February 16, 2018
Chapter-41
.
"Oh!!.... a lan dan chuan kan tam hret anih hmel " Calvin chuan Raven chu a melh khai a, engvanga in haw em em nge an nih chu ka hrelo mahse gang khata awm chu an in tan ve tal ka lo ring asin.
" Norah... library ah chuan va kal rawh " tih pahin ka bag chu min rawn pe a, Calvin erawh a dang tlat thung. Keimah a awm ka duh avangin ngawi rengin ka bag chu la in library lam chu pan ka tuma mahse Raven an Calvin jacket nghawng a tham takah chuan ka ngai thei ta hauh lo.
.
"I tibuai leh anih chuan ka chhuah hauh lo ang che " Raven chuan ha seh chilh ran chuan a ti a,
" Raven duhtawk rawh, Calvin hi thlah rawh "ka ti vin nghal thah a, midang ho lah chuan min en hrek hrek lehnghal.
"mahse a ti buai che alawm "
"ka nun a rawn in rawlh turin tunge i nih? " mak tih hmel takin min en ha a, Calvin a thamna chu thlah in min en reng a.
"Ka engmah i ni lo chuvang chuan khawngaih in ka hmuh turin rawn awm tawh suh, ka buaina chu ka chingfel ve mai ang " inhum ruh chungin ka kal nghal hlawk hlawk a,Calvin chu hnehtu inti takin Raven chu a nuih suk a,tih el nan ka kawngah a rawn kuah ngat bawk mahse Raven an min en reng tih ka hriat avangin ka haw duh lem lo
.
Library bul kan thleng chiah tih chuan ka inla hrang nghal vata.
" Calvin kal tawh la a tha zawk ang " tih sap pahin library ah ka lut nghala, min hrethiam ani ngei ang min rawn zui tawh lem lo. Chair ah thu in thawk ka han la kawk a.
" Norah... hrehawm ti suh, a phu ve reng alawm..i lehkha zir lai ah chiah i rilru pe rawh" tiin ka in hrilh nghal mawlh mawlh a.Lehkha bu chu la chhuakin ka han en vela, ka rilru ah a lut thei thlawt lo, Raven hian kawng engkimah min ti buai chhunzawm zel dawn chu anih hi.
.
Pu Thomas te in a ka kal hnu in dinner te kan han ei leh te te phawt a, ka chau bawk nen corridor ah chuan ka kalphei chhat chhat a, a reh duk lehnghal. Ka room a ka lut tur chu ka ding chawt a, Raven kawngka chu ka han melh vang vang phawt a.
" Engtik ah nge ka theihnghilh theih ang che le? " tih sap pahin ka ner nang a. Nilo... tiang hi ka ngaihtuah tur ani lo Raven hi ka nun atangin ka paihbo hmak tur ani. Awm khawtlai lo in ka room ah ka lut hmaka. Ka bag chu khumah ka thehthal tawp a, towel la in bathroom ah ka lut zui nghala.
.
A vawt bawk aniang ka inbual rei hle mai, ka inbual zawh meuh chuan dar9 a lo pel leh der tawh. Ka inthlak sawk sawk a engmah ti zui lo in chair ah ka thu chat a, lehkha ka zir chhunzawm nghal mawlh mawlh a.
Kawngka inkik ri karh karh ri ka hriat chuan ka phu nghal zawk a, ka mut chhuah lai tak ani bawk nen ka harh chiang kher mai. Sana chu ka en vata dar12 a lo pel der tawh
" tun ang hunah tunge rawn kal ang? " tih sap pahin hlauthawng ru tak si chuan kawngka lam chu ka pan them them a.
.
Ka hmelhriat ngai lo emaw misual an lo nih takin tiin tiang ka keng ran bawk. Door view atang chuan ka han bih dek dek a Calvin ka hmu chiah chu ka thaw nghal huai .
" Calvin...tun ang hunah enge i rawn tih dawn ?" tih pahin kawngka chu ka hawng vata.
" ahh... englo ania" a rawn lut nghala.
" Engmaw!! "
" Party na a kal turin rawn sawm che ka tum a " inkuang kuah meuh in thawk ka han la hak a.
" Calvin.... ka theilo tih i hriat kha, kan inexam hma in kar hnih chauh ka nei tawh a tunah party maw!! teuh lo " tih pahin chair ah chuan ka thutsan daih a, ka zir chhunzawm lehnghal mawlh mawlh bawk.
.
" Norah... zanin chiah " A rawn tih pawh chuan hrelo ang maiin ka zir lai chu ka zir chhunzawm mawlh mawlh a, ani pawhin tihngaihna a hre bik lo khumah chuan a lo thu ve renga.
" Anih... kan kal mai ange " a tho nghal hluai a " Raven leh Evana te pawh an rawn kal ngei ang " a tih chuan ka thu ngil nghal awt a. "Anih leh le " ka hawi let vata, Calvin chu ka thil sawi tur nghak chuan alo la ding renga.
"Haw ka duh hunah min hruai haw ang che " tih pahin ka closet chu ka hai nghal mawlh mawlh a.
" Tehreng mai,car ah ka lo nghak ang che " min nuih suk pahin a chhuak nghala.
.
" Eng nge ka hak tak ang " tih pahin ka inhai hnawk nuai a,kal ka duh tak tlat nachhan pawh hi ka hre tawh lo, Raven leh Evana te awmdan ka hmuh duh vang pawh ani mahna.
" E... taka Sarah in kawr min hnutchhiah tak " tih pahin Sarah closet chu ka hawng vata,kawrfual dum khup khuh lo chiah chiah chu ka ha nghal sawk sawk a,pheikhawk sang ka bun peih loh avangin ka sandal dum chu ka inthawlh nghal a. Darthlalang ah ka han in en vang vang a nalh ka in ti ve hle, makeup hman loh aiah tiin lipstick sen chu ka inhnawih tel bawka ti hi chuan tumah in min hre hrang tawh bik hauh lo ang.
.
Party na hmun kan thlen chuan a ngaite bawkin boruak a rit leh tawh takzet mahse ngaiah ka nei ve deuh tawh. Ka lut chiah chu Raven ka va hmu nghal, couch ah thatchhe zet hian alo thu ngui bam a, mak tak maiin Evana ka hmu tel lo hlauh. Raven an min rawn hmuh chuan mak tih hmel takin min rawn melh nghal kawk a ,mahse ka awmdan ka thlak nghal vat ka hawisang vah a, Calvin banah kuah chat bawk, ka tum ber chu Raven hian a tello a ka awm theih zia hria se ka duh ani.
.
" I lam duh em? " Calvin chuan ka beng bulah a rawn ti sa sa a.
" aih... ka duh lo "
" oh God... Norah anih chuan tihian ti ang, dinner min kilpui dawn nge min lampui dawn " a tih chuan ka lo ner nang a.
" lam ai chuan dinner ei te chu a tha fe zawk " ka lo ti liam puat a,
" anih chuan naktuk zanah aw" ka lo nuih suk a.
Raven piah deuh lawk ah Calvin nen chuan kan thu dun a, Raven chu ka va melh leh zeuh thin a min lo melh run avang chuan ka hawi let rang kher mai.
.
Calvin leh a thiante ho chuan dawhkana powder var chu an hnar in an hip lut a,a au leh dar dar thin mahse ka ngaihven lem lo, eng ruihtheih thil ber nge anih tih pawh ka hre mai thei lo ,cocaine te pawh ani mahna. Raven chu ka va melh zeuh a mahse ka en hma kha ka ngai vawng vawng ,ka lo en kher kher chu ka inchhir takzet a chhanchu a bulah Evana alo thu leh ran tawh, thawk ka han la kawk a,ka inhum ruh vat bawk.
.
"Norah in tur i duh em ?" Calvin chuan a rawn ti sap a .
" umm... " Calvin chu tho in intur la chuan a kal nghala, reilo te ah a rawn let leh vat.
" kha le... a chak lo ber chi anih hi, no hnih hi tlak nghal pawp rawh " tih pahin intur chu min rawn pe a, ka han in meuh chuan ka rin ai daihin a tui, a thlum dek dek nimai hian ka hria. Calvin chuan min rawn nuih vur vur a, a mit lah chu a sen ram lehnghal, a rui tawh hle tih a hriat theih.
.
Minute20 vel a ral meuh chuan ka thil in vang kha aniang ka thlan tui in min leih nghal bawrh bawrh a, ka za vek nimai hian ka hria ka awmdan hi ka hrethiam lo takzet. Nichin lawka enga tan mah ka ngaih lo midang in fawp lai ka hmuh te chuan ka chil ka lem leh dak thin a, ka tui in lah chu a hal huam huam lehnghal.
" Calvin ka awmdan hi a nuam lo ,ka hrethiam lo a hrehawm lutuk " ka ti ta ringawt a, Calvin lah chuan min nuih suk ringawt .
.
"hmun dang tlem a hmun thawl deuh ah i awm duh em ?" Ka beng bulah chuan a rawn ti sa sa a,ka beng a rawn fawh te chuan ka danglam nghal vek, ka rilru chu a fim vekin ka hre bawk si mahse Calvin an min tawh hian ka danglam tlat.
Inchung lamah boruak thawl deuh hip tur chuan kan inzui chho hnak hnak a, inchung chu music a ring vak lo bawka ka awm ka nuam huai in ka hria.
"Helamah rawn kal rawh " Calvin chu room pakhat ah hian a lut a ka zui lut ve nghal vat.
.
" Kawngka rawn khar rawh "
" a pawilo... " ka tawng zawh hma hma chuan min rawn fawp ta thut mai!!
" Engthil nge maw i tih le? " ka lo nam sawn vata mahse min rawn fawp lui leh ngat, tunah zet chuan ka tanglui thei tawh lo. Ka fawp let ve nghal tawn tawn a ka awmdan hi ka hrethiam tawh lo Calvin an ka malpui a zut lai te leh ka hnute a khawih lai te chuan nuam ka ti tlat anih chu. Nilo, Norah harh chhuak rawh, mahse ka taksa erawh ka thunun thei lo. Calvin chuan khumah min mut a duhthawh zet hian min fawp nghal tawn tawn a ka lo rum leh ham ham thin.
.
Chutia kan infawh lai tak chuan kawngka chu tu emaw hian a rawn tlawh hawng nghal thuai mai!! Calvin chu pawt thawh lawp pahin a hnek nghal mawlh mawlh bawk. Hlauhthawnna chang pawh ka hrelo
" Raven... engtin nge kan awmna i hriata" tih pahin ka nui chhuak hawk hawk a.Chutianga ka lo tih avang chuan Calvin chu a hnek tawp chawt a,ka bulah rawn kal in a jacket chuan min khuh vata.
" Norah.... rawn kal rawh haw ang "
" aih ka duh lo... ngatinge Calvin kha i hnek a, kan la infawp tui asin"
"Norah... harh rawh " tih pahin ka hmaiah chuan a beng nghal thui a na hle mahse ka nuih a za tlat a nih chu!!
"Eng damdawi te hrep nge maw a lo pek che le " a ti vin nghal hluk a.
" intur chak lo ber chi chiah ka in " inti fel fahran chuan ka lo ti a.
" awle" thawk a han la hak a, thinrim insum tih hriat tak chuan min en reng a.
" ka hruai haw ang che " tih pahin room atang chuan min kuah chhuak nghala duh lo mah ila a chak lutuk ka duh ang pawhin ka awm thei lo.Pawn ka thlen chuan kal pawh ka kal tha thei tawh lo ka ke te chu a zawi vek tawh , leiah chuan ka thu hnawk a.
.
"Norah... Tho rawh "
"ka tho thei lo, ka zawi lutuk "
"hmela teh hrep chu! " ti sup pahin min pawm kang nawlh a, kei lah zah hre tawh hek lo a awmah chuan ka lo bei hle hle a, ka thla a muang suai suai in ka hria.
Car ah min pawm lut a, seatbelt min hrentir lai te chuan a hmui leh a hnar vel te chu ka en renga ,a hmeltha takzet. Driver seat ah rawn thu in a khalh chhuak nghala.
" A van reh em em " tih pahin hla chu ring zetin ka han play a.
" Norah... a ring lutuk " Raven chuan a rawn ti zawi vata.
" a nuam daih zawk " ka ti ring lui leh ngat mahse engmah a sawi buai tawh lem lo min rawn nuih suk ringawt.
.
Ruah a tla sep sep e ti lo chuan ka thlan dup lehnghala, Raven a jacket ka hak lai chu ka han phelh a, ka kawr phelh leh ka tum chuan min lo dang nghal vat.
"nilo Norah.... i kawr chu phelh suh"
" Engvangin maw ,a lum em hi "
" ugghhhh.... i damlo ang " a tih chuan ner nang pahin ka lo bu nghut a damloh chu ka duh bik lo, boruak lah chu ka ngam surh lehnghal.
Ka han maimichhing vang vang a
" Raven...."
" umm...."
" Secret palace ah kan kal thei angem ?"
" maw!!"
" kal ka chak takzet "
" ughh... awle" car chu a turn nghal a.
" hla hi a ring emai ti tawp vat teh " ka han ti vin leh hlar a.
" awle " a ti zawi zui nghal
" tihian a nuam " tih pahin motor a khalh lai lai chuan malchung ka va in thawlh phei a, mak tih hmel zet hian min lo en ha a.
" Norah... ka khalh tha thei lo ania "
"A pawilo"
" kan accident mai anga sin "
" a pawilo " tih pahin a nghawngah chuan ka han seh ne ne a, ka hnute in a awm vel chu ka han nek kual vel bawk a, ka tet em avangin a motor khakh lai chu ka dal lo chiang kher mai .
.
" Secret palace chu kan thleng tawh chhuk tawh rawh " tih pahin kawngka chu a rawn hawng a, fawh ka tum pawhin lehlam a hawi hmak .
" aw...le" lungawi lo tih hriat zet in ka chhuak nghal nghawng nghawng a, ani pawh chu a rawn chhuak ve vat bawk .
Inchhung kan luh chuan thla eng in inchung chu a rawn kap eng uarh lehnghala,a nuam takzet.
" light on suh " tih pahin inchung lamah ka tlan chho nghala.
" Norah... i tlu ange " Raven chuan a rawn ti nghal tuarh a mahse a thusawi chu hriat pawh ka hre leh tawh lo.
.
Raven rawn chhoh hma chuan khumah ka lo mu ar ar a, ka za cheng mai bawk si diktak chuan ka awmdan hi tisa chakna hlir in ka khat ani ber mai, ka inthunun zo lo mai bakah Raven hi ka mamawh ngawih ngawih in ka hria.
" kha heihi in rawh " tih pahin light chu a rawn on eng uarh a, a eng em avangin ka kut in ka mit ka lo hliah vata.
" Enge?"
" lemon leh khawizu tui anih hi , i harh hawk mai ang "
" ani maw" tih pahin inla zei fahran in Raven chu ka pan hnai a, a kut chu ka han fawp zeuh a, a no ken lai chu ka laksak a tlemte ka han lem khalh bawka,boruak ka ngam lutuk avang leh ka zahtheih loh tak em avang chuan Raven pawh min en tawp tawh.
.
" mutthilh tum rawh mamawh i neih chuan room lehlamah ka awm dawn ania" a tih chuan a chhuah hlau in kawngka chu ka kalh vata, light chu off in dim light zawk chu ka on nghala
"Norah... engthil nge maw i tih le? "
" Engthil nge ka tih min zawt a maw!! " tih pahin a kut chu ka la a, ka hnute chuan ka han nek na na bawka.
" Raven min mamawh tih ka hria" khumah chuan ka nam thu a.
" duhtawk rawh... hetiang hian awm suh" a hmuiah duhthawh zet hian ka fawp nghal tawn tawn a, ani pawhin min chhang rang kher mai, ka kawr hak lai chu phelh in a mal chungah chuan ka thu a.
.
" Norah... he thil hi ka ti thei lo, i ruih vang mai mai anih hi " tih pahin a tho thut a mahse ka duh khawp ka la hmu tlat lo, a kawngah kuah in a kawnghren chu ka phelh sak a a nak leh a dul bawr vel ka fawh sak meuh chuan a rawn rum nghal ham ham a, min pehhel tum mahse a insum thei bik lo ani tih ka hre ve kar.
" i harh chhuah hunah i thin a rim dawn lutuk... hetiang hian awm suh,Norah ka thei lo" a tih pawh chuan a kekawr zipper chu phelh sak in ka han play kual vela,a insum thei bik lo a rum leh ham ham thin a, a rilru chuan hetia ka ruih laia min mutpui hi tha a ti lo tih ka hria mahse Raven hi mipa ani chuan insum har a ti hle bawk.
" hreptak chuan Norah....." a tawp a tawp ah chuan min rawn fawp ve nghal tawn tawn a, hnehtu inti takin ka lo nui suk a .
www.storyfb.com mizo story thar nitin dah ziah a ni e
.
Writer's note:
.
Vawin hi women's day anih angin ka hmeichhiat puite zawng zawng hnenah he thu hi ka chah duh che u, Raven ang mipa hi he khawvel a kan awm chhung hian kan tawng dawn lo chuvang chuan nupui pasal inneih hma in kan bialpa te lakah emaw kan hmangaih nia ka hriat te lakah kan thianghlimna ka hlan ve ringawt tur ani lo. Ka nun a mawi a, kan nun kan uluk chuan incheina changkang inbel in midang angin nalh lo mahila Norah ang hian kan luck in Raven aia tha in min hmangaih thei ani tih kan hre theuh dawn nia.
.
Chapter-42
.
Thli rawn thaw vuk vuk leh tuifawn ri hlup hlup chuan min ti harh zawk a,thli in parda a chem leng siau siau na lam chu peih leh peih lo chuan ka va melh phei a ,thli chuan ka hmai chu a rawn chhem heuh heuh bawk a a nuam takzet, khua lah chu a dur khup lehnghala a vawt deuh sur bawk, puan chu kan sin tha leh sauh sauh a mahse helai hmun hi khawi lai nge hostel ani miah lo, mumang ram atanga harh chhuak hlawl ang mai hian ka thu chhuak nghal zawt a. Ka lu lah chu a na bur lehnghal lu dawn vawng vawng pah chuan ka ner suk a.
.
Ka han hawi kual vela ka bula kawr pawh ha lo a Raven lo mu reng ka hmuh chuan phawk fe hian ka meng nghal kawk a ,nizana ka awmdan vel kha ka mitthla ah a rawn lang nghal zut zut bawk, ka zak lutuk chu awm ngaihna pawh ka hrelo ka thin lah chu a rim tun lehnghal.Raven a rawn zik mar tan takah chuan ka tho vata ,ka thawmhnaw ka zawng kual nghal ruai a.
" kha... i thawmhnaw" Chutia ka zawn buai lai taka Raven an a rawn tih chuan ka hawi phei vata, engmah sawi lo in ka pawt thla nghal sawk a.
"Norah.... nizan khan.. " a ti dek dek a bathroom ah ka luhsan nghal hmak.
.
Ka inha sawk sawk a, khatia Raven laka ka tlawm mai avang pawh khan ka thin a rim lehzual.Nizan khan ka in turah Calvin an damdawi a lo pawlh a ka inthunun theih loh mai bakah ngaihtuahna fim pawh ka pu thei hek lo mahse chutichung pawha Raven an min la mutpui fo avang hian ka thin a rim in ka tlawm takzet bawk. Darthlalang ah chuan ka han in en vang vang a " Norah...i tlawm, hmeichhe buan chak lo tak ini a hma atang tawh in " ka ti sap a lehlam ah chuan 'Nun' meuh nih tum mah ila awlsam taka Raven tana ka in pek nachhan chu ka hmangaih vang zawk ani,Raven ta chauh ni ka tum luatah thlutlukna diklo ka siam der ani.
.
Bathroom atang chuan ka chhuak vata, Raven chu ka bulah rawn kal in inthiam loh hmel tak hian a kun lap bawk.
" Ka tihpalh.... nizan avang khan... " a tawng hrelo niawm tak chuan ka pheikhawk chu ka bun sawk sawk a, ka thawmhnaw lah a bul bawk si a vawt takzet.Inhnuai lamah ka chhukthla nghal hlawk hlawk a
"Min ngaithla teh Norah.... " Raven chuan min rawn zui zela kei lah chuan ngaithla duh lo in kawngka lam chu ka pan phei nghal hmawk hmawk a. A tawp ah chuan a zaidam na in a tlin leh ta lo ka banah vuan in a lam hawi turin min pawt her nghal sawk a.
.
" Min ngaithla rawh ka tih chu " a ti vin nghal thah a, kei lah ka thinrim lai ani bawk nen a kut paihthlak pah chuan ka melh chho kar a
" Engchu maw ka ngaihthlak anga, nizanah ka inturah damdawi pawlh anih avangin ngaihtuahna mumal pawh ka pu thei lo a ka inthunun thei hek lo chu chu remchangah lo la in min mutpui maw!! Raven mi tenawm tak ini, ni e... hmeichhe awlsam leh buanchak lo tak ka ni chu chu ani lawm ni min hrilh i duh" ka lo ti ve nghal tawn tawn a, Raven hian ka hmangaih zia leh a tana ka inpek zia kha hria se ka duh thin mahse tunah chuan a tlai tawh lutuk.
.
" Chu chu ka sawi tum ani lo " kun lap pahin zawi sap hian a rawn ti a .
"anih chuan engvanga helai hmuna min hruai nge i nih chuan eng vanga min mutpui nge i nih mawh,i laka ka tlawm zia min hriattir nawn leh i tum zawk ami? mawh...."ka ti nghal tawn tawn a,ka in hum ruh nghal vat bawk.
"Raven min chhang rawh.... " a ngawih reng avang chuan ka ti nawn leh saka.
" Norah.... nangman insum thei lo turin min siam vang ani" vin thah chuan min rawn chhang let ve nghala.
.
"Nizan khan ka insum ve nasa asin,ka fawh lai reng che pawh khan'ka thil tih hi a dik lo " tiin ka inhrilh ve mawlh mawlh asin mahse engtin nge ka ti chuan ang nang nilo in kei zawk hi ani i laka tlawm zawk chu.Ka hmuh ringawt che pawhin ka thisen hi a lum nghal pap thin Norah... ka inthunun thei lo ani " a ti chuai raih a, a awmdan atang chuan hrilh ngai lo in a inthiam lo hle tih ka hria mahse engtin nge ka awm ang, Raven hi hetianga a awm avang hian ka kuah anga ka ngaidam mai ang maw!! nilo...Evana nena an thawm siam te leh Evana au thawm vel leh nuam ti thawm ri te chu ka bengah a rawn ri nawn nghal tluk tluk a,ka thin a rim zual sauh bawk.
.
Ka ding khawng renga ka melh ngai chu ka melh vung vung bawka.
" nilo... nilo... " lu thing nawk nawk pahin kawngka lam chu ka pan nghala.
"Norah... khawiah nge i kal dawn? " ka ding nghal chawt ,inhum ruh chungin ka nui lui suk a.
"nangmah hlat thei ang berah kal ka tum mawle " tih sup pahin ka kal leh nghal a, kawngka bul ka thlen chuan ka hawi let leh ngata.
" Zaninah Calvin nen kan indate dawn a i lo hre ve mai mai dawn nia " tih pahin ka chhuak nghala. Ruah lah chu a tla cher cher lehnghal, tuipui fawn ri hlup hlup te chuan ka hnuk an ti ulh takzet.A vawt bawk nen khur hlawk hlawk chung chuan hma lam ka pan zela .
.
Secret palace hi tlang chhipa awm anih avangin motor veivak han phar mai tur lah a awm der mai bawk si lo. Ka hmui te chu a duk vek tawh a mahse luhlul chhuah in hma lam ka la pan tang tang tho. Rei fe ka kal hnu chuan ka hnung lam atangin car headlight chuan min rawn chhun ta va mai!! Ka hawi let lo a chhanchu Raven nilo tudang nge ni chuang ang.Inkuangkuah pah chuan ka kal zela, car lah chuan muangchangin min zui ve zela, ka kal chak leh a rawn tlan chaka ka kal muan deuh leh a tlan muang ve zel a.
Ka ding mai duh tak si lo avang chuan ka zawn ah chuan a rawn tlan ta ringawt a,vawikhat pawh ka melh lo.Ka hma ah tak car chu rawn ti ding in Raven chu a rawn chhuak nghal vata.
" Car ah lut rawh " car kawngka chu min hawn saka lehlam ka lo hawi hmak.
"vawikhat chiah ka sawi leh ang Car ah lut rawh " ha seh chilh ran chuan a ti a,ka hnial duh tawh bik lo a chhan chu ka awmna hmun atang hian hostel ala hla em em a motor phar tur lah a awm dawn lo tih chu kei tluka hrechiang an awm lo ang.Ruah a sur mai bakah Raven hian car a lut turin min ti nawn leh tawh dawn lo chuvang chuan luhlul chhuah lo in ka lut leh ta hna hna a.
.
Car ah rawn lut ve nghal in Heater chu a on vata,a vawt lutuk pawh kha a zia deuh. Kawng tluan in kan inbe lo hrim hrim , in hnaih takin thu mah ila ka rilru erawh hmun hran daih ah a awm thung. Hostel kawt kan thlen rual rual chuan ka chhuk thla nghal vata .
Ka room ka luh rual rual chuan ka kawr ka phelh sawk sawk a bathroom ah ka tlan lut nghal. Tuilum a kan han inphuh tir sar sar takah chuan ka nuam huai huai in ka hria, nichina Raven nen kan awmdan kha boruak a rit takzet. Ka inbual zo darthlalang a ka in en chu ka nghawng leh ka taksa hmun hrang hrang ah chuan Raven an min khawih na hnuhma chu a lang thluah bawka .
.
" Nilo.... nilo.... " tih pahin ka han nuai nawk nawk a, nuai reh chi zia zang ani lo. Khumah chuan ka thu hnawk a, ka mittui chu a rawn luang thla ngiai ngiai a." Raven...engtin nge maw ka theihnghilh ang che le?" ka ti sap a, diktak chuan Raven induh khum leh a duh lo zawng ang hlira awm hi thil awlsam tak ani lo. Ka thinlung chuan a thil tih sual zawng zawng a ngaidam nghal veka mahse ka chiat leh tha hriatna erawh in amah hlat thei ang bera awm turin min duh bawk si.A va han hrehawm tak em, hmangaih nei emaw duh nei chuan min hriatthiam ve ngei ka ring, engang pawhin kan duh emaw kan hmangaih te hian kan rilru ti na mahse chhungril ah chuan kan ngaidam zel tho chu anih hi mahse kan chhiat leh tha hriatna bawk hian an mahni min hlat tir leh thin.
.
Chawhma class ka nei lo bawka tiin dar1 velah college lam pan chuan bus ah ka chuang phei vung vung a, a ruk tak chuan college kal pawh hi ka hreh takzet. College ka thlen meuh chuan an lo zi leh nuaih nuaih tawh khua chhe hle mahse exam a hnai tawh bawka tumah in class thulh kan tum tawh bik lo. Class lak lai te chuan engmah ka ngaihtuah thei lo, Raven, Raven... tih ringawt ka bengah a ri nawn tluk tluk a ,a chhan erawh ka hre bik lo.
.
Class a zawh rual rual in locker lam pan chuan ka kal nghal hlawk hlawk a,
" Norah... " ka hawi let vata Calvin chu hmai duk leh pilh phung hian a lo ding ran a, mak ti hmel takin ka en ha a ,engvangin nge mak ka tih ve ringawt nizan khan Raven an thi tep khawpin a sawisa tak!!.
"Norah... ih englo ania" tih pahin min rawn khawih a tum a mahse ka lo tawlh hnung vata. A thinrim chuan ka ban ah a rawn tham nghal tawn a
" Ka.... ka tum vang reng pawh ani lo,ka duh aiin "a sawi zawh hma hma chuan a kut ka thin thlak sak a, a hmai ah ka beng nghal thuai bawk.
.
"min rawn hnaih leh tawh suh, tenawm lutuk" tih pahin ka kal nghal hlawk hlawk a, midang ho chuan min en thap lehnghal.. " Norah... hlau suh, i thil tih hi a dik ani" tiin ka hriat tawh lek chuan ka phun nghal mawlh mawlh a, Ngatinge ka vanduai em em mai le ka thiantha emaw ka tih ten min phatsan zela tunah Calvin pawhin ka taksa bak duh a nei lo, Raven chu awm lo se chuan... Nilo, Raven hming hi ka lam leh tawh tur ani lo. A hma pawhin hlim takin ka awm thei tho a chuvang chuan a hma a ka nun danah khan let leh ka duh ani.
.
Chapter-43
.
Ka Class bang hostel ka thlen hma chuan muang changin dinner te kan ei kawi leh te te phawt a, lehkha zir ka ngai tawh dawn bawk nen chak taka ka awm theih nan thil ei tam ka ngai tih rilru pu reng chung chuan ka ei tawn tawn a, ka phone a rawn ri ral ral mai. Ka en vata pu Christopher ani tih ka hmuh chuan ka thil ei lai chu ka phuhchhuak tep !.Ka pickup nghal vata
" enge ni ta Pu Christopher.... "
" Norah... tunah inah rawn kal vat rawh... Thomas hi engtin emaw a awm ania " a tih rual rual chuan phone chu dah in hmanhmawh takin ka tlan chhuak nghala.
.
Taxi phar dingin pu Christopher in lam pan chuan chak zetin ka kaltir nghala. Ka hlauthawng lutuk chu ka thu hle hle thei tawh lo, ka rilru in ka tawngtai nghal mawlh mawlh a, kan thleng har tawh takzet. Ka kut chu ka sik neuh neuh a a khat tawkin driver chu tlan chak turin ka hrilh reng bawk. Engtin nge pu Thomas chu a awm ang le? tunah hian a thi mek te hi ani lo maw? nilo... nilo chutiang ka ngaihtuah tur ani lo engkim a tha leh vek mai ang. Pu Christopher te in ka thlen chuan a chak thei ang berin ka tlan nghal hlawk hlawk a.
.
Kawngka bul ka thlen chuan ka ding nghal chawt, ka hlauthawng bawk nen ka lut mai ngam lo a chhan chu doctor in " Tang rawh, tang rawh " a tih thawm ka hriat phak vang ani .
" Lalpa.. khawngaihin Pu Thomas hian hmabak ala ngah lutuk " thawk ka han la hak a pu Thomas room lam pan chuan ka tlan chho nghala. Kawngka ka hawng chiah chu boruak a rit nghal hle, pu Thomas chu electric hmangin tih harh tumin doctor pathum leh nurse pali vel chuan an lo hual thap a,a aia nasa in hlauhthawnna in ka khat nghal.
.
Kawngka sira thlauthawng tih hriat taka lo ding khur zawih zawih Pu Christopher chu ka va kuah nghal thlawp a.
" a tha leh mai ang " hnem tum chuan ka han ti ve tak na in kei pawh hi ka hlauthawng takzet.
" Norah.... a lungphu an hmu lo " tih chauh chu khur dar dar hian a rawn ti sap a,ka thiam tak tawk in pu Christopher hnung ah chuan ka han chul heuh heuh a ka hnem bawka, pu Thomas lah chu a harh thei mai bawk si lo. Kawngka siarah chuan inkuah rialin thil engpawh a tha emaw a chhe lam emaw pawh lo thleng se chumi lo nghak chuan kan ding tawp mai ani.
.
" Norah.... " mangnang tih hriat takin mitsen ram chung hian pu Christopher chuan min rawn en a kei lah ka mittui a tling pam tawh mai bawk si.
" a tha leh vat dawn alawm"
" ka... ka hlauthawng takzet "
" Pathian in engkim a ti dawn alawm.... " ka ti sap a, a ruk tak chuan ka hlauthawng ve hle.
" a marphu kan hmu e " nurse pakhat in a rawn tih takah chuan ka lawm lutuk chu awmdan tur pawh ka hrelo. Reife an buaipui hnu chuan Pu Thomas pawh pangngai takin a hma a a awm ang khan a awm ve leh thei ta a. Kan vai mai chuan room pawnah ka chhuak nghala.
.
"pu Cambelo.... i fapa hi a tha chho leh mai ang tihian chim buai hrih lo ula tunah chuan a zia tawh e" doctor in a tih chuan ka thaw nghal huai mai.
" doctor ka lawm e"
Doctor ho an chhuah hnu chuan pu Christopher mittui chu a rawn far fap a.
" ka pu... a tha tawh alawm lungngai tawh suh "
" Norah... hetianga ka awm chhan chu ka lawm em vang ani hun rei tak chhung Pathian lam ka hawi duh ngai lo a mahse zanin hian ka fapa chungah thil mak a rawn thlentir ani " a tih chuan ka lawm lutuk chu ka mittui a tla hial, a chhanchu pu Christopher sawi tawh ang khan a fapa vangin biakin ah pawh a kal duh ngai lo a a fapa vang vekin Pathian a ko leh ani tih ka hriat hian ka lawm takzet.
.
Pu Cambelo nen chuan thil chi hrang hrang kan sawi dun a, sana ka en chuan alo tlai leh ruih tawh.
" pu Christopher ka kal mai ang... naktuk class ka nei dawn si a "
" Norah... zanin chauh chu hetah i riak thei lo ami? Stephen leh anu an awm si lo a keimah chauh chuan Thomas kha lo buai leh ta se engtin nge ka awm ang " a tih takah chuan ka inngaihtuah vung vung .Ni e, a sawi dik Pu Thomas hi khatiang khan awm leh ta se pu Christopher chauh a awm dawn si a kei talin ka awmpui loh chuan bakah ruah a sur buan buan lehnghal.Hmelhriat satliah an ni lo bawka ka tan chuan riah mai hi a awlsam zawk .
.
Pu Christopher chuan ka riah thinna Raven room hlui ah chuan min hruai chho hnak hnak a, kawng engkim ah pu Christopher hi ka chungah a tha takzet chuvang chuan hetiang a riahpui leh hnem bak chuan rulh dan ka hre lo
" Mangtha le Norah.... "
" mangtha le" room atang chuan a chhuak nghala. Khumah chuan ka inrawlh nghal thak a, light chu dim zetin ka ti eng bawk. Khawpui a ri nasa in kawl a phe nasa bawk si a mutthilh chu sawi lo ka harh tulh tulh mai.
.
Inchung lam chu ka melh kual hruk hruk a, khawpui leh tek a tlak apiang in ka phu leh zawk thin a ,hetiang ringawt chuan ka muhil thei lo ang .Mutthilh tum in ka han maimichhing vang vang a mahse thawm danglam takin min ti harh tlat mai.!!! Kawngka inbeng dawt dawt ri nimai hian ka hria. Ka han ngaithla chiang leh deuh a thil diklo a awm tih ka hrenghal. Khum atang chuan ka inperh tho nghal nalh a room pawnah ka chhuak nghala. Corridor ah pu Chrisropher pawh a rawn phei ve mek bawk a mahse hlim hmel a pu sang thung.
.
" Engkim a tha maw!! " tiin ka lo zawt vata, a bu nghata min rawn nuih sang bawk.
" Norah....ka lawm e" hriatthiam loh hmel takin ka lo en ha a.
" Kawngka rawn kik a, rawn tlawh vak vak tu chu Raven a nih chu " ka meng phawk nghal kawk a.
" in inkar ah enge maw a thleng pawh ani mahna mahse ka tupa hian kum7 hnuah a vawikhat nan he in hi a rawn rap leh ani" tih pah chuan ka kut chu a rawn hum vang vang a.
"he inah hian malsawmna i rawn thlen ani " tih pahin inhnuai lamah a chhuk tha nghala.
.
Keipawh chu bang phenah inhnuai lam hmuh theih si chuan ka ding ran a, Pu Christopher an kawngka a hawn chuan tudang nilo in Raven ngei ani, a huh zawr veka a thinrim hmel hle bawk.
" khawiah nge Norah?" a pu bulah chuan a ti nghal hluk hluk a.
" inhru hul phawt rawh " pu Christopher chuan phur tak leh hlim hmel pu sang chung chuan alo ti a mahse Raven erawh in a melh khai thung. Engmah sawi lo in inchung lamah a rawn tlan chho nghala, a rawn tlan chhoh takah chuan room ah ka tlan lut vata kawngka chu khar in ngheng chung chuan ka ding khawng renga.
" Norah... Norah... " Raven lah chuan min au tuarh tuarh mai bawk si, kawngka chu ka kalhtha sawk sawk a thinphu dep dep chung chuan ka ngheng ran a, Raven aw pawh a rawn hnai tial tial a tawp a tawp ah chuan ka awmna room kawngka chu a rawn beng ta thuai mai, ka te nghal thawt a.A reh nghal vung vung a
" Norah...kawngka rawn hawng rawh " ka phu nghal zawk mai engtin nge hetah ka awm tih a hriat zawk ni .
"i rawn hawn loh chuan kawngka hi ka tlawh chhe dawn nia " tih pah chuan a rawn tlawh nghal thuai thuai a .
.
A tlawh chhe thei takngial dawn, kawngka chu ka hawng ta ringawt a.
"enge i duh ?" ka lo ti nghal tuarh a, room chhungah rawn lut in ,ka biang chu a kut pahnih a dawn ran chungin ka mit ah tak chuan min melh kalh a.
" Norah... ka duh chu nang hi i ni " zawi sap hian a rawn ti a, mahse lehlam ka hawi hmak, a hmel en tur chuan min kuai her nghal sawk a.
" Calvin tan ka duh lo che, tumah tan ka phal lo che... Norah, kaltir leh che ka duh tawh lo khawngaih in min ngaidam rawh " tih pahin ka hma ah chuan a thingthi ngal rawp a, Raven meuh a thingthit takah chuan min hneh leh hle tawh .
.
" Raven... awmdun tur kan nilo, tunah pawh hian Calvin nen kan indate i hlauh vanga rawn kal mai mai i ni,Chuan Evana nen pawh in mut dun mai bakah in in kawp tawh a chuvang chuan kei chu min rawn tibuai tawh suh, hetah hian awm rawh keimah zawk hi kan haw ange " zaidam tak leh tha tak chuan ka hrilh a.
" tumah helai hmun atang hian an chhuak lo ang " chutia inring tawk taka a tih avang chuan ka ngaithei der lo chhuah chu ka tum lui ngata .
" Evana nen khan ka mu duh ngei alawm chuan ka inchhir hle bawk, ka inthiam thei lo a nitin mai hian ka inchhir lutuk hi hrehawm ka ti asin mahse kan inkawp lo, chhan nei a inzui ve mai kan ni " a tih chuan ka hawi let vata mak tih hmel takin ka melh nghal kawk a.
.
" maw!! ... Evana nen khan in in kawp miah lo amaw!! engkim min hrilh vekrawh" ka ti sap a.
Show post links
Top
Ngaia
Site Admin
Quote
Post April 2nd, 2017, 3:27 pm
Chapter-44
.
Raven chu tho in khumah chuan a thu kun lap a, a hmui chu a hup vang vang a thawk an la leh hak thin a.
"Evana in i thi chungchang leh kan chanchin engkim a hre vek ani "
"maw!! " a rawn hawi chho a,ka mit ah tak a rawn en kalh a.
"nangmah venhim nan nangmah hlat thei ang berah ka awm ta ani "
" Raven.... mahse ka rilru i ti na alawm" ka ti tham tiak a "kehsawm vek ang mai hian ka in hre thin asin,engtin pawn awm dawn mah ila ka hlau lo mahse chutichung pawh chuan min kalsan tho alawm"
"Norah... engmah i hrethiam lo " a aia vin deuh hlek chuan a rawn ti a.
.
" Engchu maw ka hriatthiam loh tur chu? he thi avang hian ka nunna a derthawng tih ka hria mahse min kalsan khan ka hlau daih zawk asin,min kalsan khan a hrehawm daih zawk khatih hun lai zawng zawng khan min ngaihsak miah lo ,tunah min ngaihsak ang takin awm tum suh " ka lo ti ve nghal thah a, ngatinge maw tawngkam tha tak hian kan in biak mai theih miah loh le? engpawh sawi ila kan vin nghal hluk zel
" keipawh in hrehawm ka tih loh bik i ring ami? " tih pahin ka hma ah tak chuan a rawn ding a "zantin mai hian i room bulah nangmah vengin ka thu tlaivar zak thin asin, he ina i riah pawhin gate bulah sawn i tha nge tha lo tih ka rawn thlithlai ziah thin chutichung chuan ka ngaihsak lo che ila ti maw!!" a ti nghal tuarh a, phawk fe hian ka melh nghal kawk a.
.
"chuti min ngaihtuah si chuan zan tin nangmah vanga ka tah lai te, nangmah vanga ka mutthilh theih loh lai te khan khawiah nge i awm..... oh!! ni ta Evana nen in awmdun ani tiraw? "
" Norah.... duh tawk rawh "
"Raven....Evana nen in inzui atang khan kan inkar a tawp vek tawh,rilru nat leh ka duh tawh lo, min venhim avangin ka lawm e tun atang chuan min venhim angai tawh lo ang ,he thi hi tha takin ka kawl anga ka chungah engpawh thleng se min rawn ngaihtuah tawh suh " ka sawi zawng ringawt pawh hian ka na ngawih ngawih mahse tap lo turin ka in thunun char char, ka rilru diktak pawh ani lo Raven rilru tih nat nana sawi mai mai ka ni zawk.
.
" Raven... tun atang chuan inhmu tawh lo ang " amah hnung chhawn zawng chuan ka ding daih a, a hmuh loh turin ka mittui chu ka han hru zeuh a"mangtha le" tih pahin chhuah ka tum a
"ka hlauthawng ani Norah " Raven a ti chuai raih ri ka hriat chuan ka ding nghal chawt a
"Venhim ka duh lutuk vang che leh Chan che ka hlauh lutuk luatah che kan inkar hi ka tih chhiat phah vek ani mahse khatih chhung zawng khan ka hlauthawng takzet asin, nitin maiin ka thil tih hi a dik angem tih ka inzawt nawn fo thin"Chutianga Raven an a tih takah chuan ka ngawi reng a,thawk a han la leh hak thin a.
.
" khatia Evana in engkim a hriat takah kha chuan ka hlauthawng em em a, i bula ka awm chuan report ah min vo bawk nen khatih hunlai khan ka rilru a buai takzet mahse tihian ka ngaihtuah ta a i him na tur anih phawt chuan engthil pawh ka ti ang tiin thutlukna ka siam ta a mahse kha ka thuthlukna siam baka inchhir kha ka nei leh tawh lo " Raven chu a insut ri hraih a,a han thaw chhuak leh hak thin a,ka rilru ah thil chi hrang hrang a rawn lut nghal zut zut ,Tunah hian Raven an a inchhir thu leh hrehawm a tih thu min hrilh mawlh mawlh a eng vanga luhlul chhuah tlat nge maw ka nih le? ka duh ber chu Raven nena awmdun a inkawp that leh hi ani lawm ni.
.
" Raven.... " tih sap pahin ka hawi let a mahse Raven awmdan ka hmuh chuan engkim a inthlak danglam nghal vek. Raven chu kun lap pahin a kut pahnih chuan a hmui chu a han hup vang vang a,a mittui rawn far fap ka hmuh chuan ka hrehawm tihna ai mahin ka mak tihna a tam zawk a chhan chu Raven ang mi rothap lutuk hi a mittui a tla ve anih chu!!! Chupawh keimah vangin... Boruak chu a danglam nghal vek, ka chapo na te leh ka luhlul ve na te kha vawileh khatah a bo nghal vek a, hetianga Raven a awm hian min ti na takzet .
.
" Raven.... " tih pahin a bulah chuan ka thu a, a awm dan ngai chuan a awm renga a kun tlat bawk.
" Hetiang hian awm suh " kan han ti leh ringawt a, awmdan thiam a har takzet.
" Norah... " ka kut hum pah chuan a rawn hawi chhuaka, a mit chu a sen ram bawk "Ka hmangaih che " hetiang anga Raven awm lai hi ka la hmu ngai lo chuan min hneh hle bawk,a mitmeng atang chuan a sawi mai mai lo ani tih ka hre thei . Nu in a fapa duat taka a chul ang mai hian a hnungzang chu ka han chul sak heuh heuh a
"hetianga i awm te chuan min venghim thei nang " tih pahin ka nui lui suk a, Raven chuan mak tih hmel takin min rawn en nghal kawk a.
.
A sam a chul sak pahin ka kuah nghal thlawp a"Keipawh in ka hmangaih che" thawk ka han la hak a, ka mittui ka dang zo tawh lo a rawn tla nghal zung zung a .Raven chuan nghet takin min rawn kuah nghal vata
" Norah.... min ngaidam rawh " a tih chuan ka inla hrang vata.
"Raven....ngaihdam ngaiin awm tawh suh" a lo bu nghata, ka mittui chu a kut chuan min hruk hul saka, a kut pahnih chuan ka hmai rawn dawm in a chal leh ka chal chu a rawn insik tira.
.
" Ka ngai lutuk che" tih pahin duhthawk zet hian min rawn fawp nghal tawn tawn a, keipawhin ka ngai takzet. A khawih te, a fawh te, a kuah te leh a engkim mai chu ka ngai vel vek.Ka sam chu rawn chul in min en vang vang a " ka hmangaih lutuk che " a han ti leh a, min fawp leh nghal vawng vawng a, ka hlim lutuk hi kei aia hlim an awm leh thei tawh lo ang .Hun rei tak kan inhmuh thiam loh hnu ah hetianga inngeih taka ka awm leh thei ta mai hi ka ring pha lo hial zawk.
" lo kal teh "a thawmhnaw a huh vek avang chuan a phelh a.
" lo mu rawh" tih pahin khumah chuan a mu a a bulah ka inthawlh ve nghal vat bawk. A ban chu kham in ka sam chu a khawih niap niap a.
.
"He room hi ala danglam miah lo anih hi " ka beng bulah chuan a rawn ti sap a, a kawngah chuan ka lo kuah vata, a awmah chuan ka han bei hle hle a
"he inah hian ka kal leh ang tih ka ringpha ngai lo mahse kal lo thei lo turin min siam ani" tih pahin a nui ri hak a,ka hlim lutuk hi engmah pawh ka ngaihtuah thei tawh lo, ka mittui te chu a rawn tla leh ringawt tawh, hlim lutuk pawh hian mittui alo tla thei tho chu ani hi .
" Heyyyy..... Norah" tih pahin a rawn kut hniama, amah en turin min rawn kuai dak a
" i tap ami?" a tih chuan ka lu ka lo bu nghat a.
"Shh....i bulah ka awm tawh hi "
Ka lo insut leh hraih thin a, Raven nen hian kumkhua in ka inthen tawh dawn emaw ka lo ti hman tawh a hetianga a bula ka awm leh thei hi ka hlim takzet.
" ka hlim lutuk vang zawk alawm.... kumkhua in kan inhaw reng tawh dawn emaw ka lo ti hman tawh asin " ka chal ah chuan a rawn fawp nghal vang vang a.
" min haw mahla keichuan ka haw ngai lo ang che ,Norah.... i bula awm hi ka duh takzet engpawh lo thleng dawn mahse ka kalsan tawh lo ang che "
"mahse Evana.... "
" a tha leh vek mai ang "
.
"Engtin nge hetah ka awm tih i hriata" ka tih chuan a nui suk a.
" i room ah i awm si lo a, Calvin nen in in date anih ringin ka rawn zawng nghal che a mahse Calvin bulah i awm tak si loh avangin hetah i awm ka ringa ka rawn kal ta ani"
" Chu Calvin nen kan indate dawn tih ka sawi avang chauh in nimaw i rawn kal "nuih suk pahin ka lo fiam zui zeuh a.
" umm.... ka inngaihtuah a Calvin nen in indate ka phal ngang lo ani " thil chi hrang hrang kan sawi dun a, hetiang hian Raven nen kan inbiak vawikhatna.
"kalsawn miah suh aw..... "ruah sur buan buan te leh khawpui ri dur dur te nen chuan kan awmdan hi a romantic vel vek.
" Raven kal sawn suh aw" ka ti chuai raih a, ka mut a chhuak bawk nen reilo te ah ka muhil nghal vat a.
.
________________________________________
.
Ka harh chuan khua alo var der tawh, ka han zi mar vela ,ka lo nui leh ver ver thin, ka bulah Raven a mu ani tih hre reng chung chuan ka han meng siar siar a. Raven an khabe dawm meuha min lo en reng ani tih ka hmuh chuan ka meng phawk nghal kawk a, ka zak lutuk chu ka hmai a sen leh nghal vek tawh. Ka thu chhuak nghal zawt a.
" morning"
"i... ilo harh tawh ani maw? "
"ka muhil phal hleinem "
" maw!! "
" thu reng lo khan rawn mu rawh " tih pahin min rawn pawt mut a tuma, ka lai laklawh bawk nen ka lo tang tlata .
Show post links
Top
Ngaia
Site Admin
Quote
Post April 2nd, 2017, 3:27 pm
" Lalpa leh.... Norah hetiang hian awm lo teh " tih pahin min pawt mu nghal thlawp a, thawh ka tum avang chuan ka chungah rawn bawk in a kut chuan a in nem kang bawka.
" i zak ami ?" a hmui chu a ti sawi zeuh a,ka mit ah tak min melh kalh bawk. A mit lunghlu hring ang maia hring fiah kak maia min melh tawh hi chuan ka tuiral nghal vek zel. Ka hmuiah chuan a rawn fawp zeuh a.
" tihian i la zak em? "
" Raven... tho teh "
" duh lo ta ila.... "
" College kal ka ngai ania, hostel ah let leh phawt te ka la ngai "
" vawikhat leh chiah " tih pahin ka kawr chhungah a kut chu a rawn zen lut a.
.
Ka kawr chhanah chuan ka hnute zawn chu a rawn fawp zeuh a ,min rawn nuih suk a" a tawk tawh e" tih pahin ka bulah chuan a let thla nghal tawp a.
"anih chuan inphih fai ila... hostel ah chuan let vat ang " a tho thut a, a thawmhnaw chu ha in bathroom ah a lut nghala.
Kan inphih fai zawh chuan inhnuaiah kan chhuk thla duh hnak hnak a ,pawn a kan chhuak tur chu pu Christopher an min lo ko ding a.
" Norah... breakfast in ei dawn lo ami? " pu Christopher chuan alo ti vata, Raven chu ka han melh zeuh a lehlam a hawi hmak.
"Pawnah ka lo va awm ang " tih leh pawna chhuah a rual a.
" Raven.... lo ding lawk teh " a pu in a tih pawh chuan hre lo ang maiin a awm lui tlat tho.
.
" Pu Christopher.... lungngai suh engtik ni ah emaw chuan chawhlui kan la kil ho em em ang "beidawng tih hriat tak chuan ka kut chu a rawn hum a vang vang
"A In hi a rawn rap tal alawm tiraw? " a ti sap a.
" ni e...lo lungngai suh... ka kal ve nghal mai ang, kan inhmu leh vat dawn nia " tih pahin pawnah ka chhuak ve nghala. Raven chuan car chhungah min lo nghak ran a.
" Raven... breakfast tal.... "
"car ah lut rawh " ka sawi zawh hma hma chuan min lo pawt chat vata.
.
Thawk ka han la hak a .
" awle....a tha e" tih pahin car chhungah chuan ka lut a ,kawngka chu na zetin ka khar nghal chawrh bawrh .Chak zetin a khalh chhuak nghala, ka hlau takzet ka in vuan tai a.
" Raven... " ka hlau lutuk chu ka va melh leh zeuh thin a hma lam a melh ngur mai bawk si. A aia chak chuan a khalh zela a tawp a tawp ah chuan ka inzum thei tawh lo ti hi chuan ka accident mai ang
" Car hi ti ding rawh... " ka ti nghal tuarh a, min chhang lo a khalh chak dan ngai reng chuan ala khalh tho.
.
" Raven.... car ti ding rawh" tih pahin ka au tuarh tuarh a.
" ngawi rawh Norah.... " ka lam a rawn hawi zeuh chhung chuan uite pakhat hi motor hma ah chuan a rawn tlan phei zawk a,kawngsir lamah car chu a kual phei nghal pawp a.
Show post links
Top
Ngaia
Site Admin
Quote
Post April 2nd, 2017, 3:28 pm
Chapter-45
.
Car chu a ding chawt a, ka te nghal thawt. Hma lamah ka bu nghal lawp mahse ka insawh na lo hlauh, ka thlauthawng lutuk chu ka thinphu ri pawh ka hre thei hial,ka chi ai nghal vek a enge tih hmasak ber tur pawh ka hrelo .
" Norah...i tha em?" Raven an a rawn tih chuan ka chhang lo , ka hlauthawng bawk nen ka hamhaih vek tawh.
" I insawh na em ?" tih pahin Raven chuan ka ban leh ka hmai vel te chu a rawn endik nghal vata.
" ka tha"ka lo ti nghal tuarh a,Raven kut chu ka paihthla nghal sawk bawk.
"ka tihpalh.... kha ui phiangsen vang vek kha... "tih pahin a steering chu a chum dawt a.
.
Ngeiawm zeta ka mitmu chu tihkual pahin thawk ka han la hak a.Seatbelt ka phelh nghal sawk sawk a.
"eng... enge i tih dawn?"
"car atang hian ka chhuak dawn mawle "
" Norah.... chhuak reng reng suh " a tih rual rual chuan ka chhuak nghala ani pawh chu a rawn chhuak ve nghal.Car chu kan en vang vang a engmah a chhe lo hlauh kan vannei takzet ani.
" Car ah lut rawh "
" Raven....i thinrim i insum theih loh avangin kan accident tep anih kha, engchu nge i buaina ni a ...i pu kha ami? mawh..."Raven chu ka bulah rawn kal in ka hma ah tak chuan a rawn ding ran a
.
" aw... ni e, ka pu hmel ka hmuh khan ka thin a rim takzet a chhan i hre duh tiraw? Ka nu thih khan vawikhat pawh a rawn inlan hleinem. Ka pa nikhaw hrelo in a awmzui a, ka pu ka mamawh em em laiin ani chuan kei aiin a hna a ngai pawimawh zawk asin "Raven mit chu a sen nghal vek a, a thinrim hle tih pawh ka hria mahse a thinchhe lutuk leh a thinrim insum theilo lutuk erawh hi ka haw takzet.
Raven hmai chu ka kut pahnih chuan ka han dawm a
"mahse i pu chuan a hmangaih che alawm " zaidam tak chuan ka han ti a.
.
Hawisawn a tum avang chuan keimah min en tur in ka han pawt hnai deuh a.
"I pu i hua tih ka hria mahse ipa vang tal pawn ngaidam rawh,i inchhir leh tur thil i tih hi ka duhlo" zawi sap chuan ka han ti a,
"thinrim tawh suh... thawk han la vak teh le "zaidam tak chuan ka ti a, thawk a han la kawk kawk a a thinrim lutuk chu tih zia a tum ve hle.Min rawn nuih suk pahin ka hmuiah a rawn fawp zeuh a .
" ka hmangaih che " a rawn ti sup a .
" thinrim tawh suh umm... " ka tih chuan a lu a bu nghata,nuih ver ver pahin ka inla hrang nghal vata.
.
"kan accident teuh hle mai"
" kha ui phiangsen vang kha alawm" tih pahin car chu a chum nghal dawt a,
"Raven.... " ka tih chuan inthiam loh hmel takin min rawn melh zeuh a.
" ahh... ka thin a rim lo, tun kha chu ahhhh.. " a thusawi zawh nghak chuan ka lo en reng a,zahzelah a lu chu a hiat ta ringawt a
"i tlai ang... kal tawh ang "
" Taxi in kal zawk ang "
" engmah chhia a awm loh hi "
"mahse a hma ang khan... "ka sawi zawh hma hma chuan car ah a lut nghal hmaka,a thu anga ka awm loh chuan ka ti thinrim leh mai mai.
" ok... a tha e " thawk lak hak pah chuan car ah ka lut nghala, tun lawk ah khan accident tep mah ila Raven hi chu ka ring em em zel mai.
.
________________________________________
.
Ka inbual lai chuan Raven an kawngka chu a rawn kik dawt dawt a.
" Norah... darkar chanve aia rei i awm tawh ania "
" ka zo tep" ka lo ti nghal vata. Tunah hian ka inbual lai Raven an min nghak meka tun kha a vawithum rawn kik na ani tawh, rei min ti ve ngang aniang.Bathroom atanga ka chhuah chuan Raven chu khumah alo mu ar ar a,rollingstone tshirt dum a ha bawka a inhmeh takzet .Min hmuh chuan a rawn tho chhuak vata, a khabe khawih niap niap pah chuan chiang zet hian min rawn melh kalh a,min en chiang leh lutuk a ka hmai a rawn sen leh nghal vek tawh .
.
"ka rei tawh lo ang " tih pahin ka thawmhnaw chu ka hai mawlh mawlh a,
" hetah lo kal teh " a rawn ti sap a mak tih hmel takin ka lo en ha a.
" maw!! "
" ka bulah hian rawn kal teh ".
"hei ka tlai dawn... " tih pahin ka thil tih ngai chu ka tih chhunzawm lehnghal mawlh mawlh a. Raven chu chek tlak pah chuan ka bulah a rawn kala, ka hnunglam atangin ka kawngah nghet tak hian a rawn kuah a,rawn kun hniam nghal in ka darah a khabe chu a rawn nghat a.
.
" Raven... kal teh,ka tlai dawn nia" engmah sawi lo in ka nghawng chu a rawn fawp zeuh a, ka lu ka tuam na towel chu pawt thla in chhuatah a paih thla nghala. Ka danglam lehnghal vek tawh,hma lam en pah chuan ka ding khawng renga
" Rei lo te chauh" tih pahin ka khabe ah rawn khawih in alam hawi tur chuan min kuai phei a.
"hmanhmawh angai lo" tih pahin duhthawh tak mai hian min rawn fawp nghal tawn tawn a, ka bathrobe chungah rawn zen lut in ka hnute chu a tham tawn tawn bawka.
.
A lam hawi turin min kuai her a, bang ah min nawr beh pah in ka kut chu chung lamah a nem bet tlat bawk.Ka nghawng a seh lai te leh min fawh lai te chuan ka lo rum leh ham ham thin a. Min pawm kang nghal lawp a, a kawngah ka in khawkherh nghal vat bawk.
" Raven... " thawk ham ham pah chuan ka han ti a, ani lah chu a phur zual sauh emaw tih mai tur hian khum lamah min pawm phei nghal nawlh a.
Khumah min mut tir pawh in kan hmui a inthlah chuang lo .
.
Ka chungah rawn bawkin a kut chuan a in nem khalh tlat bawk.
"Raven.... tunah nilo" tih pahin a awmah ka kut chuan ka han nam deuh a,engmah sawi lo in min en vung vung a, ka bulah a rawn let thla tawp a,
" Hreptak chuan " tih pahin khum chu a kiu in a nghawk nghal sawk bawk.Ka bathrobe siam that mawlh mawlh pah chuan ka tho nghal vata. Raven pawh chu rawn tho in ka hmuiah a rawn fawp zeuh a.
" ka thin a rim lo ania, ih... englo.... i bula ka awm hi chuan ka insum thei thin lo, insiam la car ah ka lo nghak ang che "ka sam a rawn chul pahin a chhuak nghala.
Raven awmdan khan ka awm a ti nuamlo takzet diktak chuan keimah hi ka thiamlo zawk beiseina ka pe a mahse ka zawh pui leh duh si lo .
" a pawi reng reng lo, Norah" tih sap pahin ka insiam nghal sawk sawk a. Diktak chuan engemaw hian min mawlh tlat, Raven nen kan infawh mawlh mawlh lai khan mumang ram atanga harh chhuak hlawl ang mai hian ka harh zawk a. Ka insiam zawh chuan inhnuai lamah ka chhuk thla vata, Raven chuan car ah min lo nghak ran bawk. Thatchhe zet a thu chung hian alo maimichhing vang vang a, kawngka ka hawn chuan min lo nuih nghal sang a.
