Love you 3000 (Dr.Noel) - 1 to 20(last)

Dr. NOEL

(I LOVE U 3000)

(I Love you three thousand)

By Remruati Bawitlung (Haylor)

(ka thawnthu ziah ho hi a vaiin lehlin ni lovin keima îr awm chhuak ngeia ka ziah te vek an ni)

He story hi a ngaihnawm thei ang ber tura her rem a ni a ,  Medical lam thil a awm nual bakah in helh zawng deuh deuh te pawh a awm nual anga,a ti ngaihnawm turin awihawm loh deuh te pawh ka telh nual a chhiar dan tawk min lo thiam sak dawn nia. 

Ig- @remruati_haylor

THUHMAHRUAI

" Thianpa nupui i nei ve tak tak dawn ta "

ka ṭhian ṭha ber leh naktuk maia kan inneih na tura ka best man tur ni bawk Rinhlua chuan min rawn ben thurh pah hian a rawn ti a.

" nangpawn fa pahnih i nei tawh a engah nge ka neih loh bik ang " kum41 ka tling dawn tawh a amak viau na pawh ka hrelo.

" hahh...i damchhung in tlangval senior i nih kan lo ring vek hman tawh kha ania ,engpawh chu nise Mamuani chuan in room tur chu i duhthusam in a chhuah thei em?" 

" umm...Interior designer unau nu i lo nei hlauh chu ka hlawkpui ta ber a nih hi " 

" Noel....heihi i wardrobe ah ka dah dawn nia " 

Designer tuxedo mumbai aṭanga kan order ngat chu ka nu chuan ka room lamah a khai chho nghal a ,kei meuhin nupui ka neih dawn takah chuan kan vai mai hian kan buai luih luih ni mai hian ka hria. 

"Sangsang " kan florist hire chu ka ko a.

" ka sawi ang khan i ti ta em?" 

" aw ...lily var vek ka hmang ,thil pakhat a senno pawh a nalh viau asin in room atan bik hian ka hmang duh angem?" 

" ai ...a var vek a duh kher kher Lal ti kherkher-a hian " Rinhlu'an min lo chhan khalh. 

" a sawi ang chuan " ka kekawr ipte zen pahin ka lo nui ringawt. 

" Noel, lo kal lawk teh " Mamuani chuan min rawn ko a. 

" Lo han kal rawh mikhual ho ka lo va buaipui ange " tih pahin Rinhlua chu a kal nghal a keipawh ka room lam panin ka chho ve nghal.

" I sawi ang khan parda ah hian satin offwhite ka hmang a ,a ruka rang kher kher kha i duh bawk sia hei chiah hi ka hmu a a pawi em?" Mamuan'in a tih lai chuan uluk takin parda chu ka khawih a ka duhthu a sam hle . 

" Closet pawh hi darthlalang leh LED light a tam thei ang ber i sawi ang khan ka dah a, duhthusam loh lai a awm anih chuan siam ṭhatna hun ala tam ania " hawi kual pahin ka nupui walk-in closet tur,kar hnih ngawt kan buaipui tawh ah chuan kan pahnih chuan kan kal kual vel a ,engkim mai chuan ka lung a dum hliah hliah .

" sawisel tur ka hre lo " ka tih takah chuan Mamuani pawh a thaw huai mai alawm. 

" a tir aṭangin i uluk bawka, ka kutchhuak ah chuan ka chhuan pawl tak aniang mahse nang anga client khirh erawh an la awm lo " kan in ngam bawka engah mah ka ngai lem lo .

" E...taka Noel heihi khawiah nge ka dah ang " tih pahin box dum lian vak lo hi a rawn la chhuak a ," dawhkan ah khan dah mai rawh " tih bakin ka chhang lo.

Mamuani a chhuah hnu chuan box dum melh ngut ngut chung chuan couch ah ka ṭhu renga ,engthil nge a chhungah awm tih kei aia hrechiang an awmlo. 

Rei tak ka rilru a insual buai fe hnu chuan thawk chhuah hawk pahin box chu ka hawng ta nge nge a, engdang nilovin kum10 kalta a ka thil dahṭhat te vek kha an ni .

A hmasa berah bakilh senno hlui tawh zet mai hi ka la chhuak a,thil hriatchhuah ka neih avangin ka lak chhuah rual chuan ka khi nghal suk a. 

A dawt leh ah chuan thlalak , lipstick bakah lehkha them pakhat hi ka la chhuak nawlh mai! chu lehkha them a thil inziak chu kut khur dar dar chung hian ka han keu a ka chhiar rual rual chuan ka inrin hma in ka mittui chu a rawn tla nghal sawk a !

Thu inziak chu engdang ni lovin hei mai te hi 

' I LOVE YOU 3000 '

-----------------------------------

CHAPTER-1

"I want to be the girl you fall for when everybody else is falling for you " 

•Tetei's POV•

☆CIVIL HOSPITAL, AIZAWL☆

Vawiin ni hi Emergency Room (casualty) a ka duty ni hnihna tur a ni a , ka kal tlai mai bakah intern chauh ka ni bawk nen ER (Emergency room) a lut tlang kher lovin inchung lam aṭangin ka hel ta ringawt a, chuta ṭang chuan duty room a pawh nghal 

vang a ni .

Tlai lo niawm ang taka lan ka duh avangin thawm dim thei ang berin duty room ah chuan ka lut zal zal a ,vanneih thlak lutuk in tumah an lo awm lo hlauh .

"Hmangaihzuali hi engvanga phone la thei miah lo nge maw a nih le ?" Phun bui bui pahin ka coat var chu ka ha sawk sawk a ,rack ah ka bag fel taka ka dah hnu chuan zung turin zun in lam ka pan nghal a. 

Kitchen Kawngka ka hawng chiah chu zial rim ka hre nghal chutah a khu in a rawn zui nghal bawk.

" no smoking ti na nã na "a khu vai kian pah chuan ka ti kher a .

ER ah hian inthiarna hi mipa leh hmeichhia a awm hran lova , mipa ho hian zial zuk ruk nan an hmang ṭhin bawk nen a ninawm takzet.

Inthiarna chu a pahnih chuan alo inkalh ve ve a, zun chhuak ṭeuh chung hian rawngbawlna bulah chuan ka lo nghak ran a ,zial an zuk zawh hma chu ka nghah ala angaih hmel . 

A tawpah phei chuan ka nghak thei tawh thlawt lo ,thinrim ṭun chungin kawngkhar kik tuma ka kut ka lek kang chiah tih chuan a rawn in hawng ta thut mai ! 

" ka rei em?" Tih thum dut pahin mipa pakhat hi a rawn chhuak nghal a, a hmel ka hmu chiah chu ka khawng nghal vek ringawt . 

Ava han hmelṭha chiang tak !

"Sawi miah suh " kal pahin a zial ken lai chu bawlhhlawh bawmah a paih nghal zeuh a,ka en zui vawng vawng mai . 

" a van chhe lo em em , tunge a? Ka thinlai nghal " Zuali pawh a rawn thleng ve ta nge nge alawm.

" ka hre bik lo a hmelṭhat zia kha " ka ti sap ringawt. A aw kha mipa ah pawh aw thum chi ani bawk a zûn a nei bik hliah hliah.

ER ah hian kan awm thar ve chauh avangin intern leh nurse tlemte bak hriat kan la nei bik lo ,nikhat chhung lek pawhin Zuali erawhin kan Emergency technician chu a duh hlum lo chauh leh tawh kha.

" a sang bawk si ft6 a tling hrim hrim " 

" engpawh chu nise ka zun a chhuak " tih pahin luh nghal daih ka tum a .

" keipawh a chhuak ve tho " Zuali pawh chu a rawn lut ve nghal a ,kan pahnih chuan a chep a chep in kan zung dun ta ringawt a.

Damlo an la awm loh avangin Zuali nen chuan ngawi rengin kan ṭhu dun kar a , MBBS intern pahnih Mapuii leh Amawia leh Ayush intern ti lai Irene te erawh keini aia lo awm rei tawh an nih avangin receptionist bulah titi pahin an ṭhu phei daih thung .

" Pharmacist intern pahnih te kha hetah rawn kal teh u " Emergency technician Nathan an a tih rual rual chuan kan in perh tho nghal ,Nathan hi en mai pawh hian ala naupang tih a hriat ,alo berah kum26 vel chiah a niang. 

" heihi in attendance register tur ania nitin hetah hian in sign dawn nia. Zuali eng nge i hmingpum ?" tiin Nathan chuan zuali chu a zawt a. 

" Hmangaihzuali "a chhan rual chuan UNathan chuan register ah chuan a ziak nghal a .

" Tete ...nang?" Nathan an min rawn zawh rual chuan ," C. Zomuansangi " ka lo ti vat a.

Nathan bawk chuan " Attendance ah hian ka strict dawn a kal loh mai mai phal a nih dawn loh avangin ka damlo tih vel kha chhuanlam a tling dawn lo ania ,in duty roster pawh ka tar nghal ang" a tih chuan kan pahnih chuan kan in melh hrak a. Vawikhat tal chu damloh kan tum asin mawle. 

Nathan hi Pharmacist intern ti ho incharge a ni a ,min buaipui tu ber a ni bawka ka nel ber bawk. 

" Damlo an rawn kal hunah pawh tuman ti turin an ti dawn lo che u chuvangin ṭhahnem ngai ula tih tur in lo chuh ve vat vat dawn a nia ,in tih hnem leh in thiam hnem a ni mai " Nathan 'n a tih chuan kan pahnih chuan kan lo bu leh nghat a , thuawih lo viau ṭhin mah ila tun ṭum erawh kan zia kan thup dun chiang hle, midang hi awmlo se chuan Zuali nen chauh pawh ṭawng kan in chan ngai lo.

Minute 5 pawh kan ṭhut hma chuan pa upa tawh lampang hi hmanhmawh takin an rawn zawn lut a ,an bengchheng bawk aniang kan vai mai chuan kan tho nghal suau a .

Nathan chuan " Pakhat in pawnah sawn card lo va la ula,mi pakhat chauh in a awmpui theih a, a dang zawng chu pawnah lo va chhuak vek rawh u " damlo chhungte bulah chuan alo ti nghal zung zung a, doctor intern ho chuan damlo vital chu an lo lak sak nghal zung zung bawk a ,Zuali nen erawh tih tur hre lovin midang tih dan chu kan lo en reng ringawt . 

" Ngatinge? A khawi lai hi nge na ?" Nathan chuan damlo awmpui tu chu a zawt zung zung a .

" A hna thawk lai inchung aṭangin a tla a,a nak leh a ke hi na a tia " tiin hlauthawng tih hriat tak hian a lo chhang vat a. 

" ka pu na dang i la nei em?"

Damlo biak pahin Nathan chuan a theih ang ang in a endik nghal zung zung a.

" UNathan SpO2-79" Mapuii chuan oximeter damlo kut aṭanga phawi pah chuan a ti a .

" O2 (oxygen) kha rawn pe rawh "tiin chiai miah lo hian a chhang nghal vat bawk.

Nathan hian damlo nak duk raih te leh a ke ruh tliak niawm tak te chu hmu tho mahse Doctor a nih loh avangin engmah a ti thei bik lo ,engkimah Doctor order nghah phawt angaih vang a ni . 

Nathan chuan hawi kual pah hian " Nu Sangpui khawiah nge Sir hi ?" Tiin senior nurse chu a zawt ta nge nge a .

Ni e, vawiin a MO (Medical officer) duty tur hi zing aṭang khan ala awm miah lo .

"Intern ho sawn an ti thei lo em ni ?" Zuali chuan alo ti nghal vata .

" Ai...intern ho chuan engmah an la hre tak tak lo MO guide na tel lo chuan a hlauhawm lutuk " Nu Sangpui meuh pawhin tih ngaihna a hre bik lo.

" Damlo chu eng na nge ?" 

Aw thum dut mai kan hriat rual rual chuan ka hawi let rual nghal ṭhawt hlawm a ,rin loh lutuk maiin tukin zinga kan mi hmuh chhelo leh hmelṭha zet pa kha lo ni rengin .

"Sir, Inchung aṭangin a tla a ,a nak leh a ke hi na a tia ,a nak hi a duk deuh tih loh chu thisen chhuak erawh a awmlo " Nathan chuan a hriat ang ang chu a hrilh nghal mawlh mawlh a. 

" Vital ?" Tih pahin chupa chuan stethoscope chuan a awm vel chu a than ngaithla kual vel a. 

" BP- 130/90 mm Hg, SpO2 - 79 , PR- 75 , RBS-99 mg/dl chuan a khua a sik a ,a temperature hi 101°F " Male nurse duty ve tho Pu Thangpuia chuan a ziahna card pek pah chuan alo ti ve bawka .

"Dinglam ah hian a lungphu ri ka hre lo , Intern pakhat khan X-ray ,ultrasound leh test tur dang kha lo va ziah sak ula, patient dang saw a ṭhen khan lo va buaipui rawh u " Doctor'an a tih rual rual chuan an phe nghal suau a, midang an buai em em laiin Zuali nen erawh tih tur hre lovin damlo bulah kan lo ding reng ringawt. 

" Pneumothorax (chuap leh awm inkara boruak leak awm) a niang a" UNathan'an a tih chuan Sir chuan a kutṭang hmawr chuan damlo nak chu a han chhu keuh keuh a,  mak ti takin kan lo en thap thung. 

" hemothorax (thi tling ) a nih dawn hi,kan confirm phawt dawn nia " a tih rual chuan kan in en thap ringawt.Zuali nen phei chuan kan bo zual. 

Avan hre thei em em, a confi em em lehnghal !

" Tete Syringe va la la ,Zuali nang spirit ?" UNathan'an a tih rual rual chuan thil hote mah nise kan chiai nghal der , Zuali aiin ka chiai nasa zawk lehnghal .

" kha...kha syringe chu " hriau chhin hawn pah in khur dar dar chung chuan Sir chu syringe pek mai ka han tum a chhuatah ka la thlauh zui .

" a dang va la leh rawh "  Sir chuan nel awm loh zet hian a rawn ti hmuk ringawt, zeilo min ti ngawt an.

Naaa....hriau chhin kha ka lo phawi kher kher a ni ,adang lak leh angaih phah.

" aw le " thuawi takin Syringe la tur chuan ka tlan lehnghal.

Syringe a vawihnih na tur chu thlauh miah lovin ka pe thei hram.

" Spirit-in rawn hru vat ta che u " engmah ti lova kan en ṭhup ringawt avang chuan a rawn ti vin hlur ringawt . Avan thinchhe reuh tak.

Rang takin Zuali chuan damlo nak ah chuan spirit chu a hru kual nghal sawk sawk a , Sir in syringe chu a vit lut nghal a a sawi ang tak tak in thisen a hip chhuak ! A awmzia chu Hemothorax tihna. 

" Nathan....OT (operation theatre ) lam han bia la engkim an test zawh hnu ah result azirin emergengy a zai angai ang ,Pa Thangpui angai dang chu i lo buaipui mai dawn nia "

Damlo chu test chi hrang hrang ti tura an zawn chhuah hnu chuan ka thawveng nghal huai in ka hria, khatiang ang damlo kha awm reng ta se chuan thawchham in ka tlu thei mai ang.

" Tete ...Sir hming saw ka hre tawh asin " Zuali chuan a rawn ti su su a.

" Tunge?" Ni e,ka hre ve chak tho alawm .

" Dr. Noel ...nurse duty ho in an sawi ri ka hria a ,a luck hmel lutuk " 

A awm ve tho a chhelo em a tin ni , helai ER a duty te ho hian kan star ṭhup nimai hian ka hria , ani erawh a buai in kan awm ve tih hria ang pawhin a awmlo.

" Damlo pumna leh luak saw Pantop, Difen leh Emigo lo zuk leitir rawh " Sir ṭawng ri ka hriat rual chuan ka hawi phei nghal vat a,min lo en kûr ringawt .

" kei...keimah maw?" Ka la ti hu zui .
" aw nangmah " amah hnaih berah ka awm avangin min tir tih hriat reng reng .

Lehkha themah chuan inti Pharmacist tawkin Pantop pawh ti duh lovin inj Pantoprazole ka ti kher a, Difen pawh Diclofenac ,Emigo pawh Ondansetron tiin ka ziak kher bawk .

" ka pi heihi lo zuk lei rawh aw " a rawn kalpui tunu chu lehkha them chu pek mai ka han tum a. Sir chuan register-a thil ziah mawlh mawlh pah chuan ,"syringe i leitir dawn lo em ni ?"a rawn ti ta mai!

Naa...engvanga theihnghilh nge maw ka ni le? 

Lehkha ah chuan 10cc leh 5cc ×2 tih ka ziah belh leh a , rawn sawi lo phei se chuan a zuk kal nawn leh angai dawn tihna a ni. Pawilo a awm ve tho e, ka ni hnihna chiah ani tho tiin kan in hnem ta vel mai mai.

" Tete... i IV (Intravenous Injection) ve duh em?" Zuali chuan duhsak takin min rawn zawt a mahse vein vih hi ka la tih ngai loh avangin ka huphurh hle .

" ai ...tunah lo , IM (Intramuscular) ka ti duh zawk " tiin ui seh damdawi Abhayrab chu ka la a .

" IM te chu dressing ah pawh i tih ṭeuh tawh kha , kha ...ti ve chhin rawh " Zuali hi chu MLT a zawh hnu ah Pharmacy diploma ti leh hnuhnawh a nih avangin injection te mai mai chu hnehsawh tak a ni ,zir leh pawh angai tawh lo.

" ka lo pui ang che " 

UNathan meuh in a tih takah chuan ka hnial ngam tawh lo, huphurh tak chungin syringe chu ka la a, hreh nak alaiin Pantoprazole ala ni zui 10ml lai a ni lehnghal .

" khawi ui seh chu ka lo va chiu ange"Zuali chuan ka anti-rabies ken lai chu a la a,a kal daih lehnghal.

UNathan chuan damlo pumna avanga mu reng ban chu a han en vela, ka vihna lai tur vein chu duhthusama vih nuam tura puar hian min hmeh saka chutichung pawh chuan ka zam lutuk hi ka kut te a thlan vek tawh. 

" hetah hian " ka vihna lai tur chu a han khawih a ,chil lem dak pahin ka lo bu nghat a .

" ka...ka vit dawn nia " thawk chhuah hak pahin hriau chuan ka han tin a, ka kut chu a rawn khur ta dur dur mai,ka kut ai mahin ka lungphu a rang zawk.

"A hlauhawm loh " min bengdaih tumin ka kut khur nasa lutuk chu a rawn hum a, " muang changin i vit dawn nia ,a dik loh pawhin a hlauhawm loh " 

IM aiin IV hi a hlauhawm loh zawk tih hre tho mah ila ka kut khur nasa lutuk erawh a reh thei chuang lo . 

Ka tih ngei ngei angaih avangin mit siai deuh chung hian ka vit ta nge nge a ,ka kut a khur azarah ka duh na laiah pawh ka vit lo lehnghal .

" le...tlemte pull rawh le " a tih chuan IM ang tho in tlemte in ka han hip let a, vanneihthlak lutuk in thisen ka hip chhuak ,a dik hlauh !!! 

" a dik...haha...a dik " tih pahin muang changin damdawi chu ka han kap lut zal zal a mahse ka kut a khur nasat em avangin a vein chu a rawn puar ta mai !! 

" lawk...a puncture a nih hi " Nathan chuan ka hriat tawk lek hian a rawn ti sap a. 

" ka phawi dawn em ni? " ka tih let su su rual chuan UNathan chu a bu nghauh a ,mahse phawi leh ka tum lai tak chuan damlo chuan syringe chu chhuatah chuan a rawn vai thla pawp ringawt .

"Hetiang thiamlo lutuk vih ka duh lo ,midang khan min rawn jection rawh u " damlo thinrim chuan ring zetin a ti ta lung lung mai , ER a awm zawng zawng chuan min rawn en nghal ṭhap a, Dr .Noel pawh a bang bik lo.

" kal rawh ka tih chu i jection ka duh lo " damlo chu a au hian a au a. 

" Tete ...lo va kal mai rawh ,heihi chu ka lo ti mai ang "
Nathan'n a tih takah chuan ka kut khur nasa lutuk hum beh pah chuan duty room ah ka tlan lut daih a,ka zak bawk si thinrim bawk nen ka ṭah te hi a chhuak zawk.

Midang hmuh ka hreh avangin duty room ah chuan ka awm renga, a nihna takah chuan Dr .Noel ka hmuh hreh vang a ni mah zawk.

Duty ho chuan chhun thingpui in paha an ṭhut khawm ṭhap lai chuan kei erawh thingpui no keng chung chuan ka vei deuh chhen renga ,an vai mai hian ka zah ngawih ngawih ka ngaihbel vang nge pawh ka hrelo thil thleng chungchang kha engmah sawi lo mahse min en duh ta riau hian ka hria .

" Dr. Noel khan hemothorax a ni tih a hre nghal mawle " Mapuii chuan ngaihsan hmel tak hian a ti lawng lawng a. 

" Surgeon a ni alawm " Nu Sangpuii chuan alo ti vata .

" Specialist maw?" Amawia chuan mak tih hmel tak hian a rawn ti haw bawk . 

" Cardiac Surgeon a ni tih in lo la hre ve nange a zir chhuah hnuah private hospital ah kum1 a thawk tawh a mahse hetah hna a hmuh avangin thla thar aṭangin a rawn ṭan ang " kan rin aia a lo bawn daih avang chuan kan vai mai chuan kan meng buai nasa mai.

" ER ah a duty tawh reng hi " Amawia bawk chuan a zawt leh a .

" A û an zai avangin a ai a kal hrih mai mai alawm " Pu Thangpuia'n a tih chuan kan in en ha hlawm mai .

A û MO maw ni a , an uau in Doctor an ni amaw ? An va bawn bik ve .

" mahse a thinchhe emai nichinah pawh min vin hrep intern ti lai engmah hrelo kan nia min hrilh tur zawk ania" 

Kalna pawn en lek lova ka rel zuah zuah lai chuan Dr. Noel chu a rawn lut ta thut mai!! Ka su chawrh a chu aia pawi zawk chu ka thingpui ken lai chuan a coat var sar chu a ti ṭial vek a nih chu !! 

" awi ....Sir ,ka tilui miah lo ania " ka kut chuan kan han beng thuak thuak a,a aiin a ṭial nasa zual .

" Engthil nge maw i tih le ?" 

Emergency ward-a Nurse duty thinchhe zet mai ,a thinchhiat avanga ṭeki an tih mai chuan min rawn vin nghal hlar a, U Ivy vin nih hi ka duh lo asin le .

" a pawi lo ,engmah a nih loh hi" rin loh deuhin Dr. Noel an a tih takah chuan U Ivy pawh a thinrim ngam bik lo ," kal ila " zaidam thluam hian a han ti leh a, an pahnih chuan Emergency ward lam panin an inzui chhuak nghal a.

" Tete ...lo kal lawk teh " thingpui ka in laklawh lai chuan UNathan an min lo koh avangin laklawh pawh sawi lovin ka tlan phei nghal hlawk hlawk a.

" Eng nge ni ta?" Inla polite fahran hian ka ti a, damlo jection na tur damdawi alo siam mawlh mawlh chu niin .

" min lo pui lawk rawh ,a ban saw hmeh angai a " 

" aw le " 

Damlo vein chu hmehpuar tumin ka han hmer ngial a ,tlangval sek ve tak alo ni bawk nen ka ṭang bawka ka thlan a tla hluam mai .

" ka tihdan hi ngun takin lo en la engmah hlauhawm a awm lo ania" 

Zaidam tak hian a ti a, tunah tak khan UNathan aṭanga ka lo hmuh ngai miah loh Zuali chiahin a lo hmuh ṭhin a ṭhatna chu ka hmu thiam ve chiah.A zaidam in uluk takin min hrilh zela midang anglo takin kan thiamloh hi a hlau hliah hliah zawk .

Reilote ah awlsam deuh hian a chiu zo nghal mai a , a ni ai ai in ka lo hlau zawk hriau hi ka ngaina lo ve em bawk a ni.

" kan paih nghal ange " rang takin syringe chu paih turin ka la nghal a, inchiu ai chuan hriau destroy ka thiam zawk .(Hriau hman hnu hi electric destroyer ah an hal chhe vek ṭhin )

" ding lawk teh " mak ti takin ka hawi let vat a .

" i thlan a tla a nih hi " tih pahin a rawmawl chuan ka thlan chu a rawn hru ta mai!! ka lungphu hi vuak pawp pawp ang mai hian a tlir nghal zawt zawt in ka hria.

Damlo natna chi hrang hrang serious vak lo ho chu intern leh nurse te chuan Dr. Noel tih dan tur zawt reng chungin an lo buaipui nghal zung zung zel a , Dr. Noel erawh medical certificate eng eng emaw atana rawn dil ho chu an in tlar ṭhup avangin a karlakah chung ho chu alo buaipui thung.

" a kil bera mu kha Labetolol lei tir rawh u "

Sir chuan medical certificate rawn dil ho buaipui pah chuan a rawn ti a,rang takin Irene chuan a lo bawhzui nghal. Zuali nen hi chuan kan che ve hman meuh lo. 

" Noel ....mipa pahnih bike accident an rawn kalpui dawn a ,pakhat zawk hi a serious viau a ni awm e " Pu Thangpui'n a sawi zawh hma hma in tlangval la upa lo tak hi an rawn zawn lut nghal a ,a thi hnuang lehnghal.

UNathan leh doctor intern ho chuan alo buaipui nghal vat a ,Dr. Noel erawh ala buai em avangin hawi pawh a rawn hawi hman meuh lo .

A hnu lawkah pakhat zawk chu an rawn zawn lut ve leh a , rawn kalpui tu an tam mai bakah damlo dang an lo awm ve neuh neuh bawk nen kan ri luih luih a ,thaw a ip pik takzet.

Chutah mahni thu a kalpui tlang ngam leh thiam tumah kan awm bawk si lo engkim ah Sir kan ti vek a, a ni lah a buai in damlo en tur an la ṭhu tlar ṭhap mai bawk si zaidam tak leh chiai miah lova ala awm thei hi a mak zawk.

UNathan leh health worker ER a thawk ve tho Nu Maremi te chuan damlo awmpui tur nilo ho zawng chu an lo hnawtchhuak nghal zung zung a. 

Pumna ,luhai leh ui seh tih vel an lo kal ve reng bawk nen an in tlan pel suau suau hlawm a, kei ve thung chu hetiang hi ka vawikhat tawnna a nih avangin tih hmasak ber tur pawh ka hrelo ,ka nep takzet. 

Chutia rilru mumal pawh pu hleithei lova ka din reng lai chuan ka hma a naupang pakhat na tuar a vial vial chu ka en renga ,midang lah an buai bawk nen tumahin an ngaihsak hman lo.

" in beng dai rawh " inhum ruh pahin ka han in ti paukhauh a, midang an buai avang ringawt in lo chiai ve zel tur ka ni lo .

" mama... I eng nge na?" Zam tak chung chuan ka ti sap a, ka theihtawp ka chhuah tak meuh meuh tawh a ni e. 

" a pum hi tukin zing dar 10 vel aṭang khan na a ti tawh a , na chhawkna ka pe a a reh theih mai loh avangin ka rawn kalpui tawp a nih hi " a nu niawm tak chuan min lo chhang nghal vat a . 

" a luak em?" 
" aw...vawi hnih a luak tawh " 

" khawiah nge in card...Thil huat ei a nei em ni ?" A BP chu ka check saka, a normal vek.

"Ei a neih awm ka hre lo" 

A BP leh thil pawimawh dang chu an card ah chuan ka ziah sak a mahse damdawi ka lo chawh ve ringawt theih loh avangin a buai lo ber a ka rin leh ka ngam tlak ber Mapuii chu ka ko ta ringawt a. 

Mapuii'n a en lai chuan kei erawh Zualin min lo koh avangin ka kalsan daih a.

" kha lo IM zung zung rawh " tih pahin syringe ,damdawi awm sa vek tawh chu min rawn pe a.

" i tih leh kha ka ring rengah " ka lo ti sap ringawt .

Mi an buai hut hut laia lo awm mai mai hi a nawm bik loh avangin ka tih ve theih ang apiang chu Zuali hian min tih tir ve zel a , awm lo phei se chuan a hrehawm viau ang .

Chawl khawmuang lovin chiu tur awm ang ang chu ka chiu nghal zung zung a ,ka zawh hnuah pawh chuan nichina naupang bawk kha a chanchin ngaihven leh tumin in Mapuii bulah chuan ka va kal a .

" Puih i ngai em ?" 

A jection na tur damdawi chu alo siam mawlh mawlh a ,naupang a ni bawk nen man beh te angaih takin tiin ka va zawt a . 

" a tal maithei a i lo ban bet dawn nia " a tih chuan ka lo bu nghat a.

" kha kha eng damdawi nge ?" 

" Trama " min chhang bung hmut mai.

Maw ! Tramadol maw !?

" naupang kum 9 mi chauh Tramadol in i chiau dawn amaw ?" Zawi sap hian ka zawt tha leh ngat a ,inrin tawk hmel takin a lo bu nghat bawk .

Ka hriat sual loh chuan Tramadol hi naupang kum 12 hnuai lamah an hmang ngai lo, a san deuh hlek avangin bakah a pum lo na viau pawh nise nachhawkna dang a tam sia ngatinge Tramadol kher ?

"A nih chuan a dose ti hniam deuh la " 

Ka hlauhthawnpui avangin midang hriat hlau tak si hian ka ti sa sa a, mahse ka thusawi chu a lo helh ngei mai . 

" Doctor in ka chawh a i lo sawi ve a ṭul lo " a ti ta hmuk mai ! A huat tur ang pawhin ka sawi miah si lova, hlauhthawnpui lo ila chu ka hrilh miah lo ang mawle.

" Pharmacist ka ni a damdawi diklo hi ka chawh tir dawn bik lo che " ka ti ve hmak.

Ni e ,Pharmacist ka nih angin mipui te damdawi diktak leh damdawi dose diktaka ei tir hi ka mawhphurhna a ni a, Doctor pawh lo si sawmsarih rawh se ka dikna ah chuan ka tlawm dawn bik lo . 

"I va zak lo ve ,kal sawn rawh " min vin hrep pah chuan min rawn nek sawk a, ngawi rengin ka en liam mai mai thei bik lo .

"Naupang tan sawn a hlauhawm thei asin ,a dose ti hniam tal rawh khawi i tih peih lo pawn ka lo tih sak mai ang " tih pahin a syringe ken lai chu ka laksak a ,ani pawh tlawm a lo tum bik hauh lo a thinrim chuan min rawn nam nghal dawrh a syringe thlauh pahin damlo mu reng chu ka bawh nghal rawp rawp a ,ER a awm zawng zawng chuan min rawn en nghal ṭhup mai .

"Hmeli phiangsen chu " tih sap pahin ka tho nghal vat a ,chu aia pawi zawk chu ka bulah Dr. Noel a lo awm reng chu niin!! 

Hrawk then kharh kharh pahin syringe chu ka la nghal vat a, midang ho pawhin an tih tur an ti lehnghal char char tawh. 

" min rawn zui rawh " tih hmuk pahin Dr. Noel chu duty room lamah a kal nghal a keipawhin hreh tak chungin ka zui ve nghal.

Duty room-a ka luh rual rual chuan ," Sir eng nge ni ta ?" Tiin ka zawt nghal vata, min lo melh rum ngang mai .

" In buaina chu ka hrelo mahse i thil tih kha i hria em? Engang pawhin chau in thinrim mahla damlo bulah thinrim hmel i pu tur a ni lo , hetiang thil ho te pawh i ti thei lo a nih chuan i nihna hi bansan mai rawh " 

A thusawi chuan ka ngeng a chhun nghal zak mai !! Ka thiam loh pawh nilo ah ka nihna hi ka bansan ang maw? Teuh lo .

" Ka nihna hi ka bansan ang maw? Damlo in damdawi dik tak leh dose dik tak an dawn hi Pharmacist ka nih anga ka mawhphurh a nih angin khatiang thil kha a thleng nawn leh a nih pawhin khatiang tho khan ka ti leh ang " ka ti let ve sak.

Kan Sir a nih leh nih lo pawh ka care tawh lo, thinrim ṭun chung chuan rack a ka bag dah chu ka pawt thla pawp a ,ka chhuak tau nghal hmak bawk. 

Mapuii kha doctor pawh ni mahse tihsual te chu a nei ve thei a, a dik zawk ka hrilh avang khan ka thiam lohna a awm lo , amah ti mualpho zawng phei chuan engthil mah ka ti lo hrim hrim mahse Dr. Noel an keimah chiah khatiang zawnga min hauh bik avang khan ka lungawi bik lo. 

ER a let leh chu ka tum tawh lo ngang mai ka haw hmak, chutah in ka thlen rual rual in group-ah ka thiante ho chu ka hrilh kual nghal char char a, Pharmacist rual an lo ni ve bawk nen reilote ah group icon pawh 'Doctor's enemy' tiin kan thlak nghal .

Ka room-ah mut mai mai pahin Chinese drama 'A love so beautiful ' tuiral zawih zawih khawpa ka lo en lai chuan ka nu chu hlauhthawn hmel tak hian a rawn lut a .

" Tete...i nau a la rawn haw lo ania ,biak han tum ve chhin teh " a rawn ti ta mai ,sana ka han en vat a dar8 alo ri ṭep tawh chu niin.

"A rawn haw ve leh mai ang a bo bik lovang " ka nu tih chiai ka duh loh avangin ka lo ti sam et a mahse ka hlauthawng ru hle thung .

" I pa rawn haw hma in biak tlang ngei ngei lo tum rawh keipawhin a ṭhiante biak kan tum ange" tih leh chhuah a rual nghal a, Zomuanpuii vangin ka drama en lai pawh ka tui loh phah vek.

" A chak dawn lo " tih sap pahin ka phone nen living room lamah ka chhuak phei nghal a ,ka pa a rawn haw hman vaih chuan a pawi dawn lutuk .

Rei pawh ka ṭhut hma in Muani chuan kawngka chu thawm dim thei ang ber hian a rawn hawng ṭhem ṭhem a ,ka lo hmuh reng avangin ka lo melh kur ringawt.

" Khawiah nge i kal ? Ka nu in a rawn hmuh hma che in han inthlak vat rawh ,leng rei thei lutuk mai " zawi te hian ka lo ti sap a. 

" i ninawm " tih vin hlar pahin a room ah luh nghal mai chu a tum a mahse ka mood alo off ve bawk nen vin zet hian ," Zomuanpui min chhang zawt zawt suh" ka ti let hlar a .

"Ka nu bulah min lo hek leh zawt zawt tawh ang chu i ṭawngthei ropui si " 

Enga !! Ka nu leh pa te bula ka ṭan avanga vuak la tawk lo mai mai zawk a ni tih a in hre lo a ni maw!

"Heihi i vawikhat rawn haw tlaina pawh a ni tawh lo a lehpek ah chuan ka chhan tawh miah lo ang che " 

" I chhan pawh ka ngai lo , mind your own business " a rawn ti khanglang a nih chu !! 

Ka thinrim lutuk insum zo lo chuan ",ve khawnglanga" tih pahin a sam ah chuan ka pawt nghal dawrh a , a ni pawh alo duai bik lo ngang mai nghet chet chawt hian min rawn kek ve nghal bawrh bawrh mai .

Keiin " Zomuanpui " ka ti a ,a ni lah in Zomuansang min ti thul ,unau pahnih lek mah ni ila kan heti bawrh bawrh leh ṭhin.

" Duhtawk rawh u" vin tuarh pahin ka nu chuan min rawn pawt ṭhen nghal sawk a," in zak lawm ni ,tunah bathroom ah kal nghal vat rawh u" a tih takah chuan ngawi rengin kan pahnih chuan kan in melh hrak ringawt . 

Kan tet lai aṭang tawh in kan in tihbuai apiangin ka nu hian bathroom ah min ṭhut tir ziah ṭhin a ,kan in rem hma loh chu kan chhuah a rem ti ngai lo .

Kan pahnih chuan sam thur bum in bathroom ah chuan ka ṭhu tum bar a ,a ninawm ber zawk chu in tihbuai lai pawh a inhawi tawn chunga ṭhut reng ngai hi a ni. 

Darkar 2 dawn ngawi renga kan ṭhut hnu chuan a upa zawk tih takah a tlawm zawkah ṭangin ka va be hmasa ta nge nge a .

" ka pa a rui reng bawk sia nang tal hi chuan ka nu rilru ti hah tawh suh " 

"Nang fanu fel leh thuawi a nei tho che lawm " ngeiawm zet hian a rawn ti kher ringawt.

Muani nen hian kan mizia a in let thawk ti ila ka sawi sual lovang, keiin ka nu leh pa te rilru tih hah ka hlauh em em laiin a ni erawh in engmah a care ve lem lo. 

"Min ti thinrim reng lo teh vawiin ah lah Sir in min hau lehnghal ,naktuk ah kan duty ho loh ngei ka beisei "

"I dawih ropui si ,thi dawn pawh ni ila i enkawl kher kher hi chu ka duh lo "

" Sawi ve lo mai teh, min hrilh vat teh I rawn haw tlai nachhan " 

" Jacob nen kan leng a chuan kan inti thiam lo a ,ke in ka rawn haw lawm " a sawi zawh rual rual chuan ka nui ri nghal hak ringawt.

" nang chuan i hrethiam ve lo ang bialpa pawh ila neih ve tawp loh kha " 

Ni e ,a sawi dik Muani hian ka neih ai zawng zawng min neih kep vek, a ni chuan chhiar sen loh a nei tawh ang mahse a ngaihzawng pakhat pawh ka lakah a zep ngai miah lo thung .

---------------------------------

Ka evening ni a nih avangin dar3 ah chiah chiah ER ka thleng a ,Zuali a morning bawk nen kan duty hun inang lo chu kei aia thinrim an awm lo ang .

" I haw tawh dawn mi ?" Zuali chu ṭap chungin haw lo turin ngen mai ka duh .

" aw ...nangchu zan dar 9 thleng i awm angai dawn sia ka peih loh pui tawp che , Dr .Noel a duty lehnghal"

" maw?" 

Ka meng phawk nghal kawk a , hmuh ka hreh nak alaiin kan duty hun alo inang leh kher kher chuan min ti phur lo zual.

CHAPTER-2

" you can't blame gravity for falling in love " 

" Pathian hian a haw bik riau che aniang " phur tawh loh sa nak alaiin min rawn la ti zui .

" Hmangaihzual " 

" haha...UNathan pawh a haw tawh , E...taka thil hriatchhuah ka nei asin " 

" Eng nge ? Min han hrilh vat teh " 

" UNathan bialnu hlui chu Mapuii alo ni reng alawm " 

" Dr. Mapuii saw maw ?" Ka lo ti nghal hu a, ṭawng ring lo turin min khap nghal vat bawk .

" aw ...keipawhin a mak ka ti rap Mapuii hian a vil peih ka ti reng a ni engpawh chu nise Tluang'an min nghak tawh ka kal dawn" 

"UNathan i star tih Tluanga ka hrilh dawn " a chhuah hma chuan ka fiam zui zat a.

" a hre daih tawh " tih pahin min bye bye chungin a chhuak nghal. 

Henu tak hi chu aw...bialpa neih reng chungin mi dang dang hi a star kual a ,a tawpah Tluanga bawk hi ṭha a tih ber thu a sawi ziah lehnghal.

Lab coat ka hak mawlh mawlh lai chuan Mapuii a rawn lut hlawl mai mahse midang an awm ve avangin an rawn ri nghal luih luih a ,rang takin duty room chu ka chhuahsan nghal vat a .

UNathan nen an lo inngaihzawn tawh vang aniang nimina ka chunga a thinrim vak nachhan kha. Khatiang mi kha a nih ka ring lo thikthu chhiatna avang bakin khatiang khan a awm lo tawp ang. 

Dr. Noel ka hmuh peih loh avangin pehhel tumin damlo lo mu reng bulah chuan ka va kal a .

" Engtia a tih nat nge a?" 

A chawn kak duai mai kawh pah chuan amah lo buaipui tu doctor intern chu ka zawt a. A hna thawh laiin amah leh amah chemin a in vai palh thu leh a kak thuk loh thu te chu min lo hrilh nghal mawlh mawlh a .

" I ṭhui duh angem?" A rawn ti ta mai ka lo nui ringawt .

"Ai ...ka la thui ngai lova ka duh lo " 

" a ṭhat hlauh chu kan lo pui ang che,ti ve chhin reng reng rawh " ka bula nurse Apollo atanga rawn duty chuan alo ti ve bawk a, a ṭhiante pahnih lah chu an lo bu nghat bawk.

" mahse ka kut a khur nasa lutuk asin " ka han ti leh a ,a ruk tak chuan hlau viau mah ila tih ve ngei ka duhna a lian zawk .

Glove ka bun lai te chuan ka kut chu a khur ṭan nghal der tawh , chutah a enga mah hma in tray a gauze chu han thlauh nghal ringawt a ,a zam theih rem rem khawp mai .

" a pawi lo ,a dang ka va la leh ange " pakhat chuan a lo ti nghal vata ,nimina ka duty pui te nen kha chuan inang lo tak an ni .

Nurse pathum te chuan zaidam tak leh dawhthei takin a tih dan tur chu min lo hrilh zel a ,ka kut a khur nasa lutuk tih mai loh chu felfai takin ka zo thei hram, hmun ruk laiah ka chilh lehnghal .

" I ṭhui nalh hle mai " tiin min fak nghal sap sap hlawm a ,nalh vak lo mahse ka lawm ve em em tho .

" ka pu hei nalh deuhin a ṭhui sak che ania i vannei hle mai " a kawr hma badge a Lalduhawmi tih inziak chuan damlo hnenah chuan a ti a ,chupa pawh chu alo lawm thiam kher mai .

Vawiin tlai zet zawng nidanga ka la tih ngai miah loh ka ti a ,ka huphurh ang aiin nuam ka ti leh hnuhnawh.

"Hliam ṭhui hi kan peih lo thei lutuk a i lo awm hlauh chu min rawn chhanchhuak a ni ringawt " Duhawmi chuan ka bulah chuan a rawn ti sa sa a ,min fak a tum na nge an thil tih peih loh min tih tir avanga min hrilh mai mai a ni tih pawh ka hrelo .

" keichu a nuam ka ti ka vawikhat tihna a nih vang aniang " ka lo ti let nghal vat a.

" Dar 9 thleng em ni i duty dawn ?" Pakhat chuan min rawn zawt ve leh a .

" aw ...nangni in duty dawn lo em ni ?" 

" keini chu dar 5 thleng chiah, zawh vat vat ka chak ka ning tawh " a tih rual chuan sana ka han en vata ,darkar khat chiah an lo nei tawh chu niin, an awm loh chuan a nuam awm lo.

Damlo an tam lo bawka Dr. Noel pehhel na tur pawh ka nei tawh lo, eng ang pawhin bihruk tum teh mah ila ka hmachhawn angai leh tho tho dawn a nih hi. 

" Tete, hetah hian lo ṭhu ru " Senior nurse Nu Sangpuii chuan kan din reng avangin ṭhutna min lo kawhhmuh a ,midang chu an ṭhu nghal dial a kei erawh hreh tak chungin Dr. Noel hnaih berah ka ṭhut angaih hmel . 

" A BP leh RBS hi lo check rawh " Dr. Noel an a tih chuan midang chu ka han enkual nghal a ,a ṭawng ring lo bawka keimah chiahin ka hria a ni maw. 

" aw le ...Sir " tih pahin rang takin Sir bula damlo ṭhu ngui bar bulah chuan Sphygmomanometer (BP check na) leh Glucometer keng chung chuan ka va ṭhu phei ve nghal a ,nimin a thil thleng kha hria ang pawhin a awm lo. 

" Ka pu a rei lo ang I kawr ban hi hlim lawk ang aw " a hriat tawk lek chuan ka ti a .

" Be ring deuh rawh "

Dr. Noel chuan thil ziah mawlh mawlh pahin en pawh min rawn en lem lo hian a rawn ti sap a, damlo beng hi a ṭha tawh lo a ni tih ka hrethiam nghal. 

"Ka Pu i BP check ang aw " ring leng lawng hian a beng bulah chuan ka ti a , Dr. Noel chu alo nui vur vur ringawt .

" Ni e ,han check teh ka lu te hi a hai muai muai maia ka chau em em mai lehnghal, zanin hi ka thusawi zan alo ni lehzel bawk nen a mangan thlak asin " ka ṭawng ri a hriat takah chuan alo ti nghal bawrh bawrh a ,pa fel leh ṭawng duh tak a ni in ka hria .

"Bial pawh ka fang hleithei lo reilovah ka chau nghal zel a kan nu phei chu a hlauthawng teh asin " A BP ka check lai chuan a lo ti ti siam siam a , a ṭawng reng vang nge pawh ka hrelo vawi thum ka tih nawn hnuah pawh a pulse ri ka hre thei miah lo lehnghal.

" Ka hre thei miah lo " 

" digital hi hmang mai rawh " Dr. Noel chuan a ti ta ringawt a .

" ka palpate mai ang " Digital aiin palpate hian a dik zawk.

Stethoscope ka hman theih miau loh avangin ka kut in a pulse awmna lai chu ka han hmet vang vang a, reilote ah awlsam deuhin a BP ka hmu nghal mai.

"BP- 150/100 mm Hg chuan RBS -99 mg/dl " ka sawi rual chuan card-ah chuan a ziak lut nghal mawlh mawlh a ,a serious hmel ka hmuh hian a hma ai zawngin a hmelṭha in ka hria .

" Ka pu i BP a sang deuh a ,a tih hniam nan damdawi ka chawh ang che aw " a aw a thum bawk sia a ring mawh ngei mai. 

" E...aw le , min han chawh teh khai ,dam var hi ka chak tawh teh mai ania ,keini tar ho hi zawng damdawi ei te hi kan hre thei tawh lo khawp a " a lo ti duah a ,an pahnih hian an inhmeh takzet .

" UPC pastor i ni tiraw?" 

" aw ni tehreng e " 

" a nih chuan i damchhung in Cinod hi ilo ei tawh dawn nia " a tih chuan ka nuih a za ngei mai , BP sang damdawi ah Cinod (Cilnipidine) hi a awm tak tak lehnghal .(Synod ti a lam tur)

" Engtik thleng maw ka ei dawn a ?" A han ti leh a , Dr .Noel chuan ring leng lawng hian ," Pathian lo kal leh hma zawng zing i thawh veleh ilo ei ziah tawh dawn nia " a ti a ,a nui duh miah lo lehnghal .

Ka nuih za lutuk insum thei lo chu lehlam ka hawi vat a ,a rukin ka nui nghal chur chur ringawt.

Duhawmi te ho chuan an haw hma in thil ei phawt an duh bakah ka ril a lo ṭam ve bawk nen eitur kan chah ho a , duty dang an awm nual avangin inthlahrung hauh lovin duty room ah chuan kan eikhawm ham ham a .

" Keichu Sir saw a chhelo ka ti " pakhatin a rawn tih rual chuan kei chauh hi chhelo ti awmchhun ka ni lo tih ka hre nghal .

" I hrelo a nih kha kan vengah phei chuan a luck zia , amah hi a invawng bawk sia alo hmelṭha lehzel bawk nen " Duhawmi chuan thil hmuam ṭun chung chuan a ti a ,kan lo ngaithla ve ṭhap tho .

" Taka in veng a inang tiraw ?" 

" Kan in inkarah in pakhat chauh a awm mawle " 

" an sawi dan chuan a pa pawh doctor an ti " Ziri chuan a rawn ti sa sa a ,Dr. Noel chanchin engkim mai hian ka beng a verh vel vek .

" Niang chu... Tuna Medicine HOD hi a pa alawm .In ti duh unau pathum an nia doctor vek alawm an nih " 

" Ehe ...nimaw ?" Ka lo ti ha ringawt .

" An upa ber hi Dentist ania Dental clinic pawh a nei chuan UNoel û chiah hi kan MO hi ania .UNoel pawn Dawrpui ah khuan clinic a nei a " kan lo ngawi ṭhap mai, sawi hmasak ber tur pawh kan hrelo , Doctor chhungkua an ni ringawt alawm.

" Bialnu a nei angem le ?" Mawi Mawii chuan ka rilru a awm tak min zawh khalh hlauh.

" ka hrelo , a hmel hi en ula hmu zo lo hmel a pu em ni ?" 

Ni e ,mipa hmelṭha leh tlem a han rintlak ve deuh hi chu hmeichhe chhelo leh hmelṭha ho hian an lo chang zo vek tawh zel .

Ka kawm ve deuh ber te ho an haw zawh vek hnu chuan keimahin chair ah chuan ka ṭhu reng a ,phone khawih dawn lahin signal ka nei miah lo lehnghal.

Chutia tih tur hre lova ka ṭhut reng lai chuan male nurse Pu Thangpuia chuan puan hi alo vial mawlh mawlh a, engthil nge a tih dawn tih hriat tumin ka va pan vat a .

" Pu Thangpui kha kha engtin nge i tih dawn ?" 

" a dar hi a pelh a ,kan siam dawn a nih hi "

Ka vawikhat hmuhna tur a ni bawka ka mit a la nghal zar mai.

An tih dan vel chu ngun takin ka lo en reng a , puan chu damlo zak hnuaiah chuan an vet a chhak lam aṭangin intern Dr. Ruatpuia chuan a theihpatawpa na hian a han pawt ṭang ṭang a chutih lai chuan Pu Thangpuia chuan damlo ban chu alo pawt ve ṭang ṭang bawka ,an siam ṭha lawk thei lo lehnghal .

" le vawikhat leh aw " tih pahin an han pawt leh tak tak mai chu ka thaw hi a lo chham ṭep ṭep ,damlo pa hi a tawrhchhel mai pawha vai chu nise an ṭap pur leh tawh ang .

" Tete ..a in vuah dik nge dik lo han khawih lawk teh " Pu Thangpuia chuan a rawn ti ta mai ,engtin nge a in vuah ṭha chu a awm tih pawh ka hre reng reng hleinem.

" aw le " 

Ngawi rengin a dar chu ka han khawih chhin vel a ,a hma in la ti ngai miah lo mah ila a in vuah fuh leh fuh loh chu a hriat ve lutuk .

" a dik ṭep " ka ti takah chuan a aia na in an han pawt leh vak a ,thlan tla phunga an pawh hnu chuan a rawn in vuah fuh khap mai .

" a dik...tunah khan a in vuah fuh chiah " a dar khawih pah chuan ka ti nghal vat a ,Pu Thangpuia pawh chuan a han en dik ve leh a ,a dik aniang engmah a sawi lo.

" Pu Thangpui POP (Plaster of Paris) hi ka lo vuah sak dawn em ni ?" Tihsak ve hrim hrim hi ka chak ,ka vawikhatna tur mah nise. 

Pu Thangpuia puihna in damlo banah chuan POP chu ka bel saka ,a har vak lo bawka kut a var duh tih mai loh chu a nuam ka ti .

Thil thar ka tih ṭeuh avangin ka hlim ru veng veng mai ,bakah tlai lamah hi chuan OPD an khar tawh avangin damlo an tam ṭhin a doctor ho pawh an in daih ngai lo an tih ang tak tak in reilovah ER chu damlo in an khat leh hmur tawh a Dr. Noel pawh a buai leh tawh char char hle.

Mak ka tih deuh chu ui seh, zawhte seh leh pum na hi an lo awm tel ve ngei ngei ,tunah pawh ui seh chiu tur pahnih ka nei .

Ka chiu tur pakhat phei hi chu hmeichhe naupang kum7 mi chauh a ni lehnghal ,a tal nasa leh mai dawn sia chiu leh loh mai te ka duh mahse IM tal hi chu tih ve ngei ngei ka duh leh lawi bawk sia.

"Man beh angai dawn em aw ?" Syringe ka hnunga thuhruk tlat pah chuan ka han ti te te a ,alo hlau ngang mai a ṭap nghal .

" ka pi a ke hi lo kherh bet tlat rawh aw " ka tih chuan ka sawi ang chuan a fanu ke chu a kher bet tlata mahse chiu ka tum chiah chu ṭah pahin a tal ta vak vak mai a nu meuh pawhin a man bet hneh lo ,ka vih sual ka hlau ve bawk nen kan beidawng ṭhak .

" ka pi lo kuah bet tlat mai rawh a ban a chet loh chuan a tawk mai " ka han ti tak na in a man bet hneh leh dawn chuang lo tih ka hre reng. 

" ngawi lawk rawh midang kan ko mai ange " ka ti leh ta zawka .

Lo man bet tu tur koh ka tum lai tak chuan ka hnung lam aṭangin Dr. Noel chuan naupang chu a rawn pawm kang nghal dawrh a ,a lian bawka a hneh ngang mai. 

"Tihian rawn vit rawh " 

Che thei lovin naupang chu a pawm bet nghal tlat a,kei erawhin mak ti takin ka lo en reng ringawt .

" Vat .." A rawn ti leh a ,naupang ṭap nen lehlamah na tuar an lo rum ve bawk nen thaw a ipik takzet. 

" aw ...aw le " tih sap pahin buaina awm miah lovin ka jection a , ka thlan te hi a tla phung tawh mai.

" Pawnah reilote va chhuak rawh " Chair a ṭhut pah chuan a ti bung hmut a ,a ngaihna ka hre lo hle. 

" Engvang chuan maw ?" 

" Thawk va la kawk kawk la i rawn lut leh dawn nia " 

Ni e, kan vei suau suau a kan ri hut hut bawk nen rilru mumal pawh ka pu thei tawh lo , injection na tur damdawi ka siam mawlh mawlh laiin a dang tam tawk an rawn dah leh ṭawk a ,damlo na tak tak an rawn luh belh zel bawk a ,kei takngial pawh ṭhu hman lo khawpin ka buai.

Pawna chhuah pahin sana chu ka han thlek zeuh a darkar khat lai ka la nei ,ka haw hun tawh se ka ti takzet .

Minute 2 pawh ka awm hman lo ang tih in tlangval pakhat berh zet mai hi a nu niawm tak tar ve tawh deuh hian a rawn kalpui hnak hnak a, chupa lah chu zu rim a nam huam lehnghal.

" ka pi a eng nge na ?" Ka va pan nghal vat.

" hei a kut hi a zai a , ka puan in ka rawn hup sak tawp mai a nih hi " a aw aṭang ringawt pawhin a hlauhthawn zia a hriat theih. 

" hetah hian card lo la la ka lo va hruai lut ange " a kut puana a hup na chu ka hup sak nghal a ,inchhungah ka luh pui nghal .

Khum kil berah chuan ka mut tira chupa lah chuan rui deuh phel phual hian ," ka nupui in min duh loh chuan ka thi anga ni mai alawm , hmangaih ber te chan ai chuan thih pawh ka ngam sak" ala ti ham ham zui. 

En tur ṭul ang ang ka en fel hnu chuan card ah ka ziak thla nghal vek a ,angai te bawkin doctor ho zawng zawng chu an buai vek bakah Dr. Noel tho an zawh leh dawn avangin ka va pan ta nge nge a .

" Ngatinge i rawn luh leh ?" Alo ti thum dut mai .

