My Handsome Girlfriend (completed)

.

My Handsome Girlfriend

(A Vespa Miller fanfiction)

Remruati Bawitlung(Haylor)

(ka thawnthu ziah ho hi a vaiin lehlin nilovin keima irawm chhuak ngeia ka ziah te vek an ni)

chapter-1

.

"Cassie...Beijing ah ka lo lawm a che" inchhung ka lut chiah chu Ashley chuan min lo kuah nghal chung chung a,a au chul bawka a bengchheng ngei mai.

.

"Ashley nangmah i ni tak tak em?" ka lo ti vata,a mak ani a chhanchu Ashley nen kan inhmuh hnuhnung ber kha chuan kum10 chauh kan la ni a , kum9 hnu a kan inhmu leh thei hi ka lawm takzet ani.

.

" hawh i room tur ka hmuh ang che , ka ngai lutuk che Cassie kan inhmuh leh hi ka awih thei lo" Ashley chuan a ti bawrh bawrh a, inchung lamah chuan min hruai chho nghal a.

.

" Tada...i room hi i duhzawng ani em?, i room bul chiah hi ka room ania, mamawh i neih chuan min zawt hreh miah suh" A ti nghal bawrh bawrh a, Ashley thawveng leh tawngduh tak kha a la danglam lo anih hi tiin ka ngaihtuah a, ka nui ver ver a.

.

"awle,kan inbual lawk ange?"

.

"dinner pawh kan peihfel tawh ,i inbual zawh ah kan ei nghal dawn nia"

.

"umm..ka ngai lutuk che" tih pah chuan ka kuah a.

.

"lawk...tunah chuan tiang sawi hi ala hun hrih lo inbual la dinner ei phawt ang "Ashley in thutak deuha a tih chuan ka lo nuih a."awle, ka hman nghal ani mai" ka ti a, Ashley chu room atang chuan a chhuak a.

.

.

Ka room thar chu ka en vang vang a ka lung chu a leng nghal der a, ka nu leh pa ka ngai takzet ani.An bul lo a ka vawikhat awmna ani a New York a let leh daih te chu ka duh rum rum a ni.Ka phone chu a rawn ri ral ral a , ka nu ani tih ka hriat avang chuan ka la nghal vata.

.

" Nu, min lo hruai leh mai rawh "ka tap deuh nghal pur a.

.

"Cassie chutin an ti ngai lo,thla7 chauh a lawm i awm dawn "

.

"mahse thla sarih pawh a rei alawm , ka pa ka lo bia"

.

"i pa chu a buai lutuk a,a biak theih hrih lo ang ... bawihte tikhan i nutei te bulah khan lo awm phawt la kan rawn kal vat dawn alawm" ka nu chuan zaidam tak chuan a ti a,ka thin a rim deuh hlek avangin phone chu ka dah tau hmaka.Khumah chuan ka bawkkhup a ka inhnit faih faih a.

.

Ka pa hi Beijing ah transfer ani dawn a ,transfer hma in thla 7 chhung la thawk turin an tih leh thut si a, ka college kal dan tur vel a laklawh em avangin ka lo kal hma bik a, keimah chauha awm ai chuan tiin ka nutei te inah thla 7 chhung ka awm dawn a ni. Ka hreh rual rual in kawm tur Ashley ka neih avangin ka thla a muang sawt ani.

.

Ashley pa hi Chinese a ni a a nelawm takzet ani.Kan tet lai kha chuan New York ah an rawn zin zeuh zeuh thin a mahse kum9 lai ka inhmu tawh lo a, hetia Beijing a kan insawn tur pawh hi min ti hreh lo tu ani.

.

.

Bathroom ah ka lut a ,tui lum in ka han in phuh tir seng seng a ka dam huai huai in ka hria.Dinner ei tura min lo nghah reng avang chuan hmanhnawh takin ka inha sawk sawk a inhnuai lamah chuan ka chhuk thla a.

.

.

Dinner kan ei lai chuan Ashley chu a tawng bawrh bawrh a , henu hi chu a nelawm takzet ani mahse a chang hi chuan a tawng tawp hleithei lo thin ani.

"tunkar chu awm awl phawt la karleh ah chuan i college kalna tur pawh ti fel ula a tha ang" pa Lee a chuan thutak ran chuan a ti a, ka zam lek lek ani.

.

"awle , pa Lee" ka ti sap a.

.

"ni e, Cassie kan college aia tha hi Beijing ah hian i hmu lo ang chuvang chuan ka bula awm turin lo in ring tawp rawh" Ashley chuan min rawn nuih sang pah chuan a ti a.

.

"mamawh i neih chuan sawi hreh lo la, i nu in a ngaihtuah lutuk che a i be dawn nia" Nutei chuan a lo ti ve bawka.

.

"Chinese mi hi han hrechiang vat vat teh, pasal te pawh ila nei duh ang" Ashley chuan min lo fiam nghal a,ka nui suk ringawta chutiang chu a thlen ka duh lo bur.

.

"nute khawiah nge Gavin hi?" ka ti thut a, ni e Gavin.. Ashley nau hi ka lo theihnghilh daih alawm

" ani chu hostel ah a awm a,"

.

"Hostel a awm a hreh zia kha tunah chuan nuam a ti mah mah tawh zawk" Ashley chuan a lo ti vata .

" Engtik ah nge a rawn chhuah dawn?"

" december velah aniang"nutei chuan a ti a.

.

.

Dinner ei zawh chuan nutei chu thleng ka sil pui a, engmah ti kawi lo in khumah ka mu a, ka chauh deuh avangin ka muhil nghal vata.

.

College kal hma si chuan hun awl a tam em avangin Ashley chuan min lenchhuahpui a hmun pawimawh tak tak ah min hruai a,nuam chu ka ti tan tawh hle a.Ka thil la ei ngai miah lo te kan ei a ka tan chuan engkim hi thilthar vek ani.

.

Zingah chuan Ashley chuan min rawn sawi nawk nawk a, ka mut ala chhuah em avang chuan puan chu ka sin tha sauh sauh a ka muhil leh nghal a.

" Cassie tho teh, khawi zawk hi nge ka hak dawn?" Ashley chuan ka puan sin lai chu a rawn pawt hlip veka.

.

"aaa.... reilo te chauh"

.

" aih, vawin ah college ah kan kal tawh dawn kha.... harh rawh i ni hmasa ber tur anih hi" ka beng bulah chuan a rawn au a, harh loh theih pawh ani tawh lo, peih lo tak chung chuan ka tho taih taih a, bathroom lam chu ka pan nghala .Ka inphih fai zawh chuan Ashley chuan ka khumah a thawmhnaw hak tur vel chu a lo dah hnawk nuai a.

.

" Vawin chu ka chawl phawt anga"

.

" a theih loh , tih fel ngai vawin ah kan ti fel vek anga chuan naktukah basketball final kan en ang" min lo pawt chat vata, basketball tih vel a sawi avang chuan ka phur vak lo a ka lo ner nanga.

.

.

"lemm ....insiam la, hmanhmawh deuh la chuan naktuk ah Chen Shi te an in khel dawn a kan en ngei ngei angai"

.

"Chen Shi ahh??"

.

"tunge i hre duh em?"a rawn kun hniam a " ka bialpa, Chen Shi hi chu ka hmangaih ani"

.

" i love story chu duh tawk la, insiam ang"a kawr ken lai chu ka pawhthlak saka.

.

Ka sam buang thang chu ka pawt ngil a, ka mitmu pawl phat ti lang nalh lehzual turin eyeshadow tlem ka hnawih a, ka hmui chu ka hnawih mawm hlap bawka , kawrfual pawl ka khup khuh lo chiah chiah chu ka ha a ka hniam em avangin ka lang san ve deuh theih nan ka block heels dum chu ka bun bawka , darthlalang ah chuan ka in en vang vang a nalh ka in ti ve hle a ka nui suk a.

.

.

Headmistress nel awm loh zet han en mai pawh a Chinese tih hriat em em chuan uluk takin min en a, ka zam chiang kher mai, ka chil ka lem leh khawlh thin a.Sawi hmasak ber tur pawh ka hrelo

"Cassandra Alvom Wildring College ah ka lo lawm a che" tih pah chuan min nuih suk a, ka thaw nghal huai a , kan headmistress hi vawikhat pawh hmuh leh ka duh tawh lo ,ka mi nel loh zawng tak ani.

.

.

" ka lawmpui lutuk che, he college ah hi chuan luh hi a awlsam lo asin a bik takin American mi leh sa tan phei chuan"College ground ah chuan Ashley chuan min rawn kuah nghal a, min lawmpui ve hle a.

.

"vawin tlai chu ka treat ang che a lawm nan" ka lo ti ve nghal bawka, tunah tak hi chuan kan pahnih chauh ni mah ila kan bengchheng hle a a chang leh kan nui leh hak thin a.

.

"anih chuan bazar nghal ila, naktuk a ka hak tur pawh lei angai ...Oi.. a tha thei ang bera lan ka ngai" Ashley chuan min be bawrh bawrh a mahse ka rilru a awm chu thil dang daih ani.Kan piah lawka basketball khel ho chu kal pel pah chuan ka melh zeuh zeuh a, an zinga pakhat chuan ka mit ala nghal zar a.

.

.

Amah chu sang lampang 5'11" bawr vel,a bek sam chu a ziat kawlh veka a ,A ban veilam a tattoo inchhu khat vek te leh a chet dan vel chu ka hmuh hmaih hauh lo , basketball khel thiam tak ani tih ka hre nghala a sir ah chuan hmeichhe ho chuan an lo en thap bawka an au leh dar dar thin a,kal pah chuan ka melh leh zeuh zeuh thin a .Ashley chuan min la be renga,mahse a tawng hriat mang pawh ka nei lo car chhungah chuan kan lut a kan tlan chhuak nghala , ka mi hmuh kha ka rilru ah a awm zui nghal a, a hmeltha in a chhelo takzet ani.

.

.

Ina haw lo chuan Ashley nen chuan kan bazar a, dinner kan ei dun bawka ka lungleng lutuk pawh kha a zia deuh in ka hria.Party na ah kal kan tum zet a mahse ka phur vak loh avangin kan haw ta zawk a Ashley chu a lungawi lo ngang mai .

.

Ina kan haw chuan ka inbual a ka nu ka bia a ,ka nu chuan min rawn ngaihtuah leh hle tawh a ka u in min thihsan atang phei kha chuan an fa neihchhun ka ni tawh a an tel lo chuan khawi hmun ah mah ka awm sawn ngai lo a mahse tunah hi chuan loh theih loh na avangin ka nutei te inah min awmtir hrih chauh ani.

.

.

Zing dang ang bawk in Ashley chuan min rawn sawi leh nawk nawk tawh a, Ngatinge thlamuang takin min muttir mai mai theih loh le? ka beng chu ka hup a ka muhil der tlata dik tak chuan basketball khel kan en dawn a ka khel thiam loh vang aniang en chu ka phur lo takzet ani.

.

"Cassie ... pathum thleng ka chiar anga i la thawh loh chuan blind date ah i kal duh thu ka pa ka hrilh ang" henu han nghal zia hi chu aw... heta ka awm tirh atang khan mipa chi hrang hrang min in hmelhriat tir a a chhanchu bialpa ka neih hnuhnun ber kha high school ka kal lai daih tawh ami kha ani a. 

.

Jack an min bum atang khan mipa hi ka ngaihsak leh tawh ngai lo a ,ka hmuh zawh loh vang ni lo in khatianga hrehawm kha tawrh leh ka duh tawh loh vang zawk ani.Vawi tamtak Ashley hi ka bia a ka tah khum chang lah atam , hmun khata awm kan nih loh avangin phone atangin a theihang tawpin min rawn hnem thin a ka tan chuan unaunu a nih mai bakah ka thian tha tak ani.

.

.

"awle, ka tho ang" tih pah chuan ka in perh tho nghala , blind date a kal ai chuan thawh ka thlang zawk.

.

"I thawh kha ka ring reng ah bialpa neih hi chu i hlau ve ngawt mai...Cassie move on ve tawh teh" Ashley chuan mangan hmel deuh chuan a rawn ti a.

.

"bla..bla..bla ..engmah ka ngaithla peih lo" tih pah chuan bathroom ah ka luh san a, ka inbual nghal a .Ka inbual zawh chuan Ashley chu a hak turah a lo la buai hle a .

.

"a sen kha ha rawh "

.

"i ti tak tak em? Chen Shi mitmu tla thei khawpa ka chhiat loh angai"

.

" umm...a sen kha i inhmeh ber"

.

"Cassie i awm lo ang tih ka hlau" min rawn kuah a "in siam vat vat rawh kan tlai ang" a rawn ti thut a a room lam pan chuan a tlan chhuak nghal a.

.

"i inthlak thei ngai dawn lo anih hi" tih pah chuan ka nui suk a.

.

Ka insiam ve nghala kekawr bul leh t-shirt ka ha a, ka sam chu sang takah ka bawk a ka sawi tawh ang khan ka hniam em avangin pheikhawk sang chu ka bun leh hram a.

.

"i hman tawh em" Ashley chuan inhnuai atang chuan min rawn ko a, hmanhnawh takin inhnuai lam ah chuan ka chhuk thla hlawk hlawk a.

.

" Cassie hei hi Min Yu anih hi " Mipa pakhat hmelchhe lo tak hian min rawn nuih a, a kut chu a rawn phar chhuak a," Cassie ka hmu che chu ka lawm hle mai"a ti a za lo taka nuih pah chuan ka chibai a Ashley chu ka melh rum ngang mai min lo la nuih zui.

.

" kan kal nghal mai dawn ami?" Min Yu an a tih chuan " ni e , kal nghal ang u" Ashley chuan min rawn nghawk zeuh pah chuan a lo ti nghal vata.Henu hian enge maw a hriat le?Ka phalna la lo in min tihpui a tum leh ringawt tawh ani maw!!.

.

Pawnah chuan kan inzui chhuaka "Ka tihpalh mahse i tisual lo ang Min Yu hi mipa fel tak anih hi a chhelo si" Ashley chuan min rawn hrilh ru sa sa a.

.

"ka duh lo ka tih kha" ha seh silh pahin zawi tak si chuan ka ti a.

.

" Cassie lo lut rawh le" Min Yu chuan car khawngka hma zawk chu min hawn saka.Ka ding renga Ashley chuan min rawn kheuh zeuh a

.

"lut rawh" a rawn ti sapa ,ka lut ve nghal mai a, Ashley chu a hnungah a thu a Min Yu bulah chuan ka thu a ,sawi tur a vang ngei mai .Min Yu chuan min be bawrh bawrh a a rul tawk lek lek in ka chhang a , a chhanchu ka lakah hope a nei ang tih ka hlau ani .

.

.

College kan thlen chuan an lo phusa nasa hlawm hle a , kan college leh Redsharp College te chuan Basketball Final an khel dawn a Ashley sawi dan phei chuan he college pahnih te hi an in er hle ani awm e.Boruak pawh a sang in an tang hle ani.

.

" Cassie tikhan Min Yu nen khan lo inkawm ru Chen Shi ka va hmu lawk ang an inkhelh hma in " Ashley in a tih chuan ka phu deuh zawk a, hepa nen chauh hian min kalsan a tum amaw? ka duh lo hrim hrim .

.

" ka lo kal ve dawn" ka lo ti vata,zui chu ka tum a

.

"zei lo thei lutuk" ka hriat tawk lek chuan a rawn ti a " Min Yu Cassie hi lo enkawl tha la, mithar ani bawk sia alo bo daih ange" tih pah chuan min kalsan daih a, haw hun chu a chak dawn lo .

.

" Kan lut ve nghal dawn ami?" Min Yu chuan a rawn ti a, ka lo bu nghata tlar hmasa lamah chuan kan thu a.Inkhel an tan phat atang chuan game chu a tang nghal at a, an tang bawka lehlam pawl nen chuan an in au el nasa hle a.Ka bula mi te chu an au chel chul a, an bengchheng takzet ani.Ka ner leh nang thin a a chang leh ka beng chu ka hup thul, a tawp a tawp ah chuan Earphone ka vuah a hla ka ngaithla ta daih a, a zia sawt in ka hria.

.

.

Hla ngaithla paha ka lo maimichhing duar duar lai chuan ka hnar ah tak ball chuan min rawn per pawp a ana ngei mai ka hnar chu ka hup nghala, ka tap lo chauh

" Cassie i tha em?" Min Yu chuan a rawn ti vata, ka hnar chu a rawn lum pup pup a.

.

" i hnar a thi ania" Min Yu an a tih pah chuan rawmawl chuan ka hnar chu a rawn hup a, tumahin ka hnar thi pawh chu an ngaihsak tawh lo ,inkhel ah chiah an rilru an dah a heng mite hi an a zo tawh anih hi.

.

"chhuak daih ila" Min Yu chuan min rawn hrilh ru a, ka lo aw chiang kher mai helai hmun hi ka kham tawh takzet ani.Ka tho a ka kal tur chu ka ding nghal chawt a,thawm zawng zawng chu a reh nghal duk in ka hria nimin a ka mi hmuh ngei mai kha ka zuk hmu ta thuta ka phu chiang kher mai .Ball chu a kenga basket ah chuan a thun a ,mipui thawm chu a ring ngang mai, min nek nghal pawp pawp a " Kan chak" tiin an au chel chul bawk a.

.

" kal ila" Min Yu chuan a rawn ti a " awle" tih pah chuan exit lam chu kan pan a .Kan chhuah dawn chuan ka hawi let leh hram a chupa chu an chawi kang a an au tuarh tuarh bawka ,hmeichhe pakhat nen a mipui kara an infawp lai chu ka zuk hmu chiang kher mai mahse ka chhuak ta tho a.

.

.

Show post links

Top

Ngaia

Site Admin

Quote

Post October 16th, 2016, 1:18 pm

Ka rilru ah a awm nghal char char a, ka thinphu te chu a rang telh telh in ka hria

"i ril atam em?" Min Yu an a rawn tih chuan ka phu zawk a.

.

" Aw" ka lo ti liam puat a ,thil ei tur chuan Starbuck ah chuan kan lut a.Rei pawh ka awm hma in Ashley leh mipa pakhat hi an rawn in kuah lut a Chen Shi ani tih ka hre nghala.Ashley in min rawn hmuh chuan kan bulah chuan an rawn kal nghala.

.

"hey...Cassie Chen shi anih hi chuan Chen Shi heihi ka unaunu ka sawi ziah thin Cassie" Ashley chuan a rawn ti nghal bawrh bawrh a, Kan inchibai zawh chuan kan bulah an rawn thu ve nghala.

.

.

" Cassie zanin chu party a awm dawn a kal ve ila" Ashley chuan a ti a.

.

" ai, ka chau lutuk ka mu duh zawk" ka lo ti vata

"kan chak lawmna ania , ilo kal ve ang chu" Chen Shi chuan min rawn nuih sanga.

.

" ni e , kal ve ila" Min Yu chuan a rawn ti ve bawka,ka lo ner deuh nanga Min Yu hi mipa chhelo leh hmeltha tak ani a mahse amah hian min hip thlawt lo bakah Chinese hi chu ngaihzawn ka tum lo.

.

.

" mawh khawngaih in, i rawn kal loh chuan ka pa in kal a phal dawn si lo a" Ashley chuan min ngen mawlh mawlh a, a hmel atang chuan a kal chak ti ka hre thei a ka khawngaih avang chuan ka lo bu nghata .

.

" yeyy... van fel tak ka hmangaih che" min rawn kuah a,ka thaw thei lo tep ani.

.

" duat, min hmangaih ve lo ami?" Chen Shi chuan pangchang tak chuan a lo ti a.Eiloh hmel tak chuan ka lo en a

" nangpawh ka hmangaih che" Ashley chuan a fawp a, an hma lawkah kan thu si a Min Yu chu ka melh zeuh a ani pawh chu alo lai ve hle mai.

.

.

Min Yu chuan min thlah haw a , Dinner ka ei zawh chuan party na a kal turin kan in siam a ,angai te bawkin Ashley chu a kawr hak turah a buai leh hle tawh a reife kan insiama kan insiam zawh meuh chuan dar10 a lo ri va tawh a Min Yu pawh min hruai turin a rawn kal tawh a.Ngatinge Ashley car in kan kal ve mai loh le?

.

.

Kalkawngah chuan Ashley leh Min Yu hlir chu an in bia a, keichu ngawi rengin ka thu kar a an thusawi ka lo ngaithla a a chang chuan ka ning lek lek ani a chhanchu Chinese in an in bia a ,Chinese tawng hi kawi khat pawh hriatthiam ka nei lo ani , nilo engtin nge ka hriat ngawt ang China ramah ka vawi khat kalna alawm.

.

.

Party na hmun kan thlen chuan a then chu an lo rui tawh hle a , helai hmun hi khawi hmun nge le? tiin ka ngaihtuah neuh neuh a " party na hmun hi Vespa Miller in a nih hi" Ashley chuan a rawn ti a, ka rilru a hre thei emawni ka ti hial zawk.Vespa Miller pawh ka hriat loh avang chuan ka lo phek ngaihthlak vel mai mai a, ngaithla chiang pawh ni ila ka tan awmzia a awm lo,amah ka hre dawn chuang lo.

.

"hey Cassie " Chen Shi chu a rawn kal a, Ashley chu a rawn fawp nghal tawn tawn a, ka lo nuih suk a " pawi i tih loh chuan ka lampui thei angem?" Chen Shi chuan Ashley lampui tur chuan inla hawihhawm tak chuan min rawn dil a, a rui ani tih ka hre nghala ka nuih chu a za ru hle a " awle, lampui rawh" ka ti a, Ashley chu a hruai nghala.

.

" Cassie heihi i in ve duh em?" Min Yu chuan vodka hi min rawn pe a.

.

" aih duh lo ,wine bak ka in lo a"

.

" keipawh" Min Yu an a tih chuan ka lo nui suk a, keimah ang an lo awm ve chu ka lawm rilru hle ani .

.

"restroom ah ka va kal lawk" tih pah chuan a awmna chu ka zawng kual a ,ka hriat ngai lohna hmun ani bawka ka zawng nasa ngei mai .Inchung lamah chuan ka chho a restroom chu ka zawng pah deuh reng bawka.Room pakhat ah hian ka lut hlawl a guitar ,basket ball leh trophy chi hrang hrang chu a lo intlar dul a bangah chuan thil chi hrang hrang a in tar dul bawka,thil intar ho chu ka enkual a,

.

.

" enge hetah i tih?"ka phu zawka.

Show post links

Top

Ngaia

Site Admin

Quote

Post October 16th, 2016, 1:20 pm

chapter-2.

.

Rang lutukin ka hawi let vata, tawng mai ka han tum a ka tawng chhuak thei ta tlat lo ka hma a ding hi ka mi hmuh thin ngei kha ani. Ka ding khawng renga amah chu ka en reng ringawta.

.

" chhuak rawh" a ti vin hluk a , ka rin aiin a thinchhe daih mai, A hmelah chuan nelawm na reng a awm lo a ka hlau lek lek ani.

.

"Bawihte tah khan i lo awm daih a ka zawng nasa lutuk che" hmeichhe pakhat hian a hnung lam atang chuan a rawn kuah a, henu pawh hi vawin a a fawh nu ngei kha ani, ka hmu chiang em a ka hai thei thlawt lo.

.

" henu hi tunge?" min hmuh chuan a rawn ti vata a,min melh danah chuan min ngaina lo hle tih a hriat ngawih ngawih a.

.

" ughh...ka tihpalh restroom ka zawnga hemi room ah hian ka luh palh a" bah nuai chuan ka ti a, inhnuai lamah chuan ka tlan thla nghala ,Midang lam hut hut karah chuan ka in zep phei a mipa pakhat hi ka su chawrh a hmel en lem lo chuan kal leh mai ka tum a mahse min lo man bet hmana a ka en chho ha a.

.

.

" Min Yu" ka lawm kher mai Min Yu alo ni hlauh a " min hruai haw thei angem?" ka ti nghala.

" awle, keipawh nuam ka ti vak lo" a lo ti a, ka lawm rilru hle a, helai hmun hi ka kham takzet ani.Min Yu chuan min thlah haw a , ka room a ka luh chuan ka thawl huai in ka hria...Oh!! nilo Ashley ka hawsan!! Cassie enge maw i hriat le? mahse a pawilo ka haw tih pawh a hre lo ang. Ka inbuala ka inbual zawh chuan ka nu ka bia a kan tap leh rih thin a mahse ka chau deuh avangin ka muhil nghal vata.

*

*

*

Zingah chuan thawm in min ti harh zawk a ,ka mit chu kan nuai nawk nawk a ka mutna bul ka en phei chu ka te thawt a!!.. "Ash..Ashley" ka sawi nawk nawk a, Ashley chu makeup pherh phangin ka bulah chuan alo mu hnar bawrh bawrh a, a thawmhnaw pawh ala thlak lo a zu rim chu a nam ham ham leh nghal a.

.

" tho rawh" vin deuh hlek chuan kan ti leh a ,mahse a thawh duh tlat loh avang chuan bathroom ah ka luhsan nghal daih a, ka intih fai zawh hnu pawh chuan alo la mutui ngang mai " Weekend a ni hlauh a i vannei ngawt mai" tih bul bul pah chuan inhnuai ah chuan ka chhuksan daih a.

.

.

"Cassie Ashley hi chu a danglam ve thei dawn lo anih hi ,tukin zingah pawh rui chhungin a rawn haw leh tawh kha"Nutei chuan breakfast siam mawlh mawlh pah chuan a lo ti a ,sawi ber tur pawh hre lo chuan ka lo thu ngawi renga nutei che lai chu ka lo thlir tawp ani.

.

Breakfast ka ei zawh chuan thleng vel ka sil a nutei chu ka pui bawka ." heihi Ashley ilo pe dawn mi niang, a lu na pawh a zia deuh ang, party na ah kal tawh lo se a tha ang" Nutei chuan lungawi loh hmel zet chuan a ti a, ni e nutei chu a phun renga mahse a zia ve reng anih avangin ngai ah kan nei vek tawh ani.

.

" awle nute" tih pah chuan khawizu leh lemon tihpawlh chu tray in ka chawi chho a , room a ka luh chuan Ashley chu a lo tho tawh a,khum ah chuan a lo thu pawr phanga

" dar engzat nge?" alo ti vata, a hlauthawng hmel leh a sam pawr phang chuan ka nuih a ti za hle a " dar 2 ari tawh ,nilengin mut i tum amaw ka ti mai asin" nuih sang pah chuan ka ti a.

.

"ka haw lai pawh ka hrelo" a bul ah chuan ka thu a ," nang engtin nge i haw? ka ngaihsak zui ta miah lo che a " inthiamlo tak chung chuan min rawn melh a.

.

" Min Yu an min thlah alawm nizanah khan ka haw daih a, ka hrilh theihnghilh daih che alawm" ka ti a.

"a pawi loh chu in tluang taka i thlen chuan a lawmawm anih chu"a ti sap a, mahse a ruk chuan a lungawi lo tih chu ka hai bik hauh lo.

.

"umm...inbual la, i rim hi a chhe teh mai nia" ka tih chuan a inhnim a a nui hak a" Ash..zu in hi bansan tawh rawh hmeichhe tan chuan a mawi lo ania" "enteh Cassie Min Yu hi mifel tak ani a chhuah tawh suh umm..." min tlawn pah chuan thil dang daih chu a rawn sawi a

.

" Aaa.... ngaihzawng ka nei peih lo tih i hriat kha ka tawrh nat zia te ,ka thil tih engkim a nghawng vek anih kha"

.

" mahse bialpa nei lo in i awm reng thei hleinem.. khawngaih takin... aw... chuan zu pawh ka in tawh lo ang" ka phu deuh zawk a, Ashley hi zantin zu a in ziah a rui buai kher lo mahse a tan a tha lo tih vawi tamtak ka hrilh pawn a in lui zel tho a ,nutei pawh in tihngaihna a hre tawh lo ani.

.

" Engmaw!" ka lo ti ha a.

.

" ka ti tak tak ania naihzawng i neih phawt chuan zu ka in tawh lo ang" a thutak hle a, a nghei na tur anih phawt chuan engpawh ka ti ang ,ngaihzawng neih te chu pasal ka nei dawn pawh ni hlei lo.

.

" awle, mahse zu i in leh anih chuan " ka ti dek dek a " awle..awle ka hria e, anih chuan monday atang chuan Min Yu nen hian class ah pawh thu dun tawh ang che u, History a la ve tho a" min rawn nghawk zeuh a, ka lo melh rum ngang mai.

.

" in thu dun lo anih chuan ka lo enthla reng dawn che ania" a tih chuan za lo deuh in ka nui suk a, henu han ngeiawm thiam zia hi chu aw ." Vawin ah chhuak ang , hmun nuam deuh deuh la kal loh na kan la ngah teh mai ania"a rawn la ti ham ham zui ,engemaw a hriat le a pentawng ve lo amaw ni le?

.

.

"a tlai tawh em hi , naktukah a ni mai bakah i chau ve lo ami?", ka awmdan avang chuan a nui vak vak a.

"i la hre lo ami ngaiah ka nei tawh haha.." henu han thawven zia hi chu engmah ngaihtuah hi a nei lo reng reng .

.

" fiamthu reng lo teh , naktukah chuan ani mai" tih pah chuan nutei pui turin ka chhuk thlak san daih a, Ashley bula awm hi chuan thil engmah pawh hi a ngaihtuah theih loh.

*

*

Monday zingah hi chuan college kal pawh a phur awm loh , peih lo tak chung chuan ka insiam a,khua a lum deuh avangin tank top var leh jeans kekawr bul ka ha a ,a ngai te bawkin ka block heel chu ka bun leh a, ka sawi tawh ang khan ka chhuah apiangin pheikhawk sang ka bun zel ani.

.

.

Inhnuai a ka chhuk chuan Min Yu pawn min lo nghak leh reng tawh a, lo kal turin ka hrilh si lo a Ashley hian a lo hrilh leh tawh ani ngei ang.Keimah a kal ka hreh deuh avang chuan Ashley chu kan rual chuan a rawn kal a , angai te bawkin ka ngawi leh kar tawh a ka phone games chu ka khel ta ringawt a.

.

.

" Vawin chu lo va lut hmasa ula kal lawk na tur ka nei a," Min Yu an a tih chuan ka thaw nghal huai a,a ruk tak chuan ka hlim ani.

.

" anih chuan rawn tlai lo la" Ashley chuan alo ti vata, min rawn melh zeuh a "i vannei hle mai" hmui phun chuan a rawn ti a, ka lo nui suk a .

.

" Nih Cassie kan inhmu leh dawn nia" tih pah chuan Min Yu chuan min kalsan nghala.

.

"nuam lo la ti vak suh ,i thusawi kha hre reng rawh, Min Yu hi i chhuah vaih chuan"

Last edited by Remruati (Haylor) on Tue Sep 06, 2016 9:02 pm, edited 3 times in total.

Show post links

Top

Ngaia

Site Admin

Quote

Post October 16th, 2016, 1:20 pm

" ka hria ka hria, kal ang " kal chu ka tum a, ka hawi let chiah chu bike var pakhat hi chak zet hian an rawn tlan fua a, ka in perh nghal dawrh a , ka lehkha bu ken lai chu ka thlauh nuai bawka ka hlau lutuk chu ka thinphu ri pawh ka hre thei hial in ka hria .Bike chu ka piah lawk parking lot ah chuan a ding a.Hlauh nak alaiin Ashley chuan min lo nuih char char a, ka lehkhabu tla chu ka chhar sawk sawk a, thinrim tak chung chuan bike awmna lam chu ka pan nghal hmawk hmawk a.Ashley chuan min rawn umzui nghal vata.

.

A helmet a phelh chiah chu ka ding nghal chawt a,ka thinrimna zawng zawng chu a reh nghal veka, hetiang hian ka awm lo thei lo a chhan chu kha ka mi hmuh thin party na a min hau tu kha ani tlat, hmeichhe pakhat hi a bulah chuan a rawn kal nghal vata,khanu party na a ka hmuh nu tho kha ani.An in zui ngawrh hle niin alang.Ngatinge hetianga ka awm tlat thin le?A reh duk ni mai hian ka hria.

.

.

" Cassie lo kal rawh, tihbuai chi an nilo" Ashley chuan min rawn kai a, min pawt dawr dawr a,thei leh thei lo chuan ka hawilet tang tang a , class ah chuan kan lut a, tlar hma lampang ah chuan Ashley chuan min kai phei a.

.

" Hetah hian thu rawh, i thin ala rim em?" tih pah chuan thuthleng ah chuan min nam thu a a,ka ngawi vung vung a thil dang daih ka ngaihtuah a ni.

.

" Hey..." a rawn tih chuan ka harh zawk a, " Kha...kha mite kha" ka ti bah nuai a, Ashley chuan min rawn thut hnaih te te a.

" Cassie thinrim mah la tihbuai chi an ni lo" zawi te in midang hriat hlau em em chuan a rawn ti a.

.

" Engvang ngawtin maw?" ka lo ti ha a.

.

" Enteh kha nu kha Headmistress fanu anih kha, chuan ka sawi awmzia chu i hre tawh mai em"phawk fe chuan ka en a, tha ka lo tih em em mipa amaw ka lo tih chu hmeichhia alo ni reng amaw,!!?

.

.

" eng..enge awmzia hmeichhia maw!!? " Ka ti ha a, Ni e nangni pawh ni ula in hre bik hauh lo ang a sam te a chhezia te chu mipa ang chiah chiah ani.

.

"Vespa Miller anih kha , kan party na kha a in ania.Mipa hlir a kawm thin a mipa ang chiah chiah ani mai bakah basketball ah pawh kan college chhuanvawr ania mipa tamtak ai pawn hmeichhia in an ngaizawng nasa zawk " a ti nghal zung zung a, mak tih hmel takin ka la en ha a.

.

" Anih hmeichhia kha?"

" A bialnu Cheng Wen a nih kha , cheerleader a nia kan college hmeichhia ah chuan a lar ber ang mahse ka ngei ania,Miller hian a play mai mai aniang saw an lo kal dun leh tawh saw" Ashley chuan khawngka lam chu a melh zeuh a , ka en phei nghal vata .Vespa Miller leh Cheng Wen te chu an rawn lut a.Miller chu ka lo en reng a ,a chhanchu mak ka ti ani a aw te a piante hi mipa ang chiah chiah ani. Tlar hnung ber ah chuan an thu dun a Miller-i thian thenkhat te pawh chu an rawn lut ve nghala, ka phur vak lo a chhan chu an bengchheng si a subject dang chu kan lak a inan loh ngei ka beisei.

.

.

Reivak lo hnu ah chuan Miss Zeta chu a rawn lut a ,thawm chu a reh nghal duk a , ka thaw nghal huai a " Vawin ah hian rawn kal thar kan nei a,Miss Alvom lo chhuak rawh le" a ti a, lectern bulah chuan ka va ding a. Ashley chuan min lo nuih ver ver a zah nak alaiin henu hi chuan min ti zak zual zel dawn anih hi

.

" Hi.. Cassandra Alvom ka ni a, Cassie tiin min ko dawn nia chuan in ngaihtlang tlaka kan inkawm ho theih ngei ka beisei " tih pah chuan Miller chu ka melh zeuh a,a hmui hnuai lam chu a liak zeuh a, min lo enreng avang chuan ka hawisawn nghal vata , ka lai nghal ringawt a,ka biang chu a tai nghal vekin ka ,ka thutna ah chuan ka thu leh nghal a.

.

" Miss Alvomi hi harsatna a neih chuan in lo pui dawn nia" Miss Zeta chuan a ti a, class chu a lak chhunzawm nghala.

.

Miss Zeta in lecture a pek lai chuan tlar hnung ho chu a bengchheng leh hle tawh a a ruk chuan ka ning takzet ani.Heng Chinese ho hi hetiang reng hi ami an anih le? Class a zawh chuan Ashley nen chuan kan chhuak nghal vata.

.

"ngatinge an bengchhen em em a, ka hretha thei hleinem lecture pawh" ka phun phei bul bul a.

.

" Nakinah chuan ngaiah i la nei mai ang, Miller te thian ho hi chu kan college an ti hming tha bawk sia zirtirtu te pawhin engtin mah an ti vak ngai lo" a tih chuan ka lo ner nanga.

.

"khawiah nge Min Yu hi le?" Ashley chu a hawikual , a ruk tak chuan a hmuh chu ka hlau hle a,mahse ka ngawi mai mai ta zawk a a chhan chu Ashley in zu nghei hi ka duh ber ani .

°

°

Ashley leh Chen Shi an inhmuh avangin lehkhabu chhiar pahin Step sir ah chuan ka thu a,ka coffee in lai chu ka bulah chuan ka hung ran a,vawileh khatah mi pakhat hi a rawn tlan chho a ka coffee no chu a rawn chhuih pawp a, coffee chuan min per pawp a,ka te nghal thawt a thinrim tak chung chuan ka hawi chho a.

.

" ka tihpalh"Miller chuan a rawn ti a,a aw pawh mipa aw ang chiah ani hmeichhia ani tih hi ka awih thei thlawt lo,tiang hi ni ve reng tura piang ani ngei ang.Thinrim ngaihna pawh ka hre tawh lo,en reng pah chuan ka thu ngawi reng a"mawl emai tawng nachang pawh hrelo" ati sap a, a tlan chho leh nghal a,ka in beng nawk nawk a "harh teh Cassie hmeichhia anih kha" tiin ka inhrilh nghal mawlh mawlh a, ka lu chu ka thing nawk nawk bawk a,bathroom lam ah inti fai turin ka kal nghala.

¶

¶

Zanah chuan khumah ka mu a, thil chi hrang hrang ka ngaihtuah a ka in let ka inlet a , tunah chuan Min Yu ah chauh hian rilru ka pek angai ani chuan ka lehkha zir lai hi ka dah pawihmawh hmasa ber tur ani tiin ka ngaihtuah a, ka thaw leh hak thin a.

.

.

Zingah chuan ka insiam peih fel vek tawh hnu chuan inhnuai ah ka chhuk a, tukin zing chu Ashley in min rawn kaihthawh loh avangin ka ngaih a tha chiah lo a, nutei chu ka zawt ta ringawta.

.

" Nute ,Ash hi a kal tawh ami?" kati a, a ruk tak chuan a kal tawh ang tih chu ka hlau ani a chhanchu Ashley tello a college han kal chu ka huphurh takzet ani.

.

" kal lo, tukin zing chu a nuam sam vak lo a college a kal theih hmel loh" a tih chuan ka tho thut a.

.

" a room ah kan han en chhin ange "tih pah chuan inchung lamah chuan ka tlan chho nghala. A room kawngka chu alo inkalh loh avangin ka lut nghal a, Ashley chu puan in a lo inkhuh tlat a, a damlo ve tak tak anih dawn hi.

.

" Ash... " a bul ah chuan ka zuk thu a, a rawn hawi chhuak a

" Cassie vawin chu lo va kal mai rawh" a tih chuan ka huphurh nghal ringawt a.

.

"Cassie hei Min Yu a rawn kal tawh ania" Nutei chuan inhnuai atang chuan min rawn au lauh lauh a.

.

" chu Min Yu a rawn kal tawh kal tawh rawh" a rawn ti tham tiak a.

" lo dam vat rawh, ka kal ania" tih pah chuan hreh tak chung chuan ka chhuaka.

.

Min Yu chuan a car kawngka chu min hawn saka " ka lawm e" tih pah chuan ka lut a, dik tak chuan Min Yu hi ka chungah a tha em em a a lakah hian sual thei pawh ka nilo.

.

" Vawin chu History class ah ka rawn kal ve tawh ang" a ti a, min rawn melh leh zeuh thin a.

" nia, class kal loh reng pawh hi a tha lo" tha deuh chuan ka lo ti a,kawng tluan chuan kan inbia a thil chi hrang hrang kan sawi a kan nui dun leh hak thin a Min Yu pawh ka nel phah sawt ani.

_____________________________

English class ka neih avang chuan class lam panin ka kal nghal hlawk hlawk a classroom ka thlen chuan Miss Maria chu a lo awm tawh a, luh ka dil a ka lut nghal a.

.

Miss Maria hi American lecturer kan neih awmchhun ani a , ani pawh in min duhsak ve hle thin ani, tlar hma ka chan loh avangin tlar hnung berah chuan ka thu a, ka bula thu chu ka va melh a kan inkar ah thutna pakhat a awl a " henu hi enge hetah a tih?" ka phun sap a ,Miller chu ka bulah chuan bawp duhdah zeta khawkherh pahin a lo thu a English lehzel pawh alo la ve zel amaw?Maimichhing chungin Headphone chuan hla a ngaithla a, lecture a ngaithla peih lo anih chuan class ah hian awm loh tawp tur ania. A bul ah chuan Cheng Wen pawh ka hmu tel ve nghala, Miller hmuh hi chuan a bialnu Cheng Wen hi ka hmu tel ngei ngei zel, a mei hi ani ringawt.

.

Miss Maria thil sawi lai chu note ah ziah luh ka tuma, ziah mai kan tum a ka pen chu a rang thei ta reng reng lo mai a ,ka han thing vak vak a vawileh khatah pentui chu a rawn per pawp a ka inring hman tawh lo ka bul lawk a thu Miller chu a hmai ah tak chuan a per pawp a, a rawn meng nghal kawk a, ka tih ni awm lo tak chuan ka lehkhabu chu ka en nghal vata.

.

.

Miss Maria chu a chhuak chiah tih ah chuan Miller chu a rawn tho thut a,ka bulah chuan a rawn ding a a kamis hak lai chu a phelh a, pentui chu a kai hniang bawk a a kawr chuan min rawn vawm pawp pah chuan

"fimkhur tawh ang che" a ti a, room atang chuan a chhuak nghala Cheng Wen chuan min rawn nuihsawh a Miller chu a zui chhuak ve nghala.

Ngatinge ka chet chhiat reng mai le? Nilo ka duh vanga ti kai pawh ka nilo ,a thinchhiat vanga khatiang awm kha anih kha.

.

.

Library lam chu ka pan nghal hlawk hlawk a, a chhanchu presentation ka neih dawn a, a tha thei ang bera inbuatsaih angai ani. Ngawireng in ka lehkha bu mamawh tur ang zawng zawng chu ka la a a bul a chair ah chuan ka thu a dawhkan ah chuan ka lehkhabu lak ho chu ka dahhnawk nuai bawka. Uluk tak chuan ka han in buatsaih a mahse ka rilru ah a lut thei ta tlat lo a chhanchu nui ri leh thawm ninawm tak tak ka hriat vang ani,a tir ah chuan ka hrelo der a mahse a reh lawk loh avang chuan

Ka tho thut a thawm lo chhuahna lam chu ka pan nghala.

.

" Khawngaih rakin in bengchheng lo thei angem?" ka tih chuan an rawn hawi phei thapa,Cheng Weni te thianho an lo ani, henu leh bawk chu ngatinge ka awmna apiangah a awm le?

.

"khawngaih takin helai hmun atang hian i chhuak zawk thei angem" Cheng Wen chuan ngeiawm zet chuan a rawn ti a, a thian dangte chuan min lo nuih ve bawka.

.

"helai hmun hi Library ania, bengchhen an phal lo asin" ka han ti leh a Cheng Wen chuan min rawn pan hnaia,a mit zim zet chuan min rawn en a "he college ah hian mithar i ni a, chuvang chuan midang ang hian awm ve hle hle rawh" ka awm ah chuan min rawn kawk a.

.

"Chhuak ru, helaiah bengchhen phal ani lo" Liberian chu a rawn kal a, ka bulah chuan a rawn ding a.

.

" Cheng Wen in thian ho hian Library ah tih tur engmah in nei lo chhuak rawh u"a rawn ti a, Cheng Wen chuan rum zeta min melh pah chuan Library atang chuan a chhuaka, a thiante ho pawh chuan an zui chhuak ve nghala.

.

Chapter-3

.

"nangpawh i bengchhen leh chuan ka chhuah tir ve ang che"Liberian in a tih chuan ka lo bu nghata, chair ah chuan ka thu leh a ka tihchhunzawm leh nghal char char a.

"Cassie ka lo thlah dawn che ami?" Min Yu chu ka ep chiah chair ah chuan a rawn thu a.

.

"awle, mahse kan ti zo phawt ange" ka ti a, Min Yu ruala haw ka chak vang nilo in keimaha haw ka peihloh vang zawk ani.

" awle" ati a, ka thil tih lai ka tih zawh hma chu ngawi rengin min lo nghak char char a,ning hmel pawh a pu lo.

¶

¶

"ka zo tawh e" ka lehkhabu chu ka khup a.

" anih chuan kan kal mai dawn ami?"atih chuan ka nuih ringawta .

.

Min thlah haw a, sana ka en chuan dar7 alo ri va tawh a hmanhmawh takin Ashley room ah chuan ka lut a, alo la mu bam a

" Ash i zia deuh tawh em?" tih pah chuan a pang chu ka dek a.

.

" umm...mahse ka lu hi ala na lutuk a" a ti sap a, a chang chuan ka nuih aza lek lek thin Ashley hi chu kan tet lai atang tawh khan lu na hlek pawh mutpui zel thin ani a, thi tur ang mai hian a tuar na thin ani.

.

" khua hi a vawt tan tawh sia chuvang a niang bakah boruak inthlak vang aniang i hritlan " ka ti a.

.

" Zanin chu min lo riahpui rawh ...umm..."inti khawngaihthlak chawp tih hriat deuh chuan min rawn melh a " Hey!Cassie ka damloh hi min duat ve ta che" vin deuh chuan a rawn ti a, ka lo nuih suk a " awle... ka rawn mu nghal ang mahse kan inbual lawk ange" tih pah chuan ka room ah ka lut nghal a.

*

*

A tuk ah pawh chuan Ashley chu college ala kal theih loh avang chuan keimahin ka kal a, a chhanchu Min Yu an min rawn hruai hma in kal ka duh ani

" Cassie"hawilet lo chuan hmanhmawh zetin ka kal nghal hlawk hlawk a.

"i va hmanhmawh awm ve" Min Yu chu ka bulah a rawn tlan phei a, ka tihngaihna hre lo chuan ka lo nuih suk ringawt a .

.

"tunah eng class nge i neih dawn a?" a rawn ti leh a .

.

" English ... ka hmanhmawh deuh a ka kal nghal mai ang" kal nghal chu ka tum a mahse Min Yu chuan ka bag chu a rawn la a " classroom thleng ka lo thlah ang che" ka bag chu a ak daih a lak let ka tum a,ka bag chu kan inchuh a. " Angai lo keimahin ka keng..." Miller chu a rawn kal chiaha ka ngawi nghal hmaka,vawikhat pawh min melh lo chuan min kalpel a,ka ngei lek lek.Nilo,engvanga min en loh vanga ngei nge maw ka nih le? midang pawh chu an rawn kal sap sap a lo tang tlat chi a ni tawh si lo "anih chuan tun chiah hi aw" ka tia Min Yu chuan min nuih suk a, Class thleng chu min thlah ta a.

.

Classroom ka lut chiah chu Cheng Wen te thianho chu ka bulah an rawn kal nghal a,eng buaina nge an neih leh tak ni?

" enteh u , henu te reuh te hian Min Yu te ang chhelo lutuk bag a ken tir vel anih chu" ring zet chuan a ti a, midang ho chuan min en hrek hrek hlawm a.Sawi tur pawh ka hrelo ka ngawi ta reng ringawta .

.

" Vawikhat mah Min Yu a hnaiah lo awm tawh suh ang che" pakhat chuan a rawn ti a, diktak chuan Min Yu hi ka nin zia hria se chu hetiang hian min ti peih hauh lo ang.

.

"Miller phei hi chu , sawi lo law law zawk ang".Cheng Wen in a tih chuan ka sa deuh zak a, Engvangin nge hmeichhia ka ngaihzawng teh lul ang,an mahni ang ka ni ve lo mahse buaina awm lo se ka duh avangin ka ngawi ta zawka Miller a rawn luh velah chuan Cheng Weni te thian ho chu an kal darh leh nghal veka.Cheng Wen hi Miller hian a duh ve pawh ka ring lo e a, a tum hmuk renga Cheng Wen hian khawi hmunah pawh a zui renga ngawi rengin a tih dan dan ang hian a awm tawp nimai in ka hria.

¶

¶

Class dar4 ah ka neih leh dawn chauh avangin intih thawven nan tiin college hmun thenkhat ah chuan ka kal kual vela .College Campus hi a zau em em a nikhata mahni a fang zawh chi pawh ani lo ani.An pangpar khawi te chu ka en kual a, khua chu a vawt tan deuh sur tawh a .Tuthleng pakhat ah hian hmeichhe thu hi ka hmu a ka va pan hnai vata

.

"hi, ..."a rawn hawilet thuta , chu nu chuan tarmit dum lian zet hi a vuah a inthlahrung hmel tak hian min rawn en chho ha a, a bulah chuan ka thu a a tawlhphei hret a, mi zakzum tak ani ngei ang.

.

"Min hlau suh, ka tina dawn lo che" ka han tih chuan ka tawng chu a hriat thiam loh hmel hle a, ni dawn tak..English a thiam lo aniang.Ka be char char a min chhang lo chuan a thu kun renga.

.

"enge hetah i rawn tih" English chuan a rawn ti a, ka meng phawk nghal kawk a.

.

" Ahh... ka hre bik lo, English i thiam lo amaw ka lo tia" ka ti bah nuai ringawta, a ruk chuan che chhia ka in ti hle ani.A ngawi leh reng tawh a , Ngatinge harsatna a nei ami le?

.

"Cassie ka nia" ka kut chu ka phar chhuaka, ka kut chu a en a min rawn en leh a lehlam chu a hawi daih a, za lo taka nuih suk pah chuan ka kut chu ka la let zal zal a.

.

"Xiao Lin ka ni e" a ti sap a, mahse ka lo chhinchhiah nghal vata.A awmdan atang chuan a hlauthawng tih ka hre thei a hetia a awm chhan hi zawt chak viau mah ila min hrilh duh dawn lo a ka hriat avangin ka zawt duh ta lo a.A bul ah chuan ngawi rengin ka thu a ka phone a games chu ka khel a, sana kan en chu dar 4:30 a lo ri va tawh a, ka tho thut a kal mai chu ka tum a ka hawi let leh ta hram a.

.

"ahh...ka kal tawh mai ange class ka nei dawn a " min chhan pawh ka rin loh avang chuan ka kal nghal nal nal a.

.

Ka locker a lehkhabu chu ka la a, corridor ah chuan ka tlai tawh em avangin ka pen hlawk hlawk a,midang chu an lut tawh ani ngei ang an reh thapa.Ka ngaih a tha lo lek lek zawk Cheng Wen ka hmuh chuan ban phenah ka biru nghala , Enge maw ka hriata ka bihruk ngawt le? kal mai chu ka tum a ka biru leh chiang kher mai , Miller leh Cheng Wen chu an infawp tawn tawn lai hi ka va hmu ta thut a.Min rawn hmuh ka hlauh em avangin chet pawh ka che ngam tawh lo a , ka din na ngaiah chuan ka ding khawng reng ringawt a.

.

"Hmun dangah an infawp thei mai lo ami le? college te chu chance neihna hmun pawh a nilo" ka phun sap a, ka awm chu ka dawm vang vang a ka thinphu chu a rang kher mai.Hetia ka din reng chuan a tha lo ang ka va bih dek dek a , Miller chuan Cheng Wen chu ala fawp reng a,An awmdan chu ka en reng a , ka phone chu ka thlauh pawp a " avan hun lo thei tak" phun bul bul pah chuan ka ti a ,chiang lutuk mai hian Miller chu a rawn meng kawk a.Chet ngaihna pawh ka hre tawh lo.

.

Min rawn hmu ani tih chu ka hre nghala, ka phone ka thlauh thawm ah chuan Cheng Wen chu ka lamah rawn hawi phei a tum a mahse Miller chuan a lo pawt her vata , min hmu ta lo ani.Ka phone chu ka char sawk sawk a an hlat thei ang bera kal turin ka tlan a , class pawh kal ta lo chuan ka haw ta ringawta.Miller khan chiang takin min hmu a,amah hmuh leh chu ka hreh ngawih ngawih tawh ani .

¶

¶

"Cassie tinge i va ngui ve?" inchhung ka luh velah chuan ka nutei chuan min lo zawt nghal vata.

.

" Ahh... chutiang engmah a awmlo , ka chau deuh a"

.

" anih chu , han inthlak la hei coffee ka lo siam sak ang che"

.

" awle, nute ...vawin Ashley enge a lo an a?"

.

"a dam tawh khawp kha, a rawn tho chhuak alawm ...ngaihtuah suh a dam vat mai ang" Nute in a tih chuan inchung ah ka chhoh san a Ashley room ah pawh lut lo in ka room ah ka lut a ,khumah chuan ka bawk thlawp a .Ngatinge ka ngui em em le ? a chhan pawh ka hrelo.

.

Ka nu ka bia a,Dinner ka ei zawh chuan a ngai te in ka presentation atan chuan ka inbuatsaih ngawrh leh hle tawh a.Ka han insawrbing tak tak hi chuan ka rilru a hah ani tih pawh theihnghilh thak khawpin ka zir thin ani.

.

.

"Kha coffee" Ashley chuan coffee no chu ka bulah a rawn dah a, ka harh nghal zawk a dawhkan bawh in ka lo muhil reng chu lo ni in .

" ka lawm e" ka ham bai bai a.

" khatianga lehkha i zir nasat te chuan i hmelchhe vek anga sin , i hmai te a bawl mai ang kha vang kha anih kha bialpa pawh i neih theih lo" Ashley chuan a ti tawn tawn a, ka nui chu a za kher mai Ashley hi chu ngaihdan mak deuh deuh hi a nei a, mahse a bula awm ti nuam tu ani.

.

" awle..ka hria e"

.

" College i kal dawn lo ami?"

" dawn e, ngatinge?"

" anih chuan i va tlai ve " sana chu ka en a,nilo nilo alo tlai tawh lutuk, ka tho nghal zawt a ka che buai nghal vek,ka phi chung tawh ani.

.

" Ash nang i kal dawn lo ami?"

" damlo te chu college an kal ngai lo" a tunah chuan a damloh na hi college kal peihlo chhuanlam ah a hmang leh ta ani maw.

.

" Anih chuan ka kawr hak tur min lo lak chhuah sak rawh" tih leh bathroom a luh ka rual a.Hmanhmawh zetin ka insiama Ashley chuan college thleng a car in min thlah a chuan a let leh ani,a peih ve ngawt mai. 

.

Ka thlen meuh chuan period khat chu a lo zo hman a, class ka neih mai dawn loh avangin Library ah ka kal a.Ka assignment thenkhat ka tih mawlh mawlh lai chuan hmeichhe pakhat hi ka hma ah tak chuan a rawn ding a ka hawi chho nghal vata.

" Xiao Lin.." ka lo nuih sanga, ka hma a chair ah chuan a rawn thu a , nimin a ka hmuh ai kha chuan a hmel chu a hlim sarh tawh a .

" Cassie ka lawm e"

" eng thil mah ka ti hleihnem "

.

" nilo, thil tamtak min tihsak ani nimin avang khan ka lawm lutuk"

.

"Engmah anih loh kha "

"Nangmah vangin ka nu vuina ah ka kal theih phah a ka lawm takzet ani" hriatthiam loh hmel tak chuan ka en ha a.

" ihh...englo ania ...sawi chi ani nge nilo chu ka hre lo a mahse nimin khan ka nu in min thihsan a , a vuina ah pawh kal duh lo in college ah ka rawn kal a hrehawm taka ka awm laiin nang chuan min be bawrh bawrh a ka lawm takzet ani" a tih chuan ka lainat hle a, kei hetah ka nu bula ka awm loh pawhin ka lung a leng em em a ,a ni chu a nu in a thihsan a ka lainat takzet ani.

.

"a pawi ka ti lutuk " ka ti sap a, ka hnuk chu a ulh nghal ringawta.A buaithlak ngawt mai tawrh chhel loh lutuk hi chu.

.

"nimin a i thil sawi kha ka theihnghilh ngai tawh lo ang " enge ka sawi pawh ka hre leh tawh lo, la hria niawm tak chuan ka nuih ta ringawta.

"ka lungngaih emaw harsatna ka tawk anih chuan tlanchhe lo in kan hmachhawn zawk tur ani i tih kha ka rilru ah a awm char char a ka nu vuina ah pawh huaisen takin ka awm theih phaha ni" a ti chuai raih a, a kut ah chuan ka vawn saka.

.

"engkim a tha leh vek mai ang" thiamlo tak chung chuan ka hnem a min lo nuih sanga.A kut chu a rawn phar chhuaka.Mak tih hmel takin ka lo en ha a

.

"thian kan ni thei angem niminah khan kan inchibai hman si lo a"

.

" haha...tehreng mai" ka ti a, kan inchibai a.

.

Chutia kan inbiak mawlh mawlh lai chuan Miller chu a rawn lut thut a, Miller library ah maw? hahh..ka awih thei lo.Ka piah lawk ah chuan a thu a, lehkhabu chu ngun takin a thlek a, ka va melh leh zeuh zeuh thin a.

" Cassie ,i duh tirawh"

" maw!"

" ah ...Miller saw" tih pahin a melh zeuh a.

" ah...haha...teuh lo lutuk ,chutiang lam ani lo" ka awmdan avang chuan Xiao Lin chuan min nuih ringawta.Ka awmdan hi ka inhrethiam tawh bik lo, Miller hi ka duh deuh niin ka hria.Ani thei lo hmeichhia anih saw..ka duh tur ani lo tiin ka inhrilh mawlh mawlh a, mahse amah ka hmuh a ka awmdan a danglam thin zia chu ka hai bik hauh lo.

.

"Xiao Lin kan kal tawh mai dawn ami?" heta ka awm reng chuan ka awmdan hi a dik thei dawn lo tlat .

"awle, i tih te chuan" mak tih hmel deuh hian min rawn en a.Kan tho a, kan kal phei pah chuan Miller chu ka melh zeuh zeuh a,ani pawh chu a rawn hawi chho ve chiah a , ka mit leh mit chu a intawng nghal a, ka mur nghal chuai in ka hria, ka hawisawn nghal vata,tiang em em a ka laih kha ka la inhre ngai lo.

Show post links

Top

ADVERTISEMENT (A hnuai a milem hi a nia hmeh zeuh tur chu)

Ngaia

Site Admin

Quote

Post October 16th, 2016, 1:21 pm

IMG_20170126_234332_817.JPG

IMG_20170126_234332_817.JPG (56.34 KiB) Viewed 6387 times

http://storyfb.com/viewtopic.php?f=6&t=2118

Chapter-4

.

Class a zawh velah chuan Cheng Wen i te thianho in min tihbuai leh ka hlauh avangin hmanhmawh takin ka kal hlawk hlawk a,ground ah chuan Min Yu chu ka hmu thuta min rawn hmuh ka hlauh em avangin ka tlan let thuta ka hma ah chuan bike var hi chak zet hian a rawn tlan phei ve chiah bawka ,ka tlan let thut avang chuan min sut a hlau ani ngei ang a kawi pawp a, bang chu a su nghal chawrh,ka te nghal thawt a.Ka hlauthawng takzet ani.Ka ka chu ka hup a ka khur nghal der der a.

.

Bike awmna lamah chuan ka tlan phei nghala,midang ho pawh chu an rawn tlan khawm sap sap a.Ka hlauthawng bawk si a thi anih chuan mawh ka phur ngei dawn si ka mittui chu a tling pam tawh a.

"engtin nge ka tih tang ang ?" tih pah chuan ka thu a, bike chu an rawn chawi kang a a khalh tu a rawn tho chhuak a,Lalpa leh ka lawm lutuk a thi lo hlauh ,a inti na lutuk lo tih chu ka hre nghal a, a helmet a rawn phelh chiah chu ka meng phawk chiang ngei mai Vespa Miller leh bawk maw!!

.

" i ban...i ban a thi ania" ka hamhaih nghal vek a, a jacket hak ban chu a thler veka thisen chu a far nghal zawih zawih a,a ban kak chu ka hmu chiang kher mai min rap takzet ani.Nilo Cassie rap hun pawh ani lo, amah chu ka han en chhoh chuan a na ti chu a lo then tlawk tlawk a.

" damdawi in ah hruai ang u" tih pah chuan a ban ah chuan kaih ka tum a, a lo paihthla nghal thuai a.Ka ngei leh hnuhnawh a a chhanchu hlauthawng em em in ka awm a,ka thiam ang tawkin ngaihsak ka tum a ani lah chuan ngaih sak pawh a duh lo amaw!! ka ngaihsak awm bik lo.Chutiang ngaihtuah suh i mawhphurh na a nih hi , a lo na viau anih phei chuan buaina ka tawk ngei ang tiin ka inhrilh nghal mawlh mawlh a.

.

A thiante chuan an rawn kuah a, a ke chu a bai aih aih bawka car chhungah chuan an luhtir a damdawiin lam pan chuan an tlanpui nghal a ka thaw huai in ka hria.Chutia an tlan liam takah chuan midang ho chuan min melh hrek hrek hlawm a ka awm chu a nuam chiah lo.Engmah thleng lo niawm tak chuan ka awm ta ringawta.

.

.

Inah ka haw a mahse ka rilru a nuam thei chuang lo, engtin nge a awm tak ang le? ka hmel hi a hriat tawh loh ngei ka beisei mahse keimah vang khan accident a tawk ani a ngatinge ka lo tlan let kher kher le? Cassie i thluak hi hmang ve teh.Keimah leh keimah chu ka inbeng nawk nawk a ka hlauthawng takzet ani.

.

Ashley room ah chuan ka cho a ka hmel ngui tak a hmuh chuan thil dik lo a awm tih a hre nghala " Cassie i kawr ah thisen a kai ania?" mangang tih hriat tak chuan min rawn melh ha a.

.

" ihh... Ash Engtin nge ka tih tak ang?" ka ti sap a Ashley bulah chuan ka thu a.

