PS I Hate You -61 to 70 (last) ~ Remruati Haylor's stories

chapter-61

Chutia ka hawi tak daih avang chuan ka darah a rawn fawp zeuh a ka sam rawn chul pahin "mangtha le" a rawn ti sap bawk. Muhil ang deuhin ka maimichhing tlat a chet pawh ka tum lo, ani pawh a mu tha sauh sauh a a chau ngang aniang reilote ah a muhil nghal mai bawk.

Kai a mutthilh takah chuan keipawh mutthilh tumin puan ka han sin tha leh te te phawt a mahse rei pawh ka maimichhing hma in ka phone a rawn vibrate leh ta chur chur mai.

" tunge mawn le? " tih bul bul pahin ka phone chu ka han thlek zeuh a, number hriat loh anih avangin ka silent sauh sauh a ka mut san leh nghal daih a.

_________________________________________

Darcy bula ka kal zawh chuan damdawiin bula cafe lian vak lo ah chuan ka lut a, Darcy pawhin that lam a pan mai bakah ka duh duh hunah ka pawm theih tawh avangin vawin zet chu ka hlim ngei mai.

A ngaite bawkin Kai pawhin min rawn call leh nghal vat tawh nidang aiin a phur tih pawh ka hria a chhan chu doctor in vawin atangin Darcy a pawm an phal sak tawh vang ani mahse hun a neih loh em avangin vawin ni ah hi chuan a pawm hman kher ka ring lo.

"i haw tawh em? "

"umm... aw"

"khawi emaw ah i kalkawi ani zawk lo maw"

"aih....nangpawh i buai anih kha" a buai tih ka hriat nachhan chu Lily in meeting an neih tur thu a rawn hrilh ri ka hriat vang ani.

" anih chuan ka dah dawn "ka tih zawm leh nghal zat bawk.

"awle ....Darcy chu zirtawp ni ah hmu turin kan kal mai dawn nia.... "

" ngatinge.... nilai leh nilaithawhtan? " ka tih chuan a ngawi deuh vung vung a

" ih... englo ania....Japan ah ka kal thut angai dawn a mahse ni hnih chauh" ka mit nghal sawlh in ka hria, ni hnih chauh pawh nise rei ka ti takzet.

" a tha alawm" ka ti sap ringawt, hrehawm ti deuh anga lan ka duh loh avangin engmah ka sawi zui lem lo.

"meeting kan neih zawh veleh ka kal nghal ang.... ka hmu chak takzet che, ni hnih chauh pawh nise ka ngai ngawt ang che lo kal ve mai rawh" a ruk chuan ka ngaih thu hi hrilh mawlh mawlh ka chak takzet mahse ka hrilh duh bawk si lo.

"ughh....ka buai deuh a....bye"ka rilru a thil awm ka sawi chhuah mai ka hlauh avangin phone chu ka dah nghal daih a,thawk chhuah hak pahin ka nui lui nghal suk bawk.

Phur lo zet chungin room ah ka pen lut chhat chhat a, ka bag theh thal tawp pahin khumah ka thu nghal hnawk bawk.

"ngatinge hetianga ka awm leh tlat thin le? "

Chutia ka lo thut tum búr lai chuan Mrs Burton a rawn lut hlawl mai, ka lo thu rem nghal vat bawk.

"zanin chu intih thawven pahin party na ah kan kal dawn mi niang.... "

"ughh.... "

"Lola....i hman lo thu min hrilh miah suh.... " ka sawi tum tak,kal chakna ka nei hlawl lo.

" nia.... hahh... mahse eng party....? "

"Sally te an inhual dawn a... ka thiantha ber fanu ani bawk si a chhuanlam ka siam thei lo kan kal ngei ngei angai "

" awle...."

" e... taka Darcy pawh ka pawm thei tawh dawn a naktuk chu hma takah damdawiin ah kal ila a tha ang tiraw....?" a tih chuan ka lo nuih suk ringawt.

"vawin chu Kai ava rawn lang lo ve...."

" nia... ughh.... Japan ah a kal dawn a "

" maw!!...ngatinge min rawn hrilh ve miah loh a.... "

"a hrilh tawh che emaw ka lo ti asin... " inthlahrun hmel deuh taka ka tih avang chuan a nui chhuak nghal hak a.

"tunah chuan chhungkua a nei tawh a anu zel zel hi chu min hrilh ve kher angai tawh hleinem.... bakah ani hi chu hriat loh hlanin alo zin bo leh daih zel.... " tih pahin a ding hluai a.

"ka hmai pawh facial tir ka duh...upat hmel deuh in ka lang thei lo hrim hrim... hmai chei tir turin kan va chhuak dawn mi niang... "

"ka chau deuh a mut ka mamawh zawk in ka hria... "

" awle...mahse lo mu tlang daih lo la "a chhuak tur chu a rawn hawi let leh a.

" i rawn haw hma deuh khan Maisie hmu tur che in a rawn kal a va be vat la a tha ang... "

" awle... "

Ngatinge maw Maisie chu helai thleng thleng a rawn kal le? Ngaihdam min rawn dil a tum emaw rawn in sawifiah a tum aniang. Diktak chuan hmuh chu sawi loh biak pawh ka chak hlawl lo Celine nen a an in kaihhnawih tawh hrim hrim hi chuan ka thin an ti rim tlat zel, Celine ka ngaihtuah chhuah thin avang hian Kai pawh ka hlat leh thin.

Mrs Burton te in a ka awm reng theih loh avangin hna ruak a awm takin tiin ka phone atang chuan ka han zawng kual vel a, hna ruak leh hlawh sang chu a tam mahse ka qualification in a phak tlat lo.Darcy enkawl ka ngaih dawn avangin a hma angin hlawh tlemte ka kham tawh dawn lo tih chu ka hre kâr, ka thawh ve theih chhun lah pawisa tlem te te lakluh na bak ani bawk si lo.

"mi taima zawn zawk tur ania, qualification ti reng mai...." lungawi lo deuh chung chuan ka phun bul bul a awmzia lah a nei der bawk si lo.

" Huizz.... Lalpa leh " ka phone dah pahin khumah chuan ka thal nghal tawp a

"Eng hna nge ka thawh tak ang le? nge Paris ah ka kir leh zawk mai dawn...." Aaa... ka hrethiam tawh lo, Kai an Darcy hi Paris a ka hruai daih a phal dawn bawk si lo, kei lah Darcy tello in ka kal daih thei bawk si lo .

Party na a kan kal dawn avangin muangchangin ka insiam a ka rilru ah erawh sum hmuh dan tur bak ka ngaihtuah thei lo.

"i lo in peih der tawh elaw.... " ka phu deuh zuk lehnghal. Mrs. Burton chu box nen hian a rawn lut a, mihausa nu tih takah a nalh leh zaih zaih tawh hle .A fawrfual hringduk zahawm tak leh simple tak chei mawi turin lunghlu thi leh bengbeh lian tak a inbel tel bawka,party na a kal zawng zawng te mit fukna ber ani hial ang tih ka sawi ngam sak.

" ka hman tep... " tih pahin lipstick uk deuh hlek chu ka han inhnawih nghal sawk sawk a, ka phur vak lo bawk nen kawrfual ho te bak ka ha lo chubakah han inchei belh vak ngaihna ka hre bawk hek lo.

"i nalh lutuk.... chuan tihian i nalh zual ngawt ang... " tih pahin lunglhlu thi hi min rawn awrh tira, chet ngaihna pawh ka hrelo.

" a nalh hle mai... " thi en vung vung pah chuan ka han zut a, hetiang thi manto lutuk hi ka vawi khat inbel na.

"mahse ka nu... ka tibo palh ang "

"i ta ani tawh a... i tihbo pawhin thu ka nei tawh hleinem " engmaw!! he lunghlu hi ka ta maw!! min pe tihna em ni?

"nilo... ka nei thei lo ang... "

" Lola.. " ka kut chu a rawn vuan nghal vat a "kan tana i thil tih zawng zawng ngaihtuah chuan hengte hi chu engmah ani hleinem....ka lawmthu sawi ve na ah ngai rawh.... bakah i tan liau liau a ka chah ania chuan ka rin lawk ang ngeiin i inhmeh takzet bawk"

" mahse.... "lunghlu thil pek a dawn te chu tunge duh lo ang mahse he thil pek hi lak ka duh lo, ka sawi tawh ang khan thilpek liantham lak dawn hi chuan hlauhthawnna in ka la khat reng

" i inpeih tawh chuan kal ila.... " ka tho nghal vat a, rilru a buai chang deuh pawhin Mrs Burton nui hmel hmuh hi chuan ka zia sawng sawng zel.

Khua a vawt bawka kawrchung lum tak ka ha a, khua a vawt in ka pheikhawk bun a sang bawk nen ka ke hi a na vek in ka hria.

Mrs. Burton nen chuan car ah kan thu dun ran a, eng eng emaw a tih avangin a buai hle a kei erawh ka thu ngawi reng thung.

Nichin atang tawh a ka phone ri reng chu a tawp a tawp ah ka zuk melh ve hram a, Maisie anih avangin ka ring ral tir thak thak.

Party na hmun kan thlen chuan kawngka min lo hawn sak nghal vata, mi hausa kal khawm an nih vang nge pawh ka hrelo red carpet chu kan zawh phei zela,kan rin aiin an ti pui daih mai ,midang in thawmhnaw to tak tak an inbel laiin ho te ka lo ha bik a ,ka lo in chei tha peih lo kha ka inchhir leh hnuhnawh , camera de chuai chuai te chuan min ti zam takzet Mrs Burton erawh a ti thang tawh bawka a buai eih lo.

Kan inhual tum kha chuan private taka tih an duh mai bakah Burton chhungkua hian hetianga tih vel hi an duh ve vak loh avangin thla la tur pawhin sawm bik pali vel bak an kal lo,kan inhualna nen a tehkhin chuan inpui hleih tak ani.

Ka phone a rik reng avang chuan a pawimawh tak in tiin ka phawrh chhuak ta nge nge a

" ka nu... phone kan hmang lawk ange"

" awle.... mahse mipui an tam si a rawn lut har lo la" buk nghat pahin hmun reh lam chu ka pan nghal vata.

"Maisie... engmah sawi dun tur kan nei lo "

" Lola... ka thusawi tur hi chiang deuh in lo ngaithla rawh.... "

"insawifiahna ka ngaithla peih lo... "

"a pawimawh lutuk.... reilo te chauh lo ngaithla lawk.... " a ti hman chauh a phone ka off nghal hmak. Celine nen kan inkar ah engmah a awmlo tih vel hi ka hre peih lo.

Thawk lak kawk pahin ka kawr chu ka han siam rem te te a,ka phone bag a khung luh sawk sawk pah chuan ka kal nghal hlawk hlawk bawk.

Ka luh dawn lai tak chuan tuemaw hian min rawn kuaiher ta pawp mai, hlauhthawn hmel deuh hian chupa chu ka melh nghal kawk a tunge a nih pawh ka hrelo.

"Ms Lola....Kai Burton nen in in then dawn tih ka lo hria a thudik ani em?" Lalpa leh!! ka hmel hi kan thup nasa viau thin si a,engtin nge min hriat theih zawk?

" i pasal hian hmeichhe dang a chhuahpui ziah thin tih hi i hria em? " chu zawhna zet chuan min ti na takzet,chet ngaihna pawh ka hrelo.

" min lo hrethiam rawh... " tih pahin ka kalsan nghal hlawk hlawk a mahse min rawn umzui zel tho .

"Kai Burton hian a duh tak tak che in i hria em? i pasal in hmeichhe dang a mutpui lai i hmu ti a thu thang hi a ding reng em? "

"min kalsan rawh.... " zawhna tam lutuk leh camera de nasa lutuk chuan min ti thawchham thei takngial dawn in ka hria, hepa lah hian zawhna maksak tak tak min zawt reng mai bawk si.

Vanneihthlak lutuk in security pakhat a rawn kal hlauh ,chupa chu tawlh hnung tura a hrilh lai chuan hall ah ka tlan lut nghal hlawk hlawk a, ka bing mup mup hian ka in hria.

Ka hlauthawng bawk nen Waiter pakhat wine chawi lai chu ka han tlak nghal pap a, music ri delh delh te leh mipui inbe ri mur mur te chuan min ti â thei takngial dawn.

Wine glass dawm ran pahin Mrs Burton chu ka zawng kual hrek hrek a, tumah lah hmelhriat ka nei der bawk si lo haw daih mai ka duh mahse tun tut tut ah chuan pawn a chhuah ngam ani der bawk si lo ka ning nghal der. Chutia Mrs Burton ka zawn kual deuh lai chuan

" Hi!! Lola "chu aw chu!!, ka thau ah min man nghal, rang lutuk in ka hawi let nghal vata, ka mi hmuh chuan min thawng takzet

Show post links

Top

Ngaia

Site Admin

Quote

Post December 3rd, 2017, 2:36 pm

Chapter-62

Oscar an eng nge hetah a rawn tih?Paris a awm tur ani asin, chet nachang pawh ka hre tawh lo,ka thawk a rang in ka thinphu dawt dawt ri pawh ka hrethei hial.Ka chil lem dak pahin ka wine glass ken lai chu ka vuan nghet sauh a, hlauthawng tak angin ka lang tur ani lo

" wow... i nalh hle mai i lunghlu thi nen khan..." ngeiawm zetin a rawn ti leh kher anih chu , a tih thin dan ang bawkin min rawn din hnaih a, nuih suk pahin ka mawng bawr vel chu a rawn zût kher bawk.Nam sawn tumin ka han tang deuh aih na a ka kawngah min kuah bet tlat avangin ka che thei lo. Midang in min rawn hmuh ka hlauh avangin ka hawikual nghal vata ani lahin min melh kur mai bawk si.

"eng nge hetah i rawn tih? "zawi sap vin lek lek hian ka ti a.

"hahh... i lo huaisen ta hle mai, pasal thil ti thei tak i neih avang hian ka ti chhe thei lo che tihna ani miah lo ania... "

" Engthil nge maw i sawi le? min thlah vat rawh "

"i la inthlak miah lo anih hi " rum zetin ka han melh ve khai na in hmeichhe kutthlak a hreh bawk si lo a min beng thlu tawp ang tih erawh ka hlau takzet thung.

