My Drug is You-41 to 65(last) by Remruati Bawitlung(Haylor)

CHAPTER-41

Motto- Dream Bigger 

Kan haw dawn tawh avangin bungrua ho chu motor ah an load sap sap hlawm a kei erawh ka rai avangin engmah tih ve an phal lo thung.Chutia pawimawh lem lo zeta ka lo din ve reng lai chuan hnung lam aṭangin ka rucksack ah lai chu an rawn pawt thla pawp a, ka hawi let nak chuan Asher alo ding leh reng tawh.
"min pe vat rawh "
" anih chuan rawn la la " tih pahin a car ah a luhpui daih anih chu!! ka bag ah khan ka hlawh ka dah bawk si a, ka lak let vat angai.

"ṭha deuh a ka zawh lai che hian min pe vat mai rawh... " ka tih chuan shade vuah pahin ngeiawm zet hian passenger seat chu a han beng thak thak a,nuih luih hak pahin, "teuh lo " ka lo ti let ve ngat bawk.

Midang ho an tlan liam sap sap tawh hnu pawh a min la pek duh loh avang chuan, "hun a awm lo ania " ka han tih vin deuh hlar pawh chuan engah mah a ngaih hmel lem lo.
" anih chuan rawn chuang rawh "
" hahh.... Freddie nen kan haw dawn "ka tih rual rual chuan hnung lam a kawh zeuh avangin ka hawi let nghal vata,
"good luck " tih pahin Freddie chu a thawhpui pakhat nen an tlan liam daih anih chu!!

Khapa khan engmah min hrilh bawk si lova engvanga min tlansan daih nge maw anih le?midang ho an tlan liam vek tawh bawk nen,engtin nge ka tih tak ang?  hreptak chuan hepa bulah hian ka haw angai dawn anih hmel.
" khawi... " tih pahin ka bag chu ka chhuhsak pawp a, duhthlan tur dang ka neih loh avangin ka lut ta nge nge a, min rawn la nuih vur vur zui.

"hmanhmawh rawh... "khua a thim ṭan tawh mai bakah zanah race ka neih avangin ka hmanhmawh ru hle.Asher lah a muangchan em avang chuan ka thinrim hlur tawh.Ka hmanhmawh em avang chuan ka rilru hre niawm tak hian a tlan chhuak nghal vata, ka thaw nghal huai mai.

"kha heihi ha rawh... " sport bra chungah tshirt nghawng zau tak leh pan zet ka hak ringawt avang chuan a sweatshirt chu min rawn pe ta ringawt a, vawt lo mahse ka awm bawr leh ka dul kiar ve tawh tak lo lang huar chu a ngaithei lo pawh ani mahna.

" ka duh lo....tihian a nuam zawk "
" i hnute a lan vek kha... " tih pahin ka awm chu a rawn khuh kher anih chu kei lahin ka lo ngai thei lo nasa.Pawh thlak pawp pah chuan,"tuman an hmu dawn chuang lo"ka lo ti ve nghal hlar a,kan awmdun tawh hi chuan ui leh kel thlun pawlh ang maiin thil ho te te ah pawh kan in ti thinrim reng mai chu anih hi.

Ngawi rengin min rawn khuh leh ngat a, pawh thlak ka tum rual rual chuan ka kut chu a man bet nghal tlat bawk.A kut lehlam in motor a khalh a, kut king khat chauha min man beh avangin tal chuak mai thei turah ka in ngai ve rawka, ka kut khing hnih a ka ṭan takngial pawhin ka hneh der lo.
" min thlah rawh ..." ka hneh loh em avang chuan a kut chu ka seh sak ta vak ringawt , a na bawk aniang car chu a ti ding nghal chawt a, hma lamah kan bu nghal lawp bawk.

"i ṭha em?" amah inngaihtuah hmasa lova keimah zawk min rawn ngaihtuah daih avang chuan mak ka ti takzet,mahse mak tih hmel deuha awm ka duh loh avang chuan insiam ṭhat pahin, "ka ṭha. .." ka han ti sap a, ka hlauthawng bawk aniang ka thinphu pawh ala rang kher mai.

" i pum i sawh lo tiraw? "
" aw... ka naute chu a ṭha " ka tih chuan car chu a ti nung nghal hlat hlat a,"i fa chauh ani bik lo, kan pahnih a kan siam anih kha " ngeiawm zeta rawn tih kher pah chuan a tlan lehnghal bawk.
Ka inthiam loh em avangin a kut melh zeuh pah chuan, " a na em? " ka han ti a, a sen ṭul danah ka seh nâ tih chu hai rual ani lo.
" kha heihi hnawih rawh... " tih pahin damdawi hmeh chhuah chi hi min rawn pe a.Damdawi hnawih tuma a kut ka khawih rual rual chuan nghet takin ka kut a rawn hum thut avang chuan ka hlauhthawn laia ka thinphu letin a rawn phu zawt zawt mai .

" a na viau em ni? "
" ka ât loh nan damdawi hi hnawih angai alawm... "
"ani maw!! "
"haha...natna hrik lut tur ven na anih hi..." tih pahin ka sam chu a rawn nuai thur a, ka chhan dan avang khan a nuih a za hle nghe nghe.
__________________________________________

Asher an a car a dah fel lai chuan ka in ang maiah ngai in rang takin inchhungah ka lut nghal vata,Asher pawh ka nghak lem lo. Rachael in min rawn hmuh rual rual chuan min rawn kuah pah hian, " Happy Thanksgiving " alo ti nghal var a,vawin hi Thanksgiving day ani tih ka lo mangnghilh daih alawm mawle,hria ila chu engemaw tal lei ila ṭha tur.
" a nuam em? " Joel pawhin ka bianga fawh zeuh pahin min lo chhawn ve bawka, hemi te nupa hi an awhawm takzet, an ni ang hian Asher nen pawh hian hlim ve ila ka ti takzet.

" aw...rin phak bak ani "
"Dinner pawh kan peih fel vek tawh a, rawn ei nghal mai rawh "
" awle... " tih pahin dinning table lam panin kan phei nghala, Samuel leh Grace te chuan an lo kil tawh avangin an bianga fawh zeuh pahin ka va kuah ve ve a, zanin zet zawng ka hlim kher mai chhungte nei ta mai angah ka in ngai.

Thanksgiving hi han hmang ve mah ila Hunter nen chauh kan hman ṭhin avangin a nawm vak na pawh ka hre ngai lo mahse zanin chu ka lo suangtuah ṭhin angin chhungkaw hlim tak bulah ka hmang thei a vannei ka in tih zia hi tuman an sawifiah thiam lo ang.

" Coco... zanin i rawn awm ve chu a nuam takzet, kum dang aiin a nuam daih zawk"ka tel avangin nuamlo an ti ang tia ka lo in ngaihtuah lai takin Rachael in a rawn tih chuan ka tel ve avanga ka inthiam lo lutuk pawh kha a zia deuh.
" Khawiah nge Asher? "Grace chuan a fapa duatlai awmna min zawh chuan heta hi tih pahin Asher chu ka bulah a rawn ṭhu ve nghala,kum dangah chuan Lily te nen an hmang ho ziah awm sia tih mawlh mai chu ka rilru ah a awm.

A nihna takah chuan Grace hian Lily hi a duh in a fapa hian a nei lo ang tih hi hlau takzet tih ka hria. Hman zanah pawh Samuel bulah hrehawm a tih thu leh kei hi pawm harsa min tih thu a sawi ri pawh ka hria mahse ka dem lo tu nu in nge mahni fapa duat lai hi mite hmuh hniam leh awm herh bulah awm tir duh ang. Lily ang hmeichhe fel leh zir sang a awm reng laia kei ang mahni duh duh dan a awm lo thlan zawk nachhan tur a awm lo.

Mahse Grace pawh hi mi mai mai ani bik lo, Pastor nupui tih takah a nihna hi a chiang in min en hrang ngai lo. Min duh lohna tih lan a hnekin ka tan a theihtawp a chhuah zawk.

"in rawn let leh chu a lawmawm e... " Samuel an a tih veleh an kut chu an in kai thialh thliah a, a ngaihna hre lo zeta ka awm lai chuan Asher an ka kut chu a rawn vuan chat a chutah lehlamah Joel pawhin min rawn kai ve leh nghal bawka, an ṭawngṭai dawn ani tih chu ka hrethiam nghal.

_____________________________________________

Kum danga an lo tih ṭhin ang bawkin video hlui chi hrang hrang dah khawm en paha kan ṭhut khawm ṭhap lai chuan thil tih tur nei niawm takin Asher chu a tho thut a,ham bai bai paha inchung chhoh a tum lai tak chuan Samuel an, "Asher... a tlai tawh va haw tawh rawh "
a ti ta mai!! mak tih hmel zetin Samuel chu kan en ṭhap ringawt.

" khawiah maw?!! "
" i in thar ah mawle"
" zanin chu hetah ka riak ang "
"in i nei renga hetah i riah daih ten... i bungrua pawh rawn la tura i tirh ten an la vek tawh... "
"ka pa... "
" kar khatah vawikhat chiah i rawn kal dawn tih kha hre reng rawh... "
" maw!! "
"Coco...i room ah han chho tawh rawh i chau lutuk ang "
"room a!!  ka room anih khi... "
" tunah chuan Coco room ani tawh "

A pa in a tih tlat avang chuan lungawi lo mahse ti lang ngam chiah si lo chuan a chhuak ta ringawt a, Khatiang teh thut a chhuah a duh avang khan Samuel pawh hian a runluih ve bawk in ka hria.

★Samuel an Asher chunga hetiang thil a tih chhan chu Coco a duh ṭan tih a hriat vang ani.Asher an a nun ah Coco a pawm theih nan hian hmu chak ngawih ngawih in awm se, a nun a mi pawimawh tak pakhat anih zia a hriat chhuah phah a duh vang ani bawk★

" ka pa zanin chauh te chu riak mahse a pawi hleinem... "
" Joel... i nau hian puitlin a zir meka hetih rual hian a nun ah kan pawimawh zia hi hrechhuak bawk rawh se"
"tun ṭum a rawn haw hi a hlimin in a awm hi nuam a tih hmel takzet... Coco in zinna ah engthil nge thleng a? "Rachael in a rawn tih thut avang chuan sawi tur hre lo in ka ding reng ringawt, bakah chutiang chuan a awm âwm pawh ka hre ve lo.

Chhuah ka duh avangin an mut hun nghakin khumah chuan ka ṭhu ngawi kar renga, an mu fel ta maw tih ah room atang chuan ka lawr nghal zat bawk.

Thawm dim thei ang bera kawngka pui hawn ka tum lai tak chuan hnung lam aṭangin Samuel an min rawn ko ta thut mai!! ka phu nasa lutuk hi ka thlarau a thlawk chhuak thei hial ang.
"umm... ka pa va tlawh ka tum a.. " dawt ka sawi ringawt,duhthlan tur dang nei miau hek lo.
" zan rei ah hian maw?!! "
"ka hmuh lohna a rei tawh si a... ka ngaihtuah deuh mawle "
"i kal dawn takah chuan kei pawh hian tlawh ka duh alawm,i zin chhung khan vawi hnih chiah ka kal thei lehnghal a "

" a pawilo.. a ṭha vat mai ang"
"kal ila haw leh hma zawk ila " tih pahin kawngka bula a lukhum leh kawrlum chu a ha nghal vata, lo dan na chi a ni tawh lo phur lo zetin kan in zui chhuak ta nge nge a.

Kan in kan thlen chuan kawtah car pakhat a lo awm avangin inleng ka nei ani tih ka hre nghal mahse ka pa tlawh tur âwm an awm loh avangin amah enkawltute inleng an nih ka ring mah zawk.

Ngawi rengin Samuel nen inchhungah ka inzui lut nghala, kawngka kalh na a lo ṭhat tawh avang chuan Hunter siam anih ka ring nghal a chhanchu amah bak siam tur an awmlo.
"lo kal rawh... " in neitu zawk tih takah hawihhawm takin ka lo ti nghal zung zung a, keimah ang lo taka ka chet avang chuan ka nuih a za hle nghe nghe.

Chutia inchung pan tuma ka chhoh lai chuan ka pa room aṭangin pa lian pui pui pahnih hi an rawn chhuak ta thut mai!! ka leibat na te kha an ni tih ka hriat chuan samuel chu ka melh nghal vata, a hriat chhuah ka hlauh em avangin "in rawn kal ani maw " ka ti vei rawka ka kawr nghawngah pakhat chuan a ṭham nghal chawt mai.

"i ba i tlak vat lo anih chuan i pa hi a thi ang " tih chiah sawi in an in zui chhuk thla nghal a, kut min thlak lo hlauh a ka thaw nghal huai mai.
"i ṭha maw ?"
" umm... ugh, a pawisa tlemte kan ba a "
" i pa hi kan in lamah kan sawn phei mai dawn mi...helai chu a him lo"
" engmah anih loh kha... hawh chho ila " za lo zeta nuih pahin ka ti sep ringawt .

CHAPTER-42

motto- Dream Bigger 

★Asher's POV★

Coco ka hmuh chak mai bakah riah ka tum tehlul nen ka pa in haw tura min tih tak tlat avang chuan ka haw ta nge nge a,mahse ka inchhir nghal der a chhanchu tunah hian Coco hmuh hi ka chak ngawih ngawih.

Freddie hnen aṭangin message ka dawn hlawl avang chuan ka hawng nghal vata, hepa nen hian kan inbiak lohna chin pawh ka hre tawh lo. Coco thlalak min rawn thawn chu ka hmuh rual rual chuan ka khi nghal suk a.
" avan ṭul lo tak " tih sup pahin ka in thar chu ka han hawng rak a,a thim vek avangin light ka on nghal vat bawk.

Inchhung chu luahthar tih takah ka bungrua ho chu box ah ala awm vek a, ka chau bawk nen tihfel pawh tum lemlo in bedroom ah ka lut tlang nghal.
" i va rei em em ve " bedroom light ka on rual rual chuan Lily chu khumah alo ṭhu reng tawh, ka hmuh rual rual chuan ka ding nghal chawt bawk.
" eng nge hetah i rawn tih? " ni e, he in hi Lily min zawn hmuh sak chu ani ngei alawm mahse ka in ani tawh a hetiang hian alo lut ru ang tih rin ngaihna ka hrelo.

"happy thanksgiving.... " ka tihngaihna hre lo chuan thawk chhuah hak pahin room aṭang chuan ka chhuak nghal nal nal a, fridge a water bottle chu la in tui chu ka lem nghal khawlh khawlh bawk.
"kan lawm dawn mi niang... umm... chau tho mahla" a tih rual rual chuan bottle chu ka nghat chawrh a, "Lily a neitu phalna la hmasa lova mi ina luh hi dan kalh ani tih i hria em? "
"mi in ani hleinem...ka bialpa in ania phalna ka lak kher angai hleinem "
" hriatthiam tum teh...kan inṭhen tawh "

"keichuan ka ṭhen ve lo che....a chhanchu ka hmangaih vang che ani "mittui tling pam chungin za lo zet hian min rawn nuih suk a, diktaka sawi chuan hetiang anga a awm hian na ka ti lo ani bik lo,hrehawm ka ti a hmuh harsa ka ti hle bawk.Lily hi ka hmangaih a kalsan harsa ka ti mahse maktak maiin ka hmeichhe hmangaih aiin aletin Coco hi ka thlahlel zawk!! engtik lai pawhin hmuh ka chak ngawih ngawih renga ,in hnial buai reng mah ila a bula ka awm tawh hi chuan mi â ang maiin ka nui ṭhin, midang ta tur anga ka ngaihtuah ngat phei hi chuan ka thinrim hlur thei.

" ka tihpalh " tih bak sawi tur ka nei lo, insawifiah na tur ka nei lova chhuanlam lah ka nei hek lo, tuna ka duh zawng chu Lily kaltir hi ani.
"kan in hmangaih kha..."
"mahse ṭhen che hi ka duh ani... "
" min ti na takzet,ka thinlung hi i ti na takzet asin ...vawikhat chiah i rawn let leh thei lo em ni?" a mittui a rawn tla nghal zawih zawih a, hruk sak tumin ka kut ka chet uai hman mahse a rilru ka tih no mai mai dawn avangin nghet takin ka inhum ruh ta zawka,a hmel hmuh reng hi nuamlo ka tih avangin ngawi rengin room ah ka luhsan nghal daih bawk.

Ka awmdan hi ka inhrethiam tawh bik lo, Lily a ṭah khan hrehawm ka ti mahse a hma a ka rilru put ang kha ka pu tawh hauh lo engang pawhin a mittui tla mahse let tumna rilru ka nei loh avang chuan mak ka in ti zawk hial.

Nidang chu nise a mittui chu sawiloh ho te te ah pawh nise a nat hlau in ka phi chung anga, chan ka hlauh luatah lehkha zir ṭhulh ṭhak in amah hmu turin ka chhuak vang vang ang. Tunah chuan ka ṭhiante zawng zawngin i chak lohna chu Lily hi ani tia min chhaih luai luai Lily mittui ngei pawhin ka rilru a thlak zo tawh lo.

___________________________________________

Report thehluh tur ka lo enfel mawlh mawlh lai chuan Clara chu ka bulah a rawn ṭhut vut a, mi en vung vung pah chuan "enteh... Asher, Coco kha i fa pai tu ani tih min hrilh miah suh " a tih chuan ka khi suk ringawt, engvanga thinrim miah lo nge maw ka nih le? midangin an hriat pawh ka pawisa tawh lo .

" ani tiraw? Lily hi engtin nge i tih dawn?" engpawh sawi se Lily hming hian a chhunzawm ngei ngei,mahse kei ngei pawh hian engthil nge ka tih dawn ka hre bik lo.

" ka hrelo... "
" maw!!  ka hrelo a?... Asher fiamthu ani lo ania... kum nga lai in inkawp ve tawh a hetiang ringawt hi chuan i ti thei lo ang"
"anih ka tih tur chu min hrilh la... " ka tih chuan a ngawi reng ringawt, ni e...ka thutlukna siam hi a atthlak tih chu ka hria mahse hei aia thutlukna ṭha min râwn theih chuang si loh chuan engvanga lo buai ve chhen nge maw an nih le?

"enteh... Hetiang anga Lily i tih avang hian i hlim chuang lo ang, heihi hre reng rawh...i rawn let leh anih pawhin ani chuan alo pawm tawh lo ang che " ka pen hum lai rawn lak pawp pah chuan chhuatah a paih daih a, thinrim hmel zetin a chhuak tau nghal nghawng nghawng bawk.

Clara thusawi ho zawng zawng kha ngaihpawimawh loh hmel zetin ka han thaw chhuak hak a, pen chu chhar tawh lovin a dang ka la leh ngat bawk.
Ka thil tih lai ka chhunzawm mawlh mawlh lai chuan ka piah lawka ṭhu Jerry chuan min rawn nuih vur vur pah hian"Lily ṭhianṭha te ho chuan a mal te te in an rawn chhuahchhal dawn che niin a lang... huizz hmeichhia te hi chu hriatthiam an har anih hi " thawveng zeta a rawn tih chuan ka khi suk ringawt, Freddie phei chu awm se Clara kha bem daih rawh tiin min râwn leh tawh ang.

Report submit tura Dr. Richard office lam ka pan lai chuan ka in rin loh laiin room thim zet pakhat ah hian Lily in min rawn pawt kawi thut a, ka kawr nghawngah nghet taka ṭham pahin min fawp nghal tawn tawn bawk.
"Lily... engthil nge maw i tih le? "
"shh... ṭawng suh... "ka benga a rawn thawk lum ham ham pah chuan a mawng leh mal vel te chu min zut tira, mipa pangngai tan chuan hnar har tak ani mahse thil ṭha ani loh tih ka hriat ve kûr avangin ka in la hrang thei hram,engmah sawi lo in rang takin ka chhuak nghal daih bawk.

Hmui liah zeuh pahin ka white coat chu ka siam ṭha nghal sawk sawk a, tlangval harhvang thisen lum tih takah ka hmeichhe duh em em in khatiang anga min tih tawh kha chuan insum a harsa takzet.

"Asher....khatiang khan min kalsan reng reng suh " Lily in min rawn zui ani tih ka hriat chuan a hma aiin ka kal chak sauh a, ka kutah a rawn vuan nghal vat bawk.
"i duh ve tho kha...ngatinge i insum tlat zela "
"Lily chutiang mai mai atan hun ka nei lo... "
"inbia ang...engkim hi kan sawi fel vek angai"
" sawi dun tur engmah kan nei tawh lo "
" Asher Edwards... " a rawn tih tuarh avang chuan ka ding thut a,min en kar pahin ka kutah nghet takin a vuan tlat bawk.

" i thil tih avang hian ila inchhir khawp ang...heihi hre reng rawh ngaihdam min la dil khawp ang "
Chutia kan lo awm lai tak chuan Dr. Leah a rawn kal thut avangin Lily chuan ka kut thlah pahin a in la hrang nghal vata ,Dr. Leah in min rawn kal pel pah chuan, " in pahnih in ka office ah min rawn hmu ru " tih pahin a kal lehnghal nal nal bawk.

★
Dr. Leah office ah chuan kan ṭhu ngawi renga, ani erawh lungawi loh hmel zetin tukverh lam chu a thlir vauh vauh thung.
"in pahnih hian in in ngaizawng tih kan department a awm zawng zawng hian kan hre vek mahse damdawiin ah hi chuan tihlan phal ani lo, buaina in neih lehngat phei chuan fimkhur ang che u "
" kan tihpalh... " Lily chuan alo ti nghal vata, kei erawh ka ngawi ngul thung.
"khatiang a ring khan in ti buai tawh suh ang che u... helai hmun hi intih buaina hmun nilo in damlo enkawl na hmun ani tih hre reng ang che u....in kal thei ang "

Chhuah kan tum lai tak chuan Dr Leah bawk chuan, " Asher biak che ka duh " a rawn tih avangin Lily chuan min rawn melh hrek pah chuan ngawi rengin a chhuak nghal nal nal a kei erawh ṭhu tawh loin Dr. Leah hmanchhawn zawng chuan ka ding ran a.

"tunlai hi i point a hniam sawt riau mai... bakah hmanni khan i in exam lo tih ka lo hre bawka engvanga inthlahdah sawt em em nge maw i nih le? "
"a lehpek ah ka exam leh mai ang "
" Asher!!...i ngaih ang mai mai a awlsam chu ani lo tawp ang... "
" Enteh... Dr. Leah i sawi tum chu ka hria mahse hei aia thil pawimawh zawk hi a tam lutuk "
" awle... ka hrethiam e "tih pahin ka darah chuan a rawn vuan a, " i kawr nghawnga lipstick kai hi tifai rawh " tih pahin min chhuahsan nghal bawk.

_____________________________________________

Ka duty zawh veleh haw tlang lovin Coco thawhna restaurant lam pan chuan ka tlan tlang ta zawka,diktaka sawi chuan ka hmu chak tawh em ani, naktuk emaw a lehpek pawh ka nghak thei tawh lo.

Vawin nilengin eng nge a tih ang? damdawi a ei em?  chaw a ei ṭha em? tih vel mai mai chu ka rilru ah a awm renga, thil dang ngaihtuah ka tum poh leh ka feelings te chu ka thunun thei lo tulh tulh a, amah ka ngaihtuah na lamah mi â ang maiin ka lo nui leh vur vur ṭhin.

Henu hi drugs ang mai ani,a ngawl ka vei a.. a nî telin a zûn ah ka uai hnup hnup zel chu anih hi. A hma khan amah ka ngaihtuah lo tihna ani lo mahse tun hnai te aṭang hian ka ngaihtuah nasa zualin a bula awm chu ka chak ngawih ngawih renga, engvanga hetiang anga awm vak nge ka nih tih hi ka in hrethiam tawh bik lo.

A hma kha chuan Lily avangin Coco ka ngaihtuah pawhin ka inthiam lo ngawih ngawih ṭhin a rinawm lo ang hial ten ka in hre ṭhin, tunah erawh sakei rilṭam ang maiin hrehawm tihna awm hauh lo in amah chu ka bitum char char a, tih lungawi ka tum em em bawk.

Restaurant ah chuan ka lut a Coco ka hmuh mai loh avang chuan kil khatah ka ṭhu ngawi reng ringawt.
"hi!! Selvia ka nia.... eng nge i order ang?" tih pahin waitress chu ka bulah lehkha nen hian a rawn ding ran a,a awphawi aṭangin Australian ani tih ka hre nghal.
" Asher... " lo in hmuam ûp tlat thu a awm lo, ka hming chu ka lo hrilh ve nghal bawka,a ruk tak chuan Coco awmna zawh mai chu ka rilruk tawh.

Coco dinner eipui ngei ka duh bawk si a mi pahnih ta tur ka order chuan min en ha ringawt mahse a chhan erawh min zawt lem lo.
"aw le... reilo te ilo nghak leh lawk dawn nia "min rawn siai zeuh pah hian napkin hi min rawn pe kher a,nuih vur vur pahin a kal nghal vat bawk.

Tui in pahin napkin chu ka han keu a ka rin ang ngeiin phone number alo awm!  mahse biak zui ka tum loh zia chu hria se a thinrim viau ang. Hetiang thil hi ka vawikhat tawnna anih loh avangin mak ka ti lem lo, ngaiah ka nei tawh zawk.Chhelo leh hmelṭha tak tak te pawh ni mahse bialnu ka neih avangin ka be zui ngai lem lo.

A chhiat loh em avangin Freddie leh Jerry ten an duh leh ka rin avangin ka theihnghilh loh nan dawhkhan ah langsar deuh hian ka dah a, ka en lai min rawn hmuh chuan a awmna aṭangin min rawn nuih ver ver bawk.

Coco a rawn lan mai loh avang chuan a thawk tawh lo anih te ka ring rum rum tawh mahse ka call chuan surprise ngei ka duh bawk si a dawhthei taka lo nghah mai loh chu tih theih vak ka nei lo.
" hei aw...." tih pahin waitress chuan tui hi min rawn pek belh a, min rawn beisei vang ani tih ka hriat avangin phone chu ka ensan ta ringawt a, polite lo min ti dawn mahse pawi ka ti lo.

"ughh... min lo hrethiam lawk " a kal tur chu ka ko ding ta ringawt a, ṭhu turin hrilh lo mah ila ka ep chiah ah chuan a rawn ṭhu nghal tharh a mahse Coco awmna zawh ka tum lai takin a rawn chhuak hlawl mai!!

Coco in min rawn hmuh chuan mak tih hmel ai mahin thinrim hmel a pu zawk.Ka eitur order nghah chawrh pah chuan, "kha ..." hi a rawn ti hmuk a, surprise ka tum tehlul nen min surprise let zawk!!
" Asher... eng nge ni ta...? " Coco awm lai lai in waitress chuan a rawn la ti ang deuh deuh a,buaina ka tawk ngei dawn anih hi.
"ughh.... Lemonade min rawn pe dawn mi niang " ka ti ta ringawt a, "aw le... " tih pahin a kal nghal hlauh .

" ughh...i awmna zawh ka tum a chuan a rawn ṭhu ...." ka thiam ang tawk a ka insawifiah nuah nuah lai chuan dawhkana napkin a phone number awm vu a hmuh avang chuan ka ṭawng tawp chut a, a thinrim nge thinrim lo tih ka en nghal vat ringawt.
"i thil order hi i ei bâng anih chuan pawisa i chawi dawn ania " tih pahin mahni eitawk aia tam order a, chaw khawhral chu pawisa chawi tur tih in tar chu a kawk va va a,keilah mi pahnih tan ngawt ka lo order lehnghal. Pawisa chawi hi ka hreh tihna nilo in hetiang avanga pawisa chawi hi a zahthlak vang zawk ani.

" anih chuan min eipui rawh... "
" ka ei tawh... " kal daih a tum avang chuan a ban ah ka vuan nghal chawt a,midangin min rawn en ṭhap avangin a hawikual nghal hrak hrak bawk.
"ṭhu rawh... "
" ka hman lo...." a tih rual rual chuan ka pawt ṭhu nghal chawrh a.
"ka ban a hun tawh... ka kal dawn "
"anih engvangin nge i thinrim? "
" Asher... ka pa ka tlawh ngei ngei angai chutiang sawi hman ka ni lo " tih pahin a tho daih a, a appron awrh lai chu counter ah dah in a rucksack nen chuan hmanhmawh takin a chhuak nghal hlawk hlawk bawk.

A chhuah daih avangin ka thil chah pawh ei lo in a man chu dawhkanah ka dah tawp a Coco chu hmanhmawh takin ka umchhuak ve nghal bawk.
"ding rawh... " a hriat loh der tlat avang chuan, "ding rawh " ka han ti leh a, a kal chak em avangin ka um leh ta nge nge a.
" Coco... car ah lut rawh" min la ngaithla duh chuang lo, "Coco... car ah lut rawh ka tih chu " chutah zet zawng ka thin in a tuar ta lo car ben chawrh pah chuan,
 " Car ah lut rawh" vin zeta ka tih takah chuan phut zawk pahin a ding nghal chawt a.
"lut rawh... "zawi sapa ka tih chuan ngawi rengin a rawn let leh nal nal a,car ah chuan ngawi rengin a lut nghal vat bawk.

Biak pawh in be loin an in lam panin ka khalh a, a khat tawkin ka va melh leh zeuh ṭhin a a lungawi loh hmel takzet.
"min pehhel tum reng reng suh " kawng melh ngur ngur pahin ha seh chilh ran chuan ka han ti sap a, a awmdan hian ka thin a ti rim zual.
Chutah ka ṭawng hrelo ang maia lehlam a hawi tlat avang chuan car chu kawngsir ah ka ti ding nghal tuarh a,steering hnek chawrh pah chuan,"ṭawng ta che " ka ti nghal tuarh ringawt.

Thinrim tawh nak alaiin "kal vat vat ang " tih chiah in min rawn chhang lehnghal!! Ka insum theihloh bakah ka tihngaihna hrelo chuan ngawi rengin ka sam chu ka han chul thuak a,heti ringawt hi chuan ka thinrim zual zel dawn avangin car aṭang chuan ka chhuak daih ringawt.

Chutia thinrim insum, inseh ruh ṭeuh chunga ka din reng lai chuan hnung lam aṭang hian ka dar chu a rawn khawih a, ka hawi let rual rual in ka fawp nghal tawn tawn ringawt.
Awmze neilo a ka vin hrep avang khan ka inthiam lo leh hnuhnawh,kan chal insik tir chungin a biang chu ka kut pahnih chuan ka han dawm bawk a, " ka tihpalh"  ka ti zui sap bawk.
" a pawilo...a pawilo" min rawn fawp let ve nghal tawn tawn a,a hniam em avangin chawi kan pahin car hma ah chuan ka ṭhuttir ta ringawt a, kan inthlahlel bawk aniang a hmun pawh sawi lovin kan in fawp tawn tawn mai.

"i va chauh hmel ve ?" a dâng lep avang chuan en vang vang pahin ka han ti sap a.
"nizan ka mu ṭha lova...hahh...ka luak a chhuak vek thei nia mawle"
" anih chuan inah kan let zawk dawn mi... i pa chu keiman ka lo va buaipui mai ang "
" aih... angai lo, vawin ah kan in a awm kha a haw thut avangin ka kal ngei ngei angai... ka pa ril a lo ṭam tawh lutuk ang " a tih tlat avang chuan hnial ka tum lem lo.
" anih chuan kan hmanhmawh angai anih chu... lut rawh " fawp zeuh pahin car ah ka lut nghala.

Car chu tih nung mai ka han tum a mahse Coco chu lut mai lova kawngkar dawm vang vang paha a lo inseh ruh fan fan lai ka hmuh chuan car aṭangin ka dawk chhuak rang ngang mai .
"Asher...!!" a tih rual rual chuan a ṭhingṭhi hnawk a, nau vei tur ang mai hian a rawn sang ta vak mai chutah thi a rawn pu zui nghal ṭiam ṭiam bawk.

"engtin mah i awm dawn lo" ka jacket chuan thi chu ka dawm nghal vata, rang takin car ah ka pawm lut nghal vat bawk.
Damdawiin lama kan tlan let lai te chuan ka kut chu a za veka, ka chiai ani ber. Damlo emergency tam tak ka lo buaipui hnem tawh nen tunṭum zet chu Coco anih vang aniang ka che hlei thei lo, ka hlauthawng in ka che pelh phung bawk a, tih hmasak ber tur pawh ka hrelo.

" Asher.... thawk han la vang vang teh.. " Coco zawk chuan a rawn ti a, hnem tur zawk ka nih laiin keimah zawk hi hnem ka ngai tunah tak hi chuan ngaihtuahna mumal pawh ka pu thei lo.
Engvanga hetianga awm tlat nge maw ka nih le? doctor dangin chhungte enkawl tur chuan ka inring tawk lo an lo tih ang zawng zawng kha ka nei vek in ka hria.

Damdawiin kan thlen rual rual chuan Coco chu an nawr lut nghal vata,kei erawh lut turin huaisenna ka neih loh avangin pawnah ka lo nghak thung.Pawnah awm mah ila ka ṭhu hle hle thei bik chuang lo, a tuartu zawk emaw tih mai turin ka vei kual chhen a, an nawr luh lai pawha min rawn la nuih ver ver thei khawpa hmeichhe tawrhchhel hi ka la hmu ngai lo.

Minute 15 vel hnu ah Dr. Gary a rawn chhuah rual rual chuan ka va pan nghal vata,ka hlauthawng bawk aniang ṭawng nachang pawh ka hrelo.
"Misoprostol a ei a... a bak chu i hriat kha " atih chuan ka inhum ruh nghal vata ka bing nghal mup mup bawk,engkim mai chu a reh nghal duk a mak tih hmel zeta en haw pah chuan ka tawlh hnung nghal hrut a, Coco pawh hmu lo in engmah sawi lo chuan ka kal nghal nal nal bawk .

Hrilhfiah ngai lovin Misoprostol chu nau tih tlakna damdawi ani tih chiang takin ka hria , a awmzia chu Coco in nau a ti tla tihna!! mahse engvangin?  Naute awm tawh lo chu lawm tur ka nih laiin ka lawm hauh lo, ka rilru hahna te chu kiang duak tur anih laiin a hma aiin ka rilru a na zawk.

Ka chhungte kawngah an thang mek a, anmahni lo chhawn ka duhloh avangin rang takin damdawiin chu ka chhuahsan nghal vat bawk.
Ka rilru natna ai mahin Coco ka huatna chu a nasa zawk, naute a ti tla leh dawn tho tho ani tih lo hria ni ila chu ka buaipui hauh lo ang. A tan engkim ka ti a, ka hmangaih ka chân a ,ka mualpho pui bawk mahse chu pawh chu duhkhawp lovin engvanga ramhuai ang maia che nge maw anih tehhrep ni!!

Haw hle mahila apa buaipui hman lova damdawiin a kan kal leh daih avang chuan apa in lam panin ka inkhalh leh ta nge nge a, henu hi ka nun a a rawn lan aṭang hian haw hle mah ila amah ngaihtuah lo thei lo in min siam a, engtik lai pawhin min ti buai reng dawn chu anih hi.

Nurse awm tho mahse a enkawl tu zawk a awm miau si loh avangin Coco pa chu chaw ka pe a, a taksa ka hruk fai sak bawka chutah khumah zun alo cheh huh dup avangin a bedsheet ka thlak sak vek bawka thiam lo hle mah ila nurse in min pui hlauh a kan zo hma phian.
★

Ka In luah a ka luh rual rual chuan kawngka chu ka khar nghal ṭhuai a,light pawh on lo in couch ah chuan thatchhe zetin ṭhu nghal hnawk bawk,Coco pa ka pawm kual nasa bawka ka chau takzet zet .
" i rilru ava hah hmel ve " Lily aw ka hriat rual rual chuan ka ṭhu ngil nghal zawt!,bati dawhkana rawn hung pah chuan ka dar chu a han hmet vela mahse eng nge hetah i rawn tih?  tih pahin ka tho nghal daih thung.

" hahh... khatiang khan awm teh suh, hetah lo kal teh " tih pahin min kai lui tlat a, dawhkan chu dinner ei mai theih turin alo peih fel vek chu niin.
"ṭhu rawh...dinner mai mai anih hi" min pawt ṭhu a, min rawn nuih ver ver pahin wine chu a han thli chhuak kar kar bawk a.

"Asher... engthil nge thleng?  i rilru ava hah hmel ve" serious deuh taka min rawn zawh takah chuan Lily kha a rawn let leh nimai in ka hria.
" Coco in nau a ti tla"
" maw!! "
"huaisen takin a pai tlang tawh a, a tih tlak ka ring lo " ka la ti fân tho.
"Nau a ti tla maw!!  mahse neih ngei kha a tum sia... Asher henu hian alo chhaih kual mai mai che ani lo maw!"
" hahh... eng nge pawi" za lo zeta nuih suk pahin wine chu ka han tlak pap a.

" harh ta che...  kan pahnih a min pawh hran hnu ah nau a tih tlak leh daih hi!!...hmeichhe fing tak ani "
"va haw tawh rawh... zan a rei tawh " tih pahin ka tho daih a mahse min pawt ding leh hram.
"kan pahnih a kan ṭan dun hi angai ani, hetiang ringawt hi chuan henu hian min ti chhe vek thei ang "
" Lily... tunah chuan nilo ka chau lutuk "
"Asher!!  nau a tih tlak tawh hnu ah pawh ila kalsan duh chuang lo amaw!! harh ta che a dawi ã mek che anih hi "
"naute vang ringawtin kan inkar hi a tawp tur tihna ani hleinem"

" anih engvangin nge naute vangin min ṭhen si...mawh? min chhang rawh mawh?"ka kawrah ṭhamin min sawi sek avang chuan a kut chu ka paih thla pawp a, "keimah chauha awm ka duh... chuan naktuk ah password ka thlak bawk ang " tih pahin room ah ka luhsan daih a,ka thinrim lai ani bawk nen side table chu ka tlawh thlu nghal ṭhuai ringawt.

Ka chau em avangin khumah ka let nghal tawp a, ṭe vak vak paha bungrua a paih chhe ri te chu hre reng mah ila tho turin tha ka nei tawh lo, dan a hnekin reilote ah ka muhil zui nghal mai bawk.

___________________________________________

Ka phone vibrate chur chur ri ka hriat rual rual chuan ka harh hlawl ringawt !!tawp hman mahse ka phone ka check nak chuan ka chhungte miscall alo tam ngang mai. Rang lutuk in ka tho chhuak nghal vata,ka lu a na in mut ka kham lo takzet.

Thawmhnaw engmah ka hak loh avangin carton aṭangin ka tshirt chu ka phawrh chhuak nghal vata, nizanah khan ka chau bawk aniang ka phelh lai pawh ka hre tawh lo.Tshirt hak sawk sawk pah chuan ka awm vela hamna hnu hma ang maia vual ṭuak chu hmu reng mahila ka hmanhmawh em avangin ka ngaihsak zui lemlo.

Room aṭanga ka chhuah rual rual chuan ka thawmhnaw chhuat vela let phung ah chuan ka in chhuih nawk a, in chu ramsa in a a sawisak ang maiin a hnawk nuai a, ka bungrua leh lehkhabu te chu chhuatah a let phung bawk.

Couch bula hmeichhe pheikhawk khing lo let bal ka hmuh rual rual chuan nizanah Lily a rawn kal tih chu ka hrechhuak nghal zawk a heng thil zawng zawng hi a thinrim avanga paih darh ani tih ka hre nghal bawk.

Dahfel hman ka nih tawh loh avangin a hnawk ang ang chuan ka chhuahsan ta ringawt a,hmanhnawh zetin damdawiin lam pannin ka in khalh chhuak nghal vang vang bawk.

Coco awmna room ka thlen chuan lut ta mai lo in ka insum theih loh ka hlauh avangin ka han in hum ruh te te pawt a, haw hle mah ila ka hmuh chak miau avangin ka lut ta nge nge a, ka thinrim luatah insum hman lo in ka va chet vak loh hram ka beisei.
" Asher... ilo thleng ani maw? "an vai mai chuan an lo la awm kim ṭhap a, Coco chuan thei leh thei lo hian min rawn la nuih ver ver anih chu !! chawplehchilh in ka nem nghal vek.

Thinrim insum theih loh tih te chu tih ve mai mai Coco ka hmuh rual rual chuan ka va pan hnai vata, engmah sawi buai lo in ka fawp nghal vawng vawng bawk. Ka huatna te chu khawngaihna ah a inlet veka,ka rilru ka thlak chiang kher mai !
" ka hmangaih che " a rawn tih chuan vawikhat pawh inngaihtuah nawn lovin" keipawh in ka hmangaih che "ka lo ti let nghal var a, in nuih var var pahin duhthawh takin ka han fawp leh vang vang a, ka fawp ning thei lo ani ber.

" naute awm tawh lo mahse... ka kalsan chuang lo ang che, engtik ah mah " ka tih chuan min rawn nuih ver ver pah hian, " naute chu a awm reng alawm " a rawn ti sap a, mak ka ti lutuk chu sawi mai tur pawh ka hrelo.

"Phir an lo ni a... mahse pakhat erawh kan chân ta ani " Joel an a rawn tih pawh chuan awih harsa ka ti takzet, a chhanchu misoprostol thawh dan hi ka hrechiang a, Coco awmdan nen ngaihtuah phei chuan thil mak a thleng te anih ngawt loh chuan naute damna chance hi a tlem hle mahse tunah hian chu thil mak chu a thleng mek bawk si.

" thil theih ani lo " pakhat zawk chân mahila ka lungawi em em tho mahse awih harsa ka la ti fan tho.
" Pathian chuan thil mak a ti thei alawm theihnghilh ngai reng reng suh " ka pa chuan a rawn ti nghal vata, ni e... Pathian chuan thil theih loh pawh ati thei a,chu thil mak tak chu tunah hian a thlentir mek bawk.
" Coco... Pathian vang liau liau ani " ka tih chuan alo bu nghat a, a mittui lo tla phang hruk sak pahin a chalah ka fawp zeuh bawk.

Chutia hlim taka kan lo awm lai chuan mipa pahnih hi an rawn lut hlawl mai,room en kual hruk hruk pah chuan " Asher Martin Edward a awm em? " a tih chuan rang takin ," eng nge ni ta? " tih pahin ka tho nghal vata. Pakhat zawk chuan police patch min rawn hmuh pah chuan,
"Lily Fernandez khawiha phuh i nih avangin man i ni e " a tih chhunzawm zat bawk. 

(Heihi Hunter a nih hi)

CHAPTER-43

Motto- Dream bigger

"Engmaw?" Joel leh ka pa chu ka bulah a rawn ding nghal vata min ṭhawn em avangin sawi tur ka hre der lo, tuna ka rilru a awm zawng chu Coco rilru ka ti na nawn leh dawn anih hi tih chauh hi ani.

"eng nge awmzia?"ka pa chuan police chu a han zawt leh a,an ni chuan ṭha deuh hian report an dawn thu leh ka statement an lak duh thu an lo hrilh ve mai bawka ,engkim mai chu a thlen deuh thut avangin tumah han ṭawng vak ngaihna kan hrelo.
"Mr Edward police station ah min rawn zui rawh..."
"hetiang hian in hruai thei ngawt lo ang, Lily biak hmasak phawt ka duh...."
" a pawi lo... " Joel thinrim inhrosa tur chu ka lo dang nghal vata.
"ka rawn let leh vat ang " ka chhuah rual chuan Coco chu ka va melh zeuh a, engmah sawi belh lo in ka chhuak nghal nal nal bawk.