" Sir ,i lo en lawk thei angem? Amah leh amah a inzai a" ka tih chuan a tho nghal vat a , chupa chu khawiah nge a inzai , ṭhui angai em ? Tih nen lam a endik nghal zung zung a, kei erawh in a kut zaina chu ka lo tihfai sak mawlh mawlh thung. 

" ṭhui angai ang , heng ho hi a chhungte lei tir la ,i ṭhui zawh ah NS ,RL leh D5 hi i khai sak dawn nia a kulcho a nih hi chuan vitamin hi hetah hian telh bawk ang che " a ti nghal zung zung a ,lehlamah an lo ko ve bawk nen rei pawh a awm hman meuh lo a kal lehnghal. 

Dr. Noel sawi ang chiahin a rawn hruai tunu chu leitur list chu ka pe a ,a tar ve tawh ang reng sia ka khawngaih ru takzet .

A thisen tihtawp ka tum lai chuan a kut lehlamah doctor intern ve tho Reuben leh nurse pakhat chuan venflon an lo vuah sak mawlh mawlh a,kan buai em em laiin chupa lah chuan ," thih ka duh ,ka nupui ka neih theih dawn loh ai chuan ka thi mai ang " a lo ti thul ,kan chhangchhe ngei mai . 

" A nu kha ala rawn let lo em ni ? " Reuben chuan min rawn zawt a .

" aw ...a kal rei em mai ka va en ange " tih leh tlan chhuah ka rual nghal .

Canteen ah a intlar a nih ka lo rin laiin pawn ṭhuthlengah a lo la ṭhu heu mai ,leitur list ka ziahna paper keng va chung chuan alo ṭhu kun lap a ,hrilh ngai lovin thil diklo a awm a ni tih ka hrethiam nghal .

" ka pi eng nge ni ta ? Kan lo nghak reng che asin " kan ti sap a, a engkim mai hi ka lainat vel vek .

" mami hei aia tlem hi a lei theih loh em ni ?" 

" ka pi kan ziah thlak ho hi lei ngei ngei angai " a pawimawhna te leh lei ngei ngei angaih na chhan te chu ka hrilhfiah nghal zung zung a mahse buaina ala awm cheu chu chu leina tir pawisa a nei tlat lo hi a nip . 

" i chhungte ka phone sak dawn che mi ?" Ka han ti leh a .

" tumah an awm lo ,a nupui in a chhuahsan a ka hlawh chhuah ve apiang lah hi a zu manah a zo zel mai si " 

Ka pa hi zu heh ve tak a ni a a sawi engkim mai hi ka lo hriatthiampui ,a hrehawm zia pawh lo tawng tawh tu ka nih avangin ṭanpui ngei ka duh .

" hetah hian lo awm rawh " tih pahin leitur ziahna lehkha chu ka la a ,canteen lam panin ka tlan thla nghal .

" catgut kha 2-0 aw chuan D5 kha pahnih i dah tel bawk dawn nia "

TT ,drip khai tur bakah vitamin tih vel lei tur a awm nual avangin ka in seng ve ṭeuh a ,haw na tur pawh ka nei daih tawh lo mahse Muani ka in hruai tir mai ang .

Khawmuang hman ka nih loh avangin hmanhmawh takin ka tlan chho lehnghala, NS chu an lo khai sak nghal mawlh mawlh bawk.

" Tete ...a hma in i ṭhui tawh em?" 

" aw " 

" anih chuan nangman ṭhui mai rawh Reuben hian damlo dang saw lo va en mai rawh se " nurse duty U Tluangpui'in a tih chuan a hma in ka lo ṭhui tawh avangin ka hreh lem lo .

Tlemin la khawr deuh mah ila UTluangpui in min pui bawka rei lovah ka zo vat mai. 

" Tete ,haw ila taxi kan la mai dawn nia " kan Receptionist Nu Lk-i chuan min rawn sawm a ,kan veng a in an avangin kan duty rual chuan kan haw dun mai ṭhin. 

" umm...Nu Lk zanin chu pawisa ka nei lova, lo va haw hmasa mai rawh Muan'in min rawn hruai mai ang " kan in ngam bawka tlang takin ka lo hrilh nghal mai a .

' I nau in a rawn hruai dawn tho che chuan ka lo va haw mai ang " 

" aw le , a ni pawh a rawn thleng vat mai ang " ka ti sap a ,a ruk tak chuan rawn thleng har ka ti tawh hle .

Noel's POV 

Dar 9 a rik tawh avangin min duty thlak tur te ho pawh an rawn thleng kim vek tawh a, kan buai zualpui pawh a reh tawh nghe nghe . 

Kan haw hma in kitchen ah Reuben nen chuan intih thawven pahin zial kan han zu leh te te phawt a, kan zu ru e ti lo chuan Jennifer'in min rawn man leh chat tawh.

" Noel ka zawng che alawm ,i chau em?" Dr. Jennifer hi min rawn thlak tu tur a nia, ka zial zu ru lai hi min man fuh ziah lehnghal .

" kha heihi in rawh " tih pahin keimah chiah coffee min rawn pe a, Reuben nen chuan kan in melh hruk ringawt. 

" Maam ka lawm e " intern ka tih lai aṭang tawha thawk tawh a nih avangin tun thlengin Maam tiin ka la ko.

" tikhan min ko ziah suh ,Jennifer min ti mai rawh " 

" ok...ka û te inah kal ka ngai ,ka kal mai ang mangṭha le " tih pahin ka chhuak nghal daih a ,Reuben pawhin min rawn zui ve nghal .

" uNoel Maam khan a ngaizawng chiang che " 

" ka hria alawm " khik suk pahin Duty room aṭang chuan ka chhuak nghal a .

Dr. Jennifer hian intern ka tih lai aṭang tawhin min ngaizawng tawh, hmeichhe chhelo leh hmelṭha tak a ni , kei aia a upat leh upat loh ka care lo mahse hmeichhia hi ka duhzawng te an nih loh chuan ka buaipui peih lo.

Pawna ka chhuak tur chu pitar pakhat hian min lo ko ding a ,ka hawi let nak chuan nichina ka damlo mahni leh mahni inzai pa nu kha lo ni rengin. 

" ka pi eng nge ni ta ?" Ka ti vat a .

" Doctor , nichina ka fapa enkawl tu nula kha ka hmu leh ta miah lova lawmthu min lo hrilh sak thei angem? " a tih chuan Pharmacist intern ti nu kha a ni tih ka hre nghal ,mahse a hming erawh ka hrelo .

"Aw le " ka bo deuh hu mai .

" damdawi man zawng zawng min tum sak veka a ni kha awmlo se chuan ka fapa nen hian buaina nasa tak kan tawk ngei ang ,lawmthu min lo hrilh sak theih chuan ka lawm hle ang " tih pahin inchhungah a lut leh hnak hnak a .

Kha pitar thusawi kha ka rilru ah a cham reng mai ,khatiang thil kha tuman tu chungah mah an ti ngai lovang kei ngei pawh hian ka la ti lo .

Haw ka tum zet tawh na in kha Pharmacist nu khan haw na tur pawisa a neih loh thu leh a nau in a rawn hruai tur thu a sawi rik lai vel te kha ka hrechhuak thut a ,ER-ah bawk chuan ka let leh ta nge nge a. 

" Reuben khawiah nge Pharmacist intern nu kha a awm ?" Ka va ti thawr a, mak a tih hmel em em lehnghal .

" E...Tete-i kha maw ? A haw tawh a ni lawm ni " 

" a nih chuan angai leh lo mai, mangṭha le " tih leh chhuah ka rual nghal, tihtur dang nei miau hek lo .

Nimin ah lah khan kha nu kha Doctor intern emaw tiin ka vin hrep lehnghal ,a thinrim hmel kha tun thlengin ka la theihnghilh thei lo chu a nih hi .

Ka û OP-a te in ka thlen chuan ka car chu garage-ah ka dah fel te te a ,keimah ni in ang mai ah ka ngai leh hmiah tawh .

Inchhung ka luh rual rual in ka û nupui Apuii chuan min lo nuih nghal sang a , kan upa ber Joseph-a nupui nen chuan inang lo tak an ni .

" khawiah nge naupang ?" An fate pahnih an lo awm loh hi chuan a nuam lo .

" an mu tawh... OP pawhin ala nghak che" 

" ok...coffee ka duh aw " tih zui zat pahin living room lamah ka lut phei nghal a .

" Noel , i hlawh tur chu i account ah ka thun tawh " a damloh avangin hlawh neiin a ai ka kala, tlai tin ka ning thu ka hrilh ziah ṭhin bawk .ER kher kher hi chu a ninawm hut hut em a tin ni .

" i va ti ṭha ve Op-a nge nge " 

Kan tetlai aṭang tawha û duh lo ngat kha ania tun thlengin ka û loh phah .

" naktuk chiah i kal tawh dawn bawka i lawm em? Ngatinge zanin chu i nin thu iva sawi lo ve " a tih takah chuan ka ngawi vung vung a .

" Op... Kar hnih chhung chauh ka kal sak leh ang che " 

Kei ngei pawhin ka kã aṭanga chhuak a nih ka ring bik lo .

" Engmaw ?" 

" lungngai suh ,a thlawnin ka lo kal ang ...ka hna ka zawm hma " ka tih phei chuan a mak ti lutuk chu a mitmu a tla lo chauh .

" thil ei sual i nei em ni ? I chiang chiah amaw ?" A rawn ti nawn leh ngat a .

" Chiang bik nang " 

Ni e ,engvanga kalsak duh thut nge ka nih pawh ka inhre bik lo ,ka rilru ah a rawn lang thut a ka sawi chhuak ve mai mai aniang .

"Thil dang a awm a ni maw?" 

" nangmah ka ngaihtuah vang che a nih kha ,in enkawl ṭha rawh " 

Ka û vanga kal duh thut ka ni lo tih chu ka inhrechiang mahse engvanga ER a kal duh leh thut nge maw ka nih ni ?

Chapter-3 

Falling In love was never in my plan. Until one day I just realized that I love this person too much.

Rei tak ka awm hman loh avangin ka û Op-a te in aṭang pawh chuan ka haw leh vata ,Dinthar aṭanga kan veng Ramhlun N a haw leh chu a peihawm tawh loh ngei mai .

Ka mut hma in ka han inbual hmasa leh te te phawt a ,nidang ang lo takin thil la tih loh nei ang tlat hian ka in hria .

Ashhh...kha pitar khan lawmthu lo sawi rawh a tih vang vek kha ,ka hrilh hman ta si lova ka rilru ah a cham reng mai.

Mut paha lehkhabu chhiar ka duh ṭhin avangin thatchhe zet hian khumah ka ṭhu thluang duai a ,ka han chhiar dawn zet a ka phone a rawn ri lehnghal .

Ka phone pawh ka bag atangin ka lo la la chhuak lo ,a rik rei em avangin ning zetin ka tho lehnghal ṭuih ṭuih a ,ka phone ka han en nak chuan Dr. Mamawii lo ni rengin.

Dr. Mamawii hi casualty MO tho a ni a, ka ṭhianṭha ber Rinhlua tih lovah chuan a ni hi ka kawm ngeih ber leh nel ber a ni.

Lak loh ka tum zet tawh na in thawk chhuah hulh pah chuan ka pickup leh ta nge nge a.

" Dar 12 a ri tawh dawn eng nge ni leh ta ?" 

" Dar 9 aṭangin ka rawn call tawh che ,la vat la chuan 12 ah ka rawn call miah lo ang che" a rawn ti leh tan tan tawh , call lak loh hi a huat tehlul nen a call hi ka la thei lo ve ziah lehnghal .

" ka buai lai aniang, ka chau teh mai ania sawi vat teh " 

"Enteh ..." 

Enteh tia bul a ṭan tawh hi chuan thil min dil ngei ngei ,engtak ni leh ang maw ?

" naktuk-ah lisence vel buaipui in Kolasib ah ka kal ngei ngei a ngaia in duty thleng ila " 

" Nangni ho hian eng nge maw in hriat le ?"

Ka û lahin a ai min kal tir tawh a tunah Mamawii ve thung ,Charity buatsaih tu pawh ka ni lo .

" mawh , ka nau hmelṭha te "a tih chuan ka ngawi vung vung phawt a . 

" I morning dawn a ni lawm ni ?" 

" aw ...chuan kei ka lo night ve thung ang please please please " 

Ka sana chu ka zuk melh leh zeuh a ,naktuk zing chu mut rei ka lo tum asin. 

" aw le " ka tih leh ta nge nge, Mamawii hi chu ka la mamawh leh dawn tho tho avangin a thu hi ka hnial ngai lo . 

Naktuk-ah ka morning dawn avangin lehkhabu pawh chhiar ta lo chuan ka mu nghal daih a, chau hle e ti lo chuan ka muhil thei miah lo lehnghal .

Khumah chuan ka let ka let a ,kha Pharmacist nu kha ka rilru ah a awm tlat peka ,a thil tih avang khan sual bik ta riau ah te ka in ngai thul . Kei ni ta ila khatiang ang khan ka ṭanpui ve angem? 

Duty turin phur lo zetin ka in khalh chhuak leh hna hna a ,nizanah ka mu ṭha lo bawk nen ka chau takzet mahse chhun lamah hi chuan emergengy case hi a tam vak ngai lo bawka a zia hlauh.

Ka thlen meuh chuan dar 9 minute sawm in alo la ri lo.

" Noel vawiin chu i va chau hmel ve ?"

Jennifer chu ham bai bai pahin kitchen-ah a rawn lut phei a, zial ka lo zu khu leh vut vut tawh .Midang chu nise a hau leh hrep tawh ang . 

" nizanah ka mu thei lo a " tih bakin ka chhang lo .

" nizan chu accident an awm a pakhat phei chu a boral lehnghal minute 10 pawh ka chhing hman meuh lo " tih pahin thingpui chu a insiam nghal mawlh mawlh a, mipa tan pawh a hahthlak tawh nak alaiin hmeichhe tan phei chuan a hrehawm viau ang .

" haw vat la i mu dawn nia " 

" ER ah hian i û aiin rawn awm zawk mai la...taka Dineout chungchang vel kha ilo ngaihtuah tawh em ?" 

Kar hmasa khan dineout turin min sawm tak ,a pawimawh loh vang ania nge ka lo hre leh tawh lo . 

" ka hman leh hmasak berah kan ti dawn nia " ka ti ta ringawt a ,kan pahnih chauh kan nih dawn avangin ka phur teh chiam lo.

" Noel ka kawr hi min lo zip ṭhat sak teh a in phelh reng a ka ning tawh lutuk " a tih chuan rilru dang pu lem lovin a kawr hnung zipper chu zih sak ka tum nghal mai a mahse chutih lai tak chuan kha Pharmacist nu kha a rawn lut ta thut mai !! Rang lutuk in ka kut chu ka la thla nghal vat bawk. 

" Kawngka rawn kik ta che" Jennifer chuan a lo vin nghal hlar a ,a ni erawh ngawi rengin hrehawm tih hmel takin toilet ah a lut nghal daih thung.

" Dar 9 a ri tawh keipawh ka va phei tawh ange " ka zial ken lai chu ka paih rawk rawk a ,Jennifer chu ka kalsan daih ringawt .

" khanu khan min rawn hmu angem ?"

Tih sup pahin awm nuam lo deuh chung hian chair ah ka ṭhu a, khanu khan min rawn hmu angem tih bak ka rilru ah a awm leh tawh lo, min rawn hmuh mawlh mai kha ka hlau. 

Rei lovah kha Pharmacist nu kha duty room aṭang chuan a rawn chhuak a, vawikhat pawh min rawn melh eih lovin Nathan bulah a va ṭhu nghal, maktak maiin a awmdan avang hian ka lawm lo hle. 

Nidangah a awm dan leh a awm ve tih pawh ka hriat ngai loh laiin vawiin zet zawng a awmdan engkim mai hian ka mit a la vel vek .

Medical certificate leh thil dang eng eng emaw buaipui ngai ho chu an in tlar ṭhup avangin chawl lovin ka buaipui nghal char char a chuti chung pawh chuan a khat tawkin a awmdan chu ka thlithlai deuh reng tho.

" Sir , a BP hi 160/100 ania a lu a hai tih mai loh chu in sawiselna dang a nei lo " Pharmacist nu chuan damlo card chu min rawn pe a, ka lo lawm ru ngang mai ,ka nui lek lek. 

" Lasix in i lo chiu dawn nia " tih pahin card ah chuan ka ziak lut nghal mawlh mawlh a ," vawithum a zun hnuah a BP i lo check leh anga chuan min rawn hmu rawh se " 

" aw le ...Sir" tih pahin Nathan bawk chu a pan lehnghal ,vawileh khatah ka mood a off nghal vek. 

Damlo an awm loh kar lakah an pahnih chuan an ṭhu dun chawt reng a, vanglaini a crossword te chu an thai dun a kei erawh khawvel hran daiha awm ang mai ka ni.

" Tete ...i sam hi i ning em ka lo phiar sak dawn che mi ?" Nathan an a tih lai te chuan ka awm hle hle thei tawh lo, ka awm hmun aṭangin ka lo tum lian hle .

" ning tho e mahse ka thlah laklawh mai mai a nih hi " 

Chutia an pahniha an nui dun ker ker lai chu ka hmu thei tawh ngang lo ring leng lawng hian ," Tete ..." Ka ti chhuak thut ringawt ! A rawn hawi rang kher mai .

" eng nge ni ta Sir? " tih pahin ka bulah a rawn kal nghal vat a, sawi tur lah chu ka hre miah lo lehnghal . 

" kha coffee min zuk lei sak lawk rawh " tih pahin 100 hi ka pe ta ringawt a, a ãtthlak takzet .Nathan bulah a awm loh phawt chuan a ṭha a ni mai.

Ngawi rengin pawisa chu a la a ,a ruk tak chuan ka inthiam lo leh hnuhnawh.

" ka lo kalpui dawn che mi damlo an awm chuang lo " Nathan chuan a ti a ,hai rual lohin hepa hian a ngaizawng tih ka hria .

" I peih te chuan lo kal ve la " Tete-i pawhin a lo hnial lo ngang mai mahse keiman ka hnial tlat .

" Nathan lo kal lawk teh " file a thil ziah luh mawlh mawlh pah chuan ka ti kher a.

" keimahin ka lo zuk kal mai ang " Tete'in a tih rual chuan a rukin ka lo khi suk ringawt .

" Sir Noel eng nge ?" 

Uang zet hian a rawn ti a ,in nel ṭhin viau mah ila vawiin chu ka hmelma en deuh reuh tawh .

" Pa Chhantea (fourth grade)lo pe rawh dar 1 a ri ṭep tawh " tih pahin Rs 600 hi ka pe a ,hrilh kher ngai lovin a tih tur a hrechiang hle .

Certificate leh thil dang dang kan lo siamsak hian pawisa kan la ṭhin a ,chunga kan pawisa tling khawm ṭhenkhat te chu ER-a Stuff hah tak tak te ho thingpui leh chhang man atan kan hmang mai ṭhin .

" Sir ,hei i coffee chu aw " 

Tetei pawh a rawn let leh tawh ,theih chu nise ka hmuh theih ah hian awm reng se ka ti takzet.

Huizz Engvanga hetianga awm tlat nge maw ka nih ni ? hnathawh aiin midang thik reng reng a awm hian ka hah daih zawk.

Medicine department lamin min hmuh an duh avangin reilote ka han kal zawk a ,ka let leh lamah chuan pitar pakhat thil zuar hian ," ka pu min lei sak ve rawh" tih pahin rang takin a thil zawrh lai chu min rawn hmuh nghal sawk sawk a ,bakilh leh sawmṭawnna tih vel hi a lo ni a.

" Hetiang hi hmeichhia in an duh asin " a tih lai te chuan Tete-i ka hre chhuak hlawl mai.

" khawi hi maw hmeichhia in an duh a? " 

" hei hetiang te hi " tih pahin bakilh senno lian zet mai hi a rawn phawrh chhuak a ,a nalh leh nalh loh pawh ka hre ve lo .

"Engzat man nge ?"

" 150, ka lo tuam sak dawn che mi ?" 

" a ngai lo tihian a ni mai " tih pahin ka coat var ipte ah chuan ka dah ṭha nghal a .

Hmeichhia in nalh an ti a ti miau a a rawng senno chu ka la ta nge nge a.

ER ka luh hnu ah rei pawh ka ṭhut hma hauh chuan nu pakhat hi an rawn zawn lut a ,a serious deuh hlek avangin Stethoscope lak pahin ka va kal nghal bawk. 

Doctor intern ho chuan a vital an lo laksak nghal zung zung a ,kei erawh in a awm vel Steth a deh pah in ka lo endik thung .

" Kan dawra a awm laiin a tlu thut a ,a thlan tuiin a bual bakah hei amah hi a vawt vek bawk " a rawn hruai tupa chuan alo ti nghal zung zung a .

" na a nei em?" Ka han ti leh a .

" ka hre bik lo " a tih takah chuan chunu pum bawr vel chu ka han hmet a .

" ka pi helai hi a na em ?" Tih pahin ka hmet zela , a tai leh a pum bawr vel chu na a ti vek niin a lang .

" khawiah nge a chhungte ?" A rawn hruaitu pa chu ka zawt leh a .

" ka be tawh a ,an rawn kal mek " 

" Sir , BP- 89/40 , SpO2 -78 chuan a Tempt- 104°f " intern pakhat in a tih rual chuan rang takin ," O2 pe nghal rawh u" ka ti vat a .

" ka pu a hma a alo in entir tawh na zawng zawng kha rawn keng vek rawh se ka en vek duh " ka ti zui zat bawk .

Ka rin dan chuan Septic shock a ni in ka hria , rang taka zai angaih ka ring hle bawk. 

" thisen ,zun , x-ray ,CT- scan leh thil dang angai ho zawng zawng kha lo ziah sak rawh u " Intern ho bulah chuan ka ti a rang takin an lo bawhzui nghal sap sap bawk.

" Noel a serious viau em ni ?" Nurse Ivy chuan min rawn zawt sa sa a .

" Peritonitis anih ka ring ,û Ivy... OT lampang lo han bia ula emergengy a zai angai ang " 

" Test result kan nghak phawt dawn lo em ni ?" 

" Result nghah chhungin kan tlai maithei a chhungte... " ka sawi zo hman lo Nathan chuan ," Sir, Cardiac arrest (thaw tawp thut) a nei ania " a rawn ti ta mai ,rang lutuk in ka tlan phei lehnghal. 

Sawi ngai lovin damlo dangin an rawn hmuh ve loh nan parda chu an rawn zar kual nghal vek a ," Nathan intubation ti nghal rawh " tih pahin CPR ka ti nghal .

A pulse hmuh let tumin ka theihtawp chhuahin chunu awmah chuan ka han nem vak vak a , ka thlan tui pawh a far zawih zawih mai.

Ambu bag chu Tete'in a hmeh avangin zaidam tak hian ,
" a pulse ka en dawn ania ,ambu bag kha lo thlah miah suh " ka tih chuan a lo bu nghat a , chunu lungphu chu ka han en leh a ala awm chuang lo .

Angai te bawkin CPR chu ka chhunzawm zela ,minute 15 dawn ka beih hnu chuan a pulse a rawn lang hlauh ka thaw nghal huai mai. 

"Tete , Moxifloxacin lo pe rawh " Antibiotic pe tura ka tih zawh hnu chuan ka chau lutuk chu chair ah ka ṭhu nghal hnawk ringawt.

" UNathan antibiotic pek angai a,ka la IV ngai si lova min pui lawk thei angem?" Chau nak alaiin Tete'in Nathan hnena a ti ri ka hriat rual chuan ka sa nghal phat .

" Tete min rawn zui rawh " tih hmuk pahin duty room ah ka lut nghal , ka thinrim lutuk chu insum tumin ka inhum ruh vat bawk .

" Sir ..." A rawn ti dek dek a ,vin zet hian " IV injection mai mai pawh i thiam loh chuan engtin nge damlo heng zozai te hi i enkawl theih ang an thi hman mai dawn asin ".

" ka ..ka kut hi a khur nasa lutuk a " ka hre thei chang chang chauh .

" Midang puihna i dil chhung chuan Pharmacist ṭha tak pawh i ni thei ngai lovang ,kal tawh rawh " ER lamah a kal mai dawn emaw ka tih laiin Emergency Ward lamah chuan a tlan chhuak nghal daih a ,kei pawh chu kal ta mai lo chuan kitchen-ah ka lut nghal .

Ka thil sawi tehhrep avang khan ka inchhir leh hnuhnawh ,ka lu dawm vang vang chung chuan ka vei kual chhen a , ka ṭawng na mah mah emaw ni le ? 

" Phiangsen chuan " 

Ka awm a nawm theih ngang loh avangin ngaihdam dil leh tum chuan EW lamah chuan ka chhuak phei leh ta nge nge a mahse Nathan an Tete-i a thlem mawlh mawlh lai ka va hmu takah chuan ka rilru ka thlak lehnghal ,ka let nghal nal nal bawk .

Tetei's POV

" ka let peih tawh lo e ,ka haw daih mai dawn " UNathan pawh ka zah zo tawh lo ,ka mittui a rawn tla zel .

" I awmna ala rei lova i thiam chak ngawt zawk alawm " 

" a dawhthei lo ropui si ,vawihnih min hauhna a ni tawh " 

Thil dangah min hau chu nise ka hrethiam mahse ka beih nasat zia hre hauh lova ka ṭhat tawk loh zia min hrilh reng mai hian ka hnuk a ti ulh leh ṭhin .

" phei ang ,i haw daih chuan kal lo angin ka dah dawn che ania " a tih chuan ka lo nui ringawt, Zuali tal awm se chuan a zia deuh tur ,a ni lah hi a night dawn lehnghal.

Hreh tak chungin Dr. Noel hmu peih lo viau mah ila ka let leh hna hna a, a ni lah chu engmah thleng lo ang maiin alo awm leh hmiah tawh.

Hlim hmel put hram hram tumin nula pakhat khup ti kak chu ka va buaipui nghal vat a , a tih kak tirh in a rawn kalpui loh avangin a ṭhui theih tawh loh thung .

" a pun deuh a nih hi ,ngatinge a tirah i rawn kalpui loh " ka ti sap a ,a chhiat loh nen zu rim a nam huam mai .

" aieng ka hnawih a ,a dam nghal mai ka ringa " 

" tihian a dam hma loh chu nitin dressing angai ang , a kak tirah khan rawn kal la chuan kan ṭhui anga ni 5 hnu velah a dam daih tur ania " tih pahin ka tihfai sak mawlh mawlh a ,ka kun deuh apiangin ka sam lah chu a rawn tla ve sek a ,glove ka bun tawh avangin ka hui mai thei lo lehnghal.

" Engtik thleng nge dressing angaih ang le ?" 

" ka hre lo ,a dam har chuan kar hnih te pawh angai ang " a lo ner nang mai, a ti pun lehnghala thla khat tal angaih ka ring .

" Enteh ṭhiannu " ka beng bulah chuan a rawn ti sa sa a ,zu ṭhing rim ka hriat rual chuan ka uak ṭep .

" Doctor saw ava chhelo em em ,a hming i hria em ?" Dr. Noel chu a kawk a ,hawi pawh ka hawi peih lo .

"Hre lo " ka ti hmuk ringawt .

Chutia a pem vel ka dressing mawlh mawlh lai chuan Dr. Noel chuan ka sam tla chhum ka lo ning em em mai chu a rawn hui khawm phawk a, bakilhin a kilh beh hnu chuan a kal lehnghal daih a nih chu!! mak ti takin ka lo en ha ringawt . 

" Eheu ...i hriat reng kha " 

" ka dressing zo tawh ,biak i duh viau chuan a bulah i card i va la dawn nia tih dan tur alo hrilh ang che" tih hmuk pahin bakilh pek let tum chuan Dr. Noel bulah chuan ka phei a .

" Sir ,ka hmang zo tawh ...kha "ṭha tak hian ka ti a ,engang pawhin a chungah thinrim mah ila kan Sir a ni miau a ,zah taka ka biak tho tho angai .

" nei rawh " en pawh min en lo hian a rawn ti a , a damlo en lai chu a en chhunzawm reng tho . 

" chutiang ringawt in ka nei thei lovang " 

" helai velah a awm mai mai tho ,damlo in an theihnghilh aniang i duh loh chuan paih mai rawh ....ka pu zu i in leh chuan i thihpui tawh ang chuvang chuan i nghei angai " a tih chhunzawm zat ringawt .

Tih ngaihna ka hre bik lo ,paih daih ai chuan ka hman duh tho avangin bakilh pink zet chuan ka sam chu ka ṭawn tawm sawk sawk a ,damlo dang buaipui tur chuan ka kal lehnghal .

Chapter-4

"Lord, save me, my drug is my baby"

" UNathan min thlah lo mai rawh bus in ka haw thei tho " 

" Mission vengah ni lawm ni in awm ,Khatla ah kan awm tho a kan haw na a in ang tho alawm " UNathan chuan a ti tlat a ,a thlawna haw te chu ka duh ve tho mahse han inthlah tir em chu ka inthlahrung ve deuh.

" a nih chuan khi dar 3 a pel tawh a" sana en pah chuan ka ti zeuh a ,a ni lah chuan thil ala ti laklawh em em lehnghal. 

" ka zo ṭep ,duty room ah min lo va nghak rawh " a tih chuan ngawi rengin duty room ah chuan ka phei a, intern ho chu an lo ri nak nak hlawm a Mapuii ka hmuh phei chuan haw vat vat ka duh. 

" Tete ...hei wai wai bawl hi lo ei ve rawh " Irene chuan min rawn ko a mahse Mapuii a awm bawk sia ," ka ei chak lo " tiin ka chhang ta zawka. 

Engvanga hetianga awm ve ringawt nge maw ka nih le ,tihsual pawh ka nei tawp si lo. 

ER -a ka duty aṭang hian ṭhian aiin hmelma ka in siam a ni ringawt , Dr. Noel ngat phei hi chu star ru viau mah ila tunah tak hi chuan a hmel pawh ka hmu peih lo.

" Tete kal ila " 

U Nathan'an a rawn tih takah chuan Mapuii melh zeuh pah chuan ka chhuak nghal a , a ni chauh nilo a ṭhiante thleng hian min rawn melh rum nimai hian ka hria. 

" i ril a ṭam em ?" 

" ṭam love ,rawngbawl ka ngaia kal vat vat ang " ka nawr sek a,a ni pawh a nui tawp.

" aw le , aw le ...Boss rawn chuang rawh " a tih chuan nuih ver ver pahin ka chuang ve nghal mai a ,bike seat hnung sang chi ang kha ani bawk nen ka chuang ût mai. 

" ka chuang fuh thei lo " ka kekawr a nal bawk nen ,UNathan lamah chuan ka duh lo chung ka tawlh thla nghal pur pur ringawt.

" a nih chuan ṭhu ṭha rawh " tih pahin ER kawtah chuan a ding ta ringawt a, ka ṭhut ṭhat ngial pawhin ka ṭhu nuam thei chuang lo .

" Aaa...kal mai ang ,a tlai tawh em mai " ka ti ta ringawt a .

" a hrehawm viau chuan i rawn sawi leh mai dawn nia " tih pahin a tlan chhuak nghal a ,ka hawi pah chuan ER tukverh aṭangin Dr. Noel an min lo thlir reng a ni tih ka han hmu thut mai !! ka ṭim nghal uaih thei ,a tum lian lutuk a a hlauhawm zawk .

In ka thlen chuan alo la in kalh khap , ka chhungte tumah an la haw lo aniang .Ka pa hi traffic police a ni a ,ka nu erawh DC ah LDC angin a thawk thung. Ka nau hian BA 5th semester a zir mek a ,tlai lamah class a kal ta emaw tih mai turin a rawn haw har thei hle bawk .

Rang takin chaw ka chhuang nghal sawk sawk a , minute tam pawh a ral hma in Muani pawh a rawn haw ve hlawl mai ,a rawn haw hma lutuk a a damlo a nih te ka ring hial.

" I tho ã ta mi ?" 

" nangpawh " tih pahin a bag chu dawhkhanah a theh thal tawp ringawt .

" keichu UNathan'an min thlah alawm ,min rawn pui ve nghal rawh "

" i tih kha ka ring rengah " phun nuah nuah pah chuan anṭam chu min rawn thenfai puia ,a mood a fuh loh hmel ang aiin ka thu a awi phian .

Chutia kan thenfai mawlh mawlh lai chuan inla thutak fe hian," Enteh Muan.." ka ti sap a .

" Eng ngeeee , ninawm " a lo ti vin hlar mai . 

" UNathan hian min duh aniang a ,nichin ah pawh khan min rawn thlah asin " phur zet hian ka hrilh a ,engah teh vakah mah alo ngaih hmel loh . 

" a play che a nih chu " alo ti hmak ringawt .

" mipa chungchang ka hrilh apiang che in an play che a nih chu i ti ve ziah " 

" alo ni tak tak zel bawk sia lawm " 

" vawikhat chiah a nih kha " ka ti leh hram .

A hma in kan class a mi nen hian inngaizawng ni si lo in hun rei tak chhung kan in bia a mahse a hnu ah bialnu alo nei ru reng a ni tih ka hre chhuak leh ta sia khataṭang khan Muani chauh nilo ka ṭhiante pawh hian mipa chungchang ka sawi apiangin an play che a nih chu tih bakin min chhang tawh ngai lo. 

" an duh tak tak che chuan bialpa i nei daih tawh ang chu " ngeiawm zet hian a rawn ti leh a ,ka lo ner nasa mai.

A hma in bialpa la nei ngai lo mah ila milim ka ni bik lova min duh anga lo in ngaihbel chang te chu ka nei ve tho alawm mahse UNathan hian min duh loh pawhin ṭhian kan ni tho alawm .

" bialpa ka la neih loh avang hian i ngaih ang em em a luck lo ka ni bik lo aw , min be tu te chu ka nei ve ziah tho " 

" kan la hria ang chu " a ti duh lek chauh. 

Henu tak hi chu aw... A û zawk mah ni ila min dah zero thei mah mah.

Kan chaw eikham thleng ka sil lai chuan Muani chuan ring leng lawng hian ," UTete lo kal vat vat rawh ka pa a chatthla leh tawh " a rawn ti lang lang a , hrilh chawp kher ngai lovin ka tihtur ka hrechiang hle .

Ka pa hian zu a duh ka tih tawh kha ,a chang phei chuan in em pawh thleng zo lovin kan in chhukna step ah hian alo chatthla leh tual zel ,chu chu kan nufa thum hian ka zawn chho leh mai ṭhin. 

Minute 10 dawn kan beih hnu ah ka pa chu couch ah kan mut thei hram ,a rit bakah alo zawi tawh bawk nen beih fe hi angai leh ṭhin .

Rang takin Muani chuan tui lum leh towel hi a rawn la nghal vata ,keiin a pheikhawk ka lo phelh saka ka nu in a kawr alo phelh ve thung. Kan vawikhat tihna a ni tawh lo bawka zei tawh tak kan ni .

" Muani a kawr hi lo va su rawh chuan Tete nangin a ke hi ilo sil sak dawn nia " kan intih buai loh nan ka nu chuan kan tih tur a sem fel lehnghal thlap tawh . 

Ka pa hi rui nawi thei viau e ti lo chuan ka nu vang liau liau hian mualpho takin ala awm ngai lo. Kutthlak bakah ruih thinrim tih vel hi a nei ve ngai lova , thinrim a hnekin a harhfim hnu hi chuan a inthiam lo letling zawk ṭhin mahse a nghei pah chuang hlei lova.

" ka pa hi a rui renga ka ning " Muani lungawi lo chuan a ti bai bai a ,ka dem hran lo .

" a nih awmlo ta se engtin nge kan awm anga ?" ka tih chuan a ni lo ang takin a ngawi hmak mai.

Engang pawhin buaipui ngai khawpin rui ṭhin mahse ka pa tello chuan engmah kan ni lo .

Mut hma in Dr. Noel bakilh min hman tir kha dawhkanah ṭha takin ka dah a ,chutah instagram lamah story ka han post leh te te phawt a , thlalak post khat viau e ti lo chuan Ig story lamah erawh ka active hle thung ,thil eng eng emaw hi ka post deuh reng mai.

Ka ṭhiannu hnen aṭanga ka korean drama lak thar ' Crash Landing on you ' chu thatchhe zeta mut pah hian ka en a, reilote chauh ka la en emaw ka tih laiin khua alo var dawn der .

" dar 4: 30 chauh ala ri tho dar 6 ah ka mu mai ang " 

Ka morning dawn a ni tih hrechang tawh lek lovin ka en chhunzawm zela,dar6 a rik meuh chuan Zual'in min rawn call ral ral a ,phur lo zet chung hian ka pick up a. 

"Kan chhungte an thi a ,vawiin chu ka lo kal thei dawn lova UNathan min lo hrilh sak mai rawh " tih te mai hi a sawi .

" keipawh ka kal dawn lo ,va call mai rawh " 

" ngatinge i kal dawn loh?" 

"ka evening dawn alawm " 

" maw ! I morning dawn a ni lawm ni? Vawiin te chu kan pahnih a kan duty dun ni alawm " a ti ta mai ,rang takin duty roster chu ka en nghal vata ka morning dawn a ni tih ka hre ve chiah .

" Ehe...Ka la mu reng reng hleinem ,ka dah dawn darkar 1 tal mut ka duh " min chhan leh hma chuan ka dah daih a ,mutthilh thut tum leh chu a harsa takzet.

Traffic a zam nasa bawk nen damdawiin ka thlen meuh chuan dar 10 a lo ri ṭep tawh ,ka tlai apianga ka tih ṭhin dan ang bawkin inchung aṭang chuan ka hel leh a ,duty room ah chuan tlai lo niawm tak hian ka lut leh zal zal tawh.

Pa Chhantea chauh a lo awm avangin lab coat hak pah chuan Bruno Mars hla The Lazy song chu ka sa al al a ,mutchhuak miah si lo hian ka chau ru hle thung. 

" 🎼Today I don't feel like doing anything,
I just wanna lay in my bed" ham bai bai paha ka sak lai chuan hnung lam aṭangin Dr. Noel hian ," i va tlai ve " a rawn ti ta thut mai ,ka phu chiang asin .

Hepa bawk chu ngatinge kan duty hun hi a inan theih em em mai le? nge keiman ka duty hun ka hai zawk .Nilo ,vawiin hi ka morning ni a ni ngei bawk sia mahse kan la duty dun char char ,ka awih em em tawh lo .

" umm...ugh ,ka tho tlaia " ka tih bah nuai ringawt ,chhuanlam ṭha tawk tak siam tur ka ni asin, mawl lutuk. 

Min vin leh hrep dawn emaw ka tih laiin min rawn en a ,a nui nghal vur vur ringawt .Ka hmaiah thil a kai emaw tiin ka hmai chu a lo nuai nghal vat bawk .

" Hmanni pitar damdawi i lei sak khan lawmthu lo hrilh tur che in min ti a " 

" aw ,ugh a nih chu engmah a nih loh kha " ka lo ti liam puat a, Dr. Noel'an min rawn biak avang hrim hrim pawh hian ka awm a ti nuam lo.

" a lehpek ah chuan rawn tlai lutuk tawh suh " 

" aw le ,Sir " ka tih rual chuan a kal nghal daih a mahse kawngka bul a thlen chuan a rawn hawi let leh kher ," hospital ah chuan i sam kha thlah tawh suh " tih chiah a sawi ,a kal lehnghal daih ringawt .

Vawiin chu eng nge maw a hriat le ? A awmdan kha a mak takzet .

A kal liam rual rual chuan rang takin darthlalang ah ka in en nghal vat a ," ka sam ka ṭawn tawm vek bakah ka hmaiah engmah a kai si lova " ka ti nuah nuah a, ka bakilh lah chu nimin a bakilh pink zet min pek mai kha a ni sia han nuih vur vur nachhan tur a awm lo. 

Damlo serious deuh an awm loh avangin tih tur a tam lem lo ,hun te hi a kal muang ta riau emaw tih tur a ni, ka mut a chhuak bawk nen ka ṭhu mai mai te hi ka hnar dawn in ka hria .

Emergency case nilo chu OPD lamah an tir chho zel a chutichung chuan zinga Zuali kal loh tur thu ka hrilh bak kha chu UNathan biak na hun pawh ka nei lo ,a awl ve dawn chauh a Dr. Noel'an a tir lehnghal zel, a chau tawh viau ang .

Nitin mai hian ER ah hian thisen khai ngai hi pahnih tal an rawn kal ziah thin ,khai chhung lah chu darkar5 vel te a ni ṭhin lehnghal .Ka tih ve theih tur awm ang a awm loh em avangin chung ho chu ka lo vil deuh chawt a ,nilo an bulah ka lo muthlu a ni zawk mah. Thlak angaih veleh min rawn kaihtho ve leh mai zel bawk. 

" Tho rawh " ṭawng ri ka hriat rual rual chuan ka phu lutuk chu ka harh nghal kawk mai ,ka han hawi chhoh nak chuan Dr. Noel lo ni rengin .

" kha in rawh " tih pahin lasi hi min rawn pe a ,mak ti takin ka lo en reng ringawt .

" ka lawm e " 

" darkar 2 i mu tawh, tho ve tawh em em rawh " kal pah chuan a rawn ti leh kher a ,ka bulah damlo an awm ve bawk nen ka zak takzet.

" a thinrim miah lo mawle " tih sap pahin lasi chu ka han in a , thinrim a hnekin lasi te min pe lehnghal .

Hepa hian eng nge maw a hriat le ? 

Ngaihdan diklo ka pu hman ṭep tihin ka han hawi kual vel a duty ho chuan lasi no chu an lo dawm far hlawm a, Dr. Noel an keimah chiah min leisak emaw tia ka lo hlim ruk ve tawh nen ka nui tawp hmak mai . 

Engthil nge maw ka ngaihtuah le, min duh ve anga ka lo ngaihtuah ve ringawt pawh hi a zahthlak zawk, ka tihngaihna hre lo chu ka lu te ka hiat ta vel mai mai .

Chutia thlamuang taka ka lo ṭhut delh delh lai chuan nu pakhat hi an rawn zawn lut a ,an ri nghal huk bawk .

" Eng thil nge thleng a ?" Ka bula damlo thisen khai lai chuan min rawn zawt a .

" ka hre chiang bik lo ,a lan dan chuan a kang in ka hria " 

Khuma an mut rual rual chuan rang takin a mutna chu midang hmuh theih loh turin parda in an zar hliah nghal vek a ,parda an zar takah chuan a serious a ni tih ka hre nghal .

Rang takin ka tho a ,ka va bih thlak hnu chuan ka rin ang ngeiin kang a lo ni tak tak .

"Ka pu engvanga kang nge ?"

UNathan chuan a rawn kalpui tute zinga mi chu a zawt nghal vat a .

" bawlhhlawh petrol in a hal a ,thli in a rawn beng thut a ,a rawn hliau ta alawm mawle. Vairangte aṭanga rawn kal kan nia ,mamit damdawiin a kan kalpui hnu ah doctor ten min rawn tir thla anih hi " a ti nghal zung zung a .

" drip an lo khai sak cheu em ?" 

" aw ...a kut a kan nasat em avangin a ke ah an khai " 

" a nih chu ...ka pu lo va chhuak la kan lo buaipui mai ang ,Amawi Sir va ko lawk rawh " UNathan chuan a ti nghal zung zung a ,kei erawh tihtur hre lovin ka lo ding leh reng tawh ,ka vawikhat hmuhna a ni bawka ka rap takzet.

Dr. Noel pawh chu a rawn lang rang kher mai , record hlui en pahin chunu chu a han endik vel a .

" hetah hian 80% kang angin an ziaka mahse 40% chiah a kang a nih hi ,hlauh tur a awm lo " a sawi zawng chuan min rawn en a ,ka rap tih a hria pawh a ni mahna mahse a thusawi hian min hnem takzet.

Damlo na deuh pakhat a rawn luh tawh chuan a dang in a rawn zawm zat ṭhin an tih ang tak tak in mipa pakhat puan nuam a kuh hlun hi an rawm nawr lut a , a khawi lai nge na tih hre lo mah ila thisen erawh a far nasa hle thung .

"A ke ah hian venflon vuahna tur in lo zawng mai dawn nia " tih pahin Dr. Noel chu damlo dang buaipui turin a kal lehnghal .

Senior nurse rualin a ke leh chal velah vein an han zawn ngial pawhin a hma in an lo vih nual tawh avangin engmah hman tlak a awm lo.

" a nghawngah a theih loh em ni ?" Intern pakhat hian a rawn ti a .

" a kang vek ,central line-ah a ngai ang " Nu Sangpuii chuan alo ti sap a .

" Nu Sangpuii Pu Thangpuia nen duty room ah Dr. Noel an a ko che u " Nurse Ivy chuan hmanhmawh tak hian a rawn ti a ,a tlan let leh lehnghal .

"Tete lo kal ve rawh " Nu Sangpui'in min sawm avangin ka kal ve nghala , Duty room kan luh chuan duty dang ho pawh an lo awm ṭhap tawh .

Engthil nge maw thleng teh thut le ,hetiang hian an ti ngai si lova .

" Noel sawi vat la damlo in min nghak reng tawh ania " nurse Ivy chuan kan kim takah chuan a han ti sap a , midang erawh a ngaihna hre lovin kan lo hawi ã hle.

" Damlo pakhat a chhaka kan mut hran tir bik saw accident avangin a malpui leh mawng vel a thler veka " a han ti dek dek a Pu Thangpuia chuan ,"a thisen kan tih tawp hnuah OT lam call ila ani mai alawm " a lo ti sam et a ,midang pawh an lo bu nghat mai.

" aw chu chu kan ti ang mahse..." 

Damlo in min nghak ṭhup a ,Pu Thangpuia chu a lo hmanhmawh ve bawk nen rang tak hian ," thil harsa vak a nih loh chu in koh khawm nachhan tur a awmlo " tiin a lo pawtchat leh a . 

" ka koh khawm nachhan cheu chu HIV positive a nih vang a ni " Dr. Noel'an fiah fai taka a tih rual chuan phawk fe a in melh kual pahin second thum vel chu kan reh nghal duk a ,a hnuah kan phun lehnghal mur mur bawk .

" Ivy , Pu Thangpuia nen min puih angai ang " 

" ngatinge kei kher? " nurse Ivy chu a ṭap ṭep in ka hria mahse a dem awm hran lo a huphurh awm ve em a tin ni. 

" keiman ka lo pui ang che " senior nurse tih takah Nu Sangpuii hian a hna a hlen ṭha takzet .

" chhuat a thisen far pawh saw in lo nawt fai leh vek dawn nia damlo dangin an rap palh ang " nu Sangpuii bawk chuan a han ti leh a, thil tifai ṭhin ho pawh chu an inpe zo hlawm takzet, an fakawm thlawt.

" Kang saw central line ka tih sak zawhah ka rawn kal ve nghal ang chuan damlo chungchang a ruka lo sawi sep sep emaw a positive avanga lo en hrang in awm chuan in haw thei ang ,damlo dangin engmah an hre tur a ni lo " Dr. Noel serious hmel hmuh tawh hi chuan a thinrim te pawh a ang zawk .

Dr. Noel chuan intern ho chu an tih tur a sem kual nghal zung zung a ,a tawpah keimah chiah ka bang lel mai . 

" Sir " a kal tur chu ka ko ding a .

" Eng nge ka lo tih ve ang ?" Tiin ka zawt zui zat bawk. 

" nang chuan damlo dang saw ilo enkawl dawn nia chuan chhak lamah sawn kal pawh rawn kal hnai suh ang che " 

" mahse midangin an enkawl vek tho sia " 

" ka sawi ang chuan awm mai rawh, thu i awih loh chuan ka hnawtchhuak ang che " a ti vin nghal hlur ringawt.

Engvanga HIV + bul hnaih a ka kal pawh chu phal lo em em nge maw a nih le ?

Midang an buai hut hut lai chuan ngawi rengin duty room aṭang chuan ka chhuak hnak hnak a, tlangval pakhat in thla a lo la kual mawlh mawlh lai ka va hmuh chuan rang takin ka va pan nghal .

" min lo hrethiam la helai hmunah hian thlalak phal ani lo " tih pahin thlalak phal loh tih in tarna chu ka kawk a ,chupa lah chuan ka ṭawng chu hrelo ang hmakin a awm a nih chu ! ,a rui lehnghal emawni? 

" ka pu ..." Tlangval keimah ang rual vel ni mahse ka pu tho .

" hey ! ṭawngkual duah lovin room hran chu min pe vat mai rawh , minister tupa ka nih hi" 

" maw !" Ka lo ti ha ringawt. 

A sawi awmzia pawh ka hrelo ,ka hriat zawng chu a kut ,ke leh hmai vel a pilh phung a ṭhui ngai erawh a awm lo tih zawng a ni .

" VIP ka nih hi " rui viau e ti lo chuan min melh kur a ,a ruk tak chuan ka hlau .

" min lo ..." Ka ti dek dek a ,Amawia chuan min lo pawt hrang nghal vat a .

" Eng nge ?" 

" Tete ...buaipui lo law law rawh , minister tupa ania room hrana enkawl a phut a nih saw " 

" a nih chuan Sir kan hrilh ange " tih leh kal ka rual nghal. 

Dr. Noel chuan kang kha alo buaipui zo chiah a ,ka va nang hman hlauh .

" Sir , minister tupa in room hrana enkawl a phut a " 

" A englai nge na?" Glove bun mawlh mawlh pah chuan min chhang a. 

" a accident na aniang ,a ke leh ban leh hmai a pilh a ,a bak na a nei lo " 

"Dressing la ,TT pe bawk la kal tir rawh "

" Sir ,VIP ..." Ka ti dek dek a ," hmun dangah kal mai rawh se " a lo ti hmak.

Kutbenga haw tir leh ngawt ai chuan tiin TT tal a jection tum chuan ka va kal leh a ,a lo duh lo ngang mai .

" TT-a i inchiu loh a sakawr ek hrik i kai chuan tih damna a awm tawh lo ania, dressing i duh loh pawhin TT tal hi chu la rawh " hrilhfiah ka tum ngial pawhin a duh tlat lo .

" ka pu a hlauhawm loh ,inchiu ai chuan Sakawr ek hrik kai a hlauhawm zawk " 

" room min pek hma loh chuan ka duh lo ,VIP ka nih hi " a tih chuan ka lo thaw halh ringawt .

VIP bawk chu , midang chu nise a intih nat dan anga na hi chair ah kan ṭhut tir ang mawle ,a ni phei chu khumah a mu zawk lehnghal.

" min ngaithla teh ..." Ka ti chiah chu min rawn beng thle nghal sawk ringawt .

" room chu min pe vat mai rawh u" a rawn kalpui tunu ,anu niawm tak chuan a fapa chet dan chu zahpui a hnekin a lo thlawp a nih chu !! Hahh..Mihring pawh an ni lo. 

" keiman ka lo ti ang " UNathan chuan ka syringe ken lai lak pah chuan a rawn ti nghal vat a," midang lo va pui rawh " a tih takah chuan kal pahin chupa chu rum zet hian ka melh leh kher bawk . 

Sawi chhuak lo mah ila ka rilru chuan F*ck you a ti nghal char char .

Noel's Pov

Ka damlo buaipui lai OT lama ka thawn chhoh meuh chuan dar 4 alo ri ṭep tawh , ka buai atalang in Tetei haw lai pawh ka lo hre lo. Intern pakhat in min hrilh dan phei kha chuan damlo kut a tuar lehnghal a ,hmuh ngei ngei ka duh asin le . 

" Lalṭhian vawiin chu i va rei ve " Rinhlua chuan uang zet hian a rawn ti a .

Rinhlua nen hian MBBS kan zir dun a ,a ni erawh PG ti lovin falkawn damdawiin ah a thawk daih thung ,chutichung chuan falkawn atangin gym kal dun turin min rawn la sawm ṭang ṭang.

" hetah hian i awm rei tawh em?" 

" darkar chanve chu ka lo nghak tawh che ,tinge?" 

" a nih hmeichhe pakhat bakilh senno kilh i lo hmu em ?" Ka zawhna avang chuan a nui ringawt .

" eheu , chunu chu tunge?" Min chhaih leh dawn tih hriata lo zawh lek loh tur .

" kal vat ang " min zawh thui hma in ka car ah ka lut nghal daih ,a ni erawh in ka hnungah bike in min rawn zui thung .

Gym ah rei pawh kan awm hma chuan Mamawii pawh a rawn lang ve nghal .

" UMamawi thil te te ka hria ania" Rinhlua tak hi chu ,ka lo zawt kher kher a ni .

" Eng nge ?"

" Noel chungchang mawle " 

" Maw! Hmeichhia an awm em ni ?"

An ṭan leh dawn ta , MBBS ka zir ṭan tirh aṭang khan ngaihzawng ka la nei leh miah lova ,chu chu min chhaih nan tak an hmang.

Ka hmuh zawh loh vang nilovin an duh anga ka ngaihsak hman loh avang zawkin.

" ER -a duty bakilh senno kilh " 

" Lalrinhlu " tih pahin bottle chuan ka vawm pawp a , a phur zual sauh emaw tih mai tur a ni .

" Chuvang chu nimaw vawiin ah Dr. Kevin nen in in duty thleng nachhan , chuan keipawh in duty thleng puiah min sawm alawm chunu nen chuan an duty tlan theih nan "

UMamawii hian min man chiang lutuk a sawi tur pawh ka hre lo ka nui ringawt .

Tetei te duty roster a rukin ka check a ,kan duty dun theih nan midang nen a in duty thleng puiah ka sawm kual vek tawh .

" busted " Rinhlua chuan a rawn la ti ang deuh deuh a. 

Chapter-5

“I look at you and see the rest of my life in front of my eyes.“

Kan workout zo kil khata kan ṭhut khawm ṭhap lai chuan Rinhlua chuan Tetei chungchang bawk min zawt leh tawh , a hre chak bawk aniang min zawt chhen mai . 

" Kan bakilh senno-i chu a hnute a lian em?" Nuih vur vur pahin Rinhlua chuan a rawn ti a ,uMamawii nen kan in en a ka nui ringawt. 

" a ṭan leh dawn ta ,hepa hi chuan mawng lian leh hnute lian hi a lawm ve hrim hrim " uMamawii chuan Rinhlua darah chuan a han beng thak thak a. 

" mawh? Noel a lian ṭha em ?" Ka ning lutuk chuan thawh daih pahin, " ka la khawih sak lova ka hrelo " ka ti sup a ," ka khawih hunah ka hrilh leh ang che" ka ti fiam chhunzawm zat bawk. 

" Taka Joysie in IG -ah min rawn follow back asin " a phone khawih neuh neuh pah chuan a ti leh a , a buaipui na a rei tawh bawka a rawn notice ve ta nge nge alawm . 

" In thawk ho tho a bem pawp mai ta che " ka tih chuan alo ner nasa mai.

" tunang laiah chuan IG aṭangin bul an ṭan phawt ṭhin alawm " inla hre tawk hian min rawn hnial nghal, ka ngaih ve danah chuan hetianga ti kual vel lo hian an mahni ngei hrilh pawp hi a ṭha ka ti ber. 

