30 days with Mr Genius -17

 CHAPTER -17

Class-a kan let leh hnu ah pawh chuan hlim viau mah ila Keifer mizia chu a in thlak leh hmak tawh a. Min hre ngai lo ang maiin a awm leh hmiah tawh a, melh pawh min rawn melh lo. 

Nichin lawk kha chuan nghet takin min kuah a tunah lah engmah thleng lo ang maiin a awm leh daih a, a rilru a thil awm hi ka hre chak takzet. 

School banah veleh Keifer bulah chuan ka va tlan nghal vata,  phur zet hian, ' Ka car ka keng lova... haw rual ang aw' ka va ti nghal zung zung a,  min chang lo hrim hrim. 

Hepa hian a rilru a thlak zung zung zel, kan inbe ṭha viau emaw ka tih laiin min be lo leh hmak a, amah ka nel dawn veleh a inla hrang leh daih zel. Ka sawi thiam dan chuan nel a duh lo a ni ber,  anu vang bawk a ni leh ang chu. 

' Anu in a rawn hmu pawh ni hleilo ' lungawilo tak chung hian ka phun phei mawlh mawlh a. 

Haw na tur pawh nei lova ka kal lai chuan hnung lam aṭangin Chris chuan min rawn ko a, min thlah haw theih tur thu a sawi takah chuan Keifer an min phur duh lo bawka chûan luih ka tum bik lo. 

Chris chuan ' Kan leng kawi dawn mi niang? ' tiin min rawn zawt a ,'Aw ' ka tih rual rual chuan kan zawnah tak Keifer chu a rawn ding thut a, car chhung aṭang chuan vin zet hian, ' Rawn lut rawh ' a rawn ti hluk a, Keifer ang lo takin a vîn lutuk a Chris nen pawh kan in en ha ringawt. 

' Chris... Nidangah kan leng zawk mai dawn nia ' ka tih lai te chuan car kawngkhar chu a rawn hawng tut tut a, a dawh thei lo hle mai.

Min chhan hma hma in car ah chuan hmanhmawh takin ka lut nghal a , Chris  ka bye bye lai lai chuan chak zet hian a tlanchhuak nghal fua ringawt. 

Ka rilru te te chuan a car hi a ṭawng tawh ropui sia a chhiat leh te pawh ka hlau leh hnuhnawh. 

' Nichin khan min phur duh si lova engvanga rawn thinrim leh hnuhnawh nge I nih a? ' thil zep ṭit ṭet hi ka thiam ve lo ka tih tawh kha, ka zawt tlang nghal pawp zel mai a ni. 

' Ka duh lo ka ti loh kha ' tiin min rawn chhang leh khauh tawh, ka dâng nghal der mai. 

' Mahse engtin mah min chhan loh kha... ' ka ti chiah a, Keifer khan min chhang lova keiman thutlukna ka siam vek tih ka hriat chuan ka ngawi leh ta daih a. 

' I think em ni? ' tiin ka zawt leh ta zawka.

Ni e, Amah hnaih tu hmeichhia reng reng chu ka thik vek ang hian thik ve se ka duh vang a ni. 

Hma lam melh ngur ngur chung hian ,' Pasal nei lai I nih kha ' a hriat tawk lek hian a rawn ti sup a, ka hre hman tho. 

' Maw!!? ' 

' Ka nu khan engtin nge a tih che? ' tiin min rawn zawt daih a, engmah a hrelo emaw ka tih laiin a lo hre leh vek tawh. 

' Chu chu engtin nge I hriat? ' 

' Ka hriat dan chu a pawimawh ber lo,  a vau che em? ' thutak fe hian min rawn en a. 

' Hlauthawng suh engmah a hre lo' ti a ka chhan chuan, ' A vau che em ka tih chu? ' a rawn ti leh ngat a .

' Vau e... Min vau zam ṭep alawm ' ka lo ti nghal zung zung a;  min vau miau a ka zep nachhan tur ka hrelo. 

' Mahse awlsam takin ka zam mai mai dawn hauh lo ' tih paha ka inhum ruh lai chu min rawn hmuh chuan a khi nghal vur vur a. ' Khatiang tur kha ' tiin a phun zui sap a. 

A nu nilovin kei min ngaihtuah zawk avang hian mak pawh ka ti, mahse chu ai chuan a nu a hlau miah lo hi mak ka ti zawk. 

_________________________________

A tukah pawh chuan practical class chu kan nei leh a, Rosy phiangseni pawh a rawn kal leh tawh .

' Henu hian eng nge hetah a rawn tih ve sek a' Peter bulah chuan ka phun bul bul a. Ka ṭawng ring deuh aniang min rawn nghawk nghal sawk a. 

' E taka Keifer Apartment bulah chuan I insawn dawn tak tak em ni? ' tia min rawn zawh chuan ka lo but nghauh a 

Keifer appartment ep chiah a ruak tih ka hriat rual rual in a ni la la in ka insawn lut nghal a,  mahse a nu ala haw lo bawka ka la riak lut lova Keifer pawhin engmah a hrelo a ni. 

' I mak ve ngawt mai, Lal in anga nuam in I nei renga , Keifer vang chauhin hmun zim lutuk ah I insawn dawn chu a ni sia... Hepa hi I hmangaih ve ngawt mai' Peter an hmangaihna chungchang a rawn sawi chhuah takah chuan ka beng a very nghal zâr mai. 

' Hmangaihna maw? ' ka lo ti hu a. 

' Hmangaihna ni lo se engvang nge ni chuang ang ' ti a min chhan takah chuan ka khi suk a. 

Tunah Keifer laka ka awmdan hi hmangaihna chu maw ni a,  anih chuan hmangaih ka nei ve thei tih na em ni?  Aurora thinlung pawh neilo an tih kha ka ni tawh lo tihna em ni?

Nilo... nilo ...ka buangrua ang chauh a ni tih hi ka inhrilh nawn mawlh mawlh a ngai a ni.

Practical kan tih laklawh lai chuan Keifer chu ka va melh leh zeuh ṭhin a, a hmelṭha a ni tih hi inhria se chuan a chimawm reuh ngawt ang, a hre lo chung pawh hian a ngeiawm tawh ania. 

' Duhtak ' a hriat tawk lek hian ngeiawm zet hian ka va ko a, a rawn hawi rual chuan a bottle min pek kha dawhkanah ka hung chhuak kher a, min rawn nuih let ve dawn emaw ka tih laiin tum hmuk chung hian lehlam a hawi daih ringawt. 

'Phiangsen chuan ' ka in rin hma in ka lo ti leh hman tawh. 

Ngawi rengin practical ti reng chung hian ama bottle zawk chuan tui hi a in kher a, a bag ah dah lut tawh lovin ka hmuh theih tur laiah chuan a rawn hung kher bawka, ka lo khi ver ver mai alawm. Min tih lawm dan hi chu a thiam ve ngawt mai. 

Ka ṭhut mai mai lai chuan Rosy chu Keifer lama a phei lai chu ka hmu a, a dawhkan bulah chuan a ding nghal hmak bawka, an thusawi ka hre thei bawk si lova ,tlar hnung lamah alo ni bawk nen ka hawi let chhen tawh mai. 

' Peter sawnu saw Keifer hlat thei ang berah awmtir ka duh ' tiin Peter bulah chuan ka ṭuan leh ta ringawt a, ani pawhin tih vak ngaihna a hre bik lo.

Rosy pawh chu midang in an lo koh avangin a rawn let phei lehnghala mahse ka zawn a rawn thlen chuan dawhkana ka bottle dah ṭha hle hle lai chu a rawn nek tla kher a, a tilui tih pawh ka hria. 

Mi thinchhe lutuk tih takah ka ṭhutna aṭang chuan ka tho chhuak nghal zawt a, mahse engmah ka ti hman lo Keifer chuan min rawn kalpelh fua pah hian Library ah tih ringawt hi a rawn sawi a, a sawi tum ka hrethiam nghal. 

Class laklawh lai lai chuan phur zetin Library lam ka pan nghal a,  rin ang ngeiin Keifer chu alo awm a lehkhabu a lo en kual vel mek bawk . 

A awmna ka va thlen chuan ngawi rengin lehkhabu hi min rawn pe a, lehkhabu hming ka chhiar nak chuan " Zaidamna " tih hi alo ni a. Practical atana min puitu tur a la dawn emaw tih nak alaiin .

' Nga... ' ka ti hman chiah tih in lehkhabu pahnih "Zawldawhna " tih leh " Insumtheihna" tih lampang hi a rawn chher chhuan leh a .

' Heng hi engatan nge I tih? ' 

' I ta tur a nih kha... Hei ka ta tur chu ' tih pah hian practical puitu chu min rawn hmuh va va a, mahse heng lehkhabu te hi engvanga keima tana la nge a ni tih hi ka hrethiam thei lo. 

' Mahse engvangin ?' tia ka zawh chuan. 

' Engkim I nei pawh a ni maithei mahse heng thil pathum te hi I nei lo ani ' zep miah lovin min hrilh tlang nghal vek a. 

' Rosy I ṭan vang chu ani em lo tiraw? ' ni e ,Rosy lo chu hetianga tih nachhan tur hi a nei tlat lo.

' Rosy hi I enliam ve mai mai ang tih min tiam rawh ' 

' Ka rin dan chiah a ni. Kha nu kha ka tih nat I hlauh avangin hetiang thil hi I ti ani tih min hrilh miah suh ' ka sawi zawh rual rual chuan min rawn fawp nghal vawng vawng a, a rawn thleng tehthut lutuk a ka lo inring hman lo. 

' Ani vang kha a ni lo, heng thil te hi I mamawh avanga pe che ka ni. Chuan min tiam thei angem? ' a rawn tih leh chuan ka lo bu nghat a .

'Rosy chu engtin mah ka ti lovang, I fel chhung chuan ' ka ti let kher a, ngeiawm taka han ṭawng vel hi ka pianpui ti ila a sual lovang. 

' Class ah phei tawh ang ' Keifer chuan a rawn ti leh a, a ruk tak chuan ka kham lo takzet. 

' Umm.. ' tih bakin ka chhang lo , a kal hma in vawikhat ka hmuiah a rawn fawp leh zeuh a, nichina min fawh khan a ti mai mai lo tih min fawh nawn leh hian a ti chiang chiah. 

Class a zawh veleh washroom ah ka kut ka sil fai hnu chuan chhuah lehnghal mai ka han tum a mahse toilet pakhat aṭang hian hmeichhe pakhat in ka chanchin chhe tak tak a a sawi ri ka hriat takah chuan ka sa leh phat rawh. 

' A Pa jail ah a tang lehnghal a ni lawm ni, engmah a nih bik loh chu ' tih ri ka hriat rual rual chuan ka pheikhawk man to zet pawh ngaihtuah lo lêk hian kawngkhar chu ka tlawh hawng nghal ṭhuai a, ka rin ang ngeiin Rosy a lo ni a; a aw aṭang khan ka hre lawk sa ti ila ka sawi sual lovang. 

'Tunah khan eng maw I sawi? ' tih pahin ka inhum ruh nghal a, ka huat zawng a rawn chhakchhuak anih vaih chuan ka kut hi a in ring reng tawh .

Rosy lah chuan min hlau tih hriat tak hian min rawn melh kar a, a thaw dêp dêp ta ve ang. 

' Eng.... Engmah ka sawi lo' tiin min rawn chhang bah nuai a, midang an awm loh lai chuan a huai ngam bik lo. 

' Ka Pa chungchang vawikhat pawh lo sawi tawh reng reng suh ang che , kal rawh' min hlauh em avang chuan ka ti ta ringawt a, pumrua ah engteh ual ni lo mah ila ka chhel in ka kawlh bawka tumah hi ka hlau bik lo. 

Rosy chu hmanhmawh tak hian toilet aṭang chuan a rawn chhuak nghal a, mahse min rawn kal pelh pah hian ' Zakthei lo lutuk ' a ti sap ri hi ka hre zui zat a , kawlh tih takah ka va umzui lehnghal.  

' Hmeli ' tih pahin warning pawh pe lovin a tukhum sam ah tak ka va ṭham nghal sawk a , ka rin ang a ni lo alo duai bik lo nasa mai ka samah a rawn ṭham ve nghal a. 

'Keifer hi lo zar buai ve tawh suh, chu ti lo chu I chak lovang ' Rosy chuan min rawn vau ve khanglang a, ka lo ngaithei bik ṭhak lo. 

' Hahh.... Keifer hi maw ka pasal a nih hi' ka ti let ve sak a, a aia na in ka sam chu a rawn ṭham sauh a. 

Chutia thlah hmasa zawk nih tum bik lova kan inṭham tawn ran lai chuan vawilehkhatah Rosy chuan ka sam a tham na chu a rawn thlah thut a, na tuar niawm tak hian leiah a ṭhingṭhi ta thut mai, ka mak ti lutuk chu ka en reng ringawt. 

' Khawngaih in min ti na tawh suh ' Rosy in ṭap chunga a rawn tih rual chuan Keifer 'an vin zet hian, ' Aurora ' a rawn ti ri chu ka hre zui zat a. 

Hetianga Rosy a awm nachhan hi ka hre ve chiah. Chinghnia beram vun sin a nih hi ni. 

Keifer aw ka hriat takah chuan ka ṭhamna chu rang takin ka thlah nghal vata, Keifer bulah engah mah ngai lo tura ka lo intiam tawh avang khan ka kut chu ka hum nghal vata ,ka thinrim luatah a thusawi pawh kha ka lo theihnghilh a tin ni. 

Rang takin Keifer chuan Rosy chu a rawn buaipui nghal vata, a kaih thawh lai te chuan sawi hmasak ber tur pawh ka hrelo. 

' I ngaih ang kha a ni lo ' ka lo ti ringawt a, chutiang bakin ka sawi thiam tlat lo. 

' Aurora duhtawk rawh, I thil tih hi I hria em? ' en pawh min en lovin Rosy chu a kalpui nghala. Engkim hi a thleng tehthut lutuk a ngawi rengin ka enzui vawng vawng ringawt. 

