AGONY:dont let me go- 21 to 40

Chapter-21

"Damdawiin ah chuan kalpui a ngai lo tak tak ang maw? "

" Um...a rawn harh leh vat mai ang "

"engemaw a thlen chuan mawh ka phur dawn miah lo ania "

"engmah a thleng dawn lo i kal thei tawh ang " An thusawi chu chiang lo deuh hian ka hre ruai ruai a mahse meng tur chuan ka chau lutuk.Ka mittui chu a rawn luang ngiai ngiai a,ka rilru a na takzet. Ngatinge Raven hi hetianga a awm tak mai le ? Engmah hi ka hre thiam lo ka hriat zawng chu Raven hian hmeichhe dang a fawp tih chauh lo chu.

" Anih mangtha " tih paha kawngka inkhar ri thuai chu ka hre zui nghal a mahse ka meng duh chuang lo.

" i harh tih ka hria ania" Raven chuan zawi sap hian a rawn ti a mahse ka inhum ruh a ka awm dan ngai chuan ka awm lui tlat tho.

" Kha damdawi hi ei rawh chuan i lu na pawh a zia deuh ang " dawhkan ah chuan tui leh damdawi hi a rawn dah ri rap chu ka hria a, bathroom ah a lut zui nghala.

Bathroom ah a lut tih ka hriat rual rual chuan ka han meng siar siar a, ka lu na lutuk chu ka dawm leh vang vang phawt a.

Ka inrin loh lai takin Raven chu bathroom atang chuan a rawn chhuak thut mai a mutthilh der na hman pawh ani tawh lo khum ah chuan ka lo thu tum bur ringawt. 

Towel chauh a veng lehnghal a .A taksa a tattoo inchhu khat tuarh te pawh chu ka hmu chiang kher mai, taksa khat veka tattoo a chhut nachhan hi tun thlengin ka la hrethiam thei lo; nalh a ti emawni . 

A che vel chu ngun takin ka lo en kar a, a tshirt chu ha nghal in khumah chuan a rawn thu a.

"i chal kha engtia i tih nat nge ?" Ti a min rawn zawh chuan chhang lo in lehlam ka hawi san hmak a , ka awmdan chu a helh leh tawh ngang mai thinrim insum tih hriat takin thawk a han la kawk a.

Han pehhel der vel hi a ngaithei lo ve ngawt mai. 

" Min hrilh rawh heihi tu tih nge? " zaidam tak a tih pahin ka sam chu rawn chul a tum a mahse a kut ka lo paihthlak sak vata Raven zaidamna in a tlin leh ta lo.A ding thut a dawhkana no chu paih a han tum zet a, a hum leh ta zawka. 

" A tha e...ka khawih lo ang che" a ti hmuk a mahse ka awmdan ka ti danglam duh bik lo. Keimah zawk hi thinrim tur ka nih laiin amah zawk a thinrim amaw!! a ti mah mah ani.

" Norah... tikhan min awm khum reng reng suh, he thil i chunga ti tu hi ka hriatchhuah hunah chuan ka chhuah lo ang " tih pahin min rawn hmachhawn ran a,  hetiang em em a mihring thinchhia leh ka thlavang hauh tu hi ka la hre ngai lo. 

Ka thinrim chuan " Duhtawk rawh ,a tawk tawh " ka beng chu hup in ka au khum nghal  tuarh a,chutiang anga ka awm takah chuan Raven chu mangan hmel zet hian ka bulah a rawn thu .

A enga mah hma chuan " min rawn khawih hlek suh " ka lo ti let hlar a, ka lu na lutuk chu ka han dawm leh vang vang rih a.

" Hreptak chuan... "A ti leh ringawt a,  min tih vak ngaihna a hre leh tawh lo aniang. 

" Raven i thin a rim amaw!! " ka nui lui hak a ' ka mit ngeiin hmeichhe dang i fawp a tichung chuan ka chungah i thinrim amaw ?" Tiin ka zawt let ve ngat a,  in sawi thiam pawh tum lovin a ngawi renga mahse chu chuan min ti na zawk . A fawh loh thu chhuanlam enge maw tal a siam ka lo ring asin mawle .

" ka mit hmuh ah rawn in lan leh tawh suh " tih pahin naupang ang mai hian ka tap nghal ringawt a,  tahbelh tih takah ka mittui hi ka dang hman thin lo. 

Raven chu inthiam loh hmel tak hian a kun lap reng a, ka tah laia awm ve reng chu nuam a ti lo te pawh ania nge a tho thut a khum tlanga jacket chu la in room chu a chhuahsan nghal hmak a.

 A hma aia ring chuan ka tap chhuak nghal hluam hluam a, insawifiah se chuan lawm takin ka pawm mai tur ania .Nilo, kan inkar hi tihtawp vek ka duh ...a tawpah a na zawk ka ni leh tho tho ang ,hepa hi ka haw ngawih ngawih.

Raven khumah ka mut avangin phur lo zet in ka room lam ah ka phei taih taih a engmah ti kawi loin khumah ka mu leh nghal a.

Ka mut lah a chhuak thei bawk si lo ka inngaihtuah lungchhia a ka tap bang thei lo ani ber. 

Sarah in min rawn koh ri ka hriat chuan ka hmui chu ka hup vata, mahse ka inhnit hlawp hlawp ri chu a hre hman ta tho a. 

" Engthil nge thleng hi? " duat taka rawn tih pahin ka khumah rawn thu in min rawn kuah vata,ka inhnit nghal hlawp hlawp a engmah lah chu ka sawi thei bawk si lo.

Ka duhtawk ka tah hnu chuan ka han hawi chhuaka khua alo var der tawh chu niin .

" Norah thil thlen dan hi min hrilh vek rawh chuan tinge i chal hi ?" a ti nghal zung zung a, ka rilru a tawt bawka Raven nen kan intawn dan te leh engkim chu ka hrilh nghal veka ka zang huai in ka hria mahse Sarah erawh in mak tih hmel takin min en ha thung.

" Raven chu chu chutiang chuan a awm amaw!!?" Ka ti nghal hu a, a awm dan atang chuan ka thusawi chu a awih lo ani ber.Ka lu ka lo bu nghat a.

" Ka awih thei lo... ih...ih ka tih awmzia chu Raven hi hetianga a awm ka hriat vawikhatna " a ti leh a" Engkim a tha leh vat mai ang " a ti zui leh zat bawk. 

" Sarah....Theih nise room danga insawn ka chak "ka tih rual rual chuan ,' nilo e.... min ring rawh engkim a tha leh vat ang " Sarah chuan a vest chu phelh in khumah chuan a theh thal tawp a. 

" Class i kal dawn em vawin? "Tiin min zawt zui leh zat a. 

" Aih.... vawin chu ka awm a nuam lo a ka kal lo ang" tih pahin Sarah hnunga tattoo inchhu chu ka en renga,  Raven nen an tattoo a inan chiah chiah avang chuan mak ka ti deuh .

An hnungzangah Chinghnia lem a inchhu ve ve a mahse hetiang te chu thil thleng thei anih avangin mak ka ti lutuk tur pawh ani lo.

" Anih chuan kha ei rawh " Sandwich leh coffee hi min rawn pe a. 

Ka lo la rang ngei mai, ka thil ei tur Pathian hnena ka hlan hnu chuan ka ril a tam tawh bawka ka ei nghal tawn tawn a Sarah chuan hmuhnawm ti takin min lo thlir renga.

"Vawin chu ruah a tla lehnghal... Norah awmpui tur che in min duh em? " tiin min rawn zawt ve ngei. 

" Angai lo... keimah pawn ka awmthei tho alawm min ngaihtuah suh movie ka en ang "ka lo ti nghal zung zung a, a bu nghal nghat a. 

"awmpui chu i ngailo tak tak maw?  I hlau lo em ni ruah a sur nasa bawk si "tia min rawn zawh leh chuan ka lo nui ringawt a ,  min ngaihtuah tak tak hmel a pu ve in ka hria. 

"hei damlo kal thei lo pawh ka nih loh hi... class i tlai dawn a nia kal tawh rawh "

" anih chuan ka kal ania" balcony lam kawngka chu a khar nghal sawk sawk a " lo inenkawl tha ang che lo haw vat ka lo tum ang tih leh chhuah a rual nghal a. 

 Breakfast te ka han ei te te a, ruah a sur vang te pawh ani mahna a vawt surh mai. A lum thei ang ber chuan ka inthuam te te a, khumah thu mu deuh chung hian movie en tur chu ka han zawng kual vela chutih lai tak chuan kawngka chu tuemaw ni hian a rawn kik ri karh karh a.

" Sarah chu min ngaihtuah lo tur khan ka ti si a " ti sap pahin tho chhuakin kawngka hawng tur chuan ka kal nghala.

" Sarah min ngaihtuah suh.... " tih paha kawngka ka hawng chiah chu phawk fe hian ka meng nghal kawk a.

" Raven.... " ka ti chuai nghal raih ringawt. 

Mak tih hmel takin ka en reng a,huh vekin kawngka bulah chuan a ding khur hlak hlak a .

"enge hetah i rawn tih dawn... i rui lehnghal"tih pahin zu rim chu ka kut chuan ka vai nghal vat a. 

Fiah fai deuh hian "tlemte chauh ka in... ka lo lut thei angem? " a rawn la ti zui. A polite phian lehnghal. 

"rawn lut suh, kal leh zawk rawh " ka tih pawh chuan min chhang lo chuan a ding kun lap renga, a inthiam lo hmel ka hmuh hian keimah zawk hi ka inthiam lo letling zawk.

Chutia inthiamloh hmel taka a din reng takah mi rilru nem tih takah ka khawngaih tlat peka mahse ka tilang duh der lo. 

" Rawn lut rawh "ka ti ta ringawt a ka luh san daih nghal daih bawk a. 

 Khumah thu in movie chu ka en chhunzawm leh nghal zat a.Ngawi rengin khum bulah chuan a ding khur hlak hlak a, a thawmhnaw a huh zawr vek bawk si a chhuat pawh a ti huh vek tawh a mahse ka be duh bik lo ngaihsak ang pawhin ka awm duh lo.

" Norah.... " ka hriat châng châng theih tur chauha zawi hian min rawn ko a, ka in rin hma in " umm.... " ka lo ti hman pek. 

"ka tihpalh "a rawn ti leh a hria ang pawhin ka awmlo, ka awmdan ngai chuan ka awm reng ringawt. 

" Ka thiam loh ani" tih pahin min rawn kawih a tum dek dek a. " min rawn tawk hlek suh " tih leh ka kut a indan chu ka ruala, ka awmdan avang chuan buk nghut pah hian a rukin a khi suk ringawt .

" anih chuan movie kha ka lo en ve thei angem? " inthlahrun hmel zet hian a rawn ti leh a ,chutia en ve duh na nâ na chu a hmuh theih tur chuan laptop chu ka kuaiher a. 

Rawn thu ve tura ka sawm loh mai bakah a huh nasat em avang chuan chhuatah chuan a la thu ran a movie pawh a en mang lo keimah min en ani ber mahse ka hre lo der tlat thung. 

Tuna Raven awmdan hi ka hrethiam lo,nidang chu nise min vin leh vak vak tawh ang mahse tun ah tak hi chuan a kâ ah pawh zen ila min seh lo ang .

A khat tawkin ka zuk melh leh zeuh thin a, min lo en reng thin avang chuan ka lai lek lek zel mahse a hma ang khan ka awm tawh tur ani lo, Raven hian hmeichhe dang a fawp tiin ka in hrilh nghal mawlh mawlh a.

Diktak chuan hepa hi huat ka duh khati khawp khan kan inzui nasa a mahse hmeichhe dang a fawp leh tho si, ka khawngaih bik tur ani lo.

Vawt a tih em avangin a hmui te chu a duk vek tawh a,mahse engmah a sawisel chuang lo, lungawi takin chhuatah chuan a thu reng a , khawngaih loh tum teh mah ila hetianga a awm lai hi hmuh nuam ka ti lo.

A tawp a tawpah "I thawmhnaw kha phelh la Sarah khumah khan mu rawh " ka ti ta ringawt a. 

" ka duh lo i khumah lo chuan "tiin min lo chhang let vat thung,  tih vak ngaihna pawh ka hrelo. Raven hian zahna chhete mah a nei miah lo anih dawn hi. 

" Ngatinge ruah te i do reng reng a " khum atang chuan ka tho chhuaka towel chu la in a sam chu ka hruk hul sak nghal mawlh mawlh a,  engvanga hetianga ti hi nge ka nih pawh ka inhre tawh bik lo.

" Vawt i ti leh hle sia.... i room ah va kal la va mu lum rawh " ka tih chuan a hawisawn nghal hmak lehnghal .

"tihian vawt ti deuh hian ka awm zawk mai ang " a ti a. 

" ngatinge i luhlul em em a, i damlo mai tur asin " ka ti dek dek a 

"min ngaihtuah si chuan ka biak che in min chang ta che " tiin min chhang khauh peka ka dâng nghal der. 

"Raven.... hmeichhe dang ang ka ni lo, i bum kual mai mai theih ka nilo "ka rilru a awm hmasa ber chu ka sawi chhuak nghal phawng a,  chek zui tlak pah hian "chutiang chuan ka ngai ve lo che" ka mit a rawn en ran chung hian a rawn ti leh a. 

"Ka thil tih avang khan ka inthiam lo ani tih hi i hria tiraw? " ka khabe a rawn dawm pah hian min rawn zawt a, ka lo bu nghat thung. 

" chuan ka tihpalh ani tih hi hre bawk ang che "a ti zawm zat a, zawi te hian ka hmuiah chuan a rawn fawp zeuh bawk a. 

Ni e tun tum chu Raven hi a inchhir ve tak tak in ka hria. Ngaihdam min dil lova a thiam thu lah a sawi hek lo amaherawhchu ka duh em vang te pawh a ni mahna engang pawhin min ti na mahse a lakah hian rilru takin ka thinrim tak tak thei lo. 

Huizz Raven vang hian rilru nghet pawh ka pu hlei thei lo,  huat ka duh poh leh ka duhna a nasa a .Hlat ka tum poh leh ka lo hnai leh thin. 

" anih ka ring thei che angem? " ka lo zawh chak thin em em chu ka zawt zui zat a,  mahse ka zawhna avang chuan a inla hrang deuh vat a. 

"nilo...Norah... nilo... min ring suh ...engtikah mah min ring suh " tiin min chhang leh ang lawi a, Raven awmdan hi a mak takzet ngatinge ka rin hi a hlauh em em le?

A hlata ka awm a hlauh em em laiin ka rin a duh leh hauh si lo. Awmdan thiam a har takzet. 

" Engvangin maw ?" Lungawi lo zet hian ka zawt a. 

" Ka hrilh thei lo che mahse min ring turin ka duh lo che chuan keimah vang hian i rilru i tih nat ka duh hek lo" a ti leh a, a thusawi engmah hi ka hre thiam lo mahse ka zawh belh duh tawh lo, kan inkar a buai mai mai .

A awmdan avang hian thinrim tur ka ni tih pawh ka inhria mahse ka thinrim ngam loh nachhan chu Raven hian min hlat phah ang tih ka hlauh vang a ni. 

" awle" ka ti ta ringawta.Ka rilru ah erawh zawhna tamtak a chhanna ka neih si loh chu a in hlum let tup tup thung. 

" anih chuan tihian kan tha tiraw?" min rawn nuih suk a,  a sawi ang hian awm ila kan tha a ni mai. 

" umm...va inthlak rawh" lungawi lo ru tak lungawi ngam si lo hian ka ti a. 

' ka rawn let leh vat ang " tih pahin thuawi takin inthlak tur chuan room atangin a chhuak nghala.

Tuna Raven nen a kan awmdan hi inhmangaihna vang a ni lova induh na satliah a ni bawk hek lo, amaherawhchu hei erawh ka chiang kan pahnih hian kan in mamawh a kan natna te kan in tihdam (heal) sak tawn a ni tih hi. 

Nilengin Raven nen chuan movie kan en dun a a nuam takzet. Hepa bula ka awm hi chuan ka thla a muang em em a tu dang mah ka ngai lo, thian dang ka mamawh lova party lah ka chak hek lo. 

Chutia movie kan lo en dun reng lai chuan Sarah chu a rawn lut thut mai a, Raven nen an inhmuh rual chuan a awmdan a danglam nghal vek nia awle . Raven nen min hmuh dun vang nilovin Raven a hmuh avang hrim hrim a mak ti hmel a pu mah zawk. 

" ahh.... ka rawn kal fuh chiah lo niin a lang " nuih put put pah hian a rawn ti kher s 

" ni lo e.... movie ka lo en a, lo en ve nghal la "rang takin ka lo ti ve bawka .

" ahh... kalna tur ka nei a, ka kal zawk mai ang " tih pahin Sarah chu a insiam sawk sawk a ,a chhuak leh nghal daih a.

" Sarah awmdan kha a mak tiraw? "Mak tih hmel takin Raven chu ka zawt hu a

"  ka hrelo " tiin min lo chhang bul hmuk thung. 

" Khatiang khan a awm ngai miah lo, a hma in in in hre lawk em? " chik zet hian ka zawt nawn leh ngat a. 

" Aih ... tinge?" Tiin min rawn zawt leh vat a

"mak deuh chu maw in tattoo a in ang chiah chiah a" ka tih rual chuan Raven hmel chu a danglam deuh hian ka hria , thil ka hriat ve hlau niawm tak hmel te pawh a pu .

" Ani maw!" za lo zet hian a nui suk a." Norah... a tlai tawh" a tih chuan sana ka en vata dar4 alo ri der tawh "i hna thawhna ah ka thlah ang che " a tih zui zat bawk. 

" aih nilo...min thlah thei lo ang" ring zet hian ka ti let nghek a, ka awmdan chu mak a ti ngei mai. 

" ngati maw ?" Tiin min zawt leh chat tawh.

" a theih loh.... ahhh... keimah in ka kal mai ang " tih pahin ka insiam sawk sawk a, a hriat mah ka hlauh nak alaia.

"ok... anih chuan hna i zawh ah ka rawn lam mai ang che "a ti ta ringawt a, min rinhlelh hmel em em lehnghal. 

" aih a theih loh" ka lo ti nghal vat a, zep tit tet neih hi ka thiam ve thlawt Lo, ka che buai leh vek tawh a Raven hian ka hnathawhna hi a hrechhuak anih vaih chuan buaina lian zawk a thleng ngei ang,  ka thawh a phalh tawh lo anga broke chiah ka hmabak tihna a ni mai.

" awle... i tih tlat te chuan " tih pahin a but nghauh nghauh a, hriat chak hmel viau mahse min zawt zui tawh lem lo. 

Bye a engah mah hmah chuan ka ti nghal ringawt a, kal nghal ka tum zet a mahse rang takin min rawn pawt let leh nghal.

" i va hmanhmawh em em ve " tih pahin min rawn fawh a tum a. 

" Ka hman hmawh ania" tih leh nam sawn ka ruala,  a nui nghal vur vur ringawt. Ka hmanhmawh em avang hian min runluih a tum a ni chiang lutuk. 

" vawikhat chiah " tih pah hian min rawn fawp a, a na thei ang ber hian a hmuiah chuan ka lo sehsak vaka.

" Hreptak chuan " a ti vin nghal hluk a,a chal a ti chuar lehnghal tup tawh. 

" I tih leh chuan a aia na in ka seh leh ang "fiamthu titak deuh hian ka ti a. 

Aw le tih pahin min rawn fawp lui leh ngat a, mahse ka lo chhang let vat thung, hepa hi chu ka hnar thei thlawt lo, a bula ka awm tawh hi chuan ka â vek nimai hian ka hria 

Chapter-22

Pu Cambelo te in ka thlen rual chuan Pu Thomas room lam pan chuan ka kal chho chhat chhat a, engtianga rei nge Raven bulah hian ka zep theih ang .An inah hna ka thawk tih hi hria se chuan a thin a rim anga ka kal a phal tawh lo ngei ang mahse he hna hi ka tan a pawimawh lutuk tlat chân thei ka ni lo.

Pu Thomas khum bulah chuan thawk lak kawk pah hian ka va thu a ,biakin dar a rawn ri zui zat bawk.

"Ka pu... i fapa hi ka hmangaih ani thei mai angem? Raven hi hnaih tawh loh ka duh mahse ... "Ka ti sap a ka hmui chu ka pet fan fan a.

"Ngatinge ka nu khan Nun ni turin min lo duh kher kher le? " tiin ka phun zui zat a, ka duh thu ngeia in serh thianghlim duh thin mi khan tunah chuan ka nu ka dem ta chu a nih hi. 

Ngatinge hetianga ka awm tak mai ,Raven ka tawn hma kha chuan tumah hian min dal pha ngai lo mahse tunah chuan khang ka thutiam lo tiam zawng zawng te kha theihnghilh hmak ka duh takzet. 

" Pu Thomas... ka rinna leh ka sakhuana hian min ti na takzet " phun sap pah hian ka awm zawt rawn na ut ut chu ka han dawm vang vang a, mahse heng thil zawng zawng hi Pathian remruat vek anih ka ring ,engtiang chiaha rilru nghet nge ka nih tih min fiah a tumna a nih te ka ring hial.

Thil hrechhuak niawm tak hian ka rosary awrh lai hum vang vang pah hian " Ka nu leh ka chhungte pawh ka lo theihnghilh hman thelh alawm "tiin ka phun ka phun a, Raven ka tawn atang khan ka chhungte pawh ka be tawh ngai lo tih ka inhrechhuak chiah .

"Pu Thomas rawn harh tawh rawh.....i chhungte hi i ngaihtuah lo em ni? " a taksa hruk fai pah chuan ka be mawlh mawlh reng a ,Cambelo Chungkua hian thuruk tamtak mite hriat si loh hi an neih ka ring nghet tlat a mahse hriat chhuah erawh ka tum lo, mi chhungkaw buaina atanga inthiar fihlim hi ka duh zawk .

Pu Thomas ka hrukfai zawh veleh ka dairy kara ka dah ka nu thlalak chu la chhuak leh in ka en vang vang a chutih lai tak chuan hnung lam atang hian pu Christopher chuan," A chhungkua kehdarh vek tawh hi rawh hmuh a duh loh vang pawh ani mahna " a rawn ti thut mai a .  Kawngka bul atangin min lo thlir reng chu niin .

Hawi let pah hian " Enge awmzia? "Tiin ka lo zawt vata. 

" I hria em Norah.... Thomas hetianga a awm atang hian vawikhat mah chhungkua in chaw kan ei ho leh tawh ngai lo... kha kha i nu em ni? " a tih chuan ka lo bu nghata,mak tih hmel takin thlalak chu a rawn en vang vang a. 

" i nu chu a hmeltha hle mai " tiin a phun chhuak sup a. 

"kum14 mi chauh ka nih in min boralsan tawh a...car accident ah " tih pahin ka kun nghal lap a. 

Min khawngaih hmel tak hian min rawn en a " pawi ka ti lutuk "a ti zui zat a. 

"ughh...ka ngai thei lutuk hi a chang chuan zui ve daih mai hi ka duh thin " za lo zet hian ka nui a. 

"Kan duh dan ang hian thil hi a thleng thei lo chu anih hi tiraw"? a thaw hak a "Rosalind pawh kha la dam se chuan Raven pawh he inah hian a khawsa anga nun mumal tak nei in engkim kan ti ho ngei ang " a tih chuan ka lo hriatthiampui nghal a .

" Ughh...Rosalind awmlo mahse Raven tal ala dam alawm" ka ti a. 

Pu Christopher chuan " nilo e... ugh...tunah chuan thil tih ho chu thuhran nilenga inhmuh miah loh chang te kan nei thin alawm... haha... ngaiah kan nei tawh hlawm chu anih hi maw" tiin a nui lui a, mahse a lungngai a ni tih erawh a hai theih loh. 

" mahse i siam tha leh thei ang chu " beisei nei tak hian ka ti leh hram a. 

"hahaha.... ka lawm e chutiang ang beiseina i neih avang chuan mahse siamthat theih ani tawh lo ser thuk tak mai tuma tihdam theih loh a awm tlat tawh " 

"i tum tal thei lo ami.... Raven pawh tha deuh a i sawipui chuan... "Ka ti te te a, ka sawi zawh hma hma chuan 

" nilo... Norah nilo... " tiin min lo pawt chat vata.

" Raven hi a rawn let leh chu ka duh meuh mai vawitam tak pawh ka ko tawh mahse rawn let leh se engthil nge thleng ang i hria em? " mak tih hmel takin ka lo en ha a "Raven hi a thi ang "a tih rual chuan ka meng phawk nghal kawk a, Pu Christopher thusawi hi ka hrethiam lo ,engvanga hetiang thil hi min hrilh nge ani tih lah ka hre thiam hek lo.

"engvangin ?"tiin ka zawt let hu a. 

"Ka hrilh thei lo che mahse nakinah engkim hi ila hrechhuak vek ang "a tih phei chuan mak ka ti tulh tulh a,  ka hrechak telh telh bawk. 

" mahse engvanga heng thil zawng zawng hi min hrilh nge i nih? " ka hriat chak em avang chuan ka zawt ta nge nge a 

" a chhanchu inzawmna in neih vang ani "a ti ta mai a ,ka mak ti lutuk chu sawi mai tur pawh ka hrelo. 

Pu Christopher thusawi hi ka hrethiam lo tulh tulh mai heng buaina zozai ka hriat vek sen loh nen hian engvanga inzawmna nei nge kan nih ?

" inzawmna kan nei maw!! " ka ti chhuak hlawl a. 

"tunah chuan i la inpeih lo mahse i la hrechhuak vat ang... oh!! ka lo tibuai rei lutuk dawn che alawm chhunzawm leh tawh rawh" tih pahin room atang chuan a chhuak nghal daih a.Ka thil tih lai pawh ka ti tui thei tawh lo,engvanga Cambelo chhungkua nen a inzawm daih nge kan nih tih hi ka hrethiam lo takzet.

Room ka tihfai lai te chuan ka lo ngaihtuah leh veng veng thin a, ka awm a nuam thei thlawt lo .

Hna ka thawh zawh chuan a lo tlai leh ruih tawh a,ka bag chu ak in inhnuai lam chu ka pan nghala.

" Oho.... Pi Carrie hna i tan leh tawh ani maw!! " Pi Carrie chu phawk fe hian ka melh kalh a.

" aw...hei vawin atangin ka tan leh tawh, helai hmun hi chu ka chhuahsan thei thlawt lo anih ber hi" fiamthu titak deuh hian a ti a. 

"ka lo pui ang che" tih leh a tray chawi lai laksak chu ka rual a

" A ngai lo Norah.... "A tih pawh chuan " Khawiah nge dah tur " ka lo ti vata. 

" Chhawng chung berah Pi Regina room ah aw "

Maw!! Pi Regina room ah maw!! mahse ka ti laklawh tawh si a,tray chu ka hum nghet sauh a. 

" ka lo let leh vat ang " tih pahin inchung lamah ka chho nghala. 

Diktak chuan Pi Regina hi ka mi ngainat zawng ani lo chuan hmuh ka hreh hle bawk." Engmah tihsual ka nei lo " tiin ka phun sap a.

Pi Regina chungah Engmah tihsual ka nei lo a chuvang chuan hetiang hian ka awm tur ani lo. Room atam bawka a khawi ber hi nge Pi Regina room chu ni ta ang? Room tin mai chu ka en phei zela mahse alo ni lo zel .Room tawp ber hi chu a ni tawh ngei ngei ang. 

Room tawp ber kawka kik tum chuan ka kut  ka lek kang uai hman tih chuan inchhung atang chuan ,

" Scarlet Alison Stowe chu ka dah bo hnu pawhin buaina ala siam tam hle mai " tih ri ka hriat rual chuan ka kut chu ka dah thla rang kher mai,mak ka tih zawk chu Pi Regina leh ka nu an inhria tihna em ni !! Tunah khan ka nu hming a lam lai chiang takin ka hria a ni. 

A aia chiang zawk chuan ka han ngaithla leh a.

" Ka pi... Scarlet Alison Stowe hian a chhungte identity zawng zawng a thih hma khan a thai reh veka tun thleng hian a chhungte awmna kan la hrechhuak thei lo "mi pakhat hian a ti a 

" Zawng chhuak vat rawh u.... kha thil kha ka kutah a awm tur a ni.I hlawhchham leh anih vaih chuan... " ka hlauh em avangin chumi chin zawng chu ka ngaithla hman a. 

Ka lungphu hi a rawn in thum rawn nghal zawt zawt nimai hian ka hria, ka hlauthawng lutuk chu ka khur nghal der der a ka thlan tui in min bual huh nghal vek bawk. Ka chil chu ka han leh lem khalh a, thawm zawi thei ang ber in inhnuai lamah ka chhuk thla leh nghal zal zal a.

" Norah...heihi ngatinge i rawn chawi thlak leh "pi Carrie in a rawn tih chuan ka lo inngaihtuah muk em avang chuan ka phu zawk lehnghal. 

" ih... ughh... englo Pi Regina room ka hmu zo lo a " tih pahin tray chu dawhkanah ka dah nghal thuai a. 

" Norah... i tha maw " Pi Carrie chuan chiang zet hian min en ran a,pangngai thei ang berin ka lo awm vata mahse a harsa takzet. 

" aw...ughh ka kal mai ang " engmah ka ngaihtuah thei tawh lo ,ka tlan chhuak nghal dawr dawr ringawt.

Ka nu kha thah maw anih a !! Chuan a that tu chu tudang nilo in Pi Regina maw!!

Lalpa ngatinge hengtiang thil hi a thlen tak mai keimah chauh chuan engtin nge ka hmachhawn tak ang. 

Kawngah chuan ka thu hnawk a, ngaihtuahna fim pawh ka pu thei lo. Tunah hian kei leh ka chhungte chu min zawng meka chuan min zawng tu ngei inah hna ka thawk bawk.

Engtin nge ka tih tak ang?  Ka tlan chhiatsan dawn nge ka hmachhawn dawn?

 Hei vang hi em ni khang buaina zozai nena inzawmna kan neih na chhan chu? Mahse ngatinge kei kher, hmeichhia a zawnga derdep leh chaklo ber hian engtin nge buaina hi ka tih reh tak ang?

Hostel lam pan in muang changin ka kal chhat chhat a,Khua chuan ka lungngaih nate min tawmpui ve niawm tak hian ruah chu a sur cherh cherh a, Ka nu khan engthil sual nge atih? Engtiang fakau a sual nge anih thah anih tak mai!!

" Lalpa min pui lul teh " ka ti sap a,heng mite hi ka hlau takzet. 

Engpawh thleng se he thil hi zawnchhuah vek ka duh a ka tlan chhe tur a ni lo.

Subway station ah chuan ka thu ran a,zan a rei tawh bawka subway pawh a khat pharh mai. 

Chutia inngaihtuah ngut ngut chunga ka thut mai mai lai chuan ka lungchhia chu ka tap chhuak thut a , ka nu kha thah nilo se chuan kan bulah la awm tur ani asin.

Ka phone a rawn rik thut avang chuan mittui tla pur chung chuan ka phawrh chhuak nghal vata,

Raven lo ni rengin!! 

Ka phone chu ka melh vung vung a,pickup nachang pawh ka hrelo a tumah biak chakna pawh ka nei lo. Ka pick-up loh avang chuan Raven chuan a rawn call nawn tluk tluk renga mahse ka pickup duh chuang lo .

 Thil chi hrang hrang ka ngaihtuah chhuak zela, min zawn reng vang pawh hi ani mahna ka nu thih atangin Norah tia min koh tak nachhan ,a hma zawng kha chuan Alison tih hlirin min ko thin mahse tunah chuan Ka pa in Alison tih hrim hrim hi tih rik a phal tawh ngai lo. Anih chuan heng thil thleng zawng zawng hi ka pa in a hria tihna em ni?

Zawhna hlirin ka khata a chhanna erawh pi Regina bakin min pe thei lo. 

"Norah.... " min rawn ko tu an awm avang chuan ka hawi chhuak vata, ka piah lawkah Raven chu mangang tih hriat tak hian ka lam panin a rawn kal chu niin .

" Ngatinge ka call i lak loh? " tih pahin ka bulah chuan a rawn thu vata, za lo zet hian ka lo nuih a mahse ka mittui erawh ka dang thei chuang lo.

" Raven engtin nge ka tih tak ang?" Ka tih chuan engmah min zawt buai lovin min rawn kuah nghal vata, a awmah chuan thlauang takin ka tap lehnghal hawm hawm a.

" i bulah ka awm tawh hi thlamuang deuh in awm rawh " a tih pawh chuan ka inhnit hlawp hlawp reng a, ka sam ah chuan duat takin a rawn chul heuh heuh bawk a ka dam sawng sawng hian ka hria.

Rei fe ka tah hnu chuan ka mit te chu a bui zo vek tawh a, tah loh tum teh mah ila ka mittui a rawn tla zel bawk si.Ka va han tahbelh thin tak em. 

"Raven biakin ah min hruai rawh "ka ti chhuak hlawl a. 

" a tlai tawh si a, naktukah ka hruai zawk ang che umm... tunah chuan hahchawl phawt rawh " a tih chuan ka lo bu nghata, a vawt bawk nen Raven chuan a jacket chuan min rawn khuh nghala.

" haw ang aw" zaidam taka tih pah hian ka hmuiah chuan a rawn fawp vang vang a,ruah sur tam hma in hostel ah min hruai nghala.

Hostel kan thlen chuan a tlai tawh bawka vei vak hmuh tur pawh an awm tawh lo, ka thawmhnaw te chu a huhzawr vek tawh a vawt ka tih em avangin ka hmui te chu a duk vek tawh . Inkai rial chungin ngawi rengin elevator ah kan chuang cho a, ka mangan laia Raven ka kianga a awm hi ka lawm takzet mahse ka thinlung in hnaih lo turin min hrilh mawlh mawlh thung. 

Corridor ah chuan min kai phei hnak hnak a, Jazz leh Brandon kan tawk thut a Raven chuan ka kut chu a thlah nghal hmak ringawt .

" Enge hetah in rawn tih? " Raven chuan an hriat tawk lek chuan a zawt a. 

Jazz chuan " Naktukah kan inhmu dawn nia " ngeiawm zeta nuih pah hian ka samah rawn chul a tum ta mai a. 

" Khawih hlek suh " warning pawh awm lovin Raven chuan Jazz chu a hnek thal nghal thuai ringawt. Inhuat lawkna an nei tih hai rual a ni lo. 

Ka te nghal thawt a, Jazz pawh tlawm mai a tum bik lo Raven hmaiah chuan a rawn hnek let ve nghal sawk a, Brandon chuan Raven chu alo dang nghal vata kei erawh a sir ah ka Lo ding khawng reng ringawt. 

"Duhtawk rawh u... Jazz kal ang " vin zeta tih hluk pah hian Brandon chuan Jazz chu a kalpui nghal dawr dawr a. 

" Raven... fimkhur ang che " Jazz chuan pawr fe hian elevator a luh pah chuan a rawn ti leh hram a, Raven an a umzui dawn emaw ka tih laiin a kun nghal lap ringawt.

" I tha em? " thlek pah chuan ka lo ti vata. 

"Zanin chu ka bulah i riak thei angem? " min rawn nuih pah hian thil dang daih chu min rawn zawt a, " Ahh... " tih bakin chhan nachang pawh ka hrelo. 

" engtin mah ka ti dawn lo che ka bula mut ringawt ani mai " a rawn ti leh hram a. 

Chutia a tih takah chuan ka lo bu nghat a, Sarah a awm bawk si lo a, keimah chauhin mu pawh ni ila ka mutthilh theih dawn chuan loh avanga remti chauh ka ni. 

Raven chu a room ah a lut a ngawi rengin ka zui ve nghala.A thawmhnaw a huh vek avang chuan ka awm ve tih pawh hrelo ang mai hian a inthlak nghak mawlh mawlh a a che vel chu ka lo thlir reng thung.

" Kha heihi ha rawh " tih pahin Tshirt leh pajama hi a rawn theh phei a.

