August 12, 2018
Chapter-47
.
Arden bialnu official taka ka nih takah chuan Hailey pawh ngaihtuah lek lovin ka mumang pawh a ka mang phak loh chu ka chen a,dawi at ang mai in ho te te ah ka hlim em em a, a chang leh ka mumang a nih takin tiin ka insik thul,ka sawifiah thiam dan berah chuan ka khi nileng deuh ṭhak ani ber mai.
Arden bulah awm la chak hle mah ila ka pi a awm tawh loh mai bakah ka pa tana phurrit nih ka duh loh avangin dinner ei zawh veleh min thlah haw nghal vat a,ka kham lo ru takzet bawk.
.
In kawt kan thlen hma deuh chuan car pakhat a rawn tlan luh thut avangin bike chu a ding nghal chawt a, invawn ngheh em avangin ka tla lo hlauh.
"i ṭha em? "
" aw.... "thawk lak kawk pahin ka han chhuk thla nghal thak a, ka thinphu pawh ala pangngai thei chuang lo,tu phiangsen nge mawni khatianga rawn tlan thut chu tiin kan hma a car ding chu ka va melh nak chuan ka meng phawk nghal kawk mai.
Ka pa leh Natalie chu rang takin car aṭang chuan an rawn chhuak nghal vata,buaina a thlen hma in Arden han melh zeuh pah chuan, "mangṭha le " tih leh inchhunga ka tlan lut ka rual nghal .
.
Ka luh hnu deuh lawkah ka pa te pahnih pawh chu an rawn inzui lut ve nghal mai bawk a,melh pawh ka va melh lo hrim hrim.
"Tina....kan inbiak angai "a tih rual rual chuan ngeiawm zetin Tv chu ka han hmet ring nghal vaka,hria ang pawhin ka awm duh lo.
"khapa kha hmu tawh lo turin ka ti che ani lawm ni mi hlauhawm anih kha"Tv a rawn off hmak bawk, ka pa hmel aṭang chuan a thinrim hle ani tih hai rual ani lo amaherawhchu Natalie a awm ve reng avangin engmah thleng lo ang mai in couch ah ka ṭhu lui tlat thung.
.
Chutiang anga ka awm tak reng avang chuan ka pa chuan Natalie chu ka hriat phak si loh hian a han be sap a, buk nghat pahin a suitcase nen ka pa room ah a in nawr lut ta mai,saw nu sawn engthil nge maw tih a tum le?
"zanin aṭangin Natalie hi kan inah a awm tawh ang "
" maw!! " tih pahin ka ding nghal zawt a mak tih hmel takin ka mengphawk nghal kawk bawk. Diktak chuan engpawh sawi se ka pawisa lo mahse he thil kher kher hi chu ka pawmzam mai mai thei lo.
"thla hnih hnu ah kan innei bawk ang.... chuan ṭhat chhuah hram hram tum ang che"a tih chuan za lo zet hian ka han khi suk a,
.
"ṭhat chhuah turin min duh amaw? sawnu mi fing leh phakar lutuk chung ah sawn ṭhat ka chhuah ang maw? "
"Tina... hriatthiam tum rawh "
" engchu maw ka hriatthiam anga... ka pa khawngaih takin inneihna chu ṭhulh leh rawh, henu hian a bum che anih hi.... i hrethiam ve mai lo em ni kan chhungkua hi min ṭhen darh a tum alawm nilo....henu hi ka pawm thei lo" tih leh ka pa room a tlan luh ka rual nghal,
"engtik ah mah ka pawm ngai lo ang che.... chhuak rawh "a suitcase chu ka nawr chhuak nghal dawr dawr a, Natalie lah alo duai bik hauh lo suitcase rawn pawh thlak sawk pah chuan,"engthil mah tih theih i nei lo, i pa hi ka ta anih hi"ngeiawm zetin a rawn tih takah chuan keia kut rang lutuk leh insum hman lo chuan ka bula pangar khawina pot chu ka han vai thla nghal sawk a.
.
Ka rin loh deuh maiin a ke ah tak a fuh ta mai!! a ke aṭanga thi rawn chhuak ka hmuh rual rual chuan ka meng phawk nghal kawk a, inthiamloh na in ka khat nghal bawk.
"ka.... " ka inthiam loh thu leh buaipui tuma ka va pan hnaih dawn lai tak chuan ka biang a rawn ri nghal sawk ringawt.
"in sawifel theih ringin ka rawn zui lut duh lo che a mahse hetiang thil erawh i tih ka beisei lo asin "ka pa chuan Natalie chu a va buaipui nghal vata, kei erawh milim ang maiin ka ding khawng renga, ka pa ṭawngkam tin te chuan chemte a vih sawk sawk ang maiin min ti na takzet bawk.
.
Ka pa in Natalie a buaipui dan vel te leh a ngaihsak dan vel te ka hmuh chuan khik suk pahin ka han tawlh hnung hrat a, inseh ruh ṭeuh chung hian,"ka tihpalh "tih leh tlan chhuah ka rual nghal.Ka pa in min ben avang khan ka rilru a na in ka thinrim teh meuh mai, amaherawhchu ka pa nen a kan inkar a lo zau tawh zia leh a chhungkua aia Natalie a dah pawimawh tawh zia ka hmuh hian ka thinlung hi a kehchhe nghal vek. Ni e, ka pa lungawi na ah ka hian lungawi ve lo ani tih chu ka hria mahse a hlim avang hian ka thla a muang in ka lawmpui takzet bawk amaherawh chu a nunah hmun ka chan ve tak si loh ah chuan ka pa tana phurrit nih ai chuan inthiarfihlim mai hi a ṭha zawkin ka hria.
.
Ka duh vang ni miah lo leh ka rilru natna te min chhawk sak tura ka mittui rawn tling pam tawh chu tihtlak hlau tak chungin ka inti pachang hram hram a,inseh ruh ṭeuh leh kun ngur chunga hma lam pana ka kal hlawk hlawk lai chuan Arden ka hmu ta thut mai!! kan in kawt maiah chuan thatchhe zetin a bike ngheng ar ar chung hian cigratte a lo zu pat pat a,min rawn hmuh veleh a cigrattee rah hlum pah chuan min rawn pan nghal vat bawk. Min rawn pan hnaih takah chuan ka insum thei dawn lo takngiala ka hriat avangin ka bul a rawn thleng hma hma chuan a bike awmna lam panin ka kalpel nghal vut a,ngawi rengin min rawn melh vung vung pahin min rawn zui ve nghal mai bawk a,min hrethiam ve pawh ani mahna.
.
Min be mahse ka chhang dawn lo ani tih hrelawk niawm takin ngawi rengin bike ah chuan a rawn chuang ve mai bawka,engmah min zawt lem chuang lovin chak takin min tlan chhuahpui nghal vang vang bawk. Nghet taka kuah in a hnungzang hlai takah chuan ka melh ngai melh vung vung chung chuan ka bei hle hle a, ka mittui far khat pawh tih tlak ka tum eih lo.
.
Tuipui kama ṭhutna an siam ah chuan ṭhu in ral lehlama kawlphe zawk zawk te leh chhum dum khui rawn in let but but te chu ka thlir renga, Arden erawh in dawh thei takin ka chhak deuh ah min lo nghak ran thung.
"ruah sur hma in ka thlah haw ang che " tih sap pahin inthlahrun hmel tak hian ka darah a rawn khawih a,ka kawchhung tawt lutuk thawk chhuah vek tum niawm taka ka han thawk chhuah hak pah chuan ," cheng dun ang " ka han ti zui sap bawka, chutiang anga kan tih takah chuan a mengphawk chiang teh e.
.
.
.
Chapter-48
.
A sawi tur hrelo chuan min rawn en vung vung pahin a tukhum chu a han hiat ringawt a,"umm....tun tut tut ah min chhan kher angai lo ania"
"haw ang hei ruah a sur dawn ania "
"mahse i pa...."
"ka pa chu hlim takin a awm tawh.....kei pawhin hlim taka awm ka phu ve ani lawm ni ",khik suk paha rawn kun hniam in ka hmui ro rapa a rawn fawh chuan engmah sawi lo mahse thiamlo tak chung pawhin min hnem a tum ve ani tih ka hriat avangin khik let suk pahin nghet takin ka han kuah vang vanga, "ka lawm e " ka ti zui sap bawk.
.
Chak tak leh hmanhmawh takin min tlanpui fua fua mahse ruah erawh in min nan hman ta tho a,huh zawr vek chungin bike pawh dah ṭha lo in in pakhat ah hian min tlan luh pui nghal dawr dawr bawk.
Thli a thawt nasat em avangin kawngka chu kalh nghal in thaw hlawp hlawp chungin kawngka ngheng chuan kan ding dun ran a,khawpui leh ṭek ri dum dum karah pawh nghet takin kan la in kai reng tho. Inkaih satliah mai mai mah nise kan awmdan a danglam ve ve ani tih inhrilh ngai lovin kan hai lo chiang kher mai.Mahse ka tih hmasak ngam loh chu Arden an hma rawn hruai in ka sam ṭham pah chuan duhthawh tak hian min rawn fawp nghal tawn tawn a,keipawhin a jacket huh zawr vek tawh chu phelh sak pahin ka lo fawp let ve nghal tawn tawn bawk.
.
Min fawp reng chung chuan bedroom lamah chuan min tawlh phei pui zel a,khawpui ri leh ṭek te chuan min pawt ṭhen zo tawh lo a, kan thil duh te ti puitling turin tumah in min dang thei tawh hek lo kan hriat zawng chu kan in mamawh tawn zia leh kan in ngaih tawh zia chiah ani .
" Arden...min kal san suh aw"
"Chutiang sawi suh" khuma min bawh bet pahin ka chalah chuan a rawn fawp zeuh a, " ka kalsan lo ang che " tih sap pahin kan chal chu a han insik tir vang vang a,hepa kianga ka awm tawh hi chuan ka lungngaihna te dah ṭha in hlim hmel ka pu thei a,ka natna zawng zawng te chu theihnghilh vekin khawvela mi hlim ber ang maiin ka in hre hial ṭhin.
.
★
★
Khua a var tawh ani tih hre reng mah ila tho ta mai lo chuan vawt ka tih deuh avangin puan chu meng mang loin ka han dap rak rak a,hnung lam aṭanga puanin min rawn khuh paha nghet taka min rawn kuah takah chuan a harh daih tawh ani tih ka hre nghal.
"I lum nuam lutuk "
"Chuti maw" a kut hit zetin ka nghawng a rawn khawih chuan ka mûr nghal chuaih a, ka mutchhuak zawng zawng a reh nghal vek bawk,a lam hawia in leh thak pah chuan a mitmu hring kak chu ka han en sar sar a min fawh hmasak ber ni a electric shock ang mai khan ka la ṭek chuai chuai tho nia mawle .
.
"i harh na a rei tawh em? "
"umm.... "
"tinge min kaihthawh loh... school.... "ka han hawi kual takah chuan ka ṭawng tawp nghal chawt ringawt, "ngawi lawk teh " ka mit nuai nawk nawk pah chuan ka han en chiang leh a, mahse kan awmna hi Arden in a ni ta hauh lo mai.
"Arden.... " mak tih hmel taka ka va en chuan min rawn nuih vur vur pah hian, "eng nge a an i tih? "a rawn tih takah chuan a sawi tum ka hre nghal.
" ka awih thei lo.... engtik lai khan nge i lo lei hman a" tih pahin ka tho chhuak nghal vata,room aṭangin ka tlan chhuak nghal vat bawk.
.
Phur takin inchhung chu ka han en kual vel a,kitchen zim te leh tv hma a couch pakhat lek awm te chuan room lian lo tak anih zia ti lang chiang hle mahse engkim mai chuan ka lung a dum em em vek a chhan chu Arden nen a kan in ani tlat alawm.
"i duh zawng ani em?"
"ni tehreng mai"ka kut a nghawnga suih pahin a hmui ah chuan ka han fawp zeuh a thil hrechhuak thut niawm taka inlak hran deuh pah chuan ," ngatinge nizan ah khan haw lo in pawnah min lo nghah reng a?"ka tih chhunzawm zat bawk.
"minute reilo te ah i rawn chhuak leh vat dawn ani tih ka hria alawm " a tih takah chuan ka khi suk ringawt. Ni e, a sawi dik chiah Natalie nena kan inkar thu hre vek tu chuan khatiang khan kan awm dawn ani tih an hre vek ang chu.
.
" ka lawm e....min lo nghah avang khan " fawh leh zeuh ka han tuma mahse ka lu ah a rawn tuk lawlh ringawt ,"a na ania " ka lo ti vin nghal hlur bawk.
"i tlai dawn "
"urghh!!...School ka kal duh tawh lo "
" shh...va in siam rawh, breakfast ka lo siam ang "
"i ti tak tak em?"
"khumah khan i thawmhnaw hak tur ka dah aw.... "
"wow... ka rawn let leh vat ang "tih pahin phur takin room ah ka tlan lut nghal vata Arden an eitur min siamsak dawn takah chuan school kal peih loh pawh ka sawi phal tawh lo.
.
______________________________________________
.
★1 month later ★
.
Bell a rik rual rual chuan phur takin ka bag chu ka ak nghal sawk sawk a, Hailey pawh be lo in ka tlan chhuak nghal daih bawk a chhanchu midang in min rawn hmuh hma in Arden an min rawn hruai dawn vang ani.Gate sir ah chuan hmanhmawh ru deuh si in hawikual hrak hrak pah hian Arden lo kal hun chu ka lo nghak ran a, nidang ah chuan min lo nghak ziah ṭhin si a engvanga tun thleng pawha rawn la lang lo nge maw anih le?
"I va hmanhmawh hmel ve " phut zawk pahin ka hawi let nghal vuta, Hailey hmel ka hmuh takah chuan ka thaw nghal huai mai.
.
"umm... englo ania ..."
" Engchu maw? "
"A tlai tawh bawk si a.... Ar.... "Lalpa leh!! Arden an min rawn hruai dawn ani tih ka hrilh hman ṭep alawm mawle ka kâ tak hi chu aw....ka duh aiin ka lo ṭawng tam leh ṭhin,anih na takah chuan Hailey hi Arden nen a kan inkawp thu te, kan chengdun ani tih te hi hrilh vek ka chak takzet mahse Arden an tumah hrilh lo tur leh a ruk thei ang bera awmdun a duh avangin ka pahnih inkar chauh a thuruk awm hi sawi chhuah ka tum bik hauh lo.
"umm....ka lo nghak che mawle " ka ti leh ta daih zawka, mahse a hmel aṭangin a ngaih a ṭha zan lo ani tih chu a chiang reng.
.
"anih chuan kal ila "
"aih... "
" maw? "
" ka ...ka tih awmzia chu lo va haw hmasa rawh... thil tih tur ka nei a " avan buaithlak tak, dawt sawi hi ka thiam ve thlawt lo.
"Tina....tun hnai mai aṭang hian i danglam takzet... "
"hahh.....engthil nge maw i sawi le? "
"ka ti tak tak ania..... haw rual i duh ngai lova, i phone number i thlak hmak bawka chu mai bakah min pehel i tum tlat bawk "
"Hailey..."
"ka ṭhianṭha ber Tina kha khawiah nge a awm tak.....in ngaihtuah chiang rawh tuna ka hma a ding hi Tina ka hriat ṭhin kha ani tawh lo...." tih pahin lungawi tih hriat zet hian min hnungchhawn zawng chuan a ding daih a ," mahse puih i ngaih erawh chuan i kiangah ka awm reng ang "Phun sap pahin vawikhat pawh rawn hawi let lo in a kal liam nghal nal nal bawk.
.
Arden an engmah pawh rawn sawi lova min rawn hruai tak si loh avang chuan thinrim ru ṭeuh chung hian ka haw ta nge nge a,ka rin ang ngei in inah a lo awm lo lehnghal.
"a vawikhat na pawh ani tawh lo "
Phun bul bul pahin a pick up dawn chuang lo tih hre tho mahila ka han call ve leh ringawt a,a in ring ral chiang ngei mai.
Arden nena kan awm dan pawh hi ka hrethiam tawh bik lo,cheng dun reng leh riak dun reng si hian kan hrang em em a,inngaihsak tawn em em mah ila kan inkarah khi zau tak a awm lawi bawk si, mahse chungte chu haider lui in tun hun hi ka thleng ta chu ani a, engtik ni ah emaw chuan kan rilru te pawh ala inang ve mahna.
.
.
☆10:30 pm☆
.
Dar 10:30 ah pawh Arden hmel reng reng hmuh tur a la awm chuang lo,dinner pawh ei mai theih turin dawhkan ah ka chhawp fel sa vek tawh a amaherawhchu Arden tello chuan ei ka tum bik hauh lo.
"accident a tawk emawni le?" hlauthawng leh thinrim ṭeuh chung chuan ka vei tawn sek a,a khat tawkin sana ka en bang chuang lo,rei fe ka vei hnu chuan ka chau ve deuh bawk nen chair a ka ṭhut hnu reiloteah dawhkan bawh in ka mutthlu ta nge nge a, mahse kawngka rawn ri rawk ka hriat rual rual in ka harh lehnghal.
.
Rang takin ka ding nghal zawta, Arden ka hmuh rual rual chuan ka va pan hnai nghal vat bawk.
"khawiah nge i kal? min rawn hruai theih dawn loh te chuan min rawn hrilh ve tur che lawm...."a hoodie lukhum a khum tlat mai bakah min hnung chhawn zawnga ding vat pah chuan,"naktuk ah kan sawi dawn nia " tih sap pahin room ah a lut nghal daih anih chu!!
Ka tihngaihna hrelo chuan ka en zui vang vang ringawt,a hma aiin ka lungawi loh mai bakah zawhna ka ngah zual sauh bawk.
.
.
In hnial buai ka duh loh avangin ngawi rengin insum hram hram pahin room kawngka bulah chuan ka ding renga, Arden che vel chu ngun takin ka en kar bawk.
"mut hma in dinner ei phawt ang" min chhang duh lo nge a hrelo pawh ka hrelo, min hnung chhawn zawnga ding tlat pah chuan no ah tui leihluh tumin jug chu a han chawi kang a,mahse a leihluh hma hma in chhuatah a thlauh baw nghal chuai ringawt.
Chhuat hruk hul tuma ka va pan hnaih rual rual chuan ring leh vin zet hian,"ding rawh " a rawn tih tuarh avang chuan mak tih hmel takin ka ding nghal chawt a kal luih ngam pawh ani tawh lo.
.
"Arden"
"rawn kal hnai suh " a kut pilh hrup te leh khur dar dar ka hmuh rual rual chuan thil diklo a awm ani tih ka hrenghal,rang lutuk in a kut en chian tum chuan ka va khawih a a thing thla rang ngei mai, mahse a thu ka awih reng duh bik lo run luih ve ngat pahin a ban pawh sawk paha ka han hawi cho chiah chu a hmel ka hmuh rual rual in ka meng phawk nghal kawk ringawt!!
"nga... ngatinge?" ka tih rual rual chuan lehlam a hawi nghal vata,lukhum khum mahse a hmai duk leh thi sung te chu ka hmuhhmaih hauh lo.
.
"min en rawh .... "
" ka ṭha..."
" min en rawh ka tih chu" ka hlauthawng bawk nen ka tum loh deuhin ka vin nghal tuarh ringawt.Chutah zet zawng muang chang in a lukhum phelh pah hian a rawn hawi thla a,ka mit ah pawh min en ngam lo.
"khumah sawn lo va ṭhu rawh " tih pahin vur leh first kit box la turin ka tlan chhuak nghal vata,ka let leh chuan ka sawi ang chiah in khumah chuan a lo ṭhu kun lap a,a hmel ka hmuh hian ka thinrimna te kha a reh nghal vek in ka hria.
.
"heihian a vung lai kha dep rawh a zia deuh ang " min rawn melh zeuh pahin ka vur ken lai chu a rawn la a, a awmdan aṭang hian a inthiamlo a ni tih a chiang reng a chhanchu heihi a vawikhatna a ni lo ,vawithum vel chu hetiang hian a rawn haw tawh.
"i pem leh duk vel a dam dawn chauh a ngatinge i kal leh ṭhin a...."phun mawlh mawlh pahin a hmaia thisen kai chu ka hru fai mawlh mawlh a, hau chak hle mah ila a inthiamlo hmel ka hmuh hian ka khawngaih tlat peka.
.
A nihna takah chuan Arden hi insual aṭanga pawisa lakluh te, midang vau aṭanga pawisa hmuh te leh duh duh dan anga awm theihna kara seilian anih avangin a thil tui zawng te leh nuam tih zawng te hi a danglam in a rorum em em a, a tawrh a chhelhin mi phunchiar lo tak ani bawk. Amaherawhchu a thil tih leh tui zawng te hi khawtlang kalh leh khap te an nih tlangpui avangin bansan turin ka hrilh fo ṭhin.A tam zawk chu bansan tawh mahse insualna aṭanga pawisa lakluh te leh hnehtu nih a ro han rel vel te chu a nuam tih ber ala ni fan tho.
.
" umm.... ughh vawilehkhata bansan chu a harsa dawn tih ka hria....mahse sawlai hmunah sawn kal tawh lo turin min tiam rawh....hetianga i awm hi ka hmu duh tawh lo"
"mu tawh rawh" tih pahin khumah a mu hmak anih chu!! engvanga hetianga awm nge maw anih le? ni e... ka sawi tawh ang khan fighter ani a, pawisa pawh a hlawh chhuak hnem thawkhat viau vawilehkhata bansan tawp chu a harsat mai bakah mahni induh tawk ve tak anih avangin midang in a an rawn luahlan lai hmuh chu a harsa dawn ani tih ka hria mahse heng thil hian kan inkar ah khi zau tak a siam avangin ngun taka ka ngaihtuah hnuin bansan turin ka ngen kha ani a tihsual ka neih awm pawh ka hrelo.
.
.
( A hnuai lamah khuan Comment hnuai chiah ah khuan Advertisement click tur a awm tawh a, in hmu lo anih pawhin refresh emaw nghak deuh ula alo lang mai ang)
.
Chapter-49
.
Arden awmdan ka duh loh em avang chuan biak luih pawh tum lem lovin ka chhuak tau hmak a, beer in tumin fridge chu kan hawng ve tak na a nichin deuh lawk khan ka inzo daih tawh ani tih ka hriatchhuah leh hnuhnawh avangin chek tlak pahin fridge chu kan khar nghal pawp a .Ka dinner peih fel sa vek tawh uluk taka lo inrem tlar thap ka hmuh phei hi chuan a aiin ka thinrim zual sauh emaw tih mai turin ka rawn tawt nghal up up ringawt.Ka tihngaihna hrelo chu couch ah chuan ka han mu zar a ,mutthilh chu sawi loh ka let kual ka let kual reng ringawt.
.
Chutia thinrim leh phun chak zeta ka let kual ka let kual lai chuan phone a rawn ri ta thut mai, zan reh lai tak ani bawk nen ka phu chiang kher mai.
"tun ang zan reiah tunge maw rawn call le?" Emergency anih ringin dawhkana Arden phone chu ka la nghal vata.
"Arden.... " chunu aw chu ka hriat tawh hnu a ang kher mai amaherawhchu a rik nuai nuai avangin a sawi engmah ka hre thei lo.
"hello...." kan tih takah chuan a reh nghal hmak ringawt mahse a bengchhen danah an party ani tih chu a chiang reng.
.
"tunge le? Mia emaw ni le?...mahse number chauh ani bawk sia"tih nung nung pahin phone chu dah leh mai ka han tuma mahse hmeichhe pakhat thlalak rawn lang thut chuan ka mit a la chiang kher mai.
Arden nen hian phone kan in en sak ngai loh avangin a phone check min ti chak zo vek mahse min rin em avanga vawikhat pawh ka phone a khawih loh laiin hetiang rilru hi engtinge ka put theih zawk?.
"Engvangin nge ka inthiam loh em em a,kan cheng dun tawh a heng thil te hi chu ka tih ve tur reng alawm" mahni inthiam chawpin ka check ta nge nge a.
.
Gallary kan hawng chuan thlalak pangnga chiah zu han nei a mawle!!, chupawh tudang ni lo in Arden hmeichhe hmangaih leh ka thik ber ni bawk Krissy ani tih chu hai rual ani lo, chu mai bakah Arden, Krissy leh Ethan te pathum thlalak ho na pakhat a awm bawk a an hlim hmel mai bakah Arden nui hmel ka hmuh phei hi chuan ka thik zual sauh bawk.
"Krissy hi a hmelṭha hle mai" kan ti ve tak na a chu ka thlalak pakhat pawh a neih ve loh avangin ka thinrim ru hle mahse tihtheih ka nei chuang hleinem a hmeichhe hmangaih ber hi engtinnge a theihnghilh theih ka lo beisei reng reng le?.
.
"i en zo tawh em?"thil ti sual ang maiin kan phut zawk chu le , ngawi rengin hnung lam aṭanga ka phone ken lai rawn lak hmank pah chuan room ah luh leh daih a tum anih chu!!
"ih..." a din ka rin loh nen a ding ta thut mai, engtin nge ka chhunzawm tak ang?
"umm.... ughh, i bula ka mut ve paw... pawi i tih loh chuan ....." engthil nge maw ka sawi le?,mahse keimah tal ka in bengdaih loh chuan kan in pehel reng dawn tih a chiang reng.
.
Ka rin loh deuhin Arden chu inthiam loh hmel zet hian a rawn hawi leta ka mit ah tak en in ,"engmah tih sual i nei hleinem" tih pahin min rawn fawp nghal tawn tawn a mahse ka fawp let lawk duh bik lo.
"Arden.... " ka ṭawng hria ang pawhin a awmlo.
"inbe lawk ang.... "ka tih takah chuan a kut lehlamin ka hmai chu a han chul a
" naktuk ah "
" mahse.... "
"mu tawh ang.... "zan a rei tawh mai bakah a chau ani tih ka hriat avangin ka lo bu nghat a,"good girl" tih sap pahin ka chalah a rawn fawp zeuh bawk.
.
__________________________________________
.
Ka phone chawl lova vibrate ṭut ṭut ri chuan manglam aṭangin min ti harh hlawl mai,ka lu a nat mai bakah ka mut tlem em avangin meng mang lo in ka phone chu ka han dap kual rawk rawk a,vanneihthlak thlak takin ka dap fuh hlauh... tunge min rawn call tih pawh en ta lem lo chuan ka han pick up nghal vata tho phang aw zetin "Hello.... " ka ti chuai nghal raih bawk.
"Tina.... khawiah phiangsen nge i awm?" Dylan aw ka hriat rual rual chuan ka ṭhu chhuak hlawl ringawt,ka lu dawm vang vang pah chuan Arden mutna lam chu ka han hawia ,alo tho daih tawh chu niin.
.
"Dylan!! "
"School rawn kal i tum lo em ni.... " dar9 a pel daih tawh ani tih ka hriat hrual chuan khum aṭangin ka inperh tho nghal awt ringawt.
"eng.... engtikah nge i rawn let ?"
"Chutiang a pawimawh lo....khawiah nge i awm? ka rawn hruai ang che"
" angai lo ...ka ṭha"
"khapa phiangsen bulah khan i awm ani tih min hrilh miah suh"
"ka awmlo....i lawm tawh em? "
" a ṭhat hlauh chu.... i pa in i in sawn chhuah thu min hrilh khan ka ngaihtuah lutuk che a..."
"ka pa chu a dam ṭha maw?"
"aw ṭha e..." a tih takah chuan ka thaw nghal huai mai.Thla khat lai ka pa ka hmuh tawh loh mai bakah an chanchin engmah ka hriat ngai loh avang hian ka ngai lo tihna a ni chuang lo, mahse Natalie ka ngaihtuah chhuah apiang hian ka thinrim thar leh ṭhin.
.
Dylan nen kan inbiak zawh hnu chuan insiam sa vekin hmanhmawh takin room aṭang chuan ka tlan chhuak nghal dawr dawr a,
"submit ngai lo la chuan school ka kal miah lo ang mawle" tih sup pahin ka file ken lai chu ka bag ah ka khung sawk sawk a hmanhmawh takin ka tlan chhuak nghal dawr dawr bawk.
.
.
☆SCHOOL☆
.
"Dylan hun ka nei lo... "
"inbe lawk ang.... " hepa hian eng nge maw a hriata ka awmna hmun min zawh chhen le, gate bula min lo nghah chu sawi loh tun a taka ka chunga a ṭhat thut na chhan hi ka hrethiam thei lo.
"i chhungte ka hrilh chian viau kha... eng inhualna mah a awm tawh lo"
"chuvang tak chuan lawm kan inbiak angaih... "
"anih chuan eng nge?"a hmel aṭang hian a ti tak tak ani tih hai rual ani lo chu mai bakah a thusawi ngaithla duh lo turin ka chungah eng thil sual mah a ti hleinem.
"Ka chhungten hmeichhe dang nen min in hual tir leh a....mi... mihausa fanu nen... " tih pahin eiloh hmel zet hian a ner suk ringawt, Dylan nen hian khati chen kha kan lo inkawp ve tawh a mahse rilru na emaw thikna pakhat te mah ka neih loh avangin mak ka inti zawk hial.
.
"ka lawmpui a che...buaina liantham anih loh chu.... "
"mahse... Katie a rai alawm ..ughh thla 4 ...chuan ka.... ka fa a nia... "
" maw!! " engtik laiin nge a bialnu hlui nen an lo inkawp leh hman tawh a!!hreptak chuan kan nih lai pawh khan an lo inkawp ru char char ani maw!!.
"ka hria...mahse hrilh che kha ka tum nasa lutuk... ka ti tak tak chuan ka tihpalh takzet...."
"engthil chiah nge i duh....? "
"Ka chhungten an hre chhuak anih chuan Katie tan a pawi theih dawn avangin... i bulah lo awmpui hrih la ka duh ani.... chuan ka tiam a che a rang lamin chinfel vat ka lo tum dawn nia"
"Ka thei lo "
"Tina....khawngaihin,he nu hi ka hmangaih a tih nat ka duh bawk hek lo,a tan chuan ka chhungte pawh ka kalsan mai ang mahse thil ṭha anih loh avangin
felfai taka thil ka tih angai ani"
.
Dylan hmela hmangaihna te leh a tih takzet na te chuan min khawih in ka rilru a ti kal thui hman takzet.Arden hian ka tan hetiang thil atthlak tak tak hi a ti ve angem le? ka tan engkim chan a huam ve angem? zawhna ni ta ber chu min hmangaih ve angem? tih hi ani.
"Hailey ka lo be dawn nia...a inah a awm tir thei maithei"
"ka lawm e....khawi heihi ka lo submit sak ang che " tih pahin ka file ken lai chu a la lawk a,phur takin a tlanpui nghal vang vang bawk.
Khatiang ang em em a Dylan hlim hmel kha ka la hmu ngai lo,a hma a kan inhual lai pawh khan induh tho mah ila a tam zawk ah khan kei ang tho in lem a chang ve tho ani tih ka hriat hian ka nuih a za in ka ṭhen avanga ka inthiam lo lutuk pawh kha a zia huai mai.
.
.
☆
☆
.
Class a zawh meuh chuan nileng in Hailey ka hmuh loh avang chuan kan han zawng kual deuh a hmuh tur a awm lo reng reng ,school a rawn kal lo a ni hrim hrim ang mahse engvangin?
"min haw takzet anih dawn hi..." tih sup pahin ka bag chu ka ak sawk sawk a ka ril a ṭam tawh bawk nen library pan ta mai lo chuan inhnuai lam panin step ah chuan ka chhuk thla chhat chhat a, Arden lehzel pawhin min rawn la be lo hrim hrim chu chuan min ti lungngai zual ,"khawiah nge a awm ang le? "ka phone la chhuak in dinner tal kan ei dun theih takin tiin Arden chu call ka han tum zet na a mahse a pickup leh dawn chuang loh avangin ka ipte ah ka khung leh ta zawka.