.
College lam panin a khalh chhuak nghala.
" Norah... tlaiah ka rawn hruai ang che "
"nilengin khawiah nge i awm dawn "
"umm.... ughh... thil tih lawk tur ka nei a " lungawi loh hmel zet hian lehlam ka hawi hmaka, min rawn nuih suk pahin ka kut chu a rawn hum vang vang a.
"mi ka that dawn lo... ka tiam a che "
" i ti tak tak em "
"umm.... "
"khawngaih takin tumah that tawh suh aw.... "ka ti chuan a ngawi renga, mahse ka nawr lui duh lem lo.
"tlaiah chuan ka lo nghak reng ang che " ka ti ta ringawt a.
" Vawin chu library ah kal ka ngai dawn a.... " tih pahin ka bag chu ka dap rawk rawk a.
" awi... Lalpa leh"
" enge? "
" ka I-card in inah ka theihnghilh daih" ka ti chhuak phawng a,ka tawngsual ani tih ka inhriat avang chuan ka ka ka hup vata.
" ahh.. ka tih awmzia chu Pu Christopher in ah "
" awle... " tih ringawt a sawi, car chu turn nghal in an in lam pan chuan a khalh nghala, a ruk tak chuan ka inthiam lo takzet .
.
An gate bul kan thlen chuan car chu a ti ding a,ngawi rengin a thu renga.
"i rawn lut ve dawn lo ami? "
" umm... hetah ka lo nghak ang che "
" awle... " car atangin ka chhuak a, thawk ka han la hak a gate chhungah ka lut nghala, Raven chu ka va melh leh zeuh a hawi pawh a rawn hawi lo, a awmdan atang chuan a lungawi lo a chuan ka bulah a ti lang duhlo ani tih pawh ka hria. Inchhung ka luh chuan a ngai te bawkin alo reh leh thap tawh. Engmah ti kawi lo in Raven room hlui lamah chuan ka chho nghala.
.
Tumah room ah an lut lo aniang, I- card ka dahna bag chu darthlalang hma ah chuan alo la awm vang a, Raven an min lo nghah avangin bag chu la in room atang chuan ka chhuak nghal vata .Stephen room zawn ka thlen chuan tawng thawm ka hriat avangin ka ding nghal chawt .
" Stephen a rawn haw tawh ani maw, ngatinge alo haw tur thu a sawi loh le" tih pahin room chhunga lut mai lo chuan kawngka chu tlem in ka han hawng zau deuh a.
.
"ka nu... Norah chu i that thei lo ang " tih thawm ka hriat chuan ka ding khawng nghal zawt,phawk fe hian ka meng nghal kawk a hlauhna in ka khat nghal. Stephen aw ngei chu ani si, a aia chiang zawk chuan ka han ngaithla nawn leh ngat a.
"engmah a chungah ti hlek suh, anu i thah sak tawh a a tawk tawh " tih pahin bang chu a chum ri dawt a.
"a chungah engpawh a thlen chuan ka ngawi mai mai lo ang, ka nu khawngaihin duhtawk tawh rawh. Raven nu leh Norah nu te pawh i that a, chuan ka pa nikhaw hrelo in i dah tawh bawk, engchen nge i thil tih sual hi ka zep pui dawn che "
.
Raven nu kha Regina thah maw chuan pu Thomas hetianga a awm chhan chu a nupui Regina vang maw!!! ka thil hriat hian min thawng takzet. Ngaihtuahna mumal pawh ka pu thei tawh lo.
"i duh ang chuan East Hodge ah chuan ka kal.... "Stephen a zinna chu East Hodge a maw!!! enge kan khua ah chuan a tih nilo ka pa ,ka ni leh ka u te .A tawng zawh hma hma chuan kawngka chu ka hawng nghal thuai a, Stephen an min rawn hmuh chuan phawk fe hian min melh nghal kawk a, phone chu chhuahtah a thlauhthla nghal bawk.
Show post links
Top
Ngaia
Site Admin
Quote
Post April 2nd, 2017, 3:28 pm
Chapter-46
.
"Norah....!!! Hetah enge i rawn tih?"
"Tun ah khan engmaw i sawi kha!!! East Hodge ah i kal amaw!! "tih sap pahin a kawr ah chuan ka tham nghal pawp a,
"Ka chhungte chungah engthil nge i tih.... engvangin nge kan khua ah chuan i kal?" ha seh chilh ran chuan ka han ti a, amah chu ka en kar bawk mahse min chhang lo chuan a ding renga, ka mit ah pawh a en ngam lo hrim hrim.
"Stephen min chhang rawh" ka ti nghal tuarh a, ka thinrim lutuk hi ka puak keh dawn in ka hria.Stephen hian ka nu that tu ,Raven nu that tu leh a pa hetianga awmtirtu hi anu ani tih a hre veka mahse a zep tlat anih amaw!!
.
"Ka ring che asin... Stephen.. Raven ka rin loh chang pawhin nang chauh hi ka rin ngam awm chhun i ni asin mahse ....mahse ka mi rin ber pawh in min bum chu a nih si hi " nuih suk pah chuan ka ti chuai raih a, Stephen erawh inthiam loh hmel takin a ding kun lap reng thung , mahse chu chuan ka thin a ti rim zual zawk. Hetiang thil liamtham lutuk hi anu a zep pui tlat avang chuan ka haw takzet.
"Ka chhungte chungah engthil emaw a thlen vaih chuan... "ka kut te chu a khur der der a.Stephen chu ka en kar a ka mittui a rawn tling nghal pam a.
.
Regina vangin kei leh Raven an nu kan chan tawh a chupawh duhtawk lo in Pu Thomas lehzel nikhaw hrelo in a awmtir bawka, engmah hi ka hrethiam tawh lo. Regina in min zawn avanga hlauthawng taka ka awm lai te leh ka nun derthawng a a awm dan te kha Stephen hian alo hre vek amaw!!! Ka awih thei lo,
"Tunah chuan thi kawltu in hre tawh bawka min that ta che... min zawng reng ani lawm ni hei tunah i hma ah ka awm hi thi hi la la mahse ka chhungte leh Raven erawh engtinmah ti suh ang che.... tenawm lutuk" ka tih chuan Stephen chuan ka kut chu a paihthla nghal lawp a, min hnungchhawn zawng chuan a ding nghal daih a.
.
Ka rosary awrh lai chu phelh in a hnungzangah ka vawn nghal pawp a.Ka thi paih chu en vang vang pawhin Ngawi reng chuan thi chu a char nghal a
"Norah.... " zaidam tak hian thi chu ka kutah a rawn dah a min hum tir nghal bawk.
" Engtin nge ka ti chuan ang.... ka nu in Raven nu a thah lai te leh ka pa car a a sut lai te kha ka mit ngeiin ka hmu asin... anih chuan engtin nge ka tih ang ka nu chu tualthattu ah puh in ka man tir mai ang maw!!! Norah... ka nu hi misual tak ani tih ka hria mahse ka nu a nihna a bo dawn chuang hleinem " zawi sap hian a rawn ti a .
"mahse tual a that alawm...in chungkua, kan chhungkua leh mitam tak pawisawi lo in an tawrh phah zel dawn asin..." tukverh lam hawi chuan ka ding daih a.
.
"ni e... i hrethiam ve lo ang, nu neihloh hrehawm zia te leh ka nu ngaia zantin ka tah thin te kha nang chuan i hrethiam ve lo ...a chhanchu mahni hmasial tak i ni miau alawm chuan Raven an in a chhuah san bawka...haha..engkim hi ruahmanna vek maw lo ni a ? "
"Ni e... ka hma ka sial alawm " vin deuh thah hian a rawn ti a "ka nu hian duat takin vawikhat pawh min la kuah lo chutiang bawkin ka pa leh ka pu pawhin. An tan chuan hnawksak mai ka ni asin mahse chutichung pawh chuan ka hrelo der lui hram hram a,hrehawm ti mah ila a hmuh ah chuan nui hmel ka pu lui hram hram thin asin"
.
"Raven ve thung chu zantin a leng chhuak a, ka pu leh ka pa duh loh dan hlirin a khawsa a,zu rui in buaina a siam ziah mahse tupawhin Raven an la thlang zel tho kei ve erawh bawlhhlawh ang chauh ka ni..Raven hian ka engkim min chhuhsak vek ani... i hria em Raven an in a chhuahsan tum a ka hlim zia kha ,in hi ka in alo ti ta a ro zawng zawng chu ka ta vek turah ka lo ngaia nilo... ka ta engmah alo awm reng reng hleinem, ka pa in Raven hmingin ro zawng zawng alo dah vek anih chu!! keipawh a fapa tho ka ni mahse chan pakhatmah ka nei lo. "
.
"Raven chuan a hmangaih che asin,i hming that loh leh i nat hlauin i hnung lamah a veng reng thin che , i itsik reng lai pawhin ani chuan ring tur che in min hrilh asin... "tih pahin room atang chuan chhuah ka tum a.
" Keipawhin Raven hi ka haw reng reng lo" a tih chuan ka ding nghal chawt a "min hua angin lang mahse ka chungah a rukin a tha em em a,ka hmuh hmaih bik hleinem hetianga ka awm nachhan chu ka inthiam loh vang zawk ani,chuan Norah...nang leh i chhungte chungah engmah ka thlen tir dawn lo ka nu pawh nise ka dang zel ang "
.
Engmah sawi lo in room atang chuan ka chhuak nghala mahse Raven ka hmuh chuan ka ding nghal chawt .
"Raven.... !!" a ngawi renga.
"nangpawhin i hre vek tiraw?"a awmdan chuan min thawng takzet, mak tih hmel takin ka en ha a.
"i rei lutuk a, ka ngaihtha lo in ka rawn en che a, kal tawh ang " tih leh inhnuai lama chhuk thlak a rual a.Engmah ti kawi lo in ka zui thla ve nghal hlawk hlawk a, ka rilru ah thiltamtak a rawn lut nghal zung zung a.
"Raven... engkim i hre sa vek tiraw" car a lut lo chuan a ding chawt a, rilru na tih hriat tak hian a rawn hawi phei a.
.
"nilo...i hre vek " ka lo ti sap a
" ni e... ka hre vek alawm..i nu leh ka nu thattu, ka pa hetianga a awm chhan te hi ka hre vek alawm. Chuan Stephen an engkim a hria tih pawh ka hria " phawk fe hian ka melh nghal kawk a.
"Raven... anih chuan ngatinge i zep renga,ngatinge engmah sawi chhuak lo leh hrelo ang maia i awm tlata" a hma ah tak chuan dingin ka kut chu ka han hum vang vang a .
"keipawhin nu ka nei tawh lo a ka hrehawm tawrh ang kha Stephen hian a tawrh ve ka phal lo chuvang chuan ka zep ta ani"
.
" mahse Regina in tual a that alawm... chuan... chuan min hre chhuak tawh... nilo... ka chhungte thlengin an tawrh ka phal lo " chiai ti tih deuh a ka awm avang chuan ka biangah rawn chul in ka hmuiah a rawn fawp vang vang a.
"i bulah ka awm tawh hi engmah hlauh tur a awm lo"
" mahse.... "
" mahse... khawi ah emaw i leng duh em? "
"kalna tur i neih kha.... "
"naktuk a tih a pawiloh hram ka beisei" tih pahin car kawngka chu min hawn saka,
"class.... "ka han ti dek dek a ka hmuiah a rawn fawp ta thut mai!!
"i tawng leh chuan... " min rawn nuih suk pahin car chu a melh zeuh a, ngaihtha lo deuh chung chuan ka lut ve nghal mai a .
www.storyfb.com mizo story thar nitin dah ziah a ni e
Diktak chuan ka ngaih a tha zan lo,Raven hian tihtur pawimawh tak nei mahse ka awm a nawm loh deuh avang chauha min leng chhuahpui a tum ani tih ka hria lawm hle tur ka nih laiin ka awm a nuam chuang lo. A khalh lai te chuan ka va melh leh zeuh thin , hma lam a bih ngar mai bawk si
"ka hmeltha viau ami? ngatinge min en renga? " a rawn tih chuan ka hawi sawn vata, ka zak lutuk chu ka hmai a sen leh nghal vek tawh.
"i zak ani maw!! " tih pahin ka biang a la rawn khawih zui. Hepa hi chuan min tih zah a thiam ve ngawt mai.
.
_______________________________________
.
Raven nen chuan nilengin kan lengkual a a nuam takzet.Chau hnawp khawpa kan lenkual zawh hnu chuan secret palace lam kan pan lehnghala. Secret palace awmna hi chu a nuam ve thlawt ,thlifim dawn tur a awm renga tuipui zau tak mai leh vaukam mawi tak tak a hmuh theih bawka tlang sang taka awm anih avang hian awlsam taka kal theih ani lo ,mahse hetiang in Raven nu in a nei thei hi a chhuanawm takzet.
.
"Raven kawimaw min lo tibuai lo teh "Dinner kan ei zo tawh a, ka thleng seng lai chuan ka hnunglam atangin min lo kuah zel avang chuan ka nghawk leh sawk thin a mahse a awmsawn duh chuang lo .
"Raven.... "
" Enge... "
" thleng ka sil thei lo ania "
" khawi ka lo sil pui ang che " apron chu ka lo awrhtir vata, kan pahnih chuan kan sil dun ta a chuan kan sil rei hle bawk.
.
" Norah... "
" umm.... "
"hetah hian chengdun ila "
" maw!! "
" ahh... ka tih awmzia chu, secret palace ah hian i awm duh angem? "
" haha... min fiam suh aw!"
" ka ti tak tak.... zingtin i college kal tur ka thlah ziah che anga chuan tlaiah ka rawn lam ziah bawk che anga. Rawng te kan bawl dun thin anga "
"mahse.. kan la inneih hleinem "
"oh... c'mon Norah ,Helai hmunah te chuan inneih hma pawhin an cheng dun fo alawm, movie te kan en dun anga, inbual engkim kan tidun thei tawh dawn alawm "
"Raven... "ka han melh deuh khai a.
" awle... awle... ka hrethiam e" tih pahin a ban a phar va va a,a awmdan naupang chhia lutuk avang chuan ka lo nui suk a.
.
"Ih... Stephen kha.... "
" ngatinge? " alo ti vata.
"ih... englo, engkim a hre si a ngatinge i huat loh a "
"ahh... ka pa leh ka pu min enkawl sak tho alawm " a lo ti sam et a.
"Regina hian engtin nge min tih qng le? "
"Norah... ngaihtuah tawh suh ka tih che kha "
"mahse... ka chhungte leh midang midang te pawh... "
" Engtin mah an awm dawn lo...i chhungte chu ka venghim em em ang " chutia min thlamuan takah chuan ka lo bu nghata.
Thleng ka hruk hul mawlh mawlh lai chuan Raven an mit khap miah lo hian min lo en renga, ka lai lek lek .Awmdan tur ka hriat loh avang chuan ka nui leh ver ver thin a.
"Norah.... " ka sam chu ka benga rawn zeh pah chuan ka beng chu a fawp zeuh a.
"i hmeltha takzet "tih pahin min rawn fawp nghal tawn tawn a keipawhin ka lo chhanglet rang kher mai.Ka apron awrh lai chu phelh in min pawm kang nghal lawpa inchung lamah min pawm chho nghala kan hmui erawh a inthlah chuang lo.
.
Zawite in khumah chuan min nghata, ka chungah rawn bawkin ka hnute chu a tham nghal tawn tawn bawka. Ka dul leh ka khel vel a fawh phei chuan ka lo rum leh ham ham thin .A thawmhnaw a phelh vata Min fawh pahin ka thawmhnaw chu min phelh sak bawk,a chang leh ka nghawng vel te chu a seh bawk neuh neuh bawka,a thaw lum ham ham te chuan min ti phur takzet.Ka taksa chhungah chuan a rawn lut riai riai mai chu ka te chhuak lo thei lo, a hnungzang leh a ban velah chuan ka tham nghal tawn tawn bawka .
" Norah.... "meng pawh ka meng phal lo.
" invenna ka hmang lo, pawi i ti em? " a tih chuan ka lu ka lo thing vata.
Ngaihtuahna mumal pawh ka hmang thei tawh lo ka hriat zawng chu Raven hi ka mamawh takzet tih chiah hi ani.
*
*
Ka harh chuan khua alo var der tawh, ka han zik mar takah chuan Raven chuan min rawn kuah vata.
"Tho tawh ang "
" Reilote tihian awm lawk ang "
" mahse dar10 a ri tawh alawm "
" maw!! " tih pahin a tho chhuak nghal zawt a, mak tih hmel takin ka lo en ha a.
" Norah.... insiam rawh, thil tih tur ka nei a ka thlah haw ang che " phone khawih niap niap pahin room atangin a chhuak nghala.Raven awmdan khan ka ngaih a ti tha lo takzet mahse engmah ka zawt duh lo, ka rilru ka ti hah mai mai.
.
Raven an min tur nasa bawka ka inbual sawk sawk a, ka thawmhnaw ha lo in Raven tshirt chu ka ha ta zawka, a lian bawka ka khup a khuh lo chauh.Inhnuai a ka chhuk thlak chuan Raven chu couch ah thatchhe zet in bawp khawkherh chung hian alo thu ran a
" kal ang le " a tshirt ka hak avang chuan khap miah lo hian min en renga
" diklo a awm ami?" harh chhuak zawk niawm tak hian a ding nghal zawt a.
" ah.. ih.... i kawr hak chu i inhmeh takzet " tih pahin ka hma ah tak chuan a rawn ding a.
" Hetiang anih reng dawn te chuan engtin nge hna dang ka thawhsan theih ang che" min rawn fawp nghal tawn tawn a.
.
"kan tlai dawn kal tawh ila " ka tih chuan a inla hrang nghal vata.
"hreptak chuan he hna hi ka hua i bula awm ka duh zawk takzet "
"mahse... i ti kawp thei si lo alawm chuvang chuan i thil tih tur chu ti zo vat la chuan kan inhmu leh zawk dawn nia"
" Lalpa leh.... he nu hi chu ka hmangaih ani, ka hmangaih che"a thusawi hi a inhmeh thkawt lo, min rawn nuih suk pahin ka kawngah a rawn kuah a.
"kal ang le " pawnah min kuah chhuak nghala.
.
Hostel kan thlen chuan midang pawh an lo zi leh hut hut tawh.Ka room lam panin Elevator ah kan pahnih chuah chuan kan chhuang chho dun a.
" Lo in ngaihtuah rawh aw... "
"Engchu maw!! "ka tih velah chuan bangah min nawr bet nghal rawp a.
" i hrelo der.... " mak ti hmel taka ka lo en avang chuan a nui suk a.
" Chengdun kha mawle... "
"Raven ka.... " ka sawi zawh hma chuan ka hmui a rawn hup daih a,min pawm kang nghal lawp a, a kawngah ka ke chu ka khawkherh nghal bawk.
"i lo inngaihtuah angai ang " ka malpui zut chho in ka panty chu a rawn zen a.
" elevator anih hi... " ka lo ti sap a.
.
" tumah an awm chuang hleinem "
"ka chhuk duh... " a nui ri hak a
"awle.... " tih pahin min dahthla vata.
" mahse... "
" enge mahse? "
" heihi mawle... " ka hmui hnuailam chu na lo te hian a rawn seh ne ne a,
"kan chhuak thei tawh ania " ka han ti sap a, nuih suk pahin elevator atang chuan a chhuak nghala. Mahse Raven chu tu emaw ni hian a rawn hnek ta pawp mai, chhuatah a let nghal tawp a, ka ka hup nghalin ka te nghal tuarh a.
"Norah... lo kal rawh... "tih pahin chu pa chuan Raven bul atang chuan min kai hrang nghal vata, chu aw chu!! ka hawi chhoh chuan ka meng phawk nghal kawk a.
" Travis....!!! " ka ti sap a, ka u hian enge hetah a rawn tih !!!?
.
Chapter-47
.
Ka û ka hmuh chuan ka mengphawk nghal kâwk a,ka ban ah min man beh tlat avang chuan chet nachang pawh ka hre tawh lo, ka hamhaih vêk ani ber. Raven chuan a hmui thi liah zeuh pah chuan a rawn in beng tho vâta, Travis jacket nghawngah a tham nghal pawp a Travis pawh a duai duh bik lo Raven jacket nghawngah chuan a lo tham ve nghal chat bawk an in hmachhawn ran a a tu a mah tlawm bîk nih an tum bawk si lo
" Raven thlah rawh..." ka ti ta ringawt a,ka thusawi chu engatan mah ngai lo in Travis chu a melh khai a
"Norah bul hnaiah hian hmuh leh che ka duh lo ania "Travis chuan a han ti fak fak a, Raven lah chuan a man bet tlat mai bawk si.
.
" hmêla.. ka tih tur min hrilh angai lo " tih pahin Raven chuan hnek a tum ta mai.
" Raven... thlah rawh ka û a nih hi " ka ti nghal tuarh a.Raven chuan a kut chu dahthla in mak tih hmel takin min rawn en ha a Travis chu a han en leh a ,a hmelah chuan inchhir ngawih ngawih hmel a pu. Travis chuan Raven kut chu alo paihthla nghal sawk a, a mit ah tak chuan a en khai a
" Norah... lo kal rawh " min kai nghal dawr dawr a.
"Travis min thlah rawh... "hnunglam ka hawiphei vata Raven chu a ding kun lap a, ka room chhungah min kai lut nghal dawr dawr a.
.
Travis chuan ka kut chu thlah in balcony lam a hawi nghal daih a
" Norah... nizanah khawiah nge i awm? nimin zingah New Orleans ka rawn thleng ve chiah a ka lo nghak reng che asin class pawh kal lo in khawiah nge i awm?"
"he... hetah enge i rawn tih dawn? "mak ka tih em avang chuan ka han ti sap a
" Norah min ti thinrim reng reng suh... Khawiah nge i awm sawi rawh ? "min vin nghal tuarh avang chuan ka phu deuh zawk a, Travis an vawikhat min vin na a ni hial ang mak tih hmel takin ka en ha,ka hlauthawng bawk nen tawng nachang pawh ka hre tawh lo.
.
Ka ngawih reng avang chuan a rawn hawiphei vata, ka hlauthawng hmel a hmuh chiah chu a hmel a danglam nghal vek.
"Ka... ka tihpalh tih hlauthawng che ka tum lo ania " tih pahin min rawn kuah nghal thlawp a," Bawihte... vin che kha ka tum dan ani lo " ka sam chul hliau hliau pah a a tih tak ah chuan û te bula pangchang thin tih takah ka mittui chu a rawn tling nghal pam a.Travis chu a aia nghet chuan ka lo kuah vata,
"Travis... engkim ka hrilh vek ang che "
"nilo... ka ring tawk che alawm ,khatiang lam kha chu sawi tawh lo ang " tih pahin ka mittui chu a rawn hru zeuh a.
.
"Mahse...i ngaih... "
"sawi tawh lo ang ka tih kha....umm thian te chu i nei thiang alawm ngaihzawng ni lo in " ka sawi zawh hma chuan min lo pawtchat vata, ka lo bu nghat a. Keipawhin sawi luih ka tum bik lo a chhan chu a hriat chhuah hunah hrehawm a tih tur zia leh a zah tur zia ka ngaihtuah ringawt pawh hian huaisenna ka nei thlawt lo.
" oh!! kan theihnghilh daih chuh!! " tih pahin a chal chu a han dawm vang vang a.
" Eng thil nge thleng... ?" hlauhthawng hmel tak chuan ka lo ti vata.
" Ah.. ih englo mawle, heta ka lo kalna chhan ber chu Sunshine hospital ah hna ka hmu hlauh a "
.
" maw!! " Sunshine hospital te chu Stephen te damdawiin kha ani si a, engtin nge hetiang thil hi a thlen theih?
" mahse... eng... engtin nge? "
" umm.... kan khua ah mipa pakhat a rawn kal a, an damdawiin ah security hna a ruah thu a rawn sawi a" Chupa chu Stephen ani ngei ang, hepa hian eng game nge maw khelh a tum ni, ngaihdan pawh ka nei lo, ka û hi ka hrilh vat tur ani mahse engtin?.
"ngatinge i hmelhriat leh i hriat chian pawh nilo chu i rin a? " hlauthawng ru tak chuan ka ti a, lawmpui a hneka chutianga ka tih avang chuan Travis chuan mak min ti hle tih ka hria mahse ka hlauhthawn vang zawk ani.
.
"ih... Sunshine Hospital ah hian Steven (Travis thianpa) a thawk ve a an rin tlak turah ka ngai bakah kan khua a rawn kal pa chu tunge a hming kha aw... " tiin a ngaihtuah vung vung a .
" e... aw Stephen Cambelo, Stephen te chu a lar alawm " tih pahin min rawn nuih sang a.Sawi tur pawh ka hrelo, engmah lah chu a hre ve der bawk si lo.
"In hostel atanga hla vak lo ah apartment ka luah ve a"
" aw... anih chu " za lo zet hian ka nui tawi tap a.
"ka ni leh ka pa te chungchang min zawt dawn miah lo ami? "
" maw!! ughh.... nia ka pa leh ka ni te an tha maw?" Travis chu ka hma ah tak rawn ding in chiang zet hian min rawn en a,a mit chu a ti zim sân bawk.
.
" Norah...i awmdan chu midang daih i ang hle mai.... nilo... i zia pawh a dang vek, ka pa takngial pawh i rawn be ngai lo "
" ih.. ughh.... ka buai thei lutuk a, bakah zir tur leh assignment kan ngah thei lutuk a" lo ti ringawt a.
" anih ka ring rengah chutiang chuan ka pa pawh ka hrilh thin a,a rawn tih buai duh loh vang che in a rawn be ngai lo che anih kha... haha..ka pa chuan a ngai thei lutuk che "
"umm... keipawhin ka ngai takzet"
" heta ka rawn kal dawn pawh khan ka pa in a phal vak lo a mahse nangmah chauhin i awm si a chuvang chauh chuan ka rawn kal thei hram " tih pahin ka khumah chuan a let nghal tawp a.
.
"umm.... breakfast i ei tawh em? "
"aih... hetah ka lo nghak char char che a,haw ka lo tum hmana kan in hmu hlauh chu a lawmawm e"
" Class kal ka ngaia, kan insiam lawk ange" tih pahin bathroom ah ka tlanlut nghala. Darthlalang ah chuan ka han in en vang vang a, engtin nge ka û hi thu dik ka hrilh tak ang ,engtik ni ah emaw chuan a hrechhuak ngei awm si a mahse ka hlauthawng takzet.
"Nakinah ka hrilh vek mai ang hun ala tam alawm " nuih suk pah chuan ka han ti sap a.Ka awm a nuam thei thlawt lo mak tak maiin inthiam loh na hlirin ka khat a, dawtsawi mai pawh pawi tihna ka nei hek lo.
.
Khua a vawh deuh avangin ka kawrlum leh ka pawnfen chu ka han feng sawk sawk a ,bathroom atang chuan ka chhuak nghal vata.
"Enteh Norah....Ka apartment lamah i rawn insawn daih duh angem?" nilo, ka insawn thei lo ang.
" umm...exam zawh lamah le" ka û awm nawm nan chuan ka ti ta zawk a, diktak chuan ka û bula awm chu a nuam daih zawk ang tih ka hria mahse Raven hlat ah awm ka duh lo.
"awle... anih chuan hei i tlai dawn kal ila.....keipawh vawin atangin hna ka tan tawh dawn a ka tlai thiang lo" phur tak chuan a lo ti nghal zung zung a, ka lainat takzet Raven nen kan chungchang hi hre ta se chuan a hlim hmel te hi a bo vek awm si a.
Travis chuan college gate thleng min rawn thlah a, kan college awmdan vel a hmuh ngat phei chuan a nau neih chhun hi min chhuang ve hle tih ka hria a chhanchu he college a lut tur hian nasa taka beih angaih vang ani.
" Tha deuhin i zir dawn nia.... ka nu pawhin a chhuang ngawt ang che " ka sama rawn chul heuh heuh paha a rawn tih chuan ka thinlung hi a na vawng vawng thei, ka rilru chuan 'ka û i ngaih ang kha ka ni tawh lo'tiin ka hrilh nghal mawlh mawlh a sawi chhuak tur erawh chuan huaisenna ka nei lo.Za lo zet hian ka lo nuih suk a,
" nih phawt le"kun lap chungin college lam chu ka pan hna hna a.
" oh!! Bawihte thil pakhat" ka hawi let vata.
"kan inhmuh theihloh takin naktuk zing chu biakin ah min kalpui rawh aw, a awmna hmun te ka hre si lo a " a rawn tih chuan ka lo bu nghata.
.
_______________________________________
.
Class a zawh chuan ka locker lam pan chuan ka kal phei hna hna a ka awm a nuam thei thlawt lo.Locker a lehkhabu ka dah luh mawlh mawlh lai chuan tu emawni hian ka hnung lam atangin min rawn kuah nghal chawt a .
"Raven... min thlah teh "
" aih... tiahian a nuam ka ti " hlauhthawng hmel tak hian ka han melh zeuh a, a lo hrethiam nghal, a lam hawi tur chuan min kuai dak nghal vata hmun dang ka melh nghal daih thung.
"Norah....i û in engtin nge a tih che?"ka hriat tawk lek chuan a rawn ti sap a.
"Raven... ka hlauthawng takzet "ka tih chuan ka kut chu a rawn hmer vang vang a.
.
"kan chungchang hi i û ila hrilh lo tiraw?" ka mit ah tak chuan a rawn en kalh a.
"engngtin nge ka hrilh ang,hna a hmu thar a a hlim em em laiin engtin nge a hlimna chu ka lak kian sak theih ang " ka inla hrang nghal vata.
" nilo... ka hrilh thei lo, hetiang em em a ka û hlim hmel hi ka la hmu ngai lo chuvang chuan zep reng ka duh zawk " Raven ngaihdan ani chiah lo tih ka hria mahse ka chanchin a hre vek a min hriat thiam ve ngei ka ring.
" awle...a tha alawm " tih chauh a sawi lehlam a hawi hmaka,
" lo kal rawh haw ang " tih pahin a kal nghal nal nal , inthiam lo tak chungin ka lehkhabu chu ka dahlut sawk sawk a Raven chu ka zui ve nghala.
www.storyfb.com mizo story thar nitin dah ziah a ni e
Car a kan chuan lai pawh chuan a ngawi renga ka va melh leh zeuh thin , kaima thiamloh zawk a nih avangin engmah ka sawi ngam bawk si lo, bialnu dawih lutuk aneih avang hian ka lainat takzet .Tunah hian ka rilru a buai takzet a tu mah mah hi ka chan phal bawk si lo.
" Ka tihpalh " ka han ti sap a,engmah sawi lo in car chu a ti ding nghal chawt a,a seatbelt chu phelh in min rawn fawp nghal tawn tawn a,
"i bulah ka awm hi hlauthawng suh" min rawn fawp leh zeuh a "chuan i û rilru pawh hneh ka tum ngei ngei ang " ka biang chu a rawn chul a.
"hlauthawng tawh suh aw....a tha leh vek mai ang " a rawn ti sapa.
.
" Ka hmangaih che"
" a aia nasa in ka hmangaih zawk che " ka chal a rawn fawp zeuh a,hetianga Raven a awm takah chuan ka rilru pawh a nuam in ka thla a muang deuh sawt.Car engine chu tinung in a tlanchhuak lehnghala,
"Thil pakhat... ka nu thlanah min kalpui thei angem?" ka mak ti chu ka meng phawk nghal kawk a.
" awle... " tiin ka chhang ta zawka. Kalkawngah pangpar kan lei nghala Raven nu thlan lam pan chuan kan inzui phei hnak hnak a.
.
Thlan lung a 'Rosalind Catherine Cambelo' tih lo inziah kalh hna hma ah chuan ka pangpar ken lai chu ka dah a.Thlan hma ah chuan ngawi rengin kan ding renga ,a vawh deuh avangin Raven chuan a jacket chuan min rawn khuh vata ,ka kut rawn vuan in a han fawp zeuh a.
" nu... ka vawikhat rawn kalna ania min ngaidam rawh mahse i awm lo pawhin ka hlim tawh lutuk asin " tih pahin min rawn melh zeuh a .
"Norah anih hi... Scarlet Stowe fanu, hmu ve lang chuan hmeltha i ti ve tho ang.Ani chuan khawvel hmachhawn dan te, nun awmzia te min zirtira" a hmui hnuai lam chu a han liak zeuh a.
.
"He hmeichhia mahni inrintawkna nei lo leh a hmelthatzia pawh hre lo hian a rinna zawng zawng chu ka chungah a nghat veka chu chuan inrintawkna min pe let leh ani ,khawngaihna nei lo leh nunrawng pawh min thlakdanglam vek chu anih hi chuan ani hi ka hmangaih takzet " Raven chuan chiang tak mai hian min rawn en kalh a.
" Norah... KA HMANGAIH CHE " ka lawm lutuk vang pawh ani mahna ka mittui chu a rawn tla nghal zung zung a,he mipa hmeltha chungchuang tak, chhelo leh min ngaihtuah em em tu hian min hmangaih thu min hrilh hi chuan ka ringhlel phal hlawl lo.
" ka lawm e" tih sap pahin Raven darah chuan ka bei hna hna a ,a bulah hi chuan ka thla pawh a muang takzet.
.
Hostel a haw tlang lo in dinner te kan han eichhuak leh te te a, ka lungngaih na zawng zawng te kha a kiang nghal duak in ka hria.
Car ah ka thu fel chiah tih chuan kan piah chiah car atanga Calvin leh Veronica rawn inzui chhuak ka hmuh chuan ka meng phawk nghal kawk a.
" Veronica leh Calvin maw!!! " ka ti sap a. Raven chu rawn hawi vatin Calvin a hmuh chuan a thik ani tih ka hre nghal.
"Stephen an... "
" a nihna diktak ah chuan Veronica leh Calvin hi nupa lawm an nih " min lo pawtchat vata.
" maw!! "
.
" ugh... ni e,nupa maktak an ni ngaihzawng dang an nei ve ve a mahse tisawn an chhuak dun reng tho"Calvin chu ka ten hnuhnawh leh a, party na ah pawh Veronica in mipa dang a awmpui reng chung pawhin kei min chhuahpui tho maw!! engmi nge maw anih le, khawpui mite hi ka hrethiam thei ngai dawn lo anih hi.
"Stephen an a hria em? "
" Hria ang....Trixie runluih nan a kawp mai mai anih ka ring " chutia Raven an Trixie a rawn sawi chhuah takah chuan thil zawh ka chak tlat ani chu. Car engine chu a han tinung hlat hlat a
" Raven.... "
" ummm.... ".
.
"ih... englo" ka sawi tur nghak chuan min rawn en kar a.
"ughh... Trixie mawle" ka han nui lui hak a a mit ko chu a rawn tisang ak a.
"A duh che tih i hria tiraw?"
" ngatinge chu chu min zawh "min chhan mai duh tak lo ah chuan ka han in ti thutak leh deuh a
"mawh.... " hmalam en pah chuan a nui hak a.
" hria ang chu mawle....kan college a hmeichhe 90% hian min duh ani tih pawh ka hria " nui vur vur chung chuan a car chu khalh chhuak nghala. Chutia chapo taka a tih takah chuan ka lo ner nanga, fiamthu deuhin sawi mahse a dik ka ring.Hmeichhe tamzawk hi chuan duh mahse an hlauh deuh avangin an hnaih ngam lo a mahse a tamzawk hi chu aman a ngaihsak loh vang hrim hrim aniang.
.
Hostel kawt ka thlen chuan kawngka min hawnsak nghal vata.
" wow... gentleman " ka lo chhaih vata, a chhanchu Raven hian car kawngka hi min hawnsak mai mai ngai loh vang ani.
"
"umm... mangtha le "
" i rawn lut ve dawn lo ami? "
"ughh... thil tih tur ka nei a " a tih chuan ka pan hnai vat a.
"i hmai hi rawn ti pilh emaw rawn ti duk belh suh aw..." nuih suk pahin a hmuiah chuan ka fawp zeuh a. Ka sawi awmzia chu a hrethiam tih hriat tak hian min rawn nuih suk a , Raven hian engtik ah mah a hna hi a chawlhsan thei dawn lo tih ka hriat avangin ka sawi theih zawng chu dam takin rawn let leh rawh tih chauh hi ani.
.
Nuih vur vur pahin corridor ah chuan ka phei hnak hnak ,kawngka ka hawng tur chu ka room ah midang an awm tih ka hre nghal hmanhmawh takin ka lut vata, Travis ka hmuh chuan ka hlim ngei mai.
" i lo kal ani maw,dinner i ei tawh em ?" tih pahin a biangah chuan ka fawp zeuh a mahse engmah a sawi lo, " vawin i hna chu eng nge a an ?"Travis chuan min chhang lo hrim hrim, ka bag chu khumah dah in bathroom a luh ka tum a.
" Norah..." ka ding chawt a
"he thil hi enge awmzia?" vin zet hian a rawn ti nghal tuarh a,mak tih hmel takin ka hawiphei nghal vata.
.
Chapter-48
.
" Sawi rawh... he thil hi enge awmzia? " tih pahin ka kawr thehlep tak tak Sarah in min hnutchhiah Party na a ka hak thin ho chu a rawn khai chhuak va va a .
" Travis ngatinge ka closet i lo hai?" vin zet a tih pah chuan kawr chu pawt thla in khumah chuan ka thehphei nghal pawp a.
"Ka hriat thin Norah kha ini tawh lo"
"Travis...min ngaithla teh.... "
"nilo.... khang thawmhnaw te kha i ha thin amaw!!! "
"mahse.... khang.... "
"haw leh mai ang... hawh kan khua ah haw leh ang " ka tawng lai chu min lo pawt chat vata.
.
" Khawpui mite khawsak ang hian i khawsa ve thei lo tih i hria ani lawm ni ,Norah ka rilru i ti na hle mai, haw mai ang " Travis chuan ka thawmhnaw ho chu suitcase ah a khung nghal mawlh mawlh a.
"duhtawk rawh.... Travis, kan haw thei lo " ka ti nghal tuarh tuarh a, ka thawmhnaw lah chu a khung nghauh nghauh mai bawk si.
" min ngaithla teh Travis "
" Norah....min ti thinrim reng reng suh, ka hna pawh ka bansan anga college pawh kal chhunzawm tawh lo in 'Nun' turin i in pe ang " a rawn ti vin nghal tuarh a.
" hetiang hian awm suh " ka ti sap a, ka û hi chhanlet ka hreh bawk si .
.
" Kal ang " tih pahin Travis chuan min kaichhuak nghal dawr dawr a lehlamah ka suitcase chu a khai bawka.
"Travis... min thlah rawh"tih pahin ka lo tang ve tlata mahse awmzia a awm lo kher mai.
" Thlah rawh " Travis nen chuan kan hawiphei nghal vata,kan lam pan a rawn kal mek Raven ka hmuh chuan buaina a thleng ngei dawn tih ka hre nghal.
"Nang bawk chu " Travis chuan Raven chu a melh khai a.
"Norah hi naupang chhia ani tawh lo chuvang chuan a duh ang ang in awmtir ve tawh rawh "
"hahh.... chutiang min hrilh turin tunge maw i nih le? "
.
"ila hre mai ang " tih pahin ka û in min kaihna chu Raven chuan a rawn pawt phelh pawp a alamah chuan min pawt nghal hnai nghal bawk,
" Norah... i tha em? " ka lo bu nghata, Raven chet dan avanga ka û hamhaih lutuk hmel kha ka hmuh hmaih hauh lo,a mak ti lutuk chu tawng nachang pawh hre lo in a ding khawng renga
" Bawihte... " a ti chuai raih bawk, a bak a sawi chhunzawm thei tawh lo.
" i nau hi zalen takin awm tir ve tawh rawh " tih pahin Raven chuan elevator ah min kailut nghal dawr dawr a,khap miah lo in ka û chu ka en reng a, elevator a inkhar chiah chu bang ka ngheng nghal thlawp bawk.
.
Tunah hian ka rilru a phir takzet ,Raven kalsan dawn ila a tello in ka awmthei si lo. Raven thlang ila ka chhungkua ka chan dawn bawk si, an pahnih in ka nei kawp thei bawk si lo chumai bakah thlan zawk tur ka hre lo...nilo, an pahnih hian ka mamawh ve ve a, an tello in ka awm thei lo ka rilru a buai takzet.Travis leh Raven te inhnial buai lai khan lo tawng ve tur ka nih laiin engmah ka sawi ta lo anih kha a chhanchu tan lam ka nei tlat lo alawm.Tu emaw zawk zawk tan zawngin tawng chhuak vaih ila chu kha aia buaina nasa kha a thleng ngei ang.
.
Raven khan ka thlavang a hauh avangin khatiang khan ka û a chhang tih ka hria mahse ka û zah lo taka a tawngkhum erawh ka phal bawk si lo chutiang bawkin ka û in thamlo taka Raven a tawngkhum ka phal hek lo,
" i tha maw? " tih pahin Raven chuan ka kut chu a rawn hum vang vang a mahse chhang lo in hmalam ka melh ngar ngar thung. Ka û rilru na hmel leh mak ti lutuk hmel kha ka mitthla ah a cham reng, ka mit nghal sawlh in ka hria.
.
Elevator a ding chuan pawn lam panin Raven chuan min kaichhuak hnak hnak a, a tih dan dan in ka awm tawp ani mai thil tamtak ka ngaihtuah a eng hi nge ka tih hmasak ber ang tih ka hre lo takzet. Car ah lut in seat belt chu min hrentir nghal mawlh mawlh a, ka rilru buai zia a hria ani ngei ang ka awmdan ang ang chuan min awmtir tawp mai ani.
Rei fe kan tlan hnu chuan car chu a tiding chawt a,thil ka ngaihtuah nasa bawk aniang mumang ram atanga harh chhuak hlawl ang mai hian ka hawi chhuak vata. Raven chu ka en vata, mit pawh khap miah lo hian min lo en renga.
.
Car atang chuan chhuak vatin kawngka chu min rawn hawn sak nghal a.
"Lokal rawh, rawn inti thawveng rawh " tih pahin a kut chu a rawn dawh a, nuih suk pahin a kut kaih pah chuan ka chhuak nghala.Kan awmna lai hi ka lo en miah lo bawk a, ka han hawikual vel chu tlang sang takah kan lo awm reng mai. Thlang lam chu ka han thlir vang vang a tuipui fawn ri hlup hlup te leh thli thaw vuk vuk te chuan min ti hahdam sawng sawng in ka hria.Raven chuan min kuah tlata maimichhing vang vang pah chuan a darah ka han bei hle hle a ,chutiang chuan ngawi rengin kan han ding dun vang vang rih a.
.
"Raven.... "min rawn en nghal vata.
"he thil hi a diklo, i... ilo hmu em ka û hmela rilru natna zozai te kha " ka ti chau raih a, min hrethian niawm tak hian ka ban chu duat takin a rawn chul heuh heuh a.
"ka tetlai zawng zawngin ka nu ang maiin min enkawl a, ka chunga a thatna zawng zawng te kha tiang mai mai khan ka rul thei lo ang "
"anih chuan min then i tum ami? " inthiam lo leh rilru nat hmel tak chuan a rawn ti sap a.
" nilo.... " ka mittui chu a rawn far nghal fap a.
"tumah mah hi chan cheu ka duh lo, kawng dang a awm thlawt lo ami?"Raven awmah chuan ka tap nghal hawm hawm a .
.
"shh.... kawng dang a awm em em ang " a thiam ang tawk chuan min han hnem ve tak na a awmzia a awmlo. Raven chungah pawh hian ka inthiamlo takzet mahse tihngaihna ka hre bawk si lo.Reife ka tah hnu chuan ka thawl huai in ka hria
"Secret palace ah kal i duh em? "
"nilo... tunah chuan ka û ka hmuh vat angai "
" mahse... i let ka phal tawh lo, i û khan engtin emaw..."
"ka û chu tha takin ka lo sawipui ang, chuan engkim a that leh vek ka beisei "
"Norah... hriatthiam tum teh, kan pahnih hian cheng dun mai ang, zawi zawi in i û chuan a hrethiam mai ang "
" nilo...chutiang chuan kan ti thei lo ang hostel ah let leh phawt ang "
.
"hreptak chuan , a tha e mahse i û in engtin emaw a tih leh vaih che chuan ...."
"Raven...." bengdaih tum chuan a hmuiah ka han fawp zeuh a.
"awle...a tha e" vin hluk pah chuan car engine chu a tinung nghala. Hostel a let leh ka duh tlat avang chuan phal tawh lo hle mahse min hnial lui duh tawh bik lo. Hostel lam pan chuan a khalh chhuak leh nghala,hma lam chu a melh ngur ngur a a lungawi lo ve hle tih ka hria mahse keimah min ngaihtuah vang zawng ani
Hostel kawt kan thlen chuan zan a rei tawh bawka tumah hmuh tur an awm tawh lo.
"Raven....tih tur kha i nei si a engtin nge khatah khan i awm daih theih " boruak tih zia awm nan thil dang daih chu ka han zawt a.
"umm....hun ala tam alawm " tih bakin min chhang lo mahse zawh belh luih erawh ka tum lo.
"mangtha le " tih pahin car kawngka chu ka hawng vata mahse ka kut ah a lo vawn chat avang chuan ka hawi let vata.
" Norah... kan pahnih in i û chu hmu ang "
" nilo.... buaina nasa zawk a thleng palh ang, ka û chu keiman ka bia anga min hriatthiam ngei ka ring "
.
" kalpui chu i duhlo tak tak amaw!! "
" umm.... "
" Engtin emaw a tih che chuan.... "
" Raven.... engtin mah min ti dawn lo, ka û anih saw " Raven hmelah hian ka û a huatna bak ka hmu lo,"awle.... " ka hmuiah a rawn fawp vang vang a,
"engtik lai pawhin ka hmangaih reng ang che " tih sap pahin ka chalah chuan a rawn fawp zeuh a, nui suk pahin hostel ah ka lut nghala .
.
Corridor a ka kalphei lai te chuan ka inngaihtuah nasa hle a, engtin nge ka û hi ka hmin theih ang tih chu ka bengah a rawn inthum rawn tluk tluk a.
Ka room chhung ka luh dawn te chuan ka hreh lutuk chu kawngka bulah chuan ka han ding leh vang vang rih a.
" Lalpa min pui hram rawh " thawk lak hak pahin maimichhing chung chuan kawngka chu ka han hawng kharh a, ka rilru in ka tawngtai bang chuang lo, ka hlauthawng lutuk chu ka khur der der a, ka kut te chu ka sik niap niap bawk.
Ka room chu alo thim veka, thla chuan inchhung chu a rawn chhun eng raih bawk .
Dim light chu on nghalin Travis chu khumah chuan a lo indawm kun lap lai ka hmuh chuan a hma ah ka thingthi nghal hnawk a.
"Travis.... " a rawn hawi chhuah chuan a mit chu a sen ram a, ka û hi keimah vangin a tap!! ngatinge buaina hlir ka thlen tak mai le
" û.... " a kut chu ka hum sak nghal vata, ngawi rengin rilru na tih hriat tak chuan min en renga .
"Raven hi ka hmangaih takzet ani, khawngaih min.... " ka ti dek dek a, ka kut thingthlak pah chuan a tho nghal hmak .
.
"Raven hi ka thinlung zawng zawngin ka hmangaih takzet ani,khawngaihin Raven hi pawm hram rawh " Travis chu ka dil mawlh mawlh a mahse lehlam min hawi san hmak thung.
"Khapa hmel kha hmuh leh ka duh tawh lo, nangpawh in i hmu leh anih chuan i zirna hi i chhunzawm tawh lo anga kan haw let ang mahse i la hmu duh fo anih chuan duhthlan tur dang ka nei lo, ka û tiin min ko tawh suh ang che " ka meng phawk nghal kawk a, engtin nge hetiang thu hi a sawi chhuah theih zawk?
" ka û.... "
.
"Helai hmunah hian kan neih zawng zawng sengin ka ni leh ka pa phal lo chungin ka kaltir che a hetianga awm tur ni lo in.... " tih pahin ka hma ah tak chuan a rawn ding a.
" Norah....engthil nge tihsual ka neih, keichuan i duhthusam tih hlawhtin sak mai che ka tum asin mahse ka nu duhthusam erawh theihnghilh turin ka duh lo che "
" mahse... a tlai tawh lutuk Raven hi neih ngei ka duh asin"
"Hmangaih neih i thiang ve lo tih hrereng ang che ,ka sawi kha hre reng ang che.... mangtha le bawihte " tih pahin ka chalah a rawn fawp zeuh a, room atang chuan a chhuak nghala kawngka a khar nghal thuai bawk.
.
Ka rilru na lutuk chu awmdan tur pawh ka hre lo ,Travis kha ka chungah a thin a rim takzet tih ka hria, ka û hi ka chungah khatiang khan ala awm ngai lo, ka awmah chuan a rawn in hnawh khawm tut tut niber hian ka hria. Ka awm chu ka han dawm vang vang a engtin nge ka tih tak ang? tunah hian hun harsa tak ka tawk mek a, engtin nge keimah chauh in ka hmachhawn theih ang. Travis lah chu a rilru a thlak hmel bawk si lo ,tah vak vak mai loh chu tih theih dang ka nei hrih lo.
.
Ka harh chuan khua a lo var der tawh ka han hawikual vela ,ka mu tlem bawka ka lu ana takzet. Nizanah khan ka lo intap muhil ani ngei ang chhuatah thu in khum bawh in ka lo muhil reng chu niin.Nizana thil thleng kha ka ngaihtuah a ka hnual nghal vek thei, phur lo zet chuan college kal tur chuan ka insiam sawk sawk a ,breakfast pawh ei lo in college ka kal tlang nghal a, diktak chuan engthil mah eichak ka nei lo.
.
Locker atanga lehkhabu ka la zo lecture room lam ka pan lai chuan.
" Norah.... "chu aw ka hriat rual rual chuan hawi let lo in hmanhmawh takin ka kal nghal hlawk hlawk a,ka tlan ani ber zawk.
Show post links
Top
Ngaia
Site Admin
Quote
Post April 2nd, 2017, 3:31 pm
Chapter-49
.
"Norah.... "
" Stephen hmuh che ka duh tawh lo" tih pah chuan ka kal nghal hlawk hlawk a, stephen chuan min biak tumin min rawn umzui zela.
"Min ngaithla teh... "
" enge i duh? engthil nge tih i tum leh tak ...." ka lo ti vin nghal hluk a, a mit ah tak ka en kar bawk.
"ka û takngial pawh hetah i rawn kaltir tawh a engthil nge tih i tum leh? i ti mah mah tawh ani "lecture room a ka lut tur chu min pawt her nghal sawk.
" Norah.... venhim che ka tum vang zawk ani"
" nilo.... min venghim reng reng lo, dawt min hrilh a min bum ani Stephen.. ka rinna zawng zawng che kha i ti chhe vek tawh"
.
" Chutiang pawh chuan i ngai thei ang mahse duhthlan tur dang ka nei lo ani " a ti chuai raih a
" Engvang chuan maw i neih loh a.... hahh... lemchhan hi duhtawk rawh "
" Hetah i û ka rawn tirh chhan chu nangmah venghim turin ani.....ka nu in thah tum che in a veh reng che a hun remchang siam sak loh ka tum vang zawk ani ...engtin nge ka tih chuan ang ka nu ka dang thei si lo a, hetiang hian ka ti ta mai ani " a thil tih hi amah ngei pawhin a hrechiang lo a, duhthlan tur dang a neih loh vanga hetiang hi ti ani tih a ka hre nghal mai a mahse ka buaina ah hian ka chhungte nunna derthawng a an awm erawh ka phal lo bur.
.
"Stephen...min venghim reng reng lo ,ka û hi dinhmun hlauhawm ah i dah zawk asin chu bakah venhim ka ngai reng reng lo " ka ti lui ve ngata a chhanchu Raven ka kiangah a awm a, ka thla a muang ani.
" Norah.... Raven hian a venghim reng thei dawn lo che" Stephen thusawi chu ngaithla duh lo in kal luih ka tum leh ngat a "in in zawmna hi hriatchhuah ani vaih chuan Raven pawh hian a tuar ngei ang " ka ding nghal chawt a, ka hawi let nghal vata
" maw!! " phawk fe hian ka meng nghal kawk a.
.
"i hria em.... Raven hi college ah pawh hmuh tur a awm ngai lo... a buai em em reng anga thil dang tih tur a neih thu a sawi fo ang " Stephen thusawi hi a dik vek, mahse engthil chiah nge sawi a tum ka hrelo .
"a buai em em nachhan chu engdang vang ni lo in Calvin nen in remsiamna an neih vang ani "
"maw!! Eng... enge i sawi awmzia?"
" ni e... Calvin hian Raven nen inchungchang hi a hre veka chu chu remchang ah la in Raven hi a blackmail mek ani "
" nilo... dawt min hrilh ani"
" Norah... i mumang atang hian harh chhuah a hun tawh,Tunah hian Raven an nangmah venhim nan tual that turin Calvin nen an inrem siam asin, Calvin tual thah ai a thahsak dawn ani" kan bul velah mi an awm lo hlauh, Stephen thusawi ka hriat rual chuan dawt ani tiin ka inhrilh nghal mawlh mawlh a.
.
" dawt i sawi... ka ring lo che" ka ti chuai raih a ,mahse ka thinlung chuan thudik ani tih a hre kur mai bawk si.
"Norah... Chuvang chuan Raven hi then la i û bulah awm rawh....chu chauh chu kawng awmchhun ani " tih pahin min rawn khawih a tum a mahse a kut chu ka lo thingthlak sak vata.
"i thusawi hi ka ring dawn reng reng lo... Stephen ka hmuh theiah rawn awm tawh suh " tih pahin inchung lam panin ka tlanchho nghal hlawk hlawk a, tuna ka thil hriat khan min ti na takzet.
Ni e... Raven chuan tual a that thin ngei alawm mahse tunah chuan a inthlak danglam tawh chuan keimah vanga tualthat ani tih ka hriat hian ka inthiam lo a hrehawm ka ti ngawih ngawih.
.
Nilengin class pawh kal lo in store room ah ka tap nileng thak a tuna ka hun tawn hi hrehawm ka ti takzet, engtin nge ka hmachhawn tak ang ?
Hostel lam pan chuan ka kal hnak hnak a,ka mit chu a bui in a sen ram bawk
pu Cambelo te inah pawh ka kal ngai tawh meuh lo a chhan chu kal phurna ka nei eih lo.Hostel ka luh dawn chuan vanlam chu ka han thlir vang vang a, khua lah chu a duk khuih lehnghal.
"Engtin nge heng buaina zozai hi ka hmachhawn tak" ka han ti sap a, ka rosary chu phawrh chhuak in ka han en vang vang a.
" thutlukna diktak siam thei turin finna min pe lul rawh " ka hmui chu ka pet fan fan a ka inhum ruh nghal thah bawk.
.
" Raven hi ka then tur ani" ka ti sap a, diktak chuan thutlukna siam awlsam tak ani lo mahse Raven leh ka chhungte tawrh tir hi ka duh tawh lo.
Ka room lam pan chuan ka phei hnak hnak a thil tamtak ka ngaihtuah avangin chhuat lam chu ka melh ngur ngur a.
Ka room kawngka ka hawng tur chu ka ding nghal chawt. Raven room kawngka ah thisen tharlam tak ka hmuh avang chuan ka chiai nghal vek ,Raven hi ka ngaihsak tur ani lo tiin ka inhrilh mawlh mawlh a mahse ka inthunun zo tawh lo.
Raven room kawngka chu ka hawng nghal thuai a.Light dim ruih hnuaia Raven lo indawn kun reng ka hmuh chuan a hma ah ka thingthi nghal thlawp a.
.
" Raven.... i tha em?"a kut ah thi a kai nuai a, a thutna bula silai thi kai hnuang ka hmuh chuan engkim ka hrethiam nghal vek. Raven an tual a that leh!!! Ravena inthiamlo leh hlauthawng hmel ka hmuh chuan ka lainat lutuk chuan ka kuah nghal thlawp a
"hlauthawng suh... i bulah ka awm tawh hi " zaidam takin a hnungzang chu ka chul sak heuh heuh a.
" Norah.... min kalsan suh aw" aw khur der der chung chuan a rawn ti chuai raih a mahse ka chhang thei tlat lo.
" min kalsan suh... khawngaih in " a rawn tih nawn leh chuan ka mittui chu a rawn far fap a .
Raven hmai chu ka kut pahnih chuan ka han dawm vang vanga
" Engthil nge thleng? " engkim hre vek mah ila Raven ka atang ngeia hriat ka duh. Ka then a hlauh em avang chuan en pawh min en tha ngam lo, tap lo tur chuan ka in thunun hram hram a mahse Reven hrehawm ti hmel ka hmuh hian insum a har takzet .
" Raven... engkim min hrilh vek rawh " a mit a en reng pah chuan ka han ti leh a.
" kan pahnih tana ti ka ni... i tello chuan ka awm thei lo, Norah.... " ka kut chu a rawn hum vang vang a
"ka thil tih kha nuam tih a hnekin hrehawm ka ti takzet, ka inchhir takzet.." a kut a thisen kai hnuang chu a en vang vang a.
.
" kan pahnih tana ti ka ti "tih ringawt chuan a phun leh sap thin a, Raven awmdan hi mi â ang mai in a thusawi ngai chu a sawi nawn leh sap thin a, a hma kha chuan insual te, thisen chhuah te kha a nuam tih ber ani thin mahse tunah chuan a nihna zawng zawng kha a hlauh vek tawh chupawh keimah vang lehnghalin. Keimah vanga inthlak danglam ta, ka kalsan hlau em em hi engtin nge ka kalsan theih ang.
" Engkim a tha leh vek mai ang " tih pahin Raven chu ka kuah hle hle a, bengdaih tum chuan a hnungzang ah ka beng thek thek bawka mahse ka rilru erawh a insual nasa hle thung.
.
Raven chu khumah ka muttir a, a bulah thu in a sam chu ka chul sak heuh heuh bawka.
" Norah... min kalsan suh aw" maimichhung reng chung chuan a rawn ti leh sap thin a mahse eng chhanna mah ka pe thei lo.
Ka kut vuan reng chung chuan a tawp a tawpah harsa tak chung chuan a muhil ve thei ta hram a,naute ang maiin a pangchang em em a, Raven hian min mamawh zia tih ka hre thar leh thin. Raven muhil sak sak lai chu ka thlir reng a
" engtin nge maw ka kalsan theih ang che le? " ka mittui hruk zeuh pah chuan ka ding nghal vata. Thawm dim thei ang ber chuan room atang chuan ka chhuak nghala.
.
Kawngka ka khar zo chiah ka hawi let leh chu ka phu nghal zawk.
"Travis....!! " Travis chu ka room kawngka bulah chuan inkuangkuah ran chung chuan alo ding renga.
" khapa room ah khan enge i tih?"
"Travis min ngaihtuah suh " tih pahin ka room ah ka lut nghal hmaka, Travis pawhin min rawn zuilut ve nghal vat.
" Norah... engvangin nge ka thusawi hi hriatthiam i tum miah loh a... khapa kha i kawp thei lo "
" Engvangin maw kan inkawp theih loh anga? Travis nangpawhin bialnu i nei ve tho alawm mahse engvangin nge keiin ka theih loh bik ang " ka lo ti ve nghal thah a.
Ka chhan let avang chuan mak tih hmel takin min en ha a.
" Norah... ka nu duhthusam... "
" ka nu duhthusam kha ka pawisa lo, nilo... ka nu khan hlim turin min duh zawk ngei ka ring chuan Raven bulah hian ka hlim ani" ka lo pawtchat vata.
