ZERO-1 to 40 by Remruati Bawitlung (Haylor)

.

  ZERO

Remruati Bawitlung (Haylor)

(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)

.

Chapter-1

.

•SACRAMENTO, CALIFORNIA•

.

School ban ah ka pa in engmah sawi lova min rawn hruai loh ringawt avang chuan lungawi lo tak chungin ka pa thawhna police station kawtah chuan ka ding tum bûr renga,lut chhuak an awm zut avang leh mi zawng zawng chu an buai em em vek avang chuan luh mai chu ka hreh deuh.A then in misual an rawn nawr lut a dawr dawr bawk a, a then lah hmanhmawh takin an tlan chhuak thul mak tih hmel takin ka lo thlir reng bak tih theih ka nei lo hetiang em em hian police ho hi an buai ang tih ka ring pha ngai lo.Phone chu la chhuak in ka pa chu call mai ka han tum zet na in a buai ka rin leh deuh avangin pawn a lo nghah mai chu tha in ka hre ta zawk a .

.

" Valentina"

Chhuat chhir keuh keuh paha ka lo in ngaihtuah ngut ngut lai chuan tu emaw hian min rawn ko thut a ka hawi chho rang ngei mai.

"Pu Corey!!" ka hma a police pakhat thau lehluah intha zo lo tih hriat zet mai rawn ding chu ka lo nuih ver ver a,ka bulah a rawn thu nghal vat bawk .

"ka kawng a na hle mai a " tih tuah tuah pah chuan a kawng chu a han chum vel a ka nuih a za ngei mai.

"i pa nghah pahin thil kan lo va ei dawn mi niang hei dar6 a ri tawh dawn"

"a buai viau em ni? "

" ughh.... vawin zet zawng kan thu hman meuh lo "

" awle...anih chuan "inchhung melh zeuh pah chuan ka lo ti sap a, ka ril a tam tawh mai bakah ka pa thawhpui leh thian tha tak anih avangin ka nel a,a bula awm nuam ka ti hle bawk.

.

"pizza mi niang...? "Pu Corey chuan phur hmel zet hian a rawn ti,ka bag chair pakhat zawka dah pah chuan ka lo bu nghat bawk. 

"in nu hnenah ka sawi mai tur ania...."kawngka lam chu kan hawi phei nghal vata ka pa lo ni rengin.

"I zunthlum hi chuan a ti buai ve ngawt mai che...." ka pa chuan ka lu a rawn fawh zeuh pahin ka bulah a rawn thu ve nghal a mahse ka pa lakah hian ka lungawi lo takzet.

"Brad.... kan nu in min hmuh chuan 'ka ei chak alawm' tiin ka lo chhang mai ang...."

"anih chuan hrilh vat ila a tha ang"

"ka chan a chhe khawp ang le " an pahnih chuan an han nui dun leh hawk hawk thin a,nilengin buai in hah thin hle mahse hlim hmel an la pu sâng thei chu ania an chhuanawm ve ngawt mai.

.

"Vawin chu Tina school bang pawh i hruai hman meuh lo ania, Zero bawk em ni i buaipui leh tak " Pu Corey an a tih chuan ka pa chu a han thawchhuak hak a, inthiam loh hmel taka min rawn melh pah chuan "heng ho hian ka thih hun aia hma in min thih tir thei takngial dawn... "

" hepa hi chuan kan khawtlang mai pawh nilo in Police lehzel pawh a tibuai hneh ve ngawt mai...Zero hming a lan tawh hi chuan buaina hian a zui ngei ngei hlauh a nei bawk si lo ,tunge anih kan hriat theih loh mai bakah a ho te lehzel pawh jail ah a tang rei thei bawk si lo....Tina fimkhur hle rawh Sacramento ah hian i la tlangnel lo bawk nen,hengho hi an hlauhawm ania "a tih chuan ka lo bu nghat a ,Ka pa hian Zero hi a buaipui hle tih ka hria mahse engtiang chiaha hlauhawm nge a nih tih erawh ngaihdan pawh ka nei lo.

.

Ka pa leh Pu Corey te an ti ti mawlh mawlh lai chuan an bulah ngawi rengin ka lo ei ve mawlh mawlh a, an thusawi ho tê te te chuan min ti nui leh suk thin.

" Brad... ka kal mai a ngaih hmel " pu Corey chuan a phone melh zeuh pah chuan a tho nghal vut a,thil hmanhnawh thlak a thleng leh tawh tih hai rual ani lo.

" Tina.... mangtha le"

" Mangtha " hmanhnawh takin a tlan chhuak nghal hlawk hlawk bawk.Pu Corey kal hnu deuh lawkah keini pawh kan haw ve nghal mai bawk.

.

In kan thlen chuan thu khawmuang lo in ka room lam ka pan nghal chat a,ka bag khum a paih let tawp pahin ka mu nghal thlawp bawk.Minute 5 pawh ka mut hma chuan ka pa chu a rawn dak dek dek a ,inthiam loh hmel tak hian,"Tina...ka kal leh nghal angai dawn a... ughh... naktuk zingah ka rawn haw ang "

" Ka pa "ka lungawi loh em avang chuan ka lo ti vin hlar a.

"ka pi nen chauh a min awmtir i tum leh em ni, helai hmunah hian thla 4 em pawh ka la awm loh hi...."

" i pi nen chauh in riak dawn hleinem,Jade in a rawn riahpui dawn che kha " ka thinrim lutuk chu ka tawng chhuak leh thei tawh lo ,mittui tling pam chungin bathroom ah ka luhsan hmak a, kawngka ka khar nghal thuai bawk.

.

Ka nu leh pa hi kum9 mi ka nih in an inthen a chuta tang chuan ka nu in ka nau te pahnih nen San Diego ah min pempui ta daih a, phone ah inbe reng thin mah ila ka pa ka ngai thei hle,reitak chhung ka nu in min awmpui hnu in kum18 ka tlin veleh a ka pa bula awm tura an lo inrem siam tawh angin Thla hnih liamta atang khan Sacramento ah ka pa bula awm tur hian ka kal ta ani.Mahse ka tum dan leh rin dan ang kha alo ni hauh lo, ka pa hi Police tih takah a buai thei hle a ka tan hun a nei mang ngai lo chuta chapah ka pi hi a khirh in a duh tui em em lehnghal,engkim hi hunbi nei in min tih tir veka min khuahkhirh hle bawk,ka pi mizia ka hriat chian hnu hian ka nu nen an lo inmil lo pawh kha mak ka ti hran lo.

.

" Tina... " Jade aw ka hriat rual rual chuan darthlalang ah ka in en sawk sawk a nuih suk pahin bathroom atangin ka chhuak nghal vat bawk. Jade hi ka cousin a nih mai bakah tet te atang tawh a ka kawm ber thin anih avangin in hmu lo rei hle mah ila kan la innel hle.

"khawiah nge i pi?.... a mut tawh hram ka beisei"

"mut ala hun loh hi .... office an la bang lo aniang "

" a that hlauh chu "

"chhuah ruk leh i tum ani maw? " bag a rawn ah puar lung avang chuan a thil tih tum ka hre nghal.

"zanin tal chu chhuak lo mai la "

" Ka thei lo.... rawn riahna hun remchang ka hmuh hi ka bawhpelh theih lo"

.

" anih khawiah nge i kal thin a...? " hriat chak hmel zetin khabe dawm meuh chuan ka lo melh kar a,ka awm dan avang chuan a nuih a zat hmel hle .

"party na ah mawle "

"chu chauh chu maw?  mahse i kal rei thei hle si a "

"enteh i awih lo zawk ang ka kal na hmun chu..... kum18 tlin hi a nuam takzet khawi hmunah pawh kan kal thei tawh ania" a thusawi avang chuan ka lo ner nang a, a chhanchu ka pi in khawiah mah chhuah min phalsak ve loh avangin kum18 tlin hi a nawmna pawh ka hrelo.

A bag a a thawmhnaw sexy zet chu la chhuak in a ha nghal sawk sawk a, a hmanhmawh hmel em em lehnghal,kei ve thung chu ka pi avang hian ka party dress ho pawh ka la chhuak ngam lo hrim hrim .

.

" eheu.... a tet anih hi " tih pahin a kawr tet lai chu darthlalang ah a han thlek a .

" ani maw!! i thau lutuk anih kha "

" i kawr ka hak mai angaih hmel "

"i duh duh va thlang rawh... mahse a pawl kha chu Dylan nen kan chhuah dun huna ka hak tur anih kha" 

"awle...mahse " tih pahin zawhna ngah hmel zet hian min rawn en thut anih chu!!

" Eng nge? "

" Dylan hi fel viau mahse i ten ve lo mi? chhuak dawn pawh ni ula a nu leh pa phalna a la leh thlap lo maw? a pa lo e ..."ngeiawm zetin min rawn nuih zui hak bawk.

"i kawr kha phelh rawh "

" ka ti mai mai anih kha.... i bialpa chhe ve te hi i duh ve em em a, lehkha zir bak thiam a nei lo "

.

"hey!!  tikhan sawi tawh suh ka tih kha... "

" a kiss ngam tawk che ania... Valentina i pi in a duh avang ringawt hian i duh tihna ani lo "

"alo berah ka pi khirh zet hian a duh tal alawm " nuih suk pahin ka phone chu ka han hmuh va va a, Dylan an min rawn call ani tih a hmuh chuan men pual ralh pahin a thaw zui hak bawk.

" awle.... diktak chuan ka duhpui che, tikhan project chungchang sawi leh char char mai rawh u "

"bye ...rawn haw har suh ang che " a tawng rin em avang chuan ka phone hup pahin balcony ah ka chhuahsan ta ringawt a.

*

*

"Valentina...." 

Ka pi chu balcony ah a rawn chhuak a Dylan nen kan inbia tih a hriat avangin min nuih suk pahin a lut lehnghal.Ka pi hi khirh hle mahse Dylan erawh min duhpui hle thung, mi hausa fapa anih bakah lehkha mi thiam tak anih vang te pawh ani mahna. Kei chuan a hausakna avanga duh ka ni lo a, mi kawm nuam tak leh mi fel tak anih avanga duh chauh ka ni thung. Chumaibakah kan class a lo inang lehzel bawk nen engkim hi a fuh vel vek.Thla khat vel chauh la inkawp mahila kan innel in ka chungah a tha em em a, ka ngaihdan chuan ka tana khuanuruat liau liau anih ka ring .

.

.

" Bawihte.... vawin chu ka thlah thei dawn lo che a, i pi in a thlah loh che chuan bus in i kal mai angai ang "

" maw!! "

" umm.... hna pawimawh ka nei thut alawm mawle "

" ka pa.... niminah lah min rawn hruai tawh bawk si lo, ngati em em nge? " ka pa hna hi ka haw takzet, ka tan hun a neih loh chu thuhran tunah phei chuan school a min thlahna hun takngial pawh a nei tawh lo ania.

"niminah ka car workshop ah ka dah daih alawm... vawin chu min thlah la ka lo ti zawk asin pawilo Dylan-a pa ka bia anga vawin chauh chu min thlah thei ang chu " ka pi chuan alo ti nghal zung zung a chu chuan min ti lungawi lo zual.

.

" ka duh ve lo " ka breakfast ei lai chu thawhsan hmak pahin lungawilo ti hriat zet hian ka chhuak tau nghal nghawng nghawng bawk.

" Valentina.... Valentina khatiang khan min tum khum reng reng suh" ka pi in rawn ti zui lawm lawm mahse ka hawi let duh tawh lo.Ka thinrim em avang chuan mittui tling pam chungin bus ah ka lut ta hnak hnak a,seat hnung berah keimah chauhin ka thu nghal thak bawk.

.

Bus stop hmasa berah Jade pawh a rawn lut ve hlawl mai mahse lehlam ka lo hawisan hmak thung.

"hey!! " min nuih sâng pahin ka bulah a rawn thu ve nghal thak a,"Tinge bus in i kal a? " a rawn ti zui zat bawk.

" Nangpawh? "

" nia.... ugh, ka nu in min thlah duh lo a "

"Jade.....nizanah ngatinge i rawn haw loh, ka ni bulah dawt ka sawi leh phah asin "

"ka rawn haw hman thlawt lo alawm bakah rawn haw kha ka tum lo hrim hrim"

" Engvangin maw i rawn haw hman loh a?"

" aw... kan party zawh hnu in Logan-a rui buaipui leh ka ngai alawm "

.

"Logan hi ka ni in a duhpui lo che ani lawm ni....ngatinge i ngaihzawn luih tlat zela "

" ka hmangaih alawm... bakah amah hi a cool em em mai lehnghal .... Dylan ang ani ve lo "

" Dylan nen tehkhin reng reng suh "

" awle....vantirhkoh ang maia zaidam leh nunnem.... hahaha "

"Jade.... !!" ka lo ti vin hlar a.

"a nihna ka sawi ve ani mai a, ngatinge i lo thinrimpui vak kher "

"ka hmangaih te i tia hmangaihna pawh i hria amawn le?"

" Kei leh Logan ang hi ani mai alawm " ei loh hmel zet hian ka lo ner khum suka, Jade hi chu a ngaihna a awmlo ve thlawt.

.

" Bus pawh chu avan ding rei em em... " tih nung nung pahin ka han hawi kual vela.

"Saw en ta che.... red Signal ,mawl leh lutuk "

"anih chuan kan kal thei lo ani tih hrereng chungin engvangin nge horn an hmeh rik char char a " police siren in a rawn zui zat bawk.

"ka hre bik lo " tih pahin Jade chu tukverh ah a han dak chhuak zuai, a rawn lut leh rang ngei mai.

" Zero leh a thiante bawk!! "

" maw!!  ani maw!! "Zero hming hi a lar em avangin hmuh chak tak chung chuan ka han dak chhuak ve a, ka hawi chhuah ve meuh chuan an lo tlan sawn hman vek tawh.

"Ka hmu ve lo reng reng "

" Zero leh a thiante ho hian Police ho hi chu an tibuai ve ngawt mai,man na tham case ni si lo hian nghal deuh deuh hian an che a, tunah pawh awmze neilo in horn an hmeh leh vak vak tawh kha Police rawn kal lo phei se chuan an la hmet reng ang chu " Jade thusawi chu ngun takin ka lo ngaihthla a,Zero an tih ve ziah hi tu chiah nge maw anih le?

.

.

Chapter-2

.

School gate kan thlen chuan a ngaite bawkin Dylan an min lo nghak leh tawh.Jade lah hi a sual thiam ve bawk si a,ha seh chilh ran chungin hmui ti che mang si lo in zawi sap hian " saw... kamis a hak leh zût tawh saw ,hmeltha hle mahse a thikawm loh ve thlawt a mawl hmel ropui si "

"a hre pha  ange "Jade hian a sawi chhe nasa thei lutuk a ka hmu mawl hmel zo vek tawh in ka hria.Dylan bul kan thlen chuan a ngai te bawkin Jade chuan Dylan kamis nghawng siam that pah chuan, "i chhelo thlawt " an ti zui lehkher bawka,a sual thiam ve thlawt.

" Hi!! Tina"

"Tina ta tur awm reng pawh ilo nih hi " Dylan lah a lo lai ve leh ringawt tawh.

.

Jade chu mitmei zeuh pahin ,"kal ang.... "thawk chhuah hak pah chuan Dylan chu ka kai nghal dawr dawr a, engmah lah chu a hre ve der bawk si lo.

"naktuk zanah dinner kan ei dun thei angem? "

"ka pi dil phawt rawh "

" umm.... chhungkua in ani dawn a, i pi pawh a rawn kal ang " a tih chuan ka nui tawi tap mai.

" kan pahnih chauhin kan ni dawn maw ka tia" ka ti chuai raih bawk.

"ka pa in a hmu duh che a bakah a duh zawng tak i ni ngei bawk ang " Dylan thusawi chuan min ti hlim ngei mai mahse anu leh pa te hmu tur chuan ala hma mah mah in ka hria.

.

Nilengin Dylan thusawi khan min kap tlat anih chu, ngaihzawng lo nei ve nual tawh mah ila an nu leh pate em chu min la hmuhtir ngai lo chumai bakah mihausa lutuk chhungkua an lo ni lehzel bawk nen min ti zam takzet.

" Tina... Tina " ka dara an rawn khawih chuan ka lo phu deuh zawk a, tudang nilo in Dylan leh bawk.

"eng nge i lo ngaihtuah vung vung a ?"

"i nu leh pate dinner kilpui tur chuan ala hma mah mah lo maw? "

"mahse i pi nen an inbe lawk vek tawh bawk si a kan thulh chuan ka pa leh i pi ngaihdan ani lo ang bakah naupang kan ni tawh hleinem"

" anih chuan eng kawr nge ka hak tak ang?" ka tih chuan min rawn nuih suk pahin ka kut chu a rawn vuan a 

"engpawh ha la i inhmeh vek "

.

Chutia Dylan nen kan lo titi mawlh mawlh lai chuan Valeria chu hmanhmawh zet hian a rawn tlan lut hlawk hlawk a, ka bul a rawn thlen meuh chuan a hah lutuk chu tawng pawh a tawng chhuak hlei thei lo,kei erawh in mak tih hmel takin ka lo en reng thung .

" Tina..... Jade "

" ngatinge Jade chu? "

" buaina a tawk leh tawh "

" Engmaw? " tih leh tlanchhuah ka rual nghal, ka hnungah Dylan leh Valeria te pawhin min rawn umzui ve nghal bawk.Jade hi chu alo nghal ve bawk nen insual sawi rik tawh hi chuan a hming in a zui ngei ngei a bik takin Logan vang hian a insual hnem lutuk tawh,principal pawhin vawihnih lai hnawhchhuah ah a vo tawh bawk.

.

Corridor atangin school ground chu ka zuk thlir thla a,mipui pungkhawm nen engmah pawh a hmuh that theih loh,mahse mipa pakhat sang tha zet zawt ,dar pharh tha zet mai leather jacket ha bike a chhuang chiah erawh hnung lam atangin chiang takin ka hmu thung ,an au hum hum mai bawk si a min ti mangang takzet .

Ground ka thlen thlak meuh chuan ambulance tlan liam vut vut lai bak ka hmu hman tawh lo,ka mangang lutuk chuan Valeria kawr pawh sawk pah chuan ," Jade chu engtin nge a awm? "

"ih... englo ania tun tum chu Logan zawk ania "

"Ngatinge Logan chu....? "

"Zero a cho ve ringawt a school ah a rawn kal chilh alawm " 

"teacher ten an hmu em? "

" an hmuh hma in an tlan chhe hman vek aniang.... "

.

Ngatinge maw Zero hian buaina a siam nasat em em mai le?  ka pa a tihbuai loh leh midang dang a tibuai kual thul, engvanga sual em em nge maw anih le?

.

Ka pa in min rawn hruai dawn lo tih ka hriat avangin bus chan pahin hla ka lo ngaithla mai mai a, Jade a awmlo bawk nen keimah chauh a ka haw angaih dawn avangin ka peih lo takzet.

"Tina " min ko ri ka hriat rual rual chuan ka earphone phelh pahin ka beng chu ka han chhi deuh hra a.

" Valentina.... " ka hawi nghal vut a,ral lehlam atangin Dylan an min rawn ko reng chu niin, car chhungah a awm daih avangin ka lo hmu lawk lo alawm mawle.

" Hey!! "

"ka thlah ang che "

" awle..." keimah chauhin ka haw dawn tak loh avang chuan ka hlim ru hle.

.

Kawng kan ka tum lai tak chuan ka iPod ka thlauh ta pawp mai!!  chhar mai tumin ka han ban zuai na a bike pakhat chak zetin a rawn tlan avang chuan chhar lo in ka tawlh hnung ta zawka

" Lalpa leh!! " ka iPod a rawn chil kher anih chu!!

Ka au rin em avang chuan chupa chu a rawn hawi let leh ngat a mahse ding a tum chuang lo.Helmet khum lo se chuan a hmel ka chhinchhiah anga ka report chiang khawp ang , a jacket hak hnunga milem inziak atang sawn ka ka hmuh tawh hnu a ang ka ti takzet mahse khawi lai hmunah nge ka hmuh tih erawh ka hre chhuak thei tawh lo.

.

" i tha em? " Dylan pawhin min ngaihtuah deuh aniang a rawn thleng phei rang khawp mai.

"na i nei em? "

" aih... "

"na i nei lo tak tak maw? " ka la hlauthawng deuh bawk nen chhan mai nachang pawh ka hrelo.

"hawh kal ang " Dylan chuan car lam panin min kuah phei nghal dawr dawr a,car ah thu daih tawh mahila hlauhthawnna avanga ka thinphu rang lutuk erawh ala reh lo thung.

"Tina.... "

" ka... ka iPod "

" a ho lutuk a dang kan lei leh dawn nia... kha tui hi in rawh "

" iPod saw ka lak ngei ngei angai "

"a chhiat vek tawh saw awmzia a awm tawh lo " diktak chuan ka hlawh chhuah hmasa bera ka lei anih avangin ka ui takzet.

" anih chuan kal tawh mai rawh "ka ngawih tak reng avang chuan driver chu kal tura a hrilh chuan kan in lam panin kan tlan nghal vang vang a.

.

_________________________________________

.

"bawihte tho tawh rawh..." ka pa aw ani tih ka hriat chuan ka thu chhuak nghal hlawl mai, nizanah pawh a rawn haw leh tawh lo.

" pa...engtik ah nge i rawn haw?"

" nizanah i mut hlanin ka rawn haw alawm "

"anih chuan vawin chu school ah min thlah thei ang tiraw? "

" tehreng mai " ka rilru a nuam nghal huai in ka hria, vawin chu bus chan angai tawh lo.

" tho la... tukin zing chu pangpar pot ho saw min zawn kual pui la a tha ang "

"awle... " phur takin ka tho a, inphih fai turin bathroom lam ka pan nghal vat bawk.

.

Phur takin inhnuai lamah ka chhuk thla a, a ngai te bawkin ka pi chu alo phun leh char char tawh.

" pa ngatinge ka pi saw?"

" a car an siam tha thei lo a bakah office ah ka thlah hman dawn lo a" ka pi phun peih lutuk hi chu ngaiah ka nei tep tawh, nuih suk pahin ka pa pot chawi lai chu ka chawipui nghal vata,Sacramento a ka let hnu a ka pa nen a hun kan hman dun hmasak ber anih avangin nuam ka ti takzet.

.

.

Rei pawh kan thawh hma in ka pa chuan a pot chawi lai chu a thlauh ta pawp mai!! 

"pa... " ka hawi phei nak chuan harsa ti tak chungin a lo thaw tawk tawk chu niin, hmanhnawh lutuk in ka va dawm nghal vata, ka theih ang tawkin inchhungah ka kuah lut nghal bawk.

Ka pi chu ka au nghal chul a ka mangang bawk nen ka pa chu couch ah ka mut ta ringawt a,ka pi in a rawn hmuh chuan chiai miah lo in inhaler chu a han hip tir kawk kawk a, ka pa pawh chu reilo teah a zia awm ve lehnghal mai bawk a.

.

Ka pa mut hahchawlh lai chuan ngawi rengin choka ah ka pi bulah ka phei nghal vata.

" ka pa hi hetiang hian a awm reng thin em ni? "

" tun hnai te atang khan a rawn zual thut  alawm "

"Tun hnaite atangin maw? "

" niangchu mawle,heng tleirawl hawklak ho avang hian mutmu pawh a tuah tha hlei thei meuh lo " ka rilru ah Zero a rawn lang nghal .

" i hre nange heng ho avang hian i pa in zantin mutthilh na damdawi a ei ziah thin asin"

" damdawi maw? "

" Bawihte han in siam rawh i tlai ange?"ka pa in a rawn tih chuan ngaitha lo zetin ka room lam ka pan hna hna a. 

.

.

Chapter-3

.

Ka insiam zo inhnuai lama ka chhuk thlak leh chuan Dylan a lo awm reng chu niin a rawn kal lai ka hre lo reng reng,ka hmuh thut avang chuan mak tih hmel zetin ka ding nghal chawt bawk.

" Eng nge hetah i rawn tih? "

" ih... englo ania"

"kal rual pui turin a rawn sawm che anih kha " ka pi chuan alo ti lehnghal zung zung tawh,ka pi in alo va be leh tawh aniang .

"aw... chutiang deuh chu, i hman tawh em ni ?"min rawn nuih suk pahin a thutna atang chuan a rawn tho nghal vat bawk.

"umm... vawin chu ka pa in min thlah dawn a? "

"umm.... anih chu, ka lo hre lo a "

" i pa te chu a chau em kha... Dylan rual khan kal mai rawh bakah i pa i khawngaih ve lo mi? " ka pi tawng chak lutuk hi chu ka chhang ve hman lo hrim hrim.

.

Dylan hma a in hauh buai ka duh loh avangin ka pi melh khai pah chuan ka chhuak nghal hlawk hlawk a,breakfast pawh ka ei hman lo.

"i va kal chak ve... "

"Dylan keimah chauh a awm ka duh "

"lo hawi teh... "

"School ah kan inhmu zawk dawn nia "ka tih rual rual chuan ka hma ah tak a rawn ding a, a box lian vak lo ken lai chu ka kutah a rawn dah nghal vat bawk.

" Engthil nge? "

" en la " box chu ka han hawng dek dek a, iPod ka hmuh chuan ka meng phawk chiang ngei mai.

.

"iPod maw! "

" umm... "

" hei... heihi ka ta tur maw?"ka tih leh chuan alo bu nghata, ka iPod awh chi tak ang kha alo ni lehzel bawk nen ka lawm takzet.

"ka lawm e "

" kan ngaithla chhin dawn mi niang?"

"awle... " tih pahin phur takin earphone chu ka han phawrh chhuaka.

"ngawilawk teh... kan tlai dawn car ah lut phawt rawh " nuih vur vur pahin car ah min kai lut nghal dawr dawr a, hei vang hi lawm Dylan ka duh nachhan ka rilru min tihnat sak ve ngai lo.

.

Thui vaklo kan tlan hnu chuan breakfast ka la ei lo bawk nen ka pum a rawn ri ta ruk ruk mai.

"i ril a tam ani maw? "

"aih... teuh lo "

"breakfast i ei em?" min en kar avang chuan ka lu ka thing ta ringawt a.

" ngatinge min hrilh loh"

" ka ril a tam hleinem "

"ok a that chu...." tih pahin driver chu ding turin a hrilh nghal vat bawk,chhuah daih a tum avang chuan a banah ka man nghal vata.

" Dylan... "

"ka rei lo ang,hla lo ngaithla rawh " ka biang khawih zeuh pahin a chhuak nghal daih anih chu!!

.

Nghah pahin maimichhing chunga hla ka lo ngaithlak dar dar lai chuan tuemaw hian ka earphone a rawn pawt tla ta thut mai !!

" Hey!! " tih pahin ka meng nghal zawka, Dylan emaw ka ti a mahse alo ni hauh lo,mipa pakhat bullet bike a chuang hian ka mit ah tak a rawn en chuan ka tek nghal chuai in ka hria.Helmet a khum tlat avangin a mitmu hring kak leh mithmul er tak bak ka hmu thei lo,a hmel hmu lo mah ila engtin emaw hian ka awm tlat anih chu!! ka awmdan hi ka hre thiam tawh bik lo, chet ngaihna pawh ka hrelo a, tuman khatiang khan min la en ngai loh vang te pawh ani mahna tiin ka inthiam chawp nghal mawlh mawlh bawk .

.

Chutia ka lo en reng lai chuan ka hmai rawn khawih a tum ta thut mai!! rang lutuk in glass ka up nghal vata mahse a rawn vawn beh tlat avang chuan a chanve pawh ka up hman lo.Ka hlauhthawn em avang chuan a kut chu ka han chum vak ringawt a awmzia a nei der mai bawk si lo,driver pun ka han tum nak chuan a lo awm tawh reng reng lo ,lehlam ah tlan chhuah han :tum mah ila mi pahnih bike a chuang tho in car chu an lo veng reng tawh chu niin chutah zet zawng ka mangang ta kher mai.

"enge i duh? " ka hmai chu rawn khawih a tum nawn leh ngata,mahse a kut ka lo vai thla hman.

.

Chupa mit ah tak chuan ka en kar renga ka hawisawn ngam tawh lo hrim hrim,min ru bo dawn emaw ti a ka mangan em em lai chuan a gloves bun lai chu phelh in ka biang chu a rawn khawih  ringawt a, engmah sawi lo in an tlan leh nghal daih anih chu!! 

Ka mak ti lutuk chu ka thu khawng renga,engvanga khatianga awm nge maw anih le? ka biang rawn khawih ringawt kha maw a duh a?  chu aia ka rilru tibuai tu chu ka pa kha tunge anih? 

.

Hlauthawng leh thinphu dep dep chunga ka lo thut ngawih reng lai chuan kawngka inhawng ri in min ti harh zawk mai!!.

"mak i va tih hmel ve....ka hmai ah thil kai a awm em ni?"

" i va rei em em ve...khawiah nge i awm daih a?"a rei em avangin ka thinrim lutuk chuan ka au khum ta vak ringawt a, a hrilh hai hle nge nge.

" Tina....i breakfast tur ka lei mai chauh alawm " ka thil tawn kha hrilh mah ila awmzia a awm dawn chuang lo chu chu thu hran Dylan hian khang ho kha a in tihbuaipui dawn lo hrim hrim.

"school thlen vat ka duh " ka ti vin hlur ta ringawt a mahse ka hlauthawng ru hle thung. 

.

.

Chapter-4

.

Classroom a ka luh rual rual chuan thuthleng ah ka thu nghal hnawk a,ka hlau em avanga ka thinphu ri dawt dawt pawh ala reh hlei thei lo,ka biang khawih pahin thawk ka han la kawk a khapa kut lian zet leh vawt thlur kha ka la hre thei nia mawle.

"Ngatinge hetiang hian ka awm tlat le?" a mit chiah hmu mah ila ka rilru ah ala cham tlat anih chu!! 

"Tina.... " Jade in ka darah a rawn ben chuan ka lo phu zawk lehnghal.

"i va phu nasa em em ve? "

"i tha maw?  chuan Logan pawh? "

"ka that i ring em ni....Logan hi chuan min tibuai ve ngawt mai " a hre har zawk ngawt alawm.

"chuan i then tihna mi? "

" teuh lo....ka hmangaih alawm "

.

" Jade....khang ho nen a intihbuai kha i hlau ve lo mi? "

"tu... Zero leh a thiante kha maw?  teuh lo mai, hmeichhia an khawih ve ngai hleinem " a lo ti sam et lehnghal." mahse i hria em.... hlauh an nei si lova an rapawm ve hrim hrim bakah mak deuh chu maw Zero hi sual hle mahse amah tibuai tak tak tu bak a sawisa ve ngai lo" 

" anih Logan kha... "

"a thianten alawm sawisa, ani te chuan bike a thut pahin alo thlir vel mai mai alawm "

" i hmangaih ber sawisa tu chu i va tan ve... i duh ani maw?" ngeiawm zetin ka han ti leh kher a ,alo ner nasa ngang mai.

"Chutiang lam ani lo.... khami ni pawh khan titawp turin ti lo se chu Logan kha an sawisa hlum tep ang chu....ehh, nanghi Zero pawh chu i va ngaihven ve... "

.

"Teuh lo.... " tih pahin ka iPod chu ka la chhuak nghala khapa mitmu hringa kha ka hrechhuak zawk lehnghal,ka ning lutuk khapa kha theihnghilh hmak ka duh.

"Zanin chu ka rawn riak leh dawn ania "

" Jade....dawt sawi ka peih tawh lo"

" anih chuan rawn kal ve la ani mai alawm "

"maw!! " a ruk tak chuan party na a kal chu ka chak ve reng mahse ka pi hi...

"Zanin chu Logan tello in ani dawn a.... chuan i pa car kan la chhuak anga "

" Jade....i mawl mi?"

" nge Dylan car zawk...? "

" teuh lo...assignment tih tur ka nei chuan i rawn riak dawn anih chuan i bag lian zet kha rawn ak tawh suh ang che anih loh chuan i nu ka hrilh tawh ang "

.

_________________________________________

.

Hla ngaihthlak paha assignment ka lo ziah mawlh mawlh lai chuan ka room kawngka an rawn kik ri leh dawt dawt tawh.Jade ani tih ka hre nghal a chhan chu ka pa leh ka pi chuan kik pahin min ko tel ngei ngei thin.

" Jade... rawn lut mai mai teh " engang pawhin kalh mah ila ka room chahbi a neih avangin a rawn lut leh thei tho ang.

"Tina.... khawiah nge i pa? "

" a rawn la haw lo "

" Lalpa leh!!  pawi lutuk "

"chhuak ru leh tho tur chuan rawn riak tawh suh ka tih che kha "

"Zanin te chu kan thian ho party ania,Logan damdawiina a awm laiin ka sawm ve mai mai che anih hi "

.

" ka ni ka hrilh dawn "

"i hrilh ngam ka ring lo " min rawn nuih suk pahin a bag a kawr chu la chhuak in a ha ta mawlh mawlh mai,henu hi chuan min hre chiang leh lutuk a min hlau thlawt lo.

"anih chuan ka pi ka hrilh dawn "

" dar12 velah hian maw!!" tih pahin ka closet a kawr chu la chhuak in a rawn theh phei a.

"hun kan ngah lo ania....inha vat la i hlau viau anih chuan kan haw hma dawn nia "

"i ruih chuan ka buaipui dawn miah lo che nia " ka kal ve chak tho avang chuan kawr chu la in ka insiam ve nghal sawk sawk a, Jade a hmanhmawh em avang chuan ka duh ang pawhin ka insiam hman meuh lo.

.

A chhuah ruk ziah thinna guest room lam chu pheikhawk khai chung chuan thawm dim thei ang berin kan pan them them a, ka phur ru hle bawk a chhanchu helai hmuna ka awm atang hian party na ah ka kal leh miah loh vang ani.

Jade in tukverh chu a han hawng them them a, kan en thla chiah mai chu ka meng phawt chiang teh e !!

" Lalpa leh!! ava sang em em ve"

" i tawng ring lutuk "

" heta tang hian kan chhuak dawn maw!!  hetiang kawr chhing lutuk nen hian "

"anih chuan i room tukverh atangin va chhuak la"

"engtin nge ka chhuah anga" ka room tukverh te chu hei ai pawh hian a sang zawk.

.

" anih chuan ka tih dan ang chiah chiah hian rawn chhuk ang che"

" awle " ka hreh lutuk chu thawk ka han la kawk a,ka sam ka han tawn tawm leh te te phawt a chhuk ka tum meuh a mahse ka ngam thlawt lo.

" Kawngka atangin ka rawn chhuak mai ang "

" i mawl mi... i pi a rawn harh anga sin "

"harh lo ang" ka huaisenna zawng zawng sawm khawmin thawm dim thei ang berin inhnuai lamah ka chhuk thla ta zal zal a,thawk pawh ka thaw tha ngam tawh lo.Hmui pet fan fan chungin kawngka chu ka han hawng ri rak a, ka rin ai daihin ka thawm a ring mahse ka pi erawh a la rawn harh lo chu ania.

.

Pawn ka chhuah theih meuh chuan Jade in min lo nghak reng tawh chu niin a che rang bik khawp mai.

" i va rei em em ve... "

" kawngka ka hawng ngam lawk lo alawm "

" rawn kal vat rawh i muang lutuk "

" awle... mahse engin nge kan kal dawn? "

" hei hian mawle" ka pi car thlek zeuh pah chuan chahbi hi a rawn lek va va bawk.

" maw!!  nilo.... ke in kal zawk ang ,chahbi kha engtin nge i neih?"

"awlsam lutuk.... lut rawh " tih pahin driver seat ah a thu nghal thak bawk .

"ka pi in vawinah workshop atangin a la chhuak chauh sia min that duh ngei ngei ang "

" a hre dawn chuang hleinem... " car engine chu a han ti nung hlat hlat a,men pual ralh pahin ka lut ve nghal mai bawka.

.

Party na hmun kan thlen chuan ka pheikhawk sang zet chu ka bun nghal sawk sawk a,a nawm hmel phian lehnghal.

"haw har lo ang aw "

"Tina.... chutiang an sawi ngai lo " nuih suk pahin min kalsan nghal daih anih chu!! hetiang hi a thlen ka ring rengah.

" Jade.... Jade... " music a rin mai bakah a thim em avangin ka hmu zo tawh lo.Hmel hriat nei lo mah ila ka kal ta sa sa nuam deuhin ka hmang tur ani .Vodka no dawm pah in mi lamna karah chuan ka va inzep ve naw naw a,tuman min hre lo bawka tih rilru pu ran chungin kan han lam tak tak mai chu a nuam teh e.

*

*

Reilote chauh kan awm emaw ka tih laiin dar3 alo ri der tawh chu niin.

" Lalpa leh!!  khawiah nge Jade ?" rui buai khawpin ka in in hman lo hlauh chu ka lawm ngei mai,thim hle mahse Jade ka zawn hmuh ngei ngei angai.A tawp a tawpah reife ka zawn hnuin swimming pool bulah ka va hmu ta hlawl mai, mahse a awmpuipa saw tunge? 

An lo infawh laklawh lai chuan Jade chu ka va pawt hrang nghal dawrh a,a lo rui hle tawh chu niin.

" inti harh rawh.... kan haw ngei ngei angai " tih pahin a hmai ah chuan ka han beng thek thek a,a harh thei bawk si lo .

.

.

" A chatthla tawh anih kha " chupa chu ka melh nghal hraw a,Jade alo fawh ve ringawt avang chuan ka thin a rim takzet.

" tho rawh... haw ang "kuah ka han tum na in a zawi vek avangin kaih thawh chu sawi loh, ka pawt che eih lo.

"khawi car thleng ka lo pawm ang "

" rawn khawih hlek suh...."

"anih chuan tikhan a rawn harh hun nghak mai rawh " kal daih a tum ta mai,keimah chauh chuan ka zo lo tih ka hre ve kar,a rawn harh hun ka nghah chuan khua a var mai dawn bawk si, chuta karah ka pi car kan hmang lehnghal hreh tak chung chuan ,"ka en reng dawn che ania " ka lo ti vin hluk ta ringawt a, ka hmel hriat ngai nilo mahse duhthlan tur dang ka nei miau lo.

.

" min ring rawh... Jade hi a thu lo chuan ka khawih hauh lo ang " Lalpa leh!! a hmingin a koh takah chuan Jade thian emaw hmelhriat hnaivai tak anih ka rin avang chuan ka thaw huai mai,mahse nel angin ka awm duh hauh lo thung.

Chupa chuan car thleng chu min pawm phei sak ta ringawt a, mahse buaina ka nei leh ta tlat mai!!  driving license ka la nei lo.

"Jade nen hian engtin nge in in hriat? " ka han ti leh te te phawt a,a puihna han dil nghal ringawt chu ka hreh ve deuh.

" umm....Party na atangin "

"zanin atangin maw? " ka han ti leh ngata, a nuih a za ngei mai.

.

" nilo e.... kum kalta atang tawh khan, tunge maw i nih le? "

" anih chuan kha...khalh rawh" chahbi theh phei pahin,seat hnungah ka thu nghal thak a ,Jade lu chu ka mal chungah ka nghah tir nghal bawk. Engmah sawi lo in chupa pawh chuan a khalh ve nghal mai bawka, ti lang duh lo mah ila ka ring ru hle thung, hmelhriat dang ka neih loh vang te pawh ani mahna.

.

.

Chapter-5

.

A khat tawkin Jade chu ka han sawi leh nawk nawk thin a, harh chu khawilam a hnar lo chauh.

" khawngaihin i khalh chak deuh thei angem"

" tehreng mai " tih pahin a speed a han san vak mai a ka sawi hma kha ka ngai vawng vawng.Zing lam anih tawh vang te pawh ania nge motor tlan pawh a tlem sawt riau in ka hria, a rukin motor rawn tlan ho reng reng chu ka lo thlithlai ran a, ka mut chuak hle mahse ka maimichhing ngam lo hrim hrim. A khat tawkin ka phone chu ka han hmet eng leh zeuh thin a ka duh aiin sana a kal chak riau.

.

Kawng peng kan thlen phei meuh chuan thawm hriat tur a awm tawh meuh lo ,hawi kual hruk hruk pah chuan

"vei lamah aw" ka han ti sap a, a lo bu nghat bawk.

Rei pawh kan tlan hma chuan thawkleh khatah car hnunglam glass chu an rawn vaw keh ta chuaih mai!! te thawt pahin ka kun nghal vata,bike ri vung vung ri ka hre zui zat bawk.Chupa chuan car pawh chu a ti ding nghal chawt a, engthil chiah nge thleng thlithlai tur pawhin ka hawi chhuak ngam tawh lo .A nghet thei ang berin Jade chu ka kuah bet tlat a ka mittui a tling nghal pum mai.

.

Kan car khalh tupa chu tuemaw hian a rawn tham chhuak ta pawp mai!! ka hlauh em avang chuan tute nge an nih tih pawh en ngam lo in ka beng ka hup ta ringawt a,thawk pawh ka thaw tha ngam tawh lo.

" Jade... harh teh " ko ring ngam chiah si lo in a beng bulah chuan ka zuk ti leh sap thin a, awmzia a awm der mai bawk si lo.

Car a rawn rik leh dawt thin avang chuan ka huaisenna zawng zawng sawmkhawm in ka han dak chhuak dek dek a, mipa rual hian chupa chu an lo sawisa reng chu niin ,thisen chhuak nasa hle mahse ka chhan ngam der mai bawk si lo,mittui tla zawih zawih chungin ka au chhuah loh nan tiin ka kâ ka hup hram hram a, an hnek apianga lo phut zawk zawk mai loh chu tihtheih ka nei der bawk si lo .

.

Chutia hriat chhuah hlau taka ka lo inhup ve tang tang lai chuan an zinga pakhat nen chuan kan mit a intawng fuh ta chat mai!!! min rawn hmuh avanga hlauh chu sawi loh a chet hian ka che thei tawh lo hrim hrim. Chupa mitmeng hring kak mai chuan khap miah lo in min rawn en ta ran mai, khawvel hi a reh nghal duk in ka hria ,midang au in bengchhang hle mahse a mit a la san eih lo.

"Lalpa min pui hram teh " tiin ka tawngtai nghal mawlh mawlh a, chu bak tihtheih ka nei lo.

Ka chil ka han lem leh dak thin a,ka tha a khur der der bawk.Zawhna ni ta chu engvanga min ti buai nge an nih?

.

Ka hlauthawng in ka mangang hle tih a hre ve te pawh ani mahna ,helmet khum pahin bike ah chuan a chuang nghal daih a,an zinga mi pakhat thil a hrilh zeuh hnu chuan midang ho chu bike ah an chuang nghal sap sap hlawm a,rei pawh an awm lo tih in pakhat tih loh chu an tlan bo ta diak hlawm a. Chupa ka la kal ve lo, la chambang pa chuan min rawn nuih suk pahin car ah a rawn lut ta mai!!

" tu... tunge i nih? eng nge i duh?"

"thlah haw tu tur cheu mawle " tih pahin car engine chu a tinung ta hlat hlat a.

"engvangin nge min rawn tihbuai? khawiah nge khapa kha a awm? " ka rilru ah zawhna chi hrang hrang chu a rawn lang nghal zut zut a,a chhanna erawh hepa chiah hian a hria.

.

"khapa kha maw? " ngeiawm zeta min rawn nuih pahin car chu a khalh chhuak ta a, khapa kha engtin nge a awm tih en tumin ka hawi let leh nghat a kawng sirah engmah hre lo in an lo hnutchhiah chu niin.

" Lalpa leh!! damdawiin panpui vat angai asin "

" lungngai suh a thi lo ang....vawi thum vel bak kut a tuar lo "

" maw? engmah a hriat loh saw ,in that tep alawm"

"nula,... i va tawng hnem em em ve " chutiang anga min rawn tih takah chuan chhang let ila kut min thlak hreh dawn lo tih ka hriat ran avangin ka ngawi ta zawka.

.

Khawi hmun emaw ah min hruai daih ka lo rin mek lai chuan kan in kan thleng ta hlawl mai!! mak ti tak chung chuan car atangin ka chhuak nghal vata,chupa chu biak ka han tum zet na in heng mite hi nel loh a that zawk ka rin avangin ka be duh ta lo.

"Khami te kha tute nge? " Jade chu car atangin pawr zet hian a rawn chhuaka

"i lo harh daih tawh maw? "

" aw... tinge? "

" Jade....ka hlauhthawn zia kha i hre ve miah lo em ni ? chuan nang i lo chatthla der char char amaw?"

"ehe... i pi car hi engtin nge kan tih ang " Jade chungah ka lungawi loh em avang chuan inchhungah ka luh san daih a, ka thin a rim takzet bawk.

.

Room ah ka lut chiah tiin Jade pawh chu ka khumah a rawn bawk nghal thlawp a en pawh ka en peih lo.

"a tirah chuan ka chatthla ve tho alawm.. "

" mahse min phatsan alawm... bakah khapa kha tunge?"

"Ryan anih kha Zero hmelma hlun F gang ami "

" anih chuan ....khapa vang khan maw min rawn umzui a ,khang ....khang gangster ho khan... chuan nang ilo chatthla der bawka ,ka awih thei lo.

"Tina hriatthiam tum teh.... rawn harh pawh ni ila engmah ka ti thei chuang hleinem"

"anih chuan ka pi car khu engtin nge kan sawi tak anga ?"

" naa... Ryan vang vek "

.

Chutia Jade nen kan lo inhauh buai mek lai chuan ka pi a rawn lut ta thut mai!!

" Valentina... khatiang kawr nen khan khawiah nge i kal ?" ka pi in min man chhuak mahse ka thaw huai mai, a chhanchu a car ka ti chhia tih ala hrelo tlat a chhan chu hre tawh chu nise a car chungchang min zawt hmasa daih zawk ang ".

" ughh...ka pi " engmah ka sawi hma chuan inhnuai lam atangin thawm lian zet mai a rawn ri ta bur mai!!  A rin em avangin kan vai mai chuan kan te nghal thawt a,engthil nge thleng tih hriat tum in rang lutuk in tukverh ah kan dak nghal thap bawk.

" awi.... ka car!! " ka pi car tuemaw in a su tih ka hmuh chuan mak ka tih rual rual in ka lawm.

" ka car.... awi ka car " tih pahin ka pi chu inhnuai lamah a tlan thla nghal luah luah a ,Jade nen erawh ka inen a kan in nuih suk thung.

.

Thil thlen dan hi a mak takzet ruahman lawk te pawh a ang zawk,car su tu lah chu chhuizui theih loh in a tlan bo daih lehnghal a, mahse a hmel erawh chiang takin ka hmu thung, tunah chuan ka pi pawhin kan tihchhiat ani tih a hre tawh hauh lo ang le.

"Tina.... kan him ta "ka pi car an rawn sut chhiat avang chuan kan inkai a kan han zuang leh rih thin, ka rilru hahna te pawh a bo nghal duak in ka hria.

" lawk... Jade ,Ryan kha "

" ngatinge Ryan chu.... "

"kawngsirah an hnutchhiah alawm "

"maw? "

" inthlak ila va kal vat ang.... "

" i mawl mi? Zero bak an ringhlel leh chuang lo ang, police in an man anga a tha daih zawk " a tih chuan ngaihtha lo zetin ka lo bu nghat a.

.

Breakfast kan ei laklawh lai te chuan Jade muthlu tur chu ka va tlawh harh leh zeuh thin a,ka pa in min man chhuak ang tih ka hlau takzet.

" pa... ka pi chuan FIR a thehlut ta mi? "

"umm.... kan zawn chhuah vat ka beisei "

" zawnchhuah a awlsam viau em mi? "

"a harsa vak lo.... in pahnih hian police station ah in rawn kal angai ang "

" maw!!  police station a! " Jade nen chuan hlauhthawn hmel takin kan in melh nghal kawk a.

" thu hre tu ah in tan angai alawm.... ei vat vat ula ka rualin in kal nghal dawn nia "

" mahse... "

" in thil hmuh ang kha sawi ula ni mai "

.

.

Huphurh takin chungin police station lam panin ka pa chu kan zui phei chhat chhat a,a ruk tak chuan ka hlauthawng hle.

"Tina... khatiang khan awm suh, car pakhat in tuemaw in a rawn su ti ila a tawk mai "

" mahse... khang ho kha chiang takin ka hmu bawk sia lawm chuan ka pi car su tu hmel pawh"

" ho lutuk ....tunah chuan i pi car in a sut chungchang bak min zawt dawn chuang lo.... "

" awle.... lo va lut rawh minute2 hnu velah ka rawn lut ang "

" rei suh ang che " tih pahin Jade chuan ka pa chu a zui lut nghal hlawk hlawk a, kei erawh thawk ka lak kawk kawk phawt loh chuan ka ziaawm thei lo.

.

"engmah ka hmu lo " tih sup pahin  ka han thaw chhuak hak a, confi zetin inhum ruh teuh chungin police station ah chuan ka lut ta zal zal a,police ho an an lo thut thap avang chuan ka zam leh hnuhnawh.

" Tina... helamah" Jade in min rawn koh na lama hawi ka tum lai tak chuan mipa pakhat sang zet mai leather jacket ha chu ka su ta chawrh mai.

" ka tihpalh " tih pahin kan hawi chho chiah mai chu ka mengphawk chiang teh e!! 

.

.

Chapter-6

.

" nanghi " ka tih chuan ka mit ah tak min rawn en leh kar tawh,ngatinge maw he mitmeng hian min tih zam tlat le,ka hawi sawn hlei thei lo ani ber.

"Tina.... rawn kal vat rawh " Jade in min lo koh ve chhen avang chuan ka lu thing nawk nawk pahin ka kal nghal daih a,

" i va rei em em ve "

" sawpa saw.... " ka hawi let leh nak chuan alo awm tawh hauh lo.

" tumaw? "

" khapa kha"

" i hmusual mai mai aniang.... " ngaihtha lo zet chungin chair ah chuan ka thu ta ringawt a, khapa kha a inti bo thei amawn le? 

.

"cctv a a lan dan chuan nizan ah i pi car in la chhuak tiraw....? " ka pa in file keu mawlh mawlh pah in a rawn ti ta mai!!  Jade nen chuan kan in melh nghal kawk a,tunah chuan dawt sawi theih ani ta lo.

"ummm.... aih " Jade chuan alo ti nghal vata chu chuan min ti hlauthawng zual mahse engmah sawi erawh ka tum hauh lo thung.

"

" ka zawt nawn leh ang che u.... nizanah i pi car in la chhuak a, kan in peng cctv awmloh na laiah engthil emaw a thleng tih ka hria ....chuan i pi car tukin zingah mi pakhat in a rawn su tih pawh ka hria mahse khami hma khan a hnunglam glass a keh daih tawh " ka pa chuan dawhkan ben thuai pahin thinrim tih hriat takin min rawn melh khai a, hetiang em em hian ka chungah ka pa ala thinrim ngai lo.

.

" Pa Brad.... engmah kan hrelo a chhanchu Ryan an car a khalh daih alawm "

" Jade... anih chuan Ryan chu kan va zawt dawn mi niang...engkim min hrilh vek angai a chhanchu tunah hian Ryan hi nikhaw hrelo in a awm mek a a thi anih vaih chuan tual thattu ah puh in ni ang "

" maw!!  " chutah zet zawng ka hlauthawng ta kher mai bakah engmah tihsual kan nei hleinem eng nge zep reng hi a tulna awm.

"pa ka rin dan chuan Ze... " Jade in ka malpui ah tak min rawn sih hlawk avang chuan ka lo phu zawk a, sawi lo turin min rawn mitmei zeuh bawk.

" pa Brad....kan tisual der ani kan lo chatthla ve ve bawk nen.... kan puih theih loh che avangin pawi ka ti takzet " ka pa chuan ka sawi chhuah vek ringin beisei nei takin min rawn melh khai a mahse ka lo kun vat thung.

.

" hun ka pe ang che u....uluk takin lo inngaihtuah nawn leh ula a lehpek ah chuan... " min rawn melh kher pah chuan ,"engkim in hriat tawh ngei ka beisei.... kal rawh u " ka pa chu thawk lak hak pahin chair ah chuan a thu hnak a, a hah hmel leh chau hmel ka hmuh hian ka inthiam lo takzet.