"Eng thil nge i duh...pawisa mi? ka pe ang che chuan ka mit hmuh ah rawn inlan leh tawh suh ang che " ka thusawi avang chuan a nuih a za kher mai, mahse hetianga ka tih loh hi chuan min zui leh reng dawn ani tih ka hrechiang kher mai.

"ka thil duh maw?....ka duh chu.. " a tawng lai tak chuan tuemaw hian a rawn ko hlauh ,min kuah na chu a phelh nghal vata mi fel ber angin a awm leh nghal thei nia mawle. Kan bulah chuan nu thau pui mai, lunghlu thi leh bengbeh nen a inthuam chuai han en reng reng pawh a nelawm sarh mai hi a rawn kal a,ka thaw nghal huai thei.

" Oscar....hetah hian a nimaw i lo awm daih a i nupui hual pawh min la hmelhriat tir lo ania...i lo puitling ve tak tak tawh anih hi nupui hual meuh i nei tawh dawn ania..." chu nu thusawi lai chu mak tiin ka meng phawk nghal kawk a,Sally pasal hual tur chu Oscar hi maw!! chuan heihi Oscar te inhual na party maw!! khawvel hi alo van zim tak em.

" ka sum te hi keimah chauh a hman ral tur atan chuan a tam mah mah tawh i ti ve lo em ni? " min en reng pah chuan a ti kher a,melh pawh ka melh tha peih lo.

" ni e....ka lawmpui takzet che , umm...nula min lo hrethiam la ka hruai hrang lawk thei angem?" min dil kher lo hian kalsawnpui vat se a ti fuh zawk ang,za lo zet hian ka lo nuih ta ringawt a ,Oscar hmel ka hmuh ringawt pawh hian lung tha lo ka nei thei mai dawn in ka hria.

"ka lawm e... " Oscar mitmei zeuh pahin a kal sawn nghala.Ani lah chuan zui ta mai lo chuan ka beng zawn ah rawn kun hniam in "i tang rei hauh lo ang " a rawn ti leh kher lehnghal.

"maw! "

" ka inhmu leh vat dawn nia... " nuih vur vur pahin a kal ve nghal daih bawk.

Helai hmunah hian ka awm reng thei lo ang,a rang thei ang berin ka haw vat tur ani. Mrs Burton hi ka hmu phawt dawn nge ka haw san dawn? hreptak chuan! khawiah nge maw a awm reng reng le?.Mrs Burton zawn pah chuan Maisie ka call nghal vat a, min hrilh tur a neih thu kha a sawi a Oscar chungchang hi anih ka ring nghal.

"Maisie pawh chu tinge a call theih miah loh le?" vawt hle mahse ka thlantui in min leih nghal bawrh bawrh mai. Mrs Burton ka hmuh zawh tak loh avang chuan hawsan mai ka rilruk ta zawka, naktuk ah ka hrilh fiah mai ang.

Hmanhmawh takin ballroom atang chuan ka tlan chhuak nghal dawr dawr a, Oscar an min rawn hmuh erawh ka hlau hle thung.

Vanneihthlak lutuk in ka put chhuak thei hlauh,taxi ka hmuh hmasak berah chuang nghalin Kai-a in lam pan in ka tlan tir nghal vang vang bawk.

In ka thlen chuan a lo eng leh ut tawh ,ka kal loh na la rei vak lo mahse Kai nen a kan sulnu hlir anih avangin ka ngai takzet.

Hmanhmawh takin inchhungah ka tlan lut nghala

" Maisie,Maisie .... " room kawngka hawn pah chuan ka ti nghal tuarh tuarh a mahse alo thim thap.

" Lola....i rawn haw leh tawh dawn mi? ka van lawm tak " Rita chuan min rawn kuah nghal thlawp a,mahse hetiang tur hian hun ka nei lo.

" Rita.... khawiah nge Maisie...? "

" in in hmu lo em ni...."

" hmulo... khawiah nge a awm? "

".... thlawhna ah a chuang tawh ang tunah chuan "

" maw!! "

"rawn biak che a tum char char a....in in be ta emaw ka lo ti asin.... "

"engmah min rawn hrilh lo....Paris a a let thut chhan i hre mial em? "

"a sawi dan kha chuan a hna vangin a ti in ka hria " Maisie hian dawt a sawi,a hlawh aia sang daih Kai an a pe a a hna vangin a let thei lo hrim hrim, mahse zawhna ni ta chu engvanga haw nge ni ta ang?

"Maisie in a rawn biak che chuan min lo hrilh vat dawn nia.... "tih pahin pawnah ka tlan chhuak leh nghal dawr dawr a, ka call lahin switch off a in ti zel mai bawk si chutiang chiah chuan Mark pawh. Eng thil emaw dik lo chu a awm chiang alawm, Oscar rawn lan thut danah hian inzawmna chu an nei chiang alawm.

Khawi khawi emaw ah ka thu kawi a,a chang leh thil mak deuh deuh ka ngaihtuah thul.Tunah hian Kai ka bulah awm ve se ka ti takzet, min rawn biak lah a tum der mai bawk si lo. Min rawn biak ring in ka phone chu ka thlek leh zeuh thin a, a chang leh Celine nen an la inzui reng alawm ka va beisei tur ani lo tiin ka inhrilh thul.Zanin ah pawh an la inzui reng thu min hrilh leh tawh a, ngai ah ka nei thei dawn lo chu anih hi.Ka rilru phir tak avang hian duhthlanna siam fel thei si lo hian eng chen nge ka awm ang.Kai hi ka hmangaih a kumkhua a chenpui ka duh mahse Celine nen an inkawp reng tho chuan ka hmangaih che pawh tise eng nge sawtna awm lehlamah chuan then ta ila engtin nge ka awm ve tak ang, pangngai taka ka nun leh pawh hi ka in ring tawh lo.

Khuma thut pahin ka coat fual hak lai chu peih lo deuh chung hian ka han phelh taih taih a,melh ngai melh vung vung pahin light dim tak hnuai ah chuan ka thu run a, thil ngaihtuah tur ka ngah lutuk hi ka tawt up up in ka hria. Chutia ka lo inngaihtuah muk lai tak chuan ka phone vibrate ri chuan min ti phu deuh zawk mai. Number hriat loh hi alo ni a mahse Kai anih ringin ka pick tho.

"Hello.... ka bawihte.... " ka hriat rual rual chuan ka phone chu chhuat ah ka thlauh nghal!! Ka thlauthawng bawk nen ka thinphu nasa lutuk chu tih ziaawm tumin ka awm chu ka han dawm vata,ka thawk dan pawh a dik lo nghal.

Engtin nge Oscar an ka phone number a neih theih?.

Hetiang ringawt hi chuan a dik thei lo, min zuam lutuk hma in ka chingfel vek angai. Inhum ruh chungin phone chu ka chhar vata,

" Hello....Engtin nge ka number hi i neih"

"chu chu a pawimawh ber em ni bawihte.... "

"Eng nge i duh.... Engvangin nge min rawn tihbuai renga... "

"chuvang tak chuan lawm ka rawn biak che.... ka tihbuai reng chhan che hrilh tur che in.... "

"tun hma ang khan min ti na tawh hauh lo ang...."

"kan la hria ang chu.... naktuk ah min hmu turin rawn kal ang che "

" maw!! "

" thil sawifel turin mawle... "

"tunah khan sawi vat rawh... chuti lo chu phone hi ka dah dawn nia "

" hahaha.... anih chuan hetihian ti teh ang a awlsam zawng chuan i pasal te company leh ka company hi thawk dun thei turin hma i la ang"

" Engthil nge maw i sawi le? chutiang thil engmah ka ti thei lo....ka thu loh zia chu i hriat kha"

"i thei tih ka hria.... min hnial anih chuan ka thil tih theih chu i hriat kha....chuan contract hmangin in innei tih pawh puanzar a harsa miah lo ania" engtin nge heng thil te hi alo hriat leh vek tawh le?

"hah...i hriat angin keichu contract hmanga a nupui mai ka nia,tih theih ka nei lo " tih el zet hian ka chhang let ve ngat a,a ruk tak chuan a puang zar ang tih erawh ka hlau hle, keima tan nilo in Burton chhungkaw tan bawk ani, keimah vanga an hming chhiat hi ka duh lo.

"wow....fanu duhawm tak i nei tih pawh ka lo hria a. ...hahaha....address ka rawn thawn ah che khan naktuk dar10 ah lo awm ang che " tih leh phone dah a rual nghal. Darcy chungchang a sawi takah chuan ka hlauthawng ta kher mai, hepa hian thil a ti thei si a, khawngaihna leh lainatna a nei bawk si lo, ka fanu chungah hian engthil mah tih hreh a nei dawn lo tih chu kei tluk a hre chiang an awmlo ang.

Show post links

Top

Ngaia

Site Admin

Quote

Post December 3rd, 2017, 2:36 pm

Chapter-63

Oscar an address min pek na hmun hotel room no.563 ah chuan a lo kal hun nghakin ka thu ran a,engvanga kal nge ka nih pawh ka hrelo mahse Darcy chungchang a sawi rik tawh kha chuan ka awm a nuam thei ta ngang lova, ka inngaihtuah fe hnuah ka kal leh ta nge nge anih hi.A lo kal har em avang chuan sana chu ka melh leh zeuh thin a, a lo kal har dan ah hian min fiam kual vel mai mai ni te hian ka hria.

"hna interview tur ka nei asin le" phun bul bul pahin tui chu ka han lem leh dak thin a, minute5 ka nghak leh anga a rawn la kal loh cheu chuan ka haw daih ang.Chutia ka lo ngaihtuah ran ran lai chuan kawngka a rawn ri ta rak mai ,hmanhmawh lutuk in ka thutna atang chuan ka tho nghal vat bawk.

"kha in rawh... " Oscar chuan couch a thut pahin a coffee ken lai pakhat zawk chu min rawn pe a ka la lo chiang kher mai mahse heng thil hi a ti ngai si lova mak ka ti hle thung.

"Engvanga heta kal tura min ti nge i nih? " nelawm loh zet hian ka lo ti khai a, mahse nuih suk pahin coffee chu min rawn hum tir ta tho a.

"i kut a vawh vek hi.... in ti lum rawh " hepa hi eng nge maw a hriat le?

"hun ka nei tam lo ania... " ka han ti leh ngata.

"ka sawi tawh ang khan i pasal nen hian thawh duh ka duh ani" tih pahin dawhkanah file hi a rawn thehthla a.

"chutiang ka ti thei lo ka tih tawh kha... "

" awle.... a tha e " a ding nghal hluai a.

" Pawnah sawn chanchinbu mite an awm nual a....hotel ah a falin kan inhmu dun tih chanchinbu a an chhuah vaih chuan nang chauh nilo Burton chhungkaw zahna nasa tak i thlen ngei ang.... "

" Oscar.... " ka thinrim lutuk chu ka au nghal tuarh a. "i duh duh chu han ti ta che mahse Landscape corporation nen hi chuan ka thawhdun tir hauh lo ang che u.... "

"wow... woww.... "ngeiawm zet hian kut min han ben khum vela "i lo huaisen tawh tak tak anih hi....a lan dan chuan Mr Kai Burton hi i hmangaih takzet in ka hria"

"chu chu eng nge a pawina....? "

"haha...pawina awm love... i hmangaih anih te chuan a tha ani mai alawm,i pasal tla chhe lai i hmuh hunah i rilru a nat lutuk ka hlauh vang mai ania"

" hmela...." ka kutzungchal chu ka hmuh vang a

"i beng dai rawh....i pasal chu a chak lohna hmangin beih ka tum mai chauh ania" Darcy a sawi chhan tih ka hre nghal chu chuan min ti hlauthawng in min ti thinrim nghal phat bawk.

"engthil mah ti hauh suh ang che..."

"ka tih hma hma in i hlauthawng tawh ania... haha kan in rem dawn niin a lang "

" i sawi zawh tawh chuan ka kal dawn nia... " ka bag ah that pah chuan kawngka lam panin ka kal phei nghal hlawk hlawk a.

"i pasal hian hmeichhe dang a tawmpui reng laiin nang hetah amah tihnat hlau em em in i lo awm a hmeichhe khawngaihthlak awm tak i ni "

Kawngka ka hawng tur chu ka ding nghal chat, hepa hian engtin nge hetiang zawng zawng hi alo hriat leh vek tawh le?

"i la hre ve miah lo niin a lang... " tih pahin ka bulah a rawn kal a,ka hnungah dingin ka dar rawn fawh zeuh pah in a phone chu min rawn hmuh a.Kai leh hmeichhe pakhat inbe lai thlalak hi alo ni a mahse hrehawm ti anga lan ka tum hauh lo.

"chuan hemi avang hian min hmin thei ah i in ngai tihna em ni? hahhh.... i tisual let der ani "

"tunah chuan chutiang chuan i ngai maithei mahse min la rawn pan leh ngei ang... "

"kan la hria ang chu " tih pahin kawngka ka hawng nghal pawp a, nichin a Oscar a sawi ang tak tak in chanchinbu mite an lo awm nual a, camera a de nghal chuaih chuaih bawk.

Rum lutuk in Oscar chu ka melh let nghal haw a ,ani lah a zam duh der mai bawk si lo.

"min lo hrethiam rawh u.... " tih pahin ka kal nghal hlawk hlawk a, an zawhna min zawh ho pawh ka hre leh tawh lo, heng mite hian Kai tih hmingchhiat bak an tum lo, an duh duh dan in hrechiang lo in chanchin an chhuah leh dawn anih hi. Chanchinbu mite ho chu elevator ah ka luh san thei hram, ka thaw nghal huai mai.

" Engtin nge heng thil hi ka chinfel tak ang... " Kai call tum in ka phone ka la chhuak zet na in ka inthiam lo bawk nen biak leh loh chu ka thlang ta zawka.

"Kai ka hrilh vat angai mahse a hna ah a buai lai tak lo ni ta se... " pawilo rawn haw phawt se engkim ka hrilh vek ang he thil hi chu a hriat ve ngei a tha in ka hria.

Ka interview zawh chuan tihtur a awm lo bawk nen bar ah ka kal ta ringawt a, hetiang hmunah hian ka kal lohna a rei tawh bawk a a ngaihawm reuh khawp mai. Ka rilru tawt lutuk tih zia awm nan tiin zu tlem ka lem sek a mahse ka ruih lutuk ka hlauh avangin beer ka in leh ta zawka.