Thu zawhfiahna pindan a inngaihtuah ngut ngut paha ka ṭhut kun lap lai chuan detective nelawm lo leh meng rum zet hian ka hma ah tak file hi a rawn theh thla thlawp a,a coat dâkhi .et mai phelh pahin ka ep chiah a chair ah chuan a rawn ṭhu ve nghala a engamah hma in kan in melh ta ran mai.

"nizana thil thleng engkim min hrilh vek rawh.... Lily Fernandez i khawih dan thlengin.... "
"Lily rawn kal hnu ah ka room ah mu turin ka lut tih chu ka la hria a bak engmah hriatchhuah theih ka nei tawh lo...." ni e engmah ka hrechhuak thei tawh tlat lo chu chu min tibuai tu ber pawh ani.
"zu i in ani maw?"
"wine no khat ka in....thildang engmah ka in lo "
"anih chuan damdawi nen i tih pawlh tihna anih chu.... Mr Edward, i wine in kha i chahthlakpui lo tawp ang"

"mahse engmah ka hrechhuak thei si lo alawm... "
"haha.... kan la hria ang chu, i taksa ka en thei angem? " a tih chuan buk nghat pahin ka kawr chu ka phelh nghal a, ka taksa a hamna hnuhma a hmuh chuan nuih suk pahin dawhkan ah chuan thlalak hi a rawn theh thla nghal a, rang takin ka en nghal vat bawk.
"i taksa ah hamna hnu hma a awm a chutiang bawin Lily taksa ah pawh....Chuan ka hrelo ti la ti cheu dawn em? "

Detective chu ka thil hriat ang zawng zawng ka hrilh veka,Lily ka apartment a a rawn luh dan te leh thinrim tak chunga room a ka luh thu te ,hamna hnuhma hi engvanga awm nge ani tih ka hriat loh thute chu ka hrilh veka, mahse ka tih anih loh thu erawh vawikhat pawh ka sawi tello thung a chhanchu engmah ka hriat tawh loh avangin huai taka ṭawng ka duh loh vang ani.

"zingah Lily chu alo awm tawh lo a...a haw lai pawh ka hrelo... "
"enteh Mr Asher.... Lily hi pawngsual ani a chuan nanghi puh i ni bawk " tih pahin a ṭhutna aṭang chuan a tho thut a, ka bula rawn din pahin vin zet hian," nang hian in in ngaihzawn laiin hmeichhe dang i rai a... chupawh chu duhtawk mai lovin nang hian sex i hmanpui lui ani ,hmeichhe pakhat a i lungawi loh avangin..."
" a diklo.... "
"haha.... Asher " ka dara ben thak thak pahin a rawn kut hniam deuh a,"in inkar a ṭha vak lo ani lawm ni....chubakah i bialnu in nau a chhiat bawk nen i thinrimna hrikthlak nan i hmang ani..."

"ka hre lo " min ṭawngkhum nghek nghek mahse ka hrelo tia chhan bak chu chhan dan tur ka hrelo a chhanchu kei hian ka thinrim luatah Lily hi ka lo khawih reng thei bawk.

Nichin a ka thil sawi bak kha chu engmah ka hriat tawh miau loh avangin detective chu chair ah chuan a ṭhu leh ta ringawt a thawk chhuah hak pahin, "enteh thil i hriatchhuah angai dawn ani,i lawyer tan thil a awlsam zawk nan... enthlak reng i nih dawn avangin hmun dangah zin phalsak i ni lo ..." tih pahin file chu a la lawk a, a chhuak nghal nal nal bawk.

Ngawi rengin room aṭang chuan ka chhuak nghal vata, ka pa leh ka û ten detective an biak mek avangin va pan ta mai lo chuan pawnah ka chhuak nghal daih a,car ah ka lut nghal vat bawk.Reilote ah ka pa leh Joel pawh chu an rawn lut ve nghal mai a,sawi tur kan hre lo tlang bawk aniang ngawi rengin kan chuang thap hlawm mai.
"hetiang thil hi engvanga thleng tehhrep nge maw a nih le? " Joel chu a rawn ṭawng chhuak ta nge nge a,a khat tawkin a chêk leh tlak ṭhin bawk.

Lily in ka apartment ah a awm thu message a min rawn hrilh avangin Joel phal lo chungin ka chhuk lui ta tho a,ka pa hian keimah chauha awm ka duh zia a hriat avangin min kaltir ni mai in ka hria. Lily hmu turin ka kal tih hi hria se chuan Joel hian min sawisa duh ang chuvang chuan hrilh lo ila a ṭha zawk.

Hmanhmawh takin kawngka ka hawng nghal vata, ka pen luh hma hma in Lily chuan min rawn kuah nghal thlawp ringawt.
"ka tihpalh.... ka duh vang pawh ani lo " a ṭah nasat em avang chuan ngawi rengin a samah ka chul sak ta ringawt a, han huat a han ṭawngkhum vak ngaihna pawh ka hrelo, thil hriatchhuah engnge maw tal chu nei ila huat te pawh ka haw ve mahna.

A duhtawka a ṭah hnu chuan couch ah ṭhu in inhnit faih faih pah chuan thil thlen dan vel chu a sawi mawlh mawlh a, a kei erawh balcony lam hawi in ka ding reng thung.A thusawi tin te chuan min vit sawk sawk ani ber, khatiang khawp khan ka lo rapthlak in ka lo hlauhawm ang tih ngaihna ka hrelo .
"dan ka tum nasa lutuk che mahse i rui tawh bawk si a... ka hneh lo che ani... "
" ka tihpalh... " ka inthiam loh chu sawi loh Lily chunga hetiang thil ka tih avang hian ka inhaw takzet, a hma in ka ruih avang bawkin khatiang khan Coco chungah ka ti tawh a tunah Lily... engthil teh hrep nge maw ka chungah thleng ta hi?

"mahse police hnena report tur khawp chuan ka ti na lo che ani lawm ni?"
"min ti na alawm... Asher ka rilru hi i ti na asin.... " tih pahin ka hnung lam aṭang chuan min rawn kuah a," engmah ka hrechhuak thei tawh lo " ka lo ti sap thung .
" a pawilo....keichuan report che pawh ka tum lo mahse ka chhungte hian an hrethiam thei ngang lo ani... mahse ka chhungte chu ka hmin thei em em ang case sut leh turin... "
"ka ti na che a ka tuar ngei tur ani " tih pahin min kuahna kut chu ka phelh a,ka kalsan nghal daih bawk.

"Asher....inthiam lo duh suh i ruih vang mai mai alawm khatiang mi kha i ni lo... "
"nilo.... khatiang mi kha ka ni,tih nat leh che hi ka duh tawh lo asin... " a biang chul pah chuan ka han en vang vang a,a biang duk kalh leh pem vel ka hmuh chuan ka inhum ruh nghal vat, rang taka ka kut lakthlak pahin in aṭangin ka chhuak nghal nal nal bawk.

Ka rilru a tawt em avangin hmuh hreh viau mah ila Coco hmu tur chuan ka kal ta tho a,ka chungah thinrim dawn hle mahse a kiangah chuan thlamuang takin ka awm theih ka in ring tlat thung.

A khat tawkin ka kut pilh deuh phung chu ka en leh vung vung ṭhin a, engthil nge maw ka tih tak mai le?  tih bak zawh tur ka in hre lo, nizana thil thleng ngaihtuah chhuah ka tum pauh leh ka ngaihtuahna a bul mut a, a chang leh a tuartu Lily ber in khatiang khan ka awm thu min hrilh tawh a, engthil dang nge maw ngaihtuah chhuah belh ngai la awm tiin ka in hrilh thul .

Coco awmna cabin ka thlen chuan luh ka hreh takzet mahse thil thlen dan hi ka hrilh ve vek angaih avangin tlan chhe thei ka ni lo.
Ka luh chuan Rachael chauh alo awm tawh a, min hmuh rual rual chuan min rawn pan nghal vat bawk," ka be lawk thei angem... ?"
" umm.... mahse chawlh hahdam angai tih ka hre reng la... " a tih chuan ka bu nghat a, min chhuahsan nghal vat bawk.

"hey..." ka tih chuan min lo nuihsuk a mak ka ti takzet, min thinrim khum dawn emaw ka tih laia hetiang anga a awm avang hian ka in thiamlo zual.
"i ṭha maw? "
" chu chu zawt zawk tur che ka ni asin... " tih pahin khum bula chair ah chuan ka ṭhu a, rang takin ka kut chu a rawn hum nghal vat bawk.
"umm..... ughh, ka tihpalh " ka inthiam loh thu hrilh mawlh mawlh mai loh chu tih theih ka nei tlem hle, engtik lai pawhin a rilru ka tih nat sak dawn chu anih hi

CHAPTER-44

Motto- Dream bigger 

★Coco's Pov★

"i kut a vawt hle mai "
" hahh... nia " za lo zet hian min rawn nuih suk a, hlim angin lan tum mahse chhungrilah a rûm thung.

Thinrim hle mahila Asher an min mamawh zia leh a inthiam loh zia ka hmuh hian ka thinrim khum thei thlawt lo,rinhlelh leh lungawi loh a hnek in tun ang dinhmun ah hi chuan a chunga rinna ka nghah a ṭul zia ka in hrilh nawn mawlh mawlh thung.

Ka bulah chuan a ṭhu kun lap reng a en pawh min en ṭha ngam lo,engkim Joel an rawn sawi vek tawh mahse tuna pawimawh ber chu min ring ngei ani tih hriat nan a kâ aṭang ngei a thil awm dan min hrilh vek hi ani, a rin ngam ka nih angaih mai bakah kan ṭan dun tlat hi angai ani a chhanchu Asher hian engti kawngzawng mahin hetiang thil hi a ti ngai lovang.

"umm...nizanah khan Lily a rawn kal a chuan... " a han ngawi vang vang phawt a,sawi hreh hle mahse zawh chawp ngai lova min hrilh avangin ka lawm tawk tawh tho tho.

Engkim a thil hriat ang zawng zawng chu min hrilh mawlh mawlh a, Nichin lawka Lily a hmuh thu te leh a inthiam loh thu min hrilh lai te chuan ngun takin ka lo ngaithla kar a, a taksa a hamna hnuhma thlengin min hmuh vek mahse thil diklo a awm ani tih ka hai hauh lo. Lily thusawi engkim te leh prove na zawng zawng te chu awih vek mahse kei erawh in ka awih ve thei tlat lo, Lily hian mi zawng zawng bum mahse dawt a sawi ani tih hi ka la ring fan tho.

"hey.... hetiang hian awm suh... "
"engthil nge maw ka tih tak le?"
"a pawi lo... a pawi reng reng lo... "
" mahse ka thil tih kha a rapthlak takzet... "
" nilo.... min en teh... " zaidam taka tih sap pahin a biang chu ka han chul sak a ,rang takin ka kut chu alo fawp vat bawk,"i tih ani lo..." han ti ve teh mah ila Lily thusawi engkim a ring lutuk khan a tih anih a ring zo vek tawh.

"engmah ka hriat chhuah tawh loh mai bakah nizanah khan ka thinrim hle bawk " engtin nge maw Lily hi a rin ang hmeichhia ani lo tih hi ka hrilhfiah dawn le?...hepa rilru ṭha leh lutuk hi chu midang chungah rilru chhia a put ngai loh avangin midang pawh hian a rilru put ang vek hi an pu dawn emaw hi a tia, tunah pawh hian a tih anih loh thu vawikhat pawh ala sawi chhuak lo a chhanchu engmah a hriat tawh loh avangin a rin thu a kal a duh loh vang ani.

"ka tih alo ni reng thei asin... a hma pawhin i chungah khatiang thil kha ka ti tawh a..."
"Lily hian dawtin a puh che ani "
"kum tamtak chhung kan lo inzui tawh a...ka tih ni lo se hetiang ang hian min puh ngawt lo ang " a tih chuan ka han thaw chhuak hak a,mahni pawh inring zo tawh lo khawpin engtiang chiahin nge henu hian lem alo chan khum ni.

" min ngaithla teh.... min ring rawh i chungah engmah ka thlen tir dawn lo...." ngawi rengin a bu nghat a, tuna buaithlak ber zawk chu Lily hian Asher hi a hrechiang in a rilru a tikual hneh lutuk hi ani,engthil pawh sawi ila Lily in a sawi tawh anih chuan a awih leh vek dawn tho tho, a rilru alo tih nat sak tawh avangin a inthiamlohna chu remchangah la in kan inkar tih chhiat a neih let leh ngei a tum tih hi ka hai lo chiang kher mai,chuvang chuan Asher chungah hian ka thinrim dawn bik reng reng lo, a lamah ka ṭang tlat anga a thil tum hi engtik ah mah ka tih hlawhtlin tir dawn reng reng lo.

"i thinrim miah lo em ni? ughh... ka thil tih avang hian ...."inthlahrung tih hriat tak hian a kun lap a,engtin nge hetiang ang mipa rilru ṭha lutuk a dik lohna pawh pawm thlap ṭhin lakah hian ka ṭhinrim theih tehlul ang.
"enteh naute a rawn che asin... "nuih suk pahin ka pum chu a rawn khawih vata,"keichauh nilo in... naute pawh i lamah a ṭang tlat anih dawn hi" ka tih chuan ka sam chul pahin ka chal leh ka hmuiah a rawn fawp zeuh a,"ka hmangaih che" a ti zui sap bawk.

"hi!!  guys.... " Freddie a rawn luh rual rual chuan boruak pawh a zâng nghal hawk in ka hria,a enga mah hma in min rawn siai zeuh pah hian ka chalah a rawn fawp zeuh a,Asher dara ben thak thak pah in,"dude... I Pathian hi fak tlak ani " a rawn ti nghal zung zung bawk.

" Rawn ding hnai lutuk suh... " Freddie an min rawn fawh nghal bawrh bawrh avang chuan alo ti nghal vata, a ruk tak chuan ka nuih a za takzet, a tawp a tawpah chuan a thik tih a ti lang ve ta alawm.
"naute chanchin hi damdawiin ah a thang chak khawp mai ....hetiang ang thil mak hi chu khawvel ah hian a vawikhat thlenna a ni hial ang "

"i sawi zo tawh em? "
"Chill Man ....hauh viau teh suh" Freddie an a tih zawh rual rual chuan call a dawn avangin Asher chu a inla hrang nghal vata, a awmdan a danglam vek danah thil diklo a awm tih ka hre nghal.
"engthil nge? "
" ughh....ka taksa a hliam leh Lily DNA a in mil leh mil loh test angai dawn" sawi tur a vang nghal duak mai, hai rual loh in a inmil dawn tih chu chiang sa, result a chhuah rual rual in case chu a rit nghal sauh bawk ang.

" ka hrethiam e... "
"ka rawn let leh vat ang " a chhuah rual chuan hlim hmel min hmuh mahse a mit erawh in dawt a sawi thei hauh lo thung,a rual in kal thei ila ka ti takzet mahse room kawngka takngial pawh ka la pel thei si lo.

"naute hi ti tlak i tum lo tak tak tiraw? "
"engthil nge maw i sawi le" Freddie zawhna chuan ka thin a ti rim lek lek, pai tlang turin thutlukna ka siamfel tawh a engti kawng zawng mahin ka rilru hi ka thlak mai mai dawn lo.
"i chiang chiah maw... tih tlak i tum si loh chuan engvangin nge damdawi kha i ei? "
"min ring miah lo em ni....engti kawng zawng mahin naute hi.... " thil hriatchhuah ka neih thut avangin ka ngawi thut a!

Freddie hmel serious zet mai melh vung vung pah chuan "damdawi ka ei si loh chuan engtin nge ka ei ve ringawt theih.... a awmzia chu !!"
" ni chiah e....midang in i hriat loh in an ei tir che a ni... " hetiang zawng hian ka lo la ngaihtuah ngai miah lo,Freddie hian thil hriat a nei tih ka chiang.
"tunge ni ta ang?!!"
"damdawi kha naute tan chuan tur hlauhawm lutuk ani...i tan chuan ani ve lo " a sawi dan aṭang hian kei nilo in naute chiah thah an tum tih a hriat reng mahse tunge ni ta ang!! ?

"Hunter anih ka ring... naute hi a hua in thah ah min vau bawk ani..."
"anih loh vêk pawhin tuna Asher case nen hian inzawmna a nei maithei bawk... " chiang fak in sawi lo mahse Lily a sawina ani tih ka hrethiam nghal, chu chauh lo pawh ka pa leibat na te kha an ni thei reng bawk a chhanchu naute vang hian hna ka thawk ṭha thei lo a, ba ka rulh na lamah min tih buai avangin thah an tum ani thei bawk.

"Asher kan hrilh vat angai.. "
" nilo.... amah leh amah pawh a inrin tawk tawh loh nak laiin hetiang thil hi a hria anih leh ngat phei chuan ama thiamloh ah a in puh leh vek ang "
"mahse kan zep ngawt thei hleinem"
"tuna a buaina tawh pawh hi a rit tawk tawh viau.... bakah Lily hian a brainwash hneh tawh lutuk engpawh hrilh ila Lily a rawn che lehnghal vat dawn... "

Lily, Lily, Lily.... henu hi ka kham tawh lutuk,a fing in a in thup thiam si a kei ngei pawh hi a thangah min awk mek chu anih hi.A rin dan chuan Asher chungah ka thinrim anga ka kalsan a beisei pawh ani mahna mahse chu chu ka thlen tir dawn hauh lo, engtik ah mah ka kalsan dawn lo.

"anih chuan engtin nge kan tih tak ang? "
"finfiahna.... "
" mahse engtin? "
" keimah niin ka zawn chhuah angai dawn ani ....finfiahna a awm chuan Asher pawhin a rin ang anih loh zia a hre bawk ang...."
"aw le... Hunter chu ka lo buaipui ang"
" fimkhur ang che.... " a tih chuan thawk kan la hak a, diktak chuan ka hlauthawng takzet Lily lakah Asher hi ka chan mai ang tih ka hlau.

Ka rilru hria niawm takin Freddie chuan ka kut chu a rawn hum vang vang a," lungngai suh....hepa hian vawikhat a thlang tawh che anih chuan a kalsan ngai lo ang che... min ring rawh ka hre chiang lutuk tlat " a tih chuan ka thaw nghal huai mai.

CHAPTER-45

Motto- Dream Bigger

Ka chau bawk nen Freddie kal hnu deuh lawkah ka muhil zui nghal mai a,mahse kawngka inhawng ri rak ka hriat rual rual in ka harh leh nghal vat tho.

"in zo tawh em ni? " Asher ka hmuh rual rual chuan ṭhut chhuah tumin ka han in beng kang deuh a, rang takin min rawn pui nghal vat bawk.

"muhil leh rawh...umm...haw hma in rawn hmuh leh hram che ka duh vang ania"
"a pawilo... darkar3 vel ka mu hman tho in ka hria... engtin nge an lo tih che? "
"ughh.... test turin an la a chuan karleh lehpek ah court ah ka inlan ang " a ti muang fân raih a, min hrilh lo mahse a rilru a hah tih erawh hai rual ani lo.
"lo kal teh.... " tih sap pahin ka pawt hnai deuh a nghet takin ka kuah nghal vawng vawng bawk .

"thudik chu ala rawn lang chhuak vat mai ang " a hnungzanga chul sak heuh heuh pah chuan ka han hnem a ,a ruk tak chuan ka inhum ruh nasa hle....henu nihna hi ka la hailang vek anga a thil tih man hi ka la hmuh tir ngei bawk ang.

"min ngaithla teh....wine kha no khat chiah i in tiraw? " ka tih chuan a bu nghat a,engti kawng zawng mahin wine no khat vangin a chatthla lo tawp ang,chu bakah wine bak thil dang a în in a ei loh thu a sawi tawh a, a awmzia chu Lily in a in turah khan damdawi a pawlh ani maithei.

"No chu ala awm angem? "
"tunah hian an investigate meka...engmah khawih chet theih loh in an hreng vek tawh ang"
"ka hrethiam e....Lily hi hmu tawh suh..."ka tih deuh hmuk avang chuan mak tih hmel deuh hian min rawn melh a mahse engmah sawi lo in a bu nghat zawka."engmah thleng lo angin awm ang che...i hrethiam em?" Lily sawi chhiat a rinhlelh tir tum hian awmzia a nei dawn lo tih ka hriat avangin amah hi hnual lo tura ka fuih zawk angai ani.

"tunah chuan naute hriselna hi a pawimawh hmasa ber...na i nei tawh lo tiraw?"
" umm....naktuk ah i duty angaih kha va hahchawl tawh rawh "
"ka duh lo "
" Asher.... "nawr luih tum in ka awkî ka han san deuh nain min ngaihthlak a tum hmel loh.
"zanin tal chu i bulah ka awm thei lo em ni?" ka lawm rual rual in ka ngaihtuah ve bawk si a,a hmel en ringawt pawh hian a chau tih a hriat laiin min ngaihthlak a tum der mai bawk si lo.

"anih chuan ka mut hma in i muhil ang tih min tiam rawh.... " ka tih chuan min rawn nuih vur vur a,ka hmui a rawn fawh zeuh pahin damdawi min eitir nghal zung zung a.Mut hahdam tir duh viau mah ila a rilru hah laia Lily aia ka bula awm a thlan zawk avangin ka hlim veng veng tho.

____________________________________________

Asher a duty daih avangin Rachael in damdawiin aṭangin min rawn la chhuak a, la inneih lo mahila ka chhungte ang maiin ka ngai hmiah tawh.
"ka ṭha ka kal thei... "
"haha....kan thleng ṭep car thleng tal nawr i ngai alawm... " wheelchair a min nawr avangin ka zak deuh mahse damdawiin dan pawh ani mahna damlote ke a kal mai mai an phal tlat lo.

Car a ka lut tur chu Rachael in ka phone min rawn pek pah hian "Coco number hriatloh aṭangin call i dawng ṭeuh a, ka pickup rualin a dah lehzel bawk sia i ṭhiante an nih ka ring " a tih chuan Hunter anih ka ring nghal, ka hlauthawng bawk nen phone chu ka laksak nghal pawp a,a awm laia en pawh ka ngam loh avangin ka ak nghal daih bawk.

"umm....kal ang lem" thawven hmel zeta tih pahin car ah a lut nghal vata,kei erawh ka ngaihbel vang nge pawh ka hrelo min enthlatu an awm ni a ka hriat avangin car a luh pah chuan ka han melh kual hrak hrak a, mahse engmah ka hmuh loh avangin ngaihṭha takin ka ṭhu ve mai bawka.

"Joel an lawyer a bia a....Asher chungah hian engthil nge thleng ta hi le...? "
"chupa chu a ṭha em? "
"ka hrelo...Joel hmelhriat ania a ṭha turah ka ngai...ughh... i pa pawh hma a sawn chak khawp mai nizanah ka pa nen kan va tlawh a " kei chauh nilo ka pa lehzel pawh min enkawl sak vek ani tih ka hriat hian ka lawm rual rual in ka inthlahrung takzet,an nun a ka in rawlh tak chin aṭang hian buaina hlir ka la thlen sak char char a chutichung chuan vawikhat pawh min huat thu an la chhakchhuak lo.

"ka lawm e....tih takzet in" a kut vawn pah chuan ka han ti a min rawn nuih suk pah in," keipawh i rawn awm avangin kan lawm takzet... "

A khat tawkin side glass chu kan melh leh zeuh ṭhin a, ka ngaih a ṭha thei tlat lo kan hnunga bike leh car rawn tlan te chu ngun takin ka han thlithlai a ,Rachael hrilh lo mah ila a ruk tak chuan ka in ring ran thung.

Gas station kan thlen chuan gas thun turin Rachael chu a chhuak nghal vata,kei erawh chhuah ve a phal loh avangin car ah ka ṭhu ran thung.
"seat hnungah khan eitur a awm ang lo ei rawh... " gas thun pah chuan a rawn au lauh lauh a.
"tehreng mai"earphone vuah pahin ka phone chu ka bih ngur ngur a mahse a rukin ka melh kual reng thung.

"kan inthiar lawk ange... " car aṭang chuan ka chhuak nghal vata washroom lam pan mah ila inthiar tum ai mahin bike pakhat biru zeta rawn tlanin ka mit a tih kham em avanga chhuk zawk ka ni.Ka rin ang ngeiin min rawn zui tu an awm avangin hla ngaithla ang deuh in ka kal zela phawrh chhuah mai theih turin ka hmanraw hmuh awmchhun pen chu ka ipte ah ka ak ran bawk.

Washroom ka luh rual rual chuan kawngka phenah ka biru nghal vata, ka rin ang ngeiin min rawn zui tunu pawh reilo te ah a rawn lang nghal vat mai alawm.A rawn luh rual rual chuan a hmaiah tak ka kiu chuan ka nghawk nghal chawrh a,a chet hma in a banah ṭhingṭhi hnawk khawpin ka herh nghal pawp a ,na takin ka pen hum lai chuan a darah ka vit nghal pawp bawk ,a na bawk aniang a ṭe ring ngei mai.

"Hunter an engvangin nge a rawn tirh che...? "
"tuman min tir lo... " ve khanglang a dawt min hrilh theih a inring emawni le?
"damdawiin a phur i ngaih hma in sawi vat rawh... "a aia na in a dar inherh lai takah chuan ka han chhun leh a, a point ka hre bawka a ṭangrei lo tawp ang.
"i naute in a tuar hma in tlanchhe zawk rawh.... " hahh... naute hi ngaihtuah lo phei ila chu ban tliak chungin a haw ang mawle, mahse a tawrhchhel danah Hunter a chher chhuah tawh ani tih hai rual ani lo.

"min ngaithla teh... tihnat che hi ka duh lo ania " a khup lehlam zawi hnawk khawpin ka han tlawh leh chawrh a, a che hman lo ani ber.
"i awmdan engkim thlithlai turin min hrilh ani... a bak engmah min hrilh lo " Hunter hi a fing tawk lo ani, ka rai avangin hmeichhia a rawn tir vela kei min bei tur chuan mipa rawn tir se a ti fuh zawk ang hei tunah pawh a inpuan nghal mai hi.
"engvangin nge chu chu a tih tir che... "
"lak let leh che a duh ani... Asher hi kalsan la rawn let leh rawh.. "
"Hunter chu hrilh la.... midang a rawn tir leh anih chuan race pawh ka bansan ang.... " tih pahin ka thlah nghal vata, pen theh thlak pahin,"i train chhuah hunah tak tak lo chuan hetiang thil hlauhawm hi ti tawh suh... "ngeiawm zetin ka ti zui kher bawk.

Rang takin car lam panin ka let lehnghal vata hepa hian ka naute chungah hian engthil emaw tak tih a tum ani,engpawh thleng dawn se a thil tum hi ka tih puitlin tir dawn lo reng reng
"i ṭha maw? " car a ka luh rual rual chuan ka rei deuh hlek avangin Rachael chuan alo ti nghal vata .
"umm...excer  ka la lawk alawm mawle " ka sawi awmzia hriat loh hmel zetin car chu a han ti nung hlat hlat a, ka pum dawm vang vang pah chuan ka khi suk ringa. 

CHAPTER-46

Motto- Dream bigger

Number hriat loh aṭanga call ka dawn chhen avangin dinner kan ei laklawh lai lai chuan ka phone chu ka zuk bih chhen a,hrelo ang hmakin awm tum teh mah ila an beidawn duh bik loh avangin pehhel mai a harsa takzet.
Ka pickup duh miau loh avangin message ka dawng ta nge nge a hawi kual hrak hrak pah a ka hawn nak chuan kan chaw ei lai thlalak chu lo ni in!!  a awmzia chu tukverh aṭangin tu emawni in kan chaw eilai thla alo la ru tihna ani.

Men phawk nghal kawk pahin tukverh lam chu ka hawi nghal vata mahse tumah ka hmu lo.
"tiraw.... Coco... " Samuel an a tih chuan ka hawi let nghal vût a, an thil sawi lai engmah hrelo mah ila buk nghat pahin ka nui lui suk ringawt.

"min lo hrethiam rawh u... "tih pahin ka tho vut a.
"i puar tawh em ni? "
"aw ....kan mu hahchawl rih ange "
"i ṭha tiraw? " Grace chuan alo ti nghal vata, an hlauthawn hmel hlawm em avangin nuih rik hak pah hian, "tehreng mai...ka ṭha mah mah zawk" ka ti ta ringawt a,engmah sawi zui lovin Asher room lam panin ka chho nghal vat bawk.

Rang takin Hunter ka call nghal vata,min enthla tu tur a rawn tirh leh avangin ka thin a ti rim takzet.Bakah engvanga min enthla chhen nge maw anih le?
"pick up vat teh.... " vawithum ka call hnu ah pawh a pick theih loh avangin keimah in ka phun nuah nuah a,a in ring ral leh rual rual in,"hreptak chuan " tih pahin khumah ka phone ka vawm nghal pawp bawk.

"hepa hian engthil nge maw a hriat le?" hetiang ringawt hi chuan awmzia a neih dawn loh avangin ka jacket ka ha sawk sawk a ,Hunter hmu turin ka chhuak nghal vat bawk.
A tlai deuh tawh avangin a in a kal lovin bike race na hmun lam panin ka kal ta zawka,chutah chuan a awm ngei pawh ka ring.

A hmun ka thlen chuan an au thawm aṭangin inthlansiak lai an awm tih ka hre nghal. Khawi hmun mah kal kawi lovin Hunter awm ṭhin na lam chu ka pan ding nghal chat a,hmeichhe pangnga vel in an lo ṭhut hual avangin ka khi suk ringawt, engang pawhin heng hmeichhia te hian tlawn vel mahse Hunter erawh in a uisa thiamah bak a chhuah dawnlo tih kei tluka hrechiang an awmlo.

"min umzui tawh lo turin ka ti che ani lawm ni " tih pahin ka phone chu a malpui ah ka va thehphei a, min hmuh thut avangin mak ati pawh ani mahna ṭawng mai nachang pawh a hrelo.
"wow... Welcome home Coco.... " ngeiawm zeta rawn tih pahin ka phone chu a han en vang vang a,a mit ko tih san âk pah hian, "hei helai thleng thleng i rawn thlen phah tal alawm... "
"i duh ang ngeiin race ah ka tlan kim vek ang.... mahse min rawn tibuai tawh suh"
"hahh....tlan kim vek maw!!  i pum pawh a len tawh kha le "
"hmela.... naute tih pawh hi lam hauh suh ang che nang ni ang hian in phu lo" ha seh chilh ran a tih pahin ka phone chu ka chhuhsak nghal pawp a, ah ṭhat pahin ka kal nghal nal nal bawk.

Bike ka tih nun lai chuan Troy an "hey... Coco... "tih paha min rawn kuah thut avang chuan ka lo nam sawn nghal dawrh a, a rui bawk nen leiah a let nghal tawp ringawt.
"Coco....hmuh i khat hle mai "
"tho vat rawh..."tih pahin ka han kaitho nghal vata,din pawh a ding ṭhat hleitheih tawh loh avangin a bialnu in a rawn pui nghal vat bawk.
"Serena....i bialpa hi bike in an sut i duh loh chuan thlah haw vat rawh" tih kher pahin ka tlan chhuak nghal vat a.

Room ka luh rual rual in thlalak kha Freddie ka thawn ta ringawt a, ka thawn hnu deuh lawkah min rawn call nghal vat bawk.
"Hunter hmu turin i kal maw!!? " min rawn vin nghal hluk ringawt, ni e.... damdawiin aṭangin ka chhuak ve deuh chiaha a awm tho e, min ngaihtuah avanga min vin ani tih ka hriat avangin ka haw lem lo.
"umm...mahse ka rilru ti buai tu zawk chu Hunter thil tih ani tlat lo" ni e... a awmdan aṭang khan ka man thiam nghal vek, a tih ni se chu rawn let rawh tih vel zawngin min chhang ang.

"anih chuan Lily ani thei mai angem? "
"mahse engvangin nge a tih ringawt ang....kei min enthlak hian hlawkna a nei hleinem...."
"Coco.... nang hian hmelma i nei ani lo maw ?" mak ka tih em avangin ka ngawi vung vung a,hmelma chu tamtak ka nei alawm mahse tu tih nge ni ta ang?
"ka... ka hrelo "
"fimkhur hle rawh....in thlengin an rawn zui tawh che a, nangmah chiah in chhuak tawh suh... i hria em? "
"aw le.... " ka ti thawp sat ringawt.

Phone ka dah rual rual chuan number ngai bawk khan message alo hnutchhiah leh a, thawk halh paha message ka hawn rual rual chuan ka phone chhuatah ka thlauh nghal!!

"Asher....!! " tih sup pahin rang takin ka tlan chhuak nghal dawr dawr a, tunah hian damdawiin ah ka kal vat angai a chhanchu Asher duty lai hnung lam aṭanga lak thlalak an rawn thawn ani.

______________________________________________

★Asher's PoV★

Tupawh mai hian min en hrek hrek veka mi tenawm melh in min melh ni mai hian ka hria mahse engah mah ka ngai duh lem lo.

Midangin min be duh loh tih vel ai chuan Coco in ka rilru a luah hneh daih zawk, buai em em pawh ni ila ka rilru ah a awm renga theih chu nise a bula awm reng ka chak takzet.

Ka duty hun a zawh tawh avangin ka coat chu locker ah ka dah lut sawk sawk a,ka thil tih leh hmasak ber tur chu ngaihtuah chawp ngai lovin Coco hmu tura kal ani,ka phur in ka rilru hahna te pawh ka theihnghilh vek in ka hria.

Car ah ka lut fel chiah tih in Lily nu hnen aṭanga call ka dawn avangin ka han thaw chhuak halh a, chhan hreh hle mah ila ka pick ta tho a.
"Asher.... inah rawn kal vat rawh... " a hlauhthawn danah thil diklo a awm tih ka hre nghal mahse a tlai tawh mai bakah an chhungkua nen a in hnim hnaih ka duh tawh loh avangin ṭha deuh hian,"min hrethiam rawh....thil tih tur ka nei a" ka ti ta ringawt a.

"Lily hi room ah a inkalh khum tlata,chaw a ei duh bawk si lo.... nangmah a lam reng bawk che sia vawikhat chiah hmu turin rawn kal hram mai rawh... "
"engtik aṭangin nge a in kalh khum tawh... " tih pahin rang takin car chu ka ti nung nghala.
"nimin aṭang tawh khan room ah a au vak vak a....ka mangang takzet "
"aw le... ka hrethiam e " tih pahin phone ka dah vata, khalh chhuah mai ka tum na in ka thei tlat lo.

Steering hum vang vang pahin seat hnung lam chu ka han ngheng dat a, tunah hian ka kal anih chuan buaina nasa zawk a thleng leh dawn tih a chiang reng mahse keimah vanga hetianga awm hi ani a hetiang ringawt hi chuan ka awm tir thei bawk si lo.
Ka hmai tuai thuak thuak pahin ka han thaw chhuak halh a, hreh tak chungin Lily te in lam panin ka kal leh ta nge nge a.

Engthil nge ka tih hi ka hre tawh bik lo, Lily hi hlat duh hle mah ila khatiang thil zozai a chunga ka tih hnu a kalsan daih tur khawp a rilru chhia leh sual ka ni bik lo, hetianga min mamawh laia ka ṭanpui hian thlamuang takin ka kalsan thei mahna.

Reife Lily te kawngka bula ka din hnu ah ka han kik dawt dawt a,Helen(Lily nu)in kawngka chu min rawn hawn saka,tho hlim hlawl te pawh a ang ,a ham bai bai dan ah.
"nang maw....?" mak tih hmel zet hian min rawn en a, be hmasa lo in ka kal chhan ber Lily room lam panin ka tlan chho nghal vat a,
"ding rawh... " tih pahin ani pawhin min rawn zui chho nghal vat bawk.
"Lily.... kawngka rawn hawng rawh... " ka kik takah chuan a rawn hawng ve mai bawka, mahse a lan dan chuan a ṭhat hmel khawp mai.

"Asher.... " min melh kawk pahin min rawn kuah nghal thlawp a,thil thlen dan hi ka hrethiam lo takzet.
"i ṭha maw? "
"i rawn kal chu ka lawm takzet... lo lut rawh "
" aih" tih hmuk pahin a kut chu ka thing thla nghal sawk a,"eng.... engthil nge thleng? " ka ti bah nuai bawk.
"i rawn let leh tihna em ni... ka ngai lutuk che asin... " min rawn kuah leh a tum pawhin ka lo dang nghal vata.
"tikhan awm suh...hetianga awm leh tur si engvangin nge min hmu turin i rawn kal?"
" maw!! "

Engtin mah a awm si loh chuan engvangin nge Helen in dawt min hrilh ringawt ang.... nilo Helen hi hetiang mi hi ani lo.
"min rawn call ani lawm ni.... " Helen melh haw pah chuan ka han ti a.
"khatiang thil ka fanu chunga i tih hnu ah pawh ka la rawn call ang che maw? "

" anih chuan engtin mah i awm lo"
"aw... tunah khan Coco in min rawn bia a... hmu turin chhuah ka lo tum chiah a mahse nangmah ka hmu zawk che chu ka lawm takzet "

"engvangin nge a rawn call che ?"
"hei... hemi thlalak hi ka dawnga... " tih pahin a phone a thlalak chu min rawn hmuh a,Coco leh mipa pakhat in kuah lai thlalak hi a lo ni a, mahse engah vak mah ka ngai lo a chhanchu Coco hi ka ring tawk.
"hemi thlalak hi Coco ka va thawn a... a thinrim hmel khawp mai, chuan hei a tlai a tlai in min rawn hmuh a duh tlat bawk si a...buaina a awm loh nan tiin hmuh ka tum ani... " engvangin nge hetiang thlalak vang mai mai hian a buai duh ni?  engpawh chu nise Coco ka hmuh vat angai.

"i rawn kal ve duh em? "
" aih.... " tih hmuk pahin ka kal nghal nal nal ringawt.Coco hian a thil tih tur hi a hrechiang khawp ang, ka ring tawk a chuvang chuan ka lo thlithlai a, ka lo inrawlh ve chhen hi a ṭulna ka hrelo .

CHAPTER-47

Motto- Dream Bigger 

In lam panin ka let lehnghal nal nal a, Coco ngaihtuah lo angin awm tum teh mah ila ka rilru a nuam thei chuang lo.Call duh viau mah ila ka call anih chuan amah ka rin tawk loh vang ani tih ka hriat ve kar avangin phone chu na takin ka hum ran a, a chang leh hma lam en ngut ngut pahin thil dang daih ka lo ngaihtuah thul.

Zan a rei deuh tawh avangin thawm dim thei ang ber in car chu ka hung ṭha a, garage aṭanga inchung luhna an kalh tawh avangin in hnung lam aṭangin ka hel leh ngei angai dawn anih hi. Chutia ngawi renga ka kal hlawk hlawk lai chuan car hi chak takin a rawn tlan lut hlawl a, headlight in min chhun sût avangin ka mit chu ka kutin ka lo hliah nghal vat bawk.

Car din rual ruala Coco aw ri ka hriat chuan rang takin ka va pan hnai nghal vata, min rawn hmuh rual rual chuan nghet takin min kuah nghal vawng vawng mai.
" i ṭha maw?  na i nei em? " thawk hlawp hlawp pahin ka ṭha nge ṭha lo tih chu a check nghal zung zung a,a awmdan chu mak tih hmel takin ka lo en reng thung.

"engtin mah ka awm lo.... khawiah nge i kal? "

"damdawiin ah ka rawn kal a... mahse i haw tawh thu min rawn hrilh sia rang takin ka rawn let lehnghal alawm... "

"mahse engvangin nge i rawn kal? " chik zet hian ka han zawt zela.

"thlalak ka dawnga.... ughh " a ipte chu a zen ruk ruk a, thil hrechhuak niawm tak hian ,"ka room ah ka phone ka theihnghilh daih alawm... engpawh chu nise i ṭha a ka lawm takzet " a ti nghal zung zung a,mahse thil thlen dan hi ka la hrethiam lo.

" Lily hmu turin i kal lo em ni? "
" maw!! engvangin nge ka kal ringawt ang, hmuh nachhan tur ka nei hleinem... " thil thlen dan hi ka hriat dan nen khan a inang ta hauh lo mai,Lily khan chiang takin thlalak nen min hmuh vek tawh Coco hi Lily hmu turin a kal lo anih chuan hemi thawmhnaw ngei ha hian damdawiin ah chauh nilo hmun dangah a kal tihna ani,a thusawi hi ka rin loh vang nilo in kha thlalak bak bak a finfiahna ṭha kha a awm lo.

"engmah a rawn thawn lo che maw.... thlalak tih vel pawh"ka han ti leh ngat a mahse thawnlo a tih ve tlat avangin" ka hrethiam e... " ka ti sap ringawt.

Engpawh chu nise bul kan ṭan ve dawn chiah ani a,atan pawh engkim min hrilh nghal vek hi ala harsa ang tih hi ka hriatthiampui. Kan mizia a inan loh mai bakah inhriatthiam tawn nan pawh hun a duh rei deuh maithei chuvang chuan thil engkim min hrilh a min rin ngam hun tur hi dawh thei takin ka nghak phawt mai tur ani.

Ka hmuh chakna a rei tawh mai bakah a bula awm ka thlahlel tawh bawka,amah ka hmuh hian ka hahdam huai in ka hria.
"ka lut dawn mi niang... " tih pahin a hmuiah chuan ka han fawp vang vang a, min kuah pahin alo bu nghat bawk,diktaka sawi chuan a hmel hmu lova ka muhil bo daih mai tur te hi ka ui lawk.

Khum pakhat ah kan la mutdun theih loh avangin mutthilh hmasak tir tumin puan chu fel takin ka sin tir a, a mutna bulah ngawi rengin a maimichhing lai chuan ka en vawng vawng a,ka rilru in amah ka neih avang hian Pathian hnenah lawmthu ka sawi ru mawlh mawlh bawk.

A bulah awm reng mah ila naktuk maia ka duty bo leh daih mai tur te chu ka huphurh lawka, a kut te reuh te no thep te hi engtik lai pawha chelh reng ka chak takzet. A chang leh a hma a a rilru ka lo tihnat sak avang khan keimah leh keimah ka inhua a, a hma daih tawh a ka lo tawng lo te kha ka thinrim leh hnuhnawh.

"i chau lo em ni?  zuk mu tawh la " ka thlakhlelh ang hian min thlahlel ve lo pawh ani mahna.
"muhil phawt rawh... "
" khatianga min en reng te chuan ka muhil thei hleinem..."
" ughh.... " ka tho vut a, ka inthiam lo leh hnuhnawh mahse a bula awm reng ka chak vang zawk ani.
" khawiah nge i kal dawn? "
"ka mu dawn"ka lo ti hmuk a, tihbuai ka duh loh vang zawk ani.

Rawn ṭhut chhuah pah hian, "min mangṭha lo in maw?!! hetah hian lo ṭhu rawh " a tih takah chuan sawm nawn ka ngailo chiang kher mai.
Rang takin a bulah ka va inrawlh ve nghal thak a, ka ban kham pahin a mu hle hle bawk.

