PERIK -2 by Remruati Bawitlung (Haylor)

"chu nu chu tunge? ngatinge duat a tih che a" ka ti vata, Kevin chu a thaw halh duh chauh.

" Ms.. kan inbe khat bawk sia kan awmna a inang lo bawk nen.." a tih chuan a sawi tum chu ka hre nghal vek.

" anih chuan min lo kawp reng amaw!!, Kevin tun atang chuan kan tawp tawh" tih pahin phone chu ka off nghal hmak a, ka insum zo tawh lo ring takin ka tap chhuak hawm hawm a. Phatsan ka ni hian min ti na takzet .

Engtik ah mah ka ngaidam ngai lovang , inbe khat mah ila keichuan ka thlang zela mahse min phatsan takah chuan a laka ka rilru put hmang pawh a dang hmak tawh .

Kevin vang hian ka tap tawh tur a ni lo , ka mittui far khat pawh hi a phu lo.

Single ta ve ve chu Perik pawhin a khat tawkin hostel ah min thlah zeuh zeuh thin a, hmeichhia ti huam huam chi a nih loh avang hian ka chhanna tur pawh min zawt ngai lo . Chubakah chhanna ka pe thei chuang lo a chhan chu Kevin ka rilrua awm reng chung hian engtin nge Perik chu ka kawp theih ang.

1 month Later:

Kimkimi nen College lam pan chuan kan kala, kan inbiak mawlh mawlh lai chuan Perik an min rawn kai hrang thut a,Kimkimi chuan mak tih hmel takin min en tawn zak zak ringawt .

" chhanna chu?" a hmel atang chuan a hlauthawng in a zam hle tih ka hre nghal.

" ihh..ka..ka lo ngaihtuah" ka sawi zawh hma chuan thawk kan la leh te te phawt a, ngun takin min lo en kar a.

" min ti na suh ang che" ka ti ringawt a,hriatthiam loh hmel takin mak ti tak chuan min rawn en kawk a.

" aw tih na em ni?!!" A tih chuan ka lo bu nghata, a nui nghal vur vur ringawt.

Kevina avangin ka tap in ka hnual reng tur anilo hma ka sawn ve angai ani tiin ka in fuih char char a, hlim hi ka phu a ka mi duh tak kianga awm pawh hi ka phu ve a ni lawm ni?

" eng nge awmzia ?" Kimkimi chu a rawn kal a, engmah ka hrilh ngai lo bawka ngaihdan pawh a nei lo

" kan inhmu leh vat dawn nia" Kimkimi a rawn kal takah chuan Perik chuan min kalsan nghala.

"ka awih thei lo,Perik kha a nui nia mawle!! ..eng thil nge thleng hi?" Kimkimi chuan hriat chak hmel deuh hian min rawn melh a.

" Perik an min duh thu min hrilh a chuan kan ni tawh" ka zak deuh avang chuan ka hmai chu a sen nghal tawn tawn mai.

" Ms..." Kimkimi chuan min pawt ding chawt a, thil a sawi leh hma chuan rilru hah tih hriat tak hian a han thaw halh a.

" Eng nge?" ka lo ti vata

"Hetah chuan hnamdang nen a inngaihzawn chu kan senior ten an ko a, an zilh thin asin, an phal lo bur....MSU beng a thlen phei chuan a pawi viau ang " a ti ta mai .

Ka thu hriat chuan min ti hnual nghal rawih a ,Ka mit nghal sawlh thei nia mawle .

" mahse a tlai tawh lutuk" ka ti sapa, engkim a thleng fel vek tawh a , ka thutlukna pawh kha laklet ka duh hek lo .

" engmah ala tlai lo, an hriat chuan an zilh che anga an thawn haw ang che" a ti ang deuh deuh a , a tir khan min hrilh se chuan hetiang zozai hi a thleng lo tur.


Ka rilru a buai takzet, Mizo ti hming chhe tu nih ka duh bik si lo,thawn haw ni ta ila ka nu leh pa te zah tur zia ka ngaihtuah a lehlam ah Perika ka duh em em a, engkim ka kaltlang pui vek tawh bawk si ka rilru a phir takzet.

A chang leh ngatinge mihring vek kan ni a kan inthliar tlat thin le tih te in ka ngaihtuah a, Perika then chu ka phal thlawt lo. Eng thil pawh ka tuar mai ang tiin ka rilru ka siam fel ta ringawt a .

Classroom ah kan senior te ho chu angai te bawkin an rawn lut tham tham a tumah zai turin min ti lo a, lam tur pawhin min ko chhuak hek lo .

"ka be duh che " Perik an a tih chuan Kimkimi chuan min lo melh rum ngang mai, classroom atang chuan ka zui chhuak nghala midang ho chuan mak tih hmel takin min en thap hlawm a.