"Ka pa, Darcy leh Kai.... " tih sap pahin thawk kan la hak a, an vai mai hian tumah ka kalsan thei si lo mahse kan vaiin ka awm ho thei bawk si lo, a hahthlak teh e.

Kai ka neih tirh kha chuan nihlawh in ti viau mah ila ka nun ngaia let leh kha ka chak takzet. Engmah ngaihtuah buai angai lova rilru hah na tur a awm bawk hek lo mahse Kai ka tawn atang hian ka mang chhia in min kalbosan a Darcy min pe bawk chu aia hlu chu a awm leh dawn chuang mi niin ka han inhnem chawp leh rih a.

Rui lutuk lo mah ila tawng huaina tawk vel chuan ka in in hman tho ,in a ka haw chuan tumah hmuh tur an awmloh avangin room ka pan nghal chat tuman min hmu lo chu vannei ka in ti ru hle

"khawiah nge maw an awmbo vek le? " tih sup pahin cigratte chu kan tan nghal ham ham a,tumah an awmlo bawka zuk hun tak niin ka hria, ka zuk lohna a rei tawh bawk a a tui em em mai lehnghal. Ka kawrchung ka phelh pah chuan Kai ka hmu ta thut mai!! couch a thut pahin min lo en reng chu niin.

Light a dim bawk nen ka mit nuai nawk nawk pah chuan ka han en chiang leh deuh a"ka mumang amawn le? ani te chu Japan ah a awm daih alawm... " tih pahin ka zuk chhunzawm lehnghal.

" zu i in ani maw! ?" Kai a rawn thawh takah chuan ka phu chiang kher mai, mumang nilo in a tak ngei ani mahse Japan ah ni hnih cham tur kha ani si a.

" Eng... engtik lai in nge i rawn haw? "

"chu chu a pawimawh ber em ni...? engvangin nge vawikhat pawh min rawn call i tum loh a " ani pawhin min rawn biak a tum bik der si lo.

"kan... kan... inbe lo ve ve a kan inrul tawk chiah ani mai " ka ti bah nuai a, ka duh aiin ka rui in ka hria.

"vawikhat tal chu min rawn biak ka lo ring asin... "

" ka ning chutiang ka sawi peih lo... "

" anih Oscar chu tunge? " he thil vang hi lawm ka phone pawh ka khawih peih loh nachhan, chanchin an thehdarh leh chiam anga khang thil kha ka hmu peih lo.

" Tumah? "

" maw! tumah a? anih chuan tumah nen chuan hotel ah a fal in în in hmu vel amaw? ka awmloh lai lehnghal in"

"Kaimm ka chau ania mut ka duh... "

" Tunge Oscar chu? " tih pahin ka mu tur chu min pawt her lawp a, ka cigratte ken lai hian ka dep palh tep lehnghal.

"anih Oscar vang chuan i rawn haw vang vang tihna mi? chumi ringawt min zawt tur chuan mi hetah i rawn kal? " ka lo ti vin nghal hlar a,ani pawh hmeichhe dang nen an awm ve tho a tinge Oscar nen kan awmdun pawh chu a lak thutak viau a .

" ni e....i sawi dik chanchin ka hriat rual rual in ka rawn haw nghal asin, i lawm tawh em? tunge Oscar chu sawi vat rawh? "a awki a rawn san nghal thah mai.

" ka bialpa hlui a tawk em?....chuan Sally pasal hual ani bawk.... heng thil sawi hi ka kham tawh lutuk... "

"maw!! Sally pasal hual a!? " mak tih hmel takin min rawn en nghal haw a, mit tih pual ralh pahin khumah ka thut san daih thung.

"haw ang... heta awm reng chu a dik lo " tih pahin min rawn kai ta thut mai.

" Engthil nge maw i tih le? "

"in kan nei a chutah chuan kan awm mai tur ani ...heta i awm reng chuan engmah kan siam tha dawn chuang lo" ka coat chu la in min kai chhuak ta dawr dawr mai, ka lo kai ve deuh bawk nen ka tang thei thlawt lo lehnghal.

Kawng tluanin kan inbe lo hrim hrim, chhuanlam ah ka phone ka bih ngur ngur a, ka chanchin an chhuahdan phei chu a rapthlak lutuk a ka chhiar chhunzawm ngam tawh lo.

In kan thlen rual rual chuan ka chhuk thla hmaka, a vawt bawk si a rang takin room lam ka pan nghal chat bawk.Room heater ka on zawh chuan ka kawr chung chu ka han phelh a ,mu ta lem lo chuan ka khum bulah ka ding ta reng ringawt a. Reilote ah Kai pawh a rawn lut vat, ngawi rengin a kawr phelh pah chuan

" umm....khumah khan mu la room dangah kan mu ange " ka ngawi renga, chhan pawh ka tum lem lo

"harsatna i neih chuan min rawn hrilh vat dawn nia.... "

" Kai... " tih pahin ka hawilet thut a,kawr alo phelh lai tak ani bawk nen a ka sawi tur ka theihnghilh nghal vek.

" sawi rawh... " a rawn hawi phei chiah mai chu ka sa nghal up up in ka hria, a hmel chu sawi loh a pian nalh tak, a abs te leh a dar pharh hlai tak te hi ka en ning thei thlawt lo.

" ngatinge khatiang chanchin vang mai mai khan i rawn haw a?"ka tih chuan min rawn melh nghal kawk a, min rawn pan nghal vat bawk.

" chanchin mai mai ka ti ve hleinem... ka rilru zawng zawng in ka vei asin... "

" mahse... i hna a pawimawh zawk lo em ni? "

"aih... mu tawh rawh,damdawi ka rawn lak ang che naktuk ah i pentawng loh nan... " room atanga chhuah nghal mai chu a tum ta mai.

" Kai... " ka han ti leh a, a rawn hawi nghal vat bawk, tunah zet zawng ka insum thei ta lo ka va pan hnai a a hmuiah ka fawp nghal vawng vawng bawk.

Show post links

Top

Ngaia

Site Admin

Quote

Post December 3rd, 2017, 2:37 pm

Chapter-64

Rang lutukin min rawn chhang let nghal, ka sam ah thamin duhthawh zet hian min fawp let nghal tawn tawn a ,han nam sawn tum ngial mah ila ka inthunun zo tawh lo.Kai chuan min pawm kang nawlh a khuma min mut tir pah chuan ka kawr a phelh mawlh mawlh bawk.

"ka thei lo... " a bengbulah chuan ka ti sap a mahse let leh tur chuan a tlai tawh lutuk. Min fawh kar lakah ka nghawng leh awm bawr vel chu a han seh ne ne a, ka rûm chhuak lo thei lo. Ka mal leh khel bawr vel a zut lai te chuan a sam ah ka han tham sak a chu chuan a ti phur zual sauh in ka hria.

"Lola... ka hmangaih che... " ka beng bula a rawn tih chuan ka mittui a rawn tling nghal pam mai ,a ti tak tak lo ni a hriatna ka nei tlat bawk,kei pawhin a let in ka hmangaih ka kiangah awm reng turin ka duh takzet bawk .

_________________________________________

.#Zing#

Kai an min kuah bet tlat avang chuan ka harh phah,tih harh hlau tak si in a kut chu dah sawn ka han tum a mahse a aia nghetin min rawn kuah leh nghal. Thawk hak pahin ka khi nghal suk a, hetiang anga kan awmloh na hi a rei tawh bawka a engkim hi ka ngai vel vek.Nizana kan awmdan vel chu ka ngaihtuah let a inchhir na chhete ka nei lo, mahse thil dik lo tak ka ti tih erawh ka chiang hle, lo rui deuh lo ila chu hetiang hian ka awm kher lo ang mahse kan inngeih leh na tur pawh ani mahna,ka hrelo mahse chance ka pe mai chauh ani.Kai kut chu ka han hum vang vang a,kan inneih zungbun a bun tih ka hmuh chuan ka hlim takzet, hun rei tak chhung kan inneih zungbun hi a bun tawh lo a hetia a bun leh tak avang hian min ngaihpawimawhna tlemte ala nei tih a lantir ani.

Chutia che miah lo a kan mut lai chuan phone a rawn ri ta thut mai, Kai chu a rawn tal nghal vata,ka lo muhil der nghal vat thung, a va hun lo thin tak em.

Min tih harh hlau tak si hian a tho zal zal a, ka chal a fawh zeuh pahin phone nen balcony lam a pan nghal vat bawk. Reilote ah a rawn lut ve leh mai bawka,

" morning... " ka harh tih a hriat rual rual in min rawn nuih sang pahin ka bulah a rawn thu nghal vata,.

"Engatinge i hmel chu? tunge rawn call a "

" Ka pa ania.... kan pahnih in min hmuh a duh a "

" ani maw!! " ka hlauthawng nghal kher mai, Oscar nen kan chungchang vel kha anih ka ring nghal a chhanchu Sally pasal hual tur alo ni ve kher bawk si a tun tum zet chu a dan a dang tlat.

" Oscar nen kan inkar ah engmah a awmlo... "

" ka hria alawm"mak tih hmel takin ka melh nghal kawk a, min ring tawk ani tih hriat taka min melh hian ka lawm takzet chu chuan phurna min pe in engkim hrilh vek pawh min ti chak zual.

"ih... englo ania... " ngun takin min lo en kar a, ka zam leh hnuhnawh.

"Oscar nen kan inhmuh chhan chu nangmah nen thawhdun a duh a... chu chu pui turin min sawm a"

"anih chuan Oscar nen chuan thawk duh turin min duh tih na em ni? "

" aih... nilo i thawhpui thei lo ang, Oscar ang mi rinawm lo hi i thawhpui thei lo ang "

" chuan eng nge thil dang a sawi? " ka awmdan atangin ka sawi kim vek lo ani tih alo hre leh ran tawh aniang.

" umm...contract in sign theih loh chuan Darcy leh i chhungte hmangin beih a tum che a" a tih chuan a nui chhuak hak a,a hlauthawng ve miah lo ami le?

"ka kutah dah vek rawh....hawh inbual ang.... "

" maw!! kan pahnih in maw!! "

" aw.... a mak viau mi? "

" aih.... mak lo e mahse... "

" hun ka ngah lo ania.... " tih pahin a sana chu a han en kher a, han hnial vak ngaihna pawh ka hrelo.

"Vawin chu Darcy i hmu hman tawh angem? "

" umm....ka rawn call ang che.... "

"hun i nei lo tiraw? ka tilui lo che nia... "

" Lola.... " tih sap pahin ka bulah chuan a rawn thu a "in tan hian hun ka nei reng alawm....lo kal rawh le.. "min siai zeuh pahin min pawm kang nghal nawlh a,ka lian lo bawk a min hnehsawh ngei mai.

Bathtub ah kan pahnih chuan kan in bual dun ta ngei a mahse ka zam ru deuh tlat thung.

"i pa chuan engtin nge min tih ang le?" ka tih chuan a han ngawi deuh vang vang a ,wine a han in leh te te phawt a.

"engtin mah... " chumi chauh sawi tur chuan tiang khan a awm amaw! ka ngaih a ti tha lo zo vek,inbe lo in kan han thu ngawi leh vang vang a, Kai awm dan teh thut hi enge maw a hriat ni ,a zia a zawi riau .

" Oscar chu... " a rawn ti chhuak hlawl a, ka thinphu pawh a rang nghal hle.

"in in kawp rei hman em?"

"umm.... ka zo, ka lo va kal hmasa ang " tih pahin ka tho thut a,bathroom atangin ka chhuak nghal vang vang bawk. Engvangin nge kha thil kha min zawh thut le?

Ka closet ah ka lut chiah tih chuan min rawn pawt her nghal sawk a, mak tih hmel takin ka lo melh ha thung.

"Oscar hi a ni em kan inhmuh hmasak ber zana i in hnialpui kha... chuan a pa in a beng bawk che ani lawm ni? "

"maw! " khang thil zawng zawng kha alo hmu vek amaw!! mahse kha thil thleng avang khan tun hun hi kan thlen theih phah zawk.

"thil kal tawh anih kha... "

"mahse hliam nasa tak i tawrh kha... "

"chu chu ngatinge tunah i rawn sawi chhuah leh a? "

" kut an thlak che alawm... "

" Kai.... " zaidam deuh chuan ka han ti sap a .

" kut min thlak lo ta se kan intawng kher lo ang chuan Darcy pawh a piang kher lo ang "

Thinrim insum tih hriat tak chuan bang chu an han chum deuh dawt a, a chet naupang chhiat lutuk avang chuan ka nuih a za takzet mahse ka tilang lem lo.

"hei i tlai dawn nia... " a sana chu a zuk bih zûk a

"ngatinge maw hun phiangsen pawh chu a kal chak em em le? "

"chu chu thinrim na tur a awm vak in ka hrelo... "

"inah lo awm reng la... tlaiah ka rawn lam ang che "

"awle...." a rilru te te chuan zawm ka tum lem lo a chhan chu hna zawn tho ka duh, awm mai mai reng chu nuam ka ti lo.

" Chuan Oscar an alo biak che chuan min rawn hrilh nghal vat dawn nia... " a tih chuan ka lo bu nghata.

_________________________________________

Ka interview zo ka chhuak chiah tih chuan Mrs Burton in min rawn call hlawl mai.

"Lola.... zanin khuallian kan nei dawn sia min rawn pui dawn mi niang " hei vang hi nimaw Pu Hammad an dinner kilpui tura min rawn sawm nachhan, thil dang vang ani lo chu ka thaw huai mai.

"ka rawn thleng vat ang " phone dah pahin subway station lam panin ka kal nghal hlawk hlawk a,a tlai tawh bawk nen ka pui hman lo ang tih ka hlau takzet. Vawin chu Kai an min rawn be lo hrim hrim, Darcy hmu turin kan kal ka lo rin ve nen mahse a buai em avang hian a duh ang pawhin a awm theilo pawh ani mahna,engchen nge maw ka hriatthiam zel dawn le .

In ka thlen meuh chuan engkim an lo peihfel vek tawh , kalkawngah ka thang rei bawk nen ka pui hman ta lo chu ka inthiamlo takzet.

"han inthlak rawh....midang pawh an rawn thleng tep tawh ang " Mrs Burton chuan alo ti nghal zung zung a.