En reng ka duh bik loh avangin a sam chul pahin a khat tawk hian ka zuk melh leh zeuh ṭhin a lungawi tak hi ka ni ringawt, min dawi â zo tawh pawh ani mahna hetiang em em a a zûn a ka uai tak mai.

A mit khap fak fak lai ka zuk hmuh chuan,"muhil tawh rawh a tlai tawh... " ka han ti leh ringawt a,nghet taka min rawn kuah paha a rawn hawi chhoh chuan ka tum loh deuh in,"damdawiin ah nilo hmun dangah i kal em? " ka ti chhuak hlawl ringawt, ni e... ka rilru ah a awm miau sia lawm,khapa kha engang mi nge anih ka hrechak takzet mahse Coco hian ṭhian leh hmelhriat tamtak a nei ngei anga lo thik ngawt thei pawh ka ni lo.

urghhh!!! Kan nunhlui emaw kan chanchin pakhatmah in hriat tawn sak hauh si lo hian ka awm dun chu ani sia thil mak pakhat ani ve hrim hrim.
___________________________________________

Nizanah kan mu tlai bawka Coco chu tui takin ala muhil sak sak a, kei erawh hna ka neih avangin ka thawh ngei ngei angai thung.

Nuih vur vur pahin ka ban kham chunga tui taka a muhil lai chu ka en renga, kan pahnih hian reilote ah fa kan nei dawn ani tih hi rin harsa ka la ti takzet, mahse inzawmna thuk tak kan neih tawh avang erawhin ka lawm hle thung.

Ti harh lo thei ang berin ka ban chu ka han ti tawlh zal zal a, mutdun kan tum loh tehlul nen khum khatah kan tawp leh nge nge zel.

Ka thawmhnaw ṭhenkhat ka lo la dah hlauh avangin ka inbual zawh chuan ka apartment a let leh kher ngai tawh lovin ka insiam nghal mawlh mawlh a,Coco chala fawh zeuh pahin inhnuai lamah ka chhukthla nghal vat bawk.

Ka tho hma viau emaw ka tih pawhin ka pa chu pawn lamah lawn mower(hnim cut na khawl)  nen alo ri leh vung vung tawh.
Kitchen a ka luh chuan Rachael leh Joel te chuan breakfast an lo siam mawlh mawlh a, min hmuh chuan mak an ti hle nghe nghe.

"eheuu.... hetah i riak elaw?" Rachael chuan nuih put put pah hian min lo chhaih nghal vata,fiamthu mah nise ka lai duh bik ṭhak lo.
"in i nei a... hetah i rawn riak leh tho sia in kha luah lo tawp tur che lawm" Joel ṭawngkam na tak tak hi chu ngaiah ka nei tawh, mahse ka bulah bak hetiang hian a ṭawng ngai lo thung.

" Joe....hmangaihna ah a tlu lut anih hi han en ta che a hlim em hi" Rachael chuan min lo chhan nghal vata Joel bawk chuan "inneih lam te i ngaihtuah tawh em? " a rawn tih thut avangin chhan ngaihna pawh ka hrelo.
" hahh.... an inngaizawng ve ṭan chiah a an inneih nghal mai ten "

" Asher ...Lawyer kha a remchan dawn loh avangin Lawyer dang kan ruai mai angai dawn nia.... "
"ka hrethiam e...keipawhin kan lo zawng ange"
"karleh lehpek lawk hi Trail ani tawh a tun thlengin evidence engmah kan nei bawk si lo... Lawyer ṭha tak kan hmuh loh phei chuan...."
" Guys...zingkar aṭang chuan khatiang thil kha sawi lo teh u... C'mon... Pathian a awm alawm kan chak em em ang" Rachael in a tih chuan ka lo bu nghat a,
"Lily hian engthil nge maw a hriat tehhrep ni..." Joel an a tih chuan ka ngawi reng ringawt.

Lily hi a tuartu ani a mawhpuh vak turah pawh ka ngai lo, kei hi ani mawhpuh tur zawk chu mahse thil chiang engmah a la awm loh avang leh mite pawhin min dem thei ringawt bik lo, engkim a chian hun tur chu court in thutlukna a siam hunah chauh ani.

★HOSPITAL ★

Ka white coat siam ṭhat mawlh mawlh paha medicine department lam ka pan hlawk hlawk lai chuan senior doctor ka ngaihsan leh zah em em Dr. Richard nen chuan kan in tawk hlawl a,ka wish zo ka kalpel tur chu min koh let avangin ka ding chawt a.
"eng nge ni ta? "
" Asher... thuthang kha ka lo hria a... " a tih rual rual chuan ka kun nghal lap a, ni e...Stuff ho chuan an hre deuh vek tawh ang tih chu a chiang reng.
"i hnathawk a tihbuai ka duhlo....engthil pawh thleng se doctor ṭha tak i ni a ,i thil tih lai hi ṭha taka i thawh chhunzawm zel ka beisei... ka lo thlir reng dawn che nia " ka dara ben thak thak pah chuan min kalsan zui nghala.

Mi tlemte ka chunga rinna la nghat ngam a awm avangin ka lawm takzet, Dr. Richard a thusawi kha hote angin lang mahse ka tan chuan thu ngaihnawm leh hma lam pan zel tura fuihna ṭha tak ani thung.

Dr.Emy thlak tur ka nih avangin register leh thil pawimawh ho chu ka enfel nghal mawlh mawlh a,midang ang tho a min biak ṭhat duhloh ka rin avangin biak hmasak ka tum bik lem lo.

" Dr. Asher.... i ṭha maw? "
" aw... " ka khi suk ringawt, mahse min biak thut avangin ka mak tihna a tam zawk. Vawin zet zawng ka hna thawh lai pawh a phurawm ta deuh alawm bakah ka rin ai daihin Senior doctor ho hi an zau in hna leh mimal nun dah hran dan an thiam daih mai.

"ṭha deuh in aw.... " tih pahin min kalsan nghala.

Chhun chawlh lawk dawn ah Lily ṭhian ṭha tak Rosie chu rawn lut in damlo awm lai reng chuan ring zet hian,"Coco mi khah?a tan chuan ilo rinawm hi le...hmeichhe pakhat chauh duhkhawp lova midang nun tih chhiatsak ṭhin mi te hi ka huat zawng tak an ni "min rawn tih chhan zet hian a rawn ti lâng lâng a,a thusawi hrelo ang maiin damlo chu ka endik chhunzawm mawlh mawlh reng tho.

"hna thawk tura rawn kal te hi a zak miah lo emawni le? an daih rei pawh ka ning nek love" ka hriat tur kher in a ṭhiante hrilh pah chuan an ṭhian ho chu an chhuak dial a, ka thawveng nghal huai in ka hria.

Damlo rawn in entir a kal liam chiah tih in Jerry chuan,"dude...senior doctor an awmloh vang anih kha a bengchheng em em nachhan" a rawn tih chuan ka nuih a za ngei mai. Jerry leh Freddie te hi chuan engthil pawh ka chungah thleng se min tih thawven dan hi an hre zel mai.

"enteh... Lily kalsan in khanu kha kawp i tum tak tak em ni? "
" Coco.... " hming a nei renga khanu kha tih ṭawngkam hian min khei zâk mai.
" nia... Coco, nanghi ni hi Rosie sawi ang khan in daih rei dawn mi le? hei tunah pawh i nupui tura kan ngaih chu i  ṭhen fel ka sawi awmzia chu court thlengin in kal a ngai ta mai sia"
"min lo hrethiam rawh.... "a thusawi ka ngaihthlak peih loh avangin ka tho daih a
"khawiah nge i kal dawn? "
" Coco ka be dawn mawle... " nuih suk pahin ka thil chak tawh em em Coco biak tumin ka chhuak nghal nal nal bawk.

CHAPTER-48

Motto- Dream Bigger

Coco nen inbe zo chiah mah ila ka ngai lehnghal veng veng tawh,engvanga hetianga awm tlat nge maw ka nih le?

Ka ril a ṭam lem loh avangin engmah ei ta lo chuan damdawiin chungzawl ah chuan thlifim dawn pahin ka ding reng a,thil eng eng emaw ka ngaihtuah a ka lo khi leh vur vur ṭhin.
" i ṭha maw? " Lily aw ka hriat rual rual chuan hnung lam aṭang hian min rawn kuah nghala,"hetah hian i awm ka ring rengah... " a ti zui sap bawk.

"Eng nge hetah i rawn tih...? " ka din ngai chuan ka ding renga. Ni e...khatiang thil a thlen tawh hnu ah Lily hian hna a zawm lehnghal hi mak in tih ve tho ka ring mahse ni khat bak chawlh a la lo.
"kan hun hman tawh te ngaihtuah let turin mawle...helai hmunah ngei hian kan 4nd anniversary kan hmang dun anih kha ...ila hria em operation room a ka luh hmasak ber zan ani bawka,mi an zai lai lo puih kha ka râp em avangin ka ṭap lai min thlem kha..."
"ka kal a ngai... "min kuahna kut chu phelh pahin kal daih ka han tum na in min pawt ding leh hram.
" nilo... kal suh, reilote tal min kuah leh thei angem? ka mamawh takzet che " a hmel a natna tam tak te chu hmu reng tho mah ila beiseina pe thei ang zawng hi chuan awm ka tum lo.

"hriatthiam tum teh... kan pahnih hian case nei lai kan ni a, inhmuh reng hi ka duh lo... "
"kei chuan ka nei ve hleinem... ka chhungte thil tih avang hian min hua tih na em ni...? "
" chu chu ka sawi tum ani lo.... "
" mahse min pehhel i tum alawm.... min han en teh... " zawi sap hian a rawn ti a,min rawn kuah pah hian,"Coco nen hian in daih rei dawn lo ani tih i hmu ve mai lo em ni.... puppy love mai mai anih hi.... "

"ka tihpalh mahse Coco hi ka hmangaih ani... " chiang fek fawk a sawi pah chuan ka han in la hrang nghal vata, hetiang thu hi Lily hnena ka vawikhat sawina ani bawka mak tih hmel zetin min melh nghal kawk ringawt.
"engmaw!!  ....Asher keimah lawm min hmangaih... "min biak mawlh mawlh laia ka kalsan daih avang chuan a aia ring hian, " Asher Edwards ding rawh...hmela ding rawh ka tih chu !" a tih lawng lawng pawhin ka kal lui tlat tho.
"nilo.... Coco nen hian in la inṭhen khawp ang, ani nilo in keimah zawng hi i hmangaih awmchhun ka ni " a tih tuarh tuarh ri chu step a ka chhuk thlak lai pawhin ka la hre thei.

Hetiang ang hian ngaihsam tak angin lang mah ila chhungril ah ka na ve tho, ka tih lan ngai loh mai bakah ka tih lan thiam loh avang hian ka rilru a na in a hah lo tihna a ni bik lo,tunah pawh Lily chungah khatiang anga ka awm avang khan nileng in ka mood a off leh phah vek dawn tih a chiang reng.
_____________________________________________

Ka duty a zawh chuan Coco hmu chak hle mah ila in dang ka luah tawh avangin ina haw lo in ka apartment lam panin ka tlan ta zawk a,vawin zet zawng thil thleng a tam bawk a min ti chau takzet.

Inchhung ka luh rual chuan Lily in a paih hnawk ang ang khan alo la awm renga,vawin aṭangin police ho in khawih chet an phal ve chiah avangin tih fai na hun pawh ala awm lo.

A hnawk zualpui ho chu bawm ah ka khung lut mawlh mawlh a,dah fel turin ka room ah ka lut chiah tih in pen thawm ka hre ta thut mai!!
Ngawi rengin room aṭang chuan ka chhuak nghal vata,tumah ka hmuh loh avangin ka in awmna hre awmchhun Lily chu ka han ko ringawt a,mahse ka inchhung zim te ah hian tumah an awmlo tih chu a chiang reng .

Ka hriat sual anih ringin room ah luh leh mai ka han tum a, mahse ka kawngkhar tlemte a inhawng ka hmuh chuan ka ding nghak chawt!! kawngka inhawng mai mai angin lang mahse password nen ka kalh leh thlap avangin mi an rawn lut tih na ani.

"Lily... "tih pahin pawn lam chu ka han enkual leh a mahse a reh phei duk mai, Lily chiah hi ka password hre awmchhun ani mahse engvanga tlan chhia nge maw anih le?

Phone call ka dawn avangin kawngka kalh ṭhat sawk sawk pahin couch a ka phone dah chu ka han en nghal vata ,Rachael anih avangin khik suk pahin ka pickup nghal vat bawk.In lam aṭanga call a awm hi chuan in a kal chhuanlam tur a awm anga a phurawm ve hrim hrim.
"Asher... In ah i rawn kalkawi lawk thei angem? "
"aw... tinge?"
" Lawyer kha kan hmu a...han in hmu ve hrim hrim ula kan duh a"
"reilo te ah ka rawn thleng vat ang " tih pahin phone ka dah nghal vata,jacket pawh ha ṭha hman lo in phur zetin ka tlan chhuak nghal dawr dawr bawk.

In ka thlen chuan car ka dah fel rual rual in ka tlan lut nghal vata Coco hmuhna chance ka neih leh dawn avangin muang taka kal hman pawh ka ni tawh lo.

Inchhung ka luh chuan Lawyer chu ka reng mah ila Coco ka pan nghal vata, a hmui a fawh zeuh pahin couch ah chuan ka ṭhu nghal vat bawk.

"Mr. Johnson hi kan lawyer thar tur ani a, ani hian case tamtak alo chak pui tawh bawk" Rachael chuan alo ti nghal zung zung a.
" ka hmu che chu ka lawm hle mai " tih pahin ka chibai nghal vat bawk.
Mr. Johnson chu pa thau tawi tip tep hi ania mahse a ṭawngkam a fel fai in a nel awm hle bawk.

Lawyer in eng eng emaw min zawh lai chuan ka pa in min ṭhut pui ran a midang erawh thil dang tiin an kalbo vek thung.

Darkar chanve chhung zet zawhna min zawh hnu chuan ka apartment en fiah a duh thu in a khar fel thei ta a,ka pa phei chu a thla a muang sawt ani tih a hmel aṭangin a hriat theih .

"kan in hmu leh vat dawn nia... " tih pahin a chhuak tur chu kawngka thleng ka pa nen kan thlah a, a kal tur chu rawn hawi let leh in " Asher...mi engemaw tak chu i ni, he case ah hian chakpui ngei ngei tur che in min nawr lova... thudik zawng chhuak zawk tura min tih avang hian mak ka ti takzet, nang ang hi ka vawikhat tawn na a ni "
"tluang deuh in i kal dawn nia... "
"ka chak pui ngei ang che tih ka tiam a che " tih pahin a car ah a lut nghal bawk.

"Asher.... "Coco awmna lam a ka kal tur chu ka pa in min koh avangin ka hawi let vata.
"engpawh thleng dawn se i kiangah ka awm tlat ani tih theihnghilh suh... "
"ka pa min rin avangin ka lawm e"
"chawl lovin kan ṭawngṭai pui reng che ani tih hria la hlim reng la ka duh ani... "
"in hmuh chhuah nan hmang zawk ang che" basketball rawn theh phei pahin Joel chuan a rawn ti ve bawka,rang takin ball chu ka vawm phei lehnghal vat bawk.
" Bawiha... hetah dinner ei rawh aw, an peih fel ṭep tawh ang "
"ka pa... in a nei ve reng alawm "

"Hey. ..min cho em? " Joel chuan basketball chu a han theh kual vela,Coco bulah awm chak tawh viau mah ila living room lam melh zeuh pah chuan ball chu ka chhuh sak thut a,"min hneh lo ang " tih pahin basketball court lamah kan in um thla zui nghal bawk.

Reife kan khelh hnu chuan kan hah tawh mai bakah thlan tui in min bual huh zawr vek tawh avangin thaw hlawp hlawp chung chuan court lai takah kan hahchawl a, Joel phei chu a mu hle hle tawh mai.
" Ka pa in engkim ah a thlawp avang che hian i dik lohna lehzel ah pawh a thlawp che beisei suh... "
"rei tak a ngaihtuah hnu ah bak khatiang thu kha min hrilh lo ang "
" ni chiah e...mahse mihring ve tho ani a, a êng zawngin engkim hi a thlir vek lo ania,a hlim hmel phen ah hian lungngaihna tamtak a paltling ani tih hi hmuh hmai suh... " a tih chuan ka ngawi reng ringawt.

"Lawyer kha engtin nge in hmuh? "
"Rachael hmelhriat ania....experience pawh a ngah tawh khawp mai... "
" ka lawm e... "
"keimah min hrilh suh" a tih chuan ka khi suk ringawt.

"i vannei takzet... Rachael hi tawng lo lang chuan gang Leader i ni tawh ang " fiamthu mah ila thudik ani ka sawi, Joel hian college a kal laiin Gang pakhat a din ve hman zuai tawh mahse ka nu leh pa bakah Rachael vang liau liau in hetiang mi ah hian a chhuak ani.

"hahh.... Coco hi hmeichhe fing tak ani, hmeichhe dang chu nise an kalsan tawh ang che "
" nia... "
" ka ti tak tak... mi mai mai ani lo tawp mai, ka rin aiin a chawimawi thiam daih mai che "
" chu propose turin min duh tihna? " nuih vur vur pah chuan ka han ti a.
"umm... fa nei dawn mah ula nupa ni tur chuan in la naupang lutuk"
" anih kan in peih hma chu kan fa hi min enkawl sak thei angem? "

" hmela.... fiamthu lo teh... " tih pahin a rawn ṭhu chhuak a, awih duh chiah lo mahse a phur hle tih ka hrethei.
"in fa ang chiahin enkawl ula... in bulah awm bawk se ṭha takin a ṭhan chhoh theih zawk ka ring "
"Rachael in hria se a lawm ngawt ang... mahse beiseina hlawhtling lo tur pe suh ang che... ughhh kha i thlan nasa si han inbual fai rawh " tih pahin a tho thut a, a kal nal nal bawk. Kei ai ai in a thlan nasa daih zawk mahse Joel ang unaupa ka nei hi ka vannei takzet.

Ka inbual zo bathroom aṭanga ka chhuah chuan Coco pawh a rawn lut ve chiah a, ka thawmhnaw hak tur khuma dah pah chuan,"rawn chhuk vat rawh aw" tih leh chhuah nghal a tum ta mai, rang takin a banah ka vuan bet nghal vata,a hmel en ringawt pawh hian tun hnai te aṭang khan a thau in a rihna a pun belh nasa hle tih a hriat theih mahse ka tan chuan a duhawm zawk tho tho.

"Asher engthil nge maw i tih le? "
"nileng in kan inhmu tawh lo a...reilo te tal hetah hian i awm thei lo em ni? "
" inhnuai ah tih tur ka nei alawm... " kal a tum pawh chuan ka man bet tlat,a mit ah tak en pahin a awm zawh chu ka han dawm vang vang a.
"i thinphu hi a rang kher mai... "
" ka... ughh... " a tih rual chuan ka fawp nghal tawn tawn a, min hnar rei thei bik lo min rawn fawp leh rang kher mai.

"nilo in thlak vat zawk rawh... "
"a rei dawn lo... " ka fawh lui tlat avang chuan vin zet hian ,"Asher!! " a rawn ti nghal hluk a.
" Hreptak chuan... " tih pahin ka inla hrang nghal vat bawk.

Nilengin amah hmuh chak reng reng in ka buai a, kuah te, fawh te leh a bul a awm ka chak em avangin engmah pawh ka ngaihtuah thei lo a chutah fawh takngial pawh a duh loh avang hian ka thinrim takzet.

Ngawi rengin khuma ka kawr hak tur a dah chu ka ha nghal mawlh mawlh a ,a inthiam lo leh deuh aniang hnung lam aṭanga min rawn kuah pah hian,"i thinrim em ni? " a rawn ti sap a.
" aih... "
" anih tinge hetiang hian i awm si ?" khik suk pahin nghet tak hian ka han kuah a,
"i hmel ka hmuh loh apianga ka awmdan anih hi.. "

" vawin ah engthil mah a thleng lo tiraw? " min rawn zawh thut avang chuan mak ka ti hle.
" aih... ughh ka chhukthla dawn mi niang "
" umm... min lo nghak reng tawh ang "
"e.. taka naktuk hi ka pa te 30th anniversary ania...chhungkua in dinner kan kil ho dawn a dar7 ah ka rawn lam ang che "
" chhungkua in maw? "
" umm... kan chhungkua chauh in... " ka tih chuan min rawn nuih ver ver a, kan chhungkaw mi anga ka sawi avang ringawt pawhin a hlim ania ,hei pawh pawh hi thil tamtak ka la ti dawn chauh. 

CHAPTER-49

Motto- Dream Bigger

Ka buai bawk aniang phone ka en hman loh mai bakah vawin ni hi ka nu leh pate anniversary tih ka lo theihnghilh leh hman peka,Joel an min rawn hrilh leh lo phei se chu ka theihnghilh let der ang.

Ka tlai tawh mai bakah Coco in min lo la nghah thu Joel an min hrilh tel bawk avangin inthlak lovin in lam panin ka tlan tlang ta zawk a,ka duty zawh khan awm khaw muang mai mai lovin lo haw tlang ta hle hle i lang chuan ka hrechhuak hma nimai tur.

Inchhung ka luh rual rual in room lamah ka tlan chho nghal vata mahse Coco hmel reng hmuh tur a awm lo.
" Coco.... "room dangah a awm ringin ka ko ta ringawt a, a reh dûk lehnghal. Rang takin guest room leh hmun dang dang chu ka zawng kual nghal vat bawk a, min kalsan tawh anih te ka ring hial.

Tumah an awm tak lovah chuan Coco call tumin ka phone chu ka la chhuak nghal vata a miscall alo tam ngang mai.
" hreptak chuan... " ka phone silent mode ah kan lo dah chu le!! hna thawh laiin phone silent a dah vek tur an tih avangin ka dah lo thei si lo amaherawhchu ka phone check vat nachang ka hrelo erawh ka thiam lo hulhual.

Coco ka call chuan rang takin alo la nghal vata, ka thaw nghal huai mai.
" khawiah nge i awm? "
"ka pa a tlu sual a tunah in lam panin ka kal mek... " alo ti nghal zung zung a,keipawh rang takin car lam panin ka tlan chhuak nghal hlawk hlawk bawk.
"keipawh ka rawn kal nghal" tih leh chak zeta tlan chhuah ka rual nghal.
" nilo.... rawn kal duh suh, i chhungten an lo nghak reng tawh ang che"
" minute 10 chhungin ka rawn thleng ang.... " min hnial leh hma in phone ka dah nghal hmak, engpawh sawi se min dang thei chuang lo ang engtik lai pawhin atan ka awm reng anga, ka pui zel bawk ang.

Coco te in ka thlen rual rual in inchung lamah ka tlan chho nghal vat, a pa room ka luh chuan fel takin alo mu fel thlap tawh a Coco erawh ka hmu lo thung.
" khawiah nge Coco...? " nula pakhat lo awm ve zawh pah in a Pa BP leh pang vel chu ka enfiah nghal zung zung a,a pang tlemin a lum deuh tih mai loh chu a normal vek.

" Asher!! " Ka hawi let rang kher mai, Coco chuan chawhtawlh in tui a rawn chawi lut a,pheikhawk sang a bun mai bakah a thawmhnaw hak aṭang chuan a insiam vek tawh hnu ah an rawn call tih a chiang reng.
"a insawh na em? " tih pahin chawhtawlh chu ka lo laksak nghal vata, a lu a lo thing nghal vat bawk.
"kal tawh rawh...hei i tlai dawn ania "
" anih nang? "
"umm...a khua a sik bawk si a, zanin chu ka riahpui ang "

"i kal loh chuan keipawh ka kal dawn lo..."
" nilo... "
" kan pahnih in kan riahpui mai dawn nia... "
" Asher nilo... " tih pahin ka hma ah tak a rawn ding a,"i kal ngei ngei angai...keite chu a lehpek ah pawh ka kal thei reng alawm "
" i tello chuan ka kal duh bik hleinem... "
" ka kal theih loh pawhin nang tal i kal loh te chuan... "
" mahse... "
" min ngaithla teh...va kal phawt la hetah i rawn let leh zawk dawn nia... "

"buaina i tawh chuan min rawn hrilh vat ang tih min tiam rawh... "
" aw le.... chuan... " khum mawng lama gift box lian vak lo chu min rawn pe a,"ka lawmpui lutuk tih min lo hrilh sak dawn nia.... " a han tih sap a,keiin hriat pawh ka lo hriat tawh loh laiin ani chu alo in buatsaih vek ania Joel an a chawimawi thiam che a tih kha ka hrechhuak zawk mai.

Min nawr luih tlat avang chuan ka kal ta nge nge a, mahse dinner kan ei zawh veleh ka let leh vat dawn tho avangin kal pawh pawi ka tih loh phah.

Hotel a ka luh rual rual chuan reservation kan tih lawk vek tawh avangin ka hming ka sawi chuan waitress in ka chhungte awmna lamah min hruai nghal vata, tun ṭum chu kan chhungkua chauh a ei tur kan nih avangin ka tlai chhan an hre vek tawh bawka chhuanlam siam hran angai lem lo.

" ka tlai avangin pawi ka ti lutuk... " tih pahin ka ṭhu nghal sawk sawk a,ka pa chuan min rawn melh khai pah hian, " Khawiah nge Coco? " a lo ti nghal vata.
"a rawn kal thei dawn lo... "
"anih tinge i rawn kalsan...? "
"duhtak..." ka nu chuan alo khap nghal vata, mahse ka pa ngaihdan chuan Coco in buaina a tawh chuan ka awmpui mai tur ani tih hi anih avangin ka dem hran lo .

"Ughh... engpawh chu nise ka lawmpui cheu... " tih pahin ka indap ruk ruk a," ka gift car ah ka theihnghilh daih... " ka tih phei chuan ka pa chu a rum nghut ringawt.
"a pawilo... i rawn thleng tawh bawka, kan ei ṭan mai dawn mi? " ka nu chuan min lo chhan nghal zung zung a, ka nu hi awmlo se chuan ka pa hian min melh tlu tawp tawh ang.

"Asher... i kawr nghawng kha siam ṭha rawh... " Rachael chuan min rawn hrilh ru sa sa a, za lo zeta nuih suk pahin ka han insiam ṭha nghal zung zung a,ka hmanhmawh em avangin engmah pawh ka ngaihtuah hman tawh lo a tin ni.

Kan ṭhut ngawi ṭhap avang chuan Rachael nghawk zeuh pah hian,"tinge kan ṭan nghal mai loh, tunge kan nghah?"ka han ti sap a.
" Lily... " ha seh chilh ran a a rawn tih takah chuan ka meng phawk nghal kawk ringawt.
"maw!! "
" a rawn kal ve alawm... tunah washroom ah a awm"
" tunge sawm? "
" ka hrelo... "

" pawi ka ti lutuk... ka nu hi chu in hriat kha... " tih pahin Lily chu ka bulah a rawn ṭhu ta mai!! nikum a ka nu leh pa te anniversary a a hak tur kawr ka pek pawh kha a ha ani tih ka hmuh hmaih lo chiang kher mai.

Tuman kan sawm bawk si lova ka hmu thut chu mak ka ti takzet.
"umm.... ka pa ka nu ka lawmpui lutuk cheu, rei tak in dam theih nan duhsakna ka hlan a che u... "
" kan lawm e... " ka nu chuan alo ti nghal vata, midang erawh kan ṭhu ngawi ṭhap thung.

" Eng nge hetah i rawn tih ...." a zah leh zah lo tur pawh ka ngaihtuah tawh lo, ka rilru a awm chu ka sawi chhuak nghal phawng ringawt.
" ughh... Asher kum dangah pawh min sawm ziah kha... "
" Lily....hriatthiam tum teh.. "
" pawi ka ti lutuk mahse i bialnu ka ni a,ka rawn kal ve chu a pawi viau em ni... ?"
"in bia ang "ka chhungte ka zah mai bakah lungni vak lo mahse engtik ah mah an kal tir dawn lo ani tih ka hriat avangin a ban rek ah ka vuan lawk a, kal chhuahpui ka tum lai takin ka pa chuan, " ṭhu rawh u... " a rawn ti ta hmuk mai,kal chhuahpui na chi ani tawh lo.

" ka pa... "
"kan kim tawh bawka, ei tawh ang u..." a tih takah chuan ka vawnna chu ka thlah ta ringawt a, Lily chuan min rawn nuih suk pah hian,"zanin pawh kum dang ang bawkin video ka siam leh a....haw veleh kan en ho leh dawn nia " ala ti ham ham zui.

CHAPTER-50

Motto- Dream Bigger

"enteh u.... ka awih thei lo, ka pa nikum a summer vacation kan hman na hmun kha park ah an siam daih anih chu... "ka rin ai daihin Lily hian sawi tur a hria,ka nu leh pa mai bakah midang ho chu a be siam siam a kei erawh ka ṭhu ngawi renga, a khat tawkin sana ka melh zeuh zeuh bawk.

Eng eng emaw chhuanlam ka siam hnu ah a ka chhuak hma thei hlauh,hotel ka chhuahsan chiah phei chu ka thaw nghal huai thei.

Car ka nghah chhung chuan ka phone ka la chhuak nghal in,Coco number ka hmet chhuak tur chiah chu tu tih hriat loh aṭanga message ka dawn avangin ka hawng hmasa ta zawka,en zuai tum ka nih avangin ka back leh nghal vata mahse tum loh deuh a Coco hmel ka hmuh thut avang chuan ka han en nawn leh ngata,Coco leh mipa pakhat infawp lai ka hmuh chuan nghet takin phone chu ka han hmer vawng vawng a,thlalak en ngawt ngawt pahin' engmah ani lo ' tiin han inhrilh ve ṭang ṭang mah ila hei hi chu ani em em tawh lo, thlalak hlui ni dawn se zanin a Coco in a kawr hak ngei kha a ha bawk si.

Thlalak ka hmuh takah chuan Coco biak chakna pawh ka nei tawh lo ,heihi a vawikhatna pawh ani tawh lo a eng chen nge ka hriatthiam zel dawn pawh ka hre tawh nek love .
" Asher...min lo nghak em ni... " Hnung lam aṭanga Lily aw ka hriat rual rual chuan ka phone chu ka ak ṭha nghal hmak a, a rawn hmuh hman loh hram ka beisei.

"umm...eng nge hetah i rawn tih...? "
" chu thu bawk chu vawi engzat nge min zawh dawn... car ka keng si lova min thlah thei angem? "
" ughh... ka hman lo "
" hmm... engthil nge i tih dawn?"
"ka hman lo ka tih chu " ka tum loh deuh in ka vin nghal tuarh ringawt, ka chhungte an rawn chhuak ve chiah bawk nen ka pa chuan a mitmeng hian min rawn khak nghal zeuh bawk.

"tinge i thinrim thut a... sawi sual ka nei em ni? "
"Ni e... ka thin a rim, tunah hian ka thinrim takzet! .... chuan min kalsan rawh... " car a rawn thleng chiah bawk nen ka lut nghal vata, chak zetin Coco te in lam panin ka tlan chhuak nghal puat bawk.

Thlalak pakhat vang maiin hetiang hian ka thinrim ang tih ka la in ring pha ngai lo. Coco hi a theih chen chen chu hriatthiam ka duh mahse khapa kha ka thik tih piah lam ani.Tunah hian hmu phei ila chu hnek lovin ka chhuah hauh lo ang.

" Damnit.... " thlalak ka ngaihtuah chhuah apiangin ka thinrim na a zual sauh a, ka inthunun thei thlawt lo Coco hi ka chan mai ang tih ka hlau takzet.

In ka thlen rual rual in car kawngka chu dim lek lovin ka khar nghal chawrh a, inchung a tlan chhoh pahin Coco chu ka au nghal tuarh tuarh bawk.

Ka thawm a rin em avangin Coco pawh a rawn lang rang khawp mai.
" Asher... bengchheng suh ka pa a mu ve chiah ania... "
"khawiah nge i awm bo daih?" ka vin ṭha tawh khawp mai,a pa pawh ka ngaihtuah tawh lo.
"hetah lo kal phawt teh... " ka ban rekah vuan in hmun reh lam min panpui nghal sawk sawk a,min vawnna thing thlak sawk pahin,"khawiah nge i kal?" ka ti zui zat bawk
" maw!!  hetah ka awm reng alawm... "
" dawt sawi suh "
" Asher!! " ka awmdan avang chuan mak tih hmel takin min en kâr a,chu chuan ka thin a ti rim zual.

A ban pahnih ah na zet hian ka hmer nghal tawn a,a mit a en kar chung chuan chiang fek fawk hian,"khapa kha tunge? " tiin ka han zawt leh ngat a,min melh dan aṭangin a hlauthawng ani tih ka hai lo chiang kher mai.
"Hunter anih kha.... engtin nge hetah ka awm tih a hriat pawh ka hrelo "
" hahhh....ka hrethiam e "Hunter ani emaw ni lo emaw mipa dang a fawp ani tih a prove takah chuan khik suk pahin ka thlah nghal vata,pangngai tak angin lang mah ila chhungril erawh a na takzet thung.

"Ngatinge hetiang hian i awm... Hunter nen khan in in tawk em ni? "chhang lo in ka en ngawih ngawih ringawt, "mawh!!  khapa khan thil hrilh che a nei em ni? " kei ai mahin a hlauthawng in ka hria,ka hmai rawn khawih pah chuan, " i ṭha tiraw? " a rawn ti zui sap a,a hlauthawng leh mangang hmel ka hmuh takah chuan ka insum thei tawh lo, " hreptak chuan... " tih vin hluk pahin ka kuah nghal vawng vawng ringawt.

Ni e... ka thinrim laia hetiang rilru ka put leh thut avang hian ka chak lo tih na ani lo ,ka hmangaih em avangin a hrehawm ti lai leh a mangang lai hi ka hmuh theih loh vang zawng ani.

Hmangaihna hian rilru alo ti nem in rilru dang dang min put tir thei ani tih hi ka lo la hre ngai miah lova mahse hei thil thar ka tawng chho zel chu anih hi.

"ka hmangaih che ani tih hi i hria em? "
"ummm.... "
"engtik ah mah theihnghilh ngai suh...ka kut i vawn chhung chuan ka thlah ngai lovang che tih hi" ka awmdan avang chuan mak a ti in a mittui chu a rawn tla nghal sawk a,hruk fai sawk sawk pah hian,"ka tihpalh... hetiang thil hi ka tan chuan thil thar ani a, ka mittui hi ka dang zo ṭhin lo "
"tun aṭang chuan nitin in ka hrilh tawh ang che" a han nui ri hak a, lungchim takin min rawn fawp nghal vawng vawng bawk.

A pa bulah riah duh hle mahse ka phal miau loh avangin kan in hruai haw ta nge nge a, a ruk tak chuan ka inthiam lo ve tho mahse ka bula a awm loh chuan ka ngaih a ṭha thei tawh lo.

Room kan lut tur chu Joel te room aṭangin ṭap thawm kan hriat avangin kan pahnih chuan in en pah in ka ding dun renga, ka û te nupa naute avanga an in hnial buai bap bap ri hi hriat tur a awm tak fo avang hian hrehawm ka ti takzet, naute an awh nak alaiin kan neih khalh dawn lehnghal a, Joel rilru hahna ber pawh ani in ka hria.

" lut i la... " zawi sap a ka han tih chuan alo bu nghat a, room ah kan inzui lut nghal bawk,a awm nuam lo hmel ka hmuh hian ka apartment a ka lo hruai lo kha ka inchhir leh hnuhnawh.

"umm....englo... " sawi tur tamtak nei niawm tak hian khumah a rawn ṭhu phei a,rang takin a hma ah ka khup khat chauh ṭhingṭhi in a kut chu ka han dawm vang vang a.
" Eng nge ni ta? "
"ka hre bik lo... mahse ughh... kan naute hi Rachael te pe ila a ṭha in ka hria... " ka rilru ang alo pu ve chu mak ka ti zawk hial.
"ka sawi awmzia chu... kan fa a nih na a bo dawn chuang lova...Rachael te hian ṭha takin fa angin enkawl se ṭha takin a ṭhanglen ka ring " ka thinrim hlau tak si hian a thiam ang tawk chuan min han hrilh fiah a mahse a hma daih tawh in ka pawm daih tawh thung.

Midang chuan kan ngaihdan hi mak pawh an ti maithei mahse Coco nen mai bakah kan fa tan a ṭha tur zawk ani.Kan la naupan mai bakah chhungkaw din turin kan la in peih loh avangin ngaihdan ṭha tak ani in ka hria.

"han piang phawt se... ṭha deuh in kan la sawi ho dawn nia... "
" i phal tih na mi? "
"umm.... ka thlawp zel ang che ka tih kha... "

Inthlak ta mai lo chuan duhthawh takin ka fawp nghal tawn tawn a, a sam ṭham pah a a kawr ka zen luh chuan rang takin min lo dang nghal vata.
" Asher.... ka puar lian tawh ropui sia"nuih suk pahin a pum puar deuh lah chu ka zuk melh zeuh a ," a pawilo ang tiraw?"
" ka hrelo... "
"pawilo turah ngai ang... " tih pahin kan infawp leh nghal tawn tawn ringawt.

Ka mal chungah ṭhut tir in a awm bawr leh nghawng te chu duhtawkin ka han fawp vel a,a panty ka zen luh phei chuan let ngaihna a awm tawh lo kan thil duh tih puitlin ngei tumin hma lam kan pan ngar ngar a, dang tu awmlo na nâ na chu kan duhkhawp khan hmu bawk aniang rei lo ta ah kan muhil nghal bawrh bawrh mai.

CHAPTER-51

Motto- Dream Bigger 

★Hospital ★

Darkar li zet damlo kan zai avangin leh ka lo chau sa deuh bawk nen duty room ah chuan minute hnih vel lek ka han ṭhu hahchawl leh rih a, mahse Joel an min rawn call avangin amah hmu turin ka kal chhuak lehnghal vat tho.

A aw aṭang chuan a hlauthawng hle ani tih ka hriat avangin a awmna a sawi lam pan chuan ka chhuk thla nghal sawk sawk a, hetianga Joel meuh in min rawn call tawh hi chuan a pawimawh ve hle tihna ani mai.

"Engtin nge Rachael chu a awm?"tih pahin ka va pan hnai nghal vata, hlauthawng si mahse phur tih hriat tak si hian "arsa a ei kha a uak vak vak a...ughh...ka nu leh pate pawh hrilh lovin damdawiin ah ka rawn hruai ta ringawt anih hi... Asher a rai a nih te i ring ve em? " beisei nei tak hian min zawt a mahse chhan ngaihna ka hre der lo a chhanchu a uak avang ringawt in a rai tihna ani tlat lo.

"khawiah nge tunah a awm? "
"a chhungah a awm... ka awm ve a phal lo a"
"result rawn chhuak phawt rawh se... " tih pahin kan han ṭhu dun leh rih a,engthil mah ti thei lo mah ila hetia ka lo awm ve hian ka thlamuan pui pawh ani mahna.

Inbe lo in ngawi rengin kan ṭhu dun ran a,a kut sik neuh neuh pah hian,"a lo rai lo anih pawhin ka hmangaihna a tlem phah chuang lo " beisei deuh beisei ngam chiah si lo hian a han ti leh sap a,Rachael a hmangaih zia leh a tan engpawh a huam zia ka hmuh hian Coco chungah pawh hetiang ang rilru pu tlat tur ka nih zia min hriat chhuah tir.

Rei lo te ah Rachael pawh a rawn chhuak a, a awmdan aṭangin a rai lo tih ka hre nghal.
"Love... engtin nge an lo tih che...? " Beisei nei takin Joel chuan alo ti nghal vata,hmeichhe fing leh fel tih takah puitling tak hian,"result ngai bawk.. hahh" za lo zeta nuih suk pah hian a han ti sap a.
"a pawi reng reng lo... ka hmangaih che, a hun ala rawn thleng mai ang "
"ka hria lawm...a rawn thleng ṭep tawh ang " an inkuah lai chuan an bulah ka lo ding ve reng a, hemi te nupa aṭang hian zir tur ka nghah takzet.

"oh!!  Asher... i û in a rawn tibuai leh tawh che nimaw?"
" aih...ka buai loh lai tak ania... "
" ni e... hei a buai loh hi " Joel chuan alo ti nghal vata, kal vat turin a ruk in min rawn siai zeuh bawk.A awmdan avang chuan ka nui chhuak hak a, a dara ben thak thak pah hian,"kan inhmu leh dawn nia" ka ti nghal vat bawk.

"thil i ei tawh hrim hrim em? " Rachael in min rawn zawh chuan sana zuk bih zeuh pah hian ka lu ka lo thing vat a.
"maw!!  dar thum a ri dawn tawh a breakfast kha ila ring char char amaw? " vawin chu kan buai deuh a... mahse tunah chuan a zia deuh tawh.. " vawin chu ka han ti tak na in nitin mai hian kan buai em em reng ringawt hetiang anga chaw nghei zeuh zeuh te hi chu ngaiah ka nei tawh.

" anih chuan thil kan ei chhuak lawk dawn mi? "
"ughh... "
"hun a nei lo ang... " Joel an min lo chhan kalh vat a.
"anih chuan hospital canteen ah tal... " Min ngaihtuah em avangin thil ei lo in min kal tir dawn lo ani tih ka hriat avangin kal lo aw ta ringawt a, mahse thil ei ka mamawh ve tho avangin pawi ka ti hran lo.

"heihi eng nge? " thil ka ei mawlh mawlh lai chuan Rachael in ka ipte a ka zungbun dah chu a rawn melh zeuh a,thup na chi anih tawh loh avangin dawhkan ah chuan ka hung chhuak ta ringawt a.
"zungbun em ni? " tih pahin phur zet hian a hawng nghal vata,Joel entir pah chuan "a mawi hle mai... ehee... nanghi?"
"zanin ah Coco propose ka tum.. "

"Asher... ala hma mah mah lo em ni?"Joel chuan mak tih hmel zet hian alo ti nghal vata.
"ala hma deuh anih pawh in inhual hrim hrim hi ka duh.. " ni e...Coco hi ka chân mai ka hlauh avangin hma la ti viau mah ila ka ta ani tih entir nan he zungbun hi bun se ka duh.

"ni e... i û sawi hi a dik,kum naupang te a inneih hi chu inhmuh thiamlohna a tam duh in a daih rei lo fo asin... "kan daih rei loh tur thu hi chu tupawh in min hrilh mahse hnual phah nan hman erawh ka tum hauh lo.
"kan inhual anih chuan Coco nen a kan inkar pawh a nghet sauh ang chubakah kan chhungkaw mi angah inngai se ka duh"
"ka nu emaw ka pa emaw i hrilh em?"Joel chuan a rawn ti leh hmuk tawh.
"aih... "
"Joe...a zak pawh ani maithei asin... " Rachael chuan min lo chhan nghal vat a,zah chu thuhran nise mi hriatthiam na ngah tak anih avang hian in hrawn na nâ na chu Joel pawh hian midang hriatthiamna a ngah chho ve telh telh in ka hria.

