ding nghal chawt a ,min sawi dan ngeiawm zet avang chuan ka lehkhabu pawm lai chu ka kuah nghet sauh bawk.
"hahh...Hi!! miss Sadie Saddddd...." ngeiawm leh muang fân ruih hian class a kan hnung ṭhu te bawk khan min rawn kal pelh pahin min rawn nuih der vel a,min kal pel fel vek tawh tih in an zinga pakhat chu a rawn hawi let leh ngat. "B*tch ...." min rawn tih sap pahin an pali chuan an nui chhuak hak a, an kal liam lai chu ngawi rengin ka lo en reng thung.
Nichin pawh khan Rainer chungah khan ngeiawm leh sual chhuah ka tum vang pawh nilo in mite min sawi dan tur ka hriat peih loh avang zawkin a hmelhriat nih pawh ka duh lo.
Class lak chhung zawng khan ka hnung lamah min rel ru sep sep reng a, a chang hi chuan ka hriat tur kher in an sawi ri kher ṭhin bawk.Engti pawhin class ah min sawi mahse ka pawisa vak lo mahse hetianga ka awmna hmun apianga min chhû zui zel erawh hi chu ka zaidamna hian a tlin lo mai ang tih hi ka hlau hlel love.
Rainer pawh khan hria angin awm lo mahse a hriat ve tho ka ring mahse a ni hian hetiang thil mai mai hi a care teuh lo, ka chungchang ah ngat phei hi chuan .
"Sadie... khanu khan B*tch a rawn ti che elaw... " Chelsea chuan ka hnung lam aṭang chuan a rawn ti thut a,ka hawi let nghal haw ringawt.
"min ti phu alawm... "
"i zaidamna hian ava tlin rei tawh tak... ti let ve tawh la, boarding a kan awm lai pawhin nangmah bully tu ho i insual pui tho kha... " kha thil bawk kha a rawn sawi chhuah leh chu le...
"sawi tawh lo teh... khatiang buaina kha chu ka tawk peih tawh teuh lo... "
" nia... an chhungte thinrim zia kha an khing lo chauh che nih kha .... Lina phei kha chu a kut a ti ulh lehnghal " a nui zui har har a.
" hahhh...Braydon pawhin buaina a siam ngun tawh nak alaiin keiin buaina ka lo siam ve leh zel te chuan a ṭha lo "
"chutia nang berin i tih te chuan an bully reng mai dawn che a nih hi... "
"khawiah nge Kaitlyn...? " Kaitlyn ka hmuh tel ve loh avang chuan thlek kual pahin ka ti ta daih a.
"class an la nei...umm ka beisei "
"i bulah a awm emaw ka ti mai asin... "
"maths class ka neih avangin kan in ṭhen hrang daih alawm.... engpawh chu nise zanin party ah kal leh ila... "
" ka riah chhuah theih ka ring tawh lo... "ka party na hmasa berah khan ka che fuh vak tawh lo bawk nen kal leh pawh ka tum tawh lo.
" C'mon... Zuri in kalna tur ṭha deuh a hre leh tawh a, i tello chuan a nuam lo "
"Kaitlyn sawm rawh... " tih pahin ka kalsan daih a, ka hnungah min rawn zui ve nghal hlawk hlawk a.
"ka sawm daih tawh.... zanin chu kan pathum in ka awm ho tlat tawh anga bakah zu pawh a chak lo ber chi kan in anga... Sadie hun ṭha a nih hi, i bawhpelh thei lo ang " henu tak hi chu aw... mi thlem hi a thiam ve ngawt mai.
"ka lo in ngaihtuah ang..." ka tih takah chuan min rawn kuah pahin a zuang nghal tawr tawr a " ka kal dawn ka tih loh kha... ka kal lo maithei zawk... " ka lo ti leh vat a, kal chu chak tho mah ila ka û mood fuh loh lai tak alo ni bawk nen ka riah chhuah theih pawh ka ring tawh lo.
"engpawh chu nise zanin chu a nuam tak tak tawh ang,ka tiam a che...enteh sawpa saw party na ami kha a ni em?" ka hnung lam melh pahin a tih chhunzawm zat.
"tumaw? "a melh na lampang chu rang zet hian ka hawi let vut a,party na a ka tawn Shane kha kan lam pana rawn kal chu ka hmu ta mai!! khawvel hi ava zim tak em. Rang lutuk hian ka hawilet leh nghal vat a, min rawn hmuh hma in kal sawn vat vat ka duh.
" kal ang..." Chelsea chu kuah in ka kalpui nghal dawr dawr a, a ni lah in ka mut dun ṭep chungchang vel kha a hriat ve loh avangin mak tih hmel fe hian min rawn en ha a,a pawh zawng chuan ala ṭang ṭung lehnghal.
"engvangin maw? "
"ughh...ka treat ang che, thil ei ang "
" i ti tak tak em? "
Buk nghat pahin hawi pawh hawi let ngam lovin hma lam chu ka panpui ngar ngar a,ka tlanpui ti tih tawh .
Shane hi Vanderbilt University ah hian a lo lut reng a ni tih rin ngaihna pawh ka hrelo, heta a luh chu thuhran min la hria ang tih mawlh ka hlau.
"Sadie... " kan pahnih chuan kan ding nghal chut ringawt!! phawk fe hian ka in melh nghal hru a,ka hawi let ngam loh avangin min rawn koh leh hun ka nghak a ni zawk mah.
"Sadie ...i ni tiraw? " Lalpa leh!! min la hre tak tak, a aw aṭang chuan Shane ani tih ka hai lo chiang kher mai!!
Ka in rin hma in ka darah a rawn vuan chat a,hreh tak chungin loh theih lovin ka hawi let ta nge nge a.
"Hey... Shane.... min hre tawh lo em ni? " amah leh amah in kawk meuh in ka hma ah chuan a rawn ding khar a, hriat loh der na chi a ni tawh lo.
" oh!! Hi!! Chelsea ka nia ...Sadie ṭhian" ka rilru hria niawm takin Chelsea in min rawn ṭawng khalh hlauh, ka lawm lutuk hi puak nawlh mai ka duh.
"Shane ka nia.... Sadie hetah ka hmuh che ka ring lo asin... " keipawhin ka hmuh che ka ring bik lo.
"ughh... nia, ka lut alawm... " Sh*t.... engvanga hetianga awm tlat nge maw ka nih le? ka lai kual vel vek tawh mahse party na a kan thil tum leh awmdan ngaihtuah chuan zah hi a awm lo love.
"zanin ah i rawn kal leh dawn em?"
"a rawn kal dawn... " Chelsea chawng chawng lah hi, ka lo in ngaihtuah ang ka ti reng sia.
"a nih chuan... ughh kan kal rual thei ang chu " a tukhum chu a chul nauh nauh a, a ni pawh kei ang tho in a nervous tih ka hria mahse chu chu tunah a pawimawh ber lo.
"ka... " ka ti dek dek a Chelsea bawk chuan, " nia...in kal thei ang bakah a kalna tur kan lo ngaihtuah mek zawk a... i hriat angin aghh... single na nâ na chu... i hre thiam mai em? " a mit leh lu tih chet kual ralh ralh pahin hneh zetin dawt zu han sawi par par thei a mawle...ka ang phuau in ka lo en ha ringawt! bakah ka single tih chungchang vel kha sawichhuah kher angai lo asin.
"a nih chuan kan inhmu leh dawn nia..Sadie "phone number kan in pek hnu chuan awkward zet in a tawlh hnung a min rawn nuih zui suk pahin a kekawr ipte zen chungin a kal nghal nal nal a.
"hoiii... hoii... tu emaw chuan mipa chhelo deuh number a nei phawt ahh... " min la chhaih ngam ka ti,ka harhfim hnu hi chuan Shane hmuh leh hi zahthlak ka ti takzet a hma ang kha a thlen tawh loh hram ka beisei.
" ka treat kha ka ṭhulh leh..."
"hey... nangnu hi phakar viau lo teh,pawi chuang lo zanin ah i rawn kal dawn tho alawm... "
" urghh... " mit chet kual ralh pahin ka thaw chhuak hak a, ka kalsan leh nghal nal nal a, min rawn umzui nghal chung bawk.
Last class a zawh meuh chuan ka bang hmasa ber a ni leh hmel, kan in nghah khawm na ṭhin ah an pahnih in an la awm ve lo.
"Chelsea leh Kaitlyn te i nghak elaw... " ka bulah Derek a rawn ṭhut tak thurh avang chuan ning hmel zet hian ka lo thaw hak a, ka ding nghal zawt bawk.
" Tinge min hlau em ni? hetiang hian i awm zel a... " ka kal tur chu ka ding a, pangngai tak hian
"ka hmu duh lo che mawle... " ka ti ve ngat, a ni pawhin ṭawngkam na tak tak a min tih theih chuan keipawhin ṭawngkam ngeiawm deuh deuh ka hmang ve thei tho.
" Sadie....hetiang hian awm lo teh...mipa dang biak i nei em ni ? ka sawi awmzia chu ...ka laka i awmdan hi a danglam riau ..." ka ban reka a rawn vawn rual rual chuan ka lo thing thlak sak nghal pawp a, "hahh....ka move on thei lo turah i lo ngai chu a mak hle mai,engpawh chu nise i bialnu Camelle khan min rawn hmu ang... " tih kher pahin kal kalsan daih a, kha thil ka sawi zawnga rilru na tak hmel a pu thei kha ka awih lo zawk.
Min rawn enzui a ni tih hre reng chungin ka kal zel a, hawi let ka tum lo hrim hrim bawk.
Derek awmdan hi hriatthiam a har takzet ,a duh thu ngeiin bialnu dang a nei tawh a, engvanga kei min duh ang zawng leh mipa dang thik zawng anga ala awm chhunzawm zel mai hi chu ka hrethiam thei lo.
Kan in nghah khawm na ber aṭanga ka kalsan takah chuan bus a lo nghah mai chu ka rilruk ta zawk a, bus a kan in nghah fo ṭhin avangin min zawng vak erawh ka ring lo.
Ka awmna kan ṭhian pathum chauh a kan group a ka thawn lai chuan ka bra a rawn in phelh ta thut mai!! rang lutukin siam ṭhat na hmun tur midang awmloh chu ka zawng nghal ruai a.
"a va hun lo tak... " ka phun phei bul bul a ,parking lot ka thlen chuan tumah an lo awmlo hlauh.
Tifuh in ti zetin ka kawr chu hnung lamah ka zen lut a, awlsam te hian ka siamṭha nghal mai , ka kut erawh a kham hman hle thung.
"hren tham pawh a awm loh kha...hren loh khan a sexy zawk... " aw thum zet ka hriat rual chuan ka phu zawk a, a accent ril zet aṭang chuan Rainer a ni tih ka hre nghal.
Rainer chu a kut a cigarette kar cheh va pah in car aṭang hian a rawn chhuak a, side glass aṭangin min lo hmu reng a ni chiang mai,hetiang thil a thlen te chuan thawm enge maw tal nei tur a ni asin.
"min lo enthla a ni maw? " ka puh chhiat em avang chuan a khi nghal suk a, ka hma ah ding in min chhuk en ngur lehnghal.
"hemi hi ka en ang maw ... " ngeiawm zetin ka hnute a rawn kawk kher a nih chu!!
"hmela...i sawi ang em em in ka hnute hi a te lo aw... " engthil nge maw ka sawi le?
"kan la hria ang chu... " ka zak leh hnuhnawh, mahse tih el deuh a min ṭawngkhum hi chuan ka kâ hi ka chip hman ṭhin lo.
Thil enge maw sawi hlek se ṭawngkam ngeiawm zet hman pah a a rawn kun hniam kher ṭhin hi ka duh lo takzet ,ka lungphu hi a ti rang leh ṭhin ,chutah a mit meng paw châk maia min en kalh phei hi chuan thil ni lo lo ka lo ngaihtuah leh ṭhin .
"engmaw? "
"ka sawi i hrechiang viau chuan ka hria... " ka mit chet kual ralh pah in ka in her vut a, mood fuh loh lai hi chuan a ṭawngkam chimawm zet hi ka ngaithla peih lo.
Ka kal tur chu ka bag ah a pawt a, thiam zetin a pawt dawk nghal zawk ringawt , ka lo inring lo bawk nen ka tlu ṭep lehnghal.
"min pe rawh..." ka lo ti vin hluk a.
"i duh chuan rawn la rawh... " sang zet a khai pahin a car lam panin a kal nghal nul nul a.
"min pe rawh ka tih chu... " ka um zui vat a, ka ṭawng hria ang pawhin a awm duh miah lo lehnghal.
"ka peih lo ania.. min pe vat mai rawh "
"a pawimawh viau chuan a chhungah engthil nge awm kan en dawn mi niang... " tih pahin a zipper chu a hawng a,thil ka ah hnem em avangin a tum loh deuh in ka bag chu a bun ta ruih mai!!
Inthiam loh hmel zet hian min rawn en nghal vat a, a daih rei lo ngang mai ka thil ah zozai a hmuh takah chuan ngeiawm zetin min rawn nuih zui a !!
"min kalsan rawh... " vin zetin ka ti nghal tuarh a, ka ngei em avangin ṭawng pawh ka ṭawng ṭha thei tawh lo.
Lei a ka lehkhabu leh thil dang dang tla pharh nuaih chu ngawi rengin ka chhar nghal zung zung a,hepa bula thil sawi hian awmzia a neih leh dawn chuan loh avangin ngawih reng hi a ṭha zawk.
" cashew nut maw? " ka hma ah chuan a rawn ṭhu a,ka rilṭam apianga ka ei ṭhin ka cashew nut pai chu la in za zet hian a nui chhuak hak a,rum zet a melh pahin a thil ken lai chu ka pawt thla pawp a, ka pawt na deuh aniang alo ner sawk ringawt.
" ka tih palh... ughh heng thil zawng zawng hi pai vek angai emawni le? a bik takin samkhuahna hi...."ngeiawm zetin a khai chhuak leh kher a.
"hmela a chungah engthil nge i tih? "Derek chuan vin zet hian a rawn ti hluk a,ka hawi chhuak nghal vat bawk ...Rainer erawh a awmdan ngaiin ala awm reng thung .
Huizz! a ni leh bawk chu, a va hun lo ṭhin tak em,eng buaina tak rawn siam leh ang maw ?
Ka bag a ka khung zawh hnu chuan ka bag chu ka ak ṭha sawk sawk a, ka thawh rual chuan Rainer pawh a ding nghal uai a.
"ka zawh che chu engthil nge i tih...? " Derek lah chuan a rawn cho nghal ar ar a,pakhat lah hian a ngaihsak loh hmel sia.
"Derek...buaina siam lo teh, engtin mah min ti lo... "
"mahse i bag leiah a awm kha... "
"engmah a ni lo... " min ngaihtuah hmel ang taka a awm lai vel chuan Rainer chu a nuih a zat hmel ngang mai. Ni e, min nuihzat rawh se, engthil mah hi a hre ve chuang lo.
" a duh lo che a nih kha..." Rainer chuan a rawn ti kher a nih chu!! Derek lah alo thinrim sa tawh bawk nen a leather jacket nghawngah chuan a ṭham ngal tawn a, Rainer hmel pawh a hma anga nelawm loh leh thinrim hmel ang khan a in thlak rang kher mai.
"engmaw i sawi kha...?...tunah khan engmaw i sawi..? "
"enteh... buaina siam ka peih lo ania" pangngai takin ti mahse a hmelah a thinrim takzet tawh a ni tih hai rual a ni lo.
"Derek kal ang..." buaina a chhuah hma chuan ka lo ti ve bawk a, mahse awmzia a awm loh hmel kher mai.
"henu hi lo be tawh suh ang che... ka pawi i sawi ania.." ha seh chilh ran a a tih rual rual chuan Rainer an a hnek thlu nghal tawp ringawt, keilah ka lo phu bawk nen ka au nghal tuarh a.
Derek chuan a pumah a tlawh sak ve nghal a,"hmela mai mai chu... " tih pahin a hmaiah a hnek leh salh a,Rainer lah ngeiawm zetin a lo nui sui ringawt.
" i ṭawng tam hle mai " a hmui thi liah zeuh pahin Derek chu a bawh thlu leh nghal tawp a,a ni lah che hman tawh hek lo a hmaiah a hnek ta mawlh mawlh mai,thisen chhuak chuan min ti zawi vek tawh a,ṭhelh turin midang tumah an awm mai bawk si lo ṭah tawp mai ka duh ...nilo, ka mittui a tling pam tawh zawk.
"Rainer duhtawk tawh... "
Rainer lah chuan bawhbet in a duh tawkin a hnek tawh mai si, Derek a chau lutuk chet pawh che hleithei tawh lo chu ka lo hmuh hmaih lo nasa,tiang ringawt hi chuan a thi thei mai ang .
" i that mai ang...duh tawk tawh rawh ..." ka han ti leh tuarh a, han ṭhelh thei chi ziazang ka ni bawk si lo, ka mangang tawh takzet.
A tawp a tawp ah ka huaisenna zawng zawng sawm khawm in Rainer jacket ah chuan ṭhelh tumin ka va pawt ta ringawt a, ka lo inrawlh ve avang chuan min rawn hnek tumin a rawn leh hawi vut a, a kut chu min lek khum ka vu mai!!
Au tuarh pahin ka kut chuan ka lo in dang nghal vat a, ka hlau bawk nen ka hawi chhuak ngam tawh lo.
Keimah ka ni tih a hriat takah chuan a kut rang takin a la thla nghal a, mipa dang chu nise leiah an thal tawp tawh ang.
" mawl lutuk... " tih sap pahin min pawt tho nawlh a, a mitmeng thip zet ka hmuh chuan hlauhna in ka khat nghal.
"hreptak chuan...khatiang khan min en reng reng suh" ka hlau hmel a hmuh chuan a hma aiin a thinrim emaw tih mai tur hian a rawn ti hluk a, a kut lah chu a hum ruh ṭun lehnghal.
A hmui thi tuai reh hrawih pahin lei a let reng Derek chu a khawih avanga inchhir loh hmel zet hian a en a, keimah min rawn en leh in min vawnna chu a thlah thla riai riai a, a in her a a car lam chu a pan ta daih a.
"damdawiin ah min hruai pui rawh... " ka tawng a hriat avangin a ding chut a mahse a kal lehnghal.
"khawngaih in... " ka tih takah chuan a rawn hawi let a, a thinrim lai hi chuan ka hlau in biak ka duh lo na in Derek hian puihna a mamawh takzet a ni.Keimah chauh chuan engmah tih theih ka nei lova,a puihna ka dil tawp a nih hi. Duhthlan tir dang ka nei tlat lo.
"khawngaih in... " ka han ti leh sap a, ka mittui a rawn tla nghal ringawt lehnghal. Ka in dem hran lo ka thil hmuh kha a rapthlak em a ni.
"fine... i mittui phiang sen kha hrufai rawh... " tih vin leh hluk pahin Derek chu hnehsawh zet hian a pawt kang dawrh a,dim lo hle mahse puih duhna rilru a put tak thut avang chuan mak ka tiin ka lawm takzet.
A car a a dah luh hnu chuan lut ta mai lo in kawngka bula din pah chuan, "i rawn lut dawn lo em ni... ?" ngaihno bei lo zet hian a rawn ti a, ka mittui hruk zeuh pah chuan ka han in ti pachang lui a.
"ka lut dawn... " tih sap pahin ka lut ve nghal a.
CHAPTER-9
Motto- "Be the change you want to see in this world "
A khat tawkin hnung lam chu mangang tih hriat tak hian ka va hawi leh ṭhin a, a hmai a thi nasa in a na ti chu a vial ngawih ngawih mai bawk si,engtin em em nge maw a hnek bik ni?
A hnunga ka lo ṭhu lo kha ka inchhir leh hnuhnawh. Derek bulah tal hian ṭhu ila chu engtin emaw takin ka puih theih ka in rin vang a ni pakhat bawk.
Ka hlauhthawn em avanga ka mittui tlak na lamah ka mit te chu a sen râm a, Derek a rum ri hak hak ka hriat phei hi chuan ka hlauthawng zual in ka hriat loh in ka mittui a rawn tla leh ṭhin.
Rainer chuan ngawi rengin hma lam ngun taka melh rûn chungin a khalh a, a awmdan ngeiawm zet leh inchhir na chhe te pawh nei lova a awm hi ka hua in ang khum hrep ka chak takzet. Midang min ṭanpui tu tur hmu ngat ila chu kawng lakah pawh nise ka pan vang vang duh ang.
"engtin mah a awm dawn lo...hreptak chuan i mittui phiangsen kha hru fai teh... "a vin leh hluk tawh, a thinchhe ropui si, nge maw ka mittui pawh chu a ngaihtheih loh viau le, engkim hi amah vang vek a ni tih hi hrilh kher angaih loh hram ka beisei.
"ka duh loh chung a rawn tla zel alawm... " ka lo ti let ve hlar a, mittui tlak reng hi ka duh dan a ni bik reng reng lo.
"khatiang khan min rawn melh hlek suh... " ka melh rum ngang bawk a,a sawisel ta nge nge alawm.
"i thil tih ngaihtuah chuan engmah a ni lo... " thinrim ve ve tih takah bengchhet inbiak in alawm kan ni biak ni.
"min rawn cho tehhrep a nih kha... " tukverh ah a ban nghat chuak in a sam chu a han tuai thuak a ," ka khawih na duh lo zawk anih kha ... " inchhuang zet hian a ti zui leh hram a, hnehtu inti zetin hma lam melh pahin a nui zui suk bawk.
Damdawiin kan thlen chuan peihloh hmel zetin Derek chu dim lo baksak hian a kuah lut dawr dawr a, a palian bawka a hnensawh ngang mai.
"dim ve deuh rawh... " an hnungah ka lo tlan hlawk hlawk a, a kalpui zawnga Derek a ner sawk sawk lai ka hmuh chuan ka en liam mai mai thei lo.
"ka kalsan daih mai tur cheu sin... " ka lo ner suk a,engmah sawi lo mah ila a ruk tak chuan ka ngei hle.
Nurse in Derek a hmai a thisen kai vel a tih fai mawlh mawlh lai chuan hmanhnawh hmel zet in min kalsan daih a tum ta mai!!
"khawiah nge i kal dawn? " ka um chhuak nghal a, a puihna ka la mamawh avangin ka dan ngei ngei angai.
Ka ṭawng pawh hre lo ang maiin a pen hlawk hlawk a, a thin lah chu a rim hmel em em lehnghal.
"i hmui kha damdawi va hnawih tir ve rawh... " chu bak chhuanlam siam tur ka hre lo ,a hma ah tak ka va ding ve rawih a ,a mitmeng thip zet ka hmuh hian ka hlau leh hnuhnawh .
Min chhuk en hu pah in kawng dawm meuhin min nin hmel zet hian a han thaw chhuak hak a, a kamsir thi ser ser leh duk raih te hi na a ti ve lo emawni.
"i va ninawm ching cheng reuh e" teh thlawt a!! amah hi ka buaipui tir vek zawk dawn emawni le?
"min puih leh angai... " ang khum hrep chak hle mah ila pangngai deuh hian ka ti ta zawk a, a thinrim hmel pawh kha tlemin a nem ta deuh in ka hria.
"taxi la mai rawh ru... "
"enga!! heng zawng zawng hi nangmah tih vek a nih hi... "
"amah in a kal thei reng alawm...vun chhe pilh mai mai sawtiang khawpa a tawrh nat chuan min cho lo tawp tur a ni asin... " a sawi dik ve reng, Derek hi chu a pawngpaw pawr ve vak ṭhin a tumah hi a hneh leh tak tak chuang der si lo.
Min puih leh chu a tum tawh loh hmel ngang mai,a hma ah tak ka ding tlat avangin a kut chuan min rawn nawr sawn deuh kher a ,a hmui thi ser ser chu na tih loh hmel zet in a han liak zeuh bawk a, a ipte a cigarette lak chhuah pah chuan a kal nghal nal nal bawk.
Dan in awmzia a neih tak loh avang chuan emergency room lam ah ka let leh hna hna a, lut tawh kher lovin kawngka aṭang chuan Derek chu ka thlir reng a ,Rainer sawi ang tak tak in a ṭha chuan ka hria,amah pawhin a ding thei tawh alawm .
Ka va kal leh chuan beiseina alo neih leh ting tang ang tih ka hlauh avangin leh ngaihtuah ngai a ni tawh lo bawk a hawsan mai ṭha in ka hre ta zawk a, ka bag ak ṭha in ka in her a, ka let leh nal nal a.
_________________________________________
Braydon te ṭhian ho Kendra pawh tiamin weekend chhunga roadtrip neih an tum avangin ka nu te in lamah ka awm phei ta daih a, kal ve turin min sawm tho mahse roadtrip tih vel hi ka ngainat ve loh avangin ka hnial tla thei hram.
Keimah chauh a ka awm a phal loh avangin Braydon chuan an roadtrip chu ṭhulh a tum leh ut ut tawh ,chuvang chauh a ka nu te in a awmphei hi ka ni.
Chelsea leh Kaitlyn ten ka nu te ina rawn kal meuh in, riak khawm tura min rawn sawm avang chuan ka nu pawhin awlsam te in rem alo ti ve mai bawk a,party na ah kan kal dawn tih hria ngat se chuan a phal lo chiang viau ang chu , ka sawi tawh angin Asian nu ho hi chu American nu ho angin an zau ve teh vak lo, a bik takin party tih vel ngat phei hi chu a phal lo bur.
"Chelsea i ṭhianpa a rawn kal ania... " kan insiam mawlh mawlh lai chuan Chelsea nau chuan kawngka a rawn dah dek dek pah chuan a rawn ti a.
"Tunge ka ṭhianpa ....Neon an engmah min rawn hrilh bawk si lova... " mak tih hmel zetin kan pahnih chuan min rawn en a, kan hriat bik loh avangin kan dar kan lo kân âk a, kan insiam chhunzawm leh nghal mawlh mawlh.
Rang zetin Chelsea chuan pheikhawk khing lehlam chiah bun chungin step tawp ber aṭang chuan inhnuai lam chu a han bih thla dak dak a.Thil mak deuh hmu niawm tak hian a rawn tlan let lehnghal.
"Sadie... Shane a rawn kal... " ṭawng rik hlau niawm fahrana zawi hian a rawn ti sa sa a. Ni dawn tak Shane hnenah Chelsea address hi ka pe tak!! ka lo theihnghilh leh hman alawm mawle.
"ava rawn kal hma em em dar8 chiah ala ri sia... "
"A nghah reng tawh che khu... zuk chhuk vat vat rawh..." Kaitlyn chuan ka kawrfual hak lai zipper chu min zih ṭhat sak nghal mawlh mawlh a, keilah che muang chi ka lo ni bawk nen ka che buai leh vek tawh.
" anih nangni ve hi... " ka chhuah hma chuan kan zawt leh te te phawt a.
"Zuri in min rawn hruai ang... hmanhnawh rawh... " min nawr sek avang chuan ka bu nghat a,"i rawn thlen hunah min rawn bia ang che u... " ka ti leh hram , hmanhnawh takin inhnuai lamah ka chhuk thla zui nghal hlawk hlawk bawk.
Ka chhuk thlak chuan Shane chu nervous hmel tak hian alo vei kual chhen a, min rawn hmu chiah chu min en chian em avangin ka zam ve deuh.
"hey...! "
"hey...! i chhelo hle mai " ka lai ve ringawt mawle , ka hmai lah chu a thlan huh nghal dup in ka hria.
" ughh... kan kal nghal dawn mi niang..i hman tawh chuan ..."
"aw le... " ka kawngah chuan rem lo zet hian a rawn dawm a, kan in zui chhuak ve mai bawk a.
" naktuk te eng nge tih i tum deuh...? " car khalh pah chuan min rawn melh zeuh a,la inhre chiang vak lo mah ila a chezia leh nui hmel ngainat awm zet avang hian ka nel nghal surh mai.
"zanin party ah ka kal dawn bawk sia ughh... naktuk chu ka mut hahdam ka ring... "ka tih chuan a nui chhuak hak ringawt, a nuihzatthlak viau emawni le?
" in hnem i va tum em em ve... " kan thil ngaihtuah a inang lo lutuk a, ka lo nuih let sak a.
"a hmasa khan ka zawng nasa lutuk che lawm..ka rawn chhoh khan i lo bo daih a... "
"nia... thil tih tur hmanhmawh thlak deuh ka nei thut alawm mawle.. " ka rin aiin dawt sawi ka thiam daih mai,a lo bu ve mai bawk a. Thil thleng diktak kha chu sawi chhuah leh pawh ka duh tawh lo.
"Cinderella i ni ringawt alawm... " min rawn fiam zui zat pah chuan a nui hak hak a , a nui hmel mawi lutuk ka hmuh hian ka lo nui ve lo thei lo.
Party na hmun tur ka thlen chuan a hma ai daih in în chu a te a, parking lot a kan awm aṭang hauh in boruak a rit lehnghal up tawh.
"frat party ka sawi kha ania... a nuam teh asin... "
(frat house chu American mipa awm ṭha duh lo ho college kal lai in în an in luah ṭawm a chutah chuan duh duh hunah party an throw ṭhin a chu chu frat party an ti)
"ka beisei... "
" min ring rawh... "
Frat party hi chu ka lo hriat dan kha chuan an che bawn viau ṭhin a rui chhe deuh deuh an tam zual bik bawk . Ka pheikhawk bun sang zet ka zuk melh chuan Kaitlyn in frat party ah chuan pheikhawk hniam ṭha vak lo bun a ṭha ber a tih kha ka hre chhuak zawk mai.
Shane nen chuan inchhung lamah kan inzui lut a, mi thar a ni tawh lo tih hriat takin a hmuh apiang chu a high five thei zel. Keilah hmelhriat pawh nei lovin ka ding ngawi kûr reng ringawt.
Tlem a hmun eng ve deuh lai ah chuan min hruai phei a, couch ah an lo ṭhu khat ṭhap a plastic no sen an dawm far lehnghal.
"hey... dude... " couch a lo ṭhu te nen pawh chuan in high five pahin in inhmu ngai lo ang maiin an han in kuah tak ang nawk nawk a.
Rin loh deuh in an zingah chuan Rainer ka zuk hmu thut mai!! thlahrang hmu ang maiin ka meng phawk nghal kawk ringawt.
Thatchhe zetin hmeichhe pakhat inha sexy zet mai bulah hian a lo ṭhu run a, chunu malchungah chuan a kut a nghat kher bawk.
Ani pawh chuan min hmuh a in ring bik lo aniang mak tih hmel zet hian min rawn melh a, uluk zetin ka ke hmawr aṭanga ka chhip thlengin min scan chhuak dap hman nia mawle.
"Heihi Sadie a nih hi... " keimah ka in hmelhriat tir hma in Shane chuan a lo ti nghal zung zung a. Shane leh Rainer hi an in kawm ṭhin ang tih rin ngaihna pawh ka hrelo.
"hetah hian lo ṭhu la... in tur ka rawn lak sak ang che... "
"enga? " heng ho zingah hian keimah chauh a awm ka duh lo asin.
" ka rei lo ang " tih pahin hmani lawka ka û insualpuipa Carter bulah khan min pawt ṭhu lehnghal.
Tupawh mai hi an nel awm loh vel vek, hetiang tur tih hria ila Shane bulah hian lo kal lo tawp tur ka ni asin.
Rainer lah chuan a plastic no sen a mi lem zeuh zeuh pah chuan ka che vel chu ngun takin min lo en reng tih ka hre thei , awmdan tur pawh ka tawh hre lo.
"kha le..." Shane chu a rawn let leh hlauh ka hahdam nghal huai mai. Eng zu ber nge pawh ka hriat loh chu min pek miau avangin ka lo la vat a,ka bulah chuan a rawn in thawlh ve nghal vat bawk.
Midang ho an ti ti liam liam lai chuan ka no ken lai chu chiang zetin ka en vung vung a, serthlum rim a nam chem chem avang chuan a tui ringin ka han tlak pawp a, ka ner nghal nawng mai!!
Ka pum a rawn sa nghal hat a, pum nuam lo nei ang ṭung hian ka awm.
A tui loh dan chu sawifiah thiam mai pawh a har, thinrim na leh lungawih lohna nen a an siam te pawh a ang zawk alawm, a khâ tûk mai.
Ka hmel ka pek chhiat em avang chuan Rainer nuih a lo za ngang mai, midang hmuh hlau in a kut in a hmui chu a hliah tlat a, mahse nuih za hmel a pu tih erawh a hriat tho.
"oh... babe... vodka a nih kha tlak pawp suh... " Shane chuan ka hriat theih chang chang turin ka beng bulah chuan a rawn ti sap a, nichin khan min hrilh daih tawh tur a ni asin.