" kha hei la rawh" eitur chi hrang hrang hi min rawn pe a .Ka nui nghal ver ver a a chhan chu hetianga awm hi a inhmeh ve thlawt lo .

" angai lo" ka lo ti vata.

" aih tih chhanna hi ka duh miah lo a nia" min rawn pe lui leh ngat a, hepa han luhlul zia hi chu aw.

Nitin in eitur chi hrang hrang min pe ziah thin a, ti tawh lo tura ka tih pawhin min pe lui zel tho ,min ngaihsak em em nachung in ka hriatthiam theih lo chu vawi khat mah min duh thu hi a sawi leh tawh ngai lo. Midang hmuh ah chuan min hre ngai lo ang maiin a awm a, a chang chuan ka thinrim lek lek thin. Senior te min rag pawhin min en liam mai zel a, chhan pawh min chhan ngai lo a ka lungawi lo takzet .

Class kan nei loh avangin pawn ah chuan hla ka ngaithla mai mai a, Perik chu ka va text a.

" tunah hmuh che ka duh" thupe tak chuan ka ti a ,hetianga thu han pek vel hi a nuam ve hrim hrim .

" tunah chuan class kan la mek" tiin a rawn reply a ,a rawn reply rang ngei mai.

" tunah minute5 chhungin hall ah min rawn hmu rawh" tih zawng chu ka thawn leh a, rang takin Hall lam ka pan nghal bawk .

Sana chu ka lo en reng a minute5 pawh la tling lo ah chuan kawngka rawn in hawng ri chu ka hria a, nuih pah chuan ka hawi phei vata. Perik chu kawngka bulah chuan hah hmel tak hian a lo ding a, a thaw hlawp hlawp a.

" i tlai tep" ka ti kher a .

" minute thum chhungin ka rawn thleng"tih pahin min rawn pan a .

" engtin nge i rawn chhuah theih a?" A rawn kal tak tak pawh ka ring lo asin .

" i tan te chuan"a nui suk a ka bul ah chuan a rawn thu a, tui ka lo pe vata.

" ngati tehthut nge min hmuh i duh a?" ka mit ah tak chuan a rawn en a, ka zam nghal der,ka hawisawn vata.

" min en rawh" tih pah chuan ka hmuiah a rawn fawp zeuh a, ka lo chhang let rang khawp mai. A aia nasa chuan min fawp leh a, ka awm bawr te chu a tham tawn tawn a, ka kawr chu a hlim a, ka awm bawr ah chuan a fawp bawka .Chutah ka pawnfen chu hlim leh a tum a mahse ka kut chuan ka lo dang vata.

" ka tilui lo ang che" a nui suk a, ka chal ah a rawn fawp zeuh a.

Class pawh kal lo chuan nilengin seminar hall ah chuan ka awm dun char char a, kan titi a ,games kan khel bawka khawvel vanram hi a ni ringawt .


Nitin mai hian kan in hmu ziah thin a, a ni telin a zun ah ka uai a ni ber, a engkim mai hian ka lung a dum hluah hluah.


Lehkha ka zir zawh meuh chuan dar12 a lo ri va tawh a, ka phone chu ka en vat a Perik message a lo awm a,dar10: 30 a mi daih a lo ni tawh a, rang takin ka en nghal vata.

&in hostel bulah ka awm rawn chhuak rawh* tih te mai hi a lo ni a .

" Ka chhuak thei lo, gate engtin nge ka lawn liam anga?" Tlai tawh viau mahse ka reply ta tho a .

"lo chhuak phawt la" warden kan nei lo a bakah amah ka hmuh chak em avang chuan a ruk thei ang berin hostel atang chuan ka chhuak a, mahse gate lawn liam chu huphurh awm tak ani.

Vanneih thlak lutuk in buaina awm miah lovin Gate ah chuan ka lawn a,ka chhukthlak theih loh chinah Perik an min lo pawm thla vata.

" ka nghak rei tawh lutuk che" a ti sap a , a vin leh hlur dawn emaw ka tia mahse a thinrim miah lo .

" ka hmu har lutuka ka tihpalh" tiin ngaihdam ka dil a, nuih suk pah hian ka chal ah a fawp zeuh a ," lut rawh " tih pahin a car kawngkhar chu min hawnsaka, ngawi rengin ka lut ve mai bawka , tawi khawmuang lovin kan tlan chhuak nghala.

" khawiah nge kan kal dawn?"

Kan tlan rei tawh em avang chuan ka zawt ta ringawt a , kan kalna tur hi ngaihdan pawh ka nei lo.

" i hre mai ang" tih ringawt in ka min changa, khua lah chu a vawt deuh surh lehnghal, ka khur hlak hlak reng a.

" Heater kan on ang, khatiang bul lutuk kha rawn hak loh tur che alawm" a biangsum khuar kak hian min rawn nuih a, hepa hi chu a hmeltha ve chiang alawm.

