February 09, 2018
Chapter-41
.
" Kai duhtawk rawh.... "a rawn ti vin hluk a a rilru a nat hmel hle bawk mahse Lola nilo in Mighty kha va ngaihsak zawk se ka tih vang ani.
"ka rawn kal thei lo ang... " a han ti leh sãp a chu chuan ka lung a ti awi lo hle bawk.
"ngatimaw? Mr Harper i hmeichhe hmangaih ber rawn hruai ngam lo khawpin maw i dawihzep a.... hahh... ka awih thei lo "
" Kai.... kal ang, ka nu dawhkan va rem fel pui ang " Lola chu alo inrawlh vata.
" Lo va kal rawh.... Nick nen hian sawi tur kan la nei "
" mahse... "
" Lola... engmah a thleng dawn lo " a sam a chul pah chuan ka han ti a, min hnial ngam bik lo ngawi rengin kitchen chu a chhuahsan nghal hna hna a.
.
Nick nen chuan kan in hma chhawn ran a, tun thlenga ka hriat thiam theih loh chu ngatinge Nick hian Lola hi pasal a nei tih hre reng chung pawha a buaipui nachhan?
" i ti mah mah ani i duhtawk thei tawh ang " thawk chhuah hak pah chuan a han ti a.
"ka duhtawk ang maw? ka nupui i melh dan leh i ngaihsak dan hre reng chung hian ka duhtawk ang maw? "
" chu chu ka sawi tum ani lo... Mighty nen kan inkar engmah i hrelo chuvang chuan a chungchang rawn sawi tawh suh "
" hahh.... mi dawihzep tak i ni, i hmangaih ber pawh i chelh thei lo ania "
"Kai duhtawk rawh....i thusawi avang hian i inchhir palh hlauh ange" min melh khai pahin kitchen chu a chhuahsan ve nghala.
" Hreptak chuan ...." thinrim tun chungin ka zui ve nghal bawk.
.
Dinner ei lai chuan Lola chu ka bulah thu in ka pa leh ka nu te nen an inbe bawrh bawrh a kei leh Nick erawh ngawi rengin kan ei mial mial thung, Nick chu ka ep chiah ah a thut avangin a Lola a melh nge melh lo tih ka thlithlai reng bawk,ka chaw ei pawh a tui thei lo. Lola in min rawn nghawk zeuh avang chuan ka hawi chhuak vata, Ka nu leh ka pa chuan mak tih hmel takin min lo en reng chu niin.
" Eng nge? " a ngaihna hriat loh hmel zetin Lola chu ka en a
" Kai.... Lola naute neih hma chu hetah rawn in sawn hrih ula" ka nu chuan a rawn ti ve leh a, an thusawi ka lo ngaithla lo bawk nen mak tih hmel takin ka lo en ha a. Lola chu ka han en leh a ka ngaihdan ngaichang tih hriat tak hian min lo en reng a .
" umm.... Rita, Lin leh Jacob te an awm a kan buaipui theih mai ang ring " .
.
" awle.... mahse harsatna i tawh chuan min rawn hrilh hreh lo la aw"
" awle.... " Lola chuan alo ti nghal vata.
"Mr. Franklin nen meeting in nei tih ka lo hria a dinner kilpui ngei i tum dawn nia" ka pa in a rawn tih takah chuan Nick chu ka en nghal vata mahse a awmdan a danglam phah lo.
" Ni e..... Nick pawh a hmu duh a kan zavai in kan kil ho ang chu " ka tih chuan Lola chuan a thil in lai a rawn phuh chhuak ta tuarh mai.
"I tha tiraw?"a kawr leh a hmui vel chu ka hrufai nghal sawk sawk a.
"kha tui hi in rawh "
" min lo hrethiam rawh ru.... " a tho thut a, " ka tih palh lutuk " tih pahin a kal nghal nal nal bawk,hmanhmawh takin ka zui ve nghala a.
.
" Engtin nge i awm... i tha maw? "ka tawng hre lo ang mai chuan bathroom ah a lut nghal daih a.
" Lola.... i... "
" ka tha.... " vin zet hian min rawn pawt chat nghal, engvanga min vin vak nge maw a nih le?
"haw ka duh.... " a rawn ti leh a
" awle... "
Eng thil chiah nge a chungah thleng hi? a mizia a danglam nghal veka, tunah chuan en ringawt pawhin a thinrim ani tih a hriat theih.
" mahse engvanga haw duh thut nge i nih? "
" Kai.... engmah ka sawi peih lo haw vat ka duh "
" awle.... " tih sap pahin car la turin ka kal nghala.
.
_________________________________________
#7:30 pm#
.
Lola tan chhuah reng a harsat avangin Mr. Franklin chu dinner kilpui turin inah kan sawm ta ringawt a mahse ei chhuah ai chuan a tha hrim hrim ani ani pawh a lo phur ve bawk nen keini tan pawh a awlsam zawk.
Lola insiam chhung chuan Mr. Franklin lo kal hun chu ka lo nghak ran a,Nick erawh a rawn kal ka ring lem lo,dawhkan pawh kan peih fel sa vek tawh a,couch a thut pahin Lola insiam lai chu ka lo thlir renga, a hmuhnawm hranpa ve hrim hrim.
" Kai ...."phur loh hmel zet hian min rawn en a.
"Mr. Franklin chu dinner kilpui kher kher angai mi? "
" ugh.... ngai kher chuang love mahse kan company thang len zel na tur atan kan inthian thatna hi kan vawn nun zel angai alawm... " a zam em avang chuan ka va pan hnai a, a hmui a fawh zeuh pah chuan a kut ka han hum vang vang a.
" Engtin mah i awm dawn hleinem chuvang chuan zam suh.... "
.
" Ka tello in in kil dun mai thei lo em ni.... ka awm a nuam lo lutuk a "
" i awm a nawm loh chuan kan pahnih chauh pawhin kan ei thei reng alawm mahse reilo te tal chibai rawn buk zawk la tiraw? "
" mahse, ka... "
" i thei ang tiraw? chibai rawn buk chauh ani mai " ka tih chuan a kun nghal lap a.
"aw i tihna ah ka ngai.... " ka nui suk a " ka hmangaih lutuk che.... heti khawpa nupui fel leh hmeltha nei chung hian ka awm bo tir daih thei hleinem che "
"engpawh thleng se i thinrim lo ang tiraw? "ngatinge maw a zam em em mai le? midang dinner a kilpui vak ngai loh vang pawh ani mahna.
.
" i bulah ka awm reng dawn alawm? " a chet chhiat a hlau leh tawh aniang mahse ka awm chhung chuan ka theih ang ang in ka khuh mawi zel thei alawm.
" ka sawi awmzia chu..... ughh" a han ngawi vang vang a.
" thil hrilh duh che ka nei.... "
" Enge sawi rawh...engtik lai pawhin ka ngaithla reng ang "
" ih... englo ania, " a sawi dawn chiah tih chuan tuemaw hian kawngka a rawn kik karh karh a.
" lo lut rawh.... " ka tih zawh chuan Lin a rawn lut a.
" Mr. Franklin chu a rawn thleng tawh e.. "
" awle.... ka hrethiam e " Lola mut ah tak chuan ka en kar a "hlauthawng tawh suh " ka thiam ang tawk chuan ka han hnem ve tak na in awmzia a nei kher lo maithei.
.
" Kai... ka thusawi tur hi ngaithla phawt rawh.... " ka tho tur chu min pawt thu leh nghala.
"nakin ah ngaithla zawk ila a pawi angem? Mr. Franklin an min nghak reng tawh si a "
"a rei lo ang.... minute 5 vel bak ani lo ang " a han ti leh a, diktak chuan Lola thusawi tur chu ngaihthlak ka duh lutuk mahse hun vawng dik chat chat thin mi ka nih angin hna thil ah hi chuan tlai ka duh lo bur.
"zankhua in i thusawi tur chu ka ngaithla ang umm... tunah chhuk phawt ila chuan i mu hahchawl vat thei zawk anga " tih pahin ka kaitho nghala.
"kal ang le " ka ban chu ka kuah tir a inhnuai lamah kan chhuk thla hnak hnak a.
.
" Lalpa leh ....thil theihnghilh ka nei " Mr. Franklin ka present tur ka ken theihnghilh hlauh mai!!
" Eng thil nge? "
" Mr. Franklin ka pek tur ania, lo zuk chhuk la ka rawn let leh vat ang "
" awle.... " a ti sap a. Hmanhmawh takin kan room ah present la tur chuan ka lut leh a ,dawhkana a painting $1M man hu zet ka dah chu la in ka chhuk thla leh nghala.
Ka chhuk lam leh Lola rawn chho lam chu step ah kan intawk hlawl mai.
"chibai i buk zo tawh em ni? "
" aw... ka kawng a na lutuk a ka han mu hahdam rih ange"
" awle.... "duat takin a hmai chu ka khawih a " ka rei lo ang.... Rita ka rawn tir chho dawn nia... " a bu nghat a, a chho lehnghala.
.
A awm a nuam loh miau si chuan tih luih ka tum bik lo mahse ka tello a Mr. Franklin chibai a buk erawh ka inthiam lo a chhan chu a zam tih ka hre ve renga amah chauh a lo zuk chhuk tir lo tawp tur ka ni asin.
" Rita... Lola lo han awpui rawh aw "
" awle boss.... " theih chu nise dinner pawh hi cancel daih ka duh, Lola a nuam lo bawk nen ka mood a fuh tak tak thei tawh lo mahse ka thil tih tawh chu tih nial nual ka duh lo, tha taka kaltlangpui mai hi ka tih thin dan ani reng bawk ani.
"Hello... "
" Hello... Mr. Burton ...Khawiah nge Mr. Harper hi "tih pahin a hawi kual vela.
" Damdawiin lamah a buai deuh aniang.... dawhkan pawh tih fel vek tawh ania, helamah min rawn zui rawh " ka tih chuan dinning table lamah ka kal nghala ani pawhin min rawn zui vat bawk. A nih na takah chuan nidang chu nise dinner ei hma wine in pahin kan inkawm leh phawt ngei ang mahse tun tum chu ka rilru a hmanhmawh tet tet mai.
"hengte hi ka nupui in uluk taka a thlan te an ni a... a tui i tih ngei ka beisei... "
" i nupui chu thil thlan a thiam hle mai ka duhzawng tak vek an ni... "
" a lawmawm nasat chu... "
.
Ei mawlh mawlh pahin hna chungchang bawk kan sawi leh a, kan awm dun tawh hi chuan thil dang han sawi ve thin mah ila hna chungchang ah bawk kan let leh thin.
" oh... Mr. Burton thil pakhat, i nupui min hmelhriat tir kha i tum si a khawiah nge? " mak tih hmel deuh hian ka en ha a.
"zanin chu a awm a nuam vak lova a mu hahdam ta anih kha "
" anih chu mawle.... hmuh ka chak tehlul nen"
" nichin khan in in hmu lo em ni? "
"hmu lo..ka tar tawh lutuk a ka lo hmu lo pawh ani mahna"nichin khan an inhmu lo amawn le?
.
" Mr. Harper pawh chu a bialnu chauh a rawn tir a.... khawiah nge Mighty pawh kha a kal tak daih a"
" maw!! Mighty a!! "
" aw.... nichin khan inchung a a chho tur ka hmu a.... ka ko a mahse a hre lo aniang " Mr. Franklin thusawi hi ka hrethiam lo takzet, fiamthu thawh hmel a pu bawk si lo
" ughh... min lo hrethiam la, Mighty hetah a rawn kal reng reng hleinem chutiang bawkin Nick pawh "
" mahse.... nichin khan Mighty ka hmu ngei alawm.... ka mit vai te pawh aniang"
" ani maithei.... Lola kha Mighty emaw i ti aniang "
" ka mit te hi a fiah tawh lo ...thil ka hmusual reng mai" a tih chuan ka khi suk a, kum70 a tling dawn tawh a a awm ve tho e.
.
" E... taka Mr. Franklin Mighty hmel i hria tiraw? "
" hria ang chu mawle.... Nick an a rawn hruai fo alawm, ka fanu ang chiah ani asin....nula fel tak ani mahse ka duh aiin Nick tan a naupang mah mah in ka hria"
"a awmna i hre mial em? a chhan chu Nick nen hun rei tak an inbe tawh lo a an pahnih hian zawm leh ka duh ani "
" hre mai lo.... Paris ah a awm tih chauh ani ka hriat ni"
"anih chu mawle" Paris ang khawpui lian lutuk ah engtin nge ka zawn hmuh tak an?, ka zawng hmu anih chuan Nick an Lola a buaipui tawh loh ngei ka beisei.
" i zawng hmu duh takzet anih chuan a thlalak ka nei maithei mahse kum5 lai a liam tawh avangin ka zawn phawt angai ang"
" ka lawm lutuk e... min hmuh sak theih chuan ka lawm hle ang " tih pahin ka khi suk a
.
Chapter-42
.
#Lola's POV#
.
Mr. Franklin haw hun nghak chuan ka vei kual chhen a ka awm hle hle thei tawh lo, nichin khan chibai lovin room ah ka chho lehnghal daih a diktak chuan huaisenna ka nei thlawt lo. Room kawngka atang chuan ka han dak chhuak dek dek a an hmuh theih bawk si loh sana ka melh chhen a ka rilru a hmanhmawh tet tet mai.
" an van rei tak... " eng nge an sawi ang le? ka hlau thawng bawk nen ka kut te chu a khur der der a ,a thlan dup tawh.
Chutia kawng pawh en mang lova Kai te dinner ei lai en thlak tuma ka lo bih duk duk lai chuan Lin nen kan insu chawrh mai!!
"Fimkhur ta che " ka lo ti vin hluk a, ngatinge maw buaina tawh apiang hian Lin hi alo lan ve hman ziah le?
.
" Ka tihpalh lutuk..... hei i damdawi ei a hun tawh a "
" room ah lo va dah rawh "
" awle... " tih pahin a lut ve nghal mai a.
" Lak tlak loh leh lutuk" ka hriat tawk lek chuan ka phun zui sap bawk.
Kut seh niap niap pahin room kawngka bulah chuan ka ding renga ,thil hriat chhuah ka nei!! Nick hi a rawn kal ve em?
"Lalpa leh engtin nge ka tih tak ang?" Hmanhmawh lutuk in Nick call pah chuan balcony ah ka chhuak nghala.
" La teh... Nick la hram teh " rei fe a in ring hnu chuan a pick up thei hram.
" Hello... "
" khawiah nge i awm? "
" hei.... ugh" a ngawi vung vung a ka ngaih a tha lo kher mai.
.
" ka duty a... " ka thaw nghal huai mai.
" anih chuan i rawn kal lo tiraw? " ka han ti leh ngata.
"Lola.... hlauthawng suh engmah a thleng dawn lo "
" mahse a hrechhuak dawn ni hian hriatna ka nei tlat alawm.... "
"a hrechhuak chuang hleinem"
" mah... " ka tawng hma chuan ka hnung lam atangin Kai an min rawn kuah ta thut mai!! ka phu chiang hle bawk.
" ngatinge i lo mut loh a?"ka beng bulah chuan a rawn ti sa sa a, chhan ngaihna pawh ka hre lo thawk kan han la kawk a phone ka dah nghal daih bawk.
"in zo tawh em ni?"
"umm....tunge i lo biak a ?"
"ughh...Maisie mawle ...." tih pahin ka hawi let vata, a khur der der bawk.
.
" awle... i ril a tam em? "
" Kai.... " hlauhthawn hmel deuh hian ka en kar a.
"Eng eng nge in sawi a?"tlang tak mai chuan kan zawt nghal thawr a, peh hel kual vel hi ka thiam ve lo
" kan sawi maw?...umm" an han in ngaihtuah vung vung a, a awmdan atang hi chuan engmah a hrelo niin a lang.
" hna chungchang te.... rawn awm ve thei la tha tur ania "
"thil dang engmah in sawi miah lo maw? "
" umm.... ka hre tawh lo, ngatinge hriat i chak em em a? " min rawn nuih suk pahin ka sam chu a han hui kiang deuh a.
" Nakin ah i dam hunah kan la sawm leh dawn nia....lo kal rawh mu tawh ang i awm a nuam lo bawk si "a tih chuan ka lo bu nghata.
.
Inchhungah min kai lut a khumah chuan min thut tir nghal bawk.
" lo mu hmasa phawt la hna tlemte ka nei a ka thawh zawh hunah ka rawn mu ve ang aw "
" awle.... " min mut tir fel hnu chuan ka chal ah a rawn fawp zeuh a.
" tui deuhin mu rawh aw" a kal tur chu a kut ah ka vuan a.
"Kai.... "
" ummm.... " hlim hmel pu sang chungin khumah chuan a rawn thu leh a.
" Eng nge sawi rawh"
" min hmangaih takzet tiraw? " ka tih chuan mak tih hmel takin min en ha a.
" ka thinlung zawng zawng in ka hmangaih che "
" engpawh thleng se kan inthen lo ang tiraw? "
" umm....ka kut i vawn chhung chuan ka thlah ngai lo ang che.... hlauthawng suh i rinna zawng zawng leh i engkim hi min hlan vek la ka duh ani "
" ka hmangaih che.... " a hmuiah ka han fawp zeuh a, engpawh thleng dawn se keipawhin ka thlah bik lovang.
.
_________________________________________.
Nau ka neih tep tawh mai bakah ka intha zo lo bawk nen inah ka tawm deuh chawt a ka pa pawh kar khatah vawi khat bak ka tlawh tawh ngai meuh lo mahse Nick an chanchin min hrilh reng avangin ngaihtuah lutuk in ka awm ngai lo. Kai pawhin a hma aiin min duh emaw tih mai tur hian min ngaihsak em em a keimah vang liau liau in hma takah a rawn haw thin, chu chuan min ngaihsak zia min hriat nawn tir leh thin.A chang chuan ni khatah vawi li vawi nga te min rawn be thin mahse amah biak hi ngaiah ka nei thei thlawt lo. Nilenga min awmpui theih loh avangin nau ka vei thut pawha min buaipui tu tur nurse koh theih rengin an duty reng bawka ,amah awm lo mahse ngaihtha takin min kalsan theih phah thin ani.
.
.
*Hospital*
.
"ka pa hi ngatinge a la rawn harh miah loh le? "
"a lu a sawh nat deuh hlek avangin in recover tur chuan hun a duh deuh hlek ang "
" anih chuan nghah fan fan mai loh chu tih theih kan nei lo ani maw? " couch ah chuan ka thu hnak a, Nick chu ka hma ah tak a rawn ding bawk.
"Nau i neih hma chu hospital ah rawn kal tawh lo la a tha ang "
"in a awm reng chu a nuam lo.... khawiah mah kalna tur ka nei bawk si lo heta ka rawn kal mai loh chuan khawiah nge ka awm chuan ang "
"nizanah Maisie nen kan inbia a"
" ani maw!! a buai thei lutuk a kan inbe khat khawp mai "
"min rawn be hlawl a, engtin nge maw ka number a neih ni " ni dawn tak hman ni zan Mr. Franklin a kan in a dinner a rawn ei tum khan Nick ka call tlang theih lawk loh avangin ka mangang in Maisie hnenah lo va call ve turin ka ti tak.
.
Chutia kan in biak mawlh mawlh lai chuan nurse pakhat hmeltha deuh mai hi a rawn lut a ,nidangah a rawn kal ngai si lova a thar anih dawn hi.
"Hello.... Lydia ka nia damlo enkawl tur a ruat thar ka ni.... tun atang chuan hetah ka duty tawh ang "
" Lola ka nia.... " tih pahin ka lo chibai nghal vata Nick erawh lehlam a hawi daih thung.
"ward fan ka ngaia ka kal phawt mai ang " tih pahin ka darah chuan a rawn vuan a.
" awle... " ka tih chuan a chhuak nghal nal nal bawk.
Towel huh in ka pa kut leh nghawng vel chu ka han hrufai vela
" Dr.Nick nen khan in in hre tha viau em ni?" Nurse chuan a rawn ti sap a,a lai em em lehnghal an inkar ah enge maw a awm tih ka hre nghal.
.
" aw.... kan inkawm a"
" a that hlauh chu " tih pahin a thaw deuh huai bawk.
" ngatinge? " hriat chak hmel takin ka lo en kar a.
" ughh.... engmah ni love"
" anih chuan amah ka zawt dawn " ka tih takah chuan a hlauhthawn hmel kher mai.
" nilo... "
" kan zawt nghal ange" tih pahin ka phone chu ka la chhuak nghala, zawh tak tak pawh ka tum chuang lo.
" aih nilo... nilo.... ka hrilh ang che" a la naupang chhia ve hle mai, a hmel en hi chuan kei aiin a upat vak ka ring lo, alo berah kum25 anih ka ring.
"ihhh....dinner ei chhuah pui turin ka sawm a " a ti chuai raih a
"chuan engtin nge a chhan che... "
"i upat deuh hunah a tia... " chupa mai mai chuh, tha takin chhan ve mai tur ania a hrim hrim in kei aiin a upa awm tho sia keimah nen pawh kum tamtak kan inkawp tho sia .
.
" chu chauh chu maw? "
" umm.... thil pakhat ka zawt thei che angem? "
" aw... eng nge? " kan vawikhat inhmuh na ah pawh kan innel nghal surh thei nia mi enge maw tak chu ani ve chiang alawm.
"an sawi dan chuan Nick hian hmangaih a nei tih ka lo hria a a thian hnai tak ini bawka tunge anih i hre mial em? "
" maw!! " ka ti nghal hu a, engtin nge chung zawng zawng te chu an lo hriat leh vek hman tawh a.
" an la inkawp angem le? inkawp tawh lo se ka ti takzet...ka hriat dan chuan a duh hlum lo chauh an ti leh nghal " ka ngawi renga chhan dan tur pawh ka hre lo.
" i hre mial em? " a rawn ti leh a.
" aih... " tih pahin ka nui lui suk a.
.
"chu nu chu a vannei ngawt mai. Dr. Nick te chu a chhelo bawk si ....He damdawi in a nurse ho hi chuan date pui chak lo an awm lo ang "
" chuti maw " a awm ve tho e ,Nick te chu a hmeltha em alawm a pa lian in a sang bawk si a ,midang a care em em bawk hmeichhe duhthusam hi chu amah ah a awm kim vek ka tih tawh kha.
"chu bakah a zaidam in.... " a ti chiah a Nick a rawn luh avang chuan a tawng tawp chat bawk.
" Lydia.... i hna va thawk tawh rawh " a tih chuan sana a en nghal vata.
" eheee.... ka lo awm rei tawh lutuk anih hi.... Lola kan in hmu leh dawn nia" tih pahin a tlan chhuak nghal dawr dawr a, ka nuih a tiza takzet Lydia a awm loh meuh chuan a reh nghal ruih mai alawm.
.
"a fel tiraw? "
"a tlai tawh ...ka va thlah dawn che mi? " ka tawng hre lo ang mai chuan thil dang a sawi daih a.
" eng nge a an... Lydia kha ?"
"Dar3 a ri tawh ania.... "
" Nick... " lungawi loh hmel zet hian min rawn en a
"Lydia khan a duh che tih i hria tiraw? " a ngawi renga,inthiam lo leh hnuhnawh mah ila zawh ve hrim hrim ka duh.
"ngatinge i in kharkhip tlata ....Nick thian kawm ve te pawh i duh lo em ni?"
" aw... a tawk tawh em?.... tumah kawm ka duh lo "
" keimah vang tiraw? "
"Lola duhtawk rawh.... "
"anih chuan eng vang nge? hlim hi i phu ve asin..... hetianga i awm reng te chuan nuam ka ti bik hleinem"
" i dam a i hrisel tha tih ka hriat chhung chuan ka hlim ani mai.... chuvang chuan zawhna at thlak tak tak zawh hi duhtawk rawh"
"awle... a tha e" ka lo ti hmuk a
" C'mon Lola.... thinrim lo teh "
"tunah khan min vin alawm... "
" ka... ka tih palh ka tum dan ani lo" Kai an min vin deuh hi chuan ka tuar thei mai mahse Nick an min vin ve tawh hi chuan ka rilru a na tlat zel.
"ka tihpalh takzet "
" nang tal hi chuan min vin ka ring lo asin"
" hreptak chuan.... Lola ngatinge maw nangmah ngaihtuah lo thei lo hian min siam thin le? " mak tih hmel takin ka meng phawk nghal kawk a, hetiang thu hi Nick a ka atangin hun rei tak chhung ka hre tawh lo a, mak ka ti takzet.
.
_________________________________________
.
Ka phone rawn vibrate cher cher ri chuan ka muhil tui lai min ti harh zawk a, sana ka en chuan zing dar1:30 alo ri der tawh.
" Tunge mawnle? " tih sap pahin ka phone chu ka han en a, tun ang zan rei ah engvanga number hriat loh in min rawn call ve teh mial nge maw a nih le? nilo ka pa engtin emaw a awm ani thei mai angem? Ka pick hma in Kai a harh nge harh lo tih kan en te te phawt a, ka hlauthawng ru hle bawk.
Kai a harh lo tih ka hriat rual rual in hmanhmawh takin balcony ah ka chhuak nghal a, ka pick hma in alo in ring ral hman.
" Tunge maw anih le? " ka pa enkawl tu nurse tuemaw ber in ka pa chungchang min hrilh an tum amawn le?
.
Hmanhmawh takin ka call back nghala mahse a in ring ral thak thak.Vawi thum vel ka han call leh a tumah in min chhang lo.
" Enge maw ka ngaihtuah le? ka pa chu engtin mah a awm lo ang" an rawn call sual palh anih ringin ngaihtha deuh chuan luh lehnghal ka tum a mahse message ka dawng hlauh, chumi number atang bawk chuan ani a ka hawng vat nghal vata.
* Mighty..... lo kal vat rawh* tih te chauh hi a lo ni a, Nick anih ka ring nghal a chhan chu Mighty ka ni tih Nick bakin a hre lo.
.
Tun ang zan rei tawh ah Nick an min hmu duh anih chuan ka pa engtin emaw a awm tih ka hre nghal bawk.Message pawh reply lo chuan hmanhmawh lutukin kawrlum ka ha sawk sawk a. Kai a la muhil tui bawk nen thawm dim thei ang berin ka chhuak zal zal a.Georgia thihna avang khan ka hlauthawng tawh takzet, ka pa in min mamawh laiin ka awm hman lo ang tih mawlh chu ka ngaihtuah a ni thei hian ka hre ngang lo.
Ka tih thin dan ang bawkin Kai car pakhat chu ka la chhuak leh zal zal a, ka ngam tawka chakin ka tlan chhuak nghal bawk.Ka tlan laklawh lai chuan Nick ka call reng bawka mahse a pickup thei lo.
.
" Engtin nge ka tih tak ang ?" ka hlauthawng bawk nen ngaihtuahna fim pawh ka pu thei tawh lo, a rang thei ang bera damdawiin thlen chu ka tum ber ani. A tawp a tawp ah Nick an min rawn call hlawl mai, hmanhmawh lutuk in ka pick nghal vata.
" Lola.... hotel hmasa ber kawtah khan lo awm rawh.... rawn tlan thui lutuk suh "
" Nick... ka pa chu engtin nge a awm? "a hre hman tawh lo, a dah hman.
Kan in atanga hotel hnai ber kawtah chuan car chu tiding in ka chhuk nghal vat a Nick pawh a rawn thleng ve chiah bawk
" Lola... i tha maw? " tih pahin min rawn kuah nghal thlawp a
"Ka pa chu engtin nge a awm? "
" I pa maw!! i pa chu a tha "
" Lalpa leh ka lawm lutuk.... "
" i tha maw? engtin nge i awm....ngatinge tun ang zan rei ah min hmuh i duh a"
.
" Ka pa vangin mawle....min rawn call sia ka hmanhmawh lutuk alawm "
" nilo.... ka rawn call lo che ....min rawn call zawk alawm"
" maw! " mak tih hmel takin ka en ha a.
" hei i message ka dawng a " tih pahin message chu ka hmuh a
" keipawhin ka dawng alawm.... kha kha keimah ka nilo" tih pahin a message dawn chu min rawn hmuh ve nghala.
" kan inthawn anih loh chuan tunge ni ta ang? " ka han ti sap a
"Lola tunah i haw vat angai "
" maw!! "
" khawi ka thlah ang che.... He thil hi Mr. Franklin a tih ani tih ka hria "
" Eng... engvangin nge a tih anga ?"
" Hriat chhuah che a duh alawm...car ah lut vat rawh ka thlah ang che " a tih chuan hmanhmawh takin car ah ka lut nghala.
.
Chapter-43
.
*Kai's POV*
.
Phone vibrate chur chur ri chuan min ti harh zawka mahse Lola a tho tih ka hriat avang chuan thawh ka tum lem lo.Phun bul bul pahin min tih harh hlau tak si hian a tho zal zal a balcony ah a phei nghal daih bawk. Ka rilru te te chuan tun ang zan rei ah an rawn phone avangin mak ka ti takzet,a thiannu pawh alo ni reng thei ka ngaih ka ti tha duh lo chuang lo.
" Tunge maw rawn phone le? " tih sup pahin mutthilh lehnghal mai ka han tum a mahse Lola awmdan avang chuan ka harh chiang hle mai. Hmanhmawh takin a kawrlum a ha sawk sawk a, ka muhil nge muhil lo tih min rawn en leh te te phawt a, ka lo muhil der tlat thung. Ka muhil emaw a tih avangin hmanhmawh takin thawm dim thei ang berin a chhuak nghal zal zal bawk.
.
Ngawi rengin ka zui chhuak ve nghala thil ei chak deuh a nei leh tawh aniang,mahse amah chauh in kaltir ka tum hauh lo eng thil emaw pawh a tawk palh thut thei chuvang chuan ka veng reng tur ani.Ka car pakhat chu chak zet hian a khalh chhuak nghala, zan dang aiin a speed a sang daih mai, ka tih thin dan ang bawkin a ruk thei ang berin ka zui leh zal zal a, ka duh chuan ka inhmuh tir thei mahse thil eichak a neih leh hunah min hrilh hreh si anga, a ei chak bawk nen lei ngam si lo in hrehawm ti taka a awm ka hlauh avang leh a nun hi zalen takin nuam takin hmang ve se ka duh avangin ral khat atangin ka lo veng tawp zel mai ani.
.
A khalh chak em avangin ka hlauh lek lek zel zanin chu engvanga hmanhmawh viau nge maw anih le? Zan danga a thil leina thin dawr kawtah chuan a ding dawn emaw ka tih laiin a tlan pel ta daih mai!! mak ti tak chungin ka zui ve zela, dawr a tlan pelh meuh chuan ka ngaih a tha ta lo,khawiah nge kal a tum? tih chu ka rilru ah a rawn lang hmasa ber ka hlauthawng ta hle mai.
Chutia a kalna tur ber pawh rin dan ka neih loh lai chuan hotel khawtah chuan car a ti ding ta chat a!! keipawh in hmanhmawh takin car a park na atanga hla lo te ah ka car ka park ve nghal vat bawk, chhuk lem lo in Lola awmdan chu car atangin ka thlir renga.
.
Lola chu car atangin hmanhnawh takin a tlan chhuak nghal dawr dawr a, ka lo hlauhthawn ruk ang ngeiin Nick nen an in kuah ta chat mai!! Ka thinlung chu vih sawk sawk ang mai hian a na nghal zawk zawk a,Lola in hetiang hi ka chungah a tih ka ring pha ngai lo, car steering chu na takin ka han hum vang vang a ka thinrim lutuk chu car atanga chhuah a Nick chu va hnek pawp mai ani ka duh.Mahse Kai Burton ka ni tlat...mi insum thei leh a thil tih tur ngun taka ngaihtuah thin mi Kai Burton kha ka ni tlat. Lola hi Nick a hmeichhe hmangaih ber leh Mighty ani tih hi pu Franklin dinner kilpui tura kan sawm tuk khan ka hre daih tawh ,ka rilru na in hrehawm ti hle mah ila ka pawisa lo ,a chhanchu hun kal tawh chu hun kal tawh ani ,Lola ka hmangaih anga ani pawhin min hmangaih phawt chuan engkim theihnghilh a ngawih bopui daih kha ka thlang ta zawk ani.
.
Ka thin ti rim em em tu chu Pu Franklin a thusawi ka lo awih duh loh thin zawng zawng te kha engkim mai a lo dik vek vang ani chu aia maha ka thin ti rim zual tu leh ka rilru ti na em em tu chu Lola in min lo hmangaih ve miah lo hi ani .A hun kal tawh te ka theihnghilh sak veka bul tan that ka duh laiin ani chuan a hun kal tawh kha ala theihnghilh ve lo, Nick nen inthurual in min lo bum renga a rukin an inhmu thin bawk, Nick theihnghilh tawh in keimah min hmangaih tawh emaw ka lo ti thin kha ka lo ring sual let der ani,Pu Franklin chu awm lo se min bum chhunzawm zel ang mahse tunah chuan ka â tawh bik lo ,enge an chungah ka tih dawn lo thlir phawt teh se.
.
__________________________________________
.
#Flashback#
:OFFICE:-
.
Meeting kan nei zo ka office a ka lut tur chu Alfred nen kan intawk hlawl mai
" Big Boss Mr. Franklin an i room ah a nghak reng tawh che ania "
" awle.... " tih pahin ka lut nghala.
" Evening Mr. Franklin " a thutna ep chiah couch ah chuan ka thu ve nghala
"ka ti buai em lo che maw? "
" tibuai love..... eng nge ni ta?"hna chungchang sawi kan tum ang zawng zawng chu kan sawi vek tawh si a engvanga rawn kal leh nge maw a nih le?
" Eng ni lo e.....Highlight corporation ho in case an file tih ka lo hria a"
" ni e.... mahse buaina tur a awm lo engkim ka lo ngaihtuah fel vek mai ang" Highlight corporation ho nen hian kan thawk ho thin a mahse contract a kan inrem na angin an thawh leh si loh avangin rei tak kan buai hnu ah kan inzawmna kan chhu chat thei hram a mahse chu chu lungawi lo in dawt a puh an nih thu leh zangna dawmna pe turin case an file ve leh a tunah hian kan buaipui vel mek a mahse ka rilru themte pawhin an tih buai phah eih lo, engmah thleng lo ang maiin ka awm hmiah hmiah tho a chhan chu kan dik a engpawh thleng se kan chak dawn tih ka hriat avang ani .