Fakna khu aw

Read More

30 days with Mr Genius - 16

@remruati _haylor

 CHAPTER -16

' Hmeli chu leh ' Peter melh pah chuan ka phun sap a ,ani pawhin alo hrethiam nghal. 

Hmui phun hian, 'Insum rawh ' tiin min rawn chhanglet a, ka lo ner nâng a. 

Ka inngaihbel vang nge pawh ka hrelo Rosy chuan min rawn melhrûm ni te hian ka hria a, ka lo duai duh bik ṭhak lo. Runluih nan Keifer bulah chuan ka tawlh hnai sauh a. 

Zirtirtupa in tih dan tur a sawi lai chuan ka ke chu Keifer pheikhawk si deuh hian ka va dah kher a, kan pheikhawk chu a zuk melh zeuh a, a ke laksawn daih a hnekin a aia insi tur hian a ke chu a rawn khang phei a, hre miah lo angin awm tlat mahse nuam ka lo ti ve em em ringawt. 

' Group ah in in ṭhen dawn nia' 

Kan zirtirtupa in a tih chuan phur fahran hian Keifer bulah chuan, ' Awm dun ang ' ka lo ti nghal zung zung a, min chhang lem hlei lova. 

Mahni thu in group a inṭhen tur chuan ka kal darh sâng sâng hlawm a, Keifer nen group khatah kan awmdun vek tawh tih in zirtirtupa bawk chuan ,' Keifer nangchu I thiam vek tawh bawka Rosy nen hian midang in lo tihpui dawn nia ' a rawn ti ta maia, Keifer chu mangan hmel zet hian ka han melh nghal vat a hmuh theih khawpin ka hnual chutah Rosy lah chu a lo nui ver ver lehnghal.  Ka melh rum ngang mai. 

' Group ah hian ka awm zawk ange 'tiin Keifer chuan ka rin loh dan deuh in a lo chhang nghal vat a,  mak ti takin ka melh nghal ha a. 

' Anih chuan group-ah I awm tho anga midang I lo tihpui tel bawk dawn nia ' tiin kan zirtirtupa chuan a chhang a, ka thaw nghal huai mai. 

Peter chu a rûkin ka bulah chuan a rawn tawlh hnai zeuh a, ka hriat tawk lek hian, ' Rosy in zirtirtupa kha hrilh ru lo se chuan a ko hrang miah lovang ' a rawn ti sa sa a,a hma aiin ka thin a rim zual . 

Keifer nen group ah kan awmdun avangin Rosy hian Sir bulah Keifer an pui turin a dil a ni tih ka hrethiam nghal. 

' A chak dawn lo' tih pahin ka bag chu ka ṭham tawn a, zaizir in inbeng dai turin min lo hrilh nghal vata. 

' Eng nge kan tih dawn? ' 

Kan practical tih tur takngial pawh ka hriat loh avangin Keifer chu ka zawt ta ringawt a. 

' Sangha ti them aṭang hian DNA kan la chhuak dawn? ' a lo ti sam êt a, ka lo bo hu thung. 

' Maw!!  Enga? ' ka ti chhuak nghal lûng lûng ringawt .

Practical chu kan han ti ve ta chêng a, Rosy chuan Keifer chu a ko peng deuh chhen renga, kham ru viau mah ila kan zirtirtupa berin midang zirtir tura a tih miau avangin engmah ka ti thei lo. 

' Keifer ka thiam leh tawh lo' a vei kual lai chuan ka lo ko peng lui ve ngat a, ka thiam lo chu thuhran nise Rosy avang ringawt pawh hian koh ve hrim hrim hi ka duh a ni.

Ngawi rengin Keifer chuan min rawn tihpui sawk sawk a, Isabelle in alo ko ve leh bawk nen a kal lehnghal. 

 Keifer an koh tak chhen avang chuan ka hriat tawk lek hian 'Hreptak chuan ' tiin ka phung deuh renga, ka lung a awi thei tawh lo. 

' Ka lo pui dawn che mi? ' Chemical ka duh duh ka pawlh kual lai chuan kan group ami tho mipa pakhat chuan a rawn ti nghal vat a, pui tu tur ka neih avang chuan hawi chhoh pahin ka nuih nghal ver ver a, ka thaw nghal huai bawk . 

' Kha heihi lo keng rawh ' tih pahin test tube chu min rawn pe a. 

Ka classmate mah nise Keifer chauh ka buaipui bawka, hepa hi ka lo hmu ngai miah lova hetia min rawn puih takah chuan a hmel hi ka theihnghilh tawh ngai lovang. 

' Chris....ka nia ' Test tube a thil pawlh pah chuan nui vur vur chung hian a rawn ti a ,ka insawi hma in, ' Nangchu Aurora ' a rawn ti zui zat a, ka lo nuih ringawt. 

Ka hming a hriat takah chuan ,' Ka lar viau em ni? ' tiin ka zawt a, min rawn en pah chuan a nui nghal vur vur a, ' I hmelṭha a chuan I chhelo bawk ' tia min chhan takah chuan hawi san vâh pah hian ka sam chu hnung lamah ka thehphei nghal hawrh a .Hawi cham tawh tak ka ni .

Keifer kâ atangin hre ngat phei ila chu ka hawi sang lutuk hi ek ka rap pheng phung thei ang. 

' Ka hria alawm ' tiin Chris chu ka lo chhang sam et a ,a tih ngaihna hrelo chu a nui leh ringawt ṭhin a. 

Chris chuan a tlangpui min tihpui nghal zung zung a, kan titi pah bawka rin aiin kan in kawm ngeih phian lehnghal. Keifer pawh ka bulah rawn ṭhu mahse an koh buai reng avangin ka zawt duh lo law law. 

' Aurora heihi Centrifugation lo ti la keiin PCR ka lo va buaipui ange ' Chris an a tih chuan ka lo bu nghat a . Vawiin zet zawng Chris zarah ka hrethiam ve deuh bawka nuam ka ti thar riau mai .

Ka thiam ang ang in Centrifuge machine chu kan ti kual vela ka vawikhat hmanna tur alo ni bawk nen ka bo hu mai. 

Keifer puihna dil tumin kan ko dek dek a, engmah ka sawi hma hma chuan, ' Ka hmanlo Chris in puih tir mai rawh ' a rawn ti hmak ringawt. 

Engmah pawh ka sawi tawp si lova. 

' Mahse I buai loh kha ' ka ti leh ngat a, nia a buai miau lo a ,a practical tih lai pawh khawl ah a dah daih tawh a nghah pahin a ṭhu mai mai tho sia. 

' Ka buai ' tih pahin a tho thut a , midang in ko miah lo mahse ava tih pui kher a nih chu!!  

Keiin hetah puih ka ngaih laia pui ngai lo ava pui daih chu ka ngaihdan a ni lehpek tawh lo hle. 

' Hepa hian engthil nge maw a hriat le? ' phun sep pah chuan ka thiam ang tawk chuan kan ti kual vel a. Keifer hian Chris a thik chu a ni êm lo maw? 

Nilo, hepa hian midang thik tur pawhin min duh tak tak lo tih ka hre ve kâr. 

Vawiin a kan practical tih lai a vawikhat nan ka tih hlawhtlin avangin test tube keng chung hian ka ṭhutna lam pan chuan intithei tak hian ka phei a.  Mahse midang hmuh loh in Rosy chuan ka kalna turah tak chuan a ke a rawn dah zeuh keilah ka lo in bun sâng ve bawk nen Rosy ke ka pal rual chuan chhuatah ka ṭhingṭhi nghal rawp a, ka test tube pawh chu chhuatah a tla keh nghal chuai bawk. 

Thawh mai nachang pawh hre lovin phawk fe hian testtube tla keh nuai chu ka en renga, ka mâng vek mai hian ka hria. Tih ṭhat lehna hun a awm tawh bawk si lova zero ka hmu ngei dawn a nih hi. 

Midangin min lo en ṭhap lai chuan Chris chuan min rawn kaitho nghal vata, Keifer pawhin min rawn kaihthawh a tum ve chiah bawka mahse Chris a chet hmasak zawk avangin a kut chu a hum ta ringawt a. 

Ka ding chiah tih in engmah sawi set set lo hian Rosy hmaiah tak chuan ka beng nghal pawp a, midang chu ka chet dan avang chuan an lo mengphawk nasa mai. Rosy vanga tlu ka ni tih an hrelo niin a lang. 

' Engvanga I ke kha rawh dah lui kher nge I nih? ' tia ka zawh chuan a hmai dawm pah chuan a mittui chu a ti tla der vel a, lemchan thiam tak a ni. 

' Ka ni lo, engtin nge chutiang chuan min puh theih zawk ' a mittui hruk pahin a ṭap vela midang lah chuan an lo thlem sap sap lehnghal .

Rang takin Keifer chuan ka kut chu rawn chelh in min kaichhuak nghal dawr dawr a, ka hawi let leh pawh chuan midang hmuh lohin Rosy chuan min rawn nuih a nih chu!! ; sa vet vet tak ka ni. 

Midang in min hmu lo ta maw tih in Keifer chuan min vawnna chu a thlah nghal hmak a. 

' Engvanga min dang nge I nih, khanu thil tih kha I lo hmu em? ' ka ti nghal hlawih hlawih a, let leh hial te ni ka duh ni. 

' Khanu khan ala hre khawp ang ' tih pah in let leh chu ka tum a, ka ban rawn vawn pah hian, ' Kal suh ' hi a rawn ti sap a, a awmdan chu mak tih hmel takin ka lo en ringawt. 

' Engvangin maw?  rosy chu I va ṭan ve a ' tih vin hlar pah hian min vawn na chu thing thlak ka han tum a ,engmah sawi lovin a lamah min pawt let nghal dawrh a, nghet takin min kuah nghal vawng vawng ringawt. 

' Eng nge maw I hriat le? ' 

Ka tal deuh pawhin a aia nghet in min kuah bet sauh a, zawi te in  ka beng bulah hian, ' I in ti na em? ' hi a rawn ti a, ka taksa hi a zawi nghal vek mai hian ka hria ; ka thinrimna te pawh a reh nghal hmak mai.

Mipa tamtak ka lo tawng tawh na in hetiang hian tumahin min la ti ngai lova awmdan tur pawh ka hrelo. Mak tak maiin a vawikhat nan ngaihsakna leh min hrethiam tu ka tawng ni ang mai te hian ka inhria. 

Nghet taka kuah let pah hian, ' Na lo , lo in ti na law law ila ṭha tur ' tih pah hian ka nui nghal ver ver a, ka rilru te te chuan khatiang khan tluk fo tur a nih hi tih te in ka ngaihtuah tawh vel. 

I chhiar zawh veleh fakna khu aw... Xoxo

Read More

30 days with Mr Genius -15

 CHAPTER -15 

' Engmah a nih loh kha.... Kan ṭan ṭep tawh a, class ah kal tawh rawh ' zaidam tak hian a ti a,  hepa han zaidam zia hi chu a thinrim ve ngai miah lo emaw tih tur a ni. 

' Aw le, mahse he conference ah hian I kal duh tih I chiang amaw?' tiin ka zawt kher a, a chhanchu phur na chhete mah a neih loh vang a ni. 

Keifer hian Physics a ngaina tih ka hria chuvang chuan chumi lam hawi bak chu zir en ah pawh a en lo tih nen lam ka hriatpui ,he medical conference -a kal a tum na phenah hian a nu bak a awm lovang. 

Ka zawhna pawh chhang lovin pehhel zet hian, ' Kal tawh rawh ' tiin min rawn nuih deuh a.  Hepa hian lemchan a thiam thlawt lo. 

' Hetah hian awm I duh lo tih ka hria... I kal luih kher angai lo ania ' ka tih chuan a ding chut a, a inngaihtuah mûk hmel hle bawk. 

' Duhthlan tur dang ka nei lo ' tih hmak pah hian kal a tum zet a mahse ' Duhthlanna zalen tak I nei a ni, chuan nangmah ah a innghat bawk ' tiin ka chhanglet ve ngat a. 

Keifer hi a nu awpbeh na ata chhuah zelen tir hi ka duh ber a ni, amah ngeiin nun zelen tak a nei thei a .A nu duhthlanna ni lovin amah ngeiin duh thlan theihna a nei a ni tih pawh hi hria se ka duh. 

' I duh duh I ti thei a, I duh loh pawh I ti lo hmak thei ' ka ti leh a. 

Inngaihtuah mûk tih hriat taka a din reng hnu chuan ka lam a rawn hawi a , rang takin ka kut chu ka phar chhuak a ka kut chu a en zui vang vang a. 

' Ka tlanbo pui daih ang che ' fiamthu titak zet hian ka ti zui zat a. 

A ngawih tak reng avang chuan a kal daih dawn emaw ka tih laiin ka kut chu a rawn chelh a, kei ngei pawh hian ka kut a rawn vuan ta mai hi ka awih lo hial. 

Keifer hi mihring a zawnga khirh leh inngaihtuah chiang mang lova thil ti mai mai ngai lo a nih avang tak hian ka kut a vawn chiah khan anu awpbeh na ata chhuah a chak takzet tih a hriat theih. 

' I inchhir lovang maw? ' ka awih lo lutuk chuan ka zawt ṭha leh ngat a, min rawn nuih vur vur pah hian, ' min inchhir tir suh ' ati ta a. Keifer hi a ni telin a danglam telh telh a ni tih hmuh theih khawpin a lang. 

Kan pahnih chuan conference chhung zawng kal bo tumin parking lot lam chu kan pan thla ,a ruk chuan ka hlim veng veng mahse ni 30 hnu lawkah ka ta a ni tawh lo tur hian min ti lungngai hle thung. 

Engthil nge maw ka ngaihtuah le, thil ngaihtuah vak vak a lo lungngaih vel hi kei Aurora Walton-i mizia a ni lo.  Hepa hi ka bungrua pakhat ve mai a ni tih hi ka theihnghilh ngai tur a ni lo. 

Car -a kan ṭhut luh hnu chuan ngawi rengin ka khalh chhuak nghal a, Keifer hlim hmel ka hmuh hian lawm loh in ka lo nui leh ver ver ṭhin.

