January 23, 2019
CHAPTER-21
"naktuk ah thawmhnaw tlema zawng lak tur a nih hi " tih sup paha Asher closet ka va hmuh chuan ka khi nghal suk ringawt.
Ngawi rengin closet kawngkhar chu ka han pawt vak a, alo inkalh lo hlauh.
"ka tihpalh... " nuih ver ver pahin a chung bera t-shirt dum chu ka la chhuak nghal vata, thawm dim thei ang berin ka khar nghal ṭhem ṭhem a, bathroom lam ka pan nghal chat bawk.
Ka inbual zawh chuan darthlalang hma ah dingin pajama chu ka han ha chhin vela, hetiang thil hi ka hak ngai loh avang leh ka inhmeh lo em avangin ka nuih a ti za ru hle.
"hak a nawm hi le " in thlek kual vel pahin Asher t-shirt chu ka han ha a, hmeichhe hleitling tak ni mah ila ka mal chanve chu a khuh thla hlup mai.
"pawi loh hi... " tih sup pahin ka thawmhnaw bal chu Asher thawmhnaw bal dahna zingah chuan ka dah ve thlap, a coat var (doctor coat) suktur zinga a dah chu ka hmuh chuan la chhuak in ka han khai parh a,lian hle mahse mipa hleitling tak ft 6'3'' bawr vel leh pian nalh tak ina a ha lai vel ka han mitthla tak tak chuan lawm loh in ka lo nui leh vur vur ṭhin.
__________________________________________
Bathroom kawngka inhawng ri deuh rak ka hriat chuan ka harh nghal kawk a, ka han ṭhut chhuah nak chuan Asher chu kekawr tlawn dum chauh ha in bathroom aṭang chuan a rawn chhuak ta tung tung mai,Lalpa leh!! nizan ah khan kawngka ka kalh lo tak.Min rawn hmuh rual rual chuan a sam a hruk hulna towel chuan min rawn vawm phei nghal pawp a,
"engthil nge maw i tih le? " ka lo ti vin nghal hlar bawk.
"bengchheng suh "
"anih chuan i kawr ha vat rawh "ka ti ta ringawt a, diktak chuan a abs te leh a ban a tawk chiaha sêk te chuan khawi dang mah min hawitir thei lo,chumai bakah khami zana thil thleng kha min hriatchhuah tir zawk mai a chhanchu a hmel chu thuhran nise a pian nalh tak mai hian min hip hmasa ber tlat!
"i vawikhat hmuhna pawh anih loh kha " tih pahin t-shirt var plain chu a han ha a, mahse a tum loh deuha sawi anih vang pawh ani mahna a thil tih lai chu a tawp chawt a, a sam tuai nawk nawk pahin pheikhawk var a inchei dan nen a inmil zet chu ngawi rengin a bun nghal mawlh mawlh bawk.
"khawiah nge i kal dawn?"
"damdawiin ah " tih pahin a thil mamawh tur ho chu rucksack ah a khung nghal sawk a mahse a chhuah hma in ka ko ding hman.
"tun ang hun zing lutuk hian maw.... "
"emergency a awm a " ka rin ai daihin min chhang ṭha phian.
A phone en pahin hmanhmawh takin a chhuak nghal hlawk hlawk a, enzui tuma tukverh ka zuk dah thlak nak chuan Lily in alo nghak reng tawh chu niin, ka nui tawp chiang kher mai. Asher car a an luh lai te leh an tlan chhuah hnu thleng pawh chuan ka thlir zui renga, ka awm hmun ah ka lo inhum ruh ve em em ringawt.
Engvanga Lily hi haw tlat nge maw ka nih le? ka pawi a sawi tawp si lova, mahse Asher hmeichhe hmangaih anih vang pawh ani mahna a ruk chuan vannei ka ti in ka thik takzet. Ni e... Asher nen hian an inhmeh zia chu chhangthawp leh butter ang vel an ni.An engkim an tuina thlengin a inmil vel veka chuta kara keia hmeichhe hmuhsitawm lutuk hian lo thik ngam ve reng reng nge maw ka nih le?
Beidawng ru tak siin ka phone chu ka zuk melh zeuh a, Freddie message ka hmuh takah chuan ka han hawng nghal vata,ka tan chuan thil thar anih mai bakah min en hrang ve lo tu anih avangin nuam ka ti phian mai. Ka sawi tawh kha mipa in ka taksa chauh nilo ,ṭhian ang leh pangngai taka min biak na hmasa ber anih vang aniang ka zam takzet.
Ka kawng leh ka hnungzang kham lutuk hmeh nawk nawk pah chuan ka tho ṭuih ṭuih a ka ril a lo ṭam ve bawk nen hreh tak chungin inhnuai ah ka chhukthla ta nge nge a midang awmlo se ka ti takzet.
Ka duh dan ang ngeiin kitchen ah chuan tumah an lo awm lova,ka tih hmasak ber tur chu ka hai lo chiang kher mai. A ruk thei ang berin fridge chu ka han hawng rak a, ka hmuh hmasak ber cheese cake lak ka tum lai tak chuan hnung lam aṭangin ,"i va tho hma ve " an rawn tih thut avang chuan phut zawk pahin ka hawilet nghal vata, ka rin loh deuh in Rachael alo ni a.
"pawi ka ti lutuk... ti hlauh che ka tum miah lo ania "
" a... a pawilo... " ka ti chuai raih ringawt.
"i duh duh kha i ei thei ania... inthlahrung miah lovin " a tih chuan za lo zetin ka khi nghal suk a,a nelawm loh hmel tehreng nen a fel zek mai.
"Juice? "
"awle... " tih pahin chair ah chuan ka ṭhu a, Rachael pawh ka ep chiahah a ṭhu ve nghal bawk.
" hrehawm i ti em?"
"engchu maw? "
"heta awm hi... " hmelhriat ngai loh bula awm hi tuin nge hrehawm lo ti ang,mahse chhang lo in ka ngawi ta reng zawka, min hriatthiam hmel zetin a bu zui nghat bawk.
"breakfast atan eng nge kan ei ang?"
"ka hrelo.... "
"kan eichhuak daih dawn mi niang...."a tih chuan nuih vur vur pahin ka lo bu nghat ringawt.
Ka kawr hak a fual em avang chuan a hmawr ah ka bawk ta ringawt a, Rachael chuan min lo en reng ringawt.
" thil ṭha deuh ka nei asin ,min rawn zui rawh"
"maw... khawiah maw?"
"min rawn zui tawp rawh... " tih pahin inchungah chuan a chho a,mak tih hmel takin ka zui chho ve nghal vat bawk.
An room ah chuan kan inzui lut hnak hnak a,drawer a hawn lai chuan khumah ka lo ṭhu vat thung.
"khawiah nge Joel...? "
"a chhuak daih tawh alawm....chawlhni ah hi chuan ka pa nen hma takah an kal ṭhin alawm"
"ummm...."
"i hria em vawin hi Asher an phuar ni ania mahse engkim a ṭha leh vek mai ang
"chu chu eng nge?" kohhran thil hi engmah hriat ka nei lo, chuvang chuan tuna mi pawh hi ka bo takzet.
"Pathian phal loh thil atih avangin thunun ani dawn ani..."
"naute vang hian maw?"
"umm....inneih hma a mipat hmeichhiatna hman te, fa neih te hi Pathian phal loh thil anih avangin dan kan bawhchhia tihna ani " ka hrethiam nghal kuarh kuarh mai a chhanchu ka nu khan hetiang thil hi min hrilh tawh ṭhin avangin.Asher an hun khirh tak a tawk ani tih chu ka hrethiam nghal mai, Pastor fapa anih vang hrim hrim pawh hian mite ngaihdan leh sawidan tur chu ka hrethiam nghal mai, mahse chuti chung chuan Pastor Samuel hian an hmingchhiatna tih belh chhah turin engvanga an ina awm tura min sawm nge maw anih le? mi mak tak ani.
"engpawh chu nise.... " thawk halh pahin Rachael chuan kawr hi ka bulah chuan a rawn keng phei a, "han en chhin teh... " a ti zui zat bawk.
"eng nge? "
" hengho hi min lawmpui tuten ka rai huna hak atan kan inneihni khan min pe a... kei aiin i mamawh zawkin ka hria... " kawr deh nuam tak tak te leh hak nawm hmel tak tak ho chu a mal te te in a han pharh diat diat a, mahse hetiang ang kawr hi ka ha ngai lova ka mumang ah pawh ka la ha chhin ngai eih lo.
"ughh...ka lawm e " han lak loh kha ka hreh ve sia ha dawn lo mah ila ka dah mai mai thei tho alawm.
_________________________________________
Asher kawr lian zet leh anu pajama min pek ha chung chuan damawiin lam panin hmanhmawh takin ka inkhalh phei nghal char char a, a chhanchu ka pa an zai thut dawn vang ani. An tum dan kha chuan naktuk tukleh vela zai turin an ruahman kha ani a mahse ka pa a ṭhat vak loh avangin an sawn hma ta ani.
Motor ka khalh lai te chuan ka thin a rim ṭun tawh mai, ka pa ka ngaihtuah ang hian ani hian min ngaihtuah ve angem? hetiang ang hian ka buai in ka ngaihsak ang tih hi ka la ring pha ngai lo, mahse ka pa ani miau sia lawm le.
An zaina room nia an sawi lam pan chuan ka tlan cho nghal hlawk hlawk a,ṭhuthleng a Freddie lo ṭhu kun lap ka va hmuh chuan ka kalna hi a dik ngei ani tih ka hre nghal.
"khawiah nge? "
"an zai mek... " a tih takah chuan a bula zuk ṭhu pah chuan ,"min va han tibuai reuh tak " tih pahin ka thaw nghal huai bawk.
"i duty ni anilo kha i ti sia... engvanga heta awm nge i nih?"
"mmm... thil tih tur ka nei thut alawm, kha hmeichhia tak tak i ang ve tawh alawm" ngeiawm zetin a rawn tih takah chuan ka inen nghal vata, hak tur dang a awm chuang si lova ka hak mai lovin.
"ngawi mai mai rawh " ka ti zui sap ringawt.
An zai rei tawh em avang chuan Freddie chu inthiar turin a kal a, kei erawh thatchhe zeta ṭhu chungin ka lo muthlu lek lek lehnghal "
Chutia ka lo ṭhut ar ar lai chuan Asher, Lily leh midang rawn kal phei lai ka hmuh chuan ka ṭhu ngil nghal zawta, ka kalsawn hma in Asher an min rawn hmu hman lehnghal.
Midang zawng kal vek mahse Asher leh Lily te erawh ka zawnah tak an rawn ding chat mai, mahse ka lo hmulo der tlat thung.
"min hmulo der vel elaw?" Asher an vin deuh hluka a rawn tih chuan Lily chuan, "Asher... kal zawk ang " alo ti nghal vata, a bialpa a chhan em avang chuan ka nui lui suk ringawt.
"hahh.... i hna chiah ngaihtuah rawh... "
" heihi... " Lily chuan mak tih hmel takin min rawn en nghal kawk a, Asher en chho leh pah chuan ,"ka kawr pek che kha ani lawm ni " a ti zui sap bawk. A ngawih tak reng avang chuan mittui tling pam chungin a kal nghal daih a,
"Lily" Asher pawhin lungawi loh hmel zeta min rawn melh pahin a zui nghal vat bawk.
Ngaihṭha lo zetin ka kawr haklai chu ka zuk melh zeuh a, Lily pek ani tak tak emawni le? mahse a duh chuan zingah pawh khan min hrilh thei tho sia, engvanga haw miah lo nge maw anih le?
"thiamlohna ka nei lo " ni e... an inkar a buaina zawng zawng hi ka tum reng vanga thlentir ka ni bik lova, kei ngei pawhin ka duh bik lo mahse anih tur ang chu ani vek tawh.
"i ril a ṭam tawh em? " Freddie pawh a rawn let leh chiah,min zawh chat danah ka hmel aṭangin ka ril a ṭam ani tih a hria pawh ani mahna.
"aw...."
"ka hre dik chiah...kan lo zuk in ei puar dawn mi niang, thin zai hi chu hun a duh a rei deuh hlek ang "
"ngaihdan ṭha tak anih chu... " tih pahin ka tho vata, ka kal nghal nal nal bawk.
Damdawiin aṭanga ka chhuah rual rual chuan hla vak lova Logan phone hmang lai chu ka hmu ta thut mai!! rang lutuk in Freddie hnungah chuan ka biru nghal vata, ani lah chuan ka harsatna hrethiam lek lovin ala kalsan daih zui.
"engthil nge maw i tih le? "
"kal vat vat ang "
" mahse ka jacket hnuaiah ah i bihruk tlat te chuan kan kalchak thei nang "
"awle... " ka huaisenna zawng zawng sawm khawmin ka ding ngil nghal vat a, rang takin confi bawk siin ka kal nghal zung zung a, mahse ka hlauh ang ngeiin Logan an min rawn hmu ta!!
Kan lam pana a rawn kal takah chuan duhthlan tur dang ka nei ta lo, Freddie banah chuan ka kal nghal chawt a.
"sawpa saw ka ex ania.... min la duh em avangin min tibuai reng ṭhin, saw tunah pawh min rawn zui a tum leh tlat tawh "
"anih chuan ṭha takin bia la... "
" nilo.... mi sawisak a ching lutuk, heti ringawt hi chuan ka let thei tawh lo, ka naute hi midang fa anih avangin a that duh ngei ang " phut zawk pawh nei lovin dawt ka sawi nghal char char thei chu mak ka in ti zawk hial mahse Freddie chuan ka thusawi engkim chu a awih vek tih a hmelah a lang chiang hle.
"hmeichhia kutthlak ching chu tihdan ka hria alawm... "
(Asher hming ka type apianga hmel rawn lang thin Shawn Mendes hi a duh ve apiangin Asher hming a rawn lan veleh in lo mitthla ve thin dawn nia )
CHAPTER-22
Logan an kan bul a rawn thlen phei chuan min chhuah a tum tawh hauh lo tih chu a chiang reng,engmah sawi lovin ka kutah a rawn man nghal vut a, ka duh chuan ka herh nghal pawp thei mahse Freddie chu ṭanpui dil niawm tak hian ka melh chho ta zawka, mahse engtin mah zu han ti duh miah lo a mawle.
"ka chhuah tawh hauh lo ang che...." Logan lah chuan a ti khur khur tawh mai bawk si,ka tal chhuak thei der lo lehnghal.
"hey... hey... ziaawm teh, helai hmun hi chu a ual au lutuk " a rawn ti chhuak ve ta,ka thaw nghal huai bawk.
"tunge i nih...? "Logan an a tih chuan a ngaihpawimawh loh hmel khawp mai.
"thlah rawh... chuti lo chu... "
"i hna chhiah ngaihtuah tawh... "
"esss...thlah vat mai teh... " a tih pawh chuan Logan chuan min pawt nghal dawrh a,ka ṭang thei der lo.
"security.... " Freddie hian engthil nge maw tih a tum le, security pahnih lai chu an rawn kal vat lehnghal.Mahse Logan chuan min pawt lui zel tho.
"hepa hian hmeichhe duh lo chung hruai bo a tum a, kidnap case a awrh ngei ka beisei... " a ti ta mai, chutah kan awm dan lah chu finfiahna ṭha tak ani lehnghal, hepa hi ka rin aiin a fing daih mai, zawn ngai lovin finfiahna chu hmuh theih turin a awm nghal der.
"hmela " Freddie hnek a tum lai takin Security te chuan Logan chu an man bet nghal vata,a tal nasat em avangin midangin an rawn pui nghal vata, an hruai sawn lai te chuan, "hmeli i chak dawnlo, ka chhuah tawh hauh lo ang che.... hmelchhe ho min thlah rawh ru, tihsual ka nei lo " tiin a au chul lehnghal.
"kal ang.. "
" maw!! " ka hamhaih bawk nen ka lo ding leh vung vung tawh.
"kal ang... thil ei turin "
" aw... awle... " ka ti bah nuai a, thil thleng khan ka thla a ti muang thei thlawt lo.
Ril ṭam hle mah ila ka rilru a zawhna a awm reng avang chuan ka thil ei a ti tui lo zo vek, a tawp a tawpah chuan ka zawt ta nge nge a.
"engvangin nge security kha i koh...?"
"mite tina tu nilo in ti dam ṭhin tu alawm ka nih... " a tih takah chuan a sawi tum ka hrenghal, a duh chuan a hnek nghal pawp thei mahse doctor a ni a, a tih tur diktak a ti ani ,min chhan dan avang chuan ka ngaisang letling zawk.
"khapa kha mimawl tak ani ,engmah ngaihtuah chiang lova thil ti phawng phawng mi a niin ka hria ,buaina nasa zawk ala tawk ngei ang "a sawi dik em avang chuan khik suk pahin, "nia " ka lo ti sap a.
"Coco.... tunge naute pa hi? " min rawn zawh thut avang chuan ka thil ṭhial lai pawh a tawp chat mai.
"a chungchang min zawh ringawt pawh hian ka thil ei a tuilo nghal vek... "
"haha.... anih chuan in in ngeih vak lo ani maw? "
"theih chu nise pawh sawm vek ania ka duh ni...enteh,nupui hual nei lai a nia a chungchang sawi tawh lo ang "
"pawi ka ti lutuk..."
"engmah ani lo..." tih pahin ka han thaw chhuak nghal hak a,an pahnih chungchang hi chu ngaihtuah loh hram hram ka duh.
"engpawh chu nise....engtik ah maw ka chhuahdun dawn a? ka sawi awmzia chu in date turin..." a tih chuan ka lai ringawt mawle.
___________________________________________
★Asher's Pov★
Coco pa an zai zawh veleh nurse hnenah min rawn hrilh vat tura ka chah avangin ka hre hmasa ber hial ang.Hlawhtling takin an zai zo ani tih ka hriat chuan rang takin an zaina lam panin ka tlan chho nghal vata amaherawhchu ka thlen dawn ṭepah Coco in min hmuh ka hlauh avang chuan muang changin thil dang tih tur neih avanga kal tlang tur ang mai chuan ka kal phei chhat chhat a mahse alo awm tawh miah lo, room chhungah a awm pawh ani mahna.
Kawngka hawn tuma ka ban lai tak chuan nurse pawh a rawn chhuak ve chiaha," tunge awm? " tiin ka lo zawt vat bawk.
"tumah an awmlo...mahse tu chiah nge maw a nih le hetiang em em a i buaipui hi... ?"
"ka hmelhriat ania " tih pahin ka lut nghal vata, "khawiah nge maw a kal le? " ka ti zui sap bawk.
Coco in min rawn hmuh ka hlauh avangin rang takin ka chhuak lehnghal vata,bakah Lily in lunch ei turin min lo nghak reng tawh bawk.Canteen ah ka luh chuan Lily chuan min rawn pan nghal vata
" khawiah nge i kal a?"alo ti nghal vat bawk, mahse ka sawi chuan a thinrim leh ngei dawn avangin, "tihtur ka nei lawka... " tiin ka chhang ta zawka,minute reilote liamta ah khan kan in ngeih leh chiah ani a thudik hrilh thei pawh ka nilo.
"khawiah nge midang...? "
"an ṭhu tawh...kal vat ang min lo nghak rei tawh lutuk ang " tih pahin ka kutah a rawn kai a, kan ṭhiante awmna lam panin kan kal phei nghal vat bawk.
Kan ṭhut rual rual chuan midang ho chuan biak pawh min be hmasa lo in min rawn melh nghal hrek hrek hlawm a,engvanga hetianga awm thut nge an ni tih hi ka hrethiam lo takzet.
"ṭhiante u...kan rei in ti em? "Lily chuan engmah hre lo ang maia a han tih takah chuan pangngai takin an awm veleh nghal mai bawka.
Lunch kan ei chhung zawngin vawikhat pawh ka ṭawng eih lo, a chhanchu ka ṭhiante awmdan hi a mak in tunah hian lem an chang ani tih hai rual ani lo mahse engvanga hetianga awm thut nge maw an anih le?
Ka ei zo ta maw tih ah ka tho thut a,"tih tur ka nei a.. ka lo han kal ange" tih pahin ka kal nghal nal nal ringawt, midang ho chuan mak min ti lehzual in ka hria.
Lift ah ka lut chiah tih in Clara pawh a rawn lut ve nghal vata,Clara hi Lily nau ani a tunah hian nursing final year zir lai ani, nidangah chuan min hmuh veleh min be nghal luam ṭhin sia engvanga en pawh min en lo nge maw anih le? Ngawi rengin Lift aṭang chuan ka chhuak lehnghal vata, a tawp a tawp ah min rawn ko ta nge nge a.
"Kohhran in an thunun che tih ka lo hria a... engthil chiah nge thleng a?" Lily hian a nau hi engmah ala hrilh velo niin a lang.
"min lo hrethiam la tihtur... "
"midang pawhin an hre vek tawh chuvang chuan engmah zep angai tawh lo " ka ṭawnglai chu min lo pawt chat nghal vata,mahse hemi chungchang hi sawi fiah ka tum lem lo.
"Clara tunah nilo... damdawiin ah kan awm ani tih hre reng rawh... "
"Chunu chu tunge a nih? ka û hi i ngaihtuah ve miah lo em ni? " ka ngawi renga, insawifiah pawh ka tum lem lo.
"chaw pawh a ei ngailo a, a rukin a ṭap ṭhin asin mahse hetiang thil vang hian alo ṭap ṭhin ani tih hi ka ring pha ngai lo, hetiang mai hi chuan kalsan suh"
"ka kalsan reng reng hleinem...."
"ka ring che nia....khawngaihin kalsan suh ang che "
_________________________________________
Clara min ngenna chu ka rilru ah a cham renga, engtik lai mahin Lily hi ka kalsan lovang tiin ka intiam nghal mawlh mawlh bawk.
"Asher....lunch break a tawp ṭep tawh ania... " Lily chu lainat takin ka en renga, ka hriat loh hlanin a lo ṭap ṭhin ani tih ka hriat hian ka na takzet.
"ka hmangaih che " tih pahin lungchim takin ka han fawp vang vang a, ka awmdan chu mak a ti hle nghe nghe.
"keipawhin ka hmangaih che... mahse engthil nge thlenga? "
"i puihna ka mamawh ani... "
"eng puihna maw? "
"Coco hian fa ṭha taka a neih theih nan min pui rawh...chuan he thil hi tih tawp vata kan pahnih a hlim taka awm hi ka duh ani"
"tehreng mai...mahse Coco hi in în ah a awm bawk si a... "
"engah mah ngai suh... hun ṭha ka neih veleh ka in sawn chhuak ang "
" mahse...."
"lungai suh...keimaha puitling taka awm hi a hun tawh ani... "
"ka lawm e.... kan awmdun thei tawh dawn lo emaw ka ti asin... "
"ka kut i vawn chhung chuan heng thil zawng zawng hi kan hmachhawn thei ngei ang... " Lily chu a mittui a rawn far nghal zung zung a, hetiang ang hian ka awmah thlamuang takin ṭap se ka duh ani.
Dr. Levi'n min koh avangin rang takin inhnuai lam panin ka chhukthla nghal vata, hmanhmawh lo turin min ti na chu muangchang ka tum chuang lo. Chutia corridor a ka kal phei hlak hlak lai chuan rin loh deuhin Freddie nen kan in hmu hlawh mai!! A duty ni ani si lova engvanga rawn kal nge maw anih le?
"hey... dude... " a hlim hmel kher mai.
"heta vei mai mai lo huan zanin atan i chakna te kha khek zawk rawh... "
"wow.. wow...inbeng dai teh, hetah hian ka rawn kal mai mai hleinem ka bialnu pa vang chauh a rawn kal alawm ka ni " a ṭhen zo chiah emaw tih laiin a dang alo nei leh hman tawh.
"engtik thleng nge i hmangaih leh dawn? "
"c'mon... tun ṭum hi chu ka serious teh mai ania"
"good luck... "
" ohh.... ani pawh a rawn kal asin, a rawn thleng ṭep tawh ang lehkha a ti fel lawka "
"tehreng mai... " Freddie an hmeichhia phur taka min in hmelhriattir a tum vawikhatna anih avangin ka lo phur ve em em ringawt.
"ee... khu, a rawn kal alawm... " tih pahin corridor aṭangin 2nd floor lam chu ka zuk hawi thla vata, Coco ka hmuh takah chuan ka nui tawp chiang kher mai.
"tu chu maw? "
"khu... t-shirt lian zet ha khu... "
Khunu phiangsen chu ka ṭhianpa lehzel pawh alo hmin leh tawh amaw!! hreptak chuan.
"a hmelṭha tiraw? " hetiang em em hian Freddie hi ala phur ngai lo, engtiang chiahin nge alo dawi kual vel leh tawh ni?
"ka hmanhmawh ka kal angai... "
" lo nghak lawk la... a hman ṭep tawh ang "
"nidangah ani mai " tih pahin hmanhmawh takin ka kal nghal hlawk hlawk a, engti kawng zawng mahin Freddie hi henu zun ah hian ka uai tir dawn lo,chuan henu hi ka fa paitu ani tih pawh ka hrilh ngai lovang a chhanchu chutiang anga sawi chu a phu lo.
Ka mood a off lehnghal vek tawh, khanu khan mipa engzat chiah nge a mutpui leh tawh tih pawh ka hre si lo, ka fa tan hian a ṭha dawn lo tawp mai. Ka thinrim em avang chuan ka inhum ruh a, bang chu hek nghal pawp pawp mai ani ka duh. Bakah Freddie hi mihausa tak fapa anih avangin a kawp pawh ani mahna, chumai ala nilo mak ka lo tih ruk em em a pa zaina bill a pe nghal vek thei pawh kha mi tu tu emaw a mutpui zara a hlawhchhuah mai mai pawh ani mahna .
CHAPTER-23
Thil report tur neuh neuh ka neih avangin ka la awm hnufual deuh a, a nihna takah chuan ka mood off lutuk hian ka thil tih tur zawng zawng hi a ti khaihlak vek hi a ni ber. Engvanga Coco kher kher lo ngaizawng nge maw a nih le? chutah ka fa a pai mek lehnghal,mahse Freddie hi hmeichhe laka serious vak ngai lo mi anih avangin an in ṭhen leh vat tho ang chuvang chuan Coco nen a kan chungchang hi hrilh kher ngai in ka hrelo.
Haw tlai hle mah ila Lily chu ka thlah leh te te phawt a, khua a thim tawh mai bakah khua lah chu a dur khui lehnghal zanin chu ruah a sur ngei ang le.
Ruah a sur ṭep tawh avangin rang takin ka inkhalh haw nghal vata,car garage ah ka dah luh rual rual chuan Coco car a awmlo ani tih ka hre nghal. Rang lutuk in ka sana chu ka zuk mit sir zeuh a dar7 alo ri ṭep tawh chu niin.
"khawiah teh hrep nge a kalpui ni? " phun sup pahin garage chu ka khar a, inchhungah ka tlan lut nghal vat bawk.
Dinner chu ei mai thei turin an lo siam tawh avangin dawhkan chu ka va kil ve nghal vata,ka duty ṭhin avangin ka chhungte chaw ei lai hi ka nang hman ngai meuh lo, mahse hei hun rei tak hnu ah kan ei ho leh thei ta alawm.
Kan tih ziah ṭhin dan angin kan inkai kual ṭhap a,tichuan kan ṭawngṭai ta ṭhin ani.
"damdawiin lamte eng nge a an? " ka pa chuan muang ban chat hian a han ti te te a,vawin a thil thleng kha ka ngaihtuah ringawt pawh hian ka pa hi ka hmu hreh takzet, keimah vangin zahna tamtak a paltlang mek chu a ni sia.
"a ṭha...." tih bak chu han sawi chhunzawm vak tur ka hrelo.
"kan vai mai hian Coco chungah ṭhat kan chhuah angai ani.... ani hi Pathian rawn tirh ani tih hi ka rin angai ani.. "
" ka pa...ṭhat chhuah a? kan theihtawk chu kan chhuah ve alawm mahse hei tunah pawh a rawn la haw loh hi " ka lo ti nghal vata .
"zalen takin awm tir rawh,dam takin a rawn haw ve leh mai ang"
"henu hian a nun dan hi a thlak danglam thei ngai lovang "
"Asher.... ani ni lovin keini ho hian kan nun dan hi kan thlak danglam angai... ṭha ni a i inhriat chhung chuan tumah i tan an ṭha tawk ngai lovang "
Ka pa rilru tluang lutuk leh ṭha lutuk hi chu a tawpah amah tina vêk tu ani ang tih ka hlau takzet. A mitah chuan mi tupawh angkhat vek an ni a, tumah hi Pathian ring tur leh a thu zawm turin a nawr lui ve ngawng ngawng ngai hek lo a chhanchu a rin dan chuan mitam tak hnenah thu kan hril anga entawn tlakin kan awm bawk tur ani chutah chiah chuan mi ama duhthu ngeia a rawn in lamlet na tluka nghet leh ropui hi a awm love a ti ve tlat.
Ka pa hi mi entawn tlak tak ani a mi ang khat veka a en avang ringawt hian a thinrim thei lo tihna ani lova, engkim mai chu Pathian remruat ani ti vek mi lah ani hek lo a chhanchu mi famkim a ni bik tlat lo. Midangte ang tho in a ṭap a, a thinrim thei a, a lungawi lo ve ṭhin mahse midang te laka a danglam na chu a thil ṭhlir dan hi a danglam bik em em a,mi dik anih mai bakah mite zah rawn pawh ani reng ani.
Ka pa chu hnial ngaihna ka hre tawh lo ,a thu sawi hi a dik ani tih chu hre chiang hle mah ila Coco erawh in ka thin a ti rim reng tho.