"Raven sawn min mamawh asin... ka... ka kalsan thei lo ang "
" I chhungkua aiin Saw khawpui mi dukdak lo saw i thlang zawk amaw!! "
" Travis.... i tawngkam kha fimkhur rawh,engthil pawh sawi la Raven hi ka then dawn lo "
"i lo danglam ta hle mai.... tun atang chuan ka nau i ni tawh lo "
" maw!! "
.
" Norah.... ka dang lo ang che mahse heng khawpui mite hian i thianghlimna bak duh an nei lo tih hre reng ang che "
"nilo.... Raven hian min hmangaih a chuan min kalsan ngai lo ang.... khawpui mite hi i ngaih ang em em a sual an ni bik lo "
"ka thusawi hi ngaithla rawh.... ka nu duhthusam kha hre reng ang che " a rawn ti nghal tuarh a.
"nilo... Travis ka nu duhthusam hi enga tan mah ka ti lo a chhanchu ka thianghlim na hi Raven hnenah ka hlan tawh ani " ka tih chuan Travis chu a meng phawk nghal kawk a,tawng nachang pawh a hre tawh lo.
.
" ka û... tunah chuan Raven ta chauh ka ni tawh.... chuan khawngaihin pawm hram rawh " Travis chu ka pan hnai deuh a mahse a lo tawlh hnung vat thung.
"eng... engtin nge i tih theih zawk? " a ti chuai raih a.
"ka û"
" khatiang khan min ko hlek suh..." a kut chuan alo in dang vata,min ten hmel tak chuan min en bawka.
"Norah ka hriat thin kha i ni tawh lo " tih pahin room atang chuan a chhuak nghal hmak , kawngka chu a khar chawrh bawk .Ka mittui chu a rawn tling nghal pam a, ka inhum ruh nghal vata.
Tunah chuan ka duhthu ngeiin ka chhungte thlauhthla in Raven ka thlang tawh a ka tap tur ani lo.
.
Ka awm mai mai lai te chusn ka mittui a rawn tla leh ringawt thin a ka mut lah a chhuak hek lo .Ka pa rilru nat tur zia te engkim ka ngaihtuah ve vek mahse engtin nge Raven hi ka kalsan theih ang. Tunah hian min mamawh em em a ka kalsan thei thlawt lo ani. Ka rilru hah lutuk chu ka awm mai mai thei tawh lo ka vei kual chhen a, ka hma hun ka hrelo mahse Raven ka thlan avang hian ka hlim chuang lo. Ka chhungte pawh thlang zawk mah ila ka hlim hek lo ang mahse ka thutlukna siamah hian inchhir lo turin ka inhrilh mawlh mawlh thung.
.
________________________________________
.
Kawngka rawn kik ri ka hriat chuan ka hawi chhuak vata khua alo var reng tawh chu niin. Ka inngaihtuah nasat lutuk avangin vawikhat pawh ka chhing eih lo, kawngka an rawn kik reng takah chuan phurlo zet hian hawng turin kawngka lam chu ka pan phei chhat chhat a. Doorview atang chuan ka han bih dek dek a kawngka bulah Ravena lo ding ran lai ka hmuh chuan thawk kan la kawk a. Ka sam pheng phang chu tuai mam nghal thuak thuak in nui hmel ka pu lui nghal sang bawk.
" lo lut rawh... " za lo zet hian Raven chu ka lo nuih suk a.
" morning...hei i breakfast tur "ti pahin ka hmuiah a rawn fawp zeuh a. Khumah chuan min thut tir vata.
.
"kha ei rawh le.... " sandwich leh bawnghnute hi min rawn pe a.
" ka lawm e " ka lo la vata, nimin nileng leh nizan zankhua in engmah ka ei lo bawka, ka keih nghal tawn tawn a.Ka thil ei lai chu Raven chuan min lo en reng a, Raven hmel ka hmuh hian ka hnuk a ulh tlat anih chu!! mahse tap lo tur chuan ka insum hram hram a.
"Raven.... " zawi sap chuan ka han ti a.
"chengdun tur chuan ka inpeih tawh e " ka tih chhunzawm nghal zat bawk.
Show post links
Top
Ngaia
Site Admin
Quote
Post April 2nd, 2017, 3:31 pm
Chapter-50
.
"maw!!...i ti tak tak em?" ka lo bu nghata.
"Lalpa leh... Norah..." nghet zet hian min rawn kuah nghal thlawp a,
"kan cheng dun dawn lo emaw ka lo ti hman tawh asin...." a hlim lutuk chu lantir dan a thiam lo ani ber min rawn kuah leh ringawt thin a .Min kuah reng lai chuan thil hre chhuak niawm tak hian a inla hrang thut a.
" mahse i û kha....Norah i û in a hria em?" ka kun lap a sawi dan tur pawh ka hrelo
"ughh....vawin college i rawn kal dawn em? " thil dang daih chu ka sawi ta zawka, ngaihthat loh hmel deuh hian min rawn melh khai a.
.
" Engkim a tha maw? "
"umm..." bawnghnute chu ka han in khalh a .
" I û in a hrelo tiraw? Norah ka tilui lo che ania ...i duh loh chuan..."
" nilo...ka û chuan a hrethiam ve mai ang " ka lo ti chuai raih a ,diktak chuan ka thusawi ngei pawh hi ka ti thei dawn lo tih ka hria mahse Raven ngaihthat nan a sawi ka ni.
"Mahse Norah... "
" umm...tlaiah eng nge dinner ah kan ei ang " ka nui lui suk a, Raven pawh chuan ngaihthat loh hmel zet hian min rawn nuih let ve suk a.
.
"Norah... " ka hmuiah a rawn fawp vang vang a "i bulah ka awm tlat ang tih ka tiam a che,ka venghim che anga chuan i chhungte pawhin min pawm ngei theih nan theihtawp ka chhuah ang"ka mit a en reng chung chuan a ti a ,ka lo bu nghat a mahse chhungril ah chuan ka chhungten engtin nge Raven hi an pawm theih teh lul ang tiin ka ngaihtuah thung.
"Raven... nang chauh hi ka innghahna
i ni...ka hmangaih che " a hriat tawk lek chuan ka ti sap a, a ruk tak chuan tah hawm hawm ka chak takzet mahse hlim hmel ka pu hram hram tur ani.
.
" Keipawh in ka hmangaih che.... "ka sam chu duat tak hian a chul heuh heuh a.Raven nen hian ka chengdun ang tih hi ka ring pha ngai lo hrim hrim mahse kan hun tawn in a zir loh em avangin duhthlan tur dang ka nei lo. Raven nen a chengdun ka thlan chhan pakhat chu a thil tih te leh a awmdan engkim ka hre vek tawh anga, kan harsat na te ka hmachhawn dun theih tawh dawn vang ani. Inneih hma a cheng dun hi tha ka ti bik lo mahse ka chhungte malsawmna dawng lo a pasal neih chu ka tum bik hauh lo chuvang chuan chengdun hi a tha ber niin ka hria.
.
" umm... Raven kan inbual lawk ange" tih pah chuan ka tho thut a,ka bathrobe la in ka thawmhnaw hak tur te chu khumah ka dah nghal mawlh mawlh a, ka che vel chu ngun takin min lo thlir renga.
"Umm... tinge i thut reng breakfast i ei dawn lo ami? " ka mit hmul tih san ak pah chuan ka han sawi a,
" ughh... "a hrawk chu a han thian kharh kharh a ,nuih deuh put put pah hian " inbual turin min sawm dawn lo ami? "
" maw!! "
" ahh... ka tih zawk chu kan chengdun hunah phei chuan kan inbual dun ziah dawn sia" a tih chuan ka nui ri hak a, Raven lai hmel hi a hmuhnawm thlawt kei takngial pawh hian za taka a nui hawk hawk lai pawh ka la hmu lo , a lai hmel ngat phei chu hmuh tur a awmlo ang tluk ani.
.
"kan cheng dun avangin tunge kan inbual dun dawn ti... " ngeiawm zet chuan ka lo chhanglet vata,ka chhandan avang chuan a lo ner suk a
"Keiman" tih pahin ka hma ah tak chuan a rawn ding ran ta mai, min rawn fawp tur niawm tak hian hnai takah a rawn kun hniama, a thaw lum ham ham te chu ka hre thei, chet nachang pawh ka hre lehpek tawh lo
"min mamawh tih ka hria chu vang chuan... " a rawn khi suk a.
" ka thu hi awih mai rawh " tih pahin min fawp nghal tawn tawn a, kei pawhin ka lo chhanglet rang kher mai. Min fawp reng chung chuan ka thawmhnaw hak lai chu min phelhsak nghal mawlh mawlh a .
.
Bathroom ah min kai lut a,a tshirt leh a kekawr a phelh zawh chuan lungngawi hmel tak hian min han en vang vang a
" I mawi lutuk... i mawi takzet" ka sam a rawn chul pah chuan min fawp lehnghal tawn tawn a,shower chu on in tuilum chuan kan han inphuh dun tir sar sar a.Raven an ka hnute leh ka malpui vel a fawh lai te chuan a sam ka lo tham sak tawn tawn a , a chang leh ka rum leh ham ham thin.Chutia ka rum takah chuan a phur zual emaw tih mai tur hian min rawn nuih leh suk thin a.Bang ah min nawr beh pah chuan min pawm kang nawlh a, ka taksa chhungah a rawn luh chuan ka lo te nghal thawt a,ka thawk pawh a rang kher mai ....******
.
_______________________________________
.
Reife kan inbual hnu chuan college kal tur chuan ka insiam nghal sawk sawk a,ka pawnfenfual dum leh kawrlum var chu ka ha a ka sam chu ka khuih thuak thuak bawk.
"Vawt i ti ange" tih pahin muffler min rawn awrh tira, ni e... tunlai chu ruah a sur reng avangin inthuam lum a ngai takzet.
"ka lawm e... "
"tun atang chuan nitin in i inthuam lum leh lum loh te, chaw i ei that leh that loh thu te ka zawt ziah tawh ang che "
" chuan college ah min hruai ziah anga chuan min hruai haw leh thin anga " ka lo ti vata.
" Chungte chu chiang sa " ka chalah a rawn fawp zeuh a.
"kal ang le "
" umm... " room atang chuan kan chhuak nghala.
.
College kan thlen chuan ruah a sur avangin pawnah tumah hmuh tur an awm tawh lo
"Vawinah lehkha vel ka lo tifel anga hostel atanga i chhuah vat theih nan "
" awle...college i rawn kal ve dawn lo ami ?"
" umm... diktak chuan college hi chu ka in cover na chauh ania hun awl ka neih chiah in ka kal thin"
"Raven.. " ka han inti thutak deuh a.
"nizan thil thleng ang kha chu a thleng tawh lo ang tiraw? " a hmel chu a danglam nghal vek ka lo sawi chhuak ta kher kher kha ka inchhir leh hnuhnawh.
.
"ka hre bik lo" lehlam chu a hawi daih a, a khabe ah khawih in ka lam hawi tur chuan ka han kuai her a.
"khawngaihin tawp san tawh rawh chuan hlim takin kan chengdun dawn alawm"
" Chhuahna a awm tawh lo Norah... chan che ka duh lo chuvang chuan i him theih nan chuan engthil pawh ka ti ang " Beidawn hmel tak chuan min rawn melh a. He gang atang hian chhuahna a awm tawh lo maw!! Raven hi engtik ah mah a zalen thei dawn lo,thupek zawm reng reng in a buai reng anga ka chunga a thil tih theih zawng chu min venhim nan engthil pawh tih ani ,aw.... ka va han lainat tak em mahse chutichung pawh chuan ka kalsan thei chuang lo, a lam ka la pan fan tho .
Second period kan neih zawh chuan library lam pan in ka kal phei hnak hnak a ,ka inrin loh lai tak chuan tuemaw tha chak zet hian bangah chuan min nawr bet nghal pawp a, ka au chhuah loh nan ka ka a hup vat bawk
" Shh.... au miah suh ang che " a tih chuan ka lo bu nghata,
" i au chuan " tih pahin chemche hi min rawn hmuh va va bawk, ka hlau bawk nen ka mittui chu a rawn tling nghal pam a. Muang changin a kut chu a la thla riai riai a.
" Calvin... engthil nge i tih hi?"
"neih let leh che ka tum mawle "ngeiawm zeta min rawn nuih pah chuan min man behna chu a thlah nghal vata.
.
"maw!!!.... mi tenawm tak i ni "
" Norah... ka hmangaih che"
" Calvin nupui nei lai i nih kha... " ka tih chuan a hmel chu a danglam nghal vek,mak tih hmel takin min rawn en nghal kawk a.Nuih suk pahin min rawn melh nghal run run a, ka nghawngah chemtea min tin pah chuan bangah min nawr bet nghal pawp bawk.
" ilo hre tawh ani maw!! haha... tunah chuan i lak atanga ka duh chu i hriat mai ka ring " tih pahin ka thi chu a rawn phawrh chhuak a, ka thi hum tum chuan ka lo tal nghal phat mahse min nawr bet nghet lutuk awmzia a awmlo.
" Calvin... ka thi hi la hlek suh ang che "
.
" Engvangin maw!! " a hmui chu a ti sawi kual vela.
" he thi hi awmze awmlo in kan lo venghim reng thin a mahse lunghlu alo ni reng anih chu!! hausak pui na tham ani ngei ang. Chip pakhat a awm mai bakah Cambelo ro chungchang a awm tih ka lo hre tel zel bawk nen " ngeiawm zet chuan min rawn nuih suk a.
"Norah... wolf gang ho pawh hi an fing zo tawh lo anih hi, heng thi man tam lutuk hmeichhe chaklo tak an kawl tir ania mahse tunah chuan ka ta ani tawh " ka thi chu rawn pawhthlak a tum a mahse ka lo indang ve tlat.
" min thlah rawh "
"teuh lo"
.
Chutia thi kan lo inchuh buai lai tak chuan " khatah khan enge in tih? " Calvin nen chuan kan hawiphei vata, Professor Genish ka hmuh chuan ka thaw nghal huai mai, Calvin chu a inla hrang nghal vata.
" ah.. kan lo infiam vel mai mai alawm " a ti vata, Professor chuan a awih loh hmel ngei mai ,kan lam pan chuan a rawn kal phei chhat chhat a
" Engmah sawi suh ang che " Calvin chuan ka hriat tawk lek hian min rawn khak nghal vata.
"professor engmah a thleng lo " tih pahin Calvin chuan min rawn kaih a tum a, a kut chu ka lo paih thla nghal sawk a. Au chhuah erawh ka tum lo a chhanchu thil buaithlak zawk a thlen dawn vang ani.
Calvin chuan min rawn kai lui leh ngata
" kan kal mai ang" tih pah chuan kal nghal a tum a.
" Calvin... lo ding lawk teh " professor in a tih chuan a ding nghal chawt ,chu chu remchangah la in a chak thei ang ber chuan ka tlan nghal hlawk hlawk a, min rawn ko mahse ka hawilet lo ang tiin ka inhrilh nghal mawlh mawlh bawk, ka hlauthawng bawk nen engmah ka ngaihtuah thei tawh lo. Engtin nge Calvin khan he thi ah hian Cambelo ro chungchang a awm tih a hriat theih? he college takngial pawh hi ka tan a him tawh lo mahse ka him tawk lo ani tih hriatchhuah anih vaih chuan tangkaina ka neih tawh dawn loh avangin thah ka ni ngei ang chuvang chuan hlau chung chung pawhin hlau lo anga ka lan a tul ani .
.
Hlauthawng taka kalna tur lam pawh hrelo a ka din reng lai chuan ka hnung lam atangin tu emaw in min rawn khawih ani tih ka hriat chuan ka phu nghal zawk a, rang lutuk in ka hawiphei nghala.
" I tha maw? " Stephen hmel ka hmuh chuan ka thla a muang nghal huai thei.
"khawngaih takin hostel min hruai thei angem ?"ka lo ti nghal vata.
"Norah... engthil nge thleng ?"
"Stephen.... Calvin an thi ah hian ro chungchang vel a awm tih a hria "
" maw!! "
.
" thi hi lak a tum mahse khawngaih in Raven hrilh lo hram rawh a rilru a hah lutuk ang ... "ka thaw hlawp hlawp a, ka awm hle hle thei tawh lo
"hahdam rawh Norah.... " ka darah chuan a rawn vuan a.
"hostel ah chuan ka let pui ang che mahse I û emaw Raven emaw i bulah awm tir ngei ngei ang che "
" Stephen... ka hlauthawng takzet"
" lo kal rawh " tih pahin ground lamah min kai phei hnak hnak a, hlauthawng hle mah ila Stephen bula ka awm hi chuan ka him tlatin ka hria.
.
Car kawngka chu min hawn sak a, ka thu lut nghal vat Stephen pawh rawn lut nghalin a khalh chhuak nghal bawk.
"Norah... hlauthawng tawh suh ka lo buaipui vek ang "
"tunah chuan thi chungchang hi hria an tam tawh lutuk, hriatchhuah ala ni vat ang, engtin nge ka tih tak ang "
" Engtin mah i awm dawn lo, Norah... hlauthawng suh " Stephen an a tih chuan thawk ka han la kawk a,ka hlauthawng lutuk chu tih zia awm nan ka han maimichhing vang vang a.
.
"kan thleng tawh e " car a din avang chuan ka han meng siar siar a mahse kan awmna hi hostel ani miah lo,ka hawikual nghal ruai a.
" Stephen... khawiah nge min hruai" hlauthawng tih hriat tak hian ka lo ti vata.
" i û apartment ah.... "
" maw!! "
" Raven an hna dang a nei leh ngei anga i û bulah hian awmla a tha ber ang "
" nilo... Stephen min hruai let leh rawh "
" Travis chu ka call tawh a rawn chhuak tep tawh ang " a tih rual rual chuan ka û chu a rawn chhuak nghala, min rawn hmuh chuan a kun nghal lap bawk.
.
" Travis hian enge maw hriat a nei em? "
" aih neilo... a hriat zawng chu kan pahnih hian kan inhmelhriat ani tih hi ani mai "
Car atang chuan ka chhuk vata mahse Travis nen kan inkarah hian khi zau tak a awm tawh tlat. Ka û chu ka en vang vang a,dark circle a nei kalh bawk chu chuan ka rilru a ti na takzet a chhanchu ka û hi keimah vangin a mu mang lo tih ka hria.
" Norah... rawn lut rawh " a ti sap a
Show post links
Top
Ngaia
Site Admin
Quote
Post April 2nd, 2017, 3:32 pm
Chapter 51
.
Engmah sawi chhunzawm lo in building lianpui ah chuan a lut hmak a, Ka inthiamlo bawk nen ka lo ding kun lap a .
" Norah... lut ang "
"Stephen... ka lut hreh takzet "
" ngati maw!! "
"ah... " ka ngawi vung vung a, kan unau inkar a kan buaina hi midang hrilh ve kher ngai in ka hrelo.
" lut ila " nuih lui suk pah chuan ka lut ve nghala. Elevator in Travis room lam pan chuan ka chho dun nghala,a ruk tak chuan hmuh ka hreh takzet mahse ka û a ni a engtik ah mah kan inzawmna hi ka ti chhe thei dawn lo tiin ka inhrilh mawlh mawlh a.
.
Ka û apartment a kan luh chuan lian vak lo mahse a kim ve vek, couch pakhat lian zet hi a hung ve ran a .
"Tah hian thu rawh " Stephen an a tih avang chuan couch ah chuan ka thu a ka bulah a rawn thu ve nghala, ka û apartment mah nise mikhual ang maiin ka inthlahrung dek a Stephen lah chuan a hrethiam der mai bawk si lo mahse hetia ka awm nachhan hi tu dang vang ani lo keimah vang vek ani.
"Kha coffee hi in rawh u " tih pahin Travis chuan tray in no pathum hi a rawn chawi chhuaka,
" Stephen...Norah nen in lo inhmelhriat chu ka lawm hle mai " Travis chu engmah thleng lo ang mai chuan a awm hmiah a,ni e Travis hi mi puitling tak ani a a mimal nun pawh midang a hrilh hre ve kher ngai lem lo.
.
"haha.... nia Norah hi awmlo se chuan ka pa pawh hian that lam a pan ka ring lo.... tiraw!! " Stephen chuan min rawn melh zeuh a, ka lo nui suk a.
"hna in lo thawh tir chu ka lawm takzet tha takin i lo enkawl bawka ka rulh sen che pawh ka ring lo"
" ughh...kei deuh hian asin rul seng dawn lo che u"
Stephen phone chu a rawn ri tlang tlang a, a ipte atanga la chhuakin a han en vung vung a
" min lo hrethiam lawk ru" tih pahin a pawn lamah a chhuak nghal daih lehnghal. Kei leh Travis chauh kan awm ta, kan inhma chhawn ran a sawi tur a vang kher mai .
.
" Ka pa pawhin min lo bia a "kan ngawih dun reng takah chuan a rawn ti sap a.
" a ngai thei lutuk che asin... mahse kan buaina erawh engmah a hre lo " ka ngawi renga insawi thiam pawh ka tum lem lo .
"chaw te i ei tha em?....hahh...chung te chu chiang sa alawm tiraw!!"
"Ngatinge hna i kal loh a? " thil dang daih chu ka sawi ta zawka.
" nia... ughh... vawin chu chawhma chauh ka kal "
" umm... nang chaw i ei tha maw?" min chhan hma chuan Stephen chu hmanhmawh zet hian a rawn lut a mak tih hmel zet hian kan lo en ha a.
.
" Travis... ka kal vat angai min lo hrethiam mai teh u.. Norah tikhan lo awm la ka rawn hruai leh ang che " Tih pahin hmanhmawh zetin a tlan chhuak leh nghala. Engthil chiah nge thleng zawh hman pawh ani lo, kan tih theih zawng chu mak tih hmel taka lo en ringawt kha ani. Stephen a kal leh daih bawk si engkim mai hi a kal tluang lo vel vek.
"Enge dinner ah i ei duh?"tih pahin Travis chuan min rawn nuih suk a,sana chu ka han melh zeuh a dar6:36 a lo ri va tawh .
.
" ka... ka hrelo"
" anih chuan i chawhmeh duh ber kan siam ange " tih pahin a tho thut a.
"Chawhmeh ka va lei ange zanin chu hetah riak nghal la a tha ang... i khum tur pawh ka dahlut vek tawh ania "
" Travis... " ka sawi a hre hman tawh lo, ani pawh chu a chhuak ve nghal daih a . Thawk lak hak pahin a in luah chu ka han melh kual vela a felfai in ka û awmna tur reng ani.Tihtur ka hriat loh avang chuan ka lehkhabu phawrh chhuak in ka assignment ka ti nghal mawlh mawlh a, ka û bulah hi chuan ka thla a muang takzet.
.
Apartment awmna hi a hlat deuh hlek avangin ka û bazar pawh a rei ta hle mai darkar chanve dawn a thang tawh. Chutia ka assignment ka tih mawlh mawlh lai chuan ka phone rawn vibrate chuan min ti phu zawk a.Hmanhmawh lutuk in ka bag chu ka hai nghal rawk rawk a ka phone ka la dap fuh mai thei lo lehnghal. Dawhkan ah ka thil ah ho chu ka han bunruak veka, ka phone ka hmuh rual rual chuan ka en vata.
"Raven... 32 miscalls!!!"ka hmui hup pahin ka meng phawk nghal kawk a, ka phone ri engtin nge ka hriat loh theih zawk!!
" Lalpa leh!! " Raven chu ka callback nghal vata, a pickup rang ngei mai.
.
"Norah... khawiah nge i awm? "Hlauhthawn hmel tak chuan a rawn ti vin nghal hluk a.
"min ngaihtuah suh, ka û bulah ka awm"
" maw!! " a ti nghal tuarh a, a hma aiin a hlauthawng emaw tih mai tur hian a awm in ka hria.
"Zanin chu ka riak ang.... naktukah kan inhmu dawn nia" Ni e, ka û nen a inngeih lo taka awm kha ka duh bik lo, hetianga kan inrem thei anih chuan riah mai pawh ka pawisa lo, a chhanchu Raven kalsan turin min ti tawh chuang hleinem....
.
" Nilo... Norah...ka rawn kal dawn i awmna address min hrilh rawh "
" awle... " ka ti ve ringawt a ka awmna address hi ka hre reng reng hleinem.
" Raven...address ka hre miah lo "
" Enga!!! chu chu engtin nge anih theih, ok... anih chuan in kal lampangah building danglam deuh te a awm em? "
"ka... ka lo muhil daih a, kal lampangin engmah ka hre tawh lo"
"hreptak chuan " a tih vin tuarh rual chuan thil ri rawm rawm ka hrezui nghal, Raven thinrim in a bula thil awm apiang a pet leh tawh tih a hriat reng.
.
" Norah... engtin nge engmah sawi lova i kal theih zawk ,ka zawn nasat zia che i hria em? "
"ka tihpalh....mahse naktukah ka rawn haw leh dawn tho alawm"
" nilo... tunah rawn haw rawh "
" ka theih loh hi "
" i û chu kan lo bia ange "
" chawhmeh lei turin a chhuak daih a" tih pahin tukverh ah chuan ka han dak chhuak a .
"khawi hmun phiangsen ah chuan nge maw i awm le? "
" Raven.... thinrim suh ka ngaihtuah awm loh ...."
" mahse... mahse engtin nge ka awm ve ang nga" a rawn tih chuai raih takah chuan ka awm a nuam lehpek tawh lo.
" Raven... zanin chauh ka û bulah ka riak anga chuan naktuk atang chuan secret palace ah kan insawn tawh dawn kha... naktuk ah kan inhmu dawn nia "Raven chu a ngawi renga,
" umm....a tha em?" min chhang duh chuang lo, a lungngawi lo ve hle anih dawn hi.
"phone hi ka dah dawn nia.... mangtha le " ka ti ta ringawt a.
" ngawi lawk.... "
" maw"
" shh.... " kan han ngawi dun leh vang vang rih a,ui bauh lauh lauh ri leh khawl ri hlut hlut ri bak hriat tur a awm lo, tawng a phal bawk si lo a engthil nge tih a tum ka hrethiam lo takzet.
.
" Raven... enge awmzia? "
" ok.... bye" phur zeta tih pahin phone a dah hmak ani chu!! Ner nang pahin phone chu ka han en vang vang a.
" Engthil nge maw a hriat le? " ngaihtha lo deuh chung chuan ka assignment chu ka tih chhunzawm lehnghal mawlh mawlh a rei lo te ah ka û pawh a rawn thleng ve vat.
" Travis... i va rei em em ve? "
" ka awmna hmun hi a fal deuh avangin dawr hnai ber pawh kilometer khat vela hla ah a awm a, ka rei ta deuh anih kha "
" umm...hei assignment ka lo ti paha " tlemin ka û nen a kan inkar pawh a pangngai leh deuh tawh, ka awm pawh a nuam leh sawt mai. Travis chuan rawng a bawl nghal sawk sawk a, rawng bawl a thiam bawka ril a tam rawih rawih mai alawm. Raven bula ka awm loh vang nge mawni ka ngai leh veng veng tawh, a pangti lum te, a kuah te leh a engkim mai chu ka ngai vel vek.
" Dinner ka peih fel tawh e " a ngai te bawkin Travis chu kitchen atang chuan a rawn au lauh lauh a,thil tih laklawh pawh sawi lo in ka tho nghal vata dawhkan chu ka va kil nghala.
" a tui hmel lutuk" ei nghal mai ka tum a, mahse Travis chuan ka kut chu alo man bet thut mai, mak tih hmel takin ka en ha a Travis hi a thin a rim leh tawh ami? nilo... chutiang ani thei lo.
" Norah.... i tawngtai dawn lo ami? " a rawn tih takah chuan ka kut chu ka la let lehnghal zal zal ,
" ka tihpalh " ka ti sap a, engmah sawi lo mahse mak min tih hmel takzet. A hma kha chuan tawngtai theihnghilh chu sawi loh kan chhungkua khaikhawm tu ber ka ni thin.
.
Ei hma chuan ka han tawngtai leh te te a, ka inthiam lo bawk nen ka lo danglam tak tak anih dawn hi tiin ka inhrilh mawlh mawlh a.
" puar deuhin i ei dawn nia " tih pahin Travis chuan arsa awm ti hi ka thleng ah chuan a rawn dah a, a mak ka ti hran lo a tih thin dan ve reng ania.
" ka lawm e " ei ka han tum a mahse door bell ri chuan min rawn tibuai leh ta, ka ei hman dawn lo takngial.Kawngka hawn tumin Travis chu a tho uaih a mahse ka lo thawh khalh vat.
" keiman ka va hawng ange... Stephen a rawn let leh tawh aniang "
" awle "
.
Kawngka lam pan chuan phur takin ka kal nghala, diktak chuan Raven ka nei bawka ka û ka chungah a thin a rim tawh lo bawk nen ka hlim takzet. Kawngka ka hawng chiah chu ka nui tawp chiang kher mai.
" Raven... engtin nge ka awmna i hriat? " tih pahin pawm lamah ka nawr chhuak nghal dawr dawr a .
" Khawl ri kha ka hria mawle... Industry bulah in awm ka rin avangin ka rawn zawng che a chuan hei ka rawn zawng hmu che " alo ti awlsam et lehnghal.
"mahse...ngatinge hetah i lo kal ?" ka hlauthawng ru takzet Travis an Raven hi a hmuh chuan buaina a awm leh dawn tih ka hriat lawk vang ani.
.
" Norah... tunge rawn kal ?" Travis an a rawn tih takah chuan ka hlauthawng tawh takzet,.
"Raven... kal mai rawh,naktuk ah kan inhmu ngei ngei dawn nia "
" aih... ka duh lo, i tello chuan ka haw duh bik lo "
"khawngaih in... "
" Norah.. tunge rawn..."Travis chuan A sawi zo hman lo Raven a hmuh chuan a hmel a danglam nghal vek,hamhaih tak hian min rawn en leh a en pawh ka en tha ngam lo .
" Enge hetah i rawn tih? " Travis chuan Raven chu a melh khai a.
" Umm.... ughh... Norah ka rawn hruai dawn " chutianga ka û a chhan avang chuan a rukin ka lo nghawk zeuh a.
.
" Norah... rawn lut rawh "
" mahse....Raven hi "
" Lut rawh ka tih chu " a tih rual rual chuan Raven chuan min rawn kai nghal vata, awmdan tur pawh ka hrelo ka awmdan hi a laklawh vel vek.
"A lut bik lo ang " Raven chuan alo ti hmuk a,Travis pawhin tih ngaihna a hre bik lo aniang a ngawi renga.
" Rawn lut rawh u "kawngka chu a hawng zau deuh a inchhungah a lut nghal hmak,
"kha kha ani mai " Raven chuan min rawn nuih vur vur pah chuan a rawn ti a.
" Raven... ka û anih kha tha deuhin chhang rawh... hawh lut ang ".
.
" Norah... i û khan min haw viau ami? "
" rawn lut phawt rawh " tih sap pahin inchhungah ka lut nghala, Ka û ep chiah ah chuan ka thu a Raven pawh minute2 hnu velah a rawn lut ve nghala.Inthlahrun hmel takin ka bulah chuan a rawn ding reng a .
" Thu rawh... " Travis an a tih takah chuan chair chu ka lo pawhchhuah sak vata ka bulah chuan a rawn thu ve nghal ran a .
A zamawm takzet kan hma ah ka û in inkuang kuah chungin min en ran mai bawk si.Raven lah tlawm bik nih a tum bik bawk si lo, Travis chu a lo melh let ve khai a mahse ka mitmei takah chuan a thu kun nghal lap a.
.
" kum engzat nge i nih? "
" maw!! engzawhna tehhrep nge maw anih le"Raven chuan a lo ti vin nghal hluk a mahse ka lo nghawk zeuh takah chuan a lo hrethiam nghal vat.
"ugh.... kum21 ka ni e" pangngai deuh chuan a han ti leh a.
"kum engzat nge ka nih i hria em? " Travis chuan a han ti leh a mahse Raven erawh a ngawi reng thung.
"engtin nge i nu leh pa ten an enkawl che ka hrelo na in nungchang mawi i hre lo hle mai,nang aiin kum sarih in ka upa tih hria ang che " Raven chu a inhum ruh nghal vata, mahse ka lo bengdai vat. Raven hi thinchhia in thil ngaihtheih loh tamtak a nei , chung zingah chuan anu leh pa sawi chhuah hi a duh lo bur.
Show post links
Top
Ngaia
Site Admin
Quote
Post April 2nd, 2017, 3:33 pm
Chapter -52
.
"Ka ngaihdan ah chuan mipa dik tak chuan hmangaih a neih in chetsual pui lo in a chhungte bulah neih a dil ngei ka ring " Travis chuan a ti leh ngat a Raven erawh a ngawi reng thung,keipawh sawi tur hre lo chuan ka thu kun renga. Ni e, kan tidik lo ani ka û thusawi hi a dik mahse kan hun tawn khan a zir hlawl lo vang ani.
"ei rawh u...Pathian malsawmna kan kil laia in hauh buai a tha ngai love...."Travis an a tih chuan Raven chu a tho hmaka, thu turin lo mitmei ve mah ila awmzia a awm lo.
.
" Norah ka tihpalh" tih pahin a chhuak nghal daih a hrilh hai zet hian ka melh ha ringawt.
" Ka û tha deuhin i be thei mai lo ami? "
" Norah... khatiang mipa tattoo ngah lutuk leh rilru in hawng lo lutuk kha engtin nge i duh thei zawk....ani lo mipa dang an tam alawm "
" mahse ani kher kher kha ka hmangaih asin, khawngaih takin tha deuhin in be ve phawt ula chuan thutlukna chu i siam chauh dawn nia... khawngaih in " ka ngen mawlh mawlh pawh chuan ka û chu lehlam a hawi hmaka.
" ka û khawngaih in amah hriat chian tum phawt rawh" tih pahin ka tho vata, Raven chu ka um chhuak ve nghala.
.
Inhnuai a ka chhuk thlak chuan Raven ka hmu mai lo lehnghal pawnah ka tlan chhuak vata, ruah lah chu a sur nasa em em lehnghal .Ka hawikual nghal ruai a Raven chu ban lian tak ngheng chunga alo ding kun lap lai ka va hmuh chuan ka thaw nghal huai thei.
" Raven... " tih pahin a bulah chuan ka va tlanphei vata.
" I kal tawh emaw ka ti hman alawm... hawh chho leh ang "
" ka duh lo "
" ruah a sur hi...heta i awm reng chuan i damlo mai ang "
" Norah...ka duh lo,i lo hmu em i û khan min hmuhsit zia kha "a awki chu a san deuh hlak a.
.
" Nilo... Raven... hriatthiam tum ta che, a thin a rim a khatiang pawh khan a tawng ang chu a chhanchu min hmangaih vang zawk ani " ka tih chuan thawk a han la hak a,
"chuan nangpawh in tha deuhin a thusawi ngaithla la umm... khatiang mizia kha ka û in a pu miah lo ania " ka ti sap a, tun dinhmun ah hi chuan tan zawk ka neih chuan thil a buai vek zawk ang chuvang chuan Travis bulah Raven ka tan anga, Raven bulah Travis ka tan thung hetianga ka awm hi a ngai ani.
"Lalpa leh... Norah min ti à thei takngial dawn " a jacket ipte ah chuan ka kut ka zen lut a.
" ka lawm e " a hmuiah chuan ka fawp zeuh a.
.
Duh tawh lo hle mahse ka ngen tlat avang chuan kan pahnih chuan kan chho dun leh hna hna a,diktak chuan amah pawh hian ka û tih lungngawi loh hi a hlau ve tho mahse Travis hi alo ngeiawm ve bawk nen bakah Travis chu nu leh pa kara tha taka sei lian ani a, Raven ve thung chu a tha ber leh chhel ber ni tura zirtir anih thung avangin an inmil lo hulhual.
Inchhung kan luh chuan Raven chuan min rawn kai nghal vata, ka kut fawh zeuh pah chuan thawk an han la hak a.
" Engkim a tha leh vek mai ang... " a kut chu ka lo hum nghet zual sauh bawk.
.
Ka û ep chiah ah chuan kan pahnih in kan va thu dun leh ran a sawi tur avang takzet.
" umm...ei tan tawh ila " nuih luih suk pah chuan ka ti ta ringawt a, tu mahin min chhang lo hria ang pawhin an awmlo.
Kan ei mawlh mawlh lai chuan ka û leh Raven chu ka melh leh zeuh thin a engmah sawi lo mahse a ruk chuan an in ngaithei lo hle tih ka hria, Travis hian ka ngen avang chauh in Raven hi chaw a eipui a chutiang bawkin Raven pawhin.
.
Ka kham tawh hnu pawhin ka tho ngam lo a chhan chu rei lo te chhung pawhin an intih buai nghal zel vang ani.Ka fork chuan ka thleng chu ka hawlh kual ka hawlh kual a, ka ngawi thap mai bawk si awmdan thiam a har takzet.
" Norah... i kham tawh chuan min lo va chhuahsan lawk rawh " Travis an a tih chuan ka meng phawk nghal kawk a.
" maw!! "
" kan han inbe lawk ange " chhuak duh lo mah ila chhuahna chi ani tawh lo, Raven chu ka zuk melh zeuh a ,ani pawh a hlauhthawn hmel takzet. Hlauthawng ru tak si in pawnah ka chhuahsan ta a ,kawngka bulah chuan kut suih chung chuan ka ding ran a,ka awm hle hle thei tawh lo ka ve tawn sek bawk.
.
Ka rilru in ka tawngtai mawlh mawlh a, engkim a thlen dik ngei ka beisei. Ka û hian Raven felna leh thatna hi hre ve se chuan a pawm ve ngei ka ring.
Minute 5 pawh a ral hma chuan Raven chu thinrim tih hriat tak hian a rawn chhuak a, kawngka a khar nghal thuai bawk thil tha lo eng emaw a thleng tih ka hre nghal.
" Raven... engkim a tha maw!! "
"haw ang" tih pahin Elevator ah min kai lut nghal dawr dawr a,
" Engthil nge thleng....? " min chhang lo hrim hrim. Ruah sur pawhin awmzia a nei tawh lo, car lam pan pah chuan ruah min do phei pui pawp pawp a,hetiang em em a Raven thinrim hi ka la hrelo.
.
Car ah chuan min luh tir a ani pawh rawn lut in a khalh chhuak nghala.
"Engthil nge thleng min hrilh vat rawh? " ka ti vin tuarh a.
" i hria em... i û nen a inbiak hi ka duh tawh lo "
" maw!! ngatinge tiang hian i awm tlata,hetianga i awm te chuan engtin nge in in ngeih theih ang "
" mahse then tur che in min ti alawm " car chu a tiding thut a.Ka lam rawn hawi in ka hmai chu a kut pahnih chuan a rawn kawih a.
" Tumah in then tur che a min hrilh ka duh lo, nilo... engtik ah mah ka kalsan ngai lo ang che "
" mahse hetiang hian kan awm ringawt thei hleinem " hnuailam ka melh lap a.
" i û in min duh lo alawm... i û tello pawhin ka hlim em em ang "
"nilo... hetiang hian awm lo ang " ka beidawng lutuk chu ka mittui a rawn far fap a.
" Norah... tap suh " ka mittui hruk pah chuan min rawn fawp vang vang a.
" Raven... a hrehawm ka ti takzet" Raven chu a ngawi vang vang a, ka chal a rawn fawh zeuh pah chuan
"anih chuan i û chu hun remchangah ka bia ang... a tha em ?" buk nghat pah chuan ka nui lui suk a.
" ka hmangaih che "
" keipawhin ka hmangaih che "
.
Rei fe kan tlan hnu chuan hostel lamah kan kal lo tih ka hriat avang chuan pawn lam chu ka en vata.
" Raven... hostel ah kan kal dawn lo ami? "
" Engvangin nge kan kal ang... kan inah kan haw dawn "
" maw!! "
" umm... vawin khan kan bungrua zawng zawng Secret palace ah ka sawn tir vek tawh chuan i room leh ka room pawh midang in an luah nghal bawk "
" Enga!! ngatinge chu chu min hrilh loh "
"surprise che ka tum a mahse a flop vek tawh" a ner suk a, ka nuih a za leh hnuhnawh avang chuan ka nui ri hak a.
.
Secret palace kan thlen chuan alo eng uarh a,inchhung kan luh chuan balloon leh thil dang chi hrang hrang hian alo in chei khat vek anih chu!!
" Heng thil hi i tih vek ami? " ka hnung lam atang chuan min rawn kuah a.
" Ka romantic ve thei tho alawm "
" ka awih thei lo... a mawi lutuk "
"in pawn lam cheina chu ruah leh thli in a len bo vek hman alawm " lungawi loh hmel zet chuan min rawn en a.
"a pawilo... ka tih zawk chu ti pawh hian a mawi lutuk "
" dinner table pawh ka set vek a mahse kan ei tawh tho " ngeiawm zet hian min rawn nuih suk a.
.
" ka thawmhnaw a huh vek sia inthlak ka duh " ka lo ti vata.
"ughh.... lo kal teh " inchungah min kaichho nghal hlawk hlawk a,khum bula wardrobe lian pui chu a hawng nghal vst a
" hei ka thawmhnaw leh i thawmhnaw pawh ka dah fel vek tawh tun atang chuan closet kan intawm tawh ang " phur hmel deuh hian min rawn nuih sanga .
" Engtin nge heng zawng zawng hi i tih vek hman a , Raven ka lawm e "
" ee... chuan weekend te ani bawka zanin chu movie en ila zan dangah chuan exam turin i in buatsaih angai dawn si a "
" awle... kan in thlak phawt ange... room atang hian lo va chhuak rawh "
" ka hmu vek tawh tho alawm... khumah sawn ka lo nghak ang che "
" Raven... "
" awle awle... " banphar pah chuan a chhuak nghala
Thli fim rawn thaw heuh heuh chuan min ti harh zawka, ka han hawikual vela nizan a movie kan en laia kan mut dan ang chuan kan lo la mu reng chu niin. Raven chuan min kuah bet tlat bawka, ala muttui em avang chuan thawm dim thei ang ber chuan ka tho them them a.Inhnuai ah chhuk thla in kitchen ah ka lut vata, fridge ka hawn chuan ei tur chi hrang hrang in alo khat vak .
" Heng thil zozai hi engtik lai khan nge alo tih hman le " ka ti sap a.
Breakfast tur ka siam mawlh mawlh lai chuan door bell a rawn ri tlang tlang mai
" tun ang hunah tunge maw rawn kal ang le? " pancake ka siam lai chuan ka phun bul bul a.
.
" Norah kan hawng ange? " Raven rawn ti ri ka hriat chuan ka thil tih lai chu ka chhunzawm lehnghal mawlh mawlh a. Hla play pah in rawng ka bawla a nuam takzet.
" Raven... breakfast ka peih fel tawh e" hla off pah chuan Raven ko tur chuan ka chhuak phei a.Mahse couch ah Raven chauh nilo Brandon leh Jazz te lo thu khawm laih ka hmuh avang chuan ka ding chawt a .
" Brandon, Jazz morning" ka ti sup mak tih hmel takin ka nuih suk a an ni pawh chuan min lo nuih let ve nghal vat bawk.
.
" umm... breakfast ka peihfel tawh a Brandon, Jazz rawn ei ve nghal ula "ka lo ti vata, Raven chuan inti thei tih hriat tak hian a thiante chu a melh zeuh a.
" ughh... awle Tehreng mai " Brandon chu a ding hluai a,
" kal ang u... Ril pawh a tam alawm " tih pahin Jazz leh Brandon chu kitchen lamah an phei nghal vata.
" Raven... enge awmzia ngatinge zing karah Brandon leh Jazz te kha an rawn kal? "
"umm... ughh... "
" min hrilh vek rawh... engmah zep miah suh ang che " ka mithmul chu ka lo ti sang ak a
.
" anih na takah chuan ih englo ania " tih pahin chanchinbu hi min rawn pe a ,chanchin bu chu ka en vung vung a.
" Calvin an Professor Genish a that amaw!! " ka meng phawk nghal kawk a.
"umm... kan buaina tak zawk chu Calvin hian thil engemaw a sawi chhuah chuan thil hi a harsa vek dawn ani "
" eng... engchu maw a sawi chhuah ang "
"Norah... hlauthawng suh ,engkim a tha leh vek mai ang "
" Engkim min hrilh vek rawh ka tih kha "
" ughh....Calvin an kan chungchang hi a hre vek tawh a, a sawi chhuak anih chuan keipawh hi Sarah ang khan hrem ka ni anga chuan nangchu thah i ni ang " a tih chuan ka hmui ka hup vata.
.
Chapter-53
.
"Maw... Raven hrem i ni dawn maw!! " ka chi ai ani ber mai ka hlauthawng bawk nen
" Nilo... nilo... Norah hrem ka ni dawn reng reng lo" tih pahin ka darah chuan a rawn vuan a. "ka kalsan dawn reng reng lo che chuan nangpawh engtin mah i awm lo ang "
" ka hlauthawng takzet Calvin an lo sawi chhuak ta se "
" Chutiang chu a thleng dawn lo... Tunah police kutah a awm meka engthil mah ka thlentir dawn lo... ka lo buaipui vek mai ang hahdam deuh khan awm rawh "ka lo bu nghata,hlauthawng taka awm a Raven tih hrehawm ka duh bik loh avang chuan hlau hle mah ila pangngai deuh a awm ka tum hram hram a.
.
"min ngaihtuah suh ,ka ngaihtuah awm loh "khur dar dar chung chuan ka ti sap a. Ka hlauthawng hmel chu a hai bik hauh lo min rawn nuih suk pahin duat takin ka sam chu a rawn chul a.
" Hlauthawng suh ka venghim ang che ka tih tawh kha " ka hmuiah a rawn fawp zeuh a.
" ughh.... ka ril atam i breakfast siam ka ei chak tawh " boruak tih ziaawm nan chuan a rawn ti a kei pawhin ka lo nuih let ve suk a
" Umm.... Brandon leh Jazz pawhin min lo nghak reng tawh ang " tih pahin kitchen lamah min kuah phei nghala.
.
Kan hun tawn in a zir lo bawka Breakfast kan ei lai te chuan tumah inbiak pawh kan tum lo,thil dang daih ngaihtuah tih hriat tak hian kan ei niap niap hlawm a mahse tumah in tihlan kan tum bik lo. Raven phone a rawn rik takah chuan a lam ah kan hawi phei thap hlawm a, a pickup hun chu ka nghak thap bawk.
" Hello" tih pah chuan a tho daih lehnghal tumahin umzui bik nih kan duh bawk si lo kan inmelh hrek hrek hlawma.
" umm... Brandon,Jazz juice in duh belh em?" ka ti ta ringawt a .
.
"ugh... awle ka lawm e " tih pahin Brandon chuan a no chu a rawn dawh hnaia,juice ka thlit sak lai tak chuan Raven chu hmanhmawh zet hian a rawn let leh a Brandon chu a mitmei zeuh bawk mahse ka lo hmuh hmaih bik lo nasa. Raven chu inchungah a tlan chho nghala kei pawhin ka zui ve vat
" Thil tha lo a thleng ami? "
" Aih... thleng lo e " tih pahin khum bul drawer a a pistol dah chu la chhuakin silai mu a awm nge awm lo tih chu a check nghal sawk sawk a, a awmdan hian ka ngaih a ti tha lo takzet.
.
" Norah... khawiah mah lo kal suh ang che " hmanhmawh zetin inhnuai lamah a chhuk thla lehnghala
" Raven... khawiah nge i kal dawn? " a kalna apiangah chuan ka zui zela, thil awmzia hi min hrilh phawt loh chuan ka lungngawi thei thlawt lo.
"Jazz... Norah hi lo awmpui ang che " Raven an a tih chuan alo bu nghata.
"ka hmangaih che " min rawn fawp vang vang a.
"Brandon kal ang le " Brandon nen chuan a chhuak nghala,engmah pawh ka sawj hman lo .Raven awmdan kha angaihna pawh ka hrelo, mak ti taka lo thlir mai loh chu tih ngaihna vak pawh ka hrelo.
.
Raven leh Brandon te an tlan liam chiah tih chuan Kitchen ah ka tlan lut vata, Jazz chuan breakfast alo ei mek bawk.
"Jazz engkim min hrilh vek rawh " a bul ah chuan ka ding ran a.
"Min hrilh loh chuan ka tlanbo daih dawn ania "
" maw!! nilo... I tlanbo chuan Raven an min that duh ang "
" anih chuan min hrilh vek rawh "
" mahse Raven an hrilh lo tur che in min ti alawm "
"ok.. min hrilh suh mahse Raven bulah min venghim tha tawklo ka tih vaih chuan... "ka tih chuan a hlauhthawn hmel takzet. Jazz hi kum17 mi lek ani a,ala naupang chhia in bum a nuam em em bawk ,Raven hi a hlau em em mai bakah tih hlauhthawn pawh a nuam tih ka hriat vanga hetianga ti hi ka ni.
.
" Engmaw!!nilo... Chutiang chuan i sawi thei lo ang "
" ka thei chiang alawm " tih pahin inchung lamah chhoh ka tum der vel a.
" Norah... " khik suk pah chuan ka hawilet vata.
"Raven bulah engmah sawi lo hram rawh mahse i thil hriat duh chu ka hrilh thei lo che "
"ughh...tlemtal pawh anih loh pawhin hrelo ang pawhin ka awm thei tho ania "ka tih chuan a inngaihtuah vung vung a,min hrilh a hreh bawk si mahse Raven a hlau tho bawk si,a rilru a in sualbuai ve hle tih ka hria.
.
"awle.. anih chuan " kal chu ka han tum leh a.
" Calvin police kut atangin a tlan chhuak "
"Engmaw i sawi kha " ka meng phawk nghal kawk a ,
" chubak chu ka hrilh thei lo che ...Norah, min hrethiam rawh "chair ah chuan a thu leh a, Calvin a tlanchhuak maw!!! chutichu Engkim thuneitu te hnenah hrilh ta se.
" nilo.. nilo"ka chil chu ka lem leh dak thin a ka hlauthawng takzet.
.
Room ah hmanhmawh zetin ka tlan lut nghala, kawngka chu ka kalh tlat bawk. Khumah thu in thil chi hrang hrang ka ngaihtuah neuh neuh a ,a khat tawkin Jazz chuan kawngka chu a rawn kik leh karh karh thin a mahse ka awm tih a hriat chuan a let leh mai thin. Ka hlauthawng bawk nen Raven chu ka call leh ringawt thin a mahse a pickup lo chu chuan ka awm a ti nuam lo lehzual.Raven hian a duh chuan Calvin hi a dahbo daih thei mahse thupek nilo a tual an thah chuan hrem an ni ang chuvang chuan Calvin hi engtin mah a ti thei lo a chuan Raven hian tual a thah ka duh lo bawk. Nilengin ngaihtuahna mumal pawh pu lo chuan khumah ka thu char char a, Raven lo haw hun chu ka nghak tawp ani.
Sana chu ka han melh leh zeuh thin a zan dar9 a lo ri leh reng tawh mahse Raven erawh a rawn let thei lo. Room chhungah chuan ka vei tawn chhen a ,a chang leh Raven chu ka call thul,ka awm hle hle thei tawh lo.
"Norah... engthil emaw ti teh " tih sap pahin inhnuaiah ka tlan thla nghala, Jazz chu couch ah chuan alo mu dar dar a.
" Jazz... Raven zawng ang "
" Enga!!? " a rawn tho nghal zawt a.
" hei dar9 a pel tawh, enge maw a thleng aniang hawh zawng mai ang "
" Norah... " ka chiai vek avang chuan ka darah a rawn vuan a
" Inbeng dai rawh Raven chu engtin mah a awm dawn lo an rawn let leh tep tawh ang "
.
" Engtin nge ka awm mai mai theih anga, tunah dar9 a pel tawh a, an chanchin engmah pawh kan hriat loh hi " ka ti vin nghal tuarh a, ka hlauhthawnna te chu thinrimna ah an chang zo tawh. Jazz chu a ngawi renga, a hlauhthawn ve loh avang te chuan ka thin a ti rim zual. Chutih lai tak chuan doorbell a rawn ri ta thut mai!!
Hmanhmawh zetin kawngka lamah ka tlan phei nghala, kawngka chu ka hawng vat bawk .Ka rin ang ngeiin Raven chu kawngka bulah chuan alo ding ran a, a hmai chu a duk nasa in a pilh phang bawk.
.
Raven chu ka melh vung vung a engmah sawi lo in inchhungah ka luhsan hmak ,ngawi rengin min rawn zui lut ve nghala. Inchung lamah ka chho vata
"mangtha le " Jazz an chhuah paha a tih ri chu ka hre zui bawk mahse ka hawilet duh chuang lo.Inkuangkuah chungin khumah chuan ka thu ran a thawk kan la leh hak thin a,ka thinrim lutuk hi ka tawng chhuak theilo ani ber.
Reilo te hnuah Raven chu inthiam loh hmel tak hian a rawn lut chhat chhat a,ka lo melh kar a.
" Norah.... " a tih rual rual chuan ka tho hmak a.
First aid box chu la in Raven hma ah chuan ka ding ran a.Lapua ah damdawi dah in Raven hmai hruk tum chuan ka han ban a mahse a sang em avangin ka duh ang pawhin ka hru thei lo. Nuih suk pahin khumah a thu vata tichuan alsam takin a hmaiah damdawi chu ka hnawih sak thei ta ani. Ka lungawi lo ani tih a hriat avang chuan ngawi rengin a hmai ka hruk lai te chuan min melh kar a .
"umm...ka tihpalh " ka ngawi renga.
"Norah ngatinge min biak duh miah loh a " a hmai chu ka hruk chhunzawm char char a, ka chhang duh chuang lo.A hmui chu na deuh tak hian ka han hruk sak tawk a, na a ti ngam si lo a ner leh suk thin a.
.
" Dinner i ei tawh em? " ka chhan duh chuan loh avang chuan a thin in a tuar leh ta pek lo.
" Norah... min chhang rawh " a ti nghal tuarh a kei lah ka duai duh bik lo.
" aih eilo... " zaidam deuh hian ka lo ti sam et a, a thinrim bawk si a ka lo thinrim let ve loh avang chuan a tihngaihna hre lo in a inhum ruh ta ringawt a.
"anih chuan vawin ah enge i lo tih? "
" ka mu...khumah" tih ringawt in ka chhanga ka lungawi lo ani tih hi hria se ka duh
"umm... dinner ah eng nge i ei duh ?"
"ka ei chak lo " a hmai a bandaid ka bel sak mawlh malh pah chuan ka ti a.
.
" Norah... i thin a rim ami? "
" aih... "
" anih chuan ngatinge min chhan hmuk hmuk"
" tukin zingah pawh tiang hian min chhang ve tho alawm "
"anih chuan... ka tihpalh "
" Rawng kan bawl ange? " tih pahin inhnuai ah ka chhuk thlak san daiha ,diktak chuan hetianga awm hi nuam ka ti bik lo mahse Raven hian ka ngaihtuah thin zia te leh rilru hah reng rengin ka awm thin tih hi hre ve se ka duh vang ani.
.
Rawng ka bawl lai te chuan ka bulah ngawi rengin alo rmding ve renga, sawi duh a nei tih ka hria mahse sawi na hun remchang ka siamsak duh bik lo tukin zinga min tih ang chiah khan ka ti ve ani.
" I thin a rim tih ka hria...enge ti turin min duh? " a rawn ti sap a.
" dinner ka peih fel tawh e " thil dang daih chuan ka chhang ta zawka.
Chair a ka thu tur chu ka ban ah a rawn vuan chat.
" Hetianga i awm hian hrehawm ka ti..." a hmui hnuai chu a liak zeuh a.
.
Chapter-54
.
"Raven...zinga i awm dan ang chiahin ka awm anih kha chuan hrehawm i tih ang tho khan hrehawm ka ti ve tho asin "zaidam tak chuan ka ti sap a.
"Kan inkar ah hian thuruk awmlo se ka duh ngatinge ka lakah hian i zep leh tlat thin ,i hria em vawin nileng in hlauthawng reng reng in ka awm reng asin ,ka ngaihtuah lutuk che a engmah pawh ka ti thei lo"
"tih hlauhthawn che ka duh loh vang zawk ani mahse engkim ka hrilh vek ang che tiang hian awm tawh suh " tih pahin chair ah min thuttir a, ani pawh ka bulah chuan a rawn thu vata.
.
" Calvin police kut atangin a tlan chhuak a " ka hriat tawh hnu anih avangin mak ka ti lem lo .
"Hotuten man turin thu min pe a mahse ka buaina zawk tak chu tlan chhuak tura pui tu chu Regina ani "
" maw!! eng... engtin nge chu chu a thlen theih " ka lo ti vata
" ka hre bik lo mahse Regina leh Calvin hi an thawkdun anih hmel mahse vanneih thlak takin Regina in kan inkar hi a hre lo hlauh"
"anih chuan Calvin chu in hmu ta em ?"
" aih... mahse kan hmuh vat ka beisei "thil dang daih ngaihtuah niawm tak chuan a melh ngai chu a melh vung vung a.
.
"umm... engkim a tha leh vek mai ang, chaw ei tawh ang " boruak tih zan nan chuan ka lo ti vata.
" Norah... "
" umm... "
" ka lawm e "
"engvang chuan maw!! "
" ka kianga i awm reng avangin "
" hetiang hian awm suh "
" Ani a lawm...nang hian nun hlutna min zirtir a, nang ka tawng che hi ka vannei takzet "
" ka hmangaih che mahse zep ruk a awm tawh tur ani lo"
" ka tiam a che engkim ka hrilh vek tawh ang che... chuan nasa takin ka hmangaih che"min rawn fawp zeuh a.
.
_______________________________________
.
1 month later.
.
Thla khat chung Raven nen kan lo chengdun ta reng mai,a hma aiin kan inhmangaih zual emaw tih mai tur hian ka hlim in a hma aiin ka inpawh zawk. Calvin pawh an la zawng renga mahse thawm engmah hriat tur a awmlo thung.Pi Regina pawh Spain ah a awm avangin a chanchin engmah hriat zui tur a awm lo.
Raven avangin biakin ah pawh ka kal phah fo a, Raven an min hruai ziah thin mahse ani erawh biakin chhungah a rawn lut ve duh ngai lo.Kan in exam a hnaih tawh em avangin ka tang ngawrh hle a ka inpuahchah nasa hle bawk , zan ka mengrei chang pawhin mut chhuak chung chung in min lo menpui ve tang tang thin a, a chang leh ka lehkha mamawh te min buaipui saka chuan eitur min siamsak ziah bawk. Khawiahmah chhuak lo in min awmpui deuh chawt ani.
.
Ka chhungte nen pawh kan inbe fo a mahse ka û nen erawh kan inbe ngai meuh lo a chhanchu ka call a pickup duh loh vang ani mahse Travis chanchin Stephen ka zawt ziah a a dam thu leh a hna lama a kal tluan thu ka hriat chuan ka hahdam huai thin,pi Regina awmlo mahse pu Cambelo te inah kar khatah vawi hnih bak ka kal ngai lo mahse Raven an min hriatpui vek thung. College ah Stephen nen kan inzui deuh chawt a, Veronica pawh a bo hmak. Raven nen erawh fimkhur thu ah tiin inhre lo ang maiin kan inkal pel hmak hmak thin Stephen chauh kawm turin min hrilh ziah thin mahse zan tin Stephen a thik ziah thung, a naupang chhia takzet.
.
" Norah... i tlai dawn ania hmanhmawh rawh"Raven chuan bathroom chu a rawn beng dawt dawt a, darthlalang chuan ka han in en vang vang a ka men rei thin vang nge mawni ka chau in dark circle ka nei kalh bawk. Ka hmai chu ka han phih thuak thuak a bathroom atang chuan ka chhuak vata.