" a dang ka va lak leh dawn che mi? " duh tawh lo viau mah ila ka lo bu nghat ta zawk a, ka biang chul zeuh pahin mawng zang lutuk in a tho lehnghal nalh bawk.
"guys... ṭan tawh ang u... " hmeichhe pakhat chuan a rawn ti lang lang a, party ṭan chungchang a sawi tum na chu a ni hauh lo ang.
"Sadie.. i tel ve duh em? " nichin lawka phur zeta min rawn chibai hmasa ber tu Rid chuan a rawn ti nghal var a, ka lu ka lo thing chiang ngei mai.
"a nuam asin... tel ve ila... " Shane an hnung lam aṭang chuan a rawn ti a, a vawihnih nan in tur chu ka lo la leh a.
"beer a nih kha... " a ti zui sap bawk.
"eng nge an tih dawn pawh ka hre hleinem... "
"ping pong mawle... " ping pong chu ka hre ve... inah pawh in tih hlim nan kan khel fo mahse beer nilo in juice vel mai mai kan hmang ṭhin .
"kei chu ka tel lo ang... " tel chak viau mah ila zu lam kaihhnawih hrim hrim tam tham deuh ka in leh chuan hman zân ang khan ka rui â leh vek ang tih ka hlau.
"c'mon...i in theih vak loh pawh in double in kan khel dawn nia... "
" mahse... "
"eng nge a nih pawh a hre tawp nang ... " min rawn kal pelh pahin Rainer chuan a rawn ti kher a nih chu !! ping pong game pawh hre lo tur khawpa mawl ah min ngai emawni le
Ka pum a rawn sa nghal hat a, pum nuam lo nei ang ṭung hian ka awm.
A tui loh dan chu sawifiah thiam mai pawh a har, thinrim na leh lungawih lohna nen a an siam te pawh a ang zawk alawm, a khâ tûk mai.
Ka hmel ka pek chhiat em avang chuan Rainer nuih a lo za ngang mai, midang hmuh hlau in a kut in a hmui chu a hliah tlat a, mahse nuih za hmel a pu tih erawh a hriat tho.
"oh... babe... vodka a nih kha tlak pawp suh... " Shane chuan ka hriat theih chang chang turin ka beng bulah chuan a rawn ti sap a, nichin khan min hrilh daih tawh tur a ni asin.
" a dang ka va lak leh dawn che mi? " duh tawh lo viau mah ila ka lo bu nghat ta zawk a, ka biang chul zeuh pahin mawng zang lutuk in a tho lehnghal nalh bawk.
"guys... ṭan tawh ang u... " hmeichhe pakhat chuan a rawn ti lang lang a, party ṭan chungchang a sawi tum na chu a ni hauh lo ang.
"Sadie.. i tel ve duh em? " nichin lawka phur zeta min rawn chibai hmasa ber tu Rid chuan a rawn ti nghal var a, ka lu ka lo thing chiang ngei mai.
"a nuam asin... tel ve ila... " Shane an hnung lam aṭang chuan a rawn ti a, a vawihnih nan in tur chu ka lo la leh a.
"beer a nih kha... " a ti zui sap bawk.
"eng nge an tih dawn pawh ka hre hleinem... "
"ping pong mawle... " ping pong chu ka hre ve... inah pawh in tih hlim nan kan khel fo mahse beer nilo in juice vel mai mai kan hmang ṭhin .
"kei chu ka tel lo ang... " tel chak viau mah ila zu lam kaihhnawih hrim hrim tam tham deuh ka in leh chuan hman zân ang khan ka rui â leh vek ang tih ka hlau.
"c'mon...i in theih vak loh pawh in double in kan khel dawn nia... "
" mahse... "
"eng nge a nih pawh a hre tawp nang ... " min rawn kal pelh pahin Rainer chuan a rawn ti kher a nih chu !! ping pong game pawh hre lo tur khawpa mawl ah min ngai emawni le ?
CHAPTER-10
Motto- "Be the change you want to see in this world "
"ka ti tak tak... ka tel lo mai ang.. " Rainer bula khelh ka peih teuh lo, a bula awm hrim hrim pawh hi ka duh lo ,ka mood a ti chhe zo vek ang tih ka hlau.
"a nih chuan keipawh ka tel lo ang... game dang nuam deuh khelh i duh zawk em? " idea ṭha deuh nei niawm tak hian min rawn siai zeuh a, a awmdan nuapang chhia zet avang chuan ka lo nuih sak a.
" engpawh a ni mai... " engpawh chu nise hengho lak aṭanga kalsan vat vat hi ka duh ber. An nelawm loh hlawm ropui si.
" min lo zui rawh.... " a chep em avangin min hloh daih loh nan ka kawngah a rawn dawm nghal chat a mahse ka lo ngai haw lem lo rilru tenawm pu a ti a nih loh avangin .
Kan in her pahin Rainer chu ka va mit sir leh kher a , rum zetin Shane an ka kawng a dawm na lai chu alo melh kur chu niin, an zinga ka tel ta lo tur chu lawm hmel a put ka lo rin nen lungawi lo hmel a pu lek lek mahse tunge hria? Rainer a ni miau alawm keimah vang nilo in thil dang vanga thinrim pawh a lo ni zawk maithei asin .
Shane chuan in hnung lama an lo rik hut hut na lamah chuan min hruai chhuak daih a pawn erawh bengchheng tho mahse inchhung ang em em in boruak a uap ve churh lo.
Mi ho chu pool pump puar theih (inflatable pool)lian zet ah chuan an lo cheng hut hut a, a sirah chuan pump puar chi tho tawlh thlak na(slide) hi a awm tel bawk a,chutah chuan in tawlh thlak chhawk pahin a ṭe thla rawng rawng hlawm a, a nawm hmel phian lehnghal.
"hetah eng nge kan tih dawn?"
"sawtah sawn kan tawlh dawn mawle... " maw!! sawtah sawn ka tawlh ve ang maw? teuh lo...
"hahh... i ti tak tak lo" za lo zet hian ka lo nuih let hak a, mahse a hmelah fiamthu na engmah a awm lo. Ngawiteh!! a ti tak tak em ni? a fiamthu a ni lo maw.
"lo kal rawh...nuam i ti viau ang... " ka ban ah rawn vawn a tum a mahse ka lo in kuangkuah hmak.
"Shane... ka in ti huh duh lo, thawmhnaw thlak na tur pawh ka nei hleinem... "
"ka kawr i ha mai dawn nia... "
"aih... ka duh chuang lo, karawh games khel zawk ang... " a rilru thlak ka tum ngial pawhin min hnial dang zel.
"games i khelh duh chuan kan khel thei reng alawm.... khilai slide ah khian ṭe miah lova i tawlh thlak theih chuan... "
"chuan eng nge...? " ka lo ti nghal vat a.
" i ṭe chuan i chak lo tihna chuan beer no khat i in ang... hremna a nih chu... " huizz...thil dang tih tur a awm lo thlawt emawni le?
"ka la tawlh ngai hleinem... " a ni chu vawitam tak a lo tawlh tawh anga, a chak char char bawk ang chuan chatthla khawp in ka in bawk anga, a bum theih tur khawpa mawl ka ni bik lo.
"hahh...keipawh ka vawikhat na tur ve tho alawm... kha min cho ka ring lo rengah "min cho chhuah dan chu a thiam em em lehnghal, a vawikhat na tur a nih chuan khelh pui pawh ka hnial lem lo hetianga boring zeta awm tlawk tlawk ai chuan bakah ka huh vek a nih pawhin a kawr ka ha haw thei dawn tho .
"ka cho che... " uang zet a chhan let pahin ka no a beer chu ka han lem zeuh a, tui ka la ti thei chuang lo ,boruak ngam tawk lek in ka pum lah chu a sa deuh hat bawk.
"min lo thlir mai rawh... " phur zet in a tshirt chunga a kamis hak chu a phelh nghal a,a no ken lai chu min cho hmel zet hian min rawn ken tir kher bawk a, ka mit ka lo chet kual ralh thung .
Shane chu slide tawntirh ah chuan boxer nen chauh a ding vang tawh a, engtik lai khan nge a thawmhnaw a lo phelh hman ni ,chutah ka hmuh loh hlau niawm fahran hian a ban a rawn vai lauh lauh bawk.
" hmanhnawh rawh..." A awmna a sang tawh em avangin hria ang pawhin a awm lo.
A tawp nan a ban chu a rawn vai nawn leh a, hnung lamah pen nga vel in a tawlh hnung te te a ,chak zeta rawn tlan phei pahin a zuang thla nghal pawp a, a sang bawk a a ṭe thla nghal rawng rawng mai,a tawpah tuiah a tla nghal bawrh lehnghal .
A awmdan nuihzatthlak lutuk avang chuan awmna vekin ka nui thei nia mawle, ka beer ken lai pawh ka ti baw tel nghe nghe in ka hria.
"min ring rawh... sang tak a ni... " a sam tuai chhoh phawk pahin pool aṭang chuan a rawn chhuak a, lo nuih ver ver pahin a hremna turin dawhkana beer chu ka lo pe nghal vat a, chêk tlak pahin a tlak nghal pawp a.
"i tih ve hun...beer hi ka lo in ring lawk ange " a hmai tuai pahin ka bulah chuan a ding far tluk tluk a.
"a ngai lo ang... " min tih dan ang chiah in ka no ken lai chu ka ken tir ve ngat a ,ka pheikhawk chu phelh dawhkan bulah chuan ka dah ṭha than a.
"i kawr pawh kha phelh rawh... " teuh lo, panty leh bra nen chiah ka awm dawn lo reng reng.
"tihian a ṭha zawk... " nuih sak pahin ka kal nghal nal nal a,a nui hak hak ri chu ka hre zui zat bawk.
Slide tawn tirh a ka ding chiah chu ka rin aiin a sang daih mai!! pool a cheng ho te chu an lang te kâwk in ka hria, ka hawi thlak phei chuan ka mûr nghal sung sung a ka hlau leh hnuhnawh , ka in rin loh laiin ka tawlh thla daih mai ang tih te hi ka hlau.
"hmanhmawh rawh... " ka hnung ah tawlh thla tur intlar an awm ve nual a, hlauh nak alaiin min rawn nawr sek lehnghal.
Ka huaisenna zawng zawng sawm khawm in ka han thaw chhuak hak a, han zuang thlak tak tak dawn chuan ka ṭih leh deuh.
" aw le... ka thei tur a ni... " in fuih phur reng pahin ka han maimichhing te te a, ka zuang thla ta pawp mai!! Shane a au ri te kha chu zia tak a ni a khek hian ka khek thla rawng rawng a, pool ah ka tawlh lut nghal bawrh a ,rang takin ka in hai chhuak nghal vat bawk.
" no hnih in na tham a nih kha mawle ... " min fiam pahin pool aṭang chuan min pawm chhuak nghal nawlh a, ka beng leh ka hnar ah tui a lut hrep lehnghal mahse ka rin ai daih in a nuam phian .
"a nuam em? " buk nghat pahin a beer min pek chu la in ka han tlak ve nghal pap a, ka ner zui nghal sawk bawk.
"ka tih reng kha... min la cho em? "
" i tlawm hma chuan... aw... " kan in en a, arte tui tla kan ang dun lutuk a kan in nuih ringawt.
Vawi nga ka tawlh thla leh tawh a no nga ka in belh leh tawh,ka dose a lo hniam ve bawk nen ka rui tawh hle nghe nghe. Shane erawh kei ang em em in a la rui ve lo, mahse a hot sawt danah a kai ve chhalh tawh tih a hriat theih .
Thawm enge maw tal chhuah lova tawlh thlak hi rin aiin a harsa daih mai, awlsam tak angin lang mahse slide chhip a din meuh hi chuan vawi nga hnu ah pawh ka la mur sang sang thei.
"Shane... washroom ah ka kal duh ... "
" kalpui i ngai em ?"
"aih... a awmna min hrilh la a tawk mai " ka ṭawng pawh a buh ṭan ,boruak lah chu ka ngam surh lehnghal.
"kitchen ah khan lut phei la... bar piah ah khan luh na a awm ang.... "
"lo kalsawn miah suh ang che "
" va chatthla lo la... " min rawn nuih ṭhaw a, pai deuh chhat chhat pahin ka bul lawka chair ah chuan ka ṭhu daih thung , ke lawng a luh ai chuan tiin ka pheikhawk sang zet chu ka in thawlh lut leh a, idea ṭha tak erawh a ni lo.
Kelawng pawh a ka din ṭhat theih tawh loh nak alaiin pheikhawk nen phei chuan ka tlu sual mai ang tih a hlauhawm zawk, ka rilru fim kâr angin hre mah ila ka lu a hai miau a,ka kal kil thei lo. A tawpah phei chuan ka bula ban chu ka vuan ta ringawt a, Shane aw ka hre zui nghal zat bawk.
" i ṭha maw? " nghet takin min rawn dawm nghal vat a.
"ka ṭha chuan ka hria.. "din ngil pahin ka lo nam sawn deuh a,in control hram hram ka tum nasa hle bawk .
"ka lo kalpui ang che... "
" hahh... tah sawn min lo nghak zawk rawh... " nuih har har pahin inchhung uap zet ah chuan ka lut a, disco light phe zawk zawk te leh music ring lutuk chuan ka luak a ti chhuak nghulh mai.
Kitchen chu awlsam deuh in ka hmu nghal mai a, a kalkawng ah erawh rui chhe fe fe paltlang tur an tam hle thung.
Ka huh zawr vek tawh a, ka thawmhnaw huh far tluk tluk chung chuan kitchen lam chu ka pan phei chhat chhat a,a ṭhen an lam a, a ṭhen in damdawi, weed leh zu an lo ruih belh thul,a ṭhen lah sex hman tumin inchung lamah an in zui chho a kil khata lo infawp ngawng ngawng lah an bang chuang lo ,a ṭhen chatthla der tawh te pawh an awm.
Han hawi kual vel ila mahni hlimna tur zawngin mahni tawkah ka buai hlawm hle .Rainer te ho pawhin ping pong an la khel niin a lang, a au dar dar ri pawh ka hre thei.
A thim deuh mup avangin ka in chhuih ta chawrh mai!! tluk pahin pa lianpui chhuata lo chatthla reng chu ka bawh nghal pawp bawk a,ka phu chiang ngei mai!! amah vangin ka tlu na lo chauh a amah vang vekin ka tlu na lo engpawh chu nise ka zun a chhuak tawh takzet ka cheh takngial dawn in ka hria .
"ka tihpalh...ughh zingah i sil deuh maithei..." tih sap pahin ka in beng tho nghal vat a, ka sam huh deuh chap pheng zet mai tuai thuak thuak pah chuan kal leh mai ka han tum a mahse ka thil hmuh avang chuan ka ding nghal chawt a! mak tih hmel takin phawk fe hian ka hawi let nghal haw bawk !!
Rainer leh hmeichhe pakhat sexy zet hi ka din na piah lawka couch ah chuan duh thawh zetin an lo fawp ngawng ngawng chu niin!! an in bawh thuah lo chauh a ni ber e.
Ughh...hmun ualau taka an infawh avang hian mak pawh ka ti hran lo ,bakah Rainer te chu hmeichhe mi tak a ni tih tupawn kan hre vek ang chu, han en mai pawh sawn a vawikhat na a ni tawh lo tih a chiang reng ,mak ka tih ber zawk chu a hmeichhe fawh nu saw Braydon bialnu hlui a lo âtchilh em em ṭhin Amira kha a ni tlat alawm.
Ni e,Braydon nen an inṭhen tawh ngei alawm mahse Rainer an a chhuhsak ang tih rin ngaihna ka hre lo, an lo in huat em em nachhan pawh kha hei vang hi a ni ngei ang.
Mak ka tih em avang pawh a ni mahna ka mit ka la sawn thei hlek lo, chutia hmuhnawm ti taka ka lo thlek dauh dauh lai chuan Rainer chu a rawn meng ta thut ma!! Amira fawp reng chung chuan chiang zet hian min rawn melh kur a, ka in her rang ngei mai.
Engvanga hlauthawng ve ringawt nge maw ka nih le? ka thinphu lah chu a phu rang tulh tulh lehnghal.
"Hmu lo angin awm rawh... " mahni leh mahni in hrilh sap pahin washroom lam pan chuan ka pai phei nawk nawk a,vanneih thlak lutuk in hmeichhe pakhat chiah alo awm hlauh chupawh chhuatah a lo ṭhu thluang duai a, a chatthla emawni lehnghal.
Chunu chu en hu hu pahin ka pen kan a, commode ah kan ṭhu chiah mai chu ka zia nghal sawng sawng mai.
"huiii.... " thawk halh pahin maimichhing chung chuan ka han nui zui var var a, midang chuan min hmu se chuan mi â emaw min ti ngei ngei ang.
Minute 5 dawn ka ṭhut vang vang hnu chuan phur lo zetin ka panty chu ka pawt chho nawk nawk a, a huh vek avangin hak leh pawh a phur awm tawh loh.
Shane an min lo la nghak reng a ni tih ka hriat chhuah leh hnuhnawh avangin commode flash pahin kawngka chu ka hawng nghal ṭhuai a mipa pakhat sang zet mai ka su nghal pawp ringawt!!
Tudang ni lovin Rainer a ni!! Huizz!!
Min din hliah khup avang chuan amah melh chhoh kar pahin ka han tawlh hnung deuh hrat a, commode tlang in ka chawn a rawn deh hit nghal vang vang takah chuan i tawlh hnung thei tawh lo tia min rawn warn na ah ka ngai.
"i awm sawn thei angem?" ka serious ve viau a ka in hriat pawh hian engah mah a ngaih hmel ngai lem lo .
" i va rei em em ve? " Enga!! engtin nge a hriat? ka luh kha chuan Amira nen an la in fawp ngawng ngawng sia.
"min rawn um zui ani maw?" lungawi lo tih hriat zet hian ka awki ka han san deuh a,ka melh rum nghal hle bawk .
"hahh... umzui a!! he washroom hi i ta em ni ?" hnehsawh leh ngeiawm zet hian min nuih zui hak a.Ni e... toilet hi a hmang ve duh pawh a ni mahna.
"kha a nih chuan hmang rawh... " zawi sap hian a luhna tur chu ka lo kian nghal a,kawngka ah a din tlat avangin a dinna sir awl zim te ah chuan ka in hnawh phei ta ringawt a, kalna tur tal min kian ve tur chu a ni asin.
"i rui elaw? " lut ta mai lovin ka kal tur chu a rawn ti leh kher a, rui ngai lo ang zia zânga.
Hre lo ang maiin chhuata hmeichhia lo ṭhu thluang zâr kha pen kân leh mai ka han tum a, "zawhna ka zawh che chu? "ka kiu a dawm pahin min pawt her nghal sawk a!! amah si ṭep a ka din takah chuan ka mur leh nghal uaih uaih nia mawle, duh lo eng ang mah ila chawplehchilh in ka thinphu a rawn rang lehnghal zawt zawt tawh a, ka dâng lah chu a ro nghal rup lehnghal.
Hepa hian eng nge maw a hriat le? ka rui emaw rui lo emaw a lo buai ve na tur a awmlo hrim hrim.
"min thlah rawh... "
"khatiang khan min melh hlek suh... " ka melh nghal kâr avang chuan alo ngaithei leh tawh lo ngang mai, nge maw melh rum pawh chu a ngaihtheih loh em em le?
"a nih ka maimichhing mai dawn em ni? Amira rilru i hmin avang hian mi zawng zawng i thu hnuai a dah thei turah inngai reng reng suh ..." rui phur boruak ngam tih takah tum loh deuh deuh in ka chhang hmiah hmiah tawh mai bakah û te ṭan hi chu pe na ve tan tan tak ka ni.
Ka thu sawi avang khan thinrim hmel pu kha nuihza hmel a pu leh tawh, thil nuihzatthlak ka sawi awm pawh ka hre lo.
" ka thei alawm... "fel fai tek tawk awmze nei thui tak si hian min chhang leh fak tawh tun ṭum erawh chapo na a hmel ah ka hmu thei.
" hahh.... i hresual a nih chu "mit chet kual ralh pahin in ring tawk tak hian ka lo ti let ve ngat a.
"i chiang chiah maw?" min chhuk en run pahin a han inla serious leh deuh a.
"aw... " ka tih zawh rual rual chuan ka tawlh hnun leh tawh loh nan ka ban ah nghet takin a rawn vuan thut a,a lamah min pawt hnai nghal bawk,mak tih hmel takin ka en chho nghal kawk thung.
"i chiang chiah maw...?" Ka beng bulah bulah chuan a aw sexy zet chuan a rawn ti sa sa a, ka beng a thawk luk pap pap rual chuan ka lo mûr nghal sung sung thei nia mawle , ka hmul thi te hi a ding hial in ka hria.
Ngawi rengin ka lo bu leh nghat a, ka sam ka benga zeh ṭhat pah chuan min rawn nuih zui suk bawk!! awi Lalpa leh !! a va han hmelṭha tehlul em, ka ang phuau in chil thli tla lo chauh in a hmel chu ka lo thlir leh dauh dauh tawh.
"i thik em ni? " thik ve deuh... nilo, ka hrelo....ka hrelo takzet.
Hnai te tak tak ah hian a rawn kun hniam ta mai!! ka lungphu rang lutuk hi a pawk chhuak mai dawn in ka hria.Ka hmui a in tawh loh chauh tawh avangin min rawn fawp mai dawn emaw ka tih vek tawh laiin kan chal chu a rawn in sik tir ta zawk a, a thaw lum ham ham te leh boruak ṭang nghal at te chu kei takngial pawhin ka hre thei.
Vawikhat ka han tawlh hnung leh hrat a, nichin a nu bawk kha ka rah palh avangin a rawn rûm deuh hak a, ka halh chhuak nghal hlawl mai.
Rang lutuk in Rainer lak aṭang chuan ka han in la hrang nghal vat a, a ni pawh khatiang thil a thlen avang khan a thil enge maw sawi duh nei niawm tak hian a han ang deuh zuai a mahse a hmui liah zeuh pahin a nghawng chu a tuai ta zawk a, engmah a sawi leh loh avang chuan ka awmdan phei hi chu a lai kual vel vek tawh.
"ughh.... " ka han ti zet tawh na in ka in her vut a, ka inher zawng chuan darthlalang ah ka mit dum pherh nuai chu ka hmu thei !! Naa... ava han zahthlak tak em!... mahse helai hmun atanga chhuah vat ka duh avangin washroom aṭang chuan ka chhuak nghal nal nal a, ka lungphu erawh ala mumal thei chuang lo.
"Sadie ....kan zawng nasa lutuk che... " Awi!! vanneih thlak lutuk in ka ṭhiante pahnih ka hmu hlauh!! mahse an rawn thlen har em avangin ka lungawi chuang lo.
" tinge i mit chu? i kawr te hi? " Kaitlyn chuan ka sam pawr chhap chu min rawn tuai mam sak sawk sawk a.
"umm... Pool ah kan cheng a, min rawn zawm ve duh em? "
" Shane nen maw? " a rawn ti rual nghal ṭhawt a,an phur hmel em em lehnghal .
"ughh... aw.. " ka dar chu ka lo chhin khum ât a.
"a nih chuan kan rawn tel ve te chuan a nuam tawh nang...va chhuak vat zawk rawh... "
"aw le... mahse min lo hawsan suh ang che u... "
" i mawl mi... Shane an a thlah ve ang che chu... bakahh...." an in melh a, min rawn melh ve leh pah chuan an han nui vel a, an rilru a awm ka hre nghal...
Sex!!
Kei leh Shane hian mutdun na hun ṭha tak kan nei ngei anga chu chu bawhpelh lo hram ka tum ughh in hriat angin American tleirawl (a tam zawk)te hi chuan kum18 tlin tawh hi chuan virgin a awm reng hi an tum tawh ngai lo chutiang bawkin keipawn....
"naktuk ah news lawmawm deuh hriat tumin popcorn kan lo nghak ang che... " Chelsea in a tih chuan mit chet kual ralh pahin a in tur ken lai pakhat zawk chu ka han lak sak a.
"Sadie vagina (serh)tan ... " Kaitlyn in inthlahrung lo zeta a rawn tih chuan kan han nui ho leh rih a, in cheers pawhin kan no ken lai chu ka han tlak nghal pap bawk a.
Ka ṭhianten malsawmna nen a min thlah thlap hnu chuan pawnah ka chhuak leh ta nge nge a, mahse Rainer hmel, a aw leh a rim pa hrak te kha ka la feel veng veng thei nia mawle, ka awmdan hi a pangai thei thlawt lo.
"i va bo em lo maw? " Shane an min hmuh chuan pool aṭangin a rawn chhuak nghal vat a, ka kal bo chhungin a lo rui hman hle nghe nghe.
"in tur i duh em? " ka zahzel ah ka lo ti ringawt a, a lo bu nghat bawk.
Rei fe hun kan khawhral leh hnu chuan awmze nei deuh deuh a kan awmna hmun bengchheng ka tih thu leh boruak thianghlim hip ka duh thu ka sawi chhen avang chuan a tawp a tawp a hmun hrana kal ka duh leh duh lo thu min zawt ta nge nge a, ka lo aw chiang ngei mai.
" khawiah maw kan kal dawn? " car ah lut lovin ke a min kalpui tak daih avang chuan ka zawt ta ringawt a.
"heta ṭanga minute 10 vel lek kalah " hmm... a apartment ah min hruai a tum chiang!! ava fuh dawn em...
"khawiah...? "
" ughh.. i hre mai ang... cheers... " tih pahin kan no dawn lai chu kan han lem leh zeuh a, zan reia hetianga teikual vel mai mai hi a nuam takzet,khua lah chu a thiang vuk lehnghal.
Shane a sawi ang tak tak in minute10 vel lek kan kal hnu chuan building hlui rep rup chhawng sarih vel laia sang ah chuan min luhpui ta nge nge a, a hrang lo hram ka beisei.
" Miss... rawn lut rawh le... "kut hnung suih pahin uang zetin elevator ah chuan min luh hmasak tir a, "tehreng mai... " ka kawr pawh parh pahin ka ke chu ka ti kawkalh a, chibai buk niawm takin ka lo bu zeuh a, nuih har har pahin kan in zui lut nghal bawk.
Chhawng sarih lam pan chuan ngawi rengin kan chuang chho dun vauh vauh a, tumah an awm loh mai bakah a reh ruih avang chuan boruak a ṭang ru hle tih hai rual a ni lo.
Kan pahnih chuan in hip ru tawn tak ,in hnaih ngam chiah si lo hian in hlat deuh takah kan ding ran a, melh pawh kan in melh tha ngam lo.
Elevator a rawn rik tlang takah chuan kawngka chu a rawn in hawng a, kan awmdan a lai kual vel vek tawh avangin chhuah mai pawh kan tum lo .
" umm... chhuak ila... "
" nia... " nuih luih suk pahin ka chhuak nghal vat a, ka chet ṭhin em avang chuan a hmuh loh in lehlam ka hawi a, ka in chhiat khum nghal zawk zawk ringawt.
"helamah... " kawngka pakhat lian zet lam chu kan pan phei dun chhat chhat a, hemi floor ah hian room pakhat chiah a awm tih ka hre ve chiah.
Room password chu a chhu lut a, kawngka a in hawn rual chuan inchhung chu alo thim mup a,tukverh lian leh zau zet atanga thla eng in a chun theih bak chu engmah a hmuh theih loh.
" a nuam hle mai... "
Kawngka a inkhar rual chuan light pawh on hmasa lovin bangah min rawn nawr bet chawt a, duhthawh zetin min rawn fawp nghal tawn tawn ta mai !!.
A tir atangin boruak a ṭang tawh bawk a,hnar chu sawiloh ka thiam ang tawkin ka lo fawp let ve nghal tawn tawn a, ka hnute ṭham paha a rum zui hak hak ri ka hriat te chuan namen lovin min ti phur zual a, ka ngawng leh beng bawr vel chu thiam zetin a fawp tawn tawn bawk a, ka lo maimichhing ve diar diar mai.
Experience nei turah min ngai pawh a ni mahna min play kual vel lovin min pawm kang nghal nawlh a, a kawngah nghet takin ka lo khawkherh tlat bawk , ka mawng a dawm pahin min fawp reng chung chuan khumah min chawi phei a, a taksa hit thlar ina min rawn bawh phei chuan a kap bawr vel pawng khawng ruh ṭul te chu ka hre thei a ,ka theih ang tawkin ka lo kuah ve chial a,kan in fawp bang thei lo a ni ber .
Chutia chakna avanga a rum ngut ngut lai chuan tuemaw in light a rawn on ta thut mai !!
"what the F*ck...!! " vin zeta ti hluk ri ka hre zui zat bawk.
Lalpa leh!! Rainer leh bawk maw?!!! eng nge hetah a rawn tih?
Rang lutuk in Shane chu ka tlawh tho nghal zawt a, uak tuarh pahin bathroom lam ah a tlan phei tak daih avang chuan keimah chauh in Rainer chu ka hma chhawn ta ran mai!! mak ka tih mai bakah ka zah em avangin ka biang te hi a tai hlur hian ka hria.
"engvanga ka in a lut ru phiangsen nge in nih? "
" Enga...!!"
CHAPTER -11
Motto- "Be the change you want to see in this world "
He in hi Shane in nilo in Rainer in zawk maw lo ni a!! Lalpa leh!! engthil ah nge maw ka inham buai tak hi?
Ka zak lutuk chu khumah chuan hnar hmu lian lurh chungin ka ṭhu reng a,han tho daih tur pawhin ka awmdan a lai kual vel vek tawh.
"chhuak rawh... " tih vin hluk chung chuan hnuailam melh rûn chungin light dim deuh ruih in a a en phak loh na lam hmun thim ah chuan a kal nghal daih a, a thinrim hmel leh meng rûm lutuk hmel ka hmu hman lo hlauh chu vannei ka in ti ru hle.
Ngawi rengin ka kawr chu ka siamṭha nghal sawk sawk a, ka sam pawh ka tuai mam ngun malh malh e. Ding uai pahin Rainer lam chu ka va melh zeuh a, a awmna thim hle mahse min hnung chhawn zawngin a ding tih erawh ka hmu thei. Engmah a rawn sawi leh tawh lo bawka,insawifiah buai lovin ngawi rengin a hmuh loh hlana chhuah daih chu ka rilruk ta zawk a.
Ka lo in hnem ve bawk nen ka din zawng chuan ka lu a hai in a na deuh chhû a, ka pum aṭangin min rawn pump nghat ut ut lehnghal,ka luak chhuak lutuk chuan ka chil ati rial nghal pup pup bawk a, ka uak tuarh takah chuan ka luak nghal mai dawn in ka hria.
Inchhunga ka luah mai ka hlauh avangin hmanhmawh takin kâ hup chung chuan Shane a tlanna lampang ah khan bathroom a awm ringin ka tlan phei ve nghal dawr dawr a, vanneithlak lutuk in bathroom a lo awm tak tak hlauh.
Kawngka alo in kalh loh avangin Shane a awm tih hre tho mahila ka tlan lut nghal pawp a, Shane lah chu bathroom chhuat ah chuan alo mu tual a min chahthlak san daih lehnghal !! hreptak chuan...
Shane chu ka pen kan thawk a, commode hawn pah chuan ka luak ta nghek nghek mai!! ka hnar ah nen lam tui a rawn chhuak zur zur a, ka chal te hi a na nghal ngut ngut thei nia mawle,ka uak nasa bawk a ka mittui te lah chu a tla nghal zung zung lehnghal.
Ka duhtawk ka paih chhuah hnu chuan ka hmui chu ka kut hnung lampang in ka han hru fai nawk nawk a, thlek bâr pahin ka khar zui nghal chawrh bawk. Commode chhin bawh nguih pahin theih leh thei lo hian ka han flash a, a ri chu naupang thuawih tak ang mai hian ka ngaithla vung vung a, ka harh fim deuh kawk in ka in hre bawk.
"Shane... Shane ..." tih sap pahin a nak ah chuan ka han tlawh che dêt dêt a, harh chu sawi loh a rawn hnâr lehnghal emawni?
"harh teh... " peih loh zet chung chuan sawi harh tur ringawt in a lamah ka va tawlh phei ṭuih ṭuih a, engang pawhin sawi harh tum mahila thi ang chiah a ni tawh, sawi in awmzia a nei lo.
Keimah chauh a Rainer ka hmachhawn tur chu ka peih lo lawk ,engtin tak min hau ang maw ,a ṭawngkam a na thei em em mai lehnghal. A inah a hriat loh in kan lut ru a, ka la luak hrep zui chutah Shane lah chu a bathroom ah a chatthla der lehnghala. Engvanga che khir em em nge maw ka nih le? Aaahhh.... ava han zahthlak tak!