" engthil nge thleng min hrilh vat rawh" .

.

"ih. ka ...ih.. Miller"

.

" eng nge Miller chu?" a lo ti vata

.

" keimah vangin Accident a tawk a"

.

" Eng a!!!?.." a au nghal tuarh a.

.

"Min Yu an min hmuh ka hlauh avangin ka tlan let thuta bike in a rawn tlan ve chiah bawk sia min sut a hlauh avangin a kawi thut a chuan bang a su a " ka tih chuan Ashley chu a mangang ngei mai.

.

"Headmistress in a hria em?"

.

"tunah chuan a hre tawh ang mahse ka thiamloh pawh ani bik hleinem" ka han in hnem chawp a Ashley chuan ka ban ah chuan min rawn beng pawp a.

.

" i van mawl tak, awi.. college kal tawh lo mai rawh...nilo i kal angai bawk si .Hrelo der la an hriatchhuah che chuan ngaihdam i dil mai dawn nia" Ashley thurawn min pek chu a chhe hlawm ngei mai.

.

" tihdan dang a awm lo ami?" ka han ti leh a.

.

"awmlo, bihruk ani mai" teh thlawt chuan , mangan tawh nak alai in ka rilru ati buai zual vek in ka hria.

.

"naktuk chu college ah ka kal tawh ang, midang pawh an ni thei tho sia ngatinge ani kher...Vespa Milleri kher henu hi chu tuman an tibuai ngam lo asin"Ashley thusawi chuan min hnem lo ngei mai ,min ti a thei takngial dawn.

.

"presentation atan ka inbuatsaih angai, ka kal mai dawn" tih pah chuan ka chhuaka,intih thawven ka ngai ani,tiang renga ka awm chuan ka rilru a hah telh telh dawn in ka hria.Lehkhabu ka la chhuaka kan thaw halh thin a ,ka lehkha zir lai ah chuan rilru pek ka tum takngial pawn ka thei lo,hlauhthawng na in ka khat ani.

*

*

A tukah chuan phur lo tak chungin Ashley nen chuan college kan kal a Ashley pawh chuan min hlauhthawn pui ve hle a, hlau hle mah ila ka tlanchhe reng thei chuang si lo.

.

"Cassie Chen Shi an min ko a History class ah kan inhmu dawn nia bye" engmah pawh ka sawi hman lo a kal nghal daih a

"Cassie" ka phu zawk a, mahse Min Yu ni tih ka hriat chuan ka thaw nghal huai a.

"Classroom thleng ka lo thlah leh ang che" inthlahrung tak chung chuan a rawn ti a mahse tun tum chu ka hnar lo chiang kher mai " awle" phur tak chuan ka lo ti vata,ka awm dan chu mak ti takin min en renga mahse ka hrelo der tlat ani.

.

"helai thleng hi ani mai" Min Yu chuan a ti a classroom a ka lut tur chu ka ding chawt a Miller chuan chiang tak mai hian min rawn melh a ka khur chiang ngei nghal der, damdawiin ah awm tur ani si a.

" Min Yu" Ka ko let leh a

.

" Enge ni?"

" vawin chu class ka kal leh dawn lo a, lengkual ila" ka ti ta ringawta,nidang chu nise ka hmuh velah ka tlanchhe ngei awm si a mahse Milleri hi ka hmachhawn ngam thlawt lo ani.

.

" awle, i tih te chuan" Min Yu chuan mak tih hmel takin min en ha a, a ban ah chuan ka kuah a ka kalpui nghal dawr dawr a.

.

Nileng in class kal lo in Min Yu nen chuan kan leng ta ringawt a,movie te kan en a hmun nuam tak tak ah min kalpui bawka ka rilru hah lutuk pawh kha a zia deuh in ka hria.Tlai ah chuan min thlah haw a ka room a ka lut chiah chu Ashley pawh a rawn lut ve nghala.

.

" vawin ah khawiah nge i kal?"

.

" ka leng a" ka nui suka .

" ani maw!! Min Yu nen ami?" ka lo bu nghata.

.

" i duh tawh ani maw?"min rawn chhaih a,leng dun mah ila Min Yu hi ka la duh chuang lo ani.

.

" chutiang lam ani lo" ka lo ti nghal vata, a awi loh hmel em em lehnghala.

" thian alawm kan nih "

.

" inngaizawng vat ru , i tih bam chuan zu ka in leh ang...ka in chak tawh zia hi i hrethiam lo ang"

.

" ka hria ka hria, mahse hun ka mamawh"

.

"haha....ok mahse Min Yu rilru hi ti na miah suh ka thian neihchhun anih hi Chen Shi nen kan in hauh pawh in min hnem tu ber ani thin a, a rilru i tih nat hi ka phal dawn miah lo ania ka vau lok che anih chu" min rawn nuih ver ver a ,mahse a thutak hle tih chu ka hai hauh lo.

Show post links

Top

Ngaia

Site Admin

Quote

Post October 16th, 2016, 1:21 pm

" Cassie" Xiao Lin chuan min rawn ko a ,ka lo nuih sang a .

.

"kal rual ila" a rawn ti a

" Awle" tih pah chuan classroom ah kan lut a.Tunah chuan Ashley awm lo mahse thian ka nei tawh a, Min Yu pawh ka ngaina chho tial tial a a chang phei chuan dinner te kan ei dun thin hial ani mahse thian ang bak in ka en lo a ani. Xiao Lin nen pawh hian kan inmil nghal em em a .Kan thusawi duh zawng te leh ka lehkhabu chhiar duhzawng te chu a inang em em a , ka inkawm deuh chawt tawh ani.

.

.

2 weeks later:

.

Ka locker chu ka hawng a ka hawi kual nghal hrek hrek a a chhan chu Miller chu college a rawn kal tawh tih ka hriat vang ani " i va hawi nasa ve" ka lehkhabu ken lai chu ka thlauh nghal thuai a,ka hlauh ang ngeiin Miller chu bang nghengin a kekawr ipte zen chung hian a lo ding reng a,ka nuih tlawn ta ringawta a la nui duh miah lo zui.A hmai vel chu a la duk kual rai a keimah vanga duk anih tih pawh ka hai lo chiang kher mai.

.

"class ka nei a ka la mai ang" ka locker chu ka khar chawrh a kal nghal chu ka tum a

"ka bike i tihchhiat man leh ka ban i tih nat man chu i chawi ngei angai ang " ka bulah chuan a rawn phei a ngeiawm zet hian min rawn nuih a biangsum ala nei zui .A biaksum pawh hi a phulo a ngeiawm emai.

.

"i ban ka tih nat loh kha"

.

" mahse nangmah vangin ka accident alawm" locker chu ka nghenga,ka hma ah tak chuan a rawn ding a, kal ka tuma a ban chuan min dang bet tlata.

.

" awle awle ka hria e, ka...ka rul vek ang che , engzat nge i duh?" ka lo ti nghal vata.

.

" hmm... tam lo te i hriathiam dan turin ka bike kha $ 232,500 man ania min pek theih dawn loh chuan police ah ka report ang che"

.

" Engmaw? $232,500 maw !! " ka meng phawk nghal kawk a "ava to em em ve" ka ti chuai raih a, chutiang zat a tam pawisa chu khawiah mah ka nei dawn si lo engtin nge ka tih tak ang?

.

.

"chutiang zat zat pawisa chu engtin nge ka neih tak ang? khawngaih takin police hnenah chuan report lo hram rawh ka ngen a che " ka hlauthawng takzet tawh ani.

.

"ka hre bik nang...Ee...tihian ti mai ang pawisa min pek theih dawn loh chuan ka chhiahhlawh ah tang mai rawh ka ngaidam thei ngawt si lo che a" tih el deuh chuan min rawn nuih a ,ka lo melhrum nghal vata.

.

"engtik ah mah i chhiahhlawh ah ka tang lo ang" ka lo vin let ve hlar a.

" anih chuan Miss Cassandra Alvom police hmachhawn turin lo inring rawh zanin chiah hun ka pe ang che option pathum i nei pawisa chawi nge jail a tan nge ka chhiahhlawh a tang" min nuih suk a a kal daih a avan ngeiawm chiang tak.

.

.

.

Ka khum ah chuan ka thu ran a ka phone chu ka khawih niap niap a, a chhan chu ka nu ka call leh call dawn loh ah ka rilru a buai ani.Ka nu hi pawisa dil ta ila...nilo nilo ka dil thei lo ang.Mahse kha nu chhiahhlawh ah khan ka tang thei ringawt bawk si lo.Ka nu chu ka call ta ringawta a lo la nghal vata.

.

" Hello, bawihte"

.

" nu ih englo ania" ka tawng tawp chat a

" Enge ni?"

.

" nu ka ngai lutuk che" ka ti ringawt a, khatiang zat zat pawisa kha ka dil ngam thlawt lo ani chupawh mi accident ka tawh tir vang lehnghal in.

.

" Keipawh ka ngai lutuk che , kan rawn kal thei tep tawh ang lo la awm hram hram la"

.

" awle nu tih tur ka ngah lutuka, nih phawt aw"

.

Show post links

Top

Ngaia

Site Admin

Quote

Post October 16th, 2016, 1:22 pm

" ka hmangaih che bawihte"

.

" keipawhin ka hmangaih che" phone chu ka off a, ka inngaihtuah char char a a tawp a tawp ah thutlukna ka siam fel ta a.

*

*

A tukah chuan college chu hreh zetin ka kala, Ka locker bulah chuan Miller chu a lo ding renga ,ka hmu velah chuan midang awmloh na laiah chuan ka kai dawr dawr a mahse a ban na lai tak a ka khawih fuh avang chuan a ner nghal sawka, ka thlah nghal vata.

.

" ka tihpalh lutuk," ka ti chuai raih a.

.

" anih chuan enge i chhanna chu ka chhiahhlawh a tan chu ami?" a van hrethei tak ka rilru a hria ami le? duhthlan tur dang ka nei lo, a chhiahhlawh a tan mai loh chu.

.

" teuh lo ka tang dawn lo hrim hrim" ka lo vin let hlar a .

.

" anih leh le.police kan call ange"

.

" nilo...khawngaih takin police call lo hram rawh i chhiahhlawh ah chuan ka tang ang " enge maw ka sawi le? Henu chhiahhlawh ah hian ka tang ang maw?!! police man nge chhiahhlawh a tan ? duhthlan tur dang ka nei chuang lo.

.

"ti daih tawh tur kha alawm chuan Miss Cassandra.."

.

" tikhan nin ko suh Cassie min ti ve mai rawh" ka lo ti hmuk a, ka nu pawhin ka hmingpum hian min ko ngai lo a ka la na deuh hlek ani.

.

" ka thu thu,anih chuan Cat... Miss cat"avan sual thiam tak cat maw!! zawhte ka ang viau ami le? theih chu nise pet pawp ka chak " i hna hmasa ber tur chu ka assignment min tih sak vek zel ang " ka lo ner nanga mahni assignment tur pawh reife ka buaipui thin kha ani a tunah a ani assignment leh zel maw?

.

" awle .. tuman he thu hi an hre tur ani lo" ka hawi kual a " chuan ka hming in min ko thei angem?" ngeiawm zet chuan ka nuih let saka

.

"tuman an hre lo ang ..."a rawn kun hniam a "i hminga koh i duh loh kha CAT" a nui suk a.Min koh dan chu ka lungawi lo takzet ani ka ner leh nang thin a tih theih ka nei der bawk si lo.

.

" chuan thla 4 chhung ka chhiah hlawh ah i tang anga"

.

" engmaw!! thla 4 ahh..."

.

" aw, buaina a awm ami?"

.

" a rei emai thla 2 ni rawh se"

.

"thutlukna siam tur chu nang nilo in kei ka ni" amah chu a in kawk a " thla 4 .."

.

" ai thla 2" ka lo pawt chat nghal a, a thaw hak a "awle thla 3" thla 3 ala ti hram a ,avan luhlul reuh tak"thla 3 chhung anih loh chuan thla khat jail ah i tang tho tho ang chuvang chuan thu awih mai rawh, i hna chu i ti nghal thei ang" tih pahin a lehkhabu chu min rawn pe a , a kal nghal daih a.

Show post links

Top

Ngaia

Site Admin

Quote

Post October 16th, 2016, 1:22 pm

IMG_20170126_235936_637.JPG

IMG_20170126_235936_637.JPG (95.93 KiB) Viewed 6385 times

Chapter-5

A link nen lo chuan khawiahmah copy/paste phal a ni lo.

A link nen a share dan

viewtopic.php?f=2&t=917

A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...

Copyright © Remruati

All rights reserved

http://www.storyfb.com

.

"Cassie i insiam tawh em?" Ashley chu ka room ah chuan a rawn lut a,ka assignment tih lai chu a rawn la a.A en vang vang a

.

"zanin chu ka lo kal lo mai ang" party na a kal chu chak hle mahila ka kal thei tlat si lo.

.

"weekend a nih hi tun ang hun ah te chuan tuman lehkha an zir bik lo ang" Ashley chuan lungawi loh hmel zet chuan a ti a, Ni e party turin ka hman thlawt lo ani ka assignment chauh pawh a tam em em laiin khanu assignment min tih tir vang vek kha .Vawin nilengin ka bei tlak tlak tawh a ka la zo thei chuang lo, ka kham tawh takzet ani.

.

"monday ah submit angai a, ka zawh hman ngei ngei angai , a lehpek ah ani mai umm..."

.

" Keimah chauha kal ka duh bik hleinem bakah chawl ve tawh em em rawh " Engmah hi a hre si lo a, ka hrilh anih chuan Ashley thinrim in buaina a siam mai ka hlau bawk si ,kha accident kha ka thlentir ani bawk si engkim hi a buai zo vek tawh.

.

" a lehpek ah chuan ka hman tawh tak tak ang "

.

" anih chuan ka kal mai ang,a tlai tawh sia ka khawngaih lutuk che weekend ah pawh i chawl thei si lo a" min rawn kuah a,a chhuak nghala a.

.

.

Zing dar4 ah pawh chuan ka la bei tlak tlak a, intih harh nan coffee ka in zeuh zeuh bawk a, ka mut chhuak lutuk chu dawhkan ah ka bawk thlawp a ka muhil nghal vata.Ka harh leh chuan khua alo var uarh tawh a, ka han zi mar vela, inphih fai turin bathroom ah chuan ka lut a.

.

.

Towel chuan ka hmai chu ka hru mawlh mawlh a, towel chuan dawhkana ka coffee inbang dah chu ka vai baw palh hlauh !!, ka te nghal tuarh a.

" nilo nilo.." paper ho chu ka thing nawk nawk a,engmah hmuhtlak a awm tawh lo a bul atanga tih that leh vek angai dawn ani hi , mahse naktukah ka zo hman kher angem? Tunah chuan ka tlaivar ngei angai tawh ang. Ngatinge vanduaina hian min umzui bik reng le? ka tah te chu a chhuak ngawih ngawih a tah hawm hawm mai chu ka duh ani.

.

.

Chair ah chuan ka thu a, ka indawm kun vang vang a , ka thaw leh halh thin a .Hetianga ka awm reng anih chuan ka zo hman lo ang, ka tho thut a hla ring zetin ka play a, assignment ho chu a bul atangin ka ti tha leh nghal char char a.Dinner pawh ei lo in ka thil tih lai chu ka tih chhunzawm char char a,ka room ah eitur an rawn dah tawp ani.

" ka zo ta "ka nui ver ver a, sana ka han en chu zing dar7 a lo ri va tawh a, ka ham bai bai a khum ah chuan ka bawk thlawp a ka muhil leh nghal a.

*

*

Ka phone ri chuan min ti harh zawk a, meng mang lo chuan ka la a

"ka nghak reng che ania"

.

" tinge?"

.

"assignment kha ka nghak reng ania"

.

" eng assignment?"ka mut a chhuah em avang chuan ka la muhil deuh reuh a.

.

"minute 10 hma a i rawn thleng lo anih chuan thla 1 ka pawtsei ang" a tih chuan ka harh kawk a, ka thu nghal zawt a, Miller ani tih chu ka hai lo chiang kher mai.

.

" Engtin nge ka number i neih theih?"ka ringhlel lek lek a, phone chu ka en leh thin a.

.

"i hriat ve zel a tul lo, minute 8 chiah i nei tawh ania" phone chu a dah daih a.

.

" Hello, hello" engtin nge minute8 chhungin college ka thlen hman anga? Ka tho vata, ka insiam nghal sawk sawk a hmanhmawh takin taxi ka phar a ka kal nghala.

.

College ka thlen velah chuan ka tlan nghal char char a,vawin chu vans ka bun a , ka confi lo takzet ani. Ka locker bulah chuan Miller chu ka va hmu a hmanhmawh takin ka tlan phei nghala ,a bul ka thlen chuan ka thaw hlawp hlawp a.ka hah takzet ani.

.

" minute 5 in i tlai ania, mahse ka ngaidam ang che"tih pahin ka assignment tih sak chu min rawn lak sak pawp a, min dil ve mai tur ania hawihhawm lo leh lutuk mai.

" vawin nilengin i hmel ka hmuh loh ngei ka beisei" ka lo ti ve nghal zata, min rawn en a a nui suk a.

.

" i sam te hi khuih ve ta che ,khawi lo kal teh" tih pah chuan min pawt pawp a, ka sam pheng nuai chu a rawn chul mam a.Chet ngaihna pawh ka hretawh lo , ka lo dawh tawp ani.

.

" ti kha chuan a zia deuh, i hmel in a zir lo hrim hrim anih hi" a tih chuan ka lo ner sak a, ka tawlh hnung nghal vata.Amah vangin ka sam pawh ka khuih hman lo a fiamthu nan ala hmang zui ,engmah hi a hrethiam ve dawn lo anih hi.Ka mut a chhuak bawk si ka hah bawk si a ka thin te chu a rim tun tawh a

.

"hmeli , kalbo nghal rawh" Miller nen chuan kan hawi phei rual a, Cheng Wen chuan rum zet hian min rawn melh a ,ka hma ah tak chuan a rawn ding a

"vawikhat mah Miller bulah hian awm tawh suh ang che"min rawn kawk sawk sawk a, ka lo ngawi renga a chhanchu han sawi mai tur ka hrelo ani.

.

" Wen kal ang" Miller chuan kaih a tum a, Cheng Wen chuan a lo thing thla nghat vata" henu hi thutha hrilh angai, anu leh pa ten an zilh ngai lo anih hi Helai hi i awmna tur hmun pawh ani lo American mi chu in ramah awm rawh helai ah nilo in" a tih chuan ka sa nghal zak a, ka mittui chu a rawn tling pam a.Diktak chuan helai hmun ah hian ka duh vanga awm pawh ka ni lo a chuan Miller bulah pawh hian ka duh reng vanga awm pawh ka ni hek lo , ka rilru chu a na em em a engmah sawi loin hmun fal lam pan chuan ka tlan nghal hlawk hlawk a.

.

.

Kil khatah chuan ka thu a , ka lu chu ka khup ah ka nghata ka tap nghal hawm hawm a , ka nu ka ngai takzet ani.Helai hmun atanga hla taka awm chu ka duh a mahse ka thei si lo.Tet lai atanga tawha duat rawn ka ni a ka pa phei chuan tawngkam vin in min be ngai lo a chuvang chu ani ngei ang ka tuar a zuau in tawngkam na deuh hlek ah chuan ka rilru a na thei em em a, ka tahpui hial thin ani.

.

" I tap zo tawh em?" chu aw chu ka hriat chuan ka hawi chho duh miah lo a, a chhan chu Miller anih vang ani.Enge helai hmunah hian a rawn tih, Ngatinge min zui reng le?.Ka thut dan ngai chuan ka thu renga , ka bulah pawh chuan a lo ding ve reng bawka an kalsawn mai loh avang chuan ka ding thuta ,a san em avang chuan ka chho en ha a, ka mit chu ka tahna avangin a sen ram bawka.

.

"assignment tih tur i nei leh tawh ania chuvang chuan tap tawh suh" a rawn nui suk a, ka ngei zia hi a hrelo aniang tunah tak phei hi chuan pet pawp ani ka duh ni amah vangin tawngkam tha lo tak tak ka dawnga ka kham tawh takzet ani.

.

" tun atang chuan college ah assignment ka tih sa ka pe tawh lo ang che , chuan min hmel hriat ang pawn awm tawh suh buaina ka duh tawh lo" ka ngaihdan diktak chu ka sawi a, ka sawi lai chuan min lo en renga,thinrim lo phei ila chu ka zam chhe leh der tawh ang.

.

.

" anih chuan ka inah min rawn pe dawn tihna ami?" a van sual thiam tak, " teuh lo college pawnah tuma hmuh loh in ka pe tawh ang che" ka ti tawn tawn a, ka awmdan avang chuan min lo nuih a.

.

" Ok.. anih chuan " a ban chu a phar a "i tih dan dan le" a rawn kun hniam a,a perfume rim chuan min zem nghal chem chem a ,ka a vek in ka hria,ka kut chuan ka lo indang a " Cat" a rawn ti leh hrama rum zetin ka melh a "I bialnu kha lo hrilh rawh ka duh lo che tih hi" tih pahin ka kalsan nghal nal nal a.

.

Kar khatah vawi hnih zel Miller-i assignment chu ka tihsak ta ziah a tunah chuan ngaiah ka nei tawh.Cheng Wen in min hmuh ka hlauh avangin college ah nilo in assignment ka tihsa chu ka pe thin a ,a chang chuan a ka kal tlai thin em avangin class a pek chang te pawh ka nei thin ani.

.

_______________________________________

Zana ka mut mang loh avang chuan ka lu chu a na bur a, ka mit chu a sen ram bawka, a hma angin ka sam te chu ka pawt ngil peih tawh lo a, pawr deuh hian ka tawn tawm tawp zel ani.Ham bai bai pah chuan assignment kan inpek na thin ah chuan ka thu a,khua a vawh avangin ka scarf chuan ka lu chu ka khuh a,ka thaw khu ham ham a, ka mut lah chu a chhuak em em lehnghala.

.

." ava rawn thleng har tak" sana chu ka en zeuh zeuh a, ka hnar leh biang te chu a tai vek tawh a .

.

" Hey Cat" ka mitmu chu ning hmel zet hian ka ti kual a " kha i assignment" tih pah chuan ka pe a ,min lo nuih suk a ka lo ner nanga.

.

"tinge i mit chu , ramhuai te chi te pawh i ang alawm" hetianga ka awm nachhan hi amah vang ani, "ka chau ania, min kalsan teh" amah hnial tur pawhin chakna pawh ka nei tawh lo.

.

"lo kal teh"tih pahin min kai hlawk hlawk a.

" Enge maw i hriat le, min thlah rawh"ka lo tang ve tlata, mahse a chak em avang chuan min pawh na lam lam ah chuan ka kal tawp a.A bike ah chuan a chuang a,a bul ah chuan ka ding reng a

"chuang rawh" tih pahin a helmet chu a khum a, bike chuan ngai loh nak alaiin pawnfen chhing ka la feng zui ka van chuang awm lo.

.

" ka duh lo" tih pahin ka kal tum a, ka ban ah chuan a rawn vuana,min man bet tlata

"ka chuan tir kher che angai ami?"min chuantir lui leh duh tak tak ang, ka hawi kual a kawngkal dang an awm ve avang chuan in tih zah ai chuan tiin chuan chu ka tum a mahse buaina a awm tlat.

.

" mahse..ih.. " engtin nge ka sawi tak ang, bike ah ka chuang hlau tih hi

" Vat.."

"englo ania...bike ah ka chuang ngam lo" ka tih chuan a nuih a za kher mai," ka chuang ngai lo ani ve mai alawm" ka ti sapa

"chuang phawt rawh" a tih chuan hreh tak chung chuan ka chuang ve mai a,pawnfen nen chuan awlsam lo tak ani.Ka scarf chu a rawn pawt thla a " hey min rawn pe let vat rawh" ka lo ti vin hlar a .Ka scarf chu ka kawng ah a rawn vet kual a, a kawng ah vet kual ve leh in a suih a.

.

"ti kha chuan i tla tawh miah lo ang" min rawn nuih a, ka kut chu a rawn vuana"a vawt vek anih hi" bikers golve lian zet hi min rawn bun tira ,ka kut hit lutuk pawh kha a zia deuh in ka hria.Ka thaw khu ham ham a, engvanga hetiang khaw vawt lutuka pawnfen feng nge maw ka nih le?

.

" min rawn kuah rawh, chuti lo chu i tla ang" a rawn ti a, ka in kuangkuah hmaka runluih hi chu a nuam ve hrim hrim."min kuah duh loh pawhin ka jacket ah hian vuan rawh" " ka van kuah awm lo..." chak zet chuan a tlan thut a, ka sawi zawh hma hma chuan ka kuah a, ka kuah mai pawh ani lo in a hnungah chuan a beh in ka bet ani ber.A tlan chak si a ,ka hlau lutuk chu ka maimichhing ta ringawta.

.

"kan thleng tawh ania" a tih chuan ka harh zawka, ka lo la kuah bet tai a ,kan kawnga a scarf tawn beh chu a phelh a ka tawlh hnung nghal vata bike atang chuan ka chhuk tla nghala .

" i inah maw?!!" a hma a kan party na hmun ngei kha ani

.

"min lo zui rawh" tih pah chuan inchhungah chuan a lut a , khua a vawt bawk si a ka zui lut ve nghala .Room heater chu a on a ka vawt ti lutuk pawh kha a zia sawtin ka hria.

.

A inchhung chu ka rin ai daihin a zaua , kan party kha chuan a thim em avangin engmah kha ka hmu chiang thei lo a, tunah chuan tumah an awm lo bawka a faiin a nuam takzet ani.Chhawng hnih lek ani a,inchhung bang leh chhuat te chu a var vek a Chinese in atana ka lo suangtuah nen chuan inang lo tak ani. A in hnunglam chu darthlalang vek ani a, vur rawn sur seng seng chu ka hmu thei a, a mawi takzet ani.

.

"hmm... coffee " coffee chu min rawn pe a, ka lak hma chuan ka en vung vung a, engvanga hetiang hi ka chunga ti nge maw anih le? min duh ami ? nilo chutiang ngaihtuah suh.

.

" Enge hetah kan tih dawn ?"

.

"lo kal teh" tih pahin darthlalang hma ah chuan min ding tira ,mak ti tak chung chuan darthlalang ah chuan ka in en a.

.

" han in enteh, i mit hi en rawh class kalna chi ani ami?" ka mit chu ka en a, a bui in a sen ram bawka "Chuan i thawmhnaw hak hi, tun ang vur sur kara hak chi ani em?" ni e, vur a sur dawn tih pawh hre lo in pawnfen chhing ka feng kha ani a," vur a sur dawn tih ka hre hleinem" ka lo ti vata.

.

" kha vang tak kha a lawm i thluak i hman angaih ,i hmui pawh a duk vek tawh vawt i ti anih kha ,coffee hi in rawh" atih chuan coffee chu ka la a, ka han in khalh khalh a ka nuam sawng sawng in ka hria.

.

" muhil rawh,i mut kham lo hmel hi ka hmu peih lo"

.

"mahse class ka kal lo ringawt thei hleinem,college ah min dah leh rawh" ka hriat chhuah thut avang chuan ka han ti a.

.

" awle, mahse i mut phawt angai ang, i thawh velah college ah chuan ka thlah leh ang che"thutak deuh chuan a rawn ti a.Ka mut a chhuak ve tho bawk si avang chuan mut phawt chu tha in ka hria a, mahse Miller-i inah nilo..

.

"i inah ka mu duh lo,inah min thlah phawt rawh"

.

" i hmuh ang hian vur a sur a" ngeiawm zet chuan min rawn nuih a,ni dawn tak engtin nge ka theihnghilh theih zawk.

.

"thil tih tur ka nei a, i duh duh na ah khan lo mu mai rawh" puan sin tur min rawn pe a,a chang hi chuan a nelawm leh em em a, mahse a tam zawk ah hi chuan biak hi a huphurh awm ngawih ngawih ani.Inchung lamah chuan min chhoh san a ,inchhung vel chu ka enkuala ,thlalak intar te chu ka en kual a ka nui leh hak thina.

.

" a ina mu turin min ngaia, chutiang em em a hniam ka ni lo mi ina mu mai mai thin pawh ka ti lo" tiin ka phun sapa ,couch dup nuam takah chuan ka thu a ka ham leh bai bai thin a.

.

Earphone chu ka phone ah ka connect a,Labrinth hla Jealous chu ka play a Hla lah chu ka replay tluk tluk a couch ah chuan thatchhe deuh hian ka thu a , ka hla play chuan min awi muhil lek lek a ,rei pawh ka thut hma chuan ka muhil nghal a,mu lo turin ka indang thei tawh thlawt lo ani.

*

*

Ka harh a meng tha hmang lo chuan inchung var vek ka hmuh chuan Miller-i inah ka la awm tih chu ka hre nghala, kan han zi kual vela mut ka kham em avang chuan ka nui leh ver ver thin a,ka ban chu ka han vai vela sana ka en chuan zan dar7 a lo ri tawha ,ka harh nghal kawka ka mutna atang chuan ka tho chhuak zawka ,

.

"nileng zankhua a mut i tum ami?" ka phu zawka ka ep chiah ah chuan Miller chu bawpkhawkherh in thatchhe zet hian a thu a inkuangkuah chungin ka awm dan vel chu min lo en renga.

.

"Min rawn kaihthawh tur alawm, nilo vawin class pawh ka kal reng reng hleinem"nilengin hetah ka muhil amaw ? Engtin nge tiang chen chen ka mut theih zawk,ka haw vat angai ani.

.

Ka bag chu ka ak sawk sawk a,kal nghal mai chu ka tuma "Khawiah nge i kal dawn?"ka mit ah tak chuan min melh kar a, ka lai lek lek ani.

.

"ka haw mai ang ,ka lawm lutuk i ina min muttir avangin" tih pahin kawngka lam chu ka pan nghal hlawk hlawk a,pawn chu a lo vawt surh a taxi han phar mai tur a awm bawk si lo khur hlak hlak chung chuan kawng sirah chuan ka ding renga rei pawh ka ding hma in bike pakhat hi chak zet hian a rawn tlana ka hma ah tak chuan a rawn ding a, Miller ani tih chu ka hre nghala

"lo chuang rawh" a rawn ti a

" mahse chak deuh in khalh tawh suh" ka lo ti vata ,a nui ri haka .A jacket hak lai chu a phelh a min rawn hak tira , ka mur nghal chuai a.Tinge hetianga ka awm le? Cassie pangai takin awm tum hram hram rawh. Ka thinphu te chu a rang telh telh a, a phu ri a hriat phak erawh ka hlau takzet ani.

.

.

" tikhan i ding reng dawn ami?" ka phu zawka, thil dang daih ka lo ngaihtuah chu niin." Vawt i ti ange,nangman ha zawk rawh" t-shirt chauh a ha a, ka inthlahrung deuh ani.

.

"vawt ka ti lo" ka van awih lo tak, tun ang vur tlak ser ser laia t-shirt nen chauhin a awm a vawt a ti lo amaw? Ka ner nanga engmah sawi buai lo in ka chuang nghala ,a chhanchu lo duh lo ila taxi a awm bawk si lo ka chuang mai angai ani.

.

Hnung deuh ah chuan ka chuang a,amah chu ka vuan duh miah lo a ,chak zet chuan a tlan a, vawileh khatah a ding thuta ,ka kuah nghal chawt a a nui ri hak ri chu ka hria a a tlan leh nghala.Ngeiawm deuh a awm dan hi chu a thiam ve ngawt mai.Min fiam renga kei lah hian ka lo haw thei ropui si a.Inkawt ka thlen chuan ka chhuk vata, kal mai chu ka tuma mahse ka kut ah chuan a rawn vuana.

" mangtha" a rawn ti a, lehlam ka hawi a,ka nui suk a mangtha pawh ti lo chuan inchhungah ka luhsan daih a.

.

Chapter-6

.

Ka room ah ka lut tlang nghala,khumah chuan ka bawk thlawp a, ka kut Miller in min vawn na chu ka en a ka nui leh ver ver thin a.Ka awmdan hi ka inhrethiam tawh lo, abula ka awm hian ngei thin viau mah ila min han awm hnaih tak tak hi chuan engtin emaw ka sawi fiah thiam si loh hian ka awm ziah a ,ka duh tihna ani thei mai angem?

.

"Cassie khawiah nge i kal?" Ashley chu ka room ah a rawn lut a, ka tho nghal zawta .

.

"Ih englo ania" Miller inah ka mu ka ti ang maw!!, nilo Miller nen hian inzawmna pakhat mah kan nei lo.

"ka thian te inah ka lenga"dawt ka hrilh ta ringawt a,a awih loh hmel em em lehnghal.

.

"Thian? engtik lai atang khan nge thian i lo neih a?"

.

" Ash, ka thian neih leh neih lo thu ka hrilh kher che angai ami ?" ka lo ti ve hmaka, diktak chuan Engkim hrilh vek tur ka ni a mahse hrilh turin Miller hi ka engmah a ni bawk si lo a,hrilh in awmzia a nei lo ani.

.

" Anih chuan thuruk kan nei ta niin a lang" Ashley chu a thinrim tih ka hre nghala " Chutiang ani lo, thiante pawh ka nei ve bawk ang chu ,engtik lai pawn ka bulah i awm thei hleinem " kan tih takah chuan ka thusawi chu dik a tih hmel hle a.A dik chiah ani Ashley nen hian college ah kan in hmu ngai mang lo ani Chen Shi nen an awm dun renga,kei lah Xiao Lin nen kan inkawm chawt bawk si a.

.

" enteh ,Cassie college ah i bulah ka awm loh avang khan ka tihpalh mahse thuruk engmah ka duh lo Min Yu an mi rawn call a, vawin nilengin a hmuh loh thu che a rawn sawi a ka rawn call che a i la thei bawk si lo min ti mangang lutuk alawm" a tih chuan ka phone chu ka en vata ,Ashley miscall chu a lo awm nual a .

.

"ka muhil daih a,ka lo hrelo ani " a nui suk a, min rawn kuah a "ka buai deuh a mangtha " tih pah chuan a room lam a pan nghala.

.

*

*

Zingah chuan phur fahran hian ka insiam a, thil ka ngaihtuah a ka nui leh ver ver thin a ,College kal ka chak lutuk chu ka helh hawlh ani ber.Breakfast pawh ka eipuar hlei thei lo a, ka awmdan hi ka inhre thiam tawh bik lo.Diktak chuan Miller ka hmu chak ngawih ngawih ani.Miller hi ka duh ani,Nilo ka duh lutuk tawh zawk.

.

" Cassie Min Yu alo kal" ka nute in a tih chuan phur takin ka tho a, " Min Yu kal nghal ila" ka phur lutuk chu ka tilang mah mah in ka hria." awle" a ti a, min zui chhuak nghala.

.

Kalkawngah te chuan Min Yu chu ka be bawrh bawrh a, ka awmdan avang chuan a nui leh ringawt thin a .A tawng tlem em avangin a chang chuan kawng tluan a inbiak loh chang te kan nei thin ani.

.

College ka thlen velah chuan phur lutuk tak mai hian car atang chuan ka chhuk a, khua lah chu a vawt em em lehnghala.

"Cassie kan inhmu leh vat dawn nia " Min Yu chuan a rawn ti a ,chan pawh chang lo chuan ka bye bye ringawt a, ka kal nghal hlawk hlawk a .

.

" Ka hmangaih che" Cheng Wen chuan Miller hnung lam atang chuan a kuah a, chutia Cheng Wen in Miller a kuah lai ka va hmuh chuan ka nui tawp nghal hmaka ,mak tak maiin thikna in ka khat a,thikna chauh pawh nilo thinrimna in ka khat ani ka na ngawih ngawih a,tah hawm hawm mai chu ka duh ani.Ka mittui chu a tling pam a,ti tla lo turin ka insum hram hram ani.

.

Min rawn hmuh hma chuan ka tlanchhe nghala, room ruak pakhat ah hian ka tlan lut hlawl a, ka thu hnawk a ka tap nghal zawih zawih a.Ka insum thei tawh thlawt lo ani.Ka tap ri chu midangin an hriat ka hlau si a,ka ka chu ka hup a a zawi thei ang ber chuan ka tap hlawp hlawp a, a hrehawm takzet ani. Mi mawl tak ka ni Miller in bialnu a nei tih hre reng chungin min duh ve ka lo ringa, engtin nge kha tiang ngaihtuahna mawl lutuk kha ka ngaihtuah theih zawk? Ka in haw hluah hluah ani.

.

"Miller vang mai mai in i tap tur ani lo, inngaihtuah chiang rawh" ka tho a,ka mittui chu ka hru mawlh mawlh a keimah leh keimah chu ka in hnem mawlh mawlh bawka, tunah chuan a hlat thei ang bera ka awm angai ani.A hma a min tih ang mai mai kha chuan min ti thei tawh lo ang.

.

English class ka neih avangin hmanhmawh takin ka kal a, ka mittui chu tihtlak lo hram hram ka tum ani." Cassie, ka zawng nasa lutuk che" Xiao Lin chu a rawn tlan hlawk hlawk a.

.

"Enge i ngaihtuah daih a,ka ko nasa lutuk che" a thaw hlawp hlawp a, min rawn koh lai pawh ka hre lo reng reng ka lo inngaihtuah muk lutuk ani.

.

" ah...kan tlai tawh sia kal nghal mai ila" a zawhna pawh chang lo chuan thil dang daih chu ka sawi ta zawka.

.

" awle" min rawn zui nghala.

.

Class a ka luh chuan Miss Zeta a lo la luh loh avangin ka thaw huai a mahse buaina ka nei tlat Miller chu tlar hmasa berah ka thutna thin bulah chiah chuan a lo thu a,en pawh en lo chuan tlar hnung lamah ka cho nghala, Xiao Lin chuan mak tih hmel zet hian min rawn en a, min rawn zui ve nghal mai a, tlar hnung berah chuan ka thu ta ringawt a.

.

" Cassie , tlar hmasa berah i thu thin si a"

.

"tun atang chuan a hnung lamah ka thu tawh ang" ka lo ti hmuk a, diktak chuan ka thil tih engmah hi a tui lo ani.Ka thin a rim ani tih chu Xiao Lin chuan a hrethiam nghal vata ngawi reng chuan ka bulah chuan a lo thu ve renga, min rawn melh leh zeuh thin a.

.

Miss Zeta rawn luh rual chuan Cheng Wen pawh a rawn lut ve nghala ,Miller bulah chuan a thu nghal chata, ka sa nghal zaka, Miss in Lecture a pek lai te chuan Cheng Wen chuan a khawih chhen a, ka mit a ti kham takzet ani.Lecture pawh ngaithla lo in an pahnih awmdan chu ka thlir tawp a.A chang leh ka inhum ruh a ka thik takzet ani.

.

Class a zawh rual rual chuan ka chhuak nghal hlawk hlawk a" Cat" ka ding chawt a, kal tlang ka tuma ka thei thlawt lo,ka hawi let a.

.

" kha i assignment" tih pahin a assignment ka tih sak chu ka pe a ,mak tih hmel takin min en ha a,ka kal leh nghal hmawk hmawk a.

*

*

" Cassie" ka bulah Xiao Lin chu a rawn thu a,thil chhiar niawm tak chuan ka awmder ta ringawt a.

.

"engkim ka hre vek tawh, Miller hi i duh tiraw?" ka meng phawk nghal kawk a.

" Vawin a i awmdan kha a hai theih hleinem, i thian ka nih hi min ring lo ami" min rawn nuih sek a.

.

"Xiao Lin, ka awmdan hi hrehawm ka ti, duh loh ka tum poh leh ka duhna a zual si " ka ti sapa " Hmeichhia pawh nise ka pawisa lo ,ka duh ani" ka inpuang ta ringawta, mahse ka thawl hawk in ka hria, ka hnuk chu a ulh nghal ringawta.

" Mahse , kei nilo in midang duh anei ani"

.

"engmah chu ka sawi thei lo, mahse engkim a that leh vat ka beisei" Min rawn kuah a, Xiao Lin hian Miller hi min duhpui lo ani tih ka hre thei ani.Ni e, tu thian in nge mahni thiante hmeichhia duh turin ti ang!!Mahse ka feelings hi ka control thei si lo.

.

"history class kan nei dawn a, kal ila "Xiao Lin in a tih chuan ka huphurh nghal em em a ,a chhanchu Miller ka hmu duh tawh lo ani.Mahse amah vangin ka lehkha zir hi ka thulh tur ani lo.

.

" Awle, kal ila" History class lam pan chuan kan inzui phei a, kawngka bulah Miller lo ding ka hmuh chuan let leh kan tum zet na a, mahse Xiao Lin in min lo dang nghal vata.

.

" Cassie" Ka hawi phei vata, Min Yu chu hmanhmawh takin kan lam pan chuan a rawn kala.

.

"I bulah ka lo kal ve thei angem?" inthlahrung hmel tak chuan a ti a, ka lo nuih suk a " tehreng mai"tih pah chuan Miller chu ka melh zeuh a, min lo en renga .

.

" anih chuan hmanhmawh ila" Xiao Lin chuan alo ti vata.Class room lam chu kan pan nghala ,Miller chu ka hmu lo der char char a mahse a harsa takzet ani.Miller ka hrem amaw ka tih laiin keimah zawk hi rilru na ka ni zawk zel si.

¶

¶

Class a zawh chuan kan phusa nghal luih luih a, a chhanchu vawin atan chuan period tawp ber na anih tawh vang ani.

" Cassie , ka lo va kal hmasa mai ang ka hmanhmawh deuh a"Xiao Lin chuan a rawn ti a

.

" awle,fimkhur takin motor i khalh dawn nia" ka kuah a, hmanhmawh takin a tlan chhuak nghala.

.

" kan kal nghal mai dawn ami?" Min Yu chuan a rawn ti a.

"awle" tih ringawt in ka changa, han nuih luih takngial pawh ka peih lo ani.

.

" Tinge vawin hi zingah kha chuan i hlim viau si a, eng nge thleng?"

.

" Engmah nilo e, ka presentation tur atan ka inbuaihsaih nasat deuh hlek angai a ka chau deuh a "ka ti ta ringawt a,a awih loh hmel kher mai mahse min zawt nawn tawh chuang lo a.

.

Kal pah chuan Min Yu chuan min be bawrh bawrh a, aw leh ai bakin ka chhang lo a a chang leh ka lo nuih leh ringawt a.

"lut rawh le" a car kawngkar chu min hawn saka,

" nilo, ka presentation atana ka inbuatsaihna ho ka theihnghilh daih ,classroom ah ala awm ani ngei ang" ka in dap nghal rawk rawk a

.

" anih chuan ka va en dawn ami?" alo ti nghal vata.

.

"angai lo,keimah in ka va en ange ka rei lo ang" tih leh tlan ka rual a, ka inbun san em avangin ka duh angin ka tlan thei lo a,khaw vawt nen ka ke te hi a na vek tawh in ka hria

Show post links

Top

ADVERTISEMENT (A hnuai a milem hi a nia hmeh zeuh tur chu)

Ngaia

Site Admin

Quote

Post October 16th, 2016, 1:24 pm

Ka let leh chuan a lo reh duk tawh a,an haw darh tawh ani ngei ang.Classroom ah chuan ka paper theihnghilh ho chu ka han en kual a , ka hmu ta reng reng lo mai!! Engtin nge ka tih tak ang? ,ka hmu lo anih chuan a bul atanga ka tih that leh angai dawn ani.

.

"heihi mi i zawn?" ka phu zawk a,ka hawi phei vata kawngka bulah Miller chu lo dingin ka paper ho chu a rawn lek kang a.A paper ken lai chu lak sak mai kan tuma a aia sang ah chuan a keng kanga, ka ban pha bawk si lo.Kan han zuang thina ka banpha chuang lo ,ka thin chu a rim tun tawh a.

.

"min pe vat rawh" vin zet hian ka han ti a

"lak tum la"

" ka kham tawh lutuk, min fiam tawh lo teh"

" ka fiam lo che"

"i fiam mai mai tur pawh ka nilo,ka hua che" ka au tuarh a,mak tih hmel tak chuan min en a.

.

" min pehhel i tum tiraw?"a rawn ti a, a sawi dik chiah ani vawin nilengin amah hmuh hlau reng reng in ka biru a,engvanga tianga awm nge ka nih pawh ka in hrethiam tawh lo,amah hmuh hrim hrim hi ka hreh tawh ani ber mai.

.

" ka hmanhmawh, min pe vat rawh" ka ti vin hluk a

.

" ka lo thlah ang che"

.

"Min Yu an min nghak reng tawh,min pe vat rawh"

.

"keiman ka thlah ang che ka tih chu" vin deuh chuan a rawn ti a, ka banah chuan a rawn vuan a ka lo thing thla nghal vata.

.

"hmuh che hi ka duh tawh lo,i assignment pawh i locker ah ka lo dah mai ang ,khawngaih takin ka hmuh theih ah awm tawh suh ka ngen che anih chu" a paper keng lai chu ka pawh thlak saka,a hmel ah chuan a rilru ana tih ka hre thei a

Engmah pawh sawi lo chuan a ding khawng renga,thinrim tun chungin ka kal nghal hlawk hlawk a,tunah tak hi chuan ka thinlung hi chemte a vih ang mai in ana ani.

.

_______________________________________

.

Show post links

Top

Ngaia

Site Admin

Quote

Post October 16th, 2016, 1:24 pm

Khami ni atang khan Miller chu hmuh tur a vang em em a, ka hmuh ve chhunah pawh intawk dawn mahila min hmu lo der hmak hmak zela, a assignment pawh a locker ah ka dah thin ani.

.

Ka hmuh duh loh thu sawi mah ila, nitin mai chuan ka chang ru thin a.Amah hmu lo a awm chu a thei lo zawk ka ni leh tho si ,ka hmuh ve chhunah chuan ka hlim thei em em a, mahse ka be ngam tawh si lo ka inchhir tan der tawh ani.

.

Ka duh na chu a zual telh telh a, a vei hian ka vei bur tawh ani ber.Engtik lai pawhin amah ka ngaihtuah a , A chanchin te chu hriat ka chak thei em em a,engvanga hetianga em em a vei nge maw ka nih le? Ka a tawh ni ber in ka hria .

.

" Cassie,tunlai a i awmdan hi amak riau" ka lo phu zawk a,a ngai te bawkin thil dang daih chu ka lo ngaihtuah leh veng veng tawh a.

.

"Miller hi ka hmuh loh na pawh kar khat lai ani leh tawh"ka rilru a awm ang ang chu ka sawi a,hetia ka sawi chhuah hian ka thawl hawk in ka inhre thin ani.

.

"mahse i lehkha zir ah tal hi chuan intih buai tir suh,hetianga i awm reng chuan i a thei mai ang" Xiao Lin chuan mangan hmel zet hian min rawn melh a .

.

" a reh leh mai ang"ka lo ti awlsam et a.

.

" Cassie, lunch ka eipui thei che angem?" ning hmel zet hian ka melh a, Xiao Lin chuan min rawn nghawk zeuh a.

.

" Enteh, Alex min kalsan mai thei lo ami?" Alex hian ni 4 kalta atang khan min tibuai renga, in date pui ah min sawm thin a mahse ka bengkhawn lem lo.

.

"vawin chiah , khawngaihin" ka ban a chuan a rawn vuan a,ka inrin hma chuan min pawt nghal dawr dawr a. " min thlah rawh" ka lo ti vin hluk a, mahse min pawh luih tlat avang chuan ka zui dawr dawr a.

.

"thlah rawh" Alex chu a ding nghal chawt a,kan hawi let rual thawt a

"Miller lo inrawlh suh"a ti a.Alex hi a rui leh tawh ani ngei ang a meng sen leh ram tawh a.

.

" thlah vat rawh" Alex a ban chu a rawn paih dawrh a,Alex chuan rum fe hian a melh a," lo tibuai tawh suh ang che" tih pahin Miller chuan min kai dawr dawr a,chutia a rawn lang thut avang chuan mak ti takin ka en renga.

.

"lut rawh"car chhungah chuan lut turin min ti a, mahse a duh ang ang a awm tur pawh ka nilo, ka ding tlat a .

.

"tih luih kher ami i ngaih dawn"a hmel chu thinrimna hlirin a khata , ka hlau deuh avang chuan ka chuang lut zal zal a, kawngka chu a khar thuai a,ka phu deuh zawka.Driver seat ah chuan a rawn thu ve nghala,ka seat belt chu min rawn hren tir a chak zet chuan a tlan chhuak nghala.

.

Ngawi reng chuan a khalh a, boruak rit lutuk tih zan nan engthil nge ka tih tak ang?Awmdan tur pawh ka hrelo

"ihh...i car chu a mawi hle mai" Naaa... Cassie thil dang ngaihtuah tur i hre thlawt lo ami?

.

Chhan pawh min chhang lo chuan kawng chu a melh ngar ngar a ,a thinrim hi chuan a hlauhawm takzet ani.

"uhh..... ngatinge..." ka ti dek dek a,a steering chu a beng pawp a,a khalh chak bawk si a car chu a ti ding chawt a,ka hlau takzet ani.

.

" Cassandra i ngawi hle hle thei lo ami?" min rawn vin tuarh a,engine chu ti nungin kan tlan chhuak leh nghal a.

"i duh hun hun a i vin kawi theih pawh ka nilo" ka thinrim em avang chuan ka lo ti let ve nghal a, ka insum thei tawh thlawt lo ani.

.

"engmaw!" min rawn melh zeuh a, kawng lam chu a en lehnghala.

.

"Cheng Wen-i va phur zawk ta che ,keichu min rawn tibuai tawh suh"chutia ka tih velah chuan motor chu a ti dinga, mak tih hmel zet hian ka en a.

.

"chhuk rawh"min rawn en lo chuan a ti sap a, rum zet hian ka melh a.

.

" Enga!"

.

" Chhukrawh ka tih chu" min rawn ti tuarh a, thinchhe leh lutuk mai.

.

" awle, ka chhuk ang"car atang chuan ka chhuk a ,kawngka chu ka khar chawrh a.Car khu bak ka hmu hman lo chak zet chuan a tlan leh nghala.

.

"min chhuk tir leh tur si tinge min phurh" ka ti bul bul a, ka thinrim tun a, a vawt bawk si taxi han phar tur mai lah ka hre bawk si lo.Pheikhawk sang nen chuan kal har tak ani.

.

Minute 5 vel ka kal tawh a, ka khawng vek tawh in ka hria,signal lah a bo vek bawk si ka van ning tak.Chak zet hian car pakhat hi a rawn back a ,Miller ani tih chu ka hre nghala,ka zawn ah tak chuan a rawn dinga ka lo hmu lo der nghal vata ,vawt tih loh hmel deuh chuan ka awm der vela,car chu ka kal pel chiah a a horn a rawn hmet ri tuarh a,ka la phuzawk zui.

.

A vawt bawk si a, ka luhlul rei thei thlawt lo, car khawngka chu ka pawt hawng ta nge nge a, tum hmuk chung chuan ka lut a,Miller chuan heater chu a on vata ,ngawi rengin a muffler awrh lai chu min rawn awrh tira,a rim pa hrak chuan min ti a thei takngial dawn in ka hria ,ka thinphu te pawh ka lamah an tang zo tawh lo a,ka thinphu rang lutuk avang chuan ka awm ka kan dawm vang vang a awmzia a awm thei chuang lo.Ngatinge he nu bulah hian ka danglam tlat zel le?

.

Kawng tluanin kan Inbe miah lo a,biak pawh ka tum hek lo ka melh leh zeuh thin a ,a thinrim hmel pawh hi atna tham khawpa tha ani.Nilo, duhtawk rawh ti hi chuan ka ve leh ngut ngut dawn in ka hria .Mahse khaw vawt kara min kalsan lo avang leh in him taka min thlah avang erawh chuan, ka lawm takzet ani .

www.storyfb.com

Show post links

Top

Ngaia

Site Admin

Quote

Post October 16th, 2016, 1:26 pm

Chapter-7

.

Dinner ei zawh chuan ka nu ka bia a, tih tur tul ang chu ka ti sawk sawk a

" Cassie" Ashley chu a rawn tap luta,ka lo kuah vata

" Ash, ngatinge i tah?"

"ka thei tawh thlawt lo!" a mittui chu a hru mawlh mawlh a

" a tha leh vat mai ang" thil thleng chu ka hrethiam nghala, Ashley leh Chen Shi te an intithiam lo leh tawh ani.Chen Shi hian a lerhsan renga, Ashley hian han then thin mahse a then rei thei tak tak ngai chuang lo ani.

.

" tap tawh lo la" a mittui chu ka hruk saka,

.

"cassie, i awm lo ang tih ka hlau takzet ani, Chen Shi hian min lerhsan reng mahse ka then thei lo ani.Ngaihdam min dil chuan ka tuiral nghal vek zela, ka inhaw takzet ani "

.

"Chen Shi pawn a duh che alawm, nakinah chuan ila siam tha em em ang" kan ti tak na a, Chen Shi hian a mizia hi a thlak theih ka ringlo.Mahse tunah chuan Ashley rilru ti hah loh zawnga thil ka sawi angai ani.

.

"enteh Cassie, chuvang chuan Min Yu hi chhuah miah suh i tan a tha lutuk ania, mipa ler deuh hi i tawng ka hlau ani"

.

Ngatinge ka tana tha tur tih ka hriat reng Min Yu hi ka duh mai theih lo le? Ka tana tha lo tur zawk chu ka vei em em a, tunah phei chuan a tello in ka awm thei tawh lo ani ber.Rei lo te chhungin Miller zunah ka uai a,eng zawlaidi nge maw min tah bik ni?

.

Ashley chuan Chen Shi nena an chungchang vel chu min hrilh mial mial a,ka lo aw vel mai mai a, a chhanchu tunah hian ka mut a chhuak takzet ani .Ashley in min hrilh mawlh mawlh lai chuan ka lo muhil daih a,ka meng zo tawh thlawt lo ani.

*

*

Vawin chu khua a nuam in vur pawh a sur tawh lo a ,college kal pawh a zia sawt in ka hria .Miller chu ka zawng kual deuh a,mahse hmuh tur a awm lo.Ka hmuh chak velah hian hmuh tur a awm lo a ,ka hlata awm tur khan lo hrilh loh tawp tur ani a.Amah hmu lo a awm thei lo chu kei mah zawk ka ni leh tho si .

.

" Cassie,Miller i zawn hi duhtawk tawh rawh college a rawn kal lo aniang"

.

" chu hmeichhe ho au thawm ka hria " ka tho vut a, class atang chuan ka tlanchhuak nghala

.

" Enge awmzia?" Xiao Lin chuan min rawn en ha a.

.

"ila hre lo ami, Hmeichhia an au vak vak anih chuan Miller a awm tihna" ka nui suk a, ka ti dik chiah ani, Miller chu a bike atangin a chhuk chiah a, hmeichhe ho chuan an bawr nghal luih luih a .Inchung atang chuan ka lo en renga khung hmeichhe ho pawh khu ka thik zo vek tawh .

.

"anih chuan vawinah basketball an khelh dawn kha i en ve dawn em?" Xiao Lin chuan a rawn ti a.

.

" Aa...ka hrelo" beidawng hmel tak chuan classroom ah ka lut leh a , ka thaw leh halh thin a.Xiao Lin pawh chuan min rawn zui lut ve nghala.

.

"Miller hian min be duh bawk si lo a, a melh takngial pawh min melh ngai lo ,a induh leh lutuk a.. "

.

" mahse chuvang chuan i vei phah si a" min lo pawtchat vata, dik ka tih em avang chuan ka lo bu nghata .

.

" engtin nge ka tih dawn pawh ka hrelo , Cheng Wen nen hian an la inthen bawk si lo a"

.

" Cassie, engmah i hre ve lo ami Cheng Wen nen chuan an inthen tawh alawm." ka meng phawk nghal kawk a.

.

" Engmaw!" ka lawm ai mah chuan mak ka tihna chu a nasa zawka.

.

"I lo chik ve ngai em Cheng Wen nen an nih lai kha chuan tu hmeichhia mahin Miller hi a melh pawh an melh ngam lo kha, tunah chuan i hre mai em" Hmeichhe ho chu a au tuarh tuarh a,Ni e a dik chiah ani Cheng Wen nen an nih lai kha chuan Cheng Wen khan Miller lo duh ve apiang kha chu a hau loh leh a ti zak thin kha ani a , tunah chuan a bawr in an bawr leh luih luih tawh ani.

.

" mahse engthil mah tihtheih ka nei si lo" ka thu kun lap a,

."tihdan ka hria" Xiao Lin chuan inringtawk tak hian a rawn ti a .

.

" Engchu"

.

" Miller hian a duh bur theih nan che thil kan ti ve ang"

.

"enga!!"

.

"lo nghak tawp rawh" Chutia Xiao Lin in a tih takah chuan ka lo nui ver ver a,kan thil tum hi a thlen dik hram ka beisei ani.

.

Day 1:

.

"Vawin ah chuan a ngaihven leh ngaihven loh che kan hriat phawt angai ang " Xiao Lin chuan a ti a.

.

" Engtin nge kan tih ang?" ka lo ti vata, a ruk chuan ka phur tawh hle a.

.

"lo nghak phawt rawh"ka inbeng dai thei tawh lo ka za zek zek tawh a.Classroom kan thleng chiah chu Miller ka hmuh chuan ka phurna zawng zawng chu a bo leh nghal veka, ka zam takzet ani.

.

"Miller saw i kalpel anga,mahse a zawn i thlen velah Min Yu i ko ang".

.

"Ngatinge Min Yu ka koh kher ang? ka duh lo" ka lo ti vata.

.

"i koh velah Miller in a rawn melh che anga, a awmdan ka lo en dawn alawm"

.

"mahse, ka zak alawm ka lut ngam lo"

.

"lut rawh tunah" Xiao Lin chuan min nam luta,ka zak ngei mai .Mahse heihi ka tih ngei angai ani.

.

Inringtawk tak chuan ka kala, Miller chu tlar hmasa berah a lo thu a, lehkhabu a chhiar malh malh bawka.Ka kal pah chuan ka khur der der a, Miller zawn ka thlen chuan Min Yu chu ka ko vaka.

.

"Cassie" Min Yu chuan a lo ti vata.

.

"i dam maw?" ka zah zelah

chuan ka ti ringawta,Min Yu chuan min rawn nuih suk a, tlar hnung berah chuan ka thu nghal a, che tha chu ka inti ve hle a.

.

Xiao Lin chu a rawn thu ve nghala ,beidawn hmel tak chuan a rawn thu a.

"Engtin nge a awm, min ngaihven em?"ka lo ti vata, thawk an la hak a

.

" Cassie" a thaw leh halh a, hriat chak hmel tak chuan ka lo en kara

.

"vawin plan chu ka pass em?"ka lo nuih a.

.

" nilo ,i fail chiang lutuk, vawikhat pawh a rawn melh lo che" ka hnual nghal rawih a.

.

"engtin emaw,danglamna deuh te a anei miah lo ami" beisei nei deuh chuan ka han ti leh hram a.

.

" chutiang chuan engtin mah a awmlo,hmelhriat ang che pawn a awm lo "

.

" anih chuan kan duhtawk dawn tihna ami?"

.

"teuh lo lutuk, a bul tanna chauh ani naktukah chuan thil dang kan ti leh ang" chutia Xiao Lin in a tih takah chuan beisei na chu ka nei thar leh a,Xiao Lin pawh a beidawng loh chuan ka beidawng bik tur ani lo.

.

¶ Day1 = Failed ¶

*

*

Day 2:

.

Xiao Lin in min tih tir dan ang chuan lehkha bu ka pawm teuh a, Miller zawn ka thlen chiah chuan ka thlauh der a, min rawn puih ka rin tehreng nen min kalsan daih a ngai te bawkin melh pawh min melh leh tawh lo a, Xiao Lin bawk chuan min rawn chharpui leha vawin plan pawh a fail chiang leh tawh hle mai .Mahse ka bei tang tang dawn ani.

.

¶Day2= Failed¶

Show post links

Top

Ngaia

Site Admin

Quote

Post October 16th, 2016, 1:27 pm

Day-3

.

" Vawin chu kan hlawhtling tawh em em ang"

.

"kan hlawhtling loh pawh in kan beidawng tur ani lo " ka lo ti vata , A chang chuan Miller hian min duh ve lo anih te ka ring hial a, mahse Xiao Lin hian min fuih zela, beiseina thar ka neih phah zel ani.

.

" anih chuan vawin ah enge ka tih leh ang"

.

" Vawin atan chuan...." note bu te hi a rawn phawrh chhuaka.

.

" i chhinchhiah thlap ami?" ka lo ti ha a.

.

"umm...vawin ah chuan Alex i bia anga, i kuah bawk ang."

.

"engmaw?!!"

.

" ka sawi ang khan Alex i kuah ang Miller awm laiin"

.

" Alex kher, amah lo deuh ti ila"

.

"Alex hi Miller hian a thik ka ring tlat ,i kuah ngei ngei angai"

.

" awle" thawk kan la hak a.

.

" i inring em? saw Miller a lo kal ania, Alex saw va kuah rawh" Alex bulah chuan ka tlan phei nghala.Ka nuih a za leh hnuhnawh a,ka nui phei vur vur a.

.

" Hey Alex" Miller a rawn kal avang chuan Alex chuan Miller chu a melh zeuh a .

.

"Hey,ka naute" ka biangah chuan a rawn fawp a,za lo zet hian ka lo nuih a,sawi leh tur chu ka van nghal ringawt a.Xiao Lin chu ka va en a, zaizir hian kuah rawh a rawn ti a, Miller chu ka melh zeuh a Alex chu ka kuah nghala.

.

Miller a kal liam chiah tih chuan ka nam sawn nghal dawrh a .

" Ka tihpalh lutuk " ka ti nghal vata.

.

" Cassie, weekend chu party ila"

.

" nia, ka kal leh mai ang" tih pah chuan ka tlan nghal hlawk hlawk a.

