February 07, 2018
IG- @remruati_haylor
Fb- Remruati Haylor
PERIK
.
( He story a chang tute hi atak vek an ni a, mahse a story hi chu ka phuah chawp ani,Perik a thlalak hi tih lan tel hram ka duh na in aman a rem tih loh avangin ka ti lang ta lo ani)
"Bangalore ah college i kal dawn chu chu a ni mai, han in siam tan tawh rawh"Ka nu in min hrilh rual chuan ka hnual nghal vek, a chhanchu kan thian ho in Dheradun-ah College kal ho kan tum vang ani.
Ka nu in min nawr tlat sia phurlo tak chung chuan ka in siam hna hna a, zirtawp ah hian Bangalore lam kan pan tawh dawn lehnghala ,calendar kan en thin a vawiin ni hi thawhlehni ani tawh bawk si ka rilru a hah takzet.
" Nu kan kal hun chu sawn leh mai ila" ka nu bulah chuan lungawi lo zet chuan ka ti a.
" i pa dil rawh, mahse a phal kher lovang " alo ti hmak , a beidawn thlak teh e .
" ka plan a fail vek ,nu....ka pa bulah min lo sawipui teh " fanu neih chhun ka ni bawka , kan han inti pangchang leh rih a.
"i pa chu i hriat kha , a ngaihdan a sawhsawn ngai lo " tih pahin choka ah min luhsan daih .
Thinrim tak chung chuan inchungah ka tlan tau nghal nghawng nghawng a, ka room kawngkhar chu ka khar chawrh a,khum ah ka bawk thlawp a,ka bialpa Kevin ka call nghal.
" Kevin friday ah Bangalore ah college kal turin ka chhuk dawn" ka tih chuan a ngawi vung vung phawt a, muang fan raih hian ,
"ngatinge zir dun kan tum kha" a rawn ti sap a , kei chauh nilo in ani pawh hi a lungawi lo tih ka hria.
"kei pawhin ka hre chiah alawm,lo kal ve mai rawh" tiin ka ngen ta ringawt a .
" Admission ka ti vek tawh alawm ...." A ti vin hlar a .
" Mahse engmah i sawi si lo a, min hrilh ve tur che nia"
Ni e , admission a tih chungchang hi min la hrilh lo .Ka luhna tur ka chian loh avangin min lo tihsan lo turin ka hrilh mawlh mawlh sia .
"MS... ka tihpalh lutuk,mahse kan tum lawk dan kha a ni si a" a ti a,
Kei erawh ka lo ngawi reng thung , a sawi hi dikna chen a awm mahse min râwn hmasa lova admission alo ti daih erawh ka lungawi lo takzet .
"ka rawn kal ang lo awm rawh aw, ka inhmuh na thin ah khan" a tih rual chuan ka thinrimna te kha ka theihnghilh nghal vek.
" awle..." Tih pahin ka phone chu ka dah sawk sawk a ,Kevin hmu tur chuan phur takin ka insiam nghala.
Kevin nen hian kum3 kan in kawp tawh a, school kan luh dun bakah tunah pawh college kal dun leh kan tum kha ani a, ka nu leh pa te pawhin min hriatpui veka han inhau bap bap thin mah ila kan inthen thei lo chu anih tawh ber hi.
Ni a ral zela engkim ka tum dan anga a kal loh avang chuan ka thinrim tun renga ,ka titau bawka ,chaw pawh ka ei duh lo mahse ka pa chuan a rilru sawhsawn a tum chuang lo, naktuk mai hi kan kal hun ani tawh bawk si , zanah pawh ka muhil thei tawh lo,Kevin nena college kan kal dun lo tur hi ka huphurh takzet .
Zirtawp ni a lo nih meuh chuan duh lo eng ang mah ila ka nu leh pate an thu zawk miau avangin Ka nu leh pa te nen chuan Kolkata lam pan in kan thlawk chhuak ta nge nge a, kawng tluanin a rukin ka mittui chu a far fap fap reng a,ka lung a leng nghal em em ringawt .
Reilote ah Kolkata kan thleng vata, lunglen pawh a sawi theih tawh loh tlaiah Kolkata atangin Bangalore lam kan pan lehnghal.
Bangalore
Hmelhriat kan neih loh avangin Hotel ah kan thleng a mahse ka nu leh paten min kalpui avangin ka la kal ngai lohna ni mahse hlauhna ka nei lo .Room hran ah keimahin ka awm a, ka room bul chiah ah ka nu leh pate an awm thung.
Khum tlangah thu in Kevin biak tuma phone ka lo khawih lai tak chuan ka nu a rawn lut a .
" Bawihte ,naktukah hostel ah i lut nghal dawn a chuvang chuan theihnghilh engmah nei lo turin lo in peih fel ang che" ka nu chu ka bulah a rawn thu a.
" Nu... ka pa sawipui ila hetah hmelhriat awm lohna a awm ai chuan Dheradun ah ka thiante bulah ka awm ve mai anga" ka nu tlawn heuh heuh pah chuan ka ti a.
"mahse helai chen hi kan thleng tawh sia" ka nu pawh hian keimah chauha min awmtir hi a hreh tih ka hrereng , hei ai hian dil ngawrh ila chuan a phal mai ka ring .
" nu tihdan a awm mai ang" ka pa a rawn luh takah chuan ka tawng lai ka tawp nghal hmak.
" Midang pawh an awm thei a, nangpawh i awm thei tur ani" ka pa chuan a rawn ti lut hmuk hmuk a, a rilru a thlak hmel loh.
" Helai hmunah te chuan min ru bo daih anga sin" ka han ti leh a ,chhuanlam ka nei uih sia ka pa hi ka hmin lo tawp ang .
" Bawihte hostel ah i awm dawn alawm, i zirpui tur Kimkimi pawh ka biak tawh kha, ani chuan thil chinchang alo hre tawh zawka, a lo buaipui thei ang che" ka nu lah hi ka pa lamah chuah a tang .
"Pa a ninawm e, chunu ringawt kawm te chu"ka ti leh ringawt a .
" Thian dang tamtak pawh i chhar anga nuam i ti ve mai ang" ka pa chuan a ti ve tlat .
" Ni e, nang phei chu i vannei a, thian hriat sa Kimkimi pawh a awm alawm" ka nu chuan alo ti vata, Kimkimi alo awm kher kher a engkim hi a kal buai zo vek.
" Mahse hmuh pawh ka la hmu hleinem" ka han ti leh a , ka pa thin in a tuar ta lo .
" Engmah sawi buai angai lo, mu la naktukah dar10 ah College thlen angai" ka pa chuan a ti hmuk a, min chhuahsan nghal hmak bawk.
"Mu tawh rawh, i pa i tih thinur hma in a thu zawm la a ni mai" ka nu pawhin min chhuahsan ve nghala.
Kevin nen kan inbiak zawh ah ka thiante ka be kuala, zan rei tak thleng kan inbiak hnu chuan kan kalna velah ka chauh deuh avangin ka muhil vata.
Zingah ka nu in min rawn kaitho a, chaw kan ei zawh ah ka inbual leh te te a,rei zet ka insiam hnu chuan Hotel chu kan chhuahsan a.
Kan college tur kan thlen chuan a lo reh thuap a, tumah hmuh tur an awm mang lo .Mizo lo awmve ho chuan min lo buaipui nghal sap sap a, ka zirpui tur ber Kimkim-i pawh chu a lo awm ve bawka. Office lam ah thil tih tur tul ang ka tih fel hnu chuan Hostel a lut nghal turin Hostel lam chu kan pan nghala.
" Nu , ka bag ka theihnghilh daih" ka ding chut a , haihawt lutuk hi chu a buaithlak.
" khawiah nge i theihnghilh a?" ka nu chuan a lo ti vata.
" Office ah khan aniang ka va la leh lawk" tih leh tlan ka rual nghal.
" i room tur kan lo va enkual ang" ka nu chu a rawn au lauh lauh a, ban vai in ka chhang let a.
Office lam pan a ka kal lai chuan mipa pakhat lian leh sang zet hian min su thlu nghal tawp a, ka mawng ka sawh chiang teh e.
"i va fimkhur lo tak" thinrim tak chuan ka ti vin nghal hlar a, Mizo tawnga ka tih vang pawh ani mahna ,engmah a sawi lo , min kaihthawh pawh a tum hek lo, vawikhat pawh min melh lo chuan min kalsan daih ringawt.
Ava polite lo tak !
"tihpalh tih nachang pawh hrelo " thawh pah chuan ka phun mawlh mawlh a , ka mawng ben fai pahin ka kal leh hna hna a.
Ka bag chu ka la a, Hostel lam ka pan lehnghala. Ka room tur ka thlen chhoh meuh chuan ka khum chu an lo phah fel vek tawh a, ka thawmhnaw pawh an lo rem fel than tawh .
" Bawihte ,hei Kimkimi nen hian room khatah in awm dawn a, i vannei hle mai" ka nu chu a lo nui sanga, keipawh mizo ka awmpui tur chu ka lawm ru hle nghe nghe .