" ka nu... ih englo ania... "

" Eng nge? "

" umm.... Kai bulah ka haw phei rih a... "

" nizanah in thawm ka lo hria a...han inthlak la Kai erawh a rawn tlai deuh ang "

" awle... "

Ka kal dawn chiah tih chuan Oscar leh Sally te pahnih rawn inkuah lut lai ka hmuh chuan ka ding nghal chawt,Hemi te pahnih hi hetah eng nge an rawn tih?

" Bonjour .... Lola " Oscar lah chuan Sally awm lai lai chuan min rawn pan nghal chat anih chu!! mahse ka chhanglet lo nasa.

" I induh hle mai, call pawh i la duh lo a " French chuan a rawn ti a, Sally lah chuan a hre thiam si lo a min melh rum em mai ringawt, Engtin nge tiang hian Oscar hi ka bulah ala awm ngam zawk? a nupui hual hi enga tan mah a ti thlawt lo anih hi, sum vang bakin a nei lo ang.

"Wow... Sally i mawi hle mai " vanneih thlak lutuk in Mrs Burton a rawn kal hlauh, rang lutuk in room lam panin ka tlan chho nghala chhuk thlak leh ka hreh takzet.

Chaw kan ei lai chuan Oscar chu ka ep chiah ah hian thuin , a khat tawkin min rawn tlawh leh zeuh thin bawk.

"In inhual na a ka rawn kal thei lo chu pawi ka ti takzet... " pu Hammad, Mrs Burton leh Sally te chu an inbe mawlh mawlh a,kei erawh Oscar an min chhaih buai reng avangin an thusawi pakhatmah ka hre lo.

Min chhaih buai reng e tilo chuan mifel ber niawm takin a tawng leh lawi bawk sia,flim phei chu chang thin se a thleng sang tawh ngawt ang.

Oscar an min tihbuai pawh in hrelo ang mai in ka ei ngai in ka ei ngat ngat a, Kai a rawn kal har ka ti tawh takzet.

Kun ngur chunga ka ei mawlh mawlh lai chuan ka ke ah min rawn tlawh thut anih chu!!ka tui in lai ka hak tep ani. Vawileh khatah Sally chu rawn tho chhuak thut in wine chuan min rawn leih ta pawp mai ,mak tih hmel takin ka meng phawk nghal kawk a Mrs Burton pawh a te nghal thawt bawk.

"Pu Hammad... min lo hrethiam rawh, i monu hi i ven that deuh angai in ka hria, ka pasal hi a rawn beisei fo anih chuan ka ngawi mai mai hauh lo ang. Lola ...ka pasal i melh dan te hi ka hai hauh lo ,i ko chhuaka hotel ah inhmuhpui turin i sawm tih pawh ka hria,he in a awm pawh hi nuam ka ti nek love ....."Oscar chu ka ve en a, ngeiawm zet hian min lo nuih lehnghal.

" Engthil nge maw i tih le? " Kai aw ka hriat chuan ka hnuk a ulh ringawt anih chu, mahse ka inhum ruh a ka mittui far khat pawh tih tlak ka tum lo.

Chapter-65

"Kai... " Kai ka bulah a rawn kal chiah tih in Sally chuan a lo kuah nghal thlawp a, rei tak inhmu tawh lo te pawh an ang.

"Ka rawn haw atangin min hmuh pawh i tum lo reng reng "

"Sally.... hriatsual i nei niin ka hria " tih pahin Kai chuan min rawn en a,kei lah wine kai nuaih chungin ka ding khawng reng thung.

"News te kha ilo hmu ve lo

em ni? "

"Hmu chiang e.... min lo hrethiam teh u " tih pahin ka kut ah a rawn vuan nghal chat

"kan inhmu leh dawn nia... " tih sap pahin pawnah min kaichhuak nghal dawr dawr bawk. Kai an min tan na tawngkam vawikhat pawh a chhahchhuah loh mai bakah Sally chunga a thinrim miah loh avang chuan ka lungawi lo takzet.

Car ah min luh tir a, seat belt min hren tir mawlh mawlh lai chuan ka insum thei ta lo ,ka mittui chu a rawn far ta zung zung mai!! ka mittui rawn hruk tum mahse a kut ka lo vai thla nghal vat

" ka haw lutuk che.... " ngawi rengin ka mittui chu a rawn hru hul leh ngata, a vawt bawk si a ka biang te hi a tai vek tawh in ka hria. A kawrchung lian zet chu min rawn sin tir a han tum leh a

"ngatinge Sally kha engtin mah i tih loh? ka kawr zawng zawng pawh wine vangin a huh vek hi.... "

"inah kan sawi dun dawn nia... " tih pahin kawngka a khar a, driver seat ah chuan a rawn thu nghal vat bawk.

"Engvangin nge inah kan sawi kher ang.... kha nu hma ah khan tanpuitu nei lo ang mai in ka awm asin.... " ka ti nghal tawn tawn a, ka tawng hrelo ang ang mai in a khalh chhuak nghal daih thung ,engvanga min chhang tha duh miah lo nge maw anih le?

"awle... a tha e, min chhang tawp suh... tlai takah i rawn kal a, a hun takah min rawn hruai la chu khatiang kha a thleng lo tawp ang "

Ka thinrim na zawng zawng te chu ka an pui ta chiam chiam mai a ngawi rengin min ngaihthlak sak thung.

Min thinrimpui duh miau loh avang chuan ka thinrim rei peih bik lo, mahse kan ngaihtuah chiang thin a ka thinrim thar leh thut thin.

"Ka thawmhnaw pawh a ban vek tawh kha nu vang .... "ka tawng lai chuan car a ti ding ta thut mai!!

" Engatinge.... ?" hlauhthawn hmel tak chuan ka ti nghal tuarh a.

" ke in kan kal a ngaih hmel... "

" maw!! engtin nge a chhiat theih a?"

" ka hre lo....lo kal rawh minute10 vel bak kal angai tawh lo "

" khua a vawt ropui si...Alfred emaw midang be mai ila min rawn hruai thei ang chu "ka tawng lai lai chuan kawngka a rawn hawng ta mai.

"i thu zankhua dawn nge min rawn zui dawn? " hepa hi min kalsan daih a tum amawn le?

"he... hetah lo nghak ila "

"ok... " tih pahin kawngka a khar hmak, a kal nghal daih anih chu!!

" Hetah keimah chiahin min awm tir i tum ami? "tukverh a dah chhuah pah chuan ka va ti hram hram a, a rawn hawi let lo hrim hrim.

"hmela chuh!! " phun bul bul pahin ka va zui leh ta nge nge a.

" min lo nghak teh... "tlan deuh pah chuan ka au tuarh tuarh bawk, a rawn hawi let a min la nuih suk zui.A kawrlum ka ha daih bawk sia vawt a ti ve lo amawn le, kei lah ka pheihkhawk a sang bawk nen ka ke te hi a khawng vek tawh in ka hria.

"a vawt ropui si, hetia kal ai chuan min rawn hruai tu tur be mai ila " ka tih chuan ka hnung atangin min rawn kuah a, a khabe in ka dar a nawr ne ne bawk. Amah a pa lian bawk si a min kuah lum tham nia mawle.

"ila thinrim reng em ni? " ka beng bulah chuan a rawn ti sap a,ka mur sung sung thei nia mawle ,hepa zuna uai hi chu a na ve ngawt mai.

"ih... ugh... "ka hmuiah a rawn fawp zeuh a "sawi duh ila nei em? " a tih chuan mak tih hmel takin ka lu ka lo thing vata, ka an khum char char a a thinrim chuang miah lo.

"Sally engtinmah ka tih loh chhan i hre duh tiraw? " min kaih pahin muangchangin kan kal dun chhat chhat a,vawt hle mahse a romantic in a nuam takzet.

"Oscar khan Darcy emaw midang hmangin min beih a tum reng reng lo,Sally hmang zawkin ani min beih a tum ni" mak tih hmel takin Kai chu ka en ha a, chutiang thil chu ngaihtuah pawh ka lo la ngaihtuah miah lo.

"Sally?... mahse engtin? "

"i hriat angin company tamtak inzawmkhawm kan ni a chung zingah chuan Sally hi share ngah ber pawl a ni,kan inzawmna hi tihchhiat vek a duh ani.... "

"mahse a sawi dan kha chuan... "

"a hma tang daih tawh in contract sign pui turin min rawn thlem tawh thin alawm.... mahse kan thawhpui duh tak si lo ah chuan Sally hmangin heng company thawh ho na hi tih chhiat a tum ani,chuan a company kan thawhpui theih nan"

"Sally in chu chu a hria em?"

"ka hre lo...."

"mahse ka kawr ah wine in a leih tho alawm... "

" thupha ka chawi sak e... " min rawn nuih mahse ka lo melh rum thung.

" i tan hle mai..."

"ka unau nu alawm.... "

" ani vel ang.... "

" ka nu hian fanu a duh em avangin fanu ang chiahin a en alawm....mahse tunah chuan fanu a nei tawh che a ,Sally a ti reng tawh lo "a thusawi tin te hian min ti hlim takzet, thla eng ruih mai te chuan ka hlimna min tawmpui ni awm takin a eng paw chiai lehnghal.

"Maisie...." Maisie hming a lam chiah chu ka mood a off nghal vek,thian min phatsantu neih reng hi a tul na ka hre lo.

"umm....vawt i ti em?" Maisie chungchang ka sawi peih lo tih a hriat vang pawh a ni mahna thil dang a sawi ta daih zawk a.

" aw.... "

" lo nghak lawk rawh.... "

Car pakhat hi a rawn tlan phei a kan zawn ah a ding nghal chat bawk.

" hei... heihi... " Car kha alo chhe reng reng hleinem, Alfred an a rawn khalh lehnghal

" lut rawh le "tih pahin kawngka min hawn saka

" mahse.... "Engthil nge thleng hi ka hrethiam lo takzet, engvanga ke a min kalpui nge maw a nih le?

A vawh em avangin ding khawmuang lo in ka lut nghal vat bawk, car heater lum ham ham te chuan ka tah an ti chhuak zawk.

"a chhe miah si lo a.... Engvanga khawvawt hnuaia min kalpui nge maw i nih le? "

"a lum kha chuan i thinrim zel bawk sia lawm"

" Engmaw? "

"Alfred kal rawh le.... " a tih chuan in lam panin kan tlan nghal vang vang a.

__________________________________________

#A tûk....#

Damdawiin ka thlen chuan Nick an min lo pan nghal vata

"Nick... hritlang tan hian eng damdawi nge tha ang...? "

" i tha maw? i hritlang mi? " ka pang vel chu a dep nghal zung zung a,

" ka tha ...keichu ka tha,Kai zawk ania... "

" anih chu... "

"hritlang chung chung in office a kal a ngai bawk sia... ka ngaihtuah deuh a "

" a inngaihtuah thei em em ang... "

" taka....i buai loh chuan Wellington Hospital ah kan kal dawn mi niang... "

" ngatinge? "

"chutah chuan i pa thin pe thei tur a awm tih ka hria a....kan va hrechiang dawn mi niang "

" a ni maw!! anih chuan ka pa pawh a dam vat dawn anih chu"

" ni e... " ka hlim lutuk hi ka za cheng in ka hria, Darcy leh ka pa hmuh vat vat a Nick sawi na hmun ah chuan kal vat vat ka duh.

Darcy hnute ka pek zawh chuan ka pawm mu leh te te phawt a, Nick erawh in pawnah min lo nghak reng thung.A ni telin Darcy pawhin that lam a pan zel a, ka pawm ning thei thlawt lo.A hmel en ringawt pawh hian tumah in apa an hai thei lo ang, Kai tet lai hi ani ringawt.

Room atanga chhuah pah chuan ka phone chu ka khawih neuh neuh a, vawin chu min rawn la be miah lo, a damlo nasa viau amawn le?

" Nick..."

" Enge ni? "

" Kai hian Darcy ala pawm ve miah lo.... "

" maw!! " A fanu neihchhun ani a, ala pawm lo chu Nick pawhin mak a ti ve hle, ni e... a ngaihthat loh thlak zawk.

" a buai aniang chu.... "

" mahse vawi khat tal chu, reilo te tal pawh nise rawn pawm ve tal tur ania "

"hman se chuan a kal em em ang.... kan kal dawn mi niang "

" awle "

Nick an car a lak lai chuan ka ngaih tha lo in Kai chu ka va call ta ringawt a,

" Kai.... i tha maw? "

" aw... " min chhan dan atang chuan a buai hle aniang.

"i buai hle ani maw? umm... inenkawl tha rawh aw... "

" awle... "

"i hman chuan vawin chu Darcy rawn hmu ve la.... "

"Meeting ka nei dawn a.... tlai ah ka kal mai dawn nia.... " a buai em avang chuan phone chu ka dah ta ringawt a, a awm tho e a buai em alawm, a pawilo hun te chu ala tam alawm. Nick pawh reilo te ah a rawn thleng nghal vat, phur tak leh zam tak siin ka pa thin pe tu tur zawt chiang turin Wellington hospital chu kan pan ta a.

Chapter-66

Hospital kan thlen chuan mak tak maiin luh ka hreh tlat anih chu mahse ka ti lang lem lo.

"Kan lut dawn mi niang? "

" Nick... lo va lut rawh ka rawn zui ang che " ngatinge hetiang hian ka awm tlat le,a chhan ka hre bik lo.

" Lola.... " ka dara vawn pah in a lam hawi turin min kuaiher a.

" Engkim a tha vek dawn alawm....."

" mahse... ka.. ka hre bik lo "

"anih chuan car ah hian min lo nghak rawh... ummm... " car a lo awm daih chu ka hreh ve bawk si, ka ngawi reng ringawt.

"ka lo let leh vat ang " tih pahin car ah min luh tir a,Headphone min vuah tir pahin iPod a rawn la chhuaka

" hla lo ngaithla la lo chawl hahdam rawh...ka rawn let leh vat ang "a tih chuan ka lo bu nghat a, ka sam chul pahin a kal nghal bawk.

Seat hnung nghen ar ar pah chuan hla ka lo ngaithla mai mai a, a rawn let har tawh takzet .Sana thlek chhen pahin tukverh ah kan dak chhuak leh rih thin, Nick hmel hmuh tur reng reng a awm lo.