Bathroom ah zankhua in ka awm theih bik loh avangin tap rin chhan chung chuan ka in pawt tho ṭaih ṭaih a,ka pheikhawk pawh hi ka ning ta hle mai mahse phelh tur pawhin ka thatchhe lutuk tawh.
Buaina ka thlen nasat tawh nak alaiin a englai ber hi nge ka khawih fuh pawh ka hre lo shower chu a rawn in on ta thut mai!! ka che fuh thei lo lutuk chu ka thin a rim hlur tawh.
"oh!! Sh*t... " off ka han tum mai a, eng eng emawni herh tur a awm nual avangin eng ber hi nge a off na ka hre mai lo lehnghal!! khawngaih in he shower tehhrep hi tuemaw in min han off sak hram teh u...Lalpa leh!! ka thi thei takngial dawn!!
Ka mangan tawh mai bakah ka thawmhnaw ro duak tawh pawh a phuh huh leh tak vek hnu chuan vanneih thlak lutuk in ka off thei hram!! ni e, ka huh zawr vek tawh hnu ah a nih chu!! huizz.. engpawh chu nise ka off a a ṭha hrim hrim.
Hlauh leh zah pawh a sawi theih tawh loh chhuata ka thawmhnaw huh far thla tluk tluk chung chuan bathroom aṭangin ka chhuak nghal nal nal a, Rainer awmna lam pawn en ngam tawh lovin thawm dim thei ang ber in kawngka lam chu ka pan phei zal zal a, min rawn hmu lo hram se ka ti takzet.
Kawngka ka thlen phei pawh chuan thawm engmah ka la hriat loh avangin ka han thaw chhuak zui hak a, a tawp nan Rainer va melh leh zeuh pahin ka chhuak nghal daih a,ka thil hmuh avang chuan ka lut leh rang ngei mai .
Chiang takin hmu lo mah ila Rainer chuan kawr pawh ha lovin ngawi rengin a hnungzangah damdawi hnawih tumin a lo bei ngar ngar a ni tih erawh chiang takin ka hmu thei thung.
"engthil nge thleng? " ka hlauh thawn em avangin eng thil chiah nge thleng hriat tum chuan ka va pan hnai nghal chawt a, mahse vin zet hian, "ding rawh... " a rawn tih dum dût avangin ka han ding deuh chut a,ding rawh min ti miau a ka hnaih mai ngam bik lo.
"chhuak rawh...!" a hma aia ngaihno bei lo hian a rawn ti leh hlak a, ka rilru te te chuan kal daih ka duh mahse ka chhungril erawh in ṭanpui turin min ti tlat thung. Puih a duh loh avang maiin kalsan ta daih ila thil dik a ni dawn em ni? engpawh chu nise engvanga in ti na nge maw a nih le? ughh chu zawng zawh ngam pawh a ni leh chuang lo ngaihtuah buai lo law law zawk ang.
"aih ,puih i ngai alawm... " in hum ruh pahin ka ti ve ngat a, pui tura ka va pan hnai ta mai hi ka la in awih thei lo, he hmun aṭanga chhuah daih hi a finthlak zawk tehreng nen.
"i puih ka ngai lo... chhuak rawh ka tih chu... " a rawn ding ta rûn mai, a awm mai mai pawh a nelawm tawh loh sa nak alaiin min han vin deuh hluk phei hi chuan a hlauhawm zia hi inhria se ka ti takzet.
"khawi damdawi chu ka lo hnawih sak ang che... " a ṭawng hre lo ang maiin damdawi ah lapua chu ka han chiah huh sawk sawk a, amah hnaih tuma ka ke ka pen rual rual chuan a rawn hawi let thut a, dawhkan chu a vaithlu ta tawp mai!!
Ka hlau lutuk chu ka ding khawng nghal awt a, phawk fe a men pah in ka chil ka han lem leh dak a, ka thaw dep dep tawh. Mahse hlau hle e tilo chuan a abs te leh a V line nalh lutuk te erawh ka lo hmuh hmaih lo chiang kher mai,a dar leh ban vel uluk taka workout tih hriat reng reng te chuan a ti chhelo zual ,a hot a ni tawp mai.
"i... i hmai kha... " a hmai a duk nasat mai bakah hliam leh thi a awm nual avangin ka ti chhuak hlawl ringawt,chutiang sawina hun pawh a nih loh avang chuan ka inchhir leh hnuhnawh. He kâ chawng chawng vang vek hi, ka duh duh ka lo sawi chhuak leh phawng phawng ṭhin .
"a thi ania...damdawi hnawih ang " hlauthawng tih hriat tak hian ka tih ngaihna hre lo chuan a kutah ka va vuan nghal chawt a, mahse a kut a la sawn lova a thing thla bawk hek lo, a awmdan chu mak ka ti letling zawk.
"engvangin nge i chhuah mai loh... " tun ṭum erawh a aw ah thinrim na engmah hriat tur a awm lo.
"puih i ngai a... ka chhuahsan daih thei hleinem che... "
"i ti tak tak em... min chhuahsan chu i duh lo tak tak em ni? " enge maw a hriat a hetiang thil min zawh chiam chiam mai le?
"ka rilru ka thlak daih mai tur asin... " ka tih zawh ruala a khi suk hmel chu chiang takin ka han hmu thei.
"khawngaihin.... i hliam te hi damdawi hnawih vat an ngai... " hmm... keimah zawkin damdawi hnawih turin kan ngen chu le? amah hian min ngen ngawih ngawih tur a ni zawk asin.
"a nih chuan engvangin nge i din khawng reng.... "
"ughh... aw, hnung lam hawi rawh... "
min rawn nuih vur vur pah hian ngawi rengin hnunglam chu a hawi ve mai bawk a, ka rin aiin thu a awih phian. Keilah confi zetin ti ṭhang niawm fahran hian ka sam chu ka han tuai chho phawk a, lapua chu ka han chiah huh nawn leh ngat a.
Ka hnawih dawn meuh chuan amah alo sang ve bawk nen ka duh angin ka ban pha ta reng reng lo, a na lai phei chu ka han hmu pha lo hrim hrim.
"uluk ve deuh teh... "ban pha mang lo tih takah ka lo han hru deuh tawk tawk aniang, a rawn sawisel rang emai.
"umm... i ṭhu zawk thei angem? "inthlahrung tak hian ka han ti sap a ,"englo ania ka ban phak lo a" ka tih chhunzawm leh zat bawk.
A rawn hawi let rual chuan engmah pawh min hrilh hmasa lovin ka kawngah a rawn dawm chawt a,dahkan ah min pawm kang nghal nawlh ringawt.
"tikhan a ṭha tawh em? " min rawn la nuih vur vur zui.
Dawhkana ka ṭhut kan takah chuan a hliam chu chiang zet in ka hmu thei ta a, ka rin aiin alo nasa daih mai, a vun a thler nimai hian ka hria mahse ṭhui ngai khawp khawp erawh a ni lo.
"i insual em ni? " bandage bel mawlh mawlh pah chuan ka han ti sap a, a lo bu nghat bawk.
"ngatinge? " ka hre chak tlat a nih chu, hei chauh nilo Rainer chunchang engkim hi hriat vek ka chak takzet.
"i dil chhut hle mai... " tih pahin a rawn hawi let a, hnai set sawt hian kan in hawi tawn ran mai,zamawm tak hi a ni ringawt .
A mit ah tak chiang lutuk in ka lo en kâr a, ka thinphu ri dawt dawt te hi a hriat loh hram ka beisei.Ka thawk te chu a pangngai lo ṭan a, maktak maiin electric in a a man ṭek chhuaih chhuaih ang mai hian ka awm in ka hria.
A ni pawh keimah ang tho in a awmdan a danglam tih ka hre thei, mahse kei ang em em in a hmelah a lang ve lo.Kan in hnaih tawh bawka a thaw lum ham ham te chu ka hre thei.
"ka hmai ah damdawi i hnawih dawn lo em ni...? " tih pahin ka lapaw ken lai chu min rawn thlak sak a,min rawn tawh zawng ringawt pawh hian kan in hip tawnna a sang lutuk a, ka mur nghal sung sung mai, a kut châng te lah chu a pilh hrep hrup a, na a ti ve lo emawni le?
"na i ti lo em ni? " a biang ki lai taka thisen rawn chhuak chu ka han dep hlek hlek a,a duh aiin ka lo ti na deuh aniang ka kut chu a rawn vuan nghal chat a, a thip ti ner hmel ka hmuh chuan ka lo nuih ver ver ringawt.
"i dim lo hle mai... " a rawn ti ram hmaih a, nui lo mahse nuihza hmel a pu thung. Lapa leh!! a hmui mawlh hi, engvanga fawh chak tlat nge maw ka nih le?
nilo... ka ruih vang aniang hetiang anga ka awm , mahse a hmui bawk chu ka melh leh zeuh thin a, ka dang te chu a ro ta vek emaw tih mai turin ka chil chu ka han lem leh dak thin a.
"lo tuar ve mai mai rawh... "Ka lo ti sap a, ka sam huh far tluk tluk chu a ning ngang aniag min en vung vung pahin a kut lehlam chuan hnung lamah a hui phei nghal thawk a, mak tih hmel takin ka lo melh nghal kawk ringawt.
"ughh....shower ka on palh a " zahzel ah nuih luih sak pahin ka kun ta daih a, ngun takin min en reng a ni tih ka hriat phei chuan hawi chhoh tawh loh mai te ka duh rum rum tawh.
"i mitmeng chu a nalh hle mai" oh!! Rainer ka aṭanga chhuak atan chuan a sweet lutuk a, ka bengdar te hian lawmthu min hrilh hial se a ṭha ang.
"umm... ka ti tak tak... " awih lo hmel ka lo hmuh leh hman tawh pawh a ni mahna, mahse a rilru a thlak leh nghal daih lo avangin ka lawm ru hle.
Chhanna chang pawh hre lo in ka en kâr reng a, a hmui sen siah mai te leh a heh thi deuh niau te chu ka en ning thei lo. Engatinge maw a hmui pawh chu fawh ka chak em em mai le?
Sadie... hetiang ringawt hi ngaihtuah suh, hawisawn vat rawh tiin ka in hrilh mawlh mawlh na chu ka in thunun zo lo chuan a hmui ah chuan ka han fawp thut ringawt!!
(Note: ka story hrim hrim hi mizo story a nih loh avangin an ram mil thei ang ber tura ka ziah a nia ,an tawngkam alo mawi lo deuh emaw an chezia a lo mawi lo deuh a nih pawhin hriatthiamna nen in lo chhiar hram hram dawn nia
Chuan ka sawi leh duh chu hnam dang a bik takin American tleirawl ho te hian a tlangpui in kum18 an tlin tawh chuan virgin tawh lo turah an in ngai hmiah thin ,virgin nih chu a zahthlakin an nuihzat thin zawk (an vaiin an ni vek lo ) mahse hetiang ngaihdan an put nachhan chu sex education mumal an neih loh vang a ni.
School velah te campaign te nei ṭhin tho mahse keini mizo te ang hian an nu leh pa ten an hrilh melh melh ve lo tawp ang, chutiang chiah chuan Sadie pawh hian hrilh tu mumal nei ta se chuan hetiang rilru hi a pu bik lo ang... hehe
Chuvang chuan ka reader te ka chah duh cheuh chu mipa emaw hmeichhia emaw pawh nise i nau, i tunu, i tupa, i fanu, i fapa kha kum 10 an tlin dek dek tawh chuan inneih hma a sex hman that loh zia hrilh hre tawh rawh,a hma hmiah lo ania hrilh mawlh mawlh a hun tawh zawk ... xoxo)
CHAPTER-12
Motto- "Be the change you want to see in this world "
A hmui nem thek ro rap te leh a thil in a hmui a la chambam cherry ang maia thlum chu ka hne dek dek a,min rawn chhang let ve miah lo thung.
Khatiang thil kha ka tih ngam a lo ring bik lo aniang mak tih hmel takin a ding khawng nghal awt a, mahse rei tak chutiang chuan a awm lo.
A thaw lum ham ham ka hriat rual chuan ka darah a kut hlai zet pahnih chuan a rawn dawm a, zawi te a min han nam sawn takah chuan mawi hnai takin min hnar ani tih ka hrethiam nghal , ka zah em avangin ka kun nghal daih a,a hmel pawh ka hmu ngam tawh lo .
Ka taksa pum chu thawklehkhatah a rawn sa nghal pup pup a ,ka thlan tui te lah chuan min leih huh nghal bawrh bawrh lehnghal.A ruk tak chuan ka insum thei lo in ka lo han fawp chawng chawng kha ka inchhir leh hnuhnawh.
Chutah hnar hmuh len tawh sa nak alaiin uluk takin min en reng tih ka hriat phei chuan ka thinrim nghal ṭun a,khuk ral daih ka chak takzet.
"umm...ka tihpalh...hahh ughh ka thil in vang vek ...."thawk chhuah halh pahin ka han nui lui ngial a ka chhuanlam lah chu a chhe ropui lehnghal ,ka la hawi chhuah ngam loh avangin ka la kun tlat reng tho.
Engemaw tal a sawi ka lo rin ve nen ka zahna tih zual a tum niawm tak hian engtin mah min la chhang miah lo zui!! ka zak lutuk hi ka ṭah te a rawn chhuak thut hian hria.
Ani pawh thil ngaihtuah nei niawm takin rilru buai tak hmel a pu.Engpawh chu nise helai hmun aṭanga ka thlawh chhuah vat hi angai, midang a hrilh pung anga college ah min chhaih leh huai huai ang tih te thlengin ka ngaihtuah leh hman vek tawh.
"ka... ka kal angai... " ka sam ka beng a zeh zeuh pah chuan ka ṭhutna aṭang chuan chhuk mai ka han tum a, mahse ka khela rawn dawm pah chuan min lo dang vat thung.
Mak tih hmel takin rang lutuk hian ka hawi chho nghal ha a,a aia hniam in a rawn kun a ka phalna pawh la hmasa lovin duhthawh zet hian min rawn fawp ta tawn tawn mai !! keimah zawk hi a awmdan ang khan ka awm ve leh tawh zawk!!
Ka thiam ang tawkin ka hnar lo tih a hriat thei nan ka lo fawp let ve tan tan a,ka in dem hran lo hetiang ang mipa hot leh chhelo lutuk huhâng ngah zet hi tuin nge hnar thei bik ang?
Ka lo fawh let ve takah chuan a hmui la sawn lovin min fawp reng chung chuan a han khi suk a, a aia duhthawh in min fawp zui nghal, a lei ka kâ chhungah zei zetin a rawn hawl lut zeuh zeuh bawk a ,a hmui a thisen kai te leh a hmui hnawm chap te chu a thlum dek dek te hian ka hria !!
A kut pahnih in ka biang tawn tawn ah a rawn dawm a,ka rilru a chawmawlh vek hi a ni ber, ka biang zawn a a thaw lum ham ham te leh min fawp ri chawk chawk ri ka hriat phei chuan ka thawk dan te leh ka thinphu te chu a rang zual sawt a,boruak a sosang tawh hle.
Ka mal leh ka mawng bawr vel chu a zut tawn chen a, kei pawhin a nghawngah ka kut pahnih chu ka suih zawm tlat bawk.
A rawn kun deuh khur avangin inla hrang chuang si lovin a han ding ngil deuh a, min fawp reng chung chuan ka mawng a dawm pahin zo zet hian min pawm kang nghal nawlh a,hrilh chawp ngai lovin a kawngah ka bawp ka lo khawkherh ve vat bawk.
A kap pawng khawng luah te chu min pawm zawng chuan ka hre thei a,chu chuan min iai bik loh zia leh min hnar loh zia a ti lang thung.
Rainer a fawh hi chu experience la ngah lo mah ila kei takngial pawhin danglam bik zia ka hre thei. Ka taksa a tawh hlek pawhin ka lungphu a dik lo nghal vek a,a chet dan rough tak te hian zûn a nei bik hliah hliah.Derek, Shane leh nichin lawka ka lo han fawh ve nawk nawk dan te kha chu dah nil tak a ni.
Kitchen table ah chuan muang changin min han nghat leh a, ka nghawng lamah fawp thla in zel in zei zet hian a tih ṭhan tawh a ni tih hriat zetin ka kawr ah a rawn zet lut zal zal a, ka hnute a lo hmuhsit em em ṭhin kha dimna nei hauh lovin a kut hlai zet chuan a han tham zui tawn tawn bawk a, a hmur a khawih fuh phei chuan zawi te hian rum hak ringawt!!
Sawi lo mahse ka kawr leh ka pushup bra (hnute tih lena ) hak te chu hnawk a tih hmel takzet.
Ka kawr zipper chu phelh tumin ka hnungzang chu a han zut chho a mahse a kutah ka lo man chat ringawt, engvanga dang nge ka nih pawh ka inhre bik lo,Rainer hma a ruak veka awm hi ka zak pawh a ni mahna .
Ka hnute tê a tih zia te kha ka ngaihtuah chhuak leh hnuhnawh a ka in rin tawk ve na te kha ka hlauh nghal vek,chutah Rainer te chuan hmeichhe chhelo tak tak hlir a mutpui anga kei ang hmeichhe tawi lutuk 5"4' vel te lek lek hi chu melh pawh min melh peih lo ang.
"thil ngaihtuah vak vak suh... " ka rilru hria niawm takin ka hmui a rawn leh fawh rual chuan a rawn ti sap a,Awi!! Lalpa leh!! a accent sexy lutuk hi ka sawi bang thei lo. Bakah hetiang thil hi ngaihtuah vak vak lo turin min ti amaw? ka rilru a ti chawmawlh zo vek tawh a nih hi, a ni ang tan hi chuan ka ṭha tawk ngai lovang.
Nilo... hethil hi ka ti thei lo, Rainer hma a mualpho taka awm turin ka la in peih lo a ka thianghlimna hlauh turin huaisenna ka nei bawk hek lo.Boruak a sosang in kan in hip tawnna pawh a nasa hle tih ka hria mahse hetiang thil ti tur hian ka la in peih lo, ka thei thlawt lo .
Ka rilru dawi ât veka awm aṭang chuan ka harh chhuak zawk a, ka meng nghal kawk ringawt.
" Rainer... !!" ka han nam deuh a mahse a che eih lo.
"umm.... " a rum zui nghut a,min fawh chhunzawm char char tho.
Hetiang ringawt hi chuan awmzia a awm dawn lo tih ka hriat avangin na deuh tak hian ka han nam sawk a," kal sawn rawh... " ka ti zui nghal hlar bawk.
Ka nam ve te kha chu engah mah ngai lo mahse ka awm dan avang chuan a tawlh hnung nghal vat a,hriatthiam loh hmel takin min en nghal haw bawk.
"hreptak chuan....!! eng nge awmzia? " a vin nghal hlar mai, a awki aṭang chuan a lungawi vak lo tih a hriat theih.
"hun .....hun ka mamawh... "
"Enga!! Engah chuan maw?" a sam chu a tuai phawk a, ngaihna awm lo min tih hmel em em lehnghal.
Dawhkan aṭanga chhuk pah chuan " hun min pe leh rawh... "ka han ti leh sap a, engvanga dil ringawt nge maw ka nih le? Sadie ngaihtuahna fim pu hram teh.
"ok..a ṭha e.. " a ban a awm zawn vel a phar pahin a tshirt chhuata let reng chu a la lawk a, " min dang leh tur si chuan min fawp lo tawp mai ta che... " a rawn ti zui leh kher a nih chu!! a ṭawngkam ngeiawm lutuk leh min hnehsawh lutuk avang chuan rum zet hian ka melh nghal hraw a, ka sa nghal phat mai!!
"Enga !! Min puh vek thei bik lo ang... " ni e... a ni pawhin min rawn fawp leh ve tho a, ka thiam loh a ni vek bik lo.
"hahh... ngawi lawk teh,tunge bul rawn ṭan kha .... "
"min rawn fawh ve tho kha... "
" fawp lo thei lo tur che in min nawr lui miau alawm... " enga!! min fawp turin ka nawr lui reng reng lo.
Keiman ka nawr lui zawk ang maia ṭawngkam a nei hian ka rilru a ti na takzet.
"duhtawk rawh... keimah chiah ka ni bik lo... " ka lo chang let ve ṭang ṭang a chhanchu mi lepchiah ang maia min ngai hi ka ngaithei bik hauh lo.
"a nih chuan twosome i duh tihna em ni? " oh!! hei zet chu a va na em!! ka thin a khei zak mai!! ka awm zawn a rawn sa nghal ut ut bawk. Engtin nge hetiang hian min ngaih theih zawk?.
A sawi tum chu amah chiah hi chu ka duhtawk lova mipa dang nen a mutpui rawn ka duh angah a ngai a nih chu!!
"ngawi hmak rawh... " ka ṭawng chhuak thei chang chang, ka thinrim rilru na bawk nen ka mittui chu a rawn far nghal fap a, a hmuh hma in lehlam ka hawi nghal daih a, kawngka lam ka pan nghal nal nal bawk.
"khawiah nge i kal dawn? " kawngka ka kal pelh ruala a rawn ti ri chu hre tho mah ila hawi let lovin elevator lam chu ka pan nghal hlawk hlawk a,Rainer ka huat chu thuhran amah avanga ka mittui tla ve ringawt te leh ka rilru natna te zawng zawng nen lamin ka haw hlur tawh.
Elevator a ka lut tur chu ke pen thawm ka hriat avangin a aia hmanhmawh in ka tlan lut nghal a, engvanga min rawn umzui leh si nge maw a nih le?
Kawngka inkhar tur chu a kut a rawn rawlh luh hman avangin a in hawng lehnghal a,lungawi loh hmel zet in min pawt chhuak nghal dawr dawr ringawt.
"min thlah rawh... ka haw duh" ṭap aw deuh ṭuau hian ka lo ti nghal hlar a, ka rilru no leh lutuk hi chu a buaithlak ngawt mai .
"engtin nge i haw anga... Shane an a chahthlak san hmak che saw... "
" ka... ka hre bik lo.. "
"ka thlah ang che rawn lut phawt rawh... " nichin lawk khan duhtawk in min ṭawngkhum a tunah lah ṭhat chhuah a tum leh ang lawi sia.
"ka duh lo... " ka mittui rawn luang ngiai ngiai chu ka han hru zeuh a,mak tih hmel takin min rawn en a, inthiam lo hmel te pawh a pu mahse hepa hian engmah a care ve thlawt lo, midang rilru tih nat bak thiam a nei lo .
"Hey!! i ṭap em ni? " a aw vin lutuk kha thawklehkhatah min ngaihsak ang takin a thlak danglam nghal thei nia mawle, lemchan thiam tak a ni.
Min rawn khawih a tum pawhin lehlam ka lo hawi hmak a, naupang inthlem te pawh kan ang zawk.
"ka... ka tih palh... " zawi lutuk tak mai hian sawi hreh hmel zet hian a rawn ti sup a, a sawi hreh viau a nih chuan sawi lo law law se ka lawm zawk ang.
"i ngaih ang hmeichhia kha ka ni lo... " ka ti zui leh hram.
"uh.. ka hria lawm... " a ti mai mai lo tih a aw aṭangin ka hre thei ,chu chuan ka rilru na lutuk pawh kha a ti zia deuh.
"ka thinrim laia ka sawi a nih kha... bakah beiseina min siamsak te te a vawilehkhata insum thut hi a harsa ṭhin a... "
Ni e... khatianga lo tihtawp kha a atthlak takzet, mak pawh min ti ang mahse he thil hi ka duh chiah em tih inngaihtuah ṭhat leh ka duh, sex hmang tak tak tur chuan ka la inpeih lo in ka hria.
"keipawh ka tihpalh... "nuih let ver ver pahin ka sam la hnawm chap chu ka kut in ka han ṭawn tawm a, chiang zeta min rawn melh pahin a chêk zui tlak ringawt.
"Enge? "
"khatiang khan i sam ti huh tawh suh..."
"engvangin maw? " ka mit ka han chet ralh a.
"it makes me want to f**k you" (mizo ṭawng chuan a chiang tlawng tlawng emai)
Teh tawp a,fiamthu mah nise a ṭawngkam avang chuan ka lo ip chawih a, a nih lah chu a zak ve der si lo.
"hey... " lungawi lo tih hriat tak hian ka lo ti let vat a.
" ka hria... hahh.... coffee kan in dawn mi, inchhungah? "
Coffee maw!! tun angah lehnghal zing dar3 a ri der tawh ania.
Chelsea in London aṭanga a zin haw uar fahran a British mi ho coffee heh zia leh a polite zia a sawi kha ka hre chhuak zawk mai!! Rainer pawh a bang bik lo a nih dawn hi.
" haw ka duh zawk... " ka lo ti ta zawk a, midang chu nise kan in tih buai hrep tawh hnu ah hetiang hian lenglut turin min sawm teuh lo mahse a ni chuan a thil tih sual te hria in ngaihdam min dil a chutah kan inkar a ṭha a ni tih nem ngheh nan hetiang hian a ti leh bawk a.
American ho ang lo takin a ṭawngkam ngeiawm zet phenah hian a lo polite ru hle tih hi Rainer a chungchang a ka hriat thar a nih avangin ka lawm ru hle thung.Midang hian an hre ve angem le? nahh.... A hmeichhe kawp ho te chuan an hre vek ang chu, ka van mawl tak em....
"i û i hlau lo em ni? " hahh...min ngaihtuah ve tak tak emawni le?
"heta riah hi ka hlau zawk...i hriat angin hmelhriat loh ..." fiamthu titak deuh hian ka han ti a, hriatthiam hmel takin a lo bu nghat bawk.
"nia... " a ti ram hmaih a, a ṭawng bung leh hmuk hmuk ṭan dawn niin a lang .
" chuan min thlah dawn nge....."
" miss Morin...Shane rawn harh hun nghak mai rawh... " a kekawr ipte zen pahin a inher vut a, min luhsan daih a nih chu!!
Hepa hi eng nge a hriat a, engvanga hmelhriat loh tih pawh chu la nat viau nge maw a nih le?
"ka thlah ang che kha min ti sia... " tih pahin ka umzui nghal vat a, min thlah duh lo tak tak a nih chuan party na hmun lama let leh chu ka rilruk rum rum tawh ,mahse ka ṭhian te hi an haw tawh angem tih erawh ka hre lo.
" ka chau... car ka khalh peih tawh lo " Enga!! a rilru a thlak leh daih amaw?
"maw!! "
"couch ah sawn i mu thei ang... " nghal ringawt a, a in a riah hi ka duh reng reng hleinem.
Chutia kan in hnial buai lai tak chuan kawngka chu tu emawni in a rawn hawn thut avangin kitchen cabinet phenah chuan ka biru nghal vat a,midangin Rainer nen a kan awm dun lai min hmuh dun hi ka duh teuh lo ,a inah lehnghal.
Midangin dawt in min puh nasa leh dawn lutuk a khatiang drama ah khan ka in hnamhnawih peih tawh lo.
"engthil nge maw i tih le? " phun sup pahin mak tih hmel zetin min rawn la en zui. Chhuak phei vat turin ka kut chuan ka lo vai lauh lauh a, hlauhthawn nak alaiin min rawn la nuih vur vur lehnghal.
"Rainer...hmeichhe dang i hruai lut em ni? " a aw vin leh ngaihno bei lo zet aṭang chuan Amira a ni tih ka hre nghal, engtin nge ka hriat loh reng ang Braydon nen hun rei tak an in kawp tawh miau alawm.Bakah ka biru hi ka ti fuh takzet.
Rainer a rawn rin hlelh ngawt danah hian a vawikhat thlenna a ni tawh lo tih a chiang reng, Amira lehzel pawh a play kual mai mai a ni tih ka hriat hian ka rilru alo na ve ringawt.
" kawngka i kik thei lo em ni? " Rainer chuan vin deuh hluk hian a lo chhang let a, inthiam lo tur zawk a nih laiin ala zam map lo lehnghal.
"chunu chu tunge? "
"Amira... enteh... ka chau a nia... "
"tunge a hming ka tih chu...? " a au nghal tuarh a, darthlalang paih keh chuaih ri ka hre zui nghal bawk.
Thil thleng avang chuan ka thaw a ip pik takzet, helai hmun aṭang hian tlan chhuah vat ka duh.
"Sawi rawh...tunge chunu chu... Vawikhat chiah ka rilru put hmang hi min hriatthiam sak ve rawh... " Ning hmel zetin Rainer chu a lo thaw chhuak hak a,"tunah chuan ka sawi peih hrih lo... va haw phawt rawh... " a ti a. Ka ngaithla tih a hre kar a, a sawi duh reng nang.
"ka mitah hian min en teh...engpawh sawi mahla ka kalsan dawn lo che... " Amira chu a ṭap zui nghal hawm hawm a, Braydon an keh thei dawm in a dawm a chutah Rainer ve thung chuan bawlhlawh ang maiin a en thung,hreptak chuan hepa hi ka haw ngawih ngawih .
"c'mon ṭap lo teh... " hepa hian hmeichhia te mittui a tih tlak saka, an ṭap lai hmuh hi a ngaithei der lo lehnghal.
"khawngaih takin min kalsan tawh suh... " engvanga in sawi fiah miah lo nge maw a nih le? dawt a sawi ai chuan tihian a ngawi ringawt chu a ni sia, a mak ve ngawt mai.
" va haw phawt rawh... "
"chu chu eng thawm nge....? " Bathroom aṭanga thawm rawn chhuak chu Shane a tih a ni sa, a ni lo midang thawm nei tur an awm lo.
" mawh... Rainer chu chu eng thawm nge...hmeichhia em ni ? " Amira in hmanhmawh taka bathroom lama a pen phei tlak tlak ri ka hriat chuan ka dak chhuak nghal vat a, Rainer lah chuan zui a hnek in living room aṭang chuan min rawn la en kur zui.
Bathroom a a luh rual rual chuan rang takin ka tlan chhuak nghal hlawk hlawk a, ka pen thawm a hria a nih pawhin lo in sawifiah ve tawh mai rawh se, vawikhat tal chu che buai ve map se ka ti takzet.
Ka chhuah dawn chuan ka him nge him lo tih hriat nan ka hawi let leh hram a, ipte zen chungin nuihzat hmel tak hian min rawn en a min rawn la bye bye zui ,rum zet a melh let nghek pahin ka tlan chhuak thei hram. Amira ang hmeichhe nasa lutuk hmachhawn te chu ka ngam teuh lo, chuvang chuan helai hmun hi chhuahsan vat zawk ang.
Elevator hma ah chuan ka ding ran a, kawngka a rawn in hawn rual rual chuan Zuri nen kan in tawk hlawl ringawt!! mak tih hmel takin phawk fe hian kan in melh nghal kawk a, kan khabe chhuatah a tla thla lo chauh .
CHAPTER-13
Motto- "Be the change you want to see in this world "
" Sadie... nang hetah maw?!!" ramhuai hmu ang maiin alawm min en,rilru buai nak hmel te pawh a pu.
"ugh... englo... "chhuanlam tur pawh ka hre lo, thudik tak ka hrilh duh bik bawk si lo, ka ngahtuahna te lah chu a blank mup lehnghal!!
Shane leh Rainer te hi an in hria ang tih ka rin ngai miah loh ang bawkin Zuri leh Rainer te pawh hi an in hria tih ngaihtuah pawh ka la ngaihtuah chhin ngai lo,an mizia inang lo hle mahse ka rin phakbak in an lo in kawmngaih phian maithei. Mahse tun ang hunah Rainer hmu tura kal nge maw a nih le?
"eng nge hetah i tih? " a rawn ti leh a mahse ka chhan hma chuan inchhung lamah glass keh chuaih thawm kan hriat rual rual chuan Rainer room lam chu kan hawi phei rual ṭhawt a,thawm dang a awm leh ringin ngaihthlak vung vung pahin kan han ngawi dun ran bawk a.
Amira in thil a paih keh leh tawh a ni tih ka ring nghal ,ka ring dik ngei bawk ang.
" min lo hrethiam lawk... " tih pahin kal nghal mai a tum a mahse ka lo dang vat , an buaina a nia tumah va inrawlh buai loh hi a ṭhat zawk a ka rin vang a ni .
"va inrawlh buai loh hi a fin thlak zawkin ka hria" mak tih hmel takin min en nghal kar a, min pawm pui tih hriat takin a thaw chhuak zui hak a,"Amira leh bawk... "tih vin hlak pahin a mit a han chet kual zui ralh bawk a.
A rin dik chat theih danah hian hetiang thil hi alo thleng fo tawh a ni tih hai rual a ni lo.Ni e... zanin chu detective ka ni ringawt, thil hi ka chhui nghal zung zung a,ka fing sawt riau te hian ka hria ....
