Force to Marry Millionaire - 1 to 5 ~ Remruati Haylor's stories

FORCE TO MARRY MILLIONAIRE

Remruati Bawitlung(Haylor)

(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)

Chapter-1

" Engmaw!! Kaden Crawford maw!! i tih awmzia chu Millionaire kha!!" Lisa chuan mak tih hmel takin min rawn melh nghal kawk a,a khabe a tla lo chauh.

" Aw ni e, mahse a hmel pawh ka la hmu lo putar anih ka ring "

" Kelsey i vannei ngawt mai Millionare pasal ah i nei dawn ania" a hmel ah chuan mak tihna leh phurna in a khat a, ka rilru hah zia hi a hre ve thiam hlawl lo niin a lang

" Ka sawi tawh ang khan min hire alawm , Ellie Skylar a rawn harh hunah chuan ka nihna ngai ah ka let leh ang,chuan lem ka chan reng angai bawk dawn,Lisa ka hreh takzet " ka ti chuai raih a.

" Chupawh nise mihausa bula awm chu a nuam ngawt ang ka thik ngawt mai che, actress nih i chak ber kha lem chu han chang tak tak teh "

" He thil hi ka pa hrilh miah suh ang che,ka pa tan leh ka ni leiba rulh nan a ti ka ni tih i hriat kha ka pa hi enkawl vat anih loh chuan chhiat lam a pan zel bawk si " Lisa chuan min hriatthiam hmel takin min rawn melh a,ka kut chu nghet takin a rawn hum nghal vat bawk.

" Ni e, i pa hi a cancer bawk sia, i college fee i thawhchhuah angai bawk si , i ni lahin leiba a nghah ropui sia,ka khawngaih ngawt mai che,mahse i kal bo daih dawn sia i pa bulah engtin nge i sawi?" Ka tawt em avang chuan ka lo thaw halh a,ka pa hmel ka ngaihtuah zawng ringawt pawh hian ka tah a chhuak.

"Paris a ka awm daih angai dawn a min sponsor avanga Paris a college kal tur angin ka sawi a" ka mittui chu a tling pam a,tap chhuak lo hram hram tumin ka inhnit faih faih bawk

" Mahse Kelsey i pa chu tuin nge enkawl ta ang?"

" Mrs Skylar in min tiam tawh angin ka pa inenkawl na tur leh enkawl tu tur an awm dawn a,bakah ka ni a awm bawka mahse ka pa hi ka ngaihtuah takzet ,ka kalsan daih dawn sia".

" anih chuan engtik ah nge i kal dawn ka ngai ngawt ang che" .

" Karleh ah aniang, keipawh ka ngai ngawt ang che" kan in kuah a,a chang leh kan tap dun thul, ka nundan hi a buai zo vek in ka hria.

Flashback~

1 month earlier:

" Kelsey tho rawh "ka mu lai chu Ka ni chuan min rawn sawi nawk nawk a.

" minute 5 chiah" meng mang lo in puan chuan ka inkhuh leh nghal

"Kelsey bus a rawn thleng tep tawh ania i tlai leh ang dar 8 a rik tawh hi " tih pah chuan ka puan sin lai chu a rawn pawt thlip pawp a,thil hrechhuak niawm takin ka tho nghal zawt bawk.

"Ni..... min kaihthawh vat tur alawm" tih leh bathroom a tlan luh ka rual nghal.

" dar6 atangin ka kai tho tawh che,breakfast pawh ka peihfel tawh ania"

" awle"

Hmanhmawh takin ka insiam sawk sawk a breakfast pawh ka ei tha hman tawh lo, ka theih ang tawka rangin insiam ve mahila bus in min tlansan leh hman tho, bus in min kalsan daih avangin college lam chu ke in ka pan hlawk hlawk a, ka hah em avangin thawk pawh ka thaw tha thei tawh lo.

Nitin ka thawh tlai avangin bus in min tlansan ziah a, ke a ka kal chu a tam zawk ani a,class ka tlai ziah bawka chutichung chuan zing thawh hma ka tum ngai chuang lo.

High school ka kal lai pawh in ka kawlh leh ka luhlul em avangin a hotu ber ka ni thin a. Ka homework midang ka tih tir thin avangin Principal pawhin vawi tam min ko tawh mahse ka sim duh chuang lo.

Ka pa a cancer tih ka hriat khan ka mizia chu vawileh khatah a inthlak nghal veka,ka zia a zawi in inngaihtuah ngut ngut chang lah ka ngah,mi thawveng tak ni thin kha nitin ka tap a a chhanchu ka pa hi ka neihchhun ani a ka chan thei lo ani. Ka pa enkawl nan pawisa kan ngah tawk loh avangin college banah part time in hna ka thawk thin a,ka chau thin em avangin luhai a tluk thut chang lah ka ngah.Tunah hian ka pa hian enkawl na mumal a dawng lo tih ka hria a, doctor te pawhin zai angai tiin min hrilh thin na in pawisa kan nei tam tawk loh avangin engmah kan ti thei lo .

College ka thlen chuan ka tlai leh tawh ani tih ka hre nghal ,class lam chu hmanhmawh takin ka pan nghala ka vannei hlauh Miss Loreta in class chu a lo la meka awlsam tak chuan min luhtir nghal mai .

" Mrs Kelsey Wisler tlai tawh suh ang che" tih pahin a tarmit phen atang chuan min rawn melh ralh a.

" awle, ka lawm e" tih pahin Lisa bulah chuan ka thu nghal vat bawk.

Class a zawh rual rual chuan hmanhmawh takin haw tur chuan ka insiam sawk sawk a, nidang chu nise thiante nen thil ngeiawm tak tak tiin kan leng kual leh ngei ang mahse tunah chuan ka thei tawh lo ka pa en kawl nan sum ka thawh chhuah angai tlat. Lisa chuan ka che vel chu ngawi rengin min lo en kar a.

" Kelsey tinge tun lai hi i zia a zawi riau mai ,a chhan min hrilh rawh,engtik lai pawhin i buai reng bask si" Lisa chuan ka dar ah chuan a rawn vuan a.

" engmah ani lo ka hmanhmawh mai chauh ani"

" Tunah chuan mihrang ka ni ta ani maw!! i thian tha ber ka ni a engkim hriat ka duh"Ka kal tur chu min pawt ding a,ka awmdan danglam takte chu alo hai bik hauh lo.

" Lisa duhtawk teh, ka pa hi hrawk cancer a ni a, enkawl nan pawisa pawh kan nei lo , ka thawh chhuah angai i lawm tawh em?" ka lo ti vin hlar a.

" engmaw!! i pa a cancer amaw!! "mak tih hmel tak chuan min en a,engthil nge maw ka sawi tak hi le?.

" aw, ka rilru a hah takzet ani.Ka ni lah a hna atangin an ban bawk si ka pa in treatment a lak vat loh chuan zual lam a pan zel bawk si" ka thu hnawk a ,ka hmai hup chungin ka tap nghal zawih zawih a.

"Kelsey i tawrh chhel em kha tiang hian awm suh i pa chu a dam leh vat dawn alawm"Lisa chu ka bulah a rawn thuin min rawn kuah nghal vata, a mittui chu a tla nghal zung zung a,kan han tapdun leh rih thin.

Lisa nen hian tet te atanga inkawm tawh kan ni a, engkim ah min pui a, min hrechiang em em a, ka nu in pasal dang min umsan a ka pa nen a min kalsan pawh khan min hnem a, ka kiangah a awm reng a ka thian tha ber ani.

Kan hna a laklawh em avang in zan rei tawh tak ah chuan ka haw a, thawm dim thei ang ber chuan kawngka chu ka hawng a, ka pa chuan min lo la nghak ani ngei ang dawhkan bawh chuan a lo muhil a. Ka pa a natna in a ei avanga cher tawh tak leh chak tawh lo tak ka hmuh chuan ka mittui chu a tla sawk a.

" bawihte ilo haw tawh animaw" ka thawm ah chuan a rawn harh a, ka mittui chu ka hruhul vata , ka lo nuih sang a.

" aw, pa tinge min lo nghah leh thin a,zan dang ah chuan lo mu ziah tawh rawh aw" tih pah chuan kalsan ka tum a.

" min ngaidam rawh aw" ka hawi let vata.

"engmaw!!?" ka ti vata.

" Bawihte i pa hian natna bak ka thlen si lo che a, tunah chuan keimah vangin hna i thawh angai a,i duh ang pawh ka lei sak thei lo che a, eitur tha pawh ka pek thei lo che avangin i pa hi min ngaidam rawh aw" a kut vawt thler chuan ka kut chu a rawn vuan a.

" Pa chutiang sawi suh ka nei che hi khawvela mi vannei ber ka ni ang" ka mittui chu a tling pam a, ka insum hram hram a.

" Heihi la rawh , ka dampui reng tawh lo maithei che a, he thil hi nangmah enkawl tu tur i hmangaih ber i pe dawn nia" tih pah chuan thi hi ka kut ah chuan a rawn dah a.

" Pa i dam reng dawn lawm i thi dawn lo, min kalsan ka phal ngai lo ang" tih pah chuan thi chu ka pe let nghala

"ka tihpalh keipawh in ka kalsan thei lo che " ka pa chu a mittui a tla zung zung a, ka insum thei tawh lo ka pa nen chuan kin in kuah a kan tap dun hawm hawm a.

3days later:

Ka khua a sik ser ser avang chuan dar7 velah ka haw a,ka in ren avangin ke in ka haw ta zawk a, apartment kawt ka thlen chuan pa lian pui pui pahnih suit dum ha leh nu la thalai tak chu an rawn kal a, ka lo en reng a chu nu chu car changkang tak ah chuan a lut a,an tlan nghala car dum pahnih chuan a zui bawka.