"kan thleng ta..." a tih chuan ka hawi chhuak vat a

Kan hma lawk ah chuan dil mawi deuh mai hi a awm a, chhum a zing raih bawka, khaw awmdan nen zawng zawng hian a romantic tih bakin sawifiah dan ka thiam lo .

" a mawi lutuk " hawi kual pah chuan ka khi thaw reng a , hmun nuam takah ka mi duh tak nena awm dun tluka nuam hi ka hre lo .

Perik chuan ka awmdan chu khap miah lo hian alo thlir renga , a lam ka hawi phei rual chuan min rawn hnaih deuha,ka hmui ah zawi te hian a rawn fawp zeuh a.

" i duh hun hun ah kan kal leh dawn nia" tih sap pahin a thutna seat chu a ti awn deuh a , a mal chungah min thut tir te te a duhthawh takin kan in fawp nghal tawn tawn a .

" ka hmangaih che" a sawi rual chuan ka meng phawk chiang teh e , he thu hi a vawikhat sawina, engtik ah nge he thu hi ka hriat leh ang tih pawh ka hrelo .

" keipawhin ka hmangaih che " tiin ka lo chhanglet sap a , hetiang lampang hi kan sawi ngai lova , ka khawr deuh hu mai .

" thil hmuh tur che ka nei " tih pahin car atangin a chhuak nghal a ,car kawngka min rawn hawn saka,min kai chhuak nghala.

"a vawt i ti a nih kha" tih pahin a jacket chuan min rawn khuh a.

" a vawt i ti zawk ang T-shirt chauh i hak kha" ka lo ti vata, engvanga kawrlum ha lova chhuak nge ka nih pawh ka hre tawh bik lo.

"a vawt ka ti vak lo" a thusawi chu ka awih lo lutuk ringawt ,ka lo ner khum nanga.

Car hma chungah chuan kan thu dun ran a, nghet takin min kuah lum thar thar bawk a, a dar ah ka bei hle hle a .

" ohhh.... car-ah shoal ka dah " tih pahin car-a a shoal dah chu a rawn la chhuaka.

"i lo plan sa vek ani maw?" Ka ti kher a , a nui vur vur a .

"hetah hian hmangaih ka neih hunah ka la hruai ang ka ti a" van lam chu a melh vang vang a" ka nu hei ka hmangaih ber chu ka rawn hruai" min rawn en leh a, duat takin ka sam ah chuan a rawn chul heuh heuh a, a mit ah hian lungngaihna leh hlimna ka hmu kawp.

" chuan keimah min hruai ta a..." ka nui ver ver a, ka hlim takzet ....Perik meuh pawh alo che romantic thiam khawp mai .

Chutia arsi kan thlir dun lai chuan ka nghawng ah chuan thil vawt thler hi ka hria a ka en nak chuan thi min awrh tir a tum hi alo ni a.

" Perik angai lo asin"ka tih pawhin thi chu min awrh luih tir ta tho a.

" ka thil pek che hi engmah hnawl tawh suh, chu chu hre reng rawh" ka hmui ah chuan a rawn fawp leh a, zanin zet zawng ka nui tawp hleithei lo ka khi thaw reng mai .

"hetah hian ka pa in min hauh apiangin ka awm thin a,tunah chuan nang chauh hi ka neih awmchhun i ni a,min kalsan suh aw" a hmel atang chuan a thutak hle tih ka hre thei, min ngen chiam lo mahse a thinlung zawng zawng in a sawi thung.

" ka kalsan dawn lo che, i pa kha mi tha tak a ni ngei ang" ka ti ve tak na in an inkar a tha tih ka hrereng a , ka lo sawichhuak ta kher kher hi ka inchhir leh hnuhnawh.

"Ka pa hian a company a thawk turin min duh a...." Rilru hah tih hriat takin a thaw halh a.

" ngatinge i thawh mai loh "

" i hrethiam lo anih kha, ka nu leh pate hi kum5 ka nih in an in then a, rei lo te ah ka nu chu cancer in a thi lehnghak a, a tir ah kha chuan ka nu thiam lo ah ka ngaia, mahse ka pa thiam loh vek kha a lo ni a, a secretary nen an in ngaizawng a ka nu chu a then ta ani chutichung chuan engtin nge a company tenawm tak ah ka thawh theih ang" a hmel ka en hian beidawng ngawih ngawih hmel a pu a, ka lainat takzet .

"eng company?" ka zawhna chu chhan har a ti hmel hle, a ngawi renga.

" mawh" fiamthu pah deuh hian ka kiu chuan ka han nghawk kher a.


" ahh.... Royal Entertainment " a tih rual chuan ka meng phawk nghal kawk a, a ni thei lo Perik pa hi business man hausa deuh Richard Bagra kha maw ni a!!!