.
" Kan company a rawn nghawng pha em lo ang chu maw? " a hlauthawng hmel ka hmuh chuan ka khi suk a .
"engmah hlauhthawn na tur a awm lo.... tunge ka nih i hriat chian kha "
"tlawm ngai lo leh mi dik tuma hneh theih loh Mr. Burton i ni miau alawm " min tlawn ti tih deuh hian min rawn nuih sung a, nin hmel deuh in ka lo meng pual ralh thung.
"company dangin lehpelh tuma an beih ve che pawh hian chiai miah lo in engkim i chingfel vek zela nangmah ti chiai tu leh ti chhe vek theitu chaklona pawh i nei lo.... chubakah..." a tawng mawlh mawlh lai chuan ka phone a rawn ri ral ral a ,Lola ani tih ka hmuh chuan ka khi suk a.
" Mr. Franklin i ti dik lo.... min lo hrethiam lawk" phone lak pahin balcony lamah ka kal nghala. Ni e, mihring ve tho ka ni a chak lohna te chu ka nei ve chiang a lawm chu chu tudang ni lo in Lola ani.
.
Lola nen kan inbiak zawh chuan ka phone nuih vur vur pah chuan ka lut lehnghala, Mr. Franklin a awm ve tih pawh ka lo theihnghilh hman daih alawm.
"ughh...thupha ka chawi e thil pawimawh a awm alawm mawle " inthiam lo deuh chung chuan chair ah ka thu daih a,ka phone dawhkana dah pahin file check fel ngai ho chu ka check nghal mawlh mawh a.
"A pawi lo.... a ho lutuk "
"ughh....coffee i duh em? "
"duh love ka kal tawh zawk mai ang mi hmuh tur ka la nei bawk si "a tih chuan ka lo bu nghata.A kal tur a inher chiah tih chuan a ding thut a, mak tih hmel takin a rawn leh hawi vut a.
.
" He.... he nu hi tunge? " tih pahin ka phone a Lola thlalak ka dah chu a rawn kawk va va a.
" hahh.... tunge a nih i rin?" ka thil tih lai ka chhunzawm char char tho.
" heihi... i nupui tiraw? a dik em? "
"aw.... ngatinge? " a hmel a danglam nghal vek avang chuan a chhan ka zawt let nghal vata
" ka hriat sual loh chuan Mighty nen an in ang khawp mai "
" haha... Mr. Franklin han en chiang deuh la" tih pahin thlalak chu ka han en chian tir deuh a, ngatinge maw Mighty anga hmuh a tum tlat le? A tarmit chu phawrh chuak in a han vuah te te a
"Mighty nen an inang hle mai "tih pahin a phone a thlalak nen chuan a han en kawp vela mahse ka ngaihsak lem lo hna ka thawhsan hmiah hmiah tho.
.
" Kai.... han en ve teh ,he thlalak hi kum5 kalta ami tawh kha ania mahsa Mighty leh Lola hmel hi danglamna a awm miah lo"
"engtin nge a nih theih anga.... " ka rin loh em avang chuan nuih suk pahin Mighty thlalak chu ka han en zuai a mahse ka en nawn leh chiang hle. Mak tih hmel deuh hian ka meng phawk nghal kawk a.
"a thlalak dang i nei em?"Mr. Franklin leh Nick te thlalak hnungah chiang vak lo a a lan ve avang chuan ka han en hnai leh deuh a.
" thil theih a ni lo.... " tih bak sawi tur ka hre lo.
"Lola hi Mighty anih chuan a awmzia chu? "
" Mr. Franklin helai hmun ah thu lawilo rawn sawi suh.... heihi Lola ani lo " ka ti vin nghal hluk a.
.
" Kai.... a chiang mai lo mi, i nupui hian a bum che anih hi "a tih chuan ka sa nghal phat
" tiang khan ka nupui chungchang sawi reng reng suh.... " Mighty ani emaw ni lo emaw ka nupui chungchang nawmnah taka an sawi hi ka phal ngai lovang.
" Kai.... harh ta che, an hmel a in ang chiah chiah hi "
" duhtawk tawh...."
" ka duhsak vang zawk che ani..... i nupui hian a bum che "
" chhuak rawh "
" maw!! "
" chhuak rawh ka tih chu "
" awle.....lo ngai reng rawh ka la zawng chhuak khawp ang chumi hun ah chuan ka dik a ka hresual lo ani tih i la hre khawp ang " tih pahin thinrim tak chungin a chhuak nghal hlawk hlawk a
" Hrep tak chuan.... " tih pahin dawhkana file ho chu ka vai thla nghal lawp a.Engthil nge thleng ta hi? Nick an alo hmangaih em em thin a nunna ni hiala alo sawi thin Mighty kha Lola maw lo ni a!!
Mr. Franklin bula ka haidar tlat avang khan engmah ka hre lo tihna ani lo, ka mit ngeiin ka hmu a engtin nge ka hai theih bik ang? Thawk halh pahin chair ah ka thu hnawk a, ka thil tih engmah a tui thei tawh lo. Alfred ka call nghal vata.
" Mighty Gonzalez chanchin hriatchian lo tum ang che "
" awle.... Boss "
" a rang lamin ka duh dawn ania" tih pahin phone ka off nghal hmak.
"Lola tu phiangsen nge maw i nih le?"ka thinrim lutuk chu ka insum zo lo mai dawn. Balcony ah in beng daih tumin ding pahin thawk kan la leh kawk kawk thin a mahse awmzia a awm lo.
.
" Big Boss" Lily in a tih chuan ka hawi let vata.Chhuatah file vel a tlak darh nuai avang chuan mak tih hmel takin min en nghal kawk bawk.
" sawi rawh... " a zam deuh aniang a chil a lem khawlh a.
" ih....inspection an rawn nei dawn a chu chu hriat lawk tir tur che in mi ti ani "ka ngawi renga, Lily hnung chhawn zawng chuan ka ding tlat bawk.
" Chuan tunah.... meeting tan leh a hun tawh dawn a "
" vawin a appointment zawng zawng leh meeting zawng zawng kha lo cancel vek rawh.... "
" maw!! "
" sawi nawn leh kher angai em ni? "
" aih... Boss ka tih palh... i sawi ang chuan ka lo ti dawn nia" tih pahin a chhuak nghal nal nal a.
.
Chapter-44
.
" Hreptak chuan... " tih pahin ka thu lehnghal hnawk a, hetianga awm hi ka duh lo mahse ka thinrim ani, ka thinrim takzet. Thawk chuah hawlh pahin dawhkanah ka ke pahnih chu hlang chho nghalin inchung ka han melh vang vang a.
" Engthil nge maw thleng ta hi le?"ka tho thut a, ka chair chu ka tlawh sawn nghal dawr bawk.
Inbeng daih rawh, hetiang mi hi i ni lo tiin ka inhrilh mawlh mawlh a mahse tun tum zet chu ka insum thei thlawt lo.Hna pawh thawk lem lo in zan rei tak thleng office ah ka inngaihtuah char char a ,Lola call pawh ka chhang duh hek lo henu hian min ti â zo takngial dawn.Thil eng eng emaw ka ngaihtuah a dar10 a ri chu ani deuh der. Lola in thil min hrilh tur a neih khan he thil hi sawi a tum amawn le?
.
Thil hrechhuak niawm tak chuan ka tho thut a,
"Mighty ani tih min hrilh a tum tal alawm " tih sup pahin ka coat fual chu ka la lawk a, office ka chhuahsan nghal nal nal bawk. Motor ka khalh peih loh avangin Curter chu ka khalh tir ta ringawt a, ani hi ka driver hlun ani a mahse keimah ngeiin khalh ka duh thin avangin a tul te ah lo chuan ka ko ngai lem lo.
"Big Boss zanin chu i danglam hle mai " hmuh theih khawpin ka danglam amawn le? Pangngai taka awm hram hram ka tum asin. Ka bawp sei zet khawkherh chung chuan pawn lam ka thlir vauh vauh a,ka ban chu tukverh ah nghat in ka hmui ka khawih niap niap bawk, tawng pawh ka peih lo.
.
"Ngatinge vawin hi.... tiang em em a lungngai hian ka la hmu ngai lo che " Curter chuan a rawn ti leh a,ani hi a kum zawng chuan ka pa rual daih ani a mahse thian ang chiahin kan inkawm thin a chuvang chuan min thlithlai peih in min ngam hle bawk.Ka chhang chuang lo a tawng hre lo ang maiin ka awm ngai chuan ka awm renga ,diktak chuan awmdan tur pawh ka hrelo Lola ka huat rual rual in tih nat ka duh bawk hek lo.
In kan thlen chuan sana ka en vata dar11 alo ri dawn tawh, chhuk mai lo in ka han thu vang vang phawt a ,ka hlauh ber chu Lola ka hmuh hunah ka thinrim lutuk hi ka insum zo lo mai ang tih ka hlau takzet.
.
Email ka dawn avangin ka iPad chu ka hmet êng nghal vata Alfred hnen atangin a nih avangin ka hawng rang kher mai.
" Mighty Gonzalez" tih sap pahin a chanchin vel ka chhiar thla zela, a chanchin hriat vak tur a awm hran lo.Hnuchham in atanga mi in fa atan an lak thu vel bak a awm lo,Nick nen an inkawp dan chungchang phei chu engmah hmuh tur a awm lo.Ka rilru te te chuan ka lawm ru hle, Nick nen an chungchang phei chu haichhuah leh a harsa tawh viau ang.
Ka en thla zela a chanchin ka duh loh zawng chhiar tur a awm loh avangin a ruk tak chuan ka zâng deuh huai in ka hria.A tawp berah Mighty thlalak pakhat hi a rawn thawn tel bawka,en ka hreh em avangin ka en hma in thawk kan la te te phawt a.
" ok... " engpawh nise ka en angai tho tho chuvang chuan tunah ka en ngei tur ani.
.
Hreh tak chung chuan ka han click nghal pawp a ,hre sa vek mah ila min thawng nawn awn awn dawn chu anih hi.Nick nen a an thlalak dunna alo ni a,ingaihhmel takin an inkuah chial bawk,Lola ani lo tiin ka thinlung in pawm duh lo mahse ka mit erawh chuan a hai hauh si lo.Thlalak chu ka melh ngur ngur a, hmel êng leh hlim sar pu chunga Nick bula a nuih avang chuan ka thin a rim leh hnuhnawh a ka thik hle bawk,iPad theh pawp pahin car atangin ka chhuak nghala.
Inchhung ka luh rual rual in Lola chuan min lo kuah nghal chat a mahse ka kuah let ve lem lo.
"phone i la thei bawk si lova... i buai hle aniang... i chau em? " a tih chuan ka lo bu nghata, ka ngaihbel vang nge pawh ka hrelo Nick bula a hlim ang khan ka bulah a hlim ve tlat lo in ka hria.
.
"Dinner i ei tawh em?"
" aw... " tih hmuk pahin inchungah ka chho nghala, ani lah ngaihthat lohna chang a hre der mai bawk si a, a ngaih ah chuan ka chauh avanga hetianga awm hi ka ni a, anih na takah chuan ka thinrim vak ka hlauh vang zawk ani. Dinner la ei lo mah ila ei chakna chhete mah ka nei lo, room ka luh rual rual in ka coat chu khumah ka theh thal nghal tawp a, inbeng daih hram hram ka duh.
"Kai....i mu nghal dawn mi? " inthlahrun hmel zet hian kawngka bul atang chuan a rawn ti a.
"aw... "
"ok... tui deuhin mu rawh aw... " min rawn fawp zeuh a, kal lehnghal mai a tum a.
.
" khawiah nge i kal dawn? "
" ughh... dinner i ei tawh tih ka hre lo a, ka lo nghak che a enge maw tal kan ei ve nge? " engtin nge maw hlim hmel a put reng theih zawk le? a ril a tam chuan a thinchhe thin hle si a.Chhang lo in ka study room ah ka luhsan nghal daih a. Keimah vangin riltam takin a awm a engkim ka theihnghilh dawn lai takin engvang phiansen in nge Nick ka hriat chhuah leh thin.Inthlak lem lo chuan light dim tak hnuaiah ka thu renga, a khat tawkin whisky ka lem leh khalh thin.Thil eng eng emaw ka ngaihtuah a ka thinrim thar leh thut zel.
"Engvangin nge Mighty i lo nih kher kher le? " tih bak sawi tur ka hrelo .
.
"Kai i la mu dawn lo mi? " dar3 bawr velah Lola chu a rawn lut a.
" lo va mu rawh"
" ka mu thei lo a.... lo mu tawh mai la"
" awle... " tih pahin ngawi rengin khumah ka mu nghal thak a, a ni pawh a rawn mu ve vat bawk.
"zanin chu kan la inbe mang lo reng reng " tih pahin a rawn tawlh pheih sarh sarh a, a ruk tak chuan ka inkhar khip tlat thung.
" vawinah ka nu in naute thawmhnaw tur a rawn thawn a, nakin ah ka hmuh ve ang che " ka chhan loh avang chuan mak tih hmel takin min rawn en chho ha a
" Kai... " ka maimichhing tlat a,
" Kai.... " a rawn ti leh a
" muttui aw.... " a beidawng chuan a ti ta ringawt a, min rawn fawh a tum avang chuan ka tho thut a.
"min lo hrethiam rawh " tih pahin study room ah ka luhsan daih bawk, ka lu dawm vang vang pah chuan ka han inngaihtuah chiang a, ka inthiam thei thlawt loh avang chuan ka let leh ta a.
" lo muhil hmasa rawh.... hna thawh tur ka nei a " tih zawng ka sawi, ka kal leh nghal nal nal .
___________________________
.
Lola nen a kan inkar chu a zau telh telh a, chhan awmlo in ka lungawi lo a mahse a hun kaltawh theihnghilh sak chu ka la tum fan tho. Min biak pawhin tha takin ka chhang a, min rawn call pawhin tha takin ka be mai thin.Mahse Nick ka hriat chhuah chang hian ka thinrim thar leh thin.A ni telin ka inthlak danglam ve zela,a thil tih sual te hriat sak reng hi ka duh bik lo.
.
" Enge? " tih pahin Nick chu ka bulah a rawn thu a,a enga mah hma in ka thin a ti rim nghal tun mai.Zan a rei tawh bawka bar ah tu vak mah an awm tawh lo mahse hmun reh leh midang awm vak lohna a awm ka duh zawk.
"Mighty oh!! Lola tupawh ni rawh se theihnghilh tawh rawh " Nick chuan mak tih hmel takin min rawn en nghal kawk a
"hmela khatiang kha min en reng reng suh " ka ti vin nghal hluk bawk.
" I hrechhuak tawh anih si chuan engvangin nge min hmuh i duh a"
" maw!! " tih pahin a kawr nghawng chu ka tham nghal tawn a.
" ka thusawi hi hre reng ang che.... Mighty chu a awm tawh lo, Lola hi ka nupui ani a engtik lai pawhin a ni ang "
" chu ka chhuhsak che i hlau deuh elaw....Kai i nupui hi i ring hlawl lo anih hi "
" engmah i hre lo ...."
"thil hrechiang phawt la chumi hnu ah i thinrim chauh dawn nia " hreptak chuan ka tih tur min hrilh vel amaw!!
.
"I thil hriat chhuah avang hian Lola rilru i ti na anih vaih chuan " Nick chuan ka thamna chu a paih thka nghal pawp a.
" engpawh tih ka hreh lo ania " a tih chhunzawm zat bawk.
"woww.... In lo in tawn hmasak avang khan i va in ti neitu ve mawle? "
" Kai duhtawk rawh.... Lola rilru i ti na anih chuan engtik lai pawhin ka ti hlim thei ani tih theihnghilh suh ang che.... chuvang chuan a rilru tih nat sak suh"tih pahin Nick chu a kal nghal nal nal a. Ni e, Nick sawi khan a sawi dik chiah kei chuan a rilru ka tih nat sak laiin ani chuan a ti hlim thung ,kei hi Lola tan chuan phurrit mai ka ni.
Ngawi rengin study room ah ka lut nghala, ka tawng tlem thin em avang leh ka mizia ka thlak thut avangin Lin, Jacob leh Rita te mak tih pawh ka hlawh reng ani , Lola tan phei chuan engtiang takin danglam nasa ang i maw?
Chutia thil chi hrang hrang ka ngaihtuah lai chuan Lola a rawn lut a.
"i tha maw?"chhang lo in chhuanlam ah dawhkana lehkha bu pakhat chu ka la nghala.
Ka chau tiin engmkim ah chhuanlam ka siam thin a mahse Lola in min duat zual phah sauh thung. Nidanga kan inkawm angin kan inkawm tawh ngai lova mahse a rilru ti na zawnga awm erawh ka tum hauh lo thung
"i chau takzet anih dawn hi.... "Lola chu rawn lut in min rawn nuih suk pahin ka dar chu a han hmel nghal a. Kai engkim theihnghilh rawh, i nupui hun kaltawh vangin hetiang hian i awm tur ani lo tiin ka inhrilh mawlh mawlh a .Ni e, Lola hun kal tawh vangin hetiang hian ka awm tur ani lo, keipawhin hun kaltawh tha lo tak tak ka nei a chutiang bawkin ani pawhin engthil sual mah a ti lo chuvang chuan pangngai takin ka awm hram hram tur ani.
.
" Lola.... " a tawp a tawp ah ka tawng chhuak ve hram.
" umm....enge? "
" lo ka teh " tih pahin ka mal chungah ka thut tira,
" ka bula i awm hian i hlim em? " mak tih hmel takin min en nghal ha a.
"chu chu engvangin nge min zawh a "
" ka zawhna chu chhang rawh ka bula i awm hian hrehawm i ti nge inthen i lo duh daih tawh zawk? "
" ka duh lo ve ve.... " ka mit ah min en kar a, dawt a sawi lo tih pawh ka hria
Show post links
Top
Ngaia
Site Admin
Quote
Unread post December 3rd, 2017, 2:23 pm
Chapter-45
.
"i ti tak tak em? "
"i bula ka awm hian ka hlim takzet asin engpawh thleng dawn mahse inthen ka duh lo " a tih takah chuan ka lawm ru kher mai.
" Kai tunlai hi i danglam takzet....i buai renga i bula ka awm lahin min ngaihsak bawk hek lo"
"ka ti na che tiraw?.... ih ka tih awmzia chu...." ka sawi zawh hma in ka hmuiah a rawn fawp zeuh a, ka lungawi loh ve na te leh ka rilru kap tu kha a reh duak in ka hria
"aih.... i bula ka awm chhung chuan ka hlim ka tih tawh kha" a tih chuan a rukin ka khi deuh suk a
"thil enge maw ka hriat tura i duh min hrilh tur i nei em? " ka tih chuan alu alo thing vata.
"Tuna atang chuan engkim min hrilh vek tawh rawh.... min rin ngam a i harsatna te min hrilh vek hi ka thil duh ber ani"
"Kai .....ka hria alawm"
" engkim min hrilh vek tawh ang tih min tiam rawh....thil ho te pawh nise"
"umm...." tih pahin a kun nghal lap a.
"chuan... keimah chauh hmangaih turin ka duh bawk che" hetia ka tih kher nachhan chu Nick a theihnghilh tawh nge theihnghilh lo tih hriat ka duh vang ani.
.
"min en rawh " a khabe dawm pahin min en turin ka han kuaidak deuh a
" ka sawi ang chuan i awm thei ang tiraw?"a ngawi renga mahse a hmel ah erawh a chhanna ka hmu vek thung.
" ka hmangaih che.... chuan ka hmangaih reng bawk ang che" min rawn nuih ver ver pahin ka awmah a rawn bei hle hle a, a sam a chul pahin nghet takin ka lo kuah ve bawka.
" ka hmangaih che " a chal ah ka fawp zeuh bawk. Lola in min hmangaih tih ka hriat chuan ka lawm kher mai, ka thil hriat duh ber ka hre tawh bawka engvangin nge a nunhlui te kha ka hriat sak reng bik ang. Ni e, a lo thup pawh ani mahna ka rilru tihnat a duh loh vang pawh ani thei chuvang chuan ani chauh hi ka ring tur ani.'Nick a hmangaih tawh lo a kei chauh min hmangaih' tih chu ka bengah a ri nawn tluk tluk a,tun atang chuan Lola chungah that ka chhuah tawh tur ani a rilru ka tih nat sak tawh tur ani lo tiin ka inhrilh nghal mawlh mawlh bawk.Nick nen an chungchang ka hria tih hi hriat tir ka tum lo bur bawk a chhanchu a pawimawh tawh tlat lo alawm, ka bulah hian ngaihngam tak leh zalen takin awm se ka duh ber ani.
.
Lola chu a hma aiin ka ngaihsak a ka duat sauh bawk,a hma ang bawkin buai hle thin mah ila amah biak nan chuan hun ka nei lo ngai lo.Nick nen a an nun hlui chuan hmun a chang tawh lo a hriat chhuah pawh ka duh tawh hek lo, aman min hmangaih a ka hmangaih chuan thil dang engmah duh ka nei lo,ka sawi tawh ang khan ka kut a chelh a a engkim min hlan phawt chuan kalsan ka tum hauh lo.
Ani telin ka hmangaih zual zel emaw tih tur hian ka vei ngut ngut a, engtik lai pawhin ka bulah awm se ka duh ,ka hmuh loh hlek chuan ka ngai ngawih ngawih a, a nui mawi tak te, a aw a engkim mai chuan min zem â mek zawng chu anih hi mahse heti khawp hian duh in atchilh mah ila a bulah erawh a awm tawk chauh leh mawi tawk chauh bak in ka awm ngai lo thung.
.
"vawin chu i va rawn haw hma ve,in buai vak lo em ni....? " ka coat min phelh sak pah chuan a tawng siam siam a, sana ka en chuan dar5:30 chauh alo la ri, ala hma bawk em anih hi.
" ughh.... nia " ka haw hma chhan chu a hmel ka hmuh chak em vang ani, haw thuai thuai kha ka chak a sana ka en chhen anih kha.
"vawin ah enge i lo tih?"tih pahin a kawngah ka kuah a,ka taksa si turin ka pawt hnai deih bawk
"ih... damdawiin ah ka kal a "
" oh!! in checkup hun ani si lova enge damdawiin ah chuan i tih a?" ka tih chuan a ngawi deuh vung vung a.
" nau nei maithei dinhmun ah ka ding reng tawh si a incheckup ngun angai alawm" ka khi suk a,mahse amah chauh a a kal erawh ka lawm vak lo, enge maw pawh a thleng thut thei chuvang chuan amaha awm tir tam loh hi a him ber.
" Tun atang chuan chhuak tawh hrih suh aw.... "
"mahse.... "
" shh.... ka sawi chu hre reng rawh " tih pahin a hmui ah ka fawp nghal tawn tawn a,ka fawh chakna a rei tawh bawka ka duhthawh hle .
.
#End of flashback#
.
_________________________________________
Lola leh Nick te chu hmanhmawh takin car ah an lut a,chak zetin an tlan chhuak nghal bawk.Thawm dim thei ang ber leh an mahni hlat thei ang ber chuan ka zui ve zela ,ka thinrim lutuk chu ngaihtuahna mumal pawh ka pu thei tawh lo. Gate ah tlan lut lo in a bulah chuan car an ti ding a, hmanhmawh takin Nick chu a chhuak nghal vata Lola erawh a chhuak ve lem lo thung.
Kal ta mai lo a tukverh ah a dak lut leh kher chuan min insum tir thei lo tep, car steering chu ka hum nghal tawn a ka inhum ruh tang tang bawk.Thawm dim thei ang ber leh hmanhmawh thei ang berin gate ah a tlan lut nghal zal zal a, Nick a kal liam hnu chuan ka tlan lut ve nghala, headlight ka off tlat avang leh thawm ka dim em avangin thawm engmah hrelo in ah a lut nghal bawk.
.
Gate bulah an lo indrop ziah thin vang anih dawn hi engmah ka hriat ve ngai loh tunah chuan engkim ka hrechhuak ta bawka nilo.... hriatchhuah leh tur tamtak pawh ala awm ang chuvang chuan a rukin ka chhui zel tur ani.
Room kawngka chu ka hawng nghal thuai a mahse Lola alo la awm lo , jacket couch a theh thal tawp pahin no ah whiskey ka thli chhuak nghala ka tlak nghal pawp bawk. No thum vel ka tlak hnu chuan lu dawm pahin ka han maimichhing vang vang a,rilru fim ka pu hram hram tur ani tiin ka inhrilh mawlh mawlh na in insum a har takzet.
Couch lian leh dup zet ah chuan ka thu hnak a ,bawp khawkherh pahin no ka dawm ran bawk, inngaihtuah vung vung pahin ka lem leh khalh thin a eng thil chiah nge Lola chungah ka tih dawn ka hre lo mahse ka tawrh ang chiah hi a tuar ve tur ani.
.
Reilo te ah Lola pawh eitur kengin room ah a rawn lut a, light a dim em avangin min hmu lawk lo.Khawi kual zak zak pahin khumah mut a han tum a
" Khawiah nge i kal?" ka tih chuan a phu deuh zawk a,hlauthawn hmel takin min rawn melh nghal kawk bawk.
"ughh.... ki... kitchen ah... ka ril a tam lutuk a" tim na nei hauh lo a dawt min hrilh avang chuan ka insum zo ta lo, ka no ken lai chu ka hmet keh nghal chuai a.
" Kai.... engthil nge maw i tih le? " tih pahin a rawn tlan phei nghal vata, ka kut chu a en nghal vat bawk.
"Lalpa leh!!... a thi ania" Min ngaihtuah niawm taka lem a chan lai vel te chu ngun takin ka thlir renga ,best actress award dawng tlak ani.
"lo che suh.... " tih pahin first kit box a la nghal vata, dim takin ka kut a thisen kai chu a hrufai nghal sawk sawk a.
.
"ngatinge hetiang hian i tih a.... rei tak chhung i kut i hmang thei lo mai tur ania" tih mawlh mawlh pahin damdawi a hnawih a, a tuam nghal vek bawk.Min ngaihtuah hmel taka a tawng vel lai chuan ka ngawi renga lem a chang thiam lutuk chu en pawh ka en peih lo, a hmel ka hmuh ringawt pawh hian ka thin a ti rim mahse engmah sawi ka tum hauh lo, a awm awm hian awm teh se.
"hawh mu ila " za lo zet hian ka nui lui suk a,
"ngatinge i lo thawh a?"ka chhan loh avang chuan a han ti leh a
" ka tho thei lo tihna em ni?"
" aih... ugh... ni chuang lo e, zan reiah zu i in bawk sia"
"va mu tawh rawh"
" ngatinge i rawn mu ve dawn lo mi?"ka chhang peih tawh lo, ka tho thut a study room ah ka luhsan daih a kawngka ka kalh nghal tlat bawk.
.
_________________________________________
.
*OFFICE*
.
"Mr.Burton....engvangin nge min koh , ka flight dar1 ah ania... ka hman rei dawn lo ania" Mr. Franklin chuan inti engemaw tak hian a han ti kual vela.Ka chhan loh avang chuan ka ep chiah a couch ah chuan a thu ve nghal mai bawka.
"Engkim i thil hriat zawng zawng min hrilh vek rawh "
"Engchu maw!! "a han hrelo der kual vel avang chuan min ti thinrim zual dawn tlat.
"ka sawi chu i hriat kha... "
" oh!! kha kha maw! ...." min tih el deuh hian a han nui kual vela. "Ka dik ani tih i hre tawh bawka.... engthil nge tih i tum? "
" ka hrelo.... "
"i nupui hian a bum let der che ni.....hmeichhe tawp leh tenawm tak ani " ka insum zo ta lo, ka tho thut a dawhkana pangpar khawi lai leh megazine ho chu ka vai thla nghal chuai a, min hlauh hmel kher mai.
.
A kawr nghawnga tham pawp pahin hnai takah chiang takin ka melh kalh bawk.
" ka nupui chungchang hi khatiang khan i sawi leh anih chuan..... " tih pahin ka nam sawn nghal dawrh a
" ka that ang che " ka ti zui sap bawk. Min hlauh hmel takin a insiam tha nghal sawk sawk a, hepa hi chu ka hrechiang ka tello chuan a company a tla chhe dawn tih a hriat avangin ka lakah hi chuan a thinrim ngam lo hrim hrim.
" a... anih chuan engtin nge tih i tum.... i then dawn nge? "
" chu chu i hriat ve kher angai lo ang.... i tih tur zawng chu i thil hriat zawng zawng min hrilh vek hi ani "
" awle.... awle.... mahse thil pakhat min tih sak angai ang " ka han thu tha deuh a.
"i company nen kan inzawmna hi i chhu chat tur ani lo "
" chu chu i hna thawh that danah a in nghat ang "
"i hriat angin i nupui hi ka haw hran lo mahse bum a i awm reng tur erawh ka en liam thei hauh lo" ka laka mark tih that tum han a han ti leh te te a.
"Mr. Franklin.... hun i ngah lo ani lawm ni.... " inkuangkuah pahin sana ka bih zeuh a, dar1 rik nan minute tam a awm tawh lo.
" I nupui ka hmuh tirh khan Mighty ani tih ka hre nghal mahse i duh in i âtchilh
lo chauh si a chuvang chuan bum a i awm reng loh nan prove ka tum ta ani.... Mighty.... oh!! " tih pahin min rawn en zuk a.
" Lola chu ka enthla tan ta a, ka hmuh chhuah tak chu a chhuah apiangin Nick nen an inhmu thin ani, thil an ei dun a mahse mak deuh chu a rawn thlah haw ngai lo i man chhuah an hlauh vang pawh ani mahna.... ka sawi tawh ka mi lepchiah tak ani"
.
"sawi zel rawh.... "
"Lola leh Nick hi thenhran theih an ni lo, hman a an in hmangaih sng khan tunah pawh an la in hmangaih reng ani chuvang chuan i nupui hi then la Nick pe mai rawh "
" Mr. Franklin tu lamah nge i tan.... Nick nge kei"
" hahaha.... Nick te chu ka fapa ang chiah alawm thil dang engmah a awmlo "
"I ka kha veng fimkhur ang che.... ka nupui min then turin vawikhat mah thu min rawn tawh lo ang che "
" haha.... Mr. Burton... i lamah tang lo ila..."
" chuan... " a sawi zawh hma chuan ka lo pawt chat vata.
" ka nupui chungchang hi a chhe lam zawnga i sawi leh emaw a hmingchhia anih chuan i tawrh tur chu rapthlak tak ani ang "
" i nupui i haw hle si a engvangin nge i la tan cheu a "
"i kal thei tawh ang"tih sap pahin ka tho thut a room ka chhuahsan nghala.
.
Ni e, Lola hi ka haw takzet tih nat pawh ka duh ka tawrh ang chiah hi tuar ve se ka ti, inphatsan leh inbum hi engtiang chiaha na nge a nih tih hre ve se ka duh tak meuh mai mahse a chanchin a chhe zawnga an sawi emaw a chungchang ka duh loh dana an sawi ka phal lo chuan ka phal ngai bawk hek lo ang.Min hmangaih ve lo mahse ka nunna tluk zetin ka ngaipawimawh a, ka thaw leh ka thinphu ang hialin ka hre thin ,chuti khawpa ka mi ngaih pawimawh in min bum ta mai hi eng tiang chiaha tawrh harsa nge a nih tih hi tumah in an hre thiam kher lo ang.Engpawh thleng dawn se ka hua emaw, tih na ka duh emaw pawh nise ka hmangaihna a reh chuang lo a, a zual zel bawk ang chumi avang erawh chuan ka rilru ka thlak dawn chuang reng reng lo.
A chhiar ho chuan click kha ti vek ang u aw...
Show post links
Top
Ngaia
Site Admin
Quote
Unread post December 3rd, 2017, 2:23 pm
Chapter-46
.
Kei meuh meeting pawh awm lem chuang lo a engmah ti lo a ka lo inngaihtuah chunga ka lo ding vung vung lai chuan Alfred ka bulah a rawn ding a ka awm ngaiin ka awm reng tho.
"Boss.....naktuk hi court a i inlan hun kha ani leh tawh a chuvang chuan.... " a sawi zawh hma in tawng chhunzawm tawh lo turin ka ti tih hriattir nan ka kut ka han phara.
"ka tihpalh " tih pahin inthlahrun hmel takin kal leh nghal mai a han tum a.
" Alfred.... "
" Enge ni Boss....? " a ding dan ngai chuan a han ding leh a
" Phatsan i ni ve tawh em?"a ngawih reng avang chuan ka nui suk a.Thawk chhuah hak pahin kekawr ipte ka han zen te te phawt a
"Engmi pawh nise... an sual emaw an fel emaw keichuan ka phatsan ve ngai lo " ka thusawi avang chuan alo bu nghat a,bum leh phatsan nih hi ngaiah ka nei thei dawn lo niin a lang.
.
" anih chuan engtin nge i tih dawn?"Alfred hian engkim a hre ve veka chuvang chuan a bulah hi chuan thup emaw khuh mawi emaw ka tum lem lo
" ka hrelo.... mahse he thil hi tuma hriat erawh ka duh lo "
"i awm dan atang kha chuan tawrh tir ve ngei i tum in ka hria... "
"a dik alawm,a phu tawk hremna enge maw tal chu a hmu ve dawn lawm ni?"
"a tawrh chu i duh takzet maw? " min rawn zawt nawn leh ngat a mahse ka chhang lo
"Pa pakhat in lunghlu... lung emaw ti a a paihbo thawnthu kha i lo hre tawh em? " Alfred an thutak zeta a rawn tih chuan ka nui chhuak hak a.
"kan thil hmuh leh kan thil hriat te hi an nih na tak alo ni lo maithei chuvang chuan han belchiang hmasa phawt ila lungte emaw ti a kan vawm bo loh nan "
" Engthil nge maw sawi i tum le?" a sawi awmzia chiang takin ka hria mahse a thusawi hi ka pawm ve lo.
.