Hmanhmawh takin inchhung ah chuan ka lut a ka ni chu dawhkan bawh in a lo tap a, min hmuh velah chuan a mittui chu a hru hul a ,kitchen lam chu a pan nghal daih a, thil dik lo a awm tih chu ka hre nghal a.

" Ni khawiah nge ka pa?" ka ni bulah chuan ka kal a.

"a mu tawh anih kha, zanin chu dinner pawh a ei lo ,a chau deuh a" a tih chuan ka pa chu ka ngaihtuah hle a, ka pa room lam chu ka pan nghal a.

Room kawngka chu thawm dim thei ang ber chuan ka hawng a, ka pa chu tui takin a lo mu hnar sek sek a. A na a chhuah thin avangin zan tamtak chu ka mu tawh lo a, ka khua a sik bawk nen ka mit deuh sulh a.

Bathroom a ka lut tur chu ka ni tap thawm avang chuan ka ding chawt a, ka ni room lam chu ka pan vata.Kan in hi a tet em avangin thawm kan in hre pawh thei veka.Ka ni ba avangin kan in min chhuhsak a tichuan hetah hian kan awm ta ani.

" Ni ngatnge i tah a?" a dar ah chuan ka vuan a, min rawn kuah a a tap hlawp hlawp bawka.

" Kelsey a hrehawm ka ti emai, ka beidawng takzet tawh ani"

" Enge thleng , ka pa chungah enge thleng" ka lo ti vat a.

" engmah chu thleng lo e, va inti fai la ... Kelsey i khuasik anih hi" ka pang chu a rawn dep a " i sa vek alawm"

"damdawi ka ei anga ka tha leh mai ang "

" anih chuan bawnghnute leh toast ka rawn pe ang che"

" ni nichin khan tute nge rawn kal a?" ka tih chuan ka ni hmel chu a dang nghal vek a.

" tumah an ni lo" tih chiah in min chhang a.

" Ni ba i nei leh tawh ami?" ka ti vata. Tunah hian ka ni in mi pawisa $8000 lai a ba a, chu chu kan rul lo anih jail ah a tang dawn ani.

"Kelsey keimah vangin i tuar dawn ta anih hi"

" enge awmzia!? thil thleng hi min hrilh chiang rawh"ka ti vata.

"Mrs Skylar in ka ba rulh nan chuan nang hi hire a duh che a" a ti chuai raih a.

" engah chuan maw min hire a duh"

" Nang hi pasal nei turin a hire duh che ani".

Show post links

Top

Ngaia

Site Admin

Quote

Unread post August 19th, 2016, 4:09 pm

Chapter-2

http://www.storyfb.com

(A hnuai para hi i ti danglam anih chuan mi kutchhuak khawihdamlamtu i ni a, hremna a nem lo ang, story ruk thubuai bakah mi kutchhuak hre reng chunga ti hmelhemtu i ni ang a, i chungthu a rit hle ang.

Whatsapp group a story ruk ching ho khan lo ru tawh lo ula, induh anih chuan share on whatsapp tih atang khan a link nen share ve mai rawh u, whatsapp group atang chauh a chhiar tum ho kha chuan chhiar ve tawh lo mai teh u, a ziaktu in a post na hmun a chhiar peih lo chuan thuziak leh a ziaktute zahna leh ngaihhlutna an nei loh avangin chhiar ve lo mahse a pawi lo khawp mai.)

" Engmaw!! k..kei hi pasal nei turin maw?" ka tawng chhuak thei hram a.

" Kelsey khawngaihin kei leh i pa tan min tih sak hram rawh hei chiah hi ka ngen a che" ka ni chuan min ngen mawlh mawlh a.

" Ka..ka thei lo" ka dang te chu a awk veka.

"I pa enkawl na tur nen an tum vek dawn a, khawngaihin min pui rawh chuti lo chu jail ah ka tang mai ang Mrs Skylari bulah pawh i theih tur thu ka hrilh tawh a"

" Kum18 chauh ka la nih hi, pasal chu ka nei thei lo ang" tih pahin room atang chuan ka tlan chhuak nghala.

Tree house Lisa nen a kan awmna thin ah chuan ka kal a, bang kil ah chuan ka thu a, ka inhup a insumna tel hauh lo chuan ka tap hawm hawm a. Ka vanduai takzet ani ka nu in pasal dang min umsan a tunah ka pa lah engtik lai pawha thi thei reng dinhmun ah a ding a ,ka ni in a leiba rulh nan pasal min neih tir a tum a ni a, thih mai te hi ka duh.

Ka ni chuan min rawn call char char a mahse ka silent nghal hmaka, ka ni hi ka haw takzet ani. Ni e ka tet lai atangin min enkawl tih chu ka hria, ka nu ang maiin ka en bawka mahse pasal min neih tir tur em chuan thutlukna a siam hi ka ring phak ngai lo.Engmah hi ka hrethiam lo engvanga kei kher pasal nei tura min hire chhan hi !!

Zingah chuan inah ka haw a, ka tah na avangin ka mit chu a bui vek bawka.Hna ka thawh angaih avangin tun hma ang khan ka titau reng thei tawh lo a, engtik ah mah ka pa hi ka kalsan dawn lo tiin thutlukna chu ka siam nghal a. Inchhung ka luh chuan a lo reh thapa ,ka pa chu ka ko a mahse min chhang lo,ala mu anih ka rin avangin kitchen ah chuan ka kal a thingpui chu ka lum a.

Thingpui ka lum zawh hnu ah pawh chuan ka pa chu ala rawn tho lo a ,ka pa chu kaihthawh tum in a room ka va en a mahse ka pa chu alo mu tawh hauh lo a,hmanhmawh takin ka ni room ka en nghal a ani pawh a awm chuang lo a.Ka ngaih a tha lo tan a ka phone ka en chuan ka ni miscall 11 leh voice message 1 hi a lo awm a. Voice message chu ka ngaithla nghal vata.

" Kelsey khawiah nge i awm?, i pa na a chhuak leh tawh a tunah damdawi in ah ka kalpui a message hi i hmuh velah damdawi in ah i rawn kal vat dawn nia" ka ni message ka ngaihthlak zawh chuan hmanhmawh takin damdawi in lam chu ka pan nghal a.

Hospital:-

Damdawiin ka thlen chuan nurse ho chu ka pa awmna ka zawt vata, ICU lam chu ka pan nghal a ka ni chu a lo thu ngui bam a,ka pa kut chu alo vuan a doctor pawh a lo awm bawk a.

"Ni ka pa chungah enge thleng?" ka ni chu a mittui a lo tling pam a

"Doctor ka pa hi a tha em?" Doctor chu ka zawt vata ,Doctor chu a lo thaw halh a "A tha leh vat ang tiraw?" ka han ti leh a."Zai anih vat loh chuan a natna hi a tuarzo lo mai ang"ka mit nghal sawlh a.

"Doctor ka pa damna tur anih phawt chuan engpawh tirawh" ka lo ti vata.

" Awle, naktukah test hrang hrang tih zawh ah zai ani ang" min chhuahsan nghala.

" Kelsey i a ta em ni khawi atangin i pa zaina tur pawisa chu kan neih tehlul ang" Ka ni chuan mangang hmel tak chuan min rawn en a,chhang lo chuan ka pa bulah chuan ka thu a. Ka pa chu oxygen pek chawp hmangin a thaw tawk tawk a, a dang bem a a sam te chu a tuak vek tawh a,a cher em em a ka lainat takzet ani.Ka pa hmel ka hmuh chuan ka mittui chu a tla zung zung a. " Ka pa lo tuar hram hram rawh i fanu hian i inenkawl na tur chu ka thawk chhuak em em ang" tiin ka phun sap a.

" Ka ni Mrs Skylar-i chu ka hmu duh , a bulah min hruai rawh" ka in hum ruh a , ka ni chuan mak tih hmel takin min rawn en a.

" Ka.. awle ka hruai ang che mahse Kelsey inngaihtuah chiang phawt rawh" ka ni chuan ka kut ah min rawn vuan a.

" Ka ngaihtuah vek tawh, ka pa tan chuan engpawh ka ti ang" ka in hum ruh a.

Inhmuh na tur hmun address min rawn pek ah chuan ka kal a, Mrs Skylar-i chu a lo thu vang tawh a,thu tura min tih na ah chuan ka va thu ve nghala. Mrs Skylar-i chu han en mai pawha nelawm loh zet hi a ni a. A vun ngo tak nungsar leh a lipstick senlar inhnawih chu a inhmeh em em a, min hmuh chuan uluk takin min lo en a, Ka zam nghal dera.

" I duh ang chuan ka ti ang " ka ti nghal ringawta, a lo nui suk a. "Ka duh angin i awm dawn leh dawn lo engtin nge ka hriat thei ang" a inkuangkuah a.

" Ka pa hming chal in ka tiam a che, he thil hi ka ti ngei ngei ang" a miko chu a san ak a, paper hi dawhkan ah a rawn dah a. " Hetah hian sign rawh"

"Contract maw!!! " ka lo ti vata

" aw, contract hi a tawp hma loh chu ka thuhnuai ah i awm char char ang " Ka chhiar nghal thuak thuak a.

Show post links

Top

Ngaia

Site Admin

Quote

Unread post August 19th, 2016, 4:09 pm

" ka nihna hi hriatchhuah anih chuan dan bawhchhia angin min khing dawn maw!!" mak tih hmel tak chuan ka en a. " aw, i hmuh ang khan he contract hi kum1 chhung ani dawn a engmah a kal sual tur ani lo" atia

" tinge kum khat kher" ka lo ti a. " kum 1 in inneih hunah Crawford ro chanve hi Ellie tah dah ani ang" tih chuan ka bu nghata Ka sign nghal bawka.