Ngawi rengin Jade chuan min kuah chhuak nghal hlawk hlawk a, engkim ka sawi hma a min lo dan avang khan ka lungawi lo takzet ,a kut thing thlak nawk pah chuan, " ngatinge min lo dan a...eng nge tihsual kan neih, khang ho thil tih kha kan zeppui tlat ang maw!!  ka awih thei lo...kan hmelhriat pawh an nih loh kha "

.

" Valentina.... "

" Eng nge? " ka lo ti vin nghal hlur a,kan inhnial tan leh ringawt dawn.

"i mawl mi nge i hrethiam duh lo der zawk.... Zero hming i sawi lan khan engtin nge an tih ang che i hria em? "

" ka hlau hleinem"

" Ryan pawh khatiang khan an khawih thei anih chuan nang phei chu... "

" kan ngawi reng anga chuan an ni ho kha zalen takin an awm kual vel mai mai ang maw? "

" chu chu ka sawi tum ani lo... Zero hian misual lo chu a tibuai ngai lo chuan nangpawh misual i ni tihna anih chu... a hming i sawi lan chuan "

"i sawi tum pawh ka hrethiam nek love... vawin chu taxi emaw metro emaw in  school kal mai ang "

.

" Ehe... " thil hrechhuak niawm tak chuan a rawn ti a

"vawin chu lo va kal mai rawh... damdawiin ah ka kal ngei ngei angai "

" Logan bawk maw.... "

" ka kal nghal dawn ....school ah kan in hmu dawn nia... " min bye bye lauh lauh pahin taxi ah a lut nghal daih a a awmlo chu a reh nghal vek in ka hria.

" min kalsan leh daih kha ka ring rengah.... " tih sap pahin taxi ka phar dinga school lam panin a tlan nghal vang vang bawk.

.

Ka tih thin dan ang bawkin hla ngaithlak pah chuan ka lo maimichhing diar diar a, nizanah ka mu lo bawk nen ka mut a chhuak takzet.

Ka muhil dawn tep tihin taxi chu a ding ta thut mai!! a rin em avangin ka harh nghal kawk bawk.Taxi atanga hla vak lo ah bike rual lo in rem thap ka hmuh chuan thil thleng chu hrilhfiah nawn ngai lo in ka hrechiang kher mai.

"ka pu tlan let leh mai rawh "

" ka thei lo.... min dang chep vek tawh " rang lutuk in ka hawi let vata, chiang takin kha mit hringa kha ka va hmu thut mai chu!! hlauh avanga ka thinphu in thum rawn dup dup te chu ka hre thei hial.Heng ho hian engvanga min tibuai reng nge maw an nih le, engmah hi ka hrethiam lo.

.

"nula.... chhuk mai rawh "

" maw? " driver chu ka melh nghal kawk a,keimah chauha min kalsan duhna rilru a neih avang ringawt pawh hian ka hmu hniam nghal vek.

" a chhanchu chhuk tir tur che in min ti alawm.... en ta che"

" teuh lo.... ka chhuk dawn lo hrim hrim " ka thut tlat avang chuan an zinga pakhat chuan baseball bat pu chung hian min rawn pan ta mai!! 

"nula... pawi ka ti lutuk chhuk mai rawh, ka taxi hi an vuak chhiat hma hian chhuk mai rawh "

"sawng ho saw ka hmelhriat an ni bik hleinem.... "

" khawngaihin..... hei lo hi chu eizawnna dang ka nei lo ania"

.

Ka rilru a buai ta map mai, ka chhuk ngam bawk si lo keimah vangin midangin an tawrh ka phal bawk hek lo.Ka lo ngawih vung vung lai chuan driver chu a chhuk sawk sawk a ,kawngka chu a rawn hawng ta thut mai!! 

"min hrethiam rawh " tih pahin min kai chhuak nghal dawr dawr a, keilah ka lo tang ve tlat bawk nen kan insual lo chauh.

A tawp a tawp ah min pawt chhuak thei hram , taxi ah lut leh in min tlansan nghal vang vang anih chu!! kawng an lo kian ve mai bawk si a mak ka ti takzet.

.

Kawng laiah tak tanpui tu nei lo in ka ding ta ran mai le, thawkleh khatah ka hnung lam atangin ka bag ah lai chu an rawn pawt thla thut a ,kha mit hringa kha an pe nghal vat bawk.

"eng nge in duh? " hlauh ngaihna pawh ka hrelo chu mai bakah engtinmah min ti dawn lo ni a hriatna ka nei tlat peka a hun lo teh e.

" nangmah mawle.... " tih pahin mit hringa chuan ka bag khai chung chuan min rawn pan hnai ta mai !! ka lo tawlh hnung nghal hrut a, hlau lo ang deuhin ka awm lui tlat bawk.

.

" Zero...hmeichhia chu tibuai lo ang u,a purse kha la la kal ang u" an zinga upat hmel ber leh boss hmel ber in a rawn tih chuan mak ti takin chungin ka lo meng phawk nghal kawk thung.

Hepa la naupang hmel zet hi khawtlang leh Police te ti mangang tu Zero chu maw lo ni a !! kan rin sual loh chuan kum25 emaw 26 vel chauh ala ni ang.Ka lo rin dan kha chuan kum upa vak lo anih ka lo ring thin a mahse hetiang em em a naupang anih erawh ka ring ngai lo thung.

Police station ah khan Zero hming lo sawi pawh ni ila ka sawisual miah lo tihna anih dawn kha.

.

He mit hringa oh!!  Zero hi chimawm hle mahse  mite sawi hat khawpa hmeltha anih phak ka ring tlat ani , a mit hring kak chu sawiloh a khabe ruh leh a hnar invuah dan vel te hi duhthusam ava ni chiang em.Amah a sang em em a alo berah fit ruk chu a pel zan zan ang ,a sam tih phir dan te leh a taksa inphut mawi tawk tak te ,a dar pharh tak te hian a ti chhelo lehzual.

" ka hmeltha viau em ni? " ka lo en reng avang chuan min rawn nuih suk a,a  cigratte zuk lai chu paih in a rap hlum nghal bawk.

.

"min kalsan rawh u.... "ka bag chu ka ban nghal zuau a mahse sang takah a lo khai hman.

" i bag chu i va duh awm ve.... enge awma ?" tih pahin a hawng a, ka ID a rawn khai chhuak va va bawk

"Eng nge in duh.... min kalsan rawh u " ka han ti leh a, ka thusawi ve lek lek te hi chuan awmzia an neih loh hmel takzet.Ka ID en vung vung pah chuan ka bag chu leiah a thlak thla chawrh a,ka lo chhar nghal vat bawk.

" Valentina Gracia.... " ngeiawm zeta min rawn en pah chuan a ak a, kal nghal daih a tum anih chu!!

.

.

"ka ID kha min pe rawh "

 rawn hawi let pah chuan ka biang a rawn khawih ringawt a ka lo paihthla rang ngei mai.Min nuih suk pah chuan kal lehnghal daih a tum a mahse ka ngaihdan ani ta hauh lo.

" Police bulah Ryan sawisa tu chu nangni ho hi in nih tih ka sawi vek dawn... Jail a tang turin lo inbuaisaih ang che " ka ti chiah mai chu a ri nghal huk thei,ka lo sawi kher kher a ka inchhir leh hnuhnawh,min rawn khawih mai ka hlauh avang chuan ka tawlh hnung nghal hrut a, a tu mai pawh chuan min sawisa duh hmel an pu,hlauin khur hlawk hlawk mah ila tih lan ka tum hauh lo thung a chhanchu heng misual hma ah hian ka zam bik tur ani lo tiin ka infuih char char bawk.

.

" Zero.... Ryan ang khan ngawih tir ve hmak mai rawh " pakhat in a rawn tih chuan an nui nghal dur dur a,ka hmelhriat chu sawiloh misual rualin min hual meuh chuan thawk pawh ka thaw tha thei tawh lo. An nuih ham ham lai in Zero an kut dinglam a han phar meuh chuan vawileh khataha reh nghal duk mai!! An zing boss hmel ber ka tih kha a mitmei zeuh a, reilo te ah an tlan darh nghal sung sung bawk, mahse ka awm ala nuam thei chuang lo a chhanchu Zero ala awm tlat.

"school thleng ka thlah ang che " helmet khum pahin bike ah a chuang nghal thak a ,ka hrelo der tlat thung.

.

.

Chapter-7

.

Ka hriat loh der tlat avang chuan bike engine tih nung pahin a horn a rawn hmet ri leh kher anih chu!! melh rawm rawm pah chuan,"hremhmun ah kal rawh " ngeiawm zetin ka lo ti ve kher a, ka kutzung lai ka hmuh zui zat bawk.

" awle.... " min rawn nuih suk pahin a rawn tlan phei ta fua mai,ka tlan chhe hman tawh lo, ka inring hman lo bawk nen ka bag vawrh lawp pahin ka tlu ta thuai mai!! 

A nat em avang chuan ka tho thei mai lo lehnghal.Khapa lah kha min puih a hnekin a tlan liam daih tawh lehnghal polite lo lutuk mai ,ka hmuh leh hunah chuan avan chak dawn lo tak em... nilo, hmuh leh pawh ka duh tawh lo.

.

"avan sual tak... " phun bul bul pah chuan ka tho tuih tuih a,ka lu ala hai deuh chhu mai.

"ka bag a balh phah vek alawm " ka bag kawng sira lo let tap chu chhar pahin ka beng fai nghal mawlh mawlh a, ka mawng ka sawh na deuh bawk nen ka kun zawng ringawt pawh hian a na.

Ka thinrim lutuk hi ka sen vek tawh in ka hria,ka thin ti rim zual em em tu chu engmah tihsual nei lo min tibuai hi ani.

Reilo teah taxi rawn tlan chu phar dingin ka chuang nghal vata,kan thu chiah mai chu ka zia nghal sawng sawng in ka hria,a leh pekah chuan taxi in school ka kal tawh hauh lo ang.

.

Bai deuh suih suih pahin class ah ka lut chhat chhat a,vanneihthlak lutuk in ka tlai lo hlauh.

"Tina...i va rawn thleng har ve, engthil nge thleng a, i ke kha ngatinge? "Jade chuan min lo buaipui nghal zung zung a mahse ka thin zu han ti rim zual tlat peka.

" nangmah vang a nih hi, ka rual in kal ve mai tur ania ...."

"ngatinge khatiang khan min vin vak kher.... "

"ee... Jade enteh.... "tih sap pahin midang hriat hlau tak si chuan ka han kun deuh a.

" Eng nge? " .

" Zero ka hmu asin.... " mak tih hmel zet hian min rawn melh nghal kawk a, min eng vung vung pah chuan a rawn nui chhuak ta thut mai.

.

" hey.... eng nge i hriat a? "

"haha... Zero... i hmu maw! "

" aw... ka chuanna taxi a lo ti dinga.... "

" haha.... chutiang chu Zero an a ti amaw? " tih pahin an nui tak tak mai chu, midang ho pawhin mak an tih hmel takzet.

" Jade.....ka fiamthu lo ania "

" ka awih thei lo.... Tina harh teh mumang anih loh hi, i duh duh sawi suh miin an lo hre riau riau ange? "ngatinge min nuih vak vak kher le?  nge ka sawi awihawm lo viau zawk.

" Engmah ka hrilh tawh dawn lo che " ka tih takah chuan a han insum ve deuh a.

"sawi zel rawh..... ".

.

"chuan ka ID min laksak daih alawm "

" maw?!!  hahaha..... " mit tui tla phung in min nuih thei nia mawle,tunah phei chuan thinrim ai mah chuan mak ka ti tawh zawk, thudik ka sawi pawhin min ring dawn chuang lo chuvang chuan thupbo pui mai mai teh ang.

" Thil awihawm deuh te hi sawi ve teh.... Zero hian hmeichhia chutiang chuan a ti ngai lo "

" anih chuan amah chu i va hrechiang awm ve... "

"Sacramento ah hian kum19 ka awm tawh a Zero an hmeichhia a tihbuai thawm kan hre ngai lo,them te pawh.... bakah an sawi dan phei chuan an thian ho zingah hian hmeichhia an leng ve lo.... "

.

Jade in chutiang chuan sawi mahse ka ring ve lo, a tawng tu ka ni a midang in min ring lo mahse pawi ka ti lo keiman ka hriat chuan a tawk.

" zanin hi tiraw Dylan chhungte nen a dinner in kil ho hun tur kha " a tih chuan ka sana chu ka zuk melh nghal zeuh a.

" aw.... ehee eng thawmhnaw nge ka hak ang bakah zanin chu hahchawlh ka duh asin le"

"i duh duh kha ha teh... saw kan mi hausa-a pawh kan sawi chhuah leh tak tawh saw "

Dylan chu ka bulah a rawn thu thak a, nuih sang pahin Jade chu ka mitmei zeuh bawk alo hrethiam rang kher mai, men pual ral pahin, " kan kal tawh mai ange " tih leh tlar hnung lama insawn a kual nghal zat bawk.

.

"hey"

"vawin chu i va kal hma ve.... ngatinge i bag chu ava bal ve.... "

" nia... haha, ka thlauh palh alawm mawle "

" zanin kha i theihnghilh lo ang tiraw? "

" teuh lo mai, hetiang thil liamtham lutuk te engtin nge ka theihnghilh theih anga "

" ni ve tho mai.... zam miah suh aw i bulah ka awm reng dawn ania"

"ka lawm e... "

"dar 7 ah rawn lam tu tur che car ka rawn tir ang "

" awle.... "tih pahin ka nui tawi tap mai.

.

_________________________________________

.

*6:15 pm*

.

Nizan avanga ka dark circle rawn lang kuau chu darthlalanga en  vang vang pah chuan ka han thaw chhuak hak a

"Valentina i hman dawn tawh em car in min nghak reng tawh ania? " ka pi lah chuan ralkhat atangin min rawn ko chhen tawh mai bawk si, sana ka han en leh a kan kal chhung nen kan tlai lek lek tawh lehnghal.Lungsi lo tak chungin darthlalang ah chuan kan han in thlek leh zeuh a

"Dylan chhungten min duh theih nan theihtawp ka chhuah ngei tur ani " ka room atangin ka chhuak ve thei ta hram a.

.

Inhnuai ka thlen thlak meuh chuan ka pi in min lo melh leh khai tawh,

" i va rei em em ve.... Pu Thompson te chhungkua hi mi mai mai an ni hleinem....keini ang dinner min kilpui duh te chu lawm hle tur kan ni zawk asin "

"kan kal dawn mi niang "a phun rei hma in ka pa chuan a lo ti nghal vata ka lawm teh e.

" i pa lah hi.... tun ang hunah te chuan suit hak ve tur ania.... kamis nen ringawt a kal te chu zah pawh a zahawm loh "

" ka nu hei kan tlai mai dawn "

" awle... awle kal vat ang u" phun mawlh mawlh pahin a chhuak nghal luah luah a.

.

Nuih ver ver pahin ka pa necktie chu ka han siam that saka.

" pa i chhelo lutuk ania "

"suit te chu i pasal neih ni ah te chuan ka ha ve tawh mahna " kan pahnih chuan kan han nui dun leh rih a,hmana ka pa fiamthu duh deuh thin kha a rawn let leh tawh a ka lawm takzet.

" kal ang le " ka pa ban kuah pah chuan kan chhuak dun hnak hnak a, Dylan te car rawh tirh ah chuan ka luh nghal thak bawk, ka pa erawh tlawm thlak a ti deuh te pawh ani mahna a car a kal mai chu a thlang ta zawka ,chu chuan min ti hlim takzet a chhanchu ka pa hi mi hausak na uma leu kual mai mai mi anih loh zia ka hriat vang ani.

.

Thui fe kan tlan hnu chuan bike rual hian min rawn tlan pel sup sup a,ka mitthla ah Zero hmel a rawn lang nghal zawk bawk .

" hengho awmngaihna hre lo lutuk hi chuan kan khawtlang hi chu an ti him lo ve ngawt mai " ka pi in enge maw tal a sawi ka ring rengah.

"Dylan i tawng fuh hi chu i vannei ngawt mai tiang ang mipa tha lutuk hausa bawk si leh chhungkaw mumal tak nei hi i hmu leh tawh lo ang chuvang chuan fel takin awm ang che... hre reng rawh " ka pi hian engtianga awm turin nge min duh le?  a thu ka awih em em a, Dylan nu leh pa te pawhin min hmuh an duh bawka chu chu ka fel vang ani mai dawn lawm ni?

.

.

Dylan nu leh pa te nen chuan kan in hawi tawn ta ran mai!!  ka zam lutuk hi hawi pawh ka hawi chhuak ngam tawh lo, zawhna min zawh leh tha takin ka chhang leh ringawt a, ka pi erawh a tawng hnem leh lutuk a an duh ang an sawi ve theih pawh ka ringlo.

"anih chuan inhualna lampang te hi " Dylan pa in a rawn ti chiah mai chu ka meng phawk chiang teh e!! Rang lutuk in Dylan chu ka melh nghal kawk a, ani erawh in alo hre lawk vek tawh tih ka hre nghal.

" pu Brad... eng nge i ngaih ve dan? "

"keichuan ka fanu ti hlimtu apiang chu ka pawm vek e " ka pa chhan dan chuan ka hnuk a ti ulh tun mai,min lo la ngaihtuah hle tih ka hriat hian ka tah zu han chhuak tlat peka.

.

Kum naupang te mah ni ila inhualna chungchang an sawi ta mai hi a mak hran lo a chhanchu Dylan te chhungkaw dan ani miau alawm, kan inhual avang khan kan innei nghal dawn tihna ani lo a, Thompson chhungkaw ta ka ni tih entirna mai chauh ala ni.

Dylan nen hian la inkawp rei lo viau mah ila, ani hi ka duh a chuan kan inhual dawn avang hian ka hlim takzet bawk.

"Valentina pawh hmeichhe fel tak ani a kan chhungkaw mo atan ani tluk an awm dawn chuang em ni? "

"keini deuh hi sin lawm.... Dylan te ang mipa fel leh lehkha thiam hi kan fanu hian a phu lo zawk ngawt alawm "ka pi chuan alo ti nghal zat bawk.

.

Inhualna chungchang leh eng eng emaw an sawi ho vel chu ngawi rengin ngun takin ka lo ngaithla ran a,a chang chuan ka zak lutuk hi ka lo sen leh tawn tawn zel. A khat tawkin Dylan nen chuan kan han inmelh leh zeuh thin a, ani pawh a hlim ngang aniang a khi thaw reng mai.

Chutia tui ti taka ka ei mawlh mawlh lai chuan kan awmna atanga hla vak lo ah Zero ka va hmu ta thut mai!! min rawn la nuih suk zui, ka thil ei lai ka hak lo chauh.

Hepa hian hetah eng nge a rawn tih?  nilo hetah hian dinner an ei ve zawk aniang?  mahse engvangin nge min rawn nuih a, min la hria te hi ani lo maw?

.

.

Chapter-8

.

Hmanhmawh lutuk in midang in an hmu ve nge hmu ve lo tih chu ka enkual nghal vata, vanneih thlak lutuk in an hmu lo hlauh ,a bik takin ka pa in a hmuh ka hlau zual, diktak chuan an hmuh ka duh loh em em nachhan chu he hun pawimawh tak hi rawn ti chhe lo se ka duh vang ani .

"Tina.... i va hawi nasa ve " Dylan an a rawn tih chuan eng nge ka lo ngaihtuah pawh ka hrelo ka lo phu zuk ringawt.

"eng nge? " tih pah chuan a han hawikual vela, Zero hmel a hriat loh vang te pawh ani mahna ka lam chu a rawn hawi lehnghal vata.

"i hak ange? "a tih chuan ka lo bu nghat ringawt.

.

Ka thil ei pawh a tui tawh lo Zero an min rawn tihbuai leh ka hlauh em avang chuan ka thu hle hle thei tawh lo.Va melh loh hram hram ka tum pawhin a thutna atangin a tho nge tho lo tih chu ka thlithlai reng tho.

" Valentina.... khatiang khan kun ngur suh " ka hriat tawk lekin ka pi chuan a rawn ti sap a, ka kun ngur tih pawh ka lo inhre tawh lo reng reng. Ngatinge maw ka hlauhthawn em em le?  hetiang hian awmtur ka nilo asin.

'engthil mah a thleng dawn lo ' tiin keimah leh keimah ka inhrilh mawlh mawlh a, hlauhthawn avangin ka thlan a tla phung tawh lehnghal.

.

Ka ziaawm ve tan dawn chiah tih chuan ka va melh leh zeuh a,a thutna ngaiah ala thu hlauh mahse wine ah engthil emaw a pawlh lai chiang takin ka va hmu ta thut mai!!!  damdawi em ni a pawlh nge túr zawk ? chu aia chanchin chhe zawk chu... chu glass ngei mai chu waiter in kan dawhkan ah a rawn chhawp lehnghal !! 

Lalpa leh!!  engtin nge ka tih tak ang, wine ah thil an pawlh ani tih hrilh ta ila an awih kher angem? anih loh vek pawhin ka pa hi hrilh ta ila... nilo, he hun pawimawh lutuk hi khangho kha ka tihbuai tir tur ani lo.

.

Thil a pawlhna wine glass ka lo melh vung vung lai chuan ka pi in a la ta chat mai le. Reilote chhungin ka rilru a kal thui hman takzet, 

" ka pi.... " ka awki ka san em avang chuan an vai mai chuan min rawn en nghal thap a, ka pi erawh in min lo khak nghal vat thung.

"hei chu in suh....thil dang in zawk rawh" a mawi leh mawi loh pawh ka ngaihtuah hman tawh lo, wine glass laksak pahin wine dahvawhna vur ah chuan ka leih lut pawrh a, tunah chuan tuman an in  tawh hauh lo ang....  thawk chhuah hak pah chuan ka nui deuh suk a, midang erawhin ka chet dan avang chuan khabe tla tep in min lo en thap lehnghal !! ka zak leh hnuhnawh.Min tih mualpho em avang chuan rum zetin ka va melh khai a, ani erawh in engah mah ngaih loh hmel zetin min rawn nuih suk thung.

.

Hepa hian eng nge maw a hriat le? engvanga helai thleng thleng min rawn zui nge maw anih le? 

"Tiraw Tina.....? " ka hming an rawn lam avang chuan mak tih hmel takin Dylan chu ka melh nghal kawk a,an sawi lai pawh ka lo hre lo reng reng .

" maw? "

" umm.... thlah mawle? "

" Eng thlah maw ?" ka bo telh telh lenghal, Dylan nu leh pa chu sawi loh ka pi takngial pawhin ka awmdan chu mak a tih hmel takzet, mahse an sawi lai ka hre miau lo alawm.

" umm.... Mr. Thompson lo hrethiam hram hram rawh u ,tunlai chu a nuam sam vak lova... " ka pi chuan min khuh mawi nan dawt a sawi lehnghal zung zung tawh.

.

"anih chuan eng nge i an tawh?" Pu Thompson an a tih chuan Zero melh zeuh pahin ka lo khi suk a.

" ka tha tawh e " ka ti zui sap bawk.

Eng eng emaw an sawi hnu chuan kan ei zo fel thei hram, zanin zet zawng chaw kan ei rei bik riau in ka hria.

"Tina.... hawh lo kal rawh le"

" ngatinge? " ka lo ti leh hu tawh.

" i hre tawh lo mi zanin chu keiman ka thlah dawm che "

" e aw.... ni dawn tak " lem zetin ka nui suk a, kan kal hma chuan Zero thutna chu ka va melh leh ngat a mahse alo awm tawh lo .

.

Dylan nen chuan kan in lam panin kan tlan nghal vang vang a,amah ka en apiang hian ka pasal hual ani ta reng mai si a, ka awih thei lo zawk, vannei ka inti lutuk hi a ruk in ka lo nui leh ver ver thin.

" ala hma bawka hmun dangah kal ang hmiang "

" awle.... "ka lo chhang rang ngei mai.

Reife kan tlan hnu chuan tukverh ah ka han dakchhuak vang vang a, boruak a nuam in tuipui fawn hlup hlup ri pawh awlsam takin a hriat theih bawk.

"tuipui kamah tiraw min hruai dawn ?"

"ila kal ngai loh na ah " a tih phei chuan ka phur zual sawt,a ruk tak chuan kan thleng har ka ti tawh takzet .

.

Chutia thlamuang taka tukverha ka lo dah chhuah veuh veuh lai chuan car chu a kawi ta zawk zawk mai .

" Dylan.... " ka va hawiphei nak chuan alo muthlu lup lup chu niin.

" harh teh....car hi tiding rawh " tih pahin ka han sawi nawk nawk a,car tih din vat pah in a mit chu a han nuai nawk nawk a.

"Tina.... ka mut a chhuak lutuk, ka intih harh poh leh a chhuak zual " Ka awih thei lo engthil nge thleng ta hi? Zero kha ani chiang lutuk Dylan eitur ah mutthilhna damdawi telh a ani hrim hrim.

.

"ka muhil lawk anga kan kal leh mai dawn nia "

" mahse kan awmna pawh ka hriat loh hi... keimah chauh a men ka duh bik hleinem "

" anih chuan mu ve mai rawh... ka meng thei tawh thlawt lo "

" Dylan nilo.... muhil suh " han sawi ve teh mahila awmzia a awm thei lo,

" Dylan... " harh chu sawi loh a steering bawh chung chuan a hnar zui nghal bawrh bawrh bawk.

Dylan lah thi ang chiah ani tawh bawk si a, engtik ah nge a rawn harh tak ang le? Ngawi rengin hlauthawng ru tak siin ka hawi kual hruk hruk reng a, thawm a awm deuh hlek leh ka phu zawk zawk bawk, mut chu sawi loh ka hmun hriat ngai pawh nilo, kawng sir mai mai ah lehnghal hian thinthi pawn ka thu lo hrim hrim . 

.

.

Chapter-9

.

.

Hetianga awm reng ringawt chu ni thei ngang a ka hriat loh avangin midang tihbuai ai chuan tiin Jade chu han call mai ka tum a mahse khawiah nge ka phone? Hmanhmawh lutuk in ka bag chu ka hai nghal rawk rawk a ,ka hmuh mai loh avang chuan ka thil ah ho chu ka bun chhuak veka chutichung pawh chuan ka la hmu chuang lo

"ehe ...ani theilo" khumah ka dah tih ka hriatchhuah meuh chuan a tlai tawh lutuk.

" Engtin nge ka tih tak ang ?" chiai hma chi ka lo ni bawk nen a khat tawkin Dylan chu ka sawi leh pawp thin a,mahse awmzia a nei lem lo. Motor atangin ka chhuah ngam loh chu sawi loh midang tanpuina dil ringawt dawn pawh ni ila motor rawn tlan pakhat te pawh hmuh tur a awm lo.

.

A tawp a tawp ah chuan tumah an awm chuang lo, a lo harh hun nghak phawt mai ang tiin ka rilru ka siamfel thei ta hram a, mahse thlamuang takin ka awm thei chuang lo.Keimah leh keimah intih huaisen tumin thawk ka han la kawk kawk a mahse thli thaw vuk vuk te leh tuipui fawn ri hlup hlup te chuan mi rap tlat peka chu chuan ka awm a ti nuam lo zual.

Chutia hlauthawng leh thinphu dep dep chunga ka thut lai chuan glass rawn kik kerh kerh ri ka hre ta thut mai !! Lo hlau sa tawh  bawk nen ka theihpatawpa ringin kan au tak tak mai chu, ka beng pawh a kiu vung vung thei in ka hria.

.

Ka au rin em avang chuan tuemaw hian kawngka ka lock vek tawh emaw ka tih chu rawn hawngin ka hmui chu a rawn hup vata.

"bengchheng suh.... " Zero hmel ka hmuh chuan ka mengphawk nghal kawk a,mak ti hle mah ila ka thla a muang nghal huai mai.

"ka kut ka la sawn dawn a.... au miah suh ang che " min rawn nuih suk pahin zawi sap hian a rawn ti thum dut a, a aw pa tak leh cool tak ai mah chuan a biangsum khuar dak hian hipna a nghah daih zawkin ka hria... nilo engthil nge maw ka ngaihtuah le? 

.

A kut a lak san rual rual chuan ka nam chhuak nghal nawk nawk a ,a hmel ka hmuh ringawt pawh hian ka thin a rim nghal tun thei.

"hmela ka haw lutuk che... min tih hlauhthawn zia hi i hria em? " insum chu sawi loh ka theihpatawpa na in a awm ah chuan ka chum nghal pawp pawp a ,ngawi rengin alo dawh ve mai tho.

"Engthil nge Dylan chungah hian i tih? " ka thinrim em avang chuan ka mit a sen vek tawh a ka mittui a tling nghal pam bawk.

"Engmah "

" dawt sawi suh.... kan inturah  thil i telh lai pawh ka hmu vek "

.

Min chhan loh avang chuan melh khai pahin ,"Eng nge hetah i rawn tih....?  Engvangin nge min zui renga? Min tibuai hnem tawh lutuk ,ka hlau che maw i tih chuan i ringsual der anih chu"

min la chhang chuang lo, hepa hi a inti luhlul ve emaw ni chu le? Ka thinrim lutuk vang pawh ani mahna nakin hun zela min tih dan tur pawh ngaihtuah lova ka tawngpawr ve em em nachhan hi mahse nakinah ka la innchir dawn chiang alawm.

"i thil tih avang hian ka report dawn khawp che..... " engthil nge maw ka sawi le?  ka van mawl tak, ka sawi zawh rual rual chuan nghet takin ka kut pahnih ah a rawn man bet thut a ,hnung lamah min suih tir tlat avang chuan ka che thei tawh lo hrim hrim.

.

Chutah zet zawng ka sawi hma kha ka ngai vawng vawng mai, ka thin a rim tawh hi chuan ka kâ ka veng zo thin lo , hlau avanga ka thiphu in thum rawn dup dup te chu a hriat theih hial ka ring. Amah a sang in a lian bawk si a, kei ve teh mai mai te chu a jacket chhungah min kuah bo daih thei hial ang,mahse ka beidawng duh bik hauh lo talchhuah tumin theihtawp ka la chhuah ve fan fan tho.

" min thlah rawh.... engthil nge maw i tih le? " min thlah duh loh avang chuan ," min thlah rawh ka tih chu " ka han ti leh ngata.

" Hreptak chuan i va tawng hnem em em ve...."

" maw!! "

" i tawng leh chuan kawng thlangah ka thehthla daih ang che " .

.

"midang i sawisak ang khan min sawisa ang maw? ka hlau lo che" tha khur zawih zawih chung chuan ka han ti leh ngata, chutah zet zawng nin hmel deuh hian ka kut paih thlak pawp pah chuan,

"hmeichhe bengchheng tak i ni.... " zawi sap hian a ti zui leh kher anih chu!!  mahse ka hre hman vek tho.

"Car ah lut rawh.... "

" maw? "

"ka thlah ang cheu... "

"ka hmelhriat pawh i ni hleinem " tihngaihna hriat loh hmel zet hian a han thaw chhuak hak a, min chhan ngaihna pawh a hre tawh lo.

.

" Enteh.... " min rawn pan hnaih deuh avang chuan ka lo tawlh hnung nghal vata.

" min rawn hnaih hlek suh.... min kalsan nghal rawh "

" awle.... " tih pahin a kal daih anih chu !! a bike ah chuang nghalin a engine chu a ti nung nghal dut dut bawk. Hepa hian kal daih a tum tak tak amawn le? 

"Hey.... " ka tawng a hriat loh chu sawi loh a bike phe fua bak ka hmu hman lo.A tlan liam hnu chuan a reh nghal duk in ka hria

" Ngatinge maw ka tawng chak em em mai le ?" phun bul bul pahin car ah chuan ka lut leh ta ringawt a, uluk takin kawngka chu ka lock leh thlapa tunah chuan tumah an rawn lut thei tawh lo tawp ang.

.

A tawp nan Dylan chu kaihthawh ka han tum nawn leh ngat a mahse ka hlawhchham thak.Motor tlan hmuh tur a awm bawk si lo, motor lah ka khalh thiam  bawk hek lo ,tunah chuan duhthlan tur dang ka nei tawh lo car a kan riah mai angai.Thlamuang lo tak chung chuan ka han thu awn deuh a,ka mut chhuak tawh hle mahse ka maimichhin ngam miau loh avangin hma lam ka melh kar bawk.

" Ngatinge maw a vawh em em le.... " ka ban tuai nawk nawk pahin heater on na tur chu ka han thlek kual dan dan a, car chungchang hre lo na nâ na chu ka beidawng chiang hle .

.

_________________________________________

.

Ni eng chuan ka hmai ah tak min rawn chhun sawt sawt a,a sat em avang chuan loh theih loh in ka mit ka han meng sar sar a,mahse thil mak tih deuh ka nei Jacket dum lianzet mai ka lo sin reng anih chu!! .Dylan chu ka en nghal vata ani lah alo la muttui nasa mai,sawi nawk nawk pah chuan ," Tho rawh " ka ti sap bawk.

Ka lu a nat em avang chuan ka han hmet nawk nawk a .Hawikual pahin ka kawng leh hnungzang  kham urh te chu tih ziaawm tumin ka han zi mar leh ar ar phawt a,nizana thil thleng zawng zawng kha hrilh ngai lo in ka hrechhuak lehnghal vek bawk.

.

"Tina.... engthil nge thleng?" A tawp a tawp ah a rawn harh ve ta!! 

"Engthil nge thleng i hre miah lo amaw? "

" Anih chuan eng nge thleng a? "

" Lalpa leh!!  haw vat vat ang "

"nizan khan ka in control thei thlawt lo, khatiang em em khan ka mut ala chhuak ngai lo "

"Dylan....nizanah khan engthil nge i in? "

" Engmah ka in lo... ka hrethiam tawh bik lo .....heihi tu jacket nge nizanah mi an rawn kal em ni ?"

" ka hre bik lo kawngka ka lock vek bawk si a...." he jacket  ka sin daih theih nachhan hi ngaihdan pawh ka nei lo,chu aia la mak zawk chu tuin nge min rawn sin tir ? he jacket hi tu ta nge?

.

" kan haw hma in ka hruai tumna ah che khan kan kal lawk dawn mi niang "

"tunah chuan engthil mah ka ti peih lo, haw phawt ang " tih pahin seat hnung chu ka han ngheng dawt a ,pawnlam ka hawi daih bawk.

" awle...mahse Tina pawi ka ti lutuk... "

" a ho lutuk " thut rem pahin pawnlam chu ka han thlek vang vang a, side glass atangin Zero ka va hmu ta thut mai!! a bike ah thatchhe zet hian a lo thu kun lap a mak tih hmel takin ka en nghal kawk bawk, ka awih loh em avang chuan ka mit ka nuai nghal nawk nawk a ,a aia chiang zawk chuan ka han en leh ngat a, amah ngei ani bawk si mahse kan tlan chak em avang chuan ka hmuh chhunzawm thei tawh lo. Hepa hian zankhua in min lo veng reng a mawn le? nge saw tah sawn a awm zankhua zawk? Lalpa leh!!  engthil nge maw ka ngaihtuah le, ka jacket sin lai en pah chuan ka khi deuh suk a,ka maimichhing zui nghal daih bawk.

.

.

Jacket sin pah chuan ka room ah ka lut chhat chhat a, ka chau ngang aniang khumah ka bawk nghal thlawp bawk.

" Valentina.... " Jade aw ka hriat rual rual in ka inkhuh nghal thak a, ka muhil der zui nghal bawk.

" i muhil lo tih ka hria ania.... nizan chu Dylan nen hun in va hmang nuam awm ve? "

" Engtin nge i hriat? " tih leh thawh ka rual nghal.

" i pi in a sawi vek alawm ....a hlim hmel khawp lehnghal "

" i ngaih ang khan engthil mah a thleng lo "

"ehh.... i zak ani maw? "

.

" Jade...ka mu duh"

"wow... hei tu Jacket nge? " tih pahin khum a leather jacket lian zet chu a rawn  khai va va a.

"Dylan jacket chu ani lo phawt a.... Valentina engkim min hrilh vek rawh... he jacket lian zet hi tu ta nge? " hrilh pawh ni ila a awih leh chuang lo ang.

" Zero "

" maw!! "

" min ring leh dawn chuang lo ka sawi peih tawh lo " tih pahin thil dang ka tihsan daih a, sawi sawi hian awmzia a nei dawn chuang lo .

" Zero chu engtin nge a hmel a awm?" min ring ve ta amawn le....

.

"Tina..... Police bakin Zero hmel an hre hleinem.... " a rawn tih chhunzawm zat bawk

" anih chuan kha pa kha Zero ani lo i tihna em ni? "

" chu chu ka sawi tum ani lo.... Zero hian thian tamtak a nei a, heng gangster rual zozai zingah hian tu ber hi nge amah tih tumah in an hre lo ....a hmel erawh kan hmu nual tawh maithei mahse tu ber hi nge Zero tih erawh mi zawng titi a tling alawm"

" mahse ka hmu chiang alawm "

"anih chuan hria angin awm suh.... police ho pawhin a hmel an tlangzarh duh hleinem...."  

.

.

Chapter-10

.

Chutia Jade in a tih takah chuan chhanlet dan tur pawh ka hre tawh lo ,jacket lian zet melh pah chuan thawk ka han la kawk a ,"anih chuan an hlauhawm hle tihna ani maw? "

"ni chiah e....langsar deuh in mi tibuai lo mahse thil inphum ru a tam lutuk chu erawh ka hriatpui hauh lo, hriat pawh ka duh hek lo.... bakah hengmi te hi an hlauhawm ania Tina, i pa hrilh vat la a tha in ka hria.... "

"engtin nge ka hrilh chuan anga.... engtin mah min ti hleinem "

"eee.... tihdan ka hria Zero hmel min lo hmuh ve, ka hmu chak teh mai ania a jacket atang hi chuan pa lian tak ani phawt anga "

" i mawl mi? khang mi ho kha an hlauhawm i tih zawh chiah kha.... "

" anih leh a hmeltha em?" tih leh jacket hnim chu a ruala "a rimtui em em mai lehnghal " a ti zui kher bawk.

" Jade....fiamthu reng lo teh "menpual ral pahin bathroom ah ka luhsan nghal daih bawk.

.

___________________________________________

.

*School *

.

"Valentina.... swimming class hi i bunk reng thei lo ang"Brianna chuan ka lu a ben pawp pah chuan a rawn ti a, kei lah ka kal peih loh em avangin thingkung hnuaia thut pahin hla ka lo ngaitha dar dar thung.

"Brianna.... a lehpek atangin ka rawn zawm tawh tak tak ang che u "

"a lehpek!!  khatiang khan i ti ve ziah... Miss Levia i hlau lo em ni? "

"tuihleuh ka thiam miau hleinem "

" i zir dawn reng alawm... lo kal rawh ka lo zirtir ang che.... mahse minute nga chhungin i in peih hman loh chuan hun ka nei lo ania "

"hey.... i va sual thiam tak minute10 ti zawk rawh "

" anih minute10 "  min rawn nuih ver ver pah chuan a ti a, hmanhmawh takin swimming pool awmna room lam panin kan in zui nghal hnak hnak bawk.

.

Kan thlen phei meuh chuan midang ho chuan an lo practice tan der tawh, kei erawh ka vawikhatna tur anih vang te pawh ani mahna ka zam ru hle .

" oh!!  Welcome,welcome .... " Miss Levia chuan min lo kuah nghal chunga

" i hming...? "

" Valentina Garcia "

" ok... a that chu, Miss Garcia thil pakhat min tih sak dawn mi niang "

" aw... eng nge ni ta ?"

"umm.... class vawi sawm lai i rawn kal tawh lo a hremna pek che hi i phu riau in ka hria "

" maw? "

"dressing room saw i lo va tifai dawn mi niang " thinrim hmel pu miah si lo hian min la nuih sang reng tho,hnial chi ani bawk si lo, ka lo kal kher kher a ka inchhir takzet, ner suk pahin ka kal hna hna ringawt .

" mipa leh hmeichhe room aw.... " a rawn ti zui leh kher bawk.

.

"hetiang min tih tir dawn tih hria ila chu ka kal tawp lo ang .... " phun mawlh mawlh pahin towel leh thawmhnaw bal chhuat leh thuthleng vela an thehthal mai mai ho chu basket ah ka khung mawlh mawlh a, hmeichhe room pawh heti khawp hian a bal ania mipa room phei chu ka ngaihtuah peih lo zawk.

" Hi!! " hnung lam atangin an rawn tih thut avang chuan ka phu chiang kher mai,rang lutuk in ka hawilet nghal vat bawk .

"min ti phu alawm" Hailey ani tih ka hriat chuan ka thaw nghal huai thei,class khatah kan awm a Jade tih lo ah chuan ani nen hian kan inkawm deuh ber thin .

" chuan.... an hrem ve tho che tihna em ni? "

" hei i hmuh ang hian....class hmasa kha ka kal lo a "

.

Hailey nen chuan titi pahin kan tifai dun mawlh mawlh a, hremna mah nise tuichen ai chuan nuam ka ti fe zawk .

"Zanin kha theihnghilh suh aw..... "

"oh!!  c'mon Hailey...engtin nge i birthday te ka theihnghilh theih anga "

"party hote bak ani dawn lo.... i duh leh i pi i rawn hruai tel thei ang.... no alcohol ,no drugs ....." ka pi hi strict a tih em avangin min chhaih nan a hmang ve ziah.

" kan chhungkua in kan rawn kal ang " tiin ka lo fiam zui ve ngat bawk.

" Dylan a rawn kal thei dawn em? "

" ka hrelo.... bakah ani chu a pa hi hna lamah a tawiawm tam deuh ngai a "

" awle.... ka hrethiam e "

.

_________________________________________

.

A tawp a tawpah Hailey birthday party na a kal tur chuan ka inpeih fel thei hram.A lum deuh hlek avangin jeans kekawr bul leh tank top dum, ka lai lang thei lek lek chu ka ha a,pheihkhawk sang zet ka bun tel bawk ,ka kal hma hauh in ka ke a ti na nghal in ka hria, mahse nalh duh luatah ka tuar tlawk tlawk mai aniang chu .

"Dylan a kal ve dawn em? " ka pi chuan a lo ti nghal vata, ka pi hmel hmuh leh Dylan tih hi chu a inhmeh tawh ngawt mai.

"Khawihmunah pawh min zui reng dawn tihna em ni? "

"rawn haw har suh ang che.... theihnghilh miah suh zu leh drugs a tel dawn lo i tih tawh kha "

" ka pa... ka pi hi han hrilhfiah teh " beidawn hmel zetin ka pa chu ka va melh ralh a, diktak chuan kum19 ka ni dawn tawh a puitling ka ni ve tawh,ka duh chuan zu ka in thei tawh a night club ah pawh ka kal thei tawh bawk, hetiang thu ka pi in min hrilh chhen hi ka kham tawh takzet.

.

Party na hmun tur Hailey te in kan thlen chuan hla cool raih hi an lo play a,a then an lo lam ve naw naw a, a then erawh hmun khatah an lo nui khawm dar dar thung. Zu leh drugs a tel dawn lo tih takah tumah rui buai leh  bengchheng fal an awm lo.Mi sawmli vel chiah kan nih avangin a nuam tawkin a thlamuan thlak hle bawk.

"Tina,Tyler ....ka lo lawm a che chu "Hailey chuan beer can min pek pahin alo ti nghal zung zung a,

"hetiang hian a nuam ang tih ka ring pha lo " ri dup dup leh bengchheng deuh turah ka lo ngai a mahse ka ngaih ang kha alo ni lo nasa mai.

.

" in pahnih khan lo inkawm rawh u.... ka rawn let leh vat ang " tih pahin ka kalpui Tyler nen chuan min kalsan nghala.

"kan lam dawn mi niang.... "

" tehreng mai " tih pahin ka kawngah chuan a rawn dawm nghal chata, music cool raih leh light dim raih hnuaiah ka thian kawmngaih tak nen kan lamdun ani a, hriatreng atan pawh a tha ve reng reng e.

"summer camp chu engtin nge i tih dawn tak.... ?"

"ka hrelo Dylan thu thu ani mai "

" in register ve tawp la.... ani chu ka lo buaipui vek mai ang "

" Chutiang pawh ani lo.... a kal dawn loh chuan ka pi in kal a phal ka ring lo "

"oh God!!..... jail ani ringawt alawm "

.

Tyler nen kan lam lai chuan a ban in min rawn nghawk fuh avangin ka beer ken chuan min buak hlauh mai

"Tina.... ka tihpalh lutuk "

" a pawilo...min lo hrethiam lawk dawn mi niang " nuih suk pahin washroom lam ka pan nghal hlawk hlawk a, ka kekawr a val hma in ka tihfai vat angai

"beer rim ka nam vaih chuan ka pi in min that duh ang " phun bul bul pah chuan ka tifai nghal mawlh mawlh a,a rim a la reh har em em zui.

Chutia ka intihfai mawlh mawlh lai chuan darthlalang atangin ka va hmu ta thut mai!!  ka hnung lamah bang ngheng pahin cigratte alo zu hlut hlut anih chu!!  ṭe thawt pahin ka hawilet nghal vata ,ka in rin hma in ka hmui a rawn hup thut a bangah min nam bet nghal pawp bawk.

.

Ka ban a man beh tlat avangin tal chhuah ka han tum a mahse keia hneh chi ziazâng ani lo.Ngawi rengin ka mit ah tak chuan min en kar a ,a mit lunghlu hring ang maia hring kak chu ka en ning thei lo ani ber.

.

.

Chapter-11

.

Che miah lo a ka en tak reng avang chuan khik suk pahin ka kâ a hupna kut chu a la thla vata,a inla hrang nghal vat bawk, kei lah pek chuan a biangsum ringawt ka lo en leh vung vung tawh,nilo mi â ang maiin ka awm tur ani lo,ka hrawk thian kharh kharh pah chuan ka insiam ṭha nghal sawk sawk a

,"Hetah eng nge i rawn tih dawn? " ka lo ti vin nghal hluk a mahse engah teh vakmah a ngaih hmel lem lo,ka zawhna pawh a chhan loh avang chuan melh ram ram pahin "nungchang mawi pawh hrelo " tih zui sap pahin chhuah nghal mai ka han tum a,mahse ka hma zawn chiah a bang chu a rawn chum ri ta dawt mai!! hlauhthawn hmel takin ka melh chho nghal kawk bawk.

.

"hetah hian awm la a  ṭhat zawk ka ring "

"engmaw!!  ka tih tur min hrilh ang maw? "

"anih chuan " min rawn nuih vur vur pahin a ban chu a la thla nghal vata,thawk hak pahin ka chhuahsan nghal hlawk hlawk bawk.

"engvanga rawn kal ve ringawt nge maw a nih le ?"ka phun phei bul bul a,a hmel ka hmuh tawh hi chuan buaina ka tawk zui zat zel.

" Buaina lah hi..... " ka sawi zo hman lo common room a thil thleng ka hmuh rual rual chuan ka ding nghal chawt a,mak ka tih em avangin khabe tla lo chauhin ka ang nghal phuau bawk.Mi zawng zawng chu an rui vek tawh emaw tih turin an lo lam suau suau a, a ṭhen in birthday cake an lo bar thul,an ṭhen lah eng games emaw khel in an au dur dur a, an ṭhen in weed an lo zu khu luih luih bawk, kil khatah lo in fawp ngawng ngawng lah an bang chuang lo ,chu aia mak ka tih zawk chu heng mite zozai hi khawi  aṭanga rawn kal nge an nih?

.

Kil khata Hailey lo  ṭhu tum bar ka hmuh chuan ka va pan hnai nghal vata,thil thleng avang hian ka lungawi lo takzet bawk .

" Hailey.... engthil nge thleng ta hi? i sawi dan kha chuan ...." ka sawi zawh hma hma chuan min rawn kuah nghal thlawpa, a ṭap zui nghal hawm hawm bawk.

" Hailey.... ngatinge i  ṭah tak mai a?"

" Tina.... heng mite hian ka birthday party min tih chhiat sak vek alawm.... ka lo inbuatsaih ve na zawng zawng te kha engmah lo maiah an chan tir ta anih hi "

" mahse heng mite hi? "

"ka hmelhriat ngai pawh an ni lo....tukverh atangin an rawn lut ru a, an duh duh danin an rawn che kual vel anih hi.... saw ka birthday cake pawh a chhe vek tawh..."

.

" pawi ti suh.... police hnenah kan report nghal vat ange "

" nilo..... police hnenah kan report anih vaih chuan inchhung bungrua zawng zawng hi tihchhiat vekah min vau alawm "

" maw!! an vau che maw? "

" aw.... Tina, Engtin nge kan tih tak ang....? "

"lungngai suh.... " tih leh thawh ka rual nghal,Zero pawh chu washroom atangin a rawn chhuak ve chiah bawka ka thin a lo tirim sa tawh bawk nen a hmel ka hmuh rual rual chuan ka lo inhum ruh nasa hle.

Min rawn nuih vur vur pah chuan, "chhuak lo turin ka tih che kha " a rawn ti zui lehkher anih chu!! 

.

Chutah zet zawng ka insum hman tawh lo, a hmai ah tak ka beng nghal ta, ṭhuai  mai!!.Inchhunga awm ho zawng zawng chu an rawn hawi nghal ṭhap a, music pawh an ti tawp nghal vat bawk.

"Midang tih buai a an party tih chingpen vel hi a nuam viau em ni? Engvangin nge midang in tihbuai reng, kan khawtlang chu sawi loh thil tisual lo lehzel pawh in tibuai ang maw?,nangni ho avang hian zatin ka pa in mutna damdawi a ei thin asin, midang in vau avang hian ka report ngam lo cheu emaw in tih chuan in ring sual der ang " ka ti ta piap piap mai, Hailey in min lo dan tum eng ang mahse ka thin a rim tawh hi chuan ka insum hlei thei thin lo. Ka sawi zawh rual rual chuan kut min thlak tumin an rawn ri ta hlut mai !! mahse vawilehkhatah Zero chuan zo zet hian min pu nawlh a, pawnah min pu chhuahpui nghal nal nal bawk.

.

" min dah thla vat rawh..... hmela min dah thla rawh ka tih chu " a hnungzang chum pawp pawp pah chuan ka tal vak vak a ,min dah thlak chu sawi loh min man nghet zual sauh emaw tih mai turin min kalpui dawr dawr lehnghal .

A bike bul a thlen chuan min dah thla nghal vata, inchhung lam pawh engmah thleng lo ang maiin thawm a ring leh tawh hle.

"i duh chuan i lut leh thei ang " a bike thatchhe zeta thut pah chuan ngeiawm zetin a han inkuangkuah leh kher a ,ka lo ei lo ngang mai .

" Enteh Zero..."

" Arden zawk.... " A hming diktak chu Zero nilo in Arden zawk maw ni a!!  a nalh loh lem loh hi...

"Engmaw? "

" Zero te chu misual alawm.... " a sawi awmzia pawh ka hre nek love,bakah engvanga a hming min hrilh nge maw anih le? 

.

" lo ngai reng rawh in thil tih man hi in la hmu khawp ang.... " police hnena report mai ṭha a ka hriat avangin ka bag ah sawk sawk pah chuan ka phone ka la chhuak vat a ,ka ṭawng a hriat phak vek ka hlauh avangin inchhung lam panin ka kal nghal hlawk hlawk bawk. Chutia phone bih ngur ngur paha ka kal hlawk hlawk lai chuan kawng ka lo en hman lo bawk nen hnim dup lai tak chu ka rap fuh palh ta hlauh mai!!  ka lo bun sang ve deuh bawk nen ka ke chu ka rap lek nghal pawp a,ka phone theh lawp pahin leiah ka ṭhingṭhi nghal hnawk bawk.

" sawpa vang vek saw " tih sap pahin ka phone chu ka ban nghal rawk rawk a,hmanhmawh takin ka tho nghal vat bawk mahse ka duh angin ka ke chu ka rap na ngam ta hauh lo mai, ka rin ai daihin ka tlu na.

.