Lo dawn chat pah hian " ahh...mahse "ka ti leh hram a. 

"i thawmhnaw kha hak ro thak i tum mi ?" A rawn tih chuan thawmhnaw huh hak ro ka duh bik loh avang chuan "anih chuan lehlam hawi rawh "ka ti kher a, ka thusawi avang chuan thawk lak hak pahin ka bulah a rawn kala.

" Norah.... hlauthawng suh engtinmah... "A ti hma chauh tih in " Engtinmah min ti dawn lo tih chu ka hria mahse ka inthlak lai min hmuh hi ka duhlo"tiin ka lo pawtchat vata.

 

Chapter-23.

.

" Awle a tha e " vin hluk a tih pahin bar table lam chu a pan phei nghala,no ah Whiskey chu thli chhuakin vur tlang a thlak tel bawk, thawk lak hak pahin a han tlak nghal pawp a a awmdan chu ka thlir renga ka lam a rawn hawi phei tak loh avang chuan ka thawmhnaw chu phelh in a tshirt chu ka ha vata,

"i inhmeh hle mai " a rawn tih chuan ka in en vata a nui ri zui hak bawk. Pajama hak pawh a ngai lo Raven tshirt ringawt pawh hian ka khup a khuh tep alawm.

"min rawn en lo turin ka tih che kha "

" ka hria ka hria " ban phar pah chuan a inher lehnghala.

.

A nihna takah chuan Raven hian ka taksa khawilai pawh hi a hmu vek tawh tih ka hria mahse ka inthlak lai hi min hmu lo se ka duh a chhanchu a insum theih loh ka hlau ani. Pajama chu hak ngai ka tih loh avangin inthlep tha thlap chungin khumah chuan ka daha.

"Dinner i ei tawh em? "

"Aih... mahse ka ei chak lo "

"kha jacket hi ha rawh, dinner ei turin chhuak ang "

" nilo.... Raven ka ei chak lo "

" mahse ..."

" ka tha... min ngaihtuah suh mut ka duh zawk "

" awle" a ti chang fak a, min tih luih a tum tawh lem lo.

.

Assignment tih tur ka ngah deuh avangin ka ti nghal mawlh mawlh a, Raven chu Couch a mut pahin headphone chuan hla alo ngaithla bawk a a khat tawkin ka va melh leh zeuh thin a ka thil tih lai pawh ka rilru ah a lut tha thei lo.

" Norah i zo dawn tawh em? "

"vawi nga min zawhna ani tawh "

" Vawi nga chauh anih chu...hei a tlai tawh mu tawh ang "

"lo va mu rawh ka zo tep "

" Naaa.... ka duh bik lo, ka lo nghak zawk ang che " tih pahin hla chu a ngaihthlak chhunzawm leh nghala.

.

" Raven " rei vak lo hnuah chuan ka va ti leh a

" umm... i zo tawh ami?"tih pahin a rawn tho chhuak vata, ka bulah rawn thu in ka thil ziah lai chu a rawn en thuak thuak a.

" Ih... englo ania "

" Enge? " ka mit ah tak min rawn en kalh a, ka lo hawisawn vat

"ughh... i nu kha car accident vangin tiraw a thih?" mak tih hmel takin min melh nghal kawka, a ngawi vang vang a .

" ka tihpalh ,zawt tur che ka nilo asin "za lo zet chuan ka nui suk a .

.

"Norah chu chu engvangin nge min zawh?"

" anih i nu kha thah lo ni zawk ta se engtin nge i tih ang ?" ka tih chuan a tho thut a min chhang chuang lo.

"keichu ka nu kha thah ani tih ka hriat pawhin engmah ka thi thei si lo" ka mittui chu a rawn far fap a.

" Engmaw!! chu chu engtin nge i hriat?" Raven chuan min rawn pan hnai vata.

" Ka nu... ka nu khan engthil sual nge a tih ang le? nilo... nu tha tak leh midang te pawisawi hlau tak ani asin "

" engtin nge i hriat ka tih chu " a rawn ti tuarh a

"ka hrilh thei lo che " ka mittui chu a rawn luang nghal zung zung a, min rawn kuah vata.

.

" Engtin nge ka tih ang? mawh engtin nge ka tih tak ang? "

" Engmah ti suh theihnghilh tum zawk rawh "

" Maw!! " Raven chu ka nam sawn dawrh a.

"ka nu chu thah ani a chuan theihnghilh turin min duh amaw"

" Chu chu ka sawi tum ani lo " tih pahin min rawn khawih a tum a mahse ka lo hawi sawn hmak. Raven chu a tho thut a

" Norah i thil hriat zawng zawng hi theihnghilh tum rawh i tan a tha zawk " a rawn ti vin nghal thah a

.

" aih... ka nu an thah chhan hi ka zawng chhuak vek dawn "ka lo ti ve nghal thah bawk A rawn kun hniam a , a kut pahnih in ka khabe chu a rawn dawm a

" Hriatthiam tum rawh Norah.... luhlul suh i theihnghilh hian i tan a tha zawk " ha seh chilh ran chuan a rawn ti leh a.

" mahse... "

" ka thusawi tur hi ngun takin ngaithla rawh.... i thil hriat zawng zawng kha theihnghilh vek rawh hria ang pawhin awm suh ang che chuan mi in i hming an zawh che chuan Norah tih chauh in chhang thin ang che i hria em "

" Engvangin.... "

" ka thusawi hi i hrethiam em? " a rawn ti vin tuarh a, mak tih hmel taka en chungin ka lo bu nghata.

.

Zawhna tamtak ka rilru ah a rawn lang nghal zut zut,Engvanga theihnghilh turin min duh nge anih? Engvanga ka hming sawi lo tura min ti nge anih? Heng thil zawng zawng hi Raven hian a hria ani thei mai angem? anih loh pawhin Raven hian a trawh ang hi tuar ve turin min duh lo zawk? zawhna tamtak nei mah ila ka zawt thei si lo a chhanchu Raven hian engtik ah mah min hrilh dawn lo tih ka hria chuvang chuan ngawi rengin a phena thuruk awm zawng zawng hi keimah in ka zawng chhuak vek tur ani engthil pawh thleng dawn se ka nu hian rorelna dik a hmu ngei tur ani.

.

"theihnghilh suh ang che " tih pahin couch ah chuan a mu hmaka,engmah sawi chhunzawm ngam pawh ani tawh lo, ka nu chungchang ah hian Engvanga thinrim vak nge a nih tih hi ka hrethiam lo.Assignment ka tih zawh chuan ka mu ve nghala mahse ka mut a chhuak thlawt lo.

"Mu tawh rawh thil ngaihtuah vak vak suh " Raven chuan a rawn ti sap a.

"awle... "

"uhh... i bulah ka lo mu ve thei angem? "

"umm... " a rawn tho a ka bulah chuan a rawn inthawlh ve nghala.

www.storyfb.com mizo story thar nitin dah ziah a ni e

" Ka tihpalh vin vak lo tur che ka ni asin " ka hmuiah chuan a rawn fawp zeuh a

"

"engmah anih loh kha " ka tih chuan a nui ri zui hak a.

" Norah....tumah hi ring suh ang che "

" nangpawh tiamin tiraw?"

" umm.... nangmah chauh inring ang che, i bul vel ami te hi mi tha lo tak tak pawh an lo ni thei mahse i rilru ti na lo turin ka duh che "

" Mahse mi tha tak tak pawh an awm alawm, nangmah ang te "

" ka hrilh tawh che kha tumah hi ring suh , chuan i zirlai tih loh chu engmah hriat belh tum suh "

" awle " tih pahin a hmuiah chuan ka han fawp zeuh a, a lo nui vur vur lehnghal light dim tak hnuaiah pawh a hmeltha in a chhelo tho anih hi .

.

_______________________________________

Ka harh chuan khua alo var der tawh,ka bulah Raven a mu tih ka hriat chuan ka nui ver ver a,Raven nen chuan kan inhawi tawn ran a a hnar ngul sang vah te leh a hmui te chu ka en renga, a hmeltha thlawt hetiang em em a mipa hmeltha hi ka bulah min kuah chungin a mu ang tih hi ka mang lamah pawh ka la hmu ngai lo.A mithmul dum leh sei tak chu tihharh hlau em em in ka han khawih de de a, rawn nuih suk pahin a aia nghet chuan min rawn kuah thut a.Ka kawr chhungah a kut chu rawn zen lut in ka hnute a rawn tham chuan ka lo nghawk sawk a .

.

" A na i va chak reuh ve "

"i rawn tih leh chuan a aia na in ani mai "

"chuti maw " tih pahin ka kut pahnih chu a rawn man bet thut mai ,ka lo tang ve nghal vat.

" Anih chuan min rawn nghawk leh chhin teh " tih pahin ka hmui chu a rawn seh ne ne a,ka kut a man beh tlat avang chuan ka ke chu ka leng vak vak a.

" min thlah rawh" rum zeta ka lo melh avang chuan a nuih a za ngei mai,hepa hi chu a nghal ve ngawt mai ka hneh dawn lo tih pawh a hrereng ka huat zawng tak hian a awm lui ngat zel .

.

" min thlah rawh chuti lo chu "

" Engmaw chuti lo chu ..." tih pahin ka chungah chuan a rawn bawk a,ka kut a man bet tlat bawk si a che ngaihna pawh a awm lo.Ka mit ah tak min en kalh a, ka lai lek lek a thaw lum ham hum leh whiskey rim nam ram ram chu ka hrethei bawk. Duhthawh zet in min rawn fawp nghal tawn tawn a ,min man beh na chu thlah in ka hnute chu a rawn tham tawn tawn a ,a nghawngah kuah in ka theih ang tawk chuan ka lo fawp let ve tawn tawn bawk a.

.

Ka kawr leh ka kekawrte chu phelh in ka hnute leh ka khel vel chu a fawp thaa zel a, A kut tang a rawn zen luh meuh chuan ka lo rum leh ham ham a, rei lo te ka ke chu a rawn khur der der a ka zo chu ani leh der. Raven chuan ka chal ah rawn fawp in min kuah hle hle a.

"ka bulah hian i nihna ang taka i awm hi ka duh " Diktak chuan hmeichhe nungchang tha leh thianghlim ang takin lang mah ila mihring ve tho ka ni a midang mamawh ang hi ka mamawh ve tho ,Raven bulah hi chuan inthup buai ngai lo in ka nihna ang takin zalen takin ka awm thei a chuan ka nihna ang takin min pawh bawk hei vang pawh hi ani mahna Raven hi ka mamawh ngawih ngawih in ka hre thin .

College kal tur chuan ka insiam mawlh mawlh a, Raven chuan ka khumah games khelh pahin min lo nghak ran a.

Ka pawnfenfual eng lar zet leh kawr pink da tawh tak leh kawrkum uk hi ka ha a,darthlalangah chuan ka han in en vang vang a ka hmai te hi a mam sawt riau in ka hria.

" i hman tawh dawn em? " tih pahin a sana bun lai chu a en zeuh a.

"minute 5 chauh " ka tih chuan alo ner nanga ,a han thaw halh a.

" Norah... khang thil kha i ha lo thei thlawt lo ami? " tih pahin ka ke atang chuan min rawn en chho a

" Ughh... ih... pawnfen eng kha mawle "

.

" anih enge ka hak ang"

"Jeans ahh... shorts " tih pahin a nui suk a.

"chutiang chu ngaihtuah pawh ngaihtuah suh " nin hmel zetin ka mitmu chu ka lo tikual vela

"tlanchhiat te lo ngai ta thut se... khatiang pawnfen nen kha chuan.... ahh... i hrethiam zawk ang " Ni e.. ka hria alawn hmeichhe dang angin ka inchei sexy lo a chuan ka thawmhnaw lah a tha hek lo Raven pawh hian nalh a ti lo tih pawh ka hria, han sawi tawp a hreh si a pehhel takin a sawi ve a mahse ka hrethiam duh lo der tlat tho.

.

Raven chuan ka hnung lam atangin min rawn kuah a, ka nghawng chu a fawp zeuh a.

" ka sawi tawh kha ka bulah i nihna ang takin i lang thin a chu chu a tawk lutuk " a rawn ti sap a.

"kan tlai dawn kal tawh ang "

"Lalpa leh... hun hi ka hua "

" Engvangin maw!! "

" a kal chak mah mah "

" kal ang "

" anih vawikhat leh chiah " tih pahin min rawn fawp leh vang vang a.

.

_______________________________________

.

1 week later:

.

College kan thlen vel hian Raven nen chuan kan kal hrang nghal vat thin , College ah chuan inhmu pawh ni ila min hria angin a awm duh ngai lo mahse chu chuan min ti na takzet.Class ah pawh min be lo a min rawn melh hek lo mahse chhan tha tak a neih ka rin tlat avangin ka sawisel lemlo, zan tin khum khatah kan mu ziah a mahse a hma a kan awmdan aia thui ka kalpui ngai lo .Trixie nen pawh class ah kan thu dun ziah a mahse Stephen chungchang erawh kan sawi ngai lo. Pu Cambelo inah pawh kal ka thulh chuang lo mahse a hma angin phur takin ka kal tawh ngai lo.Stephen nen pawh kan inhmu zeuh zeuh chauh ani ,a zia a dang in a ngawi chawi em em a mahse Trixie vang ani tih ka hriat avangin ka zawt ngai lem lo.

.

" Trixie vawin chu library ah ka kal dawn a min lo va hawsan mai rawh"

" awle... mahse rei lo la mahni a haw chu a hlauhawm "

" Awle" class ka neih tawh loh avang chuan library lam panin ka phei hnak hnak a.

" Ohoo... ka lehkhabu Trixie in a keng daih!!!, vawin ah ka ti zawh ngei ngei angai" tih pahin ka tlan let lehnghala,Trixie chu ka zawng kual nghal ruai a vanneihthlak lutuk in ka hmu hlauh.

.

Hmanhmawh takin Trixie lam chu ka pan nghala mahse mipa pakhat a bula ding ka hmuh tel avang chuan ban phenah ka biru nghal vat.

" zaninah i tih tur chu ti zo vek ang che engmah buaina ka duhlo " Trixie chuan chupa bulah chuan a ti nghal tawn tawn a .

" Kan inhmuh khat em hi vawi khat tal chu min fawp ve la mawle "

"chimawm leh lutuk " tih pahin Trixie chuan chupa chu a fawp nghal tawn tawn a,an awmdan chu mak ka tih em avang chuan ka ding khawng renga,an awmdan chu ka lo thlir tawp ani.

"Norah chu tunah library ah a awm meka a haw tlai deuh ang chuvang chuan i that ngei ani tih hrechiang ang che " Trixie in a tih chuan ka meng phawk nghal kawk a.

Chapter-24

.

Ka thawm an hriat ka hlauh avangin ka ka ka hup vata, ka che ngam tawh lo hrim hrim ka hlauthawng lutuk chu awm ngaihna pawh ka hrelo ka lehkhabu keng lai te chu ka thlauh hman thelh ani, ka thinphu te hi a mumal tawh lo hial in ka hria.Trixie leh chupa chu an kal chiah tih chuan ka thu nghal hnawk a, Eng thil sual nge ka tih tak mai Trixie in min thah a tum tak.Trixie nen kan inhriat tirh atanga kan awmdan te chu ka ngaihtuah zel a engthil sual mah ka tih awm ka hre bawk si lo.Library ah pawh kal lo in ka thutna ngaiah chuan ka thu renga ka haw ngam tawh lo.

.

Raven chu ka call vata mahse phone a pickup thei lo,

" Raven la ta che " ka ti sap a, ka hnuk te chu a ulh tun tawh vawi10 lai ka call a mahse a la thei chuang lo, ka mangang lutuk chu Stephen ka call ta ringawt a vanneihthlak lutuk in a pickup hlauh Stephen chu min rawn hruai turin ka ti ta ringawt a rei lo te ah a rawn thleng vat bawk .

" Norah i tha maw? " tih pahin min rawn kuah thlawp a, ka hlauthawng bawk nen ka tap chhuak nghal hawm hawm a.

.

" Engthil nge thleng? "

" Stephen min hruai haw rawh "

" Awle "

Engtin nge Stephen hi ka hrilh tak ang nilo, ka hrilh tur ani lo ka hrilh anih vaih chuan Trixie lamah a tang ngei ang anih loh pawhin alo tang reng tawh maithei bawk.Stephen rual chuan ka kal hnak hnak a mahse a ruk tak chuan Stephen pawh hi ka ringhlel zo vek tawh .Raven thusawi kha alo dik chiah anih hi tumah hi rin loh tur. Trixie phei chu ka thiantha ber anga ka lo ngaih ani a Raven nen ka chungchang pawh ka hrilh zeuh zeuh thin,mahse min thah duhna rilru hi a pu ang tih erawh ka mang lamah pawh ka la mang ngai lo.

.

Stephen chuan car kawngka min hawn sak a mahse ka lut mai ngam lo,

" Stephen... Trixie hi i hmangaih tiraw? "

" Ngatinge chu chu min zawh "

" Ahh... eng nilo e, ka zawt mai mai che "

" a dik alawm ka hmangaih in ka inhre thin mahse tunah chuan ka chiang ta lo " a tih chuan ka thaw nghal huai a chhanchu lo la hmangaih se chuan Stephen rilru a na dawn lutuk tlat

"lut rawh " a tih chuan ka inhum ruh vata, duhthlan tur dang ka nei chuang lo Stephen hi ka rin mai angai, car ah chuan ka lut a Stephen pawh a rawn lut vata Hostel lam panin a khalh chhuak nghala.

.

Stephen chu ka melh leh zeuh thin a ngatinge maw ka rinhlelh tlat le? Stephen te chu mifel tak ani alawm tiin ka inhnem mawlh mawlh a mahse ka thla a muang thei chuang lo .

"Dinner ei phawt ila "

" aih" ka lo ti vata mak tih hmel takin min rawn en ha a.

" ughh... ala hma bawk a lungngai suh ka pe vek ang "

" nilo chutiang pawh ani lo "ka tih rual rual chuan car chu a ti ding a.

" lo kal rawh le tun tum chu min hnial thei tawh lo ang " tih pahin kawngka chu min rawn hawn sak nghala chhuanlam siam tur ka hriat tawh loh avang chuan phur lo zetin ka chhuk a.

.

Popeyes tih lo in tar va na ah chuan kan lut a mi an lo awm ve nak nak avang chuan tlemin ka awm a nuam deuh.

" Norah enge i ei duh?" a tih chuan ka ngawi vung vung a ka melh ngai ka lo melh leh ngawt ngawt thin.

" Norah Alison Stowe.... " a rawn tih chuan ka lo phu zawk a,

"khawngaih in Norah tih chauh in min ko rawh " ka lo ti vata.

" awle chuan enge i ei duh? ka pe vek ang ka tih tawh kha " a rawn ti leh ngat a, ka lo nuih suk a.

Ka ei mawlh mawlh lai chuan Stephen chuan min rawn en leh vung vung thin a mahse ka hre duh lo der tlat.

"Stephen i fa chu engtin nge i tih dawn tak? " ka tih thut avang chuan a thil ei lai chu a hak trep lehnghal .

" umm... ughh..... " a thusawi nghak chuan ka lo en kar a.

"ka... ka fa chu a thi tawh "

" Enge awmzia?" ka tih chuan a tho thut a,kan ei man chu pe in a chhuak nghal daih a a ngaihna pawh ka hrelo ka zui chhuak ve nghal vata.

.

Pawna ka chhuah chuan car chhungah min lo nghak ran a ,ngawi rengin car ah chuan ka lut ve nghala .

" Stephen " a lo thut kun lap avang chuan ka lo zawt kher kher kha ka inchhir leh hnuhnawh.

" ka tihpalh " ka ti sap a.

" nilo... engmah tihsual i nei lo.. ni e ,ka fa chu a thi tawh ,a ti tla ani chuan Trixie nen kan inkar ah engmah a awm tawh lo "

" Eng... enge awmzia ?"

" Sawi tawh lo ang " a tih chuan ka lo bu nghat a a awmdan atang hian a rilru a na hle tih a hriat mai.

.

" Anih Norah ka duh che tih hi i hria nge i hrelo der zawk " tih pahin ka kut chu a rawn vuan a mahse ka lo la sawn nghal hmak a nui ri zui hak bawk.

"Stephen min duh tak tak hleinem Trixie nen kan mizia a inang i tih vang mai mai alawm "

"haha... a za vai in a inang hleinem tamtak in a inang lo"

"ughh... anih ka ring "

" i hria em... min hmuh danah chuan mipa lerh tak hmeichhia duh duh mutpui thin leh midang chhaih kual reng angin min hre ngei ang " a tih chuan ka lo bu nghat a,thawk a han la kawk a.

.

" hreptak chuan.... a dik lo vek " tih pahin chak zetin a khalh chhuak nghala,

"Stephen engthil nge maw i tih le? " ka ti vin nghal tuarh a hria ang pawhin a awm lo hma lam chu a melh ngar ngar a engvanga thinrim thut nge ani tih hi ka hrethiam lo takzet. Hostel kawt kan thlen chuan a ti ding thut a seat belt hreng lo ila chu ka insawh na ngei ang.

" Norah ...Trixie kha chu ka duh ngei alawm ka hmangaih ni hial in ka hre thin mahse ka nun a ilo luh atang khan min thlak danglam vek ani. Party, hmeichhe mutpui leh intih hlim na a kal ai chuan i bula awm nuam ka ti zawk "

.

Phawk fe in Stephen chu ka melh kawk a mahse engmah ka sawi lo.

" vawitamtak ka infiah fo , nang ang hmeichhe mawlmang lutuk leh sexy lo zet hi tumah in an duh theih ka ring ngai lo mahse ..." a ti chuai raih a

"ka kal tawh ange mangtha" tih pahin chhuah ka tum a Stephen chuan min pawt let pawp a,min fawp ta tawn tawn mai rang lutuk in ka nam sawn dawrh a, car atang chuan ka tlan chhuak nghal a ,Lobby kan thlen chuan ka banah a rawn man chat a

" Norah min ngaithla teh "

" Stephen min thlah rawh " ka ti vin nghal tuarh a.

.

" Thlah rawh " rang lutuk in Stephen nen chuan kan hawiphei nghal vata, Kan piah ah chuan Raven, Brandon leh Jazz chu an lo ding ran a .Raven chu rawn kal hnai in boruak pawh a tang nghal at midang inrawlh na chi ani tawh lo Raven hmai vel chu a duk thluah a a mit ko leh a biang vel chu a thi phang bawk

"Thlah rawh ka tih chu "

"Tu chiah nge i nih a bialpa maw!! " ngeiawm zet chuan a nui zui hak a.Ka bialnu anih hi ti a a chhan ka lo rin nen engmah a sawi lo,a ngawi renga Jazz leh Brandon chuan an awmdan chu an enreng bawk.

.

" i engmah ani lo chuvang chuan lo inrawlh buai suh nge i lo duh ru reng zawk mahse i duh thu i hrilh thei bawk si lo khawngaihthlak awm lutuk " Raven chu a ngawi renga, engmah a sawi ve loh avang chuan ka thin a rim takzet.Stephen chuan a jacket nghawngah a tham saka"Norah hi hnaih tawh suh a hun i khawhral sak mai ani ,i hnaih a nih chuan engthil nge thleng dawn tih chu i hriatchian kha "tih pahin a nuih suk a,

" hmela " tih pahin Jazz chuan Stephen hmaiah tak a rawn hnek ta pawp mai.

" Stephen chuan engtin mah a ti let lo

" Uisa thiam khawi kawlh leh zalen na neilo mai mai in ni tih hi theihnghilh ngai suh u " nuih suk pahin min rawn fawp zeuh a" mangtha le Norah" tih pahin pawn lamah a chhuak nghala.

Tunah khan Stephen an min fawp a mahse Raven an engtinmah a ti lo, Raven awmdan hian min ti na takzet ka rilru na lutuk hi ka puak keh mai dawn in ka hria.

" Raven ngatinge engtin mah i tih loh ?" Jazz chuan mak tih hmel takin Raven chu a en ha a mahse a kawr nghawngah a lo tham sak pawp a

" ka unaupa hi vawikhat pawh kut thlak leh tawh suh ang che "

" mahse nawmnah takin a tih che kha "

" ka nau a nihna a danglam phah lo"

" Duhtawk rawh Raven... Jazz hi thlah rawh " Brandon chuan alo ti vata.

" i chhungte i venhim duh na lamah i tuar zel dawn chu anih hi... harh tawh rawh Stephen hi i hmelhma ani chu chu hre reng rawh " Brandon chuan fiah fai takin a sawi kalh kalh a,pawn lamah Jazz nen an chhuak nghala.

.

Raven chuan a lu dawm in a thaw leh hak thin a, an thusawi hi engmah ka hrethiam lo.Beidawn hmel takin min rawn en a mahse ka thin a ti rim zawk, ka room lam panin ka tlan chho nghala ka room ah tlan lut in khumah ka bawk thlawp , ka tap chhuak nghal hawm hawm a. Ngatinge ka lo mawl em em mai le ka thian tha bera ka ngaih in min thah a duh a chuan ka bialpa emaw ka tih in bialnu angin min lo en ve miah lo ani tih hi ngatinge ka lo hriatthiam miah loh. Ni e, Raven hian min duh thu vawikhat pawh ala sawi ngai lo

" Norah ..ngatinge maw mi hi i rin hma em em mai le " min duh ve tak tak lo tu ka hmangaih avang hian ka inhaw takzet,midang hmuh ah min lo biak duh miah lo nachhan pawh kha hetiang vang hi alo nih dawn hi .

.

Ka mittui ka hruhul sauh sauh a, ka inhum ruh a zah pawh dawn lo in Raven room kawngka chu ka hawng nghal thuai a .Light dim tak hnuaiah a khumah thu in a lo indawm kun lap lai hi ka va hmu a.

" Raven... i enge ka nih? " a hma ah tak ding in ka ti nghal tawn tawn a,hria ang pawhin a awm lo a awmdan ngaiin a awm reng tho.

"nangmah ti lawm tu hmeichhe pakhat ve mai maw!! " ka nui lui hak a mahse ka mittui erawh ka dang thei lo.

" I nuih a za ngawt ang tiraw.... nilo hnung lam atangin min lo nuih tet tet zawk" a ngawi renga mahse ka thin a rim tulh tulh mai bawk si.

.

" kan awmdan zawng zawng kha theihnghilh vek rawh, nilo...engkim kha ka theihnghilh vek ang tunah chuan mihrang kan ni tawh " ka tih chuan Raven chu a rawn ding thut a.

" Awle.... engkim kha theihnghil vek rawh "

" ka haw lutuk che " a hma ah ding in ka tap chhuak nghal hawm hawm a, ka awmdan tlawm lutuk hi hrehawm ka ti ngawih ngawih mahse Raven hmu lo hian engtin nge ka awm tak ang?

" Raven ka lo thi ani emaw thah ka lo ni anih pawhin i thiamlo a awmlo ania nilo... engthil nge maw ka sawi le "

.

" Engmaw!! "

"i tan a pawimawh lo "

" sawi chiang vat rawh, tu in maw that ang che " a ti vin nghal tuarh a,

"theihnghilh rawh"

" Kei....keimah vang ami " min rawn sawi nawk nawk a

" Duhtawk rawh Raven , min ngaihtuah angin awm tum suh " ka lo ti ve nghal thah a.

"sawi rawh ka tih chu "

" ni e... tunah hian min thah tumin ruahmanna an siam mek ani "

" tu in nge? " Raven chu a buai vek ni ber hian ka hria mahse min bum thei tawh lo ang .

.

"min ngaihtuah lo ani lawm ni.... ngatinge tunah min thattu chu hriat i duh leh si"

" Norah engmah hi i hrethiam dawn lo "

" Engchu maw ka hriatthiam loh ang ...Stephen khan a sawi dik chiah i bulah hian hun ka khawhral mai mai ani chuan hmeichhe dang tamtak pawh an riklu i lo tihnat sak tawh ngei ang"

" ni e... Stephen a sawi kha a dik vek tumah ka duh in ka hmangaih a thiang lo. Kei nena inzawmna nei chu an nun a derthawng a chuan kei hi uisa thiam kawlh tak leh zalenna neilo ka ni "

.

Chapter-25

.

"mahse engtin mah ka awm loh hi... min en ta che hetianga i awm hian min venghim reng reng lo min ti na daih zawk asin " ka tih chuan a ngawi renga, dawhkana first kit box chu a hawng a,lapua in a hmai leh a hmui thi te chu a hru mawlh mawlh a

"vawi tamtak ka rawn call che a mahse i pickup lo hrim hrim kha tih hun lai khan enge i tih mawh?" ka ti tawn tawn a mahse a awmdan a danglam eih lo.

"Hetiang em em hian a ni maw ka lo hnawk saka ,Stephen an min fawh lai te khan i rilru a na ve miah lo ami ? " ka ti tuarh a.

.

Raven pawh a insum thei tawh bik lo First kit box chu chhuatah a paih pawp a min hmachhawn zawng chuan a rawn ding a

"Ni e... Stephen an a fawh lai che khan ka na takzet, helai hi a puak keh mai dawn in ka hria " tih pahin a awm chu a dawm a "min en ta che ka hmai thi zozai te hi hei hi ka nun hman dan chu ani, nitin mai hian thihna kotlang ah ka ding reng a keipawh ka in venghim theih loh laiin nang venghim tur che hian ka inringtawk lo ani "

.

" eng lak atangin maw min venghim ang mawh? engkim min hrilh rawh "

" Norah... tunah pawh hian i hre hnem tawh mah mah zawk" ka hmai chu a kut pahnih chuan a rawn khawih a "i bul vela mi te hi tumah ring suh ka tih tawh che kha nilo... Stephen chauh ring ang che ani chuan a venghim ang che harsatna i tawh pawhin amah be hmasa ber zel ang che "

" Mahse Stephen ka duh hleinem " Raven thusawi awmze nei lo tak tak hi engtikah mah ka hrethiam ngai dawn lo anih hi.

"Min ngaihthla rawh.... "

.

" Aih... engmah sawi tawh suh " Raven chu ka fawp nghal tawn tawn a mahse a lo inla hrang nghal vat.

" Norah ka theilo" ka thinlung hi chhun pawp pawp ang maiin a na takzet, tap chhuak lo turin ka insum hram hram a mahse a harsa takzet. Ka hmangaih leh ka duh em em chuan a chhan pawh ka hriat loh avangin min hnawl anih chu... nilo let leh tur chuan ka kal thui tawh lutuk mahse engthil nge ka tih tak ang?..Bar table a whiskey chu no ah thli chhuak in a tlak nghal pawp a

.

No thum lai a tlak hman,A in hnem tawh em avang chuan a no chu ka laksak vata

"Norah.... engthil nge maw i tih le "

"Tiang hian awm tawh suh"ka tih chuan a nui suk a,ka tlawm lutuk hi ka in haw ngawih ngawih mahse Raven tan anih chuan ka pawisa lo.

" mangtha le " tih pahin a hmuiah chuan ka fawp zeuh a ,tunah chuan engmah a sawi dun theih loh... khua lo var se engkim hi a that leh ka ring tlat . Ka room lam pan chuan ka kal hnak hnak a, kawngka ka hawng tur chu Raven chuan ka kut a rawn man chat.

.

" Kal suh " tih pahin min rawn fawp nghal tawn tawn a keipawhin ka chhang rang kher mai.Infawp reng chungin khumah min pawm phei a,ka theih ang ang in Raven jacket leh a tshirt te chu ka lo phelh sak ve bawka, ka thawmhnaw vel chu a phelh nghal bawrh bawrh a min dim lo takzet mahse chu chuan min ti phur zawk.Ka hnute chu a tham tawn tawn bawka,a rum ham ham ri chuan kan inmamawh tawn zia hrilh nawn ngai lo in kan hria ani.

" Raven....ka mamawh che " ka ti sap a

.

"Norah tunah chuan ila in peih lo"

"nilo.... " thawk ka han la kawk kawk a, kan infawp lehnghal tawn tawn a

" Raven tunah ...." ani pawh a insum thei tawh bik lo

" awle ...mahse a nat chuan i sawi dawn nia "tih pahin drawer a rubber(condom) chu la chhuakin a vuah nghal mawlh mawlh a . Norah... harh rawh hetiang hian awm suh tiin ka inhrilh mawlh mawlh a mahse ka insum zo tawh lo. Zawi muangin ka taksa chhungah chuan a rawn lut riai riai a ,ka te chhuak nghal thawt ka mittui a tla nghal zung zung a mahse inchhirna ka nei lo.

.

" A tha leh mai ang " tih pahin ka chalah a rawn fawp zeuh a .Na ka tih em avangin Raven hnungzang leh a ban te chu ka tham tawn tawn a, ka vawikhatna ani tih a hriat avangin min dim ve hle tih ka hria ,a hmel chu ka en renga ka lungawi hliah hliah tichuan vantirhkoh te thlen ve phak lohna ram chu kan chen dun ta ani.

"ka tihpalh " tih pahin min rawn fawp leh a mahse ka chauh em avangin engmah ka sawi lo, a ban chu min kham tira ka kawngah min kuah bawk kan chau bawk aniang reilo te ah kan muhil nghal bawrh bawrh a.

.

Ka harh chuan khua alo var der tawh,ka taksa ka engkim mai chu a kham in a na thum em em vek mai , ka han hawi kual vela Raven chu ka bulah alo mu tawh hauh lo.Ka chauh em avangin tho chhuak lawk lo in ka han mu leh vang vang phawt a,ka lu te hi a na bur mai .A tlai tawh em avangin phur lo zetin ka han tho taih taih a, bedsheet var sara thisen lo kai niai ka hmuh chuan rang lutuk in bedsheet chu ka hlip vata.Raven chu a rawn lan vat ka ringa mahse a hmel reng reng hmuh tur a awm lo,Ka thawmhnaw te chu ha in bedsheet keng chung chuan ka room lamah ka phei chhat chhat a.

.

" Norah... nizanah khawiah nge i riah " Sarah in a tih chuan ka bedsheet ken la chu ka hnung lamah ka thuk ru chiang kher .Ka awmdan chu mak tih hmel takin min rawn en ha a

" umm... ughh... "ka lo ti bah nuai a, ngaihthat loh hmel zetin min rawn pan hnaia

" Nanghi Raven nen in riak dun tiraw "tih pahin ka bedsheet thuhruk chu a rawn pawt chhuak pawp a, thisen kai hniang a hmuh chuan phawk fe hian min melh nghal kawk a.

.

" Lalpa leh.... " Sarah chuan min endik nghal sawk sawk a,

" Sarah engthil nge maw i tih le ?"

" He thil hi enge? Raven nen in mu dun tih min hrilh miah suh " a tih chuan ka ngawi renga, Sarah awmdan hi a mak takzet.

" Shitt...Norah "bedsheet chu a paih pawp a

" Ni e... thil sual ka ti tih chu ka hria alawm mahse ka... ka inchhir lo " Bedsheet chu bawlhhlawh bawmah paih in a hal nghal mawlh mawlh a, Sarah awmdan hian ka ngaih a ti tha lo takzet ka thin te pawh a ti rim lek lek zawk.

.

" Sarah.... engthil nge i tih hi? "

" i tha tiraw.... chuan... chuan Raven nen in mu dun tih hi tumah in an hre tur ani lo " a awmdan atang chuan a mangang hle tih a hriat theih.

" Duhtawk rawh Sarah.... midang ang tho in mipa ka mutpui a ngatinge mi a ang maiin min biak a "

" He thil hi a dik lo ani.... Raven hi hlat vat rawh " a rawn ti nghal tuarh a, Sarah in a vawikhat nan tawngkam vin in min bia!!, mak ka tih em avang chuan ka ding khawng renga.

.

" Teuh lo... Raven hi ka hmangaih ani "

" maw!! "

"tawpsan tur chuan ka kal thui tawh lutuk... dan zawng zawng ka bawh chhia a siam that theih ani tawh lo " ka mittui chu a rawn tla zung zung a.