"Asher.... tun inrinni ah hian one day basketball tournament a awm dawn a i insawizawi a ngai leh ṭan tawh dawn ania " Joel chuan thildang daih a rawn sawi a, boruak pawh a zâng sawt hle.
"Joel hi chuan i chawlh hun hi alo hre kar zel... Joe reilote tê te chu mut hahdam tir ve la " Rachael pawh in alo ti ve vat bawk.
Lehkhabu chhiar tur leh zir tur ka dah lawk ṭeuh avangin awm mai mai lo in ka tih chhunzawm nghal char char a, a khat tawkin Coco rawn haw leh haw loh chu tukverh aṭangin ka zuk en leh zeuh zeuh ṭhin a, khawpui a rawn rik apiangin a rawn haw har lutuk chuan ka thin a ti rim zual ziah lehnghal .
"hepa hian khawiah nge maw a hruai le? " tih pahin inhnuai ah tui la turin ka chhuk thla a, mahse ka chhuanlam mai mai ani, tui lak ai mahin pawna lo nghah mai chu ka rilru ah a lian zawk.
Thli thaw vuk vuk te leh chhum inlet vut vut karah chuan ka ding renga,kawl rawn phe zawk zawk te chuan ka ngaih a ti ṭha lo zual hle. Zawng tura han chhuah meuh chu tlawm thlak ka ti ve bawk nen thinrim ṭunin pawnah ka vei thauh thauh ringawt.
"Asher pawnah khan eng nge i tih reng? " ka nu aw ka hriat rual rual chuan ka hawi let nghal vata, a ngaih a ṭhat loh hmel em em lehnghal. Ngawi rengin inchhungah ka lut ta ringawt a, ka nu lah chuan kawngka kalh a tum ta mai.
"nu... nakin ah intih harh nan ka chhuak leh duh ang kalh lo mai rawh " ka ti ta ringawt a, mahse ani lah chuan hriatthiam loh hmel zet hian,"inchungah balcony te pawh a awm a,thli a thaw nasa bawk si a hetia dah tawp chu a ṭha lo "
Ka nu hnenah Coco tun ang hunah pawh ala rawn haw lo ani tih ka hrilh thei bawk si lo, henu hian min va han tibuai tak em.
Awm nuam lo zetin room ah ka lut leh ta ringawt a, ruah pawh a sur ṭan der tawh, khawiah phiangsen nge maw a awm le?
Chutia tui lo zeta lehkha ka lo zir luih lai chuan car ri ka hre ta thut mai, hmanhmawh takin ka dak chhuak nghal vata Coco ngei ani mahse engvanga amah chauha rawn haw nge maw anih le? chupa mai mai chu!
A rawn tlan lut chawn chawn lai ka hmuh chuan thlamuang takin ka ṭhu lehnghal vata, tunah chuan tukverh pawh ka khar thei ta.
Reilote ah room kawngka pawh a rawn in hawng ri rak a mahse ka hawilet lo.
"i va tlai ve? "
min chhang lo mahse a thawm atangin bathroom lam a pan daih a ni tih chu ka hre thei mahse a thawm a reh tak daih avang chuan loh theih loh in ka va en leh ta nge nge a, huh zawr vekin alo ṭhu khur hlak hlak chu niin,towel ka ban rang kher mai.
Hmanhmawh takin a sam chu ka hru hul nghal sawk sawk a, mak tih hmel takin min lo en kar thung.
"inthlak vat rawh... i damlo ang "
" i ṭha maw? " chu thu chu zawt zawk tur ka ni asin.
" aw... naute vang chauha ti ka ni"ka ti zui sap bawk.
"inhnuai ah chhuk tawh rawh, ka mu duh " a sam ka hruk laklawh lai chuan a kal nghal daih a,zanin hi engvanga min hnial miah lo nge maw anih le? a awmdan hi a mak takzet.
Bathroom aṭanga ka chhuah meuh chuan ka tshirt dang chu ha in alo inthlak fel leh diam tawh mahse ka haw lem lo huat a hnekin ka hlim ru veng veng zawk.
"mu duh mahla lehkha ka zir duh " tih pahin ka ṭhu ve hmak a,ka zir chhunzawm nghal zat bawk.
"ka awih thei lo " khumah chuan a mu nghal thak a, a chau hle aniang a ṭhu khawmuang peih lo hrim hrim.
Lehkhabu chu khunkhan taka ka lo melh ngar ngar lai chuan a rawn tho chhuak thut a, rang fahran hian, "khawiah nge i kal dawn? " ka lo ti vat ringawt .
"grape ka ei dawn... "
" ṭhu rawh ka zuk la ang " tih leh room aṭanga chhuah ka rual nghal, rai no lai chuan thil chak tamtak an neih ṭhin avangin a chak apiang chu a tana ṭha tur anih phawt chuan pek zel ka duh.
Grape chu tui ti takin a ei nghal bawrh bawrh a, hetiang em em hian mi thil ei lai hmuhnawm ka la ti ngai lo, mimawl ang maiin min nuih tir leh vung vung ṭhin a, ka thinrimna te lah chu a bo hmak lehnghal. A rawn haw hma te kha chuan zawhna zawh tur ka ngah tehlul nen pakhat te mah ka hrechhuak zo tawh lo.
Ka kal duh bik loh avangin ngawi rengin kan pahnih chuan room khatah kan awmdun ran a,ka tih lai chu ka chhunzawm ngar ngar bawk.
"naktuk ah police station ah ka bike min lam pui thei angem... ughh, i signature a ngai dawn a "
"ka hmanlo... "
"middle finger... "
"i bialpa in kalpui tir mai rawh "
"engmaw? bialpa thar a?"
"bialpa thar i nei leh tawh ani lawm ni" ka tih takah chuan mak a tih hmel takzet, a awmdan aṭang hian Freddie nen hian an in ngaizawng lo emawni le?
"chutiang mai mai ah chuan maw min lo ngaih a?!! "
"hmanni lawkah midang nen in in zui a... tunah mipa dang nen"
"hahh... engthil nge maw i sawi le? "
"ka hrilh nawn leh ang che...i pum chhunga naute hi tlemte talin ngaihtuah ve rawh "
"nangchauh hian naute hi i ngaihtuah angin i ngai amaw... i ngaihtuah si chuan engvangin nge Lily nen inla inzui si "
"a hming lam reng reng suh... "
"midang i kawp thei a, ka kawp thei lo bik ang maw? ka nun ah hian rawn inrawlh suh "
ka ti thei tawh thlawt lo, ngawi rengin room aṭang chuan chhuah mai ka han tuma mahse Coco chuan hlauhthawn hmel tak hian,"chhuak suh...." a rawn ti tham ṭiak a mahse chhuah luih ka tum tho.
"ka mutthilh veleh i kal dawn nia...ka tih awmzia chu ruahsur leh thlipui hi reh phawt se " a tih takah chuan ka ngaihtuah ve tho bawk si a, thinrim tak chungin a bulah chuan ka va inthawlh ve ta ringawt a ,inbe lo mah ila min thlamuanpui avang hrim hrim pawh hian nuam ka ti.
____________________________________________
Lunch ei zawh veleh ka duty na department lam pana ka chho lai chuan Freddie nen kan inhmu hlawl mai,a enga mah hma in ka in hum ruh nghal ringawt.
"hey!! buddy....mut tam i mamawh anih kha "
"eng nge hetah i rawn tih...? "
"Dr. Vilian an min ko mawle, nangpawhin i hriat ngei ka ring "
"a ṭhat chu...hmu la haw vat rawh"
" min lo hrethiam rawh lunch date nei turin ka kal vat angai "
"i mutpui em? " a kal tur chu na deuh takin a banpuam ah chuan ka ṭham pawp a, ka zawhna avang chuan mak a ti hle nghe nghe.
(Asher hmel mitthla tur cheu a ka tih Shawn Mendes hi hrelo tamtak an la awm a ,a thlalak kan dah tel leh ngat teh ang. .Xoxo)
CHAPTER-24
"engmaw?"
"i mutpui lo tiraw? "
"Asher....engmi ah nge maw min ngaih le? " a tih takah chuan an la mu dun lo tih ka chiang, mu dun se chuan Freddie hian a zep hauh lo ang.
"kal tawh rawh...." tih sap pahin ka duty na department lam pan chuan ka kal lehnghal nal nal a, ka thawveng nghal huai bawk.
Corridor a ka kal phei lai chuan Conor chu ka lam panin a rawn kal ve mek bawka loh theih loh a ka kal pelh angaih avangin inring tawk hmel takin ka kal phei a,ka rin lawk ang ngeiin min kal pelh pah hian, "sawn i thlak tih ka lo hria a,ka tawrhpui takzet che " a rawn ti lehkher bawk.
"chutiang mai mai buaipui chuan ani maw i rawn tlai" min deuhsawh zawng hian han ṭawng ve ṭhin mah se a tawpah amah tho hi a thinrim leh tho zel, bakah Conor awmdan vel hi chu ngaiah ka nei tawh.
"anih chuan Lily tan ava han na dawn em? "
"hahh...buaina engmah kan nei lo, i lawm tawh em? "ka hmanhmawh deuh bawk nen khik suk pahin ka kalsan ta ringawt a.
Conor hi chuan min itsik ti ila ka sawi sual lo ang, exam a min phak theih loh chu sawi loh thawmhnaw, pheikhawk leh thil dang engpawh ka neih ang chu neih ve zel a duh mai bakah ka thil duh ang hi chu a neih theih nan chuan engpawh a ti duh ang. Tunah pawh hian thawmhnaw inang kan nei nual mai mahse engah mah ka ngâi ngai lo Lily alo tih buai hma kha chu.Lily nen kan inngaihzawng tirh vel khan min chuhsak tumin alo bei hrep tawh ṭhin a,tun thleng pawh hian a lo la be zeuh zeuh ṭhin, mahse a neih theih loh vang pawh ani mahna tun thleng hian ka chhiatna lai sawi tur a zawn ruai reng ni.
Ka patient te ka tlawh kual zawh hnu chuan paper tih fel tur neuh neuh a awm avangin leh ka duty hun a tawp hma ngei a zawh vek ka duh avangin ka ti nghal sawk sawk a,vawin chu hma taka zawh a Coco police station a kalpui ka duh ani.
"i va hmanhmawh ve... " Lily pawh a paper ziah fel tur nen chuan ka bulah a rawn ṭhu ve nghal thak a, tumah an awmlo bawka ka hmuiah a rawn fawp zeuh bawk.
"i chau em? "
"ka patient pakhat saw ka rilru ah a awm reng mai, kum naupang te in cancer a vei a ka lainat takzet... "
"natna hian kum a thliar si lo alawm lê... "
"hei....vawin ah i material duh kha ka rawn la a,ka hmu thei i ti em?"
"ka lawm e... " ka thil tih lai ka chhunzawm lehnghal mawlh mawlh avangin ka rucksack ah chuan min khungsak ta ringawt a,"heihi eng nge? " tih pahin ka damdawi hawn tur ka pack ho chu a rawn khaichhuak nghal va va bawk.
"iron leh vitamin maw?"
Coco ta tur ani tih a hriat avangin a ṭawng tawp nghal chawt a,ngawi rengin a dahlut leh nghal hmak bawk.
A ṭawng duh tak miah loh avang chuan ka inthiamlo chuan,"i ril a ṭam em? " ka ti ta ringawt a.
"Asher heng zawng zawng hi i tih sak kher angai hleinem amah pawhin a in lei ve thei reng alawm... "
"henu hian engmah a hrelo... ka tihsak zel loh chuan engmah ei a tum hleinem"
"bialpa pawh a nei ve renga...an tihsak thei reng alawm... "
" Lily..." vin deuh tak hian ka han ti hluk a.
"henu hi engvangin nge i buaipui bik em em.... heng thil lehzel te hi chu i buaipui kher angai hleinem.... " tih pahin a tlanchhuak nghal nal nal a,mahse umzui ngaiin ka hrelo.
"hreptak chuan... " tih pahin ka pen ken lai chu ka paih nghal pawp a, ka lu dawm pahin ka ṭhu kun lap bawk.
______________________________________________
Duty zawh ah Lily chu rei deuh tak ka nghah hnu chuan call a lak theih loh mai bakah a rawn thlen thlak theih tak reng reng loh avangin ka han en leh ta ringawt a,register ah chuan a haw tawh ani tih a lo inchhinchhiah kalh tawh avang chuan phur lo zetin keimah chauhin ka haw ta ringawt a.
Ni e... Lily thinrim chhan pawh kha ka hriatthiampui lutuk mahse Coco hi buaipui loh theih pawh ani lo, damdawi ei chu sawi loh engthil mah a hriat loh avangin engkim hi ka tihsak vek angai.
Hmanhmawh hle mah ila kawng sira dawr chu ka tlanpel thei tlat lo, ka car chu hung ṭha in ka lut ta nge nge a, helai hmunah hian thei leh thlai tharlam tak tak a zuar a, a thianghlim in a hrisel bik bawk.
Ngawi rengin Coco ei chak tur anga ka rin apiang grape, apple, kiwi, Pomelo, dawnfawh leh strawberry te chu ka khai bawr ṭun a, chutah ka hmaih theih loh dark chocolate pawh ka lei sak nghal bawk.
A ei chak zawng pawh ka hre lo a ,a ei chak lah ka zawt duh bik hauh si lo, chuvang chuan tihian lei ṭeuh ila a duh zawng chu a ei ve tawh mai ang chu.
Traffic signal avang chuan kan ding tlar ṭhap hlawm a, seat hnung nghen ar ar paha mipui kawng kân lai ka lo thlir reng lai chuan Coco ka va hmu ta thut mai!! mipa pakhatin car chhunga a nawr lut dawr dawr lai ka va hmuh chuan ka sa nghal phat mai a chhanchu mipa saw Freddie a ni tlat lo, a awmzia chu midang alo kawp leh hman tawh tihna ani.
Inhum ruh ṭun chungin signal hring ka hmuh rual rual chuan ka tlan chhuak nghal vata, Coco te car pawh ka tlanpel nghal fua mai.
Henu hian eng tehhrep nge maw a hriata mipa tel lo hian a awm theih miah lo le? nau a neih hma tal te chu insum ve tur ani asin.
"damnit.... " steering chu ka han beng nghal pawp a, henu hi Freddie tan hian engtikah mah a ṭha tawk ngai lovang.
Dr. Jane in min rawn call avang chuan phur lo hle mah ila ka lak ngei ngei angai.
"Mr. Edward.... file kha naktuk ah thehluh a ngai thut dawn a, i ti zo hman angem? "
"awle... zanin ah ka lo peihfel vek ang "
" a ṭhat hlauh chu... "
File thehluh tur ber ka hawn loh avang chuan phone ka dah rual rual in damdawiin lam panin ka in turn nghal pawp a,diktak chuan ni hnih ka la neih avangin ka hawn duh lo kha ani a mahse zanin ah ka tih zawh vek angaih dawn avangin ka lak ngei ngei angai.
Shelf a ka file dah chu la in hmanhmawh takin ka chhuak lehnghal nal nal a, mahse damdawiin aṭanga ka chhuak tur chiah chu damlo pakhat an rawn nawr lut ka hmuh chuan ka meng phawk nghal kawk ringawt, a chhanchu Coco in a rawn kalpui tel tlat.Thisen a chhuah nasat mai bakah an mangang em avangin ka va buaipui ve nghal vata, Coco pawh chuan min hmuh chuan mak a tih hmel hle.
"i kut kha dah sawn rawh... " tih pahin a lu a thi rawn put puana a hupna chu ka zuk hup sak nghal vata, lehlamah thisen an lo pe mek bawk.
Nurse ho in room a an nawr luh takah chuan luh ve an phal loh avangin room pawnah chuan kan nghak ran a, Coco ai mah chuan a bula mipa pakhat rawn kal tel ve hi a hlauhthawn hmel zawk.
"rawn kal teh " tih pahin Coco chu bathroom lam panin ka kai nghal dawr dawr a, a la hlauthawng ve bawk aniang ṭang pawh a tum eih lo.
"engthil nge thleng?" tih pahin a kut chu ka sil sak nghal mawlh mawlh a, a kawr ah lah thisen a kai hnuang lehnghal tihfai vek sen pawh ani lo.
" Logan kha a ṭha angem? " a tawp a tawp ah a rawn ṭawng chhuak ve ta, mahse a aw te chu a khur nasa in ka hriat ṭhin Coco kha ani ta hauh lo, a mittui chu a rawn far nghal zung zung a chutah zet zawng ka kuah lo thei ta lo.
CHAPTER-25
Ka story lo chhiar ṭhin tute zawng zawng motto atan ★Dream bigger ★ tih hi aw.... Xoxo
Nghet takin ka kuah tlata, insum tih hriat taka a insut faih faih ri ka hriat chuan thawk hak pahin duat takin a samah ka han chul sak heuh heuh a,
"khapa kha awm lo ta se engthin nge ka tih ang " hnuk ulh ṭuna a sawi chu ka lo ngaithla kar a engthil chiah nge thleng hre lo mah ila a hlauhthawn em avangin zawh belh ka tum tawh lem lo.
"I kawr hi thlak ang aw" ka tih chuan alo bu nghat a,a mittui tla phang leh sam thur bam te chuan amah min khawngaih tir zual. Ngawi rengin a jacket thisen kai deuh hnuang chu a han phelh a mahse a t-shirt ah pawh a kai nual avangin a phelh leh ngei chu a ngai dawn.
"hei pawh hi phelh rawh... "
"engmah hak tur ka nei hleinem"
" a pawilo... "
" mahse... " a han ti dek dek a, a kawr chu ka pawh thler sak nghal pawp ringawt.
"Engthil nge maw i tih le? "
" kha heihi ha rawh....pawnah ka lo nghak ang che" ka jacket pek pah chuan a samah ka chul zeuh a, washroom aṭang chuan ka chhuak nghal nal nal bawk.
"va insil fai ve rawh" tih sup pahin an ruala rawn kal ve pa bulah chuan ka va ṭhu thâr a,alo ṭhut kun lap avang chuan ala hlauthawng hle ni turah ka ngai.
"Doctor em ni i nih? "
"umm... engthil nge thleng hi?"
"ka office bâng kha ka hmanhmawh bawk si a, ka speed alo sang tawh bawk nen mipa pakhat rawn tlan phei thut ka hmuh khan ka ding hman ta lo ani..."
Coco zawk a sut loh avangin ka rilru te te chuan ka lawm ru phian.
"engkim senso vel zawng zawng chu ka pe vek ang... a chhungte pawh ka call tawh a, an rawn thleng ṭep tawh ang " a tih takah chuan mi pangngai tak ani tih ka hre nghal mai, chubakah Coco pawh hetiang mi a tawng fuh hi a vannei takzet chuti lo chu buaina liantham zawk a tawk ngei ang .
Damdawiin a an rawn hruai pa hi tunge anih hrelo mah ila nichin deuh lawka Coco nena ka hmuh pa kha nimai in ka hria.A bialpa mah nise engmah sawi buai lovin an zai lai chu ka lo nghak ve ran a,reilote hnu ah Coco pawh ka bulah a rawn ṭhu ve hnak bawk.
Kan pathuma inbiak pawh tum lem lo a kan lo nghah ṭhap lai chuan hmeichhe pakhat hi hmanhmawh takin a rawn tlan phei nghal hlawk hlawk a, "khawiah nge ka pasal a awm? " a rawn tih chuan ka bula ṭhu pa chuan alo chhawn nghal vata, a kalpui daih avangin an inbiak dan erawh ka hrezui tawh lemlo.
Engmah sawi duh lo mah ila ka thinrim ru hle, Coco hian mî pa maw alo ngaihzawn a!! ngatinge maw hetiang thil hi a thlen reng le ka kham tawh takzet.
"vawt i ti em? "lo thinrim khum na chi anih loh avangin zaidam tak hian ka han ti sap a,ani erawh in mak tih hmel takin min en ha thung.
"dinner i ei tawh em?"ka han ti leh ringawt a,thil engmah ka la ei loh avangin ani pawhin a ei bik ka ring lo.
"aih la ei lo ..."a tih chuan ka lo bu nghat a,zanin chu ei chhuhpui ila a ṭha ang.
Coco bialpa nupui leh a su tupa kha doctor pakhat nen hian an rawn let leh a, ka hmuh rual rual chuan ka lo ding nghal vata," keini chu kan kal tawh mai ang " ka tih chhunzawm zat bawk.
" awle.... min puih avangin ka lawm e " tih pahin min rawn chibai a, hmeichhia pawh chuan ṭanpui tu kan ni ah ngaiin min rawn nuih sang a, mahse engmah ka sawi belh duh lem lo.
" kal ang... "
" maw!! " mak tih hmel zet hian min rawn en ha a, muang changin a rawn tho ve ṭaih ṭaih bawk.
"hei a tlai tawh... in lamah min lo ngaihtuah tawh ang" ka tih takah chuan a han bu nghat a,chutah a nupui leh chupa chuan Coco chu an puih avangin lawmthu an la hrilh ang deuh deuh a, ka nuih a za takzet, mahse tihian police leh eng eng emaw lakah a fihlim anga a ṭha zawk.
A ngaite bawkin khua pawh a dur leh khui tawh a, thli pawh a thaw nasa hle.Coco nen chuan car ah kan lut nghal vata tun ṭum zet chu kan boruak pawh a dang zâr tawh mai, in pehhel duhna te leh in huatna te chu dahṭha in a vawikhat nan car ah kan chuangdun leh ani a, a mak hranpa ve hrim hrim.
Minute10 vel lek kan tlan hnu chuan pizza dawr bulah car chu ka ti ding chat a, rang lutuk in pawn lam a en nghal vat bawk.
"ngatinge i din? "
"dinner kan ei dawn mawle... "
"i ti tak tak em? " a phur lutuk hmel chu hmu ve ula chuan in nui chhuak ve tho ang.
"ummm"
"engtin nge ka eichak tih i hriat? " tih lang lang pahin phur takin a chhuk a, inchhungah ka inzui lut hnak hnak bawk.
Kan thil order a rawn thlen chuan rang takin alo rem ṭha nghal zung zung a, a che vel chu a hmuhnawm em avangin ka thlir reng ringawt.
"ei vat vat rawh " pizza hmuam ṭun chung hian a rawn ti a, napkin pek pahin
"i pum na khawpin ei suh aw... "ka lo ti sap bawk.
" awle... "
"hmanhnawh suh...chuti lo chu i hak ang "
" ka hria....ka hria"
"i bike chu i la ta em? "
"aih.... naktuk ah ka la mai ang "
"naktuk zingah kan pahnih in kan kal dawn nia "
"mahse i kal peih loh kha anih loh pawn i inthiam lo ani maw" a rawn ti leh kauh mai, ka in huam lai hi chuan aw tih ṭhat ve mai mai tur ania.
"ka khawngaih vang chauh che a kalpui tum che ka ni... thil dang engmah a awm lo "
"anih chuan min kalpui lo la... Freddie kan inkalpui tir mai ang "
"engmaw? "
"i peih lo chung sawm luih che ka tum hleinem..." a rawn tih chuan, a hriatphak si loh in zawi zet hian, "hreptak chuan " ka ti sup ringawt.
Kan ei zawh hnu chuan inlam panin kan tlan haw nghal par par a,chutia ngawi renga kan chuan dun lai chuan chuai raih hian,"Logan kha...ka thiamloh anih pawh ka hrelo " a rawn ti chhuak hlawl ringawt,engmah sawi lo in ka va melh zeuh a ,hma lam melh vung vung pahin a lo ṭhu ngaih a, a hlim loh hi chuan mak tak maiin nuamlo ka lo ti ve em em ringawt.
"ka duh lo chung min pawt lui a....ka tlanchhia min rawn um na lamah car in a su a.... mahse ka thaw huai in ka hria " a tih takah chuan thil awmdan chu a chiang nghal kuarh kuarh mai,Coco hian thiamlohna a nei in ka hre bik lo mahse ka thin ti rim tu ber zawk chu mî pa a kawp hi ani .
"grape i ei duh em? " thil dang daih chu ka sawipui ta ringawt a, dil chhut vak ka tum lo.
"umm... mahse "
" seat hungah a awm ang "
" grape maw !!?" a hawi let nghal vata,"min tih der lo tiraw? " tih pahin ka thil lei ho kha a khai phei a,"Lalpa leh!! haha " thil ho te ah a mood a inthlak danglam lehnghal vek tawh. Zanin zet zawng a mizia tamtak ka hriat belh ṭeuh bakah hmeichhe dang te ang tho in thil ho te te ah a hlim in duat angai takzet ani tih chu ka hrechhuak tel bawk.
Ruah a sur nasat tawh em avangin hmanhmawh takin ka tlan zela, tuihawk a tam in kalh a har tawh takzet.
"bag ah khan nihliap a awm ang... "
"ka hmu miah lo " tih pahin a han zawng leh rak rak a, duty room ah khan a theihnghilh emawni le?
"han en ṭha leh teh... " kei chu thuhran nise Coco hian ruah a do thei lo, a hritlang anga a damlo phah mai ang bakah damdawi duh duh a ei thei lo bawk nen a indim angai.
" Asher... a awmlo "
Car chu garage ah ka han hung ṭha te te a, garage aṭanga inchhung luhna kawnga alo inkhar tawh bawk nen ,kawngka pui aṭanga kan luh mai angai mahse ruah ka do hmasak angai ani.
"hawh rawn kal rawh... " Coco chuan min rawn nuih ver ver pah hian, ka jacket a hak lai chu a han khum a ,a hnuaiah bra a hak tho avangin ka dang lem lo.
" hmanhmawh rawh... " tih pahin jacket khum tur chuan min rawn pawt hnai deuh a, ka san zawk avangin ka lo dawm nghal vat bawk bakah a dul kiar ve tawh tak chu ka hmuh hmaih lo chiang kher mai.
" i inring em? " ka kawngah nghet takin a kuah tlat a, kei erawh in jacket ka chelh tlat thung.
"aw... " a tih rual rual chuan hmanhmawh takin thlipui leh ruah sur buan buan karah chuan kan tlanphei nghal dawr sawr a, varanda kan thlen phei meuh chuan kan huh zawr leh vek tho. Kan thil khum in awmzia a neih loh em avang chuan kan in en a, kan han nui leh rih ṭhin.
Mahse engtin emawni hian ka awm tlat,Coco nen chiang lutuk a ka inmelh kawk avang chuan hmundang hawi pahin, "lut ila "ka han ti sap a, ani erawh a ngawi reng thung.Chutia kawngka hawn tuma ka hmeh lai mek chuan rang zetin min kuai kun a, min rawn fawp ta tawn tawn mai!! keipawhin ka jacket chu chhuatah ka paih tawp a, a kawngah vuan in ka lo fawp let ve nghal tawh tawn bawk.
Note: Ka story hrim hrim hi a chhiar ṭhang chuan writer dangte ang tho in ṭawngkam bik ka nei tih in hmu ṭhin anga, a kalphung aṭangin ka ziah ani tih pawh in hriat nghal mai ka ring bawk.
Bakah awmze inang reng sofa/ ṭhuṭhleng tih hman theih reng laia couch kan hmang tlat te hi chhiartuten min lo chhinchiah ka duh avanga hmang ṭhin ka ni.
Ka story reng reng ah hian a changtute hi mi perfect lutuk in ka ziak ngai lo, a ṭhen te phei chu tuiawm loh ṭhak khawpa mize ṭha lo nei leh hun kal tawh nei ṭha lo te an ni, ka thil tum ber chu mi sual leh tuitang lo anga inngai te pawh hian nakin ah nangmahni nihna te hmuh kân ṭhin tu leh hmangaihtu in nei emaw in la tawng thei vek ani tih hriattir ka duh vang cheu ani.
Chubakah in hriat tura ka duh chu mipa emaw hmeichhe perfect lutuk tawng kher lo pawh ni ila kan nihna ang anga min hmangaih reng thin tu Pathian kan nei reng ani tih hi hre reng ang u. Xoxo
group motto: Dream Bigger
CHAPTER-26
(Motto: Dream bigger)
Coco chu bangah ka nawr beta chawt a,vawin chiah kan dam tawh dawn emaw tih tur khawpa duhthawh chuan ka fawp tawn tawn bawk,ruah sur eng ang mahse engmahin min dang thei tawh lo.
Chutia kan infawh lai chuan ka innem khalh na lamah kawngka chu ka nam hawng nghal pawp a, kan tlu lut teuh em em lehnghal.
"i ṭha em?"
" ṭha lo ṭep ".
"chu kawngka tehhrep chu " tih sup pahin ka fawh chhunzawm lehnghal mai bawka,ka kut te lah chu a awm mai mai thei tawh lo a awm bawr chu ka ṭham nghal tawn tawn a,a mood ah kan awm bawk aniang ka chhungte an rawh tho ang tih pawh kan ngaihsak tawh lo.
Kawngka a rawn in vuak bur bur pawh chuan engah mah ngai duh lo in kan thil tih lai chu kan chhunzawm mawlh mawlh reng tho,mahse ruah in inchhung a rawn theh huh nasat tak em avang chuan," inchhung a huh vek ang " a rawn ti sap a, kei lah chuan engahmah ka lo ngai lo nasa.
"a pawilo... " tih sam et pahin ka han fawp leh a mahse min nawr luih tak reng avang chuan chek tlak pahin khar tur chuan ka kal ta nge nge a, chu khawngkhar zet chu khar uluk pawh angai lo .
"khar uluk ve deuh la "nuih vur vur paha a rawn tih takah chuan ka hmui liah zeuh pahin ka khar ṭha nghal sawk sawk a,a rukin ka khi suk bawk.