Chutia rei tak ka thut hnu chuan ka ning ta hle mai

"ngatinge a rei em em le? " tih pahin kawngka chu ka hawng zuai a mahse Kai leh Celine te rawn in zui chhuak lai ka hmuh chuan ka khar leh rang kher mai.Min hmuh ka hlauh em avangin ka kun nghal vata, ka rilru ah thil pakhat chiah a awm Engvanga damdawi in a kal nge an nih? nge ka hmuh sual zawk.

Ka hmuh sual anih ringin rang lutuk in ka hawi chhuak lehnghal vata mahse an lo awm tawh lo.

"Ka hmu sual tak tak ami le? " tih pahin Lily ka call nghal vata,

"Kai a awm em? "

" umm.... Boss chu meeting a neih dawn avangin a chhuak a "

" anih ngatinge i zui si loh.... "

" Miss min lo hrethiam la i pasal i zawh mai a tha in ka hria... "

" maw!! " min chhan dan avang chuan phone ka dah hmak, " tangkai lo lutuk... " ka ti zui hlak bawk.

Lily thusawi hi a dik ngei ang Kai pawn a buai thu min hrilh tak kha, tiin ka inhnem chawp a mahse ka ngaih a tha thei chuang lo, Car atangin ka chhuak ta ringawt ka hawi kual nghal ruai bawk.Mahse car pakhat rawn tlanphei ka hmuh chuan ka thil hmuh te kha a dik vek tih ka hre nghal.

Kai an car a rawn khalh phei lai ka hmuh chuan ka mit nghal sawlh in ka hria,ka awm ah rawn tawt nghal up up a ,ka thinlung hi tham nawk nawk ang mai hian a na , Celine hmu kher lo mah ila Kai an dawt min hrilh avang hrim hrim pawh hian ka rilru a na tawk .Ka awm dawm vang vang pahin thawk kan la hak a, car ah ka lut nghal vat bawk. Engvangin nge Kai khan dawt min hrilh? Engvangin nge damdawiin ah Celine nen an kal? nge Celine hi a rai ani zawk lo maw? zawhna chi hrang hrang chu a rawn lang nghal zung zung a mahse chhanna erawh ka nei si lo. Hetiang hian ka awm reng tur ani lo, ka phone la chhuak in Kai ka call nghal vata mahse a in ring ral thak thak.

Chutia hlauthawng leh hrehawm ti taka ka lo buai mek lai chuan Nick an min rawn ko ta thut mai, ka phu lutuk chu ka hawi let nghal haw a.

" I tha maw!! ?"

" aw... ugh... haw vat ka duh "

" i thlan ava tla nasa ve... i damlo ani lo maw ?"

" ka... ka tha... Nick haw vat ka duh.... "

" awle... chuan " ngaihtha lo zet hian min rawn en vang vang a " i hnar a thi ania.... "hlauhthawn hmel tak hian ka hnar chu tissue in a rawn hup nghal vat bawk.

" Lola... i tha lo takzet anih hi in checkup turin let leh mai ang "

" aih angai lo.... zan ka mu tlem deuh a khawngaih in haw vat vat ka duh "

" ka hrethiam e.... Hahchawlh i mamawh anih kha" tih pahin a rawn lut nghal vata, in lam panin kan tlan haw nghal vang vang bawk.

Seat hnung ngheng chungin pawnlam ka thlir vauh vauh a, ka kut in ka hnar ka hup ran bawk. He thil hi a thlen ka ring leh reng a mahse ka nat ngai in ka la na reng tho. A chang leh thawk kan la leh hak thin, engkim hi a diklo vel vek engkim hi a nih tur ang ani lo chuvang chuan ka zawng chhuak vek tur ani. In kan thlen chuan Nick pawh ka nghak hman tawh lo rang lutuk in step ah ka tlan chho nghal hlawk hlawk a,Room ah chhoh nghal mai ka tum zet na in Lin in phone be chunga Celine hming a sawi lai ka hre fuh hlauh.Chho ta lo chuan Lin chu ka pan ta zawka.

" Lin... ka awm loh lai khan Celine a rawn kal thin tiraw? " ka biak thut avang chuan a phu chiang kher mai, a phone ah pahin hlauthawng tih hriat tak hian a kun nghal vat bawk.

" ka hrelo.... Ms Lola engmah ka hrelo" min chhan dan avang chuan ka nui lui hak a, a chhan chu dawt a sawi tih ka hriat vang ani.

" maw!! i biak zawh chiah kha engkim min hrilh vek rawh " ka ti nghal tuarh a, henu hi chu a rawn awm tirh atang tawh in ka mil tawh lo sa bawk nen dawt min hrilh ve khanglang phei hi chuan ka thin a ti rim zual. Kan thawmah chuan Nick pawh an rawn lang nghal vat mahse engmah a sawi ve lem lo .

"Sawi vat rawh ka tih chu.... "

"ka hrelo.... engmah ka hrelo "

"i hrelo maw? " tih pahin a phone a ipte a a dah that chu ka zuk zen sak a,a lo tang ve deuh bawk nen kan inchuh na lamah chhuahah ka nam tlu palh hlauh mai mahse a phone chu ka laksak hman tho.

" Lola... engthil nge maw i tih le? " kan hawi phei nghal thap , Kai chu kan piah lawk ah alo ding reng chu niin, a hmel atang chuan a thinrim ani tih hai rual ani lo.

" Kai.... henu hian... "

" ka lo hmu vek alawm.... Lola ngatinge i mizia hi i thlak theih miah loh " tih pahin Lin chu a kaitho nghal a,

" maw!! "

" Khatiang khan ka nau te hi tih ka phal reng reng hleinem....ka chhungte ang chiah an ni asin "

" mahse ka... "

"nam thlu kher lo khan tha takin i be thei mai lo mi? i hmuhsit vang hrim hrim anih kha " ka thinrim sa bawk nen Kai an min ring sual lehzel bawk nen ka tawng chhuak thei tawh lo hrim hrim ka mittui chu a tling pam a, ka tawng chuan ka mittui a tla ani nghal mai.

" Chutiang chuan i ngai amaw?!"

" Engmah sawi belh angai lo....Lin hi zah tur zawk i ni asin"

" Kai...i inchhir palh ange" Nick an min tan zawnga a rawn tawng takah chuan ka insum thei ta lo, ka mittui a tlak rual in room lam panin ka tlan chho nghal hlawk hlawk a, Kai an " Nick... lo inrawlh ve suh heta tang hian chhuak rawh " a tih thawm pawh chiang lo ruai in ka hre zui bawk.

Room ka luh rual rual in khumah ka bawk thlawp a ka tap chhuak nghal hawm hawm bawk. Lin kha ka duh reng vanga nam thlu ka ni lo ,dawt sawi lo se chuan khatiang khan ka ti hauh lo ang. Ni e, Kai an a in a awm reng reng te hi chhiahhlawh angin a en lo a a chhungte angin a en tih pawh ka hria mahse a nupui ka ni a, engthil pawh thleng se min tan zawk tur ani dawn lawm ni.

Tah reng hian awmzia a nei lo chu ai chuan inti pachang ila buaina te hi ka hmachhawn zawk tur ani Darcy tan chuan engkim ka ti anga hetiang mai mai hi chuan ka seilen tir hauh lo ang.

Kai pawh room ah a rawn lut a mahse ka melh eih lo.Ka thut dan ngaiin ka thu renga, ka phone ka bih ngur ngur bawk. A awmve tih pawh hrelo ang maiin ka awm lui tlat a,a hmel ka hmuh ringawt pawh hian ka thin a ti rim.

"Lola.... " zawi sap hian a rawn ti a mahse ka chhang lo,hrelo ang maiin ka phone ka bih tlat tho .

" Lola.... ih " ka darah chuan a rawn vuan a

"keimah chauha awm ka duh... "

" awle... a tha e " tih pahin ka thutna bulah chuan box pakhat nalh deuh mai hi a rawn dah a,"zanin chu hnathawh tur ka neih avangin ka rawn haw lo ang.... " tih pahin a chhuak nghal daih anih chu!! .

"i duh leh kal daih la ni mai lawm... " tih pahin a box rawn dah chuan kawngka chu ka vawm zui hram mahse a hriat hman kher ka ring lo.

Box atang chuan car chahbi a rawn tla chhuak nawlh mai

"car min pek avang hian ka lawm i ring amawn le? " tih sup pahin puan chuan ka hmai ka khuh a, ka inhnit nghal hlawp hlawp bawk.

Celine hmu reng chung siin min ngaihsak em em a, min kaltir duh bawk si lo mi duham tak zawng ani.Keilah ka rilru a phir in thutlukna ka siam mai thei bawk si lo, ni e... mi tamtak chuan ka awmdan hi hria se min dem ngei ang mahse mi i hmangaih takzet anih chuan vawitamtak ti na che mahse a thusawi vawikhat lek avangin hrehawm pawh tuar huam in i let leh ngei ang chu chu hmangaihna vang ani a tuman an dang thei bawk hek lo che mahse khang thil i tih avang khan dem tur che an ni lo a chhanchu hmangaihna hi an hriatthiam loh vang zawk ani.

Chapter-67

Ka tui a hal avang chuan min ti harh a ,dawhkan bawh in ka lo muthlu reng chu niin, sana ka en chuan dar1 alo ri der tawh khum ka melh nghal vata Kai a mut loh avang chuan ka thaw chhuak hak bawk.

" engthil nge maw ka ngaihtuah le? zanin ah a rawn haw dawn loh thu min hrilh reng alawm... " tih sup pahin ka tho tuih tuih a, ka ban leh ka ke te chu a mu chum chum lehnghal.

" Lin vang vek... " tih bul bul pahin kawngka lam pan in ka bai phei suih suih a,light a dim bawk nen nichina ka chahbi vawm kha ka rap fuh lehnghal.

" awi... a na lutuk... " zan lai lai ah ka ti tuarh tuarh a, engvanga pheikhawk bun lo nge maw ka nih le?.

Pheikhawk bun sawk sawk pahin chahbi chu drawer chungah chuan ka dah tawp a, thinrim tun chungin inhnuai lam panin ka chhuk thla ta hnak hnak a.

" khua lah chu a vawt em em lehnghal... eng em em nge maw a tih le tlaivar te a ngaih " ka tui a hal bawka, tui kan in khawlh khawlh mai chu ka zia sawng sawng in ka hria. Ka dar kham them thum te chu kan hmet nawk nawk a

"hetiang anga ka awm reng chuan ka sam a tuak vat ang ".

A reh thuap mai bawk si a ka phone an rawn ri chiah mai chu ka phu chiang te e...

" awi... min ti phu alawm " phone chu ka en nghal vata, number hriat loh anih avang chuan hlauhthawnna in ka khat nghal a chhanchu Oscar a ni leh dawn chiang sa.

Rang lutuk in ka reject nghal vat ka thinphu a rang em avangin tih ziaawm tumin ka awm chu ka han dawm vang vang a

" dar1 a ri tawh sia engvangin nge min rawn biak le?" awmze nei lo in min rawn call lo tawp ang chutia ka lo in ngaihtuah lai tak chuan number ngai tho chuan a rawn call leh ta!! Engtin nge ka tih tak ang? ka pick up dawn nge?

" Kai... " ka rilru ah Kai chu a rawn lang nghal, ka hrilh vat angai, engthil emaw chu a awm chiang alawm. Kai call ka tum lai chuan number ngai tho chuan min rawn call bang chuang lo ka pick ngam bawk si lo. Kai lah chu call a la thei bawk si lo

" Kai... pickup teh... " vawi nga ka call a mahse a in ring ral thak thak.

A buai viau amawn le? mahse tunah hian ka hrilh vat angai ,hmanhmawh lutuk in room ah ka tlan chho a kawrlum leh car chahbi la in ka tlan chhuak lehnghal hlawk hlawk bawk. Pawnah chuan Kai'n car min pek vur in a a khuh var chiai chu a lo ding ran a enkual na hun pawh ka nei lo, rang lutukin ka lut vata chak zetin ka tlan chhuak nghal bawk.Car thar a ni bawk a khalh a nuam in a smooth zaih mai alawm mahse eng car nge anih tih erawh ka hrelo.A khat tawkin number hriat loh chuan min rawn call sek a, ka lak duh loh chuan rawn tih tawh loh mai tur ania mahse a beidawng duh der mai si lo.

Reitak ka tlan hnu ah a tawp a tawp ah ka thleng ve ta, tlan rei ka in ti hman takzet. Ka duh angin ka inthuam lum hman lo bawk nen ka kut mai pawh nilo ka hmai te hi a thip thum in ka hria.

" Kai chuan mak alo ti ngawt ang " khik suk pahin ka lut nghala.Ni e, tlaiah kha chuan ka thinrim em em a mahse ka thinrim rei tak tak thei lo chu anih hi maw.

" Lola... " elevator a ka lut tur chu Lily in min lo ko a.

"eng nge hetah i rawn tih tun ang zan rei tawh ah? "

" umm... Kai hmuh lawk ka duh a...a buai viau angem?"

"naktuk a conference na mi tur peihfel vek angai a chuvang chuan zanin chu tumah kan haw thei lo "

" anih chu...i rawn kal nghal dawn em?"

" aih ....financial department lamah thil tih tur ka nei a, lo han kal rawh alo nghakhlel tawh ngawt ang che " buk nghat pahin elevator ah ka lut nghala.

Kai office ka thlen chhoh chuan a assistant pakhat zawk Linda pawh chu hmun danga kal tumin elevator ah a rawn lut hlawl mai.

" Hi!!....Ms Lola.... "mak tih hmel tak hian min lo en ha a." umm.... thil pawimawh tih tur ka nei a" tih pahin ka chhuak nghal daih bawk.

"kan inhmu leh vat dawn nia " elevator chu a khar,a hmanhmawh hmel takzet.

" an buai hle mai, ka va tibuai mai mai zawk ang a.... " an buai hmel bawk si a, ka inthlahrung leh hnuhnawh ,lut ta mai lo chuan ka phone chu ka en reng a

" pawilo... tunah hrilh vat ila a tha zawk ang... " thawk hak pahin ka inhum ruh a kawngka chu hawn ka han tum a, mahse a lo inkhar hauh lo, luh nghal mai ka han tum a mahse tawng ri ka hriat avang chuan ka ding nghal chawt !

Kawngka kar atang chuan Celine pawh chiang takin a lang thei a tawng rin em avang chuan lut ta lo chuan an tawng ka ngaithla ta zawka.