" Kimkim , MS-i hian vawikhatmah hmundangah min la awm san ngai lo a, a pangchang in a rilru a na hma maithei a i lo hre thiam hram thin dawn nia" ka pa chuan thutak deuh chuan a ti a, a inhmeh lo takzet.
" A awm rei anga a tlangnel ve mai ang, lo ngaihtuah suh u" Kimkimi chuan nuih pah chuan a lo ti nghal zung zung a.
Chutia rei tak kan titi ho hnu chuan alo tlai ruih tawh a, ngatinge mawni vawin ni hi a kal chak bik tlatin ka hria, ka nu te pate kal alo hun leh der tawh.
" Bawihte, lo inenkawl tha la tha deuhin lehkha zir ang che" ka nu chuan a ti a.
" Keini pawh naktukah kan haw nghal ang, thuawih takin i lo awm dawn nia" ka pa chuan alo ti ve bawka, a awmdan atang hian min ngai ve miah lo emawni le?
Ka nu leh paten min hawsan daih tur chu ka lungngai lawk hle a, tawng pawh ka tawng duh lo a, ka lung chu a leng nghal em em ringawt
" bawihte, chaw te kha ei tha rawh aw, kan tawngtai sak reng thin che ania" ka nu in a tih chuan ka mittui chu a rawn tla zung zung ringawt , hetiang hian ka tap mai mai ngai lo asin mawle .
" nu in rualin ka lo haw ve mai ang" , ka vawikhat awm hranna tur a nih avang ringawt pawh hian thih hreh in ka hreh .
" Midang pawhin an theih chuan i thei ve tur ani ka tih tawh kha" ka pa chuan thutak ran chuan a ti hmuk a, ka pa hi ka hlauh em avangin tih thinrim ka duh tawh lo , chhang let lo in Hostel gate thleng chu ka zu thlah ta ringawt a.
Ka nu leh pa te an haw hnu chuan khumah puanin ka inkhuh tlat a, Kimkim in ka tap tih a hriat ka hlauh avangin a zawi thei ang ber chuan ka tap hlawp hlawp a.
" MS, chaw rawn ei tawh rawh tap tawh suh" Kimkim'in a rawn tih takah chuan ring takin ka tap chhuaka, a chhuak bawk em a tin ni.
" Tap tawh suh, i awm rei anga nuam i ti ve mai ang" zaidam tak chuan a ti a, min hrethiam ve ni te hian ka hria.
" lo va ei ru, ka ei lo mai ang" ka ril pawh a tam lo.
"tuna i ei loh chuan i ril a tam lutuk ang, room ah ka rawn pe ang che" a tih chuan ka lo bu nghata, nizan atang tawh in chaw ka ei mumal tawh lo a ,ka pum in min phatsana a ri ruk ruk reng mai.
Kimkimi chuan room ah chaw min rawn lak sak a, ril tam love ti chuan ka ei nghal bawrh bawrh a , ka rin aiin ka ei tam zek lehnghal.
Zingah chuan hma takah ka tho a, tumah an la thawh ve loh avangin corridor ah ka vei kual sek a, ka nu ka ngaih em avangin ka tap leh rih thin ,a chang leh ka thawmhnaw te chu ka thlep tha leh a, ka inbual zawh meuh chuan Kimkimi pawh chu a lo tho tawh
"i mu thei lo em ni? i va tho hma ve" Kimkimi chuan min lo nuih ver ver a, lunglen lai chuan a hmel hmuh hi a nuam .
" Mu thei e, ka muttui lutuk" ka lo nuih ve nghal, ka mutui tak tak tawp si lova.
" Breakfast kan ei zawh veleh class kan kal dawn nia, lo insiam lawk la, tlai a hlauhawm" Kimkimi chuan a mitek nuai nawk nawk pah chuan a rawn ti a .
" Vawin ah class ka kal nghal dawn maw!!" Ka lo ti haw ringawt , vawiin te chu kan chawlh ka lo ring asin .
" Aw, thla khat velin i rawn lut tlaia, vawin atanga i tan loh chuan nakin ah i buai ang, ka va inbual lawk" Kimkimi chu inbual turin bathroom ah chuan a lut nghala , vawiin ah class ka tan dawn tih hria ila chu zing atang tawh khan ka lo inbuatsaih tur!
Ka jeans pawl leh tank top chu hak turin ka la chhuaka, ka tih thin dan angin khumah chuan ka pharh diai a, ka hmai vel chu ka chei mawlh mawlh a.
" MS.... hetiang hi a hak theih loh , jeans hi hak an phal lo" hlauhthawng hmel tak chuan a ti a, mak ti takin ka lo en thung .
" Engvangin maw?" Ka lo ti ha a.
" Hetah chuan kan Senior te an hlauhawm lutuk, junior te min rag thin a, ragging a nasa lutuk" a tih takah chuan ka rin aiin thil a harsa dawn tlat .
Engang college nge maw a nih le ragging te la uar tut tut .
" Maw! chu chu a tir khan tinge i sawi loh, ka nu te kan be vat ange" ka phone chu ka la a, ka pa ka hrilh chuan a rilru a thlak chiang khawp ang .
" Nilo, i nu leh pa ten an ngaihtuah lutuk ang che, tih hlauhthawng i duh em ni?"tih pahin ka phone min rawn chhuhsak a.
" admission leh fee in pe vek tawh a , a thlawn vek dawn asin" a rawn ti leh a .
Ka ngawi reng, a chhanchu ka hrilh chuan ka nu leh pa ten min ngaihtuah dawn tih ka hria mahse ka sawi lo anih chuan hetah ka tuar reng thei bawk si .Ka pa in a rilru a thlak loh chuan min awm luih tir leh dawn tho tih ka hriat avangin hrilh loh chu ka thlang leh ta zawk a.
" Anih eng nge ka hak tak ang? bakah fresher kan hmu tep tawh ang chu" ka tih chuan Kimkimi chu a nui saka.
" Hetah Fresher's day a awm ve lo, Junior i nih chhung chuan an Rag ang che, mahse midang pawn an tuar chhuak thei alawm" min fuih ai mahin min sawi thaih ah ka ngai .
" chuan ihhh... pawnfen fual i fen angai, i neih loh chuan ka ta i ha dawn nia" a ti sam et a,ka meng bial nghal kawk mai .
" Pawnfen fual a!!!" Ka ti nghal tuarh a "feng lo ta ila?" Tiin ka chhunzawm zat .
" A nih chuan puan i bih angai,a nih loh pawn i kekawr an tan sak ang che i duh zawk zawk ani mai, puan nge pawnfen?" tih pahin puan leh pawnfen chu a rawn khai chhuak va va a.
" Ahhh, nih pawnfen animai" pawnfen zawk chu ka pawt thla a, pawnfen chhing tal nise tha tur.
" chuan makeup pawh hmang nasa suh, pheikhawk pum i bun dawn nia" tiin min hrilh tel bawk .
Ka insiam zo darthlalanga ka inen chiah chu keimah kha ka ni tawh lo .
Ani thei lo mahni lo maha inlak chhiatloh ve thin nak alaiin College a ka ni hmasa ber ah pawnfenfual leh Sneaker ka bun angai anih chu!!! engkim hi a fuh lo vel vek.
" Ka ti thei tur ani" ka thaw halh a, keimah leh keimah chu ka inhnem chawp a.
Breakfast kan ei zawh chuan College kan pan nghala. Chhangthawp , artui leh thingpui chauh kan dawng a , ka ril a tam lehnghal.
Kan college leh kan hostel hi minute10 vel kal lekin a in hlata, ke in hmanhmawh takin kan kal nghal hlawk hlawk a, darkar chanve lai ala awm a engvanga hmanhmawh em em nge kan nih pawh ka hrelo .
Class a kan luh chuan mi thar ka ni bawka midang chuan min en duh takzet, Kan class ah hian Kimkimi nen chauh mizo kan awm avangin kan in zui deuh chawt .
A sir ah chuan ka thu a, midang ho chuan ka hming te min zawt sap sap hlawm a, relovah kan in kawm ho nghal bawrh bawrh mai.
Second class kan neih zawh chuan chawlh kan nei nghal a, pawnah kan chhuak sap sap hlawm a.
Chutia thlamuang taka ka lo thut dar dar lai chuan vawileh khatah pawn a awm zawng zawng chu hmanhmawh lutuk in classroom lam pan chuan an rawn tlan let ta sup sup mai!! min su nawk nawk lehnghal, a ngaihna ka hriat loh em avang chuan ka ding khawng reng ringawt.
" Kim, ngatinge?" hlauthawng tak chuan ka zawt a , sakawlh in a um hlawm te pawh a ni chêk ang.
"kan senior te kan class ah an rawn kal dawn anih chu, hawh lut ve nghal vat ang min rawn hmu hman ang" min kai a, classroom lam pan chuan kan tlan ve nghal hlawk hlawka.
Classroom kan thlenga kan thu fel chiah tih in kan senior te chu an rawn lut nghal, class a mi zawng zawng chu an ding nghal thap mai.
Kimkimin min pawt thawh takah chuan mak ti tak chungin ka ding ve mai bawka .