"i damlo ang inthlak vat rawh"a huh zawr vek avang chuan rei tak hetiang hian a awm theilo ani tih chu kei tluka hre chiang an awmlo mahse thil dang daih ka sawi avang chuan lungawi loh hmel zetin inchung lam panin a chho nghal hnal hnal a,ka zui nghal vat bawk.
"ngatinge i rawn chhoh?" chu zawhna zet chu,ka room a lut tur pawhin ka dil zel angai ta ani maw!!
"ka inthlak dawn "
"umm... aw awle " tih pahin a chho lehnghala, kan awmdan hi kan lai ṭut tawh ni berin ka hria kha kawngkhar tehhrep avang khan bul ṭan tu nih kan hreh zo vek.
"va inthlak rawh " a in hruk hul mawlh mawlh lai chuan ka tshirt chu ka theh phei a ,dawn pahin bathroom ah a lut nghal bawk.Coco a luh takah kei pawhin ka thawmhnaw te chu phelh in pajama dum chu ka han inthawlh vata,
"Asher ....enteh ..." tshirt ka hak hma a min rawn koh avangin ka hawiphei nghal vata,ani pawh chu inthlak lem lo in panty nen chauh alo ding to chu niin,kan in melh chiang bawk nen ka ding ngawi reng ringawt .
"umm... ughh, eng nge ni? " aw then kharh kharh pah chuan ka han ti a, hetiang hunah hi chuan mipa tamtak hi chu an insum thei bikin ka ringlo, a chhan chu a hma aṭang hauh tawhin kan inhip tawn na hi a nasa tawh lutuk, mahse vawikhat ka tihsual tawh avangin vawihnih tisual nawn lo turin ka inhrilh nawn mawlh mawlh bawk.
"enteh ka dul hi a lian ve tawh tiraw..."
"engmaw... !!" thil mak deuh a rawn sawi dawn emaw tih laia chutiang mai mai a rawn sawi avang chuan a rukin ka khi suk ringawt, mahse dul thep leh nalh tak neih hnu a dul kiar mar pang mai han neih thut chu mak ve deuh tur ani asin.
"umm....a ṭhang chak hle mai " ka lo ti ringawt, han sawi vak tur pawh ka hrelo.
"engtik thleng nge a ṭhan ang le? "
" thla9 anih thlengin... in ha rawh, i hmui pawh a duk ṭan ania " tih pahin a kutah ka kai a, bathroom ah ka luhpui nghal bawk.
Ka tshirt a hak hnu chuan uluk takin a sam chu dryer in ka chhem ro tira,ka hlauh ber chu a damlo ang tih hi ani,chumai bakah naute tana ṭha lo tur chu engthil mah tih ka tum lo.
"Asher...ka bulah i riak thei angem? "a sawi har ka ti reng ani ṭek leh khawpui te chu a ri dur dur renga,a hlauh em avangin nizanah pawh ka riahpui tawh anih kha.
"mmm.... "
" ughh....ka nu kha la dam se chuan hetiang hunah hian min riahpui thei tur"a rawn ti chuak hlawl ringawt,a hmel chu a danglam nghal veka hetiang anga Coco awmlai ka hmu hi mak ka ti takzet a chhanchu hetiang mi hi a ni ngai tlat lo.
" ka nu in a ai awh turin a rawn tir che niang " min rawn melh chhoh ha pah chuan a han ti leh a, lo nuih let ringawt bak tih theih ka nei lo.In hriat angin mi han thlem te, han hnem te leh han fak chiam te hi ka thiam zawng ani ve lo,ngawi renga an thil sawi lo ngaihthlak hi ka hnem dan leh ka tawrhpui ve dan chu ani mai.
"kha heihi in hnawih rawh... vun rang a veng an ti... " tih pahin cream pakhat nu nau pai tan a ṭha an tih avanga ka lei chu ka pe a,lehkhabu aṭanga ka hriat ve tho anih avangin a ṭha nge ṭha lo pawh ka hrelo.Coco a rai hnu hian hetiang ang thil hi ka chhiar nasa sawt in ka buaipui ber te zinga mi ani tawh.
" ka lawm e... "
" a hma ang khan awm zawk rawh " ka tih chuan alo ner nang mai, ni e... hetiang anga a awm hi chuan ka lo nem leh duai duai ṭhin avangin Coco mi luhlul leh tawhkhirh ang khan awm leh se a ṭha zawk.
Rilru harh kur mahse maimichhung tlat chung chuan kan mu dun ran a,kan in mut hlat hle bawk.
"Asher... "
" mu tawh rawh a tlai tawh "
" ka ke a vawt lutuk a, ka mu lum thei lo "
"hetah lo kal teh... " tih pahin a ke hît vek tawh chu ka han hum lum vang vang a,light off mah ila min rawn nuih ani tih chu ka hmu chiang kher mai mahse ka hmu lo der tlat thung.
Hetiang ringawt hi chuan kan mutthilh theih dawn loh avangin ka ke lum chu ka tlawh tira, ka ban kham tir chunga ka kuah takah chuan a kut vawt lutuk maiin ka pum a rawn khawih ta mai!! vawt alo ti hle ani tih ka hriat chuan a aia nghet in ka kuahlum nghal sauh bawk.
_____________________________________________
Damdawiin kal tura ka insiam sawk sawk lai chuan Coco pawh a rawn harh a, zik mar ar ar pahin, "i kal tawh dawn em ni? " a rawn ti sap bawk.
"aw... "
"anih chuan i rualin ka rawn kal ve nghal dawn ka bike lam turin " Freddie sawm lova ka ruala a kal dawn avang chuan ka lawm ru hle bakah Coco awmdan aṭang hi chuan inngaizawng an ang loh em avanga hetiang nga hnaih chauh hi ka ni.
"anih chuan hmanhmawh rawh... "
" awle...." tih pahin a in perh tho nghal zawt a, in phih fai turin bathroom ah a lut nghal vat bawk.
Zingkar mah nise kan pahnih chuan phur takin kan kal a, taksa intawk lo mahse kan rilru erawh a in pawh sawt hle.
"a vawt takzet... nizan ruah sur vang kha aniang... "
"a vawt dawn ka tih reng kha..." inha lum turin ka hrilh mawlh mawlh a, ka thu a awih duh lova vawt a ti leh tho sia a hahthlak ṭhin mange.
Chutia inpawh taka pawna kan chhuahdun chuan kan in kawtah Lily in min lo nghak reng ani tih ka hmuh chuan ka nui tawp chiang kher mai,Coco nen chuan kan in en a a lungawi loh hmel hle nghe nghe.
" morning Asher... " ka in rin hma hma chuan ka hmuiah a rawn fawp zeuh a, Coco chu a in la hrang rang kher mai .
" ngatinge i awm tih min hrilh loh ? "
" ka hrilh kher che angai em ni?"
"mahse... "
" kal ila... "
"police station ah ka kal angai, lo va kal mai la a ṭha in ka hria "
" anih chuan kal ila... "tih pahin driver bul seat ah chuan a ṭhu nghal thak a, Coco erawh seat hnungah a ṭhu daih thung.
Lily rawn kal ve a tum tak tlat avang chuan kan hruai ta nge nge a,
"Asher.... a vawt e... "Lily chuan kawrlum pan te chauh a hak avangin ka kawrlum chu ka hak tir ta ringawt a, lehlam zawnga ngaihtuah chuan Lily hi ka bialnu ani a Coco erawh kan inkar ah eng inlaichin na mah a awm lo thung mahse tunah erawh ka rilru a phir takzet, Lily hi ka duh tih chu ka inhria mahse Coco chunga ka rilru put hmang erawh ka hrelo thung.
Lily chu ka bulah ṭhu reng mahse Coco chu front glass aṭangin ka han melh deuh reng tho a, ka ngaihsak vang chu ni tho mahse ka duh tihna erawh ani lo.Ka fa apai vang hian ka ngaihtuah pawh ani mahna thil dang erawh a awm in ka hrelo, hmeichhie leh mipa kan nih angin kan in hip tawn em em a chubak kan inkar ah engthil mah a awm lo ,engkim hi ka fa tana ti mai ka ni tiin ka inhrilh mawlh mawlh bawk .
Police station kan thlen hma chuan car chu ka tiding thut a,Lily chuan mak tih hmel zet hian, "ngatinge i din? " a rawn ti vata.
"sawtah sawn ka va kal lawk ange"
" anih chuan ka rawn kal ve dawn "
"hetah lo awm zawk rawh "
"Coco... kan rei lo ang " tih pahin a chhuak nghal hmak a, diktak chuan Rachael in Coco kawr tur a order sak chu lam tura min tih vang ani,duh chuan nidangah pawh ka lam thei mahse a ni telin a pum a lian ve telh telh a nakin hun nghak thei pawh kan ni tawh lo, mahse he thil hi Lily hmuh laia tih ka duh lo takzet.
CHAPTER-27
Motto: Dream bigger
Ka rin loh deuh in Lily chuan a thik hran lo,Lily hi hmeichhe fel leh rilru zau tak anih avangin Coco dinhmun pawh a hrethiam hle a, engmah a sawisel lem lo.
Coco bike kan lak chhuah hnu chuan a khalh haw angaih dawn avangin kan bulah a rawn chuang ve thei tawh lo.
"i khalh haw thei tak tak ang maw?"
"aw... in tlai dawn kal vat vat rawh u... " a tih chuan car a ṭhu mek Lily chu ka va melh zeuh a,ngun takin min lo thlir kar bawk.
"ok....i thlen hunah min lo hrilh dawn nia " ka tih chuan buk nghat pahin bike ah chuan a chuang a, helmet khum ṭhat pahin a khalh chhuak nghal vat bawk.
Keipawh chu car ah ka lut ve nghal vata,car chu ka ti nung nghal hlat hlat bawk.
"Asher....i ṭha maw? "
"aw... " ka lo ti chuai raih a.
"ka fiamthu lo ania... henu lakah hian feeling i nei ani tiraw...? " inhnial buai ka duh loh avangin chhang lo chuan thawk ka han la kawk a,hma lam ka melh ngur ngur ringawt.
"min chhang rawh....ngatinge hetiang hian i awm? henu hi i duh tiraw?" min tûr nasat bakah a awki a sân tawh em avangin kei pawhin vin deuh hlar hian, "ka hrelo... ka hre bik lo "ka lo ti nghal vata, mak tih hmel takin min rawn en nghal kawk bawk.
"henu laka ka rilru put hmang hi ka hre tawh bik lo...harsatna a tawh hi ka duh bawk hek lo " dawt sawi ka duh loh avangin tlang takin ka hrilh nghal mai a, mahse ka chhan dan avang chuan a mittui a rawn far ta fap fap mai.
"i duhlo ani tih pawh i sawi thei tawh lo amaw!!" nuih luih suk pahin a han insut hraih a,
"i ngaih ang kha ani lo"
"eng nge ni chuang anga..." tih pahin kawngka a hawng sawk sawk a car aṭangin a tlan chhuak ta mai, rang lutuk in ka um zui ve nghal vat bawk.
Garage chhawng sang lutuk aṭanga zuan thlak a tum avang chuan pawh let sawk pahin "i â ta em ni? "ka ti vin nghal tuarh a,a tal chhuah theih loh nan nghet takin ka kuah bet nghal tlat bawk.
"min thlah rawh...thih ka duh zawk, min kalsan dawn ai chuan thih ka duh zawk "
Ka awmah Lily chu a ṭap chhuak nghal hawm hawm a,nghet taka lo kuah mai loh chu tih tur pawh ka hrelo, mi tlaw tak ka ni.
"Asher.... a tawk tawh em em, khawngaihin min tih nat belh tawh suh " ka inthiam lo in sawitur ka hrelo takzet,engvanga hetianga awm ta mai nge maw ka nih le? ka thiamloh vek ani, engkim hi keimah vanga thleng vek ani.
"min kalsan lo ang tiraw...? mawh engtikah mah min kalsan dawn loh thu min hrilh rawh "
"ka thiamloh ani "ka ti sap ringawt, diktaka sawi chuan engthil chiah hi nge ka rilru a awm pawh hi ka hrethiam tawh lo engkim mai chu sawi chhuah a harsa vel vek tawh .
" mawh... min kalsan lo ang tiraw...? "
" umm.... " tih pahin ka lo bu nghat a, nghet takin ka kuah nghal vawng vawng bawk.
Lily chu car ah ka hruai let leh nghal vata, damdawiin lam pana ka khalh lai pawh chuan ka kut lehlam chu nghet takin a hum tlata, ka darah thlamuang takin a bei hle hle bawk, kei erawh thil tamtak ngaihtuah tur ka neih avangin hma lam chu ka melh ngur ngur a,ka rilru hi a buai takzet, enghi nge dik anga enghi nge diklo ang tih pawh ka thliar hrang thei tawh lo.
"engkim ah ka pui vek ang che....mahse kan inkar erawh tih chhiat ka duh lo engti kawng zawng mahin ka kalsan ngai lo ang che" Lily chuan a rawn ti sap a,a lu ah ka lo fawp zeuh bawk.
Damdawiin kan thlen pawh chuan min la kai tlat tho a, dan pawh ka tum lem lo a chhanchu ka awmdan hi dik ka inti bik lo, bialnu nghet nei lai ka ni a hetiang thil ka thlen tir hi ka thiamlo hul hual ani mahse ka rilru put hmang hi ka control theih ani miau si lo alawm lê... mahse siamṭhat nan hun ka la nei.
"Babe... in i luah mai thei lo em ni, anih loh pawhin ka in luah ah rawn in sawn lut mai la "
"tunah chuan ka pa in a phal ka ring lo a chhanchu... " ka tawp nghal chawt a, "Coco vang tiraw? "min rawn sawi zawh sak takah chuan ka bu nghat ringawt.
" engtik ni ah emaw family dinner nei leh ila... kan chhungte hnenah kan inkar ala ngheh zia hi kan hriattir a ṭha in ka hria "
A nihna takah chuan Lily chhungte hi ka hmu hreh tawh takzet, min ngaihdan tur ah ka buai lo mahse an chunga ka thil tih mualpho thlak tak avang hian an inah pawh ka la kal leh miah lo.
__________________________________________
Coco pa ka tlawh zawh hnu chuan chief in min koh avangin a office ah ka kal nghal vata, thil ṭul tawpkhawk ah lo chuan min koh ngai loh avangin ka zam ru hle bawk.
"Chief... eng nge ni ta?"
"Chilham aṭanga hla lo te ah free clinic karkhat chhung huaihawt ani dawn a,chutah chuan internship ti lai mek te bakah Dr.Julian leh Dr.Min Min-i ten an kaihruai bawk ang cheu , chuan heihi kal turte list ania lo in puah chah lawk ula ka duh ani "
"awle ka hrethiam e... " file lak pahin chhuah leh mai ka han tuma mahse min rawn ro leh avang chuan ka hawi let nghal vata bawk.
"Asher... "
"tunlai hi complain i dawng nasa riau mai a, hei ai hian insawr bing leh la ka duh ani..."
"awle....ka theihtawp ka chhuah ang "
"i mimal nun leh i zirlai hi dah kawp lo la, ka lo thlithlai reng ang che... heihi in chief ang nilo in i pa ṭhianpa ka nih angin ka hrilh che anih chu"
" ka lawm e... Dr. Phill" tih pahin ka chhuak nghal a.
Dr. Phill hi ka pa ṭhianṭha ber anih mai bakah ringtu ṭha tak ani a, kohhran thunun lai ka ni tih pawh a hre vek ani.
"hello...Mr.Edward... " Maria hlim hmel ka hmuh chuan kuah pahin a biangah chuan ka han fawp zeuh a, ka rilru hah lai taka ka hmu chu ka lawm teh e, ani hi Senior nurse anih mai bakah kan innel em em a, ka nu te ang rual vel ni tawh mahse ka ṭhian ṭha tak ani a, Coco pawh alo enkawl tawh avangin a hre hle bawk.
"kan inhmu khat hle mai "
" pa i ni tawh dawn bawka hun awl pawh i nei thei tawh lo "min rawn fiam avang chuan ka lo khi suk a,ka dâng nghal der Coco chungchang an sawi tawh hi chuan chhan dan tur hi ka hre ngai lo .
"i fate eng nge an ân?"
"an ṭha ....fate enkawl hi alo har anih hi, beidawn chang ka nei fo " a fapa upa ber hi drug addict anih avangin a rilru a hah ve thei hle a,chutah pasal sun tawh alo ni bawk nen ka kiangah hian a inbun ruak mai zel, a hnen aṭang hian chhel te,keimah chiah tuar tu bik ka nih loh zia te leh thil tamtak ka zir nasa hle bawk.
"umm....kan thu ani miau si lo alawm le"
"ni e... Coco a dam ṭha maw? "
"aw... "
"Asher engthil nge thleng? chuan Lily engtin nge a awm tak? " ka rilru a hah ani tih chu alo hmuh hmaih lo chiang kher mai, bakah Maria chauh hi ani lo Lily nen a kan inkar hre tawh phawt hi chuan sawn ka thlak ani tih hi an hre vek anga,chutah zawhna maksak tak tak min zawt reng bawk ang.
" kan inkar chu a ṭha ...mahse Coco hi ka kalsan vat loh chuan thil ṭha lo zawk a thlen ka hlau ani "
"chuan engtin nge naute hi... "
" ka hre tawh bik lo "
"min rawn zui rawh " tih hmuk pahin Maria chu a kal nghal nal nal a, ka zui ve nghal vat bawk.
CHAPTER-28
Motto- Dream Bigger
Motto- Dream Bigger
"sawng naute te saw an duhawm hlawm asin,eng nge i ngaihdan?" mak tih hmel takin Maria chu ka en ringawt, mahse naute ka hmuh hian mak tak maiin ka hlim tlat anih chu, kei ngei pawhin ka la nei thuai dawn ani tih hi ka mumang ah pawh ka la hmu ngai lo.
" an tetlai chuan tisawn hmun khatah inang khat vekin an awm ho ang nga mahse kum15 a liam meuh chuan a ṭhen chu pilot te, pharmacist te, nurse te nih an la tum anga a ṭhen erawh beidawng tak leh nih tum pawh nei lo in an la awm ang "
"nun ani miau sia lawm... "
"ni e... mahse tu mawhphurhna nge ni ta ang?"min rawn nuih sang a, eng ang zawhna nge ni ngai!!,chutiang te chu tu pawhin an hria ang chu.
" an nu leh pa te an ni mai aniang chu...mihring chu a enkawl tute an pawimawh ber "
" ni e.... a dik chiah, anih i fa hi i tello in seilian ta se engtin nge i tih ang?"
"maw!! " ka rin loh deuh zawhna min zawh avang chuan chhan mai dan tur pawh ka hrelo.
" nichin lawk kha chuan i enkawl dawn leh dawn loh pawh i hrelo ani lawm ni... "
"duh ka thlan fel angai miau sia lawm "
"Asher....nakin huna ila inchhir tur thil hi ti lul suh,keipawh ka inchhir mek zel chu anih hi... ka fapa kha apa bula awmtir mai lovin kan pahnih khan lo enkawl ta zawk ila hei aia nun ṭha hi kan pe thei zawk maithei asin"
"ka fa hi ṭha taka a pian chhuah theih nan engpawh ka tih ang "
" chu chu a tawk mai hleinem....a mamawh ber zawk chu a nu leh pate an ni, a duhthusam te a tih hlawhtlin theih nan in pui tur ani dawn lawm ni " ka ngawi reng ringawt, a chhanchin naute pian hnu a kan awmdan tur hi ka lo la ngaihtuah ngai miah lo.Ka tum ber ṭhin chu ṭha taka pian tir hi ani mahse chu chauh chu alo la tawk awzawng lo,a ṭhan len hnu thlengin kan mawhphurhna ala ni cheu.
"thutlukna fel tak siam ang che...." ka hnung zanga ben thak thak pahin room ah chuan min luhsan a,mahse ka rilru a buai hle.Ka thlang kawp thei lova ,a khawi zawk pawh thlang ila midang ka tih nat mai bakah ka la inchhir leh dawn tho tho chu chuan ka rilru a tibuai takzet.
Lily hi thlang ta ila ka fa lo piang mai tur hi ka ngaihtuahin, a nu leh pa bula ṭhanlen tluk a awmlo tih kei tluka hre chiang an awm lo, anih loh vek pawhin Lily hi kalsan in Coco thlang ta zawk ila hetiang mai hi kan inkar awmdan anih avangin leh ka hmangaih loh miau avangin kan awmdun thei dawn chuang lo chu chu ka fa tan pawh a ṭha chuang lo, engkim hi a inkalh vel vek.
Ka ṭhut hun anih tawh avangin phur lo zetin damlo inentir ho chu ka lo hmachhawn a, mahse ka hmel ah erawh ka rilru hahna te ti lang lovin ka lo nuih sâng ṭhin thung.
"naktuk ah operation room ah i lut dawn tih kha i hria em?" Alfred an a rawn tih chuan ka lo khi suk ringawt, hre lo hmel ka pu emawni le?... Mahni in mi la zai chiah lo mah ila senior doctor te kan pui ṭhin a,tunah chuan ka inring tawk tawh hle.
"ka ai kal ta che "
" hahh... theih chu nise ka kal daih tawh ang, nangchu i vannei a senior doctor te pawn an fak khawp mai che" Vanneih vang chauh ani lo, hemi thleng tur hian ka thawkrim in a ṭha ber nih ka tum tlat ṭhin vang ani.
Darkar3 zet damlo in entir ho ka en hnu chuan zik mar pahin duty room ah chuan ka lut a, ka dar a kham in ka chau takzet.
Lehkha ka lo zir mek lai chuan Lily hi a rawn lut hlawl a,ka thil tih lai ka chhunzawm lehnghal vat tho.
"i va chau hmel ve..? "
"engmah ani lo "
" khawi i dar ka lo hmet ang " tih pahin ka dar chu a rawn hmet nghal mawlh mawlh a midang an awm lo bawka ka lo hnar lem lo.
"a nuam em? "
" umm... " Lily awmdan hi a mak takzet, engvanga hetianga awm thut nge maw anih le?
Chutia ka dar a hmeh mawlh mawlh lai chuan hnung lam aṭangin ka nghawng a fawh pahin a rawn thaw lum ham ham tih ka hriat chuan ka harh nghal kawk ringawt chutah min rawn fawp nghal zat bawk ,a awmdan chu mak ti hle mah ila ka lo fawp let ve ta tho a.
"nakin ah chhiar mai rawh "ka lehkhabu chhiar lai min rawn chhuhsak pah chuan ka malchungah a rawn ṭhu nghal thak a,nuam tih a hnekin min kuah dan te leh min fawh dan te chu mak ka ti zawk,engthil chiah nge maw tih a tum le?
"engthil nge maw i tih le?" min fawh tawn tawn lai chuan ka han nawr sawn deuh a,mahse min rawn fawp lehnghal vat tho.
" Lily... " vin deuh tak hian ka han ti leh a, ka nawr sawn nghal dawrh bawk.
"Khatiang khan Coco pawn a ti ve tho ani lawm ni... " a mittui a rawn tlin nghal pam avang chuan pangngai deuh hian " mahse Coco i ni hleinem" ka han ti sap a, mahse meiling kha meialh ah ka siam mai zawk in ka hria.
"kei ka nih tak vang maiin khatiang khan i awm bik amaw!!, hetiang thil ka tih nachhan chu i rilru zawng zawng in min ngaihtuah la ka duh vang ani"
" maw!! hetiang vang hian ka duh ang che maw hahh.... Lily a hma ang khan awm zawk rawh, keichuan kha kha ka duh zawk " Coco hian a rilru a tibuai takzet anih dawn hi hetiang thil a tih tak mai,mahse keichuan a nihna diktak kha ka duh zawk lemchang ani lovin .
" anih engvangin nge Coco hi i duh? hetiang thil a tih ṭhin vang hi ani lawm ni"
" i ngaih ang kha ani lo... chuan Coco hi kan inkar ah tlakzeh tir tawh suh"
"ka hmangaih che... min kalsan suh aw" tih pahin nghet takin min rawn kuah nghal vawng vawng a, kei erawh in ka melh ngai melh ngut ngut chungin ka ding khawng reng thung.
____________________________________________
Lily thlah haw pahin reilote a in luah ah ka kawi hram a , mahse a hma ang khan ka rilru ah phurna leh a bula awm chakna ka neih loh avangin ka chau tih chhuanlam in ka haw lehnghal vata, engkim mai hi ka ning in phur takin ka ti thei lo bawk.
Maria thusawi kha ka rilru ah a cham renga, chu chuan min ti thaw ip pik zual in min ti rilru hah zual. Anih na takah chuan engthil nge tih hmasak ber tur pawh ka hrelo,ṭawngṭai a hmalam pan tawp mai loh chu.
Coco mamawh leh ei tur eng eng emaw ka lei ṭhinna dawr chu ka tlan pel zet tawh na in ka inthiam loh em avang chuan ka tlan let leh ta nge nge a,lut ta mai lo chuan dawr kawtah chuan ka ding reng ringawt.
Car steering bawh chungin ka inngaihtuah ngut nghut a,diktak chuan Coco hi pehhel a ngaihtuah tawh loh tawp hi ka duh takzet mahse chutiang ang em em a rilru chhia leh mahni mawhphurhna pawh hlen zo lo mi nih ka duh loh avangin thawk halh pahin car aṭang chuan ka chhuk thla chhat a ," naute vang chauha ti ka ni " tih sap pahin ka lut ta nge nge a, engpawh thleng se Coco hi ka enkawl ang mahse beiseina emaw, rilru danglam emaw put tir tur khawpin ka buaipui lo ang chuan amah hlat thei ang berah ka awm bawk ang a chhanchu Lily thik tur zawngin awm ka tum tawh lo.
In ka thlen chuan ka thil lei ho chu ka dah fel nghal mawlh mawlh a, a engah mah hma in Rachael chuan, "Coco chu ka pa nen an walk a " a rawn ti nghal ringawt a,nuih pawh ka nuih lo.
"Asher nimin lawkah hengho hi i lei ṭeuh tawh bawk sia... angai tawh hleinem "
"tikhan awm ṭeuh se a ṭha zawk " tlemte ai chuan tamdeuh dah hi a ṭha zawk chuan Coco pawhin a ei chak zawng a duhtawk in a ei thei bawk ang.
" mahse a tam mah mah lo maw " a sawi dik bawnghnute, yogurt, cheese leh calcium, protein,vitaminD tamna thei leh thlai te chu duhtawka ei tur a awm a,chutah juice hrisel tak tak ka hung tlar dul bawk.
"Asher... i rilru ava hah hmel ve "
" ka chau deuh a.... mut tam ka mamawh aniang "
"nichin khan Lily nu a rawn kal a, in la inkawp tho em ni? "
" kan in ṭhen reng reng hleinem... "
" mahse.... " thil dang a sawi hma leh ka pa leh Coco pawh an rawn let leh tawh avangin, "ka han mu hahchawl ange " tih pahin inchungah ka chho nghal vata, a thei anga tam Coco hi hmuh tawh lo ka duh.
Ka thil lei ṭhenkhat raipuar hak bik bra te, lukham hnung zang kham aṭana ṭha , taksa vung a hnawih chi oil te leh Coco mamawh tur damdawi ka lei ho chu khuma theh phei lawp pahin chair ah chuan ka ṭhu nghal hnawk a ,tukverh aṭang chuan ka pa leh Coco te kan in lam pana an rawn phei lai chu ka lo thlir reng bawk.
Ka pa hian Coco hi a ngaina in a buaipui peih em em a, hetiang hian Lily chungah a tih ve ngai loh avangin mak kan ti hlawm hle bawk.
Khati khawpa rei Lily nen kan inkawp chung pawh khan engmah a sawi lo na chu Coco ang hian a buaipui ngai lo, ṭha takin a bia a dinner te pawh kan ei ho fo mahse an pahnih hian a endan a ding in ka hria. Ka pa hian tupawh ang khat vekin a en ṭhin mahse Coco leh Lily te chungchang ah hi chuan a fair tawh lo in ka hria.
CHAPTER-29
Motto- Dream Bigger
Coco hmuh loh hram hram ka duh avangin room ah ka inkalh khum tlata, dinner ei hun tawh ah pawh ka rilru lak pen nan tiin headphone ka vuah tlata, lehkhabu chhiar pahin hla ring zetin ka ngaithla bawk.
A khat tawkin balcony ah ka va teikual leh rih ṭhin a, hetiang ringawt hi chuan a ṭha dawnlo tlat, in dang ka luah ngei angai dawn anih hi.
Chutia Coco pawh theihnghilh lek lek khawpa lehkha ka lo zir lai chuan kawngka an rawn kik ta tlat mai, ka nu anih ringin ka va hawn nghal vata mahse ka rin loh deuh maia Coco ka hmuh thut avang chuan mak tih hmel zetin ka en nghal kawk ringawt.
" hei eitur... i nu in pe tur che in min tia " pehhel tum nak alaiin ka room ah ala rawn lut ang deuh deuh a.
"kal tawh rawh " tih pahin tray chu ka chawi a,chhuah a tum loh hmel kher mai.
"inbual ka ngai alawm... "
"bathroom dang hmang mai rawh "
" mahse thawmhnaw leh ka inhnawih tur ho zawng zawng hetah a awm vek alawm" a flop em avang chuan ka han thaw chhuak halh a, "hmanhmawh ang che " tih sup pahin chair ah chuan ka ṭhu leh ta ringawt a, henu hi chuan min tibuai reng mai dawn anih hi.