Royal Entertainment te chu kei takngial pawhin ka hria , hei vang hi nimaw kan professor te pawn an hlauh em em nachhan!

" mahse ngatinge hetah i awm?" ka zawhna avang chuan a nui lui suk a.


" Ni e, college ka kal hma thleng LA ah ka awm a, mahse ka pa thu a awm reng ka tum tawh lo , India ah a rukin ka rawn haw a, mahse ka pa in min zawng hmu leh ta tho a nih kha , ka pa lak atang hian a bihruk theih tak tak loh " a kawchhung tawt lutuk chu a han thaw chhuak halh a, puih duh viau mah ila puih dan kawng ka hre bik lo .

Ka va han laktlak loh tak em.

"chuan hetah ka lut lui a,chuan nang ka tawng ta che a" hul hak hian min rawn nuih vur vur a " mi vannei tak ka ni... nang ka nei che hi" a tih chuan a rukin ka lo hlim veng veng , hetiang ang hian Kevin nen kan inkawp chhung zawng khan ka awm ngai lo , Perik bulah hi chuan special bik ta riau hian ka in hre thin .

"midang pawh i tawng hnem tawh ang chu" ka zawt lui kher a , engkim hriat vek ka duh.

"hmeichhe dang anglo takin ka vawikhat hmuh na ah che khan ka nervous nghala, chuan ka hmeichhe bem awmchhun i ni "

" a nih i bialnu dangte chuan an rawn duh hmasa zel che em ni?" ka tih chuan a lu chu a bu nghata, ka rin aiin min chhang tha duh phian , zep ṭit ṭet hi a nei ve lo reng reng .

" ngangte chu i harsa em alawm thla khat ka nghak che ania" ka hnar ah chuan a rawn piai a, a kut chu ka ben thlak sak pawp a , a aiin a nui nasa zual.

"mahse kei kher" keimah insit na in ka khat nghal a, hmeichhe tamtak a duh duh a neih theih laiin kei kher chupawh Tribal nula lehnghal !!

"nangmah kher ka duh che alawm...tribal nula pawh ni mahla pawi ka ti lo. Ka hmuh hmasak ber atang che khan ka duh tawh che a, mahse tih lan dan ka thiam lo a, ka hmuh reng theih nan che black list ah ka dah che anih kha" a tih chuan ka lo ner nganga,blacklist a awm kha hrehawm ka tih zia hria se chuan min ṭahpui duh hial .

Perik a chuan a chanchin tamtak min hrilh a,a pa in a thian duh ang pawh kawm a phal loh thu te ,a pa runluih nan a zantin club a a kal thin thu te, a nun ah hlimna a awm ngai loh thu te, vawi tamtak intih hlum a tum thute leh keimah avanga chung zawng zawng chu a sim thu te leh a nu a ngaih thin zia thu te chu min hrilh vek a, ka khawngaih lutuk a ka mittui a tla hial nia mawle.

Mi ten vannei tiin amah nih chak em em thin mahse a chhungril ah chuan a hlim lo ani tih ka vawikhat hmuh na ah khan ka hre thei a, amah ka hriatchian hnu phei chuan a khawhar thin zia te chu ka hre chho zela, ka lainat takzet .Nitin hian a pa nen an in hauh thu min hrilh ziah thin a, ka thiam ang tawkin ka lo hnem ve thin a mahse a rin ngam engkim min hrilh ngam ka ni tih ka hriat avangin ka theih ang ang in puih ka tum .

College ground ah thingbuk hnuaia thuthleng ah chuan hla ka lo ngaithla veng veng a .Perik an ka earphone chu a rawn pawt thla sawk ringawt!

" thil hmuh duh che ka nei" a rawn ti leh ringawta.

" eng nge?" ka lo ti vin nghal hluk a.

" min rawn zui rawh" ka ban ah chuan min kai dawr dawr a, seminar hall ah chuan min kai lut a,a kawr chu a phelh nghal vat a.

" i hmu em?" Phur takin a nak chu a kawk a.

" i mawl em ni?" A nak a tattoo ka hmuh rual chuan a hnung zangah ka beng thlawrh a .

" ngun takin ka inngaihtuah hnua ka chhut tir a nih hi " alo ti sam et ringawt , tattoo a chhu pawh tih tawh mah nak alaiin ka hming a chhu lehnghal. Hepa hi a â tawh takzet anih hi, engtin nge hetiang thil hi a tih theih chupawh keimah vang lehnghal!!

A tattoo hi a te hlauh a , a zia hlauh .

A chang chuan han inhau ve bap bap thin mah ila kan in hau rei thei tak tak lo,a ni telin ka duhna a zual zel a. Engtik lai pawhin hmuh reng ka chak a ka hmuh zawh chiah pawhin ka kham thei chuang lo.A bulah chuan ka hlim em em a ka lehkha zirlai ah nise min fuih nasa thei em em bawk a,kan awm dun tawh chuan tumah kan ngai bik lo.