.
Ngawi renga thil ka ei mawlh mawlh lai chuan ka ep chiaha ṭhuthlengah chuan Hailey a rawn ṭhu hlawl ringawt.
"Tina.... " a mak hle mai ka mamawh ani tih hriattheihna a nei ani chiang.
"engkim min hrilh vek rawh, khawiah nge i awm? "
"chu chu a pawimawh ber lo "
"khapa.... ughh... Arden nen khan in cheng dun tiraw....? " ka thil ei lai pawh a tawp hmak mai,Hailey lah chu a confi em em mai lehnghal.
"Tina.... in in kungkaihna hi engtik thleng nge zep i tum? ngatinge zalen takin in in kawp mai loh? " ni e.. a sawi dik engvanga zep tlat nge maw ka nih le? kan in kawp anih chuan engvangin nge midang ang tho in kan tih lan mai loh?
.
"ka hre tawh bik lo.... bakah Arden hi a danglam takzet min biak a tum bawk si lo.... ka hmuh apiang thil min hrilh duh a nei tlat hian ka hre ṭhin mahse nawr luih ai chuan ama duh thu ngeia min hrilh hun chu ka ngak ta zawk ani..." zep ka tum tawh bik lo Arden nen a kan awmdan leh chhungchang zawng zawngte chu ka hrilh fai veka ka rilru hahna te hrilh tur ṭhian ka neih avang hian ka thawveng in ka zâng nghal hawk bawk.
"Hailey.... engtin nge ka tih tak ang?"
" a duh thu che pawh ala hrilh lo che ania.... midang a nei ani lo maw? keichu hepa hi ka duhpui tawp lo che "
"Chutiang mi ani lo.... i ngaih ang mi kha ani lo " ka ti ve tak na a chu rinhleh na in ka khat vek tawh,chumai bakah tun laia a awmdan nen phei hi chuan rinhlelh loh chi rual ani lo.
.
Chutia Arden leh Katie chungchang vel kan lo sawidun mawlh mawlh lai chuan mi chhe sawi chu koh aiin a hnai an tih ang tak tak khan Arden rawn lut lai ka va hmu hlawl ringawt!! amah chauh in ani lo a hnungah Mia, Oliva, Ethan leh midang dang pawhin an rawn zui lut nual bawk.
Engthil nge thleng ta hi!! ka hmelhriat te zawng zawng he restaurant ah hian rawn kal vek an tum emaw ni le?
Ka rin ang ngeiin Mia chuan min rawn hmuh hmaih loh nasa ring leng lawng hian min rawn ko nghal zat bawk.
" Tina.... " midang ho chuan min rawn en ṭhap hlawm a, Arden phei chuan a tum loh deuhin min rawn hmu bawk nen mak a tih hmel takzet chutah Olivia in a ban ah a vuan ṭui lehnghal.
.
"Guys helamah..... "Mia kan bula a rawn
ṭhut rual rual chuan phur takin dawhkan an rawn dawh zawma,an lian hlawm bawk si a an rawn ṭhut kual meuh chuan light min hliah khup thei alawm.
"tunlai chu kan inhmu khat hle mai" Mia leh midang ho chuan ṭha takin min be mahse Ethan leh Olivia te pahnih erawh chuan min melh rum hle thung,Arden phei chu melh pawh ka melh peih lo ,min hmelhriat angin a awm loh chu thuhran Olivia nen inkhawp ang maiin an awm avang hian ka ngaithei bik der lo.
"Arden....i dam maw?" ngeiawm zetin amah melh kar pah chuan ka ti kher a,midang ho chuan mak tih hmel takin min lo melh ha thung.
.
.
Chapter-50
.
Midang chauh nilo in Arden pawh chuan chutiang anga ka tih thut avang chuan mak a ti ani ngei ang ,min rawn melh ralh pah hian "umm.... " a rawn ti sap ringawt.
"khawiah nge i kal daih a?" kan ti lui leh ngat a a ngawi reng ringawt, diktak chuan min ngei hmel te pawh a pu mahse hetiang anga inhmel hriat lo anga awm reng hi ka duh tawh lo chuan Olivia in ka bialpa a kuah reng pawh hi ka kham tawh takzet.
"hey... hey Guys eng nge kan ei dawn?" Arden an min chhan hun nghaka kan ngawih ṭhap lai chuan engmah thleng lo ang maiin Mia chuan a rawn ti a, eng ang pawhin min peh hel tum mahse ka hawi sawn duh bik ṭhak lo, kan chungchang a thup chhung chu ngawih mai mai ka tum bik lo.
.
Eitur order nghah paha an ti ti laih laih lai chuan Arden leh Oliva te in be sap sap lai chu ka en renga,an sawi hre thei lo mah ila ka thik em em thung.Chutianga ka awm chu Hailey in min khawngaih pawh ani mahna,"kal mai ang "a rawn ti sap a, kei erawh inhum ruh ṭun chungin ,"hemi te pahnih hi ka kalsan dawn lo hrim hrim "ka lo ti ve hmak bawk.
Chutia Arden ka melh reng lai chuan Olivia chu a rawn ding chhuak hlawl ringawt a lan dan chuan Arden lak ah a lungawi lo niin a lang.
"ka kham tawh lutuk.... khawiah chiah nge i awm, i inah i awm ngai bawk si lo"
"Eng nge maw i sawi le? " mak tih hmel zetin kan zinga mipa pakhat chuan a lo ti ha a,Arden erawh a sawi engmah hre lo ang maiin a ngawi reng thung.
.
"Ngatinge hmeichhia te hi i hua em ni? Krissy vang em ni? a thi tawh engtik ah mah a rawn let tawh dawn lo ngatinge i hriatthiam theih miah loh"
"Olivia... ṭhu rawh, hetah buaina siam suh "
"ka... ka tihpalh "sawisual nei niawm tak hian a kâ a hup vata, thinrim hle mahse Ethan meuh in a khak takah chuan a ṭhu ve leh mai bawka,Ethan lah chu a thinrim hmel em em mai lehnghal chu bakah hepa zet hi zawng engmah tih hreh a nei lo bawka an hlau vek niin a lang.
.
"Guys,Guys.... thinrim na hun pawh anih loh hi....thil lawm turin ani lawm hi hetah hian kan kal " Juan an a rawn tih takah chuan midang pawh an rawn ṭawng chhunzawm lehnghal barh barh hlawm a diktak chuan thinrim hle mah ila Arden hetianga a awm hi hriatthiamna chin pawh ka nei tho a chhan chu mipa rual an nih avangin a mimal nun dah hran a duh vang te pawh ani thei tho amaherawhchu kan pahnih hian vawikhat tal chu engkim ka sawi dun angai ani.
.
"Hey.... Tina... " min rawn ko tu an awm avangin kan hawi chho ṭhap hlawm a Mason lo ni rengin,kan inhmuh lohna chin pawh ka hre tawh lo.
"Hi.....!! "
"ehh....Tina i bialpa em ni? " Mia in a rawn tih takah chuan Arden hmel pawh a rawn danglam ve ta alawm, insawifiah a hnek in runluih ka chak tlat peka engmah sawi lo in ka nui suk ta zawka.
"i kal tawh dawn em ni? keipawh kal ka lo tum chiah a.... "ka lo ti nghal zung zung ringawt.
"haha.... ani maw? mahse... " midang ho chu a han enkual te te phawt a,"kal rawh u....i lu a na ani lawm ni " Hailey in a tih takah chuan buk nghat pahin ka bag ka ak sawk sawk a, ka tho nghal zat bawk.
.
"anih chuan... mangṭha u... " Hailey pawh ka ngaihsak hman tawh lo, ka tum ber chu Arden hian hetiang anga a awm hian engang in nge ka ngaih tih hi hrethiam ve se ka duh ani.
"Ding rawh"
a tawp a tawp ah Mason nen kan in zui chhuah dawn tak tak tâkah chuan a rawn ṭawng chhuak ve ta alawm! amaherawhchu a rawn hawi phei duh hauh lo a ṭhut dan ngai angin a ṭhu reng tho, a ṭhiante chauh pawh ni lo in restaurant a awm zawng zawng te nen lamin min rawn en ṭhup rigawt.
.
"ka thlah ang che... "
"Angai lo...i kal daih te chuan i ṭhianten nuam an ti nang " chutia ngeiawm zeta ka tih takah chuan a rawn tho chhuak ta nge nge a,a ṭhiante hma a a tih ngam a ka rin ngai loh ka kut chu nghet taka rawn vuanin min kai chhuak nghal dawr dawr ringawt.
"min thlah rawh.... " pawn kan thlen rual rualin ka kut chu a paih thla nawka, thinrim insum tih hriat tak hian, "engvangin nge khatiang khan i awm? "
"chu chu zawt zawk tur che ka ni asin...."
"khapa nen khan engtin nge in in hriat"
"i hriat ve a ṭul lo "
.
" ka lakah thil zep tum hauh suh... "
" hahh.... i kalna leh i thil tih takngial pawh i zep laiin chutiang chuan min ti amaw?i ti mah mah ani "
"i hriat tur thil chu ka hrilh mai ang che... "
"chutiang chauh ah chuan maw min lo ngaih a.... chuvang chuan em ni i ṭhiante lakah kan inkawp chungchang hi i zep tlat, chengdun tura thutlukna ka lo siam kha ka tisual der ani "
"in cheng dun amaw!! " Olivia in a rawn tih takah chuan mak tih hmel takin kan hawi phel nghal vata, Olivia chauh nilo an vai mai chuan an lo ding khawm ṭhap bawk kan chengdun ani tih an hriat phei hi chuan an khabe a tla lo chauh.
.
"Arden leh hmeichhia chutah chengdun... ka awih thei lo " an zinga pakhat chuan ati a,
"mipa a nih hi... a duh duh a ti thei alawm" Mason an a lo chhang nghal vat bawk.
" mahse ani te chu Hmeichhia chu sawi loh mihring hrim hrim hi a chenpui kan ring ngai lo" engvanga mak ti hlawm em em nge maw an nih le thil thar pawh ani tawp silo.
"Arden... henu nen hian in chengdun amaw? ani thei lo ,henu nen hian maw? "Olivia chu a â lo chauh, a awm ve tho e a atchilh lo chauh ania.
"min haw ngawt ang chu... hei an hrechhuak ta vek alawm " kal mai ka han tuma a ṭhiante hma ah pawh min la man beh tlat avang chuan mak ka ti zawk hial.
.
"an hriat i duh lo ani lawm ni..." ka han ti leh a, a ngawi reng ringawt.
"inbia ang....car ah lut rawh"
"saw i ṭhian ten min en reng saw " ka tih pawhin car kawngka chu a hawng lui leh kher a!
"aw... a ṭha e" tih vin hluk pahin ka lut leh ta nge nge a.
A khalh chak em avangin hma lam melh kar pah chuan ka ṭhu khar a,nghet takin seat belt ka kuah ṭai bawk.Kan hma a motor tlan ho chu kan tlanpel zung zung hlawm a, kan lam pana motor an rawn tlan apianga a kawi leh zawk ṭhin avangin ka hlau ru hle bawk.
"i... i khalh muang..... "ka sawi zawh hma hma in kan hma zawn ah tak hian motor light eng zetin min rawn chhun pup avang chuan ka mit hliah pahin ka ṭe nghal tuarh a, motor dang nen kan insu emaw ka tih vek tawh hnuah car chu a rawn ding thut a, a ri nghal tuarh bawk.
Hma lamah ka bu nghal lawp a, ka hlauthawng tih mai loh chu na ka neih awm pawh ka hre lo ka chiai ani ber mai.
"hreptak chuan.... " Arden aw ka hriat rual rual chuan ka hawichhuak nghal vata, kawng sirah fel takin kan lo ding then tawh chu niin.
"mo... motor kha.... "
"kawng en nachang pawh hrelo, motor khalh tlak pawh an ni lo.." a tih takah chuan sawi zui vak ka tum lo, ama thiamloh ah midang a puh mai mai ani.
Ka thinrim bawk si ka hlauthawng bawk nen hetiang ringawt hi chuan ka chuang thei tawh lo ang,car kawngka hawn pahin ngawi rengin chhuah san daih ka han tuma mahse ka ban ah a rawn vuan hman.
"khawiah nge kal i tum?"
"en ta che... chuan reng na chi pawh anih tawh loh hi... "
"i hlau mi? hahh... engthil mah a thlen loh hi... "
"min thlah rawh... subway in ka rawn haw mai ang " tih paha ka kut ka pawh thlak pawp rual chuan ner nghal sawk a,thil diklo a awm ani tih ka hre nghal bawk.
"Ngatinge i kut kha a na em ni? "
" Engmah ani lo?"tih pahin a steering chu a han hum vang vang a,a na tak tak lo emawni le?
"khawimaw rawn la teh? "ka ngaih a ṭhat zan loh avangin a kut chu ka han pawt sawk a, ti lang lo mahse a na bawk aniang a ṭang theilo hrim hrim.
"damdawiin ah kal ang... "
"ka duh lo "
"ok... a nih chuan keimahin ka kal anga nimai lawm... "
"na i nei em ni, i in sawh na lo tiraw?" a hma zawngin min zawt der silo.
"ka insawh nat em kha internal bleeding pawh ka nei maithei asin.... "ka tih takah chuan a hlauthawng ve deuh te pawh aniange, ngawi rengin car a ti nung a, damdawiin lam panin kan tlan ta nge nge a.
★HOSPITAL★
Xray result nghah pahin ṭhuthleng ah inhlat deuh tak hian kan ṭhu ran a a tu amah inbiak hmasak bik ka tum hek lo inhmelhriat ngai miah lo te pawh kan ang zawk.
" i insualna tiraw....? " tih sap pahin ka va melh zeuh a min chhan tum hmel pawh a pu lo, a melh ngai a melh renga a in ngaihtuah ngut ngut bakah a rilru a hah hmel em avang chuan biak chhunzawm pawh ka tum tawh lem lo.
Chutia kan pahnih chauha ngawi renga kan ṭhut reng lai chuan sana ka han melh zeuh a result lam hun alo ni der tawh.
"result kan lam tawh dawn mi niang " ka ṭawng zawi nge a hre lo der pawh ka hrelo,a ṭhut ngai angin a ṭhu reng ringawt.
"doctor in minute15 hnu ah rawn kal rawh u a ti sia... hei kal a hun tawh" a aia ring deuh hlek chuan ka han ti leh ngat a, a rawn hawi ta nge nge alawm.
"awle "tih pahin a tho thut a,nghah pawh min nghak lo in a kal nghal nal nal ringawt.
"enge maw a hriat le? a phone a theihnghilh tih pawh a in hre lo" tih nung nung pahin ṭhuthleng a Arden phone thlauh chu ka la a,call a dawng lehnghal.
"he phone number bawk chu...." nizan a rawn call tu bawk kha,hemi number aṭang hian miscall a tam mai bakah Arden hian pickup ngai bawk si lova a pawimawh lo anih ringin ka reject ve hmak ringawt.
Doctor room ka thlen rual rual in Arden chhuak lam nen kan intawk leh hman,"eng nge.... " tih bak ka sawi hman lo,a kal liam hman daih anih chu!!
"umm... Doctor eng nge a an? a ṭha tiraw? " Arden hmel awmdan aṭang kha chuan ṭhat hmel pawh a pu lo.
"a ban ruh a khik mai bakah rei tak a enkawl loh avangin zual lam a pan zela, zai mai angai ang " ṭha deuhin min lo chhang ve mai bawka.
"anih... engtin nge a tih?"
"a lan dan chuan zai a duh hmel loh... mahse zai anih loh chuan a kut hian ngai a awm thei tawh lo ang " ka mit nghal sawlh ringawt, kei a tuar tu pawh nilo hi hetiang anga ka nat chuan Arden phei chuan na avan ti dawn em?
"awle... ka hrethiam e" chhuah mai ka han tum a, doctor bula hmeichhe pakhat lo ṭhu ve chuan, "ani khan Depression a nei em?" mak tih hmel zetin ka melh nghal kawk ringawt.
"maw!!... ka... ka van hre mai lo " engvanga min zawt thut nge maw anih le?
"umm....psychiatrist panpui ve hrim hrim la a ṭhat ka ring"ka rin dan chuan amah hi Psychiatrist anih hial ka ring hetiang min zawh danah hian.Chhan dan tur pawh ka hrelo buk nghat pahin damdawi an chawhna lehkha chu ka la a ka chhuak nghal vat bawk.
Pawn ka chhuah meuh chuan kawtah car nen min lo nghak ran tawh a, Arden hmel ka hmuh hian ka ngaihtuahna a kal thui takzet. Engvanga luhlul leh tawrhchhel em em nge maw anih le, nizan ah pawh khan no takngial pawh a hum nghet zo tawh lo kha ani a, tunah la engmah thleng lo ang maiin motor a la khalh lui tlat chu ani si a, engvanga a natna leh rilru natna te hi sawi chhuak duh miah lo nge maw anih le?
"subway in kan haw mai dawn mi?"
"ka kut lehlam chauh pawhin ka khalh thei tho alawm " kha leh chen kha kut na chungin a khalh thei tho tih hre mah ila amah ka ngaihtuah vang zawk ani reng si a.
"mahse..... awle a ṭha e " a tih luih leh theih dawn loh avangin tihian sawi buai lo in chuang hle hle ila a ṭhat zawk ka rin avangin ka ṭhu lut nghal ṭhak a,tunah tak hian motor khalh thiam ka chak takzet.
In kan thlen meuh chuan ka thaw nghal huai mai ,khalh chak lo mahse thin thi in ka awm lo hrim hrim.Arden an car garage a a hung ṭhat lai chuan ka lo luhsan daih a, engtin nge inzai turin ka thlem ang tih bak ka ngaihtuah thei tawh lo, engpawh chu nise a ka tum ve hrim hrim tur ani.
Khuma ka lo ṭhut kun lap lai chuan ngawi reng hian a run lut a, in hmelhriat miah lo ang hian engtik thleng nge maw kan awm dawn le?
" ngatinge hetiang hian i awm?" rei fe a ngawih vang vang hnu ah, "engtin maw ka awm?" tih bakin min rawn chhang lo, hetiang ringawt hi chuan engmah min hrilh dawn lo ani tih ka hriat avangin a hma ah tak ka va ding ran a,a kut hum vang vang pah hian,"ka hnenah sawi duh pakhat mah i nei lo em ni? inzai chungchang tal pawh ,hriat ve ka phu lo em ni?" a mit ah tak ka en chho kar a "engkim min hrilh vek rawh, engvangin nge hetiang ang hian kan awm, hlim tur kan ni asin inpehhel tur nilo in.... tun atang chuan zep awmlo in inngeih takin awm tawh ang" a hawi sawn daih avang chuan thei leh thei lo in a hmai chu ka han khawih a ,"ngatinge inzai i duh miah loh a?" a hmuiah ka han fawp zeuh bawk.
A hmel aṭang chuan thil min hrilh duh a nei ani tih hai rual ani lo, mahse ka sawi tawh ang khan a theih chen chen zep tum tlat ṭhin mi ani.A chil lem dak pahin ka kut chu a dah thla riai riai a, tukverh lam hawi daih pah chuan thawk a han la kawk bawka.
"MMA league ah ka tel... chuan karleh chawlhni hi final ani tawh" a ṭawng chhuak ve ta!! mahse chu chuan min ṭhawng kher mai.
" M.....MA maw?!!" ka dang a awk nghal vek, ka hriat miah loh in MMA league ah alo tel amaw!! chu chu thuhran nise, hei vang hian maw inzai a lo duh loh a!! nilo... ka inbeng dai hram hram tur ani, a bo daih ṭhin nachhan kha zep miah lova min hrilh avang hian lawm zawk tur ka ni .
"ngatinge min hrilh mai loh.... "
"min chhuahsan ka hlau ani "
" nilo... nilo.... " zaidam tak hian ka kut pahnih in a hmai chu ka han dawm a ," i thil tui zawngte hi tilo turin dan ka tum reng reng lo che.... mahse i hmai vung bur te, thi sung te leh duk chur te ka hmuh hian ka hlauthawng ṭhin asin... Arden a rorum mah mah ani,i hlau ve lo em ni?" ka ṭawngkam avang chuan a rawn khi suk a, boruak pawh a zang phah sawt in ka hria.
" mahse nuam ka ti alawm ..."
" anih i kut ve thung hi... zai anih loh chuan.... "
" nilo.... karleh lawk hi final ani tawh a ka inhnuk dawk thei lo "
"mahse zual lam a pan zel hi " Arden luhlul lutuk leh tumruh lutuk hian ka hnuk a ti ulh dawn alawm mawle.
" a pawilo....match hmasa ah pawh engtin mah a awm lo.... "
"zai chu i duh lo tak tak amaw? " ka tih chuan a bu nghat a,a ruk tak chuan a in tih nat belh ka hlau takzet.Ka tihngaihna hrelo chuan nghet takin ka han kuah ringawt a,a inhnuh dawh hlau lutuk hmel ka hnuh hian tawpsan turin ka hrilh ngam thlawt lo.
"anih... MMA zawh veleh engpawh thleng se i inzai ang tih min tiam rawh... "
"awle.... " a tawp a tawp ah Arden kha a rawn let leh ta,a hlim hmel ka hmuh hian ka insum zo lo ṭep ṭhin.
___________________________________________
★Arden's POV ★
- 5:30 AM -
Midang kal hma a mahni chauha trainging ka duh avangin hma takah ka tho a,nidang ang lo tak maiin Valentina chu ka bulah alo mu tawh hauh lo, a mu thei lo anga couch ah a riak pawh ani mahna.Ka in phih fai zawh hnu chuan thawm dim thei ang berin ka inha sawk sawk a, bag ah pahin hmanhmawh takin room aṭangin ka chhuak nghal vat bawk.
"Good Morning.... " tun ang zing karah Tina rawng bawl mek lai ka hmuh chuan mak ka ti takzet, nidang ah chuan tun ang hun hi chu a zanlai vel kha ani ṭhin si a, engvanga tho hma thut nge maw anih le?
.
"i mu thei lo em ni? "
" nilo e....kha breakfast pawh ka peihfel tawh...tun aṭang chuan breakfast ei lo in ka kal tir tawh dawn lo che" a mut ala chhuak ani tih a hmelah hai rual ani lo, ham bai bai chungin a thil siam chu ka hma ah a rawn chawp a,ti lang thiam lo mah ila ka chhungril ah hian ka hlim veng veng.
"va mu leh rawh.... " ka tih chuan a t
nui awi tap ringawt.A awmdan aṭang hian a lungawi vak lo ani tih hre mah ila, amah ka ngaihtuah avanga sawi ka nih avangin sawi sual neiin ka in hrelo.
" ughh.... tlaiah ka lo nghak dawn che em? "
"umm... "
" dar engzat thleng? " chu zawhna zet chuan min in tih thiamloh tir takzet mahse Tina hnena han insawifiah vak ngaihna ka hrelo , ka hruai loh ṭhin chhan chu Krissy ang khan tuar ve se ka duh ani tih hi a hriat ka duh lo.
"ka tlai chuan ilo haw mai dawn nia.... " ka khawngaih avangin min nghak reng turin ka duh tawh lo. Nilo.. khawngaih a!! engthil nge ka ngaihtuah tak hi, henu hi engtik aṭang khan nge ka lo khawngaih tak? hreptak chuan min ti â thei takngial dawn.
Ka thil ei pawh a tui tawh nek love, a bula awm tam loh hi a ṭha zawk.
"ka kal... " tih hmuk pahin ka tho thut a, a ṭawng hma in ka chhuak nghal hmak bawk.Bike ka lak chhuah lai te chuan ka mit sirin hmu reng mah ila vawikhat pawh ka hawi duh lo,nem taka awm hi ka duh lo.Ka insum thei tawh thlawt lo ka tlan chhuah hma deuh chuan side glass aṭangin ka en ta nge nge a, heti khawpa a chunga ka sual chung pawh hian nui sang chungin ban vaiin min la vai liam thei nia mawle, henu hi mi eng nge maw tak chu ani.
"Arden bye.... " a tih lauh lauh ri chu ka pehhel thei ngang lo, chak zeta tlan chhuah pahin ka ban chu ka vai zeuh a, ka nui ani tih ka inhriat chhuah rual rual in ka ban ka dahthla lehnghal vat bawk.
MMA Training Centre ka thlen chuan rin ang ngeiin tumah an lo la awm lo, MMA league ah hian ka chak anih hlauh chuan ka lo chak ber ṭhin UFC a tel chu ka ban phak lawka a awm tawh avangin phur ru tak siin kawngka chu ka han hawng chik rawt a, ka kut ka tuam mawlh mawlh lai chuan tu emaw hian light a rawn hmet eng tuarh ringawt.
"wow.... a ropui hle mai, a boruak pawh a nawm hi le " min rawn pan hnaih pahin Ethan chuan ngeiawm zet hian a rawn ti a, helai hmun ah hian ka kal ṭhin tih engtin nge a hriat tih chu zawhna lian tak ani.
"hetah eng nge i rawn tih dawn? "
"min phatsan tu hi engtiang chiaha thui nge alo kal tawh tih thlithlai turin mawle "
"han thlithlai ta che" ngeiawm zeta ka chhan let rual rual chuan ka kawrah a rawn ṭham nghal tawn ringawt,ka duh chuan kut ka thlak nghal pawp thei amaherawhchu ú ang maia ka en anih avangin ka kut hmawr pawha khawih ka tum hauh lo.
" Hmela MMA hi bansan vat rawh....chutilo chuan..."
"Chutilo chuan eng nge.....Krissy pawhin min lawmpui ngei ang ka let leh hi "
" khatiang khan ka nau hi chhuanlam ah hmang hauh suh ang che.... "
"tumah in min dang thei lo " tih pahin a kut chu ka paihthla nghal sawk a "chuan ka thutiam ah ka la ding reng ani tih hria ang che "
"anih chuan prove rawh....Valentina Garcia hi zuah tawh suh"
"zawimuangin thinlung na takin ka siam phawt ang...chutah chuan a na tuar lo in a thi ang"
"Engtiklai aṭang khan nge zawimuanga thah chu ilo tuipui taka....nge i hmangaih avangin ila hum zawk... "
"lo thlir tawp mai rawh.... " tih pahin ka bag ka la lawk a, Training centre chu ka chhuahsan nghal vang vang bawk.
Anih na takah chuan Krissy vang hian ka thil tui ber MMA hi ka chawlhsan phah ani, mahse ka inchhir ngai lo a chhanchu ka inhliam a hlauh avang leh min hmangaih avanga sawi ani tih ka hriat avangin.
Krissy nen hian kum3 lai kan inkawp hman a,ka hmeichhe kawp hmasak ber anih mai bakah ka nunna hial ani in ka hre ṭhin.Amah ka atchilh em avangin ka thil duh leh tuizawng pawh inchhir na nei hauh lo in ka bansan hmiah hmiah mai zel .Kum naupang te in Ethan te nen kan pathum chuan kan khawsa ho ṭhin a,nu leh pa ka neih loh avangin ka chhungkaw neih chhun an ni hial bawk.
Kan hmalam hun kan duan lai leh hlim taka kan awm ho lai chuan tlaikhat chu Krissy ruang an chhar thu in min rawn sawi nghing ta lawh mai.Heta ṭang chian hian ZERO misual leh nunrawng chu miten an lo hmelhriat phah ta ani.
Krissy a thi ani tih min hrilh pawhin reitak chhung chu ka awih lo, a chhan chu khami ni a ruang an chhar ani tih min rawn hrilh hma darkar chanve lekah khan a hna thawk tur ka thlah vang ani.A hna a zawh veleh amah hruai tura min tih avang khan an vui ni ah pawh a rawn let leh ringin a thawhna dawr kawtah chuan ka nghak tlat a, Krissy a thi ngei ani tih min hrilhfiah an tum pawha ka ngaihthlak duh loh avangin Ethan nen pawh kan in sual phah nghe nghe anih kha .
Chutia mumal pawh nei lo leh kan chhungkua kan kehchhiat vek tawh hnuah pawh chuan kan lungngaihna te chu ala in ṭan dawn chauh ani tih kan hre silo. Report leh thlalak aṭang ringawt pawha thah ani tih chiang sa reng chu police ten amah inthat angin an chhuah ta tlat mai!! khati khawpa hmeichhe hlim thei leh rilru ṭha kha a hma lam hun tur a duan lawk sa vek hnu ah a inthat ang maw!! khati khawpa midang te tana inpe zo a thih hnu pawha mahni taksa peng donate vek duh tu kha a inthat ang maw!! chu chuan kan lung a ti awi thei ta tlat lo.
Krissy thih dan diktak zawng chhuak ngei se kan duh avang leh a zahawmna hmuh let leh ngei kan duh avangin court ah case kan file ta nge nge anih kha mahse he thil hian kawngro engmah a su lo California a gang lian ber a alo chhuah phah ta zawk ani .
Court ah chuan kan in lan ta ngei a, amaherawhchu thil ti thei tak kan nih loh avang leh hmelhriat ṭha kan neih loh vang te pawh ani mahna, court thu neitu te chuan police te ngaihdan chu dikah an pawm ta tlat mai,chutah case chu renew theih tawh loh turin an close nghal hmak bawk.
Chutah zet zawng duhthlan tur dang kan nei ta lo, Krissy vangin ama huat ber leh thil duh loh vêk chu kan tih angai ta ani chu chu he khawpuia buaina siam a Police ho tihbuai chu ani.
Kan tum ang ngeiin American Mafia hnuaiah California a gang lian ber chu kan din ta ani. Khawpui a buaina siam mai pawh nilo in Drugs tawlh luh thlengin buaina kan siam chho ṭan ta a,kan thinrimna te hrikthlak nan mipui tih chi ai leh min dotu apiang te sawisak chu kan ching chho ṭan bawk, kan lal na ram ani bawka nuam kan ti tlang hlawm hle.
Kan member puite ho chu Police ho laka buaina an tawh kan duh loh avangin kan hmel erawh kan thup tlat a, Sacramento khawpui kan tihbuai hneh em avang hian min hrelo tu chu a tlem zawk an ni ang, kan hausak tawh mai bakah ram hruaitu lian tak tak te leh mi pawimawh tak tak te chu kan lam ṭangah kan siam zel a, thil kan tih theih em avangin min man chhuak mahse jail tan chu thil theih loh tluk ani.
Gang chu sawi loh a mimal a zawng pawha nunrawng leh sual tia ka lar em avangin ka hmingah 'ZERO' tiin min phuah hial a,chuta ṭang chuan Zero chu police te zawn ber leh mafia lar ber alo nih phah bawk.
Kan helmet leh kan hmai khuhna te kan hlih chuan tuman tunge kan nih tih an hriat loh avangin zalen takin kan leng chhuak thei ,tumahin min ring hlel bawk hek lo heihi police ten min zawn chhuah theih lohna pakhat ani.
A nihna takah chuan Dan bawhchhiat te, khawpui a buaina siam te leh midang sawisak te hi chu kan thil tum pakhat ve mai ani, Ethan nen a kan thil tum tak tak zawk chu Krissy thihna a report diklo siamtu leh police incharge ni bawk Brad Garcia, Valentina pa ni bawk tawrh let tir hi ani.Kan duh chuan vawileh khatah kan dah ṭha hmak thei amaherawhchu a an chhuangkua mai bakah an laina hnai zawng zawngte thlenga tawrh tir vek hi ani. Chumai bakah Krissy mit kha Valentina hnena pek alo ni leh zel bawk Brad piangsena chu zawi muangin a nung chunga thih tir kan tum ta ani.
Tina Sacramento ah a awm dawn ani tih kan hriat rual rual khan a chanchin engkim kan chhui nghal vata, kan tum dan chuan a school kal tur chu thah a, accident anga lantir ani,hepa hi chuan a fanu a chan phawt loh chuan eng zirtir na mah hi a hrethiam dawn chuang lo chuvang chuan kan tawrh tir tak tak hma in engtiang chiaha hmangaihte chan hi na nge ani tih a hriat phawt angai.