Coco chhuah hun nghah pahin Lily nen balcony ah chuan kan lo inbia a, couch a thatchhe zet a ka lo ṭhut ar ar a lai chuan au ri ka hre ta thut mai!! ka phone dah pahin rang zetin ka tlan lut nghal vata bathroom kawngkhar chu ka chum nghal dawt dawt bawk.
" Coco... i ṭha em? " min chhan loh avang chuan a aia nasa in ka han chum leh a, ka mangang hman takzet.
" hawng rawh.... kawngka hi hawng rawh "
" ngawirawh... " a aw ka hriat rual rual chuan ka thaw nghal huai mai mahse a rawn la hawn lawk loh avang chuan kal mai ka tum chuang lo.
"i ṭha maw? "
" aw... " a tawp a tawpah a rawn hawng rak a, chhuat a thisen kawi niai hruk fai tuma a kun kat kat lai ka zuk hmuh chuan ," engthil nge i tih? " vin zet hian ka ti nghal hluk a,ka thinrim bawk si ka mangang bawk nen ka pawt tho nghal lawp ringawt.
" blade ka rap palh a..." bai nghal aih aih a,a kal ṭhat theih loh avang chuan ka pawm kang nghal lawp a khumah ka ṭhut tir nghal bawk.
"ngatinge i fimkhur theih miah loh le? " first kit box chu la in a pûn loh nan a pem chu ka tifai nghal sawk sawk a,ka thinrim ani tih a hria pawh ani mahna zawi sap hian, " ka tih palh " a rawn ti a,"fimkhur tawh rawh " tih ringawt in ka lo chhang thung.
Damdawi ka hnawih lai te leh ka tuam lai te chuan a ke vung deuh lang te chu ka hmuh hmaih hauh loh mahse hetiang lehzel hi chu hmuh loh der hram hram ka duh, a hlat thei ang berah ka awm tur ani tiin ka inhrilh nghal mawlh mawlh bawk.
"Inthlak la... mu rawh, a tlai tawh"tih pahin bathroom ah chuan ka lut leh a, thisen leh chhuata a sam zai tla niai te chu ka tifai a,Joel takngial pawh ka bathroom ka hman tir phal loh laiin Coco ve thung chuan duhtawk in a ti hnawk ania mahse ka haw chuang lo, hei tak hi a makna lai chu ani.
Bathroom aṭanga ka chhuah chuan thei leh thei lo hian jeans kekawr tight zet chu inthawlh luih tumin alo bei meka, amah a thau tawh mai bakah a dul a len tawh avangin chuti mai chuan a thawlh lut hauh lo ang.Khawiah emaw chuah a tum tih hre tho mah ila a nunah in rawlh zui vak ka tum lo, a rúk tak chuan a kal na tur hre chak hle mah ila zawt lo in ngawi rengin ka lehkhabu leh phone chu la in room aṭang chuan chhuah mai ka tum ta zawka mahse min rawn ko leh hman hram.
"umm... ughh... ummm" a sawi chhuah theih mai loh avang chuan ka lo nghak ran a, a lan dan chuan a thil sawi hreh deuh min hrilh dawn niin a lang.
" pawisa hman lawk tur min pe thei angem? "
"maw!! " chu te chauh chu maw, a lan dan chuan thil danglam tak min hrilh tum hmel a pu.
" ughh.... hna ka hmu a,kal a hun tawh bawk nen gas leina tur ka nei lo a "
Hna a!!! tun angah hna a thawk ang maw!! chawl hahdam tur ani zawk asin mahse engvangin nge ka dan ve ringawt ang, a duh ang ang chu a ti thei alawm.Ngawi rengin $30 chu ka pe a,pek tam pawh ka tumlo rawn haw vat se ka duh ber, a jacket hak pahin min rawn nuih suk a, a bai chhuak nghal aih aih bawk.
" sawtiang sawn hna thawh a tum ania? " nuih let suk pahin ka enliam vang vang ringawt,mahse a ruk tak chuan ka ngaihtuah hle thung.
Lily ka hriat chhuah leh hnuhnawh avang chuan inthiamlo zetin ka call leh ta ringawt a,Coco a rawn awm hnu hian min rawn call ngun in ka thil tih apiang hriat zel a duh ṭhin a, tunah ngat phei hi chuan engmah a ti ngai lo emaw tih tur khawpin min rawn be ngun zual. Coco nen engtin emaw kan awm a hlau ni ber in ka hria mahse ka thiamlo lo a chhanchu hmuh theih khawpa ka danglam thu min hrilh miau alawm.
Dar10 a rik meuh chuan ka sana ka melh leh chhen tawh mai, Lehkha han zir chhunzawm ve teh mah ila ka rilru a nuam leh thei tawh lo.
" ava rei em em ve "
Inhnuai ah chhuk in guest room chu ka zuk en dak dak a, ka rin ang ngeiin alo la haw lo.
Chair a ṭhut pah chuan tui ka han lem khawlh khawlh a,ka room a chhoh leh ka chu tum tawh hauh lo. Eng hna tehhrep nge maw a thawh le, hetiang chen chen thawh a ngaih ni.
A awmna ka hriat loh bakah a chanchin engmah ka hriat zui lohna tak chuan min ti bual zual takzet.
Call in awmzia a neih loh avangin a tawp a tawpah ka jacket chu ha in zawng tur chuan ka chhuak ta ringawt a, khawi berah nge a thawh tih hre lo mah ila waitress vel bak a thawh ka ringlo a chhanchu hna dang chu nise zanah a thawk lo tawp ang.
Restaurant inhawng ka hmuh apiangah ka zawt zela,London khawpui a han zawn ngawt chu thil hautak tak ani mahse ka ngaih tih ṭhat nan tal ka zawn chhunzawm zel tho.
"lo kaltir lo tawp tur ka ni asin " a fimkhur lo in a che pawlawh si a buaina alo tawh leh mawlh ka hlau,chubakah ṭanpui ala duhlo khanglang zui anga.
Darkar khat zet ka zawn hnu chuan ka hmu dawn lo ani tih ka hriat avangin beidawng takin ka haw ta ringawt a, hna thawk tura kal mah nise ka thin a ti rim in min ti hlauthawng takzet.
Chutia in lam pana ka tlan haw vang vang lai chuan Coco ni awm tak ka hmuh thut avangin restaurant kawtah chuan car chu ka ti ding nghal tuarh a,pawn aṭang in hmu mah ila Coco ngei ani tih hai rual ani lo mahse amah chauhin ani hauh lo Freddie pawh a awm ve.
An nui dun lai te leh inngeih taka an ṭhu dun lai chu ngun takin ka thlir renga ka hriat loh laiin car steering chu ka lo hum nghet hman hle.
A ṭhat mai bakah buaina a tawk lo ani tih ka hre tawh bawka han koh buai kher ngaiin ka hrelo chubakah kei hi min mamawh lo chuvang chuan keipawhin ka ngaihsak buai kher ngaiin ka hrelo.
In ka thlen hnu ah pawh chhuk ta mai lo chuan ka inngaihtuah vung vung a, Coco awmdan hian ka thin a ti rim in ka hrethiam lo takzet Freddie lo pawh bialpa dang a nei tho si a eng tiang chiah a awm tum nge maw anih le? chu ai maha ka thin ti rim zualtu chu hna thawk angin a in sawi a mahse Freddie nen an lo chhuak ru reng si a.
Ka room ah lut leh in khumah chuan ka han ṭhu leh vang vang phawt a ,ka awmdan hi a mak takzet Coco in min mamawh lo ani tih ka hriat hian hlim tur ka nih laiin ka awm a ti nuam lo zawk.A nih loh vek pawhin Freddie hi ka thik tihna em ni?!! engvangin nge hetiang hian ka awm tak mai kei hian ka ṭhianpa ,ka ṭhian ṭha ber hi ka thik amaw!!!
nilo... nilo... Ka ṭhian ṭha ber tan hian hetiang ang hmeichhia hi ka duhpui lo mai zawk ani,chu chu ka rilru put hmang diktak ani.
Ka chhuah hma in lukham chu ka lukham leisak chuan ka thlak sak a, a bak erawh a hmuh theih turin khumah ka dah lang thung.
"in enkawl ṭha ang che " tih sap pahin guest room lam panin ka chhukthla nghal vang vang a, tun bak hi chu a ṭul te ah lo chuan ngaihsak ka tum tawh lo, Freddie chauh lo pawh amah ngaihsak tu a neih ṭeuh avangin lo in rawlh buai ve chhen ka tum tawh lo.
Khuma mut pahin guitar chu zawi te te hian ka perh mai mai a, kawngka ri khap ri ka hriat hma loh chuan ka mu thei lo, ka ngaihsak tawh dawn lo ani tih inhrilh nawn fo mah ila sana chu ka lo han melh leh zuk ṭhin a, mutthilh han tum ve teh mah ila ka harh tulh tulh mai hian ka hria.
Rei fe thil eng eng emaw ti a ka awmkual ka awmkual hnu chuan kawngka in hawng rak ri ka hre ta mai, room kawngka chu hawn ka han tum zet nain hawng ta lo chuan ka kalh ta zawka, mak tak maiin ka hahdam nghal huai bawk.
CHAPTER-30
Dream Bigger
Dream Bigger
Phurlo zetin damdawiin a kal tur chuan ka insiam a,vawin zet zawng kal lo tawp pawh ni ila pawi ka ti lo.
"Asher...."Coco a rawn luh thut avang chuan ka kawr chu ka ha nghal sawk sawk a, Ka pa nen walk turin an kal sia ava rawn let leh hma em em ve.
" kawngka i kik thei lo em ni? "
"umm.... ugh"
" sawi rawh... "
" tlaiah i hman hma thei angem? "
"aih.... Lily birthday ania, zanin chu ka rawn haw tlai ang "
" umm... anih chu" a ti chuai raih mai.
"eng nge? "
" ughh.... engmah ni love, kal tawh rawh " nui lui tih hriat zet hian min rawn nuih suk a,room aṭangin ka chhuak nghal bawk.
Ka nu in breakfast min lo siam sak sa diam tawh avangin ka ei nghal mawlh mawlh a, tukin chu ka thawh hma deuh avangin ka hmanhmawh lem lo.
"i ṭha maw?"
Ka nu chau hmel ka hmuh chuan ka inthiam lo ve ringawt,keimah vanga mu thei lo ani ngei ang.
"tunlai chu i pa hi a rilru a hah thei lutuk a, a mu ngai meuh lo, ruk hian in tan kan ṭawngṭai ziah ṭhin ani tih theihnghilh ngai suh"
"awle "
"i pa hian a hauh loh che avang leh engmah a sawi ngai loh avang hian a thlahthlam che tihna ani lo... nangma duhthu ngeia hawi kir a in siamṭhat na hun a pe zawk che ani"
" ka hrethiam e... " ni e...ka pa hi ka zah em avangin Coco rawn awm tirh pawh khan ka sawisel lutuk lo,chuan ka theih ang tawkin buaipui ka tum bawk.
Ka pa hian Coco nen hian innei turin min duh meuh mai, duh se chuan min inneih luih tir thei bawk mahse Coco nen kan inkara inzawmna awmchhun naute avang ringawt hian innei ta ila kan daih rei dawn lo ani tih ka pa hian a hre chiang hle chumai bakah hetiang ang innawr luihna hmanga inneihna hi naute vang pawh nise chhungkaw ṭha tak engtik ah mah kan din thei ngai lovang chuvang chuan dawhthei takin inngeih taka kan awm hun tur min la nghak fan fan ani.
" bawiha....Lily nen in la inhmu ṭhin tiraw?" chhang lo in ka ei ngai chuan ka ei ngar ngar tho,ka nu lehzel pawhin kan inṭhen turah a ngai tawh ania mahse a awm tho e fa meuh ka nei dawn miau sia lawm.
"umm....kan ṭhen dawn hleinem... "
"naute hi i ngaihtuah ve miah lo em ni?"
"Lily in a enkawl theih tur thu min hrilh alawm..."
"naute chauh hi ani hleinem... Coco pawh hi i mawhphurhna ani "
"ka hria mahse Lily hi ka thlang zawk....ani nen chuan hlim takin kan awm ngei bawk ang " tih paha ka hawi phei nak chuan Coco leh ka pa chu an lo ding reng chu niin, " hreptak chuan " ka hriat tawk leka tih sup pah chuan ka jacket chu ka la lawk a, ka chhuak nghal nal nal bawk.
__________________________________________
HOSPITAL
★6:30 pm★
"khawiah nge kan kal dawn?"
"i hre mai ang "
"ka hmangaih che" Lily chuan ka beng bulah chuan a rawn ti sap a,duty zo tawh mah ila hospital ah kan la awm avangin inkaih leh inkuah vel chu kan ti lem lo, mahse midang an awm loh erawh chuan ka banah nghet taka a vawn loh leh ka darah a rawn bei leh nge nge zel.
Kan Anniversary kan lawm theih tak loh avang khan a birthday erawh holam taka lawm sak ka tum lo, chubakah chhuah harh a intih thawven hi kan mamawh tawh hrim hrim.
"hetiang anga ban bul hi ha lo turin ka hrilh che kha "
"dinner kan ei chhuak dawn i ti sia, enge maw chu ka hak ve angai alawm "
"mahse khaw vawh lai chuan nilo " tih pahin ka jacket chuan ka khuh nghal sawk sawk a, a ban leh kut te chu a vawt hman vek tho.
Chutia ka car dahna lam pana kan in kuah phei lai chuan Freddie leh Coco te nen chuan kan tawk hlawl mai,kan vai mai chuan mak tih hmel takin kan in en ṭhap hlawm a, Coco pa wheelchair a ṭhu ka hmuh takah chuan thil ka hrechhuak nghal zawk!!
Ka va han mawl tak em engtin nge vawin hi Coco pa damdawiin aṭanga a chhuahni ani tih hi ka theihnghilh theih zawk? nizanah chiang takin Maria in min rawn hrilh reng sia.
"wa... wa... happy birthday Lily " Freddie chuan thawveng zet hian a rawn ti a, Coco nen erawh in en ngam chiah lo in ka in melh hrek hrek a, inhre ngai lo ang maiin kan ding ngawi reng bawk.
"in pahnih in duhsakna ka hlan a che u...kan kal tawh mai nge "tih pahin Coco chu a han kuah leh kher a,khawi dang mah ka hawi thei tawh lo Freddie an Coco a kuahna kut ngei mai chu ka melh reng ringawt.
"Lily... kal ang " a kawnga dawm ve kher pah chuan ka kalpui nghal nal nal a,Lily chuan mak min tih hmel hle nghe nghe.
"Asher... i thinrim em ni? "
" aih... " car kawngka chu ka hawn saka, a luh hnu ah ka lut ve nghal vat bawk.
"i thinrim loh chuan tinge khatiang khan i men si "
" maw!! "
"i mit meng aṭang khan i thinrim ani tih hai rual ani hleinem....engvangin nge hetiang hian i awm tlat zela, An ni pahnih kha i thik em ni? "
"engvangin nge mi in ngaizawng chu ka thik anga? "
"maw... inngaizawng a? "
"aw... chuan Freddie tan khanu kha ka duhpui lo mai zawk ani "
"mahse i awmdan hi a dik hleinem "
"zanin chauh chu midang ngaihtuah lo in awm ang " tih pahin seat hnunga rose bouquet ka dah chu la in ka pe nghala, a tawp a tawpah a nui ve thei ta alawm.
"tikhan nui reng tawh rawh " fawh zeuh pah chuan ka han ti sapa, car chu ti nung nghal in ka tlanchhuak vang vang bawk.
Lily nen inhawi tawn chungin dinner ei dun mah ila ka rilru ah erawh thil dang daih a awm thung, a thusawi pawh engmah hre loin ka nui liam vel mai mai a, a rukin a khat tawkin sana ka melh deuh chhen bawk.
"Asher...."
"umm... eng nge? "
" ka biak che hi.... eng nge i lo ngaihtuah daih a... "
"sawi chhunzawm leh rawh ka ngaithla alawm"
"Chilham a kan kal hunah chuan engtik lai pawhin kan inhmu thei anga a nuam dawn takzet "
" Chilham aṭanga darkar5 vel tlan current leh signal pawh awm mumal lohna khua ah zawk alawm kan kal dawn... "
" chupawh chu nise a nuam tho ang " a tih chuan ka nui suk ringawt, a chhanchu thil awlai tak ani dawn hauh lo .
"chu hla chu ila hria em? "
"umm... "
" lam ila... " he hla an play tawh hi chuan lam turin min sawm leh nge nge ṭhin a chhanchu Lily hian he hla ah hian lam min lo zirtir hrep tawh a, ka thiam theih loh em avangin rei tak chhung chu min tihtauh khum nghe nghe chuvang chuan he hla zet hi zawng engtik ah mah kan theihnghilh thei ngai lovang.
A birthday ani bawk si a, han tih sak loh ka hreh ve bawk nen lam tur chuan kan in kai chhuak ta nge nge a,kan kut ding lam chu in vuan in a kawngah ka dawm bawka,a nui hmel ka hmuh tawh hi chuan ka lo nui leh vur vur ṭhin.
___________________________________________
★Coco's POV★
Ka pa chu damdawiin aṭangin chhuak tawh mahse enkawl ngai tak ala ni, a kal theih loh mai bakah inthiar ,chaw ei te leh mahni intihfai vel chu a thei tawh lo a, engkim chu tihsak vek angaih tawh dawn avangin ka ngenna angin Hunter chuan ka pa enkawl tu tur leh nurse chu min hire saka aman erawh a to hle thung,bike race hi ka rai avanga chawlhsan ka lo tum rilruk tawh nak alaiin ka pa inenkawl na manah vawi li tal race a ka tel leh chu a ngai dawn ta tho a, chutah pawh chuan la pe zo thei dawn lo mah ila rai chung leh naute nunna derthawng taka dah ai chuan tiin restaurant ah ka thawk ta ani.
Breakfast ei a dawhkan kan kil ho ṭhap lai hian Asher chuan,"ka insawn chhuak dawn a, in ka hmuh tawh avangin ka zin haw veleh ka insawn lut nghal ang " a tih takah chuan mak tih hmel zetin Asher chu kan en ha hlawm a, engvanga chhuah tum kher nge maw anih le? bakah tun hnai te aṭang khan a in thlak danglam nasa em em a, ka sawifiah thiam dan berah chuan min pehhel a tum niin ka hria mahse ka chungah lungawilo ni ta se ka thil mamawh engkim min la tihsak vek bawk si a, eng rilru chiah nge a put tih hi hriat a har takzet.
"engvangin maw? " Samuel pawh a hun takah a rawn in rawlh nghal khauh mai.
"hun thawl ka mamawh ani "
"anih chuan khawiah nge awm i tum?"Rachael in a zawh takah chuan ka beng ka chi nghal hru mai mahse,"ka sawi thei lo... kar khatah vawi hnih tal rawn tlawh cheu ka lo tum dawn nia " tiin ala chhang ang deuh deuh a, engvanga sawi duh lo kher nge maw anih le? bakah ka umzui dawn pawh ani tawp si lova.
"a pawi hleinem... a hun ve tawh alawm " engvanga Joel hian thlawp em em nge maw anih le? bakah ka hriat dan chuan ani pawh hi a pa in a phal loh avang chauha indang lo an ni a chutiang ang chu a nau hian rawn tuar ve lo se a duh vang pawh ani mahna bakah thil thar pawh ani lo Asher ngeiin insawn a duh anih chuan tuman an dang hauh lo ang.
CHAPTER-31
Motto-Dream Bigger
" Anih chuan i bungrua ho hi kan lo va sawn dawn em ni? " Anu pawh chuan alo ti ve nghal vat bawka, phal loh in awmzia a nei lo tih hrechiang tu ber ani bakah a fapa puih a thlawp mai loh chu tihtheih dang a nei lo tih a hriatchian em avanga hetianga ti hi ani,bakah Samuel pawh hian a fapa puitlin zir mek hi dang hauh lo ang le.
"angai lo.... keiman ka thawn mai ang"
"mahse... i awmna tur pawh kan hre si lova... "
"tumah hriattir ka tum lo.... kar khatah vawikhat tal rawn kal ka lo tum dawn nia" min melh hrak pah chuan a tho daih a,a chhuak nghal nal nal bawk.
"umm... ka pa tlawh angai a keipawh ka kal ve nghal mai ang "
"keipawh tlaiah rawn kal ka lo tum dawn nia.. Joel Coco hi va thlah rawh" Samuel an a tih chuan Rachael pawh chuan phur takin, "Joel nen kan va thlah thei ang " alo ti ve nghal vat a mahse hna nei vek anih avangin tihbuai ka tum lo.
" angai lo.....keimah pawn ka kal thei alawm"
"a chhuah ni a ka hmuh bak kha chu ka hmu leh hman ta si lova...." Samuel chuan inthiam loh hmel tak hian a rawn ti a.
"a pawilo... heta ka awm ringawt pawh hi ka lawm tawk tawh lutuk "
"Coco... khatiang khan ngaihtuah suh... chhungkua kan nih tawh hi "hei vang hian lawm Rachael hi ka ngainat em em, engtik lai mahin min en hrang ve ngai lo chubakah he in a awm hi a hahdam thlak in a thlamuan thlak takzet.
" ka hmanhmawh deuh a... ka kal nghal mai ang " tih pahin ka chhuak ve nghal dawr dawr a,Asher pawh a car garage aṭanga lak chhuah tumin garage kawngka chu alo hawng meka,chhuak ve tur tho ka nih avangin ka bike pawh awlsam takin ka lakchhuah theih phah dawn ani mai.
"insawn chu i tum tak tak em ni?" a bula din pah chuan ka han ti a,a ruk tak chuan ka inthiamlo takzet a chhanchu keimah vanga insawm tum ani tih chiang taka ka hriat avangin.
"umm.... "
"Lily in a hria em i awmna tur?" engvanga zawt kher kher nge maw ka nih le? mahse a awmna tur hi ka hre chak em ani.
"chu chu a pawimawh ber em ni?" min rawn en haw avang chuan ka chil ka han lem dak a, ka sawi hma kha ka ngai veng veng mai.
"ughh... a hria tiraw? "
"aw... " ka awm zawn hi a rawn na nghal vawng vawng mai,kei ina ka hriat chuba duh lo a Lily erawh in a hre vek thung mahse engvanga rilru na em em nge maw ka nih le, Lily te chu a bialnu alawm.
"hahh... a ṭhat chu " nuih tawi tup pahin ka bike ah ka han chuang nghal vata, ka mittui a rawn tling deuh pam avang chuan ka mit hliah tumin helmet chu ka khum nghal vata, engine chu ti nungin ka tlan chhuak nghal vat bawk .
Kan in kawta Lamborghini dum ka hmuh chuan Hunter a rawn kal ani tih ka hre nghal. Engvanga tun ang huna rawn kal nge maw anih le? mamawh neilo chuan a rawn kal hauh lo ang. Phur lo zetin inchhungah ka lut hnak hnak a, living room ah nurse leh ka pa awmpui tura kan ruaih nu chu an lo titi mawlh mawlh a, ka pa leh Hunter chauh room ah an awm ani tih ka hriat rual rual chuan hmanhmawh takin ka pa awmna room lam panin ka tlan chho nghal vat bawk.
Kawngka inkhar phui lo aṭang chuan Hunter chu tukverh lam hawia a ding vung vung lai ka va hmuh chuan thawk huai pahin kawngka chu ka han hawng rak a , ngawi rengin ka lut nghal bawk.
"eng nge hetah i rawn tih? "
"thawm dim rawh a muhil chiah ania " za lo zetin ka khi suk ringawt,a ṭawngkam a zaidam em avang chuan amah anih ka ring lo hial zawk.
"sawi rawh eng nge i duh?" ka tih takah chuan khik suk pahin a rawn hawi a, a hmel en ringawt pawh hian a hlauhawm tawh nak alaiin a, thil eng nge maw min tih tir a tum avanga min rawn hmuh phei hi chuan ka thinphu hi duh aiin a rang mah mah ṭhin .
"zanin ah race a awm dawn a....Ricky pawh a tel ang " ka meng phawk nghal kawk ringawt,Ricky a tel dawn maw!! hetiang ang mi hrat khawkheng lutuk hi ka tumpui chuan ka chak lo ngei ang chutah nau ka la pai zui!!
" ani te chu tuman an hneh thei hleinem"
" nangman i thei alawm... "
"a hma pawhin ka accident phah tawh kha... tunah chuan nau ka pai tawh a khatiang khan ka ti thei tawh lo " a hma in Ricky nen hian kan lo in tum tawh a, mahse ka in rin loh laia min rawn nek thut avangin ka accident phah mai bakah ka chak lo tawh a, khatiang ang mi phakar lutuk kha tum leh tur chuan huaisenna ka nei tawh lo.
" Coco nang tluka bike khalh thiam hi an awm lo chuvang chuan i chak ngei hi ka ring tlat"
"hriatthiam tum teh... "
"hre reng rawh... i ba i rul mek ani tih hi "
"naute ka neih hnu ah ka ti thei mai lo em ni? "
" nahh... chutiang sawi suh, keichuan naute hi ka hmu ve lo... engpawh thleng dawn se vawi nga tal i chak hman tur ani...a awmzia chu bike racing hi i chawlhsan thei lo " ka biang hmehsawr pah chuan min rawn fawp nghal tawn a, ka lo nam sawn rang ngei mai.
"chhuak rawh... "
"i huaisen sawt hle mai chuan biakin hmun pawh kha ka lo la nghak reng ania mahse heihi hre reng dawh dawhtheihna ka nei lo tih hi " ngeiawm zeta tih pahin a chhuak nghala,inhum ruh pahin ka thaw chhuak nghal hak bawk.
Hetiang vang hian lawm waitress hna ka thawh ni mahse ba rulh nan chuan ka hlawh hi a tlem lulai em ani.Lehkha ka zir san loh mai bakah engmah thiam ka neih loh avangin pawisa hlawm ka thawh chhuah theihna awmchhun chu bike racing chauh hi ani, mahse chu pawh chu ani telin ka dul a len mai bakah ka naute nunna aṭan a ṭhat loh avangin ka chawlhsan ala ngai thuai dawn chu chuan min ti lunghnur in min ti hrehawm takzet.
"ngatinge buaina chauh min thlen sak mai le? " ka pa en reng chung chuan ka han ti sap a, engkim ah ka pa hi ka puh lo thei lo, kan leiba engkim mai hi ka pa ba vek ani a chutah ka pek tlak turin hetiang hian min awm san leh daih si a fair lo takzet.
"awm lo la chuan hei ai hian ka nun pawh hi a nuam daih zawk ang... mahse ka kalsan daih thei bawk silo che..." ka ṭah chhuak lutuk hi ṭah chhuah hawm hawm ka chak takzet, mahse tun ang hunah hian ṭapa chak lo taka awm thei ka nih loh avangin ka inhum ruh tlata, ṭah ka tum lo bur.
____________________________________________
Freddie an hna min hmuh sak thu min rawn hrilh avangin amah hmu tur chuan Cafe Inn tih in tar kalh na ah chuan ka lut a, ka luh rual rual chuan "hey... hetah " tih pahin a ban chu a rawn vai lauh lauh a, ka va pan nghal vat bawk.
"Eng hna nge? " ka ṭhut rual rual chuan ka va ti nghal thawr a, a nuih a za ngei mai.
"bar ah waitress hna mawle... "
" maw!!? "
" ka ti mai mai anih kha... han ṭhu hah chawl ve phawt la"
"pawisa a tam em? "
"hlawh bakah bonus a awm ang "
"anih chuan sawi vat teh "
"mahse i zin chhuah angai dawn asin"
" a pawilo"ka tih takah chuan a han inla thutak deuh a, a hrawk then kharh kharh pah chuan,"chilham aṭanga hla lo te ah kar khat chhung free clinic kan hawng dawn a chutah chuan min pui turin ka duh che ni"
"eng nge ka tih ve ang?"
"damlo rawn kal apiang an hming record zel kha ani mai "
Ka rin ai daihin a hna a awl dawn phian mahse kar khat chhung ka pa han kalsan tawp mai chu ka ngaihtuah ve deuh mahse tihian ka inkhawl keuh keuh anga engtik ni ah emaw chuan Hunter thuhnuai aṭanga hian ka la chhuak ngei ang chuvang chuan ka hna hmuh ang apiang chu ka thawk zel tur ani.
"engtik ah nge chu chu ni ang "
" ee... naktuk ah kan kal ang mawle "
" maw!! naktuk ah maw? " zaninah race ka nei bawk si a,chutah zingah Samuel an walk turin min rawn kaitho leh ngei bawk anga darkar3 vel bak ka mu hman dawn lo ani maw!! tunlai phei chu taksa chau ngawih ngawih te leh hnungzang na ka ngah bawk si a ka tawrh ve deuh chu angai ngei dawn anih hi.
" buaina a awm em ni? "
"awmlo... dar engzat ah nge niang ?"
" dar8 ah bus a chhuak anga... chuan ruahsur avangin thing tlu leh lei min a awm avangin Chilham aṭangin darkar3 vel ke in kan kal bawk ang mahse kan haw hma in kawng a tlang hman ang "
" awle ka hrethiam e "
"Asher hian i duh ani tih a hria em? "
" maw!! " hepa hian eng nge maw a hriat le? Asher fa ka pai ani tih a hriatchhuah hnu hian hetiang thil hi min zawt fo a nuam ka ti lo bakah damdawiin khatah an awm ho bawk sia midang hian an lo hria ang tih te ka hlau takzet, a chhanchu Asher tih mualpho hi ka duh lo.