"ka sawi duh chu hremna i pek hma in inngaihtuah nawn phawt leh la ka duh "
" maw!! "
"khawngaih in.....in ngaihtuah nawn leh rawh "
"aih..." ka ti vin nghal hluk a "Alfred....lunghlu chu lung emaw pawh lo ti mah ila lunghlu tha mi a nih chuan si loh chuan a kawltu tan awmzia a awm dawn chuang em ni?.. anih loh vek pawhin lunghlu emaw kan tih kha lunghlu anga lang ,lunghlu pianzia ang nei darthlalang hlutna anei lo alo ni reng thei bawk" tih pahin ka kal nghal daih a, Alfred lehzel pawh Lola lamah a tang tawh ania, hreptak chuan mi zawng zawng in min phatsan in keimah chauh in tang mah ila ka zam dawn chuang reng reng lo.
.
Car a luh pahin Lola ka call nghal vata vawin chu ka eng tih mah a tui thei lo,he office ninawm zet lak atanga hla thei ang berah kal ka duh!!... eng nge ka chungah thleng ta hi le? Ka office, keima office ngei ngei pawh ka ning tawh ania.
" Hello... " Lola chuan a rawn ti sap a, a aw atang chuan a chau hmel kher mai.
"zanin chu dinner ei chhuak ang.... "a ngawi vung vung a, min chhan vat loh avang chuan ka thinrim lehnghal ringawt tawh.
"Kai... ih... vaw... vawin chu ka nuam lo lutuk a i rawn haw hma thei zawk lo em ni?"ka ngawi renga sawi mai tur pawh ka hrelo, a aw atangin a nuamlo tih ka hrenghal, a ruk tak chuan ka rilru a hah kher mai nilo... nilo... ka nem nghal ringawt tur ani lo.
" Bellanger ah.... dar6 ah rawn tlai suh ang che"
" Kai... ka.... " a sawi zawh hma hma in phone ka dah nghal daih a, khik suk pahin pub(zu dawr) lam panin ka tlan chhuak nghal a.
.
Ni danga ka kalna thin Wyld bar ah chuan ka kal leh ta nge nge a, a hmun hi a nuam in ka ngainat zawng tak ani, light dim ruih hnuaiah music cool tak an play avang leh ri luih luih a awm loh avang ringawt pawh hian ka pan phah thin.Ngawi rengin chair ah ka thu a, bartender pakhat a rawn lang nghal vat bawk,
" Hi!! .....i rawn lang khat ta hle mai" min rawn nuih sang a,bartender hmeichhia ka hmuh tawh ah chuan ala hmeltha ber awm e,Lola ang rual vel lek ani a helai hmun ka kal apiangin ani nen hian kan inkawm deuh chawt thin mahse tun thlengin a hming pawh ka la hre lo,ka ngaihsak loh vang pawh ani mahna.Nidanga ka in ziah thin Gin and Tonic chu lam ngai lo in a rawn chhawp sak nghal vata ka nuih aza ngei mai.
.
" Vawin chu beer ka duh zawk"no nawr tawlh deuh pah chuan ka han ti a, mak tih hmel takin min rawn en nghal kawk bawk. Ni e, mak ti awm reng pawh ani a chhanchu beer ka in ngai tlat lo Lola in min tih hmuh avanga in mai mai chauh ka ni.
"awle.... " tih pahin beer a rawn chhawp leh nghala.
"umm.... Mr. Burton a chhan ka zawt thei che ngem?"
"a tui vang pawh ani mahna "
"ka ring chiah lo.... "
"chhan a awm kher angai em ni?"ka tih chuan a lungawi loh hmel kher mai.
"awle....anih chuan kan inhmu leh thei chu a lawmawm e" buk nghat pahin ka han lem zeuh a
"i zungbun chu a nalh hle mai "tih pah chuan kan inneih zungbun chu a rawn melh ralh a. "i hmangaih hle ang tiraw?"a tih chhunzawm zat bawk.
.
Engvanga hetiang zawhna min zawt reng nge maw anih le?
"aw.... ka thinlung zawng zawng in"
"mahse i va hlim hmel si lo ve"
"chuti maw? "
"umm.... i hmel ah a hriat vek alawm, nun a ni miau alawm tiraw? "
"thil pakhat.....engvangin nge hetiang zawhna atthlak tak tak hi min zawh renga " ka tih chuan a nuih a za ngei mai.
"i hrethiam miah lo nge i hrethiam lo der zawk"
"engchu maw?"
"theihnghilh rawh.....zirtawp hi ka birthday ania... pawi i tih loh chuan rawn kal ve turin ka sawm thei che ngem? "
"umm..... ka hman ka van ring lo "
" ok.... i tih dan dan le"
.
Thil ho te te sawi in kan han nui dun leh hak thin a mahse a hnathawk lai a khaihlak phah chuang lo.Chutia rei tak kan titi hnu chuan sana ka zuk bih zeuh a dar7 a pel dawn tawh tih ka hmuh chuan ka phone ka en nghal vata ,Lola miscall a lo awm nual avang chuan ka khi suk a ka ak leh nghal daih bawk. Diktak chuan kal ka tum reng reng lo, ka tum ber chu Lola in min lo nghak se ,hrehawm ti takin awm se tih hi ani.Lola in min rawn call reng bawk si
ka awm a nawm theih ngang loh avangin darkar khat leh tlem ka awm belh leh hnu chuan ka ding thut a
"Ngatinge? "mak tih hmel takin min rawn en ha a
" ka... ka kal angai"
" maw!!" chhang lo in ka in man ka pe sawk sawk a, ka chhuak tur chu thil tla keh chuai ka hriat avangin ka hawi let leh hrama.
.
Kha nu kha bartender lek kha lo niin, a lan dan chuan no a ti tla keh anga a kut a ti kak niin a lang mahse engvanga hna thawk ho saw thil liantham tak thleng niawm fahran a tlan khawm nghal tup tup nge maw an nih le?
"a na viau em ni?"tih pahin waiter pakhat chu ka lo pawt ding vata.
"ka hrelo ....mahse inhliam saw Celine alawm" Celine pawh chu lo nise engvanga sawtia buai hut hut nge maw an nih kher le?
" thil liamtham anih loh saw.... "
"ni e.... midang tan chuan a liantham hleinem mahse Celine blood type hi AB, Rh negative ani a chuvang chuan atan chuan inhliam hi a hlauhawm lutuk.... min lo hrethiam lawk" tih pahin a tlan nghal hlawk hlawk a, ka rilru a thil lo lang hmasa ber chu Lola nen an blood type a inang chiah tih hi ani.He a blood group avang hian nau a pai bawk nen special treatment a lak phah reng bawk ani.
.
Chak zetin Bellanger restaurant lam panin ka tlan nghal vata, ka rilru ah engdang mah a lang thei tawh lo sana ka en chhen a, A haw tawh angem? nge min lo la nghak reng zawk? Engvanga ngaihtuah leh em em si nge maw ka nih le, a tawrh hi ka duh ber ani sia.
Bellanger ka thlen chuan hmanhmawh zetin ka chhuk thla nghal vat bawk, ka rin ang ngeiin Lola in min lo la nghal mahse amah chauh in ani lo, Nick a tel ve tlat!! Lola kut ah vuan in a kaithawh lai tak chu ka va hmu fuh a
Ka sa nghal zak!... Sawpa phiangsen chu...
" Thlah rawh.... " tih vin hluk pahin Nick kawr ban chu ka zuk tham a
" Kai.... "Lola chuan mak tih hmel takin a rawn ti sap a.
"ka kaitho ve thei i kal theih tawh ang " tih vin hluk pahin Nick chu ka melh kher a, zawi muangin Lola chu a thlah nghala.
.
" umm....ka kal mai ang mangtha le? "
" mahse.... "
"inenkawl tha rawh aw... " Lola nuih suk pah chuan a kal nghal nal nal a.
" Nick an enge hetah a rawn tih? "
" Kai.... Nick chungah khan lawmthu sawi zawk tur ka ni asin"
" maw!! " ka thinrim lutuk hi ka insum zo lo tep.
"ka phone i la thei bawk si lova.... ka mangangin Nick ka call ta ringawt anih kha.... a duty lai ani lehnghal min ngaihtuah a a rawn kal hram hram anih kha "
" anih chuan Nick chu engvangin nge i in hruai haw tir mai loh" ka tawngkam avang chuan phawk fe hian min rawn melh nghal kawk a.
"Ngatinge hetiang hian i awm a? "
" haw ang.... " tih pahin a ban ah ka kai a, ka kalpui nghal dawr dawr a.
" ka kawng a na ania.... ka kal tha thei lo " ka thinrim luatah a thusawi hre lo ang mai chuan ka kalpui nghal dawr dawr a, engmah ka ngaihtuah kim thei tawh lo. Car kawngka chu ka hawn sak vata ,a thu fel hma in kawngka ka khar nghal thuai a driver seat ah thu in chak zetin ka khalh chhuak nghala.
" Kai.... i khalh muang deuh thei em?"hma lam melh ngur ngur pah chuan ka speed ngai reng chuan ka khalh reng tho. Lola in min bum, Lola in min bum tih chu ka bengah a ri nawn tluk tuk a thil dang engmah a leng tawh lo.
" ka lu a hai ania.... khalh muang deuh rawh "
"Nick bula i awm kha chuan i dam hle kha"
" Kai.... " a ti vin nghal tuarh a chu chuan min ti thinrim zual kher mai.
.
In kan thlen rual rual in kawngka a hawng vata ngawi rengin a chhuak nghal hmak bawk. Staircase ah lawn chho in muang changin vawnban vuan chungin a chho chhat chhat a, a kal that theih loh avang chuan a kut ah vuan in a darah ka han dawm vata.
" Min khawih suh" tih pahin ka kut chu alo thing thla nghal nawk a
" i kal that theih loh kha... "
" ka awm a nuam lo ka tih pawhin min ko chhuak lui tho ani lawm ni "
"maw!! i duh chuan i rawn kal lo thei reng alawm.... ka ti lui reng reng lo che"
" Engmaw i sawi kha....? "
"theihnghilh rawh... khawi ka lo pui ang che "
" ka mamawh lo " tih pahin a kal chho nghal hnak hnak a, a sawi ang khan a kal tha thei lo tak tak anih dawn khi ,ka inthiam lo leh hnuhnawh a.
Show post links
Top
Ngaia
Site Admin
Quote
Unread post December 3rd, 2017, 2:24 pm
Chapter-47
www.storyfb.com mizo story thar englai pawhin chhiar tur a awm reng
Room ka luh chuan alo mu dawn chiah a, han sawi mai tur pawh ka hrelo. A mitmeng atang ringawt pawhin a thinrim hle tih ka hria.Ngawi rengin ka coat chu phelh in couch ah ka dah a, study room ah luh lehnghal mai ka tum a
" ngatinge zanin khan ilo kal loh" ka lehhawi nghal vata, ka tawng hun nghakin min lo melh kar bawk.
"ka chau.... zanin pawh study room ah ka riak leh dawn a nia"
" Ngatinge hetiang hian i awm tlat a...." a rawn thu chhuaka, a mit a sen ram bawk.
"thil ho te te ah i thin ka ti rim a,dinner, breakfast kan ei dun lohna chin pawh ka hre tawh lo.... zan rei tak tak ah i rawn haw a, hnathawh chhuanlam in i study room ah i riak daih thin bawk.... i awm dan hi ka hrethiam lo takzet "
.
" inhnial buai ka peih lo "
" maw!!.....i lungawi lohna chhan ka hriat loh in engtin nge niang...tha deuh in kan sawi dun maithei lo em ni?" sawidun a!! engvanga hrelo der vel nge maw a nih le?
" lemchan thiam tak i ni "
"Kai... " mak tih hmel takin a rawn ti sap a.
" duhtawk rawh....engmah ka ngaithla peih lo "
"anih chuan hetianga i awm nachhan hi min hrilh rawh...."
"Hetianga ka awm nachhan hi i hre duh maw? " tih pahin a hma ah tak ka ding siah a " Nick i zawt thei ang.... hahh... enge maw ka hriat le, zawh kher ngai lovin i hre daih zawk ang chu"
"Nick vangin hetiang hian i awm amaw? " ngeiawm zet hian min rawn nuih suk a.
.
" awle a tha e.....Nick hi kan buaina tur ani lo... nangmah zawk hi anih hi buaina zawk chu "
" maw!! "
"i hria em zanin khan hun rei tak chhung ka nghak che asin,tlai hle mah la i rawn kal ringin beidawng lo in ka la nghak tang tang che.... ka rawn call che a i pick thei bawk si lo, kha hmun vawt lutuk ah khan ka tan thut reng a harsat zia pawh i hrethiam ve tawp nang....."
"Chu i tan chuan ka tling lo hle mai maw... chuan Nick i ko ta a.... hahaha" kut ben pahin za lo zetin tih el deuh hian ka han nui vela
" wow.... thawnthu ropui tak ani,Romeo and Juliet te pawh in ang alawm chuan kei hi Juliet pa inneih dang tu kha haha.... anih chuan ka dang lo ang che u pasal ah i nei nghal law law dawn em ni? "
" Kai.... i tawng fimkhur rawh " a rawn ti nghal tuarh a, a mittui a tling pam bawk henu hi hmeichhe paukhauh tak zawng anih hi,hmeichhe dang chu nise an tap pur tawh ang .
.
"I ngaih ang kha ani lo... Nick nen kan inkar ah engmah a awmlo... "
" Chu chu ka lo rin dan thin chiah alawm.... mahse tunah chuan min bum thei tawh lo ang.... " Ni e....Mighty anih avang khan ka thin a rim tawh reng reng lo, Nick nen an in ngaizawng thin tih pawh ka hria mahse Lola in kei chauh min hmangaih ni a ka hriat avangin ka ngaihdam a, a nunhlui te ka theihnghilh sak vek tawh bawk mahse ka thin ti rim em em tu chu an lo la inhmangaih reng tih ka hrechhuak leh si hi ani. Khami zan Nick nen an inhmuh ruk zan atang khan an la intheihnghilh lo hle tih ka hria kei chauh min hmangaih emaw ka tih lai khan Nick alo hmangaih renga ,min bum a min phatsan bawka chu chuan ka thin a ti rim a ka rilru a ti na takzet bawk. A chang chuan keimah zawk hi ka indem thin, engvanga min hmangaih ve ni a lo inring ve reng reng nge maw ka nih? Engvangin nge ring hlel lo in an nunhlui te theihnghilh sak in awlsam takin ka lo ngaihdam? engkim hi keima thiam loh vek ani, lo hmangaih lo tawp tur ka ni asin.
.
Chair a thut pah chuan ka inngaihtuah nasa hle a, tuna ka thil tih hi a dik chu ka ti lo mahse Lola rilru ka tih nat phawt chuan a tha ani mai.Reife ka thut hnu chuan thil pakhat ka hre chhuak zawk mai.Kan inhau buai bawk nen Nick bulah a kal leh angem?
"nilo....engthil nge maw ka ngaihtuah le?"tih pahin ka tho thut a, kawngka ka hawng tur chu ka hreh deuh bawk nen ka ding nghal chat a.
" Engvangin nge ka en kher anga an duh leh in hmu se nimai lawm " tih bul bul pahin ka thutna ngaiah bawk chuan ka han thu leh a.Thil dang ngaihtuah tum mah ila ka awm a nuam thei ngang.... Nick bulah lo kal ta tak tak ta se ,chuan kei hi min then duh ta bawk si se engtin nge ka tih tak ang?
Ka insum thei tawh lo, ka tho zawt a kawngka chu ka hawng nghal thuai a.
.
Ka rin ang ngei in alo mu tawh lo ,Nick bulah a kal ani ngei ang, ka hmai zah vang tal pawhin a insum thei thlawt lo em ni?
" Hreptak chuan " tih vin hluk pahin balcony lam ka hawi phei a, Lola ka hmu chiah mai chu ka lawm teh e. Thil ngaihtuah niawm takin vanlam a hawi chho vang vang a,a awmdan chu ka en renga va kal a kuah thlawp paha hnem mai te ka duh mahse ka theilo ....Kai ngaihtuah tawh suh,bum in i awm tawh tur ani lo tiin ka inhrilh hram hram bawk,mahse hetianga a awm hian ka nem nghal vek zel.
Lola chuan sana en pahin a mittui a hru zeuh a ,inchhungah a rawn lut lehnghal mai bawk. Khum bulah chuan ipte zen chung hian ka lo ding tau a kalsawn mai pawh ka tum bik lo.A hmel chu chiang takin ka lo en a, a mit a bui in a sen ram bawk, rinhlelh rual loh in a tap tih ka hria chu chuan ka rilru a ti na hle.Lola a tap tih ka hriat chuan ka thinlung chu tham nawk nawk ang maiin a na a,mahse ka rilru erawh sawh sawn ka tum hauh lo.
.
" Mangtha le " en pawh min en lo in khumah a mu nghal daih a,lehlam a hawi nghal hmak bawk. Engmah ti lem lo chuan ka din na ngai ah chuan ka ding renga ,mi â te pawh ka ang zawk.Rei fe ka ding hnu chuan a mu tawh nge mu lo tiin ka zuk melh zeuh a, a maimichhing tlat avang chuan a muhil tawh ni turah ka ngai. Ka rilru te te chuan pawisawi loh hmel deuhin a awm a mahse a chhungril erawh hremhmun ang maia rapthlak a ni si,mahse ka mit ah erawh chuan Angel ang mai a nunnem leh duhawm ani thung.... aw, hmangaihna hi chuan mit alo va tidel nasa thin tak em. Ka hmangaih em em chu ka huat angai a, a lak atanga ka talchhuah theih nan mahse ka tan chuan thil har tawpkhawk ani. Engpawh sawi se Nick ka hre chhuak zela Nick nen an inkuah lai te kha ka mitthla ah a lang tlat bawk chu chuan ka thin a ti rim zual leh thin.
.
Study room a luh pahin Linda ka call nghala tunah chuan Alfred pawh ka ring zo tawh lo ,zep ruk a neih ka ring tlat anih chu
"Linda....ti tura ka tih che kha thu thar a awm leh tawh em?"
"chiang faka sawi tur chuan hun tlem ka la mamawh deuh ang mahse...."
" sawi rawh"
" i nupui hi damdawiin ah bak hmun dangah a kal ngai lo" ka thaw huai mai Nick nen an lengkual vel loh avangin
" nilenga a thil tih thin te leh a mi hmuh zawng zawng te pawh hriat vek ka duh.... "
"awle Boss...."
"nilenga damdawiin a a kal ziah chuan enge a tih thin i lo en bawk dawn nia" hetia ka tih chhan chu ,monday leh saturday chiah hi a inchekup hun ani a, engvanga a chhuah apianga kal nge maw anih le?
"keichuan ngaihthat lohna chhan tur a awmlo in ka hre lo....damlo pakhat a tlawh mai thin chauh ani"a tih takah chuan ka beng a verh nghal zar mai.
" awle.... ami hmuh thin chu tunge anih ilo zawng chhuak dawn nia" tih pahin phone ka dah nghala.
_________________________________________.
.
Lola's POV
.
Tunlai chu Kai nen thil ho te te ah kan inhau renga, ka thil tih apiang min khak hman zel bawk.Mr. Franklin an dinner a rawn ei atangin thla khat chu a liam dawn der mahse tun kar hnih chhung lek atang khan Kai a inthlak danglam nasa in tun hma a ka hriat thin Kai kha a rawn let leh tawh ni ang hial in ka hre thin.Inah a awm tlem em em a,zingah hma takah office a kal a, zan ah nise zan rei takah rawn haw in zu rim a nam ziah lehnghal hetianga a awm chhan hi ka hrelo takzet mahse a zia a rawn lang tan ni ah ka ngai chuti chung chuan ka hmangaih dan ala pangngai reng tho.
Ka thusawi apiang ngai kawi in inhnialna tur a zawng renga, a chang chuan hrehawm ka ti lutuk hi a ruk a tah chang ka ngah mai mahse Kai bulah erawh pangngai takin ka awm a hlim hmel ka pu sang reng thung.
.
Fa ka neih hun tur an sawi ni chu kar hnih chiahin a dang ta!! fa ka nei hnai telh telh a insawiselna ka nghah tan riau in ka hria,zana pawh ka mu mang meuh lo mahse Kai lakah erawh ka zep tlat thung a chhanchu a thinrim ka hlauh vang ani :.Ka sawi tawh angin ka blood type avang hian midang zawng aiin inenkawl that ka ngai a, treatment pawh ka la nasa hle mahse tunlai chu ka rilru a hah thin bawk nen dam that var lai ka nei ta meuh lo.
.
Mrs Burton leh Aiden te an haw hnu chuan ka han thu hahchawl leh rih a, thui vak lo pawh kal mah ila ka hah em em zel.
" Lin...... khawiah nge i kal dawn? " Lin chuan bag a khai hnak hnak avang chuan ka lo zawt vata.
" ka nu a damlo nasa lutuk a China ah ka let angai a"
" maw!! i nu chu engtin nge a awm? "
"tunah hian damdawiin ah nikhaw hrelo in a awm meka thla khat chhung Boss in chawlh min pe hlauh bawka... i chungah ka lawm takzet" Engvanga lawmthu min hrilh ringawt nge maw anih le.
" awle....chuan pawi ka ti takzet i nu chu " a dinhmun ah hian ka ding ve mek a a hrilh hai thlak tur zia chu ka hriatthiam pui.
"fa i neih hma in ka rawn let leh hman ngei ka beisei.... "
" ni e... i nu chu dam vat vat sela rawn let leh vat rawh " engvanga tha teh hluak nge maw ka nih le? nilo.... chutiang em em a sual ka ni hleinem, mi rilru hah lai lai a lo vin ve vak vak chu an rilru hahna ka ti zual mai mai zawk.
" ka lawm e.... ka kal tawh mai ang "
" awle.... " tih pahin driver nen an inzui chhuak nghala.
.
Ham bai bai pahin sana ka en zeuh a.
" tun ah hian enge a tih ve ang le? " tih sap pahin dawhkana chanchinbu chu ka la nghal a,hmu chak hle mah ila tun hma angin ka duh duh hunah ka chhuak thei lo a,chuta chapah Kai an min lawm vak lo bawk nen ka tan chuan hetia awm tawp a a thinrim reh hun lo nghah tawp mai loh chu tih theih dang ka nei lo.
" Lola.... eitur i duh em? " Rita chuan a rawn ti a.
" tui ka lo in ang"
" awle...." ka nui suk a, chungril ah erawh khawvela mi lungngai ber ka ni hial ang. Thawk chhuah halh pahin megazine chu ka zuk phek melh zeuh a mahse ka enchiang nawn leh rang kher mai, ka meng phawk nghal kawk bawk.
.
" Henu hi tunge?"chanchinbu kawm ah chuan Kai leh hmeichhe pakhat hi an lo chuang vâ anih chu!!! Engtin nge hetiang thil hi a thlen theih.Thlalak chu a blur deuh avang leh Kai an a hliah deuh avangin a hmeichhe hmel erawh a lang chiang thei lo thung.
Hmanhmawh lutuk hriat chian tum in an chanchin vel chu ka chhiar thla nghal zung zung a, a inziah dan chuan vawikhat mai pawh nilo vawi thum lai mipui hma ah an inzui chhuah tawh thu leh, kan inthen dawn thu pawh an ziak tel bawk!!! Ka thu hriat hian min thawng takzet a ,hei vang hi em ni Kai mizia a danglam vek nachhan, a hma angin min ngaihsak tawh lo a, a rawn haw hma ngai tawh hek lo.... nilo.... henu nu nen hian an lo awm dun thin vang ani maw ka chungah thinrimna tur a zawn reng nachhan min then theih na turin..... ka thinlung hi tham nawk nawk ang maiin a na takzet,ka awm chu ka han dawm vang vang a tah hawm hawm mai ka duh.
.
" Kha.... Lola tui " Rita chu ka melh nghal kawk a.
" Heihi i hre tawh tiraw? " ka tih chuan a kun nghal lap a,
" i hria tiraw? " chanchinbu chu ka hmuh nawn leh ngata.
" aw.... Lola min ngaidam rawh i hmuh chuan i rilru a na dawn lutuk a chuvang chuan i hmuh loh nan chanchinbu ka dahtha alawm"
"anih chuan ka hre hnuhnung ber ani maw!" ka nui ri hak a, mi ten hnung lam atangin min nuih tet tet anga kei lah engmah hre lo in ka thiam loh a ngai in ka lo in thlahrung em em a.
"henu hi a hmel chiang taka hmuh tur a awm lo.... tunlai ah media ho in an khel ber ani alawm.....media ho chuan an duh duh an sawi thei alawm, pawisawi lo pawh tual that tu ah an puh thei ang chu "
.
" Rita.... khawngaih in room ah min hruai chho rawh "
" aw... awle.... Lola min ngaidam hram rawh pawi ka ti lutuk "
" engmah ngaihthlak ka duh tawh lo " Rita chuan room ah min chhoh pui nghala, a chhuak chiah tih in ka phone ka la nghal vata,Kai ka call nghal bawk. Vawitam tak ka call hnu pawh a a lak theih loh avang chuan Lily ka call ta ringawt a
"Hello... "
" Lola ka nia... ka pasal ka be thei angem? "
" umm.... Boss chu office ah a awm lo a"
" anih chu" ka ti sap a, meeting an nei pawh ani mahna.
" meeting an neih zawh ah ka be duh tih lo hrilh rawh aw"
" min lo hrethiam la.... Boss chuan meeting a nei lo, engmah sawi lo in a chhuak a, a rawn let hun ah ka rawn hrilh vat dawn che nia "
" awle.... " phone khuma theh pahin ka in ngaihtuah nghal vung vung a.
.
Thil hrechhuak niawm takin ka phone chu ka la leh thut a, thuthang vel hriat chian tum chuan news chu ka han en kual thuak thuak a, ka awih thei lo engtin nge hetiang thil liantham lutuk hi ka hriat loh theih zawk? mi te khel ber alo ni a,mi khawngaihthlak tak ang hialin min chhuah bawk. He thu hi dawt pawh ani thei ka awih mai mai tir anilo tiin ka inhrilh char char a mahse ka rilru ti na em em tu chu kan inthen dawn ti a chanchin an thehdarh hi ani. Hei vang hi ani mahna Mrs. Burton in a khat tawka min hnem reng nachhan tunah ka hrethiam chiah e.
" heihi thuthang mai mai ani.... Kai kâ ngei atanga ka hria te anih loh chuan ka awih tur ani lo " ka la ti fan tho. Chuvang chuan engmah hrechiang lo in ka mittui ka seng mai mai tur ani lo, Kai an min hmangaih a engtik ah mah kan inthen dawn lo.
.
Nilengin rilru nuam lo takin ka awm a,tah hawm hawm chak mah ila tah erawh ka tum hauh lo. Darthlalang ah inen in ka inhum ruh sauh sauh a ka mittui erawh a tling pam thung.
" Lola....thil diklo ani, thuthang mai mai ani " ka inhnem tang tang a, mahse insum reng hi a harsa takzet. Thuthang dinglo ani tiin inhrilh reng mah ila tunlaia Kai awmdan nen ngaihtuah in mipangngai tan chuan rinhlelh loh rual ani lo, engpawh chu nise Kai lo haw phawt se engkim a chiang mai ang.
.
A lo haw hun nghakin balcony ah ka dak chhuak vauh vauh a,a tawp a tawp ah car headlight eng va va ka hmu ta!! ka theih ang tawka chak in inhnuai lamah ka chhuk thla nghal hlawk hlawk a,ka rilru ah zawhna a tam ngang mai khawi ber hi nge ka zawh hmasak ber tur pawh ka hrelo.
" Kai.... " ani pawh inchhung ah a rawn lut ve chiah bawka, mahse amah chauhin ani lo.... ka ding nghal zawt a phawk takin ka en nghal kawk bawk, ka rilru a zawhna rawn awm hmasa ber chu. 'henu hi tunge? " tih hi ani.
.
Chapter-48
.
Mak ti tak chunga ka en reng lai chuan a hmeichhia zawk chuan min rawn nuih sang pahin min rawn chibai tumin a kut a rawn phar chhuak nghal vata.
" Hi!! Celine ka nia.... "ka chhang lo, chibai pawh ka tum hek lo, engvangin nge ngampa takin Kai an a rawn hruai? a awmzia chu an inkar a thuk tawh hle ani mai.
"inbia ang " tih pahin Kai chu rum zet hian ka melh kher a, ka thinrim bawk si rilru na bawk nen awm dan tur pawh ka hrelo mahse rilru na ang tak leh tlawm tak anga lan erawh ka duh hauh lo.
"Nakin ah Dinner ei zawh ah kan inbe zawk dawn nia.... "ka rin loh takin pangngai tak hian min rawn chhang ve mai a mahse, Celine a ngaihpawimawh zawk avang erawh chuan ka lawm lo hle.
.
" awle.... " tih sap pahin ka khi suk a thil dang ka sawi thei tawh lo ,theih chu nise a hmai a ben nghal thuai mai ka duh,pangngai takin awm mah ila ka mittui erawh a tling pam thung, inchung ah chhoh tum in ka inher nghal vata.
" Lola.... chaw i ei dawn lo em mi?"Celine chuan a rawn ti vata mahse ka hawi let lo,heta chaw rawn ei tur pawh a ni hek lo chuan engvanga min biak that tum em em nge maw anih le?.
"ka ei chak teh hrep love.... "mittui khap per fap pahin inchung lamah ka chho nghal hmawk hmawk a, Kai an "tikhian awmtir mai mai rawh " a tih ri pawh ka hria mahse hawi let lo in hma lam ka pan zel tho.
Room ka lut rual rual chuan kawngka ka khar nghal chawrh a, kawngka ngheng chuan dingin ka mittui a tla nghal zawi zawih a, ka insum rei tawh bawk a ka tawt up up hian ka inhria .
" Ngatinge hetiang hi ka chungah i tih? hetianga taka rilru na a min siam tur hian engthil sual nge ka tih?"zawhna tam tak nei mah ila a chhanna erawh Kai chauh in a nei thung.
.
Rei fe inhnit faih faih chunga ka thut reng hnu chuan kawngka ka kalh tlat avangin an rawn kik karh karh a mahse hawng ka tum hauh lo.
" Lola.... kawngka hawng rawh" kik lo in a chum in a rawn chum dawt dawt a
"kawngka hawng rawh "hawng duh lo mah ila a rawn chum char char tho, a beidawn duh miau si loh avang chuan ka tho thut a, ka pum dawm pah chuan ka han hawng a.
"Enge? " ka lo ti vin hluk bawk.
"Pangngai deuh hian awm ve teh...."
" maw!! i fiamthu em ni....ka pasal in hmeichhe dang a rawn hruai haw laiin pangngai deuha awm turin min ti amaw?" ngeiawm zeta ka nuih luih suk avang chuan a thaw chhuak halh a.
"ka chau ania....mut ka duh "
"Kai ngatinge hetiang hian i awm tak? hmeichhia i rawn hruai lut a, anih chuan inthen i duh tihna em ni?" ka rilru a awm awm chu ka sawi chhuak nghal phawng phawng a,a chhanchu hmeichhia then lo tura dil tlawk tlawk ang chi kha ka ni ve lo, ka hmangaih loh vang nilo in a duh dan leh a hlimna a nih phawt chuan ka then mai ang mahse a hnu a a nghawng erawh ka ngaihtuah ngam lo .
.
Inthen chungchang ka sawi takah chuan a khi nghal suk a.
" inthen chu i va chak awm ve"
" chutiang chuan min lo ngai amaw?"
" ani lo mi?" tih sam et pahin room ah a rawn lut a,a closet ah a lut nghal daih a ka zui lut nghal vat bawk.
" Kai.... hetianga i awm chhan hi ka hrethiam lo takzet engmah i sawi duh bawk si lo,i mizia i thlak veka i danglam vek bawk.... kha nu vang kha tiraw? "
" Celine anih kha.... " Khanu ka tih avang chuan a rawn ti kher anih chu!! chutah zet chuan ka tuar thei ta lo.
" awle.... a tha e" tih pahin a closet atang chuan ka chhuak nghal nal nal a, balcony couch ah chuan ka thu nghal hnak bawk.
.
Ka mittui chu a rawn tla lehnghal zung zung a, hruk hul pahin tap chhuak lo turin ka in dang hram hram a ka inhnit hlap hlap bawk.
" naute.... "ka pum khawih pahin ka nui lui suk a.
"inthen a duh tak tak tawh aniang...." tunah chuan naute ka neih loh vang chauha inthen lam sawi lo mai mai ani tawh in ka hria.Keimah chauh min hmangaih emaw ka tih laiin hmeichhe dang vangin a mizia a thlak veka,min ngaihsak duh lo a, min biak that duh loh chu sawi loh khum khata kan mut dun lohna pawh a rei leh tawh.A chau anih ringin ka tuar tang tang a mahse ka thinlung erawh a na thin hle thung,a reh leh mai ringin ka nghak zela mahse zual lam a pan zel mai bawk si. Engvanga ngaihzawng a nei tih hre reng chung pawha min la hmangaih takzet ni a hriatna ka neih tlat le? chu chuan ka thinrimna te hi a ti dai leh thin.
.
Ngawi rengin ka cigarette dahthat zuk ka tum tawh lem loh chu la chhuakin ka thinrim apiang leh inngaihtuah muk ka ngaih chang apiang a ka tih thin dan ang bawkin cigarette chu ka han pak khu hlat hlat a,a khat tawkin kan thaw chhuak leh hak thin . Kai an hmeichhe dang a rawn hruai lut tawh bawka tunah chuan chhuak rawh min tih hun chiah ka nghak tawh ....nge engmah in a sawi hma in ka chhuak zawk dawn? Engmah hi ka hrethiam tawh lo,kan inthen hun tur ka ngaihtuah ringawt pawh hian hrehawm ka ti lutuk hi ka thinlung hi vih nawk nawk ang mai hian a na.Kai hian min rinawm loh san lo tiin han inhnem dawn mah ila a mizia in thlak danglam nasat zia leh min ngaihsak tawh loh zia chu kei tluka hrechiang an awm si lo.Thil atthlak tak tak ngaihtuah chuan ka thu renga, cigarette tlawn khat chu reilote ah ka zu zo der,in la hre lo maithei cigarette tlawn khat te lek lek hi chu ka tan chuan engmah ani lo.
.