Ni e chutiang chu a tira kan tum dan chu ani, kan plan ang in a school kal tur chu kan va ti buai ngei bawk mahse maw a mit pawl raih kara hlauhna rawn lang leh a hmel pawisawi lo tak ka hmuh khan Krissy min ti hrechhuak ta tlat mai!! engdang mah ka ngaihtuah thei tawh lo ,a tawpah phei chuan ka tum loh deuhin a biang ka va khawih ta ringawt anih kha!! khami ni a kan thil tum ka tih hlawhchham avang khan tun thleng hian ka la inchhir a chhanchu amah haw hle mah ila thah em chu ka ngam tlat lo.
Vawitam tak thah tumin kal ṭhin mah ila midang awlsam taka ka sawisak ang khan a chungah awlsam takin ka che thei ta tlat lo,a mitmeng ka hmuh apiang hian Krissy in min en angin ka hre tlat ṭhin .Ka hlawhchham fo avang chuan Ethan ngei pawhin a vawikhat nan min rinhlelh phah anih kha ,amah ngei in thah tum mahse tum dang ka neih thu leh zawi muanga thih tir ka tum thu in ka hmin thei hram.
Tina ka hmuh pawh hian thah tumna rilru ka pu reng tho, hetiang anga zalen taka len tir a hlim taka awmtir hi ka duhdan ani bik hauh lo,ka thil tum lah ani hek lo. Krissy a nung leh ta ah ngaiin Ethan hriat loh in Tina chu ka hmu ru ta fo a, a tawpah phei chuan kan che sual dun ta nge nge anih kha khata ṭang chiah khan Tina hi Krissy vang nilo in amah Tina diktak hi ka duh ani tih ka inhriat chhuah phah ani.Chumai bakah pasal hual anei tih ka hriatchhuah phei kha chuan thik tak ka ni,chupawh Dylan phiangsena nen lehnghal.Hepa hi ka huat em em nachhan chu school ah Krissy alo tih zah vangin ka hnek a,min lo report avangin lockup ah min dah phah tawh bawk.
Chutiang anga ka tum loh deuh a ka khawsak tak avang chuan chhuah leh tumin Tina rilru chu tihnat ka tum ṭan ta a ani. Ka rin ai daih Tina chanchin hi ka lo hre thui daih mai thisen te, hmun sang te leh hmun thim te a hlau ani tih ka hriat avangin chu chu remchangah la in ti na tak tak ngam si lo hian ka tih ṭhaih ṭan ta a ka thil nuam tih zawng tak anih avangin han tih ṭhaih vel chu rilru lakpen nan tiin ka hlimpui ka ring phian bawk.Khang sava thi tawh te, tukverh vawm keh te, elevator a tan tir te leh thil dang dang in ka ti tih ṭhaih a ka rin ai daihin ka hlawhtling hle bawk. Mahse Tina hlau hmel hmuh te ,a ṭap thawm ka hriat te khan keimah zawk ka na let hlauh, ka hlimpui awzawng lo.
Hun a kal zela ani telin amah hum ka duh na a nasat telh telh mai bakah ka insum theihloh telh telh avangin amah hlat tumin han kal bosan ṭhin mah ila midangin an lo khawih ka hlauh avangin ka let leh ṭhin.
Tina nen kan inkawp rei telh telh a, ti lo turin min hrilh miah lo mahse buaina siam te, midang tihbuai te leh dan bawhchhiat te chu harsa ka ti telh telh a, a chang chuan ka rilru nem ta lutuk hi ka duhdan anih bik loh avangin ka thinrim phah fo.
Ka thil tum pehhel kual rei tawh viau mah ila Ethan dawt hrilh hi Tina kalsan tum ai chuan ala awlsam fe zawk.
Hetiang anga ka awm reng anih chuan engkim Ethan hian ala hrechhuak vat dawn ani tih chu kei tluka hre chiang an awm lo ,chutiang thleng lo tur chuan Tina hi ka bulah a awm reng angai mahse chutiang tur chuan duhthlan tur pakhat chiah kan nei chu chu chen dun ani.
Tina ka hum theih nan chuan tiin a ruk thei ang berin ka chendun pui ta a mahse ka rilru erawh a phir tlat thung, a chang chuan Ethan leh Krissy te ka phatsan avanga ka inthiam lo lutuk chu midang thah tir mai te ka duh rum rum a, a chang leh Tina hi tlan bo pui daih te ka rilruk thul.
"engtin nge i tih dawn? " a rawn ti zui zat bawk, mahse chhan ka tum lem lo.
"enteh Arden ....Tina i hmangaih tih hi Ethan an a hriat na a rei tawh... mahse a rin em che avangin a haider lui mai mai asin heihi remchang ah la suh"
" tuin nge ka hmangaih ti... "
"oh!! c'mon nangmah chiah in i hre lo anih hmel , Tina in i nihna a hrechhuak anih chuan a kalsan ngei ang che " a tih chuan ka khi suk ringawt a chhanchu Tina hian ka nihna hre vek chung pawhin min kalsan lo, min kalsan a hnekin min hnaih zual sauh bawk.
"Arden luhlul viau suh....in inkawp chu thuhran nise chengdun pui em em hi chu a risky mah mah lo maw!! bakah hmeichhia i chendunpui hi ka la ring thei chuang lo... "
" mihring ve tho alawm ka nih... "
" mahse nangte chu i danglam bik alawm... i khirh ropui si, midang i ngaihsak bawk hek lo ,engtin nge heti chen a chenpui theih zawk che le? " ni e... Mia hian a sawi dik ka khirh in ka duhtui hle bawk, Ethan bak ka chenpui thei ngai lo mahse Tina erawh mi danglam tak ani, a dawh thei em em a ka chungah a lungawi loh pawhin min hlat phah ngai lo.
"keipawh in ka hre bik lo.... "
"I fimkhur hle angai ang, engpawh chu nise Tina nen in inṭhen angai ang, in inhmuh tawh loh chuan Ethan pawhin engtinmah a tih ka ring lo..."
"chutiang chu a thleng lo ang "
" ka ti tak tak ania....Tina tana ṭha tur zawk anih chu ka sawi ,a chhanchu Ethan hian a nau theihnghilh a hmeichhe dang i kawp hi a duhlo ani" Mia thusawi tin te chuan Tina nun a derthawng zia min hriat nawn tir leh avangin ti lang lo mah ila chhungril ah ka hlauthawng takzet. Ethan an engmah ala tih loh nachhan chu keimah ngei hian that ila a duh vang ani, bakah a awm mai mai reng lo ang tih chu ka hre chiang hle bawk.
" i rilru siam fel vat rawh... a pawi thui hma hian.... "
Chutia Mia in ka awmdan tur min hrilh mawlh mawlh lai chuan message kan dawng rual hlawl mai.Ka phone ka en chuan Tina message pawh alo awm tel ve bawka 'ka lo nghak char char dawn che nia ' tih mai te hi, ka chhiar zawh rual rual chuan reply ta lem chuang lo chuan ka khi suk ringawt.
"kan kal vat angai...bungrua a rawn thleng" message ka hawn hma hma in Mia chuan a rawn ti a,a dawn ang tho ka dawn ve dawn avangin chhiar ta lo chuan ka phone chu ka ak ta zawka.
Message kan dawn tawh hi chuan thil hmanhmawh thlak tak anih tawh ṭhin avangin hmanhmawh takin silai chu ka la nghal vata, engmah tikawi lovin bungraw rawn thlen na hmun lawngchawlhna lam panin kan in kalh chhuak nghal vat bawk.
Buaipui tur kan ngah bawk nen, Tina hruai angai bawk nen sana chu ka melh deuh chhen a, tih vat vat theih ani lo bawk nen ka hmanhmawh ru hle bawk .
"tih tur i nei em ni? " a tawp a tawp ah Tina chuan a rawn ti ta nge nge a.
"neilo... "
"i va hmanhmawh hmel ve...nge Tina vang zawk...? "
"in ring rawh... an rawn thleng " tih pahin kan hmai chu kan tuam nghal vata,engpawh thleng se silai pawrh chhuak vat theih turin kan inring nghal ran bawk.
__________________________________________
★7:30 PM★
Hna kan zawh rual rual chuan sana ka en nghal vata, ka rin ai daihin alo tlai tawh. Hmanhmawh takin car ah ka lut nghal vata, Mia pawh ka ngaihtuah hman tawh lo chak zetin Tina te school lam ka pan nghal vat bawk.
Ka khalh chak bawk aniang reilo te ah school pawh chu ka thleng vata mahse Tina erawh alo haw hman tawh thung.
"hreptak chuan.... " tih pahin steering chu ka hnek nghal pawp ringawt.
Inah hrilhhai tak leh lungawi lo takin dinner ei turin min lo la nghak reng dawn ani tih ka hriat avangin hmanhmawh takin in lam panin ka tlan let lehnghal char char a, engtin nge ka insawifiah ang tih bak ka rilru ah a awm tawh lo.
In ka thlen rual rual chuan car pawh dah
ṭha loin ka tlan chhuak nghal vata mahse kawngka alo la inkalh tlat mai!! hreptak chuan Khawiah nge a awm tak ang? Nge a rawn haw mek zawk?
Kawngka pawh hawng ta lo chuan car ah ka lut leh ta ringawt a, a rawn let hun chu ka lo nghak tawp mai ani.A chang leh kawngka bulah ka lo han ṭhu a, a chang leh ka vei kual chhen thul.
Chutia rilru hah tak leh inthiamlo taka ka awm lai chuan a rawn thleng ve hlawl mai amaherawhchu amah chauh in ani ta hauh lo, engvanga Mason phiangsen sawn rawn thlah nge maw anih le?
An awmdan chu car chhung aṭangin ngun takin ka lo thlir renga,Tina inchung a luh dawn a Mason an a kut a vawn sak leh kher lai te chu ka hmuh hmaih hauh lo, an awmdan aṭang saw chuan
ṭhian satliah mai mai chu an ni hauh lo, saw pa sawn a duh ani tih chiang takin ka hre thei anih loh vek pawhin an lo inkawp ru reng thei bawk.
Tina luh hnu reilote ah chuan ka lut ve lehnghal mai bawka mahse thinrimna hlir in ka khat thung.
"Arden ..."Kawngka min rawn hawsak rual rual a mak ti hmel taka min rawn melh avang te chuan an pahnih a ka rinhlelh na a ti zual sauh a, tlang deuha zawh mai te pawh ka duh rum rum.
"ka lo nghak reng che asin... "a ṭawng hre lo ang mai chuan ngawi rengin room ah ka luhsan nghal daih a, vawkhat pawh ka ṭawngchhuak anih chuan ka insum leh thei dawn lo ani tih ka hriat avangin ngawi reng ila a ṭha zawk.
__________________________________________
In khatah chengin khum khatah mu mah ila inhmel hriat lo ang hmakin kan khawsa a, Tina in min biak a tum leh ka insum theihloh hlauh luat ah pehhel hram hram ka tum a, a chang leh engmah hrelo ang maiin pangngai takin ka awm ṭhin bawk.
Engmah hre chiang mang si lova sual taka a chunga chet duh lo ṭhin mah ila Mason nen a an inzui lai ka hmuh fuh fo avangin hetiang ang hian ka lo awm leh ṭhin ,chuvang chuan amah zawt lovin an inkar engkim hi zawn chhuah vek ka tum ta ani.
Zingah hma taka ka chhuah ṭhin avangin Mason an school ah a hruai ṭhin tih te, tlaiah a thlah haw leh thlap ṭhin ani tih ka hriat hnu phei chuan mood fuh lai ka nei thei tawh lo. Tina awmdan in a zir lo bawk nen lehlamah Ethan an min lo tur ve sek bawk nen a ni telin ka rilru put hmang chu a dang telh telh a, phuba lak duhna kha a rawn let leh ṭhin.
School an rawn kal nak nak lai vel chuan ralkhat aṭangin car chhungah a biru thei ang berin Tina leh Mason te rawn kal hun tur chu nghakin ka ṭhu ran a, a ruk tak chuan hmu lo ila ka ti takzet a chhanchu an chungah thil rapthlak tak ka tih dawn vang ani.
Ka rin ang ngei in reilo te ah Tina leh Mason te chu an rawn lang ta nge nge a, an kal dun ka hmuh rual rual sawn car aṭanga chhuah a Mason saw va hnek pawp mai ka duh.
Tina a kal liam chiah tih chuan phone ah mipa pakhat ka be nghal vata.
" ti na hauh suh ang che....i ti hlauthawng ringawt tur ani " tih pahin phone chu ka dah nghala.
Tina hnenah Mason hi hmu tawh lo tura ka hrilh hnu ah pawh an la inzui chhuah fo avangin an pahnih inkar ah hian thil eng nge maw tak inzawmna thuk tak an nei tih ka hria mahse an inkawp ngei ani tih finfiahna erawh nei lo mah ila ka hriat loh a an lo inhmuh ṭhin avang hrim hrim pawh hian hrem an phu.Chu mai bakah ka ṭhin ti rim zual tu chu ka ṭhian ṭha ber leh Krissy ngei pawh phatsan in Tina ka thlang a, ka nun na pawh hlan huam a venhim ka duh laiin mipa dang alo hmu vel amaw chupawh ka hriat loh lehnghal in !! kei mi ṭhik thu chhe lutuk ka lo ni bawk nen ka pal zam mai mai dawn hauh lo.
Ka ruahman dan chuan Tina hi a thil hlauh ber amah chauh a room thima kalh kum ka tum ani, thil hote angin lang mah nise a tan erawh mangchhia tluk zet ani thung. Ni e, a nihna takah chuan tihnat ka duh bik lo, amaherawhchu a hma aṭanga ka thil tum tawh anih mai bakah Ethan an min lo tur ve sek bawk nen ka thinrimna leh thikthu chhiatna chu remchangah la in hetiang thil hi ka ti ta ani.He thil ka tih dawn pawh hian ka inngaihtuah nasat mai bakah pehhel ka duh avangin Tina pawh chance ka pe fo mahse hremna hi chu a phu ve reng in ka hria.
Nilengin ka thil tih hi a dik nge dik lo tia ka inngaihtuah reng avang chuan ka rilru lak pen nan tiin Mia chuan pub ah min hruai ta ringawt a, mahse engmah a danglam phah lo.
"Arden tikhan awm reng lo teh...."
"engtin mah ka awm lo "
" hahh.... a nih chuan engvangin nge i kut kha a khurh nasat em em a i that dawn pawh ni hlei lo" min man chhuak leh ta nge nge, Tina chungchang hi kei, Mia leh Ethan bakin an hre lo chuvang chuan midang bulah engmah kan sawi ngai lo.
"a tan chuan thihna tluk zet ani... "
"oh... C'mon....room thim a kalhkhum te chu engmah ani lo, karkhat pawh ka awm thei ang chu..."
"nangmah ang ani lo"
" a ṭan leh dawn ta...Ethan a awm lo hlauh a i vannei takzet " Ethan chu awmse ka rilru a thil awm te hi ka sawi chhuak hauh lo ang,Mia erawh hmeichhia anih vang te pawh ani mahna engkim ah min hrethiam mai zel. A khat tawkin khapa kan mi tirh pa min rawn biak hun nghak chuan ka phone chu ka melh chhen a, ka awm hle hle thei lo ani ber.
"kha heihi in rawh i dai sawng sawng mai ang " tih pahin Mia chuan in tur min rawn pe a, ka rilru hah luatah ka lo tlak nghal pup ringawt.
" wow... kha kha chu a ṭha lo tawp mai "
"hepa phiangsen hian engvanga min rawn la be miah lo nge maw anih le?"
"hmeichhia vanga i rilru hah ka vawikhat hriat na" engvanga ka awmdan apiang hi mak ti em em nge maw an nih le,pangngai takin ka awm mai chauh ani si a.
"hi Arden... hi Mia " Olivia ka hmuh rual rual chuan Mia chu ka va melh ralh a, a koh ani lo ani tih entir nan a lu alo thing vat bawk.
"Hi... engtin nge kan awmna i hriata?" Mia chuan pangngai deuh hian alo ti thei mai a,kei erawh amah hmu lo ang maiin ka awm tlat thung.
Ni e, Olivia hian min um zui renga, midang hmuh ah chuan inngaizawng te pawh kan ang ngei ang amaherawhchu midang te tibuai in ngeiawm ṭhin hle mah ila hmeichhe chungah erawh zahna ka lantir ṭhin thung ,ka ti mualpho ngai lova ka hnawl ngai hek lo, an duh duh dana ka awmtir avang hian beiseina pek emaw len chhuahpui emaw ka tum ngai chuang lo. A chang hi chuan ninawm zawngin a kal lek lek ṭhin, a bik takin Olivia phei hi chuan ka duhlo ani tih pawh hre reng mahse a awm dan ngai angin a awm reng tho hmeichhe enge maw ve tak chu ani.
"khawi hmunah pawh mit ka nei alawm... " tih pahin ka awmah chuan a rawn zut khera,ka awm dan ngai angin ka awm reng tho bakah thawmhnaw tlemte ha in,eng ang pawhin a awmbawr ti lang mahse Tina lo chuan min hip tak tak thei chuang lo.
"Arden....lam ila" min rawn pawh deuh paha a tih takah chuan Mia chu alo inrawlh nghal vat,hrilh kher ngai lovin a tihtur chu a hrechiang tawh kher mai, a thil in lai chu ti baw lui in Olivia kawr ah chuan a lei huh nghal ṭhawt a,a ruk in nuih suk pahin min rawn siai nghal zeuh bawk.
"Hmeli.... " Olivia chu thinrim takin restroom lam panin a kal nghal hlawk hlawk a, ka thaw nghal huai mai.
Phone call ka dawn avangin hmanhmawh takin pub aṭang chuan ka chhuak nghal vata, Mia pawhin min rawn umzui nghal vat bawk.Kha pa kan mi tirh pa nen khan kan inhmuh dawn avangin mask in kan hmui kan khuh a, lukhum kan khum tlat bawk.
"phone in a chingfel mai theih lo em ni? " Mia hian a sawi dik phone in engkim a chingfel vek theih mahse a hmel hmuh kher ka duh avangin Ethan hriat loh in inhmuh hi ka rawt ta ani .
Kan inhmuhna hmun tur kan thlen hnaih tawh avangin ka pistol pai lai chu engpawh thleng se la chhuak mai thei turin ka in ring ran bawk. Hmun thim lai deuha mipa pakhat lo ding reng ka va hmuh ringawt pawh sawn ka thin a rim nghal ringawt thei nia mawle.
"Eng thil atthlak mah ti miah suh ang che.... " Mia chuan a rawn ti sap a, ka lo nuih suk ringawt.
Ka va thlen phei meuh chuan amah ani tih kan hre nghal, midang awmlo mahse hawi kual zak zak pah hian min rawn pan hnai nghal vata, ani pawhin a hmai a khuh tlat avangin kan hmel kan in hmu lo tawn ve ve bawk.
"store room ah chuan ka kalh khum tawh e...chuan light ka off nghal vek bawk"
"a ṭhat chu... " ka ti chuai raih ringawt.
"chuan thisen leih tura min tih pawh kha ka ti tawh bawk "
"Enga? " Mia nen chuan kan in en nghal haw a,in hrilh ngai lovin Ethan an a ruk in ti turin alo hrilh ani tih kan hre nghal bawk .
"tunah chuan thisen in a bual huh vek tawh bawka, in thil duh chu a hlawhtling ngei ang "
" hmela..." ka insum hman tawh lo, ka hnek thal nghal tawp ringawt.
"i ti hlauthawng anga sin... "pet ka tum lai takin Mia chuan min lo dang nghal vata, chupa chu hmanhmawh takin a tlan chhe nghal hlawk hlawk bawk.
"Engthil nge maw i tih le? nangmah ngei in ti hlauthawng turin i ti ani lawm ni"
" mahse thisen in a leih alawm.... "
"eng nge pawi... chu chu i duh ani lawm ni... "
" nilo... thisen a hmuh chuan ngai awh nan hun a duh rei lutuk.... " tih pahin kal nghal mai ka tuma mahse min lo dang nghal vat thung.
"tunah chuan kal suh.... naktuk ah i kal dawn nia... " a ṭawng hre lo ang maiin car ah ka luhsan nghal hmaka, "Ethan an a hriat chuan a pawi dawn ania" a rawn tih lauh lauh ri bak ka hre hman tawh lo.
Chak zetin Tina te school lam panin ka tlan nghal vang vang a, hla hle mahse minute 10 vel lekah ka thleng nghal mai bawk.
"Tina.... Tina... " tih pahin store room awmna chu ka zawng chho zela,a thim mup mai bakah kawngka beng ri emaw thawm danglam deuh hlek pakhatmah hriat tur a awm lo. Ka hlauthawng bawk nen room kawngka tin mai chu ka beng chho zela, ka call lahin a in switch off hmak mai bawk si ka lu dawm vang vang pahin bang chu kan chhir leh dawt ṭhin a awmzia a nei der bawk si lo.
"Tina.... " beisei tawh loh hnu ah thawm ka hre ta thut mai!! hmanhmawh lutukin thawm rawn chhuah na lam pan chuan ka tlan phei nghal vata,kawngka inkalh lai chu ka tlawh hawng nghal ṭhuai bawk.
"Tina...i ṭha em? " tih pahin nghet takin ka va kuah nghal thlawp a,ka thlah phal tawh lo hi ani ber.
"Arden min puih angai ania.... "hlauthawng tih hriat tak leh felfai tak si hian Tina chu a rawn ṭawng chhuak ta mai!!
" i ṭha maw? "a taksa te chu a him pial a thisen reng reng hmuh tur a awm lo.
"engthil nge thleng...?" keimah zawk chuan mak ka ti leh hnuhnawh ,Tina ngei chu ani bawk si,anih chuan thisen chu khawiah nge a awm tak?
"ka mangang hman lutuk asin"
" ngatinge min rawn call mai loh"
"ka phone a thi daih a alawm"
"i ṭha tak tak tiraw? na i nei em?"
"aih neilo.... " a ṭha a ni tih ka hriat chuan ka thaw nghal huai mai,mahse thil thlen dan hi ka hrethiam lo takzet.
"hetah lo kal rawh... " tih pahin min kai nghal dawr dawr a, ngawi rengin ka zui ve mai bawk.
"pu Jimmy hian a ke a ti na a... damdawiin ah kan hruai nghal vat angai" tih pahin bang kil a pa pakhat kum50 bawr vel lo ṭhu reng chu a zuk buaipui nghal vata,ka phone light tih
en bak êng dang awmlo mahse thisen a kai hnuang ani tih ka hmuh hmaih lo nasa.
Rang takin chupa chu ka zuk buaipui nghal vata, engtin nge hetiang thil hi a thlen theih tih bak ka ngaihtuah thei tawh lo.
"Rawng ah a tawlhthlu a... a rimchhe em em mai lehnghal "
"Tina... rawng nilo in.... "
"kal vat ang u... Tina kawngka lo va hawng rawh " ka sawi zawh hma hma in chupa chuan min lo pawtchat nghal vata,sawi chhunzawm tawh lo turin min rawn mitmei nghal zeuh bawk.
"aw... awle.... " tih pahin a theih ang tawkin a tlan phei nghal hlawk hlawk bawk.
"i ṭha em? " tih pahin ka kuah tho nawlh a,ka kalpui nghal nal nal bawk.
"thisen ani tih hrilh miah suh.... thisuk a nei in ka hria... " ka hriat tawk lekin a rawn ti sap a, mak tih hmel takin ka en nghal haw ringawt, chu mai bakah thil thlen dan hi ngaihdan pawh ka nei lo.
Zan a rei tawh bawk nen emergency ah kan luhpui ta ringawt a,thisen a kai nasat mai bakah a thang huam mai bawk si a damdawiin a lo awm ve te chuan min en duh hle nghe nghe.Doctor ten a ke an endik lai vel chuan pawnah kan lo nghak ran a, Tina erawh a rilru a hah bawk aniang a ṭhu hle hle thei lo ani ber.
"ṭhu rawh...ke tliak mai mai anih saw.. "
"i tan chuan engmah ani lo maithei mahse ani chuan kan school tifai chungin a chhungte a chawm asin.... " meng pual ralh pahin ngeiawm zetin ka thaw chhuak hak ringawt. Room ah khan an tang dun rei bawk aniang an hming, eng nge an thawh ṭhin tih te thlengin an lo sawi dun hman vek alawm.
"a ṭha vat mai ang "
"rawn kal lo la chu zankhua in ke na chung khan a awm dawn chu ani sia"
engvanga a hmel hriat ngai pawh nilo hi ngaihtuah em em nge maw anih le?
"engtin nge school ah khan kan awm tih i hriat? "
" mawl lutuk....tun ang hunah i rawn haw loh te chuan school ah lo khawiah nge i awm chuan anga "
"ani ve tho mai " a tih zui nang nang avang chuan a rukin ka khi suk ringawt.Hetiang ang em em a hmeichhe rilru ṭha ,mi ring hma leh bum nuam hi ka la hre ngai lo, thisen pawh rawng an tih chuan zu an awih hmaka mawle.
Chupa chu thil thlen dan zawng zawng zawh vek ka duh avangin room ah chuan thil tifel turin keimah chauhin ka lut a, Tina erawh pawnah min lo nghak turin ka hrilh thung. Room chhunga ka luh chuan chupa chu tlanchhiat tumin a lo biru zak zak tih ka va hmuh chuan hnung lam aṭangin khumah chuan ka pawt ṭhu pawp a, midang in min rawn hmuh loh nan curtain chu ka pawtthla nghal vek bawk a,chuan a au chhuah hma in a chal darah tak silai in ka tin zui zat bawk.
"tu nge tir che?" hepa hi a tir aṭang tawh khan Ethan tirh ani tih ka hre daih tawh mahse amah ngei hi inpuang se ka duh vang ani ,chumai bakah Tina kha chu awmlo se chuan ka khawng thluk na a rei tawh ang.
"ka ...ka hrelo...message ka dawng a, min hrilh angin ka ti ta mai ani... "
"pawisa vangin tunge a nih tih pawh i hriat loh thu chu i zawm amaw!! engtin nge thisen hi i kai theih engkim min hrilh vek rawh "
"ka message dawn ang chuan Tina chu thisen leih tum chuan ka kal ngei a mahse amah pawh ka hmuh hma in ka che sual ta ani, ka tawlhthluk na lamah ka ke ka ti tliak palh a, min buaipui tu tur ber lah thisuk alo nei bawk nen rawng kai angin ka insawi ta ani "
"Engtin nge nang ang putar mawl leh dawih lutuk hi khatiang thil ti tur khan a tirh zawk che le? "
"mawl min ti pawh ani mahna... mahse an zingah i tel ve ani tih hai tur erawh chuan ka fing lutuk tlat "
" ngawi hmak rawh... "
"tihnat i duh a.... i ngaihtuah avangin i rawn zawng leh bawk a....hahh...khanu kha mifel tak ani, a rinna che hi ti chhe suh"
"hmela ....i lu ah silai mu thun luh i duh loh chuan i ka chip hmak ang che ....hre reng rawh ka en zui reng dawn che ania" tih pahin silai chu ka dahthla a,curtain pawh phei pawp pahin ka chhuak nghal nal nal bawk.
" haw ang.... " tih pahin Tina chu ka kai chhuak nghal dawr dawr a, a ngaihna a hriat loh hmel takzet.
"mahse... pu Jimmy kha "
" a chhungten an rawn hruai mai ang "
"zan a rei tawh bawk si a.... kan hruai haw thei mai lo em ni? " a tih rual rual chuan a kut chu ka thlah nghal hmak.
" i ngaihtuah anih chuan va hruai haw la ti nia....ka lo va hawsan ang che... " tih pahin car ah ka luhsan nghal hmaka,a engine han ti nung hlat hlat mahila a ruk tak chuan a kal tak tak ka hlau hle.
" mahse.... "
" anih chuan rawn lut rawh.... " amah chauh chuan a thlah thei dawn lo ani tih a hriat avang chuan a rawn lut ta nge nge a, a ruk in lehlam hawi chungin ka lo khi suk ringawt.
In kan thlen chuan car pawh hung ṭha lo chuan ka luh san daih a ,kha putar phiangsen thusawi 'a rinna che hi ti chhe suh' tih khan kawng tluanin ka rilru a mawlh tlat peka,engthil mah ka ngaihtuah thei tawh lo.
"Arden.... "
"Chhuak rawh... " room a rawn luh rual rual chuan vin zet hian ka lo ti nghal tuarh ringawt, chhan pawh awmlo a ka thinrim khum thut avang chuan a hawihai ngei mai. A rilru tih nat sak hi ka thil duh lo ber ani mahse engtin nge ka tih chuan ang vin tuarh tuarh mai loh hi chu hnawl dan kawng dang ka hre thlawt lo ani.
"chhuak rawh ka tih chu.... " a phu nghal zawk ringawt, mahse chhuah a hnekin min rawn pan hnai ta zawka.
"ka... ka kuah thei che ngem?" a hmela min hlauhna te leh thlabarna te chu thup tum eng ang mahse ka hmuh hmaih hauh lo, hetiang ang dinhmun ah hi chuan hmeichhe dang chu nise min hlauh avangin min tlan chhiatsan tawh ngei ang ,ani erawh chuan khur zawih zawih chungin min rawn la pan hram hram thei nia.
"va mu tawh rawh " sawi tur ka hriat loh hi chuan ka ti leh ringawt zel.
"i awmdan hi ka hrethiam lo takzet.... beiseina min pe reng chungin min pehhel dan kawng i zawng char char a, i duh duh hunah min thinrim khum loh leh engmah sawi lo in i bo daih zel bawka... a chhan enge maw tal min hrilh loh te chuan engtin nge ka hriat anga "
Duhthlan tur dang ka nei ta lo, engpawh thleng dawn mahse Tina hi ka ṭhen thei lo a ka kalsan thei bawk hek lo chuvang chuan amah hian min huat a min ṭhen angai ani, heihi a him theih nan a ka thil tih theih hnuhnung ber ani tawh.
Ka huaisenna zawng zawng sawm khawmin ka thil tih hreh em em mai Krissy leh a nu thlalak dun na chu khumah chuan ka theh thla tawp a, thlalak a lak kan rual rual chuan,"Natalie maw!! " a ti nghal sap bawk.
"Krissy leh a nu a nih kha.... "
" maw!! " a mak ti lutuk chu a kut a khur nghal dar dar mai.
"mah... mahse engvangin nge min hmuh tir...? "
"a phen ah thil tamtak i hriat loh a in phum ruk vang ani"
"thil in phum ru a!! "
"ni e... thil tamtak, Krissy mit hmangin vawin ni ah hian khua i la hmu ve ṭawk ṭawk ani tih thlengin mawle" a mit aṭanga mittui rawn chhuak tur a dang hram hram ka hmuh hian ka thinlung hi vih zawt zawt ang mai hian ana takzet,theih chu nise nghet taka kuah vawng vawng mai ka duh.
"I huat em em i pa leh Natalie te hian nunna thar an pe leh che ani,Nu chuan a fanu thi tawh mit chu a fanu thar tur tan a pe anih chu!! ani lah chuan engmah hre lovin alo haw em em mai bawk si a... mawi i ti em? heng zawng zawng hi ka ruahmanna vek ani" Tina hi a pa bulah a him ber rih avangin a haw let leh angai, chuvang chuan Natalie leh a pa a huat tawh loh nan leh keimah min huat nan engkim chu ka ruahman na vek angin ka sawi ta mai ani.