" dik chiah IG velah enthla hmasa phawt ila chutaṭang chuan hmalak pawh a awl " uMamawii meuh pawh Rinhlua lam a ṭang ve tlat ,hetiang lamah hi chuan hriat ka neih tlem avangin han hnial vak ngaihna ka hrelo. 

" Nangpawn IG aṭangin hma la ve la ,alo fuh phian maithei asin " uMamawii chuan fiamthu ti tak deuh hian a ti a. 

" ka peih teuh lo " ka lo ti vat a. 

" a ni te zawng a Insta ah maimawm ril a awm tawh ang ,update fe loh chuan hman pawh a hman theih tawh lovang " tih pahin Rinhlua chuan ka phone chu min rawn lak saka ," Hei message pawh i dawn hnem em hi en ve ṭhin ta che " a ti nghal bai bai bawk. 

" Khawimaw ka lo en ve chhin " uMamawii chuan a ti a. 

An pahnih chuan Instagram a ka message dawn ho chu an chhiar a ,an hlimpui phian lehnghal.

" Noel reply ve ṭhin ta che " 

" hmeichhia tutu emaw ka hmelhriat pawh ni hleilo message ka chhiar peih hleinem " ka lo ti hmak .

Instagram leh facebook ah hian account a hming chuan ka nei ve ,han luh zeuh chang chu nei ve mahila hetiang ai chuan game khelh nuam ka ti zawk. 

" hei vang hi lawm tun thlenga ala single nachhan, hei tunah hmeichhe duh a nei dek dek a a buaipui leh em em a " Rinhlua hian min ti rui dawn in ka hria ,engkimah Tetei a hmer tel leh reng dawn ta a nih hi.

Ka tih ṭhin dan ang bawkin mut hma in ka inbual leh te te phawt a ,lehkhabu chhiar pahin khumah ka ṭhu leh zar tawh.

Lehkhabu ka chhiar laklawh lai chuan Rinhlua thusawi kha ka hrechhuak thut a ,ka lehkhabu chhiar lai dah meuh in Instagram chu ka han en kual vel a ,ka peih lo ka ti na in IG aṭanga Tetei enthlak ve phawt hi a ṭha dawn riau in ka hria. 

Chutia keima tawka ka lo buai ve em em lai chuan ER bika kan chief Pu Awmpuia hnen aṭangin call ka dawng hlawl mai .

" Hello ,Sir " ka pick up rual rual chuan ka ti nghal var a .

" Noel, vawiin ah hêk kan tawk tlat mai " 

" Tu hnen aṭangin ?" 

" Minister tupa in amah enkawl ṭha duh lo leh hna tlin lovah a puh che a ,naktuk ah Medical Superitendent hmu turin i rawn kal dawn mi niang ?" 

Khapa bawk chu ! Tetei kut alo thlak lehnghal a min report dawn tih hriata a hmun a lo hnek nghal law law tur a nia .

" aw le ,ka hrethiam e " tih pahin phone chu ka dah nghal a, mi rilru hah leh inngaihtuah ngut ngut mi ka ni lo bawka ka phone ka dah rualin ka theihnghilh leh nghal. 

" Henu hian engtin nge IG ah a in dah tak ang?" 

Kha inla VIP zet pa ai kha chuan Tetei chungchang ka buaipui hian ka hlawk zawk chuvang chuan ka in ti buai peih vel lo . 

Tetei profile name tur awm ang ka han zawn ngial pawhin ka hmu thei miah lo lehnghal.

" a awm lo zawk emawni le? " 

Vawitam ka zawn kual fe hnu chuan tih dan tur ka ngaihtuah chhuak hlauh ! 

Dr. Jennifer in Nathan a follow ngei anga chuan Natha'an Tetei . 

Ti fuh in ti deuh hian Dr. Jennifer following list ho chu ka zawng chhuak dap a , chutah Nathan account aṭangin Tetei ni tur awm ang kan zawng leh tak tak mai chu zing dar hnih ah pawh ṭhu tung meuh in ka phone ka la scroll thla ngat ngat. Ka bei ta rau rau ka zawng hmu tur hi a ni ringawt.

A vawikhat na ah ka hmuh loh avangin Nathan follow ho mi 1500 vel chu ka zawng thla leh ngat ngat a ,a tawp lamah phei chuan ka thin a rim hlur tawh. 

" hreptak chuan "

Ka hmuh zawh ngang loh avangin khumah ka let nghal tawp a , keimah lo ang taka hetiang thil ka ti hi a atthlak takzet .

" Lalrinhlu i chak dawn lo " Rinhlua thlengin ka haw hlur tawh mai ,Instagram chungchang kha lo sawi loh law law tur ania.

Thatchhe zet a mut pahin Nathan a account chu ka en kual ta vel mai mai a mahse thlalak pakhat ah hian a mi tag te zingah @mostly_tetei tih chu ka hmu ta thut mai ,rang lutuk in ka check nghal vata Tetei ngei a lo ni ,haha Ka Tetei ngei a ni .

Zan rei ah lawm loh in keimahin ka room ah ka nui huah huah mai alawm .

" zawng kual vak kher lovin awlsam deuhin a hmuh theih reng mawle" ka thinrim leh hnuhnawh a ,ka phone chu khumah ka theh thal tawp ringawt. 

Naktuk ah Medical Superintendent meuh hmuh ka ngai tih pawh hrechang tawh lek lovin Tetei thlalak chu ka han en kual vel a ,thlalak sawm vel hi a lo dah ve a, thlalak pahnih phei chu a edit nasa lutuk a amah a ni ta lo emaw ka ti . 

Chutah a story chu ka en leh a Nathan bakah midang pahnih te nena an thlalak ho na chu alo hmang kalh a .

" Pakhat in in tam a nih hi " ka ti sup ringawt .

Group thlalak mah nise Nathan a lan tel ve avang hrim hrim hian ka duh lo. 

---------------------------------

Superintendent ka hmuh hma in ER ah ka kalkawi phawt a ,Dr. Jennifer hmu peih lo viau mah ila Tetei duty ni a nih avangin ka kalkawi leh hram .

Midang ho in duty thleng pui mah ila Dr. Jennifer erawh ka dil buai peih loh avangin Tetei nen an duty dun dawn ta bik a nih hi .

" Hello ,Noel " Dr. Jennifer chuan min rawn vuan nghal chial a ,Tete'in min rawn hmuh ka hlauh avangin ka hawi kual rang hle . 

" Nizan te i mu thei meuh maw ,ka rawn text che a min reply thei bawk si lova " 

" mut ṭhat theih loh nachhan tur a awm em ni ?" 

" nimin chungchang vel kha ka lo hria a , Superintendent te chu i pa ṭhianpa ani tho a a zia hlauh" 

" nia lungngaihna tur a awm lo " ka lo ti liam puat ringawt.

" hei min dil angin nimin a CCTV footage chu " tih pahin pendrive hi min rawn pe a ,lak pahin lawmthu ka hrilh nghal a .

" Chaw te i ei tawh em ? I la ei loh chuan eitur kan chah dawn mi niang ?" Tetei ka en atalangin a thusawi pawh ka hre mumal lo.

" tih tur ka nei a ka kal mai " tih pahin intern ho lo ṭhut khawm ṭhap na ah chuan ka va kal ve a, hetiang thil hi a hma in ka la tih ngai loh avangin mak an lo ti hlawm hle. 

Tetei chuan ka bakilh pek kha alo la hmang a chu chuan min ti hlim hle nghe nghe. 

" Sir , hetah ila thawk tho ang tiraw ?" Intern pakhat chuan min lo zawt a ,thil thleng chungchang vel kha an lo hria a ni ngei ang . 

" dawn e ,tinge?" Tetei chu ka va melh zeuh a,a phone en pahin alo kun daih thung .

" bang miah suh aw i duty loh chuan a nuam lo " an lo ti sap sap hlawm a ,hlim viau tum mah ila Tetei berin min en duh miau lova ka nui tawi tup mai.

" Taka ...Sir ,naktuk tuk leh ah ER a duty ṭhin ho kan picnic dawn a ,lo kal ve ngei ngei rawh " pakhat chuan a rawn ti a .

Picnic a!! Ka peih loh zawng tak. 

" ka hrelo ,ka duty dawn loh chuan " 

" i duty dawn lo kan en vak tawh " an lo ti ṭhup ringawt .Ka duty roster an lo en ru a nimaw ?! 

" kan vaiin kan kal vek dawn asin " 

Kan vaiin an tih awmzia chu Tetei pawh a kal ve dawn amaw? 

" helai a awm ho pawh hi maw ?" Ka zawt ṭha leh ngat a ,an lo bu nghauh nghauh hlawm mai.

" ka hman maithei " tih sup pahin ka sana chu ka zuk bih zeuh a ,Superintendent ka hmuh a hun tawh.

" Yes " an ti ru sap sap hlawm a, picnic chak lo mah ila Tetei ka hmuh dawn avangin ka phur ru hle thung. 

" ka kal a hun tawh ,ho thla la ho ila " 

Tete'in a IG story-a a post ve beisei in ka ti ta ringawt a ," Tete ...i phone khan rawn la rawh " ka ti leh kher bawk . 

" ni e ,tikhan rawn selfie rawh " vanneihthlak lutuk in intern pakhat chuan a rawn ti hlauh,a rawn titu nu hmel hi ka theihnghilh leh tawh ngai lovang .

Tetei phone a thla kan lak zawh hnu chuan Pu ber office lam panin ka chho nghal a ,a engamah hma in Tetei story chu ka check nghal ringawt. 

" minute5 a ral leh tawh a ,hman chu a hun tawh " 

Superintendent PA in lut turin min tih avangin ka phone chu ka ak ṭha sauh sauh a ,phur lo zet chung hian ka lut nghal bawk . 

" Noel lo ṭhu rawh " file vel buaipui pah chuan a rawn ti a ,ngawi rengin ṭhu tura min tih na ah chuan ka ṭhu a. 

" Niminah minister tupa in lo enkawl danah a nu a lungawi vak lova, room hran in lo pek duh loh mai bakah a hliam enkawl turin intern i tir tiin report an rawn theh lut a " a thusawi chu ngawi rengin ka lo ngaithla kar a .

"Minister tupa meuh pawh thingpui em pawh in lo pek loh bakah amah enkawl tu intern chungah pawh an lungawi lo hle , jection luih a tum avangin mimal zalenna zahsak lovah an puh a ngaihdam a dil lo a nih chuan case pawh an file maithei " 

A thusawi engkim mai chuan ka nuih te pawh a ti za zawk mahse Tetei an hmer tel ve kher avang erawhin ka sa nghal phat .

" ka duty lai chuan VIP pawh nise midang in enkawlna an dawn ang thovin inthliar hranna awm lovin a dawng ang, intern a ni emaw thawk lai a ni emaw pawh nise a tih tur a tih miau chuan a dampui em em ang " ka thusawi lai chuan alo bu nghauh nghauh a.

" Intern in a damna turin jection luih alo tum a nih chuan doctor incharge ka nih angin keiman mawhphurhna ka la ang amaherawhchu amah enkawltu intern chungah khan ngaihdam an dil lo a nih chuan dan a bawhchhiat avang leh kut a thlak avangin case ka file ve ang " 

Thawh uai pahin pendrive chu a dawhkanah chuan ka dah a,ka kal hma chuan ka hawi let leh ngat a,"chuan heihi lo hre rawh se damdawiin hi thingpui dawr a ni lo ,thingpui an in duh anih chuan hmun dangah kal mai rawh se " ka ti ve hmak a ,ka chhuak nghal nal nal bawk .

Vawiin-ah ka duty dawn lo bawka haw tlang nghal tumin ka car awmna lam chu ka pan nghal chat a .

" Noel thil a kal tluang em?" ER receptionist Rp-i chuan min lo bia a .

" aw , khawiah nge i kal dawn ?" 

"Miṭha pan ka lei lawk dawn ,Jennifer'in a zia a chhuah leh tawh a ka awm peih hrih lo " 

Dr. Jennifer hian aipui leh aitê a nei an tih ṭhin kha ka hre chhuak zawk mai. 

" ngatinge ?" Nuih vur vur pah chuan ka zawt leh a .

" Minister tupa ten case file an tum chungchang vel kha mawle , khapa enkawl tunu intern kha a hau hrep alawm " 

" Enga !" Ka ti vin nghal hluk ringawt .

"A phun renga a ninawm lutuk zuk thlem rawh " 

Ngawi rengin ER chu ka pan nghal a ,Tetei chu inchhungah pawh ṭhu lovin pawn ṭhuthleng a alo ṭhu kun lap lai hi ka va hmu a.

" min rawn zui rawh " 

Ka ṭawng a hriat rual chuan a rawn hawi chho vat a ,a meng phawk nghal kawk bawk.

" Sir " 

" min rawn zui rawh ka tih chu " ka duh aiin ka vin.

EW corridor ah chuan ngawi rengin kan ding dun ran a ,tumah an awm lo bawka a reh phei duk mai.

" Engtin nge Maam chuan a tih che ?" Amah chu chiang tak mai hian ka en ran a ,ani erawh a kun tlat thung .

" Engmah a ni lo " a ti sap ringawt.

" Keiman mawhphurhna chu ka la vek ang ,midangin engtin emaw an tih che chuan min hrilh vat ang che " 

" Maam khan a sawi dik chiah intern engmah hrelo leh IV injection takngial pawh ngam lo ka nia ,VIP enkawl tur phei chuan ka tling lo hul hual " a ti thawp sat a ,eng ang pawhin inti pachang tum teh mahse a hmelah a hlauthawng hle a ni tih hai rual a ni lo .

" VIP ?" Ka chek deuh tlak a ," mawhphurhna ka la ang ka tih tawh kha " 

" mawhphurhna pawh la mahna ka thiamna in a tlin miau loh chuan hetiang hi ka chungah ala thleng leh tho tho ang ,chutah pawh chuan mawhphurhna i la seng vek dawn em ni ?" Vin deuh tak hian min rawn zawt let ve ngat , hei ngei hi a ni Tetei ka lo hriat ṭhin kha. 

" lo kal teh " tih pahin duty room ah ka kai lut nghal dawr dawr a, drawer a venflon pakhat chu la chhuak nghal in a kutah ka hmeh bel chawt a ,hriatthiam loh hmel takin min lo en ha mai. 

" Eng nge awmzia ?" 

" hei hian in lamah lo in zir rawh ,thingṭang emaw hnah kuang emaw lo vit ṭhin ang che ,i kawih ṭhan na nâ na chuan i kut pawh a khur tawh lovang " 

" mahse ..." 

" mawhphurhna ka lak vek seng dawn loh avangin i thiam ngei ngei angai " nuih suk pah hian ka ti a .

" Sir , i hria em ?" Chiang takin min rawn en chho ha a ," ka hlauthawng takzet , ka lakah case an file ang tih ka hlau" 

A hlauthawng lutuk hmel hi ka hmu thei tawh thlawt lo ,nghet takin ka kuah nghal vawng vawng ringawt .

Eng tehhrep nge Dr. Jennifer chuan a lo hrilh ang hetiang em em a a hlauhthawn tak mai. 

" Engtin mah an ti lovang che ,Superintendent pawh ka hrilhfiah vek tawh engmah a thleng dawn lo " tiin ka hnem mawlh mawlh a , a thaw huai in ka hria .

" umm...Sir ,ka kal angai in ka hria " a inla hrang nghal vat a , a ruka nuih ver ver pahin a tlan chhuak nghal daih bawk . 

__________________________________

Kan ṭhian ho a futsal khelh kan tum avangin faifuk rat rat chung chuan ka bag chu ka pack mawlh mawlh a , Tetei ka kuah avang khan ka thil tih engkim mai hi ka phur vel vek. 

"Noel ,naktuk tuk leh hi kan anniversay ania hun insiam lo tum ve rawh aw " ka nu chuan ka tui pai tur min rawn pek pah hian a rawn ti a .

" kan picnic dawn ka hman lo ang " 

" Picnic aiin a pawimawh daih zawk " 

"Ka rawn kal ve chu i duh viau em ni ?" Ka nu chu a lo bu nghat a .

" a nih chuan sawn mai rawh u ,ka kal dawn nia" ka bag ah pahin ka chhuak nghal daih a ,ka nu chuan ," Lalrinkim.." Tiin min rawn au lawm lawm mahse nui vur vur chungin ka kal lui ta tho a. 

Kum tin an anniversary hi an lawm ziah a , Tetei nena picnic dun erawh kum 30 chhunga a vawikhat thlen na tur a nih dawn avangin ka ngaipawimawh zawk .

Inkhelh kan chawlh kar lakah chuan ka phone chu ka en deuh chhen reng a ,engdang nilovin Tetei IG story bawk chu ka check leh ṭhin. 

" nidangah i phone pawh i rawn keng ngai si lova thil diklo a awm em ni ?" 

Ka phone ka en ngun lutuk a Rinhlua takngial pawh a ngaih a ṭha tawh lo .

" Tetei story ka en mai mai mawle " ka lo ti liam puat a .

"Khawi maw ,a hmel ka en ve duh ' tih pahin ka phone chu min rawn chhuhsak pawp a ,Tetei thlalak a hmuh rual chuan ," ṭhianpa naupang a nih hi " a rawn ti vak ringawt .

A sawi dik ve tho ,kum 30 ka tling dawn tawh a Tetei erawh alo berah kum 23 bak ala ni lo ang .

" a pawi vak em ni ?" 

" pawi love mahse i type i thlak chiang hle mai " a tih chuan ka khi suk ringawt.

Lan dan aiin mizia hian mi a lo hip zawk zia fiahna te pawh a ni mahna. 

" Vawiin ah thla kan la ho sia tun thlengin a story-ah ala hmang miah lo " 

" Thla i la amaw ? Haha class thlalak ah pawh lan i duh loh avangin i tlan chhe ziah ṭhin sia Dude , ka hmulthi i ti ding dawn ania" 

" kal tawh rawh " tih pahin ka nam deuh sawk a ,min rawn la nuih ang vur vur a. 

" nanghi i duh thu hrilh i tum hnai te hi a ni lo maw " 

Tih kual vel hi ka peih ve lo ,a rang thei ang ber in hria se ka duh .

" Hey! I hmanhmawh a nih kha ,muangchangin kalpui rawh a tlo duh zawk .A ngaihdan te hrechiang hmasa ve phawt la chuti lo chu i chan zawk mai ang " 

Min sawi ṭhaih a tum nge min fuih zawk pawh ka hrelo mahse ngaihtuahna a ti kalthui hle thung. 

Chapter-6

“I swear I couldn’t love you more than I do right now, and yet I know I will tomorrow .“

-Leo Christopher

" taka ṭhianpa keichu nizanah Joysie nen kan inbia asin " nuih vur vur pah hian a rawn ti a, keini erawh inbiak chu sawi loh a story post ringawt ah ka la buai .

Engtin nge maw a tih bik ni? 

" haw ang ,ka khel peih tawh lo " tih pahin ka tho thurh a ,hepa hian min ti phur lo zo vek .

" Noel ....Noel " 

Min rawn auh pawhin ka hawi let duh tawh lo ,a tawpah min rawn zui leh hnak hnak tho.

" Lalṭhian i hmanhmawh lutuk a nih kha muang chang muang changin han ti phawt mai teh , engpawh chu nise hetiang anga awm tir tu che hi ka la hmu em em ang mawle" 

Rinhlua hian thil ni lo lo a rawn ti leh ang tih a hlauhawm ,college kan kal laia a tih flop ang kha chuan ka thlen nawn tir tawh dawn lo . 

____________________________________

PICNIC

Resort ka thleng ve meuh chuan Dar 11 alo ri dawn tawh , ka thleng tlai ber maithei a ṭhen chuan tui an lo cheng daih tawh a ,a ṭhen in basketball an khel bawka mahni hlima tur zawngin an vai mai chuan an buai hle kei erawh Tetei zawng reng reng in hun ka hmang leh tawh.

Ka rin ang ngeiin Tetei chu Nathan nen an lo inzui leh chawt tawh, kal lo phei ila chu saw pa sawn hma a la hrim hrim ang. 

" Sir ,i rawn kal tawh dawn lo emaw kan lo ti asin " intern pakhat chuan min rawn be nghal chat a ,nuih suk pahin Nathan te awmna lam panin ka phei san daih. 

" Noel i rawn thleng thei maw ?" Nathan chuan min lo nuih a ,ngawi rengin an ṭhutna ep chiah ah chuan ka ṭhu ve nghal. 

" Sir, kha ei ve rawh " 

Tete'in a thil ei lai ei ve tura min rawn tih chuan ka phu deuh zawk.

" ai ...ka ei peih lo " ka lo ti hmak , ka ei peih loh chu thuhran an pahniha ka hmuh dun hian ka luak te pawh an ti chhuak.

" anih chuan tui cheng ve ila " Nathan bawk chuan a rawn ti leh a. 

" Car-ah ka thawmhnaw ka dah vek ,ka cheng peih lo " tih pahin beer vawt zet chu ka han lem khawlh a ,chutichung pawh chuan ka dai thei chuang lo ka thin a rim tulh tulh mai . 

Chutia ngawi renga kan ṭhut ho lai chuan intern pakhat hi a rawn kal a ," UNathan i evening dawn sia dar 1 velah i haw angai ang a " a rawn ti ta mai, rang lutuk in ka sana ka zuk bih nghal . 

" nia ...darkar 2 vel tlan a ni sia ,Tete... Saia pawh ka be tawh i rilru ti hah duh suh " 

Engmaw Saia a!! Engthil nge Saia chu a hrilh ? 

Engpawh chu nise Nathan dar1 ah a haw dawn a ni tih ka hriat rual rual hian ka dai nghal sawng sawng a ,khua te lah hi a thiang sawt bawk.

" Nathan tui chen i duh a ni lawm ni ?" Ka zawt let leh ngat a , a lo bu nghauh bawk.

Tetei bulah a awm loh phawt chuan a ṭha a ni mai .

★ Tetei's POV ★

Dr. Noel tui cheng lai chu ngun takin ka lo en reng a ,a hmel ang chiahin a taksa pawh a nalh takzet , en ringawt pawh sawn a awm mai mai lo tih a hriat.

" Hmm...Dr. Noel nupui chu a vannei ngawt ang " Ruatdiki chuan Dr. Noel en vawng vawng pah chuan a ti sap a ,Zuali phei chu rawn kal ve se chuan a tuiral vek tawh ang.

"A hmeichhe duh nih ringawt pawh a chakawm " ka lo ti ve sap bawka ,kan pahnih chauh hi hetianga rilru pu hi kan ni bik lo.

Dr. Noel abs leh V-line ka hmuh ringawt pawh hian ka mur deuh sung sung in ka hria, sawmi a taksa ngei mai sawn min kuah kha a nia ,ka mumang te pawh a ang zawk .A perfume rim te kha ka hnar ah ala cham veng veng mai. 

" Enteh Tete ...Nunpuii sawn Dr. Noel saw a vil deuh tawp nimai hian ka hria " Ruatdik'in a rawn tih sa sa takah chuan a vil deuh chawt tak tak , a kalna apiang ah a kal ve zel a ,ka ngaihbel vang nge pawh ka hrelo kuah phet te saw a tum in ka hria.

" Mapuii pawh a bang bik hleinem " ka lo ti ve nghal .

" UNathan lah a hauh ropui sia tunah Dr. Noel a ti leh a " 

Hmeichhe pahnih an awm dun tawh chuan mi an rel ngei ngei tih ang zawng zawng kha kan nei zo vek .

" tui i cheng ve duh em ?" Kan rel thui hma chuan ka ti ta ringawt a .

" aw ...va inthlak la keichu tihian a ni mai " 

" min lo nghak rawh aw ka kekawr hi ka va thlak lawk ang " tih pahin ka tho lawk a ,inthlak turin ka tlan nghal nal nal a.

Hall ka luh chuan a lo reh duk a ,Kira movie te pawh kha ka hrechhuak nghal uai uai mai.

Hlauh zahzelah zai rat rat pahin inthlakna room ah chuan ka lut nghal a, ka kekawr ka phelh fel chiah tih in thawm ka hre ta thut mai !!

Hawi kual hruk hruk pahin hriatchian tum chuan ka han ngawi deuh vang vang a vawilehkhatah kawngka chu a rawn in hawng ṭual ṭual mai !

"Nang ramhuai "

ṭe tuarh pahin ka pheikhawk chuan ka vawm nghal pawp a ," Aiah ...!!" Ti ri ka hriat rual chuan ramhuai nilovin mihring ka vawm fuh a ni tih ka hre nghal .

Chu aia pawi zawk chu Dr. Noel kher kher a ni lehnghal .

" ka...ka tihpalh " ka kekawr pawh ha hman lo chuan ka va buaipui nghal vat a ,a mit ah ka vawm fuh aniang a hup nghal vang vang mai .

" tun ang hunah ramhuai a awm i ring emawni le ?" Min lo vin lehnghal hlur tawh.

" i rawn lut thut a nih kha " ama thiam loh zawk a ni reng sia .

"Midang pawh an rawn kal dawn i kekawr va ha phawt rawh " 

Rang lutuk in ka in en nghal vata ,kekawrte nen chauh ka lo la awm teu mai !!

" mihur pa " tih leh inkhuh ka rual nghal ,a ni erawh thawk halh pahin a lo meng kual ralh thung .

" chhuak rawh ...chhuak vat rawh " min en kur reng avang chuan ka lo vin let hrep a .

" ka hmu vek tawh " tih nuah nuah kher pahin a chhuak a nih chu !!

Ka zak lutuk hi haw vang vang a, in kawngkhar zawng zawng kalh vek hnuah blanket hnuaiah vawi sarih lei chhuah ka chak. 

Tui cheng tur ka nih angin kekawrbul ka ha a, inthlakna room aṭanga ka chhuah chuan Dr. Noel chuan min lo en leh kur tawh , a hma ai zawngin ka zak tlat peka mahse midang an lo awm ve avangin ka ti lang lem lo .

" Tete...dawrah chuan kan va kal lawk dawn mi niang " UNathan chuan ka chhuak tur chu min rawn zawt a .

Dawr hi minute 20 vel leka hla ah a awm a, zing chaw ka ei lo bawk nen ka ril a ṭam thu ka sawi kha alo la hre reng aniang .

" a pawi hleinem, chaw kan la ei har dawn sia thil lo ei lawk ka duh " 

" ka kal ve duh " Dr. Noel chu a rawn ding hluai ringawt .

" i leng hleinem bike-in alawm kan kal dawn " Nathan chuan alo ti vat a. 

" ka car in kal ang u ,keipawh ka ril a ṭam " tih pahin a chhuak daih a ,amah leh amah a rawn in sawi lut ve ringawt .Zah tawh sa nak alaiin engthil nge maw tih a tum le ?

" Sir ,i khalh thei tak tak ang maw?" A mit ka vawm fuh avang khan ka zawt nawn leh kher a, vawm na vak lo mah ila a mit ko erawh a vung deuh . 

" Noel ngatinge i mit chu ? Engtin nge i tih nat? " UNathan an a zawh chuan kan in melh hrek hrek ringawt .

" ka khalh dawn hleinem "

UNathan zawhna chu hre lo ang hmakin ka zawhna chiah chu a chhang a, a awmdan avang chuan mak ti takin kan lo en ha ringawt . 

" rawn kal vat ta che u "tih pahin a car cahbi chu Nathan a pe a ,driver seat bulah a ṭhu nghal hmak bawk.

Kan zinga a ṭawng duh ve deuh ber a hnungah min ṭhut tir daih sia kan ṭhu ngawi ṭhap hlawm mai.

" Dar1 a pel tawh sia ka tlai deuh dawn a nih hi " UNathan chuan a ti dek dek a 

" anih chuan kal vat ta si che " Dr. Noel chuan a lo ti leh nghal hlur tawh .

Vawin chu hemi te pahnih hi eng nge an hriat pawh ka hrelo thil ho te te ah an in hnial nghal zel , ka ei tur man pek ringawt ah te zu han in hnial nghal zela mawle.

Resort-a kan let leh chuan Nunpuii chuan Dr. Noel chu a rawn target leh chat tawh .

" Sir Hetah lo kal lawk teh " a rawn ti nghal huam huam a , awmzia awmlo viau mahse ka lo melh rum ngang mai .

" ngawi rawh ka hman lo " 

" lo kal lawk la " tih pahin a kai nghal dawr dawr ringawt .Ka hman lo a ti reng sia tihluih kher angai emawni le?

Nunpuii awmdan cheng chung hi a engkim mai hi ka ning vel vek .

" Tete ...ka kal nghal mai ang , i haw na tur Saia pawh ka biak sak tawh che ka tih kha aw .." 

UNathan ruala ka haw thei lo tur hi ka ngaih a ngam zan lo mahse haw na tur dang ka nei miau lo ,ka duh tho tho angai .

" i thlen hunah min rawn hrilh dawn nia " haw kawngah engpawh thleng thei anih avangin min rawn hrilh leh ngei se ka ti hle bawk.

Thil ei nuah nuah paha ka tei kual vel mai mai lai chuan thlang lampanga Lily senno par chuan ka mit a la nghal zar mai . 

" Lily a nih khu " tih pahin hnim karah chuan thei leh thei lo hian ka chhuk thla a ,ka vanneih phei chuan in lama phun theih turin ka hawn daih ang.

Chutia rem leh rem lova ka tawlh thlak hrut hrut lai chuan tu emaw hian ," khatah khan eng nge i tih ?" A rawn ti thut ringawt .

" pangpar ka lo dawn " tih pahin hawi chhoh mai ka han tuma mahse ka thingṭang vawn lai chu a tliak rawp a ,ka duh aia chakin ka lum thla ta mai!!

Ft 5 vel chiah lum mah ila ka khup leh kiu erawh na ka ti hle thung. 

" Eng nge hetiang tiang ah te i tih ?" 

Dr. Noel pawh a rawn thleng thla rang kher mai , Nunpuii te bulah khan a awm sia engtik lai khan nge min lo hmuh hman pawh ka hrelo. 

"Na i nei em ?" A han ti leh a .

" ka duh ai in ka thleng hma " ka lum dan kha ka ngaihtuah let a ka nuih za lutuk chu ka lo khi nghal ver ver ringawt .

" mawl lutuk " tih pahin ka lu ah min rawn kuk nghal fawk a , zo zetin min kaitho nghal lawp bawk.

" i khup leh i kiu tih loh na dang i nei em ?" 

" ka hnungzang a na " ka tih rual rual chuan ka kawr chu a rawn keu nghal tawp tawp ringawt .

" Engthil nge maw i tih le ?" Ka kawr chu ka lo pawt thla nghal vat a ,"ka endik " alo ti sam et mai. 

" a pilh deuh a nih hi , eng nge heng laiah te i tih reng reng ? " a ti leh a.

" pangpar saw lawh ka tum a ?" Tih pahin Lily chu ka kawk a ,a ngaihna awm lo min tih hmel takzet. 

Lily pawh lo ta lo chuan min chhoh pui daih a, a car ah min ṭhut tira ka khup leh kiu pilh vel chu damdawi min hnawih sak bawk .Ka pem a tet ang aiin a hlauthawng ,hetiang aia rapthlak a hmuh pawhin a chiai ngai miah si lova. 

" pangpar kha i duh viau em ni ? Rawn hmu lo ta che ila i thi daih mai tur asin " a sawi dead rem rem , khatiang lekah kha chuan ka thi bik lovang. 

" Lily kha maw? A var phei chu a nalh rapthlak ,khawvel ah Lily aia pangpar nalh ka la hmu lo " ka sawi uar mah mah em aw ...a awm tho e Lily hi chu ka pangpar duh ber a nih mai bakah a var ngat phei hi chu ka en ning thei lo .

" Lily var maw ?" 

" umm...Lily var in a entir chu thianghlimna ania , amah nen hian a inhmeh asin " 

" a lehpek ah chuan ka chhar tawh lo ang che " tiin min chhang daih.

Kan ti nek nek a chaw kan ei kham meuh chuan alo tlai ruih tawh mahse ka hmanhnawh vak lo Muan'in ka nu leh pate mitthi inah an kal thu leh an rawn haw har tur thu min hrilh tho. 

Chaw kan ei kham hnu chuan haw turin kan inti fel sap sap hlawm a , ka haw na tur ber Saia chu ka zawng nghal ruai bawk .

" Reuben , Saia i lo hmu em ?" 

" Jenny nen an haw tawh " 

" Maw !!" 

UNathan khan Sai'an min thlah haw tur thu kha min hrilh ngei sia. 

" Engtik ah ?" 

" Nichin deuh khan , Mapui'in haw na tur i neih thu a hrilh a ...Jenny nen an in phur ta mai a nih kha " 

Mapuii hming a lam rik rual rual chuan thil thlen dan chu ka hrethiam nghal mai , engthil nge maw ka tih a ka chunga hetianga a awm tak mai le ? 

Engtin nge ka tih tak ang ? An vaiin phurh tur an nei vek sia in zeh dan te a awm lo emawni le ?

"Haw na tur i nei em ?" 

Mangang taka ka awm lai chuan Dr. Noel a rawn lang hlawl mai , hre lawk sa te pawh a ang zawk .

" ai " ka ti tawi tap mai .

" anih chuan tumah phurh tur ka nei chuang lo ,ka rualin i haw dawn nia " 

Lalpa leh ! Ka lawm lutuk hi puak hial te ka nap , theih chu nise kuah nghal vawng vawng mai ka duh. 

" aw ....aw le " 

" i in pack fel tawh chuan kal nghal ila ,i chhungten an lo ngaihtuah tawh ang che " 

Midang aia kal hma kan tum avangin car lam panin kan in zui phei hnak hnak a mahse car awmna kan thleng chiah tih in ka phone ka theihnghilh a ni tih ka hre ve chiah .

" ka phone ka ak miah lo , chaw ei na ah khan ka theihnghilh aniang " tih leh tlan let ka rual nghal a , Dr. Noel pawhin min rawn zui ve nghal. 

Ka chaw ei na te leh ka kalna tur awm ang ho chu kan han zawng kual vela ka phone reng reng hmuh tur a awm lo .

" call ila a hriat theih ka ring " ka tih chuan rang takin a phone chu min rawn pe a ,ka han call nak chuan dawhkan hnuaiah alo tla lek chu niin .

" a thim tawh bakah ka phone a dum bawk sia " zahzel ah ka ti nuah nuah ringawt .

" ak nghal rawh i thlauh leh ang " kal pah chuan a ti nghal mawlh mawlh a , a rukin a phone number min rawn call na kha ka save te te a ,a sawi ang chiahin ka bag ah ka ak nghal. 

A car dahna kan let leh chuan rin loh lutuk maiin Mapuii leh Nunpuii te chuan min lo nghak reng a nih chu!! Ka hawi â nasa mai .

" in haw ve dawn em ni?" 

Dr. Noel a awm bawk sia ṭha deuh hian ka zawt a .

" niang chu " an lo ti sam et mai , a sawi dan kha chuan a rualin tumah an haw dawn si lova, dawt a sawi ka ring lo hemi te pahnih hian an mahni thu in rawn haw ve ringawt an tum aniang. 

" keipawh " tih sap pahin Dr. Noel chu ka han melh zeuh a ,kei aiin mak a tih hmel zawk mahse engmah a sawi lem hlei lova. 

" kal ang u " 

Mood off hmel zet chuan a ti sap a ,a ni ai ai in ka lawm lo zawk.

" ni e ...ho kal ang u " Nunpuii chuan a hma kawngkhar chu a han hawng rak a ,Dr. Noel chuan ," Tete a hma ah ṭhu rawh " a rawn tih hmak takah chuan a khar leh zal zal mai .

Kawng tluan deuh thaw in Nunpuii leh Mapuii chu an ṭawng char char a ,kei erawh sawi tur hre lovin ka lo nuihpui vel mai mai a ,Dr. Noel erawh a tum tluan zak.

" Sir , kan veng a inang tho sia Tetei thlah hmasa ber la " Nunpuii chuan tum nei ran hian a rawn ti a ,ka ning lutuk chu ka lo meng pual ralh ringawt .

Hetiang em em a hmeichhe zaktheilo hi an lo la awm ve hram hram a nih hi . 

" Kan veng lam aṭangin kan kal dawn nia " Dr. Noel chuan alo ti ve hmak mahse hemi te bulah hian ka awm pheih tawh thlawt lo .

" Min thlah hmasa ber rawh , ka hmanhmawh deuh a " ka ti ta ringawt a ,ka tih tlat takah chuan ani pawhin min hnial lem lo.

Kan in kan thlen chuan Dr. Noel pawh chu car atang chuan a rawn chhuk thla ve kher a , car hnung lampang chu a hawng rawk rawk a Lily par nichin a mi ngei mai kha a rawn phawrh chhuak ta mai , pot ah a in phun thlap lehnghal!!

"i duh a ni lawm ni ?" Min rawn nuih vur vur a.

Engtin emawni hian ka awm tlat a nih chu ! Ka taksa te hi a rawn ṭek nghal chuai chuai in ka hria. 

" engtik lai khan nge i lo lak hman a , pot te hi " 

" resort enkawltu pa kha ka dil a " 

" ka lawm e " 

" kal tawh rawh " 

" in i thlen veleh min rawn hrilh dawn nia " tih paha kal ka tum chu Mapuii chuan car kawngkhar chu a rawn hawng thut a ,pot chu leiah ka thlauh keh nghal chuai mai !! Ka thinrim lutuk hi a sam a ṭham pawp mai ka duh rum rum hman .

"Oh !! Tete ka tihpalh lutuk " a rawn ti kher lehnghal .

" a pawi lo " tih pahin pot tel lovin a pangpar chauh chu ka la a ,kan in lam panin ka tlan thla nghal nal nal bawk .

In ka thlen rual rual chuan Lily chu tuiah ka chiah nghal a ,ka nu leh pate an rawn la haw loh avangin Muani room lam ka pan nghal chat bawk .

" Muan enteh " tih paha kawngka ka hawng chiah chu a beer in ru tur lai tak hi ka zuk man a nih chu !! 

" Zomuanpuii kha kha eng nge ?" Ka awki a sang vat vat hle .

" Zomuansang thawm rawn nei hmasa ta che ,min ti phu alawm " a rawn ti ve ngat .

" ka nu in a rawn hmu che nge " tih pahin a room kawngkar chu ka khar nghal vat a .

" hmu lo ang ,an rawn haw har dawn ka tih kha ...i duh ve em ?" 

" aw ..." Ka lo ti then mai ,ka thinrim lai tak a ni bawka in ve hrim hrim ka chak .

" maw ? I ti tak tak em ?" Min zawt nawn leh ngat .

" tak tak e " tih pahin ka han lem pap a ,a kha lutuk chu ka ner nghal nawng nawng mai alawm .

" khawi aṭanga i neih nge ?" 

" ka ṭhiannu min rawn hawn , Engpawh chu nise engthil nge thleng ? Kan Mari berin beer a in tak mai ?" Ngeiawm zet hian min rawn nuih a .

" enteh ...Dr. Noel hian min duh in ka hria ,vawiin ah pawh min ngaihsak lutuk.. " Ka sawi zawh hma hma in alo thaw halh ringawt . 

" i in ngaihbel mai mai a nih kha, mipa hian an play mai mai che ka tih tawh kha " 

" tun ami chu a danglam lutuk " 

" hahh...Stephen nen pawh kum 2 kan ni a a hnuah min kawp leh tho alawm , engmah hi awi loh tur ,a rukin hmeichhe dang a be tho ang " 

Ni e ,a sawi dik ve tho...Dr. Noel hi eng mi nge a nih ka hriatchian loh bakah hmeichhe dang alo be reng thei bawk .

" amak lutuk min duh ve ang tlata hriatna ka nei " 

" nangman i duh vang a nih kha , engpawh ti se i in ngaihbel zel tho ang. A duh tak tak che chuan a hrilh daih tawh ang che " a sawi engkim hi a dik lutuk a ka in ngaihtuah vung vung ringawt . Dr. Noel pawh hi ka duh avangin ka in ngaihbel leh mai mai aniang .

Vawithum vel lek ka lem hman ang tih in ka nu hian kawngka chu a rawn hawng ta thut mai !! Min man chiang lutuk a phawk fe hian kan in melh reng ringawt .

" Engthil nge in tih hi ?" Tih pahin beer um chu a la daih a ,kan lo ṭawng tui lutuk a a thawm pawh kan lo hre lo. 

" kawngka i kalh nange ?" Muani chuan a rawn ti sap a .

" Zomuansang , Zomuanpui rawn kal teh u " ka nu in vit zeta a rawn tih chuan room aṭang chuan kan chhuak zal zal a .

Ka nu chuan beer chu bucket ah a leih lut a sauh sauh ,tui no lian thum vel hi a leih lut leh a chutah fiante min rawn pek pah hian ," hawp zo vek rawh u ,in hawp zawh hma chu in mu lovang " a ti ta mai,kan huphurh lutuk chu kan in en ringawt .

" ka nu ..." 

" zu in in duh ani lawm ni , hei zu rim a nam hi " tih pahin kan ṭhutna ep chiah sofa ah chuan a mu ar ar a , eng ang pawh leih buak ruk tum mah ila min vil tlat sia kan hawp ngei ngei angai.

Dar 12 ah pawh kan la hawp tlak tlak a,hawp zawh hma leh mut hma .Ka nu lah hian a rilu a thlak duh der bawk si lo .

" i hawp tlem bik " kan in ti kan in ti tawh mai. 

Kan hawp zawh meuh chuan ka puar bakah kan zun a chhuak hlur tawh mai alawm , Muani chungchang hre lo mah ila keichuan ka sim chiang hle . 

" ka zun chhuak a reh thei lo " 

Ham bai bai pahin khumah chuan ka let nghal tawp a, ka phone ka hmet eng chiah chu Dr. Noel miscall pakhat alo awm tak tak !! 

Ka lawm lutuk chu hmui hup chungin ka ke chu ka leng nghal vak vak a ,nichin khan a ngaihthla liam puat emaw ka tia alo la hre kar a nih hi .

Chapter-7 

“I wish I could turn back the clock. I’d find you sooner and love you longer.“

Muan'in rawng a bawl lai chuan a bulah anṭam kuang chu Dr. Noel venflon min pek chuan ka vit chhin vel a , a sawi ang tak tak in ni hnih zen zawn ka khawih hnu chuan ka khawr lutuk tawh lo.

" i tlai leh ange han insiam tawh rawh "

Muani chuan min lo tur chhen a ,che muang ṭhang tih takah hmanhmawh nachang pawh ka hre lo .

" vawiin ah chuan ka ti thei ngei ngei tawh ang , kha Jennifer hmelchhia-i khan min hau tawh bik lovang " in hum ruh chung chuan ka ti tan tan a. 

" a ni te chu Doctor ania a enkawl tur pawh mihring alawm ...nangte chu Pharmacist i nih angin i mawhphurhna chu damdawi ania, in in ang thei hleinem "a lo ti leh khauh tawh , a sawi dik lutuk hi amen pek hial a ni ka duh .

" dik chiah Medical ah hian a hnungzang ruh leh pawimawh ber kan ni tih hi a hre lo aniang ,keini Pharmacist ho hian damdawi siam chhuak lo ila chu Doctor te pawh hian mi an ti dam thei teuh lo " ka lo ti let tan tan a , ka thin te pawh a rim lek lek zawk.

"Damlo enkawl lamah chuan engtik ah mah i tluk lo ang mahse damdawi lamah ve thung chuan a tluk bik lovang che chuvang chuan han insiam la ,kal vat vat rawh " 

" ni e , damdawi lamah na nâ na chuan ka hre hnem fe zawk , paracetamol structure pawh a hre awm der si lo " 

Mahni leh mahni in thiam chawp pah chuan ka room ah ka lut phei hna hna a ,tukin zing chu Muan'in min ṭan ve ngei nidang chu nise min ti let leh hrep tawh ang. 

Ka insiam hma chuan kan ṭhian ho whatsapp group 'Doctor's enemy ' chu ka han en leh te te a ,chutah ka story lo view tute ka en thlak leh nak chuan Dr. Noel pawh alo awm ve kalh mai .

" Ehe...ka number a save a ni maw " 

Ka lawm lutuk chu insiam mai nachang pawh ka hrelo , A lily min pek pot a ka khawi ṭhat ka room dawhkana ka dah chu ka en vang vang a ,eng eng emaw ka ngaihtuah a keimahin ka lo nui leh ver ver tawh. 

ER ka thlen rual rual chuan Zuali chuan phur fahran hian ," Tete ...vawiin hi Dr. Noel birthday ania thil an pe sup sup mai " a lo ti nghal var a , mite hi an bengvar bik ngawt mai keichuan a birthday a ni tih pawh ka lo hre ve lo.

Engpawh chu nise kan birthday thla a in ang lehnghal ,a nih chuan Virgo ve ve kan ni maw ? Haha

" vawiin ah a duty dawn em ni ?" 

" Aw " a tih chuan mak ka ti takzet , Dr. Noel nen hian kan duty rual thei ngawt mai, ER-a ka duty aṭang hian vawihnih chiah kan la duty dun lo .

"keichuan chocolate ka pe a ,eng nge i pek ve dawn ?" Ka lo nui tawi tap ringawt , chhun a ka thil eina tur leh haw na tur bak pawisa ka keng lo .

" ka hrelo " 

Khik suk pahin duty room ah ka lut tlang nghal a, midang in thil an pek sup sup chuan pekna tur ka nei ve si lova ka hrelo der mai ang.

Duty room aṭanga ka chhuah chuan Dr. Noel chu a ṭhutna ah alo awm lova,a thil pek dawn ho chu paper bag lian puiah hian a khung khawm vek a , ka rin aiin a dawng hnem.

"Keichu ni ila hetiang hian ka dah mai mai lo ang " tih nuah nuah pahin damlo pakhat bulah chuan ka va ṭhu thurh a , dawhkanah venflon a awm danah venflon an vuah sak dawn a ni tih ka hre nghal.

" morning Tete " Health worker Nu Maremi chuan min rawn nuih sang a .

" Nu Marem ...venflon hi i vuah sak dawn em ni ?" Ka lo ti nghal vãr bawk.

" aw , a vein hi a ṭha asin " a tih phei chuan ka lo phur nghal em em ringawt .

" ka lo vuah sak dawn mi ?" 

Confi zet hian ka ti a ,ka vawikhat na tur tih ka sawi chuan damlo hian min rin loh phah vek ang .

" ka lo hmer sak ang che " 

Nu Maremi chuan a vih na lai tur chu min kawh hmuh thlap a , a hma in thlai kuang velah ka lo inzir nasa tawh bawka khur miah lovin ṭha takin ka vuah sak thei ve mai nia mawle, keimah leh keimah pawh ka in awi lo hial zawk .

"Nu Marem sawtah sawn tunge awm a ?"

Khum pakhat chu midang hmuh theih loh turin parda-in an zar hliah vek avang chuan damlo serious deuh an awm ringin ka zawt hmasa te te a .

" ka hre bik lo ,Noel'an a enkawl a " 

A serious viau emawni le ,certificate vel buaipui ho pawh ngaihsak hman lo khawp in a enkawl sia . 

"Eng nge niang le?" 

Hriat ve ngei ka duh avangin parda chu ka va keu dek dek a ,damlo ber a ṭhu bawk sia a serious vak lo aniang. 

" Sir, eng nge i tih kha ?"

" lumbar puncture" 

Damlo hnungzang ruh chu a hmet kual a, ruh inkar a khawih fuh veleh chuan hriau chu zawi te hian a vit lut zal zal a , a vit fuh nghal aniang hriau aṭang chuan tui a rawn far chhuak nghal , chu chu glass vail ah a far luh tir bawk .

" ngatinge ?" Tiin ka zawt leh a, ka vawikhat hmuhna a nih avangin a thil tih lai hi ngaihdan pawh ka nei lo .

" Hrdrocephalus chuan hemi hi test tur ania " ṭha deuh hian min lo hrilh zel a ,Hrdrocephalus (thluaka tui awm) a nih chuan a hrehawm viau ang .

Hetiang anga damlo leh mak tak taka na ka hmuh hian doctor ka ni lo hi vannei ka in ti takzet , a chhanchu nitin in rilru nuamlo deuh hian ka awm ziah dawn avangin.

Damlo dang an awm nual avangin midang pui turin kal leh mai ka tum a mahse Dr. Noel chuan ," hman zan khan ngatinge call i lak loh ?" Tiin min rawn zawt thut ringawt ,chhan mai dan tur pawh ka hrelo a chhanchu khatih hunlai khan beer tui kan hawp miau a .

" umm...ka mu tawh aniang " ka lo ti bah nuai ringawt.

" a hnuah pawh min rawn call back lovin i online tho kha " chiang zeta min en pah hian a ti hmuk ringawt .

Lalpa leh ! Chhuanlam eng nge ka siam tak ang? ka dawt sawi min man chiang em em lehnghal .

" ugh...a lehpek ah chuan ka lo la tawh ang" ka thusawi pawh ngaihtuah chiang lovin ka ti ta ringawt a .

" a lehpekah maw ? " a nui nghal vur vur a ," a ṭha e " tih chiah a sawi a nih chu!! 

Urghh...min rawn call leh se ka tih hmel lutuk a ka zak ru chem chem mai . 

" a...ahh, damlo an awm sia ka va pui ange " ka tih rual rual chuan ka kal nghal daih a ,khatiang thil privacy lutuk Dr. Noel nen kan sawi dun hi ka awih thei lo zawk,ka thinphu te pawh hi a mumal thei tawh lo .

"Nilo ,hetiang hian awm lo teh a chhaih kual mai mai che tih hre reng rawh "tih sap pahin ka han thaw halh a ,damlo serious hmel deuh intern ho in an lo bawr laih laih na ah chuan thil hriat chian tumin ka va kal a. 

" Zual ngatinge ?" 

" Stroke ania ,ka khawngaih reuh tawp "

Pa pakhat la ṭhalai ve deuh mai hi alo ni a ,a awm dan aṭang chuan a thluak a khawih nasa hle anih ka ring biak an tum pawhin a chhang buai nuai mai .

Intern ho in an han buaipui zet a mahse a serious deuh anih ka ring Dr. Noel chu an ko leh ta nge nge a .

" Vital ?" Tih pahin rang takin a zeng nge zeng lo tih a enfiah nghal mawlh mawlh a, pakhat in a vital sign ho chu a sawi nghal mawlh mawlh bawk.

"Ka pi engtin nge a awm? " a rawn kalpui tu chu a zawt a .

" a ṭawng buai vak vak hnuah a rawn zawi nghal veka , kan koh pawhin min hria ang pawhin a awmlo, kan mangang in tui lumin a kut leh ke kan deh sak ta ringawt a "

" in vannei hle mai ,tui lum in deh sak lo ula chu a zeng ang " a tih takah chuan thil thar hriat belh ka nei leh ta , stroke ho hi chu an taksa ah zeng lai a awm ngei ngei thin mahse tui lum a deh vat ṭangkai zia ka hriat belh leh ta .

A rawn kalpui tunu in a awmdan a sawi hnu chuan Dr. Noel chuan ," Atherosclerosis vang bawk, Ischemic stroke a nih dawn hi " a ti sap a .

" Ischemic stroke a nih chuan Alteplase pek angai ang a " ka lo ti vat a ,Dr. Noel chuan min rawn nuih vur vur pah hian ," aw ..a dik ,tPA pe vat rawh u " a ti zui zat bawk .

" ECG lo ti ula a result min rawn hmuh leh dawn nia , chuan a thisen kha test turin la bawk ula .Pakhat in MRI , carotid ultrasound leh echo tih na tur form in lo ziah sak dawn nia. Nu Marem NICU ah khum a awm leh awm loh min lo zawh sak rawh aw " tih pahin amah rawn dawr tute be turin a chair ah chuan a ṭhu lehnghal a, engang pawhin chau in buai mahse ṭha deuh hian mi a dawngsawng thei zela ,a ngaihsan awm zawk.

Damlo serious deuh an awm tawh lo ang chu tih nak alaiin tlangval pakhat hian hmeichhe pakhat hi a rawn paw lut leh ta mai ,rang takin khuma mut turin an lo hrilh nghal vata , a vital an check lahin engkim a normal vek a mahse chunu chu an han koh ngial pawhin a harh thei miah lo .

" A OD aniang a " Zuali chuan min rawn hrilh ru sur sur a .

" a SpO2 a normal vek sia OD chu a ni lo ,hliam a nei si lova ngatinge niang le ?" 

Doctor intern ho tih ngaihna hre lo chuan Dr. Noel kan ko leh mai dawn mi tiin an han in rawn khawm sar sar a ,a tawpah chuan an ko leh ta nge nge a. 

" Ngatinge ?" 

" Sir, a room ah nikhaw hre lovin a tlu a an biak pawhin a chhang thei lo mahse a vital erawh a normal vek " pakhat chuan a lo ti nghal zung zung a, a rawn hruai tupa lah hi a ruih hmel em em lehnghal .Nitin mai hian rui nawi deuh deuh pakhat tal hi an rawn kal ve ngei ngei .

Dr. Noel chuan chunu mit chu keu kau in light chuan a han chhun a ," a hruai haw theih ,nakinah a rawn harh mai ang hlauhthawn tur a awm lo " a ti ringawt a nih chu! A kal nghal daih lehnghal .Kan vai mai chuan a ngaihna pawh hre lovin kan in en ha hlawm a.

A thusawi avang chuan a rawn kalpui tupa chu a lawm lo ngang mai ,Dr. Noel ṭhu tur chu thei leh thei lo hian a kawrah chuan a han ṭham sak ta mai ! Kan lo en ṭhap ringawt .

" hmela ka bialnu saw nikhaw hrelo in a awm saw ,damdawi chawh la ti harh ta che " tiin a au khum nghek nghek a ,Dr. Noel lah chuan ngawi rengin a kut chu a paih thlak sak pawp a.

" i bialnu saw nikhaw hrelo ni lovin a chatthla a nih saw " a ti ta mai ,kan vai mai chuan a rukin kan nui vur vur hlawm mai .

Duh se chuan a hnek let tawp thei ang mahse a tih a mawi lo a nih avangin a insum ṭang ṭang a ni tih a hmelah hai theih a ni lo.

Dar1 a rik meuh chuan Zuali nen chuan tlanchhiatna tur zawngin pawnah thil kan ei chhuak daih a ,ER-ah chuan kan ri luih luih renga ninawm lamah a kal .

" Te ...Dr. Noel chu eng nge i pek dawn tak ?" Zuali chuan min rawn zawt thut a. 

" pawisa ka nei lova ka hrelo der law law " ka lo ti sam et ringawt .

" i van mawl tak ,engmah pe dawn lo mah la wish tal rawh " 

" Enteh ...Zual sawi chuang lo la Dr. Noel hian min duh in ka hria " ka tih rual rual chuan a thil ei lai a hak nghal , a awiawm loh viau emawni le ? 

" maw !! Haha , awiawm loh e ...mahse thil ni thei lo tawp chu a ni bik lo " 

" ka hre bik lo , ka in ngaihbel te pawh aniang mahse ka thil hriatna (5 senses) zinga a parukna hian hriatna tlat a nei " 

" huizz...ei phawt ang nakinah kan sawi dawn nia " ti lang lo mahse a awih lo tih ka hria, kei ngei pawh hian ka la hrechiang bik lova ka haw lem lo.