" hreptak chuan!!!" zu zo hma in ti rilru angreng deuh chuan a dang chu la in kan han tan leh a. Van lam hawi chhoh pah chuan ka han si khu leh ham ham a, ka rilru tawt lutuk hian reh lam a pan thei chuang lo anih hi.Zuk leh tuma ka kut ka khai chhoh lai tak chuan vawilehkhatah Kai an cigarette chu a rawn beng per ta lawp mai!!
"Kei chauh nilo in ka fa lehzel pawh tihnat i tum amaw?" a rawn ti nghal tuarh a, hmu mahse pawi ka tih lem loh avanga zu ka nih avangin ka hlau lem lo, ka luhlul chhuahin engah mah ngai lo niawm tak hian a dang chu tan tumin ka la chhuak leh ngata mahse tlawm a tum bik lo, cigarette bawm chu a la lawk a a paih per nghal lawp a
"i duh tawk thei tawh angem? vawi engzat nge zu tawh lo turin ka hrilh dawn che "
" hahh....nichin kha chuan kei nilo in Celine zawk i ngaihsak hle sia"
.
"engmah hi i hre lo" a tih chuan ka sa phat mai.
"ka hre lo anih si chuan min hrilh ta che....mi â ang maiin hetianga i awm chhan hi ka ngaihtuah a, awmze awm lo in i inthlak hun tur ka nghak tang tang asin min hrilh loh te chuan engtin nge ka hriat anga"
"kei nilo in nang hi ani danglam zawk chu "
" maw!! " engtinge min phuh daih theih zawk?Celine nen an awmdun theihna tur anih phawt chuan engkim a huam niin a lang,mahse an pahnih hian ka awmdun tir dawn hauh lo, eng ang pawhin inthen duh mahse ka then dawn lo hrim hrim.
"kei hi maw inthlak danglam? ka awih thei lo, min rinawmloh sana chuan kei hi min puh daih amaw?" za lo zet hian a nui chhuak hak a.
"Nanghi ani lawm ni rinawm lo hmasa zawk chu..... Mighty Gonzalez "tih pahin inchhung ah min luh san daih a.
.
Mighty hming a rawn lam takah chuan ka meng phawt nghal kawk a, ka rilru ah zawhna a rawn lang nghal zung zung bawk. Engtin nge Mighty chungchang hi a hriat? Mighty chauh nilo Nick chungchang a hre ve angem? nilo... Mighty leh Nick te chu an inzawm tlat alawm anih chuan Kai hian engkim a hre vek tawh. Lalpa leh!! ka hlauthawng lutuk chu ka thinphu pawh a rang tawh kher mai.Ka kut a khur nghal der der a ka thlan tui in min bual huh nghal vek bawk.
Thil a thlen thui hma in engkim ka hrilhfiah vek angai, hmanhmawh lutuk in Kai chu ka zui nghal vata, Room atanga a chhuak tur chu a ban ah ka man bet hman.
"i.... i ngaih ang kha ani lo"ka ti nghal tawl a, bul han tan mai dan tur pawh ka hrelo, Kai erawh in thinrim hmel takin min melh khai thung.
.
"ka.... ka sawifiah thei ang "
"Engchu maw i sawifiah anga?" sawi tan mai dan tur ka hriat loh avang chuan ka ngawi vung vung a, Nick nen kan chungchang hi sawi chhuak ta ila lo la hre lo ta se buaina nasa zawk ka thlen ngei dawn bawk si, ka rilru a buai takzet.
"Mighty chungchang kha engtin nge i hriata engzat a tam nge i hriat chu ka hrelo mahse khang ka nunhlui te kha hriat chhuah leh ka duh tawh loh avangin zep mai kha tha a ka hriat avangin engmah ka hrilh ta lo che anih kha.....Kai vawi tamtak hrilh che ka tum asin mahse kan inkar a chhiat ka hlauh avangin ka hlauthawng ani"
" i sawi zo tawh em? i lemchan hi duhtawk tawh rawh ka hne tawh lutuk"
"ka nunhlui in kan inkar a tih chhiat mek laiin engtin nge ka duhtawk theih anga,khang ka hun tawn hrehawm tak avang khan tawrh nawn leh ka duh tawh lo....khawngaih in hetiang hian awm tawh lo hram rawh ,hming chhiatna ka nei anih pawhin ka siam tha leh em em ang"
.
"chu ka hriatchhuah takah chuan pawi i ti leh hnuhnawh ani maw?" ngeiawm zet hian a rawn ti kher a.
"hre chhuak lo ila chu min bum chhunzawm zel i tum ngei ang.... huizzz van te khi ka lamah an tang pawh ani mahna....."
"nilo.... ka bum reng reng lo che"
" engmah hriat ka duh tawh lo " tih pahin kal nghal daih a tum a, ka mangang lutuk chuan "ka nunhlui in kan inkar a ti chhia anih chuan ka siam tha thei em em ang ,ni e....ka nunhlui kha a duhawm loh in i hming chhiahna tur khawp in ka khawsa ngei ang mahse tunah chuan ka danglam vek tawh khawngaihin min theihnghilh sak mai thei lo em ni? bul tan that leh ka duh hetiang hian inti buai reng lo ang a hrehawm emai "
"Chu chu ka duh loh bik i ring em ni? Lola hriatthiam tum teh Mighty i ni emaw ni lo emaw, nunhlui tha lo tak i nei emaw nei lo emaw ka pawisa lo, ka duh ber zawk chu i thinlung hi ani.... "tih pahin a chhuak daih a, kawngka a khar nghal chawrh bawk
Kai a chhuak chiah tihchuan rang lutuk in Nick ka call nghal vata a pick up thei mai lo lehnghal.
" Nick.... khawngaih in pickup vat teh " ka vei kual chhen a, ka hlauthawng bawk nen ka che buai leh vek tawh.A tawp a tawp ah vawi thum vel ka call nawn hnu chuan a pick up ve hram.
" Nick kan inhmu vat angai.... nilo, kan inhmu thei lo, Lalpa leh.... engtin nge ka tih tak ang khawngaih in min pui rawh.... Nick khawngaihin min pui rawh "
" Lola....thawk han la phawt teh "
"kan chungchang Kai an a hriat laiin engtin nge ka chiai loh theih ang "
"engtin mah i awm dawn lo.....awm hahdam phawt rawh "
" Kai an inthen duh ta se engtin nge ka tih tak ang....Nick ka rilru hi a buai vek tawh"
"chutiang chu a thleng dawn lo.... a hmangaih che alawm "
.
"tunah chuan biak pawh min be duh tawh lo....engthil nge ka tih leh ang ka hrelo takzet "
"keimah vangin i tawrh avangin ka tihpalh takzet....ngatinge maw ka tawrh tir chhunzawm zel che le?"
"nilo... i thiam loh engmah a awm lo"
" Kai chu ka lo bia ang "
" tihian awmtir ila a tha zawk in ka hria....mahse ....mahse kan inthen dawn anga hriatna ka nei chu chuan min ti hlauthawng takzet.... hetiang anih chuan engtin nge ka pa ka hmu theih tawh ang "
" umm....tunah chuan Kai chauh i ngaihtuah a ngai in ka hria ,ipa chu tha takin ka enkawl ang tih ka tiam a che "
" Engmah hi ka hrethiam tawh lo.... mahse ka chingfel theih ngei ka beisei "tih pahin phone ka dah nghal, Nick a inthiam lo tak em avang chuan hnem nan kan han ti ve leh ringawt a, mahse a ruk chuan ka hlauthawngin ngaihtuahna mumal pawh ka pu thei tawh lo.
.
Khumah thu in thil eng eng emaw ka ngaihtuah neuh neuh a, mutthilh chu sawi loh ka harh tulh tulh mai hian ka hria. Kai lah a chhuah atangin a rawn let leh tawh lo hrim hrim, Celine bulah a riak pawh ani mahna tih te in ka ngaihtuah a ka awm hle hle thei lo ka tei kual chhen a, a chang leh inhnuai ah ka chhuk a Kai hmel reng hmu tur a awm bawk si lo, khawiah nge maw a awm ang le, tun tum chu a thin ka tirim ve tak tak tawh in ka hria chuvang chuan ngaihdam dil mai te ka duh.
Kitchen table bawh deuh chuan ka lo thu ngut a, Rita zing tho pawh a rawn lut hlawl mai.
" i va tho hma ve "
" nia.... " ka lo ti chuai raih a, mahse nizan ah ka tlaivar tih erawh ka sawi duh hauh lo
Chapter-49
.
"Coffee nge thingpui? "
"Thingpui "
"ngatinge i mu tha lo em ni.... i va chauh hmel ve"
" ughh.....chutiang lam pawh ani lo "
" Lola..... i tap tiraw? " a rawn ti chhuak hlawl a, ni e... ka mit a bui veka ka tap tih te chu min en mai pawh hian a hria ang chu .
"teuh lo... " ka nui lui suk a " Engvangin nge ka tah ringawt anga" ka tih zawm zat bawk.
"i tha takzet maw?.....nge Celine vang zawk "
" I lo hre ve ani maw.... nia i hria ang chu,hahh..... inah a rawn hruai lut miau a"
"tunlai in awmdan hi ka hrethiam lo takzet...." tih pahin thingpui min rawn pe a toast nen ka ei nghal bawk a.
" kei pawhin ka hrethiam bik lo..... Kai i lo hmu em? "
" aih... tunlai chu ka hmu ngai lo, dinner a ei chhuak reng bawk si "
.
Breakfast ka ei zawh chuan chanchinbu chhiar pahin pawn ah ka thu mai mai a, a ngai te bawkin Kai leh hmeichhe dang an sawizawm leh tawh ,ngai ah ka nei thlawt lo chu anih hi. A chhung thu pawh ka chhiar peih lo a chhanchu keimah min hmer tel leh ngei ang mahse mak ka tih em em chu hmeichhia an sawizawm hi Celine a ni ngai tlat lo hi ani.
Ka tih tur hre lo lutuk chu Kai study room ah ka kal ta ringawt a,room lah chu a reh in alo in rem fel leh thlap tawh, ka han hawi kual vela Kai ka ngai takzet pangngai taka kan inbiak lohna chin pawh ka hre tawh lo ,hmuh ka chakin kuah vawng vawng mai ka chak takzet.A taksa lum tak te leh a engkim mai chu ka ngai vel vek, hetiang anga in ti thiam lo a awm reng hi hrehawm a ti ve angem le? kei chuan hrehawm ka ti takzet, nge hmeichhe dang a kawp theihna chance anih avangin a lawm viau zawk?
.
Dawhkan zut kual pahin a chair lian leh dup zet ah chuan kan thu vang vang a ,thawk halh pahin a lehkha bu chu ka han keukual vela,"heng lehkhabu te hi duat takin a enkawl bik awm sia" lehkhabu ringawt pawh ka thik em em mai tawh chu anih hi. Lehkhabu ka enkual vel na ah chuan ka rin loh deuh maiin kan inneih zungbun ka keu chhuak ta hlawl mai!! Mak tih hmel takin ka la kang nghal vata,ka thin a rim in ka thinlung hi vih zawt zawt ang mai hian a na nilo....pawh sawm vek ang mai ani,
" Kan inneih zungbun a phelh amaw!!!? " ka mittui chu dan hman loh khawpa rangin a rawn far nghal fap a,tap chhuak lo turin ka inhum ruh tang tang bawk.Kai hian kan inneihna hi engah mah ngai tawh lo in a zungbun takngial pawh a bun peih tawh lo amaw!!! a awmzia chu Kai tan chuan inthen daih tawh ang kan ni.Khatiang khawp khan ti thinrim mahila hetiang em em hi chu a tih ka ring ngai lo, ka mumang ah pawh ka la mang chhin ngai lo.
.
Zungbun hum vang vang pah chuan eng eng emaw ka ngaihtuah a, Kai hian inthen a duh tak tak anih chuan a rilru thlak danglam tumin hma ka lak ngei angai, kan inneihna hi hetiang mai mai hian tihtawp ka duh lo. Bul pawh kan tan em hma a inthen ka duh lo a hma in ka dawihzep vangin Nick ka kal tir tawh a tunah chuan khatiang thil kha thleng nawn tir ka duh tawh lo,engkim heng buaina zawng zawng hi ka thiam loh vek ani a min la hmangaih takzet anih chuan min ngaihdam hi ka ring tlat ani chuvang chuan ngaihdam dil ngei ka duh.
Melh ngai melh ngur ngur chunga ka inngaihtuah vung vung lai chuan ka tho thut a, mumang atanga harh chhuak hlawl ang mai hian ka awm in ka hria.
" ngaihdam ka dil ngei ngei tur ani " tih sap pahin garage lam panin ka kal nghal hlawk hlawk a,beiseina sang tak nen Kai car chu la chhuak in company lam panin ka tlan chhuak nghala.
.
Ka khalh lai te chuan ' i ti thei tur ani' tiin keimah leh keimah ka infuih char char a ,engpawh thleng dawn se Kai hi chan ka duh lo ka nun a mi pawimawh tak tak te hi chan belh zel ka tum tawh lo. Han infuih phur ve teh mah ila a chang leh min lo ngaidam duh lo ta se engtin nge ka tih ang ? tih te in ka ngaihtuah leh rih thin.
Kai office ka thlen chhoh chuan ka lut hreh lutuk chu ka ding chawt a,chutia ka awm dan vel Lily in min lo hmuh chuan min rawn nuih nghal sang a .
" Ms Lola.... puih theih na che ka nei em? "
" ka lawm e.... "tih ringawt pahin luh nghal mai chu ka tum a mahse Lily in min lo dang nghal vat.
"Big Boss chuan mi hmuh lai a nei a,tumah luhtir a phal loh avangin reilo te i nghak thei angem?"
" awle.... " thil pawimawh tak pawh an lo sawi mai thei chuvang chuan tihbuai ai chuan tiin couch ah ka thu ran a, an meeting zawh hun chu dawhthei takin ka lo nghak ran a.
.
Kai lo nghah pah chuan ka sawi dan tur leh ka awmdan tur vel chu ka ngaihtuah neuh neuh a ,ka pasal hmu tur ni mah ila ka zam takzet.Ka zam luatah ka kut chu ka sik neuh neuh a ka chhungril ah hian ka khur der der bawkin ka hria.A khat tawkin sana ka han melh leh zeuh thin a, ka rin aiin an rei daih mai.
"An zo tep tawh angem?" tih pahin Lily chu ka han melh a
"ka hrelo.....i nghak rei tawh angreng sia i rawn kal tih hi Boss ka hrilh mai dawn em ni? "
" aih.... angai lo, ka nghak thei alawm "
" awle....ka lawm e" polite tak hian min lo chhang let vata,
" intur te i duh angem? "
" aih...." a ruk tak chuan an rei ka ti tawh takzet darkar khat dawn ka nghak tawh in ka hria.
.
Ngawi reng chuan ka nghah chhunzawm zela sawi tur nei teuh mah ila a hna thawk lai tihbuai ka hreh ve tho bawk si.
" Ms Lola.....coffee hi in rawh khua a vawt si a i damlo palh hlauh ange " tih pahin Lily chuan ka hma chiah dawhkan ah chuan coffee tui hmel zet hi a rawn dah a.
" Ka lawm e.... "
" Keipawh le chuan naute hmeltha tak ani ngei ang" ka dul rawn melh zeuh pah chuan a ti a "Boss te chu an zo tep tawh ang....a rei tawh lo ang"tih pahin coffee no hnih chu Kai room ah a chawi lut ve lehnghal bawka.Rei pawh lut lo in Lily chu a rawn chhuak ve leh nghal mai bawka, coffee in pah chuan room lam chu ka va melh zeuh a,kawngka tlemte la inhawng atang chuan Kai leh Celine te ka hmu ta thut mai!!! kawngka in a khar hnan chiah bawk.
.
Min thawng em avang chuan ka no ken lai chu chhuatah ka thlauh keh nghal chuai a, ka mak ti lutuk ka hamhaih vek bawk nen chet mai nachang pawh ka hrelo ka thil hmuh kha ka awih thei lo mahse chiang takin ka hmu ngei bawk si.Kai an a mi hmuh chu tudang nilo in Celine maw!!! hahah.... Lalpa leh!! heihi fiamthu em ni ka awih thei lo an ni pahnih inbe lai rei tak chhung khawvawt hnuaiah ka lo nghak ve tang tang anih chu!!.
" I tha em? na te i nei em? " Kai secretary te pahnih chuan min rawn buaipui nghal vata, kei erawh mi â ang mai in chet nachang pawh ka hrelo in ka thu ngawi reng thung.
" Ms Lola.... i tha tiraw? " Lily in a rawn tih chuan ka tho thut a Kai room ah luh ka tum nghala mahse in lo dang vat thung.
.
"Min lo hrethian la.... reilo te min nghah sak leh thei angem? khawngaihin...."
" maw!! a nupui ka nih hi" luh luih chu ka tum leh ngata
" Khawngaihin ka hna hi chan ka duh lo"
"chutiang chu a thleng lo ang" tih sap pahin kawngka ka hawng nghal thuai a.
Kai leh Celine te chu an lo infawp anih chu!!! ka bul vela thil awm te chu an reh nghal duk in ka hria
Ka thil hmuh in min thawng em avang chuan ka tawlh hnung nghal hrut a, ka mak ti lutuk chu che chang lo in ka ding reng ringawt.
Kai an min rawn hmuh chuan mak tih hmel takin min rawn melh nghal kawk a, Celine chu a nam sawn deuh nghal vat bawk.
.
" Lola.... " insawifiah tuma min rawn pan avang chuan vawi hnih vel ka tawlh hnung lehnghal hrut a.
"I hmuh ang kha.... " a sawi zawh hma hma chuan ka hawi let vut a,a chak thei ang ber chuan ka kal nghal hlawk hlawk a, min rawn um tih ka hriat avang chuan elevator ah ka lut nghal vat bawk.
" Lola.... min ngaithla teh.... " Vanneih thlak lutuk in a inkhar hman, bang nghengin ka ding nghal thlawp a,ka thinphu a rang sawt em avang chuan chil lem khawlh pahin ka awm in sep dawrh dawrh chu ka han dawm vang vang a,ka mumang nise ka ti takzet.Tun maia ka thil hmuh khan rilru mumal pawh min la puttir thei lo,ka tah chhuak hle mahse ka tap thei hauh bawk si lo. Ka bag chu nghet takin ka han hmer vang vang a ka thawk te hi a buai vek tawh in ka hria.
.
Elevator a rawn in hawn rual rual chuan ding khawmuang eih lo in car lam panin ka kal nghal hlawk hlawk a, mipui vei an tam bawk nen keimah a awm a hun thawl tak kara mumal taka inngaihtuah ka chak takzet.
Ka bag chu car ah theh lut in ka lut dawn chiah tih chuan Kai an min rawn pawt chhuak nghal dawr dawr a
" Min khawih suh.... " tih pahin a hmaiah ka beng nghal chawrh a, ka thinrim bawk nen ka insum hman tawh lo.Luh leh nghal ka tum a mahse ka ban ah a rawn vuan leh hram
"i ngaih ang kha ani lo..... Celine nen kan inkar ah engmah a awm lo"
" Eng.... engmah ka ngaithla peih tawh lo....engkim a tawp vek tawh" ka ti nghal tuarh a, ka awmdan hi ka in hrethiam tawh bik lo ka â vek tawh nimai hian ka hria.Min vawnna chu thing thla in rum zet hian ka melh khai a.
"Hremhmun ah kal rawh.... " car a ka luh pah chuan ka ti leh hrama.
.
Chak zetin ka tlan chhuak nghala,khawiah nge ka kal dawn pawh ka hre lo ka hma a kawng awm awm ah chuan ka tlan char char mai ringawt.A tawp a tawp ah kawng sir ah car ka ti ding ta ringawt a.
Tumah an awm lo bawk nen ka insum thei tawh lo ka hmai hup chung chuan ka tap chhuak nghal hawm hawm a.Celine leh Kai te infawp lai chu ka mitthla ah a cham reng a,hrehawm ti tak leh tlawm taka ka awm avang hian an hlim zawk ni tlat a hriatna ka nei,hnehtu inti taka an lawm avanga an nui ri niawm tak te chu ka bengah a ri nawn tluk tluk a,
" duhtawk rawh u .....khawngaih in duhtawk tawh rawh u "tih tuarh tuarh pahin ka beng chu hup in ka maimichhing tlata mahse engmah a danglam phah chuang lo.
Hetiang hian ka awm reng tur ani lo keimah chauh in lungngai takin ka awm bik tur ani lo tiin keimah leh keimah chu ka infuih chawp a, inhnit hlap hlap chungin ka mittui hru hul ve mah ila ka tum miah lo in a rawn tla lehzel tho.
" Khawngaihin tla tawh suh.... " ka han ti leh ringawt thin a
Khua lah chu a vawt in tlai lam anih meuh chuan vur a rawn tla seng seng a mahse haw ka tum hauh lo, car chu ti nung in kal na lam tur pawh hre lo in ka khalh chhuak ve leh ta ringawt.Ka khalh lai te chuan a khat tawkin ka mittui a rawn tla leh ringawt thin a, mi chaklo tak ang maia tah ka duh loh avang chuan ka han insum tang tang a mahse ka mittui erawh ka dang zo chuang lo.
.
Ka motor khalh lai ka rilru ah a awm lo bawk nen tunnel pakhat an la sak zawh loh,khaw vawh em avanga an chawlh san rih bula an balu dah chu ka su ta bur mai!!! car chu a ding nghal chawt a,mahse vanneih thlak lutuk in balu alo ni hlauh a ka insawh na lem lo.Ka hlauhthawn em avang chuan thawk kan la kawk kawk a, thil thlen dan pawh chiang takin ka hre hman lo ,engine tih nun leh tum chuan ka han bei ngial a mahse a nung thei tawh lo.Vur a tlak tam hma in helai hmun hi ka chhuahsan ngei ngei angai, ka bag chu la in car atang chuan ka chhuak a, thil thleng vel hi chu nakin ah ka hrilh tawh mai ang tiin ka kalsan ta ringawt a, tunah tak hi chuan Kai biak chakna pawh ka nei lo.
.
Khur dar dar chungin taxi rawn tlan hmasa ber chu ka lo phar ding nghal vata,scarf in ka lu leh ka hmui chu ka khuh tlat bawka fimkhur thil thu a ka tih ani.Ngawi rengin taxi ah chuan ka lut nghal vata.
" Ka pi khawiah nge? "ka kalna tur ka sawi loh avang chuan driver chuan a rawn ti a.
"ka hrelo.... kal tawp rawh... " tap aw deuh hian ka lo ti a,ka inhup tlat bawk.
" awle.... " min hriatthiam hmel tak hian a bu nghat a, a tlan chhuak ve mai bawka.
Khawiah nge min hruai pawh ka hrelo mahse chutiang ngaihtuah tur leh hlauthawng turin thil dang ngaihtuah ka ngah lutuk tlat. Tukverh lam hawi a ka melh ngai ka melh vung vung lai chuan ka phone a rawn vibrate leh chur chur tawh.
.
Thawk halh pahin phur lo zet hian ka phone chu ka han en a, ka rin loh deuh in Maisie alo ni a mahse hetiang chung hi chuan tumah biak ka peih lo chuvang chuan chhang lo in ka bag ah ka khung lehnghal daih a.Min rawn call reng takah chuan ka ning lutuk in ka lo reject nghal hmak a, ka phone ka check chuan Kai leh Maisie miscall alo tam ngang mai. Kai hian engvanga min biak duh leh si nge anih !! hahh.... a hming chhe lutuk tur khuh nan em ni min biak a duh, a duh duh dan in thil hi a thleng dawn hauh lo ,tunah pawh miten a chungchang a chhe zawnga an sawi loh nan engthil emaw tih a tum leh ani ngei ang.
"court ah min hruai thei angem? " driver bulah chuan ka ti sap a, mak a ti ngei mai mahse " awle.... " tiin min chhang ta zawka.
.
_________________________________________
.
Kai Burton's POV:
.
Lola chu thinrim tak chungin car ah a tlan liam nghal a,zui ka tum lem lo a chhan chu inngaihtuah na hun pek ka duh vang ani.Khatiang thil a thlen lai khan Lola in min hmu ang tih rin ngaihna ka nei lo, Celine kha pangngai taka thil sawipui mai ka tum kha ani a chuan kan inkar ah engmah a awm bawk hek lo mahse ka inrin loh tak maiin min rawn fawp thut a, a ngam pa mah mah bawk.
Khatianga Lola ka kal tir khan ka rilru chu nuam zan lo mahse hrehawm ti tak chung leh rilru hah tak chungin ka room lam ka pan chho leh ta ringawt a.
.
" Lily....meeting kha lo buatsaih rawh, tun atanga darkar chanve hnu ah kan nei ang "
" awle.... Boss" ka rilru natna te chu tih lan loh hram hram ka han tum tak na in a harsa takzet.
"Boss pawi ka ti lutuk....." Ka lut tur chu Lily chuan inthiam loh hmel tak hian a rawn ti a,hetianga a awm chhan hi ka hrethiam lo takzet.
"Ms Lola khan darkar khat dawn lai a nghak che u asin...."
" maw!!"
"hrilh che ka tum a mahse..... " a kun nghal lap a " pawi ka ti lutuk.... a mawh ka phur vek ang "
"Darkar khat dawn lai min lo nghak amaw!! "ka thinrim lutuk chu ka insum zo lo tep.
" hreptak chuan.... " inhum ruh pahin ka room a ka luhsan nghal daih a, thil dang ka hriat belh chuan ka thinrim lutuk insum zo lo in pawi ka khawih ang tih ka hlau zawk .
.
" Kai.... ka... ka tihpalh " Celine chu a thutna atanga rawn tho in min rawn pan nghal vata.
" Kai.... "
" min khawih hlek suh.... "
" ka... ka tihpalh takzet min hmu ang tih rin ngaihna ka hriat loh vang ani"
" i chhuak thei tawh ang " tih pahin chair ah chuan ka thu hnak a,insum hram hram tum chuan thawk kan la hak a ka mit khawih pahin ka maimichhing daih bawk,Lola in min nghak... rei tak min nghak tih chu ka bengah a ri nawn tluk tluk a chu chuan min ti thunrim zual,engvanga rei tak lo innghah tir nge maw ka nih le?.
"khawngaih in min ngaidam rawh.... " tih pahin kan banah chuan a rawn khawih leh hram anih chu! tunah zet zawng insum a har ta hle mai .
" tawlh hnung vat rawh "tih pahin ka tho thut a
"i hna chauh ngaihtuah ang che.... ti tura ka hrilh bak che chu i huang pelh tum reng reng suh.... anih loh chuan"tih pahin chair ah chuan ka thu leh a.
" security koh i duh loh chuan..... tunah i chhuak thei tawh ang " ka tih chuan inthiam lo hmel tak chungin a chhuak nghal hna hna a,a chhuak chiah tih chuan ka insum hman tawh lo, ka hma a file chu ka vai tla nghal tawpa.
.
Chapter-50
.
"Ngatinge maw engkim hi a buai vek mai le" huizz..... zik mar pahin inchung chu ka melh ngur ngur, ka chau tawh takzet hetianga awm reng hi ka kham tawh lutuk.Meeting kan neih dawn avangin sana en chung chuan ka tho hluai a, ka engthil tih mah a tui tak tak thei tawh lo.Coat fual ka hak mawlh mawlh lai chuan ka phone a rawn vibrate leh chur chur tawh ,Alfred anih avang chuan thawk chhuah hak pahin ka la nghal vata.
" Boss.... Maisie chu a rawn thleng tawh e "
" a tha anih chu.... " Maisie a rawn thleng tih ka hriat chuan Lola hlim hmel tur ka mitthla nghal.Nilengin inah a awm char char thin si a, a khawhar ka hlauh avangin Maisie hi lo kal turin ka chah ta ringawt ani.
" hello.... Mr. Burton hetah min hruai avangin ka lawm takzet mahse Lola ka be thei miah lo ania " Alfred nen kan inbiak kar lakah chuan Maisie chuan a rawn ti a ,chu chuan ka beng a verh nghal zar bawk.
.
Nichin khan thinrim takin a chhuak bawk si a ka ngaih a tha thei ta lo.
" Alfred.... Rita be vat la, Lola a haw leh haw loh zawt vat rawh chuan Maisie nangpawhin biak pawh lo tum reng ang che " ka ti nghal zung zung a,Lola call tum chuan ka phone chu ka hmet eng hman zuai mahse keimah vanga thinrim ani bawk si a hun thawl pek ka duh bawk si mahse amah ka ngaihtuah ve tho bawk si
" Hreptak chuan ...." tih pahin ka phone chu ka han hum vang vang a,zep lo chuan ka call hreh takzet,keimah vanga a thinrim zual hi ka duh lo.Hlauthawng ru tak siin ka vei kual chhen a Alfred an min rawn biak hun tur chu ka nghak deuh mai , chutia rilru nuam lo tak chunga ka vei kual chen lai chuan kawngka rawn kik dat dat pahin Lily a rawn lut a.
" Boss.... meeting turin an nghak reng tawh che ania"
" awle... " ka tih chuan a chhuak leh nghala.
.
Kal ta mai lo chuan ka phone chu ka en nawn leh ngata, Alfred pawh hian min va rawn be har em em ve tia ka lo ngaihtuah lai tak chuan min rawn call hlauh mai.
" Lola chu inah a awm em?" ka pick up rual rual chuan ka ti nghal bawk.
"aih.... a la haw lo hrim hrim anih chu,Mrs Leah pawh ka be tawh a in in ah pawh a kal lo" a tih chuan sana ka en nghal vata,inah a awm loh a ka nu te in a a kal chuan si loh chuan tun ang khaw vawt hnuaiah khawiah nge maw a kal ang le? Nick!! .....Nick bulah a kal hrim hrim ang.
"tihian ti ang.... car GPS kha lo chhui la, a kalna chu kan hre thei ang..... "tih pahin phone ka dah nghala.Vanneihthlak lutuk in enge maw thil thu ah tiin ka car zawng zawng hi GPS hmanga chhui theih turin a bik takin ka design veka mahse Lola zawn nan ka hmang ang tih erawh ka la ngaihtuah ngai lo .
.
Ka rei tak em avang chuan Lily chu a rawn lut leh a, inthlahrun hmel takin a kun lap bawk.
" Boss...ka tih buai che avangin pawi ka ti lutuk mahse minute 10 laiin kan tlai tawh "
Mi che fel ,hun vawng ding leh mi inring tawk tak pawh hmangaihna chuan min lo ti danglam thei hle mai, hun vawn dik leh dik loh ah ka buai hman lo a, chet fel leh fel loh ah ka buai hman bawk hek lo, ka rilru a awm chu Lola chauh ani a bak engthil dang mah ka ngaihtuah thei tawh lo.
" awle... ka rawn kal " ka phone en vung vung pah chuan ka ti sap a.
Maisie meuh pawhin a biak theih loh avang chuan hreh tak chung leh a pickup ring vak lo chung chuan ka call ta nge nge a ka rin ang chiah in a pick lo mahse ka beidawng duh bik lo engthil emaw lo thleng ta se ka awmdan tur chu ngaihtuah pawh ka ngaihtuah ngam lo.Miscall sawm vel ka hnutchhiah hrama mahse ka rilru ah erawh Nick bula a kal ka ring tlat tho.
.
Zah pawh dawn lo in Nick chu ka call ve leh ta ringawt a mahse hmeichhia in min lo chhang thung.
" Tunge? " ka ti nghal vata, a chhanchu a aw atangin Lola ani lo tih ka hre nghal.
"umm.... Mr. Harper thawhpui ka nia... ih englo ania tunah chuan operation room ah a awm meka an la laklawh lutuk a message i hnutchhiah thei ang "
"ok... " phone dah pahin ka office atangin ka chhuak nghala,Nick bulah a awm lo chu ka thaw huai mai, bakah awm se chuan mi a zai san daih lo tawp ang mahse Nick bulah a kal bawk si loh chuan khawiah nge a kal tak ang?
Inngaihtuah muk tak leh hlauthawng dep dep a awm chung chuan meeting hall ah ka lut nghala,an lo ding nghal thap bawk.
.
"Ka tlai avangin thupha ka chawi e" thu tura hui zeuh pah chuan chair ah chuan ka thu nghala.
"Mr. Burton i tha meuh maw?" Pi Helen chuan min en ha pah chuan a rawn ti a,midang pawhin ngawi rengin min en thap bawk.
"chutiang engmah a awmlo.... "
" tunlai chu i in thlahdah riau mai hetiang hian i awm ngai si lova ... tun hma a Kai Burton ka hriat thin kha i ni tawh lo " a tih chuan ka nui lui suk a.
" Pi Helen nakin ah kan sawi dun dawn nia chuan meeting kan tan thei tawh angem? " ngeiawm zet chuan ka ti let ve kher a, diktak chuan rilru hah lai chuan min be tam lo se a fuh ber.
" awle... " lungawi lo tih hriat tak hian min rawn melh khai a, Lily chuan hrethiam nghalin projector chu a on nghal vat bawk.
.
Software design thar chungchang a an ngaihdan an sawi sap sap lai te chuan ka rilru ah Lola chiah a awm, ka hmanhnawh bawk nen ka kut chuan dawnkan ka ti ri kerh kerh reng a mak min tih hmel hlawm hle mahse engatan mah ka ngai lem lo.
"Mr. Burton enge i ngaih ve dan?" ka in rin loh lai tak mai chuan Mr. Zhang chuan a rawn ti ta thut mai!! engmah ka ngaithla lo bawk nen chhan mai dan tur pawh ka hre mai lo,ka thu rem sauh sauh a
" a tha vek mai " ka lo ti liam puat ringawt.
"Anih chuan eng nge kan thlan chhuah ang.... "ka phone a rawn rik avang chuan ka en san daih a.
" Mr. Zhang min lo hrethiam rawh " tih pahin ka ding hluai a, pawnah ka chhuak nghal daih bawk.
.
"Alfred car chu.... "
" Car chu Aldwych tube station bulah hmuh ani a.... a chhe nual bawk "
" maw!! "
" a lan dan chuan a accident ani ngeiin a lang...police pawh an rawn thleng tawh a mahse Ms Lola erawh hmuh tur a awm lo....tunah police in an hmu duh che a "ka buai nghal vek, Lola a accident amaw!!