.

" Xiao Lin ka pass em?" ka khur hlawk hlawk a,

.

"Cassie, henu hian engmaw a hriat le mahse lungngai suh , kan la ti dawn chauh"

.

" ni 3 lai kan ti tawh a, mahse ala fail vek , chuan Alex ka kuah te kha engmah lo mai ah a chantir ani, Miller hian min duh dawn chuang lo "ka ti chuai raih a, ka beidawng takzet tawh ani.

.

" Cassie, chutiang sawi suh , i zam tur anilo "min fuih pawh chuan phurna ka nei tawh lo ani .

.

¶ Day 3= failed¶

*

*

# Day: 4 - 20= Failed #

.

.

Tih dan dang chi hrang hrang in kan han ti a, a chang leh ka tlu dera, a chang leh mipa dang ka inphurh tir thul .Chung zawng zawng chu engmah lo mai ani,tunah chuan ka beidawng chiang ta kher mai, Miller hian khang hun chhung zawng khan a melh pawh min melh lo a, min duh lo anih chuan keipawh in min duh turin ka ti tawh bik lo ang.

.

"Cassie, Day 21..."

.

" ka beidawng tawh,engmah phurna ka nei tawh lo" ka lo pawtchat nghal vata .

.

"mahse Cassie"

.

"min duh loh chuan keipawhin ka duh kher a ngai hleinem ,a induh thiam tluk zet in kei pawh hi ka induh ve thei tho alawm"

.

" Min Yu pawhin a duh em em che a, chance pe ve tawh la"

.

"a harsa ka ti , mahse hmasawn zel ka ngai ani" Xiao Lin chuan min rawn nghawk zeuh a, Miller chu class ah chuan a rawn lut a a hmeltha ngei mai.

Mahse hnuai lam ka bih nghal vata, hmuh loh der ka duh ani.Tun atang chuan a awm ve tih pawh hre lo ang maiin ka awm tawh dawn ani.

.

Class kan neih chhung zawng chuan vawikhat pawh ka melh lo a, Xiao Lin chuan mak min ti hial zawk a.A tello in kum 19 chhung ka dam tawh a, chuvang chuan a hma ang khan ka awm leh tur ani.

.

"Xiao Lin Class dang ka nei si a,ground ah kan inhmu dawn nia"

.

"awle, i lehkha zir lai chiah kha ngaihtuah la"

.

" awle" min rawn kuah a ,class atang chuan ka chhuak nghala.

.

Ka locker ka hawng chiah a, ka hnung lam atangin tui vawt hian min rawn theh a, ka te nghal thawt a .Ka huh nghal veka, a vawt ka tih em avangin ka khur hlawk hlawk a. Ka hawi let vata, Cheng Wen te hian ho hi an lo ni a

.

" i phu tawk chiah ani" midang ho chuan min en thapa, ka zak lutuk chu ka ding khawng renga ,ka khur hlak hlak bawka .

.

"kal ang u, tisawn uite chhantu nei lo ang mai sawn awm reng rawh se " an thianho chuan min kalsan nghala,Engthil nge ka tih an mahni ti thinrim tur hian? Ka hriatthiam loh em avang chuan mak ti takin ka en ha a.Ka lam pana Miller rawn kal chu ka hmu a min rawn chhan dawn ani ngei ang, mahse ka hnung lam atang chuan mi pakhat hian jacket in min rawn khuh nghal vata, Miller chu a ding nghal chawt a.

.

" lo kal rawh le" Min Yu ani tih ka hre nghala, min kalpui nghal hlawk hlawk a ,thei leh thei lo chuan Miller lam chu ka hawi phei leh hrama.

.

Min Yu chuan Car chhungah chuan min thut tir a, ka sam chu towel in min rawn hruk sak a,a vawt ka tih em avangin ka ha chu ka seh ri bap bap a.

.

"I tha em? Coffee hi in rawh" Coffee no hi min rawn pe a, hma lam chu ka melh ngar ngar a,chutia min ngaihsak tu an awm tih ka hriat chuan ka hnuk a ulh tlata,ka mittui chu a rawn tla zawih zawih a,insumna nei hauh lo chuan ka tap chhuak hawm hawm a, Min Yu chuan min rawn kuah nghal vata. 

.

Chapter-8

.

"khawngaih takin min hruai haw rawh" ka ti sap a, ka inhnit faih faih bawka,

.

" awle" Min Yu chuan a ti a, in lam pan chuan kan tlan nghala, tukverh lam chu ka hawi tlat a ka hnuk chu a ulh leh thin a, ka zak takzet ani.New York a let leh daih te chu ka duh rum rum ani.

.

"lo kal rawh le" Min Yu chuan Car atang chuan min kuah chhuaka, ka sam chu a pawr phang bawka.

.

"I chungah ka lawm takzet ani" ka ti sapa,"Shh... chutiang sawi suh,i lam ah ka tang reng ang " ka mittui chu a tla nghal zawih zawih a, Min Yu hi ka chungah a tha takzet ani.

.

"Min hrethiam rawh" tih pahin Min Yu chu inchhungah ka luh san daih a, chak lo taka ka awm lai hi min hmu lo se ka duh ani.Ka room ah chuan ka tlan chho nghala, khumah ka bawk thlawpa, insumna tel hauh lo chuan ka tap hawm hawm a .

.

Ka khum bula ka dah Miller in muffler min awrhtir kha ka en a, ka thinrim thuta ka paih nghal pawp a. Hmeichhe huaisen tak ka ni a, ka zam tur ani lo.Miller hlata ka awm vat loh chuan ka tan hian a tha dawn lo ani. Ka inhnem mawlh mawlh a ,ka mittui chu ka hru hul a , heng Chinese ho lakah hian paukhauh takin ka awm tur ani.

.

Ni danga ka tih thin dang angin hla ring zetin ka play a, ka thin a rim hi chuan ka inbeng daih nan hla ring takin ka ngaithla thin a, hetianga hla ka play tawh hi chuan ka nu pawh hian a hrethiam nghal vat thin ani.

_______________________________________

.

Tunah chuan Miller chu min tih dan ang chiah khan ngaihsak lo in ka kalpel hmak hmak thei tawh a, ka tum em a a tawp a tawp ah chuan ka ti thei hram ani.

.

Miller Assignment chu a locker ah chuan ka dah luta, min hmuh ka hlauh em avangin ka hawi kual a, dim takin ka khar leh nghala. Miller hi hmuh ka chak rual rual in hmu ka hreh na chu a tam zawka, a chhanchu amah vangin zak takin ka awm a, khatiang kha thleng tawh lo se ka duh ani.

.

" Cassie, i va hlauhthawng hmel ve" ka phu zawk a,ka hawi let vata Min Yu hian min lo nuih vur vur a.

.

Tunah chuan Min Yu pawh a hma aiin ka ngaina a, Zing ah leh tlaiah min thlah ziah a .Kan inzui lai hi Miller pawn min hmu fo a , mahse a ngai te bawkin min hria ang pawn a awm ngai lo.Cheng Wen nen an inzui ka hmu leh zeuh zeuh thin a, thik viau thin mah ila Miller hian a ning zia a lantir ka hmuh thin avang erawh chuan ka hlim hle thung .

.

"umm... ih.. " Miller ka hmu thut a, ka tawng tawp chawt a, Min Yu chuan ka melh lam chu a en vata.

.

"enge?" a mithmul chu a rawn ti sang ak a.

.

" englo ania, indate pui tura min sawmna kha ka pawm e" Miller hriat tur kher chuan ka han ti a, mahse hria ang pawn a awmlo .

.

"i ti tak tak em?"a meng phawk nghal kawk a,hetiang em em a Min Yu hlim hmel hi ka la hmu ngai lo.

" umm...tak tak e,friday zanah aw" Miller chu ka melh zeuh a, locker a ka assignment dah chu a la a, a khar nghal thuai a,locker bulah chuan a ding tlata.

.

" a thinchhe ve ngawt mai" ka hriat tawk lek chuan ka phun sapa.

.

" Engmaw!!"

.

" Ahh...eng nilo e, dar7 ah " nuih suk pahin class lam pan chuan ka kal nghal a.Min Yu hi chance pek tha in ka hria a, a phu pawh a phu ani.Ka rilru a nat in ka kiangah a awm renga ,ka duh chu ka ti ngam chiah lo nangin han date tur chuan ka hnial hran lo.

.

Classroom ka thlen rual rual chuan Xiao Lin chuan min kai lut dawr dawr a,

" Engthil nge thleng?" mak tih hmel takin ka en ha a .

.

" bad news nge good news khawi zawk nge hriat hmasak i duh?"

.

"good... eng thil chiah nge thleng min hrilh vat teh"

.

"nichin a Min Yu nen in awm lai kha Miller in a hmuh che kha i hria em?" ka lo bu nghata.

"i kal hnu khan Miller khan a rawn en zui char char che asin a duh che in ka hria"

.

"khawngaih in Xiao Lin chutiang sawi tawh suh ,friday zanah Min Yu nen kan indate dawn"

.

"Enga!, date maw!!" a meng phawk nghal kawka, a awmdan ka hmuh chuan ka nuih a za zawk.

.

"umm... dar7 ah".

.

" anih chuan i move on tihna, Cassie ka lawmpui lutuk che" Min kuah nghala, min lawmpui awm reng ani a chhanchu hne awm khawpin Miller chanchin ka sawi a, chhan awmlo in mi a ang maiin ka tap thin bawk ani.

.

" Diktak chuan Miller hi chu ka duhpui lo che "

.

"ka hria alawm....Ee...bad news chu eng nge?" ka hre chhuak thuta,ka zawt leh hnuhnawh a.

.

" ih...englo a nia"a thu te te a" Miss Zeta in Miller Assignment i tihsak thin tih a hrechhuak a"

.

"nilo, engtin nge a hriat chhuah theih?" Ka meng phawk nghal kawk a,

.

" ka hre bik lo mahse Cheng Wen anih ka ring "

.

" mahse Cheng Wen in engtin nge a hriat thei ang ? Miller in a hrilh awm si lo a"

.

" engvangin nge a hriat loh ang, keipawh min hrilh bik ami? ka hriat tho hi .Kartin a assignment a locker ah i dah ziah a tuman kan hmuh hmaih lo che" Ni e, assignment chu kartin ka dah ziah alawm mahse ka fimkhur hle thin si a.

.

" Chuti chu Cheng Wen in a hria anga , Miss Zeta a hrilh aniang"

.

" ni chiah e,chutiang te chu chiang sa alawm"

.

" avan buaithlak thin tak"

.

"Miller a lo lut,Miss Zeta pawh a rawn kal har tawh lo ang" Xiao Lin hi chuan min hnem lo ve ngawt mai.

.

"engtin nge ka tih tak ang," ka hlauhthawng em avang chuan ka phi leh cheng tawh a.

.

"Cassandra Alvom leh Vespa Miller te Miss Zeta office ah koh in ni e" Mipa pakhat hian a rawn ti lauh lauh a, Miller chu ka zuk en vata, ala hre lo ani ngei ang,hlauthawng ang pawn a awmlo.

.

"Xiao Lin thih mai ka duh" hlauthawng hma chi ka ni bawk nen,ngaihsam tak anga han awm chu ka thei thlawt lo ani.

.

"va kal phawt rawh, Miller saw zui la " Miller chu classroom atang chuan a chhuak chiaha.Ka zui ve nghala.

.

A hnung daih ah chuan muangchangin ka kal det det a, ka kut chu ka sik neuh neuh bawka, ka zam takzet.Miss Zeta Office bulah chuan Miller chu a lo dinga, min lo nghak te pawh ani ang.

Hlauhthawng hmel deuh chuan ka en chho ha a ,ka kut ah chuan a rawn vuana ka khur der der a .

.

" ka awm hi, hlauthlawng suh" ni tamtak hnu ah vawikhat min biak leh na ani .Han sawi mai tur pawh hre lo chuan ka ding kun lap a.Miller chuan kawngka chu a hawnga a luta, ka zui lut ve nghala.

.

"Cassandra " Miss Zeta chuan a tarmit phen atang chuan min melh kar a, ka zam takzet ani.American mi ni ve tho mahse tunah chuan midang daih ang mai ani,min duhsak hmel pawh a pu tawh lo.

.

"a pawi ka ti takzet ani he thu ka hria hi, Cassie zirlai thiamthei tak ini a, hetiang hi chu a thlen ka ring lo asin" hnuai lam chu ka bih tlata, ka hawichhuak ngam thlawt lo ani.

.

" ka tih tir ani a, ka thiam loh vek ani. Ani hian thiam lohna a nei lo,kal tir rawh" Miller chu a lo inrawlh vata,

.

IMG_20170126_235921_825.JPG

IMG_20170126_235921_825.JPG (42.44 KiB) Viewed 3469 times

Vin zet in Miss Zeta chuan Chinese tawng in Miller chu a bia a, an tawng ka hriat thiam lo avangin an sirah ka ding renga, ka hriat zawng chu an inhau tih ani.Miller chuan a awki a san tawh hle a, an tawng phei chu hria ila, hei ai hian ka hlauthawng zawk ang.

.

" ka nu chu i hrilh thei lo ang" Miller chuan English hian a rawn ti a,ka hawi phei nghal vata.

.

"hetiang hi a thleng leh anih chuan i nu beng a thleng tawh ngei ang" Ni e, Miller nu, Headmistress kha chu hmuh ka duh tawh lo ani, a hmel a nelawm loh in a khirh hmel takzet ani.

" tunkar chhung nang leh Cassandra hi class ban ah detention in ni ang"

.

"Engmaw!" Miller chuan a ti vin hluk a.

.

" in kal thei tawh e" Miller chuan rum zetin Miss Zeta chu a en a, thinrim takin a chhuak nghala, kawngkhar chu a khar thuai a, ka phu zawka.Miss Zeta chu a thaw halh a, a chair ah chuan rilru hah hmel takin a thu a,a indawm kun lap a"luhlul leh lutuk " tiin a phun sapa.

.

" Cassie nangpawh i chhuak thei tawh "

.

"ka lawm e" tih pah chuan ka chhuak ve nghala.

.

"engtin nge an lo tih che"Xiao Lin chuan min lo zawt vata.

.

" class banah ah detention, tun kar chhung" Xiao Lin chu a meng phawk nghal kawka .

.

"Miller nen maw, ka khawngaih lutuk che" Min rawn kuah a,class ban ah mi zawng zawng haw hnu a awm hnufual bik chu thil chakawm loh tak ani.

.

¶

¶

Class a zawh chuan Xiao Lin chuan min chhuahsan a, keimah chauh in ka awm a tlar hnung berah thu in ka presentation tur atan ka inbuatsaih mawlh mawlh a, a chhanchu ni hnih chaih hun ka nei tawh vang ani.

.

Minute10 hnu velah Miller pawh a rawn lut a, ka lo en duh miah lo a, ka thil tih lai chu ka bih ngar ngar a. "i ti tha lutuk" tiin ka infuih mawlh mawlh bawka.Tlar hmasa ber kil ber ah chuan ngawi rengin a thu ve mai a , ka zuk melh zeuh a, headphone hian hla a lo ngaithla a, thatchhe zet hian a thu bawk a.

.

Drum stick hian dawhkan chu a vaw ri tlek tlek a, a hla ngaihthlak milin a vua pawh ani mahna mahse ka tan chuan bengchheng tak ani.Thil ka tih reng reng in insawrbing taka tih ka duh thin a, a chang phei chuan ri hlek pawh hi ka ning thin ani.Hun a chep tawh nak alai in ani in bengchheng a lo siama, ka ning takzet ani.

.

A bengchhen tak char char si ah chuan ring zet hian ka zuk au vaka.

"khawngaih in bengchheng lo siam tawh lo teh" ka tawng hria ang pawn a awm lo, a tih lai chu a tih chhunzawm char char a ,"min lo hrethiam teh" ka han ti leh a, a ngai ang chiah in ala awm a, ka tuar thei tawh thlawt lo ka tho thuta, a bulah chuan ka zuk dinga, a headphone chu ka pawh thlak saka, min rawn melh nghal kawka .

.

" i bengchheng lutuk ,engmah ka ngaihtuah thei lo" Vin zet chuan ka ti a, mak tih hmel deuh hian min en ha a.

.

" ka tihpalh" a rawn tih avang chuan engmah sawi loin ka thutna ah ka let chho leh nghala ,ka thil tih lai chu ka chhunzawm leh a.

.

Rei pawh ka thut hma chuan thawm dang bawkin min tibuai leh nghala, ka thaw halh a Miller chu ka zuk en a, games a lo khel chu ni in, Ngatinge Games pawh nise sound awm lo in a khel thei mai lo ami le?

.

Ka dawhkan chu pen in ka khawng ri kerh kerh a, a hre lehpek tawh lo aniang ka van kham tak .

.

"enteh ka insawrbing angai chuvang chuan tlemin lo tizawi teh" a bulah chuan ka zuk kal leh a, ka mit ah tak min rawn en a,ngawi rengin a rawn tho a ka lam pan chuan a rawn kala.

" eng...Engthil nge i tih hi?" Min rawn hnaih tawh em avang chuan ka tawlh hnung hret hret a,mahse ka tawlh hnung rei lo kher mai bang a awm avangin bang ngheng chuan ka dinga .

.

" kal sawn rawh" ka ti sap a,min en reng avang chuan ka lai lek lek mahse ka zam dawn bik hauh lo.A thaw lum ham ham pawh ka hre thei a, ka mur chhuak vek ni mai hian ka inhria .

.

"ka...." ka khabe chu a rawn khawih a, ka tawng tawp chata,a mit ah tak chuan ka melh kar a , ka biang chu a rawn sen nghal tawn tawn a, chet nachang pawh ka hre tawh lo ka ding khawng tawp ani. Cassie hetiang hian awm suh tiin ka inhrilh mawlh mawlh a mahse awmzia a awm chuang lo.

.

A rawn kun hniam telh telh a, ka maimichhing nghal vata ,engkim mai chu a reh duk a ka thinphu rang lutuk chu ka control thei thlawt lo a, a ri dup dup ni mai hian ka hria. Pangngai taka awm turin ka theihtawp ka chhuah a ,mahse pangngai taka awm a hnekin ka khawng vek tawh ani.Ka hmui ah chuan a rawn fawp dawn emaw ka tih laiin a nui ri hak a, ka meng nghal kawk a a chal in ka chal chu a rawn sik tira .

.

"mawl leh lutuk mai" a aw chu a vawt raih a,a nui suk a, a thutna ah chuan a let leh nghala.Ka dinna ngaiah chuan ka ding khawng renga, ka awm chu ka dawm vang vang a, ka thinphu nasa lutuk chu puakkeh tur ang mai ani,a ri dawt dawt a.Zawi muangin ka thutna lamah chuan ka chho a, ka melh ngai chu ka melh ngar ngar a.Engvanga hetiang awm tlat thin nge ka nih pawh ka inhre thiam tawh bik lo, ka a vekin ka inhria.

.

"in haw thei tawh ang" Miss Zeta chu a rawn lut a, ka bag ah ka lehkhabu vel chu ka khung mawlh mawlh a .Hetianga tun kar chungzawng kan awm khawtlai ziah dawn anih chuan ka a vek thei ang.Miller chhuah hma hma chuan ka kal chhuak nghal vat vat a, mi zawng zawng an haw vek tawh avangin taxi ka phar nghala in lam pan chuan kan tlan nghala.

.

Taxi a ka chuan lai pawh chuan ka la pangngai thei chuang lo , ka inhaw takzet ani hetianga ka awm hi , mahse ka theih tawp chu ka chhuah ve alawm, Henu huhang ngah zet bulah hi chuan dawl zawr in ka zawr ani.

.

Chapter-9

.

Zanah ka meng rei bawka, khua a vawt bawk nen mut chu a tui duh hle a, peih leh peih lo chuan tukverh lam chu ka han siai sar sar a, vur tla seng seng chu ka hmu thei a, ka nui sek a ka muhil leh nghala.

.

Ka phone vibrate ri chuan min ti harh a, meng mang lo in ka phone chu ka han dap kual a, ka dap fuh thei hram , ka mu tha sauh sauh a phone chu ka pick up ta a.

.

" Hello"

.

"Cassie" Xiao Lin chu a rawn au tuarh a, ka harh zawk thei in ka hria.

.

" Enge?" ning hmel deuh chuan ka lo ti a.

.

"i damlo ami?class i rawn kal dawn lo ami?"mangan hmel deuh chuan a rawn ti leh a,

.

" dawn e" ka lo ti sam et a, mutthilh lehnghal mai chu ka tuma.

.

" dar11 a rik tawh hi" ka tho thut a, sana chu ka en vat a 11:16 alo ri va tawh a,

.

"ka rawn be leh ang che" phone chu ka dah nghala, bathroom ah ka tlan lut a ka inphih fai sawk sawk a.Ka insiam zawh chuan Inhnuai ah ka chhuk thla nghala.

.

"Cassie, i kal tawh amaw ka ti a, Ashley chu a kal daih tawh asin" nutei chuan a ti a vat a, " nia tukin zing chu ka tho har deuh a" tih pahin no ah bawnghnute ka thli chhuaka, pum ruak lutuk a kal ai chuan tiin ka in nghal khawlh khawlh a .

.

"nute ka kal ania" tih leh pawna chhuah ka rual a, taxi a lo awm nghal mai avangin ka kal nghala.Ka lawm ngei mai.

.

College ka thlen chuan an lo phusa leh nuai nuai tawh a,ka thaw huai a.Classroom lam pan chuan ka tlan chho nghal hlawk hlawk a.Tlar hnung berah chuan Xiao Lin chu alo thu a ,ban alo vai lauh lauh bawk a, a bul ah chuan ka chho ve nghala.

.

"Enteh Cassie lo thu vat teh" thil min hrilh tur a nei leh tawh ani ngei ang, a lo nui ver ver a.

.

"Engthil nge thleng leh tawh?" ka bag dah pah chuan ka thu a, ka hah em avang chuan ka thaw leh hak thin a.

.

" ka awih thei lo zawk...Caneth an i chanchin min zawta"

.

" i sawi awmzia chu..Caneth chu..."Caneth hi la awm rei lo viau mah ila kan college ah rau rau hi chuan a lar em avangin ka hre ve ani.

.

" ni chiah e, mahse a pawi chuang hleinem" alo ti vata.Caneth hi basketball team captain ani thin a mahse Miller hi a thiam em avangin Caneth aiah captain ani ta ani.Khami ni atang khan boruak a awm nghal hat a,Caneth hian Miller hi a er tlat tawh a, engkimah khum a tum ani.

.

" mahse chanchin zawh ringawt te chu a ho e , engmah sawi suh aw..."

.

"ka sawi vek tawh, vawinah college i rawn kal tlai tur thlengin" Henu hi chu aw.... min rawn lo hian thil hi alo ti pawp pawp zel

.

" ka ril atam engemaw ei ang"thil dang daih chu ka sawi a,ka pum lah chu a ri ruk ruk lehnghala.

.

"a tuina deuh ka hria ,class kan nei dawn hrih lo bawka chhuak zawk ila chuan ban a awm khaw tlai turin i let leh dawn nia" Xiao Lin chuan min fiam pah chuan a rawn ti a, henu han nghal zia hi chu aw... ka lo ner nanga.

.

"kal vat vat ang" kan pahnih chuan kan kala, college ground kan thlen chuan Xiao Lin chu hmeichhe pakhat hian a rawn hrilh ru sar sar a, a meng buai nghal veka.An inbe mawlh mawlh a, an tawng hre thiam lo mah ila buaina a awm ani tih chu ka hre nghala.

.

" Xiao Lin enge thleng?" ka lo ti vata.

.

" Engthil mah nilo e, lo va kal la ka rawn kal ve vat ang" Xiao Lin chuan a ti a,

.

" Awle" ka ti a, Xiao Lin leh hmeichhia chu an kal nghal a, keimah chauh chuan ka ding reng a.Engthil nge thleng hi rindan pawh ka thiamlo,Xiao Lin i ka zawt tawh a, min hrilh loh chuan zawh luih ka tum lemlo a chhanchu ka hriat tur chu nise chu min hrilh hi ka ring tlat ani.

.

Ka ril atam tawh bawk nen college atang a hla vak lo ah ka kal a,an thil neih te chu an hung tlar dal a, ka la ei ngai loh avang erawh chuan engber hi nge ka eichak pawh ka hrelo.Dawr nghaktu pa thau leh luah bulah chuan ka han chho a.

.

" ka pu, heihi engnge?" ka eichak ber chu ka zuk kawk a, chupa chuan min en vung vung a, English a thiam lo ani tih chu ka hre nghala.Helai ah thil eina tur dang a awm mai bawk si lo, ka thil eichak zawng pawh ka lei thei lo ani a, a buaithlak ve ngawt mai.

.

Dawr kawt ah chuan ka ding reng a, midang thil ei lai chu ka en vung vung a, ka pum lah chu a ri ruk ruk reng bawk si.

"Eng hi nge i duh?"ka hawi phei vata,Xiao Lin khan a sawi dik chiah ani,Caneth chu ka bulah a rawn ding a.

.

" Ahh...heihi," ka duh chu ka kawk a,ani chuan awlsam deuh hian a rawn lei mai a.Ni e, engvangin nge awlsam taka a lei loh tehlul ang, Chinese ani miau alawm.

.

"ka lawm e kha heihi la rawh, min leisak ringawt thei lo ang" pawisa pek chu ka tum a.

.

" nidangah min la leisak ve mai dawn nia, hetah thu la muangchangin ei rawh"dawr bulah chuan thil eina tur dawhkan leh thuthleng an dan tlar dal a,chutah chuan ka thu a ka ep chiah ah Caneth pawh chu a rawn thu ve bawka.

.

Caneth a thu ve tih pawh ka ngaihsak hman tawh lo, ka ei nghal bawrh bawrh a a tui ngei mai.Chutia ka ei mawlh mawlh lai chuan Caneth an min lo en reng tih ka hmuh chuan ka ei tawp nghal chawt a.

.

" ka tihpalh lutuk, kha eive rawh" ka ti sapa, min lo nuih suk a.Sana chu ka en a ka tho thuta

.

"Ahh...ka kal mai ang,hei class ka nei leh tawh dawn" tih pahin ka eitur lei chu ka khai a ,ka kal nghal nal nal a.

.

"ka lo thlah dawn che ami?" Caneth a rawn au lauh lauh chu ka hria a, mahse ka hawilet chuang lo.

.

Classroom ka thlen chuan Cheng Wen chu Miller bulah alo thu leh tawh a, Cheng Wen chuan ngeiawm zet hian min rawn melh a,mahse ka hre lo der tlat ani.Xiao Lin chu alo la awm lo a eng buaina chiah nge maw a tawh le?Ka thaw halh a ka thut thin na ah chuan ka han thu a.

.

"Cassie" Caneth bawk maw!!!Hepa hian enge a hriat le? ka bulah chuan a rawn thu chata.

.

"ahh... hi!" ka lo nuih ringawta, han biak chhiat ngawt chi lah ani bawk si lo.Mahse hetianga min zui reng dawn anih chuan ka la ning vat ang.

.

"movie enpui turin sawm che ka duh a" ka meng phawk nghal kawk a,

"hahh..lungngai suh date ani lo ang , movie en chiah ani mai"

.

"ahh...ka tihpalh lutuk, ka thei lo ang" Min Yu nen kan indate dawn a ,tunah mipa dang maw! chutianga em em a ler ka ni hleinem.

.

"mahse.." Sir Zhing a rawn lut a,Caneth pawh ka bulah engmah sawi chhunzawm miah lo in a rawn thu a,Sir Zhing chu a rawn lut fuh ngei mai.

.

" i hmeltha hle mai" Caneth chuan a kut chu ka mal ah a rawn dah kher a, ka lo paihthlak sak vata.Lecture pawh ka ngaithla thei lo, min khawih neuh neuh a, a chang leh ka sam a rawn khawih a, a chang leh ka kut ka ning takzet ani.

" enteh"ka beng bulah chuan a rawn ti sa sa a, rum zet hian ka lo melh a.

.

" tawng tawh suh, a bengcheng" ka lo ti vata, a ngai te bawkin a kut chu rawn dah leh a tuma, bell a rawn ri !! a avan han ri hun chiah chiah tak. Ka tho thut a, ka lehkhabu vel chu ka khung sawk sawk a,Caneth chuan ka bag chu a rawn pawt a "movie chu aw" a rawn nui suk a, "ka hman lo" tih pahin ka bag chu ka pawt sawk a, ka kal nghal nal nal a.

.

Miss Zeta in min la hrem bawk si avang chuan classroom ruakah chuan ka lut a,keimah chauha ka awm avangin tlar hmasa berah ka thu a, a ngai te bawkin naktuk hi presentation ka neih hun a nih tawh avangin lehkhabu a a pawimawh lai chu ka thai a ,rei vak lo ah Miller pawh a rawn lut a,a hmelah chuan a thinrim tih ka hre nghala.

.

" Caneth nen khan engtin nge in in hriat" ka hma ah tak chuan a rawn dinga, Caneth bawk , hepa hi ka ning takzet ani.

.

" kan inhrelo" tih pahin ka lehkhabu chu ka en leh a, min rawn kuai dak pawp a,ka ding nghal zawta.

" min en rawh Cassandra, khapa nen khan engtin nge in in hriat?" a mit chu a sen ram a, a hlauhawm takzet ani.

.

"min thlah rawh, ana ania,indate pui turin min sawm a,engmah a awm lo"Engvanga insawi thiam kher nge maw ka nih le , mahse a tul in ka hre tlat bawk si.

.

"Chu chiah chu maw?"hnuailam ka melh daih a

.

" sawi rawh ka tih chu" min rawn vin tuarh a, ka dawh thei tawh thlawt lo ,a kut chu ka paih pawpa,

"chutiang zel zel engatan nge i tih?,ka engmah i ni lo" ka lo vin let ve thah a,hetiang mai mai a min ti tur pawh ani bik lo.Room atang chuan chhuah ka tum a,ka kal nghal hmawk hmawk a kan ban ah chuan a rawn vuan a ka ding chat a, min pawt let a ka hmui ah tak chuan min rawn fawp a!!

Last edited by Remruati (Haylor) on Thu Sep 15, 2016 9:42 pm, edited 1 time in total.

Show post links

Top

Ngaia

Site Admin

Quote

Post October 16th, 2016, 1:29 pm

Ka meng phawk nghal kawka,a reh duk nimai hian ka hria.Ka taksa chu electric shock ang maiin a tek chhawk chhawk a, ka mur chuak vek bawka.Awmdan pawh ka thiamlo ka ding mawl tawp ani.Nam sawn rawh, Cassie harh rawh tiin ka in hrilh mawlh mawlh a awmzia a nei lo kher mai.

.

A aia nasa leh duh thawh in zei zet hian min han fawp leh a, ka lo chhang let chiang kher mai.A perfume rim te leh a thaw lum ham ham te chu ka hrethei a,mi a ang maiin ka ding khawng tawp ani.Ka kawngah chuan nghet takin min rawn kuah a, a darah chuan ka kut pahnih chu ka nghat bawka,Ka thiam ang ang chuan ka lo fawp let ve tawn tawn bawka.

.

A phone a rawn rik thut avang chuan ka harh zawka, ka namsawn nghal vata.

" ka tih palh" a rawn ti sap a, a phone chu a la chhuaka ,be chungin ka piah chiah tlar hmasa kil ber ah chuan a thu a, ka va melh zeuh a min lo la en reng a ka hawilet chiang ngei mai.

.

Ka awmdan chu a lai zo vek tawh a,Ka thutna ah chuan ka han thu leh ringawt a,phone a mi a biak rei em avang chuan ka lo thinrim hman lek lek,zep lo chuan ka thik ani. Ka thil tih lai pawh ka ngaihtuah thei tawh lo.Ka lo thik ve ringawt a, a biak zawh chuan a phone chu a dah a ,ahrawk chu a rawn thian kharh kharh a, ka va en chuan min lo la en reng a,ka hmai chu a sen nghal tawn tawn a, tunah tak kha chuan ka lai chiang ve ngawt mai.Sawi mai tur pawh ka hrelo ka awmdan thlengin ka buai vek tawh.Ka awmdan ang hian a awm ve angem le?

.

Ngawirengin ka thiltih lai chu ka chhunzawm leh mawlh mawlh a,a khat tawkin ka va melh leh zeuh zeuh thin a.In hmel hriat ngai lo ang mai kan ni, kan inbe lo a,nichin lawka thil thleng khan keichu min ti danglam veka, ani chu danglam ang pawhin a awmlo .

.

Chutia kan awm reng lai chuan Corridor light chu a rawn thim thut a,kan hawi phei rual thawt a,Rang lutuk in kawngka lamah ka kal nghala.

.

" Nilo, nilo...lo hawng te u"kawngka chu ka benga mahse pawn lam atangin an kalh ani.Sana chu ka en a dar6:30 a lo ri tawh a, a awmzia chu college an khar tawh tihna ani.Hlauhthawng hmel deuh chuan Miller chu ka va en a, thlamuang takin hla a lo la ngaithla mai mai a,hetah hlauthawng em em in ka awma ani lah thlamuang deuhin a thu mai mai bika maw!!

.

"kawngka an kalh ania, zankhua in hetah kan tang thei lo ang, nilo ka presentation"a headphone chu ka pawt thla a,min rawn melh chho a.

.

"chuan" chumi te chauh chu maw a sawi!! ,awmzia a neih dawn loh avangin kawngka lamah chuan ka phei leh a, kawngka chu ka beng vak vak a

"kan tang ania, min lo pui teh u" a reh duk a, tumah in min chhang lo ,phone lak tumin ka bag chu ka hai rawk rawk a.

.

" Lalpa leh!! " Ka phone ka ak reng reng lo!! inah ka theihnghilh tih chu ka hrechhuak leh hnuhnawh a.Helai hmun vawt lutuk ah hian ka riak thei lo ang bakah ka presentation, naktuk mai hi ani tawh si, ka in buatsaih na lehkha vel ka keng bawk si lo engtin nge ka tih tak ang.

.

"i phone ka lo hmang" inthlahrung tak chuan Miller bulah chuan ka ti a, Engtin nge thlamuang takin a awm theh zawk le?a awmdan avang chuan ka ngei lek lek zawk.

.

A phone chu ngawi rengin min rawn pe a,Ashley number ka dail chiah tih in a phone chu a rawn thi hmaka

" oh..!! ngatinge , a thi daih ania" phone chu kan beng thek thek a.

.

" khawimaw" tih pah a phone chu a rawn la a.

" a battery a low anih hi, hreptak chuan" ka meng phawk nghal kawka .

.

" anih chuan engtin nge kan tih tak ang?" tah mai te chu ka duh , Mahse henu bulah hi chuan tah ka tum bik lo.

.

" Engtin nge i tih chuan ang, heta riah ani mai " alo ti sam et a, a hlauthawng ve ngai miah lo ami le? a bula ka awm reng chuan ka thinrim mai mai , ka thutna ah chuan ka let leh a, ngawi rengin ka han thu a,ka mittui chu a tling pam tawh a.

¶

¶

Dar11 a rik meuh chuan a vawt tawh hle a, ka khawng vek tawh nimai hian ka hria, ka hmui te chu a duk vek tawh a intih lum na tur dang a awm bawk si lo , a hrehawm takzet ani.Ka insum thei tawh lo ka inhnit faih faih tawh a, ka mut a chhuak bawk si ka muhil thei bawk si lo .

.

Chutia ka khur beuh beuh lai chuan Miller chuan a jacket hian min rawn khuh a,a melh chho nghal vata, ka bulah chuan a rawn thu a min rawn kuah nghal a, ka lo tang ve nghal vata,aia nghet chuan min rawn kuah leh a,

.

" a vawt i ti zawk ang" ka ti sap a, min rawn nuih suk a.

.

"hetiang i hak te chuan vawt i ti reng ang chu,kha i hmui pawh a duk vek tawh "a ruk chuan ka hlim veng veng ani, tunah chuan vawt pawh ka ti em em tawh lo a,tuna kan awmdan ang tak phei hi chuan vawi sawm tang leh pawh pawi ka ti lo.

.

"Cat" ka muhil lek lek a, a darah chuan ka bei a.

.

"umm..." zawi deuh chuan ka lo ti a.

" Caneth kha, a hnaih ah awm lo la ka duh" fiah fai tak chuan ati a, a hmel ka han en chuan a thutak hle a.

.

" Chuan Min Yu pawh" a rawn ti leh a, a thik ami le? Min Yu ka hre chhuak zawka Ka inla hrang nghal vata.

.

"chutiang sawi tur chuan.." ka tawng zawh hma hma chuan ka khabe ah a rawn vuan a, ka mit ah tak chuan min rawn en a, ka lai deuh avang chuan hnuailam ka melh tlat a.

.

" Min en rawh" tih pahin min kuai dak a, ka thinphu a rang leh tawh kher mai, a hriat erawh chu ka hlau takzet ani.A hmui hnuai lam chu a seh a,ava han hmeltha chiang tak em ,ka kut hit vek tawh chu a rawn hum a," a vawt vek anih hi"ka mit chu ka la sawn thei tawh lo amah chu ka melh kar a.A mithmul leh hmui vel te chu ka hmuh hmaih hauh lo ,chiang takin ka en a Min Yu pawh ka hre chang tawh lo.

.

Ka sam buang thang hnawk niai chu a rawn hui kianga a, a kut chuan ka biang chu a rawn chul a,muangchangin a rawn kut hniam riai riai a ka hmui ah chuan a dim takin a rawn fawp a,ka maimichhing nghal vata,ka thlawk delh delh nimai in ka inhria,a nuam takzet ani.

.

A aia duhthawh chuan min rawn fawp leh a, ka thiam ang ang chuan ka lo fawp let ve bawka, ka zei vak bawk si lo a ka zam lek lek ani.Min fawh lai reng chuan a nui suk a,ka kawngah chuan nghet takin min kuah a ,ka chal ah chuan a rawn fawp leh a a darah chuan ka bei hle hle a,ka hlim takzet ani.

Show post links

Top

Ngaia

Site Admin

Quote

Post October 16th, 2016, 1:29 pm

Chapter-10

.

Kawngka rawn inhawng ri rawk chuan min ti harh zawka,ka han hawi kual a,nizana kan awmdan ang chiah khan kan lo la awma.Thuthlengah awn zetin Miller chu a thu a, a awmah ka muhil kha ani a, min lo la kuah reng bawka. Ti harh lo thei ang ber turin ka tho them them a.

.

Miller chu ala mutui hle a,a hmel chu chiang takin ka en a, a hmeltha takzet ani.Ka en reng avang chuan ka nuih a za leh hnuhnawh a,zawi te in min kuahna a kut chu dahsawn ka tuma, a rawn harh zawka .

.

" morning"ka lo ti sap a ,nuihsuk pah chuan a han zi mar a, a ham bai bai bawka."i va harh hma ve" zing tho aw chher deuh chuan a rawn ti a, a ban chu a han phar vela,a kham ani ngei ang a nuam lo ka ti deuh hlek ,a chhanchu nizanah khan ka lum loh hlau in min kuah bet tlata, keilah nuamsa deuhin a awm ah ka lo muhil vel mai mai a.Engtin nge tui takin a mutthilh theih zawk? Nilo ka muhil daih alawm alo muhil miah lo mai thei bawk.

.

"kawngka an rawn hawng tawh a"ka tho a, mahse min pawt thu leh nghal a,

" khawiah nge kal i tum?" ka mit ah tak chuan a rawn en a, hetianga min en reng chuan ka lai chhe zo vek thei ang.

.

" ahh... " ka sam pawr phang in ka mit a hliah deuh avangin a rawn hui kianga, tawng chhunzawm nachang pawh ka hre tawh lo.

.

" Aahh... chu enge?" a nui suk a,nichina ka thil sawi zawh loh kha min rawn zawt leh a, mahse min zawh leh dan hi chu a nghal ve khawp mai.

.

" kal tawh ila" ka aw chu a khur der der a, ngatinge hetianga ka awm tlat zel le?Zei loh na hri te pawh ani mahna.

"reilo te chiah" min rawn hnaih telh telh a,ka hmuiah chuan rawn fawh a tum a, ka lo maimichhing nghal vata.

.

Thil ka hriat chhuah thut avang chuan ka meng nghal kawk a, ka tho thut a.

"hreptak chuan, enge?" a rawn ti vin tuarh a.

"ka presentation!! dar engzat nge" ka nghak hman tawh lo, a ban chu ka la lawk a dar zat chu ka en a,

.

" nilo 11 a ri tawh, 11:30 ah kan tan dawn" ka lehkhabu vel chu ka khung mawlh mawlh a "Lalpa leh ka paper,inah ka dah daih alawm" ka lu chu ka dawm vang vang a, ka che buai leh vek tawh , engmah ka ngaihtuah thei tawh lo.Miller chuan ngawi rengin ka awmdan vel chu min lo en renga.

.

"engtin nge ka tih tak ang,la dawn ila hun ka nei tawh bawk si lo" ka hriat tawk lek chuan ka phun nuap nuap a, minute ka la neih zat te chu ka kutin ka chhut bawka.

.

Miller chu a rawn tho a, a jacket chu min hak tir sawk sawk a ,ka kut ah chuan a rawn vuan thuta, pawn lamah chuan min kai chhuak dawr dawr a, mak ti hmel takin ka en tawp a."khawiah nge kan kal dawn?" hun ka nei tlem tawh bawk si, khawi hmunah mah kal thei ka ni tawh lo.Min vawnna chu thingthlak ka tuma.

.

"i paper chu i mamawh ani lawm ni" a tih chuan ka lo bu nghata.A bike ah chuan a chuanga, helmet chu a khum nghal mawlh mawlh a." chuang rawh" a rawn ti a,ka insiam tha sauh sauh a, bike ah chuan lawn ka tuma.

.

"ngawi lawk teh" tih pahin ka banah chuan a rawn vuana,ka ding chata, a jacket ka hak lai chu min zip phui sak veka a gloves lian zet chu min buntir bawka," lem... chuang tawh rawh le" bike ah chuan ka chuang nghal a, a khalh chak dawn tih ka hriat avangin a kawngah chuan ka kuah nghal chata.Min rawn nuih suk a, " i inring em?"chhan pawh ka chhang tawh lo, a hnungah chuan ka bei thlawpa, ka maimichhing nghal hmaka.Chak zet chuan kan tlan chhuak nghala.

.

A tlan chak bawka,a vawt ngei mai a ruk tak chuan ka hlau deuh a, mahse hmanhmawh kan ngai si a, chuti lo chu ka tlai dawn ani.Ka hmai chu a thip vek tawh a, mahse ka vanneih na chu vur a tla lo hlauh.

.

A ding nghal chawt a,ka meng nghal kawk a,hmanhmawh lutuk in ka chhuk thla a,in chu a lo in kalh thiap a mahse chahbi ka neih avangin ka hawng nghal vata, ka room ah chuan ka tlan chho nghala.Presentation tur atana ka ziah ho chu ka la khawm mawlh mawlh a.

.

" i room chu a nuam hle mai" Miller chu ka roomah chuan a rawn lut a,ka thil rem vel chu a enkual a,khum sira a muffler ka paih kha ka zuk hmu thut a,a hmuh hma in rang lutukin ka la nghala, lukham hnuaiah chuan ka hnawh lut nghal pawp pawp a.

.

Ka hmai chu ka phih sawk sawk a, makeup pawh ka hmang hman tawh lo " kal ang le" Miller chu ka va melh a," lo ding lawk teh"

.

" Enge ? kan hmanhmawh angai"

.

"tikhan kal i tum ami?" ngeiawm zet chuan min rawn melh a.A sawi awmzia hriat loh hmel deuh chuan ka en ha a.

.

"heihi bun rawn"sneaker hi min rawn pe a,mahse pheikhawk sang bun hi ka duh zawk .

.

" ka duh lo kal ang" ka jacket hnungah chuan a rawn pawt a,khumah chuan min thuttir a, ka pheikhawk bun lai sang zet chu a phelh a sneaker chu min buntir nghal mawlh mawlh a." Chuan heipawh" tih pahin lukham hnuaia a muffler ka hnawh luh kha a rawn la chhuaka, ka lo ner seka.A lo hmu leh hman tawh ani maw? a bulah hi chuan engthil mah hi a tihruk theih loh hrim hrim.

.

"thawmhnaw lum i hak chuan nizan ang kha lo thleng leh pawh nise vawt i ti tawh lo ang" min rawn nuih suk a,"presentation i neih dawn chuan hmuh nuam tak i nih angai"ka sam hnawk niai chu a kut chuan a rawn chul mam a, khap miah lo in ka lo en leh reng tawh a.

.

" kal ang le minute 8 ala awm" a sana chu a en a,a ding a ,amah chu ka lo la en char char a" khatianga min en reng te chuan ka lai ve thei tho ania" a tih chuan ka harh zawka .Engmah thleng lo nimawm tak chuan ka ding vata, ka phone dawhkana ka dah nimin a ka theihnghil chu ka la a, ka theihnghil tawh lo chiang kher mai .

.

Step ah chuan ka chhuk thla hlawk hlawk a,ka hma ah Miller chu a kal bawka, hmanhmawh tawh nak alaiin ka rap pial palh anih chu!! , ka au tuarh a,Miller chu ka zuk bawk thlu pawp a, avan chet chhiat theih tak!! tiang reng hi chu ka ni bik lo asin le.Muang hman kan ni tawh lo, ka tho vata Miller chu ka kaitho a, ka delh na deuh anih ka ring a ban chu a dawm vang vang a.

.

"i tha em?"ka ti vata ka hlauthawng hman ngei mai

Show post links

Top

Ngaia

Site Admin

Quote

Post October 16th, 2016, 1:30 pm

" Engmah ani lo, kal ang" min kai chhuak dawr dawr a,in chu ka kalh sawk sawk a .College lam pan chuan kan inphur chhuak leh nghala.

College kan thlen chuan minute2 alo la awma, presentation room lam pan chuan ka tlan nghal hlawk hlawk a, Miller pawh chuan min rawn zui ve zel a.Backstage ah chuan ka lut a

.

" Cassandra Alvom"

.

" aw, keimah hi ka ni e"

.

"i hun a thleng chiah e"

.

" awle, ka lawm lutuk e" ka thaw hak a, ka zam takzet ani.Ka hawi kual a Miller ka hmu mai tawh bawk si lo a, khawiah nge a lo kal bo daih le? ka khur der der a ,tui chu kan in leh khawlh khawlh phawt a.

.

" Cassandra lo kal rawh le" Mipa pakhat hian min rawn ko a, stage ah chuan ka kal phei nghal a, mipui chuan kut an lo beng dar dar a, ka zam chiang kher mai.Thawk kan han la te te a, ka tawt up up tawh in ka inhria.Ka sawi tur pawh ka theihnghilh zo vek tawh a ,a hrehawm takzet ani.

.

Kawngka lam chu ka han hawi chho a,Miller chuan inkuangkuah in min lo en renga,a nui suk a .A kutzungpui chu min rawn hmuh va va a, ka zam lutuk pawh ka a zia deuh in ka hria.Lecturn ah chuan ka phei chat chat a.

.

"Ka hming chu Cassandra Alvom ani a.... vawin a ka thlir ho tur chu.."

.

___________________________________________

.

" Cassie i ti tha takzet ani" Xiao Lin chuan min rawn kuah nghal bawrh bawrh a.

.

"ka lawm e," Miller chu ka zawng ru deuh a,

"ka nau leh, i ti tha takzet" Ashley chu pangpar nen a rawn kala,pangpar chu min rawn pe a ka lo kuah vata.

" Ash, ka lawm lutuk e" ka ti sapa,

"oh..Ka lo kal, Cassie min lo hrethiam lawk" Ashley chu Chen Shi lam pan chuan a phei a.Hemi te pahnih hi an lo tha leh tawh ani maw? ka nui suk a.An in then thei thlawt lo anih hi.

.

Xiao Lin pawh ka ngaihsak hman tawh lo, Miller awmna tura ka rin lam ah chuan ka kal a,a lo awm hlauh Bang ngeng hian cigarette hi a lo zu a .Ka va pan vata.

.

"hey" a rawn hawi nghal a," hey" a rawn nui var var a,min rawn nuih tawh hi chuan ka buai vek zel.Mahse a nuih hi chuan a hmeltha takzet ani.

.

"i ti tha hle mai,"

"ahh...ka lawm e chuan nizan avang pawh khan"sawi leh tur a vang tawh ngei mai,ngawi reng chuan ka ding renga, a cigarette chu a paih a ka bulah chuan a rawn dinga

.

" umm...zanin... "Miller chuan a ti hman chauh a

.

"Cassie,tahkhan i lo awm daih ani maw? zanin chu Min Yu nen in in date dawn bawka"....Xiao Lin chu a rawn kala, Miller a hmuh chuan a tawng tawp nghal chawt a.

.

" ahh...ka tihpalh ka lo va kal ange" a hmui hup chung chuan a kal leh nghal daih a, " Xiao Lin" ka au leh pawn a hre thei tawh lo a, Miller chu za lo zet hian a nui hak a.

.

"umm...Min Yu nen in in date dawn amaw?" a ti sap a,

.

" umm..." han sawi chhunzawm leh mai tur pawh ka hre lo,enge maw tal sawi chu a tha asin mahse sawi tur ka hre miau si lo,a ruk chuan nep ka inti takzet ani

.

" chuti chu i tlai ang kal tawh rawh"ka chhan hma chuan a kal nghal nal nal a, vawikhat pawh a rawn hawi let lo .A awmdan khan ka awm a ti nuam lo zo vek , a mitmeng dul raih te leh a ze zawi tak te khan min ti na ani.

.

*

*

" Ashley eng ber hi nge ka hak ang?" Min Yu nen kan indate dawn avangin ka hak tur chu Ashley ka zawt a ,a ruk tak chuan ka phur lo ani mahse Min Yu ka lo tiam tawh avangin ka tih hlawhtlin ngei angai si.

.

"i sam hi a var bawk si a, a dum hi ha rawh" a rawn ti a, Ashley chu a phur em em a ,kei ai pawhin a phur zawk in ka hria .

.

" Cassie, ka lawmpui lutuk che Min Yu pawh a rawn kal tep tawh ang"

.

"Min Yu te chu lo va kal turin ka hrilh daih tawh alawm"

.

" Cassie" Ashley chuan a rawn ti tuarh a, " indate na ah i kal dawn hi!!, leng tur nilo in Min Yu chuan a rawn hruai tur che alawm"

.

" mahse..."

.

"a pawi lo, chuti chu ka rawn thlah thei dawn si lo a, taxi a i kal angai dawn anih chu, "

.

Ka sam chu Ashley chuan min curl saka, ka hmui chu ka hnawih sen hlar bawka, kawrfual dum ka khup chung chiah leh pheikhawk sang zet chu ka bun a, khua a vawh deuh avangin a chungah overcoat ka ha tel bawka.Darthlalang ah chuan ka in en a nalh ka in ti ve hle a

.

Ka zei loh luatah Ashley in taxi chu min chanpui a, a tawpah a tawpah pakhat chu kan hmu ta hrama.

" half- prince hotel ah," Taxi driver chu Ashley chuan a be mawlh mawlh a, a bulah chuan ka lo ding renga, in date na a ka kal tur ni si hi a hit lo takzet ani.

.

" Cassie lut rawh le" Ashley chuan kawngka chu min hawn saka, ka lut nghala " va che na lutuk lo la" khar pah chuan a ti a, ka lo nuih ringawt a.Driver chuan a khalh chhuak nghala, Ashley chu ka bye bye lauh lauh a, kan tlan liam chiah tih chuan a ai nasa in ka phur lo leh zuala, pawnlam chu ka thlir vang vang a,thil chi hrang hrang ka ngaihtuah na ah a lo lut a, ka thaw leh halh thin a.

.

Taxi chu a ding chawt a, ka hlauthawng hman ngei mai ,driver chu an phun nuah nuah a, a tlan mai dawn emaw ka tih laiin horn chu a hmet ri ta tuarh tuarh mai a, thil diklo a awm tih ka hre nghala, kan hma lam chu ka va bih dek dek a .Kawng lai taka bike pakhat ding reng hi ka va hmu a,taxi chu a dang tlat bawka Miller ani tih chu ka hre nghala.Ka chhuk thla vata.

.

Miller chu bike atangin a rawn chhuk thla ve chiah bawka, driver chu a rawn be mawlh mawlh a,Chinese tawng thiam min ti chak zual ani.Miller chuan pawisa a pe a taxi chu a tlan ta daih a

" hey...ka pu lo ding teh" ka au nghal tuarh tuarh a.

.

" ka kaltir anih kha" Miller chuan ngeiawm zet hian min rawn nuih a,chutia kawng laka min lo dan ve ngawt avang chuan ka thinrim leh hnuhnawh a, rum zet chuan ka va melh a, mahse a nuih ka ti za zawk mai mai in ka hria.

.

Chapter-11.

.

"umm...date leh taxi maw?" Miller chu a nui hak a,a bike chu inkuangkuah pahin a ngheng dar dar a,hre lo ang mai chuan ka hawisawn hmak a, taxi dang chu ka zawng ru reng bawka.

.

"lo kal teh" ka ding reng avang chuan ka bulah a rawn kal a,a kekawr ipte zen chung hian ka hmai zawnah tak a rawn kun hniama, ka lo tawlh sawt vata.

.

"Engvangin nge min lo tih ding a?" ka han en chho ha a,Engtin nge ka kalna tur hi a hriat ? min lo zui ru reng pawh ani maithei bawk.Engpawh nise indate na a kal tur ka ni a ka tlai lek lek tawh ani.

.

"Hetiang khaw vawt lutuk ah kawr chhing lutuk leh pheikhawk sang maw?" Confi lo deuh chuan ka in en a, diktak chuan a rawn sawi dan hian min ti confi lo zo vek,a nui zui hak bawka, rum zet hian ka lo melh a.

.

"i lo buai ve na tur pawh a awmlo,bakah a ha tu ka nia"ka lungawi lo lek lek ani, mahni lo maha nalh lo in tih ve nak alai in min ti hnual leh vek tawh.

.

" a vawt i ti a, i khur char char anih kha" ngeiawm zet chuan min rawn nuih suk a,min hnial dang leh tawh, a dik ani vawt ka ti a ka khur der der a ngatinge thawmhnaw lum dang ka lo hak mai lo le?

.

" ka khur lo, vawt ka ti lo reng reng" ka lo ti vata, ka hawisawn nghal hmaka."chuti maw?, a tha alawm " A ti sap a,Taxi rawn tlan ka hmuh chuan ka lo phar vata.

.

"Taxi" ka kut ka phar velah chuan ka kut chu a la lawk a , min kai nghal dawr dawr a,han tan mai ngaihna pawh ka hrelo ngatinge hetianga a awm thut zel le?

.

" Miller" a ding chawt a,min rawn melh kawk a " Vawikhat min kohna" a rawn ti sapa ,mak tih hmel tak chuan ka lo en a,

.

"Chuang rawh" a ti hmuka,Bike ah chuan a chuang nghal a, a bulah chuan ka lo ding ngawi renga,"ka duh lo"tih pahin ka kal nghal nal nal a, ka kal rual chuan muang te te hian a rawn khalh ve zela,a chang leh horn a rawn hmet vaka, henu han nghal zia hi chu sawi vak ngaihna pawh a awmlo,enga mah hian tlawm a tum bawk si lo.

.

Han ngaihsak duh lo mah ila midang kawnga kal ve ho chuan min en hrek hrek a,a zahthlak duh em avangin a tawp a tawp ah chuan ka chuang leh ta nge nge a.Miller bulah hi chuan tlawm fo angaih hmel a chhanchu hnehtu a ni ziah a ,a ni reng zel dawn chu anih hi..

.

***

Ka lo rin lawk ang chiah in a in kawtah chuan kan ding chat a,rang lutuk in bike atang chuan ka chhuk thla vata,lungawi lo tih hriat deuh chuan ka ding tum hmuk a

"hetah tih tur ka nei lo,indate na ah kal ka ngai" Miller chuan inthiam loh hmel deuh hian min rawn en a,a chal chu a dawm vang vang a ,mahse tun dinhmun ah hi chuan a inthiam lo hmel hi hmuh a nuam ka ti ani.

.

"umm... lo kal rawh"a hmui chu a liak zeuh a,a chau hmel takzet ani ,a dang lepa a meng dul raih bawka. A kut chu a rawn dawh a ka lo in kuangkuah hmaka,a chang hi chuan kei pawh hi ka naupang chhia lek lek in ka hria.

.

Nin hmel deuh hian a mitmu chu a tikual a,ka kut ah chuan a rawn vuan a,a kut chu a sat em avangin ka han hum vang vang a,ngaihthat loh hmel deuh chuan ka han en chho ha a.

"i sa vek anih hi!! " a chal chu ka han khawih leh a, a lo hawisawn vata.

" khawimaw lo hawisawn lo teh ,hei i pang a sa vek alawm"

.

"A ho lutuk, vawin nileng in hetiang hian ka awm tawh alawm" alo ti sam et a, nilengin hetianga a awm anih chuan nilengin a lo damlo reng a chu!!Nizan vang kha ani ngei ngei ang, ka lum loh hlau in vawt ti takin a awm anga a damloh phah a ni ngei ang.

.

" i damlo anih hi,lut la damdawi ei vat la mu rawh aw" nu in a fa a hrilh ang mai chuan zaidam takin ka han ti a,a kut ka vawn na chu a rawn thing thla a.

.

" khawiah nge kal i tum?"

.

" i damlo si a, keichu taxi in ka haw mai ang anih loh pawhin date...." ka sawi zawh hma hma chuan ka hmuiah a rawn fawp zeuh a,ka meng phawk nghal kawk a ka danglam leh nghal vek tawh,Ka tek nghal chuai chuai in ka hria.

.

" hey!! i duh hun hun a fawh ringawt theih pawh ka nilo"ka lo ti vin ve hlar a, chau tih hriat lutuk hian a rawn nui suk a,a damlo hmel hi hmuh a hrehawm takzet ani.

.

"ka tihpalh" tih pah chuan a cigarette chu a la chhuaka , ka lo paih sak nghal vata.

" i damloh hi ,zu tawh reng reng suh, lut tawh rawh"

.

"Keimah chauh chuan ka lut lo ang" a ti sap a,a ding kun lapa "i nu in a lo ngaihtuah tawh ang che" ka tia, a hmel ka en chuan a rilru a na tih ka hre thei nghala, anu ka sawi rik avang khan ka inthiam lo leh lek lek zawk ani.

.

"anih chuan rei lo te chauh ka awm ang " min rawn nuih sanga,a awmdan hi a naupang chhia takzet ani.Ka nuih chu a ti za leh hnuhnawh a, ka lo nuih ver ver a.

.

" Mahse date kha" inthiam loh hmel deuh chuan a rawn ti a. ni e..date na a kal tur ka ni ngei alawm mahse tunah hian Miller a damlo a, ka awmpui angai ani . Ani aia pawimawh tunge awm chuang ang? Tunah hian min mamawh ani.

.

" ka rilru ka thlak leh mai tur asin"thinrim hmel deuh chuan ka lo ti a, mahse ka thinrim tak tak lo ani ,inchhungah chuan ka luhpui a, a bedroom ah chuan ka chho nghala.A chau deuh ani ngei ang khumah chuan a mu nghala.Khumah chuan ka thu a,puan ka sintir a.

.

" ilo mu ve dawnlo ami?"

.

,"damdawi ka rawn la ang " thawh chu ka tuma, ka kutah chuan a rawn vuan vata.

.

" khawiah mah min kalsan suh aw"a chau takzet anih dawn hi,meng pawh a meng tha peih tawh lo a, a hmel ka hmuh chuan ka lainat nghal em em a.A damloh pawhin anu a bulah a awm si lo a,amah chauh in a tuar thin chu ani awm si a,ka khawngaih takzet ani.

.

" ka kalsan dawn lo che, muhil rawh le" a drawer a damdawi chu ka la a, tui nen chuan ka pe a, ka kut chu a vuan tlata a muhil nghal vata.

.

A dim thei ang ber chuan ka kut chu a la chhuak zal zal a, a mut ngheh tawh em avangin a harh lo hlauh .Towel chu tui vawtah ka chiaha, a pang vel chu ka depa .Haw pawh ka tum bik lo a,a chhanchu naktuk hi weekend anih vang ani.Keipawh chu ka mut a chhuah em avangin a khum bulah chuan ka thu a, khum chu ka bawh a, ka muhil ve nghala.

.

" Cassie" Ka harh zawka,Miller chu ka en vata, a lo la muhil reng bawk si , " min kalsan suh" a phun mawlh mawlh a, a sawi dang chu ka hrethei tawh lo a.A kut ah chuan ka vuan vata, a kut chung chu ka beng thek thek bawka, chutia ka tih velah chuan thlamuan hmel tak chuan a muhil lehnghal siai siai a. A tawngvai na ah lehzel pawh ka hming alam a,hetiang anih reng dawn te chuan engtin nge ka kalsan theih ang .

.

Sana chu ka en a, zing dar3 chauh alo la ri a, Miller pawh a zia deuh tawh in ka hria a pang pawh a dai tan tawh ani. Ka mutthilh theih mai loh avangin room ah chuan ka vei tawh seka.

.

A thlalak tar ho chu ka enkual a,a pa ni awm tak nen a an inkuah na vel chu a lo tar khat dul a, mahse thlalak ah hian Miller tet lai bak a awm lo ani. Apa in a thihsan tawh pawh ani mahna , khum bul couch ah chuan ka thu a,dar5 a rik meuh chuan ka mut a chhuak tawh hle a, ka ham leh bai bai thin a,ka muhil ve ta nge nge a.

***

Ka harh chuan khua a lo var uarh tawh a,ka han zi mar vela ka hawi kual chuan khumah ka lo mu reng tawh a,couch ah khan ka mu si a,Miller in min sawn ani ngei ang.Mahse khawiah nge Miller hi? ka hawikual nghal ruai a .