Zero oh!! Arden chu ala awm nge awm lo tiin ka hawilet leh kher a,kal sawn chu sawi loh a ṭhut dan ngai chiah chuan a lo la ṭhu ran a, min rawn nui vur vur lehnghal. Ka chet chhiat em avang chuan ner suk pahin ka inher ṭuih ṭuih a, ka ke lah chu a na em em mai lehnghal.

" kha i ke a tliak ania.... i kal zel chuan a bung mai ang "

" maw!!" a nat em avang chuan a tliak anih te pawh ka ring rum rum tawh.

" kha en ta che.... " ka ke ka zuk en nak chuan a lo vung pum ul tawh anih chu!! chutah zet zawng ka hlauthawng ta kher mai,a na nual emaw tih mai tur ani, Lalpa leh!!  a nat em em dan atang hian a tliak ani thei mai angem?

" rawn chuang rawh.... damdawiin ah ka hruai ang che "

.

"Hailey ka call mai ang... ka lawm e " ngeiawm zetin ka lo chhang let ve kher bawk.

" anih chuan han tum chhin la "

A awmdan hi ka haw takzet, engvanga nghal em em nge maw anih le....keia pawh chu tlawm ka tum bik hauh lo, Hailey chu ka han call ve leh ngat a mahse a pick up thei ta reng reng lo, vawithum lai ka call nawn hnu pawh chuan a la in ring ral cheu, inchhungah lut dawn pawh nila ka ke ka rap na ngam tawh bawk si lo, hreh tak chungin hepa hi ka in hruai tir mai angai dawn niin a lang.Mahse buaina ka nei, engvangin nge ka hmelhriat ngai pawh nilo hi ka rin  ve ringawt ang.

.

" i pheikhawk kha phelh rawh " tih pahin ka banah chuan a rawn dawm nghal chata, mahse ka lo paihthla rang ngei mai.

"oh c'mon.... damdawiin a kal pawh chu i va hlau awm ve...."

"ka ring lo che... "

"chuti chu min rin mai angai dawn anih chu.... "

" Engtin nge min hruai bo daih anga min pawngsual dawn lo ani tih ka hriat theih ang? " ka tih chuan a rawn nui chhuak hak a,thil nuihzatthlak ka sawi awm pawh ka inhre lo e a .

"nanghi ka pawngsual ang che maw?" tih pahin ka ke ler atang chuan a rawn en chho kher a "pawngsual tham pawh i nih loh hi... " a ti zui leh kher bawk. Ni e,  ka tê tih chu ka hre ve tho mahse ka hmel erawh a tha hle tih ka hre ve ran ania chuvang chuan min en hniam thei bik hauh lo ania.

.

Ring lo hle mah ila ka dinhmun in a zir miau loh avangin ka rin mai angai dawn anih hmel.... pawilo, engtin emaw min tih a tum vaih chuan ka pa ka call nghal vat anga ni mai.

"hre reng rawh police ka call nghal vat dawn ania " tih pahin ka phone chu ka han hum nghet sauh a.

"awle... kan kal thei tawh angem?" min rawn pawm a tum a mahse ka lo tawlh hnung nghal vat thung .

" keimah in ka kal thei " tih sap pahin bike lam panin ka bai phei auh auh a, min rawn puih a tum lah in ka lo duh bik hauh lo lehnghal.

.

Ka bai phei chhung pawh a rei em avang chuan thawk chhuah hak pahin a kut pahnih chuan ka zak ah a rawn dawm thut anih chu!!  mak tih hmel takin ka mengphawk nghal kawk bawk.

" Engthil nge maw i tih le?  min thlah vat rawh "

" pawm i duh si lo alawm" tih pahin zo zet hian naute an chawi dan angin bike awmna thleng chuan min chawi phei ta le le mai!! mak ka tih em avangin han chhan mai dan tur pawh ka hrelo.

"chuang rawh " helmet khum pahin bike ah chuan a chuang nghal thak a, bike ka vawikhat chuanna tur anih dawn avangin ka hlau ru hle.

"i vawikhat chuanna ani tih min hrilh miah suh.... "

" teuh lo mai... bike ah te chuan ka chuang ngun emai " tih pahin ka han chuang ve ringawt a ,ka mur nghal chuaih chuaih thei nia mawle.

.

.

Bike engine ri thum dawt dawt te chuan mi rap takzet, zep lo ah chuan ka mawng te hi a za vek tawh in ka hria.A engah mah hma chuan nghet takin ka kuah bet nghal ṭai a, ka hlauh em avangin ka maimichhing tlat bawk.

"i hlau lo tak tak ang maw? "

" kal vat vat rawh "

" awle... " tih pahin chak zet hian a tlan chhuak nghal fua a,ka insum thei tawh lo ka theihpatawpa ringin kan au tak tak mai chu ding turin ka ti nghal chul mai alawm, mahse a hnu ah chuan min ngaihtuah avangin a han tlan muang leh deuh a. Hei vang hi lawm a hma pawhin bike ah ka chuan duh loh nachhan,tla teuh deuh deuh in an ṭhu a ,an tlan chak deuh phei hi chuan hnunga thute hi an la thlauh chek ang ti nia .

.

"tikhan i thu reng dawn em ni?" a rawn tih chuan ka hawi chhuak nghal vata,bike a tih din lai pawh ka lo hre lo reng reng.

"helai te chu damdawiin a nih loh hi.... "

" mahse damdawi an zuar ve thung alawm... "keimaha ka chhuk thlak theih loh avang chuan ka zak ah dawm in min chawi thla leh a,ka rit te pawh a ti ve lo amawn le?.

"lo thu rawh... ka rawn let leh vat ang " tih pahin dawrah chuan min luhsan nghal daih bawk.

Dawr luhna step sir ah chuan nghah pahin ngawi rengin ka lo ṭhu bam a, damdawiin a min hruai loh avang chuan ka lungawi lo hle bawk.

.

Reilote ah Arden pawh chu damdawi nen a rawn chhuak vata,ka hma ah tak rawn ṭhu in ka pheikhawk chu min phelhsak nghal mawlh mawlh bawk.

"damdawiin ah kal zawk ang... "

"hengte chu damdawiin a kalpui tham pawh anih loh hi.... "

" engmaw i sawi kha?  ka ke hi a na takzet a chuan damdawiin a kal vat ka ngai bawk"

"awle....ka hrethiam e" tih pahin a jacket hak lai chu a phelh vata, chu chuan min rawn khuh nghal thak bawk.

" Jacket hi ka mamawh lo.... ka ke na ang hi i la tawrh ve loh avangin i hrethiam ve...... " ka sawi zo hman lo, a ban bandage a in tuam luk ka hmuh chuan ka ngawi chiang teh e chuta chapah bandage ah thi a rawn la hnam chhuak ṭiam ṭiam zui,vest chauh a hak avangin a ban vela ser awm nuaih te pawh chu ka hmuh hmaih hauh lo bawk.

.

"i... i ban kha.... " ka rap em avang chuan ka ṭawng te pawh a bah zo vek tawh.

"ka tuam zo ta...damdawiin ah chuan ka hruai ang che " ka ke na ve te chu sawi pawh ka sawi ngam tawh lo,a ban na lakah chuan keia ke na ve te chu sisen seh ai pawn a na lo zawk ang,bakah kei nilo in amah zawk hi ani damdawiin a kal mamawh zawk chu.

"i ban hi a thi nasa lutuk ania... "

" a reh ve leh mai ang "

" i jacket hi kei aiin i mamawh zawk ang " inthlahrung tak chungin ka pe let nghal vata,ka ngaihbel vang nge pawh ka hrelo ,a kut ka tawh zawng te khan a khua a sik tlat in ka hria. 

.

.

Chapter-12

.

*Hospital*

.

Hospital kan thlen meuh chuan ka ke na pawh ka hre chang tawh lo, Arden a ban chu ka en deuh chhen a, chu chiah ka rilru ah a awm tawh.

"lo kal rawh.... " tih pahin bike atang chuan min kai thla chhat a, a kut pawh ka vuan ṭha ngam tawh lo.

Ngawi rengin Emergency room lam panin min kuah phei chhat chhat a,ka inthlahrun em avangin a khat tawkin ka han melh leh zeuh ṭhin ,tih vak ngaihna pawh ka hrelo.

"i.. i kut hi a hit vek tawh ania.... "ka   ṭawng hria ang pawhin a awmlo,ka ngaihbel nge pawh ka hrelo a chau sawt riau te hian ka hria.

.

Emergency room tih takah mi zawng zawng chu an buai vek emaw tih turin an phe sup sup hlawm a, accident tawk an lo awm ve reng bawk nen a khat tawkin thisen kai hneng hnuang, thi lek lek tawh te hi an rawn nawr lut reng bawk ,a ṭhen lah an ṭe ruai ruai mai bawk si,thisen thang rim te leh damdawi rim nam rum rum te chuan mi rap in min ti chau zual vek in ka hria.

"haw mai ang.... " ka tawt vek tawh avang chuan ka ti ta ringawt a, hetiang hmunah hian ka awm reng anih chuan nikhaw hrelo in ka tlu thei hial ang.

" hetah hian lo thu rawh.... nurse ka va ko ange"min ṭhut tir te te a kal nghal daih chu a tum ta mai!!,rang lutuk in a vest hmawrah chuan ka lo pawt nghal vata.

.

"hetah hian lo nghak zawk ang " ka tih chuan a han hawikual phawt a,damlo leh hliam tur mek thisen kai hnuang te,a ṭhen phei chu an na nuar lova ṭe rawng rawng te a hmuh chuan thawk chhuah hak pahin ka ṭhutna ka piah a bang ngheng chung chuan a ding ta ringawt a.Engmah sawi lo mahse ka hmel hriat awmchhun anih avangin ka hmuh phaka a awm ve hrim hrim avang hian ka thla zu han muang tlat peka,mahse ka indem hran lo a chhanchu hetiang hmunah hi chuan hmelhriat ṭha leh ṭha lo thliar hran theih pawh ani tawh lo.

.

Chutia minute 10 vel lai kan nghah hnu pawh chuan tumah rengin min rawn ngaihsak hman lo , nurse leh doctor te lah chu keia ke ulh mai mai en tir tura  koh pen ngam pawh an ni si lo,an sual vang nilo in an buai em avang zawkin.

" i ke chu ala na em? " a sana bun lai thlek zeuh pahin ka bulah chuan a rawn ding hnai a, ka lo bu nghat bawk.

"pangngai takin awm ang che " tih pahin min rawn din hliah sauh sauh a,damdawi tui pahnih chu pawlh nghalin syringe chuan a hip chhuak ta mawlh mawlh mai!! 

" Engthil nge maw i tih le? "mak tih hmel takin a che vel chu ka lo en kar a,a zei danah a vawikhat tihna chu ani lo tawp ang.

.

"au miah suh ang che " lapaw huhin ka ban chu a rawn hru thuak thuak a,ka in rin hma in syringe chu a rawn vit tlum ta pawp mai!! au tumin ka ang hman zuau a mahse ka kâ a rawn hup hman.

" kha kha ni mai lawm " min rawn nuih suk pahin ala ti sam et zui.

" tunah.... tunah khan "

"kal ang le.... " ka ban chu lapua in min dawm tir sawk sawk a,min rawn kuah tho nghal nawlh bawk.

" min khawih suh.... " ka lo ti vin nghal hlur a, diktak chuan min jection na kha túr ani nge nilo pawh ka hre ringawt hleinem, ka lo ring ve ringawt kha ka inchhir takzet.

.

" anih chuan pawnah ka lo nghak ang che " tih pahin a chhuak nghal nal nal anih chu!!  khatiang mipa nungchang mawi pawh hrelo kha engtin nge ka tawn theih zawk ni mahse a chevel ka hmuh khan doctor ang mai ani, min vih pawh khan a thip zek bak ka hre hman lo.

Lungawi lo tak chungin muang changin pawn lam ka pan phei chhat chhat a,Arden ruala haw ka duh tawh loh avangin Dylan ka call ta ringawt a,a rawn thlen phei vat pawh ka ring ,ka pa erawh a ngai te bawkin a in ring ral leh ṭhak ṭhak tawh.

.

Pawn ka chhuah phei meuh chuan ka ke na pawh a rawn reh ṭan in ka hria,

" i va rei em em ve.... " ka hawi chhuak nghal zawk a, Arden an min lo la nghak reng ani tih ka hmuh chuan nin hmel zet hian ka thaw chhuak nghal hak bawk.A ṭawng hrelo ang mai chuan a piah deuh lawkah chuan ka ding lui ve ngat a, Dylan lo thleng vat vat tawh se ka ti takzet.

"tun ang zan rei tawh ah... taxi a haw i hlau lo em ni?" rum zet hian ka hawi phei nghal hraw a,en pawh min rawn en eih lo lehnghal.Ka chhan duh miah loh avang chuan min rawn pan hnai ta ringawt a, ka theih ang angin ka lo tawlh sawn ve chhat chhat bawk.

.

"Engthil nge maw i hriat le? "

" min kalsan rawh... " min chiu vang te pawh kha ani mahna ka lu a rawn hai chem chem mai.Ka awmdan chu hrethiam ni awm tak hian min rawn dawm nghal chawt a ,"damdawi khan a chhawk ṭan che anih kha "a rawn ti zui sap bawk.

Kan hma lawka car rawn ding ka hmuh chuan ka lo khi nghal suk a, a chhanchu Dylan ani tih ka hriat vang ani.

"Zero.... oh!!  Arden.... "

"kal ang le "

"min kalsan rawh ka tih kha " min rawn khawih a tum pawhin ka lo in dang nghal ah zel,bakah hepa hi ka ngaina thlawt lo.

.

" tunge maw i nih le? " Dylan chuan Arden dara khawih pah chuan a rawn ti dek dek a, a kiu in alo nghawk nghal sawk ringawt.

"Dylan.... " ṭe thawt pahin ka bai phei nghal auh auh a, a hnar alo nghawk thi sung chu niin!! 

"a na em?  engtin nge i awm?"

" kal ang.... " tih pahin car ah min kuah lut nghal bawrh bawrh a,ka ke na pawh a ngaihsak tawh lo hrim hrim.

"Dylan.... pawi ka ti lutuk " tissue in a hnar chu hrukfai sak ka han tuma mahse tukverh lam a hawi hmak anih chu!! 

" ka hrelo.... "

"lehpek ah chuan i hmelhriat loh chu be tawh suh ang che " tih pahin headphone a vuah hmaka, min  maimichhing san daih bawk.

.

Ngawi rengin inthiam lo tak chungin ka ke intuam bur chu ka zuk melh vung vung a, ni e... Dylan tan chuan lungawi loh pawh a awm tho mai mahse ka ṭhat leh ṭhat loh takngial pawh min zawt lo ania,ti lang lo mah ila a ruk te te chuan ka lungawi lo takzet.

In kan thlen chuan pawnah ka pi in min lo nghak ran a, Dylan an alo va hrilh lehpek tawh aniang.

Car aṭanga ka chhuk rual rual chuan ka pi chu hlauhthawn hmel takin a rawn tlan phei nghal hlawk hlawk a,

"i ṭha em? tinge i ke hi? "

" ka ṭha ka ngaihtuah awm loh... "

Dylan chu ka zuk melh zeuh a rawn chhuah tum ang pawhin a lang lo

" ehe... Dylan tinge i hnar chu ?"tih pahin Dylan awmna lampang ah chuan a phei nghal vata, ka pi lah hi a mit a var leh lutuk a alo zuk hmu leh vek tawh aniang,

" kal rawh... " ka pi in a biak hma hma chuan car chu a kal tir hmak anih chu!!

.

.

Dylan awmdan chu mak tih hmel takin ka en liam vawng vawng ringawt.Lungawi lo hle mahse khatiang em em kha chu ka beisei ngai lo.

" ngatinge Dylan kha.... a hnar kha ava thi nasa ve.... "

"ka pi zawhna min zawt lo teh... ka chau ania.... " tih pahin inchhung ah ka luh san nghal daih a, ka pi lah chu a dil chhut zual sauh emaw tih mai tur hian min rawn la um zui du du lehnghal.

" Valentina... khawiah nge i pheikhawk....? " thil hrechhuak zawk niawm tak hian ka ke chu ka zuk en nghal vata,Lalpa leh!! ka pheikhawk Arden an a kawl daih alawm.

.

.

Chapter-13

.

"i ke hi engtin nge i tih nat theih a....? bakah i awmdan hi a dik lo hrim hrim " min en dan atangin min ringhlel tih ka hrenghal,mahse hetiang anga a awm hian min ti luhlul zual sauh zawk.A ṭawng hre lo ang maiin inchung lam panin ka chho chhat chhat a, ka mut a chhuak tawh takzet.

"Valentina.... "

"Eng nge ka chau ania... " min koh reng avang chuan ka lo ti vin nghal hlur a, mood fuh tawh loh nak alaiin min ti thinrim zual.

" hetah hian lo ṭhu teh... "

"eng nge?" nin hmel zet hian ka han thaw chhuak nghal hawk a,peih lo hle mahila ṭhu tura min tih na ah chuan ka ṭhu leh ta nge nge a.

.

"Engthil nge thleng engkim min hrilh vek rawh....i lo hmu em Dylan kha kan chungah a lungawi miah lo ania"

"naktuk ah ka lo sawipui dawn nia "

"anih chuan in in ti thiamlo tih na ani maw? ngatinge maw i at em em mai le, heng mite hi kan kaltir thiang lo ani tih hre reng tur i ni asin.... "

" engthil nge maw i sawi le? " kawngka rawn inhawng ri rawk kan hriat rual chuan kan pahnih chuan kan hawi chho nghal vata, ka pa ka hmuh chuan ka thaw nghal huai thei ,a chhanchu ka pi bula ka awm tawh hi chuan Dylan leh sum bak sawi tur a hre ngai lo.

.

" Ngatinge i ke chu? "

"umm.... ka bilh sual palh alawm mawle"

"anih chuan han hahchawl la...." ka pa chuan a rukin min rawn siai zeuh a,ka lo nuih nghal suk bawk,hetiang anga a rawn tih kher nachhan chu ka pi in min hau leh tawh ani tih a hriat vang ani.

"awle....mangṭha ule " thawh ṭuih ṭuih pahin ka pi chu ka zuk melh leh kher a,a lungawi loh hmel ngang mai.

"vur ka rawn laksak dawn che mi niang.... ala na viau em?" ka pa chuan min rawn kai nghal vata.

"Nichin khan nachhawkna in min chiu a, ka mu anga ka zia mai ang "

.

"Dylan hnar a rawn thi sung a nang lah i ke i rawn ti na ringawt bawk,i rim i nam rawm rawm lehnghal....engthil nge thleng ang tih pawh ngaihdan ka nei love" ka pi in a rawn tih takah chuan ka pa chu a ding nghal chawt a, ngaihṭhat loh hmel zet hian min rawn en nghal kawk bawk.

"Engthil nge thleng? "

"pa...i ngaih ang khan engthil mah a thleng lo "

"anih chuan tuin nge Dylan hnar chu ti thi? " police tih takah a dil chhut in thil a hre thei bawk si a, a buaithlak teh e.

"Arden.... "ka zep nachhan tur ka hre lo, bakah police hnena report hi chu a phu ve tawh hrim hrim.

" tunge chu pa chu..? "

" ka hre bik lo... "

.

"awle....ka hrethiam e, hetah hian ṭhu ila in be phawt ang aw.... " Ka pa chuan zaidam deuh hian a rawn ti sap a, step ah kan pahnih chuan kan han ṭhu dun leh rih a.

"awle,thawk han la la .... thil thleng hi min han hrilh vek teh le...?"

"umm....Arden ania,ka ke a nat avangin damdawi inah min hruai alawm "

"chuan chupa ughh Arden chu i hre ngai miah lo amaw? "zaidam tak hian a han ti leh a.

" aw....ughh,ka ke pawh hi nachhawkna a min chiu vang khan alawm a zia tawh em em nachhan"

"Engmaw? " ka pa chu a ding nghal zawt a,mak tih hmel takin ka lo en ha thung.

.

"damdawi in tu tih hriat loh in a chiu che a hlauh nachang pawh i hre nange?"

"mahse engtin mah ka awm loh hi.... "ka mut a chhuak tawh em avang chuan ka han ham bai bai a, chu chuan ka pa ngaih a ti ṭha lo zual.

"damdawiin ah kal nghal ang "

"pa.... engthil nge maw i hriat le? "

"túr te hi alo ni ange "ka pi chuan alo ti ve bawka,engthil nge thleng ta hi túr tih te an sawi rik tak mai.Keilah pek chu ka mut a chhuah tak em avang chuan a hlauthawng ber ber ah ka ṭang leh ta nghala, ka chhungte ka ti chiai zo vek tawh.

"damdawiin ah chuan kal vat ang u.... "

"bawihte.... muhil miah suh ang che " ka chal a fawh zeuh pahin ka pa chu car la chhuak turin a kal nghal vat bawk.

.

_________________________________________

.

*Police Station *

.

School banah veleh ka pa in Police station a kal turin min tih avang chuan hreh tak chungin ka kal leh ta nge nge a,vanneihthlak lutuk in Jade ka sawm chhuak thei hram .

"rawn luh chu i tum lo tak tak ami? "

"car ah ka lo nghak ang che police station a kal reng hi ka kham tawh takzet bakah hepa tehhrep avang hian vawi hnih lai police station ah i kal tawh tih i hria em? "

"Ka duh vang pawh ani hleinem "

"fimkhur ve ta che.... nizan ah pawh túr in a chiu ṭep che kha "

" mahse túr ani hleinem.... doctor pawhin eng tur mahin min chiu lo tih a finfiah vek tawh "

.

"anih chuan ṭawngṭai mawlh mawlh ta si che "

" nang tal chuan min hau reng lo teh... ka pi pawh ka kham tawh mah nak alaiin chutah Dylan an min be duh bawk si lo, ka haw hun chu ka pi ka hmu peih lo takzet"

"Lalpa leh!!.... i nun ang hi nei ila chu ka in awk hlum daih tawh ang "

" Jade duhtawk teh... " tih pahin car aṭang chuan ka chhuk thla nghal chhat a,ka ke lah chu ka la rap ṭha ngam der mai bawk si lo ka ning tawh takzet.

"min lo kalsan miah suh ang che... " tukverh a dah pah chuan ka zuk ti leh hram a, melh pawh min rawn melh ṭha duh tawh lo, shade vuah pahin glass a up nghal daih anih chu!! ner nawng pahin Police station lam panin ka bai phei nghal chhat chhat bawk.

.

" Hi!  Hailey..... " Hailey nen kan intawk hlawl mai, ani pawh zawhna an zawt ani ngei ang.

"nizan kha pawi ka ti lutuk.... "

" nilo.... pawi ti suh, khang mi ho zawng zawng kha an man theih phah anga a ṭha zawk alawm.... "

"Tina....kan pahnih tih chauh lo chuan khang ho hmel kha an sawi thei tawh reng reng hleinem bakah tumah an inhre hrang tawh bawk si lova"

" maw!!  engtin nge chu chu a thlen theih? "

"ka hre bik lo... an rui hle anih loh vek pawhin an sawi duh lo pawh ani mahna... bakah sulhnu pakhatmah an hnutchhiah reng reng hleinem.... " a sawi awmzia ka hrethiam lo tulh tulh mai.

"mahse khang zu zozai te kha.... "

"keima party anih avangin engkim kha keima chungah a tla vek alawm " anih chuan an thil rawn ken luh ho zawng zawng te pawh kha Hailey tih vekah an ngai amaw? 

.

" Tina min rawn zui rawh.... " kan inbiak laklawh lai chuan pu Corey chuan a rawn ti zeuh a,

" nakinah ka rawn bia ang che " a kut vawn zeuh pahin pu Corey chu ka zui phei nghal vat bawk.

"Tina.... hepa hi ani em Arden chu? " chair a ka ṭhut rual rual in ka pa chuan paper a lem ziak chu min rawn en tira,ka lu ka lo thing nghal vat bawk.

" han enchiang leh teh.... "

"hepa hi chu a hmelchhe lutuk amah ani lo" zawhna chi hrang hrang min zawt zela,ka hriat ang ang chu zep ṭhen miah loin ka hrilh vek a mahse mak ka tih deuh chu an rinhlelh ho thlalak min entir pawhin Arden hmel ang reng reng a awm lo,khati khawp khan misual tiin thang nasa hle mahse rinhlelh zingah a tel ve miah lo hi mak ka ti takzet.

.

"anih chuan damdawiin a cctv in a record ho hi han en leh chhin teh .... " tih pahin laptop chu ka en theih turin a rawn her rem a,

" hepa hi anih hi.... " ka kawh rual rual in video chu an han pause nghal vata mahse a hnunglam bak a lang lo,a hmel hmuh beisei in video chu kan han en leh zela, ka hmel lang ṭhin mahse Arden hmel erawh a tawp thlengin a lang ve miah lo mawle, cctv hnungchhawng zawng hlirin zu han awm char char a.

"Tina.... damdawiin thil tuma phalna tello in a khawih tih chu i chiang amaw? "

" aw.... amah ngeiin min jection alawm... hetah hian" tih pahin ka ban chu ka han kawk va va a,finfiahna mumal a awm loh avangin ka thusawite chu ring ang pawhin an awm lo,mahse ka pa hian min rin tawk avangin finfiahna min la zawnpui mai mai niin ka hria .

.

"chutiangin duh duh a damdawiin thil khawih mai mai phal ani hleinem,.... han en nawn leh chhin ang u hmiang " pu Corey chuan alo ti ve bawka.Kan han ennawn leh ngial pawhin finfiahna kan hmu chuang lo, min chiu lai te pawh khan aman min lo hliah vek chu niin, cctv a a lan dan chuan inbe mai mai te pawh kan ang zawk.

"Tina...nizan khan i rui lo tak tak amaw? " min ring lo hmel ka hmuh hian chhan chakna pawh ka nei lo, diktak chuan party na ah khan zu a tam mai bakah beer ka lo in in nam ve sek bawk nen ka pa tan chuan rinhlelhawm deuh tur ka ni tih chu ka hria mahse thudik ka sawi avangin min an loh hian ka rilru a na takzet.

.

" awle... a tawk e, Tina min lo zui rawh " ka pa chu lungawi loh hmel zet hian pawn lamah a chhuak nghal daih a, muang changin ka zui chhuak nghal chhat chhat bawk. Pawnah mi tam vak lohna laiah chuan min hnung chhawn zawng hian a lo ding ran a,ka pa mah nise ka be hreh takzet.

"Tina..... nizan ah khan khapa nen khan engtin nge in awm? "

" Maw? "

"zu rim i nam tih ka hai hauh lo ania.... a lan dan chuan nizan party na a i tawn thar i zui kual mai mai te pawh a ang zawk alawm "

" pa..... dawt ka sawi i ring em ni? "

"a lan dan chuan ani miau sia lawm.....min ti zak hle mai"

"chutiang chuan engtin nge i ngaih theih zawk a? "

"tun aṭang chuan i mipa kawm te bulah fimkhur tawh ang che....engpawh a thleng thei ania" tih pahin car kawngka chu min hawn saka, ka thinrim lutuk chu ṭawng ngaihna pawh ka hre lo.

.

Kan in kan thlen pawh chuan chhuk nachang pawh hrelo in ka lo la inngaihtuah ngut ngut a, diktak chuan ka pa chungah khan ka lungawi lo takzet.

" i chhuk dawn lo em ni? "

"Jade..... ka pa khan mipa duh duh kawp ṭhin angah min ngai alawm.....bakah nizan khan ka rui lo hrim hrim, khapa Zero vang vek kha..... engtin nge cctv ah te khan a lang ve miah loh theih zawk? "

" cctv awmna a hre kar anga.... a hmel lang lo tur chiah chiahin a awm zel ani mai alawm.... "

"chupawh chu lo ni ta se.... engkimah khan keima thiamloh vek angin lawm a lan.....damdawiin ah te khan ka ruih em avangain ka kal ṭha thei lo min kuah lut te pawh a ang zawk alawm.... mahse ka ke a nat vang zawng ani reng sia "

.

" urgghhh..... ka lu i ti na zo vek tawh, tikhan nangmahin i room ah han inbe rawh "

" nangpawhin min ring lo tihna em ni? "

" Tina.... fing teh, zu tam em em na party ah i kal a, rin lawk ang ngeiin zu rim i nam bawk chutah mipa i hmelhriat ngai pawh nilo nen damdawiin ah in kala chuan damdawi a chiau ah che i puh zui bawka heng thil zozai hi tuin nge awih se i tih a.... "

"mahse.... "

" mahse ti suh.... a lan dan chuan nangpawh hian damdawi i rui tel ve anga inthup nan midang i puh daih te pawh a ang zawk alawm chuan i ruih tawh em avangin i ke i ti na a chuan kha pa khan a fel em avangin damdawiin ah a hruai bawk che a "

.

" Jade duhtawk teh.... " tih leh car aṭanga chhuah ka rual nghal, inah tumah an awm loh avang chuan nghet takin kawngka ka kalh sawk sawk a, ka room lam ka pan nghal chat bawk.

"Ngatinge tumah hian min rin loh le?" ka mittui a rawn tling nghal pam mai,mahse ṭah erawh ka tum hauh lo thung.

Intih thawven nan tiin ka phone a hla chu ring zet hian ka han play te te a, ka ke a nat em avangin ka room thlen chhoh nan pawn hun ka duh rei takzet.Zai rat rat pahin ka room kawngka kan hawng chiah mai chu!!ka phone ka thlauh rualin ka ṭe zui nghal ṭhawt bawk. 

.

.

Chapter-14

.

Ka khumah Arden alo mu reng chu niin!! chutah inthlahrung hauh lo in ka teddy bear duat em em mai Jakie chu alo la kham zui !!

"Eng.... eng... " mak ka tih em avang chuan ṭawng pawh ka ṭawng ṭha thei lo,ka dang a awk leh vek tawh lehnghal.

" ka ril a ṭam ..." ṭhut pahin a basketball ken lai chu ka lamah a rawn theh phei a ka lo dawng nghal chat bawk.

"Engtin nge i rawn luh theih? chhuak nghal rawh, police ka phone dawn ania"

"anih chuan saw i phone..." chhuata ka phone thlauh darh nuih chu ngeiawm zet hian a va melh kher anih chu!! 

"hmela " na zetin ka basketball ken lai chuan ka han vawm chawrh a,a lo bum avangin dawhkana ka snowball dah Dylan min pek chu ka vawm keh ta chuaih mai!! 

.

" nilo.... " hmanhmawh lutukin ka va tlan phei nghal vata,ani lah chu min charfai pui a hnekin a mu leh daih anih chu!! chutah zet zawng ka insum thei ta lo,

"tho rawh.... ka haw lutuk che"tih tawn tawn pahin a ban ah chuan ka beng nghal pawp pawp a,ṭha deuhin alo dawh ve mai bawk.

" khapa kha i bialpa em ni? "

"hmela ....tho rawh ka tih chu.... " ka beng na ve hle emaw ka tih pawhin engah mah zu han ngai duh miah lova.Tih ngaihna ka hre tawh lo, mittui tling pam chung chuan rum zet hian ka va melh khai ringawt, ka thinrim hmel a rawn hmuh phei chuan a nuih a za zual emaw tih mai tur hian min rawn la nuih vur vur zui !!.

.

" Tho rawh... Jakie kha ṭhut tawh suh... " rang zet hian a tho thut a, a hawi kual nghal vat bawk.

" i delh bek vek alawm... " tih pahin ka teddy bear chu ka kuah nghal ṭai a, mak tih hmel takin en lo en reng thung.

" kha kha maw Jakie chu...? "

" chhuak rawh...."

" Lalpa leh!!  anih leh hemi hian hming a nei ve tho em? " tih pahin ka panda pillow chu a rawn lek kang va va a.

" Calli kha khawih hlek suh..."

" maw....!! Calli maw!!a mawi loh lem loh chu.... anih leh hei hi" ka teddy bear dang chu a han kawk leh a,a hming phuahsak tho mahila ka sawi duh tawh lo.

.

"chhuak tawh rawh ..chuti lo chu ka au vak dawn ania "

"i ke chu a dam tawh em? "

" Nganghi.... "

" eng nge kei chu.... "

"cctv awmna kha i hre vek tiraw?  chuan.... chuan min chiu pawh khan min hliah lui tih ka hria ania"

" i fing hle mai "basketball bawk chu la leh in tih vir pah chuan room aṭangin a chhuak a, ka zui nghal vat bawk.

" Khawiah nge i kal dawn.... engvangin nge kha lam ah khan i kal ve ringawt a ?"

" ka ril a ṭam ka tih tawh kha.... "

" maw....!! "

.

In neitu zawk ang hrimin fridge chu a hawng rawk rawk a, eitur a duh zawng zawng chu a ei nghal tawn tawn bawk.A ei dan aṭang ringawt pawh hian a ril a ṭam hle ani tih tumah in an hai hauh lo ang.Ngawi rengin hmuhnawm ti tak chungin a thil ei lai chu ka lo en dauh dauh reng a,hauh pawh ka tum chuang lo a chhan chu hetiang em em a rilṭam te chuan a duh zat zat ei sela nimai lawm.

" i duh ve em? " inthlahrun nachang pawh a hrelo.

"Engtin nge khatiang khan i tih thei zawk? " ka tih chuan mak tih hmel takin min rawn en ha a.

" In thil tih zawng zawng avang khan Hailey in a tuar vek asin...police ho pawhin dawt sawi ah min ngai vek alawm... "

.

"hawh inkhel ang "

"kha kha ei zo la chhuak tawh rawh ..." thawk hak pahin kal nghal mai chu ka han tuma.

"khatiang hunah khan cctv ah ka lang ve thei hleinem "ka zawhna a chhan avang chuan rang lutuk in ka hawi let nghal vata.

"Engvangin maw? "

"ila hre mai ang... "tih pahin ka kâ ah strawberry chu a rawn hnawh lut a,hnai takah rawn kun hniam in ,"nakinah.... "a rawn ti zui sap bawk.

" Hmela....ka report dawn che "strawberry chuan a hnungah ka vawm zui leh hrama,rawn hawi let chuang lo chuan ,"min man chhuah loh nan theihtawp i chhuah zawk ngei ang " tih pahin kawngka chu a hawng rawk a, a chhuak nghal daih bawk.

.

__________________________________________

.

Weekend ni mahse ka ke ala nat avangin hla ngaithlak pahin khumah chuan ka lo mu zal mai mai a ,hetiang anga awm reng hi ka ning tawh takzet.

"Tina.... tho rawh " ka headphone pawh thlak pahin Jade chuan ka puan sin lai chu a rawn hlip ta pawp mai!!

"Eng nge....? "

"inkhel en ang.... "

"ka ke a nat hi... "

"pawilo kal tho ang.... "

" nidangah kan en mai dawn nia.... "

" nidangah a theih loh..... Lakers player ṭha ṭha an rawn kal dawn alawm... " Basketball tih vel hi ka tuina anih ve loh avangin ka phur teh chiam lo, bakah Basketball ani tih ka hre ve ringawt a, a bak hriat ka nei lo.

.

"tho la insiam vat rawh "

" Jade... ka peih lo " ka ṭawng hre lo ang mai chuan ka thawmhnaw hak tur ho chu a rawn theh phei nghal vata, ka ke na pawh a hre chang tawh lo.

"Enteh....an chhelo hlawm teh mai ania, helai hmuna kan player neih ṭhat ho nen an inkhel dawn a.... tournament phei chu nise a hmuhnawm zual ngawt ang "

"Engtik lai aṭang khan nge Basketball fan i lo nih ve hrim hrim a "

" in ha vat teh....Airport ah kan chan angai dawn nia "

" maw? " ke na chung hian mipui zi nuaih nuaih karah ka awm dawn chu ani sia, ka peihlo takzet.

.

°Airport °

.

Basketball player ho nghakin hmeichhe za rual vel chu airport ah banner nen kan ṭhu ṭhap hlawm a, a lum bawk nen ka luak te hi a chhuak bur tawh.

" Jade.... darkar thum lai kan ṭhu tawh ania, engtik ah nge an rawn thlen dawn "

" an rawn thleng ṭep tawh ang "

" nichin aṭang tawhin an rawn thleng ṭep tawh ang ila ti char char.... ka ril a ṭam tawh lutuk thil ei phawt ila chuan ka let leh dawn nia ...."

"reilote nghak leh phawt ila chuan kan kal dawn nia "

"anih chuan ka lo va kal ang...."

" awle... "

.

Phur tak chungin thil ei tum chuan ka bai phei chhat chhat a,ka ril a ṭam tawh bawk aniang engkim ka eichak vek tawh.

" awle.... engkim lo peihfel vek rawh "

Chutia hmanhmawn taka ka kal lai chuan Dylan ka va hmu thut mai!!Eng nge airport ah hian a tih le? kawr dum vek a hak ngai miah loh chu ha in lukhum a khum tlat bawka misual te pawh a ang zawk.

" Dylan... " ka auh zawih em avang chuan a hre pha lo aniang,room pakhat ah hian a lut daih a,kan intih thiamloh lai alo ni bawk nen ka hmuh ve chhunah hi chuan biak ngei ka tum bur.

.

Thil ei pawh ka ngaihsak tawh lo, Dylan luhna pindan ah chuan ka lut ve nghala, step a chhuk angaih avangin ka peih lo takzet.

" khawiah nge maw a kal daih le?" ringhlel ru ṭeuh chung chuan ka chhuk thla zela,a tawp ah phei chuan ka kalna hi a dikloh te pawh ka ring rum rum tawh.

A tawp a tawp ah garage ka thleng thla hlawl mai, Dylan chu sawi loh midang veivak hmuh tur pawh an awmlo hrim hrim.Ka han hawikual vela a reh duk mai bawk si, keimah leh keimah pawh ka inringhlel rum rum tawh.

.

"min that suh.... khawngaihin " hmeichhe pakhat au thawm ka hriat chuan ka beng ka chhi nghal hra a,ka bengchhe ri mai mai anih ka rin avangin a aia chiang zawk chuan ka han ngaithla leh a. 

.

.

Chapter-15

.

"khatah khan tunge awm ?"tih pahin zawi muangin ka bai phei chhat chhat a,tumah an awm loh chu sawi loh a reh phei duk avang chuan nichina ka thawm hriat kha ka bengchhe ri a nih te ka ring rum rum tawh.

" Hello.... " hlauthawng ru tak si chuan ka han ti leh a,ka hawi kual nghal hrek hrek bawk,inthiar fihlim daih chu duh viau mah ila engthil chiah nge thleng tih hriat ngei ka duh avang chuan thinphu dawt dawt chung pawh chuan car inrem phei put chu muangchangin ka en phei zela, mi veivak takngial pawh hmuh tur an awmlo.

" Tina.... " ka phu chiang kher mai!! rang lutuk in ka hawi let nghal vata Jade ka hmuh chuan ka thaw nghal huai thei.

.

"Ka zawng nasa lutuk che....ke na chung khan helai ah eng nge i tih? "

"nichin khan..... "

"ka ril a ṭam lutuk thil ei phawt ang... "

"awle..."

"car kan la chhuak nghal ange "

" mahse tinge i thil chan lai kha? " ka tih chuan thawk lak hak pahin a poster ken lai Lakers player rawn kal tur ho tan liau liau a a siam chu ka kuta rawn hmeh beh chawt chawt pah chuan,"an rawn kal daih tawh.... "

" maw?,anih chuan ka hmu ve hman lo ani maw "

" ni chiah e...i phone i switch off tlat bawk sia hawsan mai che ka tum a, mahse hei vanduaithlak lutuk in hetah ka hmu leh che a " a tih chuan ka lo ner nanga, a car la turin rawn chhuk lo se chu min hawsan leh daih tawh ang, henu hi chuan engmah hi a care ve thlawt lo.

.

" ka zawn na lamah che ka ril a ṭam tawh lutuk " tih pahin car ah chuan min luhsan nghal daih lehnghal,min nghah chu sawi loh ka ke na pawh hi a hrechang tawh lo reng reng.

"Dylan ang deuh ka hmu a.... mahse a awm tawh miah lo bakah nichin khan hmeichhe au thawm ka hre bawk asin " ka thusawi ngaithla tur pawhin dawhtheihna a nei tawh lo, car chu ti nung nghal in kawngka chu min lo hawnsak nghal vata,a hmanhnawh em avang chuan ka theih ang tawka rangin seat hnung ah chuan poster leh ka tiang hawl lai chu ka dah nghal sawk sawk bawk.

.

"keipawh ka ril a ṭam ve tho mahse nang ang.... " car a ka lut tur chu thisen ka rah pherh avang chuan ka ṭawng tawp nghal chawt,mak ti tak chung chuan ka pheikhawk hnuai chu ka han leh a "Jade.... thisen ka rap pherh ania " ka ti nghal vat bawk,mahse ka chiai lem lo.

"Tina.... hmanhnawh teh chutiang ngaihtuah hman kan nilo... " ngatinge maw Jade hi a ngaih a sam em em mai le, bakah a hma in hetiang zawng hian kan lo intih der fo tawh ṭhin avangin fiamthu turah a ngai vek tawh te pawh ani mahna.

" ka fiamthu lo ania....  hei rawn en rawh "

" nakin ah kan en dawn nia..bakah hetiang lai hmuna thisen hmuh te chu a awihawm loh lutuk rawng aniang,ughh rawn chuang phawt teh kal vat vat ang "

.

Jade sawi ang hian rawng pawh alo ni reng thei, thisen ani ngei ani tih prove na a awmloh avangin ngaihṭha lo deuh chung chuan ka lut ta ringawt a mahse ka awm a nuam thei chuang lo, eng nge maw hian min mawlh tlat pek a.

Tukverh lam thlir vauh vauh paha ka lo inngaihtuah vung vung lai chuan Arden ka hmu ta thut mai!! Car ah a luh ve chiah avang chuan hmanhmawh lutukin ka dak chhuak nghal vat a,angai te bawkin kawrdum vek a ha a, lukhum a khum tlat avangin ka hai ṭep lehnghal.

"Jade.... nichin khan hmeichhe au thawm ka hre chiang alawm "

" Eng chu maw i hriata? "

"min that suh tih ri ka hria alawm.... ka hresual thei lo hrim hrim " Arden ka hmuh ngat phei kha chuan ka rinhlelhna a zual sauh, khang thisen te leh mangang au thawm ri te kha Arden tih a ni thei mai angem?

.

" Lalpa leh.....Gas a zo dawn!!" Jade chuan thinrim hmel zet hian a rawn ti vin nghal hluk a, ka awm a nawm tawh loh sa tawh nak alaiin Jade-i aw vin phei hi chu ka ning hluah hluah.

" saw kan hma lawkah sawn gas station a awm reng saw.... "

" mahse ka ril a ṭam tawh alawm.... ka nghak thei lo ang "

" Jade....gas station ah sawn tlan lut phawt teh " a thinchhiat em avang chuan ka lo ti ve nghal hluk a,kan pahniha kan awm dun tawh hi chuan kan inhnial loh leh kan inti thinrim ngei ngei.

Phun bul bul pahin gas thun tur chuan a tlan lut ta nge nge a,car a tih din rual rual in ka chhuak nghal vat bawk.

.

"khawiah nge i kal dawn? "

" i ei tur lei turin mawle.... "

" anih chuan rei suh ang che " tih pahin ka tiang hlawl tur chu min rawn pe a, diktak chuan a ke na zawk hi car a awm tur zawk ka ni asin mahse a awmlo hran love ka chuahpui nu hi Jade a ni miau sia lawm.

*

Minute 10 pawh tling lo ah ka let leh hnu chuan Jade in hmeichhe pakhat alo inhnialpui leh hman tawh chu niin!!Hmanhmawh takin ka bai phei nghal hlawk hlawk a, va thleng hman lo ila chu an insual ngei ngei ang.

"Jade ....Engthil nge maw i tih le? "

"henu hian ka tlan na tur ah motor a rawn dah alawm....zakthei lo lutuk mai" a inhnialpui nu lah chu en reng reng pawh hian a nelawm loh thlawt,a sangin a lian ropui si a, a banah lah tattoo a inchhu khat dul a,a sam te lah chu an rang nasa em em khawp lehnghal,sam ka hmuh tawh ah chuan rawng ala chikim ber awm e.

"kal ang...." a inhnialpui nu hi cho chi ani lo tih ka hriat avang chuan ka han ti leh sap a, Jade lah chu a thinrim tulh tulh emaw tih mai turin a ling vur tawh mai bawk si .

.

"heta ṭang hian kalsawn vat rawh u... in ti fuh zawk ang " chu nu sam ṭiali chuan a rawn ti ve lehkher bawk nen , Jade lah chuan alo la na ngang mai.

" Tina.... khawmaw i tiang kha "

" maw? "

" i tiang kha min rawn pe vat teh "

"kal zawk ang...."

" teuh lo mai...." tih pahin ka tiang ken lai min rawn chhuhsak rual chuan chunu banah tak chuan a vaw ta pawp mai!! Jade chetdan chu mak ka tih em avang chuan phawk fe hian ka melh nghal kawk a,a rawn let leh lam chu ana khawp ang le.... ka ngaihtuah ngam lo zawk.

.

"Hmeli.... " tih pahin chunu chuan Jade samah chuan a rawn kek ta bawrh bawrh mai!! an insual ṭan chu ani der, Jade lah alo tlawm lo nasa a theih ang tawkin a han kek let ve leh bawrh bawrh a, kei erawh tihngaihna hre lo in ka ding khawng reng ringawt.

" Duhtawk teh u.... " ka han hawikual vela tumah an awm bawk si lo,ka ke alo na lehzel bawk nen han ṭhelh mai ngaihna pawh ka hre lo.

" Tina.... a sam ah hian lo kek ve ta che "

"Enga!! " Diktak chuan Jade hian a hneh hlawl lo,ka ṭhelh thei lo anih pawhin ka puih mai loh chuan tihngaihna a awm tawh lo, tlawm se a ṭha nimai tur ania, min ti buai ngawt mai.

.

Ka thil ken lai chu leiah ka dah sawk sawk a,thawk lak kawk kawk pahin chunu hnungah chuan thelh tumin ka va bawhbet ve ta ringawt a, min theh thla rang ngei mai.

" Jade....  thlah rawh " tih pahin pawh ṭhen chu ka han tum leh a mahse chunu bawk chuan ka sam ah a rawn ṭham ta tuarh mai!!  a na lutuk hi sawi ngaihna pawh ka hre lo.

" min thlah rawh "tal chhuah tumin a hmaiah tak chuan ka ham nghal bawrh bawrh a, naupang harh leh nghal ṭhin tih takah ka zia kha a rawn lang leh ṭan tawh.

Kan pahnih in ṭang kawp mah ila kan sama a man beh tlat tawh avangin kan che hleithei tawh lo, bakah hneh tur pawh kan ni lo, a che vel leh kut min han thlak vel dan ah hian a vawikhatna chu ani lo tawp ang, bakah a zei danah hian ṭha taka train te pawh a ang zawk.

.

Chutia kan lo insual buai lai tak chuan mipa pakhat hian min rawn pawm sawn ta nawlh mai, chutiang ang bawkin Jade leh Sam ṭiali pawh.

"Jose khanu kha kalsawn pui nghal rawh " an tih ri ka hriat rual chuan Jade chu car ah a pawt lut a, an tlanpui nghal daih bawk.

"min thlah rawh.... " ka theih ang tawkin ka han tal vak vak a, car pakhat ah hian min pawm lut nghal nawlh ringawt.

" tunge maw i..... " ka hawi phei chiah chu Arden alo ni leh tawh, ngatinge maw hepa hi ka awmna apiangah a awm mai le?  nge min zui ru zawk.Ka sam pheng zet mai tuai pam pawlh pawlh pah chuan " Khawiah nge Jade kha in hruai....?"a engah mah hma chuan kan han ti vin nghal hluk ringawt a.

.

.

" Jose an alo buaipui mai ang... "

"maw?Lalpa leh khawiah nge hruai a tum?" car aṭang chuan chhuah ka tuma,min pawh her sawk pah chuan, "hlauthawng suh... engtin mah a ti dawn lo ,him takin a hruai haw ang tih ka tiam a che " ka mit a tak chuan min en kar a ,a thusawi lai pawh hi a ti mai mai lo ani tih ka hrethei.

" Ngatinge maw ka hmuh theih ah hian i rawn awm ziah a... min kalsan thei mai lo em ni?"

Arden ka hmu ziah mai hi chu mak ka ti zawk, a chang hi chuan min zui ru anih te ka ring hial bakah ani ang mihring hi chu hnaih ka duh lo hrim hrim.

.

"kha heihi i biangah khan dep rawh " beer can vawt dap mai hi min rawn pe a, ka mamawh tak anih avangin ka biangah chuan ka han dep vang vang mai chu ka zia nghal sawng sawng in ka hria.

" ka lawm e... "

"i ke chu a zia deuh tawh em? " ka lo bu nghat a,ka ke na pawh hi amah vang vek.

"I biang pilh ah khan heihi hnawih ang " damdawi rawn hnawih a tum ta mai!!

" ka duhlo... " tih pahin lehlam chu ka hawi hmak,a hma ang khan thil a thlen leh ka hlauh avangin damdawi lam chi hi chu a hnen aṭanga dawn hi ka duh lo bur.

.

"damdawi kan hnawih loh chuan i pi in a hau leh ang che " tih pahin ka khabe ah chuan a rawn dawm a, a hnawih nghal mawlh mawlh bawk mahse kei erawhin mak ti tak chungin ka lo en reng thung.

" engtin nge pi ka nei tih chu i hriat?  Engtin nge min hau ṭhin ani tih i hriat theih? " ka rilru ah zawhna chi hrang hrang a rawn lang nghal zut zut mai, ka rin ai daih in ka mi hriat ngai pawh nilo leh gangster lehnghal hian min hrechiang takzet in ka hria mahse chu chuan min ti hlauthawng hle thung.

Chutia a chhanna ka nghah reng lai chuan nichina ka insual pui sam ṭiali khan kawngka a rawn hawng ta thut mai!!

.

" Ka tihpalh... " tih ringawt hi a rawn sawi a, lungawi loh hmel zetin a kal lehnghal daih anih chu!!  khanu awmdan kha a mak takzet, engvanga khatiang thu kha rawn sawi ve ringawt nge maw anih le? 

"i hria tiraw?" buk nghat pahin ka kut a thi kai tlemte chu a hru fai mawlh mawlh a ,

Ka rin dah chiah ani,khang ho nen khan an inkawm tawk lek zawk.

"hahh... khawvel hi chu a zim teh e... " nuih suk pahin amah chu ka en renga ,hetia chiang taka ka en hian a hmelṭha zual sauh emaw tih tur ani.

A khabe ruh invuah dik zet te leh a hnarngul zum vah te hian a ti hmelṭha zual in a ti chhelo thlawt.

.

.

Chapter-16

.

" ka thlah ang che.... " a tih chuan ka lo bu nghat a, hnial kher ka tum lem lo a chhan chu haw a ka khuma mut vat vat ka chak tawh vang ani.

Ngawi rengin inbe miah lo chuan kan chuang dun ran a,a khat tawkin ka va melh leh zeuh ṭhin a, a sam tih phir dan te leh a mitmu hring nghal te hi hetiang em em hian a inhmeh tih ka lo hre ngai miah lo.

"hmelṭha min va ti awm ve " rang lutuk in tukverh lam ka hawi phei nghal vat, engvanga lo en leh reng tawh nge maw ka nih le? chhang lo chuan lehlam chu ka han hawi ngar ngar a,a chang leh tihsual ka nei hleinem engvanga lehlam hawi tlat nge maw ka nih le?  tiin ka han inzawt leh thul.

"Arden i nih si chuan engvangin nge Zero an tih che.... ?"

"I ril a ṭam em? " engvanga thil dang min zawt daih nge maw anih le?  phakar lutuk mai.

.

Reife kan tlan hnu chuan ka han hawi kual vela, kan in kawng alo ni hauh lo, hlauhthawng tih hriat tak hian Arden chu ka melh nghal kawk a ,lo ring lo tawp tur ka ni asin.

" khawiah nge min hruai dawn? "

"khawiah mah "

" khawiah nge min hruai dawn ka tih chu? " ka awki pawh ka san sawt hle,kawngka hawn tum chuan ka han dap nghal rawk rawk a mahse a lo lock fel diam tawh lehnghal.