"zawng vat rawh u...." ka ti nghal tuarh a,ka insum hman tawh lo bang hnek rik bur pahin ka bula pot chu ka pet thlu nghal thuai bawk.Lola accident na lam pan chuan kal ka tuma
"Kai.... khawiah nge i kal dawn? " Hreptak chuan Pi Helen bawk chu.
"ka rawn let leh vat ang"
" nilo.... i kal thei lo ang, meeting ala zawh loh hi"
" anih chuan cancel mai rawh u " tih pahin ka kal nghal hlawk hlawk a, min rawn koh pawhin hrelo ang maiin ka kal lui ngat ngat tho.
.
Aldwych tube station ka thlen chuan car chu hnuh chhuah tumin an lo bei meka, Police pakhat in min hmuh chuan min rawn pan nghal vat bawk.
"khawiah nge ka nupui?" ka ti vin nghal hluk a, rilru hah nen tawng pawh a zaidam thei tawh lo.
" Mr. Burton...."
" Khawiah nge ka nupui a awm? " ka han ti nawn leh ngata.
" i nupui chu a tha.... cctv a a lan dan chuan engkim a tha vek "
"anih chuan khawiah nge a awm? "
" ka hrelo mahse taxi a a lut lai cctv in alo la a.... i nupui chu i biak vat angai ang " tih pahin video chu min rawn hmuh a, Alfred pawh ka bulah a rawn kal nghal vata, ani pawh a hlauthawng ve hle niin ka hria.
"nangni in ni hlauh a....police station ah rawn kal ula ka lo tih fel sak vek ang che u... "
" awle.... Alfred chanchin min rawn hrilh leh dawn nia.... "ka tih chuan a tihtur hria in alo bu nghata
"Mr. Burton thlamuang takin awm rawh i nupui chu inah a awm tawh maithei asin... " ka dara rawn beng thak thak pahin Police pa leh Alfred chu an inzui nghala.
.
Police thenkhat hi chuan min tlawn mai bakah pawisa tlema zawng han pek hi chuan record pawh an thai bo mai zel.Lola a insawhna lo tih ka hriat rual rual chuan lawm hle mah ila khawiah nge a awm ka hre bawk si lo,ka awm hle hle thei chuang lo.
" Khawiah teh hrep nge maw i awm le? " ka nun ah hetiang em em a hlauhthawn leh chiai hi ka la nei ngai lo. A chang chuan ka thin a ti rim lek lek a chhan chu engmah sawi lo in hlauthawng em em in kan phi buai a mahse call pakhat te pawh a chhang duh bawk si lo. Thawk halh pahin car ah ka lut ta ringawt a, khawiah ber nge ka zawn ang tih pawh hre lo chuan ka khalh chhuak leh ta ringawt a, Ngatinge maw a insawh na lo tih ka hriat reng chung pawhin ka la hlauhthawn em em mai le?
.
Vur lah a tla seng seng mai bawk si a pawn khawvawt ah a awm em ka ring chiah bawk si lo mahse a kal ka rin na angah chuan ka zawng phei zel tho,khua a vawh em avangin ka kut te chu a khawng vek tawh a mahse beidawn ka tum chuang lo. A khat tawkin ka call reng bawka,a chang leh awlsam taka ka kaltir mai avang khan ka indem thul.
Reilo te ka zawng emaw ka tih laiin zan dar 10 chu a ri der,a khat tawkin Celine in min rawn call ve sek bawka mahse pickup chu sawi loh melh pawh ka melh lo.
Ka zawn hmuh tak mai loh avang chuan kawng sirah car chu ka ti ding ta ringawt a,thinrimna leh hlauhthawnna hlirin ka khat vek bawk.
"hreptak chuan... " tih pahin car steering chu ka hnek nghal pawp a.
Chutia a ngaihna pawh hre lo leh beidawng taka ka awm lai chuan Maisie in min rawn call hlauh. Rang lutukin ka pick nghal vat bawk.
" Mr. Burton... Ughh... Lola chu a rawn haw tawh " chhang lo in phone ka dah a, chak zetin ka khalh chhuak nghal bawk.Ka thawveng nghal huai in ka hria,Nick vangin hua in thinrim khum reng mah ila hetiang thil a thlen takah chuan a tello a ka awm theih loh zia leh buaina a tawh a ka buai a ka chiai thin zia chu phat rual loh in ka mizia ah a lang vek a awmzia chu Lola hi ka hmangaih takzet ani. Ka rilru ah zawhna tamtak a rawn lang nghal zut zut a, Lola hian min hmangaih ve lo mahse ka hmangaih chhung chuan a tawk mai lo em ni? tih te in ka ngaihtuah thul, mahse ka bula a hlim si loh chuan mahni hmasial mai chauh ka ni , engpawh chu nise Lola a him chhung chuan ka lawm ani mai.
.
In ka thlen chuan hmanhmawh lutuk in ka tlan chho nghala
" Lola....Lola " ka ko nghal tuarh tuarh bawk.
Ka koh ri a hria ani ngei ang room atangin Maisie nen an rawn chhuak nghal vata, Lola ka hmu chiah chu ka insum thei tawh lo, lungchim takin ka fawp nghal vawng vawng a nghet takin ka kuah vawng vawng bawk.
" Khawiah nge i awm daih .... ka zawng nasa lutuk che asin"ka ti nghal zung zung a,Lola chunga ka thinrimna te chu ka hre chang tawh lo, ka hriat zawng chu ka ngai takzet tih hi ani.
"Maisie.... room ah lo va lut rawh, ka rawn kal vat ang " tih pahin a inla hrang deuh nghal a, Maisie pawh chuan hriatthiam hmel takin min kalsan ve mai bawk.
" Inbia ang.... " zawi sap hian a ti a,a tap ani tih hai rual loh in a mit chu a sen in a bui char bawk, he thil thlen tu hi keimah bawk ka ni tih ka in hai hauh lo chuan hrehawm ka ti hle bawk.
.
Room ah a luh daih avang chuan ka zui lut ve nghal a.
" i tha tiraw? na i nei lo tiraw?"
"Kai duhtawk teh.... " lehlam a hawi hmak a
" Enteh Lola pawi ka ti takzet chuan buai reng hi ka duh tawh lo ....tha deuh....." ka sawi zawh hma chuan paper hi min rawn pe a
" Eng nge heihi ?" mak tih hmel takin ka en nghal kawk a.
" Inthen ang ...." ka nghing nghal dawt in ka hria ,ka thinlung chu vih sawt sawt ang maiin a rawn na nghal zawk zawk a,engkim mai chu a reh nghal duk bawk.
" maw!! " ka ti chhuak thei hram, Engtiang em em hian rilru hi alo na thei ani maw? hetiang hian em ni hmangaihte then hi alo nat nilo.... na satliah mai ani lo ,khawvela thil tawrh harsa ber leh hrehawm ber ani hial ang.
.
"Vawin vang kha a ni tiraw?" Celine nen kan inkar ah engmah a awm lo, ani chu ka tan chuan mi tangkai tak leh i dam khawchhuah na tur ani asin, theih chu nise tunah hian engkim sawifiah vek ka duh mahse engmah ka sawi chhuak thei si lo,ka dang a awk vek a Lola thusawi bawk tih theih ka nei lo.
"sawifiah ngai lo in engkim i hriat vek ka ring....contract pawh tih tawp vek ka duh " ka ngawi renga, min thawng bawk nen sawi tur engmah ka hrelo.
"chuan ka fa pawh hi helai hmuna seilen tir ka duh lo.... Kai... ka kham tawh lutuk" a mittui chu a rawn far fap a, hruk sak tumin ka va pan hnai a mahse a lo tawlh hnung vat thung.
"paper ah khan ka sign vek tawh a.... naktuk ah court ah kan inhmu dawn nia... " a mittui hruk hul zeuh pah chuan a chhuak nghala.
Show post links
Top
Ngaia
Site Admin
Quote
Unread post December 3rd, 2017, 2:27 pm
Chapter-51
.
A chhuak chiah tih chuan whisky chu no ah thli chhuak in no thum vel chu kan han tlak nghal pap pap a,ka bengah Lola in inthen ang a tih lai te chu a ri nawn tluk tluk bawk.
"kan inthen thei lo.... nilo ka then dawn lo che, kan inthen dawn lo engtikah mah" tih tuarh tuarh pahin no leh zu um chu chhuatah ka vai tla nghal chuai chuai a rilru fim ka pu thei tawh lo,
"hreptak chuan.... " ka lu dawm vang vang pahin ka kun lap a,engthil nge thleng ta hi? Lola in inthen a duh anih chu!!! hahh..... Engthil phiangsen nge maw thleng ta hi le? couch a thut hnawk pahin divorce paper chu kan thlek vang vang a.
"Ngatinge hetiang thil hi i tih tak mai? " zawhna tamtak ka nei a mahse zawt tur chuan a tlai tawh lutuk.
.
Heng thil zawng zawng hi Nick leh Lola te ruahmanna vek ani,ka hausakna te ka hmangaihna te chu hmanrua ah hmangin min tih chhiat vek an tum ani. Ka tih thin dan ang bawkin Alfred ka call nghal vata, a lo la rang kher mai.
" Alfred thil pakhat min tih sak rawh.... "ka aw atangin ka thinrim tih a hria ani ngei ang min chhang lo chuan ka sawi leh tur chu a ngaithla renga.
" Engpawh thleng dawn se Nick Harper hi damdawiin atang sawn ban ani tur ani ringawt "
" maw!! "
"Tham ngai dawn pawh nise an duh zat zat ka pe ang.... A banna tur anih phawt chuan engpawh ti ang che "
" mahse Boss.... Mr. Harper te chu i thiantha tak ani si a "
"ka sawi ang chuan ti ang che " tih pahin phone ka dah nghal hmak a,divorce paper en pah chuan ka nui suk bawk.
" Kan inthen dawn emaw dawn lo emaw an ruahmanna hi ka tih puitlin tir dawn lo hrim hrim "
.
________________________________________
.
Tukverh atanga ni rawn chhuak chuan min rawn chhuh harh a khua alo var der tawh. Ka lu a nat em avang chuan ka lu dawm pahin phur lo zet chuan ka tho chhuaka,ka han hawi kual vel chuan chhuatah bottle leh no keh karah ka lo mu reng chu niin.Nidangah zu ka in vak pawhin hetiang em em hi chuan ka awm ngai lo asin,ngatinge maw hetiang hian mi â ang maiin ka awm tak mai le?
Zik mar pah chuan divorce paper dawhkana ka dah chu ka zuk hmuh fuh avang chuan ka la nghal vata.
"inthen chu i duh tak tak em ni? " tih sap pahin ka theh leng nghal lawp bawk. Zing kar kar ah ka mood a off lehnghal vek tawh,tui ka han in khawlh khawlh a thawk halh pahin intifai turin bathroom lam ka pan nghal chhat chhat a,ka eng thil tih mah a tui hlawl lo.
.
Ka insiam zawh chuan darthlalang ah ka han in thlek vang vang a, ngatinge maw ka lungngai tih hi ka hmelah a lang em em mai le?
"i hna chauh ngaihtuah rawh..... " tih pahin ka hmela lungngaihna lang te chu khuh bo tumin shades ka bun hnan daih a inringtawk tih hriat takin room atangin ka chhuak nghal bawk.
" Rita.... ka room khi lo tifai ang che "
" awle.... breakfast i ei dawn lo em ni?"chhang lo in ka kalpel nghal daih a ,chutiang si se chhang tur pawhin phurna ka nei lo.
"Hello.... Mr. Burton " a aw atangin Maisie ani tih ka hre nghal
"mumal tak pawhin kan la in chibai lo reng reng "
" ka hmu che chu ka lawm e "ka nui lui suk a.
"keipawh le " a hmel atang chuan a ngaih a tha zan lo tih ka hria, mahse ka lehhawi a pawn lam pan in ka kal nghal hlawk hlawk a.
.
Company ka thlen chuan angai te bawkin chibai min lo buk leh sap sap tawh, mahse tukin zing chu enge ka hriat pawh ka hrelo thil dik lo hlek chu ka ngaimawh em em a, hmeichhe infeng chhing deuh te phei chuan ka mit an ti kham takzet mahse chutiang mai mai a buai hman ka nih loh avangin ka chhui zui lem lo.Insawrbing taka hna ka thawh lai chuan ka nu a rawn lut hlawl mai mahse ka hna thawh dan ngaiin ka thawk reng tho.
" Kai.... heihi enge awmzia? " tih pahin dawhkan ah chanchinbu a rawn theh thla tawp a, a thin a rim hle tih pawh ka hai hauh lo.
" Ka nu.... ka buai ania... " chanchinbu chu ka zuk mitsir zeuh a, kan inthen tur chungchang alo chuang leh vang tawh, engvanga min chhuizui peih em em nge maw an nih le?
.
"Niminah Lola court ah a kal a, mi zawng zawng khel ber anih leh tawh hi "
" mi te chuan an duh duh an sawi thei alawm.... "
" enteh.... Kai " tih pahin a han thu rem te te a.
"Inthen chu in tum tak tak em ni? "
" amah zawt mai rawh "ka tih chuan a ngawi vung vung a.
"Ngatinge in then in tum chhan... " ka nu hian engkim a man thiam leh nghal vek tawh anih dawn hi.
"ka.... ka hre bik lo" tih pahin ka tho thut a, ka nu hnungchhawn zawng chuan ka ding daih bawk.
"kha hmeichhia vang kha tiraw?" chanchinbu atangin a lo hre leh tawh ani maw?, chhang lo in ka din ngai chuan ka ding renga.
"Kai..... hmeichhe dang i ngaizawng tak tak em ni? "
" ka nu.... " ka lo ti vin nghal tuarh a.
.
" nupui nei chunga hmeichhe dang ngaizawng tur khawpin ka tenawm em ni? "
"i pa treatment lak ve reng angai bawk nen ka rawn tlawh hman thin lo cheu a....Lola rilru a hah thei ngawt ang "
" min ring miah lo tiraw? " Lola tan zawnga thil a sawi daih avang chuan ka lungawi lo takzet.
" Chutiang pawh ani lo..... a pawimawh ber zawk chu Lola rilru thlak danglam hi ani "
" maw!! "
"khatiang khan mak tih hmel takin min en suh....Lola hi i hmangaih takzet tih ka hria chuan then pawh i duh hek lo"
"chu.....i sawi tum chu ngaihdam ka dil dawn tih na em ni? teuh lo mai "
" Kai..... chapo a hun tawh lo,i inthlak lo anih chuan Lola hi i chan hlauh ange"
.
" Engtik lai mahin then ka tum reng reng lo "
" anih chuan then chuang si lovin hreawm ti takin in awm reng dawn em ni? ka fapa i ni chiah maw!! khawiah nge i nun tlawm tak te kha a awm tak "
" ka nu duhtawk teh.... kan hlim leh hlim loh a pawimawh ber lo, Lola nen kan inthen loh phawt chuan ka hlim ani mai "
" woww.... tichung khan hlim i in ti amaw? thinrimna hlirin i khat chu anih si hi "ka nu chuan dik bawk si ngei awm zet hian min chhang fak fak a mahse ngaihdam dil tura min ti erawh ka pawm ve hauh lo thung ,a chhanchu tihsual ka nei tlat lo. Nick leh Lola te inkuah lai ka mit ngeiin ka hmu a, zanah chhuak ru in an in hmu thin tih thleng in chuan ngaihdam ka dil ang maw!! a teuh lo.
.
" awle.... a tha e, i duh ang chuan han awm ta che u.... i nupui i chan hi ka hlau hlel lo e.... " lungawi lo tih hriat tak mai hian min rawn melh khai bawk.
" Keichu Lola lamah ka tang tlat dawn.... chuvang chuan i dik lo zawk tih hi pawm la ngaihdam dil turin huaisenna nei mawlh ang che " tih pahin a kal chhuak nghal hlawk hlawk a.
"In vaiin hremhmunah kal vek rawh u...." au tuarh pahin bang ka hnek nghal chawrh chawrh a, ka thinur na te leh ka thinrim na te hi ka thunun thei thlawt lo, ngatinge maw Lola ka tawn atang hian ka chak loh tak em em mai le? .Ni e, Lola hi ka thinlung zawng zawng in ka hmangaih tih ka pawm thlap then pawh ka duh hek lo mahse ka lak atanga awm hran a duh miau si chuan engvangin nge ka hnaih bik ang, tihian inthen chuang si lovin kan awm ang ang hian awm ila ka pawisa lo, ka hmuh theih a a awm chhung chuan hlim lo mah ila pawi tihna ka nei lo.
*
*
Hna ka thawh laklawh lai te chuan sana ka en chhen a dar2 hi court a ka inlan hun tur ani,chumi hunah chuan Lola nen kan inthen bawk ang mahse kal ka tum hauh lo, ka kal loh na nâ na chuan engtin nge ro an rel chuan ang. Dar2 a rik pawh chuan hre lo ang maiin hna ka thawh chhunzawm char char tho mahse ka thawk tui thei tak tak chuang lo.A khat tawkin kan inneih zungbun ka phelh tawh drawer a ka dah chu ka en leh vung vung thin a, he zungbun bun leh tur hian hlen tur ka la ngah takzet.Tunah hian nupui chu ka nei mahse pasal nihna erawh ka hlen chhuak hauh lo tih ka hria, ka rilru a phir vel vek tawh. Ka thinlung chuan ngaihdam dila a hma anga awm leh a duh takzet mahse ka chapona leh ka hma sialna in a thei ve si lo. Dik ni a ka hriat angin thil ka ti a, mahse kan inkar thatna tur erawh in thil ka ti lo thung.
.
Hna ka thawh zawh chuan haw ta mai lo chuan Wyld bar ah ka kal leh ta nge nge a.
" Hi!!.... " Celine chuan hlim hmel takin min lo nuih leh sang tawh.
"i awm dan atang chuan whiskey i duh tih ka hria " a lo ti nghal zung zung bawk.
" Engtin nge i hlim reng theih bik a? " ka tih chuan a nui tawp nghal hmak,min ngei hmel zet hian min rawn en kar a.
" pawi ka ti lutuk in nupa inkar ah ka rawn inrawlh avangin "
" tunah chuan pawi tih in awmzia a nei lo "
"Lola chu a thinrim viau em ni? "
"Thil pakhat min tih sak thei angem? "
" Enge? "
" Khawngaihin i thil duh kha thlak leh rawh.... hausak i duh pawhin mi hausa tawpkhawk ah ka siam mai ang che "
"mahse nangmah alawm ka duh " midang an awm ve avang chuan ka hawikual nghal vata.
" min rawn zui rawh..." tih sap pahin ka tho nghal hluai bawk.
" ka chhuak thei lo ka buai ...."
" tunah ...." a rukin a ban ah na deuh tak hian ka tham nawk a,a na ti chu a mittui a tling pam bawk .
" buaina siam i duh loh chuan min rawn zui mai rawh ..." tih pahin hmun fal lam panin ka chhuak nghal nal nal a, rei lo te ah ani pawh a rawn lang nghal vat.
"Ka thil duh kha i tih hlawhtlin theih loh chuan min rawn be tawh suh ang che "
" Celine.... engtik ah mah i ta ka ni thei dawn lo "
" mahse ka duh tho che alawm.... nupui nei mah la pawi ka ti lo "
" naupang mai ila nih hi....khatiang kha ngaihtuah tawh suh"
.
" anih chuan Lola saw enge a nih bik.... kei aiin a upa bik chuang em ni? " a mittui a rawn luang nghal zung zung a, engvanga tahbelh em em nge maw a nih le? nilo hmeichhia hi chu tap chungin thil neih an tum a mahse an mittui hian min ti danglam ve dawn hauh lo.
"Mahse Lola i ni hleinem "tih pahin ka khi suk a
"anih chuan kan inrem thei lo ang.... midang i zawng mai angai ang " henu tak hi chu aw, induh hun a hre ve khanglang lehnghal.
"a harsa viau em ni.... vawikhat min mitpui anga chuzawng chu ani mai alawm... "
"Lalpa leh.... ka awih thei lo ,i duhtawk thei tawh angem?"
" awle.... a tha e kan inbiakna chu a zo tawh " tih pahin min luh san daih anih chu!!
.
Ngatinge maw thil hi a harsat em em mai le? Engkim hi a buai vel vek tawh, Celine hi ka mamawh a mahse kan thu a in hmu thei tlat lo a chhan chu ka thil duh a pawm dawn chuan ka mutpui phawt angai!! hahh....ka neih zawng zawng hi la dawn mahse pawi ka ti lo mahse Lola phatsana hmeichhe dang mutpui erawh ka thei lo hul hual.
Phur lo leh thinrim zetin inah ka haw leh ta hna hna a ,ka coat khai chung chuan Maisie room ah Lola a awm ringin ka kal tlang nghala.
Room ah lut ta mai lo chuan kawngka bulah ka ding renga ,Lola hmuh ka chak bawk si mahse hmu hmasa tu leh be hmasa tu nih ka hreh ve tho bawk si,ka awmdan a lai vel vek .
.
Lut ta lo chuan ka room ah let leh ka tum lai tak chuan Maisie a rawn chhuak hlawl mai, Mak tih hmel takin min rawn melh nghal kawk bawk.
" Lola.... " ka ti chiah chu bengchheng lo turin min mitmei nghal vata.
" inbia ang.... " tih sap pahin room hlat thei ang ber ah kal hrang nghal nal nal a ,ngawi rengin ka zui ve mai bawk.
"Lola hi i ti na zel dawn anih chuan then zawk mai rawh " hei zet chuan min thawng ker mai!min ti na hle bawk mahse ka chhang lo.
" Hetiang ringawt chu ani thei lo....a tap lai leh a hreawm ti lai hi a ruk in ka thlir liam mai mai thei tawh lo "
"Mahse dawt min hrilh alawm.... "
" awle.... a tha e, i buaina chu Nick ani tiraw....?" a awm tho e,engkim hre vek tur chu ani alawm.
"Lalpa leh!! Mr. Burton.... ngatinge maw Lola hmangaihna che hi i haider tlat mai le? ...tha taka thil sawi hi a harsa viau em ni?"
Show post links
Top
Ngaia
Site Admin
Quote
Unread post December 3rd, 2017, 2:28 pm
Chapter-52
.
"Nick a hmangaih alawm" tiin ka chhang bul hmuk a,a ruk tak chuan a thiannu berin min hmangaih thu min hrilh hian ka lawm ru hle.
"awle a tha e...chutiang chuan i ngai anih chuan naktuk ah court ah i rawn inlan ngei ngei angai tawh a chutah chuan inthenna lehkha pawh in sign fel ngei ka beisei mahse hun tlemte i la neih chhung hian inngaihtuah tha leh turin ka duh che...."
"ngatinge maw...."
" chuan heihi hre reng rawh.... " min rawn pawt chat nghal vata.
" Lola hian tu zawk nge a hmangaih chian i tum phawt dawn lo em ni?.... muttui le Mr. Burton " tih pahin room lam a pan leh nghal nal nal a kei erawh ka din na ngaiah ka ding reng thung.
.
Engthil nge maw thleng ta hi le? ka nu takngial pawh Lola lamah a tang tawh chu ania.
Thawk halh pahin room ah ka lut hna hna a, ka bag leh ka coat couch a theh thal tawp pahin ka tih thin dan ang bawkin whiskey chu ka han thli chhuak leh kar kar a.
Balcony a ding vang vang pah chuan thil eng eng emaw ka ngaihtuah neuh neuh a, engthil nge ka tih leh dawn engmah hi ka hrethiam tawh lo.
Ka phone hmeh en pahin ka wallpaper a Lola muhil lai thlalak ka hman chu ka han en vang vang a.
"Mighty, Lola.... hahh... " ka khi suk a.
"Hriatchian i har hle mai " tih pahin whiskey chu ka han lem leh khalh a.
.
Thil eng eng emaw ka ngaihtuah a ka mut pawh a chhuak lo,a khat tawkin Lola chu cctv atangin ka va en leh zeuh thin a, ani pawh a mu thei bik lo niin a lang.
Lola hian Nick nilo in kei hi min lo hmangaih ta tak tak ta se,hrehawm taka ka awmtir avang hian ka inngaidam thei tawh lo ang,tunah hian keimah vangin a tap a a muhil thei hek lo, heng zawng zawng hi min hmangaih vang ani thei mai angem? Lola ngaihdam dan tur ringawt chu ka ngaihtuah char char a,a chhan pawh ka hre tawh bik lo hetianga awm reng hi ka kham ve tawh pawh ani mahna.
"mahse an inkuah lai ka mit ngeiin ka hmu alawm" tih sup pahin thatchhe zet chuan ka han thu awn a, ka hmai nuai nawk nawk pah chuan ka ham zui bai bai bawk. Hun rei tak chhung ka mut mang tawh loh avangin ka chau tawngkawng ve tawh pawh ani mahna.
.
__________________________________________
.
*Office*
.
Hnathawh thulh meuh a Lola chungchang ka lo ngaihtuah vung vung lai chuan ka tho thut a ka coat fual hak sawk sawk pahin office ka chhuahsan nghal hlawk hlawk a.
"Alfred vawin chu keiman kan khalh ange? "ka tih chuan mak tih hmel takin min en nghal haw ringawt.
"Mak ti lutuk suh.... ka inngaihtuah tawh chuan i chungah ka lawm takzet " Alfred pawh hian inngaihtuah nawn turin min ngen lawm lawm kha ani a, Lola hnenah ka tih nat avang khan ngaihdam ka dil anga chuan chance vawikhat dil ngei ka tum bawk, min hmangaih lo mahse ka theihtawp ka chhuah anga engtik ni ah emaw chuan min la hmangaih em em ang.
Hetiang renga awm chu a hrehawm emai, engkim hi siam that vek ka duh.
.
Hmanhmawh takin court lam panin ka tlan nghal vang vang a,inthenna hi ka ti tawp ngei tur ani. Divorce paper melh zeuh pah chuan ka khi suk a, he thil hi engtik ah mah ka hmu leh tawh tur ani lo.
Ngaihdam ka dil huna Lola hmel awmdan tur ngaihtuah a ka lo nuih vur vur lai chuan ka phone ri in min rawn ti harh zawk mai.
" Sawi rawh... " Lola enthla tura ka tirh pa kha anih avangin thuthar a awm leh ani ngei ang.
" Tunah damdawiin ah a lut chiah... " sana ka en nghal vat a, tunah court ah kal a hun tawh si a engvanga damdawiin a kal leh nge maw anih le? chuan he damdawiin hi Nick thawhna ani a, a khat tawkin a kal ziah bawk chuvang chuan ka ngaih a tha lo nghal.
" awle.... i thawk tha e... " tih pahin phone ka dah nghal, inngaihtuah lem lo in ka car chu damdawiin lam hawi in ka turn nghal pawp a chak zetin hma lam ka pan nghal ngar ngar bawk.
.
Damdawiin ka thlen chuan building lian leh sang zet chu ka en chho vang vang a, ka kut lehlam ah inthenna lehkha ka keng va va bawk hetah hian Lola chu engkim ka hrilh vek anga Nick awm lai ngeiin ka hmangaih thu hi hrilh ka duh.Kal tumna bik pawh awmlo in damdawiin ah chuan ka lut ve thawr a
" Ka pu puih theihna che ka nei em?" nurse pakhat counter a thu chuan min lo ko nghal vata, ka hawihai hmel a hmu pawh ani mahna.
" ughh....Lola Burton... " ka ti hman zuk a engemaw ka hriat le? hetiang hian a hming a dah tawp nang.
"ih.... Mighty Gonzalez tih in register a awm em le....?"
"tunge i nih... a thian nge? "thip zet hian min rawn melh khai a, mi sual emaw min ti pawh ani mahna.
" a pasal ka nia... " ka tih takah chuan min melh dan a dang leh deuh.
" awle.... kan en ange? " tih pahin computer chu a bih ngur ngur a, dawhthei takin ka lo nghak ran bawk.
.
Chutia Lola hming a zawn lai chuan ka hawikual na lamah Nick ka hmu ta thut mai!!! Doctor dang te nen lift ah an lut chiah lehnghal.
"ka rawn let leh vat ang " tih pahin lift dang ah ka chuang nghal vat bawk, an kalna tur floor ka hriat avangin floor17 chu ka hmet nghal vata, Nick ka hmuh tawh hi chuan Lola hmu turin ka in ngai hmak tawh.
Floor17 ka thlen chhoh chuan ka hawi kual nghal ruai a, room a tam si a Nick ka hlauh bawk nen pan tur pawh ka hre lo.
"Hello.... ka pu puih theihna che ka nei em? " Nurse la naupang hmel tak room pakhat atanga rawn chhuan chuan min rawn be hlawl mai.
" umm..... Nick ka hmu thei angem? " leh ringawt zela.
"umm.... Dr. Nick Harper maw? "
" aw... Ni e, Nick Harper..... "
" Min lo zui rawh..... "
.
Nurse chu ngawi rengin ka zui ve mai bawka
" Dr. Harper nen chuan kan inhre lutuk alawm....a thian i ni ang tiraw?"
" ka hrelo.... " ka chhan dan avang chuan min rawn nuih suk a
"nge hmelma zawk.... tak tak a midang chu zawt la an hrilh duh miah lo ang che min zawt hlauh a i vannei khawp mai "
"nia.... " tih pahin ka lo khi suk ringawt, nurse ni awm reng pawh anih hi mi biak dan a thiam reuh hle mai.
"i duh chuan a office ah pawh i nghak thei tho mahse Pu Gonzalez room ah hian a awm tam deuh avangin chutah chuan hmu zawk la a tha ang.... "
" Pu Gonzalez maw!! " Ka ti nghal haw a, a chhanchu Mighty Gonzalez tih ka hriat chhuah zawk vang ani.
.
" aw... i hria em ni? "
" aih.... "
"Mr. Burton kan thleng tawh e.... tah hian Dr.Harper chu i hmu thei ang " tih pahin a kal nghala.
" ka lawm e... " ka tih chuan rawn hawilet pahin min rawn nuih nghal suk bawk, min hriat vang anih dawn kha min biak that em em ,engpawh chu nise hei Nick Harper bul ka thleng thei tho alawm.Thawk chhuah hak pahin kawngka chu ka han hawng ri nghak rak a.
Nick chuan damlo upa tawh tak khuma mu chu alo endik mawlh mawlh a, Lola erawh chu putar kut vuan chuan alo thu kun ngâih bawk ,min rawn hmuh chuan mak tih hmel takin min rawn melh dun nghal kawk a, thil thleng hi ka hrethiam lo takzet.
.
" Kai ...." Lola chuan a rawn ti sap a,thei leh thei lo in a rawn in beng kang ve bawk.
"hepa hi tunge?"ka rilru a zawhna rawn lang hmasa ber chu ka zawt nghal phawng a.
"Tunah chuan i hre chhuak ta nge mge ani maw...."
"Engchu maw!!....engchu maw ka hriat ve loh Nick nen chauh a in hriat bik chu"
"Kai.....chutiang ani lo... " Nick chuan a rawn ti nghal vata, Lola chhan a tum ve hle mai .
" Nick.... min lo va chhuahsan rawh... " Lola a rawn inrawlh nghal vat bawk.
" mahse ...."
"min ngaihtuah suh....khawngaih in..." a ti takah chuan sawi nawi lo in a chhuak nghal mai a.
.
" Kai ....vawitam tak hrilh che ka tum thin a .....ka pa ...."
"i pa maw?!!" tih haw pahin Lola pa chu ka en nghal vata .
" aw....ka pa anih hi, hun rei tak atang tawh khan a thin thlak angaih avangin damdawiin ah a awm tawh a ...."
" chuan engmah min hrilh lo amaw!! "
" min ngaithla phawt rawh ka sawi dawn alawm... " zaidam tak chuan a han ti leh a.
"ka pa hi murder case nei lai anih avangin engmah ka hrilh duh ta lo che ani.... "
" mahse engkim i harsatna zawng zawng min hrilh vek turin ka ti lo che mi? ka chungah i rinna zawng zawng nghat turin leh i engkim nih ka duh thu ka hrilh lo che em ni?"
.
"hrilh che chu ka tum reng alawm.... mahse media.... "
" kei min hrilh aiin Nick hrilh i thlang ta zawk a chuan in pahnih in ka hriat loh in in lo enkawl vel amaw? ngatinge min ring ve miah lo em ni tlem te tal pawhin?"
"nilo... Kai ka ring lutuk che alawm... mahse ka ti hming chhe thei lo che ani... "
" anih chuan heng thu liantham lutuk i pa nunna meuh pawh ka laka zep tlat hi min rin dan chu maw ni a!!"
"ngatinge i hriat thiam theih miah loh a.... "
" Lola nang hian alawm hriatthiam ngai zawk chu ...."ka awk ki ka san nghal that !
"vawi tamtak engkim min hrilh turin leh ka chunga i rinna zawng zawng nghat turin ka hrilh che asin....keichuan i hrehawmna leh i lungngaihna te tawmpui che a tanpui che a hmachhawn dun mai chauh asin ka duh....min hmangaih turin ka ngen ngai lo che mahse min ring turin erawh chuan vawi tamtak ka ngen tawh che chuan heihi maw ka hlawh chhuah chu ni a.... "
" mawh.... hei chauh hi maw? khang i tana ka rilru ka senna zawng zawng te leh ka lo hmangaihna zawng zawng che chhan let nan inphatsanna te, inbumna te chauh hi maw min pek a....tawk i ti ve tawh em em lo em ni? " ka ti nghal tuarh a,inphatsanna te inbumna te chu thuhran ka thil ngen awmchhuan keimah min ring tura ka ngenna lehzel pawh engmah lo mai maw lo ni a!! Kei min ring lovin Nick a thlang zawk a, ka lakah thu liantham tak an zep ru bawka, hetiang em em tuar tur hi chuan ka sual lutuk bik lo asin.
" ka tihpalh...."
" i pa tanpui a.... makpa tha tak leh pasal tha tak nih ka duh ve tho asin...."
"khawngaih in min ngaidam rawh.... hrilh che ka tum reng alawm, ka bum che maw i ti maithei mahse ka hmangaih vang zawk che asin.... "
" hahh....inbumna hi maw in hmangaihna chu.... tunah chuan ka nupui pawh i ni tawh love.... chelh reng che hi ka tan awmzia a awm tawh lo " tih pahin divorce paper chu ka theh phei lawp a.