Chutia thil kan ei mawlh mawlh lai chuan ka phone a rawn rik avangin ka la chhuak nghal vat a ,ka han en nak chuan Dr. Noel lo ni reng in!

" Zual ..." Khur dar dar chung hian ka phone chu ka hmuh a ,kei ai ai in mak a tih hmel zawk .

Second 3 vel mak ti taka kan in melh hnu chuan thlahrang hmu ang maiin ka au nghal tuarh bawk .

" la vat vat rawh ...Lalpa leh ka awi thei lo" 

" aw le , lo ṭawng miah suh " tih pahin ka hrawk kan thian hmasa te te phawt a ,aw lawi zet hian ," hello " ka ti nghal hluai bawk . 

" khawiah nge i awm bo daih?" A thinrim leh tawh emawni le ?

" pawnah thil kan ei chhuak " 

" rawn let vat rawh kan buai lutuk " tih pahin a dah daih ringawt , ka lo phur hman asin le .

" awi ...engtin nge i number a neih , Lalpa leh Tetei a duh maithei che mahse " tih pahin a han inla thutak leh deuh a ," fimkhur rawh ,a lo fiam kual mai mai thei bawk che " 

Chu thil bawk chu ,ni e keipawhin min fiam kual anih ka ring ve tho chuvang chuan lawm ka biak ṭhat duh loh.

" a tawp a tawpah chuan mipa in an duh ve maithei che ,chupawh chu ala chiang lo lehnghal .I luck lo ve ngawt mai i nau in ngaizawngtu a nghah leh lutuk a tumah a duh lo zawk mai mai pawh a " 

Luck lo sawi tawh hi chuan ka hming hian a chhunzawm ngei ngei .

" kei chuan duh tu ngah em em mahse duh let ve si loh ai chuan kan duhtak tena min lo duh let ve hi luck ka ti daih zawk " ka lo ti ve hmak .

ER-a kan let leh chuan Dr. Noel sawi ang em em chuan an lo buai lo mahse amah dawr tur erawh an la intlar thui hle. 

Duty room a ka luh chuan Dr. Noel pawh tui in turin a rawn lut ve nghal a , kan pahnih chauha kan awm dun tawh hi chuan engtin emawni hian ka awm tlat zel. 

" Tete .." 

" eih " tih pahin ka hawi let vata. 

" Engmah min hrilh tur i nei lo em ni ?" Teh tawp a ,eng chungchang nge sawi a tum le ? 

" ai..nei lo " 

" Engmah hriat i nei ve lo em ni ?" A han ti leh a ,ka bo tulh tulh mai .

" Engchu maw ka hriat ang ?" 

" Engmah " tih hmuk pahin a chhuak daih ringawt .

Khatiang khan a awm ve ziah , hmun dangah thil ka eichhuah vang mai a, ER a thingpui leh chhang hi ka ei reng peih bik hleinem. 

Irene'in catheter(zun siakna) damlo a vuah sak lai chu ngun takin ka lo en kar a ,Zuali chu rawn kal ve nghalin thawveng zet hian ," Tete ...ui seh an awm leh tawh ,nang ui seh specialist-ah va jection ve tawh rawh " 

Ni e, fiamthu in oxygen specialist tiin ka ko thin a ,a ni in ui seh specialist min ti ve thung a chhanchu anti-rabies jection dawn hi chuan a hriau a tawi in a sin bika hman nuam ka ti ber .

" Yes, oxygen specialist ui seh jection te chu ka Phd na alawm " nuih ver ver pahin damdawi chu ka la a ,ka kal nghal bawk.

Kan ti nek nek a dar 3 a lo ri dawn der tawh haw a hun ṭep tawh tihna .

" i wish tawh em?" Zuali chuan a rawn ti sa sa a ,Dr. Noel birthday ka la wish lo tih ka hrechhuak chiah .

" ai ...a awmna pawh ka hrelo " 

" Duty room ah a ṭhiante nen an awm ,va kal rawh " min nam pawp ringawt .

" i mawl mi ,midang an awm chu " 

" anih chuan haw ang evening tur ho an rawn kal tawh tho" wish turin min ti te te a ,tunah haw ang a ti leh daih .

" ngawi rawh ,hun a awm mai ang nghak deuh hrih ang " 

Kum khatah vawikhat chauh birthday a nei a ,wish pawh wish em lova haw daih chu ka hreh ve deuh .Engpawh chu nise a lawm emaw lawm lo emaw ka wish tur hi a ni ringawt .

★Noel's Pov★

Ka ṭhiante ho in ka thil dawn en reng renga an buai lai chuan kei erawh in ER lam chu ka melh sek a ,Tetei hmel reng reng hmuh tur a awm lo .Henu hian vawiin ka birthday a ni tih a hre lo tak tak emawni le mahse thil ni thei a ni lo ,a ṭhiannu takngial pawhin a hria. 

" ho kal tawh ang u " James lah chuan alo ti chhen .

" ngawi rawh ,reilote ṭhu leh lawk ang u "ka ti ve tlat. 

" nghah i nei em ni ?" Rinhlua chuan min rawn zawt kher . 

" aw ...i hrethiam mai lo em ni " uMamawii chuan alo ti nghal vat a ,Rinhlua pawhin a hrethiam nghal. 

" Vawiin nilengin min wish hun ka nghak tawh , hre tur chu a ni asin " ka phun chhen tawh.

" hei ...heti zozai hian an hre tawh tho a " 

" a pawimawh ber aṭangin lawmpuina ala dawng hleinem " UMamawii hian min lo hrethiam ber zawk a nih hi .

" ka hrethiam tawh lo che a hma zawngin i birthday pawh i hre ngai tawp si lova" Rinhlua bawk chuan a ti leh a .

"Tetei i hmuh chak vang a ni lawm ni i rawn kal kawi vang vang , tunah lah i hmuh hma in kal i rawt leh a " James an a tih chuan kan nui huk ringawt .

" ka birthday tih pawh i hriat tawh loh kha" ka lo ti nghal .

Rinhlua nen hian in kawmngeih viau e ti lo chuan piancham lawmpuina pawh kan in hlan ngai meuh lo , birthday lawm chu sawi loh hriat pawh kan in hriat sak ngai lo .

" ka ril a ṭam alawm " phun nuah nuah pahin maam Jennifer cake min rawn pek chu a pir tawn a ,kei lah Tete'in min rawn wish hma loh chuan kal ka tum lo bur.

Ka nghah rei tak em avang chuan Tetei chu a haw tawh nge haw lo tih en turin ER ah chuan ka phei leh ta nge nge a , vanneihthlak lutuk in alo la awm hlauh .

" Sir " tih pahin min rawn pan nghal a,a zam hmel hle bawk.

" I haw tawh dawn em ni ?" Pangngai tak hian ka lo zawt a .

" aw ...ughh " 

" thlah i duh em ?" 

" ai, pawnah Zual in min nghak...ugh ka kal mai ang" tih pahin a kal daih ringawt .

Hreptak chuan a hre lo tak tak a nih dawn hi .

" sir " kawngka bul aṭang chuan a rawn hawi let leh a ,mak ti takin ka lo en ha thung .

" Happy birthday" nuih ver ver pahin a tlan chhuak daih a ,ka lawm e tih em pawh ka sawi hman lo .

" Yes " tih sup pahin duty room ah chuan ka let lehnghal a, phur zet hian ," kal tawh ang u ,khawiah ngei in kal duh ka treat vek ang che u " 

" rolex sana , pheikhawk leh thil dang ṭha deuh deuh i dawng renga ,happy birthday tih mai mai ah khatiang anga i lawm dawn chuan nitin Happy birthday ka rawn ti ziah tawh ang " Rinhlua rilṭam hi a phun tawp leh thei dawn lo chu a nih hi.

" a sawi tu a inang hleinem" 

" anih chuan i rolex dawn hi ka nei dawn " 

" phun tawh lo la i nei dawn nia " tih pahin phur takin ka kal nghal nal nal a ,ka hnungah ka thil dawn ho khai chungin ka ṭhiante chuan min rawn zui nghal bawk .

Chapter-8

“If you live to be a hundred, I want to live to be a hundred minus one day so I never have to live without you.“

-A. A. Milne

Nidang ang bawkin ka mut hma chuan Tetei IG chu ka check hmasa leh te te phawt a , a thlalak ka en hmasak phawt loh chuan thil tih hmaih nei ang tlat hian ka in hre ṭhin. 

Ka birthday min hriatpui ve avang ringawt pawh khan ka lawm tawk em em , zanin chu ka mut a tui leh sawt dawn a nih hi .

Chutia nuih vur vur paha ka lehkhabu chhiar tur ka en kual vel lai chuan number hriat loh hian min rawn call hlawl a ,thil pawimawh a nih ringin zan reiah pawh nise ka pickup nghal .

" Hello " 

Hmeichhe aw ka hriat rual chuan a number nei lo mah ila tunge a ni tih a aw aṭang ringawt pawh hian ka hre nghal .

" Eng nge ?" Ka ti ram hmaih a.

" kan inbiak lohna a rei ta hle mai , i number pawh ila thlak miah nange ?" 

" Carine , ka chau ka mu dawn " phone chu dah hmak ka tum a mahse ," khawngaihin lo la dah suh" a rawn tih avangin ngawi rengin a ṭawng leh hun chu ka nghak a.

" pawnah ka awm rawn chhuak rawh " thupe deuh hian a rawn ti a ,a zia ala thlak miah lo a ni tih ka hriat chuan ka khi suk ringawt .

" i la danglam miah lo anih dawn hi mahse keichu ka danglam tawh " ka lo ti ve hmak , a hma anga a koh kual mai mai theih ang kha ka ni tawh lo .

"Anih chuan ka rawn lut dawn " 

" tahkhan lo awm rawh " a rawn lut leh duh tak tak dawn tih ka hriat avangin ka ti ta ringawt.

Thawk lak kawk pahin ka phone chu khumah ka theh thal tawpa ,Carine hmu tur chuan dar 11 velah chuan ka chhuak ta nge nge a. 

Gate-ah ka chhuak fel chiah tih in ka in rin hma chuan min rawn kuah thut a,ka lo ding ngawi reng thung. 

" i rawn chhuak dawn tih hi ka hria alawm , Noel ka ngai lutuk che asin " min rawn nuih ver ver pah hian a rawn hawi chhuaka ,ka hmuia a rawn fawh rual rual chuan rang takin ka lo inla hrang nghal vat a.

" Engtik ah nge i rawn let ?" 

" vawiin ah ,chuan Happy birthday i birthday kan lawm dun lohna pawh kum 9 lai alo ni ta reng mai " 

" Ngatinge i rawn let leh ?" Ka ti leh ngat a,amak teh thut bawk a tin ni .

" Bangalore ah ka dam chhungin ka thawk thei hleinem bakah nitin mai hian ngaih loh lai che pawh ka nei lo , a nihna takah chuan nangmah vanga rawn let leh ka ni " a tih rual chuan ka nui lui hak a , hmeichhia hi chu hriatthiam an har ngawt mai .

" a ṭha lawm " tih bakin ka chhang lo , a rawn let leh hi pawi tihna ka nei lo, mahse keimah vanga a rawn let avang hian ka lawm phah lo . 

" i lo danglam tawh hle mai ,nanghi hmeichhe dang duh i nei te hi a ni lo maw ?" 

A rilru tak taka sawi a nih loh avangin a nui sang a ,amah chauh hi ka duh reng dawn emaw a tih vang te pawh a ni mahna .

" aw , hmeichhe dang duh ka nei" inring tawk taka ka sawi takah chuan a mengphawk nghal kawk a," maw?" A ti ha bawk.

Dawt ka sawi mai mai ngai loh avangin ka ti mai mai lo a ni tih a hre nghal bawk .

" chunu chu tupawh lo nise in in ngaihzawn loh chhung chuan pawi tihna ka nei lo " 

" ngaizawng tawh maithei asin " min tih ṭhin dan ang chiahin tih el zet hian ka ti let ve a .

" hahh...bialnu i nei lo tih ka hria alawm ,Rinhlu an dawt a sawi thei lo hrim hrim "

Lalrinhlua mai mai chuh! 

" umm...lut tawh rawh i chau a ni lawm ni chuan thil pakhat keipawh i hnung zuiin Civil hospital ah ka thawk tawh dawn a ,ka hriat sual loh chuan naktuk zanah ER-ah kan night dun dawn in ka hria" 

Ngeiawm zet hian min rawn nuih sak a ,a car-a a luh hnu chuan min rawn bye bye leh ngat a ,a tlan chhuak nghal nal nal bawk. 

" hreptak chuan " 

Engvanga ka nun a rawn let leh nge a nih? harsa takin ka theihnghilh ve chauh a , awlsam takin ka let leh ang maw ?! 

Thinrim hle mah ila kei ngei pawh hian ka ngaih ṭhin zia ka pha bik lo. A fawh te a kuah te leh a engkim mai khan hmana ka hmeichhe atchilh em em ṭhin Carine ngei kha a ni tih min hriat nawn tir tlat thung .

★Tetei's pov★

Mut pahin Chinese drama ka lo en ar ar lai chuan Muani hian ka room kawngkhar chu a rawn chum dawt dawt a .

" Eng nge ?" Pawr tawk hian ka lo ti ṭeng chhap a. 

" ka pa in a ko che " a tih takah chuan sana ka en nghal vata dar 9 alo pel vu tawh .

" zanin chu ka chau asin " tih nuah nuah pahin ka tho nghal ṭaih ṭaih a, phur lo zet chung hian ka chhuak phei hna hna bawk. 

Ka pa hi a tlangval lai chuan vengchhung zaithiam tia chhal a lo ni ve tawh ṭhin a tun thleng hian ala zaithiam reng emaw a inti a, a ruih phur chang apiang hian kan unau in min karaoke pui ngat ngat zel. Kan peih loh viau pawh hian a mu duh ngai si lova kan zaipui ṭang ṭang ṭhin. 

" Speaker kha in lo fit tawh em ?" 

Ham bai bai chung hian mike pakhat chu ka la nghal a, ka pa erawh a phur bawka a plastic sunglass Vishal-a a lei ngei mai kha alo vuah leh vu tawh. 

" Engkim kan peih fel vek tawh,kan zai ṭan thei "tih pahin ka pa chuan kan hla sak tur chu a va en ruk ruk a.

"Pa ...hla thar ve deuh hlek kha aw "Muani chuan a lo ti vat a , hla kan sa hlui thei lutuk a ,Muani hi a tawpah a phun ngei ngei zel.

" zanin chu Gospel hla in ṭan ang aw " Ka pa in a tih rual rual chuan music a rawn in play nghal, Muani nen chuan kan peih lo lutuk chu kan in melh hrak ringawt .

" kan vaiin aw " 

Ka pa chuan kut a beng turh turh a ,a sirah ka lo in sawi ve naw naw a .Ninawm viau ṭhin mahse a rei deuh chuan nuam kan ti ve mai zel .

Ka pa chuan TV a lyrics chu en vung vung pah hian pawr fe hian ," 🎼Isu kan tuihal a ni , kan tuihal kan chau ta " tiin bul a rawn ṭan ta mai ,sak chhunzawm dan tur pawh kan hre lo a ho zo vek .

Muani lah chuan enliam ta mai mai lo chuan music chu a va off hmak a ," pa ...Isu tui nung lui i ni ,nun tuihal a chau tan in tur tak i ni ,tih alawm " a ti nghal bai bai a .

Ka pa lah chuan ," a dang kan ti leh anga ni mai lawm " alo ti sam et a ,kan theme song ka ti tawh mai ' Ka nghei dawn chuang lo' tih ngei mai kha a play chhunzawm zat bawk .

" pa.. kha kha chu ka nu in sak a phal tawh lo " ti eng ang mah ila ka ṭawng pawh ngaihsak tawh lek lovin a sak pui nghal bui bui mai .

"🎼Zu pawh in reng mai tiin min sel a,
Sawi sawi mahsela, ka nghei dawn chuang lo." Tih lai a sak phei chuan duh ai hian a uar mah mah ṭhin.

" kha hla kha ngatinge i sak pui ve ziah " room aṭang chuan ka nu chu a rawn au lang lang a , he hla kan sak apiang hian ka nu in min rawn hau ngei ngei .

EMERGENCY ROOM

Ka night dawn avangin Dar 8: 30 ah ER ka thleng tawh a,ka nau in min thlah bawka a tlan chak lutuka tun thlengin ka thinphu pawh ala pangngai thei lo.

Nizanah ka pa in min karaoke pui rei lutuk a ,tun thlengin ka chau ala reh thei lo mut reng ka chak .

" Duty ve tur tho mi i nih ?" Min rawn be tu an awm nia ka hriat avangin ka hawi let vat a. 

Hmeichhe pakhat nurse form ha hmelṭha zet mai ,en mai pawha a zûn a uai nghal theih khawpa ṭha hian min lo nuih ver ver a .

" aw ...nang ?" Tiin ka zawt let ve nghal.

" umm...thawk thar ka nia hmelhriat pawh ka la nei lo " a tih takah chuan ka hmu ngai lo ka ti reng a ni .

" keipawh Pharmacist intern ka nia hmelhriat ka nei vak bik lo " 

" anih chuan kan theihtawp kan chhuah ang chu tiraw ...Carine ka nia " a ti nghal zung zung a ,a fel in a nelawm takzet .

" Tetei ka nia...ka vawikhat night na tur ania ,ka huphurh reuh tawp " ka tih chuan a nui har har a .

" an buai takin ka lo va kal ange " tih leh kal a rual nghal a. 

" Zual , i la haw dawn lo em ni? " Zuali chu kil khatah a phone bih ngur ngur chung hian a lo ṭhu a , ka va biak chuan a phu zuk lehnghal .

" Eng maw ?" A lo ti hu lehnghal .

" Eng nge i tih renga , dar 9 a pelh tawh hi haw tawh rawh " 

" ehe..nimaw Fb ah Remruati Haylor novel ziah Agony: don't let me go tih kha ka lo chhiara ,ka lo tui lutuk alawm mawle " tih pahin a tho thut a ," bye ...good luck " tih pahin a tlan chhuak nghal hlawk hlawk ringawt .

Zuali nen kan duty dun hi chuan nuam pawh ka ti mahse kan duty dun thei lo lutuk erawh UNathan hrilh mai te ka duh rum rum ṭhin.

Zan lamah hi chuan Emergency case a tam ṭhin an tih ang tak tak in damlo leh duty ho chu kan in pel leh nuk nuk tawh.

" Tete ..." 

Pu Thangpui'an min rawn koh avangin ka va tlan phei nghal vata ,a enga mah hmain mawng sawh dawt hian ka tawlh thlu nghal ringawt , midang ho chuan min rawn en nghal ṭhap a na pawh ka sawi hman tawh lo ka tho nghal zawt mai. 

Zanin hi a ṭha dawn lo tawp mai , ka che chhe tluan zak ang tih ka hlau takzet .

" a na em ? chhuat an nawt zo chiah a ,an nawt huh lutuk a nih kha " Pu Thangpuia chuan alo ti nghal zung zung a .

" na love ,Eng nge ni ta?" Tih pahin ka khi nghal ver ver a. 

" catheter hi vuah angai a , hmeichhe vuah sak kher kher a duh sia lo vuah sak mai ta che"

Mipa ho hian mipa vuah sak kher kher hi an duh tlat ngai si lova ngatinge hmeichhia hian hmeichhe vuah sak kher kher an duh tlat ṭhin le ? .

" aw le " tih pahin a catheter ken lai chu ka la nghal vat a , Pu Thangpuia lah a kal daih bawk sia light-a min en tu an awm loh chuan ka hmu thei lo asin. 

Chutia a vuah na tur zawnga a kap ka keu ka keu lai chuan Dr. Noel hi a rawn lut hlawl mai ! 

Kan duty dun leh dawn tih na em ni ? Ka awi thei lo .

"Puih i ngai em ?" 

" Sir , mipa awm a duh lova ..lo va chhuak mai rawh " 

" khawiah nge midang an awm ? Nangmah chauhin i ti thei dawn em ni ?" 

" doctor kha nu kha pui vat teh ,ka kap a keu rei tawh lutuk " damlo chuan a lo ti nghal tan tan a ,nichin kha chuan mipa awm ve kha a duh si lova tunah Dr. Noel a rawn kal veleh a duh leh tho sia. 

" Dr. Noel a nih vang mai a " ner nang pahin keima hriat tur chuahin ka phun sap ringawt.

Dr. Noel chuan light in min lo chhun sak a ,a vawikhat hmuhna ni tawh lo mahse a ruk tak chuan hmeichhe serh a lo hmu ve zel hi ka duh lo takzet .

" Sir , a lut thei miah lo " ka vuah fuh ngeiin ka hre sia .

" khawi maw ka lo en chhin ange " tih pahin rawn en a tum ta mai , ring zet hian ," ngailo " ka lo ti vin tuarh ringawt , ka awmdan avang chuan mak min tih hmel takzet .

" Eng nge ?" A nui duh miah lo lehnghal , ni e nuihzatthlak a awm miau lo .

" kei ...keiman ka ti mai ang " ka lo ti ve tlat .

" i ti thei lo a ni lawm ni " 

" anih chuan lehlam hawi rawh " 

" Maw !" 

" lehlam hawi rawh ka tih chu enpui ka ngai lo " 

Ka nawr luih tlat avang chuan mak ti tak chungin lehlam chu a hawi ve mai a ,a nihna takah chuan ka awm laia hmeichhe dang serh a hmuh ka duh loh vang a ni reng sia. 

Catheter ka vuah sak zawh chuan Dr. Noel chuan ," i ril a ṭam tawh em ?" Tiin min zawt a , midang a zawt ngai tawp si lova keimah chauh min zawh avang hian ka hlim ru veng veng mai .

" ai ...ṭam hrih lo " 

" anih chuan coffee in ang " a tih chuan ka lo bu nghat a," ka va call ange " tih pahin canteen call turin duty room ah a lut nghal bawk .

" min duh ka tih reng kha " tih sap pahin phur takin duty room ah chuan va luh ve nghal mai ka tum a mahse Dr. Noel leh nurse Carine te inkhuah lai chu ka va hmu ta thut mai !! Rang lutuk hian ka biru nghal .

Chapter-9

“I choose you. And I’ll choose you over and over and over. Without pause, without a doubt, in a heartbeat. I’ll keep choosing you.“

Maktak maiin ka rilru na lutuk chu ka awm zawn ah a rawn na chhuak nghal vawng vawng a, duh lo turin ka inveng viau emaw ka tih laiin ka thik hle thung, min rinawm loh san daih ang maiin ka thin a rim hle bawk. 

" ka bialpa pawh a ni tawp si lova " tih sap pahin ka let leh hna hna a ,ka nau leh ka ṭhian ten a chhaih vel mai mai che a nih kha an tih lai te kha ka hrechhuak nghal uarh uarh mai .

Haw viau mah ila Carine hmelṭhat zia leh chhiat loh za hre tute zinga mi ka ni a ,Dr. Noel kawppui atan chuan a ni chiah hi a tling zo ang ,min duh ve anga ka lo suangtuah ve ringawt te kha ka zak letling zawk . 

" Ani kha lunghlu ni ta se kei chu thirchhia ang vel ka niang " tih nuah nuah pahin Ayush intern tilai Tapuii leh Esther te titi na bulah chuan ka va ṭhu ve a , an thil khel lai chuan ka beng a verh nghal zar mai .

" Tumaw Medical Superintendent fanu chu ?" Tiin ka zawt nghal haw a .

" kha ER-a nurse rawn thawk thar kha " Tapuii chuan min lo hrilh nghat vat bawk .

" Carine kha maw?" 

" aw ... I û rual a nih kha ,û rawh " Esther chuan fiamthu deuh hian a rawn ti ve leh bawk a .

Anih chuan Medicine HOD fapa leh Medical Superintendent fanu te inngaizawng chu thil mak pawh a ni ta love , thil ka hre tam telh telh a ka insit tulh tulh .

" Dr. Noel ex an tia ,an inhmeh tiraw ?" Esther in a tih chuan ka lo bu nghat a .

" Ex tih mai mai tunah an nih tawh loh te chuan a ho emai" Tapuii chuan a ti nghal bai bai a , an inngaizawng mek a ni tih hi sawi pawh ka sawi peih lo .

" bakah an chhelo dun...." Esther chuan a han ti leh dek dek a ,Tapuii chuan " ngawi rawh u ,saw Dr. Noel a rawn kal a nia "tiin a lo pawt chat nghal vat a ,ka hawi phei rang teh e . 

" kha i coffee " min rawn nuih vur vur pah hian coffee chu min rawn pe a ,engmah sawi lovin tum bur chung hian ka lo la hmak thung. 

" i va lungawi loh hmel ve " a rawn tih leh chuan ka ṭhutpui te chuan mak ti takin min lo en ha a, a chhanchu ṭul lovah intern ho hi a be ngai tlat lo.

Ka ṭhutpui te melh hrek hrek pah chuan ka han nui lui sak a ," a nih chuan ka lawm e " ngeiawm zeta tih kher pahin ka tho hmak a ,ka kal nghal nal nal bawk .

" Tete ..." Min rawn umzui nghal .

" i awm a nuam lo em ni ?" Tih pahin min rawn khawih a tum rual rual chuan a kut chu ka paih thla nghal sawk a ,"min khawih suh " ka lo ti vin nghal hlar a ,ka duh aiin ka vin . 

Mak ti taka min en reng takah chuan ka awmdan chu thlak danglam nghalin ka han nui lui leh hnuhnawh a.

" umm...ka tih palh midang ka va pui ange " zaidam deuha tih pahin kal nghal daih chu ka tum a mahse min dang leh tho .

" Ngatinge hetiang hian i awm thut ?" 

" Engtin maw ka awm a ?" 

Ka hrelo der tlat, ani pawh ngatinge hetiang hian a awm ? Min ngaihsak niawm taka awm vel hi a ṭul kher emawni le ?

" i thinrim alawm ,ka chungah i thinrim a ni lawm ni ?" 

Naaa...thup ṭhen ve deuh tur ania hetiang teh tawpa in zawt lo hian .

" min ngaihsak thut a amak em alawm " ka nui der vela ," ngaihtuahna ṭhalo ka pu hman ṭep a ni ,ughh Engpawh chu nise midang ka va pui ange " tih leh tlan ka rual nghal.

Muang changin Dr. Noel pawh chuan ka hnungah min rawn zui ve nghal a ,a theih chen chen pehhel ka duh avangin nurse Sangtei bulah chuan ka va kal nghal a .

" u Sangte ka lo ti dawn em ni ?" 

Naute ek tang kah ek a lo tum lai tak chuan ka va ti a , alo lawm hle nghe nghe . 

" hei glove aw , jelly hi kan lo hmet chhuak ange " a lo ti nghal vat bawk.

Glove chu ka bun nghal mawlh mawlh a , liquid glycerin suppository hmawrah chuan a luh awlsam nan lubricating jelly chu ka han tat te te phawt a .

" a mawngah ka vit lut dawn nia aw ,lo vuan nghet deuh rawh " tiin naute nu chu vuan nghet turin ka hrilh a .

Ka vih luh rual rual chuan naute chu tal chungin a ṭap nghal uar uar a ," a zo ṭep " ti chungin damdawi tui chu ka hmet lut zela ,ka zo ṭep tawh tih in naute chuan ka kut chu a rawn tlawh pit ta thut mai,min rawn phuh nghal tuarh ringawt! 

Suppository leh naute ek them inpawlh chu ka kawrah chuan a kai tuarh a , a rim ka hriat rual rual chuan ka uak nghal tuarh bawk .

" ka pi , ek in ah hruai nghal rawh a ê vat mai ang " 

Uak tuarh tuarh chungin toilet ah ka tlan lut nghal a ,rang takin ka lab coat chu ka phelh nghal vat bawk . 

" Hemi pawh hi a uih a nih hi , engtin nge ka tih tak ang? "

A hnuaia ka kawr hak lehzel pawh a rimchhe tel vek , ka phelh chuan hak tur ka nei dawn lova ka hak erawh chuan zankhua in ek rim ka nam dawn bawk si .

" Ashhh....zanin ber kher ,ka che chhe tluan leh zak dawn a nih hi " 

Chutia tih dan tur pawh hre lova ka insil mawlh mawlh lai chuan Dr. Noel chu a rawn lut hlawl mai ! Buaina ka tawh apiang hian a rawn lang hmasa ber zel .

" kha heihi ha rawh " tih pahin kawr hak tur hi min rawn pe a ,mahse ka la duh bik lo .

" ka nau hnenah min rawn pe turin ka hrilh mai ang " ka lo ti ve hmak .

" tun ang zan rei tawh ah hian maw ?" 

Dar 11 ri tawh mahse a kawr hak ai chuan ka hrilh zawk mai ang .

" aw " 

" ã viau suh ,heihi ha la rawn kal vat rawh " 

" hetiang hian awm tawh suh " 

A chungah ka lungawi loh em avangin ka rilru a awm chu ka hrilh phawng a ,min ngaihtuah ang taka a awm hian ka rilru a ti na daih zawk .

" Engtin maw?" 

" min ngaihsak ang tak hian lan tum tawh suh ,ka ril ṭam leh ṭam loh pawh min zawh angai lo .Hetiang thil i tih hian engah mah ngai lo mahla keichuan min hria angin awm lo la ka duh zawk " 

Ka sawi lai te chuan chiang zet hian min en kalh a , a mita min ngaihtuahna leh min ngaihsak na niawm tak ka hmuh te hian min ti thinrim zawk . 

" ka ngaihsak ang che ni a i hriat chuan i hre dik chuvang chuan heihi ha la ,rawn chhuak vat rawh " tih ringawt in min chhang a nih chu !! 

A chhanna kha ka va duhkhawp lo tehreng em ,ka hriatthiam theih turin sawi ve tal tur ania.

A kawr ken lai chu min rawn hmeh bel chawt a,a kal nghal daih bawk.

" kan inngaizawng pawh a ni tawp si lova engvanga a chunga khatiang thil kha sawi nge maw a nih le? Aaa....avan zahthlak tak " tih nuah nuah pahin a kawr min pek chu ka han pharh a ,ama kawr ngei a ni tih ka hriat chuan ka khi suk mai .

"He tshirt hi a hak lai pawh ka hria" tih sap pahin ka han hnim vang vang a ,Dr. Noel rim ngei a ni he perfume rim hi ka dam chhungin ka theihnghilh thei tawh ngai lovang. 

A kawr min hak tir chu a len em avangin ka kekawr ah ka thun ta ringawt a ,ti hi chuan tumahin Dr. Noel kawr ka ha tih an hre hauh lovang. 

Toilet aṭanga ka chhuak chiah chu pi Hmangaihi chuan chaw ei ve nghal turin min lo hrilh a ,ek bawk kha ka hrechhuak leh tawh .

" umm...han ei zo vek phawt se a tawpah ka ei ang " ka ti ta ringawt a.

" aw le ,ka lo hrilh leh mai ang che" 

Ka chhuah phei leh chuan a lo thawl hawk tawh ,midang in chaw an la ei avangin intern pahnih, nurse , kei leh Dr. Noel bak awm kan awm hrih lo chuan kei tih loh chu damlo enkawl in an buai hle bawk .

Ka rilru te te chuan nurse Carine ka hmuh loh danah EW lamah a duty anih ka ring , Dr. Noel nen an awmdun lo bawka ka thaw deuh huai bawk.

" Tete ..."

Dr. Noel'an min rawn ko leh tawh ,pehhel hram hram ka tum asin .

" aw .." Tih pahin ka kal vat a , hnathawna hmun anih avangin ka rilru put hmang hi lanchhuah tir ka tum hauh lo .

Ka kawr hak lai en pah chuan min rawn nuih suk a ," khi laia damlo khi belt hi lo hreng tir ta che " a ti zui sap bawk .

Ngawi rengin Abdominal belt chu ka la a ,chhak lama damlo an mut hran tir tumah buaipui tu nei lo lam chu ka pan nghal vat a, ka pa te ang rual vel a nih ka ring .


" ka pu ,khawilai nge i tih nat a ?" Tih pahin a mutna bula chair ah chuan ka ṭhu a .

" hei ka nak vel hi ka sawh na a " 

" Ngatinge ? heihi hreng lawk rawh aw" 

" kan accident alawm mawle " 

A thawh theih loh avangin thei leh thei lo hian ka hreng tir a ,na a ti hle nghe nghe .A nak ruh a tliah loh pawhin a khi aniang .

" khawiah nge i chhungte ? Nangmah chiah in em ni i accident ?" 

" pawnah an awm ang , ka fapa nen kan nia ani erawh a thin a sawh thler avangin an zai mek " 

" a dam leh vat mai ang ,nangpawh i drip khai lai hi zo se an haw tir nghal che ka ring " tiin ka hnem a ,a chau hmel em avangin ka be vak duh lo .

Ka tih tur hrelo chair a ṭhut ka tum lai tak chuan damlo pakhat ,silpaulin a tuam vek hi an rawn zawn lut a midang an la buai vek avangin rang taka thawh pahin ," hetah hian rawn mut rawh u ,pakhat khan pawnah card la bawk ula " ka lo ti nghal zung zung a.

An mut fel chiah tih in Sphygmomanometer keng chung chuan ka kal ve nghal a ,a BP check tumin an tuamna silpaulin phelh pah chuan ," Eng na nge ?" Tiin ka zawt nghal bawk .

Damlo satliah mai mai emaw tiin Silpaulin hnuaia an tuam na puannuam ka hawng leh chiah chu a kut a lo bung chu niin !! Ka phu chiang kher mai ! Min ṭhawng lutuk a ka thil ken lai pawh ka thlauh ṭep. 

" an sangha man na ah Gelatin in a kut hi a thlawh palh alawm mawle " a tih lai te chuan ka vai ruai hian ka hria ,ka tawt nghal up up bawk.

" Sir ,damlo serious an awm " tih pahin midang in an rawn hmuh ve loh nan a mutna chu parda in ka zar hliah nghal vek a ,ka huaisenna zawng zawng sawm khawmin a ban na lo lampang ah chuan a BP chu ka check sak nghal bawk .

Kut khur der der in a vital sign ka ziah lai chuan reilote ah senior nurse Pi Zampuii chu a rawn lang vat a ,ka thaw nghal huai mai . 

" Kan lo dressing sak ange ,nangin a kut lehlam ah khan venflon i lo vuah sak dawn nia " a ti nghal zung zung a , rang takin venflon ka va la nghal vat bawk.

" pi Zampuii Dr. Noel saw ka va hrilh dawn mi?" 

" ka hrilh tawh , ala buai deuh a mahse engmah hlauhthawn tur a awm lo,tunah chuan drip khai a pawimawh ber " 

Damlo awm leh ban te chu a si per in a kang nual bawk a ,a sa viau ang amah pawh a rum hlat hlat mai .

" ka pu i ban lo ti che tawh suh venflon ka vuah dawn " a ban a tih chet reng avang chuan ka ti sap a ,ka ṭawng a hria a ni ngei ang a dah hle hle a .

A vein ṭha lai zawngin a kut chu ka han hmer kual vela , a kutṭang ka khawih sak chiah chu a kutzungte chu a lo per vek chu niin!! Ka au chhuak lo chauh .

" pi Zampui a kutzungte pawh hi dressing angai ang "a hmuh hmaih ka hlau avangin ka hrilh nghal vat a .

Vanneih thlak lutuk in a vawikhatna ah venflon chu ka vuah fuh hlauh , drip chu ka khai sak nghal veka ,TT pawh ka pe thlap bawk .Pi Zampuii erawh dressing tur a tam deuh avangin ala buai hle thung .

Paraffin gauze chu a awm kang lai ah te chuan ka lo bel pui a , midang pawh min rawn pui turin an rawn lang nghal ṭak ṭak hlawm a ,chutia midang an awm ve takah chuan a thaw ip pik thlak em avangin ka glove chu ka phelh sawk sawk a ,ka kal nghal daih. 

Damlo dang ka buaipui leh hma in intih thawven nan nichina accident pa bulah bawk khan ka han kal leh a ,a drip khai lai chu a zawh tawh avangin ka thlak sak bawk.

" ka pu hemi nilo pakhat chiah khai tur i nei tawh "

" ka haw thei ṭep tawh a nih chu " tih pahin min rawn nuih var var a ,pa nelawm tak a ni in ka hria. 

" haha ...i vannei e ,Pathian in a veng che aniang " 

" Sir, damlo kã aṭangin thisen a rawn chhuak " 

Tapuii au thawmah chuan ka hawi nghal vat a ,nichin lawka O2(oxygen) an khai sak pa kha lo ni rengin , a chaw kawng a cancer avangin ICU awmna tur an zawn mek lai a ni lehnghal .

" ka pu nakinah ka rawn kal leh ang " tih pahin engthil chiah nge thleng hriat tumin ka tlan phei nghal a ,Dr. Noel pawh a thleng rang hle .

Dr. Noel chuan a han endik nghal zung zung a ," a thisen zam a puak keh a nih dawn hi, a thaw ri pawh ka hre thei lo rang takin intubation tih angai " a ti nghal zung zung a. 

" Ngatinge a thisen zam chu a puah ?" Carine chuan a lo ti ve bawka .

"thisen zam chaklo leh vung ah hian hetiang hi a thleng ṭhin alawm " Dr. Noel chuan zaidam tak hian a chhang let a ,hun lo viau mahse an awmdan ho te te hian ka mit a ti kham takzet .

" Sir ,a kâ aṭangin thisen a rawn chhuak hnem lutuk a intubation ka ti thei lo " pakhat chuan a rawn ti ta mai !! Anih chuan a thaw tawh bawk si lova Dr. Noel hian tihian a thih tir ringawt mai dawn em ni ?

" SpO2 pawh 60% ah a tla hniam " 

Esther chuan a rawn ti ve bawk, kan vai mai chuan tih dan tur kan hriat loh avangin Dr. Noel chet hun chu kan nghak ṭhup mai .

" a nih chuan tracheal incision ka tih angai dawn a nih chu , rang takin hmanrua la nghal rawh u "

(Tracheal incision chu hrawk zai hawn a ,thawkna tur pipe vuah luh hi a ni )

" Noel i â ta em ni? hetah hian i zai ringawt thei lovang " Carine chuan Dr. Noel chu a pawt hrang nghal vat a. 

" Hun a awm tawh lo a thi mai dawn asin " tiin alo chhang let nghal vat thung .

" a hlauhawm zia i hria em? Thil kalsual ta se an khing dawn che asin . Hetah chuan zai suh a risk a sang lutuk ,OT lam ka han call ange " 

" Carine hun a awm tawh lo , engpawh thleng dawn se damlo hi ka chhan ngei ngei angai" 

Carine thusawi pawh ngaithla lovin glove chu a bun nghal mawlh mawlh a, a thil tum hi ṭhulh leh a tum tawh loh hmel hle .

"Noel ,He thil hi ti miah suh ,in vaiin hre reng rawh u he thil hi a kal sual a ,in in hnamhnawih ve anih chuan mawhphurhna in lak vek angai ang " Carine in a tih chuan kan ngawi ṭhap hlawm a ,tuman mawhphurhna lak chu kan duh bik lo .

" pakhat tal in min puih angai ,tunge min pui dawn ?" Dr. Noel 'an a tih pawh chuan tuman keimah kan ti ngam tawh lo.

" Damlo hi hetiang hian in thih tir ringawt dawn mi ?" 

Vin zet hian a han ti leh a ,damlo hmel ka hmuh hian ka khawngaih takzet dam lehna chance vawikhat a neih laiin ka dawihzep na avangin heti ringawt hi chuan ka thih tir thei lovang .

" keiman ka pui ang che " ka ti chhuak hlawl mai !!

Dr. Noel hi ka ring tawk ,a thil tih tumah hian a chiang a ,a hlawhtling ngei bawk ang .

" Tete .." Carine in min rawn koh pawhin a ṭawng hrelo ang maiin glove chu ka bun ve nghal a ,thisen lo chhuak apiang hru nghal zel turin gauze lian ṭha telh tawlh chu ka la nghal bawk .

" i chiang chiah maw? " nuih vur vur pahin Dr. Noel chuan min rawn zawt ṭha leh ngat a, " ti vat vat rawh " ka lo ti hmuk thung .

Dik taka sawi chuan ka hlau ve tho ,ka che buai leh vak ang tih pawh ka ring mahse midang pui tu tur a neih miau loh avangin ka tih ngei ngei turah ka dah hmiah.

Dr. Noel chuan a hrawk bawk lai bawr vel chu a han hmet kual vel a.

" Sir kah hihna tal kan pe dawn lo em ni ?" 

" ai , na engmah a hre tawh chuang lo " 

Lalpa leh !! Hetiang thil ka ti dawn ta mai hi ka awih thei lo .

Dr. Noel chuan a khawih fuh ta maw tih in scalpel hriam zet chuan a hrawk chu a han zai thler a ,thisen rawn chhuah tam zia chu ka chiai hman ṭep .

Rang lutuk in gauze chuan thisen chu ka hru nghal vat a ,ka thlan dup tawh mai .
Chutah forcep chuan a han kar kau leh tawk a ,en pawh ka en ṭha ngam tawh lo ka rin hruk vel mai mai tawh .

" kha le " trach tube chu Pi Zampuii chuan a rawn pe nghal vat a , Senior nurse tih takah tlanchhiat a tum bik lo aniang.

Dr. Noel chuan trach tube chu awlsam deuh hian a vuah nghal mai a ,ambu bag kan pump chiah chu SpO2 pawh a rawn sang nghal awk awk mai alawm ,ka thaw nghal huai bawk.

" i ti ṭha hle mai " Dr. Noel chuan min rawn nuih leh vur vur tawh ,thawk hak pahin duty room ah ka luhsan nghal daih thung .

Thawk chhuah hak hak pahin duty room ah chuan ka vei kual chhen a ,ka hlauthawng lutuk hi ka thinphu pawh a mumal thei lawk lo .

" ka lawm e " ka hawi let nak chuan Dr. Noel leh bawk .

" engmah ka tih loh kha ,bakah damlo kha a damchhuak angem ?" Aw khur dar dar chung chuan ka zawt a .

" umm...ICU an thleng ṭep tawh ang " a tih takah chuan ka hahdam sawt .

" lo kal teh " tih pahin ka kutah chuan a rawn dawm thut a ," hahdam tawh rawh " zawi te hian a ti zui sap bawk .

" umm...chaw kan ei ve tawh ange " rang lutuk in ka kut chu ka la let nghal vat a , kitchen ah ka tlan lut daih ringawt .

Chaw ka ei kham meuh chuan zing Dar 3 alo ri der tawh , ka chau bakah ka ham bai bai tawh .

Intih harh tumin ka ha ka nawt a ka hmai chu ka phih nghal sang sang bawk , zing dar9 thleng duty tur chuan ka tlin ka ring tawh lo , ka khum ka ngai tawh takzet . 

Damlo chi hrang hrang an rawn la kal belh zel a ,OD , pumna leh accident te pawh an bang chuang lo . 

" ka pu khi ka en leh phawt anga reilote ka mu ang " tih sap pahin nichina putar accident bulah chuan ka va kal leh a , thei leh thei lova alo thaw  ṭawk ṭawk lai ka hmuh chuan thil diklo a awm tih ka hre nghal .

" Sir ,Sir ....damlo hi a thawk a buai ania " tiin ka au nghal tuarh tuarh a.

" ka pu ...ka pu " tih harh tumin ka au nghal mawlh mawlh bawk .

Doctor rawn kal hma chuan a rawn meng siar siar a ," ka pu ..ka pu ka ṭawng i hre thei em ?" Tiih a hmaiah chuan kan han beng thek thek a.

" ka kal tawh ange " tih sap pahin a maimichhing ta riai riai mai, ka tawlh hnung nghal hrut a ,bang kilah ka ṭhu nghal hnawk bawk .

A accident na ah khan internal bleeding alo nei reng a ni maw! Zan a rei tawh em avangin ultrasound takngial pawh a tih theih si lova, a tuar tlawk tlawk chu a ni sia .

Dr. Noel an a theihtawp chhuahin chhanchhuah leh tuma CPR a tih lai te chu ka lo thlir renga ,awmzia a awm tawh lo tih ka hriat avangin ka mittui a rawn tla nghal zawih zawih mai .

" a kal tawh ,a kal tawh " keima hriat tawk lek chuan ka phun sap sap a ,Dr. Noel pawhin ," a thih hun dar 3: 45 " a ti zui sap bawk .

Rang takin EW lamah chuan ka tlan phei nghal hlawk hlawk a,ka khawngaih mai bakah khatiang thil kha ka vawi khat hmuhna a nih avangin ka insum thei tawh thlawt lo ,ka ṭap chhuak nghal hawm hawm mai .

Chutia Corridor kil khata ka din reng lai chuan hnung lam aṭang hian tuemaw hian min rawn kuah nghal thlawp a ,a rim atangin Dr. Noel a ni tih ka hre nghal .

" a tuar thei tawh thlawt lova a kal tur thu min hrilh asin " insum na tel hauh lo chuan ka ṭap nghal zawih zawih a ,ngawi rengin nghet takin min lo kuah tlat thung. 

★Noel's pov ★

Dar 5 a rik meuh chuan in phih harh turin duty room ah ka lut a , Tetei ka va hmuh chuan ka khi nghal suk ringawt .

Tetei chu couch ah remlo zetin amah chauhin tui tak hian alo muhil sak sak a, a vawt ti chu a tawm chawih chawih mai . 

Ngawi rengin ka jacket chu ka sin tir a,amah thlir dauh dauh pahin a hma dawhkan ah chuan ka ṭhu a ," i chau viau a nih dawn ni " ka ti zui sup bawk .

Nizan ah ringawt pawh khan a chungah thil a thleng hnem takzet , khatiang em em kha chu a phu bik lo asin .Hmeichhe rilru ṭha tak a ni a ,a ṭap lai hmel hmuh kha ka thil hmuh tawh ah chuan tawrh harsa ka la ti ber hial ang .

Nuih vur vur pahin a sam tla chhum chu a bengah ka zeh saka ," ka chhungah thinrim tawh suh ,a hrehawm emai" tih sup pahin a hmuiah chuan ka fawp vang vang a , ala harh chuan loh avangin ngawi rengin bathroom ah ka lut nghal a .

Chapter-10

“I love you and I don’t want to lose you. Because my life has been better since the day I found out."

In tih harh pahin kitchen ah zial ka zu a ,nizan zankhua in ka mu lo lehnghal a ka ṭhu mai mai pawh ka muthlu lo chauh kha a nia.

Carine chu ngawi rengin kitchen ah a rawn lut a ,nidang ang bawkin min rawn nuih leh ver ver tawh ,ka nuih let ve lo thung .

" Noel ka car ka keng lova min thlah thei angem?" 

"Hmun dangah kalkawi na tur ka nei " ka zial zuk lai chu ka paih hmak a, a mitmeng ah hian a rilru a na tih pawh ka hria ,beiseina pek ka duh loh vang zawk a ni.

" hmm...a nih chuan i rualin chutah chuan ka kal ve zel mai ang "

" Carine " a lakah ṭawngkam vin ka hmang ngai lova mak a ti hle .

" i bula kal pawh chu ngatinge i phal loh viau? I pawi ka sawi em ni ?" ṭah aw ṭuau hian a ti a ,hnem leh beisei takin min rawn melh a ,ka kekawr ipte zen chungin amah hnungchhawn zawngin ka ding hmak .

" hmeichhe dang duh ka nei " 

Ka hrilh nawn leh a ,tunah chuan a awi tawh ngei ang ,a laka ka rilru put hmang hi a danglam tawh tih a hriat ngei angai .

" nanghi ...hmeichhe dang duh i nei tak tak em ni ? Chunu chu tunge ? Anih kei ve hi? " vawikhatah zawhna min zawt hnem mah mah, chhan kher pawh ngai in ka hrelo .

Hmeichhe awmnem zawk lakah hian hetiang hian awm ka duh lo ,ka awm ngai hek lo mahse Carine erawh ka hrechiang a hetiang anga ka tih loh chuan min kalsan mai mai dawn lo tih pawh ka hria .

Ka kal tur chu hnunglam aṭangin min rawn kuah thut a, ka ngaih ang ngawt a hnar awlsam a ni dawn lo tlat .

" Noel hetiang hian awm suh, keimah zawkin ka ṭhen che a ka kalsan che tih pawh ka hria ,kha ka thutlukna avang khan tun thlengin ka la inchhir asin " 

Ka hnungzangah a bei hle hle a, ka chhan hma chuan ," ka la hmangaih reng che asin " a ti zui sap a ,min hmangaih thu min hrilh lai tak chu Tete'in a rawn hre hman !!

Ka hlauh ang ngeiin thil a thleng ta a nih hi !

" Tete " ka ti ram hmaih a , Carine kut chu ka phelh a Tetei ka umzui nghal .

"Ding rawh " 

Ka thusawi... nilo ka thupek chu zawm lovin a hma aia chak in a pen hlawk hlawk a ,ka chelh hman dawn lo nia ka hriat takah chuan a kawrah ka ṭham pawp a bangah ka nawr bet chawt a," ding rawh ka tih chu " ka ti vin tuarh a,a mitmeng ah hlauhna ka hmu nghal.

Tih hlauh hi ka duh dan a ni lo , hreptak chuan engvanga hetianga awm phiangsen nge ka nih ?

" min thlah rawh "a rawn ti let hlar a, a thinrim theihtawpin a thinrim niin a lang .Takzet hian !

Tawlh pit a tum a mahse a ban tawn tawn ah ka man bet a,bangah ka nawr bet tlat.

" Engthil nge i tih..." 

A ṭawng tam hma in a hmui sen siah ah chuan ka fawp nghal tawn tawn a ,ka dim lo hle bawk .

Hetianga ka chet chhan hi ka hre tawh bik lo,ka hriat zawng chu he hmeichhia hian ka rilru a chawk buai in chan ka hlauh luatah rilru fim ka pu thei lo . 

Tal aih aih chungin a theihpatawp a na in ka awmah a lo nem ṭang ṭang a , rum nghutin ka in la hrang nghal , tharum ah hneh mah ila a duh lo chung erawh tih luih ka tum lo .

" min thlah rawh " ka fawh leh loh nan lehlam a hawi hmak .

A ngaihdan nilo lutuk hmel ka hmuh hian keipawh ka inthiam bik lo, ka chet dan mawi lo lutuk avang hian ka inchhir nghal hle .

" Carine nen kan inkarah engmah a awm lo " ka ti sup a, ka hrilh kher chhan erawh ka hrelo .

A hriat ngei hi ṭul ka ti a ,a chhan a awm kher ngai ka ti lo .

" chu chu ka buaina tur a ni lo,kal sawn rawh" min melh kar a ,ha seh chilh ran hian a ti sep a .

Hreptak chuan ! A ṭawngkam leh a mitmeng a thikna awm hi a in mil hlawl lo ,ka rin aiin a tawh khirh dawn tlat.

" khatiang khan min melh suh " 

Mi lerh tih melh a min melh hi ka duh lo .

" ka hua che " tih chiah a sawi ,min nam sawn pawp a, a tlan nghal vang vang .

Tetei a liam chiah tih in a chunga ka thil tih dan mawilo tak kha ka ngaihtuah let a ,ka inchhir chu ka lu ka dawm vang vang a ,mipa ka nih vang ringawtin khatianga chet theihna dan kha ka nei lo .

Engkim hi ka ti harsa zo vek .

" khanu kha mi i hmeichhe duh chu ?" Carine chu ka lam panin a rawn pen chhat chhat a ,a ṭawng chu hre lo ang hmakin ka din dan ngaiin ka ding reng thung .

" awlsam takin ka kal tir mai che i ring em ni ?" A nui lui sak a ,ka hriat ṭhin Carine kha a ni tawh lo .

"Buaina thlen sak hauh suh ang che " 

" Buaina ? Hahh...Noel ,i fiamthu em ni? Kei nilovin a ni khan buaina kan inkarah a thlen zawk a nih hi " 

" kan inkarah eng nge maw la awm nia i hriat chuan chiang takin ka hrilh ang che , min kalsan ni aṭang khan kan inkarah engmah a awm tawh lo " 

" in ṭhianṭhat na pawh maw ?" 

" chutiang ka rin zawng a ni vek lo " ka ti hmuk a ,ka kal nal nal .

In ṭhen hnua ṭhian anga awm tih vel hi ka rin zawng a ni ve lo , kan inkar chhutchah a ni tawh chuan inzawmna a awm leh tawh tur a ni lo ,chu chu ka rin dan a ni.

ER -a ka luh chuan min duty thlak tur UMamawii pawh a rawn thleng tawh a , midang awm huai huai mahse Tetei leh Nathan te awmdun chuan ka mit a ti kham hle .

" Noel , i thik em ni ?" 

uMamawii chuan a rawn ti sap a ,za lo zetin ka khi suk a chhunglam ah erawh ka alh lo chauh. 

" i thinrim hmel teh mai ania ,eng nge maw a thleng em ni ?" A ngaihṭha lo chuan a ti leh a.

" engmah a ni lo " 

" chutiang ringawt chu a nih ka ring lo , nangni pahnih hi intih thiamlohna in nei te a ni lo maw ?" 

A sawi zo chiah chu Carine a rawn lang ve nghal ,thil thlen dan chu hrefiah nghal kuarh niawm takin a bu nghat a . 

" i let leh a ni tih min hrilh miah suh " a rawn ti sa sa a , Carine hnena ka let leh loh nan engpawh a ti duh ang .

" ai " ka tih chuan a thaw huai a .

" anih eng nge i buaina chu ?" 

" ka hre tawh bik lo " 

Nia , engkim hi a buai mup mup a nih hi .Tetei ka fawp zo chiah a ,engtiang chiaha mi khawlo ah nge min ngaih ang kha hrelo .A laka ka rilru put hmang hi a thianghlim a ka neih hma loh chuan tawpsan ka tum lo.

Duty room ah ka haw hma in tui ka in leh te te phawt a ,ka hnung lam aṭang hian Nathan chuan ," Tetei hi i duh em ni ?" A rawn tih chuan ngawi rengin ka hawi let a .

" aw "ka ti chang fak, zep kual vel hi ka thiam ve lo .

Ka chhanna avang chuan a meng bial kawk a , ka in pawm thlap hi a ring lo te pawh ania nge .

" maw ?" 

" chuan engtin nge i tih dawn ?" 

Ngeiawm zet hian ka ti a , hepa hi ka khing ang tih ka ring ngai lo tunah chuan a ni aia thik hi ka nei lo .A atthlak takzet .

" hnaih tawh suh ,Tetei hi vawi engzat nge i tih ṭah tawh i hria em? Bansan vat zawk rawh " 

" i sawi avang ringawt hian ka bansan i ring emawni le " khik suk pahin tui chu ka in leh a ,a dar ah ka beng thak thak a .A thusawi hian ka ne pawh a khawih lo .

Ka clinic ah damlo inentir tur inziak an tam avangin dar 8 rik dawn ah pawh ka la ṭhu a , eng ang pawhin buai mah ila nilengin Tetei bak ka ngaihtuah lo .