"car hi ti ding rawh "chiai miah lo in chhuah ruk dan tur chu ka enkual hrek hrek a, ka thlan in min bual huh dup tawh lehnghal.

"kan thleng ṭep tawh " hepa teh hrep hian khawiah nge maw min hruai a tum le ? nge min rukbo a tum zawk.

.

Chutia mangang ru tak chunga ka lo awm mek lai chuan hmun pakhat hi kan thleng hlawl mai, in lianpui hlui tawh zet kawtah chuan car chu ti dingin a chhuak nghal vat bawk,kei erawh chhuah ka tum hauh lo thung.

"i rawn chhuak dawn lo em ni?" ka han hawikual vela,in lah chu a sangin darthlalang pawh a tla zo vek tawh lehnghal ,a bang khawk nuai te leh a chhung thim phei mup te sawn mi rap takzet.

"inah ka haw duh.... "

"oh... c'mon" tih pahin kawngka chu a rawn hawng a "engtin mah ka ti dawn lo che " a ti zui sap bawk.

" engvangin nge ka rin ngawt ang che "

"a chhanchu helai hmunah hian kan pahnih chauha, kan awm avangin "

.

Engthil nge maw ka chungah thleng ta hi le?  a tir aṭang khan lo inngaihtuah chiang tur ka ni asin, tunah hian ka bulah misual leh nunrawng ti a miten an sawi hut hut chu a awm reng a,keilah chuan a thusawi apiang ringin ka lo inthlah tir vel maw?!.Mi chuan hria se mi â emaw rilru kim lo emaw min ti ngei ang. Eng thluak nge maw ka neih a, ka mawl em em mai le? Valentina harh rawh, i bula mi hi misual anih hi, tiin ka han in hrilh ve mawlh mawlh na a, a hmel ka hmuh hian min ti na dawn lo ni a hriatna ka nei tlat peka, ka â tawh takzet in ka hria.

.

" minute 10 chiah a awm tawh ania " a thusawi hi ka hrethiam lo takzet, engvanga minute5 chauh awm tawh nge maw anih le? anih loh pawhin min thah a tum ami le?

" khawngaihin min ti na suh... "a nui ri zui hak ringawt,thil nuihzatthlak pawh ka sawi tawp si lo.

" han in en ta che... tih nat tlak pawh i nih tawh loh hi... " ni e, ka hmai a pilh nasa in a duk thluah bawka chutah ka ke ala na zui, min ti na duh nise helai hmuna min hruai kher lo hian min khawih daih tawh ang chu.

.

" khawiah nge kan kal dawn? "

" min rawn zui rawh... ka tiam a che i kal nawn leh duh ngei ngei ang " a mit aṭanga tih takzet na ka hmuh chuan ka ring leh nghal vek tawh chu sawi loh ka hlauhthawnna te kha a bo nghal vek nia mawle.

Ngawi rengin a kalna apiang ah chuan ka zui chho chhat chhat a, a khawih hrim hrim ka duh loh avangin ka kal chak thei lo bawk nen ka hma ah chuan muangchangin a chho zela,a chang leh alo kal chak deuh chuan min lo nghak leh ṭhin a ,engmah chu sawi lo mahse a dawh thei lo lek lek ṭhin in ka hria.

"ka chho thei tawh lo ka hah tawh lutuk "

"kan thleng ṭep tawh ...." ka sawi sual loh chuan chhawng li lai kan chho tawh in ka hria,ka hah lutuk hi thawk pawh ka thawk ṭhat theih tawh loh laiin ani erawh hah hmel pawh ala pu lo.

.

"khawi.... " a kut chu a rawn dawh a, mahse a kaih ka duh lo ve khanglang.

" awle... " a kut lak let zal zal pah chuan a chho lehnghal daih a,a lungawi vak lo aniang nghah pawh min nghak tawh lo hrim hrim.

A sawi ang tak tak in reilo te ah inchung zawl chu ka thleng chho der mai,kawngka aṭang ka pen chhuak chiah chu thli fim hian min rawn chhem nghal heuh heuh a,boruak a thiang in tlai ni tla tur sen phut mai te leh van a sava rual thlawk te chu an mawi takzet.

" a mawi lutuk "

"hetah lo kal teh " ka hawi let chuan kawngka sirah cigarette zu chung hian min lo nghak chu niin,bang ngheng chung hian min rawn en kar a, ngatinge pawh ka hrelo ka thinphu te hi a rang sawt riau in ka hria.

.

"hetah hian awm zawk ang"

"sang i hlau em ni? " a tih chuan ka lo bu nghat a, a hmun chu nuamin mawi viau mahse ka kal thui vak ngam lo chuti lo chu ka lu a hai leh mai ang.

" awle ka hrethiam e " a bula ding tur chuan min pawt hnai deuh a, min khawih zawng ringawt maw hian ka mur ur ur thei nia mawle, mahse ka awmdan danglam tak hi a hriat ka hlau hle thung.

" helai hmunah hian i kal ṭhin mi? "

"umm.... "

"a nuam hle mai "

"i kal nawn leh duh ngei ngei ang ka tih kha... " ka lo khi suk a, kal ka hlauh ang hu in a nuam phian lehnghal.

.

"i hmai chu ala na em ?"

" aih... " tih pah chuan ka han hawi chho mai a, min lo en reng chu niin.

" ughh... " thil dang sawi leh ka tum pawhin ka mit ah tak chuan min rawn melh kak a, dan rual loh in ka thinphu chu a rawn ri nghal dawt dawt ringawt,a hre pha hial maithei ani.

"ughh....  chhuk tawh ila a ṭha ang " tih pahin hawisawn daih ka chu han tum a mahse ka khabe ah dawm in min kuai her nghal sawk ringawt.Ka hniam em avangin hnai takah a rawn kut hniam a,chutah zet zawng ka hawisawn thei tawh lo, amah chu ka en kar ringawt.

.

Ka sam ka benga zeh pah chuan zawi te hian ka biang chu a rawn khawih a, engvanga min hmuh apianga ka biang khawih ziah nge anih tih hi ngaihdan pawh ka nei lo.

A chal leh ka chal chu rawn insik tirin ,nghet takin ka kawngah a rawn vuan bawka, khawvel hi a reh duk nimai hian ka hria,mahse a thaw lum ham ham erawh chiang takin ka hre thei thung.

Muang changin a kut hit zet chuan ka kawr chu a rawn zet chho a ,ka lo maimichhing diar diar thung.

"khapa kha tunge? " tih pahin ka hnute chu a rawn tham nghal tawn a,ka ip nghal chawih bawk.

" tu chu maw? " min rawn fawp dawn emaw tiin rem takin ka hmui chu ka lo dawh ha a.

"damdawiin aṭanga rawn hruai tu che kha " a tih chuan ka meng nghal kawk ringawt.

.

Chiang zet hian a mit ah tak chuan ka en nghal kawk a min rawn la nuih suk zui.

" min khawih suh... " tih pahin ka nam sawn nghal dawrh a,engmah thleng lo ang maiin ka sam chu ka tuai mam nghal thuak thuak a, inhnuai ah ka chhukthla nghal daih bawk.

" Valentina... eng thil nge maw i ngaituah le? pasal hual i neih kha" ka hmai chu ka han beng thek thek a, ala na em em zui.Min fawp dawn emaw tia ka hmui ka lo dawh lai te kha ka han ngaihtuah let leh a, ka zak lutuk hi au vak vak mai ka duh.

.

Car ah pawh chuang lo in ke a kal ṭha in ka hre ta zawka, anihna takah chuan ka hmuh zak tawh vang zawk ani, khatiang thil tehhrep a thlen hnu khan  engtin nge ka hmuh ngam chu sawi loh a bulah ka awm theih tawh ang. Khua a thim vek tawh avangin hnung lam aṭagin light chuan min rawn chhun sawt a, horn a hmet ri nghal tuarh bawk.

Arden ani tih ka hriat avang chuan hawi pawh hawi let duh lo in ka kal dan ngai chuan ka kal ngar ngar a,a ni hmuh leh ai chuan ke thi phung in kal dawn pawh ni ila pawi ka ti lo.Thil thleng ka ngaihtuah let apiang chuan ka zak lutuk hi ka thlan nghal bawrh bawrh thei nia mawle mahse ka indem hran lo nangni pawh heti khawpa mipa zun ngah leh huhang nghah hian khawih ve cheu se chuan kei ai hian in dinhmun a chhe zawk ngei ang.

.

.

Ka kal rual zelin muangchangin ka zawnah chuan a rawn tlan ve zela,hria ang pawhin ka awm duh hauh lo thung.Ka hawi duh miah loh avang chuan a khat tawkin horn chu a rawn hmet ri deuh reng bawka, ka nin tak em avang chuan rum zet hian hawilet hraw pahin ka kutzung lai chu ka han hmuh va va a,a nui nghal suk bawk.

"Engthil nge maw i tih le? "

" rawn lut rawh.... "

"teuh lo.. "

"zankhua in kal mah la i thleng chuang lo ang... mahse i thu thu le " tih pahin kawngka chu a rawn hawng a,a hmui liah zeuh pahin min en ran bawk.

.

"Lalpa leh.... ka ke chu na lo se ke in ka kal thleng ṭhak ang mawle " tih bul bul pah chuan ka lut leh ta nge nge a, chuan duh lo hle mah ila kawng a thuitham mai bakah motor tlan a van em avangin ka chuan mai angai.

Hmalam melh run pah chuan engthil thil emaw ka ngaihtuah neuh neuh a, engtin chiah nge he misuala nen hian kan inzui ziah tak dan hi ka hrethiam tawh bik lo.

" Engvangin nge min zui renga...,min thah i duh vang em ni?" ka ti chhuak hlawl ringawt.

"i rilru a awm ang ang kha a chhanna ani mai "

" maw!!  buaina ka tawh apiangin i rawn in lan ziah a mahse buaina nasa tak min thlen ṭhin tho bawk si " min chhang lo in a nui suk ringawt.

.

________________________________________

.

Arden chuan in thleng min thlah a,car atanga ka chhuk rual rualin a tlan nghal daih anih chu!!  nungchang mawi pawh a hrelo.

" Bawihte... " zanin chu maktak maiin ka pa in pawnah min lo nghak anih chu!! a bul a rawn thlen rual rual chuan min rawn kuah nghal thlawp a, a hlauthawn hmel hle bawk.

"ka pa... engthil nge thleng "

" i na em?  engtin mah i awm lo tiraw? ngatinge i hmai hi ? tu tih nge?"

" ka ṭha engtin mah ka awm lo.... inchhung ah lut phawt ang " ka pa hlauthawng hmel ka hmuh hian thil diklo a thleng tih ka hre nghal .

.

" Tunge rawn thlah tu che kha.... vawin ah engthil mah a thleng lo tak tak maw? "

"ka hmai hi chu accident vang ania.... insual na ah ka tel palh alawm... mahse thil dang engmah a thleng lo"

" a ṭha anih chu" thawk halh pahin a room ah a lut nghal daih bawk. Thil thleng hi ka hrethiam lo takzet engvanga hetianga awm nge maw anih le?

" ka pi ka pa saw ngatinge....?"

" vawin chu min ti rilru hah khawp mai, i phone lah a in switch off hmak bawk si "

" battery ka nei lo alawm... mahse engvanga hlauthawng em em nge maw in nih le?, nidangah pawh ka chhuak ṭhin tho si a "

" a chhanchu i pa in phone call a dawng alawm.... "

" tu hnen aṭangin ?"

" ka hre bik lo....tuemaw in hruai bo a tum thu che an rawn hrilh alawm" a tih chuan Arden an min phurh lai khan min hmu tu an awm anih ka ring nghal. 

.

.

Chapter-17

.

" ngatinge i hmai te neih nuaih chu.... khawiah nge i kal "

" ka sawi tawh kha... insualna ah ka tel palh alawm "

" i pa i ti mangang lutuk asin,va be vat ang che .... bakah Dylan tello chuan tlai tak tak ah rawn haw tawh suh "

"ka pi.... kum18 ka tlin tawh hi ngaihtuah ngai ka ni tawh lo "

"i room ah han chho vat rawh... Dylan an a nghak reng che ania "

"Engmaw Dylan a !!?"

"ani pawh a mangang lutuk asin nang lah engmah rawn sawi lo in i reh hmak bawk si "

"ka sawi tawh kha ka duh vang ani hleinem...bakah engvangin nge Dylan in hrilh a"kan inti thiamlo ani tih an hre ve der bawk si lo a buaithlak.

"engpawh chu nise han chho vat rawh... dinner kan lo peih fel ange " ka pi in a tih chuan men pual ralh pahin inchungah ka chho nghala.

.

Ka pi sawi ang ngeiin Dylan chuan ka room ah min lo nghak ran a, hmu reng mah ila biak hmasak erawh ka tum hauh lo thung.

"khawiah nge i kal? " A ṭawng hre lo ang mai chuan ka bag chu khumah ka theh thal tawpa,ka phone ka charge nghal vat bawk.

"ngatinge i hmai chu?"

"min be duh lo ani lawm ni engvangin nge hetah i rawn kal"

"naktuk ah ka pa in kan pahnih in dinner min kil pui a duh a chuvang chuan ṭha takin awm ang che"

"chhuak rawh... " hepa hian min ngaihtuah hlawl lo,ka ke a na a ka hmai a pilh nuaih bawk min ngaihtuah a hnekin apa tih lawm dan tur ringawt alo zawnga chu chu ka ngaithei ṭhak lo.

"i hmai kha enkawl dam vat ang che...khatiang khan ka pa i hmu tur ani lo " thinrim hmel zet hian a chhuak daih a, kawngka a khar nghal chawrh bawk.

.

_________________________________________

.

" Hailey... eng nge ka bun ang?" tih pahin pheikhawk pathum hi ka dah chhuak a,darthlalang a in en pahin ka han bun chhin vela, ka inhmeh vek mai hian ka hria.

" i ke a nat kha.... a sang kha chu bun lo mai la "

" i mawl mi... mi mai mai ka hmu dawn hleinem Dylan pa asin ka hmuh dawn "ka tih chuan ngeiawm zet hian a han thaw chhuak hak a.

"in in tithiam lo ani lawm ni... "

"hei ngaihdam min rawn dil vek tawh " tih pahin ka phone chu ka han hmuh va va a, tlaiah khan ngaihdam min rawn dil a tunah chuan kan ṭha leh vek tawh bakah pasal hual te nena intih thiam loh reng hi a ninawm.

.

" Lalpa leh!!  ok... a ṭha e, i duh duh dan in awm teh.... "

"anih chuan khawi ber hi nge ka bun ang "

"i ke... "

" thlang vat vat rawh car in min nghak reng tawh ania... "

"urghh.... a sen kha... " bun ka lo tum rilruk tak a ni bawk nen lungawi tak chuan ka han inthawlh lut vata, zep lo chuan ka ke ana takzet mahse hun reilo te chhung chauh anih dawn avangin ka tawrh thei mai ka inring.

"ka hmai duk vel hi a lang chiang viau em? "

" makeup i hmang chhah em a a lang lutuk lo "

" a ṭhat chu " tih pahin clutch sen hum pah chuan ka bai chhuak aih aih a,Dylan te inah chuan pangngai taka ka kal angaih dawn avangin tunah hi chuan ka ke ti na lo thei ang bera awm ka duh.

.

*

*

Reife ka tlan hnu chuan car a rawn ding tak thut avang chuan hma lamah ka bu nghal lawp a, tlem a tlem ah ka insawh na lo chauh alawm.

"ngatinge? "

"gas a zo"

" ava hun lo tak " tih sap pahin ka han hawikual vela,thinkung ding thup bak hmuh tur a awm lo. Dylan te in awmna hi a fal deuh hlek avangin kal nan pawh hun a duh rei hle a, ka sawi thiam dan berah chuan ramhnuai kal tlang ngai ani ber mai,helai hmun kan kal tlang apiang hian ngaihṭha takin ka awm ngai lo ,tunah pawh ka lo hlauhthawn ruk ṭhin ang ngeiin hei motor pawh a tlan leh theih tawh loh hi.

.

" Engtin nge kan tih tak ang?  "darkar chanve lai kan awm tawh avang chuan sana chu ka en chhen tawh a, bakah Dylan pawh hetiang motor gas zo ṭep tawh te rawn tirh reng reng.A khat tawkin ka phone chu ka han hmet eng leh zeuh ṭhin a, ṭanpui na han dil em chu ka hreh ve deuh bawk si a, tih dan dang ka ngaihtuah mai angai dawn anih hi .

"helai aṭanga hla vak lo ah hian gas lakna tur a awma chutah chuan kan kal hmasa phawt mai dawn mi niang?"

"chutiang te chu sawi vat tur che alawm .. i duh duh danin han ti teh dar8 hma in kan thlen ngei ngei angai dawn nia "

" awle... ka hrethiam e " tih pahin car chu a han ti nung leh hlat hlat a, gas station kan thlen zawh loh ka hlau takzet.

.

Minute 10 pawh kan tlan hma chuan hmun pakhat hi kan thleng hlawl mai!!Gate lian zet ah chhungah chuan kan tlan lut zela, kawng sir tawn tawn ah te chuan light bial lian vak lo leh thingkung uluk taka enkawl tih hriat tak mai hi a an tlar phei tuarh bawka,a hmun hma vel hi a nuam takzet.

" kan thleng ṭep tawh em? "

" aw... "

" hmanhnawh deuh rawh aw... " dar8 hma in kan thlen hman hram ka beisei, mahse helai hi khawi hmun nge maw anih le, gas station pawh a ang love pawilo driver hian a hre tho alawm engkim a buaipui vek mai ang.

.

In pakhat mawi zet mai kawtah hian car chu a ding ringawt a, mak tih hmel takin ka hawikual nghal vat bawk.

"hetah hian mi gas chu i thun tir dawn? " ka la ti fan tho, a chhan chu Dylan rawn tirh anih avangin ka ring ve em em ringawt. 

"hi!!" Arden chu tukverh ah chuan a rawn dak ta thut mai!! hmuh ka inrin loh em avang chuan phawk fe hian ka lo melh nghal kawk a, hepa hian hetah eng nge a rawn tih? 

"driver...kal ang "

"Hey!  Max..... " driver chu car aṭang chuan a chhuk nghal vata, Arden dara ben thak thak pah chuan min rawn nuih suk a, inchhungah min luhsan daih anih chu!!

.

Engthil nge thleng leh ta hi hemi te pahnih hi an lo inhre reng amaw?  Arden leh Dylan driver hi an in hria amaw?!!  ka awih thei lo, nilo..... hepa hian min bum ani,Dylan driver aiah khapa kha an rawn kal tir ani tih ka hre nghal mahse khawiah nge Dylan driver chu a awm tak ang ?.

" khawiah nge driver a awm? "

"umm... pawisa tlemte nen khan a tlanbo tawh pawh ani mahna "

"hreptak chuan " ka sam chul thuak pah chuan lehlam chu ka melh vung vung a, dar8 a ri ṭep tawh mai bawk si a engtin nge ka tih tak ang? 

.

Chutia rilru hah tak chunga tihdan tur ka lo ngaihtuah mek lai chuan kawngka chu rawn hawngin ka malpuia ka phone dah chu a rawn la daih anih chu!! 

"ka phone kha min pe vat rawh.... " Dylan an a rawn call chiah lehnghal

"i rawn luh phawt loh chuan... "

"ka hmanhmawh ania... "

" anih chuan ka chhang dawn ania ..."

" a ngailo " a chhan vaih chuan Dylan an min ringhlel nghal dawn ani tih ka hriat avangin car aṭanga chhuk thlak pah chuan ka phone chu ka va ban thuak a,ka ban phak loh turin a keng kang nghal daih anih chu.

"eng nge maw i hriat le? "

" minute 10 chiah... " sana chu ka zuk melh zeuh a, minute 10 chiah tak tak ka awm anga chuan ka tlai lo chiah chiah bawk ang ,duh lo hle mah ila a sawi anga ka awm loh chuan ka tlai takngial dawn.

.

" min thlah ang che" tih pahin inchhung lam panin ka kal phei chhat chhat a, ka hnungah min rawn zui nghal vat bawk.Inchhung ka luh chuan an lo party nasa mai,tumah hiat ka nei bawk si lova ka lut peih lo takzet.

" Minute 10 chiah hrereng rawh... " amah melh hraw pah chuan ka han ti nawn leh khera a nuih a za ngang mai.Midang lam sup sup na karah chuan min phei pui zela, ka ke ala dam chiang lo ani tih ala hre reng pawh ani mahna min rawn nek buai leh min rawn su tur an awm chuan min lo veng nghal vat zel.

"Hi!!... Valentina " ehe!!  sam ṭiali ka hmuh chuan mak tih hmel takin Arden chu ka han en ringawt a, hetah a awm ang tih ngaihna reng ka nei lo, bakah ka hming a hre lehnghal !!.

.

" Hi! " za lo zet hian ka lo nui suk ringawt.

"kan lo lawm a che.... hehi Olivia ania chuan heihi Ethan...chuan kei hi Mia..."

"Mia ....duhtawk rawh... " Arden chuan vin zetin sam ṭiali chu a khak nghal zeuh a, a chhan erawh ka hre hauh lo thung.

" Hi!!  " min hmelhriat tir ta sa sa tiin Olivia chu ka han chibai ve mai bawka mahse Ethan erawh hi chuan min melh dan ringawt aṭang pawh hian min hua ani tih ka hrethei .

"ka hmu che chu ka lawm e... " polite tak chuan ka han ti leh a, min rawn nuih let ve chu sawi loh thinrim hmel zet hian min rawn melh khai a, a tho nghal daih anih chu!! a ngaihna pawh ka hrelo.

.

" sawi sual ka nei em ni? "

" a rui tawh anih kha ..." Mia chuan beer min rawn pek pah chuan alo ti vata, ka rin ai daihin sam ṭiali hi a fel reuh,Jade nen khan intibuai lo se chuan hei ai hian ka nel hma zawk daih ang mawle.

" helamah lo kal rawh " ka beng bulah Arden chuan a rawn ti sa sa a, ka lo nui suk ringawt.

.

( hemi in hi Valentina i va kalna Arden a lo awmna in angah khan lo mitthla ru aw.... 😁😁)

.

.

Chapter-18:

.

Pawnah swimming pool bul velah chuan Arden nen chuan kan inzui chhuak daih a,music ri rum rum te leh thawm ri hut hut te kha a zia deuh avangin a hahdamthlak hle thung.

"Mia... kha umm..."

" theihnghilh rawh...i hmai chu eng nge a an tawh? " min hmuh apianga a tih ṭhin dan ang bawkin zawite hian ka hmai chu a rawn khawih zeuh a, tun ṭum chu ka thinrim tawh miah lo ka lo nuih ver ver ringawt , ngaiah ka nei tawh pawh ani mahna.

" Engvangin nge ka ṭhat leh ṭhat loh pawh chu i tan a pawimawh em em na? "hetiang thu min zawh hian nuam ka ti tlat peka, a chhanchu hetiang ang zawhna hi Dylan hnen aṭangin ka hre ve ngai tlat lo.

.

"a pawimawh lo em ni? " keimah min rawn zawt let daih anih chu, min rawn la nuih vur vur zui.

"ehe.... heihi vur elaw...? "tih pahin swimming pool a vur tlang lâng luap luap ho chu mak tih hmel tak hian ka en renga, engvanga hetiang thil hi ti nge maw an nih le? 

"in tihhlim nan mai mai an ti anih kha... "

" a vawt viau ang le "

"i cheng duh em? "

" teuh lo mai.... vawt hi ka ngaina ve lo"ka duh lo lutuk ner kual vel lai chu nuihzat hmel tak hian min lo en renga, min ti lai lek lek lawm.

.

Thil hrechhuak niawm tak hian sana chu ka en nghal vuta,ka tlai tawh lutuk ani tih ka hmu chuan ka mengphawk nghal kawk bawk.

"khawi ka phone kha min pe tawh rawh.. " a din reng avang chuan thawk halh pahin, "hei minute10 a pel tawh ania,ka phone kha min pe tawh rawh ka tih chu " vin zet chuan ka han ti leh a,ka tlai tih hi ka pi in hria se chuan nileng in min zilh leh duh ngei ngei ang.Ngawi rengin phone chu min rawn pe ve mai bawka,lo chhuhsak pawp pahin kan han hmet eng chiah mai chu Dylan miscall alo in tlar thla tuarh anih chu !!!

.

"hreptak chuan !! engtin nge ka tih tak ang? "

"engchu maw? "

"helai hmun aṭang hian min hruai chhuak vat rawh... "

" awle... " vin hle mah ila zaidam tak hian min lo chhang ve mai zel bawka.

"tunah ka kal vat angai... " Dylan call back ka tum avang chuan kawng pawh en lo in phone bih ngur ngur pah chuan ka kal nghal hlawk hlawk a, pen nga pawh ka pen hman lo swimming pool vawt zet ah chuan ka tla thla ta bawrh mai!! 

"min pui rawh " tiin ka ṭe nghal tuarh bawk,tui ka chen thiam loh vang nilo in ka khawng vek tawh vang zawk ani .

Arden pawh chu rawn zuang lut ve nghalin, min pawm kang nawlh pahin pool aṭang chuan min chhuahpui nghal vang vang bawk.

☆

☆

Midang zik hut hut na karah chuan kil khatah puan chhah zet sin chung chuan ka ṭhu khur bauh bauh renga,ka taksa te hi a na vek tawh in ka hria.Ngawi rengin Arden chu ka hma ah rawn ṭhu hniam in ka pheikhawk sang zet chu min rawn phelhsak nghal sawk sawk a,mak tih hmel takin ka lo en reng ringawt .Ethan leh Olivia te pawh chu ka bul chiahah chuan an lo ding ve ran bawk a, Arden chet dan chu an lo ngaihtheih loh hmel em em lehnghal .

" Arden vawt i ti lo em ni? i thawmhnaw te kha han thlak rawh " Olivia chuan ngaihtuah hmel zet hian alo ti ve bawk a ,Olivia ṭawng chu hria ang pawhin a awm lo ,a thil tih lai chu a chhunzawm ngar ngar tho, an awmdan aṭang hian an inkar ah eng thil emaw ni chu a awm tih ka hre nghal.

.

"Tina.... coffee " Mia chuan min rawn nuih sang pah hian min rawn pe a. "engthil nge maw i tih le?"Arden erawh in thinrim tih hriat tak hian Mia chu a lo melh khai thung,Arden thinrim hmel a hmuh chuan inthiam loh hmel tak in coffee​ chu a la let leh ta zal zal a, an awmdan mak tak mai chu ngawi rengin ka lo en reng thung .

"Tina... coffee kha in rawh" Ethan pawh a tawp a tawp ah a rawn ṭawng chhuak ve hlawl mai .

" awle.... ka lawm e "nuih sang pahin coffee chu ka lo la nghal vata, engvanga coffee vang mai mai a thinrim ringawt nge maw anih le?

.

"khawi keiman ka siamsak ang che" tih pahin no chu min rawn chhuhsak a tum ta mai.

"Arden.... a pawilo.... "

"keiman ka... "

"hei engmah anih loh hi... " tih pahin coffee​ chu ka han lem nghal khawlh khawlh a,ka taksa vawt lutuk pawh kha a zia nghal sawng sawng in ka hria.

"Mia... ka lawm e "

"a ho lutuk engmah anih loh kha.... "

"Arden.... han in thlak rawh " Ethan chuan thutak run hian a darah chuan a rawn vuan a, Oliva nen chuan an kalsawn nghal daih bawk.

"Tina....nuam ti deuh khan awm rawh aw... "Mia pawh chu a lam ho karah chuan a va inhnawh ve nghal tawlh tawlh a ,ka rin ai daihin an fel hlawm phian .

.

"inchungah kan chho daih dawn mi niang?" a tih chuan ka lo bu nghat a,helai mi zik hut hut na kara awm reng ai chuan a nawm deuh zawk ka rin vang ani bakah tuna ka haw chuan ka pi in Dylan te inah ka kal lo tih a hriat chhuah vat ka hlauh avangin tlai deuh hleka haw chu ka tum ta zawk a.

" hawh" inthiam loh hmel zet hian min rawn en a,thawk chhuah halh pahin a ding vat bawk, engvanga hetianga awm thut nge a nih pawh ka hre love.

.

Room pakhat ah hian min luhpui daih a,kan pahnih chauhin ka awm bawk si a ka awm a nuam zan lo.

"i duh duh na ah khan lo ṭhu rawh "

" awle... " tih pahin couch ah chuan ka han thu dat a, ani erawh ka hlat vak lo ah bang ngheng in a ding ngawi reng thung.

Chutia inbiak pawh tum lo a ngawi renga kan awmdun tak reng avang chuan chhuanlam tur zawngin ka hawikual hruk hruk reng a,inhnuai ah chhuk leh daih mai te ka duh.

"thla chu a eng hle mai " balcony ah chuan ka chhuak daih a,khatiang hmun awkward lutuk lak aṭanga ka chhuak thei chu ka ru lawm hle.

.

Thla eng bial pup mai thlir vang vang pah chuan thlifim chu ka han hip lut vang vang a, hetiang ang hmun nuam leh thawveng hi kan in ni phei se chuan a nuam leh zual ang.Inchhungah luh leh tum chuan ka han hawi let a, Arden an inthlak tuma a kawr phelh chiah lai ka va hmuh chuan ka hawilet rang ngei mai.Maktak maiin a pian nalh zet te leh a V-line te sawn min hip tlat peka, ka sa nghal pup pup anih chu !!.Ka awmdan hi ka in hrethiam tawh bik lo, Arden a kawr phelh mai mai ka hmuh ringawt pawhin ka awmdan a danglam nghal vek thei nia mawle.

Ka thinphu in dum rawn dawt dawt chu tih zia awm tumin ka awm chu ka han dawm vang vang a,ka rilru ah Arden bak engthil dang mah a awm thei tawh lo.

.

(Heihi Arden Vline angah khan lo mitthla rawh u... 😁😁)

.

★Arden's Pov★

.

Ka thawmhnaw a huh vek avang chuan inthlak tumin ka jacket leh vest chu ka phelh a,ka tshirt hak tur ka lak mek lai chuan ngawi rengin Valentina chu a rawn lut a,min en reng ani tih hre reng mah ila hmu miah lo ang maiin ka awm lui tlat tho. 

" a lum tiraw... " tih pahin khumah chuan a ṭhu a,puan erawh ala sin reng tho. 

"lum i ti maw? " mak tih hmel takin Ac chu ka han on saka,nichin lawk kha chuan vawt a ti hle si a engvanga lum ti thut nge maw anih le?  

" i thawmhnaw i thlak duh em? " 

" aih " 

"i damloh phah ange " 

" a pawilo... " 

" maw? " min chhandan aṭang hian thil diklo a awm tih ka hre nghal. 

.

"tho rawh... ka thlah haw ang che"

" reilo te ka la ṭhu khawmuang thei angem? " hreptak chuan ka rin dan ang chiahin thil a thleng,Mia in coffee ah khan damdawi alo pawlh leh hman tawh .

"tunah hian i haw vat angai " 

" Engvangin maw? " engmah lah hi a hrethiam ve der bawk si lo, engpawh chu nise damdawi a ruih tak tak hma hian ka thlah haw vat angai.

"rawn kal rawh " tih pahin a ṭhutna aṭang chuan ka pawt tho nghal zawt a,kaih chhuah mai ka han tuma a lo ṭang ve tlat thung. 

.

" Engthil nge maw i tih le?  keimah in ka kal ve thei reng alawm "tih pah chuan a bai phei auh auh a, a ke na lai chu ka han en zui vang vang a. 

" hetah hian rawn kal teh " 

" khawiah maw? " mak tih hmel tak hian min rawn en kar a, rei pawh ka en duh lo a chhan chu tunah hian a hmui sen siah ah tak hian fawh ka chak takzet. 

"i ke hi tuam lum phawt ang " couch a ṭhut tir pah chuan a hma ah tak ka kup pakhat chuan ka ṭhingthi a ,a ke na chu ka tuam nghal sawk sawk bawk. 

"kal ang le " ka tuam zo ka hawichho chiah chu mit de sar sar in min lo en reng chu niin, a rui ṭan der tawh ani tih ka hre nghal. 

.

Ngawi rengin a mit ah tak chuan ka en renga, a hmui sen no siah te leh a engkim mai chuan min hip vel vek tawh,muang changin a kut pahnih chuan ka hmai chu a rawn dawm a, a hmela chakna awm te hi ka hmuh hmai hauh lo mahse ka thei lo, hetiang thil hi ka ti thei lo.... thil hrechhuak thut niawm tak chuan ka inla hrang nghal vata ,"tho rawh " tih pahin drawer dawm chung chuan ka ding kun reng ringawt. 

" Arden.... " Valentina in min rawn koh chuan hawi let reng reng suh... damdawi a rui ani tih hre reng rawh  tiin keimah leh keimah chu ka inhrilh nawn mawlh mawlh bawk. 

.

Ka awmdan in thunun har tak avang chuan drawer a ka silai dah chu lak chhuah a kah pawp mai chu ka duh rum rum tawh. Silai en reng chung chuan thawk ka han la vang vang a,engvangin nge sawtiang hmeichhe hmelṭha lutuk leh duhawm lutuk saw ka hnar reng bik ang. Ka insum thei tawh lo drawer nawr luh rawk pah chuan ka va pan hnai a, a hmui sen no siah ka fawh chak em em mai ah chuan ka fawp nghal tawn tawn a hetiang em em hian hmeichhia fawh ka chak ngai lo. Ani pawhin min lo hnar lo ngang mai a theih ang tawkin min lo chhang let ve nghal tawn tawn a,ka duhthawh bawk aniang insum lam reng reng ka ngaihtuah chang tawh lo. 

.

.

Chapter-19

.

A sam hnawm chap ah chuan nghet takin ka ṭham bet tlat a, chakna avanga a rum ham ham ri te leh a tha khur zawih zawih te chu ka hai hauh lo.Pawm kang lawp pahin khumah chuan ka han mut tira ,ka tshirt chu phelh nghalin chhuatah ka paih thla tawp bawk.Zawi muangin a chunga bawh pah chuan ka han fawp lehnghal tawn tawn a ,ka kut pahnih in ka in nem khalh tlat tho.Fawp reng chung chuan a malpui chu zut chho zelin a kawr chu a kawng thleng vel hian ka han hlim chhoh sak a,a kawr chhanah a hnute seh sak pahin a panty ah ka han zen lut chiah mai chu a rum chhuak nghal hawk thei .

.

A damdawi in kha a thawh chak em vang pawh ani mahna a insum thei tawh lo ani ber,

" khawngaihin tawp suh " tih sap pah chuan a panty chu a phelh nghal sawk sawk a,min rawn fawh tawn tawn pah chuan ka kekawr kilhna pawh a rawn phelh nghal vat bawk.

"muangchangin aw... " a chala fawh zeuh pahin rubber (condom) la tur chuan ka tho thut a,ka awmdan avang chuan hrilhhai takin min lo en reng thung.

" kha kha eng nge?" a rawn tih chuan mak tih hmel takin ka thil ken lai chu ka en ta ringawt a,a hre lo der nge a ruih tawh avangin a hre tawh lo zawk pawh ka hrelo.

"invenna" nuih suk pah chuan ka kheh nghal mawlh mawlh a,ka che vel chu ngun takin min lo thlir reng thung.

.

"min pui dawn nge keimah in ka vuah dawn?"fiam deuh pah chuan ka han ti leh kher a,a kawr phelh pah chuan ka bulah a rawn tawlh hnai nghal vata, light dim raih hnuaiah pawh a duhawmna a bo chuang lo.

"Engtin?" eng ang zawhna nge ni ngai, a hrelo der nge a hrelo tak tak zawk?

"lo kal teh "tih sap pahin ka mal chungah chuan ka han ṭhut tira,condom chu vuah nghal in a kut dawm chung chuan ka han hum tira,min rawn en pah chuan a nui nghal suk ringawt.

" chuan tihian.... " tih pahin muang changin ka han nawr thlak tir leh a, naupang thil zirtir te pawh ka ang zawk.

.

"chuan engtin? "nuih rik hak pah chuan a hmuiah ka han fawp zeuh a,a rui takzet tawh anih hi.

A dar leh a nghawng vel seh ne ne pahin a ke inkar ah chuan ka han ṭhingṭhi a, a serh nuai pahin a taksa chhungah kan lut chiah mai chu ṭe ṭhat pahin ka ban chu a rawn ṭham nghal tawn a,chu chauh chu ala ni lo a rawn thi ta ser ser mai!!

"F*** !!" lalpa leh!!  henu hi ala thianghlim amaw!! ka awih thei lo,ala thianghlim tih hria ila chu hetiang thil hi ka thlen tir hauh lo ang,mahse a tlai lutuk tawh.

" i ṭha em? "

" ummm " a ṭhat thu sawi mahse na a tih em avanga a mittui rawn tling nghal pam ka hmuh chuan ka inthiamloh em avangin tawpsan leh mai ka duh.

.

" Engvangin nge min hrilh loh?" tih vak ngaihna ka hriatloh avang chuan a hmuiah ka zuk fawp leh ringawt thin.Ka tih nat avanga inthiamlo hmel leh ka hrehawm ti hmel chu a hrethiam ve ani ngei ang min rawn nuih sek pah chuan, "khawngaih in tawp suh " a rawn ti sap a.A nat avanga a hmui a peh fan fan lai te leh a thlan rawn tla bawrh bawrh te chu ka hmuh hmaih bik hauh lo.

" a aiin a na leh dawn ania.... tawp turin min duh chuan sawi rawh...." ka tih chuan alo bu nghat a.

" anih chuan ka che thei tawh angem? "

" umm... " a aia thuk chuan ka han lut leh deuh a,ka hnungzang leh ka dar vel chu a rawn ṭham nghal tawn tawn a, a chang leh thawk a han la leh kawk kawk ṭhin.

"tawp turin min duh em?" a hmuiah chuan ka han fawp leh nghal tawn tawn a,amah hnem nan a beng bulah chuan "i ti ṭha lutuk ania " ka han ti sap a, a rawn nuih nghal suk bawk.

.

__________________________________________

.

Ka harh chuan Valentina chu min kuah ṭai chungin tui takin a la mu sêk sêk a,a hmel ngaihno bei tak leh duhawm tak hi ka thlir ning theilo ani ber, ka tshirt lian zet chu ha in a in hmeh hle nghe nghe ka sawi sual loh chuan ka tshirt hian a ha ani zawk mah ang chu.Puan sin ṭhat tir pah chuan tih harh hlau tak si hian ka tho nghal them them bawk, vest ka ha tur darthlalang ah ka han in en chiah mai chu ka ban leh ka hnung zang vel zawng zawng chu Valentina in min ham na kha a vual chu sawi loh alo pilh phung mai!! thawk chhuak hak pahin vest chu ka ha a balcony ah ka pheisan nghal daih bawk.

Ni ala chhuah loh avang chuan inkuangkuah chungin ka ding ngawi renga, ka rilru ah thil tantak a rawn lut nghal zut zut bawk. Diktak chuan nizan ah khan keipawh ka rui ve tho a mahse thil thleng zawng zawng kha pakhat te pawh ka theihnghilh lo.

.

Nizan thil thleng avanga ka inthiam loh em avang chuan ka awm pawh a nuam thei lo, ka hmai hup pahin ka han thaw chhuak leh hawk ṭhin a, rui lo ila chu ka insum thei ngei ang mawle... mahse ka hriatthiam theih loh chu engvanga hetianga awm tlat nge maw ka nih le?inthiamloh na leh hrehawm tihna hlirin ka khata ,ka chet dan avang khan ka inchhir ngawih ngawih bawk.Ka hna anih angin mi silai a ka kah changte, chemte a ka vih changte pawhin hetiang hian ka awm ngai lo, mahse hmeichhe pakhat vang mai mai in hetiang hian ka awm leh bawk si.A vawikhat nan pawisawi lo ti na ang maiin ka inhria a, a vawikhat nan midang ka rilru tak takin ka ngaihtuah na a ni bawk.

.

Jacket hak sawk sawk pahin drawer a ka silai dah chu ka la chhuak a,Valentina pawh en tawh lo in inhnuai lamah ka chhuk thla nghal daih bawk.Nizan Party avang khan khawi hmun mai pawh chu ala hnawk nuai veka ,mi zawng zawng an la mu vek emaw ka tih laiin Ethan leh Mia te erawh an lo inbe mawlh mawlh tawh thung.

" Khawiah nge i kal dawn? " Mia ka hmuh rual rual chuan ka sa nghal phat mai!!

" Eng vang phiangsen in nge coffee ah khan damdawi i pawlh? " silai lak chhuah pah chuan a bek ah tak ka tin ta ran mai !!,a hlau ngang aniang a che ngam tawh lo hrim hrim. Hmeichhia chu nilo se chhuatah hian a thal daih tawh ang mahse a vannei hlauh ka kut hmawr pawhin tawh ka tum eih lo.

.

" Arden... " Ethan chuan awki sang zet hian a rawn ti nghal tuarh a,silai pawh ka la thla nghal vat bawk. Ethan melh khai pahin a jacket nghawngah chuan ka han ṭham nghal tawn a ," anih chuan nang hian em ni telh turin lo hrilh a" ka thinrim tawh em avangin Ethan pawh ka ngaipawimawh thei tawh lo.

"Engvangin nge hetiang hian i awm? "

"in thlengin lo thlah haw ang che... i kut hmawr pawhin i tawk tur ani lo.... " silai dah ṭhat pah chuan Mia chu ka en leh kher a"Bawnghnute leh khawizu lo pe ang ang che" tih pahin ka chhuak nghal daih bawk.

.

_______________________________________

.

★Valentina's pov★

.

Ethan chuan in thlengin min thlah haw a,kawng tluanin kan inbe lo hrim hrim.

" Arden chuan eng nge a tih dawn a? "

" ka hrelo... " engvanga min haw em em nge maw anih le? pawilo Mia in tihtur aneih avanga chhuak ani tih leh lo thlah mai tura a chah thu min hrilh vek tawh tho.

" ka lawm e " tih pahin seatbelt chu ka han phelh leh te te phawt a,en pawh min rawn en duh lo,a awmdan aṭang hian min haw takzet ani tih hai rual ani lo mahse engvang nge ni ta ang?.Ngawi rengin kan in chhohna step ah chuan ka pheikhawk khai chung chuan ka chho chhat chhat a,ka pi ka hmu peih lo takzet.  

.

.

Chapter-20

.

Inchhung ka luh chuan ka hawi kual nghal vata, tumah ka hmuh loh avangin lawm ru tak chungin thawm dim thei ang ber chuan inchung lam panin ka chho nghal ṭhem ṭhem a,thawk pawh ka thaw ṭha ngam tawh lo hi ani ber.

" Valentina Garcia " ka pi aw ka hriat rual rual chuan ka ding nghal chawt a ka hlauthawng em avangin ka thinphu dut dut ri pawh ka hre pha hial ,tun ṭum zet chu insawifiah dan tur pawh ka hrelo. Ner suk pahin hrehtak chung chuan ka hawi let a,theih chu nise tlanbo daih ka chak takzet.

"Nizanah khawiah nge i riahbo..... "

"umm....ughh Hailey te inah" ka thusawi hi keimah takngial pawhin ka awih lo.

"anih chuan Hailey te in aṭangin ka rawn haw chiah sia... midang a ni ngei dawn anih chu "

.

Ngatinge maw Hailey te inah alo va kal kher kher le,ka dawt sawi min man chhuak leh ta!

"min ti zak hle mai.... zankhua in ka zawng che asin,i pa rawn haw hma in han inthlak vat rawh... hetiang hian i nu i chhun dawn tih hria ila lo enkawl lo tawp tur che ka ni asin" ka pi pawh a thin a rim takzet niin a lang, a chhan chu min hau nasa ṭhin hle mahse hetiang zawng hi chuan min la ṭawng khum ngai lo.A lu dawm vang vang pahin beidawn hmel zet hian min rawn en a "han inthlak la Pu Thompson te inah kal nghal ang "

" Engvangin maw? "

" i thil tih sual te ngaihdam dil turin "

" ka pi engvangin maw ngaihdam i dil anga..... keiman Dylan ka lo be mai ang "

.

"min ti mualpho nasa tawk tawh lutuk....ṭha takin awm ni la chu zahawm takin ka awm ve thei tur.. " nizan ah pu Thompson an alo ṭawngkhum leh ani tih ka hrenghal,engvanga sum vang chauha in phah hniam em em nge maw anih le ?

"ka pi....Dylan hi ka pasal tur tihna ani kher hleinem....ka la naupang a pasal tur te chu ṭha tak ka hmu leh mai dawn alawm "

" ngawi hmak rawh ...Dylan hi ṭhen tum hauh suh ang che, i pasal tur anih hi chuvang chuan thuawih takin awm hle hle rawh " a awki a san sawt hle.

" mahse....hetiang anga an duh duh dan a control mai mai theih kan ni bik hleinem"

"i tana ṭha tur vek anih hi min hnial tum suh ....tun aṭang chuan zanah i chhuah ka phal tawh lo ang"

.

"naupang pawh ka nih tawh loh hi.... ka duh duh dan in ka awm ve ang chu "thinrim tak chungin ka room lam ka pan nghal hlawk hlawk a, ka pi chuan min rawn umzui vat bawk.

"Dylan pawh a rawn thleng ṭep tawh ang....khatiang ang khan lo hmachhawn hauh suh ang che "

" urghh.... ka kham tawh lutuk " ka room kawngka khar chawrh pah chuan ka pheikhawk chu ka theh thal tawp a ,thawk chhuah hawk hawk pahin ka kut in ka inzap nghal hlawk hlawk bawk.Diktak chuan Dylan hi ka duh, pasal a neih pawh ka duh takzet mahse pu  Thawmpson an kan chhungkua min tih dan em em hi chu ka ngaithei bik hauh lo, engvanga ka pi hian la tlawn em em nge maw anih le? 

.

.

Darthlalang hma ah chuan bra leh panty chauh ha in ka ding tau a, ka hmai mam tak leh nung sar chul pah chuan ka han in nuih suk a ka awmdan hi ka inhrethiam tawh bik lo ,mahse ka hlim takzet ani tih erawh ka hrechiang hle thung .Nizana avanga ka tai na la veng veng te,ka taksa sil ṭhem ṭhum te leh ka nghawng leh awm bawr vela fawhna duk thluah awm te chuan min tih hrehawm a hnekin min ti hlim veng veng zawk nia mawle.Hla play pahin khumah chuan ka han mu zangthal ar ar a, Arden bak ka rilru ah a awm thei tawh lo.Engvangin nge ka mi hriatchian pawh nilo vangin ka hlim em em mai le?....thil hrechhuak thut niawm tak hian ka ṭhu chhuak thut a,"nilo, hetiang hian ka awm tur ani lo" tiin ka han in hrilh leh rih ṭhin

pasal hual nei lai ka ni a, he thu hi Dylan ka hrilh ngei tur ani engmah zep ka nei tur ani lo ,chuan min hriatthiam ve ngei pawh ka ring tlat bawk.

.

Ka inthlak zo fel chiah tih chuan Dylan chu ka room ah a rawn lut hlawl a, a kik loh avang erawh chuan ka lungawi lo ru hle thung.

" nizanah khawiah nge i awm? " tih leh banga min nawr beh a rual nghal.

" Dylan....inbengdai phawt rawh.... " han inbeng dai phawt se engkim ka hrilh vek ang.

"tunah ka pa hnenah ngaihdam dil turin kal nghal ang "

" maw!! "

"Eng.... engtin nge hetiang hian i awm theih zawk,lo insiam ang che "ka kut paihthlak pawp pahin thinrim tak chung in room aṭang chuan a chhuak nghal hlawk hlawk a,ka umzui nghal vat bawk.

.

"Dylan inbe phawt ang..... "

"engmah sawi dun tur kan nei lo.... ka pa in alo beisei reng dawn che ania" tih pahin car ah a lut nghal a, rawn hawi let eih lo in a tlan liam nghal daih bawk. Ka thin a rim em avang chuan lung ṭhil chu ka han chhir leh ringawt a, ka sam ṭham chhungin thawk halh pahin inchhungah ka lut leh ta nge nge a.

"Engthil nge thleng? " ka pi in a rawn tih chuan pangngai takin ka lo nuih sang a,ka nuih chhuah theih avangin ka lawm takzet.

"ka thlah lawk a"

" a ṭhat chu.... in sawi fel thei maw? " a tih chuan ka lo bu nghat a,hetiang anga ka tih mai loh chuan ka pi hi a buai vek thei ang.

"Hailey te inah ka kal dawn ania"

" awle...office ban rual in ka rawn lam ang che " Dylan nen kan inti thiamlo tih hria se chuan min chhuah tir phal hauh lo ang,hei vang hian ania dawt ka hrilh nachhan min khuahkhirh loh nan.

.

__________________________________________

.

☆1 week later☆

.

 *Classroom*

.

Tlar hnung berah zawi zet hian ka lo ṭhu ngui bam a,Pu Thompson a ngaihdam ka dil vel te leh Dylan an min biak duh loh dan vel te ka ngaihtuah let hian ka chau ngawih ngawih.Dawhkan bawh thlawp pah chuan ka han maimichhing vang vang a,ka rilru ti hah tu ber chu Arden an tun thlengin min rawn la be lo hi ani ,kar khat chhung zet biak pawh ka tum tawh a mahse ka thei lo,a ngaihna pawh ka hre tawh lo, khatiang thil a thlen tawh te kha chuan min rawn biakte chu ka lo beisei ve asin.A chang leh khatiang thil a thlen avang khan min be duh tawh lo aniang tiin ka ngaihtuah thul,mahse hetiang thil ka ngaihtuah chhuah apiang hian min ti na takzet.

.

"ṭhu ṭha teh... " Hailey aw ka hriat chuan hawi chhuak lem lo in ka lo tawlh nghal vata,tunah hian ka ṭah a chhuak takzet, mawl ka in tih avang leh nep ka in tih em avangin ka indem hle a khami zan khan engvanga insum thei lo em em nge maw ka nih le? mi mawl tak ka ni. A tirah kha chuan thil thleng avang khan hrehawm ka ti lo mahse Arden a reh tak daih avang hian hniam ka inti in ka insit takzet.

"kar tluanin hetiang hian i awm tawh... Dylan lah class a rawn kal ngai bawk si lo,in awmdan hi ka hrethiam tawh lo"

"keipawh.... "

"summer camp kha karleh anih tawh kha i in register tawh em? "

"aih... ka kal pawh ka ring lo"

" Dylan chu keiman kan lo bia ang "

.

Ka chhan hma in bell a rawn rik avang chuan ka tho nghal hluai a, ka lehkhabu khung sawk sawk pah chuan earphone ka vuah san daih bawk.

"khawiah nge i kal dawn?"

"library ah"

"rei suh ang che.... "

"last period ka kal dawn lo.... vawin chu ka haw hma ang " tih pahin ka chhuak nghal daih a,anih na takah chuan Library hi hmun reh leh tuma min tih buai theih lohna awm chhun anih avangin kar liamta mai aṭang khan ka ngaina zual.

.

Jade ka hmuh avangin min rawn hmuh ve hma in rang lutuk in elevator ah ka tlan lut nghal vata,min rawn hmuh chuan min rawn zui leh ngei dawn sia ,tunah hi chuan a ṭawng ngaithla turin chakna ka nei hrih lo.

Keimah chauhin ka chuang bawka intih thawven tumin ka hla play lai tih rin belh pah chuan ka han zaipui rat rat bawk a, thawkleh khata light a rawn thim ta thut mai!! ṭe thawt pahin bang kil ah chuan ka ṭhu tawm nghal vata,ka che ngam tawh lo.

Light chu reilo te ah a rawn de nghal zawk zawk a,ka hlauthawng bawk nen eng hi nge ka tih hmasak ber dawn pawh ka hre tawh lo.Light de zawk zawk chu sawi loh elevator pawh chu a rawn ding ta rup mai!!

"tunge awm.... min ṭanpui ru " tih pahin kawngka chu ka han beng vak vak a, tumah in min chhang lo.

.

.