"mangtha le " tih pahin thinrim tak chungin room atangin ka chhuak nghal hlawk hlawk a,Nick kalpelh pahin ngeiawm zetin ka khi zui suk bawk.
.
Ka rilru ah engmah a lut thei tawh lo a ngaihtuahna fim pawh ka pu thei hek lo ,ka ruih tawh em avangin bar bawh ngut pah chuan ka inchhunzawm zela rui hle mah ila ka rilru na a reh thei chuang lo.
"ngatinge hetiang hian i awm ? " tih pahin ka bulah Celine chu a rawn thu a,engtin nge hetah ka awm tih a hriat?
"keimah chauha awm ka duh.... "
"i rui lutuk a nangmah chauh pawhin i haw thei dawn mi? "
" Engvangin nge hetah i rawn kal....? "
"oh... C'mon.... Kai chutiang sawi hun pawh anih loh hi "
" tun atang chuan min hmu turin rawn kal tawh suh.... ka mamawh tawh lo che "
" min mamawh lo mahla Lola in min mamawh alawm "
"i hlawh chu ka pe ang che....Lola nen kan inkar a tawp vek tawh chuvang chuan ka mamawh tawh lo che.... pawisa chu i account ah ka rawn transfer anga chuan i hmel hi hmuh leh ka duh tawh lo " ,no khat ka tlak leh chiah chu ka khawhmuh a phe nghal vek, ka hriat zawng chu zawi zawi in ka chatthla tih chauh chu ani.
.
_________________________________________
.
" Good morning.... " hmeichhe aw ka hriat chuan ka harh ruai ruai a, ka lu a na hle bawk.
" tho tawh rawh.... a tlai tawh " Celine aw ani tih ka hriat chuan ka tho chhuak nghal thut a, ner suk pahin ka lu ka han dawm vang vang phawt a.
" kha.... sawhthing leh khawizu tui hi in rawh i zia mai ang "
" Engvangin nge hetah i awm? "
"in vat vat rawh.... chuan hei i phone miscall a tam khawp mai... " tih pahin ka phone chu min rawn pe a,rang lutuk in ka laksak nghal vat bawk,a sawi ang ngei chuan miscall alo tam ngang mai ka pa ,ka nu,Nick ,Maisie leh Alfred te miscall alo in tlar thla tuarh mai.
"Khawiah nge ka awm?" ka room ani lo tih ka hriat avang chuan khum atangin ka chhuk nghal vata, ka thin a rim hle bawk.
.
"ka inah mawle... "
" maw!! "
"i rui lutuk a haw pawh i haw theih loh kha...." tih pahin min rawn khawih a tum a mahse ka lo in dang vat thung.
" min rawn khawih hlek suh " ka kawr chu ka ha nghal mawlh mawlh a.
" nizan ah engmah a thleng lo tiraw.... ?" Celine chu ka melh nghal haw a
" thleng maithei.... "
" Lalpa leh!!.. enteh Celine.... fiamthu na hun ani lo..." tih pahin dawhkana khawizu tui chu ka vai tla nghal pawp a.
" Kai duhtawk rawh... "
" Engvangin nge Alfred i call mai loh.... Lalpa leh ka awih thei lo.... "
" inbeng dai phawt teh.... "
" nizana thil thleng engmah ka hriat chhuah theih tawh loh laiin engtin nge ka inbeng daih theih anga"
.
Thinrim tak chungin Celine apartment atang chuan ka chhuak nghal hlawk hlawk a.
" Kai lo ding teh.... " min rawn um nghal vata, mahse ding ka tum hauh lo.
"hmuh che ka duh tawh lo "
" Kai.... Kai... " hre lo ang mai chuan step ah ka chhukthla nghal dawr dawr a.
" kal suh.... " tih pahin Celine chuan ka hnung atangin min rawn kuah ta thut mai!
" engthil nge maw i tih le? "
" kal suh... khawngaih in, ka hrilh vek ang che nizan ah engmah a thleng lo....chanchinbu miten an veh reng che avangin ka inah ka hruai ta ringawt che ani.... engmah a thleng lo tak tak ..."
" min thlah rawh.... "
" aih... ka duh lo, Lola nen in in then tawh chuan chance vawikhat tal min pe ve rawh.... "
.
"Celine.... hriatthiam tum.... " ka nu in min rawn call avang chuan ka pick up nghal vata .
" Kai.... ngatinge phone i lak theih loh " tap aw deuh tuau hian a rawn ti a.
" ka buai deuh a.... nakinah ka rawn be leh ang che.... " tih pahin dah nghal mai ka tum a.
"tunah Lola damdawiin ah a awm"
" maw!! " ka mit nghal sawlh in ka hria, chuan ka chiai nghal vek bawk.
" Nizanah.... a thi a rawn put a, naute dinhmun a that vak loh avangin tunah hian an veitir meka mahse a chauh tawh em avangin zai mai angai ang an tia....thisen a hlauh hnem mai bakah a blood group AB(-) alo ni bawk nen tunah hian thisen pe tu tur kan zawng meka hmu lo ta ila engtin nge kan tih ang....? " chhang lo in phone ka dah nghal vata
.
" Celine.... tunah damdawiin ah ka kal vat angai.... "
" maw!! "kekawr bul leh vest chauh a hak avangin ka coat ka hak tir sawk sawk a inhnuai lam panin ka kaithla nghal hlawk hlawk a.
engthil nge thleng ?"
" nakin ah ka hrilh ang che " car ah ka luh tir nghal sawk sawk a,midang in min en leh en loh pawh ka ngaihtuah tawh lo, ka bengah Lola damdawiin ah a awm min mamawh takzet bawk tih chauh chu a ri nawn tluk tluk a.
Show post links
Top
Ngaia
Site Admin
Quote
Unread post December 3rd, 2017, 2:28 pm
Chapter-53
.
Damdawiin kan thlen chuan Celine pawh ka hre chang tawh lo ka tlansan dawr dawr a mahse ngawi rengin hmanhmawh takin ka hnungah min rawn um ve hlawk hlawk tho.
"khawiah nge Lola...? " ka nu ka hmuh chuan ka ti nghal vata.
"a.... a harh thei lo tunah an buaipui mek, engtin nge kan tih tak ang? " tap zawih zawih pahin min rawn kuah nghal thlawp a, ka che thei tawh lo. Lola a harh chhuak theih lo amaw!!
" Engtin mah a awm dawn lo " tiin ka phun sup sup a, ka bul vela thawm awm te chu a reh duk mai hian ka hria.
" anih.... naute" Celine chuan alo ti nghal vata,kei erawh ka chawmawlh vek thung.
" naute chu tha takin an zai chhuak a mahse tuma hmuh phal ala ni lo " Rita chuan ka nu chhan ai chuan alo ti nghal zung zung a.
Engthil nge maw thleng ta hi le? Lola a harh chhuak thei lo a ka fa lah ka hmu thei bawk si lo.
.
" Lola ka hmuh angai....ka awm tih a hriat chuan a rawn harh em em ang " tih pahin room ah luh ka tum ta mai!!
" Kai....tunah chuan dawhthei taka kan nghah phawt angai... "
"ka nu... ti ringawt saw chuan ka awmtir thei lo... "
"nilo....a rawn harh tep tawh ang...."
" aih... ka duh lo ka hmuh.... " ka sawi zawh hma chuan ka hmaiah a rawn ri nghal siah!!
" Nick.... " ka nu chuan a ti zui nghal tuarh bawk.
" Hmela... " tih pahin ka kawr nghawngah chuan a rawn tham nghal lawp a.
"Duh tawk tawh rawh.... Lola ngaihtuah ang takin awm tum hauh suh.... "ka hmaiah tak a rawn hnek leh nghal pawp a,mahse tih let ve ka tum hauh lo thung
"i lawm tawh em? "tih pahin damdawiin atanga an banna lehkha chu a rawn lek va va a, ni e... keima ban tir ngei ani engtin nge Nick hian ka tih tir ani tih a hai theih teh lul ang.
.
"khawngaih in haw zawk rawh.... " lehkha chuan min rawn vawm zui ngat a,Hetiang em em a Nick thinrim lai hi ka la hmu ngai lo.
" ka nu... ka tihpalh " tih pahin Nick chu a kal nghal vang vang a,kei erawh ka din ngaiin ka ding reng thung.
"Nizanah khawiah nge i awm? "ka pa chuan fiah fai tak hian a rawn ti khauh khauh a, mahse chhang lo in thuthleng ah chuan ka thu hnawk a, inthiamlohna leh hrehawm tihna hlirin ka khat a heng thil zawng zawng hi keimah vang vek ani.
Chutia rei tak kan thut ngawih thap hnu chuan a tawp a tawp ah doctor a rawn chhuak ve ta!!
" damlo chu a ngaihtuahawm tawh lo e... thisen kan pe meka mahse harh chhuak tur chuan hun ala duh rei deuh ang, a taksa a chaklo mai bakah naupai a him lo bawk nen hun chu ala duh rei ang mahse theihtawp kan chhuah a... thlamuang takin lo awm rawh u "
.
"anih naute hi.... "
"A nu... blood group AB(-) alo ni bawk nen infection laka venhim angaih avangin naute chu hmuh phal ani hrih lo.. "
"Doctor hun a duh rei viau angem? "
" ahh.... naute hi chu a reilo berah thla hnih chhung chu hmuh phalsak in nih ka ring lo... " a tih chuan ka hawi cho nghal haw a.
" maw!! "
"pawi ka ti lutuk.... anu hmuh pawh phalsak ani chuang lo...min lo hrethiam rawh u naute pa hi a fal in ka be lawk thei angem...."
" aw... keimah hi ka nia "
" pawi i tih loh chuan ...."
" awle ...." Doctor chu a office lam panin ka zui nghala,engvanga min be duh nge a anih ngaihdan pawh ka nei lo.
.
Nizan ka in in chau bawk nen ka kamiz ban chu ka thlep daih a, ka necktie pawh duhdah takin ka pawt thawl bawka tunah chuan mi pawhin min hmu mah se min hai ngei ang.
" Mr. Burton.... tah khan thu rawh " chair min kawhhmuh na ah chuan ka thu nghal vata.
" ughh.... englo ania.... " thawk halh pahin a tarmit chu a han phelh te te phawt a.
" i hriat angin.... naute nu blood group ang hi blood type vang tak mai ani a chuvang chuan naute ah nghawng a neih tel thin avangin tun bak hi chu fa nei tawh lo turin ka rawn duh che u"
" anih....ka fa chu a tha ang tiraw? "
"theihtawp kan chhuah mek zel e....i fanu lung hi a that vak loh avangin a rang thei ang berin zai angai dawn a harsatna in nei anih chuan tih dan dang te pawh a awm mahna. ..."
"pawisa engzat pawh ngai rawh se ka fa leh ka nupui damna tur anih phawt chuan engthil pawh ka ti ang "
" awle.... anih chuan lo in rawn khawm ula...thutlukna min rawn hrilh leh dawn nia "
"ka lawm e"
.
Rilru buai tak chungin ka fanu an dahna ward lam pan chuan ka kal phei chhat chhat a, ka fanu ngei pawh pawm chu sawi loh ka hmuh takngial pawh an phal lo chu nia,
Ka fanu an dahna room ka thlen chuan pawn atanga hmuh theih turin darthlalang lianpui hian room chu an ping dang a,Nick an ka fanu a thlir mek tih ka hmuh chuan a bulah ka va ding ve nghal vata.
"naute duhawm tak anih saw.... " a rawn ti sap a, ni e naute duhawm tak ani,ka fanu ,ka engkim chu nu hnute tui pawh hne thei lo in darthlalang chhung ah an mut tir a, a taksa hmun hrang hrang ah pipe ang deuh hi an vuah fur bawk mahse ka tan chuan khawvel a thil mawi ber leh sawtiang khawpa en nuam tih leh duh saw ka la nei ngai lo.
.
"i hmai chu ala na em?" tih pahin min rawn nuih suk a.
"i dawng atan i duh bik miah lo ang.... "
" kha kha Lola i tih nat vang anih kha"
" anih a vawi hnih na kha"
" kha kha chu.... Lola in kei nilo in nangmah a hmangaih vang che anih kha " a tih chuan phawk fe hian ka melh nghal kawk a.
" Lola hian a thinlung zawng zawng in a hmangaih che asin.... ni e, Ka lo inkawp thin pawh ani maithei mahse kan inkar ah inthian thatna bak a awm tawh lo "
" mahse....min ring hleinem... "
" nilo....tih nat che a duh lo alawm, amah vanga i hmingchhiat a duh loh vang zawk asin... vawi tamtak hrilh a tum che a mahse vawikhat tal pawh a harsatna te hriatthiampui i tum ve tawh ngai em? ngai lo tiraw? "
.
"hriatthiam a hnek in amah do zawng leh ti hrehawm zawngin i awm zawk ani lawm ni "
" anih chuan.... kut beng chungin a thil tih apiang ka en liam zel ang maw?"
" i tih tur zawng chu Lola hi ngaidam rawh... a bulah awm la hlim takin awm tir leh rawh "
" chu chu kei aiin i thiam daih zawk ang chu "
"ka theih ka ringa...vawitamtak tih hlim ka tum tawh alawm.... mahse ka thei lo. Kai vawikhat chiah ka sawi tawh ang, Lola nen in in then tak tak anih chuan i hlim angem? chu chu nangmah leh nangmah inzawt turin ka duh che.... "
.
Nick a kal hnu chuan ka fanu en vung vung pah chuan ka ding renga.
"i pa hian engthil nge ka tih leh ang? " ni e... Lola tello hian ka awm thei lo chu chu ngaihtuah kher pawh ngai in ka hrelo.Mahse ngatinge maw thil hi a harsat em em mai le? ka fanu bula awm te, Lola nen hlim taka awm te hi ka duh ve tho mahse kan inkar ah inrin tawnna a awm si loh chuan awmzia a awm dawn chuang em ni? Nick thusawi chu ka ngaihtuah char char a mahse tunah chuan Lola leh ka fanu hriselna hi a pawimawh ber hrih engpawh thle g dawn se an chungah engmah ka thken tir lo ang.
.
"a hmeltha hle mai " ka hawi phei vata Celine chu ka bulah naute en chung chuan a rawn ding ve nghala.
" inzo tawh em ni? "
" aw... "
" ka lawm e.... "
" i lawm tak tak chuan dinner min treat thei... "
" hahh.... chuti maw?"
"a chhan chu Lola a rawn harh tawh...chuvang chuan lawmthu sawi nan dinner vawikhat chauh "
" Lola alo harh tawh maw!"
" aw.... va kal vat rawh alo nghak reng tawh ang che"
" ka lawm e... " tih pahin Lola awmna cabin lam pan chuan ka tlan phei nghal vata,
" Kai.... " Celine in min rawn koh avang chuan ka hawi let vata.
" dinner chu aw.... " khik suk pahin hmanhmawh takin ka kal leh nghala.
.
Chapter-54
.
Lola awmna room ka thlen phei chuan Alfred leh ka nu an lo awm a, an hmelah chuan hai rual loh in an hlim hle tih a hriat theih.
"Kai.... Lola alo harh tawh asin" ka nu chuan phur takin min lo hrilh nghala.
"mahse tunah chuan ala hmuh theih hrih loh a.... hetah hian kan nghah mai angai a ni"ka nui tawp chiang hle, hmuh chak tawh nak alaiin nghah ala ngai cheu amaw!!
"Ngatinge heng mi phiangsen ho hian a hriat thiam theih miah loh.... ka fanu pawh hmuh an phal lo a tunah ka nupui lehzel pawh maw? "
"Lola dinhmun chu kan hriat vek kha...."
"hreptak chuan... " bang chum dawt pahin ka lu chu ka han dawm vang vang a.
.
"a hmasa berin inah haw la va inti thawveng la a tha in ka hria....chuan hna tamtak thawh tur i nei bawk" ni e, hna chu ka ngah tak meuh mai mahse ka nupui damdawiin a a awm lai hian engtin nge hna ka thawh san daih theih ang?
" aih.... khawiah mah ka kalsawn dawn lo... " tih pahin ka thu hmak .
" Boss.... Escape company ho nen meeting nei turin kan inbe fel vek tawh si a" Alfred chuan alo ti ve bawka
" anih chuan tinge i cancel mai loh... " ka lo ti vin deuh hlar a.
"mahse... "
"engmah ka ngaithla peih lo" chutih lai tak chuan nurse pakhat hi a rawn kal hlauh.
.
"Damlo chu tun atanga darkar thum hnu ah a hmuh theih ang.... "
" Engvangin nge darkar thum phiansen chu kan nghah leh kher ang... " ka vîn deuh hlek avang chuan ka nu in min khak nan ka banah min rawn vuan nghal vata.
" nurse kan lawm lutuk" alo ti nghal vat bawk. Nurse kal liam hnu chuan ka nu in ka ban a vawn na chu ka thingthla nghal sawk a
"ka... ka kut ngei hian ka fanu pawm ka chak asin... mahse a lo berah thla hnih tal ka nghah a ngai si.... mahse ngatinge Lola lehzel... " zawi sap hian ka ti a, ka hmel ah ka beidawng hle ani tih hai rual ani lo. Ka nu chuan a tih tur tak tiin ka darah chuan a rawn beng thak thak a.
"hei aia rei chu Lola in a nghak che asin.... "ka nu chu ka en nghal haw a.
"a hnen a i let leh hun tur hi dawhthei takin a nghak char char che asin....Kai, let hi a hun tawh viau in ka hria..."
.
" anih ka nghak lo bik em ni?.... kei zawk hian asin ka hnenah rawn let turin nghak "
"anih vawikhat tal ngaihdam i dil tawh em? "
" engvangin nge ka dil anga... "
" mahse tunah hian ngaihdam dil i duh takzet tih ka hria"ka nu hi chuan min hre chiang ve ngawt mai, a sawi dik chiah Lola hi ngaihdam dil ka duh mahse ka nu hriat a tlawm taka awm erawh ka duh hauh lo thung chuvanga hetianga awm tlat hi ka ni.
" enteh ka fapa.... i pa nen hian kum35 lai kan innei tawh asin... kan inneih avang hian kan intibuai emaw kan inhau lo tihna ani hauh lo mahse tun dinhmun kan thlen theihna chhan chu tlawm zawk nih kan hreh loh vang ani "
.
"ka pa nen chuan kan inang lo lutuk... tehkhing chi pawh kan nilo " ka la tifan tho, hei vang hian lawm luhlul leh tih mawh ti a hriat ka hlawh em em nachhan.
"Kai.... " ka nu chuan min rawn melh khai a "i hmangaih ber hum nan chuan engpawh i huam tih ka hria ka fapa i ni a ka hre chiang lutuk tlat che.... chuan hemi chungchang ah kher kher hi chuan min hnial thei lo ang.... " ka ngawi renga chhang pawh ka tum chuang lo a chhan chu ka nu hian min hnial dan tur a hre zel dawn.
"Lola hmuh nan hun rei a awm tawh lo a... chuvang chuan lo inngaihtuah ang che " tih pahin a tho hluai a.
" Alfred.... zing atangin engmah ka la ei lo a kan zuk in eipuar dawn mi niang "
" awle... " Alfred chuan ka nu chu a zui nghal vata, kei erawh Lola hmuh theih hun nghakin ka thu reng thung.Ka ipte a kan inneih zungbun ka ah lai chu la chhuakin ka en vung vung a
"ka lawm e... " tih pahin ka khi suk a.
.
______________________________________________
.
*Lola's POV*
.
Thil eng eng emaw vangin ka harhchhuah hnu pawhin tumah ka hmuh an phal lo a, diktak chuan ka chau takzet,tuma zar buai ka peih bawk hek lo. Nau ka neih hun tur an sawi kharkhat vela hma ah fa ka nei a,fanu ka nei tih chu ka hria mahse ka hmuh erawh an phal miah lo thung.Nau reife ka vei hnu ah ka thi a put nasat avang leh ka chau em avangin ka vei chhunzawm thei tawh lo kha ani a engkim chiang takin ka la hria mahse khami zana Kai leh Celine te inzui lai ka hmu erawh theihnghilh vek ka chak takzet.Maimichhing vang vang pahin Kai hlim hmel te leh hlim taka kan awm duh lai vel te kha ka ngaihtuah let a, ka mittui a rawn luang thla nghal ngiai ngiai mai.
.
Reife thil ka ngaihtuah mai mai hnu chuan nurse pakhat hi a rawn lut a, an fimkhur bawk aniang a lu a tuam veka mask a vuah thlap bawk.
"ka pu lo lut rawh.... " a tih chuan kawngka lam ka en nghal vata, mask vuah tlat mahse ka hai hauh lo, nurse hak ang chiah kawrfual pawl dal (apron) a ha a, a lu an tuam veka mask a vuah ve bawk.
Ka mit ah tak rawn en kar pahin ka bulah a rawn kal hnai a.
" Hi!! "
"Hi...!! " ka lo nuih suk a, mahse ka hnar ah thil an vuah a tawng zawnga a nat avangin ka tawng tha vak thei lo.
"i tha maw? " tih pahin ka chair ah chuan a thu vata, a kut a vai zawngin kan inneih zungbun a bun tih ka hmu nghal chu chuan min ti hlim kher mai.
.
"na ila nei em? " a tih chuan ka lu ka lo thing vata,chaw a ei tha lo aniang a cher in a dawldang em em a chu chuan ka rilru a ti na takzet.
"umm....ka fanu... ka tih awmzia chu kan fanu ka hmu asin... " Lalpa leh!! kei tluka hmu ve chak hi an awm lo ang mahse ka hmuh a rem bawk si lo.
"a tha ang tiraw? "
" umm.... nangmah ang mai ani ,ih!!..
kut leh ke te reuh te te a nei a,a duhawm in a hmeltha takzet ... " ka hmu ve thei lo ani tih a hrechhuak thut aniang a ngawi thut a
"tha takin ka enkawl che anga kan fanu chu kan la pawm em em ang "tih pahin ka kut chu a rawn la a fawh zeuh pahin nghet takin a han hum vang vang a.
.
"Lola....inngaihlo taka awm kha ka duh tawh lo " a rawn ti chhuak hlawl ringawt.
"a hma anga hlim taka awm leh ka duh.... nilo a aia nasa a hlim ka duh ,hun rei tak chhung ka ti na che tih ka hria chuvang chuan ka nun pum hi ka thil tih sual tawh te siamthat nan hman ka duh chuan kumkhua in i bula awm ka duh.... Lola min ngaidam rawh ,Mighty i ni emaw ni lo emaw Nick i duh emaw duh lo emaw ka pawisa lo ,i kianga ka awm chuan ka lawm tawk em em .....khawngaih in min ngaidam rawh, i kianga awm hi min phalsak leh hram rawh " chutia Kai an tih takzeta a sawi lai chu ngun takin ka lo melh kar a, ka mittui a tla lo thei lo.
.
" Hello... ka pu pawi ka ti lutuk, inhmuh hun a tawp tawh.... " Nurse chuan a rawn ti a, engmah pawh ka sawi hman lo ngatinge inhmuh hun hi a rei loh em em le?
" awle... ka hria e.. " a lo ti vata.
"Lola... pawnah sawn ka awm reng ania" ka bianga rawn fawh zeuh pah chuan chhuah nghal mai a tum a.
" Kai.... " theih leh thei lo chuan ka han ko a, a rawn hawi rang ngei mai.
"Khawiah mah kal suh aw... "
"khawiah mah ka kal dawn lo..... ka hmangaih che " min rawn nuih suk pahin a chhuak nghala.
Diktak chuan Kai duh ang chiah kha ka duh ve tho, a hma anga hlim taka awm a ingeih taka awm ka duh tawh,mahse inngaihtuah phawt ka duh,min hmangaih thu min hrilh avang hian ka rilru ka ti nem nghal mai tur ani lo.
.
_____________________________________________
.
2 weeks later
.
Nau neih ringawt mah nise indim ka ngaih mai bakah midang aia ka danglam bik avangin ka sawi awmzia chu ka blood type avang hian damdawiin ah kar hnih ngawt ka awm a, ka awm chhung zawng hian inkan hun apiangin Kai leh Mrs Burton hmel hmuh tur a awm ziah chu chuan min ngaihtuah zia leh ka mal loh zia min hriat chhuah tir a ka lawm takzet.Ka fanu Darcy (Darcy Rose Burton) pawh that lam a pan zela mahse a pian tirh atangin ka la pawm lo,an dahna room pawn atanga thlir mai loh chu tih theih ka nei bik lo. Hnute tui ka neih loh avangin Darcy pawhin hnute tui siam chawp a ringa, nu tan chuan a rilru nat thlak takzet.
" Vawin chu khua a nuam hle mai.... "Mrs Burton chuan parda pawh tawlh pah chuan hlim hmel tak hian a ti a, ni e... vawin chu tu pawh kan hlim a chhan chu damdawiin atanga ka chhuah ni ani miau a.
"nia... " ka hlim tho na in Darcy tello a kan haw tur erawh chuan min ti lunghnur hle thung. Uluk taka enkawl a ngaih mai bakah tuma chim buai theih loh a enkawl ala ngaih avangin ani chu damdawiin ah hian an la enkawl anga ka hawsan mai a ngaih dawn avangin ka phur lo ru hle.
" Kai pawh a rawn thleng tep tawh ang.... meeting an neih zawh veleh a rawn kal ang "a ti zo chiah tih chuan a rawn lut hlawl mai.
.
" Kai.... " ka hmu chak tawh bawka ka lo nuih sanga, mahse a hnungah Celine a rawn zui tih ka hmuh chuan ka nui tawp chiang hle.
" Hi!!...Lola"
" Hi!!..." ka lo ti let sap a.
" i tha tawh maw... ?"
" aw... tha tawh e... " lehlam hawi hmak pah chuan ka chhang ngat a, ka lungawi vak lo tih Kai an a hria ani ngei ang ka bulah rawn thu in ka kut a rawn vuan nghal chat .
" min lo nghak rei tawh em? " a tih chuan ka lo bu nghata.
"ngatinge Celine saw a rawn kal ve a?"
" ughh.... in checkup turin ka rawn kal a" ka tawng ri a hria a ni ngei ang, Celine chuan min rawn chhang nghal vat mai.
.
" umm... Lola ka lawmpui lutuk che, ughh Kai ka kal mai ang "
" awle... " Kai an a thlah emaw a zui chhuak lo chu ka lawm takzet.
" lem... in hman tawh chuan kan haw tawh mai dawn mi? "
" umm..... mahse Darcy "
" kan va hmu lawk dawn mi niang...? "
" awle.... "
"thu lawmawm.... " tih pahin Nick chu nuih sang pahin a rawn lut a.
"Nick... i va vang ve" Mrs Burton chuan alo ti vata, anih na takah chuan Kai an a thik avangin a rawn inlan vak ngai lo ,mahse a khat tawkin min rawn tlawh ve reng tho ,damdawiin atangin a bang daih bawk si a a ban chhan lah min hrilh duh der bawk si lo .
.
"Eng nge.. thu lawmawm chu...? " ka lo ti nghal vata.
" ih... Englo ania,vawin chu a vawikhat nan Darcy i khawih thei dawn... "
" maw!! ....engmaw? "
"doctor in i pawm a phal tawh a... "
" Lalpa leh!! " ka lawm lutuk chu Kai ka kuah nghal thlawp a, ka mittui a tling nghal pam bawk. Tam tak chuan an hrethiam lo maithei mahse nu tan chuan fate an pian tirh atanga pawm theih loh chu thil hrehawm tawpkhawk ani.
" Kai....ka.. ka fanu ka khawih thei tawh dawn....nilo ka pawm theih tawh dawn" ka lawm lutuk chu awmdan pawh ka thiam lo.
" umm.... keichu ka kal leh nghal mai ang " Nick chuan ka samah a rawn chul zeuh a.
"Reilo te tal i la awm thei lo mi? " Kai chuan alo ti vata, hetiang thu Nick bula a sawi hi mak ka ti takzet.
"Damdawiin atangin ka bang tawh sia... hna dang ka zawn angai alawm.... Lola tha takin le " nuih vur vur pahin a chhuak nghala.
.
Chapter-55
.
"Kan kal dawn mi niang.... " Kai an a tih chuan ka lo bu nghat a, a ruk tak chuan ka zam takzet.Min kuah chungin zawi muangin Darcy an dahna room lam pan chuan kan kal chhat chhat a, kan hnungah Mrs. Burton in min zui ve bawk.
He hun ka nghah hlelh zia hi tuman an hre thiam pha kher lo ang, kei tluk zetin Kai pawh a phur tih ka hria mahse a ti lang lo mai zawk ani. Darcy awmna room kan thlen meuh chuan ka kut pawh a kut dar dar mai, a thlan veka ka zam rual rual in ka phur bawk si ka awmdan hi ka sawifiah thiam lo.Darthlalang atang chuan Darcy chu kan pathum in kan thlir thap a,Kai an ka kutah nghet takin a chelh tlat bawka ka zam lutuk pawh kha a zia tan in ka hria.
.
"Ms Burton... " Doctor in min rawn koh chuan kan hawi phei nghal thap a.Kawngka a hawn takah chuan ka tih tur chu ka hai lo chiang kher mai.
"min lo zui rawh le... " a tih chuan Kai chu ka han en chho ha a,
" va kal rawh... " min nuih suk pah chuan ka chal ah a rawn fawp zeuh bawk
" Lola.... " Mrs Burton chuan ka darah a rawn beng thak thak a min lawmpui hle tih a hmel ah hai rual ani lo.
"a pa hian a hmangaih takzet ani tih i lo hrilh dawn nia... "tih pahin ka kut chu a thlah riai riai a.
Zawi muangin doctor chu ka zui lut nghala,Darcy awmna pindan ka luh dawn chuan nurse in kawrfual pawldal min hak tir a, lukhum leh mask min vuah tir tlat bawk chu mai chu duhtawk lo in kutkawr min buntir leh thlap bawk. Doctor pawh ka inthuam dan ang chiah chuan a inthuam ve a, pheikhawk pawh bun lut lo in a bun tur bik pheikhawk chu min bun tir thlap bawk a heng thil zawng zawng kan tih nachhan chu natna hrik a kai loh nan ani.
.
Darcy awmna room ka luh chuan boruak pawh a dang nghal zar in ka hria, Darcy ang tho a naute panga dang glass bawm chhunga awm te chu ka enkual nghal ruai a ka lainat takze keini ang tho in an nu leh pa ten pawhin pawm an chak ve ngawih ngawih awm si a tih chu ka rilru ah a rawn lang nghal.
Darcy chu ka han en vang vang a, a taksa hmun hrang hrang ah wire ang deuh hi an vuah fur a chuti chung pawha tui taka a mu sak sak lai ka hmuh chuan ka lainat lutuk chuan ka hmui ka hup nghal vata, tah lo hram hram ka duh.
Doctor in eng eng emaw a hmeh hnu chuan bawm chu a rawn in hawmg ta tual tual mai ,dawhthei takin ka lo nghak ran a a khat tawkin ka insut hraih hraih bawk.
.
Doctor chuan uluk takin a rawn pawm chhuak a mahse tui takin ala muhil sek sek tho.
"I fanu chu rawn pawm rawh le " pawm lo in darthlalang lam Kai leh Mrs Burton te lo dinna lam chu ka hawiphei vata.An ni pawhin an pawm ve chak hle tih ka hria ,Kai chuan a nu chu a kuah tlata ngun takin min lo thlir ran bawk.
"Ka lawmpui che... " Doctor chuan min hriatthiam hmel tak hian min rawn en a, fa a nei ve tawh ani ngei ang.
"a hmeltha hle mai... "
Phur tak leh tim ru tak si in ka han pawm chiah mai chu!! ka zawi nghal vekin ka hria.Duat takin ka kuah nghal vawng vawng a, ka insum thei ta lo ka mittui a rawn tla nghal zung zung mai.
" ka fanu....bawihte " tih pahin mask vuah chung chuan a chalah ka han fawp leh rih thin.
.
Kai te awmna lam hawi chuan ka inher a,ngun taka min lo thlir mai loh chu tihtheih an nei si lo. Ka mittui a tlak nasat em avangin ka fanu bak ka hmu thei tawh lo, a kut leh ke te tak tê tê te chu ka en ning thei thlawt lo.Ka la pawm zei vak lo bawk nen a rawn tal taih taih a, rawn harh a tum ta mai!! Ka thiam ang tawk chuan ka han awi a mahse a harh ta tho a. Tap miah lo in a rawn meng sar sar a,a mit a paw phât a, a pa nen inang tak an ni.
"bawihte.... i pa sawn a hmangaih lutuk che ania, kan vaiin kan hmangaih vek che rawn haw vat vat rawh aw.... "a beng bul ah chuan ka han ti sap a, ka tawng hre ve ni awm tak hian a rawn khi suk a ka nui chhuak hak bawk.
.
Darcy ka pawm hian hlimna tawpkhawk in min vur ni hial in ka hria, ka hlim veng veng a ka khi deuh reng mai. Mahse ka hlimna te chu ava rei lo em
" Ms Burton.... " Doctor chu a rawn bu nghat a, a awmzia chu hun a tawp tawh tihna.Reilo te ka pawm emaw ka tih laiin minute10 chu a ral der!!
"Bawihte.... ka ngai ngawt ang che... " tih pahin ka biang chuan a kut chu ka zuk sik tir ne ne a, khut hlang in khawih theih lo mah ila ka pawm thei ringawt pawh hi ka lawm tawk em em tho.
"naktuk ah ka rawn kal leh ang.... nilo zan ah ka rawn kal leh ang....tha deuhin lo awm rawh aw.....mangtha le"nurse pakhat rawn lut nghal in a rawn pawm nghal vat a, doctor erawh in min chhuahpui daih thung.
"Doctor vawikhat leh chiah.... " tih pahin Darcy kut ah ka han hum vang vang a,heti khawp hian fate then a harsa ania engtin nge ka nu khan duh lo in min paih theih zawk, khawvela mi nunrawng tawpkhawk ani ngei ang.
.
Hmanhmawh takin hawi let lo in ka chhuak nghal hlawk hlawk a, ka thawmhnaw te ka phelh fel hnu chuan room atang chuan ka chhuak vata Kai ka kuah nghal thlawp bawk .