' Khawiah nge kan kal dawn ?' A tih chuan khik sak pawh hian ,' Thuruk ' tiin ka chhang a, min zawt lui lem lo. 

A nihna takah chuan Aquarium leh zoo a kalpui ka tum a ni ,a dairy ah khan sahuana kal a chak thu leh nikhat tal hun awl neih a chak thu kha a ziak tawh a a suangtuahna te chu vawiin ni ah hian thlen dik tir ka tum a ni. 

Aquarium kan thleng chiah chu nidanga ka la hmuh ngai reng reng loh hlimna nasa tak a hmel ah ka hmu thei. A hmel te chu a eng nghal sâwr sâwr nimai te hian ka hria. 

' Kan lut dawn mi niang? ' ka tih te chuan naupang in Aquarium an vawikhat hmuhna a an phur lutuk hmel nen khan ka tehkhin ber. 

Aquarium chhung kan luh chuan inngaizawng pakhat hi inkuah chung hian an rawn kal phei dal dal a, ka mit la tu ber zawk chu an couple T-shirt chu a ni. 

' Keifer ' ka koh chuan rang takin a rawn hawi thla a. 

' Sawtiang saw ha ve ang.... Ka sawi awmzia chu an kawr inang hak ang saw ' ka tih chuan min chhang lovin a en ngai chu a en leh hmak a,  a mood tih off ka duh loh avangin sawi zui chi ah pawh ka ngai lo. 

Keifer nen chuan school a let leh chu sawi loh Aquarium ah leh New York Zoo ah hun kan hmang nileng ṭhak a,  nidanga a nui hmel hmuh tur awm ngai reng reng lo kha vawiin chu a khi nileng a ni ber mai. 

Keifer an a inthiar tur thu a sawi avangin ṭhuthlenga ṭhu chung hian ka lo nghak rân a , ka pheikhawk bun a sang bawk nen ka ke te hi a na ngut ngut tawh. 

' Kha... ' Keifer'an a rawn tih chuan ka hawi phei nghal vata, water bottle in chei par a pink hi min rawn pe ringawt a mak ti takin ka lo en ha ringawt. 

' Eng nge? ' 

' Kha la rawh 'tih pahin ka lak hma hma in ka malchungah chuan a rawn thehthla a.

Hepa hian engvanga hetiang thil hi min pe ve ringawt nge a nih tih chu ka ngaihtuah zui vang vang a. Min pek te a ni bawk sia tiin ka bag ah chuan leng leh leng lo hian ka khung ta ringawt a. 

Keifer an awm belh la duh hle mahse a nu a awm ve avangin ka hawpui lui tlata a chhanchu a nu in a hauh ka duh loh vang a ni. 

Eng nge maw ka hriat le?  Engvanga Keifer hi ngaihtuah em em nge maw ka nih le? 

Keifer chu a apartment thleng ka thlah thlap a ,a haw tur hi a hreh riau ni te hian ka hria. 

' Umm... Kan thleng tawh ' a chhuk mai loh avangin ka ti ta ringawt a, a tlai tawh si a chelh reng hi ka tan pawh a ṭha ber lo. 

' Ka lawm e ' 

Min rawn melh pah hian a khi suk a , a vawikhat kalna a ni tih erawh min hrilh duh bik lo. 

A chhuak tur chu a bag a han ak ṭha te te phawt a, a bag aṭang chuan water bottle nichina min pek ang chiah chiah mahse a pawl rawng hi a rawn tla chhuak hlawl mai!! 

' Heihi ' tih pahin rang takin ka chhar nghal vat a ,thil dang ka sawi leh hma hma chuan min rawn chhuhsak pawp a. 

' Bye ' tih pahin a chhuak hmak a nih chu, phawk fe hian ka enliam ringawt. 

Keifer a water bottle min pek chu en nghal in ' Ehee... ' tih pahin ka kâ ka hup vata ,hrethiam lo turin ka â bik lo. 

Couple T-shirt aiah couple bottle a ni tih ka hre nghal. Thlauh lo se chuan a hlutna pawh hre lovin ka kawl reng maithei a ni. 

Khapa khan eng nge maw a hriata ngawi renga a tih le, min hrilh ve tal tur a nia. 

Car engine ka ti nung chiah tih in tu emawni hian kawngkhar glass chu a rawn kik keuh keuh a, glass ka down nak chuan Keifer nu lo ni rengin ka nui tawp chiang kher mai.

Min rawn nuih eng ang mahse a meng thip in a nelawm loh nghal em em a, pawi ta ber zawk chu Keifer nen min hmu dun kha a ni. 

' Kan inbe lawk dawn mi niang ?' Polite fahran hian a rawn ti a, a uap a na in ka tawt deuh nghal ûp ûp mai. 

' Rawn lut rawh ' za lo zeta nuih let pah hian ka hawn nghal a, han en mai pawh hian nu fing leh zahawm tak a niin ka hria. 

Second reilote chauh la ṭhu dun mahila rei deuh ang hian ka hre nghal der. 

' Hmeichhe hmelṭha tak I ni ' tiin bul a han ṭan te te phawt a. 

' Ka lawm e' ngeiawm zet hian ka lo ti nghal zung zung a. 

' Ka fapa nen pawh in in kawm ngeih hmel khawp mai, mahse Keifer hian lehkha a zir lai chuan ṭhian hi kawm vak lo se ka duh ' thinrim hmel ni silo hian thip zet hian min rawn melh kalh a, ka duh loh thleng thleng ka sawi ka hlauh avangin ngawih chu ka chuh ta zawka. 

' Keifer hian class tamtak a skip bakah a nun a conference pawimawh ber pawh kal  lo in nileng in in chhuak dun tih ka lo hmu cheu a, ka fapa hnaiah hian awm tawh lo la ka duh ' a ti ta hmak mai. 

' Enteh ' ka ti dek dek a. amaw?  Ka fapa hnaiah hian hmuh leh che ka duh tawh lo ania, luhlul chhuah lo la ka duh loh thleng thleng thil min tih tir suh ang che ' ngeiawm zet hian min rawn nuih a, a chhuak nghal hmak a,  nuih hak bak tih theih ka nei lo. 

Ka thinrim lutuk chu ka bedroom a ka luh rual rual chuan ka bag chu ka paih nghal pawp a, thawk chhuah halh pahin ka sam chu ka tuai chho nghal phawk bawk. 

' Hreptak chuan ' ka sam tuai thur pah chuan ka ṭe vaka. 

' I va thinrim awm ve ' ka pi aw ka hriat rual rual chuan ka hawi let vata, ka pi lo ni rengin. 

' Ka pi....!! New York ah eng ti turin nge I lo kal?' tiin ka lo zawt hâ a. 

A mît ko kân âk chung hian ,' Ka tunu in school kal a duh nachhan leh inhlawh meuh duh tir tu mipa rawn thlithlai turin mawle? ' a tih chuan Trinity in alo hrilh leh vek tawh a ni tih ka hre nghal. 

Diktak chuan ka nun chu pawisa hman leh thil man to tak tak lei kual bak a ni ngai lo,  inhlawh te phei hi chu ka tih turah pawh ka dah ngai lo mahse engkim hi Keifer vangin ka tih vek phah a ni. 

' Eng eng nge Trinity in a hrilh che ?' tia ka zawh chuan, ' Mipa dang duh I nei tih mawle ' a tih chuan ka thaw nghal huai a, a chhanchu kan inneih chungchang kha a hrilh tel lo tih ka hre thei, hria se chuan min zawt nghal ang. 

' I ngaih ang kha a ni lo ' 

' Pasal nei mai tur I ni tih hi theihnghilh ngai suh ,Sebastian nen pawh in in hmuh vat angai ang ' a tih chuan thawk chhuah halh pah hian ,' Ka hria lawm.... min ngaihtuah suh, ka thil neih ka bungrua ah bak ka ngai lo' tiin Keifer chungchang chu ka hrilh a. 

' Aurora.... Chutiang chuan I ngai tih I chiang chiah amaw? I awmdan aṭang hi chuan I la thutak viau in ka hria ' 

' Hahh...Ka pi chutiang mi ka nilo tih i hriat kha , mipa te hi chu ka bungrua pakhat ve mai ka duh loh huna paih mai mai theih ah ka ngai tih kha i theihnghilh tawh em ni?' 

Min awih loh hmel zet hian nuih pahin a lu chu a thing nâr nâr a, ' I duh chuan inneihna pawh hi I hnukdawk leh thei reng ania ' tiin min chhang ta zawka. 

' Ai... Pasal chu ka nei ang, ka nu eng nge a an? ' tiin ka zawta. 

Ka nu duhthusam ber chu pasal ṭha tak min neih tira nun nuam tak neih hi a ni chuvang chuan Sebastian hi neih ka la tum fan tho. 

' Treatment a la meka, hma a sawn chho zel niin ka hria... Engpawh chu nise khapa kha eng ang taka hlu nge a ni tih I la hre lo niin a lang ' a tih chhunzawm zat a. 

____________________________________

Laboratory a kan ṭhut ṭhap lai chuan ngawi rengin Keifer bulah chuan ka va in sawn nghal daih a, ngawi rengin alo tawlh phei ve mai bawka. 

' Nizan I mu ṭha em? ' zawhna min rawn zawt hmasa ve ngei nia mawle. 

'Aw... Min ngaihtuah deuh em ni? ' tia ka zawh let chuan a hawisawn leh daih ringawt. 

Ka tih ngaihna hre lo chuan bottle min pek kha ka la chhuak a, tui ka in zawh hnuah  dawhkanah chuan a hmuh tur kher hian ka hung a, ka hmang a ni tih a hmuh chuan a nui vur vur ringawt. 

Kan zirtirtupa chu a rawn lut a mahse amah chauhin a ni lo, Rosy chuan a rawn zui lut a nih chu!!  Ka tum chiang hle mai. 

Henu hian eng nge hetah a rawn tih? 

Zirtirtupa chuan, ' Nimin Medical conference na a lawmman pakhatna dawngtu Rosy Gonzalez hian vawiin ah practical a tih pui dawn cheu a ,a thu in awih ngei ka beisei' a tih phei chuan ka inhum ruh nghal a. 

Fakna khu I chhiar zawh veleh min lo hmehsak zeuh dawn nia. 

Read More

30 days with Mr Genius -14

 CHAPTER -14

' Tunlai hi I thatho lo riau I routine kha ka set tam mah mah em ni? ' ka nu chuan zawhna min zawt renga kei erawh in side glass ah chauh ka rilru ka pe. 

' Ai....tam love ' 

' A ṭhat hlauh chu,  I zawm zat zat pawh ka beisei ' 

' umm' ka ti liam puat a ka nu thusawi pawh ka rilru ah a awm lo. 

' Ngatinge side glass kha I melh renga, thil a awm em ni? ' ka nu in a tih rual chuan ka ṭhu ṭha nghal vat a. 

' Awm lo' tiin ka chhang zui a. 

' Ni hnih bak ka cham belh hman dawn lova in zirtirtute pawh ka hmu hman dawn lo a nih hi ' ka nu in a tih lai chuan Aurora chu kan zawnah a rawn tlan a, min rawn siai zeuh pahin shades a vuah a chak takin min tlan pel zui nghal a. Mi â ang maiin ka nui vur vur ringawt. 

Ka nu chuan ka awmdan chu min chîk bawka ' Eng nge I hriat a? ' tiin min rawn zawt nghal vat a. Ka tum nghal hmuk a. 

' Engmah ni love ' tiin ka chhang a. 

School kan thlen chuan ka nu chuan naupang ang maiin ka sam chu min siamṭhat sak nghal zung zung a, midang in min rawn hmuh ka hlauh avangin ka hawi kual hrek hrek renga. 

' Lo hawi leh teh ' ka kal tur chu min rawn ko ding leh a. 

' I la sawi lo ania ' ka thusawi tur nghak chuan min en kar a. 

' Ka hmangaih che, inenkawl ṭha ang che' tia ka phun sap takah chuan a nui nghal ver ver a. 

' I nu hian he khawvel ah hian ka hmangaih ber che... Engkim hi I tana ti ka ni tih hre reng rawh ' a tih chuan ka but nghat a, ka kal nghal nal nal a. 

Ka nu hian Asian nu ho chu an khirh in an fate engkim ah control vek an tuma ,an mimal nun pawh an zahsak ngai lo tih zawng zawng kha a nei zo vek .

Ka nu hian ka tana ti a ni tih ka hria mahse ka duh ang ni lovin a duh dan ang hlira min awmtir chhan erawh tun thlengin ka hrethiam thei lo. 

Classroom lam pana ka kal lai chuan Miss Melisia chuan ' Keifer.... Min lo pui lawk thei angem? ' file tamtham tak keng ṭun chung chuan min rawn ko a, rang takin ka va pui nghal a. 

' Khawia mi tur nge? ' 

' Conference na ami tur kha mawle... Taka, in class aṭangin mi pathum in tel dawn niin ka lo hria a, ka lawmpui lutuk che u' min rawn nuih sang a. 

Nia.. kei, Isabelle leh Aaron te nen kan pathuma sawm kan ni a, Junior year aṭangin mi pahnih an tel bawk anga a bak zawng chu college dang atang vekin an ni thung ang. 

'Ka lawm e ' tih ringawt in ka chhang a. 

' He conference hi chu America a school conference lian ber a ni bawka ,kumin chu kan school atangin mi panga lai kal turin an rawn sawm cheu a, kan school in ti hming ṭha khawp mai. ' min chhuang tih hriat tak hian min rawn en a, min nuih zui sân sân bawka. 

Ka nu leh kan zirtirtu te hlim ang hu in ka hlim ve lo, physics laboratory ah khawl thil vel khawih kha keichuan nuam ka ti a ka hlimpui ber bawk. 

' Keifer hetah hian dah mai rawh programme pawh darkar chave hnu lawkah an ṭan ka ring ' file dahna tura min kawhhmuh ah chuan ka dah vat a , sana chu ka melh zui zeuh bawka. 

Sana ka en sek avang chuan ' I va hmanhmawh awm ve ' tiin min rawn zawt a. 

Ni e, programme ṭan hma ngeia Aurora hmuh ka tum vanga hmanhmawh ka ni. 