"i duh tih hi mawle "
" chutiang engmah a awmlo... bakah Lily nen hlim takin an awm tawh a keichu naute hi ka nei anga ka kalbo ang "
" chu chu i ti theilo... "
" engvangin maw ka theih loh ang!! kei aiin Asher leh Lily in an enkawl ṭha zawk ang "
"i â tawh anih hi... anih chuan indate mai ang "
" hei kan indate hi... "
" inngaizawng pangngai ang hian mawle " a tih chuan ka nui suk ringawt.Freddie an Asher fa ka pai tih a hriatchhuah tirh khan indate puiah min sawm a mahse Logan avang hian midang ngaizawng tura risk lak hi ka duh tawh lo .
_________________________________________
★11:30 pm★
A ruk thei ang berin midang tih harh hlau tak si in room aṭang chuan ka pen chhuak ṭhem ṭhem a ,Hunter an min lo call ve chhen tawh bawk nen ka hmanhmawh ru hle.
Joel leh Rachael te room ala êng avang chuan thawm dim angai zual em em a, loh theih loh in kaltlang angai bawk si min ti muang zual.
Rachael te room chu a inkhar phui chiah bawk si lova, man chhuah hlau leh thinphu dep dep chunga ka kal phei ṭhem ṭhem lai chuan ka hming an lam ri ka hriat thut avang chuan ka ding nghal chawt ringawt.An nupa inkar mah nise ka beng a verh nghal zar mai, kal tlang ta mai lo chuan kawngka phenah chuan ka ding ta renga, a thusawi chu ngun takin ka ngaithla kar bawk.
"Rachael... hetiang hian awm tawh suh a hunah chuan Pathian in min la pe mai ang " Joel chuan zaidam leh hrehawm ti tih hriat tak si hian a han ti a.
"ngatinge hetiang hi kan chungah a thlen bik le...keini in fa kan duh ngawih ngawih laiin Asher ve thung chuan a duh lo chungin fa a nei dawn ani a,tihsual ka nei em ni hetiang hian kan awm bik "
"ka sawi tawh kha... engkim hi Pathian remruat vek ani, rinna nen kan nghak fan fan tur ani"
" Coco ka hmuh apiang hian fa neih duhna in ka khat leh ṭhin ...Joe ka tihpalh hetiang thu hi ka sawi leh tawh ngai lovang "
" a pawilo... a pawi reng reng lo "
Rachael insut faih faih ri ka hriat chuan ka dul rawn kiar ve deuh tawh chu ka han chul a, tshirt lian ka hak avangin a lang lem lo. A hma a an fa neih loh thu ka zawh lai te kha ka hrechhuak nghal uarh uarh a ka inthiam lo in ka inchhir takzet.
Ka thaw a ipik em avang chuan ka han thaw chhuak hak a, hmanhmawh si thawm dim thei ang berin inhnuai lam pahin ka chhuk nghal bawk.
CHAPTER-32
Motto- Dream Bigger
★Zing Dar5 ★
Intlansiak zawha pawisa vel kan tih fel zawh hnu chuan Dolly chu ka han thlah leh te te phawt a, ka thlah zawh hnu chuan khawiah mah kal kawi lovin hmanhmawh takin in lam panin ka tlan haw nghal vang vang bawk.
Hunter a rawn kal loh avangin eng eng emaw tih neuh neuh ngai a awm mai bakah Ricky kan nghak ata langin intlansiak pawh an sawn tlai phah lehnghal a,a rawn inlan leh tawp si lo ka tlai phah vek.Last minute ah a khup an zai avanga a tel theih loh tur thu hre chauh mahila rin loh lutuk maia a rawn tello hi ka tan vanneihna ani, a chhanchu ka chak phah tlata Ricky chu awm se ka hneh ka inring lo bakah rawn inlan thei lawk lo mahse pawi ka ti lem lo.
In ka thlen dawn meuh chuan dar5 a lo ri dawn der tawh, khua ala thim mai bakah a vawt deuh surh lehnghal a mutlum ka chak tawh takzet.Thawm dim thei ang berin gate ah chuan ka tlan lut a rin loh lutuk in Lily ka hmu hlawl ringawt!! bike chu ka ti ding nghal vata mak ka tih em avang chuan ka meng phawk hle bawk mahse Asher rawn chhuak chiah ka hmuh takah chuan thil awmdan chu ka hrethiam nghal mai mahse inhmu thut kan ni bawka thlahrang hmu ang maiin alawm ka in en.
"good morning... Coco" Lily chuan min lo nuih nghal sang a,damdawiin a kal tum an nih hmel bawk si a mahse a hma mah mah lo mi le?
"hi!! " zawi sap hian ka lo ti a, Asher erawh ṭawng lo mahse a thinrim hmel hle thung .
"nizanah i haw lo em ni.. tun ang hunah i rawn haw ve chiah bawk sia"
"umm... hna ka nei a "
" anih chu... Asher kan kal dawn dawn mi niang " tih pahin Asher hmuiah chuan a han fawp zeuh a, za lo zetin ka lo khi suk ringawt.
"awle... "min rawn melh ralh pahin car ah a lut nghala, an tlan liam chiah tih chuan ka thaw chhuak nghal hawk bawk engvanga tawt em em nge maw ka nih le?
"i hna chiah ngaihtuah rawh... " mahni leh mahni infuih pah chuan inchhungah ka lut nghal vata, room pan ta mai lo chuan kitchen ah tui in turin ka kalphei ta zawka zep lo chuan ka chau in ka ril a ṭam takzet hetiang ringawt hi chuan ka muhil thei chuang lo ang.
Fridge a ka eitur hmuh hmasak apiang hmuam pawng pah chuan juice chu no ah pawh thli chhuak lo in bottle chuan ka in nghal khawlh khawlh bawka midang in min rawn hmu se chu hun rei tak chhung chaw ka nghei tawh emaw an ti ngei ang.
"Coco... " ka phut em avang chuan ka hawi let nghal hraw a, ka hak avangin ka khuh nghal bawrh bawrh bawk.
"i thil hmuam lai kha chhakchhuak rawh " Samuel chuan dustbin rawn pawh hnaih pah chuan ka hnungzang chu a han chul nghal vat vat a, ka khuh nasa bawka ka mittui a tla phung thei alawm.
"ka ṭha ...ka ṭha tawh "
"i va tho hma em em ve "
" nia... ughh" ka haw lo ani tih ka hrilh theih loh rual rual in dawt hrilh ka duh bawk si lova, ka khi suk ringawt.
"reilote kan va walk leh mai mai dawn mi niang?"
"tukin zing chu mut ka duh, ka chau lutuk "
" i damlo em ni...? "tih pahin ka pang chu a han dep nghal vang vang a.
" oh!! c'mon.... Samuel ka damloh i ring em ni? ka ṭha mah mah zawk "
" anih chuan chhuanlam i siam thei lo" min nawr luih tlat avang chuan kan chhuak dun leh ta nge nge a, a doctor râwn in walk a ṭha tih a lo hrilh kher kher kha ka tawrh phah zel chu anih hi.
In aṭanga hla lo te an in compound pel si lovin muang changin kan tlan a, amah hlei hlei hi tlan rei thei lo anih avangin kan kal leh nge nge ṭhin mahse keimah vang chauha heng thil hi ti ani tih Rachael in min hrilh avangin peih lo hle mahila hnial ka hreh lehzual phah.
" tukin zing chu i va nguai ve. .."
" ka chau tih ka hrilh mawlh mawlh che kha " ka tih chuan a khi ang ṭhaw a, a bulah hi chuan thinrim theih pawh ani lo.
"hna ka hmu a...kar khat chhung ka zin dawn a"
" a ṭhat chu....khawiah nge? "
"Freddie an Chilham aṭanga hla lo teah a ti ringawt a, chuan dar9 ah hian ka chhuah angai bawk ang "
"ava hla ve...naute tan a ṭha dawn em ni? "
"a hla hleinem... train in darkar khat leh a chanve chauh ania, mahse car in kan kal dawn a darkar thum vel aniang "
"anih chuan keimah chauhin i pa ka tlawh dawn ani maw... " a phallo dawn emaw ka tih laia min ṭawiawm ṭhat em avang chuan ka hlim in a hma aiin ka phur sawt.Naute ngaihtuah tho mahse ka thil tih duh anih avangin min dang lemlo mahsa fimkhur tur erawh chuan min ti ngun hle thung.
A hming lekin thawmhnaw chu rucksack ah chuan ka khung mawlh mawlh a ken tur ka nei tam lo bawka ka insiam zo hma teh e. Freddie a rawn thlen tawh avangin hmanhmawh takin inhnuai ah ka tlan chhuk nghal dawr dawr a, pawn ka chhuah meuh chuan Samuel leh Freddie chuan thil eng eng emaw hi car ah chuan an khung lut nghal mawlh mawlh a mak tih hmel zetin ka en reng ringawt.
"khang kha eng nge ni? "
" i mamawh tur mawle" Samuel chuan phur fahran hian a rawn ti nghal vâr a, eng nge an nih tih ngaihdan pawh ka neilo bakah engvanga lo phur ve em em nge maw anih le?
" maw!! ka mamawh chu hei ka keng vek tawh alawm "
"Coco kan tlai lutuk ang... car ah lut tawh rawh "
" awle... "
Zawhna la ngah hle mah ila car ah chuan ka lut ta ringawt a, Samuel phur lutuk hmel ka hmuh ngat phei hi chuan ka ngaih a ṭha lo zual.Thil ho te te ah pawh mi a phur pui zel theih vang anih hi a fate pawn engkim ah an rawn hmasa phawt ṭhin a, a thu lo chuan engmah an ti lui ngai lo. A ni telin Samuel hi mi ṭha tak leh mi entawntlak tak anih zia ka hre chho zel, engtik lai pawha a hlim em em ṭhin na thuruk hi hriat ka chak takzet.
Kan tlan liam chiah tih chuan bawm ho chu ka en nghal vata, "heng hi eng nge? " tiin Freddie chu ka zawt zui zat bawk.
"ka hre bik lo... mahse a ṭhen kha chu nghakuai leh puanin te ani in ka hria chuan eitur tlema zawng nen "
"maw!! henghi enga tan nge ka tih anga?"
"ka hre bik lo... keng tel turin min ti tlat sia lawm "
"ok... a ṭha e " tih sup pahin seat hnung chu ka han ngheng ar ar a, reilote ah ka muhil zui nghal vat bawk.
_________________________________________
Freddie sawi tawh angin thingkung tlu leh kawnga lei awm nuai chu an tihfai mek avangin ke in kan kal ta ringawt a ,kan bungrua erawh khaw tlangval ten an rawn la thung.
"ramhnuai ah hian kal kher angai em ni? thosi a tam ropui si "
" shortcut anih hi....kawngpui aṭang chuan darkar hnih hnu ah pawh ila thleng lo ang "
"kan thleng ṭep tawh em? " hah chu sawiloh engmah ka keng lo zawka, kan bungrua pu tute phei hi chu an hah viau ang le... Shortcut nuam tak a awm ngai lo an ti a an lo sawi zawng zawng kha kan tawng mek chu anih hi.
Darkar chanve dawn lai ramhnuai hnawng chup leh thosi kara kan kal hnu chuan naupang rak ri kan hre ve ta alawm, hetiang em em hian naupang rak thawm hi ka bengah ala mawi ngai lo.
"tui ka duh... ka tui a hal lutuk "
"kha...in rawh" kan bungraw phur tu zinga pakhat chuan coconut tui hi min rawn pe a,Freddie lah chuan min rawn la nuih ṭhaw zui.
Khua kan lut chiah chu ding meuhin, " a mawi lutuk " ka han ti sap a, khaw lian lo tak mah nise khaw bul lawka dil pawl phut te leh tlang lianpui te chuan a ti mawi zual in a ti nuam takzet. Hetiang vang alo nih dawn hi Samuel an nghakuai leh puanin min lo ken tir,kan kalna tur hi a hre lawk ani tih min hrilh ve mai tur ania.
"Dr. Freddie i rawn thleng ta ani maw?" pa kum50 vel bawr leh chinese nu hian Freddie chu an lo be nghal vata, in hre lo mah ila min rawn chibai nghal sawk sawk bawk.
"aw... engtik ah nge ka ṭan theih ang "
"zingkar a rawn kal ho kha tunah an ṭhu meka, chawhnu lamah in in thlak dawn nia "
" awle... "
Kan awmna tur lam panin kan bungraw pu ho khan min hruai nghal vata, chumi chhung ringawt pawh chuan Freddie chuan a thawhpui te a hmu hnem hman kher mai helai hmunah hian mi engzat chiah nge maw kal le?
"hetah hian mi eng zat nge kal cheu a? "
" mi pariat vel... a bak zawng chu khaw ṭhenawm ah an in sem darh ang ...chuan nichin ami te khan senior doctor Dr.Julian leh Dr.Min Min te an nih kha "
" ka hrethiam e... "
Kan thlenna room tur kan thlen rual rual chuan Freddie chuan, " nakin ah kan inhmu leh dawn nia " a ti ta daih mai,
" khawiah nge i kal dawn?" ka lo ti nghal vat bawk.
"hetah hi chuan room ruak a awm tawh lo a...bakah room hi a tet em avangin nangmah chauhin i awm thei dawn a,kei erawh building lehlam ah sawn midang pathum nen room khatah kan awm ang"
"tih pahin a chhuak nghala,room khata pathum awm ai chuan a hranga awm a mahni chauha awm a thlanawm zawk. Ka chau bawk aniang ka ṭhut zawng ringawt pawh hian ka kawng a rawn na nghal ṭawlh ṭawlh mai "
Rei pawh ka ṭhut hma chuan room kawngka an rawn kik leh avang chuan ka tho nghal vata,kawngka ka hawn chuan hmeichhia la upa lutuk lo hian a towel ken lai min rawn pek pah chuan,"heihi i mamawh angem? " a rawn ti sap a, min en duh em avang chuan, "ughh... aw chuan Coco ka nia " kan han ti nghal vata, ani pawh chuan min rawn nuih sang pah hian," Snowy... chuan he in nei tute hi " a tih takah chuan kan thlenna te ani tih ka hre ve chiah mahse a awm tho e tuman min in hmelhriat tir hleinem.
Ka awmna room ep chiah kawngka a kik leh kerh kerh avang chuan dilchhût zet hian,"inah hian mi engzat nge thleng ?" ka sawi zo hman chiah tih chuan Asher an kawngka chu a rawn hawng ta mai!! Lalpa leh!! ramhuai ani lo tiraw?
"in pahnih chauh hian " Snowy thusawi pawh ka ngaithla tawh lo, Asher nen chuan phawk fe hian kan in melh reng ringawt .
(Coco te kalna khua )
CHAPTER-33
Motto- Dream Bigger
"hei.. i towel tur aw,i khumah ka lo dah dawn em ni?" A biak danah hian Asher hi a ngaizawng tih ka chiang chutah ala lai put put zui.
" a ngai lo ang... ka lawm e " tih sap pahin towel chu a la a.
"mamawh te i nei em?"
" nei love ..."
Ka awm ve reng avang chuan a duh ang a sawi thei lo pawh ani mahna min rawn melh ralh pah chuan a kal nghal nal nal a,ka enzui vang vang bawk.
" he.... " ka ti dek dek a ka thusawi pawh ngaihthlak tum lovin room ah min luhsan hmak anih chu!! kawngka lah chu an khar chiang em em khawp lehnghal.
"hahh.... ka be peih bik lo che " ner khum suk pahin luh ve mai ka han tuma mahse kawngka a rawn hawn leh tak si avang chuan ka hawi let nghal haw ringawt.
"eng nge hetah i rawn tih? "
"chu chu zawt zawk tur che ka ni asin"
"keichuan hna ka nei alawm "
"keipawh... "
"hreptak chuan Freddie an a rawn hruai che nimaw!? "
"i hriat ve a ṭulna ka hrelo"
"haw vat rawh....hetah tihtur engmah i nei lo "
" teuhlo...ka hna ka zawh hma loh chu ka haw dawn lo "
"Lalpa leh!! min ti â thei takngial dawn " tih pahin a lut leh daih a, kawngka a khar nghal chawrh bawk.
"ka van haw awm lo... " tih vin hlar pahin kawngka chu ka kharh ve nghal chawrh a, "engvanga helai room a awm kher kher nge maw ka nih le? " tih sup pahin khumah ka let nghal tawp bawk.
Inchung melh rulh rulh pah chuan ka inngaihtuah vung vung a thil hriat chhuah ka neih avang chuan ṭhut nghal zawt pahin," naa....Freddie an internship ti ho an kal dawn tih a sawi khan engvanga Asher hi ngaihtuah thleng miah lo nge maw ka nih le? pawisa vang vek " ka han ti nung nung a, awmzia a awm tawh der silo.
★
★
Kawngka chum dawt dawt ri ka hriat chuan ka harh nghal zawk a, ka chhing sek emaw ka tih laiin tukverh kan en nâk chuan khua alo thim der tawh .
"min mut tir mai mai thei lo mi le " phun phei nung nung pah chuan kawngka chu ka hawng nghal vata Freddie lo ni rengin a chau ve lo emawni le?
"pawi ka ti lutuk... ka lo chhing sek a "
" pawilo... naktuk aṭangin i ṭan thei tho alawm ,i ril a ṭam tawh em? "
"aw... "
" anih chuan in ha lum la... sawtah lodge ah dinner min buatsaihsak a "
" ani maw!! tihian ka kal nghal thei "
"hahh... i sam hi a thur teh mai ania " tih pahin a rawn tuai mam nghal mawlh mawlh a, pheng te pawh a pheng ve ta ngei ang ka mutpui nasa em alawm.
Chutia Freddie an ka sam min tuai mam sak sawk sawk lai chuan Asher a rawn chho hlawl mai mahse min hmu lo ang maiin a kaltlang nghal daih anih chu!!
"dude... dinner ei ila"
" ka peih lo " rawn hawi let miah loin room ah a lut hmak anih chu! Freddie pawh a nui tawi tap mai.
"damlo enkawl in a buai nileng a, a chau pawh ani mahna " Freddie chuan sawi mawi han tum eng ang mahse ka lungawi thei thlawt lo, chau pawh nise ṭha deuhin a chhang thei tho alawm.
" kal ila "
" awle... " inhnuai ah kan inzui thla hnak hnak a,ka pum lah chu a ri ruk ruk lehnghal.
"heihi eng nge?" kan ṭhut rual rual chuan ka thleng a mi chu fork chuan ka han kawk va va a, ka la hmuh ngai loh avangin min ti ei chak lo zo vek.
" vaimim aṭanga siam chhangthawp ro anih kha "
"chhangthawp ava ang si lo ve... "
"hahh.... helai hmunah hian a lar teh asin.." a tih chuan chhangthawp chu bake bean ah chuan ka zuk nawr a,ka ei nâk chuan ka rin aiin a tui daih mai.
"duh belh te in nei em?"hmeichhe pakhat in a rawn tih chuan ka duh thu ka lo hrilh nghal vata, Freddie chu a nuih a za ngei mai.
"Coco... ehe Coco kha i ni em?"chaw min rawn pe tu nu chu mak tih hmel takin ka en chho nghal ha a, ka hmuh tawh hnu ang hle mahse khawiah nge ka hmuh tih erawh ka hrechhuak zo tawh lo.
" aw... "
" ehee... min la hria em? Briana.... Bee kha "
"Bee... Bee kha i ni maw!! " mak ka ti lutuk chu sawi tur pawh ka hrelo, Briana hi high school a ka kawm ber ani ṭhin mahse kum laihawl ah school ka chawlhsan daih avangin kum8 lai chu kan inhmu leh tawh lo.
Kan hlim lutuk chu ka in kuah nghal chul a, Bee phei chu a mittui a tla hial.
" a lan dan chuan ṭhian thar i zawng hmu anih hmel "
"Heihi Freddie ania... chuan heihi Briana high school a ka ṭhian ṭha ber" inti fel fahran chuan ka han in hmelhriat tir nghal zung zung a, helai hmuna ka kal chu ka inchhir ta lo hle mai.
Zawhna te leh sawi duh kan ngah em avangin Freddie chuan a ṭhiante bulah min kalsan ta ringawt a mahse Freddie chauh hmelhriat ka nei tawh lo bawka ka lawm hrim hrim.
"hetah eng nge i tih? "
"Social worker ka nia...bakah hetah pasal ka nei a kum4 lai chu ka awm tawh ..nang eng nge hetah i rawn tih ?"
"umm.... free clinic vang hi mawle, Freddie saw ka rawn zui a "
"anih chu i pasal mi? "
"hahh...aih... ni love pasal ka la nei hleinem"
" i bialpa maw!! "
" nilo...ka ṭhian alawm anih "
" mahse i rai bawk sia... "
"thawnthu sei tak ani" tih pahin ka nui lui suk ringawt.
" Coco... eng thil nge thlenga?"ka mit ah tak min en kâr a, a ngaih a ṭhat loh hmel in hrehawm a tih hmel takzet bawk.
"umm....rin loh deuhin ka rai a, ughh chutiang deuh nuai chu"
" pawi ka ti lutuk...naute pa in a hria em? " min zawt zo chiah tih chuan Asher leh Lily chu inkai rial hian an rawn lut dun a, Lily in min rawn hmuh avanga mak ti hmel chu ka hmuh peih loh avangin ka kun nghal daih a, ka inhum ruh nghal tawn bawk. Asher pawh tih tawh nak alaiin an pahnih in hetah an kal dun lehzel amaw!!
"naute pa in a hrelo em ni? "
"hria e... mahse hmangaih dang a nei a "
"maw!! chuan a kalsan che amaw? eng ang mipa nge anih a "
"sawi tawh lo ang... chuan nang fa i nei tawh em? "
"aw... thla leh ah kum1 a tling ang "
" ka lawmpui lutuk che" ka lo ti nghal vâr a, hetiang reng anih dawn chuan ka rin aiin a nuam dawn daih mai.
Bee chu a fapa in a mamawh mai bakah chhungkaw nu anih tawh avangin hma takah a haw a, la ngai hle mah ila a buai em avangin chelh khawtlai reng ka tum lem lo.
Freddie chuan room thleng min thlah chho leh a ,ala hma mai bakah rawn lut tura ka sawm chuan min hnial bik lo.
"naktuk ah min rawn kaitho rawh aw, chuti lo chu thawh ka hai leh ani mai "
"i chawn ami kha eng nge? " tih pahin ka chawn duk raih chu a rawn en nghal vata, " bike silencer in min dep a " tiin alsam et hian ka lo chhang nghal bawk.
"Ala sa em? "
"aw... tlemin" ka tih chuan a rawmawl chu tuiah a chiah huh a ,a kâng lai takah a han deh vang vang takah chuan zia tak ani.
"nuamlo i ti em ka sawi awmzia chu Lily leh Asher an awm sia " min rawn en kar pah chuan a han ti sap a.
"i hre lawk sa tiraw? "
"tinge Asher hi i duh tih i hrilh mai loh "
"hrilh turin Asher hi ka duh miau hleinem"
"anih chuan min chhuahpui rawh... " a hmelah tih der na leh fiamthu na a awm loh avang chuan ka ngawi renga ,ka chhan hma in kawngka bulah Asher leh Lily lo ding reng lai ka han hmuh chuan ka ding nghal zawt ringawt.
"kawngka khar nachang hre rawh u... " chute mai chu a rawn sawi a, an pahnih chuan a room ah an lut nghal daih bawk. An pahnih chuan ka enzui nghal vawng vawng a, ka rilru a na in ka thik takzet mahse eng nge tihtheih ka neih chuan? hetiang anga lo thlir tawp mai loh chu.
Freddie a kal hnu chuan khumah ṭhu in ka melh ngai chu ka melh vung vung a, pawn lam aṭanga thawm ka hriat rual rual chuan ka inperh tho nghal zawt bawk Asher leh Lily te thusawi hriat tum chuan ka han ngaithla dek dek a, an sawi hriat chu sawiloh an hmel pawh ka hmuh theih loh avangin kawngka chu zungte tiat lek hian ka hawng kau ta ringawt a, ka la enthla kûr zui.
An thusawi hre thei lo mah ila an infawp zeuh lai chu ka hmu hman tho. Lily a kal liam chiah tih chuan thawm dim thei ang berin kawngka chu khar leh ka han tum a,min hmu ang tih ka hlau takzet.
"rawn chhuak rawh... bihruk angai tawh lo " Asher an kawngka zawn a rawn thlen chuan a rawn ti ta thut mai,min man chiang lutuk chu ka meng phawk nghal kawk ringawt.
"duhtawk rawh" tih pahin kawngka chu a rawn hawng nghal pawp a, ka lo pawt nghet ve bawk nen a hma ah tak ka bawkkhup ṭep lehnghal.
"duhtawk tawh teh... hetiang hian awm tawh suh " a engah mah hma in min vin nghal hlur ringawt.
"engtin maw ka awma? "
"mipa hi kawp kual reng tawh suh..."
"maw!!"
"naute ka ngaihtuah avanga sawi ka nih chu..thil dang engmah a awmlo"
"hahh... ngaihtuah a? naute nge Lily i ngaihtuah zawk?"
"va mu tawh rawh...naute hi ti hah lutuk suh ang che"
"tlemte tal pawhin min ngaihtuah thei thlawt lo em ni?" a ngawih reng avang chuan ," i tan chuan engmah ka lo nilo ani maw? a lan dan chuan naute chauh hi i duh niin a lang " ka han ti leh a,Lily nen inneih a naute hi enkawl a tum tih a chiang reng,kei erawh amah tibuai tu mai anga min ngaih avangin hrehawm ka tiin na ka ti takzet.
CHAPTER-34
"awle... a ṭha e " tih chuai raih pahin room ah ka lut nghala, kawngka ka kalh nghal vat bawk.
Hepa lak aṭang hian engtik ah mah ka duh ang chhanna ka dawng ngai lovang chuvang chuan alak aṭang hian ka inthiar fihlim vat tur ani. Reilo te chhung pawhin ka rilru a nem in ka danglam hman takzet mahse tun aṭang chuan chhel takin ka awm tlat tur ani, chu bakah ani tello pawh hian naute hi ṭha takin ka enkawl thei ani tih ka hmuhtir bawk ang.
Chhuatah ṭhu in khum mawng lam ngheng chuan ka inngaihtuah vung vung a,ka rilru na lutuk hi ka mittui a tling pam thei nia mawle, ṭap duh chiah si lovin ka in sut leh hraih ṭhin a, ka thinlung hi chhem te a vih nawk nawk ang maiin a na takzet. Mipa avangin hetiang hian ka la awm ngai loh avangin ka tuar na in ka thik takzet.
Light off thim vek mah ila light house aṭanga eng rawn phe zeuh zeuh chuan room chu a rawn kâp êng leh zeuh ṭhin a,tunah tak hian nu emaw ṭhian emaw ka lungngaihna te min ṭawmpui tu tur awm se ka ti takzet.
___________________________________________
Freddie an walk turin zingkarah min rawn kaihthawh luih tlat avang chuan phur lo zetin kan inzui chhuak ta nge nge a, mahse ka rin ai daihin dil bul vela han tlan chu alo nuam kher mai.Khua a thiang in sava hram ri nawk nawk te chu hetiang ang hian a mawi ang tih ka ring pha ngai lo.
"i mu ṭha lo mi... i va chau hmel ve " ni e, nizanah ka inngaihtuah nasa lutuk a ka mu mang reng reng hleinem.
"ka mu theilo a.. "
"tinge min hrilh mai loh? " tih pahin tui min rawn pe a, ka lo in nghal khawlh khawlh bawk.
Dil bula kan ṭhut hahchawlh lai chuan Freddie chuan ban pher meuh hian, " morning Asher " a tih takah chuan ka hawi let nghal vata ,ka rin ang ngeiin Asher chu Lily nen an lo walk dun leh tawh, men pual ralh pahin lehlam ka hawi nghal hmaka hmu ang pawhin ka awm duh lo.
"Lo hahchawl ve rawh u "Freddie an a tih chuan Asher chu ka piaha ṭhuthleng ah chuan a ṭhu nghal hnawk a, Lily pawh loh theih loh in min rawn melh ralh pah chuan a ṭhu ve nghala, a hmel aṭang sawn kan lak aṭanga kal bo vat vat duh hmel a pu.
"ka lo va tlan ange"an thawhpui dangte an rawn thlen sup sup bakah Asher leh Lily hmel ka hmuh peih loh avang chuan ka tho nulh a,a theih hram chuan hemi te pahnih hi pehhel hram hram ka duh.
"ding lawk teh " tih pahin Freddie chuan ka tlan tur chu min pawt let a, ka hma ah tak a khup lehlam ṭhingthi in ka pheikhawk hrui chu a rawn suih ṭha nghal mawlh mawlh a,en ngam chiah si lovin Asher chu ka zuk mitsir zeuh a, a thinrim hmel leh a tum hmel chu hmuh nuam lo tak ani, hepa hian min haw viau emawni le?
"ka lo hmu lo lawm"
"anih chuan kal ila.... Guys kan kal nghal mai ang "
"nangni pahnih hi in in date em ni? " an zinga pakhat in a rawn tih chuan Freddie chu alo phur ngang mai ,ka kawnga rawn dawm pah chuan, " maithei " alo ti let nghal vâr a, ka lo khi suk ringawt,a fiamthu ani tih kei chauh hian ka hria niin a lang a chhanchu midang hian an la thutak takzet.
Ka kal daih avang chuan ,"nakin ah kan inhmu leh dawn nia " tih lauh lauh pahin Freddie chuan min rawn umzui ve nghal vata, ani hi awmlo ta se tunah hian room ah keimah chauhin ka indawm kun reng ngei ang.