Henu zet hi chuan ka thluak hi a chawk buai ve ngawt mai ,min la tibuai dawn chauh chu a nih hi .

" Noel " Kawngka aṭangin Rinhlua chu a rawn dak dek dek a ,tunah tak hi chuan Rinhlua nilovin Tetei ni hmuh ka duh .

"Pawnah khan min lo nghak rawh ,Patient pakhat chiah ka nei tawh " ka tih chuan a pil nghal zuk a ,a ngaihna awmlo ti takin khik vur vur pahin ka lu ka thing a .

Damlo test na result ka en hnu chuan a rawn kalpui tu hnenah chuan ," a BP a san deuh avangin Furosemide (lasix) hian in chiu phawt ang, A lung hi a vung a a lung huat loh damdawi Tab Dytor-5 hi zing tin mum khat zelin ei rawh se " 

Ka ziak pah zela ," A thaw hah hi a lung vung vang hi ania , Budate hi nebulizer in zing leh tlaiah lo hip bawk rawh se ,chuan a pum nuam lo ah hian Rabeprazole DSR hi mut hma in mum khat zel in " 

A pawimawh tur awm ang ka hrilh zawh chuan vawiin atan chuan ka zo der ,ka thaw huai bawk .

Rinhlua's POV

Joysie nen Noel Clinic ah kan kawi dun a,Joysie erawh damdawi lei tur a neih avangin a chhuak lawk thung .

" Hey ,Bro ....Specialist ho chu in lun char char hle mai " ka ti lut ham ham a ,min lo nuih eng ang mahse a hmelah kap tu a nei tih hai theih a ni lo .

" Eng nge i rawn tih dawn ?" 

Hepa tak hi chu tihian min lo zawt hu zel .

" nileng in call i la thei lova ,i thi nge dam pawh ka hre hleinem " 

" vawiin chu min tibuai lo teh ' a chair chu a ngheng ar ar a , eng tehhrep in nge tibuai ni hetianga a awm tak .

"ṭhianpa duhtak ,Carine khan a rawn bia che em ?" 

" hmela , Engvangin nge ka number i pek ?" 

" I duh viau a ni lawm ni " ka tih chuan min chhan a tum loh hmel hle. 

" anih chuan Tetei zawk em ni i ngaihtuah ?" Ka ti fiam vela mahse a hmel awmdan aṭang chuan a dik tih ka hria ,kei ngei pawhin ka awih lo hial .

"Engkim ka tibuai vek " a thaw hak a ,a lungngai ve tak tak niin a lang .

" A duh loh che mi ?" A melh ngai a melh vung vung a ,chutah thil nithei awm tak chu ka ngaihtuah chhuak a ," nge mipa dang duh a nei zawk?" 

" chutiang deuh chu " a ti sup a.

" Anih chuan kal tir rawh ,i hmangaih a nih chuan kaltir rawh " ka ti zung zung a ,thinrim hmel fe hian min rawn melh .

" chutiang chu ka rin zawng a ni ve lo " 

Nia ,Noel ngaihdan ah chuan mi i duh a nih chuan i neih theih hma chu i bei mai tur a ni tih hi, i hmangaih anih chuan a hlim nan kal tir rawh tih vel te hi chu engah mah a ngai lo .

" dude , henu hi i duh viau em ni ?" 

Carine ai pawhin a duh niin kei chuan ka hria .Carine hian high school kan kal lai aṭang tawh in a rawn be tawh ṭhin a ,Noel an a duh veleh kum khat em pawh an inngaihzawn hma in rinawm loh sanah puh in a ṭhen leh lawi sia. Rilru na takin a kalsan a , khatiang rilru kha ala put reng ringin an pahnih hian an inkawp leh theih nan hma lak ka tum zet na in Noel rilru ah hmeichhe dang an awm tawh tih ka nemnghet chiah . 

" ka thinlung zawng zawng in " a tih takah chuan henu te reuh hi a atchilh takzet tawh a ni tih hai theih a ni lo .

Noel hian hmeichhia hi awlsam takin a la duh ngai lo ,tun ṭum erawh henu hian eng dawi nge a hman ni hetiang em em a a uai tak mai.

" hmeichhia i duh hmasak vawikhat na ,record a ni hial ang lawm chi a nih hi" a bulah hi chuan ka la thutak duh lo , ka mit ko chu ka san zeuh a .

Tetei ngaihtuah chuan Carine te hi chu engkimah khitah vek a ni mai .Mizo hmeichhia a chuan hmelṭha ber pawl leh pian nalh ber pawl ti ila ka sawi sual lovang .Ka ngaihtuah chiah pauh leh Tetei a duh hi ka mak tihna a zual .

A khawi lai ber hi nge a duh ni ?

" Taka Joysie nen kan rawn kal asin " a meng bial deuh pap a ,ka thil hrilh leh tur phei hi chuan a ti thidang thei ang. 

" Engmaw ?" 

" vawiin aṭangin kan ni tawh" ka tih chuan min lawmpui viau mahse Tetei nen a an inkar a ngaihtuah chhuak a ni ngei ang a thaw hulh a. 

" in in be chiah a ni lawm ni ?" 

Joysie nen hian kan thawh na a inang bawka , hma lak a awlsam bawk em a tin ni .

"Nang ang ka ni lo ,keite chu ka che rang alawm " 

" hmela muang changa che tura min hrilh tu i nih kha " haha, engah mah a ngai lo emaw ka tih kha a lo apply tak tak a nih dawn hi .

Keia thurawn tehlul a lak tawh chuan a mangang tawpkhawk tawh a nih dawn hi , hetianga Noel meuh a awm hi kei chuan hmuh nuam ka ti tlat , Tetei hian han ching let tak tak teh se .

" hawh a tlai zel , thil ei ang " 

" kalna tur ka nei " a ti hmak , tun ang hunah khawiah tak kal ang maw ?

Tetei's POV

Zanin chu ka pa zurui insawitheih zan te pawh ti ila ka sawi sual lovang . Ka nau nen chuan TV en pahin sofa ah kan ṭhu dun ran a ka pa erawh kan piaha sofa ah a ṭhu daih thung .

Ka pa lah hi a insawithei rem rem khawpa ," kan tlangval lai chuan veng chhungah nula min duh lo tu pawh an awm lo .Zaithiam ,hmelṭha leh tlangval chhelo tih takah Mizoram pawnah pawh sawmna ka dawng ṭeuh a i nu vang hian ka hnawl sak a nih kha .A hun lai kha chuan lar vet vet tak ka ni C. Vansanga te chuan ka ne pawh a tluk lo " a ti ham ham a ,he thu ringawt pawh hi a sawi ngun tawh lutuk a Muani phei chuan a lo sawipui zuah zauh tawh .

A tak tak a ni em tih erawh ngaihtuah fe angai .

" Pa , i la sawi rei dawn sia ei tur lei ila " Muan'in alo ti hmanhmawh . 

"Eng nge in ei duh ,kha zuk lei rawh u" tih pahin Rs100 hi a rawn phawrh chhuak a .

" Sprite leh Lays ka duh , nizanah ka kal tawh han kal ve tawh rawh " min rawn melh a ,henu tak hi chu a û zawk hi min tir kal dawr dawr zel .

" Fanta ka duh keichuan ,a kal tu tur ka nia ka duh duh ka lei ang " ka ti ve ngat a ,pawisa chu ka la a kawn ah ka tlan chho nghal vang vang .

Vawiin nileng in Dr. Noel ringawt ka rilru ah a awm , min duh lo nise min fawh ngawt nachhan tur a awmlo mahse Carine nen an inkuah lai chiang takin ka hmu leh bawk sia ,eng nge a rilru ah awm ka hrelo .

Hepa hian min bum kual mai mai thei lovang ,min duh ve emaw ka lo ti hman a mahse ka hrechhuak hma hlauh hi ka lawm letling zawk .

Aaaaa....hepa hian min ti â thei takngial dawn , a mitmeng ,a rim leh a fawh te kha ka thluak aṭang hian ka paih chhuak thei thlawt lo .

Ka nau hi ngeiawm viau ṭhin mah se Fanta nilovin Sprite chu ka lei ta nge nge a , ka ngaihtuahna aṭangin Dr .Noel paihchhuah tumin ka zai thla rat rat a , theihnghilh chu sawi loh kan in luh thlakna bulah chuan Dr. Noel car ang chiah chiah hi ka hmu thut mai !! 

" ka thluak a buai tawh a nih hi " tih sap pahin kal leh mai ka tum a ,mahse Dr. Noel message ka dawng hlawl!

*ding rawh * tih ringawt hi a lo ni a , phawk fe hian car lam chu ka hawiphei nak chuan a chhungah Dr. Noel chu a lo ṭhu reng chu niin ,ka hamhaih nghal der .

" ka mitvai chu a ni si lo " 

Car aṭang chuan a rawn chhuak a ,a tshirt var plain chu inhmeh tak a ni mahse a hmel ah erawh hlim hmel a awm lo thung, a ha ui ngho lang var in nui leh phei se chuan a ṭha zual ang mawle .

" tun ang zan reiah engvangin nge i chhuah ?" A ti ram hmuk a.

Zawhna nilovin thupek te pawh a ang zawk .

" Eng nge hetah i rawn tih ?" Ka ti let ve sak .

" kha ..." Tih sap pahin a kekawr ipte aṭang chuan bakilh senno bawk kha a rawn phawrh chhuak a , tukin zingah khan ka ngei em avangin tum reng vangin a dawhkanah ka dah kha a nia .

" ka duh lo " 

He thil vang ringawt hian Ranhlun N aṭangin Mission Vengah a rawn kal chu a ni em lovang .

" i duh loh chuan nangman paih mai rawh " tih hmuk pahin ka sam chu a rawn ṭawn nghal mawlh mawlh a ,rang takin a kut chu ka lo paih thla vat thung .

" Engvanga he thil hi ti nge i nih ?" 

Ka lo tal ve chhen avang chuan ka dar tawn tawn ah nghet takin a vuan a ,amah en lo thei lovin min siam .

" min thlah rawh " ka ti leh a .

"Ka duh che " a rawn ti ta thut mai! ka bing nghal mup mup nimai hian ka hria

(fakna hi mi 50 pawhin an hmet ngai lova , fakna hmeh hi uar hram hram ang u, hmet an tam pauh leh ziaktu tan pawh a phurawm sawt ania ... Xoxo)

chapter- 11

“I love you without knowing how, or when, or from where. I love you straightforwardly, without complexities or pride; so I love you because I know no other way.“

-Pablo Neruda

Tunah khan min duh thu a sawi tiraw !! Ka mumang te pawh a ang zawk .

Reilote chu tih ât in ka awm hman ,Dr .Noel hian min duh emaw duh lo emaw hmeichhe dang nen an in hnim hnaih chhung chuan ka inthiar fihlim zel dawn . 

" Chuan .." 

A rin loh dan deuha ka chhan avang chuan mak ti hmel te pawh a pu .

" ka duh che " tih ringawt in min chhang leh tawh, ka duh thu hi hrilh let ve chak viau mah ila min ti na leh lo ang tih ka hre tlat lo .

"Ka duh ve lo che" ka lo ti hmak , hetiang thil ka kâ aṭanga a chhuak ta mai hi kei ngei pawh hian ka awi lo, hun pawt let leh thei ila chu ka duh thu ka hrilh tawh ngei ngei ang .

"I thusawi kha i chiang chiah maw ?" 

Inringtawk tak hian min zawt a ,hepa hian ka duh a ni tih hi a inhria te a ni lo maw ?

Chiang zetin min en renga ,ka rilru a hriat ka hlauh avangin ka tawlh hnung vat a ,ka kun nghal daih bawk .

"Chu chu ka buaina tur a ni lo , ka kal dawn " tih sap pahin ka inher vut a ," min duh nge duh lo chu kan la hria ang chu " a ti ri ka hriat phei chuan in lam panin ka tlan thla nghal nal nal .

Kha aia rei kha awm ni ngat ila chu ka inpuang hman ngei ngei ang ,mahse Carine nena kawp kual duh khawpa rilru hniam ka pu lo. 

Ka thil lei chu dawhkanah ka dah sawk sawk a ,ka room ah ka tlan lut nghal. Ka ṭhu mai mai te hi ka khur der der a ,Dr. Noel hian min duh ve ang tih hi rin deuhna chu lo nei ṭhin mahila a kã aṭang ngeia hriat nen chuan a danglam takzet .

Muani ngaihṭha lo chu a rawn lut nghal a engkim hrilh vek ila ani tal hi chuan tihdan te pawh a hre mahna. 

" Tete ...kha in ve rawh " tih pahin sprite chu ka dawhkanah a rawn dah a ,ka awm dan a hmuh chuan a chhan min zawt nghal zat bawk .

" sawi mai mai teh "

Kawngkhar bulah inkuangkuah chung hian a ding sawi laih a , ka ṭawng a ngaichang ran bawk .

" ih ! Dr. Noel'an min duh thu min hrilh a " bakilh senno chu ka kheuh niap niap pah a. 

" Engmaw ? Sawi zel teh " hriat chak hmel takin chair ah a ṭhu sawn a. 

" a rang teh thut lutuk a ,ka duh loh thu ka hrilh " 

" Enga!! I van â tak " 

" chutiang te a min tih , min play thu min hrilh ziah kha " ka ti let tan tan a .

" mahse tun te chu a dan a dang alawm " 

" Nurse Carine a kuah lai ka hmu a , lerh lo se a kuah tawp nang " 

" ni ve tho " 

Muani meuh in tih ngaihna a hriat loh takah chuan thaw halh in khumah ka let tawp a ," ka rilru hi a buai vek tawh " 

" mu mai mai rawh , i duh a nih te chuan hrilh mai la " tih hmuk pahin a chhuak daih a anih chu !! Eng nge maw ti kawng zawng takin min puih ka lo beisei asin .

EMERGENCY ROOM

Dr .Noel vangin zankhua in ka mut theih loh phah chutah kan duty dun lehnghal . Ngatinge kan duty dun theih em em le ,a bik takin tun ang hunah ngat phei hi chuan a hun lo takzet, mahse vawiin chu Carine a duty lo hlauh.

Kan ṭhut khawm ṭhap lai chuan Irene chuan ," Vawiin hi Sir duty tawp na ni tur a ni tawh a , min be ngai lo mahse a awm ve hrim hrim hian a nuam " 

" Maw ? A duty tawh dawn lo maw " ka lo ti hu a ,a ruk tak chuan ka lungngai hle .

" aw ....a û ai a kal kha vawiin hi a tawpna ania, ER ah duty tawh dawn lo mahse Department ah a duty dawn tal a " 

Department lamah duty mahse ER ah a duty dawn chuang lova ka hlim phah lo , a nih chuan ka hmu khat tawh viau ang nilo ka hmu ngai tawh lo maithei .

Engkim mai hian ka rilru a ti hah vel vek, thil hi a thleng rang teh thut lutuk a han hmachhawn mai dan tur pawh ka hrelo.

Nizanah lah Dr. Noel ka hnawl zo chiah a tunah a awmlo tur hi ka lungngai leh hle si. Arghh...Duh thlan tur ka hrelo ,Dr. Noel hi pawm ta ila ka rilru a ti na leh mai mai anga, hnawl ta ila ka damchhung in ka inchhir maithei bawk si.

Duty room aṭang chuan Dr. Noel chu file en mawlh mawlh pah hian a rawn chhuak a, chair a ṭhut pah chuan Irene chu a rawn ko a , kei nilovin Irene a ko ta daih chu ka lawm lo ru hle .

" nidangah chuan keimah hlir min ko ṭhin sia " tuma hriat loh in ka phun sap a.

Sister Pi Elizabeth chuan damlo card min rawn pek pah hian 
"heihi Noel va hmuh lawk teh " a ti ta mai , ngatinge kei kher ? 

Ka theih chen chen pehhel ka tum asin .

Hreh tak chung chuan card chu ka la a ,Dr. Noel dawhkana dah pah chuan zawi sap hian ," Sir , hei " ka ti ringawt a , Sir tia han koh ringawt te hian ka lai ṭut .

A natna a zirin en pawh min en lovin damdawi hming chu a ziak nghal mawlh mawlh a, engmah sawi lovin card chu ka lamah a rawn ti tawlh phei a Irene chu a pe leh hmak a nih chu !! 

Inhum ruh ṭunin card chu ka la pawp a , khatiang anga ka chunga a awm thut nachhan kha ka hre lo .Nizanah min duh thu min hrilh a tunah lah min hre lo ang hmakin a awm leh sia. 

Ka rilru zawng zawng a chawhbuai vek laia engmah thleng lo ang maia a awm hian min ti thinrim in ,ka duh loh thu ka hrilh kha ka lawm leh hnuhnawh .

Kan ṭhenawmpa Pa Sanga chu an nu nen ER ah chuan an rawn lut hlawl a , ka hmelhriat te an ni bawka kan lo ngaihven nghal vata .

" Pi Puii ngatinge Pa Sanga chu ?" 

" hei ka lu a hai atia ,amah hi a chau bawk sia ka ngaihṭha lovin ka rawn kalpui a nih hi " 

" hetah hian lo ṭhu rawh u " tih pahin ṭhutna tur ka lo kawh hmuh nghal zung zung a .

A RBS leh BP te chu ka lo check sak zung zung a , a BP - 190/ 120 a nih vang a nih dawn hi a chauh em em nachhan,a stroke hman lo hi a vannei takzet. 

" Pa Sang ,i chau sia sawtah sawn lo va mu rawh " ka tih chuan an nupa chuan an inzui phei dat dat a , hetiang em em hian Pa Sanga BP hi a sang ang tih ka ring pha ngai lo .

Dr. Noel damdawi chawh ho chu leitir turin lehkha te ah ka ziak thla nghal zung zung a mahse a BP sang tih hniam nan Drip maw ? Nilo pa Sanga hi lung ṭhalo a ni a ,Drip an khai chuan a thihpui thei .

" Sir , damlo saw lung ṭha lo ania " ka tih takah chuan alo hrethiam nghal , a ngaite bawkin ngawi rengin a damdawi chu a thlak nghal mawlh mawlh a , vawiin a Dr. Noel awmdan hi ka hrethiam lo .

Saline chu Furosemide inj in a thlak a ,Pi Puii bulah lei nghal turin ka hrilh bawk .

Lung ṭha lo tan hian drip khai hi a haw em em a ,ka Patea pawhin a thih pui tawh avangin khatiang kha thleng nawn tawh lo se ka duh .

Pa Sanga chu Lasix a ka chiu hnu chuan a mu hahchawl vang vang a , a zun a chhuah vat dawn avangin a muhil lem lo .

" A BP a hniam leh vat mai ang , Hei doctor in BP sang damdawi a chawh tawh bawka " Pi Puii bula ṭhut pah chuan ka ti a , thil ho te tihsak mah ila a lawm thiam ṭhin bakah nu ṭawng duh ve tak ania veng chhungah ka hming a ṭhat phah leh ngawt. 

" Tete ...i lo awm hlauh chu a tih zia teh e " tih pahin a bag aṭang chuan artui chhum sa hi a rawn phawrh chhuaka ," pa-a hei artui chhum tal hi ei rawh , i damdawi ka lei pahin ka rawn leisak nghal che a " 

" nilo ...pi Pui artui te chu lung ṭha lo in a huat ber alawm , a lung a vung vak mai ang " ka lo ti nghal zung zung a.

Chhun thil kan ei zo kitchen-a ka luh chuan Dr. Noel chu dawhkan vuanin a lo ding kun lap a ,a awmdan aṭang hian a awm a nuam lo tih ka hre nghal .

Ngawi rengin a pang chu ka va dep ringawt a ,mak ti takin min rawn en ha thung.

" I khua a sik a nih hi " 

" Engmah a ni lo " tih pahin kal daih chu a tum a mahse ka ngaihtuah avangin a banah ka va vuan chawt a ,a kut phah hlai zet hit thlar chu ka kut lum thar thar chuan ka hum sak vang vang a, ka zak duh tawh bik lo . 

" i kut a vawh vek hi , damdawi i ei em ?"

Ka hlauthawng hmel a hmuh chuan a rawn nui ve ta nge nge alawm , vawiin a a vawikhat nuihna .

" Min ngaihtuah em ni ?" A rawn ti sap a ,chhan dan tur ka hrelo hman ṭep.

" doctor incharge i nia tupawhin an ngaihtuah vek ang che chu " za lo zet hian a khi suk a ,min en chiang thei lutuk a melh pawh ka melh ṭha ngam lo. 

" a nih chuan ..." A kut ka vawnna chu ngeiawm zet hian a zuk melh kher a ,ka thlah rang ngei mai .

" min ngaihtuah loh chuan khatiang thil kha min zawt tawh suh " a ti hmak a ,a kal daih a nih chu !! Ka ngei letling zawk ,keipawhin ngaihtuah reng hi ka duhdan a ni bik hleinem .

Dr. Noel chuan chhunah engmah a ei lova chu aia ka rilru ti hah tu chu tun thlenga nachhawkna ala ei lo hi a ni .

A chau hmel in mut a mamawh takzet tih hai theih a ni lo ,chutichung chuan damlo a enkawl char char tho.

Ka hmu thei tawh thlawt lo ,damdawi leh tui chu a dawhkanah ka va nghat chawrh a , thaw deuh halh pahin min rawn melh khai a , a hmel a rum tawh sa nak alaiin hetianga min melh leh phei hi chuan a hlauhawm zawk . 

" ei rawh " lehlam ka hawi hmak .

" ka duh lo " kan in chhang tawk hmak hmak khawp mai .

" i hria em ? Hetianga i awm hian ka ngaihtuah takzet che " 

Ka ti hmuk a ,a ni erawh alo nui vur vur thung .

" ka hria lawm " tih pahin damdawi chu a ei nghal a , ka thaw huai bawk .

Chapter-12

“But I love you I’m totally and completely in love with you and I don’t care if you think it’s too late. I’m telling you anyway.“

-Natalie Portman

Damdawi a ei hnu chuan a hmel hmuh pawh a nuam ta deuh alawm, nui hmel han pu leh ngat phei se chuan hmuh a nuam lehzual ang .

Damlo chu sawi loh amah dawr tu tur ringawt pawh an la intlar ṭhap a , chau pawh a sawi thei si lova ka khawngaih takzet .

Receptionist URp-i chuan a thil zawrh makeup original ,USA aṭanga a rawn hawn chu dawhkanah a bun raih a ,a man pawh a tlawm lo khawp mai . Hmeichhia ho chuan kan en sap sap hlawm a lipstick ngaina tak ka ni bawka Jeffree Star liquid lipstick pakhat chu ka duh leh hle tawh .

" Tete...la ve la , pawisa i neih hunah min pe dawn nia" U Rp-i chuan thiam takin a han ti vel a .

"Nidangah a ni mai, tunah chuan pawisa ka nei hrih lo " tih pahin a rawng chu ka han thlek vel a ,duh viau mah ila lipstick pakhat Rs 1500 a han lei pawp chu ka hreh ve deuh ,ka hman to ber pawh in Rs500 a pel lo .

" la tawp la pawisa te chu alo awm ve mai zel alawm " 

" ka lo inkhawl anga thlaleh ah heihi ila hralh loh chuan ka lo la ang " 

" I duh viau chuan ka lo hauh sak deuh ang che , hemi rawng 'I'm shook ' bik hi pahnih chauh ka nei sa hrim hrim a " 

Lipstick original chupawh Jeffree star lipstick lehnghal ...awi naktuk aṭang chuan ei leh in ah ka in hrek angai tawh dawn a ni mai. Engpawh nise he lipstick hi ka la nei em em ang. 

Reuben chuan min rawn ko a , ka va kal nak chuan a damlo lo buaipui chu mahni chauha buaipui chi ziazang a ni lo. Chunu kutzungṭang chu a lo vung luk a ,a vun a in khawh tuar bakah a hnai a awm deuh zui bawk ,tenawm lamah a kal zawk .En mai pawh hian hnai tamtak a awm tih a hriat .

" Ngatinge a kut chu ?" Tiin ka zawt nghal vat a .

" hling khei chhuah lovin a awm renga ,hnai ala a nih hi ....I & D (Incision and Drainage) i ti tawh em ?" A ti zawm zat bawk .

" vawikhat te chu ti tawh e "

" anih chuan min lo tih sak lawk teh a "

" nangman ti mai la " 

" Hey! LalTete ...." Damlo hriat loh in min rawn signal zeuh a ,a uak deuh in ka hria .

Hepa hian a ten a ni chiang ...hahh, Doctor mize mak deuh deuh te pawh hi a awm ve theih a nia.

Chunu kuta hnai awm chu lak chhuah tumin scalpel hriam em em mai hian ka han zai a,a hnai tam a tam dan chu a awiawm loh zawk .

" a na em ? Kah hihna a hman theih bawk si lova " a hnai sawr pah chuan damlo chu ka be reng a ,a tawrh a chhel bawka thawm vawikhat pawh a chhuah lo .

Minute 30 zet a hnai tamtak ka sawr chhuah hnu chuan kut zungte tiah vel hian a kaw hur a ,kei ngei pawh hi ka mur deuh sung sung mai .

" ka pi nitin dressing angai ang " 

Betadine gauze chu ka hnawh lut a ,ka tuam sak nghal vek bawk Reuben erawh a lo ner tluan zak. 

Damlo a kal liam chiah tih in ," ka thaw huai mai" ala ti zui .

" Reu ...min treat ngei angai ang " nghawk pahin ka ti fiam a .

" tehreng mai, hawh Nestea in ang " a ti zui zat a ,Reuben hi chu a ten chhe bawka hetiang thil a khawih hi chuan thil a ei theih loh phah zel. 

" Tete ..." 

Ahhh! Vawiinah a vawikhat nan Dr. Noel an min ko ve ngei! mak ka tih tluk zetin ka hlim mahse ka hmelah erawh ka ti lang duh bik lo .

" Eng nge Sir ?" 

" Nestea ka in chak zuk lei lawk teh ,chuan i ta tur i rawn lei nghal dawn nia " 

Hahh...Engmaw ? A chhiahhlawh ka ni em ni ? 

" aw ...mahse " ka tih rual chuan min rawn melh khai a .

" ka damlo a ka in chak ,i kal peih loh chuan keimah ka kal mai ang " a rawn ti hmak , damlo se chuan 'kha kal rawh' ka ti hrim hrim ang mawle. 

" Ugh , aw ka zuk kal vat ange " ka ti ta ringawt a , Reuben'an ka nestea tur a chah tawh bawk sia no hnih ka in anga nimai lawm .

Dar3 a ri ṭep tawh tih in UNathan chu min rawn hruai turin a rawn thleng der tawh ,a nihna takah chuan anu birthday gift tur leipui tura min sawm vang zawk a ni . 

UNathan pawh chu a rawn ṭhu lut a ,a duty ni lo mahse kan la buai deuh hlek avangin min lo tihpui a . 

" ka hman ṭep ,hemi hi ka ti zo anga kan kal thei a ni mai " ka lo ti nghal zung zung a ,nghah reng nih hi ka duh bik lo .

Nathan chuan mi ṭhui laklawh lai a neih avangin duty room ah ka lo nghak a ,ka makeup te siam ṭha in darthlalanga in en meuhin lipstick ka inhnawih lai chuan Dr. Noel a rawn lut ta thut mai ,ka phu chiah teh e .

" vawiin hi i duty tawpa tur a ni tawh tiraw?" Tiin ka zawt ta ringawt a , ER -a hmuh tur a awm tawh lo tur hian min ti lungngai takzet . 

" ummm..." 

A kekawr iptea a kut zen chung hian ka bulah chuan a ding reng a ," kal suh " ka hriat tawk lek hian a rawn ti sap a .

" maw ?" 

" ka rualin haw rawh ,keiman ka thlah ang che " 

Ringawt a ,kan veng leh ani veng te chu a in hlat lutuk haw rual ngaihna a awm lo .

" Bazar ah ka kal ..." Ka ti dek dek a ," kal suh " a ti hmak , thu min pe a ni zawk mah .

Chhan ngaihna pawh ka hrelo ,kal suh a tih vang ringawt hian ka kal lo awmlo emai mahse ka rilru chhungril erawh in a ruala haw a duh hle thung.

" ngatinge hetiang hian min tih ?" Ka melh chho kar a ,a hmelah a ti mai mai lo mahse a awmdan engkim hi dawt alo ni reng thei bawk .

" ka damloh hi , chuanpui ka neih loh chuan motor ka khalh laiin muthlu ta ila mawh i phur duh dawn em ni ?" 

Hahh...Enga !! A ni mutthilh avang ringawt in mawh ka phur vek ang maw? A fiamthu em ni .

Ka chhan hma chuan min ṭawng khalh a ," garage ah ka lo nghak ang che " tih pahin a kal daih a nih chu !! 

A sawi avang ringawt khan ka kal awmlo emai .

Rei lovah Nathan pawh a hman der ,nichin khan Dr. Noel ruala ka haw loh tur thu kha sawi tan tan mah ila tunah erawh ka rilru a phir takzet .Vawiin chiah hi pangngai takin ka hmu thei tawh dawn a ,min thlah na hmasak ber leh tawp na tur a ni tawh maithei bawk mahse UNathan hian nizan aṭang tawhin min rawn be tawh bawk sia ,ka rilru a buai.

" kan kal dawn mi ?" uNathan'an a rawn tih chuan ka lo bu nghat a ,a kal hnuah pawh ka la ding char char, ka la inngaihtuah nasa hle. 

" U Nathan " a tawp a tawpah ka ko let ta nge nge a , a vawikhat nan ka thinlung in ti tura min tih chu ka ti ang. 

" ih!! Haw hma ka ngai thut a ,ka kalpui thei lo ang che pawi ka ti lutuk " 

Dawt sawi kher hi angai em ni ? Nilo ...Dr. Noel rualin ka haw dawn tiin ka hrilh ngawt thei bik hleinem.

" ngatinge ?" Mak ti takin min rawn en phei hi chuan ka inthiam lo lehzual .

" ka...ka nu in rawn haw hma turin min hrilh a " 

Dawt pakhat in dawt dang a hring an tih ang zawng zawng kha ka nei vek tawh mahse hmeichhia te chak em em Dr. Noel thlah haw nih chu kei ngei pawh hian ka chak em a tin ni .

"naktuk pawh hun ala awm alawm " a ni pawhin nuam a ti bik lo , a zahzelah a lu a hiat ringawt, a hrilhhai hle bawk.

" naktuk ah chuan ka kalpui ngei ngei tawh ang che pawi ka ti lutuk " 

" anih chuan ka thlah haw mai ang che "

" nilo , bus in ka haw mai ang " ka duh aiin ka ṭawng ring .

" aw ...aw le , ka lo va kal hmasa ange " a ti ta ringawt a ,ka awm dan chu mak tih hmel takin min rawn en leh a ,ngaihtha lo zetin a kal nghal a .

Huizz ..khapa vang vek kha ,ka tih loh tur tur ka tih phah .

Garage ah chuan Dr. Noel chu alo la awm ngei a ,min hmuh rual chuan a khi suk a .

" i rawn kal dawn tih ka hria alawm " ngeiawm zetin a rawn la ti zui, ka rilru hi a hre tlang thei aniang .

" rawn lut rawh " 

Melh ram ram chung hian ka ṭhu lut a ,na zeta ka khar rik bur rual chuan a phun nghal hluk . Ni e, a car duat em em mai hi hetianga tih hi a phal tawp nang .

" I damloh avangin a tawp nan i rualin ka haw mai mai a nih hi" ka tih chuan min rawn nuih a ," a bul ṭanna zawk a nih hi " a ti ve hmak. 

Tunah hian Dr. Noel car ah ngei mai ka ṭhu ve ta reng mai ,ka awi thei lo zawk hmeichhe tam takin min thik viau ang chung zingah chuan nangpawh i tel ve ka ring.

Lalpa leh !! Hetiang rilru ka pu hi ka duh lo takzet mahse a car chhung hi amah a rimtui tluk zetin a rimtui.

Min thlah dawn emaw tia thlamuang taka ka ṭhut der der lai chuan Zarkawt lamah a tlan tlang ta daih mai ,ka hawi let vung vung ringawt .

"Khawiah nge kan kal dawn ?" 

Zarkawtah a kual dawn aniang ka la ti fan tho .

" kan inah " 

" Enga, in inah maw ?" A bu nghauh a , kei erawh Heart Attack ka nei mai dawn in ka hria .

" Eng ...eng nge kan tih dawn ?" Ka ti bah nuai a ,ka lei te hi a tawt zo vek .

" lungngai suh ka thlah em em ang che " 

Nilo , an inah eng nge kan tih dawn tih hi lawm ka hriat duh min thlah tur thu nilovin.

" min hrilh vat rawh chu ti lo chu ka zuang thla dawn nia " ka ti ve ringawt ,ka zuang thla ngam tak tak der si lova, zuang thla turin min tih phei chuan ka chhe vek a ni mai .

" mawh anih loh chuan i car hi ka rap bal dawn nia " ka ti leh daih , a haw viau ang .

" Engmah kan ti dawn lo ,i lawm tawh em ?" 

Ai ka la lawm lo , hepa hian min hruai bo te hi a tum a ni lo maw ?

Min hrilh duh lo bawka ,ka thusawi tawh chu ka ti tak tak ṭhin tih entir nan ka pheikhawk nen ka ke chu ka hlang than mai .

" hreptak chuan " a ti zui hlak a ,min hau vak dawn engmaw ka tih laiin engmah a sawi chhunzawm miah lo .

An in kan thlen chuan car a ti ding chiah tih in Pitbull dum pahnih hmelchhe zet hian min lo bauh ta mai! Ka hlau lutuk ringawt ,chhuah pawh ka chhuak ngam lo .

" rawn chhuak rawh a hlauhawm loh " tih pahin an pahnih chuan a chul hauh hauh a ,hlau suh ti eng ang mahse ka hlau tho tho .

" ai " 

" anih hei ka thlung tawh " 

A ui te pahnih chu a thlung nghal vat a, kawngka bulah a thlung leh tho sia ka lut ngam leh chuang lo .

Heng ui pahnih te hi an hmelchhe ropui sia min bauh ve khanglang lehnghal, ka hlauh zia hi hria se chuan an bawk hle hle ang mawle .

" ka haw dawn " ka ti hmak ,ka kal ngam miau hleinem .

" Lucky ,Blade ...Sit " a han tih takah chuan an ṭhu hle hle mai ,down a han ti leh a an bawk leh thlap .An hmelchhiat ang aiin an fing .

" an va fing ve " ropui tih hmel zet hian ka han nuih a ,hmuhnawm ti takin min lo en reng thung.

" engtin mah an ti lovang che " 

" mahse " ka ti leh hram ,hahthlak min tih hmel zet hian a han thaw hak a , a ning ta deuh aniang engmah sawi set set lovin min pawm kang nawlh a min luh pui nghal nal nal.

Chapter-13

“For you see, each day I love you more, today more than yesterday and less than tomorrow ”

-Rosemonde Gerard

Inchhung kan lut chiah chu hmeichhe pakhat keimah ang rual vel hian kã ang hau in mak ti tak hian min lo en renga ,ka zah avangin tal pah hian ," ka chhuk duh " ka ti nghal hlar a.

Ani pawh chuan min chhuk tir ve mai bawka ,an in lah chu a reh ṭhuap a an unau mipa hlang an ni sia hmeichhia hi tunge ni ta ang ?

" Tunge ?" Zawi sap hian ka han zawt sa sa a ,ka thik tih a hriat loh hram ka beisei .

" kan nula a nih kha , in tur i duh em?" Tiin min zawt zui zat bawk . An awmpui nu alo ni hlauh chu ka thaw huai mai ,a hmel a fai ving veng sia ka thik hman ṭhelh alawm .

" tui ka duh, midang khawiah nge ?" Ka ti leh a .

Ni e ,an inah ka kal ta rau rau bakah midang an lo awm ve chuan a zahthlak dawn em a , hriat ve hrim hrim ka duh .

" Ka nu leh pa chu office ah " 

ṭha takin min chhang zel a ,a û te pahnih an in dang tawh lehnghal a ,mi pathum chauh chenna tur atan chuan an in hi a lian mah mah in ka hria.

An choka lah chu a zau in a var sur a ,ka tim deuh duk mai . Engkim mai chu uluk taka design tih a hriat hle ,an chhungkua an zahawm tluk zetin an in pawh hi a zahawm.

" i ril a ṭam em?" tui min rawn pe a ,lu thing pahin ka hawi kual hruk hruk a ,awmdan tur pawh thiam a har .

" ngatinge hetah min hruai ?" Ka zawt ta nge nge ,ka ngaihtuah ngial pawhin an ina min hruai nachhan hi ngaihdan ka nei lo .

" kha heihi ei rawh " tih pahin sandwich hi min rawn pe a ," min rawn zui rawh " ti zui zat in a kal nghal a.

Inhnuai lamah ka zui thla zela light a on chiah chu in ruak lek chu lo niin .

" Gym hawn ka tum a ,nakin lawkah bungrua a rawn thleng ang " a tih takah chuan ka hrethiam nghal ,midang tumah an awm si lova aman bungrua ho chu alo dawnsawn ngei angai ang chu. 

" a ṭha ngawt ang " ti chiam thiam lo mah ila a phur hmel ka hmuh hian thinlung takin ka lo hlim ve em em ringawt .

" hetah hian darthlalang ka dah phei tir vek anga , tukverh bulah hian thlanglam thlir nghal theih turin treadmill ka hung tlar bawk ang " 

Phur takin a ruahmanna te chu min hrilh a ,mi ṭawng mawh ve tak in hetianga a ruahmanna te min hrilh hian special bik ta riau hian ka inhria .

" hemi bang hi engtin nge ka chei dawn ka hrelo ,Engtin nge ka tih ang ?" 

Min rawn rãwn lehnghal , kei ang thil design hre lo lutuk hian eng idea mah ka lo nei leh pek lo .

" Lem ziak tar la " ka lo ti liam puat a ,ka idea chhe lutuk hi lo sawichhuah loh law law tur ania .

" Painting i ngaina em?" 

Tehthut a ,ka ngainat loh pawh ka hrelo a milem a zir a ni mai .

"Ngaina ve tho " tiin ka lo chhang mai a ,a ni lahin a lo la thutak ngang mai .

" thil ka hmuh ang che " 

Phur takin a ti a, inchung lamah kan in zui chho leh hna hna a ,tun ṭum ah hian engtak ti leh ang maw ? 

Inchung ber ,a chhawng thumna kan thlen chhoh chuan ka rin ang ngeiin a room alo ni a mahse a chhawng pum in zu han luah veka mawle ,zau hem hem tak a ni .

Fapa mal ang a ni tawh bawka ,an duat hle tih a hriat a awm ve tho e .

A room chu doctor tih takah lehkhabu tam zet hi bangah a in tlar thla dul a ,a mawi letling zawk chutah painting mak deuh deuh nalh lem lo tak tak hi a tar ṭeuh bawk ,musical instrument chi hrang hrang drum ,guitar leh eng eng emaw a hung nual bawka a room ah hian nileng pawhin awm ila ka khua a har lo ang,a balcony lah saw khaw hawi a nawm hmel em em lehnghal .

" ngatinge i din reng ṭhu rawh " 

Ka din reng avangin ṭhu turin min hrilh a ,ka vawikhat kalna ania a ṭhiante ang maia tlangnel turah min ngai emawni le ? 

A wardrobe ah thil eng eng emaw a en kual vel lai chuan a lehkhabu ho chu ka lo en kual ve thung a, lehkhabu a ngah bawka a chung lampang ami phei chu a lakna tur leihlawn hun sawn theih a awm sa thlap.

Ka en thuak thuak na in a lehkhabu 20% chu medical lam kaihhnawih a ni in ka hria ,chung zingah chuan Anatomy ,Pharmacology te pawh ka hmu .Ni e, MBBS leh Pharmacy zirlai hi a inang ṭhup hlawm a , lehkhabu chhiar khat viau mah ila heng ho bikah hi chuan ka bo lutuk bik lo.

" chhiar duh te i nei em ?" 

Ka hawi let vat a ,ka lehkhabu ken lai dah let pah chuan ," heng ho hi i lehkhabu vek em ni ?" 

" ka pa lehkhabu pawh a tel " 

" i chhiar ziah ṭhin em ni ?" Ka ti leh ngat a , heng lehkhabu zozai hi tar mawi mai mai chu a ni em lo maw ?

" mmm...hun awl ka neih apiangin " 

Hahh...ka te nghal chem chem mai ,kei ve thung chuan ka hun awl hi Instagram emaw Fb khawih nan ka hmang tlangpui .Huizz...Surgeon a ni pawh hi a mak hran love .

" kha kha eng nge a ?"

A thil ken lai chu ka va melh a ,phur takin a painting ken lai chu dawhkanah a pahnih chuan a dah a ," lo kal teh " tih pahin a bula ṭhu turin min kai phei nghal a .

" khawi hi nge nalh i tih zawk ?" 

Maw? Zeplo chuan nalh ka ti lo ve ve .Hetiang colour thai kual vel mai mai te hi chu keipawhin ka ziak thiam ang chu .

" hei hi " 

Thal kahna target ang deuh ,a pawl leh duma chei zawk chu ka kawk ta ringawt a ,ka kawh chhan pawh ka hre bik lo .

" ka pe ang che, S H Raza Exhibition a ka lei a nih hi " a ti ta mai, diktaka sawi chuan he painting hi ka duh lo .

A chhuan hmel em em lehnghal , kei erawh in S H Raza pawh chu ka hre lova heng painting hlutna lah hi ka hre hek lo .

" angai lo " 

Ka ti tak tak, ka inthlahrun avanga sawi pawh ka ni lo , he painting ho lutuk hi engatan mah ka ti leh chuang lovang.

" kawl hrim hrim rawh " a tih tlat avang chuan ka aw ta nge nge a ,a thlawn a dawn tur a ni bawka a sawi ang hian ka kawl mai aniang chu.

Mahse engvanga hetiang thil hi min pek tum tlat nge maw a nih ? 

" ka lawm e , ka nau pawhin lem a ziak ṭhin a " ka lo ti luam a .

" ngatinge i kut hi?"

Rang takin ka kut chu vuan in ka inzaina ser chu a en vung vung a .

" ah! Heihi maw? Ka tetlaiin ka ban ruh ka ti tliak a ,an zaina a nih hi " 

" a na em?" 

" ka hre tawh lo a rei tawh a " 

Ka kut vuan reng chung hian a kutzungpui in ka kut ser chu a chul a , ka thinphu a rawn rang nghal dut dut mai ,boruak pawh a rit nghal hle .

" A na tawh chuang hleinem " 

Nuih luih sek pahin ka hawi chho a , min lo en reng a a mit ah tak ka han melh fuh chat lehnghal ! Ka mûr nghal sung sung in ka hria .

Min en reng chung chuan zawi raih hian "ka fawp thei che angem? " a rawn ti ta mai , Lalpa leh !! min hrilh hmasa lo hian min fawp tawp thei mai lo em ni ,min ti lai zo vek mahse min tih luih a duh loh vang zawk a ni .

"...ah "

Ka awm dan a lai em avang chuan zahzelah ka han tal deuh a mahse a tum tawh chu a ṭhulh lo chiang hle , a kut pahnih in ka biang tawn tawn ah a vuan a duhthawh zet hian min rawn fawp dak awrh a ,ka lo chang let chiang hle .

Chutah zei zet hian a lei a rawn hawl kual leh a ,hetiang em em a danglam hian ka la awm ngai lo , a ni pawh ka awmdan ang tho hian a awm ve ka ring .

Couch a min bawh thluk rual chuan ka awm lamah a ṭuan nghal chat a, he thil hi tihtawp ka duh takzet mahse dang tur lahin chia leh ṭha hriatna ka hlauh telh telh mai bawk si.

" Tete...ti turin min duh em?" A rawn ti vawt raih a mahse a kekawr chhan a a mipatna ka feel rual chuan ka harh chhuak nghal kawk ," nilo ,kan ti thei lovang " tih sap pahin a awma ka nam takah chuan a tho nghal .

"Nilo ...nilo ,engthil nge ka tih tak ?"

Ka kawr ka siam ṭha sawk sawk a ,Dr. Noel'an min koh lai pawh chuan engmah ka hre mumal tawh lo,ka sam siam ṭhat pahin ka tlan chhuak nghal daih ringawt .

Ka thil tih kha a dik lo takzet ,engvanga insum thei miah lo nge maw ka ni le? Ka at luat ah damchhungin ka inchhir ṭep a nih kha ! Keimah leh keimah hi ka inhaw takzet .

Inhnuai ka thlen thlak chuan engang pawhin tlan chhuah tum mah ila kawngka bulah ui an thlun avangin ka chhuak ngam tlat lo. 


"Hreptak chuan" tih sap pahin dawhkan bulah chuan ka ṭhu hnawk a , ka zak lutuk hi ka ṭap lo chauh hmeichhe sihhnip takah min ngai tawh ngei ang .Zomuansang i va han â tak em .

Ka khup bawh chunga ka inngaihtuah ngut ngut lai chuan Dr. Noel chu ka hma ah tak a rawn ṭhu a ,ka dara a rawn vawn rual chuan ka phu chiang teh e .

" min hlau suh engmah a thleng dawn lo " 

" ka haw duh "

" aw le , ka thlah haw ang che " a ti sap a ,a zaidam in a hma ai zawngin min dim in ka hria . 

Inbe miah lovin kan chuang dun ran a ,Dr. Noel erawh ngaihtuah nei niawm takin hma lam a melh ngut ngut a ,a inthiam lo hmel ka hmuh hian nuamlo ka ti letling zawk .

Khuanu in sawifel turin min ti niawm takin traffic zam ah kan tang reng takah chuan zawi sap hian ," hmeichhe awlsam takah min ngai tiraw ?" Tiin tlang takin ka zawt pawp a , a ni bakin min chhang thei chuang lo chuvang chuan tlang taka zawh hi ka duh zawk . 

" Engvangin maw ?" A ṭawng chhuak ve ta nge nge alawm .

" khatiang thil avang khan " ka sawi fak ngam lo ,pehhel deuh hian ka ti ta ringawt a .

" Tete ..." Ka lam rawn hawi pahin amah en turin min kuai her a ," Engtin mah ka ngai lo che ,ka tihpalh ka insum thei ngang lo ani .Khatiang thil kha a thleng nawn leh tawh ngai lovang " 

" diktak chuan pasal neih hma ..." Ka han thaw hak a " pasal neih hma chu ka duh lo "ka tih chuan min chhuan hmel tak hian min rawn nuih suk a .

"Pasal i neih hma loh chuan engtin mah ka ti lovang che " zawi te hian min rawn fawp vawng vawng a ,hei lo lema vanram tlafual hi a awm thei dawn chuang em ni .

Car aṭanga ka chhuah hma chuan midang hmuh theih loh turin ka kut chu a han dawm leh vang vang phawt a,a awmdan hi a mak takzet min thlahlel ngawih ngawih ang hian a awm .

" Taka inrinni ah hian Reiek tlangah ṭhian ho in kan kal dawn a ,i chhungten an phal chuan lo kal ve rawh " 

" ka hrelo ka dil phawt loh chuan " 

" min rawn hrilh leh dawn nia " 

" aw le " tih pahin a painting min pek bawk kha ka khai chhuak a , min pe duh miau sia lawm takin ka la mai aniang chu.

In ka thlen chuan varandah ah ka nu in puanpho alo seng mek a ,Reiek a kal chu a phal ka ring chiah lo na in dil ve reng reng ka duh .

" Nu , naktuk tukleh ah Reiek ah kan kal dawn a ,i phal em?" 

" Tute nen ?" 

" ṭhian ho in " 

" rawn haw har lo ula " 

Enga! Tunah khan a phal tihna em ni ? Nidangah chhuah hrim hrim hi a phal ngai si lova ,engvanga phal thut nge maw a nih le ?

Ka room-a ka inthlak lai chuan Muani hi a rawn lut tawl a ," Rawng ka bawl vek a naktuk ah rawng bawl turin tho hma ve tawh ang che " tih zawng min rawn hrilh , zingah ka tho hma thei lo tih a hre ve reng sia. 

" aw le , aw le ka lo tho hma ang " ka ti ve tak na in alarm ka off anga ka mu leh hmak maithei a ni. 

" Heihi khawia mi nge ?" Rang takin khuma ka painting dah chu a la nghal vat a ,mak a tih hmel em em lehnghal .

" ee...kha kha maw ? Nang lem ziak thiamah zawh che ka lo tum a " 

" Engtin nge i neih ? A tak tak a ni em ?" 

" Dr. Noel min pek a nih kha , Raza a tiin ka hria chupa exhibition-a a lei chu ania ,a ho tiraw khatiang te chu ka ziak thiam ve tho ang " 

" i va han â tak , S H Raza India rama lemziak thiam lar lutuk anih chu a sawi bakah a exhibition ami maw a lei ? Hahh... Ka awih thei lo , he painting hlut zawng hi i hria em ?" 

" Hre nang " 

" hetia a thai kual vel mai mai pawh hi cheng singli man hu zet a nih hi i hria em ?" 

" Enga !!" 

Cheng Singli maw ? Chuvang a nih chu Dr. Noel'an a hlut hmel em em ka lo tih nachhan, engmah lah chu ka hriatpui ve der si lova ...urghh, hriat lohna hian min lo va ti â tak em .

Hetiang thil hlu lutuk te chu tar phal chi pawh a ni lo ,ka dahṭha daih ang. 

" Hepa hian a duh takzet che a nih dawn hi ,in in karah eng chiah nge awm a? " 

" ka hre bik lo " 

Ni e ,keipawhin ka hre bik lo nichin lawk kha chuan inngaizawng ang chiahin kan awm a mahse pangngai takin kan inngaihzawn thu kan la sawi miah lo .Lalpa leh ! Kan la inkawp lo tihna em ni ? Urghh , ka zawt tawp thei bawk si lo kan awmdan hi a laklawh takzet . 

" ti chiang vat rawh u " 

" naktuk tuklehah Reiek ah kan kal dawn a i kawr ka ha dawn nia ...e taka nalh deuha lan ka ngai excer ka la nghal dawn " 

" ka nu dil phawt rawh " 

" ka dil daih tawh " 

Ka room ah youtube a excer lak dan en pah chuan mawi tumin ka ti tarh tarh a ,a ni khatna a ni bawk a ka fit ṭha pap pap khawp mai .

1 day later

Ka lo in ngaihtuah lawk nasa tawh bawka Muani jeans kekawr leh croptop pink chu ka hak saka ,pawi ta ber chu ka nalh tum luatah excer ka lo la kher kher kha a ni .Ka sil lutuk hi pangngai tak pawhin ka kal thei lo .

" makeup kha in hnawih vak vak suh " Muani chuan min rawn hau a ,lan ṭhat loh ka hlau em a tin ni .

" vawiin nilengin ka daih angai " 

" ngatinge tikhan i kal ṭuai ṭuai a ?" Muani lah hi min ti confi lo zo vek .

" ka sil lutuk , in rubber zuan na a hlah ang reng ka ni " 

" chhul ṭha lo i ang lutuk ,tinge i sam te kha i phiar kir ve khanglanga " 

" ka inhmeh lo em ni ?" 

" hmeh lo ti ngil leh nghal rawh " 

" aw ...Dr. Noel an min nghak tawh ,ka kal dawn " tih pahin ka sam tih ngil tum chuan ka kut in ka khuih thuak thuak a,a aia nasa in a puk tih reng ka hre lo. 

" min lo nghak rei tawh em ?" Nui sang chungin ka ti a ,mahse car ah hmeichhe dang pathum a phur tel ve tih ka hmuh rual chuan ka nui tawp chiang hle .

" rawn chuang ve nghal rawh " Dr. Noel chuan alo ti vat a ,vawiin phei chu nidang ai zawngin a hmelṭha lehzual in ka hria. 

Driver bulah hmeichhe dang an ṭhut tawh avangin a hnungah ka chuang ta ringawt a ,ka plan a flop chiang lutuk a ka nuih pawh a za tawh lo. 

Chutah lah Dr. Noel bula hmeichhe ṭhu lah hi Mizoram-ah pawh host leh announcer lar lutuk leh hmelṭha a ni lehnghal. 

Chapter-14

“When you realize you want to spend the rest of your life with somebody, you want the rest of your life to start as soon as possible.“

-Harry Burns

Ka ṭhutpui te chuan nuam ka tih loh an hlau a a khat tawkin min be renga ,kan hma a ṭhute pahnih erawh hla an paly a kan hriat ve phak chiah si loh hian an in be sep sep renga , hnung lam aṭangin ka lo melh rum ve em em reng ringawt ,ka melh rum tih erawh an hre chuang hlei lova .

" Nanghi pahnih hi nuam ti viau suh u " 

Ka bula ṭhu nu chuan nui har har chung hian a va chhaih leh ṭhin a, a rukin ka inhum ruh a Dr. Noel hnung chiah ah ka ṭhu bawka a lu ah hian chum pawp te ka rilruk rum rum tawh .

Hemi te pahnih inkarah hian eng nge maw awm lo se chuan hetiang hian an chhaih tawp lovang . Niminah Carine nen ka hmu dun leh tawh a tunah lah Feli nen ,hepa hi player diktak a nih hi .

Muan'in kal turin min ti tlat lo phei se chuan kal pawh ka tum tawh lo asin mawle , engkim a ṭhat leh beisei in ka kal leh hram a mahse a nihna diktak ka hre tawh bawka vawiin aṭang chuan ka hmu tawh lo bawk anga ,engkim a tawp vek tawh ang. 

" kan inngaihzawn hma hauh in kan inkar ka ti tawp dawn chu a ni sia" 

Ka hriat tawk lekin ka phun sep sep a ,khua lah chu a vawt sûr lehnghal a ka inha bul bawk nen engkim hi a kal dik lo vel vek , kan inkar siamṭhat tumin ka lo kal ta kher kher hi a âtthlak takzet .

Lawipu ah a ṭhiante chuan min lo nghak a ,ka rin aiin an tam daih. Car pawh pali lai an keng a ,two wheeler phei chu sawm vel aniang chung zingah chuan hmelhriat pakhatmah ka nei lo lehnghal .

Eng eng emaw ti in kan ding kawi a , tupawh mai chuan min tih tlangnel tumin min be siam siam hlawm a ,ka hmingin min ko thlap thlap thei vek bawk.

Motor an dahkhawm na aṭanga hla vak lovah kawng thlanglam thlir in keimah chauhin ka ding vauh vauh a , Dr. Noel lah chu ka awm ve tih pawh hrelo ang hmakin a awm lehnghal , theih chu nise let leh daih ka duh .

" Tete ...i rui em ni ?"

Dr. Noel ṭhianpa Rinhlua chu ka bulah a rawn ding a ,a ni pawh hi Doctor tho a ni in ka hria. 

" Rui love " 

" i chuanna a hrehawm em ?" Min ngaihtuah hmel tak hian a rawn ti leh a , diktak chuan hrehawm ka ti .

" Ti hran lo mahse hmun dangah a chuan theih angem le? Ihh...a tawt deuh hlek a " 

Dawt ka sawi leh ringawt , Dr. Noel bula ka awm lohna tur a nih dawn phawt chuan dawt pawh ka sawi mai ang , saw tunah pawh Feli nen an ding dun leh tawh saw .