"i bag ka pack vek tawh kal ang le " tih pahin ka bag chu min ken saka inhnuai lamah kan chhuk thla dun nghala
" Norah i tha maw!!? " ka awmdan chu a hai bik hauh lo.
" aw... tha e... ka menrei vang aniang " za lo zet hian ka lo nui suk a.
" umm... in exam leh tur ala hla bawka zanin chu hahchawlh nan i hmang anga i tha leh vat mai ang "
.
Car kawngka chu min hawn saka ka lut nghal vata. Ani pawh rawn lut in kan tlai tawh bawk nen chak zetin a khalh chhuak nghala
College kan thlen chuan ka tlai lo hlauh.
" lo chhuak duh suh " ka ti vata.
" mahse... in exam ni hmasa ber te ani si a "
" Raven... fimkhur a tha zawk midangin min lo hmuh khan a tha lo zawk "
" hreptak chuan... Norah, Calvin a awm tawh loh hi engmah a hlauhawm tawh loh ka tih tawh kha, engchen nge kan inkar hi ka thup dawn "
"mahse kan inthlahdah thei chuang hleinem "
.
" awle... awle a tha e " a ti vin hluk a.
" in exam dawn hi inhauh buai ka duh lo " tih pahin ka bag chu min rawn pe a.
" tha deuhin i chhang dawn nia " ka hmuiah chuan a rawn fawp zeuh bawk.
" awle "
" hetah ka lo nghak reng ang che "
" umm... lo va inti thawveng rawh nizanah i mengrei a zingah i tho hma leh bawk sia "
" hahh.... ka lo nghak zawk ang che "
"ok.. anih chuan ka kal,ka rawn let leh vat ang "
" good luck" car atang chuan ka chhuk vata ,muang changin exam hall lam ka pan nghala
Ka chhan zawh veleh engmah tikawi lo in Raven awmna lam panin ka kal nghal hlawk hlawk a ka rin ang ngeiin a car chhungah chuan min lo la nghak ran mai .Kangka ka hawng chiah chu thawm ka dim nghal hle Raven chu tui taka alo muhil sak sak lai ka hmuh chuan ka nui suk a .Ni e, a thawkrim em ani ka buai ai zawng zawng a buai veka zanah a mut mang loh mai bakah engkim a tih vek avangin a chau ve ngang aniang. Thawm dim thei ang ber chuan ka lut zal zal a ka thu tha chiah tih chuan ka phone a rawn ri ta mai!! tihharh ka hlauh em avang chuan en pawh en lo in ka hmet tawp nghal vata mahse a rawn harh ta tho .
.
"Ughhh... i zawh na a rei tawh em? "ham bai bai pahin tho phang aw zet hian a rawn ti a, a thawh hlim pawh hian a hmeltha tho anih hi .
" ai... rei lo e ka zo chiah "
" i chhang tha em? "
" ughh.. aw tha " ka nui suk a.
" anih chuan lunch tui deuh kan ei thei anih chu " a rawn khi suk a.
"nia... khawiah nge kan kal ang? "
"i hre mai ang " tih pahin a khalh chhuak nghala.
.
Kan tlan laklawh lai chuan ka phone a rawn rik avang chuan ka phone chu ka la chhuak vata.
"pu Christopher maw!! " ka ti sap a, Raven chuan min rawn melh zeuh a mahse engtin mah min tih loh avangin ka pickup nghal vata.
" Hello"
"Norah... " pu Christopher phone atangin hmeichhia in min rawn bia amaw!! a aw atang chuan thil diklo a awm tih ka hrenghal.
" Tunge i nih,? khawiah nge pu Christopher"
" Norah... Thomas a awm tawh lo " a insut ri hraih a.
" maw!! "
.
" Tunah an vui tep tawh, khawngaih in Raven rawn hruai hram ang che " tih pahin phone chu a dah nghal daih lehnghal.
" Hello... hello " ka phone chu ka en nghal vata
*pu Christopher-7 misscalls" tih ka hmuh chuan ka meng phawk nghal kawk a
" Raven.... kan...kan let angai " ka ti bah nuai a
" kan thleng tep tawh "
" Raven... tunah i pa an vui dawn kan let angai " ka ti tuarh a,Raven chuan car chu a tiding chawt nghal a, a khalh chak lai tak ani bawk nen hma lamah kan bu nghal pawp a.
.
" Engmaw!! " Raven hrilh hai hmel ka hmuh chuan ka khawngaih lutuk .Ka mittui a rawn tla nghal zawih zawih a.
" i... ipa an vui tawh dawn... kal nghal ang "
" aih... ka. ka duh lo"
" Raven... luhlul tawh suh ,i pa i hmuh theihna hun huhnung ber anih tawh hi "Raven chu a ngawi renga, a hmel a lungngaihna nasa tak hi ka hmuh hmaih hauh lo mahse ngatinge luhlul ala chhuah fo ni.
Raven kutah chuan ka han hum vang vang a.
"i pa i enkawl theilo tih ka hria mahse atana i tih theih hnuhnung ber chu thlahna thuchah sawi ani " ka ti sap a,ka mittui chu ka hruhul vata.
" Raven.. khawngahin kal ang " ka tih chuan a steering chu a han hum vang vang a, thawk lak hak pahin a engine chu tinung in thlanmual lam pan chuan kan kal nghala.
.
Kawng lakah te chuan tap lo turin ka indang hram hram a a chhanchu Raven tih chiai ka duh loh vang ani. Lehlam hawi pahin ka mittui ka hruhul leh zeuh thin a. Mihring hian kan hma hun kan va hrelo tak em engvanga pu Thomas hi boral thut nge maw anih le ka hrethiam lo takzet.
Thlanmual kan thlen chuan ka chhuk thla vata mahse Raven erawh a thu tlat thung .
"Raven kal ang "
" lo... lo va kal rawh "a tih chuan ka bu nghata,tih luih emaw tih buai emaw ka duh lo a duhthlanna ngeiin a pa hi thlah se ka duh ani .
.
Pu Thomas an vuina lam chu ka pan vata, kuang bulah chuan pu Christopher leh Stephen chu an lo ding kun lapa an bulah chuan ka va ding ve vata.
Ka insum thei tawh lo ka mittui chu a rawn tla zung zung a, nichinah khan call kha lo la ni ila chu hei ai hian thlahna hun ka ngah deuh tur.A fapa lah ka hruai thei bawk si lo ka inthiam lo takzet. Pu Thomas an vui zawh thleng chuan ka awm ve char char a mahse ka enkawl that tawk loh avang erawh chuan ka inthiamlo takzet.
.
" Norah... ilo kal chu a tihzia hle mai " pu Christopher chuan a rawn ti chhang raih a.
" pawi ka ti lutuk ka thiamloh vek ani ... "
" nilo... i thiam loh ani reng reng lo, Stephen Norah hi va hruai haw ta che "
"awle" Stephen chuan a lo ti sapa, Stephen pawh chu a mit a sen ram a a tuar hle tih a hriat theih , Regina erawh hmuh tur a awmlo thung. Pu Christopher a kal liam hnu chuan pu Thomas thlan chu ka en vang vang a.
" mangtha le, pu Thomas i fapa ka rawn hruai thei lo a min ngaidam ang che"
.
" Norah... in thiamloh na tur a awmlo Raven chu a rawn kal alawm " Stephen a melh na lam chu ka en phei vata Raven kal liam chiah lai ka hmu hman, ka meng phawk nghal kawk a
" Raven... " tih pahin umzui ka tum a mahse Stephen chuan min lo dang vata.
" amahin awmtir zawk rawh" Ni e, Raven hian hunthawl a mamawh ang chuvang chuan ka tibuai tur ani lo.
" Norah... lo kal rawh ka thlah ang che "ka lo bu nghata
.
Stephen nen chuan Secret palace lam chu kan pan nghala inbiak pawh kan tum lo .Thu dun mah ila kan ngaihtuahna chu hmun dang daih ah a awm thung.
" Stephen Hostel ah min hruai thei angem " engvanga hostel a kal duh thut nge ka nih pawh ka hrelo.
" maw!! "
" khawngaih in "
" awle" a inturn nghal pawp a, hostel lam pan chuan a khalh lehnghala.
.
Hostel kan thlen chuan mipui lo awmkhawm laih laih ka hmuh chuan thil engemaw a thleng tih ka hrenghal mahse ka bengkhawn lemlo
" Norah... kal chu i duh tak tak maw? "
" umm... " kawngka min rawn hawn sak a ka chhukthla vata.
Hostel chhung ka lut tur chu Mipui zing atangin pakhat in Raven a ti ri ka hriat chuan ka beng a verh nghal zar mai, hmanhmawh lutuk in mipui karah ka inhnawh phei nghal tawn tawn a, ka thil hmuh chuan min thawng takzet ka meng phawk nghal kawk a
Show post links
Top
Ngaia
Site Admin
Quote
Post April 2nd, 2017, 3:35 pm
Chapter-55
.
Raven an Travis hmaiah tak a hnek lai ka va hmu chiah chu ka te nghal thawt a!! Travis chu leiah a tlu hnawk a, a hmai a thi hnuang bawk a landan ah chuan sawisak hrep tawh tih a hriat theih.
"Raven...duhtawk rawh... ka û " tih pahin Travis bulah chuan ka thingthi phei hnawk a, Stephen pawh a rawn tlan nghal vat.Travis chuan theih leh thei lo hian min rawn melh tawk tawk a, ka hlauthawng bawk nen tanpuitu ka zawng nghal ruai a engmah ka ngaihtuah thei tawh lo,
" Stephen... damdawiin ah hruai ang " ka ti nghal tuarh a, Raven erawh hrehawm tih hmel takin min lo en reng thung chu chuan ka thin a ti rim takzet.
.
"Travis....i tha leh vat mai ang" ka ti sap a, Stephen chuan a kuah tho nghal lawp a a ban lehlam chu ka lo dawm ve vat bawk. Mipui heti zozai awm si in engvanga lo thelh lo nge an nih tih hi ka hrethiam lo takzet.Travis chu Stephen car seat hnung lamah chuan kan kuah lut vat a, ka thutpui nghal bawk.
Hmanhmawh zetin Stephen chuan damdawi in lam panin a khalh chhuak nghala
" ka û eng nge thil awmzia hi" a kut chu na a tih deuh avangin a ner leh sawk thin a.
"Ngatinge Raven khan a khawih che" ka han ti leh ngata.
.
"I room ah rawn kal ka tum a mahse midangin an lo luah tawh .....Norah Raven nen in cheng dun tih min hrilh miah suh " Travis chuan a rawn ti sapa, Stephen chu ka va melh zeuh a a lo bu nghata,Hetia Stephen a lo buk nghat na chhan chu Raven nen kan chengdun tih hi ka û hrilh mah ila a pawilo a tihna ani.
" ni e... kan cheng dun ani "
" maw!! " a sam chu a kut lehlam chuan a han tuai thuak thuak a.
" Lalpa leh... khapa thusawi kha alo dik chiah anih hi "
"Tu maw!! tu in maw hrilh che "
" Tuin nge min hrilh tih hi a pawimawh ber lo , Kha mi dukdak lo pa nen khan engtin nge in chengdun theih zawk "
.
" Damdawiin chu kan thleng tawh e " Stephen an a rawn tih chuan ka thaw nghal huai thei a chhan chu ka û hrehawm ti phun nawi ri hi ngaihthlak hrehawm ka ti takzet.
Stephen chuan Travis chu damdawiin chhungah a kuah lut nghala ,Sunshine hospital ani bawka Stephen an lo hmuh chuan nurse leh doctor te chu an phi buai vek hi ani ber mai.Travis chu an lo buaipui nghal sawk sawk a, X- ray leh eng eng emaw tih neuh neuh tur a awm avangin Stephen chuan min buaipui sak veka kei erawh lo thu mai mai tura min tih avangin ka û bulah chuan ka thu ran a.
.
Travis chu a ngawi renga, chung lam hawi chung chuan a han maimichhing leh vang vang a.A ban chu a chalah nghat in thawk a han la leh hak thin a
"Norah... "
"aw... ka û"
"enge maw min hrilh duh i nei em? " a zawhna avang chuan mak tih hmel takin ka lo en ha a ,Travis chuan chiang tak mai hian min rawn melh kalh a.
"aih... nei lo"
"Nichin a Raven an min sawisak nachhan kha i hre duh tiraw?"
"maw!! "
" umm.... diktak chuan in hostel atanga ka haw tur kha hostel kawtah kan intawk a "ka thin a phu rang kher mai.
.
" 'Heihi ka tih ngei angai' tih pahin ka hmaiah a rawn hnek nghal thuai mai a mahse khawih let ve ka tum khan ka thei tlat lo a chhanchu a mitmeng ah khan hrehawm tihna hlir ka hmu ani,a lan dan kha chuan loh theih lo a min khawih ni berin ka hria " ngaihthat loh hmel zet hian a mit ti zim san chung chuan min rawn en a keipawh ka ngaih a tha bik lo, keimah vanga intibuai turah ka lo ngaia mahse a lo ni hauh lo chhan dang a awm ani mahse chu erawh ka hrelo.
Thil dang daih ka ngaihtuah avang chuan ka melh ngai melh chung chuan ka ngawi vung vung a, Raven hi engvanga hetianga awm nge a ni tih hi rin dan pawh ka nei lo.
.
" Raven hi hlat la ka duh mi hlauhawm tak ani "
"mi tha tak ani zawk asin.... a lan dan chuan hlauhawm hle mahse a chhungril ah chuan mi dang tan a engkim a huam asin "
" Norah... "Travis chuan a ti nghal tuarh a
"ka thusawi hi hnial hauh suh ang che ... nangma tana tha tur vek ani " tu emaw in kawngka an rawn kik avang chuan Travis chu a ngawi nghal hmak a, lehlam a hawi hmak bawk .
" Result chu ka rawn lam nghal e ,kha kan damlo chu i chhuak thei nghal anih hmel ,rei deuh awm la ka ti asin " nuih vur vur pain file keng chungin Stephen chu a rawn lut nghala, ka û nen a kan awmdan chu hrethiam niawm takin fiamthu a rawn thawh nghal bawrh bawrh bawk.
.
"anih chuan engtin nge an lo tih " Travis chuan alo ti vata.
" i ban veilam ruh hi a khik mai bakah rit chawi lo turin an ti che ani "
" mahse.... "
" lungngai suh....he damdawi in na na na ah hi chuan lungngaihna tur a awm lo, hlawh ngai reng ila anga mahse i dam chian hma loh chuan hna i kal tawh hrih lo ang "
" hna thawk lo in Chutiang ringawt chuan ka... " a sawi zawh hma chuan doctor pakhat hi a rawn lut a.
"Norah... pawnah lo va awm ang, a na tuar lai ka hre peih lo " nuih vur vur pah chuan min rawn mitmei zeuh a.
" awle..." ka tho vata, Stephen nen pawnah kan chhuak dun nghala.
.
Kawngka ka khar chiah tih chuan boruak a dang nghal vek.
"Norah... Raven hi then turin ka ti lo ang che mahse i û hian a mamawh che ani " Stephen chuan a rawn ti nghal vata.
"ka hria alawm mahse tun dinhmunah hi chuan Raven hian min mamawh zawk....."
" hriatthiam tum teh... i û hi tiang ringawt hian i awmtir thei lo ang, saw a ban pawh a hman theih loh saw"
"ka û hi ka awmtir mai mai hleinem... a rilru ka tih nat sak tih ka hria mahse ka bulah a awm chuan ani pawh hi an tibuai ve vat anga sin... he thi ka humhim duh avang hian ka û hi tawrh tir ka duh lo chuvang chuan a hlat thei ang berah awm hi a him zawk "
"I û hian zantin i tan biakin ah a tawngtai thin asin.... Norah...Travis pawh hi a him tawh lo ania "
"Eng... engmaw!! "
"engmah ka hrechiang bik lo mahse enthla tu an awm niin ka hria chuvang chuan amaha awmtir chi ani lo "
"nilo... chutiang chu a thleng thei lo ang... ka û pawh nunna derthawng ah ka dah amaw!! ...nilo.. he thi avang hian mi engzat in nge tuar leh dawn ...Stephen engtin nge ka tih tak ang "
"ka hre bik lo mahse Travis hi a maha awmtir chi ani lo"
.
" Ngati maw keimah a awmtir chi ka nih loh? " Stephen nen chuan ka hawi phei rual nghala, kawngka bula ka û lo ding ran ka hmuh chuan ka meng phawk nghal kawk a.
" Tunah khan eng maw in sawi... dinhmun hlauhawm ah ka awm amaw? Chuan eng thi maw ven him ngaia?"
" Travis...."
" Stephen lo ngawi rawh... Norah min chhang vat rawh "
"ka.... Ka û "ka thusawi engkim a hriat avang chuan ka ding kun lap a
"Nizana ka thil hriat kha a dik ani maw!! " Travis an a tih chuan Stephen chu ka va en vata.
.
"Engchu maw i hriat? " Stephen chuan alo ti vat bawk.
"He thi hi " ka rosary awrh lai chu a rawn kawk a "Norah.... he thi hi ka nu pek che kha ani a mahse..... mahse nilo thudik ani thei lo ... "Travis
chu min hnung chhawn zawng chuan a ding daih a.
" nilo... thudik ani lo ,i nun hi derthawng takin a awm thei lo " phun sup sup pah chuan muang changin corridor ah chuan a kal phei a.
" ka û" umzui ka tum a mahse Stephen chuan min lo dang vat.
" Norah...keiman ka lo buaipui ang tunah chuan Raven nen engkim sawifel phawt rawh u "
"Stephen... ka lawm e, ka û min buaipui sak avangin "
"ka tih ve tur reng alawm, chuan in thleng thlah tur che in driver ka lo tir dawn nia " ka bianga rawn fawh zeuh pahin Travis chu a umzui nghala.
.
Ka chungah Stephen hi a that chhunzawm zel dawn chu anih hi. Tuna a awmdan ah hi chuan a nu thil tihsual min rulh tumna ni berin ka hria mahse mi tha tak ani. Ka û in engkim a hrechhuak vek ani tih a hriat tawh a mahse thuruk engchen hi nge a hriat tih erawh tumahin kan hre lo thung. Ka rilru a buai takzet, ka û ka buaipui a ngaih rualin Raven ka kalsan thei bawk si lo. Tunah chuan Travis pawh a him ta lo ,ngatinge heng buaina zawng zawng hi kan chungah a thlen tak mai le? Raven ka thlan in ka û ka kalsan angai a mahse tunah chuan duhthlang thei pawh ka ni tawh lo, ka beidawng in ka rilru a buai takzet.
Damdawi in kawt zawlah chuan muang changin ka kalphei chhat chhat a khua alo thim der tawh, ka awmna atanga hla vak lo ah bike ngheng chunga Raven lo ding kun lap ka hmuh chuan ka ding nghal chawt a, ani pawhin min rawn hmuh chuan a ding ngil nghal vat bawk. Ralkhat atang chuan ka en renga, Raven hmel ka hmuh hian ka lainat takzet ,a hrehawm ti hmel leh a beidawng hmel ka hmuh chuan ka mittui a rawn tla ngiai ngiai a.
*'Raven.. engtin nge ka tih tak ang? Ngang thlang che in ka û ka kalsan thei si lo,chuan ka kalsan thei hek lo che mahse ngangchu ila in venghim thei tal alawm tiraw? thutlukna siam hi harsa ka ti takzet mahse thutlukna feltak erawh ka siam vat angai bawk si '* tiin ka ngaihtuah a ,hetiang thu ka ngaihtuah ringawt pawh hian ka hnuk a ulh thei.
.
Raven chuan min rawn pan hnai vata
" i û chu a tha em? "
" Raven... inah kan sawi dawn nia haw phawt ang " tih sap pahin ka kalsan daih a ngawi rengin min rawn umzui nghala.In lam panin chak zetin kan haw nghala,kalkawngah te chuan ka rilru buai lutuk leh tawt lutuk chu au chhuah vak vak mai ka duh.
In kan thlen chuan alo thim thap avangin dim light zawk chu ka on ta zawka ngawi rengin ka bag chu couch ah ka thleh phei vata. Raven chuan ngawi rengin min rawn zui ve zela, a inrin loh lai tak chuan ka hawi let thut a.
.
" Engmah sawi a tum lo ami ?" mak tih hmel takin min rawn en ha a.
" ka û i sawisak nachhan kha sawi fiah i tum miah lo ami ?" Aw zaidam tak mahse thinrim tih hriat tak si hian ka zawt nawn leh ngat a.
" Norah..." inkuangkuah chung hian ka lo melh kar a.
" Nizanah Calvin an i û a hmu "
" engmaw!! "
" ni e...a tirah ka hre bik lo mahse midang in an lo hmu a Calvina hmuh tur a awm leh tak si lo avangin Calvin thurualpui ah ngaiin vawin khan i û hi sawisa turin thuchhuah an rawn siam ani"
.
"Ka û in Engkim a hre vek tawh ...Calvin an a lo hrilh anih ngei dawn chu "Raven chu a rawn meng phawk nghal kawk a
"Maw!! engkim a hre vek tawh maw!! I û ka sawisa kha ka duh vang reng ani lo, duhthlan tur dang ka neih loh vang ani. Ka sawisa duhlo ani tih a hriat vaih chuan that turin thuchhuah an siam ka hlauh avanga khatianga ti kha ka ni " .
" mahse ngatinge thuchhuah an siam khan min hrilh nghal mai loh... ngatinge Raven min rin theih miah loh"
" nilo... Norah chutiang chuan ngai suh "
"i rilru tinat ka duh hleinem... i û ka sawisak tur thu hrilh ta che ila engtin nge i awm ang "
"Kan pahnih in kan paltlang thei mai lo ami? ngatinge nangmah chauha tawrh i tum thin "
"min ngaidam rawh...mahse Norah i rilru tih nat ka duhlo ...ka hmangaih vang zawk che asin"
.
Ka hmuiah a rawn fawp nghal tawn tawn a kei pawhin ka lo chhang rang kher mai, thinrim na hlirin kan khat bawka kan indim lo dun hle. Raven chuan ka samah a tham tawn tawn a mahse nuam ka ti zawk, min fawp reng chung chuan ka thawmhnaw chu a phelh sawk sawk a kei pawhin a jacket leh a tshirt te chu ka lo phelh sak ve bawk.
Ka hnute a tham tawn tawn lai te chuan ka rum leh ham ham thin a, a thaw lum ham ham te chuan ka mamawh zia min hriat nawn tir nimai hian ka hria.
Ka nghawng leh ka dar vel te chu a seh ner ner bawk,banga min nawr beh pah chuan min pawm kang nghal lawpa ka taksa chhungah a rawn lut chiah mai chu ka au chhuak lo chauh
" Raven... "
" Norah... ka mamawh che,ks hmangaih che"
Rei lo te ah ka malpui chu a rawn khur der der a,kan zo der!! min dah thlak pah chuan min fawp lehnghal tawn tawn a
.
"Raven...tun atang chuan i thil tih tur zawng zawng min hrilh vek angai tawh lo ang " ka tih chuan min pawm kang lawpa, inchungah min pawm chho nghala
"i himna tur anih chuan engthil pawh ka ti ang... midang thah ngai pawh nise"
" nilo... chutiang chu ti suh " Khumah min muttir a, ka bulah rawn mu ve nghalin nghet takin min kuah bet a.
"engkim ka hrilh vek tawh ang che ,ka tiam a che " ka chalah a rawn fawp zeuh a.
" ka hmangaih che.... mu tawh rawh le, i chau lutuk ang" min rawn fawp leh vang vang a.
" keipawhin ka hmangaih che... mangtha le " ka mittui chu ka khap per fap a, mahse Raven an a hmu lo.
*****
Zingah hma takah ka tho a, ka inbual fai zawh hnu in breakfast ka siam nghal bawk mahse Raven erawh a la mu thung .Thawm dim thei ang berin inchungah ka chho a tui taka Raven mu sak sak lai chu ka en renga, a va han tha chiang tak em , hepa mipa hian min hmangaih ang tih hi ka ringpha ngai lo ,ka nui lui suk a.
"Raven mangtha le " ka mittui chu ka hru zeuh a ,ka tah chhuah hma in hmanhmawh takin inhnuaiah ka tlan thla nghala, pawnah driver in min lo nghak reng tawh avangin car chhungah ka lut vata.
" Raven... nangchu i in venghim thei mahse ka û chuan a thei ve lo " Secret palace en vang vang pah chuan ka ti sap a.
Show post links
Top
Ngaia
Site Admin
Quote
Post July 2nd, 2017, 3:26 pm
Chapter-56
.
Raven kalsan turin thutlukna ka siam chu ani der mahse chhungril ah ka na takzet he ka thutlukna siam hi awlsam taka siam mai theih a ni bik hauh lo. Nizan zankhua in ka inngaihtuah hnu ah Raven chu a in venghim thei chuvang chuan ka û hi ka ngaihtuah phawt angai tiin ka rilru ka siamfel ta ani.Tukverh lam chu ka en vang vang a ka mittui a rawn tla leh ngiai ngiai thin.
" Norah... i thei tur ani " tiin ka inhnem hram hram a, tah lo tum mah ila ka indang thei lo.
Minute 30 lai kan tlan tawh tih chuan ka phone a rawn ri tlang tlang a,Raven a nih ka ring nghal, muang changin ka bag atangin ka phone chu ka la chhuak zal zal a,ka rin ang ngeiin Raven ani.
.
Pickup lo in ka en ngur ngur a a ri tawp chiah tih in message a rawn thleng nghal ka open vata.
*" Norah... khawiah nge i awm? "* tih te chauh hi a rawn thawn, ka phone chu ka hum vang vang a, insut hraih pahin ka hmui chu ka han pet fan fan a .Ka rosary khawih niap niap pah chuan Raven hril hai tur zia leh a ngaihna a hriat loh tur zia ka ngaihtuah a ka mittui chu a rawn far leh fap thin . He ka thutlukna siam hi khua reiah ka inchhir pawh ka ring mahse khuanu hian duhthlan tur dang min pe miau hleinem.
.
Car a din chuan ka hawi chhuak vata ka û apartment kan lo thleng der tawh. Stephen ka call nghal vata.
" Hello"
"Stephen ka thleng tawh e ,car avang hian ka lawm takzet"
" umm... a that hlauh chu keipawh ka hman veleh ka rawn thleng ve vat ang "
" awle" tih pahin phone chu ka dah nghala.Ka û apartment zawn chu ka melh chho vang vang a, thawk lak hak pahin ka lut nghala.
Corridor a ka kal lai te chuan engtin nge ka awm anga eng thu nge ka sawi hmasak ber ang tih ka ngaihtuah nasa hle.Kawngka bul ka thleng chuan ka ding chawt a
"in ti pachang hram hram rawh " tih pahin kawngka ka hawng nghal thuai a.
.
Travis chu couch ah thu in alo indawm kun lap lai ka hmuh chuan ka pan hnai nghal vata. Thawk lak hak pahin min rawn melh chho vata za lo zet hian min nuih suk bawk.
" Bawihte....i lo kal ani maw!" a rawn ti tham tiak a, a bulah chuan ka thu vata.
" Breakfast i ei tawh em? " ka lu ka lo thing nghat a.
"Ka û ... " Engmah ka sawi hman lo a tho thut a.
" Breakfast ka siam ang che " tih pahin kitchen ah a phei daih ,ka zui nghal vat bawk. Ka û awmdan hi a mak takzet hahdam na riau a nei nimai hian ka hria.
.
Thei leh thei lo chuan chhawngthawp ah butter a tat sawk sawk a
" i kut hi dim rawh.... ka lo pui ang che " tih pahin ka chhuhsak vata. Chair ah thu nghalin ka thil tih lai chu alo en renga.
"Nizan zankhua in ka ngaihtuah a ka nu thih dan te, kha thi avanga dinhmun hlauhawm a i awm dan te leh Raven an a venhim dan che te... " ka thiltih lai chu ka tawp chawt , mak tih hmel takin ka en ha a .
"Stephen an chiang zawkin min hrilh vek alawm... khapa Calvin an engkim min hrilh khan dawt ni turah ka lo ngaia mahse engkim hi a tak vek ani. Movie te pawh a ang hial zawk "
.
" Û pawi ka ti lutuk mahse tihtawp dan a awm lo " chair a thut pah chuan ka ti sap a.
" ni e... kan nun derthawng taka a awm hi ka ring pha ngai lo khang thuruk inthup zozai te kha "
" nilo...tun atang chuan thlamuang takin kan awm tawh ang,ka pa bulah kan haw anga ahma ang khan engkim siam that leh vek ka duh ani "
" Norah... enge i sawi awmzia?" Travis chu a hlim loh hmel takzet.
"Stephen an kan haw na tur min buaipui sak vek dawn a chuan naktukah kan haw ang "
" Enga? " a ding thut a,
" Ka û.... haw kha i duh ani lawm ni " ka lo ti ha a.
.
" Mahse engtin nge Raven hi ni dawn? " ka û thusawi hian min thawng takzet, a vawikhat nan Raven hi a ngaihtuah ve takzet tih ka hre thei.
"Raven chu ka kalsan tawh ...û i thu ang zelin ka awm tawh ang " kun lap pah chuan ka ti chuai raih a.
" Engmaw!! "
" Raven nen kan inthen kha i duh ber ani lawm ni mahse ngatinge tunah tiang hian i awm leh si "
" Norah... engkim ka hrethiam vek tawh Raven hi i chelh tlat tur ani, ani chuan a venghim ang che "
" i ti tak tak em? "
" ti tak tak e " min rawn nuih suk pah chuan min rawn kuah nghal thlawp a
" Û ka lawm e... " ka ti nghal mawlh mawlh a ka hlim lutuk chu tah chhuah hawm hawm mai ka duh .
"mi tha tak ani tih ka lo hmuh hmaih thin a mahse ani khan a hmangaih takzet che tih ka hria .Eng dinhmun ah pawh ding la ani chuan a kalsan ngai lo ang che "
" Mahse....ka pa"
"Engmah buaina tur a awmlo... ka pa pawh keiman ka lo hrilh vek mai ang, a hrethiam ve em em ang che " Travis chu a aia nghet in ka han kuah leh sauh sauh a
" Raven kan hrilh vat ange " tih pahin ka phone chu ka la chhuak nghal vata .
.
Raven chu ka call ngial pawhin a pickup thei lo, ka message lah a chhang thei bawk si lo
"A pickup thei lo " ka phur lutuk chu ka kut te a khur vek tawh.
"keimah ngeiin kan hrilh ange " tih pahin a jacket couch a a dah chu la in Chhuah nghal mai a tum a mahse a rawn leh hawi leh hram a
" Thlamuang deuhin lo awm rawh, ka hmangaih che ..ka rawn let leh vat ang "ka chal a fawh zeuh pah chuan hmanhmawh zetin a tlan chhuak nghala.
" Û rawn let leh vat ang che " ka hriat tawk lek chuan ka ti sap a.
.
Ka hlim lutuk hi awmdan pawh ka thiam lo, ka û in Raven a biak chuan engkim a tha leh vek dawn tih chu a chiang reng.Buaina tamtak awm mahse inngeih taka kan awma kan tanrual phawt chuan tu mahin min ti na thei bik lo ang. Phur takin thleng chu ka sil sarh sarh a, ka û leh Raven an rawn haw vat ringin in chu ka tifai nghal mawlh mawlh a, chhuat te nawt in engkim hi a tha thei ang berin awmse ka duh.
In ka tihfai zawh chuan ka han hawi kual vela ka duhthu a sam hliah hliah. Sana ka en chuan tlai dar3 alo ri der tawh. Ka uluk bawka a tlau hma hle mai .
.
Ka û ala rawn let loh avangin a rawn haw hma tiin chawhmeh lei tur chuan hmanhmawh takin ka chhuak nghal dawr dawr a ,dawr awmna hi a hla ve si a ka kal hlana an rawn thleng ka hlauh avangin ka hmanhmawh kher mai. Dawra ka awm lai te chuan sana ka en seka ka phur tawh lutuk chu ka khi sang reng mai.
Hmanhmawh takin ka let leh nghala mahse khua in min thim hnan ta tho, ka û alo haw tawh ring in phur takin inchhungah ka tlan lut a.
" Ka û..."ka han hawikual vela.
" Raven.. " ka han ti leh a mahse a reh thap.
.
Ngaihtha deuh chuan rawng ka bawl nghal sawk sawk a,rawng ka bawl lai te chuan ka zai rat rat a, Raven hlim dan tur zia ka mitthla te hian ka khi leh ver ver thin. Dinner ka buatsaih zawh meuh chuan dar7 alo ri der tawh mahse ka û hmel reng hmuh tur a awmlo. An rawn haw hun nghak chuan ka vei seka, an rawn haw har ta lutuk chu ka ngaih a tha lo tan.
Sana ka en chhen a ka awm hle hle thei tawh lo. Ka û leh Raven te chu ka call bawk a mahse an pickup thei lo .
.
Dar 10 a rik meuh chuan ka rilru a hah tawh hle, engthil nge thleng engmah ka hre bawk si lo .A chang leh apartment kawtah te ka lo nghak a a chang leh corridor ah mahse an hmel hmuh tur a awm chuang lo.
Rilru hah taka ka lo indawm kun reng lai chuan doorbell a rawn ri ta thut mai!! ka hawi chhuak vata.
" an rawn haw har emai ka lo thinrim der vak ang " tih sup pahin phur takin kawngka ka va hawng vata. Mahse ka nui tawp chiang kher mai.
" Stephen... nang maw!! "
" mak i va tih hmel ve... kei lo rawn kal tur an awm ami "
"Umm... rawn lut rawh" za lo zet hian ka lo nuih suk a.
" Khawiah nge Travis" couch a thut pah chuan a ti a.
"ka... ka hrelo " mak tih hmel zet hian min rawn melh ha a.
" Hna a rawn kal te anih ka ring hial... zingah Raven be turin a chhuak kha ala rawn let leh lo "
" Engmaw!! " a ding nghal zawt a. Stephen awmdan ka hmuh chuan ka hlauthawng nghal ringawt.
" Dar11 a ri tawh a tun thlengin enge a tih ang?"
"
"Stephen... i awmdan hian ka ngaih a ti tha lo ania" .Ni e, Stephen hi a hlauhthawn hmel takzet, a lan dan chuan thil engemaw a thleng te pawh a ang.
.
" khawiah mah lo kal suh ang che " tih pahin a chhuak nghal daih a,
" Khawiah nge i kal dawn? " tih leh tlan chhuah ka rual ve nghal a.
" Norah.. ka rawn let leh vat ang, hetah hian lo awm la lo chhuak miah suh "
" nilo... Stephen ka rawn kal ve duh "
" a hlauhawm lutuk... "
" ka hlau hleinem... thil tha lo a thleng chuan engkim hriat ve vek ka duh " ka lo hnial zel avang chuan Stephen chu a ngawi vung vung a.
" awle... mahse ka sawi apiang i ti ang tih min tiam rawh " a tih chuan ka lo bu nghata ,car ah lut in a khalh chhuak nghala .
.
" Stephen... khawiah nge kan kal dawn? "
" Secret palace ah " zawhna ngah hle mah ila ka ngawi ta zawka.
" Tunah Raven awmna kan hriat vat angai.... Norah, Travis leh Raven kha lo call char char rawh kan biak pawh ngei ngei an ngai"
" awle... " ka hlauthawng lutuk chu ka duh ang pawhin ka che tha thei lo.Ka û leh Raven te chu ka call tluk tluk pawhin an pickup thei lo.
" Stephen... an... an pickup thei lo " Ka kut a khur nasat lutuk avang chuan Stephen chuan ka kut chu a rawn hum vang vang a.
"thlamuang deuhin awm rawh... engmah a thleng dawn lo " a rawn ti sap a .
.
Tukverh lam chu ka en vung vung a, thawk kan la leh hak thin a. In beng daih tumin ka kut chu ka han hum vang vang a mahse ka awm a nuam thei lo, ka û leh Raven chungah engthil nge thleng ta ang? Lalpa min pui hram rawh .
Secret palace kan thlen chuan hmanhmawh takin inchhungah kan tlan lut nghala. A lo thim vek avang chuan light on pahin inchungah ka tlan chho vata
" Raven... Raven " room tin ah ka en kual a Raven hmel reng hmuh tur a awm lo . Inhnuai ah ka tlan thla leh vata
" Inchungah a awm lo "
" Inhnuai ah pawh a awm lo " Stephen chuan alo ti ve bawka, zinga ka breakfast siamsak pawh ei loh in a ngai ngai in ala awm chutah zet chuan ka hlauthawng ta kher mai.
.
" Khawiah nge a awm tak ang? "
"A nu thlan ah kal phawt ang " Stephen an a tih chuan hmanhmawh zetin Car ah lut in thlanmual lam panin chak zetin kan tlan chhuak nghala.Kalkawng ah te chuan ka awm hle hle thei tawh lo ka che sek a Stephen pawhin min hrethiam anih ka ring min thlamuan char char bawk.
Raven nu leh pa thlanah kan kala mahse a awm chuan lo, Hostel ,club ah leh Cambelo chhungkua inah kan en bawka Raven chu sawi loh ka û chinchang takngial pawh hriat tur a awm lo. Ka beidawng lutuk chu ka tah te hi a chhuak ngawih ngawih.
.
" Khawiah nge an awm tak ang? "
" ka hre tawh bik lo zan a rei tawh si a kan haw phawt mai dawn ami? " Chinchin engmah hre lo a hawsan daih chu ka hreh ve bawk si.
Chutia beidawng taka ka awm lai chuan bike pakhat hian min rawn tlan pel fua a.
" kha... kha bike kha Brandon ani chiang lutuk ...umzui nghal ang "
Hmanhmawh zetin Stephen chuan car engine chu a tinung nghala.
" Norah... taxi ka lak sak ang che lo va haw rawh a hlauhawm lutuk "
" khawiah mah ka kal dawn lo "
.
Ka luhlul ka chhuah ve tlat avang chuan Stephen pawhin tihngaihna a hre bik lo,
" A nih leh le " tih pahin bike chu chak zetin a umzui nghala.Bike chu umpha lo viau mah ila ralkhat atanga kan hmuh chhung zawng chuan kan um ve ngar ngar tho.
Reife kan umzui hnu chuan hmun pakhat hi kan thleng hlawl mai.
" Norah... car ah hian lo awm ang che "
" mahse... "
" i chhuak lo ang tih min tiam rawh " a lo ti vata ka hlau ru deuh bawk nen car a awm chu a him zawk ringin ka lo bu nghata.
" ka rawn let leh vat ang " ka sam a rawn chul pah chuan Stephen chu car atangin a chhuak nghala.
.
Sana chu ka en renga Stephen chu minute10 lai a thang tawh a rei tawh takzet.Ka han hawikual vel thin a a thim in a reh thup mai bawk si.Ka ngaih tha lo chu car atang chuan ka chhuak ta ringawt a. Stephen an car ah lo awm reng ang che a tih kha ka hrechhuak leh thut a, car ah luh leh ka han tum leh zet a
"Ka en thuak thuak anga ka let leh vat ang " ka ti sup a. Ka awmna lai vel chu ka han en kual vela lawng a tam em avang chuan lawng chawlhna hmun a ni tih ka hrethei nghal.
.
" Ka let leh vat ang " tih sap pah chuan ka kal thui telh telh a .Ka kal thui tawh bawka let leh na ka hre ta hauh lo, ka hawikual nghal ruai a kawng inang a tam em avangin kawng ka bo der.
Stephen chu ka call vata mahse a pickup thei lo, let leh thei ngei inbeisei in ka kal kual zela ka bo thui tulh tulh nimai hian ka hria.
Vawileh khatah ka awmna atanga hla vak lo ah silai a rawn puak ta dur mai. Ka ding nghal chawt a, ka meng phawk nghal kawk bawk.
.
Vawithum a rawn rik takah chuan thawm rawn chhuahna lam ah chuan ka tlan phei vata, ka thil hmuh chuan min thawk takzet !!ka hmui hup pahin ka te nghal thawt a .
" Ka û.." Travis chu leiah a tlu thlawp a, Travis silai in an kap anih chu!!! a kaptu chu tudang nilo in Raven ngei ani bawk!! Raven chuan silai chu chhuatah thlauh thla in a thingthi nghal hnawk a.
Show post links
Top
Ngaia
Site Admin
Quote
Post July 2nd, 2017, 3:27 pm
Chapter-57
.
Engma ka ngaihtuah thei tawh lo Travis bulah ka tlan phei vata, a lu dawm kang nghal in ka malpuiah chungah chuan ka muttir a, an kahna ah thi a chhuah nasat em avangin thi rawn chhuahna chu ka han hup sak vata.
" Ka... ka kah ani lo "Raven chuan a rawn ti sap a mahse thildang engmah ka rilru ah a lut thei tawh lo.
"û harh rawh .."tih pah chuan Travis chu ka han sawi che deuh a mahse awmzia a awm lo,maimichhing reng chung in ka kut khur der der a rawn hup chiah chu ka lawm kher mai,ka hlim lutuk chu insut hlawp hlawp pahin ka nui suk a.
.
"û... lungngai reng reng suh i dam leh vat mai ang..."thi rawn chhuak chu ka la hup ve ngar ngar a, Raven erawh chet nachang pawh hre lo in a kut thisen kai hnuang chu a en ngur ngur a, a kut te chu a khur der der bawk.
Stephen pawh a rawn thleng vat, Travis hmai chu tih harh tum in a rawn beng thek thek a .
"Travis... meng rawh " a ti nghal tuarh a, a phone chu la chhuak nghal vatin Ambulance a ko nghal bawk.
Stephen chuan ka kut chu la sawn in a jacket chuan thisen chhuah na lai chu a rawn hup vata, kei erawh ka û kut dawm bak engmah tih tur ka hrelo.
.
Ka rilru in ka tawngtai mawlh mawlh a, ka chiai ani ber mai. Ka mittui a tla phanga mahse ka tap chhuak thei lo. Stephen an min biak pawhin chhan nachang pawh ka hre lo, 'ka û hi ala dam' tih ringawt chu ka bengah a ri nawn tluk tluk a, kan chhehvel te chu a reh duk nimai hian ka hria.
Minute5 vel a ral hnu chuan Ambulance siren a rawn ri ta, ka thaw nghal hawk a. Ka û chu hmanhmawh thei ang berin ambulance ah an nawr lut nghala kei erawh ka ding khawng reng thung,thil thleng zawng zawng hi mumang nise ka ti takzet .
.
" Norah... lo kal rawh " Stephen an min rawn sawi chuan ka harh zawka ,ka hawikual nghal ruai a thil thleng zawng zawng kha mumang alo ni hauh lo,ka mittui chu ka khap per sawk a. Ambulance ah chuan ka lut vata, ka û kut vawt thler chu ka vuan tai bawk.
" Raven..."
" Stephen... kawngka hi khar rawh " ka lo ti vat a.
" mahse... "
" khar rawh ka tih chu " ka tih nghal tuarh a,
" awle" tih pahin kawngka
chu a khar nghala,ambulance pawh a tlan chhuak nghal .
.
Travis biang leh ka biang chu ka han insik tir vang vang a, a khat tawkin a kut chu ka fawp leh zeuh thin .
" û... damdawiin kan thleng tep tawh lo lungngai reng reng suh " Travis chu ka be mawlh mawlh a mahse min chhang tur chuan a hliam hi a nasa lutuk. Doctor leh nurse ho chu ka bulah engmah ti lo in an lo thu kun lap hlawm a,an awmdan atang chuan min lainat hmel hle, Stephen pawh a bang chuang lo, hmui pet fan fan chung chuan min en renga thawk lak hak pahin lehlam a hawi leh daih thin bawk.
.
" Doctor... ngatinge ka û hi in buaipui miah loh,a mamawh che anih hi" ka hlauthawng bawk nen, doctor thu hle hle lai ka hmuh te chuan ka ngaithei der lo.
" ih... ka pi" nurse pakhat in a tih chuan Doctor pa chuan a lo khak zeuh a engmah a sawi chhunzawm ta lo.
" pawilo... engmah ti duh lo mah ula damdawiin kan thleng anga doctor dang an tam alawm" Travis sam chu ka chul sak heuh heuh a, damdawiin kan thleng har tawh takzet. Travis hmai duk vek te leh vun dang bem te chu ka han chul a.
"û.. enge maw tal rawn sawi la ,hetianga i awm hian min ti hlauthawng ania " ka ti sap a.
.
Ambulance a din chuan damdawiin kan thleng tih ka hre nghal ,hmanhmawh lutuk in ka chhuk vata mahse midang erawh an hmanhmawh ve lemlo.
" ka û kha rawn nawr chhuak vat ru "mahse rawn nawr chhuak lo in doctor chuan puan var in a hmai a khuh hmak anih chu.
" Engthil nge maw i tih le?"
"Ka pi... ruang hi postmortem turin kan la dawn a tah hian i hming i sign thei angem? " doctor chuan lehkha leh pen hi min rawn pe a, phawk fe hian Stephen chu ka melh kawk a .
.
" Ruang a!! tu ruang maw.. Stephen... " mangang leh chhantu ngai tih hriat tak hian Stephen chu ka melh ha a mahse min chhang lo in inthiam loh hmel takin a ding kun nghal lap a.
" Norah... pawi ka ti lutuk Travis chu minute 10 liamta khan a boral tawh ani "
" maw....!! "
" Thudik ani.. A awm ah vawitum lai kah ani a... "
" A tawk tawh e...." Doctor tawng laklawh lai chuan Stephen chuan alo khak vata.
" nilo... dawt ani, nichin ah pawh ka... ka kut a rawn khawih alawm " ka lo ti hul hak a.
"bumtu in ni,in in thurual a dawt in sawi ... ka û hi a thi lo hrim hrim " tih pahin ambulance ah luh ka tum leh ngat a mahse Stephen chuan min kuah bet nghal thlawp a .
" Norah... hriatthiam tum rawh.. Travis chu a awm tawh lo " Stephen chuan a rawn ti vin deuh hluk a, lo tang ve mah ila a aia nghet chuan min rawn kuah sauh sauh zawk.
.
" Stephen... chutiang chu engtin nge i sawi theih " ka tap chhuak thei bawk si lo ka awmah hian min hnawh up up a a hrehawm takzet.
" Norah...inbeng dai rawh " tih pahin min kuah vang vang a
"Raven ...Raven an ka û a that " ka ti chuai raih a engmah ka sawi chhunzawm thei tawh lo,ka û in min boral san ta mai hi hriatthiam har ka ti takzet .Ka awm zawn chu a rawn na vawng vawng mai, Raven an Travis a that !! engtin nge khatiang khan a tih theih zawk.
" Travis chuan a pawm tawh asin, biak tum in ava pan a mahse a lo rulh let na chu hetiang hian maw!! engtin nge a thah theih zawk?"
.
"Norah... chutiang ngaihtuah suh. Raven chuan a that lo ang "
" nilo... Stephen,Raven hi ka hrechiang lutuk ,a kawng daltu chu tupawh nise a dahtha mai thin"ka ti chuai raih a,ka û in min kalsan ta mai hi ka ring thei lo chupawh ka hmangaih ber in a that anih chu!! Engthil chiah nge ka chungah thleng ta mai hi hriatthiam har ka ti takzet.
" Stephen.... "
"enge ni? "
" khawngaihin a tawp nan thil min tih sak hram rawh "ka thusawi tur ngaichang chuan min en renga.
" ka û hi zanin ngeiah min hruai haw sak rawh "
" Norah.... "
" khawngaih in... he hmunah hian ka awm thei tawh lo... haw ka duh takzet"
" Awle... i duh ang chuan ka ti ang " a tawp a tawp ah chuan ka tap chhuak ve thri ta, thil thleng dan hi ka pawm thei thlawt lo.
A zan a zan chuan East Hodge lam panin helicopter in ka û chu kan hruai haw nghala,Stephen pawhin min rawn zui ve ani Pu Christopher erawh in min rawh thlah ringawt a mahse min tawrhpui ve hle tih ka hria.Ka û in min kalsan tih hi rin harsa hle mahse pawm thiam mai angai ani. Ka chhungte pawh an hrilh tawh a engtin nge an awm chu ka hrelo mahse an lungngai hmel leh an hrehawm ti hmel hmuh ka hreh takzet.Raven pawh ka be leh lo biak chu sawiloh ka haw hluah hluah hmuh leh pawh ka duh tawh lo, hetiang mi hi ani ang tih ka ring pha ngai lo.Ka û khan min hrilh thin a, Raven hi mi hlauhawm a nihzia leh mi tha lo a nih zia mahse awih duh lo in amah dal zawng in ka lo awm lui thin a mahse tunah hian ka inchhir takzet.A vawikhat nan Raven ka lo thlang kha ka inchhir takzet mahse ka thinlung erawh in Raven thah anih ka la ring lo fan tho mahse ka mita ka hmuh te hi ka rin a ngai zawk si
.
________________________________________
.
2weeks Later
.
Ka û kan vui atangin kar hnih lai alo liam ta ,hun liam mahse kan lungngaihna te a liampui ve si lo,Stephen pawhin min awmpui reng theih loh avangin New Orleans ah hreh tak chungin min hawsan tawha ,Stephen a awm lo chiah phei chu ka khawharna a zual emaw tih mai tur hian chawhlui kan kil ho pawhin tumah kan inbe ngai lo .Kan inchhung khur pawh a nuam thei tawh lo, ka pa chu room ah a inkhung bo reng thin a, chaw ei dawnah bak a rawn chhuak ngai lo, zan reiah kan hriat hlau takin a tap thin mahse ka pa awmdan zawng zawng hi engmah hriat hmaih ka nei hauh lo. A fapa neih chhun chu a fanu vangin a chan chu ani si a.
.
Tuk danga ka tih thin dan ang bawkin ka û room chu ka tifai sarh sarh a,a khat tawkin ka mittui chu a rawn far leh fap thin mahse ka inti pachang hram hram tur ani, ka ni leh ka pa ngui taka an awm lai hian kei lehzel chuan hlim hmel ka pu hram hram tur ani.
" Norah... Travis chu a awm tawh lo, chuvang chuan he inchhung hi i enkawl angai chuvang chuan inti pachang hram hram rawh " keimah leh keimah infuih phur chawp pah chuan ka nui lui suk a ,chhungril ah erawh ka na takzet .
.
Travis room ka ti fai zawh chuan kitchen lamah inti phur lui chung chuan ka phei nghala ,ka nî min hnungchhawn zawnga thu lo tap ru kerh kerh ka hmuh chuan ka rilru a na takzet.
" Ni... rawng ka lo bawl pui ang che " mittui hruk zeuh pah chuan ka nui lui suk a. Ka aw a hriat veleh ka ni chuan ka hriat hlau takin a muttui a hruhul nghal sawk sawk a.
"awle... tehreng mai " rawn hawi phei pah chuan min rawn nuih suk a mahse a mitmeng erawh in dawt a sawi thei lo.Ka ni insum hmel ka hmuh chuan ka hnuk a ulh tlat anih chu tah lo tum hle mah ila ka ni chu hnung lam atangin ka kuah nghal thlawp a ,ka mittui ka dang thei tawh lo.
.
" ni... nang tal chu hetiang hian awm suh "
" Bawihte....i û ka ngai em ani" a mittui hruk sawk sawk pahin ka lam a rawn hawi a.
" I awmna a a kal dawn te khan dam taka rawn haw leh min tiam asin mahse engtin nge heng thil zozai hi ka inchhungah hian a thlen theih mi vanduai chungchuang tak ava ni em,tu misual in nge ka nau mi pawisawi lo lutuk hi a thah theih zawk? " ka ni chu a inhnit nghal hlawp hlawp a, Ka chhungte dawt kan hrilh ani ,an bulah chuan misual tuemaw in an that angin ka hrilh a ,engtin nge Raven an a that tih ka hrilh theih teh lul ang ni
Ni... chutiang ngaihtuah tawh suh... nang tal chuan ka pa hi min hnem pui hram rawh "
"ka tihpalh Bawihte, "
" ni...min ngaidam rawh" ka ti nghal mawlh mawlh a, ka chhungte lakah hian ka inthiam thei thlawt lo mahse engmah ka hrilh thei bawk si lo.
Breakfast kan ei lai te chuan ka ni nen chuan hlim hmel put kan tum lui hram hram a ,mahse ka pa rilru na lai kan hmuh hian kan hlawhchham leh thin. Ka pa hian thil a ei tam lo bawka, a dangin a cher em em a hetianga Travis ngaia a indawm kun reng anih chuan a daih rei dawn lo tih kei tluka hrechiang an awmlo.
.
Ka pa hian a nupui leh a fapa a chan tawh a chupawh an thah sak ani chuvang chuan kei tal hi chuan ka ti hlim hram hram tur ani tih hi ka thupui ani tawp mai.
.
******
.
"morning ka ni...morning ka pa" vawin zet chu kan inchhung pawh a nuam kher mai, zawi zawi in ka pa pawhin zia awm lam a pan zela tunah chuan a nui hmel hmuh tur a awm ve ta. Ka û thih atangin ni 40 lai a ral leh tawh. Chhel takin ka bei nasa bawka kan chhungkua ah pawh ni a rawn sa ve tan det det e.
"pa... i va tho hma em em? " tih pahin ka pa biangah chuan ka fawp zeuh a .
" Norah... " ngaihthat loh hmel zet hian min rawn en kar a.
" i khua a sik anih hi i sa vek alawm"
" ughh... ka tha alawm"
" breakfast kha ei la chuan damdawi i ei dawn nia " ka nî chuan alo ti nghal zung zung a.
.
" Hei i duh ber thin Pancake leh khawizu ka lo siam a " tih pahin ka thlengah chuan a rawn dah a.
" ka lawm e "ei mai ka han tum a,mahse ka ei lui thei ta tlat lo.
" Norah... i tha maw!! "
" aw... mahse a rim hi ka tithei tlat lo"
" i damloh vang anih dawn chu"
" pawilo... dawnfawh leh wafer hi ka ei mai ang " tih leh dawnfawh ei ka rual a, ka ei chak tawh bawka a tui takzet.
" Bawihte... i lo inthlak danglam ta hle mai ..i thil duh pawh a danglam vek alawm " ka pa chuan a rawn ti a.
" maw!! "
" ugh... danfawh hi i ei duh ngai si lo a, mahse a tha zawk duh loh neih hi a tha ngai lo e "
.
Za lo zet hian ka lo nui suk a, Ni e dawnfawh kha ka eiduh ngai lo, ka eiduh lo satliah ngawt lo a rim ka ti thei thlawt lo mahse enge ka chungah thleng ta hi !! Dawnfawh ka ei chak ngawih ngawih anih chu!! Muang changin ka dah let leh zal zal a.
" Norah... tukin chu i va muang ve "
" ngati maw!! " ka pa leh ka ni chuan mak tih hmel takin min rawn en ha a.
" i hre tawh lo amaw!! "
" ughh... hriat tur a awm ami "
" ih.. ih... Norah i ti tak tak em? Engtin nge i theihnghilh thei zawk vawin ni hi i nu thih cham ani a,i nu thlan i tlawh zawh hnu ah biakin ah i tawngtai thin ani kha " ni dawn tak, ka nu thih cham engtin nge ka theihnghilh theih zawk?. Ka pa chu lungawi loh hmel zet hian a tho hmaka.
"
" Ka fanu hetiang em em hian ani maw i lo danglam tak a " tih sap pahin room ah a lut nghal daih a.
Show post links
Top
Ngaia
Site Admin
Quote
Post July 2nd, 2017, 3:27 pm
Chapter-58
.
"keiman kan bia ange, lo va insiam la i nu thlanah chuan kan pahnih in kan kal dawn nia"
"ni... ka pa kha ka chungah a thinrim tak tak ami le? "
" Chutiang chuan ngaihtuah suh i nu kha a ngai thin em a tin ani" duat takin ka sam chu a rawn chul a.
"lo va insiam rawh umm...engkim a tha leh vek mai ang "
" ka lawm e " tih pahin ka room ah ka lut nghala ,vawin chu ka awm a nuam lo takzet ka lu te hi a na bur mai. Darthlalang ah chuan ka han in en vang vang a ka thau sawt riau te hian ka hria,ka ril a tam huam huam a mahse engmah ka ei tam thei der bawk si lo .
.
Ka insiam sawk sawk a ka ni nen ka nu leh ka û thlana ka kal zawh hnu chuan haw lo in biakin ah kan kal ta zawka.
Biakin kawt kan thlen chuan mak tak maiin biakin a luh chu ka hreh tlat anih chu ,ka lut tur chu ka ding chawt a Raven ka hrechhuak nghal zawk bawk.
Ni e, Raven hi ka la theihnghilh reng reng lo ,amah vangin zantin ka tap ziah a thil thleng zawng zawng te kha ka ngaihtuah hian ka ngaidam thei bawk si lo. Enge a tih anga? Engtin nge a awm? min rawn zawng angem? tih te chu ka ngaihtuah bang chuang lo.
.
" Norah... i tha maw?!! " ka ni chuan mak tih hmel takin min rawn en ha a.
" umm.. ka tha e, ka lu hi a na deuh mai ani "
" damdawi kha i ei ta lo a mi? " a tih chuan ka lo bu nghata.
"kan tawngtai zawh veleh bazar lo in ka haw tlang mai dawn nia "
" awle.. " Biakin chhungah ka ni nen chuan ka inzui lut hnak hnak a ka ni bulah chuan ka thu ve ran a.
" Norah... confession room ah ka kal dawn a pawnah kan innghak dawn nia "
" awle " ka ni chu a chhuak nghal daih a, ka kut chu hma lamah suih in ka han maimichhing vang vang a .
.
Ka tawngtai zawh hnu chuan ka la maimichhing renga, thil kal tawh te leh Raven nen a kan awmdan zawng zawng te kha ka ngaihtuah chhuak uarh uarh a, a nui hmel, a pangti lum tak, a fawh te leh a engkim mai chu ka ngai takzet.Ka mittui chu ka biangah a rawn luang ngiai ngiai a, tunah hian Raven bulah awm in duat takin min kuah leh se ka ti takzet mahse Raven an ka û a kah zawh hnu a leia silai a thlak thla lai ka ngaihtuah chuan ka meng nghal kawk a.
"I tha maw?" ka phu zawk , ka hawi phei vat bawk.
" Jacob!!"ka bulah Jacob alo thu reng anih chu!! a rawn luh lai ka hre lo hrim hrim.
.
" Eng.. engtik lai khan nge ilo luh a? " tih pahin ka hawikual nghal ruai a.
"Nichin lawk khan... i tha em? i damlo ami? " tih pahin ka pang chu a rawn dep a.
" i khua a sik anih hi Norah.... "
" ka tha leh mai ang " tih pahin ka tho thut a .
"ka.. ka tihpalh ka rawn tibuai avang che in "
" Jacob engmah a ni lo... ka kal mai ang kan inhmu leh dawn nia " tih leh kal ka ruala.Jacob hi ka ngaihzawng neih hmasa ber ani a ka hmuh apiangin ka thinphu hi a rang thin hle mahse tunah chuan khatiang ang khan ka awm tawh lo.
.
" Norah... " ka chhuak tur min rawn koh avang chuan ka hawi let vata.
" Hei i rawmawl i thlauh " tih pahin rawmawl var chu min rawn pe a.
"ka lawm e " lak mai chu ka han tum a mahse a lo pawt bet tlat.
" Norah... i danglam ta hle mai "
" maw!! teuh lo " ka nui lui suk a.
" tun hma a min hmuh apianga i danglam vek ang khan i awm tawh lo a chuan a hma kha chuan i ni emaw i chhungte emaw min hmuh kha i hlau thei em em a mahse tunah chuan khatiang khan i awm tawh lo "
"umm... min lo hrethiam rawh ka kal mai ange "ka rawmawl chu ka la vata.