"eng... engtin nge a awm?" Kai chuan hriat chak hmel zet hian alo ti nghal vata.
"a.... a hmeltha lutuk " tih bak ka sawi thei lo, a awm ah ka hmai phum in ka tap chhuak nghal hawm hawm a,min hriatthiam hmel takin duat takin ka sam ah a rawn chul heuh heuh a, tawngkam thiam lo mahse ka sam a a chul hian theihtawp chhuah a min hnem ve dan ani.
.
__________________________________________
.
In kan thlen pawh chuan pangngai tak pawhin ka la awm thei meuh lo, Darcy chu ka ngaihtuah veng veng a ka hnuk a ulh leh tlat zel.
"mu hahchawl rawh aw.... "
" Kai..... "
" umm.... "
" Darcy chuan ka ngaih ang hian min ngai ve angem le? "
"Lola..... " thawk halh pahin khumah min thuttir a.
"Tehreng mai.... a dam vat anga a rawn haw vat mai dawn alawm.... "
"i thu ka awih duh loh vang vek kha.... cigrattee te kha lo zu lo tawp tur ka ni asin ....zu te kha in lo ni ila chuan hetiang hian a awm a ngai dawn si lo "
" nilo.... i thiamlohna a awm reng reng lo.... "
.
" damdawiin ah kan va kal leh mai dawn mi? "
"mu phawt la naktuk ah kan kal dawn nia... ummm..."
" mahse.... a nu ngai in lo tap ta se nilo, Kai khawngaih in Darcy bulah kal leh ang "
"Lola.... " a tih ngaihna hre lo chuan ka kut chu a han hum vang vang a.
"i hahchawlh phawt loh chuan Darcy pawh a lawm lo anga sin... chuvang chuan mu la tha takin thil i ei bawk anga....naktuk ah nileng in kan awm dawn nia.... "
"Lola.....kha in rawh" Maisie chuan rawn luh pahin eng tui emawni hi a rawn ken luta.
.
Maisie hmel ka hmuh hian ka zang huai thei in ka hria.
" Kai.... nangpawh lo va hahchawl rawh, Lola chu keiman kan lo enkawl ange"tih pahin ka bulah chuan a rawn inthawlh ve nghal vata.
" kha heihi in rawh a tha lutuk.... "a thil rawn ken chu min rawn pe a, enge a nih ka hriat avang chuan ka lo nui suk a, Kai erawh a hrilh hai hle thung.Anih na takah chuan sawhthing, lemon leh aieng tih pawlh ania, vawikhat Maisie rui buai tap peih lutuk ka in tira ,a tap tawp hmak bawk khata tang khan lungngaihna kan neih chang hian kan in intir ziah thin.
.
" Mr. Burton.... hmeichhe thil kan sawi duh ania " thawveng zet hian a han ti ham ham a,Kai lah alo in thlahrung ropui lehnghal .
" ok.... " mithmul tih kang ak pahin a tho thut a.
" ka va intifai ve ange.... " tih pahin ka chalah a rawn fawp zeuh a,room atang chuan a chhuak nghala.
"in tha leh tawh a mi?"
" aih.... " ka ti rang ngei mai.
" mahse.... kha in fawh te kha "
"tunah chuan intibuai hman pawh kan nih loh hi.."
"Lola.... "
" eng nge? "
"ngaidam tawh mai rawh.... "
"Maisie....ngaihdam min dil avanga rilru thlak mai mai chi ka nilo tih i hriat kha.... "
"mahse.... i pasal ania"
" Darcy vang chauh in kan la inthen lo mai mai alawm.... "
"I hmangaih a ,ani pawhin a hmangaih bawk che a... engthil dang nge i la duh belh cheu a "
" Maisie.... ngatinge Kai lamah i tan tlata a, Darcy pa ania a tawk....vawitam tak chance ka pe a ka nghak bawka khang min tih nat na zawng zawng te kha... ho te ah ka lungawi pui leh mai ang maw!! ...."
"chu chu ka sawi tum ani lo "
.
"I hrelo anih kha.... Kai an Celine a melh dan te, a ngaihsak dan te hi ka hai hauh hleinem..... " ka tih takah chuan a ngawi ta daih a.
"keipawhin ngaihdam chu ka duh alawm.... mahse i lo hmu em? " tih pahin iPad chu ka theh phei a.
" Celine leh Kai chanchin hlir anih kha an buaipui leh tawh "
"heng thlalak te hi chu a rei tawh alawm... "
"a rei lam ani lo.... an inzui chhuak lai thlalak a awm tho alawm... tunah chuan ka rilru ka ti na tawh dawn lo.... " engahmah ngaih loh tum mah ila ngai ah ka nei thei thlawt lo.
.
"i phone a ri ania.... " Maisie chuan lukhama min rawn vawm charh pah chuan a rawn ti a.
" ka phone ani lo... "
" anih tu phone nge ri char char chu.... " a tih takah chuan ngaihthlak hru pahin ka han ngawi vung vung a.
" Kai.... " rang lutuk in ka tho vut a, couch a a dah a coat ipte chu ka zen nghal rawk rawk bawk.
" Engthil nge maw i tih le? " Maisie chuan a lo ti nghal haw a, ka chhang lem lo.
Hmanhmawh takin Kai phone chu ka phawrh chhuak nghala, ka rin ang ngeiin Celine a lo ni a.
.
Chapter-56
.
Maisie in ka hmel awmdan a hmuh chuan " Celine.... " a lo ti nghal vata.
"Aw... " mit tih pual ralh pahin phone chu a ipte ah ka thun lehnghal a, a ruk tak chuan ka thik takzet mahse Maisie a awm avang hian thik ang taka lan ka tum lo bur.
"Engtin nge i awm? "
" Engtin mah " tih hmuk pahin khumah chuan ka va thu phei a, ka mood a off nghal vek. Eng thil nge rawn sawi a tum le?
"a landan chuan i thik anih kha.... "
" Engvangin nge a rawn call ang le? "
"chu chu zawhna liantham tak ani "
"Ngawi mai mai teh " Kai hian min hmangaih thu min hrilh tawh si a engvanga Celine chu la buaipui fo nge maw anih le?
.
" thil pakhat.... " tih pahin Maisie chu ka kuai her sawka.
" Eng nge?"
"ihh....ka la zawt miah lo che a, Engtin nge hetah i rawn kal theih ka sawi awmzia chu London ah hian... "
"i la hre lo amaw!! nge i hrelo der zawk? "
" ka hrelo a ka zawt reng che alawm... "
" Heta ka rawn kal theih chhan chu tudang ni lo in i pasal hi ani... " ka meng phawk nghal kawk a,engvanga heng thil hi ti nge maw anih le?
"a chhan erawh ka hrelo mahse Lola in a mamawh che a ti ringawt a....engkim min buaipui sak veka chuan hna ka kal loh ai hlawh min pe vek bawk"
" maw!!... Kai hnen atangin pawisa i la amaw? "
"a rosum hi i thil duh ber ani sia pawi i tih ka ring lo a...." .
.
" Maisie.... " tih vin hluk pahin ka hawikual nghal vata vanneih thlak lutuk in a awm lo hlauh .
"ka rin ang ngeiin in inkar chu alo derthawng em em a puih ilo ngai takzet bawk ,i cher in i dawldâng em em bawk.... "ni e, Maisie rawn kal lai khan Kai nen kan intih thiam loh lai ani bawk nen nitin zantin tap reng reng in hun ka hmang a hmel hlim pawh ka pu hlei thei lo anih kha.
" i hria em ka rawn kal tirh a mak ka tih em em chu maw Kai Burton'n a hmangaih che tih ka mit ngeia ka hmu kha ani "
"min hmangaih a min ti na tho alawm.... "
"Lola....i hlauthawng anih kha.... Oscar a nih loh hi,Kai chuan engtik ah mah a kalsan ngai lo ang che tih ka chiang.... hepa hi mi rilru nghet lo tak angin lang mahse chhungril ah chuan a phatsan ngai lo ang che "
.
" anih chuan tuna phone call kha enge awmzia? bakah kan inthen vat dawn alawm... engmah ngaihtuah buai ka duh tawh lo,ka nihna ngaiah let leh ka duh... Lola mi thawveng hmangaihna nei lo leh sum ngaina tak ......" ka ti chiah a Kai ka hmuh chuan ka ngawi nghal hmak.Ngawi rengin a rawn lut a a closet ah a lut chiah tih chuan Maisie chu ka melh nghal vata.
" kan tawng kha a hria em? "
" ka hrelo.... "
"Lalpa leh.... a hriat vaih chuan "
"duhtawk teh.... A sum i duh avangin i nei tih pawh a hre vek tho a"
" Maw!! " Maisie ka hup pah chuan mak tih hmel takin phawk fe hian ka meng nghal kawk a hmanhmawh lutuk in balcony ah ka kai chhuak nghal dawr dawr bawk.
.
" Eng....engmaw!! "
"Lola....chupawh chu i hrelo lehpek amaw!! "
" Engtin nge ka hriat anga? "
" engkim a hre vek tawh alawm mahse i chungah a thinrim miah lo.....Lola harh tawh rawh Kai hian a hmangaih takzet che asin... i tlai palh hlauh ange" ka ngawi vung vung a, Ngatinge Kai hian a sawi chhuah miah loh le? Engvangin nge a sum ka duh avanga ka nei tih a hriat chuan min then mai loh ,min then a hnekin min hmangaih thu min hrilh zawk si.
" ka chau takzet.... " thawk halh pahin inchhung ah ka luhsan daih a.
" Lola.... "
" Maisie keimah chauh a awm ka duh" tih pahin khumah ka mu nghal thlawp a puan in ka inkhuh nghal daih bawk.
Ka rilru a insual nasa takzet, let ka duh rual rual in ka chhungril hian Kai tih nat ve a duh tlat bawk si, rei tak eng eng emaw ka ngaihtuah hnu chuan ka chau bawk nen ka muhil ta siai siai a.
.
_________________________________________
.
Ka harh chuan khua alo thim der tawh, chun chun ah ka muhil ka ania ka mu rei hle mai.
" Maisie.... " tuman min chhang lo, ham bai bai pahin ka tho tuih tuih a tunah tak hian Darcy hmuh ka chak takzet.
" Maisie.... khawiah nge i awm? " ka han ti leh a, chhanna ka dawng chuang lo. Khawiah nge maw an awmzawh vek le? Kai en turin a study room lam ka pan nghal vata, ani pawh a awm chuang lo.
" Eng nge maw an hriat le? " phun sup pah chuan dawhkana present bawm lo awm chu kal pelh nghal mai ka han tum a mahse ka let leh rang kher mai.Engthil chiah nge a nih hriatchian tum chuan ka pan hnai nghal vata.
" Maisie.... hei hi i ta tur em ni?" ka tih zawh rual rual chuan ka hawng nghal vat bawk.
.
Engdang ani lo kawrfual dum hi alo ni a, a chungah card te reuh te ah hian ah hian.
.
*"Dinner min kilpui thei angem?
Ka lo nghak reng ang che.
Ka hmangaih che....... Kai "*
.
tih te mai hi alo inziak a, ka khi nghal vur vur bawk.He thil hi Kai a thil tih romantic ve ber ala ni hial ang.
" Rita.... " room atanga chhuah pah chuan ka phone chu ka en mual mual a,kan dinner eina tur hotel hming leh a awmna te chu a rawn thawn fel nghal vek bawka,thil hi chu a ngaihtuah kim ve ngawt mai.
.
Eng nge pawh ka hrelo ka phur ve em em ringawt, zai rat rat pahin corridor ah ka kal phei chhat chhat a tunah hian ka hlim takzet.
" Eng nge ni ta Lola.... " Rita chuan a rawn ti vata.
"dinner ka ei chhuak dawn a eng pheikhawk nge ka bun ang? min thlanpui rawh aw...."
" tehreng mai "
"chuan....ka zam takzet " ka tih chuan a nuih a za ngei mai.
Inhnuai lamah ka chhukthla lehnghala ka tum loh deuh in Lin ka hmu hlawl mai.
" Hi!! Lin" a hawikual nghal vata,ka biak hmasak vang pawh ani mahna.
.
" Hi!! " min rawn nuih nghal sang a.
" i nu chu eng nge a an? "
" umm.....treatment a la mek a"
" a that hlauh chu ...." phur takin kalpelh mai ka han tum a mahse a thil ken lai avang chuan a ban ah ka man nghal chat.Hlauhthawn hmel takin min en nghal hra a.Zawi muang hian a chanchinbu ken lai chu la in ka melh nghal vung vung a.
" heihi engtik a mi nge? "
" vaw... vawin.... " Nizanah Celine leh Kai te an lo inzui chhuak leh tawh anih chu!!! damdawiin a ka awm laiin nuam an lo chen vel amaw !! Lalpa leh!!
" i kal thei tawh ang.... " min hlauh hmel takin a kal nghal hna hna a.
.
Ngawi rengin inchung lam ka pan lehnghal hna hna a,room ah ka lut nghal vat bawk.
" Hreptak chuan... " tih sap pahin ka melh ngai chu ka melh ngur ngur a, ka rilru ka thlak chiang kher mai Kai bulah dinner ei turin ka kal dawn lo hrim hrim a duh chuan min lo nghak rawh se ka kal dawn chuang lo.Ka thinrim lai a kal tluang bawk nen Kai an kawr ha tura min tih chu ka la lawk a bawlhhlawh bawm ah ka paih nghal daih bawk.
Ngatinge Celine hi a lo awm ve kher kher le?
Ka phone ken lai chu hmet êng nghalin Nick ka call nghal vata.
"Nick.... "
" umm.... "
" ka pa leh Darcy hmu turin min hruai thei angem? "
" ngatinge Kai a awm lo mi....?"
"ka rawn thleng har lo ang " tih pahin phone ka dah nghal hmaka
Show post links
Top
Ngaia
Site Admin
Quote
Unread post December 3rd, 2017, 2:32 pm
Chapter-57
.
Damdawiin lam panin Kai car bawkin chak zetin ka tlan a ka rilru ah erawh Kai leh Celine te bak an awm lo. Ngatinge Celine hi kan inkar ah a rawn inrawlh kher kher le? ni e, a hmelthat mai bakah a zei ang tih chu chiangsa mahse Kai hi nupui nei tawh ani a eng vanga awlsam taka thlem thluk mai theih nge maw a nih le? Engpawh nise Darcy leh ka pa ka hmu phawt tur ani.
Damdawiin ka thlen chuan rin lawk ang ngeiin Nick an kawt ah min lo nghak leh ran tawh. Ka rilru te te chuan hepa hi ka tana khuanu ruat zawk ami le? harsatna ka tawh apiangin ka tan a awm reng thin a, ka thinrim khum chan pawhin ka lakah a thinrim let ngai hek lo,a rilru ka tih nat sak chung pawhin min kalsan ngai lo a ka hlimna tur anih phawt chuan engpawh min tih sak thin bawk, hetiang taka min hmangaih tu leh min ngaihsaktu ka bulah a awm reng chung pawhin engvangin nge Kai hi ka la thlan fo mai le? mi â tak ka va ni em.
.
Car ka tih din rual rual in kawngka min rawn hawn sak nghal vata, ka inthuam lum vak loh avangin ka kut chu a han nuai sawk sawk a.
" lut vat ang.... i kut a vawt lutuk"hmanhnawh takin min luhpui nghal dawr dawr a,A hmel ka hmuh ringawt pawh hian ka hnuk a ulh dawn in ka hria.
" Coffee in ang aw....inthuam lum lo in ngatinge i rawn chhuah a " a che nghal sawk sawk a,vur a tla seng seng bawk nen a rukin ka khur beuh beuh reng bawk .
"Nick.... " a phili chûng avang chuan a kawr ban ah ka han tham a. " Angai lo... Darcy leh ka pa ka hmu lawk anga a tawk mai " ka hmel ngui tak a hmuh avang chuan thil diklo a awm tih a hre nghal.
.
"awle....hetah hian lo thu la ka rawn let leh vat ang " tih leh tlan a rual nghala. Engvanga hetianga awm nge maw a nih le? Engvangin nge min la ngaihsak em em? kei ve thung chuan natna bak ka thlen si lo.Reilo te ah Nick chu coffee leh tissue keng chung hian a rawn let leh a, ka hmu tih a hriat chuan min rawn nuih nghal sang bawk.
" umm....i pa chu a hmuh theih dawn lo a chuan.... "
" Darcy pawh tiraw? " ka lo ti nghal vata, diktak chuan intlawh hun pawh ani lo tih ka hre reng mahse Kai lak atanga kal bo ka duh vang ani.
" A pawilo....ka hmuh hrim hrim chuan a tawk mai "buk nghak pahin coffee chu min rawn pe a.
"kan kal dawn mi niang.... "
" awle.... " Kan pahnih chuan Darcy awmna room lam panin kan inzui chho hnak hnak a
.
"hna chu i hmu leh tawh em?" pawn atanga Darcy thlir pah chuan kan ding dun ran a, a tui a hal tawh aniang ka hnute pawh a rawn tang tawn tawn hle.
" umm.... aw mahse New York ah ania"
" a tha alawm.... ngatinge i ban reng reng a... "
" ughh.... thawhna sawn te pawh a hun ve tawh alawm"
" Engtik ah nge i kal ang? "
" ka hrelo... "
"keipawh Paris ah ka let leh tep tawh ang " ka tih chuan min rawn melh nghal kawk a.
"Kai nen ka inthen maithei mahse Darcy hi han dam phawt se " khik suk pah chuan ka lo ti nghal vata.
"A chhan ka zawt thei che angem?"
"ahh..." thawk kan la kawk a "i hriat angin kan contract a tawp tawh alawm..."
" mahse Darcy "
" Darcy vang chauh in kan la inthen lo... " ka lo ti nghal sap a.
.
Nick tihbuai reng ka duh loh avangin hma takah ka haw daih a, min thlah a tum pawhin ka hnial tlat bawk.Kai miscall a tam em avang chuan haw tlang ta mai lo chuan kal tura min tihna hotel lam chu ka pan ta zawka,ka rilru te te chuan a haw tawh ka ring a chhan chu dar10 a ri tep tawh tlat.Hotel atanga hla vak lo mahse biru tak si ah chuan ka ding renga, eng eng emaw ngaihtuah chuan ka thu ngawi reng bawk.
Engvanga heta kal leh kher nge maw ka nih le? a chhan erawh ka hre lo thung. Chutia ka lo inngaituah vung vung lai chuan Maisie ka hmu hlawl mai.
" Eng nge maw a tih le? " va pan tuma seatbelt ka phelh lai tak chuan Celine ka hmu tel anih chu!!! ka mak ti lutuk chu ka meng phawk nghal kawk a, ka rilru chhungril erawh a na hle thung. Maisie in min phatsan a maw? !!!
.
Car steering chu nghet takin ka hum nghal vang vang a, Maisie leh Celine chu car ah lut in an tlan chhuak nghal a, an hnungah ka zui nghal vat bawk. Maisie hian tikhawp khan Celine ka hua tih hre reng chungin ala chhuahpui thei a maw!! chupawh Kai bulah lehnghal!! Engthil nge thleng ta hi? Thinrim tun chungin Maisie te chu ka zui ve zela khawiah mah kalkawi lo in in lam pan chuan an tlan zela,Maisie awmdan hian ka rilru a ti buai takzet. Ka thian tha ber engkim ka hrilh leh ka inbun ruahna ber hi ka mi huat em em bula a awm thei hi mak ka ti takzet.
In thlengin ka zui ta zela, car atangin a chhuk chiah tih chuan horn chu ring zetin ka hmet nghal tuarh a ,an rawn hawi let rang kher mai,Maisie melh khai chungin car atang chuan ka chhuk thla nghala.
.
" Lola.... khawiah nge i kal daih a? " tih pahin Maisie chu a rawn tlan phei nghal vata.
"ka kalna lehzel hriat chu i va chak awm ve...." Celine melh chungin ngeiawm zet chuan ka han ti kher a
" ka zawng nasa lutuk che alawm.... Nick an damdawiin atangin i haw tawh a ti bawk si a... khawiah nge i awm daih a?" hlauhthawn hmel takin ka kut chu a rawn vuan tai a.
"ka haw lutuk che "
" maw!! "chhang lo in khik suk pahin inchhungah ka luhsan ta nghal nal nal,Celine hian Kai min chhuhsak tawh a Maisie lehzel pawh maw! eng ang hmeichhia nge maw anih le?
" Lola... engthil nge i hriat a?"min rawn umzui avang chuan ka hawilet nghal vata.
" i hrelo amaw!! hahh..."
.
Mak tih hmel takin min en ha a chu chuan ka thin a ti rim zual zawk.
" Celine hian a bum â tawh cheu anih hi.... kan inkar chungchang pawh ka hrilh vek che a.. Eng... engtin nge hetiang thil hi ka chungah i tih theih zawk? "
" i sawi awmzia hi ka hrelo... "
" ka thian emaw i nih ka lo ti a mahse tun atang chuan keimah chauh ka ni tawh ang thian ka mamawh tawh lo... "
" Lola.... " min rawn pan hnaih a tum avang chuan ka lo tawlh hnung nghal hrut a.
"in vaiin hremhmun ah kal vek rawh u... " tih leh tlan ka rual nghal, ka duh na ber room ah lut in khum ah chuan ka bawk nghal thlawp a, tah loh ka tum pawh in ka thinrim lutuk hi ka mittui a rawn tla leh zawih zawih thin.
.
Kawngka rawn kik karh karh ri ka hriat chuan ka tho chhuak nghal vata mahse hawn ka tum lem lo.
" Lola.... " tih pahin an rawn chum ri leh nghal dawt dawt a, kai ani tih ka hriat rual rual in balcony ah ka chhuak nghal daih bawk.
Vur tla var uarh mahse inti luhlul chawp in pawnah chuan ka ding khur hlawk hlawk a,theih chu nise he in atang hian chhuah vang vang ka duh mahse ka pa leh Darcy vang hian ka chhuak thei bawk si lo.
Mal ngawih ngawih ang hian ka inhria, puitu nei lo leh lamtang pawh nei lo ,ka chan tawk chu phatsanna leh natna chauh hi maw ni a?.Inhum ruh chungin ka ding to a, tah chhuah hawm hawm ka chak takzet mahse chumi hma chuan heng mite lak atang hian ka tlan chhuak phawt tur ani.
.
________________________________________
.
Ka harh chuan khua alo var dawn tawh , nizana ka awm dan ngai bawkin chhuat ah thu in khum bawh hian ka lo la mu ngât a,zîk mar pahin ka han tho chhuak chu ka ban a kham ngei mai.Ham bai bai pahin vur tla var sur lam chu ka han melh vang vang a, nizan a thil thleng zawng zawng te kha ka ngaihtuah chhuah phei chuan ka rilru a na zual sauh emaw tih mai tur hian ka thin zawn hi a rawn na nghal vawng vawng mai.
Room a tawm reng hian awmzia a nei lo tih ka hriat avangin kawngka chu ka han hawng nghal pawp a, ka chhuak tur chu ka ding nghal chawt!!
" Kai... " tiin ka phun ri sap bawk, Kai chu kawngka bulah a coat sin chung hian a lo mu ngât a, vawt a tih hmel hle bawk.
Ka melh vung vung lai chuan a rawn tal ta thut mai!! hrelo ni awm tak chuan kal pelh mai ka han tum a.
" Lola... " kal tlang duh mahila ka taksa erawh ka thunun zo tlat lo.Ka hawi let duh loh avang chuan zik mar pah hian ka hnungah a rawn ding a.
" i damlo em ni? "ka chhang lo, mahse kal sawn ka tum chuang lo.
"ni... nizan ah ka lo nghak reng che a, umm.... i buai anih chuan rawn sawi tur che ania... puih theihna che ka neih chuan..."a ti dek dek a,ka hawi let nghal vata.
"inthen ang... "
" maw !!" min rawn melh nghal kawk a .
" inthen ka duh" tih pahin kal nghal daih ka tum a.
.
" ding rawh... " thupe tak chuan a rawn ti nghal tuarh a, zingkar thawm reh lai ani bawk nen tawng a ring duh hle.
"Lola... " ka hma ah tak a rawn ding ran a.
"ngatinge hetiang hian i awm? "
"a chhan chu he in a awm hi ka duh tawh lo... he in hi ka hne tawh takzet "
" anih chuan in dang kan zawng dawn mi niang... "
"ka sawi awmzia chu hmuh che ka duh tawh lo...he... he in atang hian chhuah ka duh" tawng nachang pawh a hre tawh lo,rilru nat hmel takin min en reng ringawt.
"anih chuan keimah hi ka awm bo mai ang...."
"Kai....lemchan hi duhtawk rawh,nang leh i engkim hi ka haw vel vek chuvang chuan lemchang in min dan tum reng reng suh "
.
"Lola...inngaihtuah tha leh rawh" tih pahin min rawn khawih a tum a
"min khawih hlek suh.... nang leh Celine hian ka fanu vang hian min la chelh mai mai tih ka hria ka hnute tui vang chauh hian mahse ka fanu lak atang hian ka kal bo dawn reng reng lo...khin ngai pawh nise engpawh ka ti ang, eng ruahmanna pawh nei mah ula ka pawisa lo mahse heihi lo hre reng rawh... kan fanu hi mi tenawm lutuk bulah ka seilen tir hauh lo ang "ka insum thei lo chuan ka ti ta phiar phiar mai, mahse ka rilru a ka pai reng ka sawi chhuah avang erawh chuan ka thawl hawk thung.
" awle... " a rawn ti sap a.
" awle... i duh ang chuan i awm dawn nia mahse he in a i rawn let leh hma loh chuan Darcy hi i hmu thei tawh lo ang "
.
Hepa hi chuan ka chakloh na lai ah hian min bei let ziah mahse tun tum chu tlawm ka tum tawh bik lo.
"mihring pawh i ni love... " tih sap pahin hmanhmawh takin in atang chuan ka chhuak nghal hlawk hlawk a,kal tum na pawh ka nei lo a kal na tur lah ka nei hek lo.Taxi rawn tlan hmasa ber chu phar ding in ka chuang ve ringawt a.
"khawiah nge? " driver chuan a rawn ti a
" ka hrelo"
" anih chuan i kal duhna zawn ah ding turin min rawn ti mai dawn nia... " a ti ta ringawt a ,mahse ka chhang lem lo
Show post links
Top
Ngaia
Site Admin
Quote
Unread post December 3rd, 2017, 2:32 pm
Chapter-57
.
Ni pawh a rawn chhuak tan a mahse a vawt kher mai,pawn lam thlir vauh vauh pah chuan ka thaw chhuak leh hak thin a, ka tawt up up ni ber hian ka hria.
Ka awmna pawh hre lem lo in taxi atang chuan ka chhuk ve thawr ringawt a khawiah nge ka kal dawn pawh ka hrelo.
Ngawi rengin coffee pair tih inziak dawr ah chuan ka lut ta ringawt a
" Eng nge i duh ang? "
"cappuccino... "waiter bulah chuan ka lo ti nghal vat bawk.
"engthil nge i ngaihtuah?" ka phu chiang kher mai, ka ep chiah ah Mrs Burton chu min nuih sâng pah hian a rawn thu a.Engtin nge ka awmna hi a hriat? mak tih hmel takin ka lo en ha thung.
.
"mak i va tih hmel ve? "
" ugh....mak i ti ve lo mi? nang hetah " ka lo ti ha ringawt.
"haha....nileng in hetah awm i tum em ni? "
" ka hrelo... "
" huizzz..... Lola" min rawn nuih sang a "chhuah i tum tak tak em ni?"
"ka hrelo... "
"awle... a tha e, inngaihtuahna hun i mamawh anih kha engpawh chu nise..."thut rem pahin coffee chu a han lem khalh a " ani saw engtin nge i tih ve dawn? " a melh na lam chu ka melh ve nghal vata ka coffee in lai ka phuh chhuak teuh hle mai.
.
Car ah Kai alo thu reng chu niin ,Kai thlir vang vang pahin no chu dawhkan ah a han nghat te te phawt a
"tisawn a ruk in a hlauthawng em em reng mai dawn anih saw....a rilru te lah hi sawi chhuah a hnek in zep a thlang zawk chu ani sia... langsar takin i bulah a che ngai lo ang mahse a ruk chuan hrehawm tihna leh hlauhthawnna hlirin a khat asin" thawk a han la leh hak a "paukhauh tak leh engahmah ngai lo angin lang thin mahse ka naute kha ala ani reng.... ka naute pangchang tak leh rilru nem tak,a chang chuan amah zawk hi hnem emaw thlem emaw a ngai fo thin ang,tumah a tilui ngai lova a rilru lah a sawi chhuak ngai hek lo ...Lola, Kai hian engtiang takin nge a ngaihtuah che tih hi i hrethiam pha ngai lo ang " ni e,Mrs Burton hi a dik ngei ang min tih luih a duh loh vang leh a mangang in anu min hruai let turin a rawn tir ani ngei ang.
.
"anih keive thung hi....hetiang hian ka tuar reng mai dawn em ni?"
" Lola... "
" ka nu... pawi ka ti lutuk mahse ka let tawh dawn lo "
" mahse.... mahse ngatinge? Kai hian a hmangaih che tih i hre lo em ni? "
" min hmangaih chu nise... " ka tawng tawp thut a, sawi sawi hian awmzia a nei dawn lo. A chang chuan Kai hian min hmangaih anih te ka ring ve tho thin mahse a chungah rinna ka nghah dawn lai tak hian min duh tak tak lo ani tih ka hrechhuak leh thin. Kai an hmeichhe dang a kawp tih chu mite sawi nasat ber ani renga chutah Celine nen an inzui reng bawk chutiang ang renga a awm lai chuan engtin nge min hmangaih ani tih ka rin theih tehlul ang.
.
"Darcy vang chauh hian kan la inthen lo mahse a bulah hian ka cheng thei tawh thlawt lo "
"awle a tha e " Mrs Burton in min tih luih tlat loh avang hian ka lawm takzet chuti lo chu let mai te ka duh leh rum rum ang tih ka hlau.
"anih chuan khawiah mah i awm lo ang... kan inah i awm tur ani "
" maw!! "
"i duh thlang rawh.... in in nge kan in? "Eng nge maw a hriat le ? mahse hnial in awmzia a nei dawn lo tih chu kei tluk a hrechiang an awm lo ang.
" Ka nu... hun thawl ka duh, keimah chauha awm ka duh zawk "
" anih chuan room fal tak leh reh tak buatsaih ila a that dawn chu.... "
" ka nu... "
" min hnial duh suh.... " min rawn nuih sang pahin phone a la chhuak nghala,
"hello... bawih" phone hman pahin min kai chhuak nghal dawr dawr a.
.
Kan chhuak chiah tih chuan Kai pawh car atangin a rawn chhuk thla nghal vata mahse thip zetin ka melh thung.Kawngka min hawn sak nghal vata ngawi rengin ka lut ve mai bawka, Mrs Burton zui hi ka hreh in ka inthlahrung takzet mahse pu Hammed an a hriat tel ve avangin leh ka tan hnial a mawi loh avangin ka zui mai chauh ani mahse rei tak erawh ka awm hauh lo ang.
An pahnih chuan rawn lut mai lo in pawnah an inbia a,seat hnung nghen dar dar pahin ka maimichhing daih thung.
" Lola.. " Kai chuan kawngka chu a rawn hawng pawp a
" inbia ang.... "
" engmah sawi tur kan nei tawh lo.... "ka tih pawhin min kaichhuak lui ta tho a.
" Kai... ka sawi ngaithla rawh " Mrs Burton pawh a rawn inrawlh nghal vat.
.
"Engvangin nge hmun dangah a awm ringawt ang....inah a awm thei reng alawm"
"in pahnih hian hun thawl in mamawh ani chuvang chuan Lola hi kan inah awm phawt rawh se "
" ka nu... "
" Kai... " vin deuh tak chuan a han ti a.
" awle.... a tha e" tih pahin car ah a lut nghal hmak bawk.
" Lola... lut ang "
" awle... " phur lo zetin car ah ka lut ve nghala. Tumah pawh inbe chhunzawm chuang lo in kan thu ngawi thap hlawm a inbiak pawh kan tum hek lo.
.
Mrs Burton te in kan thlen chuan a ngai te bawkin alo reh leh thap tawh.
" i in ang chiahin ngai rawh ka tih tawh kha... " a rawn tih chuan za lo zet hian ka nui suk a. Car atangin Mrs Burton chu a chhuk a mahse kei erawh ka la thu khawmuang thung.
"Eng nge i sawi duh chu sawi rawh... "Kai chu a rawn hawi nghal vata.
"in chhuahsan chu i duh viau em ni? "ka ngawi renga.
"Darcy vang chauhin ka la tuar mai mai anih hi....bakah kan contract"
" Lola...contract kha chu theihnghilh rawh"
" ka bawhchhe thei si lo alawm"
" Lalpa leh!! contract kha kan buaina tur ani lo "
" anih chuan mi hausa tawpkhawk ah chuan min siam thei lo tihna em ni? " ngeiawm zet hian ka tilui ngata.
.
"awle....i duh ang chuan ka ti ang mahse chance min pe leh rawh "
" Chance chu vawi tamtak ka pe tawh che alawm"
" mahse i rilru hmin turin chance min pe hleinem "
"ka nunhlui ah khan let leh ka duh"
"awle... mahse chumi hma chuan hun min pe phawt rawh.... chuti chung pawha i rilru ka thlak danglam thei lo anih chuan kumkhua in ka thlah tawh ang che " ngatinge chance pek duhna rilru ka put leh tak tlat tawh le? hei vang hi lawm Kai bula ka awm hi chuan rilru nghet ka pu thei thin lo. A hmela tih takna leh hrehawm tihna chu ka hmu ve vek mahse Celine.....
.
Ka sawi tawh ang khan keichu Darcy vang chauh hian min la chelh niin ka hria, nizan ah lah Celine nen kan hotel inhmuhna turah an inhmu a,let leh mah ila a rukin min rinawm loh san leh tho ang mahse chance vawikhat tal a duh ang chuan pe leh ila a tha ang a chhanchu Celine nen an inneih vat theih loh phah bawk anga.