" Mahse... Norah "

" Aih... Raven hi engtik ah mah ka tawp san dawn lo "

Sarah chuan min lainat hmel tak hian min rawn en a, a mittui chu a khap per fap a.

"Ughh... Norah fimkhur turin ka duh mai che ani, engpawh thleng se i kiangah ka awm reng ang " tih pahin min rawn kuah nghal thlawp a.

"Aahh... Breakfast i ei tawh em?" Sarah chuan a ti vata.

" aih ei lo "

" anih chuan ei chhuak ila "

" mahse... "

" Weekend anih hi.... Norah in ti thawveng ve rawh " a tih chuan ka lo nui suk a.

" awle... kan inbual phawt ange " tih pahin bathroom ah ka lut nghala.Ka inbual lai te chuan nizana kan awmdan te chu ka ngaihtuah let a ka inthiam thei thlawt lo mahse ka inchhir lo. Ka pa, ka ni leh ka u te chu ka rilru ah an rawn lang nghal zut zut a.

.

" Pa min ngaidam rawh " ka ti sap a, chu ai mah chuan biakin a kal ka duh takzet Pathian leh mi zawng zawng ka bum tih ka hria mahse engtin nge ngaihdam ka dil tak ang ka rilru a buai takzet .Ka inbual zawh chuan ka inthlak sawk sawk a Sarah nen breakfast ei turin kan chhuak nghala.

Ka ei mawlh mawlh lai chuan ka phone chu a rawn ri tlang tlang .

" Pu Christopher maw! " tih pahin ka pickup nghala.

" Norah tunah rawn kal vat turin ka duh che "

" Eng... engthil nge thleng" ka ti hman chauh phone chu a dah daih a.

.

"Tunge? Engthil nge thleng? " Sarah chuan a lo ti vata.

" Pu Christopher ania... tunah ka kal vat angai " tih pahin ka bag chu ka ak nghal sawk sawk a

" awle... ka thlah ang che" tih pahin kan chhuak nghala. Sarah chuan Pu Christopher te in thleng chu min thlah hlauh a kan hmanhmawh bawka minute 10 lekah kan thleng der. Car atang chuan ka chhuk vata.

" Sarah khawngaihin ka rualin i rawn lut ve thei angem? " ka ti ta ringawt a, a chhanchu ka awm a nuam thei thlawt loh vang ani

.

" Mahse.... "

" Khawngaih in ka ngen a che "

" awle " tih pahin gate chhungah kan tlan lut nghala. Trixie lo hmu thut pawh ni ila Sarah awm lai chuan engtin mah min tih bik ka ring lo mahse ka hlauthawng ru takzet. Hmanhmawh zetin Pu Thomas room lamah kan tlan chho nghala, Pu Thomas room kan lut chiah chu Pu Christopher chuan min lo kuah thlawp a.

"A a rawn khap.... ka fapa hi a rawn khap " a ti bah nuai a, ka lawm lutuk chu au vak mai ka duh.

"i ti tak tak em?"

" umm... Norah i chungah hian ka lawm takzet "

" engthil mah ka ti hleinem "

" mahse ... engkim hi nangmah vang vek ani ka lawm e " a ti nghal mawlh mawlh a.

.

Sarah nen chuan pu Thomas bulah nilengin kan awm char char a hmasawn na a awm tawh chuang lo mahse doctor sawi dan kha chuan kan thusawi zawng zawng a hre vek thei tih a sawi a chuvang chuan a that leh vat ka beisei. Pu Cambelo an min sawm tlat avang chuan dinner te kan ei a mahse Stephen leh Pi Regina te erawh an awm ve lo, zan a rei deuh tawh avangin in atang chuan Sarah nen kan inzui chhuak hnak hnak a.

.

" Sarah... a that leh vat ka beisei "

" umm... nia "

" Mahse ka hlauthawng takzet alo tha chhuak lo anih chuan... "

" lungngai suh ... a tha leh vek mai ang zanin chu party na ah rawn kal ve la"

" maw!! party maw nilo... "

" nuam ilo ti phian maithei asin "

" haha... mahse zanin chu hahchawlh phawt ka duh "

" anih chuan naktuk zan ah ngei ngei in aw"

" awle... " ka nui suk a, Hostel lam panin kan kal nghala.

.

Hostel kawt kan thlen chuan a lo reh leh thap tawh, weekend ani bawka party na ah an kal zo vek pawh ani mahna.

" awi !!...Lalpa leh... "

" Enge Sarah? "

" thil kan lei lawk ange... lo va lut la i duh chuan lobby ah min lo nghak dawn nia "

" awle..." hlauthawng ru zet hian car atang chuan ka chhuk hna hna a, a chhanchu ka bulah mi tumah an awmloh chuan ka chungah engthil pawh thleng thei reng ani.

.

" Sarah... rawn let leh vat rawh aw "

" awle minute5 chiah" a khalh chhuak leh nghala ,hrehtak chungin lobby ah chuan ka lo nghak ran a, ri hlek a awm pawhin ka phu nghal zawk zawk a, a hrehawm takzet. Chutia thinphu dep dep chunga ka thut lai tak chuan Raven ka hmu thut mai, ka hahdam huai.Ka lo nuih sanga mahse min hmu ve lo, khawi ah emaw kal tur ni awm takin hmanhmawh takin a tlan nghal hlawk hlawk a, rinhlelh rual loh in thik diklo a awm tih ka hre nghal.

.

Pawnah ka tlan chhuak ve nghal vata , Raven tlanna niawm a ka rin na lam Hostel hnung lamah chuan ka tlan ve nghal a. Hostel hnung lampang hi tumah in an tlawh ngai lo, ramhnuai ang maiin thing a awm ruih a mahni chauha kalna chi pawh ani lo.Thinphu dep dep chungin Raven chu ka zawng phei zela mahse thawm engmah hriat tur a awmlo, hmun fianrial lampang chu ka pan zela a thim bawk si a kawng pawh ka hmu tha thei tawh lo. Ka kal thui telh telh a a reh tulh tulh nimai hian ka hria.

.

" Raven... " ka han ti leh ringawt thin a mahse tumah in min chhang lo. Nichin a ka mi hmuh kha Raven ani tih ka ringhlel rum rum tawh.

" Khawngaih in min chhuah rawh " mangang au thawm ka hriat avang chuan chumi thawm lo chhuahna lam chu ka pan vata ,thawm chu a hnai telh telh a ka thau ah hian min man tlat .Bang phen atang chuan ka han bih dek dek a Streetlight dim ruih hnuaia mipa pakhat mi pali velin an lo hual thap lai ka hmuh chuan ka meng phawk nghal kawk a ka hmuk thi te hi a ding su ng sung thei,ka au chhuak lo chauh ani ka ka ka han hup vata.

.

" Khawngngaihin min that suh " kutsuih chungin chupa chuan a ngen mawlh mawlh a, pakhat chuan a chal darah tak silai in a tin vang mai, ka hlauhthawngna ai mah chuan ka mak tihna a tam zawk a chhan chu Silai a tintu chu tudang nilo in Raven ngei ani. Mak ka ti lutuk chu ka thinphu te hi a inthum rawn nghal dawt dawt a, chet nachang pawh ka hre tawh lo,Raven chu ka en renga a hmelah lainatna leh khawngaihna hmel reng a awm lo .

" Khawngaihin min that suh fa pahnih leh nupui ka nei a, kei lo tumah neih an nei lo " ti a a ngen mawlh mawlh lai te chuan ka lainat lutuk chu ka muttui a tla hial, mahse tih theih dang ka nei si lo

.

" Ka pu...khaw...." a sawi zo hman lo ,Raven chuan a chal darah tak a kap nghal thuai mai ka insum hman tawh lo ka te chhuak nghal thawt a. 

.

Chapter-26

.

Ka thawmah chuan Raven leh midang ho chu an rawn hawi phei vata, chet nachang pawh ka hre tawh lo .Raven an min rawn hmuh chuan mak tih hmel takin min rawn en nghal kawk a ka chi ai nghal vek eng ber nge tih hmasak tur pawh ka hre lo.

" Ruang hi la sawn ru " Raven chuan a ti sap a ka lam panin a rawn kal ta mai!! Hmanhmawh lutuk in kawng pawh hmu tha hman lo chuan ka in pal phei nghal nawk nawk a,ka tlan na kawng hi dik nge dik lo pawh ka hre tawh lo mahse vanneih thlak lutuk in hostel kawt ka thleng hlawl tanpui tu au tur pawhin tumah hmuh tur an awm bawk si lo.

.

" min pui ru" ka ti tuarh tuarh a, Lobby ka thlen chuan ka thlantui in min bual huh vek tawh ka mangang takzet Raven an min rawn hmuh vaih chuan min that ve duh ngei ang . Elevator ah ka lut chiah chu ka thu nghal hnawk a, ka thinphu rang lutuk chu tih zia awm tumin ka kut in ka han dawm vang vang a mahse awmzia a awm lo.

" Lalpa min pui hram rawh" ka ti sap a,Tunah khan engthil nge ka hmuh kha!! ka mumang nise ka ti takzet ka ngaihtuah nawn pawhin ka la awih thei chuang lo.

.

Elevator atanga ka chhuak chiah chu ka hnung lam atangin tu emaw tha chak zet hian ka ka hup in min man bet nghal lawp a,min chawi kang ani ber.Min pu lawp a room ah min luhpui nghal. Han au tum sa teh mahila ka ka a hup tlat bawk si tal chhuah tum in ka ke chu ka han leng vak vak a awmzia a awmlo. Ka theih ang tawka na in min man bet tupa chu ka han chum leh vak vak a mahse a chak lutuk tal chhuah theihna chi ani lo.

"Norah... duhtawk rawh " chu aw chu Raven ngei ani,ka zawi nghal vek mahse talchhuah tumin ka han tal leh aih aih a.

" Shhh...Ka thlah dawn che mahse au suh aw " a tih chuan ka bu nghata.

.

" Engtin mah ka ti dawn lo che " ka beng bulah rawn tih sap pah chuan ka ka a hupna kut chu a la thla riai riai a mahse ka kut erawh ala man bet reng tho.Ka thaw nghal hawk a .

" min thlah rawh " tih pahin min man behna chu ka paih thla pawp a,ka room lam panin ka kal phei nghal hlawk hlawk a, pangngai tak angin awm mah ila chhungril ah erawh chuan ka hlau takzet

" Norah chhuak suh .... a hlauhawm lutuk " a tih chuan ka ding nghal chawt a ,Raven chu inthiam loh hmel takin a ding kun lap bawk.

"eng... engthil nge ka hmuh kha?"ka kut chu a khur der der a, ka hlauthawng lutuk chu ka khup te hi a zawi vek in ka hria.

.

" mawh... Raven ka thil hmuh kha enge awmzia " ka au nghal tuarh a,ka hriat thin Raven kha chuan mi that duh tur khawpin a nun a rawng lo .Nilo... Raven chanchin hi engmah hriat ka nei hleinem.

" mawh... sawi rawh " tih

pahin a jacket nghawng chu ka tham saka mahse a hmelah hrehawm tih na hlir ka hmu thung .

"mu tawh rawh a tlai tawh " a rawn ti sap a mahse chu chuan min ti thinrim zual.

" aih... engkim min hrilh hma loh chu ka mu dawn lo "

.

" Norah luhlul suh... khang thil thleng zawng zawng kha hre lo angin awm rawh "

" maw!! .... tual i that a chuan chu chu hrelo der turin min ti amaw"

" Chutiang ka sawi tum anilo.... " tih pahin min rawn khawih a tum a mahse ka lo tawlh hnung vat.

" inthiam lohna i nei miah lo...nilo... mihring pawh i ni lo "

" Ni e...mihring pawh ka ni lo a chhanchu thisen chhuah hi nuam ka ti chuan mi ka thah hian inchhirna ka nei lo"khumah chuan a thu hnawk a, a indawm kun lap bawk.

.

" mahse engvanga that nge i nih nilo police pawh an rawn lang tep tawh ang " ka tih chuan a nui ri hak a.

" Norah... engkim i hre chhuak vek dawn ta nge nge a nih hi "

" Engchu maw ka hriat ang "

" Ngaithla teh " tih pahin min hma chhawn zawng chuan a rawn ding ran a,"Thah an phu anih chuan mi ka that mai thin chuan police pawhin min man thei lo ,tun ah hian kei nilo in nganghi a ni dinhmun derthawng zawk chu chuvang chuan ka sawi ang hian awm ang che, engmah hre lo angin awm rawh"

" duh tawk rawh Raven... " ka ti nghal tuarh a "ka thei lo... tual i that ani chupawh hrehna nei hauh lo in "

"

.

"ngaithla rawh Norah...luhlul a hun lo " tih pahin ka rosary awrh lai chu a rawn phawrh chhuaka " he thi hian a la venghim hrih mai mai che ani chuvang chuan khawi hmunah pawh awrh reng ang che " Raven thusawi hi engmah ka hrethiam lo .

"min thlah rawh ... ka tih tur min hrilh angai lo,police hnenah ka report dawn che " tih pahin room atang chuan ka tlan chhuak nghala. Diktak chuan khatiang thu kha engtin nge min hrilh theih zawk khang thil zozai te kha engtin nge ka theihnghilh theih ang. Raven hian thilsual nasa tak a ti ani, ngaihdam theih loh khawpa thil sual ani.

.

Ka chungah engthil nge thleng ta mai hi ka hmangaih em em in tual a that lai ka mit ngeiin ka hmu a mahse engtin nge ka tih tak ang. Ka thup pui dawn nge ka report dawn? nilo... thilsual a ti a engvangin nge ka thup pui ang, ka inhum nghal vat a mahse ka thinlung erawh chuan zeppui turin min duh zawk si.Lobby lamah ka chhukthla hnak hnak a, rilru fim pawh ka pu thei tawh lo engthil nge ka tih hmasak ber tur pawh ka hrelo. Pawm a harsa takzet, ka hriat thin Raven kha chuan min venhmin a duh a chuan min ngaihtuah em em bawk mahse tual thattu mai ani .

.

Engmah ngaihtuah lo chuan ka kal zela midangin min rawn hmu se chu mi a emaw min ti ngei ang. Ka melh ngai ka melh vung vung a ka rilru a phir vek tawh. Raven hi ka report ang nge ka zeppui ang tih chauh ka ngaihtuah tawh. Chutia ka inngaihtuah buai lai chuan ka hnung lam atangin tu emaw hian ka ka a rawn hup thut a ka tal hman tawh lo ,ka hriat zawng chu ka khaw hmuh a fiah lo telh telh a, a rawn thim nghal mup mup a engmah ka hre zu tawh lo ani .

.

________________________________________

Tui a min rawn leih avang chuan ka harh nghal kawk a, mumang ram atanga min kai tho ang mai hian ka tho chhuak hlawl nimai hian ka hria. Ka dang a ro em avang chuan chil ka han lem khawlh a,ka chau hle bawk. Ka awmna chu hriatchian tumin ka hawikual nghal ruaia mahse room thim tak leh light pakhat dim ruai hnuaiah ka awm tih zawng chu ka hriat belh thei awmchhun ani. Tuin nge hetiang hi ka chungah ti? Engvanga hetianga min ti nge an nih ? zawhna tamtak chu a rawn lut nghal zung zung a mahse a chhanna erawh a awm lo.

.

Chair hlui tawh takah min thut tira,ka han tal a mahse ka kut leh ka ke chu chair ah an phur bet tlat avangin ka che tha thei lo . Ka lu anat em avang chuan ka thu kun lap a.

" tui " ka ti sap a.

" Tui kha han pe ta che u " tih pahin hmeichhe pakhat hi ka hma ah tak chuan a rawn ding a, thei leh thei lo chuan ka hawi chhuak a mahse ka thil hmuh hian min thawng takzet!!

" Trixie!! " ka han ti sap a.

" aw.. ni e, T, R,I,X,I, E.... Trixie " ngeiawm zet chuan min rawn nuih a.

.

" Ngatinge heng thil hi ka chungah i tih ?"

" aw... Norah khawngaihthlak awm te, engmah hi i hrethiam dawn lo niin a lang " tih pahin ka khabe a dawm pahin min kuai dak pawp a.

"engthil sual nge ka tih? "

" Engthil sual nge i tih maw!! hahaha... Norah Norah.... thilsual lian tham tak i ti alawm" min han kalkual vela, ka hnungah dingin ka beng bulah a rawn kun hniama.

" I tihsual chu maw... Raven nen inzawmna in nei khanglang alawm" ka meng phawk nghal kawk a, za tak hian a nui nghal awr awr a, Trixe hi hetiang mi hi ani lo asin,mi zaidam leh nunnem tak ani thin asin chuan min thah alo duh chan chu Raven vang maw!! .

.

" Trixie... hetiang mi hi i ni lo "

" ni e... ka nilo, haha... Trixie mi nunnem leh zaidam tak kha chu a thi tawh, lemchan vek ani "

" mahse engvanga hetianga awm nge i nih "

" ka chhan kher che angai ami... oh.. nilo i thih hma in hriat ve chu i phu alawm tiraw?" mi zawng zawng hian ngatinge min bum tak mai le? Engthil sual nge ka tih? au chhuah rawng rawng mai ka duh.

" i hria em? Raven an min hnawl laiin engvangin nge i lo neih ve ringawt ang... nang mi hnuai hnung lehnghal "a thir phek ken sa zet in ka chawn a a rawn dep mai chu ka au chhuak nghal thawt a ,a na lutuk chu ka mittui a rawn luang nghal zung zung.

"a na i ti maw!! Raven nen in chungchang min hrilh lai ai khan a na lo daih zawk khatiang hun lai atang daih tawh khan thah che hi ka chak zek zek tawh asin" tih pahin ka ban ah a rawn dep leh a ,ka au ri chuan a ti phur zual emaw tih mai tur hian min melh a a chang leh min nuihsawh bawka .

" Trixie... khawngaih in duhtawk tawh rawh "

"i hria em? ka tet lai atangin Raven hi ka duh tawh keima ta chauh ani ...chuan ilo langa min rawn chhuhsak ringawt amaw!! " tih pahin bakcheh hi ka mit zawn ah tak chuan a rawn lek vela .

.

" Eng.. engthil nge tih i tum? " ka ti bah nuai a, ka hlau lutuk chu tah pawh ka tap chhuak thei tawh lo.

" Trixie... bakcheh kha dahthla rawh " ka tih chuan min melh run run a, a awmdan te hian mi rap takzet.

" Haha...chuti maw " tih pahin a tho thut a, ka sam chu a rawn zut kual a.Ka theih ang tawkin han tang ve teh mah ila awmzia a awm lo.

" Heng i sam sei tak hi ani ngei ang Raven an a chul sak che chu " tih pahin a tan bul nghal hmawrh anih chu!!

" Khawngaih in min chhuah tir rawh... ti tawh suh Trixie "ka han tal vak vak a,ka aw te chu a lawi zo vek tawh.

.

"teuh lo... Raven avang hian lem ka chan angai a, mahse hnawl ka la ni tho " tih pah chuan ka sam sei tak chu a tan nghal hmawk hmawk a,ka au thawmah room te chu a khawk rawm rawm a mahse min tanpui turin tumah an rawn lang thei chuang lo, nilo... helai hmunah hian ka thi ngei dawn anih hi.Raven kha ka hmangaih thu ka la hrilh lo asin,ka mittui chu a luang nghal zung zung a.

"Raven chauh nilo Stephen thlengin min laksak veka ..oh.. ni e, Stephen pawh ka duh tho nau ka pai ka tih pawh kha dawt vek anih kha.. haha.. aw... Norah i duham mah mah lo maw "

.

" Trixie hetian hian awm suh "

"Awle ka awm lo ang.... Raven i then anga i kal bo san dawn anih chuan " hnai takah min rawn melh kalh a.

" ka thei lo "

"Sawi rawh Raven kalsan in East Hodge ah i let leh tur thu sawi rawh " a tih chuan ka lu ka thing vak vak a, diktak chuan Raven hi kalsan turin vawikhat pawh ka la inngaihtuah ngai lo.

" Raven an hria se chuan a ngaidam hauh lo ang che "

"zakthei lo nu " tih pahin ka hnung lam atang chuan min rawn vaw chawrh a, chair chawpin hma lamah ka tlu nghal thlawp.

.

A na lutuk chu chet a hnekin thawk pawh ka thaw tha thei lo, ka ka atangin thisen a rawn chhuak nghal zawih zawih a, ka mittui chu a rawn luang ngiai ngiai a ka rilru a awm chu Raven chauh ala ni fan tho. A nui hmel te, duat taka min kuah lai te, min fawh lai te kha ka ngaihtuah a Raven nen kan awmdan zawng zawng kha ka ngaihtuah nawn pawhin ka inchhir reng reng lo. Ka hma ah tak Trixie chu a rawn thu a

" i phu tawk chiah ani " a tih zawh rual rual chuan silai ri ka hre zui nghal.Trixie chu ka hma ah a rawn bawk nghal thlawp a, theih leh thei lo in Trixie kap tu chu ka melh chho a.

" Sarah " ka ti sap pahin ka nui suk a, engmah ka hre zui tawh lo.

Chapter-27

.

" A chuapa thisen tling siak chhuah chauh ani a a tha leh vat ang" an tih ri chu ka hre ruai ruai a,ka nak leh ka hnungzang vel a nat em avang chuan thawk kan han la kawk kawk a,min hnawh niber hian ka hria.Ka han meng siar siar a ," Khawiah nge ka awm? " ka han ti sap a ka awmna chu hriat chhuah tumin ka han en kual vela light eng tak leh inchung var vek bak ka hmu thei lo.

" Norah... i rawn harh tawh ami? " Stephen chuan ka kut chu a rawn vuan vata,

" Khawiah nge ka awm ?"

" Damdawiin ah mahse i dam leh vat ang "

.

Ka thil tawn rapthlak tak chu ka ngaihtuah chhuak nghal uai uai a, Sarah kha ka mi hmuh hnunun ber kha ani si a engtin nge Stephen hi hetah a awm theih?

" Eng... engtin nge hetah ka awm? "

" Ahh... Sarah in min rawn bia a accident i tawk tih min rawn hrilh a chuan i chuapah thisen a tling bawk mahse hlawhtling takin an siak chhuak tawh " Stephen chuan min lo nuih var a, a hlim hmel ka hmuh hian ka hahdam sawng sawng in ka hria .

.

Zawhna tamtak nei mah ila ka chauh em avangin ka han maimichhing leh vang vang a.

" Norah... na te ila nei em ?"

" aih nei lo e ..." maimichhing reng chung chuan ka chhanga.Ka ban Trixie in min dep na kha a nat deuh avangin ka ner deuh nanga

" anih chuan mu hahdam rawh muttui le " tih pahin ka hmuiah chuan a rawn fawp zeuh a mahse ka ngaihtuah erawh chu Raven chauh ani. Ka mittui chu sir lamah a luang thla ngiai ngiai a ,ka han insut ri leh hraih thin a han tah chhuah hawm hawm erawh ka hreh bawk si.

.

Trixie khan Raven vangin min thah a tum a mahse a awm tho e a chhanchu Raven hi atchilh tur khawpin a tha chungchuang em alawm mahse ka tan chuan phurrit mai ani si.Vawi engzat nge Raven avang hian ka la tawrh dawn nilo... ka la tuar zel ang mahse chu chuan amah min hlat tir eih lo. Ni e, tual a that tih ka hria mahse ka tan chuan hero ani tlat.Raven hian thuruk tamtak a nei a heng thil zawng zawng pawh hi chhan tha tak nei lo chuan a ti hauh lo ang tiin ka la ngaihtuah fan tho.Ngatinge a that lohna leh a felloh na te hi hmuh kan ka tum tlat mai le.

.

Phone vibrate chur chur ri ah chuan ka harh hlawl a, ka khum bawha mu mek Stephen lu chu ka zuk chul sak a, ka hnawl hnu ah pawh hlim takin harsatna ka neih apiangin min pui zel chu ani sia mi tha tak zawng ani min phatsan ve loh ngei ka beisei.Stephen chu a rawn tho thut a, a phone chu la chhuak in a en vung vung a.

" Stephen tunge? "

" Ahh... ka nu min lo hrethiam rawh" tih pahin kawngka lamah chuan a phei daih a. Hetiang khawpa mifel hringtu hian ka nu a that chu ani sia, ka mumang nise ka ti takzet,Stephen hi ka haw ve kher tur ani lo .

.

"ka nu duhtawk rawh min ngaihtuah angin awm tum suh " a tih ri chu ka hre thei a, phone a dah zui hmak bawk. Stephen chuan rawn hawi phei pahin min rawn nuih sanga mahse a mitmeng ah erawh a rilru a na hle tih a hriat thung.Kei pawhin ka lo nuih let ve suk a.

"Stephen... damdawiin ah ni engzat nge ka awm tawh "

" ugh... ni 3 , lungngai suh he damdawiin hi kan ta ani a, ka lo free sak ang che " min rawn fiam zui zat a.

"E taka... nizan khan ka pu a rawn kal a mahse ilo muhil tawh a "

" ka tibuai ngawt mai che u "

.

" tibuai tep... ngangmah ngaihtuah lo thei lo in min siam vek chu anih hi "

" Fiamthu lo teh "

" kha i dam tha tawh lutuk a,i chhuak thei tep tawh ang "

" i ti tak tak em "

" umm...fiamthu ani tawh lo ania"

" Stephen ka lawm e "

" Ka lawm e... chutiang ka ngaithla peih lo "tih pahin couch a towel awm vel chu a thlep tha mawlh mawlh a.

" Stephen "

" umm"

" Sarah hi khawiah nge? " ka tih chuan a thil tih lai chu a chawl thut a.

.

"Sarah chu " a han thaw hak a " Ahh... tunah chuan Jail ah a awm "

" Maw!! " ka meng phawk nghal kawk a

" anih Trixie "

Stephen chu khum bula chair a rawn thut pah chuan ka kut na lai in tuam var vek chu a rawn khawih a.

" hengte hi Trixie tih vek tiraw ?"ka ngawi renga.

" a ho lutuk hlau suh... Trixie chu a awm tawh lo "

" Eng... enge i sawi awmzia? "

" Sarah in a kah khan a hmunah a thi nghal alawm chuan Sarah chu police in an la kawl mek ani "

.

" Stephen pawi ka ti lutuk.... Trixie kha keimah vanga thi ani tih i hria tiraw? "

" Norah... engmah sawi tawh suh" a mittui chu a tling nghal pama.

" engkim ka hre vek alawm... a tir atangin keima thiam loh vek ani Trixie kha drugs a ti nasa em em a a rui reng thin, tette atangin kan inah an awm tawh a a rukin Trixie chu ka duh em em thin a chhanchu ka nu in min vuak apiangin min hnemtu ber anih vang pawh ani mahna mahse Cambelo mi leh sa kan lo nih tak hnu chuan kei ni lo in Raven chu a thlang ta zawka. Ni e, tupawhin an thlang vek alawm tiraw? "

.

"mahse ngatinge engmah min hrilh loh "

" engtin nge ka hrilh theih ang che,mi zawng zawng i ring veka chu chu tih chhiat ka duh hleinem mi nunnem leh fel tak kha ni reng la ka duh vang ani . Norah helai hmun hi i tan chuan tawrhna mai ani chuvang chuan let leh zawk rawh "

" ka theilo "

" ka pui ang che... umm... helai hmun hi i tan a hlauhawm lutuk "

"hlauhawm mahse ka tlanchhiat san thei hleinem ka hmachhawn zawk angai alawm"

.

"i hlau lo ami, Sarah, Trixie ....tupawh mai hi an landan ang hi an ni lo ania "

" Ka hria lawm...chung zingah chuan Raven pawh a tel" ka tih chuan ka nui lui suk a.

" Raven... Raven... hepa hming hi sawi tawh suh "

" mahse i unaupa ani tho alawm " a meng phawk nghal kawk a.

" ka hria alawm, engkim chu ka hre vek lo na a i unaupa neih chhun ani a, ani chuan a hmangaih takzet che asin "'

" i mumang mai anih chu.... ka engkim hi min chhuhsak vek tawh a. Ka pa, ka pu leh ro zawng zawng pawh nang lehzel pawh a nei che a... hreptak chuan " tih pahin a tho thut a, pawnah a chhuak nghal vang vang a.

.

--------------------------------------------------------------

Kar hnih dawn lai chu damdawiin ah ka awm tawh a,nitin mai hian Stephen leh pu Christopher chuan min rawn tlawh ziah a mahse Raven erawh vawikhat pawh a rawn lang lo, ka call leh ka message lah a chhang thei hek lo mahse a rawn kal erawh ka chhuah ni thlengin ka la beisei tho. A chang leh a buai anga a rawn kal hman lo aniag tih te in ka ngaihtuah a, a chhang leh mi a that leh tawh aniang tih te in.

.

" Stephen ka hman tawh e "

" awle... kal nghal ila " vawin ni hi damdawiin atanga ka chhuah ni a ni a ka lawm takzet tunah chuan Raven ka hmu thei tawh ngei ang.

" Norah... kan in a awm chu i duh lo tak tak maw!! "

" umm... hei ka dam tawh alawm, monday atangin class pawh ka kal theih tawh ka ring "

" a that hlauh chu, ka thlah che anga mahse vawin pawh i mu mai mai ang tih min tiam rawh " a tih chuan nuih sang pahin ka lo bu nghata.

Hostel kan thlen chuan Stephen nen ka room lam pan chuan kan inzui chho hnak hnak a, ka khawsik ala awm zeuh zeuh tih loh ah chuan ka dam tha var var tawh in ka hria. Mahse ka kut leh chawn thir phek sa a min dehna erawh a dam mawh hle.

"nilo... ka thei lo keimah vanga a tawrh hi ka duh tawh lo "

" mahse anu chungchang hi chu a hriat a hun tawh alawm " Raven leh Sarah lo inbe mawlh mawlh lai chu ka hre hmana.

" Engchu maw ka hriat tur? " ka tih chuan Raven leh Sarah chu an rawn hawi vata.

.

" Norah lut ang " Stephen chuan alo ti vata.

" Stephen khawngaih in hun min pe thei angem? "

" awle " tih pahin thinrim insum tih hriat takin inhnuai lamah a chhuk thla nghala.

" Min lo hrethiam rawh " Raven pawh chu a room ah a lut hmak.

" Sarah in bia ang " room ah ka lut a Sarah in min rawn zui ve nghal bawka.

.

" Sarah... hetah engtin nge i awm theih? ka hriat dan kha chuan... "

" ni e... Ka chhuak tawh alawm. I hre tawh maithei Norah... Wolf gang mi leh sa ka ni " a tih chuan mak tih hmel takin ka en ha a.

" Engmaw!!"

" engkim hi i hriat vek a tul tawh ani mahse thuruk ani tur ani " a tih chuan ka lo bu nghata .

" Wolf gang hi a lan dan chauh ani... i hriatthiam dan tur chuan Hna sang tak tak thawk doctor thlengin Wolf gang mi leh sa an awm vek chuvang chuan keipawh a hmingin kar khat bak ka tang lo ,jail tang thei lo tluk ka ni "

.

" mahse Keimah nen hian engtin nge kan inzawm ...ngatinge kei kher "

" a chhan chu Raven nu Rosalind Cambelo kha he gang mi leh sa hi ani "

" Raven nu maw!! "

" aw... Raven nu leh i nu kha thian inkawm ngeih tak an ni a "

"mahse ngatinge kei mah nen inzawmna ka neih " ka tih chuan ka rosary awrh lai chu a rawn khawih a.

" hei vang hi mawle... " a nui suk a "he Rosary hi thi naran mai mai a ni lo, a chhungah hian chip a awm ani mahse keini ho pawhin eng chip ber nge anih kan hre lo mahse wolf gang tlak chhiat rup theihna ani tlat thung "

.

" Sarah... engmah ka hrethiam lo "

" A tirah chuan Raven nu hian he thi hi a kawl reng thin a mahse a thih dawn khan i nu a pe ani mahse i nu pawh thah alo ni takah kha chuan he thi hi i kawl ve leh chiah a chuan he thi avang hian kei, Raven, Jazz leh Brandon te hi venghim tur che a director ten min ruat ani. "

" Ka nu thattu ka hria asin"

" ni e... Regina Cambelo ani, mi hlauhawm lutuk anih saw chuan tunah hian an zawng mek che hei vang hi alawm i identity zawng zawng chawhchhiat vek anih nachhan " a tih chuan ka meng phawk nghal kawk a.

" ilo hre vek amaw!! "

" kei chauh nilo in Raven pawh in a hria"

Chapter -28

.

" mahse ka nu kha thah ani asin....chuan nangni ho hian helaiah fiamthu nan in lo hmang mai mai amaw!! "

" Norah i ngaihdan ang kha ani lo, he i rosary awrh laiah hian Raven nu khan document pawimawh tak pakhat ro khawmtu tur in ziahna chu a dah tel a mahse keini ho Raven, Jazz ,Brandon leh kei bakin kan hre lo chuvang chuan kan sawi chhuak ngai lo mahse eng tin tin emaw Regina in a hre chhuak ta a tunah hian a zawng mek che ani. "

"mah... mahse ngatinge an ina thawk turin min tih si"

.

" Ni e a dik alawm he thu hi chu keimah chauhin ka hria a chhanchu Regina hian a rinhlelh loh nan che ani. I hria em Raven damdawiin a a awm khan tihian ka ngaihtuah ta a, Raven ina hna i thawh chuan Regina in rinhlelh nachang a hrelo che anga tiin tichuan i tana tha ber turah ngai in Pu Christopher chu ka dila tichuan i awm ta ani mahse Cambelo inah i awm tih Raven an hria se chuan thil pawi tak a thleng ngei ang "

.

" Sarah thil thlen dan hi a buai lutuk a engmah hi ka hrethiam lo, mi tha tak anga ka ngaih in min thah a duh a chuan ka rin em em ten hmanrua ah min hmang bawka" tih pahin khumah chuan ka thu hnawk a. Ka awih thei lo Regina in min zawng tih te, ka nu thih dan te leh engkim mai chu Raven an a hre vek a mahse engkim a zep vek.Ka rikru na lutuk chu ka indawm kun lapa, bum ka ni mi zawng zawng in min bum vek, engvanga hetiang hi ka chunga thleng nge anih mai le?

.

" Anih chuan Raven nen kan awmdan te kha engkim kha ruahmanna vek maw !!" ka mittui chu a tling nghal pam a, Raven nen kan inkar kha a tak tak emaw ka lo ti a mahse engkim mai kha dawt vek alo ni reng amaw!!

" Aih ...nilo kan ruahman dan ani lo .Kan ruahman danah chuan Raven an a venghim ringawt ang che nang hmangaih che nilo in "

" Engmaw!!"

" ni e...Raven hian a hmangaih takzet che ani chuan thil pawi tak ani bawk "

"nilo... min hmangaih lo...damdawiin a ka awm chhung zawng in min hmu tur pawhin a rawn kal hleinem "

.

" Norah i hriatthiam ve mai ka lo ring asin " tih pahin ka hma ah tak chuan a rawn dinga "Zantin i that leh that loh hre turin a rawn kal ziah asin mahse enge a tih chuan ang amah vangin damdawiin ah i awm phah a chuan thah i ni tep bawk ,tichung chuan engtin nge engmah thleng lo ang maiin a hmuh theih ang che ,hrehawm a ti lutuk hi kan bulah pawh awm duh lo in nileng leng in room ah a inkhung bo daih thin,hetiang hian Raven hi ala awm ngai lo hmeichhia vang lehnghalin, a hma kha chuan tualthah te mi sawisak te hi hrehna a nei ngai lo mahse nang a tawn hnu atang chiah in a inthlak danglam nghal vek.Tual a thah in hrehawm a ti ngawih ngawih a,mi a sawisak lahin nuam a ti tawh hek lo"

.