Ka phone a rawn rik rual chuan ka en nghal vata " Kevin maw?" Tih sap pahin ka phone chu ka khup daih a ,ka la duh lo mahse a rawn tih nawn tluk tluk takah chuan ka la leh ta nge nge a.

"Ms... min ngaidam rawh" a rawn ti ringawt.

" i bialnu nen khan hlim deuhin awm ru"

" ka thei lo ka ngai lutuk che, ka inchhir takzet" 

" duhtawk rawh, min rawn be tawh suh" phone chu ka dah hmaka, ka thaw halh a...min rawn be leh ringawt pawh hi a zak lawm ni .

"Ms... lo ka lawk teh" lehkha ka zir lai chuan kan senior Esther in min rawn ko a, î he lovin ka zui nghal a.

Room a ka luh chuan kan mizo seniorte ho chu an lo thu khawm thapa, hlauhthawnna in ka khat nghal a ka thaw dep dep ni berin ka hria

" Ka sawi tlang nghal anga in hriat angin hetah chuan Mizo hi hmingchhiat kan duh lo a Ms-i hi hnamdang nen an inngaizawng tih kan hria a, kan zak takzet, mizo te a ti hmingchhia a ni" kan senior Mapuii chuan fiah fai tak chuan a ti dap dap a , mi pangngai tan chuan zahtlak tak a ni.

" A rang lama i then hi kan duh a, a chhanchu thawn haw kher i ngai kan ti lo a mahse a thleng nawn leh anih chuan i nu leh pa te kan hrilh angai tawh ang" Kan senior tho Irene chuan a han ti leh a, sawi tur pawh ka hrelo. 

Min zilh zawh hnu chuan engmah sawi lo chuan khumah ka bawp thlawp a ,a zawi thei ang ber chuan ka tap zawih zawih a. Thil tam tak ka ngaihtuah a eng thil nge ka tih leh dawn ka hre lo , eng hi nge tha anga engthil hi nge thalo pawh ka hre tawh lo .

College chu tlai takah ka kal a, Corridor ah chuan Angela leh Perik te nui dun lai ka hmu chuan mood fuh loh sa nen ka sa nghal zak a, thik na in ka khat nghal .

Ka demawm hran lo a chhanchu Angela hian Perik nen hian min tibuai renga, Perik pawn a ngaizawng ani tih a hre reng a, bakah vawitam tak be lo turin ka hrilh tawh a, engatan mah min ngai lo anih hi.

An pahnih chuan kal pel ka tum lui ngat a Perik an ka kut ah a rawn vuan chat a .

" Ngatinge tunlai hi min va be tha duh lo ve" a ti zui sap bawk .

"Perik kan inthen angai" ka tih chuan a meng phawk nghal kawk a, kei ngei pawh hian hetiang thil ka sawi chhuak hi ka awih thei lo.

"i hriat angin nang leh kei chu kan hnam a in ang lo a, kan awm dun reng thei lo ang tawng pakhat pawh kan hmang thei lo a English hlir in inbiak angai a kan engkim hi a inmil lo vel vek" ka sawi zawng pawh chuan ka na ngawih ngawih a mahse mittui ti tla lo turin ka insum hram hram a.

Ka thil sawi engkim khian awmzia pakhat mah a nei lo mahse kan inthen angaih nachhan bulpui ber chu kan hnam a inan loh vang a ni , Mizo ka nih vang pawh ti ila ka sawi sual lovang a chhanchu Mizo te hian hnamdang ngaihzawng neih hi an hrethiam tlat lo .

" ka duh lo, nang chauh hi ka neih chhun i ni ka ti tawh kha ,Angela vang kha em ni?" Thil ni thei tur awm ang chu a rawn sawi chhuak a mahse engmah hi a dik lo .

"Be tawh lo tur che in ka hrilh tawh che kha, Perik hriatthiam tum teh " ka thinrim sa bawk nen ka ang hlawih hlawih a .

" Engchu maw ka hriatthiam ang, Angela chu enga tan mah ka ti lo chuan kan hnam a inang lo tih chu ka hria alawm a tul anih chuan Mizo tawng pawh ka zir mai ang mahse ka then thei lo che" a thinrim tih chu ka hre nghal mahse a theih ang tawkin min chelh a tum ve bawka .

" luhlul lo khan....."ka sawi zawh hma chuan min rawn fawp thut a, nam sawn dawrh pahin ka lo hawisawn nghal vata.

Ka hawisawn daih avang chuan amah en thei turin ka khabe ah vuan in min kuaiher a,A mit dum kalh chuan chiang zet hian min rawn en kalh a.

"Min la duh tih ka hria"confi zet hian a ti a, bang lampangah chuan min nawr bet chawt a.