" ka lawm e " tih leh kal ka rual nghala .
.
Ka ni chuan min lo nghak reng tawh a, father nen an inbiak lai chuan ka va pan hnai vata, ka lu a nat em vang chuan ka lu chu ka dawn vang vang bawk.
"Norah.. ilo chhuak tawh ani maw!! "
"aw... ka... " ka lu a rawn hai ta thut mai, ka ni chu fiah lo deuh hian ka hmu ruai ruai thei chauh, ka lu chu ka han thing nawk nawk a mahse engmah ka hmu fiah thei lo .
" Norah... " min rawn sawi nawk nawk a.
" i tha maw? " ka ni in chiang lo ruai a a tih chu ka hriat hnuhnung ber ani, a rawn thim nghal mup mup a engmah ka hrezui tawh lo.
.
Tu emaw in ka sam a rawn chul tih ka hriat chuan ka han meng siar siar a, inchung ka hmuh chuan ka room ngeiah ka awm tih ka hrethei. Ka lu dawm vang vang pah chuan thawh ka han tum a.
" Norah mu leh rawh " Diana chuan chuan alo ti vata.
" Diana... i lo kal ani maw?"
" kei ber ka awm loh in... " tih pahin min lo nuih suk a.
"Engthil nge thleng... ka hriat dan kha chuan biakin ah.... "
" i lu hai i tlu palh alawm " ka ni chuan tray rawn chawi luh pah chuan min lo pawtchat vata.
.
"Hei....dawnfawh hi ei ru " ka ni chuan a ti nghal sawk sawk bawk.
"dawnfawh maw!! " Diana chuan mak tih hmel takin min en ha a.
"ugh...ka eichak thei lutuk a " nuih lui suk pahin ka ti chuai raih a .
" ei ru... " insut hraih pahin ka ni chu a tlan chhuak nghal daih a, ka ni awmdan kha a mak takzet,ka dam tha var bawk si a engthil chiah nge thleng le .
" ka... ka ni kha ngatinge a tah a?"
"Norah... heihi ei phawt rawh " Kan chik deuh takah chuan Diana awmdan atang chuan thil dik lo a awm tih ka hre nghal.
.
" Diana... engthil nge thleng ?" ka tih chuan a kun nghal lap a, a nui hmel te kha a bo nghal vek.
" ih... Norah... "
"Min hrilh vat rawh.... mawh ka pa engtin nge a awm ?"
" chutiang lam ani lo "
" anih si chuan engthil nge thleng tih min hrilh vat mai la "
" Norah...." thawk a han la hak a "fa thla hnih mi i pai mek ani "
"maw!! "
"i ril a tam reng nachhan te,i ei duh ngai loh i ei tak nachhan te leh ka luak a chhuak, ka lu a na ka chau i tih thin nachhan te kha fa i pai vang ani " phawk fe hian Diana chu ka melh nghal kawk a, ka bing nghal mup mup bawk.
.
Diana hmel chu ka en thin a thudik a sawi ngei bawk si. Ka pum chu ka han bawk vang vang a ka mittui a rawn tling nghal pam bawk,Raven fa ka pai amaw!! ngatinge theihnghilh ka tum apiang hian a tharin a rawn inlan leh thin le?.
" ka pa in a hre tawh em? " chu chauh chu ka rilru ah a awm tawh. Ka pa engtin nge a awm tak ang?Ngatinge a rilru hah na tur hlir ka thlen tak mai. Lawm a hnekin ka rilru a na zawk a chhanchu Raven ka kiangah a awm tawh tlat lo, chu mai baka ka pa hi Mayor anih mai bakah kohhran ah pawh inhmang tak ani a,a zah tur zia leh a hming chhiat tur zia ka ngaihtuah hian ka inthiam lo takzet.
" aw... hre tawh e mahse tunah chuan amah in awmtir zawk rawh"
" Diana..." ka kuah nghal thlawp a.
"engtin nge ka tih tak ang? "
"Tunah chuan chak taka i awm angai " a rawn ti sap a, ani pawh in tihngaihna a hre bik lo mahse thian tha tak ni mahse a tih theih tawk chu min hnem chauh hi ani. Ka mittui chu a rawn luang nghal zung zung a,hlim tur ka ni asin mahse ka chhungte ka ngaihtuah hian ka lawm a kim thei tlat lo.
" Tap suh... " Diana chuan min rawn hnem tak na in awmzia a awmlo.
.
Rei fe kan tah dun hnu chuan keimah leh keimah inti pachang ka tum hram hram a mahse a har takzet.
"Tunge maw Norah... takngial pawhin a hmangaih chu le " Boruak tih zan nan chuan Diana chuan fiamthu titak deuh hian a rawn ti a
"Raven...." Raven mitmeng, a hmui leh a hmel vel ka ngaihtuah chuan ka nui suk a.
"duhthusam ani mahse... " ka kun nghal lap a.
"tunah chuan engkim a tawp vek tawh... Diana sawi tawh lo ang "
" Norah... " .min lainat hmel tak chuan min rawn kuah nghala.
.
Diana haw chu phal lo hle mah ila min awmpui reng theih loh avangin a haw ta a, ka khumah chuan ka mu renga ka chhuak ngam thlawt lo. Engtin nge ka pa ka hmuh tak ang? ka pa bulah engtin nge ka sawi tak ang ? tih chu ka ngaihtuah buai nasa hle.
" Raven... i fa ka pai tih hi hria lang ka pa ang hian i awm ve angem ?"tih sap pah chuan ka mittui a rawn tla leh zung zung tawh. Mahse hetiang hian ka room ah ka tawm kumkhua thei bawk si lo.
" Norah... thil thleng tur chu a thleng vek tawh "ka mittui hruk hul pah chuan ka tho chhuak vata, ka chil chu ka han lem dak a, ka pa sawipui chu sawi loh ka room atanga chhuak tur ringawt pawh hian ka in hrosa nasa hle.
.
"ka thei tur ani" ka mittui hruk hul sawk sawk pah chuan ka chhuak nghala. Tumah awmlo ang mai hian a reh duk a,thawm dim thei ang ber chuan ka pa room lam ka pan nghala.
" Norah... "ka ni in min rawn koh avang chuan ka hawiphei vata.
"hetah lo kal teh" tih pahin chair ah min thut tir a, ka ep chiah ah chuan a rawn thu ve nghal bawk. A mit chu a sen ram a keimah vangin ka ni hi a tap tih ka hai hauh lo.
" Bawihte" thawk lak hak pah chuan ka kut chu a rawn hum vang vang a.Hetianga ka ni a awm ka hmuh hian ka lo intih paukhauh na zawng zawng te kha a bo nghal vek in ka hria.
.
"keichuan ka hrethiam lutuk che.... " tap insum tih hriat tak chuan a insut leh hraih a.
"aw.... Lalpa remruat dan hi chu ava mak thin em....keichu i lamah ka tang tlat ania ...bawihte hlau reng reng suh "
" ka ni... " ka hmui chu ka han pet fan fan a.
"tunhma zawng khan Travis lamah ka tang duh ngai lo a, i pa nen an in hauh pawhin i pa lamah ka tang tlat thin mahse khang hun te ka ngaihtuah khan ka inchhir takzet " a mittui chu a hru sawk sawk a.
" i pa chu va be rawh...i chungah a thin a rim ngei ang mahse a hmangaih vang che ani tih theihnghilh ngai suh "
.
Chutianga ka ni in ka hrehawm tihna te leh ka hlauhthawnna te min hriatthiam sak avang chuan ka hnuk chu a ulh tlata, diktak chuan ka ni hian enge maw tisual hlek ila min hau zel thin mahse tun tum chu ka lamah a tang ve tlat!! Ka lawm lutuk chu ka nui suk a mahse ka mittui erawh ka dang thei lo.
"nî... ka lawm e "
"hawh... lo kal rawh i pa chu tha deuh in va sawipui rawh "
"ka... ka hreh takzet "
"i thil tih sual hi i pawm thlap chuan a ngaidam em em ang che "
Ni e, Raven fa ka pai hi ka thil tih sual lian ber ani,ka lo rin dan chuan kumkhua in hlim takin kan awmdun ang mahse khang ka lo suangtuah thin zawng zawng te kha mumang ang mai ani.
.
Ka pa room kawngka bulah chuan ka ding ran a, theih nise chu tlanbo daih te ka duh mahse ka thil tih sual chu tlan chhiat san lovin ka hmachhawn zawk tur ani niin ka inhnem hram hram a.
Hreh tak chungin kawngka chu ka hawng a, ka pa chu min hnungchhawn zawng in tukverh lam hawi chuan alo thu ran a.
Ka lut tih a hriat veleh a mittui chu a hruhul zeuh bawk
" pa... min ngaidam rawh " tih pahin hnunglam atang chuan ka zuk kuah a.
" ka thiamloh vek ani, khawngaih in min ngaidam rawh" min chhang lo chuan a melh ngai chu a melh renga.
.
"naute pa bia la midangin an hriat hma in in nei rawh u "ka pa thusawi chuan ka rilru a ti na takzet, engtin nge Raven chu ka biak theih teh lul ang.
" pa... ka theilo "
" ka rin dan chiah ani... mi dukdak lo ani ngei ang ,Duhthlan tur pakhat chiah i nei"a rawn ti sap a.
" i nau pai hi ti tla mai rawh"ka pa thusawi chuan min thawng takzet, ka inla hrang nghal vata.
" Ka pa...."
"i thil tih hi i hre chiang lo ani.... mi zawng zawng in hnung lam atangin min nuih tet tet anga nilo... chutiang chu ka thlen tir thei lo... i fa hi ti tla mai rawh "
" ka pa chutiang chu engtin nge i sawi theih zawk "
"min ti zak hle mai.... ka fanu i ni hi ka zak takzet " ka thinlung hi chhun sawk sawk ang maiin a na, ka pa chuan kei min neih avangin a inchhir anih chu!!
.
"ka pa.... min ngaidam hram rawh "
"ka thusawi ang chuan ti mai rawh "
" nilo... ka fa hi ka ti thla thei lo... pa tha takin ka enkawl thei em em ang " ka ti chiah chu ka pa chu a inla hrang nghal vata, va kuah leh ka tum a mahse a lo in dang vat.
"ka thusawi anga i awm duh lo anih chuan ka fanu i ni tawh lo ang, fa i nei anih pawhin ka ngaihsak lo anga ka en liam mai mai ang che u " a tho hmaka.
"lo inngaihtuah chiang ang che " tih pahin room atang chuan a chhuak hmaka.
.
Chapter-59
.
Ka pa berin khatianga min tih avang khan ka beidawng ru hle, tukverh a dah chhuah pah chuan ka in sut leh hraih thin a ka nu emaw ka û emaw chu la dam se min hnem ngei ang, tunah hian ka thil tih sual man chu ka tel mek ani mahse Raven ka lo tawng kha ka thil tihsual atan chuan ka phal thei thlawt lo mahse tunah chuan engkim a dang vek tawh.Ka pa zah dan tur zia leh midangin min ngaih dan tur ka ngaihtuah chuan nau tihtlak mai loh chu duhthlan tur dang neilo ang maiin ka inhria. Phur lo zetin ka room lam ka pan hna hna a ka ni chuan choka atangin min khawngaih hmel tak hian min lo thlir reng a, thil awmdan a hre nghal ani ngei ang min rawn biak buai a tum lem lo.
.
Ka khumah chuan ka mu thlawp a, ka pum chul pah chuan Raven nui hmel leh ,a fa ka pai tih a hriat avanga a hlim hmel tur te ka han mitthla kual vela, nui suk pahin ka mittui chu a rawn luang ngiai ngiai a,thil chi hrang hrang ka ngaihtuah kual nasa bawka zing dar2 a rik pawhin ka la harh vang hle. A chang leh ka tawngtai a, a chang leh ka tap thul, midang ka ngaihtuah chuan nau tihtlak daih chu ka duh mahse ka chiat leh tha hriatna hian a ngam lo mai ni lo in ka ril a rah ka fa ngei tih tlak chu ka hreh takzet.Raven an min rawn call hi ka ring fo thin mahse engtin nge min rawn call theih teh lul ang? ka
phone chu khawiah emaw ka tibo daih tawh alawm,ka û an thahna hmunah pawh khan ani mahna.
******
.
Engtin tin emaw darkar1 vel chu ka mu ve hram, zing hma takah tuma thawh hma chuan biakin lam panin ka kal hna hna a ka beidawng lutuk chu biakin a kal a tawngtai mai loh chu tih hmasak tur ka hre ngang lo ani .Midang lo tho tawh ka hmuh te chuan an mahni hmuh chu ka zak ngawih ngawih a min en duh riau te hian ka hre tlat anih chu ka tenawm bik riau ni te hian ka in hria. Pathian hian ka bo rei tawh em a amah hnaih nan hetiang hi a thlen tir aniang ,ti te in a eng zawng chuan ka ngaihtuah hram hram a mahse ka pa lungngai hmel ka mitthla apiang hian ka hnual leh thin.
.
Reife ka tawngtai hnu chuan a tlai deuh tawh avangin haw tum chuan ka tho vata.Ka pum chu ka han dawm vang vang a " engpawh thleng se ka veng him tlat ang che " ka ti sap a, haw ka hreh takzet ka pa hmel hmuh ka hreh hle bawk. Ka mit bui chak ka tahna avanga sen vek tawh chu ka puan chuan ka han hliah hram hram a, miten min hmuh ka hlauh em avangin shoal dum chuan ka lu ka khuh tlat bawk.
Hmanhmawh takin biakin atang chuan ka chhuak hlawk hlawk a, mahse Jacob an biakin kawt hnahthel vel a lo phiat mawlh mawlh lai ka hmuh chuan ka ding chawt a. Ngatinge tiang hian ka awm tlat le hengte chu thil thar ani reng reng lo. New Orleans a ka awm hma daih tawhin Jacob te chuan biakin kawt te chu a phiat fai fo alawm.
.
Min hriat loh ka rin avang chuan ka thaw huai thei, ka hmui puana hliah tlat pah chuan kal pel mai ka tum a.
" Norah... " ka ding chiang kher mai, engmah sawi lo in kal leh nghal ka tum mai a.
" ngatinge i mit chu i tap ami? " Hepa hi chuan min chîk chhunzawm zel dawn chu anih hi. Ka bulah rawn kal hnaiin ka hmui khuhna chu a rawn phelh a.
" i tha maw? " ngaihthat loh hmel zet hian min rawn en a. Ka hmui chu khuh leh nghalin kal ka tum a mahse ka banah a rawn vuan nghal chat.
" niminah nikhaw hrelo in i tlu a engkim a tha takzet maw ?"
" aw tha e... ka kal mai ang "ka kal nghal vata
.
" Norah.... " min rawn koh pawh chuan ka ding duh chuang lo.
" in enkawl tha ang che" ka ding chawt a, chhan chak viau mah ila engmah sawi lo in ka kal lui ta tho a.
In ka thlen dawn tep chuan mei khu vut vut ka hmuh chuan hmanhmawh takin ka tlan nghal dawr dawr a, engthil nge thleng ang tih erawh ka hre lo. In kawtah ka pa in ka thawmhnaw ka nu thawmhnaw ka rochun ho kha alo hal chu niin, ka va hmuh chuan ka meng phawk nghal kawka
" ka pa engthil nge i tih hi? " tih pahin ka kawr mei a a thlak leh tur chu ka pawh thlak sak vata mahse a dang ho chu meiah a thlak hmiah hmiah tho.
.
" pa... khawngaih in hetiang hian awm suh " ka ti nghal tuarh tuarh a ka mangang lutuk chu ka ni bulah ka tlan phei vata.
" ka ni khawngaihin min pui rawh " ka ni chu lungchhe tak hian alo tap hliam hliam a mahse tih theih dang a nei der bawk si lo ka pa thil tih lai lo en ringawt loh chu.
" i nu thawmhnaw te hi i ti bawlhlawh zo tawh tunah chuan ha ve tlak pawh i ni lo "tih pah chuan ka thawmhnaw ho chu a hal hluah hluah a,
" ka pa khawngaih in " leiah chuan ka thu hnawk a, ti tawp turin ngen lawm lawm mah ila ka pa zet zang ka dang thei lo ani,a hal ral vek hma lo chu lo thlir tawp bak tihtheih dang ka nei lo.
Ka room ah tlan lut nghalin ka khum bawh chuan ka tap nghal hawm hawm a ,ka pa mitmeng thinrimna hlira khat leh engmah tih hrehna nei lo hmel ka hmu khan ka rilru a na em em a mahse khatiang khan keimah vanga awm ani si.Chhantu nei lo leh hmangaihtu nei lo ang mai hian ka inhria Raven haw hle mah ila tun tum ah erawh ka ngai takzet. Amah chu awm se thil a thleng dik vek mai tur mahse a hnenah ka let thei tawh lo, nilo ka let tawh tur ani lo. Ka û a thah vang ringawt pawh khan ka ngaidam ngai lo ang tiin in hrilh ve mawlh mawlh mah ila ka chhungril chuan ka ngaidam ani.
.
_______________________________________
.
1 week later:
.
Kar khat lai a ral hnu chuan ka awm dan leh ka mizia avang chuan ka naupai chungchang zep theih ani ta lo,khaw te tâk tih takah khaw pum chuan an hre nghal veka.Biakin a ka kal tur emaw pawn lama ka chhuah chang te hian hnunglam atangin min sawi zui sep sep a, min nuihzat a min hmusit ni te hian ka hre thin hrehawm ti hle mah ila ka tawrh a ngai tho si.Mi in min en hrek hrek na te, min nuihzatna te chuan ka pa chu a ti lungngai em em a,keimah vangin zantin a tap ru thin ti pawh ka hria hnem ve tum mah ila ka pa in min be duh tlat lo,he chungkua ah hian awm ve lo ang maiin min en liam thin.
.
Miten min en hranna hi ka pawisa lo mahse ka pa hetianga ka chunga a awm avang hian min ti hnual leh hrehawm ka ti takzet. Tlatlum lo leh inthlahrung takin inah chuan ka cheng ve reng na in min hrang ang daih ka ni, ka ni leh Diana in min hnem thin lo phei se chu hremhmun tenau a ni ringawt ang. Ka ril tam in thil ei chak huam huam thin mah ila thil ka ei tam thei tlat lo chu chuan min ti chaklo zual em em a, ka rilru a hah in ka hun tawn in a zir lo bawk nen ka hriselna in a tuar hle a, ka cher in ka dawldang em em bawk.
.
******
Bungraw nawr ri leh tawng sep sep thawm chuan min ti harh zawka,ka mu tlem bawk nen ka lu a na takzet. Phurlo leh ham bai bai chung chuan ka room atang chuan ka chhuak chhat chhat a. Kan thuthleng leh dawhkan mi pathum velin an zawn chhuak luk luk lai ka hmuh chuan ka meng nghal kawk a, ka harh chiang ngei mai.
" ka... ka ni eng nge awmzia? " ka ti bah nghal nuai a.
" Bawihte" min rawn nuih sang pahin ka samah chuan a rawn chul a.
" khaw dangah ka pem dawn a... "
" maw..!!! khawiah? "
" Estherwood ah... he khua aia lian daih ah hian... tunah chuan nun nuam deuh midang sawisel tawh lohna hmunah i awm tawh dawn alawm"
" ka ni ,ka lawm e" ka ni chu ka kuah nghal thlawp a.
" Bawihte i pa bulah lawmthu sawi rawh, a ngaihtuah vang che leh a hmangaih vang che in heng thil hi a ti ani, a fanu hi mite sawlsel reng a phal bik hleinem "
.
Ka pa in min la hmangaih reng ani tih ka hriat chuan ka lawm lutuk chu lawmthusawi nghalin ka rilru chuan ka tawngtai nghal mawlh mawlh a. Diktak chuan East hodge hi ngai dawn hle mah ila midang in min en hran tawh chuan a nuam thei tak tak lo.
"insiam la darkar khat hnuah chuan kan khaw thar tur lam panin kan kal thei tawh ang "
" awle"
Room ah phur taka ka insiam mawlh mawlh lai chuan Diana chu a rawn lut hlawl a.
"Norah... Stephen an i chhanchin min rawn zawt a"
" maw!! engtin nge chu chu anih theih "
" New Orleans a i awm lai pawh khan a rawn kal tawh a, khata tang khan alawm kan inhriat "
.
" mahse.... " tih pahin ka pum chu a rawn melh zeuh a.
" naute chungchang erawh ka hrilh lo "
" Lalpa leh... Diana hrilh reng reng suh ang che, i thih thlengin i zep ang tih min tiam rawh "
" ngati maw!! "
"min tiam mai rawh.... " ka han melh kalh a.
" awle... awle... mahse in pem na tur khua tal min hrilh rawh " ka kâ ka ang hman zuau.
" i ni leh i pa in min hrilh duh bawk si lo " a ti sap takah chuan chhan awmin an hrilh duh lo ani tih ka hre nghal,Ni e, tumah in ka awmna hmun hre lo se a tha zawk ka thian tha ber pawh nise
.
" Norah.... rawn kal tawh rawh le " ka ni in min rawn koh avang chuan hmanhmawh takin ka tlan chhuak nghal hlawk hlawk a,Diana pawhin min rawn zui vat.Truck lian pui kan in kawt a dingah chuan ka ni leh ka pa chu an lo thu ran tawh a.
Diana chu ka kuah nghak thlawp a, ka phur rual rual in ka thiante leh kan in ka seilenna ngei han kalsan chu ka hreh takzet mahse ka hun tawn in a zir miau si lo
" Norah...ka ngai ngawt ang che "
" keipawh in ka ngai ngawt ang che hun remchang ah ka la hrilh vek ang che ,kan inbe thin dawn nia " ka mittui hruk zeuh pah chuan ka lut nghal daih a.
" Mangtha le... Norah.. "
" mangtha le " kan in chu ka han en let leh vang vang a, ka mittui chu a rawn far fap
"Norah...Norah " ka ni in min rawn sawi nawk nawk a,meng mang lo chuan ka han hawi chhuak vata.
" Kan thleng tawh ania" a tih chuan kan hma a in chhawng hnih lek chu ka en nghal vata.
"saw saw.... "
" kan in thar tur anih saw " phur takin ka ni chuan alo ti nghal vata .
" i ti tak tak em? " tih leh tlanchhuah ka rual , boruak a thiang in kawngpui tawn tawn ah chuan thingkung a awm thliah thliah veka, in chu inhlat lo te te in a intlar phei diah bawk mahse compound tha tak erawh an nei vek thung.
.
Ka pa chu ka va melh zeuh a mahse hlim hmel pawh a pu lo, kawng tluanin ka pa nen hian kan inbe mang lo hrim hrim ka biak chhun ah pawh a rul tawk bakin min chhang ngai lo mahse 'a awm tho e ' tiin ka inhnem leh tawp mai thin. Kan inchhung bungrua an thiar luh mawlh mawlh lai chuan in hnung lam vel chu ka lo va thlithlai kual vela, engkim mai chu duhthusam vek ani, huan siam na tur pawhin hmun zau vak lo pawh a awm a, East hogde ang em em in a thingtlang lo a a nuam tawk chiah.
"mi thar i ni maw!! " phut zawk pahin ka hawi let vata,tlangval kum24 bawr vel hmeltha zet leh sang zet hi compound lehlam ah chuan alo ding ran mai.
.
" umm... aw ni e, hei kan rawn insawn chiah "
"anih chu... he in hi a hrang tih i hria em? "
" maw!! "
" umm... ngaihtuah buai duh suh.... " min rawn nuih suk a,a mitmu paw chek leh a biangsum vel chuan a ti hmeltha zual emaw tih mai tur ani.A fiamthu a ni tih ka hriat avang chuan ka lo nuih let suk a .
" umm.... Reeve ka nia ,ka hmu che chu ka lawm hle mai "
" ka.... "
" Norah.... " ka ni in min rawn koh avang chuan ka tawng tawp chawt a.
" umm.... min lo hrethiam rawh,ka kal mai ang " nuih suk pahin inah ka tlan lut nghala.
.
" Enge ka ni? "
" Kan in tifel zo tawh bawka i room tur te chu han en la, i duh zawng ani em? "
" awle... "
"Dinner kan lo buatsaih ange... bakah zanin chu thenawm thar te pawh an rawn kal ka ring "
Inchungah ka chho vata, ka room ka hmu chiah chu duhthusam ani. Khum lian tha tak leh tukverh lian tak a awm bawk, zau lutuk lo mahse kan in hlui nen a tehkhin chuan a nuam takzet. Ka hah in ka chau bawk nen inbual turin ka inbuatsaih vata, in thar ani bawk nen ka khawr deuh tut mai.
.
Ka inbual zawh chuan bra leh panty nen chauh darthlalang hma ah chuan ka han in en vang vang a, thlahnih leh tih chauh mah nise ka dul hi a hma aiin a lian tlat in ka hria. Ka han chul vela
" bawihte.... tha takin ka enkawl em em ang che " nuih luih suk pah chuan ka ti sap a. Lotion te inhnawih in thawmhnaw ka ha vata ka sam ka khuih mawlh mawlh lai chuan khuh kherh kherh ri ka hriat avang chuan ka thil tih lai chu chawl in ka hawi kual nghal hrek hrek a.Nichin a mi pa thil sawi kha a tak tak ami le ,he in hi a hrang tak tak ami?
.
Hlauthawng ru deuh tak chuan ka han hawikual hrek hrek a, thawm ngai bawk ka hriat leh avang chuan ka hawi phei vata. Kan in bul chiah tukverh atang chuan nichin a ka mi hmuh pa ngei mai khan min lo en reng anih chu!! min rawn la nuih vur vur leh nghal. Ka hmu ani tih a hriat avang chuan a ban rawn phar in ring zet hian
" Hi!! " an rawn ti chiah mai chu!! ka au nghal tuarh a, nilo... nichin khan ruak vekin ka awm min rawn hmu angem ? Awi... Lalpa leh ka zak lutuk, ka hmelhriat pawh nilo in ka taksa zawng zawng a hmu anih chu, ani thei lo. Chhuatah ka thu hnawk a,
" Norah... i tha maw!! " ka ni leh ka pa chu an rawn tlan lut vata,tukverh lehlam chu ka va en leh zeuh a mahse alo kalbo hman tawh.
.
Chapter-60
.
Kan in bul vel ami te chuan min lawmpui nan tiin wine te, eitur te leh thil chi hrang hrang keng in min rawn lawmpui sap sap hlawm a. An fel hlawm in mi an ngaihtuah hmel takzet. Dinner kan ei zawh chuan thleng vel ka tifel sawk sawk a ka chau bawk nen mut hahdam thuai thuai ka chak takzet.
" i va chauh hmel ve " ka hawi phei vata Reeve chu lo ni rengin mak tih hmel takin ka lo en ha a.
"umm.... kan rawn kal na ah pawh ani mahna "
" ka lo pui ang che "
" ngailo"
.
tTowel var chu la in ka thleng sil zawh apiang chu alo hru fai ta zawka mak tak maiin hepa bulah hian ka thl a muang tlat a nih chu. A nui renga fiamthu a duh in min tih hlim dan a thiam hle mahse min nel emaw min hnaih erawh ka duh lo.
"umm...enge i tih thin... ka sawi awmzia chu college te" inthlahrung tak chuan a rawn ti a, Raven ka hrechhuak nghal zawk mai za lo zet hian ka lo nuih suk a
" umm... ka chawlhsan tawh "
" Reeve.... hetah lo kal teh "
" awle nu" a nu in a rawn koh avang chuan thleng chu a hrufai nghal thuak thuak a.
" umm.... min lo hrethiam lawk mai " tih leh living room lam pan in a kal nghala.
.
" Kan thenawm chiah ami anih kha " ka ni chuan thleng dang rawn chawi luh pah chuan ati a, puan chu la in ka thleng sil zawh apiang chu alo hrufai nghal sawk sawk a.
" a chhelo i ti em?" nuih sang pah chuan min rawn melh zeuh a, ka ni in hetiang min sawipui avang hian mak ka ti takzet a chhanchu a hma kha chuan mipa in min rawn biak hlek pawhin min vengthawng em em a, hetiang thil alo thlen tak vang te pawh ani mahna.
"ka ni enge maw i hriat le "
"a chhiat loh em kha...Law zir lai ani lehnghal bakah a melh dan che kha "
.
" ka ni duhtawk teh... "
" Norah... i fa paina pa ringawt hi ngaihtuah lo in hma lam pan ve tawh rawh "
"ka chau... ka lo han mu mai ange" ka ti hmuk a, ka ni biangah chuan ka fawp zeuh a.
" mangtha le " tih pahin inchungah ka tlan chho nghala.
Khumah thu in ka mittui chu a rawn tling nghal pam a, Ngatinge Raven hi ka hriatchhuah zel le. Ni e, Raven chu theihnghilh ka duh tak meuh mai mahse heti zawng hian ni lo in. Ka ni in mipa dang min sawipui kha ka duh lo hulhual ,Raven hi ka mipa kawp hnuhnung ber nise ka duh ani chuvang chuan tumah in an luahlan ka phal ngai lo ang .
.
_______________________________________
New Orleans
.
*Raven's pov*
.
#2 months and 1week earlier#
.
Stephan leh Norah in Travis damdawi in lam an panpui lai khan leia ka thlauh ka silai chu ka en vung vung a awmdan pawh ka thiam lo ka hrehawm ti lutuk chu ka lu ka dawm ngawih ngawih tawp ani.
" ka kah ani lo asin" ka han ti leh sap thin. Norah hmela min huat na te leh a thinrimna te kha ka ngaihtuah a helai hmunah Travis kal turin ka lo ti kher kher kha ka inchhir takzet. Ni e... Travis khan thil min hrilh tur thu kha a sawi ngei a mahse keilah pek chuan tih tur tul dang ka neih thu ka lo hrilh anih kha .
.
Min hmuh a duh takzet thu a sawi takah chuan lawng chawlhna hmunah rawn kal turin ka ti ta a,lawng chawlhna hmuna kal tura ka koh nachhan chu helai hmunah hian tihtur tul ka neih vang ani, a hlauhawm ani tih hrereng chungin ka sual chhuah in ka lo ko kher kher a ,khatiang khan ti lo tawp tur ka ni asin.
Lawng chawlhna hmun a rawn thlen chuan lo kal turin ka kut chuan ka hui zeuh a, Brandon chu call nghal in lo kal ve turin ka hrilh vat bawk. Diktak chuan Brandon nen kal tur kan ni mahse Travis vangin rawn kal tlai turin ka hrilh phah ani.
"Raven helai hi khawilai hmun nge? " Travis chuan hlauthawng ru deuh tak hian a rawn ti a.
.
" lawng chawlhna"Cigrattee tan pah chuan ka lo ti a, Travis chu cigrattee pek ve ka tum a mahse a lu a lo thing vat, Bike ngheng chung chuan duhdah zet hian ka ding a,Travis pawh chu ka bulah chuan alo ding ve ran bawk.
"Raven biak che ka duh "
" ngawirawh... ka hna kan thawk zo phawt ange"
" maw!! "
" umm.... sawta tang sawn mipa khat briefcase nen a rawn kal anga "a hlauhthawn em avang chuan ka nui lui suk a.
"briefcase chhungah chuan drugs a awm anga chu chu ka la ang chumi zawh ah chuan ka inbe dawn nia "
.
"Tunah hian ka hrilh ngei che angai " Sana chu ka en zeuh a.
" han sawi la minute 5 i nei " ka cigratte chu leiah paih in ka rap hlum nghala,
"Norah then turin min tih chuan... " sawi chhunzawm lo in tlema hmun zau lai deuh ah chuan ka phei a ,Travis pawhin in rawn zui vat.
" ih... englo ania ka nau hi "
"then turin min hrilh anih chuan a chhanna chu 'aih' " tih pahin ka pistol chuan ka han tin der vela, a hmel a hlauhthawnna awm te chuan min ti hlim tlat pek a.
.
"Ka nau hi tha taka enkawl turin ka duh che ani.... nang hi a hmangaih... "a sawi zo hman tawh lo ka hnung lam atangin tu emaw in Travis chu vawithum lai a awm ah an rawn kap anih chu!! Ka meng phawk nghal kawk a,ka hamhai nghal vek chet nachang pawh ka hre tawh lo, Travis chu lei charah a tlu nghal thuai a, ka silai chu leiah thlauh thla in ka thingthi nghal hnawk bawk. Travis buaipui turin tha reng reng ka nei lo, ka mak ti lutuk leh ngaihna hre lo lutuk chuan min chet tir thei lo ani ber.
Travis chuan thei leh thei lo hian ka kut chu a rawn khawih a,Thisen a chhuah nasat em avangin ka lo la sawn nghal vat.
.
Norah chu a û buaipui turin a rawn tlan phei vata ,Engtin nge hetah Norah a awm thei?
Reilo te ah Stephen pawh a rawn tlan nghal vat bawk,ka awmna ngaia awm reng chung chuan ka kut chu ka en vung vung a, ka hlauthawn rual rual in Norah chu ka rilru ah a awm nghal a chhanchu Travis hi a damchhuak dawn lo tih ka hriat vang ani.
Travis chu ambulance ah an hruai lut a, damdawi in lam an panpui nghal bawk.Reilo te ah Brandon chu a rawn kal vata.
" Raven....ka zawng nasa lutuk che" chhang lo in ka bike ti nung sawk sawk a, damdawi in lam pan chuan ka tlan ve nghala.
Mahse damdawiin ka thlen meuh chuan Travis chu sawi loh tu hnuhma mah hmuh tur a awm lo.Vanneih thlak lutuk in Travis a buaipuitu doctor kha ka hmuh hlauh, mahse ani chuan an khua ah an hawpui tawh thu leh an khaw hming a hriat loh thu in min chhang anih chu!!!
.
Hmanhmawh lutuk in a zan a zan chuan zah pawh dawn lo in ka pu ka pan nghala. Duhthlan tur dang ka neih loh avangin East hodge a min kaltir turin ka ngen ta ringawt a, hetiang em em hian ka pu hma ah ka la tlawm ngai lo. A ni chuan min lo phal sak in ka kalna tur chu min lo buaipui sak nghal zung zung a.
Helicopter a rawn thlen hma minute5 vel ala awm tih in message ka dawng hlauh!! ka han en vata, ka mesaage dawn chuan min thawng takzet. Ka phone chu chhuatah ka paih nghal thuai a, ka lu chu dawm in thuthleng ah chuan ka thu hnawk bawk. Tunah hian duhthlan tur pahnih chiah ka nei, Norah ka pan leh anih chuan a chhungte nen lam an that anga, ka then anih chuan an him thung ang.
.
Ka rilru a buai takzet, ka hmangaih ka then theih lo tluk zetin a tawrh ka duh hek lo. Chutia ka inngaihtuah buai lai tak chuan helicopter pawh a rawn thleng ta. Engkim mai chu ka kutah a in nghat vek tawh,ka hmui chu ka han pet fan fan a thutluk na siam turin hun tlemte chiah ka nei ta.Thawk lak hak pahin ka tho thut a ,ka bike ah chuangin chak zetin Secret palace lam pan chuan ka tlan chhuak nghala.Ni e,
Norah hi ka then thei lo mahse hmangaihtu ka nih angin ka hmangaih chu ka venghim tur ani dawn lawm ni.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/
Inchhung ka luh rual rual chuan bar table lam ka pan nghala. Whisky chu no ah thli chhuak in ka tlak nghal pawp pawp a chuti chung pawh chuan Norah nui hmel te leh a engkim mai chu ka ngaihtuah tawp thei chuang lo. Ka no leh zu um zawng zawng chu chhuatah ka paih keh nghal chuai chuai a,ka thinrim leh rilru na bawk nen a tih chhiat theih ang ang chu ka ti chhe nghal buam buan bawk. He gang hi ka hua ka nun chhan tu emaw ka lo tih thin hi ka haw takzet .He gang atang hian a chhuah theih tawh loh tih chu kei tluka hrechiang an awmlo chuvang chuan ka tih thei zawng chu ka hmangaih venhim chauh hi ani.
.
Kha mi ni Travis thih atang khan nun mumal in ka awm thei tawh lo, ka thinrim leh rilru na hrikthlak nan zu ka in nghek nghek a, mi sawisak lah ka hreh tawh hek lo. Engkim Norah in ti tura min duh loh ang zawng zawng chu tih vek mai ani ka duh. A chang leh ka khum pawh thleng zo lo in chhuatah te ka mu leh tawp thin, ka nun hi a chhia ani ber mai. Ni e, mipa huaisen leh rilru khauh tak ka nih an ring ngei ang mahse chu chu ka lan dan chauh ani .Norah hi ka nu thih atanga min hmangaihtu awmchhun niin ka hria a ka neih chhun ani bawk. Ka neihchhun pawh ka kalsan a ngai ta mai hi ka tuar thiam thlawt lo.
.
Ka beidawn tawpah ka pu inah emaw biakin ka pan leh chawt thin.Ka chet buai deuh emaw, club ah buaina ka siam te hian Stephen an min buaipui vek thin a, unaupa tha tak zawng ani. Thla reilo te mah nise mite chunga ka nun dan chu a rawng in a mit kham thlak thei em em a,mahse sim erawh ka tum chuang lo.Ka nun khawlo in hrehawm hle mahse vawikhat te mah Norah ka phatsan ngai lo. Hmeichhe tamtak in min hel tih pawh ka hria mahse Norah luahlan thei tumah an awm lo.Rui chhe thin hle mah ila Norah rinawm loh san tur erawh chuan ka rui tawk lo.
.
" Raven... hetiang hian awm tawh suh " ka rui lutuk chu ka thle hnawp hnawp a.
" Brandon... engtin nge ka awm... engtin mah "
"hetiang ringawt hi chuan a tha lo ang , buaina i siam renga , i thinrim renga chuan i thinchhe hle bawk "
" nimaw!!" tih pahin Brandon chu ka lo nuih suk a .
"Norah in hetiang hian i awm tih hria se engtin nge a awm ang " Norah hming a rik tawh hi chuan ka danglam nghal vek thin, ka harh fim nghal kawk ni te hian ka in hre thin.
" Norah... Norah chu a awm tawh lo "
"Raven in ngaihtuah chiang rawh... engpawh i tih dawn in Norah in engtin nge a ngaih ang tih inzawt hmasak thin rawh ".
.
Chutia Brandon an a tih chuan nui suk pahin no khat chu ka han tlak leh pap a, Ni e... Norah hian hetianga ka awm lai hi hmu se chuan a hlim hauh lo ang. Brandon hi chuan min hre chiang ve ngawt mai , ka chak loh na hi min siam that nan a hmang zel dawn chu ani hi. Ka inngaihtuah vung vung a,Brandon thusawi hi a dik ani .
.
Thla hnih leh tih chhung nun pawlawh taka ka hman hnu chuan zu ka in dawn emaw mak tak tak a ka chet dawn apiangin Brandon thusawi " Engpawh i tih dawnin Norah ngaihtuah hmasa phawt thin rawh " a tih chuan ka thil tih tum phawh min thulh tir leh thin a chhanchu Norah thil duh loh hi tih ka duh bik lo.Norah vang in nasa takin ka inthlak danglam hret hret a,ka nun pawh uluk hret hret in a hma ang em em kha chuan ka awm tawh ngai lo.
.
Ka Jacket ka hak zawh chuan inhnuai lama ka chhuk hma in nidanga ka tih thin dan angin Norah closet chu ka han hawng leh te te phawt a.
" Morning " tih pahin Norah thawmhnaw tlemte la inkhai ho chu ka nuih suk a,
"ka rawn let leh vat ang " ka khar a, inhnuai lamah ka chhukthla nghala.
" Morning" Brandon leh Jazz chu couch ah thatchhe zet hian an lo thu a .
" Morning" mak tih hmel takin Brandon chuan min en ha a.
"Raven... i rui miah lo i ti tak tak em?"Jazz chuan alo ti vata.
.
" Breakfast ei phawt ang u " ka thusawi tin te chu mak tih a hlawh zel mai nidanga ka awm dan nen a in perhsan em alawm.
" awle... Breakfast chu ei ang u hmiang " Brandon chu a rawn in perh tho nghal at a.
"Vawin kan hna tur a harsat deuh dawn avangin kan inpuah chah nasat angai " ka ti nghal zung zung bawk.
"Raven... i jacket kha ava nalh ve " Jazz chuan thil ei tun pah chuan a rawn ti a.
" hahaha.... ka la pe dawn che nia "
" ngei ngei in aw" Jazz hi chu ala naupang bawka, ka nau ang maiin ka ngai thin.
.
" Kha bawnghnute hi in rawh " tih pahin banghnute chu ka pe nghala.
"i jacket chu lawng chawlh ni a i hak ai khan nalh ka tih zawk "
" maw!! " Mak tih hmel takin Brandon nen chuan kan in en ha a, Jazz
erawh in a tawgsual a hre miah lo thung.
" Jazz... "
" umm... "
" engtin nge lawng chawlhna hmun ah ka kal tih i hriat" ka ti vata.
" Raven jacket i hmu maw!! mahse khami ni te chuan zing hma takah California lam panin i kal anih kha" Brandon chuan alo ti ve bawka.
Show post links
Top
Ngaia
Site Admin
Quote
Post July 2nd, 2017, 3:30 pm
Chapter-61
.
"umm... ka.. ka hrelo midang in min hrilh alawm" dawt a sawi tih ka hre nghal.
Ka silai phawrh chhuah pah chuan ka ding nghal uai a, Jazz pawh a hlauhthawn hmel ta kher mai, min en kar chung chuan a chil a lem leh dak thin a.
" Engtin nge chung thil zawng zawng chu i hriat?" tih pahin a chal darah tak silai in ka tin ta ran a, tlanchhuah tum mahse kawng a awm tawh lo.
" Ra...Raven..."
" sawi rawh ka tih chu... " ka tham tho zawt a, hlauhthawnna avanga a taksa khur der der te leh tih nat hlauh avanga min melh dan te chu ka hai hauh lo. A mit ah tak ka en kar bawk a zam hle tih ka hre bawk.
.
"Khami ni a i awmna i sawi loh chuan silai mu hian i lu ka ver hreh miah lo ania " Jazz chu a meng kual nghal zawk zawk a, thil thup a nei tih a chiang reng chubakah ka thusawi tawh chu ka ti ngei thin tih ani tluka hrechiang an awm lo. Silai chuan a lu chu na deuh hlek hian ka han nawr leh a.
" ka... ka.. "
" Raven... i ti hlauthawng lutuk anih kha" Brandon chu alo inrawlh vata.
"Hreptak chuan.... hapa hian zep ruk a ngah lutuk... Jazz sawi rawh khami ni khan khawiah nge i awm? " in khawk rawm rawm khawp chuan ka ti nghal tuarh a
"i sawi loh chuan helai hmun hi i chhuahsan lo ang " Brandon chuan alo ti ve bawk.
.
"Ka... engmah tih sual ka nei lo thupek ka zawm mai ani "
" maw!! "ka lo ti ha a.
"kha... khami ni khan lawng chawlhna hmunah khan ka awm ve ani "
"chutah chuan enge i tih? "
"ih... ih... Travis kha that turin thupek ka dawn vang ani mahse ka duh reng vanga that ka nilo" a reh nghal duk in ka hria,ka melh ngai melh reng chung chuan hnung lamah ka tawlh hnung hrut a.Khati chhung zozai nun chhe veka ka awm lai te khan min hnemtu ber ani thin mahse min phatsan amaw!! engkim kha amah vang vek maw lo ni a.
.
" Ngatinge min hrilh loh.... mawh engvangin nge khatiang thil kha i tih " ka thinrim lutuk chu ka inhum ruh vata,ka insum zo lo in Jazz a lu ah ka kap nghal sawk ang tih ka hlau hle,Ka insum theih loh zia Brandon chuan a hria ani ngei ang ka silai ken lai chu min rawn laksak vata.
"Raven....thu rawh keiman thu ka zawt chiang ange" chair ah chuan ka thu hnawk a, Jazz chu hnek pawp pawp mai ani ka duh.
" ngatinge i thu dawn chu min hrilh loh "
" ka... ka hlauthawng em ani, ka thah loh chuan keimah thah ah min vau bawk si ..lo hrilh che u pawh ni ila engtin nge in tih chuan ang. "
.
" kha i thil tih avang khan mi engzat in nge tuar tih i hria em? "
"Norah bak tuar an awm hleinem" min chhan dan avang chuan ka sa nghal phat.
" hmela" tih pahin a kawr nghawngah ka tham nghal pawp a, Brandon chuan min lo dang nghal vat.
" Raven...Norah vang hian i nun i hlauh vek tawh chuvang chuan Norah hi dah tha in a hma ang khan awm leh rawh "
" Engmaw!! dam tlak pawh i ni love " ka melh kar a, Brandon an min dang lo se chuan chhuatah a tlukna a rei tawh ang
"Raven... va thu rawh " Brandon chuan alo ti vata.
.
Brandon an a chhan tih a hriat avang chuan Jazz chuan min rawn nuih suk a chu chu ka ngaithei ta der lo, a hmaiah tak na zet hian ka hnek nghal sawk a Brandon pawhin min dang hman tawh lo. Chhuatah a tlu nghal thlawp a mahse pawi tih na reng ka nei lo.
" Jazz... harh teh " Brandon chuan kaih thawh a han tum a mahse ka lo hnek na lutuk deuh pawh ani mahna nikhaw hrelo in a awm nghal der.
"a phu tawk chiah anih kha " dawhkana silai chu la in pawn lam panin ka kal nghala
.
"Raven khawiah nge i kal dawn?"
" Norah ka zawng dawn mawle " nuih suk pahin ka chhuak nghala. Car ah thu in thil ka ngaihtuah vung vung a Regina leh Calvin pawh tih tawh nak alaiin Jazz lehzel chuan hetiang hi a tih ka ring ngai lo. Calvin pawh thuchhuah angin man ani tawh a mahse Regina erawh man theih dan kawng a ala awm lo .Leh lamah Stephen ngaihtuah a lo ngai bawk si chuvang chuan Regina chungah engthil mah a tih theih loh . Chutia thil chi hrang hrang ka ngaihtuah lai chuan thil pakhat ka hre chhuak thut!! Stephen pawhin Norah a zawng tak thil thar engemaw tal a hriat takin ka hmuh vat angai ani .Car chu tinungin Stephen ka call nghala.
.
________________________________________
Esther Wood
.
*Norah' s pov*
.
Thla tamtak ral hnu ah pawh ka pa chuan pangngai takin min la be duh lo mahse a fanu ka ni a a chang chuan min ngaihtuah ve hle tih ka hria. Inentir ka ngaih chang emaw, ka damloh chang pawhin min ngaihtuah em em a mahse min ngaihtuah anga a lan duhloh avang erawh chuan min ti na thin takzet.Min be tha duhlo mahse ka be lui tlat thin a,heivang pawh hi ani mahna kan inkar pawh hian that lam a pan zel ka beisei. Thil ei chak ka neih apiangin min lei sak ziaha mahse min lei sak anga lan a duhloh avangin fridge ah alo dah tawp thin. Ani telin Raven ka ngaih a zual emaw tih mai tur hian vawikhat pawh ka theihnghilh ngai lo .Raven chungchang hi kan inah vawikhat pawh a ri leh tawh ngai lo a, ka ni leh ka pa pawh hian min zawt ngai lo a chhanchu min zawt mahse sawi ka tum lo ,ka û thattu ani tih hre ngat phei se chuan lungchhia in an tap kumkhua mahna.
Ka sawi hmaih loh tur chu Reeve hi ani, thla tamtak a ral hnu meuh chuan kan innel tawh hle. Heta kan awm tirh kha chuan min hnaih lo se ka duh thin mahse ka lungngaih chang apianga min hnemtu leh min ti hlimtu ani ang tih ka ring pha ngai lo.Harsatna ka neih apiangin min tanpui ziah thin a thian tha tak ani. Ka ni pawhin min duh pui hle a, ka pa pawhin a haw lem lo chhungkua tha tak leh Pathian tih tak an ni miau alawm mahse thian bakin ka en ngai lo thung. Lo duh ve pawh ni ila ngaihzawng chu sawi loh kei raipuar hi min duh lo tawp ang.
.
A tirah kha chuan kan room a in ep chiah bawka zantin mai hian min rawn tibuai ziah thin , pawnah ka chhuah hlekin a rawn lang nghal vat thin bawk. Tlangval zuanzan, bright, lehkha thiam leh hmeltha hian engvanga kei hi min buaipui tlat nge maw anih le tiin ka inzawt fo thin. Ka naupai thla nga a tlin meuh chuan kawr lian tak pawh ha mah ila ka pum erawh ka thup thei tawh lo, Reeve beng ngei pawh a thleng rang kher mai. Ka rai a, ka fa paina pa nen kan inbe zui lo tih a hriat tirh ngat phei kha chuan ngatinge pawh ka hre lo kar khat chhung ngawt hmuh tur zu han awm lo a.
.
Mahse mak tak maiin a bo vang vang hnu atang chuan min ngaihsak zual em em a, ka ei chak emaw ka mamawh tura a rin apiang chu min rawn lei sak tawp thin, ti tawh lo tura ka hrilh pawh in a tawpsan duh chuang lo. A luhlul na tak hi Raven nen ka tehkhin fo,naute kawr te, a pheikhawk tur te a rawn lei thin a kan hlimpui thin hle Reeve pawh ka ngainat phah hle ani. Mahse tunlai tak hi chuan an in exam lai anih avangin tlaitin erawh a rawn kal tawh lemlo,thian ka kawm ngai loh avangin Reeve a awm loh chuan a reh thei hle.
.
Ka nau pai puar tawh tak san chhuah hun tep tawh nen chuan ka pa ko turin inchungah ka chho hnak hnak a. Ka pum a puar tawh bawk nen ka duh ang ang pawhin ka che thei tawh lo ,chubakah vawin chu ka pum a na deuh reng bawk, nau ka neih tep tawh avangin ka ni hian min awmpui deuh chawt thin a mahse bazar a chhuah lawk angaih avangin ka pa in vawin chu min awmpui ani.
" ka pa... lunch rawn ei rawh " tih pahin a room chhungah ka lut a mahse alo awm lo.
"khawiah nge maw a kal le " tih sap pahin a khum hnawk tak chu ka han tifel thuak thuak a. Ka tih fai zawh chuan kal lehnghal mai ka tum a mahse lukham hnuai a a thil dah chuan ka mit a la nghal zar mai.
Lukham hnuai atanga Thil sen rawn lawr tet chu ka pawp chhuak vata, chu thil ka hmuh chuan ka mak ti lutuk chu ka mengphawk nghal kawk .
"Heng mawza te reuh tê te hi ka pa in a kawl amaw!! " ka ti chhuak sap a, ka pa in fa ka nei tur hi min phur pui ve hle tih ka hriat chuan ka mittui chu a rawn luang nghal ngiai ngiai a.
"Lalpa ka lawm e" mawza te reuh te te pathum lai mai chu ka han kuah vang vang a, ka hnuk a ulh tlat lehnghal. Ka pa hian a tû rawn piang tur hi chutiang em em in alo haw bik lo ani tih ka hriat hian ka hlim takzet.
.
Hmanhmawh takin mawza chu lukham hnuaiah ka hnawh lut lehnghala, ka mittui te hru hul in pangngai taka awm chu ka tum hram hram a.
Ka pa a awm loh avang chuan inhnuai lamah ka chhukthla leh vata, step tawp ber ka rap tur chu ka pum a rawn na ta vak mai,ka han dawm vang vang a a na telh telh mai bawk si , ka thaw tha thei lo niber in ka hria. Couch ah thut tumin thei leh thei lo chuan ka kal lui hram hram a, step leh couch inkar tawite pawh a thui takzet. A tawp a tawpah couch chu ka thleng thei hram,couch ban chu vuan in ka han inseh ruh tang tang a, ka tuibawm a rawn baw ta hawk mai.
.
" ka pa.... " thawk ka han la leh kawk kawk thin a.
" ka pa.... " ka pa chu hmanhmawh takin a rawn tlan nghal vata.
" dam... damdawin ah min hruai rawh"
" aw... awle... bawihte tang hram hram rawh " ka pa chu a che buai nghal vek ,a phi cheng a hmanhmawh takin taxi a ko nghala ka ni a be vat bawk. Ka na ti tawh lutuk chu ka then leh tlawk tlawk thin thi tawh tur mai ang te hian ka inhria.
.
Damdawiin kan pan lai te chuan ka pa chuan min hnem mawlh mawlh a, ka pa in min ngaihtuah ve takzet tih ka hmuh phei hi chuan ka mittui ka khap per leh fap thin.
Damdawiin kan thlen hnu pawh chuan ka sang chhuak thei mai lo lehnghal,a na in ka chau tawh bawk nen ka beidawng rum rum tawh. Relo te ah ka ni pawh a rawn thleng vata, ka ni ka bula a awm meuh chuan ka thla a muang hle. Hetiang em em hian nau vei hi a na ang tih ka ring pha ngai lo. Heti khawp a na ani tih hria chuan a mahni hringtu nu te hi an zah loh ngam ka ring lo.
.
Darkar khat zenzawn ka vei hnu chuan naute tap ri ka hre ta!! ka mu nghal hnawk a, ka rila rah ka fa ngei tap thawm chuan min ti dam sawng sawng in ka hria ,ka natna tawrh zozai te kha vawileh khatah tih bo in a awm nghal.
" Bawihte Fanu i nei ania " ka ni chuan ka bulah a rawn pawm pheia.
" a hmeltha em em lehnghal " ka ni pawh a insum zo tawh lo a mittui a rawn tla nghal zung zung a. Ka fanu puan vara tuam vek tawh chu dim takin ka bulah chuan a rawn mut tira lungngawi hmel takin ka fanu neihchhun chu ka han en vang vang a khawvelah hei aia thil mawi hi a awm leh tawh chuang lo ang.
.
" bawihte... " ka insut leh hraih thin a, ka fanu thlamuang tak leh tui taka muhil bawrh bawrh lai ka hmuh chuan ka hnuk a ulh lo thei lo. Ka fanu ka hmuh hian keipawh hi ka nu tan khan ka lo va mawi dawn teh lul em, min hmangaihna zozai te kha ka fanu ka hmangaih ang tluk zet hian a nasa a, khati khawpa min hmangaih chung khan a thu hnial chang ka nei fo mahse khatih hunlai khan kum14 mi lek ni mah ila khang hun te avang khan ka inchhir takzet.
.
Ka pa , Reeve leh Reeve chhungte pawh room chhungah chuan an rawn lut sap sap hlawm a min lawmpui thu min hrilh phei hi chuan nau ka pai tira ka mal zia ka hrechhuak zawka hetiang hi ka ring pha ngai lo.
Ka bulah ka pa chu a lo thu ngawi renga mahse min lawmpui ve hle tih ka hria.
" hey... "Reeve chu ka bula chair ah chuan a rawn thu a.
" Hey"
" naute chu a hmeltha hle mai min chhun aniang " a tih chuan kan han nui ho leh dar dar a.
" ka lawm e... " ka lo ti sap a
Show post links
Top
Ngaia
Site Admin
Quote
Post July 2nd, 2017, 3:30 pm
Chapter-62
.
Inhliam na lutuk lo mah ila ni hnih chu damdawiin ah ka awm ta tho a, ka awm chhung zawngin ka ni leh Reeve ten min buaipui char char a ka pa erawh a rawn inlan leh tawh lo.Naute a hmuh khan a lungchhe zual nimai hian ka hria.Naute lah a mu duh lo in a tap reng mai bawk si a ka ni nen kan inmut chhawk tawp mai thin. A chang chuan Reeve an alo awm chhungin ka lo muhil a ,tlaivar zan kan nei nual bawk.Ka taksa a chau in ka cher em em a ,a chang chuan ka tah te hi a chhuak rum rum thin mahse ka fanu 'Delphine' ka bula tui taka a mu sak sak lai ka hmuh hian chakna thar min pe leh thin .
.
Delphine a hrisel vak loh avangin damdawiin ah kan kal deuh reng thin a ,an lo admit chang phei chuan Raven ka kiangah awmse ka ti thin takzet.Ka pa pawh in a tunu hi a thlahthlam reng thei bik lo,a ni telin a ngaina chho telh telh a a chang chuan an in awm deuh chawt thin. Reeve pawhin min ngaihsak in Delphine pawh chu a fanu ang maiin a en a, damdawiin a kan awm chang pawhin a buai berah a tang thin. Ka inthlahrun thin em avangin a chang chuan rawn kal tawh lo turin ka hrilh leh tawp thin mahse awmzia a awm lo.Reeve leh Raven hi an mizia an engkim a inang lo em em a, Reeve chu hmeichhia te duhthusam mipa ani tih ka hria, a felin min ngaihtuah em em mahse thian ang bakin ka en thei chuang lo.
.
A chang chuan intih thawven nan tiin dinner te min han eichhuah pui leh lawp lawp thin a, Reeve bulah hi chuan ka lungngaihna zawng zawng te leh ka rilru hahna zawng zawng te kha a bo vek thin.Ka hlim em em thin a heivang pawh hi ani mahna ka ngaihnat em em nachhan ,ka hnual changin min hnem a,min fuih bawka ka tan chuan hetiang thian tha ka nei hi vannei ka inti thin hle.Raven chungchang hi min zawt ngai lo a ,tlangval fel leh hmeltha tak anih avangin hmeichhia in lo umzui chang an nei fo mahse a ngaihsak ngai lo chu chuan ka mak tih pawh a hlawh hle , a chang chuan a thikthu a chhe em em a mahse ka enliam mai mai thin .
.
" Norah.... " naute thawmhnaw ka lo thleh fel mawlh mawlh lai chuan ka ni a rawn lut a .Khuma Delphine lawmtu awmlo a lo tal ve nawk nawk a hmuh chuan a rawn pawm vata.
"ka naute hi thla riat alo tling ve tawh reng mai"ka ni in Delphine a lawm lai chu en in ka nui suk a .
"A pa in hmu se lian a ti ve tawh ngawt ang " ka thil tih lai chu ka tawp thut Raven ka hrechhuak nghal zawk bawk.
" i pa in Delphine bathtub thar tur a rawn lei a " Ka ni chu a inthiam lo leh deuh aniang thil dang daih a sawi leh nghal daih a.
.
"Ka ni ka lo ngaihtuah mai mai a, Delphine awmtu tur hi la ila hna ka thawk ang chu ka lo ti deuh a "
" maw!! ala tet em hi "
" mahse heti ringawt hi chuan kan awm thei hleinem "
" umm... ka hrelo le i pa han sawipui phawt la "
" awle...bawihtei pawh a lian tawh a thil dang tih san pawh a pawi tawh lo ang "
" i pa thutlukna ngaichang phawt rawh kei chuan ka thlawp zel che ania "
" ni.... " ka ni chu ka kuah nghal thlawpa.
" ka lawm e... ka kianga i awm tlat thin avangin "
"engmah anih loh hi... nu i nih tawh kha puitlin a hun tawh ania " ka hnunga beng thek thek pah chuan min rawn fiam tel nghal bawka.
.
Delphine thawmhnaw chu a closet ah ka khung mawlh mawlh a, chumi chhung chuan ka ni in alo ti mu bawk.
"oh.... Norah ka lo chhoh chhan ber ka theihnghilh daih alawm... Reeve an a nghak reng tawh che ania "
" maw!! " ngatinge min nghah ringawt le? mak tih hmel takin ka ni chu ka en ha a.
" i va hmanhmawh lo ve... insiam vat rawh... Naute chu lo ngaihtuah suh " ka inngaihtuah vung vung a.
" Awi... Lalpa leh!! " Reeve an dinner ei chhuah pui ah min sawm tak, ka buai lutuk a ka lo theihnghilh der alawm.
.