"Mi a thah te chuan hrehawm a ti reng ang chu "ka lo ti vata,

" nilo... Norah Raven hi kum16 anih atang tawhin hetiang tur hian train ani tawh.A nu kha thah ani tih a hriat atang tawh khan thinrimna hlirin a khat a, khawvel chu a hmelma a lo ni ta a thisen chhuah lah a hreh hek lo chuvang chuan he gang ah hian amahin a rawn in pe lut ta ani.Training harsa tak tak a paltlanga ani chauh hi level 7 thleng thei awmchhun ani ,silai kah, insual leh engkimah a ber ani a chuvang chuan he gang ah pawh hian dinhmun sang takah a awm phah reng ani, engthil sual pawh tise police ten man theihna an nei lo chuti khawp chuan thil a ti thei tawh"

.

"chuti nisi engkim hi ngatinge a tih tawp mai loh "

"Haha... a thei bik hleinem, Raven chungah hian mipa khat ala awm, thil ti thei chungchuang tak ani Raven pawhin ala hmu bik lo. Chupa chu Wolf kan ti mai thin, thu chhuah khirh tak tak leh dan khirh tak tak a chhuah renga chu chu kan zawm mai thin.I hria em ka mi thah hmasa ber pawh ka hmangaih em em ka bialpa ngei ani asin mahse thuchhuah ani tlat, engkim mai chu a kip a kawiin ka zawm mai tur ani. Naupang tamtak engkawl tu neilo te chu vulh liannin a ui sa thiamah a chhuah thin a chuan hmun hrang hrang ah drugs kan tlawlh ru thin bawk " thil inphum ru tam lutuk hian min ti a thei takngial dawn.

.

" engkim hi tihtawp vek ka duh he thi pawh hi ka kawl duh tawh lo" ka thi awrh lai chu pawhthlak ka han tum a

" nilo... Norah" Sarah chuan a rawn ti nghal tuarh a.

" he thi hi midang kawl tura thuchhuah an rawn siam ani emaw i kawl loh rual rual in thah ini dawn chuvang chuan min ngaithla la engmah hrelo angin awm rawh a hma a i awm dan ang khan awm leh rawh "

" Engtin nge ka hriatloh der theih ang? thi thei reng dinhmunah ka ding reng a chuan ka mit ngeiin tualthat lai ka hmu bawka chu ti chung chuan engtin nge ka hriat loh der theih ang, ngatinge hetiang leh tur si heng thil zozai hi min hrilh " ka hnuk a ulh leh tun tawh, ka vanduai bik lutuk hi Pathian pawh ka dem rum rum tawh.

.

" kan hmangaih vang zawng che ani Norah...hrilhhai taka i awm hi kan duhloh vang zawng ani.Nitin in bum in i awm renga hetianga mi a ang maia awmtir che hi ka duh tawh lo. Chuvang chuan engkim a that zawk nan Raven hi theihnghilh tum rawh "

" maw!! "

" Raven hian a hmangaih che tih hriatchhuah ani vaih chuan Raven pawhin a thihpah anga chuan nang pawh in.. i chhungte i chan anga mahse wolf gang erawh a kal dan pangngai in a kal reng tho ang "

.

" Sarah... kawng dang a awm thlawt lo ami ?" beidawn hmel tak chuan ka ti a

" ka hre bik lo a tha ber chu he thi hi awrh reng la chuan Raven hi theihnghilh tum rawh "

" mahse ka thei hleinem tum chhin pawh ka duhlo "

"Raven ang chiah i ni... tinge in theih loh thu in sawi tlata, kei pawhin ka hmangaih ber ka thah theih chuan in thei ve tur ani ,chuan in pahnih in in dam anga chuan i chhungte pawh chuvang chuan luhlul chhuah lo in theihnghilh tum rawh" vin deuh thah chuan a rawn ti a .

.

" Thi dawn mah ila pawi ka ti lo " ka ti sap a, Sarah chu a nui lui hak a

" Norah engtik lai atang khan nge ilo huaisen tak em em a, ka awih thei lo ka thusawi chu pawm mai rawh heihi ka thurawn pek theih che hnuhnung ber anih hi"

" Hnuhnung ber maw!! khawiah nge i kal dawn "

"

" ugh... ni e, thu chhuah nilo in tual ka that a chuvang chuan thla li chhung hrem ka ni dawn ani "

" Eng... eng inhremna maw!! engtin nge an hrem dawn che "

" Eng vak nilo e, ka awm bo ringawt dawn alawm "

" ka... ka thiamloh vek ani " ka ti bah nuai a "Sarah... engkim hi keimah vang veka thleng nimai hian ka hria "

" nilo e... nangmah vang hian kan la nung tawk tawk chu anih zawk hi " tih pahin a nui chuai raih a.

.

" Anih chuan tunah mi i kal dawn ?"

" aih ni lo e.. kar1 chhung hun ka la nei " thawk a han la kawk a.

" Norah... party na ah i rawn kal ve duh angem? " tih pahin min rawn siai zeuh a

" aih... nilo, zanin ah chuan nilo "

" min thlah nan tal i rawn kal ve dawn lo ami?"

" Sarah... hrehawm ka ti takzet " Sarah chuan min rawn kuah nghal thlawp a.

" I thiamloh ani reng reng lo,hahdam rawh i chau lutuk ang mu tawh rawh " a ti sap a, ka chau bawk nen ka lo bu nghata, khumah chuan ka mu nghala.Ka thil hriat mak tak tak hian min ti chau takzet. Tunah chuan engnah ngaihtuah buai lova mut daih chu ka duh ber ani.

.

" thlamuang takin mu tawh rawh, hlauhawm engmah a awm tawh lo , kan venghim tlat che ania " tih pahin puan chu min sin that tira, engmah pawh sawi lo in ka lo nuih suk a mahse chhungril ah erawh ka rilru a buai hle thung.

" anih chuan eitur kan lam ange "

" umm... " Sarah chu room atang chuan a chhuak nghala. Sarah a chhuak chiah tih chuan Stephen pawh a rawn lut ve nghal.

.

" Ahh... i tha maw"

" umm.... "

"engthil nge in sawi chu ka hrelo na in i that hmel vak lo "

" Stephen ka tha " Stephen chu ka khum ah chuan a rawn thu a, chiang takin min melh kak bawk.

" Khawi le i ke " tih pahin ka puan sin lai chu a rawn hlip pawp a.

" Engthil nge maw i tih le? "

" hliam hi dressing that angai alawm, lo tal suh " tih pahin ka chawn, Trixie in min dehna pem in tuam var luk chu a phelh nghal mawlh mawlh a.

.

" Stephen "

" umm... enge nita? "

" I nu in ka nu a that tih kha i hria tiraw? " ka tih chuan mak tih hmel takin min rawn melh nghal kawk a

Chapter-29

.

" Maw!! "

" Ahh... ka zawt mai mai che" ka ti ta ringawt a,Stephen hmela hrehawm tihna kha ka hmuh hmaih hauh lo ,ni e lo hria pawh nise tih theih dang ka nei chuang hleinem hun kal tawh ani a ka theihnghilh tur ani tiin ka inhrilh mawlh mawlh a mahse nu ka neih loh avanga hrehawm ka tih thin zia te, nun derthawng reng a awm hi hrehawm ka ti takzet.

" muthilh tum rawh... i chau lutuk palh ang "

" awle "tih pahin ka han maimiching vang vang a,min rawn fawh a tum chuan puan in ka lo inkhuh hmak a ka chau bawka reilo te ah ka muhil ta vata.

.

Phun neuh neuh ri chuan min ti harh hlawl mai, ka han meng a room chung chu a reh in alo thim thapa, balcony lam ka hawi phei vata khua alo thim vek tawh. Ka ban vel chu a nat deuh avangin ka ner nanga light chu ka on nghal vat bawk. Ka han hawi kual vela ka room ah tumah an awm loh avangin tawng ri neuh neuh chu pawn lam atanga rawn chhuak tih ka hre nghala, thawm dim thei ang berin kawngka lam chu ka pan nghala. Thinphu dep dep chungin door view atang chuan ka han bih leh dek dek a mahse palian pui pui kal liam bak ka hmu hman lo.

.

Kawngka chu ka hawng vata Raven room ah ka tlan lut nghala. Khumah thu in a taksa pem leh hliam vel ah damdawi alo hnawih mawlh mawlh lai ka hmuh chuan ka thaw nghal huai thei. Min rawn melh zeuh a mahse a tih lai chu a chhunzawm lehnghal mawlh mawlh a. A damdawi ken lai chu ka chhuhsak vata, abulah thu in a ban hliam ah chuan damdawi chu ka hnawihsak nghal mawlh mawlh a, ka awmdan chu min lo en renga ka zam lehnghal vek tawh .

" An kah na che ami " tih pahin a ban a ser chu ka melh zeuh a.

" umm... "'

.

Awmdan tur hriat a har takzet ka lai kual vel vek tawh.Ka hrawk ka han thian leh kharh kharh thin a Raven lah chu a hawisawn duh der bawk si lo.

" ughh... nichin ami te kha... " ka han ti sap a.

"Sarah rawn hruai tu tur te an nih kha "

" maw!! Sarah maw!! "

"umm...."

"khawiah...? Kar kat lai hun ala nei sia "

" Sarah in a hrilh tawh ngei ang che hrem ani dawn ani "

" mah... mahse.., nilo, engtin nge an hrem dawn ?"

.

" hmun thim tak leh chep takah an dah anga chaw tha pawh a hmu lo ang, a inbual phal sak ani lo anga tumah in an hmuh phalsak ani hek lo " Sawi tur pawh ka hrelo,engkim hi keimah vang vek ani min venghim tute pawh hremna ka tawhtir zel chu ani sia.

" ih... ih... keimah vang vek ani " ka ti chuai raih a.

"nilo i thiam loh ani lo, a hna a thawk mai ani "

" mahse hrem ani tho alawm keimah min chhan a tum na lamah "

" Sarah hi ka hrechiang lutuk a tuar chhuak em em ang " ka kun lapa, ka hnuk a ulh leh tlat tawh

.

" anih khatah khan Trixie khan lo that ta che sela engthil nge thleng ang i hria em? " a tih chuan ka lu ka lo thing vata.

"Sarah hremna hmuh aia nasa in min hrem ang chu mai pawh duhtawk lo in kan chhungte pawh min thah sak vek ang chuvang chuan hriatthiam tum rawh nangmah vanga nung tawk tawk zawk kan nih hi "

" Sarah sawi dan chuan he pawl ah hian thu i nei tawh hle si a ngatinge heng thil te hi i tih tawp mai loh " ka tih chuan ka sam ah duat takin a rawn chul a.

"Ni e, a dik alawm keichu awlsam takin ka chhuak zel mai ang mahse nang ,Jazz, Brandon, ka chhungte leh i chhungte hi ka ngaihtuah vek angai alawm "

.

Ngatinge engkim hi a inzawm vek mai le, tu emaw ber in thil tisual se kan vaiin kan tuar vek dawn ani. Heng thuruk liantham lutuk hi engtin nge ka nu khan ka lakah a zep theih zawk le.Hetiang vang hi em hi ka nu khan college kal lova Nun nih tir min tum chhan , ni e... New Orleans a ka kal loh dan tur ringawt anih kha a zawn. Thil awmdan chu ka hrefiah nghal uaih uaih a mahse he rosary hi ka awrh chhung zawng chuan ka nun hi zalen takin ka hmang thei dawn chuang lo chuan ka awrh tawh lo ani vaih chuan thah ka ni bawk ang.

.

" Raven ka hlauthawng takzet " a mit ah tak en chung chuan ka han ti sap a.

"Stephen a awm alawm, ani chuan a venghim em em ang che "

" Mahse Stephen ka duh hleinem " ka tih chuan ka hmuiah a rawn fawp vang vang a.

" Norah... kan inhmu tawh lo thei mai lo ami " a tih chuan ka thinlung hi chem zum taka chhun sawk sawk ang mai hian a na. Ka mittui chu a rawn luang ngiai ngiai a. Ka mittui chu a rawn hruhul vata

" I mittui te " ka ban na lai chu a rawn khawih leh a " i ban te hi keimah vang veka thleng ani tih hre reng chung chuan ka bulah ka awm tir thei lo che "

.

" Mahse engtin mah ka awm loh hi " ka tih chuan a ding thut a.

" Engtin emaw lo awm ta la, Trixie khan i chungah engthil emaw lo ti ta se " a ti nghal tuarha

" Engtin nge ka awm ang " a ti chuai zui raih a mahse ka hrechiang kher mai.Raven chu balcony ah a chhuak daih a, a awmdan khan min thawng vang pawh ani mahna ka thinphu hi a rawn thum dawt dawt ni berin ka hria.Balcony ah va chhuak phei si lo in kawngka bulah chuan ka ding ran a.

"engtin pawh lo awm ila min ngaihtuah lo ani lawm ni "

.

A ngawi renga cigrattee chu a han fawp vang vang a,kawr a hak loh avangin thla eng hnuaiah chuan a hnung zanga tattoo inchhu khat tuarh chu a lang chiang em em a. A hnungzangah chuan ser leh hliam a kat nuk bawka mihring hi hetiang em em hian alo tawrhchhel theih ani maw?!!

" Raven ngatinge min pehhel hi i tum tlata " tih pahin hnung lam atang chuan ka va kuah a,a hnungah chuan ka bei hle hle a, a thinphu ri te leh a pangti lum ham ham te hi ka ngai in ka thlahlel takzet. Raven chu che miah lo in a ding khawng renga a chil chu a han lem leh dak thin a.

.

" Hrehawm ka ti min biak duh loh hian, damdawiin a ka awm chhung zawng pawh khan ka ngai thei lutuk che asin " ka rilru a awm zawng zawng chu zep hauh lo in ka sawi chhuak nghal phawng phawng a,

" I tana tha tur vek ani " a rawn ti sap a, ka kuahna kut chu a rawn phelh a min hmachhawn zawng chuan a rawn ding ran a, hlauthawng ru tak leh mak tih hmel tak hian ka lo en chho ha a.

" Norah... hmeichhia ka kawp thei lo tih i hriat kha, tunah pawh hian kan inlaichinna hi hrechhuak se chuan i tan a hlauhawm lutuk "

.

" mahse ka bulah i awm te chuan engmah ka hlau lo "

"nitin in hlauthawng reng reng in ka awm a ka chak loh na i nih hi ka duh lo "tih pahin ka biang chu a rawn chul a.

"hetiang em em a hmeichhe inring tawk lo leh mite ring hma hi ka la hre ngai lo"ka hmuiah chuan a rawn fawp vang vang a,

"khawngaih in min kalsan suh " ka tih chuan ka mit ah tak min rawn en kalh a.

" Sawi tawh lo ang " min pawm kang nawlh a, khum lamah min pawm phei nghala. Light dim raih leh khaw awmdan vel chuan Raven ka mamawh zia min hriatnawn tir ni mai hian ka hria.

Raven chuan a khumah chuan min muttir ah ,ka chungah rawn bawk in ka nghawng chu a rawn seh ne ne a.Ka hmuiah rawn fawp leh in keipawh chuan ka lo fawp let leh nghal tawn tawn a. Ka ban a rawn khawih chuan na ka tih deuh avangin ka lo phu zawk a .

" Trixie tih nat kha tiraw keimah vangin " ka beng bulah chuan a rawn ti sap a,a thaw lum ham ham te chu ka hre thei chhang lo in a hmuiah chuan ka han fawp zeuh a, inthiam lo tih hriat tak si hian min rawn nuih suk a.

" Ka tihpalh " min rawn fawp leh nghal tawn tawn a, a kut chuan ka mal leh dul vel te chu a zut nghal ruai a chu chuan min ti phur zual.

.

Ka kawr leh pawnfen chu phelh in ka hnute chu a rawn seh ner ner a, ka lo rum leh ham ham thin .Ka dul leh ka nak vel chu a fawp thla zela

" Norah.... Ka hmangaih che " a rawn ti sap a, ka hlim lutuk hi ka mittui chu ka khap per fap a. A vawikhat nan Raven an min hmangaih thu min hrilh anih chu!! min duh thu vawikhat pawh min la hrilh ngai lo hian min hmangaih thu min hrilh ta mai hi ka mumang emaw ka ti hial.

" Keipawh in ka hmangaih che" ka lo ti vata,ka thil sawi tawh ah chuan sawi awlsam ber ala ni hial ang.

.

Min fawh lai te chuan ka hlim lutuk hi ka tap thei hial ang. A sam ah tham in kan inkuah chial a, ani pawhin min dim lo hle. Zawi muangin ka taksa ah a rawn lut riai riai a, ka lo rum chhuak ham ham a.Ka ban a khawihna te chu na hle mahse tuna ka thil tawn hian a hliahkhuh vek ni ber hian ka hria.Reilo te ah Ka ke chu a rawn khur dar dar a, Raven chu ka sirah chuan a rawn let thla tawpa. A hmel ka va en chuan ka lungawi hliah hliah, a hmeltha in zun a nei ngah si a hmeichhe tan chuan chhuah ngaihna a awm tawh loh vang pawh hi ani mahna hmeichhe te duh rawn anih nachhan.

.

" Norah.... "

" umm... " amah hnaih turin min kuah hnaia.

"mi ka thah lai i hmuh khan min hlau phah lo ami?" ka han melh chho vata, a zam ve hle tih ka hre thei , hetianga Raven meuh pawh a awm avang chuan ka nui suk a.

" Ai hlau phah lo "

" Ngatinge.... "

" a chhan chu min tih nat ve dawn loh vangin"

" mahse... ka tihnat che emaw ka thah che lo ngai ta se "

" min that anga nimai lawm "

.

" nilo... chu chu ka ti thei lo ang chuvang chuan.... " a sawi zawh hma hma chuan a hmuiah ka han fawp zeuh a.

" mangtha le " tih pahin ka muhil der ta tlata.

" Norah.... " ka chhang duh tawh lo a chhanchu amah hnaih tawh lo turin min hrilh leh ngei ang. Engtin nge ka hlat theih ang, Ni e , Raven hian min ti na a, ka mittui ti tla in min ti tap bawka mahse min ti hlim a ka mittui te ti hul tu chu amah bawk ani.

.

Ka harh chuan khua alo var uarh tawh a, ka bulah Raven ala mu tih ka hriat chuan ka han mu tha leh te te a.A aia nghetin Raven chuan min rawn kuah leh a ka hlim lutuk hi ka nui chhuak thei hial ang. Raven chu a rawn zi mar ar ar a ka lo thlir renga

" Morning "

"i chau em " ka lu ka lo thing vata.

" Lalpa leh " tih tuarh pahin Raven chu a tho thut a mak tih hmel takin ka lo en ha a.

" Raven enge?"

" Hreptak chuan... " a lu chu dawm vang vang a " invenna ka hmang lo " a rawn ti sap a mahse chu chuan min ti na takzet.

.

" Raven ka tenawm viau ami? "

" nilo... chu chu ka sawi tum ani lo "

" anih enge sawi i tum? " ka aw te chu a nghur leh nghal der der tawh.

"nau lo pai ta la "

" fa neih chu i duh lo ami "

" aw... nau i pai thei lo " vin zet hian a rawn ti hluk a mahse chu chuan min ti thinrim zawk.

" anih chuan nuam chenpui atan chiah ami min duh? " ka lo ti ve nghal thah a.

"nilo.... nilo," a chal in ka chal chu a rawn sik tira.

" damdawi ei rawh aw " tih pahin a kekawr chu a ha sawk sawk a,

" lo awm reng ang che " a jacket lak pahin a chhuak nghala.

Chapter-30.

.

Raven a chhuah takah chuan lo nghah pahin tiin bathroom ah inbual turin ka lut nghala.Ka ban tuamna te chu ka han phelh leh te te phawt a,a lo hil deuh duak tawh mai. Darthlalang ah chuan ka han in en vang vang a ,Trixie in min tansak avanga sam sei tak ni thin ka dar chen vel chauh ni ta chu ka kut chuan ka han chul thuak thuak a.Hetiang zozai hi tuar mah ila Raven bula ka awm chuan ka hlim tho tho,tui lum chu ka han herh haw sar sar a ka chau bawk aniang ka lu te hi a na bur mai.

.

Inbual ta mai lo chuan Commode chhin chungah thu in indawm kun lap chungin thil chi hrang hrang chu ka ngaihtuah neuh neuh a.

" Norah... " Raven aw ka hriat chuan ka tho vata tui chu ka herh tawp nghala.

" Rawn hawng rawh " bathroom kawngka rawn chum dawt dawt pah chuan a ti a. Rang takin kawngka chu ka hawng vata

" kha heihi ei rawh " tih pahin damdawi mum var hi min rawn pe a, buk nghat pahin ka lo la vata.

.

" i inbual dawn ami? "

" umm"

" ka inbual ve duh "

" aih... nilo, keimaha awm ka duh " ka lo ti sapa,

" awle... mahse rei lo la " tih pahin a sana bun lai chu a melh zeuh a.

" ei theihnghilh suh aw" a rawn ti leh hrama, nuih suk pahin kawngka chu ka khar nghala. Ka damdawi ken lai chu ka en vung vung a, heng thil te hi ka ei alo ngai ta der mai tuna ka awmdan ang hian ka awm ang tih ka ring pha ngai lo. Mi fel leh innocent tak ni thin kha tunah chuan ka danglam vek tawh. Nilo, hmana Norah tho kha lawm ka la nih, hmangaih ka nei a ka danglam ve bawk ang chu tiin ka inthiam chawp mawlh mawlh a.

.

"Tunah chuan ka upa ve tawh alawm" tih pahin damdawi chu hmawm mai ka han tum a mahse ka thlauh palh hlauh mai.Damdawi zawng chuan ka kun kut kut a chhuat alo var bawk nen ka hmu zo tlat lo.

" Raven ...." Raven chu ka han au vak vak a mahse a chhuak aniang min chhang lo hrim hrim. " Pawilo nakinah ka dil leh mai ang " tih pahin tuilum chuan ka han inphuh tir sar sar a ,a nuam takzet.

.

Ka inbual zawh chuan Raven chu ka rin ang ngeiin room ah alo awm lo.Khuma a tshirt dah chu ka ha vata, hetianga Raven tshirt hak hi nuam ka ti.Tihtur a awm loh em avangin balcony ah chuan boruak thianghlim ka lo va hip mai mai a rei vak lo ah Raven pawh a rawn lut vat.

"pawnfen fual nilo hi i nei miah lo ami? " a rawn ti lut nang nang a, ka kawrlum sen leh ka pawnfen fual dum chu a keng ran bawk.

" Raven... ka closet i lo va hai ami " ka lo ti nghal thah a

" umm... ughh ka tihpalh " .

.

Ka thawmhnaw a ken lai chu ka chhuhsak vata ,inthiam loh hmel takin a kun lapa

" ah... ka ...ka tihpalh ka tih chu ka tum reng vang pawh ani lo, tangtaina ka lo neih ve takin ka tia chuan a tlai tawh bawk si a i inbual rei bawk nen ka lo va la ta mai ani " bah nuai leh in thiamlo zeta a han in sawifiah takah chuan ka tuih a tiza leh hnuhnawh a mahse ka hmelah erawh ka ti lang lo.

" ka lawm e " tih pahin a hmuiah ka han fawp zeuh a. Inthlak turin ka kal nghala.

"Norah "

" umm... " ka hawi let vata.

.

"breakfast..... breakfast ei chhung chauh chu i inthlak lo thei angem ?"nuih vur vur paha a rawn tih chuan mak tih hmel takin ka en ha a ,a hmelah chuan a zak ve hle tih ka hrethei.

"ka tih awmzia chu ...ka tshirt i hak khan i inhmeh ka ti "a lu thak miah lo tih hriat tak chu hiat in a hmai a sen nghal vek ani chu!! ka awih thei lo Raven hi ka bulah a zak a a hmai a sen nia mawle!! Awi Lalpa leh Raven chungah hian engthil nge thleng ta hi!! ka nui chhuak tep ani.

" oh... chuti maw " tih pahin lehlam ka hawi vata ,ka thawmhnaw chu khumah dah in ka nui ver ver a.

.

Breakfast kan ei lai te chuan Raven chuan min lo en leh vung vung thin ka zam lutuk chu ka thil ei lai te chu ka ei tha thei lo vekin ka hria .

" ka tihpalh " thutak fe hian min rawn melh khai a,

" Engvangin maw!! "

" Engkimah... "

" Raven chutiang sawi suh "

" i sam te, i ban te leh i hmui a pem awmte ka hmuh hian..." a ngawi daih a,a hmui hnuailam chu a liak zeuh a.

"i tlai dawn insiam la pawnah ka lo nghak ang che " tih pahin room atang chuan a chhuak nghal hmak. Ngatinge khatiang khan a awm thut le? Ngaihtha lo zet chung chuan ka insiam ve nghal sawk sawk a.

.

Hmanhmawh zetin room atang chuan ka chhuak nghal vata,Raven chuan a bike ngheng chung a dingin min lo nghak ran a.

" Raven ngatinge khatiang khan i awm thut a ?" min chhang lo in ka hmuiah a rawn fawp vang vang a.

" Vawin tlaiah ka rawn hruai thei dawn lo che a ,a pawilo tiraw? " a tih chuan za lo zetin ka lo nuih suk a.

"Chuang rawh le " ka biangah min rawn piai zeuh a. Engmah sawi lo in Bike ah chuan ka chuang vata,a kawng ah ka kuah taih bawk Chak zetin a khalh chhuak nghala.

.

________________________________________

.

Professor in lecture a pek mawlh mawlh lai te chuan thil dang daih ka lo ngaihtuah leh vung vung tawh. Tukin zinga Raven awmdan kha a mak ka ti takzet, a mizia a thlak danglam thut thut a a chang leh biak huphurhawm khawpin min chhang duh lo a a chang leh min fiam min fiam leh bawk si. Tukin zingah pawh khan kan inbe leh lo hrim hrim, college thleng min thlah mahse thinrim ni awm tak hian a ngawi ngul a han biak na chi ani tawh lo hrim hrim.

.

" Hey... Norah " ka phu nghal zawk, ka han hawi chho chu Brandon lo ni rengin.

" Oh... Professor kha alo chhuak daih tawh ani maw" ka ti bah nuai a

" aw... enge i lo ngaihtuah a "

" ahh.. ihh englo"

" Raven maw?"

" ahh... aw ni e, Raven ka lo ngaihtuah mek a " ka lo nuih suk a, Brandon chu ka bulah rawn thu in mak tih hmel takin ka lo en ha a.

" Raven chuan thil chinfel lawk tur a nei a "

" maw!! "

" lungngaih suh mi a that dawn lo " a rawn ti sap a ka thaw nghal huai thei.

.

" Ka ngaihtuah takzet "

"Enteh Norah... i hriat ang khan Raven hian hna tamtak tih zawh loh ala nei a i kaltir mai thei lo ami" ka thinlung hi a na nghal vawng vawng, Raven then tur hi chuan engtik ah mah ka inpeih thei ngai lo ang mahse Brandon chu ka lo nuih ringawt ta zawka.

"Ni e, thuruk zawng zawng i hre vek tih pawh ka hria i nunna a derthawng phah bawk chuvang chuan nangmah veng tur che in Raven pawhin min hrilh ani mahse Norah hetiang taka Raven chak lo lai hmuh hi ka duh lo " Brandon chuan ka hriat phak leka zawi chuan a rawn sawi sap sapa.

.

" Ka tihpalh... Raven hi ka hmangaih ani chuan then hi ka la tum miah lo"

"a mak ngawt mai tiraw 'hmangaihna 'tih te hi .....Hmangaihna chuan Raven ang mi nunrawng leh pawisak nei lo pawh a thlak danglam vek thei ania"

" Engthil nge sawi i tum? "

" A tirah kha chuan Raven khan i thi hi a venghim mai mai a mahse hetianga thui hi in kal tumahin kan ring pha ngai lo. A chhanchu Raven hian hmeichhia a buaipui hman tlat lo alawm,buaipui a hnekin phuba lak tum reng reng in a buai zawk. Mahse zankhat chu silai a hmetper thei ta tlat lo chupawh i rawn call vangin a awmdan a danglam nghal veka, hrehawm ti hmel a pu bawk khata tang chiah khan in inkar ah engthil emaw a awm tih ka hre ta ani, i dinhmun a derthawng hlekin a buai nghal veka mi a ang maiin a chiai vek thin "

.

Ka awih thei lo Raven hi keimah vangin a danglam tak tak ami?? nilo chutiang ani lo ang Raven hian min duh ve tih chu ka hria mahse min hmangaih tur chuan ka phut ngam lo. Keiman ka hmangaih a a bula ka awm chuan ka lungngawi tawk em em.

" Raven Cambelo mi chak leh tlawm ngai lo kha tunah chuan a chakloh na i lo ni ta a .I mittui, i nui hmel i engkim mai hian mi nunnem tak ah a siam a tunah chuan anu phuba hi ala thei angem tih ka chiang ta lo .Midangin in inzawmna hi an hria anih vaih chuan Raven chak lohna chu remchangah la in an bei let anga chu chu kan hotu ten an remti dawn reng reng lo.A tawpna chu thihna chauh ani "

.

Brandon chuan fiah faih tak chuan min hrilh kalh kalh a mahse keichuan ka pawm ve thei tlat lo.Raven hian nasa takin amah min hmangaih tira mahse a tello a awm tur erawh chuan ka lam a rawn let leh zel bawk si. Amah ka hlat dawn velah amah vekin min rawn hnaih a tunah chuan inzawmna thuk tak kan nei tawh a chuvang chuan then mai mai ka tum hauh lo. A nunrawng zia te leh a thinchhiat zia te ka hre vek mahse chung zawng zawng chu ka pawisa lo ka hmangaih zawk chu a sum leh a nihna ni lo in Raven amah Raven chauh hi a ni.

"Brandon egnge in lo tih? " Jazx chuan Brandon darah chuan a rawn beng thak thak a.

" eng nilo e... Norah hi thil ka lo zawta" tih pahin za lo zet chuan min rawn nuih suk a .

"min lo hrethiam lawk " ka lehkhabu chu bag ah ka khung nghal mawlh mawlh a,Brandon chuan ka kal tur chu ka ban ah a rawn vuan chat a.

" lo in ngaihtuah ang che " ka beng bulah chuan a rawn ti sapa ,chang lo chuan lecture room atang chuan ka tlan chhuak nghal hlawk hlawk a.

.

Raven then tur hian invau chi ani lo, diktak chuan keipawh in kan inkawp hi a tha ka ti bik lo, ka nih tum theihnghilh thak khawpin ka thianghlimna ka hlan a, kan pahnih a kan awm in thil tha tak kan ti ngai lo mahse a tello chuan engtin nge ka awm ang. Ka hmuh loh hlek pawhin ka ngai em em a, ka thih pah hial na tur anih pawhin engmah ka hlau lo chu chu thil mak tak ani bawk.

Locker bulah Stephen leh Veronica lo in fawp ngawng ngawng ka hmuh chuan ka ding nghal chawt a.Phawk fe hian ka melh kawk a Stephen leh Veronica te kha an in then tawh si a mahse a tha tho e, nuih suk pahin ka kal pel a.

.

Hmanhmawh zetin pu Cambelo in lam panin ka kal nghala. Inchhung ka lut tur chu Pi Regina leh mipa pakhat lo inbe mawlh mawlh lai ka hmuh chuan lut lo in kawngka bulah ka biru ta zawka ,ka thinphu pawh a rang kher mai. Chet pawh che tha ngam lo in thaw dep dep chung chuan ka ding renga.

"pu Recardo.... ro chungchang chu i tihfel theih chuan nihna sang tak ka pe ang che, he damdawiin hi Stephen hmingin a awm ngei ngei tur ani "

" mahse kha document kha a awmna kan hre si lo a "

" hreptak chuan Scarlet khan tu teh hrep nge a pek ang le?" a tih ri ka hriat chuan ka thi chu ka han hum vang vang a.

.

Heng ro zawng zawng te hi Raven ta vek ani a chuan a neitu diktak ani bawk chuvang chuan tu mahin an chuhpui tur ani lo. Hmanhmawh takin gate lam pan chuan ka tlan chhuak nghala engmah ka rilru ah a lut thei tawh lo ka tum ber chu he thi venghim hi ani. Kawng pawh ka hmuh chiang hman loh avang chuan mipakhat hi ka su chawrh a ,hlauthawng ru takin ka en chho ha a.

" Raven " ka ti sapa ,Raven chuan mak tih hmel takin min en ha a. 

.

Chapter-31.

.

" Eng....Enge hetah i tih chuan.... chuan engvangin nge he gate atang hian i rawn chhuah ?" bah nuai chuan a ti a ,hrilhhai hmel takin min en ha bawka chhan mai dan tur pawh ka hrelo ka dang te chu a awk vek tawh.

" Enge hetah i tih ka tih chu " min vin nghal tuarh a.

" Raven...ka hrilhfiah vek ang che "

" Eng... eng chu maw min hrilhfiah anga? "

" ih... ah... hetah hian ka thawk a i pa enkawl in "

" maw!! "

" Raven... ka sawifiah vek ang ka hrilh loh na chhan che chu "

.

" ngawi hmak rawh" a rawn ti tuarh a,ka hlau lutuk chu ka thaw dep dep tawh.

"Norah... ka pa sawn i enkawl a mamawh reng reng lo" a ti bul hmuk a

"engkim ka hrilh vek ang che "

" hahh... eng chu maw min hrilh anga, hetah kan in ngeiah ka pa i enkawl a chuan i zep char char amaw!! Norah.... nitin mai hian i nun derthawnga a awm hlau reng reng in ka phi cheng a ka rilru a nuam thei hek lo chutih laiin hetah nangmah zawng tu leh thah pawh hreh lo tu inah ngei hna i thawk amaw!!! " Raven chu a nui lui hak a mahse a thinrim hle tih erawh a hmel atangin hai theih rual ani lo.

.

"min ngaithla phawt rawh "

"engmah ngaihthlak tur ka nei lo tunah chuan venhim pawh i ngaih tawh loh hi tiraw" tih el deuh hian min rawn nuih suk a,insawifiah ka tum lahin min ngaithla duh bawk si lo .

"keiman ka sawm anih kha " Raven nen chuan kan hawiphei vata, Stephen chu kan lam pana a rawn kal phei lai chu ka hmu a,ka hlauthawng takzet Stephen a rawn lan chiah phei hi chuan boruak pawh a sosang tawh hle. Engtin nge ka tih tak ang engkim hi a buaizo vek dawn.

.

" Engvangin nge hna a rawn thawh avang chuan i lo buai a,he in hi i chhuahsan tawh ani lawm ni "

" Stephen!! " Stephen chu ka lo khap vata mahse awmzia a awm lo, in hmachhawn zawng chuan an ding ran a an in melh danah pawh inthah mai duh hmel te pawh an pu

"i lo buai ve na tur a awm lo chuvang chuan Norah hi hetah a thawh chhunzawm zel ang"Raven chuan Stephen a jacket nghawng ah chuan a tham nghal pawp a

"hmela engkim i hriat vek tawh hnu pawhin i la thawh tir fo amaw!! " ha seh chilh ran chuan a ti a, Stephen lah chuan engah mah ngaih loh hmel zet hian alo nuih suk ringawt a.

.

" Raven ...Stephen hi thlah rawh " Hetianga ka tih mai loh chuan thil tha lo a thleng dawn takngial in ka hria, ka hlauthawng bawk nen ka khur der der a enge tih hmasak ber tur pawh ka hrelo.

"Hepa tehhrep nen hian in lo in chhai kual vel thin ani maw!! "Raven chuan Stephen melh reng chung chuan a thamna chu a thlah a,rum taka min rawn melh pah chuan a kal nghala.

" Raven.... " um ka tum a mahse Stephen an min lo dang vat.

" amah in awmtir zawk rawh thil tha lo a thleng zawk ang "

" mahse"

.

" mahse tisuh Raven te chu ka hrechiang alawm ,hostel thleng ka thlah ang che"

" nilo... aih keimah in ka kal duh zawk "

"duh lo mahla ka thlah tho ang che " min rawn pawh luih chu a tum a mahse a kut chu ka lo thing thla nghal vata.