" khatiang thil kha sawi tawh suh ang che" tih hrawk pahin duh thawh tak chuan min rawn fawp tawn tawn nghal tawn tawn a, hepa hi engvanga hnar harsa em em nge maw a nih le?

Ani thei lo ,he thil hi ka tihtawp vat angai ani hetianga kan awm reng chuan kan pahnih tan pawn a tha lo ang.

" Perik duhtawk rawh" vin tak chuan ka ti thawt a, ka nam sawn dawrh bawk. A mitmeng atang hian a rilru a na ani tih ka hria mahse heng thil zawng zawng hi ka tih tawp vat angai.

"kan tawp tawh,ka duh tawh lo che" tih sak pah chuan a thi min pek chuan ka vawm a,hetianga ka tih loh chuan ka kalsan thei ngai lovang .

" Malsawmtluang... awrh leh rawh" zawi sap ha seh chilh ran chuan a ti a, ka hrelo der hmak a.

" awrh rawh ka tih chu" a au tuarh a, ka ban ah chuan na takin a rawn hmer a.

" a na ania min thlah rawh" tum loh deuh in ka mittui chu a tla nghal zung zung a, ka kut a nat vang nilo in ka thinlung a nat vang zawk a ni.

" ka tih palh,tih nat che hi ka tum dan a ni lo" min vawn na chu a thlah nghal hmak a, room atang chuan ka tlan chhuak nghal a, min rawn umzui tih ka hriat chuan chak takin ka tlan zel a,a tawpah min hmuh theih loh turin ka biru daih a.

Ka thutlukna hi keimah ngei pawh hian ka pawmpui lo , tha nia ka hriat angin thil ka ti a mahse keimah tho ka na leh si .

Nitin mai chu hremhmun ang mai ani , engvangin nge ka tan hian thil hi a harsat bik em em le? Thil ka ei tha thei lova zanah pawh ka mu thei hek lo. Ka nunphung hi a buai vek a ni ber .

Perik lah engtik lai pawhin pumpelh tum thin mah ila ka thei chuang lo, keimah zawk zawk hian hmuh leh ka chak .

Kar khat lai kan inthen tawh a , ka tawrh dan ala ngai reng .Hostel ah pawh ka thiante ka kawm ngai tawh meuh lo a chhan chu Mizo tih ringawt pawh hi ka haw hlur tawh .

"hey! MS...i dam amaw?" Dave chuan min rawn nuih a, za lo zet hian ka lo nuih let a.

" ka la thi lo chu anih hi" ka fiam let a .

" He hla hi i ngaithla tawh em?" earphone chu ka bengah a rawn hnawh lut a.

" hei hi nangma zai maw?" ka ti a, a lu a lo bu nghata...ka nui ver ver ringawt.

" tikhan nui ziah tawh rawh, karkhat dawn lai chu i nui hmel ka hmu tawh lo a nia" a tih chuan ka nghawk sawk a.

" min hmuh loh vang mai mai anih chu" ka ti ve tlat , rilru hah deuh anga lan hi ka duh bik lo.

" Khawimaw i sam hi" ka sam pheng zet chu a rawn hui kianga, vawileh khatah Dave hmai ah tak chuan Perik an a rawn hnek siah a, ka au nghal tuarh a.

" Perik!!" Ka ti vin tuarh a.

"a bul hnaih ah awm tawh suh ka ti ani lawm ni" tih pahin Dave kawr nghawng ah chuan a tham lawp a. Dave erawh in engtin mah a khawih let lo a chhan chu Junior ala nih vang ani. A khawih let a nih vaih chuan senior ho in a sawisa duh ang .

"vawikhat pawh i lo khawih leh anih chuan...." ha seh chilh ran chuan a ti a.

" Perik duh tawk rawh, thlah vat rawh" ka tihngaihna hre lo chuan a ban ah ka beng vak vak a.

Chutia ka tih tak ah chuan Dave chu a paih dawrh a,min rawn melh a, a mit chu a sen vek a, a rui ani maw? .

Min rawn khawih a tum a ka lo tawlh hnung nghal vata.

"min rawn khawih hlek suh"

"ka tih palh" a ti sap a, a inthiam lo hmel hmuh hi hrehawm ka ti .

" khawngaih takin min kalsan rawh, hmuh che hi ka duh tawh lo" ka ti tuarh a, ngawi rengin a ding reng a, Dave chu ka kaitho sawk sawk a classroom ah ka luhpui nghal daiha.

" Dave Ka tihpalh lutuk aw " ka ti sap a, keimah vang vek .

"ka hria alawm Senior-a khan a duh takzet che anih kha ,in awmdan chu ka hrelo na a mahse ngaidam leh rawh" a hnar thi chu rawmawl in a hup a.

"i ngaihdan ang kha ani lo" tih bakin ka chhang lo.