"umm... a hrim hrim in hetah eng nge i tih? " Elevator ah kan inzui lut nghal a.
"Shane nen hetah kan lut palh alawm mawle...min chahthlak san daih lehnghala... " ka sawi zawh rual rual chuan za lutuk tak mai hian min nuih nghal vak vak a nih chu!! a ngaihna hriat loh hmel zetin ka lo hawi kual hrak hrak ringawt.
"enga! ka awih thei lo hetah Shane an a hruai che maw ?... hahah... a harh hunah a van chak dawn lo tak em... " a sawi awmzia pawh hre lovin ka lo nui suk a, min nuih nasat tak em avang chuan ka zak leh hnuhnawh ,ka zah zelah chhuat chu ka chhir ta vel mai mai a.
" e... taka ka room ah Kaitlyn pawh a mu asin..Chelsea in hruai haw turin min ti a... "Chelsea tak hi chu aw a awmbo daih te chuan engtin nge kan haw tak anga? ngawi lawk teh khawiah nge Chelsea pawh chu a awm?
" khawiah nge Chelsea...?"
"oh!! a ni chu Neon nen an inzui chhuah tak kha..."chewing gum ṭhial chuap chuap pah hian a rawn ti nghal vat a, Neon bula a awm hlauh chu ka thawveng nghal huai mai.
"a nih chuan Kaitlyn chu haw turin ka rawn sawm nghal mai ang... "kan driver ber Chelsea a awm tak si lovah chuan taxi in kan haw mai aniang chu.
"khawvar hunah law law haw zawk ula...inhnuai maiah khuan ka awm bawk a .." a hmel en aiin a ṭawngkam hi hriat a nuam viau zel,a aw hi a dam thluama ,zûn a nei riau bawk .
Rainer nen building khatah an awm tih ka hriat phei hi chuan ka rilru ah zawhna tamtak a rawn lut nghal zung zung a,mahse pakhat pawh ka zawt ngam lo.
"frat party a let leh ai chuan haw ila a ṭha zawk... " ka lo nuih ver ver a.
" i tih tlat te chuan... " min siai zeuh pahin elevator aṭang chuan a pen chhuak nghal awt awt a, a mawng leh hnute silicon hmanga tih len chawp te chu a lan loh hlau niawm fahran hian a inha chhing a, a pheikhawk te lah chu a heel a chhah bakah a san nen nen a bum thiam zek lehnghal,a awm mai mai pawh hi hmuhnawm a tling ve hranpa hrim hrim.
"Rainer an engtin emaw a lo ti che em? "
"maw!! aih... " min zawh deuh thut avang chuan ka chhang buai nghal nuai a,min ringhlel hrim hrim ang.
"a ṭhat hlauh chu...a ni hi chu a ṭawngkam te hi a na ve hrim hrim a... " a sawi dik chiah, a ngeiawm in rilru nat ngawih ngawih na tham hi a ni ziah.
"Shane nen hian engtik aṭangin nge in in hriat tawh... um ka sawi awmzia chu pawi i tih loh chuan... " a rawn polite tak em avang chuan a ni pawh a nui tawp.
Zawhna min zawt hnem tawh bawk a kei ang tho in hriat chak deuh deuh a ngah ve tho a nih dawn hi mahse keichuan engmah ka zawt ve ngam lo.
" a la rei lo...chuan i ngaih ang kha a ni lo ania ,kan in date lo " min zawh tum ber zawk chu kan in date nge date lo tih hi ania ,ka chhang fiah viau chuan ka hria.
Corridor ah chuan kan inzui phei zel a,eng eng emaw min zawh hnu chuan kawngka tawp ber chu a han kik karh karh a,"Nikki ...keimah "tiin a au nghal lauh lauh bawk.
Reilo te ah hmeichhe pakhat ,han beng ila a khu thuk thei ang tih ang vela in makeup nasa ,a sam unicorn êk a colour niawm fahran a sam dumdê rawng pu va hian kawngka chu a rawn hawng nghal vat a ,light dim tak hnuaiah pawh a sam chu a êng ve ve mai alawm, mahse min ring rawh u a chhelo takzet .
"i han ching fel thei ta maw?" thawk halh pah hian a lo ti nghal vat a. Mahse ngawi lawk teh! a aw chu mipa aw chiah chiah!! anih chuan.... Nikki hi transgender maw ni a!! hahhh...hnute liantak leh mawngbawr nalh tak a nei bawk si a ṭawng lo se chuan hmeichhe pangngai emaw ka ti hrim hrim ang.
" oh!! hi... Nikki ka nia... " Zuri in a chhan hma hma chuan min rawn kuah nghal zung zung a,zu rim a nam hiam lehnghal.
"Sadie ka nia...i sam hi i in hmeh takzet"ka lo ti sap a, ka ti tak tak bawk.
" ka lawm e, rawn lut rawh...wow!! nanghi Shane nen ka hmu dun che u... "
" nia...a chahthlak hma kha chuan... " Zuri in a hrilh leh dawn tho tho a, hetia ka lo sawi khalh hian min nuihzat lo deuh ang.
"Enga!! "
"dawt a sawi miah lo ania... " Zuri chuan alo ti nghal var a, mahse Zuri ang em em in min nuihzat ve lo.
"diktak chuan Shane hi chu a harhfim viau ṭhin a, hetiang hi chu a tan chuan thil thar a ni" Zuri in a tih pah chuan a thil ṭhial lai chu a hampuar zui a,inchhungah kan in zui lut nghal bawk .
"Engtin nge Amira chu... ?"
" a ngai te bawk...bungrua a paih chhe leh ṭan tawh... " Zuri chuan thawk halh pahin a lo chhang a.
"Rainer lah hian a hriat loh hlan in a kalsan tawp ṭhin bawk sia...huizz... ka kham tawh takzet"
"Amira hian kan bulah hian a ṭuan ziah lehnghal a... "
"umzui duh suh ka ti mawlh mawlh kha..."
" i hriat kha... Rainer an engmah a sawi ve ngai bawk si lo ,a ai awhin ka lo chhan sak tal angai alawm... "
" Lalpa leh!! bff vibes... " mit chet ralh pahin darthlalang hma a ṭhut pahin Nikki chuan a sam lem (wig )vuah lai chu a han phelh a,a makeup inhnawih chhah zet chu a hrufai nghal mawlh mawlh bawk a.
"tun ṭum chu popcorn nen lo thlir tawh ila a ṭha ang "
Ka awmve tih pawh hre lo ang maia an in biak mawlh mawlh lai chuan ngawi rengin Kaitlyn mutna bulah chuan ka va ṭhu phei a, kaihthawh tum teh mah ila mitthi kaihthawh tum ang vel ka ni.
"babe... tikhan muttir mai mai rawh,Zuri a chhuak lehnghal dawn a a khumah khan riak mai rawh u " Nikki chuan dam thluam hian a rawn ti a, Zuri pawh a lo bu nghat a.
"zingah Nikki hian a thlah thei ang che u... bakah Chelsea pawh a rawn let hman maithei asin... "
" ni e... lungngai suh, ka awm dawn alawm... bakah ka chhuak tawh lo ang zanin ah chuan ..." Nikki in ka bula rawn ṭhu meuh a a tih takah chuan ka han inngaihtuah nghal vung vung a, zinga haw mai turin thutlukna chu ka siam ta nghal a.
" anih chuan Kaitlyn bulah hian ka mu ve nghal mai ang... " ka chau ve tho bawk nen ka zak buai peih lo.
"thutlukna finthlak tak a ni... guys ka kal nghal mai ang"Zuri chuan darthlalanga in en pahin a sam chu a siamṭha nghal mawlh mawlh a," Sadie... kan inhnmu leh dawn nia...Nik,bye... "Nikki a kuah hnu ah min rawn kuah leh zeuh a, hmanhmawh takin a tlan chhuak nghal dawr dawr a.
Hemi te pahnih hi an felin an sweet thlawt, ka ngaihtuah chian pauh leh Rainer ang mi cool leh ti hmuk hmuk an kawm peih hi mak ka ti telh telh, keichu ni ila hepa bulah hian ka awm rei peih teuh lo.
" i kawr kha a huh elaw..." tih pahin a closet chu a hai nghal mawlh mawlh a, mutkawr sexy zet mai tuna a hak aia sexy lo deuh hi a rawn khai chhuak va va a, "heihi ha mai rawh... " tih pahin min rawn pe nghal a.
" ka... ka lawm e " thawmhnaw huh nen a mut ai chuan sexy deuh mahse hak mai hi ka thlang zawk bakah hmeichhe rilru ang a pu ve tho bawk a ,a care bik vak ka ring lo.
"i in thiar duh pawhin helai ah hian bathroom a awm ania... " a lo ti nghal zung zung a, Rainer in anga apartment zau lutuk a nih loh avangin min hrilh lo mahse ka zawn ka ring lo.
Ka inthlak zawh hnu chuan Kaitlyn mutna bulah chuan ka ṭhu ran a, Nikki erawh a lukham sang zet mai kham ar ar pahin a laptop chu a pum ah a nghat a, movie a en ni mai in ka hria.
"Babe...in tawt viau dawn chuan khum dang pawh ala awm tho ania... "
" a pawi lo... a zau tho alawm... " ka inthlahrun vang pawh nilo in Zuri khum hi a zau ṭha in pahnih pawh mu mah ila kan tawt lem lo ang.
Ka kut pahnih kham chunga ka lo maimichhing siar siar lai chuan..
"party na velah ka va hmu ngai lo che ve... " a rawn ti chhuak hlawl a, a laptop chu dah in ka lam hawi zawng chuan a han in her rem a, ka mut dan ang chiah chuan a rawn mu ve nghal a.
"ka kal vak ngai lova... umm...ka sawi awmzia chu a vawihnih na.... " Zuri ang em em in mak ti hmel a pu ve lo, min hriatthiam hmel tak hian alo bu nghat a, a ruk tak chuan ka nel in zawhna min zawh pawhin chhan hrehna ka nei lo.
"Braydon an a hria em? " Rainer nen an inhuat zia pawh an hre ve vek anga mahse min be chhe chuang lo hi an rilru zau zia tilang tu ber niin ka hria.
" hahh....min hriatpui vek thei se ka ti... "
"mahse a la hrechhuak tho tho ang chu... "
" a hrechhuak lo thei bawk... bakah hei bak chu ka kal tawh lo ang... " ka tih chuan a lo khi sak a.
Kan chau dun bawk aniang eng eng emaw kan sawi hnu chuan kan ṭawng a mumal lo tial tial a kan muhil zui nghal bawrh bawrh bawk.
_________________________________________
Nikki che ri khat khat te leh thawm ri rak rak te chu hre vek mah ila thawh chu sawiloh men pawh ka meng peih lo. Kaitlyn ve thung chu tui takin a la hnar sak sak a chu chuan min ti tho peih lo zual.
Ka han mu lui ngial tak nain ka penṭawng lehnghal a, peih lo chung chung in tui in tur chuan ka tho ta nge nge a, ka lu lah chu a na bûr lehnghal.
"Kat.... tho teh... " chet pawh a che eih lo nizanah engzata tam chiah nge maw a in ni?
"Nikki....morning... " Nikki koh pahin kitchen lam chu ka pan phei chhat chhat a, bathrooma a zai rut rut ri ka hriat chuan ka koh chhunzawm tawh lem lo. In hria em? Nikki hmel hmu lovin a aw chiah hria ula chuan mipa an rawn awm thut emaw in ti ve tho ang,ka sawi awmzia chu mipa pangngai .
Ka lu hiah nawk nawk pahin fridge a tui vawt lutuk tak mai chu duhtawk in ka han lem nghal khawlh khawlh a, ka in lai chiah in ka awm a nuam, bottle ka chhin chiah a ka tui a hal leh nghal huam huam mai.
"in lo tawp tur ka ni asin... " phun bul bul pahin ka han in leh ta nge nge a,hetiang tih hre dawn ila chu no khat pawh ka in lo ang mawle.
Zing tho hlim tih takah tukverh lam thlir vung vung pahin tui chu tlem tlem in ka lem lep lep a,nizana Rainer nen a kan in fawh lai vel te kha ngaihtuah let a ka lo nui leh ver ver zel.
Engvanga hetianga awm tlat nge maw ka nih le? Sadie hetiang thil hi ngaihtuah tawh suh. Rainer an ka thil ngaihtuah lai hi hria se chuan min nuihsawh nasa leh ngawt ang chuvang chuan keipawhin engah mah ka ngai bik tur a ni lo.
Pen thawm ka hriat thut avangin ka ngaihtuahna aṭang chuan ka harh chhuak nghal vat a, tui hmuam pung chung chuan ka hawi let nghal hraw a!!
Rainer maw!! ka tui hmuam lai ka phuhchhuak ṭhawt ringawt.
Lalpa leh!! Rainer an mak tih hmel zetin min lo en reng chu niin!! a ni pawhin min hmu thut chu mak a ti ve deuh aniang sawi mai tur pawh hre lovin a ding reng a. Keipawhin ka mitvai a nih ringin ka mit chu ka han khap fak fak a, naaa... a tak ngei a ni bawk si.
A sam ,a tattoo, a tshirt var hak te leh a kekawr khup ṭet hrup mai a hak te lah chu a inhmeh em em lehnghal,ughh.... engpawh ha se a inhmeh vek.
"eng nge hetah i tih...? "aw lai rut hian ka lo ti nghal ha a .
"min chhang hmasa rawh... " mak a ti emaw ti lo emaw a awki hniam zet hi chu a ngai reng ,engah mah ngai lo te pawh a ang zawk.
" haw na tur kan nei lova... Nikki in min riah tir...chuan nang hetah eng nge i rawh tih ?" rin deuh chu ka nei, Nikki a rawn sawm thla pawh a ni mahna, mak tih vak pawh angai lo an in kawm miau alawm.
" mawh...? " ka han ti leh a.
Nuih suk pahin uluk takin ka ke aṭangin min en chho dap a ni tih ka hmuh chuan ka kawr hak sexy zia ka hrechhuak thut a,"hei... lehlam hawi rawh " tih tuarh pahin ka kut lehlam in ka awm zawn chu ka hliah nghal vat a, lehlamin ka kawr chu a aia pawh fual theih in ring in ka pawt thla nghal ngar ngar bawk.
Ka awmdan avang chuan min ei loh hmel zetin a mit chu a chet kual nghal ralh a,hawi sawn a tum chuang lo reng reng.
"min en tawh suh ka tih chu... " ka tih ngaihna hre lo chuan chemte chu ka la lawk a ka tin ta ringawt a, hlau hmel chu sawi loh nuihza hmel a pu zawk.
"Wuupp... min ti hlau ania.... " ngeiawm zeta a awm zawn a a ban phar kher chung chuan min rawn nuih ṭhaw a,a biangsum mai bakah a ha uingho zum vâr mai hian a ti nui mawi zual.
" a nih chuan kal rawh... "
" khawiah maw? " a awm thum dat, cool tak mai chuan a rawn ti sap a, hei ringawt pawh hi tuiral na tham.
"ka fiamthu lo ania, ka vit tak tak ang che... " ka rilru te te chuan ka vit tak tak ang ka ti hman tawh, mahse ka ngam tak tak loh tur zia chu sawi pawh ka sawi peih lo.
"a nih chuan han ti la... "min melh kar pah chuan pen khatin a rawn pen hnai kher a nih chu!! luhlul ve ngat ngat tak a ni.
" Rainer... i rawn tawlh hma leh vaih chuan... " inseh ruh ṭeuh chungin ka kut panhnih in chemte chu ka han hum nghet zual sauh a,kal tura ka hrilh tawh chuan kal ve mai tur ania min run luih hi a chak ve hrim hrim a nih hi.
" chuan... ka rawn tawlh hma chuan eng nge....? "a mit ah tak ka lo en kar a,ka rilru a la peng ta maw tih in ka in rin hma hma chuan chemte chu a rawn pawt dawk nghal zawt ringawt!! rang takin a lamah min pawt peih nghal dawrh a, nghet takin a kut veilam in ka kawngah a dawm bet tlat a, lehlamin ka hnung zangah min tin ve ngat bawk.
Min tin fiam vel mai mai a ni tih hre tho mah ila ka kawngah a kuah ngheh em avangin ka che thei lo hrim hrim. Chutah a taksa lum ham ham nen a insi chat a min pawh hnai phei hi chuan ka awmdan a dik lo lehnghal vek tawh.
A hma ang bawkin thawchham mai tur ang te hian ka inhria a, ka taksa te hi a rawn khur der der a, a awm zawnah ka beng a awm bawka a thinphu ri dawt dawt te chu chiang takin ka hre thei, hetiang anga ngaihthlak reng hi ka chak.
"min en rawh... "thupe deuh hian a rawn ti sap a, ka han en chhoh nak chuan a mitmu paw buang deuh thak chuan chiang zet hian min rawn melh chhuk hu a, ka chet buai vek loh nan ka kut pahnih in a awm zawn ah na lo te a dawm chung hian ka lo in dang ve ṭai a ,chumi a hmuh chuan nuihza hmel a pu deuh.
"i inhmeh lutuk... " hniam te tak tak ah a rawn kun hniam a, ka hmui si lo chiah chiah in in a rawn ṭawng lum ham ham bawk a, ka tan chuan chet ngaihna hi a awm tawh lo.
"rum deuhin min melh tawh suh ka tih kha... " nuih suk pahin a hmui in ka hmui chu a rawn si deuh det a, fawh chak nak alaiin min ti vir ting tang.
" Rainer.... " Kawngka inhawng ri ka hriat rualin Shane aw pawh ka hre zui nghal a, hlauthawng tih hriat tak hian ka hawi phawk nghal hraw a, a ni erawh engah mah ngai lo ang maiin a awmdan ngai chuan a awm reng a, min thlah pawh a tum chuang lo.
" min thlah rawh... khawngaih in... " ka ngen ta ringawt a, lungawi lo hmel a pu lek lek.
Ka hlauhthawn zia a hmuh chuan zawi muangin min thlah ta nge nge a, rang takin a inla hrang nghal vat bawk.
"umm... i kal thei angem? " a nui chhuak hak a, fiamthu pawh ka thawh tawp si lova nuih nachhan tur pawh a awmlo.
"kekawr tluan ha zawk rawh... pawnah chuan ...." tih sup pahin a inher vut a, a kal nghal nal nal ringawt.
" Nikki chu pawnah nghak ang... " Shane bula a ti ri ka hriat hnu lawkah kawngka in khar ri chu ka hre zui nghal zet bawk a, an chhuak a ni tih ka hriat chuan ka thaw nghal huai mai.
Rainer an min tih dan kha ka ngaihtuah let a ka haw leh hnuhnawh, hmeichhe feng ching leh inha sexy apiang a duh laia deuhsawh zeta kekawr ha tura min hrilh vel kha ka huat tawk a tling ve em em ringawt.
"Babe... i ṭha maw?" Nikki aw ka hriat chuan ka phu zawk ringawt, ka sawi tawh ang khan mipa emaw ka ti hman alawm.
"aw... ughh... aw " ka lo thaw deuh hluai a.
" Rainer kha heta ṭang hian nuih vur vur pahin a rawn chhuak a... ughh... thil eng nge maw in pahnih inkar ah hian.... "
" nilo... engmah a awm lo... "
"i chiang chiah maw.... "
" aw... " ka lo nuih der ngial a, ka thusawi a awih loh hmel ngang mai.
"Sadie... ka tui a hal lutuk... " Kaitlyn thophang hmel ka va hmuh chuan ka hlau ṭep alawm, awi!! Lalpa leh! kei ve thung hi darthlalang ah pawh ka in en si lova ka va hmelchhe dawn tak em .ugghh!! ka zak lutuk.
CHAPTER-14
Motto- "Be the change you want to see in this world "
"Khawizu leh tuilum in rawh... ughh... tikhan lo in siam mai rawh u ka va inthlak ange " Nikki chuan kan pahnih in a room lamah min phei san nghal a.
"Engtin nge Chelsea nen in kal hran theih? " Tui pek pahin lungawi zet hian ka lo zawt vat a, chau tih hriat takin thawk halh pahin bottle chu a rawn la lawk a a in nghal khawlh khawlh a.
"ka rui lutuk a engmah ka hre tawh lo. .."
" ka awih thei lo... engkim a buai vek hi " ka thusawi hriatthiam loh hmel zet chuan min en kar pahin a mithmul chu a han kân ak a, ni dawn tak! nizana Rainer nen a kan inkara thil thleng vel kha a hre ve lo tak!!
ughh...Rainer te chuan bialnu a nei a, engmah hrilh lo law law ila a ṭha zawk ang bakah in hmelhriat satliah nilo...inhmelhriat pawh kan ni lova ka hrilh kher an ngai in ka hrelo.
"Shane an min chahthlak sana chutah nang lehzel ...arghh... Chelsea hi khawiah nge maw a awm tehhrep le...? "ka thinrim lutuk chu ka ang tawn tawn a,mak tih hmel takin min lo en kâr ringawt.
Ka ṭhiante pahnih vanga thinrim nge ka nih a Rainer vanga thinrim nge ka nih pawh ka hre tawh bik lo.Engkim hian min ti thinrim vel vek.
"Shane chuan a rawn be leh tawh che em? "
"aih... engpawh chu nise haw phawt ang, Chelsea chu amah in a rawn haw ve mai ang... "
"aw le... i tih tlat te chuan, mahse subway a kan haw angai dawn nia... "
" urghh... Lalpa leh !!"
Ka phun deuh hluk avangin Kaitlyn chuan min rawn nuih var var a, mit chet kual ralh pahin ka sam chu ka tuai chho phawk a, inthlak turin room lam ka pan phei chhat chhat a.
Subway in kan haw dawn emaw ka tih vek tawh hnu ah Nikki in Chelsea te in thleng chu min thlah ta hlauh a,kan la chau bawk aniang kawng tluanin kan pahnih chuan ka mutthlu tluan ṭhak nia mawle.
"Hey!! guys... morning ..."
Car aṭanga kan chhuah rual rual chuan Chelsea chu a rawn tlan chhuak nghal vat a.
"Dar 1 a ri tawh .." ka lo ti hmanhnawh ,Nikki chuan min lo nuih hak hak a,a hmanhmawh hmel em em lehnghal.
Chelsea chuan Nikki a kuah hnu ah Kaitlyn nen chuan min rawn kuah leh nghal bawrh bawrh a, han thinrim khum han tum ve ngial ṭhin mah ila Chelsea hi chu a thinrim khum tak tak theih ṭhin lo.
Kan pathum chuan inchungah kan in zui chho hnak hnak hlawm a,ka thawmhnaw thlan rim nam hiam te leh ka taksa ban chuap te hi tifai ka chak tawh takzet.
"engtikah nge i haw bik a?" Chelsea chu rum zet hian ka va melh a, mahse ka thinrim tak tak lo.
"dar10 velah Neon an min thlah alawm... bakah Nikki in a rawn thlah theih dawn cheu tih min rawn hrilh a ka rawn kal kher duh lo a nih kha... "
"Kaitlyn i hnutchhiah ringawt bawk a..."
"a ṭan leh dawn ta...c'mon...ka ngaihtuah avangin Zuri hnenah hruai turin ka ti reng alawm...en teh ka hmangaih zia che hi Kait... " Kaitlyn chuan a makeup hruk fai mawlh mawlh pahin kan pahnih inhnial lai chu min lo nuih var var a, Chelsea chungah hian a thinrim ve miah lo emawni le? Kaitlyn hi chu kan intih thiam loh chang pawha remna siam ziah ṭhintu kha a ni miau alawm.
"urghh...inbual vat ka duh, ka nu miscall a tam lutuk tawh ringawt, ka haw vat angai... " ka kawr hak lai chu ka phelh nghal a.
"guys...ngawi lawk teh u" thil ṭha deuh sawi tur nei niawm takin Chelsea chuan a rawn ti hluai a.
"Sadie... nizana thil thleng min hrilh dawn miah lo em ni? tiraw Kaitlyn... " an pahnih chuan hriat chak hmel zet hian min rawn melh kar a, min zawt har ka ti reng a ni.
"A thleng ta em? "Kaitlyn in a makeup tih reh lai chawl meuh in kan lam chu a rawn hawi phei a, Hre chak hle mahse Rainer nen a kan awmdan kha ka hrilh ang nge hrilh lo ang tih ka lo ngaihtuah daih thung.
"engmah a thleng lo... a chatthla daih alawm... " ka lo ti bah nuai a.
" Enga!! sex in hmang miah lo amaw?" Chelsea hi chu a thil sawi reng reng hi a rawn uar leh tûk tawh .
"umm... ka ..."
" Shane hi alo gay reng a ni lo maw? "
"Chutiang lam a ni lo... "
"khatiang ang chance ṭha lutuk kha mipa hian an bawhpelh zen zen ngai lo asin...bialnu a nei a nih loh pawhin a duh lo che a ni lo maw ?" Kaitlyn takngial pawhin ngaihna awmlo min tih hmel takzet.
"ka la in peih lo in ka hria... bakah hetianga tum sa ran a awm hi a ṭha in ka hre lo...guys... mipa kawp kual mai mai nilo keimah min duh tak tak tu ka tawn hunah chuan amah in a rawn thleng ve tawp mai ang "
Ka thusawi chu dik tih hmel takin an lo bu nghat nghat a,thil ngaihtuah zui niawm tak hian an sawi dun zui nghal vung vung bawk.
"anih engthil nge thleng hrim hrim? " an tih chuan khum tlanga ṭhut pahin ka han thaw chhuak halh a.
Nizana thil thleng kha an hriat chak em avang chuan Shane nen a kan awmdan leh kan mutdun ṭep thu te chu kimchang deuh hian ka hrilh vek a mahse kan infawh laia Rainer a rawn luh thut thleng bak kha ka hrilh lo, a bak kha chu hrilh turin huaisenna ka neih loh mai bakah hrilh lo hi a ṭha zawk.
"Rainer in maw lo ni a...? " an pahnih chuan phawk fe hian an han in melh nghal kawk a, an mak ti hmel hi a nuihzatthlak takzet.
" a chhung engtin nge a awm... a nuam em? "
" ka hrelo... a thim vek mai bakah kitchen light dim zet bak a in on lova engmah ka hmu thei lo "
Ka ti tak tak inchhung awmdan vel ka lo en loh mai bakah a thim rek ruk lutuk a engmah a hmuh theih loh ka hriat zawng chu a zau hle a ni tih hi.
"i va han vannei lel lawl tak... Rainer in chu ka hmu ve chak... ee taka Shane hi engtin nge ni dawn ...?"Kaitlyn chu min rawn nuih var var pah hian a rawn ti a.
"engpawh chu nise Shane hi chu Chelsea Webster approve ala ni tho tho... " Chelsea chuan a rawn ti a,khatiang thil a thlen tawh hnu ah pawh Shane chu ala ṭan ve ngar ngar hle.
Mipa duh deuh kan nei a ni emaw, thawmhnaw, pheikhawk leh thil dang dang pawh nise Chelsea approve a nih tawh hi chuan Kaitlyn nen hian lawm takin kan pawm thlap zel, a duh loh zawng a nih tawh hi chuan a sawi chhe hneh thei hle bawk.
In ka thlen meuh chuan dar4 a lo ri ṭep tawh chu niin, Chelsea in min thlah peih loh avangin Kaitlyn nen bus in kan haw phah lehnghal a,nizan ka lo in hnem ve bawk nen vawin zet zawng nilengin ka chau nghulh mai!!
Inchhung ka luh chuan ka nu chu kitchen ah dawhkan bawh chung hian a lo ṭhu kun lap a, a awmdan chu mak ti deuh hlek mah ila ngaihṭhat lohna ka nei lem lo.
Ngawi rengin room lamah ka chhohsan nghal daih a, ka bag chhuata paih let tawp pahin khumah ka lawn nghal thak a,ka mut rual rual chuan ka hnungzang leh kawng kham urh te kha a zia nghal sawng sawng mai.
Ka muhil hman ṭep tawh tih in glass no reh chuai ri in min ti harh nghal kawk a, mutthilh leh mai ka han tum na a ṭap thawm ka hriat zui leh avangin beng chhi kar chung hian ka han tho chhuak nghal vat a, a hriat sual a nih ringin men kual hrak hrak pahin ka han ṭhu deuh vung vung bawk a, ka nu te room aṭanga rawn chhuak ni mai hian ka hria.
"Lucas... "zawi sap hian ka han ti a, a room lam panin ka kal nghal vat bawk.
Lucas hi ka nu leh tuna a pasal fa a ni a, kum7 mi chiah ala ni bawk a Braydon nen hian kan unau pianpui ang chiah in kan duat in en hranna kan nei ngai lo.
Lucas a ṭap a nih ringin a room ah hnem turin ka va pan ta ringawt a, mahse a room a tumah an lo awm reng reng lo.
Ka beng chhe ri a nih ringin kal lehnghal mai ka han tum a mahse ka nu te room aṭangin thawm ka hre leh tawh!!
Thawm dim thei ang berin kawngka inkhar phui lo kar aṭang chuan ka va bih dek dek a, ka nu pasal Mark a zuirui indawm kun ngai chunga a ṭap khur ngar ngar lai ka va hmuh chuan ka mak ti chu ka meng phawk nghal kawk ringawt.
Mark hi a buai ṭhin em avangin zan dar6 hma in a rawn haw ngai lova chumai bakah zu a in ngai pawh ka hre hek lo, mahse vawin chu a haw hma in a ruih hmel hle nghe nghe.
Ngaihṭha lo zet chungin inhnuai lamah ka tlan thla nghal hlawk hlawk a,ka nu ka hmuh rual rual chuan, "tinge Mark khi? " tiin ka zawt nghal vata mahse min chhang lem lo, hre lo ang hmak in a thil tih lai chu a tih chhunzawm ngar ngar tho.
" khawiah nge Lucas? " ka han ti leh a,tun ṭum erawh ka ṭawng a hre hlauh.
"Jason te inah a kal....zanin i riak chhuak leh dawn em? " min rawn nuih var var pahin tui in tur min lo pe nghal vat a, mahse a mit sem râm aṭang chuan thil dik lo a awm a ni tih erawh hai rual a ni lo.
"Engthil nge thleng? " a mit ah tak chuan ka melh kar a, mahse min hnungchhawn zawng hian a ding nghal daih a.
"dark circle i nei ania fanghma ka lo hnawih sak ang che ,lo chan rawh " tih sap pahin thleng chu puan ro in a hru nghal sawk sawk a.
Nidang chu nise Tagalog (Philippines ho ṭawng) hian min lo be vak vak anga, tun ṭum erawh a mah hi a nguai in nidang angin min lo chhawnchaih peih lo.
" aw le... " zawh chhunzawm tawh lem lovin ngaihṭha lo zet in fridge a fanghma chu ka la chhuak nghal a, ka chan lai te chuan ka nu chu a khat tawk hian ka han melh leh zeuh ṭhin a, min be bawk si lo, a reh tlawk tlawk mai.
Ka nu insut ri hraih ka hriat takah chuan rang takin ka thil chan lai chu ka dah sawk sawk a, a hnunglam aṭangin ka va kuah nghal vat a, a hnungzanga bei hle hle pahin a kawngah nghet takin ka kut ka suih tlat bawk.
"nu ...ka hmangaih che " ka ti sap a, insut leh hrai pahin ka kut chu a rawn hum vang vang a, a beng thek thek bawk.
"Mark hi niminah a hna aṭangin an rawn ban thut a, nizan aṭang khan chawl lovin zu ala in char char a,hnem dan tur pawh ka hrelo... " a ṭap aw ṭawng ṭha hlei thei lo ka hriat rual chuan ka hnuk a lo ulh ve nghal ṭun a, ka sawi tawh angin Mark hi pa harhvang, fiamthu duh leh nui huah huah ṭhin mi a ni a hetianga a awm ta mai hi hriatthiam a har takzet.
"engvangin nge an bân ang le... ?"
"an software thar design kha a partner in alo phatsan a ni awm e, engkim chu ama hming vekin a lo ziak lut a, Mark ve thung chu an ban phah hial a, khang alo thawhrim ve na zawng zawng te kha vawilehkhatah a hlauh tak vek avangin hetiang hian a awm ta a ni..."
Sawi tur pawh ka hre lo, hetiang ang mihring mahni hlawkna tur chiah ngaihtuah ṭhin mite hi ka haw takzet. Ka thin a lo rim pui in huatpui hle mah ila engthil mah tih theih ka nei ve bawk si lo,ka nu tal hi chu ti na tel ve zel lo se ka ti takzet .
Mark hi Software company lian tak mai Epicore corporation ah a thawk a, a tuina zawng tak a nih mai bakah company ṭha tak leh mi mai mai thawh theihna anih lo avangin ka nu pawh hian a chhuang thei hle nghe nghe. Mahse hetiang thil tenawm lutuk Mark a chunga a thleng ta mai hi hrehawm ka tihpui takzet.