" in senior te hi en pawh in en tur ani lo, hnuai lam en vek ru" vai hmelchhe zet pakhat chuan vin thah hian a rawn ti a, ka vawikhat tawn na anih avangin ka thinphu ri ka hre thei hial.
A mal te te in kan hming chu min zawt kuala veka, midang ho chu an duh duh an tih tira, a then an lam tira, an zaitir bawka, thil nuihzatthlak tak tak te pawh an tih tir mahse kan nuih ve erawh an phal leh hauh si lo, hnuailam chu kan en thap reng ringawt.
Chutia thil chi hrang hrang min tih kual tir lai chuan an zinga pakhat chu ring takin a rawn au leh a, Hindi in a rawn sawi avangin engmah ka hre thiam lo , ka lo en ha ringawt mahse hlauh an nei tih erawh a chiang .
" Ngatinge, avan hlauhthawng hmel em em?" Kimkimi chu ka va zawt sa sa a .
" Kan top most te an rawn kal dawn anih chu, an zingah mi pathum hotu bik an awm a, tu pawn an hlau" zawi sap hian a rawn ti let sa sa a, chet pawh kan che tha ngam tawh meuh lo.
Mipa khat chhelo deuh mai hi a rawn luta,a rawn luh lai chuan Senior dang ho chu an lo ngawi thap mai. Topmost ho chu an hlauhawm viau niin a lang.
" tuna rawn lut saw Nathan ania, an thian ho zingah chuan a fel ber ang, chuan a ler ber bawk mahse keichuan chhelo ka ti ber" Kimkimi chuan zawi tein a rawn ti sapa, Nathan zawh chuan mipa khat hian a rawn zui lut leh a
" Chuan tuna rawn lut chiah hi Jason ania, Rag master an ti thin an thian zingah chuan a nui ngun ber mahse tumah sual lo an awm lo"
Huizz! A nui ngun ber pawhin khawngaihna a neih vak loh chuan kan va rethei dawn mange.
A pathumna ah chuan mipa khat hi kekawr ipte zen chung hian a rawn lut ve leh a, amah ka hmuh rual chuan engtin emawni hian ka awm , hepa zet chuan ka mit ala nghal zar mai. A mithmul dum kak te ,a hnar ngul sang vah te leh a sam kir bap te chu a inhmeh takzet.
Dawhkan ah chuan a rawn thu vang a.A hmeltha tih a inhria tih a hriat ,a hmel en ringawt pawh sawn a nelawm loh ngawih ngawih .
" Kim anih saw pa saw?" Kimkimi chu ka va kheuh zeuh a.
" Perik Bagra anih saw, Kan college hmeichhia zawng zawng in an star rawn , mahse tumah a ngaihsak ngai lo ,a sual in khawngaihna a neih loh em avangin kan college ah chuan a hotu ber kan ti mai. An thianho pathum hi Famous tiin kan ko thin mahse an hrelo " hmui hup deuh chung hian hmuh hlau tak si hian a rawn ti leh sa sa a .
" Famous !! Ngatinge ?" ka lo ti hu ringawt , ka duh aiin ka tawng ring.
"A chhan chu midang an rag nasa a, an lar in an luck bawk sia, an nu leh pa ten thil an tih theih bakah an hausak em avangin zirtirtu te pawn an tlawn thin" a tih chuan ka lo ner nanga.
"keichu tha ka tih chi ani lo" ka ti sar sar a, a ruk chuan hmeltha ka ti reng.
" a mizia i hriat hunah chuan a zun ah i uai ang" tih pahin min rawn nghawk sawk a.
" A na" Kimkim in min rawn nghawk rual chuan ring deuh takin ka lo ti that a.
" MS... saw Perik'an a rawn kawk che "
Kimkimi chuan hnuailam melh chung chuan a rawn ti ta mai! Ka hawi chhuah nak chuan min lo kawk vu a ,a hmel tur zet ka hmuh chuan ka hlau lutuk hi ka khur nghal der der mai.
Lo tawng loh tawp tur a nia.
" Engtin nge ka tih dawn?" ka tap tep,hmu lo ang hmakin hnuai lam chu ka bih tlata.
"Kan lam pan in a rawn kal" a sawi zawh rual chuan ka dawhkan chu a kuttang chuan a rawn ti ri keuh a, ding turin min ti nghala, ka ding vat bawk.
Hlau viau e tilo chuan a perfume rimtui zet chu ka lo hip lut veng veng mai.
Hindi in min rawn be phawt a mahse ka hriatthiam loh avangin ka ngawi reng a, ka hrethiam lo tih a hria ani ngei ang, English in min rawn be leh a , a accent atang chuan Indian pawh a ang lo .
" Tunge i hming?" A tawng zawi in a thum bawk si a ka hre thei tawk tawk.
" Malsawmtluangi" ka ti vata.
" Khawi atangin? "A rawn ti leh a.
" Mizoram" a rul tawk lekin ka chhang leh a.
" Khatiang kha i senior te i biak dan tur ani em? "A rawn ti vin ta hlur mai ! rum zet chuan min melh a,Senior te biak dan tur bik a awm tih pawh ka hrelo , ka tih thinrim belh ka hlauh avangin ka ngawi renga.
" Min chang rawh"
Dawhkan chu a beng thuai a, ka phu chiang kher mai..
A van thinchhe em em !
" Senior ...ani chu vawin atangin class a rawn tan chiah a" ka hnunga thu chuan min lo chhan hlauh , ka vanneih ni ka ti lo thei lo.
" thu rawh" a tih chuan ka thu nghal vata " I senior te hi zah tawh ang che hre reng rawh" tih pahin min rawn kawk kher a, ka rilru a na takzet .
" aw le senior" ka lo ti vata, ka hlauh em avangin ka tawng zawng te chuan ka aw nen lam a khur der der a, pangngai takin ka tawng chhuak thei hlauh chu ka lawm letling zawk.
Ka mittui pawh a tling pum tawh.
Class atanga a chhuah velah ka insum rei tawh bawka ka mittui chu a rawn tla nghal zawih zawih a! midang chuan min lo en thap hlawm mai.
Ni e, ka hlau em a tin ni ... khatiang thil kha ka nunah ka vawikhat tawn na a ni a, tu mahin khatiang khan min la vin ngai lo.
Vawin a khatiang thil a thlen avang khan College kal leh chu ka hreh tawh takzet,ka rilru a na in ka thinrim hle bawk.
Khatianga min tih theihna dan kha a nei lo hrim hrim, ka nu ka bia a thil thlen dan ka sawi pawhin la tuar hram hram tura min tih avangin ka lungawi lo chuan ka phone ka off hmak.
Zan lamah ka men rei em avangin ka lo mu rei deuh a Kimkimi chuan min rawn kaitho leh a.
"MS... dar10 a kan thlen hman loh chuan enge maw kan tih ngei angai ang" Kimkim in a tih chuan sana ka en vat a dar9:30 a lo ri va tawh.
"Nizanah ka mu tlem lutuka" tih pahin ka sam chu ka tawn nghala sawk sawk a.
" Chuan i tap bawka, i mit chu bui tak ani" min nuih nasa ngang mai , chutah Kevin ka be thei lo lehnghal ka mood a fuh lo vel vek.
Hmanhmawh takin ka inbual a, ka inbual zawh meuh chuan a lo tlai ruih tawh ,a vawikhat nan ka lo inbual ta kher kher kha ka inchhir kan tlai phah vek. Breakfast pawh ei lo in College lam chu kan pan nghal a, ka ril a tam vawng vawng mai.
Classroom kan luh chuan ka hlauh ang ngeiin kan Senior te chu an lo awm tawh a nih chu!!.
"kan vannei lutuk, Famous ho an la rawn kal lo" Kimkim in a tih chuan ka thaw huai a, awlsam takin kan lut nghal mai bawk.
Chutah class kan lak dawn avangin reilote ah senior te chu an chhuak leh vek .
1st period kan neih zawh chuan min hrilh lawk angin classroom ah kan awm thap hlawm a, rei tak kan awm hnu ah chuan hmeichhe pakhat in ha chhing zet hi a rawn lut a, a rawn luh velah kan lo ding leh thap tawh.
" saw nu saw ka ngei ania" Kimkimi chuan a rawn ti sar sar a, a chhiatkhum pah hial in ka hria.
"a va in ti thu?" ka lo ti vata a.
" A sual rapthlak, Meena anih saw hmeichhia min tiduhdah thei lutuk, bakah Famous ho bulah hian a awm reng zel, saw a rawn kal" a tih chuan Meena lam chu ka hawi phei vata.
" Nangnu kha min en ngam vel elaw?" tih pahin ding turin min rawn ti a, hmeltha mahse a thinchhe em a nih hi .
" Ka en lo che" ka ti ve tlat.
" Ngaihdam min dil rawh" a tih chuan ka ngawi reng a, a chhanchu tihsual ka nei tlat lo.
Ngaihdam ka dil dawn reng reng lo .
" Tunge i hming?" a mit lian tak chuan min melh kuau a, ka zam nghal chem chem mai.