★2days later★

Kan class kawtah kan senior te ho an kal rual chuan classroom chhunga mi ho chu kan ding nghal thapa. Famous ho leh senior dang ho chu an rawn lut huk a,Perik chuan en pawh min en lo chu chauh pawh chuan min ti na tawk em em mahse Perik luhlul zia leh hmeichhia a tih huam huam loh zia ka hriat avangin mak ka ti hran lo.

Perik chuan ka hnunga thu Monisha chu a ko chhuaka, ka hmuh tur ngei in a sam chu a khawih sak kher a,Monisha chuan nuam a ti ngang mai .Min runluih nan a ti ani tih ka hriat avangin ka hmu lo der tlat a, chhungril ah chuan ka na hle thung.

"nang kha ding rawh" Nathan chuan min rawn kawk va va a,ka ding nghal zawt a.

"dude...nangkha nilovin Ms-i a lawm" Jason an a ti sap ri chu ka hria a, mahse Perik chuan melh pawh min la rawn melh chuang lo, tu in en lo rei thei thei kan ti te pawh a niang chu.

Chutia min koh chhuah takah chuan Perik chu pawnah a chhuak nghal daih a, hetiang em em hian nimaw min hmuh a hreh.

"Ms... Perik hi a nun ngai ah let tir leh rawh" Nathan an a tih chuan mak tih hmel takin ka en a.

"Duhtawk rawh Nathan... Perik an a hria ange" Jason chuan a lo ti ve bawka.


"Hei hi ka tih ngei angai, Perik an engmah chu a sawi lo na in in pahnih hian in inngaizawng tih chu a thiante hian kan hai bik lo,tunah pawh in in ti thiam lo tih pawh Perik awm dan atang hian kan hre nghal a khawngaih takin ngaidam leh rawh"a hmel ah chuan a thutak hle a , mahse ngaidam turin engmah tihsual a nei tlat lo.

"engmah ti theih ka nei lo" ka lo ti sap ringawt .

"i thei alawm nang chuan hlim takin i siam a, club a kal te leh hmeichhe awmpui zawng zawng pawh a thlah nghal vek a mahse tunah chuan a awmdan hi ka hrethiam lo a tawng duh bawk si lo a rui reng a, ka ngen a che khawngaih in hruai let leh rawh" Jason chuan fiah fai tak hian min ngen a , chhan dan tur pawh ka hrelo.

Sawi tur ka nei miau lo, ka ngawi reng a ka rilru a buai takzet. Ni e ,Perik hi ka duh takzet  mahse ka nu leh pa ka ngaihtuah in mualpho taka siam ka duh si lo .Tunah hian ka let leh anih chuan thawn haw ka ni ngei ang chuvang chuan â takin ka che thei lo a ni .

Zan ah assignment ka tih lai chuan Kimkimi chu ka bul ah a rawn thu a.
"Ms... vawin ah Jason leh Nathan an min rawn bia, Perik hi engtin nge i tih dawn? ka puihna min rawn dil a" a tih chuan mak tih hmel takin ka lo en a.

Kan inthen hnu khan Kimkimi takngial pawh hi ka haw zo vek a , room khatah awmdun e tilo chuan tun hi kan vawikhat inbiak leh na.

"i hriat vek kha Kim ka let leh anih chuan hetatang hian hnawh chhuah ka ni anga chuan ka nu leh pa ten eng ang in nge min ngaih ang?" ka lu ka thing nawk nawk a, ka ngaihtuah zawng ringawt pawh hian ka tim uai uai thei.

Hetianga Kimkimi a awm thut hi thil mak a tling , Perik hi a haw hle sia .

" thla leh lawk ah kan in exam anga Perik te chu a graduate tawh dawn alawm, midang hriat loh in tih dan a awm mai ang , hei Nangpawh lehkha i zir thei lo a chaw pawh i ei tha bawk si lo ,i tap reng a, chutiang chiah chuan Perik pawh a awm, in hrem reng tawh suh u" Kimkim'in a tih chuan ka in ngaihtuah vang vang a, engtin nge ka tih tak ang? Engthil nge ka tih leh dawn tih ka hrelo ani.

" ngatinge hetiang hian i awm thut a ?" Kimi chu ka zawt ta nge nge a .

" hetianga i awm lai hi hmuh hrehawm ka ti , a hma anga hlim a i awm leh theihna anih dawn phawt chuan engtik ah mah in inkar chungchang hi ka kâ atangin a chhuak lovang " a tih chuan kan in nuih ver ver a , hetiang ang thiantha ka nei hi ka vannei takzet .

Ruah a sur nasat em avangin khumah ka mu hlun a, Perik nen a kan thil lo tih tawh te chu ka ngaihtuah let a ka lung a leng thar leh hnuhnawh a .

Ka muhil tep tawh tih in Perik an min rawn call hlawl mai !! be chak hle mah ila ka pick up duh lo . Vawitamtak min rawn call nawn tluk tluk pawhin ka silent hmak a, ka mutsan daih a.