" an sawi kha i lo hria maw kan in date anih chu... "
"haha... engtin nge an awih thei zawk le? "
"Coco... "
" ummm... " ka tlan tlai chu min pawt ding a, ka mit ah tak chiang taka en pah chuan,"helai hmuna kan awm lai ngei hian chhuahdun ka duh"
"khawiah hian maw?"
"i la hre mai ang" a tih chuan ka lo bu nghat a, diktak chuan khaw te reuh te anih mai bakah han chhuah vak na tur a awm loh avangin ka nuih a za takzet mahse khawiah nge min hruai dawn tih erawh ka hre chak hle thung.
Freddie nen chaw ka dawh lai chuan, "khawi ka lo keng ang " tih pahin ka thleng chu min laksak nghal daih a, a kalpui nghal daih lehnghal.Kan awm ve nual avangin mi tlawmngai ten rawng min bawl sak mai ṭhin a chuvang chuan chaw kan ei ho vek zel.
" ka lo keng ang " ka tih pawhin a kal lui zela a tawpah Asher leh Lily te chaw eina dawhkan chu a va kil nghal chat ringawt.Diktak chuan midang pawh eipui lo in an pahnih te chauh in an lo ei ve em em a, thik viau mah ila va tihbuai hi nuam ka ti chiah lo, chutah Asher thinrim hmel hi ka hmu peih hlawl lo chuvang chuan tibuai lo ila a fuh zawk.
" a pawi em lo ang tiraw? "
" hahh... a ho lutuk " mawihnai takin Lily chuan alo ti nghal vata, a rilru takin sawi lo mahse Freddie lah chu a ṭhu hmak anih chu!!
" tho rawh... hmun dangah ei ang " a hriat tawk lekin ka zuk ti sap a, ani lah chuan min lo la pawt ṭhu ang deuh deuh a, phur lo zetin ka kil leh ta nge nge a.
Tumah inbe lo in kan kun ngur hlawm a, a tawp a tawpah Freddie chuan min rawn en pah hian,"Coco... tlangah khian kan trek dawn mi niang.. chawhnu kan awl bawka "
"naupai i nih kha hre reng rawh " ka chhan hma hma chuan Asher an min rawn chhan khalh kher anih chu!! amah lah chu hawi pawh rawn hawi chho lo in thil ei chung chuan a kun ngar a,a awmdan hi a ngeiawm takzet.
"ughh... trek te chu ka duh alawm " ngeiawm zetin ka lo tilui ve kher a, min rawn melh ralh ringawt.
" a ṭhat chu.... Lily min rawn zawm ve duh angem? " Freddie an a tih chuan Lily in Asher chu a han ngaichang deuh a,"helai hmunah hian nuam tawl turin kan kal lo " alo tih hmuk avang chuan Lily tan aw tina chi ani tawh lo.Engvanga hetianga awm hmuk hmuk nge maw anih le?
_____________________________________________
Free clinic mah nise veng hrang hrang ah pahnih emaw pathum te te in an insem darh zela, a chhanchu mipui te tan pan a awlsam zawk nan.Vanduai thlak takin Freddie nen kan awmdun lo mahse midang hmelhriat nei lo mahila Asher leh Lily bula ka awm loh chhung chuan ka lawm tho tho.
"Dr. Julian.....Masie nen hian kan awmna kan han in thlakthleng ange? " Freddie an a tih chuan kan en ṭhap hlawm a, a lan dan chuan ka kalpui tur nen hian in awmthleng a dil niin a lang.
" Freddie buaina a awm em ni? "
" awmlo e.... Hmeichhe hlang dah ai chuan mipa pakhat hi awm tel ve se a ṭha lo maw? "
"awle Maisie ,Freddie nen hian in awm thleng mai rawh u " Dr Julian an a tih takah chuan Freddie chu ka bulah a rawn kal nghal vata,a phur em avang chuan ka lo nuih ringawt.
" kal ila... " kan hmanraw mamawh ho khai pah chuan ka thil khai lai pawh chu min rawn laksak ve nghala,kan kalna tur hi motor pawn minute15 vel tlan an tih avangin Van awmna lam pan chuan Freddie nen kan inzui phei hnak hnak a, kan group a awm ve pakhat erawh Van ah a awm tawh aniang ka hmu miah lo.
"kan kalna tur aṭanga hla vak lo ah hian thil hmuh tir tur che ka nei a, kan zawh veleh kan kaltlang mai dawn nia "
"awle...mahse engthil nge?"
" Trekking mawle.... " hepa hi trekking chu a duh tak tak emawni le? Min zawh lai khan Asher chu awmlo se ka hnial ang, mahse aw ka lo ti ve laklawh tawh bawk sia ka kal ngei chu a ngai dawn anih hi.
"a nuam viau ang " tih paha Van an hawng chiah chu Asher alo ṭhu run mai!! mak kan ti bawk aniang Freddie nen chuan mak tih hmel zetin kan en reng ringawt.
"mihring in hmu ngai lo mi?"
thum leh nelawm loh zeta a rawn tih takah chuan kan thil ken lai chu kan dah
ṭha nghal sawk sawk a, ka hriat dan kha chuan kan ruala rawn kal tur chu Dr.Cassie ani sia engvanga Asher hi heta awm nge maw anih le?
" lo ding teh u..." Dr. Cassie chu hmanhmawh takin a rawn tlan phei nghal hlawk hlawk a, kan bul a rawn thlen chuan, " ka bag ka theihnghilh a, in kal tawh emaw ka ti hman alawm " tih pahin Van seat a bag chu a la lawk a, kal leh daih a tum ta mai.
"Cassie.... kan ruala rawn kal tur ini lawm ni? " ka rilru a zawhna awm tak Freddie an a zawh chuan ka beng chu ka lo chi nghal hra a.
" nia... mahse damlo zâwn ngai leh tawhkhirh deuh hlek an awm thu an rawn report a.....Asher nen kan in thlak ta anih kha" tih pahin a tlan let leh nghal dawr dawr a,
" chunu mai mai chu... " Freddie chu a phun nghal nang nang bawk.
Asher chu seat hnungah a ṭhut tlat avangin Freddie an a khalh dawn a,kei erawh heta thawk sa senior nurse a rawn kal tel dawn a,a hma a ṭhut nulh na chi anih loh avangin hrehtak chungin Asher bulah chuan ka va ṭhu zal zal a, hmu lo ang maiin ka awm lui tlat bawk.
Inbiak chu sawi loh in en takngial pawh kan hreh bawk aniang mahni ṭhutna bula tukverh ve ve lam chu kan hawi tlat a, engvanga rawn kal ve kher kher nge maw anih le? awm a ti nuamlo zo vek.
In entirna tur hmun kan thlen chuan hmanhmawh takin kan insiam fel nghal zung zung a,ka rin aiin hnathawk tute hian min ngaihsak daih mai, engkim an lo peihsa mai bakah min pui nasa takzet, an puihna zarah reilote hnuah kan ṭan nghal vat bawk.
★4 hours later★
Chun chawlh lawk kan nei chiah tih chuan "hetah hian ṭhu rawh " Freddie chuan chair dup ah chuan min pawt ṭhu a,darkar4 zet ka ṭhut tawh avangin leh ka hnungzang a na bawk nen ka lo hnial lo chiang kher mai bakah kan buai bawka tumah inbe hman pawh kan awmlo.
"i chau tawh em?"tih pahin ka dar chu a rawn massage nghal bawka, ka zia nghal huai in ka hria.
"nangmah zawk kha i chau em? damlo zawn ngai an tam ropui sia, keichu ka ṭhu ringawt a engtin mah ka awmlo "
"anih chuan min massage thei" fiamthu titak deuh hian a rawn ti a,nuih vur vur pahin a kut chu ka lo hmehsak ve mai bawka, an thawkrim bawka an chau ngawt ang.
"Doctor hetah i rawn kal lawk thei angem? " an rawn koh avang chuan hmanhnawh takin Freddie chu a tlan chhuak nghal dawr dawr a, ṭhut hahchawlhna hun em pawh a neih loh avangin ka enzui nghal vawng vawng bawk.
" kha... " dawhkanah Apple juice a rawn theh thlak avang chuan ka hawi chho nghal haw a,Asher hmel rûm lutuk ka han hmuh chuan ka hawilet rang ngei mai. Engtin nge hetiang hian a awm thut theih le? damlo a enkawl lai kha chuan a ṭawngkam a ṭha in a nui sang sia, khatiang ang khan min be thei thlawt lo emawni le?
"helai hi... a diklo, hetah hian ziak zawk rawh " ka bula rawn ṭhut pah chuan ka ziah dik loh lai chu min hrilh nghal zung zung a, hnial lo in ka lo siam ṭha nghal zung zung bawk.
"juice hi in rawh... tui i in tlem lutuk " chhang lo in ka in ve mai bawka, ka bulah a ṭhat tak thut avang hian ka ngaih a ti ṭha lo zo vek.
"dark circle i nei ania... i mu ṭha lo em ni? " hahh.... amah vanga mu ṭha lo ka nih laiin chu chu min zawt amaw!!
"chu chu i tan a pawimawh viau mi?"
"pawimawh e... naute ṭhat leh that loh thu ka hriat hi a ṭul alawm"
"ngaihtuah suh a ṭha" thil ho te ah kan inti buai lehnghal ringawt tawh,mahse a tello pawhin ka ṭhat zia hriattir ka duh avangin hetiang hian ka awm angai.
"Coco... hei lunch, i chau em? " Briana chuan dawhkan ah eitur chu a rawn dah nghal zung zung a, engmah ti lo ber hi min duat ber nimaiin ka hria.
" aih... chau love ,ka rawn la thei reng alawm" Kan in hnial buai laiin a rawn lang hlauh chu a tihzia teh e.
"hahh... Freddie an a ngaihtuah deuh che niang rawn pe tur che in min tia ....chhuah miah suh mipa ṭha tak ani" Asher melh zeuh pah chuan ka han nui lui kher a,ka ngaihbel nge pawh ka hrelo a awmdan aṭang hian a thinrim riau in ka hria.
"in zawh veleh tihtur dang i nei em? "
" aw... Freddie nen kan chhuak dawn a...eng nge nita?"
" ughh....Freddie nen hian dinner kil pui turin sawm cheu ka duh a, mahse in la awm dawn chauh a chhuak zawk rawh u "
"Briana ...midang min pui tu tur an rawn thlen belh a,ilo va pui lawk thei angem? " Senior nurse kan kalpui khan a rawn tih chuan hmanhmawh takin an inzui chhuak nghal a, a chhuak chiah tih chuan Lily pawh a rawn lut hlawl mai, ka hmuh thut avang chuan phawk fe hian ka melh nghal kawk a,
" hello....bawih" ka hmuh lai ngaiin Asher chu a va fawp kher a,lehlam hawi pahin ka inhum ruh nghal tawn bawk diktak chuan an hlim dun lai hmuh hi na ka ti takzet ,ka thinlung hi pawh sawm vek ang maiin a na.
"hi!! Lily " Vanneih thlak lutuk in Freddie a rawn lut hlauh, ka bula a rawn ṭhut rual rual chuan "min lo hrethiam lawk rawh... " ka zun a chhuah mai bakah boruak rit lutuk aṭanga inthiar fihlim ka duh avangin ka tho nghal ṭuih ṭuih a, ka kawng ana ngei mai.
" i ṭha maw? " ka thawh ṭhat thei loh avangin Asher chuan ka kut chu a rawn dawm nghal vata, ka lo thingthla rang ngei mai.
Ngeiawm zetin Freddie kut chu ka vuan lui kher a"khawiah nge i kal dawn? "tih pahin min lo pui nghal bawk, zun ka duh thu ka hrilh chuan ani pawhin hrethiam nghalin leh chhuah alo duh ve tho avangin kan inzui chhuak leh ta nge nge a,vawikhat pawh ka hawilet lo.
Nileng deuh thaw a Asher melh mang lova ka awm thei chu mak ka in ti zawk hial, bakah a theih hram chuan a hmuh theih loh ah hian awm ka duh mahse amah bawk hian beiseina diklo min pek leh ṭhin avang hian ka haw takzet, hetiang anga min ngaihsak reng te chuan engtin nge ka hlat theih ang, a tawpah keimah bawk ka na leh tho si.
Ka hmai phih sawk sawk pahin darthlalang ah chuan ka in en renga, theih chu nise ṭah hawm hawm hi ka chak ve tho mahse chak lo takin ka awm thei bawk si lo.
"naute... eng chen nge ka chelh theih dawn che, lo chhuak vat vat la i nu hi buaina thlen sak tawh suh " ka pum chul pah chuan ka han ti sap a, a ruk tak chuan ka lo paitlang kher kher hi ka inchhir takzet, hetiang ang natna hi min thlen dawn ani tih hre lawk ila chu ka lo ti tla daih tur ania.
"Coco... i ṭap em ni? " Freddie chu hmeichhe washroom ah rawn lut in ka hnung lam aṭangin nghet tak hian min rawn kuah a,"i bulah ka awm reng ang, ka kalsan ngai lo ang che" ka beng bulah a rawn tih sap takah chuan ka mittui a rawn far fap ringawt.
He khawvel ah hian natna te, beidawnnate leh tawrhna te nilo in ngaihsaknate leh hmangaihnate hian ka hnuk an ti ulh leh ṭhin mi mak tak zawng ka ni.
"Naute hi ngatinge ka lo tihtlak mai loh...hetiang hian a na dawn ani tih hi hre daih tawh tur ka ni asin"
" shh.... chutiang sawi suh, engkim a ṭha leh vek mai ang " tih pahin ka hmuiah chuan a rawn fawp nghal vawng vawng a,"tuma hmuh theih loh turin kan chhuak daih dawn mi? " ka mittui hruk pah chuan min rawn nuih suk a," Asher tello pawhin i hlim thei ani tih ka hriattir ang che " tih pahin min kai chhuak nghal dawr dawr bawk .
CHAPTER-35
Motto- Dream Bigger
Briana car in khawi hmunah emawni hian min hruai a,zawhna zawt lem lo in tukverh lam hawi vauh vauh pah chuan ka melh ngai chu ka melh renga, ka rilru ah Asher bak a awm thei lo, Lily nen an awmdun ani tih ka ngaihtuah ringawt pawh hian ka na vek thei, thil dang ngaihtuah ka tum poh leh ngaihtuah a harsa a, darkar tin mai hian ka tuar a zuau in ka nem sawt riau in ka inhre bawk.
" ngatinge hetiang hian ka awm le? " Freddie pawh en lem loin ka melh ngai melh vung vung pah chuan ka han ti sap a.
"engtin maw!! "
"midang chân hlauh avanga nâ ngawih ngawih ang hian... " mittui tling pam chung chuan ka va melh a, insut hraih pahin ka hawisawn lehnghal vat bawk,ka awmdan hi ka duhlo takzet ngatinge Asher leh Lily ka ngaihtuah chhuah apiang hian ka hnuk a ulh zel mai le ?....
"ka malpui ruh leh nak ruh a ruala a tliah pawhin ka mittui far khat pawh a tla lova...ka pa in min ngaihsak duh loh lai pawhin ka ṭap hek lo... mahse engvanga thil ho te te avanga mittui tla leh si nge maw ka nih le? ka taksa pumpui che thei lo khawpa min sawisak ai pawhin tunah hian ka na daih zawk "
"Coco... " Ka kut chu a han hum vang vang a, "hmangaihna vang ani....Asher hi i hmangaih ani"
" nilo...min ti na tu hmangaih hi thil theih loh tawp ani, chutiang chu a thleng ngai lo " tih pahin ka nui lui suk a,ka awmdan hi ka inhre thiam tawh bik lo.
Freddie an car a tih din avang chuan ka hawi chhuak nghal vata,tuipui kamah ka awm ani tih ka hrenghal. Kan tlan rei bawka khua a thim der tawh mahse thla êng bial pup chuan ngaw leh tuipui te chu a chhun êng pup a, khua lah a thiang si a ka hahdam nghal sawng sawng mai.
Lungte vawm pahin lungpui chungah chuan kan ṭhu dun ran a,tuipui aṭanga thli rawn thaw vuk vuk te chuan awm a ti nuam takzet.
"eng nge hetah kan tih? " ka tih chuan a sana chu a zuk melh zeuh a min rawn nuih suk pahin, "a hun ṭep " a rawn ti sup ringawt.
"engchu maw? "
"vawm tawh hrih suh " dil a lungte vawm luh leh ka tum lai chuan min lo dang nghal vata, engthil nge tih a tum tih hi ngaihdan pawh ka neilo.
" le... en rawh le " a tih rual rual chuan a kawhna lam chu ka en nghal vata, tuipui chu rawng pawl hian a rawn êng ta sep sep mai!! mak ka ti lutuk chu ngun takin ka en kar a, reilote ah vaukam chu a eng ta ut mai.
"heng thil te hi eng nge an nih a... an mawi lutuk"
"bioluminescence plankton (mahni a ên na pe chhuak thei rannung) an nih hi...an mawi teh asin ...."
"engtin nge helai hmun hi i hriat zawka?"
"ka tetlaiin Chilham ah kan awm ṭhin alawm... a khaw ṭhenawm te hi chu ka kutphah ka hriat chian tluk zetin ka hrechiang " a awm tho e, a tir aṭang khan thil a hria in a mikhual lo ka ti reng ani.
"helai hmun hi a nuam takzet.... rilru hah apiangin kal thei ila ka ti ngawt mai "
"i rilru a hah tawh dawn hleinem... helai hmun hi i mamawh tawh dawn lo" tih pahin ka hmai chu a rawn piai zeuh a, a kut chu ka lo bengthla rang ngei mai.
Tuipui kam eng uarh bul velah te chuan kan kal kual a,thla êng hnuaiah chuan ṭiau vut in în te kan sa a helai hmun a cham hlen hi ka chak takzet mahse reilo te kan awm emaw ka tih laiin haw alo hun leh der tawh engmah sawi lo mah ila ka let hreh tawh takzet .
Minute20 dawn lai kan tlan hnu chuan motor chu a rawn ri ta pawp mai, Freddie chuan a ti ding nghal vata, hlauthawng tih hriat zet hian, "eng nge kha kha...? " ka lo ti nghal vat bawk.
" a ke a puncture... tikhan lo awm rawh thlak chhung a rei lo ang "
"nilo... motor ke hi ka lo phawi ang " ka vawikhat tihna tur pawh anih loh avangin ka hreh hran lo, bakah hmeichhe dang ang ka ni ve lo mipa tih ang hi chu ka ti ve thei mai zel.
"tikhan lo awm zawk rawh "
"Freddie...kan pahnih a kan tih hian kan reilo zawk ang " car aṭanga ka chhuk thlak rual rual chuan ka ṭe nghal ṭhawt ringawt, Freddie chu a rawn tlan phei nghal vata,"perek ka rap in ka hria" na insum tih hriat zet hian ka lo ti nghal vata, car ah chuan min ṭhut luh tir nghal vat bawk.
"lo che suh... " tih pahin ka pheikhawk hnuai chu a han en chiang a, thing bung kut phah tiat vel ah perek chu a inkilh beh tlat avangin ka ke ka tih chet hlek pawhin a na.
"lee... inring rawh, pakhat.... " a tih rual rual chuan a pawt chhuak nghal zawt a, "hmela... khawiah nge pahnihna leh pathumna .."ka in rin loh laia a pawh chhuah thut avang chuan ka vin nghal hlur ringawt. Ka pheihkhawk chu phelh in first kit box chu a han zawng kual nghal vata.
"hreptak chuan first kit box pawh a nei lo anih hi... "
"a thi vak chuang hleinem"
"nilo... tikhan lo ṭhu ang che,motor ke hi kan thlak vat vat ange" tih pahin a rawmawl chuan ka ke chu a ṭawn a,a kal chiah tih chuan pui turin ka chhuk leh ta tho , pangngai taka kal chu har deuh mahse ka tan chuan engmah ani lo.
___________________________________________
★Asher's Pov★
Pawnah mei chhem pahin kan ṭhu tlar ṭhap hlawm a amaherawhchu Coco leh Freddie an awm ve loh avangin thawm awm hlekah an rawn kal ringin ka hawi nghal vat ṭhin a ka bulah Lily awm reng mahse ka rilru erawh hmun dang daih ah a awm thung.
Chiang taka Coco leh Freddie te infawp lai ka hmuh aṭang tawh khan ka awm hle hle thei tawh lo, khataṭang chiah khan Coco hi ka tello pawhin a inenkawl thei ani tih ka inhre nghal, mahse hlim tur ka nih laiin ka hlim hauh lo, ka thil neih hlu ber chân ta mai ang hian ka in hre tlat bawk .
"Asher... tinge i awm a nuam lo em ni? " Lily chuan ngaihṭha lo tih hriat zet hian min rawn melh chho ha a, nuih suk pahin ,"engmah ani lo " ka lo ti sap a, engmah min zawh chhunzawm lo mahse a ngaih a ṭha zan lo tih erawh a hmelah a hriat theih.
"guys... intur in duh em? " Jim chuan lehlam aṭang chuan a rawn ti lauh lauh a, an duh vek avangin leh amah chauh chuan a lak sen dawn loh avang chuan ka kalpui ta ringawt a, zanin zet chu beer in chakna pawh ka nei lo.
Jim chu beer can pawm ṭun chung chuan a kal leh nghal vata, kei erawh wine in ka duh zawk avangin ka han en kual dan dan a, khaw mi te hian wine an siam chhuah ṭhin avangin an siam chhuah ngei hi in chhin hrim hrim ka duh.
"1996 kha a tui " hnung lam ka hawi nghal vata Briana alo ding reng chu niin, ani hi Coco nen pawh an inhnaih viau in ka hria.
"anih chuan... " 1996 tih inziahna üm chu ka la nghal vata," ka lawm e " tih pahin ka kal nghal nal nal bawk.
"umm... Coco hi ka be thei miah lo a, a chanchin i hre mial em? " a tih chuan rang lutuk in ka hawilet nghal vata.
"an rawn la haw lo em ni? "
"aw... rawn haw chu a hun tawh "
" khawiah nge an kal? "
"chuzawng engmah ka hrelo... Freddie nen an chhuak dun tih zawng ka hria " sana ka en chuan dar9 a ri vu tawh mai si a, khawi hmunah pawh kal se rawn haw chu a hun tawh hrim hrim.
"hreptak chuan " ka thil ken lai chu dawhkan ah ka dah sawk sawk a, ka tlan chhuak nghal vat bawk.
Helai khua leh a chhehvel ah hian signal a ṭhat loh mai bakah call tlang lai bik te a awm avangin an pahnih chuan eng ang pawhin call mahila awmzia a awmlo.
Ka mangang em avangin Briana pasal car chu hawh in zawng tur chuan ka kal ta ringawt a, midang tih chiai ka duh loh avangin a rûk thei ang berin ka kal bawk.
Vawin a kan kalna vengah te khan ka va zawng leh ringawt a, hmuh chu sawiloh an hnuhma hmuh tur pawh a awmlo.An kalna tur awm anga ka rin dil kam te leh ramhnuai kawng tlangna chin thleng chuan ka va zawng bawka,hmuh tur an awm lo hrim hrim.
"hepa hian khawiah phiang nge maw a hruai le? "
Darkar zên zâwn ka zawn hnu chuan beidawng takin ka let leh ta ringawt a, an rawn let hun lo nghah mai loh chu tihngaihna pawh ka hre tawh lo.
Room ah pawh awm duhlo in pawnah chuan ka vei lauh lauh renga, ka call tlang thei bawk si lo khawiah nge an awm ang le?
"Asher... khawiah nge i kal daih a? " Lily ka hmuh chuan ka hrechhuak leh chiah, ka buai lutuk a a awm tih pawh ka lo theihnghilh daih alawm mawle.
"Freddie a rawn haw tawh em? " alo hmuh tak thutin tiin ka zawt ta ringawt a, "ka hrelo... " tiin min lo chhang nghal zat bawk.
"lo kal rawh... ka thlah ang che a tlai tawh "
"ngatinge room ah awmlo in pawnah i din renga "
"intih thawven nan ka awm mai mai ... "
Lily chu a thlenna room thleng ka thlah a, eng eng emaw sawi mahse thil dang daih ka ngaihtuah avangin a thusawi engmah ka hrelo. Tunah tak hi chuan engthil pawh thleng se Coco awmna bak ka ngaihtuah thei lo.
"Asher... engthil nge thleng i va mangan hmel ve ?"
" maw!! "
" ka biak che kha... "
"Lily.... " a kutah chuan ka han hum vang vang a, "kan pahnih hian ṭhian ni ang "
" Engmaw!!! "
"hetiang reng hian ka awmtir thei tawh lo che...i rilru tihnat hi ka duh tawh lo "
" Asher... i fiamthu tiraw? "
"engkimah i kiangah ka awm reng ang... mahse i nun hi zalen takin hmang la ka duh ani... kei min tih lawm tum reng lovin zalen takin awm tawh rawh "
" ka zalen reng alawm... " a mittui chu a rawn tling nghal pam a, he thil tak hi ani ka duh loh chu, hei hi keimah vanga a mittui vawikhat tlakna a ni tawh lo mahse a tawpna nise ka duh ani.
Lily hi ka chelh reng anih chuan a rilru ka ti na fo dawn ani tih ka hria, ka chhuah zalen anih erawh chuan a tirah na hle mahse engtik ni ah emaw kei min tih lawm reng ngai tawh lo leh a lungawi lohna te leh a thikna te ala sawi chhuak ngam anga,hlauthawng reng reng in hun a hman angai tawh lo bawk ang.
"ka kal daih avang khan i thin a rim lo em ni? " ka zawhna avang chuan a ngawi renga, diktak chuan in tur la siin ka kalbo san daih a chupawh chu a thinrim ngam lo amaw!! ka lakah hian a lungawi lo anih chuan engvangin nge a thinrim mai loh, min tih lawm a tum luatah amah zawkin a tawrh zel hi ka phal tawh lo.
" ngatinge... i thinrim ngam lo em ni ?"
"a pawilo, engmah anih loh kha "
"Lily... engvangin nge i lungawi lohna chu i sawi chhuah mai loh...ka kalbo i hlauh vang em ni? "
"Asher... "
" min chhang rawh... "
" ni e... i lakah hian ka lungawi lo ngam lo a chhanchu min kalsan na chance hi pek che ka duh loh vang ani... "
" anih chu chuan min chelh theih i ring em ni? "
" aw.... inngeih taka kan awm chhung chuan kan in ṭhen ngai lovang... "
" hahh... amak hle mai, i awmdan ang chiah hian ka awm "
" maw!! "
"ka rilru diktak ka sawi chhuak anih chuan ani chu ka chân mai ka hlau ani, a chhanchu hmangaih dang a neih avangin... "
" Asher... tu chungchang nge i sawi...? "
"lut tawh rawh..."
"Coco chungchang ani tiraw? engvangin nge henu hi i ngaihtuah em em a?"
"naute hi ka ngaihtuah vang ani "
"naute i ngaihtuah vang nge Coco i ngaihtuah vang zawk? "
(He thil hi Bioluminisence plankton ten zana eng an chhuah lai anih hi... Coco leh Freddie te hmuh ang kha.. Haha ..Xoxo)
CHAPTER-36
Motto- Dream Bigger
"ka... " a zawhna avang chuan Lily chu ka en nghal haw a, tu hi nge ka ngaihtuah zawk tih hi thlan tur ka hre ta hauh lo.Naute chauh ka ngaihtuah ti ila hai rual loh in Coco pawh ka ngaihtuahzia ka in hre chiang hle bawk si .
"Inzawmna thuk tak kan nei tawh a heti mai hi chuan ka thlahthlam thei lo"
"anih kei ve hi... kei hi min thlahthlam bik ang maw ?"
"nang chuan engkim i nei alawm...chhungkaw ṭha tak, hna ṭha tak bakah nun nuam tak i nei mahse Coco chuan kei lo chu tumah a nei lo, ka puih hi angai ani"
" kan pahnih pawn kan pui thei reng alawm... ka hrilh tawh che kha Coco hian naute ṭha taka a neih theih nan ka pui ang....naute enkawl a fa anga en tura min tih pawhin ka ti mai ang... Asher kan pahnih a kan awmdun chhung chuan engpawh tih ka hreh lo "
"naute ṭha taka neih ringawt hi a tawk hleinem...ka thil tih sual avanga a nun a chhiat ve hi ka duh lo"
"nilo... engtik ah mah ka kalsan ngai lo ang che kan pahnih in kan enkawl dawn alawm" mittui tla zawih zawih chung chuan ka kut chu a rawn vuan a, thing thlak paha ka inlak hran vat pah chuan"ka tihpalh... " ka tih rual rual chuan ka hmaiah a rawn beng nghal sawk a," tenawm lutuk " in seh ruh ṭeuh chungin a tlan lut nghal daih bawk.
Lily hi ka nuna hmeichhe hmasa ber leh awmchhun ani a hetiang mai a ṭhen a
a tihnat hi ka duhdan ani bik lo mahse an pahnih hian ka ngaihsak kawp thei si lo. Lily chelh reng chungin Coco ka ngaihsak angai a, tlema ka lo ngaihsak deuh leh Lily in alo thik thul. Coco han ngaihsak lo ringawt dawn ila mawhphurhna hlen lo mi nih ka duh loh bakah kan thil tih sual rah hi ka fa in a tawrh ka phal hek lo.
Lily ka ṭhen avang hian phatsan a Coco hi kawp daih ka tum chuang lo hetiang ringawta kan awm hi chuan engtik ah mah buaina hi a fel thei ngai lo anga, inhuat na hlirin kan khat zawk ang chuvang chuan a tuamah hi kawp lo in ka mawhphurhna chu ka hlen anga chu chu kan pathum leh ka fa tana ṭha tur ani chuan ka thutlukna hian buaina a chinfel ngei ka beisei bawk.