"He thil hi engvanga kei kher hi min tih tir nge i nih? hriat ve ngei hi ka phu ani."

" min rawn zui rawh" a tih chuan ka zui nghala, car changkang zet ah chuan kan chuanga rei vak lo kan tlan hnu chuan in lian tak ah hian kan tlan lut a, mak tiin ka hawi kual vela,hetiang hmun nuam ah hian ka la kal ngai reng reng lo.

Inchhungah chuan kan lut a, Mrs Skylar-i chu ka zui zel a, inchhung chu a nuam in a zau em em a, engkim mai chu a nih dan tur ang thlap in a awm a, inchung lam ah chuan kan chho zel a room pakhat ah hian kan lut a.

Chu room chu lalfanu room ang chiah in an chei a, a zau in engkim mai chu a var veka a, khum ah chuan hmeichhe pakhat hi a lo mu bam a, oxygen chu an pe mek bawka nikhaw hrelo in a awm ani tih ka hre thei nghal a, mak tih hmel takin Mrs Skylar-i chu ka en a . Khum chu kan hnaih zela, chu khuma hmeichhe mu chu ka han enchian chuan ka meng phawk nghal kawk a, mak tihna in ka khat nghala, ka ka chu ka hup a ka ding khawng renga.

" Ka awih thei lo, kan in ang chiah chiah anih hi" ka ti sapa.

" Ka fanu Ellie Skylar anih hi" Mrs Skylari chuan a sam ah chuan a chul a. " Kaden Crawford nen innei turin ruahmanna kan siam mek laiin Accident avangin nikhaw hrelo in a awm a" a thaw halh a. "Mahse Crawford chhungkua chuan he thu hi an hre tur ani lo, inneihna chu ti tawp tir mai ka tum laiin nang hi ka hmu ta che ani"

"Engmaw!" ka lo ti vata.

"I college bang chu ka lo hmu che a, ka fanu min hriatchhuah tir a, i chhanchin hi kan chhui chiang a, i pa chu cancer zai ngai a ni tih te i ni in ka pawisa a puk lehzel bawk nen ngaihdan thar ka nei ta a nanghi ka fanu angin lem i chang anga ka fanu a harhchhuah velah nang hi a thlak ang che anga tiin ,kum khat hnu ah Crawford ro chanve chu Ellie hmingin a awm dawn a engkim hi felfai takin ti ang che "

" I fanu chu sum vangin pasal i neih tir i tum amaw?" ka lo ti ha a.

" Ni e, sum vang chu ani ngei alawm, ka tan chuan ka company leh ka fanu hi an pawimawh ber business vanga innei in ni dawn a chuvangin nau i pai thei lo ang" a tih chuan ka nui saka.Ka neih tur hi Millionare pawh nise ka duh kher lo ang ,a sum it vanga neih tur chuan ka induh tawk ve tlat.

" Mrs Skylar inzuar tur ni lo in ka pa leh ka ni tana he thil hi ti ka ni , chuan ka pa chu a rang lama enkawlna hmu turin ka duh ani"

" Karleh ah Paris ah kan kal angai tawh dawn a chuan i haw ruk theih loh nan i documents zawng zawng chu ka kawl vek ang"

"Paris maw!?? mahse ka pa hi ka kalsan thei lo ang" ka lo ti vata.

" Paris ah in awm angaih dawn avangin i pa enkawl tu tur nurse tha ber ber ruat ani tawh a, ka fanu ang thei ber turin siam danglam i ni anga chuan hetiang thawmhnaw hi i hak a rem tawh lo ang " a tih chuan ka thawmhnaw chu ka en a, T-shirt leh Jeans hi ka ngainat ber ani a, hak pawh ka ha nasa reng ani. Chutiang thil chu awlsam takin ka ti thei ang mahse engtin nge ka pa bulah ka sawi tak ang??

Chu khuma hmeichhe mu chu ka en vang vang a kan hmel a lo inang chiah a, he thil hi engtin nge a thlen theih mak ka ti takzet ani. Kan inan lo na chu ka sam a var a Ellie ve thung chu a sam a dum ani mahse Ellie chu kei aiin kum 4 ngawtin in a upa a, chumi tih lo ah chuan kan in ang chiah chiah ani.

PARIS:-

Kaden Pov:

" Kaden tun ang hun ah rui in i rawn haw ka ring lo asin ka pu in a hmuh hma che in i room ah chho vat rawh he nu hi tunge?" Bella chuan ka pu hriat hlau tak chuan a rawn ti a.

" Ka u duhtak, ka u duhtak Bella heihi ka bialnu ...ani leh lo zanin atana ka bialnu hual Hannah anih hi " tih pah chuan ka kuah a, ka rui tawh hle a kal pawh ka kal tha thei lo a.

"Haw tawh rawh ka lo buaipui tawh ang rawn inlan leh tawh suh ang che"ka u chuan Hannah chu a hrilh a.Hannah chu thinrim tak chuan a kal tau nghal nghawng nghawng a.

"Nupui i nei tep tawh a hetianga i awm reng anih chuan in in neih ni hi ka sawn hma tir ang" min vin lek lek a, ka u hian aw vin tak hian min be ngai lo a , mak tih hmel tak chuan ka en a.

"Ka u nupui neih ka duhlo ka puitling ve mai ang ka graduate tep tawh a , zu pawh ka in tawh lo ang " ka ti a.

" Vawitam tak i in tawh loh tur thu i sawi a chubakah zantin nula dang dang i kawp hi bansan tawh rawh"

" Engvanga hetiang hi ka chungah ti nge i nih? nupui nei tur chuan ka la naupang lutuk" insawifiah chu ka tum char char a.

" Kaden ka hria alawm mahse ka pa thu rochhiah kha i hre tawh lo ami Kum20 i tlin hunah Skylar chhungkaw fanu nen in in nei ang tiin a ziah kha , ka pa thu chu i hnial tur ani lo" Bella chuan min hriatthiam hmel tak chuan a ti a.

" Mahse ka pa te chu a thi daih tawh alawm, Hreptak chuan ka pa phiangsen hian min ti chhe vek dawn anih hi.

" Kaden duhtawk rawh" tih pahin Bella chuan ka hmai ah a rawn beng thuai a. "Duhtawk rawh ka nu leh pa te thih atangin ka pu nen hian i sual hlau in theihtawp chhuahin kan enkawl che a" a tawng lai chu a tawp chat a , ka pu chuan kan inhau lai chu min lo thlir reng a.

" i room ah chho rawh"ka pu chuan thupe tak chuan a ti a, ka pu hi ka zah em avangin engmah sawi lo chuan ka room chu ka pan nghal a,room ka luh rual rual chuan khumah ka bawk thlawp a, ka muhil nghal a.

Zingah chuan tlai takah ka tho a, ka lu chu a na bur bawk a,weekend ani a ka vannei hlauh chumi chu ni lo se ka pu in college pentawng chungin min kaltir leh ngei ang ,tui chu han in mai ka tum a alo awm tawh hauh lo, peih lo tak chung chuan ka tho a tui in turin inhnuai ah chuan ka chhuk thla a,ka u leh ka pu chuan breakfast an lo ei meka, engmah sawi lo chuan kal pel ka tum a.

" Breakfast rawn ei rawh, nula Kaden hi rawn siam sak rawh" Bella chuan chuan a lo ti sawk sawk a.Hrelo ni awm tak chuan tui chu ka in san daih a.

"Kaden" ka u chuan a rawn ti leh a.

" Ka duhlo " tih ringawt in ka chhang a, ka lehnghal ka tum a.

" Thu rawh" ka pu chuan a ti hmuk a , ka pu chu ka hnial ngam loh avangin ka thu ta a.Ka breakfast tur chu an rawn siam sawk sawk a.

"artui ka duh lo tih i hria a ni lawm ni" ka breakfast siam tu nu chu ka vin tuarh a,ka tho thut a thleng chu ka paih keh chuai a .

" Kaden " ka pu chuan vin zet in a rawn ti a, mak tih hmel takin ka en a.

" thu rawh" a tih chuan ka thu leh a, a hrawk chu a thian kharh kharh a "Crawford ro zawng zawng hi i rochun tur ani a,he inneihna avanga i awm tha duhlo anih chuan a za vaiin i nupui hmingin ka dah ang" fiah fai tak chuan a sawi dap dap a.

" Kha hei i nupui tur chanchin ani a ,chuan in college ah a lut ve ang" Bella chuan file hi min rawn pe a ,File chu ka en thuak thuak a .Ellie Skylar kum 22 keimah aiin a upa amaw!! London ,England a awm. Wildfire company neitu fanu.Ka ner nanga ,Eng ramhuai chiah nge maw anih le?

Ka pa ro zawng zawng hi kha ramhuai kutah khan ka dah vek thei lo ang .A duh ang chuan ka innei ngei ang, a duh chu sum chiah ani a duh ang chu ka nei ngei alawm . Hetiang hmeichhia hniam lutuk rosum vanga pasal neih tum. Ellie Skylar Hremhmun ah ka lo lawm lut a che, i chungah hian eng thil nge ka tih dawn tih lo thlir tawp rawh

Chapter-3

Kelsey Pov:

Ka pa an zai lai chuan ka ni nen pawnah kan lo nghak a, ka rilru ah chuan thil tamtak a lo lut a, ka pa bulah engtin nge ka sawi ang, dawt ka hrilh loh chuan ka pa hian pasal nei tur chuan min kaltir hauh dawn si lo.Ka rilru a buai takzet ani, Nilo thutlukna ka siam tawh a ka ti puitling ngei bawk ang . Ka pa an zai zawh chuan doctor chu a lo chhuak a .