" Kai.... kan mu dun alawm... "

" chu chu midangin an hre tawh em? "

" aih hrelo... " an thusawi avang chuan ka kâ ka hup bet nghal chawt , Kai leh Celine te an mu dun amaw!!

"tukin zingah pregnancy test ka nei a... ka rai ani "

" maw!! anih chuan engtin nge i tih dawn "

" ka hrelo.... " ka ngaithlak chhunzawm duh tawh lo,rang lutuk in thawm dim tak siin ka kal nghal hlawk hlawk a, ka mittui erawh ka la dang hram hram.Celine leh Kai te an mu dun!! nau ka vei zan pawh kan an mu dun tih ka hria,ka hmangaih em avangin ka hriatreng sak duh lo mahse fa em chu a pai ka ring lo asin.

" Lola.... " Lily nen kan intawk leh hlawl mai. " i kal nghal mai dawn mi? "

" umm.... khawngaihin ka rawn kal tih hi Kai hrilh suh aw.... "

" i tha maw? "

" khawngaihin.... "

" awle... "

" kan inhmu leh vat dawn nia... mangtha le " tih pahin ka tlan lehnghal daih a.

Car ka luh rual rual chuan kawngka ka khar sawk sawk a, steering chu ka bawh thlawp a mahse ka tap chhuak thei lo.Ka rilru na lutuk hi ka thi mai dawn in ka hria, ka awm zawn a rawn inhnawh up up avang chuan thawk kan la kawk kawk a awmzia a neih theih loh avang chuan kan chum leh rih thin.Ka mittui chu a rawn tla nghal zung zung a ka thinlung hi chemte zum taka vih sawk sawk ang mai hian a na zawk zawk bawk.

_________________________________________

-6:30 am-

Khum ngheng chung chuan ka thu reng a, hetiang hian ka tap zankhua thak bawk.Ka mut a chhuak lo a engthil mah ka ei chak hek lo. Zing ni chhuak chuan min rawn en sar sar a mahse ka lungngaihna tizual tu mai a ni si. Kan inneih zungbun en reng chung chuan thil tamtak ka ngaihtuah a ka rilru ah zawhna tamtak a rawn lut zung zung bawk

Engatinge ka la dam ve reng? Engatinge Kai nen kan lo intawn kher kher ? a vawikhat nan Kai ka tawng hi ka inchhir ve ta ,a vawikhat nan pasal a ka nei kha ka inchhir takzet bawk.Ka rilru natna te, ka hrehawm tawrh te hi hun hian liampui se ka ti takzet mahse chu hun chu engtik ah nge alo thlen tak ang?. Kai hlim hmel te leh a engkim mai chuan ka thin a ti rim em em a, a chang chuan keimah leh keimah ka inthiam lo thul. A chungah fel lo chhuah ila chu hetiang hian hmeichhe dang lakah hlimna a zawng lo mai tur.

Chutia ka lo thut reng lai chuan Kai a rawn lut hlawl mai ,min rawn hmuh chuan mak tih hmel takin min rawn pan hnai nghal vata ka hma chiah ah a rawn thu ve nghal bawk. Ngawi rengin amah en turin min kuai dak a, ka mit ah tak min en ran bawk.

"ngatinge?" ka tawng chhuah mai theih loh avangin ka lu ka lo thing ringawt a.

"engkim a tha vek tawh... Oscar pawh an man tawh e.... " Oscar vangin hetiang hian ka awm reng reng lo, hengthil hi nangmah vang zawk ani asin.

"document pawimawh la in tlanbo a tum a mahse Sally in a hrechhuak hma hlauh a... tukin zing dar4 vel khan an man tawh e" tih pahin min rawn kuah a,ka sam ah a chul heuh heuh bawk .Theih chu nise a hmai a ben nghal sawk ka chak mahse chu pawh chu a phu hlawl love.Nizanah Celine a awmpui a tunah hetiang hian ka chungah that a chhuah leh si amaw?

"tuman an ti buai tawh lo ang che... hlau thawng tawh suh... "

"le... i chau lutuk ang khumah hian mu rawh aw... " a tih chuan ka lo bu nghat a min pawm nawlh a khumah min mu ta a.

Show post links

Top

Ngaia

Site Admin

Quote

Post December 3rd, 2017, 2:38 pm

Chapter-68

"engthil nge thleng?" ka sam a chul pah chuan a rawn ti sap a mahse lehlam ka hawi hmak.

" umm.... hahchawl phawt la a tha ang... vawinah conference a awm dawn a uhh... ka kal angai dawn a "

"awle...."

"ok.... kan insiam anga ka kal nghal dawn nia " ka ngaihbel nge pawh ka hrelo a inthlahrung sawt riau in ka hria, engtik ah nge thudik min hrilh ang le? amah ngei in min hrilh se ka ti bawk si a chuvang chuan a inrin hun ka nghah mai angai dawn anih hi.

Reilote ah Kai chu a rawn kal leh a mahse ka muhil der tlat thung.

"ka rei lo ang.... ka hmangaih che " tih pahin ka chalah a fawp zeuh a hmanhnawh takin a chhuak nghal a.

'Ka hmangaih che' a tih ri kha ka bengah a cham vang vang mai, lawm a hnekin ka rilru a ti na zawk si. Min hmangaih anih si chuan engvangin nge Celine ala buaipui reng fo? han insum ve teh mah ila ka mittui erawh ka dang thei si lo.Nizana ka thil hmuh leh hriat te kha theihnghilh hmak ka duh takzet mahse ka hawi na apiangah min hriat chhuah tir tu an lo awm zel mai bawk si.

" Tap tawh suh..... khawngaihin tap tawh suh... " keimah leh keimah ka inhnem mawlh mawlh a mahse insum turin chakna ka nei thlawt si lo.Intih thawven tumin khum atangin ka tho chhuaka ,pawn khaw vawt hnuai ah chuan va dingin boruak chu kan hip kawk kawk a.

" Lola... i damlo anga sin " Rita chuan kawrlum hian min rawn khuh vata chutiangin a vawh em em na pawh ka lo hre lo.

" lut ang....hei i taksa a vawt vek alawm " tih pahin min kuah lut nghal dawr dawr bawk.

Room heater chu ti sang in couch ah chuan min thut tir nghal vata

"breakfast i la ei si lo a... Boss in rawn pe tur che in min ti a.... i tha maw? nge i awm a nuam lo zawk? "

"Rita ka tha.... "

" anih chuan breakfast hi ei rawh.... hei i duh ber chi ka siamsak che ania... " a tih chuan ka nui suk a,min ngaihtuah ve tu an awm tih ka hriat hian ka hnuk a ulh tlat peka.

"ei teuh rawh aw.... " a tih pahin min chhuahsan ve nghala.

Engmah ei chak ka nei lo mahse Rita in min ngaihtuah avanga ka breakfast duh ber min siamsak ani a ka ei ngei tur ani chuan ka ei tawp ber na tur ani maithei bawk.

A hming lekin ka han ei ve tak na in ka kâ a tui hlawl lo, hetiang hian room ah ka tawm reng tur ani lo engvangin nge min phatsan tu vang mai mai in lungngai takin ka kun reng bik ang.Chutia ka lo inngaihtuah lai tak chuan Nick an min rawn call ve leh hlawl mai ,hlim hmel thei ang ber chuan ka nui lui suk a ka pick nghal vat bawk.

"Lola... i pa thin pe tu tur chu kan hmu tawh a inzai hun tur pawh a chiang tawh anih chu "

"Eng... engmaw!! Lalpa leh "

"i pa chu a damchhuak ngei ngei ang ka tih kha... "

"ka rawn kal nghal "

Ka insiam nghal sawk sawk a, ka mit bui chur te leh sen ram te chu ka theih ang tawkin makeup chuan kan han khuh bo ve tak na in ka hmel ah hlim hmel reng hmuh tur a awm lo.

Engmah thleng lo ang maiin ka awm tlat tur ani tih rilru pu reng chungin room atang chuan ka tlan chhuak nghal dawr dawr a Lin in min rawn su chawrh lehnghal, ava hun lo thin tak em.

" Ms Lola ka tihpalh lutuk "

" ngawi hmak rawh... " a kut chu ka lo paih thla nghal sawk a, a hmel hmuh ringawt pawh hi ka ning.

"he in atang hian chhuak rawh....kan awm dun reng thei lo ang ka rawn let leh huna i lo la chhuak lo anih chuan keimah hi ka chhuak ang ...hreptak chuan" tih zui hlak pahin ka kal nghal hmawk hmawk a.

*Hospital*

Ka pa awmna room ka thlen chhoh chuan Nick pawh alo awm leh reng tawh.

" Lola... i chau awm si a i rawn kal kher hi angai lo asin, tih fel ngai a awm chuan ka lo tifel vek mai dawn alawm..."engmah sawi lo in Nick chu ka kuah nghal thlawp ringawt ,hetiang anga awm lum leh nuam tak hi ka mamawh asin, hetiang mi ka mangan lai pawha min kuah a min hnem tu tur hi ka mamawh takzet ani.Engpawh thleng se Nick hi ka kiangah a awm reng thin a ,buaina ka tawh chang leh ka mangan chang pawhin min kalsan ngai lo chutiang mi ka nei chu lawm nachang ka lo hre thin lo a mahse tunah hian ka tan a lo pawimawh zia ka hrechhuak nghal uai uai mai.

" Nick ka lawm e... "

" i pa chu a tha leh vat mai ang, hetianga i awm te chuan a rawn harh hunah hrehawm a ti lutuk anga sin "

" ka lawm takzet engkimah... "

" nilo... " tih pahin couch ah chuan min thut tir a.

"lawmthu min hrilh leh chuan ka kal daih ang " a tih chuan ka khi suk a.

" sual leh lutuk mai " ka ti sap bawk.

Ka bulah rawn thu in ka pa chu kan thlir dun vang vang a

" ka pa thin pe tu tur hi tunge anih tih hriat ka chak takzet.... Lawmthu hrilh ka duh ani"

"tunah chuan ala theih hrih lo ang....nakin ah hlawhtling taka an zai hunah lawmthu a bik takin ila hrilh dawn nia "

__________________________________________

Kai hmuh ka peih loh vang hrim hrim in tlai takah ka haw chhat chhat a chupawh Nick min tih luih vang chauh a haw ka ni,chumi chu nilo se hotel emaw khawi hmunah emaw riah daih ka duh asin le.

"Nick an min thlah haw tlat lo se chu ka haw miah lo ang mawle " tih sup pahin couch ah chuan ka thu hnawk a.

"i va chauh hmel ve.... " Rita chu ka bulah a rawn thu ve nghala.

"nangpawh... "

" nia... Lin a chhuak ta daih sia engkim ka tih vek angai tawh alawm... "

" a tha anih chu... " tih pahin whisky chu no ah ka thli chhuak kar kar a.

" i duh ve em? "

" aih... ka in lo "

"anih chu .... mangtha aw.... " ka no chu ka lek va a

" Cheers... " tlak pap pahin room lamah ka chho nghal hna hna a. Tunah chuan Lin a awm tawh lo bawk a ka thaw huai thei in ka hria.

Room kawngka chu ka hawng nghal thuai a, light ka on chiah mai chu chhuat lai taka rose bawr lo awm khat vek chuan ka mit a la nghal zar mai.

" hepa hi engtiang chiaha thui nge maw kal a tum le ?" thawk hak pahin pangpar hma ah chuan ka zuk thu tung a.

"heng thil te hi dawng tur ka ni lo asin... " tih sup pahin pangpar kara lehkha them lo in zep te chu ka la a. Ka chhiar zawh chuan za lo zet in ka khi nghal suk ringawt .

" Dinner min kil pui a duh maw? eng nge a hriata ?" lehkha paih pah chuan ka tho nalh a, kal ka tum lo bur duh leh Celine in va eipui se nimai lawm.

Rei tak khuma thut meuh paha ka inngaihtuah vang vang hnu chuan thutlukna ka siam fel thei ta hram. Kai hi dinner ka kilpui ang mahse heihi a tawpna ani bawk ang.

Kai nen kan inthlahna dinner tur anih tawh dawn avangin kawrdum fual ka ha a ,ka hmui erawh lipstick sen duk ka hnawih hlar thung .Ka sam chu felfai takin ka bawk a, darthlalang a inen vang vang pah chuan

" Celine chu thlang mawlh ang che... " khik suk pahin clutch ka la a,ka tlai deuh tawh avangin hotel lam panin chak zetin ka khalh chhuak nghala.

Hotel ka thlen chuan light a rawn eng nghal tuarh a, mak tih hmel takin ka hawi nghal haw bawk. Mipa pakhat hian kawngka min rawn hawn sak nghal vata.

" Ka pi min lo zui rawh le " engvanga heng thil hi ti nge maw an nih le, mahse min rawn zui rawh a ti miau si a ka zui mai loh chuan. Buk nghat pahin chupa chu ka zui ve mai bawka, maktak maiin a boruak hi a danglam riau in ka hria.

"Lut rawh le.... "

" awle... " luhna tura min kawhhmuh na ah chuan ka lut a,kalna tur kawng chu rose par hian an lo chei khat vek a, a sir tawn tawn a bati a awm khat vek bawk,a mawi em avang chuan ka hawikhual phawt a ,kal mai nachang pawh ka hrelo.

Bati ,pangpar leh light chi hrang hrang in room chu alo in chei khat veka a mawi in a romantic takzet.Kal phei na tur bik Pangpar veka chei chu ka zawh phei zela,

"Hetiang hi a tih a ngai kher lo asin le " ka rilru ah erawh Celine naupai chungchang min hrilh a tum anga min tlawn anih te ka ring.Dawhkan bati leh pangpar a chei tho bulah chuan Kai chu alo ding ran a, a hmel en ringawt pawh hian a lungawi in a hlim hmel hliah hliah.

" i mawi hle mai.... " min nuih sang pahin a kut chu a rawn dawh a.

" khawiah nge midang zawng zawng hi? " a kut chu ka zut kai vat bawk, chair ah min thut tir pahin ka darah a rawn fawp zeuh a ,ka mur nghal chuai chuai mai.

"Zanin ah chuan tumah in min rawn ti buai dawn lo... Hahdam takin awm rawh " tih pahin ka ep chiahah chuan a thu ve nghala.