Lily in min ben avang khan ka dem lo, kha aia nasa a ben kha ka phu zawk.Nuam tawl ka duh avanga kha ka vawikhat thil tih chhin na khan ka hma hun chauh nilo in mitam tak nun a tihchhiat phah a, he ka thil tih sual avang hian engtik ah mah ka in ngaidam thei ngai lovang.
Ngawi rengin Coco room kawngka bulah chuan ka ṭhu kun lap a,kha ka thutlukna siam avang khan ka hlim phah reng reng lo, ka awm a ti nuam lo in hrehawm ka ti zawk.
Chutia ka lo ṭhut kun lap lai chuan thawm ka hriat avangin ka ding nghal vata,rin ang ngeiin an pahnih chuan an rawn lang zui nghal mai bawk.Min rawn hmuh rual rual chuan Coco chu a ding nghal chawt a,mahse a ke na erawh ka hmuh hmaih bik hauh lo chu chuan min ti thinrim takzet bawk.
"hey... Dude... " Freddie an a rawn tih chuan,"inbia ang... " tih pahin inhnuai ah ka chhuk thla nghala, ka thinrim lutuk chu ka inhum ruh nghal vat bawk.
"eng nge ni ta? " ka hawi let rual rual chuan Freddie chu ka hnek nghal sawk a, ka insum hman tawh lo.
"hmela...i va rawn thlah har em em ve, a ke a tih nat kha i hmu em?" ka sawi zo chiah tih in ka hmaiah a rawn ri ve nghal sawk bawk chutah tlawm mai ka tum bik lo a kawr nghawngah chuan ka ṭham nghal tawn a.
" i tih nat kha i hmu em? a rai tih i hre lo em ni? "
"hahh... nang hian i ti na daih zawk, i fa anih angin i mawhphurhna pawh i hlen hleinem " Freddie an a tih chuan mak tih hmel zet hian ka en a, hepa hian engtik lai khan nge heng thil zawng zawng hi alo hriatchhuah, engmah ka hrilh si lova.
"engkim ka hre vek tawh....i thup reng angai tawh lo ang " tih pahin ka ṭhamna chu a paihthla nghal pawp a," chuan heihi hre reng rawh... i fa apai avang hian ka chuahpui theilo tihna ani lo"
"nang hian i chhaih kual vel mai mai ani tih min hrilh miah suh "
"maithei....tuin nge ṭhiante fa pai lai chu duh bik ang... nangmah ang tho hian keipawhin nuam tawl pui ka châk ve tho alawm "
"hmela... "
"i ṭawngkam fimkhur rawh....chuan lo lungngai lo la nang aiin Coco leh i fa hian min mamawh zawk ,i bialnu chiah i ngaihtuah thei tawh ang " ngeiawm zeta min rawn nuih suk pah chuan car ah a lut a, a tlan chhuak nghal bawk.
" Dammit...! " lei chu ka han chhuih khu laih a, khapa khan alo chhaih kual vel mai mai amaw!! chuan ka fa hian ani kha a mamawh zawk amaw!! hahhh...he naute hi fa ani a tuman min luahlan thei ngai bawk lo ang.
" hawng rawh... " Coco room kawngkhar chu ka chum nghal dawt dawt a,a rawn hawn nghal mai loh bakah ka thinrim bawk nen ka chhuih ti tih tawh.
"eng nge? " rawn hawn pah chuan alo ti vin nghal hlar a,ngawi rengin ka lut tlang nghal pawp pawp bawk.
"in mu dun tawh em? " a engamah hma chuan ka han ti nghal thawr a, ka zawh tum tak pawh ni lo mahse chu chauh chu ka rilru ah a awm avangin ka zawt lo thei lo.
"Engchu maw? "thinrim tawh nak alaiin a hriat loh der tlat avang chuan ka tih ngaihna hre lo chuan bangah ka nawr bet nghal chawt a,"min chhang rawh... Freddie nen in mu dun tawh em? "ka han ti leh nghal tuarh a, a hmela hlauhna rawn lang chu ka hmuh hmaih hauh lo. A mittui tling pam mahse chiang takin min melh kâr a"chhuak rawh... " inseh ruh ṭeuh chungin a ti zui sap bawk.
"Fa i neih hma tal chu mipa tello hian i awm thei thlawt lo em ni? "
"chu chu ilo buaina tur ani lo "
"a tawpah an ti na leh tho tho dawn che ani tih hi hre ta che"
"nangmah ang hian maw? Asher ...tudang nilo in nang hian min ti na asin "
"Engmaw!! "
"chhuak rawh...i ngaihsakna hi ka mamawh tawh lo"
Kei hian a rilru ka tihnat sak amaw!! A mipa kawp ṭhin te nilo in kei hi maw a rilru ti na tu chu!! Rang takin ka inla hrang nghal vata ka thinrim insum zo lo khatiang anga ka chet tak avang khan ka inthiam lo leh hnuhnawh .
"i chhuah loh chuan police ka call ang "
"chu chu i tih angai lo ang " tih sap pahin ka chhuak nghal nal nal a, ka room kawngkhar khar chawrh pah chuan ka tshirt chu phelhin ka theh thal tawpa,ka rilru hah leh tawt lutuk te chu a zia deuh beisei in shower ah ka inphuh tir nghal seng seng bawk.
Chapter-37
motto- Dream Bigger
Ka room kawngka in kik ri dawt dawt ka hriat chuan ka harh nghal zawk a, nizan a ka ṭhut dan ah chiah chiah khan chair ah chuan ka lo la ṭhu a, ka lehkhabu chhiar lai erawh ka awmah alo in pharh niai thung. Ka mit nuai nawk nawk pah chuan sana chu ka zuk melh zeuh a, darkar3 vel chu ka lo muhil hman anih dawn hi.
Kawngka ka hawn rual rual chuan Eric chu a rawn lut nghal vata,kawr ka hak loh avangin khuma ka tshirt dah chu rawn theh phei pah chuan," va in phih fai rawh, kan kal vat angai" a ti nghal zung zung a,a tlai tawh ani tih hre tho mah ila ka mood a off em avangin ka hmanhnawh duh lem lo.
Zankhua deuh thaw in ka inngaihtuah ngut ngut a, a chang leh Coco room bulah te ka va tei kual thul,khatiang reng renga ka awm avang khan mut pawh ka mu mang lo .
"midang an awm vek tawh mi? "
"aw...Asher... inti harh vat teh ,tunah hian penṭawng i ang takzet ania... "
"hahh... lo va kal rawh " tih pahin ka white coat couch a ka dah tawp chuan ka va vawm pawp a, nuih vur vur pahin bathroom ah ka lut nghal bawk.
Hmanhmawh takin inhmuh khawmna tura an sawi ah chuan Eric nen kan kal nghal vata,Coco leh Freddie te Van pakhata an lut lai ka hmuh rual rual chuan rang takin ka va lut ve nghal thurh a,min hmuh chuan mak an tih hmel hle nghe nghe chutah Coco ep chiah ah ka la ṭhu tlat zui.
"Asher ...heihi i chuanna tur a ni lo " Freddie an min huat hmel zeta a rawn tih pawh chuan hre lo ang maiin headphone ka vuah hmaka tihngaihna a hre bik lo ka awmdan mak tak avang chuan min en reng ringawt.
"hey... bawih " ka headphone vuah la pawh thlak pahin Lily chuan min rawn fawp zeuh a,min hnaih chet hian a rawn ṭhu a ka darah a rawn bei nghal thak avang chuan Coco chu ka va melh nghal zeuh a,lehlam a hawi nghal hmak mai. Lily awmdan avang chuan mak tih hmel zetin ka en haw a, Coco leh Freddie bakah midang an awm ve avangin engmah sawi duh lovin ka ngawi ta zawka, inlak hran deuh pahin ka kut a vawnna chu ka la sawn nghal hmak bawk.
Kan inṭhen tawh thu hrilh nawn leh a, a awmdan maktak chu titawp turin hrilh duh viau mah ila ,tih mualpho ka duh loh avang leh kan inkar thu hi midang hriattir ka duh loh avanga ngawi mai mai ka ni mahse chiang taka ka hrilh tawh hnu pawha hetianga engmah hrelo ang maia a rawn awm avang hian han tih vak ngaihna pawh ka hrelo.
"ehemm.... Lover chu Van dangah aw... " Eric an min rawn chhaih chuan Lily chu a phur zual sauh emaw tih mai tur hian a aia nghet in min rawn kuah a," kum5 chuang awm dun tawh mah ila kan la in ning thei chuang lo anih hi... "
"innei vat rawh u... "
"nghah rei angai tawh lo ang " a tih chuan tukverh lam chu ka hawi hmaka, midang pawhin hun rei tak chhung kan inngaizawng tawh tih an hriat avangin engah mah an ngai lem lo .
Kawng tluanin Coco chu ka va melh leh zeuh ṭhin a,ka awm ve tih pawh hrelo ang maia a awm tlat avang chuan ka thinrim ru hle.Midang rik huai huai na karah chuan ngawi rengin kan ṭhu ve ran a, mak tak maiin ka bulah Lily ṭhu reng mahse Coco chuan ka rilru a la peng daih zawk.
Damdawiin kan thlen chuan kan chhuk thla sang sang hlawm a,Coco erawh a chhuk thla tur chu Freddie an alo puih kher avang chuan ka sa nghal zak mai,
" i ke na chu i thihpui lo chauh anih kha" ngeiawm zeta ka tih avang chuan min rawn melh rûm ngang mai,mahse engah mah ngai lo ang maia an kal leh tak daih avang chuan keimah zawk zawk hi thinrim ah ka ṭang leh ta nghal a, engvanga thil ṭul lo lo ti nge maw ka nih le? ka awmdan hi ka inhre thiam tawh bik lo.
An kal liam chiah tih in Lily chuan Van chhungah min pawt lut nghal dawr dawr a,kawngka chu khar in a engah mah hma chuan ka mal chungah ṭhuin min rawn fawh nghal tawn tawn avang chuan pawh hran deuh pah hian, "engthil nge maw i tih le? " ka han ti nghal hlar a, hetiang hian a awm ngai si lova mak ka ti takzet.
"Asher... kan in hmangaih kha, keimah chiah min ngaihtuah rawh " kan chal chu rawn insik tirin ka nghawngah nghet takin a kuah tlat bawk a.
"ka hmangaih che... engtik ah mah kan inṭhen ngai lovang " ka hmui fawp chiah si lo hian hnai te ah hian a rawn ti sa sa a, tihnat ka duh loh avangin min fawh pawh chuan pawt sawn mai lovin hrilh fiah ka la tum fan tho.
"hetiang hian awm suh...kan inṭhen..."
"shh....engmah sawi suh " ka sawi zawh hma hma chuan min rawn fawp leh nghal tawn tawn a .
"Coco in a pek theih ang apiang che chu ka pe ve thei che lawm " ka kut pahnih chu la in a hnute min khawih tir rual rual chuan ka nam sawn nghal dawrh a,ka tum aia na a ka nam avang chuan ka inthiam lo leh hnuhnawh.
"ka tihpalh..."
"Asher... a pawilo, i vawikhat khawih na pawh ani hleinem... " ka kekawr rawn zen a tum takah chuan Van aṭang chuan ka chhuak nghal vata min rawn la umzui fan tho.
"Asher...pawi ka ti lo,i tan chuan engpawh ka huam " min rawn khawih a tum rual rual chuan ," min khawih hlek suh " tih pahin ka kalsan nghal dawr dawr a, rilru fim pawh ka pu thei tawh lo ka rilru a buai takzet zet.
"Coco nen pawh in mu duna a zûn ah i uai mai hi... mu dun ve ila ani chu i theihnghilh daih mai ang " a thusawi mak tak avang chuan ka ding nghal chawt a,hetiang thu hi Lily in a sawi ang tih ka ringpha ngai lo.
"engmaw!! chutiang ang chuan i lo ngai amaw!! "
"i mamawh engkim a pek theih vang che ni lawm ni min kalsan i tum... "
" Lily...i ti mah mah ani" tih sap pahin kal lehnghal nal nal a, "anih chuan min pehhel tum suh...a hma ang khan awm leh ang ,tiang khan kal ringawt suh i duh ang chu ka pe ang che" a tih tuarh tuarh ri chu hre reng mah ila hrelo ang maiin ka kal lui tlat tho.
Lily rilru nat tur zia chu hre reng mah ila mi hriatthiam na ngah tak anih avangin hetiang hian a awm ang tih ka ring pha ngai lo.Chutah hetiang ṭawngkam mawi lo leh ngat phei hi chu a kâ aṭanga ka vawikhat hriatna anih avangin mak ka ti hle .
"a lan dan chuan best couple tia chhal meuh te pawh hmeichhe dang vangin an lo inṭhen ve thei tho anih hi " damdawiin ka luh rual rual chuan Conor hian ngeiawm zet hian a lo ti nghal vata, hepa hi khaw dangah an kal sia engvanga heta awm nge maw anih le?
"Coco... woww... Freddie bialnu kha a ni tih min hrilh miah suh " hepa hian engtin nge alo hriat leh tawh ?Conor thusawi hi chu chhan tlaka ka ngaih loh avangin ka kalna tur lam pan chuan ka kal lehnghal nal nal a, Conor an a hriat tawh chuan tun aṭanga reilo teah kan thawhpui dangte pawhin an hre vat ang mahse ka pawisa lo, hetiang thil hi ala thleng dawn ani tih ka hre lawk sa vek tawh.
Mi tamtak in min dem rawn anga, Lily ka kalsan mai bakah pastor fapa ka nih avang ringawt pawh hian mi tenawm chhuahin min chhuah ang, khatiang hlau reng reng khan hun ka lo hmang tawh ṭhin a mahse tunah chuan kei leh Pathian in ka nihna diktak hi kan hriat chuan a tawk.
Emergency room ah duty na tur leh kan tihtur vel Dr Min Min in a lo sem fel lai chuan ka va lut a,Coco en zeuh pahin chair ah chuan ka ṭhu nghal hnak bawk.
"Asher... emergency room ah kan duty dawn aw " va check kher pawh ngai lovin Cadie chuan min lo hrilh nghal vata, phur lo zetin ka lo bu nghat bawk.
___________________________________________
Chhun chawlh lai pawhin Lily chu ka bulah a ṭhu leh tlat tawh,midang an awm ve avangin leh kan inṭhen tak avang mai a biak chhiat ka duh loh avangin pangngai tak chuan ka lo be zela mahse a mizia a thlak tak em avang leh mawi lo deuh deuh a a chet tak reng avang chuan ka awm a ti nuam lo takzet.
Ka hna chiah a insawr bing duh mah ila ka piah deuh lawka Coco leh Freddie te pahnih ṭhu dun lai ka hmuh apiangin ka duh ang pawhin ka ngaihtuahna ka hmang thei ngai lo.Bakah hemite pahnih hi engvanga duty dun bik ziah nge maw an nih le?
"guys... guys... in lo hria em? zaninah hna thawk ho zawng zawng ral lehlamah sawn party pahin kan riak ho dawn anih chu "Dr Julian an phur taka a rawn tih chuan midang ho chuan au pahin kut an lo beng dar dar bawk a.
" dil lehlam ah sawn maw? " pakhatin alo ti leh ha tawh avangin an han nui ho leh dar dar a, kei erawh Coco awmdan chu ngun takin ka en reng thung
" aw.... puan inte kan kaih anga, sangha te kan man ang chu "
" ni e.... naktuk chiah kan awm tawh dawn bawka, zanin chu duhtawkin hmang ang u "
"condom kha in theihnghilh loh hram ka beisei " Freddie an a rawn tih chuan va hnek nghal pawp mai ka duh mahse a ṭawngkam ve reng anih avangin tuman an la thutak hran lo.
"chutiang tihna chance chu i nei tam khawp ang " tiin an lo fiam let ve bawk.
__________________________________________
★Freddy's POV★
"I kal ang tiraw? i ke na hi chu ngaihtuah suh engmah ka tih tir hauh lo ang che "
" umm... " Coco chuan Asher chu ava melh zeuh a, inbe ngam tak tak si lo induh tawn ve ve siin an in melh tawn ralh ralh reng lai te chu ka hmuh hmaih hauh lo, an awmdan avang chuan ka nuih a za hle bawk bakah ka thil tum a hlawhtlin ṭan tawh avangin ka hlim hle bawk.
"kha i hmuiah thil a kai ania " a hmuiah engmah kai hauh si lovin Asher thik tur kher in a hmui chu napkin chuan ka han hruk sak a,"Naute ka enkawl hi ani ringawt " fiamthu ka thawh pah avang chuan a nuih a za kher mai, mahse chu tak chu ka thil tum ani.
Asher pawh a rawn meng thîp leh tawh kher mai, runluih a nawm mai bakah Lily in a khuahkhirh tlat avanga engmah a ti thei lo hmel saw hmuh a nuam ka ti.
"hun ala tam bawka khawiah emaw kal i duh em? "
"umm.. awle, mahse khawiah? " Lily leh Asher te awmdun lai hmel hmuh reng saw a ninawm em avangin Coco hi hmun dang daih a hruai ka duh.
Muang changin Lily chu ka han kaitho a," Guys kan rawn let leh vat ang " Asher siai zeuh pah chuan Coco kut chu ka han vuan kher a, a in hum ruh lai ka hmuh chuan ka khi suk ringawt.
"va hmang nuam lutuk lo ula " ṭhenkhatin min chhaih lai te chuan ka han nui der vela, Asher hian min thik takzet ani tih ka hmuh hian runluih a nuam sawt.
Damdawiin thlanga park ah chuan thlifim dawn pah chuan ka ṭhutpui mai mai a, amah hi a cool sawtin ka biak hmasak loh chuan ṭawng pawh a tum tawh lo. A bula ka awm loh hlek chuan thil eng eng emaw ngaihtuahin a mittui a lo tling leh pam ṭhin avangin a theih hram chuan a bula awm a tih nuih hram hram hi ka duh.
"kha heihi la rawh... " lungte ka pek avang chuan mak tih hmel tak hian min rawn en ha a," i hawn dawn nia... nakinah Asher vawm nan ila duh ang " ka tih chuan a nui chhuak hak ringawt.
"a vawt i ti em? kawrlum ka han la ange " angai lo... "
"i damloh chuan Samuel an min khing phalh ang " fiamthu pah chuan ka tlan let nghal nal nal a.
Kawrlum mai bakah green tea keng chunga ka let leh hnu chuan Asher ka hmuh avangin an hmuh theih loh turah ka ding nghal vat bawk.Coco chu a ṭhutna ngaiah chuan ala ṭhu a Asher erawh hla deuh taka a din avang chuan a thu sawi hre thei lo mah ila an inhnial leh tawh ani tih ka hre nghal .Engatinge hemi te pahnih hi inngeih takin an awmdun theih miah loh le? engpawh chu nise an awmdun tawh bawka tiin khik suk pahin ka let leh hna hna a.
Lily in Asher a rawn zawng ve mek ani tih ka hmuh chuan rang takin ka va pan nghal vata ," Asher i chân tur hmel ka hmuh hian ka khawngaih takzet che" ka tih chuan min melh rum ngang mai.
"tunah khan engmaw i sawi kha !! "
"ka hrilh tawh che kha...khuanu hian Asher hi i neih a phal ngai lo ang "
"hmela... engmah i hrelo, lo ngai reng mah rawh engti kawngzawng pawhin Asher hian min atchilh tih hre rawh "
"tunah chuan ni tawh love "
"tuman min ṭhen thei ngai lovang " tih pahin a kal nghal hlawk hlawk a, a kal zel chuan a va hmuh ngei dawn avangin,"keipawhin Coco ka zawng zo chiah... kha lamah kha chuan an awmlo "min ring ka rin loh nen rum fe a min melh pah chuan a let vut a, nuih vur vur pahin ka zui ve nghal vat bawk.
CHAPTER-38
Motto- Dream Bigger
Lily nen hian Senior year (class X - XII) aṭang daih tawh a inhre tawh kan ni a, a mizia hi ka hrechiang in Asher tan hian ka duhpui ngai lo.
Asher a hmuh tirh phat aṭangin a umzui nghal char char a a neih theih nan chuan Asher lo ngaizawng ve tute pawh a vau hmiah zel mahse Asher hian engmah a hre ngai lo thung.
Lily pawh hian a mipa kherh lai hi mi mai mai ani lo tih a hre chiang hle, class ah grade sang ber a hmu ziah ṭhin a, basketball ah lah scholarship hmu thei khawpin a thiam a chutah a hmelṭhat leh chhiat loh em avangin hmeichhia te ngaihzawn rawn ala ni cheu,a vanneih bik em avangin khatih hun lai kha chuan mipa tupawh khan an thik vek in ka hria.
Mi sawisel bo leh vannei tiin sawi huai huai ṭhin mahse chak lohna a nei ve tlat chu chu HMEICHHIA ani.
Amah ngaizawng tute leh rawn be tute chu lo um ê a lo chhang vel turin huaisenna a nei tlat lo, hetiang anga mipa zakzum lutuk leh lerh lo lutuk hian amah be tute chu a zah let tlat zawk anih chu!! hahh... in awih lo zawk ang hmeichhe chungchang i sawipui anih chuan a zâk anga a lai nghal em em ringawt ang,kei a ṭhianṭha ber ngei pawh hian hmeichhe chungchang ah kher kher hi chuan ka beidawnpui chiang khawp mai .
Chutiang ang mipa pawh a zûn a uai tir hnawp hnawp theitu chu hmeichhe fing leh fel tak ani tih chu a chiang reng kum hnih zet a zial kual hnu chuan a zûn ah a uai tir mai alawm. Khatih hun laia hmeichhe tamzawk neih theih loh a nei thei bik kha a chhuanawmin rim taka a thawhna rah chu a tawpah a hmu ta nge nge alawm.
Mahse kawng hi a lo ngil reng bik hauh lo, khati khawp khan Asher chu dawi â in kherh kual vel mahse alo la duhkhawp hauh lo, Asher nihpui reng chungin mipa dang a kawpsan lai chu chiang takin ka man chhuak!! chumai pawh ala nilo an mu dun tih thlengin ka hre zui vek a ,engkim ka hria tih hi Lily in a hriat vek avangin Asher bulah bak min be ṭha ngai lo .
Ni e, engkim Asher hrilh vek tur ka nih laiin ka hrilh thei tlat lo a chhanchu an in tih buai hlek pawhin mi â ang maiin a mu thei lova, chaw a ei thei bawk hek lo ,a grade thlenga a nghawng vek laia khatiang thu lo hrilh kha chu hre reng chunga a nun tih chhiat tum ang vel ani.
Mahse chutiang anih laia nizana Asher an Lily a ṭhen rup mai kha chu ngaihtuah mai teh a harsat tur zia leh a nat tur zia chu, khatiang ang thutlukna siam tur khan vawikhat mai nilo a thla a thla a inngaihtuah ngei ang .
Lily hian a rinawm loh sana, mipa dang a mutpui avang khan ka hua ani lo ,ka huat ber zawk chu dawt a hrilh hnem tawh lutuk vang zawk hi ani,tun thlengin Asher hian ala thianghlim reng turah ala ngai reng bawk atan chuan mi ṭha tawpkhawk Angel hawlhthlak hi ani ringawt. A thil tih dik loh ah pawh nise Asher zawk hi inthiam lo leh hrehawm ti ngawih ngawih in a siam ziah ṭhin a,kei ngei pawh Asher bula dawta min put nasat em avangin Asher chuan hmeichhe kawp lawr leh rinawm lo angin min ngai hmiah tawh engpawh sawi ila min ring tawh ngai lo.
Asher lah hian a rin em avangin a thusawi engkim mai chu alo lem duak duak a,a party duh avanga lehkha zir angin dawt a hrilh ṭhin tih te hi a ringpha ngai hauh lo. A nu leh a chhungten duhpui hle mahse Pastor Samuel ngei pawh hian Lily avanga a fapa inthlak danglam nasat zia hi a hmuh hmaih bik hauh lo niin a lang,a chhanchu Lily leh Coco a en dan kha a danglam lutuk tlat.
Asher leh Lily te chu kum nga lai an inzui a ka lawmpui lutuk mahse Lily in tun thleng pawha Asher ala bum kual cheu hi chu ka hmu thei tawh tlat lo hei vang hi lawm Asher an midang lakah fa a nei tih ka hriat pawh khan ka lungngaih loh nachhan, achhanchu Lily lak aṭang hian a tal chhuah theih ka rin vang ani.
Asher an hmeichhe dang chungchang min zawh khan Coco hi anih ka ring nghal, a chhanchu khami zan Ruby house party ah khan khum khatah tui takin inkuah chial a an lo mu dun lai chu ka hmu tlat alawm.
Rui hle mah ila mualpho taka an awm ka hlauh avangin room pawnah midang an luh loh nan ka veng nghe nghe anih kha.
Khami zan khan an ruih em avanga mu dun mai mai turah ka lo ngaia, naute nghat phei chu ka beisei lo hrim hrim mahse rin loh dan deuha thil a thlen takah chuan Pathianin Asher chhanchuak turin Coco hi a rawn tir anih ka ring hial .
Coco damdawiin a ka hmuh hmasak ber ṭum pawh khan a engah mah hma in ka nel nghal em em ringawt.A mizia mai bakah a luhlulna te chuan ti nelawm lo hle mahse mi rilru ṭha tak ani tih ka hre thei mai. Chubakah an pahnih chuan ka enthla chho zela, in haw em em siin an in ngaihsak tawn em em a, mize inang lo lutuk leh khawsak dan pawh inang lo hul hual mah ni se kei chuan puzzel rem dik awlsam tak ang maiah ka ngai.
____________________________________________
★PARTY★
Coco leh midang ten nghakuai an chiah lai chuan meilum an lo ṭhut bial laih na ah chuan ka va ṭhu ve nghal thawr a, full moon zan anih avangin thla a eng hle bawk.
Marshmallow mei a rawh pah chuan Asher leh Lily te chu ka ep chiah a an ṭhut avang chuan ka va melh zeuh a,Lily chuan hnehtu inti takin ngeiawm zetin min rawn nuih suk bawk.
Thu dun reng mahse Asher rilru ah erawh Lily a awm lo tih a hmel aṭang pawhin a hriat mahse Lily lah chuan midangin an hmulo ang tih hlau niawm fahran hian a kuah bet tlata, Asher lah midang hmuh laia hmeichhia hnawl hmak hmak chi alo ni lo bawk nen a nin tawh hmel takzet.
"Light house chu a nalh hle mai a"ka tih chuan kan en chho nghal ṭhap hlawm a, ral lehlama Light house aṭanga êng rawn de zek zek chuan ka awmna chu a rawn en leh zeuh ṭhin a,a mawi hle bawk.
"dil mai chauh ani sia... engvanga light house siam nge maw an nih le? "Jerry chuan a rawn ti nghal vata, a chhan kan hriat bik loh avangin kan lo bu nghat ringawt.
"anih na takah chuan hotel ania mahse zanah sangha man an awm ṭhin avangin kawng an bo loh nan kawng lo en tu atan an hmang bawk " Briana chuan alo ti nghal vâr bawk.
"khi light house khian thawnthu a nei tlatin ka hria "
"nei e... light house chung zawlah khian full moon zan dar12 ah mi i fawp anih chuan chu mi nen chuan hlim takin in awmdun kumkhua tawh ang "
" chuan zanin hi full moon ani bawk... anih chuan dar12 ah kal vek mai ang u " pakhat in a rawn tih chuan kan han nui ho dar dar leh rih a.
" haha... lawngleng pakhat chauh light house lam panin a kal ṭhin , chu chu i nang fuh angai"
" anih chuan couple pakhat chiah ani maw kal thei "
" ni chiah e... "
"in couple sawi chu keimahni anih ngei ka beisei tiraw Asher? " Lily in a tih rual rual chuan Asher chu ka en nghal vata,ani erawh in Coco ava melh daih thung.
"min lo hrethiam ru" tih pahin Asher chu a tho daih a,dil lam thlir vauh vauh paha beer a in lai chuan a bulah ka va ding ve nghal vat bawk.
" zanin chu Light house ah Coco ka hruai theih ngei ka beisei " a thik tur chuan ka han ti kher a, melh pawh min rawn melh peih tawh lo.
"chu chu amah hrilh zawk rawh... "
" i hriat ve ngei a ṭha in ka hria... bakah kumkhua in kan awmdun tawh dawn bawka i hriat ve ngei hi a ṭha alawm "
"good luck "
" Lily hruaina chance pawh i nei reng ania mahse zanin ah nilo "
"chutiang buaipui nan hun ka nei ve lo "tih pahin beer can chu a hmet sawr a, a kalsawn nghal nal nal bawk.
Zanin Asher awmdan hi a danglam riau nidang angin min thik tawh loh mai bakah engah mah ngai lo ang maiin zu han awm tlata mawle, ani hi Lily in a kherh nasat em avangin let leh a tum te hi ani lo maw?
"i ti thei em? " Briana chu ka bulah a rawn ding a, " zanin chu a awmdan hi a danglam riau " ka lo ti nghal zat bawk.
"Coco hian engmah a hrelo mahse Lily hian light house ah Asher hruai nan chuan engpawh a ti leh duh ang "
" anih chuan kan dan angai anih chu "
Asher hian Coco a duh ani tih hi a inpawm duh tlat loh avangin Briana nen hian ṭang rualin a in hriat chhuah ngei theih nan theihtawp kan chhuah mek ani.