" Doctor Richard chu enge a an?" ka ni chuan a lo ti vata.

"Kan zai hlawhtling e, mahse treatment a lak zui char char loh chuan eng thil pawh thleng thei ani"

" Doctor ka lawm lutuk e"ka lo ti vata.

" I pa hi a chau em em a a rilru in ti hah tur ani lo ," Doctor in a tih chuan ka lo bu nghata.

" Engtik ah nge ka pa hi a rawn harh ang?" ka pa kut ah chuan ka vuana.

" Tunah chuan a muhil hrih a, a rawn harh thuai ang" a tih chuan ka thaw huai a min chhuahsan nghala.

"Kelsey va inti harh rawh i pa chu ka lo buaipui ang" ka ni chuan ka dar ah a rawn vuan a.

"Ka pa bulah enge ka sawi tak ang, a fanu chu Paris ah pasal nei turin a kal dawn a ni si a" ka mittui chu a tling pam a, ka pa hmai ah chuan ka chul a.

"i pa chu ka lo enkawl dawn alawm, in in be reng thei dawn a bakah i pasal tak tak tur pawh ani hleinem" ka ni chuan min hnem a tum a.

" tunge a nih pawh ka hre si lo putar a ni ngei ang" ka in ngaihtuah a putar nei tur chuan ka in phal thlawt lo ani.

"Paris ah college i kal chhunzawm anga i pa tan i rawn let leh dawn alawm " ka ni in a ti zawh chuan mipa pahnih suit dum ha hi an rawn lut a.

"Enge ni ta?" ka ni chuan a lo ti vata.

"Kelsey Wisler i a awm em? Mrs Skylar in hruai tur che in min rawn tir ani" pakhat zawk chuan a ti a, mak tih hmel tak chuan ka lo en ha a.

" Kelsey kal rawh i pa harh velah ka rawn hrilh ang che" ka ni chuan a ti a, ka lo bu nghata

" Pa ka hmangaih che" ka pa chal ah chuan ka fawp zeuh a, ka zui chhuak ta a

Car kawngka chu min hawn sak a hreh tak chung chuan ka lut a, ka thaw halh a ka maimichhing vang vang a.Rei tak kan tlan hnu chuan hmun pakhat ka la kal ngai reng reng lo na ah hian min hruai a car atanga ka chuak chiah chu hmeichhe pahnih hi ka bulah an rawn kal nghal a.

" Mrs Kelsey nangmah buaipui tura ruat kan ni e" tih pahin chibai min rawn buk a.

" Ka pi min rawn zui rawh le" an tih chuan ka zui tawp a.

" Khawiah nge kan kal dawn" ka lo ti ha a.

"Mrs Skylar in i thawmhnaw duh ang ang lei tur che in a duh che ani" a tih chuan pawisa pakhatmah ka nei lo tih chu ka ngaihtuah nghala ka awm dan chu an hrethiam ani ngei ang pakhat zawk chuan " lungngai suh i thil leina man zawk zawng chu Mrs Skylar in a pe vek ang" a tih chuan ka thaw hawk a.

"Mrs Skylar in a be duh che" phone hi min rawn pe a.

" Hello"

"Kelsey i duh ang ang i lei dawn nia"

" heng thil zawng zawng hi i tih angai lo asin"

" tunah chuan ka fanu i ni tawh a, a hnawmhnaw ang i hak angai ani"

"mahse..."

" Kelsey ka sawi ang khan ka fanu ang chiah a i awm angai"

" awle, ka hrethiam e Mrs Skylar"

" ka nu min ti zawk rawh"

"awle" phone chu ka dah nghal a.

Thawmhnaw chu nula pahnih chuan min thlanpui a, pheikhawk leh bag chi hrang hrang chu min thlanpui bawka, chung ho zawng zawng chu Paris a ka kal huna ka keng turin min pack fel sak thlap bawka.A tih ang ang chuan ka awm tawpa a chhanchu engmah sawi theih ka nei lo ani.Tunah chuan mi thuhnuai a awm ka ni tawh a an thu zawm chu ka tih tur ani.

" Min rawn zui rawh le" pakhat chuan a han ti leh a, " khawiah nge min hruai dawn"ka han ti a ,min chang lo chuan an kal zel a ka zui zela.

"hetah hian thu rawh le" Thu tura min tih na ah chuan ka thu a, mipa pakhat leh hmeichhe pakhat hi an rawn luta.

" Hei hi i stylish tur anih hi " a tih chuan mak tih hmel takin ka en a.

"Mrs Ellie i stylish thar ka ni a, tha taka kan thawh dun ngei ka beisei" chupa chuan a rawn ti a, ka lo chibai vata.

" eng....engnge hetah hian ka ti dawn?" ka lo ti hu a.

" A hmasa berin i sam hi kan ti dum anga a heta mi ang hian" Ellie thlalak chu min rawn hmuh a, ka lo hrethiam nghala. Ka sam buang thang sei tak chu an ti dum veka Ellie ka an lehzual nan ka mitmu pawl phat chu lens dum chuan ka hliah khuh ta a tunah chuan Ellie Skylar nen danglamna kan nei ta lo.

Ka ni in ka pa a rawn harh tih min hrilh chuan hmanhmawh takin damdawiin lam chu ka pan nghal a damdawiin ka thlen chuan ka pa chuan min lo nuih var var a,ka pa chu ka kuah nghal thlawp a.A bulah chuan ka thu a ka lawm em avangin ka mittui chu a tla nghal zung zung a.

"i sam chu i inhmeh hle mai" ka sam dum hlap ah chuan a rawn chul a.Karleh mai ah ka kal a ngai tawh dawn ani tih ka hriatchhuah chuan ka thaw halh a.Ka pa hi ka hrilh ngei angai ani.

"ka pa na ila nei em?"

"nei lo e, ka tha lutuk e"

"pa ka hmangaih che" ka pa chu ka kuah leh a.

" Kelsey thil thleng a awm ami?, ngatinge i tah?" ka pa in a tih chuan ka mittui chu ka hruhul a.

" Pa englo ania, ihh... Paris ah college kal tur in sawmna ka hmu a, ka zir na senso chu tumsak vek ka ni ang"dawt chu ka hrilh ta a, ka rin loh deuh in ka pa chu a nui suk a

" Kelsey thu lawmawm tak anih chu kei chu min lo ngaihtuah reng reng suh college chu i kal ngei ngei dawn nia " chutia ka pa in a tih chuan ka thaw huai a.

" Mahse pa karleh ah ka kal a ngai tawh dawn a, kal lo tura min tih chuan ka kal lo ang" ka han ti leh a.

" Chutiang sawi suh , thlamuang deuhin i kal anga keipawh ka dam tawh hi" ka pa chu ka kuah a.

4days later:

Airport;

" Kelsey ka ngai ngawt ang che min rawn be ziah rawh aw" Lisa chuan a ti a, min rawn kuah a.

" ka pa hi lo enkawl tha rawh aw" ka mittui chu a far fap a.

" Ka pa ka ngai ngawt ang che lo dam vat vat rawh aw" ka pa chu ka kuah a tah hawm hawm chu ka chak a mahse ka pa hian ka tap lai min hmu lo se ka duh ani.

"Keipawh in ka ngai ngawt ang che , ka hmangaih che" ka chal ah chuan a fawp a, ka ni chu ka kuah a , hawi let tawh lo chuan ka kal nghal vang vang a, ka mittui chu a tla zung zung a ." Pa i tan ka lo let leh vat ang , min ngaidam ang che" ka ti sap a , Paris lam pan chuan kan thlawk chhuak ta a.

PARIS:

Airport ah chuan pa pakhat hian min lo chang a, Hotel changkang zet ah chuan kan lut a ka room tur thleng chuan min thlah chho a , room a ka luh chuan awmdan tur pawh ka hre lo engkim mai chu a fai em em a a zau in a nuam takzet ani.

Khum dup nuam tak ah chuan ka thu a ka pa chu ka ngai em em a ka mittui chu a tla nghal der a ka pa ka biak zawh chuan Mrs Skylari chu room ah chuan a rawn lut a min rawn nuih ver ver a.

" Kelsey han intifai la zaninah Crawford chhungkua nen dinner kan ei dawn ania" a tih chuan ka zam nghal der a.

" Zaninah maw!!" ka lo ti vata

" Hei hi i ha dawn nia" Kawrfual senlar hi khumah chuan a rawn dah a

"awle" ka lo ti vat a.

" Chuan i hming hi Ellie Skylar ani tih theihnghilh suh ang che dar7 ah car in a rawn hruai ang che anga tlai suh ang che" thupe tak chuan a ti a min chhuahsan leh nghal a.

Ka inbual zawh chuan phur lo tak chung chuan ka insiam a Jeans leh T-shirt hlir ha thin khan kawrfual ka hak angai a chu mai pawh ala ni lo ka la bun ngai miah loh pheikhawk sang chu ka bun ala ngai zui Huizzz... " Engtin nge hetiang hi an bun reng theih le?" tiin ka phun sapa .Ka insiam zawh chuan car in min lo nghak reng tawh a chak tak chuan Crawford chhungkua hmu tur chuan min tlanpui nghal a.

Gate lianpui ah kan tlan luh chuan kan thleng tawh dawn ani tih ka hre nghal a, ka khur der der a ka zam takzet ani car chu a ding a chhuah mai na chang pawh ka hre lo a ka thu reng a .