" anih chuan han tum ta che.... " ka tih chuan hlim hmel takin min rawn en nghal vata. A ruk tak chuan a hlawhtling ka ring lem lo a chhan chu a thil tum ka hre lawk vek tawh ,chuvang chuan rilru nei takin Darcy neih let dan kawng ka zawng zawk tur ani
Show post links
Top
Ngaia
Site Admin
Quote
Unread post December 3rd, 2017, 2:33 pm
Chapter-59
www.storyfb.com mizo story thar englai pawhin chhiar tur a awm reng
Melh ngai melh ngur chunga ka lo thut lai chuan tuemaw hian ka kut ah a rawn khawih thut mai chu ka phu chiang kher mai,Pu Hammad alo ni reng chu niin engvangin nge min hmu turin room ah a rawn kal? tih chu ka inzawt nghal, a chhanchu Pu Hammad hi pa tawngtlem tak ani a, a ke avangin a duh duh na a a kal theih loh vang pawh ani mahna a in ah awm mah ila kan inhmu khat hle bawk, Mrs Burton angin ka nel bawk hek lo, Kai pa anih vang pawh nilo in amah hrim hrim hi ka zah takzet.
"room ah hian i tawm reng mai dawn em ni?" a rawn ti sap a mahse chhan dan tur ka hriat loh avangin ka lo nuih ringawt thung.
"he in a i rawn awm atang hian Kai pawhin min rawn tlawh ngun ta khawp mai" a sawi dik chiah he in ah hian ni hnih lai ka awm tawh a, Kai hi office ah a awm loh chuan min hmu turin a rawn kal ziah thin.
.
"Buaina ka thlen cheu avangin pawi ka ti takzet "
" nilo e...hun thawl i mamawh alawm, mahni a inngaihtuah neuh neuh na hun te, mahni chauh a tahna hun te... "
"min hriatthiam avangin ka lawm takzet " Pu Hammad bulah hi chuan ka zam ru deuh tlat thin mahse tun tum chu ka pa tak tak ang mai niin ka ngai.
"i hria em? " tih pahin a wheelchair chu min hnaih turin a rawn ti hnai deuh a.
"keichuan ka fanu tak tak angin ka en che...ka fapa hi i ti hlim a, nun awmzia i hriat fiah tira, hmangaihna awmzia i hriattir bawk tih ka hria mahse keichuan ka nawr lui dawn lo che, i thinlung kha ngun takin ngaithla la he chhungkua nen a in in zawmna hi i chhu chat duh anih pawhin keichuan ka hrethiam em em tho ang che....chuan ka fanu, ka monu engtik lai pawhin i ni reng bawk ang "
.
" ka pa... ka lawm e " tih sap pahin ka kuah nghal thlawp a,hei vang hi lawm pa te an hlut em em nachhan. Hrehawm tih chang leh beidawn lai ber pawhin min hnem a, kan thutlukna lungawi takin min pawm sak bawka, Kai an hetiang pa a nei bik hi ka thîk in vannei ka ti takzet.
" ka fanu.... i tan ka awm reng ang mahse Kai rilru erawh ti na lo la ka duh ...."zaidam taka min hrilh avang hian ka hnuk a ulh lek lek.
" Chu Kai pawh a rawn kal leh tawh chu " tih pahin kawngka chu nuihsâng pahin a melh zeuh a.
"I hmangaih lo anih pawhin a pawilo ania" ka biang ah a rawn fawp zeuh a, room atangin a in nawr chhuak nghala.Reilote ah Kai pawh a rawn lang vat, sana ka en chuan dar9 alo ri dawn der tawh, zanin chu zan dang aiin hna a nei tlem deuh aniang.
.
"Hi!! " room a rawn luh pahin a ti sap a, a hmelah phûr na hlir ka hmu mahse a chetzia ah a ti lang duh bik hauh lo, cool tak leh induh thiam taka a chet vel vang hi alawm a vei a nâ in zûn a ngah em em nachhan.
" Hey! " tih pahin ka lo nuih let ve sak a.
"Vawin chu ka rawn kal hman lo a... ughh englo ania " ka piah deuh ah kekawr pite zen pahin ka hawi na lam hawi chung chuan a rawn ding a.Vawin hi Darcy ka hmuh theih ni ani lehtawh a mahse Kai erawh a buai deuh avangin a rawn kal thei lo Mrs. Burton leh Aiden te nen kan kal thung.
"a pawilo....."ka lungawi vak lo tih chu a hrethiam nghal.
"a lehpek ah chuan meeting a awm pawhin ka cancel vek tawh ang "
" chutiang chu i tih angai lo ang... i tan chuan i hna hi a pawimawh ber ani lawm ni "
" aih... " min rawn chhan dan teh tawp avang chuan amah chu ka va melh deuh ha a.
.
"ka hna hi chu a ve mai chauh ani....inha lum la khawi hmun emaw ah ka hruai ang che "
" khawiah? "
"Nakin ah i hre mai ang... inhnuai ah ka lo nghak ang che "ka hmai rawn khawih zeuh pahin a chhuak nghal a.
" awle... " tih sup pahin ka lo khi suk bawk.A nih na takah chuan lo hel tung emaw lo thinrim khum vak ka tum lem lo a chhanchu engtiang chiahin nge ka rilru hi thlak danglam a tum tih ka hriat duh vang ani.
Darthlalang ah chuan ka han inen vang vang a eng thawmhnaw nge ka hak tak ang? han inchei vûr lah ka duh bawk si lo, inchei lo ngawt dawn ila hmun changkang tak inchei ngei ngei ngaihna ah min hruai ta si se? huizz....
"kan kalna tur min hrilh that ve mai tur ania... ".
.
Khua a vawt bawk nen kekawr dum leh kawrlum sen ka ha a, a chungah coat fual ka ha tel bawk.Pheikhawk sang zet ka bun tel kher bawk, ka sawi tawh kha ka rai lai pawhin thei leh thei lo in pheikhawk sang ka bun tang tang thin a chhan chu ka bun loh chuan ka confi thei tawh lo. Room atanga ka chhuah dawn chuan bag leh muffler ka la nghal bawk a zam tak chung siin inhnuai ah ka chhuk thla nghala.
"i va rei ve... "a thutna atang chuan a rawn tho chhuak nghal vata.
"ka chau ania... haw vat ka duh" tih kher pahin pawn lam panin ka kal nghal hlawk hlawk a, ngawi rengin min rawn zui ve mai bawka.
.
Kan kal rei tak em avang chuan Kai chu ka va melh zeuh a, a kut zungpui zeh pahin hma lam chu a melh kar a
"khawiah nge kan kal dawn?"
" ka hre lo... "
" maw!! " khawi hmun emaw ah ka hruai ang che a ti ve si a tunah a hre leh si lo amaw!!?
"anih chuan eng nge hetah ka tih reng.... khua a vawt ropui si, ka chau bawk nen mut ka duh ania " ka ti nghal tan tan a,ani erawh a khi suk duh lek chauh. A ruk tak chuan eng thil emaw special tak a tih ka lo rin ve nen ka thin a rim lek lek.
" tihian khawvawt hnuaiah kan kalkual reng mai dawn em ni? " ka han ti leh a,kawng peng lian lutuk lo ah chuan a tlan lut ta daih a, ka sawi lo nangin mak ka ti takzet.
.
Ka hawikual nghal hrek hrek a ramhnuai te pawh a ang zawk. Kai chu hlauhthawn hmel takin ka en kar a ani erawh hma lam a melh ngur mai bawk si.Chutia hlauthawng taka ka awm lai chuan hmun zawl pakhat zau zet car lo ding tlar tuarh na chu kan thleng hlawl mai ,kan thlen takah chuan ka hrethiam nghal. Helai hmun ah hian inngaizawng ten movie an en thin a,cinema hall ang chiah hi a ni a mahse a inan loh na chu pawnah ual au takah anih mai bakah thutna bik a awm loh avangin car atangin an en mai thin .
"Engtin nge movie ka en chak tih i hriat? " hetiang hmun hi ka kal chakna thin leh ka kal theih loh thin na anih avangin ka lawm ru hle
"i chal ah a in ziak vek alawm.... " ei loh hmel zet hian ka lo ner khum nang a.
.
"kha... "popcorn leh in tur min rawn pe a, a lo inring lawk sa vek anih dawn hi.
"Kai ....ngatinge hetah min hruai a "
"i kal chak ani lawm ni " Maisie in alo hrilh leh tawh ani maw?
" umm... mahse "
" khi a chhuak tep tawh ania " tih pahin car heater chu a on nghal vata,a vawt zualpui pawh a reh deuh in ka hria.
" Love Actually maw!"ka ti nghal tuarh a, he movie hi ka movie ngainat ber te zinga mi ani lehnghal. Ka awmdan avang chuan min lo nuih sang a, a hmel hlim sar leh phur sarh hi hmuh a nuam takzet.
" vawt ila ti em? "
" aih... " ka en tui lutuk a hawi pawh ka hawi hman tawh lo.Min tihbuai a duh loh avangin min rawn be zui tawh lem lo,Kai a awm ve tih pawh theihnghilh thak khawpin ngawi rengin ka en kar a ka thil en lai hian ka rilru a la peng hneh hle.
.
Movie a tawp meuh chuan ka ham nghal bai bai mai,
" Kai.... " biak tuma ka hawi phei nak chuan tui takin a lo muhil sak sak chu niin.Tui taka a muhil lai ka hmuh chuan ka khi suk a, keiai pawhin alo chau fe zawk anih dawn hi. Sawi lo mahse a thil tih lai mutthluk san rawk khawpa a awm tawh chuan a chau tawngkhawng tawh hle tih na.
Kaitho ta lem lo chuan ka en renga, a hnar ngul sang vah te leh a mithmul dum tak ringawt pawh hi ennawm a tling. A rilru ah eng eng emaw a rawn lut nghal, he mipa hmeltha tak leh chhelo zet hi ka fanu pa leh ka pasal ani tih hi ka awi lo zawk.
.
Chutia ka lo inngaihtuah neuh neuh lai chuan a phone, a thutna sira a dah chu a rawn vibrate ta chur chur mai. A harh phah ka hlauh em avang chuan a phone chu ka en sak ta ringawt a, ka rin loh deuh in Celine leh bawk. Thawk halh pahin ka ring ral tir ta thak a, mahse a rawn call nawn loh avang erawh chuan ka lawm ru hle.
Ngatinge Celine nei reng chung hian min chelh ala tum talh le? tihian kei min lenchhuahpui anga a haw hunah Celine a ti lawm ve leh anga. Ka thil ngaihtuah avang chuan ka lu ka thing nghal nawk nawk a.
Kai hi chance ka pe mai chauh ani mahse ka rilru erawh ka thlak dawn lo tiin ka inhrilh nghal mawlh mawlh bawk.
.
Vawt a tih hmel em avang chuan heater chu tih san tumin a hmehna chu ka zuk bik dak dak a, ka tum loh deuh in a horn ka hmet palh ta tuarh mai!!
" Lalpa leh!! " ka ti nghal tuarh a, chutah zet zawng harh loh na chi ani tawh lo. Kai chuan inthiamloh hmel tak hian min rawn en nghal vata.
" ka... ka tihpalh lutuk ka mutthluk lai pawh ka lo hrelo reng reng "
" nizan ah darkar engzat nge i mut "
"ugh... ih "
" maw!! "
"umm.... darkar 2 ,englo ania.... vawin ah meeting pawimawh deuh a awm a ka tum loh deuh in.... "
"mahse i muthlu tho alawm "
" pawi ka ti lutuk.... a lehpek ah chuan a thleng tawh lo ang.... " Min mutthluk san avang hian ka thinrim lo mahse a hriselna theihnghilh thak khawpa hna a thawh thin avang hian ka thinrim zawk
.
Chapter-59
www.storyfb.com mizo story thar englai pawhin chhiar tur a awm reng
Melh ngai melh ngur chunga ka lo thut lai chuan tuemaw hian ka kut ah a rawn khawih thut mai chu ka phu chiang kher mai,Pu Hammad alo ni reng chu niin engvangin nge min hmu turin room ah a rawn kal? tih chu ka inzawt nghal, a chhanchu Pu Hammad hi pa tawngtlem tak ani a, a ke avangin a duh duh na a a kal theih loh vang pawh ani mahna a in ah awm mah ila kan inhmu khat hle bawk, Mrs Burton angin ka nel bawk hek lo, Kai pa anih vang pawh nilo in amah hrim hrim hi ka zah takzet.
"room ah hian i tawm reng mai dawn em ni?" a rawn ti sap a mahse chhan dan tur ka hriat loh avangin ka lo nuih ringawt thung.
"he in a i rawn awm atang hian Kai pawhin min rawn tlawh ngun ta khawp mai" a sawi dik chiah he in ah hian ni hnih lai ka awm tawh a, Kai hi office ah a awm loh chuan min hmu turin a rawn kal ziah thin.
.
"Buaina ka thlen cheu avangin pawi ka ti takzet "
" nilo e...hun thawl i mamawh alawm, mahni a inngaihtuah neuh neuh na hun te, mahni chauh a tahna hun te... "
"min hriatthiam avangin ka lawm takzet " Pu Hammad bulah hi chuan ka zam ru deuh tlat thin mahse tun tum chu ka pa tak tak ang mai niin ka ngai.
"i hria em? " tih pahin a wheelchair chu min hnaih turin a rawn ti hnai deuh a.
"keichuan ka fanu tak tak angin ka en che...ka fapa hi i ti hlim a, nun awmzia i hriat fiah tira, hmangaihna awmzia i hriattir bawk tih ka hria mahse keichuan ka nawr lui dawn lo che, i thinlung kha ngun takin ngaithla la he chhungkua nen a in in zawmna hi i chhu chat duh anih pawhin keichuan ka hrethiam em em tho ang che....chuan ka fanu, ka monu engtik lai pawhin i ni reng bawk ang "
.
" ka pa... ka lawm e " tih sap pahin ka kuah nghal thlawp a,hei vang hi lawm pa te an hlut em em nachhan. Hrehawm tih chang leh beidawn lai ber pawhin min hnem a, kan thutlukna lungawi takin min pawm sak bawka, Kai an hetiang pa a nei bik hi ka thîk in vannei ka ti takzet.
" ka fanu.... i tan ka awm reng ang mahse Kai rilru erawh ti na lo la ka duh ...."zaidam taka min hrilh avang hian ka hnuk a ulh lek lek.
" Chu Kai pawh a rawn kal leh tawh chu " tih pahin kawngka chu nuihsâng pahin a melh zeuh a.
"I hmangaih lo anih pawhin a pawilo ania" ka biang ah a rawn fawp zeuh a, room atangin a in nawr chhuak nghala.Reilote ah Kai pawh a rawn lang vat, sana ka en chuan dar9 alo ri dawn der tawh, zanin chu zan dang aiin hna a nei tlem deuh aniang.
.
"Hi!! " room a rawn luh pahin a ti sap a, a hmelah phûr na hlir ka hmu mahse a chetzia ah a ti lang duh bik hauh lo, cool tak leh induh thiam taka a chet vel vang hi alawm a vei a nâ in zûn a ngah em em nachhan.
" Hey! " tih pahin ka lo nuih let ve sak a.
"Vawin chu ka rawn kal hman lo a... ughh englo ania " ka piah deuh ah kekawr pite zen pahin ka hawi na lam hawi chung chuan a rawn ding a.Vawin hi Darcy ka hmuh theih ni ani lehtawh a mahse Kai erawh a buai deuh avangin a rawn kal thei lo Mrs. Burton leh Aiden te nen kan kal thung.
"a pawilo....."ka lungawi vak lo tih chu a hrethiam nghal.
"a lehpek ah chuan meeting a awm pawhin ka cancel vek tawh ang "
" chutiang chu i tih angai lo ang... i tan chuan i hna hi a pawimawh ber ani lawm ni "
" aih... " min rawn chhan dan teh tawp avang chuan amah chu ka va melh deuh ha a.
.
"ka hna hi chu a ve mai chauh ani....inha lum la khawi hmun emaw ah ka hruai ang che "
" khawiah? "
"Nakin ah i hre mai ang... inhnuai ah ka lo nghak ang che "ka hmai rawn khawih zeuh pahin a chhuak nghal a.
" awle... " tih sup pahin ka lo khi suk bawk.A nih na takah chuan lo hel tung emaw lo thinrim khum vak ka tum lem lo a chhanchu engtiang chiahin nge ka rilru hi thlak danglam a tum tih ka hriat duh vang ani.
Darthlalang ah chuan ka han inen vang vang a eng thawmhnaw nge ka hak tak ang? han inchei vûr lah ka duh bawk si lo, inchei lo ngawt dawn ila hmun changkang tak inchei ngei ngei ngaihna ah min hruai ta si se? huizz....
"kan kalna tur min hrilh that ve mai tur ania... ".
.
Khua a vawt bawk nen kekawr dum leh kawrlum sen ka ha a, a chungah coat fual ka ha tel bawk.Pheikhawk sang zet ka bun tel kher bawk, ka sawi tawh kha ka rai lai pawhin thei leh thei lo in pheikhawk sang ka bun tang tang thin a chhan chu ka bun loh chuan ka confi thei tawh lo. Room atanga ka chhuah dawn chuan bag leh muffler ka la nghal bawk a zam tak chung siin inhnuai ah ka chhuk thla nghala.
"i va rei ve... "a thutna atang chuan a rawn tho chhuak nghal vata.
"ka chau ania... haw vat ka duh" tih kher pahin pawn lam panin ka kal nghal hlawk hlawk a, ngawi rengin min rawn zui ve mai bawka.
.
Kan kal rei tak em avang chuan Kai chu ka va melh zeuh a, a kut zungpui zeh pahin hma lam chu a melh kar a
"khawiah nge kan kal dawn?"
" ka hre lo... "
" maw!! " khawi hmun emaw ah ka hruai ang che a ti ve si a tunah a hre leh si lo amaw!!?
"anih chuan eng nge hetah ka tih reng.... khua a vawt ropui si, ka chau bawk nen mut ka duh ania " ka ti nghal tan tan a,ani erawh a khi suk duh lek chauh. A ruk tak chuan eng thil emaw special tak a tih ka lo rin ve nen ka thin a rim lek lek.
" tihian khawvawt hnuaiah kan kalkual reng mai dawn em ni? " ka han ti leh a,kawng peng lian lutuk lo ah chuan a tlan lut ta daih a, ka sawi lo nangin mak ka ti takzet.
.
Ka hawikual nghal hrek hrek a ramhnuai te pawh a ang zawk. Kai chu hlauhthawn hmel takin ka en kar a ani erawh hma lam a melh ngur mai bawk si.Chutia hlauthawng taka ka awm lai chuan hmun zawl pakhat zau zet car lo ding tlar tuarh na chu kan thleng hlawl mai ,kan thlen takah chuan ka hrethiam nghal. Helai hmun ah hian inngaizawng ten movie an en thin a,cinema hall ang chiah hi a ni a mahse a inan loh na chu pawnah ual au takah anih mai bakah thutna bik a awm loh avangin car atangin an en mai thin .
"Engtin nge movie ka en chak tih i hriat? " hetiang hmun hi ka kal chakna thin leh ka kal theih loh thin na anih avangin ka lawm ru hle
"i chal ah a in ziak vek alawm.... " ei loh hmel zet hian ka lo ner khum nang a.
.
"kha... "popcorn leh in tur min rawn pe a, a lo inring lawk sa vek anih dawn hi.
"Kai ....ngatinge hetah min hruai a "
"i kal chak ani lawm ni " Maisie in alo hrilh leh tawh ani maw?
" umm... mahse "
" khi a chhuak tep tawh ania " tih pahin car heater chu a on nghal vata,a vawt zualpui pawh a reh deuh in ka hria.
" Love Actually maw!"ka ti nghal tuarh a, he movie hi ka movie ngainat ber te zinga mi ani lehnghal. Ka awmdan avang chuan min lo nuih sang a, a hmel hlim sar leh phur sarh hi hmuh a nuam takzet.
" vawt ila ti em? "
" aih... " ka en tui lutuk a hawi pawh ka hawi hman tawh lo.Min tihbuai a duh loh avangin min rawn be zui tawh lem lo,Kai a awm ve tih pawh theihnghilh thak khawpin ngawi rengin ka en kar a ka thil en lai hian ka rilru a la peng hneh hle.
.
Movie a tawp meuh chuan ka ham nghal bai bai mai,
" Kai.... " biak tuma ka hawi phei nak chuan tui takin a lo muhil sak sak chu niin.Tui taka a muhil lai ka hmuh chuan ka khi suk a, keiai pawhin alo chau fe zawk anih dawn hi. Sawi lo mahse a thil tih lai mutthluk san rawk khawpa a awm tawh chuan a chau tawngkhawng tawh hle tih na.
Kaitho ta lem lo chuan ka en renga, a hnar ngul sang vah te leh a mithmul dum tak ringawt pawh hi ennawm a tling. A rilru ah eng eng emaw a rawn lut nghal, he mipa hmeltha tak leh chhelo zet hi ka fanu pa leh ka pasal ani tih hi ka awi lo zawk.
.
Chutia ka lo inngaihtuah neuh neuh lai chuan a phone, a thutna sira a dah chu a rawn vibrate ta chur chur mai. A harh phah ka hlauh em avang chuan a phone chu ka en sak ta ringawt a, ka rin loh deuh in Celine leh bawk. Thawk halh pahin ka ring ral tir ta thak a, mahse a rawn call nawn loh avang erawh chuan ka lawm ru hle.
Ngatinge Celine nei reng chung hian min chelh ala tum talh le? tihian kei min lenchhuahpui anga a haw hunah Celine a ti lawm ve leh anga. Ka thil ngaihtuah avang chuan ka lu ka thing nghal nawk nawk a.
Kai hi chance ka pe mai chauh ani mahse ka rilru erawh ka thlak dawn lo tiin ka inhrilh nghal mawlh mawlh bawk.
.
Vawt a tih hmel em avang chuan heater chu tih san tumin a hmehna chu ka zuk bik dak dak a, ka tum loh deuh in a horn ka hmet palh ta tuarh mai!!
" Lalpa leh!! " ka ti nghal tuarh a, chutah zet zawng harh loh na chi ani tawh lo. Kai chuan inthiamloh hmel tak hian min rawn en nghal vata.
" ka... ka tihpalh lutuk ka mutthluk lai pawh ka lo hrelo reng reng "
" nizan ah darkar engzat nge i mut "
"ugh... ih "
" maw!! "
"umm.... darkar 2 ,englo ania.... vawin ah meeting pawimawh deuh a awm a ka tum loh deuh in.... "
"mahse i muthlu tho alawm "
" pawi ka ti lutuk.... a lehpek ah chuan a thleng tawh lo ang.... " Min mutthluk san avang hian ka thinrim lo mahse a hriselna theihnghilh thak khawpa hna a thawh thin avang hian ka thinrim zawk.
.
Chapter-60
www.storyfb.com mizo story thar englai pawhin chhiar tur a awm reng
"chuan a tlai tawh bawka kan haw tawh mai dawn mi? "
"aih.... thil pakhat ala awm " engtak chu ni leh ang maw?
"mahse kal hma i duh thin si a... hei a tlai tawh lutuk haw vat ila a tha zawk in ka hria" ka ngaihtuah bawk si ngaihtuah tak anga lan ka duh bawk si lo, ani lah in min hnial zel mai bawk si.
"ka thil tih engmah a buai phah dawn chuang hleinem.... " a tih tlat avang chuan thawk halh pahin ka han thu tha deuh a.
" Celine in a rawn call a... mahse i muhil bawk sia " lehlam hawi deuh hmak pah chuan ka ti sap a.
"naktuk ah eng nge i tih dawn? " thil dang a rawn sawi tak daih avang chuan ka sa nghal phat.
"Celine in kan awmdun tih a hrelo ani maw? a rawn call dan ah che khan "ka ti leh kher a.
.
" a hriat angai hleinem " a ti deuh hmak anih chu!! mahse ka la lungawi thei chuang lo.
"naktuk chu ughh.... hun i neih chuan "
"ka nei lo ang "
"anih eng nge i tih dawn? "
"hna ka zawng ang "
" maw!! ?" vin zet hian a rawn ti nghal hluk a.
"hna.... hna chu engvangin maw i zawn anga... ?"
"ka zawng thei lo mi?"
" thei e... mahse ih.. ka sawi tum zawk chu i nau neihna hliam em pawh a reh hma in engvangin nge hna thawh chu i duh deuh thut a.... "
"kei leh Darcy ka chawm angai alawm... i nu te inah hian kumkhua in ka awm thei hleinem. .."
.
" Chutia pawisa i duh anih te chuan ka pe ang che i duh zat zat ang pe ang che. ..mahse hna i thawk tur ani lo "
" Kai.... " ka ti nghal tuarh a "i pawisa hi ka duh reng reng lo... "
"min neih chhan ber ani lawm ni " chhan ka tum a mahse ka dang a awk tlat, thudik a sawi tih ka hria mahse ka thin a rim tlat si!! tunah hian a sum vangin ka lenchhuahpui lo a , a sum vangin chance ka pe hek lo ,heng thil zawng zawng ka tih chhan hi ka hmangaih vang zawk ani.
" ka tiam a che engpawh ka pe ang che... "
"chu... sum in min lei i tum elaw... "mittui tling pam chungin ka khi suk a.
"aih.... chu chu ka sawi tum ani lo... "
"anih chuan i sum chu chen la,min kaltir tawh rawh... " thinrim tak chungin car atangin ka chhuak nghal a,thli thaw vawt vûr te leh vur tla seng seng te chuan ka hmulthi te pawh a ti ding ur ur thei alawm.
.
Kai pawh a rawn chhuak nghal vat , keilah ka thinrim laklawh bawk nen ka kal tau nghut nghut a,min rawn zui tih erawh ka hre kar .
" Car ah lut rawh.... "
"i car manto tak hi ka phu love"
" Lola... " tih tuarh pahin min rawn kuai her nghal sawk a .
"sawi dik loh ka nei em ni? i duh ber chu sum ani lawm ni...."
"chutiang chuan engtin nge i sawi theih zawk.... "
"thinrim tur chu keimah zawk hi ka ni asin...hreptak chuan inhnial buai reng lo hian kan awm thei thlawt lo em ni?"a dik reng, Kai nen kan awmdun tawh hi chuan kan inhnial buai loh leh kan inti thinrim ngei ngei
"chuvang tak chuan lawm awmhran kan ngaih nachhan...awmdun tura ruat kan ni lo, Kai min kal tir tawh mai rawh i bula awm hi ka kham tawh takzet ."
.
Kun lap pahin ka kut chu zawi muang hian a thlah thla nghal riai riai a
" car ah lut rawh... ka thlah ang che " tih pahin min luh san daih anih chu!! engthil nge ka sawi hetianga a awm thut le?
Khua a vawt bawk nen hetianga din reng hian awmzia a nei lo,ngawi rengin ka va lut ve mai bawka min rawn melh eih lo.Chak zetin a tlan chhuak nghala, kan inbe leh tawh lo hrim hrim.Hetianga a awm takah chuan nuam ka ti chiah lo ka va melh leh hrek hrek thin a biak a huphurh awm takzet.
Chutia ka thut ngawih kar lai chuan Nick an min rawn call hlauh mahse engvang nge ni ta ang?
" hello... Nick " Kai runluih nan chuan ring zet hian ka han ti kher a mahse a awmdan a ti danglam chuang lo.
.
"Lola... hei i pa thin thlak tu tur chu kan hmu tawh... "a phur ani tih hriat zet hian a rawn ti a.
" ani maw!! " ka hlim hmel avang chuan Kai an min rawn melhrum ngei mai.
" aw...a kaltluang anih chuan naktuk ah an zai nghal thei ang... mahse test neuh neuh ala awm bawka "
" anih chuan naktuk ah kan inhmu thei ang tiraw?"Kai chu ka va melh zeuh a, rawn hawi lo mahse ka tawng a ngaithla kar tih ka hria.
"awle.... chuan thil pakhat"
" sawi rawh ...."
"i pa kal pawh hi thlak angai dawn a ..."
" mahse a hma khan an sawi si lo a ..."
"engkim naktuk ah ka hrilh ang che....lo lungngai lo la"
"naktuk zan ah dinner ei dun pahin ani mai " dinner eipui turin ka sawm avang chuan a ngawi deuh vang vang a, mak a ti deuh te pawh ani mahna.
"awle.... " fan raih hian a rawn ti ve mai bawka,ka pa thin thlak na tur kan hmu tawh bawka ka thaw deuh huai mai mahse engtin nge a kal hi ni ve ta ang ,an zai dawn bawk si a khawi atangin nge pawisa ka neih tak ang?
.
In kan thlen chuan Kai chuan ngawi rengin min chhuk san daih a,inchhung ah a lut daih lehnghal , kei erawh chhuk lo in car ah ka thu ngawi reng thung.
"Kai ka dil thei bawk si lo....khawi atangin nge pawisa ka neih tak ang" ka rilru a hah ru hle, lehlamah Darcy leh ka pa lehlamah Kai leh Celine.
Ka kut nuai nawk nawk pahin ka chhuk vata, hmanhmawh takin inah ka tlan chho nghal dawr dawr bawk. Inchhung ka luh chuan tu hmel mah hmuh tur an awm tawh lo.
"Khawiah nge maw a kal daih le?"Kai chu a rukin ka zawng kual deuh a mahse hetiang in zau lutuk ah hian awlsam takin ka hmu dawn lo tih chu a chiang reng.
.
"Engthil nge maw ka ngaihtuah le,a duh duh danin a awm thei alawm"room ah ka luhsan daih a,room heater chu ka chhuah dawnin ka off lo ani maw?,room chu alo lum vat vat mai. Ka coat fual rit zet chu phelh in couch ah ka theh thal nghal tawp a,a hnuaia ka kawr hak pawh chu thlak tum in ka han in phelh ruak nghal tawng a.
"i va rei ve... " ka phu chiang kher mai,ka kawr chuan ka inkhuh nghal vat bawk, dim light pakhat chauh ka on bawk nen mi an awm tih pawh ka lo hmu lo reng reng.
" Kai... eng nge hetah i tih?" a thim chin ah couch ah alo thu ran chu niin.
"a tlai tawh si... va haw tawh rawh "a tho thut a, khumah chuan a mu ta daih mai.
" Hey.... eng nge i tih a? tho vat rawh "
" ka rawn riak dawn "
" maw!! ...."
"sawi nawn kher angai mi? "
" anih chuan ngatinge hetah kher.... room ruak a tam hle si a "
" helai kher kher hi ka duh alawm "
.
" anih chuan room dangah ka riak mai ang.... "
"ka hriatsual loh chuan room dang password i hriat ka ring hauh lo mai.... " ka van ning tak ,chahbi emaw thil dang tamtak hman tur a awm reng si a ngatinge password a ngaih kher kher.
"anih loh pawhin inhnuai ah ani mai "
" inhnuai chu a vawt khawp ang le " ngeiawm zetin min rawn nuih kher anih chu!!
"hetah ka bulah lo mu mai rawh.... ka lo kuah lum ang che "
" teuh lo... " pajama ka ha sawk sawk a couch a thut pahin ka coat fual chu ka sin nghal hlun a, zankhua in hetiang hian ka awm dawn chu ani sia zan a rei khawp ang le.
.
Ngawi rengin ka phone games Kai te launch thar ber kha ka khel mawlh mawlh a hun paih nan a tha takzet.
"Eng games nge...? " hnai zeta rawn kun pahin a rawn ti ta thut mai,
" Lalpa leh? " ka phut em avang chuan ka ti nghal tuarh a.
"khatiang khan rawn ti thut thut tawh suh.... lungphu chawla min thih tir i duh em ni? "
" thu reng lo khan rawn mu rawh.... "
" aih... i chhuah hma loh chu ka mu lo ang... "
" anih chuan Darcy thlalak hi keimah chauh in ka en mai ang "
" maw!! khawi atangin nge i neih...? " ka ti nghal hru a, Darcy hmuh chak nak alaiin min ti ngai leh zo vek.
"chu chu a pawimawh ber em ni?"ngeiawm zeta min rawn melh pah chuan ka mutna lai tur chu a han beng thak thak a. Hepa hi Darcy hmangin min blackmail a tum tihna mi?
"naktuk ah ka hmu ve thei tho.... "
" i tih tlat te chuan " a iPad chu a han hmet eng nghal kher bawka, a sual thiam ve ngawt mai.
" awle... a tha e " Darcy hmuh ka chak ve tho bawk nen,a bula mut ringawt ani bawka tiin ka va mu phei leh ta nge nge a.
A ban kham pah chuan ka han mu dar dar a,a kut leh lam ah iPad a keng tel bawk.
"engtin nge i neih bik a? "
" doctor ka dil alawm... "Darcy thlalak chu a han hmet chhuak a,ka naute hi ka bula mu tur ani asin mahse keimah vangin ka bulah pawh a mu thei lo chu ani sia.
.
" a ke te hi i hmu em ....? engteh khi a nui sen sen mai " kan pahnih chuan kan nui dun leh hak thin a,hnute ka pek lai video te leh thlalak te chu alo nei veka ,kei ve thung chuan an lak lai pawh ka lo hre ve lo.
" a hmeltha tiraw? " ka han ti sap a.
" umm....ka chauh chang leh i laka beidawn ka duh rum rum lai pawhin tihian ka ngaihtuah ta a... Darcy pawhin damchhuak turin beidawng lo in a bei tang tang a engtin nge kei hian ka beidawn san daih theih ang cheu tiin....chuvang chuan khawvela ka neih hlu ber pahnih te hi neih let leh ka tum ta ani " Ngawi rengin Kai chu ka en kar a,ani pawh ka mit ah tak min en ran bawk ti ringawt hi chuan ka nem leh nghal mai dawn, bum ka ni tawh tur ani lo,Lola harh chhuak vat rawh .
" mangtha le... " lehlam hawi hmak pahin ka maimichhing nghal daih a,hmui pet fan fan pahin ka inhum ruh
a,ka let tur ani lo ka na nawn leh a nih chuan engtik ah mah ka hliam te hi a dam leh tawh lo ang tiin keimah leh keimah ka in hrilh nghal mawlh mawlh bawk .
.
0 COMMENT:
Post a Comment