"mahse engvangin? "
"Krissy vangin mawle.... tuin nge a hmangaih ber mit chu midangin nuam tawl nan hmang se duh ang, chuvang chuan i thih hi ka thil duh ber ani..... i hria em? a tir aṭang tawh khan bum i ni,engkim hi a lem vek... kei ,heng in zawng zawng te nen lam hian.... chuvang chuan zahngaihna ka lantir lai hian kal bo vat mai rawh .....Nilo, Sacramento aṭang hian chhuak rawh chuti lo chu Krissy chunga in thil tih ang chiah hian nang leh i chhungte chungah ka ti ve ang ka nihna chu i hriat chian kha" ka tih chuan min chhang tur reng reng a awm tawh lo, ngawi rengin a ding khawng renga ṭap chhuak lo turin a inhum ruh ṭang ṭang bawk, hetiang anga a awm lai hmuh hi a hrehawm takzet, hetiang reng hi chuan ka insum zo lo in ka kuah dawn takngial a ka hriat avangin," mitdel leh i duh te anih loh chuan naktuk zingah in hi lo chhuahsan tawh ang che " tih hmak pahin ka chhuak nghal nal nal bawk.
___________________________________________
★Valentina's POV★
Arden thusawi mal tin te chuan chemte ang maiin min chhun zâwk zâwk a, a nat em avangin ka tuar zo lo mai ang.Chhuatah khum sir ngheng chung chuan ka melh ngai melh ngur ngur pah chuan ka thu ngawi renga, ka mittui tla zawih zawih mahse ka ṭap chhuak thei tlat lo. Ka awm dawm chunga ṭhut tlawk tlawk mai loh chu chet ngaihna ka hre lo. .
"dawt a sawi.... dawt vek ani a sawi... " ka thil tawn rapthlak lutuk kha ka mumang nise, harhchhuak ila ka ti takzet .
Anih na takah chuan Arden hian ṭawngkam ṭha in min be ngai lo a min ngaihsak ngai hek lo mahse chung chu pawi tihna pakhatmah ka nei lo a chhanchu a mitmeng leh che zia in dawt a sawi ve ngai lo vang ani.
Tunah pawh khan ka chungah ṭawngkam chhe tak tak hmangin min
thah a duh thu hial sawi mahse dawt a sawi nia hriatna ka nei tlat a nih chu !! chu chuan hnual a hnekin beiseina min siam a, huat a hnekin amah hnaih duhna thinlung min pe zawk a ni, ka awmdan hi ka in hre thiam tawh bik lo.
Tunah hian Arden hmeichhe hmangaih ber mit ringin khawvel eng ka la hmu ve ṭawk ṭawk ani a hmangaihtu tan chuan ngawi renga thlir ava harsa dawn tak em.
Krissy khan a mit min pe lo ta se chuan Arden hi ka tawng lo anga chuan hetiang ang natna pawh hi ka tawng lo tur, lawm tur ka nih laiin ka vui takzet, ni e... a vawi khat nan he mit avang hian ka vui takzet.
Nilo, engthil nge ka ngaihtuah tak hi hetiang ang hian tlusawp mai mai tur ka nilo ,a eng zawngin ka thlir hram hram tur ani.Kum kha leh chen kha a thim zawnga thil thlir reng reng in hun ka hmang ṭhin a, khua ka hmuh theih tawh loh avangin damchhan neilo ang hialin ka in hre ṭhin, thih vat vat ka chaka nitin in ka ṭap ṭhin anih kha, khatiang ang kha chuan ka awm tawh tur ani lo chuvang chuan Arden an eng thil pawh sawi mahse ka hmangaihna hi a dik anih chuan min hmangaih let hun ala rawn thleng ngei ngei ang, chumaibakah min that duh chu nise kan inhmuh hmasak ber ni khan min that daih tawh ang.
Krissy in min hmu se chu nep min ti ngawt ang, anih loh vek pawhin Arden enkawl turin a ai awh turin in min tir pawh alo ni maithei asin. Mahni leh mahni infuih chawp in ka mittui te ka hru hul a, ka beiseina la alh ve teng teng chu chhem hlum mai lovin meipui ah ka siam zawk tur ani.
Krissy mit aṭang hian mittui ka ti tla tur ani lo ,keimah leh keimah chu inti chak turin ka inhrilh mawlh mawlh a, Arden hmachhawn tur hian ka chauh tawh lutuk chakna ka nei tawh lo takzet zet.
Kawngka in hawng ri rak ka hriat rual rual chuan ka harh nghal zawka,khum bawh chungin ka lo muhil reng chu niin, ka mutthlih lai pawh ka hre lo reng reng.Khua a eng uarh tawh avangin phur lo zet hian ka tho nghal ṭaih ṭaih a, nizana thil thleng kha chu ngaihtuah pawh ka ngaihtuah duh tawh lo, chuti lo chu ka mittui a rawn tla leh nghal ṭuam ṭuam mai ang.
Muang changin ka hmai chu ka han phifai sang sang a,ka ṭahna lamah ka mit te pawh a bui vek tawh.
'He in aṭang hian ka chhuak tur anilo' tiin keimah leh keimah chu ka in fuih mawlh mawlh a, engmah thleng lo ang maiin awm han tum teh mah ila ka engthil tih mah a tui tak tak thei chuang lo.
Engang pawhin rilru na in kun tlawk tlawk mah ila school kal tur chuan ka insiam ta tho a, hetia mahni chauha inngaihtuah ngawt ngawt ai chuan midang zi nuai nuai karah awm ila a ṭhat ka rin vang zawk ani.
Ngawi rengin room aṭang chuan ka chhuak phei chhat chhat a, couch ah Arden lo ṭhu reng lai ka va hmuh chuan ka phu chiang teh e,ka ding nghal chawt bawk.
A rawn hawi mai loh avang chuan a thil tih lai chu ka lo thlir renga, a kut tuam tumin alo buai ve hle chu niin, a tuam fuh thei lo ani tih ka hmuh chuan puih tumin a bulah ka zuk ṭhu nghal thak a, a kut ka tawh rual rual chuan a la sawn nghal hmak anih chu!
" khawi... i tuam thiam lo anih kha " tih pahin a kut chu ka pawt nghal pawp a, ka pawt na deuh aniang a ner nghal sawk bawk. A mahin a tuam thei dawn lo ani tih a hre ve pawh ani mahna ṭha deuh hian a rawn dawh ve leh mai bawka.
"chhuak turin..... "
"min hruai angai lo.... keimah in school chu ka kal thei " ka lo ti nghal zung zung ringawt, diktak chuan a sawi tum chu ka hre ve tho mahse hetiang thil hi sawi chhuah ka duh loh mai bakah sawi na hun pek ka tum bawk hek lo engpawh chu nise kan inkar hi a hma ang khan ka siam ṭha leh ngei tur ani.
"Breakfast i ei tawh em? " min chhan loh avang chuan,"mawh" ka han ti leh kher a, mak tih hmel zet hian min rawn en reng ringawt.
"ka tuam zo ta.. " Ka tuam zawh rual rual chuan a ṭawng ka hlauh em avangin ka tho thut a, kitchen lamah breakfast siam turin ka kal nghal vata a rukin ka mittui rawn tla tur chu hruk hul zeuh pahin ka nui lui nghal suk bawk.
"bacon aw.... E... toast pawh i duh tiraw?" tih pahin ka han siam nghal zung zung a, a ṭawng ka hlauh luatah ka ṭawng duh hle nghe nghe .
" coffee i duh tel em? "
" duhtawk rawh.... " a rawn ti sap ri ka hriat chuan ka ṭah chhuah loh nan ka hmui chu ka han pet fan fan a, ka mittui a rawn far nghal fap bawk.
"ka siam zo ṭep ....lo ṭhu rawh chair ah khan " a sawi hrelo ang mai chuan ka ti lui leh ngat a, ka mittui a hmuh loh nan amah hnung chhawn zawngin ka ding tlat bawk.
" duhtawk rawh ka tih chu.... " ka fian ken lai paih pawp pah chuan min pawt her nghal sawk a, ka ban a hmer nat em avangin ka ṭang thei lo hrim hrim.
"a na ania...."
" ka hrilh nawn leh ang che.... ka hmuh theih ah rawn in lan tawh suh.... a rang thei ang berin Sacramento hi chhuahsan vat rawh...."
" ka duhlo.... khawiah mah ka kal dawn lo, he in pawh hi ka chhuahsak dawn lo"
" ka tih rual rual chuan a thinrim insum zo lo chuan silai in min rawn tin nghal pawp ringawt!! chet chu sawiloh thawk pawh ka thaw ṭha ngam tawh lo.
"ka hmu leh che anih chuan keimah ngei in ka that ang che... chuvang chuan hun ka pek lai che hian kal bo vat mai rawh " tih pahin ka kut chu a paihtha sawk a ,a chhuak nghal nal nal bawk .
Ka hlauhthawn em avangin ka din ngai chuan ka ding khawng renga ,ka ṭawng chhuak thei tawh lo hrim hrim. Lalpa leh!! ka lungphu hi a rang em avangin a puak keh mai dawn in ka hria. Ka awm a nat em avang chuan ka han dawm vang vang a, ka insum rei tawh bawk nen a tawp a tawp ah ka ṭap chuak nghal hawm hawm mai.
Nilengin school pawh kal loin kitchen ah chuan ka ṭhu ngawi ta renga ,ka phone ri rang rang chu hre mah vek ila ka melh ngai chu ka melh ngur ngur a chet pawh ka tum eih lo .
'engmah ani lo.... vawikhat chiah tum leh rawh i beidawng mai tur ani lo' tiin keimah leh keimah chu ka la infuih fan fan tho amaherawhchu Arden hmel leh mitmeng rum lutuk ka hmuh khan beiseina ka nei tawh lo, mahse vawikhat chiah.... vawikhat chiah ka tum leh tur ani.
Ka phone chawl lova a rik tak reng avang chuan ka tho ta nge nge a, Mason a call anih avangin a pawimawh ani tih hria a ka pickup nghal vat bawk.
" Tina.... thu lawmawm deuh hrilh tur che ka nei.. tunah hian kan inhmuh vat angai "
"mahse..... "
" Dr. Shin kha ka rawn hruai thei dawn a, he hun hi ka bawhpelh thiang lo "
" awle.... " tih sap pahin phone chu ka dah nghal vat bawk.
Phur lo hle mah ila Dr. Shin ka hmuh theihna tir anih chuan ka kal ngei tur ani.Mason hian Doctor thiam tak Arden enkawl tu tur hmelhriat a neih avangin biak pawh tumin karhnih dawn chu kan bei tawh , mi thiam tak anih mai bakah Chinese anih avangin biak pawh a har in email pawh vawitam kan thawn tawh a, appointment a lo ngah ve bawk nen list ah kan hming a chuang hnung hle bawk.Mahse vanneih thlak takin Mason hmelhriat alo ni hlauh a, helai hmun thleng thleng hian min rawn pan ta ani.
_________________________________________
Chutia Dr. Sin leh Mason te nena kan lo ti ti mawlh mawlh lai chuan Arden ka va hmu hlawl mai amah chauhin ani lo lehnghal, hetiang hmunah te hmeichhia nen eng nge a rawn tih le? nge an in date zawk?
" Tina... " ka hming an lam takah chuan ka phu zuk ringawt, thil dang daih ka lo ngaihtuah avang chuan an thusawi pwwh pakhatmah hriat ka nei lo.
" maw!! " ka lo ti hu ringawt.
"Lungngai suh u.... MMA hma a treatment a lak chuan nasa takin a pui thei dawn ani "
" anih chuan.... a nat belh phah lo ang tiraw? "
" chu erawh ka hrelo.... amah hi ka hmuh phawt angai ani "
Arden leh chunu chu washroom lam panin an kal ani tih ka hmuh rual rual chuan engmah ngaihtuah lo in ka tho thut ringawt, Dr. Shin an mak tih hmel zeta min rawn en avang chuan nuih suk pah hian, " umm.... min lo hrethiam lawk rawh u... washroom ah kan kal lawk ange " tih leh tlan ka rual nghal. Hmanhmawh lutuk in hmeichhe lam ah chuan ka tlan lut nghal vata,tumah hmuh tur reng reng an awm lo.
" khanu kha khawiah nge maw a kal daih le? hetah hian awm tur ani asin" an pahnih a an bo tak daih avang chuan ka chhuak lehnghal hna hna ringawt.
Mipa inthiarna zawn ka thlen chuan thawm ri rawk ka hriat avangin ka ding nghal chawt a, ngaihthlak chian pawh ngai loin, "Arden zip vat vat teh.... " hmeichhia in a ti ri chu chiang taka ka hriat avang chuan ka sa nghat zawk mai, vawikhat pawh inngaihtuah nawn lovin kawngka chu ka nam hawng nghal ṭhuai bawk.
"hahh.... " za lo zetin ka nui chhuak hak ringawt, kan rin ang ngeiin ka hmuh rual rual chuan chunu chu alo insiam ṭha nghal sawk sawk a, a kawr hnung la inzip phui lo pawh chiang takin ka hmu thei.
Min hmuh rual rual in chunu chu a tlan chhuak nghal vata, sawi hmasak ber tur pawh ka hrelo.
"eng nge hetah hian i tih? " pangngai taka ka ṭawng chhuak theih avangin ka in awihlo hial zawk,ani erawh inthiam lo hmel pawh a pu eih lo.
" i hmuh ang khan.... "
"ngatinge hetiang thil hi ka chungah i tih? "
"kha heihi la rawh.... " tih pahin envelop hi ka kutah a rawn hmeh bel a, San Diego a letna tur air ticket lo ni rengin.
"ka kalbo chu i va duh awm ve... ticket thlengin min lo laksak nghal vek amaw?"
"zing dar1 a chhuak tur ani a....naktuk ah chuan i bungrua ka hmuh tawh lo ngei ka beisei.... " tih pahin chhuah nghal daih chu a tuma, a ban a man pahin, " dar 11 thleng ka lo nghak ang che ....i rawn kal lo anih chuan kumkhua in ka kal bo tawh ang " ka han ti zui sap a, hria ang pawhin a awmlo ka kut thing thlak pahin vawikhat pawh rawn hawi let lovin a chhuak nghal hmak bawk,tilang lo mah ila ka rilru na lutuk hi ka mittui takngial pawh a far thei tawh lo ,pawh sawm nawk nawk ang mai hian ka thinlung hi a na takzet .
Dr. Shin kan hmuh zawh hnu chuan Mason an hna alo nei ve bawk nen ina haw ta lo chuan Hailey in lam panin ka kal ta ringawt a, saw inah saw chuan kan pahniha sulhnu bak hmuh tur a awm loh avangin intih harh hmasak phawt ka duh.
"ngatinge a nat em em mai le? " tih sap pahin Ticket chu ka han en vang vang a, ka rilru tawt lutuk tih reh tumin ka han thawchhuak leh halh ṭhin a, awmzia a nei thui lo kher mai.
Hailey bula ka awm chuan ka rilru hahna te pawh a kiang ve deuh ringin ka pan ta ringawt a, a in luah ka thlen chuan kawngka a lo in hawn avangin doorbell pawh hmet lo in ka lut tlang ta ringawt a, inchhung ka luh chuan a lo reh ṭhiap ringawt.
" Hailey.... " tih pahin sana chu ka han melh zeuh a, dar8 chauh ala ri bawk si a party na ah chuan a kal lo tawp ang.
" Katie.... " Hailey in Katie a awmpui avang chuan ani pawh chu ka han ko leh a, min chhan a hnekin a reh ṭhuap ringawt.
Kawngka an kalh lo bawk nen an pahnih in dawrah an kal anih ringin Hailey room a lo nghah mai chu ṭha in ka hre ta zawka, koh chhunzawm lem ta lo chuan room lam panin ka chho nghal hnak hnak bawk.
A reh em avang chuan ipod chu la chhuak in hla ngaihthlak chu ka han tuma, chhuatah ka thlauh nghal pawp ringawt. Ka ipod ngei pawhin min kalsan dan tur a zawng tawh anih hi, chhar tuma ka kun lai tak chuan lehlam chu ka han melh zeuh a, ka sir a room kawnga tlemte lo inhawng chuan ka mit a la nghal zar mai.
Rang takin ka hawi kual nghal vata,ka mit a lak em em nachhan chu Hailey hian he room hi engtik lai pawhin a kalh tlat ṭhin a,luh a phal loh em avang hian luh hi ka chak zual sauh emaw tih mai tur ani.
"ka hmu ani tih ka zep tlat mai ang " tih sup pahin kawngka chu ka han hawng ṭhem ṭhem a, ka rin dan mai mai chuan an chhungkaw thil inrochun, kawr emaw, thil hlui tak tak a dah khawmna hmun anih te ka ring mai mai ṭhin a ,a takin ka hmu thei dawn ta hi ka phur ru hle bawk.
A thim vek avang chuan ,"Hailey ka tihpalh " tih sap pahin light ka on chiah chu ka kâ hup pahin ka bag ka thlauh nghal tawp a, mak ka tih em avangin chet pawh ka che thei tawh lo,ka thil hmuh hi ka awih thei lo ,ka mumang anih hial ka ring.
Room chhung chu Arden thlalak in alo khat vek anih chu!! thenkhat ah phei chuan thisen in eng eng emaw hi alo in ziak rang nuai bawk, chu aia mak ka tih zawk chu Arden thlalak zingah chuan Krissy, Tristan leh ka thlalak chu liantak leh chiang takin alo in X kulh anih chu!!
Chiang zawka en ka duh avangin kal hnaih ka tum chu hnung lam aṭangin tuemaw hian ka lu ah na takin a rawn vaw nghal pawp a,ka lu a hai em avangin ka tlu tawp a, ka muhil nghal siai siai bawk.
"Tina.... Tina tho rawh " ka hmai chu a rawn ben thek thek a, meng lo mah ila Hailey aw ka hriat chuan ka han khap deuh sawk sawk a engmah ka hmuh fiah thei chuang lo.
"Tina.... " Tui a min rawn theh sek sek takah chuan tlem tlemin ka khaw hmuh pawh a rawn fiah ve leh telh telh a, room bang vela Arden thlalak intar khat vek chu hmu fiah ṭha thei lo mah ila thil thleng kha ka mi ti hrechhuak nghal uai uai mai .
" Lalpa leh!! Tina ...." ka meng fiah deuh takah chuan Hailey chuan min rawn kuah nghal thlawp a,kuah let ve ka han tum nak chuan ka ban ka ti che thei ta hauh lo,chair ah che thei lovin min lo phuar bet reng chu niin.
"Hailey... eng nge awmzia? "chhuah tumin ka han tal aih aih a, Hailey erawh inthiam loh hmel zetin a ding reng thung.
" he room ah hian lut lo turin ka ti che ani lawm ni.... ka thu i awih duh lo a hetiang hi kan thleng ta anih hi.... "
"Krissy leh Tristan te kha i thah ani tiraw?"
"nilo....nilo.... Ka duh vang renga ti ka nilo" amah leh amah a inpuan takah awm ngaihna pawh ka hrelo ka ṭhiannu mah nise amah hlauhna in ka khat nghal vek.
"mah...mahse i that tho alawm" ka ti chhuak thei hram.
"Krissy kha na lo te in ka nam ringawt a chuan ....chuan inchung aṭangin a tla anih kha....ka tum reng vanga ti ka ti lo, amah biak ka tum mai chauh ani. Tristan pawh Krissy thih dan chungchang a hriat khan ngawi mai mai se chuan a thi miah lo ang ama thiamloh anih kha"
Hailey chu inthiamlohna leh hlauhna hlirin a khat veka, a khur nasat mai bakah a awmdan a dik tawh lo hrim hrim,a â vek tawh ni mai hian ka hria.
" Tina...khatiang mi kha ka ani lo asin, duhthlan tur dang ka neih loh vang ani " tih pahin min rawn kuah a han tum a, " min rawn hnaih suh" ka lo tih nghal hmuk avang chuan a rilru a nat hmel takzet.
" tih nat che hi ka tum lo asin....ka thu i awih duh loh avangin hetiang thil hi ka ti ta ani "
" mah... mahse engvangin? Engvangin nge Krissy kha i thah? "
"Arden chungchang ah biak ka tum mai chauh ani, mahse ka thusawi a ngaihthlak duh loh avangin na lo te a nam thluk mai chu ka tuma mahse ka tum loh deuhin a tla thla ta ani.... i hria em? nang leh Krissy in Arden a in hmelhriat hma daih tawh khan ka lo hmangaih daih tawh asin" ka mak ti lutuk chu ka mengphawk nghal kawk ringawt.
"ka duh thu ka hrilh mawlh mawlh pawhin chhanna ka dawng ngai lo, mahse pawi ka ti ngai lo a chhanchu ka pian tirh ata tawh mi hnawl leh duhloh kha ka ni miau alawm. Mahse maw ka ṭhian kawmngaih ber Krissy leh Arden te in hmangaih lai lo thlir tawp kha chu thil harsa tak ani, kei nilo in ka ṭhiannu zawk a duh a chuvang chuan duhsakna hlan a kal bo mai kha ka tum asin, mahse amah aia Arden ka lo hriat hmasak avang khan min thik in ka thusawi pawh a ngaithla duh lo a khatiang thil kha a thleng ta ani,khatih hun lai khan ka hlauh em avangin ka tlanchhe ta mai ani"
Hetia Hailey in a sawi takah chuan a mipa hmangaih chungchang min hrilh ṭhin kha ka hre chhuak nghal uaih uaih mai.Kha mipa naupang kha Arden hi maw lo ni a!!
School ah midang hmuhsit rawn anih avanga school kal a hreh em em ṭhin thu te, midang zawngin an tih duhdah a an kawm duh loh lai pawha mipa naupang pakhat in midang laka a chhan ṭhin thu te leh chupa chu tun thleng pawha ala hmangaih thu min hrilh ṭhin te kha ka hrechhuak nghal uarh uarh a mahse khapa kha Arden ani ang tih rin ngaihna pawh ka hrelo, nilo....ka ring pha ngai lo hrim hrim zawk.
" khapa kha.... "
" ni e... khapa kha Arden hi ani asin...Tina ,in in kawp avang hian ka vui ngai reng reng lo ,Arden hlim hmel ka hmuh kha chuan ka lawm tawk em em tho mahse Krissy leh Tristan te chungchang hi khawngaih takin min thup sak rawh "
"ngatinge a tirah khan min hrilh mai loh "
" ka hlau ani.... he khawvelah hian ka ṭhian neih chhun i ni a, min kalsan daih hi ka hlau ani.... nilo, mal taka awm ka duh tawh lo Tina... a hma ang khan inkawm leh ang "
" Engvangin nge ka kalsan ngawt ang che....ka ṭhian ṭha ber ini a, i ni reng bawk ang mahse i thil tih hi a dik lo ani hun ala awm lai hian police khutah inpe zawk rawh "
" ka thei lo... " tih pahin a ding thut a,"hei leh chen hi ka thup tawh a, ka thup hlen thei ngei ngei ang "
"hlauhna chhete i nei ve miah lo em ni? "
"hlauh a!! haha.... zantin ka mumangah ka hmu ziah ṭhin asin, nitin mai hian hlauthawng reng rengin hun ka hmang ṭhin.Ka inthiam loh em avangin vawitam tak Arden a call a thil engkim hrilh vek ka tum ṭhin a mahse a pickup duh ngai lo, hetiang anga ka tih loh hi chuan ka hmachhawn ngam thlawt lo ani. " anih chuan Arden rawn call ziah ṭhin tu kha Hailey maw lo ni a!! thil thlen dan hian ka lu a ti hai takzet, ngaihtuah chian erawh chuan a mak hle thung. Kei, Arden, Krissy, Hailey leh Natalie thlengin engkim hi chhan nei veka thleng ni mai in ka hria, engkim mai hi a inzawm veka, heng thuruk tamtak inthup zawng zawng te hi haichhuak vek turin kei hi Sacramento ah hian ka kal ni hialin ka inhria.
"Hailey.... min en rawh, ka thusawi hi chiang takin ngaihthla rawh, i thil tih hi sual ani i thil sual tih man chu i hmu phawt tur ani dawn lawm ni "
"nilo.... ka duh lo, jail tan ka duh lo.... ṭhian nei lova mahni chauha awm ka duh tawh lo "
"kumkhua in i thup thei dawn chuang lo, jail ah i tang emaw tang lo emaw khawi hmunah pawh awm la ka kalsan ngai lo ang che... engtik lai pawhin i tan ka awm reng ang."
"i ti tak tak em? police hnenah in pe pawh ni ila min kalsan lo ang tiraw?"
" aw.... engtik ah mah ka..... " tukverh aṭangin tuemaw hian silai in min rawn tin ani tih ka hmuh rual rual chuan ka ṭawng tawp nghal chawt a,ka dar ah tak min rawn kap nghal ṭhuai bawk.
Ka chet theih loh mai bakah a nat em avangin ka awmah min hnawh tlat a, thawk lak kawk kawk pahin ṭhuthleng chawpin chhuatah ka let nghal tawp a,Hailey in mangang taka min au lawm lawm ri chu a hla telh telh bawk.
Ka harh leh chuan" thisen a hlauh hnem tawh lutuk kan zai vat angai " an ti ri chu ka hre ruai ruai thei, tumah ka hmuh fiah theih loh avangin ka han khap fak fak a ,a hma ai chuan thawk a nuam deuh tawh oxygen min pek vang te pawh ani mahna.
"Ethan... " tukverh phena Ethan hmel kha chiang taka ka hmuh avang chuan midang hrilh ka han tum ve tak na chu ka hliam a nat em avangin ka ṭawng ri zo tawh lo.Ka chau em avang chuan ka han maimichhing leh siai siai a ṭawng ri takngial pawh ka hrezui tawh lo.
__________________________________________
★1 Day later★
"Tina.... "Arden aw ka hriat chuan mang lam aṭangin ka harh chhuak zawk mai, amaherawhchu ṭawngri engkim hre thei vek mah ila meng chhuak tur erawh ka awmlo thung.Ka kut nghet taka a vawn rual chuan a fawp zeuh ani tihte chu ka hre thei vek mahila ka che thei lo a, ka mit lah ka meng thei hek lo .Engvangin nge hetiang hian ka awm tak? Engvangin nge khawvel tak ni lo in ka suangtuahna ah ka cheng zawk tlat mai le?
"hetiang hian i mu reng thei lo ang "
*"ka mu reng reng lo, ka harh reng alawm"* ka tih lawm lawm pawhin a hre thei miah lo,ka tal nasat mai bakah ka au nasat em avangin ka chau zo vek tawh.
"Kalbo tura ka hrilh lai che khan min ngaithla ni la chu hetiang hi i chungah a thleng lo tur,keimah vang vek ani" a rawn tih takah chuan kalbo tura min hrilh lai vel te kha ka hrechhuak nghal uarh uarh mai,
" Arden.... kan tlai dawn nia " hmeichhe aw ka hriat rual rual chuan ka thinlung hi sah sawm vek angin maiin a rawn na nghal zawk zawk mai.
"mangṭha le, tun bak chu hmu tur che in ka rawn kal tawh lo ang chuan keimah vangin i tuarh leh tawh lo ang " a tih hnu deuh lawkah kawngka in khar khap ri ka hre zui zat bawk. Hetiang em em hian nimaw min kalsan i lo duh a, min en ta che ka che thei lo a ka hmu thei bawk hek lo tun ang hunah hian ka bula awm turin ka mamawh takzet che asin. Mahse nang chuan ka kianga awm a hnekin hmeichhe dang lakah min kalsan i thlang zawk amaw!!
Arden a chhuak chiah tih chuan ka thawk a rawn buai nghal der, ka thin ah a hnawh tlat avangin boruak chu ka han hip lut kawk kawk a,a nat em avangin ka harh chhuah leh theih pawh ka inring tawh lo.
"tunah 3,2,1 " Doctor in a tih rual rual chuan ka awm insep lawp lawp chu defibrillator chuan a rawn dep kang lawp lawp a , vawithum vel min deh hnu chuan ka meng nghal kawk a, ka thaw chhuak nghal siai siai bawk.
"a tawk... " tih pahin ka mit chu light hian a rawn chun zeuh zeuh a, "a ṭha tawh e... " a ti zui sap bawk.
"bawihi.... " hun rei tak hnu ah ka pa aw ka hriat leh avang chuan ka mittui a rawn luang ngiai ngiai mai. Che thei lo mah ila ka pa ka kiangah a awm ani tih ka hriat avang ringawt pawh hian ka thla a muang ngal huai mai.
"Doctor... ni khat lai a liam tawh a engvangin nge ka fanu hi hetiang hian ala awm ?"
"ṭawng engkim a hre thei veka, engkim a hmu thei vek tawh bawk amaherawhchu a taksa a chak loh mai bakah ala hlauthawng bawk nen amah hi thlamuang taka a awm phawt angai ani " Doctor sawi tak ang hian kei hi chu hlauhna avang ringawt pawh hian ka nun a buai nghal vek thei,ka mumang ah ka hmuh loh leh mahni chauha awm hlauh ngawih ngawih na ka nei ṭhin bawk.
__________________________________________
★1 week later★
Kar khat a ral meuh chuan ka ṭha sawt tawh hle ,ka ṭhu chhuak thei tawh a ka tei kual ka kual thei tawh bawk mahse silai a kah hliam ka nih avang leh ka thil hriat leh tawn te kha a rapthlak em avangin tun thlengin ka la ṭawng chhuak leh lo.
"i hliam kan dressing hma in i sam khuih phawt ang aw... "tih pahin Natalie chuan min rawn nuih sang a, chhang lo in ka melh ngai ka melh reng tho.
"i hre tawh em? Hailey khan rilru lamah buaina alo neih reng avangin tunah hian enkawl mek ani a, dam leh vat turin duhsakna a hlan che asin " a tih chuan ti lang lo mah ila ka lawmpui takzet.
Natalie in duat taka ka sam min khuih sak heuh heuh lai chuan Arden a rawn lut hlawl ringawt, a hmel ka hmuh zawng ringawt pawh hian ka awm zawn chu a rawn na nghal zawk zawk a, ka mittui a rawn tling nghal pam bawk.Natalie in Arden a hmuh rual rual chuan a tho nghal vata ,"Hailey chungchang takngial pawhin awmzia a nei lo " tia a hrilh sap ri chu ka hre vek a, hriatthiam hmel takin alo bu nghat bawk.
Arden chu inthiamlohna pawh nei hauh lo in ka bulah chuan a rawn ṭhu nghal thak a,engvanga kal bo tum si kha la kal lo cheu nge maw anih le.
"darkar khat hnu ah i chhuak thei tawh dawn a damdawiin ah i awm reng angai tawh lo ang " tih paha ka sam rawn hui a tum lai chuan ka lo hawisawn nghal hmak ringawt.
" ughh.... englo ania, Ethan an man tawh a " a tih takah chuan ka han maimichhing vang vang a, kha thil thleng avang khan zanah ka mu thei lo a, mahni chauha awm ka ngam bawk hek lo engtik lai pawhin hlauhthawnna hlir in ka khat renga chuvang chuan engtik lai pawha awmpui reng ka ngaih phah ani.
"kalbo rawh... " ka ṭawngchhuah takah chuan mak tih hmel takin min rawn melh nghal kawk mai,ni e....hun rei tak chhung a bulah ka ṭawngchhuah tawh loh avangin mak a ti pawh hi a awm lo lo e,amaherawhchu ka pa bulah erawh chuan ka ṭawng chhuak zeuh zeuh tawh thung.
"i ṭawngchhuak tiraw....?" min rawn kuah nghal thlawp ringawt, a hmela hlimna nasa tak rawn lang hi keimah vang nise ka ti takzet.
"hmuh che ka duh tawh lo "
"mahse ka hmu duh che lawm...."
"Arden.... Brad a rawn kal ania ,i kal vat angai"Natalie chu hlauhthawn hmel tak hian a rawn tlan lut nghal vata, Arden pawh a tho nghal vat bawk.
"kan inhmu leh dawn nia.... "tih pahin ka hmuiah a rawn kawp zeuh a,hmanhnawh takin a tlan chhuak nghal vat bawk.