" pawi ka ti lutuk... "
"engkim a ṭha leh vek turah ngai ang..."
"Mark hian hna hmu leh vat se ka ti takzet... "
"tunah chuan hun pek hi a mamawh ber... tikhian amah in inngaihtuah harh se kawng dang a hre leh em em ang.. "
" ni e... Mark a ni miau alawm... " kan han nui dun tak nain kan rilru natna te leh hrehawmna te chuan min kalsan lo chiang kher mai,hlim tumin lem kan chang mai mai a ni zawk .
"umm... zanin chu Kaitlyn te inah ka riak dawn a... " ka nu rilru na hmel leh keimah avanga ṭah pawh ṭap ngam lova a awm hi hmuh ka duh loh avangin dawt ka sawi ta ringawt a, ka awmlo a nih chuan a rilru natna te a duhtawkin a tih lang theih zawk ka rin vang a ni.
"Assignment in nei em ni? "
" aih... mahse weekend ah hi chuan riah khawm hi a nuam ve a... "
"an rawn hruai dawn che nge...? "
" ughh...Starbuck bulah min rawn lam ang... " zanin chu kan hun tawn in a zir lo bawk nen nidang angin a phallo bur tawh lo, a ni pawhin ka awm laia hetiang anga awm hi a duh loh vang pawh a ni mahna.
" a nih chuan heihi i hmai ah bel phawt ang... "min rawn nuih sang a, ka sam rawn chul pahin ka fanghma chan sa chu living room lamah a chawi phei a,keipawh in ka zui phei ve nghal a.
"i mu ṭha lo a ni maw? i dark cilrcle hi a mawi lo takzet..." tih pahin a malchungah lukham a dah a, chutah chuan ka mu nghal thak a.
" chutiang deuh chu... "
"e... niminah Derek a rawn kal a.. "
" eng nge a rawn tih? " ka meng nghal kawk ringawt.
" eng nge ni vak chuang ang... a rawn zawng che mawle, let leh te i tum rilru hrim hrim em? "
" teuh lo... ka nu duhtawk teh, min bun alawm Camelle nen tunah chuan an inzui leh daih tawh... "
"ka greenhouse min rawn tihfai pui a, amah zawk hian neih let leh che a tum a ni lo maw... "ka thinrim hmel a hmuh chuan min rawn nuih hak hak a, Derek hi chuan ka nu hi a ti thiam bawk a, ka nu pawh hian min duh pui in a ngaina hle bawk.
"urghh... ka let tawh dawn lo, ka nu a chungchang hi chu sawi pawh sawi tawh lo teh... "
"ni e... i ta tur chu tunah hian khawi hmun emawni ah a awm mek ang... i la tawng lo pawh a ni mahna a nih loh vek pawhin i hriat loh in i lo tawng reng tawh maithei bawk... " ka nu thusawi avang chuan ka khi suk a, ka hmaia fanghma a bel lai te chuan ka lo muhil lek lek lehnghal.
Ka nu leh Lucas te nen dinner ei pahin Riverdale (tv serial) kan en ṭhap hlawm a,ka nu nen chuan couch aṭangin tv chu kan en mai a, Lucas erawh chhuatah games khelh pahin a ei daih thung.
"Lucas... woollen carpet a nih hi i ti bua ange " a khat tawkin a zuk ti reng bawk a, Mark erawh ka nu sawi angin room aṭangin chhuah pawh a rawn chhuak duh lova, a room ah ka nu in chaw a han pe tawp nghe nghe.
Ka nu bulah ka lo sawi ve laklawh tawh bawk nen Kaitlyn te in a kal tur angin ka nu chuan pawn thlengin min rawn thlah thlap a, amaherawhchu Kaitlyn te in a kal lovin in a haw daih chu ka tum ta zawk a, hmun danga kal ai chuan keimahin ina awm ka thlang zawk.
Bus rawn thlen nan minute 20 lai ala awm avangin bus stand piaha restaurant ah chuan bus nghah pahin ice cream ei turin ka lut ta ringawt a, bus rawn kal leh kal loh tukverh aṭangin chiang takin a hmuh theih bawk a,thlamuang takin ka ei thei.
Kil khatah ngawi rengin khabe dawm meuhin keimah chauh chuan ka ṭhu ran a, thil ka ngaihtuah nasa lutuk a ka ice cream chah pawh ei nachang hre lovin ka melh ngai chu ka melh vung vung ringawt.
Sana kan en ṭhin a dar8 takngial pawh ala ri der bawk si lo, ṭhian kawm ṭhang ka lo ni bawk nen hetianga weekend hman hi chu a boring takzet.
Ka ning lutuk chuan ka phone ka la chhuak a, ka ṭhiante chu an party leh dawn avangin ka chemistry lab partner Nolan chu ka text ta ringawt a, a rawn reply rang ngei mai.
*i buai em? *
Ka ti ta ringawt a, a ni chu weekend ah pawh hna a thawk ṭhin tih ka hre ve reng sia.
*umm... i tan chuan buai love, eng nge ni ta? *
nuih var var pahin ka han ṭhu rem te te a.
* eng movie nge ka en ang? * tiin ka va reply nghal vat a. Ni e, haw ila movie en daih ila a ṭhat zawk ka ring,hetia ṭhut tlawk tlawk ai chuan....
*wow...kan duhzawng a in an loh khawp kha... * ka nui chhuak hak ringawt, a hma in movie en tum in kan chhuak dun ve ngei a, kan movie en duh alo in ang lo nasa lutuk a park ah kan kal phah ringawt tawh.
*i hriat angin... love story lampang aw haha...*
*umm... kan zawng kual chhin ange * emoji mit siai lem hi a rawn dah tel bawk a, ka lo nui ver ver ringawt.
Reply leh tum a ka type mawlh mawlh lai chuan nui ri ka hriat ṭhan zet mai ka hriat thut avang chuan ka hawi chhuak nghal vat a, Amira hmel ka hmuh rual rual chuan rang lutuk ka kun nghal vat a, min hmuh theih loh nan ka hoodie hak lai lukhum chu ka khum tlat bawk a.
Ka kut lehlam in ka hmui chu ka hliah tlat bawk a, ka lukhum karah chuan ka han melh chho dek dek a.
Zuri, Nikki, Carter, Shane, Zack,Declan leh a tawp berah Rainer te chuan Amira chu an rawn zui lut phak phak hlawm a,an lian hlawm in an chhelo hlawm si a an hmuhnawm tham zawk.
An vai maia an hming nen lama ka lo hre vek chu a mak hran love,kan university ah na nâ na hi chuan an lar hlawm em alawm .
An engmah ni si lovin an hmuh hlau chuan ka biru ang lawp lawp a, engvanga biru ve ringawt nge ka nih pawh ka in hre bik lo. Amaherawhchu an zingah sawn hmelhriat ka lo nei ve nual bawk nen min hmuh ai chuan min rawn hmu lo se ka duh zawk.
Bus rawn thlen nan minutes 10 lai la awm mahse ka bag chu ka ak ṭha sawk sawk a, ka hmui hup chungin a ruk thei ang berin ka put chhuak nghal zawk a, ka thil tih hi a atthlak takzet.
Tuman min rawn hmuh hman loh mai bakah buaina awm lova ka put chhuak thei chu ka lawm in ka han thaw chhuak hak a, phur lo zet in station lam chu ka pan phei chhat chhat a, ka ṭhiante chu awm se kawiah emaw kal ila a nuam ngawt ang.
Mi pali in bus chu an lo nghak ve mek bawk a, an zingah chuan ngawi rengin ka han ṭhu ve kâk a tih tur awmlo na nâ na chu phone bawk chu ka han la chhuak leh a, Nolan a message hnutchhiah chu ka chhiar nghal bawk.
Me before you tih movie chu ka en turin min rawn râwn ve ngei a,hetiang ang movie min rawn hrilh nachang a hria chu ka nuih a za takzet.
*i en ve ngei angai in ka hria... * a duhzawng nilo mahse fiam nan ka va ti let a.
*anih naktuk ah en ila ..i hman te a nih chuan *
*zawhna nilo in ka chhanna a nih hi * ka lo ti let nghal vâr a.
"bus in a kalsan dawn che" tih pahin tu emaw hian ka phone chu hnung lam aṭangin min rawn laksak thut a, ka hawi let nak chuan Rainer chu ka hnungah a lo ding khur chu niin! ka mitmu chu a pawk chhuak dawn emaw tih mai tur hian ka melh nghal kawk a, tuman min hmu lo emaw ka tia Rainer hian min lo hmu ru leh kar tawh a ni maw?
CHAPTER-15
Motto- "Be the change you want to see in this world "
"eng nge hetah i rawn tih?" a ṭhian dang te pawh an awm ve dawn emaw tiin a hnunglam chu ka va melh kher a, vanneithlak lutuk in amah chauhin a lo ni hlauh. Ngeiawm zetin a hnunglam pang chu a va en ve ngat a,tumah an lo awm loh avang chuan min kãn âk pahin a ner zui suk ringawt .
" ka phone kha min pe rawh... " ka phone chu ka han ban zuai a, a aia sangah chuan a keng nghal daih a! a ha uingho zum zet mai lang vâr in min rawn la nuih zui.
"tunge Nolan... ?" ka phone chu a zuk melh zeuh a,tun ṭum erawh a thutak in a mitmeng dûr khui kha ka hmu leh tawh,ngawi lawk teh u... thik hmel te pawh a pu.
"ka ṭhianpa " tih hmuk pahin ka phone chu ka laksak thut a, enge maw sawi tur nei niawm tak hian a rawn ang zuau a mahse ka thaw chhuak hak ta zawk a.
"khawiah nge i kal dawn? "
"ka haw dawn... khawiah nge kal se min tih a? "
"in inah mawle... "kan in chhang tawk lutuk a,ka han nuih ver ver ringawt.
"nangpawh eng nge hetah i tih reng a? "
"bus a haw hi hmeichhe tan a him lo tun ang hun ah leh ngat phei hi chuan... " thupe deuh hian ka zawhna pawh chhang lovin a rilru a awm ang ang chu a rawn sawi chhuak nghal phawng a, hetiang thil Rainer meuh in min hrilh hi mak ka tih em avangin chhan mai ngaihna pawh ka hrelo.
Ngawi rengin midang karah chuan ka ṭhu ran a Nolan nen pawh kan in biak chhunzawm reng tho , Rainer erawh a kal mai dawn emaw ka tih laiin ka hnungah chuan ngawi rengin alo ding ve reng a, bus a chang lo a ni tih ka hre chiang si a engvanga helai hmuna awm reng nge maw a nih le?
"i kal dawn lo em ni? "hawi let pahin ning hmel zet hian a phone a bih ngur ngur lai chuan ka han ti leh kher a,min chhang duh miah lo lehnghal.
"ka sawi hma kha ka ngai hle mai... " mit chet kual ralh pahin ka ti zui leh sap a, ka thusawi a hriat ngei pawh ka beisei.
Nolan a message tur ka type mawlh mawlh lai chuan min rawn call thut avangin nuih var var pah hian ka pickup nghal vat a, 'hello' ka tih rual chiah a hnung lam aṭanga ning hmel zeta thaw chhuak zui hak ri ka hriat chuan ka han hawi chho vat a, Rainer an rum zet hian min lo melh ngur chu niin,ka nui tawp chiang kher mai!! chutah ka sawi tur pawh ka theihnghilh phah vek lehnghal.
"ughh... aw sawi rawh... " ka lu thing nawk nawk pahin ka ti nghal vat a,min rawn melh dan kha ka mitthla ah a cham nghal vang vang mai.
"naktuk ah i hman engem... ka hna ka chawl thei dawn a.. " Nolan chuan phur hmel tak hian a rawn ti nghal vâr a.
"aw... naktuk ....naktuk ah chuan ka hman ang.. " ka lo ti bah nuai ringawt.
"a nih chuan in inah movie chu kan en dawn mi niang... "
"aw... ka lo nghak reng ang che "
"Chuan zanin ah pawh kan en thei tho alawm... "
"Hna i kal lo mi? "
" ka bang tep tawh ...ka rawn kal ang"
" maw... Tunah maw? "
"Ka rawn kal thei lo em ni ? A nih loh pawhin naktuk ah chuan a ni mai "
" nilo... Ka lo nghak ang che... Popcorn ka lo siam ang " tih pahin ka phone chu ka dah nghal vat a, bus pawh a rawn thleng zui nghal zat bawk.
Hawi pawh hawi let lovin ka tho thut a, midang an luh lai chuan a hnung berah chuan ka ding ve ran a, engvanga hlauthawng ta thut nge maw ka nih le? Rainer meng rum lutuk hmel ka hmuh vang pawh kha a ni mahna.urghh...engmah sawi lo mahse awm nuam lo deuh a min awmtir dan hi a thiam ve ngawt mai.
" hey... Miss Morin... "
Bus a ka pen lut tur chiah chu min rawn koh avangin ka hawi let leh a, "Sadie zawk... " ka lo ti vat a.
"Sadie ...keiman ka thlah ang che... " eng ang fiamthu nge ni ngai!! Rainer an min thlah ang maw? hahh... min fiam mai mai bak a ni lo ang.
" a ngai lo ka lawm e... " nuih let sak pahin ka lut nghal a,a ni pawh in ka chhan dan avang chuan nuihzathmel tak hian min rawn en a,a van hmelṭha tak!!
Kawngka inkhar ri ka hriat rual chuan ka ṭhu zawi nghal hnak a, tukverh lam pawh ka hawi phei duh tawh lo,seat nghen chhan chu maimichhin vang vang pahin ka han ngheng nghal ar ar a, mutchhuak in min rawn zem nghal chiai chiai bawk.
Ka muhil ṭan dawn chiah tihin bus chu a ding nghal tuarh a ,ka harh chian mai bakah hma lamah ka bu nghal lawp bawk.
Ka sam hui chhoh phawk pah chuan ka han hawi kual nghal vat a, midang ho chu tukverh a an dahchhuah sup sup takah chuan ngaihṭhat lohna chang ka hre ve chiah.
"engthil nge thleng...? " ka bula pitar ṭhu chu ka zawt nghal vat a.
" a lan dan chuan car insu a awm anih hmel... " tiin min lo chhang a, sana en pah chuan a nghenchhan nghen leh pah chuan ka han ṭhu awn leh a,an din rei loh hram ka beisei.
Minute sawm hnu ah pawh passenger ho chu kan ṭhutna ngaiah kan la ṭhu ṭhap hlawm a, bus erawh in chet a tum reng reng lo.
"Dear...i hmanhnawh a nih chuan subway emaw bus dang emaw lak mai hi a ṭha zawk in ka hria... "ka bula pitar bawk khan a rawn tih leh chuan za lo zet hian ka lo nuih let suk a, a sawi hi a dik chiah ka haw na tur ala hlat mai bakah keimah chauhin ka ni bawk nen taxi emaw tal lak mai a ṭha in ka hria.
"ngaihdan ṭha tak a nih chu... " ka tho vut a, ka bag ah ṭhat sawk sawk pahin bus aṭang chuan ka chhungthla nghal vat a, tlan mai na chi ziazang alo nilo nasa mai, traffic zam thui zia ka hmuh phei saw chuan ka chhuk thla daih hi ti fuh ka in ti ru hle.
Hawi kual zak zak pahin kawng ka cross a, traffic a zam nasat em avangin a let zawngin ka kal ta ringawt a, taxi ai chuan Subway a haw mai hi a finthlak lehzual.
Ham bai bai pahin subway station lam pan chuan ka kal phei hnak hnak a, haw a ka khum ngei mai a mut zal ar ar chu tuna ka thil chak ber a ni chuan reilo te ah ka thil chak ber chu ka ti ngei bawk ang.
Chutia mahni chauh a ka kal phei chhat chhat lai chuan Rainer car ang deuh hian min rawn tlan pel nghal fua a,Rainer car Mercedes Benz chu ka lo hai lo nasa ka enzui nghal vung vung ringawt.
Car chuan min tlanpel fel zet tawh na in a ding nghal chawt a,a rawn back phei lai te chuan ding meuh chiang zet in in mak tih hmel tak hian ka lo en ha a, Rainer a ni tih ka hriat takah chuan ka haw chhuak nghal hak a, ka zawn ah tak a rawn ding nghal chat bawk.
Ka rin ang ngeiin car aṭang chuan a rawn chhuak nghal a, engvanga khawi hmunah pawh hmuh tura awm reng nge maw a nih le? a ṭhiante bulah khan engvanga let lo nge maw a nih le? urghh...Rainer ka hmuh tawh ni chuan zawhna sangtamtak hi ka in zawt nghak mawlh mawlh ṭhin a, a chhanna erawh ka nei ngai miah lo thung.
"eng nge hetah i tih? " ka duh aiin a vin, mahse eng vanga min rawn vin ve ringawt nge maw a nih le? a ṭhian emaw a bialnu emaw pawh ka ni tawp si lo.
"car insu a awm a... traffic a zam alawm... "
" a nih chuan car ah lut rawh... "
"enga! " thupe tak tak a min tih hian ka hua, runluih duhna hi a awm leh ṭhin .
" c'mon... ka pawngsual dawn lo che "
" subway in ka haw mai ang... " ka ti ve ṭang ṭang,a ngaihdan a nih tawh loh hmel ngang mai.
"ok... fine " a car kawngkhar chu a khar nghal chawrh a, "keipawh ka rawn kal ve dawn " tih pahin ka bulah a rawn ding ta hlun mai!! a awmdan mak tak avang hian ka ngaih a ti ṭha lo letling zawk.
A thinchhe si, a chapo si ,a ngeiawm em em bawk a, a engkim hi ka mil lo vel vek.
"ka sawi sual loh chuan i ṭhiante bulah khan awm tur i ni zawk in ka hria... "
"khawi hmunah pawh ka awm thei.. " hmm... hetianga chapo taka a ṭawng hian a Rainer bik hliah hliah chuan a mizia a ka huat ber a ni bawk.
Ka phone a rawn rik leh chuan Nolan a nih ka ring nghal,a hna a bang tawh pawh a ni maithei engpawh chu nise ka haw vat vat angai.
" a nih chuan awm ta si che... "mit chet kual ralh pahin ka phone chu ka pickup nghal a, ka kalsan nghal daih bawk .
Pangngai takin kan in be ve dawn emaw tih pawh hian kan in khei zui fak fak zel chu a nih hi.
"car ah rawn lut rawh.." a ti ri chu ka hre zui nghal a, mahse ka lo luhlul ve bawk nen ka hawi duh bik ṭhak lo phone ka be lui ngat ngat tho , bakah thupe deuh hian rawn ti kher lo se chuan ka lut mahna.
"car ah lut rawh ka ti a ni lawm ni ... " vin zet a rawn tih hluk pahin ka phone chu a rawn pawt thla hlawk a ,a off zui nghal hmak bawk.
" engthil nge maw i tih le? "
" tunah... " a car kawh pah chuan a rawn ti leh ngat a, a thinrim hmel em em lehnghal.
A hmel en reng reng pawh hian hnial ngam na chi pawh a ni tawh lo, ngawi rengin amah en kar chung chuan ka lut ta nge nge a, min tih dan avang hian ka lungawi lo ru hle bawk.
Seatbelt ka hren mawlh mawlh lai chuan driver seat ah a rawn ṭhu lut dawt a,ka phone lah chu a ak hmak lehnghal, Chutah chauh nak alaiin hla chu ring zet hian a volume a san nghal a, a thaw ip pik thlak takzet.
"khawngaihin i ti zawi thei angem? " tih pahin ka han herh zawi nghal vat a, a thinrim viau emaw ka tih lai chuan min rawn nuih leh ang lawi sia.
"a zawi daih tawh alawm... " a hnui liah zeuh pahin a ban chu tukverh ah a han nghat chhuak a, nuih za si insum tih hriat zet hian a car engine chu a han ti nung hlat hlat a ,a let zawngin a in turn pawp a, kan tlan nghal vang vang bawk.
"nichin khan engvanga ka chunga thinrim nge i nih? " ka rilru a awm ang ang chu ka sawi chhuak leh phawng tawh.
" ka thinrim hleinem... "
" enga...?? min vin vak kha " hriatthiam loh hmel takin ka en ha a, a hla play ri ruai ruai chu ka ning na a rei tawh bawk a ka off nghal hmak bawk.
CHAPTER-16
Motto- "Be the change you want to see in this world "
"sawitur i va ngah reuh e... " chek zui tlak pahin min nin hmel zet hian a rawn la ti ang deuh deuh a,min ning hmel a put hian min ti thinrim tlat pek a,ka en liam mai mai thei tlat ṭhin lo.
A awm dan hian sawitur tamtak min siamsak miau alawm engvangin nge ka ngawih reng bik ang ,bakah a chet dan vel leh a ṭawngkam hman duh dan vel hi ka huat zawng tak a ni lehnghal.
"i duh duh huna i vin a thu i pek theih mai mai ka ni hleinem..." car chung zimte a sawi atan chuan ka ṭawng ring mah mah tawh,chutah ka ṭawng hre miah lo ang hmak in hma lam a melh ngur ngur avang chuan thawk halh pah hian,"midang angin i thuhnuai a awm turah min ngai reng reng suh...hmeichhe dang ang ka ni ve lo " ka han ti leh tan tan a, car kawngkhar ah a kiu nghat chhuak in a kutzungpui chu a seh neuh neuh a, thil serious tak ngaihtuah te pawh a ang .
"i vawi hnih sawina... "min ning ngang aniang a hmui liah huh hlap pahin hla chu ring zet hian a play zui nghal hmak a, engvanga ngeng leh nghal em em reng nge maw a nih le?
Hahh...Vawikhat a ngeiawm a nih chuan keipawh vawi za vel ka ngeiawm ve thei tho.
A hla play lai chu ka va off sak leh ngat a,tukverh lam hawi pahin ka inkuangkuah nghal hmak bawk. Ka awmdan avang chuan nasa min tih hmel deuh hian min rawn melh zeuh a,hma lam a hawi lehnghal vat bawk.
Lehlam hawi tlat chunga ka ngawih tak reng avang chuan hmaichhana min en tawp chu a hreh ve deuh aniang a front glass aṭang chuan min rawn melh leh zeuh zeuh ṭhin a,tumah ṭawng hmasak kan tum tak loh avang chuan a rawn thaw chhuak deuh hak a.
"ok...ka vin nachhan che chu ka thu i awih duh loh vang a nih kha... " a rawn ti ta nge nge a,ka lungawi loh hmel hmuh hi nuam a tih loh avangin a rawn in sawifiah pawh a ni mahna. Tum khum emaw thinrim khum hi chu a ngaithei lo ve ngawt mai.
Hahh... Rainer mize dang ka hre thar leh ta.Mi zawng zawng hi a thuhnuai a awm tir vek a duh a, an hnial a nih chuan a vin mai ṭhin ....Oh God!! mi maktak zawng ava ni em! mahni thu duh leh lutuk,engtin nge a ṭhian te ho hian an kawm reng peih zawk ni.
"ṭha deuh in min hrilh thei reng alawm.. "tun ṭum chu thinrim in min be lo bawk a,a seat nghen chhan ngheng ar ar pahin zaidam tak hian ka lo chhang let a.
" ka hrilh reng che lawm..."a tih chuan ka mit ka lo chet kual nghal ralh a, diktak chuan ṭha deuhin min hrilh a ka lo hnial ve tan tan kha a nia mahse ka inthiam lo hran lo vawikhat kan infawh avang khan kan inkarah thil special tak emaw a car a chuan ve ringawt na chhan tur ka nei miau lo alawm.
" engpawh chu nise min vin tawh lo la a ni mai..."ka tih chuan a biangsum khuar kak khawpin min rawn nuih var var a, a nui hmelṭha lutuk hi chu ka hmuh zawng ringawt pawh hian awmze nei lo in ka lo nui leh ver ver zel,amah hrim hrim hi ka en ning thei thlawt lo.
Kan tlan rei tak em avang chuan ṭhu chhuak meuh in ka han hawi kual vela,kan in lamah kan tlan tawh hauh lo mai!!
"khawiah nge kan awm? khawiah nge min hruai i tum?" tlem chuan ka hlau ve deuh a chhanchu Rainer hi ka mi hriat chian pawh a ni lova engang mi nge a ni tih pawh ka hre hek lo.
"chiai vak ṭhin teh suh engtin mah ka ti dawn lo che ka tih tawh kha... " ka hlauthawng hmel chu alo hmuhhmaih bik lo nasa,mahse ka ring lo lutuk hmel a hmuh hian a lungawi loh hmel kher mai.
"kan kalna tur min hrilh la chuan ka chiai bik kher nang... "
"kan thlen hunah i hre mai dawn lawm... " enga!!a fiamthu em ni? hetianga min rawn hmasa lova min hruai bo daih theih na dan hi a nei lo hrim hrim.Ngawi lawh teh!! kei hi Nolan nen movie en kan tum a ni lawm ni, min lo nghak reng tawh hrim hrim ang.
" let leh ang... tunah let leh rawh ka haw vat angai... " Nolan call tumin ka phone chu ka han zawng kual a, mahse Rainer an a ak daih a ni tih ka hrechhuak leh hnuhnawh .
" khawi ka phone kha min rawn pe rawh.. "
" nakinah... " a lo ti hmuk ringawt.
" ka haw vat angai ania... "
"movie en bak tih tur engmah i nei chuang lo a ni lawm ni... ?" a rawn ti kher a nih chu!! Nolan nen movie kan en dawn a ni tih a hre reng a mahse Nolan hming sawi lang tel duh lova min rawn zawt kher hi ka ngei,chuan a sual thiam hle bawk .
"ka tih tur i hriat ve kher a ṭul lo...tunah hian haw ka duh.... "chiang fek fawk hian ka han hrilh a,mahse kan University sign board ka hmuh takah chuan ka hawi chhuak nghal vat a, mak tih hmel takin ka en zui vung vung bawk.
" Eng nge university ah hian kan tih dawn... ?"
University ah kan kal dawn emaw ka tih laiin main gate thlen hma hian car chu a ti ding thut a "chhuak rawh " a rawn ti nghal ringawt !! hriatthiam loh hmel takin ka lo en ha ringawt.
"Enga!! "
" kan thleng tawh...hetah hian i awm reng dawn em ni? " tih pahin a seatbelt chu a phelh rawk rawk a, a chhuak nghal daih bawk.Engthil nge maw a hriat le? car a park na hmun lah hi 'No parking ' tih zawn ah tak a ni lehnghal.
"eng nge hetah hian kan tih dawn? " car aṭanga chhuah pah chuan ka au lang lang a,zaizir in a hmui zawn a a kutzungchal dah pah hian bengchheng lo tur in min rawn hrilh nghal vat a,ka hmui ka lo hup vat avang chuan min rawn nuih vur vur pahin a inher a, a kekawr ipte zen pahin a kal lehnghal nal nal a.
"haw ang...ka rawn kal ve peih lo... " weekend ah lehzel university a kal hi ka peih teuh lo.
" a nih chuan car ah lo awm rawh... " kal tura min rawn sawm ka lo rin vei nen car a awm turin min ti hmak a nih chu ! helai hmunah hian engvanga min hruai nge a ni tih zawhna a rawn lang lehnghal tawh?
Kan awmna hmun lah hi main gate thlen hma park awmna lai vel a ni lehnghal a, thingkung a tam mai bakah a reh ruih mai bawk si a, mahni chauh chuan car a ka awm duh teuh lo.
Hmanhmawh takin ka umzui ta nge nge a,a bawp a sei in a pen hlawk bawk si a min ti hah takzet.
" rawn hmanhnawh rawh... security in an rawn hmu ang che " a la rawn ti ang deuh deuh a,ka hah a ni tih hi a hmuh ve miah lo emawni le?
Main gate aṭanga lut lovin emergency exit mihring chiah lenna security pawhin a a ven loh na ah chuan min luh pui a,he university ah hian ka la thar bawk a hetiang thil hi a awm tih pawh ka lo hre ve miah lo.
Ngawi rengin Arts department lamah chuan kan in zui cho hnak hnak a, helai hmun hi ka vawikhat kalna a nih avangin thil thar hmuh tur a awm nual lehnghal a, ka hawi kual ruai ringawt.
"kan kalna hmun hi i chiang chiah maw? "a reh lutuk a zawi te in ṭawng pawh ni ila a ring bik riau hian ka hria.
" min rawn zui tawp mai rawh... "
" ka zui zel che chu a nih hi... "mit chet kual ralh paha ka tih takah chuan a nui ri hak a, ka sawi tawh kha ngeiawm deuha chhan dan hi chu ka thiam ve lutuk tlat.
Kan chho thui tawh lutuk a ka ning lek lek tawh bakah eng nge kan tih dawn pawh ka hre bawk si lo, ngam ngat ila chu car ah ka lo zuk mu daih ang mawle.
A tawp a tawpah chuan building inchung zawl tuma kal an phal lohna kawnga chu kan thleng a, ka hah em avangin kawng dawm meuh in ka thaw chhuak hak hak a.
"hetah te chuan kal phal... " ka tih rual rual chuan 'no entry ' tih in ziah kulh na kawngka chu a hawng nghal ṭhuai a,a vawikhatna a ti tawp lo mai, a chhuah rual rual chuan, "a ni hleinem... " ka tih chhunzawm zui sap a, ka sawi hma kha ka ngai.
"dan i bawhchhia ania... let leh ang "
"dan chu bawhchhiat tura siam alawm a nih ... "
"dan chu dan a nia..."
" a nih chuan bawhchhe rawh..."min chhan dan a thiam em avang chuan ka lo nui ver ver ringawt.
Ni e,dan bawhchhiat hi Rainer thil tih dan ṭhin ve reng a nia mak pawh a mak hran love.
" a nih chuan.... " tih pahin a bulah chuan ka va ding ve nghal a,a nuam phian lehnghal. Thli rawn thaw heuh heuh chuan ka sam chu a chhem leng siau siau a , a reh in a thlamuan thlak hle bawk.
"helai hmunah hian hmeichhia engzat nge i hruai tawh... " hawi chhoh pah hian ka han ti thawr a,helai hmunah hian a kal ngun tawh hmel si a hmeichhia a hruai zat hi ka hre chak tlat pek a,sawmthum na hnu lam ka nih loh hram ka beisei.
" nangmah chiah... " Enga!! nuihzat hmel zet hian ka han hawi chho leh a min lo nuih let ka rin laiin a lo fiamthu ve miah lo,a hmel a serious in thudik a sawi tih a hriat theih.
Keimah chiah helai hmunah min hruai hi ka awih thei lo, mahse thudik a ni ngei bawk si. Engvanga min hruai ringawt nge a nih tih zawhna chu ka inzawt lehnghal ringawt tawh.
"engvanga party na a kal lo nge i nih ?"ka zahzel ah ka han zawt ringawt a, a ruk tak chuan ka hlim veng veng mai .Rainer an helai hmunah hian min hruai hmasa ber hi in tih theihna tham a ni ve tlat.
"party pawh hi a chang hi chuan a boring... " ka van awih lo tak!a nuam ti ber ber a ni ang chu.
"i ṭhianten an zawng tawh ang che... " ka han ti leh a, ka ti tak tak bawk.
" chu chiah chu mi i ngaihtuah... ?" eng hi nge ngaihtuah se min tih a? a ṭhiante lak aṭangin a kal hrang a chutah hetah keimah kher min hruai leh bawk a, thil dik lo chu a awm chiang alawm.
"a nih ber hi..."
"Tunge Nolan...? " teh daih a, Nolan chu engvanga hre chak viau nge maw a nih a?
"ka ṭhian ..."
" ṭhian ....?" hahh...an ni ho ang turah min ngai emawni le? keichuan ṭhian ka tih chuan ka ṭhian tak tak te an ni a, an ni ve thung chuan friends with benefit ah an ngai lehnghal ringawt zel.
"ṭhian ṭha tak... " ka chhang ṭha duh bik der lo, hetiang anga Rainer a dilchhut hmel hmuh hi a nuam hranpa ve hrim hrim.
" Did he f*ck you? " thup mawi ṭit ṭet lovin a rawn ti chhuak nghal phawng a,a ṭawngkam avang chuan ka lo ip chawih mai, bakah heng thil mimal lutuk te hi chu inzawh awm pawh a ni lo.
Engthil pawh hi pehhel kual lovin tlang takin a sawi mai ṭhin tih chu ka hria mahse hetiang thil hi chu a ti mah mah lo maw? mutdun chu sawi loh Nolan nen hi chuan ṭhian satliah bak kan ni lo.