.

"morning"ka hawi vata, Miller chuan tray hian coffee leh toast hi a rawn chawi lut a,min rawn nuih sang bawka.Hetiang hian zingtin Miller hi hmu thei ila chu thawh fuh lo pawh hi ka nei ngai lo ang.

.

"i dam tawh em?" ka lo ti vata,khumah chuan a rawn thu a,coffee chu min rawn pe a "hei i hmuh ang hian ka la thi lo"ka lo ner suk a,a dam tawh mah mah anih dawn hi.Chutia thlamuang taka ka awm lai chuan a phone ri chuan min rawn tibuai a,Avan hun lo thei tak.

.

"Cheng Wen maw!!?" a ti sap a , Miller chu ka melh nghal kawka.A la dawn chiah a phone chu ka lo chhuhsak vat a.Cheng Wen-i ngei ani, tun ang hunah Cheng Wen in a call amaw? A awmzia chu an pahnih inkar hi a la fel lo tihna ani.

.

"Engthil nge i tih hi,min rawn pe let leh vat rawh" phone min rawn chhuhsak a tuma,ka thinrim bawk nen phone chu a awm ah ka vawm pawpa " ka haw dawn"tih pahin ka pheikhawk chu ka bun sawk sawk a,inhnuai lamah chuan ka chhuk thla nghal hmawk hmawk a.

" Cassandra" Miller chuan a rawn ti tuarh a, ka ding nghal chawt a.

.

"Khatiang khan min ko tur pawh ani lo,i duh ang ang a tihkual mai mai theih ka nilo"ka clutch ka la a, pawnah chuan chhuah ka tuma, Miller chuan min rawn umzui nghal vata.Ka inrin hma chuan min rawn pawt let dawrh a,duhthawh tak chuan min rawn fawp nghal tawn tawn a,Ka lo nam sawn dawrh a ka beng nghal sawka .

.

"thlawk bo rawh" kawngkhar chu ka khar thuai a,pawn ka chhuah velah chuan ka mittui chu a tla nghal zung zung a, tah loh han tum teh mah ila ka mittui te chuan min phatsan chiang kher mai.Miller khan min duh ve ka lo ringa ka tisual der ani.Nilo ,Engtin nge min duh ve kha ka lo rin theih zawk? Mi mawl tak ka ni.

.

Tunah chuan min ti kual mai mai tawh hauh lo ang tiin ka in hrilh mawlh mawlh a,a chang leh ka han inhnem leh rih thin a awmzia a awm chuang lo , ka thinlung hi a na ngawih ngawih ani.

.

Muang changin ka pen chet chet a,ka melh ngai chu ka melh reng a, ka mittui chu a tla phang bawka min hre ngai lo tu chuan mi a emaw min ti hial ang.

.

Ka zawn ah tak car pakhat hi a rawn ding a, mahse ka lo ngaihsak lem lo , ka mittui chu ka hru leh zeuh thina , a vawt si a ka thaw khu hlat hlat bawka , ka kut te chu a hit vek tawh ani.

.

" Cassie" ka hawi phei vata, Car atang in Xiao Lin chuan a kut chu a rawn vai lauh lauh a, car chhunga lut tur chuan min rawn hui zeuh a ,ka lut ve nghal mai bawka.

.

"Xiao Lin hetah enge i tih?" ka ti sapa, ka mit te chu ka tahna avangin a sen ram a, Xiao Lin hian ka tap tih a hai hauh lo ang.

.

"number hriat loh in min rawn bia a, hetah i awm thu leh hruai tur che in min rawn ti a"

.

"number chauh maw" Miller chu ka ringhlel nghala, side glass atang chuan Miller ka zuk hmu thuta,Car chu a tlan nghala, rang lutuk in ka dak chhuaka mahse hmuh tur a awmlo .Ka mitvai ani thei lo hrim hrim ka hmu chiang lutuk tlat, anih loh vek pawhin a hruai haw ka duh a ring si lo anga Xiao Lin a bia anga mahse ka him tih a hriat nan ka hmuh phak lo chinah min lo zui char char pawh ani thei .Nilo, nilo chutiang chu a thleng lo ang, ka lu chu ka thing nawk nawk a .

.

"Cassie zanin party na ah i kal dawn em?" boruak rit lutuk tih reh nan Xiao Lin chuan a rawn ti a,"aih kal lo ang"ka lo ti sapa, party na a kal tur pawhin phurna ka nei tawh lo , inah mahni chauha awm ka duh ani.

.

"weekend anih hi, anuam thei ang berin ka hmang tur ani dawn lawm ni?"ka lo nui suk a, tawng takngial pawh ka peih tawh lo.Xiao Lin chuan in thlengin min thlah haw ta ani.

_____________________________________________

.

Monday:

.

Weekend chhung zawng khan ka room ah ka tawm char char a, ka rilru nat changa ka awmdan pawh ani reng ani.Chhan awm lo in ka tap leh ringawt thin a a chang leh thil ka ei vak vak a, ka a vek tawh ni mai in ka hria.Cheng Wen leh Miller ka ngaihtuah chhuah apiangin ka thin a rim a , an pahniha thlalak chu bangah ka bel a, ka thinrim apiangin ka chei che thin a mahse ka rilru a nat loh phah chuanglo.

.

Ashley pawn in min thlir tawp mai loh chu tih ngaihna a hre tawh lo a, a chhan lah ka hrilh thei bawk si lo , Min Yu pawhin vawitam tak min rawn call a mahse ka la duh lo ani a chhanchu Min Yu lakah hian ka inthiam loh ngawih ngawih ani.Ani chu ka lamah engtik lai pawhin a tang reng laiin kei chuan natna hlir ka thlen a,hrehawm ka ti takzet ani.

.

Vawin pawh phur lo zetin Ashley nen college chu kan kal rual a, Miller vang hian hrehawm tiin ka indawm kun reng tur ani lo,min duh ve lo tu vanga rilru na taka awm hi ka duh lo ani chuvang chuan chak taka ka awm hram hram angai ani.

.

"Cassie, ka kal ngei angai si a ka ngaihtuah takzet che ani" Ashley chuan min khawngaih hmel deuh hian min rawn en a ka lo nui lui saka

.

"min ngaihtuah suh, kan subject lak a inang bawk si lo a, kan awmdun reng thei hleinem va kal rawh"

.

" anih chuan kan inhmu leh vat dawn nia " min rawn kuah a min kalsan nghala.Diktak chuan hun thawl ka mamawh ani.Xiao Lin pawh tukin zing ah khan a zin thut tur thu min rawn hrilh a,a tel lo chuan nuam lo hle mahse keimah a awm ka duh zawk ani.

.

Class kan neih lawk loh avang chuan midang awm lohna tura ka rin deuh ber swimming pool lamah chuan ka kal a,Thuthlengah chuan ka thu a thli chu a rawn thaw heuh heuh bawka,ka harh sawng sawng in ka hria.

.

"Cassie" tun ang hun a tunge min rawn ko leh tawh ,keimah chauh hian min awmtir ve thei mai lo ami le.Ka hawi phei a, Min Yu chu ka lam pana a rawn kal hlawk hlawk lai hi ka hmu a,ka bul a rawn thlen chuan a thaw hlawp hlawp a, tunah tak hi chuan Min Yu hi hmuh ka hreh takzet ani.

.

"Cassie ka zawng nasa lutuk che alawm, friday khan ka lo nghak reng che a " a thin a rim ani tih chu ka hre nghal a, mahse tunah tak hi chuan insawifiah tur pawhin phurna ka nei lo ani.

.

" Min Yu nakinah kan sawi dawn nia, tunah chuan hunthawl ka mamawh" tha deuh chuan ka han ti a,

.

"nilo, Cassie tunah hian engkim sawi fel vek ang"

.

"tunah chuan keimaha awm ka duh, min kalsan phawt rawh" .

.

"kan sawifel hma loh chu ka kal dawn lo" Min Yu chuan a lo ti ve tlata, tunah chuan ka zaidamna in a tlin tawh ngang lo , " Min Yu min kalsawn rawh ka tihchu" ka au tuarh a,ka kut chu ka hum ruh a,ka khur der der bawka.

.

"aih...Ca..." Min Yu hmai chu a ri nghal nghal chawrh a,Miller in a rawn hnek ani,a hmui chu a thi nghal sawk a, ka lo te nghal thawt a.

.

" Miller duhtawk rawh" ka lo ti vata.

.

"min kalsan rawh a tih mawlh mawlh chu" Min Yu kawr nghawngah chuan a tham a , Ka thelh vat loh chuan an insual mai ang.Min Yu pawh chuan Miller chu a hnek let ve nghal sawka,ka hmui chu ka hup a ka meng phawk nghal kawk a ka hlauthawng takzet ani.

.

"duhtawk rawh u" ka au tuarh a,

.mahse ka thusawi chu hre lo ang maiin Min Yu chuan Miller chu a tham tho a.

.

"anih loh chuan tuiah ka zuangthla ang" an pahnih chuan an rawn hawi rual thawt a, ka hlauthawng bawk nen ka mittui chu a tling pam tawh a, keimah vang hian engkim hi a kal dik lo zo vek tawh .

Show post links

Top

ADVERTISEMENT (A hnuai a milem hi a nia hmeh zeuh tur chu)

Quote

Post October 16th, 2016, 1:31 pm

IMG_20170126_235911_739.JPG

IMG_20170126_235911_739.JPG (109.27 KiB) Viewed 4558 times

Miller chuan ka kut chu a rawn la lawk a,engmah sawi lo chuan min kai nghal dawr dawr a .Min Yu pawh ka ngaihsak hman tawh lo ,A car kawngkhar chu a hawng sawk a min nam lut nghal dawr dawr a, ani pawh chu a rawn chuang ve nghala chat zet hian a khalh chhuak nghala.

.

"ka chhuk duh ding rawh" ka thinrim kal tluan lai a ni bawk nen ka vin nghal tuarh a, Miller nen hi chuan ui leh kel thlunpawlh ang mai kan ni kan awmdun tawh hi chuan kan in hau ngei ngei.

.

A ngawi reng a, kawng chu a melh ngar ngar a, min chhan loh avang chuan ka thin chu a rim zuala,"i din loh chuan ka zuang thla ang" tih pah chuan kawngka chu hawn a tum a , car chu a ti ding nghal chawt a, Miller chu pawnah chuan a chhuaka ka awmna lam kawngka chu a rawn hawng a, min kai chhuak dawr dawr a,ka lo tang ve tlat bawka mahse ka hneh lo chiang kher mai

.

"min thlah vat rawh " ka kut chu ka thing vak vak a, ka au chul bawka.

.

"i a tawh ami , min thlah rawh ka tih chu" ka kut chu a rawn paih pawp a.

.

" ni e, ka a tawh ani nangmah vangin ka a tawh ani" a rawn ti tuarh a ,Keipawh ka thina rim em em a kei aiin Miller hi a thinrim zawk niin a lang.A mit chu a sen ram a, Min Yu an a hnek na chu a mit hnuai a duk kalh bawka .A kut pahnih chuan ka hmai chu a rawn khawih a, ka mit ah tak chuan a rawn en a.

.

"hetiang hian engvangin nge i awm? min thlah rawh " ka mittui chu a far fap a, nam sawn leh tur pawhin henu hi ka duh lutuk tawh ani.Nilo, ka hmangaih lutuk tawh zawk.

.

"A chhan chu ka hmangaih che ani" a ti sapa, mahse ka tan chuan ring tak ani

Show post links

Top

Ngaia

Site Admin

Quote

Post October 16th, 2016, 1:31 pm

Chapter-12.

.

"duhtawk rawh"ka lo ti vin hluk a,tuna Miller sawi kha ka ring thei thlawt lo,Cheng Wen nen an inkar thu engmah hriat ka nei lo a, lawm takin ka awm ringawt thei lo ani,hnuailam chu ka melh tlat a.

.

"Min Yu hlatah khan awm tawh ang che " thupe tak chuan a ti a,a kut ka hmai a vawnna chu a la thla a, min hnung chhawn zawng hian a ding a, a lu chu a dawm vang vang bawk a

.

"ka...ka awmdan hi ka inhre thiam tawh bik lo,Mipa dang i biak emaw i bula an awm in ka thik em em a" a rawn hawi phei a ,a hmel ah chuan beidawnna ka hmu thei ani.

.

"Khatia ka awm avang khan ka lo in hrethiam thin lo a mahse tunah chuan ka hmangaih che tih hi ka in hre tawh ani" a tawng dan atang chuan a zam hle tih ka hrethei a ani. Tun mai ah khan Miller in min hmangaih thu min hrilh anih chu!! ka awi thei lo.

.

"ngatinge a hma khan min hrilh loh, a hma khan tinge min pumpelh si " ka lo ti vin hlak a,ka thinrim ani a chhanchu ka awmdan ang chiah in a awm ve a,midang a biak emaw a awmpui in ka thik em em a mahse ti lang lo in ani chuan a thup tlat a,rilru na takin min siam a ka haw takzet ani.

.

"a...achhan chu ka hlau ani" ati sap a,min rawn kal hnaih a ka darah chuan a rawn vuan a ka lo thingthla vata.

.

" ka hlau a!!!" phawk fe hian ka melh a,ka nui zui hak bawka

.

"ni e, ka hlau ani.Ka tih nat che hi ka hlau ani" a ti tuarh a.Min tih nat a hlau amaw!! Min pumpelh a tum khan ka na daih zawk asin.

.

"engvangin maw i hlauh a?, a hma atang khan min ti na daih tawh asin"a kawr awmah chuan ka tham a," mawh min hrilh rawh engvangin nge min hmangaih anih si chuan min pumpelh tlat?"

.

"duhtawk rawh Cassandra, Midang in engtin nge an sawi ang che, Hmeichhia a ngaizawng an ti che anga, an nuihzat ang che chu chu nui chungin ka thlir liam mai mai ang maw!!"awki sang zet chuan a rawn ti tuarh a,ka kut a kawr awm ka thamna chu ka la thla riai riai a .

.

"chutiang chuan min lo sawi mahse ka hlau hleinem " ka ti sapa,lehlam chu ka hawi a ka mittui chu a far fap a, tap lo tur chuan ka in dang hram hram a mahse a harsa takzet ani.Ka hnung lam atang in Miller chuan min rawn kuah nghal vat a,

.

"hriatthiam tum rawh Cat, kan pahnih hi chuan awmdun tur ka nilo" ka mittui chu ka dang thei tawh lo,a rawn luang nghal zung zung a,tun ang hunah hi chuan tah lo hram hram ka duh asin,ka tap lai hi min hmu lo se ka duh ani .

.

"Kan Awmdun thei lo tih hre reng chungin ngatinge min hmangaih thu min hrilh si?" ka hlim ve dawn chiaha, tunah kan awmdun theih loh thu min hrilh leh si, ka thinlung hi chemte a vih ang maiin ana ani.

.

"midang tan ka phal lo che mahse natna bak ka thlen dawn si lo che a, tih nat che hi ka duhlo ani"

.

"kan pahnih chuan kan hmachhawn thei ngei ang, vawi khat tal kan tum chhin dawn lawm ni?" a lam hawi in Min kuai her a,ka sam chu a rawn huikiang a , a kut pahnih in ka hmai ah chuan a rawn vuan a,ka mittui chu a hruhul a .

.

"ka kalsan thei lo che i tel lo chuan ka awm thei lo..." ka mit ah tak chuan a rawn en a

.

"Cat " a nui suk a, " Ka Hmangaih che" dim te in ka hmui ah chuan a rawn fawp vang vang a, ka lo hnar lo chiang kher mai .Nilo engvang ngawtin maw ka hnar ang ka hmangaih miau alawm.Hmeichhia pawh nise ,mi in min nuih dawn mahse chung zawng zawng chu engmah pawisak ka nei lo ani.

.

"Ka kalsan leh tawh ngai lo ang che" a ti a,a chal in ka chal chu a rawn sik tira ka mittui chu a luang zung zung a mahse tun tum ami erawh chu ka hlim lutuk vang zawk ani.

.

"Hey, tap tawh suh i makeup a chhe dawn ania" a rawn ti a, ka lo nui suk a.Ka tah lai pawhin ani chuan min ti nui thei bik anih hi.Heivang hi lawm ka duh em em nachhan , amah vangin ka na a amah vang bawkin ka nui thin ani.

.

"college ah kan let leh dawn nge .....?" a mitko chu a rawn ti sang ak a, ka chhanna nghak chuan min en renga,

.

" umm...college a let leh chu a tha in ka hria" ka ti vata, a lo ner nanga diktak chuan college kal lo a, len kual a duh tih ka hre reng a mahse han fiam ve hrim hrim hi nuam ka ti ani.

.

" naa...a vawt bawk si a, bakah i thawmhnaw hak hi a lum bawk si lo a" lungawi loh hmel deuh chuan a ti a,

.

" anih chuan khawiah nge kan kal tak ang" ka han ti kual vela,

" ughh...chu ti chu...."

.

"date... haha ..a vawikhat nan kan indate dawn mi niang?" ka lo tihkhalh vata,alo nui sanga a hlim hmel hi hmuh a nuam takzet ani.Car ah chuan ka lut nghala, min rawn nuih suk pah chuan a rawn lut ve nghala, car engine chu a ti nung a, a khalh chhuak nghal mai dawn emaw ka tih laiin ka kut chu a rawn hum a vang vang a,mak tih hmel tak chuan ka lo en kar a.

.

"tun atang chuan ka ta ini tawh a,ka venghim tlat tawh ang che" a tih chuan kal lo nuih ver ver a,ka hmuiah chuan a rawn fawp leh zeuh a ,

"khawiah nge kan kal hmasak ber ang?" .

"umm....movie en ila" .

.

"ok.." a khalh chhuak nghala.Ngawi reng chuan ka thu kar a, ka va melh leh zeuh thin a tih tur a awm loh em avangin hla han play chu ka tuma , tape chu ka va hmet rak rak a Labrinth hla -Jealous ngei mai hi a rawn in play thut ta a ,ka meng phawk nghal chiang ngei mai a chhanchu ka hla duh ber anih vang ani.

.

"he hla hi"a lam chu ka hawi vata ,a lo nui suk a.

.

"ka ina i mutthilh tum khan hemi hla hi ngaithla chungin i muhil a"

.

"ka mutthilh lai khan i rawn kal maw!! " a ina ka kal hmasak ber tum a hemi hla hi ngaithla chunga ka mutthilh kha ka hre chhuak zawka, ka la replay tluk tluk zui chu ai a pawi zawk chu ka muhil hmelchhe thei lutuk hi ani avan hit lo thei tak.Ka mang ala chhe em em zui.Lehlam ka hawi a ,ka insiam che vaka ka zak lutuk pawh a zia sawt in ka hria.

.

"umm... ahh...i mu ang...."

.

" nilo, sawi tawh suh " ka lo tih khalh a, a sawi tur chu ka hre nghal mai ka mu ang leh phuau tawh aniang .

Nuih hak pah chuan ka lu chu a rawn tuai a, ka sam a tih thur vek avang chuan ka lo melh rum ngang mai.

.

Tun ah hian kei aia hlim hi an awm leh tawh lo ang ,ka hmangaih ber chu ka bulah a awm a, a ta ka nih thu min hrilh bawka hei aia thu lawmawm hi a awm thei chuang em ni? .

*

*

"eng movie nge en i duh?"vawin a movie chhuak tur ho chu ka en kual a, ka en duh chi hlir alo ni a love story deuh vek ani.Miller pawh chuan a rawn en a, a duh ang a awm lo ani ngei ang a ner nanga.

.

"umm...eng ber hi nge i duh?"a rawn ti a, inthlahrung deuh chuan,"The lost Valentine " ka lo ti sapa a nui suk a.

.

Tih fel tur ang ang chu a ti a, a piah ah chuan la lo nghak ran a drinks leh popcorn a rawn pawm tun hi ka va hmu thut a, ka lo nui hak a.A inhmeh takzet ani, a bawr bawk si a ka lo ken then sak nghal vata.

.

Theatre chhungah kan lut a,mi an lo tam vang lo bawk nen a hnung berah chuan kan thu a .A chhuak tan chiah tih chuan Miller chu a ham nghal bai bai a, a ruk chuan ka khawngaih ve deuh ani sawi kher lo mahse he movie hi chu a ngaina lo tih ka hria a, keimah vanga en mai mai ani tih pawh ka hrechhiang khawp mai.

.

Ka kut chu a rawn vuan a,ka va melh zeuh a a hmel chu chiang takin hmu thei lo mah ila min en reng ani tih chu ka hrethei ani..Movie pawh chu en lo in keimah chu min en char char a, ka lai lutuk chu ka sen nghal tawn tawn in ka hria.

.

Ka movie en laiah ka rilru ka pe bawka, Miller pawh ka ngaihtuah thei tawh lo ka mittui te chu a tla a, ka tah pui bawka ,a changtunu khi ka khawngaih takzet ani.Chutia mittui tla zawih zawih a ka en lai chuan Miller chu ka melh zeuh a.Tui lutuk tak mai hian a lo muthlu a, thatchhe zet hian a thu a, a bawp a khawkherh a, a kut chuan a khabe a dawm bawka.Nui ver ver pah chuan ka kuai phei a ka darah chuan ka bei tir ta ringawt a

Show post links

Top

Ngaia

Site Admin

Quote

Post October 16th, 2016, 1:31 pm

"tho tawh rawh le" a hmai ah chuan ka zuk khawih a,a rawn harh thut a a tho nghal zawt a.

.

"khawiah nge mi zawng zawng hi"

.

" a tawp tawh a, an haw vek tawh"

.

"hreptak chuan, engtin nge ka mutthilh theih zawk le?." inthiam loh hmel tak chuan min rawn en a, ka bula a awm ve chhunah pawh a muhil ania a chau hle anih dawn hi.

.

"hey! a ho lutuk" ka kut pahnih chuan a hmai chu ka hup a "movie en nan te chuan hun ala tam lutuk alawm" zaidam deuh chuan ka lo ti a.

.

"mahse kan vawikhat indate na ani si a"

.

" a pawi lo, naktuk ah ani leh mai"

.

"umm...anih chuan naktuk ah ngei ngei aw" a naupang chhiat em avang chuan ka nuih a za lek lek zawk .

.

" a tlai tawh si a haw tawh mai ila"

.

"dinner ka ei dun dawn lo ami?" 'aw' ka tih beisei deuh chuan min rawn en a, sana chu ka han en a,dar6:30 a lo ri va tawh a, tlai em em lo mahse tihtur ka ngah em avangin dinner ka ei chhuak thei lo ani .

.

"umm... dinner ei chhuah chu ka duh viau na in , assignment leh tih tur dang dang ka nei a, hun ala tam tho alawm"

.

"awle" lungawi lo deuh chung chuan a ti sap a,a kut ah ka vuan a a biang ah chuan ka fawp zeuh a.A rawn nui leh nghal vur vur a, tih lungawi hi chu a awlsam ve ngawt mai.

.

"hawh kal ang" ka ti a, theatre chu kan chhuahsan nghal a.

.

A car kawngka chu min hawn saka,ka lut a ,ani pawh a rawn thu lut ve nghala,seat belt chu min rawn hrentir a in lam pan chuan a khalh chhuak nghala.A khalh pah chuan min rawn en leh zeuh zeuh thin a .

.

"kawng saw enrawh keimah nilo in" ka lo ti vata,hetia min en reng te chuan kan accident ang tih pawh a hlauhawm.

.

"awle, awle"tih pah in hma lam chu a hawi nghal a.

.

***

In kawt ah car chu a ti dinga, "mangtha le " tih pahin car atang chuan chhuah ka tuma, ka banah a rawn vuan vata

" mangtha ti suh, mangtha i tih hi chuan min kalsan turah ka ngai tlat zel "

.

"ka kalsan dawn hleinem che ,anih chuan naktukah kan inhmu leh dawn nia" ka ti a, ka chhuak thei ta hrama, a tlan liam thleng chu ka en a.Ka ngai nghal veng veng in ka hria,hmuh leh vat vat chu ka chak a, a zun ngah leh lutuk hi chuan min la tibuai fo dawn chu anih hi.

.

___________________________________________

.

Ka locker ah chuan lehkhabu ka khung mawlh mawlh a, "Cat" ka phu zawk a, ka hawi phei vat a, tudang nilo in Miller ani, ka lo nuih sanga.

.

"Class i nei si lo a, lunch ei dun ila"

.

"awle, mahse heihi kan tifel lawk ang" ka bulah chuan a lo ding rana,hla a ngaithla pah bawka.

.

" Cassie" Ashley chu ka bulah chuan a rawn phei a,min rawn kuah nghal bawrh bawrh a.

.

"vawin chu lunch ka treat ang che lo kal rawh" a tih chuan Miller chu ka melh zeuh a,a thinrim hmel em em lehnghal.

.

"Ash vawin chu tihtur dang ka nei a" ka lo ti vata,

.

" chutiang sawi angai lo ,lo kal rawh" tih pah chuan min kai nghal dawr dawr a,ka han hawilet leh hrama Miller chuan tih ngaihna hre lo deuh hian min rawn en a chungah pawh ka in thiamlo takzet ani.

.

Lunch kan ei chhung zawng chuan Miller chu ka rilru ah a awm char char a,a vawi khat nan lunch eipui ah min sawma, chupawh ka tih hlawhtlin sak thei lo ani a, eng bialnu nge maw ka nih le?

.

" Cassie ei ta che" Ashley chuan a thil ei ka khat tun hian a rawn ti a,thil dang daih ka lo ngaihtuah avang chuan ka phu deuh zawka.

.

" Ash, ngatinge Chen Shi i sawm mai loh a?"

.

"Tun atang chuan Chen Shi chanchin sawi tawh lo ang,Cassie a tam thei ang ber hun kan hmang dun thei tawh ang,i lawm tawh em?" ala ti zui, za lo zet chuan ka nui hak a .Ashley leh Chen Shi hi an inthen leh tawh ani maw! ava han hun lo thei tak.

.

Message ka dawn avang chuan ka phone chu ka zuk bih zeuh a

..*Miller: banah ka lo nghak ang che parking lot ah*

tih te mai hi min rawn thawn a, ka nui lo ver ver a ,

.

"Ngatinge mi a ang maia i nuih vur vur a?" ka hawi chho vat a, Ashley chuan mak tih hmel deuh hian min rawn enreng a,

"engmah ani lo" sana chu ka ena " hei ka tlai dawn,ka kal mai ang"ka tho thut a, Ashley chu ka kuah a,min pawh din leh hlau in ka tlan nghal nal nal a, ka awm dan chu a hrethiam lo leh ngawt ang.

.

Miller hmuh chak tawh nak a laiin hetah tawng mai mai turin hun ka nei lo ani.A chang hi chuan hmangaihna a tluk luh tawh hi chuan thil at thlak tak tak te pawh tih ve angai alawm....haha

Show post links

Top

Ngaia

Site Admin

Quote

Post October 16th, 2016, 1:32 pm

Chapter-13

.

Last period ani tawh a,haw ka chak tawh em avang chuan lecture pawh ka ngaithla tha thei tawh lo, ka helh hawlh ani ber.Sana chu ka en chhen bawka, hun lah hi a kal muang takzet ani.Sana te hi herh chak mai ani ka duh.

.

"Cassie ngatinge sana i en sek a" Ashley chuan a rawn ti sa sa a, ka lo nuih ringawt a.

.

"Vawin tlai chu spa ah kal ila, ka dar kham lutuk pawh hi massage tir ka duh "

.

"weekend ah ti mai ila,thil dang tih tur ka nei a" ka lo ti vata,kal duh hle mahila vawin tlai chu Miller in min lo nghak dawn a khawi ah mah ka kal thei lo ani.Vawin ah lunch ei zawh atang khan ka la hmuh leh miah lo a, hmuh ka chak tawh takzet ani.

.

"ka rilru hah lai ani hi, thil dang chu nakin a tih ah dah mai rawh, nang chauh hi min hnemtu awmchhun i hi" Ashley chuan lungawi loh hmel deuh hian a rawn ti a, diktak chuan Ashley bula awm chu ka duh lutuk , Chen Shi nen an inthen a, a rilru a na tih pawh ka hria mahse Miller hmuh a, a bula awm hi ka chak tawh lutuk ani.Ashley hi Miller nen a kan chungchang hi hrilh tawh mai tha in ka hria a, tunah hre lo mahse nakinah ala hre dawn tho tho ani.

.

"Enteh Ash" ka va thut hnaih deuh a " Miller kha i hria tiraw" ka han ti dek dek a " Vespa Miller Maw!! " a lo ti vata.A tawng rin em avangin a ka chu ka lo hup sak vata, Sir Zhing-a class ani bawk nen fimkhur angai ani.

.

"Ani te chu tuin nge hre lo anga"tawng rin hlau deuh chuan a rawn ti a

Ni e,i hria em tih kha zawhna awm lo tak ani , tunge hre lo awm ang ani te chu kan college hero ani ringawt alawm.

.

"ka sawitur hi lo ngaithla phawt rawh"ka han ti leh te te a, ka thaw hak a ,ka zam ve deuh hlek ani.

.

"in in hria ami?" a lo ti vata, ka lo bu nghata.

.

" Enteh Cassie kha nu hlat ah khan awm vat rawh" ka na nghal zawka, ka thil hrilh tum pawh kha hrilh lo turin ka rilru ka siam fel chiang kher mai.

.

" Ngatinge?" ka lo ti chuai raih a,

.

"Miller hian mi rilru a ti na lo ngai lo,tunah Cheng Wen pawh rilru na takin a siam a,a tawngkam ngei awm zet leh a mizia hmeichhe hip tak hmang hian mi ati na thin ani.Thian chauh pawh ni ula a hlatah awm vat rawh" Ashley thusawi chuan min ti hnual nghal rawih a, mahse Miller ka duhna a tlem phah eih lo, midang bulah sual in nunrawng viau mahse ka bulah chuan Angel ang maia fel ani tlat.

.

" Engtin nge chung zawng zawng chu i hriata? bakah Cheng Wen nen te chuan an inthen tawh kha"ka lo ti sapa ,engkim hi hriat vek ka duh ani.

.

" Cassie, i lo duh reng tawh te hi ani lo maw? A awm lo hran lo ,lo duh pawh nila mahse ka thurawn che hi theihnghilh ngai suh Miller hlat ah awm vat rawh "Ashley thusawi hian min tina takzet ani ,a thusawi hi a dik lo ngai lo mahse kalsan tur chuan ka hmangaih lutuk tawh ani.

.

Bell a rawn ri a, a rik rual rual chuan ka lehkha bu chu ka khung sawk sawk a,Miller in min lo nghahna tura a sawi ah chuan ka kal nghal hlawk hlawk a.Alshley pawh ka ngaihsak hman tawh lo, Midangin min lo biak pawhin ka chhang hman tawh lo ani,Ashley thusawi kha ka rilru ah a awm reng ani. Miller chu a bike nghenga a lo ding hi ka va hmu a.

.

Ka nuih suk a,ka rilru hahna zawng zawng te kha a bo vek in ka hria.Alam pan chuan ka kal phei a, uluk fahran hian min lo thlir renga ka lai lek lek ani.Ka rilru ah chuan zawhna tamtak a rawn lut a, Miller chu engkim ka zawt vek dawn nge ,zawt lo in ka ngawih bo pui zawk ang? nge ka thinrim khum ang? , awmdan tur pawh ka hre lo ani.

.

Miller bul ka hlen hma chuan Ashley car hi ka hma ah tak a rawn dinga, " Cassie lo lut rawh" a car khawngka chu a rawn hawng a.

.

"vawin chu lo va haw hmasa rawh,tih tur ka nei a"Miller chu ka en zeuh a, Ashley nen kan inbiak lai chuan min lo en renga ,A hlauhthawng hmel takzet ani.

.

"hun ala tam bawka, kan lengchhuak dawn nia chuan Spa ah kal bawk ila" car atang chuan a rawn chhuaka, min pawt nghal dawr dawr a,

"Ash... " car chhungah chuan min nam luta, engmah pawh ka sawi hman tawh lo a tlan chhuak nghal daih a .

.

Miller chu a thinrim ngawt ang vawinah vawi hnih lai inhmuh kan tum a mahse Ashley in min pawt hrang zel si .Kan pahnih chanchin Ashley in a hriat hunah engtin nge min tih ang? Mahse heng thil zawng zawng hi tuar ngam in ka pawm ani lawm ni?

.

Ashley nen chuan kan bazar a, movie kan en bawka thil chi hrang hrang kan ti a, mahse nuam ka ti ve tlat lo,a chhan pawh eng dang vang nilo in Miller vang ani,ka rilru ah a awm reng a hmuh ka chak ani.Tunah hian Enge a tih ve ang ? tihte thlengin ka ngaihtuah a, ka thiltih engmah pawh a tui thei tawh lo.

.

Dinner kan ei chhuak bawka zan dar10 velah kan haw a, ka room a ka luh rual rual chuan ka khumah ka bawk nghal thlawp a,kan kalkual nasa bawka ka chau takzet ani.

Ka nu pawh ka biak loh na a rei tawh bawka,Miller vang hian ka nu takngial pawh ka theihnghilh tawh anih hi.

.

Ka nu nen rei tak kan inbiak hnu chuan inbual turin bathroom ah ka lut a, khua a vawt bawka tui sa taka han inphuh tir seng seng chuan ka harh sawng sawng in ka hria, ka phone a rik avang chuan ka inbual sawk sawk a,ka inbual zawh velah chuan ka phone chu ka han en a, Min Yu alo ni a,mahse la lo in ka phone chu khumah ka theh thla tawp a.Ka inthlak san daih a,Min Yu pawh kha thil a thlen atang khan ka hmu tawh ngai meuh lo ani.

.

Ka phone chu a rawn ri leh ral ral a, mahse Min Yu anih ka rin avangin ka la duh lo a, thil dang chu ka tihsan daih a ,mahse a rik reng takah chuan thil pawimawh anih ka rin avangin ka phone chu ka han en a ,Miller ani.Rang lutuk in ka pick up nghala.

.

"Cassandra, i phone hi engatan nge i tih ?" Vin deuh chuan a rawn ti a,

" umm...ka tihpalh, ka lo inbual a "chhuanlam chu kan han siam tak na a, a awih pawh ka ring chiah lo.

"khum bula ding reng chung khan i inbual amw?"

" ai nilo e ka....ngawilawk teh engtin nge khum bulah ka ding tih i hriat?" ka hawi kual nghal ruai a, balcony ah chuan ka va hmu thut a ka te nghal thawt a.

.

Phone chu ka dah vata,kawngka chu ka va hawnsaka, a lo ding khur hlak hlak a a hmui te chu a duk vek tawh a, a sam velah chuan vur a kai lui bawka ,ben thlak sang pah chuan, " engtin nge i rawn lawn a? Engvangin nge i lo kal?Min rawn hrilh hmasak tur alawm" ka ti mawlh mawlh a, min lo nuih suka.

.

" Vawi khatah zawhna tamtak ka chhang thei lo ania" tih pah chuan inchhungah a rawn luh a, a tawngkam ngeiawm zet avang chuan ka lo ner suk a.

.

" mawh, zan a rei tawh si ngatinge i lo kal?" khumah chuan a thu a, a bawp chu a khawkherh a,

" i phone a busy renga , ka rawn kal tawp" Ka hre chhuak zawka ka nu in min rawn biak laiin min rawn call vang pawh ani mahna.Mahse hetah rawn kal tur khawp khawp chuan a hlauthawng ve hle anih dawn hi.

.

"hetah lo thu teh" tih pah chuan min pawt thu a,a mal ah chuan ka thu a .Ka awmdan a dik leh thei tawh lo,ka thinphu te chu a rang em em a,a ri erawh a hriat ka hlau takzet ani. Ka samah chuan a rawn chul a, ka hmuiah chuan dim te hian a rawn fawp a,engtik lai mai pawh hian a vawikhatna ang mai hian ka awm ziah in ka hria, kan bul velah phengphehlep a thlawk kual chem chem ni maite hian ka hria.

.

Miller phone chu a rawn ri ral ral a hre lo ang mai chuan min fawh ngai in min la fawp reng a, a rik tak reng avang chuan ka ngaih a tha lo lek lek zawk.

" phone hi la phawt la" ka tih chuan phone chu a la chuaka a en vang vang a ,a hmel chu a danglam nghal veka,la lo chuan khumah a paih tawpa,ngawi reng chuan ka lo en kar a. Phone ri chu hre lo ang mai hian khumah chuan a mu daih a , a bulah chuan ngaihtha lo deuh chung chuan ka zuk mu ve nghala.

.

A vawi thum nan phone chu a rawn ri leh a Miller chu a tho thut a, phone chu a la lawk a,a paih keh nghal chuai a ka lo te nghal thawt a.Engthil chiah nge thleng hi? ka hrethiam lo takzet ani.

.

"engthil nge maw i tih le?" ka thinrim lek lek zawk, khati teh thut a a rawn chet tak mai."ka tihpalh "a thaw hak a,a kut ah chuan ka lo vawn saka .

.

" hetah lo thu teh" zaidam tak chuan ka ti a, ka bula thu tur chuan ka pawt hnai a,ka bul hnaih set ah chuan a rawn thu a.

"thawk han la vak rawh le"min rawn melh a, ti tura ka tih tlat avang chuan a thaw hak a minute 5 vel chu ngawi rengin kan thu char char a.

.

" lem....engthil nge thleng min hrilh rawh le" ka han ti a,chutia ka tih chuan a hmel a danglam leh nghal veka,Engthil in nge maw ti thinrim em em le?Ka hriat ve hi a tha in ka hria.

.

"ka tihpalh lutuk zawt lo tawp tur che ka nia" ka inthiam lo leh hnuhnawh avang chuan ka han ti leh a.Khumah chuan ka let tawpa, blanket chuan ka inkhuh daih a, ka bulah chuan a rawn mu ve nghala, a ban chu min kham tira ka sam chu a khawih niap niap a,a thaw leh halh thin a.

.

" nilo, englo ania" sawi chu harsa a tih hmel takzet ani,chunglam chu a melh vang vang a,a sawi hun chu ka lo nghak tawp ani.

.

"Cat" ka kut ah chuan a rawn vuan a

" ka nih dan ang ang hian min pawm tiraw?" ka lo bu nghata, chutiang te engvanga rawn sawi chhuak nge maw anih le?

.

"Engthil pawh thleng se ka kalsan lo ang che" ka lo ti vata,a thaw huai in ka hria

"min rawn call tu kha ka nu ania" ati sapa a.A nu anih chuan tinge a huat em em si...

.

.

A han mu rem te te a, min rawn kuah a

" Ka tet lai chuan hmeichhe naupang fel leh thiamthei tak ka ni thin a,ka nu pawhin min duat thei em em a,ka lo lian zela hmeichhe naupang dang anglo takin barbie tih vel ai chuan bike te ka ngaina tlat zawka,mipa hlir ka kawm a, hmeichhia chu kawm en ah pawh ka en ngai lo " a nui lui hak a,mahse a hmelah chuan natna hlir a ka hmu thung.

.

"Middle school ka kal tan tirh hian kan class ami hmeichhe pakhat chu ka rilru ah a awm ta tlut tlut mai a,a chhan pawh ka hre bik lo ka vei ani ber mai.Khatia ka hmeichhiat pui ka vei tak tlat avang khan hrehawm ka ti a,ka inkhawngaih a keimah leh keimah pawh ka insit phah ani.Hmeichhe dang lakah ka danglam bik ani tih chu ka hrechhuak a ,ka zak em avangin ka room ah ka tawm char char a school pawh ka kal duh lo phah ani.Chutia School ka kal duh tak loh avang chuan ka apa a mangang ta em em a,a chhan min zawh chuan ka hrilh ta veka"

.

A chungchang a sawi chuan ka khawngaih nghal em em a,ka lo inhnit faih faih a,a chhanchu ka hriat thiam vang ani a tawn ang chiah kha ka tawng ve ani. Miller ka duh ani tih ka hriat tirh khan hrehawm ka ti em em a, mahse a ni telin ka duhna a zual zel bawk si.Miller ka duh avang khan mahni inten na in ka khata, ka inkhawngaih bawka mahse khatianga ka awm avang khan ka inhnem chawp a,thil dik lo ani tih hre mah ila a zunah ka uai hneh tawh lutuk ani.

.

"mahse i nu hi ngatinge i huat em em a?" ka lo ti vata, zawh awm loh pawh ani maithei mahse hriat ka chak tlat bawk si.A hmui hnuai lam chu a liak zeuh a,

.

"Ka pa kha chuan ka nihna ang ang in min pawm a,ka awm dan chuan ti rilru hah thin hle mahse ka kiangah a awma mahse hmeichhia duh ka neih pawhin ka sawi chhuak ngai tawh lo a, ka awmdan chu hmeichhe pangai ang ka nilo tih ka hria a chuvang hmeichhe naupang dang anga awm chu ka tum ber ani" a thaw leh hak thin a,ka bula sawi hi harsa a ti takzet ani.

.

"Mahse ka nu chuan min pawm ve thei tlat lo, min zahpui a, khawih pawh min khawih duh ngai lo, khatih laia ka rilru nat thin zia chu zantin ka tap thin ani. Ka nu in a fanu anga min pawm leh theih nan tiin ka theihtawp ka chhuah a, ka zirlai ah te leh thil dang dang ah a ber nih hi ka tum tlat thin a,ka ni reng bawk ani chuti chung pawh chuan min la pawm thei chuang lo ,khami kum vek khan ka pa chuan min tihsan a,ka natna chu ala in tan dawn chauh ani"

.

"i pa chu pawi ka ti lutuk" tawng pawh ka tawng tha thei tawh lo, ka mittui chu a tla nghal zawih zawih a, tahbelh lutuk hi chu a buaithlak ani hi, hnem tur zawk ka nih laiin keimah zawk hi hnem ka ngai anih hi.

"ka pa a thih atanga ni thumna ni ah in chu ka chhuahsan a, he in hi ka pa in min pek ani a tah hian ka awm ta ani.Ka hmeichhe thawmhnaw zawng zawng chu hal in a a aiah heng thawmhnaw te hi ka inbel ta zawk ani.College ah nise a ber nih ka tuma , basketball , swimming leh thil dang dang ah a ber ka nih tak hnu hian company hrang hrang nen kan thawk ho a,chuta tang chuan pawisa ka thawkchhuak thin ani.Ka nu chuan thawhpui ah min rawn sawm a, nilo ka pawisa bak engmah duh anei lo"

.

Headmistress awmdan chu mak ka ti takzet ani, nu fel tak leh smart ang takin lang mahse a fanu , a fanu neih chhun ngei chu a pawm duh lo a, pui a ngaih laiin a kalsana tunah a hlawhtlin velah a umzui leh si.

.

" mahse engtik lai pawhin i nu ani reng dawn alawm"han ti mah ila, a ruk tak chuan anu hi ka hua ani.Miller hian hun harsa tak a tawng a ,khang hun ah khan lo tawiawm in lo pawm se chu hetiang hian a awm bik hauh lo ang .Hmeiche pangngai tak ani anga ,amah pawh inring tawk takin a awm ngei ang.A beih nasat tur zia te ka ngaihtuah a, ka lainat takzet ani.

Miller hi engang mi pawh nise a kiangah ka awm reng tawh ang, a insit na te chu tih bo sak vek ka duh ani.

.

"sawi tawh lo ang, thil dang sawi tawh ang " a rawn ti a,keipawh chuan sawipui luih pawh ka tum lem lo a chhanchu a tawrh na zawng zawng kha hriatchhuahtir ka duh tawh lo ani

.

IMG_20170126_235859_467.JPG

IMG_20170126_235859_467.JPG (119.22 KiB) Viewed 3008 times

chapter-14

.

"Cat engtik ni ah emaw chuan ka nihna avang hian min la kalsan hi ka ring tlat ani" hlauhthawng hmel tak chuan min rawn en a,a thlamuan deuh nan ka lo nuih suk a.A nihna ang ang hian ka pawm tih hi engting nge ka lantir tak ang?

.

"chutiang sawi suh" a hmuiah ah chuan ka han fawp zeuh a, "engthil pawh thleng se kalsan che hi ka duh lo" ka ti sap a, Kan hma hun chu ka hre lo mahse Miller hi kalsan ka tum lo bur ani.

.

Ka mut a chhuah tawh em avang chuan ka ham bai bai a, mahse Miller bula ka mut lai hi chuan mutthilh san daih chu ka ui ani.

"mu tawh rawh le" puan chu min rawn sin that tira,amah hnaih thei ang ber chuan ka tawlh phei a ,a kawngah ka kuah bawka rei pawh ka meng hman lo ka muhil nghal bawrh bawrh a.

.

Zinga ka harh chuan Miller chu ka bulah ala mut ringin ka han dap ruk ruk a,mahse ka dap fuh thei ta tlat lo, a mu tawh lo tih ka hriat chuan ka thu nghal zawt a, ka phone rawn ri tleng ka hriat chuan ka phone chu ka zawng nghal ruai a,ka lukham hnuai chu ka zuk dap a, ka hmu hlauh .Message chu ka han hawng nghal vata ka rin ang chiahin Miller alo ani a.

.

*Miller: morning...college ah kan inhmu dawn nia " tih te mai hi a rawn thawn a, a thawh lai pawh hrelo khawpin ka muttui ania , ka sam chu ka kek vata

"tinge ka muttui theih em em le? a thawh lai te chu hre tur ka ni asin "ka ti nawk nawk a, a hrim hrim in min kaihthawh ve tur ania.

.

Ka tho vat a, ka hmai ka phih a, ka ha ka nawh zawh meuh chuan alo tlai leh ruih tawh a, ka sam chu ka pawt leh sawk sawk a makeup tlem ka in hnawih bawka inhnuaiah chuan ka chhuk thla nghal a.

.

"morning nute" chair ah chuan ka thu a.

.

"morning ....Ashley hi ala rawn tho ve nange?" nute in a tih pah chuan breakfast min siam sak nghal mawlh mawlh a .

.

"tho tawh e" Ashley chuan ka chhan hma chuan step a rawn chhuk pah chuan a rawn ti a, ka bulah chuan a rawn thu ve nghala, bawnghnute chu a rawn in nghal khawlh khawlh a.

.

"Cassie i unaunu ang hian awm ve hauh suh ang che, i lehkha zir lai hi ngaihzawng vang in thlahthlam hauh suh " nutei chu a phun mawlh mawlh a , Ashley chu ka melh zeuh a hmui phun hian " engah mah ngai suh " a rawn ti zeuh a, ka lo nuih ringawt a .

.

"hei tunah pawh khaw vawh lai lai in thawmhnaw pan lutuk a rawn hak leh tak hi " nutei chuan a rawn ti leh a, keipawhin ka lo ngaihtuah ve chiah ani ngatinge Ashley hian tun ang khaw vawt lutuk ah hetiang thawmhnaw pan lutuk hi a hak tak mai le?

.

Ashley chu ka va nghawk zeuh a, ka thil ei lai chu ka ei chhunzawm leh mawlh mawlh a

"nu ....i hriat ve reng kha Chen Shi nen kan inthen tih pawh, vawin atangin basketball tournament an tan leh tawh dawna, bialpa thar ka zawn angai alawm" Ashley in a tih chuan ka thil ei lai chu ka hak tep ani.

.

"basketball tournament a?" ka lo ti vata, engmah ka lo hre ve lo hrim hrim , tinge Miller hian min hrilh ve miah loh le?

.

"a hre lo pawlah a lo tang leh tawh e, lehkha zir reng pawh hi ani lo, college news tal hi hriat ve tur" Ashley chuan fiamthu si tih el deuh hian a rawn ti a,ka lo nuih suk a .

.

" kan tlai tep, kal tawh ang" thil ka ei mawlh mawlh lai chuan min rawn pawt tho a, ka la hmuam tun zui , tui chu ka han lem khawlh khawlh a , Ashley chu ka zui chhuak ve nghala .

.

"Enteh Cassie mak deuh chu basketball an practice lai hi tlai tin ka en ziah a,mahse Miller hi ka hrethiam lo a tlai loh leh practice na ah a kal lo fo a, a tello chuan kan college team te ho hi kan chak thei lo ang" car a luh pah chuan a ti a, keipawh chu ka luh ve nghala .A khalh chhuak nghala.Miller chungchang min sawi pui avang chuan mak ka ti lek lek zawk mahse engmah chu ka sawi lem lo ani.

.

"a buai aniang" ka lo ti liam puat a , mahse a tlai leh a kal loh chhan chu keimah vang ani tih ka hre ve kur bawk si .Mahse engmah min hrilh hleinem ka thiamloh pawh ani lo .

.

"i lo hre ve em, tunlai Miller danglam zia hi tupawn hmangaih a neih an ring asin Cheng Wen nen an inthen tawh bawk si tunge ni ta ang a hmangaih chu?" Ashley chuan a rawn ti leh a, chhang buai lo chuan ka bengah earphone ka vuaha hla ka ngaihthlak san ta daih a.Chutia Miller danglam thu Ashley in min hrilh chuan ka lo nui ver ver a, mahse Miller nen kan chungchang erawh hi chu ka hrilh thei si lo.

.

College kan thlen chuan a ngaite bawkin an phusa leh luih luih tawh a, engtin nge engmah ka hriat loh theih zawk hetiang tournament lian tham lutuk hi!!!

"hi! Ashley" Mipa pakhat hi Ashley bulah chuan a rawn kal a,

"Hi! Seth" Ashley chuan a lo ti nghal var a,a biangah chuan a fawp zeuh bawk a,an bulah ka lo din ve reng avang chuan kal turin min rawn signal zeuh a, ngeiawm zet chuan ka mitmu ka tikual a, ka kalsan zui nghala.

.

Xiao Lin a awm bawk si lo ,Miller lah an inkhel dawn bawk si vawin chu a mal takzet ani. Ka locker chu ka hawng a,class a awm dawn loh vang nge lecture room lampang chu a reh duk a,ka thaw leh halh thin a.Muangchang in ka lehkhabu chu ka dah lut a,

.

"hey" tumah an rawn kal ka rin loh em avang chuan ka phu deuh zawk a, ka hawilet vata, Miller chu ka hnung chiah a a din avang chuan ka su chawrh a.

.

"enge hetah i rawn tih?" ka lo ti vin hlar a, a chhanchu vawinah an inkhel dawn tih pawh engmah min hrilh ve lo a, ka lungawi lo takzet ani.

.

"Eheu! naupangtei chu a thinrim ani maw?" a nui suk a,Ka hming ni lo hian a duh duh dan hian min ko a, ka lo melh rum ram ram a, mahse ka awmdan avang chuan a nuih a za zawka.

.

"ka tihpalh tukin zing kha chu practice ka ngai a, ka kal ta mai anih kha" inthiam loh hmel deuh hian a rawn ti a, ka khabe ah chuan a rawn dawm a min rawn fawh chu a tum a,ka locker lam chu ka hawisan daih a.

.

"vawinah in inkhel dawn tih pawh keimah chiah in ka hrelo" ka lehkhabu rem pah chuan ka lo ti hmuk hmuk a, ka hnung lam atang chuan min rawn kuah a, ka nghawngah chuan a rawn fawp zeuh a ka mur nghal sung sung in ka hria , ngatinge hetianga awm hi ka bansan theih miah loh le ?

.

" anih hrilh ta che ila tlai tin practice turin min hrilh anga hmuh na hun che ka nei dawn hleinem, heng thil zawng zawng ai hian ngangmah hi ka thlang zawk che" a ti a,a ti dik chiah ani, practice na a a kal loh chuan kal turin ka lo tur leh chhen pek anga,min hrechiang hle mai.

.

"chupawh nise" a lam hawitur chuan min kuai her a, a jacket hma lam hian min rawn khuh a min kuah nghal bawka.

.

"midangin min rawn hmu ange" tih pahin ka nam sawn deuh a, ka hawikual nghal vat bawka

"tumah an rawn kal dawn lo" ka locker lamah chuan min nawr bet a, duhthawh tak hian min rawn fawp nghal tawn tawn a, ka lo namsawn tawh lo chiang kher mai , a rim tui tak leh a thaw lum ham ham te chu ka hre thei a, a zun ah hian ka uai nawn awn awn dawn chu a nih hi.

.

Mi pakhat pheikhawng sang bun kan lam pana rawn kal ri tlek tlek ka hriat avang chuan Miller chu ka nam sawn nghal dawrh a,mak tih hmel deuh hian min rawn en a,

" Enge?" min fawh laia ka nam san avang chuan a rawn ti vin hlar a, thawm lo chhuahna lampang chu ka hawi phei a, Miller pawh chu a hawiphei ve nghala.

.

"Headmistress" ka ti chuai raih a,kan piah ah chuan Headmistress chu inkuangkuah chungin a lo ding ran a,min melh khai bawka a hlauhawm takzet ani.

.

"Cassandra Alvom tunah ka office ah " tih pah chuan a kal nghal nal nal a,ka khur nghal der der a ka hlauthawng takzet ani , Miller chu ka melh a ka hlauthawng tih a hria ani ngei ang ka kut ah chuan a rawn vuan vata .

.

"kal angai lo" a aw chu a vawt raih a,anu a huat na hi a reh thei dawn lo niin a lang.

.

"min ngaihtuah suh,engkim a tha vek mai ang" zaidam deuh chuan ka han ti a

"hreptak chuan Cassandra engmah sawipui tur che a nei lo" a ti vin hluk a, locker chu a beng thuai a,

"mahse min ko tho alawm ka kal ngei angai ani" ka han ti leh a .

.

"anih chuan ka lo kal ve dawn"

.

"nilo, keimahin ka kal zawk ang, ka tiam a che engkim hi a tha leh vat ang"ka ti a, Headmistress chu ka zui va nghala.

Ka zam takzet ani ,ka kut te chu ka sik neuh neuh a, mahse engmah thiamloh na ka nei lo a,ka hlau bik tur ani lo.Mahse engvanga min ko nge a nih rin ngaihna pawh ka hrelo ani.

.

Office chhungah chuan ka lut a,tlan haw daih mai te ka duh rum rum ani.

"tah khan thu rawh "awki hniam zet chuan a ti a,chair ah chuan ka thu vata,chiang takin min melh khai bawka

.

"Miller nen hian in in zui na a rei tawh em?"ngun tak chuan min melh a,

.

" umm... rei vak lo"

.

"a bulah hian awm tam lo la ka duh ani, nangmah vangin basketball practice na ah a kal lo fo a a carrier hi tih chhiat sak suh ang che" chiang fiah fai tak chuan a ti a,chhang lo chuan ka ngawi renga mahse ka chhungril ah chuan ka haw takzet ani , a chhanchu Miller ngaihtuah ber awm angin a awm a mahse a ngaihtuah tak tak si lo.

.

"chu bakah hmeichhe fing tak i ni a,ka fanu hian alo duh ve che anih pawhin...."A sawi zawh hma chuan Miller chuan kawngka chu a rawn hawng thuai a, a rawn luh chuan ka lo ding vata.

.

"duhtawk rawh" a nu chu rum zet hian a melh a,Mahse Headmistress chu a zam bik hauh lo, tih el deuh chuan a nui suk a.A bawp chu an han khawkherh te te a

.

"lo va chhuak rawh"awki hniam tak chuan a ti a, Chinese tawng chuan an inbe zui mawlh mawlh a , ka hriat ve zawng chu an inhnial tih hi ani.Headmistress chu a thinrim hmel hle a, a mit te chu a sen ram tawh a .

.

" lo kal rawh "tih pah in Miller chuan office atang chuan min kai chhuak nghal a ,enge an sawi ka hre bawk si lo a, a ngaihna ka hrelo takzet ani.

.

"ngatinge i rawn kal a, engkim i ti buai zo vek" ka lo ti vat a , rawn lut lo se chu khatiang khan boruak a sosang miah lo ang

"enteh Cat khatianga a tih mai mai lai che kha hriat ka duh lo ani, min then turin ti mah che se keichuan ka kalsan ngai lo ang che" min hnung chhawn zawng chuan a dinga ,hnung lam atangin ka va kuah vata

.

"Eng pawh lo thleng se ka kalsan lo ang che ka tih kha min ring rawh" ka ti a,ngatinge ka kalsan hi a hlauh em em le ka duh zia hi hria se chuan min ringhlel hauh lo ang.

Show post links

Top

ADVERTISEMENT (A hnuai a milem hi a nia hmeh zeuh tur chu)

Ngaia

Site Admin

Quote

Post October 16th, 2016, 1:34 pm

Midang ho chu an rawn lang sap sap a, ka lo inla hrang vata

"in inkhel tan tep tawh ania, heng thil zawng zawng hi theihnghilh vek rawh aw" zaidam tak chuan ka ti a, a rawn hawiphei vata.

.

"ka neihchhun ini tih hre reng ang che "ka chal ah chuan a rawn fawp a " ka hmangaih che " a ti sapa,"ka lo en reng dawn che ania" ka tih chuan a nui hak a ,dressing room ah chuan a lut a keipawh an inkhel en turin ka lut ve nghala.

.

"Cassie hetah lo thu rawh" Ashley chuan a ban a rawn vai lauh lauh a,ka va pan vata , a bulah chuan ka va thu nghala.

.

"khawiah nge i lo awm bo daih ka zawng nasa lutuk che" a rawn au ti tih a,thawm a ring em avang chuan ka beng ka lo dawh ha a

.

"ah... khawiah mah" ka lo ti liam puat a,inkhelh tan hma chuan cheerleaders ho chu court ah chuan an rawn lut dam dam a, Cheng Wen chu a langsar leh kher mai,mipui pawn an lawm in an au dur dur a, an han lam tak tak phei chuan thawm a ring ngei mai .

.

"Cassie, au ve ta che" Ashley chuan min rawn nghawk sawk a, diktak chuan Cheng Wen lam lai kher hi chuan kut ka beng peih thlawt lo ani.

.

" Vawin chu Rocket team leh Bullhorn team te an inkhel dawn a , vawin chu Bullhorn ka tan ang" Ashley chuan a lo ti zung zung a, a tan na chhanpawh nichina a mi hmuh Seth kha Bullhorn tan a khelh vang ani.Keichuan Miller khelhna Rocket team ngei ani ka tan dawn.

.

An lam zawh chuan inkhel tur Team pahnih te chu an rawn lut dam dam a, Miller in hma a rawn hruai chiah phei chuan thawm a ring lutuk a, beng ka lo hup tawp ani.

.

"Chen Shi hi ka haw lutuk" Ashley chuan a rawn ti a, Chen Shi ka zuk en chuan Cheerleader pakhat nen chuan an lo infawp ngawng ngawng a , chu ai maha ka mit ti khamtu chu Cheng Wen ani.Miller chu a pan vata, ka lo inhum ruh nghal vata,Miller nen chuan an inbe mawlh mawlh a zep lo chuan ka thik takzet ani .

.

"Miller leh Cheng Wen chu a tha leh tawh ami le?" Ashley chuan min rawn zawt sa sa a, mahse chu chuan min ti thinrim zual zawk ani.

.

"lo ni pawh nise enge pawi" ka lo ti vin hluka, Ashley chuan mak min tih hmel kher mai. Cheng Wen chuan a kal dawn chuan Miller biangah chuan a fawp zeuh a, court sir ah a thiante ho awmna ah chuan a phei ve nghala. Ka awm a ti nuam lo leh zo vek tawh thinrim tun chung chuan ka thu tum bur a.

.

Inkhel an tan chuan Cheng Wen chu a sir ah alo phusa leh hle tawh a, ka mit a ti kham takzet ani. Miller hming chuan an au leh thup thup tawh a, chu chuan a ti phur ani ngei ang a score leh nual tawh mai.

.

"Hey Min Yu" Ashley chuan a ti a ,ka lo phu deuh zawk a, ka hawi phei vata, ka lam panin Min Yu rawn kal chu ka hmu a, a aiin ka phur lo lehzual.

.

" Cassie i dam maw?" tih pahin Min Yu chu ka bulah a rawn thu a, lo biak chiat ve ngawt nachhan tur ka neih loh avangin ka lo nuih ringawt a .

.

"I va reh ve" a rawn ti a, mahse ka hriat that theih loh avangin ka beng chu ka lo dawh ha a, " i va reh ve" ka beng bulah chuan a rawn ti leh a " nia" tih ringawt in ka lo chhang a.Inbe tawh lem chuang lo chuan Min Yu chu ka bulah a lo thu ve renga , boruak rit lutuk nen ka lu te hi a hai zo vek in ka hria.

*

*

Boruak a tangin , an ri luih luih bawk si a ka chau tawh takzet ani ka tui in a hal huam huam tawh a ka chil chu ka lam leh khalh thin a.

.

"heihi in rawh" Min Yu chuan tui hi min rawn pe a, ks lo la rang kher mai.Hetiang boruak hi chu ka zo thlawt lo ani.An inkhelh zawh hun ka nghak na in ka thei tawh thlawt lo ka chau takzet tawh ani.

.

" Min lo hrethiam lawk" Tih pahin ka thutna atang chuan ka tho a, pawn lamah chuan ka chhuak chho a,ka zia sawtin ka hria.Boruak chu ka han hip vang vang a, ka thaw huai mai.Khawi mah peng kawi lo in washroom lamah chuan ka kal nghal nal nal a,

.

"Cassandra khawiah nge kal i tum?" ka ding chawt a, ka hawi let vata.

.

" Miller!!!" mak tih hmel tak chuan ka en a.Tunah hian inkhel ala zo lo a, Miller chu inkhel mek tur anih lai in enge hetah a rawn tih ?

.

"Ngangchu court a awm tur ini si a?" ka lo ti bah nuai a, ka lam pan chuan a rawn tlan vata.

.

"ngatinge i chhuah daih a, chuan khawnge Min Yu hi?" a zawhna hi ka hrethiam lo takzet ani.

.

" Min Yu maw!!" ka han hawi kual a, Min Yu te chu court ah khan a awm si a .

.