Joel hi chuan Rachael a propose dawn khan ka nu leh pa te phal na a la thlap a, kei erawh in ngai ka ti ve lem lo a chhan chu a tir aṭang khan nei turin min duh tawh a,bakah ka chhungte ṭhawn thut hi ka hrat ve hrim hrim.
___________________________________________

Rawng ka bawl zo dawhkan ka set fel meuh chuan insiam na hun ka ngah tawh lo hle, minute 20 hnu lawkah Coco a rawn thlen tawh dawn avangin hmanhmawh takin ka inbual nghal sawk sawk a, vawin chu damlo an tam deuh bawk nen darkar khat laiin ka haw tlai phah lehnghal mahse a pawi lem love minute 20 meuh ka la nei alawm.

Ka inbual zawh chuan simple taka tih ka duh avangin tshirt var leh jeans ka ha a,ka sam pawh ka en uluk ve hle, ka phur bawk aniang thil ka theihnghilh phung tawh mai.

Duh ila chuan hotel ah pawh ka kalpui thei mahse hetiang ang ni special lutuk ah hi chuan engkim keima buatsaih, ka kut ngeia rawng ka bawl te leh set vek nise ka tih vang zawk ani.Mi te anga ropui taka tih ai chuan simple tak leh kan pahnih chauh a awm hi ka lo suangtuah ṭhin dan zawk ani tlat.

Coco ala rawn kal lawk loh avangin tih hmaih ka nei nge nei lo tih chu ka enfel nghal vat vat a, thleng leh pangpar pawh ka hung ṭha zing malh malh hle.

Rawn thleng tura ka tih hun chu darkar chanve laiin a pel tawh mahse ka la call duh bik lo, a chhanchu hmeichhe insiam rei zia ka hre ve kâr bakah lo va tûr chhen ka duh bik loh avangin dawhthei taka lo nghah tlawk tlawk mai chu ka tih tur ah ka ngai hmiah.

Darkar khat dawn ka nghah hnu chuan Coco call ka dawng ve ta!
Ka in awmna a hriat loh avangin address ka thawn na hmun a thlen veleh min rawn call mai tura ka tih avangin a thlen tawh ringin phur takin ka han pickup nghal vata.

"Asher... pawi ka ti lutuk ka rawn tlai deuh dawn a? " harsatna a tawk leh tawh ani maw!?
"i pa a zual leh tawh em ni? "
" aih... chutiang lam ani lo ughh...tunah ka nu thlanah ka awm a,ka nu thih cham ania ,ughh pawi ka ti lutuk ka hrilh lo che a"
"a pawi lo....hun thawl i mamawh ang nidangah kan sawn mai dawn nia "
"pawi ka ti lutuk... "
"hruai i ngaih chuan min rawn be dawn nia....ka hmangaih che"

Ka phone dawhkana dah pahin zungbun en chung chuan ka han khi suk a, "ala hun hrih lo pawh ani mahna " tih pahin dawhkanah chuan ka dah ve nghal a.

Diktaka sawi chuan tun ang hunah hian Coco bula awm ka duh takzet mahse anu thih cham ah lehzel hi chuan hun thawl a mamawh ka rin avangin ka va inrawlh buai duh lo, nidang chu nise a rawn kal tlai tur thu min hrilh rual rual in ka kal leh tawh ang.

Ka plan a flop takah chuan ngawi rengin wine in pahin ka ṭhu renga, ka chau bawk nen tihfel pawh ka peih rih lo.

Chutia ka ṭhut reng lai chuan message ka dawn avangin rang takin ka en nghal vata, Coco nilo in number hriat loh aṭang bawkin message ka dawng leh tawh.Phur lo zeta ka han hawn chuan ka thil hmuh chuan min ṭhawng kher mai!!
Coco chu a nu thlan ah nilo in mipa dang nen dinner an lo kil dun reng amaw!!!

Za lo zeta khik suk pahin wine chu ka han tlak pap a,Coco ka call nghal vat bawk. A lak rual rual in,"ka lo nghak reng dawn che... rawn kal ngei ngei ang che " tih te mai hi ka sawi a, phone ka dah nghal hmak bawk.

CHAPTER-52

Coco lo kal hun nghak in couch ah ka ṭhu ngur a,ka rilru a insual nasa hle bawk.

Engkim ah hriatthiam a, a kianga awm a puih pawh hi ka tum nasa mahse engchen nge ka hriatthiam zel ngai dawn.A duh duh a ti anga keiin 'aw le ka hrethiam che' ka lo ti zel ang maw!! a teuh lo.

Coco hian min ti lungngai takzet, ka hmangaihna leh a tana ka in pekna te hi remchangah la in hetiang hian a awm ka ring pha ngai lo,tunah hian ka na takzet, ka thinlung hi na taka chhun pawp pawp ang maiin a na a.Coco hmel ka ngaihtuah chhuah apiangin ka inhum ruh a ka thinrim hle bawk.

★Coco's POV★

Mipa pakhat ka kum rual pui vel ka hriat ngai pawh nilo hma ah chuan inkuangkuah chungin ka ṭhu ran a, a thil ei lai chu ei loh hmel zetin ka lo en renga ,ka thleng a chaw erawh khawih chet pawh ka tum eih lo thung.

"ka nu thih cham ah a thlanah min ko a.... chuan dinner eipui tur che in min ti leh bawka finfiahna chu min pe tawh rawh " hepa hi mi maktak ani, ka hriat ngai pawh a nilo mahse ka chanchin engkim hi a hrechiang in min kâr dan pawh a thiam hle.

Asher an puhna chungchang ah finfiahna a neih thu leh a sawi anga ka awm chuan min pek tur thu min tiam avangin tunah pawh hian a bulah ka la awm mai mai chauh a ni. A tirah chuan ka awih duh lo a mahse thlalak pakhat min entir avang chauh a ring ka ni.

"hmun dangah min kalpui leh phawt rawh... "
" tunge maw i nih phiangsen le? " zawhna tamtak nei mah ila, Hunter mi leh sa te an nih loh vek pawh Lily rawn tirh anih ka rin avangin eng zawhna mah ka zawt duh hrih lo, engpawh chu nise finfiahna a nei a, chu chu trail hma a kan mamawh hmasa ber ani.

"tunge ka nih a pawimawh lo... i bialpa chhanchhuah i duh anih chuan ka thusawi ang hian awm mai rawh... " a ṭawngkam a vin lek lek avang chuan thawk halh pah hian," engthil lehzel nge i la duh a? "
"chhuah dun ...chu te mai chu " ka tih chuan sana chu ka han melh zeuh a, Asher hnenah chhuanlam ka siam tawh a, min lo nghak reng dawn bawk nen dawt ka hrilh thei lo mahse he thil hi ka chân thei bawk si lo .

"aw i tihna ah ka ngai.... anih chuan kan kal dawn mi niang... " ṭawngkam chapo tak leh amah ka mamawh ngawih ngawih anga a ṭawng hi a tisual let der ani a chhanchu ka thil ngaihtheih loh ber te zinga mi ani tlat .
"hahh....khami avang khan Asher chu phatsan in ka chhuahpui ang che maw!!" tih pahin ka tho vut a, ka awmdan confi tak avang chuan mak ti hmel a pu mah zawk.
"i kuang lo i nawr ani...finfiahna chu keimah in ka zawng chhuak ve mai ang... " tih pahin ka kal chhuak nghal nal nal bawk.

Car a ka luh rual rual chuan ka kawchhung tawt lutuk chu ka han thaw chhuak hawk a, khatiang anga ka chhuak daih kha ka inchhir leh hnuhnawh. Naktuk tukleh lawk hi trial ni ani tawh a, tun thlengin finfiahna mumal tak pawh kan la nei lo.

"khapa khan engtin nge a neih daih theih le? " a phen ah mi an awm tih ka hria mahse Lily nge Hunter tih erawh hriatchhuah a awlsam lo khawp ang.

Ngawi rengin Asher an address min pek na lamah chuan ka in khalh chhuak a,engvanga a in a kal tura min sawm thut nge anih pawh ka hrelo,min sawm ve chhunah lah chhuanlam siam in ka pha lehnghal a, mahse min lo nghah reng tur thu min hrilh avangin kal hrim hrim chu ka duh.

Asher in ka thleng ṭep tih in car pakhat hi chak zet hian a rawn tlan fua a,a khalh tu kha hmu chiang hman lo mah ila Lily a an em avangin side glass aṭang chuan ka en zui vawng vawng ringawt.
"engthil nge maw ka ngaihtuah le? " Asher ka rinhlelh nghal ringawt avang chuan ka in thiam lo nghal der, eng nge hetah Lily in a tih ve ringawt ang,amah ngeiin min ko a, Lily awm lai chuan min ko lo tawp ang.

Address min rawn thawnna hmun ka thlen chuan call tura min tih avangin ka call nghal vata mahse a pickup theih loh avangin a apartment zawng turin building lianpui ah chuan ka chho ta ringawt a room a tam bawk nen let leh ka duh rum rum tawh.

A room number ka hriat miau loh avangin room lo awm hmasa chu ka han kik ta ringawt a, tuman min chhan loh avangin ka kik phei zela mahse alo ni lo zel.
Room pangnga zet Asher room anih tawh loh avang chuan kik phei zel pawh a phurawm tawh ,chubakah security an koh ka hlau takzet bawk.

Corridor a kal phei chhat chhat pahin a tawp nan Asher chu ka han call leh a, a rawn pickup chiah tih in mipa pakhat in min rawn sut chawrh avang chuan phone chu chhuat ah ka thlauh nghal chawrh mai!!!
"ka tihpalh... "ka chhar mai theih loh avangin min rawn chhar sak nghal vata,lukhum a khum bakah a kun tlat avang chuan phone min rawn pek pahin a hmel hmuh tumin chîk zet hian ka han thlek a,a in her leh daih avangin a hmui chiah ka hmu hman mahse a hmui sira khuavang avang khan ka hmuh tawh hnu a ang ka ti.

"min lo hrethiam lawk... "lawmthu sawi tumin ka han ko leh a mahse ka ṭawng a hriat rual rual chuan chak zetin a kal nghal hlawk hlawk a, a awmdan avang chuan ka ngaih a ti ṭha lo takzet.
"eng nge maw a hriat le?" tih nung nung pahin phone chu ka han hmet êng leh a, call pawh alo tawp leh hman tawh.

"tah khan i ding reng dawn em ni? " Asher aw ka hriat rual rual chuan ka hawi let rang ngei mai, nichin a phone ka lak leh si loh avang khan min hruai turin a rawn chhuak pawh ani mahna.
"ughh...aw " a hmui a fawh zeuh pahin a apartment lam panin min kalpui nghala, zanin chu Asher awmdan hi a danglam riau! a ṭawng tlem mai bakah min hmuh pawhin hlim hmel pawh min hmuh lo reng reng.

Inchhunga kan luh chuan candle light dinner a lo buaisaih tih ka hmuh chuan ka mengphawk chiang ngei mai!! 
"Asher...." sawi tur pawh ka hrelo, hetiang tur tih lo hria ila chhuanlam lo siam loh tawp tur ania,a lo inbuatsaih ve na zawng zawng pawh engmah lo maiah ka chantir ani .

Hetiang thil hi ka vawikhat tawnna anih avangin awmdan tur pawh ka thiamlo .
"pawi ka ti lutuk... " 
"rawn ṭhu rawh... " chair ah chuan ka han ṭhu nghal vata,ka hlim lutuk hi ka khi reng mai.

Ngawi rengin kan pahnih chuan chaw kan ei dun mawlh mawlh a, mahse Asher awmdan a danglam tak em avangin a khat tawkin ka va melh leh zeuh ṭhin a, min biak tum ang pawhin a awmlo.
"ughh...i ṭha maw? " tih pahin a hmui mawm hrukfai tum chuan ka han ban a, a lo hawisawn rang ngei mai.
"puar deuh khan ei rawh " tih pahin a hmui chu a hrufai nghal mawlh mawlh a,a tho hmak bawk.

Chutah zet zawng ka ngaih a ṭha thei tawh lo, ka fork leh chemte chu dah in a bulah chuan ka va ding a, sawi hmasak ber tur pawh ka hrelo a chhanchu trail a hnai tawh si a, a nervous te pawh ani maithei.
"i puar tawh chuan ka thlah haw ang che... " min pehhel tumin kal lehnghal daih a han tum a, mahse a ban ah ka man bet hman.

"engthil nge thleng? "
"engmah a thleng lo... ka chau deuh a " zaidam tak hian a han ti sap a, mahse hepa hian dawt sawi a thiam thlawt lo.
"min hrilh rawh...Lily a rawn kal leh em ni? "
" engmah a awm lo ka tih chu " ka kut paih pawp pahin min vin nghal tuarh ringawt, mahse a inthiam lo leh zeuh aniang zawi sap hian," ka hmangaih che ani tih hi hre reng rawh..." tih pahin a chhuak nghal hmak a, ngawi rengin ka zui chhuak ve nghal bawk.

Kawng tluan in ka inbe lo a biak ngam lah ani hek lo. Zaidam taka min be si hian min hnaih a duh lova,a hlat a min awmtir lah a phal bawk si lo. Ka thusawi apiang in a ti thinrim a ,min hmangaih thu min hrilh leh bawk si, a awmdan hi ka hrethiam lo takzet.

In kawtah chuan kan ding renga, a chhuah mai loh avangin car aṭanga chhuah chu ka tum bik lo.
"i rawn lut dawn lo em ni? "
"umm... " min chhan dan hmuk hmuk chu!!
"ughh....i awm a nuam lo em ni? "
"aih... hna thawh tur ka nei a, ka hmanhmawh... "
" aw le... ka hrethiam e "
a rawn luh duh miau loh avang chuan, "mangṭha le... ka hmangaih che " tih pahin ka chhuak hna hna a, ka hawi let leh pawhin vawikhat pawh min rawn en lovin chak zet hian a tlan chhuak nghal fua ringawt. 

CHAPTER-53

motto- Dream Bigger

Room a ka lut cho tur chu Rachael in min lo koh avangin ka let thla leh a,
"hetah hian lo ṭhu teh... " a tih chuan a bulah chuan ka va ṭhu a,
"i ṭha maw? " Asher avanga ka rilru nuam lo chu ka hmelah lehzel pawh ka lo ti lang animaw!
"umm..."
" tinge Asher nen in in ti thiamlo em ni?"
" ka hre tawh bik lo zanin chu a awm dan a danglam takzet "
"engtin nge a awm a? "
"min hnaih a duh lo ani ber.... min hua angin awm lo mahse a mit erawh in dawt a sawi thei lo hrim hrim "

"lungngai mah ta che " ka kut chu nghet takin a han hum vang vang a," khua alo var anga engkim a ṭha leh vat mai ang... i hriat kha Asher hian ngaihtuah tur a ngah in damdawiin ah lah chawl hman lek lovin an phe char char a...hahdam na hun a mamawh pawh ani mahna " Rachael thusawi chuan ka awm a ti nuam sawng sawng thei,keimah vang nilo in thil dang vanga hetianga awm hi anih ngei ka ring.

" ni e... trail ni a ni ṭep tawh a, a zam aniang "
" a dik chiah... chuvang chuan nui tawh rawh, naute tan hian a ṭha dawn lo ania khatiang hmel i put te kha chuan " ka khi nghal suk ringawt, hei vang hian lawm Rachael hi ka ngainat em em nachhan, engkim ah min ti tlangnel in ka rilru hahna pawh a bulah chuan ka sawi chhuak ngam a,awm lo se chuan he inchhung pawh hi nuam ka ti lovang.

Lungawi takin room ah chuan ka chho ve leh mai bawk a ,khum a ṭhut mai mai pah in ka pum puar tawh tak chu duat takin ka han chul heuh heuh bawk a.
"i awm lo ang tih ka hlau takzet... awm lo la chu i pa leh a chhungte hi ka tawng awm si lo... " naute chu ka han hrilh ru sap sap a,ka thusawi hi hre thei se ka ti takzet.

Mut vat ka duh avangin ka han in phih fai sar sar a,ka din mai mai pawh in ka kawng leh hnungzang te chu a kham erh urh mai, ka ke lah a vung nasa hle bawk. A ni telin ka thil ei a tui telh telh a tunah zet zawng hmuh theih khawpin ka thau.

Ka peih loh vang pawh nilo in khumah chuan muangchang  hian ka han ṭhu ṭaih ṭaih a, ka duh ang ang a chet zung zung a harsat tawh avangin ka ṭhu tur leh tho tur te pawh a muang sawt hle.

Ka tih ṭhin dang ang bawkin ka mut hma in ka phone chu ka han check leh thuak thuak a, Freddie an naktuk a min hmuh a duh thu a rawn thawn bak thil dang ka dawng lem lo.Keipawh in hrilh tur tamtak ka lo neih ve tho avangin chhuak peih lo hle mah ila ka hnial hran lo.

Minute 5 vel khuma ka tal ka tal hnu chuan call ka dawn thut avangin ka han
thu chhuak leh ṭuih ṭuih a, number hriat loh anih avangin ka la rang hle, a chhanchu tunlai hian number hriat loh hian min rawn tibuai nasa in eng eng emaw min rawn thawn ṭhin a, he thil hi chu Freddie kutah ka dah tho na in ka theih ang ang a lo puih ve ka duh.

"tunge? " a enga mah hma chuan ka han ti thawr a, Pa aw dum det dut ka hriat ṭhan zet tawh hian ,"hahh....i pa ba kha ilo theihnghilh hman tawh ani maw? " Lalpa leh!!  hemi te bawk chu!! engvanga hun min pe duh miah lo nge maw an nih le?

"ka pe ang cheu ka tih kha....min rawn tibuai tawh suh u "tih leh phone dah ka rual nghal ,diktak chuan ka rilru a tawt mai bakah ngaihtuah tur tamtak ka neih avangin hetiang thil hriat hi ka kham tawh takzet.

Min rawn call nawn leh avang chuan ka phone pawh chu khawih lovin ka thawh san daih a, tukverh bulah inkuangkuah chungin ka ding reng ringawt.Ba min rawn ṭhing tawh hi chuan ka pa ka dem lo thei ṭhin lo, keimah pawh ka inenkawl theih loh laiin a ma phurrit lehzel hi chu ka ko ah a nghah hi ka ring pha ngai lo.

Inngaihtuah vung vung paha tukverh a thil ka thlir veuh veuh lai chuan in kawta mipa pakhat lo ding reng ka hmuh chuan ka meng phawk chiang ngei mai!!Rang takin ka tawlh hnung nghal hrut a, hlauhthawnna avangin ka awm a in sep nghal lawp lawp bawk.

"Asher te in ah lehzel min rawn umzui a maw!!? "

Hetah hian engtin nge ka awm tih an hriat pawh ka hrelo.

Khuma ka phone kalsan lo la vibrate chur chur chu la in call chu ka pickup nghal vata,phone ngaihthlak pahin ngawi rengin tukverh aṭangin chupa che vel chu ka thlir pah reng bawk.

"rawn chhuak rawh.... " tih te mai hi a rawn sawi a, a phone ipte a ah pahin a rawn hawi chho ta mai!! ka phu chiang teh e!

Bihruk a, pehhel theih ziazâng ani tawh lo, ka chhuah loh chuan rawn luh a tum tih a chiang reng mahse engvanga min biak duh kher nge maw an nih le?

Kawngka ka hawng tur chu hlauthawng anga lan ka duh bik loh avangin thawk ka han la kawk kawk phawt a,in hum ruh ṭeuh chungin ka chhuak nghal hlawk hlawk a.

"pawisa ka la nei lo... mahse ka pe em em ang cheu... " ka han ti nghal ringawt a mahse pa lian telh tawlh ,a vawikhat hnek pawh nikhaw hre lova tluk na tham leh meizial lian zet pet vu hmachhawn chu zamawm tak hi ani ringawt chutah ka thu sawi ang a hnena sawi tur phei hi chuan hmeichhia chu sawi loh mipa tamtak pawhin an ngam bik ka ring lo.

" anih chuan min thawh pui rawh...."
"Engmaw!! "
" i ba ngaihdam i ni anga.... hlawh i nei bawk ang... "
"hahh....eng mi ah nge min ngaih a? " vin zet hian ka lo chhang nghal hlar a, a chhanchu heng ho hian drugs tawlh ruk bak pawisa hmuhna tur an nei lo tih ka hre ve kâr,chuan an ni ho hi ka thawh pui ang maw !! Teuh lo mai.

" kha kha ni ka duh chu.... nang anga mi huaisen thawhpui duh hi ka la nei ngai lo...chuan a ṭha thei ang berin ka enkawl bawk ang che " hei vang hi nimaw helai hmun thleng thleng a rawn thlen na chhan mahse hlawhchham a a haw tur erawh pawi ka tihpui.

"let leh zawk rawh....engtik ah mah ka thawhpui ngai lo ang che " chiang fek fawk a ka tih takah chuan a nui hmel pawh a danglam nghal,a hmel nel awm loh zet pawh tih tawh nak alaiin thip zet hian min rawn melh kûr a.
"i ba min pe tla thei lo anih chuan tu emaw in a tuar angai dawn anih chu "

"engmaw i sawi kha.... ka pa saw khawih hlek suh ang che... "
"maithei.... " ngeiawm zeta min rawn nuih pahin ka hnung lam chu a han melh zeuh a,a awmdan avang chuan keipawh ka hawi let rang kher mai!! Ka hawi let rual ruala Samuel ka han hmuh chuan ka meng phar nghal awn a!! rang takin chupa bulah chuan,"ka pe em em ang che, kal tawh rawh... " ka han ti sap a,engah mah a ngaih hmel der lo.

Ngeiawm zeta rawn kut hniam pah hian a  cigratte peh lai chu a han la thla a, vaihlo leh zu rim nam rum rum chung hian,"nihnih inngaihtuah na hun ka pe ang che...anih loh chuan i tawrh theih loh tur khawp a na thil ka thlen tir ang " tih sup pahin a cigrattee ken lai chu ka jacket ah a rawn nawr hlum kher a,ngeiawm zetin kal pah chuan Samuel chu a bye bye leh kher bawk.

A kal liam chiah tih in ngawi rengin step ah chuan ka chho chhat chhat a ,Samuel an ngawi renga min lo nghah reng avang chuan sawi hmasak ber tur pawh ka hre lo .
"i hria em... ka nihna a nih kha, khawi hmunah pawh buaina bak ka thlen ngai lo " inchhung a luh pah chuan ka han ti a,ngawi renga min rawn zui luh ve mai avang chuan ka ngaih a ti ṭha lo min hau tur a ni zawk asin.

"i hlau em? " a zawhna avang chuan ka meng phawk chiang ngei mai!!
A hma pawhin khang ho kha a hmu tawh a a hrethiam nghal pawh ani mahna.
"hahh... hlau lo " ka hlau ani tih hi tih lan ka duh lo, chubakah ka chhungte leh ṭhian te ni lova keimah chauh min bei dawn a nih phei chuan tumah hlauh ka tum bik lo.

"i chiang chiah maw!?"
" ka hrelo... " ni e...khang ho avang khan ka bul hnai vela mi ṭha tak tak te hi ka chân mai ka hlau ani.
"hlauh neih hi a pawi reng reng hleinem..."
"ka tan chuan thil pawi tak ani ve thung alawm...hlauh tamtak nei ni ila tun dinhmun hi ka thleng kher lovang.... "
"ni lo.... i hlauh na avanga i beih ṭang ṭang avang khan tun dinhmun hi i thleng zawk ni..." 

"eng nge awmzia? "
"hlauh neih hi mihring te min ti mihring tu ber ani ,min ti chhe vek thei bawk amaherawhchu chak taka kan awm a kan ṭan ho hian tlat chuan engthil mah in min hneh thei ngai lovang " Samuel sawi tum hi ka hrethiam nghal mahse engtik ah mah he buaina ah hian ka hnuk lut dawn lo ,keimah in ka bei anga engpawh thleng dawn mahse ka tuar mai ang.

"nilo ...nang leh i chhungte avang hian mi chak lo takah ka chhuah phah zawk chuvang chuan keimah in min awmtir zawk rawh ..."
Ni e ...an ni chân ka hlau takzet,mahse buaina tam tak ka siam chhung chuan an hnaih ah ka awm ve ngam lo ,keimah vanga an tawrh hi ka duhlo takzet.

"i kiangah engtik lai pawhin kan awm reng a nia "
"min enkawl ula a tawk... ka mimal thil ah min puih tum suh u" tih pahin ka tho hmak a, inchung pana ka chhoh rual rual chuan ka mittui a rawn far fap mai.

Hmangaihna baka thil hnar nasa hi ka la hre ngai lo, ka nunah a vawikhat nan hemi te chhungkua hian hmangaihna nasa tak min pe a, mahse ka nihna hian a pawm thiang si lo. Min hnaih pauh leh buaina tamtak an tawk zel a, eng buaina zozai nge ka tawrh tir pawh hi ka chhiar seng tawh lo.

____________________________________________

Nizan thil thleng avang leh khapa min vau na avang khan thlamuang takin ka awm thei tawh lo,ka pa anih loh vek pawhin Samuel te chhungkua hian an tuar ang tih rinna ka nei tlat peka.

Freddie nen inhmuh kan lo intiam tawh avangin Asher in a ka kal hma chuan hmu turin ka inkhalh chhuak a. Nizana thil thleng avang khan Asher nen pawh kan la inbe leh lo hrim hrim.

Freddie nghah paha park bula ṭhut pahin Nicole nen kan in bia, ani hian kan in lei tu tur min lo hmuh sak a,loh theih loh in kan in ka lo ngaihhlut ve em em ṭhin chu ka hralh dawn ta nge nge anih hi.

Duh thlan tur dang ka nei tawh lo, Hunter pawisa dil leh ai chuan kan in hi hralh a heng ho lak aṭang hian fihlim vat ka duh.

"Coco.... in in hralh i tum em ni? " Freddie an kan thusawi lai alo hriat hman avang chuan ring zet hian a rawn ti nghal haw a, mak a tih hmel takzet.
" Nakin ah kan inbe leh dawn nia... " tiin kan inbiak lai chuan ka titawp ta ringawt a. 
"engtin nge i pa hi tih i tum? " ka bulah a rawn ṭhu nghal thak a,a burger rawn ken chu min pe tel bawk.
"in lian vak lo ka luah mai ang... "
"maw!!  i pa chu in tereuh te ah i kung ang maw!!? "

"chutiang ani lo....engmah hi i hrelo "
"Coco.... inngaihtuah chiang rawh... "
" duhtawk teh... eng nge min hrilh tur chu... "
"e taka...heihi han enteh... " tih pahin Asher taksa a pem leh hamna thlalak chu min han en tir a," a hnungzanga hamna hi siam chawp anih i ring ve em? "

"ka hrethiam lo...."
" han en chiang leh teh... i hmuh dan eng nge? "
" ka hmuh dan chuan hnung lam aṭanga ham a ang ka ti "
" a dik a ...duh loh chung a khawih anih chuan engvanga a hnungzang a ham daih nge anih...a hnungzanga ham kher lovin engvangin nge a tlanchhiat daih mai loh han en chiang la hma lam aṭanga i ham anih chuan i kut zungchal thla hi veilam ah a awm ang,mahse hei erawh dinglam ah a awm thung"

" anih chuan... hnung lam aṭangin a ham chawp tihna ani maw,engmah a hriat tawh loh danah a hrai rui anih te i ring ve em?"
"chu chu ka rin dan chiah.... mahse no ah damdawi engmah an hmu lo... Lily in a sil nghal vek pawh ani maithei... "
"hemi thlalak hi lawyer hnenah thawn vat ang..."
" aw le finfiahna pakhat chu kan nei phawt mahse ala tawk lo ....chak tur chuan finfiahna ṭha tawk tak angai " a tih chuan ka han thaw chhuak hak a, Lily biak mai te hi ka duh rum rum tawh.

Asher apartment ka thlen chuan Lily car alo awm ve avangin hmanhmawh zet hian ka chho nghal vata,ka kal tur thu Asher ka hrilh lawk lem loh avangin Lily nen an inhmu emawni le? 
nilo, nilo.... engthil nge maw ka ngaihtuah le? ka thil ngaihtuah hi ka duh lo takzet, engvanga ringhlel ringawt nge maw ka tih le? 

Kawngka alo in khar ṭhat loh avangin kik lovin awlsam tak in ka hawng a, tumah ka hmuh mai loh avangin room ah ka tlan lut nghal vat bawk.

Lily in Asher kawr hnim dun dun paha a lo kuah vel lai ka va hmuh chuan
"engthil nge maw i tih le? " tih tuarh pahin kawr chu ka pawt nghal sawk a, ani pawhin ka kal a ring bik lo aniang mak a tih hmel takzet.

CHAPTER -54

"khawiah nge Asher a awm? " ka tih takah chuan a awm dan chu a han thlak danglam nghal vata,ngeiawm zeta nuih suk pah hian "password ka hria a ka duh hun hun ah ka lut thei...a lan dan chuan Asher hian a password hre turin a ring tawk lo che niin a lang... "
"hahh....password hi kan mamawh ve lo... min hmuh a duh chuan kan in ah min rawn pan mai zel,ka sawi awmzia chu a nu leh pa te in ah ..." ngeiawm zet in ka lo chhang let ve ngat a,min melh rûm ngei mai.

"lo hlim viau suh... naute i neih veleh an pet chhuak lo ang che tih tunge sawi thei... han in en ta che nang ang mi hi Asher kawppui i ni thei lo hrim hrim"
"haha....i ngaihtuah thui hle mai,Asher an a bân tawh che ani tih hi i la hrethiam thei lo niin a lang" ka tih takah chuan a haw kher mai,"hmeli " tih pahin ka kawr ken lai chu a rawn pawt pawp a, kei lah in ka thlah duh bik der lo.

"chhuak rawh.... heihi Asher nen a kan in anih hi... "a ṭawngkam chuan min khei zâk mai, chu chuan min ti luhlul zual sauh bawk.
"a kawr pawh hi khawih hlek suh... "

Chutia ka lo in chuh buai lai tak chuan kawngka a rawn inkhar ri rak a, Asher âw in a chhunzawm zat bawk.
"Coco.... " pawnah ka car a hmuh avangin rooma a rawn luh hma hma chuan ka hming a ko thei nghal. Chutah Asher aw Lily in a hriat rual rual chuan  ṭe nghal tuarh pahin chhuatah a tlu der nghal tawp anih chu !!  ka mak ti lutuk chu ṭawng ngaihna pawh ka hrelo .

" Coco... engthil nge maw i tih le? " tih tuarh pahin Lily chu a rawn kai tho nghal vata,kei erawh chet ngaihna ka hre der lo.
" ka... ka tih ani lo... "
"duh tawk rawh... " min rawn vin nghal hluk avang chuan insawifiah in awmzia a nei lo tih ka hriat avangin sawi belh ka tum tawh lo.
"Asher....henu hi ramhuai anih hi" Asher kuah tlat pah chuan min rawn nuih suk a,a awmah chuan a han bei vel a, engmah sawi belh lovin room aṭangin a chhuahpui nghal daih bawk.

Ka rilru na lutuk ngahtuahna mumal pawh pu lova ka din khawng reng lai chuan Asher chu a rawn lut leh a,min tih dan avang khan ka lungawi lo takzet.
"naktuk lawk hi trail ani tawh a engvangin nge Lily hi ila hmuh cheu...i chunga a thil tih zozai te hi i hre ve lo em ni " ka thinrim lutuk chuan ka ti chhuak nghal phawng phawng a, ani erawh a ngawi reng thung.

Room aṭanga a chhuah daih avang chuan ka zui chhuak ve nghal vata,ka insum thei lo chuan couch a throw pillow chu ka paih nghal pawp ringawt.
"harh chhuak tawh rawh... Lily hian a bum che ani tih hi ngatinge i pawm theih miah loh... "
"ka hria lawm...."zaidam diam a a rawn tih sap avang chuan mak tih hmel zetin ka melh nghal haw ringawt.
"Lily hian min bum ṭhin ani tih ka hre daih tawh...chuan he thil ah hian dawtin min puh ani tih pawh ka hria mahse kei pawh hian thil sual ka ti ve tho " a sawi tum ka hre nghal, ni e... Lily nen an inhual laiin a phatsan a chutah a ṭhen zui bawk.

"ka thil tih sual avanga hetianga awm hi ani a.... amah ka hmuh apiang hian ka inthiam lo takzet"
"mahse.... case nei lai in ni a thil ṭha lo zawk a thleng dawn asin... "
"ka buaina ah hian rawn in rawlh suh... Lily hi awm tir mai mai rawh "
" maw!! "
"naktuk ah pawh i hmel hmuh ka duh lo ,rawn kal suh ang che " tih hmuk pahin room ah min luhsan leh hmak bawk .
__________________________________________

Asher min tih dan avanga lungawi lo zet chung chuan ka haw leh hnak hnak a,
"kal ka chak bik reng reng lo... " tih nung nung pahin car aṭang chuan ka chhuk thla a, kan inah kal ka duh tehreng nen Rachael in rawn haw vat tura min tih avangin ka haw tlang ta zawk a.

Thawk halh pahin thil engmah thleng lo ang maiin inchhungah chuan ka lut a,Hunter ka hmuh thut avang chuan pen nga pawh ka pen hma in ka ding nghal chawt ringawt!!
"Coco i rawn thleng hma hlauh chu a tihzia lutuk ....lo ṭhu rawh,lunch pawh ka peihfel ṭep tawh... " Rachael in wine rawn lei tura min tih avangin ka wine pawm lai chu min rawn laksak nghal sawk sawk a,ka hlauhthawn em avangin inthup nachang pawh hre lêk lovin Hunter chu ka en reng ringawt.

Ka awmdan hrilh hai zet avang chuan Grace chuan, "Coco.... Hunter hi baptist thar tur te zinga mi anih hi " alo ti nghal zung zung a, Hunter lah chuan ngeiawm zetin min rawn la nuih vur vur lehnghal.

Ngawi rengin rum zeta melh pahin Hunter ep chiah ah chuan ka ṭhu ve nghal thak a,Samuel leh Grace te chu an hlim mai bakah an lo biak siam siam avang chuan rum zet hian ka va melh leh khai ṭhin a, thil tum nei lo se chuan hetiang hian lem a rawn chang lo tawp ang.

Midang zawng dinning room ah an lut fel ziah tih in Hunter chu ka pawt let a,midangin min rawn hmu nge hmu lo tih enfiah pah chuan,"eng nge hetah i rawn tih dawn? " nelawm loh zet hian ka han ti sup a.
"baptistma chang turin mawle... "
"i nihna ka puan chhuah vek hma hian he in hi chhuahsan rawh "
" hahh... engtin nge ka tih chuan ang, ka thil duh min tihsak duh bawk si lova keiman ka tih mai angai anih hi " dar tih kan ak pahin ngeiawm zet hian min rawn nuih suk a, a hmaia ben nghal pawp ka chak takzet.

" ngawi hmak rawh...chutiang chu ka thlen tir dawn reng reng lo "
" hahh.... nangmah hian i kut ngeiin min pe dawn mawle"
"i hresual let der anih chu " ka nuih let ve kher a, mahse ka chhungril erawh in a thil tih theih zia a hriat ve kur avangin ka hlauthawng takzet.
"lo ngai reng mah rawh chu chu ka la thlen tir dawn ...."

" Coco.. " kan awm dun lai Rachael in min rawn hmuh chuan kan in la hrang nghal vata, Hunter pawh min rawn siai suk pahin dinning room lamah a lut nghal bawk.
" umm... ka rawn kal " engmah thleng lo ang mai a kal tlang daih ka han tum na in ka ban rekah a rawn vuan nghal chawt mai.

"Engthil nge thleng...? "
"engmah ani lo "
" Coco.... min hrilh dawn lo maw? "
"ughh... Rachael pawi ka ti lutuk khapa kha ka hmelhriat ania chuan a chanchin hi sawi ka duh lo... "
"mahse i hlauthawng hmel ka hmuh hian nuam ka ti lo... "
"engmah ani lo...tunah chuan inzawmna kan nei tawh lo "
"a ṭhat chu... mahse buaina a awm anih chuan min hrilh zel rawh, i kiangah ka awm reng ania " duat takin ka samah a rawn chul a, ka lo bu nghat bawk.

Lunch kan ei lai chuan "nupui te i nei ve tawh em? " tiin Grace in a zawh chuan,min rawn melh kher pahin min tih chhan zet hian,"aih mahse fa dang min pai san erawh tawrh a har khawp mai " a han ti kual vela,a thusawi engkim mai chu an awih vek bawk si a inhum ruh ṭun chungin chaw ka ei phah.

Awm nuam lo zeta ka ṭhut ve reng lai chuan Freddie an min rawn call hlawl avangin lawm ru tak si hian, " min lo hrethiam rawh u... " tih leh thawh ka rual nghal a, chhuanlam siam tur ka neih hlauh avangin ka lawm hle bawk.

" Coco... tunah kan inhmuh angai "
" maw!!  ka chhuak thei lo "
"finfiahna ka nei tawh "
"Engmaw!!  i ti tak tak em? "
"aw...tunah park ah khan lo awm rawh ka rawn thleng vat ang "
" aw le... "

Tumah hrilh lova chhuah daih ka hreh avangin Rachael alo kham ve chiah bawk nen ka chhuah tur thu chu ka hrilh ta ringawt a, ani pawhin lungmuang taka kal turin leh chhuanlam min siam sak tur thu min hrilh nghal bawk .

" mahse engvanga hmanhmawh em em nge i nih a? "
" i hria em? Freddie an finfiahna a hmu tawh alawm... "
" ani maw!! " a phur lutuk au chhuak tur chu a kâ ka lo hup sak nghal vata,
"tumah lo hrilh suh... naktuk trail na ah kan surprise dawn nia... "
"aw le "
"anih chuan ka kal "tih leh tlanchhuah ka rual nghal bawk.

CHAPTER -55

Motto- Dream Bigger 

Ka phur bawka park ah chuan ka thleng rang khawp mai, Freddie a la rawn thlen mai loh avangin a hma a kan ṭhutna bawkah khan a langsar thei ang berin ka han ṭhu a, ka lawm em avangin mi zawng zawng hi hrilh vek mai ka duh.

Ka tum aia Freddie a rawn thlen har avang chuan sana ka melh deuh chhen a, damdawiin lamah a buai thut anih loh vek pawhin traffic zam ah a tang pawh ani mahna.

Darkar khat zet ka nghah hnu chuan ka ka call ta ringawt a, chutah phone a la lâ thei lo lehnghal.

"eng em em nge maw a tih le? " phun nung nung pahin ding chung hian ka han hawi kual vela, Freddie hmel reng reng hmuh tur a awm lo.

"vawikhat chiah ka call leh ang " ka han call leh a, a la thei lo anih chuan damdawiin ah emaw a in a kal ka tum tawh mahse vanneih thlak lutuk in a pickup hlauh.

" khawiah nge i awm... i va rei ve... " a ṭawng hma hma chuan ka lo ti nghal hluk a mahse thaw chhuak hak ri bak ka hre zui lo.
"ughh....pawi ka ti lutuk, hemi phone neitu hi a accident a , tunah Royal hospital ah kan awm mek ..."
"maw!!in a accident a!!"
"biak mai tur ka hre lova... i rawn call hlauh chu a tihzia takzet" mipa pakhat in a rawn tih chuan sawi tur pawh ka hrelo, mak ka ti in min ṭhawng takzet.
" ka... ka rawn kal nghal " tih bah nuaih pahin car lam panin ka tlan nghal hlawk hlawk a,ka tai leh ka pum alo na ve deuh bawk nen ka duh ang pawhin ka che thei lo.

Damdawiin ka thlen chuan khapa kha ka call leh nghal vata, a awmna room min hrilh lam panin ka tlan nghal vat bawk.
"khawiah nge Freddie chu a awm? "
"tunah an zai mek...."
" a... a ṭha ang tiraw? "
" a ṭhat ngei ka beisei mahse a hliam na khawp mai... " a tih phei chuan ka hlauthawng lutuk chu ka mittui a rawn tling nghal pam a, engvanga hetiang thil hi a chunga thleng nge maw anih le?

Ngawi rengin chupa nen chuan kan ṭhu dun kar a, sawi tur a vang duh khawp mai, chu mai bakah thil tamtak ka rilru ah a rawn lut nghal zung zung a, ka rilru hi a buai vek ani ber.

"tunge su...? "ka tih thut avang chuan mak tih hmel tak hian min rawn en ha a.
" ughh...ka hre bik lo , kawng laiah an lo hnutchhiah tawpa, car chhe tawh takah a tan avangin paramedics ka ko nghal vat a an ni ho chuan an rawn la ta ni " thil awmdan vel chu ka mitthla thiam nghal mai, tuemaw in a su anga an tlan chhia aniang mahse tunge ni ta ang?
" ka lawm takzet... "
"a accident na hmun kha mi awm lohna lai tak alo ni bawk nen tum loh deuh a khami kawnga ka tlan hlauh kha a tihzia khawp mai "

Chutia ngawi renga ka inngaihtuah vung vung lai chuan thil hrechhuak thut niawm tak hian ka tho chhuak nghal vut a,"tih tur ka nei a ... an zai zawh hunah min rawn hrilh mai rawh aw"
" aw le... khawiah nge i kal dawn? police pawh an rawn thleng ṭep tawh sin" amah chauh a police lo hmachhawn chu a hreh deuh niin a lang.
"a chhungte ka be tawh a, an ni pawh an rawn thleng ṭep tawh ang "
" ka hrethiam e... " thlamuang takin a ṭhu ve leh mai a, kei erawh hmanhmawh takin ka tlan chhuak thung.

Chutia finfiahna ber a bo takah chuan rinhlelh ka nei nghal, he thil hi Hunter tih ngei ani a hma pawh khan min vo tawh bawka he thil vang hi alo nih dawn hi.

Ka rilru a hah mai bakah ka thinrim bawk nen ka mit te chu a sen vek tawh a, ka mittui lah a tling pam bawk.

Freddie hriselna pawimawh rual rual in finfiahna ka ngaihtuah lo thei lo, a chhanchu aman a kawl vek miau a.

Rachael in Hunter a haw tawh thu min rawn hrilh avangin a in lam panin ka tlan nghal vata,thil eng eng emaw ka ngaihtuah a ka inhum ruh nasa hle bawk.

Hunter kawngka chu a password ka hriat avangin kik lovin ka tlawh hawng nghal ṭhuai a, engthil pawh thleng dawn se ka hmachhawn ngei ngei tur hi ani ringawt.

Khawi room mah enkual lovin music lo chhuah na bathroom lam chu ka pan nghal vata, ka rin ang ngeiin bathtub ah wine nen opera ngaithla chungin alo maimichhing leh duar duar tawh.

A hla play lai off pah chuan ,"engvangin nge Freddie lehzel i tawrh tir i tan hlawkna tur engmah a awm lo... "
"hahh...i va che rang ve, i chhuak chiah emaw tih nak alaiin... "
"duhtawk rawh...hetiang em em a nunrawng hi i lo ni maw!!" duhlo hle mah ila ka mittui chu a rawn far fap a, rang takin a hmuh hma in ka hru hul nghal zeuh bawk.

" aw.... Coco, vin lutuk teh suh i tan thil ṭha deuh ka nei ania... "
"i duh duh ti rawh mahse midang erawh ti buai suh... ka ngen a che"
" e taka... i la hria em? i kut ngeiin min la pe ang ka tih kha....ka tum aia hma in min pek mai angaih hmel "
"engthil nge maw i sawi le... "
"finfiahna ka nei mawle... Naktuk ah i bialpa chak tura i duh chuan i tih tur chu i hriat kha "

"i thil tih man hi i la hmu khawp ang " tih pahin thinrim takin ka chhuak nghal hmawk hmawk ringawt.