"Malsawmtluangi " zawi te hian ka ti a, midang ho chuan min lo en thap a.
" Eng maw? Mal..."
" Malsawmtluangi " ka ti leh vata, ka hming a lam thiam loh em avang chuan ka nui vur vur a mahse alo haw ngang mai .
" I la nui ngam e law? i zak lawm ni "a ti ta piap piap mai , kan senior te a ni sia ngawih ka chuh ta zawka .
Perik a rawn luh rual chuan Meena zia chu a danglam nghal vek , a inti khawngaihthlak awm ka ti mai.
" Enteh, Perik he nu hi zilh angai ka hma ah a nui a, min zah lo hrim hrim senior te zah dan zirtir angai" Perik tlawn pah chuan a ti vel a, a awmdan avang chuan ka lo ner nang a.
Perik an ka lam pana a rawn kal chuan ka lo khur leh der der tawh . Hepa hi hmu ula in khur ve tho ang , a tum renga, a nelawm loh bakah a mit lian tak dum kak chuan min rawn melh kur lehnghal.
"Stayback ang che"tih ringawt a sawi a class atang chuan a chhuak nghal daih ringawt,a thusawi awmzia kha hriat pawh ka hrelo.
Meena chuan ngeiawm zetin min rawn nuih a, ani pawh a chhuak ve nghala kei erawh ka bo tulh tulh thung.
" Ka duh thei lo , tikhan Blacklist ah i awm ania" Kimkimi chuan hlauhthawn hmel tak chuan min rawn melh a, hlauhthawn nachang pawh ka hre lo .
" Chu chu enge awmzia?" ka lo ti vata.
"Junior reng reng ban a haw lo tura a tih chuan black list ah an awm tih na"
" Ho e, blacklist a awm mai mai te chu" ka lo ti sam et a, a awmzia ka hre tlat lo
" i van hre thiam lo tak senior ten an chhinchhiah tawh che tihna nih chu, engkimah an target i ni tawh . Buaithlak ta ber chu stayback tura ti tu che kha Perik ani lehnghal ,hmeichhia leh mipa a thliar hrang ngai lo" Kimkim in a tih tak ah chuan ka hlau leh hnuhnawh.
" Engtin nge ka tih tak ang, engmah tihsual ka nei si lo a" mangang tak chuan ka ti a, ngatinge heng mite hi an sual em em le.
" Blacklist ah hian mi tlemte chauh an la awm a, Meena hmelchhe nu vang vek kha" Kimkimi chuan a ti tan tan a , kei ai ai in a thinrim zawk .
Class ban veleh ka hlauh em avangin Kimkimi phal lo chung ka haw lui ta hram a. Ka hmel an hre tawh chuang lo ang tih chu ka inhnem na awmchhun ani.
Zanah pawh chuan ka hlauhthawn em avangin ka mu thei leh chuang lo , engtin nge min tih ang? ka hmel an la hria angem?
Roomah chuan ka vei sek a,ka lung a leng zual a, a chang leh mut tum in ka han maimichhinga ka thei chuang lo, ka hlau takzet , lo haw loh tawp tur kha ania .
Zingah chuan phurlo fahran in ka insiam a, ka thil ei pawh a tui thei tawh lo, pawnfen fual leh flat chu ka bun a, a ngai te bawk in College lam chu kan pan leh ta hna hna a.
Classroom kan thlen chuan Zirtirtute dawhkan ah chuan Perik chu a lo thu ran mai, ka ding chawt a ka thin phu ri chu ka hre thei hial , ka hlau lutuk hi ka thau ah min man hial in ka hria ,niminah ka haw avang khan min lo nghak tih hriat reng reng .
Tlanchhiat theih ni tawh hek lo ,luh kan dil chuan a lo phal ve mai a, hetianga a awm hian a hlauhawm daih zawk .Luh phal lo se chuan ka awm a nuam zawk ang .
" Kim... vawin chu a kil ah ka lo thu" Kimkimi chu ka dil tawp a, ani pawh chuan min lo hrethiam nghal , a kil lam chu ka pan a.
" Nangkha " ka phu zawk mai !!
Ka hawi phei nak chuan Perik an min rawn kawk leh vu tawh, chet ngam a ni tawh lo .
" Tahkhan ding rawh" Kimkimi chu thu turin a kut chuan a vai a.
A thutna atang chuan a rawn tho a, kekawr ipte zen chung hian ka lam pan chuan a rawn kal ta mai ! ka thi mai dawn in ka hria nilo thi ila a nuam zawk ang.
"Sawlai dawhkan ah sawn va ding rawh"
Zirtirtute dawhkan chu a kawk a, a sawi ang chuan thuawih takin dawhkan lam chu muang changin ka pan hna hna a, dawhkan chungah ding mai ta lo chuan a bulah zawk chuan ka ding reng a.
" Dawhkan chungah ding rawh" vin zet chuan arawn ti leh a, ka phu zawk zawk reng mai , hetiang reng a nih chuan Heart attack te pawh ka la nei ta ve ang .
Rang takin dawhkan chungah chuan ka lawn kang a, ka zak lutuk hi ka sen nghal tawn tawn mai .Tah te pawh a chhuak zawk.
" Zai rawh" inkuang kuah pah chuan a ti sup a, Zai lo chuan hnuai lam ka melh tlat a,ka zak em a tin ni.
" Niminah ka phalna lovin i lo haw daih a, i zak lawm ni... zai vat rawh" a mit meng thip zet ka hmuh chuan a thinrim tih ka hre nghal , runluih ngam pawh a ni lo
Zawi sap hian mawngkaw hriat tawk lekin Taylor Swift hla Mean chu ka sa kher a,a ama tana ka sak a ni nghe nghe theih phei se chuan a hma ah tak mean tih sawk sawk ka chak mahse ka sak zawih em avang chuan midang ho lah chuan an beng chu an rawn dawh ha hlawm a.
" Ring deuhin a bul atangin zai rawh, midang ho khan in hre thei em?" Jason chuan min nuih sawh pah chuan a ti a.
" Ai " an lo ti ṭhap mai !
Vai ho tak hi chu aw... an chak dawn lo nakinah ka la melh rum khawp ang , ka inseh ruh a ka thin a rim bawk si ka zak bawk si khuk ral daih ka chak .
" Ohh.. Mizo hla sa mai rawh" Nathan chuan ngeiawm zet chuan a rawn ti ve leh a, kan senior dangte chu a lo au dar dar hlawm a.
Vai ho han bengchhen zia hi an hmelchhe si ka ngei ania.
Ka huaisenna zawng zawng sawm khawmin ring zetin Dj-i hla Lungdumtu kan sa mai chu min nuih leh dur dur tho sia mahse zai zawh vat ka thlang zawk.
" Lam pah rawh" Jason chuan a rawn ti leh kher , a rukin ka kutzung chal ka hmuh hial.
" Engmaw?" ka lo ti tlat a , ka hre lo der ve tlat .
" A sawi chu i hre lo amaw! i beng a chhet em ni ?Lam rawh " Perik chuan a tiang keng lai chuan min rawn kawk a.
Zai pawh tih tawh nak laia, ka mawng takngial pawh ka tih sawi theih loh laiin lam turin min ti a nihchu !!! Ka ding reng a, ka kut chu hma lam ah ka suih tlat a ka khur der der mai.
" I zak lawm ni, zai vat rawh"
Meena chu a rawn inrawlh ve nghal zat a. Rum zet chuan ka va melh a, a sam a keh te hi nia ka chak .Pawnfen fual ka fen laiin ani chuan kawr chhing zet mawng lang lo chauhin a ha a, Huizz Senior leh Junior te dinhmun chu lei leh van hi ani ringawt.
Buaina ka duh loh avangin zai pah chuan zei lo zet hian ka lam a,rin ang ngeiin midang ho chu an lo nui dar dar a, ka thi mai dawn in ka hria
" a aia Ringin zai rawh"
Nathan bawk chu! An duh chu hmu mawlh teh se . A aia ring chuan kan han zai leh a ka lam bawka, tunah chuan ka runluih a ni mah tawh zawk .
Blacklist a awm chu hrehawm tak ani, class kan lak zawh chuan zung turin toilet lam chu ka thiante nen kan pan a, corridor ah Famous ho chu an lo thu leh thap tawh, Perik chuan guitar a perh a, kal tlang ngei angai si kan kal loh chuan kan zun a chhuak tawh bawk si .Huphurh tak chung chuan kan kal lui hram a.
" Lo ding teh"
Perik an a rawn tih chuan kan vai chuan kan ding thapa, midang ho chuan zah takin an lo wish nghal sap sap a.
" Nangkha" min rawn kawk chat anih chu!! Mahse ka bulah Tanya a awm ve hlauh.
" Keimah maw" Tanya chuan a lo ti vata
" Nilo nangmah" a aia chiang hian min rawn kawk leh chat mai
" lo kal teh"a ti zui zat bawk
" midang kha kal ru" Nathan an a tih chuan toilet ah min kalsan veka, keimahin ka ding lel mai. Kimkimi sawi ang chiahin an target chu ka ni der tawh.