Lily a awm ve chhen bakah Asher hi cho chhuah loh chuan engtik ah mah Lily hi a ṭhen lo anga, Coco pawh a pan hek lo ang chu chu ka hriat chian em avangin amah cho chhuah nan a thikthu chhiatna leh Coco ven him a duhna chu remchangah la in Coco tih nat tum angin lem ka chang ta ani mahse ka rin ai daihin a thawk hma, a hmangaih diktak zawk a inhriat si loh venhim a duh luat ah a hmangaih nia a ngaih pawh a ṭhen hmak mai alawm.
CHAPTER -39
Motto- Dream Bigger
"Asher kha khawiah nge a kal?"
"puanin ah a lut in ka hria.. "Briana chuan alo ti nghal vata
"heta kan awm chhung ngei hian thil chinfel vek angai ,Coco sawi dan kha chuan Asher hi a in sawn dawn a thil a harsa leh zo vek dawn"
"mahse an pahnih hian an inhaw ropui sia eng thil nge kan tih leh tak ang? "
Coco in nghakuai chiah paha hlim taka a nui ver ver lai ka va hmuh chuan ka khi nghal suk a," engpawh nise an pahnih hian a tam thei ang ber an awmdun angai...a hmel a hlimna te saw tih bo ka duh tawh lo"
"mahse engtin? "
"lo thlir tawp mai rawh... chuan ka hrilh ang che khan lawng kha ilo va buaipui dawn nia "
Bucket khai chhung chuan Coco bulah ka va ṭhu a," i man ve tawh em? " tih pahin a ṭhutna chair a bucket khaina turah chuan ka khai nghal a.
" aih... midang chuan an man a mahse ka man ve thei lo "
"anih chuan tih dan ka hria "
"engchu maw? sangha man theihna maw? "
" aw... sawlai puanin ah sawn sangha chaw ka dah a chu chu i va la lawk thei angem? "
" awle "phûr takin a kal nghal nal nal a," ṭha deuh in aw" ka hriat tawk leka tih sup pah chuan ka khi suk bawk.
Minute 5 dawn a awm hnu chuan thinrim hmel zet hian a rawn chhuak a, a awm rei danah an in tibuai leh anih ka ring nghal ringawt.
"ughh.... sangha chaw chu ka hmulo" engmah thleng lo ang mai chuan a ṭhu lehnghal a mahse a mood a off vek tih erawh hai rual ani lo.
"anih chuan changpat hi hmang leh mai ang... i ṭha maw? "
"aw... han nghak deuh ila ka man ve mai ang " a awmdan chu ka en reng a, hmeichhe chhel tak leh insum thei tak ani tih a chiang reng mahse a mittui a tlak ve tawh erawh chuan a na tawh hle tihna ani mai.
Dinner kan ei lai vel chuan Asher chu ka han zawng ru deuh a,nichin aṭang tawh khan hmuh tur a awm tawh lo. A mu anih loh vek pawhin Lily nen an lo awm dun leh reng tawh pawh ani mahna.
" Asher in lo hmu em? " Lily aw ka hriat rual rual chuan ka hawilet nghal vata, ani pawhin alo zawn ve tho avang chuan ka thaw nghal huai mai mahse hepa hi khawiah nge maw a awm le?
"i hmu lo anih chuan tinge i bialpa pakhat zawk bulah khan i kal mai loh? "
"hahh... hei ka bialpa chu ka zawng rêng alawm"
"umm... anih chuan Dr. Kalen(senior doctor) nge ni a Dr. Asher zawk i zawn?"
" ngawi hmak rawh " midang hriat hlau tih hriat tak hian a hawi kual nghal vata, min melh rum leh tawh ngang mai.
A hmel han en mai hi chuan a hmelṭha in a duhawm si a hetiang ti duh tur hmel pawh hi a pu lo asin le? a chungchang hi midang bulah sawi mah ila tuman min awih lo ang chutiang khawp chuan midang hian an ngai fel mahse a lemchan rah chu a hmu dawn ṭan niin a lang.
Lily chuan Asher chu a zawn chhunzawm zel tho a mahse Coco a hmuh takah chuan ngaih ngam takin a awm ve pawh ani mahna midang ho bulah chuan a va ṭhu ve leh mai bawka mahse hei hi remchangah ka lak vat angai.
"i lo inngaihtuah leh ngut ngut tawh ani maw? "
" umm... "
"kan va zawm ve dawn mi niang saw an zai ṭhup ṭhup mai "
" ughh... a bengchheng lutuk a, va kal rawh an mut hma chu hetah hian thlifim kan lo dawng ange?"
" anih chuan... engtin nge kan tih ang aw... "
" haha... va kal vat vat zawk rawh "
" thil hmuh tir duh che ka nei " hriat chak hmel zet hian, " tunah khan sawi nghal rawh " a tih chuan ka nui ri nghal hak a.
"min rawn zui rawh... i hre duh tak tak anih chuan.... "
"hmun bengchheng lo anih ngei ka beisei "
" ka tiam a che...nuam i ti viau ang "
" a hma ang khan maw... " min rawn fiam pah chuan min rawn zui ve nghal mai bawk a.
Light house pan tur lawng awmna kan thlen chuan kan chuang nghal vata, a phur hle nghe nghe.Deasel boat ani bawka minute 10 vel kan chûan hnu chuan ral lehlam chu kan thleng ve mai alawm mahse helai hmunah hian lirthei a awm loh avangin light house thleng tur chuan minute5 vel chu kal ve angai.
Lawng aṭanga kan chhuk hnu chuan ke in muang changin light house lam chu kan pan hnak hnak a ,thla a eng em avangin Coco chauh nilo in kei ngei pawh hian nuam ka ti takzet.
"tihian khawiah nge kan kal dawn? "
"zanin chiah kan awm tawh dawn bawka....light house hotel saw kan tlawh ve reng reng ang chu "
" light house saw hotel maw ni a..."
"umm...i vawikhat hriatna a ni em? "
"aw...mahse alo nuam viau maithei asin "
Light house bulah hian hotel lian vak lo hi a awm tel bawk a,chumai bakah kei ngei pawh ka la kal bik lo na in an sawi dan chuan tun hnai mai khan light house ah hian room pahnih an dah thar ve a, tlawhtu pawh a ngah phah hle nghe nghe mahse a reh danah hian tunlai tak hi chuan a tlawhtu an awm tam vak lo anih hmel.
Lift a kan chuan chhoh vang vang hnu chuan Light house chung lama balcony lian vak lo khaw thlir nana an siam ah chuan kan chhuak chho hlawl mai.A sang bawka chutaṭang chuan ral lehlama kan mei chhem te leh light te pawh chu a lang de va va thei a, dil ngat phei chu a lang chiang hle .
" boruak a thiang nuam hle mai" tih pahin dil lian leh cham put mai chu kan han thlir dun vang vang a, a nui hmel kara lungngaihna rawn lang chu ka hmuh hmaih lo chiang kher mai, tunah pawh hian Asher awm ve se tih bak a ngaihtuah dawn lo tih ka hria.
" a nuam i ti ang ka tih reng kha... tihian dar 12 ah full moon lawm nan hal mawi an hal ṭhin a... kan nghak dawn nia "
" tehreng mai "
"tikhan lo awm rawh... intur leh ei tur ka zuk la ange? " ka tih chuan nuih vur vur pah hian, "awle " alo ti sap a, hmanhmawh zetin ka kal nghal hlawk hlawk bawk.
Light house chungchang leh in kiss vel chungchang kha Coco hian engmah a hre ve lo, bakah hria se chuan heta kal tur hian sawm chhuah a harsat phah dawn avangin ka hrilh duh lo ani.
Kan party na hmun ah bawk chuan rang takin ka let leh nghala, ka tih hmasak ber tur pawh ka hai lo chiang kher mai.A ṭhen chu tuiah an lo la cheng a chutah chuan Lily pawh a tel ve,a tam zawk erawh an mut tawh avangin thawm dim thei ang berin Asher mutna tur puan in chu ka hawng nghal vata, alo ruak hiau mai!!
Rang lutuk in mipa ho mutna tur puan in dang pawh chu ka en nghal vek a mahse Asher hmel reng reng hmuh tur a awm lo, chutah zet zawng ka mangang ta hle mai, "hepa phiangsen hi khawiah nge maw a awm le? "
"Asher i lo hmu em? " Conor chu ka zawt ta ringawt a, ani hi Asher thlithlai reng renga khawsa anih avangin a awmna a hre mial mahna.
"dinner ei hma tawh khan khua ah a let lai ka hmu.. a bak chu ka hrelo " a tih chuan sana chu ka zuk melh zeuh a dar12 rik nan minute sawmhnih bak a awm tawh lo,engtin nge maw ka tih dawn le?.
" Freeddie engtin nge kan tih tak ang lawng khalhtupa kha ka hmin thei lo ,pawisa pek belh ka tum pawhin a nupui damlo in a mamawh thu in min chhang tlat tho... engtin nge kan tih tak ang?" Briana chuan mangang tih hriat tak hian a rawn ti a,thawk chhuah halh pahin light house chu ka va thlir vang vang a ,"full moon lehpek ah ani mai " ka ti chuai raih bawk.
"Engvangin maw? "
"tunah hian Asher khua ah a awm mai bakah lawng dang zawng tur chuan a tlai tawh lutuk "
" anih chuan kan hlawhchham ani maw "
" tuna pawimawh ber zawk chu Coco hruai let leh dan tur zawn hi ani... " lawng hi naktuk zingah a awm dawn chauh bawk si a, chutah signal a awm lo bawk nen engtin nge maw ka tih dawn le?
" hreptak chuan " tih pahin ka bula bucket chu ka chhuih leng nghal lawp a,Asher hian hetiang ang hun rangkachak hi hre reng chungin engtin nge a bawhzui loh thei zawk ? mawl lutuk.
"Coco chu a awm tawh em ni? "
" aw... tunah hian min nghak mek " ka thinrim bawk si, Hemi hmuna Coco ka hruai chhan ber Asher nen a inrem tir leh na hun ṭha lutuk kan bawhpelh leh ta mai hi a pawi takzet.
Hemi khua a free clinic kan neih avang hian damdawiin aṭangin hlawh min pe lova, chutiang bawkin Coco pawh an pe hek lo ang mahse heta rawn kal tura ka hmin theih nan hlawh a neih tur thu kha ka hrilh a, a chhanchu keiman hlawh pek ka tum vang ani.
" hei.. hei... ka lawng kha min pe let leh rawh " lawng khalh tupa au thawm kan hriat chuan rang takin lawng chawlna lam pan in kan tlan phei nghal vata,a hnung lampang chiah hmu hman mah ila Asher ani tih ka hre nghal.
" Lalpa leh!! amah ani tiraw? "
" umm... " tih pahin Briana nen chuan kan in nuih var var a,hepa tak hi chu aw... a hmeichhe hmangaih ka fawh a phal thlawt lo anih te chuan a hma daih tawh khan min beih let tur alawm.
" Asher.... min lo nghak rawh ,kha kha Asher ani tiraw? " Lily chu Briana chuan a lo dang nghal vata, a rui bawk si a tuiah hian a tla mai ang tih a hlauhawm.
" hmeli... light house ah Asher nen kan infawp dawn... kalsawn nghal rawh "
"lawng a awm tawh lo... "
" anih chuan ka hleuh mai ang " tih pahin tuiah chuan luh a tum ta mai.
" Lily duhtawk teh "tih pahin ka pu nawlh a,au tuarh tuarh mahse ka kalpui lui tlat tho.
____________________________________________
★ Coco's POV★
Freddie a rawn let har tawh em avangin sana chu ka zuk thlek leh zeuh ṭhin a,dar12 rik nan minute thum chiah a awm tawh lehnghal, thil hal a rawn hmu ve hman dawn lo ani mai. Ka ke a kham tawh mai bakah a vung avangin chair ah chuan ka ṭhu ta ringawt a, van lam thlir vauh vauh pah chuan thawk ka han la vang vang bawk a Asher awm se chuan a nuam lehzual ngawt ang.
Chutia ka lo ṭhut ar ar lai chuan kawngka inhawng ri rak ka hriat avang chuan nuih vur vur pah hian ,"dar12 a ri dawn ania" tih pahin ka tho chhuak nghal vata.Ka rin loh lutuk in Asher chu kawngka bulah chuan alo ding reng anih chu!! ka hmuh thut avang chuan ka nui tawp chiang kher mai,keihi ka mit vai ani lo maw nge ka mumang zawk?
"ka mumang ani lo tiraw? " ka tih chuan nuih suk pah hian min rawn pan hnai a,hal mawi a rawn puah darh rual rual chuan duhthawh takin min rawn fawp nghal tawn tawn bawk.
Asher bula ka awm apianga ka awmdan ngai ang bawkin ka thinphu chu mi pangngai ka ni tawh lo emaw tih tur khawpa rangin a phu a, engkim mai chu a reh nghal duk in ka hre bawk.Hetiang ang hian ka la hlim ngai lo, tunah tak hi chuan he khawvela mi hlim ber ka ni hial ang.
Hal mawi an kah chhuah nasat mai bakah a ring em avangin van lam chu ka han thlir chho vang vang a.
"mumang ani lo ania" a rawn ti sap bawk.
Asher an khap miah lova min en reng avang chuan chhuanlam ah ," a mawi takzet " tih sap pahin amah chu ka han melh en a, ka mit ah tak chiang taka min en avangin ka mûr nghal sung sung mai, chutah khawvel danga min hruai leh turin min rawn fawp lehnghal vawng vawng a, khang ka lo lungngaih ve na zawng zawng te kha a reh nghal duak in ka hria.
Asher an lawng a awm tawh lo a tih tlat avangin zanin atan room chu kan book ta ringawt a, kei ngei pawhin a bula awm reng ka duh avangin lawng awm tawh lo chu ka lawm ru hle bakah hetiang ang hun nuam lutuk hi ka nunah ala thleng ngai lo.
Room kawngka a hawn rual rualin "lut rawh... " a tih chuan room pahnih a book emaw ka tih avangin mak tih hmel zet hian, " room pahnih a awm lo em ni? " ka lo ti ha a.
"room ruak awm mahse an book lawk vek tawh avangin min pe phal lo " ehee... anih chuan room khatah kan mu dawn ani maw!! Lalpa leh engtin nge ka mutthilh theih anga?
" anih chu " lawm ru hle mah ila, a tum hmuk bawk si a han nuih sang ngamna chi pawh ani lo.
Kawngka bul ah chuan ka ding renga, ani erawh ngampa takin a jacket chu a han phelh a ,ngun takin a che vel chu ka lo en reng a ngatinge pawh ka hrelo fawh leh ka chak tlat anih chu !! ngatinge hetiang hian ka awm tlat le?
"hetiang hian awm suh "mahni leh mahni inhrilh pahin thawk chu ka han la vang vang a, mahse awmzia a awmlo
"rawn mu rawh...i chau anih kha " a rawn hawi phei rual rual chuan ka va fawp nghal tawn tawn ringawt.
Ka va fawh thut vang pawh kha ani mahna ka banah vuan in min pawt hrang nghal vata, a mitmeng thip zet avang chuan a thinrim dawn emaw ka tih laiin min rawn fawp let ve ta hlauh mai, ka kawngah nghet takin a vuan a kei erawh in a nghawngah ka kuah tlat thung.
Kan infawh lai pawh chuan kan awm hle hle thei lo ,kan tih tur kan hre chiang bawka kan thawmhnaw te chu a mal te te in kan phelh zela, min pawm kang nawlh pah chuan bangah min nawr bet nghal pawp bawk. A kawngah nghet takin ka bawp chu ka khawkherh tlat bawk a kan hmui pawh a inthlah thei chuang lo kan inhip tawnna nasa tawh lutuk avang chuan han insum a han in dan kan tum tawh lo, tuna ka hriat zawng chu Asher hi ka duh takzet tih chauh hi ani tawh.
Ka nghawng leh awm bawr vel a fawh ne ne lai chuan a samah ṭham sakin ka lo rûm leh ham ham ṭhin a, chu chuan a ti phur zualin a aia nasa chuan min fawp leh nghal tawn tawn bawk.
" Asher.... hmanhmawh rawh " ka tih chuan nuih suk pahin couch ah chuan min han dah thla a, "muangchang in aw... " a kekawr zipper a han phelh chuan ka tih leh tur chu ka hai lo chiang kher mai.
Ka khel leh mal vel fawh pahin ka ke inkar ah chuan a rawn ṭhingṭhi a, ka serh nuai ne ne pahin ka taksa chhungah an rawn lut chiah mai chu ka rum chhuak nghal hak mai. Chuti chuan tu dang mah ngai lovin kan pahnih chauh chuan Angel te dai ve theih lohna ram chu kan chen dun ta ani.
(Heihi light house ani a,a chhip lama ka kawh na lai khi Coco leh Asher te in kiss na lai kha... Haha..Xoxo)
CHAPTER-40
Motto- Dream Bigger
Tukverh aṭangin ni in min rawn chhun avang chuan ka han meng siar siar a, Asher an nghet takin min kuah ani tih ka hriat chuan zing kar kar ah lawm loh in ka khi vur vur mai alawm.
A kut fawh zeuh paha ka han hawi let nak chuan khap miah lovin min lo en reng chu niin ka in melh chiang kher mai!!
" i harh na a rei tawh em? " khik suk pahin a sam chu ka han nuai saka, ka mumang ani ang tih ka hlau takzet.
"umm...."
" i muhil thei lo em ni? "
"ka mutthilh daih ten ka hmu thei nang che " a ban min kham ṭhat tir pah chuan ka chalah a rawn fawp zeuh bawka,a taksa lum ham ham mai te chuan zûn an nei vek tawh ,kham ni reng a awm dawn lo.
" ehee....khua a let leh chhung nen kan tlai dawn ania tho vat ang "
"reilote chiah ti hian awm ang " nghet taka min kuah tlat pah in a kut vawt zet chuan ka hnute a rawn hup ta mai,tal pahin ka ṭe nghal tuarh ringawt.
" a vawt lutuk "
" engchu maw? " hrelo ang maiin a mu lui tlat anih chu!! chutia a mut luih tak tlat avang leh kei pawhin a bula mut reng hi ka lo duh ve tho avangin khik suk pah chuan a kut chu ka han hum vang vang a, helai hmunah hian cham hlen ka chak takzet.
Engpawh nise let leh tho tho angaih avangin phur lo zet chuan ka in ha hna hna a,a khat tawkin Asher inha lai chu ka va melh leh zeuh ṭhin a, a nui hmel hmuh tur a awm loh mai bakah a tum deuh hmuk avang chuan a thinrim anih ka ring hial chutiang anga a awm avang chuan ka lungawi lo hle bawk.
A ni telin ka pum pawh a ṭhanglian zel mai si a, ka tshirt ho pawh ka ha mar ṭan.
"haw veleh i thawmhnaw hi thlak la a ṭha in ka hria " ka jacket min hak tir zawh chuan min rawn fawp zeuh a ,a thinrim emaw ka tih avanga ka rilru hahna kha a zia nghal huai bawk. Anihna takah chuan rai kawr leh kawrfual lampang chi reng reng hi ka hak ngai loh avangin hak nuam zawk mahse ka ha hreh tlat anih chu!! ka inhmeh loh mai bakah ka hak thiam pawh ka inring lo.
" i thinrim em ni? " a tawp a tawpah ka zawt ta nge nge a,a chhanna a duhawm lo anih pawhin zep ai chuan sawichhuah hi a ṭha zawk hrim hrim.
" Engvang chuan maw? "
"ughh... ka hre bik lo, i tûm reng bawk sia "
"ka hlim hmel anih kha " a tih chuan ka ner suk ringawt,bakah a hmel hi a nelawm loh in nui hmel pu alo nilo bawk nen ka ngaihbel te pawh ani mahna.
"ka hlim lutuk alawm....ringhlel tawh suh " ka khabe khawih paha min rawn fawh a tum lai tak chuan kawngka chu an rawn chum ta dawt dawt mai !! mak tih hmel takin kan in en haw a, min fawh zeuh pahin rang takin kawngka hawng tur chuan a kal nghal vat bawk.
Kawngka a hawn rual rual chuan Lily chuan a rawn kuah nghal thlawp a,a hnungah Freddie mai bakah midang pawh an rawn lut ve nghal bawk. Thil thlen dan chu mak ka tih mai bakah hengho hi engvanga rawn kal nge an nih tih hi ngaihdan pawh ka neilo. Kei ang tho in Asher pawh chuan mak a tiin a ngaihna a hriat loh hmel takzet mahse Lily nen hian an inṭhen tawh an ti sia engvanga rawn kuah leh nge maw anih le?
"Lily... rawn kal vat rawh" Freddie chuan alo ti nghal vata, pawh ṭhen a tum pawhin a aia nghet in a kuah tlat tho.
"henu hian a lo bum chhuak leh tawh che elaw...ka zawng nasa lutuk che lawm...mahse a pawilo ka ngaidam vek tawh che, a pawi reng reng lo" midang ho chuan min en ṭhap a, Lily in engthil nge a hrilh chu ka hrelo nangin hmeichhe rapthlak tak melh in min melh.
"duhtawk teh... "
"Freddie min dang reng reng suh...henu hi in ngaih ang kha ani lo ania, Asher fa pai reng chungin mipa dang a kawp kual a chutah Asher min chhuhsak theih nan a fa tih tlak ah a vau bawk asin" a ti ta piap piap mai, phut zawk pawh awmlo a dawt a sawi zung zung avang chuan chhan mai dan tur pawh ka hrelo,chutah mi thinchhe lutuk ka lo ni ve bawk nen ka thinrim lutuk chu ka ṭawngchhuak thei tawh lo hrim hrim .
Asher pawh chuan a ngaithei ta bik lo aniang thinrim insum tih hriat tak hian Lily chu a han pawt sawn deuh a,a dim danah hmeichhia anih vang pawh ani mahna.
"engvangin nge dawt i sawi? " a tih takah chuan an en ṭhap ringawt,keilah ka hamhaih in thil thlen dan hi engmah ka hre lo bawk nen sawi tur pawh hrelo in ka ding reng ringawt .
"dawt ka sawi ang maw? nang hian min rinawm loh san ani lawm ni...hei i fa a pai tak hi. Ani hian engtik lai pawhin a thlem kual reng che a, amah i neih duh luatah kei ngei pawh min ṭhen i duh ani lawm ni "
"i rilru tihnat ka duh loh vang zawk ani...kei......"
" maw!! ka rilru tihnat i duh loh vang maw ni a? anih thutlukna i siam hma in kei hi min ngaihtuah ve reng reng em? ka rilru na lutuk hi ka â lo chauh anih hi " Asher an a sawi zawh hma hma chuan a lo pawt chat nghal zung zung a, thil awmzia sawi ve tum mahse ṭawng na hun a chang lo ani ber.
" Asher... inthiam lo duh suh, i thil tih hi a dik ani " A theih ang tawkin Freddie pawh chuan alo ti ve bawka, hetiang khawp hian Lily hi a duh lo ang tih hi ka ring pha ngai lo.
" hahhh....khawiah nge i thutiam te kha a awm tak? in pahnih hian henu hian a bum â vek tawh cheu anih hi, hetiang ang hmeiche lepchiah lutuk pawisa duh vanga mahni taksa zuar duh.... "
" duhtawk rawh " Asher chuan a ti vin nghal ṭhah a, min rawn kawh sawk sawk avang khan ka rilru a na takzet.
" i ṭawngkam fimkhur rawh " tih pahin ka kut a la lawk a, min kai chhuak nghal dawr dawr bawk.
Lawng chawlhna kan thlen chuan Asher kut chu ka thlah nghal vata, engthil ber nge rin a rin loh tur pawh ka hrethiam tawh lo. Lily leh Asher te hi a inhmangaih a an inkar ka ti chhia tih chu ka hria mahse nizanah khan Asher leh Lily te inṭhen thu Briana mai nilo midang titi thawm ngei aṭanga ka hriat avangin an inṭhen turah ka ngai, chuvang chauha hnawl lo ka ni mahse tunah lah khatiang ang thil kha a thleng leh bawk si,engmah hi ka hrethiam tawh lo.
"lawngah hian chuang rawh..."
" nilo.... keimah chauha awm ka duh "
"Coco... a thusawi kha i awih em ni? kan inṭhen tawh alawm "
"mahse ala rawn umzui tho che lawm....in inkar hi tifel phawt la a ṭha in ka hria "
"tihfel tur engmah kan nei lo "
" inngaihtuahna hun min pe rawh...keimah chauh a awm ka duh" ka tih tlat avang chuan lungawi loh hmel zet hian a ngawi renga a hnu fe ah chuan, "awle " tih sap pahin lawng dangah a chuang ta ringawt a.
Lily in dawt a min puh na te chu engah mah ka ngai lem lo mahse Asher lehzel dawtin a puh mai bakah a tih mualpho avang khan ka palzam mai mai thei tlat lo. Tuna ka ngaihtuah ber zawk chu Asher nen an inkawp lam nilo in keimah avanga hetiang thil ti duh anih chuan Asher nen han in kawp nghat phei ila chu a ti chhe vek duh hial ang achanchu kum tamtak awm dun in thuruk tamtak an lo in hriatpui tawh a,Asher chak lohna te leh tihchhiat vek theihna tur khawp thuruk a hre ngei dawn chu chuan min ti hlauthawng takzet.
Phur lo zeta room kawngkhar ka hawn rual rual chuan phawk fe a men pahin ka ding nghal chawt a,"engtin nge hetah ka awm tih i hriat ?" Hunter chu tukverh bulah cigratte zuk khuk tulh tulh pahin alo ding reng anih chu!! helai hmun thleng thlenga min rawn umzui avang hian thil duh a nei leh tawh ani tih ka hre nghal.
" a hmun hi a nawm hi le... in kan sa anga kan awm daih dawn mi niang?"
" eng nge hetah i rawn tih? "
"i hmanhmawh anih kha ṭhu hahchawl phawt teh... " a la ti ang deuh deuh a, midang in an rawn hmuh ka hlau bawk si a, kawngka chu ka va kalh nghal vat bawk.
" hna ka nei ania.... sawi vat vat rawh... "
" awle....biakin hmun saw ka duh "
" engmaw? "
"ka nghak rei tawh mah mah che in ka hria "
"anih ka pe thei lo che ti ta ila.... "
"hahhh...chutiang chu a thleng hauh lo ang, Coco i nunah hian mi pawimawh an tam tawh lutuk chung ho chu an nat i phal ngai bawk lo ang entirnan Asher ,i fa ang te "
"tumah i tih nat hi ka phal ngai lovang"
" haha... heivang hi lawm hmangaihna nei lo turin ka enkawl che ,a chhanchu chak lo taka i awm ka duh loh vang ani mahse hei a tlai tawh lutuk tlat"
"Biakin hmun chu ka pe thei lo che, ka thei lo "
"min pe dawn nge dawn lo tih chu han thlir phawt mai teh ang... chuan zanin ah rawn tlai suh ang che "
"ka rai hi.... fa ka neih hnu ah ka ti thei mai lo em ni? "
"anih chuan i rawn let leh dan kawng a awm asin...naute tihtlak, anih loh vek pawhin ba i rul thei lo anih chuan i pa chân " ngeiawm zet hian min rawn nuih suk a, a tih ṭhin dan ang bawkin a kal dawnah ka hmuiah a rawn fawp leh kher a, nam sawn pawp pahin ka hmui chu ka hru nghal vat bawk.
Tlaiah kan haw tawh dawn avangin ka thawmhnaw ho chu ka pack ṭha mawlh mawlh a, haw daih ka chak tawh takzet mahse pawisa ka hlawh theih nan ka bansan mai thei bawk si lo.
Hunter a rawn kal avang khan ka tum a ruh zual sauh, a lak aṭang hian talchhuah har dawn hle mahse tlem tlem in pawisa ka khawl anga, hun duh dawn mahse ka ba ka rul anih phawt chuan chhuahsan hi ka tan a harsa tawh dawn lo ani.
" nilengin in pack i tum em ni? kal a hun tawh ania " Freddie chuan thil thleng engmah hrelo ang mai chuan thawveng zet hian a rawn lut a, ka thil tih lai erawh a khaih lak phah lo.
"Freddie... min tih hlim tum duh suh ka ṭha alawm "
"pawi ka ti lutuk...haw daih i duh em? i duh chuan ka hruai haw ang che"
" aih... engvangin nge ka tlanchhiat ringawt ang "
" i ṭha chiah ang maw? "
" umm..."
Lily awmdan kha tun thlengin ka la awih thei lo, hmeichhe fel leh fing tak ani a khatiang ang ṭawngkam ngat phei kha chu a kâ aṭanga a chhuah hi ka ring pha ngai lo. Chutah Lily chauh nilo Asher lehzel pawh a ti mualpho duh ania, khatiang ang hmeichhia kha an awm ang tih ngaihna pawh ka hrelo.
Damlo in entir ho hming ka lo record malh malh lai chuan Asher hi ka bulah a rawn ṭhu thurh a, Lily a awm nge awm lo tih ka enkual nghal vat ringawt. Bakah midang ho pawh hian engmah chu sawi lo mahse min en dan a dang tih ka hre mai mahse min tihbuai phah lem lo.
"ka lo ziah chhawk dawn che mi " tih pahin ka pen ken lai chu min rawn chhuhsak a, " angai lo " tih vin hlar pahin ka la let leh vat tho.
"puih chu engvanga duhlo em em nge maw i nih le?"
" keimah in ka ti ve thei... "
"oh.. c'mon... lawm tur zawk i ni asin"
"ka lawm lo...a tawk em? " tih pahin ka ṭhutna aṭang chuan ka tho chhuak zawt a, ka thil ziah lai nen chuan ka kal nghal nal nal ringawt.
0 COMMENT:
Post a Comment