Diktak chuan tunah hian police hnena report bak ka rilru ah a awm lo, mahse buaina ngai bawk finfiahna ṭha tawk tak a awm loh chuan police pawhin an man thei ringawt bawk si lo.

Car steering bawh ngawih ngawih pahin ka ṭhu renga, engthil nge ka tih leh hmasak ber tur pawh ka hre tawh lo.

__________________________________________

★Samuel's Pov★

Coco ba ka pek tlak sak hnu chuan hlim takin leh lungmuang takin inchhung ah ka lut chhat chhat a, room a ka luh rualin rang takin Grace in min rawn zui lut vat bawk.
"duhtak... i ti mah mah lo maw,Joel in hmun hralh sak in engtin nge a man ba rulh nan i hman theih zawk ... "
"an ni ai chuan Coco in a mamawh zawk... " ni e...khang mi ho khan vawitamtak an vau lai ka mit ngeiin ka hmu a, a tawrhna te hi ka hmuhhmaih bik hauh lo, he thil hi ngun taka ka ngaihtuah hnu ah Coco in a mamawh zawk avangin a ba ka pek tlak sak ta ani, amaherawhchu Coco hrilh erawh ka tum hauh lo.

"i thil tih hi an la hrechhuak vat ang "
"Coco i hrilh lo ang tih min tiam tawh kha...a hriat ka duh lo "
" chu chu a pawimawh ber lo...i fapa hi i ngaihtuah ve miah lo em ni "
" Joel chuan inhmun dang ala nei alawm... chubakah he in hmun hi chu ka hming in ala awm a, Joel ka la pe reng reng lo "
" duhtak... "

"Grace....Coco in a tawrh nasat zia hi ilo hmu ve ṭhin em?  vau na, endawng na leh hnuaichhiah na te hi nitin in a dawng ziah ṭhin asin chuti chung chuan chak takin a awm angai a ,thlamuang taka zan khat tal a mut ve theih nan thil ho te tal kan nih sak ve thei lo em ni?" ka tih chuan Grace chu a han insut hraih a.
"a rawn lan aṭang hian kan chhungkua engkim mai hi a buai zo vek in ka hria mahse ka pawm lo thei si lo "

"a landan ringawt hi ani hleinem... en ta che Asher inthlak danglam nasat zia te hi, mawhphurh na la ngam khawpin a puitlin tak hi... " keipawhin Coco hi a tirah ka pawm bik hauh lo mahse vawitam tak Pathian rawn chungin ka ṭawngṭai a, ka in ngaihtuah nasat em avanga zan mut theih loh lah ka ngah amaherawhchu Pastor ni chung pawh a thutlukna siam har tak, Pathian rawn chung pawha pawm har ka tih em em ka fapa kawpui aṭan mite hmuhsit rawn , hmeichhe awm ṭha duh lo chu pawm turin thutlukna ka siam tawh a, ka siam sual lo reng bawk.

" keichu pawm har ka la ti tho asin ...duhtak min ngaidam rawh ka fapa tan hian henu hi ka duh thlawt lo ani... " Grace pawh hian pawm turin a bei nasa in en hran loh pawh a tum nasa amaherawhchu a fapa a hmangaih luah avangin pawm a harsa deuh pawh ani mahna.
"Grace.... pawm kher hi angai hleinem, hmangaih na tamtak i pe a, ṭha takin i enkawl bawka chutiang bak bak Coco pawhin a beisei reng reng hleinem... "
"aw.... hmeichhe khawihthlak awm tak ava ni em?"

Thim hma in kawta hnahthel thla phiat fai tura ka insiam lai chuan Joel thawm ka hriar avangin room aṭang chuan ka chhuak nghal vat a, Joel leh Rachael te awmdan aṭang chuan in hmun ka hralh tih an hrechhuak tawh ani tih a hriat theih.

"ka pa...engtin nge in hmun hi i hralh theih zawk? "
" ni e... i inhmun roh ber ani sia " Rachael pawh chuan alo ti ve vata.

"ka awih thei lo.... Coco ba pek nan i hmang lehnghal amaw? " a tih chuan Rachael chu ka melh nghal vata, a awm dan atangin a hrilh ani tih ka hrenghal .
"khatiang thil kha Coco hriat laiin sawi chhuak reng reng suh ang cheu... "
"henu hi engvanga buaipui em em nge i nih a, i fapa in hmun i hralh phah lehnghal "
" Joel...ka ram ka hralh... " chiang fek fawk chuan ka han ti a.
" chupawh chu nise... keima tan i dah ani lawm ni... "
"in hna buaipui tawh rawh u... chuan he thil hi Coco in a hre tur ani lo a, he inchhung ah hian a ri nawn leh tur ani bawk hek lo "

Thinrim tak chungin inchung lamah an nupa chuan an chho tau nghawng nghawng a, hetiang anga ka fa te rilru ka tih nat hian ka awm a nuam bik hauh lo amaherawhchu ka rin Pathian in ti tura min tih chhung chuan engpawh ka ti ang.

Ka chhuak tur chu Coco pawh zawi tak leh rilru hah hmel tak hian a rawn lut chhat chhat a, min rawn hmuh rual rual chuan hlim hmel min rawn hmuh nghal sang bawk.
" Samuel... i rilru a hah hian engtin nge i awm ve ṭhin ..." a rawn tih takah chuan thil engemaw a thleng tih a hriat theih.
"karawh kan sawi dun dawn mi niang... " ka tih chuan alo bu nghat a,hetiang anga buaina a tawh apiang hian min hrilh duh lo mahse Pathian thu emaw a thil la hriat ngai loh hrilh nan ka hmang ṭhin a, kan in biak apiang in a inthlak danglam mai bakah a rilru put hmang pawh a dang ve telh telh bawk.

CHAPTER-56 

A khuk dawn em avangin Coco chu store room ah hmui tuam na tur la in a kal a, a rei tak em avang chuan a chesual anih ringin va en thlithlai tur chuan ka kal phei hnak hnak a.

"hmela...min rawn be tawh suh... " Coco aw vin zet ka hriat rual rual chuan lut lovin kawngka bulah chuan ka ding ta ringawt a.
"biakin hmun saw engtik ah mah ka pe dawn lo che... finfiahna chu keiman ka zawng chhuak ve mai ang engtik ah mah Asher hi ka tan tir dawn lo reng reng " a ti lawng lawng ri ka hriat chuan thil awmdan chu ka hrefiah nghal kuarh kuarh mai,ka rin loh lutuk thil anih avangin mak ka ti hle bawk .

Coco lungngaih em em nachhan chu hei vang hi alo ni maw!! vau na dawn reng hi a phu bik reng reng lo,Lalpa he nau hi pui lul teh.

Phone a dah hnu chuan thawm ka han siam lui a,engmah hre lo ang mai hian, "i hmu ta em? " ka han ti nghal vâr a, min rawn nuih suk pah hian hmai tuam na chu a rawn khai va va a, a nui hmel phenna hrehawmna hi ka lo va hmuhsak har tak em? kan hlimna tur kan zawng nasat luatah ani hi kei leh ka chhungte hian kan lo tawrh tir char char ani tih hrechhiak daih tawh tur ka ni asin,engvanga mal taka paltlang tura kan lo hnutchhiah ni?

Thil dang zawng aia ka rilru ti na tu chu heng thil zawng zawng hi ama tan nilo a Asher tana tuar anih avangin.

Kan pahnih chuan kawt a hnahthel phiah fai pah chuan thil eng eng emaw kan sawi dun a, thil sawi duh a nei tih chu ka hria biak in chungchang kha anih ka ring nghal bawk.

"ughh.... kan in ka hralh a, ka pa pawh in thar ah a in sawn vat ang.... " a hralh chhan sawi lo mahse a chhan ka hrechiang khawp mai mahse hetiang ang thutlukna a siam avang hian mak ka ti takzet.

"i inchhir lo ang maw? "duhthlanna zalen tak a nei a,dan erawh ka tum lo.
"ka hrelo ....mahse a ṭha zawk"
"puih i ngaih chuan kan awm reng ani tih theihnghilh suh ka tih tawh kha "ka inthiam loh mai bakah hrehawm ka tih em avang chuan ka hrilh nawn mawlh mawlh a, a mittui tling deuh pam te chu ka hmuh hmaih hauh lo.

"Samuel... i chungah thil sual tak ti ta ila engtin nge i tih ang...?" chiang fek fawk hian min rawn en nghal kar a, ka chhan hma in nuih suk pah hian, "ka ti mai mai anih kha "a ti lehnghal daih a,engmah thleng lo ang maiin a phiat lehnghal bawk.
"engpawh ti dawn la kawng khat chauh a awm ngai lo ania "

"kawng dang a hrelo .....kawngdang ka hre hlawl lo... "a insut nghal hraih hraih a, a mittui a rawn far takah chuan duat takin ka han kuah nghal vat a,a hnung zang ka chul pah chuan a ṭap chhuak nghal hawm hawm bawk. A tawrhna chu tuar ve lo mah ila ka hriatthiam pui ka duh a,engtik lai pawha a kianga awm reng turin ka intiam nghal mawlh mawlh bawk.

"Pathian in mi zawng zawng a hmangaih i tia mahse keichu ka hlim ve dawn chauh a,a tawp ah min ngaihsak tute ka tih nat angai leh a hmelma ah ka siam leh angai dawn anih hi "
"tumah hi an tawrh zawh loh tur a tuar tir ngai hleinem..." 
__________________________________________

Khuma ṭhut pahin ka safe a biakin hmun la fel lo inziahna file chu la chhuak in ka en renga, he biakin hmun hi a fel theih loh avangin min chuhpui tu tamtak awm ṭhin mahse tihfel tumin ka bei ṭang ṭang a, rei tak ka beih hnu ah a fel theih ṭep tawh avangin reilo te ah paper sign maitheih turin in document pawh tih fel vek ani tawh a,amaherawhchu hemi biakin hmun hauhna paper hi midang in an nei anih erawh chuan awlsam takin an lei thei mai thei tawh dawn ani.

Asher thawm ka hriat chuan safe ah dah lut kher tawh lovin drawer ah ka dah tawp a,he thil hi chhan nei a safe a dahlut lo ka ni.

Room aṭanga ka chhuah chuan Asher leh Coco te chu an lo inbe meka mahse Asher an Coco a tih dan chuan ka lung a ti awi ta hauh lo mai.

A lan dan chuan an in ti thiamlo leh tawh niin a lang mahse Asher hian khatiang ṭawngkam kha a hmang tur ani lo.

" ka pa engthil nge thleng ... engvangin nge min koh a...? "
" min rawn zui rawh... " ka tih chuan mak tih hmel tak hian min rawn zui ve mai bawka.
"he in hi i chhuahsan hma in Coco hnenah ngaihdam dil hmasa ang che... "
" engmaw? "
"ti tura ka tih che chu ti mai rawh... " ka fapa te pahnih hi ka zilh pawhin thinrim in ka ti ngai lo ,amaherawhchu tun ṭum zet chu ka aw vin zet avang chuan Asher pawhin mak a ti hle.

"Coco sawi ang khan a in thar hmuh ah chuan insawn rawh... "
" ka pa... "
"Asher... vawikhat tal Coco hi ngaithla in a thu zawm rawh... i inchhir hi ka duh loh vang ani "
"ka tum alawm.... vawitamtak hriatthiam ka tum asin... mahse ka thei tawh lo,rilru natna bak min thlen ngai lo "
" nangchauh hi rilru na emaw i in ti elaw....vawikhat chiah ring leh rawh, i thei lo anih pawhin keichu a kiangah ka awm reng dawn ania "

Ka fapa hi a harhchhuah a hun tawh ani, thil awmzia a hriat hnu a a inchhir loh nan tun aṭang hian ka hrilhfiah angai chutilo chu inchhir in a indawm kun palh hlauh ang.
___________________________________________

★Asher's Pov★

Vawin zet zawng ka pa awmdan hi a mak takzet, a vîn mai bakah thil mak tak tak a sawi bawk a ,nidang ang lo takin a hmel ah lungawi lohna nasa tak ka hmu bawk.

Ka pa nen kan inbiak zawh hnu chuan ngaihtuahna a ti kalthui takzet, ni e... Coco hi ka hmangaih a kalsan ka tum bik reng reng lo mahse ka buaina ni zawk chu ka ring thei tawh lo hi ani ber,ka kalsan ai mah chuan amah zawk hian mn kalsan daih anga rilru na taka ka awm ka hlau ani .

Ka nu in riak tura min tih tlat avangin riak tur chuan thutlukna ka siam leh ta nge nge a, naktuk mai hi trail ani tawh bawka ka chhungte bulah thlamuang takin awm ila a ṭha zawk.

Ka room ah Coco a awm avangin guestroom lam chu ka pan leh ta nge nge a, tunah tak hi chuan keimah chauh a awm ka duh. Chumai bakah Coco ka hmuh apiang hian ka thinrim thar leh ṭhin a, a theih anga tam pehhel hram hram ka duh.

Ka inbual zo bathroom aṭanga ka chhuah chuan Coco nen ka intawh thut avangin hmun dang ka hawi nghal vata, ani erawh in min rawn nuih sang thung.
" i ṭha maw? " a thlan nasat mai bakah a hmui te chu a dâng lap a, a chau hmel takzet.
" aw... mahse ka tai hi a na deuh a... "
"khawilai maw?  damdawiin ah kan kal mai dawn mi? "
" aih... angai lo, ka hnungzang hi a kham bawk nen ka mu hahdam anga ka zia leh mai ang "
" in enkawl ṭha ang che... " ka han ti sap a, ka thusawi ho te pawhin a ti nui leh ver ver tawh.

Hetia a bula ka awm reng hi chuan thil thleng pawh kha ka lo theihnghilh leh lek lek ṭhin .

Intha zo lo zeta inchunga a chho ṭaih ṭaih lai chu ka en renga, puih duh hle mah ila ka in dang hram hram.
" ughh.... " a rawn hawi let nghal vata," in chu ka sawn ang... "
" tak tak maw!!  naktuk ah i bungrua sawn turin ka lo hrilh dawn nia... "
" mangṭha le " a ruk a nuih suk pahin guestroom ah chuan ka lut leh hna hna a.

Coco hmel dâng lap avanga ka rilru a nawm loh mai bakah ka ngaih em avang chuan ka room bulah chuan ka han vei kual leh rih ṭhin a,mutthilh theih loh chu sawi loh ka harh tulh tulh maiin ka hria.

Chutia kawngka bula ka din reng lai chuan kawngka a rawn in hawn khap avangin ka biru nghal vata, reilo teah hawi kual zak zak pahin Coco pawh a rawn chhuak nghal vat bawk.

Thawm dim thei ang berin inhnuai ah chuan a chhukthla chhat chhat a, a che vel chu ngun takin ka lo en kar a, engvanga tun ang zan rei a chhuak reng reng nge maw anih le? 

Pawn a a chhuah hnu deuh lawkah chuan ka zui thla ve nghal vata,kawngka tlema lo inhawng kar aṭang chuan mipa pakhat nen an inhmu ani tih ka hmuh chuan ka meng phawk nghal kawk ringawt!! 

"nau ka neih hma loh chu race ah ka tel thei tawh lo... " Coco in a ti ri chu fiah lo deuh hian ka hre thei, mahse engvanga race chungchang sawi nge maw an nih le? a bak erawh an awmna a hlat deuh avangin ka hre zui tawh lo.

Rei vak lo an inbiak hnu chuan Coco pawh a rawn lut ve mai bawka, mahse garage aṭanga ka chhuah daih avang chuan min rawn hmu hman lo.

Coco inhmuh pui pa chu car ah a lut chiah tih in ka va ṭham chhuak nghal pawp a, tlangval naupang te ala anih avangin min hlauh hmel takin.
" eng nge hetah i rawn tih...? "
"eng... engmah ka ti lo "
" i sawi loh chuan police hnenah rukru angin ka reporr dawn che nia...sawi rawh engvanga Coco kha race a tel tura ti nge i nih ?"

"i... ila hre ve nange? "
"engchu maw ka hriat anga...? "
" a pa bill pek tlak nan race a tel turin Hunter nen an in tiam alawm... "
" engmaw? "
" race vawi hnih ala hmabak a ,Ricky a rawn let tawh bawk nen ani hi kan mamawh alawm "
" a rai hi i hmu ve lo em ni? "
" chu chu kan buaina tur a awm lo "

"rawn let leh tawh suh ang che... vawikhat pawh Coco i rawn hmu leh anih chuan jail bang i zut ang... "
"Thu pek ka zawm mai ani chuan Coco hi tuman an dang thei lo... nangpawh in i dang thei hek lo... "
" kan la hria ang chu " tih sup pahin inchhung ah ka lut lehnghal nal nal a, he thil hi kan sawi dun angai ani engpawh chu nise zanin chu lo hahchawl phawt se naktuk ah ka sawipui ang .

Naktuk hi trail anih tawh vang nge ka hrelo, Lily chuan min rawn call chhen a a chang leh message min rawn thawn thul, an ni nen hian inzawmna neih ka duh tawh loh avangin message pakhat pawh hawng lovin ka phone chu ka silent nghal vata,mutthilh tumin ka maimichhin san daih bawk.

Lily hi a ni telin ka hrechiang telh telh a, hetiang thil hi ka chungah a ti duh anih chuan Coco pawh hi a zuah bik lovang chuvang chuan he thil ah hian Coco a rawn inrawlh ka duh loh mai bakah a tan a hlauhawm theih avangin a rawn inrawlh ve ka duh lo.
__________________________________________

Kawngka inbeng dawt dawt ri ka hriat chuan ka harh nghal hlawl a, sana ka en chuan alo tlai tawh takzet. Peihlo zet chung chuan kawngka chu ka va hawng a, Joel chu suit nen alo in peih fel vek tawh chu niin.
" minute nga chauh i nei... darkar chanve talin kan thlen hma angai ania... "
" aw le... "

Finfiahna kan neih ṭhat loh mai bakah engmah ka hriatchhuah theih tawh loh avangin thil engpawh thleng thei reng ani tih ka hria mahse ka innghahna awmchhun chu Pathian in thudik a hria alawm tih chauh chu ani tawh.

Ka insiam zawh chuan inhnuai ah ka chhukthla chhat chhat a, couch ah Hunter ṭhu lai ka zuk hmuh chuan mak ka ti ngei mai!! Chutah Rachael chuan nel hmel takin alo be siam siam lehnghal.

"engthil nge rawn tih i tum?  he in aṭang hian chhuak nghal rawh... " hepa hi engtik ah mah ka hai thei lo, Coco chunga a thil tih avang hian ka ngaidam thei ngai lovang.
" Asher.... Hunter hi baptistma chang turte zing ami ania, han in hmelhriat ta che u... " Rachael chuan alo ti nghal zung zung a," ehee... thil theihnghilh ka nei " tih pahin inchung lamah a tlan chho nghal a.

" Coco neih let leh i tum anih chuan i thei lo tawp ang " hepa hian Coco neih let tum lo se engmah rawn tih tur a nei lo, chubakah ka pa ka zah avang chauh in ka hnek lo mai mai.
"haha... engtin nge ka hmangaih hi ka thlah theih tehlul ang "
"anih chuan tibuai tawh suh... " ka hmangaih a!!  hreptak chuan !!
"lo ngai reng mah rawh... ka nei let em em ang... anih loh vek pawhin a ai i awh duh te anih chuan.... " a ṭawng dan aṭang chuan race chungchang ka hria ani tih a hria.

Ka pa a rawn chhuah takah chuan a awmdan ti danglam nghal in min rawn nuih sung pah hian " kan inhmu chu a lawmawm teh e... " min rawn chibai a tum vela," chhuak rawh... " ka lo ti hmuk thung.

" Asher....!! "ka pa in min lo khak nghal. Hunter lah chuan ngeiawm zeta min rawn nuih pah hian,"ala naupang em a a awm tho e " a rawn ti zui kher bawk.

"an hman hlawm tawh em... Hunter vawin chu tih tur ka lo nei bawk nen tlai lamah kan inhmu dawn mi niang? "
" ka pa hepa hi mi ṭha ani lo... " ka pa chuan ka thusawi hre lo ang maiin Hunter hnenah chuan "min mamawh hun apiangin i rawn kal ṭhin dawn nia... " a ti leh kher a, ka lo thaw chhuak nghal hak ringawt.

"Asher.... " hmanhmawh lutuk in Rachael chu a rawn tlan chhuak a, " Coco in nau a vei in ka hriat " a tih rual rual chuan ka tlan chho rang ngei mai!! 

"thla 7 chauh ala ni sia... " tih pahin room ah ka tlan lut nghal vata, midang pawh an rawn thleng rang hlawm khawp mai

CHAPTER-57

Motto- Dream bigger 

"engtin mah i awm dawn lo... hlauthawng reng reng suh i bulah ka awm reng a nia... " tih pahin ka va pan hnai nghal vata,a na ti lutuk chu chhuatah alo in dawn kun ngawih ngawih a,a dâng in a thlantui in bual huh vek mahse vawikhat pawh a rum chhuak lo, a khat tawkin thawk a han la leh halh ṭhin a, a kut ah nghet takin ka lo chelh tlat bawk.

" damdawiin ah kan hruai vat angai.... "
"Asher...kalkawngah a nei hman angem, hetah vei tir hi a ṭha mai lawm ni " Rachael in a rawn tih chuan ka han check nghal vata, "nei hman lovang... naute hi thla7 chauh ala nih avangin damdawiin ah kan kal angai " tih pahin ka pawm kang nghal nawlh a, a na ti lutuk chuan ka ban chu nghet takin a ṭham tawn a, a tawrh chhel lutuk chu mak ka ti zawk hial.

Car a ka pawm luh rual rual chuan Joel an rang takin,"Asher ...damdawiin ah i kal thei lo ania " alo ti nghal vata,trial na ah ka kal angai bawk nen ka rilru a buai nghal nak mai !!

"nau a vei hi ka kalsan thei hleinem... "
" â lo teh... i kal ngei ngei angai "
"ka pa Joel nen court ah chuan va kal pui ula kei leh ka nu in kan lo va awmpui mai ang...chuan hei Hunter pawh a awm alawm " Rachael in a tih chuan ka nu pawhin alo thlawp nghal vata, kei erawh ka kal thei lo tur chu ka lungawi lo takzet.

"ni e.... Asher rawn kal rawh kan tlai dawn ania... "
"aw le... mahse hepa hi damdawiin ah a kal ve lo ang... "tih pahin Hunter chu ka kawk va va a,min ngei hmel ngang mai.

Coco pawh a rawn zia leh deuh aniang a han thaw leh huai huai a ,a chal a fawh zeuh pahin a kut chu ka han hum sak vang vang bawk a "ka rawn let leh vat ang... ka rei lo ang... "
"min rawn ngaihtuah suh ka ṭha ..." nui hmel min rawn la hmuh sang avang chuan ka han fawp vang vang a,damdawi in lam panin an tlan liam pui nghal vang vang bawk.

Hunter erawh a kal ve ka phal miau loh avangin a kal lo ta nge nge a," ṭha deuhin le... " a rawn tih pawh chuan hrelo ang maiin car ah ka lutsan hmak a,keini pawh muang thei kan nih tawh loh avangin kan tlan chhuak nghal vat bawk.

Tukverh a dah chhuah vung vung pahin ka ṭhu ngawi run a, Trail chu sawi loh Coco bak ka rilru ah a awm thei tawh lo.Nizan aṭang tawh khan a lo vei ṭan der tawh tih ka hruatchhuah leh hnuhnawh phei hi chuan ka lo ngaihsak lo kha ka inchhir takzet, a chau hmel leh nuam lo hmel ka hmuh khan ngaih ṭha lo daih tawh tur ka ni asin le.

Ka awm a nawm theih ngang loh avangin ka nu chu ka call ta nge nge a,damdawiin an thlen tawh thu leh Coco pawh a zia leh deuh tawh thu min hrilh chuan ka thaw nghal huai mai.

" C'mon.... a zia leh mai ang, damlo pawh a nih loh kha " Ka awmdan avang chuan Joel chuan min rawn vin leh hlak a, Coco chungchang anih tawh hi chuan hahdam taka awm hle hle hi a harsa tawh ṭhin.
"Joel.... a pawi reng reng lo in pian dawn pawhin ka mu thei reng reng hleinem.... "ka pa in a rawn tih takah chuan kei chauh hi phili buai ka lo ni bik lo anih dawn hi.

Kan hma ah thubuai rel fel tur pali lai an la awm avangin Lawyer tiamin kan pali chuan kan nghak ṭhap hlawm a, kei tih loh midang erawh an huphurh hmel in an rilru a hah hmel takzet kei erawh damdawiin ah bak ka rilru a awm lo thung.

"engkim a ṭha leh vek dawn alawm... " ka pa in a rawn tih chuan mak tih hmel zet hian ka lo en ha a,"a pawi reng reng lo...naute chu ṭha takin a rawn piang em em ang "
"thla kim lovin a vei sia engthil emaw a thleng thut thei... naute chauh nilo Coco tan pawh a him bik lo "
"a hma pawhin an him tawh kha... vanneih vang ringawt a him an ni hleinem... chhan neiin Pathian in zuah ani " a tih chuan ka lo bu nghat a, ka pa hian a sawi dik a hma pawh khan an him tawh a, tunah pawh hian an him hi ka beisei tlat.

Kan la thleng lo bawka tiin washroom ah inti thawveng turin ka kal ta ringawt a, ka nu in a vei leh tawh thu min rawn hrilh leh avangin ka lo hah ve em em ringawt, a chhanchu nau vei hi vawitam tak kan lo buaipui tawh a, Coco in khatiang ang na a tuar ve tura ka ngaihtuah ringawt pawh hian a bula ka awm thei lo hi hrehawm ka ti takzet.

Washroom aṭanga ka chhuak tur chu Lily in min rawn nam lut lehnghal dawr dawr a, a rawn lan thut avang chuan han tih vak ngaihna pawh ka hre lo.
"heihi eng nge...? " a ban a in zaina ser tamtak ka hmuh chuan thil ni lo lo a ti leh tawh ani tih ka hre nghal, mahse engvanga hetianga awm leh nge maw anih le?

" Asher.... in dangah insawn i tum em ni? "
"maw? " engtin nge alo hriat leh hman tawh pawh ka hrelo.
" mawh.... insawn i tum em ni? "
" aw... "
" nilo.... insawn suh, i insawn thei lo engvangin nge kan pahnih a kan in saw chhuahsan i tum? "
" duh tawk teh... " a awmdan hi â vek tawh te pawh a ang zawk,a ti mah mah tawh ani.

"engvangin nge min kalsan i tum.... khawiah nge i in thar tur chu a awm....? " amah en tura min kuai her zel avang chuan a kut paih thlak pahin," ka hrilh thei lo che " ka lo ti hmuk a, a mittui tla deuh phang leh a mithnawih pherh nung te chu hmuh a hahthlak takzet.

"engvangin maw?  Asher Edwards min kalsan tum reng reng suh...nilo... min kalsan thei lo ang ....nilo" a au chiam chiam avang chuan sawi nawk pah in, " Lily.... i â ta em ni?  hetiang hian awm mah ta che....hriatthiam tum rawh kan pahnih hian awmdun tur kan ni lo... "
"Chutiang chu engtin nge i sawi theih zawk? ka mamawh che asin... saw nu sawn a mamawh lo che " a tih chuan ka nui chhuak hak ringawt.

" i sawi dik.... Coco hian min mamawh reng reng hleinem, kei hian ka mamawh zawk ani " tih pahin min vawnna chu ka paih sawk a,  ka chhuahsan nghal vang vang bawk.

Lily awmdan hian ka awm a ti nuam lo in inthiam lo ngawih ngawih in min siam ṭhin a, tunah erawh a tih kual mai mai theih ka ni tawh lo.

A tirah kha chuan ṭhen hlen ka tum bik reng reng lo,mahse kalsan lo thei lo in min siam ta anih hi. Ka ngaih sual laklawh vang nge pawh ka hrelo, Freddie accident na ah pawh hian a inrawlh ka ring tlat pek a, a chhanchu a accident ni khan Freddie nen an inhnial hrep bakah Lily hian thah ah a vau hial anih kha.A tir aṭang tawh khan engmah hi ka hai bik reng reng lo amaherawhchu ka duh luatah ka hrelo der zel a, tunah hi chuan ngaihdam theih ani tawh lo.
_____________________________________________

Trail room aṭanga kan chhuah rual rual chuan rang takin damdawiin lam panin kan kal nghal vata, Judge in ngaihtuah ṭhat leh turin hun min pe mahse khatiang lam thil kha chu ka rilru ah a leng tawh lo hrim hrim.

Finfiahna ṭha kan neih ṭhat loh bakah thil engmah ka hriat tawh loh avangin Lily hian chakna chance nei ṭha hle mahse maktak maiin engmah a sawi duh der lo.Keimah min puh zawngin engmah a sawi loh mai bakah thil a hriatchian tawh loh thu a sawi leh daih pek bawka, thil thleng kha a mak takzet.

Khatiang anih takah chuan kan hun tha chu bawhpelh mai lovin lawyer chuan hun pek belh a dil ta a, finfiahna ṭha tawk tak nen a rawn let tur thu judge chu a tiam nghal bawk, chutah judge pawh chuan karkhat chhung hun min lo pek belh hlauh bawka,thil mak tak tak a thleng nawn fo mai dawn chu anih hi.

Damdawiin kan thlen chuan naute pa ka nih avangin nau veina room a ka luh theih tur thu min lo hrilh leh hlauh bawka ,thil thlen dan hi fel taka ruahman lawk te pawh a ang zawk.

Nau veina room a ka luh hma chuan kawrfual pawl min lo hak tir nghal sawk sawk a,cap, gloves leh mask pawh ka vuah thlap bawk, heng thil hi ka tan thil thar nilo mahse ka fa lo piang tur hmu tur erawh chuan ka zam takzet thung.

Room a ka luh chuan nau chu alo la vei mek a, nurse lo awm ve chu ka hmelhriat anih avangin a lu a rawn lan tawh thu min lo hrilh nghal vata, mahse ka rin ai daiha a vei rei avangin Coco pawh a chau tawh hle ani tih ka hrenghal.

" ka rawn kal vat ang ka tih kha... " a chala fawh zeuh pahin a kut chu ka han hum vang vang a,a mittui chu a tling pam a, a thlantui in a bual huh nasa in ,sâng tur pawhin a chau tawh takzet.

Doctor in min rawn signal zeuh chuan ka lo bu nghat a, " Coco vawikhat chiah sâng leh rawh aw.... a rawn chhuak ṭep tawh ania.... " zaidam taka ka tih chuan alo bu nghat a,"a rei tawh dawn lo... " ka han ti leh a, chakna a nei thar leh emaw tih mai turin san a han pe leh vaka, reilo te ah naute ṭap ri kan hre zui nghal.
"ka lawmpui a che u... Dr.Asher fanu i nei ta " 

A chau lutuk chu nuih var var pahin a let nghal tawp a, a chal a chul pahin," i ti ṭha lutuk ania,i lo hria em fanu kan nei anih chu " ka han ti sap a, a hmuiah ka fawp zui zeuh bawk.

Nurse in a laihrui chep chat tura min tih phei chuan ka hlim rual rual in ka zam takzet,Coco va melh zeuh pahin ka han chep chat a, puan a tuam pahin naute min rawn pawm tir phei chuan ka kut te chu a khur vel.

A kut leh ke tereuh te te kim ve biai te, a vun no chek te leh a hmui phir ṭhiai te chu la hmu ngai lo ang maiin ka en ngawih ngawih a, ka kut phah hlai taka a leng tawk em em mai te chuan nuih a ti za letling zawng.A nu melh zeuh pahin ka fanu chu ka han en leh ṭhin a, hetiang anga thil mawi leh hlu hi he khawvel ah hian ka la hmu ngai lo.

"a hmelṭha takzet... nangmah ang chiah a ni " tih pahin a nu chu ka han pawm tir ve nghal a, kan pahnih chuan kan han in nuih leh rih ṭhin, hlim luatah kan ṭap lo chauh.

Coco in naute a pawm lai chuan Doctor chuan naute chu NICU(Neonatal Intensive Care Unit)  ah dah a ngaih tur thu min rawn hrilh chuan ka lo bu nghat a,a tir aṭanga ka hriat lawk sa anih avangin mak ka ti lem lo.

" Coco.... naute hi NICU lamah sawn angai dawn a, nurse hi i pawm tir thei tawh angem? "
"eng nge awmzia... a hlauhawm em? " a hlauhthawn em avang chuan zaidam leh fiah fel tak hian," naute hi thla kim lova piang anih avangin special treatment reilote pek angai a,thil ṭha lo leh natna hrik lakah kan venghim dawn tihna anih chu "
" a ṭha ang tiraw? "
" tehreng mai....engmah hlauhthawnna tur a awm lo " ka tih chuan hriatthiam hmel takin alo bu nghat a, nawr luih ngai lovin naute chu nurse hnenah a pe vat bawk.

Coco hliam vel an tihfai a an ṭhui hnu chuan room danga awm turin an nawr chhuak a, a inhliam vak loh avangin a vannei takzet .

Ka chhungten naute an en hlanin kei erawh Coco bulah ka lo awm reng thung, court a thil thleng vel te chu kimchang takin ka hrilh bawk a, hun min pek belh avanga a lawm thu chu min hrilh sap sap bawk.
___________________________________________

Coco damdawiin a a riah dawn avangin kan rualin a rawn haw ve thei lova,awmpui chak hle mah ila tumah awmpui phal anih loh avangin hrehtak chungin ka hawsan ta ringawt a.

Naktuk ah inthar ah insawn dawn mah ila bungrua tihfel tur ala awm nual avangin zanin chauh chu ka apartment hlui ah bawk ka riah leh a ngai dawn a, zanin phei hi chu Coco bula ka riah theih ka lo inbeisei ve tawh tehreng nen a flop chiang khawp mai.

Inchhung ka luh rual rual chuan couch ah ka let nghal tawp a, ka chau bawk aniang ka ham nghal bai bai bawk.

Ka mut mai mai pah chuan ka fanu chu ka lo ngaihtuah leh veng veng ṭhin a, mi â ang maiin ka nui leh vûr vûr zel.


Chutia ka lo mutthilh lek lek lai chuan phone ri in min ti harh hlawl a. Thut chhuah pahin ka phone chu ka han check nghal vata, ka phone ri alo ni awzawng lo.
" taka... Coco phone ka kawl tak... " ka hawn daih ani tih ka hriat chhuah chuan rang takin ka jacket ipte chu ka dap nghal vata,Hunter hming ka hmuh rual rual chuan ka thaw chhuak nghal hawlh ringawt.
"engvanga rawn tibuai reng nge maw anih le? "

Ngawi rengin phone chu ka han la a, ka ṭawng hma hma chuan, " nau i nei tawh bawka.... naktuk zanah ka lo beisei dawn che nia... " ka insum thei tawh lo, "hmela... Coco hi rawn ti buai tawh suh... "
" oh!! a ba min pek tlak hunah chauh le... "
"eng ang mihring nge maw i nih le? "
" hahh.... i bialnu hmangaih tu mawle " ngeiawm zeta min rawn tih avang chuan phone chu ka dah nghal hmak a, couch a paih pawp pahin tukverh bulah chuan ka inngaihtuah vung vung bawk.

Reife ka inngaihtuah hnu chuan Hunter chu ka call leh ta nge nge a.
"woww.... tunge min rawn call tu hi? "
"rawn tibuai tawh suh... "
"engtin nge ka tih chuan ang.... ba.... "
"Race ah chuan Coco aiin ka tlan ang....chuan rawn tibuai tawh suh ang che "
" hahhh....i chiang chiah maw!! "
"address min rawn thawn ang che " tih pahin ka cut leh hmak a, thawk halh pahin khumah ka let nghal tawp bawk

CHAPTER-58

motto- Dream Bigger

Ka awm hahdam dawn chauh a ka phone a rawn ri lehnghal mahse damdawiin lamah emergency a awm thut ṭhin avangin engtil pawh nise ka phone hi ka en ngei ngei angai.

"tu phiang nge maw ni leh le? " vin hluk pahin ka han en a, Joel a lo nih reng avangin dar zat ka en nghal vat bawk.

"eng nge...? " ṭawng peih loh hmel zet hian ka han ti sup a,tun ang zan reiah tawh hi chuan min rawn call tur ani lo asin le.
"i address min rawn thawn rawh"
"enga tan...? "
"hey... rawn thawn mai mai teh " tih pahin phone chu a dah nghal hmak.

Hepa hian eng nge maw a hriat le?naktuk ah pawh min zawt thei reng sia.
Thawk halh pahin peih lo zet chung chuan ka thawn ta nge nge a, û ten an tih tawh hi chuan ka hnial thei ṭhin lo chu anih hi.

Joel an min rawn call aṭanga minute 10 pawh ala ral em hma chuan doorbell a rawn ri leh râng râng tawh!!
"Joel tehhrep chu... " ka thinrim lek lek,a bik takin zanin hi chu ka chau zual asin mawle.

Mutthilh der han tum teh mah ila chawl lova doorbell a rik reng avang chuan ka tho ta nge nge a, Joel hi chu a ngeiawm thiam mai bakah ka la muhil lo tih a hriat ve reng avangin rawn lut lo chuan a haw dawn lo tih ka hrechiang hle.

Kawngka ka hawn rual rual chuan beer rawn khai kan va va pah hian, "surprise !!" a rawn ti lehnghal a, nuih pawh a za tawh lo.
"address kha rawn thawn lo tawp tur che ka ni asin... " tih pahin inchhungah ka lut nghala, min rawn zui lut ve nghal vat bawk.

"wow... couch chiah i châng tawh elaw.. " tih pahin couch ah chuan a ṭhu a, tv chu ring zetin a en zui nghal bawk.
"umm... a dang chu in thar ah an sawn phei vek tawh... "
"i in dang ve ringawt a, i thawmhnaw te hi i su peih dawn em ni? "
"oh!  c'mon..."
" ka hria ka hria.... nang hi chu ka nu suk takngial pawh i duh lo ania i mak ve ngawt mai " ni e... ka thawmhnaw hi chu midang in an khawih emaw an suk emaw ka duh loh avangin keiman ka suk loh chuan ka dry clean tir mai ṭhin .

"Eng nge i hriat a, i rawn lan thut? " beer can hawn pah in a bulah chuan ka ṭhu ve nghal a, mutchhuak tawh hle mah ila ka ṭhu ve ran tho.
"nangmah chauh a kalsan che ka duh lo alawm... a bik takin zanin angah phei hi chuan... " a thutak em avang chuan mak ka ti zawk hial, Joel hi chuan min ngaihsak tawp thei dawn lo chu a nih hi, buaina emaw hun harsa emaw ka tawh hi chuan a rawn lang vat zel.

" ka ṭha lawm... "
" ka hria chuan ka lawmpui a che... fanu hmelṭha tak ani, a hming i phuah tawh em? "
" ka lo la ngaihtuah chhin ngai miah lo... "
"i va han hahthlak ṭhin tak... keichu ka fanu tan hming tamtak ka phuah tawh asin... " a tih chuan min khawih takzet, Joel hian fa ka neih avang hian min lawmpui takzet ani tih ka hria mahse a rilru pawh a nat phah viau ang le.

"Rachael-i a ṭha maw? " ka lo ti nghal vata, nuih suk pahin a bu nghat bawk.
"i vannei takzet...engpawh chu nise pa i ni tawh a,rilru nghet put a hun tawh a nia....taka Coco chu i propose ta em?"
"aih... "
"tinge? i tum leh ta lo em ni ?"
" ka hrelo... ughh....khum pahnih ka nei lo ania ,i riah dawn chuan couch ah hian i mut angai ang " fiamthu pahin thil dang daih ka sawipui zaih a, diktak chuan Coco propose hi ala hun lo pawh ani mahna chuvang chuan hetiang thil hi chu sawi ka duh hrih lo.

Chutia beer in paha kan ti ti mai mai lai chuan ka phone a rawn ri leh tlang tlang tawh.
"i phone a rik kha la ta che... "
"engmah ani leh chuang lo ang"
"khawi.... zan rei ah hi chuan emergency ani tlangpui tawh ṭhin ania " tih pahin ka phone chu min pickup sak ta ringawt a,"hello!! " a tih rual rual a a ngawih tak vung vung avang chuan ka beng ka lo chi nghal hra a.

"kan rawn tleng nghal... " phone dah pah chuan a tho thut a, "tho vat rawh Lily te inah kan kal angai " a tih tak chúk chúk avang chuan ka meng phawk nghal kawk ringawt!!
"engthil nge thleng? "
"kal pahin kan sawi dawn nia... " tih pahin ka jacket chu a rawn thehphei nghal vata, hmanhmawh zeta a tlan chhuah tak daih avang chuan ka umzui ve nghal vat bawk.

Lily te in lam pana kan tlan lai chuan Joel chuan,"Lily bathroom ah a in kalh khum tlat a, tunlai hian mahni in thah a tum fo avangin ka nutei(Lily nu) mangang in a rawn ko ta ringawt che anih hi... " a hma pawh a min rawn koh tawh avang khan ka la serious duh tawh lem lo mahse Joel hi a hlauthawng em a, va kal a va endik ve hrim hrim hi a ṭha a ka hriat avangin ka dang lem lo.
"vawin thil thleng vang kha emawni le? i lo hmu ve em Lily awmdan kha a mak takzet.... "
"va thleng phawt ila engkim a hriat vek mai ang.... "

Lily te in ah chuan kan tlan lut a rang takin a nu chuan, "Bathroom ah hian a in kalh khum leh tlat tawh a, thawm engmah hriat tur pawh a awm zui tawh lo " hlauthawng tih hriat tak hian alo thaw hlawp hlawp a, bathroom kawngkhar chu hawng tum in tihchhiat alo tum ve vang pawh a ni mahna a khem deuh nuaih mai.

"nute tuboh a awm em? anih loh pawhin thir tiang "
"aw... aw awm e " tih pahin thirtiang chu a rawn la nghal vata, Joel an vawi tum vel a han vuak chuan awlsam te in a in hawng mai bawk.

Bathroom kan hawng chiah chu Liky awmdan ka hmuh rual rual chuan ka tlan lut nghal vata, bathtub ah tui alo herh liam pur pur a chutah chuan alo in hnim pil tlat avang chuan ka pawt chhuak nghal lawp bawk.

"Lily... harh teh " a mar a awm tawh loh avang chuan CPR(Cardiopulmonary resuscitation) ka han ti nghal vat a,midang erawh a hlauthawng bawk nen ka che vel chu mangang tih hriat tak hian min en reng ringawt.
"thaw chhuak ta che... c'mon... " ka beidawng duh bik lo, ka theih ang ang chuan ka han ti zel a, kei takngial pawh ka hlauthawng tawh kher mai.

"Asher... a rawn thaw " Joel an a rawn tih chuan a mar chu ka han en dik nghal vata, a rawn normal telh telh avangin bathtub ngheng chung chuan ka ṭhu nghal tawp ringawt.