Beidawng lo in kawngka chu ka han beng ngat ngat a, boruak te hi a tlem sawt riau emaw tih turin ka thawk te pawh a rawn buai ṭan tawh a, ka awm aṭang hian min rawn hnawh up up ni ber hian ka hria.Ka phone lah chu signal ka nei der bawk si lo, hetah hian ka tang ani tih an hriat loh chuan ka thi ngei dawn anih hi tih te in ka ngaihtuah hman vek tawh.

"min ṭanpui ru.... " light a rawn thim leh avang chuan ka ding reng ngam bik lo, kil khatah chuan ka kup bawh in ka ṭhu leh ta ringawt a, ṭah chauh loh chu tihtheih dang ka nei tawh lo.

Mahni chauha elevator a tang hi thil namai ani lo, chiai a awl in ka tha te pawh a khur vek tawh.

.

Minute 10 dawn beidawng taka ka ṭah hnu chuan kawngka chu a rawn in hawng ta thut mai!! mak tih hmel takin ka hawi chhuak nghal vata, ka lawm lutuk hi sawi ngaihna pawh ka hre lo. Hmanhnawh takin ka bag khai pahin ka tlan chhuak nghal vata,elevator a chuan tum emaw pawh tumah hmuh tur an awm chuang lo, mak ka tih ber zawk chu engvanga elevator bul velah hian mi tumah hmuh tur awmlo thut nge an nih ?,nidangah chuan pali tal kan inhnawh ṭhin si a. Library ah pawh kal ta lo chuan haw daih chu ka tum ta zawk a, tun thleng hian ka thinphu pawh ala pangngai thei lo.

.

Gate ka chhuak chiah tih in tuemaw hian min rawn ko a, ka la hlauthawng bawk nen ka phu nghal zawk mai.

"he lamah " ka hawi phei chuan Mia leh mipa pakhat hi car bulah hian an lo ding a, min rawn nuih mahse nuih let ve turin chakna ka nei tawh thlawt lo.

" i dam maw?"tih pahin ka darah rawn vawn a tum a,phut zawk pahin ka lo tawlh hnung nghal hrut ringawt, hetiang hian engvanga awm nge ka nih pawh ka inhre tawh bik lo, ka hlauthawng vel vek tawh ani ber.

" Tina....ngatinge? " mak tih hmel takin min rawn en nghal haw a ,ka inhniam lo leh hnuhnawh .

"khawiah nge i kal dawn? "

" umm.... ah... "

"tih tur i neih loh chuan thil ei ila "

chhan nachang pawh ka hrelo,tunah hi chuan haw vat vat ka duh ber.

" i thei ang tiraw.... hei ala hma bawka " ka chhan hma hma in car ah min nawr lut nghal rawk rawk a,lo ṭang ṭung ka tum chuang lo.

*

*

Mia leh a bula mipa ṭhu inbe mawlh mawlh lai chu ngawi rengin ka lo en renga, ka rilru ah erawh thil dang daih a awm thung, ka awm dan hi ala pangngai thei meuh lo.

"Tina..... " ka phu leh zuk tawh,thawk halh pahin ka han ṭhu ṭha a, pangngai taka awm hram hram ka duh.

"Engthil nge ilo ngaihtuah a...? "

" umm..... nichin khan elevator ah ka tang a ka la pangai thei meuh lo "

" awho...i ṭha maw? "a tih chuan ka lo bu nghata.

"i haw duh em?  pawi ka ti lutuk,  i haw duh chuan hei Vincent hian a thlah thei che ania "

" ka ṭha tawh e..... "

"I haw duh chuan sawi hreh suh " Vincent pawh chuan alo ti ve bawka,kan vawikhat inhmuhna mah nise ka tel nghal der.

.

Chutia kan lo titi mawlh mawlh lai chuan Arden leh a ṭhiante pali Olivia tiamin a rawn lut hlawl mai!! Arden an min rawn hmuh chuan mak tih hmel takin min rawn en a,ka awm ve a ringlo pawh ani mahna.Olivia nen an rawn kal dun avang hian ka rilru a na takzet,a ṭhian dangte tel tho mahse,in hum ruh ṭeuh chungin pangngai takin ka lo nuih suk a, min hre ngai lo ang maiin hnuailam a melh daih thung. Kan ṭhutna bul an rawn thlen phei chuan ṭhuthleng rawn dawh zawm nghal in dawhkan chu kan kil ho a, an awmdan aṭang hian helai hmunah hian an tlangnel hle tawh niin a lang.

.

"Max,Tristan leh Evan.... " Mia chuan kawh pahin alo ti nghal zung zung a,Max hi chu ka la hria hman zana min hruai bo tu driver kha ania ,lo dawnsawn vak dan pawh ka hrelo.

"Mia....keimahni in kan inhmel hriat tir ve mai dawn alawm.... " Tristan chuan fiamthu pahin lungawi loh hmel deuh hian min rawn en a,midang zawng Arden tiam loh in an lo nui dar dar thung.

"anih chuan han in hmelhriat tir ta che "

Tristan chu ka bul chiahah a ṭhut avangin rawn hawi phei pah chuan a kut chu a rawn dawh a,fiamthu vek ani tih ka hriat avangin a kut chu ka lo vuan vat bawk.

"Tristan ka nia... ka hmu che chu ka lawm hle mai " tih pahin ka kut chu a rawn fawp zeuh a,

" keipawh.... " fiam let pahin Arden chu ka han melh ralh a,rum zeta min lo melh kur avangin ka hawisawn rang kher mai.

.

Thil kan ei karlak in leh ka titi karlak in Arden chu ka va melh leh zeuh ṭhin a,khap miah lo in min melh kur reng ringawt Olivia lah in min runlui emaw tih turin a ngaihsak ropui mai bawk si, ka mit a ti kham takzet.

" bawih...vawin chu i va cool ve " Olivia in Arden a ban zut pahin an han tih meuh chuan ka ngaithei ta der lo. Ding hluai pahin ka bag chu ka ak nghal sawk sawk a ,midang ho chuan ka awmdan chu mak an tih hmel hle bawk.

" Tina....ngatinge? " Mia chuan a rawn ti haw a, nuih suk pahin, "umm.... Dylan an min lo nghak reng tawh a, ka kal angai "Arden melh kher pah chuan ka ti a, ka chhuak nghal hlawk hlawk bawk.

.

Ka chhuak chiah tih in Arden chuan min rawn kuai her nghal sawk a, min rawn zui chhuah avang hian mak ka ti takzet.

" min thlah rawh " a hmel ka hmuh zawng ringawt pawh hian ka thin a ti rim, tunah pawh hian rin loh takin inhmu lo ila chu ka lakah aṭangin ala biru char char tho ang.

"tunge Dylan chu.... ?"

"wow... a tawp a tawpah chuan i ṭawng chhuak ve ta alawm " ngeiawm zeta nuih suk pah chuan a kut chu ka vaithla nghal sawk a.

"i duh i hmu tawh bawka... i hlim tawh em?" ka mittui ka dang zo lo ṭep ,mahse hepa hma ah hian tlawm takin ka awm tur ani lo. 

.

.

Chapter-21

.

"Engthil nge maw i sawi le? "

"i hrechiang khawp ang .... " ka bag ah ṭhat pah chuan ka nui lui kher a,khawi lam nge ka pan dawn pawh ka hre lo,tunah hi chuan amah hlat thei ang bera awm hi ka duh ber ani hrih.Zawi zetin kun lap chungin subway lam panin step ah chuan ka chhuk thla chhat chhat a,Arden ka hmu leh kher kher khan ka mood a ti off zual vek.

.

In ka thlen chuan rin loh tak maiin ka pa pawh alo bang der tawh a, zanin chu kan pathum in dinner kan kil ho ve thei dawn anih hi.

"Zanin chu i va dâng ve.... "

"tui in tam ka mamawh aniang " tiin ka lo chhang ringawt a, tui in tam nen a in kaihhnawih vak na pawh ka hrelo.

"i nu i be leh tawh em? "

" aih....nakin ah ka bia ang "

" awle... a ṭhat chu,zanin chu mikhual kan nei dawn a dinner kil turin rawn tlai suh aw.... "

"tehreng mai.... " ka pa chuan ka chala rawn fawh zeuh pahin phur takin kitchen lamah min pheisan lehnghala, hetianga ka pa hlim hmel ka hmuh hian nuam ka ti in ka hlim takzet.

.

A ngai te bawkin room ka luh rual rual chuan khumah ka let thla lehnghal tawp a, vawin zet zawng thil thleng zozai te khan min ti chau takzet.Thawk chhuah hak pahin ka awm chu ka han dawm vang vang leh rih ṭhin a, ka awmdan ka nin em avangin han tal vak vak ṭhin mahila ka thinrimna te a reh thei chuang lo. Thil eng eng emaw ngaihtuah in khumah chuan ka mu thlur renga, engmah tih chakna pawh ka nei lo.

"Zero.... urghhhh" thil hrechhuak niawm tak hian ka ṭhu chhuak nghal hlawl a, rang lutuk in ka laptop ka la nghal vata google ah zero tih ka search nghal vat bawk.

.

Eng eng emaw chhiar tur awm nual mahse zero chungchang erawh chhiar tur a awm mang lo, a hming hi a lar em avangin tlem te chu a inziak ve chupawh engtham mah ani lo.Engemaw tal hriat belh inbeisei in ka chhiar thla zela a, American Mafia tih ka hmuh chuan mak ka tih em avangin ka kâ ka hup nghal vata

"America mafia mi leh sa maw anih a.... " ka ti zui sap bawk. Tu in nge American mafia te chu hrelo ang,keitak ngial pawhin an hlauhawm zia leh thil an tih theih zia ka hria ania, bakah ka pa hi police anih vang pawh ani mahna hetiang thil ah hi chuan ka bo lutuk lem lo.

.

Chutia hlauthawng leh thinphu dep dep chunga thil ka lo en lai tak chuan ka phone a rawn ri ta thut mai!!  ka phu nasa lutuk hi ka thlarau a chhuak thei hial ang mawle.

" Eng nge?"Jade anih avang chuan vin zet hian ka lo ti vin nghal hlur a

"thil pakhat min lo tihsak teh"

"Enteh chumi hma chuan zero hi mafia maw anih a!! "

" Eng nge ni se i tih chuan a...? "

"nilo.... chutiang pawh a ni lo, a sual tih chu hre tho mah ila hetiang kawng sira awm ṭha duh lo khawtlang tibuai vel mai mai ṭhin turah ka lo ngai a..... " Diktak chuan mafia em anih chu ka ring pha ngai lo.

.

" chuan eng nge? "Jade hian engmah a hre ve der mai bawk si lo, kei hian thil hlauhawm tak ka ti ani eng thil ah hian nge ka inhnam hnawih tak hi? Lalpa leh engtin nge ka tih tak ang.

" Jade.... buaina ka tawk dawn in ka hria "

" maw?"

" enteh.... mafia ho hi engtiang chiah a hlauhawm nge an nih....? " engvanga zawt nge ka nih pawh ka hrelo, ani ai chuan ka hrechiang zawk daih ang chu.

"ramchhung ah phalloh thil an tawlh lut ru a....bakah hmelhriat an neih ṭhat avangin jail ah an tang ngai lo chu chu ani mai alawm "

"chuan mi thah an hreh lo bawk " ka lo tih chhunzawm zat bawk.

"mahse engvanga chu chu min zawt nge i nih? "

.

"eng thil nge ti turin min duh a?" chhang lo in thil dang ka sawi ta daih zawka,

"assignment "

" Jade..... ka tih sak ngun tawh lutuk che, nangmah in ti ve tawh rawh "

"tun chiah please in.... " lehlamah ka pa in min lo koh ve bawk avang chuan ka tho nghal vata inhnuai a chhuk thlak pah chuan,"a tawpna ani tawh ang " tih pahin phone ka off nghal hmak bawk. Mikhual kan neih dawn avangin hmanhnawh takin pangpar chu dawhkhan ah ka hung phei nghal a, a dang erawh ka pa leh ka pi in an lo tifel vek tawh thung.

" ka pa tunge rawn kal..... " ka sawi zawh hma hma in doorbell a rawn ri nghal.

.

"ka va hawn ange? " tih pahin kawngka hawn tur chuan phur takin a kalphei nghal vata,dawhkana fork sawi dah rem zeuh pahin ka pa chu ka zui phei ve nghal vat bawk.Eng ang mikhual tak ni ang maw ka pa ti hlim em em tu hi tiin hriat chak hmel tak in ka phei a mahse hmeichhe pakhat la upa lo tak mai, makeup hmang nasa zet leh ka pa lo inbe mawlh mawlh lai ka hmuh chuan ka ding nghal chawt a, ka nui tawp nghal hmak bawk.

"bawihte, lo kal teh..... Natalie anih hi.... " ka pa in a tih chuan za lo zet hian ka lo nuih suk a, chu nu lah chuan min hre sa tawh niawm tak hian min rawn chibai a, min be zui nghal bawrh bawrh bawk.

.

Ka pi leh ka pa in Natalie be reng reng a an buai lai chuan ngawi rengin chaw chu ka lo ei mawlh mawlh a,diktak chuan henu hi ka mi ngainat zawng ani lo.

"Tina.... " ka pa in min rawn koh avang chuan ka hawi chhuak vata,Natalie in min rawn nuih avang chuan ka lo nuih let ve nghal suk bawk.

"thil hrilh tur che ka nei a " a tih chuan hlauhthawn na in ka khat nghal ,ka pa chuan zam hmel takin chunu chu a melh zeuh a, thawk chhuah hak pahin a kut ah a vawn sak nghal bawk.

"Natalie hi nupuiah neih ka duh ani "

" maw!!" ka hlauhthawn ang nge nge in thil a thleng ta! 

"kan hmanhnawh lutuk chuang lo a..... ughhh..... thlaleh ah hian kan inhual phawt anga chuan....."

"ka pawm ve lo " a sawi zawh hma hma chuan ka ti chhuak nghal phawng mai.

.

Ka ṭhutna aṭang chuan ka ding nghal hluai a,an pathum chuan ka awmdan chu mak tih hmel takin min en ṭhap bawk.

"engtin nge ka nu i rinawm loh san theih zawk? "

"i nu nen te chuan kum tamtak lian ta ah khan an in ṭhen daih tawh alawm... " ka pi in a tih chuan ka sa nghal phat mai." ka pawm ve lo.... henu hi ka nu atan ka duh lo engtik ah mah ka pawm ngai lo ang.... "

" Valentina....khatiang khan ṭawng reng reng suh " ka pa in aw vin zeta a rawn tih avang chuan ka rilru a na takzet, henu avang mai mai hian ka pa in min vin amaw!! 

"Ka pa hetiang thil hi engtin nge ka chungah i tih theih zawk ?" tih pahin Natalie pangpar rawn ken chu chhuatah ka paih thla kher a ,rah pahin pawnah ka tlan chhuak nghal daih bawk.

.

Kawngsir ṭhuthleng ah ṭhu in ka nu chu ṭap chungin ka be mawlh mawlh a, engkim ka hrilh nghal vek bawk .Diktak chuan ka nu leh pate inkar siamṭhat ka tum mek laiin hetiang thil a thleng ta mai hi pawm thiam har ka ti takzet. Ka pa hlimna tur pawh ni mah se khanu kher kher kha chu ka duhpui lo. Min melh dan reng reng aṭang khan hnawk min tih hmel in kan chhungkua hi keh darh vek dawn mah se pawi a ti lo ang.Mittui tling pam chunga thil ka lo ngaihtuah neuh neuh lai chuan ka phone chu ka han hmet eng zeuh a dar11 a lo pel der tawh. Reilo te chauh ka ṭhu emaw ka tih laiin darkar thum dawn chu ka ṭhu der tawh .

.

.

Khatiang thil teh nuaih a thlen avang khan haw lo in Hailey te ina riah chu ka tum ta zawka mahse tun tut tut ah chuan kal ka tum chuang lo a chhan chu hun thawl ka la mamawh vang ani.

"darkar thum dawn i ṭap tawh ania " rang lutuk in hnunglam ka hawi let nghal vata, Arden ka hmu chiah mai chu hlauhna in ka khat nghal. Phawk fe hian ka melh nghal kawk a ka rilru ah engtin nge ka tlan chhiat san vat theih ang tih bak a awm tawh lo.

" i va hlauh hmel ve.... "

" umm.... "

Ka bula rawn ṭhut pahin beer um hi min rawn pe a, ka la lo ngam bawk si lo a nuih luih suk pahin kut khur der der chungin ka la nghal vata, túr a tel nge tel lo pawh ka hre si lova in pawh ka in ngam lo.

.

" ngatinge....min ṭawngkhum miah loh a " ka lo phu zuk ringawt ,ngatinge ka hlauh tak em em mai le nichin a ka thil chhiar vang vek kha. Ka awmdan avang chuan ngaihṭhat loh hmel zet hian min rawn en ha a ,chung te chuan min ti hlau zual.

"min... min kalsan rawh "

" Engvangin maw? "

" i nihna ka hre tawh " tih pahin ka ding nghal hluai a, ka lo sawi chhuak ta kher kher kha ka inchhir takzet.

"nanghi mafia i ni....chuan engvanga ka kalna apianga min zui nge i nih?"ka tih chuan a rawn nui ri hak a, kei lah ka hlauthawng tawh mai si.

.

"a tlai tawh.... ka thlah haw ang che... "

"khawngaih in min kalsan rawh"an thil tih ṭhin nen inzawmna kan neih hauh si lo a, engvanga hlau em em nge maw ka nih le? nilo.... hlau hle tur zawk ka ni a chhanchu min thah tum lo se hetiang hian min umzui zel tawp lo ang.

"that duh che ni ila ka that daih tawh ang che.... "

"anih chuan engvangin nge min umzui a min tih buai reng...." 

" a chhanchu tihbuai reng che hi nuam ka ti ani "

"maw! "

"pawm phei kher i duh nge.... " tih pahin silai lak chhuah inring reng niawm tak hian a kawng chu a han dawn kher a .

.

.

Chapter-22

.

A hmel rum zet te leh nel awm loh zet te hian min tih hlauhthawn tawh nak alaiin hetianga a tih lehzel phei hi chuan chet pawh ka che ṭha ngam tawh lo.Ka kut hum ruh pahin hlauthawng lo ang taka lan chu ka han tum ve hram hram tak na in ka hlawhchham chiang hle.

"khawi.... khawiah nge min hruai dawn?"

"i chhungten an lo ngaihtuah tawh ang che... " hetiang ṭawngkam hi chu Arden a ka aṭanga chhuak tur atan chuan a ṭha mah mah mahse ka rin loh ang deuh a min chhan avang hian ka hlauhthawn na te kha tlemin a reh deuh in ka hria.

"ka haw dawn lo... " ka lo ti vin nghal hlar a, ka pa in kha nu kha a ṭhen phawt loh chuan haw ka tum lo, a ṭhen thei lo anih chuan ka nu bulah ka let leh ang tih chu tun dinhmun a thutlukna ka siam theih awmchhun a ni rih .

.

"chuang rawh... "helmet khum pahin bike ah chuan a chuang nghal a, engine a herh nung nghal dut dut bawk,"ka haw dawn lo ka tih kha.... "

"tuin nge haw rawh ti che "

a bengchhen em avangin hre reng mah ila " engmaw? " ka lo ti nghal haw a,helmet full face khum mahse a mit aṭangin a nui tih ka hre nghal. Min rawn en reng pah chuan a ngai te bawkin ka biang chu a rawn khawih leh ringawt tawh a, hetiang anga a tih ṭhin nachhan hi ka hre lo,ngaihdan pawh ka nei lo.

"engthil nge maw i tih le? "

"vawi engzat nge chuang turin ka hrilh dawn che... "

"awle" tih pahin ka chuang nghal thak a, nichin lawkah kha chuan ka hlauh vei tehlul nen tunah chuan engtin mah ka awm leh tawh lo, ka hriat ṭhin Arden khan min ti na dawn lo ani tih ka rin tlat vang pawh ani mahna.

.

" Khawiah nge kan kal dawn...? "nghet takin a kawngah ka kuah bet nghal ṭai a

min chhang lo in min rawn nuih suk ringawt,a glove veilam phelh in ka kut chu nghet takin a rawn hum bet tlat a, chak zetin a tlan chhuak nghal fua bawk.

" Eng...engthil nge maw i tih le?!! " A kut khingkhat chauhin a khalh tih ka hriat chuan ka hlauthawng ta kher mai,a kawr ṭham tumin ka kut chu laksawn ka han tum a, alo la vuan bet tlat zui.

"hmela engthil nge i tih hiiiiii....... " a tlanchak bawk nen a khat tawkin ka han maimichhing leh zuk ṭhin a,zuan thlak daih mai te ka rilruk rum rum tawh .

" min thlah rawh.... ka chhuk duh " a zaidam theih tawh loh, ka ṭe chel chul tawh mai.

.

Min thlah chu sawi loh a steering a vawn na lam pawh chuan ka kut chu a rawn vuan leh ta mai!!, phawk fe hian ka meng nghal kawk a ka mawng te hi a za vek tawh.

"ka chhuk duhhhh.... " ṭe rawng rawng pahin a hnungzangah ka bei nghal thlawp a, ka meng chhuak ngam tawh lo.

" nuam i ti em? " tih pahin a ban ala phar zui!!  ka hlau lutuk hi ka thi dang thei dawn in ka hria, ṭawng pawh ka ṭawng chhuak ṭha thei tawh lo.

" ka chhuk duh ...ka chhuk duh" zawi sap hian ka han ti ṭawk ṭawk a, kuah nghet tur pawhin ka zawi tawh lutuk.

.

Ka zawi vek tawh tih a hriat chuan bike a ti ding nghal vata, min pawm thla nghal lawp bawk.

" i ṭha em?" chhang lo in hmun awl leh remchang ka hmuh ah chuan tlanphei nghal in ka uak ta tuarh tuarh mai!!!

"i ṭha em? " ka thin in a tuar ta lo, a awm chum chawrh chawrh pah chuan, "engvangin nge khatiang ang khan i khalh a, kan thih ṭep kha....mawl lutuk.... " mittui tla phung in kan sir lawka ṭhutna awm ah chuan ka ṭhu nghal chawrh a, ani erawh inthiam lo hmel takin a ding reng thung.

Minute 5 vel ka ṭhut vang vang hnu chuan ka bulah rawn ṭhu ve nghalin vana arsi phe un chu a han thlir vang vang a,a inthiamlo hmel leh nuamlo ti hmel hian ka nuih a tiza letling zawk.

.

"i hlauh ka ring lo a "ka hawi phei chuan ka mit ah tak min lo la en kur zui!

"nuam i tih ka rin vang ania"

" maw!!  khatiang thil kha nuam ka tih i ring amaw??!! "

" umm....Mia hian nuam a tih thu a sawi ṭhin a chuan.... "

" Mia ka nih loh hi...."

"mahse hmeichhia ani ve tho alawm... " a thusawi lai hi ka man chiah lo mahse a awm dan hian ka nuih a ti za takzet.

"ughh..... ka hlauh lutuk hi chuan hetiang hian ka awm ṭhin alawm "

"anih eng nge i hlauh loh... " a tih chuan ka lo khi suk a, ka thawh san daih nghal daih bawk.

.

"engtin nge ka awmna i hriat theih? "min rawn zui avang chuan ka lo ti nghal vata, a ruk tak chuan a bula awm hi a thlamuan thlak in a nuam ka ti takzet.

"i rim aṭangin ....." fiamthu a thawh ve ngei nia mawle, ala nui duh miah lo zui.

"tihian ka bulah i awm zankhua dawn em ni? "

" mafia te chu khawi hmunah pawh an awm thei alawm " ka nui chhuak nghal hawk ringawt,mafia ka ni emaw ka ni lo emaw pawh ti lo mahse anih ka ring ve hmiah ringawt bakah engvangin nge a sawichhuah te ka lo rin reng reng ni....

.

_________________________________________

.

Eng eng emaw kan sawi hnu chuan a inah min hruai haw ta ringawt a,diktak chuan ka awlsam vang leh ka sihhnip avanga zui haw ka ni lo a movie en pui tura min sawm avang leh khawlai ah zankhua a awm ai chuan tiin ka zui haw chauh ani.Bakah mafia ani tih finfiahna engmah ka neih loh chu sawi loh engtin mah min tih loh mai bakah ṭanpui ka ngaih apiangin ka bulah a awm ziah ṭhin zawk avangin ka ngaina ṭan der tawh in ka hria.A aw pa tak te leh a mize nghet tlut mai te hian mi a hip in zun a ngah takzet.

.

Inchhung kan luh chuan Mia leh Max te chu inkuah chialin couch ah an lo ṭhu dun a,Arden lah in inthlahrung hauh lo in light an on eng pup mai chu !! an phu chiang teh e...

"Arden..... engthil nge maw i tih le? "chhang lo in inchungah a chhoh san daih lehnghal,keimah chauhin min kalsan daih anih chu !!.

" Tina.... nang elaw " tih pahin kitchen lamah a phei nghal vata,ka awmdan a laklawh em avangin zahzel ah Mia chu ka zui phei ve leh ringawt a.

"Nang leh Arden maw?" beer can chu a rawn nawr phei a,ka lo la nghal vat bawk.

"chutiang engmah a awmlo.... "

.

" huizz.... ka hria lawm, mahse fimkhur la" engvanga hetiang thu hi sawi nge maw anih le ?

"ngati maw? "

" umm.....a bike khalh a chuan mawle.... " nuih vur vur pah chuan a rawn ti leh a ,ka thaw nghal huai thei thil dang daih a sawi dawn emaw ka tia ka lo hlauthawng leh hman tawh.

"i hlau lo mi.... umm.... bike a chuan hi "

"mipa mutpui ai pawhin a nuam zawk "

" umm.... vuan lo a khalh a chuan hi mawle..... "

"hlau nang..... urghhh ka awih thei lo " mak tih hmel takin min rawn en ha a "hei vang hi ani maw Arden an ka nuam tih zawng min zawh nachhan....."

"eng nge awmzia....? "

" a awmzia chu i nuam tih zawng hriat a duh avangin....."

" maw? "

"hepa tak hi chu aw....hmeichhia hi ngaihtuah ve deuh se chuan hei ai hian a zei deuh tur ania.... "

"Valentina.... " kan hawi chho rual nghal thawt mai. 

.

(Warning: hemi chapter ah hian mipat hmeichhiat na lampang kaihhnawih a awm avangin kum 18+ tan lo chuan chhiar phal ani lo)

.

Chapter-23

.

Arden an thip zet hian min lo melh kur reng chu niin, ka ṭhutna aṭangin ka tho nghal vata sawi sual ka neih leh neih loh ka ngaihtuah zui nghal vat bawk.

" Kal ang.... " tih pahin min rawn kai chhuak ta dawr dawr mai,a ngaihna pawh ka hre lo, ka hawi leta Mia nen chuan mak tih hmel zetin kan in melh ta reng ringawt a.

"Arden....engthil nge thleng a?"

"lut rawh.... " engvanga thinrim ringawt nge maw anih le?

"mahse engvanga.... " ka sawi zawh hma hma chuan car kawngkhar chu hawngin min nawr lut nghal dawr dawr a, na zetin a khar nghal chawrh bawk.

" engthil nge thleng a...?" a rawn luh lai chuan a khalh chak dawn a ni tih ka hriat lawk avangin seat belt ka lo hreng nghal vata nghet takin ka in vuan nghal ṭai bawk.

.

"Arden.... thil awmdan hi ka hrethiam lo takzet, engthil nge thleng?"

" Hepa hi tunge? " tih pahin ka phone a mi Jake nen a kan thlalak chu min rawn hmuh ta va va mai.Rang lutuk in ka phone ka ak nge ak lo tiin ka indap nghal vata,engtik lai khan nge alo lak hman pawh ka hrelo.

"engvangin nge ka phone i lo lak a ?" vin zet hian ka lo ti nghal hlur a, chutah thlalak alo la en zui, hetiang thil hi tih theihna dan a nei lo hrim hrim.

"i bialpa em ni? "

" khawi ka phone kha min pe rawh.... "

" hreptak chuan.... " tih pahin hnung lamah a vawm phei nghal pawp ringawt!!

"engvangin nge i paih a?!! " ka phone lak tuma hnung lam ka hawi phei duk duk lai chuan chak zetin a khalh chhuak ta thut mai, ṭe thawt pahin ka invuan nghal vata ka hlau lutuk hi ka mawng a za nghal vek thei.

.

Tawng nachang pawh ka hre tawh lo, kan accident hlau reng reng in hma lam chu ka melh kar renga, zan a rei tawh avangin motor a tam lo hlauh a hlau hle mah ila lehlam zawnga ngaihtuah chuan vannei ka inti rilru hle chuti lo chu motor pakhat tal kan su tawh ngei ang.Thui fe thawk pawh thaw ṭha ngam mang lova ka chuan hnu chuan ka inrin loh laiin car chu a ti ding ta thut mai, hma lama buk lawp pahin ka ṭe nghal tuarh a, seatbelt chu awmlo se ka insawhna viau ang.Ka awmdan mumal lo tak avang chuan seat hnung nghengin thawk ka han la kawk kawk a ka la dam ani tih ka hriat chuan ka khi deuh suk thei.

.

Arden chu ngawi rengin a chhuak nghal vata, khawiah nge a kal dawn pawh ka hre lo rawn hawi let eih lo in hma lam panin a kal nghal daih anih chu.

"ka van zui awm lo " tih sup pahin ka han hawikual vela,thingkung bak hmuh tur a awmlo,rang lutuk in ka awmna lai hriat tumin hnung lam leh sir lam vel chu ka han enkual nghal ruai a,ramngaw ah kan lo awm reng chu niin !!

Hmanhmawh takin Arden zui tum chuan car aṭangin ka chhuk thla nghal vata,han hawikual vel mah ila khawi hmun mai pawh chu a thim vel vek mai bawk si,thla eng rui bak êng dang a awm lo, chutah sava hram ri rui rui bak hriat tur ala awmlo zui.

.

" Arden.... " ngatinge maw tun hnai te aṭang hian hetiang thil hi ka tawn tak reng mai le,elevator a ka tan hnu aṭang phei kha chuan mi in min be hlek se ka phu zawk loh leh ka hlauthawng em em zel a,ka mut lah in ka harh zawk zawk zel mai bawk si hetiang thil tawng leh tur hi chuan ka la inpeih lo asin.

"Arden... khawiah nge i awm?"hawi kual hruk hruk pahin hma lam ka pan zela, sava emaw rannung emaw hram pawh hian mi rap zo vek tawh.Chutia hlauthawng taka ka awm lai chuan ka kut ah tuemaw hian a rawn vuan ta thut mai!!! Ka kut thing nawk nawk pahin kan ṭe tak tak mai chu ka beng te hi a kiu vung vung thei in ka hria.

.

" Engthil nge maw i tih le? " tih pahin ka kâ chu a rawn hup nghal vata, Arden aw

 ka hriat chuan ka thaw nghal huai thei.

"engvangin nge min kalsan?" tih tuarh pahin a lut chu ka la lawk a, ka seh sak ta mai!!  diktak chuan hetiang thil hi a phu ve reng ani, min ti hlauthawng hnem tawh lutuk.

" hreptak chuan... "a kut thing nawk nawk pah chuan min rawn vawn a tum lui leh ngata,ka lo tawlh hnung nghal hrut ringawt.

" Engvangin nge min kalsan daiha? "

" min rawn zui emaw ka ti alawm... ka rawn let leh a car ah i lo awm tawh bawk si lo "

" mahse min kalsan tho alawm "

" min rawn zui rawh "

"teuh lo mai..... khawi hmun nge min hruai na hi.... min hruai kir leh vat rawh "

.

" i kal ngai loh na hmunah "

" hmela.... "nam sawn paha car awmna lama kal daih chu ka tuma mahse ka nam che eih lo.

"han tum leh chin la... " banphar pahin ngeiawm zetin min rawn la nuih vur vur zui.Ka thei lo tih hre reng chungin melh rawm rawm pah chuan ka han nam lui leh ngata,ka inrin loh laiin a kut leh lamin ka kut pahnih rawn man beh pahin a kut lehlam chuan ka kawngah a rawn dawm ta thut mai!!

" Engthil nge maw i tih le?" ka han tal aih aih a,min thlah duh chuang lo reng reng.

" min chhaih reng lo teh... "

" mahse nuam ka ti alawm... "tih pahin min pawm kang nghal nawlh a, min kalpui ta dawr dawr mai!!

.

" min chhuk tir vat rawh " minute nga pawh min kalpui hma chuan a ding thut a.

" min chhuk tir rawh ka kal duh "

" awle... " tih pahin tuiah min theh thla bawrh mai.Engtin tin emaw ka tih hnu chuan lungah ka in ham tang thei hram,thawk lak kawk kawk pahin Arden ka va en phei nak chuan ṭhu meuh in min lo en reng chu niin min rawn la nuih vur vur zui.

"i chak dawn lo... " ka hriat tawk leka phun bul bul pahin tui aṭang chuan ka chhuak nghal vata,pawi ta ber chu ka thawmhnaw hi ka hak ro vek angai dawn.Ka kawr sawr pah in tui awmna lam ka hawi phei chiah chu ka meng phawk chiang teh e .

.

(Dil khi hemi dil angah hian lo ngaihbel rawh u)

.

"mawi i ti em?" a tih chuan ka lo bu nghat a, hetiang em em a hmun mawi hi ka la hmu ngai lo,ka hma lawk dil lian lo tak fim kak mai te ,chhak lam aṭanga tui rawn khawhthla seng seng mai te leh a sir vela pangpar awm te chu thla in a rawn en phei hi chuan a mawi zual hle.

"i cheng duh angem?"ka beng bula rawn tih sap pahin hnung lam aṭangin min rawn kuah a, ka lo nuih ver ver ringawt.

"tui chen ka thiam lo "

"anih chuan ka zirtir thei che anih chu " tih pahin a thawmhnaw a phelh sawk sawk a, dilah chuan a dive lut nghal zat bawk.

Ngawi rengin a tui hleuh lai chu ka lo thlir renga,hleuh thiam ni ila chu ka zuan luhna a rei tawh ang.

.

" tikhan min lo en reng i tum em ni....? "

"chutiang deuh chu.... "

"ka veng reng ang che "

"aih...ka duh lo"

"tui hleuh dan ka lo zirtir ang che "

"i ti tak tak em? "

" umm.... "

"mahse min paih thla tawh miah suh.... " tih pahin ka kawr leh ka kekawr bul hak lai chu ka phelh a,bra leh panty nen ka ding ta teu mai,Arden lahin mit khap miah lo in min lo thlir reng chu niin.

" min rawn en suh.... "

"en tham pawh i nih loh kha... " ka te tih chu ka hria engvanga min hrilh nawn fo nge maw anih le? Men pual ralh pahin dilah chuan ka lut ve nghala, a thuk lo chin ala ni bawka ka kal phei zei zei mai.

.

Arden chuan ka kut ah vuan in a thuk lamah min kal phei pui zela,kum10 hnu a tui vawikhat ka chen leh na anih avangin nuam ka ti takzet.Tui ka tlak tawh avang hian tui chen tih vel hi ka ngaina tawh ngai lo,khata ṭang khan tui chen hi ka hlauh em avangin pool a chen chu sawi loh beach ah pawh ka kal ngai tawh meuh lo.

"le... lei rap tawh suh"

" ka tla dawn a sin.... "

" ka vuan bet tlat dawn che lawm "a tih chuan buk nghat pahin a darah ka vuan nghal vata,ka ke kan ti lang chiah mai chu tui chen ka thiam nghal mai tein ka inhria.

" ehee... ka lâng ania ,lei ka rap miah lo "

" kha kha nimai lawm.... "

.

Tui khawh thlak na lam panin min hleuh phei pui zela, nuam ka ti lutuk hi ka khi

ṭhaw reng mai.

"ka darah vuan rawh "tih pahin ka kut pahnih in a dar chu min vawn tir a, kan in hawi tawn ta ran mai.Ka mit ah tak en chungin in a rawn kun hniam deuh a,ka lo tim lehnghal vek tawh ," ka thlah dawn che ania.... i ke tih chet tum rawh "

" ngawi rawh.... " ka inrin hma hma in min thlah ta mai,a dara ka vawnna chu thlah in ka tal buai nghal der anih chu !!.

Mangang taka ka inhai buan buan lai chuan ka kawngah rawn vuan in min pawm chhuak nghal nawlh bawk.

" hmela..... engvangin nge ka inrin hma in min thlah a "tui ka hak avanga ka khuh bawrh bawrh lai chuan ka sam hnawk niai chu min lo hui kian sak ve bawka , keilah chuan a kawngah nghet takin ka bawp ka lo khawkherh ṭai zui.

.

.

" i ṭha em? na i nei em?"a aw thum zet leh zawi sap ka hriat rual rual chuan ka hawi chho nghal vata,tlemin rawn kun hnai deuh se chu kan hmui a intawk ngei ang. A mit hring kak mai te leh a hmui hnawm chap chu ka en renga,electric in min shock ang mai hian ka ṭek nghal chuai chuai thei nia mawle. Min en reng chung chuan min han pawm kang leh deuh a, a nghawng ah nghet takin ka kuah bet ṭai bawk.

"ka fawp chak takzet che " engvanga ka phalna lak tum kher nge maw anih le? keipawhin in ka fawp chak lutuk che tih paha fawh nghal tawn tawn mai chu ka duh mahse ka tih hmasak ngai lo in min rawn fawp hmasa ta zawka, ka hlim nghal veng veng thei.

.

Min pawm kang leh deuh pahin a aia nghet in min han kuah leh a,duh thawh tak leh dim lo baksak a kan han infawh tawn tawn takah chuan ka rum chhuak thei hial.

"i hmelṭha takzet " Lalpa leh!! ka awm leh ka nghawng vela a rawn thaw lum ham ham te hian min insum tir theilo takngial dawn.

" oh, Arden...." kan infawh lai chuan a rawn khi suk a,a kut lehlam in ka bra hook chu rawn phelh in ka awm bawr leh ka nghawng vel te chu a rawn fawp nghal tawn tawn a,ka theih ang tawkin a nghawng vel te leh a sam chu ka lo ṭham ve bawka, kan pahnih a kan duh chu kan hre ve ve mahse engthil emaw hian min kap tlat peka.

.

" ka theilo.... "

"Valentina.... he thil hi i duh tih ka hria "min fawp reng chung chuan min dah thla a,ka kawngah vuan in amah hnaih turin min han kuah hnai deuh bawk a,a chak em avanga a chunga thil thleng zawng zawng te chu ka feel vek thei, chu chuan min insum tir thei lo zual.Ka panty ah rawn zen luh a tum chuan a kut man beh pahin lehlam ka hawi nghal vata.

"Valentina.... " hnung lam aṭanga min rawn kuah pahin ka beng bulah chuan a rawn ti sap a ,"i duh tih ka hriat thei nan... ring takin i duh thu min hrilh rawh " a tawp a tawp ah chuan a rawn zen lut ta nge nge a,lo dan ka tum tawh bik lo.

" min hrilh rawh.... "

"ka mawmawh takzet che... " ka tih chuan khik suk pahin min rawn fawp lehnghal tawn tawn a,a kut ṭang pahnih in a kawm lut chiah mai chu ka thaw chhuak nghal hawk mai.

.

A kut chu la chhuak in min rawn fawh tira, min pawm kang nawlh pahin tui aṭang chuan min chhuahpui nghal bawk.

"car ah awm i duh em? nge ka room ah zawk? "

"aih...." 

" i nghak thei tawh lo ani maw?"min rawn fiam leh kher avang chuan ka sen nghal ṭawn ṭawn mai,a jacket chungah chuan min mut tira ,panty nen chauh ka awm tawh avangin ka lo zak ve bawk nen ka kut in ka hnute chu ka han hliah  ṭawk ṭawk a, Arden ngaihdan alo ni lo ngang mai.

" Engvangin nge i in khuh a? "

" ughh.... "

" Valentina.... inkhuh angai reng reng lo, engmah zah tur a awm lo "

.

"mahse hetiang hian ka la awm ngai lo alawm... "

" ka hria alawm....zah tur a awmlo i nalh lutuk" hetianga a tih hian keimah leh keimah ka inring tawk mai bakah hmeichhe tamtak alo mutpui tawh ngei anga khatiang zozai kara ka nalh thu min hrilh hian ka hlim takzet.Ka panty ka phelh hnu chuan zam hle mah ila, inkhuh ṭit ṭet ka tum tawh lo.

"i duh chuan ring takin i au thei ang " nuih vur vur pahin ka ke chu a han kuai kak a, an rawn fawp chiah mai chu ka er nghal ngawng ngawng thei.Ka hmui ah rawn fawp leh nghalin zawi muangin ka taksa chhungah a rawn lut chiah mai chu ka rum chhuak lo thei lo.

*

*

Khua pawh a rawn var ṭan tawh a, sava chiap nauh nauh ri te chuan awm an ti nuam takzet.

" i ṭha em? "

" aw..."

" ka ti na che em? "

" C'mon Arden.... "

"i nuam ti hmel kha a ṭha takzet " men pual ralh pahin ka thawmhnaw huh zawr vek tawh chu ka han khai kang a

"ka thawmhnaw hi a huh vek ania"

"kha heihi ha rawh... " tih pahin a tshirt lian zet chu min rawn pe a, ka hak meuh chuan ka khup a thleng thla ṭep thei nia mawle. Min rawn hmuh chuan nuih chhuah hawk pahin jacket chu a ha nghal a,jacket hnuaiah engmah a hak loh avangin a abs sexy zet leh a vline te chu a lang chiang hle.

.

" Hetiang em em hian ka te ani tih ka inhre lo "

"han in en ta che ka dar pawh i chen loh hi.... "

"min theh thla lo la chu...i kawr hi ka ha miah lo ang "

"engmah i hak loh kha aw... ka rawn zen leh mai tur ania " Arden a ṭawngkam bawlhhlawh tak tak te hi ngaiah ka nei thei thlawt lo,

" duhtawk teh "

"i pheikhawk bun rawh "

" kan kal tawh dawn em ni? "

" hetah hian i la awm duh mi? "

" aih... ughh.... thil tih tur dang i la neih ka ringa "

" anih chuan round dang i la duh leh tihna? " hepa tak hi chu aw.... tinge ngeiawm tak tak hian min fiam reng mai le.

"car ah ka lo nghak ang che " tih pahin ka thawmhnaw huh ho chu a khai a,a kal nghal nal nal bawk. 

.

.

Chapter-24

.

Car awmna ka thlen phei chuan Arden chu seat hnung nghengin thatchhe zet hian alo ṭhu ar ar a, ngawi rengin car ah ka lut nghal vat bawk. Ka ṭhut fel vek tawh hnu ah pawh a awmdan ngaia ala awm reng avang chuan ka kiu in ka va nghawk zeuh a.

"kan kal dawn lo em ni? "ka tih chuan a han ṭhu ṭha te te phawt a,a hmai nuai nawk nawk pahin a tlan chhuak nghal vat bawk.

Ngawi rengin hma lam melh ran chung chuan ka ṭhu ran a,a khat tawkin Arden chu ka va melh leh zeuh ṭhin a min rawn biak hmasak tum hmel pawh a pu lo,a awmdan hi thinrim deuh te pawh a ang zawk.

.

In be miah lovin kan ṭhut dun reng avang chuan ka awm pawh a nuam tawh lo,han en reng reng hian biak hmasak huphurh awm khawpin rum zetin hma lam a melh run tawh mai bawk si,engvanga hetianga awm thut nge maw anih le ? sawisual ka neih awm pawh ka hre silo.

" seat belt i hreng dawn lo em ni? "thil dang sawi tur ka hre thlawt lo, mahse ka be hmasa tal alawm

 "awle "tih sap pahin a hreng nghal mawlh mawlh a, thil dang a sawi chhunzawm chuan loh avangin kan han ngawi dun leh vang vang a,sawi hmasak tur pawh ka hre tawh lo.

.

"ngatinge hetiang hian i awm a? "

"engtin nge ka awm? "

"i awm dan min zawt amaw!?"a ngawi leh ngul tawh.

" i ṭawng duh bawk si lo.... sawi sual ka nei em ni nge i thin ka ti rim zawk "

" ani lo ve ve "

" chu chauh chu maw? " min chhan dan avang hian ka lungawi lo takzet,ka sam chul thuak pahin za lo zet hian ka nui chhuak hak a chhungril ah erawh ka sa hle thung .

"A hma pawhin hetiang hian i awm tawh.....engmah sawi lo in i reh thut a, tunah lah min biak pawh i tum hek lo ka taksa chauh hi em ni i duh?" min chhang lo in a awm dan ngai chiah in a awm char char anih chu!!

.

"car hi tiding rawh "

"engvangin maw? "

"car hi ti ding rawh ka tih chu....khawiah nge ka thawmhnaw i dah? " ka awki pawh a sang sawt hle,ani lah chuan min runluih emaw tih mai tur hian a awmdan a thlak duh eih bawk si lo.

" ka paih... "

" maw?  ka thawmhnaw i paih amaw? "

"a huh vek alawm... "

"chupawh nise....tunah let leh nghal rawh "

"thawmhnaw mai mai anih kha" rum zetin ka melh nghal hraw a,ka thinrim lutuk hi ka hmai te hi a sa vek tawh in ka hria.

"anih chuan car hi tiding rawh "

"kan thleng ṭep...thil hmuh duh che ka nei a "

.

" Arden tunah car ti ding vat rawh anih loh chuan ka zuang chhuak ang "kawngka hawn ka tum avang chuan a ti ding nghal tuarh a,hma lamah ka bu nghal lawp bawk. Ka thinrim tawh hi chuan engmah pawh ka ngaihtuah tawh ngai lo,tunah pawh hian tiding lo se chu zuanthlak ka tum tak tak tawh.

"engthil nge maw i ngaihtuah le?"tih pahin ka kut chu nghet takin a rawn vuan a,a lamah min pawt hnai nghal lawp bawk.

"eng nge ka ngaihtuah chuan anga....min be duh bawk si lo, ngatinge hetiang hian i awm? kan mut dun vang khan em ni i danglam tak em em a"ka rilru a awm ka sawi chhuah avang hian ka thaw nghal huai thei mahse Arden awmdan hian ka ṭah a ti chhuak takzet.

.

"ka danglam reng reng lo... "

" mahse i awmdan hi min hmang mai mai i ang takzet "

" nilo.... Tina nilo.... ka hmang reng reng lo che " a rilru tak tak in a sawi lo hrim hrim,ka ṭah a chhuah tawh em avang chuan ka hmai hupin ka kun tlata,a khat tawkin ka inhnit leh faih ṭhin .

"Tina.... i ṭap em ni? sawi sual ka nei mi ?" tih pahin ka kut chu rawn la in a han hum vang vang a, hetiang hian vawikhat min khawih na anih avangin ka awm a nuam nghal sawng sawng thei.

"ka tihpalh lutuk.... ngaihsak tur che ka ni asin"

" reh daih i tum tawh lo tiraw? "

" teuh lo mai.....naktuk zanah dinner kan ei dun dawn mi niang? " a tih chuan nuih suk pahin ka lo bu nghat a, ka rilru hahna zawng zawng te kha a reh nghal vek thei nia mawle.

.

 " anih chuan kan ṭha tawh tiraw? "nuih vur vur pahin car chu a han ti nung hlat hlat a,a tlan chhuak nghal vat bawk.

"i kawr chu lak leh i duh tho em? "min rawn fiam zui zat bawk.

"huh pawh nise engvangin nge i paih kher a? "

"car hi huh vek turin i duh mi....mahse ka kawr i hak khan i in hmeh takzet" ka phone a rawn vibrate avang chuan ka zuk melh zeuh a, Dylan ani tih ka hmuh chuan ka silent nghal vat bawk.

" tunge? "

" umm.... ughh, ka haw vat angai "ka rilru a nuam thei tawh lo, engvangin nge Dylan hian min rawn call le?  

" awle.... mahse reilo te lo nghak lawk rawh " tih pahin car chu a tiding a, a chhuak ta daih mai.

.

Ka ṭhutna lampang kawngka chu a rawn hawn avangin ka chhuak nghal vata, engthil nge tih a tum pawh ka hrelo.

"eng nge kan tih dawn? " tih pahin a bulah chuan ka va ding ve nghala,min chhan loh avangin ngawi rengin a bulah chuan ka ding ta hle hle ringawt a.Minute3 pawh tling lo kan din hnu chuan kan tih tur chu hrilh nawn ngai lo in ral lehlama tlang phen aṭang chuan a rawn lang siar siar mai.

"ni chhuak lai i thlir fuh anih chuan hma hun eng tak i nei tihna " ka pi thusawi hi ka sawi chhawng leh ang tih ka ringpha ngai lo.

" chuti maw? " cigrattee lak chhuah pahin car chu a han ngheng dat, ngatinge maw a cool em em reng mai le?

*

*

Ka tlan bo reng theih loh avangin inah chuan min thlah haw leh ta nge nge a, tun ṭum chu ka pi nilo in ka pa zawk hi ka hmu peih lo takzet.Inchhung ka lut chiah chu ka pa hna kal tur nen kan in tawk hlawl mai, ni e... ala hma bawk em ani.

"morning.... " min rawn nuih sang pahin ka chal ah chuan a rawn fawp zeuh a, ka pa hmel hmuh hi chu a nuam takzet.

"morning"

" nizanah Hailey te inah mi i awm? "

" pa.... "

"umm... puitling i ni ve tawh a khuahkhirh reng che hi ka tum tawh lo "

"Natalie  kha"

" i duh lo viau em ni? " a tih chuan ka lo bu nghata.

"mahse hriat chian tal chu i tum dawn lo em ni "

" ka nu hi i ngaihtuah ve miah lo mi? " a han ngawi vang vang a, a awmdan aṭang hian thil sawi chhuah chak si sawi thei si lo te pawh a ang.

"nakin ah kan sawi ṭha dawn nia "

_________________________________________

.

☆Ethan's POV☆

.

Arden ina ka kal chuan Tristan leh Zac te chu couch ah an lo la mu bam a,chhuatah lah zu bur a let rem rum bawk.

"khawiah nge Arden....? " tih pahin Tristan chu ka zuk sawi nawk nawk a, a harh chu sawi loh a in let thawka a mu lehnghal daih.Tun hnai te aṭang hian Arden hi a danglam takzet, inah a awm ngai lova party na ah hmuh tur a awm ngai hek lo,a ni telin min hlat telh telh a a hna pawh a thawk ṭha lo ṭan in ka hria.Ka hmuh duh ber a awm tak si loh ah chuan chhuah leh nghal mai ka tum a mahse vanneih thlak lutuk in kan intawk hlauh mai.

"i va chhuak hma ve? " min chhang lo chuan inchhungah min luhsan daih a,ka zui lut ve nghal vat bawk, a mize ngai bawk kha ala put avangin ka lawm ru hle.

"Valentina chu i that ta em?" ka tih chuan a hmel a rawn danglam nghal vek nia mawle. 

.

(Fb ah group ka siam thar ve a...." Remruati Haylor's stories " tih kha duh duh tan a join theih aw.... )

Chapter-25

.

A awmdan aṭangin engmah ala ti lo ani tih ka hre nghal,chair a ṭhut pahin tui a han in khawlh khawlh phawt a, min pehhel a tum ni berin ka hria.

"hun min pe rawh ka tih kha.... "

"Engvangin nge hun chu i mamawh ? "

"plan dang ka nei alawm.... "

"i va nem ta ve?" ka hriat ṭhin Arden mi nunrawng leh a hna tlin taka thawk ṭhin kha a nem sawt in a lo danglam ta hle mai,khatiang hmeichhia mai mai that tur pawh khan hun a mamawh belh ta amaw!!

" anih chuan keiman ka tih mai angai dawn anih chu " ka tih rual rual chuan ka kawr nghawngah a rawn ṭham nghal tawn a, a tih hmaih ngai hauh loh a thinrim rual rual a lang tel ziah ṭhin a pistol chuan ka chal ah tak min tin nghal ran bawk.

.