" i theihnghilh leh tawh ani maw!! "
" Vawin chu Delphy a tlei duh lo lutuk a ka lo hre tawh lo alawm...pawilo Reeve chu ka hman loh thu ka hrilh mai ang "
" Engthil nge maw i tih le,hetiang hian i thulh ringawt thei lo ang "
" mahse... naute... "
" naute chu ngaihtuah duh suh ka awm hi... tunkar ah in i la chhuahsan lo hrim hrim va inti thawveng ve rawh "
"mahse..."
" insiam la kal rawh... hei Reeve an a nghak rei tawh lutuk che ania "
" awle... " tih pahin Delphine biang leh chalah chuan ka fawp zeuh a, ka fanu hian a pa a chhun in a mitmu pawh a pa ang chiahin a hring kak a, Raven la hmu lo pawhin Delphine an hmuh hian a hmel tur awm ang chu an hre thei ang.
.
" tihian ka kal mai ang... " ka kawr ben fai thuak thuak pah chuan ka lo ti sam et a.Ka ni chuan ka darah a rawn beng chawrh a
" khatiang in engtin nge i kal anga "
" nidanga ka kal loh dan pawh ani hleinem"
"kha heihi ha zawk rawh " tih pahin ka kawrfual sen chu a rawn la chhuaka.
Ka ni phur lutuk hian ka awm a ti nuam thei thlawt lo, nidangah pawh nalh tum lem lo in ka chhuak mai zela zanin a taka hetianga a awm teh thut avang hian ka ngaih a tha lo lek lek. Ka ni sawi ang chuan ka insiam sawk sawk a, ka insiam ta sa sa ka sam chu felfai takin ka bâwk a, lipstick sen lar tak ka inhnawih tel bawk.
Hmanhmawh takin inhnuai lamah ka tlan thla nghala, Reeve leh ka pa chu an lo ti ti dun mawlh mawlh a.
" kal ang le "
"Awle... " Reeve leh ka pa chu an lo ding vata.
" Ka pu... i fanu hi lo ngaihtuah reng reng suh "
"awle...ka ring che ania" ka pa chuan alo ti sup a .
" kal tawh ru in tlai dawn" ka ni chuan alo ti ve bawk.Kan kal hma chuan Delphine tui taka mu sak sak lai biangah chuan ka zuk fawp leh zeuh a
" bawihte... ka rawn haw leh vat ang ....Reeve kal ila "
" awle... car ka lo va la chhuak ang tih leh chhuah a rual a "
" ka ni... engthil emaw a thlen chuan min rawn call vat rawh aw.... ka naute chu ka ngai dawn lutuk "
" a rei dawn hleinem, Reeve hi chuan a duh che tih ka chiang "
" ka ni.... chutiang ngaihtuah suh " tih pahin ka chhuak nghal daih a.
.
Kan kalna tur Hotel kan thlen meuh chuan dar 8 a lo ri va tawh a ruk tak chuan Delphy ka ngai in ka hmanhmawh ru hle. Delphy nen hian kan in awm deuh chawt thin bawk nen a bula ka awm loh hi chuan ka ruak vek hian ka in hre thin.
" Zanin chu thil tui deuh ei ang aw.... " Reeve chuan min lo nuih sanga.
" umm... nia "
" i duh duh han order la...kei Prosecutor Reeve Bourgeois hian ka leisak vek ang che " ka tui in lai chu ka phuh chhuak tep.
" maw!! Prosecutor maw!!? Engthil nge maw i sawi le " nuih suk pahin a lu a lo bu nghat a
.
" Lalpa leh... ka awih thei lo i ti tak tak em? "
" umm... vawin ah result a chhuak a.. "
"Reeve ka lawmpui lutuk che... " ka ti nghal chul a,ka lo phur ve surh avang hian mak in lo ti ange a chhan chu Reeve hian a bei nasa in a thawk rim em em a chu chu ka hriatpui ve vek avangin ka lawmpui takzet ani.
"ka awih thei lo.... nilo... min hrilh lawk lo a engmah lawmpui na tur che pawh ka lo inbuatsaih miah lo "
" chutiang a ngai reng reng lo hei kan pahnih in kan lawm a a tawk mai alawm "
" chuan... engtik atangin nge i tan dawn "
" karleh atangin....tun atang chuan Delphine pawh ka duh hun hun ah ka hmu thei tawh dawn lo ani maw "
" Reeve... chutiang chuan ngaihtuah suh... kan dam anga Delphine te chu i hmu fo dawn tho alawm "
"umm... anih chuan chhun chawlh apiangin ka rawn be thin ang " a tih chuan ka lo nui hak a, phone atang hian Delphine a rawn be fo a mahse a la tawng thei bawk si lo a ,an inbe ve reng thin a chu chuan ka nuih a tiza takzet.
"Prosecutor i ni tawh dawn bawka .... nupui zawng vat rawh " Reeve chu ka lo fiam nghal zung zung a .
" Norah.... " ka kut chu a rawn hum vang vang a mak ti hmel takin ka lo en ha a .
" zanin a ka sawm chhuah nachhan che chu thil dang daih vang alawm "
" maw!!"
" umm.... he thu hi tu bulah mah ka la sawi ngai lo" thawk an han la hak a, a zam ve hle tih ka hrethei
.
" mahse he thu hi hrilh ngei che ka duh heta in rawn awmtirh atang khan ka duh tawh che ani "
" Reeve...mahse... "
" Norah... tunah chuan engmah lo sawi suh... ka sawi duh hi kan sawi phawt ang chuti lo chu ka inpuah chah na ang in ka sawi thei lo ang " Reeve chuan ka mit ah tak a rawn en kar a.
" Norah... fa i nei tawh emaw, hmangaih dang pawh nei la ka pawisa lo ka duh zawng chu nang leh Delphine hlimna hi ani ,min nei turin ka dil lo ang che mahse khawngaih in hun vawikhat tal min pe rawh "
" Reeve... engthil nge maw i sawi le "
.
" umm... ni e, ka duh ang pawhin ka sawi thei lo... diktak chuan ka bialnu ni la ka duh ani "
"ka... Reeve... chutiang thil chu engtin nge i ngaihtuah theih zawk? " zaidam tak chuan ka lo ti sap a, chutianga ka chhan vang pawh chu ani mahna a kun nghal lap a.
" umm... hetiang hian min chhan ka rin sa vang ania... ka lo inpuah chah lawk vek tawh alawm"
" nilo... thian tha tak kan ni a ...kan inngaizawng anih chuan thil ho te te ah kan in ti buai anga kan inthen leh anih phei chuan thian pawh kan ni thei tawh nang ....chu chu i duh ami ?" Reeve a hnual lutuk chu ka hnem let leh ta zawka .
.
" duh lo"
" anih chuan hetiang hian inkawm ngeih takin awm ila...a hma ang khan hlim takin kan awm leh anga chu chu a tha daih zawk alawm "
" anih chuan Norah... tunge Delphine pa hi!? Ngatinge tun thleng hian amah vangin i la tah fo? ngatinge i theihnghilh thei miah loh? "
" Reeve... thildang sawi ang "
" awle... " thawk a han la hawk a,hei tsk hi ani Reeve ka ngainat nachhan ...min ti lui ve ngai lo.
" umm...Delphine hi engtik ah nge a kal theih ang le.. a tawng theih hunah phei chuan nitin leh zantin ka rawn be ziah thin ang " boruak tih zia awm nan chuan a rawn ti a, kei pawh chu ka lo nui suk a.
.
_______________________________________
.
3 years later:
.
Khami zan Reeve nen kan chhuah dun a a bialnu ni tura min sawm atang khan khatiang thu kha min sawipui leh tawh ngai lo. A hma ang chiahin ka inkawm ngeih em em a, midang chuan kan inngaizawng emaw te pawh an ti fo mahse thian tha tak mai chauh kan ni.
Reeve pawh a buai in hun awl a nei tlem sawt em em a mahse nitin Delphine rawn phone tur erawh chuan hun a insiam hram hram thin. A chang chuan karkhat dawn te kan inhmu lo fo keipawh keima tawkah ka buai ve thin hle, company pakhat ah hna chhete ka thawh ve avangin ka buai thei hle a, Delphine harh rual alo ni bawk nen ka buai thin takzet.
.
Delphine pawh kum4 a tling ve tep tawh a ka ni in nitin mai hian preschool ah a hruai thin a keimahni tawkah kan buai hlawm hle. Kan inchhungah Delphine a awm avang hian min ti hlim thei em em a, inhauh chang te awm thin mahse Delphine avang bawk hian kan insuih khawm leh thin. Ka pa pawh huan leh thlairah vel enkawl in a buai hle ka nu leh ka û a ngaih lutuk avanga a lungleng lutuk pawh kha a zia ve deuh tawh in ka hria.
.
Ka office bang chu ka chau bawk nen ka dar te hi a kham takzet.Inchhung ka luh chuan Delphine chuan min lo pan nghal vata.
" nu... vawinah api nen mall ah kan kala "
" umm... school ah thu te i awih em? "
" aw...." couch ah chuan thatchhe zetin ka thu a Delphine chu ka mal chungah a thu ran bawk.
" nu... apa hi engtik ah nge alo kal leh dawn " ka beng bulah chuan a rawn ti sa sa a, pa ti a koh tur a neih loh avangin Reeve hi apa tiin a koh mai thin.
" ka hrelo a rawn kal tep tawh ang.... bawihte lo va infiam la... api leh api te hi kan be lawk ange aw... " .
.
" ka pa, ka ni hna thil ah ka zin angai dawn a "
" anih chu mawle...Delphine hi chu hruai tel lo mai la " ka pa chuan alo ti vata
"um... hna thil anih dawn avangin ka hruai thei lo ang.... karkhat vel ka cham dawn a thawhtan mai ah hian kal angai tawh dawn a" .
" anih chuan khawi lai hmun ah nge zin tur ni reng reng a "
" New Orleans " ka tih chuan an meng phawk nghal kawk a.
Show post links
Top
Ngaia
Site Admin
Quote
Post July 2nd, 2017, 3:31 pm
Chapter-63
.
New Orleans ka sawi rik tak ah chuan ka pa hmel a danglam nghal vek engmah sawi lo in a ding thut a.
"Delphy ka lo va ngaihsak ange " tih leh Delphine lam pan chuan a kal nghal daih a, ka ni nen chuan kan han in en a kan thaw chhuak dun hak a.
" i pa hi chu heti reng hi a ni dawn anih hi....keipawh kal lo la ka ti takzet" ka ni pawh hian a phal vak lo ni in ka hria.
" Ni... engtin nge ka tih ang naktuk chauh hi hun ka nei tawh bawk si midang han tirh ringawt dawn lah in Boss in min duhsaka min thlang a ka hnial thei bawk si lo "
"New Orleans alo ni ve kher kher bawk nen ipa chuan ngaihtuah deuh che aniang bakah a him lo emai"
"ka ngaihtuah awm loh asin ....Boss, kei leh Daniel mi pathum lai kal tur kan awm a, hotel kan thlenna tur book fel sa thlap ani tawh bawk "
.
Chutia ka han tih takah chuan ka ni chu a han in ngaihtuah vung vung a .
" Umm..i pa chu ka lo bia ang " ka ni chu ka nuih suk a, a tir ah khan phal se chuan ka pa a bia anga ka ni chu tawngkam a thiam bawka ka pa a hmin leh vek mai ang chu chu ka hriat reng avangin ka him tawk zia hi hrilh vek angai ani.
" Ni... ka ring che ania "
" ka kut ah dah tawp rawh... Annie Stowe hi kan che leh tak tak ange " inchhuang tak chuan a rawn ti sap a.
" ka lawm e...Dinner ka lo va peihfel ang "tih pahin kitchen lam ka pan nghala.
.
Dinner kan kil ho lai chuan ka ni chu ka va mitmei leh zeuh thin a mahse a hrelo der tlat thung,a awmdan atang chuan ka pa nena an inbiak na a hlawhtling lo tih ka hre thei nghal.Ka pa chuan Delphine hlir chu a buaipui char char a engthil mah sawina hun pawh min pe lo, ka hmui seh neuh neuh pah chuan thil dang ka ngaihtuah neuh neuh a, ka pa tan chuan kal phal loh pawh hi a awm hliah hliah mahse tun tum hi ka hun tha neih chhun a ni a ka bawh pelh leh anih chuan promotion ka hmuh theih pawh ka inring tawh lo. ' Norah... tihdan tur ngaihtuah rawh' tiin ka inhrilh mawlh mawlh a ka rilru te pawh a hah lek lek .
.
Thleng ka sil zawh chuan room lamah ka chho hnak hnak a ka chau bawk nen khumah chuan ka bawk nghal thlawp a.
" Aaa... engtin nge Boss ka hrilh tak ang " tih bui bui pahin khuma Delphine Teddy bear chu ka tlawh thla nghal pawp a.Kan ngaihtuah a thin, han kal loh ringawt chu ka ui ve bawk si
"Anu...apa a rawn kal " Delphine chuan kawngka bul atang chuan a rawn ti dek dek a ,a inthlahrun dan ah ka mood a fuh vak lo tih a hre ve ni ngei tur ani.
"aw... anu chu a damlo a muhil tawh lo ti mai rawh " ka lo ti liam puat ringawt a mahse a kal duh hauh lo a din na ngaiah chuan a ding renga. Hei tak hi ani ka fanu ka duh em em nachhan dawt sawi a duh lo.
.
" huizz.... awle " tih pah chuan ka tho tuih tuih a,
" Bawihte lo kal teh.... "ka bulah chuan a rawn kal phei vata, a sam pheng phang chu pial takin ka tawn sak nghal mawlh mawlh bawk.
"apa hi Pa Reeve tiin i ko thei angem?" a mitmu hring kak chuan chiang zet hian min rawn melh kar a,ka lo hawisawn vat . Ka fanu takngial pawh ka melh rei ngam lo a chhan chu Raven nen danglamna an nei lo, Delphine ka hmuh hian loh theih loh in Raven ka hrechhuak leh thin. An luhlul in an khirh em em a an tih tawh loh ah chuan engthil mah an tih luih tir thei lo..
.
Lungawi loh hmel zeta min en reng avang chuan ka hrawk ka han thian kharh kharh a
" umm... ughh..I pa Reeve hian nuam a ti lo ang tih ka hlau a" ka tih chuan Delphine chu khum atang in a tho hmak,
" ka duh lo, apa hi pa Reeve ka ti dawn lo reng reng" ring zeta tih lawng lawng pah in inhnuai lamah a tlan thla nghal nal nal a.
" Delphine Cambelo....lo ding teh "tih leh um ka rual nghal,ka tum loh deuhin Cambelo tih ka sawi lang lehnghal. Diktak chuan Delphine hi naupang fing leh fel tak ani, a chang chuan Reeve nen kan awmdun loh chhan hi min zawt fo a chhan chu a thian te chu an nu leh an pa te nen an cheng ho tih a hriat ve kar vang ani.
.
Inhnuai ka thlen thlak chuan ka ni leh Reeve te chu living room ah thu in min lo en thap a, Delphine chu Reeve malchungah alo thu ran lehnghal.Delphy chu ka zuk mitmei zeuh a mahse hrethiam angin a awm duh tlat lo,he nau zet hi chu a luhlul lutuk a enkawl a har takzet .
" Engkim a tha maw? " ka ni chuan alo ti vata, za lo zet hian ka nui suk ringawt.
" Delp...lo kal teh" chutia ka tih pawh chuan ka thu a awih duh chuang lo, Reeve bulah chuan a thu tlat bawk,zanin chu ka chau bawk nen ka mood a fuh lo vel vek ka thin te hi a rim hlur mai .
.
" lo kal rawh ka tih chu " vin zet hian ka ti nghal tuarh a ,a mitmeng atangin min hlau hle tih ka hria naupang dang chu nise an tap tawh ngei ang mahse ani chu a tap ve duh hauh lo.
" Norah... ngatinge? Enge awmzia?"ka ni chuan a rawn ti vata .
" Kan duat lutuk a awmdan a thiam dawn lo chuvang chuan vin deuh thah angai " ka thin a rim em avang chuan ka hmai te hi a sa vek tawh in ka hria.
"Norah duhtawk rawh " ka ni chuan min lo khap nghat vat
" kha... in lo tan tlat vang hi alawm a luhlul em em nachhan... Delphine lo kal teh "tih pahin ka kut chu ka dawh a, hreh tak chungin ka bulah chuan a rawn kal hna hna a.
.
" Ngatinge thu i awih duh loh Ngatinge thinrim hun hi i nghah kher thin " ka ti nghal hluk hluk a,kut em chu ka thlak lo.
"Norah inbe lawk ang "tih pahin Reeve chu pawnah a chhuak nghal hmak .Hetianga Reeve a awm takah chuan ka inthiam lo leh lek lek. Ka ni chu ka zuk melh zeuh a, Reeve chu zui turin min rawn mitmei nghal zeuh bawk.
" Ka rawn let leh hunah lo muhil tawh ang che " Delphy chu ka ni bulah a tlan phei nghal a, ka vin vak ngai lo bawka hetiang em em hian min la hlau ngai lo,ka kawrlum lak pahin pawn ah ka chhuak ve nghala.
.
Reeve chuan step bulah min lo nghak ran a,ka chhuak tih a hriat veleh kawpui lam panin a kal nghala keipawh in ka zui ve vat bawk.
" umm... kan kal kual mai mai dawn ami? " tih sup pahin za lo zet hian min rawn nuih suk a.
" awle " kan pahnih chuan kawng sirah muang changin kan kal dun chhat chhat a, thli thaw heuh heuh te chuan ka thinrim lutuk leh ka chau lutuk te kha a ti zia awm deuh in ka hria .
Reeve chuan a kawrchung fual lian tak chu phelh in min rawn khuh vata.
" vawin chu i thawk rim deuh ani maw "ka ngawi renga.
" kha i chalah a inziak vek alawm" a tih chuan ka nui suk a.
.
Hepa hi chuan min hrechiang ve ngawt mai,ka chauh deuh chang leh ka mood a fuh vak loh pawh hian min tih nuih dan a hre zel chu ania hei vang hi aniang ka ngainat em em.
"kha heihi la rawh " lungte hi min rawn pe a mak tih hmel zet hian ka lo en ha a.
" Dil ah sawn a na thei ang berin vawm tum rawh " kan hma a dil lian vak lo chu a melh zeuh a.
" Ngatinge maw!! " nuih vur vur pah chuan ka lo ti ve bawk a.
" umm... Norah, Delphine chunga thinrim lo in ka chungah emaw hetiang hian i thinrim na chu hri thla thin zawk rawh " tih pahin lungte chu dil ah chuan a vawm lut zeuh a.
.
"ih... nichin khan ka lo hria a, Delphine in pa tia min koh chungchang vel kha... "
"Reeve ka fanu nen kan inkar ah hi chuan rawn inrawlh tum suh " lung chu dil ah chuan ka vawm lut ve nghala.
"umm... ka tihpalh, ka lo kal thui mah mah thin "
" nilo... chu chu ka sawi tum ani lo" Reeve mit ah tak chuan ka en kar a.
" hriatthiam tum rawh...nangchu tlangval fel tak i ni a ngaizawng tu che pawh an tam mahse Delphine pa ang maia i awm te chuan hmeichhe dangin min thik mai dawn asin, kei leh ka fanu hian kan tibuai nasa lutuk tawh che Reeve,kan nufa hi chuan min rawn ngaihtuah suh nangmah chauh in ngaihtuah zawk rawh " lung chu ka han vawm nawn leh sâka,
.
Ka inrin loh lai takin Reeve chuan a lamah min rawn pawt hnai ta thut mai!! ka kawngah min kuah bet tlat bawk mak tih hmel takin phawk fe hian ka lo melh nghal kawk a .Chu aia mak zawk chu ka thinphu rang ta lutuk hi ani. Reeve bulah hetiang hian ka la awm ngai lo, Reven bula ka awm apianga ka thinphu dut dut thin ang mai khan tunah hian ka awm anih chu!! nilo... 'Hetiang hian ka awm tur ani lo' tiin ka inhrilh mawlh mawlh a mahse ka che thei der lo.
" Norah...in nufa hian ngaihthah tur che in min hrilh tawh suh "
" mahse... "ka lo ti sap a, Reeve chu a inla hrang nghal vat.
"keipawh hian ka tum nasa asin... i hriat angin hmeichhe dang pawh ka date fo mahse hmangaih dang i nei tih ka hriat reng chung pawh hian ka kalsan thei lo che " ka awmdan a dik ta der lo, nidang chu nise ka thin a rim ngei ang mahse hetiang thu Reeve an min hrilh hian ka hlim tlat anih chu. Reeve hi ka duh ve tihna em ni? Norah harh rawh Delphine leh i hna bak ngaihtuah suh.
Reeve chu chhang lo in ka en renga ani pawh ka awmdan avang chuan a hrilh a hai hle tih ka hre thei.
.
" um... Delphy in min lo ngai tawh ang " tih pahin ka in her vut a .
"Ka... ka kal mai ang... ughh hei a tlai tawh emai " ka dang te chu a awk vek tawh.
"ka lo thlah ang che "
" a ngai lo ...mangtha le " ka kal nghal sawk sawk a, ka tlan ti tih bawk. Thui fe ka kal hnu chuan hnunglam ka hawi let thut a ka phu chiang kher mai Reeve an min lo la zui reng anih chu!!
Ka awmdan a lai vel vek tawh, a aia chak chuan ka kal leh nghal hlawk hlawk a, In ka thlen chuan ka thaw huai thei,inchhung ka luh chuan ka ni alo la menga engmah sawi lo in inchung ah ka tlan chho nghal hmak a.
.
Delphine room ah ka lut vata a lo mu tui tawh hle. Ka fanu muhil sek sek lai chu ka en renga ka lungawi hliah hliah. Ka lo vin avang pawh khan ka inchhir leh hnuhnawh, naupang pawisawi lo leh mi te neih ang awt rual ala ni a eng vanga Reeve kha pa tia koh phal lo tlat nge maw ka nih le?. A mit hmul sei tak leh a hmui sen siah te chu ka thlir renga, ti harh lo thei ang ber turin a biang chu ka zuk chul sak them them a.
" bawihte... " ka khi suk a.
"ka vin che avang khan ka inchhir takzet mahse tunah hian i nu hi ka hlim takzet, i lo pian ni a ka hlim tluk zet khan ka hlim asin " ka hnuk a ulh tlat pek a,
" muttui le... " rang takin ka roomah ka tlan lut nghala.
.
________________________________________
*Sunday *
.
Nidang ang bawkin kan chhungkua in biakin lam panin kan inzui leh hnak hnak hlawm a, biakin ah Reeve hmuh ngei pawh ka in beisei.Tum dang anglo takin ka thawmhnaw hak tur pawh ka uluk in ka buai ve hle Reeve hmuh ka inrin vang pawh ani mahna. Ka awmdan avang chuan ka ni mak tih pawh ka hlawh hle ,ka phur lutuk chu ka che sek nimai te hian ka in hria. Biakin chhungah pawh chuan Reeve rawn kal hun nghakin ka hawikual sek a, ka awmdan hi ka inhrethiam tawh bik lo.
.
Inkhawm ban ah pawh Reeve hmel reng reng hmuh tur a awm lo chuan min ti thinrim lek lek . Ka ni leh ka pa in midang an biak hlanin Delphine nen chuan kawngka bulah kan lo ding ran a Reeve awm leh awm loh ka enkual reng bawk. A ruk tak chuan ka beidawng lek lek tawh, Delphine chu ka zuk melh zeuh a ka awmdan vel chu a lo thlir kar lehnghal.
" Norah... "
Chutia kan din reng lai chuan ka hnung lam atangin tu emaw hian min rawn ko ta!! Reeve ani tih ka hriat chuan nui ver ver pahin ka hawi vata mahse ka nui rei lo kher mai ,Reeve chauh nilo in hmeichhe dang pawh an awm tel ve,a bialnu ani ngei ang .
.
" oh... hi , Naom Morris ka nia Naom tiin min ko dawn nia " chu nu chuan alo ti vata.
"Norah ka nia"
" Reeve... heihi mi Delphine chu " tih pahin Delphy chu a pawm nghala,a ruk tak chuan a pawm hi ka phal lo takzet mahse ka nuih liam ta vel mai mai zawka.
" Reeve hian Delphine chungchang hi a sawi nasa thei lutuk asin.... "Delphine lah chuan duhlo chu sawi loh kei ai pawhin a nel emaw tih mai tur hian a awm lehnghal.
" Norah... khawiah nge ka ni leh ka pa "
"umm... midang an be kawi lawk anih kha " .
.
Ka awm a nuam thei tawh lo, engkim mai chu ka tui lo vel vek. Naom lah chu a awmdan apiangin ka mit a ti kham vek tawh.
"um...Reeve kan kal mai ang,bawihte lo kal rawh " tih pahin Naom in Delphine a pawm lai chu ka chhuhsak hmak a, ka awmdan chu mak tih hmel takin min en ha bawk.
" Ka pa leh ka ni te pawh an la hman nang " Reeve chuan alo ti vata.
" ugh... ka hmanhmawh deuh a "
" anih chuan haw rual ang "
" aih.. angai lo Naom i kalsan daih ten a tha nang "
Show post links
Top
Ngaia
Site Admin
Quote
Post July 2nd, 2017, 3:32 pm
Chapter-64.
www.storyfb.com mizo story thar nitin dah ziah a ni e
Hmanhmawh zetin Delphine pawm chung chuan ka kal nghal hlawk hlawk a, ka rin ang ngeiin Reeve an min rawn umzui lo. Taxi ah lut in in lam panin kan tlan haw nghal, diktak chuan Naom kha ka thik takzet a hmeltha in Reeve nen pawh khan an inhmeh takzet . Ngatinge maw kei fa nei tawh lehnghal hi Reeve an min duh ve turah ka lo ngaih reng reng le.Mimawl tak ka ni ,ka fanu chiah ngaihtuah tur ka nih laiin ngatinge maw ka rilru ti na turin thil dang ka lo ngaihtuah leh thin .
" Bawihte ka hmangaih che " Delphine chal ah chuan ka fawp zeuh a ka fanu hi chuan min kalsan ve dawn lo tih ka hria ,ka nui lui nghal suk bawk .
.
Nilengin ka awm a nuam thei lo, thinrim lo mah ila ka ngawichawi in keimah inthiam loh na leh insit na hlirin ka khat a, a hrehawm takzet.A chang leh nizan khan Reeve hi ka duh thu ka lo hrilh mai lo a tih te in ka ngaihtuah thul ,ka â thei tak ngial dawn. Naktuk ka zin tur lah ka cancel angaih dawn thu Boss hrilh angai bawk si engkim hi a kal dik lo vel vek.Tunah Boss ka be ngam mai bawk si lo, ka nun hi chu a hahthlak vel vek engah mah hian ka hlawhthling ve ngai dawn lo anih hi.
.
Dinner kan ei lai chuan thil dang daih ngaihtuah in ka melh ngai chu ka melh vung vung a.
" anu... " Delphine in min rawn koh chuan ka lo phu zuk a.
" tui ka duh "
" awle " tui chu a no ah ka thlit saka, ka khabe dawm pahin ka awmdan ngai bawk chuan ka awm leh nghal.
"Norah... engthil nge thleng? " ka ni chuan ngaihthat loh hmel zet hian a rawn ti a.
" umm.... zanin chu ka ril a tam lo " ka tho thut a living room lamah ka phei nghal daih bawk.
.
Rei pawh ka thut hma in ka pa chu ka bulah chuan a rawn thu a.
"a chang hi chuan I nun ah hian ka lo inrawlh nasa mah mah thin "
" maw! " ka pa thusawi avang chuan ka pa chu ka melh nghal kawk a.
" umm...i hlimna daltu nimai hian ka inhre thin "
" ka pa... chutiang chuan engmah a thleng lo "
"naktuk a i zin tur pawh keimah vangin i thulh ani lawm ni.... mawl lutuk fa lai i nei tawh a i hlawhtlinna tur anih phawt chuan ka thu zawm kher ngai lo in ti tlang ve mai mai ta che.... bawihte i hlim hi ka duh ber asin " Ka pa chu inthiam loh hmel takin a kun lap a.
.
" Pa... " ka pa darah chuan ka bei thlawp a.
" Bawihte ka hmangaih che.... chuan i hlim na anih phawt chuan tihsak zel che hi ka duh asin"
" ka lawm e...pa ka hmangaih che "
" E... taka naktuk i zin dawn si a i la insiam miah lo ania "
" pa... " ka pa chuan ka dar chu a rawn beng thek thek a.
"ka ti hnual leh tawh lo ang che tih ka tiam a che "
" ka hria alawm...Delphine pawh a kham tawh ang va buaipui tawh rawh "
" awle" phur takin kitchen lamah ka phei lehnghala. Diktak chuan tuna ka awm a nawm loh em em nachhan chu ka zin theih loh vang ni lo in Reeve leh Naom vang zawk ani mahse a tha tho e ka pa in zin a phal phah a .
.
Delphine ka mut tir zawh chuan ka room lamah ka phei leh hnak hnak a, sana ka en chuan dar11 alo ri der tawh. Zanin chu Delphine in kar khat chhung ka zin bo dawn tih a hre bawka ka bulah a awm deuh chawt ani ber mai.Karkhat chhung chauh mah nise ka fanu hi ka ngai dawn hle tih ka hre lawk chuvang chuan ka phur rual rual in ka hreh tel bawk theih nise hruai tel ka chak takzet.Ka thawmhnaw suitcase a thleh luh pah chuan Reeve room lam chu ka va melh leh zeuh thin a, parda dum bak hmuh tur a awm lo. Hepa hi enge maw a hriat le? bialnu thar a nei a rawn leng pawh a tum tawh lo. Lungawi lo deuh chung chuan ka mamawh vel chu ka khung mawlh mawlh a.
.
"Ka be tawh bik miah lo ang " tih bui bui pahin ka phone chu ka han en a, Reeve message pakhat alo awm anih chu!!! ka thusawi ka sut leh rang kher mai, nuih ver ver pahin message chu ka han open vata.
*"In hnung lamah rawn chhuak lawk rawh"* tih te mai hi alo ni a.
" Teuh lo, a duh duh hunah min ko chhuak bik tur ani lo " tih bui bui pahin
*" zan a rei tawh emai"* tih chauh in ka va reply leh ngat a min rawn chhan let dan tur ka hre chak tawh takzet.
.
Khum a mut mai mai pahin min rawn reply hun tur chu ka lo nghak ran a phone chu a khat tawkin ka hmet eng leh zeuh thin bawk mahse min rawn reply a hnek in a reh vung vung mai bawk si, dar 1 a rik pawh chuan ka phone chu a reh tlawk tlawk mai .
" Hepa hi a â tawh takzet anih hi " ka room ah chuan ka vei tawn sek a, koh chhuah mai mai theih nih ka duh bik bawk si lo... Huizz a buaithlak teh e...
.
" Hepa hi a châk dawn lo " phun sup pahin ka in ha lum sawk sawk a, thawm dim thei ang berin inhnuai lamah ka chhuk thla them them a, ka chhungte ka tih harh ka hlau takzet .Light kan off vek tawh avangin ka duh ang pawhin ka kal chak thei lo , muang changin a chak thei ang berin inhnung lam kawngka chu ka hawng them them a ka thawm a ring riau hian ka hre tlat pek a. Pawn ka chhuah meuh chuan ka thaw huai thei, thawm dim thei ang berin kawngka chu ka han khar leh zal zal a, engvanga nutling fa pawh nei tawh hi a rukin zan lai ah ka chhuah kher angaih le?
.
Thinrim ru teuh chungin Reeve an min koh na lamah chuan ka kal phei hlawk hlawk a, ka tum dan chuan ka va hmu lawk anga ka let leh vat ang.Reeve an min koh na hmun ka thlen chuan light dim zet hi a rawn eng ta phut mai, ka ding nghal chawt a Reeve chu ka hma lawkah a lo ding reng tawh chu niin.
" Reeve naktuk ah ka zin dawn a mut vat ka duh ania... i sawi tum chu sawi vat vat rawh " ka lo ti nghal zung zung a, min rawn nuih suk ringawt.
Reeve chu ka bulah rawn kal hnai in a ipte atang chuan zungbun bawm hi a rawn phawrh chhuaka, ka mak ti lutuk chu ka hmui hup chung in ka meng phawk nghal kawk a.
.
Nilo, Norah... Naom ta tur ani ngei ang mak tih hmel takin awm suh, pangngai takin awm tum hram hram rawh tiin ka inhrilh nghal mawlh mawlh tak na in ka kut cmte chu a khur nghal vek, pangngai taka awm tum chuan ka kawr chu siam that pah in ka hrawk chu ka han thian kharh kharh a.
" A mawi hle mai... Naom chu a lawm viau ang "
" Engmaw!! "
" umm... Naom mawle, i zep rei lutuk a min in hmelhriat tir har ropui si " ka tih chuan Reeve chu a nui chhuak hak a.
" Norah... hahhh... thil hriat sual i nei niin a lang " tih pahin ka hma ah tak chuan a rawn thing thi a.
.
" Enge maw i tih le ?"
"Norah... he zungbun hi Naom ta tur nilo in nangma tana ka lei anih hi " mak tih hmel takin ka en ha a, ka awih thei lo Reeve hian min propose tih na em ni? ka vawikhat tawnna ani bawka ka zam takzet, ka lawm bawk nen ka mittui chu a rawn tling nghal pam a.
" Reeve... "
" umm... ughh, min duh ve em tih chu ka chiang chiah bik lo mahse ka nupui hual ni la ka duh ani " ka mittui chu a rawn far fap a, Raven reng ka hre chang tawh lo.
"mahse Naom kha " tap aw deuh tuau chuan ka ti a.
" hahh... Naom te chu kan senior Lawyer anih kha ,ka thawhpui "
.
" Ngatinge chu chu a hma in min hrilh loh "
" hun min siamsak hleinem "
" mawl lutuk" ka ti sup a.
"Norah... " a hma ai in a han inla thutak leh deuh a.
" Nang leh Delphine hi ka ta , ka mawhphurhna ni ula ka duh ani... umm...ka nupui hual i ni duh angem?" a zam ve hle aniang aw te chu a khur der der.
" ughh... min hnawl anih pawh in a pawilo.. ughh ka tih awmzia chu ka hrethiam em em ang che a chhan chu hmangaih dang i nei tlat alawm" ka ngawih reng avang chuan a rawn ti leh a.
.
" Engtik laiin ka ka duh lo ka tih? "
ka chhan dan avang chuan mak tiin min rawn en nghal kawk a.
"umm... i nupui hual nih chu ka duh "
" oh!! Lalpa leh "din pahin ka kut chu a rawn la a,Reeve pawh a lawm hle aniang a mittui a tling ve pam nia.
"tun atang chuan hlim takin ka siam tawh ang che chu " zungbun min buntir zawh chuan a vawikhat nan min rawn fawp vang vang a ,tun tum hi Raven nen kan inthen hnu atangin Delphine pianni tih lo ah chuan ka hlim ber tum ani ngei ang
New Orleans
.
#1week later#
.
Boss in min koh avangin hmanhmawh takin ka inbual zo chiah chu Boss room lam pan in ka kal nghal hlawk hlawk a, ka sam te chu ala huh in ala thur bam a ka hmanhmawh em avangin ka duh ang pawh in ka hruhul hman lo.
" Boss enge nita? " Room chhungah chuan ka lut vata, Daniel pawh alo awm der tawh.
" Norah... hetah lo thu teh " Boss chuan alo ti bawk. An awmdan atang chuan thil diklo a awm tih ka hre nghal. Daniel bulah zuk thu ve nghal in ka hlauthawng ru kher mai,ka kut chu ka sik niap niap a ,ka hna thawh danah Boss a lawm lo ani ngei ang ?.
Boss chuan file pakhat kan buaipui fel vek tawh kha dawhkan ah chuan a rawn dah a, a chal dawm pah in thawk a han la hak a .
.
" Norah... ih englo ania " File chu a han keu a.
" Kan project buaipui ah hian product fel tawk lo a awm avangin naktuk zing flight cancel mai a ngaih hmel "
" maw!! " Ani thei lo,karkhat chhung rim taka kan thawh tawh hnu in thil fel loh vangin ka la haw thei dawn lo amaw!!
" umm... a lo berah kar khat kan cham belh angaih hmel, ughh ka hrethiam lutuk che u in hah in in chhungte pawh in ngai in haw in chak tawh tih ka hria mahse kan kal chhan ber kan project hi zo fel lo in kan hawsan thei bawk si lo "
" a pawi lo... hna a pawimah ber alawm " ka lo ti vata, a ruk chuan ka thinrim ru hle.
.
" Zanin leh naktuk chu hahchawl nan hmang phawt ila monday atangin tha thar in kan tan leh dawn nia..."
" awle Boss.... "
" in kal thei tawh ang chuan in duh chuan khawpui hi in fang kual thei bawk ania... hna chauh buaipui lo in naktuk na na na chu hlim takin in hmang ve ang chu " tih pahin a nui suk a, za lo zet hian ka lo nuih leh ve nghal a ruk tak chuan he putar tawhkhirh lutuk hi ka kham takzet, kan thawhpui te zawng zawng pawh in a hnuai a thawh hi a hreh vek mahse keichu thawk thar ka nih vang pawh ani mahna Director in Pu Albert a hnuaiah min dah chat mai.
.
" ka lawm e " tih pahin Daniel nen room atang chuan kan chhuak hna hna a inbiak pawh kan tum lo kan mood a fuhlo vel vek tawh. Daniel pawh monday hi a bialnu birthday anih avangin chawlh lak a zin a tum tehreng nen engkim a buai zo vel vek.
" Hreptak chuan engkim kha kan enfiah vek asin le "
" Daniel.... Boss te chu i hriat kha a tha ber zel alawm a duh "
" nilo Norah... a ti mah mah tawh ani, karkhat chhung buai em em in mut pawh mu tha hman lo khawp in kan thawk rim a engkim kha a tha ber zel in asin kan tih "
"umm...in bengdai rawh, hahchawl la engkim a tha leh vek mai ang "
.
"hepa hnuai ah hi chuan ka thawk thei tawh thlawt lo, ka ruahman na te pawh a flop zo vek tawh " tih pahin a inher vut a.
" Ughh... hey Dan... khawiah nge i kal dawn ?"
"engmah hre lo khawp in ka in in rui dawn mawle, min rawn zui ve duh em ?"
" ai... ah... Delphine in min lo nghak reng tawh ang "
" ok... "
" fimkhur la " Ka room chhunga ka luh rual rual chuan khumah ka bawk nghal thlawp a,nidanga ka tih thin dan ang bawk in ka chhungte ka call nghal bawk
.
" Hello"
" Bawihte.... ka ngai lutuk che"
"chocolate pancake min lo hawn rawh aw "
" awle.. api emaw apu kha phone i pe lawk thei angem? "
Ka haw theih dawn loh chungchang leh, haw ka chak thu te Delphine ka ngaih thu te ka sawi luam hnu chuan phone ka dah ve thei hram. Diktak chuan Delphine ka ngai tawh takzet, hunawl ka neih chang apiang in ka call ziah thin a a chang phei chuan ka be ngun leh lutuk hi min be tha duh ngai lo, he nau tak hi chu aw ngaih nak alaiin min be tha duh lo lehnghal tiin ka phun leh bul bul thin . Reeve nen pawh kan inbe zeuh zeuh a mahse ani pawh a buai ve tho avang in duh angin ka inbe hman ngai lo.
.
Chutia thil ngaihtuah mai mai paha ka lo mu mai mai lai chuan ka room kawngka a rawn ti karh karh mai, Boss anih ringin ka tho vata
" ninawm... " tih sup pahin ka insiam tha mawlh mawlh a, Boss te lakah chuan mark tih that angai tih ka hre ve kar...
"ugh... " Kawngka ka hawng chiah chu ka meng phawk nghal kawk .
" Reeve.... " ka ti nghal thawt bawk.
"I lo dam tha maw?" tih pahin ka biangah a rawn fawp zeuh a.
" eng... engtin nge hetah ka awm tih i hriat?"
" lut turin min sawm phawt dawn lo em ni "
" oh!! ka tihpalh lo lut rawh "
.
Reeve chu khumah thu in room chu a han melh kual vela.
"Chuan... engtin nge ka hotel awmna te, ka room number te hi i hriat theih " in kuangkuah pahin a hma ah chuan ka ding ran a.
" a harsa hleinem... Daniel a awm alawm "
" maw!! "
" tak tak a... New Orleans ah hian min transfer a chuan i awmna chu Daniel ka zawt a "
" Maw!! transfer a!! "
" aw... "
"ah... anih chu a tha alawm " a ruk tak chuan ka lawm chiah lo
.
" Naktuk atangin hna ka tan leh tawh dawn a zanin chiah dinner kan ei dun thei angem? "
" zanin chiah maw!! "
" ka tih awmzia chu zan dangah pawh hun i neih apiangin"
" umm... tehreng mai, dinner... um a tha alawm "
" anih chuan insiam la Lobby ah ka lo nghak ang che "
" awle... ka rei lo ang " ka hmui a rawn fawh zeuh pahin room atang chuan a chhuak nghala.
.
Chapter-65
.
Reeve a chhuak chiah tih chuan ka suitcase ka thleh fel sa vek tawh chu hmanhmawh takin ka hai nghal sawk sawk a.
" awi.... hetiang ani dawn tih lo hre lawk ila thawmhnaw mawi hnai deuh te ka lo keng tur " Ka kawr fual dum chawn chen vel chu la chhuak in ka ha nghal sawk sawk a ka kawr rem turin clutch dum ka thlang chat bawk ,ka sam chu fel fai taka tawn tawm a ka hmui chu sen takin ka hnawih tai tak bawk .
Ka pheikhawk sen sang lutuk lo chu ka inthawlh vat a, ka taksa tilum turin coat fual ka ha tel a tihian ka hman nghal der.
*
*
" zanin chu i chhelo takzet "
" ka lawm e... " tih pahin tui chu ka han lem khalh a,
" umm... Norah englo ania thil sawipui tur che ka nei a " Chutia Reeve an thutak deuh taka a rawn tih avang chuan ka hlauthawng ru hle.
" Enge.... "
" ughh... inneih chungchang hi " ka thaw huai mai.
" chuan... "
" ka hmanhmawh viau i ti maithei a mahse a rang lama inneih vat hi ka duh ani" sawi mai tur pawh ka hrelo kar khat vel chauh kan inhual tawh a duh ai chuan inneih chungchang kan sawi hma mah mah in ka hria .
.
Kan eitur order pawh rei lo te ah a rawn thleng nghal vat a Reeve lah chuan ka chhan hun nghakin min en ran mai bawk si.
" ih... Reeve..... " thawk ka han la kawk a.
" ka... ihh... ka duh... "
#"engkim ka lo buaipui fel vek mai ang "# ... chu aw chu ...Lalpa leh!! Raven aw ngei ani, ka tawng chhunzawm thei tawh lo,a reh nghal duk nimai hian ka hria ka thinphu pawh a rang nghal kher mai.Ka awm chu ka han dawm vang vang a,ka awm hle hle thei tawh lo .
.
" Norah... " Reeve chuan mak tih hmel takin min rawn en ha a
" i tha maw? "
" aw... aw ka... ka tha " tih pahin tui no khat chu ka han lem khawlh khawlh a .
" ka tha e... "thawk ka han la leh kawk kawk phawt a,
" i dâng vek alawm... i tha tak tak maw... "
" aw... ka tha ka tih chu "wine glass chu ka han dawm a mahse ka kut a khur nasat em avangin chhuatah ka thlauh keh ta chuai mai!! midang ho chuan min rawn en nghal thap a, ka kawr leh ka pheikhawk velah wine a baw nasa hle bawk.
.
Waiter pakhat hi a rawn tlan nghal vata min rawn buaipui vat bawk. Reeve chuan ka kawr a wine kai chu min hruk fai sak nghal mawlh mawlh a.
" Reeve keiman ka ti ve thei "
"umm... i kawr a bal vek alawm mahse i chhelo tho" ka zak lutuk tur leh boruak rit lutuk tih zia awm nan ka beng bulah chuan a rawn ti sap a,ka lo nui ver ver a ,ni e ka zak lutuk pawh kha a zia awm phah deuh in ka hria .Chutia kan buai mawlh mawlh lai chuan ka han hawi chhuak a, ka thil hmuh avang chuan ka kun leh rang kher mai!! chet nachang pawh ka hre tawh lo.
" Raven... " ka hriat tawk lek chuan ka han ti sap a.
.
Lalpa leh engthil nge thleng ta hi kan awmna table atanga hla vak lo ah Raven a awm anih chu !! A sir zawng chauhin hmuh mah ila ka hai thei lo hrim hrim, min rawn hmuh ka hlauh em avangin ka kawr chu ka han hrufai sawk sawk a.
" Reeve kal ang "
" mahse engmah kan la ei si lova" kan thawm a ring em avangin Raven chu a rawn hawi phei ta!! Kan in melh ta ran mai, rang zetin ka kun nghal vata mahse a tlai tawh lutuk. Min rawn hmu chiah chu a ding nghal zawt a ani pawh in mak a ti ve hle aniang phawk ve hian a meng nghal kawk bawk.
.
Min rawn hmuh takah chuan thil pakhat ka rilru ah a rawn lang nghal, Buaina a thleng dawn!!
Raven chu kan lam pan in a rawn kal ta mai ,Reeve nen an in hmuh vaih chuan buaina nasa zawk a thleng dawn tih a chiang reng.
" Washroom ah ka kal a ngai " tih leh rang taka thawh ka ruala.
"kal lo hruai ang che "
" nilo... " engmah ka sawi chhunzawm hman tawh lo,hmanhmawh lutuk in washroom lam panin ka tlan nghal hlawk hlawk a, ka awmdan avang chuan midang mak tih pawh ka hlawh hle then khat phei chuan mi â emaw min ti hial ang.
.
Washroom a ka lut tur chiah chu tu emaw tha chak zet hian bang ah min nawr bet nghal pawp a,tudang nilo in Raven ngei ani. Ka ban ah min man bet tlata han tal ve teh mah ila awmzia a awmlo, kum tamtak hnu ah Raven an min khawih leh!! ka awmdan a danglam loh hram ka beisei
" Norah... min en rawh " a aw ringawt pawh ka lo luangliam em em thin na kha tunah pawh hian min ti luangliam leh dawn ta chu anih hi.
" Raven... min thlah rawh " hnuailam chu ka melh tlata.
"min en rawh ka tih chu " tih pahin min kuai dak nghal pawp a, ka mit ah tak min rawn en kawk bawk,a mitmeng thil ti thei tak ,a hmel a engkim mai chu a that ngai in ala tha reng anih hi nilo...a hma aiin a hmeltha fe zawk .
.
Engmah sawi lo in Raven chuan restaurant hnunglam atang chuan min kai chhuak nghal dawr dawr a, hna thawk ho chuan mak tih hmel takin min lo en ha hlawm a.
"Raven... khawiah nge min hruai dawn? "
" ka hruai haw dawn che mawle " tih pahin car ah min nam lut nghal rawk rawk a, ani pawh a rawn lut vat. Tlan chhuah tum mah ila kawngka a lock tlat avangin engmah ka ti thei lo.
" seat belt kha hreng rawh chu ti lo chu i in sawh na ani mai "
" teuh lo "
" ok.. a tha e " chak zetin an tlan chhuak chiah mai chu seat belt ka hren zawh lai pawh ka hre hman lo.
.
" Raven car ti ding rawh " hria ang pawhin a awm lo a tlan chak em avang chuan ka in vuan bet tai a,Hepa hi ala danglam thlawt lo,ding turin ti mah ila awmzia a awm dawn lo tih chu kei tluka hrechiang an awm lo ang chuvang chuan ngawi reng hian chuang mai mai ila ka hlawk zawk.Diktak chuan Secret palace a kal leh hi ka hreh takzet Raven nen a kan lo awmna thin anih vang leh ka tun hma nun hriat chhuah leh ka duh loh vang ani.Ka phone chu ka melh leh zeuh thin a Reeve lah in min rawn call tluk tluk mai bawk si mahse ka pickup ngam lo a chhan chu Raven hian Reeve hi hria se chuan Reeve an a tuar ngei ang chu chu ka thlentir dawn lo hrim hrim.
.
Rei tak ngawi renga kan chuan dun hnu chuan Secret palace kan thleng ta. Ka phone chu a rawn vibrate leh chur chur tawh, ka hlauthawng bawk nen ka phone vibrate ri a hriat loh nan chuan ka hup bet tang tang a, ka thlan tui in min bual huh vek tawh. Ni e, hetianga ka awm chhan hi Raven ka hlauh vang nilo in Reeve a tan ka hlauthawng vang zawk ani a chhan chu ka û that tu leh mi nunrawng Raven kha a ni tlat.
" i chhuk dawn nge tih lui kher i ngai dawn " a tih chuan ka lo phu zuk lehnghal.
" Raven... ngatinge hetiang hian i awm? "
"hahh.... hetianga ka awm chhan hi min zawt amaw? " ka ngawi renga.
.
" Norah.... kum li leh tih hnu ah kan inhmu leh a chuti chung chuan hetiang a ka awm chhan hi min zawt amaw!! "
car steering chu a chum chawrh a, engvanga thinrim leh ringawt nge maw anih le? Engthil mah tih sual ka nei tawp si lo.
" khawngaih in min hruai let leh rawh "chutia ka tih avang chuan min rawn en nghal haw a. Ngawi rengin car atang chuan a chhuk hmak, ka awmna lampang kawngkhar chu rawn hawng in car atang chuan min pawt chhuak nghal dawr dawr a.
.
" min thlah rawh... a na ania " inchhung ah min pawt lut dawr dawr a, a chak si a ka hneh ngang lo ani min pawh kawi na apianga kal mai loh chu tih theih dang ka nei lo,inchungah min pawt chho dawr dawr a,room chhung kan lut chiah chu ka lung a leng takzet, engmah danglam ala awmlo.
" Raven... hetianga min tih luih hian engmah a danglam phah dawn lo" ka ti nghal tuarh a, chu chu Raven an a ngai thei leh ta der lo bang ah min nam bet nghal chawrh a,ka kawr nghawng ah chuan a tham bet tlat bawk.Ka mit ah tak min en ran a, thinrim na leh rilru nat na hlirin a khat ani ber.
.
" Norah... mi â ang mai in ka zawng che asin " Raven rilru na leh beidawng lutuk hmel chu ka hmuhmaih hauh lo chu chuan min ti na takzet bawk.
" khang hun chhung zawng khan vawikhat pawh ka la beidawng ngai lo asin" engmah ka sawi thei lo, ka ding khawng reng ringawt.Khang hun rei tak chhung khan Raven an min lo zawng reng amaw!!!
" ka... ka ngai lutuk che hi ka thi mai dawn in ka inhre thin asin." tih pahin ka hmuiah chuan a rawn fawp vawng vawng a, lo tang tur pawhin chakna ka nei tawh lo, tun ah tak hian vanram a leng del del ang mai hian ka inhria. Diktak chuan Raven an min ngaih let hian ka ngai daih zawk asin, mahse thil a danglam nasa tawh lutuk.
Ka phone a rawn vibrate leh takah chuan mumang ram atanga harh chhuak hlawl ang mai hian ka meng nghal kâwk a,Raven chu ka nam sawn nghal dawrh bawk,Reeve ani tih ka hre nghal ava hun lo thin tak em ,Raven an a hrechhuak ngei dawn anih hi.
" Hrep tak chuan " ka hlauh ang ngeiin Raven chuan phone chu min rawn chhuhsak nghal pawp a.
" Raven... phone kha min pe rawh "
" tunge Reeve?" ha seh chilh ran chungin zawi sap hian a rawn ti a.
"vawikhat chiah ka sawi leh ang phone kha min pe rawh " a ruk chuan ka hlauthawng lutuk hi ka thinphu dawt dawt ri a hriat theih hial ang mahse hlauthawng anga lan ka duh bik lo.
.
Ka rin loh lutuk in Raven chuan duat takin ka hmai chu a rawn chul a,mahse lehlam ka lo hawi hmak .
" Tunge Reeve hi? " zaidam tak hian a rawn ti a,mahse Reeve chungchang hi engmah ka sawi thei lo nilo, ka sawi tur anilo,amah en kar chung chuan ka ngawi renga tawng chhuah hrim hrim ka tum hauh lo .
"Tunge Reeve hi?" ka ban ah chuan na tak hian a rawn hmer vaka,a kut chu phelh tumin ka lo tang ve nghal thah bawk .
"Tunge Reeve ka tih chu ?" tih tuarh pahin phone chu chhuatah a paih keh nghal pawp a,keipawh ka lo te ve nghal tuarh bawk .
.
A kut pahnih chuan ka hmai chu a rawn khawih a, Raven awmdan hi a mak takzet a â vek nimai hian ka hria .
" Ngatinge thil hi a harsa zawnga i tih tlat thin "
Raven thinphu ri, a thaw lum ham ham te chu ka hre thei chu chuan ka ngaih zia leh ka duh zia min hriat nawn tir nimai hian ka hria, ka hnuk chu a ulh tlat peka mahse tap lo turin ka inseh ruh tlat thung
"Raven duh tawk rawh " ka tih chuan a inla hrang nghal vat,a hmel awmdan atang chuan a thinrim lutuk insum ve hram hram ani tih ka hai hauh lo .
" awle... " tih pahin a ban chu a han phar kual vela.
.
"awle... ka duh tawk ang mahse ka lak atang hian i kalbo tawh lo ang " tih pahin room atang chuan a chhuak nghal daih a, kawngka chu pawn lam atangin a kalh nghal hmak bawk.
" Raven... kawng ka hawng rawh " tih pahin kawngka chu ka han beng dawt dawt a mahse engmah thawm dang hriat chhun zawm tur a awm lo. Chhuat ah chuan ka thu hnawk a,ka insum rei tawh bawka khum bawh chuan ka tap chhuak nghal hawm hawm a.
.
Hetiang hian awm tur ka ni lo asin mahse khang kum tamtak chhung khan ka ngai in hmuh ka chak thin takzet asin ,ka lungngaih ni te leh ka hlim nite kha min tawmpui turin ka duh thin mahse tunah chuan thil a danglam nasa tawh lutuk .Raven nen hi chuan khuanu ruat kan nilo pawh ani mahna mahse khang a chunga ka rilru put hmang te, ka duh na te leh amah ka mamawh na te kha alo la danglam lo nasa a chhan chu ka hmangaih ber leh ka hmangaih awm chhun Raven Cambelo kha ani tlat alawm.
.
Rei tak ka tah hnu chuan, tah hian awmzia a nei lo tih keimah leh keimah ka inhrilh nghal mawlh mawlh a,mahse ka inthu nun thei thlawt lo , engkim thil thlen dan zawng zawng hi a rang leh lutuk a mahni in thunun tur pawhin chakna ka nei tawh lo .
Ngatinge Raven nen kan lo inhmuh leh kher kher le, a tel lo pawhin ka hlim hman asin. A tello a hlim te, a tello a nuih te kha a harsa thin mahse chung harsat na zawng zawng chu paltlangin ka hlim ve tan dawn chauh a mahse ka hma ah ngei a rawn in lan leh si.
.
Ka mittui te hru hul in balcony ah chuan ka han ding vang vang a, thli thaw vuk vuk te leh tuifawn ri hum hum te chuan ka lungngaih na min hriatpui ve niawm tak hian a fawn hlup hlup a, sana ka en chuan zing dar3 alo ri va tawh mahse ka mutthilh reng a chhuak lo. Khawiah mah ka chhuak thei bawk si lo, Reeve be dawn ila ka phone Raven an a paih chhe vek bawk si. Aw... ngatinge ka hlim ve theih reng reng loh, eng thil sual nge ka tih heti em em a buaina nasa hi ka tawh tak mai. Thil chi hrang hrang ka ngaihtuah a, ka harh tulh tulh emaw tih mai tur ani.
.
Chutia balcony a ka ding vang vang lai chuan kawngka rawn in hawng ri rak ka hriat chuan inchhungah ka tlan lut nghal vata.Inthiam loh hmel tak hian Raven chu a rawn lut chhat chhat a, drawer chu hawng in kum tamtak liam ta a ka thawmhnaw hnutchhiah ka lak hman tak loh ngei mai ho kha ka va hmu anih chu !! mak tih hmel takin ka en ha a. Hmanhmawh takin ka tlan phei vat bawk, drawer chu ka hawng nghal pawp a.
" nilo.... " ka kut lehlam chuan ka hmui ka hup nghal.
" Ka... ka thawmhnaw zawng zawng kha a ngai ang chiah in ala awm " Raven chu ka en chho ha a.
.
Chapter-66
.
" Raven... "
" ni e... engmah ka la khawih danglam lo ,nilo... tuma khawih pawh ka phal lo " tih pahin ka pawnfen fual eng ngei mai kha a rawn la chhuak a.East Hodge atanga kan pem hnu phei kha chuan ka rai avangin hetiang thawmhnaw pawh hi ka ha tawh ngai lo tluk ani. Chetpui nuam deuh tur kawrfual emaw pajama ka ha mai thin, he thil zet hi chuan kan nun hlui zawng zawng kha min hriat chhuah tir chiang kher mai .
" kha heihi ha zawk rawh.... "nuih suk pahin pawnfen chu min rawn pe a.
"khatiang thawmhnaw kha ka Norah hriat thin kha chuan a ha ngai lo " ka kawr hak lai chu ka en thla vata.
.
"mahse ngatinge heng thil zawng zawng hi i paih mai loh "
"ka hre bik lo... " tih ringawt in min chhang mahse ka la duh tawk lo, a sawi leh tur nghak chuan amah chu ka en kar a
"nangmah theihnghilh hi ka duh hleinem "ka thinphu a rang ta kher mai, Raven chu kuah thlawp a fawh vawng vawng ka chak takzet mahse kan inkar ah khi zau tak a awm tawh tlat.
"ka... engmah hi ka hrethiam lo "
"Norah..ilo danglam ta hle mai " Raven rilru na hmel ka hmuh hian keipawh ka na takzet.
.
" I kawr ah khan wine a kai nasa si a, inthlak la ka thlah haw ang che" tih pahin room atang chuan a chhuak daih a,engmah pawh ka sawi hman lo. Raven mizia rawn inthlak thut avang chuan min ti hrilh hai takzet.
Diktak chuan Raven bula awm hi ka ning ngai reng reng lo, theih nise kumkhua a awm ka duh mahse kan pahnih tana a that zawk nan a bulah hian ka awm thei lo ani.
Hmanhmawh takin ka inthlak sawk sawk a, ka thau deuh te pawh ani mahna ka thawmhnaw hak thin ho pawh kha ka tawt vek tawh anih hi. Rei fe ka inthlak hnu chuan kawngka chu a rawn kik ri leh karh karh a, hmanhmawh zet hian ka lo hawn sak vata.
.
"Norah... i va rei... " min hmuh chuan a tawng tawp nghal chawt.
" Raven... engmah hak tawk ka nei tawh lo " ka tih chuan a nui ri hak a.
" anih chuan heihi ha mai rawh " closet atang chuan a t-shirt hi a rawn phawrh chhuaka.
"awle" ka lo ti awlsam et, wine kai emaw kawr tawt hak ai chuan Raven kawr hak hi ka thlang fe zawk.
" anih chuan lo va chhuak rawh " a ding reng avang chuan ka ti ta ringawt a.
" oh... C'mon Norah... vawi engzat nge ka sawi dawn, engkim ka hmu vek tawh " ka zak nghal ringawt anih chu.
.
" Khawngaih in "
" huizz....hun a tam lo ania, khaw var hma a hotel thlen hman i duh chuan inthlak vat rawh "
" awle.. " bathroom ah ka tlan lut nghal daih a, hmanhmawh takin ka inthlak nghal sawk sawk bawk , Raven t- shirt chuan ka malpui chanve chauh a khuh avangin kekawr dil turin bathroom avang chuan ka va dak chhuak dek dek a.