" a nih chuan Buang an phurh a nei chuang lo , i chuang mai dawn nia " a tih rual chuan ka thaw huai mai. 

Vawikhat min pehhel chuan vawi za ka pehhel ve ang. 

Noel's POV

Tetei chu be ṭha duh lo lui mah ila a khat tawkin ka vil reng ,a awmdan aṭang saw chuan a nau Muani thil min hrilh kha a thawk ṭan niin a lang .

Car ah pawh a hma leh sir darthlalang aṭangin a awm dan engkim ka enthla reng ,min duh loh thu leh kan la inkawp loh thu min hrilh mahse vawiin ah ngei hian ama kâ ngei atangin min duh thu min la hrilh ang .

Flashback

Tetei thlah haw tur chauh in damdawiin ah ka kal vang vang a , ER -ah duty tawh lo mah ila thlaleh aṭang chuan ka hna ka zawm tawh dawn a, ka duh hun hun ah ka hmu thei tawh ang .

Ka hruai dawn tih a hriat loh avangin duty room ah ka lo nghak a , a buai em a ka kal tih pawh ka hrilh duh lo .

" Noel , biak che ka lo tum chiah asin "

Carine chu file keng chungin ka bulah a rawn ṭhu a , phone ka en san daih thung. 

" Heihi ER-a i awm laia damlo zai tura i tih kha ania ,i hming sign angai a " 

Hna chungchang a sawi takah chuan kan mimal buaina hian kan hna a nghawng tur a ni lo tih hi ka rin dan a ni.

A pen pawh hmang duh lovin ka pen ka la chhuak ngat, ka hming ka sign hnu chuan ka chhin tur chu ka thlauh palh hlauh . Chhar turin ka ban chiah tih in Carine chuan min chhar khalh a ,nui sang chung hian ," i pen hi thlauh mai mai tur chuan a to asin , pen i lo la atchilh reng a nih hi " a ti zui sap a .

Mize maktak mai hi ka nei a ,pen ṭha leh man to tak tak ngat hi ka lei ṭhin tun thleng pawh hian ka sim thei lo .Hlawh ka neih hnu phei hi chuan pen hman nuam ka tih em em Rollerball emaw Parker pen emaw chauh ka hmang. 

Tuna ka pen pawh hi Rs 3000 leh tih a ka lei ania, kum khat dawn chu ka hmang tawh .Thil ṭha chu a daih rei nge nge .

Ka pen chu laksak ka tum a mahse ka kut chu vai thla in ka kawr ipte ah chuan fel tak hian min thun sak a ,chumi lai tak chu Tete'in a rawn hmu fuh .

Rang takin EW lamah a tlan daih a ,ka umzui nghal.

" I ngaih ang khan thil a thleng lo ania " tih pahin a banah ka man bet a , a vai thla nghal . 

Hreptak chuan ka tihsual ni miah lovah ka insawi fiah leh dawn chu a nih hi .

" Engah mah ka ngai lo " a nui lui sak a ,ngatinge a rilru diktak a sawi ve mai loh ? Hmeichhe ho tak hi chu .

" kan inkarah engmah a awm hleinem " chu zet chuan min ti hrilhhai hle ,engmah a awm si loh chuan nimina thil thleng kha eng nge ni ta ang ?

Ka ṭawng ve hma hauh chuan ," ka duh lo che , ka hma ah rawn inlan leh tawh suh" a ti khur nghal dar dar a ,a mitmeng aṭang ringawt pawhin dawt a sawi tih ka hria .

" Muani " a tih rual chuan corridor a hmeichhe lo ding reng chu ka en a , an inang bawka unau an ni tih hai theih a ni lo .

" MC ah i kal dawn chuan kal rawh ,UNathan nen kan haw rual dawn " keimah min en kar reng chung chuan a unau nu chu a bia a ,a kal nghal nal nal bawk .Takzet hian!

Eng anga thinrim pawh nise mipa dang a sawi hian ka ngaithei lo hle ,Nathan leh ngat phei hi chu. 

" hun thawl pe rawh ,umzui mahla awmzia a awm lovang " 

Umzui ka tum zet a mahse a nau in min lo dang ,a nau meuhin a tih takah chuan ka zawm ve mai bawk a.

"Tih dan tur ka hre tawh lo " ka ti phawng ,khawvelah hmeichhe lungawi lo thlem lungawi tum hi a harsa ber ang. 

" thil pakhat min tih sak la tih dan tur ka hrilh ang che " 

"Eng nge i thil duh chu?" 

" SH Raza mai nilo i painting lakkhawm ho zawng zawng a tak ngeiin min en tir rawh" 

Ka nui suk a, an unau hian hmel inang viau mahse an mizia erawh a inang lo hle ,Muani hi a frank bawka ka ngainat zawng tak a ni .

" I duh ber i nei thei ang " 

Min puih a tum vang nilovin lemziak ngaina mi a nih vang zawk a ni.

" a nih chuan ka hrilh ang che ,thil hote hmeichhe dang thik tir la nikhat tal pehhel tum rawh " 

Chutiang thil chu ka ti thei lo tawp mai, tunah pawh khatikhawp khan ka chungah a thinrim tawh a ,hmeichhe dang thik tir leh maw ? 

" naktuk ah pawh a rawn kal lo tawp ang , kawng dang a awm lo " 

" khatah kha chuan lo buai suh keiman ka chingfel vek mai ang , i tih tur kha ti la a tawk mai " 

Inring tawk takin min hrilh a ,kei erawhin ka part hi ka tih ve theih ka ring lo . Tetei pehhel ngat phei hi chu ka la ngaihtuah chhin ngai lo .

END OF FLASHBACK

" Noel a vawt tiraw ?"

Feli chuan ka ban rawn kuah a tum a ,ka ban laksawn pahin thil dang ka ban daih, Tetei thik tir nan Feli hi hmang mahila Tetei khawih loh chu ka duh lo .

" Tinge i ṭhiannu saw ?" 
Tetei chu ka va melh a ,ka chhungril chuan sawtianga a awm lai saw hmuh hrehawm a ti .

" Noel i ṭhiannu saw a inchei sual te hi a ni lo maw ?" 

Feli ṭhian te zinga pakhat in a tih chuan an ṭhian ho chuan an nui dar dar hlawm a ,kei erawh in a dik lohna ka hrelo ,a sam leh a hmel a danglam deuh tih loh.

" a makeup saw hrilh ka duh bawk sia ,a nuam chiah bawk si lo " pakhat chuan a rawn ti leh a.

Feli hian a ṭhiante a sawm tel dawn tih hria ila amah pawh hi ka sawm lovang ,ka thil tih hi ka inchhir ṭan der .

" Mithmul lem a ziak chawp ve lo tal alawm " Rinhlu'an min rawn chhan khalh ,a kap hnehsawh bawka an ngawi chiang khawp mai .

"Ngatinge i car seat chu, a bal ve ngei a nih hi " 

Ka car seat Tetei rah balh chu a han nuai nawk nawk a , bal satliah nilovin reh theilo zawk a ni , keipawhin ka tifai thei lo. A pheikhawk khan a hrut dum palh aniang . 

" Tete'in a rap bal te hi a ni lo maw ?" 

" umm..." 

"Tak tak maw? " mak ti takin a nui a," hahh... A rap bal tak tak maw ? Chuan engtin nge i tih ?" 

" Engtin nge ka tih chuan ang " 

" Bro , nanghi i â takzet tawh a nih hi,midang chu nise i that duh hial ang chu "

Ka car hi ka duat a ,mi nazawng ṭhut pawh ka phal lo .Ka u in pheikhawk bal chunga a khalh pawh khan a tukah car pumpui ka silfai phah. 

" ka awi thei lo, engpawh chu nise Tetei saw va ngaihsak ve ta che " 

" nakinah " ka ti sam et a,Rinhlua ngaihdan erawh a ni lo ngang mai. 

" I ti mah mah lo maw ,i thil tum chu ka hre lo nangin a thik turin Feli hi hmang tawh suh , hrehawm a tih tawh em saw " 

Hepa hian ka thil tum engmah a hrelo, ka rilru a thlak hek lovang .

" Tetei nen kan inkar ania ,lo inrawlh suh " 

Pehhel hi ka duhdan a ni bik lo ,vawitam tak ka inngaihtuah hnuah hetiang hian ka ti ve thei chauh a, engmah ti hman si lo hian ka rilru ka thlak leh mai ang tih ka hlauh laiin hetiang thu ngaihthlak hi ka peih lo .

" ka hrethiam e mahse ka awm ve chhung chuan sawtiang sawn ka awm tir dawn lo " 
Rinhlua chuan a ti hmak a ,Tetei lam panin a kal nghal nal nal .

A bialnu saw ngaihsak se a ti fuh zawk ang, hepa hi ka ruahmanna zawng zawng kha ka tih chhiat tir dawn lo.

Buang'an Tetei a phur dawn tih ka hriat rual chuan ka sa nghal pap .Lalrinhlua mai mai chu !

Buanga a phurh tir kher nachhan pawh Buanga hi chuan hmeichhia zawng zawng hi a care bakah a duh zawng a nih chuan CK pui a tum nghal zel, ka thik theih nana a thil tih vek a ni .

" Lalrinhlu...i thil tih kha i hria em?" Tuma hriat lovin ka zawt a , ka awmdan avang hian kei ngei pawh hi ka lawm lo , midang thik tir tur ka nih laiin keiman ka thik zawk daih . 

" I ngaihsak duh lo anih chuan Buang an a ngaihsak thei alawm ,lungngai suh " 

" Buanga leh Tetei te kha lo va kal hmasa ula ,kan rawn zui ang che u" ngeiawm zet hian a ti zui zat, Lalrinhlua hian in hmelmak a duh a nih hi.

Motor kan dah fel hnu chuan Tetei ka zawng hmasa ber , a sam a buk in a pheng lutuk a ka hmu lawk lo lehnghal. 

Tetei chuan Buanga jacket alo ha than tawh a chu chuan ka ngeng a chhun zak! 

"Mipa dang jacket i ha duh a nih chuan a dang pawh ala tam " ka tih chuan min rawn melh rum ngang mai , ka thlem lungawi leh thei angem tih ka hrelo. 

" Hmeichhe dang i be duh a nih chuan saw an tam mai" a ti ve ngat, chu chauh pawh chuan min ti thinrim tawk em em.

He thil hi ka ti thei tawh lo , henu te reuh hi ka pehhel thei tawh lo, min duh thu sawi tir chu kaha se ,meialh ah petrol leih ang vel ka ni . 

Tetei's POV

Noel hmel ka hmuh ringawt pawh hian ka thin a ti rim chutah Feli hian a zui tlat lehnghal , a tel lo pawh hian ka hlim thei chiang emai. 

Noel an min ngaihsak lo mahse min ngaihsak tu Buanga a awm hlauh a ,awm lo phei se chuan hrehawm ka ti viau ang.

Reiek tlang lam pan chuan kan inzui chho ṭham ṭham hlawm a ,ka bike chuan na ah ka sam lah chu a thur vek lehnghal a ṭawnna tur samṭawnna lah a awm der si lo .

Buanga nen chuan a hnung lamah kan kal a , kan hnungah Noel, Feli ,Rinhlua leh Joysie te an kal a, Buanga nen a thil kan sawi hlek hian Dr. Noel lah hian a rawn ngaithla ve emaw tih mai turin ka bul hnaih ah a rawn awm du du zel.

" lo han kal rawh u ,tui ka in anga ka rawn zui ang che u" ka ti ta ringawt a ,Dr. Noel bul hnaia awm reng hi a ninawm .

Rinhlua chuan midang ho chu a kal chhoh pui veka ,kei erawh tui in in ka ding a ka sam a thur bawk nen ka chet kual vel na ah ka sam chu thingṭang nen alo inkai hman .

" engkim hi a kal diklo vel vek " phun sap sap pahin ka sam chu pawhthlak mai ka tum a,ka rin aiin a in kai nghet .

Ka rei ta deuh aniang Dr. Noel chu a rawn let leh a ,ngei hle mah ila puih ka ngaih avangin ka lawm ru hle thung .

"Rawn kal vat ta che" a rawn la ti zui , ka kal vat thei lo a nih hi.

" ka sam a tang " 

" maw!"

Mak ti takin min rawn en a ,ka sam thingṭang in a kai tih hi a hmuh lo amaw?

" i mit thlangra tiat in meng ta che " ka lo ti hrep. 

Rang takin min rawn pui nghal vat a ,ani pawhin ala chhuak thei mai bik lo .

" Engtin nge i tih tan theih?" Chutiang in zawhna hun pawh a ni lo .

" ka hre bik lo anih hi, phelh vat teh " 

" ka phelh thei lo , zai bung mai ang " tih pahin chemte a rawn phawrh chhuak ta mai .

" Hey !! Zai bung reng reng suh , i zai vaih chuan ka pet dawn che nia " 

A ke inkarah ka ke ka lek vang a ,a zai bung a nih chuan a sa huatah ka pet ve ang. 

" aw le " tih pahin zai bung si lo hian a pawt ta pawp mai !! Ka sam zai bun ka phal miau si lova thingṭang bung tawite chu ka pu va mai lawm .

" I jacket hak kha phelh rawh " jacket bawk chu phelh turin min ti chhen a ,a ngaimawh vang hrim hrim pawh hian ka phelh lovang.

Reiek tlang chhip kan thlen chhoh ve meuh chuan puanin an lo kaih far hlawm a ,mak ka ti hle nghe nghe .

" Ngatinge puan in hi?" Joysie chu ka zawt ta ringawt a .

" hetah hian zan kan riak tawh tih i hre nange " 

" kan riak dawn maw ?" Noel an min hrilh reng reng lo ,a nih chuan engtin nge ka awm tak ang .

" Chuvang chu a nih dawn chu Noel pawh a riak dawn hleinem " 

Dr. Noel thil tih dan hian min ti lawm lo hle ,keimah vanga riak lo bik chu a ni em lovang tiraw ? Nilo ...ka thil ngaihtuah dan hi ka duh lo takzet .

" Tete thla la ve ila " ka ṭhut reng bik avang chuan Buanga chuan min rawn sawm a, ka lo aw ve mai bawka .

Thla kan lak zawh chuan midang ṭhut khawmna ah chuan kan va ṭhu phei ve a , a ṭhen an zaia a ṭhen in thing an fawm bawka ,kei ve thung chu Dr. Noel leh Feli te awmdan thlir in ka buai hle thung .

" Thlalak chu a nuam bawk maw ?" Ngeiawm leh tih el zet hian a rawn ti a, ka bulah a rawn ṭhu thurh bawk .

" aw , Buanga te chuan thlalak puiah min sawm tal alawm " ka lo ti ve ngat . 

" i ril a ṭam tawh em?" 

" haw vat ka duh ...hei dar 3 a ri tawh " 

" Buang an a thlah haw thei ang che " tih hmak pahin a tho daih a nih chu !! Nilo , hepa hi a riak daih thei lovang ,Buanga hi min thlah tir te hi alo tum reng a ni lo maw.

Kan hun zawng zawng chu inrun luih nan kan hmang ni berin ka hria ,Feli a biak leh Buanga ka bia a , an nuih leh ka nui der ve zel a lemchan hi ka kham tawh takzet .

Haw hun tawh ah pawh Noel chu a bo daih a ,chu aia ka thin ti rim tu chu Feli a bo tel ve daih hi a ni .

" Rinhlu ,Noel i lo hmu em ?" An vai mai hian ka û te vek mah nise û an duh loh avangin ka û lo.

" Nichin kha chuan a awm kha , khua a thim tawh dawn sia awm kim chu a hun tawh maw le " 

Hepa hi khawiah teh hrep nge maw a awm le , ka haw tlai a nih vaih chuan ka nu in min hau ngei ang .

Ka hmanhmawh bakah ka mangang ruk deuh tawh avang chuan Dr. Noel zawng turin ka kal thei thei na ah ka zawng kual a ka thin a rim ṭun tawh .

" ka hmuh hunah che chuan i chak dawn lo "min ngaihsak lo lutuk hi ka ṭah te pawh a ti chhuak zawk ,keimah leh keimah ka inkhawngaih lutuk hi ka mittui a tling pum tawh.

Minute 20 dawn mangang taka ka zawn hnu chuan puan in an kaihna ah bawk chuan ka let leh a, tunah chuan ka ṭap tak tak dawn in ka hria .

" Tete ...Noel chu puanin ah a awm reng alawm ,movie an en a " Joysie in a tih chuan ka thinrim lutuk hi ka mittui a tla sawk thei. 

A hmel hmuh hrim hrim tumin puanin chu ka va hawng pawp a ,Feli nen chauh awmlo mahse kei min ngaihsak lek lova Feli bula a awm ka hmuh hian ka na takzet , he thil hi ka ti thei tawh lo , ke pawhin kal ngai dawn se keimah in ka haw mai ang .

Mahni a haw hlauh na pawh ka nei tawh lo ,ṭap chungin hma lam pan chuan ka kal hlawk hlawk a ka tum ber chu Dr. Noel hlat thei ang bera awm a ni .

" ka hua che ...ka hua che " ka ti thla mawlh mawlh reng a , khua lah chu a thim thet thet tawh lehnghal .

Ka kalna pawh ka en mumal lo, a tawpah phei chuan ka in pal pawp a ,bawkkhup thlawrh in ka tlu thlawp ,thawh pawh tum lem lovin ka ṭap chhuak nghal hawm hawm ringawt.

Vawileh khatah tha chak zet hian min rawn pawt tho nghal dawr a ,min kuah rual chuan a rim aṭangin Dr. Noel a ni tih ka hre nghal , chu chuan ka ṭah a ti chhuak zual .

" ka hua che ,min rawn hnaih suh " ka tal pawhin nghet takin min kuah bet tlat a ,a sang bawka a dul zawnah ka bei hle hle mai .

" Ka tihpalh " 

" Feli kha i ngaihsak zawk a ni lawm ni , tinge i rawn kalsan " 

" min ngaithla teh " tih pahin ka biang tawn tawn ah a rawn dawm a ," nanglo hmeichhe dang ngaihsak leh duh ka nei lo " 

" mahse ...." Ka sawi thui hma chuan min rawn fawp nghal vawng vawng a ," ka tuar thei tawh lo , ka duh che ...keipawhin ka duh che " ṭap ṭuau chung hian ka rilru a awm zawng zawng chu ka sawi chhuak veka ,a ni pawh a hlim hle a ni tih ka hmu thei. 

"Engtik ah mah ka rilru put hmang hi a danglam lovang , ka thusawi chu i hria em?" Chiang fek fawk hian min hrilh dap dap a ,ka lo bu nghat nghat a tun ṭum erawh lawm avangin ka mittui a tla tawh thung. 

" ṭap tawh suh ,i mit hnawih pawh a pherh vek tawh ania " a tih chuan kan nui leh rih a ,hetiang em em hian ka la hlim ngai lo .

Tunah tak hian ka hlimna hian a hma a ka hlim lai ber kha a khum ngei ang .

Let tawh lovin kan pahnih chuan kan haw ta zawka ,engtik lai mai pawh hian ka khi reng tawh mai. 

Car ah kan ṭhu lut chiah tih in ka jacket hak chungchang bawk chu a khel leh tawh .

" vawt ka ti alawm " tiin ka tang ve tlat .

" vawt i tih chuan kha ka jacket hi ha rawh " 

A ngaithei lo bawka Buanga jacket chu phelh in a jacket chu ka ha ta nge nge a ,a hlim ve em em tho, kei ai pawhin a naupang chhia zawk .

Ka sam pheng lutuk tuai thuak thuak pahin darthlalang ah ka in en chiah chu keimah leh keimah ka inhlau. Ka mit hnawih chu alo pherh nasa ngang mai ,ka sam a buk bawk si ka zak letling zawk .

" ka mit hi ngatinge min hrilh loh " 

" i tih reh duh chuan khatah khan tissue a awm ang " tih pahin min rawn nuih vur vur a , min hlau lo hi amak zawk.

A kawhna lai chu ka hawng a ,tissue chu ka hmu ngei a mahse mak deuh chu Jeffree Star lipstick pawh alo awm .

" He thil hi " tih pahin ka han en chiang a ,ka lipstick duh em em mai a rawng pawh I'm shook ngei mai kha lo ni rengin.

" i ta tur a nih kha " 

Maw! Ka ta tur maw ? Engtik laiin nge ka duh tih hi alo hriat leh tawh ?

" eng...engtin nge ka duh tih i hriat ?" 

" chu chu a pawimawh ber lo " tissue chu la in ka mit chu zawi te hian min rawn hruk saka ," i thil duh apiang chu ka ti ang " a nui suk a ," ka tih theih apiang " 

"kan inkar ve thung hi " ala official tawk lo ka tih avangin ka zawt nawn leh ngat .

"Anih chuan ka bialnu i ni duh angem?" 

" umm" tih pahin a nghawngah ka kut pahnih in ka kuah a,a vawikhat nan ka fawp ve tawh thung.

Chapter-15

“When love is not madness it is not love.“
-Pedro Calderón de la Barca

*Five months later *

Vawiin hi Dr. Noel nena kan inngaihzawn aṭanga thla 5 na alo ni der tawh ,in tih thiam loh chang leh tih tauh khum chang nei ve ṭhin mah ila buaina liantham kan la tawh loh avang hian engkim mai hi a kal tluang put nimai hian ka hria , vawiin ni thleng hian kan inkar chungchang hi midang lakah ka la zep tlat a chhanchu midang in an hria an nih chuan kan inkarah buaina nasa tak a awm dawn tih ka hriat lawk vang a ni .

Inngaizawng dangte ang tho in Dr. Noel pawh a hman chang apiangin kan inah a rawn leng ṭhin a ,a rintlak bakah a puitling bawka ka nu phei chuan a ring in a duh loh thu engmah ala sawi lo .Ka nu hi mi ti huam huam chi a ni lova ,ṭawngka in sawi lo mahse min duhpui tih erawh a chezia aṭangin a hriat theih .

Thil hi a nih dan tur ang thlap in thleng ṭhin mahse hmeichhe dang thik erawh ka bansan thei lo chu a nih hi, ka thikthu chhiat luatah ka tihtauh khum fo bawk.

Doctor a nih bakah thawhpui hmeichhe chhelo tak tak a lo nei ve zel bawk nen mi a biak ṭhat deuh hlekin ka thik loh leh ngaihtuahna ṭha lo pui pui ka pu reng a, ka rin loh vang nilo in ka awmdan hi chu Dr. Noel anga mipa chhelo leh hmelṭha in kawp hunah in hrethiam ve mai ang .

Kitchen ah phone bih chungin ka kun ngur ngur lai chuan hnung lam aṭangin Dr. Noel chuan," ka ngai tawh lutuk che " tih pahin min rawn kuah thut a ka phu chiang teh e .

" Midang in min rawn hmu ange " phun sap pahin ka hawi kual nghal vat a ,vanneihthlak lutuk in midang an awm lo hlauh ,ka thaw nghal huai bawk .

" min hmuh ka hlauh vang alawm inchung aṭangin ka rawn hel " ka hmuiah a rawn fawp zeuh a ,ka lo nam sawn vat thung .

" OPD lamah in buai lo em ni? Min hrilh lawk lo chuan rawn kal tawh suh " 

" ka hmu chak che a chhuanlam ka rawn siam , Tete ...kan inkar hi zep kher a ṭul em ni ? " He thil hi min zawt ve ziah ,zep lo ila chu kan buai nasa tawh ngawt ang .

" intern ka zawh hun thleng chiah min nghak rawh ,ummm...." Ka tih chuan thuawi takin a bu nghauh a , min hmuh te hi a chak thei sia ,a ruka in hmuh ngai reng mai te hi a ning tih ka hria mahse min dawhthei takzet .

" Eng nge i lo en a ?" Ka phone chu a rawn thlek a .

" ahh.. Parda mawle , satin offwhite chu a awm maia mahse a ruka rang kher kher ka duh bawk sia ka zawng hmu zo lo " ka ner nang a , ka hmel a hmuh chuan min rawn nuih leh vur vur tawh .

" A thar in lei dawn em ni?" 

" dawn chuang love ,a nalh ka tia ka lo en vel mai mai ...cho tawh rawh midang an rawn kal ang" ka nam deuh ti tih tawh ,midang in min rawn hmu fuh a nih vaih chuan ka chhe vek a ni mai .

" aw le mahse ka kal hma in min fawp phawt rawh " a ti leh ta ! Hlauhthawn nak alaiin .

Ka fawh hma loh chu a kal duh leh dawn loh avangin hawi zak zak pah hian a hmuiah ka han fawp zeuh a, min rawn fawh let leh zeuh pah hian ," Happy 5th monthsary" a ti zui sup bawk .

Kan thla 1-na kha a theihnghilh avangin ka sa lutuk a ,khataṭang kha chuan theihnghilh chu sawi loh hmaichhanah ngei min wish zat zat tawh,hei tunah pawh min hmuh hman veleh a rawn kal leh vang vang tawh hi .

"I theihnghilh emaw ka ti hman alawm " 

"Kan pahnih a kan ni pawimawh ber i tih kha engtin nge ka theihnghilh theih ang ,tlaiah ka rawn lam ang che " 

" aw le " ka nui ve ta nge nge alawm .

Vawiin chu kan thla 5 na a nih angin chhuah dun kan tum ve a ,buai thei hle mahse hemi ni ah hi chuan hun a in siam hram hram ṭhin. 

Damlo pakhat chiu tur vein ka zawn lai chuan ka piaha mite titi chu a rukin ka lo ngaithla ve kur a ,a chhan pawh Dr. Noel chungchang an sawi vang a ni .

" Enteh Dr. Noel an bialnu a nei asin " 

" a ni maw? A bialnu chu tunge niang le ?" 

" ka hre bik lo ,Dr. Hmuak'in amah ngeiin a neih thu a sawi a ti mahse tunge a nih a sawi lo aniang" ka thaw nghal huai, ka hming a sawi lo chu a vanneih thlak takzet . 

" a hmeichhia zawk chu a nasa ngawt ang Dr. Noel te ang a neih theih chuan " an tih lai te chuan ka lo ip chawih chawih a ,ka thin a lo rim ru hle bawk .

" ni chiah , keichu hmeichhe nasa lutuk hi ka ngei tlat " 

Lalpa leh ! Ka ngaithlak chhunzawm thei tawh thlawt lo ,tunge a nih pawh an hriat hma hauh in ti khawp khan an rel nasa a nia ,tunge a nih hre ngat se chuan min rel phar thei ang .

He thil hi a thleng dawn tih ka hriat lawk vang alawm damdawiin ah hi chuan zep tlat ka duh nachhan.

Dar thum a rik hnai meuh chuan darthlalang ah ka in thlek deuh chhen tawh a ,a khat tawkin ka va in hnawih paw sek bawk chutah a lipstick min pek ngeimai kha ka hnawih tai vat bawka , a lawm leh ngawt ang chu.

" Tete ...vawiin chu i va tai leh tawh ve " Pu Thangpui'an min lo chhaih leh hmanhmawh tawh,chiang fakin hre lo mahse min ringhlel erawh tih ka hria ,mahse ka lungngai vak lo a sawi chhuak dawn chuang lo .

" awiawm loh e , catheter i vuah dawn em ni ?" A catheter ken lai ka hmuh chuan ka ti nghal zung zung a ,ka zahzel a ni zawk mah .

" Aw ...sawlai damlo saw vuah sak angai a " parda inzar hliah vekna chu a va melh zeuh a. 

" anih chuan ka lo vuah mai ang " 

" puih i ngai angem?" 

" ngai lovang a harsa hleinem " tih liam puat pahin a catheter ken lai chu ka laksak a ,Dr. Noel rawn thlen hma in ka vuah zo hman chiah chiah ka ring ,lo ṭhut mai mai ai chuan a ṭha zawk .

Parda ka keu chuan tlangval keimah ang rual vel hi a lo ni a ,min hmuh rual chuan a zak aniang alo in hup ṭat ṭat mai .Keipawh zak ve tho mah ila damlo zawk a zah avang chuan zak angin ka awm duh bik lo .

Inla confi zet hian ," i kekawr lo phelh rawh aw " ka ti ve tak na in ka zam ru hle ,a ni pawh huphurh tak chungin phelh pum chiah si lo hian a kekawr chu a pawtthla zal zal a.

Catheter hi mipa ah vuah tawh mai ila naupang vek an nih avangin puitling ah hi chuan ka zak ve deuh.

Glove bun mahila a mipatna ka vawn sak rual chuan a rawn mar ṭual ṭual tih ka hre thei ,a awmdan avang chuan kei chauh nilo ani pawhin hrehawm a tih hmel hle .

" a na lovang lo tuar ṭang ṭang rawh aw " hnem pahin catheter chu ka thunlut zal zal a .

Boruak tih ziaawm nan " 🎶 Awm lo ta la, ka hlimna a chuai anga " tia ka zai rat rat lai tak chuan Dr. Noel a rawn lut thut a nih chu !! 

Kan pahnih chuan phawk fe hian kan in melh nghal kawk a ,keilah in chupa mipatna chu ka la hum ran mai bawk si , thlah thut chi lah a ni tawh bawk si lo , phawk fe hian ka in melh reng ringawt .

Rang takin Dr. Noel chu a insiam ṭha nghal vat a ,pangngai takin ," i zo ṭep tawh em?" Tiin min zawt mahse a lungawi loh hmel hle thung. 

" Aw ...ughh, ka zo chiah " tih pahin saline chu ka kap lut sawk sawk a , kan awmdan kha sualna engmah chu awmlo mahse a nuam miah lo.

Car ah min lo nghah tawh avangin rang takin garage ah ka chho ve nghal a ,car-ah ka ṭhu lut chiah tih chuan thawk hulh pah hian ," i kut i sil em?" tih min lo zawt hmasa ber. 

" aw ...tinge ?" 

" i thil tih kha i hria em ?" Vin zet hian a ti nghal hluk a , catheter chungchang kha a sawi tih ka hre nghal .

" damlo ka enkawl chuzawng chu ka ti " ngaihna awmlo tih hmel zet hian min rawn en a , a tihngaihna hre lo chuan a sam a han tuai leh phawk ṭhin.

" A ...." A ngawi vung vung a ," i hum saka " a ti leh ringawt a ,han sawi fak chu a duh bik lo aniang .

" a ho e ,a vawikhatna pawh ni hleilo " runluih nan ka lo ti ve hmak .

" Eng...engmaw?" 

"Nangpawn i hmuh ve tawh tho kha " Huat tur a awmin ka hrelo ,ani pawhin hmeichhe serh te chu a hmu ning hlei hlui ve tawh tho ang chu. 

" Keite chu kei ka ni alawm " 

" keipawh kei ka ni ve tho alawm " 

Kan inchhang tawk hmak hmak khawp mai.

" Tun aṭang chuan hmeichhia lo chu catheter vuah phalsak i ni tawh lo " ti deuh bur, a thikthu avan chhe reuh tak. 

" aw le, nangpawh khatiang khan min vin vak vak tawh suh " 

Diktak chuan keimah zawk hi vin leh in hauhna ṭan hmasa tu zawk ka ni ziah sia, ani ve thung chuan a thiamlohna ni lo ah pawh ngaihdam min dil leh nge nge ṭhin.

" mipa dang hum sak tawh lo la nimai " nuih vur vur pahin car seat hnung lam aṭang chuan white Lily bouquet lian zet hi a rawn la chhuak a ,ka lo mengphawk nasa mai! 

" ka hmangaih che " tih pahin ka chalah a fawp nghal zeuh bawk .

" ka ...ka lawm e mahse Engtin nge i lei hman zawk ?" 

" hun ka ngah alawm " a ti tak na in a ngah loh zia hrechiang ber tu ka ni ang .

Kan monthsary apiangin pangpar min pe ziah ṭhin a , Rose sen leh Lily senno min pe tlangpui. Tun ṭumah erawh Lily var ,ka pangpar duh ber mai dawn erawh a dan a dang takzet .

" a mawi takzet ,ka lawm lutuk aw " pangpar chu ka kuah ngawih ngawih mai ,a nalh bawk em a tin ni .

" tun aṭang chuan Lily var hlir ka pe tawh ang che " 

Ka kut chu a rawn hum vang vang a ,min duh thu leh min hmangaih thu hi sawi kur dup lo mahse a chetzia aṭangin a lantir thung .Ka thusawi hote pawh hi a lo vawng ṭha leh kar zel. 

" keipawh thil pek tur che ka nei asin " nidangah ka pe ngai lova tun ṭum erawh ka inbuaisaih nasa hle. 

" Tada ..." Tih pahin ka kut chu ka pharh a ," couple ring a nih hi" 

A nui nghal var var mai ,a ring lawk bik lo aniang a meng bial hman in ka hria .

" naupang chhia ti mahla phelh miah suh ang che" a kutzungte û ah chuan ka bun tir a ,Rolex sana a bun a silver zungbun Rs 250 man a bun leh daih a , ka insit ru chem chem mai .

Nilo , a pahnih hian Rs 500 man ania ,keima pawisa ngeia ka lei ania a hlu lo bik chuang lo. 

" ka thil dawn tawh ah chuan ala hlu ber ang " a lawm thiam takzet , min bun tir ve nghal a hetiang couple thil vel hi chu a ti dawn lo tih ka hriat avangin ka kutah ka dah deuh tawp.

Kan monthsary kan lawm hnu chuan in thleng min thlah leh thlap a ,min thlah han tih hian kan inah rawn lut in ka nu leh pate chibai a rawn buk thlap ṭhin .Him takin min thlah ngei a ni tih an hriat vang pawh hi a ni mahna Dr. Noel bula ka awm tawh hi chuan an thla hi a muang em em zel .

Naktuk conference na ah presentation a neih dawn avangin minute 20 bak kan in be hman meuh lo .Mumbai leh Delhi aṭangin surgeon chi hrang hrang rual an rawn kal khawm a chung ho hma a presentation nei tura thlan chhuah ngat chu ania ,hmel chang ni lovin a thluak pawh a ṭha.

Conference neih hma in min hmuh ngei a duh tlat sia ,dar 8: 45 ah chuan ER ah ka vei thauh thauh tawh .

Min rawn call rualin inhmuhna tura kan sawi lawk na hmun midang tam vak lohna ah chuan ka tlan chho vat a . Kamis leh necktie nen alo inthuam ap a ,a inhmeh dan chu sawi pawh ka sawi thiam lo ,ka mit hi a tlai khawp mai .

" i va rawn kal har ve " alo ti leh hmanhmawh ,Lalhmanhmawh-a hian .

" Ka rawn tlan chho vat alawm ,ṭha deuhin ti rawh aw " tih pahin a necktie chu siamṭhat ka tum ve ngeia ,ka pawt sawi daih .

" nizanah min ṭawngṭai sak tawh kha ka ti ṭha em em ang " 

Confi thei sia ,nia ...nizan mut dawnah phone aṭangin ka ṭawngṭai saka , mi zai tur a neih apiangin ka ṭawngṭai sak ziah ṭhin bawk .

" i necktie hi ka ti nalh lo vek " 

" a ho lutuk , ka kal hma in min fawp phawt rawh " 

Ka lo theihnghilh leh ṭhin ,a tawpah min dil leh nge nge zel .

Nuih ver ver pahin a hmuiah ka han fawp zeuh a ,tun thleng hian hetiang em em a mipa hmelṭha hi ka ta a nih ka la ring thei lo. 

Noel's POV 

Ka presentation tih tur chu a tawp nan ka enfiah leh a , Mizoram aiawh a ding tur ka nih angin ka tihsual a thiang lo .

" Noel i zungbun chu ava nalh ve "

Dr. Madin'in a tih chuan Tetei nena kan couple ring melh zeuh pah chuan ka khi suk a , henu ka nei hi khawvela mipa vannei ber ka ni ang.

" nanghi bialnu i nei em ni ?" 

" umm..." Laptop en reng chung chuan ka ti liam puat a .

" Tunge ? Ka hriat zawng a ni em?" 

" aman sawi a phal lo " 

Keichuan mi zawng zawng hnenah Tetei hi ka ta a ni tih hriattir ka duh mahse Tetei hian zep a duh a ,a thil duh chu ka zahsak mahse Hmeichhe dang in min zar buai ve chhen hi ka ning a ,Tetei hming a lan loh chhung chuan bialnu ka nei tih erawh zep ka tum lo.

" Noel , i hman dawn tawh em ? Lut ila " Maam Jennifer chuan ka darah a rawn chul thuak thuak a ,hetiang hian Tetei hian min ti ve se chuan ka hlim viau ang .

" lo va lut rawh " 

" lawk , i necktie a sawi a nih hi " tih pahin ka necktie chu rawn siamṭhat a tum a, engmah ka sawi hman lo a kut chu ka benthlak sak pawp a ,mak ti takin min en ha mai .

" a ngai lo " ka ti hmuk a ,ka laptop ah bawk ka bur lehnghal .

Tetei necktie min siam sak hi a nalh emaw nalh lo emaw midang siam sak ka ngai lo .

(Fakna khu chhiar zawh veleh hmet ang u aw ...xoxo)

Fb - Haylor Sept 

Ig- @remruati_b

Chapter-16

 

“Time and time again I have to pinch myself when I see you next to me. You are my dream come true.”

" Noel kan mikhual te hian biak an duh che, khawiah nge kal i tum?" Ka pa chuan ka chhuak tur chu min ko let a , a hmel atang hian min chhuang hle tih a hriat theih .

" ka hman lo ang ...tih tur ka nei " ka sana chu ka bih chhen a .

" Heng ho biak aia pawimawh dang a awm lo " 

" a nih chuan nangman lo va be mai rawh, a lehpek ah ani mai " tih leh chhuah ka rual nghal .Ka pa hi HOD a ni tho a kei ai chuan a pawimawh a , sawi tur a hre zawk ang.

Conference a zawh meuh chuan dar 3 a ri dawn tawh , midang be kawi lovin rang takin ER lam ka pan nghal , Tete in min hawsan mawlh ka hlau . 

ER ka luh chuan Tetei ṭhiannu Zuali ka hmu a rang takin ," Khawiah nge Tetei? " tiin ka zawt a .

" A awm kha ,UNathan nen miṭha pan an lei pawh a ni maithei " 

Chupa phiangsen chu ,Tetei hi hnaih tawh lo turin ka hrilh chiang viau a ni lawm ni. 

" ka lawm e " nui mah ila chhungril ah ka sa hle thung. 

" Thil in ei tawh em?" Ka ti leh a.

Tetei chauh nilo a ṭhian dangte pawh ka care tel vek , intih thiamloh nikhua in ka lamah an ṭang vek bawk,heng thil hi ka hriat lawk vang a ni.

" aw ei tawh, lo nghak deuh la an rawn let vat ang ....kan call hrim hrim ange" 

An rawn let leh hun ngakin duty room ah chuan ka vei tawn sek ,minute 3 a liam tawh a engvang phiangsen a rawn la let lo nge an nih? Tazet hian ! 

" Sir , ilo kal leh elaw ?" Intern pakhat hian ka kut chu a rawn vuan ve ringawt , rang takin ka kut ka la sawn nghal , hmeichhe dang khawih hi ka ngaithei vak lo .

" Sir , i awmloh aṭang khan a nuam lo zo vek , ER a duty ho pawh an indaih lo thei lutuk Doctor ho lah an thatchhe bawk sia engkim Intern kutah an dah veka ,a chang phei chuan a hrehawm zawk " 

He intern hi tunge a nih pawh hre lo mah ila pangngai takin ka lo dawngsawng mahse ka duh aiin a ṭawng rei.

Min khawih leh hma in ka kekawr ipte ah ka kut ka zen lut hmak , " ṭha deuhin i inzir dawn nia " ka ti sup a ,ka chhuak nghal .

Tetei leh Nathan te chu dawrah an kal dun ngei a , an in be lai ka hmuh ringawt pawh hian ka thin a rim. Tetei ka rin loh vang nilo in Nathan hian Tetei lakah ṭhian chauh nilo rilru dang a put vang a ni .

" Tete " 

Hla deuh tak aṭang hian ka ko a ,min rawn hmuh chuan min rawn nuih nghal sang, rang takin min rawn pan nghal vat bawk.

" In zo tawh em ni ? I ti ṭha em?" 

" Hi! Noel " Nathan ṭawng chu hre lo ang hmakin ka awm .

" umm...ṭha a ni mai, ka rawn hruai dawn che a " 

" a ni maw ? Vawiin chu kan haw dun theih pawh ka lo ring lo asin " 

" Dar 3 a pel tawh ,kal ang "

Nathan chu ka melh khai a ,ka hmeichhia alo hnaih avang hian ka lungawi lo tih hi hre rawh se .

" ka bag ka va la lawk ang , UNathan ka lo va kal hmasa ange " tiin phur takin ER lamah a tlan phei nghal hlawk hlawk a . 

Tetei kal hlan in Nathan nen chuan kan in hmachhawn ran a , zalen takin hetiang hian ka awm tir mai mai tawh dawn lo .

" Noel , hlauthawng suh i bialnu hi ka chhuhsak dawn lo che ... I mit ka ti kham viau em ni ?" 

" aw , a hnaih ah awm tawh lo la i ti kham lo a ni mai " 

" hahh...hauh viau teh suh , engpawh sawi la a kiangah ka awm reng dawn " 

" Hmela " 

" a rilru i tih nat sak anih vaih chuan hetiang hian ka ngawi mai mai tawh lovang , hre reng rawh ka chhuhsak nghal ang che " a tih chuan ka khi suk a, a la harhchhuak meuh lo a nih hi .

" chutiang chu a thleng dawn lo " 

Tetei hian kei chauh hi min duh , kei lo hi mipa dang a duh ngai bawk hek lovang .

Car-ah ngawi rengin Tetei chu ka lo nghak a , ka ngaihtuah chian pauh he hmeichhia ka duh zia hi ka in hrechhuak leh ṭhin .Tetei ka tawn hnu hian hmeichhe dang chu ka phek en veka tumah hi hmelṭha tih emaw ka mit la hi an awm tawh ngai lo. 

" ka period dawn aniang thil ka ei chak huam huam mai " 

Kuhva ṭhial nuau nuau chung hian a rawn lut a , henu hi ka hmangaih chu a ni sia ka awih thei lo .

" ka rei em?" 

" ai "

" mmm...i thinrim em ni ?" 
Hmeichhia ho hi an lo fing takzet a nih hi , feeling detector an ni ringawt .

"Kuhva khatiang khan ṭhial tawh lo turin ka ti che a ni lawm ni " a kuhva ei hi ka thimrimna chhan tak a ni lo .

" ka kamsir a sen leh tawh em ni?" Ka lo bu nghauh a ,lehlam ka hawi leh daih .

" hey !! Thinrimna dang i nei tih ka hria ania sawi vat teh " a kiu chuan min rawn nghawk zeuh a.

" mawh! Sawi rawh , eng nge i duh?" 

Tunah hian duh pakhat chiah ka nei min kuah se nilo min fawp bawk sela. 

" ka thin a rim lo " ka ti hmuk, ka thikthu chhiatzia hi lantir reng ka tum lo . 

" i sawi duh loh chuan ka chhuak dawn ania "

Min blackmail a tum a ni maw?

" ka thinrim lo ka tih chu"

" one , two , two and half " ka la ngawi ngal reng.

" Three " kawngka a hawng ri rak .

Bialnu rilru lian deuh chan phal si loh neih hi chu a buaithlak a nih hi .

Rang takin a chhuak tur chu a banah ka man bet a ,"anih chuan sawi rawh " ṭhut ṭhat pahin min zawt leh ngat .

" Nathan hnaiah awm tawh suh " ka ti sap a.

Hriat loh karin bialnu te thu bawkin ka lo awm leh zul zul ṭhin.

" kha kha nimai lawm " 

" lo kal teh " tih pahin ka mal chunga ṭhu turin ka pawt phei a ,ani pawhin a hnial lo.

Ka mal chungah chuan rem lo zet hian a rawn ṭhu a ,ka nghawngah a kut pahnih in a suih rial a .

" thinrim tawh suh , UNathan te kha chu ka duty pui ang bakin ka ngai hleinem bakah tunkar chiah intern ka ti tawh dawn tho a" 

" ka ta i ni tawh a ,mipa dangin an hnaih che hi ka duh lo " 

" aw le , ka hrethiam e " tih pahin ka hmuiah a rawn fawp vawng vawng a ,hetianga a awm tawh hi chuan thinrim rei hi a har ṭhin. 

A period tur inṭham in KFC a ei chak thu a sawi avangin KFC ei turin ka kalpui a , a thil ei chak tawh hi chu a pe na thei bawka eitir ngei zel hi ka tum .

" vawiin nilengin ka ngaihtuah char char a ka chil te a put thei nia mawle , thil dang ka ei pawhin KFC tho ka ei leh chak zel " 

Ei pah chuan a titi siam siam reng a ,ngawi rengin hmuhnawm ti takin ka lo thlir thung .Midang chu nise ṭawng hnem ka ti leh tawh ang .

" ka pu hei i order min pack tir kha " waitress pakhat chuan dawhkanah ka thil order chu a rawn dah a ,zanah a ei chak thut takin tiin ka order belh sak a ni.

" ehee...ngatinge zozai nge ?" 

" i ei chak ani lawm ni " 

" mahse a tam e " 

" i chhungte nen in ei dawn nia " 

" angai lo asin , a lehpek ah chuan ti tawh miah suh " 

Ka thil tih sak apiang hi a la duh ngai lova ,ka lungawi lo leh dawn tih a hriat vang pawh a ni mahna tun ṭum erawh min hnial lo .

Phur taka Tetei a titi mawlh mawlh lai chuan Carine a rawn lang thut a ,a ngawi nghal hmak .A thik hle tih ka hriat avangin eng nge maw ka tih angai .

"Nangni pahnih chu " 
Carine chuan ka dar ah a rawn vuan kher a,rang takin ka paithla nghal . 

Ka ṭawng hma in Tetei chuan ," a mak viau em ni ?" Tiin min lo chhan khalh , a rukin ka khi nghak suk .

A tawpa tawpah a chhang let ve ta alawm , hetiang daih tawh tur hi a ni.

" mak chuang love , zaninah FSW (Female Surgical Ward) ah kan night dun dawn sia ka ti deuh mawle " 

Tetei chuan mak tih hmel zet hian min rawn en a ,kan duty dun dawn tih hi ka la hrilh lo tak ...hreptak chuan .

"In duty dun dawn a ni mai alawm thil liantham vak a nih loh chu" ngeiawm zeta nuih pahin Carine chu a chhanglet leh a, Tetei hi hetiang hian a huai ang tih ka ring pha lo .

" nia ...Noel zanah kan inhmu dawn nia " Carine chuan min rawn bye bye a , Tetei lahin min melhrum bawk . 

" ka ei pawh a tui tawh nek love ,kal ang " tih pahin a tho thut a ,inhnuai lamah a chhuk daih !!

A bag la lova a chhuk daih avangin a bag leh a hawn tur chu ka khai sawk sawk a ,ka umzui nghal .

Pawnah tum bur hian min lo nghak a ,ka thlem lungawi thei dawn em ka hrelo mahse a thil tih dan avang khan ka nuih a za hle thung . 

" In night dun dawn tak tak em ni ?" 

" aw " 

" Ngatinge min hrilh loh ?" 

Tunah tak hi chuan ka nu ai pawhin a hlauhawm zawk , Detective in thu min zawt fiah te pawh a ang .

" Diktak chuan hrilh che ka tum lo " 

Nia,Carine chanchin hi hrilh nachhan tur ka nei lo .

" maw?" A hma aiin a sa zawk .

" kan inkarah engmah a awm miau hleinem " 

" mahse ka hriat a ngai alawm " 

" Tete , engvangin nge hmeichhe dang chanchin chu ka hrilh ang che ,pawimawhna an nei hleinem " 

A inngaihtuah vung vung a , kan inkarah hian midang lo inrawlh ve hi a duh bik lo tih ka hria .

" anih chuan i be lo ang tih min tiam rawh " a rawn ti sap a , min intiam tir lo mahse he thil hi chu ka ti sa tawh.

" ka tiam a che ṭul lo ah chuan hmeichhe dang ka be lovang " 

Ngawi rengin ka kut chu a rawn vuan a ,ka zungbun khawih niap niap pah hian," tihbuai an tum che chuan i zungbun hi hmuh zel ang che " 

" umm"

Tum bar chung hian a bag chu min rawn chhuhsak a ,nuih vur vur pahin a chalah ka fawh sak zeuh thung.

★ 8 : 15 am ★

Nizan zankhua in hna thil ah lo chuan Carine chu ka pehhel ngat ngat a ,ka nurse duty pui ber han pehhel tlat mai chu a buaithlak khawp mai .

Tetei thawh hun awm ang zing dar 7: 30 velah ka call a mahse nizanah a mumangah ka lo rinawm loh san avangin ka lakah a lungawi lovin tun thlengin min la be ṭha duh lo. 

A ngaihna pawh ka hrelo , ka lakah a lungawi lo miau bawk si . Hmeichhe rilru hi ka hrethiam thei ngai dawn lo a nih hi .

" Doctor , nupui i nei tawh em ni ?" 

Ka patient pakhat kum 62 mi chuan min zawt a , hetiang zawhna hi ka dawng leh nawlh ṭhin .

" ka nei vat ang " 

" Eee...chunu chu ava vannei dawn teh e , nizana i chet dan vel kha ka lo hmu a i fakawm takzet, i hah viau ang " 

Nizanah a bul chiaha damlo hi chhul cancer avangin kan chhan hman lova , ani kha Heart bypass surgery ka lo tih sak tawh nge nge amaherawhchu ka zai khan cancer a ni tih ka hmuchhuak a, thla 2 pawh a dam hman lo.

" ni e, a pawi tak tak ani .Ka pi vawiin ah ka discharge dawn che a , in lamah in lo in enkawl thei tawh " 

" ka va lawm ve , hei min zai avang khan ka dam hmak tawh asin . Nanghi ka chang fuh lo ang che tih kha ka hlau khawpa, doctor ṭha hi chan fuh te hi a har khawp mai" 

" ka lawm e , karleh ah ṭhui phelh zawhah i rawn kal leh dawn nia ka lo en dik leh ang che " 

Damlo chhan hman loh tamtak awm ṭhin mahse dam tamtak te avang hian ka inhnem a , ka rilru pawh a ti zang huai.

Ward ka fan zawh meuh chuan dar 8: 40 alo ri va tawh. Haw tura ka inpuahchah lai chuan Carine a rawn lut a ,Doctor dang an awm lo hlauh .

" Noel , hetiang hian min pehhel reng thei lovang ' 

Pehhel reng hi ka peih bik lo , ka thu tiam ka hlen mai a ni. Duh chuan Tetei hnena ka thutiam kha a rukin ka bawhpelh thei mahse khatiang thil kha ka ngaihdan a ni ve lo .

" hetiang hian awm tawh suh , engtik ah mah ka kalsan dawn lo che ka tih tawh kha " 

" Carine , ka rawn let dawn lo chuvang chuan min nghak tawh suh " 

" nilo .... Awlsam takin kha nu hnenah khan ka pe dawn reng reng lo che " 

" khanu khan awlsam takin min nei tawh " tih pahin ka zungbun chu ka hmuh a ," a ta ka ni tawh , hna thil ah bak inbe tawh lovang" 

Ka bag ka ak a ka chhuahsan hmak , min au lawm lawm mahse ka hawi let lo. Hmeichhe ṭap lai hmuh hi hrehawm ka ti mahse ka hmeichhe hmangaih ṭap lai hmuh hi hrehawm ka ti zawk.

Tetei tih lungawi phawt tumin haw ta mai lo chuan damdawiin bula pangpar zawrhna ah Lily var pathum lek hi ka siam tir a ,coffee nen alo thlen hun chu ka nghak phawt.

He thil ka tih nachhan hi ka hre tawh bik lo , a mumanga ka rinawm loh san avang khan thiamlohna ka nei em ni ? 

Engkim mai hian awmzia a nei lo ,henu hian ka thluak a ti buai zo vek dawn .

★Tetei's Pov★

Nizanah ka pa pum a nawm theih loh avangin ka mu tlem takzet , Casualty a kal rum rum ai chuan OPD a inentir chu an ti thlu ta zawka , engkim a ṭhat ngei ka beisei .

Ka pa damloh chu sawi loh Carine avangin ngaihtuahna ṭha lo pui pui ka nei a ,zankhua a an duty dun tur chu ka ngaingam thlawt lo .Ka ngaihtuah nasa lutuk a ka lo mangphan lehnghal ,zing ka tho chu Noel hi ka haw hlur tawh mai.

Nidang ang bawkin Pharmacy department aṭangin ka hel leh a , tlai deuh hi chuan duty room ah lut tlang nghal daih ila a fuh ber.

Step-ah phur lo zet chunga ka chhuk thlak chhat chhat lai chuan tum loh deuhin Dr. Noel ka hmu thut a ka phu nasa khawp mai.

" Morning " min lo nuih sang mahse a chau tih a hmelah a hriat .

" ka be peih lo che ania " ka tum khum bur a .

" ka tihpalh ,i mumangah pawh ka rinawm lohsan tawh lo ang che " 

Fiamthu deuh hian a rawn ti a ,pangpar leh coffee hi a rawn lek kang va va bawk .

" Ehhe...avan nalh em em " 

Huizz! Lily var hi chu ka pehhel thei thlawt lo .

" ka lawm e , ngatinge i haw tlang mai loh?"

" i thinrim laiin engtin nge thlamuang takin ka haw daih theih ang ?" 

Heihi chu Dr. Noel zia ve hrim hrim aniang , ka thinrim khum tawh chuan lungawi lovin min mut tir ngai lo , engkim kan sawi ṭha vek phawt a chutah chauh chuan lungawi takin thil dang min tih tir chauh thin .Naktuk ah emaw nakinah emaw kan sawi fel dawn nia tih te chu khawilam .

" haw vat vat la mu hahdam rawh " 

" min..." A tih hman chauh tihin a hmuiah ka han fawp zeuh a ,tun ṭum chu hrilh chawp ka ngai lo .

" vawikhat leh " 

" Hey ! Kal rawh midangin min rawn hmu ang " tih pahin duty room ah ka luhsan daih a , ka hlim lutuk hi kawngka phenah ka ke ka per vak vak ringawt .

Chhun thil ka ei zo chiah tihin ka nu in min rawn call a ,ka pa mît ah lungte a awm a an admit nghal thu te , tlaiah test an tih zawh hman chuan zaninah an zai nghal tur thu thlengin min rawn hrilh a. Engmah hrilh ve loh ai chuan tiin Dr. Noel chu ka hrilh ve a mahse darkar khat chhungin damdawiin a rawn thleng hman .

" Ngatinge i rawn kal duh , mu hahchawl ta che " 

" darkar 4 ka mu tawh a ka chau tawh hleinem " a ti ve tlat , a hmanhmawh bawk aniang pajama nen flip flop nen a rawn kal a mahse a hma aiin a chhelo zawk . 

"Anih chuan haw leh vat rawh aw " nizanah a night tawh sia ,ka inthlahrung takzet .