"i ṭhian hmeichhia i mutpui ṭhin em ni? " tih chhan nei zet hian zawhna ka lo zawt let ta zawk a, nuih zat hmel zet hian, "zawhna ni lovin chhanna a nih chu " a lo ti hmak.
"umm...!! " ka ti bung hmuk ringawt. Min chhan dan avang hian ka rilru a na tlat a nih chu!! hetiang thil hi a thleng dawn a ni tih hre tho mah ila a thup mawi ve deuh te pawh ka lo ring asin.
" mak tih nachhan tur a awm em ni? " ka mak ti hmel a hmuh chuan a rawn ti leh sap a, ka rilru a nat apianga ka awm zawn rawn na vawng vawng ṭhin kha a rawn awm leh tawh.
" ṭhian chu ṭhian an ni turah ka ngai... "thinrim insum tih hriat tak hian ka ti let kher a,ka vin lek lek bawk.
"i mak reuh hle mai... " ka lam hawi in a rawn inher a, ka mit ah tak a rawn en takah chuan ka mur lehnghal chuaih tawh.
"kan kal angai in ka hria... "amah en pah chuan ka han ti sap a,ka thusawi ngaihsak hmel pawh a pu lo.
(Note: love story reng reng a bik takin bad boy story ngat phei hi chu an mizia emaw story kalphung inang deuh thup hi an ni tlangpui hlawm a chuvang chuan a inan lohna tlemte lai tak hi story hran a nihna a ni thin ,new york times best selling lekhabu te pawh hi in ang tak tak a tam mahse midang story a copy tihna a ni lo chuvangin chhiartute pawhin chhiar dan thiam ang u aw)
CHAPTER -17
Motto- "Be the change you want to see in this world "
" reilote tal i la awm thei lo em ni?"ka hriat tawk lek turin a rawn ti sa sa a, a aw dum dut leh ril nguih mai hian ka taksa pum hi ka thisen zam ang mai hian a fan chhuak nghal vek a,heart attack ka nei thei takngial dawn in ka hria.
" mahse.... " ka han ti ve tak na in min en reng chunga a kutṭang sei sâng in ka biang a rawn chul takah chuan thawk lak kawk pahin ka lo maimichhing diar diar a,ka nghawng a a zut thlak lai te chuan ka za nghal chuaih chuaih a, ka thaw tawh lo ang mai te hian ka in hre hial.
Ka lungphu rang lutuk tih normal tumin thawk lak kawk kawk pah hian ka kun daih a,ka kutṭang inkara a kutṭang a rawn rawlh luh lai te leh a kut chang pilh hrup te ,a kutzung chala a zungbun bun tle ver ver te chu chiang takin ka lo en kar a,Rainer kut hlai zet mai ka khawih avang ringawt pawh hian ka rilru chhungril hi a hlim veng veng mai.
" min en rawh.... " thupe taka rawn tih sap pahin a kut lehlam chuan ka biang a rawn dawm a,ka hawi chhoh rual rual chuan hniam takah rawn kun hniam in dim te hian ka nghawngah a rawn fawp a,chutah ka hmuia fawp lo chiah chiah velin ka biangah a rawn fawp leh a, a hmui nem thep te leh a thaw lum ham ham te chu ka feel veng veng mai.
"engtinmah ka ti dawn lo che ka tih kha ka rilru ka thlak leh... " rawn tih sa sa pahin min chawi kang nawlh a, fencing ah chuan min ṭhut kan tir ta ringawt a, chutichung pawh chuan kei aiin a la sâng fan tho.
"chu min pawngsual i tum em ni ?" nuih put put pah hian ka lo chhang let a, lu thing pahin a nui chhuak hak ringawt.
"i chungah hian engthil emaw tak tih ka duh "
"engtin mah ka ti lovang che i tih kha "
"a nih chuan ka thusawi kha ka bawhchhiat angai dawn a nih chu " rawn tih sap pahin min fawp dak nghal awrh a,ka lo fawp let rang kher mai.
Ka kut pahnih in a nghawngah ka suih zawm nghal vata, a ni erawhin ka kawngah nghet takin a dawm tlat thung.
Zei lutuk tak maia ka kâ chunga a lei hawl kual pahin duh thawh zet hian min rawn fawp ri lehnghal chawk chawk a, Rainer fawh hi chu a rough in a danglam bik hliah hliah.
Infawh mai chu a duhtawk hauh lo, a kut lehlam chuan ka mal leh mawng bawr te chu a zut nghal ruai a, rei lo te ah rul ang maiin ka kawr chhungah a rawn zen lut nghal vat a, a thil duh chu a hai lo ngang mai ka awm bawr chu duhtawk hian a ṭham nghal bawrh bawrh a,kan thawk dan pawh a rang sawt in,min tih dan vel a thiam bawk a ka lo rum leh hak ṭhin.
Min khawih danah ka lungawi hliah hliah ani tih a hriat chuan a khi zui suk a,a aia uar hian min rawn fawp leh sauh ṭhin.
Ka kut khawih tur leh dah dan tur pawh hre lova a nghawnga ka kuah reng lai chuan a rawn la thla a,chutia a rawn lakthlak takah chuan min khawih ang hian khawih ve a duh a nih ringin ka huaisenna zawng zawng sawmkhawm in a mipatna chakna avanga pawng khawng luah tawh chu a kekawr chhanah ka zuk hum sak chawt a,min fawh laklawh lai chuan a rawn nui chhuak hak a,ka kut ka la let rang ngei mai.
" a dik lo em ni?" zak bawk si hlauthawng ru tak si hian ka han ti sap a, min nuihzat dawn a ni tih hre lawk ila chu hetiang hian ka khawih miah lo ang mawle.
"dik lohna a awm lo... "
"anih tinge i nuih ...? " lungawi lo tih tak tak hian ka kut daih a.
"nilo.. nilo...ka in ring hman lo a tin a ni.." hahh... a vawikhat nan Rainer an ṭawngkam mawi hnai tak a hmang ve ngei mawle mahse tun ṭum erawh thudik tak a sawi loh avang hian ka thinrim ru hle thung.
"dawt i sawi..."thawh ka tum deuh uaih avang chuan chek zui tlak pahin min vuan bet tlat a. Nuih za insum tih hriat tak hian ," ok.. fine, a seh lo ang che" a rawn tih takah chuan a sawi tum ka hrethiam nghal, kei lah pek chuan thil hlauhawm tak man tur ang maiin ka lo hum thut lehnghal a.
Ka zak lutuk hi ka biang a rawn tai nghal vek a,ka sa nghal pup pup bawk.urghh... helai hmun aṭang hian vawileh khata bo thut ka chak takzet.
"a pawi lo... " ka zak lutuk tur tih zia awm nan min rawn fawp lehnghal zat a,tlem chuan a reh ve deuh.
Kan infawp dawn chauh a phone a rawn ri lehnghal ṭut ṭut a mahse hre lo ang maiin min fawh chhunzawm reng tho.
"i phone chu... " ka rilru a lak pek tlat avang chuan ka ti ta nge nge a.
"engmah a ni lo... " a tawp duh chuang lo.
" la phawt rawh... " ka lo tih ve sek avang chuan ning hmel zetin rum halh pahin a phone chu a la chhuak ta nge nge a, silent pahin ka ṭhutna bulah chuan a rawn dah nghal daih a,ka nghawngah a rawn fawh chhunzawm lehnghal zat.
A phone bawk chu reilote ah a rawn ri leh chur chur tawh, hre lo ang maiin a thil tih lai chu chhunzawm mawlh mawlh reng tho mahse a phone chu ka zuk melh kher a,tudang ni lovin Amira call ngei a ni!! ngawi lawk teh Amira maw?! an inkawp mek a ni lawm ni?
Engthil nge maw ka tih hi le? ka thil tih hi a dik lo hulhual,hetiang thil hi Amira chungah ka ti thei lovang ,Sadie harh chhuak vat rawh .....
Rainer a dawi ât na aṭang leh ka ngaihtuah na atang chuan ka harh chhuak nghal zawk a,rang lutuk in a awmah ka nam sawn nghal dawrh bawk.
Ka awmdan avang chuan mak tih hmel takin min rawn en nghal kawk a, thinrim hmel te pawh a pu.
" engthil tehhrep nge maw i tih le? " thinrim hmel a pu a ni mai lo a thinrim takzet,mi thinchhia tih takah a rawn vin lehnghal hluk tawh,mahse ani ni lovin keizawk hi a ni thinrim tur chu.
"i bialnu call hi la zawk la a ṭha in ka hria " thinrim miah lo ang maiin pangngai tak hian ka lo ti a, tunah hi chuan inhnial buai ka peih rih lo, mahni chauh a awm a inngaihtuah ka duh.
" Enga...? bialnu a ?"mak tih hmel takin a rawn ti nghal haw a, min rawn hnaih leh a rawn tum pawhin tawlh hnung hrut pah hian "min rawn hnaih suh... ka kal dawn " ka ti lo hmuk a,lungawi loh hmel zet hian a sam a tuai chho nghal phawk a,ka ṭawngkam chu alo ngaithei lo ngang aniang ,"a nih chuan kal phiangsen ta si che " a rawn ti nghal tuarh a, rang lutuk in ka tlansan nghal hlawk hlawk a.
Rilru no tih takah ka rilru a ti na leh tawh kher mai, hetiang anga ka chhungte pawh nilo in thinrim hmel min hmuh avang leh awki sang a min ân khum hrep avang hian ka hnuk a ulh nghal ṭun a ,ka in rin hma in ka mittui a rawn tla lehnghal zung zung tawh.
Kawng ka lo enchiang hman lo bawk nen step khat ka pen thla dek dek a,ka rap pial ta zâwk mai!! ṭe ṭhawt pahin step paruk vel awmah chuan ka lum thla ngal bawp bawp a,a zawl lai ka thlen thlak rual rual chuan Rainer pawh a rawn thleng thla fel hman der tawh.
"i insawh na em?" min rawn khawih a tum rual rual chuan ka kut ka lo la sawn nghal vat a,min rawn khawih lui leh ngat tho.
"ka ṭha ..." tih deuh hmuk pahin ka mittui chu a rukin ka hru hul zeuh a, ka insawh na lo tih a hriat takah chuan ka in rin hma hma in hnehsawh zet hian min rawn pawm tho nghal lawp a, ka kiu leh ka mawng erawh ka sawh na ve deuh.
"na i nei lo tak tak maw?"a ti der te a nih loh chuan Rainer hi keimah vangin a hlauthawng ve nia mawle...!! nilo... a ti der lo tawp ang mahse min ngaihtuah hmel a put hian mak ka ti lo thei lo.
" helai hi a na.... " ṭap aw deuh ṭuau hian ka lo ti a, ner nawng chungin ka kiu chu ka han thlek vat a ,vun chhe pilh mai mai mah nise keima tawkah thip ka ti ve hle.
" lo kal rawh damdawi kan hnawih dawn nia... " a tih chuan ka lo bu nghat a, che naupang chhia hle mah ila min nuih miah lova min ngaihtuah hle thung.
Car chhunga kan luh rual rual chuan dashboard aṭang chuan damdawi hmehchhuah theih hi a rawn la chhuak nghal a ka kiu chu ka lo dawh vat bawk.
"a nat chuan min lo hrilh dawn nia... "damdawi a hmeh chhuah zawng te chuan a kut chu a khur dar dar a, a chiai a ni ber mai, ka ṭah avang hian a hlauthawng pawh a ni mahna.
A awmdan chu ngun takin ka lo en kar a, a hnawih tur te reng reng chu zam tih hriat takin a han thaw chhuak hak te te a, chhem heuh heuh pahin dim tak hian a rawn hnawih a ,a ruk in ka lo nuih ver ver ringawt.
"A na em ?"chu ringawt pawh chu min va zawt ngun tawh tak, chhan lah kan in chhang ngun tawh malh malh e.
A ni chu a dar ṭhui ngai lo chauh khawp a hliam nasa leh khawsik pui hlawk hlawk tham khawpa hliam a neih pawhin engah mah a ngai lo a kei ve thung chu ka vun chhe pilh mai mai pawh ka thi dawn tawh emaw tih mai tur khawpin min buaipui a, a awmdan hi hriatthiam a har takzet.
" na dang ila nei em? "
" aih...nei lo " a thaw deuh hluai a.
"heng thil zozai hi i nei kim vek elaw... " nuih ver ver pahin firstaid kit chu ka zuk melh zeuh a bandage, lapua leh eng eng emaw a kawl ṭeuh avang chuan ka han zawt kher a.
" Nikki dah vek a nih hi... " awlsam te hian alo ti mai a, Amira hming a sawi lo chu ka lawm teh e.
" a ngaihtuah hle mai che... "
"nia...engtik lai pawh a ka mamawh reng vang aniang... " fiamthu in sawi mahse thudik a nih ka ring. A kut a hliam te leh a hmai a pem leh duk te hi a tharlam thei emai.Bakah a nu ngei pawhin Jail a a awm loh chuan damdawiin ah a awm a lo tih tawh tak kha.
"i thin ala rim em? " a rawn ti leh a, ka lo nuih ringawt. Amah zawk hi thinrim leh vin kha a ni reng sia.
"a nih chuan kan ṭha tawh tihna em ni?" hetiang anga min tih zel te chuan engtin nge ka thinrim khum reng theih anga.
"rules no.1 min vin tawh suh " mit chet kual ralh pahin tukverh lam chu a melh zeuh a keimah bawk min rawn en leh a, mahse a nui vur vur thung.
" rules no.2 ka phalna la hmasa lovin khawiah mah min hruai tawh suh... "
" chuan... " ngeiawm zetin a dar chu a han kân ak a.
"3.ka phone hi i la tawh tur a ni lo "
"aw le ...Miss Morin "tih pahin ka phone min laksak kha a ipte aṭangin a rawn phawrh chhuak zal zal a, nuihzat hmel zet hian ka mal chungah kher a rawn dah a ,ka mal hmer zeuh pahin a kut a la sawn lehnghal vat bawk.
"a dang ala awm em ?"
"aw... " sawi tur ka la ngah lutuk engkim hi a nih tur aia nasa vekin ka chungah hian a ti ṭhin a, ka chetbuai na tawk a lo ni thei zel bawk si.
" anih chuan naktuk ah kan sawi dawn nia... " thawk deuh huai pahin car chu a han ti nung nghal hlat hlat a, ka lo ner nang ringawt.
A awmdan a ka huat tamtak zinga pakhat chu thil ka sawi ve apianga ning hmel a put loh leh ṭawng tam min tih hmel deuh a a awm ve ziah ṭhin hi a ni.
Kan in kawt kan thlen meuh chuan zing dar4 a lo ri der tawh, kawng tluanin inhau buai miah lovin in thleng min thlah thleng ve ṭhak mawle... ufff...engpawh chu nise kawng tluanin ka muhil tluan ṭhak miau alawm engtin nge kan in hauh theih tehreng ang.
In thlen hma deuh in ka harh hlauh a kaihthawh chawp ka ngai lem lo. Diktaka sawi chuan nizan ka mu ṭha lo bawk nen ka chau in ka mut a chhuak takzet.
Car a tih din rual rual chuan sawi tur nei niawm tak hian a rawn hawi phei a,min fawh leh a tum maithei zawk.... agghh... engthil nge maw ka ngaihtuah le?atthlak lutuk.
Nichin a thil thleng ang kha a thlen leh ka hlauh avangin kawngka chu ka hawng rawk rawk a ka chhuak nghal daih a,â min tih hmel zet hian min lo en reng ringawt. Ni e... min khawih hlek pawhin ka buai vek zel a nia khatiang khan awm leh ka duh tawh lo.
" ka lawm e... " kal mawl tawp ai chuan tiin tukverh ah chuan ka va dak leh kher a, Mutchhuah hmel tak hian min lo nuih vur vur a a mutchhuak hmel pawh hi a ṭha em em tho.
" mangṭha le... " a rawn ti chhêr chhap a,hma lam en pahin a tlan nghal vang vang bawk.
A tlan lam hnu ah pawh ka la en zui vawng vawng a...a fawh te, a khawih te leh a nui hmel te kha ka ngai nghal vawng vawng mai.
"engthil nge maw ka hriat le? " ka lu chu ka han thing nawk nawk a, nuih ver ver pahin in lam ka pan phei nghal nal nal a,ka zan hun hman tawh ah chuan ala nuam ber awm e.
Chutia mawl hmel zeta ka nuih phei ver ver lai chuan ka putea te in kawngka chu a rawn in hawng ri rak a, putea rawn chhuak lai ka hmuh chuan ka phu chiang kher mai !!
A zing walk tur leh ka haw lam kan intawk chhet mai!!
" Sadie bawihi.. tunge khapa kha...? " Lalpa leh! alo hmu hman a ni maw, ka û a hrilh loh hram ka beisei.
"umm.. ughh... "
" i bialpa em ni? "
" ni lo... ni lo ...kan college mi anih kha.." thudik ka sawi bawk a ring lo hmel pawh a pu lo.
" a nih chu... vawin chu ka hruai ang che... "
"i ti tak tak em? " phur deuh hian ka lo ti nghal var a, bus emaw subway emaw a university kal a ngai lo chu ka lawm takzet.
"umm....ka va walk hmasa phawt ange... " tih pahin a ban a rawn vai zeuh a, a tlan nghal nal nal bawk.
Ka putea hi chu tar tawh viau mahse a in uluk in a in enkawl ṭha bawk a a kum phu lo in a hrisel in ala fing hle.
Sana bih zeuh pahin ka han ham bai bai a darkar 5 vel zetvmutna hun ka nei bawk a engmah ti kawi lova mut vat ka duh.
________________________________________
☆VANDERBILT UNIVERSITY☆
Darkar 5 vel mut ka lo in beisei tehreng nen Braydon a te ṭhian ho roadtrip nei haw dar7 velah an rawn thleng a, an bengchhen mai bakah ka mu nghet lo bawk nen darkar3 awrh bak ka mu lo.Chutah mut ka kham loh thu leh ka mut tlai thu ka hrilh thei bawk si lova lu na bûr in class ka kal angaih dawn phah.
Chelsea leh Kaitlyn ten an mahni nghak tura min tih avangin balcony ah chuan ban ngheng chung hian lehkhabu ka lo chhiar mai mai a, university lian tham tih takah khawi hmun mai pawh hi a ri deuh mur mur bawk si a ,a thaw ip pik thlak takzet.
" Sadie... " Shane a aw ka hriat rual rual chuan thawk halh pahin ka lehkhabu chhiar lai chu ka khup thawk a, min chahthlak san daih avang khan ka la lungawi thei lo.
"morning Shane..." nuih luih sak chungin ka lo ti ve ngat a mahse min â a ni bik lova a chungah ka lungawi lo a ni tih a hrethiam nghal.
"ka tihpalh lutuk... khatiang thil kha a thleng nawn leh tawh lovang "
" aw le.. " awlsam deuh hian ka lo ti mai a.
" ka ti tak tak ka tihpalh lutuk... "
"ka hria lawm" chahthlah te chu kan control theih va ni suh! ngaihdam min dil tawh bawk a ka lungawi em em tho. ni e ...Sadie ka ni miau a,midang hi awlsam takin ka ngaidam zung zung zel .
"a nih chuan ka hruai chhuah leh che phal hram rawh... "
" Shane...!!"
" khawngaihin...min ngaidam tak tak a nih chuan "
"ughh...hrilh hai taka awm ka duh tawh lo, bakah thil thleng zawng zawng ngaihtuah phei kha chuan.. "
"chuti mi zawng zawng hma ah hian ngaihdam ka dil che nga i pawm angem?" Shane tak hi chu aw... a caring lutuk an lo tih ṭhin kha a tak tak a lo nih dawn hi.
"a ngai lo.. "
" chuan anih chhuah dun chu"
a mitmeng nen zawng zawng a min ngen takah chuan nuih suk pahin ka lo bu nghat ta nge nge a mahse ,"ṭhian angin... " ka tih chhunzawm kher.
" ok... ṭhian angin" tih pahin ka darah a rawn vuan a," class ban ah ka lo nghak ang che... " a rawn ti leh a.
"hey.. Shane kan tlai dawn nia... "tu emaw in a rawn tih avangin hnunglam chu kan hawi rual nghal a, Amira chu mood fuh hmel zet hian a rawn nui sang a, a chhelo in a hmelṭha thlawt,Braydon an alo atchilh pawh kha a awm lo love.
"sup! Sadie... " kei lehzel pawh min rawn wish tel ve bawk a, vawin zet zawng a hlim takzet a nih dawn hi.
Kan bul a rawn thlen meuh chuan kum thum vel kalta pawh a a bodywash hman ṭhin , rimtui ka lo tih ṭhin em em Lavender leh Rose rim chu a rawn nam leh chak chak tawh a,amah nen hian a in hmeh ngawih ngawih tawh.
"nice smell... " Shane pawh chuan alo ti ta nge nge a, a rimtui ve bawk em a ni.
"engpawh chu nise pawi i tih loh chuan Shane hi ka hruai hrang dawn a nia... " nuih hak hak pah hian min rawn dil a,phal tih hriat tak hian ka dar ka lo ti kang ak thung.
" Tlaiah chuan aw... " Shane chuan a rawn ti leh hram a,class lam panin an inzui phei nghal hnak hnak bawk.
Minute 10 dawn ka ṭhiante pahnih ka nghah hnuah pawh an rawn la thlen mai loh avang chuan class a lo nghah mai chu ṭha in ka hre ta zawk a,heti ringawt chuan ka tlai mai dawn.
Ka lehkhabu ken lai ka bag a ka khung mawlh mawlh lai chuan ri deuh hluk ka hriat avangin rang takin ka hawi chhuak nghal vat a, Rainer chu hmanhmawh hmel deuh hian ka lam a rawn pan phei hlawk hlawk chu lo niin!!
A sam duhdah taka tuai thuak thuak tih hriat tak mai te leh a tshirt var plain hak te sawn a ti chhelo zual,chutah hmeichhe ho lah chuan an en duh em em lehnghal a,a awm tho e a chhelo em a tin ni.
"hi!! " nuih pat pat pah hian ka lo ti vat a,mahse a rawn thlen phei rual a lavender leh Rose rim a rawn nam takah chuan ka nui tawp chiang kher mai.
" Hey... !!" min rawn biak tum pawh a ang lo, ka lo biak hmasak avanga min rawn chhang let ve satliah mai mai te pawh a ang zawk.
A sam thur bam te,a nghawnga hickey (lovebite) tharlam tak awm te leh a chau hmel te chu ka lo hmuh hmaih lo chiang kher mai!!
Amira hlim hmel te leh rim inang chiah lavender leh rose rim an rawn nam theih danah te hian hai rual loh in Rainer hian tukin zinga min thlah zawh hnu khan Amira apartment ah a va kal anga an mudun leh a ni tih hriat reng reng chutah bodywash pakhat rim an nam dun theih danah hian an inbual dun zui bawk a ni tih hai rual a ni lo.
Hahh.... engvanga engthil zozai hi ngaihtuah kual duah nge maw ka nih le,an in ngaizawng a an duh duh an ti ang chu mahse ka rilru a na miau si, ka thinlung hi a na takzet.
Ka awm zawn chu rilru natna avangin a rawn na nghal zawk zawk a, ka zep lo thikna in ka khat nghal vek a, ka lo thinrim nghal em em ringawt .
"Eng nge i ngaihtuah vung vung a...? "A kut tih rik zeuh pahin min rawn nuih vur vur a, rum zet a lo melh let hrep pahin, "i nghawng a hickey kha hliah deuh la a ṭha in ka hria... " tih hmuk pahin ka in her vut a, chak lutuk tak mai hian ka kal san nghal hlawk hlawk bawk.
CHAPTER-18
Motto- "Be the change you want to see in this world"
Ka mittui rawn tling nghal pum te leh ka rilru no lutuk te hian min ti thinrim vel vek.Mualpho taka ka ṭah mai loh nan ka inhum ruh ve ṭang ṭang tak na a ka hriat loh karin ka mittui chuan ka biang a rawn luan lum pap pap mai.
Min fawh avang ringawtin keichuan a chungah feeling nasa tak ka lo neih phah a ,a ni erawh chuan in fawh te mai mai hi chu a habit ang lekah a ngai thung, kan in ngaizawng lova in zawmna pawh ka nei hek lo chutih laia amah vang mai mai a hetianga ka awm hi ka zak in nep ka in ti takzet.
"hey... Morin... "min rawn umzui a ni tih ka hriat chuan ka kal chak zual sauh a,a pen thawm a rawn hnaih pauh leh ka tlan ti tih tawh, din mai mai ka tum hauh lo.
"engthil nge maw i hriat le? "tih vin hluk pahin min pawt her nghal sawk a,ka awmdan chu hriatthiam loh hmel takin min en ha bawk,ka rilru natna chhan phei hi chu a hre lo tawp ang nge ka rilru put ang a put ve loh avangin a hre lo der zawk.
" min khawih hlek suh... " thinrim aw vin hlar hian ka lo ti nghal ṭhah a,mak tih hmel takin min rawn en nghal haw ringawt.
"khawih che kha ka tum dan a ni bik lo !! "a kut min vawnna chu rang lutuk hian a la thla nghal hmak a, hmel hriatthiam har zet hian min melh zui nghal kur bawk a, a awmdan hian ka thin a ti rim zual in ka rilru a ti na zual hle.
A hma a Rainer ka lo hriat ṭhin mi induh leh ngeng ,chapo bawk si kha a rawn let leh tawh nimai hian ka hria.
"min kalsan rawh"ka ṭap nghal mai bik loh avang hian mak ka in ti ru hle,ka thinrimna avanga ka mit sen ram tawh chuan ka melh kâr a, a ngaihdan a lo nih loh hmel ngang mai !!
"aw le... " a ti hmak, a dar kãn ãk pahin a tawlh hnung nghal hrat a,a kekawr ipte zen pah a a inher rual chiah chuan min hnung chhawn zawnga a kal lai hmuh ka duh loh avangin ka in her ve nghal daih a,ka mittui a ruka hruk zeuh pahin kan kalna tur ve ve lam panin kan kal hrang nghal nal nal bawk.
Rainer hi hetiang mi hi a ni tih hre tawh ṭhin tho mah ila amah pehhel leh hnawl hi hetiang em em hian a ngaithei lo ang tih erawh ka hre ve chiah, min kalsan tura ka hrilh avang ringawt in zawhna dang pawh min zawt buai eih tawh lovin a kal nghal hmak thei ania, kei ka ni in ti ve tak chu a ni.
Corridor ah muang changa ka pen phei chhat chhat lai chuan Baydon chu thinrim tih hriat taka ka lam pana a rawn kal phei hlawk hlawk lai ka va hmuh chuan ka mengphawk nghal kawk a! a enga mah hma in ka lo hlauthawng nghal em em ringawt.
Engvanga kan block a rawn kal ringawt nge maw a nih le?
" Braydon... hetah..." ka ti dek dek a, ka ṭawng hre lo ang hmak in min rawn tlan pel nghal fua a,a hnungah a ṭhiante ho Michael, John, Nathan mai bakah Kendra pawhin hlauhthawn hmel takin an rawn zui ve hlawk hlawk bawk.
Tuman min biak loh mai bakah an hmanhnawh hlawm en avang chuan ka ngaih ṭha lo in Kendra bula ka va tlan phei pah chuan "eng thil nge ....? "ka ti hman chauh,ka sawi zawh hma hma chuan Braydon an Rainer inring lo lai ava bawh thlu rawp lai ka va hmu ta thut mai !! ka kut a ka kâ hup vat pahin ka meng phawk nghal kawk a, engvanga rawn kal nge an ni tih zawh buai leh a ngai tawh lo.
Midang ho chu rik huk pahin an rawn kal khawm nghal vat a ṭhelh pawh tum lovin an bial ṭhup ringawt.
Braydon an bawhbeh paha a hmaia a hnek sawk sawk lai chuan Rainer pawhin a pum ah tak a rawn tlawh sawk a Braydon chu a tho kâng nghal awrh a, a nat hmel takzet .
Mipui thawm lah chu a ring sawt in Rainer a rawn in beng thawh hnu phei chuan an lo au nghal dar dar bawk a,heng ho hi an â tawh takzet a nih dawn hi,insual ṭhelh nachang pawh an hre lo.
Rainer an "f*ck you " tih vin hluk paha
Braydon rawn hnek tuma a rawn pan lai tak chuan Shane leh Carter ten a hnung lam aṭangin an lo kuah bet nghal vat a, chutiang bawkin ka û pawh a ṭhian te ho in an lo dang vat bawk.
"hmel ho min thlah rawh u... " Braydon chu a han tal vak a, mahse amah ang tiat ṭhah mipathum laiin an kuah beh tlat avangin a tal chhuak thei bik lo.
"kal ang u.... " Buaina tamzawk a chhuah hma in Michael chuan John leh Nathan te bulah chuan a ti sap a,eng ang pawhin tal chhuah tum teh mahse Braydon chu an kal pui nghal dawr dawr a, Kendra pawhin ka awm ve tih pawh ngaihtuah lek lovin a zui ve nghal nal nal bawk.
Chutia insual a awm tak lovah chuan midang chu an ṭin nghal sap sap hlawm a kei erawh hlauthawng tak chungin ka din na ngaiah chuan ka ding reng a.
" Miss tan- i û a nih kha... "
" kan Asian-i kha maw... "
" an zakthei lo ,Rainer te ang lo tihbuai" ti a an phun sap sap ri te chu hre reng mah ila hre lo ang hmak in ka ding ngawi reng ringawt.
Department tin te leh block tin te hi an in hal zia leh an in el zia hre reng chung leh boruak a ziaawm ve dawn chauh laia Braydon an hetiang thil a rawn ṭan leh hian min ti thinûr in min ti lungawi lo takzet.
"min thlah phiangsen rawh u... " Rainer aw ka hriat chuan a lam ka va hawi phei nghal vat a,a sam tuai thuak pah chuan rum zet hian min rawn melh leh kher a,ngawi rengin an ṭhian ho chuan ka û te kal loh na lamah an inzui nghal hnak hnak hlawm a.
Ka û thinrim hmel pawh tih tawh nak alaiin Rainer thinrim hmel ka hmuh hian ka hlauthawng takzet, midang sawi dan takah thil an ti thei si a Braydon chungah hian thil fair lo deuh an tih mai ka hlau.
Phur lo zet chungin lecture room ah chuan ka lut chho hnak hnak a,ri mur mur kha a reh nghal dûk mai bakah midang ho hian nidang aiin min en duh bik riau te hian ka hria.
"Hey!! Miss Tan...i û kha veng fimkhur rawh...ka Rainer hi a khawih leh a nih vaih chuan ..." tlar hmasa ber dawttu kil ber aṭangin Eric chuan no zet hian a rawn ti hlawi a, a hmui tih pawrh turh pahin rum zet hian min enzui nghal ram ram bawk.
Rainer hi hmeichhia chauh nilo gay ho zingah pawh alo tla na hle a ni tih ka hre ve chiah.
Eric a thusawi chu engah mah ngai lo ang maiin tlar hnung lamah ka chho zel a mahse Eric a ngei nih hi chu tumah in kan duh lo,a nasat mai bakah a dawheh si a thil diklo alo thehdarh leh vak ang tih ka hlau.
" Hi!! " Thawk deuh hak pahin tlar hnung bera thu Nolan bulah chuan ka han ding a,za lo zetin min lo nuih suk a,ka ṭhutna tur min kian pahin a lehkhabu chhiar lai a chhunzawm leh nghal hmak.
Nizana ka haw loh avang khan a lungawi lo a ni tih ka hre nghal. A awm tho e ,a buai chung chung pawhin rei tak min nghak a,chutah a sawm tu zawk chhan pawh awm lovin ka reh zui hmak lehnghal a.
" Enteh... Nolan nizan avang khan ka tihpalh rawn haw tur ka nih laiin ... " Rainer ka hriatchhuah thut avangin ka ngawi leh daih a,ka thil tih kha a dik loh takzet tih ka hria mahse chhuanlam siam tur engmah ka hre der lo.
" ka tihpalh... " ka han ti leh ringawt a.
"ṭhu ta che...i din reng kha chuan nuam ka ti lo ania."
" a nih chuan... " ṭhu mai lovin a thusawi leh tur ngaichang chuan ka ding reng a,
" a pawi lo... hun ala tam alawm" tih paha min rawn nuih vur vur takah chuan ka thaw nghal huai mai.
"a lehpek ah chuan i movie duh ber kan en dawn nia... " a bula chair ah chuan ka ṭhu nghal thak a,Chelsea leh Kaitlyn te awmlo mahse Nolan tal kawm tur a awm hi chuan college boring lutuk tur pawh hi a zia deuh.
" project topic tur i hre tawh em?" a lehkhabu chhiar lai va bih pah chuan ka lo ti nghal zung zung a.