"aw...i chhuah hnu chiah khan a rawn chhuak ve alawm" Ka thutna chu a lo va hrechiang awm ve,a inkhelh lai pawhin min hmu lo amaw ka tih lai pawhin min lo hmu reng anih dawn hi ?

.

"Min Yu a rawn chhuak tih chu ka hre lo mahse ngatinge i rawn chhuaha?"

.

"Min Yu nen khan inchhuak dun dawn maw ka ti a" a kun lapa, Enge maw a hriat le Min Yu nen kan chhuak dun dawn maw a tih avangin an inkhel laklawh laiin a rawn tlan chhuak amaw!!

.

"i a mi, let leh vat rawh " ka lo ti vata,A a tawh tak tak niang , engtin nge a rawn chhuah ngawt theih zawk a team ten an mamawh asin a let leh vat angai ani.

.

"hawh lo kal rawh let leh ang" a ban ah chuan ka vuan a, a lamah chuan min pawt hnai a, ka darah chuan a rawn vuana.

.

"ka ta ini tih kha hre reng ang che" a ti sapa, ka lo bu nghata ka hmuiah chuan a rawn fawp vang vang a , court lam pan chuan kan let leh nghala.

.

Ka thutna a chho tawh lo in a sir ah chuan ka lo ding a, Cheng Wen chuan min lo melh rum ngang mai.Mahse a nuam ka ti zawk .A sir atang chuan ka lo tang ve leh a, a chang leh ka au thul .Miller in a score phei chuan ka zuang hial ani.

.

Ka nu in min rawn call avang chuan thawm rehna lam chu ka pan a,rei pawh kan in biak hma a aia ringin mipui chu an au dur dur a,

.

" nu ka rawn be leh ang che ka kal angai" ka phone chu ka ak sawk sawk a, court chhungah chuan ka tlan phei nghala. Miller chu an lo chawi kang luih luih a, an chak ani tih chu ka hre nghal a,Miller lam pan chuan mipui karah chuan ka inzep phei a , mipui ai nen a bengchheng takzet ani.

.

A tawp a tawp ah chuan Miller bul chu ka thleng thei hram a Miller ka hmuh chuan ka nui tawp chiang kher mai.Cheng Wen nen an lo infawp anih chu!!! ka hmu chiah chu ka nghing dawt a ,ka mit nghal sawlh bawka, mipui thawm chu ringin bengchheng hle mahse a reh duk mai hian ka hria a, an mahni en chung chuan ka ding khawng renga, ka thinlung hi chemte a vih ang maiin a na ani.Nilo,ka thinlung hi pawh sawm vek ang maiin a na ani.

Show post links

Top

Ngaia

Site Admin

Quote

Post October 16th, 2016, 1:35 pm

Chapter-15

.

Thil thleng hi ka mumang mai mai nise tiin duhthu ka sam nghal mawlh mawlh a, mahse a tak ngei ani si.Chutia an hma a mumal pawh nei lo a ka ding khawng reng lai chuan Miller chuan Cheng Wen chu a nam sawn dawrh a, Cheng Wen chuan tih el deuh hian min rawn melh zeuh a rawn nui zui bawk a,ka tlawm takzet ani Miller pawh chu a rawn hawi ve nghala, min rawn hmu chiah chu a mengphawk nghal kawk a.

.

"Cat" a ti chuai raih a,ka mittui chu luang lo turin ka inseh ruh hram hram a ni, mahse hetiang hi chuan ka tang rei lo tawp ang ka tap chhuak mai dawn in ka hria.

.

Miller chuan min rawn pan hnaih a tuma mahse mipui karah chuan pawn lama chhuah tumin ka inhai phei nghal pawp pawp a,min rawn hmuh chu ka hlau takzet ani,a chunga thinrim vak tur pawhin chakna ka nei tawh lo.

.

Ka in hum ruh a,chak takin ka pen hlawk hlawk bawk a, engtin nge ka haw dawn tih pawh ka hre tawh lo , mahse tuna ka duh ber chu keimah chauh a awm ani.Miller nen hian hun harsa tak tak kan tawng hnuah kan inmil ve thei chauh ani a, engtin nge ka chungah khatiang thil tenawm lutuk kha a tih theih zawk? A ta ka nih thu a sawina darkar khat em pawh a ral hma in min phatsana,min ti na takzet ani.

.

"Cassandra" chu aw ka hriat chuan a hma aiin ka kal chak sawt a,Miller hmachhawn tur hian chakna ka nei tawh lo ani, nilo hmuh leh pawh ka duh tawh lo. Ka banah chuan a rawn vuana , engmah sawi lo in ka lo thing thla nghal vata,kal tum bikna pawh nei lo in ka kal hmawk hmawk a, ground ah ka han chhuak chho hlawl a.

.

"Cassandra min ngaithla teh" tih pah in Miller chuan min kuaiher lawp a,kal leh tum mah ila ka banah chuan min man bet tlat a "min khawih suh" ka lo ti vin hlar a,tal chhuah ka tuma mahse awmzia a awm lo kher mai.

.

"duhtawk rawh" a rawn ti vin tuarh a,tal pawh ka tum tawh lo , amah chu ka en kar a.Tunah hian ani nilo in keimah zawk ani thinrim tur, thil a ti suala,a thinrim leh si amaw?!!

.

"Min ngaithla rawh,i hmuh ang kha engmah a thleng lo" A insawi thiam tumana chu!! ka lo nui lui hak a, ka mit ngeiin ka hmu a ,engmah ala thleng lo fo amaw!!!

.

"hahh... anih chuan ka mit ngei a ka hmuh kha a lem vek maw!! ka ring thei lo" min vawnna chu ka thingthla sawk a, ka thinrim lutuk hi ka puak keh mai dawn in ka hria.

.

"engmah a thleng lo, Cheng Wen khan min rawn fawp a,ka fawp let ve lo hrim hrim" a thutak hle a,a mit atang chuan a thusawi chu a dik tih ka hria, mahse enge a danglam na , fawp let ve lo pawh nise an infawp tho alawm.

.

"engmah ka ngaithla duh lo , min kalsan rawh" awki hniam tak si chuan ka ti a, thu hote a sawi avang khan ka lungawi mai ang maw!! a teuh lo.Henu hian min ti na leh tawh tur ani lo.

.

"min...min ngaithla phawt teh"ka darah chuan a rawn vuan a, a tawng te chu a bah nuai tawh a,mahse a insawi thiamna hi ngaihthlak ka duh lo ani.

.

"engmah ngaihthlak tur ka nei tawh lo, a tawp vek tawh kan inkar hi a tawp tawh"chutia ka ti velah chuan a kut chu a la thla riai riai a, mak tih hmel takin min en a, chu ai mah chuan a rilru ana a ni tih a lang chiang zawk ani.

.

"Engmaw! chuti ringawt in i ti tawp thei lo ang " a ti sap a, a zia chu a zawi nghal rawih a, mahse hemi avang hian ka nem tawh tur ani lo, tiin ka infuih char char a, tah chuah hawm hawm mai chu ka duh ani.

.

"ka thei chiang alawm, vawi khat mah inhmuh leh ka duh tawh lo" ka ti vin hlar a , engmah sawi lo chuan a kut chu a hum ruh a, a ding khawng reng bawk a, chung zawng zawng chu ka hmuh hmaih hauh lo, mahse rilru na takin awm ve se ka duh ani.

.

"kan inthen thei lo ang"a ti leh a,a awmdan hian ka rilru ti na hle mahse ka let leh dawn takngial in ka hria, nilo Cassie hetiang hian awm suh i let tawh tur ani lo. Ka mittui chu a rawn far fap a,amah avanga ka tap lai hi min hmu lo se ka duh ani.Kal ka tuma ka kutah chuan a rawn vuan vata.

.

"min kalsan thei lo ang, engmah i hrethiam lo ani"a rawn ti leh a,lehlam ka hawi tlat a, a hmel ka hmuh chuan ka tap chhuak thei mai ang.

"min thlah rawh" thin thlak chu ka tuma, mahse a aiin a hum nghet zual sauh a .

.

"Dear, khatah khan i lo awm reng ani maw?" Cheng Wen chu kan lam pan hian a rawn kal a, tunah chuan ka tuar thei tawh thlawt lo,engkim a lang chiang vek tawh, min phatsan ngei ani.

" Hremhmun ah kal ru" tih pah in ka tlan nghal dawr dawr a.

.

Taxi ka hmuh hmasak berah chuan ka lut tawp a, insumna tel hauh lo in ka tap chhuak nghal hawm hawm a. Hun harsa tak ka tawn hnu ah ka hlim ve dawn chauh a,min ti hlim tu ni a ka ngaih chuan ka hlimna zawng zawng chu bang awm hauh lo in min laksak leh veka,ka thinlung hi ana takzet ani.

.

Ka thin zawn chu a rawn na zawk zawk a ka awm chu ka dawm vang vang a, tap vak vak tur pawhin chakna ka nei tawh lo, Miller hi ka haw hluah hluah ani.Min hmangaih thu min hrilh a,mahse min bum leh si hmuh leh pawh ka duh tawh lo ani.

.

Khua a thim tawh a,Eng tin tin engmaw in, in chu ka thleng hlawl a, inchhung ka luh dawn chuan ka mittui chu ka hruhul sawk sawk a, ka nui lui sak bawka pangngai taka luh chu ka tum a mahse a harsa takzet ani.

.

Inchhungah chuan ka lut a, tumah be lo in ka roomah ka chho tlang nghal a , khumah chuan ka bawk thlawp a ka mittui chu a rawn tla leh zung zung a, ngatinge tap lo tur hian ka in dang theih miah loh le ?, ka tap tur ani lo chak taka ka awm angai ani.

.

"bawihte" ka nu aw ngei ani, ka han hawi chho a, ka nu chu ka khum bulah chuan a lo ding reng a, ka han kuah nghal thlawp a.

.

"shhh....Tap tawh suh le" ka hnungah chuan a rawn beng thek thek a, ka nu ka rilru nat laia ka bula a awm thei chu ka hlim takzet ani.Ka duhtawk ka tah hnu chuan ka nu chu ka bulah a rawn thu a.

.

" nu ka tihpalh lutuk,engtik in nge in rawn thlen a? in rawn kal dawn tih engmah min hrilh bawk si lo a" ka inthiam lo lek lek zawk, Ka nu leh pa Beijing ah an rawn kal tawh a, lo lawm a hnekin ka lo tah khum si a.

.

"ala rei lo, rawn thawng thut che kan tuma chuvang ania kan rawn kal dawn tih kan hrilh lawk loh che " ka sam chu ka bengah min zeh saka, ka mittui chu min hruk hul sak bawka.

.

"Engthil nge thleng min hrilh rawh le?" zaidam tak chuan a rawn ti a, ka nu hi engkim ka hrilh thin a tunah pawh hian engkim hrilh vek ka duh ani.

.

" Englo ania nu" ka mittui chu a rawn tla leh nghal zung zung a, ka inhaw takzet ani hetiang em em a ka tuar a zuau hi." ka ngai lutuk che" ka han ti leh ringawt a.

"college ah an lo hau che ami, nge helai hmun hi hrehawm i ti zawk?" ka nu chuan alo ti vata, ka ngaih vanga tap ka ni lo tih chu a hrechiang kher mai.

.

" ih ...nu hmangaih ka nei a" ka nu chu a ding nghal zawt a, a hmel chu a danglam nghal vek bawka , mak ti tak chung chuan ka en a .Hmangaih chungchang ka sawi hian ka nu hi a thinrim ziah a ,a hma pawh khan Jack nen kan inngaizawng tih ka hrilh pawh khan a thin a rim em em a,ngaihzawng neih a phal lo thin a hei vang hian Jack leh Miller chiah ngaihzawng ka la neih phah ani.

.

"Cassandra vawi engzat nge ka hrilh dawn che , mipa hi kawm lo tawp turin ka hrilh che ani lawm ni"a vin nghal thah a, nu nelawm tak ni thin kha tunah chuan ka hlau lek lek ani.

.

" Mahse ani te chu" Ni e, Miller chu mipa ni lo in hmeichhia a ni ,ka nu khan mipa bula awm lo turin min hrilh thin a, mahse Miller hi hmeichhia anih vangin ka nu hrilh pawh pawi ka tih loh vanga hrilh tum chauh ka ni a, mahse tunah chuan hrilh pawh ni ila awmzia a awm lo ani.

.

"engmi pawh nise, hmangaih leh duh hi i nei a thiang ve lo, chuvang chuan inthiar fihlim vat ang che"

.

"Engvangin maw hmangaih leh duh ka neih theih loh ang mihring ve tho ka nih hi" ka nu chu ka lo chhang let ve nghal a, ni e hmangaih engvangin maw ka neih theih loh ang ?

.

"Engmah hi i hrethiam dawn chuang lo " tih pahin room atang chuan ka nu chu a chhuak hmaka,ka lukham chu ka paih pawp a ka thin a rim takzet ani. Khatiang em em khan ka nu hi ka chungah ala thinrim ngai lo, mak ka ti hial zawk ani.

.

Ka nu meuh pawhin ka rilru nat laia min hnem loh avang chuan ka lungawi lo em em a, ka thin a rim a ka nu ka dem takzet ani.

Dinner pawh ei lo in ka room ah ka tawm reng a,ka tah loh leh ka inngaihtuah lung puam a ka tap leh nge nge thin ani.

.

******

.

"bawihte tho tawh rawh le" ka nu chuan zaidam tak chuan a rawn ti a, coffee hi a rawn chawi lut bawka, ka han hawi kual a khua chu a lo var uarh tawh a ,nizanah khan ka lo in tap muhil ani ngei ang.Khumah chuan ka thu a , ka tahna ka mit te chu a bui vek a , ka sam lah chu a pawr phang bawka.

.

" kha in rawh, nizan kha pawi ka ti takzet" inthiam loh hmel deuh hian min rawn en a, ka tah nasat em avangin ka lo inhnit faih faih bawk a"nu a hrehawm emai, min pui rawh" ka ti ta tawp a,ka rilru na lutuk hi ka a thei mai dawn in ka hria, ka rilru natna atang hian keimah chauh chuan ka chhuak thei lo a,puitu ka ngai takzet ani .Ka nu chuan min rawn kuah nghal thlawp a

.

"ka awm hi bawihte.... ka pui em em ang che ka fanu hi tuman an tihnat ka phal leh tawh lo ang" zaidam tak chuan a ti a,a nu thusawi chuan min hnem takzet ani.Coffee chu ka in khawlh khawlh ka nu chuan min lo nuih ver ver a, nizan atang tawhin engmah ka la ei lo a ka ril pawh a tam tawh takzet ani.

.

"vawin ah in thar ah kan awm lut tawh dawn a , mahse nangchu chu college i kal a ngai bawk si a,ipa lah New York ah a let leh thut angai bawk si a.... "

.

"ka pa chu ala rawn awm thei dawn lo maw?" ka lo pawt chat vata

.

"umm...i hriat kha i pa chu engtik lai pawhin a buai a, tukin zingah New York ah a let leh ta anih kha "

.

"Mahse hmuh pawh kan in hmu hman hleihnem" Chutia ka pa ka hmuh hma a, a let leh chu ka lungawi lo takzet ani.

.

"thla 2 hnuah kan bulah a rawn awm thei tawh ang,mahse kan pahnih pawhin in tharah chuan ka insawn thei tho alawm"

Show post links

Top

Ngaia

Site Admin

Quote

Post October 16th, 2016, 1:35 pm

IMG_20170126_235847_514.JPG

IMG_20170126_235847_514.JPG (86.14 KiB) Viewed 3007 times

"ka pa chu hmuh ka duh asin le " ka ti chuai raih a, ka kun lap bawka, ka pa pawh hi tawng tam lo mahse ka ngaina a ka ngai tawh takzet ani.

.

"lo kal teh" ka nu chuan min kai a, inhnuai lamah chuan min chhuk thlak pui dawr dawr a .

"i pa in ngaihdam dil nan heihi a pe che a" ka nu chuan chahbi hi min rawn pe a, mak tih hmel takin ka lo la a, pawnah chuan ka tlan chhuak vata, Ashley pawh chuan min rawn zui ve nghala.

.

"Cassie, car nalh tak ani" Ashley chuan a ti chul a, kan in kawt ah chuan car pawl nalh tak mai hi a in hung vanga , ka awih thei lo, heihi ka ta tur maw!!

.

"nu, ka hmangaih che" ka nu chu ka kuah nghala , " hei i pa hi be phawt la" phone chu min rawn pe a ,ka lo la vata.

.

"pa, ka lawm e"

.

"a rawng kha i duh zawng ani em?"

.

"aw ni e, ni chiang lutuk, pa ka hmangaih che"

.

"ka inthiam lo takzet ani, ngaihdam dil nan i pawm hram ka beisei" Ka pa nen chuan ka inbe nghal mawlh mawlh a,ka inbiak zawh chuan car chhungah chuan ka lut nghala.Passenger seat ah Ashley pawh a rawn thu ve nghala.Minute 5 vel ka han khalh kual a, khalh a nuam takzet ani.

.

Inthar ah kan insawn dawn a, college kal lo in Ashley chuan leitur pawimawh ho min lei pui a,ka nu leh Ashley ka bulah an awm bawka, ka rilru na lutuk pawh kha a zia deuh in ka hria , mahse Miller ka ngaihtuah chhuah chang hi chuan ka na ngawih ngawih zel ani.

.

Kan in chu chhawng hnih lek ,lian lutuk ani lo a, mahse mi pathum chen nan erawh chuan a lian lek lek ani.In enkawl turin ka tet lai atanga kan awmpui tawh pi Darcy chu a rawn kal ve bawka, tunah chuan Beijing ah awm mah ila New York a awm ang mai ah ka in ngai tawh ani.

.

____________________________________________

.

English class kan nei dawn a, classroom a luh chu ka hreh takzet ani,Miller hmuh leh hi phurna ka nei hlawl lo . Xiao Lin chu awm se hetiang em em hian ka hreh lo tur .Ngatinge Xiao Lin hi a reh em em le? call a la thei bawk si lo, rawn haw a tum bawk si lo, ka ngai tawh takzet ani.

.

Class room ah chuan hrehtak chung chuan ka lut a, mahse tlar hmasa bera

Cheng Wen leh Miller lo thu dun ka hmuh chuan ka let leh nghala, hlim taka an awm dun lai hi hmuh ka peih thlawt lo ani. Ka car ah chuan ka lut a, kal tum bikna pawh nei lo in chak zet chuan ka tlan chhuak nghala.

.

Tlemin ka rilru na a reh tawh tih chu tih mai mai ani, a hma aiin ka na nimai hian ka hria, ka khalh pah chuan ka mittui chu a tla zung zung a,Cheng Wen hi engang chiah a hipna ngah nge maw anih le,tiang em em a Miller hian a kalsan theih loh, an pahnih hian ka haw takzet ani

.

Ka mittui chuan ka khaw hmuh pawh a ti fiah lo zo a, kan hru leh zeuh zeuh thin a,Car hma ah tak bike hi a rawn kawi lut zawk a, ka tlan chak bawk si ,a break chu ka rap thut a ka insawhna hman tep ani .Ka awm chu ka dawm vang vang a,a na takzet ani.

.

"i a tawh ami?" Car atang chuan Miller chuan min rawn pawt chhuak dawr dawr a.Ka lo thing thla vata "khatianga chak lutuka i khalh te chuan i accident mai anga sin" a rawn ti tuarh a, hetianga min vin theihna dan hi a nei lo hrim hrim .

.

"tu chiah nge maw i nih le hetianga min vin tur hian " ka lo ti let ve nghal thah a ,

tunah tak hi chuan thi daih mai ka duh ani.

.

"en ta che i tlan liam tep hi" min kai dawr dawr a, a kawhna lam ka en chiah chu ka phu zawk a, Miller khan min lo dang lo ta se khamah ka tlan liam dawn tih na ani .

.

"tlan liam mah ila pawi tihna ka nei lo , thih daih ka duh asin " ka ti tuarh tuarh a, ka tap nghal hawm hawm a ,min rawn kuah nghal vata, ka lo nam sawn dawrh a, a aia nghet chuan min rawn kuah leh a mahse ka tal chhuak zo tawh lo.

.

"nilo,i chungah engmah ka thlentir dawn lo " ka sam chul pah chuan a rawn ti a,a darah chuan ka tap nghal hawm hawm a, henu awmdan hi ka hrethiam lo takzet ani , Cheng Wen bulah a awm zo chiah a , tunah min kuah leh si!!

.

Ka duhtawk ka tah hnu chuan ka car chu en dik turin leh kan ina dah turin phone ah chuan mi a be mawlh mawlh a, ngawi rengin ka melh ngai chu ka melh ngar ngar a, Miller chungah hian ka lungawi tih na ni lo in inhau leh tur chuan ka chau tawh takzet ani.

.

A jacket chuan min rawn khuh a ,bike ah chuan a chuang a, " chhuang rawh" a tih chuan engmah sawi buai lo in ka lo chuang ve mai a, chuang duh lo pawh ni ila hetah khaw vawt hnuaiah hian engmah tih tur ka nei lo ani.Ka car lah khalh tur in inrin tawkna pawh ka nei lo .

.

Kan in kawt ah tak chuan a ding chawt a, mak ka ti lek lek zawk niminah kan luah lut ve chiaha engtin nge kan in hi a hriat theih? Mahse zawt buai lo in bike atang chuan ka chhuk a ngawi rengin in lam chu ka pan nghala .

.

Miller phone rawn ri ral ral ka hriat chuan ka ding chawt a,hawi let lo chuan ka ding khawng renga.

"Engmaw!! Cheng Wen chu engtin nge a awm? ka lo kal nghal" a tih zawng chu ka hre hmana, chak zetin a in khalh chhuak leh nghala

.

Kei ni lo in Cheng Wen hi ni a hmangaih zawk chu mahse ngatinge min la zui buai reng si? Cheng Wen pan leh tur si in ngatinge min lo umzui ?, ka rilru a ti na a, ka thinlung chu a pawtsawm veka mahse ani chauh in a rem khawm leh thei si.Mahse a hlimna tur anih phawt chuan ka kaltir mai tur ani,

.

Inchhungah chuan ka lut a, ka zawi em avang chuan ka kal chhet chhet a. Ka accident tep vang te pawh kha ani mahna ka lu chu a na in ka luak a chhuak bur bawka,ka mu tlem in thil ka ei tlem si a mut hah chawlh ka mamawh ani.

.

Ka roomah ka chho a, ka khumah chuan ka let tawp a, ka muhil chu ani nghal der a

Ka tui a hal em avang chuan ka harh zawka, dar zat ka han en chuan zing dar 2 alo ri va tawh a. Ina ka haw khan tlai dar 4 chauh kha a la ri si a, ka lo muhil rei hle mai.Tui han in mai ka tuma , mahse a lo zawh vek tawh avangin peih lo tak chung chuan ka tho a, ka kal zawng te chuan ka dar te chu a kham thum a, ka han hmet nawk nawk a, kan zimar vela ka awmdan hi a dik thei thlawt lo.

.

Kitchen ka lut chu ,ka awm chu a rawn na nghal vang vang a ka han dawm vat a mahse awmzia a awm thei chuang lo, ka thingthi hnawka a, ka no ken lai chu a tla keh chuai a thi in ka luak zui nghal bawrh bawrh a .

.

"Cassie" ka thawmah chuan ka nu chu a rawn tlan nghal vata, ka thawk that theih lo avangin ka kawr nghawng chu a rawn pelh vata, pi Darcy pawh a rawn tlan ve nghal bawk a,ka nu hmel chu ka hmu ruai ruai a ,thawk chu ka han tuma mahse ka thaw tha thei tlat lo.

.

" 911 call rawh" ka nu chuan chi ai hauh lo chuan a ti a,ka khaw hmuh chu a thim telh telh a "bawihte i damdawi i ei tha lo ami" tap ti tihin ka nu chuan ka hmaiah chuan a rawn chul a, han meng kawk chu ka tuma mahse ka nu aw bak ka hre thei tawh lo, ka mangang takzet ani.

.

Ka harh leh chuan ka nu leh midang inbe mawlh mawlh ri chu ka hria a ,ka han thaw kawk kawk a, mahse ka duh ang boruak ka hip lut thei tlat lo" bawihte,tuar hram hram rawh damdawi in kan pan mek ania"ka nu in a tih zawh chuan engmah ka hre zui ta lo a ni.

Show post links

Top

Ngaia

Site Admin

Quote

Post October 16th, 2016, 1:35 pm

Chapter-16

.

"A rawn harh, doctor ko vat ru" Ka nu thusawi chu ka hrethei a,a aw atang chuan a hlauthawng tih pawh ka hre chiang kher mai. Han thawh mai ka tum a, mahse ka tho thei tlat lo ka awm vel chu a na vawng vawng a,thawk a harsat deuh avangin ka han thaw kawk kawk a,ka awm chu ka sep dawrh dawrh bawk a.Meng chu han ka tuma, mahse light in ka mit ah tak min chhun avang chuan ka han maimichhing leh vang vang phawt a, ka banah an rawn jection ni mai in ka hria, ka mut chu a chhuak riai riai a, engmah chu ka hre zui ta lo ani.

.

****

.

Ka han meng diar diar a, a hma ai kha chuan ka zang hawk in ka hria ,ka han hawi kual vela damdawiin ah ka awm tih chu ka hre nghala.Tunah chuan thawk pawh a harsa tawh lo a Oxygen mask chu ka phawi a, boruak chu ka han hip vang vang a ka zang sawt in ka hria.

.

" nu"ka han ti sap a, ka nu chu ka kut lehlam dawm in a lo muhil sak sak a,a rawn dak chhuaka a hmel ka hmuh chuan a chau tawngkhawng tawh tih a chhiang kher mai,a meng dul lapa ,a lo vei em em thin dark circle a nei kalh bawka .Engtin chiah nge maw ka awm le? Hetiang em em a ka nu mi in uluk tak ni thin khan dark circle a neih tak mai.

.

"Bawihte i lo harh tawh ani maw?" ka biangah chuan a rawn fawp zeuh a,lehlam chu ka hawi a khum piah a Couch ah chuan Ashley chu a mu hnar bawrh bawrh bawka, ka nui suk a Ashley hi chu mut a duh ve ngawt mai.

.

.

"nu engtin nge ka awm ? inah haw tawh ang" ka tawng ring theih loh avang chuan ka ti sap a, ka nu chuan lainat hmel tak hian min rawn en a ,a mittui chu a tling pam bawka.

.

"awle, doctor ka lo bia anga kan haw vat dawn nia " a ti chuai raih a, Ashley pawh chu a rawn tho chhar chhar a,a mit nuai nawk nawk pah chuan a ham bai bai bawka ,min rawn hmuh chuan a meng phawk nghal kawk a.

.

"Cassie, i lo harh tawh ani maw, ka lawm lutuk" min rawn kuah nghal chuk chuk a, min kuah nghet deuh avang chuan ka thawk a buai deuh a.A tho vata, ka bulah chuan inthiam loh hmel zet hian a ding a,

.

" ka tihpalh Cassie, ka lawm em ani." min rawn nuih sanga, keipawh chuan ka lo nuih ve bawka .

.

"Ashley ti khan lo awmpui la doctor ka va bia ange" ka nu chu a chhuak nghala , Ashley chu khum bulah chuan a rawn thu nghal vat a .

.

"Ash... hetah hian ni engzat nge ka awm tawh?" ka lo ti vata,ka awmdan atang hi chuan zan khat chauh chu ka awm ka ring lo ani.A chhanchu a hma in damdawiin ah ka awm fo tawh vang ani , mahse kum3 lai chu natna neuh neuh nei thin mah ila na lutuk ang kha chuan ka awm tawh ngai lo.

.

" Kar khat vel chu ani tawh, nikhaw hrelo in i awm renga, dam vat vat rawh college kalpui tur pawh ka nei lo nia...E... bialpa thar ka nei sin"

.

"Haha.... tunge?"

.

"i hre mai em....Seth kha Bullhorn team ami kha , awi...ka hmangaih nghal" Ashley hi chu a danglam thei dawn lo anih hi tunah pawh Seth a hmangaih leh nghal tawh hi.

.

"fimkhur tawh la, inah haw ka chak tawh takzet" ka han ti sap a,damdawiin rim hi ka kham hluah hluah tawh ani.

"i dam hma chu chhuah kha lo sawi suh i lung kha...." Ashley chuan a ka a hup vata ,sawisual a nei tih chu ka hre nghala.

.

" A ho lutuk Ashley, ka hria alawm ka lung tha tih,a na a rawn chhuak leh tawh tiraw...." za lo zet chuan ka nui hak a, a ruk tak chuan ka hnual nghal rawih ani.

.

.

"Cassie, ka lo tawng tam mah mah thin a, Nu Stacy hrilh miah suh aw...hrilh lo tur che in min ti a" inthiam lo deuh chuan a rawn ti a, a kutah chuan ka vuan vata.

.

"ka nu bulah chuan ka sawi miah lo ang hlauthawng suh" ka han hnem a, Ka nu pawh chu a rawn lut a, ka bulah chuan a rawn thu ve nghala.

.

"Bawihte, tikhan han mu hahchawl hrih la , ni hnih hnu ah damdawiin atangin kan chhuak thei tawh ang" ka nu in a tih chuan ka hlim ngei mai, haw vat vat ka chak tawh takzet ani.

.

Lehlam ka hawi a ,ka tet lai thil thleng te chu ka ngaihtuah a, damdawiin a awm leh hi ka duh tawh lo ani.Kum 6 mi ka nih atang tawhin Ka lung hi thlak angai tawh a, damdawiin ah ka hun tam zawk chu ka hmang thin a, thian pawh ka kawm hman meuh lo.Mahse u mipa Richard ka nei a chu chuan engtik lai pawhin min awmpui thin a, ka u nen hian kan inkawm deuh ber thin ani.Ka u hi kei aiin kum 7 laiin a upa bawka min duat thiam thei hle thin ani.

.

Inzaina turin pawisa ngah hle mah ila dorner kan hmu zo tlat lo,kan beidawng tawh hnu ah beisei na thar chu a rawn eng tan det det a, khami ni tluka ka hlim kha ka la inhre lo.Ka lung thlakna tur kan hmu anih chu!! Duhthu ka sam nghal mawlh mawlh a,tunah chuan School ka kal ve thei tawh anga ,thiante nen infiam kualin ka duh ang ang ka ti ve thei tawh dawn a ka hlim takzet ani.

.

Ka u chu a zin an tih avangin a awm loh laiin ka lung chu thlak an tuma, mahse hetiang hun ladmawm lutuk ah hian ka u ka bula a awm lo tur chu ka lungawi lo takzet ani.Inzai chu a hlawhtling em em a, mahse ka hlim tlat lo a chhanchu ka u chu Accident in a thi tih ka hriat vang ani.Ka u chu a zin ni lo in a accident a, mahse min lo hrilh ngam lo ani.Chu chuan min thawng em em a, dam tawh mah ila ka u chu a awm ve tawh tlat lo , ka ngai em em a hrehawm pawh ka ti takzet ani.

.

Ka u a awm tak loh avangin school ah pawh thian ka kawm duh lo a , Mahse mipa naupang pakhat Jack chuan engtik lai pawhin min hnem thin a, chutia school lut ho ta reng chu kan inngaihzawng phah ta a, mahse Jack chu ka rin ang a lo ni ta hauh lo,min phatsan in bialnu dang min neih sana ,ka vawikhat ngaihzawng neih na ani bawk nen ka rilru na lutuk chu ka lung in a tuar lo a, thla hnih lai chu damdawiin ah ka awm phah ani.

.

Khata tang khan ka nu chu a hlauthawng em em a thian pangngai tak kawm a phal lo a,mipa bula awm tam lo turin min hrilh chamchi thin ani.Khami avang khan duh pawh lo nei ve thin mahila ka ngaihsak zui ngai lemlo ani.

.

_____________________________________________

.

Damdawiin atanga ka chhuahna pawh kar khat lai a lo ni leh tawh a , vawin chu college pawh ka kal thei tawh ang .Tunah chuan ka dam tawh bawka damdawi in a let leh chu ka duh tawh lo bur ani chuvang chuan ka inenkawl that viau angai ang.Mahse kar khat ah vawi hnih tal in checkup a damdawiin a kal turin doctor in min ti a, ka ning tawh takzet ani.

.

Phur takin ka insiama, ka sam buang thang chu ka thlah hnap bawka, makeup ka hman lohna a rei tawh bawka, ka inhnawih duhthawh ngei mai. Ka hmui chu ka hnawih sen hlar a, keimah pawh ka inhai lek lek .

.

College ka thleng chu kum tamtak kal tawh lo ang mai ka ni ,ka hawi kual a ka nui leh vur vur thin a,ka hlim takzet ani, inah tawm reng ai chuan khaw vawt hnuaia college kal pawh ka thlang daih zawk.Classroom ah chuan ka chho a,inring tawk tak chuan ka kal lah lah bawka

.

" Cassie" ka hawi let vata,

" Xiao Lin" kan in kuah nghal chuk chuk a,a chang leh kan zung thul

.

" ka ngai tawh lutuk che, chanchin ka lo hria a, i dam tawh em?" a lo ti vata, ni dawn tak ka nu khan nikhaw hrelo a ka awm laiin Xiao Lin a rawn kal tih min hrilh tak , ka theihnghil tep alawm.

.

"i hmuh ang hian ka tha mah mah" ka siai zeuh a, tunah chuan Xiao Lin a awm tawh bawka, class kal pawh a nuam sawt ang.

.

"in enkawl tha viau ang che,damdawiin atangin i chhuak tih ka hre renga mahse ka buai lutuk a,"

.

"a ho lutuk,Engtik khan nge i rawn haw a?"

.

"A rei leh deuh tawh, thingtlangah ka pi a damlo thut a, signal a awm bawk si lo a, ka mangang hman alawm" Signal a awm loh vang anih chiah chu ka biak theih miah loh.

.

"i pi chu a tha tawh em?"

.

"aw tha tawh e, dam takin ka hmu leh thei che a ka lawm takzet, hawh lut ang " Xiao Lin chuan a ti a,room ah chuan kan lut nghala .Tlar hnung berah chuan kan thu a,

.

"Ka rawn haw hnu atangin Cheng Wen hi ka hmu ngai tawh miah lo, Miller chu ka hmu zeuh zeuh " Xiao Lin chuan a rawn ti a, Hemi te pahnih chanchin hi chu hriat ka duh lo takzet ani.

.

"umm... engmah ka hrelo hriat pawh ka duh lo" ka lo ti hmuk a, Xiao Lin chuan sawi vak ka duhlo tih a hrethiam ani ngei ang min sawipui chhunzawm ta lem lo a, Xiao Lin sawi ang chiah ani Cheng Wen leh Miller chu class an rawn kal lo a, nilo..hemi te pahnih hi ngatinge ka ngaihtuah reng le? ka ngaihtuah pawh hi an phu lo.

.

Miss Zeta lecture pek chhung zawngin engmah ka ngaihtuah thei lo, Miller hi ka ngaihven tawh dawn lo ti mah ila Cheng Wen nen class an rawn kal loh vang nge pawh ka hrelo ka ngaih a tha thei tlat lo.Thil chi hrang hrang atthlak tak tak ka ngaituah a, mahse chutiang chu thleng turin ka duh leh si lo a ka lu chu ka thing leh nawk nawk thin a, Xiao Lin chuan mak tih hmel tak hian min rawn en leh ha thin a, mawl pawh min ti ngawt ang.

.

IMG_20170127_150041_213.JPG

IMG_20170127_150041_213.JPG (125.86 KiB) Viewed 3006 times

"vawin chu basketball khel en ang, hei ticket pawh ka lei tawh ania" Xiao Lin chuan Ticket chu a rawn lek va va a, ka lo thaw halh a.

.

"I hriat kha, Miller hmuh hi ka peih thlawt lo"

.

"mawh, khawngaih in "

.

" ka peih lo"

.

"Cassie ,vawin chiah " min ngen tlat avang chuan ticket pakhat zawk chu ka laksak a.

.

" Yes, i van fel tak" tih pah chuan min rawn kuah nghal chuk chuk a.

" Duhtawk rawh, class kan la lak hi" Tawng ring hlau deuh chuan ka ti sapa,

.

"anih chuan ...." Bell a rawn ri chiah chu, kan phusa nghal luih luih a,a then an tlan chhuak nghal a, diktak chuan vawin ni berkher ah Miller te an inkhel dawn a, min hmu dawn kher lo mahse amah hmuh chu ka hreh takzet ani.

.

"hawh kal nghal ang" Xiao Lin chuan basketball court lam pan chuan min kalpui nghal dawr dawr a , ka pheikhawk a sang bawk nen mipui tam bawk nen ka ke hi a na vek tawh.

.

A hma lampang ah chuan kan thu ve ran a,cheerleaders ho rawn luh pawh chuan Cheng Wen ka hmu ve tlat lo, a ruk chuan ka hlim veng veng ani.Mipui pawh an thawm a ring leh tawh ngei mai,Ashley pawh ka hmu a, a phusa leh hle tawh a, Seth te inkhel dawn lo mahse hetiang nikhua ah hi chuan a phur ve thei hrim hrim.

.

Mipui thawm chu a aia a rawn ring avang chuan ka hawi phei vata, team pahnih te chu an rawn chhuak tham tham a, angai te bawkin Miller chuan hma a rawn hruai leh tawh a, Ka hmuh lohna a rei tawh bawka, ka han hmu leh chu ka ngai nghal veng veng a, mahse ka ta ani tawh si lo .

.

Xiao Lin chuan min rawn nghawk zeuh a,Miller a rawn lan tawh hi chuan henu pawh hi min phur pui hluai zel, mahni lo maha hmuh hreh nak alaia .Team pahnih te chu an in hmachhawn ran a, Miller chu mipui lamah chuan a rawn hawi chho a, a ban chu a rawn lek kang va a, thawm a ring ngei mai.Hmeichhe thenkhat an lo tap thul, hetiang boruak hi ka kham takzet ani.

.

" Khu a rawn kawk che" ka phone ka lo bih ngur ngur a Xiao Lin chuan min rawn nghawk sawka , ka hawi thla vata, mipui ho chuan keimah min en thapa, ka hawihai ngei mai.Ka hmel chu Screen ah a lang chuai chuai bawka mak tih hmel takin ka hawi thla ha a, Miller chuan Chiang zet hian min rawn kawk a nih chu!!! ka phu chiang ngei mai, nin hmel deuh hian ka mitmu chu ka tikhual a ka thaw zui hak bawka, min rawn siai zeuh a,hmeichhe dang ho chuan min rawn melh rum leh tawh hlawm ngei mai.

.

Inkhel chu an tan mawlh mawlh a,ka tui lem lo bawka, mipui thawm bengchheng karah pawh ka lo ham bai bai a, hetiang hun boruak rit lutuk ah hi chuan ka chau tlat zel.

"Xiao Lin pawnah ka lo han awm ang" ka tih chuan hriat thiam hmel takin a lo bu nghat a, pawn ah chuan ka chhuak nghala .

.

Midang awmloh na lai ah chuan ka kal a,Tuthleng ah ka thu a,ka bengah earphone ka vuah a thlamuang deuh hian hla ka lo ngaithla vang vang a , hetiang hun thawl hi ka mamawh ani mipui au bengcheng luai luai kar a awm ni lo in.Sana chu ka en zeuh zeuh a, an inkhel rei tawh ngei mai,ka thutna ka mawng a kham vek tawh alawm

.

"kar hnih chhung zawng khawiah nge i awm bo char char a" ka earphone rawn pawh thlak pah chuan an rawn ti a, chutia ka awm mai mai lai ka earphone an rawn pawhthlak ngawt avang chuan rum zet hian ka han hawi chho a, ka mur nghal chuai mai Miller chuan min rawn nuih ver ver a,ka tui ral nghal vek in ka hria.

.

"i hriat ve a tul lo" ka lo ti hmuk a, ka bulah chuan a rawn thu a min rawn kuah a, ka lo indang deuh nghal a.

.

"ka bialnu te hi min hlau ami?" ka bialnu a?!!! Kan inkar kha a tawp vek tawh si a.Mak tih hmel tak chuan ka en ha a, ka hmuiah chuan a rawn fawp zeuh a ,ka ding nghal zawt a.

.

"Kei ni lo in Cheng Wen bulah va awm zawk rawh" ka lo ti nghal thah a, a duh hun hun a, let tir leh theih ngawt chi ka ni lo tih hi hre ve se ka duh ani.

.

"i thik ami?" min rawn nuih sukna, nui tawh lo hram se ka duh a chhanchu a nuih tawh hi chuan ka nem nghal vek zel.

.

"Thik a!! , teuh lo lutuk " ka nui zui hak a, diktak chuan ka thik ani, mahse ka thik ani tih hi ka lan tir dawn lo hrim hrim.

.

"Hey ,Cassie" Min Yu chuan a rawn ti a,Min Yu ka hmuh rual rual chuan a banah ka kuah vata, mak tih hmel takin min rawn en ha a.

.

"min lo nghak rei tawh em? kal nghal ila" Min Yu chu ka signal zeuh a, a hrethiam nghal a

" nia, car ka lo va la chhuak ang" a ti bah nuai a, car la tur chuan a kal nghala.

.

"in inkar ah engmah a awm lo tih min hrilh rawh" Miller chuan ha seh chilh ran chuan a ti a, a hmel chu a thutak hle a.

.

" i hmuh ang khan a tak ngei ani" kal chu ka tuma, ka banah a rawn vuan vata.

" kal suh" a ti sap a, hnuai lam chu a bih tlat a,a awmdan atang hi chuan ka lo turin min duh ani tih chu ka hria mahse awlsam tak chuan ka let dawn lo hrim hrim.

.

" min thlah rawh" tih pahin a kut chu ka thing thlak sak pawp a, Miller kalsan hi a harsa takzet ani ka mittui chu a far fap a,ka inchhir tur ani lo, ka let tawh tur ani lo tiin ka infuih mawlh mawlh a Min Yu car ah chuan ka lut a a khalh chhuak nghala.

.

" Cassie" Min Yu chuan a rawn ti sapa, ka lo nuih suk a mahse a ruk tak chuan ka tap ani .

.

"Min Yu i awm chu ka lawm takzet ani" ka ti a, ka mittui a tla tih chu a hriat hlauin ka hru zeuh a.

.

"in la tha zel emaw ka ti a, rawn lawmpui turin cheu in ka rawn kal a mahse engthil nge thleng hi?"

.

"a tawp vek tawh, engkim a tawp vek tawh"

.

"mahse Miller hi i hmangaih tih ka hria ani " Min Yu chuan a ti a, a ti dik ani mahse tunah chuan Cheng Wen i ta ani tawh.

.

" Cassie, engtik lai pawhin i lamah ka tang ania, Miller hi pawm leh rawh"

.

" nilo, ka thei lo" ka ti hmuka

.

" Min Yu bike saw um rawh" Miller chuan bike in chak zet hian min rawn tlan pel fua a,zui chu ka chak tlat ani.

.

Bike tlanna lamah chuan ka zui ve zela, a tlan chak si a, kan bo lek lek thin ani. Mahse ka rin loh deuh in damdawiin kawtah chuan a ding chat a, phone chuan mi, a be zui nghal mawlh mawlh a min hmuh phak lohna atang chuan car kan ti dinga a awmdan vel chu ka en kar a, Min Yu lakah pawh ka inthiam lo lek lek zawk.

.

Damdawiin atang chuan Cheng Wen chu a rawn chhuaka, Miller in a hmuh velah chuan a pan nghal chat a, damdawiin chhungah Miller chuan Cheng Wen chu a kuah lut nghala.

.

An pahnih awmdan ka hmuh hian ngaiah ka nei thei lo , ka na takzet ani .Tunah chuan engkim a chiang lehzual tawh, Miller pawhin phat mahse engmah ka awih tawh lo ang.Engtin nge hetiang mi tenawm lutuk hi ka lo hmangaih theih zawk !!

.

Ka thin zawn chu a nat em avangin ka awm chu ka han dawm vata ,ka natna ai mah hian Miller leh Cheng Wen ka hmuh dun hian ka na daih zawk ani.

.

" Cassie i tha maw?" Min Yu chuan a rawn ti ,lehlam ka hawi vata, ka hmui chu ka pet fan fan a tunah tak hi chuan tah ka duhlo takzet ani.

.

"khawngaih takin min hruai haw rawh" ka ti sapa .

.

" awle" tih ringawtin min chhanga ,in lam pan chuan min haw pui nghala.

.

IMG_20170127_150031_878.JPG

IMG_20170127_150031_878.JPG (48.72 KiB) Viewed 3163 times

Chapter-17

.

Kan in kawt ah chuan car chu a ti ding a,ka melh ngai chu ka melh ngut ngut a, ka thin a rim bawk si ka rilru na bawk nen tah hawm hawm mai chu ka duh ani.

"Cassie" Min Yu chuan car kawngkhar chu min rawn hawn saka ,mittui tling pam chung chuan ka han melh a,ngawi reng chuan ka chhuaka.

.

"Engkim a tha leh vek mai ang"tih pahin ka darah chuan a rawn vuan a, ka insum thei tawh lo Min Yu chu ka kuah thlawp a ka tap nghal hawm hawm a, ka awmdan hi ka inzahpui takzet ani.Min Yu chuan min hrethiam ani tih lantir nan ka hnung chu a beng thek thek a,

.

"Min Yu ka tihpalh" tih pah chuan inchhungah chuan ka tlan lut nghal a, hetianga min hmuh hi ka duhlo takzet ani.

.

" Cassie bawihte....i lo haw tawh ani maw?" Pi Darcy chuan a ti a, chhang lo chuan ka room ah ka chhoh san daih a, tun ah tak hi chuan keimah a awm ka duh ani.Ka khumah chuan ka bawk thlawp a, a hma ka lo insum tawh na te chu dah bo in ka tap nghal hawm hawm a, Hmangaih neih hi a hrehawm takzet ani. Hetiang hian hmangaih neih hi a hrehawm a nih chuan lo piang nawn leh pawh ni ila hmangaih neih ka duh tawh lo ani.

.

Rei tak ka tah hnu chuan ka zang hawk in ka hria, khumah chuan ka thu a Cassie hetiang hian i indawm kun reng tur ani lo,i mittui pawh an phu lo .Miller leh Cheng Wen te hi i thik lo zia lantir rawh tiin ka infuih mawlh mawlh a , ka tho thut a ka hmai ka phih sawk sawk a chair ah ka thu a assignment chu ka ti nghal mawlh mawlh a, an pahnih theihnghilh vek thawpa lehkha zir ka duh ani.Hei ringawt pawh hi hmasawn na chikhat ani.

.

Chutia assignment ka tih mawlh mawlh lai chuan Ashley chuan ka room kawngka chu a rawn hawng thuai a , ka phu zawka mak tih hmel tak hian ka lo en a ,ka bulah chuan a rawn ding to a "Cassie tho rawh,insiam rawh party na ah kal ang" leh ringawt thin a sana chu ka en a dar10 alo ri va tawh a.

.

"Engmaw!! party A!!" ka lo ti haw a, ka mak ti hmel chu min han nuih leh rih thin a .

.

" ni chiang e, club ah kal ang " Ka darah chuan a rawn beng thak thak a,

" Ka nu in a phal ka van ring lo"damdawiin atanga ka chhuahna ala rei loh avangin ka nu in kal a phal ka ring chiah lo ani.

.

" Nu Stacy chu ka dil vek tawh bakah Weekend te ani tawh a in a tawm ngawt ngawt pawh ani lo" a ti nghal zung zung a, ka kawr hak tur chu min lak chhuah saka , khumah chuan a rawn dah thlap bawka.

.

" Anih chuan ka nu in a phal em?" awih lo hmel tak chuan ka melh a, diktak chuan ka nu in lo phal pawh nise tun ang hunah hi chuan kal ka chak thlawt lo ani.

.

"Umm...phal lutuk chuang lo e" Ashley hi chuan dawt a sawi thiam thlawt lo " mahse ka dil char char a lo haw har suh u a ti a, chuan a phal ani mai" a ti sam et a,

"rawn insiam rawh" tih pahin ka sam chu min rawn curl sak mawlh mawlh a,

.

"i hmanhmawh lutuk , ka hmai te kan phih ve phawt ange" ka lo ti vata, Ashley nen chuan kan han nui dun leh rih a, ka hmai ka phih a Ashley chuan min chei mawlh mawlh a, makeup a hmang nasa bawka a hnehsawh ngei mai.

.

" Cassie i mit hi chu a nalh ve ngawt mai" ka mit a thil hnawih mawlh mawlh pah chuan a rawn ti a , ni e ka mitmu hi a pawl phata,ka meng zau in ka taksa ah chuan a nalh ve ber lai ani ngei ang.

.

" kan zo ta, heihi ha la chuan hehi bun bawk rawh le" kawrfual sen duk leh pheikhawk dum hi min rawn pe a,

"i ngo si a, i sam var nen hian hemi kawr rawng hi i inhmeh ngawt ang" min fak zui nghal zat a, a tak tak emaw tih te pawh a awl khawp mai.

.

Inhnuai ah chuan Ashley nen kan in zui thla dat dat a, ka nu chu couch ah alo thu ran a min hmuh velah chuan a rawn tho a.

" va fimkhur la, harsatna i tawh chuan min rawn call nghal vat dawn nia " tih pahin ka nu chuan over coat lum zet hi min hak tira, heti chung hi chuan vawt ka ti hauh lo ang.

.

" Awle nu , ka hmangaih che" a biangah ka fawp zeuh a, min kuah a pawn. lamah chuan ka chhuaka.

.

"Lawk... bawihte" ka nu chu ka bulah a rawn kal phei a " ka thusawi kha hrereng rawh" ka nu chuan a rawn ti sapa.

.

"C'mon nu...ka theihnghilh ngai reng reng lo

no alcohol, no boys" ka ti a, ka nu chuan min rawn nuih ver ver a, Ashley chu Car ah a lo zuk thu tawh a, kan nu nen chuan min lo en kar a.

.

" Ashley ka ring che ania" Ka nu chuan a zuk ti a

"Nu Stacy zu no khat pawh ka intir dawn lo reng reng" a lo ti vata , ngatinge ka nu hian min rin theih miah loh le , hei leh chen hi zu ka in tawh si lo a.

.

"nu bye" tih pahin car ah chuan ka lut a,ka nu chuan a kut a rawn vai lauh lauh a club lam pan chuan kan in khalh chhuak nghala.

.

*Club*

.

Mipui lam hut hut karah chuan kan inzep phei a,Ashley nen chuan bar ah kan thu a,kei chuan tui ka in a Ashley chuan Vodka a tlak leh pap pap tawh a , ni e a tlak reng ang chu Vodka queen ani tlat alawm.

.

"hey" Ashley bulah chuan Seth a rawn thu ve nghala,ka bulah chuan an infawp nghal ngawng ngawng a , ka lai lek lek ani. Seth kal dawn vang ani maw zan reiah club a kal tura min rawn sawm luih ngawng ngawng.

.

"Hey Seth...heihi ka unaunu Cassie anih hi" alo ti nghal zung zung a.

.

"Hi , Cassie"a kut chu min rawn pe a.

"hi!!" tih pah chuan ka lo chibai ve nghala .

.

"Cassie , i unaunu hi ka lampui thei angem?" Seth chuan a rawn ti a, Seth hi mipa fel tak anih ka ring Chen Shi kha chu nise a rui thle leh bur tawh ang.

.

"Tehreng mai" Ashley chuan min rawn nuih sawng pah chuan min lo chhan khalh a,a kut chu a pe a ka lo nuih suk a,lamna lamah chuan an in kai phei nghala Hetiang hmun a kal hian kawppui nei lo hian ka awm ve ziah,keimah chuan ka thu a, tui bak ka in thei bawk si lo ka hawikual ruk ruk a, a boring takzet ani.Hetia thut reng ai chuan tiin ka phone chu ka phawrh chhuaka, games chu ka khel nghal mawlh mawlh a ,awm lo viau mahse a ninawm lutuk pawh kha a zia deuh in ka hria.

.

"Party leh Games maw ?" mipa pakhat ,a hmel atang chuan chinese a ni tih ka hre nghala ka bulah chuan a rawn thu a, mak tih hmel takin ka lo en ha a.

.

" oh...ka tihpalh Jae ka ni e" a no chu a tlak pap a, mahse ala ruih hmel loh kher mai.Chutia ka hmel hriat pawh nilo ka bula a rawn thut avang chuan ka lo inveng nghal vat a.

.

"Cassie" za lo zet chuan ka nuih suk a, games chu ka khelh chhunzawm leh nghal mawlh mawlh a, ka awmdan hi mak a ti ve ngawt ang mahse ka pawisa lo.

.

"ummm...anih chuan helai mi hi i nih hmel si lo a, kan inkawm thei angem?" a rawn ti a, ka lo thaw halh a ka thian nih a duh te chuan a pawina a awmlo , mahse ka nu thusawi kha ka theihnghilh tur ani lo.

.

"min lo hrethiam lawk, washroom ah kal lawk ka ngaia" tih pah chuan ka tho thut a , kal chu ka tum nghal mai a.

" kalpui te i ngai em?" a rawn ti vata

"aih, ngai lo e keimahin ka inzawn chawp ve mai ang" tih pah chuan ka kal nghal hlawk hlawk a, Washroom awmna pawh ka hrelo ka duh duh na lamah chuan ka kal ve tawpa,

.

A tawp a tawp ah washroom chu ka hmu hlauh!! , ka lut vata ka kut te chu ka sil fai a boruak rit lutuk pawh kha a zia sawtin ka hria , darthlalang ah chuan ka in en vang vang a ,Miller in min hnawl tur khawpin chutiang em em a chhia ka ni ami le ? tih chu ka rilru ah a rawn lang nghala.

.

"Huizz...i tha tho tho" tih pahin ka in nuih suk a, confi taka ka awm angai ani.Washroom atang chuan ka chhuak a, ka awmna ngai ah bawk Jae a awm tawh loh ringin let leh ka tuma, mahse ka ding chiang ngei mai.

.

" Miller " ka ti sapa, ani pawh chuan min rawn hmu a ni ngei ang mak tih hmel takin min rawn en a, mahse va pan chu ka tum hauh lo a chhanchu a bulah hmeichhia an thu tlat!!, tunah hmeichhe dang leh maw!! ka nui hak a Cheng Wen ka khawngaih ngawt mai hetiang mi lerh lutuk zun ah kei ang tho hian a uai chu ani si a.Rilru na lo awm ang tak chuan ka insiam rem nghal vata.

.

"Cassie hetah i lo awm daih elaw?" tih pah chuan Miller awmna lamah chuan min kai phei dawr dawr a , Ashley hian engmah a hre ve bawk si lo a, avan hahthlak thin tak .Seth leh Jae pawh chu an rawn lang ve nghala, Jae ka hmuh chuan ka phu deuh zawka min rawn la nuih suk zui.

.

"Cassie, hei hi Miller a nia ....e Miller nen chuan in in hre tawh tak...chuan heihi Jae Seth-a thianpa anih hi" a ti nghal zung zung a .

.

"kan lo inhmelhriat daih tawh alawm" tih pahin Jae chuan ka kut chu a rawn la a, a fawp zeuh a ka la sawn duh bik hauh lo .Miller pawhin hmeichhe dang a awmpui theih chuan kei pawhin engvangin nge ka thei loh bik ang.

.

Chutia Jae an ka kut a fawh avang chuan kut an benga an lo au dur dur bawka, an rui tawh hlawm si a, an phusa ngei mai.An thian dang te pawh chu an rawn lang sap sap a, couch ah chuan kan thu kual tham a, Jae pawh ka bulah a rawn thu nghal chat a, Miller nen chuan kan in melh leh zeuh zeuh thin a , a bula hmeiche thu lah sawn a duh hmelin a kalsan duh bawk si lo ka thik takzet ani.

.

"Thiante u ti hi chuan a boring emai kan games khelh thin kha khel leh ila" Ashley chuan pawr fe hian a rawn ti a, Eng games nge pawh ka hre si lo a, tel ve loh chu ka duh zawk ani.

.

"Cassie i tel ve ang tiraw?" Ashley chuan a rawn ti a, midang ho chuan min rawn en thap a, ka zam lek lek ani.

.

"a thiam lo,a tel ve lo ang"Miller chuan a rawn ti a Kan hawi phei nghal thapa.Chutia Miller in tel a phal tak si loh avang chuan runluih ka chak ta tlat a.

.

"awle, ka tel ang" ka tih chuan a in hum ruh a, min melh rum ngang mai.Mahse ka hrelo der tlata midang ho chuan kut an lo beng dur dur a.

Show post links

Top

ADVERTISEMENT (A hnuai a milem hi a nia hmeh zeuh tur chu)

Ngaia

Site Admin

Quote

Post October 16th, 2016, 1:36 pm

"he game hi a tenawm lutuk" Miller chuan a rawn ti leh hrama, mahse ka ngaihsak duh lo ,a hmui chu a fet fan fan a , a thinrim a insum ani tih chu ka hai hauh lo mahse ka theih chhung chu runluih ka duh ani.

.

"tan tawh ila" Seth chuan a rawn ti a, pakhat chuan zu bur ruak hi dawhkanah a rawn dah bawka.

.

"Cassie mithar i ni bawka i hriat lo takin, he game a i tel tawh chuan ti tura an tih che i ti ngei ngei tur ani " pakhat chuan a rawn ti a, ka lo bu nghata.

"i in ring em?" a rawn ti leh a " aw" ka lo ti vata,Miller chu ka va melh zeuh a min lo la en kur zui ka hawi sawn chiang ngei mai.

.

Bottle chu an ti vir a, an au thup thup bawka Ashley chu bottle chhin lam chuan a kawk ta va mai!! an au dur dur a, Ashley lah chu a phusa ngei mai

"Dare" alo ti vata.

.

"Anih chuan Chris hi kiss turin ka dare a che" Pakhat chuan a rawn ti a, ka meng phawk nghal kawk a,a bialpa ngei Seth a awm ve reng si a Miller in a tenawm a tih chu ka hrethiam ta chiah ani.Ashley chu phur takin Chris malchungah chuan ava thu a, an infawp nghal ngawng ngawng a, Seth chu ka va en vata a lungawi hmel vak lo mahse engmah a sawi chuang lo ani.

.

Ashley chuan kut phar chungin hnehtu in ti takin a thutna ngaiah chuan a rawn thu leh a,Seth chu a rawn fawp zeuh a mak ka ti lutuk hi Ashley chu ka en tlawk tlawk tawp ani.

.

"le...next round" ala ti ham ham zui.

.

A ngai te bawkin bottle chu an han ti vir leh a,min kawk ang tih ka hlau takzet ani Mahse Miller a kawk a, ka va melh nghal kawk a, ala nui suk zui.

.

"Truth" alo ti vata, midang chu an lungawi lo ngei mai, Dare a tih an rin laiin truth a thlang ta si a ,an ner nang hlawm a.

.

"Truth maw! ani chuan hmangaih i nei tawh em?" chu zawhna chu hre ka chak takzet ani, khawi dang mah hawi lo in ka en kar a ani pawh chuan ka mit ah tak min rawn en a.

.

"aw nei e, a ni chu ka thinlung zawng zawng in ka hmangaih ani " min rawn en reng chung chuan a ti a, midang ho chu an ngawi thapa ka chil chu ka lo lem dak a.

.

" anih chuan a hming sawi rawh, ka awih thei lo Miller in hmangaih a nei tih hi!! " Ashley chuan a ti a.

.

"Hey! thiante u zawhna pakhat chauh a theih kha aw" tih pahin a rawn nui suk a, a hmui chu a liak zeuh bawka.

.

"A nih chuan next round" tih pahin Bottle chu an han ti vir leh a , kut an beng thup tup a Mei chu a kawk ta chat a.

.

"Mei truth or dare " Ashley chuan a lo ti vata,Mei chu kan en thapa Miller bula thu hmeichhia kha anih avangin ka haw nghal ringawt ani.

.

"Dare" phur tak chuan a lo ti, ka lo ner nabg a,a thawmhnaw hnute lang vek te saw Miller chuan a duh ani awm si a,tenawm lutuk.

.

"Anih chuan , helai a thu zingah hian i lo vei ruk ber thin kha kiss rawh" an ti ta mai, phat rual lo in Miller a kiss dawn tih ka chiang!! ka thinphu chu a rik hian a ri nghal dup dup a, ka thinrim bawk nen ka khur der der a.,mahse pangngai taka lan chu ka la tum fan ani.

.

Ka rin ang ngeiin Miller chu a fawp ta! ka inhum ruh a , ka awm na lutuk chu a thip veng veng a, ka thawk te chu a rang veka ka thinlung hi vih sawk sawk ang mai hian a na ani. Ka thuthmun ah chuan ka hmui chu ka pet fan fan a, he game hi khelh chhunzawm leh tur pawhin phurna ka nei tawh lo .

.

Midang ho hian engthil mah an hre si lo an la au dur dur zui kan chungchang hi hria se chuan min tawrhpui ve ngei ka ring. Bottle chu an han ti vir leh a, ngaihsak pawh ka ngaihsak tawh lo ,ka bul vela mi te chu an reh duk nimai hian ka hria.

.

"Cassie ...truth or dare" Ashley chuan min rawn nghawk sawk a,thil dang ka lo ngaihtuah daih avang chuan ka lo phu zawk a, bottle ka zuk en chuan min lo kawk va a hai rual lo in ka hun chu a thleng ti ka hre nghala.Midang ho chuan ka chhanna nghakin min en thap bawka

.

"Dare" ngaihtuah miah lo chuan ka han ti ve thawr a, midang ho chu an phur ngei mai.

.

"Anih chuan Jae tan a lam turin ka dare a che" pakhat chuan a rawn ti a, ka nuih a za ngei mai,Miller chu ka en a, melh pawh min rawn melh duh lo ,mahse ka hun a thleng ve tawh a, ka tih ngei angai ani. Jae lamkhum mai mai te chu harsa ka ti vak lo a, hrehna em em pawh ka nei lo ani.

.