" Coffee va lei rawh"Perik an a tih chuan ka hresual a nih te ka ring hial , an chhiahhlawh pawh ka ni lo .
"senior... ni hnih chauh ka la awm a, coffee zawrhna ka hrelo" ka ti chuai raih a. Ka chhan let avangin mak tih hmel tak chuan min en thap hlawm a.
" Va zawng rawh"
Perik ber a vin tak em avangin ka duh na lam lam chu ka pan tawpa, college campus hi a zau sia kawng ka bo chu a ni der. Coffee ka lei lo anih vaih chuan engtin nge ka tih tak ang? Ka lehkha zir thlengin min tibuai duh tak tak ang.
" i va hawikual nasa ve" ka hawi phei vata, mipa pakhat nelawm deuh mai hian min lo nuih san san a.
" min hlau suh, Dave ka nia in class ami " a tih takah chuan ka thaw huai mai , kan class ah a awm tih pawh ka lo hrelo.
"MS-i ka nia" tih pahin ka lo nuih let sanga.
Daya hi ngo lampang hmel nung sarh ani a, mit meng lian tak nei mahse a lan danah chuan Northeast mi te pawh a ang lek lek , a ni maithei bawk.
" khawiah nge i kal dawn?"
" Senior ten coffee lei turin min tir a" men pual ralh pah hian ka ti a.
" Ok, ka lo hruai ang che canteen ah a awm alawm" tih pah chuan a kal a, ka zui zela, min be bawrh bawrh renga kei pawhin ka nel vat mai.
Coffee ka lei zawh chuan hmanhmawh bak lengin senior te awmna chu ka pan lehnghala.
Coffee chu ka pe a, mahse in lo in bawlhlawh bawmah Perika chuan a paih hmak a nih chu !! Ka dawhtheihna hian a tlin lo lek lek tawh .
" Ka tui a hal zawk, tui min va lak teh"
En pawh min en lo hian ngeiawm zet hian a ti a, ka zun a chhuak tawh si hmanhmawh lutuk in canteen lam chu ka pan leh a, an awmna atangin a hla si a, kal pawh ka kal tha hlei thei tawh lo.
Tui nen chuan ka let leh a, ka hah em avangin ka thaw hlawp hlawp a, ka thlanin min bual huh vek tawh.
"hei chauh hi maw?... va lak belh rawh" ngeiawm zet hian a tih leh chuan midang chuan kut an lo beng dar dar a. Ka thin a rim in ka hah bawk si a, ka zun a chhuak bawk nen ka tuar thei tawh thlawt lo.
" Duh tawk rawh "
Ka vin let hrep a ,hmanhmawh takin toilet awmna lam ah chuan ka tlan phei hlawk hlawk a,zun chhuak hi chu insum a har ani.
Class zawh vek hnuah Hostel ka thlen chuan khumah ka let nghal tawp a, engvanga khatia ti kha nge maw ka nih le? keimah leh keimah chu ka in beng nawk nawk a, ka inchhir leh hnuhnawh.
Engtin nge min tih leh ang ?
" Ms... ka lo nghak reng che a mahse min hawsan daiha" Kimkimi chu lungawi lo takin a rawn lut a, ni e... Perik hmuh hlau reng reng in ka tlanchhia alawm.
"naktuk chu college ka kal peih lo " khuma ṭhut pah in ka ti chuai raih a.
" Ngatinge?"
Vawin a thil thleng zawng zawng kha ka hrilh fai veka, ka hrilh lai te chuan mak ati in kei ai pawhin a hlauhthawn hmel zawk .
" Engtin nge kan tih tak ang?" Kimkimi chuan a rawn ti sap a,A hmel aṭang hian a mangang tih ka hria , ka chet dan kha senior ho in an en liam mai mai hauh lo ang.
" ka hrelo, college ka kal lo mai ang" ka lo ti sam et a, pumpelh dan kawng awmchhun a ni miau a.
" mahse an zawng hrim hrim ang che" a rawn ti leh a ,min ti hlauthawng leh zo vek .
" ka nu ka bia anga, ka haw vat theih ka ring" ka tih chuan min pawmpui ve mai, kan dinhmun a hriathiam avangin min dan a tum tawh lo .
Black list a awm hi hrehawm tak ani ,eng nge ka chungah an tih leh dawn pawh hriat va ni suh.
Kar khat dawn chu senior te ka hlauh luatah College ah ka kal tawh lo , nileng in hostel ah ka awm chawt a, Kimkim in kan tih tawh sa leh note te chu min hrilh mai zela , ka copy a ka lo zir ve tawp zel.
Ka theih chen chen tlanchhe mah ila ka pa in ka haw a phal bawk si lo, Class ka thulh reng chuan ka attendance a chhe dawn bawk si hreh tak chung chuan class kal turin ka in siam leh ta nge nge a. Kimkimi chu thil dang tih tur a neih avangin a lo va kal hmasa daih thung.
College ka thlen chuan midang ho chuan min melh hrek hrek hlawm a mahse ka hre lo der tlat , thil dik lo a awm tih ka hriat rualin classroom lam pan chuan chak takin ka kal vat a, classroom ah tal chuan ka him theih ka ring.
Classroom ka thlen hma chuan ka hnung lam atangin min vawmtu an awm tih ka hriat chuan ka hawilet vata, tomato hian min lo vawm chu niin, min vawmtu ber ka hriat loh avangin kal leh mai ka tum a, mahse kan senior te chu an rawn kal khawm ta huk mai!!
Tui rawng nei holi a an hman ṭhin a hring te , a sen te chuan min rawn phuh rawn sup sup a, engmah ka sawi ngam si lo inhum ruh chungin ṭah loh ka tum hram hram tawp ringawt. Chutianga rei fe min kah rawn hnu chuan mi kawng kian ni awm tak hian an in then darh nghal phuk a, ka hawi chhuah nak chuan Perik te ṭhian ho chu ka hmachhawn ta ran mai!!
"Lalpa min pui hram rawh" tiin ka phun sapa.
Ka hma ah tak an pathum chuan an rawn ding ṭham a , senior dang ho in min hual ṭhap sia ṭawng ve loh law law hi a ṭha zawk .
"I lo ropui hle mai, ka hnen atanga tlan bo theih i in ringa.."Perik chuan ngeiawm leh min tih elzet chuan min rawn nuih kher a,ka thinrim lutuk hi ka thusawi turin ka lei hmawr a thleng tawh .Ka insum thei lo lek lek a ni.
" Perik... senior te zahna chang pawh a hrelo, zilh angai " Jason'an a tih chuan Perik chu a khi suka, a nuih hian a hlauhawm zawk.
"Tun atang chuan ka sawi apiang i ti tawh ang duh lo mah la i ti tho tho ang" tih pah chuan a coke in lai chu ka lu ah a rawn leih kher a nih chu !! Ka inhum ruh nasa hle.
An kal hnu chuan midang pawh an kal darh nghal veka, ka tlawm lutuk chu ka mittui a tla nghal zawih zawih a, ragging avanga inti hlum ṭhin ho kha ka dem ta lo .
Classroom lam pan ta lo chuan Hostel lamah ka tlan let nghala .
Ka khumah ka bawk thlawp a, puanin ka inkhuh sawk sawk a tumah an awm lo bawka ring takin ka tap chhuak nghal hawm hawm a. Ka nu ka ngai takzet , ka han biak chuan engmah danglamna a awm leh dawn loh avangin biak ka tum tawh lo ,keimahin ka tuar tlawk tlawk mai.
Rei vak lo ka tap amaw ka tih lai chuan khua a lo thim der tawh a,nilengin ka ṭap tih ka in hre chiah.
" Ms... tap tawh suh" Kimkimi chu ka bulah a rawn ṭhu a, tih ngaihna a hre vak bik lo.
"A hrehawm e" ka mittui chu a tla leh nghal zung zung a, heta ka awm hnu hian ka ṭahbelh ta riau hian ka hria , a hma in hetiang hian ka awm ngai tawp si lova .
" A reh leh vat ka ring,an peih reng bik lo ang . Ngatinge i sam chu?"Kimkimi chuan ka sam chu a rawn khawih a .
Ka haw khan khumah ka mu nghal daih a ka sam chu rawng a min phuhna leh coke vel avang khan alo khawng vek tawh chu niin.
"Perik an coke in min leih a"
ṭap lo turin ka insum hram hram na in ṭap aw ṭuau hian ka ti a , ka rilru ti na zual tu chu khang mite kha ka bei let thei lo hi a ni .
"Ngatinge an sual em em mai le? intih duhdah hi a nuam viau mi le?" Kimkim'in a tih te chuan ka ṭah a chhuak zuala, kan ṭap leh rih ṭhin ,ka bulah chuan ngawi rengin a lo thu rân a .Rilru a nat tawh chuan alo ṭahbelh theih ngei mai .
Rei tak ka ṭah hnu chuan ka inbual a, vawin a an tih ho chu ka en kual vel a, copy ngai ka copy bawka ṭahna hun pawh ka nei tawh meuh lo .
Note ka copy laklawh lai chuan ka phone a rawn ri ral ral a.