" Stephen duhtawk rawh, keimaha awm ka duh " tih tuarh pah chuan ka tlan nghal dawr dawr a, engmah pawh ka ngaihtuah thei lo ka hriat zawng chu Raven ka chungah a thinrim nilo engkim sawifiah ka duh. He hna ka thawh chhan chu ka mamawh vang anih mai bakah Sarah in ka tana tha zawk tura ruahmanna fel tak nei a min thawh tir a nih dan te leh nun derthawnga ka awm loh thu te ka hrilh vek angai ani.

.

Raven chu ka call ngat ngat a mahse a pickup duh lo, ka message a chhang bawk si lo. Bus a ka thut mai mai lai te chuan Raven chiah ka rilru ah a awm tawh,engtin nge ka tih tak ang ka thusawi engmah a ngaithla duh bawk si lo.Rilru nuam lo zet chuan ka room lam chu ka pan chho chhat chhat a,ka room ka luh velah ka bag chu khumah ka theh thal tawpa engmah tikawi lo chuan couch ah chuan hnawk a ka indawm kun lap bawk,Engtin nge ka hrilhfiah tak ang, engvanga lo thup kher kher nge maw ka nih le.... nilo.. pu Christopher khan thup turin min ti a lo hrilh ila chu Pu Christopher ka phatsan tihna ani keimah leh keimah chu ka inthiam mawlh mawlh a mahse pawi ta ber chu Raven an min be duh lo.

.

Chutia ka lo indawm kun reng lai chuan Sarah hian light chu a rawn on khap a.

" Hey... Norah tinge light pawh on lo a i lo indawm kun reng? "tih pahin ka bulah chuan a rawn thu a beidawng hmel zet hian ka lo melh kalh a.

"eng... engthil nge thleng ?" a rawn ti nghal vata.

" Sarah... engtin nge ka tih tak ang ?" tih pahin Sarah chu ka kuah nghal thlawp a.

" Engthil nge thleng min hrilh rawh "

" ih.. Raven an Cambelo tan ka thawk tih a hrechhuak a "

" maw!! "

"ih... a rawn thleng ve tawp ka... ka hrethiam tawh bik lo "

.

" Chuan anih engtin nge a tih? "

" Min be duh lo.... sawifiah ka tum pawhin ka thusawi a ngaithla duh lo "'

" Norah... tunah chuan amaha awmtir a tha zawk, a thinrim laia biak chu awmzia a awm chuang lo "

" mahse... "

" lungngai suh Raven chu ka lo bia anga a hrethiam em em ang, diktak chuan a ngaihtuah vang zawk che ania... pi Regina hnen atanga venhim a duh vang zawk che alawm" Sarah chuan zaidam tak chuan min hrilh a ka rilru tawt lutuk leh hrehawm lutuk pawh kha a zia deuh in ka hria.

.

"Norah... party na ah rawn kal ve rawh "

" aih... ka lawm e " ka lo ti vata, sana ka en chuan dar10 alo ri der tawh. Ka lo inngaihtuah muk lutuk a sana en nachang pawh ka lo hre lo a, a lo tlai tawh hle mai .

" rawn in ti harh rawh....ummm" a tih pah chuan kawngka lam chu ka melh zeuh a.

" Raven chu zaninah a rawn haw lo ang lo nghak duh suh chuvang chuan party na ah i rawn kal ve angai "

" Sarah... ka tihpalh lutuk naktuk class kal angai bawk si a "

" Tunkar chauh ka free tawh dawn hi " min rawn nuih suk a, ni e Sarah hian hrem a tawh hma in tun kar chiah hi hun a nei tawh

" ka tihpalh lutuk "

" anih chuan party na ah i rawn kal ngei angai ang "

.

"kan insil lawk ange " ka ti sapa, diktak chuan party na a ka kal vawikhatna tur a ni a ka phur lem lo mahse Sarah in min phut ang chu tih ngei ka duh bawk si. Rilru a thil dang awm tun chung chuan ka in sil mawlh mawlh a, bathroom atanga ka chhuak chiah chu Sarah chuan a malpui a a thil dum hren ah chuan chemte leh silai chu a lo thiat mawlh mawlh a mak tih hmel takin ka en ha a

" party na ah khang thil nen khan maw"

" ahh... nia, silai leh chemte ka taksa a a beh reng loh chuan ka awm thiam lo, haha... keimah chauh ka ni hleinem midang pawh an ni tho alawm " tih pah chuan min rawn nuih suk a.

.

Chhang lo chuan ka kawrlum hring leh ka pawnfen fual dum chu ka ha sawk sawk a, ka sam chu a tawi tawh em avangin ka tawn fai vang bawk.

" Wow... Norah, party na a kal tur kan nih hi inkhawm tur ni lo in " tih pah chuan ka thawmhnaw hak chu nuihzat hmel deuh hian a rawn en thla a .

" ahh... tihian a nuam ka ti zawk " ka lo ti vata.

" awle... kal ila"

" umm" tih pahin room atang chuan kan chhuak nghala. Car a kan chuan lai te chuan enge maw hian min mawlh tlat ka awm a nuam thei thlawt lo .

.

"Sarah... khawi hmun nge kan kalna tur hi "

" Norah... lungngai suh kan kalna turah chuan i him em em ang "

" ka tih awmzia chu "

" ka hria e... Tyler inah ania... wolf gang ami tho " thawk ka han la kawk a.

" Raven hi... "

" Zanin na na na chu Raven theihnghilh hmak rawh ummm" za lo zet hian ka lo nuih ringawt a,Raven chu a rawn kal hauh lo ang, a thinrim lai chuan amaha awm a duh zawk ang

" kan thleng ta!! " Sarah chuan car chu a ti ding a, chhak lam pang chu ka hawi chho vata .Inlian tak ani mahse ka ngainat zawng ani tlat lo .

Sarah nen ina kan lut chiah chu boruak a rit nghal huk in ka hria. Light rawng chi hrang hrang chu a phe neuh neuh a tumah pawh an hmuh chian theih lo. Hmun tin maiah chuan an lam hut hut a music lah chu an play ring in ka bengdar te hi a pawp dawn hial in ka hria. Tupawh mai chu an rui hle tih a hriat,lo infawp ngawng ngawng tawk lah an tam .A then in polo an khel a a then chu hmun khatah an thu khawma an nui leh hak thin .Chutia mi chi hrang hrang awmkhawm inti hlim vel chu mak tih hmel takin ka en ha a .

" Norah... nuam i ti telh telh mai ang kha wine " music a ring em avang chuan ka beng bulah chuan a rawn ti a

" aih ka lawm e " ka lo ti vata.

.

" Norah... hawh lam ang "

" ahh.... thutna tur a awm zawk angem le? "

" anih chuan sawlai couch ah sawn lo va thu rawh, i duh leh beer te pawh i in thei ania haw i duh chuan min rawn hrilh rawh aw "

" awle " tih pahin leather couch lam pan chuan ka inhnawh phei nghal a ,hetiang music ring lutuk leh boruak rit lutuk hnuaiah hian engtin nge an awm theih zawk l? .Couch ah chuan ka thu ran a, ka thu mai mai pawh ka chau der, ka thlan tui in min leih nghal bawrh bawrh a, pawnah chhuak dawn ila khawi lai hi nge kawngka pawh ka hre si lo.

.

Ngawi reng chuan mi che vel chu ka lo en reng a, mipa then khat phei chuan min rawn beisei emaw tih mai tur hian ka bulah te an rawn thu a, min rawn zut thul mahse ka inchei dan leh ka awmdan pawh hi ani mahna tumah in min ti lui lem lo.

"min rawn zui rawh " chu aw chu ka hriat tawh hnu a ang ka ti takzet lehlam chu ka hawi vata,phawk fe hian ka meng nghal kawk a.

" Veronica!! " Veronica chu mipa pakhat nen an lo infawp ngawng ngawng lai ka va hmu thut mai chu!! Stephen nen khan an tha leh tawh emaw ka ti a,nilo a awmzia chu Veronica hian a rinawmloh san !!!

.

Ngatinge hetiang thil hi a thlen tak mai le , Veronica hian Stephen hi a duh viau emaw ka lo ti a mahse tunah mipa dang a fawp leh tho si

"Hi!! "chutia ka lo inngaihtuah neuh neuh lai chuan mipa pakhat tattoo​ ngah zet hi ka bulah chuan a rawn thu ringawt a,thawh ka tum a ka banah min pawt bet tlat bawk si.

" min thlah rawh "

" ngawirawh " tih pahin a mal chunga thu tur chuan min pawt pawp a.

" min thlah rawh " ka theih ang tawk chuan ka lo tang ve bawka.

" i hmeltha hle mai " tih pahin min rawn fawh a tum a mahse ka lo hawi sawn vat ,ka kut a man bet tlat bawk nen ka duh ang pawhin ka che thei lo.

.

Chupa chuan min man behna chu a thlah thut a, ka tho nghal vata mahse ka pawnfen ah a rawn luak bawrh ani chu!!! ka te nghal chul a mahse a bengchheng em avangin tumah in an hrelo.

" saw lamah sawn wash room a awm " kawh va pahin a luak ah chuan a chatthla zui nghala. Engmaw ti zawng tak chuan a fel ve tho hi, hmanhnawh zetin a kawhna lamah chuan ka tlan nghal vata, a sawi dik washroom chu a awm ngei e.

.

Ka pawnfen chu ka tifai nghal mawlh mawlh a " party na ah ka kal leh tawh miah lo ang " ka ti nghal bul bul bawka. Chutia ka phun mawlh mawlh lai chuan toilet kawngka chu a rawn in vaw ta chawrh mai!! ka phu nghal zawk.Phawk fe hian ka ding reng a mahse hmeichhe nuam ti ri leh au thawm vel ka hriat chuan ka thaw huai thei.Tute emaw in sex an hmang ani tih chu hrilh ngai lo in ka hre nghal mahse mak ka ti lem lo .

"hetiang lai em em ah te chuan " nuih suk pahin ka pawnfen chu ka sil lehnghal mawlh mawlh a. An thawm hre reng chunga lo awm ve reng chu a nuam miah lo mahse luak hi ka tihfai vek angai bawk si.

.

Chutia rei tak an awm hnu chuan thawm chu a reh ta keipawh ka zang huai in ka hria. Toilet atang chuan hmeichhe pakhat chhelo leh hmeltha zet, pian nalh bawk si chu pawr phang hian a rawn chhuak a, min rawn nuih suk pahin washroom atang chuan a chhuak nghala. A hmelah chuan a lungawi hliah hliah tih a hriat reng mai. Mahse ka ngaihsak zui lem lo ka tihngai chu ka tih chhunzawng leh nghal mawlh mawlh tho reilo te ah hmeichhe rawn chhuahna atang chiah chuan Raven a rawn chhuak ta mai!! a kawnghren chu a hreng tha mawlh mawlh bawka ,ka che thei tawh lo, ka bing nghal mup mup a, a reh duk nimai hian ka hria

" Raven " ka ti chhuak thei tawk.

.

Chapter-32

.

Raven an min rawn hmuh chuan a meng phawk nghal kawk a,a meng dan atangin a rui hle tih ka hre thei" Ngatinge saw ta tang sawn i rawn chhuah"ka ti chuai raih a,ka rilru na lutuk hi tah chhuah hawm hawm ka chak takzet ka thinlung chu thil zum taka chhun pawp pawn ang mai hian a na mahse ka inhum ruh vat a ka mittui chu a tling nghal pam a, thawk pawh ka thaw tha thei lo hialin ka hria.

" Norah... " Raven chuan a ti sapa, heta ka awm hi a rin loh lutuk vang pawh ani

mahna mahse thil thlen tur ang chu a thleng vek tawh.

.

" Norah...enge hetah i tih?" Raven chuan min rawn khawih a tum a mahse ka lo tawlh hnung vat.

"engtin nge ka chungah ...." engmah ka sawi chhunzawm thei tawh lo,ka aw te chu a khur vek tawh a,ka hnuk a ulh tlat mai bawk si. A aw vawt tak te leh a awmdan vel chuan ka thin a ti rim tun bawk.

" ih...ah.." ten hmel tak chuan ka melh khai a,

"tenawm lutuk" ti pahin bathroom atang chuan ka tlan chhuak nghala.A bula ka awm reng chuan ka tap chhuak thei tak ngial dawn.

.

Midang lam hut hut na karah chuan ka inhnawh phei pawp pawp a, engmah ka ngaihtuah thei tawh lo eng tin tin emaw in kawngka ka hmu hlawl pawnah ka tlan chhuak nghal vata. Kal na tur pawh hre lo in kawngpui ah chuan ka theihpatawp a chakin ka tlan hlawk hlawk a ka duh ber chu he in hlat thei ang bera awm ani.Ka mittui a tlak nasat em avangin kawng pawh ka hmu tha thei lo, ka duh na lam lam ah chuan ka tlan dawr dawr a enge lo thleng ang tih pawh ka ngaihtuah thei tawh lo.Ka rilru natna min tawmpui ve niawm takin khawpui lah chu a ri dur dur lehnghala, rilru mumal pawh ka pu thei tawh lo.

.

Ka rilru tawt bawk nen kawngsir ah chuan ka ding chawt a, kawng thlang lama tupui fawn ri hlup hlup te, thli thaw vawk vawk te leh kawl phe zawk zawk te chuan min ti lunghnur zuala.Ka mittui chu a rawn luang nghal zung zung a mahse han tah hawm hawm erawh ka hreh takzet.Khatiang thil kha engtin nge Raven an ka chungah a tih theih zawk? min khawih thin na kut ngei khan kha hmeichhia kha a khawih anga min fawh dan ang khan a fawp ngei awm si a. Ni e,keimah vangin a thin a rim tih chu ka hria mahse hetiang em em hi chu ka ring pha ngai lo. Veronica meuh pawh in hetiang em em hi chu a ti bik lo ang, ka hmangaih em avangin ka nun therthawng in awm mahse ka pawisak loh laiin engtin nge min phatsan theih zawk?

.

Ka rilru na lutuk leh thinphu inthum rawn dup dup chu tih ziaawm tumin ka awm chu ka han dawn vang vang a,ka awm chu a na vawng vawng ni ber hian ka hria. Reilo te ah ruah chu a rawn sur nghal buan buan a, kal sawn nachang pawh hre lo in ka dinna ngaiah chuan ka ding reng a.A tawp a tawp ah chuan ka insum thei tawh lo ka tapchhuak nghal hawm hawm a, tah rin hlauiin ka ka chu ka hup tlat bawk . Ngatinge Raven hian min ti nat reng mai le mahse min ti hlim tu ber a ni bawk si.Tunah chuan a ti mah mah ngaihdam theih loh khawpa thil sual a ti tlat tawh.

.

Tuipui a zuanthlak te chu ka rilruk rum rum tawh . Hetah hian zuangthla ila chu ka rilru a na lehtawh ngai lo anga, tuma rilru ka ti hah tawh hek lo ang. Sarah, Raven leh midang te pawh an him anga chuan Raven pawhin zalen takin hmeichhe dang kawp mahse ka rilru a na tawh ngai lo ang tih ringawt chu ka lu ah chuan a ri nawn tluk tluk a, kawlphe zawk zawk te leh khawpui ri dur dur te chuan huaisenna min pe ni ber hian ka hria. Tupui lam chu ka pan hnai hret hret a, ka chhungte leh Raven nui hmel te chu ka mitthla ah an rawn lang zawk zawk a mahse Raven avanga hmeichhe nuam ti au thawm ri te chuan hma lam min pan tir zel zawk.

.

Ka phone chu a ri nawn tluk tluk bawk a mahse lak nachang pawh ka hre tawh lo. Hmalam pan chuan ka kal zela, ka melh ngai chu ka melh ngar ngar a heta zuan thlak tih mai loh chu ka rilru ah engmah a awm thei tawh lo. Ka phone a rik reng avang chuan ka phone chu ka zuk melh zeuh a ,harh chhuak niawm takin ka phone chu ka en vung vung a mahse chawl lo in a ri char char tho, a tawp a tawp ah chuan ka pickup ta hram a.

"Norah khawiah ngei i awm? " ruah sur bengchheng bawk nen Stephen chu a rawn au lauh lauh a mahse ka chhang lo.

.

" Norah... Norah... "Stephen chuan a ti tuarh tuarh a mahse ka chhang thei tlat lo, ka dang a vek vek tawh

" Khawiah nge i awm?"

" ka hrelo " zawi sap chuan ka ti a

" i awmna i hriat loh pawhin enge i bulah awm"ka tap chuak lehnghal hawm hawm a,ka bula thil awm sawi tur pawhin ka hnuk a ulh tun bawk si

" Norah... tuipui bulah i awm tiraw?"a tih zawh chuan a ngawi vang vang a.

" lo kalsawn miah suh ang che " phone chu a dah nghala. Phone chu leiah thlauh in ka thu hnawk a,zan rei tak ani tawh a mahse engmah hlauh ka nei tawh lo .

.

Reife hnuah Car headlight chuan min rawn chhun sawr a ,mi pakhat hi rawn tlan chhuakin a jacket chuan min khuh vata, Stephen ani tih ka hriat chuan chau tih hriat tak hian ka lo nui suk a, ka mittui a tlak chhunzawm nghal zat. Stephen chuan car ah min pawm lut vata, tukverh lam hawi chuan ka han maimichhing vang vang a, Raven nui hmel chiah ka hmu. Ka awmdan chu ka a vek tawh ni ber hian ka hria hetiang em em hian ani maw Raven hi ka lo atchilh ka thinrim bawk nen ka mittui chu ka dang thei thlawt lo.

" I tha maw!! " Stephen chuan a rawn ti sap a mahse ka chhang lo. Car engine chu ti nung in a tlan chhuak nghala. Stephen chuan a hrawk chu a thian leh kharh thin a, ka awmdan hi mak pawh a ti ang mahse min biak luih erawh a tum lo.

" umm... hostel ah ka hruai ang che aw " a rawn ti sap a.

" Khawngaih takin in inah ka riak thei angem? " hetianga ka tih mai loh chuan Raven nen a kan lo awmdun thin na te leh amah min ti hrechhuak thei tur hrim hrim hmunah awm ka duh loh vang ani.

" awle" Stephen chu a nui suk a, car chu inturn in, an in lam pan chuan a khalh leh nghala.

.

Stephen te inchhunga ka luh chuan Pu Christopher chu lungngaih hmel takin couch ah chuan alo thu ran a ,a kut vei lam chuan whisky no a dawm ran bawk.

" ka pu " Stephen chuan a ti sap a, Pu Christopher an min hmuh chuan rawn tho vatin min nuih nghal sanga mahse nuih let ve tur erawh in chakna ka nei lo.

" Ehe... Norah tun ang hunah "

" ahh... a rawn riak dawn a zanin chu " Stephen chuan alo ti vata, ka mit sen ram leh bui vek a hmuh chuan pu Christopher chuan min hrethiam niawm takin alo bu nghata

.

"oh... anih chu mawle, Stephen hei Norah hi a huh vek si a thawmhnaw ro han lak sak ta che" alo ti nghal zung zung a, ka rilru natna hrethiam niawm tak chuan zawhna dang min zawh chhunzawm lem lo. Stephen chuan room lamah min hruai chho nghala, ka kawr a huh vek avangin a tshirt leh pajama chu ka hak saka.

"mangtha le Norah "

" Stephen "

"umm... "

"ka lawm e "

" nilo chutiang sawi suh" tih pahin ka biang chu a rawn chul a.

" mangtha le " tih pahin ka mu hmaka, puan chuan ka inkhuh hmak bawk.

.

Stephen chuan light off in room atang chuan a chhuak nghala. Chutia Stephen a chhuak tih ka hriat rual rual chuan ka in sut ri hraih a,tah chhuah hlau siin ka in sut nghal hlawp hlawpa, tuna ka awmdan hi hrehawm ka ti takzet. Tah loh ka tum pawhin ka hnuk a ulh zual sauh a, ka mutthilh dawn velah kha hmeichhe nuam ti au thawm vel kha ka bengah a cham renga. Mut a hnekin ka harh tulh tulh mai bawk si, ka beng chu ka hup a mahse awmzia a awm lo.Au thawm hlir bak ka hre lo,

" duhtawk tawh rawh u, min kalsan rawh u" ka ti chhuak tuarh tuarh a,tap lo tura ka insum poh leh ka tah a chhuak zual zel bawk si a hrehawm takzet. Dar3 a ri va va tawh a, khua a var har takzet. Zankhua in ka tap a ka muhil thei bawk hek lo .

" pa... a hrehawm emai " ka ti sap a, tap chhuak tur pawhin ka chau zo tawh.

Kawngka inhawng ri rak ka hriat chuan ka harh zawka, rei lo te ka lo chhing ve sek anih dawn hi. Khumah chuan ka thu chhuak vata, ka lu lah chu a na bur lehnghal.

"Hey...Norah " Stephen chuan Tray hi a rawn chawi lut a, khumah chuan a nghat vata.

"Kha heihi ei rawh "

" Stephen engmah ka ei chak lo ka lawm e" tih pahin ka lo nuih suk a.

" mahse tlemtal chu i ei angai alawm ,tukin zing chu ka nu a zin bawk si a ka pu lah a chhuak daih bawk si keimah chauhin breakfast ka ei lehnghal"lungawi loh hmel zet chuan min rawn melh a, a naupang chhia takzet.

.

"ka lawm e " tih pahin coffee chu ka la ta zawka.

"Vawin class i kal duh ka rin avangin hei thawmhnaw ka rawn lei che a" tih pahin a thawmhnaw lei te chu phur takin min rawn pe a.

" Stephen... angai lo asin "

" Chutiang sawi suh "

" Ih...Stephen"

" umm.."

" Trixie khan a rinawm loh san che khan engtin nge i tih? " ka tih chuan a nui tawp hmak.

"Norah... Raven vang tiraw?"

.

Mak tih hmel takin ka en ha a.

"Hetianga i awm chhan chu Raven vang tih ka hria...Ni e, Norah ka duh lutuk che nangpawh in i hria tih ka hria mahse Raven hi hrethiam hram hram tur che in ka duh ani chuan a ti hlim che a keichuan ka thei ve lo" Ngatinge hemi te unau hi an inhmuh hian an inhaw em em si a mahse midang bulah an in tan leh em em si.

" Tlin lohna tamtak a nei tih ka hria mahse i bula a awm hian hmuh theih khawpin a danglam a ,nanghi a mamawh che ani "

" nilo... Raven hi ka ngaidam thei ngai lo ang "

"chutiang chuan sawi suh, a tello in i awm thei lo tih ka hria "

.

" Teuh lo, a tello pawh hian ka hlim alawm ka mamawh reng reng lo " ka ti vin nghal hluk a.

" awle, a tha e mahse inngaihtuah chiang leh ang che " Stephen hian engmah a hrelo, tuna Raven an ka chunga a tih hi chu ka ngaidam thei ngai lo ang. Hetikhawpa min hnar duh tu chu engvangin nge ka umzui reng bik ang .

" Ehe... Norah i khuasik anih hi " tih pahin ka kut chu a rawn hum vang vang a .

" ka tha... engtin mah ka awm lo"

" hei i sa vek alawm ,lo mu la damdawi kan la ange vawin chu class kal lo mai rawh "

.

" Stephen ka tha ka tih chu " tih pahin a thawmhnaw min rawn lei chu ka la a

" Engthil pawh thleng se college ah ka kal dawn , Stephen chak takin ka awm angai " tih pahin bathroom ah ka lut nghala. Diktak chuan Raven avanga rilru na tak anga lan ka duh tawh lo ,a tello pawh hian ka awm thei ani tih ka hmuh ve tawh dawn ani. Ka inthlak sawk sawk a, ka chau in ka dang lap bawka mahse ka inhum ruh vata " ka thei ngei tur ani " tiin ka inhrilh mawlh mawlh a mahse ka mittui erawh ka dang thei lo.

.

Ka insiam zawh chuan inhnuai lamah ka chhuk thla a, Pu Christopher pawh alo lut ve chiah bawk.

" oh...Norah...i mu thei maw"

" umm..thei e ka lawm lutuk Stephen leh nangma chungah ka lawm takzet tibuai cheu hi ka tum ani miah lo"

"harsatna i neih chuan pui tur che in ka awm reng ania "

"ka lawm e.. pu Christopher " tih pahin ka kuah zeuh a "class ka tlai dawna ka kal mai ang "

" awle " a tih chuan ka kal nghala.

" lehlawh Norah ...." ka hawi let vata.

" Nizan khan Stephen an a ngaihtuah lutuk che a, i mutna room kawngka bulah zankhua in a thu asin ,thil tha lo a thleng lo tiraw?" mak tih hmel takin ka en nghal kawk a,ka lu ka bu nghata.

" Raven chauh nilo in Stephen pawh hian a ngaina takzet che in ka hria "a rawn ti sapa.

Chapter-33

.

"Pu Christopher ka chunga i thatna zawng zawng ah hian ka lawm takzet "

"I chungah hian lawmthu sawi mawlh mawlh tur zawk alawm kan nih... E taka hetah i rawn awm ta sa sa tunkar tal chu hetah i awm thei lo ami? "

" ka tihpalh Pu Christopher hetah hian ka awm reng thei lo ang, ka tibuai tawk tawh lutuk che u "

" Engvangin maw i awm loh ang...Kei putar chaklo tak hian ka ngen che anih chu... khawngaih in Norah " Pu Christopher chuan min melh kalh a chhan dan tur pawh ka hrelo. Ka inthlahrung takzet Stephen leh pu Christopher hnenah hian rulh let tur tamtak ka nei ani.

.

"Norah... tinge min lo nghah loh" Pu Christopher nen kan inbiak mawlh mawlh lai chuan Stephen chu inchung atangin a rawn chhuk thla a .Stephen hmel ka hmuh ringawt pawh hian hrehawm ka ti, natna bak ka thlen si lo.

" umm..." ka ti ringawt a

"Norah... tlaiah he in ngeiah hian hmuh leh che ka beisei ania...ni hman nuam ule" a tih chuan nuih suk pahin ka lo bu nghata.

" Norah hi i rawn hruai haw leh dawn nia " Stephen dara beng thak thak pah chuan a ti a, in hnung lamah chuan a kal nghala.

.

" kha hei damdawi ei rawh " Stephen chuan damdawi leh tui hi min rawn pe a, chhang lem lo in ka la vata ka ei nghala.

"Kal rual ang aw...min lo nghak reng ang che" tih pahin inchung lamah a tlan chho lehnghala. Stephen awm dan avang chuan ka nui suk a,ka lu a na bawk nen couch ah chuan Stephen nghah pahin ka lo thu a ,diktak chuan ka chau takzet. Nizan ka mut mang loh vang leh ruah ka do vang pawh ani mahna. Ka lu dawm in ka han maimichhing vang vang a Raven hmel a rawn lang nghal zut zut ,ka meng nghal kawk a ka hma chiah ah chuan Stephen chuan khap miah lo hian min lo en reng tih ka hmuh chuan ka ding nghal zawta.

.

" Stephen... i rawn chhuk lai ka hre miah lo " ka tih chuan a nui suk a.

"Khua a nuam lo bawk nen vawin chu hahchawl zawk la a tha lo maw "

" ka tha tawh alawm " dam tawh niawm tak chuan ka han nui lui saka mahse ka ti der tih erawh a hai hauh lo .

" anih chuan heihi i mamawh ang " tih pahin a jacket chuan min rawn khuh a,"

" i inenkawl that loh chuan nasa takin i damlo mai ang" tih pahin muffler min awrh tir mawlh mawlh bawka.

" Stephen... ka lawm e " ka ti sapa. Diktak chuan ka rilru a na bawk nen nawm sam loh nen ka thil tih engmah hi a tui lo,ka chau ngawih ngawih a Stephen an min biak pawh hian chhang chak na engmah ka nei lo.

.

" kal ang le " ka lo bu nghata,pawn lamah chuan kan inzui chhuak hnak hnak a. Khua nuam em em loh mahse kawta pangpar te leh phaitual hnim te chu a fai vuk a, thlifim a thaw heuh heuh bawka a nuam takzet.

" Norah.. hei ka car thar anih hi " Stephen chuan kan hma lawka sport car dum nalh zet chu intithei takin a kawk va va a.

"ani maw!!, a nalh lutuk "tih pahin a chhung chu ka han bih vela

"vannei in ti hle rawh ka phur hmasa ber dawn che ania" min rawn fiam zui zat bawk.

"nangpawh i vannei min phur hmasa ber dawn a " fiam let pahin car ah chuan ka lut nghala.

.

"naa... hmeichhe tamtakin ka phurh nih an chak zia hi i hre lo anih kha" tih nang nang pah chuan a rawn lut ve nghala. Stephen bula awm hi chuan rilru hah na pawh hi a bo nghal duak duak in ka hria, ka chungah engtik lai pawhin a tha em em renga mahse kei erawh chuan natna hlir ka thlen zawk si. A chungah ka lawmzia lah ka lantir thiam bawk si lo.

Seat belt chu min hren sak mawlh mawlh a, ni e... Stephen hi a hmeltha in ka thutna ngeiah hian hmeichhe tamtak an thu chak tih ka hria min en enkawl dan leh min ngaihtuah zia ka hriat hian ka inthiam lo a ka insit ngawih ngawih.Heti khawp hian Stephen hi hmeltha in chhelo mahse a bula ka awm pawhin Raven bak ka ngaihtuah ngai lo.

.

College kan thlen chuan lecture room lam panin kan inzui chho hnak hnak a

" Lalpa leh... Norah Car ah khan i damdawi ka theihnghilh daih "

" a pawi lo, min ngaihtuah suh "

" aih i khua lo sik leh thut ta se... nilo lo va kal rawh ka rawn let leh vat ang "

" Stephen... " ka ti hman chauh ka tawng pawh a hre hman tawh lo a car dahna lam pan chuan a tlan liam nghala.

"Engkimah ka lawm e " ka hriat tawk lek chuan ka ti sapa,Ka awm nuam lo hle mahse Stephen hian min ngaihtuah em avangin chau lo ang takin ka awm dera tunah chuan Stephen ka bulah a awm tawh lo bawka lem ka chan a ngai tawh lo ,ka han thaw chhuak hak a.

.

Stephen Jacket pawhin min ti lum zo tawh lo,midang bengchheng hut hut karah pawh awm mah ila a reh duk nimai hian ka hria, a ruk chuan ka khur dar dar a ka sa vur mai bawk si, khuma mut hmak ka chak takzet.Lecture room lam panin kun lap hian ka kal hnak hnak a,Raven leh kha hmeichhia party na ami ngei mai kha ka lam pana rawn kuah phei dawr dawr ka hmuh chuan ka khawng nghal vek, ka awmdan hi ka duhlo takzet mahse ka inthunun thei thlawt lo.Ka awm na lutuk chu ka han dawm vang vang a, Raven chu khap miah lo in ka en char char a .Ka rilru chuan en tawh lo turin min hrilh char char mahse ka hawisan phal thlawt lo a chhanchu Raven hi ka hmu chak lutuk tlat,ka ngai takzet.

.

Raven an min rawn hmuh chuan chunu kut chu a thing thla nghal vata, mahse chunu chuan a banah a kuah tha leh ngat tho. Zep lo chuan ka thik lutuk chu ka buai vek ni ber hian ka hria ,Reilo te chhung kha ka nui ve hman asin mahse Raven ka hmuh chiah hian chawpleh chilh in tlema ka hlimna te kha a bo nghal vek .Raven pawhin min rawn en reng tak si ah chuan ka hawisawn vata ,ka hnuk a ulh leh tun tawh mahse Raven hma a mualpho lo turin ka insum hram hram a. Engmah thleng lo ang mai chuan hma lam pan chuan ka kal zela mahse ka chhungril ah chuan ka khur der der a ka zam hle bawk.

.

Ngaihtuah na mumal pawh pu lo chuan ka kal zela, ka hma ah tak Raven chu a rawn ding ta mai!!!.Mak tih hmel takin ka en chho ha a ,a bula hmeichhe ding chu ka melh leh zeuh a chunu chuan mak tih hmel takin min lo en ha bawk.Ka insum hman lo tep ka mittui chu a rawn far fap a,Raven hmuh erawh ka hlau hle thung.

" min lo hrethiam ru " tih sap pahin ka tlan nghal hlawk hlawk a. Washroom ka lut chiah chu tumah an awm lo bawka, commode chhin chungah thu in kawngka ka kalh te te a ka insum thei tawh lo,ka tap chhuak nghal hlawm hawm a.

.

Raven an min rinawmloh san tih tawh nak a laiin an kal dun lai hmuh leh ngat phei chuan engah mah ngai lo anga awm a harsa takzet. Ni e, khanu kha a chhelo in a pian a nalh a, a thawmhnaw lah a nalh in a hmeltha bawk kei nena tehkhin ngat phei chuan tupawhin kha nu kha an thlang ngei ang mahse Raven nen kan awmdan zawng zawng te leh min fawh dan te ka ngaihtuah hian ka thik takzet. Raven hian ka duh zia hria se chuan hetiang hian min ti hauh lo ang

" Norah tap tawh suh... i mittui far khat pawh a phu lo " tiin ka han infuih na a awmzia a awm lo.

.

"Norah ...rawn hawng rawh " Sarah aw ka hriat chuan ka mittui chu ka hruhul vata, Sarah chuan kawngka chu a rawn beng dawt dawt bawka.

"I tha em... Norah rawn hawng rawh " a tih chuan engmah thleng lo niawm tak chuan kawngka chu ka hawng a, ka mit sen ram mahse Sarah chu kan han nuih suk a.

"Sarah... ka tha " tih pahin ka kuah thlawp a ,ka insum rei thei thlawt lo.

" tap tawh suh... " tih pahin ka mittui chu min hruk hul sak mawlh mawlh a ,rei fe ka tah hnu chuan ka tap bang thei hram.

.

" Hawh kal ang class kan tlai dawn " ka ti sap a, ka in hnit leh hlawp hlawp thin a.

" Heti chung chuan i kal thei lo ang ...Norah engthil chiah nge thleng hi". Thil awmzia hi hrilh vek ka chak takzet mahse ka ngaihtuah ringawt pawhin ka rilru hi a na ngawih ngawih.

" engmah min zawt lo hram rawh "ka mittui chu a tling lehnghal pam a

"awle awle... shh...Tap tawh suh i bulah ka awm tawh hi " a tih chuan ka lo bu nghat a.

" hawh le...kal tawh ila anih loh pawhin kan haw daih thei tho ania "

" aih nilo... ka awm bo daih chuan a tha lo zawk " ka ti sap a, washroom atang chuan min kuah chhuak nghala.

.

Lecture room lam kan pan lai chuan locker bula Jazz leh Brandon an kha hmeichhia kha an lo be mawlh mawlh lai chu ka hmu reng a, Raven pawh an bulah chuan kun lap hian alo ding ngawi reng bawk. An awmdan vel ka en reng avang chuan Sarah ngaihtha lo chuan ka hawi na lampang chu a va en ve vata.

" Lalpa leh... Hreptak chuan " Sarah chu a ding nghat chawt a.

" Sawnu saw enge hetah a rawn tih? " a ti zui zat bawk.

" i... i hria ami? " ka lo ti vata.

" aw... Raven a bialnu hlui anih saw" Sarah in a tih chuan ka thikna a zual sauh a, mahse hriat belh erawh ka chak hle thung.

Sarah chuan tawngsual niawm tak chuan a ka a hup vata.

" Norah... Raven nen hian... " a meng phawk nghal kawk a.

" Engmah a awm tawh lo "Ka ti chuai raih a .

" Eng... engthil nge thleng , saw nu vang sawn maw!! Lalpa leh " a ti nghal tuarh tuarh a, a tawng ring si a midang in an rawn hriat ka hlauh em avang chuan midang awm loh na lamah ka kai nghal dawr dawr a .

" Sarah... engkim zep miah lo in min hrilh vek rawh "

" mahse.... Norah... "

"khawngaih in Sarah "

.

"Awle... " an han thaw chhuak hak a "ih...Evana Rose anih kha... Raven a ngaihzawng hmasa ber leh hnuhnung ber a tawn hma che kha chuan.... Raven nunah hian hmeichhe pahnih chiah an awm chu chu Nangmah leh Evana"ka kut chu a rawn hum vang vang a.