"plan dang ka nei ka tih chuan ngawi rengin min lo thlir tawp mai rawh "

"wow.... i duh chuan silai i phawi ran theih khawp hi.... " Arden hi a thinchhia in a kut a rang hle ani tih kei tluka hrechiang hi an awm lo,amah ka hriatchian em avangin uluk takin ka enkawl a,hetiang hian ka chungah ala awm ngai lo, amah kaihruai tu ber ka nih avang hrim hrim pawh hian min zah in ka thu a ngaichang kar ṭhin ,a thinrim anih pawhin ka hlat thei ang ber turah tlanchia in a thinrimna te ava hri thla mai ṭhin mahse tunah chuan ka hriat ṭhin Arden kha ani tawh hauh lo, khanu a tawn aṭang chiah khan thil a danglam chak em em a, reilo te chhungin kan inkarah thuruk a tam sawtin mihrang ang mai kan ni tawh. Hetiang thil hi a thleng dawn ani tih hria ila chu a kutah ka dah hauh lo ang.

.

A nihna takah chuan Valentina hi khami ni Dylan nen school an kal dun ṭum khan that daih tawh tur a ni a mahse last minute ah Arden an a rilru a rawn thlak leh anih kha,khami ni khan kal ve ni ila chu kha nu kha ka chhuah hauh lo ang mawle .Max a sawi dan chuan car an hual fel vek tawh hnu ah Arden an chunu chu a hmuh veleh chuan a hmaiah a zuk khawih ringawt ani awm e,mahse Arden hi mi khirh leh tu khawih mah duhlo anih avangin ka lo awih sak duh lo a, chuta chapa engkim a kutah ka dah vek bawk anih kha mahse tunah chuan a tlai tawh lutuk a thil tih lai hi amah vek ka chinfel tir anih loh chuan ka phatsan ah ngaiin amah leh amah a inlak hran mai ka hlau ani,a chhanchu min kalh zawngin a awm anih vaih chuan ani tluka mi hlauhawm hi an awm leh tawh lo ani tih hi kei tluka hrechiang an awm lo ang.

.

"i chingfel vat ka beisei.... " ka jacket siam ṭhat pahin chair ah chuan ka han ṭhu dat a, ani pawhin silai dah thlak pah in inthiam loh hmel deuh hian ka bul chiahah chuan a rawn ṭhu ve bawka.

"zanin ah hna i nei ania...."

" ka hria alawm..." message a dawng tawh aniang,mahse nidang angin a hmelah phurna ka hmu tlat lo,engtin emaw ka tihphur angai dawn anih hi .

" a ṭhat chu.... Murph challenge kan ti dawn mi niang "a dara ben thak thak pah chuan ka han ti a, Murph Challenge hi Arden workout nuam tih ber anih avangin kar khatah vawikhat tal a ti ngei ngei ṭhin .

"min hneh i in ring reng reng amawn le?" a tawp a tawp ah a rilru ka la peng thei hram,ka hneh dawn lo tih hre lawk sa reng mah ila amah tih phur nan chuan engkim ka ti ang .

" han ti chiah ila "

(Murph challenge hi Navy Seal platoon commender Michael P. Murphy hming

chawia tih a ni a, Excercise namai lo tak anih mai bakah mi bik tan lo chuan a tih theih loh ani. Hemi excercise ah hian

1- mile run

100 pull-ups

200 push-ups

300 air squats leh

1- mile run te a awm a ni.) 

*

*

"hna i zawh veleh Ralph hmuh angaih kha aw... " Ralph hi keimah ni ho zingah chuan a hotu ber ani a, Don (mafia a an hotu ber sawina)  thachhang dawl tu ani,keini ho chuan Don hi chu biak chu sawi loh kan hmu ve phak meuh lo,hna thawh tur min rawn hrilh a chu chu lawm tak leh rinawm takin kan lo timai ṭhin,pawisa duh ṭheuh kan nih avangin helai ah Sacramento ah hian American mafia ho hnuaiah mi tlema zawng in hlawm khawmin gang kan din ve bawka chung ho chu chhungkua ang maiin kan inkawm ho a,pawisa kan hmuhna tur anih phawt chuan mi thah mai pawh kan hreh lo,a bik takin Arden phei hi chu a tleirawl lai aṭang tawh a ka chher chhoh anih avangin ka buaipui bik em em a, midang pawhin thik en ah pawh an en tawh lo.

.

" chuan.... fimkhur takin thil chingfel vek ang che "ka tih ṭhin dan ang bawkin ka han ti leh  a.

"awle.. " tih pahin a silai chu a hrufai nghal mawlh mawlh a,mahse a hmelah phurna ka la hmu chuang lo.

"kha nu kha...."

"ka thil tih laiah hian hmer tel lo la ka duh "

"hahh.... hmeichhe chungchang kan vawikhat sawidun na ani ngei ang " nui mah ila ka chhungril ah chuan huat na in ka khat thung, khanu phiangsen khan engtin nge maw alo tih ni.

"a chungah engthil mah tih suh ang che... keiman ka lo chingfel vek mai ang " message a dawn avang chuan a phone chu a han melh vung vung a, " hreptak chuan " tih sap pahin a tho nghal daih bawk .

.

"Engthil nge thleng? "

"zanin ami tur kha naktuk zan phiangsen ah an sawn anih chu "

"thinrimna tur a awm em ni ?" engvanga thinrim em em nge maw anih le nge naktuk zanah hian thil tih tur dang alo nei reng tawh zawk.

"Hi!  Ethan.... " Mia a rawn luh avangin Arden chu ngawi rengin a chhuak nghal daih a,hun thawl pek ka duh avangin ka ko zui lem lo.

" Mia... Valentina hi eng mi nge anih chiang takin hriat lo tum ang che "

" awle.... mahse " mahse a tih avang chuan inthiamlo hmel takin min rawn en nghal vata, " ka tihpalh....a rang thei ang berin hriat ka lo tum dawn nia "

"Olivia hi Arden bulah awm tam turin lo hrilh bawk ang che" ka ti zui zat bawk

.

__________________________________________

.

☆Valentina's pov☆

.

Weekend apiangin part time in hna ka thawk ve ṭhin a, vawin pawh customer an tam deuh avangin ka chau takzet. Hna ka ban meuh chuan khua alo thim der tawh,khua lah chu a dur em em mai lehnghal.

" Tina....haw rual ang " Mason an a rawn tih avang chuan kawngka bulah ka lo nghak ran a, ani hi ka hna thawhpui ani a la innel vak lo mah ila a mize zaidam tak leh a nui hmel nelawm tak hian a fel zia a ti lang chiang hle.

" zanin chu dinner kan ei chhuak dawn mi niang "

" umm... pawi ka ti lutuk nidangah kan ti zawk mai dawn mi? " inthiam loh hmel takin ka lo ti sap a.

" a pawilo nidangah chuan ani mai "

.

Subway aiin bus a haw ka thlan zawk avangin bus station thleng min thlah a, bus ala rawn kal lawk loh avangin min lo nghahpui ran bawk .

"Umm.... kal tawh rawh, bus pawh a rawn kal ṭep tawh ang "

"lo bo leh ta si la i chhungten keimah min mawhpuh vek dawn asin " a tih chuan ka nui chhuak nghal hak ringawt.

Chutia kan lo ṭhutdun mek lai chuan kan hma ah tak Jade in a car a rawn ti ding chat mai.

" Jade.... " tih pahin ka va pan nghal vata, hetiang hun sawi tur pawh ka hriat loh laiin a rawn kal fuh avangin ka lawm ru hle bawk.

.

"rawn lut rawh.... "

"awle... " tih pahin ka hawilet leh a "Mason mangṭha le " tih pahin phur takin car ah ka lut nghal thak bawk.

" ka awih thei lo.... tun ang hunah te chuan i theih ang tawkin khawvel hi chen ta che "

"vawin chu kan bang har mai mai alawm "

" chupawh nise.... e... chuan party na ah rawn kal ve rawh aw.... "

" enga? "

" P. A. R. T. Y..... " ngeiawm zetin a han ti khera.

"hetiang thawmhnaw nen hian maw? "

" aw... "

" teuh lo.... ka chau lutuk haw vat ka duh " 

.

.

Chapter-26

.

Car a tih din chuan party na ah kan kal dawn emaw ka tih laiin hmun dang daih ah min hruai ta daih mai,hawi kual hruk hruk pahin car aṭang chuan ka chhuk thla ve mai bawka

"ngatinge beach ah... "

"beach party mawle.... " ka chau deuh bawk nen ka ham bai bai tawh mai.

"rawn kal chak rawh a nuam lai kan nang pha lo ange " diktak chuan ka phur teh chiam lo, jeans leh sneaker nen a party na a kal chu nuam duh lo tak ani.

Party na hmun kan thlen phei meuh chuan hla an play ring bawka ṭawng pawh a in hriat pawh ṭhat theih tawh mang lo.

"tikhan i nuam tih dan ang ang khan lo awm ve rawh "

" Jade.... " ka lo ti vin nghal hlar a,min hruai te te a min kalsan leh daih zel.

.

Jade in min kalsan daih avangin bar piaha chair ah chuan ṭhu in ngawi rengin ka hawikual hruk hruk a nuam ka ti ve thlawt lo.

"Hi!  Tina.... " ka hawi phei chuan Tristan lo ni rengin, min hmuh avang chuan mak tih hmel takin min lo en ha a, Tristan ka hmuh takah chuan Arden a pawh awm ringin a hnunglam chu ka va melh zeuh a mahse a ṭhian dangte pawh hmuh tur an awmlo hrim hrim.

" Hi!.... " hmelhriat an awm tak avangin ka thla a muang sawt mai.

"Eng nge hetah i rawn tih? "

" Party turin "

"oh!  ka van â tak em.... ni dawn tak... "

"khawiah nge midang...? "

"ka hrelo... "

.

Hmeichhe pakhat chhelo zet mai bra leh kekawr bul chauh ha hi Tristan lam pan in a rawn kal phei a, a enga mah hma in a rawn fawp nghal tawn tawn anih chu!! an bulah ka awm ve reng bawk si a en pawh ka en ṭha ngam lo.

" bawih... henu hi tunge? "

" Tina anih hi.... "

" Hi!  Tina... " min rawn nuih sâng mahse a mitmeng erawh chuan min ngaihtheih loh hmel takzet.Chhan vak ngaihna ka hriat loh avangin ka lo nuih suk ringawt a,chhuanlam siam a kal daih ka duh mahse eng chhuanlam nge ka siam tak ang.

" Engteh.... hetihian ti ang heihi la la room ah min lo nghak rawh"Tristan chuan a rawn ti hlauh a ka lawm ru takzet, nuamlo ka ti ani tih a hria anih te ka ring hial.

" awle... rei suh ang che "

"tehreng mai " a mawnga ṭham pah chuan a han fawp leh kher a, chunu chuan min melh ram ram pahin a kal liam thei hram.

.

"i va chau hmel ve " tih pahin intur min rawn pe a, ka lo la nghal vat bawk.

"nia... hna ka tlai deuh a "

" anih chuan khawiah emaw kan kal dawn mi niang " a tih chuan mak tih hmel deuh hian ka en nghal kawk a,tun mai khan khanu kha amah nghak turin a ti si a engvanga hmun danga kal tura min sawm leh daih nge maw anih le ?

" anih loh pawhin ka thlah haw dawn che mi niang "

" mahse.... " kha nu kalna lam kha ka kawk ringawt a, a nuih aza ngei mai.

"ka bialnu pawh ani lo tikhan awm mai mai rawhse "

" i bialnu ani lo maw? "

" umm... "

" mahse in in fawp bawk si a " kei ngei pawh hian Arden nen kan awmdan hi ka hrechiang hauh si lo, diktak chuan kan inngaizawng nge ngaizawng lo pawh ka hre lo.

.

"a theih loh mi? " a mit ko chu a rawn ti sang ak a, a ngaih a sam hmel em em lehnghal.Tristan awmdan hian min ti lungawi lo in min ti hlauthawng vek bawk. Arden hian hetiang ang lekah hian min lo ngai ve ang tih ka hlau takzet.

"i duh tak tak anih loh chuan engvangin nge i fiam kual mai mai " tih vin hluk pahin ka intur ken lai chu ka han tlak nghal pap a ,no ruak chu a kut a dah pah chuan, " ka lawm e " tih zui zat pahin ka kal nghal hlawk hlawk bawk,ka awmdan avanga a hrilhhai lutuk hmel kha hmu nawn leh ila chu ka nuih a za tawh ngei ang.

.

" Tina.... Tina... " min rawn umzui ani tih ka hriat chuan men pual ralh pahin ka hawilet a.

"engthil nge tihsual ka neih? "

"tihpalh... keimah zawk hi ania " Tristan ai mahin Arden an min ti thinrim zawk,kan inhmuh hnuhnun ber aṭang khan min rawn la be leh lo hrim hrim.

"hmeichhia ka fiamkual vang pawh ani lo " tih pahin ka rualin a rawn kal ve nghal hlawk hlawk a, kei lahin han kalmuan ve deuh ka tum hauh lo thung.

" Tristan i thiam loh ani lo "

"anih chuan i in bengdai thei tawh angem? "

"ka thin a rim lo " ka inthiam loh avang chuan nuih vur vur pahin ka han ti a.

"kha intur.... "thaw hlawp hlawp pahin beer can hi min rawn pe a,ka kal chak em em pawh ka hre lo.

.

" min thlah haw thei angem? "

"hmun dangah i kal duh zawk em? dar8 chauh ala ri bawk a " ka peih lo hmel a hmuh chuan, "Mia, Olivia te pawh an awm... ughh... Arden leh Max pawh "a ti zui nghal zat bawk. Arden hming ka hriat rual rual chuan ka beng ka chhi nghal hru ringawt mahse phur deuh anga lan erawh ka tum hauh lo thung.

" khawiah? "

"nuam i ti viau ang chuan min ring rawh in thleng ka thlah haw ngei ngei ang che "

"haw duh ta vat si ila "

"a pawilo....i duh hun hun ah ani mai " min sawm dan a thiam mai bakah Arden a awm ve dawn lehzel bawk nen ,ala hma bawk si a Tristan zui mai chu ṭha in ka hre ta zawk a mahse Arden awm dawn lo se chu ka kal hauh lo ang.

*

*

Kan kalna hmun tur kan thlen chuan bike a chhuk pahin ka hawi nghal vual vual a, a hmun a fal in a thim ruih mai bawk si a a ruk tak chuan ka hlau leh deuh.

" tinge mei alh chauh hi an hman a light a awm mai lo em ni?" ka ti chhuak hlawl ringawt,

"min rawn zui rawh.... "

" heihi khawilai hmun nge.... "

"pawisa hmuhna hmun anih hi"

" Pawisa hmuhna hmun a.... !!"

" haha.... tak taka helai hmun ah hian kartawp apiangin insual hmuh tur a awm ziah ṭhin alawm,pawisa tamtham tak tak an bet ṭhin a...i vanneih phei chuan pawisa i dawng ṭeuh mai ang "

" haw ila a ṭhat zawk ka ring "

" reilo te en zawk ila... nuam i ti ngei ang " Eng mi ah nge maw min ngaih ni, insualna hmuna awm hi nuam ka ti ngai reng reng lo chutachap ah he hmun reih ruih hi ka ngaihna thlawt lo.

.

Tristan chuan hmun kilkhawr deuh aṭang hian min luh pui a, a chhung kan thlen chuan insual lai an awm mek ani ngei ang pa tling pui pui pawh pawisa hum run chungin an ṭan zawngte an au hum hum mai alawm.Helai hmun hi ka ngainat tawh loh nak alai in thlan rim leh zu rim inpawlh ala nam hum hum zui, han hawikual vel ila hmeichhia hmuh tur pakhat mah an awmlo bawk nen ka lo lut ta kher kher hi ka inchhir takzet. Hmeichhe dang an awm ve nge awm ve lo tia ka hawikual vel lai chuan Mia ka va hmu hlawl mai!! min hmuh ve lem loh avangin a bengchheng bawk nen ka ko buai duh ta lo law law mahse hmeichhia an awm ve nual ani tih ka hmuh hian ka awm a nuam huai thei.

"nuam i ti em? "Tristan chuan ka beng bulah hian a rawn ti sap a,ka chhang buai peih lo.

"insual dang pakhat ala awm leh dawn a pawisa i bet ve duh em? "

" aih ka lawm e " ka tih chuan a nuih a za ngang mai.

.

Insual pakhat la awm leh tur nghak chuan kan ding ṭhap hlawm a, thawm erawh a reh thei chuang lo.Tristan an Arden a awm ve a ti bawk si a, ka hmuh mai loh avang chuan ka han hawikual vela, meichher eng hnuaiah chuan inhmuh a har takzet mahse an insualna ring chhung erawh light eng takin a chhun pup thung.

" khawiah nge Arden?" ka zawng beidawn tawh avang chuan ka zawt ta ringawt a.

" khi.... " tih pahin an in sualna ring lam chu a kawk ve mai a, ka hawichhoh nak chuan Arden chu ring chhungah chapo hmel tak leh inrin tawk hmel takin a lut ta mai!! Zero tiin an la hau hum hum zui!!

"Eng.... enge awmzia?"mak ka tih em avangin ka ṭawng te pawh a bah vek tawh.

"Arden te an inbei dawn.... hmuhnawm i ti ang ka tih kha,pawisa chu i bet dawn ta em?" 

.

.

Chapter-27

.

"engthil nge maw i sawi le? " tih pahin ring lam pan chuan kal ka tum ve ringawt a, min lo man bet rang kher mai.

" min thlah rawh... "

" thil at thlak tak tih a hunlo.... "

"an insual dawn khi....kan tih tawp vat angai alawm "

" haha.... awlsam takin an ti tawp teuh lo.... tihtawp i duh chuan heng ho zawng zawng hi i hneh vek phawt angai ang " a tih chuan ka han hawikual vela, pa lian pui pui ṭhan kin ṭhah thlan tla hluam a au te leh rapawm hmel tak tak ka hmuh chuan ka chil ka lem nghal dawk mai.Ngawi rengin ka ding ve ran a, tihtawp dan kawng ka hre si lo an inbei ṭan der tawh mai bawk si ka kut ka ti che sek tawh mai.

"hlauthawng suh... " Tristan chu ka han melh ha a ,"Arden baka insual thiam an awm hleinem.... hawikual ta che a tam zawkin an ṭan hi... "

.

Ngatinge pawh ka hrelo Arden hi ka ring zo thlawt lo,insual ngaina lo e tilo chuan ngun takin ka en kar a, Arden an hnek emaw an khawih fuh apiangin ka lo ip zawk zawk zel.

" ṭang ṭunga i en te chuan a hmuhnawm thei nang. .."

" Tristan en ta che an thî nasat tawh em khi....an thi mai anga sin " ka tih chuan ala nui ang deuh deuh a, keilah ka hlauthawng tawh mai bawk si... Arden te lah an inbei tawp hleithei bawk si lo,dim miah lo in an han in hnek pawp pawp phei hi chuan ka lo ṭim uarh uarh thei.

"an thih leh an hneh chiang tihna ani mai lawm.... " hepa hian min hnem thlawt lo, min ti hlauthawng zual sauh zawk.

.

Minute 20 dawn an inbeih hnu chuan Arden an a inbeihpui pa chu a rawn hnek thal ta tawp mai!!! ka hup chungin ka melh phawk nghal kawk a, rap hle mah ila Arden zawk in a hnek tluk avangin ka lawm hle thung. A hnek thluk pa chu a la dam nge dam lo tiin mipa pakhat hian a hnar bulah a kut chu a zuk dah zeuh a, ngawi rengin Arden bulah kal phei leh in a chak ngei ani tih nem ngheh nan a kut dinglam chu a han phar pui va va a, mipui lam thawm pawh a lian ṭha khawp mai.

"ka tih reng kha... Arden lama pawisa bet tu te hi chuan an ti sual ngai lo " Tristan an a rawn tih chuan ka lawm lutuk hi ka mittui a tling nghal pum thei mahse ka lawm a kim thei chuang lo a chhanchu Arden hmai saw hmuh ṭhat theih loh khawpin a thi nasa,a awmdan aṭang sawn a ṭha lo ani tih ka hai hauh si lo, luhai avangin a tluk mai te pawh ka hlau takzet.

*

*

Pawnah Arden nghak chuan ka ding renga,minute10 lai ka nghak tawh bawk si a a rawn chhuak har tawh takzet.

"Tina....kal mai ila a ṭhat zawk ka ring.. "

"An rawn chhuak har ngai lo i tih kha... a rawn chhuak ṭep tawh ang "

"mahse.... urghh...an la inbei leh dawn pawh ani maithei asin... "

" maw!! "

"ka ti mai mai nih kha....hei a tlai tawh ka thlah haw zawk ang che " a tih pawhin ka nghak lui tlat tho, a ṭha nge ṭha lo tih ka chiang hma loh chuan haw ka tum hauh lo.

"Arden hi i duh tiraw?"

"ka chhan kher che angai em ni? "

" umm... hnaih lo la a ṭha in ka hria " engmi ah nge maw a inngaih ni, ka hnaih leh hnaih loh chu ka thu thu.

.

"umm...heta awm reng chu a him lo, a inah kan lo va nghak zawk dawn mi niang... "  bike a chuan pah chuan a herh nung nghal dut dut a.

"aih... hetah nghak zawk ang "

"misual hlang awmkhawm an nih saw i hlau lo em ni... "

" min sawi ṭhaih mah la ka hlau lo " a ruk tak chuan min tlansan daih ka hlau, tumah hmelhriat ka nei lo bawk nen keimah chauha nghak tur chuan ka ngam bik lo.

" anih chuan.... " ka hlauh ang ngei ngei in tlan daih a tum ta mai.

"ding rawh... "

"i luhlul rei ka ti reng ani " ner suk pahin ka chuang leh ta nge nge a, mahse a inah ka nghah dawn tho avangin thlamuang takin ka chuang tho.

.

_________________________________________

.

Arden in kan thlen hnu minute reilote ah ani pawh a rawn thleng ve ta.Kan awmna lam chu bike headlight in min chhun sut avangin ka mit chu ka kut in ka han hliah nghal vata rang takin ka tlan phei nghal dawr dawr bawk.

"hetah eng nge in rawn tih?" a ṭawngkam aṭang hian a lungawi vak lo ani tih a hriat theih.

" i ṭha em? " a hoodie hak lai lukhum khum tlat mahse a hmel thi sung erawh chiang takin ka hmu thei,"i hmai hi... " a hmai chu khawih ka han tum a mahse a hawisawn hmak thung.

" I haw thei tawh ang " Tristan en pahin a ti zui sap bawk,

" Tina... mangṭha aw "a hnial ngam bik lo aniang, engmah sawi buai lo in a tlan liam nghal vang vang mai.

.

Arden chuan a bike chahbi ah pahin inchhungah min luhsan daih a, ka umzui ve nghal dawr dawr bawk.

"i ṭha em? " min chhang lo in dawhkan ah a bag ken lai chu theh phei lawp pahin fridge a tui chu a han in khawlh khawlh a.

" min rawn en teh... "

" nangpawh haw tawh rawh... "

" aih.... min rawn en hma loh chu ka haw dawn lo... "

"Mia kan bia ange... a thlah thei ang che " ngatinge min en pawh chu a hreh em em le?  min pehhel dan kawng a zawng char char anih chu.

"Arden.... min en rawh ka tih chu " tih vin hluk pahin ka han pawt her a,a hmai thi nasa lutuk ka hmuh chuan la hmu miah lo ang maiin ka menphawk nghal kawk ringawt,hnai deuha en leh hla deuh aṭang en chu a in danglam hleih takzet.

.

A hmai ka hmuh takah chuan a lukhum chu a han pawt thla a,nichin a a thi ang ngai ngai khan a rawn haw pui anih chu!! A thi khir urh te leh a hmai vung lûk te avang chuan ka hai ṭhelh alawm mawle.

" damdawiin ah kal ang... "

" a ngai lo... ka ṭha" tih pahin lukhum chu a khum leh daih a,a kut te lah chu a pilh phung lehnghal.

"i ṭha miah lo ania... i mitmeng pawh a dik tawh lo " ka lo pawt buai ve chhen a min ning tawh ngawt ang,mahse ka ngaihtuah vang zawk ani.Ngawi rengin a hmai a thisen kai nuai chu a han phih fai a, mahse a hruk a hruk loh chuan a fai ṭha thei lo tawp ang.

"hawh kal ang... a rei lo ang kan haw lehnghal dawn nia " a kut ah chuan vawn ka han tum a,"ka duh lo "ka kut thing thlak lawp pahin a kawr hak lai phelh in thatchhe zet hian couch ah chuan a ṭhu nghal thlawp a,tv en pahin beer ala in ham ham zui.

.

A awmdan thawveng lutuk chu ka thlir renga, a mit lah a vung nasa in a hmai te lah chu a duk chur mai bawk si a chutichung chuan engmah thleng lo ang maiin ala awm thei nia mawle. Ka awm ve tih pawh hre lo ang maiin awm mahse engmah ti lova ka awm mai mai a ring amawn le?

Thawk halh pahin first kit box chu ka khai nawlh a, Arden hma ah tak ṭhu in a kut a thisen kai nuau chu ka hru fai nghal mawlh mawlh bawk.

"min hliah ania..." a kut laksawn tum mahse ka man beh tlat avangin ṭha deuh hian a dawh ve leh mai bawk a.

Arden kher lo midang pawh nise hetiang ang hian ka ti tho ang mahse amah anih tak avang hian min ti hlauthawng zual .

.

" a na lo em ni?"a hmai hruk tuma ka hawi chhoh chuan ka che vel chu min lo thlir reng tawh chu niin,ka mit ah tak min en ran tawh mai bawk si ka che khawr nghal vek in ka hria.A mit ko kak aṭanga thisen rawn chhuak ka hmuh chuan ka tha a khur nghal der, hetiang thil hi ka ti thei thlawt lo thi suk ka lo nei bawk nen ,ka lu te hi a rawn hai nghal mum mum mai.

" keiman ka lo ti ang "

" aih... nilo ka thiam alawm" tih pahin lapua in ka han hup a, ka awmdan hi a hrethiam ani ngei ang lapua chu a rawn dawm nghal vata, a kut lehlam in ka kawng ah a rawn dawm tlat bawk a.

" i vawikhatna ani lo tiraw...? "ka tih chuan a lo bu nghat a, pangngai deuh a awm chu ka han tum hram hram na in thil awlai tak ani hauh lo.

.

Earbud ah damdawi ka tat a, a hmui leh a hmai pilh velah chuan ka han hnawih dan dan a, a mit ko kak erawh engtin nge ka tih dawn pawh ka hrelo.

" umm.... engtik aṭangin nge hetiang thil hi i tih tawh...ughh ka lo hmu che a"

"Tristan mai mai chuh... " phun sup mahse ka hre pha vek tho.

"a nuam viau em ni? "

" umm.... "a mit pawh a meng ṭha thei tawh tawp si lova chutichung chuan engtin nge nuam ala tih fo theih zawk ?

Awih loh hmel zet hian ka han chek zui tlak bawk a,ka hawisenna zawng zawng sawmkhawmin a mit ko hrukfai tumin lapua chu ka han la thla te te phawt a, ka rin ai daih in a thi duh zek lehnghal.

.

Engtin tin emaw ka tih hnu chuan ka tuam ve thei hram, hlawhtling inti deuh hian ka han nuih suk a.Ani pawhin na ati ve deuh pawh ani mahna thawk halh pahin beer chu a han lem khawlh khawlh a, hmuhnawm ti takin a lem zawnga a hrawkbawk che ralh ralh chu ka lo thlir reng thung.

"lo kal teh... " tih pahin a mal chungah chuan min ṭhut tira,ka sam hnung lama hui pahin ka nghawng chu a han fawp zeuh bawka.

"ka ṭhat leh ṭhat loh thu min zawt hmasa ber tu ini... "awih deuh bawk si awih ngam chiah si lo hian ka han nuih ver ver ringawt a,a mit ah erawh tih tak tak na ka hmu thung.

"sawi sual ka nei em ni? "

" aih... ka nunah min ngaihsak tu ka vawikhat tawn na... " a hmel ka hmuh hian ka khawngaih tlat peka,mihring ve tho ani a ,duat leh ngaihsak te chu tu pawhin kan mamawh vek alawm.

.

A hmuiah dim te hian ka zuk fawp zeuh a, a lo ner nghal sawk mai! ka van mawl tak em a hmui leh a kamsir vel a kak ani tih ka hre ve reng si a,ngaihtuah hmasa tur ka ni asin .

" ka tihpalh .... "

"engchu maw ?" tih thum dut pahin duhthawh zet hian min rawn fawp nghal tawn tawn a, ka lo chhanglet rang kher mai. Chutia duhthawh taka kan infawh tawn tawn lai chuan ka phone a rawn ti ta thut mai!! phut zuk pahin tuin nge min rawn call tih pawh en lo chuan ka hmet tawp nghal vata,engmah thleng lo ang maiin kan infawh chhunzawm leh zat bawk. Reilo te ah ka phone chu a rawn ri leh ta thut mai!

" tu phiangsen nge maw anih le?... " tih vin hluk pahin couch nghenchhan ah chuan a let nghal thlawp a,

"ughh...kan la mai ange " keilah inthiam lo bawk nen ka phone lak pahin a malchung aṭang chuan ka tho nghal zal zal ,ka pi hian min rawn call hun lo takzet.

.

Ka pi nen kan inbiak zawh chuan ka bag la in ka ak ṭha nghal sawk sawk a,rawn ṭhut chhuah pahin mak tih hmel takin min lo thlir reng thung.

"mu tawh rawh...."

" khawiah nge i kal dawn? "

" umm... ka haw ang chu "

" ka thlah ang che "

" aih mu zawk rawh "

"nge hetah i riak duh zawk?" a tawp a tawp ah a rawn khi ve suk mai.

" nilo.... ka haw ngei ngei angai " ka pi in ka leng kawi ani tih hria se chuan min rawn zawng leh chung dawn avangin ka haw vat angai riak bo thei ka ni tawh lo .

"anih chuan rawn kal vat ta si che "

"i... i damloh kha... "

.

.

"tuin nge ka damlo ti " tih pahin a tho thut a, a jacket hak sawk sawk pahin a chhuak nghal daih bawk, keimah zawkin ka um chhuah angai.

"Arden.... ka... " bike ah alo chuang fel vek tawh,

"keimahin ka haw mai ang " ka ti zui sap bawk.

"ka thlah i duh loh chuan Mia ka thlah tir tho ang che "

" mahse.... "

" i rawn chuan vat loh chuan ka tlan san dawn che nia " hnial hnîal in awmzia a nei dawn lo tih ka hriat avangin chhang lo in ka chuang nghal thak a, nghet takin ka kuah bet nghal tlat bawk.

"i lum nuam hle mai "

" maw....? " a sawi ka hriat hman loh avangin ka lo ti nghal haw a, Khik suk pahin a rawn hawi a let a, chak zetin a tlan chhuak nghal lawp bawk.

*

*

In kan thlen chuan kawtah ka pi in min lo nghak reng chu niin, nidangah min lo nghak ngai si lova engvanga zanin ataka min lo nghak thut nge maw anih le? mipa dang nen kan awm tih a hmuh chuan thinrim hmel zet hian inchhungah a lut nghal vata.

Rang lutuk in bike aṭang chuan ka chhuk thla nghal vata, kal mai ka han tum lahin min lo la man bet zui.

"Arden... min thlah rawh... "

"a tawp nan min fawp dawnlo em ni... "

"umm.... naktuk zan kha theihnghilh suh aw... " a hmui fawh zeuh pahin a kut chu ka thing thla a, hnanhmawh takin inah ka tlan lut nghal vat bawk.

" khapa kha tunge...? "tih sap pahin ka pi chuan min kuai her nghal sawka,

.

"Ka chau ka mu duh.... "

"Valentina... khatiang mipa kha engtin nge i rawn inthlah tir ngam zawk? " chhan ka tum tawh lo,han inhau buai leh mai mai zawk ang

"mi hnuaihnung lutuk hi a kawm pawh kawm tawh suh....hetah kumkhat em pawh ila awm lo a engtin nge i mi hriatchian loh i rawn in thlah tir theih zawk? "

"naktuk ah kan sawi ṭha dawn nia... "tih pahin ka room ah ka chho nghal hlawk hlawk a, ka pi hi ka zah loh vang ni lo in inhnial buai ka duh loh avang zawkin ka tlanchhian san ani .

.

Ka room chhung ka luh rual rual chuan Dylan ka hmuh avangin ka ding nghal chawt a, pangpar keng chungin a ding ran bawk.

" hetah eng nge i rawn tih...? "

" khapa kha tunge? " alo hmu hman ani maw?

"engvangin nge ka phalna la hmasa lo in ka room chhungah i luh a "

" Tina.... engtik lai aṭangin nge phalna lak hmasak alo ngaih taka... ?"ka inthiam loh leh deuh avangin ka bag chair a dah pahin bathroom a luhsan daih chu ka tuma mahse min lo man bet hman.

"khapa kha tunge ?" a vin tawh kher mai, mahse ka beng ka chhu ngawng lui tlat tho.

" kha mi hnuaihnung lutuk kha tunge anih ka tih chu? " ka zaidamna in a tlin tawh bik lo.

.

"kha mi hnuaihnung kha ka duh asin... " ka mittui chu a rawn tling nghal pam mai, hetiang anga Arden an tih hi ka duh lo hulhual.

"Engmaw?  anih chuan i bialpa maw a nih a ?"a tih chuan ka ngawi nghal hmak mai, diktak chuan Arden nen a kan awmdan hi ka hrethiam lo,kan inkar chianglo lutuk chuan min ti thinrim leh hnuhnawh a.

" mawh... min chhang rawh "

"inṭhen hnu a inhmuh leh hi ka duh tawh lo...haw zawk rawh"

" engtik lai khan nge kan inṭhen a? "

" ka... ugh... " kan ṭhen daih tawh emaw ka lo ti asin, mahse hetianga min zawh takah chuan inṭhen chungchang kan la sawi ri reng reng hleinem,mahse min be duh miau si lo alawm.

.

" min be duh hleinem..... "

"keichuan ka la ṭhen reng reng lo che " tih pahin a lamah min pawt hnai a, a chal leh ka chal chu sik tirin ,ka hmuiah chuan a rawn fawp zeuh a.

" ka hmangaih che Tina.... ṭhen che hi ka duh ngai reng reng lo "

" mahse..... "

" shh.... engmah sawi suh ,khapa khan i thianghlimna bak a duh lo ,duh tak tak che nise i pi phenah hian a che hauh lo ang ...kei ang hian i chhungte nen inzawmna siam a duh ngei ang " a thusawi tinte chuan min vin sawk sawk mai, ni e... Dylan thusawi engkim hi a dik vek Arden hian min duh tak tak chu nise engthil emaw tal a ti daih tawh ang mahse tun thlengin min duh thu chu sawi loh a bialnu ni tur takngial pawhin min la sawm si lo.

.

(Fb ah Remruati Haylor's stories tiin group ka siam thar a chutah chuan information kimchang takin ka pek thin avangin in lo join ve vek dawn nia)

.

Chapter-28

.

"i kiangah ka awm reng ang"ka rilru natna te chu remchangah lak tumin min rawn kuah a han tum a ,ka tawlh hnung vat thung.

" inṭhen hi a ṭha zawkin ka hria "ka ti chhuak phawng mai, mak tih hmel zet hian min rawn melh nghal kawk bawk.

" i ti tak tak em?"

" Ka...ih... Dylan, pawi ka ti lutuk i rilru tih nat hi ka duh reng reng lo mahse inṭhen mai hi a ṭha zawk in ka hria " a hmela natna awm te leh hrehawm tihna te chu ka hmuh hmaih bik hauh lo, engvanga he thutlukna hi siam nge ka nih pawh ka in hre hek lo.

" nilo... Tina, hetiang thil hi kan ti tur ani lo, khapa vang khan em ni hetiang hian i awm? " a tih chuan ka ngawi renga," phiangsen chuan " a ti zui sap bawk.

"ka ṭhen thei lo che "

" Dylan....ka... "

" i pi leh i pate hi i ngaihtuah ve miah lo em ni? "

.

Chhan dan tur pawh ka hrelo, diktak chuan thil thleng tur chu ka hre vek mahse tunah hian ka rilru a phir em avangin thil tih kawi reng ai chuan inṭhen mai hi a ṭhat zawk ka ring vang ani.

"ka hrilhfiah anga an hrethiam vek mai ang "

" anih ka nu leh pa ve thung hi "

" ka hrelo..... "

"kan inkar thu hi awlsam taka tih tawp mai theih ani tawh lo chuvang chuan inngaihtuahna hun ka pe ang che....ngun takin in ngaihtuah pawh la chutichung pawha i rilru i la thlak lo fo anih chuan ka tibuai tawh lo ang che "

" mahse... "

"engmah thleng lo ang mai in kan awm tur ani....kan chhungte bulah engmah ka hrilh lo ang mahse thutlukna erawh ngun taka i siam ka duh"

"hetiathiam tum teh.... " ka thusawi pawh a ngaithla duh tawh lo, engmah hre lo ang mai hian min chhuahsan hmak anih chu !!

.

Thawk hak pahin ka sam chu ka han ṭawn tawm sawk sawk a,inbual nghal ka tum avangin bathrobe hak mawlh mawlh pah chuan intih thawven tumin ka han zai ri rat rat pah bawka mahse ka rilru ah erawh thil dang daih a awm thung.Ka rilru phir lutuk avang hian eng ber hi nge ṭha tih pawh ka thliar hrang thei lo,Arden zawk han thlang ve ringawt dawn ila kan awmdan hi ka hrethiam bawk si lo,kan inhmu ngun in kan mu dun ngei mai mahse kan inkawp tihna erawh ani lo.Tun thleng hian a kâ aṭangin min duh thu emaw min ngaihtuahna thu pakhatmah ala chhakchhuak lo chu chuan ka rilru a ti na in min ti hrehawm takzet bawk.Lehlamah lah Dylan ka pasal hual a lo awm ve lehzel bawk nen,han inṭhen tak tak dawn ila a laka ka feelings te kha ala reh hauh si lo,ka rilru a buai in eng hi nge tih hmasak ber tur pawh ka hrethiam tawh lo.

.

Thawveng thei ang berin awm ka han tum lui ṭang ṭang na in ka ṭah a chhuak em em mai bawk si.

"ka mu hmak anga ka zia ve mai ang " mahni leh mahni inhnem mawlh mawlh pah chuan ka closet chu ka han hawng ri rak a,ka thil la hmuh ngai miah loh ka dah ani tih pawh ka hriat loh engthil emaw polythene a lo in tuam hlawm têl ka hmuh chuan ka zai tawp nghal hmak. Dylan an min surprise a tum anih ka rin avangin muang changin a suihna chu ka han phelh a,eng nge awm tih ka hriat chak em avangin ka han hmet chhin bawka, engthil nge a nih tih ngaihdan pawh ka nei lo.

" Engthil nge mawn le? " khai chhuah pahin kan zuk zen chiah mai chu, thil tui hnang vek hi ka zuk khawih fuh anih chu!! ka ke ah thisen a rawn far thla nghal tluk tluk bawk a,meng phawk nghal kawk pawhin ka kut kan en nak chuan thisen a lo kai nuau tawh chu niin.

.

Te ṭhawt pahin ka thil ken lai chu ka paih nghal pawp a,chhuat ah ka thu nghal hnawk bawk. Ka kut vela thisen kai chu sawi loh chhuat a thisen kai nuai te chuan ka tha a ti khur nghal veka, chet pawh ka che thei tawh lo.

" Tina....engthil nge thleng ?" Ka pi in min rawn hmuh chuan hlauthawng tih hriat tak hian a rawn tlan phei nghal vata.

" hei.... hei hi eng nge awmzia? " thisen a hmuh chuan a chiai nghal der, keilah engthil mah ka sawi thei tawh der mai bawk si lo.

"Tina.... min chhang teh... "

polythene lo let reng chu a en nghal vata, sava thi tawh thisen kai nuau hi a rawn khai chhuak va va bawk.

.

Sava chu a uih vek tawh avangin uak tuarh pahin a dah let lehnghal vata, room aṭagin min kuah chhuak nghal dawr dawr bawk.

Reife mumal pawh nei lovin bathtub ah chuan ka ṭhu ngawi renga,tui in phuh fai tir ser ser pahin ka melh ngai ka melh ngur ngur bawk.

"Tina....i zo dawn tawh em? " ka pi in kawngka a rawn kik chuan ka phu nghal zawk mai,mumang ram aṭanga harh chhuak kawk ang mai hian ka awm. Ka kut leh ke vela thisen kai tih reh tum chuan ka han in nuai nawk nawk a,

ka thil tawn rapthlak tak mai ka han ngaihtuah let leh phei hi chuan ka tha khur a reh thei lo.

.

Ka inbual zo ka room a ka lut leh tur chu ka tim tlat anih chu !! ka pi in a tih fai vek tawh thu min hrilh mahse kawngka bulah chuan ka ding renga, chhuata thisen kai nuai te kha ka la mitthla thei chu chuan ka hmul thi te hi a ti ding nghal sung sung thei.

Ka room ah lut ta lo chuan ka pi room ah ka lut ta zawka, ka room a lut turin huaisenna ka nei ngang lo. Ka pi in min hmuh chuan ka awmdan chu mak tih hmel deuh hian min rawn en a, ka ṭha lo ani tih a hriat chuan min rawn pan hnai nghal vat bawk.

" bawihte..... " a rawn tih rual rual chuan ka kuah nghal thlawp a, ka insum rei tawh bawka ka ṭap chhuak nghal hawm hawm bawk.

.

Ka pi chuan khuma min ṭhut tir pah chuan ka bulah a rawn ṭhu ve nghal a,ka ṭhat loh em avangin thil thlen dan kha sawi chhuah duh lo hle mahse engkim a hriat vek angai bawk si.

"he thil hi i pa kan hrilh tur ani lo... chuti lo chu hrehawm a ti lutuk ang, a rilru hi kan tih hah belh tur ani lo " a tih chuan ka lo bu nghat a, ni e... ka pa in hria se chuan chiai chi alo ni ve bawk nen,a thil tih engkim in a tawrh leh vek dawn avangin hrilh loh hi a ṭha zawk mahse zawhna ni ta chu kha thil kha tu dah nge?

"kan chungah engthil nge thleng ta hi... hmelma kan neih awm ka hre bawk si lo... ka car lah min sut chhiat sak ringawt tawh bawka tunah lah khatiang thil kha.... "

.

" pi kan report mai dawn mi? "

"nilo.... kan report tur ani lo, pu Thompson an a hria anih vaih chuan in in neihna tur hi a ti tawp duh mai ang chuvang chuan hmingchhiatna kan nei thiang lo"

"mahse tu tih nge tih pawh kan hriat loh hi.... "

"a thlen nawn tawh ka ring lo.... bakah hmelma kan nei tih miin an hria anih vaih chuan a pawi dawn lutuk " hetiang thil a thlen tawh hnu ah pawh engtin nge hetiang hian ala ngaihtuah theih zawk ?

"Dylan dah pawh alo ni maithei sin ka room ah a lut hnuhung ber sia"

" i mawl mi?  Dylan an i chungah hetiang thil hi a ti tawp lo ang "

" mahse a.... "

"ka thil hrilh tur che hi hre reng rawh...pasal ṭha tak neih i duh chuan i sawi chhuak tur ani lo, khatiang thil te kha chu an fiam mai mai na che pawh alo ni thei" ka pi sawi chu a dik ve tho mai mahse Dylan tih anih ka ring nghet tlat thung a chhanchu ka room a lut hnuhnung ber ani tlat alawm.

_________________________________________

.

Breakfast ei tumin ka han kil ve tak na in nizana thisen rim kha ka hnar ah ala cham tlat avangin ka luak a chhuak tlat peka,bawnghnute takngial pawh ka in hlei thei lo.Ka hnathawk ka chauh nak alai in  nizan zankhua in mangchhia in min tih buai zel avangin mu thei bawk si lo, ka lu te hi a na bur tawh mai.

" i ṭha maw? " ka pa chuan chik zet hian min lo en renga

" umm.... aw "

" hna a thawk rim deuh anih kha.... zan thleng thleng hi chuan thawk tawh lo se a ṭha ang " ka pi chuan min lo sawi thiam nghal zung zung a,dawt sawi a thiam em avangin zat lo zetin ka lo nuihpui ve suk suk ringawt.

.

" umm.... Tina zaninah kan pahnih chauhin dinner kan ei chhuak dawn mi niang " he thil hi ka lo nghahna a rei tawh lutuk, ka pa nen chauh a dinner ei chhuah hi ka lo suangtuah fo tawh ṭhin mahse Arden an dinner kilpui turin min sawm tawh bawk si ka rilru a buai takzet.

" ugh... zanin chu.... " zanin ah ka kal lo anih vaih chuan Arden hian min sawm nawn tawh kher lo ang mahse ka pa nen erawh hun tamtak kan la nei thung

" ka hman ka ring lo... " ka ti chhuak thei hram.

" ngatinge maw? " ka pi chu alo inrawlh nghal vata.

"i hman dawn loh chuan naktuk zanah kan ti mai dawn mi niang "

" awle.... " ka lo ti sap a.

.

Ka pa leh ka pi hna a kal turin an tlan liam deuh chiah tih in ka pi roomah mu hahdam turin ka lut nghal vata,ala hma deuh avangin sikul kal tur pawhin ka la insiam peih meuh lo.

Ka room luh chu sawi loh a bul hnaiah pawh ka la kal ngam rih lo, chuti lo chu ka buai lehnghal vek ang tih ka hlau.Reilote ka mut dar dar hnu chuan mutchhuak in min rawn zim nghal chiai chiai mai,mut ṭhat tuma ka insiam rem lai tak chuan ka phone a rawn ri ta thut mai!!

Rang lutukin ka ṭhu chhuak nghal hlawl a, ka phone ri anih tih ka hriat chuan thawk huai pahin ka han en a Dylan ani tih ka hmuh chuan chhang lo in khumah ka let leh nghal thlawp bawk.Phone ri reng karah chuan mut luih ka han tum leh ngat a mahse thawklehkhatah tukverh darthlalang keh chuai ri ka hre ta thut mai!!

.

.

Chapter-29

.

Chutah zet zawng mut luihna chi zia zang ani tawh lo,hawi kual hruk hruk pah chuan ka phone chu nghet takin ka han hum bet nghal ṭai a, ka hlauhthawn em avanga ka thinphu inthum rawn dawt dawt ri te chu ka hre thei hial.

"Tunge?" khum aṭang chuan ka han ti vak ringawt a,thawm pakhat te pawh hriat tur a awm zui lo.

" ka pi.... Jade" kan in a rawn kal tur ni awma ka rin ho chu ka han ko leh ringawt ṭhin na in chhanna erawh engmah ka dawng lo thung. Thawm engmah hriat zui tur awmlo mahse ka beng ngeiin chiang takin ka hre bawk si a,thlamuang takin ka awm mai mai thei tawh bik lo.

.

"khatah khan tunge awm?" tih pahin khum aṭangin ka tho chhuak nghal vata, thawm lo chhuahna ni awm a ka rin ka room lam panin zawi muangin thawm dim thei ang berin ka kal nghal ṭhem ṭhem bawk. Hlau hle mah ila engmah ti lovin ka awm mai mai thei bawk si lo,engthil chiah nge thleng tih chiang takin ka hriat hma loh chuan kir leh daih ka tum bik hauh lo.

Ka room kawngkhar ka hawn hma chuan inrin lawk nan tiin ka pa dahṭhat talhtum chu nghet takin ka hum ṭai bawk a misual pawh hmu thut mah ila vaw nghal pawp thei tur khawpin ka inring tawh, thawk pawh thawk ṭha ngam lovin kawngka kan hawn nak chuan chhuata paper hlawm ang deuh lo let tap bak ka hmu lo.

.

Tumah ka hmuh mai loh avang chuan ka han hawikual nghal vata " Tunge awm? " tih pahin paper chu ka chhar nghal vat bawk.

" rawn chhuak rawh... " Ka talhtum ken lai chu hman nghal inring reng in ka lek kang va bawka mahse tukverh darthlalang keh ka hmuh takah chuan rawn vawm luh ani tih ka hre nghal. Rawn vawm luttu ala awm ringin tukverh ah ka dakchhuak nghal vata mahse tumah ka hmu lo.

Room ah midang tumah an awmlo ani tih ka hriat takah chuan ka talhtum ken lai zakzeh pah chuan paper chu ka han ti pharh vata a chhungah lungtum bak a awm lo.

.

" Tina.... " Ka hnunglam aṭangin min rawn koh thut avang chuan phut zuk pahin ka hawi let nghal vata,kawngka bulah Dylan a ding reng ani tih ka hmuh chuan ka thaw nghal huai bawk.

"engthil nge thleng a.... i va hlauh hmel ve... "

" engtik lai khan nge i rawn kal....? "tih sap pahin khumah chuan ka ṭhu nghal hnawk a.

" tun mai ah khan... "

" anih chuan.... " he thil ti tu hi Dylan ani hrim hrim ang, a hma pawh khan amah bak ti tu tur an awm lo ....ughh....engthil nge maw ka ngaihtuah le? hetiang thil hi ka chungah a ti lo tawp ang mahse ka ringhlelh na erawh a lian tulh tulh mai bawk si.

.

" umm.... eng nge hetah i rawh tih dawn? "

" i pi in i dam loh thu min hrilh a... rawn kân tur che in ka rawn kal "

" ka ṭha ,engtin mah ka awmlo.... "

"mahse i hmel a va dâng si ve.... " a tih chuan ka biang chu ka han khawih vata.

"i rawn luh hma in helai velah hian midang i hmu lo maw? " ka thusawi awmzia hi a hriatloh hmel takzet.

" in in bul velah hian maw!! "

" aw.... "

" aih... " a ti chuan ka thaw nghal huai mai" ehee... i darthlalang a keh anih hi... " tih pahin tukverh darthlalang chu a han thlithlai vel a,a chet dan vel chu ngun takin ka lo en kar thung. Ngatinge maw Dylan hi ka ringhlelh tlat mai le?  a chhan pawh ka hre bik lo, a awmdan engkim mai hian ka ringlelh na a tizual vel vek tawh.

.

"ngatinge sikul i kal loh... "

"nangpawh?"  tih sap pahin ka pi roomah ka luhsan daih a,min rawn zui lut ve nghal vat bawk.

" umm....ka enkawl dawn che, i damlo ani lawm ni... "

" ka ṭha ka tih tawh kha.... "

"dawt i sawi loh ngei ka beisei " tih pahin ka bulah chuan a rawn inthawlh ve nghal mai a,inhawi tawn chungin kan mu dun ta ran mai.

"thil eichak i nei em? "min ngaihtuahna ṭawngkam ringawt pawh hian ka awm a ti nuam sawng sawng thei.

"i mut a chhuak em ni... ughh.... ka tibuai che em? chair ah sawn ka ṭhu mai dawn mi niang? "

" tikhan awm hle hle rawh "Dylan hi a kal bo daih chuan ka mu leh thei dawn lo tih ka chiang chuvang chuan tihian ka bulah ngawi rengin lo awm ve hle hle se ka duh.

.

Ngawi rengin Dylan chu ka bulah chuan a mu ve ta ran a,a kalsawn lo ani tih hriat nan a ban ah ka kuah ṭai bawk. Ka bulah Dylan mu mahse ka rilru erawh Arden hnenah a awm daih thung, hetiang anga ka mut theih loh lai te leh chaw ka ei theih loh lai te hian ka bulah Arden awm se chuan hei ai hian ka thla a muang zawk mahna.

" ka hmangaih che... " tih pahin ka chalah chuan a rawn fawp zeuh a, ka mut a chhuah tawh em avangin nuih suk pahin ka muhil zui nghal daih bawk.

.

__________________________________________

.

Arden an dinner kilpui turin min lo sawm tawh avang khan min rawn biak leh hun nghakin khumah chuan ka ṭhu renga,va biak tum mah ila a number ka nei bawk si lo, tihian dawhthei takin min rawn biak hun tur lo nghah tawp mai loh chu tih theih dang ka nei lo.