" Kevin maw!" Rang takin phone chu ka la a.
" Hello"ka ti dek dek a
" Min ngaidam rawh, admission kha lo tih loh tawp tur ania" Kevin chuan a rawn ti nghal ringawt.
" A ho lutuk, tikhan nuam ti deuhin awm rawh" ka ti a , ka hun tawn nen zawng zawng hian a ruk tak chuan ka thin ala rim.
" ka thei lo, i tello chuan a hrehawm ka ti min rawn biak pawh i tum si lo "
Ni e, ka buai na meuh mai mahse ka call apiangin unreachable a inti zel alawm .
" Kevin ka buai lutuk a, ka tihpalh keipawhin ka ngai lutuk che" tiin ka
Chhang ta zawk a , lut dun ila chu hretiang tehhrep hi ka tawk lo tur .
"inenkawl tha rawh aw,Duat hei min rawn ko a ...ni leh aw"
Thil dang kan sawi hma hma chuan a ti nghal zung zung a , hetiang hian a awm ngai si lova min ngai a nih te chuan hun a insiam tur a ni dawn lawm ni ?
"aw le, nangpawh mangtha " ka phone chu ka dah hmak a, ka thinrim sa tawh bawk nen ka thin a rim zual zawk .
Helai hmunah hian ṭap tura kal ka ni lo, chhel taka ka awm angai tiin ka in hnem mawlh mawlh a. Midang pawhin an tuar chhuah theih chuan ka tuar chhuak thei em em ang .
Zinga ka harh chuan dawhkan bawhin ka lo muthlu chu niin, ka tho vat a lehkha tlem ka zir zawh chuan ka inbual a, muang changin ka insiam a, college kal hi ka huphurh hlur tawh. Vawi ah engthil nge ka chungah an tih leh dawn ka hre si lo.
College lam chu muang changin ka pan hna hna a ,dawrah biscuit vel ka lei lawk ṭeuh a, a chhanchu zana lehkha ka zir rei deuh hian eitur ka duh ṭhin vang ani.
Senior te hmuh hlau reng reng in ka kal a mahse ka pumpelh thei lo chu anih hi.
Kan classroom panna corridor ah chuan Famous ho chu an lo ṭhu leh ṭhap tawh . Perik chu duhdah deuh hian alo ṭhu ar ar a, a ke chu ṭhuthleng pakhat ah chuan a nghat bawk. A hma ah tak Junior pakhat hi a lo ṭhingṭhi a a ban chu chung lamah a phar bawk, ka hmuh chuan ka han thaw halh a .Ka kal tlang ngei angai bawk si, Hmanhmawh tak chuan ka kal pelh fua ka tum mai a.
" i va hmanhmawh ve" ka ding chawt ringawt , ka hawilet vata Perik chuan min lo melh leh kur tawh.
" Ahh... homework submit tur ka neia" ka sawi tur hre lo chuan ka ti ta ringawta.
" Enteh u homework submit tur a nei anih chu" tih pah chuan an pathum chuan min nui vak vak a,thil nuihzatthlak a awm in ka hrelo.
" Nui ve rawh" a hma a mipa ṭhingṭhi lu ah chuan a beng kher a, chupa chuan a hlau bawk nen za lo tak hian a nui lui suk a , ka khawngaih lutuk chu ka en reng ringawt.
" Ka pheikhawk hi tifai rawh" Perik an a tih chuan mak tih hmel takin ka en a.
" hmanhmawh rawh" vin deuh a a tih chuan ka kut chuan a pheikhawk chu ka han beng thuak thuaka, thu ka awih pauh leh min ti rei peih lo ting a ni mai.
" eng nge i ah?"
Ka kun lai tak chuan ka bag chu min rawn laksak thut a, lak let tuma ka kut ka ban veleh an in pass daih zel .Ka bag a hawn rual chuan Perik chu a ner nghal nang a.
" Biscuit maw!" mak tih hmel tak chuan a en a, a awm dan ngeiawm zet avang hian min ti zak letling zawk. Ka bag ami zawng zawng chu a bun chhuak veka. Lipstick pakhat hi a rawn tla tel bawk.
" Woww! lipstick" Jason chuan a lo ti a.
" Kha inhnawih rawh" Perik chuan lipstick chu a rawn keng kang va va a , hemi te pathum hi mihring pawh an ni lo.
" maw! ka inhnawih tawh" ka ti ve tlat .
" Helai hmun hi i in angah ngai la" a kut chu a phar kual vel a " i in chei ṭhin dan angin ti rawh" a tih pawh chuan che lovin ka ding renga, ka ngaihdan ni lo mahse hnial thei dinhmun ah pawh ka ding lo .
" ka pi i hmanhmawh thei hram angem nilengin hun kan nei lo ania" ngeiawm zet in a sana thlek pah chuan a rawn ti leh a ,ka tih leh tho tho angai tih ka hriat avangin ka han in chei der vela, ka khur der der lehnghal.
" i kal thei ang" tih pahin ka bag chu chhuatah a paih kher a, a min kalsan nghal daih bawk.
Min hmuh loh laiin ka chhiatkhum leh hram .
Sana ka en chuan a lo tlai tawh em em lehnghal , khami te vang vek kha .
Chhuata biscuit an paih tawh chu ka char sawk sawka ka bag ah ka khung a class lam chu ka pan nghal a.
" morning"
Perik a ni leh emaw tiin ka lo phu zuka, ka hawi let nak chuan Dave lo ni rengin ka thaw huai mai.
" min ti phu alawm" ka ti vata.
" ka hmai ah thil kai a awm em ni, tinge i phut a" fiamthu pah chuan a hmai chu a khawih vel a.
" Chutiang pawh anilo, homework kha i ti zo tawh em?"
" Aw zo tawh e, i copy duh em ni?" a tih chuan inthlahrung tak chung chuan ka lo bu nghata, ka duh miau alawm.
Dave hi a felin min care em em a, kan innel hma reng bawk .A polite in harsatna ka neih apiangin min pui thin a, ka ngaina takzet.
Tlai kan bang tur ka lehkhabu vel ka dah fel lai chuan mipa pakhat hi a rawn lut thut a.
"tunge Ms-i ?" a rawn tih chuan ka hawi nghal vata, ka hlauthawng nghal ringawt.
" keimah ....Eng nge i duh?" Tiin ka zawt let a.
" Senior ten an classroom a kal turin an ti che"a ti ta mai .
Hlauhthawnna in ka khat nghal.
"a awmna pawh ka hrelo" ka ti vata.
" hruai tur che in min ti a, min rawn zui rawh" tih leh chhuah a rual nghal
" kimkim min lo va kalsan mai ru" tih pah chuan ka zui chhuak ve nghala.
Ka hlauhna te hi tlanchhiatsan lovin ka hmachhawn zawk tur a ni tih chu ka in nghahna awmchhun a ni .
Topmost ho classroom ka thlen chuan Famous ho leh mi tlemte an lo awm a, Perik ka hmuh rual chuan ka zam chhe der.
" Hey! biscuit girl i va rei ve" a nui suk a, ka din na ngaiah chuan ka la ding renga.
"biscuit a ei anga, a tlai aniang" Nathan an a tih chuan an nui dar dar a, sawi tur pawh ka hrelo.
" Zai la min han awi teh" Jason an a tih chuan tlan chhiat mai te ka duh. Ngati nge zai tura min tih reng le vawinah ringawt pawh ka vawi nga ka zaina ani tawh.
"Hetah lo kal teh" Perik an a tih chuan a lam pan chuan ka kal hnak hnak a, hlauh luatah thu a awih theih khawp mai.
Ka kal phei lai chuan mipa pakhat hian a ke a rawn khang thut a , a ke chu ka pal pawp a Perik hma ah tak chuan ka tlu bawkkhup ta thlawrh mai !!
Kut an beng a an nui nghal dur dur a. Kei erawh ka ban a nat em avang in ka tho mai thei lo , ka mittui chu a rawn far nghal fap a .Ka ṭap ani nghal mai .
" Guys , ngawi teh u"
Perik chu a rawn kun hniama, ka mittui chu a tla nghal zung zung a, ka tho thei lo ani tih a hriat chuan hlauhthawnna in a khat nghal a.
" hreptak chuan ....i khawilai nge na?" tih pah chuan zo zet hian min pawm tho nghal lawp a.
" ka kut" ka lo ti hmuk ringawt, ka awm leh ka khup pawh a na tel mahse ka kut hi a na ber .
A duk ruih avang chuan a phi buai nghal ruai a , ka kut phei chu khawih pawh a khawih ngam lo .
" hman hmawhin nurse bulah hruai nghal ru" a tih chuan min rawn buaipui nghal sap sap a, nurse room lam chu min panpui nghala.
Nurse room ah chuan ka ṭhu ran a, ka kut chu min tuam sak bawka, a nat em avang in ka inhnit hlawp hlawp reng a,rei lo te ah Perik pawh chu a rawn lut a.
" Eng nge a an?" nurse chu a rawn bia a, mahse Hindi a an in biak avangin ka hrethiam lo , Nurse in eng eng emaw a hrilh lai chuan Perik chu a thaw leh halh thin a, a hmel atangin a hlauthawng tih a hriat theih.