" ai .... Ka evening dawn " 

" Engmaw i sawi a?" 

" Dr. Varun nen kan in duty thleng dawn " 

Enga !! Hetiang te chuan a chau lutuk anga sin , ka pa vang chauhin alo in duty thleng pui vela ka awm a ti nuamlo zo vek .Mahse a duty dawn chuan ka pa pawh a zai theih ka ring.

" nangmah pawh inngaihtuah ve ta che , mawl lutuk" ka tih ngaihna hre lo chuan ka hau hrep a ,a nui duh lek chauh .

" kha i rilru a hah a nih kha , ER ah lo va duty mai mai rawh test tur ho kha chu keiman ka lo buaipui vek ang " 

" ni e , keipawh class ka bunk ta sa sa ka hman mah mah zawk " Muani chuan alo ti ve bawk.

" nge i rawn bunk ve ringawt , ka pa in na a ti tawh sia zanin a zai nghal theih turin zawh hman tum rawh aw " Muani chu ka hrilh niap niap a ,paukhauh ang takin lang mahse kei aiin a hlauthawng zawk .

" umm.... Ka nu lo han call zeuh zeuh ang che ,a hlauthawng ropui si " 

Dr. Noel an a tihpui bawka doctor a nih bakah heta thawk alo ni bawk nen test tur ho pawh an ti zo nghal duak duak a , ka pa pawh an zai vat anga na a tuar rei tawh lovang .

ER kawtah Muani leh Dr. Noel te rawn let leh hun nghaka ka ṭhut lai chuan Noel chauh chu a rawn kal a .

" Khawiah nge Muani ?"

"I nu te bulah a kal , i pa pawh a zai theih vat ka ring " 

" ka lawm e , awmlo la chuan kan buai ngawt ang " 

" Hetiang hian awm suh , makpa in a tih tur ka ti mai chauh a nih hi " a tih chuan kan han nui leh rih a .

ER kawtah chuan car var hi a rawn ding a ,damlo an rawn zawn chhuah rualin Carine pawh a rawn lang nghal .

" Noel " Carine chuan mangan hmel tak hian a rawn ko a.

" ngatinge Nu Muanpuii chu? " tiin Noel pawh chuan damlo chu a lo buaipui nghal vat .

Noel an damlo a hriat chuan mak ka tiin ka lo mengphawk ve em em ringawt .Thil thlen dan hi ka hrethiam lo takzet .

" ka ...ka nu hian BP sang a nei a ,a stroke a nih ka ring " 

Damlo hi Carine nu maw ni a !!

" Tete , ka rawn let leh vat ang " Noel chuan a ti sap a .

ER ah an zawn lut nghal vata , Dr. Noel pawhin a zui lut ve nghal kei erawh pawnah ka lo ding khawng reng thung .

Reife an buaipui hnu chuan Doctor panga vel chu an in rawn khawm nak nak hlawm a , Medical Superintendent nupui a ni bawka Doctor rual ho pawh an rawn thleng rang khawp mai .

" Are you Tetei ?" Vai pakhat hian min rawn bia a, Noel erawh ala buai em avangin ka ko buai duh lo .

" Aw ...eng nge ni ta ?" 

" I pa doctor Dr. Deepak ka nia , pawi ka ti lutuk mahse inzai kha naktuk ah kan sawn mai angaih hmel " 

" mahse engvangin maw ?" ka rilru a buai bawk nen rilru fim pawh ka pu hleithei lo .

" I hmuh angin patient thar saw zaninah zai vat angai dawn a , i pa chu naktuk ah kan zai ang " 

Engmaw !! VIP a nih vang maiin ka pa inzai hun tur chu an sawn bik ang maw !! Ka pa pawhin na a tuar ve tho alawm .

" I don't accept , zaninah ka pa chu an zai ngei tur a ni " ka ti ve tlat , fair taka tih ka duh. 

Noel chu a hman veleh a rawn kal a , rang takin " ka pa zai turin an ti hmasa zawk sia he vaipa hian zai hun tur a rawn sawn ve ringawt ania " ka lo ti vat a .

" Sir , please make the decision ....ka hrilhfiah thei lo " Chu vaipa zit zet chu , amah hi diklo zawk a ni reng sia .

Dr. Noel thutlukna chiah kan nghak tawh, ka pa zai hmasa turin a ti ngei bawk ang .

" Tete , i pa chu mît a lungte awm ania naktuk thleng stable takin ala awm thei mahse Nu Muanpuii erawh Aortic dissection (lung a thisenzam chat ) ania zai vat anih loh chuan zanin pawh a daih tawh lo maithei " 

" Eng nge awmzia ?" 

" Zaninah Nu Muanpuii saw keiman ka zai ang, naktuk ah i pa chu Dr. Deepak hian a zai ve thung ang " 

" Maw !! Mahse ka pa a kal hmasa zawk daih sia , Nu Muanpuii chu a rawn thleng chiah a ni lawm ni " 

" Tete...hriatthiam tum teh " min rawn khawih a tum chuan rang takin a kut ka paihthla nghal sawk a ," min rawn hnaih suh ka hua che " tih pahin EW lamah ka tlan phei nghal nal nal .

Ka thinrim lutuk chu ka mittui a tla nghal zung zung a , Dr. Noel chungah hian ka lungawi lo takzet .Ka pa dinhmun hi keimah aiin a hrechiang zawk daih a chutichung chuan Carine Nu ala thlang zawk cheu hi ka hrethiam thei lo .

" Tete ...pawi ka ti lutuk " hnung lam aṭangin min rawn kuah vawng vawng a .

" i thutlukna thlak leh rawh " ka tih chuan a lam hawi turin min kuai her a ,"ka chungah thinrim rawh mahse ka rilru erawh ka thlak thei lo " a ti zui sap bawk .

" VIP a nih vang a ni lawm ni ?" 

" Nilo , a dinhmun a derthawn vang zawk ani. Zanin ah ka zai lo anih chuan a thi ang " ka hre fiah nghal kuarh kuarh mai ,mahse ka la lungawi thei chuang lo .

" Ka pa pawh nangman i zai thei mai lo em ni ,kha vaipa kha zaitir lo khan " 

" mi patient ka chhuhsak ngawt thei hleinem , min ring rawh kha vaipa khan a zai hlawhtling em em ang " 

Ni e , Dr. Noel hi cardiac specialist ania .Nu Muanpuii lung zai tur hian amah aia ṭha an awm chuang lo chuan a sawi ang hian ka pa dinhmun hi hlauhthawn awm nise zai hun hi a sawn hauh lo ang tih ka hria .

" anih chuan zai hlawhtling ngei ngei ang che " ka mittui chu a parawl kuang a , ka hnuk a ulh zel lehnghal .

" Tehreng mai , hei vang hi lawm ka duh em em che " min kuah vawng vawng a , ka rin aiin ka lo puitling tawh .Keimah leh keimah pawh hi ka inchhuang takzet hetiang rilru ka pu thei hi .

" kal tawh rawh , an lo mamawh tawh ang che " 

" ka zai hma in min ṭawngṭai sak leh phawt dawn lo em ni? " a tih chuan ka nui hak a , ka lo theihnghilh hman alawm .

Ka ṭawngṭai sak zawh chuan duhthawh takin min fawp leh vawng vawng phawt a .

" i pa bulah lo han awm la , ka zai zawh veleh ka rawn lam ang che " a tih chuan ka bu nghat a ,nui vur vur chungin a kal liam a. 

Chapter-17

“I saw that you were perfect, and so I loved you. Then I saw that you were not perfect and I loved you even more.” – Angelita Lim

ER-a ka let leh chuan a kal daih tawh emaw ka tih laiin ka kutah a rawn vuan thut a , midang emaw ka lo ti hman lehpek tawh a kut chu ka lo thing sawk a ,a hma aia nghet in min kai leh nghal. 

" I kal dawn lo em ni ?" Ka lo ti hu a , duty ho lah chuan min kaih avang hian min en duh em em lehnghal. 

" I chhungte chu keimah ngeiin ka hrilh ang " 

" mahse a hmanhmawh thlak viau sia" ka tih chuan a sana chu a zuk bih zeuh a .

" Darkar hnih chhungin surgeon dang ho nen a natna hi kan zir chiang phawt anga , dar6 ah chuan kan zai hman ka ring " 

A hmanhmawh thlak tawh bawka inpuahchahna hun an nei tlem takzet, mahse Noel hi ka ring tawk a a zai hlawhtlin hi ka ring tlat . 

Dr. Noel ngeiin ka nu leh pa te chu thil thlen dan leh inzai an sawn dan chungchang te chu a hrilh vek a , an lo hrethiam hle nghe nghe mahse Muani erawh in a hrethiam thei tlat lo .

" Noel chu keimah ngeiin ka be dawn , hetiang ringawt hi chu a ni thei lo " Muani thinrim chu thlem ka tum ngial pawhin a ṭan ngaiin a ṭang tlat .

" Muan... Awmzia a awm lovang , damlo chu a kal hmasa zawk nilovin a hmanhmawhthlak dan a zirin alawm an zai ṭhin " 

Engkim thil kalphung ka hriat ve vek avang hian ka pa hian na ti tawh hle mahse ka thinrim ve thei tlat lo. Thutlukna siam harsa tak a ni ang tih pawh ka hria,Dr. Noel hian a tih tur diktak a ti a ni , Carine hi ka thik hle tih pawh a hria mahse a mimal nun dahṭha in doctor a nih angin damlo nunna a dah pawimawh hmasak zawk avang hian a hna a tlin hle tih a hriat , ka chhuang hle bawk.

"Zomuansang , ka pa in na a tawrh mek hi i hmu ve lo em ni ?" 

Zomuanpuii mai mai chuh!! A û zawk ka ni tih hi a theihnghilh leh tawh a nih hi . 

" hmu e , engkim ka hmuh vang alawm ka hriatthiam nachhan .Ka pa hi naktuk thleng pawhin la zai lo mahse hlauhthawn tur a awmlo amaherawhchu Pi Muanpuii erawh in naktuk a nghak thei tawh lo thung, chutichung chuan Noel hi ila thiamlo cheu ang maw?" 

Ka tih hrep takah chuan a hrethiam ve ta niin a lang , Muani hi mi rilru chhia a ni bik lova midang thih tir mai chu a phal dawn bik lo tih pawh ka hria .

" Ka pa dinhmun hi a hlauhthawn awm loh tak tak tih i chiang em ?" 

"Hlauhthawn awm nise chuan Dr. Noel hian hetiang thutlukna hi a siam hauh lovang "

Ka confi ve tawk , Noel hian ka pa chungah engthil mah a thlen a phal hauh lovang.

Naktuk ah ka duty dawn avangin Noel ka hrilh hnuah ka nu nen kan lo zuk haw hmasa a ,Muani erawh haw tura kan hrilh ngial pawhin a haw ve duh lova ka pa a riahpui dawn thung. 

Dr. Noel an a zai zawh tawh thu leh an zai hlawhtlin thu min rawn hrilh chuan dar11 a lo ri dawn der tawh , a hautak bawk aniang darkar 5 lai an zai.

Ka pa an zai lai chuan kan chhungte bakah Dr. Noel pawh a awm ve a ,kei erawh duty ka ngaih avangin ER lamah min tir thla daih thung. Muan'in a khat tawkin chanchin min rawn hrilh ve reng a , thlamuang takin ka duty theih phah .

Vawiin chu Dr. Jennifer a duty lehnghal a min vin reng mai chutah nizanah Dr. Noel an min kai lai kha lo hmu an awm nual lehnghal a, an inhrilh pung chak bawk nen min en hrek hrek loh leh min zawt nawlh nawlh lah an bang lo.

Ka period avangin toilet-ah ka pad ka thlak a ,ka tai a na ut ut lehnghal a dawhthei taka awm reng hi ka kham tawh takzet .

" Enteh Tetei leh Dr. Noel te an inngaizawng mawle " toilet chhung aṭangin kan chanchin an sawi ri ka hriat rual chuan ka beng ka dawh nghal hru a.

" Intern kha maw ? Awi , Dr. Noel hi a phu hlawl lo a hmelchhe ropui si " 

Pakhat zawkin a ti ri ka hriat chuan kawngkhar hi tlawh hawng pawp a va keh nghal pawp pawp mai ka duh. 

" Dikchiah an inhmeh hlawl lo , han ni rei deuh se Dr. Noel hi ala inchhir khawp ang " 

" Hmeli te mai mai chu !" 

Inhum ruh chungin ka phun sap sap a , an kal ta maw tih in thinrim tawkin kawngka chu ka hawng bur a ,"Noel Lalrinkim i chak dawn lo "tih pahin ka inseh ruh nghal . 

Dr. Noel hi ka phu loh bikna ka hrelo ,Noel mitah chuan ka hmelṭha a ka chhelo bawk engpawh chu nise ka phu zia hi ka la hmuhtir khawp ang .

Ka pa an zai zawh chuan ER lamah Noel pawh a rawn tla thla rang khawp mai, midang ho min tih dan avang khan ka lungawi lo takzet mahse Dr. Noel chungah bak ṭuanna tur ka hrelo .

" I pa pawh ward ah an sawn tawh , i duty zawh veleh kan han kal dawn nia " a nui hmel te hi a ṭha bik sia keimah zawk hian nei daih ila. 

" Keimah in ka kal mai ang " ka lo ti hmak , hrilh chawp ngai lovin ka lungawi lo tih a hre nghal. 

" Hey ! Ngatinge i thinrim a? Tihsual ka nei leh tawh em ni ?"

Ka sam chu ka bengah min rawn xx ochar char alawm, ka phu ve chiang che emai " confi ve ngang ngang tak ka ni .

Ka thusawi avang chuan a khi nghal suk a ,tihngaihna a hriat loh hmel takzet . 

" midang thil sawi mai mai ah buai duh tawh suh , i tai chu ala na em?" 

" umm..." 

" lo dam vat vat rawh se "Tih pahin ka tai chu a rawn chul heuh heuh a ,ka thinrim viau pawh hian a tum vang pawh ni hauh lovin min bengdai hma ṭhin khawp mai.

" ei chak i nei em?" 

" ai ...tunah chuan mut ka chak " 

Ka thi neih avanga ka tai a nat tawh hi chuan ka thinchhia in ei chak hi ka nei huam huam ṭhin a , ka vin vak vak pawh hian dawhthei takin min hmachhawn thei zel.

"Nangpawh haw la va mu hahdam rawh i chau lutuk ang " a sam chu ka tuai saka ,khawih hrim hrim hi a huat theih tehlul nen ka khawih ve hi chuan hua ang pawhin a awm ve ngai lo . 

" nakinah " 

" nakinah ti suh , chuti lo chu...." 

" aw le Boss "nuih vur vur pahin ka kawr chhanah zawi te hian ka hnute chu a rawn seh zeuh a .

" Hey ! Ka hnute a na ania , a ṭang vek " 

" anih chuan i period zawh hun ka nghah leh angai dawn a nih chu " tih pahin a thaw hak a .

Ka pa chu ka nu in a riahpui a ,Muani nen inah kan awm ve thung. 

Ka tai na chu khumah ka let ka let a ka khua te hi a sik hialin ka hria chutah ice-cream ka ei chak huam huam a ei tur lah awm bawk si lo, engkim mai hian ka thin a ti rim vel vek . 

Damdawi ka ei ta ringawt a ,min chhawk ṭan chiah tihin Noel an min rawn call hlauh , zan a rei tawh sia engvanga min rawn call thut nge maw a nih le ?

" Hello " 

" Pawnah ka awm kawngka min rawn hawn rawh " 

Ka ṭhu chhuak nghal zawk !! Tun ang hunah engthil nge rawn tih a tum ? 

" maw !! I awm tak tak em ni? " ka tih chuan kawngka chu zawi te hian a rawn kik kerh kerh a ,rang lutuk in ka inperh tho nghal .

" I mawl mi ? Dar 11 a rik dawn tawh hi " tih pahin kawngka ka hawng nghal a , min rawn la nuih vur vur zui .

" Rawn lut rawh , ka nu leh pate chu awmse an ngai diklo vek ang che " 

" an awmlai te chuan ka rawn kal dawn hleinem , kha ..." Tih pahin a thil ken lai chu min rawn pe a. 

" Eng nge?" 

Mak ti takin ka keu rawk rawk a ,ice-cream lo ni rengin ka hmuh zawng ringawt pawh hian ka chil a put .

"Ngatinge i rawn ken duh khera ?" 

"I ei chak thu kha i sawi sia , Muani a mu tawh em ni ?" 

" Umm...mahse ngatinge i rawn kal , ice- cream vang chauh chu a ni lo tih ka hria ania "a inngaihtuah nghal vung vung a ,a rilru a buai hle a ni tih hai theih a ni lo . 

"Superintendent in Project liantham deuh min pe a " 

" Eng Project ?" 

" Mizoram ah a vawikhatna ni turin heart transplant nei turin " ka thil ei lai ka phuh chhuak hman ṭep , chutiang ang project liantham lutuk chu an pe amaw?

" anih chuan engtin nge i tih dawn ?" 

Sawi hnawn sak zung zung ka duh loh avangin a ngaihdan ka ngaichang hmasa phawt a mahse he thil hi ti lo turin ka duh takzet.

" Team ka thlan fuh angai, Mi thiltithei tak fanu a nih avangin Kolkata aṭangin Cardiologist an chah a , donor an awm sa bawk nen engmah thil harsa a awm lo mahse a taksa a chak lovin nau a pai a, ka zai hlawhtling angem ka chiang lo " 

Zai chu a tum tak tak emawni le ? A hlawhtling dawn tih a hriat chian loh te chuan hnawl mai tur ania. 

" Hun engzat nge in neih ?" 

" A rei berah thla 1 , Tete ....ka zai hlawhtlin i ring em ?" 

He zawhna tehhrep chu chhan ava harsa tehlul em , tih hnual ka duh bawk si lo chhan loh law law ka duh rum rum .

" I tum chuan i hlawhtlin ka ring " ip chawi chawi chungin ka sawi chhuak thei hram ,amah pawh a thaw hawk in ka hria .

" chu chu lawm ka hriat duh chu, a hlawhtlin i rin chuan ka ti hlawhtling em em ang " 

Ka biangah a rawn piai zeuh a , thil ka ei mawlh mawlh lai chuan ka hmuiah a rawn fawp thut a ,ka khawng nghal vek.

" Ice- cream chu a tui loh lem lo hi " a ti zui sup ringawt. 

Dr. Noel bula ka awm apiang hian inngaizawng hlim ang mai hian ka thin hi a phu nghal dup dup zel a , min khawih apiang hian ka mur nghal sung sung ṭhin, ngaiah ka nei thei dawn lo chu a nih hi.

Ni hnih hnuah ka pa pawh damdawiin aṭangin a chhuak a , kan rin aiin a dam chakin a harh vang daih .Tunah phei chuan leng lo turin kan dan angai tawh zawk .

Vawiin hi internship ka zawhna tur a ni tawh bawka midangin eng ang pawhin min sawi mahse ka tuar hram hram tur a ni tih chu ka infuihna ber a ni .

Damlo an tam lo bawka kil khatah ka phone bih ngur ngur chung hian ka ṭhu ran a ,UNathan duty ni a ni bawk si lova biak tur pawh ka nei lo. 

" Tete"

Ka hawi chhuah nak chuan Joysie leh a ṭhiante ho hi an lo nia , ka lo nuih nghal sang bawk .

" Eng nge in rawn tih ?" Tiin ka lo zawt vat a .

" Hei kan ṭhiannu hi kan dressing tir a ,i awm ka ringa kan rawn tlawh kawi lawk che " 

" lo ṭhu rawh u , damlo an awm lova ka lo ṭhu vel mai mai a nih hi " 

" ṭhu hman pawh kan ni lo , ka zun a chhuak lutuk a zun na tur a awm hnai mai angem ?" Joysie chu a in dawm deuh ṭai ṭai a ,a zun a chhuak ngang aniang. 

" aw , min lo zui rawh " tih pahin duty room ah ka luhpui nghal a .

Noel leh Rinhlua te an in kawmngaih tluk zetin Joysie nen pawh hian kan in kawmngaih , a felin a nelawm em em a Rinhlua hian a thlang fuh chiang hle .

Duty room aṭanga ka let leh chuan Joysie ṭhiante ho min relna chu ka hre hman , engdang mah an sawi lo Noel ka phuloh thu bak .Heng ho hi ka kham tawh takzet , tunge ka nih tih hi ka la hmuh khawp ang. 

" Tete , kan kal nghal mai ang " Joysie hian a ṭhiante mizia hi a hre ve lo niin a lang .

" aw le " ka ti chuai raih a ,ka mood an ti chhe chiang hle .

" Taka naktuk kha aw " tih pahin an chhuak dial a , ka ner khum leh hram.

Naktuk hi Joysie birthday ani tawh tih ka lo theihnghilh daih, Hotel Floria ah an lawm dawn a chutah chuan a ṭhiante pawh kha an kal ngei ang ,ka duai bik loh zia hi an la hmu khawp ang. 

" Tete ...thil i ei tawh em?" 

Noel û Dr. Op-a chuan min rawn zawt a ,kan duty dun apiang hian hetiang hian min zawt ve ziah a ka ngaih a ti ṭha lo. 

" aw ...mahse thil pakhat , ngatinge min zawh ziah a ?" 
Vawiin chauh ka awm tawh dawn bawka ,zawhna hun tak a ni .

" Noel an a ngaihtuah deuh che mawle , kha in ei ṭha rawh i cher tawh lutuk " a rawn nui ṭhaw a ,khuhva hi heh lo se chuan Noel ang tho in a luck ang. 

"Tun laiah mi an thau duh tawh lo , cher pawh hi fashion a ni tawh " tiin ka lo fiam let a , Noel ang lo takin a ṭawng duh bawrh bawrh bawka a thawhpui te pawh hian an nel hle. 

Dr. Noel hian min ngaihtuah leh lutuk a min in ti thlahrung zo vek .Dr. Mamawii hnenah lah ka chhun thil leina tur pawisa alo dah ringawt tawh bawk tunah pawh hian a û bulah a dah leh tih hriat reng reng. A hnen aṭangin ka la dawn lo tih a hria a hetiang zawng hian a ti tih ka hre nghal. 

Ka nu hnenah Joysie birthday a kal ka dil chuan alo phal nghal chupawh Dr. Noel a tel dawn vang chauh in , ka nu hian Noel hi a ring khawpa khawi hmunah pawh kal dawn ila a tel tawh chuan a phal nghal zel .

A rin ang ngeiin Dr. Noel pawh hian him takin min thlah thlap thlap ṭhin a , nu leh paten fate tih a an hlauh ber sex lamah pawh kan fihlim khawp mai .

Joysie birthday party na a kal tur chuan ka inpeih leh diam tawh , insiam nan darkar 2 ngawt ka hmang a khang hmeichhia ho kha an phu chiang khawp ang .

Ka nau kawrfual khup chung hret off shoulder chu ka hak saka , pheikhawk sang nen ka in pack nasa hle chutah ka hnute tih leh nan pushup bra ngat ka ha a , ka nau mawng lenna ka ha tel bawk.

"Vawt i ti dawn lo em ni ?" Car a ka luh rual rual chuan Noel an min lo zawt nghal .

" ai, a lum em hi " ka ti ve tlat , ka dar hi a lan loh mawlh ka hlau.

" C'mon , thlasik a nih hi ...heng thil te hi eng nge ?" Tih pahin polythene seat hnung lama ka dah chu a kawk a .

" ka flat a nih kha ,pheikhawk sang ka bun peih loh huna bun ah " ka tih chuan mak min tih hmel takzet mahse engmah a sawi lem lo .

" kal tawh rawh.... kal tawh rawh, kan tlai dawn "

Ka nawr sek avang chuan a tlan chhuak ta nge nge a , chutah ka makeup a chhiat ka hlauh avangin a front glass chu inen nan ka hmang a Noel lahin ," I hmang zo tawh em? " a rawn ti ve chhen. 

" Zo lo ,enga tan nge i hman dawn?" Ka lo ti vin hlar a .

" Hnung lama motor rawn tlan leh tlan loh en nan " tiin a phun sap ringawt. 

" ngawi rawh , indo na a kal tur ka nih hi min lo tibuai suh " lipstick chu ka inhnawih belh leh a , nidang aiin ka fuh .

"Min lo en teh ,dik lo lai a awm em ?" Confi zet hian ka nuih sang a, min rawn thlek zeuh pah hian ," I hnute a sawi " tih ringawt a sawi a nih chu!! 

" a ni maw !! Ka hnute aiin ka mawng lem hi a sawi duh zawk " ka phun sap a ,alo hre hman .

" Engmaw !!" 

" Engmah a ni lo " ka hnute chu ka siamṭha nghal sawk sawk a , midang ai zawngin ka hnute a lian ber tur a ni ringawt .

" vawt i ti lo tak tak ang maw ?" A rawn ti leh ṭhin a , nalh duh chuan vawt tuar angai .

" ai ...teuh lo mai " ka nui vela ,"diklo lai ala awm em ?" 

" ngatinge i inlak chhiat loh apiang hian i sam i tih kir zela?" A rawn ti chhuak hlawl ,tun ṭum chu phiar kir ni tawh lovin uluk taka roll kir a ni tawh. 

" style thar a nih hi , korean ho pawhin an uar ber alawm " 

" Korean leh bawk " a thaw hak a ,ka korean drama en nasa lutuk leh Park Jin Young ka atchilh lutuk hi chu a ning ve thei ngawt ang. 

" I en ngai lova i hre lo mai mai a nih kha , Oppa " fiamthu pah deuh hian ka ti lui kher a ,min melh rum ngang mai hahthlak min tih hmel takzet .

" Park Jin Young ka ni lo ania " tih pahin a khi suk a , tunge a nih pawh a hre tawp si lova ka sawi ngun em avangin a hming alo chhinchhiah leh thlap tawh aniang. 

Chapter-18

" I think her flaws make me love her even more. She’s not perfect, but she’s perfect to me " — Jodi Picoult

Hotel Floria kan thlen chuan Joysie leh Rinhlua ten min lo chhawn vat a , kan hawi kual vel thin a off shoulder ka hak ve te hi chu nep te ka rin aiin an lo inha sexy daih .Instagram vela mizo model ho in an hak ang kha zu han ha tak tak a mawle .Mizo hmeichhia ho hi hetiang hian an inchei ang tih ka ringpha ngai lo.

Uchuak takin ka lo inchei hlauh chu a tihzia hlauh , ka nalh ber lova ka ṭhing ber bawk hek lo engpawh chu nise Dr. Noel bialnu hi tunge ka nih tih hi hre mawlh teh se.

Tum loh deuh in Feli pawh a rawn kal ve chutah party hi ala host dawn zui !! Chu aia ka ngaihtheih loh zawk chu Noel a rawn zar buai leh chat tawh hi a ni.

" Noel ,i va reh ve " Feli chuan a rawn ti zaw zaw a , Noel bulah ka awm ve reng sia min hmu lo ang hmakin a awm.

Feli chu kan pahnih chuan kan hmachhawn ran a , a kawr hak a sexy bakah a hnute hmur a lang lo chauh lehnghala mipa ho hian hmuhnawm an ti dawn tih ka hre nghal ,Noel pawh a bang bik ka ring lo . 

" a reh awm pawh ka lo hre hleinem " 

Nuih luih sak pahin Noel chu ka chhan khalh a , amah si chat hian ka ding nghal a ,a awm a zut luih kher pah hian ," Duat, ka tui a hal " ka ti sak a ,Duat tia ka ko thut chu mak ti hmel a pu deuh .

Tunah tak hian Feli hmel awmdan hi video a lak a ,en nawn leh ngat ka chak .

"Kha ... Thil dang duh ila nei em?" A bula tui chu min rawn pe a, tunah tak hian ka inla no lutuk a ka in ten letling zawk . 

"Nangni pahnih chu " Mak tih hmel zet hian Feli chuan a rawn ti leh a ,min thik tih pawh hai theih a ni lo . 

"Kan la rei vak lo ..haha...Duat min ngaihsak leh lutuk ṭhin a " ka ti vel hluai a ,Feli chu an rawn ko ve chiah bawka, a ngaihdan a ni vak lo aniang min melh ram ram chung hian a kal tau nghawng nghawng a, ka lo thaw nghal huai mai.

" hmeichhe dang pawh an rawn lang leh ṭep tawh ang " Noel melh rum pah chuan ka ti sap a ,a chhelo teh vawr lutuk a a buaithlak zawk.

" Vawt i ti tawh em?"a rawn tih leh tawh.

Teh chhen a ,hmeichhe dang kei aia inha bul pawhin vawt an ti bik hleinem.

" ai ...ka ril a ṭam lutuk , thil ei ang " 

" Duat min ti leh phawt la " nuih vur vur pah hian a rawn ti kher a ,Duat tia inkoh vel duai hi ka duh ngai lova hei min fiam nan a hmang lehnghal tawh .

" ka duh tawh lo e a " a rukin ka khi suk a, ka zak leh hnuhnawh.

"Vawikhat chiah min ko leh lawk teh "a tih chuan ka kal daih a hrilh chawp ngai lovin min rawn zui leh hna hna tawh . 

" ai " 

" mawh vawikhat chiah " 

" ka zung lawk dawn " tih pahin hmeichhe toilet ah chuan ka luh san daih a ,diktak chuan ka zun chhuah tak tak vang pawh nilo in ka mawng tih lenna hak hi siam ṭhat lawk ka duh vang a ni.

Ka zun zawh veleh hmanhmawh ru tak siin ka mawnglem hak chu kan han siamṭha vel a engtin nge ka tih pawh ka hrelo a mawnglem bera chu a inthlep tlat ringawt .

" Engtin nge maw ka tih le ?" Phun sap pahin a bul aṭangin ka han ha ṭha tak leh ṭhin a, angai ang bawkin a awm leh zel .

" Tete ..." Ka rei ta deuh aniang Noel an min rawn ko a mahse ka chhang duh lo, ka chhan lo chuan a kal ve mai ka ring .

Ka siamṭhat tum na lamah ka thlan te chu a tla phung tawh a chutah Noel lah chu kal chu sawi loh min lo ko ve chhen bawk nen ka mangang ru takzet .

" Tete i ṭha em? Engthil nge thleng ?" 

Kawngkhar a rawn chum bur !! Reilote te chu a kalsawn lawk thei lo em ni ?

" ka ṭha lo va kal rawh " 

" i va rei ve , engthil nge thleng? " 

A ngaih a ṭha lo tulh tulh a keilah in ka mawnglem ka siamṭha thei lo tulh tulh thung, min nawr nasa bawk sia malpui vun thip ṭhum in ka pawt ngial a ka hlawhchham ṭhak .

" Hawng rawh ,i rawn hawn loh chuan ka tlawh chhe dawn nia" a vin tawh khawp mai ,ka hawn loh chuan a tlawh chhe duh tak tak ang. 

Ashhh! Duhthlan tur dang ka nei lo ,hreh tak chung chuan kawngka chu ka hawng zal zal a alo mangang em em lehnghal .

" I tawlhthlu em ni? Na i nei em ni ?" tia min zawh chuan ka lu ka thing vat a.

" ngatinge i va rei em em ve ?"a hlauthawng tih a hmelah a hriat hle bawk. 

" ka mawnglem hi a inthlep tlat a "zawi sap hian ka ti a ,ka zak ve tho a ka sawi ring ngam lo . 

A hmui hnuailam pet chung hian a sam chu a tuai pawlh a ,hahthlak min tih hmel zet hian a thaw nghal hawk bawk .

" Ngatinge min hrilh vat mai loh , i in ti na emaw ka ti hman alawm " min kuah nghal thlawp a ,hetiang em em hian a hlauthawng ang tih ka ringpha lo. 

" Lo va chhuak la ,kan insiam ṭha phawt ange " 

" ai , tikhan insiam ṭha mai rawh " teh tlat a , eng nge maw a hriat le ?

" maw !" 

" ka lo pui ang che " 

Ai ka tih hma hma in min kuai her pawp a ,uluk zet hian ka mawnglem vuah chu a en ta mai !! Ka zak lutuk hi ka sa nghal up up .

" Khawilai maw dik lo ?" 

" Helai hi a inthlep a " a inthlep na lai chu ka khawih a ,tih ngaihna vak a hriat hmel bik loh. 

" phelh mai rawh " 

" ka phelh ringawt thei hleinem , khawiah nge ka dah chuan ang? " 

" ka lo ak mai ang " a overcoat hak lian zet chu a beng thak thak a ,a fiamthu miah lo lehnghal. 

" I â ta emawni le ?" 

"I siam ṭhat theih chuan lo kha " 

A thusawi ngaithla duh lovin siamṭhat ka tum leh ngat a mahse ka siamṭha thei ngang lo , mawng sawr bawl deuh put ai chuan ka mawnglem chu ka ah tir ta nge nge a ,alo hreh lo em em lehnghal sawi buai miah lovin a ak hmak.

Joysie chuan ṭhian a ngah bawka kal an ṭhahnem khawp mai , zaithiam chi hrang hrang an zai a an lam hut hut bawka a nuam takzet .

Ka ril ṭam lutuk chu midang lam hut hut lai chuan thil ka lo va ei daih a , chutichung pawh chuan ka rilṭam erawh a reh hleithei lo .

"Chhun aṭang tawh khan engmah ka la ei lova engkim mai hi ka ei tui vek " thil ei pah chuan ka ti siam siam a ,Noel pawh a bang bik lo kan pahnih chuan cake kan ei a , tudang kan ngai lo kan tlei tawk ve em em.

" in diet tawh miah suh , hetiang hian thil ei ṭeuh ṭeuh tawh rawh " Dr. Noel chuan ka hmuia thil kai min hrukfai sak pah chuan min hrilh mawlh mawlh a .

Ni e ,ka in diet ve khanglang zela KFC pawh kan ei duh tawh loh vel sak kha .

"Nula chhelo deuh i zawng leh tho alawm " fiamthu mah ila alo lawm lo ngang mai .

" Khatiang khan sawi tawh suh " 

" Eng nge " tih pahin ka nuih vak vak a ,fiam hi a nuam ve hrim hrim mahse han melh tak tak se zawng a thikthu chhe zawk zawk ah ka ṭang leh ang .

Noel chu a ṭhianten an lo ko ve chhen a mahse ka awm ve tlat avangin a kal daih duh bik lo.

" va kal rawh min ngaihtuah suh " min zui reng bika a ṭhiante bulah awm mahse pawi ka ti lo .

"Kal nachhan tur ka nei lo " a ti hmak .

" Hey !! Hetiang hian awm suh , Rinhlua khan Joysie surprise dan tur vel a sawi tlat in ka hria " 

" min rawn ko mai ang " 

" an rawn koh tawh che kha va kal vat rawh " ka lo nuih sang a ,ka nawr lui tlat sia hrehtak chung chuan a kal hna hna a .

Hmeichhe tamtak in an melh tih pawh ka hria mahse ka bulah a awm tlat sia tumahin an rawn hnaih ngam lo , ka thawk ve ṭek ṭek chhung chuan ui sa hauh ang maiin ka hauh ve tlat tawh dawn .

Zai en paha ka din mai mai lai chuan hnung lam aṭangin Joysie ṭhiante ho chuan ," Heihi maw Dr. Noel bialnu chu? " ka hriat tur kher in an rawn ti vel a , ka hriat tur ngeiin an rawn sawi ta sa sa ka hrelo der duh bik lo .

" aw ni e " inkuangkuah chungin ngeiawm zet hian ka hawi let ve ngat a .

" hahh...i zakthei lo reuh hle mai " pakhat chuan min rawn ti ve khanglang , kei aiin upa vek mahse ka zam dawn bik lo.

" Chuvang chu lawm Dr. Noel pawh ka zunah a uai " ka nui lui sak a ,min ngei hlawm ang chu !! 

"A awm ve tho e mipa te chuan an tih theih apiang alawm an kawp ṭhin " tehhrep chuan ! Ka sa nghal zak,an cho loh tur an cho a ni .

"Duh duh hunah a tih theih dawn vang cheu aniang a duh loh che u , min lo hrethiam lawk teh u " tih pahin an zinga pakhat chu ka nek sawn kher a ," lehlawk ..." Ngeiawm zet hian ka hawi let leh ngat a ," i mithmul lem vuah kha a tla dawn " ka nuih sak a , ka kalsan nghal nal nal ,an zak viau ang.

Heng ho hian min tham lo vel bawka ka dim dawn bik lo , an duh duh danin min sawi rawh se amaherawhchu ka ngawi mai mai dawn bik lo. 

Khang ho kha chhanglet in ti zak let ve hrep mah ila Dr. Noel ka phu loh zia hlir ka bengah a lut a ka awm an ti nuam lo in ka insit phah vek .

Noel's POV

" Noel nang guitar lo perh rawh " Rinhlu'an Joysie a surprise dawn a kan ṭhian ho chu tihtur min sem dan dan a .

" Eng nge i tih dawn ?" Ka lo ti hu ,eng nge a tih dawn ngaihdan ka nei lo .

" Ka zai dawn " 

" I zaithiam em ni ?" 

" Aw...chu chu a pawimawh ber lo,zai thiam lo mahse zai a duh tlat" Puitea chuan a ti a , Rinhlua hi a zai chuan a ti ho vek ang .

" ka hman lo dar9 ah Tetei ka hruai haw ngei ngei angai " anu bulah dar9 a ka hruai haw tur thu ka lo tiam tawh a ka bawhpelh thei lo. 

" anih chuan Nixon nang guitar perh rawh " Rinhlua hian min hrethiam a ,ka thuthiam chu ka bawhpelh dawn lo tih pawh a hria chuvang chuan min tilui duh lo .

"Joysie a rawn kal pangngai deuhin awm rawh u " Malsawm'an a tih chuan acting kan thiam lo hlawm bawka thil thup kan nei tih a rawn hre nghal .

"Eng nge in lo tih ruk ?" Joysie chuan Rinhlua chu dawp pahin chiang deuhin a en a ,a hlauh luatah a surprise tur zawng zawng a hrilh hman ṭhelh. 

" Ughh... Tetei chungchang kan lo sawi mawle " Pute'an a tih chuan phawk deuhin kan en ṭhap.

Lalhmingpuia mai mai chuh !! Tetei hi chhuanlam atana hman pawh ka phal lo ,Takzet hian !

" Tetei hi chu a hmelṭha mawle mahse Noel bialnu alo ni kher kher hi chu a pawi a nih hi " Joysie bula hmeichhe pakhat chuan a rawn ti a ,a sawi awmzia ka hre lo .

" dik chiah ,mipa dang chu ngaizawng se chuan Tetei hi an phu lo ang mawle mahse Dr. Noel ang mi perfect hi lutuk a kawp kher a " pakhat chuan a rawn ti leh a , kei hi ka perfect lova Tetei hian min phu lo bawk hek lo , hetiang thil ho lutuk sawi hi a âtthlak .

" Keichuan Tetei hian engtin nge Noel hi a duh theih ka lo ti asin " Rinhlu'an min lo chhankhalh leh nulh tawh , ka ṭhian dangte ho pawh in an thlawp khawp,an bu nghut hlawm mai.

Nia ,Tetei hi a hmelṭha kerh reuh a mipa tamtak zingah kei min thlang hi ka vannei hle .

"Hetiang ang hmeichhe nun mawi leh rilru ṭha ,hmelṭha bawk si hi hepa pui rauh hian a phu lo " Malsawma chuan ka darah a rawn beng thuk thuk a , Kan ṭhian ho a kan awmkhawm tawh hi chuan Tetei ka phu loh zia leh ka nei hi ka vanneih zia sawi lo hian an awm thei lo , ngaiah ka nei tawh. 

" Hmeichhia ho in Noel an ṭan a mipa ho in Tetei , mahse keichuan Noel ang mi khirh lutuk leh thikthu chhe lutuk hi engtin nge Tetei hian a enkawl theih ka hrelo " Joysie chu a nui har har a ," Tetei duh tu ka hre ṭeuh mai " a ti ang deuh deuh a ,a engamah hma in ka thik nghal ringawt .

Tunge pawh ka hriat loh thik fo mai hi kei ngei pawh hian âtthlak ka ti mahse Tetei ka duh zia leh chan ka phal loh zia min hriatchhuah tir zawk. 

" Tetei in lo hmu em?" Ka Sana thlek zeuh pah chuan ka pawtchat a ,dar8: 30 a ri dawn tawh a ka haw pui angai .

" Sawlam ah sawn ka hmu in ka hria " Joysie kawhna lamah chuan ka kal nghal a, ka thiante ho chu an lo eu dar dar bawk . 

Ka zawn na lamah Freddy nen kan in su chawrh a ,a rui bawk a a ding ngil hlei thei lo .

" Ding rawh " ka ti vin hluk a .

" Tetei a ṭap , a ṭap " tiin a phun bul bul a ,a ṭawng ri ka hre chiang thei lo Tetei hming a lam tih erawh ka hre chiang khawp mai .

Freddy chu couch ah ka mut tir te te a ,a kawhna lam Toilet lam pan chuan ka kal phei nghal, ka rin ang ngeiin Tetei chu commode chungah alo ṭhu thur bum a , a bra chu chhuatah a lo let bal a ,a kut lehlamin beer um a keng tel bawk .

Zanin chu anu bulah ka in sawifiah ngei angai dawn a nih hi .

" in tawh suh " beer um chu ka laksak a , a awmdan aṭang hian ṭawng huai tawk velin a rui tih ka hria. 

" hahh...Noel , tlemte bak ka in lo " amahin a nui ker ker a .

A hma ah khup khatin ka ṭhingṭhi a thinrim mah ila awmzia a neih loh avangin zaidam takin ," Ngatinge beer i in ?" Tiin ka zawt a.

" ih !! Englo ania " a bra chu ka kutah a rawn hmeh bel chawt a ," hmeichhe dang angin ka sexy lova ,ka hnute leh mawng lah a lian ve hek lo mahse ....mahse ka insit ngai miah lo , nang ka tawng che a chuan ka phu lo che a, ka ṭha tawk lo bawk "a ti chuai raih ,a mittui tling pam chuan ka lung a ti awi lo hle.

Tu phiangsen in nge heng thil hi lo hrilh? Tupawh nise a thil tih man hi a hmu ang .

"I ṭha tawk lo reng reng lo " 

" En ta che " tih pahin ka kut hrawl zet chu a rawn la a ,a hnute ah a hmeh bel chawt a mipa thisen lum reng ka ni a ka danglam chak khawp mai .

" A tet em hi ..." A ti zui sap a, rui lo se chuan heng thil hi a ti tawp lovang .

" min ngaithla teh " ka hmui ka liak zeuh a ,a mal ka hmuh zawng ringawt pawhin ka taksa hnuailam a danglam a ,insum har ka ti takzet .

"Ka ...ka mawng te hi " min ngaithla lovin ama buai buai in min be mawlh mawlh a ,a taksa a duh khawp loh lai chu min khawih tir a rilru fim min put tir thei lo . 

" mi tupawhin ka ṭha tawk lo tiin min hrilh ..." A sawi zawh hma in zawi te hian a hmui senno chek ah chuan ka han fawp zeuh a .

Engtik laiin nge ka ṭhutna aṭangin ka thawh ka hrelo ,Tetei chu ka pawm kang nawlh a bangah nghet takin ka nawr bet chawt a duhthawh takin ka fawp nghal tawn tawn a, ka dim lo hle bawk. 

Ka kawngah a bawp nghet takin a khawkherh a ,ka kut hlai zetin a mal tereuh te ah ka vuan ve thung .Kan infawh karlakah a awm bawr chu duhthawh takin ka fawp nghal tawn tawn a, hetiang hian awmdun ṭhin mahila sex erawh kan la hmang lo chupawh Tete in min dan ṭhin avangin .

" Tete min dang rawh " tiin ka ngen ringawt , min dan loh chuan ka insum thei tawh lo .

" nilo , heihi ka duh thu ngei a ni " ka beng bulah chuan a rawn ti lum ham ham a ,chu chuan min ti phur nasa hle.

Ngawi rengin Tetei chuan min dan a hnekin min rawn ṭham sak a ,rang takin ka kawnghren ka phelh a a taksa a ka luh rual chuan nghet takin min rawn kuah nghal vawng vawng a ,ka nghawngah a kut in min ṭham hrawk bawk .

" a na viau em ?" 

" umm...mahse tawp suh " 

" ka hmangaih che , ka hmangaih che tih hi hre reng rawh " tiin ka hnem reng a ,ka rilru tak tak a ni ka sawi .

Kan pahnih a kan zawh chuan kan vawikhatna ve ve a ni bawka a dan a dang zar.

" Tete..." A kut tereuhte ah chuan nghet takin ka chelh a ,a kun tlat thung. 

" innei ang " ka tih chuan mak tih hmel takin min rawn melh kawk a, ka thil sawi hi ka ti mai mai lo .

"I inthiam lo em ni ? Keichuan inchhirna ka nei lo ,ka duh reng vang a nih kha "a ti sap a , min hmangaih avangin a thianghlimna min hlan tawh a keipawh in kalsan ka tum lo bur.

" ka ...ka nupui ni la ka duh , tuna kan thil tih vang kha nilo in " 

" mahse tunah nilo, M. Pharm ka zawh hun thleng min nghak thei angem? " a tih chuan ka khi suk a ,a chalah ka han fawp zeuh a ," i in peih hun thleng ka nghak ang che , engtik ah mah ka kalsan ngai lovang che " 

"Mahse hmeichhe dang ...." 

" Shhh...." Duat takin a sam ah ka chul a ," Hmeichhe dang angin i hnute emaw i mawng a len kher angai lo , nangmah hi ka duh che a midang tumah ka duh lo " 

" ka hmangaih che ...min kalsan miah suh " nghet takin min rawn kuah a ,he hmeichhia hi ka hmangaih takzet a ,engtik ah mah ka kalsan ngai lovang .

Kan thil tih kha a dik lo tih ka hria , a thlen nawn leh pawh ka duh lo .Âtthlak tak taka a chet chang te , chhan hriat lova min thinrim khum ringawt chang te , awmze nei lova min nawr vak pawhin ka dawh zel thei .Mi khirh , mi buaithlak pawh min ti mahse Tetei bulah hi chuan mi tih awl ber ka ni leh ṭhin. 

Tetei's POV

Intern ka zawh chuan M. pharm ka zawm lehna tur ka buaipui nghal char char a ,ka tum dan chuan RIPANS ah ngei zawm thei ila Noel nen pawh kan awm hran angai lovang .

Noel pawh Heart Transplant a ti dawn a, a buai in meeting an nei ve reng a zanah darkar 1 pawh kan in be hman meuh lo .

" Tete...vawiin ah Dr. Noel leh Carine te ka hmu dun leh tawh asin " Zuali rawn leng chuan min hrilh sa sa a ,thik viau mah ila ṭan chhan tur ka nei ve tlat .

" ka sawi tawh kha ...Carine hian Heart transplant an tih lai vawi hnih lai a lo pui tawh a Dr. Noel a pui dawn alawm " 

" ni ve tho mahse ngaihṭha deuh in awm vung vung zel suh " 

Ngaihṭha deuha ka awm nachhan chu Noel an engkim min hrilh vek ṭhin vang a ni , Carine pawh hi ka thik rualin Dr. Noel an a mamawh zia ka hria a ,a kawng daltu nih ka tum lo .

Ka pa in checkup leh a ngaih avangin OPD ah ka kalpui a, Noel erawh a buai em avangin damdawiin a ka kal tur thu ka hrilh lem lo .

"Bawihi ala rei dawn sia i nu damdawi tur kha ilo zuk lei lawk dawn mi niang " ka pa chuan a rawn ti a ,nakinah lei chawp leh ai chuan ka lo aw ve mai a .

Ka nu damdawi lei tur chuan canteen ah pawh kal lovin hospital road lamah ka lei ta zawk a , ka let leh lamah tum loh deuhin Noel leh Carine te inbe mawlh mawlh lai chu ka hmu thut a ,Zuali sawi ai ngawt chuan a taka hmuh ngei hian ka thik zawk .

Rang takin ka phone ka la chhuak a Noel ka call nghal .

" khawiah nge i awm ?" A pick rual rual chuan ka ti nghal thawr a .

" Damdawiin ah " tih chiahin min chhang, MC lamah an kala damdawiin ah a awm awzawng lo.

" I buai em?" In seh ruh ṭeuh chung hian ka ti leh a .

" aw ...nakinah ka rawn be leh ang che" a ti hmak , Carine bula a awm chuan min hmangaih thu pawh a sawi hman meuh lo a nih saw . 

" aw le " tih leh dah ka rual nghal .

Office ah pawh nilo kawng lun lai takah an pahnih in an in bia a chuan ka buai a ti amaw ? Hah... Awlsam takin min bum theih a inring emawni le.

Nilo , hetiang hian ka ngaihtuah tur a ni lo Carine nen chuan an hna thil bak an sawi lovang tih ten ka han inthiam chawp leh rih ṭhin .Ka thinlung peng khat hian Noel hi a ring tlat a chu chuan tun thlengin dawhthei takin min la awm tir theih phah .

Ngaih kawih duh chuan ngaihkawih tur tamtak a awm , kan inbe khat in a hma angin chanchin min hrilh tawh ngai lova kan inhmuh khat em em laiin Carine nen erawh hmuh dun tur an awm reng thung mahse chutichung pawh chuan hna thil ah an inbiak ka la ring fan tho .

Kan thla rukna a ni bawka Noel offday alo ni lehzel bawk nen an inah va surprise ka tum a ,karkhat lai kan inhmu tawh lo a ka hmu chak tawh takzet .

" Pen pakhat lek hi i va lei to em em ve " Muani chuan Noel ka pek tur pen chu min lo sawisel sak bai bai a , pen pakhat Rs800 a lei chu a na ve bawk em a tin ni .

" engmah ka pe ngai lova a duhzawng tak phei chu ka lei zo lovang " 

" pe lo mai rawh , i pen man khan thil ei daih ila " 

" kal mai teh " tih pahin a chalah ka chhu fawk a , idea uih tak tak hi a rawn nei ziah lehnghal.

" I duh ve ngawt mai , in nei vat teh u... kha ni ru...ni ru.." Tih hluk hluk pahin phone min khawih san leh daih. 

Vawiin chu a buai bawk aniang kan 6th monthsary pawh a theihnghilh phah hial alawm mahse tun ṭum chu ka ngaidam ang a thawkrim emai.

Bus in Ramhlun N ah ka kal vang vang a, chuan chhung a rei duh ngat ngat khawp mai .

Noel te in ka thlen chuan a ui te pahnih kha an lo awm lo hlauh ,tun thlengin ka la hlau chu a nih hi. 

Nidang ang bawkin alo reh leh ṭhap tawh mahse ka kal ngun tawh a ka tlanel tawh in ka zakzum vak tawh lo .

" Noel a awm em?" An nula chu ka zawt a .

" Inchungah a awm in ka hria " 

" ka han kal ange " nuih ver ver pahin Noel room lam chu ka pan nghal a.

Room kawngkhar ka hawng chiah chu Carine nen khuma an lo ṭhu dun lai ka hmuh chuan ka nui tawp hmak a ka thil ken chhuatah ka thlauh nghal!!

" Tete ..." Min rawn hmuh rual chuan a ti sap a ,min hmuh a inring bik lo aniang min hmu chu mak a tih hmel takzet .

Rang lutuk in step ah ka tlan thla nghal hlawk hlawk a , khatiang thil kha ala thlen tur thu Zualin min hrilh mawlh mawlh reng a mahse Noel ka rin em avangin ka awih duh lo zela mahse ka rinna chuan min ti na leh ta a nih hi .

Carine nen an inzui tih ka hmuh khan ringhlel tawh tur ka ni asin, an ni pahnih ka ngaihtuah avanga zan ka mut theih loh lai te , Noel ring tura ka inhrilh lai te kha ka ngaihtuah let a, ngatinge ka ât em em mai le ? 

Mi rinawm a ni lo mi dawheh a nih hi .

" ding rawh " Noel chuan min pawt let nghal dawrh a ,a kut ka thing thla nghal .

" min khawih hlek suh , ka ten lutuk che " ka ti vin nghal hlar a ,ka au lek lek zawk .

" Ngatinge hetiang hian i awm ?" 

"Maw!! Hun rei tak chhung i buai reng a biak pawh min be ṭha hman ngai lo ,min hmu turin i rawn kal ngai bawk hek lo chuan tunah Carine nen in awmdun leh a chutichung chuan hetianga ka awm chhan hi min zawt amaw?" 

" Carine nen kan inkarah engmah a awm lo " 

" hna bak a awm lo tiraw ? Ni e ...tunah pawh khan hna chuchang in sawi ang " tih pahin ka nui lui sak a ," keichuan ka thil hriat nilovin ka thil hmuh apiang ka ring tawh dawn " 

" Tete ...hetiang hian awm suh, hetah eng nge i rawn tih ? " 

" Vawiin ni hi kan thla rukna a ni tih pawh i hre tawp nang ,Ni e...engtin nge i hriat reng ang Carine nen in buai em lawm ....ka lo â takzet , Noel engvangin nge min bum ?" Ka ti chhuak tawl , ka thinrim lutuk hi ka puakkeh mai dawn in ka hria. 

" ka la theihnghilh reng reng lo , tlaiah meeting zawh veleh rawn kal ka tum alawm " in sawifiah ngial mahse ka awih tawh dawn lo. 

" Hahh...meeting? " dan ka tum tehlul nen ka mittui chu a rawn far fap a ," In meeting phiangsen chu zo mawlh teh u ,ka hua che ..." ka zungbun bun lai chu ka phelh sawk sawk a ," in ṭhen ang " tih pahin a awmah ka vawm pawp a ,engmah a sawi hma in taxi ah ka lut hmak . Saw mi tenawmpa hmel saw hmuh leh pawh ka duh tawh lo.

Chapter-19

" I've never been so scared of losing something in my entire life , then again nothing in my life has ever meant as much to me as you do "

Noel nen kan inṭhen na pawh karhnih lai a ni ta ! Ig , Facebook , whatsapp leh a block theihna apiangah ka block vek a ,Carine nen an buai bawka kan inhmu leh tawh lo hrim hrim. 

Mi rilru lian leh luhlul tih takah vawikhat pawh ka mittui far tir ka tum lo , he mi tenawm pa hian ka mittui hi a phu hlawl lo .Nidanga ka nunphung ang chiahin engmah thleng lo ang hmak in ka awm a ,ṭhiante zingah pawh tuar angin ka awm ngai lo mahse keimah chauha ka awm veleh thil kaltawh chu ka ngaihtuah let ngut ngut ṭhin a ,pawn lamah tilang lo mahila chhungril ah ka na ngawih ngawih thung. 

" Nanghi i van tawrh loh hmel tak " Zuali chuan min ti bawng bawng a , phone khawih pahin nui lui ver ver chung hian ," Tawrhna chhan tur ka nei hleinem " ka lo ti hmak .

" Carine chu awmlo se in la ni reng ang mawle " 

" A nihna diktak ka hre tawh a kan inṭhen hi ka lawm zawk , kawp nih ka duh teuh lo " 

" Dr. Noel hian a tuar ve angem le ?" A rawn ti leh a , kei ngei pawh hian ka hre chak mahse a awmdan aṭang khan a tuar hauh lovang chu chuan min ti na takzet , a thinlung ah hmun pakhat tal chu chang ve ila ka ti takzet . 