" Raven hian a duh em em a mahse Evana hian a then ani a chhan erawh ka hrelo. Kan training lai ani a Raven kha a a vek ani ber mai.An inthen atang phei kha chuan Raven hian hmeichhe dang a buaipui leh tawh ngai lo, a thinrim na leh a rilru natna chuan tichak zawkin tun dinhmun hi a thlen theih phah ani mahse kum thum lai an inhmuh tawh si lo a Evana hian hetah enge a rawn tih tih hi ngaihdan pawh ka nei lo"

.

Sarah thusawi chu ngun takin ka lo ngaithla kar a,Evana leh Raven chanchin ka hriat phei chuan ka te chem chem in ka hria. Raven hmangaih chu Evana ani kei ni lo in chuan ani chu a hmeltha em em a mipa a hip em em bawk .Kei chu a hna pakhat ve mai ka ni a Evana erawh a atchilh em em thung.Evana nen a ka in tehkhin ringawt pawh hian ka na takzet a chhanchu engkimah Evana a chungnung vek. Kei chu Raven lo duh ve tu pakhat ve mai ka ni, hetianga ka ngaihtuah ringawt pawh hian ka na ngawih ngawih .

.

" Norah... Raven nen in inkar a tawp chu ka lawm takzet, tunah chuan i rilru ti na lo la hma la pan tawh rawh" Sarah thusawi chu hriat pawh ka hre mumal thei lo ka bing mup mup a ka han maimichhing vang vang a.

" kal tawh ang... class kan tlai ang "

" Sarah.. lo va kal rawh tih tur ka nei lawk a" chhuanlam chu ka siam ta ringawt a, diktak chuan keimah chauha awm ka duh vang zawk ani.

" awle... Norah rawn kal vat rawh aw " ka lo bu nghat a, Sarah chu a kal nghala.

Ka din na ngaiah chuan ka ding renga thil chi hrang hrang ka ngaihtuah bawka .Ka mittui chu ka hriat loh karin alo tla leh ngiai ngiai tawh, hmangaih neih hi a hrehawm takzet, hmangaih neih hian hetiang em em hian ani maw alo nat. Tunah chuan ka thei emaw thei lo emaw Raven hi ka buaipui lo anga ka theihnghilh hmak tur ani tiin thutluk na ka siam ta a, ka in hum ruh vat bawk. Ka mittui chu ka hruhul sawk sawk a ,engmah thleng lo niawm tak chuan ka nui lui sak a class lam pan chuan ka kal nghala.

.

Chutia ka kal hlawk hlawk lai chuan hnung lam atang hian tha chak tak mai hian a lam hawi zawng chuan min kuai her pawp a, phawk fe hian ka lo melh ha a

" Raven..."ka ti sap a, ka banah a man beh tlat avang chuan thing thlak tum in ka lo tang ve vata.

" min thlah rawh "

" min ngaithla phawt rawh "

" Engmah ngaihthlak ka duh lo " tih pahin ka tal vak vak a mahse a chak lutuk ka tal chuak thei lo.

.

"Enge maw i tih le? "

" min ngaithla phawt rawh ka tih chu " vin zet hian a ti nghal tuarh a.

" min thlah rawh midang in min hmu ang " ka lo ti ve vata, thinrim zawk tur ka nih laiin a thin a rim zawk amaw!! mi enge maw tak chu ani.

" awle...a tha e" tih pahin min kai nghal dawr dawr a, tang pawh ka tang thei tawh lo min kaih na lam lam ah chuan ka zui tawp tawh. 'Ladies Washroom' tih lo intar va na ah chuan min kai lut dawr dawr a .

" Chhuak vek ru" hmeichhe dang an lo awm ve avang chuan a ti nghal tuarh a, an hlau bawka an tlan chhuak rang kher mai.

.

Kawngka chu a kalh hmaka.

" Raven.. engthil nge maw tih tih le " tih pahin kawngka chu hawng ka tum a,mahse bangah chuan min nawr bet chawt a chiang taka min hmuh theih nan ka hmai zawn velah chuan a rawn kun hniama, a thaw lum ham ham te chu ka hrethei a ka ngai takzet mahse ka let tawh tur ani lo .

"kalsawn rawh ka hmu duh tawh lo che "

" ka thusawi tur hi ngaithla phawt rawh "

"Engvangin nge min rawn hmuh leh a ...i bialnu bulah va awm ta che "

" min ngaithla phawt rawh ka tih chu " tih tuarh pahin bang chu a hnek dawt a, tunah zet chuan tih luih chi ani tawh lo tih ka hre chiang kher mai. Raven chuan ka mit ah tak min en kalh a

" Norah... ka hmangaih che " chiang taka min en chung chuan a rawn ti sap a.

Chapter-34

.

A mitmengah chuan dawt a sawi loh tih ka hria ,ka mittui chu a rawn tling nghal pam a, a mit ah tak chuan ka en kar a sawi tur pawh ka hrelo ,A reh duk a, a thinphu ri te chu ka hre thei hial.Raven an min hmangaih ve ani tih ka hriat hian ka lawm takzet ,chu mai bakah min duh thu leh min hmangaih thu hi min hrilh ngai lova a ka atanga rawn chhuak atan chuan a tha lutuk mah mah chuan a inhmeh lo hle bawk.Raven hi ka hmangaih a ka duh em em a, atan chuan engpawh tih ka huam mahse Norah bum awlsam tak leh tih nat awlsam tak kha ka ni tawh lo.Raven hian min hmangaih thu min hrilh avanga let leh tura min ngai anih chuan a tisual der ani.Raven chu rawn kun hniam in min rawn fawh a tum a mahse ka lo hawisawn hmak.

.

" anih chuan Evana nen sex in hman lai khan min hrechhuak em?" amah melh kar chung chuan ka ti a.Min vawn behna chu phelh riai riai in a kun nghal lap a, min hnungchhawn zawng chuan a ding ta daih a. A hmai chu a han hup leh vang vang a,a thaw chhuak leh hak thin a.

"khami zana thil thleng kha ka hre mumal thei tawh lo...ka ...ka duh aiin ka lo in hnem mah mah ani " a ti sapa, ngeiawm zet chuan ka lo nui chhuak hak a.

"i nihna diktak ka hriat chhuah phah a ka lawm e" tih pahin kawngka chu hawng a chhuak lo in ka hawilet leh hrama .

" kan inkara thil thleng zawng zawng kha tihsual palh mai mai anih kha theihnghilh vek rawh " washroom atang chuan chhuah ka tuma .

.

"nizanah khawiah nge i awm? "

"Engvangin nge hriat i duh a? Evana nen khan in in hmeh takzet, kei chu min rawn ngaihtuah suh "

"nangmah hlat thei ang bera awm ka tuma mahse keimah zawk hian ka thei lo chu anih hi"zawi sap chuan a ti a mahse ka hrechiang kher mai.Hawi let a va kuah thlawp paha ka hmangaih thu hrilh mawlh mawlh ka chak takzet, nilo... Norah hawi let reng reng suh. Chhang lo chuan ka tlan chhuak nghala, diktak chuan ka rilru a na takzet,ka mittui chu ka hru zeuh a ka tap tawh dawn reng reng lo Raven avang hian thinlung kehchhia in ka awm tawh tur ani lo .

.

Raven nen a kan awmdan zawng zawng te leh kan hun lo hman tawh zawng zawng te kha ka tan chuan hun chhinchhiah tlak tak engtik lai mah a ka theihnghilh ngai loh tur thil te an ni mahse kan hun tawn in a zir miau si lo.A thil tih sual chu a pawm a mahse kha khan ka thin a ti rim zawk si.

" Norah khawiah nge ilo awm daih a " hnung lam atang in Stephen an a rawn tih thut avang chuan ka mittui chu ka hru zeuh a, ka lo nuih nghal sanga.

" washroom ah ka kal lawk a"

" chuvang chu anih dawn chu ka zawng nasa lutuk che alawm class ah i awm bawk si lo a "

.

Ka ipte chu a rawn zen a" damdawi hi kawl reng ang che " ka lo bu nghata.

"i awmdan chu... i tha maw? "

" aw... ka tha.. ka tha mah mah " ka lo ti ve saka ,rilru na tak anga lan ka tum tawh lo hrim hrim.

" Hey!! Stephen " Evana chu kan bulah rawn ding in Stephen a hmaiah chuan a fawp zeuh a, Stephen chuan mak tih hmel takin a en ha a.

" Hey!! Evana... kan inhmu khat hle mai, New York ah i awm emaw ka lo ti asin "

"hei ka rawn let leh tawh.... heihi i bialnu ami? " tih pah chuan min rawn nuih suk a,A hawiher a che vel engkim mai chu duhthusam ani a nelawm hle bawk.

.

" Norah ka nia " Stephen an a chhan hma chuan ka lo ti vata, ka chhungril ah erawh ka na takzet. Evana nen chuan kan in chibai a a ruk tak chuan ka thik hle bawk.

" Raven hi in lo hmu lo maw?" Evana in a tih chuan Stephen chuan min rawn melh ralh a mahse ka awmdan ka ti danglam eih lo.

" ahh... "

" E saw a rawn kal alawm "ka chhang hman lo Kan lam pana rawn kal mek Raven bulah chuan a tlan phei nghala,a banah a kuah nghal chat bawk Raven chuan a kut chu a lo thingthlak sak vata.

.

Kan bulah chuan an rawn ding a Evana awmdan vel chuan ka mit a ti kham takzet.

" Raven... hei Stephen bialnu Norah anih hi " a ti nghal zung zung a,Raven chu ka lo nuih suk a mahse ani erawh chuan min en renga min nuih let ve lem lo. Raven an min en reng avang chuan Stephen chu ka melh zeuh a hmelah chuan a ngaihdan anih lo hmel kher mai.

" Hey... nangni pahnih hi in la inhaw reng ami? " Evana chuan a han ti leh a.

" Norah kal ang " Stephen chuan Raven en reng chung chuan a ti hmuk a.

"Evana kan la inhmu leh dawn nia " tih pahin min kai nghal dawr dawr a .

Ka lo tang eih lo a chhanchu khatiang boruak kha a rit lutuk bakah Evana leh Raven awmdun lai hmuh hi ka kham tawh takzet.

.

Nileng in Raven leh Evana chu ka hmu leh tawh lo mahse enge an tih anga engtin nge an awm ang tih erawh ka ngaihtuah bang chuang lo. Stephen chu ka bulah a awm deuh chawt a,ka awm a nuam lo bawk nen vawin zet chu ka chau takzet. Damdawi ak lo phei ila chu ka che buai der ang, class a zawh rual rual in kan haw nghala Stephen pawh khawi hmunah mah kalkawi a tum bik lo. Hun harsa tak ka tawh laia ka kianga Stephen a awm chu ka lawm takzet, ani hian min pui lo se chuan rilru na tak chungin ka indawm kun leh reng tawh ngei ang.

www.storyfb.com mizo story thar nitin dah ziah a ni e

Dinner kan ei zawh chuan balcony ah ding chhuak in khaw dur khup mai chu ka thlir vang vang a

"Enge i lo ngaihtuah a? " Stephen chu ka bulah chuan a rawn ding a Shoal min rawn sin tir bawka.

" Stephen...."

"umm.... "

"Trixie kha i ngai thin em? "

" umm.... " min rawn nuih suk pah chuan a ti a. " Trixie chuan hmangaih dang a nei a, ka hmangaih anih chuan ka kal tir tur ani mai lawm ni? " a tih chuan ka kun nghal lap a.

" mahse... hmangaihte kaltir tluka na hi a awm leh tawh lo ang tiraw?"

.

" Hringnun ah chuan mithar kan tawng zela kan nunhlui te chu kan theihnghilh hmak tur alawm chuan kan hlim ani mai"

" ni e "

" mahse Norah heihi hrilh che ka duh i hmangaih chu i kaltir hma in inngaihtuah tha leh la ka duh ani, a chang chuan in ngaihdam na hi a tha zawk fo ania " a tih chuan ka nui suk a.

" Zanin chu hostel ah ka riak thei angem? " ka tih chuan phawk fe hian min rawn melh nghal kawk a.

" nilo... i dam that loh hi "

" khawngaih in " zanin hi Sarah zan hnuhnung ber tur ani tawh a, a bulah awm ka duh vang ani .

.

"Norah... " a ti vin nghal hluk a.

" ka tha alawm zanin chiah ani mai "

"i luhlul hle mai" thawk a han la kawk a " anih chuan ka thlah ang che mahse i nawm loh chuan min rawn call vat ang che "

" awle " Phal lo hle mahse ka ngenna hi chu a ti hlawhchham ngai lo,min ngaihtuah takzet tih pawh ka hria mahse ka haw ngei ngei angai.

Stephen chuan hostel thleng min thlah a, reilo te a awm hnu chuan haw tura ka tih tlat avangin a haw thei hram.A haw dawn te chuan sawi chhuak lo mahse min ngaihtuah takzet ani tih a awmdan atangin a hriat theih.

.

Assignment ka ziah mawlh mawlh lai chuan Sarah chu a rawn lut hlawl a min hmuh chuan mak tih hmel takin min en ha a.

" Norah khawiah nge i awm bo daih a"

" ahh...pu Christopher in ah mawle " ka lo ti vata.

" a that hlauh chu Regina zin bo lai ani hlauh a " a kawr phelh mawlh mawlh pah chuan a ti a, Engkim a lo hre leh vek tawh anih dawn hi, ni e, wolf gang ami ani miau alawm.

"nia... " tih ringawt in ka

chhanga.

.

"Norah.... "

"umm... "

"zanin chauh chu party na ah i rawn kal ve thei lo ami, ka tiam a che a hma ang khan ka kal bo san tawh miah lo ang che, chuan zanin hi ka zan hnuhnung ber ani a khawngaih in " a ti nghal zung zung a .

"Sarah...rawn kal chu ka duh mahse min hrethiam rawh ka nuam sam vak lo a " ka tih chuan a kun nghal lap a.

" min thlahna party ani dawn a, rawn kal thei la chu a lawmawm ngawt ang " lungawi loh hmel zet in a sam chu a khuih mawlh mawlh a. Keipawh in nuamlo ka ti takzet keimah vangin Sarah chu an hrem dawna an thlah na party ah pawh ka kal thei lo ania.

.

" Kal duh pawh ni ila engmah hak tur ka nei si lo a" ka tih chuan a rawn hawi phei vata, min rawn nuih nghal sanga.

" lungngai suh kha tiang lampang ah kha chuan " tih pahin a closet chu a hai nghal bawrh bawrh a.

Sarah chuan phur takin min chei nghal mawlh mawlh a, makeup ka hmang ngai lo bawk nen ka awm thiam lo lek lek.

" Norah... heihi i vun nen a inhmeh ngawt ang " tih pahin kawr senduk chhing tak hi a rawn khai chhuaka, ka hak meuh chuan thawmhnaw ha miah lo ang mai hian ka inhria. Ka malpui chanve pawh a khuh pha lo .

.

" Sarah hei chu a chhing mah mah lo maw? "

" a tha lutuk zawk chuan heihi bun rawh le " a tih chuan pheikhawk dum sang zet chu ka han inthawlh a, ka pheikhawk a sang bawk aniang Sarah ai pawhin ka sang tawh zawk.Darthlalang hma ah chuan min hruai phei a, ka inhmu chu ka meng phawk nghal kawk !!, keimah leh keimah pawh ka inhai tep ka engkim mai chu a danglam vek nimai hian ka hria.

" Norah.. i hmelthat zia hi i in hre lo anih kha " Sarah chuan a rawn ti sapa.

" ka lawm e " darthlalang ah chuan ka in en vang vang a, ka ring thei lo keimah chu ka ni ngei si .

"kal ang le " tih pahin clutch dum hi min rawn pe a, lak pahin ka lo nuih suka.

Kan kal lai te chuan ka zam takzet, hetiang hian ka la inthuam ngai si lo a inrin tawkna ka nei hlawl lo.Party na hmun tur kan thlen phei chuan ka kawr chu ka pawt ka pawt a

" Norah i nalh lutuk inring tawk tak khan awm rawh "

" awle" za lo zet hian ka lo nuih suka. Inchhung kan lut chiah chu boruak a rit leh hle tawh, ka lo rin dan ang chiahin a bengchheng leh hle tawh a, chuan helai mite hi an rui vek niin a lang.

.

" A tam zawk hi chu wolf gang member an ni a ....oh!! hey Calvin " tih pahin Sarah chuan mipa pakhat sang zet leh chhelo zet chu a kuah nghala.

"Clavin heihi Norah ka roommate anih hi ...chuan Norah heihi Calvin " Sarah in a tih chuan Calvin nen chuan kan in chibai vata.

" Kan inhmu chu a lawmawm hle mai " tih pahin Calvin chuan min rawn nuih suka

"Midang pawh an kim tawh ania he lamah min rawn zui rawh u " tih pahin Calvin chu a kal nghala.

" Raven hmelma lianber ani kha" Sarah chuan ka bengbulah chuan a rawn ti sapa,kan zui ve nghala.

.

Raven chu couch ah thatchhe zeta a thu lai chu ka va hmu a chuan tunge a fawh saw? ka ding nghal chawt a, hla tak atang pawhin ka hmu nghal chat thei.Rin lawk ang ngeiin Evana ani Raven malchungah a thu a, Raven lah chuan a huat loh hmel kher mai. Ka thik lutuk hi ka puak keh dawn in ka hria, ka thin chu chemte zum tak a vin sawk sawk ang mai hian a na a mahse Thawk ka han la kawk a, pangngai thei ang ber chuan awm luih ka tum hram hram a .

" Thiante u Norah anih hi " Calvin an a tih chuan mak tih hmel takin min en ha hlawm a, Raven phei chuan a mit a tla dawn emaw tih mai tur hian min en reng a mahse engmah hrelo ang maiin ka awm lui tlat tho.

" ehhe... ka awih thei lo Norah i ni tak tak em ?" Jazz chuan mak tih hmel takin min en ha a,Brandon chuan alo khap vat bawk.

" i chhelo takzet " tih sup pah chuan min rawn nuih suk a

.

" Norah... mi thar ini bawka hun nuam takin i hmang dawn nia " Calvin chuan whiskey chu min rawn pe a, ka sawisel lem lo ka lo la ve maia.

" hetah hian thu rawh "

" ka lawm e " tih pahin Sarah nen chuan Midang lo thut khawm thap na lai ah chuan kan thu ve nghala,Calvin chu ka bulah a rawn thu ve vat bawka. Ka ep chiahah Raven chu thatchhe zet hian a thu a, khap miah lo in min en reng bawk,

"heihi kan thiante an nih hi Brandon, Jazz, Jason.... " tih pah chuan min in hmelhriat tir den den a.An nelawm in kawm an nuam hlawm takzet. Raven chu ka melh leh zeuh thin a min lo en reng avang chuan ka hawisawn leh vat zel.

.

Midang ho chu mahni buai buai chuan an buai vek a, Calvin chuan min be renga ning hle mah ila Raven tih el nan tha tak tak in ka chhang zel thung.

" lam ila"

" engmaw"

" lam ang "ka hriat that theih loh avangin ka beng bulah Calvin chuan a rawn ti a.

" aih ka lawm e " ka lo ti sapa. Evana chu rawn ding chhuakin midang chu an lo au dar dar a.

" Guys... guys... guys tunah chuan thil nuam tak kan ti dawn ani " kut an lo beng dar dar a .

"Enge kan tih dawn ?" Calvin bulah chuan ka va ti sap a .

.

" ih...Dawhkana tequila hi in in siak tur ania chuan a chak lo apiang thil kan tih tir thin "a tih chuan ka hrethiam nghal, ka telve na chi anih loh tawp hi.

" Tu nge tel ang le... tu in nge min cho " Evana chuan a ti lauh lauh a.

" Norah... " Calvin chuan alo ti vata, phawk fe hian ka melh nghal kawk a.

" nilo... " ka sawi zo hman lo kut an lo beng dar dar a .

" Norah in zu a in ngai lo midang zawng rawh u" Raven an a tih chuan amah chu mak tih hmel takin kan en nghal thap a.

" chuti maw" Calvin chuan min rawn melh pah chuan ati a.

" chuti chu a vawikhat na tur anih chu "an lo au lehnghal dur dur a.

.

" midang zawng rawh u ka tih chu " Raven chuan dawhkan chu a beng nghal thuai a,

" Raven... ngatinge hetiang hian i awm? " Evana chuan alo ti vata.

" ni e.. " midang chuan an lo ti sap sap a

" he game hi ka duh ve lo "

" keiman ka duh alawm " ka lo ti vata, Raven chuan mak tih hmel takin min en ha a, runluih ka duh ve hrim hrim ka in thei emaw thei lo emaw min hrechiang ang taka a awm vel hi ka haw takzet.

" Shot... shot"midang chuan an lo ti rual thap thap a,Raven chu ka melh zeuh a bawp khawkherh chung hian chiang tak mai hian min lo en kalh a, kan thaw chhuak hak a, ka thei tur ani

" 3,2 ,1" ....ka han tlak nghal pap a No te reuh te mah nise in a har takzet. Ka ner nanga Evana ka en chuan a hnehsawh ropui si. Ka theih ang tawka chak chuan ka han tlak ve pap pap a ka luak dawn nimai te hian ka hria mahse Raven hmel ka hmuh apiang in ka tilui ngat ngat zel tho. A tawp ah chuan ka thei tawh thlawt lo ka ban chu ka phar chuak va va a, ka beng te hi a sa veka ka rui tawh hle tih ka hrethei.Nuih vur vur pahin Calvin bulah chuan ka thu chho a, Evana lakah ka tlawm leh ta ,in ti thei takin tunge min cho tiin a han au leh lauh lauh a.

" Norah i ti tha e... Evana te chu Tequila queen alawm " Calvin an a tih chuan ka nui suk a .

.

" Han sawi teh u tunge Norah hi fawp ang " pakhat chuan a rawn ti lauh lauh a.

" Enge awmzia ?"

" inhremna a nih chu i chak loh avangin "

"awle... tunge fawp duh "pakhat chuan a rawn ti a ka rui deuh tawh bawk nen ka lo nui suk a, Raven runluih ka duh vang ni berin ka hria.An lo banphar sap sap a,ka inrin loh lai tak in Calvin chuan min rawn fawp ta thut mai, a thlum dek dek nimai hian ka hria duhthawh takin ka lo chhang let ve vata,ngaihtuahna fim pawh ka pu thei tawh lo ka hriat zawng chu au dur dur thawm chiah ani

" min lo hrethiam ru " tih pahin ka tho thut a, ka luak chhuak lutuk chu bathroom lam panin ka tlan nghal hlawk hlawk a.

.

Bathroom ka lut chiah tih chuan ka pheikhawk sang zet chu ka phelh sawk sawk a, commode chu hawngin ka han luak tak tak mai chu ka nuam huai in ka hria.

"luhlul lutuk "tih pahin mi pakhat hian ka sam chu hnunglamah min hui chhoh saka, A hmel hmu lo mah ila a aw atangin Raven ani tih ka hrethei. A kut in ka chal chu a rawn dawm vata, keilah ka uak tuarh tuarh mai bawk si.Ka duhtawk ka luak chhuah hnu chuan commode sirah chuan ka thu hnawka ka harh kawk thei in ka hria , Raven chuan ka hmui leh ka hmai vel chu min rawn hruk fai sak mawlh mawlh a mahse a kut chu ka lo ben thlak sak vata.

" ka mamawh lo che " ka lo ti zui sapa

Chapter-35

.

A khup lehlam chauh thingthi chung chuan khawih ka duh loh avangin ka ep chiah ah chuan a awm ran a,ka awmdan vel chu min thlir reng bawk.Ka chau bawk nen ka pheikhawk bun sang lutuk te chuan ka ke te hi a ti na vek tawh,ka ning vel vek tawh , ka pheikhawk chu ka han tlawh phelh te te a nuam ka tih dan ang ber chuan ka han thu rem a.A chang leh ka uak leh tuarh thin ,

"ngatinge tiang em em a tam kha i in a" tih pahin tui hi min rawn pe a, ka mawh tho si avang chuan ka lo laksak pawp a.

" ka lawm e" melh ram ram pah chuan ka tizui sapa bawk.

.

Raven chuan min rawn nuih vur vur a, a nuih avang chuan mak tih hmel takin ka lo melh ha a.

"i chhelo takzet " ka hriat phak tawk lek chuan a rawn ti sap a, a ruk chuan ka hlim veng veng mahse ka hmelah erawh tihlan ka duh lo bur , nin hmel deuhin ka han hawikual vel ta zawka.Tun ah chuan tlemin ka zia deuh tawh bawka, ka pheikhawk chu ka han bun sawk sawk a, ka ding nghal uai a ,ka lu a nat em avang chuan ka han dawm vang vang a.

"Ka thlah haw ang che " a rawn ti sapa mahse hria ang pawhin ka awm duh lo, kal luih chu ka tum leh ngata mahse ka awmdan chu alo ngaithei lo nasa.

.

Ka ban ah chuan a rawn man bet chata

"ka thlah ang che ka tih chu " ha seh chilh ran chuan a ti a,rum zet a melh pahin a kut chu thinthlak sak ka han tum a ka hlawhchham chiang kher mai.

" min thlah rawh "

" duh lo ta ila "

" Evana bulah va awm zawk rawh min ngaihtuah angin awm der vel duh suh"

" mahse ka ngaihtuah che alawm" a tih chiah chuan ka zawi nghal vek, a mitmeng ah chuan inchhirna hlir ka hmu thei mahse Raven hian min bum nawn tawh lo ang,hmeichhia a awmpui emaw a fawh pawhin ka ngaidam zela mahse tun tum ah erawh a ti mah mawh tawh ani .

.

" Raven.... min thlah rawh " ka han ti nawn leh saka.

" Min thlah rawh a tih chu " Raven nen chuan kan hawiphei vata, kan piah lawkah Calvin chu ipte zen chung hian a lo ding ran mai ,mahse Raven chuan ka kut a man behna chu a thlah duh bik hauh lo .Calvin chu kan bulah rawn kal hnai in Raven nen chuan an inmelh khai a,an inhaw hle tih hrilh ngai lo pawhin ka hrethei. Ngatinge Raven hian hmelma a ngah em em mai le, a gang puite zingah pawh hawtu a neih nual ka ring mahse a awm lo hran lo ani chu mite duh rawn leh rin rawn ani a thik pawh a awm viau e.

.

" Thlah rawh " Calvin chuan Raven kut ah chuan a rawn man bet chata.

"lo inrawlh suh "

" hahh... ka hmeichhia anih hi " Calvin an a tih chuan mak tih hmel takin ka lo en ha a,

" i hmeichhia maw!! A tha alawm engtik lai atangin nge i hmeichhia alo nih taka?" Raven chu ngeiawm zet hian a nui lui hak a.

"ka bialnu hi a khawih pawh lo khawih tawh suh " Raven an a tih chuan ka meng phawk nghal kawk a ,Raven hian a sawi dik lo engtik lai mahin a bialnu angin min en ngai lo,midang bulah chuan min hmel hriat ang pawhin a awm duh ngai lo tun a taka intih theih nan leh midang vang mai mai a a bialnu ka nih thu a sawi hian ka rilru a na in ka haw takzet.

.

" Raven... engtik laiin nge i bialnu ka nih a " Raven chuan min rawn en nghal kawk a. " Engtik lai mahin i bialnu ka ni ngai lo, i bialnu te chu Evana alawm " zawi sap chuan ka han ti a, ka sawi zawng ringawt pawh hian ka na takzet

"Norah.... "

" min thlah rawh " tih pahin a kut chu thing thlak ka han tum a ,mahse min thlah riai riai ta zawka, engmah a sawi lo a ding khawng renga a awmdan atang chuan a rilru a na hle tih ka hrethei mahse maw Evana nen nuam an chen dun avanga ka rilru nat na te nen a tehkhing chuan a nep lutuk.

.

Ka inhum ruh vata ,Raven rilru na hmel ka hmuh ringawt pawh hian hrehawm ka ti takzet, a bulah hian awm chak hle mah ila rei tak erawh awm ka duh lo. Engmah sawi lo in bathroom atang chuan ka kal chhuak nghal hlawk hlawk a, Calvin pawh chuan min rawn zui chhuak ve vata.

" Norah i tha maw? "

" aw tha e... "za lo zet hian Calvin chu ka lo nuih lui saka mahse ka chhungril ah erawh ka kehchhe vek thung.

" ohhh... enge maw wine te i in duh zawk em? " a tih chuan ka lo bu nghata.

"hetah hian lo thu la ka va laksak ang che" tih leh kal a rual nghala.

.

Raven pawh chu ka ep chiah ah chuan a rawn thu a, kan inkar ah dawhkan hlai tak pakhat chiah a awm a mit la sawn miah lo chuan min en ngar ngar a mahse ka hre duh lo der tlat. Evana pawh chuan Raven chu a rawn pan nghal chat , a malpui chungah thu in duat hmel takin a nghawngah vel chu a han fawh saka ,a awm leh dul lai vel te chu a chul ruai a, ka mit a ti kham takzet.Raven chuan engtin mah a ti bik lo min runluih tih pawh ka hria ,mahse ka rilru erawh a na hle thung keimah min rawn en reng chung chuan Whiskey chu a han tlak nghal pap a ,reilo te chhung pawhin a tlak hnem malh malh hle.

.

" Raven nen in in hmu thiam lo hle ani tiraw? " Sarah chuan ka bula rawn thut pah hian a rawn ti a, chhang lo in ka kun lap a.

"Ani tiraw? ka ring dik "min rawn nuih vur vur a " Raven hian tiang em em hian zu a in ngai lo bakah zanin phei kha chu beer takngial pawh a in lo mahse.... " tih pahin Raven chu a melh zeuh a, ka rilru chuan keimah vang ani lo ka ti mawlh mawlh a.

"Norah hrehawm i ti em? " Calvin chuan ka bula rawn thut pah chuan a ti a,

" Ai ti lo e... a nuam lutuk zawk " Raven melh zeuh pah chuan ka lo nuih suk a.

"A that hlauh... chu zanin chu ka partner ni rawh aw "

.

"Engah chuan maw? "

" ila hre mai ang " tih pahin ka kut ah chuan a rawn fawp zeuh a, Calvin awm danah chuan Raven a run luih ve ani tih ka hriat avang chuan ka lo nui liam mai mai ringawt . Mahse Evana nen an awmdan ngaihtuah chuan runluih hi a phu takzet.Midang ho chu in hnung lamah chuan an chhuak sap sap a

" lo kal rawh le " tih pahin Calvin chuan a kut hi a rawn dawh a,

" khawiah nge kan kal dawn ?"

" in ti hlim turin mawle " Raven chu ka va melh zeuh a, mahse alo awm tawh miah lo.Khawiah nge kan kal dawn rin dan pawh ka nei lo, Clavin chu ka zui chhuak hnak hnak a.

.

Calvin chu bike ah chuan a chuang nghal thaka.

"chhuang rawh le "

" maw!! " ka lo ti vata, bike pakhat hian min rawn tlan pel nghal fua ,hai rual lo in Evana leh Raven te an ni ,inngaihtuah buai miah lo in bike ah chuan ka chuang nghal thak a, ka tlak ka hlauh avangin Clavin jacket ah chuan ka in vuan tai bawk. Rei fe kan tlan hnu chuan hmun pakhat hi kan thleng hlawl mai midang ho chu an lo au dar dar a, thil ka hre chhuak zawk mai, hetiang hmunah hian ka kal tawh tlatin ka hria.Meichher hi hmun tinah an chhi fur a, meichher chauh ti lo chuan a eng uarh lehnghal.

.

Clavin an bike a tih din chuan a chhuk vata, bike atang chuan min pawm thla ve nghal bawk a. Kan awmna atanga hla vak lo ah Raven leh Evana te pawh chu ka va hmu nghal chat. Diktak chuan Raven runluih hi a tha ber em tih chu ka ngaihtuah renga enge ka tih hmasak ber ang tih erawh ka hre lo takzet,Raven chu ka va melh zeuh a,cigratte zu chung in min lo en run lehnghal, Evana ngaihsak hmel pawh a pu lo .

"Calvin kan awmna lai hmun hi khawilai nge? "

" ahh... bike intlan siakna hmun ania, tihian zan reiah helai hmunah hian an in tlansiak thin alawm " a tih chuan ka lo bu nghat a, ni e, hetiang hmunah hian vawikhat chu ka kal ve tawh kha ,ruah a tla sep sep lehnghala.

.

" vawt i ti anih kha " tih pahin Calvin chuan a jacket hian min rawn khuh a.

" ka lawm e " tih pahin ka lo nuih suka, lo duhloh na chi ani tawh lo, ruah a tla sep sep bawk nen a vawt takzet. Calvin chuan ka dara kuah chungin bike ngheng chuan a ding a, Raven chu ka va melh zeuh a, a meizial zuk lai chu lei ah paih in a rap hlum zui nghala. A bike ah chuan chuang nghal in intlansiak tur ho intlar thap na ah chuan a tlan phei ta mai. Ka ding ngil nghal zawt a ka hlauthawng lutuk chu ka awm hle hle thei tawh lo. Evana lah chu kutbeng chungin Raven chu alo au phur ve mek bawk a, engthil nge maw a tih le ngaihthat loh na chang pawh a hrelo

Show post links

Top

Ngaia

Site Admin

Quote

Post April 2nd, 2017, 3:21 pm

Ka rilru in ka tawngtai nghal mawlh mawlh a, ti lo tura va tih ka hreh bawk si. Lo chesual ta se engtin nge ka tih ang?

" Calvin.... khawngaih in intlansiak tur saw titawp rawh " ka ti ta ringawt a,

bike ho lah chu tlanchhuah hman loh hlauin a inlawr chhawk zawk zawk tawh mai bawk si.A bengchheng in bike ri vung vung thawm chiah hriat tur a awm tawh. Calvin chuan ka kut a rawn hum pahin " Norah... engtin mah an awm dawn lo, hetiang intlansiak na a tel chin tawh hi chu an ngaihtuah awm loh "

" mahse.... " Raven chu ka va en a, min rawn en reng chung chuan a tlan chhuak nghala ,bike ri thum vung vung bak hriat zui tur a awm lo.Dan tum pawh ni ila awmzia a awm tawh lo.

.

Ka awm hle hle thei tawh lo, ka che seka ka awm dan ah chuan Calvin pawh a ngaih a tha lo hle tih ka hrethei. Thinphu dawt dawt leh hlauthawng taka ka awm lai chuan reilo te ah Raven pawh a rawn lang hlawl mai, ka lawm lutuk chu ka au chhuak hial, a inti na lo hlauh him takin a rawn thleng a ka lawm takzet. Ka awm hmun ah chuan ka lo lawm ve em em a mahse Raven an line a rawn thleng chiah tih chuan Evana chu tlan phei nghalin Raven chu duhthawh zet hian a fawp nghal tawn tawn anih chu !! ka nui tawp chiang kher mai. Raven a chak avang chuan midang ho chuan an bial nghal tup tup a ,kei erawh rilru nat loh hmel ang taka lan ka tum thung.

.

"Norah ka partner i ni duh angem?"Calvin chuan a rawn ti leh a, a sawi tum hi ka hrelo takzet.

" Engah chuan maw!! "

" intlansiak na ah mawle " midang chu a melh zeuh a,a melh lam ka en chuan a sawi tum ka hrethiam nghal.Bike intlar phei na ah tho chuan bike ho chu an lo ding tlar leh thap tawh a mahse tun tum erawh a dang deuh ,hmeichhia an phur vek hlawm a chuan chung hmeichhia an phurh te kut leh a khalh tute kut chu handcuff in an thlung tlat bawk , intlar zingah chuan Raven leh Evana pawh an bang chuang lo .

" Ka.. ka duh lo"

" a hlauhawm loh min ring rawh "

" nilo... he thil hi a tha lo " ka lo tang ve tlat, bike chuan ringawt pawh hlauh nak laiin intlansiak na a tel chu ka ngam lo bur.