A ngai te bawkin ka thinphu pawh a rang leh tawh kher mai,hepa bulah hi chuan hetiang hian ka awm reng mai dawn chu anih hi, mahse maw amah ka hmuh apiang hian thil thleng tawh te chu min ngaihtuah chhuah tira chhungril ah hian ka na takzet thung.
Arden hi ka pa hian a huat em avangin a rukin min hmu turin a rawn kal ṭhin a,vawikhat phei kha chu ka pa in a hnek hial anih kha,ka tih hun lai khan khumah mu in engmah hmu thei lo mah ila ka rilru kha a harhfim em em a, an thusawi engkim hmaih nei miah lo in ka hre thei vek bawk.
Arden kal hnu reilote ah ka pa pawh a rawn lut nghal vata,min hmuh rual rualin min rawn nuih nghal sang bawk .
" kan kal tawh dawn mi niang.... "a tih chuan ka lo bu nghat a, diktak chuan damdawiin hi ka kham tawh takzet ka ban chiah na mahse thi tur ang mai min enkawl a, room aṭanga chhuah hrim hrim hi ka chak tawh takzet bawk.
"Nate.... Tina hi i rawn hruai thla dawn nia, motor ka lo zuk la chhuak ang " tih pahin bag chu a khai nawlh a, a chhuak nghal nal nal bawk.
"Tina... Arden chungchang hi i pa i hrilh lo ang tiraw? " tih pahin ka ban ala nat deuh avangin min rawn kaitho a,ka ban hi awrh reng mahila ala na takzet ka duh ang pawhin ka chet ṭha thei lo.
"hmuh ka duh tawh lo " tih ringawtin ka lo phun sap ringawt.
________________________________________
In kan thlen rual rual chuan ka room lamah ka pa in min chohpui nghal vata, kawngka a hawn chuan ka hnuk a ulh tlat anih chu!
Ka room ka hmuh lohna thla hnih chuang alo ni ta reng mai,engkim mai chu a hmun ngaiah ka dah dan ang thlapin alo la awm veka, engkawl tih hriat takin a fai hle bawk.
"Nate in nitin i pi room nen a ti fai ziah ṭhin a.... i duh chuan i mu hahchawl nghal thei ang bedsheet pawh a thar vek a pahsak che kha "
"awle.... " mut ka tum avang chuan ka pa pawh chu chhuah nghal mai a han tum a, "Pa... " ka koh chuan a rawn hawi rang kher mai.
"inneihni kha sawn hla suh u.... " keimah vangin an inneih ni tur sawn hlat an tum ani tih ka hriat ruk avangin ka dan ngei angai.
"a pawi hleinem... han dam fel phawt la "
" pa.... ka tihpalh " ka miittui a rawn far fap ringawt."Krissy mit a hmuh hian a rilru a na thei ngawt ang " ka tih chuan min rawn kuah nghal vata, ka ban chul hliau hliau pah hian,"A pawilo...a tan chuan a fanu rawn tho leh ang mai i ni"
"min haw lo ang tiraw? "
"ka fanu hi tuin nge haw thei ang"a rawn fiamthu avang chuan ka lo khi suk ringawt.
Nitin mai chuan ka room tukverh bulah thu in ka inngaihtuah ngawt ngawt ṭhin a, a chang leh Hailey ka tlawh zeuh zeuh ṭhin bawk a chhanchu a mal lo ani tih hi hriattir ka duh vang ani. Hailey khan rilru lama harsatna nasat tak alo nei reng kha alo ni a, mahni chauha awm hlauhna te, midang chan hlauhna te leh mal ngawih ngawih a inhriat na te chu amah tibuai ber tu ani. Hmu tura ka kal apiang hian Arden a dam nge dam lo tih hi min zawh hmaih ngai loh mai bakah hmuh a chak ṭhin thu min hrilh ngat phei hi chuan Arden hi ka haw ngawih ngawih ṭhin a chhanchu Hailey awm ang chiah hian ka awm ve vang ani. Nitin mai hian hmuh ka chak em em ṭhina, amaherawhchu tu chungah pawh natna bak a thlen ngai lo.
Keini chauh nilo hmeichhe dang pawh a in duh tir a, tumah a ngaihsak loh mai bakah a kawp duh loh avanga rilru na ka hmuh hian ka haw ngawih ngawih.A duh lo anih chuan ṭha takin a hnawl thei amaherawhchu min kalsan duh si lo hian hmeichhe dang a be reng bawk si a chu chuan min ti thinrim in amah min huat tir ngawih ngawih bawk.
Tukverh lam thlir vauh vauh paha ka lo ṭhut mai mai lai chuan Natalie chu lehkhabu nen hian a rawn lut a, ka bula rawn ṭhut pah hian, "Tina... pangpar hi a var nge a pink ṭha ang, han en chhin teh" tih pahin lehkhabu a pangpar chi hrang hrang chu min rawn hmuh tir a, a hmel a phurna leh hlimna chu tih chhiat sak ka duh loh avangin nuih sang pah hian, "a var hi a nalh zawk ang " ka lo ti vat bawk.
"anih chuan a var hi ka order ang.... chuan i kawr hak tur pawh a rawn thleng tawh a i ha chhin duh em?"
" umm.... " karleh nilai ni hi inneihni anih tawh avangin ka pa pawh a phur tawh hle a,chu chuan min ti hlim takzet.
" anih chuan rawn chhuk thla la... i duh ber i thlang dawn nia " tih pahin phur takin inhnuai lamah a chhukthla nghala.
Room ah ka tawm rei tawh bawka mahni leh mahni inti phur chawpin inhnuai lam ka pan thla chhat chhat a, mahse tumah an lo awm miah lo ,an vai mai chuan kawtah an lo ding khawm ṭhap a thil thlir nei te pawh an ang zawk.Mak tih hmel takin an thil tih hriat tum chuan ka va pan hnai ve nghal vata Natalie in min rawn hmuh rual rual chuan, " Tina... engmah ani lo lut ang "
" mahse....engthil " ka sawi zo hman lo,ka pa in Arden a hnek lai ka hmuh rual rual chuan ṭawng chhunzawm nachang pawh ka hre tawh lo.Ka pa in rawn kal a phal loh avangin dan a tum na lamah a hnek ani tih hai rual anilo.
"hmela.... rawn in lan tawh lo turin ka hrilh ngun tawh viau che ani lawm ni" ka pa in a kawr nghawnga a ṭham pawh chuan tih let a tum miah lo, duh chu nise ka pa hian a vawikhat khawih pawh a dawl dawn lo tih a chiang reng.
"pa duhtawk rawh.... " inneih buaipui dang ho chuan min rawn en nghal thap a,an hlauthawng ani tih chu hai rual ani lo.
"Arden hi biak ka duh "
"hepa hian.... "
" a pawilo... " ka tih takah chuan a kawrnghawng a ṭham na chu a thlah pawp a,Natalie chuan midang ho chu inchhungah lut turin alo ti nghal vat bawk.
"Eng nge hetah i rawn tih dawn? "
"hmuh che ka duh ani....ipa in phal lo mahse hetiang ringawt hi chuan ka awm thei tawh lo "
"midang i kawp tawh a, engvangin nge min hmuh chu ila duh cheu a"
" Enga!! " amah zawk hian midang a kawp ani tih a hriat loh hmel zawk.
" hman zanah pawh dinner in ei dun kha "
" nilo.... ka kut enkawl tunu doctor kha maw i tih chu... hahh" a kut enkawl tu doctor lek maw lo ni a!!!
"i duh ang ngeiin treatment ka la alawm... mahse Mason nen a in doctor biak pa kha chu ka hmu duh lo " hepa tak hi chu aw.... Mason vanga hmu duh lo ani tih ka chiang.
"mahse ka mamawh lai che in min kalsan ani lawm ni "
"duhthlan tur dang ka neih loh vang ani "
"nang hian midang tih nat bak tih i nei lo "
"Tina....a hma ang khan awm leh ang, hawh inah haw ang " min rawn khawih a tum chuan tawlh hnung hrut pah hian, "min khawih suh.... hmuh che ka duh tawh lo " ka lo ti nghal vat a, chungril ah erawh ka na takzet thung.
"khatiang thil kha ka thlen nawn tir tawh lo ang..."
"min en ta che... heng thil zawng zawng hi nangmah vanga thleng vek anih hi" ka tih chuan inthiamloh hmel takin ka ban chu a rawn melh zeuh a .
" nangmah vangin Krissy a thih phah a, nangmah vangin Hailey pawh rilru lam enkawl na ah a awm mek asin....chuan nangmah vang vêkin kei ngei pawh hun harsa tak ka tawh laiin i hlimna tur chauh maw ilo buaipui a!! "
" i hria em nangmah vang hian ka pa in zantin mutna damdawi a ei ṭhin asin,chupawh duhtawk loin kei thlengin khawngaihna nei hauh lovin min tibuai asin,zantin mangchhia avanga mut theih loh te , hlauh ngawih ngawih reng te leh rilru nat te hi pawi ka ti lo mahse nangmah avanga ka hmangaih ten an tuar lai erawh ka hmu thei tawh lo "
"ka duh reng vang ani lo"
"a thlen tur ang chu a thleng vek tawh chuvang chuan a thlen nawn leh tawh loh nan kei leh ka chhungte lakah hian inthiar fihlim rawh,thlamuang takin min awmtir tawh rawh " ka pa lungngai hmel hi hmuh leh ka duh tawh lo.
" keimah vangin thlabar takin in lo awm ani maw? " a rilru a nat hmel kher mai.
"hmuh che hi ka duh tawh lo...." ka tih takah chuan a sam ṭham pahin a hmui chu a han pet vang vang a, nuih suk pah hian," awle a ṭha e.... " a han ti chuai raih a, rawn hawi let tawh lo in bike ah a chuang vat a, chak zetin a tlan nghal vang vang bawk.
Ka rilru na hle mahse amah avangin ṭah ka tum tawh lo mahila insum hi thil harsa tak ani, tunah chuan ka mipa duh leh hmangaih chu ka chan ta!! ṭah chhuah hawm hawm ka chak takzet. Luh tuma ka hawi let chuan ka pa hian kawngka aṭang chuan min lo thlir renga, biak pawh be lo in melh zeuh pahin inchhungah ka luhsan daih a, tunah hi chuan keimah chauh a awm ka mamawh takzet.
"Tina.... kawr chu i rawn ha chhin dawn mi niang "
"awle... nakin deuh ah " pangngai taka ka ṭawng chuak thei chu mak ka inti hial zawk, za lo zeta nuih suk pahin ka room lam ka pan nghal vata, ka room kawngka ka khar chiah tih chuan ka insum thei tawh lo, ka ṭap chhuak nghal hawm hawm ringawt.
Arden nen a kan inkar a tawp takah chuan min hmu turin a rawn kal tawh ngai loh mai bakah a chanchin hriat tur a awm leh tawh ngai lo. Kei erawh a ni telin chhiat lam ka pan zel emaw tih mai tur hian engthil mah ka ei thei lo a, ka mutthilh theih loh mai bakah engthil mah in min ti hlim thei tawh lo.
Ka pa leh Natalie te bulah erawh engmah thleng lo ang maiin awm ṭhin mah ila ka room ah ka awm tawh hi chuan ka ṭap lo thei ṭhin lo. Kumkhua a Arden nen a kan in ṭhen tur hi ka ngaingam thei thlawt lo, a chang leh ka suangtuahna te kawm in mi â ang maiin ka khawsa a, Hailey hmu tura ka chhuak tih loh hi chu ka room ah ka tawm deuh chawt reng mai.
__________________________________________
★ WEDDING DAY★
Tuipui kamah an innei bawka, midang an lam sup sup lai chuan wine dawm chungin lungpui chungah chuan ni tla tur thlir in ka han ṭhu vang vang a, thli thaw heuh heuh te leh tuipui fawn hlawp hlawp te chuan min ti zia sawng sawng mai.
"i lam ve dawn lo em ni? Jade pawh a lam nasat em saw..." tih pahin Dylan chu ka bulah a rawn ṭhu thak a, "mipui zi nuai nuai ka tlanchhiat san zawk mawle " ka tih chuan a nui chhuak hak ringawt.
"boruak chu a nuam kher mai....zanin hi Arden te inbeih zan kha ani tawh ania, i kal ve dawn lo em ni? "
" Dylan... a chungchang sawi tawh lo teh "
"a chanchin ka sawi loh pawhin i hlim phah pawn ka hrelo"
"hlim lo mah ila min ngaihsak lo tu hming hi hriat pawh ka hre peih lo "
" hahh....nikhaw hrelo a i awm lai pawha i kianga awm reng ṭhin ,a practice kar lakah pawh i chanchin min rawn zawt ziah ṭhin tu, i pa in hmuh che a phal loh lai pawha i room kawta nghak fan fan ṭhin tu che hian a ngaihsak loh na che ka hrelo "
" maw? "
" i awih em? i pa in hmuh che a phal loh avangin a chapo na te dah ṭha in a mangang lutuk in i chanchin min rawn zawt asin.... i awih bik lo ang Arden an hetiang thil a ti hi "
"Amah vanga tuar ka nia... a tih ve tur reng alawm "
" anih Krissy thattu Hailey takngial pawh nangmah vangin a va tlawh ṭhin tih hi i hria em? " chu zet chuan min ṭhawng takzet, ni e... Arden bulah Hailey a tih na thu te leh midang rilru tih nat bak a tih ngai loh thu ka hrilh ngei alawm mahse a thil tih diklo te siamṭhat tuma Hailey a va hmu ṭhin chu mak ka ti takzet, a chhanchu a hmangaih ber thattu hmuh hi thil awlsam tak ani hauh lo.
"engmah i hrelo niin a lang.... a awm tho e i beng i chhu ngawng tlat alawm " ka ngawi reng ringawt, han sawi mai tur pawh ka hrelo.
" ok.... Saw Katie in min rawn melh rum tawh emai kan kal leh tawh mai nge "nuih vur vur pah chuan a rawn ti a, keipawhin ka lo nuih let suk bawk.
Mahni chauha awm chu thil eng eng emaw ka ngaihtuah zel avangin party na ah chuan ka let leh ta ringawt a, ka nu leh a pasal hual mai bakah ka naute pahnih pawh an rawn kal ve avangin an bulah chuan ka zuk ṭhu ve nghal vata, ka pa leh Natalie te lam lai chu kan en ṭhap bawk.
"nui ve ta che... i pa nupui ang sawn " ka nu ṭawng hi chu ngaiah ka nei tawh, a thik vang leh a sual vang pawh ani lo a ṭawngkam ve hrim hrim anih hi.
"va lam ve zawk rawh ru... "
"nilengin pheikhawk sang ka bun a.... ka ke hi a durh lo chauh "
"keipawh... "
"i pa tana kan tawrh ve theih chhun ani miau sia lawm le " a pasal hual melh pah chuan a nui hawk hawk ringawt, ka nu tak hi chu fiamthu a duh bawka a bulah hi chuan a lungngaih theih loh.
Chutia lam kan lo thlir reng lai chuan ka pa chu ka bulah rawn kal hnai in ka hma ah tak a kut rawn dawh pah hian, "min lampui thei angem?" a han ti sap a, "tehreng mai tih pahin ka kut ka lo pe nghal vat bawk ". Ka pa lampui hi ka thil chak ber anih mai bakah an inneih ni a ka lampui thei hi ka lawm takzet bawk.
" i mittui a tla dawn ania..."
" ka hlim lutuk a, ka duh lo chung pawhin a rawn tla zel tho"
" i hria em? i tet lai aṭang tawh in i tan pa ṭha tak ni ngai lo mah ila i hlim hi ka duh ber ani asin"
" pa ka hlim lutuk alawm.... i hlim hmel ka hmuh hian ka hlim takzet bawk"
"mahse... i lungngaihna te thup tuma i nuih hian min ti lungngai ṭhin asin, tunah pawh i nui hmel ka hmuh ka lungngai takzet"
" pa...."
"tun aṭang chuan lungngai taka i awm hmel hi ka hmu duh tawh lo ...i pa hian i hlim theih nan chuan engpawh ka ti ang "
"ka lawm e... "ka pa chu ka kuah nghal thlawp a, ka pa diktak kha a rawn let leh tawh avangin ka lawm takzet.
"Ka lampui ve thei tawh angem?" ka pa ka kuah lai chuan Arden aw ka hre ta thut mai!! mak tih hmel takin ka pa chu ka en nghal vata ,ka hnung lam melh paha hawi let tura min rawn mitmei zeuh avang chuan ka hawi phei rang kher mai.
Ka awih thei lo, ka thil hmuh hi a tak chu ani ngei bawk si .Arden chu suit nen min rawn nuih vur vur pah hian alo ding reng anih chu,a hmelṭhat ngaiin ala hmelṭhat mai bakah a suit ha lai ka vawikhat hmuh na a nih vang nge pawh ka hrelo a chhelo takzet.
"pa ...." ka pa ka melh rual rual chuan ka mittui a rawn tla nghal zung zung ringawt.
"i hlimna tur anih phawt chuan engkim ka ti ang ka tih tawh kha,i mittui hi hru hul rawh i nuih khan i hmelṭha daih zawk ania " tih pahin Arden bulah chuan min kai phei a, "i tih ṭah leh chuan jail ah ka khung tawh ang che... hre reng rawh Zero ang nilo in Arden ang zawkin duat takin enkawl ang che " ka pa hian Arden chungchang alo hrechhuak vek tawh anih hi,engtin nge a hriatchhuah le?.
Ka pa chu kan piah deuh lawkah Natalie nen an lam lehnghal a, diktak chuan kan awmdan hi a lai deuh ṭut tawh han sawi mai tur lah ka hre miah lo lehnghal.
"min lampui dawn lo mi?" tih pahin ka kut chu a rawn vuan a,a kut lehlamin ka kawngah a chelh tlat bawk.
"heta i rawn kal chhan hi sawi i tum miah lo em ni? "
" ughh.... i pa in nimin ah min hmu turin a rawn kal a " a tih takah chuan thil thlen dan chu ka man thiam nghal vek.
"mahse MMA kha" a hmai vung deuh lak te leh pem la tharlam tak te chu ka hmuh hmaih hauh lo.
" naktuk ah news ah i en mai dawn nia "a awmdan aṭang chuan a champion ani tih hai rual ani lo.
"nghal leh lutuk mai... tlang deuha min hrilh loh te chuan engtin nge ka hriat theih anga " ka tih rual rual chuan lungchim takin min rawn fawp nghal vawng vawng a,a ngai te bawkin ka thinphu pawh a rang leh tawh kher mai.
"KA HMANGAIH CHE capital letter in ka sawi ania...tlang deuhin ka hrilh che anih chu "
"hey.... "
"Valentina... ka fiamthu lo ka hmangaih che, ka hmangaih takzet che " mak tih hmel zetin ka en reng ringawt, Arden thusawi hi a dik tak tak ani em? ka awih thei lo, vawikhat pawh min duhthu sawi ngai lo khan min hmangaih thu min hrilh anih chu !!! hei zet hi zawng fiamthu emaw sawi mai mai a ni thei tawh lo.
Chhan ngaihna pawh ka hrelo, mahse hei erawh ka hre chiang hle thung tuna ka mipa lampui, hmelṭha leh chhelo zet mai hi ka hmangaih ani, ka thinlung zawng zawngin ka hmangaih takzet bawk.
"ka... keipawhin ka hmangaih che " tih pahin duhthawh takin ka han fawp vawng vawng a , a khawih te, a fawh te leh a rim te thleng hian ka ngai tawh lutuk hi engtik lai pawha a bula awm reng mai hi ka duh.
"khawiah emaw kal i duh em? "
" maw!! "
" i hre mai ang "tih pahin a bike lam panin kan in kai phei nghal dawr dawr a, kawrfual ka hak mai bakah pheikhawk sang ka bun bawk nen kal pawh ka kal ṭha thei tawh lo.
"khawiah nge kan kal dawn? "
"tui cheng turin mawle.... kha helmet hi khum rawh " tui maw!! a sawi tum chu ka hre nghal, hmana tui khawh thla awmna hmun a min hruai na kha ani tih ka hriat avangin ka phur hle nghe nghe.
"helmet ka khum te chuan ka sam a chhe vek anga sin "
"a pawilo..." tih pahin ka sam darkar khat dawn uluk zeta an set ṭhat sa vek kha second khat chhung lekin a rawn phelh nghal vek anih chu. " ti kha chuan i khum thei tawh ang " ngeiawm zetin a ti zui kher bawk. Arden an bike a tih nung hlat hlat hnu chuan ka kawr fual pawh chhoh pahin chuan mai ka han tuma thil ka hriat chhuah leh hnuhnawh avang chuan lungawi lo tih hriat zet hian, "i Doctor nu nen khan washroom ah khan eng nge in tih " ka han ti leh kher a.
" a kawr hnung zipper zih sak ka tum mawle "
" engvangin? "
"huizz.... dinner ei laiin a in phelh alawm, chuang rawh chuti lo chu ka tlan san ang che "
" ka pa thusawi kha hre reng rawh " fiam pahin rem lo zet hian ka chuang nghal vata,a kawngah nghet takin ka kuah nghal thak bawk.A tlan chak dawn ani tih hre tho mah ila, "tlan chak suh aw... chu ti lo chu.... " ka sawi zawh hma hma in min runluih deuh pah bawk nen chak zet hian a tlan chhuak nghal fua a ka au phei nghal rawng rawng bawk.
Chapter-51
A khalh chak em avangin hma lam melh kar pah chuan ka ṭhu khar a,nghet takin seat belt ka kuah ṭai bawk.Kan hma a motor tlan ho chu kan tlanpel zung zung hlawm a, kan lam pana motor an rawn tlan apianga a kawi leh zawk ṭhin avangin ka hlau ru hle bawk.
"i... i khalh muang..... "ka sawi zawh hma hma in kan hma zawn ah tak hian motor light eng zetin min rawn chhun pup avang chuan ka mit hliah pahin ka ṭe nghal tuarh a, motor dang nen kan insu emaw ka tih vek tawh hnuah car chu a rawn ding thut a, a ri nghal tuarh bawk.
Hma lamah ka bu nghal lawp a, ka hlauthawng tih mai loh chu na ka neih awm pawh ka hre lo ka chiai ani ber mai.
"hreptak chuan.... " Arden aw ka hriat rual rual chuan ka hawichhuak nghal vata, kawng sirah fel takin kan lo ding then tawh chu niin.
"mo... motor kha.... "
"kawng en nachang pawh hrelo, motor khalh tlak pawh an ni lo.." a tih takah chuan sawi zui vak ka tum lo, ama thiamloh ah midang a puh mai mai ani.
Ka thinrim bawk si ka hlauthawng bawk nen hetiang ringawt hi chuan ka chuang thei tawh lo ang,car kawngka hawn pahin ngawi rengin chhuah san daih ka han tuma mahse ka ban ah a rawn vuan hman.
"khawiah nge kal i tum?"
"en ta che... chuan reng na chi pawh anih tawh loh hi... "
"i hlau mi? hahh... engthil mah a thlen loh hi... "
"min thlah rawh... subway in ka rawn haw mai ang " tih paha ka kut ka pawh thlak pawp rual chuan ner nghal sawk a,thil diklo a awm ani tih ka hre nghal bawk.
"Ngatinge i kut kha a na em ni? "
" Engmah ani lo?"tih pahin a steering chu a han hum vang vang a,a na tak tak lo emawni le?
"khawimaw rawn la teh? "ka ngaih a ṭhat zan loh avangin a kut chu ka han pawt sawk a, ti lang lo mahse a na bawk aniang a ṭang theilo hrim hrim.
"damdawiin ah kal ang... "
"ka duh lo "
"ok... a nih chuan keimahin ka kal anga nimai lawm... "
"na i nei em ni, i in sawh na lo tiraw?" a hma zawngin min zawt der silo.
"ka insawh nat em kha internal bleeding pawh ka nei maithei asin.... "ka tih takah chuan a hlauthawng ve deuh te pawh aniange, ngawi rengin car a ti nung a, damdawiin lam panin kan tlan ta nge nge a.
★HOSPITAL★
Xray result nghah pahin ṭhuthleng ah inhlat deuh tak hian kan ṭhu ran a a tu amah inbiak hmasak bik ka tum hek lo inhmelhriat ngai miah lo te pawh kan ang zawk.
" i insualna tiraw....? " tih sap pahin ka va melh zeuh a min chhan tum hmel pawh a pu lo, a melh ngai a melh renga a in ngaihtuah ngut ngut bakah a rilru a hah hmel em avang chuan biak chhunzawm pawh ka tum tawh lem lo.
Chutia kan pahnih chauha ngawi renga kan ṭhut reng lai chuan sana ka han melh zeuh a result lam hun alo ni der tawh.
"result kan lam tawh dawn mi niang " ka ṭawng zawi nge a hre lo der pawh ka hrelo,a ṭhut ngai angin a ṭhu reng ringawt.
"doctor in minute15 hnu ah rawn kal rawh u a ti sia... hei kal a hun tawh" a aia ring deuh hlek chuan ka han ti leh ngat a, a rawn hawi ta nge nge alawm.
"awle "tih pahin a tho thut a,nghah pawh min nghak lo in a kal nghal nal nal ringawt.
"enge maw a hriat le? a phone a theihnghilh tih pawh a in hre lo" tih nung nung pahin ṭhuthleng a Arden phone thlauh chu ka la a,call a dawng lehnghal.
"he phone number bawk chu...." nizan a rawn call tu bawk kha,hemi number aṭang hian miscall a tam mai bakah Arden hian pickup ngai bawk si lova a pawimawh lo anih ringin ka reject ve hmak ringawt.
Doctor room ka thlen rual rual in Arden chhuak lam nen kan intawk leh hman,"eng nge.... " tih bak ka sawi hman lo,a kal liam hman daih anih chu!!
"umm... Doctor eng nge a an? a ṭha tiraw? " Arden hmel awmdan aṭang kha chuan ṭhat hmel pawh a pu lo.
"a ban ruh a khik mai bakah rei tak a enkawl loh avangin zual lam a pan zela, zai mai angai ang " ṭha deuhin min lo chhang ve mai bawka.
"anih... engtin nge a tih?"
"a lan dan chuan zai a duh hmel loh... mahse zai anih loh chuan a kut hian ngai a awm thei tawh lo ang " ka mit nghal sawlh ringawt, kei a tuar tu pawh nilo hi hetiang anga ka nat chuan Arden phei chuan na avan ti dawn em?
"awle... ka hrethiam e" chhuah mai ka han tum a, doctor bula hmeichhe pakhat lo ṭhu ve chuan, "ani khan Depression a nei em?" mak tih hmel zetin ka melh nghal kawk ringawt.
"maw!!... ka... ka van hre mai lo " engvanga min zawt thut nge maw anih le?
"umm....psychiatrist panpui ve hrim hrim la a ṭhat ka ring"ka rin dan chuan amah hi Psychiatrist anih hial ka ring hetiang min zawh danah hian.Chhan dan tur pawh ka hrelo buk nghat pahin damdawi an chawhna lehkha chu ka la a ka chhuak nghal vat bawk.
Pawn ka chhuah meuh chuan kawtah car nen min lo nghak ran tawh a, Arden hmel ka hmuh hian ka ngaihtuahna a kal thui takzet. Engvanga luhlul leh tawrhchhel em em nge maw anih le, nizan ah pawh khan no takngial pawh a hum nghet zo tawh lo kha ani a, tunah la engmah thleng lo ang maiin motor a la khalh lui tlat chu ani si a, engvanga a natna leh rilru natna te hi sawi chhuak duh miah lo nge maw anih le?
"subway in kan haw mai dawn mi?"
"ka kut lehlam chauh pawhin ka khalh thei tho alawm " kha leh chen kha kut na chungin a khalh thei tho tih hre mah ila amah ka ngaihtuah vang zawk ani reng si a.
"mahse..... awle a ṭha e " a tih luih leh theih dawn loh avangin tihian sawi buai lo in chuang hle hle ila a ṭhat zawk ka rin avangin ka ṭhu lut nghal ṭhak a,tunah tak hian motor khalh thiam ka chak takzet.
In kan thlen meuh chuan ka thaw nghal huai mai ,khalh chak lo mahse thin thi in ka awm lo hrim hrim.Arden an car garage a a hung ṭhat lai chuan ka lo luhsan daih a, engtin nge inzai turin ka thlem ang tih bak ka ngaihtuah thei tawh lo, engpawh chu nise a ka tum ve hrim hrim tur ani.
Khuma ka lo ṭhut kun lap lai chuan ngawi reng hian a run lut a, in hmelhriat miah lo ang hian engtik thleng nge maw kan awm dawn le?
" ngatinge hetiang hian i awm?" rei fe a ngawih vang vang hnu ah, "engtin maw ka awm?" tih bakin min rawn chhang lo, hetiang ringawt hi chuan engmah min hrilh dawn lo ani tih ka hriat avangin a hma ah tak ka va ding ran a,a kut hum vang vang pah hian,"ka hnenah sawi duh pakhat mah i nei lo em ni? inzai chungchang tal pawh ,hriat ve ka phu lo em ni?" a mit ah tak ka en chho kar a "engkim min hrilh vek rawh, engvangin nge hetiang ang hian kan awm, hlim tur kan ni asin inpehhel tur nilo in.... tun atang chuan zep awmlo in inngeih takin awm tawh ang" a hawi sawn daih avang chuan thei leh thei lo in a hmai chu ka han khawih a ,"ngatinge inzai i duh miah loh a?" a hmuiah ka han fawp zeuh bawk.
A hmel aṭang chuan thil min hrilh duh a nei ani tih hai rual ani lo, mahse ka sawi tawh ang khan a theih chen chen zep tum tlat ṭhin mi ani.A chil lem dak pahin ka kut chu a dah thla riai riai a, tukverh lam hawi daih pah chuan thawk a han la kawk bawka.
"MMA league ah ka tel... chuan karleh chawlhni hi final ani tawh" a ṭawng chhuak ve ta!! mahse chu chuan min ṭhawng kher mai.
" M.....MA maw?!!" ka dang a awk nghal vek, ka hriat miah loh in MMA league ah alo tel amaw!! chu chu thuhran nise, hei vang hian maw inzai a lo duh loh a!! nilo... ka inbeng dai hram hram tur ani, a bo daih ṭhin nachhan kha zep miah lova min hrilh avang hian lawm zawk tur ka ni .
"ngatinge min hrilh mai loh.... "
"min chhuahsan ka hlau ani "
" nilo... nilo.... " zaidam tak hian ka kut pahnih in a hmai chu ka han dawm a ," i thil tui zawngte hi tilo turin dan ka tum reng reng lo che.... mahse i hmai vung bur te, thi sung te leh duk chur te ka hmuh hian ka hlauthawng ṭhin asin... Arden a rorum mah mah ani,i hlau ve lo em ni?" ka ṭawngkam avang chuan a rawn khi suk a, boruak pawh a zang phah sawt in ka hria.
" mahse nuam ka ti alawm ..."
" anih i kut ve thung hi... zai anih loh chuan.... "
" nilo.... karleh lawk hi final ani tawh a ka inhnuk dawk thei lo "
"mahse zual lam a pan zel hi " Arden luhlul lutuk leh tumruh lutuk hian ka hnuk a ti ulh dawn alawm mawle.
" a pawilo....match hmasa ah pawh engtin mah a awm lo.... "
"zai chu i duh lo tak tak amaw? " ka tih chuan a bu nghat a,a ruk tak chuan a in tih nat belh ka hlau takzet.Ka tihngaihna hrelo chuan nghet takin ka han kuah ringawt a,a inhnuh dawh hlau lutuk hmel ka hnuh hian tawpsan turin ka hrilh ngam thlawt lo.
"anih... MMA zawh veleh engpawh thleng se i inzai ang tih min tiam rawh... "
"awle.... " a tawp a tawp ah Arden kha a rawn let leh ta,a hlim hmel ka hmuh hian ka insum zo lo ṭep ṭhin.