' Classroom ah tih tur ka neia ' ka ti hmak a. 

' Aw le... Kan inhmu leh dawn nia ' a tih rual chuan ka inher a mahse ka hnungah Rosy a alo awm reng a ni tih ka hmuh chuan ka meng phawk chiang kher mai. 

Rosy nen chuan mak intih hmel tak hian kan in en renga, kum tamtak hnua kan vawikhat inhmuh leh na a ni bawka sawi mai tur kan hrelo. 

' Hi ! I dam maw? ' Rosy chuan bul a rawn ṭan hmasa a, ' Umm... ' tih ringawt in ka lo chhang a. 

A hmel aṭang hian min hmu leh hi nuam a tih loh hmel bakah a zak deuh a ni tih hai theih a ni lo. 

' Kan inhmuh lohna a rei ta hle mai ' ka hriat tawk lek hian a rawn ti sap a, nuih luih tum eng ang mahse kei erawh ka nui lui thei tlat lo. 

' A nih leh le' kal nghal mai ka han tum a. 

' Keifer ' min rawn koh chuan ka hawi let a. 

Sawi hreh tih hriat tak hian, ' Karkhat ka cham dawn a , vawikhat tal kan inhmu leh thei angem ?' tia min rawn zawh chuan ngawi rengin ka en renga. 

' Ka nu a rawn zin a ' tiin ka chhang a, a hnual nghal vek bawk. 

' Umm... Anih chu, hun a awm ngei ka beisei ' a ti chuai raih a. 

' Ka kal tawh ange, tih tur ka nei a' tih pahin kal mai ka han tum a, mahse ka banah chuan min rawn pawt bet a. 

★Aurora 's Pov★

Classroom ah Keifer rawn luh hun chu ka lo nghak ran a, anu in a rawn thlah vang nge ni a rei sawt riau mai. 

A chungah thinrim viau mah ila nizana thil thleng avang khan ka rilru ka thlak leh vek tawh. Chubakah kan inneih hun chhung hi a rei tawh dawn lova thinrim khum hman pawh ka ni lo. Hepa hi ka tan chuan lunghlu ang mai a ni a ka ta a nih chhung chuan hlauh mai mai ka tum hauh lo. 

' Aurora.... ṭhu tum but reng lo chan conference hall ah va en la, a awm maithei asin ' Peter chuan a rawn ti ta ringawt a, ka ṭhu tum rei tawh bawka min hmu thei tawh ngang lo aniange. 

' Classroom ah reilote tal rawn luh ve tal tur ania' tiin ka phun nang nang a. Min ngai pawimawh ve deuh tal te a nih chuan classroom ah a rawn kal kawi ngei ang. 

' Lo kal rawh ka va zawn pui ang che , tikha chuan tûm kung I ni ringawt alawm ' 

A tih chuan ka tho thut a ,conference na ah ka kal ve thei miau lova an ṭan hma te chuan ka kal thei tal ang chu. 

Peter nen chuan conference hall lamah kan inzui chho a, kan classroom aṭangin a hla zêk lehnghal. 

Kal zel pah chuan, ' Ka ke a na vek tawh ' tiin ka phun chho char char a. 

' Saint Laurent bun nan chuan a kawng hi a uihawm mah mah ' tiin min rawn fiam zeuh a, ka lo melh rum ngang mai. 

A tawpa tawpah hall chu kan thleng ta nge nge a, hla deuh tak aṭangin Keifer chu corridor ah hmeichhe pakhat nen a an ding dun lai chu ka va hmu a. 

Peter chuan en vang vang pawh chuan, ' ehee... Rosy a nih chu ' a rawn ti chhuak hlawl a. 

' Tunge Rosy chu? ' ka lo ti hu a. 

' Umm... Let leh ila a ṭha zawk ang, hawh classroom ah lo zuk nghak ang ' tih leh kal chu a rual a mahse na zet hian ka pawt let dawrh a. 

' Aurora I thinrim mai mai ang ,let leh ila a ṭha zawk ' a hma kha chuan ngaihṭhat lohna ka nei hran lo mahse Peter awmdan hian min ti hre chak zo vek. 

' Tunge Rosy chu, I sawi loh chuan I sam hi ka pawt kawlh dawn nia' tiin ka vau ta ringawt a, a hlau ngang mai. 

' Min thlah phawt rawh ' a tih chuan ka thlah a, a sam chul mam pah chuan ,' Keifer nen rei tak an inkawp ṭhin a mahse Keifer nu in a duh loh avangin inṭhenna pawh awmlo in Rosy hian Texas ah a pem san daih a, Keifer an a tuar na hle nghe nghe asin ' a tih takah chuan ka sa ngang mai. 

' Saw nu saw maw Rosy chu ' a hma pawhin Peter hian alo sawi lang zuai tawh a, ka hrechhuak nghal uarh uarh mai. 

Ka thinrim lutuk chu ka inhum ruh a ,Keifer hi tu hmeichhia mahin an hnaih ka phal reng reng lo. 

' Duhtak ' ring leng lawng hian ka va ko a, Peter phei chu ka awmdan avang hian alo zak lutuk a a tlan chhe daih lehnghal. 

' Dear...' Ka ti leh a, Keifer leh Rosy phiangsen-i te chuan mak tih hmel takin min rawn en ha a .Chutah Rosy in Keifer ban a chelh tih ka hmuh phei chuan ka alh lo chauh. 

Rang takin Keifer chuan Rosy chelhna chu a thing thla nghal vat a, mihring a zawnga che extra tih takah Keifer ban chu ka va kuah nghal chawt a, 'Hi ' Rosy melh kar pah chuan ka ti zui zat a. 

' Umm... Keifer, kan inhmu leh dawn nia ' tih pahin rang takin a kalsawn nghal a. 

Keifer chuan ka kuahna chu thing thla lem lo hian ' Hetah eng nge I rawn tih? ' tiin zaidam tak hian min zawt a. 

' Kha chukchu nu vang kha mawle.... Hmeichhe dang ka hmuh laiin be tawh suh ka tih che kha ' 

' Be ta ila engtin? ' 

' An sam ka pawh kawlh sak ang ' ka tih chuan a khi nghal suk a . Nidangah chuan ka chungah a thinrim ziah ṭhin a, tun ṭum chu a nui ve ngei. 

Fakna khu I chhiar zawh veleh min lo hmehsak zeuh dawn nia. 

Read More

30 days with Mr Genius -13

 CHAPTER-13 

Ka thawhna restaurant ka thlen chuan buaina a thleng tih pawh hriat loh in alo reh ṭhap tawh a, Taylor hnenah Aurora awmna ka zawt nghal a,  dawr hnung lam chu min lo kawhhmuh vat a. 

Rang takin dawr hnung lamah chuan ka tlan phei a mahse Matt'an Aurora kut uluk takin vura a lo dehsak lai ka va hmuh chuan ka ding chut a.  Maktak maiin Matt chu ka thik in a hmel ka hmuh zawng ringawt pawh hian ka sa nghal hle. 

Hetianga awm theihna dan hi nei lo mah ila nghet takin ka inhum ruh sauh sauh a. 

Ngawi rengin Matt-a kut paih thlak sawk pahin Aurora kut chu ka va dawm chawt a ,kaihthawh pah hian ' Fimkhur ta che ' ka ti vin hluk a, thlarau hmu ang maiin min lo en thung. 

' Keifer ' a ti chuai raih a, ka va inlan thut vang pawh a ni mahna ala hamhaih hle tih pawh a hriat. 

Engmah sawi lovin Aurora chu ka kaichhuak nghal dawr dawr a, theih chu nise Matt'an a khawihna kut hi sil tir hial ka duh. 

Aurora hi hmeichhe tih sam tak a ni lo bawka alo ṭang ve tlat a chu chuan ka thin a ti rim zual. 

' Eng nge hetah I rawh tih? ' ka kaihna kut paihthlak pah chuan a ti a, ka insum hman lo chuan, ' Kha pa kha engvanga I bula awm nge a nih? ' ka ti chhuak tawl a, mak tih hmel takin min rawn en nghal kawk a. 

' Chu chu a pawimawh ber lo,  I nu i hlau viau a ni lawm ni engah nge I rawh chhuah? ' 

' Khapa khan I kut kha engtin nge a tih? ' tiin ka chhang ta zawka, in chhang mil lo viau mahila kan in chhang tawk viau tho e. 

Min rawn melh râm râm chung hian ,' I thik em ni? ' tiin min zawt let khauh. 

' Aw... Kha pa ' ka ti chiah a, ka sawi thui hma chuan ka ngawihsan leh daih a. 

Engvanga thik em em nge ka ni tih hi han hrilhfiah vak ngaihna ka hre lo. 

' Car ah lut phawt rawh 'Car kawngkhar hawn pahin a hriat tawk lek hian ka ti ta ringawt a. A hnathawh hun a pel tawh bawka thlah haw ngei ngei ka tum tlut tawh a ni ber. 

Ka ngaih tih ṭhat nan a ni zawk mah aniang chu, him taka in a thlen phawt loh chuan ka mut theih dawn loh vang a ni. 

Hriat chak hmel taka min rawn en chho ha chung hian ' Mawh I thik tiraw? ' a rawn ti leh a, ka tih ngaihna hrelo chuan ka tukhum ka hiat ta ringawt a. 

Matt ka thik nia a hriat takah chuan min rawn nuih ver ver a, a tum hmel pawh hlim hmelah a rawn in thlak danglam leh ta .

' Ka kut hi vur in min deh sak rawh aw.... umm... ' ngen ngawl deuh hian min rawn en a,  amah melh khai chung chuan ka lo bu nghat a. Ka nem ta riau a inhriat na ka nei. 

A in chhung kan luh rual chuan kan hma ah tak nu pakhat ,a hmel en mai chuan kum 40 vel lek hmel pu hian min lo nghak rân a .

Aurora in ' Ka nu ' tia a phun sap takah chuan tunge a nih zawh buai ka ngai lo. 

Anu nen an inmelh dan aṭang chuan a inkar a ṭhat ka rin loh avang chuan Aurora en chung chuan inthiar fihlim chu ka tum a mahse ka ban a rawn chelh pah hian kal suh ti niawm tak hian min rawn melh a, chutia kal phal lo ta na nâ na chu inthiar fihlim ka tum ta bik lo. 

' Buaina I nei leh ta em ni? ' Aurora chuan a bag couch a paih pah chuan a ti a, anu erawh in shades vuah reng chung chuan a lo nuih sak thung.

' Wow... A chhiat loh hi le ' a shades kar aṭang chuan min rawn melh a, an nufa inkar anih avangin ṭawng ka tum lo. 

' Ka nu' a ti fiak nghal ṭhak a, ' min rawn zui rawh ' tih leh pawna chhuah a rual nghal a. 

A nu chuan a shades vuah lai pawh thlak deuh pah hian min rawn en a, min rawn siai zeuh a tichuan Aurora chu a zui chhuak nghal a. 

Keimah chauhin inchhungah chuan ka ding ngawi reng a, minute 5 lai a liam tawh avangin ka va chhuak ang nge Aurora rawn luh hun ka nghak ang tih chuan ka inkhap nasa hle. 

An rei tak em avang chuan ka va chhuak ta nge nge a mahse Aurora rawn lut tur nen chuan kan in tawk a, eng thil nge thleng tih zawh ka tum zet na in thinrim tih hriat tak hian min rawn kalpel fua a,  ngawi rengin ka zui lut leh hna hna ta zawk a. 

' Arghhh.... ' a thinrim inhrosa chuan kawngkhar bula Vase lian zet in tar chu a ti tla keh rêm rum a, thil pawi dang a khawih leh loh nan choka lamah chuan ka zui lut a. 

Ngawi rengin fridge chu a hawng rawk rawk a, beer Can pakhat hi a la chhuak a. A hawng chiah tih chuan a soda chu a rawn phuh thut a .

' Hreptak chuan ' au ṭhawt pahin beer chu a paih pawp a. A ṭhu hnawk a. A hmai chu hupin a inhnit nghal hlawp hlawp a. 

Aurora ṭap hlawp hlawp lai ka hmuh chuan a bulah ka lo ding ngawi ve reng a, tih ngaihna ka hre der lo. 

Hmeichhe awm khauh tak leh tawrhchhel tak ani a hetianga a awm hi ka vawikhat hmuhna a ni bawka, min ti lungngai takzet.

Aurora chu dim takin ka zuk kuah a,  ka awm a a inhnit hlawp hlawp lai chuan a lu chu duat takin ka chul heuh heuh a, a tawpa tawpah a rawn ṭap chhuak ta nge nge a. 

Rei tak a inbun ruah hnu chuan mut a duh nge duh ka zawh chuan a lo bu nghat a. A chau bawk a niange khumah a mu chiah tih in a maimichhing nghal vang vang a. 

A muthilh tawh ringin puan ka sin ṭhat tir a, a rawn meng siar siar a zawi sap hian, 'La haw suh ' a rawn ti sep a. 

' Ka haw dawn lo hahdam takin awm rawh ' tia ka chhanlet chuan min rawn nuih ver ver a. 

Keihi ka rilru ka hlauh tawh a nih hi, ka nu inah tui takin a mu a ka tih loh tur tur thil ka ti a ni mahse ka nu lakah inthiam lohna ka nei dêr lo. 

' Ih!  Ka nu khan pasal neih leh a tum a ' a mittui chu a rawn tling nghal pam a, ' Mahse  neih a tum tak tak lo tih ka hria, treatment lak a duh avanga a awmbo chhuanlam mai mai a ni. Ka nu khan thisen cancer a vei a chuan vawiin ah ka hrechhuak ve chiah ' a mittui chu a rawn luang ngiai ngiai a. 

' Khatih chhung zawng khan amahin alo tuar char char a keilah in engmah hre lovin a chungah ka sual em em a, tunah pawh hria anga awm chu sawi loh a lakah ṭhat pawh ka chhuah thei lo ania ' ṭap chhuak lo turin a inpet fân fân a, a kut hum saka a thusawi lo ngaihthlak mai loh chu tih theih ka nei lo. 