" ok... a tha e, ka ti lui lo ang che " Calvin chuan a ti sap a, midang ho intlar na ah chuan a tlan phei ve nghala. Raven leh Evana chu ka en renga, mit an ti kham takzet, a chang leh an infawp a a chang leh Evana in a kuah chial bawk.Ka insum thei tawh lo ka inhum ruh vata, thawk ka han la hak a.

.

" Calvin ka in ring e " tih pahin Calvin bike hnungah chuan ka thu nghal thak a, Mak tih hmel tak in min lo en ha bawk.

" Norah.. i ti tak tak em?"a tih chuan ka lo bu nghata, handcuff chu la in ka kut lehlam chu ka han zen lut a.

"min ring rawh engtin mah i awm lo ang"

" awle " Calvin kut nen chuan thlung kawp ka tum lai tak in Raven chuan ka kut chu a rawn vuan ta thut mai.Bike atang chuan min kai thla nghal dawr dawr a, Raven awmdan chu midang ho chuan mak tih hmel takin an lo en ha hlawm a.

.

" Norah... engthil nge i tih hi i hriat em ?"

" Raven engthil nge maw i tih le, midang in min en thup ania "

" chutiang ka pawisa lo, Norah a hlauhawm lutuk "

"Min ngaihtuah ang takin awm tum suh " ka ti tuarh a, Raven chu inhum ruh in ka bula meichher chu a chhir tlu nghal thuai a.

" luhlul viau suh" zawi sap chuan a ti a.

" ka kal dawn,Evana chauh ngaihtuah rawh " tih pahin ka kal nghal hlawk hlawk a .Raven pawh chu a rawn kal ve vata, Khatia min kaih hrang vang pawh ani mahna Evana chuan min huat hmel takin " hmeli leh " tih pahin a kutzung lai chu min rawn hmuh va va a, Raven chu a fawp zui zat bawk .

.

Ka sa nghal zak mai,Evana lakah hian ka tlawm mai mai tur ani lo chuan Raven vangin zahlo takin min ti a, ka tuarh thei tawh bik lo .Raven hmuh tur ngeiin Calvin chu ka han fawp lui ve saka, handcuff chuan kan kut chu ka thlung kawpa,ka kuah ran bawk. An tih dan ngai bawkin kan awmna atanga hla vak lo ah hmeichhe pakhat hi rawn kal phei in puan tial hi a rawn keng va va a, bike engine rum vung vung chiah hriat tur a awm tawh.Hetia bike an nun takah chuan ka hlauthawng takzet mahse Raven leh Evana awndan hian huaisenna min pe ni berin ka hria . Raven chu ka va melh zeuh a, hma lam chiah a melh ngar tawh mai si.Engthil pawh thleng thei ani a, Calvin hi ka rin tlat angai.Hmeichhia in Puan leiah a thlak thla chiah tih chuan chak zetin kan tlan chhuak nghal fua a.

.

Chapter-36

.

Ka hawi chhuak ngam tawh lo, Calvin chu ka theih ang tawka nghetin ka han kuah bet a ka maimichhing tlat bawk, ka hriat zawng chu thli thaw vuk vuk ri leh bike intlan pel fua fua ri chiah ani. Tlema a kawi deuh in ka lo ip nghal chawih chawih thin a, ka duh ang pawhin Calvin chu ka kuah nghet thei lo a chhan chu ka kut dinglam leh a kut veilam chu kan thlung kawp tlata, ka kuah ngheh dawn chuan ani in a khalh tha thei dawnlo thung ani. Ka rilru in ka tawngtai mawlh mawlh a, ngaihtuahna fim pawh ka pu thei tawh lo, ka hlau lutuk chu him taka thlen thuai thuai bak duhthusam ka nei lo.

.

Chutia thin phu dut dut leh hlauthawng taka a ka chuan lai chuan Calvin chuan a khalh kawi nghal zawka bike pakhat kan nek ta chawrh mai !! ka te chhuak nghal tuarh a,kan thi ngei dawn anih hi tiin ka rilru ka siam fel vek hman tawh. Ka chil chu ka han lem dak a,ka huaisenna zawng zawng sawm khawm in ka han meng dek dek a,kan zawn chiah ah Raven leh Evana te chu ka hmu zui nghal bawk,hnunglam ka hawi vata midang pawhin min rawn um ve mek ani tih ka hmuh chuan thawk ka han la kawk a, minute10 vel lek ni mahse hun hi a kal muang ka ti takzet .Chak loh hlau in bike dang ho pawh chu an innek chawrh chawrh a, khawngaihna reng an lantir tawh lo.

.

Calvin chuan Raven te bike chu ava nek leh chawrh thin a,

" Calvin....duhtawk rawh" ka ti tuarh a, ka hlau bawk nen Calvin an a nek lui tih ka hriat nghat phei chuan ka thin a rim tun tawh." Raven nek ta che " Evana chuan a lo ti tuarh tuarh a,mahse Raven chuan engtin mah a ti lo. Duh chuan min rawn nek tlu in an chak daih thei mahse Raven chuan a rawn nek duh miah lo,Evana lah chu a au tuarh tuarh mai bawk si, ka mittui chu a tling nghal pam a Vawikhat chauh pawh min rawn nek se kan tluk nghal ka ring a chhanchu Calvin khalh dan hi a dik tawh lo, a kawi zuk zuk tawh a, han zuan thlak na chi ani tawh bawk si lo .

.

Kan tlan chak em avangin tlemin Raven te ai chuan ka lawr tawh zawka, Line kan thleng tep tawh bawka kan pakhat na ngei dawn tih ka chiang .

" Norah... min kuah nghet rawh " Calvin chuan a rawn ti tuarh a, engthil nge thleng Calvin aw hi a dik tawh lo ,thil tha lo a thleng dawn tih chu ka hre nghala.Mahse ka kuah ngheh chuan a khalh tha thei dawn bawk si lo

" Norah, min kuah nghet rawh " a rawn ti tuarh turah a,engmah ka ngaihtuah thei tawh lo Calvin chu ka theihpatawpa nghet chuan ka han kuah vaka.Line kan thleng tep tih chuan bike chu tlu in lei charah chuan kan tleng phei ta mai!! Calvin chu nghet tawkin ka kuah bet tlat a , bang kan su chawrh tih bak hriat ka nei tawh lo.

.

Leiah chuan ka let tawpa, midang chu rawn tlan khawmin bike chu an rawn chawi kang vata,min pawm tho nghal lawp bawk.Ka insawh na lo chu mak ka tiin ka awih lo hian zawk. Jacket Calvin an min haktir ban chu a tet veka, ka ban leh ka ke vel te chu a thi hnuang bawka, mahse ka insawh na lo a chhanchu Calvin an a ban in ka insawh na tur chu alo dang vang ani.

" A harh thei lo " pakhat chuan ring tak hian a rawn ti a, hlauhthawnna in ka khat nghal.Thei leh thei lo in Calvin bulah chuan ka thingthi nghal hnawk a, ka han sawi nawk nawk a mahse a harh thei chuang lo .

A awm ah ka han leh nam vak vak a,

" Calvin tho rawh " tih pahin a mar chu ka han dek vang vang a.

" A... a mar phu a awm" ka ti sapa " tu emaw in Ambulance ko ru " ka ti nghal tuarh a.

.

_______________________________________.

Calvin chu inzaina room ah an nawr lut nghala ,kei pawh in hliam neuh neuh ka neih avangin damdawiin khumah chuan ka mu bar a, ka ban chu a thler avangin an thui a ,ka khel leh ka chawn te chu a pilh phung bawka thisen a chhuah hnem deuh avangin ka chau takzet mahse serious lutuk erawh ani lo.Ka chau bawka na chhawkna in min jection a , ka hlauthawng bawk nen ka muhil nghal siai siai a,ka harh chuan khua alo var der tawh. Damdawiin ah chuan ka lo la mu renga ka han hawikual vela ,khum bula Sarah lo thu ran chu ka hmuh ka thu chhuak vata.

.

" Tho duh suh" Sarah chu hlauthawng hle tih ka hrethei.

" Sarah... Calvin chu enge a chanchin "

"Calvin chu ngaihtuah suh,a harh tep tawh ang... na te ila nei em ?"

"ai nei lo, ka ban hi ani mai "

" Norah,na i nei lo tak tak maw? "

" umm...thil thlen dan kha engmah ka hrechiang thei tawh lo "

" pawi ka ti lutuk khatah khan lo hruai lo tawp tur che ka ni asin "

" Sarah eng thil pawi mah ka chungah a thlen loh hi " ka ti sapa.

" Kan ngaihtuah lutuk che asin " maw!! 'Kan' maw!! tunge midang awm ve.

.

Chutianga ka lo ngaihtuah lai tak chuan Raven chu inthiam lo hmel zet hian rawn lut a ,Evana a rawn kal tel nge tel lo tih chu ka lo en vata

"A chiai vek ani ber mai,a ngaihtuah lutuk che a thut pawh ala thu lo hrim hrim " Sarah chuan ka hriat tawk lek hian a rawn ti sapa.

" umm.... ahh... mamawh te in nei em ahh... eitur vel te " Raven chuan bah nuai hian a rawn ti a,a ding kun lap bawka.

" Raven... Norah hi lo awmpui zawk rawh zankhua in i mu bawk si lo a, lo thu hahchawl rawh " Raven chuan ka thusawi tur ngaichang niawm tak hian min rawn melh zeuh a.

.

"Keiman ka va lei zawk ang" ka lo melh rum em avang chuan a ti sapa .

" nang ai chuan ka lei thiam zawk ang " tih pahin Sarah chu a tho thut a, " Norah... lo inenkawl tha rawn aw, nih leh le " Raven dara beng thak thak pah chuan a chhuak nghala. Sarah a chhuak chiah tih chuan lehlam ka hawi hmaka, diktak chuan Raven hmel ka hmuh ringawt pawh hian ka thin a rim hlur thei .Evana nen a an awmdan te leh an infawh lai te chu ka mitthla ah a rawn lang nghal zut zut a ,chu mai bakah hetianga Calvin a awm nachhan chu amah vangah ka ngai tlat bawk.

.

Raven chu a din na ngaiah chuan a ding kun lap renga kei lah in biak ka tum der mai bawk si lo, nilo... ka biak nachhan tur ka hrelo.

"umm... i tha maw? " khum bula chair a rawn thut pah chuan a ti sap a, mahse ka chhang lo .

" Heihi i damdawi tur ania " tih pahin damdawi chu khum bula dawhkan te ah chuan a rawn dah a.A hmel pawh ka hmu peih lo, ka han maimichhing vang vang a Raven hmel ka hmuh hian ka rilru a na thar leh thin.

" Calvin chu a rawn harh tawh em? " ka lo ti sap a, a lo bu nghata.

.

Calvin a rawn harh tawh tih ka hriat chuan ka lawm takzet, khum atang chuan chhuk thlak ka tuma mahse ka rin aiin ka dar leh ka khup vel chu a na kher mai. Din ka han tum a, a nat em avang chuan ka ner nghal sawk a.

" Khawiah nge kal i tum? " tih pahin Raven chuan min lo dawm vata.

" Min khawih suh " a kut chu ka lo thing thla vata. Thei leh thei lo chuan ka han ding lui a, ka ke chu a na takzet mahse ka kal theih tawk tawk avang erawh chuan ka lawm takzet.Room atang chuan ka bai chhuak nghal auh auh a, Raven chuan ka tlu tur chu ka hnung lam atangin min lo veng renga, khawih ka duh lo avangin kal kalna apiangah chuan min zui tawp ani .

.

Pawnah chuan wolf gang member niawm tak tak ho chu an lo awm far hlawm a ,keimah ang rual lek lek an ni mahse an ni nen chuan kan danglam lutuk tlat

" Norah... i tha maw!! " Brandon chuan alo ti vata.

" aw... Calvin hi a hmuh thei angem le "

" tunah chuan a hmuh theih hrih lo "

" anih chu " ka lo ti sapa .

" Norah... hei doctor lehkha ania, vawin tlaiah i chhuak thei dawn anih chu " Jazz chuan a lehkha ken lai chu Raven a pe a.

.

" tunah hian chhuah ka duh zawk, damdawi in chu a hrehawm emai "

" Norah... " Raven chuan alo ti vata.

"Jazz.. tunah hian ka chhuak nghal mai ang "

" awle... mahse nitin checkup turin damdawiin ah hian i kal ziah angai dawn ania " a tih chuan ka lo bu nghata.

"Ka lawm e...Sarah hi ava rei ve " ka ti sap a, Jazz leh Brandon te chuan Raven chu an melh nghal zeuh a, an awmdan atang chuan thil dik lo a awm tih ka hre nghal .

" Khawiah nge Sarah? " ka ti vata. Min chhang lo chuan an ding kun lap hlawm a.

" Khawngaih in min hrilh rawh u"

" Sarah chu a kal bo tawh " Raven chuan a rawn ti sap a, ka mit nghal sawlh in ka hria. Ni e, Sarah chu hrem ni turin a kal bo a hun tawh ani mahse mangtha pawh ka ti hman si lo.

" mahse... thil lei turin a chhuak sia "

"ngaihtha taka i awm nan dawt a hrilh che anih kha"

" ka thiam loh vek ani "

" Norah... hetiang hian awm suh " Raven chuan min rawn kuah a tum a mahse ka lo tawlh hnung vata .

" ka haw duh " tih pahin damdawiin atanga chhuah tum chuan ka bai phei nghal auh auh a.

.

Ngatinge ka bula awm te leh ka thian neih chhun te hi kei mah vangin na an tawrh tak mai le. Sarah, Stephen leh Calvin te ka inthiam lo ngawih ngawih , hrehawm ka ti takzet mahse tih theih dang ka nei bawk si lo, natna thlen mai tih loh chu. Damdawiin kawtah chuan dingin taxi ka phar ding nghala, ka lut chiah tih chuan Raven chu ka bulah a rawn thu ve nghal thak a, mak tih hmel takin ka lo en ha a.

" Raven... keimah chauha awm ka duh "

" awle...mahse him tangin i thleng tih ka hriat hun ah "

"khawngaih in hmuh che ka duh lo "

"driver St. Villa ah " Raven an a tih chuan taxi chu a tlan chhuak nghala.

.

Taxi kan chuan chhung zawng chuan biak pawh kan in be lo hrim hrim, hostel kan thlen rual rualin chuan man pawh pe lo in ka chhuak nghal hmaka. Elevator lam pan chuan ka bai phei auh auh a midang an lo awm ve nak nak bawk nen min en duh em em lehnghal. Ngawi rengin elevator ah chuan kan chuang chho dun a, tuna kan awm dan hi in hmelhriat pawh kan ang lo .Raven a puih ka duh loh avang chuan ka hnungah chuan min zui dat dat a, kal tur in ti mah ila a kal dawn chuang loh avangin engmah ka sawi duh lo ani.

.

Room chhunga ka lut tur chu Raven chuan ka kut na lo lampangah chuan a rawn vuana, ka ding nghal chawt min khawih apianga ka awm dan thin kha a thawh dan ala ngai reng ,ka mur nghal chuai a chet nachang pawh ka hre tawh lo ,ka kutah chuan a rawn fawp zeuh a, mumang ram atanga harh chhuak hlawl ang mai hian ka harh chhuak zawka

"Engthil nge maw i tih le ?"a kut chu ka lo paihthla vata.

" Norah... nangmah enkawl tal chu min phalsak rawh "

" ka hmuh turin rawn inlan leh tawh ngai suh "

"dam tha ang takin awm tum suh, i ban na takin a hliam a,min mamawh tih ka hria ..Norah ... khawngaih in "

" ka mamawh reng reng lo che "

"Norah... ngatinge i luhlul em em a?" a thin a rim leh nghal tawh,a thinchhiat na hi a mizia a ka huat ber ani.

" haahh... ka luhlul nachhan hi i hria em? mawh... Raven, mi a ang maiin ka zui kual thin che a, min pehhel i tum pawhin ka tuar hram hram zel. Hmeichhe dang i fawh pawhin ka duh luat vang che in ka ngaidam zel che a .Mahse ka hmangaihna che chu engmah lo maiah i chantir ani. I hria em, Evana nen in awmdun changa ka rilru nat thin zia te kha, ka thinlung hi a puak keh dawn hial in ka hre thin asin" ka ti nghal tawn tawn a, ka mittui chu a rawn tla leh nghal zung zung tawh.

"ka rilru a na ve thei tho asin,ramsa nilo in mihring ka ni ve tho asin , na ka tuar thei a ka rilru a na thei bawk.Evana i melh dan te, i fawh dan te leh i khawih dan te ka ngaihtuah ringawt pawh hian ka na asin chutichung chuan ka luhlul nachhan min la zawt amaw?" ka nui lui suk a .

" Hremhmunah kal tawh " tih pahin room chhungah ka lut nghala.

.

Kawngka ngheng chung chuan ka ding renga ka tah a chhuak bawk si, ka mittui chu a tla nghal zung zung a, tah rin ka hlauh avang chuan ka ka chu ka hup ringawt ta a ,a hrehawm takzet,khatiang tawngkam tenawm lutuk kha ka ka atangin a chhuak ang tih ka ring pha ngai lo mahse Raven then tur chuan ka hman angai ani . Ka duh em vang pawh hi ani mahna ka thinlung chuan a ngaidam der tawh mahse ka chapona leh induh tawk na erawh in a ngaidam thei hlawl lo. Reife ka tah hnu chuan ka rilru ka siam fel nghala Raven vangin ka tap tawh lo ang tiin "ka thei tur ani " tiin ka infuih nghal mawlh mawlh bawka.

.

Sarah closet leh shoe rack te chu ka han enkual vela a lo ruak vek tawh, ngatinge Sarah khan min mangtha na thu tal a sawi loh le? keimah vangin an hrem dawna tih theih dang ka nei bawk si lo " Sarah tunah hiwn ka mamawh takzet che " tiin ka phun sap a.

Ka kawr leh ban vela thisen kai hniang te chu tihfai tumin bathroom ah ka lut a,harsa hle mahse ka han inbual fai takah chuan ka chau lutuk te pawh kha a zia deuh in ka hria. Bathroom atanga ka chhuah chuan Stephen ka hmu ta thut mai!! khumah alo thu ran a min hmuh chuan a ding nghal zawt a.

.

" Norah...engthil nge thleng ?"

"enge hetah i rawn tih ?"

" accident i tawk tih ka hria a, ka hriat rual rual in ka rawn kal nghal alawm"

" Ka tha...mahse engtin nge i hriata ?"

" Raven an min rawn hrilh a,i bula awm turin min rawn ngen ani,i tha tak tak maw?"

" engtin mah ka awm lo, min ngaihtuah suh "

" nilo... haw lo tur in ka hrilh mawlh mawlh che a, tunah chuan nangmah in i awm tawh hauh lo ang i dam hma loh chu kan inah i awm char char tawh ang ,i thawmhnaw pawh ka pack fel vek tawh inthlak la ka pu in alo nghak reng tawh che ania "

" nilo... Stephen "

" ka ngaithla duh lo ,inthlak la pawnah ka lo nghak ang che " bag chu ak in room atang chuan a chhuak nghala. 

.

hapter-37

.

Ka inthlak sawk sawk a, diktak chuan Stephen te ina awm hi pawi tihna ka nei hran lo a chhanchu tunah hian ka duh ang pawhin ka che tha thei lo a ,engthil pawh lo thleng se min puitu tur ka mamawh dawn tih chu kei tluka hrechiang an awm lo ang bakah ka thian tha tak ani a, buaina ka tawh chang pawhin ka hrilh hre hmasa ber tur ani dawn lawm ni. Nizana ka thawmhnaw hak thler hnuang te chu polythene ah khung in bawlhhlawh bawmah ka paih nghala ,Calvin pawh ka ngaihtuah takzet ka insawh na tur min lo dan avang ringawt pawhin lawmthu sawi ka ba in ka hria, mahse ala hmuh theih bawk si lo a, tihngaihna dang a awm chuang lo.

.

Room atanga ka chhuah chuan Stephen chuan kawngka bulah min lo nghak ran a.

"lunch i ei tawh em? "

" aih... eilo "

" anih chuan engemaw ei phawt ila "

" Stephen... engmah ka ei chak lo "

" mahse engemaw tal chu i ei angai alawm..."

"tunah chuan mut hahchawlh ka duh zawk "

" awle " ka duh anga ka la kal that theih loh avangin muang changin inhnuai lamah min kai thla a ,Stephen bula awm hi chu a thlamuan thlak ngawih ngawih.

.

Lobby kan thlen thlak chuan midang pawh an lo awm nual a min en duh riau in ka hria. Stephen chuan min kai phei hnak hnak a ani ang thian tha ka nei hi ka vannei takzet.

"Stephen ka lawm e "

"engah chuan maw!! "

"Harsatna ka tawh apiangin ka tan i awm reng thin a"

"anih chuan kan inah rawn awm reng tawh ang che,ka pu leh ka pa pawhin an lo nghakhlel tawh che ania " a tih chuan ka nui suk a, ni e pu Thomas pawh hmuh ka chak takzet, tunah chuan tawng ri a hre thei tawh bawka ka khawhar chang pawhin min ngaithla tu tur an awm a ka hlim takzet.

.

"oh!! Stephen ka phone ka theihnghilh daih" tih pahin ka ding chawt a.

" Khawiah nge i dah?, ka han la ange"

" khumah ka dah in ka hria "

" tah hian lo thu rawh" tih pahin couch ah chuan min thut tir a.

" ka rawn let leh vat ang " Elevator ah a tlan lut nghala.

Chutia thlamuang taka ka thut lai chuan Evana a rawn lut ta thut mai!! Hmu lo niawm tak chuan lehlam ka hawi vata mahse ka ep chiah ah chuan bawp khawkher chung hian a rawn thu ta ran a, hmuh loh der chi ani tawh lo.

" i lan danah chuan mi tha tak te pawh i ang alawm "a tih chuan ka thu kun lapa.

.

" 'Nun' nih i tum tih thawm te ka lo hria a, mipa chhaikual vel ni lo in "

"Evana duhtawk rawh "

"khatiang daih tawh tur kha alawm,Raven han chhai kual vel nan chuan i hmel chu a tha teh meuh mai mahse Raven tan chuan i hniam mah mah ani,i thawmhnaw atang ringawt pawh hian " ngeiawm zet chuan min rawn nuih suk a "i hria em ,oh!! i hre leh lo ang Raven nen kan inkawp leh tawh tih hi lo hre ve mai mai rawh " ka han thaw hak a, inseh ruh teuh chung chuan ka ding a, engmah ka sawi duh lo a chhanchu buaina tam zawk a thleng mai mai ang.

.

" Heipawh hi i hmuh duh ka ring "tih pahin Raven nen a duhthawh taka an infawp na thlalak chu min rawn hmuh a, engmah sawi lo mah ila chhungril ah hian a na vawng vawng ,ka thinlung hi vin sawk sawk ang maiin a na. Lehlam ka hawi hmak a tah chhuah hawm hawm ka chak takzet.

"pakhat pawh ka la nei " tih pahin an mutdun laia a nuam ti authawm vel chu min rawn ngaihthlak tir leh kher a ka tuar thei tawh lo a phone chu chhuata ka paih nghal chawrh a, a hmaiah ka beng zui nghal bawk.

"Raven chu i nei ngei ngei dawn nia, enga tan mah ka ti lo" ka sawi zo chiah ka inher tur chu ka hma ah tak Raven chu a lo ding run mai!! phawk fe hian ka melh chho nghal kawk a.

.

"Raven ka sawi tawh kha Norah hi i rin ang ani lo,ramhuai anih hi"Evana chuan inti khawngaihlak chawp leh inringtawk tak hian a rawn ti a, dawt sawi a thiam lutuk avang chuan ka lo nui hak a.Raven lah chu a ngawi renga keipawhin in sawi fiah ka tum bik lo a chhanchu bialnu dang a nei tawh a, an inkara lo tlak zeh ka duh lo.

"Raven nawm chenpui nan a hmang mai mai che anih hi,nizanah pawh Calvin nen an infawh kha...that hmel ang takin lang mahse chhungril ah chuan misual leh zakthei lo tak ani Calvin nen inkawp reng chungin mipa dang ala beisei fo chu anih hi Raven harh chhuak tawh rawh ...i lo hmu em tunah pawh min ben kha. "

" Evana.... duhtawk rawh" ka lo ti nghal thah a.

.

"Norah... ngawi hmak rawh, Evana i beng lai ka hmu reng alawm" Raven chu ka melh nghal kawk a, engtin nge Evana lamah hian a tan theih zawk. Nilo, Evana hian dawt tamtak a hrilh vang ani anih loh pawhin Calvin a thik vang aniang.

" mahse....ka.. "

" duhtawk rawh... Evana thusawi kha alo dik chiah anih hi nanghi chhungril ah chuan ramhuai i ni,ka hmangaih avang che leh ka zui kual reng avang che hian i nihna diktak ka lo hre ngai lo a tunah chuan ka hre tawh..."

" Raven... " ka ti chuai raih a.

" Evana kal ang, Calvin nen chuan hlim takin in awm dawn nia " zawi sap a tih pahin a kal nghal hmak a, Evana pawhin min rawn nuih suk pah chuan a zui ve nghala.

.

Raven thusawi mal te te chuan ka thinlung hi mal te te in a rawn vit sawk sawk nimai hian ka hria, ka awm chu ka han dawm vang vang a ka mittui a tling nghal pam bawk, mahse ka hamhaih em avangin ka tap chhuak thei lo, Raven hi theihnghilh ka tum poh leh ka duhna a zual a, ka haw hle emaw ka tih pawhin ka hua tih ka lo theihnghilh leh thin ,Evana nen an awmdun lai ka hmuh ngat phei hi chuan ka na ngawih ngawih a ka thik takzet bawk, a chang phei chuan Raven ka lo tawng hi ka inchhir rum rum hial tawh .

.

" Norah kal ang le... " Stephen an a rawn tih chuak ka lo phu zawka,ka awmdan avang chuan mak tih hmel takin min en ha a.

"i tha maw? "ka lo bu nghat a,

" anih chuan kal ang le " tih pahin min rawn kai a, pawn lamah kan chhuak nghala. Stephen chuan car kawngka min hawn sak thlap a, ani pawh rawn chuang lut ve nghalin seat belt te chu min hret tir bawka. Ka kut lehlam ka chet that theih loh avangin seat belt taknghial pawh ka hreng tha thei lo.

.

Tukverh lam chu ka thlir vang vang a,khaw dur khup leh ruah tla sep sep te chuan ka lung a ti chhe zuala ka mittui chu a rawn far fap a, Stephen an a hmuh ka hlau em avangin ka lo hru vata.

"Norah... ka pu in lunch a lo buatsaih a i hria em ka pu hian a ngaina takzet che " Stephen an min biak mawlh mawlh lai te chuan thil dang daih ka lo ngaihtuah a

Stephen hi Raven koh a ni a, min ngaihtuah vang anih tih pawh ka hria chuan Raven tan hian Stephen tanpuina dil hi thil awlai tak ani lo.Mahse ngatinge heti khawpa min ngaihtuah si hi Evana nen an la inzui reng mai le? chuan ngatinge khatianga min tih tak mai ?

.

Ka hnuk chu a ulh tlat a, ka insut leh hraih thin a tah erawh ka hreh takzet. Nidangah pawh Raven hian awki sang tak leh vin takin min be fo thin mahse hmeichhe dang thlavang hauh avang erawh in khatiang khan min ti ngai lo , thil dang ngaihtuah ka tum pawh in Raven an Ramhuai i ni ti a na taka min tawngkhum na chu ka bengah a ri nawn tluk tluk a, ka mittui pawh ka dang zo tawh lo mahse Stephen an a hmuh hlauin ka hru leh zeuh thin a tawp a tawp ah chuan ka inthup thei thei ta lo.

Stephen chuan car chu ti ding in mak tih hmel takin min en ha a.

" Norah i tha maw? "

.

Chutia Stephen an min ngaihtuah ani tih hriat taka a rawn tih takah chuan ka insum zo tawh lo ka tap chhuak nghal hawm hawm a, Tah loh ka tum pawh in ka mittui ka thunun thei thlawt lo .Stephen chuan a seat belt phel in min rawn kuah nghal thlawp a.Zaidam tak leh duat takin ka hnungzang chu a rawn chul heuh heuh a mahse chu chuan ka hnuk a ti ulh zual zawk si. Raven an min huat lai pawhin min ngaihtuahtu leh ka thlavang hauhtu tur an awm ani tih ka hriat ringawt pawh hian ka thla a muang in ka phulo zawk hial.

Stephen darah chuan ka tap hawm hawm a, diktak chuan ka inthlahrung takzet Raven avang hian Stephen hi vawi engzat nge ka tah khum pawh ka hre tawh lo. Raven chuan min ti tap a Stephen erawh in min ti nui thung mahse ti chung pawh hian Raven ka la thlang fan tho ,ngatinge ka luhlul em em mai le Raven ka nei thei dawn lo tih ka hriat reng chung pawhin ka la ngaihtuah reng bawk si.

" Norah.... tap tawh suh " ka chalah chuan a rawn fawp zeuh a

" Stephen...ka tihpalh takzet "

" nilo...nilo...." nghet takin min kuah bet a . Reife ka tah hnu chuan ka tap bang thei hram.

.

Stephen chuan an inah min hruai haw a, ka chau deuh bawk nen ka room turah min hruai chho nghala.

" Stephen..." room atanga a chhuak tur chu ka lo au ding a.

"umm"

"engtin nge Raven hi ka theihnghilh thei ang ...ka ..ka tih awmzia...." Stephen chu a nui suk a

" i theihnghilh thei ngai lo ang ..." tih pahin ka bulah chuan a rawn thu a.

"Nasa takin i rilru a tih nat sak che anga, i thinlung chu pawh sam vek ang hial in na mahse i theihnghilh thei ngai lo ang a chhanchu i hmangaih miau alawm. I rilru chuan huat i duh ngawi ngawih anga mahse i thinlung erawh in a ngaidam anga i mamawh zia a hrilh nawn fo thin ang che "

.

"Tunah chuan ka chau tawh takzet... engthil nge ka tih ang engmah ka hrethiam lo,thih ka chak takzet "

" Norah....i hmangaih ber in a kalsan che pawh ani thei mahse i bul velah nangmah hmangaih tak tak tu che an awm tih theihnghilh ngai suh" Stephen chu a tho thut a.

"tikhan lo mu hahchawl la lunch ka rawn lak sak ang che " tih pahin min rawn nuih suk a.

"ka rawn chhuk thla ve zawk ange "

" mahse i chau... "

" ka tha alawm, damlo pawh ka nih loh hi " ka lo pawtchat vata.

" awle... ka lo zuk chhuk ang, inthuam lum la i rawn chhuk chauh dawn nia "

" awle... " room atang chuan a chhuak nghala.

Darthlalang ah chuan ka han in en vang vang a, ka mit sem ram mai te leh ka sam thur bam te chu ka en renga.

" Raven hian min ngaihtuah ve angem le?" ka han ti sap a

Nilo Norah chutiang ngaihtuah suh Raven hian a duh ve tak tak lo che, a hmangaih chu Evana alawm, nangte chu chip pakhat kawltu hmeichhe pakhat ve mai alawm i nih tih chu ka bengah a ri nawn tluk tluk a, Raven hmanrua mai ka nihzia te ka nanghtuah chuah phei chuan ka thin te hi a rim tun thei.

.

Kawrlum ka hak zawh chuan inhnuai ah ka chhuk thla nghala.

"Norah.... ka hmu che chu ka lawm takzet " tih pahin pu Christopher chuan min rawn kuah nghal thlawp a, ka ban na lai a khawih fuh avang chuan ka lo ner sawk a.

" ka tihpalh lutuk.. accident i tawk tih ka lo hria a ka ngaihtuah lutuk che asin "

" tunah chuan ka tha tawh e.... "

" hei lunch ka lo buatsaih sak che a" tih pahin chair ah chuan min thuttir a.

"pu Christopher ka lawm e mahse Stephan hi khawiah nge a awm a? " hawikual pah chuan ka han ti a.

"tunah lawk khan a chhuak anih kha "

.

" maw!! "

" ngai thutak duh suh, tunlai phei chu inah a tawm deuh chawt reng a chhuak harh ve rawh se " chutia pu Christopher an a tih chuan mak tih hmel takin ka lo en ha a, a chhanchu Stephen hi inah a awm ngai lo tluk ani.

" mak pawh i ti maithei mahse tunlai chu Stephan hian a mizia a thlak hlawk alawm.... Party na ah a kal ngai lo a, zu lah a in ngai tawh hek lo inah a tawm deuh chawt mai, heta i rawn awm atang phei kha chuan a ngaihtuah em em che a ,tunah pawh nangmah enkawl tu tur doctor a be fel vek tawh asin "

.

Hetianga Stephen a inthlak danglam ani tih ka hriat hian ka lawm takzet min ngaihtuah em avang hian ka lawm rual rual in ka inthlahrung bawk si. Pu Christopher chuan fiamthu te thawh in thil chi hrang hrang kan sawi dun a ka rilru na lutuk pawh kha tlemin a zia deuh in ka hria, chutia hlim taka lunch ka ei dun mawlh mawlh lai chuan boruak a rawn dang ta thut mai!! Pheikhawk ke artui ri tlet tlet ri ka hriatna lamah chuan ka hawi vata ,phawk fe hian ka meng nghal kawk a hlauhna in ka khat nghal.

" Pi Regina maw!! " ka hriat tawk lek chuan ka phun sap a.

Chapter-38

.

Pi Regina chuan min rawn nuih suk pah in ka ep chiah ah chuan a rawn thu a, dawhkanah a bag chu dah in chiang tak mai hian min en kalh bawk.Nui hmel pu mahse a mit meng ah erawh a nihna dik a lang thung,wine tlemte chu a han in a, en pawh ka en tha ngam lo ka hlauthawng lutuk chu ka kut ka sik neuh neuh a,kun lap chungin ka mengkual ralh ralh a. Pu Christopher lah chuan engmah a hrethiam der bawk si lo a thil ei lai chu a ei chhunzawm mawlh mawlh a kei ve thung chu ka thil ei te pawh a tuilo zo vek.

" Norah... ei ta che " Pu Christopher an a tih chuan ka phu zuk a, nuih luih suk pahin khur der der chungin tui chu ka han in khawlh khawlh a,min that duhtu bula awm chu awmdan thiam a har takzet.

.

No dah thlak pahin Pi Regina chu ka melh zeuh a min lo la melh run mai bawk si,hlauthawng lo niawm tak chuan ka han ei chhunzawm leh a, ngatinge pawh ka hrelo ka kut te chu a khur der der a, ka duh angin fork pawh ka keng tha thei tawh lo ,ka awmdan hi ka duhlo takzet .

"Kan hospital a doctor senior ho ban tir in China atangin doctor thar i la dawn tih ka lo hria a mahse rin tlak an nih leh nih lo enfiah hmasa phawt la "Pu Christopher chuan ei mawlh mawlh pah chuan a ti a, pi Regina lahin kei min melh ngur mai bawk si.

.

"engkim a tha ber zelin ka ti thin tih chu i hriat kha"

" mahse sawng doctor te saw he damdawiin din theih nan min pui asin "

"chutiang ka pawisa lo thil hlui leh chhe tawh chu bawlhhlawh bawmah ka paih mai thin" in ring tawk tak hian a ti chang fak a, a lipstick inhnawih phenah pawh nunrawnna tamtak ala awm cheu anih dawn hi.Pu Christopher chuan a fork leh fian kenlai chu thlengah a theh thuai a, napkin a a hmui hruk fai mawlh mawlh pah chuan a tho thut a.

" Norah min lo hrethiam rawh " tih pahin a kal sawn nghal hmak ,engmah pawh ka sawi hman tawh lo.

.

Pi Regina nen chuan kan in hawitawn ta ran mai, ngeiawm zet hian min rawn nuih suk a ka thi ngei dawn anih hi tiin rilru ka siamfel vek hman tawh. Pu Christopher an Pi Regina in min zawng mek ani tih leh min thah a duh thu hi hria se chuan kan pahnih chauhin min kalsan lo tawp ang. Hlauthawng lo niawm tak chuan ka ei chhunzawm mawlh mawlh a, a tui leh tui loh pawh ka hre tawh lo.