" Kelsey lo chhuak rawh le" ka phu zawk a Mrs Skylari chuan min rawn nuih ver ver a, car atang chuan ka chhuak nghala. " I zam ami ?" ka kut chu a rawn vuan a." aw tlemin" za lo tak chuan ka lo nuih a. " i nalh lutuk ania,I bulah ka awm reng dawn alawm" a tih chuan ka thaw nghal huai a inchhungah chuan kan lut ta a.

"Ellie hei hi Bella Crawford anih hi" Mrs Skylari chuan hmeichhe Kum30 bawr vel chu min inchibai tira.

" Hmuh i nuam hle mai Ellie ...Kadena u ka nia" a lo ti nghal vat a a hmel chu a ngainat awm em em a, ka ngaina nghal dera, a bul ah chuan putar upa tawh tak hi a ding bawka." Ellie Skylar ka ni e, ka hmu che chu ka lawm hle mai" hawihhawn taka tih pah chuan ka chibai a. "Kadena pu ka ni e" thutak ran chuan a ti a.

"Dinner chu kan ei nghal dawn ami niang " Bella chuan a lo ti vat a

" Khawiah nge Kaden hi" Mrs Skylari chuan hawikual pah chuan a han ti a.

" A rawn kal e" Bella in a tih chuan Kaden chu step ah chuan a rawn chhuk thla a.Ka lo en nghal vata.A hmeltha takzet ani.

Ka rin loh deuh in Putar amaw ka tih chu naupang te hi a lo ni a,a mitmeng atang chuan a thinrim ani tih ka hre nghal a.A sangin a pian chu a tawk em em a,a sam chu a ti phir vah bawka a hmel ah chuan nuihmel reng reng a awm lo a a ngeng hmel takzet ani.

" Kaden heihi Ellie anih hi" Bella chuan a lo ti nghal vata , en pawh min en lo chuan dawhkan lam chu a pan nghal daih a ,a mizia ngeiawm tak avang chuan ka lo ner nang a.Kan vai chuan ka zui ve nghal a.

Kaden chu ngawi rengin a ei mawlh mawlh a a awmdan atang chuan min haw hle ani tih a hre nghal a.vawikhatmah a tawng lo a ,a awm dan chu ka haw takzet ani.

"Italy ah honeymoon in hmang anga Ellie enge i ngaihdan?" Bella in a tih chuan mak tih hmel takin ka en a.Italy maw!!! ka awih thei lo , au vak mai chu ka duh a ka tet lai atang tawh a ka kal chak na ber ani.

" a tha alawm " tih chiah in ka chhang ta zawka.

"College chu Kadena bulah i kal anga mahse i kal duh lo anih pawhin company ah i thawk thei tho ania" a han ti leh a.

" College kal lai ka ni a college chu ka kal zawk ange" Kaden chu ka melh zeuh a, a huat zawng taka awm chu ka chak zek zek ani

" naktukah mokawr leh inneihna hmun tur vel kan en anga i hman ang tiraw?" Bella chuan a ti a.

" a hman ang, i hman ang tiraw Ellie" Mrs Skylari chuan a lo ti vata.

" In vel te pawh in en dawn nia , Kadena hian puitlin a zir angai ani" ka pu in a tih chuan ka lo bu nghata. Hepa nen hian kan pahnih in ka cheng duh dawn anih chu !! Hremhmun nen a inang reng ang.

Bella leh a pu chuan zawhna chi hrang hrang min zawt a Ellie chanchin ka chhiar tawh avangin bahlah miah lo chuan ka chhang zela .Mrs Skylari pawhin min lo pui bawka, Kadena chu ka melh zeuh zeuh a thil ka sawi apiang chuan eilo hmel zet hian a lo ner nang thin a ka thina rim lek lek ani.

" Kartawp hi in in neih ni a ni tawh a tun hi in vawikhat inhmuh na ani a Keden Ellie hi i duhzawng ani em?" a pu in a tih chuan Kadena chuan a wine in lai chu a phuh lek lek a.

"a that vak na pawh ka hrelo hmeichhe dang ang tho ani sum bak a duh lo" rum zet chuan min rawn melh a,ngeiawm lutuk mai midang chu awmlo se chu ka hnek tawh ngei a, ka inhum ruh nghal a.

" Kaden " a pu chuan a lo ti thah a.

" i tha ber e,i lawm em?" ngeiawm zet chuan a rawn ti a

" ka lawm e" tih pahin ka lo nui lui ve sak a.

Dinner kan ei zawh chuan Kaden nen chuan a fal in min in biak tir a, ngawi reng chuan kan ding dun char char a chutia kan din reng avang chuan ka hrawk chu ka thian kharh kharh a .

" Ughh... " ka han ti dek dek a, rum zet chuan min rawn melh a.

" He inneihna hi ti tawp rawh" a rawn ti hmuk a.A teuh lo he inneihna hi ka ti tawp thei lo.Ka pa leh ka ni leiba rulh nan ka neih ngei ngei che angai.

"neih che hi ka duh bik reng reng hleinem" ka lo ti vata.

"chuti chu inneih i duh loh thu sawi rawh" a ti leh a.

"awmzia chu awm dawn se ka sawi ngei ang" ka lo ti vin va hlar a

" Anih chuan heihi hre rawh ka bul hnai ah awm suh ang che" tih pah chuan tui chu a rawn ti baw lui a, ka kawr leh pheikhawk te chu a ti huh veka.

" Ohh...ka tihpalh" a rawn nui suk a.

"hmela " tih pahin a suit to hmel zet ah chuan ka leih ve nghala.Tet lai atang tawha insual huai leh nghal hi ka zam dawn bik lo reng reng

"Nangnu hi " tih pahin min rawn leih leh a . Kan huh vek tawh a,leih leh ka tum a ka kut chu a rawn vuan a ka tal aih aih a, ka hneh loh em avang chuan a kut ah ka seh sak a, a te nghal thawt a.

" Hremhmun ah kal rawh" tih pahin min nam sawn dawrh a min kalsan nghal daih a

chapter-4

http://www.storyfb.com

Bella pov:

Ka pu in min rawn koh avang chuan ka pu awmna lam chu ka pan vata. Kadena chungchang hi in sawipui leh ngei ang . Kaden nen hian nu hrang kan ni a mahse en hranna ka nei chuang lo ka pianpui unau dik tak angin ka en a ka ngaina bawk ani.

Kadena hi a nu in a thihsan khan a tuarna em em a chutatang chuan tumah hi tha takin a be tawh ngai lo a , kawr dum chu a ngainat ber a lo ni ta ani engtik lai pawhin thawmhnaw dum hlir a ha a Crawford chhungkaw mi nilo ang maiin a khawsa a, kum18 a tlin atangin zantin club ah a kal a rui chunga a rawn haw chang lah a tam ,ka pu lakah a awmdan hi ka thup pui hram hram thin a mahse a awmdan a sim duh loh avangin ka pu beng hial a thleng ta ani.

" Ka pu eng nge nita?" ka pu chu zah takin chibai ka buk a.

" Bella hetah hian lo thu teh" a tih chuan ka thu nghal vata

"Kaden hi hetianga a awm reng anih chuan Crawford chhungkaw ro hi a khawl thei lo ang a bodyguard kha lo ruat belh ang che " ka pu chuan thutak ran chuan a ti a.

" Mahse ka pu zalen takin a nun hi hmantir ve tawh rawh"

"hetiang hi chuan a puitling thei lo ang.Ellie hi hmeichhe feltak ani a, a hruai puitling ang tih hi ka ring tlat ani" a han ti leh a.

"Ka pu he inneihna hi a thlen kher angai hleinem Kadena chu a upa anga a puitling ve mai ang"

" I pa thu rochhiah kha i hre tawh lo em ni, ka fapa duh ang chu ka ti hlawhtling ngei tur ani".

" Mahse ro zawng zawng hi Kadena hming in a awm vek tawh a, kan hriattir hi a ngai tawh ani".ka han ti leh a

" Ka hrilh tur anilo a hria anih chuan a nun hi a sim thei lo ang , kum20 mi lek niin Millionare a ni a amah a inveng thiam lo ang"

" Ka hrethiam e ka pu" ka pu thu hi kan hnial ngai lo a, kan zah in Kadena ngei pawhin a a zah em em ani.

"i kal thei tawh ang" a tih chuan ka chhuahsan nghala.

Ellie Skylar hi mifel tak ani tih chu ka hria a mahse Mrs Skylari ve thung hi chu ka ring thei thlawt lo ani .Ka pa nen a in ngaihzawn thin vang ani ngei ang a fanu leh Kadena hi innei turin a tih.Nu fing tak ani a tum mumal nei lo in a fanu naupangte hi pasal a neih tir hauh lo ang.Inneih na lah chu ka titawp ngawt thei bawk si lo ka enthlak deuh chu angai dawn ani.

Kaden pov;

Inneih ni chu a hnai tial tial a ,inneihna tih vel hi ka huat zawng tak ani a chhan chu ka pa khan ka nu nei reng chung si in ngaihzawng dang a nei a ,ka pa kha ka ngaidam thei ngai lo ang ka haw takzet ani.Tunah lah a thurochhiah avangin ka nun chu a thichhe veka, nupui ka nei duh lo avangin ka pu in ka Garage chu a kalh daih a ka credit card lah a lock vek bawk si. Hreptak chuan Ellie Skylar phuba chu ka la la ngei ang.

" Engmaw thiana nupui a?" Tyler-a chuan a lo ti ha a,min nuih zui nghal a.

" Aw, hmela ka fiamthu miah lo ania" vin tak chuan ka ti a, ka awmdan avang chuan min nuihzat hle a.