Show post links

Top

Ngaia

Site Admin

Quote

Post December 3rd, 2017, 2:38 pm

Chapter-69

"i ril a tam tawh em? "

" umm... "

"anih chuan" tih pahin tu emaw hi a signal zeuh a, eitur chi hrang hrang ka duh chi hlir chu an rawn nawr phei ta sap sap mai.

"Lalpa leh... heng zozai hi maw?" Uk ka awm atang hian ka thil ei chak nazawng pawh ka eithei ngai lo a, heng thil ka hmuh hian ka hlim takzet.

Phur takin ka ei nghal tawn tawn a,Kai an min lo en reng tih ka hriat chuan ka ei tawp nghal chat

" i ei ve dawn lo mi? "

" ei teuh rawh... "

" awle... " ngaihthat loh hmel zet chuan ka ei chhunzawm lehnghala.

Ka eikham chiah tih chuan music a rawn ri ta rat rat mai, ka tui in lai ka phuh chhuak tep alawm.

" he hla hi... " ka hawi nghal hraw a, a chhanchu ka hla duh ber anih vang

ani.He hla ka ngaihthlak apiang hian ka nu kha ka hre chhuak ziah thin, min awih mut nan a hmang thin a ka ngai takzet.

" min lampui duh angem? " tih pahin a kut chu a rawn dawh a.

" tehreng mai... " nuih suk pahin a kut chu ka vuan nghal vat bawk.

Kan lam lai te chuan min en reng a, a hmel ka en hian a lungawi hliah hliah tih hai rual ani lo, a hmel hlim sarh te leh nung sar te chu hmuh a nuam takzet.

" Vawin te? "

" um...vanneih thlak takin kan proposal kha an lo pawm hlauh a tunah chuan eng company mahin min el thei tawh lo ang... "

" ka lawmpui che... " a hlimna te ka tawmpui thei hi ka lawm takzet mahse tih angai tlat a chhanchu heihi kan tawp na tur ani ,kan inthen dawn ani tih ka ngaihtuah hian ka lungngai takzet bawk.Kai hmel ka hmuh hian ka hnuk a ulh tlat peka ,a tello a hun ka hmang tawh tur hi hrehawm ka tiin ka huphurh takzet.

Ka kun tlat avang chuan ka khabe ah khawih in amah en turin min kuai dak a.

"Lola... " ka mittui tling pam a hmuh chuan hrehawm a tih hmel hle.

" i tha maw? "

" aw... ugh... he hla ka ngaihthlak hian ka nu ka hrechhuak a lawm mawle " ka ti ta ringawt a,heng thil zawng zawng hi Maisie in a hrilh leh vek tawh tih ka hre nghal a chhanchu ani tih lo in tumah in an hre lo tlat alawm.

" min lo hrethiam rawh...restroom ah ka kal lawk angai... " tih pahin ka tawlh hnung vata, diktak chuan Kai hma a tah ka duh loh vang zawk ani, engtin nge kan inkar tihtawp ka duh ani tih hi ka hrilh tak ang? inngaihtuahna hun ka mamawh. Ka clutch chu la in restroom lam pan tura ka inher chiah chu ka kâ ka hup nghal chawt!! Kai chu ka hma tak ah alo thingthi reng tawh chu niin, ka inrin hma in ka mittui a rawn tla nghal anih chu!! Lola... insum hram hram rawh tiin ka inhrilh nghal mawlh mawlh bawk.

" Kai... engthil nge maw i tih le? "

" Lola... Mighty tupawh nila ka pawisa lo,bul tan that a i kiangah kumkhua a awm ka duh ani.I hun kal tawh avang khan ka hmangaihna che hi a tlem phah lo a a zual zel zawk asin.Engtik lai pawhin ka ti hlim ang che tih chu ka tiam thei lo che mahse i harsatna te leh i hlimna te hi tawmpui che a hmachhawpui che ka duh....Ka nun a i lo luh atang hian malsawmna tamtak Darcy mai ni lo hlimna nasa tak min pe a,engtik lai mah in ka tawng che hi ka inchhir ngai reng reng lo...." thawk hak pahin a khi suk a.

"min nei duh angem? bul tan that leh a pangngai taka inkutsuih that leh ka duh ani " tih pahin a kut chu a rawn dawh a,kei erawh ka ngawi reng thung.

Kai thusawi tin te chuan min hneh takzet, ka mittui lah ka dang thei hek lo ka thusawi hun nghak chuan min en kar a,

" Kai... ka hmangaih che " tih pahin a hmuiah ka zuk fawp zeuh a.

" mahse ka nei thei lo ang che " a hlim hmel zawng zawng te kha vawilehkhatah a bo nghal vek anih chu!! hetiang em em a a lungngai hmel hi ka la hmu ngai lo.

"bul ka tan that pui thei lo ang che...ka nun ngaia let leh kha ka duh ani "

" Lola... anih chuan min pawm theih nan engthil nge ka tih ang, i tan hian engpawh tih ka huam asin ,heng rosum zawng zawng pawh hi ka kalsan vek mai ang ... "

"Ka tan engpawh tih i inhuam chuan Darcy hi min rawn chuhpui suh....chuan kan hmuh theih ah awm tawh lo bawk la ka duh ani " ka tih chuan ka hma takah a rawn ding nghal vat a, a rilru a nat hmel takzet bawk mahse maw min tihnat thin dan zozai te kha ngaituah chuan hengte chu engmah ani lo .

" mahse.... "

"kan pahnih hian awmdun tur kan ni lo....kei ni lo in Celine hi i tana khuanu ruat ani zawk pawh ania nge... "

"i hresual ani...Celine nen kan inkar ah engmah a awm lo"

"keichu min ngaihtuah suh...hun a liam anga ka nun ngaiah ka let leh mai ang "

" mahse kei chu ka ni ve hleinem.... Lola insawifiahna hun min pe dawn lo em ni? "

"insawifiah a ngai tawh hleinem...awmzia a awmlo thutlukna ka siam fel vek tawh..." tih pahin kan inneih zungbun chu a kut ah ka dah a.

"mangtha le... " tih pahin kal nghal mai ka tum a.

" awle... a tha e " vin deuh hlar hian a rawn ti a "chutiang anga i ngai anih chuan insawifiah a tul na ka hre love... ka tiam tawh ang che khan i rilru ka hmin theih loh chuan ka thlah hlen tawh ang che ka tih kha, tun tum chu ka umzui tawh lo ang che ... chance min pek leh avangin ka lawm e mahse hei erawh hre reng rawh...engtik lai pawhin ka hmangaih reng che tih hi... "tih pahin a chhuak nghal nal nal bawk.

Kai a chhuak chiah tih chuan chair ah ka thu nghal hnawk a, khatiang thil ka ti ta mai kha ka awih thei lo zawk hial.

" Lola engthil nge maw i tih le? " hmangaih ber te an hlim na tur duh vanga kaltir tluka na hi a awm leh dawn chuang em ni ?

Tunah chuan Kai chu Celine panin kal ngei ang,a hlim chuan keipawh ka hlim ani mai.Reilo te ah Kai chu hlim takin a awm anga ka thinlung hliam erawh engtik ah mah a dam lehtawh ngai lo ang .Ka thusawi avang leh Kai ka hnawl avang hian kei hi a na ber tur ka ni tih pawh ka hria mahse engtik lai mai pawha a ruk leh rilru hah reng reng a inhmuh a awm tir thin ai chuan rilru nat pawh ka la thlang fan tho, a chhanchu Kai hlim na tura ka thil tih theihchhun ani tlat .

Inah haw ta lo chuan ka lungngaihna te bun ruak turin Darcy ka pan ta ringawt a,he khawpui zautak ah hian khawiah mah kal na tur ka nei lo Darcy leh ka pa bulah tih chauh lo chuan. Pawn atangin Darcy chu ka han thlir vang vang a

" bawihte... ka tihpalh " chu bak chu sawi tur ka nei lo,a pa rilru ka hmin thei ta lo hi pawi ka ti takzet mahse nu engtik lai maha kalsan ngai lo tu ala nei tho alawm.

Darcy thlir paha ka lo inhnit faih faih lai chuan nurse pakhat hi room atang chuan a rawn chhuak a, nitin in helai hmuna ka kal ziah thin avangin min hre hneh tawh hle nghe nghe.

" Darcy hi mi vannei tak ani..."

" ka lawm e... "

" nitin mai hian a pa a rawn kal loh leh nangman i rawn tlawh ziah a... a chhuah theih vat ka beisei "

Nurse thusawi hi ka hrethiam lo takzet, Darcy pa a tih awmzia chu Kai pawh nitin in a kal ve thin maw!! nilo... Nick kha Darcy pa emaw a ti aniang.

" Darcy pa maw!! "

" aw ni e... zan rei tak ah pawh nise a rawn kal tang tang thin alawm,a tam zawk hi chu zingah office kal hma in a rawn kal thin tlangpui ... i hriatpui ka lo ring asin... "

" umm... ka lawm e.. " ka ti ta ringawt a, mahse Kai kha chuan Darcy tlawh turin hun a nei hleinem.. nilo Kai ani thei lo hrim hrim.

Ngatinge maw ri hlek ka hriat pawhin Kai emaw ka tih zel le? hepa hi chuan min tibuai hneh ve ngawt mai.

Inah haw lo in hotel ah ka riak ta ringawt a, zankhat lek pawh nise saw ina awm saw ka duh tawh lo bur. Engkim mai saw Kai nen kan sulhnu vek anih avangin amah hriatchhuah leh theih na tur ang hmunah chuan kal leh ka duh tawh lo.

Hmun dang daih ah riak mah ila ka muhil thei chuang lo, mutthilh han tum mah ila ka harh telh telh zawk si.Ka sam tawn tawm nawk nawk pahin ka tho thut a, thil ngaihtuah vung vung pah in room lai takah chuan ka ding khawng reng a.

Kai leh Celine te chu tunah hian an awmdun reng awm sia,hlim takin an awmdun anga kei leh Darcy erawh a

min hrechang tawh lo ang. Celine hlim nui ri te chu ka bengah a cham renga,

Ka insum thei tawh lo ka beng hup pahin chhuatah chuan ka thu hnawk a ka tap chhuak nghal hawm hawm bawk,

" khawngaihin ka rilru atang hian kalsawn tawh rawh ru... khawngaihin " zankhua in ka tap tlaivar leh ta thak a.

Show post links

Top

Ngaia

Site Admin

Quote

Post December 3rd, 2017, 2:39 pm

Chapter-70(Last)

www.storyfb.com mizo story thar englai pawhin chhiar tur a awm reng

Khumah chuan melh ngai melh run chung hian ka thu renga, sana inkhawng tlek tlek ri bak hriat tur a awm lo.Naktuk tukleh lawk hi ka pa an zai hun kha ani tawh a, a rawn dam anga hengtiang anga ka awm lai hi a hmuh chuan hrehawm a ti lutuk ang chuvang chuan hma lam ka pan hram hram tur ani.Thawk chhuah hak pahin ka mittui chu ka hruhul sawk sawk a

"bul ka tan tha leh tur ani, rim takin hna ka thawk anga Darcy leh ka pa ka kianga an awm chhung chu rilru na in ka awm bik reng lo ang... "

Mahni leh mahni infuih mawlh mawlh pah chuan ka inthuam lum sawk sawk a room chu ka chhuah san nghal bawk.

Car Kai'n min pek chu melh vung vung pahin ka han beng thak thak a.

"ka khalh rei lo hle mai che mahse tunah chuan a neitu diktak bulah i let leh tawh dawn alawm tiraw....? "

He car hi ka la thei lo ang ka pe kir leh ngei tur ani ,Kai nen a kan inzawm na zawng zawng hi chu dah bo veka engkim theihnghilh vek ka duh. Ka thil pawimawh leh eng eng emaw la turin ka haw leh ta nge nge a,let leh tur ni lo in kumkhua a chhuahsan tur zawk in.

Kai pawh office ah a awm anga chuvang chuan ngawi rengin ka bungrua ka la anga ka let leh tawh lo ang.

Inchhung ka luh chuan ka rin ang ngeiin alo reh leh thap tawh, thawm dim thei ang berin room lam ka pan chho nghal vata, ka luh dawn chuan sana ka en tha leh kher bawk.

" dar10 a ri tawh a...tunah chuan office ah a awm daih ang " tih sap pahin kawngka chu ka hawng nghal pawp a,ka hawi kual nghal vat bawk dawhkan ah chuan divorce paper Kai hming sign hnan vek tawh leh kan inneih zungbun chu alo awm a,hetah hian ka hming ka sign anih chuan kumkhua in Kai nen kan inthen tawh ang.

"ka mumang nise ka ti takzet " tih sap pahin inthenna lehkha chu ka han en vang vang a ka hming ka sign hnan nghal bawk.

Midang in min rawn hmuh ka hlauh avangin ka thawmhnaw ho chu trolley ah ka khung nghal sawk sawk a mahse Mrs Burton leh Kai ten min lei ho erawh ka hnutchhiah thung.

Mrs Burtoni thi min pek kha drawer a dah that pah chuan

"I chungah ka lawm takzet.... ka nu i ni reng tawh ang... " drawer chu ka kalh nghal bawk.

Room ka chhuahsan dawn chuan ka hawi let leh hram a ,khawi hmun mai pawh hi Kai nen kan sulhnu vek anih avangin ka ngai dawn takzet mahse he hmunah hi chuan ka leng ve tawh si lo alawm.

" damtakin le" tih sap pahin car chahbi chu divorce paper bulah chuan ka dah a ,trolley hnuk chungin let leh tawh ngai lo turin room chu ka chhuahsan ta hnak hnak a.

Hawikual pawh ka duh tawh lo chuti lo chu ka tap thei mai ang,he hmun hi hlim hmel pu sâng chunga chhuahsan hram hram ka duh.

Ka mittui tling pam te leh sen râm hliah nan chuan shades ka vuah daih a hmanhmawh takin inhnuai lamah ka chhuk thla nghal hlawk hlawk bawk.Ka hmanhmawh bawka hmeichhe pakhat ka su leh ta pawp mai.

"ka... ka tihpalh " ka shades vuah lai chu ka phelh vata.Lin bawk chu lo ni in...

"henu bawk chu.... " tih sap pahin kal lehnghal ka tum a mahse ka ban a rawn vawn beh pahin

" Ms Lola... khawiah nge kal i tum? ngatinge hengthil hi i khai a....? "

"ka chhuak dawn... i lawm tawh em? " tih pahin a kut chu ka thing thla nghal sawk bawk.