" Ala na em?" min rawn en a, ka lo bu nghata.
" i dam leh vat mai ang ruh pelh satliah anih kha" a tih chuan mak tih hmel takin ka en a, ka kut ruh a pelh maw!! chu thu ka hriat chuan ka kut chu a na zual sauh in ka hria, ka thinrim bawk nen ring tawkin ka tap vaka. Perik tihngaihna hre lo chuan ngawi rengin min lo en reng ringawt.
" Hey! tap tawh suh" a rawn ti leh ringawta, ka hnuk a ti ulh zual zawk, a aia nasa chuan ka han ṭap leh vaka, a tih ngaihna hre lo chuan min rawn kuah hle hle ringawt a , mahse ka hmelma kuah chu ka duh bik lo .
"min chhuahsan rawh" ka tih chuan engmah sawi belh lovin ngawi rengin min chhuahsan nghal mai a, ka rin ang em em a sual chu alo nih loh kha .
Ka kut a nat vang nge ni kar hnih chhung dawn chu min rawn tibuai tawh lo .Jason leh Nathante chu ka hmu fo a mahse Perik hi hmuh tur a awm ngai lo. Mak deuh maiin ngei viau e tilo chuan nitin amah hmuh tumin ka enkual ziah thin a. Min tihbuai tawh loh bakah amah hmuh tur a awm lo chu lawm tur ka nih laiin kim lo tlata inhriatna ka nei tlat peka .
Eng nge maw ka hriat le? min ti duhdah tu leh ka chunga tha ngai reng reng lo tu chu hmuh ka chak amaw!!! ani thei lo ...Ka damlo ani ngei ang.
Tum khat chu College ka thleng hma bawka midang rawn kal hma in ka vei kual mai mai a, chutia ka vei kual vel lai chuan,
"min hmu turin rawn kal tawh suh" Perik aw ka hriat rual rual chuan ka tlan chhe nghal vata mahse a hmuh theih loh turin bang phenah ka biru nghal a.
" Engpawh nise ka fapa i ni a, i pa hi min zah ve ta che" Pa pakhat ngo lampang sang deuh mai ,suit to hmel tak ha hi Perik bulah chuan a ding a, min hmu hman lo hlauh chu ka lawm teh e.
"min hruai tum buai duh suh hetah hian ka hlim... i company kha va enkawl zawk rawh" Perik chu a thinrim tih ka hre nghal, nidang ai zawngin a vin .
A hnu ah chuan Hindi leh tawng dang danga an inbiak avangin an thusawi ka hrethiam tawh lo ,chhuah ngam ni tawh hek lo ka awmna ngaiah chuan ka ding reng a, car tlan thawm ka hriat takah chuan thawk huai pahin a ruk thei ang ber chuan kal ka tum ta a,mahse ka phone chu a rawn ri ta thut mai !!
" A va hun lo tak " ka phun sapa, ka phone chu hmanhmawh takin ka off nghal a, chutah kal ka tum chiah chu Perika ka su bur mai !! Phawk fe hian ka melh chho nghal a .
" Kan inbiakna kha i lo ngaithla vek tiraw?!" A ti ta mai , ka hma ah tak a ding run a, a mit dum kak chuan min melh kalh bawk.
" Ai ...eng ...engmah ka hrelo" bah nuai a ka tih chuan bangah min nawr bet nghal chawt a, ka ban ah chuan a hmer vaka .Tlan chhuah tumin ka tal ve tak na in a chak em a min vawnna takngial pawh ka thlah tir thei lo.
" A na ania"
" Sawi rawh, i lo ngaithla tiraw?" a au nghal tuarh a, ka lo phu zawk ringawt.
"aw, ngaithla e enge tihsual ka neih ,min kalsan rawh" ka ti vin let hlar a , a aia nghet in min vuan sauh .
" i tih sual chu maw?" tih pahin ka chal ah chuan a nem sawka."midang nun ah lo in rawlh tawh suh" tih pahin min rawn kal hnaih deuh a
Ka mit ah tak chuan min en kar a, ngeiawm zeta nuih pahin ka sam ah chuan a rawn chul kher a, a rawn kun hniam takah chuan ka lo maimichhing vata.
"fimkhur tawh ang che"tih chiah chu ka beng bul ah chuan a rawn sawi sap a, ka meng nghal kawk a, bang hnek pawp pahin min kalsan nghal daih ringawt.
Khapa awmdan kha amak takzet , min melh dan leh a awmdan kha nidang a ang tawh lo .
Class kan lak lai pawh chuan Perik hlir chu ka rilru ah a awm a, a rim pa hrak te, a mitmeng dum kalh te chu ka ngaihtuah a ka lo nui leh ver ver thin .
" Eng nge i hriata?" Kimkimi chuan min rawn nghawk zeuh a.
" engmah " tih pah chuan ka khi ver ver a, ka awmdan hi ka in hrethiam tawh bik lo.
Hostel a ka awm pawhin College kal chu ka chak zek zek a, thla thum chauh la awm mah ila nuam ka ti em em ringawt, nasa takin min rag thin mahse Perik ka hmuh theihna tur anih phawt chuan pawi ka ti lo,ragging hi ngaiah ka nei tawh hial in ka hria mahse karkhat dawn chu Perik ka hmu tawh lo.
Vawikhat chu Perik hi ka tawk thut mai a, nidang chu nise pehhel tumin ka tlanchhe ngei ang mahse biak chu ka chak tlat peka.
" Senior," ka au tih a hriat chuan a rawn hawi phei a.
" Good morning" ka lo ti vata, engmah sawi lo in a kal lehnghal daih!!
Chutatang chuan zing tin ka hmuh apiangin nui sang chung hian ka wish ziah thin a, mahse engmah sawi loin min kalsan daih zel.
Nidanga min tihduhdah chak em em thin khan min tibuai ngai tawh lo a, min rag pawhin Nathan leh Jason bak hmuh tur an awm ngai lo ,a mizia a danglam tawh takzet .
Zingkhat chu ka tih thin dan ang bawkin Perik ka hmu veleh ka lo wish vata.A ngai te bawkin min kalsan a tum leh a, tum loh deuh in,
" Perik" ka ti chhuak hlawl ringawt , rang lutuk in ka kut in ka kâ chu ka hup nghal!! enge maw ka sawi le?
Rum zet hian min rawn melh a, min rawn pan hnai ta mai !
" Engmaw ?" Tih pahin ka kawr nghawng ah chuan a tham pawp a, hmeichhia leh mipa a thliar hrang lo an tih kha ka hrechhuak nghal uai uai mai.
" ka tihpalh senior"ka ti nghal chul a , a tham ngheh em avangin tal pawh ka tal eih lo
"vawikhat mah ka hmuh theih ah rawn in lan tawh suh ang che" tih ram hmuk pahin chhuatah min paih lawp a, min kalsan nghala.
Min tih dan avang leh a duh ang ngei chuan pumpelh char char ka tum a, ka hmuh pawhin ka biru nghal vat thin, ka hlauh vang nilovin min hmuh a duh loh vang zawk a ni.
Class zawh veleh haw tumin ka insiam nghal mawlh mawlh a ,midang erawh an chhuak zo vek tawh , Kimkimi takngial pawh library-a a kal dawn avangin a chhuak hmasa sa ah a tang .
Kawngka a ka chhuah rual chuan tha chak tak hian classroom chhung ah min pawt lut dawrh a, ka hawi chhoh nak chuan Perik lo ni rengin ,min en leh reng tawh.
" Senior" ka ti sapa.
Mak tih hmel takin ka en reng a,ka mit ah tak chuan min rawn en ve bawka. Ka in rin hma in ka hmui ah a rawn fawp ta thut mai,ka meng phawk nghal kawk a mahse nam sawn pahin ka inla hrang leh nghal vata.
" ka tihpalh" tih pah chuan inthiam loh hmel takin min chhuahsan leh nghal daih a,a awmdan hi a mak takzet .
Ka awm na ngaiah chuan ka la ding khawng reng a, ka thinphu ri pawh ka hre thei hial ,rilru mumal pawh ka pu hlei thei lo, ka hmui chu ka khawih a, Perik an tunah khan min fawp !!! ka awih thei lo...
Zanah pawh chuan ka muhil thei lo a, ka lehkha zir lah a tui hek lo, vawina thil thleng kha ka ngaihtuah nawn tluk tluk a, ka hrethiam lo ,ngatinge Perik khan min fawh ? Min duh ani thei mai angem? Nilo nilo... ka lu chu ka thing leh nawk nawk thin a.
Min ti ã thei takngial dawn.
A tukah chuan hmanhmawh zetin college lam chu ka pan a, Perik hmuh tumin ka hawikual chhen bawka a tawp a tawp ah ka hmu ta, mahse amah chauh in ani lo,hmeichhe pakhat nen hian inkai chungin insi rial hian an rawn kal dun a, chunu hmui ah te chuan a fawp vel a,Perik chuan engthil mah thleng lo ang hmakin min kalpel anih chu! Vawikhat pawh min rawn melh eih lo.