Nuih vur vur pah chuan Jae chu Couch ah chuan ka nam thlu a, midang ho chu an lo au dur dur a, a mal chungah chuan ka thu a ,ka mawng chu kan tisawi kual vela ,Jae pawh a mengphawk ngei mai.Ka pawt tho a, ka kawngah chuan a rawn vuan a kan lam dun vel a, a lam chu ka hawi a, ka inrin loh lai tak chuan min rawn fawp ta thut mai!! Ka hamhaih em avang chuan phawk fe hian ka ding khawng renga, midang lah chu an lo au dur dur a.

.

Vawileh khatah Jae chu an rawn pawt her sawka, an rawn hnek ngal thuai mai .Ka lo te thawt a .

.

" Miller, infiamna mai mai anih hi" Jae chuan a rawn ti vata, tupawh chuan mak ti takin Miller awmdan chu kan en thapa.

.

"Hmela, i kut hmawr pawhin lo khawih tawh suh ang che" tih pahin ka kut ah chuan a rawn vuan a, pawn lamah chuan min kai chhuak dawr dawr a.Pawn ah kan chhuak chiah a, ka kut chu ka thing thla nghal sawk a.

.

"min thlah rawh"ka lo ti vin hlar a. min duh tak tak chuang si lo hian tinge hetiang hian a awm ziah le? .

.

"khapa khan a fawp che tih i hria em, a kut hmawr pawh in a khawih tur che ani lo ..... nilo a bul hnaih ah pawh awm suh ang che" a ti tuarh a, tunah chuan ka thin a rim tawh takzet ani.

.

"ani maw! nang pawhin i fawp lo bik ami ?" ka nui lui hak a " ka nun ah hian rawn in rawlh tawh suh ang che" fiah fai tak chuan ka han ti a.

.

"Cassandra, i thusawi kha la let vat rawh"

.

"ka hmuh thei ah awm tawh suh ang che, min kalsan rawh" tih pah chuan ka car ah chuan luh ka tuma min rawn pawt her sawk a.

.

"tiang hi chuan min kalsan thei lo ang"

.

"ka kalsan thei lo ang che maw !! ka thei chiang alawm... Cheng Wen mai pawh duh tawk lo in Mei leh zel pawh maw!! hahh...ka ten lutuk .Ka lo duh che kha ka thil tih sual lian ber ani" ka insum thei tawh lo ka rilru a awm ang ang chu ka sawi nghal phawng phawng a.

.

"Cassandra , duhtawk tawh" a rawn ti vin tuarh a, ka zam dawn bik lo.

.

"hetiang ang mi khaw lo lutuk i nih vang anih hi i nu pawhin a pawm theih loh che" ka hmai chu a ri nghal sawk a, tunah khan Miller in min beng amaw!! ka hmai chu ka dawm vang vang a, ka mittui chu a rawn tla sawk a.Ni e, sawi awm loh tak ka sawi ani, Miller in min beng pawh hi ka hrethiam mahse min ti na takzet ani.

.

"Mangtha" tih pah chuan car ah ka lut a, chak zetin ka khalh chhuak nghala,Ashley pawh ka ngaihtuah hman tawh lo, ka thaw hlawp hlawp a, tah pawh ka tap chhuak thei tawh lo.

.

Harsa takin in chu ka inkhalh tbleng thei ta hrama ,Inchhung ka luh rual rual chuan , ka thingthi hnawk a, ka thawk that thei loh avang chuan thawk ka han la kawk kawk a, ka lung na chu a rawn chhuak leh tawh ani ngei ang ,damdawiin a awm ka hreh tawh takzet ani .Ka mittui chu a tla zung zung a, chhuatah chuan ka let nghal tawp a.

.

"nu" ka ti sap a, ring tak pawhin ka au thei tawh lo,tuna ka tih theih zawng chu ka nu lo kal hun nghah tawp ani.

.

"Cassie" Pi Darcy chu a rawn tlan vata,ka nu chu a au chul bawka.Engmah ka hre zui ta lo ani.

.

*******

.

Ka mumang atang harh chhuak hlawh ang mai hian ka thaw chhuak nghal kawk a,ka nu chuan ka awmah a raen dawm vata.

"bawihte" ka nu mittui chu a rawn tla zung zung a,

"i rawn harh leh chu ka van lawm tak em" tih pahin ka kut chu a rawn fawp a, ka nu hi ka khawngaih takzet ani.Hetiang fanu ngaihsak ngai reng a nei bik hi , thiam loh na a nei lo asin .

.

"nu, khawiah nge ka awm?"ka ti sapa, ka dang chu a ro em avangin chil ka lem leh dak thin a.

.

"bawihte, hlauthawng suh damdawiin ah i awm lo ania" a tih chuan ka thaw nghal huai a, ka nu pawh hian damdawiin a awm ka hreh zia a hrechiang hle ani.

.

"Tui" ka ti sapa, ka nu mittui chu a tla zung zung a

"bawihte , i nu hi min ngaidam rawh tunah hian tui ka pe thei lo che ani " doctor in tui ka in an phal leh tawh lo aniang, ka mittui chu a rawn luang zung zung a,ka awmdan hi hrehawm ka ti takzet ani.

.

Karkhat dawn chu college ka kal thei lo a,inah doctor in min awm chilh tawp ani. Xiao Lin leh Ashley pawh in min rawn awmpui fo a, inah awm mah ila kawmtur ka nei chu ka hlim takzet ani .Miller miss call pawh ka hmu ziah a, mahse biak ka duh loh avangin ka phone chu ka switchoff hmak ani.

.

____________________________________________

.

.

"College chu i kal thei tak tak ang maw?" Car a luh pah chuan Xiao Lin chuan a ti a, ka nu in kal phal lo hle mahse na reng anga awm hi ka duh lo ani , chu ai chuan college a vei harh ka duh zawk ani.

.

"ka dam tawh alawm" Xiao Lin chu ka nuih suk a, mahse a ruk chuan ka la damlo ani tih ka inhre chiang hle .

"i awm a nawm loh chuan min hrilh vat dawn nia" tih pah chuan college lam pan chuan a khalh chhuak nghala.

.

"kan thleng ta, kuah chhoh i duh em?"

"Xiao Lin ka dam tawh hi chutiang tih a ngai lo"

" mahse i nu kha a hlauthawng lutuk a, kalsan miah lo tur che in min ti a" ka nu tak hi chu aw....min ngaihtuah leh lutuk a.

.

"Kal ang" tih pahin ka lo nuih sang a, class lam pan chuan kan kal nghal a.

.

Ka locker awmna ka thlen chuan ka nui tawp chiang kher mai, Miller leh Cheng Wen chu Ka locker bulah an lo ding dun a,Miller chuan locker chu a ngheng a, kekawr ipte zen chungin a kun lap a ,Cheng Wen in min rawn hmuh chuan Miller chu a nghawk zeuh a Miller chu a rawn hawi chho vat a, ka bulah chuan a rawn tlan phei nghala.

.

"Xiao Lin i thiannu hi ka be lawk thei angem?" Xiao Lin chuan mak tih hmel takin min rawn en a, ka lu ka lo thing a.

"ka kalsan thei lo ang, anu in...." A sawi tam hma chuan a kutah ka lo vuan vata

.

"Xiao Lin minute 5 chauh ani mai " ka tih chuan alo bu nghata , Miller chu ka zui nghala.

Show post links

Top

Ngaia

Site Admin

Quote

Post October 16th, 2016, 1:37 pm

Chapter-18

.

Room ruak pakhatah hian ka zui luta, a insawifiahna hi ka ngaithla peih thlawt lo ani.Tunah pawh khan Cheng Wen nen an awmdun a thil engkim a chian vek tawh hnu ah pawh engthil nge sawipui ala duh fo le. Engpawh thleng se ka nem mai mai tawh tur ani lo.

.

"Engthil nge i sawi duh...hun ka nei tam lo ania" sana en pah chuan ngeiawm zet hian ka ti a, Miller chu a ding kun lap a ,a thaw leh hak thin a.

.

"min ngaidam rawh, ka ben avang che khan "a ti chuai raih a, Miller in a vawi khat nan ngaihdam min dil anih chu !! mahse ka chi ai tur ani lo.

.

"ihh... a tir atang khan engkim hrilh vek tur che ka nia, Cheng Wen nen pawh khan...."

.

"duhtawk rawh " ka lo pawtchat vata "in pahnih chanchin hi ka ngaithla peih lo hetah rilru na taka ka awm laiin intih theih nan i hmang amaw!! min ti na takzet ani" ka ti tawn tawn a, ka mittui chu a tling pam tawh a,Miller avang hian vawi engzat nge ka tah tawh? Amah vang hian ka tap tawh tur anilo tiin ka infuih char char bawka.

.

"i thil hriat kha engmah a dik lo, ka sawi hi ngaithla phawt rawh" Miller pawh chu a vin lek lek a, mahse chu chuan min ti thinrim zual a.

.

"ka mit ngeia ka hmuh pawh dawt anih chu!! " ka nui lui hak a, mahse ka mittui a rawn far fap a "in pahnih hian ka ngaidam thei ngai lo ang che u" ka ti sap a, ka rilru na lutuk hi au vak vak mai ani ka duh.Ka awm chu a rawn na zawk zawk a, mahse tuna ka rilru nat lakah hi chuan nep tak ani.

.

"min ngaithla teh" Miller chuan zaidam takin a rawn ti a, a kut pahnih chuan ka hmai chu a dawm bawka ,amah en tur chuan min kuai daka

"ka hmangaih che,i tel lo chuan ka awm thei lo" a rawn ti sapa, mahse a thusawi hian min tina takzet ani, a kut chu ka thing thlak saka amah hnungchhawn zawng chuan ka ding a.

.

"nilo, dawt ani...min bum thei tawh lo ang" ka ti sapa, ka thinzawn chu ka dawm vang vang a,a nat lutuk avangin ka hmui chu ka pet fan fan a, ka natna a rawn chhuak leh dawn in ka hria. Miller bulah nilo Cassie tang fan fan rawh.

.

"engtin nge ka hmangaih che tih hi ka fiah ang" ka tawng tha thei tawh lo, chhang lo chuan ka inhum ruh a,hnungchhawn zawnga ka din avang chuan Miller in min hmuh lo hlauh ani.

Khang natna zawng zawngte, amah avanga ka tah nasat zia te leh mumal pawh nei lo a, ka awm hnu ah nasa takin pangai taka awm leh tum in ka bei a, ka tha ve dawn chiah tih in Ka hmangaih che a tih avangin ka let leh ang maw!! a teuh lo.

.

"Cat, i tha maw?" Miller chuan ka darah a rawn vuan vata, ka awmdan a dik thei tawh lo thawk ka han la kawk kawk a

"Nilo,nilo " tih pahin a phi buai nghal veka.Min rawn kuah nghal vata ,

.

"min rawn khawih suh" tih pahin min vawnna chu ka pai pawp a, Xiao Lin leh Cheng Wen chu an rawn tlan lut vata ,

"Damdawiin ah hruai ang" Miller chuan a rawn ti.

"Khawngaih takin a bul hnaih ah lo awm tawh suh" Xiao Lin chuan chiang takin a sawi a min kuah chhuak nghala .

.

"Cassie, hei i damdawi ei rawh" ka damdawi chu min rawn pe vata, ka nu in ka buai hun a min eitir turin a lo kentir a ni leh thlap tawh ani ngei ang.Damdawi chu tui nen kan ei a,ka han thu vang vang a, minute 10 hnu velah chuan ka zia deuh in ka hria .

.

"haw mai ang, ka thlah haw ang che" a tih chuan ka lo bu nghat a, khuma mut vang vang chu ka chak ber ani, car ah chuan min kuah lut a, ka thut zawng pawh chuan ka maimichhing vang vang a, ka natna hi ngatinge a rawn lan chhuah zing em em le? kum reitak kha chu hetiang hian a na tawh si lo a.

.

Inchhung kan luh chuan Pi Darcy chuan min lo buaipui nghal sawk sawk a, ka nu office ah a kal bawk si a ,Xiao Lin leh Pi Darcy chuan ka room lamah min kuah chho nghala .

"Cassie bawihte, i nu ka be mai dawn ami?"

.

"Nilo, ka nu chu tihbuai angai lo, na lutuk pawh ka nih loh hi" ka ti sap a, khumah chuan ka mu a, Xiao Lin pawh chu ka bulah a rawn in thawlh ve nghal a, ka damdawi in min chhawk ani ngei ang, ka mut a rawn chhuak chiai chiai a, reilote hnuah ka ka muhil nghal bawrh bawrh a.

******

.

"Xiao Lin i chungah ka lawm takzet ani awm lo la chu Cassie hi a buai der dawn anih hi" ka nu tawng ri chuan min ti harh a.

.

"nu Stacy a ho lutuk, i awm tawh bawka kei pawh kan haw tawh ange" a ti a, kawngka a khar ri chu ka hre zui bawka.

.

"bawihte, i lo harh tawh ani maw?" ka nu chu ka bulah a rawn thu a, ka sam chu duat takin a rawn chul a.

"hei, dinner ei rawh aw, i ril atam tawh ang" Pi Darcy chuan tray hian a rawn chawi lut a,

"nu, nakinah ka ei mai ang" ka ti sap a, tunah tak hi chuan engmah eichak ka nei lo ani.

.

"damdawi ei nan tal tlemte ei la" ka nu chuan a rawn ti leh a, ka lo bu nghat a.

Khumah chuan ka thu a, ka ka a tui loh em avang chuan tlemte ka ei a,ka chau lutuk pawh kha a zia deuh in ka hria.

.

Ka nu chuan ka na a chhuah leh a hlauh avangin min awmpui char char a, ka bulah chuan a documents tih fel tur ang ang chu a tifel a, keipawh chu ka thawh chhuah peih loh avangin ka mu reng a, balcony lam chu ka thlir vang vang a, vur a tla seng seng lehnghal a, dam that ka chak takzet ani .

.

"bawihte, zanin chu ka riahpui mai dawn che ami?" ka nu chuan mutchhuah hmel tak chuan a rawn ti a,

"angai lo ka zia tawh lutuk" ka lo ti vata , a theih chhung chu ka nu tihbuai loh hi ka duhber ani.

.

"mahse, i lo nat leh thut khan...."

"nu...ka ngaihtuah awm loh"

"anih chuan hei a tlai tawh bawka, ka va mu ange, mahse na zeuh a awm pawhin min rawn kaitho ang che" thupe deuh chuan a ti a, min rawn nuih suk a ka chal ah a rawn fawp a, ham bai bai pah in ka room chu a chhuahsan nghal a.

.

Ka mut a chhuak bawk si lo a, sana chu ka en deuh sek a, hun lah chu ala kal muang em em lehnghala ,nichin atang tawh khan dar 11 a ri deuh reng mai in ka hria.A vawt bawk si a, blanket chuan ka inkhuh hlun a,thil chi hrang hrang ka ngaihtuah neuh neuh bawk a.

.

Chutih lai tak chuan ka room kawngka chu tu emaw hian a rawn kik kerh kerh a, ka hawi chhuak nghal vata

"Cassie " pi Darcy chu hlauhthawng hmel tak hian a rawn lut a, a rawn tlan ti tih a.

.

"Enge ni ta Pi Darcy?" ka lo ti vata, a awmdan chuan min ti hamhai takzet ani.

.

"Englo ania, Cassie Bawihte ...." a thaw hlawp hlawp a,a han inbeng dai te te a.

"Ih...tunge mawni gate pawhah khuan a ding renga,zan tir atang khan a ding tawh a kalsawn a tum bawk si lo, ka hlauthawng lutuka ka rawn kal tawp" a tih chuan ka hrethiam lo hle a, ka tho vata balcony ah chuan ka chhuak vata.

.

" police kan call mai dawn ami?" a rawn ti leh a,Gate pawnah chuan ,miller chu ka zuk hmu thut a, ka phu chiang kher mai , inchhungah ka tlan lut vata

" nilo, call lo ang ka hmelhriat anih khu" ka ti chuai raiha,

" i hmelhriat anih chuan a zia hlauh anih chu,i nu ka hrilh ngam bawk si lo a ka rawn hrilh tawp che , a hma a i damloh lai pawh khan a rawn ding reng thin a ,i thian anih chuan luh tir ila , vur a tla bawk si a ,a damlo ang"

.

Pi Darcyi thil min hrilh avang chuan mak ti takin ka en ha a, Miller hi a hma atang daih tawh khan alo ding tawh amaw!! engemaw a hriat le, khutia a awm avang khuan min hmin mai mai thei lo ang.

.

"ai, hruai luh angai lo tikhuan awm reng rawh se, a duh hunah a haw ve mai ang" tih pahin ka khumah chuan ka mu leh a, puan chuan ka inkhuh nghal hmaka.

.

" Awle, muttui le" tih pahin Pi Darcy chu a chhuak a.Ngaipawimawh lo niawm tak chuan ka mu lui char char a, mahse ka awm a nuam thei tlat lo, a khat tawkin ka zuk bih leh zeuh thin a, a din na ngaiah chuan a ding reng a, Henu han luhlul zia hi chu sawi vak ngaihna pawh a awmlo.

.

Vur lah chu a tla tam telh telh mai bawk si, Miller lah haw mai a tum bawk si lo ka room ah chuan ka vei seka , lo damlo phah ta tak tak ta se a rilru hah ber tur chu keimah bawk ka ni leh si .Avan hahthlak thin tak , a tawp a tawp ah chuan inhnuaiah ka chhuk thla a, nihliam ka la a pawnah chuan ka chhuak nghala .

.

Miller in min hmuh chuan beisei nei tak hian min rawn en a, hetiang vur tla hnuaiah hian engtin nge a din reng theih?, a tawrhchhel ngawt mai.Vur chu a sam ah leh a kawr ah te chuan a kai nuai a, nihliap chu ka parh a ka va kalhnaiah vata, a vawt ti chu a khur hlak hlak a, a hmui te chu a duk vek tawh a, ka khawngaih em em a mahse hemi avang ringawt chuan ka nem mai mai lo ang.

.

". haw rawh Miller hetah engmah tih tur i nei lo" ka lo ti vin hlar a, tawngkam tha deuh a biak pawh a phulo.

" min ngaidam rawh,chance min pe leh rawh " a rawn ti sap a

"chance chu vawitam tak pek i ni asin,tunah nilo a hma pawh khan ngaihdam min dil thei reng alawm let leh zawk rawh "

"ka thiamloh vek ani, min ngaihdam chuan engkim hi a hma ang khan ka siamtha leh thei ang" a tih chuan ka nui suk a, dawt sawi hi chu a hnehsawh ve ngawt mai.

Show post links

Top

Ngaia

Site Admin

Quote

Post October 16th, 2016, 1:37 pm

IMG_20170127_150019_599.JPG

IMG_20170127_150019_599.JPG (41.6 KiB) Viewed 3162 times

"ka ngaidam ang che maw? ka rilru nat lai zawng zawng khan khawiah nge i awm? ngangmah vangin zantin ka tap asin"ka mittui chu a rawn tling nghal pam a

"ka rin na zawng zawng i chungah ka nghata, mi in min en dan tur pawh dawn lo in nang ka thlang che a, chutichung chuan min phatsan a" ka sawichhunzawm mai thei tawh lo, ka hnuk chu a ulh tlat a, ka mittui chu a rawn luang nghal zung zung a.

.

" tunah atang chuan hmeichhia nilo in mipa ngei ka kawp tawh ang" ka ti zui zat a Miller mittui chu a rawn far fap a, a kun lap bawka.Miller mittui pawh a lo tla ve thei anih hi!! hei pawh hi a tider leh bawk aniang.

.

"ka tihpalh takzet ani, mahse i tan ka rinawm asin" a ti chuai raih a ,ka nui lui hak a, hetiang em em a dawtsawi hrat hi alo ni maw!!!

.

.

"min kalsan rawh hmuh leh che ka duh tawh lo,kan inkar chu a tawp tawh" tih pahin inchhungah ka tlan luh san a, ka room ah ka lut a ka room kawngka ngeng chuan ka thu hnawk a, ka tap nghal zawih zawih a. Miller hmuh leh hi ka duhtawh lo takzet ani, amah ka hmuh apiangin ka na thar zela , hlimna nilo in rilru natna chiah min thlen ani.

.

Ka mithmuh ngeiah hmeichhe dang a fawp a, chuti chung chuan ngaihdam min la rawn dil amaw!!

.

Ka khumah chuan ka mu a, thil chi hrang hrang ka ngaihtuah a, ka tap leh rih thin a, a chang leh ka tho thut a,ka roomah chuan ka vei sek bawka , tuna ka awmdan hi midang chuan min hmu se mi a emaw min ti ngei ang .

.

_____________________________________________

.

" Cassie tho rawh!" Ashley chuan min rawn sawi nawk nawk a, meng mang lo chuan ka hawikual a, khua chu alo var uarh tawh a, ka mutthilh lai pawh ka hrelo reng reng .

.

" ka mu tlem lutuk, kan mu leh pawt" tih pahin puan in ka inkhuh leh nghala, ka muhil zui a.

.

" amak, tho rawh...Miller hi i duh chiang" ka tho nghal zawt a,

"engmaw!!" Miller hming an sawi lan tawh hi chuan ka phawk nghal hru zel.

"Ka ti mai mai ani kha,mahse hman zana Miller awndan kha chu ka hrethiam thei lo"

.

"Engtin nge a awma?" ka lo ti ha a.

" Party na a, a awmdan kha i hmu ve lo ami,a ngawi reng bawk sia, nidangah khatiang khan a awm ngai lo hrim hrim" a ti nghal zung zung a.

"e...a kaichhuak daih che sia i inkarah thil engemaw a awm tih ka hria ania, mahse ka zawt lui lo ang che ka lawm vak lo ka laka i zep tlat hi "

.

"Engmah a awmlo" ka lo ti vata a, a dik reng ani, tunah hian kan inkarah engmah a awm lo ani ,huatna chauh lo chu.

.

"bakah khatiang khan hmeichhe thlavang a hauh ngai lo hrim hrim, a hruai chhuah hnu che khan a rawn lut leh a,zu a in vak vak a"

.

"chutiang a mak vak ami?"

.

" Mak e, Miller hian zu a in ngai lo,nawr luih kan tum pawhin a induh ngai lo,insiam rawh hei kan tlai tawh ania" tih pahin bathroom ah min nam lut nghal dawr dawr a,ka inphih fai nghal mawlh mawlh a.

.

"inhnuaiah ka lo nghak ang che , ka ril a tam lutuk" tih pahin Ashley chu in hnuaiah a chhuk thla nghala, ka insiam sawk sawk a, makeup in hnawih tur pawhin phurna ka nei tawh lo ,ka insiam zawh chuan inhnuaiah ka chhukthla ve nghala.

.

Ashley chu alo ti ti leh bawrh bawrh tawh a, ka nu office a kal tawh bawk si a tunge a biak mawlh mawlh chu tiin kitchen lamah ka phei a,Ka nuih aza ngei mai , a thil sawi lai chu Pi Darcy chuan thu meuh in a lo ngaithla a, ka nui ri haka a.

.

"Cassie bawihte lo kil ve ngal rawh" tih pahin ka breakfast tur chu min siamsak nghal mawlh mawlh a.Ka ei sawk sawk a, College lam pan chuan kan in khalh chhuak nghala.

****

.

"Cassie ding lawk teh" Ashley chuan a ti chul a, kawng sirah chuan car chu ka ti ding nghala

" Enge?" ka lo ti vata, kan tlai tawh si a, Kawng laklawh a min dintir nachhan hi ngaihdan pawh ka nei lo.

.

"saw thil saw ka ei chak lutuk" tih leh tlan chhuah a rual a, Ashley hi chu a che tuah ve thei ngawt mai, Car ah chuan ka lo nghak ran a.Hla ngaithla pah chuan ka lu chu ka bu nghat nghat a, Car pakhat in min rawn tlanpel fua a ka mit a la nghal zar mai a chhan chun Miller a ni tlat.

.

Zui ruk chu ka chak ta tlat a,Ashley pawh ka ngaihtuah hman tawh lo ka inturn a Miller chu ka zui nghal a,a hmuh phak lo ah chuan ka tlan zel a, tun ang hunah college kal lo in khawiah nge kal a tum le? Khua lah chu a vawt si a ka thaw khu ham ham a.

.

Ka rin loh deuh in a hma a Cheng Wen nen an kalna damdawiin ah bawk chuan a lut a, pawnah car chhung atang chuan ka lo nghak ran a,a rei em avangin sana chu ka en zeuh zeuh a minute 20 hnu velah chuan a rawn chhuak thei hram , a car ah a lut a, a tlan chhuak leh nghala. Car atang chuan ka chhuk vata , damdawiin ah engthil nge a tih hriat ka chak takzet ani.Damdawiin chhungah chuan ka lut nghala.

.

" ka pi thil ka lo zawt lawk che, Vespa Miller tih in register a awm em?" Tiin Receptionist chu ka zawt a

.

" ka pi, engmah ka sawi thei lo" a lo ti vata, hetiang hi chuan Engmah a sawi duh dawn chuang lo.

" ka thian ania, min hrilh hram thei angem." ka han ti leh a,min la hrilh duh chuang lo a,a bula nurse lo thu chuan min hriatthiam hmel takin min lo en a.

.

" Helamah min lo zui rawh" tiin nurse nu chuan min rawn hrilh ru sa sa a, ka zui nghala.

" Miller chu i hria ami?" ka lo ti vata.

" Hria e, hetah damlo pakhat a rawn awmpui thin a , ka lainat thei lutuk asin"

.

" damlo maw!"

.

" Aw...heihi damlo awmna room chu a nih hi va lut rawh" a tih chuan ka zam ngei mai ,ka thaw hak a kawngka chu zawi muangin ka hawng riai riai a,.Room chhungah chuan ka lut a, ka thil hmuh chuan min thawng ngei mai.

.

" Cheng Wen!!" ka ti sapa, a rawn hawi chho vata.Ka awih thei lo Cheng Wen chu khumah a lo thu kun lap a, a sam te chu a tla kawng veka ,a dang lap bawka a damlo nasa hle tih ka hre nghala.

.

" Cassie" ani pawh chuan min hmuh chuan a rawn meng phawk nghal kawk a.

.

" Eng...Enge awmzia?" ka ti bah nuai a, ka bing mup mup in ka hria, Ka lainat takzet ani.Cheng Wen chuan chau tih hriat deuh hian min rawn nuih suk a.

.

" Cassie, hetah lo thu teh" Khum bula chair ah chuan ka thu vata " ila rawn kal hi ka ring reng asin" a aw zaidam ta lutuk hi ka awih thei lo , a hma te kha chuan min huatna thu hlir kha a chhakchhuak thin si a.

.

" Engmah hi ka hrethiam lo" ka ti sap a, Cheng Wen chuan ka kut chu a rawn hum vang vang a.

.

" Ni e, i hmuh ang hian ka damlo ani"a yi chuai raih a, a awmdan atang chuan a chau hle tih ka hre thei a, a thil sawi hi engmah ka hrethiam lo, ka bo takzet ani.

.

" Engkim min hrilh rawh hriat vek ka duh?" ka han ti leh a.

.

" Thla 2 kalta atang khan thisen in ka luak thin a, ka han inentir chu thisen cancer ka ni tih ka inhre chhuak a" a mittui chu a rawn far fap a

" nasa takin inenkawl mah ila, ka natna hi alo nasat tawh em avangin ka tla chak em em a, tunah phei chuan hmuh tlak ka awm tawh lo, Cassie min ngaidam rawh,thil nasa tak ka tisual ani"Cheng Wen chu a tap nghal zawih zawih a,han hnem dan lawh ka thiam lo, ka mittui chu a lo tla ve zung zung a.

.

" Miller hian engmah tihsual anei lo,khawngaih takin ngaidam rawh "

.

"ka ngaidam thei lo ang min phatsan alawm"ka tawng zawng pawh chuan ka hnuk a ulh zela.Hetiang hunah hi chuan hnem tur ka ni asin, hnem ahnek in ka tahpui zawk si .

.

" Nilo, engmah tihsual a nei lo, ka thiamloh vek anih kha, khawngaih takin min ngaidam rawh Cassie,min ngaidam hram rawh...Miller hi pawm leh rawh"

.

" Engmah hi ka...ka hrethiam tawh lo" ka ti bah nuai a.

.

"A tirah chuan Miller nen hian kan inkawp char char thin a, Mahse i lo awm tak atang khan Miller zia a dang nghal veka, engmah sawi lo mahse a duh che tih hi ka hre nghal ani, kan inthen phah reng bawka mahse kan inthen avang khan Miller hi thlah ka tum bik hauh lo" a thaw leh hak thin a,a sawi zawng pawh chuan a tap lek lek a.

.

"in in kawp tih ka hriat khan ka thinrim em em a,Miller in a hmangaih che tih ka hriat phei kha chuan in inkarah buaina siam ka tum char char tawp ani, ka natna hi Miller chelh beh nan hman ka tum a, chuvang chuan i hmuh lai ngeiin ka fawp anih kha mahse kan inkarah engthil mah a awm lo" a tih chuan ka meng phawk nghal kawk a, Anih chuan an inkarah eng thil mah a awm loh chuan engkim kha ka hriat sual vek maw!!

.

" mahse in in zui fo alawm"ka tih chuan a rawn nui hak a.

.

"khata tang khan Miller hian min be duh ta lo ani,hnawl ka ni kha ka rilru ana em em a ka natna chuan min ei chhe telh telh a, lang thei khawpin zual lam ka pan a.Ka nu chuan Miller vanga ka dam theih ringin Miller hnenah min enkawl turin a ngen ta tawp a, khatih hun laia Miller rilru buai zia kha ka hmuh hmaih ngai lo, nang a hmangaih si che a, mahse kei min enkawl a ngai bawk si ,ka nu lah chuan ka natna hi sawi chhuak lo turin a lo ngen ve bawk a"

.

"Cassie a hmangaih takzet che ani, Kei min enkawl avang khan ka hlim em em a , that lam pawh ka pan chak reng ani mahse Miller rilru natna kha ka hmuh hmaih ngai hauh lo ,zantin rawn biak che a tum a, in in kawtah a nghak ziah bawk che a , zanah pawh a mu ngai meuh lo " chu thu ka hriat chuan min thawng em em a, Miller khan an inkarah eng thil mah a thlen loh thu min hrilh lawm lawm a, keichuan ngaihthlak sak duh lo in na tak tak in ka lo tawng khum thin kha ani a.

.

"Thil pakhat, Miller hian mangtha tih thumal hi a duh lo em em a, a pa khan a thih dawna a thusawi hnuhnun ber chu mangtha tih ani , in party zana mangtha i tih kha ila hria em?" ni e, ka la hrechiang khawp mai, min ben avangin thinrim tak chungin kha thu kha ka sawi anih kha.

.

" A mangang lutuk in , keimah hial min hrilh asin.Hetiang ang em em hian a ngaihzawng te hi a la thutak ngai lo, nangmah ah hi chuan a rilru zawng zawng a pe asin, Miller hi hmeichhe luhlul tak ni mahse a chhungril hi chu nem tak ti nat awl tak ani, nangmah alo hmangaih che hi a insit em em thin a , a nihna avang hian vawitam tak a hmangaih thu che a hrilh ngam ngai lo che asin "

Show post links

Top

Ngaia

Site Admin

Quote

Post October 16th, 2016, 1:38 pm

Chapter-19.

.

" Nilo, i sawi zawng zawng hi dawt vek ani, ka mit ngeiin ka hmu alawm...min phatsan ani min hmangaih lo"ka ti chuai raih a,

.

"Cassie, vawikhat pawh a theihnghilh ngai lo che asin ,mi hlim thei tak ni thin kha tunah chuan a nui hmel hmuh tur a awm tawh lo .Miller hi a nihna ngaiah hruailet leh rawh " Cheng Wen chuan min ngen mawlh mawlh a,ka bing mup mup a han sawi leh tur pawh ka nei lo,ka dang a awk tlat a ka mittui chu a tla zung zung bawka.

.

" Kal rawh Cassie,China chhuahsan in England ah kal a tum ani,va dang rawh" ka phu zawk a,Keimah vanga chhuahsan tum ani tih chu ka hre nghala, ti ringawt hi chuan min kalsan thei lo ang.

.

" Cheng Wen ka lawm e" tih pahin tlan chhuah ka tuma.

.

" Lawk..Cassie, College ah ala awm ang " min rawn nuih suk a, hmanhmawh takin ka tlanchhuak nghala.

.

Car ah ka lut a, chak zet in college lam chu ka pan nghala.Ka khalh lai te chuan ka mittui a rawn tla zawih zawih a, a chang leh ka nui leh hak thin a.Miller bulah enge ka sawi tak ang? keimah vangin rilru na takin a awm a,min lo la pawm duh angem? Phur tak si in ka zam ru em em a,engpawh thleng se ka chelh tlat tur ani.

.

College ka thlen chuan chak lutuk in classroom lam ka pan nghala, Miller chu ka zawng kuala ka hmu tlat lo , a awmna tura ka rin ang ang ah chuan ka zawng kual a, a hmel reng reng hmuh tur a awm lo.Ka mangang tawh hle a, alo kal hman anih pawhin min mangtha na thu tal min hrilh ve tur ania.

.

"Cassie, ka zawng nasa lutuk che ngatinge min kalsan daih a? khatiang khan min kalsan tawp thei lo ang" Ashley chuan thinrim tih hriat tak hian a rawn ti tun tun a.

.

" Ash...Miller i lo hmu em?" Ashley chu ka zawt ta tawpa,

.

"Aw, basketball court ah a kal lai ka hmu" mak tih hmel tak chuan a ti a,

.

" Ka lawm e" tih leh tlan ka rual a.

.

" Hey! Cassandra" Ashley chuan min rawn la au zui lawm lawm a, hawilet pah chuan.

.

" Ngaihdam dil na ka treat ang che" ka nuih suk a, basketball court lam chu ka pan nghala.

.

Court chhung ka luh chuan alo reh thapa, Ashley thusawi chu ka ringhlel nghal rum rum a, Miller mai pawh nilo tumah hmuh tur an awmlo ani, ka hawikual nghal ruai a, dressing room lamah chuan ka tlan nghala.

.

Kawngka bulah chuan ka ding chawt a, Miller ka hmuh chuan ka hlim ngei mai,a locker a a thawmhnawte chu la chhuakin a lo thlep mek a, parcel ah a khung zel bawka,ka hah em avang chuan ka thaw hlawp hlawp a , ka thawm ah chuan Miller chu a rawn hawi phei a,a meng phawk nghal kawk a.

.

" Cat" a rawn ti sapa, kawngka bul daih a awm mah ila ka hre chhiang hle ani.

.

" Mimawl nu khawiah nge kal i tum?" ka ti a,ka hnuk chu a ulh tlat a,ka mittui chu ka hru zeuh a, tunah tak hi chuan tah ka duh lo asin , ka inhnit faih faih a, ngawi rengin Miller chuan min en kar bawk a.

.

"Min kalsan theih i inring ami a? mawh... " muangchangin ka pan hnaia ,

" a tir atang khan ngatinge thudik min hrilh mai loh" ka tih chuan a kun lap a

"nangmah in khang buaina zawng zawng kha hmachhawn i tum ami, mawh? ... min hrilh rawh" a hma a tak chuan ka dinga,ka inhma chhawng ran a parcel chhunga a dah ban na lehkha chu ka la kang a.

.

"hetiang hian maw min kalsan i tum? banna thehluh a kalbo"lehkha chu ka lek va va a

"Khawiah mah ka kal tir dawn lo che" tih pahin lehkha chu ka pawtthler a.Miller chu a rawn hawi chhuaka, ani pawh chu a mit a sen ram a.

.

"duhthlan tur dang ka nei lo ani" a ti sapa a.

.

"i tello in engtin nge ka awm anga?...ka ngai thei lutuk che asin," ka awm chu ka dawm vang vang a " ka ...ka ngai lutuk che hi ka thi thei mai ang, khatih hun chhung zawng khan min ngai ve ngai miah lo ami?..i hria em..hmeichhia i ni emaw eng mi pawh ni la, i nihna ang ang hian ka pawm che, ka hmangaih che "hnuk ulh tun chuan ka sawi thei hram a, Miller chuan ka sam chu zaidam tak hian a rawn chul a, ka hmai chu a kut pahnih in a dawm a, ka mit ah tak chuan min rawn en a,

.

"ka ngaih thu che ka hrilh ngai lo che anih chuan Ka ngai lutuk che"a ti sap a, ka chal ah chuan a rawn fawp vang vang a.A thaw haka

"ka hmangaih che tih ka hrilh tam tawk lo che anih chuan KA HMANGAIH CHE , ka hmangaih lutuk che Cassandra" min rawn fawp nghal vawng vawng a.

.

Min rawn kuah nghal thlawp a,ka hlim lutuk chu ka tap bawka, a chang leh kan nui leh hak thin a .Ka lungngaih in ka tap a, ka hlim lutuk pawh hian a tah theih tho anih hi.

.

" Tihian kan inkuah reng dawn nge, ka thawmhnaw hi ka dah lut leh dawn?"a tih chuan ka nghawk sawk a, a rawn nui var var a.

.

"class ah ka lo va awm ang" ka lo kuah rei lutuk a, ka lai lek lek ani , kal ka tuma ka banah a rawn vuan vata ,ka beng chu a rawn fawp zeuh a

"kan kal rual dawn nia" a rawn ti sapa, ka lo inla hrang vata .A thawmhnaw parcel a a dah zawng zawng chu a locker ah chuan a thlep lut leh veka .A bulah chuan ka lo nghak ran a, a khat tawkin min rawn nuih leh suk thin a.

Henu zun ah hi chuan ka uai ve chiang alawm, eng thil nge maw a tih le hetiang em em a ka duh chhan hi.

.

" Kal ang le" tih pahin min rawn kaih a tuma,a kut chu ka lo thingthla vata a lungawi lo ngang mai a ner sawk a,

"ok...ka tilui lo ang che" tih pah chuan a kala, ka zui chhuak ve nghala.

.

" Hey, nangni pahnih hi" kan hawiphei rual thawt a, Ashley chu inkuangkuah chungin a lo ding to a.

.

"Lo va kal rawh ka rawn lut ve vat ang" Miller bulah chuan ka ti a , a bu nghata classroom ah chuan a lut nghala.

.

"Cassie, engthil nge i tih hi?" Ashley chuan hlauhthawng hmel deuh hian a rawn ti a.

.

" Ash... Miller hi ka hmangaih ani" ka nui sanga, Ashley ka en chuan min lawmpui ve lo niin a lang.

.

" Engmaw!!?" midang an rawn kal nge kal lo en chuan a hawikual zak zak a, hmun fal mi awmloh na turah chuan min kai nghal dawr dawr a.

.

" i mawl ami?" tumah an awm lo bawka, a rawn ti tuarh a,a awki pawh a sang ngei mai.

"Cassie, hmeichhia a nih saw .... "

.

"Ash.. Hmeichhia ani tih chu ka hrechiang khawp mai, ka hmeichhiatpui anih avangin a dik lo ani tih pawh ka hria ,engtin nge ka tih chuan ang a nihna avangin ka kalsan ang maw!!" ka lo ti vin ve hlar a, tunah chuan Miller kiangah ka awm tlat tawh dawn ani.

.

"i tan a tha lo ani,Cassie...hmangaih neih hi i tan a tha ve lo. I nu in hria se engtin nge a tih ang?... a zah tur zia te ngaihtuah ve ta che"

.

"duhtawk rawh, Miller hian hmusit tu leh endawng tu ni lo in a lama tang leh a nih na ang ang a pawm tu a mamawh zawk asin" ka inhum ruh a,inbeng daih chu ka tum hram hram a .

.

" Ash... i lo hriat pui ve em...Miller hian hrehawm a tawrh nasat zia te , midang ang nih tuma a beih nasat zia te...nilo, i hrethiam ve lo ang..tumahin an hrethiam lo ang .Ngangni chuan a landan ringawt alawm in buaipui,a phen a thil awm hi engmah i ngaihtuah ve lo" ka nui lui hak a, Ashley chu ka kalsan nghal hmaka, classroom lam chu ka pan nghal hmawk hmawk a.

.

Ni e, Miller awmdan hi a dik e chu ka ti hauh lo, mahse amah hmusit tu leh enhniam tu ten a hual vela, a pawnlam landan chauh an en a , a chhungril a tawrh na leh beidawnna hi an hmuh pui leh si lo.Tanpui tu leh amah hmangaih tu a mamawh em em laiin tumah a kiangah an awm lo a,amahin hetiang natna zawng zawng phur turin an kalsana mahse an dem leh si amaw!!

.

Lecture room ka luh chuan Miller chu thlamuang tak hian a lo thu a, ka lainat lutuk chu ka en tlawk tlawk a, min rawn hmuh chuan min rawn nuih suk a, ka lo nuih let ve nghala.A bulah chuan ka va thu ve nghala.

.

"i tha maw?" alo ti vata, midang ho chuan Miller nen kan thutdun avang chuan min melh hrek hrek hlawm a , mahse engah mah ka ngai duh lo lui tlat ani.

.

"min hrilh loh i nei ania" tih pahin Xiao Lin chu ka bulah a rawn thu ve nghala.

" Hi! Vespa" a tih chhunzawm nghal zata.

" Hi! " Miller chuan a lo ti ve nghal var a,

.

Class chu kan tan nghal mawlh mawlh a,Xiao Lin leh Miller inkarah ka thu bawk si a,Xiao Lin hmuh loh chuan Miller in ka kut chu a rawn hum thuta ka phu deuh zawka.

" Cassie, ngatinge i phut zuk a?" Xiao Lin in hrethiam lo deuh hian a rawn ti ha a, ka nuih a za ngei mai.

.

" Ahh...engmah ani lo" tiin a kut chu ka paih pawp a, ka va melh zeuh a,hnuai lam en chuan alo khi vur vur a.

.

"Cassandra Alvom leh Vespa Miller kha class atangin chhuak rawh u" Sir Huang chuan a rawn tih chuan ka ding zawt a,

" Class ah in awm tha duhlo anih chuan class rawn kal tawh su u" Chiang fek fawk chuan a sawi a, ka zak ngei lutuk chu ka sen nghal tawn tawn a.

Miller nen chuan class atangin ka inzui chhuak hna hna a.

.

"ahh... class atangin min hnawtchhuak bawk si a, enge kan tih tak ang?" A mithmul chu a rawn ti sang ak a

" Khatiang kha chuan awm tawh suh, class leh ah chuan i bulah ka thu tawh lo ang" ka lo ti hmuk a, a vawi khat nan class atanga min chhuahtir na ani a, chuan ka zak hle bawk.

.

" A nih leh ka ti tawh miah lo ang, Coffee i duh em?" khua a vawt bawk si a ka lo hnial lo kher mai.

" umm..." ka lo ti vata.

" Anih chuan tah hian lo awm rawh, ka rawn la ang" a bula thuthlengah chuan ka thu a, Miller nen kan tha leh tawh bawka ka hlim takzet ani.

.

" lo kalsawn miah suh " ala rawn ti leh hrama, ka lo nuih ver ver a.

.

Rei pawh ka nghah hma chuan Miller chu a rawn let leh vata,tunah ka awmdan hi a nuam takzet ani.Lungkham tur a awm lo a, engkim mai hi a fuh vel vek tawh ani.

.

" ka rei em?" a rawn ti vata.

.

" Ai rei lo e"Coffee chu min rawn pe a,

.

" dinner ei dun ang aw?" a rawn ti sapa.

.

" Awle" dinner kan vawikhat eidun na tur a ni a ka lo phur ve hle a,

.

" lo kal teh" tih pahin min kai dawr dawr a, " Enge?" ka lo ti vata .

" i hre mai ang" tih pahin Car kawngka chu min hawnsaka, ka lut vata .Seatbelt chu min rawn hrentir a.

.

"ka hlim takzet ani" tih pahin ka hmuiah a rawn fawp zeuh a,A khalh chhuak nghala.

.

Ka rin ang chiahin College ah a awm leh peih tawh lo aniang.Miller nen chuan kan lengchhuak dun a, hmun hran hran ah ka kal kual a,Chinese ho lemchan te chu kan en a, ka vawikhat hmuh na ani bawka a hmuh nawm ka ti hle ani.

.

****

.

" Helai hmun hi a nuam ka ti takzet " ka hawikual vela a, a hmun hi changkang hle mahse an hnam thil vel an ngaisang hle niin a lang.

.

" Helai hmun hi Chinese food tuina ber ani a , kan hnam thil pawh hmun tur a tam ber" a ti a, thil inhung vel te chu a sawifiah zela.

.

" Anih chuan dinner atan enge i ei duh ang?" a tih chuan menu chu ka bih vung vung a,

"keiman ka lo thlang mai ang"min nuih sang pah chuan a rawn ti a, ka lo bu nghata.

.

"Gong Bao Chicken , Sweet pork leh Wontons aw... chuan 1986 win nen" Waiter chu a hrilh mawlh mawlh a, Amah chu ka lo thlir leh veng veng tawh a, a hmeltha takzet ani.

.

Miller phone chu a rawn ri ral ral a,a phone chu a en vata.

" Cheng Wen maw?"pickup mai lo chuan min rawn melh nghal vata.

" la rawh, a pawilo" ka tih chuan a la nghal vata.

" Hello"a ti sap a, ka mitmei chu a vengthawng tih hriat tak chuan min rawn en leh zeuh thin a,ka lo nuih sang a mahse a ruk tak chuan Cheng Wen hi ka thik tlat zel, nunhlui tamtak an lo neih vang te pawh ani mahna.

.

" Engmaw! ka rawn kal nghal ang" phone chu a ak sawk sawk a,

" Engthil nge thleng Cheng Wen chu a tha em?" ka lo ti vata.

.

" A zual leh thut a, ka kal vat angai ani"

.

" ka lo kal ve dawm?"

.

" Nilo, Cassie... hetah lo awm la min lo nghak zawk rawh ka rawn let leh vat ang" tih pah chuan Hotel atang chuan a tlan chhuak nghala .Ka enzui nghal vawng vawng a.

.

"Cheng Wen chu ana viau ami le? , a that hram ka beisei" ka ti sapa,keimah chauh chuan nuam pawh ka ti lo, ka hawikual hrak hrak a.

.

Tih tur a awm loh em avang chuan ka phone games chu ka khel ta ringawt a, kan thil order a lo thlen hnu pawhin a la rawn let chuang lo.

.

"ka ril avan tam tawh tak" ka ti leh sap thin a,ka call a la thei bawk si lo, buaina a tawk ami le? ka rawn let leh ang a tih avang khan lo eisan ka hreh bawk si a, sana chu ka en deuh chhen a dar 9 a ri va tawh a, mahse a rawn kal chu ka la ring fan tho ani .

.

Dar10 ah pawh ala rawn let chuang lo, a rawn let dawn tawh lo te anih chuan sawi that ve mai tur ania,ka phun bul bul tawh a.

.

" Ka pi, kan khar a hun tawh a" Mipa khat chuan a rawn ti a, sana chu ka en leh vata dar11 a lo ri va tawh a, tunah chuan a rawn kal tawh lo ang mahse a ruk chuan a rawn kal chu ka la ring fan a, ka thin a rim tawh takzet ani.

.

" Minute 5 chauh min lo nghak leh rawh chuan bill"ka lo ti vata.

" ka pi bill chu pek ani tawh " mak pawh ks ti hran lo Miller khan a kal dawn in a pe ani ngei ang.

.

"khawngaih in minute5 chauh" ka tih chuan a bu nghata, Kan eitur order chu ka ei nghal tawn tawn a, ka ril a tam bawk nen ka thinrim bawk nen ka ka khat tun chuan ka ei a, ka mittui chu a tla zung zung bawka.Buaina a neih chuan min rawn hrilh ve tal tur ania.Beidawng tak chuan ka haw hna hna a.

.

Chapter-20

.

Ka thin chu a rim tun tawh a, taxi pawh hmang lo in ke in zawi muangin ka kal chhet chhet a, ka tah chu a chhuak takzet ani.Ka in sut leh hraih thin a,ka mittui chu ka khap per fak fak a, Miller chu ka kiangah nilo in Cheng Wen bula a awm tur ka ngaihtuah hian ka ngai ngam thlawt lo ani.A chang leh buaina nasa tak a tawk anih te ka ringa, a chang leh a buai lutuk anga min rawn be hman lo te pawh ani thei mahse ka call tal chu lak ve tur ania.

.

" Sual leh lutuk mai" ka ti sap a, tih theih dang ka nei der bawk si lo,a vawh em avangin ka kut te chu a hit vek tawh a, ka hnar chu a tai hlar bawka , Heng zawng zawng hi Miller vang vek ani.

.

In ka thlen dawn chuan sana ka en zeuh a, dar1 alo ri va tawh a a awm lo chuang lo e, hotel atangin ke in ka kal char char a,ka ke te hi a kham tawh takzet ani. Kun lap in ka kal chhat chhat a, chutia Miller ka dem mawlh mawlh lai chuan , kan in kawta Miller mangan hmel taka a vei kual lai chu ka va hmu thut a.

.

" Ngatinge ka a zo tawh ami? ka mitthla ah lehzel ka hmuh le?" ka phun bul bul a, ka mit chu ka han nuai nawk nawk a,mahse Miller chu a bo chuang lo. Miller in min rawn hmuh chuan a rawn tlan phei vata.

.

" Ka zawng nasa lutuk che khawiah nge i kal daih a?" mangang tih hriat tak chuan a rawn ti a,min kuah nghal thlawp a, mahse ka kuah let ve lem lo.Za lo zet hian ka lo nui suk a , ka mittui chu a tling pam bawk a.

.

" Min zawng maw...hahh...min zawng anih chu!! " ka nui hawk hawk a, ka a tawh niber in ka hria.

.

" Hotel ah ka rawn let leh a, i lo awm tawh bawk si lo a, i room ah ka lut a mahse i awm chuang lo , ka ngaihtuah lutuk che ani min ti mangang hman alawm"

.

" Min ngaihtuah maw!! tak tak ani em?" ka ti sap a, ka mittui chu a rawn tla zung zung a, ngatinge ka tah belh em em le?

.

"engtik lai mahin ka theihnghilh ngai lo che ..." min rawn fawp zeuh a"i kut a vawt vek anih hi" tih pahin ka kut chu a rawn hum vang vang a "hetah lo thu teh"tih pahin ka in chhohna step ah chuan min thuttir a, ka bulah chuan a rawn thu ve nghala, min kuah a, a darah chuan ka bei hle hle a.Miller bulah hi chuan ka thinrim rei thei thlawt lo.

.

"Cat... ka pa pawh ring takin van atangin a rawn nuih ka ring" Van lam chu a hawi chho vang vang a, ka hawi chho ve vata arsi chu a de tuarh a, chhum chu a zing raih bawka.

" A chhanchu a fanu hi tunah hian ka hlim takzet ani" a tih chhunzawm leh zat a, a hmel ka en chuan ka thinrim ve na zawng zawng te kha a reh nghal veka,ka lainat takzet ani.

.

" i pa chuan nang ang fanu a nei che hi a in chhuang ngawt ang,a chhanchu midangte i ti hlim thin a " hnem nan chuan ka ti a,a dik reng bawk ani. Ka kut chu la kang in a rawn fawp zeuh a "nilo, ka pa hi a chang chuan ka dem thin asin , min kalsan lo se chu hetiang hian ka nung hauh lo ang , mahse nang ka tawng phah che a,ka neih hlu ber i ni, nang lo chu tumah neih ka nei lo" a ti sap a.

.

"Engtik ah mah ka kalsan ngai lo ang che"a mit ah tak chuan ka en a, a thla a muang siai siai in ka hria, a rawn nui suk a.A biangsum khuar kak a a nuih hi chuan a hmeltha takzet ani.

.

"min tiam rawh, min kalsan lo ang tih hi"a hlauthawng ani tih chu ka hre nghala.

" ka tiam a che" ka ham bai bai a, " Zan a rei tawk si a,khua a vawt bawk sia"nui tet tet pah chuan ka ti a,

"ok...anih chuan haw turin min duh animaw?"

.

"chutiang pawh ani lo" ka hmuiah chuan a rawn fawp thut a, ka phu chiang ngei mai, ka maimichhing nghal vata ka lo fawp let ve nghal vata.Miller fawh hi chu ngaiah ka nei thei thkawt lo,ka mur chuai chuai a, a danglam takzet ani.

.

" Cassandra" kawngka lam chu kan hawichho rual thawt a, kawngka ah chuan ka nu chu a lo ding ran a ,ka hlauthawng takzet ani.

.

" inchhungah lut rawh" a rawn ti vin tuarh a, Miller chu ka en a ngawi rengin inchhungah chuan ka lut zal zal a, ka nu chuan kawngka chu a khar nghal hmaka.

.

" Vawi engzat nge khatianga awm lo tur khan ka hrilh che,ngaihzawng i nei hi a thiang ve lo" ka nu chuan a ti tuarh tuarh a, ngawi rengin ka ding kun lap a .

.

" Min ti zak hle mai, vawiin ah in headmistress in min ko lehnghal"

.

" Engmaw!!?"ka ti ha a ka nu headmistress in a ko a maw!! .Engvangin?

.

"ka fanu ka lo chhuan em em thin chuan hmeichhia maw a lo ngaihzawn a!! " ka nu chu en pawh ka en ngam lo,a thinrim lai ani a, chhan loh hi a tha zawk ani.

.

" min ti zak takzet ani Cassandra"ka nu mittui chu a rawn tla nghal zawih zawih a " engthil nge tihsual ka neih, i tet lai atang tawhin ngangmah ngaihtuah reng reng in hun ka hmang a, ka ngaihtuah lutuk che hi zanah pawh ka mu thei ngai lo.I duh ang zawng zawng engkim ka pe vek che a mahse min rulh let dan chu heihi maw!" ka nu chu a tawp zawih zawih a,a hmai chu a hup a.

.

" nu ka thiamloh ani"

.

"vawin a nu leh pa dang awm laia in Headmistress min tih dan i hre duh em? ka fanu hian a anpui a kawp ati che asin mahse kei chu i lam ah tangin ka theihtawp in ka phat a, mahse enge ka hmuh hi, engkim a sawi zawng zawng kha thudik vek maw!!"

.

" Nu ka tihpalh" tih pahin kuah ka tuma, mahse ka nu chhuan ka khawih a duh hauh lo ,a lo tawlh hnung nghal vata hethil kher hi a hrehawm takzet ani, ka nu in ka khawih a duh lo.

.

"then vat ang che, nilo hmuh pawh hmu tawh suh, a nu pawh kha hlau hle ang che" tih pahin ka nu chuan a room ah min chhoh san daih a.Headmistress hian Miller nen kan chungchang hi ka nu a hrilh anih chu!! engthil chiah nge maw a duh le?.Ka ding khawng renga, ka nu awmdan ka hmuh khan ka na takzet ani.Keimah vangin a zak em em a, keimah vangin demna leh hmuhsitna te a dawng a, mahse chutichung pawh chuan Miller hi ka then thei lo ani, ani chu ka thinlung tluk zetin ka tan a pawimawh ani.

.

Ka roomah ka tlan chho nghala,ka tap nghal zawih zawih a, ka nu in min tih dan kha ka rilru a na takzet ani.Ngatinge engtik lai mai pawh hian lungngaih na hian min tlak buak bik reng le? Ka lo pian chhuah atangin ka lung that loh avangin hrehawm ka ti em em a, tunah Hmangaih ka tawng a mahse khawvel in min pawm sak si lo, ka vanduai takzet ani.Ka u kha chu la dam se chuan ka lamah a tang ngei ang.

_______________________________________

Ka harh chuan khua a lo var uarh tawh a, vur lah chu a tla seng seng leh nghala.Mahse ka awm chu a nuam thei chuang lo ka tawt up up ni ber hian ka hria, inhnuaiah chuan ka chhuk thla a

.

" Cassie, hei i breakfast tur pawh ka peihfel tawh ania" Pi Darcy chuan a lo ti nghal sawk sawk a, ka nu pawh chuan breakfast chu a lo ei mawlh mawlh a, melh hrek hrek pah chuan a ep chiah ah chuan ka thu ve nghal a.

.

"nizan te i mutui em?" pi Darcy chuan a rawn ti leh a, " umm..tui lutuk" ka nu melh ralh pah chuan ka ti a, Ka nu chuan vawikhat pawh min melh lo chuan a thil ei lai chu a ei mawlh mawlh a, a hrehawm takzet ani.

.

Ka thil ei lai chu ka thial niap niap a, ka ei tui lo takzet ani.Ka nu hma ah thu mah ila hla taka awm ang mai ani a .Engatinge ka nihna ang ang hian min pawm ve mai theih lo e ?

.

" Cassandra, karleh atang chuan college tharah i lut tawh ang.... kha Chinese nu kha hmu tawh suh ang che" thawh pah chuan a ti a, ka ngawi reng a ka nu chuan inchungah min chhoh san ta daih a.

.

Phur lo tak chung chuan ka insiam mawlh mawlh a, ka nu meuhin min biak that duh loh takah chuan ka inthlahrung em em a,he in hi hrehawm ka ti takzet ani mahse he kan buaina hi Miller hrilh erawh ka tum hauh lo a,a hria anih chuan amah insit na in a khat anga chu chu ka duhlo ani.

.

College:

.

" Cassie, vawin hi i awmdan a dik miah lo ania" Xiao Lin chuan class lak lai chuan a rawn ti sa sa a, ka lu chu ka dawm vang vang a, ka awm a nuamlo takzet ani.

.

" Engmah ani lo, luna satliah chauh alawm" ka lo ti liam puat a, mahse ka dam tha lo ani tih chu ka inhre chiang kher mai.Ni e, ka rilru a hah em em a, ka rilru a buai takzet ani.Lenlamah ka nu leh lamah Miller.

.

" Mahse i hmui te pawh a dang vek alawm" a tih chuan ka lipstick chu ka phawrh sawk sawk a. ka hmui dang bam hliah khuh tur chuan ka han hnawih a.

.

"hei, a dang tawh loh hi" tih pah chuan ka nui lui suk a

" I tawrhchhel ve ngawt mai, in enkawl tha ang che" a rawn ti leh hrama.

.

Class a zawh chuan kan chhuak vata

" Cassie, Miller nen hian in tha leh tawh ami?" Xiao Lin chuan a rawn ti a.

"Umm... " tih pahin ka lo bu nghata, tunah chuan ka chauh em avangin keimah chauha awm ka duh ani.

.

"ughh...Lalpa leh ...class ka la nei ka tlai tep alawm" Xiao Lin chuan sana en pah chuan a rawn ti thut a, a phi buai nghal chung a,

" Cassie, ka kal angai...bye" tih pahin a tlan nghal hlawk hlawk a,ka thaw hawk a .

.

Chutia Xiao Lin a kal chiah tih chuan ka bula thuthleng ah chuan ka thu hnawk a,rilru thaw veng taka ka awm angai ani, mahse rilru hahna in min tlak buak reng bawk si.Ka khawvel hi a hrehawm takzet ani.

.

Ka thut mai mai lai chuan hmeichhe pakhat hi ka lam panin a rawn kala , ka bulah chuan a rawn ding chat a

" Ka pi , Headmistress in a hmu duh che " Hmeichhe pakhat hian min rawn hrilh ru sa sa a, mak tih hmel takin ka lo en kawk a.

.

" Min rawn zui rawh" a tih chuan ka khur nghal der der a, engthu nge maw min hrilh a tum leh tak? Headmistress hmuh hi ka hreh takzet ani .

.

Chunu chu phur lo fahran chuan ka zui ve nghala, ngaihtuahna a kal thui duh khawp mai,Enge min sawi pui dawn? ngaihdan pawh ka nei lo.Office chhungah chuan ka lut chhat chhat a, Headmistress chu tukverh lampang hawiin in min hnungchhawng zawng hian a ding a, zawi muangin chair ah chuan ka thu a.

.

" Miss Cassandra Alvom" a rawn hawi let a, min rawn melh ran a, a hmuisen takte leh a thawmhnaw inbel te hi a ngainat awm loh ngawih ngawih ani.

.

"vawikhat ka hrilh leh ang che , ka fanu hlatah hian awm vat rawh" chair ah chuan a rawn thu a, ka inhma chhawn ran a, ka te chem chem hian ka in hria.

.

" Hmeichhe zakthei lo tak chu i lo nih hi, ka fanu hmin in a carrier i tih chhiat sak vek ani" A thusawi hi ka hrethiam lo takzet ani.

.

" Engmaw!!" ka lo ti vata.

.

"a tet lai atanga a lo suangtuah tawh Miami Heat te chuan an team a khel turin contract ziah pui an tuma, mahse nangmah vangin a hnawl ani," za lo tih hriat tak chuan a nui suk a.

" i lo ropui hle mai" a kut ben pah chuan a tih zawm zat bawka.Hetiang thu hi ka hre ve lo hrim hrim ,hetiang team lian lutuk in contract ziah pui an tuma engtinge Miller hian a hnawl thei zawk?

.

"i nu leh pa te chuan an lo enkawl ropui hle mai che, hmeichhia i ngaizawnga chutah a hma hun i tih chhiat sak vek bawka" ka sa nghal zak a,tuna kan buai na ah hian ka nu leh pa te an tel ve nachhan tur ka hrelo.

.

"duhtawk rawh, i fanu hi ngaihsak angin lan tum hauh suh." ka lo ti ve thah a,ka tuar mai mai thei tawh lo. Ka chhan let avang chuan Headmistress chuan mak tih hmel takin min en a.

"Miller in a mamawh lai che khan khawiah nge i awm?, i pawm duh lo a i zahpui ani lawm ni tunah a thlavang i hauh leh si amaw, nu chhuanawm tak angin lang mahla i fanu hi i tina asin" ka ti piap piap a, diktak chuan ka ngawih reng bikna tur ka hrelo.Khati zozai kha Miller rilru a lo tihnat sak tawh a, tunah chuan a tihnat ka phal tawh lo ang.