Lily chu a nu leh a unau ten an rawn buaipui nghal vat a,damdawiin panpui ngai khawpa a awm lo chu ka lawmna tizual tu ani.
"i ti ṭha lutuk... " Joel nen chuan thawk kan han la kawk kawk a, kan hah bawk aniang kan ṭhu hle hle mai.

Lily chu ngawi rengin khap fak fak chungin a mu ngawi reng a, a mittui a luang ngiai ngiai bawk.

A kut velah thuk vak lova in zai hliamna a awm nual avangin a pem ho chu ka tuam sak mawlh mawlh a, engvanga hetiang thil hi ti nge anih ka hrelo takzet.

Zu rim a nam ham ham mai bakah damdawi ruih a nei tih ka hriat avangin a ruk tak chuan ka thinrim takzet,hetiang thil alo tih ṭhin vang anih dawn hi in tihnat leh inthah pawh a hlauh loh nachhan.

"i zawh tawh chuan kan kal mai dawn mi? " Joel chuan rawn luh pah chuan a han ti sap a,ka lo bu nghat bawk.
"ka zo a ni mai... " tih pahin firstkit box chu ka kalh mawlh mawlh a,"mangṭha le " tih pahin ka tho nghal vat bawk.

" Asher....kha thil kha ka tih a ni lo... " a rawn ṭawngchhuah hlawl avang chuan Joel nen kan in en ringawt a, tih vak ngaihna pawh ka hrelo.
"dawt in ka puh che anih kha... mahse ka duh vang ani lo... "
"eng nge awmzia ?" a thusawi chuan ka beng a verh nghal zâr mai.

"dawt a ka puh loh che chuan ka medical licence hi tihtawp ah min vau a... hetiang em em a thui erawh kan kal hi ka ring pha ngai lo " a mittui a tla nghal zung zung a, a thil sawi awmzia hi ka hrethiam lo takzet.
"tu in maw vau che? " Joel chuan alo ti ve bawk a.
"ka hrelo.... message bakin kan inbe ngai lo,hmanni lawk a thi ta ka pu khan damdawi lei phal loh a ruk in min lei tir a kha kha vau nan min hmang ani,engtin nge an lo hriat pawh ka hrelo ...."

"a tirah kha chuan Coco i thlan daih avanga ka huat em che avangin khatiang thil tih kha pawi tihna ka nei lo... mahse ka chhungten an hriat khan ka rin aiin an lo la serious ta sia, court thleng hi chu kan thleng ka ring pha ngai lo.... Asher ka tihpalh takzet, min ngaidam rawh "
"aw le ka hrethiam e... mu phawt rawh "
" min ngaidam rawh aw... "
"ka ngaidam che... mu tawh rawh " a ruih em avangin a maimichhing nghal siai siai a,rei lo te ah a muhil zui mai bawk.

"i khalh haw thei.... " tih pahin Joel chuan car chahbi chu a rawn vawm phei a, car a luh pah chuan, "tunge niang le Lily vau tu chu?  hei vang hi nimaw a hreawm ti lutuk hetiang anga a awm nachhan... " a han ti a.
"a thusawi kha i awih em ni? " nuih suk pahin car chu ka han ti nung hlat hlat a.
"hetiang hian awm suh... A awmdan kha i hmu ve lo em ni "
"hmu e... a bum theih in awm suh,zu a in a damdawi a rui bawk chuan a thusawi kha ila awih cheu em? " ka tih chuan a ngawi ta daih a.

CHAPTER-59

motto- Dream Bigger 

Damlo in entir an tlem deuh lai chuh in Coco hmu tur chuan lift ah ka chuang chho vauh vauh a,Jerry chu awmlo se chuan ka chhuak thei bik hauh lovang.

Hun ka ngah loh avangin sana chu ka melh leh zeuh zeuh ṭhin a,nileng a Coco hmu lova han awm ringawt chu ka hreh em avangin hun remchang ka zawng char char a, ka hmu ta nge nge a nih hi.

"Dr.Asher... ka lawmpui a che... " Dr. Jenny chuan min kal pelh pah hian a rawn ni zeuh a, vawin zet chu min lawmpui na thu ka dawng zing malh malh ta khawp mai, hetiang anga damdawiin lian leh stuff sang chuang zet awmna ah pawh thil hi chu alo darh chak khawp mai.

Room a ka luh rual rual chuan Coco chuan min lo nuih nghal sâng a,nuih let pahin a hmui ah ka fawp nghal zeuh bawk.
"doctor a rawn round tawh em? " Rachael chu ka zawt nghal vata, a awmpui deuh chawt avangin ka thla a ti muang takzet bawk.
"aw... treatment reilote lak ala ngaih thu a sawi a"
" a ṭhat chu...i dam fel hma loh chu damdawiin a awm reng hi a ṭha"

"naute eng nge a an? " Coco chuan hriat chak hmel tak hian min rawn melh kar a,he thil hi min zawt dawn tih ka hriat lawk sa avangin tukin zing ah khan damdawiin ka thlen rual rual in buai chung chung in ka han en a,ka ti sual lo chiang kher mai.

"a ni pawh a ṭha....i hria em nimin ai khan a hmelṭha sawt bawk... " ka tih chuan min rawn nuih sen sen a.He naute zet hi zawng nimin lawkah a rawn piang a mahse ka rin phak bak aia nasa in min ti hlim daih tawh mai.

" a nih Freddie?....hemi damdawiin ah hian an sawn lut tih ka lo hria a "
"ughh....nia, tun thlengin nikhaw hrelo in ala awm reng, rawn harh chhuak vat vat se ka ti tawh takzet"
"keipawh ka ti... a thih dawn khan finfiahna a neih thu min hrilh a, mahse hetiang thil hi a thleng leh ta sia... " finfiahna chungchang a sawi rual rual chuan thil ni lo lo ka lo ngaihtuah leh hman tawh,he thil hi Lily thil tih a ni thei mai angem? finfiahna kan neih hlau tur chu amah bak hi a awm lo.

"Coco i damdawi ei a hun tawh ania, Asher nizan chu i û in a ngaihtuah lutuk che a, riahpui tur che in ka rawn tir ta ringawt a nih kha"tih pahin Rachael chuan damdawi chu Coco a pe nghal a.
" nia...ka in hlui a rawn hmuh phah hrim hrim alawm... "
" mahse thil hmanhmawh thlak deuh tih tur in neih thu kha a rawn sawi leh thut bawk sia... ka ngaih in ti ṭha lo lutuk alawm"

"engthil nge thleng a? " Coco in min rawn zawh takah chuan dawt sawi na chi ani tawh lo, bakah Lily nen kan inkar ah engmah a awm tawh lo bawk a a ngaih khawih pawh ka ring tawh lem lo.
" Ughh... Lily in mahni in tih nat alo tum a, zan rei ah an inah kan va kal alawm "
"a na viau em? " a hmel awmdan aṭang chuan Lily hi a ei vak lo ani tih a hriat theih chuan kei ang bawkin lem a chang anih a ring ve pawh ani mahna.

"umm.... min puhna kha ama duhthu vanga ti anih loh thu leh ti tura vau tu an awm thu min hrilh bawk a"
" maw!!  chutiang chuan a sawi amaw? "
"umm... mahse zu leh damdawi a ruih laia sawi anih avangin a rin tlak loh... "
"a tak tak alo ni maithei asin "mak tih hmel takin Rachael chuan a rawn ti nghal haw a, " a nih ka ring chiah lo.... engpawh chu nise hun in ala hril ang chu " hetiang thil hi chu sawi chhuah ka duh vak lo,ka nun a ka hlim lai ber hi chên ka duh zawk.
_____________________________________________

★9:30 pm★

Haw dawn ṭepah emergency patient an rawn pun leh thut avangin ka duh aia rei ka awm phah, zanin zet zawng accident serious tak tak an nih fûr hlawm avangin mawng pawh ka hung hman meuh lo.

"ka ṭhu chak tawh lutuk....ka khum dup nuam tawk a leh tawp ka chak tawh takzet... " Erika chuan garage lam pana kan kal lai chuan a ti phei mawlh mawlh a,a chau bawk a niang a dark circle pawh a lang chiang khawp mai.
" nia... kha i hmel pawh a tar bawih thei alawm... " ka han fiam zui zeuh a, alo haw ngang mai.
"doctor nih hi chu alo hahthlak takzet a nih hi... "
"a chang chauh in... "
" urghhh....engpawh chu nise tluang deuh in i khalh haw dawn nia... " tih pahin a car ah min luhsan nghal a.

Seat hnung lama rucksack leh jacket theh phei pawp paha ka han ṭhu lut chiah mai chu ka kawng leh hnungzâng kham lutuk kha a zia nghal sawng sawng thei nia mawle.
"ka dar chu a kham hle mai a " tih pahin ka han hmet nawk nawk a, ka ham zui nghal bai bai bawk.

Hunter hnena ka thusawi kha ka la hriat ve kâr avangin vawin a a vawikhat nan phur lo zetin ka phone chu ka han hmet eng a, ka rin ang ngeiin address chu min lo thawn fel diam tawh.

Awm tura min tih hun a rik ṭep tawh avangin hmanhmawh hle mah ila Map en chawp a tlan ka nih avangin ka duh ang pawhin ka tlan sawt thei lo.
" khawi hmun phiangsen nge maw a nih tehhrep le? " tlan kawi na tur a tam em avang leh ka lo chau ve bawk nen ka thinrim hlur tawh.

A khat tawkin in tih harh nan ka mit chu ka nuai deh chhen reng a, reilote tal hahchawlhna hun chu awm se chuan hei ai hian ka harh deuh ang mawle.

Address min rawn thawnna hmun ka thlen chuan hai rual loh in mi sawm bawr vel hian min lo nghak ṭhap hlawm a, Hunter pawh nula in ha bul zet bulah chuan cigarette alo pet khu laih laih bawk.

Car aṭanga ka chhuah rual rual chuan kut ben pahin min rawn pan nghal vat a,midang lo awm ve te chuan mak min tih hmel hle bawk.
"helai hmun hi mi in tlan siak na hmun tur chu? "
" ni love...saw i bike turin alo nghak reng tawh che a nia "
"khawilai hmun ah nge? "
"hun kan ngah tawh lo ania...min rawn zui tawp mai rawh " a tih chuan thu awih takin ka zui ve mai bawka.

Ka rilru ah chuan hengho bulah hian Coco kha engtin nge alo khawsak theih zawk le?  tih bak a awm lo.

Ka kal chiah tih in an zinga mipa pakhat chuan ka car a luh chu a tum ta mai!
"hmela eng thil nge maw i tih le? "
" hey... hey... engtin mah a ti dawn lo " Hunter chuan min lo dang nghal vata,"i car hi i mamawh tawh dawn loh avangin i Appartement ah alo va khalh haw dawn... a ṭha em? " a tih takah chuan ka lo bu nghat a,mahse thil eng nge maw a thleng a nih vaih chuan ka chhuah hauh lo ang.

"heihi i biak tur a nih hi... " tih pahin hmeichhe pakhat a hnute zawng zawng tih lan vek tum emaw tih tur khawp a inha bul lo ṭhut na bullet bike nalh zet chu a han kawk a.
"hello,hmelṭ
 te " chu nu chuan a rawn tih chuan nel awm loh zeta ka lo tum deuh hmuk avang chuan bike aṭangin a chhuk thla nghal vat a,melh zui pawh ka peih lo .

"he bike hi Coco tan bik liau liau a ka order a nih hi...a ṭha thei ang bera siam a ni bawk... " a tih chuan khik suk pahin ka han chuang nghal thak a ,a engine tih nun pah a ka rest hum hum ri phei hi chu mawi tak hi ani ringawt .

Engkim mai chu ka duhthusam ang thlap a ni a, a tanky sir ah chuan gold rawng hian Coco hming a chuang vâng bawk.
" a ke leh a seat te hi Coco duhdan ang thlap a ka siam tir a ni a,vawitam tak alo chakpui tawh bawk.... " a chanchin ka hriat phei hi chuan a mawi zual, min ring rawh u mipa te lo suangtuah ṭhin bike ngei mai kha a ni.

Ka thil tih tum hi cho na liantham tak leh hlauhawm tak ani tih ka hria mahse Coco tan chauh a ti ka nih avangin ka theihtawp ka chhuah ang.

"kal tawh ang u le... " Hunter an a tih chuan an bike ṭheuh ah an chuang nghal sang sang hlawm a, chutah ka in rin loh lai takin nichin a mi nu kha ka hnungah a rawn chuang ta thak mai!!
"engthil nge maw i tih le? " ka lo ti vin nghal hluk ringawt.

"Tess.... hepa mitah hi chuan i chhelo ve lo ania.. chuan Coco bialpa ani a i hmachhawn duh te anih loh chuan lo flirt vak duh suh... "
" Coco bialpa maw? " phawk fe hian mak tih hmel takin min rawn en nghal kawk a,a hma kha chuan min zut lo chauh a Coco hming a rik takah chuan a zia a dang ta hle mai.

Amah phur tur berin ka car a khalh haw ta daih bawk si a, a tawp a tawp ah chuan ka phur ta nge nge a mahse min kuah chu sawi loh min khawih avang hrim hrim hian ka ngaithei ta hauh lo mai.
" muang changin ka khalh ang...chuan min rawn khawih tawh suh.. " a tih rual rual chuan min thlah nghal vat a, ka hriat tawk lek hian," eng ang mipa nge maw i nih le" tiin a phun zui sap bawk.

Mipa dang lakah ka danglam bik reng reng lo, henu hi chhelo ka ti a sexy ka ti hle bawk chutah mipa dang ang bawkin a hnute buh chhah tak mai in a min han nawk vel te hian ka thisen a lum ve pap pap tho mahse hmeichhe hmangaih ka neih tawh avangin hmeichhe dang hi hnaih duhna rilru ka pu tawh lo.

Hmun pakhat zau zet mai kan thlen takah chuan ka phurh nu chuan, "helai hmun hi a nih hi " a rawn tih avang chuan intlansiak na hmun tur a ni tih ka hre nghal.
" ṭha deuh in le... " tih leh chhuk thlak a rual nghal a, rawn hawi let lova a kal nghal nal nal avang chuan ka nuih a za ru hle, hetiang em em hian nimaw Coco a lo hlauh.

"saw lai building saw minute3 chhunga in hel kual hman angai dawn a....i speed tih san hlau suh ang che" han en mai pawh hian minute 3 chhunga thlen hman ngaihna a awm lo hrim hrim, thleng hman tur chuan tlan chak angai viau ang le.
"he thil hi thil ât thlak tak a ni... "
" hahh...zanin chu i chak kher angai lo a nia... rider ṭha tak tak vek an nih avangin fimkhur ang che... " ka rin ai daihin mi fuih a thiam,experience ngah tawh tak anih avangin a thusawi hi ngun taka ka ngaihthlak angai.

"hre reng rawh Coco hi tibuai tawh suh ang che.... "
"ṭha deuh in le.... kal tawh rawh "ka hnunga rawn beng thak thak pah chuan a tawlh hnung nghal vat a, midang tlan khawm na ah chuan ka va in khalh phei ve vat bawk.

"hey... dude,tlawm mai rawh " mithar ka nih avangin ka sir chiah a ding chuan elhsen takin min han ti vel a,engmah hrelo ang maiin helmet ka khum san hmak a, ngun takin hma lam ka melh ngur bawk.

Light a rawn en takah chuan bike chu a ri nghal vung vung a,kan rest na lamah a khu chu chhum ang maiin a zing nghal chuk a, tlanchhuah hmasak duh avanga kan inlawr chhawk zawk zawk lai chuan hmeichhe pakhat a kezungpui in a kal ta emaw tih mai tur khawpa bun sang hi kan hma takah chuan flag keng chung hian a rawn ding tau a.A flag ken lai in lei em pawh a thlen hma chuan kan tlan chhuak nghal fua ringawt. 

CHAPTER-60

Motto - Dream Bigger 

Ka rin aiin bike chu khalh alo nuam in a smooth phian lehnghal a, a speed han san teh mah ila ka control hman vek tho.

In tlansiak ah hi chuan mi thar ni mah ila bike khalh erawh hi chu thil thar a nih loh avangin a tam zawk chuan min umpha bik hauh lo.

Kan speed a sang hlawm bawk a minute3 lek a thlen theih loh tura ka lo ngaih kha mit khap kar lekah kan helkual nghal zung zung hlawm a,midang tumah a ngaihtuah hman tawh loh a, engkim mai chu a phe fua fua tawh mai!!!

Line ka thlen phei chuan bike chu ka ti ding nghal chawt a, rang takin Hunter leh a ho te chuan min lo buaipui nghal vat a, pakhatna erawh nilo mah ila pathumna emaw pali na ka ni chuan ka in hria.

"i ti ṭha hle mai... " mithar ka nih vang nge pawh ka hrelo min lo lawmpui nghal sap sap hlawm a,a ṭhen erawh in, "Doctor awm ve na hmun a ni lo, haw zawk rawh... " an ti ri te pawh chu ka hre tel bawk.

"a vawikhatna atan chuan i tlan ṭhat kha le "Hunter chuan min rawn nuih vur vur pah hian a rawn ti a,ka darah a rawn beng zui nghal thak thak bawk.
"mahse pakhatna ka ni hleinem... "
" a pawi lo, hemi race hi chu i in zir nan a tlan tir mai mai che ka nih kha pawisa pawh a tam vak lo... "
"hahh...race vawihnih chiah i tih kha... " ni e, Coco khan race vawihnih chiah a hmabak tawh a, ka chak emaw chak lo emaw vawihnih bak tlan ka tum lo.

"i fin hi le...han tlan tam deuh la chuan rider ṭha tak i ni thuai ang... " hahh... hepa hian mi fuih dan a thiam ngawt mai, huaisenna min pek belh zel dan a thiam in mahni ah hmasawn duh na min pek belh zel thei nia mawle,hei vang hi alo nih dawn hi Coco pawh rider ṭha takah a chher chhuah theih nachhan.

" ka duh lo.. "
" aw le... i luhlul hle mai Coco ang chiah chuan zanin ah race vawihnih i tlan angai... "
"dar engzat ah"sana en pah chuan ka han ti a, naktuk zingah duty ka ngaih avangin darkar 3 tal hahchawlh ka duh mahse zaninah ka tlan zo thei tur chu ka lawm takzet chuan hepa lak aṭang hian Coco pawh a zalen tawh ang.
"tunah ,mahse minute 2 chiah hun pek in ni ve thung ang... " thawk chhuah halh pahin ka lo bu nghat a, tun ṭum erawh a kalphung ka hre ta deuh bawk a hei aia ṭha hian ka tlan ngei ngei tur a ni.

" i in ring em? "
" umm... "
"i hma lam chiah en ang che chuan a speed tih san kha hreh reng reng suh... " a tih zawh rual rual chuan line hma ah ka va in tlar ve nghal a,Hunter an speed tih san hlau suh a tih chhen nachhan hi ka hrethiam tawh ,sawrkar ina a speed bi thliah zat chiah a tlan ṭhin ka nih avangin speed han san dawn hi chuan lo ip chawih na chin hi a awm ngei ngei chu chu a hrechiang hle a nih dawn hi.

Kei tih loh ka tlanpui tur te ho chu an phur in experience ngah hmel tawh tak an ni vek hlawm a,race hmasa ang bawkin hmeichhia pali vel an tel ve bawk a amaherawhchu mipa leh hmeichhe race a awm hrang lo hi ka la hrethiam thei lo.

A ngai te bawkin hmeichhe pakhat flag khai chu a rawn ding leh tau tawh, tun ami erawh kum18 vel lek hmel a pu.

Tlan chhuah ka in ring tawh bawk a,hmun dang ka hawi thei tawh lo.Kan chhehvel ami te chu au bengchheng eng ang mahse a tlan tur ho erawh hma lan kan melh ngur hlawm a, kan in ring ṭhep ṭhawp maw tih ah chunu bawk chuan ," in ring rawh u... "a han ti sap a, flag chu a thlak mai dawn emaw tih nak alaiin a kekawrte a phelh ta mai!! chutah intlansiak tur ho hma ah chuan intithei takin a han khai kual vel a, thawm chu a ring sawt in hetiang thil hi a vawikhat thlen na a ni lo tih a hriat theih mai a chhanchu a kekawrte ve mai saw ka tlanpui tur te chuan an in chuh ti tih tlat!!

"engthil tehhrep nge maw thleng le? " ka lo phun sup lai chuan chu nu chuan min rawn pan hnai tawrh tawrh a, ka awm rawn zut pah in a kekawrte chu min rawn hum tir ta mai!!!  ka mak ti lutuk chu a ngaihna hriat loh hmel zetin ka en reng ringawt.
" ṭha takin le... " min siai zeuh pahin a awmna ngai bawkah chuan a let leh nghal a,thil awmzia hriat tum a ka han hawi phei chuan ka piah ami te chuan thip zet hian min rawn melh hlawm a, rang takin ka thil ken lai chu leiah ka thlak thla nghal vat bawk.

An thil tih vel dan hi ka hrethiam lovin mak ka ti takzet chubakah engvanga khatiang thil kha ti nge maw a nih le? huizzz.... race ah chiah ka rilru ka pek angai, thil dang ngaihtuah suh tiin ka in fuih nghal char char bawk.

Race a zawh meuh chuan ka thaw nghal huai mai, ka rin loh lutuk in pahnihna ka ni lehnghal a, tlem tala hma ka sawn avang hrim hrim pawhin ka lawm tho tho.

Coco a zalen tawh ani tih hre reng chungin phur takin ka helmet chu ka la thla nghal vat a ka rin phak bakin he thil hi a nuam daih mai.

" kha i hlawh... " Hunter chuan pawisa tamtham tak hi min rawn pe a, pawisa a tam vak lo a ti chung pawhin ka thla khat hlawh dawn chu ani daih mai.
" ka duh lo... "
" la mai mai rawh... i ti ṭha khawp mai"
" helai hmun ah hian pawisa hlawh tur ni lovin zalenna ka duh avanga rawn kal zawk ka ni "
"hmm... aw le, a ṭha e " tih pahin ei loh hmel zet hian min rawn en a," race leh chu naktuk tuk leh zan ah a ni dawn a, address ka rawn thawn leh ang che " a rawn ti zui zat bawk.

Chutah zet zawng a thil tih dan chu ka ngaithei ta hauh lo!! helmet paih pawp pah chuan a kawr nghawngah ka ṭham nghal tawn a,"hmela... engthil nge maw i tih le? " ka thinrim em avangin ka mit chu a sen nghal vek bawk.
"i tlan dawn lo a nih chuan Coco ka be leh mai ang "
"hreptak chuan.... " hnek ka tum lai takin midang ho chuan min rawn pawt hrang nghal vat a, ngeiawm zet hian min rawn la nuih lehnghal.

"a lehpek ah chuan chak loh a thiang tawh lo ang...i chak a nih erawh chuan Coco hma ah ka rawn in lan leh tawh ngai lo ang, ka tiam a che "
" hmela... " min man beh ṭhup avang chuan chet pawh ka che thei lo, heng ho hi awm lo se chuan vawikhat tal ka hnek hman tur.
"lo in ring ang che... " tih pahin a car ah a lut nghal daih a, an tlan liam chiah tih in min thlah nghal vat bawk.

"damnit...  !!" lei chu ka han chhir pawp a, ka thinrim lutuk hi ka kut te hi a za vek tawh in ka hria.
"duhtawk rawh... " hmeichhe pakhat in ka dara a rawn vawn avang chuan ka lo inla hrang nghal vata, "ka tihpalh... " mawi lo taka ka chet avang chuan ka ti zui sap bawk.

" i chau a nih kha... haw ang... " kal lamah ka phur tawh a,haw lamah lehzel pawh maw!!
"midang an awm lo em ni? "
"an haw tawh... min ring rawn entin mah ka ti lo ang che " a tih chuan ka khi suk ringawt, eng ang pawhin min zut kual mahse Coco tan chuan insum hi a har hran lo.

" anih chuang rawh... "
"i tlan ṭha hle mai, khang ho kha professional vek an ni a pahnihna i ni thei kha a mak takzet " zalena ka duh em vang zawk a ni, thil duh kan neih tawh hi chuan thil theih loh pawh hi kan ti thei mai zel.
"ka ti tak tak....mi thar hi chuan alo berah minute 4 tal an hmang ṭhin nangchu minute 2 leh second 35 ah i thleng thei ania " ka nuih ringawt avang chuan a han ti leh a.

"i rawn chuang dawn nge ka kalsan dawn che... "
" aw le... aw le ,engpawh chu nise Tess ka nia "
" Asher... "
"Dr. Asher....hahh, kei aiin Coco a che hmasa hret, a vannei lel lawl ngawt mai " tih pahin a pawnfen chhing tawh zet mai chu a han pawh chhoh belh leh a, mak tih hmel takin ka lo en reng ringawt.

"hlauthawng suh kekawrte ka ha... " a tih rual rual chuan ka hawi sawn nghal vat a,Coco pawh hetiang hian a inchei ve ṭhin tho avangin ngaiah ka nei ve deuh tawh.
"e takah... kekawrte kha khawiah nge i dah ?"
" maw!! "
" nichin a hmeichhia in kekawrte a pek che kha. .."
" ka hrelo... " ka paih ta in ka hria, khawiah nge a awm pawh ka hre tawh lo.

"khatiang thil kha a thleng zen zen lo ania... bakah vanneih na ah an ngaih avangin dawng ni an duh ṭheuh a, khanu khan a thlang chhuak che kha a mak takzet "
" engvang chuan maw...? "
"ughh.... chak ngei ngei tur te hnenah chauh alawm an pek ṭhin ,bakah khatah khan a phone number a dah tel a, i bia a nih chuan khanu kha i ta a ni nghal mai " a sawifiah takah chuan ka fiah nghal kuarh kuarh mai,mahse ka rilru ah erawh vanneihna dawn dan tenawm tak leh ka dawn nawn duh loh pawl tak a ni tiin ka ngaihtuah daih thung.

___________________________________________

★A tuk zan dar 7:30★

Ka duty zo ka haw pahin Coco pa ka tlawh kawi nghal a, engvanga an in hralh a in te zet a awm duh tlat nge a nih pawh ka hrelo mahse a in a nia a duh duh dana a tih theih avangin lo in rawlh buai ka tum lo mahse en liam tawp ai chuan tiin hemi chungchang hi ka sawipui tawh tho a,an tan a ṭha tur zawk a nih thu bakin min chhang lo thung.

Coco pawh damdawiin aṭanga a chhuah tawh avangin ka apartment a haw ta mai lo chuan ka pa te in ah ka kaltlang lehnghal zat tawh, hei hi chu chiang sa a nih avangin ka chhungte pawhin min lo beisei ruk ka ring. Naute erawh treatment reilote lak ala ngaih avangin damdawiin ah ala awm thung.

Inchhung ka luh rual rual in Rachael chuan, " inchungah a awm..." a lo ti nghal vat a nuih suk pahin ka tlan chho nghal.
Phur takin room kawngka chu ka ham hawng nghal ṭhuai a, Coco ka hmuh rual rual chuan duhthawh takin ka fawp nghal tawn tawn bawk.

Vawin nilengin amah hmu hman pawhin ka khawsa lova, vawin chauh mah nise kum tamtak hmu tawh lo ang maiin ka ngai ngawih ngawih a, a bul a ka awm leh thei hi ka hlim takzet.

"enteh vawinah naute ka hmu a hnute pawh ka pe asin... " a hlim hmel ka hmuh hian ka lo hlim ve lo thei lo,
"i sawi kha a dik chiah a hmelṭha in a duhawm takzet... " naute chungchang a sawi lai te chuan ka lo en reng a, ka lo khi leh vur vur ṭhin .

"Asher i va chau hmel ve...i mu duh tawh em...? " ni e, a sawi dik ka chau takzet zet nizan a thil thleng avang khan darkar3 vel chiah ka mu a, vawin ah lah nilengin ṭhu hman lek lovin ka buai leh ta bawk si a, ka mutchhuak chu thuhran nise ka lu leh ka mit te hi a kham erh urh mai.
"kan buai deuh alawm mawle... ka chhin sek chuan ka zia mai ang... "
"takah Freddie eng nge a an tawh.... ?"
"a rawn harh tawh a mahse oxygen pek reng angaih avangin ala ṭawngchhuak lo "
" a ni maw!!! hetianga a awm hi chuan a nuam lo ,dam vat vat se ka ti takzet "

"a dam vat dawn alawm... in dressing leh tawh em? "
" keimah chuan a harsa deuh a mahse ka ti thei mai ang " a nau neihna hliam kha tihfai a dressing ṭhat reng angaih avangin ka ngaihpawimawh takzet.
"anih chuan i kekawr kha lo phelh rawh... " tih pahin damdawi leh a hrukfai na tur chu ka siam nghal mawlh mawlh a, a kekawr phelh lem lo chuan min lo en reng ringawt.

"tikhan min en reng dawn em ni? "
" ughh... ka... " a zak ani tih ka hrenghal mai,hmeichhe ho hi hetiang kawngah hi chuan an zak tlat zel, a awm tho e midang hma a kar suah te chu zahthlak ve deuh tur a ni.
"damdawi kan hnawih ringawt dawn alawm... " loh theih lova phelh a ngaih avang chuan hreh zet chung hian a phelh ṭaih ṭaih a, ka lo pui nghal vat bawk.

"a zahthlak loh... " fiam kher pah chuan ka hrufai nghal mawlh mawlh a, a hmai a rawn sen nghal ṭawn ṭawn mai, min ring rawh u a duhawm takzet.

Kan dressing zawh chuan inbual turin bathroom ah ka lut tlang nghal a, tuilum a ka han in phuh tir sang sang takah chuan ka harh nghal kawk kawk in ka hria.

Ka inbual zawh chuan ka phone ka han check leh te te a, Lily nu miscall alo tam ngang mai mahse chhan ngai bawk a nih leh ka rin avangin call back lovin khumah ka theh thla tawp a,ka inthlak nghal vat bawk.

"i in thar chu eng nge a an? " tv en pah chuan a rawn ti a, a bula va inthawlh ve thak pah chuan, "duhthusam a ni " ka han ti sap a,ka bulah rawn tawlh hnai sat sat pah in ka darah chuan a rawn bei hle hle a, khik suk pahin ka lo maimichhing vang vang bawk.

Hunter hnen aṭanga message ka dawn avang chuan ka phone chu ka en vung vung a.
"i ṭha maw? " rang takin ka phone chu lukham hnuaiah ka thawlh lut nghal vat a,"ka mutsan maithei che nia " tiin ka lo chhang daih thung.
" hahh... aw le,tikhan muhil rawh " a han insiam rem a, a mal chu min han kham tir a ,ka hahdam nghal sawng sawng mai.

A tawp tak tak nan naktuk ah race a ka tel leh angaih dawn avangin ka rilru a buai takzet, Coco hi hrilh duh hle mah ila ka hrilh a nih vaih chuan amah tel a tum ngei dawn a chutiang chu ka thlen tir thei lo.

Ka muhil ṭep tawh tih in kawngka chu an rawn kik nghal dawt dawt a, Coco nen chuan mak tih hmel takin kan in melh nghal kawk ringawt.
" ka va hawng ange " tih pahin ka tho nghal vata,
"eng nge...? " kawngka ka hawn rual rualin Rachael chuan thawk hlawp hlawp pah hian, " Asher, tun mai khan Lily a room ah thi in an chhar a nih chu!!! " a tih chuan ka bing nghal mup mup mai!!

CHAPTER -61

motto- dream Bigger 

"Lily maw!! engtin nge chutiang chu a thlen theih?" Coco chuan aw khur dar dar hian a rawn ti a, kei erawh ka la awih thei lo,Lily hi hetiang ringawt hi chuan a awm thei lo .
" hahh... prank em ni?  Rachael zan a rei tawh em hi in prank na chi a ni lo a nia... "
" Asher... tunah postmortem turin damdawiin lam an panpui mek "a hmel ah fiamthu na reng reng a awm lo,awih lo pawh ni ila Lily hi a thi ani, Lily a thi anih chu!!!

"a khum bulah syringe leh cocaine an hmuh avangin cocaine overdose a nih an rin thu Casey (Lily nau)  in min rawn hrilh a, vawitamtak rawn call che an tum a i lak theih loh avangin min rawn call ta ringawt a ni "
Cocaine a!!!  damdawi a rui ṭhin tih chu ka hria mahse Cocaine maw alo ruih ṭhin a!!!

Ka rilru buainuai chu a mal te te a lak khawm tum in khumah chuan ka ṭhu hnawk a, engthil nge tih hmasak ber tur pawh ka hrelo in ka in dawm kun reng ringawt.

" Asher.... damdawiin ah chuan kan va kal ve dawn mi niang...?" Coco chuan inthlahrung leh hlauthawng tak chungin a rawn ti sap a, nghet takin min kuah nghal vawng vawng bawk.

"damdawiin ah engmah tih tur ka nei lo "
"Lily i hmu duh lo em ni ?"
" aih.... duh lo " tih sap pahin blanket ah chuan ka inthawlh lehnghal thak a, ngawi rengin ka maimichhing lehnghal vang vang a.

Ni e, Lily thihna hian min thawng in awih har ka ti takzet mahse damdawiin ah va kal pawh ni ila engmah tih tur ka nei lo,a chhan chu min lo chhawn turin he khawvel ah hian a awm ve tawh tlat lo.

Ka mut tlat avang chuan Coco chuan ngawi rengin nghet takin min rawn kuah tlat a,kei erawh ka mut dan ngaiin ka mu reng thung.

Engang pawhin mut han tum teh mah ila ka muhil thei lo reng reng, Lily ka tih dan leh a chunga khatiang anga ka lo awm avang khan ka inthiam lo in ka inchhir takzet.

" Keimah vang vek a ni... " ka ti chhuak hlawl a, a ni pawh a lo la muhil lo nasa .
"nilo... i thiam loh a ni reng reng lo "
"keimah vanga hetianga awm hi lawm a nih... a hma daih aṭang tawh khan lo hria ni ila chu a la dam em em ang..."
" Asher....hetiang hian awm suh tumah in kan thih hun tur kan dang thei hleinem... "
"ni e... mu tawh ang le"
"keichu va kal ve hrim hrim a ṭha in ka hria "
" naktuk ah kan kal dawn nia... a ṭha em? " ka tih chuan a lo bu nghat a, ka ban kham tir in nghet takin ka kuah tlat bawk.

Coco ka ngaihtuah ve tho avangin ka hrehawm tih na te chu lan chhuah tir ka tum hauh lo ,kan sawi chhunzawm zel a nih chuan amah pawh a in thiam dawn bik lo a ni tih ka hriat avangin hetiang thil hi chu sawi ka duh tawh lo mahse Lily in 'bul ṭan ṭha leh ang, rawn let rawh ' a tih lawm lawm lai te kha ka bengah a cham tlat a, chu chuan min ti muhil thei lo.

"i muhil thei lo em ni?" thawk halh pah hian a rawn ti ta nge nge a, a ni pawh a muhil thei bik lo a nih dawn hi.
"umm.... "
" ka nu khan min hrilh ṭhin a kan nun a mi pawimawh tak tak te leh kan hmangaih ber te hi kan chan fo ṭhin tiin a lo sawi dik chiah a nih hi "
"keichuan ka chan dawn reng reng lo che... engtik ah mah min kalsan ka phal ngai lovang...ka rawn zawng chhuak zel ang che " boruak tih zan nan fiamthu ka han thawh tel zeuh a.

"ka nun a mi pawimawh ber ka nu in min kalsan aṭang khan mal ngawih ngawih in ka in hre ṭhin a tumah hnaih ka duh tawh ngai lo mahse rin loh deuh maiin ka tawng che a ka engkim i ni asin mahse ka chân mai che hi ka hlau takzet "
"engtikah mah ka kalsan dawm hleinem che... chutiang thil chu ka thlen tir ngai lovang... ka hmangaih che "

Coco a mutthilh hnu pawh chuan ka la meng kar a, tui taka a muhil sâk sâk  lai chu hmuhnawm ti deuh hian ka thlir vawng vawng reng a, ani hi tawng ta lo ila engtin tak ka nun hi awm ang maw?
"ngatinge maw buaina hlir ka thlen sak mai che le?  hlim hi i phu asin... " ka han ti sap a, keimah vanga a rilru hahna zawng zawng te hi hre vek seng  lo mah ila vawi tamtak a mu thei ngai lo ani tih erawh ka hre ve kâr, chuvang chuan a rilru ti hah leh ti na zawng anga awm hi a harsa ṭhin .

Zanin zet zawng ka muhil leh thei dawn lo niin a lang, thil chi hrang hrang ngaihtuah reng reng in hun ka hmang a khua a lo var leh dawn der tawh.
____________________________________________

Ka mut theih ngang loh avangin in tih thawven nan tiin ka walk ta ringawt a, ka taksa chau tawngkhawng leh zawi lutuk tawh avang chuan ka tha te chu a khur a, hahchawlh ka mamawh a ni tih in hre reng mah ila thil dang ka tih loh chuan thil ni lo lo ka ngaihtuah zel avangin ṭhut mai mai a awm mai mai ka tum lo.

Ka walk zo inchhung a ka luh rual rual chuan Lily nen a kan case buaipui tu detective kha ka hmuh chuan ka ding deuh chut a,pangngai takin, " eng nge ni ta tun ang zing zing ah ? " ka lo ti nghal vat bawk.

"Lily chungchang kan sawi dun angai a ni... " tui lem khawlh khawlh pahin a ep chiah a couch ah chuan ka ṭhu thak a, engvanga rawn kal nge a nih rin dan pawh ka nei lo.
"i lo hriat lawk ka ring tawh,Lily thihna avang khan a nu in mahni in ti hlum a nih a rin theih ngang loh avangin FIR a theh lut a chuan nang hi rin hlelh hmasa ber i ni "
" ka hrethiam e... " mak ti hle mah ila ka lo rin lawk sa deuh a nih avangin he thu lo dawngsawng tur hian ka rilru pawh a lo in peih fel tawh pawh a ni mahna.

"engtik nge i hmuh hnuhnun ber...? "
"nizan hmasa khan mahni in thah a tum avangin a nu in min rawn call a kha kha ka hmuh hnuhnung ber na chu a ni "

Detective chuan zawhna tamtak min zawt a, ka hriat ang ang chu zep nei miah lo in ka lo hrilh zel bawk.
____________________________________________

★Hospital ★

Mi zawng zawng chu Lily thihna chuan a ṭhawng in an ngui bam hlawm a ,kan rilru a nat avang ringawt in kan chawlh theih chuan loh avangin engkim mai chu a ngai ang pat in a kal vek a, mahse FBI lamin stuff ho chu zawhna chi hrang hrang an rawn zawt thung.

"engthil nge thleng ta hi?  Freddie lah khum bet in serious takin a awm a... Lily lah leave ni thum vel a lak hnu ah hetiang thu hian min rawn ṭhawng leh bawk si..." Lunch kan ei laiin Heather chuan a rawn ti chhuak hlawl a, chawi ei tui pawh kan awm lo, kan ṭhu ngui bam hlawm a.

"ka ngai takzet.... keichu overdose a nih hi ka la ring thei lo... "
"a la awm reng turah ka ngai tlat a nih chu... keichu ṭah hawm hawm ka chak takzet " an ti nang nang ri chu ka hre reng a mahse ka thil ei lai chu ka ei lui ngar ngar tho.

"Postmortem result a chhuak tawh em? " pakhat in a rawn tih chuan ngawi rengin ka tho hmak a,ka kal nghal nal nal bawk.

Damdawiin chung zawlah boruak thianghlim hip pahin khawpui chu ka han thlir vang vang a, pangngai takin dawngsawng han tum ngial mah ila a harsa takzet. Kum nga chhung ka kawp pui lo ni tawh han chan thut mai chu a lo na in tawrh thiam a har takzet.

" i ṭha maw? " Maria aw ka hriat chuan ka hawilet nghal vat a, za lo zetin ka lo nuih suk a.
"ughh....ka ngaihtuah deuh che a, hetah i awm ringin ka rawn chho tlang nghal a, ka ti sual lo chiang hle mai "
" ka ṭha alawm... "
"ni e ...i thinlung tih loh "
"engtin nge ka tih chuan ang...room thim vekah in khung in ka ṭap dawn em ni? "
"ni love...min kalsan tute ngaiin kan ṭap tur a ni reng reng lo... kan tih tur zawk chu ka la neih chhun te hmangaih mai hi a ni zawk "

Van lam thlir pahin in ka hawi chho vauh vauh a, thawk lak halh pah hian ," a ni chu hlim takin a awm tawh ang... " ka han ti leh sap a,hetiang thil sawipui tur Maria ka nei hi ka hahdam pui khawp mai.
" ni e...a lo thlir reng ang che,lungngaihna awm tawh loh na ah ...heta awm te ai hian a vannei daih zawk asin "

IG - @remruati_kath

Fb- Remruati Bawihtlung/Haylor Sept

CHAPTER-62

Lily thihna chuan mitamtak mai bakah kan chhungkua thleng in min nghawng nasa em em a, ka nu leh pa phei chu zing aṭang tawh khan Lily te in ah an kal tawh.Kei erawh a chanchin engmah hriat tumin ka awm lo thung, tuar lo angah pawh min ngai maithei mahse hei chauh hi Lily ka hlat zel theihna awmchhun a ni thung.

Mi tamtak fuihna avangin indawm kun mai lova ka neihchhun Coco leh ka fanu te hi a aia nasa zawk a hmangaih chu ka tih tur zawk a nih zia keimah leh keimah ka infuih mawlh mawlh a, tawrh harsa in hrehawm ti hle mahila hrehawm tih avanga mahni inthiamlo leh rilru nat avanga in dawm kun ngawih ngawih ka tum hauh lo.

Damdawiin boruak rit lutuk leh thawveng lo lutuk chu chhuahsan vat ka duh avangin inhnuai lam pan in lift ah ka chuang thla vauh vauh a,engkim mai chuan min ti thaw ip pik vek tawh.

Corridor ah hmanhmawh taka ka kal phei hlawk hlawk lai chuan rin loh deuh maiin Lily nu leh a nau te pahnih ka tawk hlawl mai!! hmuh loh der na chi a nih tawh lo.
" Asher bawiha!! "min hmuh takah chuan min rawn kuah thlawp pahin a han ṭap leh rih a,a ṭah na lamah a aw te pawh a lawi vek tawh.

Kawng lai lai ah chutianga kan awm avang chuan midang min kalpel tute chuan mak min tih hmel hlawm hle.

"pawi ka ti lutuk... " tih bak han hnem a han sawi tur pawh ka hre lo, a khat tawkin a hnungzangah chuan ka han beng leh thak thak ṭhin a,a nu meuh ka han hmuh takah chuan kei takngial pawh ka mittui a tling pam a!! ti tla lo turin ka insum hram hram bawk.

"a inthah hi ka ring thei lo....mi in an that a ni ka fanu hi thah a ni ... " ni e, kei ngei pawh hian ka ring bik reng reng lo mahse ka ngaihdan ang hian thil a kal vek si lo a nih hi.
" ka nu...duhtawk rawh, hetiang hian awm tawh suh " Darcy(Lily nau) chuan alo ti nghal vat a.
" nilo...phone a mi a be lai pawh ka hre vek alawm,mi in an tibuai alawm... "
"ka nu hi lo han hruai chho rawh aw... " Darcy in a nau bulah chuan a han ti sap a,buk nghat pahin a nu chu a kalpui nghal vat a.