___________________________________________
★Arden's POV ★
- 5:30 AM -
Midang kal hma a mahni chauha trainging ka duh avangin hma takah ka tho a,nidang ang lo tak maiin Valentina chu ka bulah alo mu tawh hauh lo, a mu thei lo anga couch ah a riak pawh ani mahna.Ka in phih fai zawh hnu chuan thawm dim thei ang berin ka inha sawk sawk a, bag ah pahin hmanhmawh takin room aṭangin ka chhuak nghal vat bawk.
"Good Morning.... " tun ang zing karah Tina rawng bawl mek lai ka hmuh chuan mak ka ti takzet, nidang ah chuan tun ang hun hi chu a zanlai vel kha ani ṭhin si a, engvanga tho hma thut nge maw anih le?
.
"i mu thei lo em ni? "
" nilo e....kha breakfast pawh ka peihfel tawh...tun aṭang chuan breakfast ei lo in ka kal tir tawh dawn lo che" a mut ala chhuak ani tih a hmelah hai rual ani lo, ham bai bai chungin a thil siam chu ka hma ah a rawn chawp a,ti lang thiam lo mah ila ka chhungril ah hian ka hlim veng veng.
"va mu leh rawh.... " ka tih chuan a t
nui awi tap ringawt.A awmdan aṭang hian a lungawi vak lo ani tih hre mah ila, amah ka ngaihtuah avanga sawi ka nih avangin sawi sual neiin ka in hrelo.
" ughh.... tlaiah ka lo nghak dawn che em? "
"umm... "
" dar engzat thleng? " chu zawhna zet chuan min in tih thiamloh tir takzet mahse Tina hnena han insawifiah vak ngaihna ka hrelo , ka hruai loh ṭhin chhan chu Krissy ang khan tuar ve se ka duh ani tih hi a hriat ka duh lo.
"ka tlai chuan ilo haw mai dawn nia.... " ka khawngaih avangin min nghak reng turin ka duh tawh lo. Nilo.. khawngaih a!! engthil nge ka ngaihtuah tak hi, henu hi engtik aṭang khan nge ka lo khawngaih tak? hreptak chuan min ti â thei takngial dawn.
Ka thil ei pawh a tui tawh nek love, a bula awm tam loh hi a ṭha zawk.
"ka kal... " tih hmuk pahin ka tho thut a, a ṭawng hma in ka chhuak nghal hmak bawk.Bike ka lak chhuah lai te chuan ka mit sirin hmu reng mah ila vawikhat pawh ka hawi duh lo,nem taka awm hi ka duh lo.Ka insum thei tawh thlawt lo ka tlan chhuah hma deuh chuan side glass aṭangin ka en ta nge nge a, heti khawpa a chunga ka sual chung pawh hian nui sang chungin ban vaiin min la vai liam thei nia mawle, henu hi mi eng nge maw tak chu ani.
"Arden bye.... " a tih lauh lauh ri chu ka pehhel thei ngang lo, chak zeta tlan chhuah pahin ka ban chu ka vai zeuh a, ka nui ani tih ka inhriat chhuah rual rual in ka ban ka dahthla lehnghal vat bawk.
MMA Training Centre ka thlen chuan rin ang ngeiin tumah an lo la awm lo, MMA league ah hian ka chak anih hlauh chuan ka lo chak ber ṭhin UFC a tel chu ka ban phak lawka a awm tawh avangin phur ru tak siin kawngka chu ka han hawng chik rawt a, ka kut ka tuam mawlh mawlh lai chuan tu emaw hian light a rawn hmet eng tuarh ringawt.
"wow.... a ropui hle mai, a boruak pawh a nawm hi le " min rawn pan hnaih pahin Ethan chuan ngeiawm zet hian a rawn ti a, helai hmun ah hian ka kal ṭhin tih engtin nge a hriat tih chu zawhna lian tak ani.
"hetah eng nge i rawn tih dawn? "
"min phatsan tu hi engtiang chiaha thui nge alo kal tawh tih thlithlai turin mawle "
"han thlithlai ta che" ngeiawm zeta ka chhan let rual rual chuan ka kawrah a rawn ṭham nghal tawn ringawt,ka duh chuan kut ka thlak nghal pawp thei amaherawhchu ú ang maia ka en anih avangin ka kut hmawr pawha khawih ka tum hauh lo.
" Hmela MMA hi bansan vat rawh....chutilo chuan..."
"Chutilo chuan eng nge.....Krissy pawhin min lawmpui ngei ang ka let leh hi "
" khatiang khan ka nau hi chhuanlam ah hmang hauh suh ang che.... "
"tumah in min dang thei lo " tih pahin a kut chu ka paihthla nghal sawk a "chuan ka thutiam ah ka la ding reng ani tih hria ang che "
"anih chuan prove rawh....Valentina Garcia hi zuah tawh suh"
"zawimuangin thinlung na takin ka siam phawt ang...chutah chuan a na tuar lo in a thi ang"
"Engtiklai aṭang khan nge zawimuanga thah chu ilo tuipui taka....nge i hmangaih avangin ila hum zawk... "
"lo thlir tawp mai rawh.... " tih pahin ka bag ka la lawk a, Training centre chu ka chhuahsan nghal vang vang bawk.
Anih na takah chuan Krissy vang hian ka thil tui ber MMA hi ka chawlhsan phah ani, mahse ka inchhir ngai lo a chhanchu ka inhliam a hlauh avang leh min hmangaih avanga sawi ani tih ka hriat avangin.
Krissy nen hian kum3 lai kan inkawp hman a,ka hmeichhe kawp hmasak ber anih mai bakah ka nunna hial ani in ka hre ṭhin.Amah ka atchilh em avangin ka thil duh leh tuizawng pawh inchhir na nei hauh lo in ka bansan hmiah hmiah mai zel .Kum naupang te in Ethan te nen kan pathum chuan kan khawsa ho ṭhin a,nu leh pa ka neih loh avangin ka chhungkaw neih chhun an ni hial bawk.
Kan hmalam hun kan duan lai leh hlim taka kan awm ho lai chuan tlaikhat chu Krissy ruang an chhar thu in min rawn sawi nghing ta lawh mai.Heta ṭang chian hian ZERO misual leh nunrawng chu miten an lo hmelhriat phah ta ani.
Chapter-52
Krissy a thi ani tih min hrilh pawhin reitak chhung chu ka awih lo, a chhan chu khami ni a ruang an chhar ani tih min rawn hrilh hma darkar chanve lekah khan a hna thawk tur ka thlah vang ani.A hna a zawh veleh amah hruai tura min tih avang khan an vui ni ah pawh a rawn let leh ringin a thawhna dawr kawtah chuan ka nghak tlat a, Krissy a thi ngei ani tih min hrilhfiah an tum pawha ka ngaihthlak duh loh avangin Ethan nen pawh kan in sual phah nghe nghe anih kha .
Chutia mumal pawh nei lo leh kan chhungkua kan kehchhiat vek tawh hnuah pawh chuan kan lungngaihna te chu ala in ṭan dawn chauh ani tih kan hre silo. Report leh thlalak aṭang ringawt pawha thah ani tih chiang sa reng chu police ten amah inthat angin an chhuah ta tlat mai!! khati khawpa hmeichhe hlim thei leh rilru ṭha kha a hma lam hun tur a duan lawk sa vek hnu ah a inthat ang maw!! khati khawpa midang te tana inpe zo a thih hnu pawha mahni taksa peng donate vek duh tu kha a inthat ang maw!! chu chuan kan lung a ti awi thei ta tlat lo.
Krissy thih dan diktak zawng chhuak ngei se kan duh avang leh a zahawmna hmuh let leh ngei kan duh avangin court ah case kan file ta nge nge anih kha mahse he thil hian kawngro engmah a su lo California a gang lian ber a alo chhuah phah ta zawk ani .
Court ah chuan kan in lan ta ngei a, amaherawhchu thil ti thei tak kan nih loh avang leh hmelhriat ṭha kan neih loh vang te pawh ani mahna, court thu neitu te chuan police te ngaihdan chu dikah an pawm ta tlat mai,chutah case chu renew theih tawh loh turin an close nghal hmak bawk.
Chutah zet zawng duhthlan tur dang kan nei ta lo, Krissy vangin ama huat ber leh thil duh loh vêk chu kan tih angai ta ani chu chu he khawpuia buaina siam a Police ho tihbuai chu ani.
Kan tum ang ngeiin American Mafia hnuaiah California a gang lian ber chu kan din ta ani. Khawpui a buaina siam mai pawh nilo in Drugs tawlh luh thlengin buaina kan siam chho ṭan ta a,kan thinrimna te hrikthlak nan mipui tih chi ai leh min dotu apiang te sawisak chu kan ching chho ṭan bawk, kan lal na ram ani bawka nuam kan ti tlang hlawm hle.
Kan member puite ho chu Police ho laka buaina an tawh kan duh loh avangin kan hmel erawh kan thup tlat a, Sacramento khawpui kan tihbuai hneh em avang hian min hrelo tu chu a tlem zawk an ni ang, kan hausak tawh mai bakah ram hruaitu lian tak tak te leh mi pawimawh tak tak te chu kan lam ṭangah kan siam zel a, thil kan tih theih em avangin min man chhuak mahse jail tan chu thil theih loh tluk ani.
Gang chu sawi loh a mimal a zawng pawha nunrawng leh sual tia ka lar em avangin ka hmingah 'ZERO' tiin min phuah hial a,chuta ṭang chuan Zero chu police te zawn ber leh mafia lar ber alo nih phah bawk.
Kan helmet leh kan hmai khuhna te kan hlih chuan tuman tunge kan nih tih an hriat loh avangin zalen takin kan leng chhuak thei ,tumahin min ring hlel bawk hek lo heihi police ten min zawn chhuah theih lohna pakhat ani.
A nihna takah chuan Dan bawhchhiat te, khawpui a buaina siam te leh midang sawisak te hi chu kan thil tum pakhat ve mai ani, Ethan nen a kan thil tum tak tak zawk chu Krissy thihna a report diklo siamtu leh police incharge ni bawk Brad Garcia, Valentina pa ni bawk tawrh let tir hi ani.Kan duh chuan vawileh khatah kan dah ṭha hmak thei amaherawhchu a an chhuangkua mai bakah an laina hnai zawng zawngte thlenga tawrh tir vek hi ani. Chumai bakah Krissy mit kha Valentina hnena pek alo ni leh zel bawk Brad piangsena chu zawi muangin a nung chunga thih tir kan tum ta ani.
Tina Sacramento ah a awm dawn ani tih kan hriat rual rual khan a chanchin engkim kan chhui nghal vata, kan tum dan chuan a school kal tur chu thah a, accident anga lantir ani,hepa hi chuan a fanu a chan phawt loh chuan eng zirtir na mah hi a hrethiam dawn chuang lo chuvang chuan kan tawrh tir tak tak hma in engtiang chiaha hmangaihte chan hi na nge ani tih a hriat phawt angai.
Ni e chutiang chu a tira kan tum dan chu ani, kan plan ang in a school kal tur chu kan va ti buai ngei bawk mahse maw a mit pawl raih kara hlauhna rawn lang leh a hmel pawisawi lo tak ka hmuh khan Krissy min ti hrechhuak ta tlat mai!! engdang mah ka ngaihtuah thei tawh lo ,a tawpah phei chuan ka tum loh deuhin a biang ka va khawih ta ringawt anih kha!! khami ni a kan thil tum ka tih hlawhchham avang khan tun thleng hian ka la inchhir a chhanchu amah haw hle mah ila thah em chu ka ngam tlat lo.
Vawitam tak thah tumin kal ṭhin mah ila midang awlsam taka ka sawisak ang khan a chungah awlsam takin ka che thei ta tlat lo,a mitmeng ka hmuh apiang hian Krissy in min en angin ka hre tlat ṭhin .Ka hlawhchham fo avang chuan Ethan ngei pawhin a vawikhat nan min rinhlelh phah anih kha ,amah ngei in thah tum mahse tum dang ka neih thu leh zawi muanga thih tir ka tum thu in ka hmin thei hram.
Tina ka hmuh pawh hian thah tumna rilru ka pu reng tho, hetiang anga zalen taka len tir a hlim taka awmtir hi ka duhdan ani bik hauh lo,ka thil tum lah ani hek lo. Krissy a nung leh ta ah ngaiin Ethan hriat loh in Tina chu ka hmu ru ta fo a, a tawpah phei chuan kan che sual dun ta nge nge anih kha khata ṭang chiah khan Tina hi Krissy vang nilo in amah Tina diktak hi ka duh ani tih ka inhriat chhuah phah ani.Chumai bakah pasal hual anei tih ka hriatchhuah phei kha chuan thik tak ka ni,chupawh Dylan phiangsena nen lehnghal.Hepa hi ka huat em em nachhan chu school ah Krissy alo tih zah vangin ka hnek a,min lo report avangin lockup ah min dah phah tawh bawk.
Chutiang anga ka tum loh deuh a ka khawsak tak avang chuan chhuah leh tumin Tina rilru chu tihnat ka tum ṭan ta a ani. Ka rin ai daih Tina chanchin hi ka lo hre thui daih mai thisen te, hmun sang te leh hmun thim te a hlau ani tih ka hriat avangin chu chu remchangah la in ti na tak tak ngam si lo hian ka tih ṭhaih ṭan ta a ka thil nuam tih zawng tak anih avangin han tih ṭhaih vel chu rilru lakpen nan tiin ka hlimpui ka ring phian bawk.Khang sava thi tawh te, tukverh vawm keh te, elevator a tan tir te leh thil dang dang in ka ti tih ṭhaih a ka rin ai daihin ka hlawhtling hle bawk. Mahse Tina hlau hmel hmuh te ,a ṭap thawm ka hriat te khan keimah zawk ka na let hlauh, ka hlimpui awzawng lo.
Hun a kal zela ani telin amah hum ka duh na a nasat telh telh mai bakah ka insum theihloh telh telh avangin amah hlat tumin han kal bosan ṭhin mah ila midangin an lo khawih ka hlauh avangin ka let leh ṭhin.
Tina nen kan inkawp rei telh telh a, ti lo turin min hrilh miah lo mahse buaina siam te, midang tihbuai te leh dan bawhchhiat te chu harsa ka ti telh telh a, a chang chuan ka rilru nem ta lutuk hi ka duhdan anih bik loh avangin ka thinrim phah fo.
Ka thil tum pehhel kual rei tawh viau mah ila Ethan dawt hrilh hi Tina kalsan tum ai chuan ala awlsam fe zawk.
Hetiang anga ka awm reng anih chuan engkim Ethan hian ala hrechhuak vat dawn ani tih chu kei tluka hre chiang an awm lo ,chutiang thleng lo tur chuan Tina hi ka bulah a awm reng angai mahse chutiang tur chuan duhthlan tur pakhat chiah kan nei chu chu chen dun ani.
Tina ka hum theih nan chuan tiin a ruk thei ang berin ka chendun pui ta a mahse ka rilru erawh a phir tlat thung, a chang chuan Ethan leh Krissy te ka phatsan avanga ka inthiam lo lutuk chu midang thah tir mai te ka duh rum rum a, a chang leh Tina hi tlan bo pui daih te ka rilruk thul.
Ethan an kan cheng dun ani tih a hriat chhuah tawh hnu pawha engmah a la tih loh avang hian ka ngaih a ṭha lo takzet,anih loh pawhin keimah ngei min chin fel tir a duh pawh ani thei tho bawk.
Chutia inngaihtuah vung vung paha ka lo ṭhut mai mai lai chuan min rawn nek deuh sawk pahin ka bulah Mia chu a rawn ṭhu a ."engtin nge i tih dawn? " a rawn ti zui zat bawk, mahse chhan ka tum lem lo.
"enteh Arden ....Tina i hmangaih tih hi Ethan an a hriat na a rei tawh... mahse a rin em che avangin a haider lui mai mai asin heihi remchang ah la suh"
" tuin nge ka hmangaih ti... "
"oh!! c'mon nangmah chiah in i hre lo anih hmel , Tina in i nihna a hrechhuak anih chuan a kalsan ngei ang che " a tih chuan ka khi suk ringawt a chhanchu Tina hian ka nihna hre vek chung pawhin min kalsan lo, min kalsan a hnekin min hnaih zual sauh bawk.
Chapter-53
"Arden luhlul viau suh....in inkawp chu thuhran nise chengdun pui em em hi chu a risky mah mah lo maw!! bakah hmeichhia i chendunpui hi ka la ring thei chuang lo... "
" mihring ve tho alawm ka nih... "
" mahse nangte chu i danglam bik alawm... i khirh ropui si, midang i ngaihsak bawk hek lo ,engtin nge heti chen a chenpui theih zawk che le? " ni e... Mia hian a sawi dik ka khirh in ka duhtui hle bawk, Ethan bak ka chenpui thei ngai lo mahse Tina erawh mi danglam tak ani, a dawh thei em em a ka chungah a lungawi loh pawhin min hlat phah ngai lo.
"keipawh in ka hre bik lo.... "
"I fimkhur hle angai ang, engpawh chu nise Tina nen in inṭhen angai ang, in inhmuh tawh loh chuan Ethan pawhin engtinmah a tih ka ring lo..."
"chutiang chu a thleng lo ang "
" ka ti tak tak ania....Tina tana ṭha tur zawk anih chu ka sawi ,a chhanchu Ethan hian a nau theihnghilh a hmeichhe dang i kawp hi a duhlo ani" Mia thusawi tin te chuan Tina nun a derthawng zia min hriat nawn tir leh avangin ti lang lo mah ila chhungril ah ka hlauthawng takzet. Ethan an engmah ala tih loh nachhan chu keimah ngei hian that ila a duh vang ani, bakah a awm mai mai reng lo ang tih chu ka hre chiang hle bawk.
" i rilru siam fel vat rawh... a pawi thui hma hian.... "
Chutia Mia in ka awmdan tur min hrilh mawlh mawlh lai chuan message kan dawng rual hlawl mai.Ka phone ka en chuan Tina message pawh alo awm tel ve bawka 'ka lo nghak char char dawn che nia ' tih mai te hi, ka chhiar zawh rual rual chuan reply ta lem chuang lo chuan ka khi suk ringawt.
"kan kal vat angai...bungrua a rawn thleng" message ka hawn hma hma in Mia chuan a rawn ti a,a dawn ang tho ka dawn ve dawn avangin chhiar ta lo chuan ka phone chu ka ak ta zawka.
Message kan dawn tawh hi chuan thil hmanhmawh thlak tak anih tawh ṭhin avangin hmanhmawh takin silai chu ka la nghal vata, engmah tikawi lovin bungraw rawn thlen na hmun lawngchawlhna lam panin kan in kalh chhuak nghal vat bawk.
Buaipui tur kan ngah bawk nen, Tina hruai angai bawk nen sana chu ka melh deuh chhen a, tih vat vat theih ani lo bawk nen ka hmanhmawh ru hle bawk .
"tih tur i nei em ni? " a tawp a tawp ah Tina chuan a rawn ti ta nge nge a.
"neilo... "
"i va hmanhmawh hmel ve...nge Tina vang zawk...? "
"in ring rawh... an rawn thleng " tih pahin kan hmai chu kan tuam nghal vata,engpawh thleng se silai pawrh chhuak vat theih turin kan inring nghal ran bawk.
__________________________________________
★7:30 PM★
Hna kan zawh rual rual chuan sana ka en nghal vata, ka rin ai daihin alo tlai tawh. Hmanhmawh takin car ah ka lut nghal vata, Mia pawh ka ngaihtuah hman tawh lo chak zetin Tina te school lam ka pan nghal vat bawk.
Ka khalh chak bawk aniang reilo te ah school pawh chu ka thleng vata mahse Tina erawh alo haw hman tawh thung.
"hreptak chuan.... " tih pahin steering chu ka hnek nghal pawp ringawt.
Inah hrilhhai tak leh lungawi lo takin dinner ei turin min lo la nghak reng dawn ani tih ka hriat avangin hmanhmawh takin in lam panin ka tlan let lehnghal char char a, engtin nge ka insawifiah ang tih bak ka rilru ah a awm tawh lo.
In ka thlen rual rual chuan car pawh dah
ṭha loin ka tlan chhuak nghal vata mahse kawngka alo la inkalh tlat mai!! hreptak chuan Khawiah nge a awm tak ang? Nge a rawn haw mek zawk?
Kawngka pawh hawng ta lo chuan car ah ka lut leh ta ringawt a, a rawn let hun chu ka lo nghak tawp mai ani.A chang leh kawngka bulah ka lo han ṭhu a, a chang leh ka vei kual chhen thul.
Chutia rilru hah tak leh inthiamlo taka ka awm lai chuan a rawn thleng ve hlawl mai amaherawhchu amah chauh in ani ta hauh lo, engvanga Mason phiangsen sawn rawn thlah nge maw anih le?
An awmdan chu car chhung aṭangin ngun takin ka lo thlir renga,Tina inchung a luh dawn a Mason an a kut a vawn sak leh kher lai te chu ka hmuh hmaih hauh lo, an awmdan aṭang saw chuan
ṭhian satliah mai mai chu an ni hauh lo, saw pa sawn a duh ani tih chiang takin ka hre thei anih loh vek pawhin an lo inkawp ru reng thei bawk.
Tina luh hnu reilote ah chuan ka lut ve lehnghal mai bawka mahse thinrimna hlir in ka khat thung.
"Arden ..."Kawngka min rawn hawsak rual rual a mak ti hmel taka min rawn melh avang te chuan an pahnih a ka rinhlelh na a ti zual sauh a, tlang deuha zawh mai te pawh ka duh rum rum.
"ka lo nghak reng che asin... "a ṭawng hre lo ang mai chuan ngawi rengin room ah ka luhsan nghal daih a, vawkhat pawh ka ṭawngchhuak anih chuan ka insum leh thei dawn lo ani tih ka hriat avangin ngawi reng ila a ṭha zawk.
__________________________________________
In khatah chengin khum khatah mu mah ila inhmel hriat lo ang hmakin kan khawsa a, Tina in min biak a tum leh ka insum theihloh hlauh luat ah pehhel hram hram ka tum a, a chang leh engmah hrelo ang maiin pangngai takin ka awm ṭhin bawk.
Engmah hre chiang mang si lova sual taka a chunga chet duh lo ṭhin mah ila Mason nen a an inzui lai ka hmuh fuh fo avangin hetiang ang hian ka lo awm leh ṭhin ,chuvang chuan amah zawt lovin an inkar engkim hi zawn chhuah vek ka tum ta ani.
Zingah hma taka ka chhuah ṭhin avangin Mason an school ah a hruai ṭhin tih te, tlaiah a thlah haw leh thlap ṭhin ani tih ka hriat hnu phei chuan mood fuh lai ka nei thei tawh lo. Tina awmdan in a zir lo bawk nen lehlamah Ethan an min lo tur ve sek bawk nen a ni telin ka rilru put hmang chu a dang telh telh a, phuba lak duhna kha a rawn let leh ṭhin.
School an rawn kal nak nak lai vel chuan ralkhat aṭangin car chhungah a biru thei ang berin Tina leh Mason te rawn kal hun tur chu nghakin ka ṭhu ran a, a ruk tak chuan hmu lo ila ka ti takzet a chhanchu an chungah thil rapthlak tak ka tih dawn vang ani.
Ka rin ang ngei in reilo te ah Tina leh Mason te chu an rawn lang ta nge nge a, an kal dun ka hmuh rual rual sawn car aṭanga chhuah a Mason saw va hnek pawp mai ka duh.
Tina a kal liam chiah tih chuan phone ah mipa pakhat ka be nghal vata.
" ti na hauh suh ang che....i ti hlauthawng ringawt tur ani " tih pahin phone chu ka dah nghala.
Chapter-54
Ka ruahman dan chuan Tina hi a thil hlauh ber amah chauh a room thima kalh kum ka tum ani, thil hote angin lang mah nise a tan erawh mangchhia tluk zet ani thung. Ni e, a nihna takah chuan tihnat ka duh bik lo, amaherawhchu a hma aṭanga ka thil tum tawh anih mai bakah Ethan an min lo tur ve sek bawk nen ka thinrimna leh thikthu chhiatna chu remchangah la in hetiang thil hi ka ti ta ani.He thil ka tih dawn pawh hian ka inngaihtuah nasat mai bakah pehhel ka duh avangin Tina pawh chance ka pe fo mahse hremna hi chu a phu ve reng in ka hria.
Nilengin ka thil tih hi a dik nge dik lo tia ka inngaihtuah reng avang chuan ka rilru lak pen nan tiin Mia chuan pub ah min hruai ta ringawt a, mahse engmah a danglam phah lo.
"Arden tikhan awm reng lo teh...."
"engtin mah ka awm lo "
" hahh.... a nih chuan engvangin nge i kut kha a khurh nasat em em a i that dawn pawh ni hlei lo" min man chhuak leh ta nge nge, Tina chungchang hi kei, Mia leh Ethan bakin an hre lo chuvang chuan midang bulah engmah kan sawi ngai lo.
"a tan chuan thihna tluk zet ani... "
"oh... C'mon....room thim a kalhkhum te chu engmah ani lo, karkhat pawh ka awm thei ang chu..."
"nangmah ang ani lo"
" a ṭan leh dawn ta...Ethan a awm lo hlauh a i vannei takzet " Ethan chu awmse ka rilru a thil awm te hi ka sawi chhuak hauh lo ang,Mia erawh hmeichhia anih vang te pawh ani mahna engkim ah min hrethiam mai zel. A khat tawkin khapa kan mi tirh pa min rawn biak hun nghak chuan ka phone chu ka melh chhen a, ka awm hle hle thei lo ani ber.
"kha heihi in rawh i dai sawng sawng mai ang " tih pahin Mia chuan in tur min rawn pe a, ka rilru hah luatah ka lo tlak nghal pup ringawt.
" wow... kha kha chu a ṭha lo tawp mai "
"hepa phiangsen hian engvanga min rawn la be miah lo nge maw anih le?"
"hmeichhia vanga i rilru hah ka vawikhat hriat na" engvanga ka awmdan apiang hi mak ti em em nge maw an nih le,pangngai takin ka awm mai chauh ani si a.
"hi Arden... hi Mia " Olivia ka hmuh rual rual chuan Mia chu ka va melh ralh a, a koh ani lo ani tih entir nan a lu alo thing vat bawk.
"Hi... engtin nge kan awmna i hriata?" Mia chuan pangngai deuh hian alo ti thei mai a,kei erawh amah hmu lo ang maiin ka awm tlat thung.
Ni e, Olivia hian min um zui renga, midang hmuh ah chuan inngaizawng te pawh kan ang ngei ang amaherawhchu midang te tibuai in ngeiawm ṭhin hle mah ila hmeichhe chungah erawh zahna ka lantir ṭhin thung ,ka ti mualpho ngai lova ka hnawl ngai hek lo, an duh duh dana ka awmtir avang hian beiseina pek emaw len chhuahpui emaw ka tum ngai chuang lo. A chang hi chuan ninawm zawngin a kal lek lek ṭhin, a bik takin Olivia phei hi chuan ka duhlo ani tih pawh hre reng mahse a awm dan ngai angin a awm reng tho hmeichhe enge maw ve tak chu ani.
"khawi hmunah pawh mit ka nei alawm... " tih pahin ka awmah chuan a rawn zut khera,ka awm dan ngai angin ka awm reng tho bakah thawmhnaw tlemte ha in,eng ang pawhin a awmbawr ti lang mahse Tina lo chuan min hip tak tak thei chuang lo.
"Arden....lam ila" min rawn pawh deuh paha a tih takah chuan Mia chu alo inrawlh nghal vat,hrilh kher ngai lovin a tihtur chu a hrechiang tawh kher mai, a thil in lai chu ti baw lui in Olivia kawr ah chuan a lei huh nghal ṭhawt a,a ruk in nuih suk pahin min rawn siai nghal zeuh bawk.
"Hmeli.... " Olivia chu thinrim takin restroom lam panin a kal nghal hlawk hlawk a, ka thaw nghal huai mai.
Phone call ka dawn avangin hmanhmawh takin pub aṭang chuan ka chhuak nghal vata, Mia pawhin min rawn umzui nghal vat bawk.Kha pa kan mi tirh pa nen khan kan inhmuh dawn avangin mask in kan hmui kan khuh a, lukhum kan khum tlat bawk.
"phone in a chingfel mai theih lo em ni? " Mia hian a sawi dik phone in engkim a chingfel vek theih mahse a hmel hmuh kher ka duh avangin Ethan hriat loh in inhmuh hi ka rawt ta ani .
Kan inhmuhna hmun tur kan thlen hnaih tawh avangin ka pistol pai lai chu engpawh thleng se la chhuak mai thei turin ka in ring ran bawk. Hmun thim lai deuha mipa pakhat lo ding reng ka va hmuh ringawt pawh sawn ka thin a rim nghal ringawt thei nia mawle.
"Eng thil atthlak mah ti miah suh ang che.... " Mia chuan a rawn ti sap a, ka lo nuih suk ringawt.
Ka va thlen phei meuh chuan amah ani tih kan hre nghal, midang awmlo mahse hawi kual zak zak pah hian min rawn pan hnai nghal vata, ani pawhin a hmai a khuh tlat avangin kan hmel kan in hmu lo tawn ve ve bawk.
"store room ah chuan ka kalh khum tawh e...chuan light ka off nghal vek bawk"
"a ṭhat chu... " ka ti chuai raih ringawt.
"chuan thisen leih tura min tih pawh kha ka ti tawh bawk "
"Enga? " Mia nen chuan kan in en nghal haw a,in hrilh ngai lovin Ethan an a ruk in ti turin alo hrilh ani tih kan hre nghal bawk .
"tunah chuan thisen in a bual huh vek tawh bawka, in thil duh chu a hlawhtling ngei ang "
" hmela..." ka insum hman tawh lo, ka hnek thal nghal tawp ringawt.
"i ti hlauthawng anga sin... "pet ka tum lai takin Mia chuan min lo dang nghal vata, chupa chu hmanhmawh takin a tlan chhe nghal hlawk hlawk bawk.
"Engthil nge maw i tih le? nangmah ngei in ti hlauthawng turin i ti ani lawm ni"
" mahse thisen in a leih alawm.... "
"eng nge pawi... chu chu i duh ani lawm ni... "
" nilo... thisen a hmuh chuan ngai awh nan hun a duh rei lutuk.... " tih pahin kal nghal mai ka tuma mahse min lo dang nghal vat thung.
"tunah chuan kal suh.... naktuk ah i kal dawn nia... " a ṭawng hre lo ang maiin car ah ka luhsan nghal hmaka, "Ethan an a hriat chuan a pawi dawn ania" a rawn tih lauh lauh ri bak ka hre hman tawh lo.
Chak zetin Tina te school lam panin ka tlan nghal vang vang a, hla hle mahse minute 10 vel lekah ka thleng nghal mai bawk.
"Tina.... Tina... " tih pahin store room awmna chu ka zawng chho zela,a thim mup mai bakah kawngka beng ri emaw thawm danglam deuh hlek pakhatmah hriat tur a awm lo. Ka hlauthawng bawk nen room kawngka tin mai chu ka beng chho zela, ka call lahin a in switch off hmak mai bawk si ka lu dawm vang vang pahin bang chu kan chhir leh dawt ṭhin a awmzia a nei der bawk si lo.
"Tina.... " beisei tawh loh hnu ah thawm ka hre ta thut mai!! hmanhmawh lutukin thawm rawn chhuah na lam pan chuan ka tlan phei nghal vata,kawngka inkalh lai chu ka tlawh hawng nghal ṭhuai bawk.
"Tina...i ṭha em? " tih pahin nghet takin ka va kuah nghal thlawp a,ka thlah phal tawh lo hi ani ber.
"Arden min puih angai ania.... "hlauthawng tih hriat tak leh felfai tak si hian Tina chu a rawn ṭawng chhuak ta mai!!