"i va zep rei thei ve, in inneih ni ah chuan flower boy ah ka tang ang" min fiam zawm zat a.

"duhtawk rawh" tih pah chuan thinrim tak chuan ka tho a, ka thil in lai chu ka tlak pawp a.

"Thiana ngawilawk teh tunge i nupui tur chu ni re re a" Tyler chuan min pawt thu leh a.

" Ellie Skylar phiangsen mawle" ngeiawm zet chuan ka nui lui hak a.

" Wow... Wildfire company nei tu te kha maw?" a tih chuan mak tih hmel takin ka en a.

" I hria ami?" ka lo ti vata.

" Hre tehreng mai Kan company nen kan thawk dun alawm, a hot khawp kha mahse High school a kal laiin nau a ti tla tiin a lar em kha".

" Engmaw? Nau pai a ti tla ahh!!!" mak tih na in ka khat nghala.

"aw, a lar alawm mahse thu phuah chawp pawh ani maithei"

" chu nu phiangsen chu nungchang tha ber awm angin a awm a,tenawm lutuk"

" ohh...cmon a chhiatloh em kha a zun ah i uai ange" Tyler chuan min han fiam leh a.

"Teuh lo lutuk , a nihna hi ka hriat vek angai ani " no tamtak in mah ila zanin chu ka rui thei chuang lo, ka engtih mah a tui thei lo a, hmeichhe chhelo tak tak pawh ka lo hnar zela. Henu nihna diktak hi ka pu ka la hriattir ngei ang, finfiahna a awm loh chuan ka pu ka hrilh thei bawk si lo , tih dan ka ngaihtuah angai ani.

Zinga ka harh chuan ka khum ah ka lo mu leh reng tawh a, ka hriatchhuah zawng chu nizanah Tylera nen club ah kan awm tih zawng ani.Ka lu chu a na leh hle tawh a, nizana Tylera sawi chu ka hrechhuak zawka ka nui var var a, a chhanchu Ellie Skylari nihna hi ka la zawng chhuak vek anga chumi hun ah chuan kan inthen ngei anga ka zalen tawh ang .

" Nizanah Club atangin Tyler an a rawn hruai haw che a" Bella chu a rawn lut a.

" Chhuak rawh" ka lo ti hmuka.

" Enteh Kaden heihi in phawt teh" Khawizu leh lemon tui tihpawlh hi min rawn pe a.

" Vawin ni hi mokawr en ni kha ani a, i rawn kal ve ngei ka beisei ania"

" nia" tih ringawt in ka chhang a, mahse ka kal dawn chuang lo tiin ka inhrilh mawlh mawlh a.

"chuti nupui i nei tur hi i huphurh ta lo ani maw?" nuih pah chuan a tih a.

"ka car zawng zawngte leh ka card ka duh let vang mai ani" tum hmuk chuan ka lo ti a.

"ka pu ka lo sawipui ang mahse inneih zawh ah chauh a pek che ka ring mahse theihtawp ka lo chhuah ang" a tih chuan ka nui tep a, mahse ka insum ta zawka.

" ka lawm e" ka ti ta zawka.

" chuan i thawmhnaw hi kan lei belh dawn nia, a dum nilo rawng dang te pawh" min rawn fiam zeuh a

" ka duh lo" tih pahin bathroom ah chuan ka luhsan nghala.

Mokawr en na a kal lo chuan Amberi nen kan lengdun ta zawk a.Engtin nge maw ka kal an rin reng reng le , hetianga inneih na tih vel hi ka ning hluah hluah chu ai chuan thiante nena in tihhlim chu ka duh daih zawk ani.Ellie pawh hian ka luak a ti chhuak.

" Kaden nupui i nei tawh dawn a tunah min la lenchhuahpui thei amaw?" Amberi chuan mangan hmel zet chuan a ti a .Amberi hi ka bialnu ani a, mahse ka khawhar hnem tu atan bak ka duh lo ani.

" Nupui chu ka nei dawn ngei alawm mahse business thil vang chauh ani" zep hauh lo chuan ka sawi a.

" Chutichu i duh tak tak lo tihna ami?" a hmel ah chuan a hlim ani tih ka hre nghala.

" ka sawi tawh ang khan business thil vang chauh ani" a hmui ah chuan ka fawp a zan khua chuan kan awmdun ta char char a, Ellie Skylar ohh ..ka nupui turin min lo nghah reng laiin keichu nuam ka lo chen a, a thinrim tur zia ka ngaihtuahin ka hlim veng veng ani.

Show post links

Top

Ngaia

Site Admin

Quote

Unread post August 19th, 2016, 4:11 pm

Kelsey pov:

Nilengin Kadena lo kal hun chu ka lo nghak char char a, mahse rawn kal a tum lo ani tih ka hriat avangin mokawr chu Bella nen chuan kan thlang ta zawka, inneihna hmun tur leh in vel te chu ka en nghal bawka ka chau takzet ani.

Kaden chu ka haw takzet ani ,hrilh hai takin min awm tira min ti zak bawk ani. Ka inneih tur chungchang hi mi zawng zawng ngaihven ani a, chanchinbu mi te lah an bang chuang lo chutiang kara Kadena leh hmeichhe dang awmdun chungchang chanchinbu hma a chuang ziah hian min ti zak takzet a dinhmun hniam takah min awmtir ani.

Naktuk mai hi kan inneih ni tur ani tawh a tun thlengin Kadena awmna chu kan la hre lo a, ka pu hriat Bella in a hlauh avangin zawng turin midang chu a ruk thei ang berin a tir a .

Inneih nan darkar khat chiah a awm tawh a, Mokawr nen chuan ka in peih at tawh a,Kadena chu an la hmu chuanglo ka hlauthawng takzet tawh ani a chhanchu Kadena hi a rawn kal lo ani chuan ka pa enkawlna chu a tawp nghal dawn a chu thil chu ka thlen tir thei lo.Nilo a rawn kal ngei ngei tur ani.

" Kadena chu an la hmu chuang lo" Mrs Skylari chu a rawn lut a.

" Engtin nge kan tih tak ang?" hlauthawng ru tak chuan ka lo ti a.

"Ka ruahmanna hepa hian a ti che vek dawn anih hi" Mrs Skylari chu a thinrim tawh hle a.

" A rawn thleng tawh e" Bella chu a rawn lut a ,ka thawveng nghal hawk a.

" Min thlah ru" Kadena chu mipa pahnih hian an rawn man beta ,hmeichhe pakhat hian a rawn zui bawka

" Kadena hi chhuah ru , kan in hmangaih ani" chunu chuan a lo ti ve bawka.

" Duhtawk teh" eiloh hmel zet chuan Bella chuan chunu chu a melh a, Kadena chu inthlak turin an hruai nghala.Belka leh Mrs Skylari chuan an zui lut nghal bawka.

" tunge i nih a?" chu nu bulah chuan ka kal a.

"Kadena bialnu ka nih hi, super model Amber ka nih hi" in chhuang zet chuan a hawisang vah a, hniam in te hle mah ila ka zam bik chuang lo.

" ka khawngaih ngawt mai che , i bialpa chuan nupui a nei dawn si a" ngeiawm zet chuan ka lo nui sak a.

" Kaden an a duh lo che, business vang mai mai a in nei in ni tih ka hria ania" a tih chuan rum zetin ka melh a.Hepa hi engchena thui nge a kal dawn?

"nang sang thlawn model che ve te hi Crawford chhungkua in an duh lo che" ka tih chuan a thinrim ngei mai, ka sam ah chuan a rawn kek a, ka lo kek let ve nghal bawka, mokawr ka hak avangin ka duh angin ka che thei lo mai mai zawk ani.

Ka bodyguard te chuan min lo pawtthen vata, Amberi chu an hruai hrang nghala, ka sam chu a pheng vek a, ka makeup uluk taka min hnawihsak te chu a pherh vek bawka hmanhmawh takin ka makeup leh kawr te chu min siam that sak nghal leh nghal sawk sawk a.

"Ka pi lo kal tawh tura tih i ni e" hmeichhe pakhat chuan a rawn ti a, chu thu ka hriat chuan ka zam nghal veka ka khur nghal der der a.Ka pa chu ka hrechhuak zawk a ka ngai takzet ani a fanu pasal neihni ah min hruai luh kha a chak ber thin kha ani a mahse chutiang chu a thleng thei ta si lo a.

" Ellie lo kal rawh le" ka pu chuan a kut chu a rawn dawh a, min kai chhuak ta a.

Inneihna hmuna min hruai luh chuan ka mittui chu a tla lek lek a, Ka pa tan ka ti thei tur ani tiin ka in fuih char char a muangchang chuan kan kal delh delh a, Kadena zawn kan thlen chuan ka pu chuan Kadena kut nen chuan min in kaih tira Pastor hma ah chuan kan ding dun ran a

" Tlan chhe rawh tun hun hi i hun tha neih chhun ani tawh ania" Kaden chuan a ti sap a.

"ka thei lo , engvanga helai hmun a awm zawk nge i nih a?" tuin nge khati khawpa inneih duh lo tu kha helai a awm tur hian hmin le?

" Ro zawng zawng hi i kutah ka dah theih loh avanga awm chauh ka ni " A ro chu humhim a duh ve hle mai mahse a a share thenkhat chu Ellie hming in a awm dawn tho a, ka khawngaih ngawt mai.

Thutiam ka chham zawh chuan lunghlu zungbun chu min bun tira, Kadena chuan ten hmel takin min melh reng bawka, a awmdan hi ka haw ngawih ngawih.