.

" ka khawngaih khawp mai che, i fanu neih chhun pawhin a hua che ania"ka ti leh saka

.

Office chu ka chhuahsan nghala , ka thinrim takzet ani.Ngatinge heng mi te hian zalen takin min awmtir theih loh le? A duh dan ang ang in min awmtir an tuma, ka kham tawh takzet ani.

.

Last period ani tawh a, ka chau lutuk chu ka in dawm kun ngawih ngawih a,meng pawh ka meng tha thei tawh lo ani, ka damdawi chu ka hmawm zeuh a mahse rei min chhawk thei chuang lo, class chu zo vat vat se ka ti em em a,sana chu ka en deuh chhen bawka.

.

Bell a rawn rik chuan ka lawm ngei mai,Class a zawh velah chuan ka chhuak vata ina haw a mut vat chu ka chak ber ani.Ka locker bulah chuan Miller chuan min lo nghak renga, vawin nilengin kan in hmu lo a, a chhanchu basketball practice an ngaih vang ani, rei lo te chhung chauh inhmu lo mah ila ka ngai tawh takzet ani.Min rawn hmuh chuan min rawn nuih sanga min pan pan nghala.

.

"Cat... vawin chu ka thlah ang che" ka bag chu min rawn lak saka, a ak nghal hmaka

" Mahse in practice hun ala zo si lo a" ka lo ti sapa,ka thin chu a rawn na veng veng a ka tawng zawng te chuan ka thlan chuan min bual huh vek tawh a.Mahse pangngai taka lan chu ka tum hram hram ani.

.

"ahh...kan break lawk a, ka thlah che anga chuan ka let leh ang"ka nuih ringawta mahse a thil sawi pawh chu ka hre tha thei tawh lo a, a hmuh lo lai chuan ka awm chu ka dawm leh vang vang thin a.

.

"Cat, nizan khan i nu kha keimah vanga thinrim ani tiraw?" inthiam loh hmel tak chuan min rawn en a.

" Cassie, i thlan nasa lutuk ania" ka pang chu a rawn dep vata

" i pang asa lutuk.... i damlo anih hi "

.

" ka tha tawh alawm, min ngaihtuah suh"

.

"nilo, i tha lo.... ka thah haw vat ang che, chuan damdawi i ei vat dawn nia "tih pah chuan a car kawngka chu min hawn saka, ka lut a ani pawh chu a rawn thu lut ve nghala.

.

Engmah sawi lo chuan chak zet hian a khalh chhuak nghala,in kan thleng har tawh takzet ani a chhan chu Miller hian ka natna hi a hriatchhuah ka hlau ani , ka maimichhing vang vang a, ka hmui chu ka pet fan fan a, ka inhum ruh bawka tuna ka awmdan hi a hrehawm takzet ani.

.

Ka kut chu a rawn hum vata, Ka va melh zeuh a ,engmah sawi lo mahse a hmel atang chuan a mangang hle tih a hriat ani,

" ka tha e" ka ti sap a,chu chuan a ti thlamuang siai siai ni ber hian ka hria.

.

In kan thlen chuan Car kawngka chu min rawn hawnsak vata,

"zanin chu min rawn biak pawh angai lo, damdawi ei la mu nghal ang che aw" a tih chuan ka nui suk a, hetianga min ngaihsak tu a awm tih ka hriat hian ka hlim ani.

.

" Awle,mangtha le..."

" Nilo, Cassie vawi engzat nge mangtha tih tawngkam hi hmang tawh suh ka tih che"

"ka hria e, muttui ...ka hmangaih che" ka ti sap a.

"keipawh in ka hmangaih che" tih pahin ka chal ah chuan a rawn fawp zeuh a,

" lut tawh rawh, a vawt si" a rawn ti leh a, inchhungah chuan ka luhsan nghal a.

.

Inchhung ka luh chiah chuan ka nu chu couch a alo thu vang hi ka hmu a,min rawn pan nghala.

" Cassandra, kha nu kha then turin ka ti che ani lawm ni" tunah tak hi chuan inhial buai turin chakna ka nei lo ani.

" kha nu kha vawikhat pawh hmuh leh ka duh tawh lo, khatiang mi lepchhiah lutuk mahni anpui kawp ching "ka nu thusawi chuan min khei nghal zawka.

.

" Khatiang khan Miller chanchin sawi hauh suh" ka lo ti ve thah a, ka tawng zawng chuan ka thinzawn chu a rawn na zawk zawk a, mahse ka tuar hram hram ani.

.

"a lamah i tang vel amaw,

hetiang hmangaihna tih vel hian kumkhua a daih dawn lo, Cassie harh chhuak ta che "

.

"Nu, ka harhchhuak daih tawh...ka hriat zawng chu i fanu hi mahni anpui kawp ching , a hmeichhiat pui tello a awm thei lo anih hi" ka ti ta piap piap mai a,

ka nu chuan ka hmaiah min rawn beng nghal sawk a.

.

"nu, hetiang kut in thlak hi na ka ti reng reng lo" ka mittui chu a rawn tla zawih zawih a "Miller then tura min tih khan ka na daih zawk asin...Nu ka tihpalh Miller tello chuan ka awm thei lo" ka ti chuai raih a, ka tap hul hak a.

.

" nilo, ka awih thei lo" ka nu chu mittui tling pam chungin a nui lui hak a.

"hetiang hian maw min rulh let dawn, thil pek lo che ka nei ami , enge tihsual ka neih..i u a boral hnu phei kha chuan ka neihchhun i ni tih i hria em?"

.

" Nu ...keipawh hi Miller neih chhun ka ni ve tho asin....a kiangah tumah an awm lo keimah chauh lo chu chuvang chuan ka kalsan thei lo ani" ka thinzawn chu ka tham vang vang a, ti hi chuan ka thi thei mai ang, ana tawh takzet ani.

.

" Engmaw, i zak miah lo ami.... i u pawh zah ve ta che a thin a pe che a ...." ka nu chuan thil sawi sual a neih avangin a ka a hup nghal vata.

.

" Engmaw!!.... ka u in a thin min pe amaw!!!" ka ti sapa, chutiang thu chu ka nu ka atanga ka vawi khat hriatna ani.

" nu engkim min hrilh rawh..ka u khan a thin min pe amaw?"

.

"Engmah ani lo,i hriat sual ani" ka nu chuan a ti tlat a, mahse ka awih chuang lo.

" mawh...Engvanga ka u kha thi nge anih" ka ti tuarh a, ka tap nghal hawm hawm a.

.

" Ni e, i u khan a thin a pe che ani" ka in chu a khawk rum rum hian ka hria, ka mit nghal sawlh a

"i u kha nangmah vangin a inthat asin, thian i kawm thei lo a,khawi hmun mah i kal thei hek lo thi tawh tura ngaih i ni a mahse i u khan chu chu ngaingam lo in a mah leh amah a inthat a, a thin chu a pe ta che ani"

.

"ngatinge chu chu min hrilh loh" ka ti chuai raih a, tah pawh ka tap thei tawh lo

"kan hrilh che chuan nang pawh hi ka chan dawn che asin, chu chu ka thlen tir thei lo...nilo ..engtik ah mah ka chan dawn lo che" ka nu chu a phi buai nghal veka

.

"I hria em... ngaihzawng i neih ka phal loh na chhan hi, a chhan chu i rilru an tih nat leh ka hlau ani doctor chuan i rilru a nat lutuk chuan i thih pui thei dawn tih min hrilh asin , kha thu ka hriat khan ka na ngawih ngawih a,ka mu thei lo a chaw pawh ka ei thei lo .Bawihte ka chan phal lo che ani" ka nu chu a tap hawm hawm a, ka ding khawng reng ka melh ngai chu ka melh renga

" dawt vek ani," ka ti leh sap thin a.

.

" nilo, ka u kha a thi thei lo ang" ka ti tuarh tuarh a,ka tap chhuak nghal hawm hawm a, ka thinlung hi chhemte a vawi tamtak vih ang maiin a na ani.Ka u kha la dam tur ani asin.

.

Ka thawk chu a rawn buai nghal a, ka awmah chuan min rawn hnawh nghal up up a, ka thin chu pawh nawk nawk ang mai hian a na a, ka awm chu ka dawn vang vang a ,mahse awmzia a awm lo, ka thingthi hnawk a thawk chu han tuma mahse ka duh ang boruak ka hip thei tlat lo.

.

" Bawihte" ka nu chuan min rawn dawm vata, "i tha leh vat mai ang" ka nu chuan a rawn ti a,thawk chu ka han la kawk kawk a.

.

" nu" ka ti sap a ,engmah ka hrezui ta lo ani.

ATTACHMENTS

IMG_20170127_150009_372.JPG

IMG_20170127_150009_372.JPG (99.17 KiB) Viewed 2879 times

Show post links

Top

Ngaia

Site Admin

Quote

Post October 16th, 2016, 1:39 pm

Chapter-21

.

Miller's Pov-

.

Cassie inchhung a luh chuan keipawh car ah ka lut a, in lam panin ka inkhalh chhuak nghala.Zanin chu Cassie kha a tha lo hle niin ka hria, a meng dul raih a,amah lah chu a sa hiam bawka, a damlo nasa takzet anih dawn kha ka ngaihtuah takzet ani, han call dawn ila a mu duh tawh anga min lo nin ka hlau bawk si.

.

Ka khalh pah chuan thil chi hrang hrang ka ngaihtuah neuh neuh a, nizana thil thleng te kha ka ngaihtuah a Cassie chungah ka inthiam lo takzet ani.Mahse Cheng Wen bulah khan lo hruai ta ila Cassie in a thik leh ngei dawn ani, kan inkarah hian tumah tlakzeh tir ka duh loh avangin ka hruai duh ta lo ani.

.

Keimah vangin a nu kha Cassie chungah a thinrim tih chu ka hre nghala, ka in thlahrung takzet ani.Vawitam tak Cassie lakah hian inthiarfihlim ka tum tawh a, mahse ka tum a ruh poh leh ka duhna a zual si.Midang in an en dan tur leh a chhungte an zah dan tur ka ngaihtuah in ka hnaih ngam lo a,a hrehawm takzet ani.

.

Mahse Cassie in min biak duh loh a min hmuh duhloh khan ka lo hmangaih zia ka inhre chhuak a, keimah vanga a nat thin zia leh a tah thin thu ka hriat phei kha chuan ka kehsawm vek niber hian ka hria.Ka nihna khingbai tak hian amah min hnaih tir ngam lo mahse ka hmangaih ber chu ka tina reng thei bik lo chuvanga chelh bet chauh chu ka ni.

.

Ka nihna avanga kan inkar hi a chhiat ka phal lo a,ka chhiat tir bawk hek lo ang.In an lohna tamtak kan nei a, kei Chinese ka ni a ani ve thung chu American kan nunphung a inang lo a mahse hengthil zawng zawng hi chu chhuan lam hote chauh an ni.

.

Cassie chu ka tiam tawh angin ka venghim tlat anga,a tan chuan engthil pawh ka ti ang.Ani chu ka hmangaih awmchhun, ka innghahna awmchhun leh ka mawhphurhna ani a,ka engkim ani.Kawng bumboh tak leh kawng thui tak la kal ngai dawn mah ila, a kut ah ka vuan tlat anga ka thlah leh tawh ngai lo ang .

.

In ka thlen chuan a lo thim thap a,a chang hi chuan ka khua a har ve thin hle ani, ka nu hi haw viau mah ila a chang chuan ka ngai in ka thlahlel ve takzet ani. Mahse keimah avanga a zah thin zia te ka hria a, chuvanga inthiarfihlim kha ka ni mahse tunah chuan ka mamawh aia tam sum ka thawk chhuaka ka tih tur zawng chu ka khawvel chen hi ani.

.

Inchhung ka luh chuan light ka on vata,ka phu chiang kher mai.

" Nu" ka ti sapa,mak tih hmel tak chuan ka en ha a,Hetah ka nu maw!!

" Enge hetah i rawn tih dawn?" a aia aw vin chuan ka han ti a.Hetah hian business thil bak a rawn sawi leh chuang lo ang ,mahse tunah chuan ka chau takzet ani.

.

" Naktukah lo kal leh mai rawh,zanin chu ka chau lutuk" ka han ti hmuk a,

ka nu chuan engmah a sawi lo a min melh reng a, a mit chu a sen ram bawka.

.

Ka nu chuan min rawn pan hnaia, ka awmna ngaiah chuan ka la ding renga, ka bulah chuan a rawn ding a kan inhma chhawn ran a,chiang taka min en reng pah chuan ka hmai chu a kut pahin chuan a rawn khawih a, a khur der der bawka.Ka nu mitah hian hmangaihna te lainatna te kum tam tak ka hmuh tawh loh chu ka hmu ani.

.

" Bawihte" tih pah chuan min kuah nghal thlawpa.Mak ka ti lutuk chu ka ding khawng renga,tuna thil thleng hi ka hrethiam lo takzet ani.Ka hriat zawng chu ka nu in min kuah ani tih hi!! a pangti lum ther ther ka hriat lohna te leh hmangaih taka min kuah lohna pawh kum10 lai alo ni ta.

.

"Helai ah hian business thil sawipui tura lo kal ka ni reng reng lo, ka fanu hnenah ngaihdam rawn dil ka tum zawk ani, khawngaih in min ngaidam rawh", ka nu thusawi hi ka awih thei lo.Nu khirh tak mahni tawka induh ve ngalh hian ngaihdam min dil amaw!! Keichuan ka nu hi ka ngaidam daih tawh asin.

.

" Nu " ka ti sap a,

"Ka fanu lakah hian thilsual tamtak ka ti ani,hnawl thin che mah ila ka ngai thei lutuk che asin.khawngaih takin min ngaidam rawh." ka nu chuan a ti mawlh mawlh a, ka hamhaih em a, engmah sawi tur pawh ka hrelo .

.

"i chunga ka thil tih zawng zawng kha ngaihdam tlak ani lo ang tih ka hria,mahse engtik lai pawhin ka fanu i ni a, i ni reng bawk ang, i nih na ang ang hian ka pawm che asin" ka nu mittui chu a rawn tla zawih zawih a.

.

"nu,min pawm leh hun hi ka nghahhlelh ber ani asin" tih pah ka nu chu ka kuah nghala.Tunah chuan ka hlim takzet ani,engmah lungkham ka nei tawh lo, ka nu leh Cassie ka kiangah an awm tawh a, eng dang mah duh ka nei tawh lo ani.

.

*****

.

"nu...ka pa chu a hlim ngawt ang" ka ti sap a, khumah chuan ka mu a ka bulah chuan ka nu chu a thu bawka.

.

"ni e. ..ipa bulah pawh ngaihdam dil ka ngai ani. Hetia kan awm nachhan hi maw Cassandra vang ani asin" ka nu chu ka melh kawk a,

" Vawinah ka office ah ka ko a" ka tho thut a " Engtin nge i tih?" ka lo ti vata.

.

"hmeichhe huaisen tak ani,keimah vanga i tawrh nasat zia min hrilh khan ka rilru a na em em a, ka fanu hi ka neih chhun ini tih ka lo haider lui thin a mahse tunah chuan ka tan i pawimawh zia ka hrechhuak tawh ani.Tunah chuan ka kalsan leh tawh lo ang che" a ti sap a,

.

" i hria em...a ni chuan i nihna ang ang in a pawm che a zahpui che chu sawiloh huaisen takin a din chhuahpui che asin.Engmah sawi thei chu ka neilo mahse i hmangaih ber anih chuan keichuan lawm takin ka pawm ani"

Chutia Cassie chungchang a sawi chuan ka nui suk a,ka chau deuh avangin ka muhil siar siar a, ka nu chuan ka tet laia ka mut dawna hla min sak sak thin chu a sa rat rat a, thlamuang takin ka muhil nghal siai siai a.

________________________________________

.

Zingah chuan basketball practice a ngaih dawn avangin hma takah ka tho a, ka nu chu ka zawng kual nghal ruai a, mahse a awm tawh lo.Nizana thil thleng kha ka ngaihtuah chhuaka, ka nui ver ver a bathroom ah inbual turin ka lut nghala.

.

Hmanhmawh takin tlai hlau takin inhnuaiah chuan ka tlan thla a, kawngka bul ka thlen chuan ka ding nghal chawt a ka hawilet vata, dawhkan ah chuan eitur lo in khuh thlap chu ka hmu a, ka hawn chuan ka nui suk a, ka nu min siamsak ani ngei ang.Chair ah chuan ka thu a, hmanhmawh takin ka ei nghal mawlh mawlh a.Ka nu thil siam hi ka ei lohna a rei tawh em a, a tui ngai in alo la tui reng anih hi.

.

Ka ei zawh chuan Basket ball court lam pan in ka inkhalh chhuak nghala, court ka thlen chuan tumah an lo la awm lo a, keimah chuan ka lo khel vel mai mai a.

.

" Tunah chuan Miller kha alo let leh ta" Coach chuan kut beng chungin ka lam panin a rawn kal a, Ni e coach tan chuan thulawm awm tak ani.Cassie nen kan buai chhoh atang khan practice na a ka tlai loh leh ka kal loh hi a tam zawk a ni a,tunah chuan a hma angin midang kal hma in ka thleng a,rim takin ka practice bawka hei vang hian captain pawh ka nih pah reng ani.

.

"naktuk ah i team te hi i chakpui leh chuan final kan lut tawh ang,i chak pui thei tih ka chiang ani." Min chuan hmel tak chuan min rawn en a

" Coach ka chakpui ngei ngei ang" inring tawk tak chuan ka lo ti ve bawk a.

.

" Ngatinge Miami Heat te offer kha i hnawl a, kha kha i chance neih that ber ani asin,kan team hian kan mamawh che mahse i thiamna hi khawvel hmuh ah lantir ta che" Ni e, international team zawm chu ka duhthusam ani,mahse Beijing hi chhuahsan ka duh lo ani.Engtin nge a kum a kum tel Cassie hmu lo in ka awm theih ang.

.

" Hetah team ka nei a,hetah hian nuam ka ti zawk" tih pah chuan ka nui suk a,ball chu basket chhungah chuan ka thehlut zeuh a.

"ka chhuang takzet che ani,nang anga thiam ka team te hruaitu i ni hi ka lawm takzet ani" tih pahin ka hnung ah chuan a rawn beng thak thak a.Kan Coach hi pa khirh leh thinchhe tak ani a hetia min chhuanna thu a sawi hi ka lawm takzet ani,kum tamtak he team tan hian ka lo khel tawh a mahse min chhuan thu a vawikhat sawina ani hial ang.

.

Midang pawh an rawn kal tan tawh a,kan tan nghal mawlh mawlh a.Coach hian a duhkhirh bawka kan practice hi chuan a tawng hi ka chauhpui thin ni ber in ka hria.

Practice kan zawh chuan ka inbual a, ka inthlak sawk sawk a, class kal turin ka kal leh nghala, zan ka mut theih loh chang phei hi chuan ka chau thei hle ani .

.

English class ah chuan Cassie chu ka lo zawng ru deuh reng a, mahse hmuh tur a awm reng reng lo .Ka call a pickup thei lo a, ka message lah a chhang thei bawk si lo,ka mangang lek lek ani mahse ka innghahna chu nizan ah khan a dam lo si a, college a rawn kal peih lo anga min rawn hrilh tur pawhin phone a khawih peih lo aniang tih hi ani.

.

Class a zawh chuan Cassie locker bulah chuan ka lo ding ran a,Games chu ka khel mawlh mawlh a, min rawn kalpel tu apiang chu ka lo melh leh zeuh thin a,mahse Cassie chu ka hmu ve lo. College a rawn kal lo tak tak ani ngei ang .Ngaihtha tak chuan ka haw san a ve mai a,an inah kal ila anu in a hauh phah ang tih ka hlau si a,ka biak pawh theih loh avangin min rawn biak hun chu ka nghak tawp ani.

________________________________________

Vawin chu kan inkhel tawh dawn bawka, Cassie chuan kan inkhel a rawn en ve ngei ringin ka lo nghak ran a,en tura lo kal ho chu chiang deuhin ka lo en zela , Ashley leh Xiao Lin hmel takngial pawh hmuh tur an awm lo a, ka ngaih chu a tha lo tan tawh ani.

.

" Miller, inpeih tawh rawh le in inkhel tan tawh dawn nia" Coach chuan a rawn ti a, hreh tak chung chuan ka team mate te bulah chuan ka phei hna hna a, ka engtih mah a nui thei tawh lo , Cassie ringawt chu ka rilru ah a awm ani.

.

Inkhelh lai te chuan Cassie hmuh tumin mipui chu ka han en chho thin a,mahse ka hmu chuang lo.Ka rilru chu a buai veka, eng buaina nge a tawh ang le? tiin ka ngaihtuah a,alo kal loh chhan hi ngaihdan pawh ka nei tawh lo. Kan inkhelh lai pawh ka rilru ka pe thei tawh lo,a chang phei chuan a nu in min hmuh a phal lo anga a rawn kal thei lo aniang te ka ti thul.

.

" Vespa Miller, i inkhelh lai chiah i rilru ah dah rawh... kan chak hi a pawimawh zia i hria em?" Coach chuan min ang khum tawn tawn a, mahse a thusawi chuan awmzia a nei chuang lo, ka bula lo ham ve mai mai ang chauh ani.

Show post links

Top

Ngaia

Site Admin

Quote

Post October 16th, 2016, 1:40 pm

"i team te hi chakpui ang che i hria em? lehlam in hma an hruai tawh ania. I ti thei ani, i nu tan i chak tur ani"tih pahin ka nu chu a han kawk a.Ka nu ka inkhel lai enturin a rawn kal anih chu!!! ka han hawi chho a, ka nu chuan min lo nuih ver ver a.

Ni e ka nu tan tal ka ti hram hram tur ani.Inkhelh chu kan tan leh nghal mawlh mawlh a,game a tang bawka mipui thawm pawh a ring khawp mai .

.

Harsa tak chung chuan kan chak thei hrama,Final ah kan lut ani. Midang chu lawmin an au hum hum lai chuan dressing room ah ka lut vata,ka inbual a engthil mah ti kawi lo chuan Cassie te in lam chu ka pan nghala.

.

An inkawt ka thlen chuan ka hawi chho vang vang a,a thim thapa an in chu a inkalh thiap bawka.An chhuak anih ringin an in step ah chuan ka lo thu ran a, an haw hun chu ka lo nghak tawp ani.Khua a vawt si a, thu ringawt lo in ka vei kual vela sana chu ka thlek leh zeuh thin a dar 2 ah pawh an rawn la haw thei chuang lo mahse beidawng duh lo in khawvar hun thleng chu an inbul ah chuan ka lo nghak char char ani..

.

Ka kut te chu a khawng vek tawh a,khua a var tawh a , ka la nghak tang tang a mahse college kal hun meuh tawh pawh a ,a la rawn haw loh avangin an rawn haw dawn lo niin a lang .College ah a awm ring in khawiah mah kal kawi lo in college lam chu ka pan lehnghala. Vawiin pawh hmuh tur a awm chuang lo ,ka mangang tawh takzet ani Xiao Lin emaw Ashley emaw pawh hmuh tur an awm bawk si lo.Hrehtak chungin Min Yu ka call ta tawpa, engmah a hriat loh thu in min chhang bawk si.Engthil hi nge thleng chiah le?

.

Karkhat dawn lai chu Cassie college ah a rawn kal tawh lo a, ka call a la thei lo a, message leh miscall tamtak ka hnutchhiah a mahse a reply thei hek lo .Zantin an inbulah ka nghak ziah a, a hmel hmuh tur a awm chuang lo,min ti rirlu hah takzet tawh ani. Ka awmdan phung chu a inthlak danglam vek a, ka chi ai ani ber mai ka inhnemna awmchhun chu a zin anga min rawn be thei lo aniang tih ani.

.

________________________________________

.

Kan practice zawh chuan beidawng tak chungin Cassie locker bulah chuan amah ka lo nghak a,ka hmuh pawh ka inring chuang lo,ka ding kun lap a vanneih thlak takin Xiao Lin ka hmu hlauh!! ka pan nghal vata

" Xiao Lin Cassie .....Cassie chanchin hriat ka duh" ka ti bah nuai a,Xiao Lin chuan ngui lap hian min rawn en a.

.

" Cassie chu a tha e" a tih chuan ka nui nghal sanga ,Cassie a tha tih ka hriat hian ka hlim takzet ani.

.

" Khawiah nge a awm?,a awmna min hrilh rawh" ka tih velah chuan Xiao Lin chu hmanhmawh takin a kal nghal sawk sawk a, ka umzui vata.

" khawngaih takin min hrilh rawh" tih pah chuan Xiao Lin chu ka pawt her sawka, ka thin a rim lek lek ani.

.

"nakinah amah ka rawn biak tir ang che" tih pahin a car ah chuan a lut daih a,a khalh chhuak nghala.Ka mangang bawk si ka thinrim lutuk chu ka bula pot lo awm chu ka pet keh chuai a, ka inbeng daih angai ani.Cassie a tha tih ka hria a, chu chauh pawh chu ka tan chuan thu lawmawm tawpkhawk ani.

.

.

Cassie's Pov:

.

Mumang nei harh hlawl ang hian ka awma, thil engkim tawngri te leh mi inbiakna zawng zawng chu ka hrethei veka,mahse ka meng thei si lo.Ka u in ka tana a thil tih zawng zawng chu ka ngaihtuah a, accident nilo a keimah vanga thi ani tih te chu ka ngaihtuah a, thawh chhuah hlawl chu ka chak a mahse ka taksa chu ka thunun thei si lo.Ka bula ka nu tap kerh kerh te, Ashley leh Xiao Lin te min fuihna thu te chu ka hre vek a, mahse han be lumlam turin chakna ka nei si lo, a hrehawm takzet ani.

.

"bawihte" chu chu ka pa aw ani duat takin ka sam chu a rawn chul a,

" bawihte, hei ka lo thleng tawh ania, lo harh tawh rawh"zaidam tak chuan a rawn ti a," pa ka harh tawh alawm"ka ti a mahse ka tawng a hre thei si lo. Tah chhuah hawm hawm mai chu ka duh ani,mahse ka thei si lo.

.

"kar khat lai ani tawh a harh chhuah lohna hi" ka nu in tap deuh par a a sawi chu ka hre veka.Ka nu ka harh chhuak tawh tih chu ka chak takzet ani.Tawng engkim hriat veka, thawhchhuah theih loh hi ava hrehawm tak em.

.

"a rawn tha leh vat mai ang, kan fanu hian min kalsan dawn lo" tiin ka pa chuan ka nu chu a hnem mawlh mawlh a, ka hriat dan chuan Ashley leh Xiao Lin pawh class kal lo in min awmpui deuh chawt ani.

.

" Xiao Lin i lo kal ani maw,hei i thiannu hi rawn kawm rawh" ka nu chuan a ti sap ri chu ka hria a.

.

" Awle, nu Stacy ka lo chhawk ang che u.... dinner lo va ei ula Cassie chu ka lo awmpui ang" tih pah chuan Xiao Lin chu ka bulah a rawn thu a, ka kut chu towel huh hian a rawn hru fai mawlh mawlh a.

.

" Anih chuan kan rawn let leh vat ang" ka pa chuan a ti a, an chhuak ani ngei ang kawngka inkhar ri chu ka hre zui nghal bawk a.

.

" Cassie , Vawinah Miller ka hmu asin" ka kut hruk mawlh mawlh pah chuan a ti a.

" A mangang lutuk asin, rawn harh chhuak vat rawh chuti lo chu i hmangaih ber hian awmngaihna a hrelo ania" Xiao Lin thusawi chuan min ti na takzet ani, thawh chhuah chu ka chak takzet ani.Miller mangan tur zia ka ngaihtuah a amah chu hnem a a kianga awm chu ka chak ber ani.

.

" Chuan i awm na min zawta chhandan tur pawh ka hrelo,damdawiin ah i awm tih ka hrilh ngam bawk si lo" a tih chiah chu tal vak vak ka tuma, mahse ka thei si lo, ka tap hawm hawm a mahse ka tap ri an hrethei si lo.

.

"Final an lut asin , chuan maw Miller chuan angai tawh ngawt ang che" thawh chhuah chu ka tuma,ka ke te chu leng vak vak ka tuma mahse man beh ang mai ani nasa taka ka beih hnu ah, a tawp a tawp ah chuan ka thaw chhuak nghal kawk a, ka meng nghal zawk a.

.

" Cassie...Cassie" Xiao Lin chu a au tuarh a , pawnah a tlan chhuaka ka nu leh pa te nen chuan an rawn tlan lut nghala .

" Bawihte, i lo harh tawh ani maw...ka van lawmtak em" ka nu chuan min rawn kuah thlawp a, ka thawk ala buai deuh avang chuan doctor chuan min rawn endik vata.

.

"A lung hian chhiatlam a pan zel avangin amah hi a hlim thei ang bera awm ti angai ani, thuthin thawng tak a hre leh anih chuan a thihpui thei mai ang" Doctor in ka nu leh pa a hrilh sap sap lai chu ka hre thei veka.Nilo ,

chhiatlam ka pan tur ani lo Miller tan chak taka ka awm angai ani.

Show post links

Top

Ngaia

Site Admin

Quote

Post October 16th, 2016, 1:40 pm

Chapter-22

.

" Hun a nei tam tawh lo a,a lung hi thlak vat angai ani, mahse ka theih tawp ka chhuah ang" Doctor chuan a sawi chu ka hrelo ah ngai mahse engkim ka hre vek ani.Ka mittui chu a luang ngiai ngiai a,Miller chu ka ngaihtuah chhuak zawka.

.

A mangan tur zia te leh min rawn biak a tum anga chhang tu tur an awm dawn si lo ,ka natna chungchang lah hi tumahin an hrilh ngam dawn bawk si lo , hamhaih taka a awm tur te chu ka ngaihtuah a ka khawngaih takzet ani.Ka hun hnuhnung ka hmang mek tih a hre der si lo Ka nu leh Xiao Lin chu ka bulah an rawn thu a ,ka nu chuan lainat hmel tak hian min rawn en a .

.

" nu...ka dam leh dawn tiraw?" ka lo ti sapa, he zawhna hi ka zawt lo thei lo ani,engtik ah nge ka natna a chhuah leh anga engtik ah nge ka natna hi ka tawrh zawh loh hun a lo thlen ang ,ka hma hun engmah hi ka hre bawk si lo.

.

"bawihte, i dam leh vat dawn a lawm...treatment te tha takin i la anga doctor pawhin i tha leh vat ang a tih kha" ka nu chuan a ti chuai raih a.Ka nu hian dawt sawi a thiam thlawt lo,that lam aiin zual lam ka pan tih chu keimah ngei hian ka inhria ani.

.

"nu...Naktukah college kal ka duh " ka han ti ringawt a, diktak chuan dam tha lo hle mah ila khuma mut rigawt chu ka tum bik hauh lo, dam tha te anga lehkha zir a in tih hlim ve chu ka duh ani.

.

" nilo...college kal tur chuan ila dam tha tawk lo, naktuk atangin treatment lak i ngai" ka nu chuan a ti vin hlar a

" khawngaih in" ka lo ti sapa,

" Cassie...i la dam that loh hi" Xiao Lin chuan a lo ti ve bawka.

.

"naktukah kal ngei ngei ka ngai ani" phal lo mahse College kal ngei ngei ka tum ani,damlo anga ka inngaih tlat chuan ka natna hi a zual zel zawk ang.

.

" Xiao Lin i thiannu hi hrilhfiah teh, College ala kal thei lo tih hi" tih pahin ka nu chuan room chu a chhuahsan hmaka.Ka nu hi chu a dawhthei lo ve ngawt mai, a tih ngaihna hrelo hi a thinrim leh ringawt zel.

.

" Cassie, i nu sawi kha a dik ani.Tunah i rawn harh chhuak ve chhiah a, naktuk ah college kal leh i tum a, i nu in a ngaihtuah tur zia che i hrelo ami?" Xiao Lin chuan a ti mawlh mawlh a,

.

" Mahse, Miller ka hmuh ngei angai ani.Ka chanchin engmah a hre awm bawk si lo a,ka hmuh tal angai ani" ka tih chuan hriatthiam hmel takin min rawn en a.

" Cassie, Miller hi i natna chungchang hi hrilh tawh mai la a tha in ka hria"

.

" Nilo...a hria anih chuan engkim hi a buai vek zawk ang"

.

"mahse, a hriat loh hian a buai daih zawk alawm.A hmangaih ber chu tunah damdawiin ah a awm a chu em em te chu hriat a phu ve alawm"

.

"lo hrilh ta ila a rilru nat tur zia ka hmu thei lo ani"ka ti chuai raih a.

"hrilh lo la hrechhuak leh ta si se engtin nge a awm ang.Ngaihtuah chiang rawh Cassie"

.

Chutia Xiao Lin in a tih takah chuan ka natna chungchang hi Miller hrilh ve ngei tha in ka hre ta a.Tun anga damdawiin a awm thut thut chang ala awm dawn a,ka tawrh zawh loh hun pawh ala thleng ang chutih hunah chuan mangang takin ka dah tawh tur ani lo. Zual lam ka pan zel bawk si a, a tlai hma a ka hrilh vat angai ani.

.

"Cassie" Ashley chu a rawn tlan lut a, min rawn kuah nghal thlawp a.

.

" Ashh.... a na ania" nuih suk pah chuan ka lo ti a,

" oi....ka tihpalh lutuk,ka lo ti leh vak zel" inthiam lo deuh chuan a rawn ti a.

" ka ngaih zia che hi i hria em?" a tih chhunzawm zat a, Xiao Lin leh Ashley hi an la inhriat vat loh avangin Ashley awm dan phawr phawr chu Xiao Lin chuan a hriat thiam loh hmel hle a mahse an nuihzatthlak dun takzet ani .

.

"Naktuk chu College rawn kal tawh la a tha ang" Ashley chuan a han ti leh a

" Ala dam tha lo a,bakah naktuk atangin treatment lak angai a, kal lo se tha ka ti kei chuan" Xiao Lin chuan a lo ti nghal vata.

"Cassie hi hetiang damdawi rim nam vut vut ah hi chuan a dam tha thei lo zawk ang"

.

"Pawn ah pawh a dam that phah chuang lo ang" an inhnial chu ani nghal dera.Tu thurawn min pek zawk hi nge tha pawh ka hrethiam tawh lo lehlam kawng zawng chuan an dik ve ve in ka hria.

.

" Hei..hei ..inhnial su min ti damlo zual dawn"an pahnih chuan ka lo fiam a,kan han nui leh rih thin a.Ashley leh Xiao Lin bula awm hi chu a nuam takzet ani.

.

College ah ka kal theih loh ka hlauh em avang chuan ka na a rawn chhuah pawhin thlan tla bawrh bawrh in ka tuar tang tang a,a chang leh damdawi a rukin ka ei thul.Ka na ani tih an hriat leh vaih chuan hei aia rei hi damdawiin chhuahsan an phal lo leh ngei anga chu thil chu a thlen ka hlau ngawih ngawih ani.

_______________________________________

.

"i van insiam rei tawh tak" Ashley chuan a ti bui bui a.In a ka haw theih loh avangin damdawiin ah ka thawmhnaw hak tur min rawn ken sak a ka tan chuan a inpe zo ve thlawt.

.

"ka hman ta" tih pahin bathroom atang chuan ka chhuaka.A nui sang bawka.

.

" Lemm... tunah chuan makeup" tih pahin a makeup box chu a hawng a,ka vun dang bel te, ka hmui duk vek tawh te leh ka mit meng dul raih te chu makeup chuan a khuh vek a, tunah chuan damtha sar hmel ka pu tawh ani.

.

"Cassie... Miller chu hrilh i tum tak tak maw!" Ashley chuan a rawn ti sap a ka lo bu nghata.Miller hi min duh pui lo hle mahse ka duh em avang hian Ashley chuan min pawmpui ve hram ani.

.

"chak taka i awm angai ania" Ashley thusawi tawh zawng zawng ah chuan a la tha ber awm e.Ka lo nuih sanga

" Mahse college i kal tur hi i nu hian ala remti chiah lo ania chuan naktuk ah chuan treatment chu i la tan ang tih min tiam ang che" a rawn ti sap a.

.

Ka nu chu ka va melh zeuh a,tukverh lam hawi in thil tamtak ngaituah ni awm takin a melh ngai chu a melh ngar ngar a, min ngaihtuah vanga kal phal lo ani tih chu ka hria mahse college kal hi ka tan a tha zawk niin ka ngai tlat bawk si vawin chiah hi Miller hmuh na hun ka nei a naktuk atang chuan treatment ka lak dawn avangin damdawiin takngial pawh ka chhuahsan thei tawh dawn lo ani,

.

" i nu chu va be rawh car ah ka lo nghak ang che" tih pahin Ashley chuan min chhuahsan nghala.Ka nu bulah chuan ka va phei a , a hnung lam atang chuan ka va kuah a ka kut chu a rawn hum vang vang a.

.

" Nu, min ngaihtuah ani tih chu ka hria mahse vawin chauh chu college kal min phalsak rawh" ka nu chu ka lam a rawn hawi a.

.

" Mahse a hma ang khan buai leh ta la,engtin nge i nu hi ka awm ang " ka nu aw chu a khur der der a, a tah a chhuak hle tih pawh ka hria mahse ka bula a tah chuan ka rilru a nat a hlau ani tih pawh ka hrechiang kher mai.

.

" nu... ka that tawh hi hlauthawng suh" tih pahin ka nu chu ka kuah a.

" Luhlul leh lutuk mai,i duhthusam hi tih hlawhtlin hi ka duhber asin. Mahse buaina i neih chuan min rawn hrilh vat ang che" tih pahin ka scarf awrh lai chu min siam that sak mawlh mawlh a.

.

" Ka hmangaih che,vawin chiah aw... " a rawn ti sapa ka lo bu nghata

" Keipawh ka hmangaih che" tih pahin ka kuah a.

Car awmna thleng chu ka nu chuan min rawn thlah a, a ngaih chu ngam chiah lo mahse ka hun tlem te neih chhung hian ka duhthusam chu min tih hlawhtlin sak a tum ani.

.

Ka lu te chu a na bur a, ka chau takzet ani mahse college ka kalna tur anih chuan ka tuar tang tang ani.College ka kal lohna a rei tawh bawka college ka hmu leh thei chu ka hlim takzet ani.Locker lam chu kan pan chho a , Miller hmuh hlan ka nghakhlel tawh takzet ani.Ka phur lutuk hi ka helhhawlh ni berin ka hria.

.

Ka locker bula Miller lo thu kun lap ka va hmuh chuan ka hlim rual rual in a mangang hmel ka hmuh hian ka khawngaih ani.Ka hmuh lohna a rei tawh bawka ka ngai in ka thlahlel takzet ani.Ka hmuh loh kar in a lo cher in zan a mu tha lo tih chu a hriat hle bawk .

.

" Cassie. Miller sawn i locker bulah hian nitin a nghak thin che asin.Ka hmu reng thin a mahse min rawn hmuh ve loh nan ka biru thin a a chhanchu i chanchin min zawh ka hlauh vang ani" Ashley chuan a ti sa sa a,

.

"Zanah lah in in bulah a nghak reng thin che a , khang zawng zawng kha ka hmuhhmai hauh lo .Miller hian a hmangaih che ani" Ashley takngial pawhin min pawmpui ve ta hi ka lawm takzet ani.

.

"i treatment lak hma a a tawpna atan i hmangaih ber chu be ta che, class ah ka lo nghak ang che" tih pahin classroom ah chuan min luhsan nghala.Miller ka hmuh chuan ka hnuk chu a ulh tlata, engtin nge ka natna hi ka hrilh tak ang, hun tlemte chauh ka nei tawh tih hi engtin nge ka sawi ang, ka hreh takzet ani.

.

" Miller" ka ti a, ka aw a hriat rual rual chuan a hawikual nghal ruai a,min rawn hmu thut mai chu a mengphawk chiang ngei mai.

.

" Cat" a ti sapa, ka lam panin a rawn tlan phei nghala, ka bul a rawn thlen chuan engmah sawi loh in min rawn kuah nghal thlawp a,keipawh chuan ka lo kuah let ve nghala,ka hmuiah chuan a rawn fawp vang vang a, midang awm ve mahse kan ngaihtuah tawh lo, a pawimawh ber chu ka pahnih a kan inhmu leh thei hi ani.

.

A kuah lum ther ther te,a hmui te leh a rim pa hrak te chu ka ngai em em a, amah ka hmu leh thei ringawt pawh hi ka lawm tawk em em a eng dang mah ka mamawh lo ani.

Show post links

Top

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122

Ngaia

Site Admin

Quote

Post October 16th, 2016, 1:41 pm

IMG_20170127_145959_761.JPG

IMG_20170127_145959_761.JPG (56.25 KiB) Viewed 2878 times

" Ka zawng nasa lutuk che asin"a hmel ah chuan sawitur tamtak a nei tih ka hria, mahse a dang te chu a awk vek a min kuah leh rih thin a

" Heta hi ka awm tawh hi...ka tihpalh lutuk " hnuk ulh tun chuan ka ti a, ka tah a chhuak takzet ani.

.

"i hria em... ka mangang lutuk hi zanah pawh ka mu thei lo asin .... ka..ka ngai lutuk che" a ti bah nuai a, a awmdan hi ka hriatthiam em avangin mittui tling pam chung chuan ka lo nuih ver ver a.

" Keipawh ka ngai thei lutuk che,mahse engmah ka hrilh thei si lo che a" ka lo ti sap a, ka hmuiah chuan a rawn fawp leh vang vang a.

.

"i tello chuan engkim hi hremhmun tluk ani asin.Khawiah mah min kalsan tawh suh ka chan dawn ta che emaw ka ti hman asin...." ka kut ah chuan a rawn vuan a, "khawi ah mah ka kal tir tawh dawn lo che," ka kutchu a hum tlata,min rawn kuah leh a, ka thin zawn chu a rawn na veng veng a, a hriat loh hlan in ka ner leh sawk thin a,ka hmui chu ka pet fan fan bawka,mahse a bula ka awm hi chuan ka thla a muang ngawih ngawih a, awmreng ka chak ani

.

" Thil pawimawh deuh hrilh tur che ka nei" ka thaw hak a,ka sawi hreh takzet ani.

.

"Enge ni ta?"tih pahin ka mit ah tak chuan min melh kalh a, ka chil chu ka han lem leh dak thin a.

" ihh...englo ania ka awmbo char char nachhan chu....." ka ti chiah a bell chu a rawn ri rang rang a.

" nakinah min hrilh mai dawn nia, class kan tan dawn ania,kal phawt ang" tih pah chuan class lam panin min kai a

" A pawimawh lutuk ,tunah i hriat ngei ngei angai" ka tih pawhin min kai dawr dawr a.

.

"Hun kan la nghah alawm, tlaiah dinner ei laiin i sawi dawn nia" min rawn nuih suk pah chuan a ti a. Hun ka nghah tawh lo asin ,tun a ka hrilh loh che chuan hrilh na hun che pawh ka nei tawh lo maithei asin.

.

Class kan neih chhung zawngin ka kut chu a vuan tlat a, ka kalsan leh a hlau te pawh ani mahna.Ka bula thlamuang taka a awm avang hian ka hlim a, ti hian engmah hrelo in hlim takin a awm a,ka hun hnuhnung ka hmang mek ani tih hi hria se chuan a hlimna hi a tawp nghsal vek dawn a,engvangin nge a hlimna hi vawi leh khatah ka tihchhiat sak vek thei ang?.Nilo, ka hrilh thei lo ang,mahse ka hrilh ngei angai si.

.

Nilengin ka bulah a awm char char a, ka kalsawn chu a phal lo bur ani.Last period a zawh chuan class atangin min kai chhuaka, midang chuan min melh hrek hrek hlawm a, tunah chuan kan inkar thu hi mite hriat tir a hun tawh ani.Miller hi ka ta ani a tumah in an tih nat ka phal lo ani.

.

" Vawin tlai chu kan indate ang" a rawn nui suk a.

.

" mahse haw hma ka ngai asin, "ka lu chu a na bur a, ka dar leh ka nghawng te chu a kham thum a, ka chau takzet ani.

"kar khat chuang ka hmu lo che a,tunah i bulah ka awm thei ve chauh a kaltir che ka phal lo ani"ka darah chuan a rawn vuan a ,ka meng dul raih tawh a ka awm a nuam tawh lo takzet ani.

.

"lungngai suh, i nu in a hauh hma che in ka thlah leh ang che ...umm" a mithmul chu a ti sang ak a.Tunah hian ka chau in ka lu ana takzet tih a hre der si lo, hria se chuan min sawm lui hauh lo ang.Mahse keipawh in thil hrilh tur ka neih avangin heng zawng zawng hi chu ka tuar mai ang.

.

Car kawngka chu min hawn saka,ka lut nghala,seat belt chu rawn min vuah sak nghala, a rawn kun a ka lu ah a rawn fawp zeuh a.

"ka hmangaih che" tih pahin min rawn nuih suk a.Ani pawh rawn luh tumin kawngka chu a hawng a.

.

"Miller" kan hawiphei rual thawt a, Headmistress ani ,henu hian enge rawn tih a tum leh tak? Miller chuan a va pan hnai vata, diktak chuan kal lo turin ka duh ani engkim a buai zo leh vek ang.

Headmistress bul a thlen chuan an in kuah nghal thlawp a,mak ti lutuk in ka lo en ha a, thil thlen dan hi ka hrethiam lo ani.An in be mawlh mawlh a, an inbiak zawh chuan a rawn let leh vata car a rawn luh pah chuan.

.

" naktuk ah ka nu in dinner ei turin ka pahnih in min sawm a" mak tih hmel tak chuan ka lo en ha a,min rawn en a a nui suk a a khalh chhuak nghala.

.

" Engthil nge thleng nang leh i nu?" ka ti bah nuai a, ka hriat hnuhnun ber khan chuan an inhaw hle si a, ka hrethiam lo takzet ani.

.

" Ni e, ka nu in ngaihdam min dil asin a inthiam loh thu te a sawi bawka khatianga ka nu awm lai kha ka la hmu ngai lo" a sawi zawng pawh chuan a nui var var a, a nu a inchhir thu leh ngaihdam a dil thu te chu min hrilh mawlh mawlh a,ngawi rengin ka lo ngaithla reng a.Miller hlim hmel ka hmu leh hi ka hlim takzet ani.Ka melh leh zeuh thin a, ka hrilh dawn nge dawn lo ka rilru a insual nasa takzet ani.

.

"ka nu hi ka lakah sual hle thin mahse ka ngaidam daih tawh asin ,tunah chuan nang leh ka nu in awm tawh a, khawvela mi hlim ber ka ni hial ang" a phone chu a rawn ri ral ral a, a la nghala .A biak chuan a hmel chu a danglam nghal veka.

.

"ka rawn kal nghal" tih pahin car chu a turn nghal pawp a.

" Cassie, kan let leh angai ani"hlauhthawng hmel tak chuan a ti a.

.

" Eng thil nge thleng?" ka lo ti nghal vata ,min chhang lo chuan kawng chu a melh ngar ngar a ka hlauthawng tawh takzet ani, a khalh chak ropui si a ka in vuan taih a . Ka hlau lutuk chu ngawi rengin thinphu dep dep in ka chuang tawp ani.

.

Kan in zawn a thlen chuan car chu a ti ding a, car atang chuan a chhuaka,ka thutna lam kawngka chu min rawn hawn saka hriatthiam loh hmel tak chuan ka chhuak nghala

" Eng thil nge thleng hi?" ka lo ti vata.

.

" Cassie, dinner kan ei hun chu sawn mai ang " a ti sap a,a lu chu a dawm vang vang a.

" Engvangin maw?, enge maw tal sawi la" ka lo ti vin hlar a ,hetianga a chhan pawh sawi lo a kan thil tih thulh hi ka duhlo ani .

.

" Ka kal vat angai ani, Cheng Wen a zual leh tawh a" a tih chuan hriatthiam hmel takin ka lo bu nghata, mahse vawin chiah hi hun ka nei tawh si tun bak hi chu treatment ka lak char char angai tawh dawn a, ka chhuak thei tawh dawn lo ani.

.

Kal chu a tum a, a kut ah chuan ka lo vuan vata" Minute 5 in be lawk ang" thu pawimawh tak sawi tur ka nei ani chu chu ka lung tha lo ani tih hi hrilh ka duh a, zual lam ka pan zel tih thlengin hrilh vek ka duh ani.

.

" Cassie, engthil nge maw i hriat le...tunah Cheng Wen nikhaw hrelo in a awm a, inbiak na hun te chu kan la ngah alawm " a ti vin nghal tuarh a

"Thikthu chhiat na hun pawh ani lo Cheng Wen chu tunah nasa takin a damlo a min mamawh asin,thi lek lek in a awm a, tun hi a hun hnuhnung pawh ani maithei asin . Nang chuan hun tamtak ila nei" a tih chuan ka vawnna chu ka thlah riai riai a ,ka mit nghal sawlh a,ka na takzet ani.

.

"nakinah dinner chu kan ei mai dawn nia ka kal angai,ka rawn be leh vat ang che"

"kal suh"ka ti sap, ka thusawi pawh ngaithla lo in car ah a lut a, a khalh chhuak nghala .Ka mittui chu a rawn far fap a,zawi muangin inchhungah chuan ka lut a kawngka ngheng chuan ka thu hnawk a,ka mittui chu ka dang thei tawh lo, Kei aia Cheng Wen a ngaihsak zawk avang in ka rilru ana takzet ani.

.

Ni e Cheng Wen chu nikhaw hrelo in a awm a, Miller chu a hlauthawng tih pawh ka hria mahse hun ka ngah bik reng reng lo, kei pawhin ka hun hnuhnung chu ka hmang mek asin nasa takin ka damlo a ,ka mamawh em em che a, vawin pawh hi kan inhmuh hun hnuhnung ber pawh ani thei asin . Ka kiangah awm in min thlamuan la , ka kut chelh in he natna hi ka hneh let thei tia min hrilh turin ka mamawh che asin.Ka natna pawh haider in ka rawn pan che a mahse nang chuan i beng i chhu ngawng tlat bawk si.

.

Ka khaw hmuh chu a fiah lo tial tial a, tah pawh ka tap chhuak thei tawh lo, he natna hi ka haw takzet ani mahse ka bei let tirin chakna ka nei si lo,ka mit chu ka han khap vak vak a,a rawn thim veka chhuatah chuan ka tlu tawp a engmah ka hre zui ta lo ani.

.

Chapter-23

.

Miller's Pov

.

Cassie chu kalsan in damdawi in lam chu ka pan nghala, diktak chuan Cassie ka hmu chiaha kalsan mai chu ka duh bik hauh lo mahse tunah hian Cheng Wen chu nikhaw hrelo in a awm a, anu in mangang taka rawn kal vat tura min hrilh laiin engtin nge ka lo lenkual mai mai theih ang.Ka rilru a buai takzet ani,ka bialnu ka hmangaih em em chu kalsan in Cheng Wen ka pan hi thutlukna siam harsa tak ani.

.

Damdawiin ka thleng chuan Nu Fang Wen-i chuan min rawn kuah thlawp a,

" Khawiah nge Cheng Wen a awm? " ka lo ti vata, min tahkhum nghal zawih zawih a, ka lo kuah let vata, han thlamuan dan mai tur pawh ka hriat loh avangin a hnungah chuan zaidam takin ka chul a.Awmdan tur pawh ka hrelo ka rilru a hah takzet ani.

.

"Tunah khan inzaina room ah an nawr lut chiah, Engtin nge ka tih tak ang?" A tap nghal hawm hawm a, a hrehawm takzet ani

" A tha leh mai ang" ka lo ti sap a, tawngkam thiamtak te chu ni ila hei ai hian ka hnem thiam mahna.

.

" Ka fanu hian a tuar nasa tawh mah mah ani, khawngaih takin ka fanu hi chhanchhuak rawh" Engthil mah tih theih ka nei lo tih ka hria mahse hetia an bula ka awm hian a thla a muang a, chu chauh pawh chu thu lawmawm tak ani.

.

Inzaina pawnah chuan Nu Wen nen chuan inzai zawh hun nghakin ka thu dun ran a, ka lu chu ka dawm vang vang a ,ka thu kun lap bawka, a chang leh ka vei sek a thaw leh hawk thin.

" Miller khawngaih takin Cheng Wen hi kalsan suh aw...ka ngen a che " Nu Wen-i chuan beidawn hmel tak hian min rawn en a.

.

" Ka kalsan dawn hleinem ,Cheng Wen chu a tha leh vat mai ang" tih pahin a kut ah chuan ka hum vang vang a.

"A kiangah i awm chuan a hlim em em a,i awm hi chuan that lam a pan zel niin ka hria chuvang chuan a kiangah hian awmla ka duh ani,khawngaih in ka fanu kiangah hian awm rawh"min ngen nghal mawlh mawlh a, chan dan tur pawh ka hre tawh lo, lehlamah Cassie a awm a, Cheng Wen hi hei aia ka ngaihsak chuan Cassie hian a thik ngei ngei dawn tih pawh ka hrechiang hle ani.

.

" Ka kalsan lo ang" ka ti chuai raih a, mahse ka ngaihtuahna erawh a kal thui hle thung.Hetah Cheng Wen in min mamawh em em a, Cassie pawh in min hriatthiam ve ngei ka ring ani.

.

Diktak chuan Cassie hi ka nunah rawn lut lo se chuan engkimah Cheng Wen kiangah ka awm ngei ang a chhan chu hun harsa tak tak leh hrehawm tinreng ka tawrh laiin Cheng Wen chu ka kiangah awm in min thlamuan thin a, ka nu vanga rilru na taka ka awm lai pawhin ani chuan min tih hlim a tum a, engtik lai pawhin ka kiangah a awm a,tunah min mamawh velah a kiangah ka awm ve thei si lo.

.

A kianga awm a hnekin a rilru ka tih nat saka,min mamawh tih hrereng chungin ka hmangaih chu ka thlang a, ka hlim rual rual in ka inthiam lo takzet ani.Tunah hian ka rilru a buai takzet ani.

.

Lehlamah Cassie chan ka phal loh leh ka nunna tluk hial a ka ngaih a awm a ,lehlamah ka thian tha tak ka mangan lai zawng zawng a min tanpui tu chu natna khirh tak tuarin a awm bawka.Tu amaw zawk zawk pawh thlang ila midang rilru chu ka tihnat sak ngei ngei dawn ani.Tu zawng nge ka thlan ang min han hrilh teh u?

.

Cheng Wen chu darkar chanve dawn lai an zai tawh a, Nu Wen-i chu a tap faih faih bawka, a bulah chuan ngawi rengin ka thu ve ran a,Cassie chungah pawh ka inthiam lo em em a mahse duhthlan tur dang ka nei bawk si lo.

.

Cassie chu ka call a mahse a la thei lo, vawithum vel ka call pawh chuan a la thei chuang lo a, a mu tawh anih ka ring a message chu ka hnutchhiah ta zawka.Ka in dawn kun lap a ka ngaih chu a tha thei tlat lo, ka awmdan chu Nu Wen-i chuan min lo en kar a.

.

" Buaina a awm ami?" a rawn ti vata.

"awm lo e" ka ti sap a,

" Anih chuan zanin chu hetah riak ve la tiraw?"

" Awle" tih pahin za lo zet chuan ka nui suk a.Ka thaw hak a, ka phone chu ka melh ngar ngar a,ka tho thut a ka kalsawn nghal a.

.

Cassie chu ka call leh ta nge nge a ala chhang thei chuang lo, Cassie chu a lungawi lo ani ngei ang, ka chungah a lungawi loh hi chuan ka awmdan phung hi a buai zo vek zel .Tun chiah ka call tawh ang tih rilru in ka call leh ta hrama , a pickup hlauh !! ka nui ngal suk a.

.

" Cassie" ka ti nghal vat a,tap in sut ri faih faih chu ka hre nghala .

" Cassie i tha em?" ka han ti leh a.

" Miller" Cassie aw a ni hauh ta lo, a tap nghal zawih zawih a.

" Tunge i nih? Khawiah nge Cassie?" ka han ti leh a.

" Cassie chu tunah.... tunah damdawiin ah a awm"

" Eng maw!!" ka ti nghal tuarh a.

.

"Tunah biak theih loh in a awm!"

"Chutiang chuan a awm thei lo ang" ka chiai nghal veka, ka kut te chu a khur nghal der der a

"Tunah hian a mamawh che ani" phone chu ka dah nghala, pawn lam pan chuan ka tlan nghal hlawk hlawk a.

.

" Miller" Nu Wen chuan min rawn ko a, ka ding chawt a

"Khawiah nge i kal dawn, Cheng Wen pawh an zai zo tep tawh a, lo la nghak hrih la"

"Min hrathiam rawh, ka kal angai" tih leh tlan ka rual a,Car chhungah ka lut a chak zet in ka khalh chhuak nghala.

.

Ka khalh lai te chuan ka rilru a buai vek tawh a,ka hamhaih vek ani.Cassie chu engtin nge a awm ang? Engvanga mawl em em nge maw ka nih le lo kalsan loh tawp tur kha ania .Car steering chu ka beng leh pawp thin a,tih theih dang ka nei bawk si lo.

.

Damdawiin ka thlen chuan Cassie chu ka zawng nghal ruai a,ka hlauthawng takzet ani.

" Miller" ka hawi phei vata, Ashley chuan mit sen ram hian min rawn en a.

" Khawiah nge Cassie chu a awm?" ka ti vata.

"Min rawn zui rawh" tih pahin a kal nghal a, ka zui nghal hlawk hlawk a room pakhat ah hian a lut a, ka lut tur chu ka ding chawt a.

.

"i thei tur ani" ka ti sap a, ka inhum ruh nghala ,inngaihtuah nawn tawh lo in ka lut ve nghala.Ka thil hmuh chuan min thawng chiang kher mai, ka thinlung hi pawh nawk nawk ang maiin ana ani.Cassie chu khumah chuan a lo mu bam a, muang changin ka va pan hnai a.

.

Cassie chu oxygen hmangin alo thaw tawk tawk a,a dang bal a a hmui te chu a duk vek bawka.A bulah chuan ka ding ran a, awmngaihna pawh ka hrelo ka ding khawng renga,amah chu ka melh tlawk tlawk a.A mit pawl ram te kha hmuh tur a awm tawh lo a, min hmuh changa a nui hmel mawi tak te kha hmuh tur a awm tawh hek lo.A bula ka awm reng lai pawh in min maimichhin san daih a,min tum khum renga hriatthiam har ka ti takzet ani.

.

" Cassie ani lo" tih pahin room chu ka chhuahsan nghala, inhnuaiah chuan ka tlan thla a, ka car bul ka thlen chuan ka lu chu ka dawm vang vang a.

"Nilo" tih pahin ka car chu ka pet pawp pawp a,Cassie chungah lehzel maw!! nilo, Cassie hi damdawiin a awm tur ani lo asin.

.

Ka car chu ka hnek vak vak a,ka in haw em em a ka thinrim takzet ani.

" Miller duhtawk rawh" Ka tawp chat a, ka hawiphei nghala.

" Cassie in a mamawh che asin" Ashley chuan a ti chuai raih a.

" Sawtah thih sual in Cassie chu a thaw dep dep a, nang hetah inchhir in ilo in dawm kun mai mai amaw!!"

.

"Engmah hi ka hrethiam tawh lo"ka ti chuai raih a. Awmdan tur pawh ka hre tawh lo, ka buai vek a, ka a tawh ni berin ka inhria.Car ngheng chuan ka thu hnawk a, Ashley pawh ka bulah chuan a rawn thu ve nghala.

.

"Cassie hi lung tha lo ani a, tunah hian a hun hnuhnung chu a hmang mek ani" a thaw halh a.

"i hriat hma pawh khan vawitamtak damdawiin ah a awm tawh asin, tunah hian a lung hi thlak ani loh chuan a dam chhuak tawh kher lo maithei ani" Ashley chu a mittui a tla zawih zawih a, ka melh ngai chu ka melh renga, Ashley thusawi chu ka ngaithla tawp ani.

.

" I hria em... hun rei tak chhung hmuh tur a awm loh kha,khatah pawh khan damdawiin a a awm vang ani.Nangmah vangin vawinah college a rawn kal a ,a natna chanchin hrilh tur che in" Cassie khan thil min hrilh tur thu kha a sawi a, ngaihthla duh lo in ka kalsan a, ka thiam loh vek ani,ka inchhir lutuk chu ka thu kun lap a, tih theih ka nei bawk si lo.

.

"Cassie hian a mamawh che a,a kiangah hian awm reng rawh.A hun hnuhnung ah tal hi chuan a rilru tih nat sak lo hram rawh "Ashley chu a tho a, ka hma ah tak chuan a rawn ding a.

"Khawngaih takin Cassie kiangah hian awm rawh, chu chu ka ngen a che" tih pahin damdawiin chhungah chuan min luhsan a.

.

Ka thutna ngai ah chuan ka thu reng a, Cassie chu hmu duh viau mah ila ka thei lo ani.A hmel lainatawm tak te kha hmuh harsa ka ti takzet ani.A lo tawrh nasat tur zia te ka ngaihtuah a ,keichuan a rilru ka ti na thin a khang hun zawng zawng a ka tihdan avang khan ka inchhir takzet ani.

.

Zankhua in car ah chuan ka thu char char a, rilru fim pawh ka pu thei tawh meuh lo.Ka bing mup mup a hetia Cassie a awm ta mai hi ka tuarthiam lo ani.A chang leh Cassie ani lo tiin ka inhnem a mahse Cassie hun hnuhung ah hian hetiang hian ka awm tur ani lo ,a kiangah ka awm tur ani tiin ka rilru ka siamfel ta ani.