' A natna hi hria anga ka awm chuan a rilru ka tih hah zual sauh dawn avangin ka pi in zep turin min ti a mahse hun a nei rei tawh lo tih ka hriat hian awmdan tur pawh ka hrelo' 

' I nu chuan hlim taka I awm hi a duh bera, I nu tan I mittui hi ti tla tawh suh ' a kut chu ka la a, a duh ang ngeiin vur in ka deh saka. Theih chu nise kuah vawng vawng a hnem mawlh mawlh ka chak ,mahse engthil hian nge min dang bet tlat ka hre lo. 

A mutthilh hnu chuan pheikhawk nen a mut avangin a pheikhawk chu ka phelh saka, nileng in hetiang anga pheikhawk sang a bun thei ringawt pawh hi thil mak a tling. 

A mutna bula ṭhut pah chuan a hmuiah ka fawp zeuh a ,a kut chu nghet taka hum in amah thlir reng chung chuan ka ṭhu renga. Reilote ah khum bawh chung chuan ka muhil ve ta nge nge a. 

___________________________________

Ka harh chuan zing dar 5:30 a lo ri vâ tawh a, Aurora erawh ala mutui hle. 

A kut ka vawnna chu dim thei ang berin ka la sawn ṭhem ṭhem a. Ka nu awm lai chu nilo se chuan a harh hun thleng ka nghak ngei ang. 

Hun harsa a tawh lai anih avangin hrehtak chung chuan ka hawsan a ,ka rilru ah a awm reng thung. 

Inchhung ka luh chuan ka nu pawh a lo tho tawh a rin loh tak maiin min lo nuih sâng a. 

' Excer I la zo tawh em ni? ' alo ti vâr bawk. 

Ka nu dawt hrilh ka duh loh avangin ka nui ringawt a,  chhang lovin a ṭhutna êp chiah ah chuan ka ṭhu ve nghal a,  Chinese herbal tea chu min thlit saka ka in ve nghal mai bawka. 

Thingpui ka in lai te chuan Aurora ringawt ka rilru ah a awm a,  a kianga ka awm thei lo hian ka awm a ti nuam thei lo. 

Ka ṭhut tum reng avang chuan ka nu chuan' Bawiha... Rilru hahna I nei em ni? ' tiin min rawn zawt thut a ,mumang ram aṭanga harh chhuak thut ang maiin ka phu zuk a ,' Maw! ' ka lo ti hu bawk. 

' Tun ṭum ka rawn kal chu vei nei I ang hle mai, I nui hmel takngial pawh ka la hmu lo' 

' Engmah a ni lo, ka chau deuh a tin ni' 

' E taka vawiin ah Texas aṭangin Medical student ho in an rawn tlawh dawn cheu tih ka lo hria a , in conference neih turah chuan thil tamtak I zir chhuah ngei ka beisei ' a tih chuan ka nui tawi tap a.  

A nihna takah chuan Medical conference na a kal lovin ka Physics project buaipui ka tum zawk a ni mahse loh theih loh in ka kal a ngai dawn a nih hi. 

' I Pa pawh a lehpek ah chuan a rawn kal hman tawh ang, a ngaihtuah lutuk che a mahse I ṭhat thu ka hrilh tawh a, a thawveng huai ve ta ngei ang ' a titi siam siam lai chuan khawvel dangah ka awm daih thung. 

Ka school kal tur chu ka nu in min thlah a duh tlat a, a lo tih fo tawh ṭhin dan a nih avangin ka hnial lem lo a ngaiah ka nei tawh zawk. 

' Sweetheart.... I kawr ka lei thar kha naktuk ah chuan I ha dawn nia aw...' ka nu nen chuan kan inzui thla chhat chhat a.  Ka nu tih lawm loh ka hlauh luatah keimah zawk hian ka hlimna tur ka ngaihtuah ve thei ngai lo a nih ber hi. 

' School thleng min thlah angai lovang.... Mall lamah I peng mai dawn nia ' ka rilru a awm chu ka sawi chhuak hlawl a, ka nu hmela lungawi lohna rawn lang chu ka hmu thiam nghal. 

' Bawiha... Hun rei tak hnua ka thlah leh theih na hun che a nih hi ' ka nu in a rawn tih takah chuan hnial in awmzia a nei dawn lo tih ka hria. 

' ka hrethiam e ' tih paha car a ka lut tur chu ral lehlamah chuan Aurora car ka va hmu thut a, car chhung aṭang chuan min rawn nuih san san bawk. 

' Bawiha ' ka nu in min rawn koh avang chuan ka ṭhu lut vat a. Ka nu a awm vang nge ni Aurora pawhin min rawn pan a tum buai lo. 

School lam pana kan tlan lai chuan side glass chu ka en reng a, a chhanchu kan hnungah Aurora a tlan vang a ni. 

I chhiar zawh veleh khawngaih takin fakna khu min lo hmeh sak hram dawn nia. 

Read More

30 days with Mr Genius -12

 Chapter-12

Rang takin min rawn fawp let ve nghal a, tunge ka nih a ka nu kalh zawngin ka awm tih pawh hre chang tawh lek lovin ka fawp tawn tawn a,  a zûn in min bual â tawh chu a ni ber e. 

Aurora chuan rang takin ka tshirt hak lai chu min phelh sak a, ka hnungzang leh dar bawr vel a ṭham tawn tawn lai chuan 

a taksa tereuhte chu ka kut chuan nghet takin ka chelh sak a thung. 

Muang chang in khumah ka bawh thlu a, uluk takin a lu chu lukhamah ka kut chuan ka nghat a. Mipa insum thei leh inthup thei tak ka ni a mahse tun ah hian ka rilru leh taksa erawh henu hian a thunun zo vek tawh a nih hi. 

Chutia khawvel ah kan awm ve tih pawh hre tawh lek lova kan infawh lai chuan ka phone a rawn ri thut a, mumang ram aṭanga harh chhuak zawk ang mai hian ka meng thut a chutah chiah chuan ka thil tih âtthlak tak hi ka hrechhuak chiah. 

' Ka tihpalh ' tih pahin khum atang chuan ka in beng tho thut a, Aurora erawh a hawihai hle. 

' Sawi rawh ' tih pahin phone a ka nu biak pah chuan room aṭangin ka chhuahsan daih a. 

Aurora lakah khan ka inthiam bik lo mahse rilru fim ka put loh avanga khatiang thil kha thleng a ni a, a thleng nawn leh tawh lovang. 

Ka nu chuan Denver, Colorado aṭanga a rawn chhuah chiah thu min rawn hrilh a , thlawhna in darkar 4  thlawk a ni a tun aṭang hian ka inpuahchah angai tih pawh ka hai lo. 

Phone ka dah hnuah ka tshirt chu ka ha nghal mawlh mawlh a, Aurora erawh room aṭang chuan lungawi lo tih hriat tak hian a rawn chhuak a. 

' Eng thil nge maw I hriat le? ' a bag couch a paih pah chuan min rawn vin zui hlâr a. 

' I in siam zawh tawh chuan ka thlah haw ang che ' tih ringawt in ka lo chhang thung. 

' Maw!!  I ã ta em ni, kan in fawp zo chiah a chuan tunah hetiang hian I awm leh amaw? ' hriatthiam loh hmel takin min rawn en a. 

A thusawi chu hre reng mah ila hre lo ang hmakin tukverh chu ka khar san daih a chu chuan a ti thinrim zual hle ang tih chu hriat sa. 

Ka hawi let rualin ' Zawhna ka zawh che chu' tih pahin ka kalna turah tak chuan a rawn ding nghal a, chhanna a hmuh hma loh chuan min zawt ngat ngat duh ang. 

Ngawi rengin a hma a ding reng chung chuan ka en renga, ka thusawi tur a nghah rân lai chuan ka bag ah ṭhat pah chuan ka kal pel daih a , min hriatthiam loh hmel takin min rawn en zui ha a, hmanhmawh takin min rawn um chhuak nghal dawr dawr a. 

Ring takin ' Ding rawh ka tih chu ' a tih pawh chuan car ah ka luhsan hmak a, ani pawh thinrim tak chungin a rawn lut ve mai bawka. 

' Keifer Wu vawikhat chiah ka zawt leh ang che ' Ka lam rawn hawi chung hian a ti tân tân a .

' Sawi rawh ' 

' Engvangin nge min fawh? ' 

Chu zawhna bawk chu,  keipawhin a chhanna ka nei bik lo .Ka fawp chak a ka fawp a ni mai chhan dang a awm lo. 

Hma lam melh ngur ngur chung chuan ' Tihsual palh a nih kha ' tiin ka chhang ta zawk a , a hmelah hmuh theih khawpin ka ṭawngkam khan a ti na tih hai theih a ni lo. 

' Tihsual palh a ' min rawn en deuh ha a, ' Car hi ti ding rawh ' a ti zui zat a. 

' I in thleng ka thlah ang che ' tiin ka chhang a, ka ti thinrim zual sauh emaw tih tur a ni. 

' Car hi ti ding rawh ka tih chu ' a bag aṭang hian teddy bear tereuhte kutphah tia lek hi a rawn hum chhuak a,chu chuan ka hmaiah tak a vawm pawp a .A thinrim em avangin car pawh chu ka ti ding ta nge nge a. 

Ngawi rengin car kawngkhar chu a hawng sawk sawk a, vawikhat pawh min rawn en let lovin a chhuak tau nghal nghawng nghawng a. A kal liam thlengin ka en zui vang vang a, a kal liam chiah tih in min vawmna teddy bear chu ka chhar a, khi vur vur chhung hian uluk takin ka bag ah ka khung lut a, school lam panin ka tlan chhuak leh nghal a.

Classroom ah pawh lut lovin Physics laboratory ah ka kal tlang nghal a, Bella chuan nui chung hian 'Hi! ' tiin min lo chhâwn nghal zar a , nuih let pahin ka ṭhutna ah ka ṭhutsan nghal a. 

Kan project atana kan khawl (machine) siam lai ka buaipui lai chuan Bella chuan, ' Keifer, I note ka lo en lawk? ' tiin min rawn zawt a, en pawh en lovin ka bag-a a awm thu leh lo va la mai tur chuan ka hrilh a. 

Ka bag chhuata tla ri rak ka hriat rual chuan ka hawi let vat a, Bella chuan inthiam loh hmel tak hian min rawn en lâp a engah teh vakah mah ka ngai lem lo Aurora teddy bear chhuata lo tla let bal ka hmuh hma kha chuan. 

Ka ṭhutna aṭang chuan ka tho thut a ,ka in rin hma in ka duh aia vin hian, ' Engthil nge maw I tih le ' tih pahin teddy bear chu ka la vat a, ka bag erawh Bella in a rawn chhar thung. 

Mak tih hmel takin teddy bear ka beng fai lai chu min lo thlir reng a, a tawpa tawpah, ' Kha thil kha a pawimawh viau em ni? ' tiin min rawn zawt khauh a,  kei ngei pawh hian engvanga hlut em em nge ka ni tih ka inhre bik lo. 

' Kha note chu.... ' tih pahin ka note chu ka pe a, ka bag chu ka la hmak a ka ṭhutna ah bawk chuan ka ṭhu let leh a. 

Ka thil tih avang khan Bella chungah ka inthiam lo leh hnuhnawh mahse kha teddy bear tla lai ka hmuh khan ka thinrim ka insum hman meuh lo chu a nih ber kha. 

Classroom a ka let leh hnuah pawh Aurora hmel hmuh tur a awm lo,  a khat tawkin a lo kal ringin kawngka lam ka melh sek a .Engang pawhin lehkhabu chhiar in rilru lak pen tum teh mah ila ka rilru ah a lut thei tak tak lo. 

Chhun chawlh hnuah pawh a rawn inlan tak lovah chuan ka call ta nge nge a,  a phone a in switch off hmak.

Ka tih ngaihna hrelo chu classroom hnung lamah chuan ipte zen chung hian ka vei sek a ,a nihna takah chuan Aurora ṭhianpa Peter chu ka lo nghak a ni zawk mah. 

Peter a rawn luh pawh chuan ka vawikhat biakna tur a nih vang nge ni ka hreh ru khawp mai. 

' Thiam loh I nei em? ' Peter zawn ka thlen chuan ka va ti ringawt a, ka awm dan chu mak a ti hle a ni tih a hmelah a hmuh theih. 

' Ai... Nei lo' a lo ti ha a. 

Sawi leh tur ka hre ta hauh lo mai, kekawr ipte zen chung hian a ṭhut na zawnah chuan ka ding renga  mak tih hmel takin min lo en reng thung. 

' Thiam loh I neih chuan ka hrilh ang che ' ka tih leh ringawt a, Aurora chungchang han zawh tlang tawp chu ka ngam bik lo. 

' Keifer ' ka lam hawiin a rawn ṭhu rem te te a ,' Vawiinah Aurora a rawn kal dawn lo' tiin min rawn hrilh ta nge nge a mahse han tih vak ngaihna ka hre leh tawh lo. 

' Tuman Aurora chungchang an zawt lo che '  tih hmak pahin ka ṭhutna ah chuan ka ṭhutsan a,  Aurora chinchang ka hriat takah chuan ka thawveng huai thung. 

In ka thlen chuan ka nu in rawng a lo bawl fel diam tawh a , class ṭhulh a hruai kha a duh loh avangin amahin a rawn kal mai ṭhin.

' Vawiin ah in zir hnem em? ' ka nu in min hmuh rual rual chuan a tih ṭhin dan ang bawkin I dam em?  tih aiin min zawt hmasa ber a ,ngaiah ka nei tawh. 

' Umm... Zir hnem 'tiin ka chhang chuai raih a. 

' I bag dah la chaw ei ang aw... Hei rawng ka bawl peih vek tawh a nia ' a tih chuan ngawi rengin chair ah ka ṭhu a, chaw chu ka ei nghal mawlh mawlh a. 

' Ei chak lutuk suh I hak ang... Bawiha I sam pawh meh a hun tawh a nih kha... E taka Doctor te I la ni dawn sia lehkhabu ka rawn lei che ania' a ti nghal zung zung a, kei erawh ngawi rengin ka lo bu nghauh nghauh thung. 