"pawi ka ti lutuk...kan rawn tibuai leh ṭhin che a...ka nu thusawi kha chu engah mah ngai duh suh "
"eng nge awmzia...? "
"ughh... englo ania, ka nu hian Lily in phone ah tuemaw a hauh vak vak ṭhin lai te leh rawn tibuai tawh lo tura a hrilh thin lai te chu a hriat thu a sawi a "
"Lily ngei pawhin mi tu emaw in a rawn biak ṭhin thu a sawi kha... "
" ni e.... 'chutiang chu ka ti tawh dawn lo' a tih tuarh tuarh ri pawh ka hre ṭhin mahse case in neih aṭang vel khan damdawi ruih a ching chho ṭan a ,a thil hmuhsual vel leh a ngaihruatna mai mai te pawh a ni mahna "

"kan in ṭhen aṭangin a ni maw?! "
"chutiang chuan ngai suh... fa i nei dawn a ka û i ṭhen khan a tan a ṭha zawk.A theih anga tam rawn tih buai loh hram che kan tum ṭhin na in nangmah ko tur hian ka nu a dil ngawih ngawih ṭhin a, kan rawn tibuai leh nge nge ṭhin che a nih kha.... ughh, engpawh chu nise ka nu rilru tih nawm nan a FIR theh lut kan nia,rinhlelh ber i ni erawh hi chu pawi ka ti takzet,hetiang thil hi thlen tir kan tum miah lo a nia "

Sawi tur pawh hrelo in ka ngawi reng a,
a mit sen râm phen a an tawrhna te leh rilru natna te ka hmuh hian min mamawh zia ka hria mahse chhungkua ka neih tawh avangin min rawn tihbuai ngam loh mai bakah an in thlahrung ta lutuk hian ka awm an ti nuam lo.

" ughh....ka nu in min lo nghak rei tawh lutuk ang... mangṭha le " a mittui hruk zeuh pahin a kal nghal nal nal a,ka lainat lutuk chu ka en zui vawng vawng a, ka lu dawm pahin ka han thaw leh halh ṭhin a ,engtianga rei nge hetiang hian ka awm dawn? ,kal ka lo tum tawh loh na leh pehhel ka lo tum char char a vuina na tal chuan ka kal ngei ngei tur a ni, hetiang hian ka tlanchhe reng tur a ni lo.

__________________________________________

Ka tih ṭhin dan ang bawkin haw hmasa lovin Coco hmu turin ka kal leh phawt a,tun ṭum erawh an in tharah a pa a awmpui avangin in pawh tlawh lovin an in tharah chuan ka kaltlang nghal daih a ,zanin hi race kha a nih tawh avangin riah erawh ka tum lo thung.

"hahchawlh i mamawh sia i rawn kal tlang kher duh a "
"ka hmu chak che lawm... " a hmui ah ka han fawp zeuh a,a thlum ngaiin a la thlum dek dek mai.
"naktuk ah bawihtei pawh kan lak chhuah theih tawh tur thu min hrilh asin "
"a nih chuan kan pahnih a kan ka ngei ngei angai dawn a nih chu"
" mahse i buai ṭhin bawk sia... Grace emaw Rachael emaw in min kalpui thei tho alawm"
" a pa ka awm chhung chuan nangmah chauh in ka kal tir ngai lo ang che...a hming pawh kan phuah nghal dawn mi? " phur takin ka lo ti a, ka fanu in a nun a cho na hmasa ber (treatment) a hlen chhuak thei hi ka chhuang takzet.

"kan inkar in a zir lo bawk nen a hming tur ka lo la ngaihtuah ngai miah lova ...Rachael emaw Joel kan phuah tir mai dawn em ni?" thil ho te te ah pawh nise min han rawn der ve zel avang hian a nunah ka pawimawh zia min hriat chhuahtir ṭhin.
" idea ṭha tak anih chu...ka nu leh pa pawhin an lo hual kiau tawh maithei bawk "

"taka ...amm... Result a chhuak tawh em? "Lily postmortem result chungchang chu hrechak leh inthlahrung tak hian min rawn zawt a,nuih luih suk pahin,"ka hrelo... " tiin ka lo chhang vat a,hlim hmel put tumin han nui lui ve ngial mah ila a hmel a min ngaihtuah na awm chu hai theih a ni lo.

"pehhel i tum hian nangmah zawk hi i na a ni tih hi i in hre lovem ni? hetiang hian awm tawh suh, ughh.... vui na ah tal chuan kan kal ang tiraw? "ka thutlukna siam ve pawh a dik nge dik lo tih pawh ka hriat chian loh laiin a ni ve thung chuan kei ai mahin min lo hrechiang zawk a nih hi.
"umm... chumi ni chu Lily nen kan tawp tak tak na a ni tawh ang... "

"hetianga i awm lai hmuh hi a hrehawm takzet... ngatinge i rilru a na anih chuan thup bo mai lovin i lan chhuah tir mai loh,ngatinge chhung lama i rum laiin nui hmel min hmuh tlat a " ni e,ka natna te hi tih lan ai chuan thup bo ka duh zawk chu chu ka lo tih ṭhin dan ve reng a ni bawk.

Mittui tla zawih zawih chungin nghet takin min rawn kuah a,ka tawrhna te min hriatthiam pui tu ka nei hi ka vannei takzet.

Dinner kan ei zawh hnu chuan couch a ṭhut dun pahin movie kan en dun mai mai a,ka kal a hun ṭep tawh avangin a khat tawkin sana ka melh zeuh zeuh reng thung.
"ehee... ka pa damdawi ei a lo hun tawh anih hi " a tho nghal vut a.
" khawiah nge nurse leh a awmpui tu hi... ?"
"ka pa awmpui tu kha ka awm tho bawk a hahchawl turin ka hrilh a, nurse erawh zan rei lamah a rawn kal ang... "
"riah chu i tum tak tak em ni? "
" umm...naute a rawn haw hnu chuan ka riak thei tawh awm si lova... "

"meng rei lutuk suh ang che"ka thawh ve nghal vut avang chuan rang takin, "i haw dawn em ni? " a rawn ti nghal vat a, la awm chak viau mah ila Hunter an address min rawn thawn tawh avangin ka kal ngei ngei angai.
"umm... naktuk zingah damdawiin ah ka kal ngai dawn a... " ka ti ta ringawt a, mahse zanin aṭangin ba leh Hunter lak ata a zalen tawh dawn a ni tih hi ka hrilh thei lo, hetiang thil ka ti tih hi a ring pha bawk hek lovang.

"i chau bawk si a... ṭha deuhin i hahchawl dawn nia " a ni pawhin ka chau em avangin min chelh ngam bik lo.
"aw le.... tehreng mai " a chalah ka han fawp zeuh a, " naktuk ah ka lo nghak reng ang che... kan pahnih in kan hruai chhuak dawn nia... "
" umm... ka hmangaih che "
" keipawhin ka hmangaih che... muttui le " a hmuiah chuan ka han fawp leh vang vang a, "rawn chhuah duh suh... i la dam chian loh kha " tih pahin a samah ka han chul a,hreh hle mahila ka rucksack ah pahin ka chhuak nghal nal nal bawk.

Zanin ah engkim a tawp tawh dawn a ni tih ka hriat hian ka hlim in zan hmasa ai mahin ka phur zawk!

Ka tlai deuh tawh bawk nen rang takin address min rawn thawn na lam pan chuan ka tlan nghal par par a, zanin chu race hmasa ang lo takin ka chak ngei ngei angai tawh bawk a,engpawh hmachhawn turin ka in peih tawh hle.

Address min thawnna hmun ka thlen chuan Hunter chiahin min lo nghak a,car aṭanga ka chhuah rual rual chuan, "rawn lut rawh " tih pahin a car ah chuan a lut nghal vat a, a tih dan vel chu race hmasa nen a in ang ta lo hle mai.

" ka rawn zui ang che " luh ka tum bik loh avang chuan rawn dahchhuah pah hian, "i car avang sawn dinhmun hlauhawm takah i ding thei.... i number plate i hliah te a nih ngawt loh chuan... " a tih takah chuan ka car ken loh hi a finthlak zawk a chhanchu car number aṭangin min chhinchhiah ve thei tlat.

"i car chu Flynn an alo khalh haw ang... buaina i la nei em? "

Ngawi rengin ka lut a, hepa hmel hmuh ringawt pawh hian ka thin a ti rim, Coco chungah engthil nge a tih pawh ka hriat loh mai bakah an lo in kawp tawh avang ringawt pawh in ṭha taka biak hi harsa ka ti.



Race na tur hmun kan thlen chuan rin aiin an lo strict a, kan ID leh hmel chiang taka an en hnuah bak min luh tir phal lo.

Chutah a hma ang mai mai kha a ni tawh lo,man nei a luh angai a intlansiak na mai mai mah nise a hmun chu a zau in mi pawh an tam vak lo en tu za bawr vel chiah an awm ang.

Car chu ambulance piah ah chuan min park tir a, emergency a hman tur ambulance mai bakah fire truck a awm lehzel avang chuan a hma ang mai mai kha chu a ni tawh lo tih ka hre thiam nghal.

"Tess... bike awmna ah lo va hruai rawh, ka rawn let leh vat ang "a kal sawn nghal a, hman zana ka hmeichhe phurh bawk kha rawn kal in min rawn hmuh chuan mak a tih hmel hle.

" Asher... hetah hian eng nge i rawn tih...!!!? "
" eng dang nge i chuang ang.. " ka dar tih san âk pah hian, "khawiah nge ka bike tur chu " ka tih chhunzawm zat bawk.

" min rawn zui rawh... " tih sap pahin a kal nghal a, ka zui ve nghal vat bawk.

Hman zan a ka khalh tho Coco bike bulah chuan min hruai a, bike tamtak zingah pawh a langsar larh.

"he race hi chu i telna tur a ni lo asin... " a thusawi ngaithla mang lovin bike chu ka han ni nung a,ka rest ham ham ri te chu hriat hnu pawh nise ala nalh reng
"ka ti tak tak ania... death race hi i tan a hlauhawm lutuk Hunter hian a bum che a nih hi "
"eng nge pawi...?!! " ka lo ti hmuk a, min bum emaw bum lo emaw he thil hi ka hmachhawn tho tho angai, ka ti lo a nih chuan Coco in a ti dawn chu chu ka thlen tir thei lo.

"Intlansiak lai pawhin fair lo taka chet a thiang a, inti na mai bakah thi tamtak an awm ṭhin avangin death race tiin an koh phah bawk... hman zana i tlanpui te aia thiam vek kha an ni dawn a,a hlauhawm lutuk "
"a hlauhawm avangin ka tlanchhe mai dawn em ni? "

Mipa pakhat ngeng hmel zet leh khabe hmul zuah chhup mai hian min rawn tlan pelh fua avangin ka en zui vung vung a, a bike dahna a hran deuh bik avang chuan hriatchian ka chak avangin tunge a nih ka han zawt a.

" Ricky a nih kha ...Coco pawh in vawitamtak a hneh tawh lo,a chak theih nan chuan engpawh tih a huam... "
"a khup a na a nih kha " hmu thuak mah ila, a khup dah dan kha ka lo hmuh hmaih haih lo nasa.
" wow!!  engtin nge i hriat?!!  a khup an zai avangin rei tak a chawl tawh a, zanin ah a rawn came back leh chiah alawm.."

"tu doctor phiangsen nge mawni le sawtiang thil tih phal ni, a hna a tlin lo takzet... "
" pawisa!!  pawisa avang chuan a doctor pawhin a dang thei lo ang... i hria em i hmuh theih chin bakah hian Online bet a awm alawm, i rin phak bakin pawisa chevel a tam ang... Vawithum i chak a nih pawhin millionaire i ni nghal thei "

"kal a hun tawh a nia... " hmanhmawh takin Hunter chu a rawn lut a, chiang taka min en kar pah hian "he race hi Coco tel thinna ber ni a rules a awm lo ... i tih tur awmchhun chu hma lam chauh en a tlan a ni... "
"heihi a tawp na a ni tawh tih ka hriat loh chuan ka tel lovang"
"c'mon...nang ang tho hian Coco hi ka hmangaih ve tho,a tawrh hi ka phal bik reng reng lo "

" a hming lam pawh hi i phu lo "
"hahh... i chak ngei ngei angai, chuan i case ah pawh hian... " ngeiawm zeta min rawn nuih sawh vel avang chuan nghet takin ka han in hum ruh, ka kut ka lek thut loh nan ka insum hram hram bawk.
" i lawyer hi thlak rawh... i chak theih na awmchhun a nih chu "

" Asher.... kal tawh rawh " Tess chu rawn in rawlh lo se hei ai hian kan kal thui ang.

Ngawi rengin ka tlan chhuak nghal a, midang lo in tlar ṭhap na kara ka din na tur an lo dah awl ah chuan ka va ding ve nghal a, tun ṭum zet chu ka zam takzet.

Mi thar ka nih mai bakah experience ka nei lo a ni tih ka inhre ve kâr a,mahse kalpung engmah ka hriat loh avangin ringawt in hnual ka tum bik reng reng lo, Coco tan chuan engpawh ka ti anga a bak zawng chu Pathian kutah ka dah.

" nanghi Pastor Samuel fapa kha i ni maw..? " helmet ka khum zawh rual rual chuan ka piah ami chuan a rawn ti a, hawi phei lovin hre lo ang maiin hma lam ka melh ngar thung.
" haha... mi thar, damdawiin a lut turin inpeih rawh.. " min dang ho chuan min rawn tihzam tum teh mahse ka el ber chu Ricky a ni daih thung.

Kan hma a light var sang taka in khai chu light sen a a rawn inthlak takah chuan bike chu an rest thum nghal vung vung hlawm a, proton silencer vuah vek kan ni bawk a, thawm a ring in bengchheng lamah a kal tawh zawk.

A hnu lawkah light eng a rawn eng leh a, chutah zet zawng tlan chhuak mai thei turin kan in lawr chhawk zawk zawk tawh ,tupawh mai chuan hma lam ka melh ran tawh a, hawi sawn thei kan ni tawh lo.

Race hmasa ang tho in hmeichhe pakhat hi flag nen a rawn kal phei at at a ,tuna mi erawh form nalh tak mahse sexy zet mai a rawn ha thung. Flag ṭial chu a han vai pup pup a ,green light a rawn en rual rual chuan flag chu leiah a thlak thla nghal a, lei pawh a thlen hma in chunu chu kan tlanpel fel vek tawh.

Bike thum vung vung te leh phe fua fua bak hmuh tur a awm lo, ka speed a sang tawh viau emaw ka tih laiin ka hma a tlan an awm nual tho a, a hnuhnung ber erawh ka ni bik lo.

Ka hnung ami chuan min rawn tlanpel leh fua a mahse a hmasa lama tlan pakhat in a tlawh zeuh avangin a hnunga tlan pahnih te chu a rawn hnawl phei fua a, kei erawh vannei thlak lutuk in an rawn tleng phei na lamah ka lo tlan lo hlauh , ka hnung a mi erawh pakhat chu a hnawl tel nghal bawk,an nun na an chan loh hram ka beisei.

A aia speed sang in ka han tlan leh a pakhat chu ka tlan pel hlauh, mahse duh angin thil a kal thei ta hauh lo, ka hma ami tlan pelh leh ka tum lai takin ka hnunga mi chuan tiang lian tak hi a rawn la chhuak a, side glass atanga ka lo hmuh hman hlauh avangin lehlamah ka kawi thut a, tlanpelh ka tum pa kha a vaw fuh ta mai!! kawng sir lamah a kawi nghal zawk a, bang a su dawt ri ka hre zui nghal bawk.

Ka rin aiin he race hi a harsa daih mai, a hlauhawm in tel reng na chi pawh a ni lo, tun ah hi chuan ka la vannei mai mai a, eng chen nge a daih dawn erawh ka hrelo.

Ka hma ah mi pathum an tlan ani tih chu ka hmu thei a, ka hnung lama mi erawh en hman a ni tawh lo.

Speed han san ve teh mah ila tlan pel an harsa talh tawh, tunah chuan ka tih theih zawng chu him taka tlan thlen chauh a ni tawh.

Chutia tlanpelh theih pawh ka in rin tawh loh lai chuan ka hma chiah a tlan chuan phakar chhuah in a sir a tlan chu a han nek sawk sawk a, ka lo hmuh ve kar avangin a sir deuh ah ka han tlan nghal vat a, ka rin ang ngeiin a hma ami chu a nek thlu ta nge nge!! mahse rei a daih hauh lo, a balance a hlauh laklawh tawh avangin duhthlan dur dang a nei bik lo, a hnu lawkah kawng sir lamah chuan a tleng phei ve nghal bawk .

Rin loh lutuk in ka hma ah mi pakhat chiah a tlan ta!! ,a jacket aṭangin Ricky a ni tih ka hre nghal.

A khup zawn,kekawr hak chhan a thisen val ka hmuh chuan a duh angin a tlan ṭha thei lo tih a hriat reng.A zawn deuh thaw ah chuan ka tlan tawh a, mahse thawk leh khatah min rawn nek ta thut mai!! 

A balance a hlauh ṭep ṭep avangin na takin min nek thei lova chu chu ka tan vanneih na. A khat tawkin min rawn nek leh zeuh ṭhin na a, awlsam taka tlu tur chuan Coco bike hi a ṭha in rang takin smooth deuh si hian ka lo kawi hman ṭhin , chu chuan min pui nasa hle.

Ricky an min rawn nek tak reng avang chuan awm mai mai ka tum ta bik lo, a steering nghet takin ka vuan sauh sauh a, na takin ka va nek ve sak sak bawk.

Awmzia a neih theih tak lovah chuan ka doctor nihna dah ṭha in a khup na lai takah chuan ka va tlawh sak pawp a,ka ngaihtuah let hnu ah ka inchhir loh hram ka beisei.

A khup chu a aia nasa in a rawn thi chhuak a, a na bawk aniang tlem in kutphah tiat vel in ka tlan hma phah a.
Ricky tih takah tlawm ala tum bik hauh lo, kan tlan thleng ṭep tawh tih in vawikhat min han nek leh pawp a, ka vanneih a siam in ka lawr phah ta zawk a a hnu second hnih vel lekah ribbon var chu kan su tlang dun nghal bawk.

Mipui rawn tlan thla chuan Ricky an rawn bawr dawn emaw ka tih laiin keimah zawk min rawn bawr ta daih mai!! rang lutukin kan chhaka screen lian zet chu ka en nghal vat a, kutzungte tiat vel lekin ka lo lawr zawk chu niin!!! ka mak ti lutuk chu keimah zawk hian ka in awih lo.

Mipui in min bawr sup sup laite chuan Coco bak ka rilru ah a awm lo,' i zalen tawh e.." tih pahin van lam ka hawi chho a " ka lawm e ' ti in ka phun zui sap bawk.

" hey buddy!!...mipui hma ah hian va in show off ta che "Hunter chuan nuih var var pah hian a rawn ti a,nuih let suk pahin ka han rest thum leh vung vung a, mipui ho chu an lo au nasa mai!!  banphar pahin chak zet hian ka tlan chhuak leh nghal fua a, kut vai lauh lauh pahin muang changin ka tlan kual zui bawk.

Chutia hlim taka ka chakna ka lo lawm lai chuan hnung lam aṭangin bike pakhat hi chak zet hian a rawn tlan lut thut a, ka hawi let rual rual chuan na takin ka hnungzangah na takin a rawn vaw  ta pawp mai!!  ka tlan kual lai tak alo ni bawk nen ka in vuan nghet thei tawh lo a, chawplehchilh in leiah ka thlawk thla nghal pawp bawk.

Leia ka tlak rual rual chuan ka taksa hmun tin maia na tûr ut ut chu ka hre thei a mahse ka kut takngial pawh ka chet zo tawh lo.
" Asher,min hre thei em?....Khawih che suh u ....tumah in khawih che suh u " Hunter aw mai bakah mipui thlabar thawm ri mur mur te chu chiang takin ka hre thei a,tumah erawh ka hmu thei tawh lo.
" khapa kha umzui rawh u... "
" Ambulance rawn kal hma chu tuman khawih che suh u... " tih ri chu ka aw hriat theih hnuhnung ber a ni.

NOTE(la hre ve lo te tan): accident an awm in lo inlak fel leh tlawmngaih a CPR emaw lo khawih chet ve ringawt loh tur...ruang lo hung sawn phei chu tih loh tawp tur. Kan khawih chet avang hian dam tur pawh in an thih phah thei a,an thi anih pawhin evidence kan ti bo thei chuvang chuan paramedic ho lo kal hun nghah tawp mai tur ...Xoxo

CHAPTER-63 

Motto- Dream Bigger

★ Coco's POV★

Ka pa a muhil chiah tih in ka mut alo chhuak ve tawh bawk nen ham bai bai chungin ka room te reuh te ah chuan ka lut hnak hnak a,hun rei tak chhung pum puar luah a ka lo vei kual ṭhin avang khan ka pum thep ta vek chuan ruak huai angin min in hriattir.

Mut zâl pah chuan thil eng eng emaw ka ngaihtuah mai mai a, keimah ngeiin chhungkua ka nei ta mai hi awih harsa ka ti in min ti hlim takzet.

Naktuk maiah naute pawh kan la chhuak thei tawh dawn bawk a, kan pathum a hlim taka kan awm ho leh thei tur hi ka phur in ka helhhawlh zawk hial.

Chutia naute hming tur te leh thil eng eng emaw ka lo ngaihtuah neuh neuh lai chuan Tess in min rawn call hlawl mai!! hun rei tak chhung kan in biak tawh loh avangin min rawn call thut avang chuan ka ngaih a ti ṭha lo nghal.

"buaina a tawk leh tawh a ni maw! " phur lo zet chuan ka han pick up a, hello pawh ti duh lovin a ṭawng hun nghak in ka ngawi reng ringawt.

" Coco.... Asher dinhmun hi ka hlauhthawn pui takzet... "
" maw!!  " Asher te engtin nge a lo hriat? rang takin ka tho chhuak nghal zawt a, ka mutchhuak pawh a reh nghal vek.

"Death race ah Hunter an tel tir a tum tih kha ilo la hre ve lo em ni... ?"
"hre.... hrelo,  engtin nge Asher chu a awm? " ka ṭawng pawh a bah nuai a, hlauhthawnna avangin ka thinphu pawh a ri zawt zawt tawh.
"rawn dang vat rawh. ..a tan a hlauhawm lutuk... "

" hreptak chuan... " phone dah pahin car lam panin ka tlan nghal hlawk hlawk a,Hunter an ka tel ai a tel tir tih a hriat reng.Ngatinge maw Asher pawh chuan tel a tum reng reng ni, a hlauhawm lutuk asin.

"mawl lutuk... " ka thinrim bawk nen chak zetin ka khalh chhuak nghal fua a,in tlansiak an ṭan hma in ka dan ngei ngei angai, nilo he thil ah hian ka in rawlh tir leh ngai tawh lovang.

A khat tawkin Asher chu ka call deuh reng a mahse a in ring ral ṭhak ṭhak .
" la teh... Asher la teh... " ka han in hum ruh leh rih ṭhin.
Hunter hmel ka ngaihtuah ringawt pawh hian min ti thinrim a, a hmai ham tawn tawn a hnek pawp pawp te nia ka chak ni.

Asher call tum a ka phone ka va melh zeuh lai chuan Tess bawk chuan min rawn call leh a,ka pickup rual rual chuan ,"ka rawn thleng ṭep ,Asher.... "ka ti hman chiah tih in hlauthawng leh ṭap aw deuh hian, "Asher a accident a... damdawiin lam an panpui mek " a tih rual chuan car chu ka ti ding chawt a, ambulance in min rawn tlan pel nghal fua bawk.

Ka phone chu ka hlauh nghal pawp a, ka hamhaih bawk nen Ambulance ri vung vung ngaithla chung chuan ka meng phawk nghal kawk a,thawk leh khatah engkim mai chu a reh nghal duk a, ka tha a khur a chet ngaihna pawh ka hre lo.

"Tuemaw in a rawn bei thut a... chupa pawh chu an zawng mek ....Coco ...min ngaithla em ? Coco ...." Tess in a ti lauh lauh ri te chu hre vek mah ila chhang tur ka awm tawh lo,khur zawih zawih chungin ka han in hum ruh a,rilru natna avangin ka awm zawn chu a rawn thip nghal vawng vawng bawk.

Hetiang ringawt a awm thei ka nih loh avangin ka han in ti harh chawp leh rih a, ka kut a khurh nasat em avangin engine ti nung leh tur pawhin beih fe a ngai.

Min ṭhawn em avangin ka mittui takngial pawh a tla thei lova, ṭah te ngat phei chu ka thei lo hulhual. Ngaihtuahna mumal ka put theih loh mai bakah hma lam chu ka melh ngur ngur a, ka motor khalh lai pawh ka ngaihtuah tawh lo,eng kawng nge ka zawh pawh hre lovin hma lam pan in ka tlan ngar ngar ringawt.

Damdawiin ka thlen chuan rang takin ka tlanlut nghal vata, chhuat a thisen tharlam tak far ka hmuh te chuan ka vai ruai a ,ka thawk te chu a buai vek a,bang rin chhan in ka theih tawka chakin ka kal hlawk hlawk bawk.
" Coco.... " ka awmna hmun pawh ka hriat loh lai chuan Landon an min rawn ko hlawl a,ka thinrim em avangin rang takin a kawr nghawng ah ka ṭham nghal tawn a mahse ka ṭawng chhuak mai thei lo.

"tunah an endik mek, keimah chiah in ka kalpui a, Hunter pawh a rawn thleng ṭep ang..."thawk lak kawk pahin ka bula thir ṭhuthleng ah chuan ka ṭhu hnawk a, mi â ang maiin ka melh ngai ka melh ngur ngur bawk.

Hunter rawn kal lai te chu hre reng mah ila chet nachang pawh ka hre tawh lo a, ka bula a rawn ṭhut pawhin ham bawrh bawrh chak hle mah ila che turin chakna ka nei tawh lo.
"engkim a ṭha vek mai ang... " min rawn kuah a tum chuan ka kut in lo dang nghal vat a,a kuah chu sawiloh a khawih pawh ka duh lo.

Minute 15 hnu velah ah Asher chhungte pawh an rawn lang ve nghal vata a,lo chhawn tlak pawh ka awm lo.
" Coco.... engkim a ṭha leh vat mai ang " tih pahin Rachael chuan min rawn kuah nghal thawp a, Garce pawh ka bulah a in hnit hlawp hlawp bawk.

"A nakruh pathum leh a malpui veilam a tliak a, a thin a thler mai bakah a chuap leh a thluak ah thisen tamtak a tling bawk... chu lo pawh chu ala awm ang ,kan la endik mek zel e" doctor in a tih lai te chu hre vek mah ila ka mittui farkhat pawh a tla thei lo,chu chuan min ti na zual in ka thinlung hi hmun tamtak a zai thler pawp pawp ang mai hian a na ngawih ngawih a,theih chu nise ṭah chhuah hawm hawm ka chak takzet.

A insawh nat em avangin doctor ho pawhin tih dan tur rel in meeting an nei hial a,an ṭawngkam aṭangin beisei an neih tawh loh thu leh a thih ngei an rin thu an sawi lai te chu ka hre vek a, midang an phili buai lai te chuan ṭhut hmun ah ka melh ngai ka lo la melh ngur ngur thung.

Darkar 6 zet an zai hnu ah pawh a ngai ang chiah in ka la kharh kar a, khawi hmunah mah ka la tho sawn leh lo.Ka chhehvel a mi te leh vei vak ho chu an phe zut zut ang mai hian ka hria a, thawm lah chu a reh duk lehnghal.

"Asher chu an zai zo tawh a... a ṭha leh vat mai ang " ka bula rawn ṭhut pahin Samul chuan engang pawhin min hnem tum mahse Doctor te in biak na a, a thi vat an rin thu leh a damchhuah an rin tawh loh thu an sawi lai te chu ka hre ve kâr.
"kan va hmu ve dawn mi niang... a lo nghak reng tawh ang che... " a tih chuan mak tih hmel takin ka en ha a, a mit sen râm te leh insum hmel ka hmuh hian ka lungngai takzet.

" hawh lo kal rawh... " ka kut a vawn chuan ka tho ve mai bawk a,engpawh chu nise a hmel ka hmu leh thei tur hi ka hlim takzet. Samuel an min hruai luh a tum lai takin Garce chuan ṭap hawm hawm chung hian,"doctor sawi kha eng nge awmzia ... a tawp na tih chu eng nge? a tawp nan ka fapa hi hmu turin min ti amaw?" a tih ri ka hriat chuan ka ding nghal chawt a, mittui tling pam chungin Samuel chu ka en ringawt bawk.

Tun hi Asher ka hmuh tawpna tur maw ni a!!  nilo heihi a tawpna a ni thei lo,   hlawhtling takin an zai a, a harh hun kan nghak zawk tur a ni lawm ni, engvanga a tawp nan a min hmuh tir tum nge maw a nih le?  heng mite hi an â zo tawh a nih hi.

An thusawi ka rin ve duh loh avangin Samuel nuih luih suk pah in ICU ah chuan ka lut a,"ka rei lo ang " tih sap pahin kawngka ka khar nghal bawk.

Room chhunga khawl awm rup te chuan mi râp in min ti hlauthawng zual a,thawk halh pahin ka han in ti pachang lui ve tak na in ,ka hun tawn tawh ah hetiang em em hian ka la na ngai lo .

Muang changin Asher chu ka pan hnai chhat chhat a, ka zam in ka tha a khur nasa hle bawk."i ṭha tiraw? "a bul hnai a kal ngam chiah si lo hian ka han ti sap a, mahse chhangtu awmlo in room chhung chu a reh tlawk tlawk thung.

Asher chu khumah chuan a mu bam a, a ban ah leh a taksa ah chuan hrui tamtak an thlung duah a, a ka ah chuan pipe lian tak an vuah bawk a chumi hmang chuan ala thaw ve ṭawk ṭawk hi alo ni a. A hmai pilh phung te leh duk thluah ka hmuh chuan ka lainat takzet.

"tho tawh rawh... hei naute lak chhuah a hun ṭep tawh a nia.... " min chhan loh avang chuan ka thinrim lek lek," keimah chauhin min kaltir i phal loh kha... hawh kal tawh ang " ka han ti leh a, mahse chhanna reng reng a awm lo.

" a na viau em ni...ngatinge tikhan i ngawih reng a... " tih pahin khum bula chair ah chuan ka han ṭhu dat a, lainat taka en in ,a kut chu ka han hum vang vang a, a khat tawkin ka fawp zeuh zeuh bawk.
"hetianga i awm reng hian min ti na ania...nangmah chauhin tihian i tuar ngawt ngawt bik dawn em ni? ka awm ve reng hi, hetiang hian awm suh " a tawp a tawp ah ka mittui chu a rawn tla nghal zung zung a, ṭah chhuah hlau takin ka kâ chu ka hup ngawt ngawt a, Asher an ka ṭap ri a hriat ka hlauh avangin thawm dim thei ang berin ka inhnit hlawp hlawp ngam chauh.

Darkar khat dawn ka ṭhut ngawt ngawt hnu chuan min hruai chhuak ta nge nge a, room chhunga luh an phal tawh loh avangin pawnah chuan ka ṭhu reng ringawt.
"Coco.... haw tawh ang, nakin ah kan kal leh dawn nia " Samuel an a tih chuan ka mittui hruk zeuh pah hian," a rawn harh ṭep tawh ang ka lo la nghak dawn keichu " tiin ka lo chhang a,a hrilh a hai hmel takzet.

"tunah chuan luh an phal tawh rih lova... doctor in a rawn harh veleh min rawn hrilh dawn alawm... "
" aih... ka duh lo, tihian ka lo nghak mai ang " diktak chuan hemi room aṭang hian an hruai chhuak ang tih mawlh ka hlau ,an hruai chhuak a nih chuan a thi tihna a ni, chuvang chuan an hruai chhuak tur chu ka lo veng tawp a nih hi.

"min ngaithla teh... "ka bulah chuan a rawn ṭhu hnak a, a kawchhung ip pik lutuk thawk chhuah kawk pah hian,"engtin mah a awm dawn reng reng lo....ka fapa hi dam takin he damdawiin aṭang hian a rawn chhuak leh dawn chu chu ka rin Pathian hian min tih hlawhtlin sak ngei pawh ka ring" chiang fek fawk hian a rawn ti a," naute pawh Rachael te nupa in an la chhuak tawh a, a nu hi a mamawh che a ni chuvang chuan haw tawh ang " a ti zui zat bawk.

"hetiang a i awm hian Asher a lawm dawn miah lo a nia "
ni e, naute hruai chhuak thei dinhmun ah pawh ka awm tak si loh avang hian nu nih ka tling lo in Asher an hria phei se chuan ka chungah a lungawi lo viau ang. Mahse eng nge ka tih theih chuan ka tawrh hi a na takzet asin, mi in kawppui chan chu dar lehlam sah thlak ang vel a ni an loh tih ṭhin ai pawh khan a na in tawrh thiam a harsa takzet.

Min thlem min thlem hnu ah chuan haw turin rilru ka siamfel thei ta nge nge a, amaherawhchu thinthi in ka awm thei chuang lo. Lehlamah naute ngaihsak alo ngai a lehlamah Asher. Ka rilru hi a buai in thih daih ka chak takzet.

____________________________________________

Inchhung ka luh rual rual chuan Hunter ka hmu hmasa ber a, ka thinrim insum zo lo chuan ka pan hnai tawrh tawrh a, a hmai ah ka beng nghal ṭhuai ringawt.
" Coco... engthil nge maw i tih le? " Joel chuan a lo chhan nghal vata.
"hepa ruahmanna vek hi a ni, hepa vang hian Asher a accident ani " tih pahin a jacket ah chuan ka ṭham tawn a ,ha chelh chilh ran chungin "ka ngaidam ngai lovang che...chhuak rawh ,heta ṭang hian chhuak nghal rawh "

" Coco... hawh inchungah chho ang "
" Rachael min lo dang suh... hepa hi misual a nih hi... chhuak rawh, heta ṭang hian chhuak nghal rawh " ka ti nghal tuarh tuarh a,a hmaiah ka beng leh nghal sawk sawk bawk.
"hetiang hian awm suh" Rachael chuan min lo ṭah pui ve bawk a.
" hepa hi rawn luh tir tawh suh u...Asher thah a tum a ni, ka chhuah dawn lo che... engkim hi ka la hai lang vek dawn ,hremna chu i la hmu khawp ang "
Inchung lamah min hruai chho nghal vat a,engthil mah ka ei in ka in lo bawk nen ka chau lutuk chu khumah sirah ka ṭhu tlawk tlawk a, keimah chauh a awm ka duh avangin min chhuahsan vek bawk.

Asher room a awm reng pawh a nuam tawh lo, han hawikual vel ila engkim mai chu a sulhnu vek a nih avangin amah min hriat chhuah thar tir leh a,ka mittui a ti far thar leh ṭhin .
"Coco... a ṭap a, hnute a duh a nih ka ring " Rachael in naute chu ṭap chungin a rawn pawm lut a, heti mai hi ka lo ni bawk nen engkim ah min buaipui vek a ka lawm takzet.

Nuih luih suk pahin ka fanu chu ka lo la nghal vat a, duat taka pawm pahin ka thiam ang tawkin hnute ka lo pe nghal vat bawk.
" Ka rawn let leh vat ang...." tih pahin a chhuak lehnghal mai a.  

" bawihte a na em? " a kut a venflon la invuah chu ka han chhem sak heuh heuh a,a ṭap bang dawn emaw ka tih laiin a aia nasa in a tap tuarh tuarh a, hnute ka pek pawhin awmzia a nei lo.
" bawihte ṭap tawh suh a hrehawm a nia " ka thiam ang tawkin ka han chhaih ve tak na in lungngaih na bak min thlen lo.
" ṭap tawh suh.... khawngaihin ṭap tawh suh " a bang duh bawk si lo, ka ṭah alo chhuak ve tho bawk nen kan pahnih chuan kan han ṭap dun leh rih a,kan hahthlak teh e.

Vanneih thlak lutuk in Grace a rawn lut hlauh "khawi le...shhh... ṭap tawh suh le ,ka naute hi a fel a nia" tih pahin min rawn laksak nghal vata, reilote a awih hnu ah chuan a muhil ve mai bawk a,keilah chu khum sir ah ṭhu in thawm nei ngam si lovin ka lo in hnit hlawp hlawp thung.

" a khua a sik a nih hi... kan lo pawm hrih ange " tih pahin a chhuahpui nghal daih a.

Engvanga hetiang thil hi ka chunga thleng nge a nih?  Engvangin nge engkim hi ka tawrh bik a ngaih? 

Keimah leh keimah chu ka in ngaihtuah lung hnur a, ka han ṭap leh rih ṭhin.Engkim mai hi titawp vek ka duh, heng buaina zawng zawng leh harsatna zawng zawng te hi ka ti tawp vek dawn.

Kan in hralhna pawisa chu la chhuak in ka melh vung vung a, Asher leh ka chhungte tan ka in ti pachang hram hram tur a ni tiin ka inhrilh mawlh mawlh bawk.
Inhum ruh ṭeuh chungin ka lei bat na te chu ka call ta nge nge a,mahse a ngaih tawh lo thu leh min rawn tihbuai dawn tawh lo thu min hrilh ta daih mai. Mak ka ti lutuk chu han tih vak ngaihna pawh ka hrelo.

Hetia ka awm renga ka inkhung reng hian awmzia a nei dawn lo a nih tih ka hriat avangin zan lai lai ah chuan thawm dim takin inhnuai ah ka chhuk thla chhat chhat a. Engvangin nge ka lo lungngaih ve em em ni, Asher hi a thi dawn reng reng hleinem vawikhat emaw vawihnih emaw an zai leh anga a dam vat mai dawn alawm.Chuvang chuan buaina awm thei zawng zawng ka lo ching fel vek a nga hlim takin ka lo hmachhawn zawk tur a ni.

Samuel te room alo la inkalh lo avangin ka lut ru zal zal a, khum bula drawer chu hawngin biakin hmun inziahna document chu alo awm nghal, hmanhmawh takin ka ru chhuak a, hmun ual au taka a dah avang chuan mak ka ti hle nghe nghe.
" min ngaidam rawh... " tih sap pahin ka chhuak nghal nal nal a,a ruk thei ang berin Hunter in lam ka pan nghal vat bawk.

Hunter in ka luh dawn chuan ka document ruk chhuah chu nghet takin ka pawm bet tlat a, hreh hle mah ila engkim tih tawp vek ka duh tawh avangin he thil hi ka tih ngei ngei angai.

" wow... ka lo lawm a che " min hmuh chuan min lo nuih nghal vur vur a, a awmdan erawh nidang nen a inang lo takzet lungngai tak hmel a pu.
Ngawi rengin dawhkan ah chuan document cho ka theh thla pawp a, rang takin a chhiar a, a nui nghal var var bawk.
"hahh.... ka tih reng kha, nangmah ngeiin min la rawn pe ang ka tih kha... "
"ni e.. i chak a chuan ka tlawm, i lawm tawh em?  min tih nat i duh a nih chuan ka lawmpui a che, mahse hei bak hi chu min tih nat belh tawh suh...khawngaihin Asher hi min laksak suh "

" hetiang mi hi i ni lo ka ti tawh kha.. "
"min rawn tibuai tawh suh, i hmel hmuh leh hi ka duh tawh lo.... thil dang min laksak belh dawn pawh nila engmah neih ka nei tawh lo ....engmah ka neih tawh lo " ka chapo na te dahṭha in ka ngen ta ringawt a, hetianga ka tih loh hi chuan Asher hi min laksak leh mai ang tih ka hlau a ni.

" kan la zo reng reng lo... kan pahnih hian chinfel tur kan la ngah lutuk... "
" lo ngai reng mah rawh thudik hi i thup rei dawn reng reng lo.... hremna chu i la hmu khawp ang " tih pahin ka kal nghal hlawk hlawk a.
"Asher hi a chak i duh a nih chuan i lawyer hi thlak rawh... " a tih chuan ka ding chawt a, hawi let lovin ka kal chhuak lehnghal nal nal bawk.

__________________________________________

Naute a tah mai bakah ka muthilh thei loh avangin darkar khat vel lek ka mu a, mahse Asher a lo tum lawk leh ruahman lawk a nih angin Lily vuina ah chuan Grace leh Samuel te nen kan va inlan ta tho ,naute erawh Rachael in alo awm thung.

Chau hle mah ila ka mutthil theih miau loh avangin in a in dawm kun ngawih ngawih ai chuan hetia chhuah vah hi ka thlang zawk.

Vawin ah a vawi hnih nan Asher an zai leh dawn avangin damdawiin ah ka kal tlang nghal a, midang erawh an buai em avangin nakin ah an rawn kal ve thung ang.

Asher hmu hmasa lovin Freddie chu ka kân hmasa ta zawk a, thil hrilh tur ka ngah em avangin inbun ruah phawt ka duh.

Freddie chu tui takin alo muhil sak sak a, ani pawh hi a rawn harh hnu ah ala ṭawng chhuak leh miah lo .
" naute ka nei tawh a.... hmu la chuan hmelṭha i ti ve ngawt ang... " nuih luih suk pahin ka han ti sap a, engmah hre dawn lo mahse Freddie bula ka awm tawh hi chuan ka thawveng huai huai mai.
"mahse Asher erawh... " ka han ngawi vang vang a,"a hma ang khan awm leh ang u " ka ti zui sap a.

"ih... i hria em Lily a tawp tak tak nan ka va thlah a, mahse ka lungngaihna te chuan min la kalsan reng reng lo... dam vat vat rawh thil tamtak a thleng nasa in hrilh tur che ka ngah teh mai a nia... " ka han in sut hraih hraih a ,"in vai mai hian keimah chauh a min tawrh tir bik in tum em ni...engthil nge ka tih tak hi Hunter lah a thil duh ber ka pe a,mahse ka chhungte ka hmuh ngam loh phah a ,an hriat chhuah hlau reng reng in ka khawsa leh si ...aw...ka nun hi a hahthlak takzet , keimah hi ka inti hlum ve mai dawn em ni "

Freddie an ka kut a rawn hum takah chuan rang takin ka hawichhuak nghal vat a, thei leh thei lova a rawn meng siar siar lai ka hmuh chuan ka lawm ngei mai.
"Freddie... ka ṭawng i hre thei em? " a rawn khap fak fak takah chuan awmngaihna pawh ka hrelo.
"Lalpa leh.... dam vat vat rawh aw... " a kut chu a rawn ti che zeuh zeuh a, sawi duh nei ang deuh a a awm takah chuan hnai taka ka han ngai thla a,"Lily a ni lo " tih te mai hi min hrilh a, mak ka tih em avang chuan ka meng phawk nghal kawk bawk.

" eng nge awmzia...?" a thawk a rawn buai nghal avangin khawl pakhat chu a rawn ri nghal ṭut ṭut a, nurse pahnih an rawn lut nghal vat bawk.
" ka pi min chhuahsan thei angem? " pakhat in a rawn tih takah chuan rang takin, "a ṭha tiraw... engthil nge thleng? " ka lo ti nghal zat a.
" aw....amah chauh a a awm hi a mamawh a ni " a tih takah chuan ka bu nghat a, room aṭangin ka chhuak nghal .