" ka buaina tur a awmlo , uNathan an min rawn bia a nih hi " phone kheuh nuap nuap pah chuan ka ti zui zat a , Zuali erawh in ka tuar vak lo hi min lawmpui hle thung. 

Mipa ka tawn ve apiangte hian min chhaihkual bik reng mai chu a nih hi .Zomuansang harhchhuah a hun tawh .

UNathan hian Zuali aṭangin kan inṭhen tih alo hria a chutaṭang chuan min hnem tumin min rawn be char char ṭhin, kan inah pawh a rawn leng ngun malh malh khawp mai. Keipawh in tumah be lova indawm kun ngawih ngawih ai chuan ka rilru lak pen nan ṭha takin ka lo be ve mai bawk.

UNathan an RIPANS ah ka Mpharm tih leh na tur application min thehluh pui a ,haw lamah Chopstyx Restaurant ah thil ei turin kan inzui lut a mahse rin loh lutuk in Noel leh Carine te pahnih chu ka va hmu thut !! 

Ka ding nghal chawt a Noel pawhin min rawn hmu ve nghal , min hmu thut chu mak a tih hmel takzet !! An pahnih chauh nilo in vai pahnih leh hmeichhe pakhat pawh a tel ve.

Kan inṭhen hnua kan vawikhat inhmuh lehna a ni a ,rin ang ngeiin Carine nen an lo awm dun leh tawh. Ka inti paukhauh viau emaw ka tih laiin ka thinlung hi vih sawk sawk ang mai hian a rawn na nghal zawk zawk .

" Hmun dangah kan kal mai dawn em ni ?" uNathan chuan a rawn ti nghal vat a mahse Noel vang ringawt a inhnuhdawh ka tum bau lo .

"A ngai lo helai ah hian a tui alawm " hlim ber niawm fahran in ka nui lui vel a , va hmu chiah lo mah ila ka che vel engkim chu min en reng tih ka hre thei .

" Eng nge i ei dawn ? Keichu Schezuan Chow ka duh chuan soup ka duh tel bawk" Ka ṭawng siam siam reng a ,ka rilru a na tih hi ka tilang dawn lo reng reng. 

"Keipawh i ei ang ka lo ei ang " a ngaih a ṭhat loh hmel takzet , ka hlim der tih hi a hrethiam pawh a ni mahna. 

UNathan nen chuan eng eng emaw kan sawi a ,za vak lovah pawh zat hmel deuhin ka nui lui vak vak zel .Noel pawh ka mitsir deuh reng, Vai ho an titi lai te chuan rum zet hian min rawn en kur reng a chu chuan runluih duhna min pe nasa sauh. 

" Toilet ah ka va kal lawk " thil kan ei zawh veleh intih thawven lawk ka duh avangin ka ti ta ringawt a, chhungril ah hian ka tawt up up.

" aw le " 

Toilet-a ka luh rual rual chuan thawk ka la nghal kawk kawk a ,he thil hi ka ti thei tawh thlawt lo . Ka ṭah te hi a chhuak a ṭah hawm hawm pawh ka duh mahse Noel nilovin keimah bawk ka na leh dawn chu chu ka thlen tir dawn reng reng lo. 

" Engmah thleng lo angin awm tum hram hram rawh " keimah leh keimah ka inhnem mawlh mawlh a ,theih chu nise Noel leh Carine te pahnih bula va kal a ṭawng khum piap piap ka chak. 

Ka in siam ṭha sawk sawk a ,nuih luih sak pahin hmeichhe toilet aṭang chuan ka chhuak a mahse ka kal tur chu Noel an mipa toilet lamah min pawt lut nghal dawrh a ,kawngka a kalh nghal hmak bawk. 

" min thlah rawh " amah melh kar chungin ka ti vin nghal hlar .

Ka ban puamah nghet takin min vuan a , a rim ,a khawihte leh a engkim mai hi ka ngai takzet amah hi ka thlahelh ngawih ngawih .

" inbe lawk ang " a ti vawt raih a ,a aw pa lutuk leh thum dut mai pawh hi a zûn a uaina tham .

" sawi tur engmah kan nei lo " tih pahin a kut chu ka vaithla nghal pawp a mahse a ngaihdan alo ni lo ngang mai.

" Inbia ang ka tih chu " min vin nghal tuarh a ,bangah min nam bet chawt a a thinrim lutuk chuan bang a beng ri nghal bur bawk .

Ka phu chiang kher mai !

Ka meng bial nghal kawk a , a thinrim lutuk hmel ka hmuh hian ka hlau letling zawk !! Hetiang em ema a thinrim lai hi ka la hmu ngai lo .

" min nawr lui miah suh " chiang zet hian min melh kalh a, a rawn kun hnai bawka a thaw lum ham ham pawh ka hre thei. 

"Heihi hre reng rawh Carine nen kan inkarah engmah a awm lo " chiang fiah kelh kawlh in a sawi a mahse ka la thutak duh lo .

" hahh...dawt min hrilh thei ani maithei mahse ka thil hmuh erawh dawt a ni ve lo" ka ti ve hmak , ka zam dawn bik reng reng lo .Min chhaih kual hnem tawh bawka min tih nat dan ang chiah hian tih nat ve ka duh .

" min ring rawh , engmah ...." 

" kan pahnih inkar hi a tawp vek tawh , i tel lo pawh hian ka awm thei min rawn tibuai tawh suh " tiin ka lo pawtchat nghal vat a ,a thinrim a sosang phah hle .

Na zet in a kut khingkhat in ka biang lehlam lehlamah a sawk tawk a , min kuai dak vah bawk .

" ka tello in i awm thei tih hi sawi tawh ngai suh ang che" a ti sup a , duhthawh zet hian min rawn fawp nghal tawn tawn a ka theihpatawp in a awmah ka lo nam ṭang ṭang thung. 

Thil hrechhuak thut niawm takin min thlah thut a ,a inlak hran rualin a hmaiah ka beng nghal sawk ringawt !!

" ka tihpalh " a ti sap a,a chetdan avang khan a inthiam lo lehnghal .

"Ka hmuh theih ah awm tawh suh " 

" nawr luih che kha ka tum dan a ni lo " a hmai chu a kutpahnih in a han tuai thuak a, a inchhir hmel hi hmuh a hrehawm takzet .

" Hma lam ka pan tawh , Carine nen in in karah thil a awm leh awm loh ka pawisa tawh lo " tih pahin kawngka chu ka hawng rawk rawk a ,ka kal nghal vang vang .

Diktak chuan Noel lakah ka thikthu a chhia in ka huat a ho thei em em a tunah pawh ala danglam chuang lo .A ni hi ka thinlung zawng zawng in ka hmangaih takzet mahse na nawn reng turin chakna ka nei tawh lo .

" Tete i va rei em em ve ?" UNathan chuan min lo zawt nghal vat a, engmah thleng lo ang hmakin ka awm thung. 

" nia...ka duh aiin ka rei " 

" kan kal tawh dawn mi niang? " 

" aw...aw le " rang takin helai hmun hi chhuahsan ka duh chuan Noel hi hmuh leh ka duh tawh lo . 

UNathan chuan a bike chu a ti nung hlat hlat a ,ka chuan ve hma in Noel bawk chuan min lo dang leh tawh .Ka ban puam ah nghet takin a vuan a ," kal suh " a ti sap ringawt .

Engtik lai khan nge min lo umzui hman pawh ka hre lo ka hriat zawng chu a uang mai mai lova tuna a thil sawi pawh kha a thutak hle tih a mit aṭangin a hriat.

Chhan ka tum zet a mahse Carine a rawn lan ve takah chuan ka rilru ka thlak rang hle .

" min thlah rawh " tih hmuk pahin min vawnna chu ka phelh a ,Noel hmel pawh en lovin bike ah ka chuang hmak .

A ni telin Noel ka ngaihna chu a zual zel a ,a chang phei chuan kan in bulah min lo thlir reng ang tlat te hian ka hre ṭhin. Duh hle e tilo chuan ka chapo na leh luhlul na te hian engahmah ngai lo turin min nawr lui a , ka thinlung in let leh duh mahse nat leh a hlau leh lawi bawk si. 

A chang leh min rawn biak ringin second 10 lek te hi ka han unblock a , a hnu lawkah min rawn biak avang hian ka rilru a let leh ka hlau a ka block leh thul , chutiang reng reng chuan hun ka hmang a thla 1 chu alo liam leh der tawh .

" Ehe...Noel an Heart Transplant kha a zai hlawhtling a nih hi " Muani chuan Vanglaini bih nauh nauh pah chuan a rawn ti chhuak hlawl ringawt .

Mizoramah a vawikhatna a ni bawka Vanglaini hialah a lang hi a awm lo hran lo .

" a ni maw? Hmanni ah pawh zan rei deuh tawh ah min rawn call a ka la duh lo , i chungchang bawk min zawt leh anga" Zuali chuan a ti bai bai a ,ka block miau a ka ṭhiante ho ka chungchang a zawh thu hi ka hre ta fo mai .

" la miah suh ....awlsam deuha let tir min tum a mahse kha lehchen kha ka tuar char char tawh a ,a tawpah ka man chhuak a tlawm deuhin let leh ka tum tawh lo" Noel chungchang kan sawi tawh hi chuan ka in seh ruh ṭun zel .

" i va luhlul tak , an inkarah engmah alo awm lo maithei asin a tirah pawh an project vang chauhin an thawk dun i tih kha " 

" ka mit ngeiin ka hmu alawm " ka ti vin nghal hlur a .

Ka ṭhiante ho pawh Noel lamah an ṭang zo vek tawh mahse ka nat ang hian na ve ta se awlsam deuhin an let bik ka ring lo.

Tlai thim thet thet tawh ah UNathan chuan min la bazar pui a , vawiin chu RIPANS ah entrance ka va in exam na in Mizoram ah luh ka tum tawh lo , hmun dangah awm ila Noel ka hmu ngai tawh lo bawk anga ka move on vat theih ka inring .

" UNathan bus a tlan ṭep rawn hmanhnawh rawh " 

UNathan nen chuan hmanhmawh takin bus ah kan tlan lut a ,ṭhutna la awmah chuan kan ṭhu vat a ,ka chau bawk aniang ka mut a chhuak hlui mai .

" ka darah hian mu rawh " Ka ham bai bai reng takah chuan a dar ben thak thak pah hian a rawn ti a .

" ai, kan thleng vat mai ang " 

" i inthlahrung anih kha " nuih vur vur pahin a darah chuan min bei luih tira , ka chau ve bawk nen ka lo hnial hran lo .

Mi â ka ni bik lova ka laka Nathan rilru put hmang hi ka hria mahse ṭhian ang bakin ka en theih loh thu fiamthu titak deuhin ka hrilh tawh a chutichung pawh chuan ka kiangah a awm reng ṭhin , a chang phei chuan ka ṭhianṭha ber Zuali ai pawhin ka ring zawk. 

Chutia ka bei hle hle lai chuan kan bus chuanna bula car dum ka hmuh rual chuan ka hawi chhuak nghal vat a , a khalh tu hmu hman lo mah ila khatiang car chiah chiah kha Dr. Noel pawn a nei ve .

Urhh...Noel ...Noel ngatinge engtik lai mai pawh hian Noel hlir ka ngaihtuah le ? Ka rilru put hmang hi ka duhlo takzet .

UNathan chu ka nawr luih tlat avangin an veng Khatla ah a chhuk thla hmasa a , bike a keng lo lehnghal a kan veng thleng min thlah tur chuan a inthlahrun awm letling zawk.

Bus stand aṭangin inkhai bawr luai chung hian kan in lam chu ke in ka pan hna hna a ,nichina ka car dum hmuh ang bawk kha kawng sirah ka hmu leh tawh !!

" he car hi ava common tak "

Phun sap in kaltlang ka tum a mahse car aṭang chuan Dr. Noel a rawn chhuak hlawl ringawt !! Nichina ka car hmuh kha a car alo ni reng a ni maw !

Engmah sawi lovin a car ah chuan min nawr lut nghal dawr dawr a ,ka inkhai bawr bakah tum loh deuha hmu thut ka ni bawka ka hamhaih chiang hle . 

" Engthil nge maw i tih le ?" 

" Nathan darah khan engvangin nge i bei ?" Tiin min rawn zawt nghal tuarh a ,min lo hmu reng a ni maw !

"A chhan i hre duh tak tak em ni ?" Ka nui lui ngat a .

" khapa kha hnaih tawh suh ang che " 

Tu ah nge maw a inngaih le ?

" chu chu ka ti thei lo em ni ?" Ngeiawm zet hian ka ti a ,"Engvangin maw ka hnaih lovang ?" Ka ti leh kher.

" a chhanchu ka ta i nih avangin , mipa dang nena hmuh dun cheu hi ka ngaithei lo " 

" khatiang thil sawi thei dinhmun ah khan i ding reng reng lo " 

" thei e , min ṭhen mahla keichuan ka ṭhen ve lo che " a ti hmak , chhan ngaihna pawh ka hre tawh lo. 

" ngawi hmak rawh , ka kham tawh lutuk che " ka ti vin hlar a, car chhung zim te ah chuan duh aiin a ring lek lek .

" Tete... Ka mize ṭhalo lam hi hmuh tur che in min nawr lui hlek suh , khapa kha i hmu leh a nih chuan ka awm mai mai hauh lo ang " a thinrim inhrosa hi ka hlau ther te lo, mahse a thusawi chu a ti tak tak ṭhin tih erawh kei tluka hrechiang an awm lo .

A awmdan leh a ṭawng duhdan avang chuan ka sa hle , hetiang em em hian min hauh ang tih ka ring pha ngai lo. 

Ngawi rengin kawngkhar chu ka hawng rawk rawk a ,ka tlan chhuak nghal nal nal .Hepa hi ka Noel kha a ni tawh lo , ka Noel kha chu mi zaidam leh dawhthei ,ka bulah chuan lungawi lo pawh nise nui vur vur reng ṭhin a ni .

" ka lo pui ang che " ka chhan hma hma in ka thil khai lai chu min rawn chhuhsak a ,min rawn zui tih pawh ka hrelo.

" Ngatinge min rawn zui ?" Ka zawhna pawh chhang lovin a kal daih a ,ka thil lei a khai tlat sia keimah zawkin ka umzui dawr dawr mai.

" mawh? min chhang rawh " tih pahin a kut lehlam zawka a thil khai chu ka pawt sawk a .

" i hmuh ang hian ka pui che " kan in chhang tawk tek tawk khawp mai .

" haw leh rawh " a kut lehlam ami chu laksak leh ka tum a ,mahse a lamah min pawt hnai thut ta zawka , midang an awm lo hlauh. 

" hetiang hian ka hnaih loh na che a rei ta hle mai " a ti chuai raih a , lungngaihna tamtak a pai tel bawk .

"Ngatinge maw thil hi i tih harsat em em mai le ?" Zaidam tak hian a ti a ,Ka sam chu ka bengah a zep a ," ka tihpalh ,engkim avang khan " 

Ka mittui a rawn tling nghal pum mai, nilo khawngaihin tla lo hram rawh ṭap thei dinhmun ah pawh i din loh hi .

Chhang lovin ka inla hrang nghal vat a , kun lap chungin hma lam ka pan lehnghal, a hmel ka hmuh leh chuan ka ṭap thei mai ang .

" ka tihpalh min ngaidam rawh " a rawn ti leh a ,ka ding nghal chawt ringawt.

Ka hawi let a ,rang takin ka appy khai lai pakhat chu ka la chhuak sawk sawk a , a kutah ka hmehbel chawt a angaihna alo hre lo hle .

" leih bawh rawh " mak ti takin min rawn en a ," Leih baw rawh ka tih chu " ka tih leh takah chuan thuawih takin appy chu a leih bua a .

" ka tihpalh tirawh " a ding khawng renga, ka awmdan avang chuan a hamhaih hle.

" ka tihpalh tirawh " ka ti leh a.

" ka tihpalh "ka sawi ang chuan a ti ve leh mai a .

" anih ka tihpalh i tih khan i rut leh thei em? Mawh ! Angai angin i dah let leh thei em?" 

A ngawi renga , a thil tihsual a inhrechhuak pawh a ni mahna ," Noel , ka tihpalh i tih avang khan engmah i siam ṭhat phah lo , engmah hi angai ah a let leh thei tawh lo " ka hawi let rualin ka mittui chu a tla nghal sawk a , ser nung min siam sak tawh a ka tihpalh tih ringawt hian a thai reh thei tawh lo.

1 week later

Ka nu leh pa te chu zan khat riakin kawnpui ah lungphun na ah an kal daih a , ka nau class kal angaih avangin ka awmpui thung, zanin chu Muani nen bawk kan awm leh dawn ta !! 

" Lehkha va zir rawh karleh ah in exam tawh dawn kha " Muani chu Phone khawih chungin nihawichi a chip mial mial renga, ka thusawi hria ang pawhin a awmlo .

" i fail dur chuan i nui lo chiang viau ang " 

" ka zir dawn min lo nawr ve chhen suh " henu tak hi chu , a rilru chak mahse a zir peihlo ve em a tin ni .

" ka pa awmloh lai hian zir ṭeuh tum ta che , a rawn haw hunah chuan kan karaoke leh reng dawn a nia " 

" a awm loh lai tak hian awm thawven ve ka chak alawm , kan exam dawn leh dawn loh pawh hi a ngaihtuah ve lo reng reng " 

" va zir la anih chu " lukham in ka vawm a .

" ninawm " tih pahin a room ah a lut tau nghawng nghawng , ka lo nuih ver ver ringawt .

TV en paha ka mut zal ar ar lai chuan tu emaw hian kawngka a rawn kik dawt dawt a , Muani ṭhiannu Evelyn a nih ka ring nghal. Evelyn hi an exam a hnai tawh hi chuan note copy turin a rawn kal ziah ṭhin. 

Kawngka chu ka va hawn nghal vat a , Evelyn alo ni awzawng lo Dr. Noel chuan min rawn bawh nghal thlawp a , ka tlu ṭep !!

" Hey !!" Tih pahin ka han beng thek thek a zu rim a nam huam lehnghal , hetianga rui hian engtin nge helai hmun thleng thleng a rawn kalh thlen theih zawk . 

" ding rawh , i zak miah nange " couch ah ka ṭhut tir hnawk a , a lian si a rit bawk si min ti hah takzet .

" Noel , harh teh " a rawn meng diar diar a, zu a in ngai si lova engvanga in thut nge maw a nih le ?

" Tete ..." A nui nghal vur vur a , a bula ṭhu turin min pawt pawp ringawt .

" Carine nen kan inkarah engmah a awmlo " tiin a phun char char renga , chu thil pawh chu engvanga vei em em nge a nih ? 

" Tunge a ?" Kan thawmah Muani chu a rawn chhuak a ,Noel a hmuh rual chuan thlarau hmu ang maiin a mengphawk .

" Eng ...eng nge hetah a rawn tih ?" 

" ka hre bik lo , engtin nge hetiang khawpa rui chung hian a rawn thlen theih pawh ka hrelo " tiin ka lo chhang vat a .

" Thla hnih dawn in in ṭhen tawh a let leh i tum tawh miah lo em ni ?" 

" umm..." Ka ti chuai raih a ," zanin chu hetah riak mai rawh se " ka ti ta ringawt a ,hetiang chung hi chuan tir haw chi pawh a ni lo.

" lo buaipui ve tawh mai rawh lehkha ka zir dawn " tih leh a room a luh a rual nghal , unaunu ngaihsam deuh neih te pawh hi ṭhatna mual mual a awm a nih hi .

A thlan nasat em avangin towel huh in ka hrufai a ,a pheikhawk ka phelh sak bawka a bulah ṭhu in ngun takin ka thlir reng ringawt .

A hmel chu a ṭhat ngaiin ala ṭha reng mahse a cher deuh a nih hi ! Ka nu leh pate an awm lo hlauh chu a vannei takzet .

" chaw te i ei ṭha em ? I dam ṭha maw ?" A sam tuai pahin ka phun sap sap a , zep lo chuan ka ngai tawh takzet .

" Carine nen kan inkarah engmah a awm lo " tih bawk chu a khat tawkin a rawn phun leh sup ṭhin a ,tak tak nise ka ti takzet .

" Ngatinge i rawn kal ? Hetianga min zar buai reng te chuan engtin nge ka theihnghilh theih ang che " 

Ka huat rual rual in min ngaihsak turin ka duh a , min ngaihsak leh ka ringhlel a ka awmdan hi ka inhre thiam tawh bik lo .Ka duh ber chu Noel hian tuar let ve se tih chauh hi a ni tawh in ka hria. 

Ka harh chuan couch ah ka lo mu fel than a , nizana Noel ka sin tir kha ka lo sin daih tawh .Rang lutuk in ka ṭhu chhuak a , Noel erawh alo awm tawh lo .

" a haw tawh " Muani chuan a lo ti sam et a , a haw lai pawh ka lo hre lo.

" a ṭhat hlauh chu " min rawn hmasa lova a haw daih chu ka lungawi lo ru takzet .

" hepa hian a hmangaih takzet che tih ka hre thei , let leh pawh ni la i inchhir lovang " Muani takngial pawh a lamah a ṭang tawh a ni maw ? 

" ka â tawh dawn bik lo " 

" i chapo na avangin i let duhlo a nih chuan â ka ti tho che " min ti hmak , teh thlawt a .

Keichuan dik nia ka hriat ka ti mai chauh a ni , Noel pawh Carine bulah a let anga keichu hun han liam deuh se ka rilru na te hi chu a liampui ve mai ang .Third wheel nih reng hi ka tum bik lo. 

Noel's Pov

" ṭhianpa harhchhuak tawh rawh rui reng lovin " 

Rinhlu'an kan ina rawn kal meuh in min rawn zilh .Nia , Tetei nen kan inṭhen aṭang khan ka rilru na te lakpen tumin zu ah ka ṭuan a , thil âtthlak tak tak Tetei chungah ka ti bawka ka rilru ka hlauh zo tawh .

" ka hria " ka thaw hak a ,tui ka lem nghal khawlh khawlh heipawh ka zu in vang bawk. 

" hmeichhe pakhat vang maiin i hna in a tawrh phah a , tuar lo ang deuhin lan tum mah la tupawhin kan hrethiam vek , zu ah i ṭuan ringawt a ...Bro zu i in ngai loh kha " 

" Hrilhfiah ka tum pawhin a hrethiam duh hleinem " 

Kha project avang khan Carine nen kan thawh dun angai a , engtik lai pawhin meeting an ko reng a , zanah damlo taksa zir chian angaih avangin dar 1 thleng ka men angai a mahse Tetei hnena ka thutiam avangin hna thil nilo engmah kan sawi dun ngai lo .

Kan thlaruk tlin ni pawh khan ka theihnghilh reng reng lo, pangpar pawh ka order sa vek meeting a zawh veleh an inah kal ka tum a ni .Meeting a mi tur file pawimawh Carine in a kawl a , Tete'in min rawn hmuh dun pawh khan file min pe turin a rawn kal a minute 5 pawh a awm hman lo tiin Tetein min rawn hmu a angaihdan tur chu ka hrethiam mahse ka insawifiahna erawh ngaithla tur ani asin . 

"Anih chuan pangngai deuhin sawipui la hetianga nangmah leh nangmah inti chhe lo hian " 

" Bro , ka ngai takzet " 

Chu bak sawi tur ka hrelo , henu hi ka ngai a ni.

Carine nena kan inṭhen lai nen kha chuan danglam tak a ni .Tuar angin lang lo mah ila chhungril ah ka tuar . Thil ei reng mahila ka ei a tui lo, rilru lak pen tumin video game te leh futsal te khel mah ila ka tui tak tak thei lo ,a tawpah ka ngaihtuahna aṭanga lakbo ka duh luatah zu ah bawk ka ṭuan leh ṭhin chubak kawng dang ka hre lo. 

"Tetei chuan mipa dang a bel a nang ve zu , ani chu a chhelo tawlh tawlh a nangve hi in en ta che...chaw ei tha la , excer te la rawh indawm kun reng lo khan naktuk pawh mi zai tur i neih kha hrereng rawh" 

Min sawisel nge min fuih pawh ka hrelo . 

Kalna tur lam pawh hrelo in ka car chu ka khalh chhuak a ,Zu ka in loh chuan Tetei ka ngaihtuah reng a ,ka harh chhuah meuh chuan Tetei te in kawtah ka lo awm tawh .

Sana ka en chuan dar 12 a lo pel vu tawh , angai te bawkin car aṭangin Tetei te in chu ka thlir a , ka ngai takzet a tel lovin ka awm thei lo. 

Ka inngaihtuah vung vung lai chuan darthlalang chu Muani hian a rawn kik kerh kerh a , rang takin kawngka ka lo hawn a a rawn ṭhu lut ve nghal .

" I la meng a ni maw?" 

" rawn kal tawh suh ka tih che kha " 

Nia, ka mu theilo hi tun ang hun velah hian ka kal ṭhin a , khawvar dawnah ka haw leh mai ṭhin. 

" min dang thei lovang " 

"Tetei hi a rawn let tawh dawn lo, tunah pawh Bangalore ah Mpharm zawm a tum a application pawh a thehlut vek tawh " 

" maw !" Hei zet chuan min ṭhawng chiang hle !

" a rilru i hliam sak a keipawh ka ngawi mai mai dawn lo , ka û rilru ti na tu apiang chu ka zuah bik lovang " Muani chuan min vau ti tih tawh , mahse Tetei hian kei chauh hi min duh tih ka hria ka kaltir mai mai lovang .

" i û hi ka nei let leh dawn " inring tawk tak hian ka ti a ," ka hnenah a rawn let leh ngei bawk ang " 

Chapter-20

"I never knew you could experience hell on earth until I lost the one angel that brought me heaven on earth."

Tetei ka hmuh theih dan awmchhun chu an venga kal a ni, a tawpah tum lawk lo deuh in ka kal leh nge nge ṭhin.

An in aṭanga hla deuh takah car ka ti ding a , nidang ang bawkin vawiin chu ka hmu leh dawn lo a nih hi.

Minute 20 vel ka din hnu chuan beidawng takin ka in turn a , rei ka tlan hma in Tetei dawr aṭanga rawn chhuak chiah chu ka tlat pel fua a, ka hmuh rualin car brake ka rap nghal tuarh .

Kawng sirah car ka hung fel te te a , ka umzui nghal .Ka hmuh fuh tawh hi chuan be lova kal tir ka tum lo .

" Tete.."

A kutah ka vuan a , min hmuh chuan a meng bial kawk a , khua ala eng a veivak an awm avangin nidang angin a ṭang ṭuk lo. 

" Eng nge hetah i rawn tih ?" 

" hmu tur che in " 

" rawn kal tawh suh ka tih che kha " hma lam panin a pen hlawk hlawk a ,ka zui ve zel .

" kal suh , hmun dangah kal suh " 

" eng chungchang nge i sawi ?" A tih chuan ka pawt ding leh a," Hmun dangah Mpharm zawm suh " ka rilru a awm chu ka sawitlang nghal , zep ṭit ṭet hi ka thiam ve lo .

" Muanin alo hrilh leh tawh che a ni maw ! Enteh intih buai ka duh tawh lo , min kalsan tawh rawh " thinrim miah lovin min chhang a ,khaw ên lai chuan a zia a dang khawp mai .

"Hmun dangah awm suh , chu chauh chu ka ngen che " tlawm hi ka pawisa tawh lo hmun danga a awm loh na tur a nih dawn phawt chuan.

" min rawn ngaihsak duh tawh suh Carine nen in inkar ah tlakzeh ka duh tawh lo " tih pahin inchhungah a lut daih a ,ka ṭawng ve hma in kawngka a khar hmak .

Hreptak chuan ! Lo ngai reng mah rawh , min duh a ni tih ka hriat chhung chuan ka kalsan lovang che. 

" phiangsen chuan " 

Ka thinrim chuan ka bula lungte chu ka chhuih pawp a , beidawng takin ka let leh hna hna a .
_____________________________________

Vawiin ah mi pahnih ka zai tawh a, zaipui a ni ve ve a ka chau in ka dar te hi a kham erh urh tawh. Operation room aṭanga ka chhuah veleh inthlak hmasa lovin ka phone ka bih nghal chat , mi ka zai dawn leh ka zai zawh apiangin Tetei ka call loh leh message ka thawn ṭhin a,min block hnuah pawh engtik ni ah emaw a hmuh takin tiin ka la thawn fan tho.

" Dr. Noel zanin chu dinner kan ei ho dawn mi niang kan zai hlawhtlin lawm nan " Dr. Sanjoy chuan min rawn sawm a , dar8 a ri tawh a ina chaw ei chawp leh ai chuan ei ho chu a ṭha zawk .

" ok, kan inthlak vat ange " 

Mi kan zai hlawhtlin apiang hian kan lawm ṭhin a hun rei tak chhung chu lawmna ah pawh ka kal tawh lo , keimah chauha awm ka duh zawk avangin .

Surgeon dangte nen zanriah kan kil ho a ,kan ti let let a kan ei kham meuh chuan dar 10 a pel tawh .

Inah haw tlang ta mai lo chuan Mission Veng lamah ka inkhalh phei vuah vuah a , zandang ang bawkin ka mu thei leh dawn lo tih ka hria. Reilote Tetei te in ka thlir leh phawt anga ,ka hahdam phah mahna. 

Car aṭangin an in chu ka thlir reng a , ṭhut mai mai pahin ka beer can ah chu ka la chhuak a , ka taksa chau lutuk tih ziaawm nan ka han lem khawlh khawlh a .

Let leh ka tum rilru lai chuan rin loh deuh maiin a vawikhat nan Tetei chu a rawn chhuak hlawl ,dar zat ka en vat a engvanga rawn chhuak thut nge a nih ?

Ka hmuh rual rual chuan car aṭangin ka chhuak vat a , patling hlam sawm vela hla ah chuan ka ding a .

" I la mu nange ?" A hriat tawk lek hian ka zawt a , min luhsan leh daih erawh ka hlau khawp mai. 

" umm..." 

" a vawt si ngatinge i rawn chhuah ?" 

" Muan'in zanah i rawn kal ṭhin thu min hrilh a ,ka lo nghak che" a thusawi chuan min ṭhawn rualin min ti hlim hle.

"Nangpawh i chau awm sia ngatinge i rawn kal ?" A mittui chu a tling nghal pam a ," haw tawh rawh , ka tan engmah i ni tawh lo " a insut hraih a. 

Ngawi rengin Tetei chu ka en reng a , a tih dan ang chiahin ka beer ken lai chu lei ah ka leih bua a , ka awmdan chu ngun takin min lo thlir a. 

" I tel lo chuan hetiang ang mai hi ka ni " tih pahin ka beer leihbuak chu ka kawk a ," ruh khawm theih loh khawpin ka kehchhia a ka ral mek chu a nih hi , ka hman tlak lova he beer ang mai hian awmzia ka nei lo ...ka tan chuan ka engkim i ni " ka ti chuai raih a , ka engkim takzet zet a ni tawh .

"I hria em ? I tello chuan ka hlim bik lo asin " muang changin min rawn pan hnai a ,"thil thleng avang leh i chunga ka chetdan avang khan min ngaidam rawh"tih pahin min rawn kuah nghal thlawp a , keipawhin nghet takin ka kuah tlat , a engkim mai hi ka ngai tawh takzet .

" mimawl pa tikha chuan ka hlut zia i hre tawh ang chu , tiangkhan awm tawh miah suh" a tih chuan ka khi suk a , a tellova ka hlim loh zia leh ka tan a hlut zia ka hrechhuak chiang hle. 

"engtik lai mahin ka rinawm loh san ngai lo che , second tin in ka ngaihtuah ziah zawk che asin" duhthawh takin ka fawp nghal tawn tawn a , engtik ah mah ka kaltir leh tawh ngai lovang. 

A kut tereuhte chu ka dawm a ,ka ipte aṭang chuan a zungbun min vawmna kha ka phawrh a .

" phelh tawh suh ang che " zungbun chu ka bun tir a.

" ka hmangaih che " tih pahin ṭap chungin min kuah nghal vawng vawng a .

★Tetei's POV★

15 months later 

Noel nen pawh kum hnih dawn kan lo inkawp ve ta reng mai , tum lawk ang chiahin RIPANS ah Mpharm ka zawm a tunah chuan final year (2nd year) ka zir leh der tawh , hun hi a kal chak takzet . 

A hma ang bawkin Noel chu ala luck malh malh hle , Carine pawhin ala tibuai reng a mahse kei lo chu hmeichhe dang a duh tak tak lo tih ka hre tawh bawka in ṭhen na khawpin kan in tibuai tawh ngai lo. 



" Ka rawn thleng ṭep tawh " min nghak rei tawh lutuk a min hauh leh hma in phone chu ka dah hmak a ,a thinrim leh viau ang .

Vawiin hi Valentines day te a ni ve sia , a buai viau na in hun a insiam hram hram a chutichung pawh chuan ka la tlai hram.

" Hi !!" 

Engmah thleng lo niawm fahranin car-ah ka ṭhu lut a , chak zetin a tlan chhuak nghal .

" min fawp dawn lo em ni ?" A ngawih reng avang chuan ka tilui ngat a ,thinrim viau mahse ngawi rengin min rawn fawp zeuh a. 

" Nui ve tawh teh , ila thinrim em ni ?" 

" Darkar 2 ka nghak che " a ti hmuk ringawt .

Lalpa leh!! Alo chhinchhiah thlap a ni maw , ka insiam rei lutuk a ka tlai phah vek alawm. 

" Heng thil zozai hi eng nge ?" Seat hnung lama gift chi hrang hrang dahkhawm chu ka kawk a .

" ka dawn a nih kha " 

A thawhpui hmeichhia ho in an lo pe leh tawh a ni maw ! Bialnu a nei tih an hrereng sia ngatinge an pek zel le ? 

" i lo hnawl miah lo em ni? Ngatinge thil hi i dawn renga ?" Ka sa nghal up up mai , lo hnar ve tal tur a nia .

" Perfume tih vel ania i duh ka ringa " 

Nia ...nia a thil dawn ho hi keimah zawk zawk hian ka lo duh ṭhin tih chu ka hria mahse ka duh aiin hengho hi an ngampa mah mah .

" duh lo..duh lo , midang thil pek la tawh ngai miah suh " 

" aw le " thuawi deuh chuan a ti ve mai a .

" Kha i thil tur " lungngawi lo viau mah ila vawiin chu kan day ve ania , thinrimna hun pawh a ni lo. 

" Eng nge ?" 

" hawng la , vat ..." ka nawr sek avang chuan motor khalh chung chuan a hawng a , sana a phawrh chhuah rual chuan mak ti takin min rawn en ha a, a sana duh ber a ni miau a a hmu thut chu a awi bik lo aniang .

Ni e, tun ṭum chu sana ka pe ve ngei .Ka drug lisence midang ka hawh tir a hna thawk lo pawhin thla tin hlawh ka nei tho a , ka inkhawl thei lutuk tlat .

" ka lawm e " ka chalah a rawn fawp zeuh a , a lawm zia ti lang chiam thiam lo mahse a thinlung takin a lawm tih ka hre thei .

A sana bun lai chu a phelh hmak a ,ka sana pek thar bun pah chuan," i hnungah khan i thil tur a awm " a ti sup a.

" maw ? Khawiah ?" 

Ka hnung lam seat chu ka va bih dek dek a , white Lily bouquet leh paper bag nalh deuh mai hi a lo awm a , nuih ver ver pahin a pahnih chuan ka la phei a .

Lily var ka hmuh ringawt pawh hian ka lawm tawk em em tho .Phur takin paper bag-a a thil dah ho chu pakhat te te in ka la chhuak a .

A hmasa berah chocolate ka la chhuak a , a dawt ah Huda lipstick ka phawrh chhuak leh a ,ka lawm lutuk hi ka au chhuak lo chauh ka thil ngainat ho hi alo hrechiang hle a nih dawn hi. 

Pakhat ala awm cheu a tawp berah Got7 album ka phawrh chhuak hlawl mai !! Ka insum hman lo ka ṭe ṭhawt ringawt !!

" ka awih thei lo , a tak tak a ni em ?" Ka ti nghal chul a , ka kutah ka kut ngeiah Got7 ho album a awm thei hi ka la awih thei lo .

" ka lawm e ...ka lawm e " a motor khalh lai pawh ngaihtuah lovin ka va kuah nghal bawrh bawrh a , a nuih alo za ngang mai .

Engtin nge ka thil duh apiang hi a hriat zel theih zawk ? Valentine's day gift ṭha ber ala ni hial ang .

Inngaizawng dangte ang tho in hun hlimawm tak kan hmang dun a , mi buai thei tak kan ni ve ve a kan awm dun tawh hi chuan a nuam thei ang bera hman kan tum tlat ṭhin .Vawiin lo hi chu kar khat dawn te kan inhmu lo leh anga kan am dun ham ham hle .

Kan in pheina kawngah chuan in kai rialin ke in kan phei dun chhat chhat a , kan hun hman chhung kha a rei lo riau in ka hria tunah min thlah leh der tawh .

" Nizanah ka mumangah ka hmu che asin " ka ti sap a .

" Engtin ?" 

" kan lo innei a ,tuxedo suit nen min lo nghak a i hmelṭhat zia chu ka tuiral lo chauh mahse Muanin min rawn kaitho daih a " tih pahin ka ner nang a .

" kan in nei ṭep tawh alawm "min kai nghet sauh a .

Ni e , Mpharm ka zawh veleh inneih kan tum ruh hle .Kan hma hun pawh kan sawi dun nasa thei khawp mai, hna dang thawh pahin ka drug lisence in damdawi dawr ka hawng anga chutah chuan Noel an clinic a hawng ve thung anga tih te thlengin kan sawi dun vek tawh , fa neih zat tur thlengin kan sawi nasa ṭhin khawp mai. 

" nia ...ding lawk teh " ka pawt ding thut a, a sang bawka a thla in min hliah khur mai .

" min han en lawk teh a hma aiin ka lang ṭha sawt em?" Ka tih chuan min en ha a ," i ngai reng " alo ti sam et ringawt .

" naa...an sawi dan chuan streetlight hnuaiah chuan hmelṭhat a awl an tia " ka ti bai bai a , ka lang ṭha sawt lo chu a ho zo vek .

" lo che suh " a tih chuan min rawn fawp dawn emaw tiin ka meng bial hman mahse ka mithmul lem vuah chu a rawn pawtthla pawp ringawt ,ka mit vun a pawt tel lehnghal a na lutuk a ka mittui a tla sawk thei .

" eng nge?" Ka ti vin nghal hlar a .

" a tla ṭep a ,ka pawtthla law law a nih kha " ala ti zui !! 

Hepa bula awm tawh hi chuan a romantic theih loh reng reng , min ti zak ve ziah .

___________________________________

Inrinni a ni bawka Noel alo chau bawk nen chhuah ai chuan tiin an inah ka va leng ta zawk a , ka tih loh dan pawh a ni lova zah nachhan tur ka nei tawh lo .

" Tete...hei pawh hi keng chho nghal rawh " Noel nu chuan eitur chu tray ah a dah nghal mawlh mawlh a .

" aw le " 

" heihi ei zawh tir vek rawh aw , tunlai chu a chau lutuk a vawiin ah pawh mi zaitur a nei lehnghal "

" a ei zo vek em em ang ,a thawk rim leh lutuk a a taksa in a zo lo ang tih ka hlau " ka lo ti ve bawka .

Damdawiin chu sawiloh a clinic nen a kawp angai a , a chau chung chung pawha min hmu tura ala rawn kal hram hram thei hi a mak tawh zawk .

" nangman i hrilh chuan a awi em em ang , enteh ...a hmuh loh hlek che chuan a ngai thei lutuk che asin , i rawn kal thei hlauh chu a tihzia  " a ti siam siam a , Noel chanchin leh awmdan hi chu a nu aṭang pawhin hriatbelh tamtak ka neih phah .

Noel room ka luh chuan alo in siam fel vek tawh a , dar 3 aṭangin a duty dawn a min thlah ala ngai bawk nen hun kan ngah tawh lo hle .

" i kal hma in heihi ei phawt rawh " tih pahin dawhkanah oatmeal a nu siamsa chu ka dah a .

"Ka nu in a rawn ken chhoh tir che a ni maw ? Oatmeal hi ka ngaina lo " 

" umm...i ei zawh tho tho angai " ka ti ve tlat .

" ka ei zo ang mahse eng nge ka lawmman tur " tih pahin a malchungah min ṭhut tir a, ka thawh daih loh nan nghet takin min kuah tlat bawk .

" naute " ka tih chuan a mithmul chu a kan ak a ," kan inneih hunah " tih leh pahin ka nuih vak vak a , min rawn fawp thut ringawt .

" Tete ka room hi chei ṭhat tir ka tum a engtin nge ka chei ang ?" tiin min rawn zawt a ka lo phur ngang mai .

" umm...light tamtawk dah la chuan LED light tamtawk nen " Noel hian room thim khep khup hi a ngaina a mahse keichu ka ni ve lo , a eng thei ang ber ka duh.

" aw le ,anih chuan i rawn awm ve vat angai dawn a nih chu...kan room ah hian eng nge kan dah belh ang " ka darah a khabe a rawn nghat a , nghet takin min kuah tlat bawk . 

" a zau tho sia ka walk in closet tur kan dah belh anga " fiamthu hian ka tia , alo la thutak ngang mai .

" tehreng mai, chuan a dang ..." 

" Aaa...ei phawt rawh kan tlai dawn , nakinah kan la sawi leh dawn nia " ka ti daih a , a lo ner nang ringawt.

Noel a zun lai chuan nghah pahin a lehkhabu ho chu ka lo en vel mai mai a ,ka project atana ka mamawh tur ho pawh ka hmu nual nakinah ka la hawh sak ang . 

Shelf chunglama a lehkhabu dah pakhat chu lak chhuah leh ka han tum a mahse lehkhabu rit leh chhah zet pathum hian ka lu ah a rawn tlak pawp ringawt !! Ka lu a hai chhawlh thei. 

Ava chetchhiat theih tak em !! 

Car a ka chuan lai chuan ka lu chu ka tuai chhen a , a pawng pur hian ka hria .

" i ṭha maw ?" 

" aw ...nichinah lehkhabu in min tlak a , ka lu a ti na vek alawm hei a pawng vek " tih pahin ka nui hak a , che chhia min ti leh ngawt ang .

" fimkhur tawh rawh " tih pahin ka lu chu a rawn tuai a , min ngaihsak viau hi chuan lo inlak naute te pawh hi a awl.

Hmanhmawh viau mahse in thleng min thlah thlap a , a chang chuan ka inthiam lo lek lek ṭhin , ka ti buai mah mah te hian ka hria .

" ka zai zawh veleh zanah ka rawn kal ang " ka hmuiah a rawn fawp zeuh a ,midang awm leh awm loh pawh a ngaihtuah lo .

" zai hlawhtling ngei ang che , ka lo ṭawngtai pui reng che nia " 

Crash Landing on You a mi ang khan ka kawr ipte aṭangin ka kut ka la chhuak a , a hma ah tak Heart sign angin ka kut chu ka ti pir va a ," ka hmangaih che, ka lo nghak reng ang che " ka ti zui zat bawk .

" keipawh ka hmangaih che " tih pahin nghet takin min rawn kuah leh a , ngatinge pawh ka hrelo Noel hi ka ngai thar riau in ka hria. 

" ka ngai lutuk che , heihi nakinah i en dawn nia " tih pahin a ipte ah lehkha them hi ka thun lut a ," ka lo nghak reng ang che " ka ti leh sap a , min rawn nuih vur vur pahin a tlan chhuak nghal bawk .

Noel's POV

Operation kan zawh meuh chuan dar 9 alo ri dawn tawh ,darkar 7 lai zai nan hun kan hmang a ka chau lehpek hle mahse Tetei ka hmuh chuan ka dam leh sawng sawng mai ang .

Ka inthlak hma in ka phone chu ka en leh te te phawt a Muani miscall 12 lai alo awm !! 

Ka call let hma in a message chu ka hawng phawt a ,ka thil dawn chuan min ṭhawng chiang hle.

Tetei a tluk thut thu leh Civil hospital ah khum a awm loh avangin Ebenezer Hospital-a a awm thu te chu alo ni a , ka inthlak sawk sawk a Ebenezer Medical Center lam panin ka inkhalh chhuak nghal. 

Ebenezer Hospital ka thleng chuan rang takin ka tlan cho nghal a , ka mangang hle .

" Tetei chu khawiah nge a awm ?" Muani ka hmuh rual rual chuan ka zawt a , ka hah lutuk hi ka ding ngil hlei thei lo, ka thaw hlawp hlawp reng a .

" Tunah ICU ah a awm mek , Doctor sawi dan chuan coma in a awm a tia " a mittui chu a tla nghal zung zung a. 

Enga !! Coma a !

" coma-a a awm chhan an sawi tawh em?"tiin ka zawt leh a . 

" Tunah Test leh CT scan an ti meka , a result erawh min la hrilh lo " 

" Engtin nge a awm ? A chesual em ni ?" Hriat vek ka duh avangin ka zawt chik hle.

" ai , tlaia a rawn haw kha a nawmsam loh thu a sawi renga , a luak bawka mahse a hnu lawkah a tlu thut ringawt . Civil hospital ah khum alo awm lova LRM hospital ah kan kal leh a chutah pawh chuan khum alo awm lo leh a , hetah kan kalpui ta ringawt a nih hi " 

Tetei hmu lo mah ila hetianga a awm nachhan tur hi chhan tamtak a awm mahse test result ka hmuh phawt loh chuan engmah thutlukna ka siam duh lo. 

Ka thawhna hmun anih miau loh avangin ka duh hun hun ah ka lut tawp thei lova , doctor in luh a phal hun nghakin ka vei tawn sek a ka ṭhu hle hle thei lo .

Chutia rilru hah taka ka awm lai chuan ka ipte a lehkha them chu ka zuk dap fuh a ,Tetei dah kha a ni tih ka hre nghal .

Ka thlan tui chu ka kutin ka tuai thuak a , thinphu dep dep chunga ka hawn nak chuan * I Love you 3000 * tih hi alo inziak a.

" Noel ..." Tetei pa in min rawn koh rual chuan lehkha them chu ka ak ṭha lehnghal.

" Doctor in pakhat luh a phal tawh a nang thil chinchang hre deuh ah i va lut dawn mi niang ?" Tiin min rawn râwn a , Tetei ka hmuh chak rual rual in coma-a a awm lai hmuh chu ka hreh hle. 

" Noel nang i ni maw ?" Tetei doctor chu kan senior ,ka hmelhriat a lo ni lehnghal a ka thawveng deuh huai .

Tetei awmna room ka luh rual chuan ventilator hmanga alo thaw ve ṭawk ṭawk lai ka hmuh chuan ka chil ka lem nghal khawlh a , doctor ni mah ila tih hmasak ber tur hre lovin ka hamhaih hle . 

" Noel " 

Dr. Ding'an min rawn koh takah chuan harh chhuak zawkin rang takin a vital sign te chu ka endik nghal zung zung a , engmah hlauhthawn tur a awm lo . 

Ka thlan tui chuan min bual huh vek tawh a ,ka hlauhthawng hle bawk. 

" Eng nge test result, CT scan te " tih zung zung pahin light chuan a mit chu ka han chhun a , a mit naute dilate (lian )vek tawh ka hmuh rual chuan na taka shock pawp ang mai hian ka light ken lai chu ka thlauh pawp a , a thluak lam ani tih hrilh ngai lovin ka hre nghal .

" CT -Scan result ? " ka ti sap a .

" CT Scan aṭanga a lan dan chuan cerebral hemorrhage (thluaka thisen tling) ania , darkar 8 lai a ral tawh a tun thlengin a taksa leh thluakin hma ala sawn lo " 

" ka rin dan chuan " Dr. Dinga chu a thaw hak a .

Brain dead !! 

" i hriat vek tawh ka ring , chuan a chhungte pawhin tunah chuan an hre tawh anga thutlukna chu in kutah a awm e " tih pahin min chhuahsan nghal a .

Brain dead chu hrilhfiah ngai lovin ka hrechiang hle .Tunah hian Tetei awmdan hi thih nen danglamna a nei lo.

A thluak in hna a thawh tawh miau loh avangin ventilator phawi rualin thi anga puan a ni anga , a nun pawhsei duh pawh ni ila hetiang hian harh si lovin khawl hmanga thawk tir bak tih theih kan nei tawh lo. 

Ngawi rengin room aṭang chuan ka chhuak a , Tetei nu chuan ka kut vawn pahin " khawngaihin ka fanu hi chhan rawh " tiin min ngen ngawih ngawih a, chhang lovin ka ding khawng reng. 

Ni e, kei ngei pawh hian tih dam theih ka chak asin mahse specialist pawh ni mah ila engmah tih theih ka nei lo. Ka nihna hian awmzia a nei lo. 

" Ngatinge ka fanu hi hetiang hian a awm? nat lawkna pawh a nei lo asin ,mi hrisel tak a ni asin " ka hma ah Tetei nu chu a ṭap hawm hawm a , hemorrhage a neih nachhan chu lehkhabu in a lu ah a tlak thu leh a lu na a tih thu kha a sawi tak !! 

Mi mawl tak chu ka va ni em ? Khatiang thil a thleng tawh te kha chuan ngaihṭha lo tur ka ni asin .

Nithum a ral meuh chuan Tetei chhungte chuan ventilator phawi chu rem titawh mahse keichuan rem ka ti ve lo ,haw lovin damdawiin ah chuan ka awm tlat a ka kal bo hlanin min lo laksak ang tih mawlh ka hlau .

" Noel ,rawn haw la rawn hahchawl phawt rawh " ka nu chuan a ngen in min ngen a mahse Second khat pawh Tetei hmu lo chuan ka awm thei lo .

A nui hmel , a ṭawng ,a fiamthu te leh a engkim mai chu ka ngai in ka la thlahlel takzet .Vawikhat tal rawn meng leh se chuan ka hmangaih thu hi vawikhat chiah hrilh leh ka duh. 

" haw phawt rawh ...ummm, hei i taksa a chau tawh lutuk, va hahchawl la i rawn kal leh dawn nia " Tetei nu pawh chuan a ti a .

" a rawn harh ṭep tawh ang " tih pahin room ah ka luhsan hmak . 

A rawn harh tawh dawn lo tih chu kei tluka hrechiang an awmlo mahse lei hnuaia zalh daih tur atan chuan ka la phal lo .

Kar khat a ral meuh chuan ka taksa in nasa takin a tuar a chutichung chuan Tetei rawn thawh leh hun tur chu ka la nghak fan fan .

Tetei chu mo kawr nen vantirhkoh te thla ang neiin ka lam pan chuan a rawn kal delh delh a , a eng lutuk a ka en ṭha ngam lo .

" Tete ...i harh tawh em ni ?" Tiin ka zawt a , a hmel hmu thei lo mah ila lungngaihna hlirin a khat tih ka hre thei . 

Ka lam pan chuan a rawn kal hnai zela , ka bul a rawn thlen rual chuan ," min kal tir tawh mai rawh " tih zawng hi min rawn hrilh a , ka mumang aṭangin ka harh chhuak nghal zawk bawk .

Ka hawi kual chuan Tetei bulah a kut dawm chung hian ka lo muthlu reng hi alo ni a , a hmel dang bâm leh a kut vawtthler te chuan duhawmna an nei tawh lo .

A tawp nan duat takin a sam chul pahin a chalah ka fawp vawng vawng a , a kut tereuhte te chu vuan leh tawh ngai lo turin ka hmer vawng vawng a , hmaichhanah a tawp nan ka hmangaih thu ka hrilh nawn mawlh mawlh bawk .

Tunah chuan i duh ang ngeiin ka kal tir tawh ang che , theih chu nise chelh reng che ka duh mahse mihring te bulah chuan chakna i nei tawh lova , vantirhkoh te bulah hlim takin i zai tawh zawk dawn nia .

"Ka lo nghak reng ang che i tih kha min lo nghak reng rawh aw" 

Ka inhum ruh a , room aṭanga ka chhuah rual chuan Tetei chhungte bulah chuan ," ka inpeih tawh " ka ti sap a , Tetei ruang hmuh ka duh loh avangin ka car ah ka awm daih thung .

Reilote chhung pawh hian ka ngai takzet ,a kut a vawn te , fawh te kha ka la chak . 

Van lam chu ka thlir vang vang a , ka rawn kal ve hunah min la hria angem? Vanramah chuan tun ang hian min la hmangaih angem? I mipa hmangaih ber ka la ni ang tiraw?

Nat lawkna nei nila chu hei ai hian ka hrethiam deuh tur , min kalsan thut a ka inring hman lo a tin ni .

I thuthiam kha hre reng rawh min lo nghak reng ang che. 

____________________________________

10 years later

Lehkha them a thu inziak ka chhiar zawh chuan sana hlui tawh tak , a hmai keh vek tawh chu ka phawrh chhuak leh a , engkim kha ka la theihnghilh lo chiang takin ka la hre vek . 

" Noel " 

Ka hawi chhuah chuan ka nu chu a rawn lut a , min rawn hmuh rual chuan min rawn kuah nghal thlawp a .

" Tetei kha nikhat pawh amah ngaihtuah lovin ka awm ngai lo , engtik lai pawhin ka ngai a, tunah pawh hian ka ngai takzet " 

" i rilru aṭangin i thai bo tawh emaw ka lo ti asin " 

" hmeichhia tupawh kha a thik em em ṭhin a, tunah pawh hian min haw viau ang "

" nilo , Tetei chuan i hlimna a duh ber alawm , tunah pawh hian van aṭangin alo thlir reng ang che" ka nu zawk chu a mittui a tla nghal zung zung a .

" i theihnghilh theih loh pawhin a pawi reng lo, Carolyn i kiangah a awm tawh a Tetei chu thlamuang takin a awm thei tawh ang " 

" zantin deuh thaw ka mumangah amah kaltir tawh turin min ti ziah ṭhin a ,A ni kha engtik ah nge ka theihnghilh thei ang ?" Ka nu pawhin min chhan ngaihna a hre lo , min kuah vawng vawng ringawt .

Engkim hi Tetei tana ka tih theih hnuhnung ber a ni .A duh ang ngeiin ka kaltir anga thlamuang takin chawl tawh rawh se. 

Mahse ...


Mahse engtik ah mah ka theihnghilh thei tawh ngai lovang che .

Lehkha thema a thu min hnutchhiah hnuhnung ber chu ka chhiar nawn leh a 

I LOVE YOU 3000 tih chu. 

🎼YOU ARE MY SUNSHINE (cover by Travel Music Love )

The other night dear, as I lay sleeping

I dreamed I held you in my arms

But when I awoke, dear, I was mistaken

So I hung my head and I cried

You are my sunshine, my only sunshine

You make me happy when skies are gray

You'll never know dear, how much I love you

PLEASE DON'T TAKE MY SUNSHINE AWAY

THE END 

IG- @remruati_haylor

Fb- Remruati Haylor 

(Fakna kha aw) 

★Treat People with kindness★