Ka nu hian Biology ni lovin Physics ka tui zawk a ni tih leh Doctor ni lovin Astronomer nih ka tum tih hi a hria a nih chuan lung ṭha lo a neih avangin damdawiin ah a awm phah dawn a engmah ka hrilh thei lo. 

Chaw ka eikham veleh ka nu inbual lai chuan vanlam chanchin lehkhabu ho zawng zawng chu ka thukru fai vek a, engtik ah nge Biology nilovin Physics hi main subject ah ka thlang tih hi ka hrilh dawn ka hre bik lo. 

Ka room ah lehkha ka zir mawlh mawlh lai chuan Taylor-i hnen aṭangin message ka dawng nawlh a, Aurora leh an customer pakhat an in tih buai thu hi alo ni a. 

' Bawiha....naktuk zingah football practice I ngaih dawn kha I la mu dawn nange? '  phone ka bih ngur ngur lai chuan ka nu in a rawn ti lut thut a ,rang takin ka phone ka dah nghal a . Ka nu hian routine min siam sak sa vek tawh a zawm ngei ngei tur a nih avangin engtin mah ka chhang lo. 

' Ka mu vat ang ' 

' aw le... Mahse meng rei lutuk suh aw, ka chau riau mai ka lo va mu ange, dawhkanah eitur ka dah a, I ril a ṭam hunah I ti lum mai dawn nia ' min kuah pahin ka lu ah a rawn fawp a, min chhuahsan zui nghal a. 

Ka nu chhuah hnu chuan ka inngaihtuah buai nasa khawp mai, ka ke te chu ka phut sek tawh a kal ka duh rual rual in ka nu in ka chhuak a ni tih a hriat ka duh lo. 

Minute 5 vel ka ṭhut ngawi reng hnu chuan ka ṭhutna aṭang chuan ka tho thut a ,ka nu min hmuh leh hmuh loh lam ka ngaihsak tawh lo... Engpawh thleng dawn se Aurora hmuh a a thlavang hauh ringawt chu ka rilru ah a awm tawh avangin ka jacket ka ha sawk sawk a thawm dim thei ang berin ka chhuak ru ta a. 

Fakna khu hmet ngei ngei ang u aw.... Xo

Read More

30 days with Mr. Genius -11

CHAPTER -11

★ Keifer's POV ★

Ka bulah midang an mu ve tih ka hriat rual rual in ka harh nghal a, Aurora chu tui taka a lo muhil sâk sâk lai chu ka va hmu thut bawk nen ka hlauthawng nghal kher mai ; a chhanchu ka nu vawiinah a rawn zin dawn avangin. 

Hlauthawng viau e tilo chuan kaitho mai lovin a muhil lai chu ka en renga, a ṭawng loh hi chuan hmeichhe pangngai leh nunnem tak hmel te pawh a pu ve. 

A hmel a ṭha in sawisel na tur ka hrelo, a thinchhia tih mai loh chu. 

' Good morning ' zïk mar âr âr paha rawn tih ṭham ṭiak takah chuan ka mit ka la sawn vat a, rang takin ka tho nghal a. 

' Engtin nge hetah I awm theih? ' nelawm loh tak mai hian ka zawt nghal a, a ni erawhin ngaiah a nei tawh thung. 

' I mutui em tih te min zawt zawk la... Aw, ka mutui lutuk ' min rawn nuih ver ver pah hian a rawn ti a, chhan ngaihna ka hre der lo. 

' Tho la haw tawh rawh ' ka ti leh ringawt a. 

Henu hi ka theih chen chen ka hnar lo anih chuan ka nu in ala hrechhuak vat ngei ang, buaina ka tawh hma in ka theih chhung chu hnaih loh a ṭha ber. 

Bedroom aṭanga ka chhuak tur chu ka banah a rawn vuan thut a ,ka hawi let rualin ka taksa si chet hian a rawn ding kher a. 

' Haw duh lo ta ila ' a mitmeng thil ti thei tak mai chuan min melh kâr a,a kawng chu ka kutin min dawm tir nghal a .

' Nang hian min hnar thei tak tak lo tih ka hria ' a ti sa sa a. 

A sawi dik kei ngei pawh hian ka awmdan hi ka sawifiah thei lo. Min hnaih tura ka duh loh laiin buaina a tawhin ka ngaihtuah em em a a nat hi ka phal lo a ni ber e. 

' In ha rawh... Haw vat vat rawh ' ka ti sek a, min hnaih a a awm tawh hi chuan rilru pangngai tak hi ka pu thei ṭhin lo. 

' I nupui ka ni a heta awm tur hi ka nia bakah nupa ina an tih ṭhin te pawh ti ve ila ' hetiang thil a sawi hian keimah zawk zawk hi ka lo ip a,  hetiang em em a hmeichhe zep nei lo hi ka la hre ngai lo. 

' Nupa chu an inṭhen ṭhin ' thutak fe hian ka chhang a, a vau behna hnuaia awm reng hi ka ning tawh inṭhen vat vat hi ka tan ṭha ber mahse ka nu a hrilh loh nan ka ṭhen vat thei bik lo. 

Aurora mizia hi ka hrechiang a a duhdan a ka awm lo anih chuan ka nu a hrilh duh tak tak dawn tih pawh ka hria mahse ka nu hi a strict chu thuhran nise lung ṭha lo a ni a engthil maha ṭhawn ka tum lo. 

Inṭhen chungchang fiamthu miah lova ka sawichhuah rual chuan a hlim hmel zawng zawng kha vawilehkhatah a bo nghal diak a, inlak hran deuh pah hian, ' Ka inbual dawn ' a ti sap a, ka ṭawng leh hma in bathroom ah min luhsan nghal a. 

Aurora inbual chhungin rawng ka lo bawl ve thung a. Mipa inluah tih takah nidang ang bawkin chaw kãn leh instant noodles chu ka siam leh mai a a awlsam bawka rei lovah ka siam zo nghal der. 

Thlamuang taka chanchinbu ka chhiar lai chuan bathroom aṭangin Aurora chuan min rawn ko lauh lauh reng a mahse ka lo hrelo der tlat thung. 

' Keifer....Lo kal vat teh mawh hmanhnawh rawh ' a tih chhen takah chuan ka ning chuan chanchinbu chu ka dah lawk a, ' Eng nge? ' tih pahin pajama ipte zen chung chuan ka kal ta nge nge a. 

Bathroom kawngka aṭanga rawn dah pah hian' Khawiah nge Shampoo? ' a rawn ti a. 

' Sahbawn kha ' ka ti ringawt a , ka sawi tum erawh a hrethiam ania nge mak ti takin min rawn melh ha a. 

' Anih face wash leh body wash hi ?' 

' Sahbawn kha' tukhum tuai pah chuan ka ti leh ta ringawt a. 

' Conditioner leh skin care pawh hmang lovin sahbawn chiah I hmang tih min hrilh miah suh ' a rawn ti leh a, chhang lovin ka ding renga mak min tih hmel zet hian, ' Sahbawn ka hmang ang tih hi ka ring pha ngai lo' phun nuah nuah chung hian kawngka chu a khar leh a. 

Ngawi rengin ka ṭhutna ngaiah bawk chuan chanchinbu chu ka chhiar leh a, reiloteah min rawn ko lehnghal. 

' Keifer...Keifer ' a ti vin hlar tawh a mahse hre lo ang hmakin Tv ka on san daih thung. 

Chutia ring zeta Tv ka on takah chuan Aurora chu ruak vek hian ka hma ah tak a rawn ding ta tau mai! Phawk zet hian ka lo en a ka mak ti lutuk chu hawi sawn nachang pawh ka hrelo. 

' Ruak vekin eng nge hetah I rawn tih? ' 

' Towel ka dil mawlh mawlh che kha ' alo ti sam êt a. 

' Khum bul drawer-ah a awm ,va in ha vat rawh ' a tawpa a tawpah ka hawisawn ve thei ta alawm. 

Room-a luh pah chuan nui ver ver chung hian min ti êl zet in, ' Ruaka min hmuh khan engtin mah I awm miah lo em ni? ' tiin min rawn zawt leh ngat a mahse ka chhang lo. Room a luh rual rual chuan ka thaw chhuak nghal hawk a .

Engtik laiin nge ka thlan a lo tlak hman pawh ka hre lo. 

Mipa ka ni a khatianga a awm lai ka hmuh khan ka danglam chiang khawp mai mahse thil pawi zawk a thlen loh nan ka insum mai zawk a ni. 

Ka rilru bawlhhlawh tak mai chu lakpen tumin ka vei tawn sek a, ka tih ngaihna hrelo chuan dawhkanah eitur ho chu ka rem ta ringawt a, ngawi rengin ka ei nghal bawrh bawrh bawka. 

'Aurora chu room atanga rawn chhuah pah chuan 'Ka ril a ṭam' a rawn ti chhuak a. 

Ka T-shirt chauh ha a a rawn ṭhu lai ka hmuh rual chuan ka thil ei lai chu ka phuh chhuak ṭhawt a ,ka hak nghal bawrh bawrh bawka. 

' I ṭha maw? ' tui min rawn pek pah chuan ka hnungzâng min rawn chul sak a , min khawih zawng ringawt pawh hian ka lungphu zu han rang tlata mawle. 

' Ka ṭha ' khuh bawrh bawrh chung chuan ka nam sawn deuh a, ka ep chiah a chair ah chuan a ṭhu nghal thak a. 

Ka T-shirt a inhmeh zia thu hi ka sawi chhuak hman ṭep a ni. 

' Instant noodle maw? ' mak ti takin a chhin chu a  han keu a, ' Heng thil hi Chinese ho hian breakfast ah I ei ṭhin amaw? ' a ti leh ha a, buk nghat pahin ka ei chhunzawm lehnghal a. 

Sawisel zui lem lovin chopstick chu a la a, ngawi rengin a ei nghal mawlh mawlha. A thil ei lai chu a khat tawkin ka melh leh zeuh ṭhin a. Ka mit hi a diklo pawh a ni mahna hetiang em em a ka hmuh hmelṭhat tak mai. 

Ka tih dan zirin rice chu chopstick in a han ei ve dawn ngial a mahse a ei thiam ve hauh lo. 

' He thil tehhrep hian a ei theih loh hi ' vin zet hian a ti hluk a, a rukin ka lo nuih suk a. 

A thil tih engkim hian ka thin a ti rim zo tawh lo. 

A tum ngial hnu pawha a theih tak lovah chuan a thinrim in a tuar ta lo ania nge rice chu a hawlh darh nghal sawk a,  a awmdan chu ka lo en ha thung. 

Engmah sawi lovin ka ṭhutna aṭangin ka tho a, fian ka la a ka ṭhu lehnghal mai a. 

' Heihi hmang rawh ' zaidam takin fian chu ka pe a, min rawn melh ralh a, ' ka lawm e' a ti zui sep a. 

Nidang chu nise ka vin let ve nghal ang mahse engtik lai khan nge ka lo dawhtheih tak em em pawh ka hre tehhrep love. 

School kal tura ka insiam lai chuan ngawi rengin ka bulah chuan a thawmhnaw chu alo ha ve sawk sawk a, bathroom a inthlak tura ka hrilh pawhin a duh bik lo. 

' A lehpek ah chuan hetah rawn kal tawh suh ' ka rilru a awm chu ka sawi chhuak ta nge nge a. 

Ni e,  ka rilru a la peng nasa lutuk hi ka duh lo. 

' Aw le... Mahse ' min rawn melh kar chung hian min rawn kal hnaih a,  tunah hian a hmui sen vãm hâm bak ka hmu lo, ka mit ka la sawn thei ngang lo a ni. 

' Ka ta I ni tih hre reng rawh ' a aw te chu a ngaihnobei sawt ta riau hian ka hria a. 

Ka fawp chak takzet. 

Engvanga hetianga awm ta tlat nge maw ka nih ni?  

' Kal.. Kal a hun ' ka tih bah nuai a, rang takin ka hawisawn vat bawk. 

'Min pehhel leh dawn a ni maw' ama hriat tawk lek hian a ti zui sep a, kei erawh kawngka ka thlen phei chuan ka ding thut a. 

Insum tum teh mah ila ka taksa chuan min phatsan chiang kher mai. 

Ka kawi let vut a, a inrin loh lai tak chuan ka va fawp thut a , a ṭhawng bawk aniang chet mai nachang a hre tawh lo. 

Read More

30 days with Mr. Genius -10

 

CHAPTER -10

In ka thlen rual rualin khumah ka bag ka theh thal nghal tawp a, chair ah ka ṭhu tum nghal bâr bawk. 

Vawiin nilengin Keifer nen kan in be leh miah lova a mood a fuh loh hmel bakah a tum renga chutiang na nâ na chu keipawhin biak hmasak ka tum bik lo a in hmelhriat ngai lo ang mai in kan awm hmak. Chu mai pawh chu ala duh tawk lo hun a zawh hma hma in alo va haw daih lehnghal. 

' Hepa hian buaina lian zawk a duh tak tak emawni le? ' mahni a phun mai loh chu tih theih dang ka nei bawk si lo. 

Ka thinrim ka inhrosak vel lai chuan phone call ka dawng nawlh a, number hlang mah nise ka la ta tho a. 

' Aurora... Landon ka nia, Keifer ṭhianpa' a rawn ti nghal zung zung a. 

' Engtin nge ka number I neih theih? ' ka lo ti vin hlar a. 

' Chu chu a pawimawh ber lo, tunah Keifer khua a sik mek a damdawi I va pe thei angem? 'A rawn ti ta maia. 

' Mahse vawiin khan a dam ṭha viau sia ' ka ti zui a. 

' Hei damdawi pe mai turin min rawn ngen a,  Keifer meuh in min rawn ngen tawh chuan a na hle aniang ' a rawn tih leh chuan ka thin ala rim bawk nen ka lo induh ve khanglanga. 

' Nangman va pe mai rawh' ka ti ve hmak a,  min mamawh te chuan keimah ngei min rawn call ve ang chu. 

' Professor nen zanriah kan kil dun dawn a khawngaih in.... Address ka lo thawn ang che' aw leh ai tih em pawh ka sawi hma in phone a dah daih a ,message ka dawng zui nghal a. 