ATTACHMENTS

IMG_20170127_145950_413.JPG

IMG_20170127_145950_413.JPG (81.57 KiB) Viewed 2755 times

Show post links

Top

ADVERTISEMENT (A hnuai a milem hi a nia hmeh zeuh tur chu)

Ngaia

Site Admin

Quote

Post October 16th, 2016, 1:41 pm

Khua chu a var uarh tawh a mahse ka mut chu ala chhuak eih lo,vur chu a tla seng seng bawka .Hreh tak chungin damdawiin chhungah chuan ka lut chhat chhat a, Cassie awmna room bul ka thlen chuan Cassie chu hmanhmawh deuh hian an rawn nawr chhuak nghal pawp pawp a.

.

"Engthil nge thleng?" Nurse pakhat chu ka lo pawt peng vat a.

" A natna hi a rawn zual leh ani, min lo hrethiam rawh damlo hi buaipui vat angai ani" A mit nghal sawlh a, ka tawlh hnung hret a.

.

" Ka fanu hi nangmah vanga hetianga awm hi ani" Cassie nu chuan ka awmah chuan a rawn chum a min tah khum nghal hawm hawm a, ka melh ngai chu ka melh renga, engthil nge ka tih hmasak leh tur pawh ka hre lo ani .

"Heta tang hian kalbo rawh" ka hma ah chuan a thu hnawk a

.

" Nu Stacy" Ashley chu a rawn kal vata.

" Henu hi hetatang hian chhuah tir rawh" Ashley chuan min rawn melh a.Cassie nu chu room chhungah chuan a luhpui nghala.Reilo te hnuah chuan a rawn chhuak leh a.

" Khawngaih takin heta tang hian kal bo rawh"

" Ka ....ka duh lo"

"I hmu lo ami, Cassie chu nangmah hmachhawn tur pawhin a awm tawh lo, hetah indawm kun reng lo in nun thar nei turin bul tan tha zawk rawh" ka meng nghal kawk a.

.

" Cassie tello a nunthar maw" ka nui hak a " Chu thil chu ka theih i ring ami?, nilo Cassie hi ka kalsan dawn lo" ka kut chu ka hum ruh a, ka din na ngaiah chuan ka ding tlata.Ashley chuan room chhungah chuan min luhsan ta ringawt a .

.

Darkar khat dawn lai ka din hnuah chuan Cassie chu an rawn nawr lut leh a, Cassie hmel ka hmuh chuan ka rilru na lutuk hi au vak vak mai chu ka duh ani.Room chhungah chuan ka luh ve an phal loh avangin pawnah chuan ka thu renga.A chang leh ka vei kual reng a haw chu ka tum hauh lo.Zankhua in Cassie awmna room kawtah chuan ka thu renga.

.

"lo lut rawh ,Nu stacy in a hmu duh che" Chutia ka indawm kun lap lai chuan Ashley chuan min rawn ko a, ka hawi chho chu khua a lo var uarh tawh a.Hetah bian zankhua in ka luh hun an phal nghakin ka thu tawp ani.Room chhungah chuan ka lut a.

.

Cassie bulah chuan Nu Stacy chu a thu ran a, Cassie kut chu a vuan tlat bawk a, a lo in hnit faih faih a,Cassie pa leh doctor chu an inbe mawlh mawlh a.Ashley chu couch ah thu in a indawm kun lap bawka.

.

"Tunah hi chuan a muhil a, Damlo hian zual lam a pan zela ,a lung hi thlak vat anih loh chuan rei a dam tawh lo ang"Doctor thusawi chuan min thawng takzet ani.Cassie a damlo tih ka hre ve chiah a, adaih rei tawh loh tur thu ka hre leh nghala, a rang mah mah lo maw?

.

Doctor leh Cassie pa chu an inbe mawlh mawlh a,an thusawi ngaithlak chhunzawm pawh ka duhlo ani.

Cassie nu bulah chuan ka zuk thu ve tawpa.Ngawi rengin Cassie chu ka en renga,Oxygen hmangin a thaw ve tawk tawk a, hetia nikhaw hrelo a a awm ta mai hi hriatthiam a har ka ti takzet ani.

.

"in bia ang" Cassie nu chuan a rawn ti sap a,mak tih hmel takin ka en a ka lo bu nghata.

" Hetah nilo" a rawn ti leh sap a, pawn ah chuan a chhuak a.

Ka tho a ,Cassie chalah chuan ka fawp zeuh a.

" ka rawn let leh vat ang" ka ti a, Cassie nu chu ka zuichhuak nghala.

.

Room pawn a thuthleng ah chuan Cassie nu chu a lo thu kun lap a, a bulah chuan ngawi rengin ka thu ve nghala.

" Ka fanu hi engtiang chiahin nge i hmangaih" a rawn ti sapa.

" Ka thinlung zawng zawng in ka hmangaih ani"

" Anih chuan ka fanu hi kalsan rawh" a tih chuan ka ding vata.

" Ka...ka theilo ka tihpalh ani"

"Hmangaihna" a nui hak a, " Engtiang chiahin nge in lo in hmangaih ? ka fanu chungah hian engthil nge i tih?"a mittui chu a hru zeuh a, lamlam chu a hawi vata.Cassie nu hma ah chuan ka thingthi hnawk a .

.

"i fanu tello hian ka awm thei lo, khawngaih takin amah enkawl hi min phalsak rawh chu chiah chu ka dil ang che" ka ti chuai raih a, Cassie hian min mamawh ani.Amah ka enkawl hi angai ani.

.

" Tho rawh"

" enkawl min phalsak hma loh chu hetah ka awm char char ang" inring tawk tak chuan ka ti a.

"Tho rawh ka tih chu" a mittui chu a hru zeuh a.

" Tunah chuan duhthlang thei pawh ka nih loh hi," a nui lui suk a"ka fanu tan hian pawm harsa ka ti em em che a mahse ka fanu hian a mamawh che tih hi ka hai bik si lo" a in hnit faih faih a

"Ka fanu nunna hi reilo te pawh pawh sei a nih chuan chu aia duhthusam chu ka nei lo" A mittui chu a tla nghal zung zung a, ka tho a Cassie nu chu ka kuah a.

." Ka lawm e, enkawl min phalsak avangin Cassie hi ka kalsan ngai lo ang"tiin ka intiam mawlh mawlh a.

.

Tunah chuan Cassie nu pawhin enkawl min phal sak tawh a, ka theihtawh chhuah in Cassie hi ka enkawl dawn ani.

________________________________________

.

Cassie chu ala harhchhuah lo avangin nilengin ka awmpui thin a,a kiangah ka awm chawt ani ber mai.College pawh kal lo in nitin mai chuan alo harh hun ka nghak thin a,nilo, a lo harhchhuah hunah chuan a kianga awm ngei ka duh a, a chang hi chuan ka beidawng rum rum thin ani.

.

Zanah pawh damdawiin ah ka riahpui a, a taksa te chu a rimchhiat loh nan ka hrufai reng a ,a thawmhnaw te chu ka thlak sak vek thin bawka, a chang leh lehkhabu te ka chhiar saka ka theihtawp ka chhuah ani.A chang chuan ka mutsan phal lo a, a hmel chu ka en vang vang a ka mit alo va del rei tak em, khatih hun chhung zawng khan a damlo a engtin nge ka hriat miah loh theih zawk.Ka inchhir lutuk hi a chang hi chuan ka inhaw ngawih ngawih thin ani.

******.

.

Class chu sawiloh Basketball practice na ah pawh ka kal khat leh tawh em em a, coach chuan min vin vak vak thin mahse Cassie enkawl chu ka thlang zawk a, engkimah amah hi ka thlang zawk ani.

.

Basketball kan practice mawlh mawlh lai chuan ka phone chu a rawn ri ral ral a, ka kalna apiangah ka phone chu ka ak tawp ani a chhanchu Cassie chanchin awlsam taka min rawn hrilh theih nan .Ka ding chawt a, ka phone chu ka phawrh chhuak nghal a

" Miller, Practice laiin phone ken luh phal ani lo tih vawi engzat nge ka sawi dawn" Coach chu a rawn au tuarh tuarh a.

.

" Engmaw!! Cassie a harh amaw?" ka lawm lutuk chu ka mittui a rawn tling pam a.

" Ka rawn kal nghal" tih pahin kan inkhelh lai chuan ka tlan chhuak nghala.

.

" Miller...Miller" Coach in min rawn ko lawm lawm chu ka hria a mahse ka ngaihsak hman tawh lo.Pawna ka dah ka bike ah chuan ka chuang nghala, chak lutuk in ka tlan chhuak nghala .Ka tlan laklawh lai te chuan ka lawm lutuk chu ka nui leh ver ver thin a, sawifiah vak ngaihna pawh ka hrelo ka hlim ani tawp mai.

.

Ka khalh lai te chuan engmah ka ngaihtuah thei tawh lo Chutia chak taka ka khalh lai chuan red signal chu ka hmu thut a, ka tlan chak em avangin ka ding hman tawh lo ka hma a pitar kawng lo kan mek chu sut ka hlauh em avangin ka kawi nghal zawka, ka hma a car chu ka su nghal chawrh a, kawngpui ah chuan ka tleng phei a.

Show post links

Top

Ngaia

Site Admin

Quote

Post October 16th, 2016, 1:42 pm

Chapter-24.

.

Kawng sir ah chuan ka tleng phei zela,Vanneih thlak lutuk in lei dahkhawm kawng sira an lo dah hian min lo dang hlauh a!! , bike in min delh tlat avang chuan ka tho lawk thei lo a, kawng sira hnathawk ho chu rawn tlan khawm vatin ka bike chu min rawn chawi kan sak nghal vata.

" I tha em?, Khawilai nge na?"min rawn kuah thawh pah chuan an rawn ti sap sap hlawm a, tu ber nge chhan tur pawh ka hrelo.Ka insawhna lo a, ka lawm takzet ani.

.

" Ka tha e" ka ti tak na a, ka ke chu a na kher mai,ka ban leh ke vel chu a thi hnuang a,ka kekawr khup vel chu a thler vek bawka, mipui chu an rawn pung khawm tup tup a, hmanhmawh nen chuan inmil lo tak ani.

.

" Damdawiin hnai berah hruai vat ang u" tih pahin min kuah a, ka bai auh auh a, ka ke veilam hi ka rap na ngam meuh lo ani.Bike hian vawitamtak ka lo accident tawh a, tun hi a nat lo ber tum ani ngei ang,hetia nikhaw hrelo a ka awm loh avang ringawt pawh hian ka vannei takzet ani.

.

"nilo, Cheswood hospital ah kal ka duh " ka lo ti vata, a chhanchu Cassie awmna damdawiin anih vang ani.Cassie hmuh ka chak zia hi sawi mah ila tuman min hriatthiam pui lo ang.Chutia damdawiin hnaia kal duh lo a, a hla zawka kal ka duh thu ka sawi chuan mak ti takin min en ha hlawm a.

.

" Awle, saw Ambulance pawh a rawn thleng tawh e" Pa la upa lutuk lo min kuah tu chuan a ti a,an che rang ngei mai engtik lai khan nge Ambulance an koh tih pawh ka hre reng reng hleinem.Mipui zingah chuan Ambulance lam panin min kuah phei zel a, A then in a vannei hle mai,a insawhna lo a, an tih thawm chu ka hre bawka.Ambulance ah chuan min mut lut nghal a,rang takin a tlan chhuak nghala.

.

" Cheswood hospital ah aw" ka lo ti hrama, min kuah tupa kha ka bulah chuan a rawn thu ran a, ka thisen vel chu nurse pakhat chuan min rawn hrukfai sak mawlh mawlh a, ka ke chu a nat em avangin ka ner leh sawk thin a,thisen ka hlauh hnem deuh aniang ka maimichhing vang vang a,eng damdawi nge min pek pawh ka hrelo ka muhil nghal siai siai a.

.

________________________________________

.

Ka harh chuan inchung vel chu ka melh kuala, damdawiin ah ka awm tih ka hriat chuan ka thu nghal zawt a,ka ke chu a rawn na zawka,ka en chuan an lo tuam bur a,ka bulah chuan putar min hruai tu kha alo la thu ran a.

" ka pu, hetah hian darkar engzat nge ka mutthilh ,chuan hei hi khawi hospital nge?" ka ti nghal vata.

.

"hahchawl phawt rawh" muang ban fan raih chuan a rawn ti a"darkar li bak i muhil lo,i hliam hi a nasat deuh avangin Cheswood hospital ah nilo in damdawiin hnai berah kan hruai ta mai che"

" Eng maw!!" ka meng phawk nghal kawk a.

.

" i vannei hle mai, i ruh pakhat mah tliak leh na lutuk a awm lo a,mahse i ke hi a kak thuk deuh avangin enkawl deuhhlek angaih dawn thu doctor in a sawi a, i chhungte han biak mai tur ka hre bawk si lo a, ilo harhchhuah hun ka lo nghak tawp ani" a tih chuan khum atang chuan ka chhuk nghal vat a.

.

" Ka pu ka lawm e, mahse ka kal a ngai" tih pain kawngka lam pan chuan ka bai phei auh auh a, chu putar chuan min lo dawm vata

" Khawiah nge kal i tum?"

"Ka pu, Cheswood hospital ah kal ngei ngei ka ngai, khawngaihin taxi tal min phar sak rawh" ka ti ta ringawt a, a chhanchu heti ringawt chuan ka thleng zo dawn lo a ka in hriat vang ani.

.

" Mahse doctor khan..."

"ka pu khawngaih in ,ka kal ngei ngei angai" ka lo pawtchat vata, hreh tak chung chuan min rawn pan hnaia

" Awle, mahse inenkawl tha ang che"tih pahin min rawn nuih suka,min kuah chhuak nghala, midang ho chuan min la enduh em em zui.

.

Pawn kan thlen chuan taxi chu min phar din saka ka lut vata, tukverh ah chuan ka dakchhuaka

" Ka pu ka lawm takzet ani , ka la rul leh em em ang che" tih pahin ka nuih suka.

"Cassie bulah chuan va kal rawh alo mamawh tawh ang che" chutia Cassie hming a rawn sawi avang chuan phawk zetin ka melh nghal kawk a.

.

" I mutthilh lai khan a hming i lam i lam a" nuih suk pah chuan a rawn ti a, keipawh chuan ka lo nuih leh ve nghal a, Cheswood Hospital lam pan chuan kan tlan nghal vang vang a.

.

Kan tlan laklawh lai chuan ka lo nui leh ver ver thin a,tunah chuan Cassie a harh tawh a kei aia hlim hi an awm leh tawh lo ang.A mit pawl ram te leh a pang ti lum ther ther te kha ka ngai tawh takzet ani.Min hmuh hnuhnun ber kha chuan a rilru ka tihnat saka min hau se ka chungah thinrim in min tum khum leh se ka ti takzet ani. Ka hmu chak tawh lutuk hi ka helhhawlh ani ber mai,ka indap ruk ruk a, ka phone chu ka accident lai khan ka thlauh ani ngei ang .

.

Hospital ka thleng chiah chu ka chhuak nghala, a chak thei ang berin damdawiin lam pan chuan ka bai phei auh auh a, midang chuan mak tih hmel takin min en ha hlawm a , a nuihzatthlak lek lek zawk.

.

Elevator ah ka lut a, Cassie awmna cabin lam pan chuan ka chho nghala.Cassie hmuh hlan ka nghakhlel tawh lutuk chu ka za zek zek tawh a, a chang leh ka thaw leh hak thin a,ka zam lek lek zawk ani.

.

Elevator a rawn in hawng rual rual chuan a chak thei ang berin ka kal hlawk hlawk a, Cabin bul ka thlen chuan Ashley chu room atang chuan a rawn chhuak ve chhiah bawka, ka hah bawka ka thaw hlawp hlawp a.

.

" Miller!!" mak tih hmel tak chuan min rawn en ha a

" Ngatinge i ban te hi, i ke pawh i hmai te hi a duk vek ania" a ti bah nuaih a,a ka chu hlauhthawng hmel takin a hup nghala.

.

" Ashley, ka tha e...khawiah nge Cassie?" ka ti nghal vata, room lampang chu a melh zeuh a.

" Cassie chuan a lo nghak reng tawh che asin" min rawn nuih suk pah chuan a ti a.Ka hlim lutuk hi ka nui lo thei lo.

.

"hawh...lo lut rawh " tih pah chuan min kuah lut nghala.Cabin chhung kan lut chiah chu boruak hi a inthlak danglam nghal vek in ka hria, ka hmangaih em em khuma lo mu bam ka hmuh chuan ka hlim lutuk hi tah chhuah hawm hawm mai chu ka duh ani.

.

" Miller" Nu Stacy chuan min rawn buaipui nghal vata, Cassie pa pawh alo awm bawka an vai mai chuan min lo buaipui nghala, he thil zet chu ka rin phakbak ani.

.

"Hetah lo thu rawh" Ashley chuan Cassie khum bul a chair ah chuan min thuttir a.Cassie chu alo maimichhung vang vang a, oxygen mask poh a vuah tawh lo a ,a hmel chu chiang takin ka en renga ,a cher in a dang lap bawka ka khawngaih takzet ani.

.

Midang ho chuan kan hun tawn hi min hriat thiampui ani ngei ang , pawnah chuan a chhuak sap sapa Cassie pa pawhin min be lem lo mahse ngawi renga a chhuah a avang chuan ka nuih aza lek lek zawk.Cassie a damloh avanga loh theih loh a min pawm lui hram hram an ni tih pawh ka hai hauh lo ,tu nu leh pa in nge mahni fate anpui kawp turin ti ang? Mahse kan hun tawn hian a zir lo em a, min pawm lui hram hram ani.

.

" Cat" ka ti sap a, a kut chu ka hum vang vang a, zawi muang in a rawn meng siar siar a.Thei leh thei lo hian min rawn nuih suka, ka lo nuih let var var a.

"Ka ngai tawh lutuk che asin" ka han ti leh a, sawitur ka ngah lutuk hi ka tawt up up ni ber hian ka hria.

" Keipawh" a rawn ti sapa,ka ding a ka kun hniam a a hmui ah chuan ka fawp vang vang a, a hmui lum ham ham te hi ka ngai tawh takzet ani.

.

" Ngatinge i hmai hi?" a rawn ti chuai raih a, a kut chuan ka hmai pilh nuai chu a rawn khawih a.

" Accident chhe te mawle"a kut chu la in ka fawp zeuh a " Tunah chuan ka bulah i awm char char tawh ang " nui suk pah chuan ka ti a.

.

" Cheng Wen....Cheng Wen chu enge a an a?" a tih chuan ka rilru a khawih takzet ani, henu rilru han that em em zia hi, nasa taka a damloh chung pawhin midang ala ngaihtuah tang tang ani a.

" A tha tawh e, ngaihtuah suh...."a puan chu ka sin that tira" i chau lutuk ang ,mu tawh rawh le" tih pahin a chal ah chuan ka fawp zeuh a," ka hmangaih che" ka ti a.

" Ka hmangaih che" a rawn ti sap a, a chau hle ani ngei ang engmah sawi buai lo in a muhil nghal siai siai a .

.

Cassie's pov:

.

Ka harh chuan khua alo var uarh tawh a, chutia ni eng ut ka hmuh thut avang chuan ka kutin ka mit chu ka hliah vata.Ka hawi phei a, ka piah couch ah chuan Miller chu tui takin a lo la muhil sak sak a, Nizanah khan ka chauh em avangin ka mutthilh san daih a, ka inthiam lo lek lek zawk.

.

" Bawihte, i lo harh tawh ani maw?" ka nu chu ka bulah chuan a rawn thu a, ka chalah chuan a rawn fawp vang vang a .

"umm...nu tinge Miller saw a haw loh a ,a chau lutuk ang" ka ti sap a.

Show post links

Top

Ngaia

Site Admin

Quote

Post October 16th, 2016, 1:42 pm

Ka nu chuan Miller mutna lam chu a hawi phei zeuh a " Haw tura ka tih pawhin heta riah hi a thlang zawka" a nui suk a, mut reng chu ka nin deuh avangin ka nu chuan min thuttir a lukham chu ka ngheng ar ar bawka.

.

" Heihi ei rawh" tih pahin ka breakfast tur chu min rawn pe a.Ka lo la vata.

"morning ...Bawihte" ka pa chu a rawn lut a, ka pa hmel hmuh nuam tak mai ka hmu leh hi ka hlim takzet ani.

.

" Pa khawiah nge i kal dawn?" ka pa chu suit nen a awm at avang chuan ka zawt a .

" Bawihte, New York ah ka let leh thut angai a, hetah ngai viau che mah ila kar hnih lai chawlh ka la tawh a ka let ngei ngei angai tawh ani.Mahse ka tiam a che ka rawn let leh vat ang" ka pa chuan min rawn kuah a.

.

"pa... lo let leh vat ngei ngei ang che" ka ti sapa, ka pa hi ka hrethiam lutuk nikhat chauh pawh chawlh lak a harsat laiin keimah vangin karhnih lai chawlh ala a ,mahse ka ngai em am a kan tan hun a nei lo leh lutuk erawh hi chu ka lungawi lo lek lek thin.

.

"ka tlai tep tawh a, ka kal mai ang " tih pahin min rawn kuah a, ka nu chu a fawp zeuh a hmanhmawh takin min chhuahsan nghala.Ka pa thawmah chuan Miller pawh a rawn harh a, a rawn zi mar tiam tiam a, ka lo en renga a tho a ka lam pan chuan a rawn bai phei auh auh a.

.

" Morning" min rawn nuih sanga.

" Morning,i ke chu i fimkhur lo leh tawh ani maw?"ka lo ti vin hlaka, ka nu bulah chuan a rawn thu a.A ke intuam lak leh a kut pilh hrup te chu ka ngaihtuah em em a, mahse a chhan zawt mah ila a sawi tha leh duh dawn chuang lo a, ka zawt buai duhlo ani.

"ka fimkhur lutuk vang zawk anih hi" min rawn fiam let zeuh a.

" Vawin college i kal dawn lo ami?" mithmul ti san ak pah chuan ka melh a.

.

" Hetiang ke nen hian maw, ka ke hi chuan ibula awm turin min chawh alawm"

" Breakfast hi ei ve nghal la " ka nu chuan Miller chu bawnghnute hi a pe a, hetia ka nu in duat hmel taka a biak hian ka hlim takzet ani.

.

"Miller, vawin chu inah va hahchawlh la i chau lutuk ang" ka nu chuan alo ti vata,

"Ahh...nia, ka bike vel pawh buaipui angai ang ka rawn kalsan tawpa" a nui suk a, min rawn melh zeuh a, henu hi chu damdawi mum lian hi ani ringawt.

******

.

Miller chu college a kal loh ka phal loh avangin tlaiah ban velah a rawn kal thin a,zanah a rawn riak bawka mahse college kal turin nawr lui ziah mah ila ka hmuh loh hi chuan ka ngai em em a, rawn kal vat vat se ka ti thin ani.Basketball pawh practice turin ti thin mah ila a ke ala dam chian loh avangin ka tilui lem lo ,mahse keimah vanga class a thulh erawh ka duhlo ani.

.

A ke pawhin zia lam a pan zela, a thui an phelh tawh bawka tunah chuan pangngai takin a kal thei tawh ani.Xiao Lin leh Ashley pawh an rawn kal fo a, Min Yu pawh vawihnih lai chu a rawn kal tawh a mahse mak tak maiin Min Yu leh Miller te chu an inhaw tawh miah lo.Headmistress pawh vawikhat chu a rawn kal ani.

.

Doctor in ka hah a hlauh avangin ke a ka kal a phal lo a, zeng ang maiin wheelchair in min nawr thin a,ka ning tawh takzet ani.Ka natna hi rawn chhuak zeuh zeuh thin mahse a hma ang em em kha chuan a na tawh ngai meuh lo ani .

.

_______________________________________

.

Thla khat dawn lai damdawiin pawn pawh ka chhuah tawh loh avangin pawna chhuah harh chu ka chak takzet ani.Ka dam deuh tawh bawka ka na pawh a chhuak khat tawh bawka chhuah harh ka duh ani.Ka nu chu a rawn lut a.

.

" Nu, Vawin chu ka dam tawh bawka ka chhuak harh duh a..."ka ti ringawt a, han dil dan tur pawh ka hrelo ani.

" Engmaw! Cassie a hma pawhin vawihnih lai ka chhuah tir tawh che a mahse thalo takin i rawn haw ve ve chhuak lo la a tha zawk ang" ka nu chuan a ti hmuk a .

.

" Mahse thlakhat chuang damdawiin hi ka chhuahsan tawh lo a,ka va chhuak zawk anga, ka rawn let leh vat dawn alawm" ka ti a, Miller chu a rawn lut ve chiah bawk a.

.

"Miller, han hrilhfiah te a chhuak thei lo tih hi" ka nu chuan a ti a, Miller chuan min rawn pan vata, eitur min rawn ken chu dawnkanah chuan a dah a.

" Cat, i nu thu chu awih la...i dam hunah duhtawkin kan leng dawn a lawm "zaidam tak chuan a rawn ti a.

.

" nilo...hei ai hian ka dam leh tawh dawn lo, hetah hian ka thih thlenga awm turin min duh ami?"

"Cassie, hriatthiam tum teh" Miller chuan a rawn ti a, lehlam chu ka lo hawi hmaka. Ka nu chu pawnah a chhuak hmaka, reilo te hnuah a rawn lut leh a,

"anih chuan khawiah nge kal i duh a?" ka nu in a rawn tih chuan ka hawi let vata.

.

"kal kual vel mai mai ani mai" ka ti liam puata, ka nu hian ka hun tawp dawn ah hian ka duhthusam tih puitlin loh a hlau tih chu ka hai hauh lo,a chhuah daih pawh khan doctor ava dil ani ngei ang mahse ka chhuah lo na a rei tawh a chhuah ka chak takzet a,tuman min dang thei lo ani.

" Mahse ,i nat hlek chuan Miller hi i hrilh ang tih min tiam rawh"ka nu chuan a ti a

" ka tiam a che" tih pahin ka lo nuih sanga.

" Nu Stacy ngaihtuah suh him takin ka rawn hruai let leh ang" Miller chuan a ti a, ka nu hmel ka hmuh chuan a thla a muang tih ka hria ani.

.

Chhuak turin kan inpuah chah a, kan zawh chuan Miller chuan min nawr chhuaka, khawihmun ah pawh wheelchair a min nawr angai a ,ka inthlahrung rual rualin ka kal chakna hmun ah ka kal thei dawna ka hlim ani.

" Miller inbe lawk ang" ka nu chuan a ti a, Miller chu a lut leh nghala pawnah chuan ka lo nghak ran a, reilo te hnuah chuan a rawn chhuak ve mai a, inhnuai lam panin ka chhukthla nghala.

.

Car chhungah chuan ka lut a, Miller pawh a rawn lut ve vata,Car hnungah chuan ka Wheelchair chu kan dah ran a.

Kan tlan chhuah thleng chu ka nu in min en liam bawk a ni.

" anih chuan khawi hmunah nge kal i duh ?"Min rawn nuih suk pah chuan a ti a.

" Ihh...Temple of Heaven ah" ka tih chuan Car chu a ti ding nghal chawt a .

.

" Engmaw! a hla lutuk a awmna" a ti nghal tuarh a, ni e a hla tih chu ka hria mahse Beijing ka awm tirh khan ka thian ten kal turin min rawn a, ka thih hma ngei a hmuh chu ka chak ani .

" Mahse, ka hmu chak takzet ani" ka ti chuai raih a.

.

" Mahse ,i nu i hrilh si lo a alo ngaihtuah lutuk ang che"

" apawi lo kan haw leh vat dawn tho alawm...khawngaih in min kalpui hram rawh"ka dil mawlh mawlh avang chuan a thaw hak a

" Awle, mahse kan haw leh vat ang" ka hmui ah chuan a rawn fawp vang vang a .

"lemm....kal ang le " tih pahin a khalh chhuak a ,Temple of Heaven awmna

Tianqiao,Chongwen...lam chu kan pan ta ani.

*****

A hmun kan thlen chuan alo tlai ruih tawh a rimawi an tum ri rat rat chu ka hrethei bawka, a midang pawh an awm vak tawh lo a, Miller chu a chhuk a wheelchair chu a la chhuak vata,min rawn pawm chhuah chu a tuma.

" keimah pawhin ka thu thei reng alawm "

" mahse pawm kher che ka duh alawm" tih pahin min pawm kang lawp a, wheelchair ah chuan min thuttir a.

.

Temple sir velah chuan min nawr kuala, temple chanchin vel chu min hrilh pah reng bawka, kum zabi pangana velah kha chuan he hmun hi miten an hlauh thu te, a hmun lar lehzualna chu temple bula thing upa tawh tak tak awm te hi ani tih thu te leh tunah chuan music tum nan te, hla sak nan te an hman tawh thu te chu min hrilh zela, ka hriat loh thil tamtak ka hriat belh teuh ani.

.

" Ni saw a tla tep tawh anih saw" tih pahin ral lehlam chu kan thlir dun a, kawl chu a sen phut a a mawi takzet ani.Music tum ri nen he hmun hi a thlamuan thlak takzet ani.

.

Miller chu ka hma ah a rawn thingthi a, mak tih hmel takin ka lo en ha a,ka kut chu rawn la in a fawp zeuh a

" Cat,i kiangah ka awm reng anga ka kalsan leh tawh ngai lo ang che.Hun harsa tak kan tawn hnu ah kan awmdun leh thei hi ka lawm takzet ani.I tan chuan engthil pawh tih ka huam ka tiam a che ka chhanhim ngei ngei ang che" a tih chuan ka hnuk chu a ulh tlata, Miller beidawng hmel ka hmuh hian ka na takzet ani.

.

" Cassandra, engang mi pawh ni ila ka hmangaih che , ka hmangaih takzet che ani .Min nei duh angem?" a rawn ti sap a, a zam deuh a niang a thaw leh hak thin a .Ka mittui chu ka dang thei tawh lo a tla xung zung a ka inhnit faih faih bawk a.

.

"tehreng mai, Engtik lai pawhin ....ka hmangaih che" ka hmuiah chuan a rawn fawp vang vang a.ka mit ah chuan chiang takin min rawn en leh a, zungbun hi min rawn bun tira.Ka lo kuah vata

" Thih ka la duh lo,hma hun eng tak kan la nei a heihi thihsan daih ka duh lo ani" ka ti chuai raih a, kan hlim ve dawn chauh a thihsan daih hi ka hreh takzet ani.Miller hi kalsan ka duh lo

.

" Nilo,i thi dawn reng reng lo, i bulah ka awm hi" min rawn kuah vawng vawng a

Show post links

Top

Ngaia

Site Admin

Quote

Post October 16th, 2016, 1:43 pm

Chapter-25(Last)

.

Miller's pov:

.

Cassie chu damdawiin ah ka hruai let leh a, kalkawngah chuan a chau ani ngei ang a muhil sak sak a,ka va melh leh zeuh thin a ka lainat takzet ani.Thil tamtak ka ngaihtuah a a ni telin zual lam a pan zel mai bawk si , donator ka zawng reng bawka mahse ka hmu bawk si lo , doctor lah in a lung hi thlak anih vat loh chuan a daih rei tawh loh tur thu min hrilh bawk si,ka beidawng tawh takzet ani.

.

A chang chuan beidawng in indawm kun ngawih ngawih thin mah ila Cassie tan chak taka ka awm angai bawk si, Cheng Wen takngial pawh ka buaipui hman tawh lo a,a theih anga tam Cassie bulah hian awm ka tum tawp ani.Cassie ka tawng hi ka inchhir lo a mahse a rilru ka lo tihnat sak thin avang erawh kha chuan ka inngaidam thei tawh ngai lo ang

.

Damdawiin kawt kan thleng chuan Cassie chu ala mutui hle a,sana ka en chuan dar9:34 alo ri va tawh a, car ka tiding chiah a a rawn zi nghal tiam tiam a,

" kan thleng ta" min rawn nuih ver ver a.

"engmah na i nei lo tiraw?" ka ti vata, a chhanchu a lo sawi duh lo anga alo tuar tlawk tlawk ang tih ka hlau ani.

.

" Aih nei lo e...vawin kha a nuam ka ti takzet, ka lawm e" min rawn fawp vang vang a, nu Stacy pawh in min ngaihtuah ani ngei ang damdawiin kawtah chuan alo vei thauh thauh a, min hmuh chuan min rawn pan nghal vata.

" Bawihte, insawiselna te i nei em?"Car kawngka chu a rawn hawng vata.

.

" nu ka tha min ngaihtuah suh" Cassie chuan alo ti vata.

" Miller, ka lawm e" nu Stacy chuan a rawn ti sapa.

" Engmah anih loh hi, ka tih ve tur reng alawm"tih pahin Car atang chuan ka chhuk a wheelchair ka la chhuaka Cassie chu ka pawm chhuaka wheelchair ah chuan ka thuttir a ,damdawiin chhungah ka nawr phei a, Nu Stacy pawh ka bulah a rawn kal ve nghala,Cassie cabin lam pan in kan chho nghala.

.

Room chhung kan luh chuan Ashley pawh a lo awma" Cassie ,Khawiah nge i kal?" alo ti vata,Cassie chuan min rawn melh zeuh pahin," Ahh...kan leng kual mai mai" nuih suk pah chuan a ti a, chutia a chhan avang chuan ka nuih aza kher mai mahse kan kalna diktak chu hrilh ila nu Stacy in min hau ngei ang.

.

"Damtakin i rawn thleng leh chu ka lawm takzet" Ashley chuan Cassie chu a kuah a, khum lamah chuan ka nawr phei a khumah chuan ka muttir nghala.

" Dinner in ei tawh em?" nu Stacy chuan a ti a.

" Aw, ei tawh e" ka lo ti vata

" A that chu Cassie hruk faina tur tuilum leh towel ka va la ange"tih pahin room atang chuan a chhuak nghala.

.

" Nangni pahnih hi ka thlah fal dawn miah lo cheu ania" Ashley chuan min rawn melh zeuh pah chuan min rawn fiam a, ka lo nui ringawta.

" Miller, tinge basketball practice na ah i kal ngai loh a?" Ashley chuan a rawn ti ha a, ka lo mitmei zeuh a ala hrethiam lo zui.

.

"friday ah hian in inkhel tawh dawna, i team ten an mamawh che asin " Ashley chuan ala rawn ti deuh deuh a, practice naah ka kal ngai lo tih hi Cassie hriat ka duh lo ani a chhanchu practice ai chuan Cassie bula awm ka duh zawk ani .

.

" Miller" Cassie chuan a rawn ti vin hlak a,han sawi mai tur pawh ka hrelo.

" Ughh... " ka ti ringawta, Ashley chu ka ve melh zeuh a.

" Keimah vangin engthil mah hi tih thulh suh ka tih tawh kha"a thinrim deuh tih chu ka hre nghala, a chhan chu Cassie hi a inthlahrung em em a engthil pawh ka lo tih thin kha ka tih lo chuan amah vanga ti lo ah min ngaia hrehawm a ti thin ani.

.

" Nilo, nangmah vang ani reng reng lo,practice ngai ka ti vak lo a" ka ti tawp a, mahse a hnem lo kher mai.

" Vawin tuesday ani tawh a, tun thlengin practice ngai ila tilo amaw?" lehlam chu a hawi hmaka.

" Cat, hriatthiam tum teh nangmah vang ani lo...ka ke pawh ala dam chiang lo a, ka la indim deuh alawm" ka ke chu dam vek tawh mahse chhuanlam ah ka hmang ta ringawt a.

.

"i ke chu a dam daih tawh kha, keimah vanga i thil tih i thulh hian ka rilru a na thin asin" a mittui chu a rawn far fapa.

" Ka damlo tih hi min hriat nawn tir tawh suh , a hma ang khan awm leh rawh" a rawn ti sapa.

.

"tap suh le...naktuk atang chuan practice na ah ka kal tawh ang...a tha em?" zaidam tak chuan ka ti a a lu chu a lo bu nghata.

" Chuan final ah chuan i team te chak pui ngei ngei ang che"a ti chuai raih a, ka kuah nghala.Diktak chuan final ah pawh khelh ka tum lo ani mahse tunah chuan ka khelh ngei ngei angaih hmel.

.

Nu stacy pawh a rawn lut chiah a, Ashley chu inthiam loh hmel takin kan piah ah chuan a lo ding reng a .

" Nu Stacy keiman ka lo hrufai ang" ka ti a towel chu tuilumah chuan ka chiah a, ka hru nghal mawlh mawlh a.

" i kawr hi phelh rawh" ka tih chuan Cassie hmai chu a rawn sen nghal tawn tawn a.

.

" zak suh , a hma pawn ka hmuh vek tawh kha" tih pahin ka nui suk a, a hma pawhin Cassie hi a duh anga a chet that thei loh avangin ka bual thin ani.Hetia a laih a, a hmai a sen tawn tawn hian a duhawm thlawt.A taksa te chu a hma angin tuai nalh tawh lo mahse ka duhna a tlem phah eih lo.A hma aiin ka duat a, a hma aiin ka duh a hei ngei hi alo ni ka lo hriatthiam ngai reng reng loh hmangaihna chu.

.

Basketball chu zing leh tlaiah a chang leh nilengin ngawrh takin kan practice thin a, Cassie tan kan Champion ngei ngei angai ani.A chang phei chuan ka chau ve hle thin a mahse Cassie ka hmuh hi chuan ka dam sawng sawng zel.Ka in ah chuan a chang zeuh zeuhin ka haw thin a, ka awm tam na ber chu damdawiin leh basketball court ani.

.

Kan practice zawh rual rual in damdawiin ah ka kal tlang nghal thin a, Cassie mut hnuah inah ka haw ve thin chauh ani.Ka hmuh loh hlek chuan ka ngai em em a, amah hmuh ka chak ngawih ngawih zel ani.

.

________________________________________

.

Friday(December 14):

.

Dressing room ah chuan kan team ho chuan ka awmkhawm laih laih a,

" in chak ngei ngei angai, Rocket team te an chak lo ngai lo" Coach chu a au lauh lauha,keini lah kan lo au dur dur bawka. Vawin chu ka phur lo takzet ani Cassie a rawn kal thei dawn si lo a, mahse a tan kan chak ngei ngei tur ani.

.

" Miller lo kal teh" Coach chuan min ko fal a,ka kal nghal vata.

" Cassie chu enge a an?" Coach chuan a rawn ti a.

" Engmaw!!?" mak ti hmel tak chuan ka en ha a.

"kan hre vek tawh alawm, Cassie chu a that vat ka beisei" ka nui suk a, coach chuan ka hnung ah a rawn beng thak thak a.

" ka lawm e " ka ti sapa.

" Chuan in inkhelh lai ah chiah i rilru pe ang che" kut beng pahin kan team mate te bulah chuan a phei a.

.

" Cassandra Alvom tan kan chak ngei ngei tur ani" coach chu a au lauh lauh a, min rawn nuih suk a.Ka team mate te chu an lo au dur dur a.Hetia ka team mate te leh coach ten Casdie nen a kan chanchin an lo hria hi mak ka ti takzet ani.

.

" Cassie tan" tih pahin ka kut chu ka dawh a, ka team mate te chuan ka kut chungah chuan an kut chu an rawn dah diat diat a ,a ching berah coach chuan a rawn dah veleh a.

" Cassie tan" kan ti rual thapa, kan kut chu chung lamah kan phar cho thap bawka, Coach hi chuan min hrechiang ve ngawt mai, ka phur vak lo tih a hria a min tih phur nan heng thil te hi a ti ani.

.

"Inring tawh ru le..." coach chuan a kut a rawn beng a, kan in tlar thap a, captain ka nih avangin ahmasa ber ah chuan ka ding vanga ,kan chhuah hma deuh chuan kawngka bula Cassie rawn nui ver ver chu ka va hmu thut a, ka phu chiang kher mai!!! ka mit chu ka han nuai nawk nawk a,a tak ngei ani bawk si ka va tlan phei vata.

.

" Cassie, ngatinge i lo kal?"hetiang mipui zi mur mur karah hi chuan ka ngaihtuah takzet ani.Wheelchair a a thut avang chuan a hma ah ka thingthi a, ka kut chu a rawn la a.

" Happy birthday" tih pahin bracelet hi min rawn bun tir mawlh mawlh a. ohh! ka birthday pawh ka lo theihnghilh daih alawm.

.

" i birthday pawh kan lawmdun thei si lo a" a ti sap a.

" mahse a lehpek ah chuan kan lawm dun ngei ngei tawh dawn nia" a mittui chu a rawn far fap a " ka la dam tak hlauh chuan" a rawn nui suk a, a dang bem a vawin hian Cassie hi nidang aiin a chau riau in ka hria.

.

" Chutiang sawi suh, kan tar hun thleng kan dam dun dawn alawm, mahse helai hmun hi i tan a tha lo, lo va haw la kan inkhelh zawh veleh ka rawn haw vat ang ummm... "ka kut pahnih chuan a hmai chu ka dawm a.

.

" mahse, he inkhelh hi i tan a pawimawh si a, en ve ngei ka duh ani...min ngaihtuah suh ka tha em em ang"

" Miller,luh a hun tawh e" Coach chuan min rawn au a.

"kal rawh,va chak ngei ngei ang che" a rawn ti sapa,min nam pah deuh bawk a. A hmui ah chuan duhtawh takin ka fawp nghal tawn tawn a.

" Ka kal aw.." ka ti leh hrama, ka tlan phei nghala ka hawi phei leh hrama .A kut chu a rawn vai lauh lauh a.

.

Inkhelh chu kan tan nghal dera, Cassie chu VIP seat ah ka nu leh Ashley te nen chuan an thu ho chu ka hmu a, min rawn nuih ver ver a, khi hmeichhia khi ka hmangaih thlawt ani.Mipui thawm pawh a ring leh hle tawh a,an tangin game pawh a tang hle.Inkhelh laklawh lai pawhin Cassie chu ka han melh leh zeuh thin a ,min lo nuih leh ver ver thin a ,ka phur phah sawt ani.

.

3rd Quarter a zawh meuh chuan kan inhneh tawk hle a, tlemin hma kan hruai chauh ani, ka rilru ka pek tak tak hi chuan min hneh thei tak tak lo ani.

"in ti tha hle mai. Miller, kan chak ngei ngei angai,hei ai hian ila khel tha thei tih ka hria ania " Coach chuan a ti tawn tawn a , Cheerleaders ho chu an lam zak zak bawk a, chumi karah chuan Cassie chu ka va melh leh zeuh thin a, ka hmuh loh hi chuan ka awm thei thlawt lo ani.

.

4th Quarters pawh kan tan vata, lehlam team te chu an foul tan viau, an thinchhia in khelh pui an hahthlak takzet ani.Hah tawh nen ,tan nen coach pawh a rawn au chul tawh a, mipui pawh an lo au dur dur a, tan a na tawh hle ani.

.

Hun a tawp tep tawh a, kan la inhneh tawk hle ani.Kan tang tawh hlawm bawka, engdang mah ka ngaihtuah thei tawh lo,hun a tawp dawn tak tawk tawh a ka throw tur chu team lehlam ami pakhat chuan min rawn nghawk sawka, ka ball ken lai chu ka thlauh nghal hnawk a.Free throw ka hmu hlauh , ka score ngei ngei angai, tuna ka score anih chuan kan chak dawn ani .

.

Ball chu ka keng ran a, basket chu ka melh vang vang a, "ka score ngei angai" tiin ka in hrilh sap a, Cassie lam chu ka hawi leh a, ka kut chu ka fawp zeuh a Cassie chu ka han kawk va va a,a mittui chu a tla sawk a,mipui chu an lo au dur dur a.Vanneih thlak lutuk in ball chu basket ah a lut hlauh!! , hun a zo a kan chak bawk ani.Mipui chu an au ri nghal hum hum a, court chhungah chuan an rawn tlan lut a, Cassie chu ka han melh a, ka mengphawk nghal kawk a.

.

Cassie chu a thaw hlawp hlawp a, min rawn en reng a ,a mittui chu a tla nghal zawih zawih bawk a. A awm chu a dawm taih bawka , Ashley leh ka nu chuan an lo buaipui mek bawka .Ka mit nghal sawlh a, chak mah ila ka hlim chuang lo Cassie chu pawnah an chhuah pui nghala, keipawh chu pawna chhuah tumin mipui karah chuan ka inhnawh phei nghal tawn tawn a, ka chiai ni ber hian ka hria ka khur nghal veka ka hlauthawng takzet ani.

.

Pawnah chuan ka chhuak thei hram a, Cassie chu ambulance ah an lo nawr lut ve chiah bawk a" Bawihte, Cassie saw..." ka nu chuan a ti chuai raih a, a mittui chu a tla zung zung a," nu a tha leh mai ang" tih pahin Ambulance chhungah chuan ka lut ve nghala, lehlamah Ashley chuan Cassie kut chu a lo dawm tai a.Doctor chuan a buaipui nghal vat vat a, damdawiin lam pan chuan kan tlan nghal a.

.

Cassie chu a thaw kawk kawk a, ka hlauthawng lutuk chu Cassie kut ka vuan a, a hmel chu ka en tlawk tlawk tawp ani.Ka hamhaih veka awmdan tur pawh ka thiam lo .A sam ah chuan ka chul leh ringawt thin a awmzia a awm lo kher mai.

.

Damdawiin kan thleng chuan a chak thei ang berin an tlan luh pui nghal dawr dawr a, Ashley nen chuan kan zui chho ve nghala.Nu Stacy pawh a rawn lang nghal vata, ani pawh a hlauthawng ani ngei ang a mittui chu a tling pam a mahse a tap chhuak thei lo ani.

.

" Ka pi helai thleng hi a kal theih" Nurse pakhat chuan Nu Stacy chu alo dang vata , Cassie chu room pakhat ah hian an nawr lut nghala , chet nachang pawh ka hre tawh lo ka ding khawng tawp tawh ani.Nu Stacy chuan min rawn kuah thlawp a, a tap chhuak nghal hawm hawm a, kuah let nachang pawh ka hretawh lo ka a vek tawh ni mai hian ka inhria.

.

Doctor chu hmanhmawh deuh hian a rawn chhuak hlawk hlawk a.

" Doctor Cassie chu enge a an?"Ashley chuan a lo ti vata.

"Damlo hi a chau em em a, a lung hi thlak anih vat loh chuan kan chhan hman tawh kher lo ang, mahse kan theih tawp chu kan chhuah ania" tih pahin Doctor chu a kal leh nghal hlawk hlawk a .Awmdan tur pawh ka hre tawh lo, ka mit chu ka khap fak fak a engmah sawi tur pawh ka hre lo ka inhum ruh tawp ani.

.

Hmanhmawh deuh in inhnuai lamah chuan ka tlan chhuk nghala" Miller...Miller" Ashley chuan min rawn umzui nghal a ,ka tlan chak em avang chuan a aw chauh ka hre hman tawh ani.

.

Car chhungah ka lut a, chak zetin ka inkhalh chhuak nghala.Biakin zawn ka thleng chuan ka ding chawt a.Biakin lam chu en vang vang a,car atang chuan ka chhuak nghal vata.Biak in chhungah chuan ka lut a, tumah an lo awm lo a muang changin ka kal lut chhat chhat a.Tlar hma lampang thutna ah chuan ka thu ve tawpa.

.

"Khawngaih takin Cassie hi min chhahchhuah sak rawh" ka ti ta ringawt a,ka beidawng tawh takzet ani.

"Ka rawn pan ngai lo che a, keimah hi min tawrh tir rawh mahse Cassie hi chu chhanchhuak rawh" ka mittui chu a rawn far fap a, " ka beidawng tawh takzet ani, khawngaih in min pui rawh" ka ti sap a, Cassie in bracelet min pek chu chhuatah a rawn tla thla nghal hmawk a.

.

" Cassie" tih pahin ka chhar nghal vata

" Nilo nilo" ka ding nghal zawt a, biakin pawn lam pan chuan ka tlan chhuak leh nghala.Car chhungah chuan ka lut vata , chak zetin damdawiin lam chu ka pan nghala.Ka tlan laklawh lai te chuan ka chiai vek tawh a, ka hlauthawng lutuk hi ka hamhaih vek tawh ani.

.

Chutia ka tlan laklawh lai tak chuan ka tlan chak bawka , thildang ka lo ngaihtuah bawk nen car dang rawn tlan chu ka su tepa, ka kawi hman hlauh, mahse ka hma ah truck a rawn tlan ve chiah bawk si a ka kawi hman tawh lo truck chu ka su chawrh a ka car chu a letling zawngin a let phei pawp pawp a, dim lo zet in ka chuang ve ani tih pawh min ngaihtuah tawh lo in min sawh phei nghal pawp pawp a, car chu a ding chawt a,pawnah min vawrh chhuak nghal lawpa.

.

Ka che thei tawh lo Cassie chu ka mitthla ah a rawng lang nghal zung zung a,a bracelet min pek chu ka la hum tai a ka mittui chu a rawn far fap a, a biakin dar chu a rawn ri bal bal bawk a, dar 12 a ri tihna chiah ani, ka maimichhing riai riai a engmah ka hrezui ta lo ani.

_________________________________________

.

Cassie's pov:

.

Miller chu khamah a lo tla tep a, a tlak ka hlauh em avangin pawh chauh ka lo tum a, mahse ka pawt chho thei tlat lo, ka mittui chu a tla zung zung a.

" Cassie, min kalsan mai rawh" Miller chuan a rawn ti lawm lawm a, mahse ka thlah phal tlat lo, ka la vuan tang tang a.

" Cassie, kal rawh" a rawn ti leh thin a,ka mittui chu a tlak nasat em avangin Miller hmel pawh ka hmu tha thei lo ani.

.

" Cassie , ka hmangaih che" Miller chuan a rawn ti sapa,ka vawnna chu thlah riai riai in kham sang tak ah chuan min tlak thlak san vawn vawn a,

.

" Miller" ka te thawt a, ka thu nghal zawt a,ka thlan te chu a tla bawrh bawrh a.

" Bawihte" ka nu chuan a rawn ti nghal vata, ka pa, Ashley ,Xiao Lin leh midang chu an kim veka .Ka hawi kual nghal ruai a, ka mumang ani tih chu ka hriat chuan ka thaw nghal huai a.

.

" Nu khawnge Miller" ka ti nghal vata.

" Bawihte, mu phawt rawh ani chu ngaihtuah suh "tih pahin min muttir leh a ,doctor chuan min rawn jection vata, ka muhil nghal siar siar a.

" Miller...Miller" ka ti sap a, ka muhil zui nghala.

.

*******

.

Ka harh leh chuan ka awmdan a dik tlat lo, ka zang in ka thawveng em em a, ka lu na bur te leh ka thin zawn na veng veng thin te kha a awm tawh lo a, ka damtawh ani thei mai angem? Mahse ka hriat zawng chu Miller te final khelh laiin na takin ka awm chu a rawn na a, ka thaw tha thei lo a, ka buai nghal vek anih kha.Ka hriat theih awmchhun chu Miller in mangang taka min en lai kha ani.Miller ...Miller hi khawnge a awm?.

.

" Nu khawiah nge Miller?" ka ti chhuak nghal hlawl a, ka nu chu ka bulah a rawn kal nghal vata." Bawihte" tih pahin a mittui chu a tla nghal zawih zawih a.

" Nu Miller awmna min hrilh vat rawh?" ka ti tuarh a, ka nu chuan doctor chu ava melh zeuh a.

" Engmah a pawi tawh lo, a tha tawh e" doctor chuan a rawn ti sapa.

.

Ka nu chu a rawn hawi let leh a , a kut chu la kangin ka awm chu a rawn dawm vang vang a" hetah hian a awm" a ti chuai raih a, ka nu chu a tap chhuak nghal hawm hawm a .

ATTACHMENTS

IMG_20170127_150739_882.JPG

IMG_20170127_150739_882.JPG (

.

Ka nu kut chu ka en vang vang a, ka mittui chu a rawn tla nghal zung zung a, " ani thei lo" tih bak ka sawi thei lo, ka tap chhuak thei lo a, min hnawh up up ani ber mai.Ka nu sawi awmzia chu ka hrethiam nghal a,ka thin zawn chu ka dawm vang vang a.Miller chu hetah hian a awm ani, Miller lung chu hetah hian a awm ani.Ka awmdan chu a dik thei tawh lo ka a vek tawh nimai in ka hria.Miller tiang lo hian tihdan dang i hre thlawt lo ami, ngatinge hetiang ringawt hian min kalsan hriatthiam ava har tak em.

*******

1 year later:

.

Miller ka chan ta mai kha ka hrethiam lo em em a, khami a thi ani tih ka hriat ni atang khan ka tawng duh lo a,biak pawh ka chhang thei lo ani,ka thu khawng renga, ka thian ten min tihhlim tum mahse an hlawhchham thak ani,Miller bak ka rilru ah a awm thdi lo ani.Ka room ah ka tawm tlawk tlawk a, ka melh ngai ka melh renga ,chaw ka ei thei bawk si lo , ka cher in ka dawldang em em a,ka a vek tawh ani. A chang leh ka mittui a rawn tla leh zung zung thin a, ka tap chhuak thei bawk si lo , a hrehawm takzet.

.

Miller thih atangin kum khat lai alo ni leh tawh a, vawiin hi a thihcham vawi khatna chiah ani.A hma ang em em kha chuan ka awm tawh lo a, midang biak chu tha takin ka chang a mahse keimahin ka room a ka la tawm tlawk tlawk a,ka tap leh ringawt zela ka nu pawhin min ngaihtuah hle mahse tih ngaihna vak a hre lo ani. Xiao Lin leh Ashley te chu ka kiangah an awm deuh chawt a, a chhanchu vawitamtak intih hlum ka tum vang ani, mahse Miller vang liau liau in ka thulh leh thin,.A tel lo a nun hman hi a hrehawm takzet ani.Sang takah min lawn chhopui a, keimah chauh a min chhuktir a tum leh si , keimah chauh chuah ka thei lo .Miller i tello chuan ka thei lo ani.

.

" Bawihte, i in peih tawh em?" ka nu chuan a rawn ti a,ka mittui chu ka hru zeuh a," umm..." ka lo ti sapa.Ka nu chuan inhnuaiah min chhuk thlak pui a .

" Headmistress" ka ti sap a, headmistress chuan min rawn kuah nghal thlawpa." Cassie i inpeih tawh chuan kal nghal ila" a ti a, ka nu chuan pangpar hi min rawn pe a.Car chhungah chuan ka lut a, Heatmistress pawh a rawn thu lut ve nghala.

.

" Kal tawh ang le" driver chu a hrilh a, ka nu chuan min en liam a, Miller thlan awmna lam chu kan pan nghal vang vanga.

Thlan kan thlen chuan ka khawng vek hian ka inhria, Miller thlanah ka vawikhat kalna tur ani a, ka hreh takzet ani.Ka inhum ruh a heihi ka tih ngei ngei angai tiin ka inhrilh sap a, Miller thlan lam pan chuan ka kal phei nghal a.

.

Miller thlan hma ah chuan ka ding tau a , thlan chu ka melh ngar ngar a.Headmistress chuan pangpar chu a dah a.

" Bawihte, min hmu thei em? hei Cassie nen ka lo kal asin" a ti sap a, kei ve thung chu ka ding khawng renga.

" Cassie, Miller hian a hmangaih takzet che a chuvangin a lung kha tha takin min enkawl sak rawh, tunah chuan ka fanu taksa peng pakhat kha i nei tawh a, ka fanu i ni tawh a,..." a hnuk chu a ulh a, a insut faih faih a.

" i hria em, Miller khan a vawikhat nan thil pakhat min dil asin..chu chu nangmah hi ani.I dam leh theih nan khan a theihtawp a chhuah a ,tih dam leh che kha a duhthusam ani asin tunah chuan a duhthusam chu a ti hlawhtling ta ,ka fanu hi ka chhuang takzet ani" a mittui chu a tla zung zung a,

.

" He khawvela alo pian chhuah ve atang khan harsatna tinreng a tawk a, anu lahin ka pawm duh bawk si lo, ka va nep tak em...beidawng lo in a bei tang tang a ,paukhauh tak angin lang mahse a rilru chhungril tak chu nem tak tihnat awl tak ani asin, nangmah vangin a hlim a, nun nawm zia i hriattir a Cassie ka lawm e ,rei lo te chhung mah nise ka fanu kha a hlim asin" ka kuah nghal thlawp a, ka tap ve thei tlat lo, a hrehawm takzet ani.

.

" He lehkha hi a room ka enkual na lamah ka hmu a, i ta tur niin ka hria" tih pahin lehkha hi min rawn hum tira nghet takin ka lo hum vata, ka khur der der a, tawng nachang pawh ka hre lo ani.

________________________________________

Tukverh bulah chuan van lam hawi in ka thu vang vang a, Miller in zungbun min pek chu ka khawih niap niap a, Miller bracelet thisen la kai hniang chu ka hum ran bawka, ka kalna apiangah ka keng a , ka hum reng ani.

.

Lehkha thawn chu ka en vang vang a, ka chhiar ngam thlawt lo.Lehkha chu ka dawhkanah ka dah a, ka melh leh zeuh thin a ,chhiar tutin chakna ka nei tawk lo ani.Ka inhum ruh a ka tho thut a, lehkha chu ka la thuta, ka thutna ngaiah chuan ka thu let leh a.Muangchangin lehkha chu ka hawng riai riai ka, hrehtak chungin ka chhiar ta a.

.

********

Cat,

He lehkha hi i chhiar anih chuan he khawvel ah hian ka awm ve tawh lo tihna aniang mahse tap miah suh aw ,ka mit ka meng tawh loh avangin ka hmu lo che tihna ani lo ania, chung lam atangin bang lo in ka lo thlir zawk ang che thui tak ani dawn lo a, chhiar chhuak hram rawh aw...Keimah vangin i thil tih thin te kha tih thulh phah lo la keimah vangin danglam hek suh .I hria em a hma atang daih tawh khan ka lung hi pek che ka tum a thutlukna ka siam daih tawh asin,ka inchhir reng reng lo ka inchhir ngai bawk lo ang.Tunah chuan ka taksa peng pakhat chu i kawl tawh a, uluk takin min lo enkawl sak rawh aw.

.

Harsa takin bul kan tan a, i kianga ka awm khan ka hlim theih zia kha i hre lo ang, engtik lai pawhin ka ngai em em reng che a,ka thlahlel ngawih ngawih thin che asin,mahse maw kei lo pawh hi ila tawng em em ang,chu mi chubmi vannei tak ani ngei ang a chhanchu i kiangah a awm dawn a.Nakinah chuan pasal te neiin fa te ila nei anga kei chu min theih nghilh hmak la ka duh ani.Keimah vangin mitam takin an nuih zat che a, anpui kawp tiin a sel thin che a kha tih laia ka rilru nat thin zia kha , phurrit nih ka duh lo a hetihian ngaihtuah rawh i i phurrit chu awm tawh lo angin ngaihtuah zawk rawh,I kiangah ka awm reng anga, ka lo thlir reng bawk ang che.Cat, min theihnghil ang tih min tiam rawh.

Nui reng ang che,

.

Ka hmangaih che

***************************************-

.

Tawite chuan a ziak a,ka chhiar zawng chuan ka mittui chu a tla nghal zawih zawih a,a vawikhat nan ka tapchhuak nghal hawm hawm a

,

" mimawl nu, engtin nge ka theihnghilh thei ang che, ka phurrit maw inih a teuh lo ka ngai lutuk che asin" ka ti sap a, Miller chu ka ngai takzet ani.A pangti lum thar thar te leh a bula ka thlamuan thin zia kha hria se chuan heti mai hian min kalsan lo tawp ang .Ngatinge keimah chauha awm turin min kalsan, I tello hian ka hlim reng reng lo.

.

Van lam chu ka hawi chho vang vang a Min hmu thei em?I tello chuan ka hlim lo ani tih hi i hmu em ? Engtin nge theihnghilh tur che a min tih theih zawk?

Ruah te leh thli te hi ka thik takzet ani a chhanchu kei aiin an hnaih zawk che a, I hlimthla takngial pawh ka thik ani a chhanchu ani chuan a zui reng che a khawi hmunah pawh kal la i kiangah a awm reng ani. Ka tello a , ka awm ve theihloh na ah hlim taka i awm bik tur hi ka thik em em a, a chhanchu kei hetah nangmah ngaiin ka tap a ka rum ani.Tui reng turin min duh maw? ka nui em em ang mahse he ka nui phenah hian ka la tap fo ang

.

I tan chuan he khawvel hi alo hrehawm em ani, tumahin an ngaihsak lo che a,ka kiangah awm la chuan kan tuar dun mai tur.Ka ngaih thu che hi hrilh mawlh mawlh che mah ila min ngaithla tu tur an awm tawh si lo.I tel lo chuan lawngleng kartu awmlo ang mai ka ti a,i tello a awmdan min zirtir lo a, ka theihnghilh thei lo che ani. I lung hi a phut ve tawk tawk chhung chuan ka theihnghilh thei lo ang che, min ngaidam rawh aw i duhthusam ka tih puitlin sak thei lo che a.Mahse hei tal hi chu min phal sak rawh, ka hmangaih che hi min phal sak hram rawh,engtik lai pawhhin ka hmangaih reng ang che .

.

"Jealous- Lambrinth"

I'm jealous of the rain

That falls upon your skin

It's closer than my hands have been

I'm jealous of the rain

I'm jealous of the wind

That ripples through your clothes

It's closer than your shadow

Oh, I'm jealous of the wind, 'cause

.

[Chorus:]

I wished you the best of

All this world could give

And I told you when you left me

There's nothing to forgive

But I always thought you'd come back, tell me

All you found was heartbreak and misery

It's hard for me to say,

I'm jealous of the way

You're happy without me

I'm jealous of the nights

That I don't spend with you

I'm wondering who you lay next to

Oh, I'm jealous of the nights

I'm jealous of the love

Love that wasn't here

Gone for someone else to share

Oh, I'm jealous of the love, 'cause

.

As I sink in the sand

Watch you slip through my hands

Oh, as I die here another day

'Cause all I do is cry behind this smile

.

.

THE END 

Ig-@remruati_b

Fb-Remruati Bawitlung/Haylor Sept