Ka thin hi chemte a vih sawk sawk ang maiin a rawn na nghal zawk zawk a, ka awm chu ka dawm vang vang a, ka rilru a ti na takzet.
Engvangin nge hetiang hian ka awm tak!!? Ka hriatchian pawh nilo in hmeichhe dang akal pui a,a fawp bawka thik na in ka khat tlat a ,mahse lo thik nachhan tur ka nei si lo .
Thingkung hnuaiah inngaihtuah ngut ngut chunga ka thut mai mai lai chuan Dave an min rawn ko a .
" Ms... " ka bulah chuan Dave chu a rawn thu a.
" min kalsan rawh ka mood a off ania" ka lo ti hmak.
" hetah ka thiannu a tap a, ka kalsan daih thei lo tih chu i hriat kha" ka mittui chu a rawn hru a, a tlak lai pawh ka lo hre lo.
" tianga min hmuh hi ka duh lo alawm"
" kha i hnap a tla dawn nia, i tah leh chuan a tla tawh hrim hrim ang" a thusawi avang chuan ka nui ver ver a, a hmel nen zawng zawng hian ka nuih a ti za.
" Kha khatiang khan nui reng tawh rawh, i tah chuan i hmelchhe lutuk ania" min rawn nuih a
Dave nen hian class khatah kan awmdun bawka kan inzui ngawrh sawt hle , ka thiantha tak a ni a, nasa takin min ti duhdah thin mahse min hnem a, a hlim reng thin a kei lehzel pawh min ti hlim tel .
Perik nen pawh inhmu thin mah ila hre ngai lo ang hmak in ka kalsan hmiah zel, ka rilru a tih nat dawn ai chuan amah pumpelh chu ka thlang zawk .Perik avangin Kevin pawh ka hre chang tawh lo .
Class ah Dave nen chuan games kan khel dun a, midang erawh break a ni bawk a an chhuak vek a.
" Ms ...coffee i duh em?." Dave chuan a ti a, ka lo bu nghata.
" Ka lo let leh vat ang" tih leh tlan chhuah a rual nghala, kan awmdun tawh hi chuan coffee kan in reng zel .
Rei pawh a kal hma chuan Perik chu classroom ah chuan a rawn lut thut a, ka ban ah a vuan lawk a min pawt chhuak nghal dawr dawr a, classroom ruak ah hian min pawt lut a.
" min thlah rawh ...Eng nge i duh?"tih vin hlar pahin a kut chu ka thing thla sawk a, a ngaihdan alo ni lo ngang mai .
A mit chu a sen vek tawh a, a kut chu a hum ruh sauh sauh a ka awmna bul bang chu a rawn hnek ta thuai mai ,min ti phu takzet.
" hreptak chuan!! Khapa kha i bialpa em ni?" A rawn ti vin nghal thah a mak tih hmel takin ka lo en kawk ringawt .
" chu chu enga tan nge i tih, i hriat ve a tul lo" tih pah chuan chhuahsan daih ka tuma, min pawt let dawrh a,bangah nghet takin min nawr bet chawt a , chutah warning pawh awm lovin a min rawn fawp nghal tawn tawn a,rang takin ka lo nam sawn nghal.
" Duh tawk rawh,engvangin nge hetiang hi ka chungah i tih " tap aw deuh tuau hian ka ti a, ka han nam sawn leh dawrh a.
" A chhan chu kha pa kha i bula awm turin ka duh lo, a hlat ah awm rawh" ka mit ah tak chuan min rawn en a, a fiamthu mai mai lo tih ka hria .
"i thik em ni... mawh?" Ngeiawm zet hian ka ti let ve salh a.
" Aw, a chhanchu " min hnungchhawn zawngin a hawisawn daih a " ka duh che " zawi te hian a ti zui sap a .
" Engmaw!" mak ka tih em avang chuan ka zawt nawn leh nghat a , ka mumang chu a ni em lo tiraw?
" Ka hrethiam tawh bik lo ka awmdan hi mahse kha pa bulah khan awm tawh suh " tih pahin min chhuahsan leh nghal daih ringawt.
Hepa awmdan hi ka hrethiam lo takzet, tunah khan min duhthu min hrilh a, mahse min chhuahsan leh daih si.
A tuk ah chuan ruah a sur avangin balh hlau tak hian ka kal ai ai a, hnung lam atang chuan tu emawni hian min rawn rah per vaka, " hey " tih pahin thinrim tak chung chuan ka hawi phei a.
" morning"
Perik chuan min lo nuih vur vur a, chet nachang pawh hre lovin ka en reng ringawt.
Ka awih thei lo Perik-a a nui!!! ka mumang em ni? Thla li chhung ka awm tawh a Perik-a nui lai ka vawikhat hmuh na, a nuih zawng chuan a biangsum chu a khuar kak a, avan hmeltha chiang tak.
" tinge min en reng a?" a tih chuan ka nuih let sak a, mi â ang min ti ngawt ang.
" ahh..." sawi tur pawh ka hre lo, ka bulah chuan a rawn kal hnai a.
" Pawnfen fual leh sneaker nen pawh i sexy tho a nih hi" tiin min rawn fiam zeuh a, heipawh hi thil mak a tling .Hepa hian min ti â thei takngial dawn.
"ka hak angai sia lawm" ka lo ti hmuka.
" kha" chocolate hi min rawn pe a, pek pangngai pawhin min pe lo , a rawn theh a ni zawk mah.
" ka duh lo" tih pahin ka theh let a.
" i lak loh chuan ka pheikhawk i tih fai leh angai dawn nia" a tih chuan ka lo ner nang a.
Inbe tawh miah lo in College thleng chu kan kal dun a, mahse a hnu ah a kal hrang leh nghal daih.
Kan senior te ho chuan thil ngeiawm tak tak min la tih tir chhunzawm reng tho a, nitin min zai tira, min lam tir bawka, ngai ah ka nei deuh tawh.
Tlai khat chu class ban veleh hmanhnawh deuhin ka kal nghal hlawk hlawk a, a chhan chu ban ah senior ten min koh leh ka hlauh vang ani.
" lo ding teh" aw ka hriat chuan a aia chak leh zual chuan ka kal a.
" ding rawh ka tih chu" thupe tak chuan a rawn ti leh a.
" Perik min kal san rawh" A hming a ka koh pawn a thinrim tawh miah lo a nui suk a.
" Engtin nge min chhan dawn?" a rawn ti ringawt .
" Engchu maw ka chhan dawn che "ka lo ti hu a
"Ahh... ka duh thu ka hrilh che a, chuann..." A tih chuan ka lai ringawt, min bem tihna em ni?!!.
" i van zeilo tak" ka lo ti ringawt a.
" ahh... ka vawikhat na ania" a sam tuai pahin a nui suka "ka nawr lui lo ang che, mahse naktukah chhanna ka duh" thupe tak chuan a ti a, hepa hi chuan thu min pe reng dawn anih hi.
Zan ah chuan nasa takin ka inngaihtuah a, chhang dawn ila Kevin-a a awm bawk si,han chhang lo ringawt dawn ila Perik hi ka duh bawk si, khumah chuan ka let ka let a.A tawp a tawp ah chuan Kevin chu ka call ta nge nge a , engpawh thleng dawn se Kevin hi ka kawppui a ni a , ka thlang zawk tho tho.
" Hello" hmeichhe pakhat hian a lo la a, a thiante an nih ka rin avangin engah mah ka ngai lem lo .
" Kevin ka lo bia" ka han ti leh a.
"tunge i nih?" vin deuh hian a rawn ti let a.
" tunge i nih zawka?" ka lo ti ve sak a.
" A bialnu ka nia, tunah chuan a muhil a, nakin ah ka lo hrilh mai ang" phone chu a dah hmak ringawt.
Tun hnai te atang khan Kevin mizia hi a danglam sawtin ka biak loh chuan min rawn biak hmasak a tum ngai lo a , rinhlelh rukna chu nei tho mah ila hetiang thil em hi chu ka chungah a tih ka ring ngai lo .
Perik aiin Kevin hi ka thlang zawk a, mahse min phatsan amaw!! ka awih thei lo. Min tih der ani ngei ang tiin ka in fuih fan a, nakinah min rawn be leh mai ang .
Kevin chu a rawn insawi thiam ringin karkhat lai chu ka nghak tawh a mahse min rawn biak a tum lo, ka message takngial pawh a reply loh avangin ka call ta ringawta,a lak hma chu ka call nawn tluk tuk a a tawp a tawp ah chuan a la thei hram.
"Hello" Kevin a aw ngei ani.
" Kevin i reh lutuka" ka lo ti vata.
" nia" tih ringawt in min chhang.
"hmanni ah ka rawn call che a hmeichhe pakhat in a lo la a" aw khur dar dar chung hian ka ti a , pangngai taka ka sawi thei hi ka lawm ru hle.
"nia, ka thiannu anih kha" a tih chuan ka thaw huai mai, mahse phone atang chuan hmeichhe aw ka hre leh tlat!
0 COMMENT:
Post a Comment