Zaninah hna a ka kal angai bawk nen hmanhmawh takin damdawi nen Landon address min pek na lamah chuan ka inkhalh  chhuak nghal a, hetia a damloh daih te chuan restaurant ah pawh a rawn kal thei dawn lo a ni maw! 

Keifer apartment ka thlen chuan kik ngai lo in kawngka alo in hawng sa a, Landon a kal a rin vang pawh a ni mahna kawngka a kalh loh nachhan. 

Keifer apartment chu rin ang ngeiin a felfai in engkim chu a hmunah a awm thlap vek a,lehkha thiam tih takah lehkhabu pawh a nei ṭhahnem khawp mai, a in hi lian vak lo mahse a nuam in a fai takzet. 

' Keifer ' ring vak lo in ka au a, min chhan mai loh avang in a room ah ka lut phei nghal a, khumah inkhuh hlun chung hian a lo khur hlak hlak chu niin. 

Rang lutuk in damdawi ka eitir nghal a,  a pang lah chu a sa huam a keimah ka ni tih pawh a hrelo aniange a muhil zui lehnghal mai a. 

Han tih mai ngaihna pawh ka hrelo tih dan tur zawh tumin Trinity ka call ta ringawt a,  ka damlo khat ve ropui sia tih hmasak ber tur pawh ka hrelo. 

' Tunah hian Keifer khua a sik a engtin nge ka tih ang ?' Phone a lak rual rual chuan ka ti nghal ringawt a, ani lah chu a lo chiai ve em em ringawt. 

'Damdawi a ei tawh em?  Engtin nge a awm? ' 

' Damdawi a ei tawh,  a khur char char a engtin nge ka tih dawn sawi vat teh' a ruk chuan ka hlauthawng ve tho. 

' A tlun a nih chu....puan huh in hru rawh ' 

' A hlauhawm em? ' 

' Hlauhawm e ' a rawn tih takah chuan ka hlauthawng ta kher mai, puan zawng chuan ka hawikual nghal ruai a. 

'Maw! ' 

' A thihpui theih ania' Trinity in a rawn tih leh phei chuan ka chiai nghal vek ni berin ka hria. 

' Puan... Puan... Puan' tih pahin kan zawng vela, engang puan nge an hman ṭhin tih pawh ka hre reng reng lo. 

' Puan ka hrelo' ka mangang chuan Trinity chu ka vin hrep hrep a. 

' Anih chuan damdawiin ah kal mai rawh u ' a rawn ti leh a, phone ka dah hnuah Keifer chu kaihthawh tumin ka sawi nawk nawk a, a zâwi vêk tawh lehnghal.

' Keifer tho rawh, damdawiin ah kal ang ...hey ! harh teh ' ka ti chul a,ka sãwi reng bawka mahse a che eih lo. 

' Tho teh... I thawh loh chuan tukverh ah sawn ka paih daih ang che' tih te in ka vau ta ringawt a;  a thih loh hram ka beisei. 

' I va bengchheng ve ' a rawn ti sap takah chuan chhuatah ka ṭhu nghal hnawk a, ala dam tih ka hriat hian ka thaw nghal huai mai .

' Hmela ' ka ti zui sep a, ka hriat miah loh in ka mittui alo tla hman reng chu niin .Kum tamtak hnua ka mittui a tlak leh vawikhatna. 

' Min ti muhil thei lo' a rawn ti leh a, ka hlim tluk zetin ka ngei. 

' Ngatinge min chhan vat mai loh, min ti hlauthawng alawm ' damlo mahse ka vin nghal khur khur a. 

' Ka chau...buaina ka duh lo kal tawh rawh ' a damlo chung pawh hian ala ngeiawm tho a nih hi. 

' Lawmthu min hrilh zawk tur I ni asin damdawi ka rawn ken sak che a,  I thi lo chauh a nih kha ' ka ti let tun tun a. 

' Ka lawm e, kal rawh keimah chauha awm ka duh ' tih pahin puan a sin ṭha a, minute 2 pawh a liam hma in tui takin a muhil lehnghal sûk sûk a. 

Ka thinrim lutuk insum zo lo chuan khum bula towel tê chu bathroom ah ka va tih huh sawk sawk a. 

' Kha... ' tih pahin ka vawm pawp a ,mahse a mut ngaiin a mu reng tho. 

Ka inthiam lo leh deuh a, towel huh chu la leh in a chalah ka dah leh ta nge nge a, thinrim khum hrep dawn pawh ni ila a damlo miau sia han tih vak ngaihna pawh a awmlo.

Darkar khat lai hna kal hma in hun ka la nei bawka, Keifer in chu kan enkual vel a ,a thil engkim mai hi ka tan chuan hmuhnawm a tling. 

A lehkhabu neih ho ka en thuak thuak pawhin arsi, thla leh van lampang hrim hrim khi a ngaina tih hai theih a ni lo amah nen pawh a inhmeh lo zawk . 

' Keichuan arsi pawh ka thlir ngai loh laiin nangchuan I ngaina em em a, kan inang lo ngawt mai ' mahni a inbiak mawlh mawlh pah chuan lehkhabu pakhat chu ka la chhuak a,  kan keu chiah chu a diary lo ni rengin. 

Rang lutuk in min rawn en nge en lo tih hriat hmasak tumin a bedroom lam chu ka hawi let vat a vanneihthlak lutuk in min hmu lo hlauh. 

Mi diary chhiar ru tu nih chu duh lo viau mah ila ka chhiar chakna a tam zawk avangin a phek hnuhnung ber chiah ka chhiar ang tiin ka intiam ta ringawt a. 

Inthiam lo tak chungin a phek tawpna ber chu kan keu phawk a, thil eng nge maw deuh a ziak dawn emaw ka tih laiin a thil tih chak a ziah chhuahna chauh hi alo ni a. 

' Astronomer nih ka chak, Australia-a arsi thlir ' tih ka chhiar lai chuan ka mit ko ka san zeuh a ' Kan scientist-a hian arsi a atchilh hle a nih dawn hi ,a arsi chu heta hi ka awm reng sia'  ka tia, ka thusawi avang chuan mi â ang maiin ka nui nghal ver ver a. 

' Sahuan a kal, tattoo chhut, nikhat chiah hun awl neih chuan midang anga nun zalen neih ' tih ka chhiar thlen chuan ka chhiar chhunzawm duh tawh lo. 

Keifer hi ka lainat takzet a nu vangin sahuanah takngial pawh ala kal lova a thil chak chu hun awl neih leh midanga anga nun;  hetiang hi thil nih dan tur pawh a ni lo.

Chutia Keifer diary ka ngaihtuah zui ngut ngut lai chuan Landon hi a rawn lut hlawl a. 

' Aurora pawi ka ti lutuk ka tih buai che avangin ' a rawn ti nghal zung zung a, Landon a rawn kal takah chuan Keifer hna ah a kal thei bawk si lova kei lehzel ka kal loh chuan a ṭha lo. 

' Anih chuan ka kal' tih pahin kal mai chu ka han tum a, Landon bawk chuan, ' Khawngaihin a nu hrilh suh aw' a tih zawm zat a. 

' Engvangin? ' hriat chak hmel zet hian ka let leh ngat a. 

' A apartment ah hmeichhia a kal tih a hriat chuan a in sawn tir leh duh mai ang ' a tih chuan. 

' Eng nge I sawi awmzia? ' tiin ka zawt leh a, engkim hriat vek ka duh. 

' A nu chuan apartment ṭha taka awm tir a duh a mahse Keifer hian ama thawh chhuah tawk leh midang ang tho a apartment pangngai a awm a duh avangin hetah hian a awm thei hram a ,he in aṭang hi chuan chhuah tir lo hram rawh ' a ti chuai raih a. 

Hetiang khawp hian a nimaw a nu khuahkhirhna hnuaia awm hi hrehawm a lo tih. 

' Puitling a ni ve tawh a, a duh duh danin a awm thei alawm ' ka ti leh kher a. 

' Nilo... Keifer hi chuan a nu hrehawm ti lai hmel hmuh leh rilru hah taka awm tir ai chuan amah a tawrh vek hi a thlang zawk. Engtik ah mah a nu mittui tla lai a hmuh theih loh ang bawkin amah kalh zawngin a awm ngai lovang .Engpawh chu nise Keifer ka va buaipui tawh ange ' tih leh bedroom a luh a rual nghal a. 

' Hahh... Kei ang lo takin fapa fel tak I ni a mahse nang aiin ka hlim zawk ' ka ti sep a, keipawh ka chhuak ve nghal a. 

Restaurant ka thlen chuan Taylor chu customer in an hauh avangin an hma ah hian alo ding zum zât a, a phu tawk a hmu a nih saw tih pahin ka nuih liam mai mai a thil dang ka tih san hmak a. 

Dawhkan ka hrukfai lai chuan mipa pakhat hian, ' Hetiang hi a thleng reng ṭhin em ni? ' a rawn tih rual chuan ka hawi chhuak vat a,  uniform a hak avangin heta thawk thar a ni tih ka hre nghal. 

' Ka hrelo' tih liam puat pahin Taylor chu ka va melh zeuh a, a kawrah coffee a an leih lai ka va hmuh takah chuan ngawih mai mai chi ah ka ngai tawh lo. 

' Engthil nge maw I tih le? ' customer an ni bawka pangngai tak hian ka va ti a. 

' Henu hian kan thil order loh hlir min rawn pe alawm ' hmeichhe pakhat inla zet hian a rawn ti a. 

' Nangkha lo in rawlh suh ' pakhat in a tih ri ka hre zui zat bawk. 

' In order ang takin kan thlak leh vek thei alawm ,hetianga ti lo hian sawi ṭha ve mai ta che u' ka thinrim thut loh nan ka insum hram hram a. 

' Anih chuan min rawn pe vat teh u ' 

' Kan pek hma cheu in ngaihdam in dil phawt angai ang ' ka ti ve tlat a. 

' Hahh... Nangni ho lah hi waitress ve mai in nih kha, in thawhna dawr pawh hi ka lei vek thei tih I hria em? ' a rawn tih leh takah chuan ka insum thei tawh thlawt lo. 

' Han lei ta pauh che mahse I lei hma in I bag first copy hi thlak phawt rawh ' ngeiawm zeta tih pahin a bag chu ka khai chhuak va va a. 

' I va zak lo ve , ka bag hi a original ngei a nih hi ' tiin ala ṭang ve ṭang ṭang .

' A original a nih si chuan... ' ti ban charh pahin a bag logo chu dawhkanah ka chhu chawrh a,  a keh ta chuai mai! 

' Oh! Lunghlu a keh ' ka ti leh kher a, a zak bawk aniang a hnar a sen nghal ṭawl ṭawl mai alawm. 

Inthlakna room-a ka luh chuan Taylor chuan min rawn la umzui zel a. 

' Aurora ka lawm lutuk ka lawm takzet zet a ni mahse engtin nge bag chungchang kha I hriat? ' tia min zawh chhen takah chuan locker a ka bag chu ka la chhuak a, nichina nu ta nen khan a inang chiah chiah a quality tih loh chu .

' Ehee... A inang chiah chiah a nih hi ' ramhuai hmu thut ang mai hian a meng phawk nghal kawk a. 

'Himalaya Crocodile Diamond Birkin anih hi... Kim Kardashian, Victoria Beckham leh keimah chiahin kan nei ' ka lo tih zawm zata, a hma aiin mak a ti lehzual. 

' Woww.... Hetiang thil hi ka vawikhat hmuhna ' a thilrna lamah a chilthil a tla lo chauh. 

Keifer awm bawk si lova a tih ai zawng zawng tih ka duh a nidang zawng aiin ka thawkrim a ka chau hle bawk. 

' Kha.. I chau tawh a nih kha chawl tawh rawh ' nichina pa bawk khan tui min rawn pe a, ka bulah a rawn thu nghal tharh bawk.

' Matt ka nia chuan nangchu Aurora ' a ti nghal zung zung a, a hmelṭhat ang bawkin a fel a nih hi. 

' Engtik aṭangin nge I rawn thawh? ' tiin ka lo zawt a. 

' Morning shift ka nei ṭhin a karkhat ka thawk tawh ' 

Zing lamah a thawh vang niang thawk ho mah ila zanin hi kan vawikhat inhmuhna. 

' I ril a ṭam em ?' Zawh awm tak min zawt a ni ,ka ril a ṭam tih ka hmelah a lang chhuak emawni le ?

' Minute 10 kan la nei a ,zanriah ei chhuak ila ' chutia min sawn na nâ nâ chu ka lo aw ve mai bawka .

Matt nen zanriah kan ei kham veleh Keifer khan engang pawhin haw tur khan min hrilh mahse ka rilru ka thlak leh thut a,in a haw ta lo chuan Keifer inah ka let leh ngat a .

Landon pawh alo haw tawh avangin Keifer bulah chuan ka va inthawlh nghal a, a taksa lum hiam mai kuah chung chuan a awmah ka bei hle hle a. Ka lo chau ve deuh bawk nen reiloteah ka muhil nghal mai a. 

In chhiar zawh veleh fakna khu theihnghilh lo ang u aw...i comment te ka lo hmu thin a , ka inzir zel bakah ziah leh pawh min ti phur thin a chuvang chuan comment lamah min l lo fuih phur zel thin teh u kha ...lol .

Read More

30 days with Mr. Genius -9

 

CHAPTER -9

Car lum lutuk chhunga ka awm reng takah chuan a inthiam lo leh deuh aniang a rawn lut ve ta nge nge a mahse lehlam ka lo hawisan hmak. 

A rawn luh hnuah pawh min be ta mai lo chuan kan ṭhu ngawi dun kar reng a kei lah a chungah ka thinrim bawk nen biak hmasak ka tum bau lo. 

'Ka tihpalh ' a tawp a tawpah a rawn ti ve ta nge nge alawm. 

' Engvangin ' ka lo ti leh lawi a, han chhaih kual ve hrim hrim hi ka duh.

' Ka vin che avang khan ,naupang kha a thiam lo nachungin nangpawh I thiam bik lo'  nia, ngaihdam min dil tawh tho a ka thiam loh a ni ve mai aniang chu. 