"Extraction lampang tih ka tum deuh... "
" a nih chuan min pui ve la a ṭha ang... "buai viau mahse a chinchang hre deuhin min puih chuan a zia deuh a ka rin vang a ni.
"chumi hma chuan i bialpa khu min thik lo turin hrilh hmasa phawt la a ṭha ang... " a melh na lampang ka zuk hawi thlak chuan Derek chu a rawn lut ve chiah a ,kan lam rawn hawi chho ram ram pahin a ṭhiante bulah chuan a ṭhu nghal bawk.
"bialpa hlui...bialpa nilo in " Nolan chu ka lo correct nghal vata, a khi nghal suk ringawt.
"ngawilawk teh... Derek an i bulah thil sawi a nei ani lo maw? " nidangah ka hrilh te anih loh chuan min zawt ngai si lova ka ngaihṭha lo chuan ka zawt leh kher a.
"engmah a ni lo... " tih liam puat pahin a lehkhabu chu a melh tlat a chu chuan ka ngaih a ti ṭha lo zual.
"a nih chuan ka zuk zawt dawn... " zawh tak tak pawh tum lem lova ka thawh deuh uaih takah chuan min pawt ṭhu lehnghal vat a,a ruk in ka nui ver ver ringawt .
" a nih chuan min hrilh rawh... " a lehkhabu laksak pah chuan ka ti a.
"kan pahnih hian kan chhuak dun emaw a ti alawm... chuan i bul hnaia awm a phal tawh lo tih vel... "nuihzat hmel tak hian a ti chuai raih a, engah mah a ngaih hmel lem loh.
"hahh..." Derek mai mai chuh!! a bialnu emaw min ti emawni le?
"kan pahnih in kan chhuak dun si lova... chhuahpui chu i nei ngeia...chupa chu tunge? " hriatchak hmel taka min rawn zawh takah chuan ka nui tawp chiang kher mai!! Rainer nena kan awmdan kha ka ngaihtuah chhuak lo thei lo,chu chuan min ti na thar leh hnuhnawh .
" umm... thil dang sawi zawk ang, i nu kha eng nge a an tawh? "
"vawin ah in checkup turin a kal leh a.. a ṭhat ngei ka beisei... "
Nolan nu hi a chhul a cancer a, a pa in a boral san tawh avangin a û hmeichhia nen chauh a nu hi harsa takin an enkawl a,zirlai mai an la nih avangin a nu enkawl nan hian rim takin part time hna an thawk ṭhin bawk a,hrehawm ka lo tih pui in a chang hi chuan hna thawh pui ve mai te hi ka duh ṭhin .
___________________________________________
Last period a zawh chuan ka ṭhiante pahnih in pawnah min lo nghak reng tawh a, vawin chu nghah ngai lovin an lo bang hmasa ve ngei.
"Sadie...pawi ka ti takzet "ka chhuah rual rual in Kaitlyn chuan alo ti nghal vata, a sawi awmzia hriat loh hmel zetin ka lo en hu ringawt.
" Engah chuan maw? "
" aw... Braydon an hnawtchhuak sia.. " tlang deuhin Chhelsea chuan a rawn ti chhuak phawng a, engmah ka lo la hriat ve loh avangin min ṭhawng takzet.
" Enga....!! college aṭangin maw? "
"i lo la hre ve lo amaw? " ka mak ti hmel an hmuh chuan a rawn ti rual ṭhawt a, ngaihna awmlo min tih hmel takzet.
"engmah ka hre ve lo... "
Heivang hi nimaw Braydon a kan block ah rawn kal in Rainer a rawn hnek nachhan.
"i update lo ve ngawt mai...hre tur i ni asin... "
" anih Rainer an hnawt chhuak ve em? " Rainer pawh a in hnamhnawih ve tho a, an hnawtchhuak ve tho turah ka ngai ve ringawt.
" oh !! c'mon... engvangin nge Rainer chu an hnawhchhuah ve ringawt ang ,an intih buai pawhin i û bak an ko ngai hleinem... " Chelsea in a tih zawng ringawt pawh hian ka na nghal vek, engvangin nge khawvel hi a fair loh em em mai le?
"bakah Braydon chu warning a hmu tawh bawk sia...hnawhchhuah a awl bik alawm " Kaitlyn chuan mawi hnai takin sawi engang mahse awmzia a awmlo. Ka hriat zawng chu kan university thu neitute hian Rainer hi a thil tihsual ah pawh an ṭan hle a ni tih zawng hi.
" ughh... vawin chu keimah in kan haw ange " ṭhian hnem tu tur mamawh hle mah ila mahni chauha inngaihtuah ka duh avangin ka ti chhuak nghal hlawl ringawt.
"len chhuah kan tum kha... i haw daih thei lo ang... "Chelsea chuan lungawi loh hmel takin a lo ti nghal vat a mahse Kaitlyn chuan nghawk zeuh pahin alo signal zeuh a.
" nia... a pawilo,naktuk ah kan in hmu leh dawn nia.. " min hriatthiam hmel takin a ti nghal zung zung a,min kuah hnu ah Chelsea chu a kalpui nghal dawr dawr bawk.
College bus in keimah chauh in ka haw ta ringawt a mahse lehkhabu lei duh ka neih avangin bookstore kawtah chuan ka chhukthla a,hetah ṭang hian subway in ka haw leh ang.
Dawr reh ruih ah chuan lehkhabu in rem tlar ṭhut chu ka han en kual dan dan hlawm a,lei duh ngah hle mah ila a hma aṭang lei ka lo tum tawh 'Gone with the wind' tih lehkhabu chauh chu ka la chhuak a, he novel hian tun weekend chu ka in awi leh dawn a nih hmel.
A man ka pek lai chuan dawr nghak tu nu la upa vak lo, a hmel en ringawt pawha nelawm nghal em em mai chuan,"card i duh tel em? card i neih chuan helai ah hian lei kher lovin i chhiar hawh thei dawn asin" a lo ti nghal var a, nuih let ver ver pahin ka lo bu nghat a.
Tunah chuan ka lei theih loh te pawh helai hmun thlamuang tak leh reh ruih ah hian ka chhiar thei tawh dawn bawka, ina chhiar tlawk tlawk ai chuan a zia deuh ang.
" nilengin a awm theih angem? "
" zing dar9 aṭanga zan10 inkarah ah i duh chen chen a rei i awm thei ang..."
" ka lawm e...." tih sap pahin card leh pawisa nawi chu ka bag ah ka khung lut nghal mawlh mawlh a.
" Sadie... " min rawn ko tu an awm a ka hriat avangin ka hawi chhuak nghal vat a, Nikki lo ni rengin. Tun ṭum chu sam lem var sâr ,ngil zet mai a dar chen vel hi a rawn vuah ve thung a,a hmelṭha bawka a in hmeh lehpek tawh hle.
" Hi!! ..." in hmuh kan in ring lo dun bawk a,a ni ang tho in mak ti hmel ka pu.
"chuan... gone with the wind maw!! ka lehkhabu duhzawng a in an hi le... nu box kha... " dawr nghaktu nu bulah chuan a tih chhunzawm zat bawk a,nu nelawm ka lo tih em em kha Nikki nu alo nih reng avang chuan ka nui ringawt, khawvel hi a zim takzet.
"in dawr hi a nuam ka ti, "hawi kual pah chuan ka ti a, ka rilru tak tak in ka sawi .
"nia...music awm leh se chuan a nuam lehzual ngawt ang... " a nu melh zeuh pah chuan a ti kher a,a nu chuan lo nuih let ver ver pah hian," George Strait emaw Willie Nelson emaw hla i duh te chuan theih lutuk e... " a lo ti ve bawk a,country singer lar tunah chuan kum85 vel ni tawh hming a rawn sawi chhuak leh chu Nikki nen hian a inhmeh lo lutuk a nuih te pawh a ti za zawk.
" nu... Drake, maroon 5 tunlai zaithiam lar tak tak hla i ngaihthlak loh vang mai mai a nih kha... " Nikki in a nu a rawh kah let takah chuan kan han nui ho leh rih a,han en mai pawh a a nu nen an inpawh in an in ngeih takzet a ni tih ka hmuh hian nuam ka lo ti ve ringawt.
Nikki chuan a nu hmaia fawh zeuh pahin a mangṭha nghal a, counter a Box lian vak lo chawi pahin kan pahnih chuan kan in zui chhuak nghal bawk.
"kalna tur i la nei em ni? " Nikki chuan a rawn ti thum dut a.
" aih... ka haw nghal ang "
" anih chuan ka thlah thei ang che chu... "
" angai lo... subway in ka haw mai ang "
" hahh... Subway a haw ai chuan a awlsam daih zawk alawm... " a tih chuan ka nui ringawt.
A sawi dik... min thlah peih a nih te chuan lawm hle tur ka nih laiin ka lo hnial ve khanglang a, mahse hei a tawp a tawp ah chuan min thlah leh dawn ta nge nge chu anih hi.
" Nicolas... "
A car seat hnunga a box ken lai a dah luh mawlh mawlh lai chuan a nu chuan a rawn ko leh a, Nicolas tia a rawn koh avang chuan mak ka ti hle na in ka ti lang lem lo.
" heihi ka dah luh theihnghilh daih alawm.. " tih pahin photo frame hi a rawn pe a,customer a neih avangin a lut leh nghal vat bawk.
" ok... kan kal thei... " a sam a hnung lama theh phei hawrh pahin shade frame var hlai deuh mai hi a vuah nghal a,car a a luh takah chuan keipawh ka lut ve nghal thak a.
" umm... i nu khan Nicolas a ti che in ka hria... " ka hriat chak em avangin ka zawt ta ringawt a ,a huat loh hram ka beisei.
" nia... ka hming diktak hi Nicolas ania, ka nu hian Nikki tiin min la ko thei meuh lo chu a nih hi... " a photo frame ken lai chu a ṭhutna bula dah pahin car chu a han ti nung hlat hlat a,frame chu ka la kang nghal vata mipa naupang pahnih thing luang chunga ṭhu lai thlalak chu hmuhnawm ti takin ka en vung vung ringawt.
" Rainer nen kum13 kan nih laia kan lak a nih hi... " a tih chuan ka meng phar awn ringawt,ka mak ti hmel a hmuh chuan a nui chhuak nghal hak a,ka rin ai daihin an in hriatna alo rei tawh.
"Rainer nen hian kum10 kan nih aṭangin kan in kawm tawh alawm...ka best friend ngawichawi zet mai nen hian kan mizia a inang lo teh asin... "
"inang lo tih piahlam a ni... ka sawi awmzia chu nangchu i nelawm a, i fel bawk... " fiamthu ti tak deuh hian ka lo ti a .
"Rainer hi chu a ṭawngtam lo ve hrim hrim a mahse a rilru hi a ṭha tih piahlam a ni... " a ruk tak chuan ka awih lo tiin ka in hrilh ru nghal char char, hepa hi chu tu pawhin engtik ah mah Nikki ang hian an nel thei ngai lovang.
"i awih lo maithei mahse ka nu takngial pawhin min biak duh loh lai pawhin a ni chu ka kiangah a awm tlat a engtik lai pawhin min pui reng ṭhin... "
" a inhmeh lo takzet... " ka la ti ṭang ṭang.
"kum15 ka nih in kan class a mi Andrew avangin homosexual ka ni tih ka in hre chhuak a, khatih hunlai khan bialnu ka neih lai a ni lehnghal a mahse ka bialnu hrilh ai chuan Rainer hrilh kha ka huphurh zawk. A ṭhian ṭha ber hi gay ka ni tih a hriatchhuah huna a lungngaih tur zia leh min kawm duh tawh lo te ka ring hial a mahse alo ni lo nasa ....kar hnih chhung vel chu inngaihtuahna hun mamawh mahse engmah thleng lo ang maiin min kawm lehnghal thei nia mawle"
"i tan pawh hun harsa tak a nih dawn chu... " ka lo ti sap a. Diktak chuan a sawi ai daihin harsatna a tawk nasa dawn a ni tih chu a hriat reng. Bialnu nei lai a nih mai bakah gay a ni tih han sawi chhuah thut mai chu Rainer mai bakah midang tan pawh dawnsawn a harsa ngawt a, diriamna leh nuihzattna te pawh a tawng nasa viau ngei ang.
"gay ka ni tih an hriat ringawt pawha an hriatthiam tawh loh nak alaiin ka nihna hmeichhia anga inthlak tuma thutlukna ka siam ngat phei kha chuan ka nu hi damdawiin ah rilru na avangin a awm phah hial a, rei tak chhung min hmuh duh loh phah bawk.UK aṭanga US a ka pem luh lai te leh hun harsa ka tawh lai pawhin Rainer hi ka kiangah a awm reng a, a tan chuan a ṭhian ṭha ber Nicolas kha ka la ni reng, ka landan danglam tawh mahse ka rilru erawh ala ngai reng... "
"a hrim hrim in a eng lai ber hian nge Rainer hi sual lo tih tir hrim hrim che a? " a rawn ti leh a, a tam lutuk a han sawi ṭan mai dan tur pawh ka hrelo.
"a engkim hi a ni mai... "
"hahh.... chu in unau in in huat rawn a nih ber chu... " a nui chhuak nghal hak hak a,a fiamthu ni tho mahse a sawi dik phian lehnghal.
In thleng Nikki chuan min thlah a, a hmanhmawh hmel em avangin leng lut turin ka sawm lem lo bakah Braydon mood fuh loh lai tak alo ni bawk nen sawm loh hi a finthlak zawk. "
Ka mittui rawn tling nghal pum te leh ka rilru no lutuk te hian min ti thinrim vel vek.Mualpho taka ka ṭah mai loh nan ka inhum ruh ve ṭang ṭang tak na a ka hriat loh karin ka mittui chuan ka biang a rawn luan lum pap pap mai.
Min fawh avang ringawtin keichuan a chungah feeling nasa tak ka lo neih phah a ,a ni erawh chuan in fawh te mai mai hi chu a habit ang lekah a ngai thung, kan in ngaizawng lova in zawmna pawh ka nei hek lo chutih laia amah vang mai mai a hetianga ka awm hi ka zak in nep ka in ti takzet.
"hey... Morin... "min rawn umzui a ni tih ka hriat chuan ka kal chak zual sauh a,a pen thawm a rawn hnaih pauh leh ka tlan ti tih tawh, din mai mai ka tum hauh lo.
"engthil nge maw i hriat le? "tih vin hluk pahin min pawt her nghal sawk a,ka awmdan chu hriatthiam loh hmel takin min en ha bawk,ka rilru natna chhan phei hi chu a hre lo tawp ang nge ka rilru put ang a put ve loh avangin a hre lo der zawk.
" min khawih hlek suh... " thinrim aw vin hlar hian ka lo ti nghal ṭhah a,mak tih hmel takin min rawn en nghal haw ringawt.
"khawih che kha ka tum dan a ni bik lo !! "a kut min vawnna chu rang lutuk hian a la thla nghal hmak a, hmel hriatthiam har zet hian min melh zui nghal kur bawk a, a awmdan hian ka thin a ti rim zual in ka rilru a ti na zual hle.
A hma a Rainer ka lo hriat ṭhin mi induh leh ngeng ,chapo bawk si kha a rawn let leh tawh nimai hian ka hria.
"min kalsan rawh"ka ṭap nghal mai bik loh avang hian mak ka in ti ru hle,ka thinrimna avanga ka mit sen ram tawh chuan ka melh kâr a, a ngaihdan a lo nih loh hmel ngang mai !!
"aw le... " a ti hmak, a dar kãn ãk pahin a tawlh hnung nghal hrat a,a kekawr ipte zen pah a a inher rual chiah chuan min hnung chhawn zawnga a kal lai hmuh ka duh loh avangin ka in her ve nghal daih a,ka mittui a ruka hruk zeuh pahin kan kalna tur ve ve lam panin kan kal hrang nghal nal nal bawk.
Rainer hi hetiang mi hi a ni tih hre tawh ṭhin tho mah ila amah pehhel leh hnawl hi hetiang em em hian a ngaithei lo ang tih erawh ka hre ve chiah, min kalsan tura ka hrilh avang ringawt in zawhna dang pawh min zawt buai eih tawh lovin a kal nghal hmak thei ania, kei ka ni in ti ve tak chu a ni.
Corridor ah muang changa ka pen phei chhat chhat lai chuan Baydon chu thinrim tih hriat taka ka lam pana a rawn kal phei hlawk hlawk lai ka va hmuh chuan ka mengphawk nghal kawk a! a enga mah hma in ka lo hlauthawng nghal em em ringawt.
Engvanga kan block a rawn kal ringawt nge maw a nih le?
" Braydon... hetah..." ka ti dek dek a, ka ṭawng hre lo ang hmak in min rawn tlan pel nghal fua a,a hnungah a ṭhiante ho Michael, John, Nathan mai bakah Kendra pawhin hlauhthawn hmel takin an rawn zui ve hlawk hlawk bawk.
Tuman min biak loh mai bakah an hmanhnawh hlawm en avang chuan ka ngaih ṭha lo in Kendra bula ka va tlan phei pah chuan "eng thil nge ....? "ka ti hman chauh,ka sawi zawh hma hma chuan Braydon an Rainer inring lo lai ava bawh thlu rawp lai ka va hmu ta thut mai !! ka kut a ka kâ hup vat pahin ka meng phawk nghal kawk a, engvanga rawn kal nge an ni tih zawh buai leh a ngai tawh lo.
Midang ho chu rik huk pahin an rawn kal khawm nghal vat a ṭhelh pawh tum lovin an bial ṭhup ringawt.
Braydon an bawhbeh paha a hmaia a hnek sawk sawk lai chuan Rainer pawhin a pum ah tak a rawn tlawh sawk a Braydon chu a tho kâng nghal awrh a, a nat hmel takzet .
Mipui thawm lah chu a ring sawt in Rainer a rawn in beng thawh hnu phei chuan an lo au nghal dar dar bawk a,heng ho hi an â tawh takzet a nih dawn hi,insual ṭhelh nachang pawh an hre lo.
Rainer an "f*ck you " tih vin hluk paha
Braydon rawn hnek tuma a rawn pan lai tak chuan Shane leh Carter ten a hnung lam aṭangin an lo kuah bet nghal vat a, chutiang bawkin ka û pawh a ṭhian te ho in an lo dang vat bawk.
"hmel ho min thlah rawh u... " Braydon chu a han tal vak a, mahse amah ang tiat ṭhah mipathum laiin an kuah beh tlat avangin a tal chhuak thei bik lo.
"kal ang u.... " Buaina tamzawk a chhuah hma in Michael chuan John leh Nathan te bulah chuan a ti sap a,eng ang pawhin tal chhuah tum teh mahse Braydon chu an kal pui nghal dawr dawr a, Kendra pawhin ka awm ve tih pawh ngaihtuah lek lovin a zui ve nghal nal nal bawk.
Chutia insual a awm tak lovah chuan midang chu an ṭin nghal sap sap hlawm a kei erawh hlauthawng tak chungin ka din na ngaiah chuan ka ding reng a.
" Miss tan- i û a nih kha... "
" kan Asian-i kha maw... "
" an zakthei lo ,Rainer te ang lo tihbuai" ti a an phun sap sap ri te chu hre reng mah ila hre lo ang hmak in ka ding ngawi reng ringawt.
Department tin te leh block tin te hi an in hal zia leh an in el zia hre reng chung leh boruak a ziaawm ve dawn chauh laia Braydon an hetiang thil a rawn ṭan leh hian min ti thinûr in min ti lungawi lo takzet.
"min thlah phiangsen rawh u... " Rainer aw ka hriat chuan a lam ka va hawi phei nghal vat a,a sam tuai thuak pah chuan rum zet hian min rawn melh leh kher a,ngawi rengin an ṭhian ho chuan ka û te kal loh na lamah an inzui nghal hnak hnak hlawm a.
Ka û thinrim hmel pawh tih tawh nak alaiin Rainer thinrim hmel ka hmuh hian ka hlauthawng takzet, midang sawi dan takah thil an ti thei si a Braydon chungah hian thil fair lo deuh an tih mai ka hlau.
Phur lo zet chungin lecture room ah chuan ka lut chho hnak hnak a,ri mur mur kha a reh nghal dûk mai bakah midang ho hian nidang aiin min en duh bik riau te hian ka hria.
"Hey!! Miss Tan...i û kha veng fimkhur rawh...ka Rainer hi a khawih leh a nih vaih chuan ..." tlar hmasa ber dawttu kil ber aṭangin Eric chuan no zet hian a rawn ti hlawi a, a hmui tih pawrh turh pahin rum zet hian min enzui nghal ram ram bawk.
Rainer hi hmeichhia chauh nilo gay ho zingah pawh alo tla na hle a ni tih ka hre ve chiah.
Eric a thusawi chu engah mah ngai lo ang maiin tlar hnung lamah ka chho zel a mahse Eric a ngei nih hi chu tumah in kan duh lo,a nasat mai bakah a dawheh si a thil diklo alo thehdarh leh vak ang tih ka hlau.
" Hi!! " Thawk deuh hak pahin tlar hnung bera thu Nolan bulah chuan ka han ding a,za lo zetin min lo nuih suk a,ka ṭhutna tur min kian pahin a lehkhabu chhiar lai a chhunzawm leh nghal hmak.
Nizana ka haw loh avang khan a lungawi lo a ni tih ka hre nghal. A awm tho e ,a buai chung chung pawhin rei tak min nghak a,chutah a sawm tu zawk chhan pawh awm lovin ka reh zui hmak lehnghal a.
" Enteh... Nolan nizan avang khan ka tihpalh rawn haw tur ka nih laiin ... " Rainer ka hriatchhuah thut avangin ka ngawi leh daih a,ka thil tih kha a dik loh takzet tih ka hria mahse chhuanlam siam tur engmah ka hre der lo.
" ka tihpalh... " ka han ti leh ringawt a.
"ṭhu ta che...i din reng kha chuan nuam ka ti lo ania."
" a nih chuan... " ṭhu mai lovin a thusawi leh tur ngaichang chuan ka ding reng a,
" a pawi lo... hun ala tam alawm" tih paha min rawn nuih vur vur takah chuan ka thaw nghal huai mai.
"a lehpek ah chuan i movie duh ber kan en dawn nia... " a bula chair ah chuan ka ṭhu nghal thak a,Chelsea leh Kaitlyn te awmlo mahse Nolan tal kawm tur a awm hi chuan college boring lutuk tur pawh hi a zia deuh.
" project topic tur i hre tawh em?" a lehkhabu chhiar lai va bih pah chuan ka lo ti nghal zung zung a.
"Extraction lampang tih ka tum deuh... "
" a nih chuan min pui ve la a ṭha ang... "buai viau mahse a chinchang hre deuhin min puih chuan a zia deuh a ka rin vang a ni.
"chumi hma chuan i bialpa khu min thik lo turin hrilh hmasa phawt la a ṭha ang... " a melh na lampang ka zuk hawi thlak chuan Derek chu a rawn lut ve chiah a ,kan lam rawn hawi chho ram ram pahin a ṭhiante bulah chuan a ṭhu nghal bawk.
"bialpa hlui...bialpa nilo in " Nolan chu ka lo correct nghal vata, a khi nghal suk ringawt.
"ngawilawk teh... Derek an i bulah thil sawi a nei ani lo maw? " nidangah ka hrilh te anih loh chuan min zawt ngai si lova ka ngaihṭha lo chuan ka zawt leh kher a.
"engmah a ni lo... " tih liam puat pahin a lehkhabu chu a melh tlat a chu chuan ka ngaih a ti ṭha lo zual.
"a nih chuan ka zuk zawt dawn... " zawh tak tak pawh tum lem lova ka thawh deuh uaih takah chuan min pawt ṭhu lehnghal vat a,a ruk in ka nui ver ver ringawt .
" a nih chuan min hrilh rawh... " a lehkhabu laksak pah chuan ka ti a.
"kan pahnih hian kan chhuak dun emaw a ti alawm... chuan i bul hnaia awm a phal tawh lo tih vel... "nuihzat hmel tak hian a ti chuai raih a, engah mah a ngaih hmel lem loh.
"hahh..." Derek mai mai chuh!! a bialnu emaw min ti emawni le?
"kan pahnih in kan chhuak dun si lova... chhuahpui chu i nei ngeia...chupa chu tunge? " hriatchak hmel taka min rawn zawh takah chuan ka nui tawp chiang kher mai!! Rainer nena kan awmdan kha ka ngaihtuah chhuak lo thei lo,chu chuan min ti na thar leh hnuhnawh .
" umm... thil dang sawi zawk ang, i nu kha eng nge a an tawh? "
"vawin ah in checkup turin a kal leh a.. a ṭhat ngei ka beisei... "
Nolan nu hi a chhul a cancer a, a pa in a boral san tawh avangin a û hmeichhia nen chauh a nu hi harsa takin an enkawl a,zirlai mai an la nih avangin a nu enkawl nan hian rim takin part time hna an thawk ṭhin bawk a,hrehawm ka lo tih pui in a chang hi chuan hna thawh pui ve mai te hi ka duh ṭhin .
___________________________________________
Last period a zawh chuan ka ṭhiante pahnih in pawnah min lo nghak reng tawh a, vawin chu nghah ngai lovin an lo bang hmasa ve ngei.
"Sadie...pawi ka ti takzet "ka chhuah rual rual in Kaitlyn chuan alo ti nghal vata, a sawi awmzia hriat loh hmel zetin ka lo en hu ringawt.
" Engah chuan maw? "
" aw... Braydon an hnawtchhuak sia.. " tlang deuhin Chhelsea chuan a rawn ti chhuak phawng a, engmah ka lo la hriat ve loh avangin min ṭhawng takzet.
" Enga....!! college aṭangin maw? "
"i lo la hre ve lo amaw? " ka mak ti hmel an hmuh chuan a rawn ti rual ṭhawt a, ngaihna awmlo min tih hmel takzet.
"engmah ka hre ve lo... "
Heivang hi nimaw Braydon a kan block ah rawn kal in Rainer a rawn hnek nachhan.
"i update lo ve ngawt mai...hre tur i ni asin... "
" anih Rainer an hnawt chhuak ve em? " Rainer pawh a in hnamhnawih ve tho a, an hnawtchhuak ve tho turah ka ngai ve ringawt.
" oh !! c'mon... engvangin nge Rainer chu an hnawhchhuah ve ringawt ang ,an intih buai pawhin i û bak an ko ngai hleinem... " Chelsea in a tih zawng ringawt pawh hian ka na nghal vek, engvangin nge khawvel hi a fair loh em em mai le?
"bakah Braydon chu warning a hmu tawh bawk sia...hnawhchhuah a awl bik alawm " Kaitlyn chuan mawi hnai takin sawi engang mahse awmzia a awmlo. Ka hriat zawng chu kan university thu neitute hian Rainer hi a thil tihsual ah pawh an ṭan hle a ni tih zawng hi.
" ughh... vawin chu keimah in kan haw ange " ṭhian hnem tu tur mamawh hle mah ila mahni chauha inngaihtuah ka duh avangin ka ti chhuak nghal hlawl ringawt.
"len chhuah kan tum kha... i haw daih thei lo ang... "Chelsea chuan lungawi loh hmel takin a lo ti nghal vat a mahse Kaitlyn chuan nghawk zeuh pahin alo signal zeuh a.
" nia... a pawilo,naktuk ah kan in hmu leh dawn nia.. " min hriatthiam hmel takin a ti nghal zung zung a,min kuah hnu ah Chelsea chu a kalpui nghal dawr dawr bawk.
College bus in keimah chauh in ka haw ta ringawt a mahse lehkhabu lei duh ka neih avangin bookstore kawtah chuan ka chhukthla a,hetah ṭang hian subway in ka haw leh ang.
Dawr reh ruih ah chuan lehkhabu in rem tlar ṭhut chu ka han en kual dan dan hlawm a,lei duh ngah hle mah ila a hma aṭang lei ka lo tum tawh 'Gone with the wind' tih lehkhabu chauh chu ka la chhuak a, he novel hian tun weekend chu ka in awi leh dawn a nih hmel.
A man ka pek lai chuan dawr nghak tu nu la upa vak lo, a hmel en ringawt pawha nelawm nghal em em mai chuan,"card i duh tel em? card i neih chuan helai ah hian lei kher lovin i chhiar hawh thei dawn asin" a lo ti nghal var a, nuih let ver ver pahin ka lo bu nghat a.
Tunah chuan ka lei theih loh te pawh helai hmun thlamuang tak leh reh ruih ah hian ka chhiar thei tawh dawn bawka, ina chhiar tlawk tlawk ai chuan a zia deuh ang.
" nilengin a awm theih angem? "
" zing dar9 aṭanga zan10 inkarah ah i duh chen chen a rei i awm thei ang..."
" ka lawm e...." tih sap pahin card leh pawisa nawi chu ka bag ah ka khung lut nghal mawlh mawlh a.
" Sadie... " min rawn ko tu an awm a ka hriat avangin ka hawi chhuak nghal vat a, Nikki lo ni rengin. Tun ṭum chu sam lem var sâr ,ngil zet mai a dar chen vel hi a rawn vuah ve thung a,a hmelṭha bawka a in hmeh lehpek tawh hle.
" Hi!! ..." in hmuh kan in ring lo dun bawk a,a ni ang tho in mak ti hmel ka pu.
"chuan... gone with the wind maw!! ka lehkhabu duhzawng a in an hi le... nu box kha... " dawr nghaktu nu bulah chuan a tih chhunzawm zat bawk a,nu nelawm ka lo tih em em kha Nikki nu alo nih reng avang chuan ka nui ringawt, khawvel hi a zim takzet.
"in dawr hi a nuam ka ti, "hawi kual pah chuan ka ti a, ka rilru tak tak in ka sawi .
"nia...music awm leh se chuan a nuam lehzual ngawt ang... " a nu melh zeuh pah chuan a ti kher a,a nu chuan lo nuih let ver ver pah hian," George Strait emaw Willie Nelson emaw hla i duh te chuan theih lutuk e... " a lo ti ve bawk a,country singer lar tunah chuan kum85 vel ni tawh hming a rawn sawi chhuak leh chu Nikki nen hian a inhmeh lo lutuk a nuih te pawh a ti za zawk.
" nu... Drake, maroon 5 tunlai zaithiam lar tak tak hla i ngaihthlak loh vang mai mai a nih kha... " Nikki in a nu a rawh kah let takah chuan kan han nui ho leh rih a,han en mai pawh a a nu nen an inpawh in an in ngeih takzet a ni tih ka hmuh hian nuam ka lo ti ve ringawt.
Nikki chuan a nu hmaia fawh zeuh pahin a mangṭha nghal a, counter a Box lian vak lo chawi pahin kan pahnih chuan kan in zui chhuak nghal bawk.
"kalna tur i la nei em ni? " Nikki chuan a rawn ti thum dut a.
" aih... ka haw nghal ang "
" anih chuan ka thlah thei ang che chu... "
" angai lo... subway in ka haw mai ang "
" hahh... Subway a haw ai chuan a awlsam daih zawk alawm... " a tih chuan ka nui ringawt.
A sawi dik... min thlah peih a nih te chuan lawm hle tur ka nih laiin ka lo hnial ve khanglang a, mahse hei a tawp a tawp ah chuan min thlah leh dawn ta nge nge chu anih hi.
" Nicolas... "
A car seat hnunga a box ken lai a dah luh mawlh mawlh lai chuan a nu chuan a rawn ko leh a, Nicolas tia a rawn koh avang chuan mak ka ti hle na in ka ti lang lem lo.
" heihi ka dah luh theihnghilh daih alawm.. " tih pahin photo frame hi a rawn pe a,customer a neih avangin a lut leh nghal vat bawk.
" ok... kan kal thei... " a sam a hnung lama theh phei hawrh pahin shade frame var hlai deuh mai hi a vuah nghal a,car a a luh takah chuan keipawh ka lut ve nghal thak a.
" umm... i nu khan Nicolas a ti che in ka hria... " ka hriat chak em avangin ka zawt ta ringawt a ,a huat loh hram ka beisei.
" nia... ka hming diktak hi Nicolas ania, ka nu hian Nikki tiin min la ko thei meuh lo chu a nih hi... " a photo frame ken lai chu a ṭhutna bula dah pahin car chu a han ti nung hlat hlat a,frame chu ka la kang nghal vata mipa naupang pahnih thing luang chunga ṭhu lai thlalak chu hmuhnawm ti takin ka en vung vung ringawt.
" Rainer nen kum13 kan nih laia kan lak a nih hi... " a tih chuan ka meng phar awn ringawt,ka mak ti hmel a hmuh chuan a nui chhuak nghal hak a,ka rin ai daihin an in hriatna alo rei tawh.