" Kekawr kha "
" i hak duh chuan rawn la la " ngeiawm zet hian min rawn la nuih suk zui.
" hmanhmawh teh... "
"awle.. " a hmui ti sawi zeuh pahin kekawr keng chung chuan min rawn pan hnaia.
.
" a hma pawh in t-shirt chauh i ha thin si a "
"ngawi mai mai teh... " tih pahin kekawr chu ka va ban zuau a mahse sang takah a keng daih anih chu, ava han chimawm tak e aw....
"min pe mai mai rawh... "
" hmm... " ka ke atang chuan min rawn en chho der vela, min tih zah a tum tih ka hriat avang chuan engtin mah ka awm duh bik lo.
" Norah.... " Raven chuan mak tih hmel takin min rawn en ha a,a pajama ken lai chu chhuatah a thlauh nghal bawk .
.
Ka t-shirt hak lai chu a rawn hlip chho ta phut mai .
" Engthil nge maw i tih le?!! " Raven chuan phawk fe hian min en reng a, a awmdan inthlak thut avang chuan keipawh chuan mak tih hmel takin ka han in endik nghal vata.
"Norah...Stretch mark i va ngah ta em em ve " nilo... hepa fing lutuk hi chu a buaithlak, hetiang a ka dul leh ka malpui vel a rang awm hi fa ka neih hnu atang chiah in a rawn awm.
"nau i pa lo tiraw....? "
" maw!! "
" ka... ka sawi awmzia chu " ani pawhin a ring chiah lo aniang chu chu rem changah ka lak nghal vat angai.
.
" Maw!! teuh lo, teuh lo mai "
" ok... " ngaihthat loh hmel zet hian min en vung vung a .
"hmeichhia te chu kan lo upat hnu in ti hian kan awm thin alawm "keimah ngei pawhin ka thusawi hi ka awih lo mahse Chutiang kil kelh a hre dawn lo tih ka hriat reng vangin dawt hrilh pawh a harsa vak lo.Delphine chungchang hi Raven ka hrilh thei lo a chhan chu ka fanu hi ka venhim angai. Nun thlauthawnawm taka a awm ka phal loh mai bakah Raven hian fanu a neih tih a hriat chhuah vaih chuan thil thleng tur chu nangni pawhin in hriat kha.
.
"ok... inthlak la khaw var hma in thlen phei kan tum dawn ania "a tih chuan ka lo bu nghat a
Lalpa leh engthil nge thleng kha!! ka hlauthawng hman takzet. Thi tur dinhmun a ding ang mai alawm le ka nih. " Norah.. fimkhur tawh rawh "tiin ka inhrilh nghal mawlh mawlh a.Raven hi mi khirh tak leh fing tak ani a, ka fimkhur loh chuan ala hre chhuak vat ang mahse chu chu ka thlentir thei lo. Fimkhur thil thu ah tiin Reeve nen kan inhual na zungbun pawh phelh nghal in ka clutch ah ka khung vata, Reeve leh Delphine chungchang hi ka theih chhung chu ka zep tlat tur ani.
.
Khua ala var loh avangin a vawt deuh sur lehnghal, tukverh lam hawi in kawng vel chu ka thlir vang vang a, ka lung a leng in Raven bula awm reng hi ka chak takzet. Lehlamah Reeve ka kalsan thei bawk si lo ka rilru hi a phir takzet
"vawt ila ti em?"tih pahin heater chu a herh sang deuh a, min ngaihsak lo emaw ka tih pawh hian ka vawt tih leh tih loh thleng in a hre zel mai chu anih hi.
" maw!! aih... ka lawm e " vawt ka tih thu ka sawi miah silo a,min lo chîk leh hle tawh anih dawn hi,mak tak mai chu eng ang pawhin min rek in emaw min pawt kual dawr dawr thin mahse Raven bulah hi chuan thlamuan ruk na riau ka nei thin.
.
Car a din chuan ka harh zawk a,sana ka en chuan dar5 alo ri der tawh. Darkar1 vel ka lo chhing sek hman anih dawn hi .Hotel kan thlen chuan khua la var chiah lo mahse midang an lo vei sap sap tawh a nizan ka mu lo bawk nen ka mut a chhuak in ka chau takzet.
Raven chuan kawngka min rawn hawn saka ka chhuk vat bawk, ka thawmhnaw bal dahna bag chu la chhuak in ka coat fual chuan min rawn khuh vata.
" ka lawm e " tih chuai raih pah in bag chu lak ka han tum a mahse alo pawt bet tlat thung.
.
" Raven... ka chau ania min pe mai mai teh"
" Room thleng ka lo thlah ang che "
" ngailo... Boss in a hmu ang che "
" min lo hmu pawh nise enge pawi, i room ah ka rawn lut lo ang... ka tiam a che " ka chau bawk nen ka tilui vel peih lo.
" awle" tih pahin ka lut nghal nal nal a, tuna ka chak ber chu khuma mutthilh bawrh bawrh ani .
Ngawi rengin elevator ah kan chuang cho dun a, Raven chu han ka melh leh zeuh thin a,min ngaihsak ang pawhin a awm lo chu chuan min ti thinrim lek lek, ka awmdan hi ka inhrethiam tawh bik lo.
Ka awmna room floor kan thlen te chuan nidang aiin kan thleng chho hma riau te hian ka hria. Kawngkhar a rawn in hawn velah Raven chuan min chhuahsan nghal daih a, enge maw a hriat ni? Hetianga a awm hian ka lungawi thei thlawt lo .
"Raven... "
" umm... " a rawn hawi phei vata.
" ughh... kal tawh rawh " tih pahin bag chu ka chhuhsak vata.
" awle... mangtha le " a kal nghal nal nal anih chu "!!
"Raven... "
" enge.. "
" umm... " bialnu emaw duh dang emaw a neih leh nei loh zawh ka han tum ûk na in ka zawt ngam thlawt lo.
.
" Ngai leh lo"
"i awm dan atang chuan... " tih pahin min rawn pan hnai deuh a.
"min hnawl thei lo tih ka hria... Norah... ngatinge i luhlul leh tlat thin " ka hmai zawn ah hnai tak mai ah hian a rawn kun hniama.
" Eng... engthil nge maw i sawi le ?"
" hahh...ka thusawi hi a dik tih chu kei ai pawh in i hre chiang zawk daih ang chu "
" i inring tawk mah mah ani "ka chhan dan avang chuan a nuih aza kher mai a chhan chu ka duh zia leh ka hmangaih zia hi a hre tlat alawm.
.
" Chuti chu " tih pahin ka khabe chu rawn khawi in min kuai dak a,ka awm zawn chu a han dawm vang vang a
"i lungphu hi a pangngai miah lo ania ...Norah" ngeiawm zet chuan min rawn nuih suk lehnghal .Ni e, hepa min tih dan vel leh a awmdan vel hi chuan ka thinphu mai pawh nilo in ka awmdan pung zawng zawng nen lam hian min thlak danglam zo vek thin.
"second khat ah vawi 83 dawn a phu ania aw... " hepa han ngeiawm thiam zia hi chu aw.
" teuh lo" tih pahin nam sawn ka han tum a, chet pawh a che eih lo.
" Raven kalsawn teh "
.
" Norah... !!" Raven nen chuan ka hawi phei vata,Kan lam pana rawn kal mek Reeve ka hmuh chuan ka meng phawk nghal kawk , ka hlauh ang ngeiin thil a thleng ta
" Reeve... " ka lo ti sap a,Raven chu inla hrang nghal in ka kut ah chuan min rawn kai chat bawk.
" Norah... ka zawng nasa lutuk che asin, engmah sawi lo in i bo daih a" Reeve chuan ka bulah Raven a awm ve lo ang mai chuan min rawn ngaihven nghal sawk sawk a.
" ka tha alawm" Raven an min kaihna chu phelh tum mah ila min thlah duh hauh lo .
.
" Nang hi maw Reeve chu " Raven chuan tih el deuh hian a lo ti vel a.
" um... ni e, Norah i rawn hruai avangin ka lawm e. Norah kal ang " Reeve chuan puitling tak chuan alo ti mai a mahse Raven ngaihdan anilo nasa
"oh!! awlsam taka kalpui mai thei i in ring ami? " Raven hi chu ala naupang chhia lutuk a, enge maw hlek thleng se insual a inpeih nghal at zel.
" Tlangval... buaina ka duh lo ania, chuvang chuan Norah hi thlah la hahchawlh tir rawh "
"Tlangval a!! Phiangsen chuan..."
" Raven... duhtawk rawh" Raven chu ka lo dang vata.
.
"Raven maw!! " Reeve chuan min rawn en ha a, " anih chuan"
" Reeve... "Reeve chu ka lo mitmei vata, alo hrethiam nghal mai bawk, Delphine chungchang a sawi chhuak hman ang tih ka hlau takzet.
" tunge maw i nih le Norah hruai tur hian " ngawi rengin ka lo ding ve renga ka lo inrawlh vaih chuan Raven a thinrim in buaina a siam ka hlau si ,awmdan tur pawh ka hrelo.
Reeve hi mi fing tak leh puitling tak ani.
Min rawn hmuh mai pawh khan Raven nen kan inkar ah engemaw a awm tih a hai hauh lo mahse ka zahawmna chu ngai pawimawh hmasa zawk in tha taka sawi fel a tum tih ka hria, Raven chu nise mipa dang nen min hmuh rual rual in a hnek leh tawh ngei ang, ka sawi tawh kha Reeve leh Raven hi chu an in ang lo takzet.
.
" umm... helai hmun hi chu a ual au emai, Nau-a room ah sawi fel zawk teh ang " Engthil nge maw a tih le, Raven nen inbiak maw!! nilo... Raven a kal duh bawk si loh chuan inbiak mai loh chu buaina tizia awm dan a awm lo tih chu ka hria mahse kawng dang a awm em em ang .....Reeve hian buaina in tan na tur ani tih a hre der mai bawk si lo, Lalpa min pui hram teh.
Reeve chu ka room ah a lut nghal hmak a,Raven chuan zui luh a tum a mahse ka lo dang nghal vat.
" Raven...kal tawh rawh "
" maw!! "
" buaina ka duh lo khawngaih in kal tawh rawh "
" Norah... buaina a thleng dawn lo " tih pahin room ah chuan a lut ve nghala, hmanhmawh takin ka zui lut ve nghal vat bawk.
www.storyfb.com mizo story thar nitin dah ziah a ni e
Show post links
Top
Ngaia
Site Admin
Quote
Post July 2nd, 2017, 3:33 pm
Chapter-67
.
" Raven...khawngaih in kal zawk rawh"
" Norah...eng buaina mah ka siam dawn lo"
" mahse.... " ka thusawi ngaithla lo in min kai bet tlat mai bawk si Raven nen chuan Reeve a ep chiah ah chuan kan thu nghala min kai beh tlat avangin ka che sawn thei lo ,a hrehawm takzet ka awm dan hi a lai kual vel vek tawh,Reeve tan zawngin awm ila Raven a thinrim ngei dawn si , Raven tan zawnga awm lah in Reeve thiam loh engmah a awm bawk si lo. Reeve chu ka en renga a mitmeng leh a awmdan vel atangin a rilru a na tih a hriat reng mahse Delphine pa ani tih a hriat avang chauh in puitling takin buaina a hmachhawn ta zawk a ni,Delphine pa ani tih hre lo se chuan thil a thleng thui tawh viau ang .
.
Reeve chuan thawk a han la kawk a,
" Raven...Norah nen kan inkar ah hian buaina rawn siam lo turin ka duh che ani "
" Engmaw!! "
"ka hrilh nawn leh ang che... ka nupui hual bulah hian mipa dang awm turin ka duh lo " phawk fe hian Raven chuan min rawn melh nghal kawk a.
" nupui hual a!! "
"Reeve nen hian kan inhual tawh " Raven chu a tho thut a, Reeve a kawr nghawngah a tham ta thut mai
"Raven... thlah rawh " ka lo in rawlh nghal vat.
"a pasal hual maw i nih..."
"Raven chhuak rawh " ka ti nghal tuarh a .
.
"Norah hian min hmangaih asin chuvang chuan lo inthiar fihlim zawk rawh "
"hahh.... nangchu a hun liam tawh mai ini "
"kan la hria ang chu ...Anih chuan Norah" a lamah min pawt phei nghal lawp a, "i pasal hual hmuh lai ngei hian min hmangaih loh thu sawi rawh " tih pahin Raven chuan a kut pahnih chuan ka hmai chu a rawn khawih a
" ka mit ah min en rawh "Reeve pawhin Raven chu a dang bik lo
"Norah... min en rawh ka tih chu!! " a rawn ti nghal turah a, chutah zet chuan Reeve pawh a rawn inrawlh nghal vat.
"Thlah rawh "
.
" Norah... min chhang rawh " ka mittui chu a rawn far fap a, hnuai lam melh pahin
" Ka hmangaih lo che... khawngaih in min chhuahsan rawh buai reng hi ka kham tawh takzet" zawi sap hian ka ti a, ni e, dawt ka sawi ani duhthlan tur dang ka nei thlawt lo, couch ah chuan ka thu hnawk a.
"hahh... dawt i sawi "
"Raven chhuak rawh... "
"hreptak chuan... " a lu chu a han dawm vang vang a
.
"hepa phiangsen hi i hmangaih lo ,kei chauh hi i hmangaih awmchhun ka ni, ka ni zel bawk anga ,a aia nasa in min la hmangaih zual zel bawk ang " tih pah in couch sir a Vase lian zet chu a pet keh nghal chuai a.
" Hremhmun ah kal rawh u" tih pahin room chu a chhuahsan nghal a.
Raven tawngkam tin te chuan ka thinlung hi chhemte ang mai in a chhun mawlh mawlh a ,a thinrim vanga khatiang thu sawi kha ani tih ka hria mahse khatiang em em a tawngkam chhia kha ka chungah ala chhak chhuak ngai lo.
.
Reeve a awm ve reng avang chuan ka mittui chu ka hruhul sawk sawk a.
"Norah... khawiah nge i zungbun a awm? "
" maw!! " ka kut chu ka en vata zungbun ka lo bun tawh miah lo, taka ka bag ah ka dah daih tak.
" ka... ka bag ah ka dah " ka bag chu ka hai nghal rawk rawk a ka la hmu mai lo zui.
"Norah... tinge nichin khan dawt i sawi ? " Reeve chu ka han melh chho ha a
"Reeve sawi chhunzawm tawh lo ang "
" awle... mahse Raven kha hmuh leh ka duh tawh lo ania" ka ngawi renga, keipawh in hmuh ka duh tawh bik lo mahse a tello in ka awm thei si lo chu anih hi.
.
" ughh.... breakfast i ei tawh em?,vawin chu ka chawl bawka breakfast kan ei chhuak dawn em ni "boruak tih ziaawm nan nui luih suk pah chuan ka lo ti a, mahse ka thinlung erawh a na takzet thung
" awle... kan ei chhuak dawn nia" tih pahin ka hmuiah a rawn fawp zeuh a mahse nidang angin nuam tihna ka nei tawh lo,
" mahse inthlak phawt rawh " a tih chuan ka han in en vata, Raven kawr ka lo la ha chu niin
" umm....ka rei lo ang " tih pahin Bathroom ah ka lut nghala.
.
Darthlalang ah ka han in en vang vang a, ka mu tlem bawk nen dark circle ka nei kalh bawk. Ka mit bui leh sen ram te chu tihreh tum in ka hmai ka han phih thuak thuak a mahse awmzia a awmlo kher mai.Ka sam pheng phang leh hnawk nuaih te chu ka han chul mam thuak thuak a, rilru na lo anga lan ka tum poh leh ka hmelah a lang chiang emaw tih mai tur ani.Reeve nen a kan inhualna zungbun chu ka han en vang vang a, bun chakna reng ka nei tawh lo. Ni e, Reeve bula awm chu a nuam alawm hlim pawh ka hlim mahse Raven a rawn lan leh chhiah khan thil a buai nghal vek.
.
Raven an min tawngkhum dan zawng zawng te leh min en dan te kha ka han ngaihtuah let leh a ka hnuk a ti ulh zel mai bawk si.Reeve an ka tap ri a hriat ka hlauh em avangin ka hmui ka hup bet tang tang a,tui ka herh haw vat bawk.Tap lo tura ka in thunun poh leh ka in dang thei lo zual emaw tih mai tur hian ka mittui a rawn tla leh zung zung thin .
"Norah... hetiang hian awm tawh suh, duh i thlang tawh a i inchhir tur ani lo " tiin ka han in hnem tak na a Raven ka kaltir ta kha ka in chhir leh hnuhnawh .
.
Ka awm rei tak em avang chuan Reeve an bathroom kawngka chu a rawn chum ri dawt dawt a
" Norah... i tha maw?" tap chu ka herh tawp vata,darthlalang ah inen in ka mit leh ka hmai vel ah makeup ka han hnawih thuak thuak a mahse ka mittui a rawn tla zel bawk si!!
" tap tawh suh...khawngaih in tap tawh suh " vawi li lai ka in hnawih nawn hman,ka mit sem ram leh bui lutuk phawh tlem in makeup chuan a hliah ve deuh in ka hria. Ka thawmhnaw chu ka thlak nghal sawk sawk a,kal pah in basin a zungbun ka dah chu ka la nghal zeuh a
" tun ah chuan ka ta i ni dawn nge dawn lo ka chiang tawh lo " tih pahin zungbun chu ka hum vang vang a, bun lo in ka bag a khung pahin bathroom atang chuan ka chhuak nghala.
Breakfast kan ei lai te chuan ka hriat loh karin ka melh ngai ka lo melh leh vung vung thin ,Reeve an engmah sawi lo mahse ka awmdan avang chuan nuam ti tak in a awm bik ka ring lo mahse chu chu ka duh lo takzet. Keimah vanga Reeve rilru hi a nat ka duh lo.
"umm... i office thar tur chu enge a an? "
" maw!!? " mak tih hmel tak hian min rawn en ha a.
" ah... ahh... a nuam ani mai "
" anih chu... kan inhmu khat leh sawt dawn anih hi "
" nia "
.
" Norah.... " Thutak deuh run hian min rawn en a.
" Enge? " boruak rit lutuk tih zia awm nan chuan ka lo nuih sang a.
" ka... ka ngaihdan chuan Raven hi i la theihnghil lo in ka hria " ka nui tawp chiang kher mai, ka ngawi renga.
" ka sawi tum zawk chu...." inthiamloh hmel takin a kun lap a " eng ang pawhin hmangaih dang neih mah la ka hmangaihna che chu ala ngai reng engtik ah mah ka kalsan ngai lo ang che "
" Reeve... "
"chuan kan inneih anga zawi zawi in ka hmangaihna che chu ila hrethiam chho ve zel mai ang " sawi tur reng ka hrelo.
"hahh... ei vat vat ila ,i chau bawk si a vawin chu mut hahchawlh nan i hmang dawn nia " a tih chuan ka lo bu nghat a.Reeve chuan ka room kawt thleng min thlah a, kan kal chhung zawng in kan in be lo hrim hrim engthil mah sawi dun kan phur lo pawh ani mahna.
"Ka hman veleh ka rawn call ang che" kal mai chu a tum a.
" Reeve... "
" umm... "
"i thin a rim miah lo ami? " a hmel a danglam nghal vek.
.
"Raven an a tih dan che leh engkim mai khan i thin a ti rim miah lo ami "a ngawi renga
"ka tihpalh takzet... ih.. ka thiam loh... "
" thinrim ila thil a danglam phah dawn em ni? " min lo pawt chat vata.
" Ni e... nizan zankhua in nangmah zawng reng reng in ka buai a vanneih thlak takin ka hmu leh hlauh che a mahse midang nen " duat takin ka sam chu a rawn chul a,
"ka thin a rim avang khan engmah ka siam tha thei dawn lo chuvang chuan ka thinrim thei lo ani" ka hmuiah a rawn vawp zeuh a.
"lut tawh rawh... va hahchawl rawh" tih pahin elevator lam panin a kal nghal daih a, a rawn hawi let leh tawh lo hrim hrim.
.
Reeve a awmdan chu mak ka ti takzet, engvanga zaidam leh in kiltawih em em nge maw anih le? ka chungah thinrim in a lungawi loh na te sawi chhuak se chuan tlem in ka awm a nuam deuh tur. Ngaihtha lo zetin room ah ka lut hna hna a ka chau bawka inthlak lo in khumah ka bawk nghal thlawp a.Ka muhil dawn chiah tih in room kawngka chu an rawn kik karh karh a
" naa... ngatinge min tih buai reng le" lukham chuan ka inkhuh leh daih a. Rei vak lo hnu ah phone ri in min ti harh lehnghal. Engvanga hotel phone atang a min rawn call nge maw an nih le?.
Peih leh peih lo in khum atang chuan ka va ban tawk tawk a
" Hello "
" Norah.... "
" aw..."
"Daniel ... " Daniel lek chu lo niin
" Dan ...sawi vat teh ka chau ania "
" i chhungten an be thei lo che a hei min rawn phone harh sek mai " a ham bui bui ri ka hre thei, nizan ah a in nasa awm si a a ning viau ang .
" line hi ka cut anga i chhung te be rawh "
" awle... " ka lo ti sup a,phone ka beng a dah chung chuan ka lo muhil leh lek lek hman tawh.
.
" anu "
" umm... bawihte... "
"a pi in a be duh che "
" umm... "
Tawng pawh ka tawng tha peih tawh lo ka muhil deuh reuh lehnghal
" Ngatinge tukin chu rawn call tlang i va har ve "
" nia...ka.... " ehe... nizan ah Raven an ka phone a vawm chhe vek tak.
" ka phone a chhia a "
" anih ka ring rengah Delphine takngial pawh i rawn be si lo a "
" nakin ah ka rawn bia ang che u...ka chau lutuk"
" awle...lehlawk "
" nî...... "
" awle.. awle...kan rawn be thei si lo che a i pa in be tur che in min ti a mahse i that chuan a tha anih chu...nih leh hahchawl rawh"
"um..." phone ka dah rual rual in ka muhil lehnghal.
.
________________________________________
.
" Vawin chu in thawk tha hle mai kan hna 5% vel chu kan zo hman e " Boss in a tih chuan Daniel nen ka in melh ralh ralh a.
Khati khawp kan kan thawk rim a, document leh file siam that ngai zawng zawng kan siam tha vek bawk chuti chung chuan 5% chauh maw!!
" hahh... kan lawm e " ka ti ta ringawt a,
"naktuk pawh khatianga kan thawk leh anih chuan kan zo leh duak mai ang " Daniel chuan min rawn nghawk zeuh a,ka nui chhuak tep ani mahse Daniel nen seat hnung ah kan chuang hlauh a Boss in min rawn hmu lo hlauh.
.
" ka chau hle mai, ka ring te pawh a na vek alawm " Boss chuan a ti tham tuak a.
"A mutthilh na lamah a ti na aniang " Daniel chuan ka hriat tawk lek hian a rawn ti sup a, ka nuih a za lutuk ka insum zo lo tep. Ni e, Boss hi chu a ti mah mah thin vawin pawh chair a thut mai mai pahin min tir kual char char a,a chang leh alo muthlu thul. Thil dik lo awm hlek se min hau leh vak vak anga a awmdan hi chu hriatthiam a har ve hrim hrim .
.
" ugh... ahh... driver hetah hian ka lo chhuk mai ang " kan thlen na hotel kan thlen hma chuan Daniel chuan a rawn ti thut a.
"Mr. Smith khawiah nge i kal dawn? " Boss chuan alo ti vat bawk.
" ah... zanin chu intih harh nan club ah kan kal mai mai ange" tih pahin min rawn nghawk zuk a.
" nia a tha alawm" ka lo ti ve vat bawk.
Boss chuan a sana chu a melh vung vung a.
" Mr Smith... dar sawm a ri tawh a, dinner kan ei tawh bawk a hna thawh laia club a kal chu Boss ber ang mai alawm le i nih " Daniel chu a nui tawp chiang kher mai .
"ka tih palh" a ti sup a
.
Boss pawh hi a ti mah mah, Daniel pawh naupang ani tawh lo a pa tling leh patling inbiak dan tur ani lo hrim hrim. Ka lo inrawlh ve a tul na a awm lo bawka Boss thusawi lo helh chu ka tih theih tawk chauh ani. Phur lo zet in kan pathum chuan kan room lam theuh panin kan chho hna hna hlawm a ,tumah inbe peih pawh kan awm lo zep lo chuan tun tum kan zin chhuak zet chu ka hah takzet.
Ka room ka luh rual rual in ka bag chu khum ah ka paih let tawpa,ka in thlak hma in tui ka han lem leh te te phawt a, chutih lai tak chuan ri ka hre ta phut mai!! ka phu nghal zawk a,ka hawi kual nghal ruai bawk.
.
Room chu ka han thlek kual vela.
" chu chu ka ringtone chiah chiah " hmanhmawh zet in khum hnuai ka bih nghal vata, ka au chhuak lo chauh
" ka phone maw!! " ka hlau rilru deuh, ka phone ngei kha ani bawk si ringtone pawh danglamna a awm lo. Phone chu ka en vung vung a mahse screen ah Reeve tih ka hmuh chuan phone chu la in ka pickup nghal vata.
" Reeve... " hlauhthawn hmel deuh chuan ka ti sap a.
" um... ka ni in i phone a chhiat thu a sawi a " a tih chuan phone chu ka en vata, phone hi Reeve a min leisak maw?
" Reeve...hetiang hi tih angai lo asin "
" Kan vaiin kan be chak bawk si che alawm"
.
Chutia kan inbiak mawlh mawlh lai chuan kawngka chu a rawn ri karh karh a, Reeve anih ka ring nghal. Nuih suk pahin kawngka hawng tur chuan phur takin ka tlan phei nghal vata.
"Reeve... i buai awm si a ngatinge tun ang hun angah.... " kawngka ka hawng chiah chu ka tawng tawp nghal chat, Reeve alo ni reng reng lo. Raven chu kawngka bulah hmai duk chur hian a lo ding kun lap a.
" Reeve nakinah kan inbe dawn nia " tih leh phone dah ka rual nghal ,min chhanna pawh ka nghak hman tawh lo.
" Raven... enge hetah i rawn tih dawn? " ka lo ti nghal vata.
Show post links
Top
Ngaia
Site Admin
Quote
Post July 2nd, 2017, 3:34 pm
Chapter-68
.
Engmah sawi lo in a rawn lut nghal rawk rawk a khum ah a let nghal tawp bawk
" Raven... tho rawh " a hmai ah hliam a tam em avang chuan ka zuk pawh ngam chiah lo.
" Raven... " A mut dan ngai renga a mut reng avang chuan ka ngaih tha lo in a ban ah chuan ka zuk sawi det det a.
" Nga... ngatinge i hmai chu?" ka tih veleh a rawn thu chhuak ta thut mai!! ka phu lutuk chu ka tawlh hnung nghal dawrh a.
" i va bengchheng reuh ve "
" maw!! "
.
" ka chau ania, mut ka duh " a tih chuan thawk kan la hak a, hepa tlangnel reuh zia hi.
" Enge hetah i rawn tih dawn? keipawh ka chau ve tho ,chhuak la hmun dangah va riak zawk rawh" ka thusawi hre lo ang mai chuan a mu lui tlat lehnghal.
"ka peih miah lo ania, hetianga i awm reng dawn chuan security ka call dawn ang" chutia ka tih pawh chuan a che eih lo.Raven awmdan hi a diklo tawp mai nidang ah hetiang hian a awm ngai si lova.
" Raven..." a ban ka zuk khawih chuan a lo ner nghal sawk a ,thil diklo a awm tih ka hrenghal.
.
" awi...Lalpa leh ,i ban hi engtin nge i tih leh tak " tih pahin ka zuk sawi nawk nawk a, ka hlauthawng bawk nen ka chiai leh nghal vek tawh. Chutia ka sawi nawk nawk lai chu ka ban ah a rawn man ta phut mai!!
" Norah... " tih pahin a rawn thu chhuak hlawl a.
" ka tha... " a hmel en ringawt pawh hian thil diklo a awm tih a hriat reng chuti chung pawh chuan a that thu min la hrilh tang tang anih chu .
" anih chuan i jacket hi phelh rawh " min rawn nuih suk a.
"ka jacket ka phelh chuan i kawr i phelh ve angem?"
.
" Fiamthu na hun anih loh hi,anih loh pawhin damdawiin ah kal mai ang "
" ka duh lo " tih pahin ka darah chuan a rawn bei hle hle a, a lian bawk si a naute lianpui te pawh a ang zawk.
" chuti chu i jacket hi phelh rawh "
" ava mak e... awle i thu vek alawm " tih pahin a jacket chu phelh a tum a mahse a mah pawh in a phelh thei tawh lo.
" ka lo pui ang che " tih pahin ka lo pui nghal vata .
"khawiah nge in in hualna zungbun kha?"
" chu chu tunah a pawimawh ber lo " a jacket a phelh zawh chuan a t- shirt a phelh leh chiah chu au chhuak lo turin ka ka ka hup nghal vat.
" Raven... i hnungzang leh ban vel te hi a duk nasa lutuk... "
.
" vur in dep ila a dam leh mai ang "
" chutiang ngawtin a dam lo ang, damdawiin ah kal mai ang "
" lo kal teh" tih pahin a mal chungah min pawt thu nghal dawrh a.
"khawngaih in luhlul chhuah suh "
" anih chuan naktuk ah ka kal ang... a tha em? "
" mahse naktuk ..." ka sawi zo hman lo ka hmuiah a rawn fawp nghal vawng vawng a,ka rilru chuan a tha lo tih ka hria mahse ka thinlung erawh in a hnar phal ngang lo .A sam a tham pahin ka lo fawp let ve nghal vat a, alo nui suk lehnghal.
.
"ka hmangaih che " ka mit a min rawn en kar pah chuan a rawn ti sap a ka en reng ringawt.
" umm... vur in i ban leh i hnung chu dep ila "
" awle... " Bar table a vur tlang ho chu tuam khawm in Raven hnung chu ka deh saka a zia awm ngei ka beisei, hetiang hi Raven chungah a thleng ngun tawh na in ngai ah ka nei thei thlawt lo.
" Raven... "
" umm... "
" ngatinge hetiang hian i duk vaka?"
" ka sawi chuan mak i ti lutuk ang " tih pahin ka kut chu la in a rawn fawp zeuh a.
.
" teuh lo... " ka nui suk a .
" umm...Regina an man a " ka meng phawt nghal kawk a, Regina an man tawh amaw!! ka awih thei lo.
"maw!! Engtin?" inchung lam en pahin an han thaw hak a.
" Stephen an police hnenah a hlan ani " mak ka ti telh telh, Regina an man ringawt pawh hi ka mak tih a tling tawh ania a man tir tu chu tudang nilo in a fapa Stephen maw!!
" Nichin lawk khan ania damlo taksa hmangin drugs an lo tawlh ru thin a,damdawi in pawh khar ani mai thei"
" Eng... engtin nge Stephen a awm tak ang "
" Norah... hlauthawng suh engkim a tha vek dawn alawm, Stephen hian thutlukna diktak a siam ani "
.
" mahse Stephen a nu ani tho alawm, a rilru a na ngawt ang " ka awmdan a dang nghal vek avang chuan ka kut chu a rawn hum vang vang a .
"engkim a tha leh dawn alawm... " ka rosary awrh lai chu a rawn phawrh chhuaka.
"he thi hi i awrh a ngai lo tep tawh ang "
" Enge awmzia? "
"nakin ah ka hrilh ang che "
" Raven... keichu ka ngaihtuah awm loh Stephen hi kan hmuh vat angai "
" tunah chuan ala hmuh thei hrih loh ang "
" awle ka hrethiam e " .
.
" i chau awm si a mu tawh rawh " Raven chuan a rawn ti sap a
"mu phawt rawh... bakah hna thawh tur ka la nei a "
" zan te chu hahchawlh na hun alawm "
" ka tan chuan ani ve lo "
" oh... C'mon, Norah i chau chhe vek mai anga sin"
"mu rawh... chuti lo chu heta riah hi ka phal lo mai tur ania "
" ka mut hma in thil pakhat zawh che ka duh " Raven chu ka en kar a.
" Engvanga Reeve kha i hmangaih lo chunga in hual pui nge i nih?"
.
" Tunge ka hmangaih lo ti " Raven chu a nui ri hak a.
" dawt i sawi hian i lakah ka beidawn phah lo... mangtha le Miss Stowe" tih pahin a mu nghal hmak,hepa han chimawm zia hi chu aw.... Keipawh ka nuih a za letling zawk,dawt ka sawi ve pawh hian chawp leh chilh in min man chhuak zel chu anih hi. Zanin chu Raven awmdan in a zir bawka kan in tibuai lo hrim hrim, hetianga ka awm loh na pawh hi a rei tawk tawh viau.
Ka alarm ri chuan min ti harh nghal zawka sana ka en chuan alo tlai tawh hle, Raven ala mu nge mu lo tih chu ka en nghal vat a ka rin ang ngeiin alo mu tawh lo .Phur lo zetin ka tho taih taih a.
" min mangtha ve tal tur ania " tih bul bul pahin bathroom ah ka lut nghala.
.
*
*
" Norah.... "
" Enge ni ta Boss "
" i phone saw hnathawh lai chuan off hmak rawh " dawhkana ka phone dah chu a kawk va va a
" awle " tih pahin ka phone off tur chuan ka tlan phei nghal vata. Ka phone chu ka han check thuak thuak a Raven miscall pawh a tel ve tih ka hmuh chuan ka nui suk a,ka hnathawh lai pawh min ti phur phah hle .
" Enge thil sawi duh a neih le ?"
" Norah.... "
" aw... Boss" hunawl pawh ka nei hman meuh lo, min koh kual reng avang chuan ka phone chu ka off nghal sawk sawk a ka hna thawh lai chu ka chhunzawm leh nghal char char bawk.
.
Chhun chawlh alo thlen meuh chuan ka chau tawh hle, thawmhnaw leh pheikhawk brand hrang hrang leh design hrang hrang han buaipui vek mai chu lu ana duh takzet.
" Dan... tlan haw daih ka duh " ka ep chiah ah chuan Daniel chu thatchhe zet hian alo thu ve bawka.
"hepa hi chuan ka nun hi a chawk buai ve ngawt mai "
"mahse kan zo tep tawh alawm "
" i haw chak tawh em? keichu haw ka chak lutuk hi ka awm hle hle thei tawh lo " Chutia Daniel an a tih takah chuan engmah ka lo ngaihtuah lo a, kan haw hma in ni hnih chauh a awm tawh tih hi ka lo theihnghilh hman thelh alawm a awmzia chu Raven ka hmu thei tawh dawn lo .
.
A hma kha chhuan haw ka chak em em thin a mahse tunah chuan heta ka awm duhna leh ka haw chakna a inang reng tawh. Ni e, Delphine hmuh hlan ka nghak hlel tawh takzet mahse Raven pawh Delphine ka ngaih tluk zetin ka ngai ve tho. Lo haw daih ta ila Raven nen kan inhmu tawh awm bawk si lo, engkim hi a buai vel vek tawh.
Ka inngaihtuah rauh rauh lai chuan message ka dawng nawlh mai hmanhmawh takin ka hawng nghal vata.
*" tlaiah ka rawn hruai ang che "* tih te mai hi, mahse Raven message anih avangin ka hlim em em tho.
Hna kan zawh chuan Raven an min rawn hruai dawn avangin midang ruala haw lo in phur takin ka lo nghak ran a ,hmuh ka chak tawh bawka a rawn thleng har ka ti tawh takzet .Sana chu ka en chhen a min rawn hruai tawh dawn lo anih te ka ring hial tawh. Darkar thum ka ding tawh a Raven hmel reng rawn lan a tum bawk si lo.Ka thin a rim tan lek lek tawh, Mahse ka beidawng duh chuang lo, min rawn hruai a tum thu a rawn sawi a min rawn hruai em em ang ti te in ka han inhnem thul, mahse a thusawi angin a awm leh si lo, ka call a a pickup thei bawk si lo, ka mangang tawh takzet. Reife ka nghah hnu chuan car pakhat hi ka hma ah tak a rawn ding hlawl mai mahse Raven car ani lo.
.
"Norah...rawn lut rawh " ka han hawi kual vela Raven a rawn lan tak si loh avang chuan Reeve ruala haw mai chu tha a ka hriat avangin car ah chuan ka lut vata.
" Eng tin nge hetah ka awm tih i hriat? "
" Daniel an min rawn hrilh a "
" oh!! anih chu " ka thlenna hotel lam panin min kalpui nghala. Ka haw na lamah ka hostel awmna thin leh Loyola University te chu kan tlan pel a, engkim mai hian Raven min hriat chhuah tir vek mai chu anih hi mahse zanin Raven awmdan erawh chuan min ti lawm lo takzet .Hotel kan thlen chuan a tlai tawh hle ,ka chhuk tur chu Reeve an min rwwn ko let leh a
.
" Norah.... "
"umm... " ka mut a chhuah em avang chuan ka maimi chhing sar sar a
"zan in khan Raven i nghak tiraw? "
" maw!! Eng vanga chu chu min zawt nge i nih "
" Raven i nghak em ka tih chu? " Reeve chuan vin zet hian a rawn ti a,hetiang hian Reeve an vawikhat min biak na ,phawk fe hian ka en renga.
" Norah... khawiah nge i zungbun a awm? "
"Reeve ngatinge hetiang hian i awm? "
" Norah... ngatinge i hriatthiam theih lo mihring ve tho ka nih hi... ka thinrim thei a, midang ka thik thei bawk"
.
" Nizan ah Raven a rawn riak tiraw? "
" maw!! "
" Lalpa leh... thudik sawi ve mai rawh, engkim ka hre vek, zingah i Boss in a sawi vek alawm. Nizan ah i room ah mipa a rawn lut a chuan zingah a chhuak leh chauh bawk chu chu tudang nilo in Raven ani "
" engkim i hriat vek tho chuan ngatinge kan inkar hi kan tih tawp mai loh "
" Engmaw!! "
" Ni e... Reeve bum reng che hi ka duh tawh lo " ka bag a kan inhual na zungbun chu ka phawr sawk sawk a.
" ka tih palh... he zungbun hi chu ka tan chuan a tha mah mah ani"
.
." Norah... enge awmzia? "
" Reeve... i rilru tih nat leh hi ka duh tawh lo, chuvang chuan inthen ila a hma ang khan thian angin awm leh ang " tih pahin zungbun chu a kut ah ka dah a.
"duh lo ta ila... Delphine hi engtin nge tih ve dawn ?"
" ka hre lo..." thawk kan la hak a
" ka fanu hian apa dik tak a hriat a hun tawh in ka hria ..Reeve mangtha le,in enkawl tha ang che ,chuan engkimah ka lawm e " tih pahin car atang chuan ka chhuak nghal hmak a .
Show post links
Top
Ngaia
Site Admin
Quote
Post July 2nd, 2017, 3:35 pm
Chapter-69
.
Lobby ka thlen chuan thawk kan la hak a, ni e keipawh ka rilru a na ve tho midang tih nat hi ka duh bik lo mahse engtin nge ka thinlung leh ka rilru zawng zawng Raven an a luah vek laiin engtin nge Reeve bulah lem ka chan reng theih ang chuvang chuan Raven pawh nei dawn chuang lo mah ila Reeve atan a fair hleinem.Ka mittui chu a rawn tling pam a " Norah...insum hram hram rawh " tih sup pahin ka bag chuan ka inzap nghal mawlh mawlh a. Elevator a ka lut tur chu Reeve an min rawn pawt her lawp a, amah a nih ka rin loh em avangin mak tih hmel takin ka en ha a.
.
"Norah.... in be tha ang ti ringawt hi chuan kan inhual na hi i ti tawp thei lo ang "
" Reeve... khawngaih in hriatthiam tum rawh "
"Ka... ka theilo,ka kaltir thei lo che "
"Mahse Delphine hi ngaihtuah rawh, pa a nei a chu chu Raven ani chuvang chuan Delphine tan tal hriatthiam tum rawh "
" Delphine tan pa tha tak ka ni ngei ang, ka tiam a che. Ka fanu ang chiah in ka hmangaih anga ka enkawl bawk ang "
"anih a pa ngei bulah a awm theih laiin kan pahnih kan inngaihtuah avanga a pa bula awm thei lo ani tih a in hriat chhuah hunah engtin nge kan chhan tak ang? "
.
Chutia ka tih takah chuan Reeve chu a ngawi renga ,a kun lap bawk.
"mawh Reeve....tunah hian Delphine hian apa hi hre lo mahse nakinah ala zawng tho dawn tih chu nang leh kei tluka hrechiang an awmlo .Ka ti na che tih ka hria keipawh ka hlim chuang bik hleinem ka inthiam thei lo em em bawk mahse ka fanu tan chuan engpawh ka ti ang "
"he thil hi ka hrelawk ani " Reeve chu a nui lui hak a
" Khami ni Raven nen ka hmuh dun atang cheu khan he thil hi ala thleng vat ang tih ka lo ring sa reng tawh asin " Reeve a tawng dan chuan mu leh mal pawh a nei lo,a awmdan hi lo inpuah chah lawk vek te pawh a ang zawk a chhan chu kan inhual na ka tih tawp khan tuar na lutuk angin a lang tlat lo.
.
" Norah..... Raven hian a ti hlim che tih ka hria mahse a bulah hian in him hauh lo ang " tih pahin kan inhualna zungbun chu ka kut ah a rawn dah leh a.
"Engtik lai pawhin min rawn pan thei ang chutih hunah chuan keiin ka lo ti hlim ve thung tawh ang che "
Reeve chu a inher vut a pawn lam panin a chhuak nal nal bawk .Mak tih hmel takin zungbun chu ka en vung vung a
" Reeve ka rawn let tawh dawn lo " tih pahin zungbun chu ka hum vang vang a Elevator ah ka lut nghal a.
.
Reeve tawngkam leh a awmdan vel chu ka mitthla ah a cham reng ,heng thil zawng zawng hi kei leh ka fanu tana ti ka ni.Ka fanu hian pa a mamawh a chu chu Reeve nilo in Raven ani. Engthil pawh thleng dawn si Raven hian a fanu hi a venghim ngei ang.
Phur lo zetin ka room lam ka pan hnak hnak a, ka chau bawk nen ,Raven a rawn inlan bawk si lo tunah Reeve... thil thleng engkim hian min ti chau vel vek. Kawng pawh en mang lo in corridor ah chuan ka kal phei chhat chhat a tu emaw ni hian min rawn su ta thut mai!! ka bag leh ka file ken ho zawng zawng chu ka thlauh nghal vek bawk.
" tih palh lutuk " tih pahin ka chhar nghal sawk sawk a .
.
"ka thiamloh zawk anih kha ka hmanhmawh lutuk a" chu nu chuan min rawn chharpui nghal sawk sawk a.
"keipawh kawng ka lo en miah lo a "
" anih chuan kan thiam loh ve ve anih chu " a tih chuan ka lo nuih suk a,a aw phawi atang chuan British ani tih ka hre nghal,sang vak lo mahse a chhelo in a mit dum kak te chuan a ti hmeltha takzet.
"helai ah hian ka va hmu ngai lo che ve "
" umm... Room no.1093 ah sawn ka awm a "
" ah anih chu keipawh hemi floor ah hian lawm ka awm " a tawngkam vel chu a fel fai in a ngainat awm ngawih ngawih.
"anih chu "
.
" anih chuan kan la inhmu fo dawn nia " tih pahin file chu min rawn pe a hmanhmawh takin a kal nghal a.
" Bawih... i va rawn thleng har ve " a tih lang lang ri chu ka hre zui nghal bawk.A bialpa ani ngei ang hawi let lo in nuih suk pah chuan ka kal leh nghala.
" Norah... " ka hming ngeia min rawn ko tu an awm avang chuan ka ding chawt a ka hawi let vat bawk.
" Stephen... " phawk fe hian ka melh nghal kawk a, Nichin a hmeichhia in 'bawih' a tih kha Stephen maw!! Stephen chu hmuh ka in rin loh em avang chuan sawi mai tur pawh ka hrelo,ka hamhaih ani ber.
.
" Norah...ka awih thei lo" tih pahin Stephen chuan min rawn kuah nghal pawp a ,keipawhin ka lo kuah let ve nghal vat bawk
" ka zawng nasa lutuk che asin khawiah nge i awm daih a? "
" umm... East hodge atangin ka pem daih alawm "
" Ka pu leh Raven te pawh in an ngai tawh lutuk che, ka pu phei chuan a sawi reng thin che asin" Stephen awmdan chuan min ti hrilh hai takzet a chhanchu a bulah midang an awm ve si a.
" khawiah mah kal bo tawh suh... nilo khawi ah mah ka kal tir tawh dawn lo che, enge hetah i tih a ?"
" Stephen... umm hna vang ania"
.
" oh!! Norah...." tih pahin chu nu kawngah chuan a va kuah vata.
"ka nupui hual Olivia Twist anih hi chuan Olivia... Norah anih hi "
" Hi !!Norah...Nichin ah kan lo inhmu tawh a " Olivia chuan alo ti vat a mahse nichin a a awmdan nen kha chuan danglam tak ani, a nelawm na zawng zawng kha a bo nghal vek .
"nia...tun mai ah khan "
" anih chuan a that nasat chu "
" umm... ka kal tawh mai ang, ka hmanhmawh deuh a " tih leh kal ka tum nghala, diktak chuan nuam ka ti zan lo.
.
Stephen nen hun rei tak hnu ah kan inhmu leh chauh a mahse Stephen nupui hual awm ve laia lo biak that vak kha a nuam chiah lo.
" maw!! Norah... hun rei tak hnu ah kan inhmu leh chiah a tiang hian ka kal tir mai mai ang che maw!! teuh lo"
"ka chau deuh a... ughh.... nakin ah ka hman veleh ka pu pawh ka rawn tlawh ang "
"nilo...dinner tal ei ho ang u"
" Mahse zanin chu kan pahnih chauh in i ti si a "Olivia chuan a lo ti vata.
" ni e... ughh...ka kal mai ang " tih pahin ka room lamah ka tlan phei nghal dawr dawr a, min rawn umzui ka hlau takzet room ka luh rual rual in kawngka ka khar nghal vat bawk.
.
Kawngka ngheng chuan ka thu hnawk a, ka lu chu dawm vang vang pah in kan thaw chhuak leh hak thin a.
Olivia hmela thikna awm leh lungawi lohna awm kha ka hmuh hmaih hauh lo, ni e.. Stephen an nupui hual a nei tawh a tun hma ang khan ka biak a rem tawh lo, tunah pawh khan keimah vangin Olivia kha a lungawi lo tep zawng anih kha.
" Engthil nge ka tihsual a ka inthiam loh em em le? " tih sup pahin ka tho vata ,ka bag leh file vel chu couch ah dah in inbual turin bathroom ah ka lut nghala.
.
Ka inbual zo ka inthlak mawlh mawlh lai chuan dawhkan a Reeve a zungbun min pek let leh kha ka zuk hmu thut a ka awm a ti nuam lo leh vek tawh. Ka kawr hak that sawk sawk pah chuan zungbun chu ka zuk la vata.
" Huizz... engthil tha mah hi ka chungah a thleng ve ngai dawn lo anih hi " tiin ka phun sup a,Chutia zungbun ka melh vung vung lai chuan Raven a rawn lut ta thut mai, zungbun chu ka hnungah ka thukru nghal vata mahse a alo hmuh hmaih lo nasa.
"Enge i thuhruk kha? "
" Engmah ani lo "
.
" Engmah chu ka hmu ve duh alawm" tih pahin min ran pan nghal vata,hnung lama theh chhuah daih mai te ka duh.
"Engmah ani lo " thil dang daih tih chu ka tum a mahse ka kut a rawn vuan nghal chat,bang a min nawr bet pahin ka kut chu sang taka a nem bet tlat bawka ,chet ngaihna a awm tawh lo .
" Raven... "
" Engthil nge i thuhruk?" tih pahin ka kut chu a rawn pawt pawp a,ka thil hum lai chu min rawn chhuhsak vat bawk.
" Zungbun maw!! " tih pahin khumah a thu nghal daih a ,ka chhang lo hrim hrim.
" Norah... Reeve hi i then thei thlawt lo ami? "
" maw!! "
"Reeve hi i hmangaih lo"tih pahin zungbun chu a en vung vung a
"kha kum 4 leh tih chhung khan hmeichhe pakhat pawh ka mutpui lo asin... " tih pahin ka hma ah tak chuan a rawn ding a, a hmel ah chuan thikna leh thinrimna hlir in a khat vek a, mahse thinrim lo turin a insum ve tang tang in ka hria, bang chum dawt pah chuan zungbun chu a rawn lek va va a.
" he zungbun hi i tan a pawimawh viau anih chuan duh thlang fel rawh " Raven chu ka en kar a chhan ka tum hauh lo
"Reeve i thlang anih chuan ka kaltir ang che.... "
.
Ka chhan loh avang chuan min en renga chhan chu ka duh lutuk mahse Raven hian a mizia a thlak loh chuan Delphine bula awm chi ani lo chuvang chuan a mizia hi a thlak phawt angai tunah tut tut thutlukna siam ka duh lo chuvang chauha chhang duh lo ka ni.
" mawh min chhang rawh... Eng vanga Reeve hi inhual pui nge i nih ?" tih pahin zungbun chu a paih per lawp a .
"Raven hetiang a i awm vang hi alawm "
" maw!! "
"thinrim lo hian engmah i ti ngai lo, i luhlul in i thinchhe em em a engtik lai pawn min vin in min ti na reng thin chutichung chuan Reeve ka inhualpui nachhan min la zawt cheu amaw!! "
.
"mahse i hmangaih hleinem "
" Reeve chuan min ti na lo tal alawm " amah hnung chhawn zawng chuan ka ding nghal daih a.
"tlai ah pawh khan min rawn hruai ring in ka nghak reng che asin... vawi tamtak ka rawn call che a, i rawn kal ka rin tawh loh hnu thleng pawhin ka la nghak fan tho che asin ,chuan min rawn hruai tu i hre duh em? " ka mittui chu a rawn tling pam a.
" Reeve an min rawn hruai...Nangmah vanga harsatna ka tawh chang leh ka lungngaih chang pawhin ani chu ka kiangah awm in min hnem reng thin ,Nangin enge i tih ve? ngatinge i mizia hi i thlak theih miah loh?"
.
" hahh... Reeve a thil tih chauh maw i hriat tawh a ,a tha e...." tih pahin a tawlh hnung vata " i chungah hian eng hlimna mah ka thlen tir loh avangin ka tih palh. Ka ti na che in i mittui ka ti tla reng thin tih pawh ka hria .Ka venghim tawk lo che a i lungngaih chang leh harsatna i tawh chang in ka awmlo ani maithei mahse kei hi min thlak danglam asin"a hmui chu a liak zeuh a, a lu a han dawm leh vang vang phawt a.
"ka nun dan mawl tak leh nunrawng tak te chu thlak danglam in nun hlut zia min hriat tira, mahni chauha awm duh thin khan chhungte hlut zia ka hriat pah bawk asin ,ni e... i chungah ka thinchhia in ka sual pawh ani mahna a chhan chu ka hmangaih vang che ani"
.
"Ka duh luat ah che midang in an hnaih che ka phal lo a, kei nilo in an ti hlim che anih chuan ka thik em em a .Reeve nen in in hual tih ka hriat pawh khan kalsan che ka tum nasa asin a chhan chu i hlim ni a ka hriat vang ani. Mahse maw ka thei lo, ka thei lo ani Norah " Raven chu a inhum ruh vata " mi â ang maia um che kha ka thlang ta ani ,pasal hual i nei chung pawha ka zui kual reng che hian Reeve lakah hian ka tlawm takzet mahse tlawm taka awm kha pawi ka la ti lo cheu i bula ka awm theihna tur anih phawt chuan .... hreptak chuan engthil nge maw ka sawi le? ka hmangaih ber pawh ka ti hlim thei lo ania hlim hi i phu ani , Norah ...tun atang chuan hlim takin awm tawh ang che " tih pahin room atang chuan a chhuak nghala.
Show post links
Top
Ngaia
Site Admin
Quote
Post July 2nd, 2017, 3:35 pm
Chapter70
.
Raven a chhuak chiah tih chuan ka en zui vawng vawng a ,engthil nge ka tih anga engthil nge ka tih loh ang engmah ka hre thiam tawh lo. Engkim mai hi inngaihtuah chian hnu ah thutlukna siam chauh tur tih erawh ka hre kar thung.
" Lalpa min pui hram teh " tuh sup pahin khumah ka thu hnawk a.
Ka chauh em avangin ka mu vata mahse ka muhil thei tlat lo, ka tawngtai loh leh ka phone chu ka han hmet eng leh rih thin, Raven phone number chu kan hmet chhuak thin na in ka call duh bawk si lo,hetianga chiang lo nuai a ka awm chhan chu Raven hian a mizia hi thlak phawt se ka duh vang ani.
.
Kawngka rawn in chum dawt dawt ri chuan min ti harh zawk a, ka hawi chhuah meuh chuan khua alo var der tawh, phur lo zeta thawh taih taih pahin sana ka en nghala.
" Darkar hnih pawh ka muhil hleinem" tih bul bul pahin kawngka hawng tur chuan ka kal phei chhat chhat a. Harh chiang mang lo chuan kawngka chu ka han hawng vata.
"Norah.... engtin nge ila mutthilh theih zawk" Daniel leh bawk maw,
" lo lut rawh "
" Chutiang hman ani lo.... Minute 10 chiah i nei tawh car in min nghak reng tawh ania "
" maw!!" ka meng phawk nghal kawk a, ka harh chiang kher mai .
.
" Message kha i hmu lo em ni vawin chu dar7 ah Industry kan thlen ngei ngei angai, product a rawn thleng hma a"
" mahse naktuk tuk leh a rawn thleng turin report kan dawng si a "
" Norah... i lawm ve lo em ni, product a rawn thlen tawh chuan ka haw hma thei dawn tih na" Daniel chuan phur zet hian min rawn sawi nawk nawk a, lo chhan let vak dan pawh ka thiam lo.
"insiam vat vat rawh kal vat ang.. Boss a thin a rim leh mai ang "
" awle " tih pahin kawngka ka khar nghala. Kawngka ka khar rual rual chuan bathroom ah ka tlan lut nghal vata, hmanhmawh takin ka hmai ka phih a ka in sil nghal sawk sawk bawk.Hmanhmawh thei ang bera ka chet pawhin minute5 in ka la tlai hram nia.
.
" Morning Boss,ka tih palh lutuk" tih pahin car ah ka lut vata mahse a lungawi loh hmel ngang mai.
" Miss Stowe dar engzat nge i hria em ?"
" dar6:15.... "
"dar6:10 a inpeih hman tur i nih laiin minute 5 in i rawn tlai a chuvang chuan dar7 a thleng thei tur kha dar7:05 ah kan thleng dawn tih i hria em? "
" ka thiam loh ani ka tih palh lutuk" ka lo ti vata mahse Boss lung a awi thei thlawt lo.
"Miss Stowe i tlai ta sa sa taxi in i rawn kal mai dawn em ni? " tha deuh chuan a ti mai a ka hnial ngam bawk si lo,ka ngawi renga.
"Chhuak rawh " phawk fe hian ka meng nghal kawk a
.
"mah..mahse....Boss"
" Chhuak rawh ka tih chu ....helai ah tlai reng hnathawk ka duh lo " a ti ta chiam chiam mai ,ka hlau bawk nen hmanhmawh takin ka chhuak nghal vata
" Boss min ngaithla teh " glass a up nghal hmak anih chu !!
" Boss... ka... ka tih palh ..ka rawn" ka sawi zo hman lo chak zet hian car chu a tlan nghala,
" Lalpa leh" ka lu dawm vang vang pah chuan ka ti sap a,ka rilru a hah takzet mahse khatianga min tawngkhum fo avang erawh chuan ka rilru a na lem lo.
" pawilo" tih pahin ka coat chu ka siamtha sawk sawk a
" Taxi a tam em mai "
.
Taxi chu ka phar ding nual mahse Industry awmna a hlat mai bakah hna thawk lo tan luh mai mai a harsat thin avangin tumah an kal duh tlat lo. Sana chu ka en chhen a minute10 lai a liam leh tawh .
" Engtin nge ka tih tak ang? " kal lo ringawt dawn ila a tih chi bawk si lo. Diktak chuan nimin ah information engmah ka dawng lo a ,zingah kal hma tur tiin message a rawn thawn leh ringawt a ka thiam loh pawh ani lo.Chutia Taxi phar din ka tum lai chuan ka phone alo ri ve chhen bawk si.
.
" Hello bawihte.... "
" Nu ngatinge zingah i rawn call loh a" ka ni in a tih tir leh tawh ani chiang lutuk
" Bawihte ka buai lutuk a, ka ni lo sawitir zel lo teh "
" Engtin nge i hriat?" ka ni tawng ri ka hriat chuan ka nui suk a.
" Delphy in khatiang tawngkam kha a hmang ngai hleinem "
" Hei nizan chu Delphy a mu duh lo a, a lung a leng tawh aniang"
"Bawihte... ka rawn haw vat dawn,fel deuh khan lo awm rawh aw... "
" awle... "
" ngatinge 'awle' tih chauh in min chhan a... ka ngai lutuk che chuan ka hmangaih bawk che "
.
"Nimin tlai atang khan chaw pawh a ei tha duh lo a lo haw van rawh a ngai tawh che aniang "
"A dam tha hrim hrim maw!! "
" aw... dam tha hei ala infiam ala infiam alawm"
"a that hlauh chu ka rawn haw tep tawh...."
" minute15 lai a ral tawh ania phone kha hmang reng suh" rang zetin ka hawi phei vata, Raven chu a bike ngheng in thatchhe zet hian alo ding reng chu niin. Ka lam pana a rawn khalh phei avang chuan hmanhmawh zetin ka hawi let vût a.
" ni, bawihte....ka rawn be leh ang che u... Ka hmangaih che bawihte" tih pahin phone chu ka dah nghal vata,ka hawi let leh chuan Raven chu ka bulah alo awm der tawh, ka phu zuk lehnghal.
.
" Eng... enge hetah i tih...? " ka awmdan hrilhhai tak avang chuan a nui suk a.
"Engtik lai khan nge i rawn kal a? " ka han ti leh a.
" ughh...Car i luh hma atang tawh khan... "
" anih chuan... " nichin taxi ka phar lai vel te phawh khan alo awm reng tawh ani maw!!
" Rawn chuang vat rawh tlai i duh loh chuan "
" maw!! "
" vat... chuti lo chu " a tih rual rual chuan ka chhuang nghal thâk a,inhnial buai leh luhlul na hun a awm lo ka duh ber chu thlen vat ani mai, duh lo ila chu Raven hian min nghak reng dawn lo tih ka chiang chuvang chuan chuan vat hi a finthlak zawk.
.
" Kha tiang daih tawh tur kha alawm " ngeiawm zet hian a nui ri hak bawk.
" min vuan rawh hetah hian " tih pahin a jacket chu a rawn ti kang a, ner suk pahin a kawng ah ka kuah nghal vat bawk.
"hmanhmawh rawh ka tlai tawh ania "
"tehreng mai minute 15 chhungin kan thleng ang "
" maw!!.... Engmaw minute15 a!! "
" i awih lo mi? "
" ahh... a chak lutuk ang, thih ka la duh lo ania" tih pahin ka nui suk a
"le inring rawh le... min vawn ngheh loh chuan i tla daih dawn nia" min sawi thaih deuh bawk nen a hnungzang ah chuan ka bei thlawp a, nghet takin ka kuah bet tlat bawk.
.