_________________________________

School ah Volunteer club ho room chu ka zawng kual a vawiin ah in hmuh khawm tur an ti lehnghal a ka peih lo takzet, tlanbo daih te ka duh. 

'Zawn I nei em ni? ' ka hawi kual lai chuan mipa pakhat tarmit vuah chut hmel zet hian min rawn zawt a, chhang lo in ka en ringawt a ka hawisawn lehnghal. 

' Aurora.. ' 

Ka hminga min rawn koh chuan sam hnung lama theh hawrh chung hian ,' Eng nge?  Engtin nge ka hming I hriat, stalker mi I nih? ' ka lo ti nghal ringawt a, a lu chu thing in a lo pha nasa mai. 

' Stalker ka ni lo, Landon ka nia Keifer ṭhianpa ' a in sawi takah chuan in kawm awm reng te pawh an nih hi mahse Keifer erawh a chut hmel ve lo. 

' Keifer em ni I zawn? ' 

' Engtin nge ka zawng tih I hriat? ' Keifer awmna min hrilh theih takin tiin Volunteer club awmna ka zawng tih ka hrilh mai duh bik lo. 

' Engtik lai pawhin I zui chawt renga, I duh tih ka hrereng a nia ' amah zawk chu a sawi pah chuan a lai nghal ringawt a, ning hmel zetin ka mit ka lo chet kual ralh a. 

' Ka zawng tih I hriat te chuan a awmna chu min hrilh vat mai la ' ka lo nawr ve sek a. 

' Anih chuan min lo zui rawh ' tih leh kal a rual nghal a. Landon chu ka zui ve zela a tawpah Volunteer club tih inziahna room chu kan thleng hlawl mai. 

Hepa hian engtin nge Volunteer club ho room ah min hruai daih theih , Keifer awmna ah min hruai dawn a ni lawm ni. 

' Eng nge hetah kan tih dawn?' hrethiam lo tih hriat takin ka zawt ta ringawt a,  min chhang lovin classroom chhungah chuan kan inzui lut a Volunteer club member ho chu an lo ṭhu ṭhap a Keifer pawh a lo tel ve reng chu niin. 

Han en mai pawh hian an vai mai chuan geek awmkhawm emaw tih tur an ni. Mi fel awmkhawm na club anih vang aniang Principal in zawm ngei ngei tura min tih nachhan. 

' Volunteer club ah engthil dang nge maw ka beisei le? ' ka hriat tawk lekin ka phun sep a; ka va in lan takah chuan midang chauh nilo Keifer pawhin mak a lo ti ngei mai. 

' Thiante u Aurora a nih ni' Landon chuan a han ti a. 

' Hi! ' an lo ti rual ṭhap a, za lo zeta ka khik hnuah ka ner zui nang a, Keifer pawh tih tawh nak alaiin geek rual bulah ka awm dawn chu a ni sia. 

Keifer bulah ṭhut tumin ka han pan ruau ruau a ka ṭhut na turah tak mipa pakhat alo ṭhu khanglang lehnghal. 

' Thu sawn vat rawh ' zawi leh vin zet hian ka ti deuh hluk a, min lo hlau ngang mai a insawn nghal. 

' Eng nge hetah I rawn tih dawn ?'

'Volunteer club hi ka zawm alawm' nuih pahin amah si chet hian ka ṭhu kher a, ngeiawm zetin a banah ka kuah nghal thak a .

' Min en ṭhup ania' hawi kual chung hian ka kut chu a rawn phelh a, ka kuah ṭha leh ngat tho. 

An zinga a hotu ve deuh ber chuan an club kalphung leh an thil tih ṭhin te chu a sawi a. An hman apiangin tar enkawlna ah te,  hnuchham in ah te leh vantlang tana ṭangkai thei thil ti a an in volunteer ṭhin thu te chu a sawi duah bawk a. A hma in hetiang thil hi ka la ti ve ngai si lova ka peih lo lawk takzet. 

Member tam lo mah ila group ah kan inṭhen a, chung ho chu hmun hran hran a in sem darh leh tur kan nih avangin Keifer awmna group ka pawt fuh lo chuan ka lung a ti awi thei lo. 

' Khawiah mah ka kal dawn lo group C a ka awm loh chuan ' ka tih chuan min rawn en ṭhap hlawm a. 

' Kan awmna tur ṭheuh kan pawt a keini pawh kan lungawi bik chuang lo mahse kan sawisel bik hleinem' tlar hmasa lama mipa pakhat chuan min rawn hnial a. 

' Ka sawi ang chuan a ni mai, min sawn loh chuan he club aṭang hian ka bang ang' ka tih leh phei chuan an ri nghal hluk a, an in hrilh ru nghal sep sep bawk a. 

Khawi hmunah pawh awm ila boruak hi ka siam leh hat ṭhin.

Tlema a hruaitu te ho an in rawn khawm hnu chuan pakhat hi a rawn ding chhuak leh a. 

' A nih chuan ṭhiante u kan lungawi tlan zawk nan group C ah chuan kan sawn mai dawn mi,  a pawm zawng in ban i phar ang u ' an pawm tih entir nan a tam zawkin an ban chu an phar ṭhap a, mi fel ho awmkhawm na club tih takah an fel hlawm phian hi le. 

' Geek ho hi ka ngaina' ka hriat tawk lekin nuih ver ver pah hian ka ti sep a, Keifer erawh a lo tum lian ngang mai. 

Class ban veleh parking lot lamah Keifer chu ka kai thla dawr dawr a, thil hmuh tur ka neih thu ka sawi avangin a ṭang tlat bik lo. 

' Surprise ' tih pahin a hma chiah a car tuna neih lai nen a pianhmang inang zet mai chu ka kawk a, mak ti takin a ding ngawi reng ringawt. 

' I car thar a nih hi... Hawh ride ila' tih ham ham pah hian a car tura ka leisak Ford escape dum ngei mai kawngkhar chu ka hawnsak a, a lawm viau dawn emaw ka tih laiin a hmel chu a dur nghal khup a. Engmah sawi lovin a kal daih ringawt. 

' Keifer... ' a banah ka va vawn sak a,  hriatthiam loh hmel tak hian, ' Kha I car chahbi tur ' car chahbi chu a kutah ka hmeh bel a mahse leiah a thlak thla nghal. 

' Engthil pek mah ka duh lo' tih pahin a kal nal nal a,  keilah thinchhia tih takah ngeiawm zet hian, ' I car ṭawng zet ai chuan ka car hi a ṭha fe zawk, kha chahbi hi la la lawmthu pawh min hrilh kher angai lovang ' ka ti zui kher a mahse ka  ṭawng hre lo angin a kal lui hmiah hmiah tho. 

'Hey ! Lo ding teh,  engvanga car pawh chu duh lo viau nge I nih... I nu vang em ni? ' vin zeta tih pah hian a hma ah tak ka va ding a. 

' Aw' a vin ṭhah ṭhah hle. 'Mi pangngai angin min nung tir ve tawh rawh u, buaipui ngai ka ni tawh lo keimah in ka inbuai pui vek thei' a ti zui a. 

' Mahse engvanga car vang ringawt a thinrim nge I nih a? ' ka tih chuan, ' heng thil zawng zawng hi ka ning tawh, min tibuai tawk tawh viau a ni lawm ni tunah chuan duhtawk tawh rawh. Nangpawh hi ka nu ang chiah I ni' tiin min chhanglet hrep a, sawi tur pawh ka hrelo a engmah hi ka hrethiam tawh lo. 

Thiamloh na ka neih awm pawh ka hre lo keichuan ṭanpui ka tum mai kha a ni sia. 

★Ohel Children's Home★

Inrinni ah hnuchham in a in volunteer tura ruahmanna an siam tawh sa angin fahrah te inah chuan ka va kal ta ngei a niminah khan Keifer kha khati khawp khan ka chungah thinrim lo se chuan ka kal hauh lo ang. 

Luhna bulah chuan kan group ami te pahnih chuan min lo nghak reng tawh a, Keifer erawh ka hmu ve lo thung. 

' Kartawp hi hetiang hian ka hmang ang tih ka ring ngai lo asin mawle' tih nung nung chung hian shades ka vuah te te phawt a, phur lo zet chung hian car aṭang chuan ka chhuak at at a. 

Mawng then sawi na na chung hian chumi te pahnih lam chu ka pan a, ka peih lo lutuk hi let lehnghal mai te ka duh. 

' Hi!...  Guys' ka ti ban charh a. 

' Darkar khat in I rawn tlai ania' a hmeichhia zawk chuan a rawn ti a, a mipa zawk chuan alo nghawk nghal zeuh a . 

' Khawiah nge Keifer? ' tiin ka zawt ta zawka. 

' A luhna a rei tawh ' a tih chuan ka sa nghal ringawt, ka chungah thinrim pawh nise min lo nghah ve tal tur ania. 

Ka in feng chhing bawka Sister te chuan min en duh in han tih vak ngaihna pawh an hrelo. Shades vuah ra chung hian Father an biak lai chuan an sirah ka lo ding ngawi reng a, Keifer hmuh tur a awm mai lo bawk nen a kham hian ka kham hluah hluah. 

' Aurora min rawn zui rawh ' mipa zawk chuan min rawn ko a, pheikhawk sâng ka bun bawk nen umphak tumin ka tlan phei aih aih a. 

Naupang ho awmna a kan luh chuan Keifer chuan naupang ho chu lem hi a lo ziahpui mek a, a nui hmel ka hmuh hian ka lo hlim ve em em ringawt mahse min rawn hmuh rualin thinrim hmel min rawn hmuh lehnghal. 

Keifer ang tho in kan ṭhian pahnih te pawh chuan naupang ho chu an infiam pui a kei erawh Shades la vuah râ chung hian chair ah bawp khawkherh meuh in ka ṭhu tlat a , zep lo chuan naupang ho hi ka ning. 

' Aurora lo kal ve rawh ' kan ṭhian pakhatin min rawn koh ngial pawhin hrelo ang maiin hmun dang ka hawi hmaka .

' Keifer unaupa I hmelṭha sia bialnu I nei em? ' hmeichhe naupang kum6 mi velin a zawh chuan ka beng ka lo chi nghal hru a. 

' Nei love ' a biang piai paha a tih rual rual chuan an bulah ka va tlanphei rawk rawk a ,chu hmeichhe naupang bulah chuan, ' A nupui ka nih hi, ka pasal hi hnaih vak suh ang che' ka ti nghal khur khur a, Keifer an min rawn khak nghal. 

' Nge... Naupang pawh nise ka thik tho alawm ' ka lo ti let hlar a. 

Ka pawnfen avang chuan naupang ho in alien emaw min ti aniang tih tur khawpin min en duh a, engatan mah ka lo ngailo thung. 

' Kha hei hian inkhuh rawh ' Keifer chuan a jacket hian ka mal lang huar chu a rawn khuh a,  Keifer a ni bawka lawm takin ka lo pawm ve mai bawk a. 

' Miss... Pangpar lem min ziah sak thei angem?' Mipa naupang kun4 mi vel hian min rawn zawt a, peih lo viau mah ila a lehkhabu chu ka laksak ta tho a. 

' Ka thiam lutuk chutiang mai mai te chu 'tih pahin rawng sen hian pangpar chu ka han ziahsak dawn a a engamah hma in ka ti pherh nghal ringawt. 

' Ka thiam I ti sia I ziah pherh hi' naupang te te si min sawisel ngam ka ti. 

' ka ning... ka ziak leh peih lo,  pangpar ziah ka thiam lo' tih pahin lehkhabu chu ka pe let a ' mahse ka thiam I hre duh em? ' ka ti leh a naupang te chu a lo but nghauh a. 

' Love leh sex.... S. E. X' nuih pah hian ka ti a, Keifer erawh a rawn meng bial nasa mai. 

' S. E. X chu eng nge?' naupang â tih takah min rawn zawt khauh a, lo hrilhfiah leh pawh ka huphurh vak lo. 

' Fu*k I hria em?  F. U... ' ka ti chiah a Keifer chuan ka banah a rawn vuan lawk a min kaichhuak ta dawr dawr mai. 

Pawn a kan chhuah veleh ka ban theh sawk pah hian ,' I thil sawi kha I hria em, naupang mai ala nih kha' min vin nghal ringawt a. 

' An la hre tho tho dawn tuna lo hriat hi eng nge a pawi na? ' ka ti ve hmak. 

' Aurora...' Vin zet hian a ti a, a ngaihna I awm lo tih melh hian min rawn melh zui bawk a. 

' Tikhan min vin vak zel suh ' 

' Ngatinge hetiang hian I awm? ' 

' Nangmah zawk kha ngatinge hetiang hian I awm, ngatinge car vang ringawt in hetiang hian I awm?' ka vin let ta nge nge a. 

A ngawih vang vang hnu ah zawi sap hian, ' Ka nu in engtik lai pawhin a thu thu in min awm tir a. Ka car, ka apartment leh ka kawr hak tur thlengin engkim a duhzawng hlir min tih sak a mahse kei chuan mi pangngai anga awm ve ka chak zawk. Ka car, ka apartment leh ka hak tur te pawh keima thawh chhuah ngei a lei ka chak laiin I chhungte pawisa hmanga thil min leisak hi ka duh lo' a ti chuai raih a, a mitmeng ah natna leh lungngaihna bak hmuh tur a awm lo. 

Anih chuan lo ngai reng mah rawh se keima thawh chhuah ngei in eng nge maw tal ka la leisak em em ang. 

' Ka... Ka tihpalh'ka ti mahse engmah sawi lovin min luhsan daih a. 

Khatianga a mimal chungchang min hrilh avang khan ka lawm takzet, thil han sawi zut zut chi ani bawk si lova a rilru tawt lutuk a inbun ruak ve ta nge nge a nih kha. 

A nu in a khuahkhirh tih chu ka hria mahse hetiang em em hian a khuahkhirh ka ring ngai lo. Midang te ang bawkin mahni thawh chhuah ngeia in chawm a duh vang niang a rukin part time hna a thawh nachhan. 

Read More