"Tina.... dinner chu i ei dawn lo tak tak em ni ?" ka pi rawn ti lauh lauh ri ka hriat chuan sana ka han en vata dar7:30 a lo ri dawn der tawh.

" ngatinge min rawn biak miah loh le? " lungawi lo ru tak si lungawi lo ngam chiah bawk si lo hian ka han ti sap a.

Arden vangin ka pa nena kan chhuahdun hun tur pawh ka sawn phah vek tawh a engvanga hetianga min ti leh si nge maw anih le? mahse dawhthei takin ka nghak ṭang ṭang tur ani.

.

Dar10 a rik meuh chuan engthil mah ka beisei ngam tawh lo,khumah chuan ka mu tum bur renga ka hmuh theih turin phone chu ka hmai zawnah ka la dah cheu bawk.Engmah ka la ei loh avangin ka pum te lah chu a ri kurh kurh lehnghal a chungte chuan ka ṭah a ti chhuak vel vek tawh.

"Dylan thusawi kha a dik chiah " a khat tawkin ka han ti leh sap ṭhin a, Arden an min rawn biak ring tawh lo mah ila ka thinlung erawh in ala beisei tlat thung.A chang leh ka thinrim lungpuam chuan ka hmu tawh miah lo ang tih te in thutlukna ka siam a ,a chang leh min rawn biak pawhin ka chhang tawh miah lo ang ka ti thul.

.

Chutia lungawi lo tak chunga ka mut hlawm reng lai chuan ka pi hi hlauthawng tih hriat takin ka room ah a rawn tlan lut hlawl a,a hah em avangin a ṭawng chhuak mai thei lo lehnghal.

" ka pi.... engthil nge thleng? " tih pahin khumah chuan ka ṭhuttir nghal vata,amah beng daih nan tiin tui ka han in tir leh ringawt bawka.

"Tina... Tina.... "

"eng nge? " a hlauhthawn dan em em aṭang hian thil rapthlak tak a thleng tih ka hre nghal mahse han chiai vek tur pawhin engmah ka hre der bawk si lo.

" kan.... kan ṭhenawm ah inthahna a thleng "

" Engmaw!! "

"ruang an chhar a....."

.

" ani maw..... khawiah nge ka pa a awm ?"

" a... a hna aṭangin ala rawn bang lo "

"tunge thi chu.... "

" ka hre bik lo....mahse police in thu min zawh fiah duh avangin kan kal ngei ngei angai "

"min... min zawh fiah an duh a maw? "

engmah pawh ka ngaihtuah hman tawh lo,ka phone ka la lawk a inhnuaiah ka tlan thla nghal hlawk hlawk ringawt.

Kan in aṭanga hla vak lo ah thil thlenna hmun ka thlen phei chuan police mai bakah midang pawh an lo awm nual tawh a,ruang an rawn zawn chhuah lai chuan bike pakhat hi chak zet mai hian a rawn tlan phei nghal fua a,ka en zui nghal vawng vawng bawk a chhanchu Arden ka hriat chhuah zawk vang ani.

.

"nula.... helai bul hnaia awm hi i ni em? " Police pakhatin a rawn tih chuan ka lo bu nghat a, engmah tisual lo mah ila ka lo zam ve em em ringawt.

"hepa hi i hriat zawng ani em? " tih pahin ruang khuhna an keu chiah mai chu men phawk nghal kawk pahin ka kâ ka hup nghal vat bawk. 

.

.

Chapter-30

.

"nula.... hepa hi i hria em ni? "

Tawng mai nachang pawh ka hre lo,muttui tling pam chungin Tristan ruang chu mak tih hmel zet in ka en reng ringawt.

"ka pu min lo hrethiam la Tina hi chu Sacramento ah hian a rawn awm thar chauh avangin mi tumah hriat a nei lo ang "ka pi chuan ka hnungzang chul pah hian a rawn ti nghal vata,police pa pawh chuan min hriatthiam hmel takin a lo bu nghut bawk.

" anih chuan helai hnaia awm hi in ni hrim hrim em? "

" aw ni e.... mahse khapa kha tun hma in ka la hmu ngai lo,helai veng ami hi ani lo aniang ....Tina inah lo va awm rawh ...." tih pahin police pa chu a hruai hrang nghal daih a, thiam lohna kan nei lo bawk nen min lo ringhkel pawh nise ka pi hian engkim a sawi fel leh vek mai ang.

.

Ka pi'n in a awm turin min hrilh mahse ka hamhaih em avangin ka ding khawng reng ringawt, Tristan hmel dang bem te leh a hmai duk raih te chu ka mitthla ah a cham renga nizan hmasa lawkah mai khan kan inhmu bawk si a ka mak tihna hi a zual tulh tulh mai.

Ngawi rengin a ruang an chharna hmun lam pan chuan ka kal phei chhat chhat a, police siren ri vung vung ri te, mipui leh chanchinbu mite authawm te pawh in min tibuai pha tawh lo, engkim mai hi a deh duk nimai hian ka hria.

"Tina.... haw ang " ka pi chuan ka kutah vuan in min rawn pawt ding nghal chawt a,ka mittui ka dang thei tawh thlawt lo ka biangah a luang thla nghal zung zung ringawt.

★

★

Melh ngai melh ngur ngur pahin couch ah chuan ka ṭhu renga,ka pi erawh a mu daih tawh thung, police siren ri vung vung te leh thawm dang dang te chu zan rei ah pawh a reh tak tak thei chuang lo, khatiang thil kha ka vawikhat tawnna anih mai bakah ka vawikhat hmuh na anih avangin ka ngaihtuah let zawng ringawt pawh hian ka mur nghal sung sung thei.

" ila mu nange? " ka pa aw ka hriat rual rual chuan ka thaw nghal huai mai, ka bula a rawn ṭhut chuan a darah ka lo bei hle hle a .

" ngatinge i la mut loh a.... ṭhenawm a thil thleng vang hian em ni? "

"ruang i hmuh hmasak berin engtin nge i awm? "

" umm... ka hre tawh lo"

.

" tunge that ang le? " ka han ti leh sap a, ka rilru ah erawh thil tamtak a chhanna ka hriat si loh a rawn lang zut zut thung.

" a lan dan chuan a lu ah na taka vuak anih hmel...."

"pa....ngatinge kan awmna bulah kher kher hetiang thil hi a thlen le? "ka pa pawhin chhanna a nei bik lo tih ka hria ,ka room a thil thleng avang khan ka dawih tawh nak alaiin hetiang thil a thlen leh hnu ngat phei hi chuan maimiching takngial pawh ka ngam tawh lo.

"tleirawl ho insual buai vel vang mai mai pawh ani mahna.... "thil ho te ang maiin sawi mahse a serious zia ka hre ve kur tho mahse ka pa thusawi anih vang hrim hrim pawh hian ka thla a muang ve em em tho.

.

" a lehpekah chuan keimah pawh ka ni tawh maithei asin "thil thleng kha ka pa ka hrilh thei bawk si lo,chuti lo chu thinthi in a awm thei dawn lo tih ka hria chubakah a rilru a hah sa tawh nak alaiin ka tih hah belh duh tawh lo,thil thleng ah khan engmah finfiahna awm lo mahse min tibuai tu erawh chiang takin an awm tih ka hria.

" nilo,nilo... bawihte engtin mah i awm ka phal dawn lo " tih pahin nghet takin min kuah beta,ka pa bulah hian ṭah chhuah hawm hawm ka chak takzet mahse ka inti pachang hram hram zawk tur ani.

"mu tawh rawh aw.... i chau lutuk palh ange"a tlai tawh em avangin ka lo bu nghata mahse ka pa ka tihbuai duh tawh loh vang zawk ani.

.

Ka room bul thleng in min kuah chho a, ka room chhungah hian ka luh hreh zia hria se chuan a bul hnaiah pawh hian min kalpui lo tawp ang.

"lut tawh rawh.... "tih pahin ka lu ah a rawn fawp zeuh a, a chau ngang aniang a ham nghal bai bai bawk.

"ka hmangaih che... "

" keipawh ka hmangaih che... " ka pa in min en reng avang chuan nuih suk pahin kawngkhar chu ka han hawng ri rak a,ka hawn zawng ringawt pawh hian ka khur nghal der der mai.

" mangṭha le "ka huaisenna zawng zawng sawmkhawm in maimichhing chung hian ka han lut zal zal a, kawngka ka kalh fel chiah tih chuan ka thaw chhuak nghal hawk bawk.

.

Kawngka ngheng chung chuan ka han hawikual hrak hrak a ,engthil mah hmu lo mah ila ka luh belh ngam tawh thlawt lo.Reife ka dinna ngaia ka din khawng reng hnu chuan dar3 a rawn ri ta va va mai, kawngka ngheng chung chuan ka ṭhu ran a mut chu sawi loh dar4 ah pawh ka la hawi kual hruk hruk mai,nghakhlel takin haw var hun nghakin tukverh lam chu ka thlir deuh chhen bawk a zan a rei tawh ka ti takzet.

A khat tawkin ka phone chu ka zuk melh leh zeuh ṭhin a,tun dinhmun ah tak hian ka nu ka ngai takzet mahse a tlai tawh em avangin ka tibuai hreh ve bawk si.Ka lo chau ve tho bawk nen ka khup bawh chungin ka ṭhu kun lap renga, a tawp a tawp ah engtin tin emaw ka muhil ve mai bawk.

.

____________________________________________

.

★Library★

.

" Tina... tho tawh rawh " Hailey in min rawn sawi nawk nawk avang chuan ka harh nghal zawka,ham bai bai chungin ka hawikual nghal vat bawk.

"hetah eng nge i tih a.... mu turin maw? "

" nizanah ka mu tlem teh mai nia min mut tir mai mai teh "

"Summer camp ah i kal dawn chuan in register a hun tawh ania....naktuk tuk leh mai hi ani tawh tih i hria em? "

"ka kal dawn lo ka tih tawh kha... "

"i ti leh ta....engkim ka tih kep vek tawh che "

"Hailey...."

" ngatinge hetiang hian i awm tlata....tun hnai te aṭang hian i awmdan a danglam sawt riau "

.

" bengchheng suh u "Hailey a ṭawngring em avangin min rawn hau a,ka lehkhabu khung sawk sawk pahin ka kal nghal hlawk hlawk a, ka hnungah min rawn zui ve nghal vat bawk.

" Engthil nge i chungah thleng a?"

" keimah chauh a awm ka duh naktuk ah kan inhmu leh dawn nia"

" Valentina...hetiang hian awm suh" tih pahin ka banah chuan a rawn vuan leh ngat a.

"engtin nge awm se min tih a... kan ṭhenawm lawkah inthahna a thleng a chupawh ka hmelhriat lehnghal chutichung chuan thil thleng min la zawt cheu amaw!?"

"chu chu ka sawi tum ani lo "

"mutthilh chu sawi loh ka room ah takngial pawh ka lut ngam lo asin....maimichhing hlek ila thisen hlir ka hmu a,ka mutthilh ve chhunah lah mangchhia in min ti harh zel bawk si"

.

" oh... ka tihpalh lutuk " min khawngaih hmel tak hian min rawn kuah nghal vata, duat takin ka hnungzang ah a chul hle hle bawk,ka chhungte bula ka sawi chhuah ngam loh ka bun chhuah vek takah chuan ka zang nghal huai mai.

"mahse summer camp ah i rawn kal ve ang tih min tiam rawh ....ugh ka bulah i mu anga bakah intih thawven nan pawh a ṭha hrim hrim kar hnih chhung anih dawn avangin thawm vel pawh alo reh hman vek tawh ang " ka han inngaihtuah vung vung a, ka room a awm ai chuan a chakawm fe zawk bakah kar hnih chhung chuan ka hlauhna te leh dawihzepna zawng zawng te pawh a bo hman vek mahna.

"anih chuan vawinah puan in ka zawng dawn mi niang "

"tehreng mai " phur takin min lo chhang let nghal vat bawk.

.

Titi pahin ground ah kan chhukthla dun chhat chhat a,ka rilru tawt lutuk te pawh kha a zia hret hret bawk.

"khupa khu tunge? " tia an phun sap sap ri ka hriat chuan zawh buai ngai lo in gate bulah Arden ka zuk hmu thut mai chu ka lo inring lawk lo bawk nen ramhuai hmu thut ang mai hian ding nghal chawt ringawt,a sam phir vah te leh a shades vuah nen zawng zawng khuan a inhmeh vel vek,a chhelo ani tawp mai. A bike nalh zet a ṭhut pahin  cigrattee a zu ham ham bawka, a chhiatloh mai bakah a hmelṭhat em avang hian a awm mai mai pawh hi a hmuhnawm tham in a langsar takzet mahse a hmel ka hmuh zawng ringawt pawh hian ka rilru a na nghal vawng vawng thei.

.

"Hailey....let leh ang class ah thil theihnghilh ka nei "

" Engthil maw? "

" nakinah ka hrilh ang che " tih pahin ka pawt let nghal dawr dawr a, Arden an min rawn hmuh chuan a cigratte zuk lai rahhlum pah chuan a rawn tlan chho nghal vata

" ding rawh... " a ṭawng ka hriat zawng ringawt pawh hian ka mur nghal chuaih mai,mahse ka ding anih vaih chuan kan insum leh thei dawn lo tih ka hrechiang.Ngawi rengin nghet taka ka bana rawn pahin min rawn kuai her nghal sawk a, a shades vuah lai a phelh nak chuan a mit ko ser te leh a hmai pilh phung te chu ka hmu chiang kher mai, chu chauh chu ala ni lo a hmai duk leh pilh tam zawk hi ala tharlam lutuk tlat. 

.

.

Chapter-31

.

" min rawn zui rawh... chuti lo chu "tih ringawt hi ka beng bulah ka hriat tawk leka zawi hian a rawn ti sap a,ka kut paih pawp pahin Hailey chu a melh zeuh a a bike lam panin a let lehnghal daih bawk.Arden hian eng nge maw a hriat le in vau na chi pawh ani lo, bakah midang in min en hrek hrek tawh mai bawk si a zui loh na chi pawh ani tawh lo.

"Hailey.... ka kal lawk angai "

" ngawiteh... khawiah nge i kal dawn?"

" Arden kha ka zui ngei ngei angai "

" awle... mahse rei lo la, kan bazar dawn kha aw"

"umm.... " tih pahin ka zui ve nghal hlawk hlawk a,ka lungawi lohna te hi ka chhak chhuak dawn nge dawn lo pawh ka hrethiam tawh lo.

.

" chuang rawh... " thu min pe leh hmiah tawh,a awmdan ka ngaihtheih loh em avang chuan nuih suk pahin, "min rawn zui rawh.. " ka han ti ve leh kher a, bike ah chuang vek tawh mahse a chhuk leh ve mai tur hi ani ringawt. Hawi sang vah chungin ka kal nghal daih a,han tih hmak hmak hi chuan ngawi rengin min rawn zui ve leh hna hna mai alawm.

" khawiah nge kan kal dawn? " a lian ropui si a ,a dar chen vel lek min han zui hnu hnu tawh hi chuan ka khawngaih leh hnuhnawh.

"min biak i tum miah lo em ni? " ka chhan duh miah loh avang chuan a han ti leh a, diktak chuan a hmel ka hmuh ringawt pawhin ka thinrim tawh ania ka ṭawng leh ngat phei chuan kawng laiah kan inhau buai duh mai ang.

" hreptak chuan... " ka la chhan duh loh cheu avang chuan phun sup pahin a ti a, min zui mai loh chu tih theih dang a nei bik lo.

.

Tlema hmun fal ve deuh hlek kan thlen chuan kan han hawi kual nghal vata,mak tih hmel deuh hian min lo hawi pui ve hu hu ringawt, midang tumah an awm lo ani tih ka hriat chian hnu chuan vin deuh hlek hian, " Sawi tawh rawh... "

" engchu maw? " nichin khan thil sawi duh a neih avangin min ko in ka hre sia tuna a taka engvanga hre lo der leh si nge maw anih le? 

"sawi duh i nei ani lawm ni? "

" ice-cream i duh em? "

" Arden... fiamthu na hun anih loh hi... "

"anih chuan thil kan ei dun dawn mi niang? "  men pual ralh pahin ka han thaw chhuak hak a ,"sawi tur i neih loh chuan ka buai ania " tih leh kal ka rual nghal bawk.

.

Ka awmdan chu a ngaihdan ani lehpek tawh lo aniang,ka bag ah chuan a rawn pawt a ka ding nghal chawt ringawt.

"Engthil nge maw i hriat le? "

"Arden... i ti mah mah lo maw?Tristan ruang hmuh ani a chuti chung chuan hetah fiamthu ilo la thawh kual mai mai amaw!! " hei chauh pawh hi ani lo,dinner ei dun kan tum zanah pawh min rawn be lo ṭhak tawh, min fiam kual mai mai pawh lo nise a rei anga ka hrehawm tihna te chu a reh ve leh mai ang, mahse hetiang anga a rawn inlan reng te chuan engtin nge ka theihnghilh thei anga? a ni telin theihnghilh a har telh telh mai bawk si.

" i awmdan pawh hi ka hrethiam tawh nek love " tih hrep pahin kal leh mai ka han tuma .

"anih chuan engthil nge ti se min tih a ?"

" maw!! " mak tih hmel takin ka hawi let nghal haw ringawt.

.

"i thil tih tur i hre lo a maw?  hahh...chhete talin i bul vel ami te hi i ngaihtuah ve tur an ni asin... "

"ka rawn biak loh vang che khan em ni hetiang hian i awm?" engmah hi a hrethiam thlawt lo.

"zan rei tak thleng ka nghak che asin..."

"anih chuan zanin ah kan sawn mai dawn mi? " inthiamloh na pawh a nei lo,ngaihdam min dil tal ka lo ring asin.

" Arden...duhtawk teh,chin hriat loh in i bo hmaka vawileh khatah i rawn inlar leh thut ṭhin bawka chutah ser leh hliam tharlam tak tak i rawn nei reng bawka tu chiah nge maw i nih le? "

"engmah ka hrilh thei lo che"

"anih chuan i lakah hian eng nge ka nih tal min hrilh rawh "

" pawi ka ti lutuk " tih bakin min chhang lo, chu chuan ka lung a ti awi lo zual takzet.

"kan inang lo em a awmdun tur kan nilo pawh ani mahna "

" inang lo mah ila kan inhmeh tho alawm " 

.

.

Chapter-32

.

A thutak duh miah loh avang chuan men pual ralh pahin,"anih leh kan inkar hi eng nge awmzia? "

"kan inkar maw !" tih pahin min rawn fawp zeuh a,ka lo nam sawn vat thung.

Kan in chhan buai mek lai chuan Arden hnung lamah Van dum aṭanga pa pathum thawmhnaw dum veka inthuam rawn chhuak leh kan lam pana rawn kal mek ka hmuh chuan mak tih hmel takin ka meng phawk nghal kawk a, ka awmdan avang chuan hnung lam a hawi nghal vat bawk.Arden an chumi te pathum a hmuh rual rual chuan a phen a ding turin min pawt nghal dawr dawr a , ka ban ah nghet takin a vuan tlat bawk.

"tute nge? "

"tikhan awm tawp rawh "a tih chuan buk nghat pahin a ban sir aṭang chuan ka han bih dek dek a,engvanga rawn kal thut nge maw an nih le?

.

Tute nge an nih a eng thil nge an tih ṭhin engmah ka hriat loh avangin han hlauh vak ngaihna pawh ka hrelo mahse Arden hmelhriatte an ni a, mi nelawm tak an ni lem lo ani tih erawh chiang takin ka hre thung .

"hetah hian ani maw i lo awm renga... in date turin " ti thum dut ri ka hriat chuan Arden kut chu a aia nghet chuan ka han hum vata,ka hawi chhuak ngam tawh lo hrim hrim.

"hetah chuan ni love.... "hepa hian eng nge maw a hriat le?  hetianga ngeiawm tak tak a a chhan reng mai te chuan an sawisak rawn duh mai anga sin.

"khawiah nge i dah? " engthil chungchang nge maw an sawi le?

" engchu maw? " Arden an a han ti ve leh kher bawka.

.

"nang chauh hi luhlul thei ah i in ngai ani maw? a pawi hma in i thil dah ṭhatna chu sawi vat mai rawh "

"engthil nge pawh ka hriat loh chu engtin nge ka dah ṭhat theih anga mimawl ho " an tih takah chuan an chek tlak ri ka hre zui zat mai.A aia nghet zawkin min rawn hmer takah zet zawng boruak a sang ṭan tawh hle ani tih ka hrenghal, heipawh hi Arden vang vek ṭha takin chhang mai se chuan an thinrim bik miah lo ang. Engthil chiah nge thleng tiin ka han bih leh dek dek a,an zinga pakhat chuan min rawn melh ta kur mai !!!

"hmeichhe hmelṭha tak anih hi mawle"min rawn nuih suk pahin min rawn khawih an tum chiah mai chu,a tawlh hnung nghal dawrh mai!! Arden an engtin nge a khawih pawh ka hmu hman lo a che rang lutuk a.

.

" hmela... " a hnar thi sung tuai reh vut pahin Arden chu rawn khawih a han tum leh a mahse a ṭhiante pahnih in an lo man bet vat thung.

"i kal thui mah mah ani "Arden an engtin mah a chhang lo mahse engpawh tih inring rengin a awm thung.

"heihi hre reng rawh...hetiang hian i awm reng tawp lo ang " tih vin hluk pahin an man beh na chu a thing thla nawk a, a jacket siam ṭhat pahin thinrim hmel takin Van lam panin a kal nghal hlawk hlawk bawk.

An tlan liam chiah tih in Arden chuan min vawnna chu a thlah nghal vata, min man nghet lutuk a ka kut a na vek alawm.

.

"tunah i haw vat angai "

"Engvangin maw ?"

"nakinah ka hrilh ang che " tih pahin min kai nghal dawr dawr a, engthil nge thleng pawh ka hre der si lo, ka hlauthawng ve em em ringawt.

" Arden.... engthil nge thleng a?"awmze nei lova min kaih dawr dawr avang chuan ka ngai thei bik ṭhak lo,a bike dahna bul kan thlen chuan min vawnna chu thing thlak nawk pahin,"khami te kha tute nge an nih? "ka han ti vin nghal hluk a.

" misual "ala nui vur vur zui, a nuihzatthlak na pawh ka hrelo.

"kan thi lo chauh anih kha...engthil nge nuihzatthlak awm?"

"engmah"

"pathum lai an ni a an duh chuan min khawih hrep thei asin "

" chutiang chu a thleng lo ang.... anih loh vek pawhin kan tlan chhe mai aniang chu "

" ka awih thei lo"za lo zetin ka nui lui hak ringawt.

★

★

Arden an ka thlah ang che a tih tlat avang chuan kan in phur chhuak leh ta nge nge a, a bula awm hi chuan han ṭan luih theih pawh hi a ni ṭhin lo,tharum hman ngai pawh nise ka himna tur anih phawt chuan a hmang hreh ngai lo.Inah min thlah haw dawn emaw ka tih laiin hmun pakhat hi khan thleng hlawl mai!!

"khawi hmun nge?" building hlui tawh tak chu ka han thlir chho vang vang a,helai hmunah hian engvanga min hruai nge maw anih le? 

"mi hmuh tir duh che ka nei "

" maw!!? "

" kan lut dawn mi niang "tih pahin min kuah lut nghal dawr dawr a, elevator ah min luhpui nghal vat bawk. Hlauthawng ru tak si hian ka han hawi kual vela khawi hmun mai pawh chu a thim in a nelawm loh vel vek mahse engkim mai hi ka hmuh tawh hnu a ang ka ti takzet.

.

Elevator a ka tan tawh avang khan kan chhuak chiah chu ka thaw nghal huai mai,let leh lam ka peih lo lawk.

"khawiah nge kan kal dawn....? "

" hetah hian " tih pahin room number 159 tih in tarna hma ah chuan kan ding dun ran a,huphurh hmel taka kan thawk chhuah hak takah chuan ka kut rawn vawn pahin ," i hlauthawng ani maw?"a rawn ti sap bawk.

" aih... mahse helai hmun hi ka hmuh tawh hnu a ang ka ti mahse ka la kal ngai bawk si lo"

"chutiang thil te engtin nge a thlen theih? "

"ka hre bik lo... "

"i mumangah a niang " min rawn nuih suk pahin kawngka chu a han hawng chik rãt a,inchhung kan hmu chiah mai chu ka lu a rawn na nghal vawng vawng mai.

.

" i ṭha maw? "

" aw.... " mak tih hmel takin hawi kual pahin inchhung ah chuan ka han pen lut chhat chhat a,hetiang hian engvanga awm nge ka nih pawh ka hre bik lo mahse engkim mai hi ka hmuh tawh hnu ang mai hian ka tlangnel em em lawi bawk si.Inchhung thimruih mai te leh bungraw hlui tak tak inrem khawm rup mai te ka hmuh chuan Arden chu ka han melh leh ringawt ṭhin a hetah hian engvanga min hruai nge a nih tih hi ngaihdan pawh ka nei lo. Tukverh lianpui pakhat aṭanga eng rawn lut chauh chu eng awmchhun ani a,a bula sofa lian leh hlui zet a mi pakhat lo ṭhu run ka hmuh chuan ka phu chiang kher mai!!  a lu chiah chupawh a hnung lam aṭang chiah in hmu mah ila mi rap ve hrim hrim.

.

" lo kal rawh.... " a tih chuan ka lo ṭang nghal ṭung ringawt, Arden awm lo phei se chuan ka tlan chhuahna a rei tawh ang.

"Arden.... " pitar aw tham ṭiak in a rawn tih ka hriat chuan ka tim nghal chawih mai,Arden chuan ka dar khawih zeuh pahin a va panhnai nghal vata, a awmdan aṭang hian a nel hle ani tih a hriat theih bawk.Chu pitar Arden takngial pawhina a nel em em chu hmu chak tak chungin ka va panhnai chhat chhat a,a kut zûr tawh taka zungbun mit pawl lawkzet a bun te chu ka hmu chiang kher mai a chhan chu he zungbun hi ka hmuh tawh hnu a ang ka tih vang ani mahse ka hmuhna hmun erawh ka hre tawh miah lo thung.

.

Arden ṭhutna bulah chu pitar hmuh theih tur chuan ka han dinga,a hmel kan hmu chiah mai chu ka awmdan a dik lo nghal!! he pitar hi ka hria, ka hrechiang lutuk mahse engtin?  khawiah nge ? eng chhanna mah ka nei lo.

" Valentina.... " min rawn nuih suk pahin a kut chu a rawn dawh a, ka lo vawn sak nghal vat bawk mahse zawhna la awm cheu chu engtin nge ka hming a hriat theih?

" lo kal hnai teh " Arden mitmei chu ka han ngaichang deuh a,a lo but nghat avang chuan ka pan hnai ta chauh a.

"i hmelṭha hle mai "

" ka lawm e... "

.

" pawnah ka lo nghak ang che " Arden chu ding uai pahin chhuah a tum ta mai!!

" Arden.... " ka hlauthawng hmel a hmuh chuan ka hmuia fawh zeuh pahin, "engthil mah a thleng dawn lo... pawnah kawngka bulah sawn ka lo ding char char ang" a tih takah chuan ka lo bu nghat a min chhuahsan ta a.

"hetah lo ṭhu teh " min rawn nuih sen sen mahse a nuihna phenah hian thil lungchhiatthlak tak a awm ani tih hai rual ani lo.

"Arden pi mi i nih? ughh.....ka "

" chutiang ang pawh chuan i sawi thei ang...."

"ka hmu che chu ka lawm hle mai"

.

Ka awmdan tlangnel lo zet leh tim zet chu a hrethiam ani ngei ang, ka kut rawn hum vang vang pah chuan ,"i in ang mai in ngai rawh.... hlau suh "

" umm.... "

" aw... Tina, i mitmeng mawi tak ka hmuh hian mi min hriatchhuah tir alawm mawle " 

.

.

Chapter-33

.

"ughh... ka lawm e"

"i ta ani em? " eng zawhna nge ni ngai!!!meng nghal kawk pahin ka han ngawi vang vang phawt a ,chhan mai dan tur pawh ka hrelo.

" ughh....ka ta pawh ani chiah lo " bul tuih hian ka ti ta ringawt a, pangngai taka ka ṭawngchhuah theih avang erawh in ka lawm takzet thung,hetiang thil hi sawi chhuah ka duh lo ngai lo,mahse ka kâ aṭang hian a rawn chhuak ve tawp ni ber hian ka hria bakah ka vawikhat sawi chhuahna ala ni hial bawk ang.

Zawhna mak tak tak leh chhan harsa tak tak hi min zawh chhunzawm zela ,Arden chhungte ka hriat awmchhun anih avangin ka theihtawp chhuah in ṭha takin ka lo chhang ve mai zel bawka mahse ka awm a ti nuam lo hle thung.

.

Pi Maria kan mangṭha hnu chuan chak deuh hian pawnah ka chhuak nghal hlawk hlawk a , ka thinphu rang lutuk tih zia awm nan bang ngheng chungin ka awm chu ka han dawm vang vang bawka.

" i ṭha maw? "

" aw.... " Arden hmel ka hmuh zawng ringawt pawh hian zawhna a rawn lang nghal zut zut mai.

"i ṭha miah lo ania.... "

" kha.... pi Maria khan ka chhungchang engkim a hre vek ni mai hian ka hria "

" chutiang chu engtin nge anih theih?" tih pahin min rawn khawih a han tum a, ka lo indang nghal vat thung.

"anih engvangin nge hetah min hruai "

"umm.... ka pi nen khan inhmel hriattir tur cheu in " lehlam zawnga ngaihtuah chuan a lawmawm viau na in khatiang thil em em kha chu a hriat ka ring lo asin.

.

" umm... ughh,helai hmun aṭang hian chhuak vat ang "tih pahin step ah ka chhuk thla nghal hlawk hlawk a, tuna ka awmdan hi ka inhre thiam tawh bik lo enthlak ni ang mai te hian ka inhria.

"Lo ding teh... " Min pawt let nghal dawrh a,thildang daih ka lo ngaihtuah leh daih tawh avangin mak tih hmel takin ka hawi let nghal kawk ringawt.

"engtin nge i awm.... ka pi khan engthil nge a zawh che?"

"ka.... ka hre seng tawh lo "

"i awmdan hi a ṭha miah lo ania "

" ka ṭha..." ka tih rual rual chuan nghet takin min rawn kuah bet nghal thlawp a,chet nachang pawh ka hre tawh lo.

"hetiang hian i awm dawn tih hria ila ka hruai lo tur che nia" hetiang anga min ngaihtuah ani tih ka hriat ringawt pawh hian ka hlim veng veng thei.

.

" heyy.... " aw nem leh zaidam tak hian ka han ti a "ka ṭha alawm...."a mit ah tak en pahin ka tih chhunzawm zat bawk.

"i ti tak tak em? "

" umm.... i pi hi engtik ah nge kan tlawh leh theih ang?" ka tih takah chuan a rilru hahna zawng zawng lak kian sak hawk ang mai hian a han thaw nghal huai a.

"i duh duh hunah ani mai " tih pahin min rawn fawp nghal vawng vawng bawk.

.

Tha deuh angin awm mah ila ka rilru erawh ala nuam thei chuang lo,hma lam melh ngut ngut pahin ka ṭhu ngawi reng a, ka rilru erawh kha pitar hnenah bak khan a awm thei lo.

Arden an min rawn biak avang chuan engmaw?  tih pahin ka hawi phei vata,a thil sawi engmah ka hre lo hrim hrim.

"min kuah rawh " tih pahin ka kut chu a rawn melh zeuh a, thil hrechhuak thut ang mai hian nghet takin ka kuah nghal vat bawk.

"i ril a ṭam em? "

" aih... "

"umm..... thil eina tur ṭha deuh ka hria " rawn tih leh kher pahin a tlan chhuak nghal bawk.Ka ṭawng a hre reng sia hetiang hian min chhang lui leh nghat zel.

.

Thil ngaihtuah vung vung pahin sir lam chu ka han thlir vauh vauh a,thli lah chu an thaw em em khawp lehnghal.

"a mak lutuk..... zai ka tawh thu te kha a hre vek mawle " ka ti chhuak hlawl ringawt,ka ṭawng ri a hriat chuan tlemin a han tlan muang leh deuh a.

"engtin nge khatiang thu te kha a hriat theih zawk? ka awih thei lo ...." ka han ti leh ringawt ṭhin a.

Ka tet te aṭang tawhin mit lama harsatna ka neih avangin vawitam tak zai ka tawk tawh nghe nghe a,a ṭhat leh mai beisei in leh ka nu leh pa te an lo inṭhen lehzel bawk nen duh angin treatment ka lak chhunzawm thei ta lo , bakah harsatna ka nei lo bawk nen rei tak chhung chu doctor pawh ka hmu tawh ngai lo mahse ani tel in chhiat lam alo pan zel ani tih ka hre der mai si lo,ṭhat a hnekin zual lam a pan zel zawk alo ni a, kan hriat chhuah meuh chuan ka mit alo del ṭep tawh anih chu!!

.

Nasa takin enkawl leh mah ila kan tlai tawh lutuk, a tawp ah phei chuan ni eng takngial pawh a rawn thim ṭan a,ka tan chhun leh zan in awmzia a nei ta lo.Doctor te chuan beisei nei takin ka mit râng (cornea) hi an thlak anih chuan khua ka hmuh leh theih dawn thu leh engkim a ṭhat leh vek dawn thu min hrilh fo ṭhin mahse donator kan hmu zo tlat lo.

Hun reitak chhung chu pawnah pawh chhuak ngam lovin room ah ka in khung nileng zankhua ṭhin, ṭhian lah ka kawm ngai hek lo...ani telin ka mal in rilru lam thlengin a nghawng chho ṭan ta a, ka thih hun nghaka ṭah nilen tlawk tlawk mai loh kha chu tih theih dang ka nei lo.

.

Nikhat chu chutia beidawng tak leh beisei na chhete pawh nei lova ka kun tlawk tlawk lai chuan chanchin lawmawm tawpkhawk ka dawng hlawl mai!!

Ka pa in mit min pe tu tur a rawn zawng hmu hlauh anih chu!! khata ṭang khan ka pa hi tih hnual leh kalsan ka tum tawh ngai lo, nun thar leh khawvel thara min hruai tu anih avangin.

Tluang takin ka mit chu an thlak a, khua ka hmu leh thei ngei mai mahse ka thinlunga hlauhthawnna te leh kehsawmna te khan zia lam a pan hlei thei ta hauh lo.A hma a ka hlauh ngai reng reng loh thim te, sâng te leh thawm dangdai tak tak te chuan mi rap em em zel a, thil hote pawh thleng se ka manglam thlengin min tibuai ta ṭhin ani.Ka hlauhna te hnehlet tumin nasa takin ka bei ṭhin a,thawm mak tak tak ka hriat loh nan engtik lai pawhin earphone hi ka bengah hnawh in hla ka ngaithla deuh reng mai zel.

.

"Eng in zai maw!! " Arden chuan a rawn ti haw a,a dara ka khabe nghah vang vang pah chuan thawk ka han la hak a.

"kum 5 kalta khan ka mit hi an zai alawm.... ka tih awmzia chu an thlak "ka pa in sawi lo turin min ti mahse a bulah hi chuan zep tur a awm chuang lo bawka a pawi lo turah ka ngai.

"eng... engtin... "

"i awih dawn lo tih ka hria mahse thudik ani "

"Lalpa leh!!  i ṭha maw?"a aiin a han tlan muang leh deuh a.

" tunah chuan ṭha tawh e.... "

" tuin nge pe che?" chu thil chu a pawimawh ber amawn le?  mahse zawhna tlanglawn ve mai ah ka ngai hmiah.

"ka... ka hrelo, ka pa in sawi lo turin min ti a mahse engber hi nge sawi loh tur pawh ka hrelo a chhanchu engmah ka hre tlat lo " ka tih veleh bike chu a ti ding nghal chawt ringawt.

.

A helmet phelh pahin bike aṭang chuan min chhuk thlak san daih a, a thin a rim hmel em em lehnghal.

"i pa in engmah sawi chhuak lo tur che in a ti che amaw!! "

"thinrim na tur a awm em ni? " ka pa in engmah sawi lo tura min tih avang ringawt in a thinrim amaw!!  engthil nge a chungah thleng ta hi.

"lawm zawk tur in ni asin... "

"engmaw? "

"anih lawmthu in hrilh em? "

"ngatinge hetiang hian i awm thut a "

" lawmthu in sawi em ka tih chu...!! " min au khum chiam chiam ringawt.

"tunge anih pawh ka hriat loh chu engtin nge lawmthu ka hrilh theih anga... "ka lo ti ve nghah ṭhah bawk.

.

"ka awih theih lo.... "

"mi â ka ni bik hleinem....amah ka hmuh theih loh vek pawhin a chhungte hnenah tal lawmthu sawi ka duh takzet asin...mahse amah hriat chu sawi loh mipa nge hmeichhia anih takngial pawh ka hrelo asin... chutichung chuan lawmthu sawi turin min la phut cheu amaw!! "

"a chhungte pawh i ngaihtuah ve miah lo em ni? chuan tihian.... hetiang hian engmah thleng lo ang maiin ila leng thei amaw?  eng ang pafa nge maw in nih phiangsen le? "

"Arden ka pa hmer tel hauh suh "ka pa hetiang anga a sawi avang hian thinrim hle mah ila Arden hi mi rilru ṭha tak mite ngaihtuah ve ṭhin mi ani tih ka hre ve chiah mahse engvanga a hmelhriat pawh nilo thlavang hi hauh em em nge maw anih le ?.

.

.

chapter-34

.

"lawm tur in ni asin.... " tih pahin bike chu a tlawh nghal pawp ringawt,a awmdan maktak avang hian ṭawng ngaihna pawh ka hre lo.A sam ṭham pahin a han kun leh vang vang ṭhin a, hetiang ang em em a Arden thinrim hmel hi ka la hmu ngai lo.

"engvanga i hmelhriat pawh nilo vang a thinrim em em nge maw i nih le?" zaidam deuh hian ka han ti sap a, a awmdan avang chuan a inthiam lo leh deuh aniang ka bulah rawn kal hnai in a chal leh ka chal insik tir turin a rawn kun hniam deuh a, a kut pahnih in ka biangah nghet takin a dawm tlat bawk.

" ka tih palh... " Lalpa leh! engthil nge thleng ta hi?  a vawikhat nan Arden an ngaihdam min dil a nia!!

.

"mahse ngatinge khatiang khan i awm?"

" ka awm leh tawh ngai lo ang.... i la hlauthawng em? " tih pahin ka lungphu ngaihthlak tumin ka awm chu a han dawm vang vang a, a ai in a phu rang zawk in ka hria,min khawih tawh hi chuan ka danglam nghal vek zel .Amah avanga ka thinphu inthum rawn dawt dawt te chu a hrethiam ni ngei tur ani min rawn nuih suk pahin,"khawih lo ila a  ṭhat zawk ka ring " ngeiawm zetin a rawn tizui sap bawk.

"chuan i thin ala rim em? "ka tih chuan a inla hrang nghal thut ringawt,a hmelmet paih tawh hnu chu chhar lehin min rawn khumtir a.

"heihi i mamawh zawk ang "

" eng... engvangin maw? "

" ila hre mai ang... " tih pahin van lamah a han hawi chho vang vang a, khua lah chu a dur khuih lehnghal.

.

A chak thei ang berin tlan mahse ruah in min nan hman tho,kan huh nasat em avangin kan kawr te pawh a sawr theih hial bawk.Huh zawr vekin chhuata tui far thla tlawk tlawk chungin Arden in chhung kan luh chuan tumah an awmloh avangin a lo thim khup a,ka ngaina lo takzet.

" tumah an awmlo anih hi.... "

" chuan... " tih pahin light chu a han on eng nghal uarh a,ka rilru a nuam nghal huai mai.

"ughh....lo haw zawk ila ṭha tur "

"oh!!... C'mon... in in thleng phei ila chu i damlo phah zawk ang.... ruah hi han hân deuh se ka thlah em em ang che "

"chutiang pawh ani lo... "

" anih chuan midang rawn awm ve turin ka ko dawn em ni? "

.

"nilo.... ugh "

" anih chuan eng nge? " a tih chuan ka thawmhnaw huh zawr vek tawh chu ka han melh thla zeuh a,ka sawi tum a hriat takah chuan a rawn nui nghal suk ringawt.

"kan inbual hmasa dawn mi niang? " ni e.. ka thak sep sep tawh mai bakah ruah kan do avangin inbual a rawn sawi takah chuan ka phur ru hle...mahse ngawi lawk teh...'kan' a ti tlat in ka hria, engvanga 'kan' ti nge maw anih le?

" maw !! kan a!!"

" anih loh ten eng nge ni chuang anga "

" mahse... ugh... kan pahnih chuan ughh.... " ka thil sawi tum nghak chuan min lo en kar a, a hawisawn duh miah lo lehnghal.

.

"kan pahnih in kan inbual dun thei lo ang " a tawp a tawp ah ka sawi chhuak thei hram.

"engtik lai khan nge kan inbual dun dawn tih ka sawi? "

" m... maw? " ni dawn tak, kan inbual dun tur thu a sawi reng reng hleinem, Lalpa leh !!Valentina eng ngaihtuahna nge maw i lo put leh tawh le? ka zak lutuk hi ka hmai a sen nghal ṭawn ṭawn ringawt.

" lo kal vat rawh... i damlo ang "tih pahin inchung lamah a chho nghal hlawk hlawk a, thawmhnaw far tluk tluk chungin ka zui chho ve nghal vat bawk.

.

A room chunga ka luh meuh chuan a kawr a lo phelh vek hman mawle, a vest leh a jacket te lah chu chhuatah a paih tawp lehnghal.

"i tattoo kha.... umm tunge?"ka lo enchiang ngai miah lova a hnung zangah hmeichhe lem chiang takin alo inchhu kulh chu niin,tunge anih pawh hrelo mah ila ka thik nghal ringawt nia mawle.

"heihi maw " tih pahin a hnungzang en tum chuan a han bih zeuh a,"in phelh la inbual vat vat ang " a tih chhunzawm zat bawk.

"nichin kha chuan kan inbual dun lo ang i tih kha.... "

"a rei mai mai....bakah i inbual lai ka nghak thei lo che chutiang bawkin ka inbual lai min lo nghak turin ka duh bawk hek lo "

.

"bathroom dang a awm mai lo em ni? "

"thim ah i inbual duh te chuan sawta saw kawngka a awm " a tih chuan ka lo ner suk ringawt,nichin kha chuan kan inbual dun dawn loh thu kha a sawi vek sia engvanga a rilru thlak leh nge maw anih le? 

" in phelh rawh... hun a tam lo ania " a sana bun lai melh zeuh pahin bathroom ah min luh san daih anih chu!! Diktak chuan inbual dun hi ka duh lo pawh ani lo mahse ka vawikhat tihna tur anih dawn avangin ka zak in ka hreh tlat anih chu!! 

Ngawi rengin hreh tak chungin bathroom ah chuan ka han lut zal zal a, commode chhina ṭhut pahin min lo la nghak reng chu niin. 

.

.

Chapter-35

.

Kawngka bulah chuan ngawi rengin ka ding renga ka vawt ti chuan ka ban chu ka han nuai leh nawk nawk ṭhin bawka,ani lah chuan a kut zungpui seh pahin min rawn la melh kur zui,ka tihngaihna hre lo in hmun dang te kan han melh kual leh rih ṭhin a ka awmdan hi a laklawh vel vek tawh.

"lo kal teh... " tih sap pahin min rawn melh khai a, kal duh hle mah ila han pan ringawt chu ka hreh deuh avangin ka hmui seh neuh neuh pah chuan ka hawisawn leh ta ringawt a.Ka awmdan hi zeilo min ti ru ve ṭhin ngawt ang mahse midang bulah hetiang ang hian ka awm ngai lo Arden bulah erawh hi chuan ka lai ṭut zel thung.

"tuilum i hmang duh ang tiraw?" a tih chuan ka lo bu nghat a, ani pawhin sawi tur a hre bik lo aniang.

.

Rei fe kan pahnih a ngawi renga kan awmdan ngai anga kan awm reng hnu chuan thawk chhuah hak pahin a rawn ding chhuak hluai a,"lo kal teh " tih sap pahin a bulah min pawt phei a, a mal chungah min ṭhut tir nghal chat bawk.

"eng thil nge i ngaihtuah?"

" um... ka... ka hrelo "

"hethil hi ani em? " tih pahin ka hmuiah chuan a ngeiawm tawk lek hian a rawn rawn fawp zeuh a,a hmui a whisky rim nam chek te leh hnawm chap te chuan min fawh nawn tir leh chak takzet.Mit en reng chung chuan ka sam hnawm chap hnawk niai chu hnung lamah a han hui khawm deuh a," ka duh che " a ti zui sap bawk.

.

Tunah khan Arden an min duh thu a sawi anih chu!!  ka mumang nge ni a ka suangtuah na zawk? ka awih thei lo engthil nge thleng ta hi?

"keipawh ka duh che " ka sawi awlsam kher mai a chhan chu he thu hi ka sawi chakna a rei tawh mahse Arden ngaihdan ka hriat loh avangin leh hnawl nih ka hreh avangin ka sawi chhuak lo mai zawk ani.Duhthawh takin a hmui ah chuan ka zuk fawp nghal tawn tawn a, ka hlim lutuk hi nuih reng mai ka duh.

Engmah sawi lo mah ila ka pahnih a kan duh chu kan hai lo chiang kher mai. Min pawm kan nawlh pahin basin ah chuan min ṭhuttir a, ka thawmhnaw min phelh sak pah chuan ka mit ah tak min en kar reng bawk. Lalpa leh!!  hepa hi ka hmangaih ani, ka kianga a awm ve avang ringawt pawh hian ka mumang ani emaw ka ti hial.

.

________________________________________

.

.

A kal ziahna ṭhin restaurant zawn ah chuan car chu a ti ding chat a,ruah lah chu tlem te te in ala hmi seng seng reng bawka mahse huhna khawp erawh a tla lo thung.A seatbelt a phelh zawh hnu chuan a lukhum chu a khum nghal mawlh mawlh bawk a, mak tih hmel takin ka lo en ha thung. 

"i duh leh mi? nge hetah hian kan ti leh law law zawk dawn ?"min rawn nuih vur vur pah hian min rawn fiam leh kher a, ka hmai a rawn sen nghal ṭawn ṭawn ringawt. 

"i hrilhhai hmel hi a duhawm thlawt " tih pahin min rawn fawp lehnghal tawn tawn a,a T-shirt chauh ka hak avangin awlsam takin a rawn zen lut nghal vat bawk.

.

Nuai ne ne pahin duhthawh takin min fawp tawn tawn reng bawka,thisen lum leh chakna avangin ka rum chhuak lo chauh .

"i ril a ṭam em?" round dang ka duh leh duh loh thu min zawt emaw ka tih avangin ," aw.... nasa takin " tiin ka lo chhang tham ṭiak a, car ah pawh nise ka pawisa tawh lo. 

"zanin chu duhtawk in i ei dawn nia " ka chal fawh zeuh pahin car aṭang chuan a chhuak ta daih mai!!  awi...!!  ka van mawl tak em,ka ril a ṭam leh ṭam loh thu min zawt ani tih ka hriat chhuah chuan ka zak leh hnuhnawh. 

.

Polite takin ka ṭhutna lam kawngkhar min rawn hawn sak pah chuan,"i wet hma hle mai "a rawn ti zui leh kher bawk nen khuk ral chem chem ka chak takzet.Ngawi rengin car aṭang chuan ka chhuk thla nghal vata,hmanhmawh taka kal mai ka tum lai chuan ka kut ah a rawn kai chat a,rawn kun hniam pahin ka beng bulah hian"mahse ka duh tho che " a rawn tih sap takah chuan ka thaw nghal huai mai. 

"nangmah vangin washroom ah kal vat ka ngai " 

"haha.... ka tihpalh"

"a lehpek ah chuan a thleng tawh hauh lo ang " 

"i chiang chiah maw " tih pahin ka kawngah chuan a rawn vuan a, ka lo mur nghal uaih ringawt. 

"mi hnar thei lo tih ka hria "tih pahin ka kut chu a aia nghet chuan a han vuan nghat leh sauh a, fawh zeuh pahin inchhung lamah kan lut nghal hlawk hlawk bawk. 

.

Restaurant chhung kan luh chuan Arden ṭhian te ho pawh an lo awm chu niin, a ṭhiante a hmuh rual rual chuan ka kut a vawnna chu a thlah nghal vata mak ti hmel takin ka hawi chho nghal ha bawk,

" Hi!! "Arden awmdan chuan min tih nat em avang chuan Mia aw hre mah ila chhan nachang pawh ka hre tawh lo.Arden awmdan chu thuhran kan pahnih a awmdun lai min hmuh chuan a tu mai pawh hian mak ti hmel an pu vek nia mawle.Arden chu inthiam loh hmel takin a ṭhiante bulah chuan a phei nghal vata,rilru na lo ang maiin a hnung ah chuan ka zui ve vat bawka, hlim hmel put hram hram tum mah ila ka rilru erawh a na hle thung. 

.

"Nang leh Tina maw? " Olivia chuan alo ti ha bawka an awmdan aṭang hian kan chungchang hi engmah an la hre lo ani tih a hriat nghal, zawhna ni ta chu eng vangin nge Arden hian kan pahnih chungchang hi a hrilh mai loh, engvanga a ṭhian te bulah min zahpui tlat nge anih?thinphu dep dep chungin Arden chu ka en kar a, a ṭawng chhuah hun nghak in kan ngawi ṭhap a,amah kan en ṭhap bawk. 

" umm....kawngka bulah sawn kan in tawk a " a chhanna avang chuan ka mittui a rawn tling nghal pam mai,inthiam loh hmel takin min rawn en mahse ka lo hawisawn hmak thung. 

.

Ka rilru natna te chu tih lan loh tumin ka inhum ruh ve ṭang ṭang a, pangngai tak anga ka lan chhuah theih avangin ka lawm hle bawk. 

"I ṭha maw? "zawi sap hian ka bula mipa pakhat thu chuan a rawn tih chuan ka lo en ha a, za lo zeta khik suk pahin hnuai lam ka melh nghal daih bawk. 

"in in kawp emaw ka lo ti hman asin " Olivia chuan inti pangchang tak hian a banah chuan a han kuah leh kher bawka,Arden an a lo hnar der mai bawk si lo. An awmdan tin techuan min vit sawk sawk ni mai hian ka hria

"ngatinge tukin zingah khan i va chhuak hma em em ve?" nizanah Arden leh Olivia an awmdun amaw? chutah zet zawng ka ngaithei ta hauh lo, tu mitmei mah veng hman lek lo chuan ka ding nghal pawp a, ka awmdan avang chuan mak tih hmel takin min lo en ha hlawm bawka Arden pawh a bang bik chuang lo. 

.

"Tina...engatinge? " Mia chuan ngaihṭhat loh hmel zeta a rawn tih chuan Arden en reng pah chuan ,"min hrethiam rawh u "tih leh tlan chhuah ka rual nghal.Kawngka ka pelh chiah tih chuan ka muttui chu dan rual loh in a rawn far ta fap fap mai!! hruk hul sawk sawk pah chuan ka han insut hraih hraih a, ruahsur leh khawvawt pawh ngaihtuah lo in hma lam panin ka kal nghal hlawk hlawk bawk.Kawngsir zei zei ah chuan ka melh ngai melh run run pah chuan ka kal phei zela ka rilru ah erawh Arden chiah a awm thung.A chang leh a hnen aṭanga ka lo beisei sang lutuk avang kha mawl ka inti in â ka inti thul,diktak chuan a bialnu pawh ka ni tawp si lova engvanga hrehawm ti em em nge maw ka nih le?.

.

"motor in a su che nge? " ṭawng ri ka hriat chuan rang lutuk in ka hawi let nghal vut a, ka rin lo deuh in nichin a ka bula mipa ṭhu kha lo ni rengin, engvanga min rawn zui nge maw anih le? 