" Thomas chu enge a an tawh?" a rawn ti thut mai chu ka thil ei lai ka phuh chhuak hman tep.

" ahh... tunah chuan kan tawng ri pawh a hre thei tawh a a that chhuah vat ka beisei "ka tih chuan a bu nghata .

.

"Evelyn...London pan turin jet kha lo buaipui ang che ...tunah " phone ah chuan mi a be nghal mawlh mawlh a.

"document pawimawh ho leh ka appointment neih ho kha ka duh bawk ania " tih pahin a ding hluai a, a bag chu la in a kal nghal .Min kalpel chiah tih chuan ka han thaw chhuak hak a, min hre chhuak emaw ka ti hman, mahse a rawn let leh tlat mai!! ka kawrlum nghawng chu zen in ka rosary awrh lai chu rawn phawrh chhuah pahin a han en vang vang a, thawk pawh ka thaw ngam tawh lo min hrechhuak lo emaw ka ti a mahse min lo hre ta tho ani hi, ka kawrlum hnuaiah daih a awm si a engtin nge a rawn hmuh theih zawk?.Ka tlan chhia ang nge? engtin nge ka awm tak ang Lalpa min pui hram rawh.

.

" Lunghlu ani maw!! " ka meng phawk nghal kawk a, ka thi hi lunghlu ani tih ka lo hre ngai reng reng lo.

" maw!! "

" a mawi hle mai " tih pahin phone chu biak chhunzawm in a kal lehnghala.Ka thinphu nasa lutuk tih ziaawm nan ka awm chu ka han dawm vang vang a, ka hlauthawng hman takzet. Tui chu ka han lem lehnghal khawlh khawlh a, ka awmdan ala dik thei chuang lo.Ka nu min ti hrechhuank nghal uaih uaih a

" nilo.... ka pa, ka ni leh ka u te " engtin emaw a lo tih takin tiin ka pa chu ka call vata, a in ring chhung te chu rei ka ti ngawih ngawih

.

" Hello"

" pa... in tha maw"

" Norah...!! " ka pa chuan mak tih hmel takin a rawn ti a, diktak chuan ka chhungte hi ka biakloh na chin pawh ka hre tawh lo. Ka theihnghilh vang nilo in ka inthiam loh vang zawk ani,mahse tunah chuan an that leh that loh thu ka hriat ngei ngei angai." pa i tha em... ka ni leh ka u pawh "

"aw... ngatinge?" ka thaw nghal huai "Norah... bawihte ,ka ngai lutuk che .." ka ni chuan alo ti ve bawka, kan in be khat bawk nen ka ni chu a hnuk a ulh leh tawh in ka hria. " Bawihte, tawngtai mawlh kha" ka ni chuan alo ti ve bawka,min biak chu an in chuh ni berin ka hria.

" Norah... biakin te chu enge a an a,a nuam em?" ka pa in a tih chuan sawi tur pawh ka hrelo,ka ngawi renga .

.

Reitak ka chhungte nen kan inbiak hnu chuan ka thla te pawh a muang deuh sawt in ka hria mahse ka pa in biak in chungchang te leh thil chi hrang hrang min zawh ka chhang thei ta lo kha chu hrehawm ka ti takzet. Ni e, kei pawh hian ka inhai hauh lo, Raven ka tawng atangin leh New Orleans ka thlen hnu atang hian ka inthlak danglam nasa em em a, ka ni in a lo hlauh thin em em khawpui mite nundan ang hian ka nung ve tan ta der mai. Hmasawnna tamtak chu a awm teh meuh mai mahse helai hmunah hian kal kha lo tum miah lo ila chu Raven hi ka tawng lo anga, hmangaih ka nei lo anga, ka thinlung hi a kehchhe bawk hek lo ang ,ka nundan mawltak ang khan ka nun chhunzawm zel anga mahse ka hlim em em thung ang.

.

Lunch ka ei zawh chuan ka chau bawk nen room lam panin ka chho hnak hnak a,ka room a ka luh hma in pu Thomas room ah ka han kal leh te te phawt a, rei pawh ka awm lo khua alo thim hman der tawh. Pu Thomas bula awm hi chuan nileng pawh nise hun hi alo kal leh zung zung zel.Ruah a sur bawk nen ka mut theih loh avangin Zan rei tak thleng Stephen rawn haw hun chu ka nghaka mahse a rawn haw dawn lo niin a lang, ka mutsan ta ringawt a.

.

_______________________________________

.

A tukah chuan ka alarm ri chuan min ti harh zawk mai phur lo zel chuan ka han meng siar siar a, ka hmai zawn ah tak Stephen chuan min lo en run mai!! Ka phu bawk nen ka au nghal tuarh a.

" Stephen.. engthil nge i tih?"

" Ahh... morning" tih pahin khumah a rawn thu a.

"Ni zanah khawiah nge i riah, i pu in a ngaihtuah lutuk che asin "

"ahh... khawiah vak mah,intih harh nan ka riak chhuak ve mai mai mawle "alo ti sam et a, ka lo bu nghata.

.

" Norah... nizan ka lo haw loh avang khan min ngaihtuah tiraw? "

" Ngatinge chu chu min zawh ? " mak tih hmel takin ka lo en ha a.

" diktak in min chhang rawh "

" aw...engvangin nge ka ngaihtuah loh ngawt ang che, ruah kha a sur nasa bawk si a ,bakah i pu pawhin a ngaihtuah lutuk che asin "

" ani maw!! " lawm hmel tak hian min rawn nuih suk a.

" Stephen... thil engemaw a thleng ami? " nuih suk pahin min hnung chhawn zawng chuan a ding daih a

"midang in min ngaihtuah ve ani tih ka vawikhat hriatna "

.

" Maw!! "

" Norah... in lianpui neiin duh duh nei thei mah ila hmangaihna leh inngaihsakna hi ka dawn ngai lo, kum tamtak hnu ah nizan khan mi tuemaw in min ngaihtuah ani tih ka hria a ka lawm takzet "

" mahse... i pu pawhin... "

" nilo...ani chuan a tupa ah pawh min ngai lo " boruak tih zan nan chuan a han nui ri hak a.

" Breakfast ka rawn lasak ang che "

"nilo...ka rawn chhuk thei alawm "

"hahchawlh i mahmawh ani, doctor pawhin a sawi kha chuan college pawh i kal hrih lo ang"

.

" Stephen tunah ka insiam nghal dawn, College kal lo thei ka ni tawh lo kan exam a hnai tawh lutuk "

" luhlul chhuah suh, i ban a na a chuan i kal tha thei lo bawk "

" ka ban veilam alawm na dinglam ni lo in,chuan hei kal chak thei lo mah ila ka kal thei tho alawm " tih pahin bai suih suih chung chuan ka han kalkual vela.

" tihian i ti leh tlat zel i luhlul a zarah ka tlawm nawn zel dawn chu anih hi "

"Stephen... min ngaihtuah suh, ka tha lutuk ania "

" anih chuan insiam la,doctor pawh a rawn thleng tep tawh ang i ban kha dressing zo se breakfast ei turin ka chhuk thla dawn nia" tih pahin min chhuahsan nghala.

Breakfast kan ei zawh hnu chuan college lam panin Stephen nen chuan ka inzui chhuak lehnghala, khua a nuam lo in ruah lah chu a sur cherh cherh lehnghal. Kan exam a hnaih tawh em avangin class kal loh ringawt a theih bawk si lo. Diktak chuan college kal hi ka chak reng reng lo, Raven hmuh hlau reng reng a bih ruk kha ka peih bik lo mahse Raven vangin ka chawl ringawt thei bik si lo. English class ka neih avangin Stephen nen kan kal hrang a ngai ta tlat mai mahse lecture room thleng min thlah leh tho.

.

Class lak lai chuan ka khua a rawn sik ser ser a, ka chau in ka mut a chhuak takzet. Ka duh ang pawhin ka ngaithla tha thei lo a chuan a vawt hle bawk mahse midang hmuh ah chuan hlim hmel put ka la tum fan tho. Class a zawh rual rual chuan locker a ka damdawi dah lak tum in ka kal nghal hlawk hlawk a.

" nilo... " ka damdawi a zo tawh tak, hnachhawkna hi ka kawl reng thin si a engtin nge ka nei tawh lo tih ka hriat miah loh le? Pawilo Stephen ka be mai ang tih pahin ka phone chu ka han la chhuaka.

Stephen chu ka call nawn tluk tluk pawhin a pickup thei chuang lo. Ka lu a na tawh bawk nen ka thaw te chu a sa hiam tawh a,damdawi midang han zawt ngawt lah a chi bawk si lo.

" Engtin nge ka tih tak ang?" damdawi ka ei loh chuan heti ringawt hi chuan class ah ka awm thei lo ang.Chair a ka thut mai mai lai chuan Stephen ka hmu ta thut mai mahse Veronica in a zui avang chuan ka ko duh ta lo .

"pawilo... ka tha leh mai ang " awm nuam lo chung chung chuan ka ti sup a,class ka nei lawk lo bawk nen inchung lamah ka chho ta ringawt a.

.

Inchung ber ka thlen chuan alo reh leh thiap tawh. Ni e, engvangin nge mi an awm tehlul ang store room leh studio hlui bak a awm hleinem. Mahse helai hmunah hian sulhnu tamtak theihnghilh ngai loh tur a awm tlat thung. Elevator atanga ka chhuak chiah chu ka hmazawn a tukverh lian zet atanga lang thei chhum lo zing chuai ka hmuh chuan ka thlie vang vang a ,thilchi hrang hrang ngaihtuah pahin ka nui suk a. Helai hmun chu midang zi hut hut leh thawm bengchheng hriat tur a awm lo bawka a nuam takzet.

.

Studio hlui tawh tak ah chuan ka bai lut chhat chhat a, tukverh tereuh te atanga eng rawn lut bak chu a thim vek thung mahse ka tan chuan hmun nuam lutuk ani tlat. Keimah chauha ka awm theih na ani bawka tiin kawngka chu ka kalh sawk sawk a, rei pawh ka awm hma in thawm dang ka hre ta tlat mai!!

"Tunge?"hlauthawng ru tak chuan ka hawikual hruk hruk a ,midang an awm tih ka chiang.... misual, nilo... tunge awm ta ang.

" Tunge? " ka han ti leh a tumah in min rawn chhan tak si lo ah chuan tlanchhiatna hun remchang tak ani. Hmanhmawh takin thei leh thei lo in kawngka lam chu ka pan phei nghal hlawk hlawk a.

.

Kawngka ka lo kalh kher kher chu ka inchhir takzet.

" Norah.... ding rawh " Chu aw chu!! ka ding chiang kher mai, hawi let lo mah ila tunge a nih tih hrilh ngai lo in ka hre nghal.

" Hetah ...enge i rawn tih?" Chhang lo in kawngka hawng tum chuan ka kal lui leh ngat ,mahse kawngka chu rawn nam bet in ka hma ah tak chuan a rawn ding ran a,amah en chhoh ha pah chuan .

" Raven kal sawn rawh " ka ti vin tuarh a .

Chapter-39

.

Raven chuan ngawi rengin min en reng a,mahse a hmel ka hmuh hian ka thin a rim leh tun tawh.Ka kut na lo lampang chuan ka han nam deuh sawk a mahse awmzia a awm lo,

"vawikhat chiah ka sawi leh ang kalsawn rawh " ka han ti vin leh tuarh a mahse tawngkam vin a tih hian a luhlul zual sauh emaw tih mai tur hian kawngka chu a nam bet tlata. Ka thinrim bawk nen ka insum zo tawh lo a hma ah tak chuan ka theihpatawp a ring in kan han au khum vak mai a.

" Norah... tawp rawh" a awm ah chuan ka chum vak vak a, hetia ka chum vak vak hian ka zia deuh in ka hria.

.

" Norah.... " vin zetin a rawn ti nghal hlut a.Bang lama min nam beh pahin a kut chuan ka hmui a hup nghal vata,a kut lehlam in ka ban chu a man bet tlat bawk, chet ngaihna a awm tawh lo.

" Shh.... bengchheng suh " ka theih ang tawk chuan ka han tal aih aih a, hnai takah rawn kun hniamin ka mit ah tak chuan min en kalh bawka.

"i chunga ka thil tih zozai avang khan min hua ang tih ka hria mahse khawngaihin min pehhel tum tawh suh "Tawng ka han tum a mahse ka ka a hup tlat avang chuan engmah pawh ka sawi thei lo.

" nilo... i thusawi tur ka ngaithla duhlo....ka..." a sawi zawh hma chuan a kut chu dahthlak thut pahin a tawlh hnung hrut a.

.

Mak tih hmel taka min en pahin a kut chuan ka pang chu a rawn dek nawn leh ngata mahse a kut paihthlak sawk pahin lehlam ka lo hawi hmak thung.

"Norah ,I.... I khua a sik ,I sa vek ania...."hlauhthawng hmel tak chuan a ti sup a.

"lo thi pawh ni ila pawi i ti lo ani lawm ni " tih pahin kawngka chu ka hawng nghal rawk rawk a,ka hmanhmawh bawk nen ka kut veilam ka duh anga ka hman theih loh avang chuan ka hawng thei mai lo lehnghal.

"lo kal rawh... damdawiin ah kal ang anih loh pawhin damdawi ei rawh" tih pahin ka kut chu rawn khawih a tum a, mahse amah hlauh hmel deuh hian ka kut chu ka la sawn zuk a .

.

" Raven.... min ngaihtuah ang tak hian awm tum tawh suh, ka kham hluah hluah che, i hria em i tello pawhin ka hlim lutuk chuvang chuan min ngaihtuah ang taka i awm hian i hun i khawhral mai mai,heta awm lo hian i bialnu Evana bulah va awm zawk rawh"ka rilru a awm awm chu ka sawi chhuak nghal tawn tawn a ,Raven lah chu a ngawi ngul mai bawk si, ka thin a rim zia leh ka awmdan chu a hai bik hauh lo ang ,Raven hi ka mamawh loh zia ka hriattir angai ani, chumai bakah hmeichhe dang kawp lai a nei renga engvanga min ngaihtuah ang taka awm nge maw anih le , ka hrethiam lo takzet.

.

Kawngka lah chu ka hawng thei der bawk si lo.

" He kawngka tehhrep chu !!" tih pahin ka han pawt leh vak vak a, ka thin lah chu a rim tulh tulh mai bawk si.

"Thinrim chung chuan i hawng thei lo ang " zaidam taka tih sup pahin kawngka chu min rawn hawnsak nghal a,vawikhat pawh melh leh tawh lo chuan ka bai chhuak nghal aih aih a, khaw vawh vang nge mawni ka ke te hi a na zualin ka hria, ka lu lah chu a na em em mai bawk si.Inhnuai lam panin step ah chuan ka chhuk thla chhat chhat a ,ka locker bul ka thlen meuh chuan alo reh leh duk tawh.

.

" Hi... Norah "ka phu deuh zawk a.

" oh!! Hi Brandon" pangngai deuh chuan ka lo ti ve nghala.

" i va nawm loh hmel ve "

" ahh.... ka lu hi a na deuh a, mahse na lutuk erawh a ni lo... khawiah nge i kal dawn?"

"damdawiin ah Calvin ka kan dawn a,chumi pah chuan rawn inentir ve nghal la "

" ahh.... damdawi ka ei anga ka zia mai ang mahse Calvin chu hmuh ka duh takzet "

" tun hi hmuh na hun remchhang tak ani ngei ang " tih pahin min nuih suk a,

"Class ka nei lo bawka reilo te chu ka awm hman ang "

.

Brandon nen chuan kan inzui hnak hnak a, ka kal chak theih loh avangin muang changin kan kal chhat chhat a,khua a vawt bawk nen ka chhungril ah hian ka khur der der a,ka lu na lutuk chu ka tlu dawn takngial in ka hria.

"i ban leh i ke chu enge a an tawh "

"ka tha lutuk " peih leh peih lo chuan ka chhang tawk tawk a, mahse ka awmdan hi Brandon an a hriat ka hlau takzet. Car bul kan thlen chuan Brandon chu a ding chawt a, phone ah tu emaw hi a be nghal mawlh mawlh bawk. Car kawngka chu min hawnsak nghalin ka lut vata ,car chhungah chuan maimichhing vang vang pahin Brandon chu ka lo nghaka.

.

Rei vak lo phone a mi a biak hnu chuan a rawn luh ve hram, ka chau bawk nen en pawh ka en peih lo, car engine chu ti nung nghalin Brandon chuan seatbelt chu min hrentir nghal a.

"Norah... damdawiin ah kan inhmu dawn nia " Brandon aw ka hriat chuan ka meng nghal zawk a,ka bula thu hi Brandon ani hauh lo, Brandon te chu pawnah ala awm reng alawm anih chuan tunge driver seat a thu hi ni ta ang?. Hlauthawng ru tak si chuan ka hawiphei vata, phawk fe hian ka meng nghal kawk a.

" Raven enge hetah i rawn tih?"Engmah pawh sawi lo in a tlan chhuak nghal. Brandon lah chuan min vai liam lauh lauh lehnghal.

.

"He thil hi i ruahmanna ani maw? " Min chhang lo in hmalam chu a melh ngur ngur a, ruah lah chu a tla sep sep lehnghal

"car hi ti ding rawh ka chhuk duh " a aia chak chuan a khalh lui leh ngat a.

" Raven.... car hi ti ding rawh, bum hmang i ni, car hi ti ding rawh " ka ti nghal tuarh a, seatbelt chu phelh tum in ka dap nghal rawk rawk a. Chutia seatbelt phelh ka tum takah chuan kawng sirah car chu a tiding nghal thut a, a khalh chak lai tak ani bawk nen hma lamah kan bu nghal lawp a.

" hrep tak chu " a steering chu a chum chawrh a " Norah... engchen nge luhlul i tum... hetiang hian ti lo ila ka rualin damdawiin ah kal i duh dawn ami? "

" mahse min bum alawm....,vawi tamtak min bum ani "

.

" Duhthlan tur dang ka nei lo alawm "

"min kalsan rawh" tih pahin car atang chuan ka chhuak nghala, kawngka chu ka khar nghal thuai bawk, mahse ka kal mai thei lo, ka lu a hai lutuk ka lu chu ka dawm vata,ruah vangin ka sam chu a hnawm nghal chap a.A vawt takzet, engtin nge ka haw tak ang tuna ka awmna hmun lah hi ka hre bawk si lo.

"Norah... damdawiin ah kal ang " tih pahin Raven chuan a jacket in min rawn khuh vata, hnung lam atangin min kuah bet tlat bawk a.

" min thlah rawh, hmuh leh che ka duh tawh lo min kalsan rawh " A khabe chu ka darah rawn nghatin ka beng a rawn fawp zeuh a .

" Awle... i thu angin engkim ka ti ang mahse damdawiin ah kal phawt ang" ka han thaw chhuak hak a.

" Norah...i khawsik a sang lutuk ania, khawngaih in "

" Raven... min kalsan thei mai lo ami? " ka han ti sap a, mahse min chhang lo

" ngatinge min umzui renga" tih pahin a lam ka hawi a,hau tur leh tawngkam vin taka tawngkhum tur pawhin chakna ka nei tawh lo.

.

A chal leh ka chal chu rawn sik tirin a kut lum thar thar in ka beng chu a rawn hup a

"awle... ka umzui tawh lo ang che anga chuan ka ngaihven tawh hek lo ang che, i duh ang chuan ka awm ang ka tiam a che " a tih chuan ka mittui a rawn tling pam a, ka lo bu nghata. Car ah thu awih taka lut in damdawiin lam min panpui nghala.

.

_______________________________________

.

Light engin min chhun avang chuan ka han meng siar siar a, damdawiin ah ka awm ani tih ka in hre nghal. Thut chhuah tumin ka han tho nghal uai a

" La mu rawh... darkar 5 chiah ila mu ania "

" Calvin!! " mak tih hmel takin ka en ha a.

" enge hetah i tih, i tha maw?"

" aw... tha e, cabin lehlam chiah ah sawn ka awm a "

" mahse... engtin nge? I ban chu, na dang i nei em? "

" haha...vanneih thlak takin ka ban ruh chiah a tliak "

" nilo... i ban chauh anih loh hi, i dar pawh chuan i chal nen "

.

"Norah.. nangmah zawk hi engtin nge i awm "

" Ahh... keipawh ka ban hi ani mai, a thuina pawh an phelh tep tawh ,chuan engtin nge hetah ka awm tih i hriat"

" Brandon mawle, ka ngaihtuah lutuk che a, mahse doctor kha chuan i khawsik chauh hi a sawi a, a serious lo hlauh anih chu "

" ka lawm e engkimah "

" a ho lutuk, mu leh tawh rawh keipawh kan phei ange "

" ngawi lawk.... ka lo kalpui ang che "

" i damlo si a, mu zawk rawh "

" ka khawsik a reh tawh hi, ka dam tha var tawh "

.

Ka tho vata, lu na leh khawsik tih vel ka nei tawh lo bawka Calvin wheelchair chu nawr in a cabin lam pan chuan ka nawr chhuak nghala.

" damdawiin ka chhuah hun chu tequila shot ila " min rawn nuih suk pah hian a rawn ti a .

" tehreng mai, han dam vat vat phawt la " tih pahin ka han nui ri hak a.

" mahse luah kha chu a theih tawh dawn miah lo ania"

" haha....min ring rawh ka expert tawh alawm " ka lo fiam let ve nghal zeuh a

Chutia fiamthu sawia kan nuih dun bawk bawk lai chuan Raven leh Evana kan tawk ta thut mai!! Ka nui tawp chiang kher mai

"Calvin enge i an tawh ?" Evana chuan min melh ram ram pah chuan a rawn ti a, Raven erawh in melh pawh min rawn melh eih lo.

" Hei... ka pa kan hmu lawk dawn a ,in enkawl tha la " tih pahin Raven banah chuan a kuah lui ngata.

"Mangtha le Norah " tih pahin an kal nghala, a ruk tak chuan ka na vawng vawng mai mahse ka tilang duh lo, Calvin chu ka nuih suk a, cabin ah ka nawr lut nghala.

.

" Evana... thusawi kha enge awmzia.... "

" a pa maw!! "

" umm.... "

" ahh... he damdawi in ah hian director a ni alawm.... hei vang hian ania Raven nen pawh an in ngaihzawn tan na chhan " tih pahin khumah chuan a thu a.

" i thik ami? "

" aih... teuh lo mai " ka nui lui suk a.

" Raven pawh hian min thik in ka hria" a ner suk a " Evana i thik ang hian " a han ti leh kher a, mahse chhang lo in khum piaha couch ah chuan ka thu ta zawka.

"i ngaih ang kha ani lo "

" Norah... engmah hi ka hai bik hleinem, Raven hian hmeichhe dang a melh dan leh nangmah a melh dan hi a inang hleinem, midang pawhin a mizia danglam zia an hre vek ang chu "

.

" Calvin sawi tawh lo ang "

" hahh... ni e, Raven pawh hian ka hmuh ang chiah alo hmu ve anih dawn hi " tih pahin min rawn nuih suk a, Calvin thusawi hi ka hrethiam lo takzet.

"umm...Calvin i chungah ka lawm takzet, chuan kan accident lai pawh khan nang chu awmlo la nasa takin ka hliam ngei ang mahse engvanga khatianga ti kha nge i nih ?" Calvin ka hma ah tak chuan a rawn ding a

" a chhanchu Raven rilru put ang chiah ka put vang ani " hriatthiam loh hmel takin ka en kar a.

" Norah... ka duh che " a rawn ti sap a.

Chapter-40

.

" maw!! "

" ahh... englo ania, damdawiin atanga ka chhuah velah dinner ei dun ila? "

"umm...anih 'aih' tih chhanna hi ilo dawng tawh em ?"

"haha...umm ahhh,.... dawng miah lo "ka chhan dan avang chuan nuihza insum tih hriat deuh hian a lu chu a hiat ta ringawt a.

" anih chuan i vawikhat dawnna ni rawh se " ka tih chuan a nui chhuak hak a.

" Enge!?"

" Norah... i hria em, hmeichhe danglam tak ini " .

.

" Haha.... ngatinge ka danglam thu hi in sawi renga, ni e... ka thawmhnaw, ka chezia leh ka engkim hi khawpui mite angin a changkang ve lo alawm"

"nilo... chutiang lam ani lo " ka bulah rawn thu in min nuih sanga.

"i danglam ka tih zawk chu hmeichhia in min chhuahpui an chak em em laiin nang chu keimah zawkin ka sawm che a mahse min hnawl tho, chuan Raven i melh ang hian mipa dang i melh lo hi mak ka ti takzet " ni e, a dik alawm Calvin pawh hi mipa chhelo leh hmeltha tak ani ngei alawm mahse Raven nilo mipa dang hian ka mit an lak loh mai bakah thian ang bakin ka en thei lo.

.

" umm... ahh..." ka tho thut a, " Calvin ka kal a hun tawh in ka hria"

" awle... a tha alawm "

"ka dam tawh bawka damdawiin atang hian ka chhuah nghal ka ring, doctor kan be nghal ange " tih pahin kawngka lam chu ka pan phei a

"Norah... "Calvin an a tih chuan ka hawiphei vata ,ka bulah rawn kal in ka kut ah chuan a rawn vuan a,a awmdan chu mak ka tih em avangin ka en ha a

"kan inhmu leh tawh lo maithei ,mahse damdawiin atanga ka chhuah velah dinner kilpui che ka duh takzet "

" Calvin... ka..."ka hmui ah zawi te hian a rawn fawp thut a,

.

" Calvin engthil nge maw i tih le? "

" nichina ka duh che tih ka sawi kha ka ti tak tak" ka ka chu ka ang hman zuau a " tunah min chhan kher angai lo, lo inngaihtuah rawh " tih pahin khum lam chu a pan phei hnak hnak a.Calvin hian min ti a thei takngial dawn engtin nge dinner ka kilpui thei lo tih hi ka hrilh tak ang. Diktak chuan dinner chauh alawm pawh in lo ti maithei mahse beiseina siam sak ka duh loh vang zawng ani.Min lo duh tak tak lo pawh ani thei mahse Raven an rilru na taka min siam ang hian midang rilru tihnat ka duh ve lo.Ngawi rengin engmah sawi lo in ka awmna cabin lam pan chuan ka phei ta ringawt a, ka rilru erawh a nuam zan lo.

.

Cabin ah kun lap hian ka lut hna hna a

" Norah...engvangin nge ka thusawi i awih duh miah loh a" ka lut chiah chu Stephen chuan a lo ti nghal tawn tawn a

"vawin tal chawl tura ka tih lawm lawm che pawhin ngatinge i thu hi i duh em em le " vin zet hian a ti nghal hluk hluk a, ngawi rengin a thusawi chu ka ngaithla renga a sawi dik chiah luhlul chhuah lo in mu ta mai mai ila chu damdawiin kalpui ka ngai hauh lo ang mahse ka sawi tawh ang khan kan exam a hnai tawh si a, chawl thei ka ni bawk si lo.

.

" Raven an min rawn hrilh lo phei se chuan... " a tih sap ri ka hriat chuan ka beng a verh nghal zar mai .

" Engmaw tun a i sawi kha.... ?"

" Engchu maw!! "

"damdawi in a ka awm thu hi Raven an a hrilh che maw!! "

" tudang in nge sawi anga,a ngaihtuah lutu che alawm" Stephen chu ka hma ah tak rawn ding in ka darah chuan a rawn vuan a

" Norah...keipawh hian ka ngaihtuah lutuk che asin chuvang chuan ka thusawi hi khawngaih in awih tawh rawh "

" Stephen min ngaihtuah tawh suh hetiang a i awm hian ka inthiam lo ania "

.

"awle...anih chuan haw ang aw "

"khawngaih in hostel ah zawk min hruai thei angem ?" Stephen chuan thawk a han la hak a

" a ngai te bawkin maw!! "

"ahh... englo ania,Stephen awmna tur nei lo pawh ka ni hleinem, engtik lai pawhin min tanpui renga ,tanpui ngai nih reng hi nuam ka ti lo "

" Norah... "

" khawngaih in " Stephen chuan min melh run a, " pawnah ka lo nghak ang che " thinrim tih hriat tak in room atang chuan a chhuak nghala. Ka awmdan hi a laklawh vel vek,engtik lai pawhin Stephen te inah ka awm reng thei dawn lo tih hre reng chung chuan an ina awm ve reng pawh a nuam lo.

.

Stephen chuan car chhungah min lo nghak ran a, ngawi rengin ka lut a melh pawh min melh lo.

" Seatbelt kha hreng tha ang che " tih sup pahin a tlan chhuak nghala.A hmel atang chuan a thinrim ani tih ka hai hauh lo, a duh dan ang chuan an ina min awm tir reng ani mahse a duh ang hian ka awm vek thei si lo a, a buaithlak. Ka melh leh zeuh thin a ,biak pawh a phurawm loh takzet.

"Stephen... ka chhungah i thinrim tiraw"

a ngawi renga, tukverh lam chu a hawi leh zeuh thin a.

" ka tihpalh " ka tih chuan car chu a tiding ta thut mai!!.

.

" Norah... hreptak chuan, ka thinrim lo chuan tihpalh tih thu hi ka ngaithla peih lo " ring zet hian a rawn ti nghal tuarh a, Stephen hi a thinrim meuh chuan a hlauhawm takzet. Ka thinrim lo ti mahse a awmdan atang hian a thinrim ani tih a chiang reng. Hlauh hmel takin thinphu dep dep chung chuan ka en kar a. Mahse min vin vak avang khan a inthiam lo leh deuh aniang thawk a han la kawk a.

"vin tur che ka nilo asin"

"mahse min ti hlauthawng alawm "

"ka thinrim hi chuan ka inthunun thei thin lo" a ti sup a,car engine chu ti nung in hostel lam panin a tlan lehnghala.

.

Hostel thlen hma chu kan inbe leh tawh lo hrim hrim ,car atangin ngawi rengin ka chhuk thla a Stephen chu car atang pawh in a rawn chhuak lo,khua a thim vek tawh a,midang pawh an awm vak lo. Min melh lo a min biak pawh a tum hek lo ,diktak chuan hetianga a awm hian ka tan a nawm zawk mai bakah min ngaihtuah lutuk chuan ka inthiam lo mai mai.

.

________________________________________

Kar khat hnuah pawh Stephen an damdawiin ah ka ban treatment la turin nitin min hruai thin a,ka ke na te pawh a zia tawh hle. Stephen pawh Veronica nen an inkawp leh tawh niin a lang,chiang chiah lo mah ila an inzui lai hi ka hmu leh zeuh thin.Pu Thomas enkawl turin tlai tin ka la kal ziah thin a, pi Regina erawh vanneihthlak takin ka hmu ngai lo. Raven leh Evana te pawh an inzui bang chuang lo, an inphur lai te leh an kal dun lai ka hmu fo a mahse ngaiah neih a har takzet. Calvin pawh damdawiin atangin a chhuak tawh tih ka hria a mahse kan la inhmu leh lo hrim hrim.

.

College kal tur ka insiam mawlh mawlh lai chuan ka phone a rawn ri rang rang a, ka pickup nghal vat.

"Hello"

"Vawin kha theihnghilh suh aw "

" Stephen ka la theihnghilh bik lo"

" ni e... treatment i lak hnuhnung ber na tur ania eng vangin nge i theihnghilh teh lul ang tiraw "

"umm.... mahse i rawn kal ve thei dawn si lo a"

"reilo te bak ka cham dawn lo, ka rawn haw leh vat dawn alawm "

"awle "

.

Stephen hi a zin lawk dawn a mahse a zin na tur hmun leh a zin chhan erawh min hrilh duh tlat lo. Hmanhmawh zetin damdawiin lam ka pan nghala,

" morning Dr. Helen "

" morning.... i ban pawh a dam tha tawh hle mai " tih pahin ka ban chu a han hmet vela,a chang leh a ti tawm a, na lai pawh a awm tawh meuh lo.

"i tha tawh e... mahse i ban hi excercise erawh i lak reng tho angai dawn ania "

" Awle... Dr. Helen... ka lawm e "

"Stephen pawhin min rawn bia a, harsatna i neih chuan min hrilh hreh lo la "

" awle... mahse hei a dam tawh alawm "

.

" thil rit la chawi vak suh aw... chuan heihi ei la... a pangngai ang chiah in i dam tha leh var mai ang "

"ka lawm e,ka tlai mai dawn Ka kal nghal mai ang " tih leh chhuah ka rual a, ka tlai tep tawh avangin ka kal nghal hlawk hlawk a.Chutia kawng pawh en mang lova ka kal lai chuan Raven ka tawk ta thut mai!! ka ding nghal chawt a, ani pawh in min hmuh avang chuan a ding nghala, kan in hmachhawn ta ran mai. Ngawi renga han kal mai ka tuma mahse ka kal thei tlat lo. Raven chu damdawiin a a rawn kal chhan zawh ngai lo in a hmel en ringawt pawh hian a hriat theih.

A hmui bul leh a biang vel te chu a pilh phang a, a hmai a duk thluah bawk, a kut chu a in tuam var luk bawka an insual leh ani tih zawh ngai lo in ka hre nghal.Ka en renga, Raven chuan ngawi rengin min kal pelh a tum a.

"i ban chu ngatinge? " ka ti a,ani pawh a kal lui chuang lo, in hnung chhawn zawngin kan ding renga, ka be laklawh tawh si sawi chhunzawm leh tur pawh hrelo in ka ngawi renga.

"In enkawl tha ang che " zawi sap hian a rawn ti chuai raih a, ka hawi let vata mahse a kal liam tawh. Ngatinge Raven hi haw em em chung hian hmuh ka chak tlat le, a kuah te, a fawh te leh duat taka min biak lai te kha ka ngai ngawih ngawih mahse kan hun tawn hian a zir miau bawk si lo.

.

College ah hmanhmawh takin ka kal leh nghala , class an lo la mawlh mawlh tawh. Hmanhmawh zetin professor chu luh ka dila, ka hah bawk nen ka thlan tui in min leih leh nghal vek tawh. Tlar hnung ber ah chuan thu in ka bag chu ka nghat chiah a ,ka hawi chhuak leh chu class alo zo der tawh.

" ughh... ka van tlai tak " tih pahin dawnkan chu ka han chum dawt a.

"Naktuk ah lo kal leh zawk rawh " tih pahin Calvin chu ka bulah a rawn thu a, mak tih hmel takin ka lo en ha a.

" Calvin... engtin nge hetah i awm theih, ka tih awmzia chu he college ah hian "

" min hmu ngai lo mai mai alawm "

" maw!! "

"keichuan ka hmu ziah thin che, heta i rawn luh tirh atangin, pawnfen eng i feng thin tih thlengin ka hria.... "

" kha chu sawi tawh lo ang "

" awle "

Ka tho nghal hluai a " khawiah nge i kal dawn "

" Library ah.. "

" mahse... "

" dar 1 ah class ka nei leh chauh dawn "

"ka rawn kal ve duh "

" nilo... ngun taka ka in puahchah angai"

" ka tibuai lo ang che"

"ka duh lo " tih pahin ka chhuak nghala, Calvin pawhin min rawn umzui nghal vata.

.

"ngawi rengin ka lo thu ang "

" Calvin...lehkhabu i chhiar dawn te anih loh chuan an hau ang che "

"anih ka chhiar mai ang "

" ugghh... i van luhlul tak,exam turin ka inpuah chah angai asin "

"keipawh " tih pahin ka bag chu a rawn la a,

" Calvin ka keng thei "

" i ban a nat kha inthlahrung duh suh "

"angai lo "

" a pawilo" tih pahin ah a tum a,

" A ngai lo a tih chu " tih pahin Raven chuan ka bag chu a chhuhsak nghal pawp a, phawk fe hian ka meng nghal kawk a engtik laiin nge Raven hi a rawn kal pawh ka hrelo..

Read More