CHAPTER-64

motto- Dream Bigger 

★3 hours later★

Asher an zai lai chuan Grace nen pawnah kan lo nghak dun ran a, Samuel leh Joel erawh hna an neih avangin an rawn kal ve thei lova, Rachael ve thung chu naute awm angaih avangin in a nghak thung.

Doctor a rawn chhuah rual rual chuan phur takin an zai hlawhtling leh hlawhtling loh kan lo zawt nghal vata, vanneihthlak lutuk in an zai hlawhtling hlauh!!

Darkar1 hnu ah a hmuh theih dawn chiah avangin hawsan mai lovin beiseina sang tak nen kan la nghak fan fan a, la harh dawn lo mahse a hmel hmuh ve hrim hrim pawh ka chak tawh takzet.

"Coco...Rachael in min rawn call a, naute a ṭap bang thei lo a ni awm e " Grace in a tih chuan ka phone ka hmet eng nghal vata, Rachael miscall alo tam ngang mai.
"ka phone ka lo silent daih alawm mawle " Lily vuina a kan kal avang khan ka phone ka lo silent daih a, ka khawih zui leh tawh lo bawk nen ka theihnghilh chi,ang kher mai.
" i lo va haw mai dawn mi niang... " chhan a har ṭalh mai!!  ka fanu ka ngaihtuah rual rual in Asher hmu ve ngei ka duh bawk si, engtin nge ka tih tak ang?

"A hmuh theih veleh ka rawn hrilh ang che.... naute ril a ṭam tawh a nih saw " a tih chuan ka lo bu nghat a,a ruk tak chuan haw ka hreh takzet. Theih chu nise naute hi ka hruai daih tawh ang mahse pawn thaw a chhuahpui an la phal loh avangin ka hruai thei bawk si lo.
" ka tih mut veleh ka rawn let leh vat ang... "

Hmanhmawh takin ka tlan nghal hlawk hlawk a, ka fanu ka ngaihtuah ve tho avangin muangchang hman pawh ka ni tawh lo.
Ka haw pahin Rachael in min chah angin chicken nugget ka lei haw nghal bawk a,chu chuan hun a la hnem in min tih rei phah hle bawk.

Car pawh dah fel lovin ka tlan chhuak nghal dawr dawr a,step a ka tlan chhoh hlawk hlawk lai chuan pa pakhat nen kan in su chawrh ringawt!! 
"ka tihpalh lutuk... ka hmanhmawh lutuk a "
" a pawi lo... " a aw thum dut mai ka hriat rual chuan a hmel ka en chho nghal ha a, a hmui sir a khuavang awm avang chuan chiang takin ka en leh kher bawk.

"i tlu sual palh hlauh ange fimkhur rawh... " min rawn nuih suk pahin a ni pawh chu a car lam panin a kal ve nghal a, engemawni hian min mawlh tlat avangin ka en zui vung vung ringawt.

" ka hmuh tawh hnu a ang kher mai " tih nung nung pahin luh mai chu ka han tum a, mahse!!  Asher apartment bula ka mi hmuh pa kha a ni thei mai angem?!!  ka han ngaihtuah chiang deuh a, ka hmuh pa ngei kha a ni tih ka hriat chhuah takah ka ding nghal chawt a, ka hawi let rang ngei mai.
" lawyer kha a ni lawm ni " ka rilru a buai ta nak mai!!  engvangin nge lawyer hian Asher apartment ah a ruk in a kal kher ang?

A tlan lian tawh avangin ngaihṭha lo zetin ka lut a, ka fanu pawh alo ṭap leh tuarh tuarh tawh mai.
"shh.... bawihte ngatinge hetiang hian i awm vak vak zel a... " Rachael chu ka  lak chhawk nghal vat a, ka pawm pawhin awmzia a nei lo.

" damdawiin ah kan kalpui mai dawn mi? " Joel chuan mangang tih hriat tak hian a rawn ti a, kei ngei pawh hian kalpui mai ka duh tawh.
" hnute kan pe lui leh chhin a nga... a duh loh chuan kal mai a ṭha in ka hria "
" ni e ...a hma kha chuan a fel ve lutuk mahse nichin deuh aṭang khan a tlei duh ta miah lova... " Rachael hah hmel leh mu tlem hmel ka hmuh hian ka inthlahrung takzet, zanah min awih pui a engkim ah min puih laiin kei lah engmah thiam ka lo nei bawk si lo.Nu nih hi ka tling lo takzet.

Hnute ka pek luih takah chuan a ṭap bang ve ta nge nge a, reilo te ah a muhil nghal bawrh bawrh bawk.
" a duhawm zia hi... Joe, a duhawm takzet " An nupa chuan a muhil lai chu an en ngawih ngawih a, kei ni nilo in an ni zawk hian naute neih hi an phu hliah hliah zawk.

" umm... keichu Lawyer thlak ka duh "ka ngaih a ṭhat theih loh avangin ka ti chhuak phawng ringawt. Mak tih hmel taka min rawn en nghal kawk avang chuan hrawk then kharh kharh pah hian, "ughh... lawyer kan thlak hi a ṭha in ka hria, Asher hetiang mai hi alo ni bawk nen... "
"engvangin maw? "
" ka.. ka hre bik lo, hepa hi ka rin ngam zawng a ni lo "
"a ni ang experience ngah lutuk hi kan hmu leh tawh lo ang " Joel chuan hriatthiam loh hmel tak hian a rawn ti leh a, han hnial vak ngaihna pawh ka hrelo.

" Joe... a dang zawn a harsa viau em ni, a rin zawng a nih loh te chuan tilui lo la " Rachael in min hrethiam a ka lamah a ṭang hlauh chu ka thaw huai mai.
" ka pa kan rawn leh chhin dawn nia... " tih pahin inchung lamah min chhohsan nghal hmak!! ka lo sawi chhuak kher kher kha ka inthiam lo leh hnuhnawh.

"Joel kha... keimah vangin a lungawi lo tiraw? "
" nilo... a rilru hah khatiang khan a awm mai mai a nih kha, bakah lawyer nen an in hmu zo chiah a a mood a fuh vak lo pawh a ni mahna... "
"enteh... lawyer kha Asher apartment bulah ka hmu a rin ngam a ni in ka hrelo "
" a ni maw!!  mahse chutiang chu engtin nge a nih theih. ..?"

"hmanni ah khan ka hmu alawm... engpawh thleng dawn se thlak hrim hrim ka duh... thil mak deuh chu maw Hunter hian engthil emaw a hria in ka hria!! "
" Mahse hemi case nen hian engmah inzawmna an nei hleinem... "
"kan lawyer hi thlak turin min ti a... mahse he thil hi ama tih vek a ni tih ka hria ,a thusawi a nih chuan ka hnial leh ngei dawn avangin thlak turin min rawn pawh a ni mahna mahse a rin loh deuh in thlak thut ila, a lam ṭang te ho zawng zawng lak aṭanga fihlim vat hi ka duh,Rachael hepa hi kan man tir theih nan min pui hram rawh... "

" aw le... mahse Coco keichu ka hlauthawng tlat, hetiang thil a i inrawlh ve hi ka duhlo takzet.Asher, Lily leh Freddie te hetiang hian an awm tawh bawk si a.... "
" nilo... pen khat pawhin ka tawlh hnung dawn lo, tuar dawn pawh ni ila a tawp thleng in ka bei dawn chuan Hunter hian a phu tawk hremna a dawng ngei bawk ang "
"ka pui ang che mahse thil hlauhawm a thleng a nih chuan i bansan ang tih min tiam rawh... "a tih chuan ka han thaw chhuak hak a.
___________________________________________

Ka fanu mutpui paha ka lo mutthluk lawp lawp lai chuan phone ri in min ti harh thut mai!! in tih harh tumin ka han khap fak fak a, phone pawh chu ka pickup nghal vat bawk.
"Asher case a finfiahna kha ka nei " mipa aw thum det dut ka hriat rual rual chuan ka harh nghal kawk a, caller ID ka en chuan number hlang chauh alo ni lehnghal.
" tunge? "
"tunah min rawn hmu rawh... address ka thawn ah che khan " tih pahin a dah hmak lehnghal.

"tunge mawni le? " address chungchang a sawi avang khan ka inbox ka han check nghal vat a, a sawi ang ngeiin address pawh a lo thawn daih tawh.

" Coco... i va hlauhthawn hmel ve... " Rachael naute puan dah pahin a rawn lut a, thawm dim thei ang berin naute ti harh lo theih ang ber turin ka tho ṭhem ṭhem a, rang takin pawn ah ka chhuahpui nghal vat bawk.

" Rachael min ngaithla teh.... tu emaw in finfiahna a neih thu min rawn hrilh a, chuan addresse pawh min rawn thawn tel bawk. .."
" maw!!  finfiahna a!!  tuin nge rawn bia che?" kei ang tho in mak a ti ve hle a,a ṭawng te pawh a bah nuai mai.
" Hunter a nih ka ring. ...chuan heihi a thang a ni ngei bawk ang "
" anih chuan engtin nge kan tih ang... ?"
"ka va kalr ang....mahse police lo call rawh aw... hepa hi a chhuak tawh hauh lo ang "
" aw.... aw le, ka lo kal ve ang "
" nilo ....police ho kha lo va buaipui zawk rawh "

Hmanhmawh takin ka tlan chhuak nghal a, he thil hi ka huaisenna zawng zawng nen a ti ka nih avangin engpawh thleng dawn se ka pawisa tawh lo, Hunter man theih na a nih phawt chuan.

Address min rawn thawnna lam chu hlauthawng leh thinphu dep dep chung chuan ka pan zel a,he ka thu tlukna siam hi a dik nge dik lo pawh ka ngaihtuah chang tawh lova ,engkim mai hi ka kal tlingpui pawp pawp tawh.

Engang pawhin hlau mah ila Asher ka ngaihtuah chhuah apiangin huaisenna ka hmu nei thar leh ṭhin .
" Hunter... ka chhuah tawh hauh lo ang che " inhum ruh ṭeuh chungin hma lam ka pan zel a, a tawp a tawp ah chuan ka thleng ta der mai.

Chhuk ta mai lo chuan mi an awm nge awmlo tih ka enfiah hmasa te te phawt a, mahse thawm takngial pawh hriat tur a awm lo.

Chutia ngawi renga ka hawi kual hrak hrak lai chuan ka hnung lamah motor pakhat hi a rawn ding chat a, rang takin side glass aṭangin ka lo en nghal vat bawk.
" Coco... " Rachael leh Joel te car aṭanga an rawn chhuah takah chuan ka chhuak ve nghal vat a, engmah a thleng leh ta lo chu mak ka ti takzet.

" Coco... i ṭha maw?  engthil nge thleng? " tih pahin min enfiah nghal sawk sawk a,
"tumah an awm lo... mahse heihi address min rawn thawn na ngei kha a ni bawk sia... "
" a nih chuan let leh vat ang u... helai hmun hi a him lo... "
" Rachael... lo va kal ru, nakin ah tuemaw tal a rawn kal em em ang... "
" nilo... Coco... kal zawk ang u " a tih rual rual chuan silai a rawn puak nghal dur a, rang takin kan kun ṭhap bawk.

"car ah lut vat rawh... " Rachael chu au nghal tuarh a, a hlauthawng in a chiai nasa hle bawk.
"Joe... kal ang, silai puak ri a nih chu " Joel kut ah chuan a vuan a mahse Joel chuan, "duhtawk rawh... " tih vin hluk pahin a kut chu alo thing thla vat thung.
"helai hmun hi a hlauhawm asin... "

Police pawh an rawn thleng vat a, hmun pakhat aṭang hian mipa pakhat kawrdum vek ha silai keng hi Asher te case buaipui tu detective khan a rawn hruai chhuah chuan mak tih hmel takin kan lo en ha a, chutah a aia mak zawk chu police officer pahnih chuan Rachael chu an rawn man daih a nih chu!!

"engthil nge maw in tih le amah hi a ni lo "ka lo ti nghal vat a.
" min thlah rawh u...Joe hemi te hian min man ve ringawt a nia" Rachael hlei hlei chuan mak a ti in, awmngaihna pawh a hre tawh lo.

" duhtawk rawh... " chhan a hnek in Joel chuan alo ti vin let hluk a, a awmdan chu mak ka tih em avangin ka meng phawk nghal kawk a.
"Joe... "
"i lemchan hi duhtawk tawh rawh... "
" maw!!  eng lemchan maw? Joe engthil nge i sawi tak mai ?"
" hahh!!  i hrelo amaw? a hmasa berin Coco nau tih tlakna i ei tir a, Lily i vau bet a,thudik sawi chhuah a tum avangin i that zui a ni lawm ni....chutah Freddie an thudik a hre ve leh a chupawh chu dahṭhat i tum leh bawk a, mahse ngatinge.... ngatinge Asher chungah lehzel hetiang thil hi i tih? " Joel chuan a ti ta piap piap mai, kei erawh thil thleng dan hi ka hriat thiam lo em avangin ka ngawi reng thung.

" i... i thusawi hi ka hrethiam lo takzet... "
" Rachael... dawt hi a zep reng theih ngai lo, i kawr a cocaine i leina receipt ka hmuh aṭang tawh khan ka ringhlel daih tawh che...chuan ka umzui ṭan ta che a,ka rin ang ngeiin nang hi heng thil zawng zawng a mawhphur tu hi i ni... "

"eng... enge awmzia...? "ṭawng pawh ka ṭawng chhuak ṭha thei tawh lo, ka thil hriat hian min ṭhawng in thudik a nih ka la ring thei chuang lo. Tha khur zawih zawih in ka ding khawng renga, rilru mumal put tumin ka bei hram hram bawk.

"finfiahna i nei dawn a ni tih a hriat khan that tur che in hepa hi a tir a ni... Hunter an mawh a phurh theih nan " a ṭawng zawnga natna leh hrehawm na te chu hmuh hmaih rual a ni lo.
"nilo... ka tih engmah a awm lo "
" in in biak lai audio ka play kher i duh em ni...? i phone kha i mi biak apiang record turin ka set vek a ni tih i hrelo niin a lang "

"Rachael heng zawng zawng hi eng nge awmzia? mawh..."
" hmeli... khatiang khan min en reng reng suh... "
" maw!! "
" hahh...he in a i rawn luh tir phat aṭangin buaina i rawn siam char char a,ka chan ve tur zawng zawng i pum bilh vek bawk a chuti chung chuan ka ngawi mai mai ang maw!!  teuh lo ...tih sual engmah ka nei lo ,ka chhungte leh ka thil neih ho i lak atangin ka venghim mai chauh a ni " ka insum thei tawh lo, a hmai ah tak ka beng nghal sawk a.

" khang thil zawng zawng kha nangma lo tih vek maw lo ni a... ka lo ring che asin... "
"hahh...a tir aṭang khan rawn lang lo la chuan heng thil hi a thleng hauh lo ang "
"kalpui rawh u... " engmah ka ngaithla duh tawh lo, benghup chungin car ah ka luhsan nghal hmak a, ngaihtuahna mumal pawh ka pu tawh lo.

Ngawi renga ka lo ṭhut lai chuan Joel an kawngkhar chu a rawn hawng rak a, a hmel ka hmuh hian ka lainat takzet. Hengthil zawng zawng hi keimah vang veka thleng a ni, awm lo ila chuan Lily, Freddie, Asher, Joel mai bakah Samuel te chhungkua hian nunphung pangngai takin an la khawsa ho anga, hlim takin an awm bawk ang.

" ka tihpalh " tih loh chu Joel bulah hian sawi tur pawh ka nei lo.
"haw tawh ang " tih pahin nghet takin min rawn kuah nghal vawng vawng a,tunah hian hnem tu tur a mamawh takzet. A nupui, a hmangaih leh a khawvel chu keimah vangin a hmelma a lo ni ta a, hei bak bak a damlai hremhmun hi a tan chuan a awm leh ngai tawh lovang.

"min puih avangin ka lawm e... "
" kei nilo in Hunter hnenah lawmthu sawi zawk rawh... "
" maw!!Hunter a!!"
" engkim hi ama chhuichhuah vek a ni a,he thil hi a plan a nih mai bakah finfiahna zawng zawng pawh kan lawyer thar hnenah a thawn vek tawh "
" lawyer thar a?"
" ni e... a hma daih aṭang tawh khan a rukin kan thlak daih tawh alawm... " sawi tur pawh ka hrelo, engkim mai hian min ṭhawng nawn awn awn mai chu a nih hi.

"a flight a hun ṭep tawh...i hmu duh a nih chuan hun tlemte ala awm a nia "
" khawiah nge a kal dawn? "
" ka hre bik lo... mahse hla takah a nih ka ring" tih pahin car key chu min rawn pe a, nuih suk pahin a chhuak nghal nal nal bawk.

Rang takin car chu ka tinung nghal vat a ,a in lam pan in ka tlan nghal par par bawk.

Ni e, Hunter hi ka hua in hmuh ka duh tawh lo amaherawhchu lawmthu pawh ka sawi hma hma a a kal bo daih tur chu ka duh bik lo. A rukin engkim min lo tihsak vek a, min pui bawk a a hnena lawmthu sawi hi ka ba a ni.

Hunter in chhungah chuan kik buai lovin ka lut leh nghal thawr a, alo in pack mek bawk.
" hey... " zawi sap hian ka han ti a.
"wow... tunge rawn kal hi... hahhh, i pasal in a hria ange "
" ka lawm e... "
"hmm... engvang chuan maw? " hrelo niawm takin a han ner kual vel a.
" hahh.... ka lawm e, engkim min tih sak avangin " ngawi rengin a in pack lehnghal mawlh mawlh a, a awmdan ka hmuh chuan ka nuih suk ringawt. Ngatinge mi ṭha tak anga awm hi a hreh em em mai le? 

"khawiah nge kal bo i tum? "
" hla takah "
" engvangin? "
" Coco... kan inkar a chinfel tur awm chu kan chingfel zo vek tawh... chuvang chuan ka lo tiam tawh ang che in ka kalbo ang... i zalen tawh "
"ngatinge khang thil kha i tih... min ṭanpui i duh ngai si lova. .."
"hahh... kei nilo midang in an tih nat che hi ka phal reng reng hleinem...tunah chuan in nghahchhan i nei tawh a...min mamawh tawh lo "
"mahse ...." Asher chungchang ka ngaihtuah ringawt pawh hian ka hnuk a ulh.
" hlauthawng suh... let tawh rawh... Asher pawh a rawn harh tawh... " ka meng phawk nghal kawk ringawt.

" kal rawh... a lo nghak reng tawh ang che... " ka sam a chul pahin min fawp nghal zeuh a, " hepa hian a ti na che a nih chuan ka rawn let leh anga... phuba ka rawn laksak ang che " ka lo ṭah nuih suk a, hepa hi chu haw ṭhin hle mah ila a tawpah chuan min pui tu leh ka in nghahna ber a ni leh nge nge zel.

" mangṭha le... tluang takin aw... " Asher alo harh tawh bawk nen hmanhnawh takin ka tlanchhuak leh nghal hlawk hlawk a, " chuan thil pakhat " a rawn tih chuan ka hawilet leh vat a, "biak in hmun pawh ka pe kir tawh... thla muang takin zalen takin an chhungkaw zingah va khawsa ang che... hre reng rawh, hmangaihna avangin chak lo takin awm reng reng suh " nuih let suk pahin hmanhnawh takin ka tlan chhunzawm lehnghal hlawk hlawk a.

CHAPTER-65(last )

Motto- Dream Bigger 

Damdawiin ka thlen meuh chuan midang pawh an lo awm nual a, an chhungte pawh an ni mahna mahse ka hmelhriat ve lem lo.

Ka hmelhriat awm chhun Grace ka hmuh chuan rang takin ka va pan hnai nghal vat a," Coco... Asher alo harh tawh asin... " min rawn kuah nghal thlawp a, tun ṭum a kan mittui erawh hlimna vang a ni tawh thung.
"ka... ka hmu thei ang tiraw? "
" tehreng mai...tunah a pa in a awmpui mek, mi pahnih chauh hmuh an la phal a, i luh duh ka ring a kan lo nghak reng che alawm "

Ka hnuk a ulh lo thei lo, Grace hian a fapa rawn harh lai a hmuh ve chak tur zia chu kan ngaihtuah thiam lo zawk ang mahse Asher a chauh lutuk loh nan mi pahnih chiah luh an la phal a, chutah a hmuh ai min hmuh tir a duh avangin min lo la nghak char char amaw!!! a hma a va han sial lo tehlul em....!

" ka lawm e... " ka chunga an ṭhatna te hi engtin nge ka rulh sen ang,ka lawm e tih chauh lo chu sawi tur pawh ka hrelo.
"va lut rawh... alo nghak reng tawh ang che " a tih chuan ka lo bu nghat a, ka phur tawh mai bakah ka zam ru hle bawk.

Room a luh hma chuan natna hrik kan put luh loh nan kawr dang hak phawt alo ngai hi a lo ni a.Ha tura min tih ang ang kawrfual pawl lian zet mai bakah lukhum pawl min khum tel tir a, ka sam pawh kan tuam hlawm vek a chu mai bakah mask leh kutkawr min vuah tel tir tlat bawk.

Room a ka lut tur chu Asher chhungte niawm tak hian ka dara rawn vawt pahin, " ṭha takin le " a rawn ti sap a,ka hmelhriat nilo mahse ka lo nuih let suk tho.
"khawiah nge naute?" a han ti leh a.
" inah... ughh nichin khan Belle (Asher cousin) in a awm thu min rawn hrilh a " Rachael in min rawn umzui hma khan Belle bulah alo dah hlauh a,dah lo se chuan tunah pawh hian kan la buai viau ta ngei ang.

Phur leh zam tak chungin room chhungah chuan ka lut zal zal a, Samuel an Asher lu chunga kut nghata alo ṭawngtai sak mawlh mawlh lai ka va hmuh chuan room chhung boruak chu a dang nghal hawk in ka hria.

Maktak maiin boruak rit lutuk chu lak kian hawk ang maiin a zang nghal huai a, a danglam tih mai loh chu sawifiah dan pawh ka thiam lo.

A ṭawngṭai zawh chuan min rawn nuih var var pahin ṭhutna tur min lo kian nghal vat a,a mit sen ram kara hlimna mittui tling pam te chu hmuh a hahdam thlak takzet.

" hetah lo kal rawh... " ka kut chu nghet takin a han hum vang vang a,in sut hraih pahin " thil mak a thleng leh a ni tiraw? " ka han ti sap a, ka mittui chu a rawn far nghal fap fap bawk. Heng thil zawng zawng hi Samuel rin Pathian tello chuan a thleng theilo a ni tih hrilh chawp ngai lovin ka hre thei a, ka chunga thil mak tak tak lo thleng tawh pawh kha an rinna vang a ni tih hai rual a ni lo.

" ni e... thil mak a thleng leh ta a nih hi... " doctor te pawhin beiseina an neih tawh loh hnu ah an zai aṭanga darkar hnih em pawh a ral hma in a rawn harh chhuak zui leh bawk a, thil mak ti a sawi loh chi rual a ni lo.

"Hmangaihna tawp thei lova min hmangaih tu chuan engtik lai pawhin a ngaithla reng ang che.... " duat takin ka lu ah chuan a han chul a,"va kal tawh rawh le " ka chal a fawh zeuh pahin min chhuahsan nghal bawk.

Ka zam em avangin thawk ka han la kawk a,a bula ṭah ka duh loh avangin inhum ruh ṭeuh chungin ka han in ti pachang lui leh rih a,nuih luih suk pahin khum bula chair lam chu ka pan nghal bawk.

" Hey...! " tih sap pahin ka han ṭhu dat a, oxygen mask an vuah tlat avangin ala ṭawng thei lova, amaherawhchu a mit atang erawh in min lo nghakhlel tawh hle a ni tih a hriat theih.
"i rawn harh vat kha ka ring rengah... haha...engtik ah mah min kalsan lo turin i in tiam tawh kha tiraw? " min rawn chhang ni awm takin a mit chu a rawn khap fak fak a,chutah zet zawng ka insum thei ta lo ka mittui chu dan rual loh in a rawn luang nghal zung zung a,ka theih tawkin ka han insum ve tak na in hetiang anga a awm lai hmuh hi a hrehawm in min ti na em a,min vel ṭap lo thei lo .

Ka ṭah avang chuan a mitmeng pawh a rawn danglam nghal vek a,keimah vangin a lungngai a mahse a sawi thei si lo.Min hnem a duh a, ka mittui hru hul tur pawhin a kut a chet thei si lo.
Aw Lalpa!!  a na tawrh zozai te hi a na em a, tawrhpui theih nise ka va ti tehlul em...

"i hria em... engkim a tawp vek tawh asin....tuman an tih nat che ka phal leh tawh ngai lovang... engtik ah mah " tih nat hlau tak chungin dim tak in a hmai chu ka han chul sak heuh heuh a, " ka hmangaih che... ka hmangaih lutuk che" ka ti nghal mawlh mawlh bawk.

____________________________________________

★2 months later ★

Tun thlengin Rachael thil tih zozai avang khan chhungkua ah nghawng nasa tak ala nei a,tuman ti lang lo mahse an lungngai in an la tuar hle a ni tih hai rual a la ni lo.

Joel phei chuan a tuar bik em em a, a hna leh a nunphung a danglam sawt in chhiat lam a pan zel ni berin ka hria.Chaw a ei thei lova zanah lah a muhil thei hek lo, thla hnih chhung ringawt pawhin a hmelah a langchhuak thei a, kum a vei meuh chuan engtin nge a awm ang tih pawh ka ngaihtuah ngam lo.

Asher pawh damdawiin ah ala awm a mahse hma a sawn chak in a zun pawh siak angai tawh lova,a chaw ei a tui ṭan tawh in a hmel hmuh pawh a nuam sawt hle bawk.

" Eleanor... vawin chu ṭap tawh suh aw, i pa thawhpui te i ti mangang leh ange "a hma in alo ṭap hrep tawh a, vawin chu min tih buai tawh loh hram ka beisei.

Naute paw chungin bag ah daiper leh a kekawr vel ka lo khung luh mawlh mawlh lai chuan Samuel a rawn lut a, a hmai khuar dak te leh dâng bai ka hmuh apiang hian Rachael chu ka haw thar leh ṭhin. Hengthil zawng zawng hi amah vanga thleng vek a ni.

"vawin chu i pa ka va hlawh ange... " Samuel hi chu ka tan hian a ṭha takzet, an nupa in kar khatah vawikhat tal ka pa an tlawh ngei ngei ṭhin.

"Eleanor vaccine lak angai bawk si a...vawin chu ka rawn kal hman ka ring lo" ka lo ti nghal vat a.
"i pa chungchang kha i lo ngaihtuah tawh em? " kan chhangchhe bawk nen ka pa hi an in a awm turin an duh a, mahse ka tihbuai hnem tawh em avangin ka la hnial ṭang ṭang thung.
"ka ngaihdan ala ngai reng.. "
" Coco....chhungkua kan ni tawh a ni tih hi theihnghilh ngai suh ka tih tawh kha"
" ka hria lawm... ughh,ka tlai ṭap tawh a nih hi... kan kal vat vat ange, Asher an min lo nghak reng tawh ang." bag ah sawk sawk pahin room aṭang chuan ka chhuak nghal hlawk hlawk a.

★HOSPITAL ★

Eleanor chu stroller a ka nawr vang nge pawh ka hrelo room chhunga ka nawr luh lai te chuan a ṭap leh tuarh tuarh tawh, a hma zawnga ṭap duh der si lo hian a pa awm veleh a ṭap nghal tuarh tuarh zel.

Asher chuan min lo nuih leh var var tawh!! hetikhawp a damlo nasa chung pawh hian a hmelṭhat na a bo chuang lo, ka hmuh apiang hian ka tuiral nawm awn awn dawn chu a nih hi.

" ka... ughh.... a hma in a ṭap miah lo ania " ka han ti nghal ringawt a, ka zei lovin ka ti ṭap ngun lutuk a Asher an min hauh phah tawh avangin insawi thiam nghal zung zung hi a ngai.
"a zung a ni lo maw?"
"zung lo..." a hma pawhin a pa a zunkhum tawh a, kan buai hrep tawh lehnghal. He nau hi chuan min ti chhangchhe tak tak a ni.

" khawi ka lo pawm dawn mi? "
" ngailo... lo la nghak hram hram rawh, i pawm thei ṭep tawh.. "
" hreptak chuan... engtianga rei nge nghah la ngai dawn, doctor awm loh lai hian ka pawm anga an hre dawn chuang hleinem... "
" Asher... a rit lutuk a i la pawm thei lo alawm... khawi i bulah hian ka lo muttir leh ang "
" aw le... " a pa bula a mut hi chuan a ṭap bang leh hmak lawi sia.

"ka bula a awm in a ṭap char char a... midang bula a awm in a ṭap duh der si lo... "
" Coco... " ka sam pheng zet ka ṭawn ṭhat hman hleih loh chu chul mam pah hian, "a hahthlak viau ang tiraw..." a han ti sap a, ka mu tlem hmel a hmuh te hian amah zawk hi a inthiam lo daih zel.

" teuh lo... "
" hahh... i thinchhe lutuk a, i bulah a awm duh lo a nih hi "
"hmm... ehe...a ril a ṭam tawh ngawt ang hnute pek a hun tawh a nih hi... " tih pahin ka tho vut a, ka hnute a kham loh avangin Aptamil (India ah chuan Dexolac a lar ) kan hnek tel tir ṭhin a, ka siam sa tawh avangin milk bottle chu ka bag aṭangin ka la chhuak nghal vat bawk.

" Coco.... "
" umm.... " ka hawi let vut a,a thutak tak thut avang chuan mak tih hmel takin ka en kar a.
" na i nei em ni? " hlauthawng tih hriat tak hian ka lo ti vat bawk, nuih suk pahin ka kut chu la in a han hum vang vang a," nei love" a fawp zui sap bawk.

" ka hmangaih che... "
" hahh... keipawh in ka hmangaih che... " tih pahin ka zuk fawp zeuh a, min tih hlauthawn hman em avangin ka thaw nghal huai mai.
" min ti hlauthawng alawm... " nuih suk pahin thawh mai chu ka han tum a mahse " a nih min nei duh angem?  a rawn ti ta thut mai!! ka rin lawk loh lutuk thil a nih avangin phawk fe hian ka melh reng ringawt.

" min chhang dawn lo em ni? " lukham hnuai aṭang chuan zungbun hi a rawn la chhuak zal zal a.Eng nge ka ngaihtuah pawh ka hrelo ka mittui a rawn tling nghal pum ringawt. A hun lo asin le!!  engvanga ṭap awlsam ta em em nge maw ka nih le?

"he hun hi ka lo nghah na a rei tawh asin... "
"ka in nghah tir che avangin min ngaidam dawn nia...anih aw i tih na em ni ?" mittui hruk zeuh pahin ka lo bu nghat a, " aw... engtin nge ka hnial phal ang " tih pahin kan in fawp nghal vawng vawng a, he hun hi ka lo nghahna a rei tawh em avangin a thleng ta mai hi ka la awih thei lo.

" ka hmangaih che... "
" a aia nasa in... " ka ti chiah a, Eleanor chu chhuak zet hian a rawn ṭap leh nghal tuarh tuarh a nih chu!!
" bawihte... ka tihpalh.. " rang takin aptamil chu ka hnektir nghal vat a, hun lo deuh a a rawn ṭah avang chuan kan in en a, kan han nui dun leh rih ṭhin .
________________________________________

★4 years later★

-Asher's pov-

"Coco....khawiah nge ka stethoscope hi a awm?"
"khum bul a drawer ah ka thukru ...Eleanor in inkhual te lem nan alo hmang a " hmanhmawh takin Eleanor siam mawlh mawlh pah chuan a rawn ti a,a ni pawh kei ang tho in a buai hle.

Vawin hi Eleanor in nursery a kal ni hmasa ber tur a ni tawh a, nizanah a mut duh loh avangin thawh kan hai phah lehnghal a, kan phili phah vek.

"Breakfast ei lovin kal miah suh ang che u... " tih pahin Eleanor chu kitchen lamah a kai phei nghal dawr dawr a, an pahnih chuan ka va zawm ve nghal vat a.

Kan tih ṭhin dan ang bawkin eng anga tlai pawh ni ila kan han ṭawngṭai leh te te a, hmanhnawh takin kan ei nghal mawlh mawlh bawk.

Coco pawhin hna chhete a hmu ve a, marketing lam a nih avangin kei ai mah hian a buai zawk emaw tih mai tur a ni.
"karleh hi ka pa thih cham a ni tawh a... i hman ang tiraw? " ka sawi hmaih dawn alawm mawle, Coco pa in kum hnih kalta kan min boral san a, a thih chamah hi chuan hun ka in siam hram hram ṭhin .
"tehreng mai... engtik lai pawhin "
" ka lawm e... "

Breakfast kan ei zawh chuan hmanhmawh takin Eleanor chu car ah ka ṭhut luh tir a,seatbelt ka hreng tir nghal mawlh mawlh bawk .Coco pawh in ka bag khai chungin min rawn umchhuak ve nghal dawr dawr a.
"fimkhur takin khalh rawh aw....Joel pawh a thleng tep tawh ania" kan buai em avangin Joel an Eleanor hi school ah min hruai sak dawn a, engkim ah a in pe zo hle bawk. Eleanor pawhin a ngai bawk a, a riak phei deuh reng zel.

"aw le... ka hmangaih che " a hmui a fawh zeuh pahin car a luh mai chu ka han tum a.
" lawk... vawin hi eng ni nge i hria em? "
"zirtawp... " ka lo ti vei hmak a, diktak chuan kan 3rd anniversary a ni ,surprise ka duh avangin ka hrelo der mai zawk a ni.
"ughh... chutiang nilo in "
" Eleanor school luh ni hnasa ber ...eng nge ni ta? "
" ughh... engmah a ni lo, kal tawh rawh u " lungawi loh hmel zetin a tawlh hnung hrat a, min bye bye lai te chuan nuih pawh min nuih duh tawh lo.

Kan thawhna damdawiin pengah chuan Joel an min lo nghak ran tawh a, Eleanor a hmuh rual rual chuan a lo nuih lehnghal sang tawh.
" hey...i pa in a duat che em? " pawm pahin alo ti nghal vat a, a ni lah chuan zep neih miah lo hian, " nizanah a nu in min hau " a lo ti nghal zat .
"ngatinge? "
" a pa khawl ka lo khalh a... " ni e, Coco sawi ang khan ka stethoscope alo khalh a, a nu in a hauh apiang in a pa Joel bulah a zualko ngei ngei.

"hei a tlai tawh... ka kalpui nghal mai ang "
" Joe... " a kal tur chu ka lo ko ding leh a.
" Rachael hi theihnghilh tawh rawh..." damchhunga lungin tang tura an tih pawhin Joel hian ala thlah thei lo hi a buaithlak,hmeichhe dang ngaihzawn chu sawi loh kum 4 hnu ah pawh kar tin a va la tlawh ziah ṭhin .

"naktuk ah ka tlawh dawn a... i duh chuan i rawn kal ve thei ang " tih pahin car ah a lut a, an tlan nghal vang vang bawk.

Joel ka hmuh apiang hian chakna ka nei thar leh ṭhin .Rachael a thlah lo a nih chuan kei pawhin Coco hi ka thlah tur a ni lo a, damchhungin ka hmangaih zawk tur a ni tiin ka in fuih thar ziah bawk.
_________________________________________

Ka ward fang zo chiah doctor duty room a ka luh chuan rin loh deuhin Hunter ka hmu hlawl ringawt!!
"hey.. buddy i dam maw? "
"engtik ah nge i rawn let " ka lo ti nghal vat a.
" tun ah mai khan... naktuk ah ka let lehnghal ang "
" Coco... hmuh i tum lo em ni? " Coco hian a khat tawkin a chungchang hi a sawi ri leh zeuh ṭhin a, vawikhat tal chu hmu leh se ka duh.

" aih... ka hmu a nih chuan ka chhuhsak leh palh ang che... " ka nui suk ringawt, a ngeiawm ngaiin alo la ngeiawm reng a nih hi.
"eng nge i rawn let chhan? "
" umm... engmah ni love... " tih pahin a rawn tho chhuak thut a," Coco fanu tan engmah ka la tihsak lova..." tih pahin Disney land tricket hi dawhkan ah a rawn theh thla a," a dang erawh in in ah ka thawn tawh... "
" kan fanu... " Coco fanu a tih bik avang chuan ka ngaithei bik lo.

" ohh!!  in fanu... ṭha takin le "
" ka lawm e...i thil min tihsak avang khan " a chhuak tur chu ka ti zui sup a.
"engmah a ni lo... Coco hi ka hmangaih a ni tih ka hrilh tawh che kha ,i ti ṭap a nih chuan ka rawn let leh ang "
" chutiang chu a thlen lo hram ka beisei... "
" keipawh... " ka dar a ben thak thak pahin a chhuak zui nghal a.

________________________________________
★6:30 pm★

Ka duty zo chu Coco aia in thlen hmasak ka duh avangin hmanhmawh takin ka kal nghal hlawk hlawk a, Freddie leh Jerry duty tur nen kan in tawk hlawl bawk.
" hey... dude, kan chei zo tawh a nia... " An pahnih hian Coco ka surprise na tur kan in ka chei tir a,nalh taka an chei erawh ka phut hran lo.

" a ṭhat chu nakin ah a hranpa in lawmthu kan in hrilh leh zawk dawn nia.. "
" anyway... happy anniversary... "
"ka rin aiin in daih reih mai " Jerry chuan alo ti ve bawk a, a ni chauh nilo in midang pawhin a hma aṭang tawh khan kan in ṭhen vat an rin thu min lo hrilh nual tawh ... in ṭhen chu sawi loh a ni telin kan in hmangaihna a pung zel zawk.

"hmangaih i tawn hunah i hre mai ang " Freddie chuan nuih vur vur pahin min lo chhan khalh a.
"happy anniversary... zanin chu a aia nasa a chet tur aw... "
" ni e... naktuk chu leave ka lo laksak lawk ang che. " min fiam zui nghal bawrh bawrh a, "a nih phawt " tih pahin car ah ka luhsan daih thung.

In ka thlen chuan rang takin ka chhuk nghal vata inchhung pawh ka luh hma in  Coco pawh a rawn tlan lut ve chiah bawk.
"duhtak zanin chu i va haw hma ve " ni e... kan anniversary a ni miau alawm.
" nia... kan lut dawn mi niang " ka zam takzet, engmah ka la hmu bik lova hemi te pahnih hian engtiang chiahin nge an chei dawn tih pawh ka hre lo.

" umm... Eleanor chu a rawn haw duhlo a, A pu te bulah a riak leh dawn a nih hmel "
" riak rawh se... a pawi hleinem"
"Asher ...Vawin hi eng ni nge a nih i hre miah lo a maw? " thinrim lungawi lo tak chung chuan min rawn en kar a ,chhang lo in ngawi rengin kawngka chu ka han hawng a.

Rin loh deuh in kawngka ka hawn rual rual chuan balloon tam tham tak hi a rawn thlawk chhuak ta dum dum mai!!  Coco ai pawhin mak ka ti zawk in ka hria.
" Asher.... " mak tih hmel tak hian min rawn en ha a, mak ti awm reng pawh a ni a chhan chu inchhung chu bati leh rose sen in a lo khat vek a, dawhkan pawh alo in set fel sa vek bawk.
"i lo la hre reng amaw? "
" engtin nge ka theihnghilh theih ang "

"i theihnghilh tawh emaw ka lo ti asin "
"lut ang le... thil dang pawhin alo la nghak reng che a nia... "
" ka..ughh... happy anniversary  ..."min rawn kuah nghal vawng vawng a. Hetiang te chu nepte, khang kum liamta zozai a min puih dan zawng zawng ngaihtuah chuan heng thil mai mai te hi chuan a hên zo teuh lo.

Dinner kan ei zawh chuan inchung a thli fim dawn heuh heuh pahin ka chhungte nen kan in video call a,nidang chu nise phone ah Eleanor hian biak pawh min be duh lo ang mahse zanin zet chu Hunter an toys mai bakah a duh zawng tur hlir thil tamtak a thawn vang pawh a ni mahna a ṭawng duh barh barh in kan in be rei hle .

" naktuk ah Rachael kan va tlawh ve dawn mi niang " a rawn tih chhuah hlawl avang chuan mak ka ti takzet ,a chhanchu Rachael hi a hua in a hming pawh sawi ngam a nih loh laia hetiang rilru a rawn put thut avang hian a mak takzet.
"tehreng mai... "
"tun aṭang chuan mi huat neih ka duh tawh lo... Asher nangpawhin khang ka thil lo tih zozai avang khan min ngaidam duh ta lo la engtin nge ka awm ang le? "

" mi huat nan kan dam hun chhung hi a tawi lutuk...hmangaihna hi a hek reng reng hleinem chuvang chuan a theih anga tam kan pe chhuak zawk tur a ni " ka pa in min fuih nan a a hman ṭhin Coco hrilh chhawng theia ka awm hi ka lawm takzet. Engtik lai mahin Coco hi ka nawr lui ngai lova,ka nun atangin ka hmuh tir mai thin. Hun duh rei deuh mahse kum tamtak a ral meuh chuan a inthlak danglam nasa tawh takzet.

"ka dam chhungin ka hmangaih che anga... ka hmangaih belh zel bawk ang che "
"duhtak... khatiang mi ka ni chung pawh a min pawm a ,hmangaih tlak lo min hmangaih avang khan ka lawm e...chuan khatiang thil ka ti chung pawha min ngaihdam avang khan ka lawm takzet bawk... tun hun hi ka thlen theih phah a "

" i hria em... ngaihdamna diktak chu ngaihdam tlak loh ngaihdam hi a ni... chutiang bawkin Hmangaihna diktak chu hmangaih tlak loh hmangaih hi a ni asin " ka ti sap a, thla eng hnuaiah chuan kan in fawp zui vawng vawng a.

Hun harsa tak tak karah pawh ka kut i vuan tlat reng a, kawng thui tak ni mahse a tawp a tawp ah chuan kan hlenchhuak ta!! 

Mi tamtak in 'in daih rei lo ang, in in ṭhen vat ang' tiin min hrilh ṭhin mahse min han en teh u, a ni telin kan in hmangaihna a zual zel a, a hma aiin kan chak sauh bawk a kan chak zel bawk ang .

(sawi thui vak angai lo, he hla lyrics hi en ula a fiah vek mai ang,keichu Shania sak aiin Harry Styles emaw Lee Dewyze cover kha ngaithla thei zawk ula ka ti in tuiral vek mai ang chuan he story nen hian a in hmeh hle bawk ..Xoxo ) 

You're Still the One- Shania Twain

Looks like we made it

Look how far we've come my baby

We mighta took the long way

We knew we'd get there someday

They said "I bet they'll never make it"

But just look at us holding on

We're still together still going strong

You're still the one I run to

The on that I belong to

You're still the one I want for life

(You're still the one)

You're still the one I love

The only one I dream of

You're still the one I kiss good night

THE END

ig- @remruati_kath

fb- Remruati Bawitlung/Haylor Sept

(Chhiar zawh veleh fakna hmet vek ang u aw )