"Rainer nen hian kum10 kan nih aṭangin kan in kawm tawh alawm...ka best friend ngawichawi zet mai nen hian kan mizia a inang lo teh asin... "
"inang lo tih piahlam a ni... ka sawi awmzia chu nangchu i nelawm a, i fel bawk... " fiamthu ti tak deuh hian ka lo ti a .
"Rainer hi chu a ṭawngtam lo ve hrim hrim a mahse a rilru hi a ṭha tih piahlam a ni... " a ruk tak chuan ka awih lo tiin ka in hrilh ru nghal char char, hepa hi chu tu pawhin engtik ah mah Nikki ang hian an nel thei ngai lovang.
"i awih lo maithei mahse ka nu takngial pawhin min biak duh loh lai pawhin a ni chu ka kiangah a awm tlat a engtik lai pawhin min pui reng ṭhin... "
" a inhmeh lo takzet... " ka la ti ṭang ṭang.
"kum15 ka nih in kan class a mi Andrew avangin homosexual ka ni tih ka in hre chhuak a, khatih hunlai khan bialnu ka neih lai a ni lehnghal a mahse ka bialnu hrilh ai chuan Rainer hrilh kha ka huphurh zawk. A ṭhian ṭha ber hi gay ka ni tih a hriatchhuah huna a lungngaih tur zia leh min kawm duh tawh lo te ka ring hial a mahse alo ni lo nasa ....kar hnih chhung vel chu inngaihtuahna hun mamawh mahse engmah thleng lo ang maiin min kawm lehnghal thei nia mawle"
"i tan pawh hun harsa tak a nih dawn chu... " ka lo ti sap a. Diktak chuan a sawi ai daihin harsatna a tawk nasa dawn a ni tih chu a hriat reng. Bialnu nei lai a nih mai bakah gay a ni tih han sawi chhuah thut mai chu Rainer mai bakah midang tan pawh dawnsawn a harsa ngawt a, diriamna leh nuihzattna te pawh a tawng nasa viau ngei ang.
"gay ka ni tih an hriat ringawt pawha an hriatthiam tawh loh nak alaiin ka nihna hmeichhia anga inthlak tuma thutlukna ka siam ngat phei kha chuan ka nu hi damdawiin ah rilru na avangin a awm phah hial a, rei tak chhung min hmuh duh loh phah bawk.UK aṭanga US a ka pem luh lai te leh hun harsa ka tawh lai pawhin Rainer hi ka kiangah a awm reng a, a tan chuan a ṭhian ṭha ber Nicolas kha ka la ni reng, ka landan danglam tawh mahse ka rilru erawh ala ngai reng... "
"a hrim hrim in a eng lai ber hian nge Rainer hi sual lo tih tir hrim hrim che a? " a rawn ti leh a, a tam lutuk a han sawi ṭan mai dan tur pawh ka hrelo.
"a engkim hi a ni mai... "
"hahh.... chu in unau in in huat rawn a nih ber chu... " a nui chhuak nghal hak hak a,a fiamthu ni tho mahse a sawi dik phian lehnghal.
In thleng Nikki chuan min thlah a, a hmanhmawh hmel em avangin leng lut turin ka sawm lem lo bakah Braydon mood fuh loh lai tak alo ni bawk nen sawm loh hi a finthlak zawk.
CHAPTER-19
Motto- "Be the change you want to see in this world "
Inchhung ka luh rual rual chuan Kendra chhuak turin min rawn su chawrh a,engmah sawi lovin min rawn melh zeuh a, hmanhmawh takin a tlan chhuak lehnghal nal nal a,mahse a mit sen ram te leh a bianga a mittui tla phang te chu ka lo hmuhhmaih lo nasa,Braydon nen an in tibuai a nih ka ring nghal.
A engamah hma in kitchen lam ka pan nghal chat a,fridge hawng nghal in apple juice leh potato chips chu ka room a ken chhoh turin dawhkan ah ka dah chhuak nghal nghauh nghauh bawk a.
Message ka dawn avangin ka phone chu ka bag aṭangin ka la chhuak nghal vat a, Shane a message ka hmuh rual chuan chhuahpuiah min sawm a ni tih ka hrechhuak ve chiah!!
" Lalpa leh!! " ka awm a nawm loh avanga ka haw hma thu chu ka thawn let ta ringawt a, engthil nge ka ngaihtuah pawh ka hrelo Shane an min lo lam dawn a nih tih ka theihnghilh hmak thei hi mak ka in ti zawk,ka haihawt takzet .
"khawmaw tui chu ... " Braydon an chair pawh chhuah paha a rawn ṭhut rual chuan ka phone chu ka lo ak ṭha nghal vat a, a mitko a bandaid inbel te leh a hmui bul vel duk raih ka hmuh chuan ka lo thaw chhuak hak ringawt .
"i ṭha maw? ughh.... Kendra ṭap chunga a rawn tlan chhuak lai ka hmu a " tih sap pahin bottle chu dawhkanah chuan ka lum phei a,a lo man nghal chat .
"engmah a ni lo ..."tui chu a han in nghal khawlh khawlh a,a awmdan chu ka lo en reng ringawt.
"thlem i tum miah lo em ni? "
" engvangin nge ka thlem ringawt ang... min hnawhchhuah chhan hi keima thiamloh vêk ah a puh alawm... hahh..." lu thing nar nar pahin a han nui lui hak a .
A dik lohna a pawm duh tlat loh avangin ka mit chu ka lo chet kual ralh a ,Kendra thusawi ka pawmpui a ni tih hriat takin ,"i thiamloh pawh a ni ve tho alawm... " ka ti nghal zat bawk.
"Enga !!?....keimah chiah min hnawtchhuak a ,chu chu keima thiam loh maw ni a ..."
" Braydon hriatthiam tum teh... warning i hmuh tawh hnu ah kha chuan fimkhur tawh tur i ni asin..."
"chu nang lehzel pawhin keima thiamloh anih i ring amaw?" a enga mah hma in a rawn vin nghal hlur ringawt.
"tumah mawhpuh tur an awmlo...thil an tih theih zia leh i dinhmun a derthawng zia chu nangmah vek in i in hre vek a chutichung pawh chuan buaina ah i in hnamhnawih zel alawm... "
" ṭawng fimkhur rawh... khatiang khan min ṭawngkhum hlek suh... "
"tinge i thiamloh a ni tih hi i pawm duh miah loh? enliam ve mai mai tum tawh rawh,buaina a i in hnamhnawih hian engmah a chingfel dawn lo ... "
Ka sawi zawh rual rual chuan Braydon a thinrim chu a rawn tho chhuak thut a, dawhkana ka chhips dah ho chu chhuatah a hai thla ta pawp mai!! ka lo phu nghal zawk ringawt!!
"ka en liam mai mai thei lo... hepa hi ka hua.... he khawvela a lo piang ve ringawt pawh hi ka hua... "ka mit ah tak min melh kar pahin a rawn ti ta piap piap mai!! Rainer vang ringawt a hetianga ka chunga a ti ta mai hi ka lungawi lo takzet, a hmela thinur na te leh a awki sang zet te chuan ka rilru a ti na a,min ti thinrim zual hle bawk .
"aw le... ka hrethiam e... " tih sap pahin ka bag chu dawhkan aṭangin ka pawt thla sawk a, ka eitur lak chuah ho pawh chu chhar lem lo in inchung lamah ka tlan chho nghal hlawk hlawk a.
Room chhunga ka luh rual rual in ka bag chu khumah ka thleh thal tawp a, ka lukham kuah pahin khumah chuan ka lawn kang nghal a,bang nghen pahin ka ṭhu tum nghal bur bawk .
Ka mittui a rawn tlak mai loh nan inchung lam melh chho ralh ralh pahin ka han insut hraih hraih a, ka û min tih dan kha ka ngaihtuah let zawng ringawt pawh hian ka hnuk a ulh nghal ringawt a, he in hi chhuahsan daih te ka duh rum rum tawh.
Hun rei tak chhung chu Braydon hi ka be lo anga a thu pawh ka zawm tawh ngai lo ang tih te in keimah leh keimah ka in hrilh nghal mawlh mawlh a,mahse ka thinrim lai chiahin hetiang thil hi ka ngaihtuah a,ka thinrim a reh hnu ah erawh khatiang thil kha engtin nge ka lo ngaihtuah theih zawk tiin ka in zawt leh ṭhin .
Rei pawh ka ṭhut hma in thil ka lo ngaihtuah vung vung lai chuan ka room kawngka chu a rawn in hawng ri rak a, Braydon a ni tih ka hriat rual rual chuan a chungah ka lungawi lo a ni tih lantir nan amah hnungchhawn zawng chuan ka in her hmak a, ka khup bawh pahin ka kun tlat bawk.
"umm...englo ..." inthiamlo tih hriat zeta rawn tih pah in ka khum tlangah chuan a rawn ṭhu sat a, a kut tuai pahin a ṭhu ngawi vang vang ringawt.
"ka tihpalh... " a rawn tih pawh chuan ka awm ngaiin ka awm tlat a,ka lungawi loh avanga ka û mangang lutuk tur hmel chu ka mitthla thei.
" ih... zanin chu dinner kan ei chhuak dawn mi niang, movie te kan en anga chuan game zone ah te kan kal bawk anga... " eng ang pawhin min thlem tum teh mahse ka hawi chhuak duh bik hauh lo.
"a nih loh pawhin ka nu te inah kan riak phei anga... video games Lucas te nen kan khel anga nuam a ti ngawt ang... "
" chhuak rawh... " la kun reng chuan chuan ka han ti sap a, mahse ka thinrim ve na te kha chu a reh duak tawh thung.
Chhuak lovin a han ṭhu ngawi leh vang vang phawt a,a lu tuai thuak pah chuan a han thaw chhuak hak a.
"i sawi kha a dik chiah... keimah zawk hi ka dik lo mahse 100% chuan ka dik lo bik lo....hmela pawh kha a thiamlo ve tho... "min rawn hrilh pawh a anglo, amah leh amah a inbia a ang zawk mah.
" ka tihpalh... vin lo tawp tur che ka ni asin... "
Braydon a inthiamlo hmel leh a hrehawm ti hmel ka hmuh hi chuan han inti thiamlo ve barh barh ṭhin mah ila min rawn thlem tawh hi chuan thil ho te te ah pawh ka nem nghal duak zel,hei tunah pawh ka ngaihdam leh hmak tawh hi.
Engpawh chu nise Sadie ka ni miau a, ka thinrim hma ang tluk zetin ka thinrimna pawh hi a reh hma a, mi ngei deuh te pawh han nei ve ṭhin mah nila ni hnih pawh hi a daih ngai meuh lo.
" bawihte... nuam ka ti lo ania ,enge maw tal sawi teh ..."a inthiam lo lutuk aw ka hriat rual rual chuan inher pahin a kawngah ka va kuah nghal thlawp a,ṭah chhuak deuh chungin a awmah chuan ka bei hle hle bawk,engtin nge ka û hi ka huat reng theih ang hetiang anga ngaihdam min dil leh ngat pheu hi chuan .....
"min ngaidam tiraw...? " a rawn tih leh chuan ka lo bu nghat a, ka lu a fawh zeuh pahin ka hnungzangah a beng nghak thek thek bawk a,thlamuan hmel deuhin a thaw nghal siai siai bawk.
Braydon an min hrilh tawh angin dinner ei chhuak tur chuan kan chhuak ta nge nge a mahse a la hma deuh avangin movie kan en hmasa ta zawk a.
(Braydon Morin )
CHAPTER-20
"Treat people with Kindness"
- Harry Styles
Movie a zawh pawh chuan popcorn tlem la bang chu ka la keng ṭai a, theatre aṭanga kan in zui chhuah hnak hnak lai te chuan ka la ei chho niap niap reng a.Tun thlengin ka movie en khan ka rilru ala luah laiin Braydon ve thung chu a muhil tluan ṭhak emaw tih mai tur a ni, a en mumal pawhin ka hrelo.
" hmuhnawm i ti em? " Braydon chuan zi mar chung leh ham bai bai pah hian a rawn ti a,a awmdan avang chuan ka lo nuih ver ver ringawt.
" tehreng mai.... Love actually te chu ka en ngun pauh leh hmuhnawm ka ti " tih pahin popcorn chu ka han offer a,a tukhum hiah pahin a lu alo thing vat thung.
"a ṭhat chu hmuhnawm i tih chuan... "
" mahse hmuhnawm i ti ve hleinem... " lungawi lo tih hriat takin ka han melh haw a.
"umm... ka ti tho alawm... "
" i mutthilh char char kha...bakah i chau a nih te chuan inah pawh kan en thei tho alawm... " a chau chung chung a min hruai chhuah avang hian ka inthiam lo in nuamlo ka ti takzet.
" tunah chuan ka harh kawk tawh mai...ughh ka ril a ṭam eng nge kan ei ang? "a zahzel ah tun lawka a ei duh loh ka popcorn ken lai rawn ṭham pah chuan ka darah min rawn kuah a, ka mit ka lo chet ralh ringawt.
"i pe vek ang... "
"anih chuan a lehpek ah i pek angai dawn a nih chu... " nuih vur vur pahin min rawn fiam let nghal zat a,lungawi loh hmel zetin ka lo ner nang thung,mahse a ruk tak chuan hun harsa tak a tawh laia a kianga ka awm theih avang leh indawm kun mai lova a nui hmel ka hmuh avang hian ka lawm takzet .
"enge i tih leh ang ?"zawt hreh hle mah ila a mood fuh laia ka zawh lo chuan hrehawm tih pah nan a hmang ang tih ka hlau.
"umm....company ropui takah hna ka zawng dawn mawle... " tih pahin a han nui hak hak a, fiamthu in sawi mahse a hmelah tih takna ka hmuh avangin a tih ngei ka ring.
" a nih chuan i sam i tan phawt angai dawn a nih hi... " tih pahin a sam sei tawh tak a dar pel hnuang tawh a chip a a bawk khawm tat chu ka han kawk kher a.
"teuh lo..." a lo ti rang ngei mai, a sam hi ngaimawh ṭhin hle mah ila a chhuang ṭhin em avang hian tan tur pawhin ka hrilh peih tawh lo.
"company lian takah thawh i duh a ni lawm ni... "
"ka resume ah samsei tih ka ziak tel mai ang... haha burger tui na ka hria asin... "a tih chhunzawm zat a.
Pawna kan chhuah phei meuh chuan Kendra chu rawn kal ve tura ka koh ruk avangin ka han zawng kual ru hrak hrak a,an in tih thiamloh lai a nih avangin a rawn kal tur thu sawi lo mahse a rawn inlan hi ka ring tlat a ni.
Tunah tak hi chuan Braydon a mamawh ber chu kei nilovin Kendra hi a ni in ka hria, a nui hmel phena lungngaihna awm te leh a hlim loh rukna te hi an in tih buai vang kha a ni in ka hria a,an inkar ah inrawlh buai duh lo viau mah ila Kendra a awm ve chuan a reh ka rin avanga ko ka ni .
Parking lot lam pana kan kal phei lai te chuan Kendra beisei reng chung chuan ka hawi kual reng a,a rawn kal dawn lo tak tak emawni le?
" restaurant chu a hla em? "
"minute10 vel tlan aniang...i ril a ṭam tawh em ni...? " a ṭawng mawlh mawlh lai chuan kan lam pana Kendra rawn kal phei lai chu ka va hmu thut a,ka hlim ngei mai!!
Phur zetin rang lutuk tak mai hian, " oh!! Hi!! Kendra " ka lo ti nghal lauh a,Braydon an mak tih hmel zeta a hawi phei takah chuan engmah hre lo ang mai chuan ka lo awm leh hnuhnawh vel a.
" i ko a ni maw? " a ring dik nghal chat.
"i rilru ah a awm reng ani tih ka hre kâr alawm... " nuih ver ver paha ka tih chuan a mit a han chet kual ralh a, lawmthu min hrilh mawlh mawlh tur a ni zawk asin mawle.
"va kal rawh... car ah ka lo nghak ang che u..." a dara ben thak thak pahin ti fuh inti zet chungin ka inher nghal vut a.
"i third wheel leh angai dawn ani mai... " tih kher pahin Kendra lam chu a pan phei nghal a, ner nang chungin car lam chu ka pan nghal a.
Kendra nen an in be lai chu melh zak zak pahin seat hnung zawkah chuan ka lut nghal a, kawngka khar pahin a nghenchhan chu ka han ngheng nghal ar ar a,a khat tawkin side glass aṭang chu ka va melh leh zeuh zeuh ṭhin a ,ka pum lah chu a ri ruk ruk lehnghala an rei loh hram ka beisei.
Rei pawh ka ṭhut hma in driver seat ah chuan Braydon chu a rawn ṭhu lut a,ka rin aiin an rei lo bakah Kendra pawhin min rawn nuih ver ver pah a, "hey ..." rawn ti paha a rawn ṭhut luh takah chuan an va in sawifel a ni tih ka hre nghal.
Braydon an Kendra hmui a fawh zeuh hnu ah car a tih nun lai chuan ka lo ṭhu ṭha nghal vat a, an ṭhutna inkara va dah chhuah kher pah chuan Braydon chu ka va kheuh zeuh a," nakinah lawmthu min hrilh dawn nia... " thutak deuh a ka tih chuan Kendra chu a melh zeuh a, an in nuih nghal vur vur ringawt.
"i seatbelt kha hreng rawh... " a tlan chhuah dawn ṭepah chuan a rawn ti leh hram a.
" ufff.... seatbelt bawk chu... " ning hmel zetin leh ṭhut let leh zal zal pahin seatbelt chu ka hreng ta nge nge a, ka û bak bak a seatbelt hren ngaipawimawh hi ka la hre ngai lo, ka hren reng pawh hian a rawn check ṭha leh ngat ṭhin .
Restaurant lam pana kan tlan lai chuan radio a hla in play chu ka zaipui rat rat a, Ka hma a ṭhu te erawh in a khat tawkin min rawn be zeuh zeuh mahse a tamzawk chu an pahnih chauhin an inbe sep sep reng a ,an thusawi hriat ve te pawh a chakawm zawk.
"c'mon...in pahnih chauh in in awm loh hi... " fiamthu titak deuh a ka tih takah Braydon chuan, "i third wheel dawn ka tih reng kha... " a rawn ti nghal zat a, ka lo melh rum ngang mai.
"a nih chuan i in ring em? " min rawn siai zeuh pahin Kendra chuan a volume chu a han herh ring nghal vat a, kan pahnih in 'no control' kan han zaipui tak tak mai chu Braydon pawh a nui tawp.
Kendra nen hian la inhmu tlem hle mah ila ka in mil in ka mizia pawh a in ang hle in ka hria. Amah hrim hrim hi a nelawm nghal surh a, min ngaihsak in an bula ka awm ve pawh hian min ning hmel a pu ngai lo.Amira ve thung kha chuan Braydon chiah a ngaihsak hlur a, a hruai hrang daih zel.Midang mai bakah kei takngial pawh hi min ngaihtheih loh hmel thin hle ,mahse Braydon hian a atchilh bawka Kendra bula a awm lai ai hian Amira bulah khan a hlim zawk in ka hria.
Restaurant kan thlen chuan lo va order lawk ka duh avangin car atangin ka chhuak nghal vat a, an pahnih erawh chuan car dah fel tumin parking lot lam an pan daih thung.
"third wheeler diktak ka ni " tih bul bul pahin ka sling bag chu ka han ak ṭha a,nui phei ver ver paha darthlalang kawngkhar ka nam hawn rual rual chuan Shane leh Amira te pahnih ṭhu dun lai chu ka va hmu nghal!! ka meng phar nghal awn bawk!!
Rang lutuk in hnung lamah ka in her nghal vut a, ka hlauthawng bawk nen ka chil ka lem nghal dak a!!
Lalpa leh!! engvanga kan kalna apianga rawn kal ve zel nge maw an nih le? Shane leh Amira an awm tawh chuan an pahnih chiah in an awm dawn lo a ni tih hriat reng reng.Ka lo chhuk hmasa thawt thawt pawh hi a tihzia takzet.
Braydon hian Amira a hmuh ai mah in Rainer a hmuh ka hlau zawk, an pahnih a an in hmuh tawh hi chuan buaina a chhuak ngei ngei ṭhin a ni tih kei chauh nilo tupawhin an hre vek ang chu.
Braydon leh Kendra ten inkuah rial chunga ka lam pana an lo kal phei lai ka hmuh chuan rang takin ka va pan nghal hlawk hlawk a,an hma ah tak ka va din takah chuan mak tih hmel takin min lo en ha ringawt.
"i la lut bik nange? " Kendra in a tih rual rual chuan, "hmun dangah kal zawk ang u ... helai hmun hi chu ka ngainat zawng a ni lo.. " ka lo ti nghal zung zung a.
"I ngainat zawng nilo mahse a chhung i luh chuan fairyland ah i awm emaw i ti ang... an burger hi duhthusam a ni... " Braydon lah chuan engmah hre hawt lovin a la rawn ti ang deuh deuh a.
"nidangah kan kal zawk dawn nia... e... saw sawta saw restaurant dang pawh a awm a nih saw.... ho kal ang u... " ka han nui lui ve ngial tak na in ka awmdan chu mak min tih hmel tulh tulh lehnghal.
"Sadie... kan enchhin phawt anga a tui loh chuan hmun dangah kan kal leh thei tho alawm... " Kendra hian Amira a awm ve a ni tih hria se chuan hetiang thil hi a sawi hauh lo ang mawle.
" ni chiah e ,ei chhin ve reng reng rawh i inchhir lo ang .... ho lut ang u " Braydon chuan ka dara rawn kuah pahin kan pahnih chuan min kalpui nghal dawr dawr a, chhuanlam siam tur pawh ka hre tawh lo.
Ka dan zawh tak ngang si loh avang chuan kan lut ta nge nge a, inchhung ka luh rual rual chuan ka rin ang ngeiin an pahnih chuan an ding nghal chawt ringawt mahse a tlai tawh lutuk an hmuh tur ang chu an hmu vek tawh .
Ka rin ang ngeiin Amira leh Shane te pahnih chauh chu an ni lo chiang kher mai an gang zawng zawng an awm kim vek zawk ang mawle ,Rainer pawh Amira bulah thatchhe zetin a ṭhu khur alawm,en pawh ka en ṭha peih lo.
An ni ho pawh chuan min rawn hmuh hmai lo nasa a hma a bengchheng em em kha an thawm a reh nghal duk a, an in haw bawk a thawkleh khatah inchhung boruak chu a danglam nghal bawih theih nia mawle.
" ho hmun dangah kal mai ang u ..." buaina a chhuah leh hmain Kendra va mitmei zeuh pah chuan ka ti nghal vat a, a ni pawhin alo hrethiam nghal," ni e...a nuam lo reih ruih emai " a lo ti ve nghal zat bawk a, Braydon lah chu thinrim hmel zet hian Rainer chu a melh khai tawh mai bawk si a,ka thin a phu dep dep tawh.
"Braydon kal ila... "
"tumah an chhuak lo ang.... ṭhu rawh u.. " a ti ta hmuk mai, han hnial ngam na chi a ni tawh lo, Kendra nen chuan in melh hrak hrak pahin kawngka bula ṭhutna awmah chuan ka ṭhu lut zal zal a, a ni pawh mood off hmel zetin a rawn ṭhu ve nghal bawk.
"burger, fries leh beer aw...chuan mayonnaise kan duh bawk ang " ketchup aiin mayonnaise hi Braydon an a duh zawk avangin waiter hnenah chuan uluk takin ka lo ti nghal zung zung a, Braydon a mood ber a off tlat tawh avangin a nuam tak tak thei tawh lo.
"babe.... naktuk chu beach ah kan kal dawn mi niang " Kendra in a tih chuan lungnih loh hmel zet hian , "weekdays ah hian maw? class i kal angai alawm... " a lo ti nghal hluk a, ka û hian class kal angaih pawimawh tehreng nen a thinrim laia sawi atan chuan a fuh lo ve thlawt.
"a nih loh pawhin Mark a hna aṭangin a bang bawk sia kan pathum in naktuk tlaiah kan va kal dawn mi? " ka lo ti nghal vat a, hei chu tlemin a zia deuh.
"nia... a ṭha khawp ang" za lo zetin a rawn nui ve ta alawm.
"family picnic te pawh..."
" khawiah nge niang? " a rawn tih takah chuan sawi fuh inti zetin Kendra nen chuan kan in nuih ru sek a, tunah chuan a rilru lak pen hi a pawimawh hmasa ber.
" umm... Brentwood ah ka va zin anga, Mark-a nu te awmna a ni tho a... " a lo bu nghat nghat a, tun weekend chu kei ngei pawh hi intih thawven deuh ka duh mahse hei thawven chu sawiloh tunah pawh hian Rainer leh Amira te sawn ka mit an ti kham takzet.
"hei aw.. tui in tih ngei ka beisei... " tih pahin waiter chuan sandwich leh Cheesesteak chu dawhkhan ah chuan a rawn dah a, kan thil order nilo a rawn dah avang chuan kan in en hrak hrak hlawm a.
"umm... burger alawm kan order heihi chu a nilo... khawngaihin min thlak sak leh thei angem? " Kendra chuan felfai leh polite tak hian alo ti nghal vat a. Waiter pawh chuan inthiam lo tak chungin "ka tihpalh lutuk...ka rawn thlak nghal vat ang..."tih pahin rang takin a la nghal vat a, Amira te dawhkan lamah sandwich chu a chawi phei nghal nal nal bawk.
Amira te nen kan thil order chu alo hriatpawlh a alo thlakthleng chu niin!! urghh engthil nge thleng lehpek ta hi le? boruak a zia awm ve dawn chauh a, thil a buai zo leh vek dawn.
Engtin nge sawtiang ang waiter che pawlawh lutuk te an ruai theih zawk ni?
An dawnkan aṭanga kan burger order a rawn chawi phei lai te leh kan thil order waiter in a thlakthleng lai te chu Braydon chuan alo en kar a, alo hmuh hmaih bik lo nasa.
Waiter in burger chu kan dawhkan ah a rawn dah leh a, ka û ngaihdan ni lo hle mahse engmah a sawisel lem lo, zanin chu a thinrim a insum ve nasat em avang hian mak ka ti lek lek zawk .
Thil kal dan chu a dik vek tawh dawn emaw tih nak alaiin Braydon chuan, "khawiah nge mayonnaise? " a rawn ti chhuak hmuk ringawt. Rang takin tray chu ka en nghal vat a, ketchup chiah alo awm tak tak uluk deuhin mayonnaise kan chah ve nasat teh reng nen.
" oh!! lo nghak lawk rawh u... mayonnaise kha an lo ei hman a, a dang ka rawn la leh vat ang " eng ang waiter nge maw a nih le? thil a ti buai zo vek.
Braydon lah a ngaihdan alo ni lo nasa, midang chu nise a nuihpui a a ngawihbopui mai mai theih tura kha Rainer alo ni kher kher bawk nen, thil ho te te ah a thinrim lehnghal ṭun tawh,chutah tunlai ngat phei hi chu nidang aia an in huat zual lai tak alo ni lehzel bawk nen a buaithlak takzet.
"umm... aw le " nuih luih suk pahin waiter bulah chuan ka lo ti nghal vat a,ka û pawhin engmah a sawi zui lem lo mahse insum tih hriat taka a inhum ruh lai te chu ka hmu ve kar a, ka thinphu pawh a rang tawh kher mai.
"ughh... washroom ah ka va kal lawk ange... " Kendra nen a min rawn nuih suk pah chuan a tho chhuak nghal zawk a, a thinrimna te tilang nghal mai lova felfai taka a awm avang chuan ka thaw nghal huai mai.
Braydon a kal liam chiah tih in ka ding nghal hluai,Kendra chuan mak tih hmel zetin min lo en ha a.
"beer leh mayonnaise chu ka va la vat ange... " tihsual leh a awm ka hlauh avangin washroom a a awm chungin engkim lo tih fel vek ka duh.
" aw le... mahse rei lo la "
"hetiang thil hi thleng tur a ni lo asin le... " ka hriat tawk leka phun sep pah chuan waiter lam chu ka pan phei nghal hlawk hlawk a,hmanhnawh nak alaiin Shane chuan inperh tho nalh pahin min lo ko leh hmanhnawh tawh.
"eng nge i an tawh? " a rawn tih chuan Rainer chu ka va mitsir zeuh a, kan lam a hawn en nasa ngang mai, mahse hmu angin ka awm duh bik ṭhak lo.
" umm... ka ṭha ,ka hmanhnawh deuh hlek a min lo hrethiam rawh... " hmanhnawh takin dawhkana beer no lian zet pathum chu ka chawi nghal a Shane lah chuan min rawn zui zel lehnghal.
"ka lo pui ang che... "
" angai lo... ka chawi thei.. " ka ṭawngkam mawi lo viau mahse chutiang si se ka ngaihtuah hman tawh lo.
" a hla hleinem a rit a nih kha... " polite viau mahse ka hmanhnawh bawk nen min rawn chuh luih tlat avang chuan ka thin a rim lek lek," Shane... keimah in ka chawi thei... "thinrim aw lek lek hian ka lo ti nghal hlar a, a hrethiam lo nge a hrethiam duh lo der pawh ka hre tawh lo, a lo rui ve deuh bawk nen a kal sawn duh bik der lo.
"thlah rawh... " tih vin hluk pahin Braydon chuan Shane chu a rawn hnek thlu nghal tawp mai!! Lalpa leh!! ka hlauh ang ngei in thil a thleng ta!!
Braydon chu phawk fe a melh nghal kawk pahin ka tawlh hnung nghal hrut a, a thinrim tawh sa nak alaiin tuna a thinrim dan hi chu pui tak a ni, ṭhelh mai mai chi a ni tawh lo.
Shane a ṭhiante ho lah chu insual inring reng tih takah mitkhap kar lekah an rawn tho nghal suau a,an in tibuai chu a ni nghal der!!
Rin lo deuh maiin insual ta mai lo chuan Rainer chuan Shane chu a pawt tho nghal lawp a, rum zeta Braydon melh khai pah chuan " Kal ang u... " a ti ta zawk a, ka lo hlauhthawn ruk tehreng nen kut thawh mai lova tlawm zawka a tang ta mai hi ka awih lo lek lek zawk.
An kal tur chu an zinga pakhat chuan "i la hre khawp ang "a rawn ti leh kher a nih chu!! chutah Braydon ngaihdan a ni ta lo chupa chu ava bawh thlu nghal rawp rawp a,tunge inhnek a tuin nge ṭhelh pawh ka hre thei tawh lo, a ri nghal rum rum ringawt.
Waiter mai bakah Cop lehzel pawh ṭhelh turin minute reilote ah an rawn lang nghal vata, tuin nge lo report leh hman hmawh ni, engkim hi a buai vel vek tawh.
"in vaiin min rawn zui vek rawh ru... " a tam zawkin ṭhelh an lo tum avang khan
Cop ho pawhin hnehsawh zetin an ṭhelh nghal zung zung theih phah a mahse an vaiin an tuar leh vek dawn chu a nih hi.
An vai mai chuan police station lam panin an phur nghal diak a, Kei leh Kendra erawh hrilh hai takin kan ding reng ringawt.
" hawh zui ve nghal ang... " Kendra chuan a rawn ti chhuak hlawl a, ka rin ai daihin a huaisen Amira ve thung chu zui a hnek in restaurant aṭang pawhin a rawn chhuah ve ngam loh saw dawihzep leh lutuk.
" awle... ka putea kan bia ange... " ka phone ka lak chhuah rual chuan min lo dang vat a.
" nilo ...a bail chhuahna tur chu ka neih mai ka ring "
"pawi ka ti takzet... "
"Sadie... mihrang ka nih loh hi... car ah lut rawh kal vat ang " tih pahin Braydon a car chahbi chu a rawn phawrh chhuak nghal a.
"engtin nge i neih theih? " car a luh pah chuan ka ti nghal zat a.
" car kan park zawh khan ka laksak a ,hetiang hian a ṭangkai dawn a ni tih ka hre bik lo "
"ka lawm e... "
"cuutiang thil û te bulah an sawi ngai lo... " nuih suk pahin car chu a han ti nung hlat hlat a, police station lam panin kan tlan nghal vang vang a.
__________________________________________
★POLICE STATION ★
Police station kan thlen chuan Restaurant neitupa niawm tak reception a lo ṭhu pa leh Rainer te gang ho chu an rawn chhuak ve chiah bawk a ,min melh rúm hlawm ngang mai, Rainer hmel phei chu hmuh pawh ka hmu peih lo..
Inchhung kan luh chuan Braydon ,Shane leh an zinga mipa pakhat chiah kha an lo khung bik a, engvanga midang ho kha zalen bik nge maw an nih le?
0 COMMENT:
Post a Comment