" keimah vang ani tiraw?.... khawngaihin chhuak suh... "

"nangmah vang anih si chuan engvangin nge i rawn let leh... chhuak rawh ka ti che ani lawm ni... "

" keiman ka rawn hruai let anih kha.... " Lin nen chuan kawngka lam chu kan hawi phei nghal vata,Celine alo ding reng chu niin.

"i duh duh chu han ti ta che i in ani tawh alawm sawi theih ka nei ve tawh hleinem... " tih pahin ka nui lui hak a, ka chhungril erawh a na hle thung.

"tikhan ngawi rengin chhuah i tum amaw? dawihzep lutuk... " a rawn ti leh kher anih chu!! ka sa nghal phat mai.

"Ni e... ka dawihzep alawm mahse

tunah chuan Kai rilru i hmin ta bawka i lawm tawh em? "

" engthil nge maw i sawi le? anih chuan..."

"khatiang khan mak tih hmel deuh in awm tum vel suh, pawisawi lo niawm takin Kai i chhai kual vela engkim ka hre vek... "

"i sawi awmzia ka hre hauh lo... "

" hahhh... ka sawi awmzia hi i hrelo amaw!!!? woww.... i lo ropui hle mai,ka pasal rilru pawh la pengin a fanu takngial pawh a ngaihsak tawh lo ania, kan inkar ah rawn inrawlh in kan inkar i rawn ti chhia a ka pasal mai pawh duhtawk lo in ka thiantha ber thlengin min chhuhsak veka mahse hei hi hre reng rawh Darcy erawh ka pe dawn hauh lo che engtik ah mah... "

" Thil i hresual ani... engmah kha a diklo "

" nau ka vei zan khan zankhuain in awm dun tih ka hria,vawitamtak in chhuak dun a damdawiin ah pawh ka hmu dun fo cheu ,in mu dun a a fa pawh i pai hial ani lawm ni chuan ka la hresual cheu amaw? ka lawmpui lutuk che ...ka tlawm takzet tawh anih hi" nuih hak pahin Lin chu ka melh kher a

" in pahnih hian hremhmun ah kal rawh u... "

"I thusawi kha la let leh rawh.... ngaihdam min dil rawh chuan Lin chungah pawh hian ngaihdam dil nghal rawh... " Celine chuan a awki a rawn san nghal thah mai.

" thu min pe vel amaw.... ka neih zawng zawng min chhuhsak tute bulah hian ngaihdam ka dil ang maw? ka dil nachhan tur ka hre lo "

"ngaihdam i dil chhan tur i hre lo amaw?harh chhuak teh Lola Nang leh Darcy nunna hi a chhanhim asin... "

" maw!!? "

"Lin leh kei hi helai hmuna awmkual a vei kual mai mai turin min ngai em ni? Chhan awmlo in Kai hian min ngaihsak in min chelh reng ang maw? helai hmuna kan awm chhan chu maw nangmah vang hi ani asin...chupawh kan blood group a in an vang chauh in... "Celine rilru na lutuk chu a mittui a rawn tla nghal zawih zawih a, kei erawh mak ti tak chungin ka ding khawng reng thung.

"Kai hian a hmangaih em che avangin engpawh i tawh thut pawha thisen pe nghal reng thei tur che in i huat em em Lin hi a hire asin, midang zawng zawng aia a duat bik chhan leh a tana a pawimawh em em nachu i hre tawh ang tiraw? "

"North Yorkshire a vacation in hman tum kha i la hria ang thlipui avangin kawngah i tang anih kha... khata tang khan Kai chuan i chungah engpawh a thleng thut thei reng tih a hriat avangin kei hi hlawh sang tak neiin min la ta ani... Georgia tan nilo nangma tan zawka min la ani mahse ka nu vangin hun rei tak chhung kan khua ah ka let leh angai si a nau i nei tep tawh bawk nen tichuan Celine hi a la leh ta ani"Lin chuan alo ti ve bawka, Engthil nge thleng chiah hi ka hrethiam tawh lo, heng thil zawng zawng hi ka tana a tih vek maw lo ni a.

" Mah... mahse Kai nen in mut dun kha, a fa pawh i pai ani lawm ni... ?"Celine chu ka melh nghal haw a.

" Engmaw? ...hahh Kai nen hian kan mu dun ngai reng reng lo ,a fa pawh ka pai bawk hek lo....midang fa ani ka pai Kai nilo in .. nau i vei zan khan Kai nen ka awmdun niin i ring tiraw? ....ni e kan awmdun ngei alawm mahse vawikhat pawh min khawih lo i hming a lam zankhua zak zawk asin khami zana ka chelh tlat avang khan ngaihdam ka dil e "

"anih na takah chuan Kai ka duh em avangin hlawh tamtak nei a min hire a tum lai pawhin pawisa ai chuan zankhat chauh min mutpui turin ka ti zawk thin,mitamtak tan chuan pawisa khawhral ai chuan min mutpui mai kha a fin thlak in a awlsam daih zawk ang... mahse i hria em vawikhat pawh hope min pe ngai lo, mahse zankhat chu thisen pek thut kha i ngai a thisen i hlauh nasat em avang leh Darcy avanga nasa taka i inhliam avangin "

"Lin a awmlo bawk nen beidawng tak leh hrehawm ti tak chungin a zahawmna zawng zawng paih bo vekin min rawn pan ta ringawt a mahse kan inbe lai media lam in min lo hmuh fuh avangin thudik lo an lo chhuah a, diklo takin min ringhlelh tak reng bawk kha mahse vawikhat pawh ka chungah thinrim in a vui ngai lo a chhanchu chhanchhuah che kha i tan a a thil tih theih awmchhun angah a ngaih avangin ... chuan khami zan pawh khan ka thisen man ah min mutpui turin ka lo ti leh ta ngei a, duhthlan tur dang a neih tak loh avangin a hmangaih ber chhanchhuah nan ka thil phut chu a pawm anih chu!! i hria em a hmangaih em che avangin amah leh amah a in hlan anih chu!!... mahse a hmangaihna che leh i tana a in pek zia ka hmuh khan ka hun remchang neichhun pawh chu ka hmang thei ta tlat lo,ka thei lo... ka mutpui thei thlawt lo chuan a pawisa cheng khat pawh laksak lo in ka thisen chu ka pe ta che ani "

"anih chuan damdawiin ah khan eng nge in tih? vawikhat mai pawh nilo vawi tamtak " ka tih chuan a nui suk a

"ni e...khatia engmah ka lak duh tak si lo avang khan a

min rulh let nan theihtawp chhuah in min enkawl ta ani....ka hrisel loh mai bakah keipawh hi nangmah ang tho in ka chungah engpawh a thleng thei hmanni deuh lawk atang khan ka taksa a chau in chaw ka ei thei ta reng reng lo mai a ,Ka mangang in damdawiin ah min hruai turin ka ti ta ringawt a chuan ka rai tih ka hrechhuak lehzel bawk nen ... "

" mahse Maisie kha... "

"khami zan khan Kai an propose che a tum daih tawh alawm.... engkim mai kha Maisie nen kan ruahman pui veka mahse i rawn lan leh tak si loh avangin kan ruahmanna zawng zawng te chu engmah lo mai ah a chang ta ani.... Heng thil zawng zawng hi vawitamtak hrilh che a tum tawh mahse insawifiah na hun i pe ngai reng reng hleinem chu ai chuan nangman thutlukna i siam veka chu chu pawm turin i nawr lui thin ta zawk ani...."

"lo kal teh "tih pahin min kai nghal dawr dawr a, room pakhat ka la luh ngai miah loh na ah chuan min luhpui a kan hawikual chu hmeichhe naupang room hi alo ni a,an chei dan vel chu lalfanu room te pawh a ang zawk ,toys leh thil dang dang naupang lawm leh mamawh zawng zawng chu a awmkim vek ang.

" Darcy hi a ngaihsak lo anga i ngai anih chuan i ring sual der ani... en ta che, a pian hma daih tawh khan hmeichhia ani dawn tih a hriat rual rual khan alo inbuatsaih daih tawh asin"

" Engvangin nge tunah min hrilh chauh.... Heng ...heng thil zozai hi"

"nizan ah khan in sawifel vek tawh emaw ka lo ti asin....tunah hian Kai bulah kal vat la a tha in ka hria... dar2 hian karkhat chhung China a cham turin a kal dawn, he hun hi bawhpelh hauh suh "

Khang thil zawng zawng kha Kai an min hmangaih vanga a tih vek maw lo ni a, mahse keichuan ringhlel in ka then ta zawk si... aw... a rilru ka lo va tihnat sak nasa em

"ka... ka lawm e " tih pahin ka tlan nghal dawr dawr a, engthil mah ka rilru ah a lang thei tawh lo.

" Lola... " Celine in min rawn koh avang chuan ka hawi let leh a.

"tha takin le " tih pahin car chahbi hi a rawn theh phei a ,nuih ver ver pahin hmanhmawh takin ka tlan chhuak lehnghal hlawk hlawk a.

Chak zetin ka inkhalh chhuak a, engvanga mawl em em nge maw ka nih le? insawifiah a tum lai te khan lo ngaihthlak sak tur ka ni asin.

Mahse keimah vangin hrehawm takin a awm a,natna tamtak ka tawrh tira awmlo ila chu khang zawng zawng kha a tuar lo tur. Car chu ka ti ding nghal chawt a,ka rilru a phir ta tlat mai!! Kai office lam ka pan anga ka ti na chhunzawm zel ang nge ka thutlukna kha ka kal tlangpui dawn? Rilru ti paukhauh in steering chu ka han hum nghet sauh a

" Kai... ka tihpalh " tih pahin ka pa awmna damdawiin lam chu ka pan ta zawka. Engtin nge khang thil zawng zawng ka chunga a tih hnu ah ka let theih ang ,ngaihdam ka dil anga min lo pawm leh nghal mai ang maw nilo... Kai hi chutiang mi chu a ni lo, ngaihdam dil in awmzia a nei tawh lo.

Ka pa awmna ka thlen rual rual chuan couch ah ka thu hnawk a, tah erawh ka tum hauh lo.

" ka pa... thilsual nasa tak kumkhua a ka inchhir na tur ka ti ani... " ka mittui chu a rawn tling nghal pam a, tap lo turin ka la indang hram hram bawk .

" Lola... engthil nge maw i tih le? " Nick chu thinrim tih hriat tak hian a rawn lut a, ka lo ding nghal vata bawk.

" Nick... "

" Engtin nge Kai kha i then thei zawk a?"

" i lo hre ve ani maw? "za lo zetin ka nui suk a.

"heng thil zozai a tihsak tawh hnu ah che pawh i la duhtawk lo cheu amaw "Nick min tih dan teh tlawt avang chuan ka rilru a na takzet.

" Lola... ka hmangaih che, ka hmangaih lutuk che... mahse Kai hnen ah let leh rawh... chu chu ka hmangaih che avanga ka sawi theih hnuhnung ber ani... "

"mahse.... "

"i thinlung in ti tura a hrilh che chu ti rawh....Lola... min ring rawh Kai hian a hmangaih lutuk che.. i hlimna a duh avangin a thin pawh i pa pek a tum asin... "

" maw!! " ka meng phawk nghal kawk a.

" ni e... i pa thin pe tu tur kha tudang nilo in Kai hi ani... "

"Nga ....ngatinge min hrilh loh " ka ti bah nuai a.

" a chhanchu tun dinhmun ang hi a thlen a hlauh vang ani.... i hriat chuan Kai lakah i in thlahrung ngawih ngawih anga, buaina i thlen sak reng bik angah i inngaih a hlauh avangin a zep ta zawk ani....kal rawh ...kal vat vat rawh"tih pahin min rawn nawr deuh a.

"in ngaihtuah nawn ngai lo in i rilru i siamfel tawh tih ka hria "min rawn nuih suk a.Engahmah hma in ka kuah nghal thlawp ringawt.

" ka rawn let leh ang... mahse hlim tak chungin... " tih pahin ka tlanchhuak lehnghal hlawk hlawk a.

Kai office ka thlen meuh chuan ka mittui a tla nasa lutuk a kawng pawh ka hmu tha thei tawh lo.

" Lola... " Lily chuan min lo ko nghal vata, " ngatinge? engthil nge thleng..? " engmah ka sawi thei tawh lo, Lily chu ka kuah thlawp a ka tap ta hawm hawm mai.

" umm.... boss chu a room ah a awm... mahse a zin a hun tep tawh a,lo kal rawh ka hruai ang che... "tih pahin kawngka chu min hawn sak a, Kai chu document vel tifel in a lo buai meka, min rawn hmuh chuan mak tih hmel takin a ding nghal chawt bawk.

" Mimawl pa... engvangin nge engmah min hrilh loh... " ka va pan hnai deuh a "heng zozai hi min tih sak a engtin nge ka rulh leh theih ang che.... "

"Lola... " kan inneih zungbun chu ka hmuh va va a

"heng thil zawng zawng hi rulh let leh che ka ngaih laiin engtin nge ka kalsan daih theih ang che...misualpa ka haw lutuk che " tih pahin ka va kuah nghal thlawp a,

" ka hmangaih che... ka hmangaih takzet che " ka ti sap bawk.

"engtik lai pawhin ka hmangaih che asin...." duhthawh takin min rawn fawp nghal vawng vang a,

"ka chhanna che chu 'aw'.... "

"min hnar hnu pawh khan ka la beidawng reng reng lo asin... "

" mimawlpa... inthenna lehkha kha ka sign vek tawh asin... "

"keipawh nizan khan ka thusawi tur kha ka inpuahchah nasa asin... mahse hnawl ka ni ta tho a... "a tih chuan ka lo ner nang a.

"anih engtik lai atang khan nge min lo hmangaih tawh hrim hrim a... "

"ka hrelo mahse kan inneih hnu a ka fawh hmasak ber che khan ka hmangaih che ani tih ka in hre chiah... "

" natinge min hrilh vat loh....ka haw lutuk che " tih pahin kan infawp lehnghal tawn tawn a.

------------------------The End-----------------------

Ig- @remruati_haylor

Fb- Remruati Haylor

Remruati Haylor's stories

PS I Hate You -61 to 70 (last)

1 comment:

Stories

Blog Archive

Popular Posts

Visitors