" Ms.. tho teh" Kimkimi chuan min rawn sawi nawk nawk a, sana ka en chuan dar1 a lo ri va tawh .

" eng nge?" ka ti vata .

"Gate pawn ah sawn Perik a awm reng ania, dar 10 atang khan a awm tawh ,a damlo ang, ruah a do char char bawk si" a tih rual chuan ka tho chhuak vata, tukverh atanga ka va bih nak chuan gate pawn ah a lo ding tak tak .

Ka phone ka hmet eng a misscall 56 leh message 22 hi a lo awm a, Perik vek a ni.

En pawh en lo chuan nihliap ka la sawk sawk a, a ruk thei ang ber chuan pawnah ka tlan chhuak nghala.

Security a mut tawh bakah ka lawn ngun tawh bawka awlsam te hian Gate ah chuan ka lawn liam a, ruah a sur nasat em avangin ka huh vek tawh a. Nihliap in ka va zawn nghal vat bawk.

" haw rawh" ka ti nghal tun tun ringawt.

" ka duh lo, min ngaihdam hma loh chuan hetah ka awm tlat dawn" 

" anih chuan tikhan awm rawh, ka lut dawn" ka ti hmaka.

"chance vawi khat chiah min pe leh rawh" a ti chuai leh raih a, a rukin ka mittui chu a rawn far fap a.

"hriatthiam tum rawh, kan pahnih hi chuan khawvel dang daih ami kan ni engmah hi a inmil thei lo" ka lo ti vin hlar a.

"mahse mihring vek tho alawm kan nih , a tul anih chuan in mizo senior ho pawh chu ka be mai ang, pawisa an duh anih pawn ka pe mai ang" 

Engtin nge hetiang chungchang hi alo hriat leh hman tawh ni, kan mizo senior te chungchang hi ka zep tlat sia .

" duhtawk rawh i ngaih anga awlsam kha ani lo, haw tawh rawh"

Ka mittui hi Perik hmuh ka hlauh avangin lehlam ka hawi tlat a , hruk zeuh pahin kal sawn chu ka tum a, mahse ka hma ah tak chuan a rawn ding a.

"khawngaih takin min pawm leh rawh, i lakah engthil mah ka thlen tir lo ang ka veng him tlat ang che English chauh in in biak ngai mahse pawi ka ti lo, Mizo tawng zir angaih pawn ka zir mai ang ka tih tawh kha ...ti rawh min tih ang apiang chu ka ti vek ang khawngaih in min pawm leh rawh" a mittui tling pam ka hmuh rual chuan min thawng dawt ni berin ka hria.

Perik mittui a tla amaw!! ka awih thei lo, hetiang mi paukhauh leh luhlul hi a tap amaw!!! . Perik hi hetiang em em a a tlawm lai hi ka la hmu ngai lo, ka ding khawng reng a tap chhuak lo tur chuan ka in dang hram hram a.

"eng thil pawh thleng se ka kalsan ngai lo ang che, Ka hmangaih che" a ti leh sapa, chutah zet zawng ka insum thei tawh bik lo.

" Kei pawn ka hmangaih che" ka insum rei tawh bawk a ka tap chhuak nghal hawm hawm a,rang takin min rawn kuah nghal thlawp a.

" ka ngai lutuk che " tiin min hrilh mawlh mawlh a , kei ngei pawh hian ka ngai takzet .

Ka in hrem reng duh tawh bik lo , engthil nge tihsual ka neih ? Tual ka that pawh ni hlei lo ,hetianga ka inhrem reng nachhan tur hi ka hre lo . Ka thil tih awmchhun chu Perik hi ka hmangaih a chu chu a pawina ka hre lo.

"min kalsan suh aw" a tih chuan ka lo bu nghat a, ṭhi a hma a amah vawm nan a ka hman ngei mai kha min awrh tir leh a, lungchim takin ka hmui ah chuan a fawp vawng vawng a.

Perik Bagra.... hepa ngei hi ani min ti hlim tu chu, hnam dang ani emaw tawng chi dangin in bia pawh ni ila ka pawisa lo, a kiangah ka awm chuan ka hlim a engthil pawh thleng se ka kalsan leh tawh ngai lovang .

FOREVER AND EVER , AMEN - Randy Travis

You may think that I'm talking foolish

You've heard that I'm wild and I'm free

You may wonder how I can promise you now

This love that I feel for you always will be

But you're not just time that I'm killin'

I'm no longer one of those guys

As sure as I live, this love that I give

Is gonna be yours until the day that I die

Oh, baby, I'm gonna love you forever

Forever and ever, amen

THE END

Ig-@remruati_haylor

Fb-Remruati Haylor 

(Chhiar zawh veleh fakna khu hmet ang aw ...xoxo)