Chhang lo in hma lam panin ka kal lui leh ngat a, ngawi rengin nihliap a min rawn zawn pah chuan, "Ngatinge Arden kha i duhthu i hrilh mai loh?" a rawn tih chuan a rukin ka mittui chu ka han hru zeuh a, engmah thleng lo ang maiin ka hawisang nghal vah bawk. 

"in pahnih inkar ah hian engthil nge thleng ?" engvangin nge ka hmelhriat pawh nilo hi kan chungchang ka hrilh ve ringawt anga. 

" I hresual anih chu " 

" anih chuan engvangin nge a t-shirt i hak si " a tih chuan ka ding nghal chawt ringawt.

" anih Dylan ve kha.... " hepa hian engtin nge Dylan chungchang a hriat

"Arden hi hnaih suh " a rawn ti zui zat bawk. 

.

.

Chapter-36

.

Amah en pah chuan ka han nui lui kher a,"Arden  sawi ang khan engthil mah a thleng lo" inring tawk hmel takin ka ti zui kher bawk.

"anih chuan tinge i chhuah daih si "

" ka chhan kher che angai em ni? " ka thinrim hmel a hmuh chuan min rawn nuih suk pahin nihliap hnuaiah chuan min pawt lut nawk a, ka darah nghet takin a kuah zui tlat bawk.

"min thlah rawh tunge maw i nih le? " amah nghawk deuh sawk pah chuan ka han ti vin hlar a rum zetin ka melh hraw bawk,a tlangnel em avang chuan ka ngaithei ṭhak lo.

"Juan.... ka hming chu Juan "

" anih chuan Juan min thlah thei tawh angem?"

"awle.... in thleng ka thlah ang che "

"i kut hi mawle... i dahthla thei tawh angem? "

.

A kut a dahthlak rual rual chuan subway station lam panin ka kal nghal hlawk hlawk a,Juan an min rawn zui ani tih ka hriat phei chuan ka kal chak zual sauh.Subway din lai tak alo ni bawk nen lawm ru tak chungin ka tlan lut nghal thauh a ṭhutna awl ka hmuh hmasak ber ah chuan ka ṭhu nghal thak bawk.Juan an min rawn zui tawh lo emaw tiin thawk halh pahin ka han hawi kual hrek hrek a, ka bul ami a tho chiah tih chuan ka bulah a rawn ṭhu ta thurh mai!! a rawn luh lai ka hriat bawk si loh avang chuan mak tih hmel zetin ka lo en tawp ringawt.Ka bulah chuan ngawi rengin a ṭhu ve ran a,biak chu sawi loh lehlam ka hawi san hmak, melh lah ka tum hek lo, ka hmelhriat ngai pawh anih loh mai bakah Arden kaihhnawih anih vang hrim hrim pawh hian ka hua.

.

Kan in aṭanga station hnai ber kan thlen chuan ngawi rengin ka tho thut a, rang lutuk in ka put chhuak nghal zeuh bawk.Diktak chuan tun ang dinhmun ah hi chuan keimah chauh a awm a, inngaihtuah a insum miah lova ṭah te pawh ka duh takzet.Muang changa pen chhat chhat pah chuan thil eng eng emaw ka ngaihtuah neuh neuh a a chang leh ka rilru hahna te tihbo tumin ka han nui leh suk ṭhin bawka.

"ruah sur tam hma in kal vat vat ang " chu aw bawk chu!! hepa hian engvanga min rawn zui zel nge maw anih le?

Hnial buai leh titi pui mood ah ka awm loh avangin ngawi rengin ka awm dan ngai ang chuan hma lam ka pan zela, ruah lah chu rawm buak hawk hawk tum ni awm takin khawpui te chu a ri dur dur bawka, kei lah hmanhmawh lek lo in ka pen chhat chhat mai bawk si.

.

Ke in in ka kal thleng der mai!!Juan lah ngawi rengin ka hnungah kal in min zui thleng ve ṭhak bawk.In kawt kan thlen  chuan ka luh hreh em avangin kan in thlir pah chuan ka han ding vang vang a,sana ka en nak chuan ka rin ai daihin alo tlai tawh lehnghal,ka pi lungawi lohna thu leh zilhhau na thu vel ka ngaithla peih lo takzet.

Juan thawm ka hriat tak loh avang chuan rang takin ka hawi let nghal vata, a kir leh daih tawh chu niin mahse ala kal thui lo hlauh .

"Hey!!" ka koh leh avang chuan mak tih hmel tak hian a rawn hawi let ha a,ngawi rengin min rawn thlah a ngawi renga kal leh daih a tum avang hian a awmdan hi ka hrethiam lo takzet.

.

"Engvangin nge min rawn thlah ?" ka hnuk a ulh deuh bawk nen ka duh ang pawhin ka ṭawng chhuak ṭha thei lo.Min chhan loh avang chuan a aia ringin,"Ngatinge helai thleng i rawn kal... Arden an a rawn tir che mi? " kan han ti ve leh thawr a, engvanga Arden hming hi lam ri nge ka nih pawh ka inhre bik lo.

"i sawi dik "

" maw?  eng chu maw dik a "

"Arden an i him leh him loh thlithlai tur che in min rawn tir ani... " engvangin nge hetiang thil hi a tih, lawm ru hle mah ila rinhlelh na in ka khat tlat lawi bawk si.

"ka hna ka zo tawh bawka mangṭha le " tih pahin a kut dinglam chuan min rawn bye bye a, nuih suk pahin a inher a hma lam panin a kal lehnghal nal nal bawk.

.

Juan thusawi khan ka ngaihtuahna a ti kalthui takzet dawt ani emaw ni lo emaw Arden an min ngaihsakna chungchang anih tawh hi chuan ka awih lo phal thlawt lo, engpawh chu nise naktuk mai hi camp ani tawh bawka karkhat chhung vel ka kalbo chuan ka rilru natna zawng zawng te leh Arden ngei pawh ka theihnghilh theih mai ka inring .

Huhphurh tak chunga kawngka hawn ka tum lai tak chuan ka pi in min rawn hawn khalh ta thut mai!!

"khawiah nge i kal? "inchhung pawh ka rah hma hma in min vin nghal hlur ringawt mahse ka pi hauh te hi chu ning hle mah ila enga tan mah ka ngai lo.

.

"han in thlak vat rawh... hei i huh vek ania" tih sup pahin min pawt lut nghal dawr dawr a,inchhung ka luh nak chuan Dylan alo awm reng chu niin!!

"Tina... eng thawmhnaw nge i hak kha...?"Dylan an a tih chuan pu Thompson te nupa pawh an rawn ding chhuak hlawl mai!! pu Thompson ka hmuh tak thut avang chuan mak tih hmel takin ka meng phawk nghal kawk a, tihngaihna ka hriat loh em avangin hnuai lam ka melh nghal lap bawk, tun ang zan rei ah engthil nge maw an rawn tih ni? nge min lo nghak reng zawk? dar9 lai a ri tawh dawn bawk si a chhan ṭha tak nei lo chuan an rawn kal hauh lo ang.

.

"ka.... ka han inthlak ange ka rawn let leh vat ang "tih pahin ka room lam pan mai chu ka han tum a ,"ding rawh " pu Thompson an a rawn tih chuan ka ding nghal chawt ringawt.Ngatinge pawh ka hrelo pu Thompson hi ka ngaina hlawl lo,chu mai bakah a aw thum dut te leh nelawm loh zet ka hriat zawng ringawt pawh hian ka zam nghal der nia mawle.Rin loh deuha min ko din tak thut avang chuan ka pi chu ka va melh nghal vata, kei ai mah in a hlauthawng emaw tih mai tur hian a lo khur nasa mai.

"kan inbiak angai "

"ka pa... " Dylan chuan min lo chhan tumin alo ti nghal vata,mahse hnial chi ani tawh lo. Pu Thompson hi pa lian leh sang tak, a awm mai mai pawh a thinrim reng emaw tih tur khawpa nui ngai lo anih avang in min biak a duh thu an sawi takah chuan ka hlau ru kher mai.

.

" awle... " tiin ka lo chhang sap a," a falin... "a tih takah chuan an tih tur chu an hai lo kher mai Dylan ,ka pi leh Mrs Thompson te chu pawn lamah an inzui chhuak nghal hna hna hlawm a,tunah tak hian ka pa ka ngai takzet, awm ve se chuan hetiang thil hi a thleng hauh lo ang.

An vaiin an chhuak fel chiah tih chuan sofa a ṭhut pah chuan ṭhu rawh a han ti thum dut a, ka lo inring sa lo bawk nen ka phu deuh zuk lehnghal.Ka tshirt hak hnawm chap chu nghet taka sih pahin ṭhu tura min tih na ah chuan ka han ṭhu dat a,bawp khawkherh chungin a ṭhu ul tawh mai bawk si a, melh ber tur pawh ka hrelo.

.

"i la thianghlim em? " engthil nge maw min zawh le?a zawhna maktak avang chuan phawk fe hian ka melh nghal kawk a, chhang nghal mai tur pawhin ka ṭawng chhuak mai thei lo.

"ka fapa tan hian hmeichhe thiang hlim ngei ka duh "

" maw!! " midang in min hmu se chu ramhuai ka hmu emaw an ti hial ang, heng thil hi engvanga min zawt nge anih tih ngaihdan pawh ka neilo.

"heihi ka vauna che ni rawh se....ka ring tawk che a ka duhthusam hi i tih hlawhtlin ngei pawh ka beisei ...i ti hlawhtling thei lo anih chuan ......." a kut zung chala zungbun lawk zet chu ka melh renga, ka hlauh em avangin ka thlan tui in min lei nghal bawrh bawrh bawk.

"ka.... ka hrethiam e "tih pahin ka tshirt chu ka han hmer vang vang a,Arden ka mitthla ah a rawn lang nghal zawk bawk, darkar thum em pawh ala liam lo ang tih khan kan chakna te chu kan in phuhruk sak tawn a, mahse tunah erawh mal takin min kalsan leh si .

.

Tunah chuan Arden an min kalsan tawh bawka Dylan bak neih ka nei tawh lo chuvang chuan ka tih tur awmchhun chu Arden nen a kan chungchang hi ka theih chen chen ka thup angai.Pu Thompson hi ka hrethiam lutuk tunge mahni fa te tan thil ṭha duh lo ang.

Tun hnai te Arden ka nuna a rawn lan tak aṭang khan Dylan nena kan inkar chu nasa takin a ti chhia a, pasal hual ka nei ani tih pawh theihnghilh ṭhak khawpin ka khawsa a,harsatna tamtak karah pawh amah vang chauhin beiseina ka nei thar leh ṭhin, hlim takin kan awm dun dawn emaw ka tih laiin min thlauh thla leh daih si,tawrh har viau mahse pawm mai loh chu tih theih dang ka nei lo.Arden kha engvanga lo ring em em nge maw ka nih le?  mahse.... mahse ka chunga a thil tih zawng zawng te leh a bula ka hun ka hman chhun chhun te kha ka nun a ka hlim ber ṭum ani tih ka hai hauh si lo.

.

"Tina... in enkawl ṭha rawh aw, ka hmangaih che " Dylan an min fawh vang vang hnu chuan car ah a lut a,anu leh pa te nena an tlan liam lai chu ka pi nen chuan ka thlir liam vauh vauh bawk.

"i thawmhnaw hi thlak vat rawh.... hetiang hi rawn ha chhuak tawh miah suh "

" awle... " tih pahin inchhungah ka lut leh hna hna a, ka pi hnial tur pawhin tha ka nei lo.

" khapa kha i hmu leh ani tih min hrilh hauh suh... "

"ka hmu tawh lo ang... i lawm tawh em?"

"hepa a rawn lan aṭang hian ka tunu pawh i ang tawh love....khawiah nge nula fel leh thuawih deuh ni ṭhin kha a awm tak? "

"ka mu dawn nia... mangṭha le"

"khatiang mi dukdak lo... hmeichhe chhaih kual ṭhin ho kha hnaih tawk suh ang che "lehlam hawi pahin ka mittui far fap chu ka hruhul zeuh a, ka pi hian a tunu hi kha mi dukdak lo hmeichhe chhaih kual mai mai ṭhin avang khan rilru na in a awm mek ani tih a hre hauh si lo.

.

Engkim a thlen hnu ah pawh Dylan chuan lawm takin min pawm leh thei a,

ka chhiat leh ṭha hriatna chuan Dylan thlang turin min duh mahse ka thinlung erawh in Arden a thlang thung... ni e.. Arden hi ka duh ani tih ka in pawm thlap, Dylan bulah ka awm pawhin amah lo ka ngaihtuah thei lo,awlsam taka theihnghilh mai tur chuan kan inkar ah thil thleng a tam tawh lutuk mahse hma lam pana nun ṭha zawk neih ka duh chuan hai rual loh in ka theihngilh angai tih kei tluk a hrechiang an awm lo.

Ngawi rengin ka room thim ruih hmeh en pah in ka tshirt hak lai chu basket ah ka vawm lut nghal tawp a,chau hle mah ila ka mut pawh a chhuak lo,muhil pawh ni ila mangchhia in min ti harh leh tho ang.Bra pawh ha lo in panty nen chauh darthlalang hma ah chuan ka han ding tau a, darkar tlemte liam ta mai a ka awm a fawhna duk kulh te leh min thamna sen vual kalh te pawh ala reh em hma a khatiang thil a ti kha ka la ring thei lo. 

.

.

Chapter-37

.

*School*

.

School bus in kan kal dawn avangin a kal tur ho zawng zawng chu kan in nghak khawm ṭhap hlawm a,nizan ah ka pa a rawn haw loh avangin Jade pa in min thlah ta ringawt a, a ruk tak chuan ka pa chungah ka lawm lo takzet.

" theihnghilh i nei em? "Hailey chuan min lo buaipui ve nghal sawk sawk bawk a, ka phur lo bawk nen karkhat tal tawp ramhnuai a khawsak chu ka chak lo thlawt.Ken theihnghilh ka nei nge nei lo tih en fel pahin ka rucksack chu ka han hai rawk rawk a,ka iPod ka theihnghilh hram nia mawle mahse pawilo mai karkhat chauh ani dawn tho.

"khawiah nge kan mifela hi....? " Jade chuan chewing gum ṭhial tuam tuam pah hian a rawn ti ham ham a,Dylan a kal liam hman tawh chu ka lawm takzet la awm se chuan a fiam leh nghek ngei ang.

.

" Ngatinge Dylan a kal dawn loh a...?" Hailey chu a ngaihna hriat loh hmel zeta melh pah chuan,"hun thawl min pe te pawh ani mahna " ka han ti sap ringawt a,a nihna takah chuan hetiang thil velah hian Dylan hi a kal ve a thiang loh vang ani,a chhan pawh ka hrelo mahse pu Thompson an a kal ve a thiang lo a ti miau sia lawm le.

"saw i pa a rawn kal... "lawm ru deuh chungin ka hawilet nghal vata, Natalie ka hmuh rual rual in ka nui tawp nghal chat.

"pawi ka ti lutuk.... hna lamah ka buai lutuk a "

" pa dawt sawi i thiam thlawt lo " ni e... ka pa hi hna vang nilo in kei aia Natalie a buaipui avang zawkin inah a awm hman meuh lo.

.

Ka pa chu a han ngawi vang vang a Natalie lah chu kût a kal tur emaw tih mai tur khawpa vul in ka pa bulah chuan a dik ve ran bawk a, theih chu nise ka pa hi hruai hran daih ka chak takzet.

" umm.... tihpalh, mahse ka tiam a che ka rawn lam leh ngei ngei ang che "

"awle... " min rawn lam leh tak tak pawh ka ring chuang lo, Natalie melh zeuh pah chuan,"ka nu kha biak theihnghilh suh aw " ka han ti ve leh kher a, min ngei hmel teh e.

"awle.... kha heihi khawi hmunah pawh kal dawn la keng reng ang che "spray leh shades hi ka kutah chuan a rawn dah a nghet takin min hum tir tlat bawk" chuan hei i iPod"tih pahin a jacket ipte aṭang chuan ka iPod theihnghilh chu a rawn phawrh chhuak a ,"engtin nge ka theihnghilh tih i hriat " tih pahin nghet takin ka han kuah nghal vawng vawng a ,hetianga ka pa ka kuah loh na chin pawh hi ka hre tawh lo.

.

"i mit kha uluk rawh aw.... nisa hnuaiah te khan awm vak vak suh ang che .... "

" awle.... ka hria e "

" ka hmangaih che "

" keipawh ka hmangaih che "

whistle an rawn ham rik lauh lauh takah chuan hrilh ngai loin bus a luh a hun tawh ani tih ka hriat avang chuan kan lut nghal zung zung hlawm a,tun ṭum summer camp zet chu ala ninawm ber dawn anih hi.

Kan tlan liam hnu chuan Hailey chuan, " i nu chu a hmelṭha hle mai a tih chuan ka sa nghal zak mai.

" ka nu anilo "

" um...ka ...."

" ka pa bialnu chauh anih kha... " ka lo ti vin nghal hlar ringawt.

.

________________________________________

.

Darkar nga zen zawn kan tlan hnu chuan kan thleng ve thei hram,ka camp na tur hmun tak hi motor a luhtheih loh avangin minute20 vel lai chu ke in ngaw ah kan inzui par par hlawm a,ngaw e tilo chuan kawng chu mi pakhat leng tawk velin fai takin a awm phei zui bawk si a, boruak a thiang nuam bawk nen ka rin ai daih in a nuam.

Kan riahna hmun tur kan thleng phei nak chuan kan bungrua pawh an lo dah fel vek tawh a, kalkawng ang khan ramngaw dur khup ani dawn emaw ka tih laiin riahna tur thing în in hlat lo deuh deuh ah hian a ding hluah hlawm a, helai hmun hi camp neih nan liau liau a duang te pawh ani mahna.

.

"hey!! " Dylan kan hmu thut mai chu ka phu chiang teh e...

"ih... ughh.... ka rawn kal dawn lo kha i ti si a "

" nia... bus chuan nilo e.... " hepa tak hi chu aw, midang ho bula awm hi ngaiah a nei thei dawn lo niin a lang.

"Valentina Garcia " camp director in ka hming a rawn lam rual chuan ka ban ka lo phar nghal vata.

"House no.23 ah aw"

" awle... " tih leh "Hailey nang? " tih ka rual nghal.

"keichu... 26" Hailey chu sawiloh Jade nen takngial pawh room khatah kan awm dawn loh avang chuan ka cool nghal vek thei.

"kan inhlat dawn hle mai.... " Dylan chuan alo ti ve bawka, ka ṭhian hnai vai te leh ṭhian ṭha te nen group hran ṭheuh ah kan awm dawn avang chuan ka phurna te kha a bo nghal duak in ka hria.

.

"in awmna tur ṭheuh a in kal hma in in phone rawn submit vek rawh u ,bell a rik hma loh chuan khawi hmunah mah kal sawn phal ani lo ang "

" Eng camp nge maw anih le?"Jade chu director hriat tur kher in a han phun lui khera

"nangni ho kha..... Camp chhung zawngin phone lak let phal in ni lo ang "a tih chuan kan lo ner nang hlawm a, Jade chu a ngai te bawkin huat rawn ani leh ngei dawn anih hi a chhan chu amah vangin phone hmang thei lo tur kan awm nual dawn avangin .

"kan hmang lo anga nimai lawm tiraw Tina " a rawn la ti ham ham zui.

.

Room khatah mi paruk kan awm ho dawn avangin kan awmna tur lam panin ka chho hnak hnak hlawm a,ka hmelhriat ngai loh vek an nih avangin ṭawng na hun a vang takzet.Room lah chu a te in a chep bawk si a boruak kan in chuh lui lui dawn niin a lang.Ka khum turah ngawi renga ka lo ṭhut mai mai lai chuan khum chhawng anih avangin khum chung aṭang chuan hmeichhe pakhat hi a rawn chhuk thla at at a, a zakzum mai bakah alo hmelṭha vak lo bawk nen tu mahin a mutna hnuaia mut an duh loh avangin ka mu ta ringawt ani.

"hello.... "

" hello " tih pahin ka bulah chuan a rawn ṭhu nghal thak a,henu hi a hma in ka hmuh ngai awm pawh ka hrelo.

.

"Alexa ka nia... "

" Valentina.... "

" nangchu ka hria che... "

" anih chu... Mahse ka hmu ve ngai miah lo che "

" ugh... ka chhuak vak ngai lova, group khatah kan awm bawka kan in partner thei ang chu "

"nia... " tih chuai raih pahin ka nui tawi tap ringawt, ṭhian siam ka harsat bawk nen inthlahrung deuhin ka awm leh reng dawn anih hi,engpawh chu nise ṭhian thar ka chhar tawh bawka ka rilru hahna te leh rilru natna te pawh reilo te ah a reh thuai ka beisei.

.

Chutia Alexa nen kan lo in biak mawlh mawlh lai chuan kan room kawngkha an rawn kik rik karh karh avang chuan kan hawi phei nghal vata, tu mahin hawn an tum loh avang chuan ka tho ta nge nge a.

Kawngka ka hawn rual rual chuan Dylan alo nih reng avang chuan ka meng phawk nghal kawk ringawt. Camp director leh hotuten an rawn hmu nge hmu lo tih en in ka hawi kual nghal vat bawk.

" eng nge hetah i rawn tih? " tih pahin hmun langsar lo lai deuh ah chuan ka kai phei nghal dawr dawr a,bell rik hma in kan chhuak ani tih min man chhuak anih vaih chuan hrem lo in min chhuah hauh lo ang.

.

"eitur ka rawn pe dawn che... "

" tunah nilo.... nakin ah min pe zawk mai rawh... "

" kha.... i ril a ṭam ang chuan heihi mosquito repellent (thosi hlo)  ania... i mamawh ang "

" ka lawm e... kal vat zawk rawh " ka tih rual rual in bell a rawn ri tlang tlang mai.

" awle... " nuih suk pahin ka hmuiah chuan a rawn fawp zeuh a,"kan inhmu leh dawn nia " tih pahin a tlan thla lehnghal hlawk hlawk bawk.

Dylan chet dan kha a lawmawm em avangin nuih suk pahin a thil min rawn ken khai chungin inchhungah chuan luh ka han tum mai a, Alexa in kawngka phen aṭangin min lo bih thla kur ani tih ka va hmu thut mai chu ka phu chiang teh e!!

.

"min ti phu alawm... "

" kal khawm a hun tawh ania... "

" awle... heihi kan dah lawk ange lo zuk kal rawh " tih pahin inchhungah chuan ka tlan lut nghal vata, midang pawh hmanhmawh takin an tlan chhuak nghal zung zung bawk.Hmanhmawh takin tlai hlau tak siin ka thil ken lai chu ka rucksack ah ka hnawh lut nghal mawlh mawlh mahse thil hnang hluak hit thlur ka zuk khawih fuh takah chuan ka kut ka phawi nghal zawk a, kut zungṭang bung pakhat hi ka hum chhuak ta nawlh mai!!

ka hmuh rual rual chuan ṭe ṭhawt pahin ka rucksack chu ka paih leng nghal lawp a chet pawh ka che  ṭha ngam tawh lo.

.

"Tina.... " vanneih thlak lutuk in Hailey aw ka hre hlauh.

" Tina i awm em?....i va rei ve "bang kil ah chuan ngawi rengin ka lo inlu khup tlata, min rawn hmuh rual rual in a rawn tlan lut nghal vat bawk.

" i ṭha em?  engthil nge thleng ?"

" kut.... kut "

" khawiah maw? " mak tih hmel takin alo ti ha a, khur zawih zawih chungin en pawh en ṭha ngam lo chuan kutṭang awmna lam chu ka han kawk va va a, diktak chuan Hailey hmuh atan pawh ka duh lo mahse kan duh danin kan awm thei miau silo alawm le.

"heihi maw a lem anih hi" tih pahin kut ṭang chu a rawn lek kang ta vu vu mai .

"Tina.... a lem alawm candy anih hi... " tih pahin a han kuai bung hmawk a,ka hlauh zualpui kha reh deuh mahse ka thinphu rang lutuk erawh a reh hlei thei lo. 

.

.

Chapter-38

.

" mahse thisen kha... "

" hei sauce anih hi... hawh kal vat ang engmah anih loh hi "

" lo va kal rawh "

" i ti ve ziah... " tih pahin min kai tho lawp a, min pawt chhuak nghal dawr dawr bawk.

Inhmuh khawmna tur an sawi ah chuan midang ho pawh an lo awm nak nak tawh hlawm a,ka hlauhthawn lutuk vang nge pawh ka hrelo ka thinphu hi a la pangngai thei reng reng lo.Engtin nge kha thil kha ka bag ah a awm theih? Tu dah nge nita ang?  tia ka lo inngaihtuah reuh reuh lai chuan an kutbeng thawm leh au dur dur thawm chuan ka suangtuahna atang chuan min harh chhuah tir nghal zawk a, engvanga kutbeng nge an nih a, eng chungchang nge an sawi tih pawh hre hauh lo chuan ka kut chu ka han beng mawl ve leh ta ringawt a.

.

"Dismiss " Camp director in a tih rual rual chuan group te te ah an inṭhen darh nghal zung zung a, kei erawh hrilhhai tak leh a ngaihna hriat loh hmel zetin ka la ding reng thung.

"Tina... " ka phut nasat em avang chuan  ka hawi let nghal vata, Alexa bawk!! henu hian vawi engzat nge maw min tih phut a tum le?

"lo kal rawh... "

" awle.... mahse eng nge kan tih dawn?"

" thing kan fawm dawn... zanin ah bon fire kan nei dawn lawm "

" awle... " tih pahin Alexa chu ka zui phei nghal hnak hnak a,ramhnuai lam kan pan avang ringawt pawh hian ka phur lo takzet.

.

Rei pawh kan kal hma in Alexa chuan thing chu a fawm nghal mawlh mawlh a, kei erawh in a ngaihna ka hre der mai bawk si lo, ka hman tlak loh tak zet zet.

"henghi kan tih kher angai amawn le " tiang hawl pah chuan zei lo zetin hnim ro chu ka han rap phei ri ruap ruap a, kei chauh ka ni bik lo Alexa tih loh ka group ami ho zawng zawng hian thing fawm tur reng reng kan hrelo mai pawh ani lo a hmuh pawh kan hmu lo.

Alexa thing fawm khawl sa bulah chuan an lo ruk hlau niawm fahran hian kan lo nghak ṭhap hlawm a,thosi leh rannung lah a tam mai bawk si thlamuang taka ṭhut mai mai ngam pawh ani lo.

.

"henu hi ka hmu ngai lo reng reng " ka hnunga ṭhu hmeichhe pahnih in Alexa chungchang an sawi chuan ka beng a verh nghal zar mai!! Kei chauhin ka hmu ngai lo emaw ka lo ti a midang pawhin an lo hmu ngai bik lo anih dawn hi.

"Ti hi chuan point kan hmu ṭha ber ang " nuih sang pahin Alexa chuan a thing kuah lai chu ka hma ah tak a rawn theh darh nghal chuai a,heng thing zawng zawng hi amah chauha a fawm khawm vek anih avangin hetiang thil hi a vawikhat tihna chu ani hauh lo ang.

"wow...a ṭha hle mai engtin nge i tih bik a?" kut beh pahin Nathan chuan a han ti a,midang pawhin kan beng ve nghal tliar tliar bawk .

.

"kut hnathawktu fanu ka ni a, heng thil te hi chu engmah ani hleinem...hei khua a thim ṭep tawh bawk si a kan kal nghal mai dawn mi niang? " a tih takah chuan kan lo bu nghal ṭhap hlawm a,thingṭang chu kan pawm theih ang tawk in kan pawm ṭhap hlawm a, lungawi hmel takin camp lam panin kan in zui nghal sap sap bawk.

.

Thing ka dah rual rual chuan ka kut vel chu ka beng fai nghal sawk sawk a, ka thak deuh sep sep lehnghal in ka hria.Midang an rawn kal hma in tiin ka kut silfai tum in kan room lam chu ka pan chho hnak hnak a

"khawiah nge i kal dawn?.... "Alexa in ka dara rawn khawih pahin a rawn tih chuan ka phu leh chiang kher mai !! ka hnungah a kal emaw ka tih laiin engtik lai khan nge maw a rawn thlen hman ni.

"ugh... ka intifai lawk dawn "

" anih chuan kal rual ang " a tih chuan ka lo bu nghat a, kan inzui chho lehta nge nge a.

.

" ehee... ka phone ka theihnghilh "

"nakinah i la mai dawn nia.... kan let leh dawn tho alawm "

" lo han kal rawh ka rawn um ang che "

"kan rei dawn hleinem "

"umm..lo han chho rawh "a tih tlat avang chuan engmah sawi lo in thawk halh pah chuan ka chho leh nghal nal nal.

Ka thak nasat em avangin hmanhmawh takin ka jacket phelh sawk sawk pahin kawngka ka kalh nghal hmak,ka ban vuak thuak thuak pahin light kan on chiah mai chu ka mengphawk chiang te e !!

.

Kan thawmhnaw zawng zawng chu tu tih hriat loh in alo hai darh vek anih chu!!  chu aia thu lawmawm loh chu tuemaw hemi room chhung ah hian ala awm tih ka hrethei.Thawm dang hre lo mah ila chawplehchilh in ka tha a khur leh nghal zawih zawih mai, ka jacket chu nghet takin ka han hum sauh sauh a ,thawkleh khatah tlan chhuah tumin kawngka hawn kan tum chiah mai chu ka hnung lam aṭangin tha chak em em mai hian min rawn pawm kang ta nawlh mai!! hneh tawh loh nak alaiin au chhuah han tum ve teh mah ila ka kâ a hup bet tlat mai bawk si,mangang leh beidawng ru tak siin theihpatawpa tal mai loh chu tih theih dang ka nei tawh lo.

.

"che suh... " Lalpa leh!!  chu aw zet chu!!   chawplehchilhin min ti zawi nghal vek alawm mawle,tehhrep chuan ....engtik lai maha ka ning ngai loh leh theihnghilh ngai loh tur aw ani tlat.

"keimah.... " banga min nawr beh pah chuan ka kâ a hupna chu a han phelh thla nghal vata, Arden ka hmuh rual rual in ka mittui a rawn tling nghal ringawt anih chu!! 

ugh... phiangsen chuan a thaw lum ham ham mai te leh a aw thum dut leh zun nghah zet mai te hian ka thinphu a ti rang leh tawh kher mai!! engtik ah mah ngaiah ka nei thei dawn lo chu anih hi.

.

Ka au chhuak dawn lo ani tih a hriat rual rual chuan Alexa bag chu a hai chhunzawm lehnghal bawrh bawrh a, a hmanhmawh hmel em em lehnghal.

" Eng nge hetah i rawn tih? " min chhang lo in a thil tih ngai a tih chhunzawm char char tho.

" Arden.... " ka vin deuh hlek avang chuan rawn hawi pahin a bag ken lai chu a rawn theh phei lawp a.

" lo khung ṭha rawh " tih ringawt in min chhang anih chu!!

"eng.... eng nge hetah i rawn zawn?  engvangin nge hetah hian i awm? "

"nakinah ka hrilh ang che "

" maw!! Arden ka fiamthu lo ania... engthil nge i zawn tih min hrilh loh chuan ka au chhuak vak dawn ania "

.

A hmanhmawh bawka a thinchhe ngang mai, a thil zawn lai a hmuh tak loh avang chuan a bag ken lai paih pawp pah in a pistol pai lai chu rang lutuk in a phawrh chhuak zawt a, banga min nawr beh pahin ka kâ ah min tih ta ran mai!!silai meuhin min tin takah chuan chet chu sawi loh ka chet ka hlau zek zek zawk.

"helai hmunah hian thil pawimawh lutuk thuhruk ani a....engthil mah i sawi chhuak tur ani lo "

.

A mit ah tak chuan ka en kar a, engtik laiin nge ka mittui a rawn tlak pawh ka hrelo, a gloves phelh pahin ka mittui chu a rawn hru hul zeuh a.

"engtin mah ka ti dawn lo che " a ti zui sap bawk, mahse silai in min la tin reng avang chuan a thusawi te chu ka ring zo thlawt lo.

Chutia hlauthawng leh khur der der a ka awm reng lai chuan kawngka kik ri in "Tina... " tiin a chhunzawm zat bawk.

Chutah leh Arden chuan silai chu ka kâ aṭangin a phawi chhuak zawk a,ka hmuia fawh tawn tawn pahin tukverh ah a zuang chhuak nghak zawk bawk.

.

Khatiang anga thawm dim leh hnehsawh zeta a zuan chhuah tak daih avang chuan mak tih hmel takin tukverh ah chuan ka han dakchhuak vang vang a,

" kawngka lo hawng rawh " tih thawm ka hriat rual rual chuan bag rem ṭhat sawk sawk pahin kawngka chu ka va hawng nghal vata, rin ang ngeiin Alexa chu hlauhthawn hmel takin kawngkah bulah chuan a lo ding tau a,inchhung a luh rual rual in thil diklo a awm nge awm lo tiin a hawi kual nghal vat bawk.

.

"Ngatinge i va rawn hawng har ve "

" nia... hla ka lo ngaithla daih alawm mawle "

ngaihṭhat loh hmel zetin chik zet hian min rawn en kar a, confi hmel takin ka lo ding vah thung,engthil pawh thleng se henu bulah kher kher hi chuan ka sawi lo ang .

"anih chuan kal ila "

" awle... " ka jacket thlak sawk sawk pahin kan inzui chhuak ve leh mai bawka.

.

"bawih... i chau em?"Dylan chuan tui min rawn pe nghal vata,Hailey pawh rei lo teah a rawn kal nghal vat bawk.

"hetah hian lo ṭhu rawh "

"ka ril aṭam thil ei phawt ang u "Hailey chuan a lo ti nghal vata.

"anih chuan Ken hnenah eitur rawn keng turin kan ti ange? "

" nilo... " ka lo ti nghal hluk ringawt, diktak chuan camp a awm kan ni a, midang ei ang chu kan ei ve mai tur ani. Ni e, Dylan hi a hausa te meuh mai mahse kan dawn ang apiang chu a ei ve mai tur ani.

.

"lo ṭhu rawh u.... ka han bia ange " tih leh thawh a rual nghal, engmah sawi hman pawh ani lo.

"tinge thil thleng a awm em ni? " Hailey chuan min rawn nuih suk pahin min rawn nghawk tel zeuh bawk.

"aih... engmah "

" min hrilh dawn lo amaw... anih i group awmna vang em ni "

" aih nilo e.... ihh englo ania, Arden hi hetah hian awm ve ta se "

" no way... thil theihloh tawp anih chu "Hailey chu ka en nghal haw ringawt, engvanga awki san nghal ringawt nge maw anih le?

.

" umm.... ka tihawmzia chu Arden leh helai ramhnuai hi maw "a fiamthu ani tih ka hriat hian ka thaw nghal huai thei.

"nia tiraw...? "

"Dylan nena in in hualna hi engtin nge i tih dawn?"

"engvangin nge ka tihtawp ve ringawt ang " 

.

.

chapter-39

.

"umm... Arden leh Dylan, khawi zawk hi nge i thlan dawn?" he zawhna tehhrep hi pehhel dan kawng a awm chhung chuan ka pehhel ngei ang,ni e anih na takah chuan Arden hi ka thlang zawk ngei alawm mahse engtik lai mai pawhin a buai renga kan pahnih inkar hi engmah chiang a awm bawk si loh avangin leh ka pi avang hian Dylan hi ka kalsan mai thei bik lo.

" umm... Arden hi thlang ta ila thil thleng tur chu i hriat kha... "

"kha kha chu i kutah a in nghat.... ughh chutiang ngaihtuah hrih suh saw mei an chhem ṭan tawh ania"

"lo va kal rawh " ka tih pawhin min kaih tlat avang chuan ka kal leh ta nge nge a.

.

Chutia ka lo ṭang luih a Hailey in min pawh dawr dawr lai vel chuan Alexa in mit khap lek lo hian min lo melh kur reng anih chu!! ka ṭhut hnu pawhin min rawn la melh reng avang chuan ka awm a ti nuam lo takzet.

"zai ve ta che " Hailey chuan min rawn nghawk zeuh a,ka lo phu zuk lehnghal.

"umm... ka awm a nuam lo, ka lo va lut mai dawn " tih leh thawh ka rual nghal, Alexa pawh rawn ding chhuak ve nghalin "i lut dawn mi?" a rawn ti ve vat bawk ,aih tih na chi ani tawh bawk si lo nen ka lo bu nghat ringawt a ,a ruk tak chuan min rawn zui ve ka hlau takzet.

"keipawh luh ka lo tum chiah a " ka hlauh ang ngeiin thil a thleng ta, ṭhut leh mai ka duh rum rum tawh mahse ka lo nuih suk ta zawka.

.

A ruk tak chuan Hailey hian kal lo turin min rawn ngen se ka ti takzet mahse chutiang tih a hnekin hmuh pawh min rawn hmu lo.

"ngatinge i din renga... "

"umm... "

" kal ang " a tih takah chuan hreh tak chungin ka zui chho ta ringawt a.Ngawi rengin ka zui chho zela a ruk tak chuan ka awm a nuam thei chuang lo,chhuanlam tur awm se chuan ka let leh chiang khawp ang a chhan chu Alexa bulah hi chuan thinthi in ka a thei thlawt lo ,a chhan lah ka hre hek lo.

"Bawih.... " chu aw zet chu a van mawi chiang em, rang lutuk in ka hawi let nghal vata tupawh chu nise lawmthu hrilh mawlh mawlh mai ani ka duh.

.

Dylan chu ka pan hnai sawk sawk a, duhthawh takin ka fawp nghal tawn tawn ringawt, chutiang anga kan awm takah chuan Alexa pawhin min kalsan ve maiin ka hria.Dylan chuan nghet takin ka kawngah min kuah bet tlata hetiang anga kan in fawh loh na chhin pawh hi ka hre tawh love.Midang tumah an awm tak loh ah chuan inthlah mai kan tum bik hauh lo Arden ka mamawh na zawng zawng te leh ka duhna te chu Dylan hnenah hrithlak ka tum ta a mahse chutia duhthawh takah kan infawh lai tak chuan hla tak aṭangin Arden an min rawn thlir reng ani tih ka va hmuh thut avang chuan rang lutuk in ka tawlh hnung nghal hrut ringawt,

.

" bawih tinge? "

"umm....ka " tih pahin Arden awmna chu ka va melh zeuh a mahse a lo awm tawh miah lo. Engthil nge ka chhungah thleng ta hi ka thil hmuh kha ka mitthla mai mai maw alo nih a.

"ka hmangaih che " tih pahin Dylan chuan in rawn fawh leh a rawn tum pawhin lehlam ka hawi hmak, Chawplehchilh in ka mood a rawn in thlak danglam nghal vek thei nia mawle.

"enge awmzia? "

"umm.... mut hahdam ka mamawh in ka hria " ka tih takah chuan a ngaihṭhat lohna te kha a bo deuh in ka hria.

"ni e... han mu tawh rawh"ka chalah rawn fawh zeuh pahin "mangṭha le " a ti zui sap bawk.

*

*

________________________________________

.

Zanlai ah ka ṭhangharh thut avang chuan sana ka en nghal vata dar 2 a lo ri va tawh.Ka mit nuai nawk nawk pahin mut leh mai ka han tum na in ka tui a hal em avang chuan ka tho chhuak leh ta nge nge a midang erawh an muttui hle thung.

Tui ka in pah chuan Ka mutna ka sawn avangin ka muhil thei lo pawh ani mahna tiin ka lo inngaihtuah vung vung lai chuan thawm ka hriat avangin ka hawi let nghal vata, Arden alo awm reng ani tih ka hmuh chuan ka tui in lai ka phuh chhuak lo chauh.

Midang an rawn harh thut ka hlau bawk nen hawi kual vat vat pah chuan zawi zet hian, "eng nge hetah i rawn tih? " ka lo ti vat bawk.

"i bulah ka mu dawn"

" maw!! "

.

" ka mut a chhuak.... " tih leh a jacket phelh a rual nghal, chhuatah a paih nghal tawp bawk.

"engthil nge maw i tih le? " a jacket chhar sawk sawk pahin a banah chuan ka han man bet a, min rawn la nuih suk zui.

" midang in an hmu che nge "

"a pawi vak dawn mi?"

"chhuak zawk rawh " ka tih chuan a lo mu fel vek tawh chu niin.A mut tak tlat avang chuan a jacket chu midang hmuh theih loh turin ka khai ta ringawt a,an rawn harh nge harh lo tiin ka melh kual deuh reng bawk.

.

" rawn mu rawh.... " inkuangkuah chungin khum bulah ka ding reng ringawt,midang in an rawn hmuh te hi a hlau ve miah lo amawn le? Ka thinrim rual rual in Arden ka hmuh theiha a awm hian ka thla a muang in ka hlim veng veng lawi bawk si a, ka awmdan hi ka duhlo takzet a chhanchu Arden tello hian ka awm thei lo ani tih ka inhriat kar vang ani.

"tikhan mu rawh "

"aih... " tih pahin min rawn kuai ṭhu nghal dawr a, min man beh tlat avang chuan midang tih harh ai chuan tiin ka mu leh ta nge nge.

.

Midang in min rawn hmuh ka hlauh avangin a sir ah midang en kual reng chung chuan ka mu ran a,amah hnung chhawn zawnga ka mut tlat avang chuan hnung lam aṭangin ka dar ah a khabe nghah pahin nghet takin ka kawngah min kuah bet tlat bawk.

"min thlah rawh " ka han ti sap a, ka ṭawng hria ang pawhin a awmlo.Chutia che miah lova a awm reng takah chuan a muhil tawh emaw tiin thei leh thei lo hian ka han hawi let a,min lo en reng chu niin!! ka hawi let rang kher mai.

"muhil rawh " ka beng bula rawn tih sap pahin ka kut chu nghet takin a rawn hum tlat bawk.Mutthilh tumin ka han maimichhing leh vang vang ṭhin a mahse ka bulah he mihring zun ngah lutuk mai hi a mut chhung chuan engtin nge ka mutthilh theih ang.

.

"i muhil tawh em? " a tawp a tawp ah chuan ka ti ta nge nge a, a lo la muhil lo chiang kher mai.A ban min rawn kham tir pah chuan ka khabe ah dawm in amah en turin min kuai phei a, duhthawh takin ka hmuiah a rawn fawp nghal tawn tawn bawk.Fimkhur thu ah tiin blanket chuan kan inkhuh tlata,thei chu nise ka lak aṭanga kalsawn tawh lo tura ngen mawlh mawlh mai ka duh hetiang anga awm dun renga kumkhua a chen dun hial ka duh takzet .

.

_________________________________________

.

☆7:00 am☆

.

Tawng ri sep sep ka hriat rual rual chuan ka ṭhu nghal zawt a,ka bul ka en nak chuan Arden a lo awm tawh hauh lo, a thawh lai pawh ka hre lo hrim hrim midang ho awmdan chu ka han thlithlai nghal vata ,a lan dan chuan engmah an hre lo niin a lang.

"Tina.... min ko khawm tawh ania" Alexa chuan insiam mawlh mawlh pah chuan a rawn ti a, kei lah zan ka mu ṭha lo bawk nen ka lu a na bûr lehnghal.

"lo zuk kal rawh " tih pahin phur lo zet hian ka tho nghal ṭuih ṭuih a,ka tlai anih vaih chuan hremna ka pumpelh dawn hauh lo ani tih hre reng chung chuan ka han in phih fai nghal sawk sawk a,ka tank top ha tur darthlalanga ka in en nak chuan Arden an min khawihna hnuhma leh fawhna te chu ka awm leh nghawng velah a lo duk thluah hlawm mai!! hmanhmawh zetin ka thawmhnaw chu ka thlak leh ta ringawta, hrem tawk lo vel chiah chiah in ka thleng hman hram bawk.

.

.

Chapter-40

.

Alexa nen ngawi renga breakfast kan lo ei dun mawlh mawlh lai chuan ka bulah Jade a rawn ṭhu ve hlawl mai,a phone melh zeuh zeuh pah chuan a hawi kual hrak hrak bawk.

"eng.... engtin ?"

"shhh..... "a rawn tih takah chuan kun hniam deuh pahin a aia zawi chuan, "engtin nge phone i kawl theih bik a ?"ka han ti sap a.

"chutiang a pawimawh ber lo... enteh u " tih pahin Alexa nen chuan tawlh hnai deuh turin min han hui nghal vata.

"ka hriat dan chuan tun hnai hian cocaine an rawn tawlh ru ani awma mahse enganga nasa pawhin chhui mahse an man thei lo " a tih takah chuan thinrim hmel zetin Jade chu ka melh nghal khai ringawt,thil pawimawh deuh a rawn sawi dawn emaw tih nak alaiin chutiang thil ho mai mai te rawn sawi.

.

"Jade....chutiang te chu a thleng fo alawm....an man chhuah zel te chuan tuman an tawlh ru duh nang "

" i va han mawl tak ngaihtuah chiang ta che.... an rawn tawlh lut ani tih an hriat rual rual in an man ṭhin alawm... "

"in group ah va kal rawh.... in point an paih sak cheu nge "

"Tina....ka la sawi zo lo " a tih rual rual chuan ka ding nghal zawt a, ka thleng chawi pahin,"chutiang chu kan buaina tur ani ve lo....helai ah hian thu ho mai mai ngaithla tur nilo in inti thawveng turin alawm ka kal " tih pahin ka kal nghal nal nal bawk.Anih na takah chuan ka thinrim vang pawh ani lo,Arden hi hetiang thil ah hian a inhnam hnawih ve ani tih chiang takin hre lo mah ila a bula vela mi te leh an gang ṭhan len na hnar ber anih avangin hetiang lampang thil hi chu ka ngaithla duh lo.

.

Jade thu rawn sawi kha ngaihtuah zui neuh neuh pahin ka ṭhu renga,khua lah chu a dur in thli lah a thaw vuk vuk mai bawk si a,Arden ka ngaihtuah chhuak lo thei lo.Tunah hian helai ramhnuai zau leh pilril tak ah hian a awm chu ani awm sia, mahse zawhna ni ta chu engvanga helai hmun thleng thleng rawn kal nge maw anih le? thil tih tur pawimawh tak nei lo se chu a rawn kal hauh lo ang.Ka inngaihtuah nasat em avangin a tira ngaihtuah pawh ka ngaihtuah duh loh khan ka rilru a ti hah zual zel a,ka ngaihtuah chian pauh leh hriat chian chakna leh rinhlelh na in ka khat bawk si.

"urggh.... ngatinge hetiang hian ka awm tlat le?" thil ka hriat tam pauh leh ka na dawn ani tih ka hai bik hauh si lo mahse Arden avang hian ka beng ka chhi nghal hru zel chu anih hi.

.

Bell a rawn rik takah chuan dinning hall ah inhmuh khawm tur ani tih ka hrechhuak nghal zawk ,minute 5 chauh awm tawh mahse thli a thawt nasat mai bakah ruah a sur dawn avangin inha lum turin kan room lam panin ka tlan chho nghal hlawk hlawk bawk.Hmanhmawh takin kawngka chu ka hawng nghal pawp a ,Alexa in ka bag alo hai mek lai ka va hmuh chuan ka ding nghal chawt !!!

"ughh... Tina ugggh"

"engthil nge i tih? " tih vin hluk pahin ka bag chu ka chhuhsak nghal pawp a,ka rin hlelh ang ngeiin leh phat rual loh in Alexa hi ka bag a kutṭang lem dahtu kha ani.

.

"nanghi ka bag a kut lem dah tu kha i ni tiraw? "

"aih.... aih nilo, keimah ka nilo "

" anih engvangin nge ka bag i hai si.... ka lakah hian engthil nge i duh, engvanga khatiang thil kha ti nge i nih? "

"enteh... Tina, engthil mah ka tilo chuan... "

"chhuak rawh... "

" maw!! "

" chhuak rawh " ka thinrim lutuk hi ka khur nghal vek thei, ka bag ah kut lem alo dah kher kher bawk nen,chu chuan min ti thinrim zual takzet.

Ka bag chu ka zip ṭha sawk sawk a,ka jacket lak lawp pahin hall lam panin ka tlan let nghal dawr dawr bawk.

.

Dinning hall ka luh rual rual in Hailey chuan min lo ko nghal vata, ka ṭhutna tur min lo hauh sak sa ah chuan ka ṭhu nghal chat bawk.

"Hailey... umm.. thil hrilh tur che ka nei lo "

"eng thil? "

"ih... kha ka bag a kut kha a dah tu ka hre tawh " ka tih takah chuan mak tih hmel takin min rawn en nghal kawk a, zawi sap a, "tunge? !" a ti zui zat bawk.

"umm... ughh Alexa "

" maw!! "

" umm... nia a mak ka la ti kei pawhin khatiang thil kha engvanga ti nge anih pawh ka hre bik lo mahse a hmel ka hmuh khan midang dah anih rinna ka nei tlat anih chu !! mahse ka bag a check lai chiang takin ka hmu bawk si a"

"chutianga i hmuh te chuan a tih ani ngei ang... a tih nilo se tu tih nge ni chuang ang " a tih chuan, "ni e.. " ka lo ti thawp sat ringawt.

.

Ruah a sur nasat em avangin programme a tawp hnu ah pawh kan la ṭhu khawm ṭhap hlawm a, ṭhenkhat an titi khawm mur mur laiin kei erawh in thil ka lo ngaihtuah leh veng veng tawh thung.Alexa fiahna pawh awmlo a ka puhna ve ringawt na chu ka inthiam lo leh hnuhnawh, programme chhung zawnga min rawn pan tak miah loh avang chuan ka han zawng kual leh hnuhnawh a,ka hmuh tak mai lo avang chuan ka ṭhut na aṭanga tho chhuak meuhin Claire hnenah chuan, "Alexa i lo hmu em? "ka va ti ta ringawt a.Ani lah chuan a damloh avangin zingah camp a chhuahsan daih tawh thu min lo hrilh daih anih chu!! 

.

" ka hrethiam e... " tih leh tlan chhuah ka rual nghal, Nichin lawk khan chiang takin ka hmu bawk si a,attendance a dah nge dah lo tih camp director ka zawh fiah vat angai.

Ruah sur karah ka jacket khum chung chuan camp director room lam panin ka tlan phei nghal dawr dawr a, minute 5 lai kal  anih avangin ka huh vek hman tho.

"pu Robin.... tunah hian register kan check vat angai " ka va ti ve thawr ringawt, anih lah chuan mak tih hmel zetin ka ang phuau chungin min lo la en reng zui.

.

"ughh... ka... puih theih na che ka nei em? "

"tunah hian attendance register kan check vat angai "

"eng... engvang chuan maw!! " tih pahin register chu a rawn phawrh chhuak a, laksak vut pahin, "Alexa .....tunah hian hall ah a awm ve lo "

"tu Alexa maw? "

" Alexa Gonzalez "

"hriat sual i nei ani lo maw....Alexa tih hming pu he camp ah hian in register an awmlo"

"Alexa Gonzalez ani chiang alawm.... tarmit bun brace vuah kha.... ka hai thei lo hrim hrim "

"i chiang chiah maw?"

" aw"

.

Ka hriat chian em avang chuan camp a hming pe lut zawng zawng list chu min rawn hmuh leh ta nge nge a, mahse Alexa Gonzalez tih hming pu in register reng reng an awm lo thil mak leh zawhna ni ta chu tunge Alexa kha ni ta ang? engvanga khatianga rawn inlan kha nge anih?

.

"tikhan a awm chu i la ring fo em? "

"thil hriat sual ka nei aniang..... pu Robin pawi ka ti lutuk ka rawn tih buai che avangin... ka kal nghal mai ange " tih pahin ka chhuak lehnghal zal zal a, mahse beidawn mai ka tum bik hauh lo, engkim zawn chhuah veka engvanga rawn inlan nge anih tih ka zawn chhuah vek hma loh chuan ka beidawng dawn lo.

Pawn ka chhuah meuh chuan ruah pawh alo hmi seng seng tawh a, khawimah kalkawi lovin ramhnuai ah thing kan fawm na lampang pan chuan ka nghal hlawk hlawk bawk, midang in min rawn hmuh ka hlauh mai bakah khaw thim hma ngeia let leh hman ka duh avangin nal hle mahse a chak thei ang berin ka kal zel a. 

.