" Tunah chuan monu i fawp thei tawh ang" Pastor in a tih chuan ka zam nghal dera, Kadena chu a rawn kun hniam a min rawn fawp dawn amaw ka tih avangin ka lo maimichhinga.

" Engtik ah mah ka kawp ngai lo ang che hre reng rawh" ka beng bulah chuan a rawn ti sapa, a thusawi avang chuan ka lo ner nganga , inneihna hmun ah chuan awmlo ila chu ka hnek tawh ngei ang.

Show post links

Top

Ngaia

Site Admin

Quote

Unread post August 19th, 2016, 4:12 pm

Chapter-5

http://www.storyfb.com

ITALY:

Kaden pov-

Italy kan thlen velah chuan kan Hotel thlenna tur lam kan pan nghala,Ellie pawh chuan min rawn zui ve zela.Huizz a hmel hmuh ringawt pawh hi ka ning hluah hluah a . Ellie chu a ngawi reng a a hmel ah chuan a hlim lo hle ani tih ka hre thei a, keipawh ka hlim bik chuang hleinem.A awmdan avang chuan nuamlo ka ti lek lek a,biak hmasak pawh chu ka tum lem chuang lo a, nilo biak pawh hi ka peih lo.

Room chu book lawk vek tawh anih avangin kan room turah chuan min hruai chho nghala room kan thleng chuan ka bag chu couch ah chuan ka theh thla nghal a, ka t-shirt chu ka phelh nghal bawka, ka chauh deuh avangin ka maimichhing vang vang a.

Ellie chu kawngka bula ala ding reng vang chuan ka va melh zeuh a . A awm dan atang chuan a zak ani tih ka hre nghal a. Ka awih thei lo he hmeichhe zaktheilo tak hi engvanga lem chang peih nge maw anih le? ka awih loh em avang chuan ka ner deuh suk a.

" Zankhuain khatah khan i ding dawn ami?"en chuang lo chuan ka va ti a

"i kawr kha ha phawt rawh" a tih chuan ka kawr chu ka phelh ani tih ka hre chhuak a.Ka nui suk a a bul ah chuan ka va kal a lehlam pang chu a hawi daih a.Fiam chu ka chak ta tlata.

" Kawr ka ha ang maw? Honeymoon hman lai te chuan tunge kawr ha ngai" ka tih chuan a sen nghal tawn tawn a, ka awih thei lo, lemchang thiam lutuk mai.

"Min khawih hlek suh ang che" a lo indang vat a, ka kal hnaih zel a a tawlh hnung hret hret bawka, a mit dum kak ah chuan ka en reng a.

"i duh ber chu sum ani lawm ni engtik ah mah i duh chu i hmu lo ang" thutak ran chuan ka ti a, a hmel ah chuan hlauhna ka hmu thei nghal a, ka inla hrang nghal vata bathroom ah chuan inbual turin ka lut nghala.

Ka inbual zawh chuan Ellie chuan movie a lo en a, khumah chuan ka mut san nghal daih a.

" Hey! khumah mut i tum ringawt ami? ka mutna tur anih kha" Ellie chu khum bulah chuan a rawn ding a.

" hetah ka mu dawn i duh duh na ah mu ve mai rawh" ka lo ti vin hlar a.

" a teuh lo , mipa i ni a hmeichhia zawk chu khumah mut tir ve ta che sual lutuk mai" tiin a phun sap a.

" Engmaw tuna i sawi kha?" ka lo ti let vata.

" Engmah ka sawi lo" tih pahin lukham chu a rawn la a couch ah chuan a mu nghal daih a.Keipawh chu hnehtu inti tak chung chuan ka mu ve leh nghal mai a, rei pawh ka la mulo tih chuan Ellie chuan min rawn tlawh pawp a .

"Eng phiangsen nge i rawn tih kha?" ka tho nghal vata.

" Ka tlawh che, hetah hian i mu thei bik lo ang i duh leh couch ah sawn va mu ve mai rawh "a rawn ti ve nghal zat a, khumah chuan a rawn mu ve nghal a.Hmeichhia a nih avangin kut han thlak em chu ka duh bik si lo a ," Fair taka tih ka duh" ka ti a.

" Fair takin maw? awle anih chuan rock ,paper, scissors ila " a kut tereuh te chu a rawn lek kang va a, Engmaw! hetiang hi ka thiam ve miah lo kan tet laiin thian ka neih loh avangin hetiang thil hi ka hre ve ngai lo ani.

" A naupang chhia emai" thiamlo nih chu ka duh bik lo avang chuan ka ti a.

" I thiam lo ani maw?" a sawi dik chiah ka thiam lo ani mahse a lak ah hian tlawm ka duh lo bur .

" Thiam e , tunge ka thiam lo ti "pawr fe chuan ka han ti leh a. " anih ti ila" a ti dan chu ka en kar a.

"Rock ,paper, scissors ," a kut chu a ti pharh pharh a, keiin ka kut chu ka ti kak va bawka.A awmzia ka man thlawt lo.

" I chak lo couch ah i mu thei" a ti a, a mu nghal daih a puan chuan a inkhuh nghal daih a. Engmah ka thiam ve si loa, a sawi chu a dik lo ka tih ngam si loh avang chuan couch lam chu ka pan ta hnu hnu a. Reife ka mut hnu ah pawh ka muhil thei lo a thawm ri ka hre tlat!.

Thawm ri ka hriat avang chuan ka hawikual nghal ruai a , nilo pa takin ka awm tur ani thawm ri mai mai tiin ka inhum ruh a .Ri chu a ring tial tial avangin ka tho thut a thawm awmna lam chu ka pan nghal a . Hreptak chuan engtin nge hetiang em em a ring hian henu hi a hnar theih a , min ti hlau lek lek alawm.

" Tho rawh" tih pah chuan ka zuk sawi nawk nawk a, meng mang lo chuan " Enge ?"hi a rawn ti vin tuarh a, ka lo thaw hawk a " Nasa luruk mai" ka phun sup a

" i hnar ring lutuka ka mu thei lo, a nih loh pawhin i hnar hup rawh" ka lo ti vin hluka.

" awle" tih pah chuan a in let thawk a a hnar chhunzawm leh nghal a.

"buaina i siam tam hle mai" tiin ka phun sap a, room atang chuan ka chhuak nghal daih a.

Club ah chuan ka kal a Italy ah hian ka kal ngun tawh avangin ka tlangnel tawh hle a hotel dang book daih chu ka duh a mahse ka pu thusawi khan min tih tir thei lo ani. Zu chu kan in khalh khalh a ka thaw leh halh thin a ka pu thusawi chu ka ngaihtuah vang vang a.

Flashback:

"ka pu kan inneih tawh a , Italy lehzel ah chuan a bulah ka kal thei lo ang" ka thin chu a rim hle a

Last edited by Haylor FanfictionZ on Sun Aug 14, 2016 11:36 pm, edited 1 time in total.

Show post links

Top

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122

Ngaia

Site Admin

Quote

Unread post August 19th, 2016, 4:12 pm

" I kal ngei ngei tur ani" ka pu chuan thupe tak chuan a ti a.

"tunah chuan i thu angin ka awm tawh lo ang" tih pah chuan chhuah daih chu ka tum a.

"Kaden lo ding teh" lehkha hi min rawn pe a " Heihi enge? "ka lo ti vata.

." Chhiar rawh i pa ziah anih hi" lehkha a thu ziak chu ka chhiar a.

" Enge awmzia, ka pa khan ka dam theih nan a thin min pe amaw !!! mahse car accident in a thi sia" mak tih hmel tak chuan ka pu chu ka en a.Nilo ka pa khan min hua ani , ka chungah a thinrim reng a a chhanchu ka nu khan nen keimah vangin an in then theih loh pah ani.

" Ani thei lo ka pa khan min hua ani"ka in hum ruh a.

"a dik lo i pa khan a hmangaih em em che a a thih hnu ah lo enkawl tur che in min ti ani. a duh ber chu a company leh chhungkua hi tha taka i enkawl a duh ani, Kaden i pa chuan he chhungkua hi i kutah a dah ani."ka pu chuan a ti a

"tunah hian ka pa thin hmangin ka nung amaw! chuan keimah vangin ka pa chuan a thih phah a" ka ti chuai raih a .Ka inthiamlo takzet ani , ka pa kha hmelma angin ka en thin a chumi avang chuan ka sual phah em em a ka damlo phah ta ani.

Nasa takin ka damlo a thi in ka luak reng bawka . Nikhaw hrelo in ka awm char char a , ka harh hnu reilo te ah ka pa a thi tih min hrilh chu ka hriat awmchhun ani . Ka pa chu car accident a thi angin min hrilh a mahse ka tuar hran lo a chhanchu ka pa kha ka haw em ani.

" Kaden ala tlai lo ania, i pa duhthu sam chu nang hi nupui nei a hlim taka awm turin a duh che ani , chuvang chuan i pa thurochhiah hi i zah sak tur ani" ka pu in a tih chuan ka hnual nghal rawih a , ka inthiam lo in ka inchhir takzet ani. Chuvang chuan ka pa thu chu zawm in He ramhuai nu bulah hian ka kal ta ani.

End of Flashback:.

" Enge i ngaihtuah vung vung a" thil ka lo ngaihtuah avang chuan ka harh zawk a.

" Amber hetah enge i tih?" Henu hian enge hetah a rawn tih?

" Kha hmeichhe nu nen khan ka awmdun tir thei thlawt lo che chuan ka rawn zui che" a ti sam et a , ka lo ner nanga.

"engtin nge min rawn hmuh theih? " ka ti leh a.