" i ṭha maw? "a taksa te chu a him pial a thisen reng reng hmuh tur a awm lo.
"engthil nge thleng...?" keimah zawk chuan mak ka ti leh hnuhnawh ,Tina ngei chu ani bawk si,anih chuan thisen chu khawiah nge a awm tak?
Chapter-55
"ka mangang hman lutuk asin"
" ngatinge min rawn call mai loh"
"ka phone a thi daih a alawm"
"i ṭha tak tak tiraw? na i nei em?"
"aih neilo.... " a ṭha a ni tih ka hriat chuan ka thaw nghal huai mai,mahse thil thlen dan hi ka hrethiam lo takzet.
"hetah lo kal rawh... " tih pahin min kai nghal dawr dawr a, ngawi rengin ka zui ve mai bawk.
"pu Jimmy hian a ke a ti na a... damdawiin ah kan hruai nghal vat angai" tih pahin bang kil a pa pakhat kum50 bawr vel lo ṭhu reng chu a zuk buaipui nghal vata,ka phone light tih
en bak êng dang awmlo mahse thisen a kai hnuang ani tih ka hmuh hmaih lo nasa.
Rang takin chupa chu ka zuk buaipui nghal vata, engtin nge hetiang thil hi a thlen theih tih bak ka ngaihtuah thei tawh lo.
"Rawng ah a tawlhthlu a... a rimchhe em em mai lehnghal "
"Tina... rawng nilo in.... "
"kal vat ang u... Tina kawngka lo va hawng rawh " ka sawi zawh hma hma in chupa chuan min lo pawtchat nghal vata,sawi chhunzawm tawh lo turin min rawn mitmei nghal zeuh bawk.
"aw... awle.... " tih pahin a theih ang tawkin a tlan phei nghal hlawk hlawk bawk.
"i ṭha em? " tih pahin ka kuah tho nawlh a,ka kalpui nghal nal nal bawk.
"thisen ani tih hrilh miah suh.... thisuk a nei in ka hria... " ka hriat tawk lekin a rawn ti sap a, mak tih hmel takin ka en nghal haw ringawt, chu mai bakah thil thlen dan hi ngaihdan pawh ka nei lo.
Zan a rei tawh bawk nen emergency ah kan luhpui ta ringawt a,thisen a kai nasat mai bakah a thang huam mai bawk si a damdawiin a lo awm ve te chuan min en duh hle nghe nghe.Doctor ten a ke an endik lai vel chuan pawnah kan lo nghak ran a, Tina erawh a rilru a hah bawk aniang a ṭhu hle hle thei lo ani ber.
"ṭhu rawh...ke tliak mai mai anih saw.. "
"i tan chuan engmah ani lo maithei mahse ani chuan kan school tifai chungin a chhungte a chawm asin.... " meng pual ralh pahin ngeiawm zetin ka thaw chhuak hak ringawt. Room ah khan an tang dun rei bawk aniang an hming, eng nge an thawh ṭhin tih te thlengin an lo sawi dun hman vek alawm.
"a ṭha vat mai ang "
"rawn kal lo la chu zankhua in ke na chung khan a awm dawn chu ani sia"
engvanga a hmel hriat ngai pawh nilo hi ngaihtuah em em nge maw anih le?
"engtin nge school ah khan kan awm tih i hriat? "
" mawl lutuk....tun ang hunah i rawn haw loh te chuan school ah lo khawiah nge i awm chuan anga "
"ani ve tho mai " a tih zui nang nang avang chuan a rukin ka khi suk ringawt.Hetiang ang em em a hmeichhe rilru ṭha ,mi ring hma leh bum nuam hi ka la hre ngai lo, thisen pawh rawng an tih chuan zu an awih hmaka mawle.
Chupa chu thil thlen dan zawng zawng zawh vek ka duh avangin room ah chuan thil tifel turin keimah chauhin ka lut a, Tina erawh pawnah min lo nghak turin ka hrilh thung. Room chhunga ka luh chuan chupa chu tlanchhiat tumin a lo biru zak zak tih ka va hmuh chuan hnung lam aṭangin khumah chuan ka pawt ṭhu pawp a, midang in min rawn hmuh loh nan curtain chu ka pawtthla nghal vek bawk a,chuan a au chhuah hma in a chal darah tak silai in ka tin zui zat bawk.
"tu nge tir che?" hepa hi a tir aṭang tawh khan Ethan tirh ani tih ka hre daih tawh mahse amah ngei hi inpuang se ka duh vang ani ,chumai bakah Tina kha chu awmlo se chuan ka khawng thluk na a rei tawh ang.
"ka ...ka hrelo...message ka dawng a, min hrilh angin ka ti ta mai ani... "
"pawisa vangin tunge a nih tih pawh i hriat loh thu chu i zawm amaw!! engtin nge thisen hi i kai theih engkim min hrilh vek rawh "
"ka message dawn ang chuan Tina chu thisen leih tum chuan ka kal ngei a mahse amah pawh ka hmuh hma in ka che sual ta ani, ka tawlhthluk na lamah ka ke ka ti tliak palh a, min buaipui tu tur ber lah thisuk alo nei bawk nen rawng kai angin ka insawi ta ani "
"Engtin nge nang ang putar mawl leh dawih lutuk hi khatiang thil ti tur khan a tirh zawk che le? "
"mawl min ti pawh ani mahna... mahse an zingah i tel ve ani tih hai tur erawh chuan ka fing lutuk tlat "
" ngawi hmak rawh... "
"tihnat i duh a.... i ngaihtuah avangin i rawn zawng leh bawk a....hahh...khanu kha mifel tak ani, a rinna che hi ti chhe suh"
"hmela ....i lu ah silai mu thun luh i duh loh chuan i ka chip hmak ang che ....hre reng rawh ka en zui reng dawn che ania" tih pahin silai chu ka dahthla a,curtain pawh phei pawp pahin ka chhuak nghal nal nal bawk.
" haw ang.... " tih pahin Tina chu ka kai chhuak nghal dawr dawr a, a ngaihna a hriat loh hmel takzet.
"mahse... pu Jimmy kha "
" a chhungten an rawn hruai mai ang "
"zan a rei tawh bawk si a.... kan hruai haw thei mai lo em ni? " a tih rual rual chuan a kut chu ka thlah nghal hmak.
" i ngaihtuah anih chuan va hruai haw la ti nia....ka lo va hawsan ang che... " tih pahin car ah ka luhsan nghal hmaka,a engine han ti nung hlat hlat mahila a ruk tak chuan a kal tak tak ka hlau hle.
" mahse.... "
" anih chuan rawn lut rawh.... " amah chauh chuan a thlah thei dawn lo ani tih a hriat avang chuan a rawn lut ta nge nge a, a ruk in lehlam hawi chungin ka lo khi suk ringawt.
In kan thlen chuan car pawh hung ṭha lo chuan ka luh san daih a ,kha putar phiangsen thusawi 'a rinna che hi ti chhe suh' tih khan kawng tluanin ka rilru a mawlh tlat peka,engthil mah ka ngaihtuah thei tawh lo.
"Arden.... "
"Chhuak rawh... " room a rawn luh rual rual chuan vin zet hian ka lo ti nghal tuarh ringawt, chhan pawh awmlo a ka thinrim khum thut avang chuan a hawihai ngei mai. A rilru tih nat sak hi ka thil duh lo ber ani mahse engtin nge ka tih chuan ang vin tuarh tuarh mai loh hi chu hnawl dan kawng dang ka hre thlawt lo ani.
"chhuak rawh ka tih chu.... " a phu nghal zawk ringawt, mahse chhuah a hnekin min rawn pan hnai ta zawka.
"ka... ka kuah thei che ngem?" a hmela min hlauhna te leh thlabarna te chu thup tum eng ang mahse ka hmuh hmaih hauh lo, hetiang ang dinhmun ah hi chuan hmeichhe dang chu nise min hlauh avangin min tlan chhiatsan tawh ngei ang ,ani erawh chuan khur zawih zawih chungin min rawn la pan hram hram thei nia.
"va mu tawh rawh " sawi tur ka hriat loh hi chuan ka ti leh ringawt zel.
"i awmdan hi ka hrethiam lo takzet.... beiseina min pe reng chungin min pehhel dan kawng i zawng char char a, i duh duh hunah min thinrim khum loh leh engmah sawi lo in i bo daih zel bawka... a chhan enge maw tal min hrilh loh te chuan engtin nge ka hriat anga "
Duhthlan tur dang ka nei ta lo, engpawh thleng dawn mahse Tina hi ka ṭhen thei lo a ka kalsan thei bawk hek lo chuvang chuan amah hian min huat a min ṭhen angai ani, heihi a him theih nan a ka thil tih theih hnuhnung ber ani tawh.
Ka huaisenna zawng zawng sawm khawmin ka thil tih hreh em em mai Krissy leh a nu thlalak dun na chu khumah chuan ka theh thla tawp a, thlalak a lak kan rual rual chuan,"Natalie maw!! " a ti nghal sap bawk.
"Krissy leh a nu a nih kha.... "
" maw!! " a mak ti lutuk chu a kut a khur nghal dar dar mai.
"mah... mahse engvangin nge min hmuh tir...? "
"a phen ah thil tamtak i hriat loh a in phum ruk vang ani"
"thil in phum ru a!! "
"ni e... thil tamtak, Krissy mit hmangin vawin ni ah hian khua i la hmu ve ṭawk ṭawk ani tih thlengin mawle" a mit aṭanga mittui rawn chhuak tur a dang hram hram ka hmuh hian ka thinlung hi vih zawt zawt ang mai hian ana takzet,theih chu nise nghet taka kuah vawng vawng mai ka duh.
"I huat em em i pa leh Natalie te hian nunna thar an pe leh che ani,Nu chuan a fanu thi tawh mit chu a fanu thar tur tan a pe anih chu!! ani lah chuan engmah hre lovin alo haw em em mai bawk si a... mawi i ti em? heng zawng zawng hi ka ruahmanna vek ani" Tina hi a pa bulah a him ber rih avangin a haw let leh angai, chuvang chuan Natalie leh a pa a huat tawh loh nan leh keimah min huat nan engkim chu ka ruahman na vek angin ka sawi ta mai ani.
"mahse engvangin? "
"Krissy vangin mawle.... tuin nge a hmangaih ber mit chu midangin nuam tawl nan hmang se duh ang, chuvang chuan i thih hi ka thil duh ber ani..... i hria em? a tir aṭang tawh khan bum i ni,engkim hi a lem vek... kei ,heng in zawng zawng te nen lam hian.... chuvang chuan zahngaihna ka lantir lai hian kal bo vat mai rawh .....Nilo, Sacramento aṭang hian chhuak rawh chuti lo chu Krissy chunga in thil tih ang chiah hian nang leh i chhungte chungah ka ti ve ang ka nihna chu i hriat chian kha" ka tih chuan min chhang tur reng reng a awm tawh lo, ngawi rengin a ding khawng renga ṭap chhuak lo turin a inhum ruh ṭang ṭang bawk, hetiang anga a awm lai hmuh hi a hrehawm takzet, hetiang reng hi chuan ka insum zo lo in ka kuah dawn takngial a ka hriat avangin," mitdel leh i duh te anih loh chuan naktuk zingah in hi lo chhuahsan tawh ang che " tih hmak pahin ka chhuak nghal nal nal bawk.
___________________________________________
★Valentina's POV★
Arden thusawi mal tin te chuan chemte ang maiin min chhun zâwk zâwk a, a nat em avangin ka tuar zo lo mai ang.Chhuatah khum sir ngheng chung chuan ka melh ngai melh ngur ngur pah chuan ka thu ngawi renga, ka mittui tla zawih zawih mahse ka ṭap chhuak thei tlat lo. Ka awm dawm chunga ṭhut tlawk tlawk mai loh chu chet ngaihna ka hre lo. .
"dawt a sawi.... dawt vek ani a sawi... " ka thil tawn rapthlak lutuk kha ka mumang nise, harhchhuak ila ka ti takzet .
Anih na takah chuan Arden hian ṭawngkam ṭha in min be ngai lo a min ngaihsak ngai hek lo mahse chung chu pawi tihna pakhatmah ka nei lo a chhanchu a mitmeng leh che zia in dawt a sawi ve ngai lo vang ani.
Tunah pawh khan ka chungah ṭawngkam chhe tak tak hmangin min
thah a duh thu hial sawi mahse dawt a sawi nia hriatna ka nei tlat a nih chu !! chu chuan hnual a hnekin beiseina min siam a, huat a hnekin amah hnaih duhna thinlung min pe zawk a ni, ka awmdan hi ka in hre thiam tawh bik lo.
Tunah hian Arden hmeichhe hmangaih ber mit ringin khawvel eng ka la hmu ve ṭawk ṭawk ani a hmangaihtu tan chuan ngawi renga thlir ava harsa dawn tak em.
Krissy khan a mit min pe lo ta se chuan Arden hi ka tawng lo anga chuan hetiang ang natna pawh hi ka tawng lo tur, lawm tur ka nih laiin ka vui takzet, ni e... a vawi khat nan he mit avang hian ka vui takzet.
Nilo, engthil nge ka ngaihtuah tak hi hetiang ang hian tlusawp mai mai tur ka nilo ,a eng zawngin ka thlir hram hram tur ani.Kum kha leh chen kha a thim zawnga thil thlir reng reng in hun ka hmang ṭhin a, khua ka hmuh theih tawh loh avangin damchhan neilo ang hialin ka in hre ṭhin, thih vat vat ka chaka nitin in ka ṭap ṭhin anih kha, khatiang ang kha chuan ka awm tawh tur ani lo chuvang chuan Arden an eng thil pawh sawi mahse ka hmangaihna hi a dik anih chuan min hmangaih let hun ala rawn thleng ngei ngei ang, chumaibakah min that duh chu nise kan inhmuh hmasak ber ni khan min that daih tawh ang.
Krissy in min hmu se chu nep min ti ngawt ang, anih loh vek pawhin Arden enkawl turin a ai awh turin in min tir pawh alo ni maithei asin. Mahni leh mahni infuih chawp in ka mittui te ka hru hul a, ka beiseina la alh ve teng teng chu chhem hlum mai lovin meipui ah ka siam zawk tur ani.
Krissy mit aṭang hian mittui ka ti tla tur ani lo ,keimah leh keimah chu inti chak turin ka inhrilh mawlh mawlh a, Arden hmachhawn tur hian ka chauh tawh lutuk chakna ka nei tawh lo takzet zet.
Chapter-56
Kawngka in hawng ri rak ka hriat rual rual chuan ka harh nghal zawka,khum bawh chungin ka lo muhil reng chu niin, ka mutthlih lai pawh ka hre lo reng reng.Khua a eng uarh tawh avangin phur lo zet hian ka tho nghal ṭaih ṭaih a, nizana thil thleng kha chu ngaihtuah pawh ka ngaihtuah duh tawh lo, chuti lo chu ka mittui a rawn tla leh nghal ṭuam ṭuam mai ang.
Muang changin ka hmai chu ka han phifai sang sang a,ka ṭahna lamah ka mit te pawh a bui vek tawh.
'He in aṭang hian ka chhuak tur anilo' tiin keimah leh keimah chu ka in fuih mawlh mawlh a, engmah thleng lo ang maiin awm han tum teh mah ila ka engthil tih mah a tui tak tak thei chuang lo.
Engang pawhin rilru na in kun tlawk tlawk mah ila school kal tur chuan ka insiam ta tho a, hetia mahni chauha inngaihtuah ngawt ngawt ai chuan midang zi nuai nuai karah awm ila a ṭhat ka rin vang zawk ani.
Ngawi rengin room aṭang chuan ka chhuak phei chhat chhat a, couch ah Arden lo ṭhu reng lai ka va hmuh chuan ka phu chiang teh e,ka ding nghal chawt bawk.
A rawn hawi mai loh avang chuan a thil tih lai chu ka lo thlir renga, a kut tuam tumin alo buai ve hle chu niin, a tuam fuh thei lo ani tih ka hmuh chuan puih tumin a bulah ka zuk ṭhu nghal thak a, a kut ka tawh rual rual chuan a la sawn nghal hmak anih chu!
" khawi... i tuam thiam lo anih kha " tih pahin a kut chu ka pawt nghal pawp a, ka pawt na deuh aniang a ner nghal sawk bawk. A mahin a tuam thei dawn lo ani tih a hre ve pawh ani mahna ṭha deuh hian a rawn dawh ve leh mai bawka.
"chhuak turin..... "
"min hruai angai lo.... keimah in school chu ka kal thei " ka lo ti nghal zung zung ringawt, diktak chuan a sawi tum chu ka hre ve tho mahse hetiang thil hi sawi chhuah ka duh loh mai bakah sawi na hun pek ka tum bawk hek lo engpawh chu nise kan inkar hi a hma ang khan ka siam ṭha leh ngei tur ani.
"Breakfast i ei tawh em? " min chhan loh avang chuan,"mawh" ka han ti leh kher a, mak tih hmel zet hian min rawn en reng ringawt.
"ka tuam zo ta.. " Ka tuam zawh rual rual chuan a ṭawng ka hlauh em avangin ka tho thut a, kitchen lamah breakfast siam turin ka kal nghal vata a rukin ka mittui rawn tla tur chu hruk hul zeuh pahin ka nui lui nghal suk bawk.
"bacon aw.... E... toast pawh i duh tiraw?" tih pahin ka han siam nghal zung zung a, a ṭawng ka hlauh luatah ka ṭawng duh hle nghe nghe .
" coffee i duh tel em? "
" duhtawk rawh.... " a rawn ti sap ri ka hriat chuan ka ṭah chhuah loh nan ka hmui chu ka han pet fan fan a, ka mittui a rawn far nghal fap bawk.
"ka siam zo ṭep ....lo ṭhu rawh chair ah khan " a sawi hrelo ang mai chuan ka ti lui leh ngat a, ka mittui a hmuh loh nan amah hnung chhawn zawngin ka ding tlat bawk.
" duhtawk rawh ka tih chu.... " ka fian ken lai paih pawp pah chuan min pawt her nghal sawk a, ka ban a hmer nat em avangin ka ṭang thei lo hrim hrim.
"a na ania...."
" ka hrilh nawn leh ang che.... ka hmuh theih ah rawn in lan tawh suh.... a rang thei ang berin Sacramento hi chhuahsan vat rawh...."
" ka duhlo.... khawiah mah ka kal dawn lo, he in pawh hi ka chhuahsak dawn lo"
" ka tih rual rual chuan a thinrim insum zo lo chuan silai in min rawn tin nghal pawp ringawt!! chet chu sawiloh thawk pawh ka thaw ṭha ngam tawh lo.
"ka hmu leh che anih chuan keimah ngei in ka that ang che... chuvang chuan hun ka pek lai che hian kal bo vat mai rawh " tih pahin ka kut chu a paihtha sawk a ,a chhuak nghal nal nal bawk .
Ka hlauhthawn em avangin ka din ngai chuan ka ding khawng renga ,ka ṭawng chhuak thei tawh lo hrim hrim. Lalpa leh!! ka lungphu hi a rang em avangin a puak keh mai dawn in ka hria. Ka awm a nat em avang chuan ka han dawm vang vang a, ka insum rei tawh bawk nen a tawp a tawp ah ka ṭap chuak nghal hawm hawm mai.
Nilengin school pawh kal loin kitchen ah chuan ka ṭhu ngawi ta renga ,ka phone ri rang rang chu hre mah vek ila ka melh ngai chu ka melh ngur ngur a chet pawh ka tum eih lo .
'engmah ani lo.... vawikhat chiah tum leh rawh i beidawng mai tur ani lo' tiin keimah leh keimah chu ka la infuih fan fan tho amaherawhchu Arden hmel leh mitmeng rum lutuk ka hmuh khan beiseina ka nei tawh lo, mahse vawikhat chiah.... vawikhat chiah ka tum leh tur ani.
Ka phone chawl lova a rik tak reng avang chuan ka tho ta nge nge a, Mason a call anih avangin a pawimawh ani tih hria a ka pickup nghal vat bawk.
" Tina.... thu lawmawm deuh hrilh tur che ka nei.. tunah hian kan inhmuh vat angai "
"mahse..... "
" Dr. Shin kha ka rawn hruai thei dawn a, he hun hi ka bawhpelh thiang lo "
" awle.... " tih sap pahin phone chu ka dah nghal vat bawk.
Phur lo hle mah ila Dr. Shin ka hmuh theihna tir anih chuan ka kal ngei tur ani.Mason hian Doctor thiam tak Arden enkawl tu tur hmelhriat a neih avangin biak pawh tumin karhnih dawn chu kan bei tawh , mi thiam tak anih mai bakah Chinese anih avangin biak pawh a har in email pawh vawitam kan thawn tawh a, appointment a lo ngah ve bawk nen list ah kan hming a chuang hnung hle bawk.Mahse vanneih thlak takin Mason hmelhriat alo ni hlauh a, helai hmun thleng thleng hian min rawn pan ta ani.
_________________________________________
Chutia Dr. Sin leh Mason te nena kan lo ti ti mawlh mawlh lai chuan Arden ka va hmu hlawl mai amah chauhin ani lo lehnghal, hetiang hmunah te hmeichhia nen eng nge a rawn tih le? nge an in date zawk?
" Tina... " ka hming an lam takah chuan ka phu zuk ringawt, thil dang daih ka lo ngaihtuah avang chuan an thusawi pwwh pakhatmah hriat ka nei lo.
" maw!! " ka lo ti hu ringawt.
"Lungngai suh u.... MMA hma a treatment a lak chuan nasa takin a pui thei dawn ani "
" anih chuan.... a nat belh phah lo ang tiraw? "
" chu erawh ka hrelo.... amah hi ka hmuh phawt angai ani "
Arden leh chunu chu washroom lam panin an kal ani tih ka hmuh rual rual chuan engmah ngaihtuah lo in ka tho thut ringawt, Dr. Shin an mak tih hmel zeta min rawn en avang chuan nuih suk pah hian, " umm.... min lo hrethiam lawk rawh u... washroom ah kan kal lawk ange " tih leh tlan ka rual nghal. Hmanhmawh lutuk in hmeichhe lam ah chuan ka tlan lut nghal vata,tumah hmuh tur reng reng an awm lo.
" khanu kha khawiah nge maw a kal daih le? hetah hian awm tur ani asin" an pahnih a an bo tak daih avang chuan ka chhuak lehnghal hna hna ringawt.
Mipa inthiarna zawn ka thlen chuan thawm ri rawk ka hriat avangin ka ding nghal chawt a, ngaihthlak chian pawh ngai loin, "Arden zip vat vat teh.... " hmeichhia in a ti ri chu chiang taka ka hriat avang chuan ka sa nghat zawk mai, vawikhat pawh inngaihtuah nawn lovin kawngka chu ka nam hawng nghal ṭhuai bawk.
"hahh.... " za lo zetin ka nui chhuak hak ringawt, kan rin ang ngeiin ka hmuh rual rual chuan chunu chu alo insiam ṭha nghal sawk sawk a, a kawr hnung la inzip phui lo pawh chiang takin ka hmu thei.
Min hmuh rual rual in chunu chu a tlan chhuak nghal vata, sawi hmasak ber tur pawh ka hrelo.
"eng nge hetah hian i tih? " pangngai taka ka ṭawng chhuak theih avangin ka in awihlo hial zawk,ani erawh inthiam lo hmel pawh a pu eih lo.
" i hmuh ang khan.... "
"ngatinge hetiang thil hi ka chungah i tih? "
"kha heihi la rawh.... " tih pahin envelop hi ka kutah a rawn hmeh bel a, San Diego a letna tur air ticket lo ni rengin.
"ka kalbo chu i va duh awm ve... ticket thlengin min lo laksak nghal vek amaw?"
"zing dar1 a chhuak tur ani a....naktuk ah chuan i bungrua ka hmuh tawh lo ngei ka beisei.... " tih pahin chhuah nghal daih chu a tuma, a ban a man pahin, " dar 11 thleng ka lo nghak ang che ....i rawn kal lo anih chuan kumkhua in ka kal bo tawh ang " ka han ti zui sap a, hria ang pawhin a awmlo ka kut thing thlak pahin vawikhat pawh rawn hawi let lovin a chhuak nghal hmak bawk,tilang lo mah ila ka rilru na lutuk hi ka mittui takngial pawh a far thei tawh lo ,pawh sawm nawk nawk ang mai hian ka thinlung hi a na takzet .
Dr. Shin kan hmuh zawh hnu chuan Mason an hna alo nei ve bawk nen ina haw ta lo chuan Hailey in lam panin ka kal ta ringawt a, saw inah saw chuan kan pahniha sulhnu bak hmuh tur a awm loh avangin intih harh hmasak phawt ka duh.
"ngatinge a nat em em mai le? " tih sap pahin Ticket chu ka han en vang vang a, ka rilru tawt lutuk tih reh tumin ka han thawchhuak leh halh ṭhin a, awmzia a nei thui lo kher mai.
Hailey bula ka awm chuan ka rilru hahna te pawh a kiang ve deuh ringin ka pan ta ringawt a, a in luah ka thlen chuan kawngka a lo in hawn avangin doorbell pawh hmet lo in ka lut tlang ta ringawt a, inchhung ka luh chuan a lo reh ṭhiap ringawt.
" Hailey.... " tih pahin sana chu ka han melh zeuh a, dar8 chauh ala ri bawk si a party na ah chuan a kal lo tawp ang.
" Katie.... " Hailey in Katie a awmpui avang chuan ani pawh chu ka han ko leh a, min chhan a hnekin a reh ṭhuap ringawt.
Kawngka an kalh lo bawk nen an pahnih in dawrah an kal anih ringin Hailey room a lo nghah mai chu ṭha in ka hre ta zawka, koh chhunzawm lem ta lo chuan room lam panin ka chho nghal hnak hnak bawk.
A reh em avang chuan ipod chu la chhuak in hla ngaihthlak chu ka han tuma, chhuatah ka thlauh nghal pawp ringawt. Ka ipod ngei pawhin min kalsan dan tur a zawng tawh anih hi, chhar tuma ka kun lai tak chuan lehlam chu ka han melh zeuh a, ka sir a room kawnga tlemte lo inhawng chuan ka mit a la nghal zar mai.
Rang takin ka hawi kual nghal vata,ka mit a lak em em nachhan chu Hailey hian he room hi engtik lai pawhin a kalh tlat ṭhin a,luh a phal loh em avang hian luh hi ka chak zual sauh emaw tih mai tur ani.
"ka hmu ani tih ka zep tlat mai ang " tih sup pahin kawngka chu ka han hawng ṭhem ṭhem a, ka rin dan mai mai chuan an chhungkaw thil inrochun, kawr emaw, thil hlui tak tak a dah khawmna hmun anih te ka ring mai mai ṭhin a ,a takin ka hmu thei dawn ta hi ka phur ru hle bawk.
A thim vek avang chuan ,"Hailey ka tihpalh " tih sap pahin light ka on chiah chu ka kâ hup pahin ka bag ka thlauh nghal tawp a, mak ka tih em avangin chet pawh ka che thei tawh lo,ka thil hmuh hi ka awih thei lo ,ka mumang anih hial ka ring.
Room chhung chu Arden thlalak in alo khat vek anih chu!! thenkhat ah phei chuan thisen in eng eng emaw hi alo in ziak rang nuai bawk, chu aia mak ka tih zawk chu Arden thlalak zingah chuan Krissy, Tristan leh ka thlalak chu liantak leh chiang takin alo in X kulh anih chu!!
Chiang zawka en ka duh avangin kal hnaih ka tum chu hnung lam aṭangin tuemaw hian ka lu ah na takin a rawn vaw nghal pawp a,ka lu a hai em avangin ka tlu tawp a, ka muhil nghal siai siai bawk.
Chapter-57
"Tina.... Tina tho rawh " ka hmai chu a rawn ben thek thek a, meng lo mah ila Hailey aw ka hriat chuan ka han khap deuh sawk sawk a engmah ka hmuh fiah thei chuang lo.
"Tina.... " Tui a min rawn theh sek sek takah chuan tlem tlemin ka khaw hmuh pawh a rawn fiah ve leh telh telh a, room bang vela Arden thlalak intar khat vek chu hmu fiah ṭha thei lo mah ila thil thleng kha ka mi ti hrechhuak nghal uai uai mai .
" Lalpa leh!! Tina ...." ka meng fiah deuh takah chuan Hailey chuan min rawn kuah nghal thlawp a,kuah let ve ka han tum nak chuan ka ban ka ti che thei ta hauh lo,chair ah che thei lovin min lo phuar bet reng chu niin.
"Hailey... eng nge awmzia? "chhuah tumin ka han tal aih aih a, Hailey erawh inthiam loh hmel zetin a ding reng thung.
" he room ah hian lut lo turin ka ti che ani lawm ni.... ka thu i awih duh lo a hetiang hi kan thleng ta anih hi.... "
"Krissy leh Tristan te kha i thah ani tiraw?"
"nilo....nilo.... Ka duh vang renga ti ka nilo" amah leh amah a inpuan takah awm ngaihna pawh ka hrelo ka ṭhiannu mah nise amah hlauhna in ka khat nghal vek.
"mah...mahse i that tho alawm" ka ti chhuak thei hram.
"Krissy kha na lo te in ka nam ringawt a chuan ....chuan inchung aṭangin a tla anih kha....ka tum reng vanga ti ka ti lo, amah biak ka tum mai chauh ani. Tristan pawh Krissy thih dan chungchang a hriat khan ngawi mai mai se chuan a thi miah lo ang ama thiamloh anih kha"
Hailey chu inthiamlohna leh hlauhna hlirin a khat veka, a khur nasat mai bakah a awmdan a dik tawh lo hrim hrim,a â vek tawh ni mai hian ka hria.
" Tina...khatiang mi kha ka ani lo asin, duhthlan tur dang ka neih loh vang ani " tih pahin min rawn kuah a han tum a, " min rawn hnaih suh" ka lo tih nghal hmuk avang chuan a rilru a nat hmel takzet.
" tih nat che hi ka tum lo asin....ka thu i awih duh loh avangin hetiang thil hi ka ti ta ani "
" mah... mahse engvangin? Engvangin nge Krissy kha i thah? "
"Arden chungchang ah biak ka tum mai chauh ani, mahse ka thusawi a ngaihthlak duh loh avangin na lo te a nam thluk mai chu ka tuma mahse ka tum loh deuhin a tla thla ta ani.... i hria em? nang leh Krissy in Arden a in hmelhriat hma daih tawh khan ka lo hmangaih daih tawh asin" ka mak ti lutuk chu ka mengphawk nghal kawk ringawt.
"ka duh thu ka hrilh mawlh mawlh pawhin chhanna ka dawng ngai lo, mahse pawi ka ti ngai lo a chhanchu ka pian tirh ata tawh mi hnawl leh duhloh kha ka ni miau alawm. Mahse maw ka ṭhian kawmngaih ber Krissy leh Arden te in hmangaih lai lo thlir tawp kha chu thil harsa tak ani, kei nilo in ka ṭhiannu zawk a duh a chuvang chuan duhsakna hlan a kal bo mai kha ka tum asin, mahse amah aia Arden ka lo hriat hmasak avang khan min thik in ka thusawi pawh a ngaithla duh lo a khatiang thil kha a thleng ta ani,khatih hun lai khan ka hlauh em avangin ka tlanchhe ta mai ani"
Hetia Hailey in a sawi takah chuan a mipa hmangaih chungchang min hrilh ṭhin kha ka hre chhuak nghal uaih uaih mai.Kha mipa naupang kha Arden hi maw lo ni a!!
School ah midang hmuhsit rawn anih avanga school kal a hreh em em ṭhin thu te, midang zawngin an tih duhdah a an kawm duh loh lai pawha mipa naupang pakhat in midang laka a chhan ṭhin thu te leh chupa chu tun thleng pawha ala hmangaih thu min hrilh ṭhin te kha ka hrechhuak nghal uarh uarh a mahse khapa kha Arden ani ang tih rin ngaihna pawh ka hrelo, nilo....ka ring pha ngai lo hrim hrim zawk.
" khapa kha.... "
" ni e... khapa kha Arden hi ani asin...Tina ,in in kawp avang hian ka vui ngai reng reng lo ,Arden hlim hmel ka hmuh kha chuan ka lawm tawk em em tho mahse Krissy leh Tristan te chungchang hi khawngaih takin min thup sak rawh "
"ngatinge a tirah khan min hrilh mai loh "
" ka hlau ani.... he khawvelah hian ka ṭhian neih chhun i ni a, min kalsan daih hi ka hlau ani.... nilo, mal taka awm ka duh tawh lo Tina... a hma ang khan inkawm leh ang "
" Engvangin nge ka kalsan ngawt ang che....ka ṭhian ṭha ber ini a, i ni reng bawk ang mahse i thil tih hi a dik lo ani hun ala awm lai hian police khutah inpe zawk rawh "
" ka thei lo... " tih pahin a ding thut a,"hei leh chen hi ka thup tawh a, ka thup hlen thei ngei ngei ang "
"hlauhna chhete i nei ve miah lo em ni? "
"hlauh a!! haha.... zantin ka mumangah ka hmu ziah ṭhin asin, nitin mai hian hlauthawng reng rengin hun ka hmang ṭhin.Ka inthiam loh em avangin vawitam tak Arden a call a thil engkim hrilh vek ka tum ṭhin a mahse a pickup duh ngai lo, hetiang anga ka tih loh hi chuan ka hmachhawn ngam thlawt lo ani. " anih chuan Arden rawn call ziah ṭhin tu kha Hailey maw lo ni a!! thil thlen dan hian ka lu a ti hai takzet, ngaihtuah chian erawh chuan a mak hle thung. Kei, Arden, Krissy, Hailey leh Natalie thlengin engkim hi chhan nei veka thleng ni mai in ka hria, engkim mai hi a inzawm veka, heng thuruk tamtak inthup zawng zawng te hi haichhuak vek turin kei hi Sacramento ah hian ka kal ni hialin ka inhria.
"Hailey.... min en rawh, ka thusawi hi chiang takin ngaihthla rawh, i thil tih hi sual ani i thil sual tih man chu i hmu phawt tur ani dawn lawm ni "
"nilo.... ka duh lo, jail tan ka duh lo.... ṭhian nei lova mahni chauha awm ka duh tawh lo "
"kumkhua in i thup thei dawn chuang lo, jail ah i tang emaw tang lo emaw khawi hmunah pawh awm la ka kalsan ngai lo ang che... engtik lai pawhin i tan ka awm reng ang."
"i ti tak tak em? police hnenah in pe pawh ni ila min kalsan lo ang tiraw?"
" aw.... engtik ah mah ka..... " tukverh aṭangin tuemaw hian silai in min rawn tin ani tih ka hmuh rual rual chuan ka ṭawng tawp nghal chawt a,ka dar ah tak min rawn kap nghal ṭhuai bawk.
Ka chet theih loh mai bakah a nat em avangin ka awmah min hnawh tlat a, thawk lak kawk kawk pahin ṭhuthleng chawpin chhuatah ka let nghal tawp a,Hailey in mangang taka min au lawm lawm ri chu a hla telh telh bawk.
Ka harh leh chuan" thisen a hlauh hnem tawh lutuk kan zai vat angai " an ti ri chu ka hre ruai ruai thei, tumah ka hmuh fiah theih loh avangin ka han khap fak fak a ,a hma ai chuan thawk a nuam deuh tawh oxygen min pek vang te pawh ani mahna.
"Ethan... " tukverh phena Ethan hmel kha chiang taka ka hmuh avang chuan midang hrilh ka han tum ve tak na chu ka hliam a nat em avangin ka ṭawng ri zo tawh lo.Ka chau em avang chuan ka han maimichhing leh siai siai a ṭawng ri takngial pawh ka hrezui tawh lo.
__________________________________________
★1 Day later★
"Tina.... "Arden aw ka hriat chuan mang lam aṭangin ka harh chhuak zawk mai, amaherawhchu ṭawngri engkim hre thei vek mah ila meng chhuak tur erawh ka awmlo thung.Ka kut nghet taka a vawn rual chuan a fawp zeuh ani tihte chu ka hre thei vek mahila ka che thei lo a, ka mit lah ka meng thei hek lo .Engvangin nge hetiang hian ka awm tak? Engvangin nge khawvel tak ni lo in ka suangtuahna ah ka cheng zawk tlat mai le?
"hetiang hian i mu reng thei lo ang "
*"ka mu reng reng lo, ka harh reng alawm"* ka tih lawm lawm pawhin a hre thei miah lo,ka tal nasat mai bakah ka au nasat em avangin ka chau zo vek tawh.
"Kalbo tura ka hrilh lai che khan min ngaithla ni la chu hetiang hi i chungah a thleng lo tur,keimah vang vek ani" a rawn tih takah chuan kalbo tura min hrilh lai vel te kha ka hrechhuak nghal uarh uarh mai,
" Arden.... kan tlai dawn nia " hmeichhe aw ka hriat rual rual chuan ka thinlung hi sah sawm vek angin maiin a rawn na nghal zawk zawk mai.
"mangṭha le, tun bak chu hmu tur che in ka rawn kal tawh lo ang chuan keimah vangin i tuarh leh tawh lo ang " a tih hnu deuh lawkah kawngka in khar khap ri ka hre zui zat bawk. Hetiang em em hian nimaw min kalsan i lo duh a, min en ta che ka che thei lo a ka hmu thei bawk hek lo tun ang hunah hian ka bula awm turin ka mamawh takzet che asin. Mahse nang chuan ka kianga awm a hnekin hmeichhe dang lakah min kalsan i thlang zawk amaw!!
Arden a chhuak chiah tih chuan ka thawk a rawn buai nghal der, ka thin ah a hnawh tlat avangin boruak chu ka han hip lut kawk kawk a,a nat em avangin ka harh chhuah leh theih pawh ka inring tawh lo.
"tunah 3,2,1 " Doctor in a tih rual rual chuan ka awm insep lawp lawp chu defibrillator chuan a rawn dep kang lawp lawp a , vawithum vel min deh hnu chuan ka meng nghal kawk a, ka thaw chhuak nghal siai siai bawk.
"a tawk... " tih pahin ka mit chu light hian a rawn chun zeuh zeuh a, "a ṭha tawh e... " a ti zui sap bawk.
"bawihi.... " hun rei tak hnu ah ka pa aw ka hriat leh avang chuan ka mittui a rawn luang ngiai ngiai mai. Che thei lo mah ila ka pa ka kiangah a awm ani tih ka hriat avang ringawt pawh hian ka thla a muang ngal huai mai.
"Doctor... ni khat lai a liam tawh a engvangin nge ka fanu hi hetiang hian ala awm ?"
"ṭawng engkim a hre thei veka, engkim a hmu thei vek tawh bawk amaherawhchu a taksa a chak loh mai bakah ala hlauthawng bawk nen amah hi thlamuang taka a awm phawt angai ani " Doctor sawi tak ang hian kei hi chu hlauhna avang ringawt pawh hian ka nun a buai nghal vek thei,ka mumang ah ka hmuh loh leh mahni chauha awm hlauh ngawih ngawih na ka nei ṭhin bawk.
__________________________________________
★1 week later★
Kar khat a ral meuh chuan ka ṭha sawt tawh hle ,ka ṭhu chhuak thei tawh a ka tei kual ka kual thei tawh bawk mahse silai a kah hliam ka nih avang leh ka thil hriat leh tawn te kha a rapthlak em avangin tun thlengin ka la ṭawng chhuak leh lo.
"i hliam kan dressing hma in i sam khuih phawt ang aw... "tih pahin Natalie chuan min rawn nuih sang a, chhang lo in ka melh ngai ka melh reng tho.
"i hre tawh em? Hailey khan rilru lamah buaina alo neih reng avangin tunah hian enkawl mek ani a, dam leh vat turin duhsakna a hlan che asin " a tih chuan ti lang lo mah ila ka lawmpui takzet.
Natalie in duat taka ka sam min khuih sak heuh heuh lai chuan Arden a rawn lut hlawl ringawt, a hmel ka hmuh zawng ringawt pawh hian ka awm zawn chu a rawn na nghal zawk zawk a, ka mittui a rawn tling nghal pam bawk.Natalie in Arden a hmuh rual rual chuan a tho nghal vata ,"Hailey chungchang takngial pawhin awmzia a nei lo " tia a hrilh sap ri chu ka hre vek a, hriatthiam hmel takin alo bu nghat bawk.
Chapter-58
"darkar khat hnu ah i chhuak thei tawh dawn a damdawiin ah i awm reng angai tawh lo ang " tih paha ka sam rawn hui a tum lai chuan ka lo hawisawn nghal hmak ringawt.
" ughh.... englo ania, Ethan an man tawh a " a tih takah chuan ka han maimichhing vang vang a, kha thil thleng avang khan zanah ka mu thei lo a, mahni chauha awm ka ngam bawk hek lo engtik lai pawhin hlauhthawnna hlir in ka khat renga chuvang chuan engtik lai pawha awmpui reng ka ngaih phah ani.
"kalbo rawh... " ka ṭawngchhuah takah chuan mak tih hmel takin min rawn melh nghal kawk mai,ni e....hun rei tak chhung a bulah ka ṭawngchhuah tawh loh avangin mak a ti pawh hi a awm lo lo e,amaherawhchu ka pa bulah erawh chuan ka ṭawng chhuak zeuh zeuh tawh thung.
"i ṭawngchhuak tiraw....?" min rawn kuah nghal thlawp ringawt, a hmela hlimna nasa tak rawn lang hi keimah vang nise ka ti takzet.
"hmuh che ka duh tawh lo "
"mahse ka hmu duh che lawm...."
"Arden.... Brad a rawn kal ania ,i kal vat angai"Natalie chu hlauhthawn hmel tak hian a rawn tlan lut nghal vata, Arden pawh a tho nghal vat bawk.
"kan inhmu leh dawn nia.... "tih pahin ka hmuiah a rawn kawp zeuh a,hmanhnawh takin a tlan chhuak nghal vat bawk.
A ngai te bawkin ka thinphu pawh a rang leh tawh kher mai,hepa bulah hi chuan hetiang hian ka awm reng mai dawn chu anih hi, mahse maw amah ka hmuh apiang hian thil thleng tawh te chu min ngaihtuah chhuah tira chhungril ah hian ka na takzet thung.
Arden hi ka pa hian a huat em avangin a rukin min hmu turin a rawn kal ṭhin a,vawikhat phei kha chu ka pa in a hnek hial anih kha,ka tih hun lai khan khumah mu in engmah hmu thei lo mah ila ka rilru kha a harhfim em em a, an thusawi engkim hmaih nei miah lo in ka hre thei vek bawk.
Arden kal hnu reilote ah ka pa pawh a rawn lut nghal vata,min hmuh rual rualin min rawn nuih nghal sang bawk .
" kan kal tawh dawn mi niang.... "a tih chuan ka lo bu nghat a, diktak chuan damdawiin hi ka kham tawh takzet ka ban chiah na mahse thi tur ang mai min enkawl a, room aṭanga chhuah hrim hrim hi ka chak tawh takzet bawk.
"Nate.... Tina hi i rawn hruai thla dawn nia, motor ka lo zuk la chhuak ang " tih pahin bag chu a khai nawlh a, a chhuak nghal nal nal bawk.
"Tina... Arden chungchang hi i pa i hrilh lo ang tiraw? " tih pahin ka ban ala nat deuh avangin min rawn kaitho a,ka ban hi awrh reng mahila ala na takzet ka duh ang pawhin ka chet ṭha thei lo.
"hmuh ka duh tawh lo " tih ringawtin ka lo phun sap ringawt.
________________________________________
In kan thlen rual rual chuan ka room lamah ka pa in min chohpui nghal vata, kawngka a hawn chuan ka hnuk a ulh tlat anih chu!
Ka room ka hmuh lohna thla hnih chuang alo ni ta reng mai,engkim mai chu a hmun ngaiah ka dah dan ang thlapin alo la awm veka, engkawl tih hriat takin a fai hle bawk.
"Nate in nitin i pi room nen a ti fai ziah ṭhin a.... i duh chuan i mu hahchawl nghal thei ang bedsheet pawh a thar vek a pahsak che kha "
"awle.... " mut ka tum avang chuan ka pa pawh chu chhuah nghal mai a han tum a, "Pa... " ka koh chuan a rawn hawi rang kher mai.
"inneihni kha sawn hla suh u.... " keimah vangin an inneih ni tur sawn hlat an tum ani tih ka hriat ruk avangin ka dan ngei angai.
"a pawi hleinem... han dam fel phawt la "
" pa.... ka tihpalh " ka miittui a rawn far fap ringawt."Krissy mit a hmuh hian a rilru a na thei ngawt ang " ka tih chuan min rawn kuah nghal vata, ka ban chul hliau hliau pah hian,"A pawilo...a tan chuan a fanu rawn tho leh ang mai i ni"
"min haw lo ang tiraw? "
"ka fanu hi tuin nge haw thei ang"a rawn fiamthu avang chuan ka lo khi suk ringawt.
Nitin mai chuan ka room tukverh bulah thu in ka inngaihtuah ngawt ngawt ṭhin a, a chang leh Hailey ka tlawh zeuh zeuh ṭhin bawk a chhanchu a mal lo ani tih hi hriattir ka duh vang ani. Hailey khan rilru lama harsatna nasat tak alo nei reng kha alo ni a, mahni chauha awm hlauhna te, midang chan hlauhna te leh mal ngawih ngawih a inhriat na te chu amah tibuai ber tu ani. Hmu tura ka kal apiang hian Arden a dam nge dam lo tih hi min zawh hmaih ngai loh mai bakah hmuh a chak ṭhin thu min hrilh ngat phei hi chuan Arden hi ka haw ngawih ngawih ṭhin a chhanchu Hailey awm ang chiah hian ka awm ve vang ani. Nitin mai hian hmuh ka chak em em ṭhina, amaherawhchu tu chungah pawh natna bak a thlen ngai lo.
Keini chauh nilo hmeichhe dang pawh a in duh tir a, tumah a ngaihsak loh mai bakah a kawp duh loh avanga rilru na ka hmuh hian ka haw ngawih ngawih.A duh lo anih chuan ṭha takin a hnawl thei amaherawhchu min kalsan duh si lo hian hmeichhe dang a be reng bawk si a chu chuan min ti thinrim in amah min huat tir ngawih ngawih bawk.
Tukverh lam thlir vauh vauh paha ka lo ṭhut mai mai lai chuan Natalie chu lehkhabu nen hian a rawn lut a, ka bula rawn ṭhut pah hian, "Tina... pangpar hi a var nge a pink ṭha ang, han en chhin teh" tih pahin lehkhabu a pangpar chi hrang hrang chu min rawn hmuh tir a, a hmel a phurna leh hlimna chu tih chhiat sak ka duh loh avangin nuih sang pah hian, "a var hi a nalh zawk ang " ka lo ti vat bawk.
"anih chuan a var hi ka order ang.... chuan i kawr hak tur pawh a rawn thleng tawh a i ha chhin duh em?"
" umm.... " karleh nilai ni hi inneihni anih tawh avangin ka pa pawh a phur tawh hle a,chu chuan min ti hlim takzet.
" anih chuan rawn chhuk thla la... i duh ber i thlang dawn nia " tih pahin phur takin inhnuai lamah a chhukthla nghala.
Room ah ka tawm rei tawh bawka mahni leh mahni inti phur chawpin inhnuai lam ka pan thla chhat chhat a, mahse tumah an lo awm miah lo ,an vai mai chuan kawtah an lo ding khawm ṭhap a thil thlir nei te pawh an ang zawk.Mak tih hmel takin an thil tih hriat tum chuan ka va pan hnai ve nghal vata Natalie in min rawn hmuh rual rual chuan, " Tina... engmah ani lo lut ang "
" mahse....engthil " ka sawi zo hman lo,ka pa in Arden a hnek lai ka hmuh rual rual chuan ṭawng chhunzawm nachang pawh ka hre tawh lo.Ka pa in rawn kal a phal loh avangin dan a tum na lamah a hnek ani tih hai rual anilo.
"hmela.... rawn in lan tawh lo turin ka hrilh ngun tawh viau che ani lawm ni" ka pa in a kawr nghawnga a ṭham pawh chuan tih let a tum miah lo, duh chu nise ka pa hian a vawikhat khawih pawh a dawl dawn lo tih a chiang reng.
"pa duhtawk rawh.... " inneih buaipui dang ho chuan min rawn en nghal thap a,an hlauthawng ani tih chu hai rual ani lo.
"Arden hi biak ka duh "
"hepa hian.... "
" a pawilo... " ka tih takah chuan a kawrnghawng a ṭham na chu a thlah pawp a,Natalie chuan midang ho chu inchhungah lut turin alo ti nghal vat bawk.
"Eng nge hetah i rawn tih dawn? "
"hmuh che ka duh ani....ipa in phal lo mahse hetiang ringawt hi chuan ka awm thei tawh lo "
"midang i kawp tawh a, engvangin nge min hmuh chu ila duh cheu a"
" Enga!! " amah zawk hian midang a kawp ani tih a hriat loh hmel zawk.
" hman zanah pawh dinner in ei dun kha "
" nilo.... ka kut enkawl tunu doctor kha maw i tih chu... hahh" a kut enkawl tu doctor lek maw lo ni a!!!
"i duh ang ngeiin treatment ka la alawm... mahse Mason nen a in doctor biak pa kha chu ka hmu duh lo " hepa tak hi chu aw.... Mason vanga hmu duh lo ani tih ka chiang.
"mahse ka mamawh lai che in min kalsan ani lawm ni "
"duhthlan tur dang ka neih loh vang ani "
"nang hian midang tih nat bak tih i nei lo "
"Tina....a hma ang khan awm leh ang, hawh inah haw ang " min rawn khawih a tum chuan tawlh hnung hrut pah hian, "min khawih suh.... hmuh che ka duh tawh lo " ka lo ti nghal vat a, chungril ah erawh ka na takzet thung.
"khatiang thil kha ka thlen nawn tir tawh lo ang..."
"min en ta che... heng thil zawng zawng hi nangmah vanga thleng vek anih hi" ka tih chuan inthiamloh hmel takin ka ban chu a rawn melh zeuh a .
" nangmah vangin Krissy a thih phah a, nangmah vangin Hailey pawh rilru lam enkawl na ah a awm mek asin....chuan nangmah vang vêkin kei ngei pawh hun harsa tak ka tawh laiin i hlimna tur chauh maw ilo buaipui a!! "
" i hria em nangmah vang hian ka pa in zantin mutna damdawi a ei ṭhin asin,chupawh duhtawk loin kei thlengin khawngaihna nei hauh lovin min tibuai asin,zantin mangchhia avanga mut theih loh te , hlauh ngawih ngawih reng te leh rilru nat te hi pawi ka ti lo mahse nangmah avanga ka hmangaih ten an tuar lai erawh ka hmu thei tawh lo "
"ka duh reng vang ani lo"
"a thlen tur ang chu a thleng vek tawh chuvang chuan a thlen nawn leh tawh loh nan kei leh ka chhungte lakah hian inthiar fihlim rawh,thlamuang takin min awmtir tawh rawh " ka pa lungngai hmel hi hmuh leh ka duh tawh lo.
" keimah vangin thlabar takin in lo awm ani maw? " a rilru a nat hmel kher mai.
"hmuh che hi ka duh tawh lo...." ka tih takah chuan a sam ṭham pahin a hmui chu a han pet vang vang a, nuih suk pah hian," awle a ṭha e.... " a han ti chuai raih a, rawn hawi let tawh lo in bike ah a chuang vat a, chak zetin a tlan nghal vang vang bawk.
Ka rilru na hle mahse amah avangin ṭah ka tum tawh lo mahila insum hi thil harsa tak ani, tunah chuan ka mipa duh leh hmangaih chu ka chan ta!! ṭah chhuah hawm hawm ka chak takzet. Luh tuma ka hawi let chuan ka pa hian kawngka aṭang chuan min lo thlir renga, biak pawh be lo in melh zeuh pahin inchhungah ka luhsan daih a, tunah hi chuan keimah chauh a awm ka mamawh takzet.
"Tina.... kawr chu i rawn ha chhin dawn mi niang "
"awle... nakin deuh ah " pangngai taka ka ṭawng chuak thei chu mak ka inti hial zawk, za lo zeta nuih suk pahin ka room lam ka pan nghal vata, ka room kawngka ka khar chiah tih chuan ka insum thei tawh lo, ka ṭap chhuak nghal hawm hawm ringawt.
Arden nen a kan inkar a tawp takah chuan min hmu turin a rawn kal tawh ngai loh mai bakah a chanchin hriat tur a awm leh tawh ngai lo. Kei erawh a ni telin chhiat lam ka pan zel emaw tih mai tur hian engthil mah ka ei thei lo a, ka mutthilh theih loh mai bakah engthil mah in min ti hlim thei tawh lo.
Ka pa leh Natalie te bulah erawh engmah thleng lo ang maiin awm ṭhin mah ila ka room ah ka awm tawh hi chuan ka ṭap lo thei ṭhin lo. Kumkhua a Arden nen a kan in ṭhen tur hi ka ngaingam thei thlawt lo, a chang leh ka suangtuahna te kawm in mi â ang maiin ka khawsa a, Hailey hmu tura ka chhuak tih loh hi chu ka room ah ka tawm deuh chawt reng mai.
__________________________________________
★ WEDDING DAY★
Tuipui kamah an innei bawka, midang an lam sup sup lai chuan wine dawm chungin lungpui chungah chuan ni tla tur thlir in ka han ṭhu vang vang a, thli thaw heuh heuh te leh tuipui fawn hlawp hlawp te chuan min ti zia sawng sawng mai.
"i lam ve dawn lo em ni? Jade pawh a lam nasat em saw..." tih pahin Dylan chu ka bulah a rawn ṭhu thak a, "mipui zi nuai nuai ka tlanchhiat san zawk mawle " ka tih chuan a nui chhuak hak ringawt.
"boruak chu a nuam kher mai....zanin hi Arden te inbeih zan kha ani tawh ania, i kal ve dawn lo em ni? "
" Dylan... a chungchang sawi tawh lo teh "
"a chanchin ka sawi loh pawhin i hlim phah pawn ka hrelo"
"hlim lo mah ila min ngaihsak lo tu hming hi hriat pawh ka hre peih lo "
" hahh....nikhaw hrelo a i awm lai pawha i kianga awm reng ṭhin ,a practice kar lakah pawh i chanchin min rawn zawt ziah ṭhin tu, i pa in hmuh che a phal loh lai pawha i room kawta nghak fan fan ṭhin tu che hian a ngaihsak loh na che ka hrelo "
" maw? "
" i awih em? i pa in hmuh che a phal loh avangin a chapo na te dah ṭha in a mangang lutuk in i chanchin min rawn zawt asin.... i awih bik lo ang Arden an hetiang thil a ti hi "
"Amah vanga tuar ka nia... a tih ve tur reng alawm "
" anih Krissy thattu Hailey takngial pawh nangmah vangin a va tlawh ṭhin tih hi i hria em? " chu zet chuan min ṭhawng takzet, ni e... Arden bulah Hailey a tih na thu te leh midang rilru tih nat bak a tih ngai loh thu ka hrilh ngei alawm mahse a thil tih diklo te siamṭhat tuma Hailey a va hmu ṭhin chu mak ka ti takzet, a chhanchu a hmangaih ber thattu hmuh hi thil awlsam tak ani hauh lo.
"engmah i hrelo niin a lang.... a awm tho e i beng i chhu ngawng tlat alawm " ka ngawi reng ringawt, han sawi mai tur pawh ka hrelo.
" ok.... Saw Katie in min rawn melh rum tawh emai kan kal leh tawh mai nge "nuih vur vur pah chuan a rawn ti a, keipawhin ka lo nuih let suk bawk.
Mahni chauha awm chu thil eng eng emaw ka ngaihtuah zel avangin party na ah chuan ka let leh ta ringawt a, ka nu leh a pasal hual mai bakah ka naute pahnih pawh an rawn kal ve avangin an bulah chuan ka zuk ṭhu ve nghal vata, ka pa leh Natalie te lam lai chu kan en ṭhap bawk.
"nui ve ta che... i pa nupui ang sawn " ka nu ṭawng hi chu ngaiah ka nei tawh, a thik vang leh a sual vang pawh ani lo a ṭawngkam ve hrim hrim anih hi.
"va lam ve zawk rawh ru... "
"nilengin pheikhawk sang ka bun a.... ka ke hi a durh lo chauh "
"keipawh... "
"i pa tana kan tawrh ve theih chhun ani miau sia lawm le " a pasal hual melh pah chuan a nui hawk hawk ringawt, ka nu tak hi chu fiamthu a duh bawka a bulah hi chuan a lungngaih theih loh.
Chutia lam kan lo thlir reng lai chuan ka pa chu ka bulah rawn kal hnai in ka hma ah tak a kut rawn dawh pah hian, "min lampui thei angem?" a han ti sap a, "tehreng mai tih pahin ka kut ka lo pe nghal vat bawk ". Ka pa lampui hi ka thil chak ber anih mai bakah an inneih ni a ka lampui thei hi ka lawm takzet bawk.
" i mittui a tla dawn ania..."
" ka hlim lutuk a, ka duh lo chung pawhin a rawn tla zel tho"
" i hria em? i tet lai aṭang tawh in i tan pa ṭha tak ni ngai lo mah ila i hlim hi ka duh ber ani asin"
" pa ka hlim lutuk alawm.... i hlim hmel ka hmuh hian ka hlim takzet bawk"
"mahse... i lungngaihna te thup tuma i nuih hian min ti lungngai ṭhin asin, tunah pawh i nui hmel ka hmuh ka lungngai takzet"
" pa...."
"tun aṭang chuan lungngai taka i awm hmel hi ka hmu duh tawh lo ...i pa hian i hlim theih nan chuan engpawh ka ti ang "
"ka lawm e... "ka pa chu ka kuah nghal thlawp a, ka pa diktak kha a rawn let leh tawh avangin ka lawm takzet.
"Ka lampui ve thei tawh angem?" ka pa ka kuah lai chuan Arden aw ka hre ta thut mai!! mak tih hmel takin ka pa chu ka en nghal vata ,ka hnung lam melh paha hawi let tura min rawn mitmei zeuh avang chuan ka hawi phei rang kher mai.
Ka awih thei lo, ka thil hmuh hi a tak chu ani ngei bawk si .Arden chu suit nen min rawn nuih vur vur pah hian alo ding reng anih chu,a hmelṭhat ngaiin ala hmelṭhat mai bakah a suit ha lai ka vawikhat hmuh na a nih vang nge pawh ka hrelo a chhelo takzet.
"pa ...." ka pa ka melh rual rual chuan ka mittui a rawn tla nghal zung zung ringawt.
"i hlimna tur anih phawt chuan engkim ka ti ang ka tih tawh kha,i mittui hi hru hul rawh i nuih khan i hmelṭha daih zawk ania " tih pahin Arden bulah chuan min kai phei a, "i tih ṭah leh chuan jail ah ka khung tawh ang che... hre reng rawh Zero ang nilo in Arden ang zawkin duat takin enkawl ang che " ka pa hian Arden chungchang alo hrechhuak vek tawh anih hi,engtin nge a hriatchhuah le?.
Ka pa chu kan piah deuh lawkah Natalie nen an lam lehnghal a, diktak chuan kan awmdan hi a lai deuh ṭut tawh han sawi mai tur lah ka hre miah lo lehnghal.
"min lampui dawn lo mi?" tih pahin ka kut chu a rawn vuan a,a kut lehlamin ka kawngah a chelh tlat bawk.
"heta i rawn kal chhan hi sawi i tum miah lo em ni? "
" ughh.... i pa in nimin ah min hmu turin a rawn kal a " a tih takah chuan thil thlen dan chu ka man thiam nghal vek.
"mahse MMA kha" a hmai vung deuh lak te leh pem la tharlam tak te chu ka hmuh hmaih hauh lo.
" naktuk ah news ah i en mai dawn nia "a awmdan aṭang chuan a champion ani tih hai rual ani lo.
"nghal leh lutuk mai... tlang deuha min hrilh loh te chuan engtin nge ka hriat theih anga " ka tih rual rual chuan lungchim takin min rawn fawp nghal vawng vawng a,a ngai te bawkin ka thinphu pawh a rang leh tawh kher mai.
"KA HMANGAIH CHE capital letter in ka sawi ania...tlang deuhin ka hrilh che anih chu "
"hey.... "
"Valentina... ka fiamthu lo ka hmangaih che, ka hmangaih takzet che " mak tih hmel zetin ka en reng ringawt, Arden thusawi hi a dik tak tak ani em? ka awih thei lo, vawikhat pawh min duhthu sawi ngai lo khan min hmangaih thu min hrilh anih chu !!! hei zet hi zawng fiamthu emaw sawi mai mai a ni thei tawh lo.
Chhan ngaihna pawh ka hrelo, mahse hei erawh ka hre chiang hle thung tuna ka mipa lampui, hmelṭha leh chhelo zet mai hi ka hmangaih ani, ka thinlung zawng zawngin ka hmangaih takzet bawk.
"ka... keipawhin ka hmangaih che " tih pahin duhthawh takin ka han fawp vawng vawng a , a khawih te, a fawh te leh a rim te thleng hian ka ngai tawh lutuk hi engtik lai pawha a bula awm reng mai hi ka duh.
"khawiah emaw kal i duh em? "
" maw!! "
" i hre mai ang "tih pahin a bike lam panin kan in kai phei nghal dawr dawr a, kawrfual ka hak mai bakah pheikhawk sang ka bun bawk nen kal pawh ka kal ṭha thei tawh lo.
"khawiah nge kan kal dawn? "
"tui cheng turin mawle.... kha helmet hi khum rawh " tui maw!! a sawi tum chu ka hre nghal, hmana tui khawh thla awmna hmun a min hruai na kha ani tih ka hriat avangin ka phur hle nghe nghe.
"helmet ka khum te chuan ka sam a chhe vek anga sin "
"a pawilo..." tih pahin ka sam darkar khat dawn uluk zeta an set ṭhat sa vek kha second khat chhung lekin a rawn phelh nghal vek anih chu. " ti kha chuan i khum thei tawh ang " ngeiawm zetin a ti zui kher bawk. Arden an bike a tih nung hlat hlat hnu chuan ka kawr fual pawh chhoh pahin chuan mai ka han tuma thil ka hriat chhuah leh hnuhnawh avang chuan lungawi lo tih hriat zet hian, "i Doctor nu nen khan washroom ah khan eng nge in tih " ka han ti leh kher a.
" a kawr hnung zipper zih sak ka tum mawle "
" engvangin? "
"huizz.... dinner ei laiin a in phelh alawm, chuang rawh chuti lo chu ka tlan san ang che "
" ka pa thusawi kha hre reng rawh " fiam pahin rem lo zet hian ka chuang nghal vata,a kawngah nghet takin ka kuah nghal thak bawk.A tlan chak dawn ani tih hre tho mah ila, "tlan chak suh aw... chu ti lo chu.... " ka sawi zawh hma hma in min runluih deuh pah bawk nen chak zet hian a tlan chhuak nghal fua a ka au phei nghal rawng rawng bawk.
THE END
IG-@remruati_haylor
Fb- Remruati Bawitlung /Haylor Sept
khaw nge a chhun zawm.na hiiiiiiiiiu???????????😢
ReplyDeleteTha thin khawp mai
ReplyDeleteA ngaihnawmin a kham awm loh tak zet
ReplyDelete