"I chanchin hi hriat hmaih ka nei hleinem bakah tunah chuan ka rilru a nuam chiah in thlenna hotel ah ka thleng ve a" henu han thawveng dan em em hi chu.

"in tur i duh em?" ka ti a, tunge mahni bialnu te be chhe reng bik ang.A pawiloh tawp hi khanu bula awm ai chuan Amberi bula awm hi ka thlang daih zawk.Amberi hi model a ni a chiat pawh a chhe lo hetiang hmeichhe chhelo leh hot hi mipa i nih chuan i hnar reng bik hauh lo ang mahse ani pawh hi hmeichhe dang ang tho ka sum leh ka hmelthatna bak a duh lo.

Kan room a lut lo chuan Amberi room ah chuan kan awm ta zawka.

" Heihi 1976 anih hi i in chhin duh em?" Amberi chuan zu um chu a rawn la chhuaka.A lo nuih ringawt a, no ah chuan a thli chhuak kan in dun ta a kan rui dun tawh hle a.

Amberi chu ka mal chungah chuan a rawn thu a, ka lo hnar lo ngang mai nidanga a tih loh dan pawh a ni lo a mak pawh ka ti hran lo. Duhthawh tak chuan min rawn fawp a a zei ngei mai. A lo fawp let ve nghal vat a malpui vel leh ka theihna lai lai ah chuan ka chul bawka a hnute ah chuan ka tham tawn tawn bawka ka nupui nen a awm dun lo chuan Amberi nen chuan kan honeymoon chu kan chen dun ta zawka . Zankhuain Amberi nen chuan ka awmdun ta a.

Kelsey pov:

Zinga ka harh chuan Kadena chu a lo awm lo a, a tho tawh ani ngei ang . Ka inbual zawh chuan breakfast chu ka order a , Kadena chu a leng kual vel anih ka ringa chuvang chuan engah mah ka ngai duh lo a. Movies te a en a a chang leh ka mu a ,Zan ah pawh chuan Kadena chu a rawn haw reng reng loa zan rei tak thleng ka lo nghak a mahse a rawn haw chuang lo hlauhthawnna in ka khat nghal a.

" Min hawsan a nih chuan engtin nge ka tih tak ang" tiin ka phun sap a

Ka pa chu ka bia a, ka biak zawh chuan khum bulah chuan ka thu a ka mittui chu a tla zung zung a. Helai hmunah hian ka la kal ngai lo a Kaden an min hawsan a nih vaih chuan engtin nge ka awm tak ang . Lobby ah chuan ka chhuk thla a Kadena rawn haw ringin ka lo nghak char char a, zing dar2 ah pawh a la rawn haw lo avangin room lan pan chuan ka chho hnak hnak a.

"Kaden duhtawk teh" tawngri ka hriat avang chuan chumi lo chhuahna lam chu ka pan nghal vata. Ka ding chawta, thinrimna in ka khat nghala. Amberi leh Kadena chu an lo infawp a nih chu! an hlim dun hmel em em lehnghal. Ka inhum ruh a au vak te chu ka duh a thinrim tak chung chuan khumah chuan ka mu a.Mangang takin ka awm a ani chu Amberi nen nuam an lo chen a maw!

" Ani theilo,eng thil emaw tak chu ka ti dawn chiang alawm" tih pahin khumah atang chuan ka tho a , ka vei kual chhen bawka, a chang leh inbeng dai turin ka inhrilh mawlh mawlh bawka . Ka hriat loh lai chuan ka lo muhil leh der tawh a.

Zinga ka harh chuan dar11 a lo ri va tawh a , ka tho vata darthlalang ah chuan ka in en a dark circle chu ka nei kalh a.

" Zawng hmelchhepa nangmah vang" tih pah chuan ka au vaka, midang chuan min hmu se mi a amaw min ti ngei ang .Lunch ka ei zawh chuan ka insiam sawk sawk a chhuah harh chu ka tum ta a.

Lobby ah chuan ka chhuk thla a Kadena leh Amberi chu ka tawk ta thut a, hmuh lo der chu ka tum hram hram a mahse Amberi chuan min rawn ko a.

" Hey Ellie" ngeiawm zet chuan min rawn nuih a.

" Hey! Hmelchhenu" ka ti sapa." Engmaw tuna i sawi kha?" thinrim tak chuan a rawn ti a.

" Engmah ni lo e, kha in hlim hmel khawp kha" Kadena chu ka melh zeuh a.Eilo hmel zet chuan min en a.

" Ni e, in honeymoon chu i hmang nuam maw!" Amberi in a tih chuan ka sa nghal zaka, Kadena vanga tlawm taka awm hi ka duh lo bur ani abik takin Amberi hmuhsit tura awm hi ka duhlo bur.

"Engkim hi i rawn ti buai vek, chanchin bu hma ah awm ka duh miah lo ania fimkhur ang che u" Kaden chu ka en a" Chuan nangnu hi midag hmuh theih ah rawn in lan tawh suh" ka ti tawn tawn a.

" Ellie duhtawk rawh. Amber kal ang" Kadena chuan Amberi chu a kalpui daih a, ka inseh ruh a ka inbeng dai hram hram a ka tlawm takzet ani.

Thinrim tak chung chuan kal na tur pawh hrelo in taxi ah chuan ka chuang ve tawpa. Nileng chuan park ah te ka kal kual vela a chang leh ka au vang thin a Kaden Crawford hi ka haw takzet ani Amber hmelchenui nen khan ka la ti chhe dawn chiang alawm.

Ka pum chu a ri ruk ruk a,ka ril chu a tam em em a thil eina tur chu ka zawng nghal ruai a , a tawp a tawp ah chuan ka hmu ta a hmanhmawh tak chuan ka kal hlawk hlawk a , ka inrin lo lai chuan ka bag chu an rawn pawt thla thut mai a, misual chu ka um nghal vata mahse ka ril tam bakah ka chau tawh em avang chuan ka ding ta ringawt a.Ka hah bawk si a ka thaw hluam hluam a .

" Engtin nge ka tih tak ang" ka tap deuh pur tawh a. Hotel awmna address ka hre bawk silo, ka phone lah ka bag ah a awm daih bawk si phone number ka hriat chun ka pa lah ka be thei bawk si lo, ka rilru a hah takzet ani. Pan tur bik pawh hre lo chuan ka duhna lai lai ah chuan ka kal tawp a, ka ril a tam em avangin ka pum chu ka dawm vang vang a ka mittui chu a tla zung zung bawka, zan ani tawh bawk si khawpui zau lutuk ah ka bo ani a, ka hlauthawng ani.

Zinga ka harh chuan mipa pakhat hian min lo en reng a, ka phu nghal zawka, tlan chhiat ka tum chuan min lo man bet vata.

" min thlah rawh" ka au chul a, nizanah khan Ka duhna lai tak ah ka thu a, ka muhil kha ani a.

" ka ti na dawn lo che" British awphawi nalh zet chuan a ti a,mak tih hmel tak chuan ka melh nghal kawk a.

"Tunge i nih?" a han ti leh a.

" Tunge i nih zawk?" ka lo ti vata ,a thaw halh a , " Awle nula,Chris ka ni , min hlau tawh suh" a tih chuan min ti na dawn lo tih chu ka hre nghala, mahse ka la nel thei chuang lo.

" Kelsey ka ni " enge maw ka hriat le, engvanga ka hming hi hrilh nge ka nih le, Ellie tih pawhin ka insawi thei reng si a.

" Helai hmunah hian enge i tih ?"

" ka bo a"

" Enga?"

" Mak i ti pawh ani maithei mahse ka bo ani , ka omna hotel ka hre bawk si lo"

"awle ka hrethiam e, police bulah kan report dawn nia" ani thei lo, police hnena kan report chuan chanchinbu hma ah ka lang ngei ang.

" Ai ka duh lo, ka awmna chu ka hre ve mai ang" ka kal tum a.

" Lo ding teh, i ril atam em?" a tih chuan nimin atangin engmah ka la ei lo tih chu ka hre chhuak a, ka pum chu ka dawm vang vang a, Chris chuan min nuih suk a.

Tunang dinhmun ah chuan tunge rin a rin loh tur pawh ka hrethiam tawh lo , min tanpui duh tu an awm anih chuan pan tawp mai loh chu thlantur dang ka nei lo ani.Chris a chuan a inah min hruai a, mipakhat chauh awm nan chuan a zau in a lian mah mah ani.A che vel atang chuan mirethei tak chu anilo ani.

" Kelsey va inbual la, i awmna hotel chu kan zawng dawn nia" towel chu min rawn pe a.

" Ka duhlo" ka lo ti hmuka.

" hahdam teh, min hlau suh ka tih kha" a han ti leh a ka ngawi renga

" Zan a ni tawh bawk si a, zanin chu hetah riak phawt la, chuan naktukah tha tharin i awmna chu kan zawng dawn nia" a ti a , duh thlan tur dang ka neih loh avang chuan ka bu nghata .

Ka inbual zawh chuan dinner kan ei a , chumi zawh ah chuan ka Hotel thlenna tur awm ang chu kan zawnga mahse kan hmu chuang lo

" Kaden Crawforda hotel thlenna han en teh" ka tih chuan mak ti hmel takin min en a.

" Kaden Crawford maw!" a ti bah nuai a.

" aw i hria ami?" ka nui suk a, a chhanchu Kadena hrelo chu mi tlemte chauh an ni ang .

" Aw, mahse a thlenna hotel te chu mi bik thlenna tur ani a, mahse kan zawng tho ange" a ti a

Remruati Haylor's stories

Force to Marry Millionaire - 1 to 5

0 COMMENT:

Post a Comment

Stories

Blog Archive

Popular Posts

Visitors