A tlan chak em avangin kawng tluan in ka maimichhing tluwn thak, ka hlau bawk nen ka kuah na lamah ka hah vek in ka hria.Bike a din chuan kan thleng tawh tih ka hriat avangin ka meng vata
" minute 15 chiah chiah " Raven chu a rawn hawi let a awih loh hmel zet hian sana chu ka en vata a ti dik... ka awih thei lo minute15 chhung chauh maw kan tlan a !!! hepa hi shortcut a hria ani chiang lutuk.
" a ho emai!! " tih pahin ka chhuk vata.
" Raven... ka lawm e " ka ti zui zat bawk
"a nih chuan... " ka kut ah vuan in a lamah min pawt hnai deuh a, ka kawnga rawn kuah pahin ka bag hi a rawn khai va va a.
.
" hei... hei hi engtin nge i ken daih theih ?" nghet zet hian min rawn kuah leh a .
"nangmah ringawt i in ngaihtuah a i bag takngial pawh i hre tawh hleinem " ka maimichhing tlat bawk nen ka bag tla tur pawh ka lo ngaihsak tawh lo hrim hrim.
" ka lawm e" ka laksak vata, kal lehnghal mai ka tum a mahse min kuah bet tlat avang chuan ka han tal deuh a
" Raven... min thlah rawh ka hmanhmawh ania "
" i Boss te pawh an la rawn thleng chuang hleinem " Ni e, thleng lo reng ang chu min tlan chak pui em alawm. Boss in min hmu se ka thlen khalh avang hian min ngei leh ngawt ang ,mahse pawi ka ti lo.
.
Car dum hla deuh tak a tlan lai chu ka hmu a, Boss te an ni tih ka hre nghal
" Raven... kal tawh rawh "
" duh lo ta ila "
" khawngaihin saw Boss a rawn thleng tawh ania "
" In Boss chu ka hmu duh alawm"
" Raven.... " ka lo ti vin nghal hluk a.
" anih chuan min fawp phawt rawh "
" teuh lo... kal tawh rawh khawngaih in " kal a hnekin min kuah nghet tawlh tawlh mai bawk si, car kan hma taka a rawn din chuan ka hlauthawng tawh takzet,ka thlantui in min bual huh nghal vek.
"Raven... " a hriat tawk lek chuan ka ti sap a, ka hmui a rawn fawp zeuh pahin a nui suk a, bike atang chuan a chhuk nghal vat bawk.
Raven chu ka hma ah tak a ding ran a, Boss leh Daniel pawh chu rawn chhuk in Raven leh Boss chu an in hmachhawn ta ran mai. Daniel chuan min rawn mit mei zeuh a ,Raven chu kalsawn tir turin.
" Raven... khawngaih in " a hriat tawk lek chuan ka ti sap a mahse hria ang pawhin a awm duh lo.
" Norah... engtin nge min thlen khalh theih zawk....?" Boss chuan mak tih hmel takin min rawn en ha a, ka nuih a za letling zawk.
.
" umm... ka... ka hrelo... " ka hrelo miau alawm ka maimichhing daih avangin engtin nge hma taka kan thlen dan hi ka hrelo ani. Ka chhan dan avang chuan Daniel chu alo nui ri hak a, Boss lah a thin a rim tawh si ava hun lo thin tak em.
" Norah... min chhan dan avang hian i hna i chan thei tih i hria em? "
" Wow..wow... ropui hle mai " Raven chuan kut ben pahin ngeiawm zet hian a ti a.
" Nangkha tunge i nih?.... he buaina ah hian rawn inrawlh ve suh " Boss hmai chu a sen vek tawh, a pa te reuh si a Raven dar chen velah a ding ve tau a a nuihzatthlak lek lek mahse ka nui chhuak ngam lo.
.
" Min hrelo maw? Haha... kei te chu oh!! kan in hmelhriat tir law law ange, Norah pasal ka ni " Kan vai mai chuan mak tiin Raven chu kan melh kawk hlawm a,ani lah in enga tan mah angai der bawk si lo.
" Pasal maw!! mahse... " Daniel chuan alo ti vata, a chhan chu Reeve nen kan inhual tih a hriat vang ani.
"Kan rin tawk vel ani....Mr. Smith kal ang " Min koh ve loh avang chuan Raven chu alo inrawlh vata, hetia a in rawlh mai loh chuan engmah ka sawi ve ngam lo tih a hriat vang ani.
"leh lawk " Raven chuan Boss chu a pan hnai deuh a,Boss a khawih ka hlauh em avangin a rukin a jacket hnung lamah chuan ka pawt vata, a hrethiam ani ngei ang thawk chhuah hawk pahin Boss darah chuan a han beng thak thak a
"ughh... Norah hi a tlai em lo tiraw? a tlai anih chuan ngaihdam ka dil e" Raven chuan Sana en pah chuan tha deuh hian a ti a ,Tun... tunah khan Raven an ngaihdam a dil!! chupawh keimah vangin engthil nge thleng ta hi thinrim miah lova a biak avang chuan mak ka ti takzet chuan ka lawm hle bawk.Chutia inngaitlawm taka ngaihdam a dil takah chuan Boss zia a rawn lang leh ta. Boss hi chu tih let thah loh chuan a inluling nghal vat thin.
"Ih e... tlangval, Ngaihdam i dil hian engmah kawngro a su lo.... i lo hriat ve mai mai atan Norah... ughh i nupui ang hi kan company hian a mamawh reng reng lo, ani ang thiam nei tlem lutuk hi chu an tam lutuk".
.
Boss in a chan dan avang chuan Raven thin a rawn thawk phut mai!! Boss chu rek bet in car bangah chuan a nem bet nghal chawt a, a che rang lutuk dang hman ani lo.Ka hmui hup pahin ka te nghal thawt a, Boss pawhin a ze diktak a chhuah a Raven pawhin a mize diktak a lo chhuah ve bawk anih hi. Raven thin a rim tawh hi chuan dan hman loh hian a che phut zel heihi a mizia a ka duh loh ber ani reng ani . Boss mit ah tak chuan chiang zet hian a en kalh a,Boss chuan a hlau hle tih a hmel ah a lang nghal ,chet pawh a che ngam tawh lo.Daniel lah in chhan a hnek in Boss tlawm lai hmuh hi a chak zawng tak alo ni bawk nen engmah tih a tum lo bur lehnghal.
.
" Raven.. thlah rawh " Zaidam tak hian ka va ti a, ka hlau thawng bawk nen hetianga zaidam taka tawng hi a harsa takzet.
" Khawngaih in " a kut a ka han khawih takah chuan a thlah nghal vata, a rek na bawk aniang Boss chu a khuh tuarh tuarh a ,vanneih thlak takin security in an rawn hmu lo hlauh. Daniel chuan Boss chu alo buaipui vata mahse a thinlung takin a tanpui lo tih ka hria.
"Thinrim tawh suh... ummm... " Raven chu a bu nghata.
.
Chapter-71
.
" Miss Norah Stowe hna atanga ban i ni e "
" maw!! " a coat siam that sawk sawk pah in an lut nghala .Raven chuan um leh a tum a mahse ka lo dang nghal vat.
"I hna i chan kha... engmah thiam loh na i nei hleinem"
" Engpawh ti ila ban ka ni tho tho ang... " a ruk chuan ka rilru a na takzet mahse Raven bulah erawh ka ti lang duh lo.
"Tunah hian kal tura min tih chuan engkim ka sawi fel vek thei em em ang "
" aih... a ngai lo, Boss chu khatiang reng kha alawm... eng ang pawhin hrilh mahla angai reng tho " ka hmela rilru natna lo lang chu thup tum teh mah ila a hai bik hauh lo chuvang chuan inthiam lo in a ding kun lap a.
.
"lo kal teh " tih pahin bike ah a chuang vata.
"chuang rawh " ka inngaihtuah nawn eih lo, ka chuang ve vata a .Heta awm reng hian awmzia a nei lo thil thlen tur ang chu a thleng vek tawh chuvang chuan ka pawm thiam a ka intih thaw ven hi angai ani .
Raven kawng ah nghet takin ka kuah tlata, vest chhan ah pawh nise kan in tawn tirh a a nak hliam ka thui na ser kha hetia kuah mai pawh hian ka hre thei.A hnung ah chuan ka bei hle hle a ,tunah hian ka lungngai takzet mahse mittui ti tla lo turin ka inhum ruh tlat thung.
.
Raven chuan ka kut chu a rawn hum vang vang a.
" Engkim a ngai angin ka awmtir leh vek ang tih ka tiam a che "
" ka lawm e " Bike chu tinung in a tlan chhuak nghala.
*
Nilengin hmun hran hran ah min kal pui a,park ,beach leh intih hlimna hmun hrang hrang ah te, a chang chuan tleirawl inngaizawng tha leh te pawh kan ang zawk. Thil chi hrang hrang ei in ka tih ngai lo tamtak min tih pui a ka hrehawm na te leh ka lungngaih na te kha Raven bulah chuan ka theihnghil vek mai alawm.
.
"Norah "
" umm... "
" Stephen an dinner ei pui ah kan pahnih in min sawm a "
" maw!! "
" ah... i duh loh chuan ka tilui lo ang che "
"hahh....ka pu ka hmu chak takzet" min nui suk pahin ka sam a rawn chul a.
"a sawi reng thin che asin... Stephen an min rawn hrilh a ,a hmu che tih "
" Nia... a nupui hual nen "
"Olivia hi Stephen tan chuan hmeichhe tha tak ani, anu man tir turin huaisenna a neih pah a "
"umm...ka hmu alawm,kal ila min lo nghak rei tawh lutuk ang "
"awle " Cambelo in lam pan chuan kan kal nghala.
.
In kan thlen chuan ka lung a leng takzet engmah danglam ala awm lo, ka nun hlui zawng zawng te chu ka hrechhuak nghal uaih uaih a, Pu Thomas, pu Christopher te kha ka ngai takzet .Inchhung kan lut tur chu ka tawlh hnung hrut a
" Ka pu ka hmuh hunah enge ka sawi tak ang ...Raven ka zam takzet" ka kut chu la in a fawp zeuh a
"ka pu in a hmuh che chuan a lawm ngawt ang chuvang chuan hlauthawng suh "
" Engmah ka ken sak bawk si lo "
" Engmah a ngai lo ,lut ang le " nghet deuh tak hian ka kut chu a rawn hmer vang vang a, ka hmuia fawh zeuh pahin.
" ka hmangaih che " a rawn ti sap bawk.
.
Zam tak leh inthlahrung tak chungin inchhungah chuan kan lut a ,engkim mai chuan ka lung a ti leng vel vek.
" Norah... " pu Christopher an min hmuh chuan min rawn kuah nghal thlawp a, Stephen leh Olivia te pawh an rawn lang nghal vat.
" ka ngai lutuk che asin...ka zawng hmu zo lo che a ka beidawng takzet tawh asin ka hmu leh che chu ka lawm hle mai "
" keipawh ka hmu leh che chu ka lawm takzet " chubak sawi tur ka hrelo.
.
" Zanin chu i rawn let leh lawmna dinner ani mai " Stephen chuan min rawn kuah pahin ka biangah a rawn fawp zeuh a, ka awm ve vang nge mawni Olivia chuan nuih pawh min nuih eih lo.
" i kuah rei lutuk " Raven chuan a lo ti vata, kan han nui ho leh dar dar rih a. Zanin chu ka lungngaih zan tur emaw ka tih laiin ka hlim ber tum ala ni ngei ang. Pu Christopher chu ka bulah a awm deuh chawt a, a lungngaihna te,Raven leh Stephen chanchin te, min hmuh leh avanga a hlim zia te leh Regina an man avanga a rilru hah zia te chu min hrilh vek a ka lainat takzet.
.
Olivia nen rawng kan bawl lai chuan ka hnung lam atangin Raven chuan min rawn kuah thut a.
" Enge maw i tih le ?" Olivia chu ka va melh zeuh a, mahse kan awmve ani tih hre lo ang maiin a thil tih lai chu a tih chhunzawm zel tho.
" ugh... a reh em a"
" khawiah nge Stephen leh ka pu? "
" Lalpa leh!! " tih pahin ka sirah chuan a rawn ding a.
" sawmi te pahnih nen a inkawm turin min duh amaw!! "
" umm... anih mai loh ten "
" ka room a mut ka thlang zawk "
.
" Raven... chutiang in an ti ngai lo " Olivia chu ka ven thawn deuh avangin ka lo khap vata .
"tihian i bulah ka lo awm mai ang "
" mahse min ti buai alawm " Message a dawn avang chuan a phone chu a en vata, ala nui vur vur zui.
Ngaihthat loh hmel zet hian ka lo en kar a.
"umm... chhuah lawk ka ngai "
" khawiah? "
" Dinner ei hma i ka rawn let leh hman ang " ka hmui a fawh zeuh pahin a kal nghala, ka thil tih a laklawh bawk nen engmah ka zawt chiang hman lo.
.
Ngawi renga rawng ka bawl mawlh mawlh lai chuan Olivia chuan wine no hi ka bula rawn dah pahin wine chu a thli chhuak nghal mawlh mawlh a,Olivia chu ka en renga .
"Ka lawm e "
" Norah... " thutak deuh a a rawn tih avang chuan ka hawi chho vata.
" i vannei takzet " tih pahin a wine ken lai chu a han thlak pap a, a thusawi avang chuan mak tih hmel takin ka en ha bawk.
" ughh... Raven ang hmangaih tu che i nei a "
" nangpawh Stephen i nei lawm " nuih suk pah chuan ka lo tilet ve vata.
" ughh... nia... haha "
.
" mahse Stephen hian kei nilo hmeichhe dang hmangaih a nei alawm "
"Maw!! "
" ugh... Norah, Stephen hi ka pasal hual chu ani meuh mai mahse a thinlung hi i nei asin " Ka wine in lai chu ka phuhchhuak tep.
"i la hrelo ani maw? mahse thudik ani. Stephen hian a sawi reng thin che alawm chuvang chuan kei pawh hian ka thik takzet che asin "
" Nilo... Olivia i ngaih ang kha ani lo "
" hahh.... ka thik che avangin ka lawm lo che tih nang pawhin i hria ang mahse Stephen rilru put ang i pu chuang hleinem tiraw?"
.
" Olivia....thian chauh kan ni chuvang chuan engmah ngaih that loh tur a awm lo "
"ka hria alawm... tunah chuan Raven a awm tawh a ka hlauhthawnna zawng zawng te kha kiang duak in ka hria " tih pahin ka sir ah chuan a rawn ding a
" ka pu, Stephen leh midang in an ngaina em em che a ,i hria em... ka pu, Stephen leh Raven te pawh biakin ah an kal fo tawh asin "
" maw!! i ti tak tak em? "
" umm...keipawh in mak ka ti asin... he chhungkua hi ka lo ral hriat ringawt thin a, khawvel mi, hlimhlawp bawl thin ah ka lo ngai thin mahse ka pu in engkim min hrilh khan Nang hi nun thar pe tu i ni "
"umm... eng... engmah tih ka nei lo, keichu hnathawk mai chauh alawm ka nih"
" hahh... hmeichhe inngaitlawm tak i ni... hei vang hi aniang hmeichhia te ngaihzawn rawn pawh i zûn ah a uai tlat ni " Olivia tawngkam vel chuan min ti lai takzet, ka hmai te chu a rawn sa nghal vek .
"Norah... Raven nen hian hlim taka in awm ka duh takzet"
" nangpawh... "
" ka lawm e" min rawn kuah nghala, ka rilru a nuam huai mai, ka ngaih ang in Olivia chu alo sual tawp lo anih hi.
" umm....Raven hi khawiah nge maw a kal le hei dinner kan peih fel der tawh ania "
" ngaihtuah suh ka rawn let leh vat ang a tih kha"
*
*
Raven chu kan nghak tak na in a rawn haw har em avang leh call a pickup loh avangin kan ei san ta ringawt a, mahse ka ngaihtuah lem lo a chhan chu a chhuah dawn pawh khan engmah buaina a awm loh vang ani.
Thleng kan sil vek tawh hnu ah thut khawm paha kan in kawm hlim mai mai lai chuan Raven chu a rawn lang hlawl mai,
"Raven...khawiah nge i kal daih a?" tih pahin Raven lam chu ka pan nghal vata.Amah chauh in ani lo Brandon pawh a rawn kal tel ve bawka
" Hi!! Norah" Brandon chuan alo ti vata
"i dam maw? kan inhmuh lohna a rei tawh hle mai "min rawn kuah vata
.
"Umm... dam e, kan inhmu leh chu ka lawm takzet chuan... " tih pahin Brandon bula ding ve mipa pakhat ka hmuh chuan phawk fe hian ka meng nghal kawk a.
"Andrew....Hi!! " ka ti chhuak hlawl, ni e Andrew hi Esther Wood ah kan then awm deuh lawka cheng ani.
" maw!!....Eddie hi i hria maw!! " Raven chuan alo ti vata.
" aw.... kan thenawm ah a awm alawm...Chuan Andrew hetah enge i tih?"
"Hmela... " tih pahin Andrew chu Raven an a rek ta pawp mai,Midang zawng chu an thutna atanga ding chhuak in hriatthiam loh hmel takin an lo thlir ha hlawm a
.
" Engtin nge Esther Wood ah i awm theih? "Andrew chu a ngawi renga, engmah ka hre thiam lo takzet engvanga Raven hi thinrim nge a nih?
"Raven... engthil nge i tih hi? Andrew hi thlah rawh " ka tih rual rual chuan a hnek thal nghal tawp a
" hepa phiangsen hi Andrew ani reng reng lo... Eddie Taylor anih hi, chuan wolf gang mi leh sa ani bawk"
" Wolf.. wolf gang maw!! mahse... " ka chil lem dak pahin Eddie chu ka en renga.
"kan chhungkua thian tha tak ani asin"
.
" Hmela...hreptak chuan" Raven chuan a kawr nghawng ah chuan a tham tho nghal pawp a.
" Norah ka zawn lai pawh khan a awmna ilo hre reng amaw!! ngatinge dawt i sawi.... " A hnek leh nghal pawp a. "Thian chu i in ti ve si amaw? "
" Keiman sawilo turin ka ti anih kha" Brandon lam chu ka hawi phei nghal thapa.
" nang...nangpawn ilo hre vek amaw!! "
" aw... "
"Brandon ka ring che asin engkim i hria si chuan ngatinge Norah awmna kha i zep tlat ? " Raven chuan a ti chuai raih a,a thinrim lutuk chu a mit a sen vek tawh.
" a chhan chu thupek vang mawle "
" thupek.. thupek... he thupek hi ka kham tawh lutuk "
.
" Ni e.. hrilh che kha ka duh lo ani ,Norah leh nangma tana ti ka ni. Norah a kal bo avang khan a thi hi a pawimawh tawh lo tihna ani hleinem chuvang in a ruk thei ang berin thi hi kan venghim ta ani chuan Norah hi kan enthla zui reng bawk ani "
"Ka thian chu ini sia maw!! hrep tak hlawm chuan ,Norah ka zawn laia mu leh mal pawh ka neih loh lai pawh khan ka lamah i lo tang eih lo anih dawn kha "
" Raven.... hriatthiam tum rawh..."
" min khawih hlek suh "
" Norah leh i fanu venhim ka duh vanga ti ka ni " Brandon chuan a ti chhuak hlawl a.
" fanu a!! "
.
Chapter-72
.
Midang ho chuan Brandon leh keimah chu min en thap hlawm a mak tiin a meng phawk hra hlawm bawk,
" Engmaw i sawi kha?" a han ti nawn leh saka, chutia Raven an a fanu chungchang a la hre ve lo tih Brandon an a hriat chuan sawi chhunzawm lo in a ngawi ta reng zawk a,a awmdan atang chuan ka kutah engkim a dah tih ka hre nghal.
" Norah.... " Raven chu ka hma takah rawn ding in min en kar a mahse hnuailam ka melh nghal vat thung.
" Norah.... enge awmzia? Brandon thusawi kha enge awmzia?" ka kut te chu a thlan nghal vek , ka hlauthawng in sawi mai dan tur pawh ka hrelo.
.
"min en rawh " tih pahin amah en tur chuan min kuai dak a mahse ka en rei ngam lo, midang ho chu an lo ngawi thapa tumah rawn inrawlh lah an tum hek lo, mak ti taka lo din mai loh
chu tih theih dang an nei lo.
" Raven... ih... " ka thusawi leh tur nghak chuan min en renga, ka chil chu ka han lem leh dak thin a.
"sawi rawh Norah.... enge i hlauh em em a? thudik sawi chu a har viau ami?" min sawi deuh pah chuan a ti vin nghal tuarh a, ka hlauthawng sa bawk nen ka phu nghal zawk ,ka kut leh ke te chu a khur nasa tawh kher mai .
.
" Raven....i ti hlauthawng lutuk anih kha ... " Raven an min vin vak avang chuan Stephen chu alo inrawlh nghal vat.
" Stephen... kan pahnih inkar ani ,lo in rawlh suh.... thudik tak hriat vek ka duh"
" Norah.... vawikhat chiah ka zawt leh ang che, Brandon thusawi kha a dik em? " zaidam tak hian a rawn ti leh a, chutah zet chuan ka insum thei tawh lo,ka lo bu nghat a, ka mittui chu a rawn far fap bawk
" Raven... fanu i nei ani chuan kum4 a tling tep tawh "
" maw!! "mak tih hmel takin a meng phawk nghal kawk a, ka kut chu thlah in a tawlh hnung vat bawk.
.
" Nga... ngatinge i zep tlat" a rawn ti chuai raih a.
" mawh Norah... engvanga engmah min hrilh lo nge i nih" a ti leh nghal tuar a, a hmel ah chuan thinrim na bak hmuh tur a awm lo.
"ka hlauhthawng vang ani , hrilh che ka duh thin lutuk mahse..."
" mahse enge.... Apa ka ni asin, ka fa ngei pawh hre tlak lo tur khawpin ka sual em ni,mi tlaw tak ka lo ni, nang ngei pawhin min ring zo lo ania "
" nilo...Raven min ngai thla teh "
" hreptak chuan...." tih pahin a lu chu a han dawm vang vang a
.
"Fanu ka nei a engtin nge ka lakah i zep thei zawk.... oh!! ka fanu ngei chu ka dah bo daih i ring ani maw,chutiang em em a sual ah chuan ami min lo ngaih a?" Raven tawngkam ngeiawm zet chuan min khei ta zak mai .
" ni e...kei takngial pawh ka invenhim theih loh laiin engtin nge ka fanu chu nun hlauhawm ah ka dah theih tehlul ang chuvang chuan hrilh loh che kha ka thlang ta zawk ani "
"Lalpa leh....ka ring thei lo, ka bulah chuan i thla a muang in ka lo hre thin asin "
"Ni e... ka thla chu a muang ngei alawm mahse ka fanu nen nilo in, ka û pawh i thah duh laiin engvangin ka fanu i bula a awm in ka thla a muan theih tehlul ang "
.
Chutianga ka tih avang chuan Raven rilru chu a rilru a nat hmel takzet. Diktak chuan dawt ka sawi ani, Raven bulah hian ka thla a muang in ka ring zo tak meuh mai hetianga dawt ka sawi mai loh chuan wolf gang ho leh ka fanu hi inzawmna neih tir ka duh loh vang ani.Hetianga ka tih chuan Raven pawhin a fanu a rawn ngaihsak lo anga a him zawk ka rin vang ani mahse ka thutlukna hi a dik em tih erawh ka hrelo .
" Awle... a tha e, ka hmangaih ber pawhin min ring zo lo niin a lang " tih pahin couch chu a vai pawp a, in atang chuan a kal chhuak nghala.
.
Raven chhuah rual rual chuan couch ah ka thu hnawk a, ka lu dawm pahin ka thu kun lap bawk. Engthil nge ka tih tak ang, Delphine chungchang hi Raven hrilh vek ka duh takzet mahse Brandon leh Wolf gang member dang ho a rawn inrawlh ve tih ka hriat rual rual khan ka rilru ka thlak nghal hmak. Tunah chuan ka fanu bula ka awm vat angai ,ka fanu in min mamawh ani. Thawk kan la leh kawk thin a,ka rilru a na in hrehawm ka ti ve tho mahse dik nia ka hriat angin ka ti mai ani.
.
Stephen leh Olivia in min rawn hnem an tum chuan pu Christopher an alo dang vat a.
" amah a awm a duh zawk ang... Olivia room ah han hruai rawh " pu Christopher chuan alo ti vata, mahse he in ah hian ka riak thei lo, nilo ka tibuai tawk tawh viau chuvang chuan he chhungkua hi thlamuang taka awm turin ka duh ani.
" nilo.... hotel ah ka let leh zawk ange "
" Mahse Norah.... "
" Pu Christopher " tih pah chuan ka ding vata "hmeichhe chak lo tak ngaihtuah ngai kha ka ni tawh hleinem, tunah chuan nu ka ni tawh a ka ngaihtuah awm tawh loh "
.
" i lungngaih lai hian nangmah hnemtu nih ka duh asin... thil nasa tak min tih sak tawh a rulh let ve che hi ka duh ani "
" ka chunga i thil tih zozai kha ka thil tih ve te mai mai te kha chuan a rul zo hauh lo zawk ang che " tih pahin a biangah ka fawp zeuh a.
" ka kal mai ang... ka lawm takzet engkim ah... " pu Christopher chuan duat takin min han kuah vang vang a.
"kan chhungkua ah inremna i rawn siam avangin ka lawm e, i duh ang chuan hotel ah chuan i let dawn nia mahse kan inhmu leh ang tih min tiam rawh " a tih chuan ka nui lui suk a, ka chunga pu Christopher thatna hian min hneh em em zel mai dawn chu anih hi.
.
"Stephen... Norah hi hotel thleng va thlah rawh, chuan a room kawt thleng i thlah dawn nia "
" awle... " Stephen chuan alo ti nghal vata.
" ka pu keiman ka lo thlah zawk ang " Brandon lam chu kan en thap hlawm a,
"ni e, Brandon an min thlah zawk rawh se " ka lo ti nghal vat bawk,Brandon thlah ka tih zawk na chhan chu Stephen an min thlah chuan Olivia a awm ve reng si a nuam ka tih loh vang ani.
" awle... anih chuan Brandon a thleng tluang ngei ani tih min rawh hrilh hre leh dawn nia "
" awle"
Kan chhuah hma chuan ka pu leh midang ho chu ka mangtha leh te te phawt a,ka inthiam lo takzet zan hlimawm tak kha ka ti chhe vek si a.
.
Brandon nen chuan ngawi rengin car ah chuan kan chuang dun a, tukverh lampang hawi in thil chi hrang hrang ka ngaihtuah a ka mittui a rawn tla leh zeuh thin. Bandon an min rawn hmuh hlau in ka hru leh vat thin bawk, Raven an a fanu hi a duh tak tak lo nih hi tih te in ka ngaihtuah a ka hnuk a ulh leh thin.
Car a din chuan ka hawi chhuak vata, kan lo thleng der tawh .
" Brandon ka lawm e, chuan min rawn thlah duh suh pu Christopher chu keiman ka lo hrilh mai ang " tih pahin ka seatbelt chu ka phelh nghal sawk sawk a, chhuah nghal mai chu ka tum a .
.
" Norah.... "Brandon an min rawn koh avang chuan ka hawi let vata.
" i û kha Raven thah ani lo "
" maw!! " mak tih hmel takin ka melh nghal kawk a.
" umm.... ni e,ilo la hre ve lo niin ka hria i û kha midang thah ani mahse Raven thah ani lo " sawi tur pawh ka hrelo ,mak ka tih tluk zetin ka lawm ka rilru a nuam nghal huai in ka hria .
" Mahse amah vanga thi ah a ngaih tlat avangin hrehawm a tiin a inthiam lo thin lutuk asin ,chuvang chuan khami chungchang kha kan sawi ri leh tawh angai lo. "
" Ka... ka lawm e, min hrilh avangin " tih pahin ka nui lui suk a
.
"hlauthawng suh Delphine pawh kan venghim tlat ania "
" umm... engkim hi ka hrethiam tawh lo "
"i thinlung in tha a tih ang khan thutlukna siam rawh chu chu thurawn ka pek theih chhun che ani "
" Brandon... ka lawm e mangtha le"
" mangtha le.... chuan Raven an a fanu hmeltha tak kha a hmuh chuan a hlim takzet ang tih theihnghilh suh " a tih chuan ka nui suk a, car atanga chhuak in inchhungah ka lut nghala
Brandon thusawi avang chuan ka lo nui leh ver ver thin, ka thla a ti muang in min ti hlim takzet. Raven an ka û a thah loh mai bakah a fanu a hmuh in a hlim dawn ani tih ka ngaihtuah phei chuan ka insum thei lo, ka lo nui chhuak leh tep tep thin. Pu Christopher chu tluang taka ka thlen thu ka hrilh nghal bawk. Ka room lam pana hlim taka ka kal lai chuan hnung lam atangin min rawn ko ta thut mai!!
" Miss Stowe" rang lutuk in ka hawi let vata, a chhan chu Boss ani tih ka hriat vang ani.
.
" Boss.... "Boss chu ka bulah rawn kal in envelope hi min rawn pe a.
"Enge? "
" Ticket anih kha.... vawin ah kan hna kan zo tawh a chuvang chuan naktuk zingkar ah kan haw ang "
"kan... kan hna maw!!" Tukin zing kha chuan min ban tawh si a ,Boss awmdan hi ka hrethiam lo takzet.
" Miss Stowe " tih pah chuan a ner suk a " tukin zing ami kha chu theih nghilh rawh chuan promotion i hmuh theih nan theihtawp ka lo chhuah bawk ang"
"awle" mak tih hmel takin ka en ha a, zawhna ka zawh leh chuan a thinrim leh mai ang chuvang chuan 'awle' ti a chhan mai hi a awlsam zawk.
.
" Chuan naktuk zing dar6 ah anih kha rawn tlai suh ang che " tih pahin a room ah a luh nghal hmak bawk, Boss kha khatianga a awm ka vawikhat hmuh na ,nikhat em pawh a ral si lo a a rilru a thlak hma takzet. Vanneihthlak lutuk in ka hna chu ka hmu let leh ta, mahse engmaw? Naktuk zing ah ka haw tawh dawn maw?!!!
Hmanhmawh lutuk in ka room ah ka tlan lut nghal vata, ka bag chu khuma theh thal tawp pahin Raven ka call nghal, mahse switch off a in ti tlat!!.
.
Sana kan en leh zeuh thin a dar1 a ri va tawh mai bawk si. Raven an a phone a on tak thut in tiin ka call bang chuang lo. Ka in pack fel vek hnu ah pawh ka be thei chuang lo.
" Engtin nge ka tih tak ang? " ka vei kual chhen a ,ka mut lah a chhuak der mai bawk si lo. Raven ka biak hma loh chu thlamuang takin ka awmthei lo chuvang chuan ka biak vat angai. Ka pu, Stephen leh Brandon te pawh ka bia a mahse Raven awmna an hre bik lo. Zawng turin chhuak ringawt dawn ila tun ang zan rei ah hmeichhia mahni a chhuah a him bawk si lo.
" Lalpa min pui hram rawh "ka ti leh ringawt thin.
.
_______________________________________
#Airport#
.
" Norah khatah khan tinge i din reng rawn kal rawh " Daniel chuan min rawn ko a, ka kal a hun tawh si tun thlengin Raven ka be thei bawk si lo.
" Dan... minute 5 chiah "
" tunah i rawn kal loh chuan Boss thin a rim leh mai ang "
"mahse.. "
" keichu thlen tawh ka chak takzet nangpawh Delphine hmuh i chak ve lo em ni "
" Chak takzet, ka haw tur thu pawh ka hrilh lo ka surprise dawn "
" a tha alawm "
" chuan nizan chu Boss awmdan a mak takzet , min la lut lehnghal a "
"a tha hlauh anih chu " tih pahin a nui suk ringawt,mak ti hmel pawh a pu lo .
.
" hawh kal ang le "
" awle... " tih pahin ka han hawikual vela, Raven ka call thei bawk si lo, phur lo zetin Daniel chu ka zui hnak hnak a, ka thin te pawh a rim lek lek zawk.
Ka thutna turah chuan ka thu fel thak a, nizan ka mu tlem bawk nen hla ngaihthlak pah chuan ka han maimichhing vang vang a, Esther Wood lam pana kan thlawh chhuah dawn lai te chuan Raven bak ka rilru ah a awm thei tawh lo mahse ka kal ngei angai bawk si.
.
Chutia hla ka ngaihthlak tui lai tak chuan Daniel chuan earphone chu an rawn phawi chhen a, a tir ah chuan ka mu lui tlat tho mahse min run luih zel takah chuan meng mang lo hian a malpui ah ka va chum leh pawp thin
" Dan.... ka chau ania "
Reilo te hnu ah kan thutna piah deuh lawka Daniel an Boss a tih ri ka hriat chuan ka meng phawk nghal kawk a , Daniel.. Boss bula a thut chuan tunge ka bula thu hi ni ta ang?.
Rang zet hian ka hawiphei vut a, ka thil hmuh chuan min thawng takzet.
Show post links
Top
Ngaia
Site Admin
Quote
Post July 2nd, 2017, 3:37 pm
Chapter-73.
.
Raven lah chu headphone vuah pahin thatchhe zet hian ala mu zui ,a maimichhin tlat avang chuan ka tawng a hrelo der tih ka hria
" Raven.... i muhil lo tih ka hria ania " tih pahin ka han sawi nawk nawk a, a heatphone vuah lai chu ka pawhthlak sak vat bawk,meng lo thei lo a ka siam takah chuan peih loh hmel zet hian min rawn en a
"Eng... engtin nge hetah i awm theih?"
"Engvangin nge ka awm loh ang ?"
" ka.. ka sawi awmzia chu call i pickup thei bawk si lo a, engtin nge.... " ka tawng mawlh mawlh lai chuan Daniel an Raven a rawn mitmei zeuh lai ka hmu fuh hlauh.
.
"Nanghi? "
"Eng nge? "
"Daniel an a hrilh che ani maw!! "
"ka mut a chhuak ania, min zawh tur dang i la nei em? "
" maw!!, zawh tur che ka la ngah lutuk ,ngatinge i phone i switch off daih chuan nizan ah khawiah nge i awm? " Raven chuan thawk an la hawk a.
" ok... tikhan lo sawi la, ka muhil phawt anga kan thlen hunah chhanna ka pe ang che " tih pahin a thu rem sauh sauh a, a jacket chuan a inkhuh hmak anih chu !!
.
" sual lutuk... "
" oh!! i sawi laia ka lo muhil palh anih chuan i lo ziak chhuak mai dawn nia" tih pahin ka hmuiah a rawn fawp zeuh a, a inkhuh leh nghal hmak .
" hahh.... enge maw a hriat le? " tih sup pahin ka nui suk a, keipawh ka chauh em avangin ka mu rem sauh sauh a reilo te ah ka muhil nghal vat.
.
_______________________________________
.
#Esther Wood#
.
Hostess in kan thleng tawh tih a rawn puan ri chuan min ti harh zawk a ,meng suar suar pahin ka han zî mar vela.Ka bulah Raven a awm ani tih ka hriat chuan ka hlim veng veng thei , kaihthawh tum in ka han en a, khabe dawm meuh a min lo en reng avang chuan ka phu chiang kher mai.
"Raven... min ti phu alawm "
"ka en ringawt che alawm engthil mah ka ti hleinem "
" khatianga min lo en reng zel te chuan... "
" ok... " tih phah chuan a tho vut a.
" tikhan i thu reng dawn ami? " hepa han sual thiam zia hi chu.
.
Boss, Dan kei leh Raven kan pali chuan taxi la turin kan in nawr phei tham tham hlawm a, vawin zet chu boruak a thiang in a nuam takzet.
" Raven... EstherWood ah ka lo lawm a che " Daniel chuan alo ti vata, Daniel leh Raven innel lutuk chuan ka ngaih an ti tha lo lek lek chu ai maha mak zawk chu Boss hian Raven hi a be tha em em ringawt.
" i chau em? " Boss chuan a rawn ti nghal zung zung a.
" Chau lo e "
" ah... tihian ti ang, tunkar chu hahchawlh nan hmang la thawhtan atangin hna i rawn tan dawn nia " .
.
" Boss angai lo....naktuk chauh hi ka chawl zawk ange "
" anih chuan... naktuk tuk leh ah hna chu..."
" tunkar chu khua min fan pui la a tha ang " Raven chuan Boss thusawi lai chu alo pawt chat vata,
" ah... mahse office ka kal angai lawm "
" Nia... Miss Stowe khua chu fanpui zawk rawh... office lam chu rawn ngaihtuah reng reng suh ka lo ti fel vek mai ang " Boss awmdan hi a mak takzet, a tho â te pawh a ang zawk. Raven, Boss leh Daniel te hian enge maw zep ruk chu an nei chiang alawm.
.
" Boss Taxi kan zawng kual dawn mi niang " Raven chuan ngeiawm zetin boss chu a va melh a.
" aih... aih... angai lo i vawikhat rawn kalna te ani bawk si a, keiman ka ka zawng ange " tih pahin Boss chu taxi zawng tur chuan a kal nghal nal nal anih chu!! ka thil hmuh hi ka awih thei lo, Boss chuan thupe in min tir kual reng thin si a, a mak takzet.
" Norah... taxi ka va ko ange " tih pahin Raven chuan Boss chu a zui ve nghala.
.
" Dan.... " Daniel bulah chuan ka va ding hnai a.
" keichu tunkar chhung Boss in leave min pe asin "
" keipawh... "
" ani maw!! " Daniel awmdan chu chik zet hian ka en reng a.
" Norah... ngatinge min en reng? "
" Engemaw tak chu a awm alawm"
" Engchu maw!! "
" nang, Raven leh Boss te inkar ah hian... "
" maw?... haha.. teuh lo engmah a awmlo "
.
" ok... a that chu,anih chuan Lotey kan bia ange... zu i in chungchang vel pawh kha hriat a duh ka ring "
" maw!! nilo... i hrilh thei lo ang "
" umm.... engkim min hrilh chuan kal call lo thei tho bawk "
"henu hi chu!! awle... ka hrilh ang che mahse ka zu in chungchang Lotey i hrilh anih chuan min then ani mai " tih pahin a phone a video chu min rawn en tir a.
" heihi.... Boss anih hi " phawk fe hian ka meng nghal kawk a.
"tunge hmeichhia hi ..... " Daniel chu ka melh chho ha a.
.
"Nangni pahnih hi "
" nia... Boss hi kan blackmail alawm "
" nilo... chutiang chu in ti thei lo ang "
" mahse hetiang hian ti lo ila nungchang tha pawh hrelo in ala awm reng dawn sin"
" in blackmail vang chauh in hna pawh min zawm tir alawm... Dan... a tha lo asin "
" nia... mahse ani pawh a thiam bik chuang hleinem... nupui nei reng chungin hmeichhe dang a mutpui a " Daniel sawi chu a dik ve tho bawk sia.
" anih chuan nizana Raven rawn call tu kha nangmah i ni tiraw ?"
" umm...Raven hi Boss in a hlau sa bawk hrim hrim a, bakah hepa hi ka duhpui che engtik ah mah a phatsan ngai lo ang che "
.
Daniel an mipa min duhpui thu vawikhat a sawina... chu mai pawh ani lo mipa dang a vawikhat fakna ani hial ang. Hetianga Daniel an a sawi tawh anih chuan a sawi dik ngei ngei thin bawk.
" saw a rawn kal.... Norah duhsakna ka hlan a che " Daniel an a en lam chu ka hawiphei vata, kan lam pana rawn kal mek Raven chu ka thlir renga ka hlim veng veng ,mahse thil hlauhthawn rukka nei
1) Ka chhungten Raven hi an pawm angem ?
2) Delphine engtin nge apa chungchang hi ka hrilh tak ang .
.
" Lo kal rawh le " tih pahin min rawn kai a, taxi ah chuan kan lut nghal bawk
" tluang takin le... Daniel " Raven chuan a han ti leh a, kan in lam panin kan tlan chhuak nghala .
" Raven.... "
" umm.... "
" ka hlauthawng takzet "
" engvang chuan maw!! "
" ughh... zanin chu hotel ah riak phawt la ,ka chhungte ka lo be phawt anga chuan naktuk lamah sawi tha leh zawk ila "
"umm.... mahse ka fanu ka hmu chak tawh alawm "
.
" i hmu tho dawn a mahse.... "
" hlauthawng suh.... i chhungte chu ka hmin thei em em ang "
"umm... engtik lai pawn i lamah ka tang reng ania "
" ka hria alawm " tih pahin ka hmuiah a rawn fawp zeuh a, a dar ngheng in ka bei hle hle a, kan tum phawt chuan ka chhungte chu kan hmin thei em em ang ,Delphine pa ani miau alawm.
.
Kan in kan thlen chuan ka lungphu pawh a pangngai thei tawh lo, hlauhthawn na hlir in ka khat ani ber mai.Raven chuan kan suitcase chu khai in min zui hnak hnak a, ani pawh a hlauthawng ve hle tih a hriat mahse tih lan loh a tum nimai hian ka hria.
Kawngkabulah kan pahnih chuan kan ding ran a, Raven chu ka melh zeuh a hnem zawk tur ka tih laiin keimah zawk hi hnem ka ngai.
" Ka hmangaih che " tih pahin ka hmuiah a rawn fawp zeuh a, ka kut chu a rawn hum vang vang bawk.
" keipawh ka hmangaih che " tih sup pahin thawk kan la hak a, ka huaisenna zawng zawng sawmkhawm in doorbell chu ka hmet ta a.
Rei lo teah kawngka pawh a rawn in hawng nghal vat .
" Norah... " ka ni chuan min rawn kuah nghal chung chung a.
" min hrilh lawk si lo a, Delphine pawn a ngai tawh lutuk che asin... rawn lut vat rawh " ka ni chuan a ti nghal mawlh mawlh a, mahse Raven a hmuh chuan a awmdan a dang nghal vek.
" hepa... hi tunge? " Raven chu chiang zet hian a en kar a.
" ughh...Raven Cambelo ka ni e " Raven chuan polite takin ka ni chibai tum chuan a kut chu a han phar chhuak vata.
" Norah ni... Anne ka ni e " ka ni chuan a ngaihna a hriat loh hmel takzet.
.
" Norah... tunge? " ka beng bulah chuan a rawn ti sa sa a
" um... i hre mai ang " tih pahin ka nui suk a, ka ni awmdan hi a nuih zatthlak takzet.
"Raven... lut ang "
" ni e... lo lut vat ru " ka ni chuan a tih tur diktak ati ani.A hmelhriat loh mah nise tha taka biak chu a tih ve tur reng ani .Inchhung kan luh chuan ka han hawikual vela Delphine hmel reng reng ka hmulo,ka pa chuan tv alo en meka ,ka pa hmel ka hmuh chuan ka zam takzet .
" khawiah nge ka fanu hi " Raven chuan ka hriat tawk lek hian a rawn ti sap a.
.
" um.... dar1 a ri tawh sia a school bang a muhil nghal aniang " ka tih chuan hriatthiam hmel tak hian a lo bu nghata.
" lo va thu rawh u.... in tur ka rawn pe ang che u " ka ni chu kitchen ah a lut nghala.Hreh tak leh phur lo zet chungin ka pa thutna ep chiah lam pan chuan kan inzui phei a.
" ka pa... "
" ehe.... engtik laiin nge i lo thlen... i zin na te chu a nuam em? " ka pa chuan min lo kuah nghal vata, ka ni ang tho in Raven a hmuh chuan mak tih hmel takin a en ha a, ka pa chuan min rawn en leh a
"tlangval tah khan thu rawh "alo ti vata. Raven nen chuan ka pa ep chiah ah chuan kan thu kun lap a, ka rilru in ka tawngtai bang chuang lo.
.
"Ka pu... Raven ka ni e.... Raven Cambelo " Raven chuan a ti vata, mahse ka pa hmel erawh a dang nghal vek thung .
" Hetah enge i rawn tih?" ka pa chu a nelawm ta lo hle mai, a mizia zawng zawng a thlak nghal vek.
" umm... ka pu i fanu hi ka hmangaih ani, min hmuh ang hian tattoo ngah in ser thleh thluah mah ila i fanu leh i tunu hi hlim takin ka siam ang chuvang chuan i fanu hi min neih tir rawh khawngaih in"
" tunu a!! " ka ni chuan a rawn ti sap a , a tray ken lai chu a thlauh lo chauh bawk.
" ni e...in tunu hi ka fanu ani "
" Delphine maw!! nilo...ka awih thei lo"
" aw... Delphine hi ka fanu ngei ani,hun rei tak chhung ka fanu hi pa tello in a seilian tawh a tunah chuan ka fanu hi keimah keiin enkawl ka duh tawh ani " a tih zawh rual rual chuan ka pa chu a ding thut a, Raven kawr nghawnga tham pahin
" i zak nange... tual thattu, ka fapa thattu " ka pa in a tih chuan ka meng phawk nghal kawk a.
Show post links
Top
Ngaia
Site Admin
Quote
Post July 2nd, 2017, 3:37 pm
Chapter-74
.
" ka pa.... "
" Norah lo inrawlh suh... Diana nen in thusawi ka hre vek alawm ,hepa hi ka fapa that tu ani " ka pa mit chu a sen nghal vek, thinrimna hlirin a khat bawk. Raven chu ngawi rengin ka pa pawh kawi ang ang chuan a awm tawp a, inthiam loh hmel takin a kun lap bawk.
" ka pa i hresual ani... Raven hi... "
" hepa hi hmuh leh ka duh tawh lo, he in hi i rawn rap leh anih chuan police ka call ang "
" ka pa i hriat dan ang kha ani lo.... "
" Norah... " Raven chuan min lo khap vata.
.
Ka pa in a pawhna chu phelh in a kawr chu a siam tha nghal vat bawk.
"Norah... a pawilo ka phu ve reng ani " a inhum ruh nghal vat a.
" ka pu.. i duh chuan police i call thei ang mahse Norah lakah hian ka beidawng dawn lo.... i malsawmna ka dawn hma loh chu ka beidang dawn lo " tih pahin Raven chu a chhuak nghala.
" Raven... lo ding teh " ka um chhuak nghal.
" a pawilo... a pawilo... " tih pahin ka sam chu duat takin a rawn chul heuh heuh a " i pa chu ka hmin em em ang ....hun a duh rei deuh ani pawhin pawi ka ti lo mahse tunah chuan i pa hian inngaihtuahna hun a mamawh ani " tih pahin min rawn fawp vawng vawng a.
" ka hmangaih che " tih sap pahin a kal nghala.
.
Hmanhmawh takin inchhungah ka tlan lut leh nghala, ka pa hma ah tak ding in ka muttui chu a rawn far fap a .
" ka pa... ka û kha Raven thah ani lo "
" inchungah han chho rawh "
" ka pa... min ngaithla teh"
" Delphine hi kha mi dukdak lo khan min laksak ngai lo ang " tih pahin in hnung lam kawngka lamah a chhuak nghal hmak a. Ka pa in ka thusawi a ngaithla duh bawk si lo, ka rilru na lutuk chu inchung ah ka tlan chho nghala, khumah bawk thawp pahin ka tap nghal hawm hawm a .
.
Ka û kha la dam se ka ti takzet, Diana nen ka inbiakna alo hriat vang aniang fa ka fai tirh khan ka pa in Delphine hi a huat em em nachhan, mahse engmah a sawi ngai lo hria ang pawhin a awm ngai lo .Rei fe ka tah hnu chuan ka ni hi ka bulah chuan a rawn thu a.
" Bawihte.... " ka sam ah chuan duat takin a rawn chul heuh heuh a, ka lo kuah nghal thlawp a.
" nî... ka pa khan a hresual ani, Raven an ka û a that lo "
" ka ring che alawm "
"engtin nge ka tih tak ang? Engtin nge ka pa hi ka hmin tak ang?"
" i theihngilh ani maw?.... Engkim ti thei Pathian kan nei alawm "
.
"Delphine chuan a pa a chhun hle mai " ka ni in a tih chuan ka nui suk a, ka mittui te hru hul in intih pachang hram hram ka tum ta zawk a.
"Reeve pawh a rawn haw a, a awmdan atang khan thil diklo a awm tih ka hre nghala, Hei vang hi alo nih dawn hi "
" ka nî.... khawngaih in ka lamah tang hram rawh, Raven hi pa tha tak leh rin tlak tak ani asin"
" aw... Norah, mipa fel, Pathian tih leh lehkha thiam hnawl in ngatinge tattoo ngah tak leh mi holam tak hi i thlan mai le "
" chutiang ani lo asin... Raven hian a chhungkua venhim nan chuan a nun derthawng ah pawh awm mahse a pawisa lo . Thinchhia in luhlul hle mahse a rilru chhungril chu a no em em a, amah aiin midang a ngaihsak daih zawk asin "
.
"kan hma hun chu ka sawi thei lo mahse hepa hian i pa hi ala hmin ngei ka ring tlat, a hmelah khan beidawng mai hmel a pu lo "
" nî ...ka lawm e "
" Chu Delphine pawh alo harh tawh ania.... va ngaihsak vat rawh "
" awle.... "
" Norah... nangpawh beidawng reng reng suh ang che.... i lamah ka tang tlat ania, chuan ka lo tawngtai pui reng bawk ang che " ka ni chu ka kuah nghal thlawp a.
" nî. ..i awm lo ang tih ka hlau takzet... ka lawm e... ka lawm takzet "
" ka tih ve tur reng alawm " Delphine room ah ka lut nghala.
.
________________________________________
.
Delphine thawmhnaw vel ka thleh mawlh mawlh lai chuan ka phone chu ka melh leh zeuh thin a, nizan ah Raven an min rawn be bawk si lo ka lungawi lo takzet. Thinrim bur in khum chu ka siam mawlh mawlh a, ka pa lah engmah sawipui a ngam awm tawh bawk si lo, engmah thleng lo ang in awm mahsela a nuam lo takzet. Chutah Raven a biak theih bawk si loh...Huizz... hepa hi a beidawng anga a haw daih te hi ani lo maw!! nilo... ani thei lo, khatiang ringawt kha chuan a haw thei lo ang.
.
Phur lo zetin inhnuai ah ka chhuk thla chhat chhat a .
" Norah... "
" aw... ka nî"
" vawin chu Delphine lo va lam mai teh a, hei thil dang tih tur ka nghah riau mai "
" awle... " sana ka en chuan dar12:20 alo ri der tawh. Hmanhmawh takin ka insiam nghal sawk sawk a , dar1 ah ka thlen ngei ngei angai chuti lo chu Delphine alo titau leh palh ang.
.
Delphine te school lam panin taxi chuan ka kal nghala, ka hmanhnawh takzet. Hmanhmawh thin hle mah ila Delphine hruai tura kal hi chuan eitur ken sak ngei ngei angaih avangin taxi chu ka din tir a, eitur ka lei hnu chuan taxi ah chuan ka lut leh nghal vata.
" Le... kan kal thei tawh e " driver bulah chuan ka ti a,
"driver i hmanhmawh deuh thei angem? " a tlan chhuah mai loh avang chuan ka han ti leh a.
" ka hria e... passenger dang an rawn luh bel dawn a " a tih rual rual chuan Raven hi thil khai tun chung hian a rawn lut hlawl anih chu!!
.
" Raven.... hetah enge i tih? "
"ka fanu ka hruai ve dawn... "
" mah... mahse tuin nge hrilh che chuan enge heng thil zozai te hi "
" ahh... i ni ka zawt a.... haha...chuan ka fanu eitur anih hi " a thil khai lai chu ka han en vela.
" Delphine hi Chocolate eitir ka phal hleinem chuan heng chocolate zozai te hi "
"Naupang te chuan chocolate tui an ti alawm, keipawh ka naupan lai chuan tui ka ti thei lutuk"
" i fanu hi a ha a chhiat i duh ami? "
" duh lo e.... anih chuan ka lei tawh bawk si a, paih mai ang "
" ngailo....naupang dang leina neilo ten an ei duh ang "
.
" awle... anih chuan enge ka lei tak ang "
"engmah angai lo "
" mahse.... "
" Delphine chuan a duh ber a nei tawh alawm... chu chu pa ani "
" kan thleng tawh e " Driver in a rawn tih chuan ka hawi chhuak nghal vata, vanneih thlak lutukin a hun takah ka thleng thei hram. Taxi atang chuan kan chhuk thla vata ,Delphine te pawh an lo bang chiah anih hi.
Raven nen chuan Delphine ka nghah thin na lam pan chuan kan inzui phei hnak hnak a .
.
" Reilo te lo nghak ila a rawn chhuak tep tawh ang " Raven chu ka en chho ha a, a awmdan a dik lo hrim hrim,
" i tha maw!! "
" aw... tha e" a kut chu ka han hmer vang vang a, a khur der der in ka hria .
"Norah.... "
" umm.... "
" ka zam takzet.... ka fanu in min hmu ta se min hlau a ngem? " Raven zam lutuk hmel chuan ka nuih a ti za lek lek, a fanu Kum 3 leh tih vel lek hmu tur pawhin a zam em em ania,ka pa a hmu tur ai pawh khan a zam fe zawk.
"i fanu ania.... a ngaina em em ang che "
" saw... ka fanu chu alo kal e " a rawn ti sap a, ka hawi phei vat bawk. A vawikhat hmuhna mah nise a fanu chu a hai hauh lo a chhan chu an in ang em alawm, hai theih ani lo . Raven chu a awmna atang chuan a ding chhuak vata, a fanu a hmu chiah a muttui rawn tla fap te chu ka hmuhhmaih hauh lo, a kut ah kai in duat takin ka han chul a.
"nu.... " Delphine chuan min rawn kuah nghal vata, mahse Raven a hmuh chuan a en duh kher mai,chuan a zak ve deuh ni te hian ka hria ,Raven chuan sawitur engmah a hrelo a hamhaih vek ani ber mai .
.
" I pawm duh em? " Raven bulah chuan ka va ti zeuh a
" ugh.... ka.. ka... tunah lo, tunah chuan ka ti tap palh ang "
" Bawihte.... hei hi apa Raven anih hi.... " Delphine chuan a ngaihna a hriat loh hmel takzet.
" ugh... i thian te pawhin pa an neih ang khan...leh apa Reeve pawh pa i tih ang khan heihi apa anih hi aw... " ka tih chuan min kuah daih a,a hmel hriat a nilo bawk nen a tawng tha duh lo.
.
" Reeve kha apa a ti maw!! "
" umm... "
" Hreptak chuan... engtin nge khatiang mi kha ka fanu hian pa a tih theih zawk ?"
"kal phawt ang u... tawng hi fimkhur angai, a fing tawh lutuk a bakah tunah chuan engmah la hrilh chi ani lo zawi zawi in a hre cho ve mai ang "
" ka hria... ka hria.... Delphine park ah i kal duh em? " Raven chuan a ti a
" aih... "
" anu pawh telin.... " Delphine chuan ka mitmei chu a en kar a, kal ka phal tih a hriat avang chuan a bu nghata.
.
Park ah Delphine infiam lai chu Raven nen chuan kan thlir renga.
" alo lian tawh hle mai " a rawn ti sap a
"chuan apa a chhun hle bawk.... "
" ka pawm pawh a duh lo pawm ahnekin ka khawih pawh a duh lo ania " Raven an vui tak tak mai chu a nuih zatthlak zawk.
" nichin lawkah in in hmu ve chiah a... "
" mahse a pa ka nia.. min duh tur chu a ni alawm... min en hrek hrek ringawt a "
" Raven... hun ala mamawh ve alawm nakinah chuan apa ah a ngai hmak tawh ang che "
.
"pa ti a min koh chu sawi loh... i pa... nilo putara lah khan ka fanu hi a hauh tung lehnghala, a ta chauh ani bik lo ... ka fanu ani ve tho a kan pahnih a kan siam kan thawh rah liau liau vanga rawn piang chauh ani " Raven tawngkam avang chuan ka nui chhuak hak a.
" ka pa pawh kan hmin thei em em ang "
" ni e... nang leh ka fanu hi ka kalsan tawh lo ang che u "
"ka hmangaih che "
" keipawh ka hmangaih che... chuan ka fanu pawh, haw tawh ila putar a khan alo nghakhlel tawh ang che u"
" awle... mahse Putara bulah hi chuan dawl zawr in i zawr "
" teuh lo.... "
.
*
Raven chuan inthleng min thlah haw hram a, mahse inchhungah erawh a rawn lut lo. Delphine pawh a mutthilh avangin taxi kan chuan chhung zawngin Raven an a pawm char char a, a fanu a pawm lai ka hmuh phei chuan ka hnuk a ulh lo chauh. Khatiang em em khan pa in a fanu a en ngai lo, Delphine a hmuh te khan a lungawi hmel hliah hliah , hriat loh karah a fanu en chungin a nui leh var var thin a, Khatiang em em a Raven hlim hmel ka la hmu ngai lo.
.
Delphine chu ka pawm lut a, ka ni chuan min lo laksak vat bawk.
" i thiannu a rawn kal ania " ka ni chuan min rawn hrilh ru sar sar a.
" Diana maw!! "
" nilo... ka vawikhat hmuhna, a nghah na che a rei tawh ...va be vat rawh "
" tunge niang le ?" tih pahin living room lam chu ka pan phei nghala. Hnung lam atang chauha ka hmuh avangin tunge a nih rin dan pawh ka nei lo ,a sam chu a sen leh avar in a tial nuai a hetiang sam nei thian ka neih awm pawh ka hrelo.
" Hi!! " ka va ti thawr ringawt a, chu nu chu a rawn hawi nghal vata
" Sarah.... hetah maw!! " phawk fe a meng pahin ka ti chuai raih a.
Show post links
Top
Ngaia
Site Admin
Quote
Post July 2nd, 2017, 3:38 pm
Chapter-75
.
Sarah chuan min rawn kuah nghal thlawp a,
" Norah.... ka hmu thei che chu ka lawm takzet " ka hmuh hmaih hauh lo chu a hmai a ser lian tak awm chu ani ,hrem anih laia an sawisak na pawh ani mahna ,a dâng in a chêr em em a mahse hetianga a awm chhan erawh zawh ka tum lo.
" Eng... engtin nge hetah....? "
"Norah... biak che ka duh" tih pahin ka ni chu a melh zeuh a,a falin min biak a duh ani tih ka hrethiam nghal.
" ka ni min lo hrethiam lawk.... Sarah min rawn zui rawh" tih pahin inchung ah ka chho nghala, a ruk tak chuan ka hlauthawng ru hle a chhan chu thil enge maw tak awm lo se chuan Sarah hian min rawn pan ka ring lo.
.
" Lo lut rawh " Sarah chu ka room chhungah chuan hawi kual ralh ralh pah hian a rawn lut a, thawk lak hak pahin khumah chuan a thu vat a kei erawh kawngka bulah ka ding daih thung.
"umm.... i fanu chuan Raven a chhun hle mai " min rawn nuih suk a,
" nia.. ughh" ka hmel atanga zawhna tamtak awm leh hlauhthawnna te chu a hmuh hmaih bih hauh lo,
" nia... ughh... ka lo kal chhan tak chu" a ding nghal hluai a ,min rawn pan hnai vat bawk.
" nilo.... Sarah... ka la inring lo, ka fanu hi min laksak an tum em lo tiraw? " hlauhthawn hmel tak chuan ka melh kar a .
.
" haha.... Norah hahdam rawh " tih pahin ka thi awrh lai chu a rawn pawt chat hmawk a.
"Sarah.... " ka ti nghal tuarh bawk, a chet dan chuan min thawng bawk em ani.
" engthil nge maw i tih le ?" ka tih chhunzawm zat bawk.Thi chu ka hmai zawn ah tak chuan a rawn khai kang va va a.
" i zalen tawh " min rawn nuih ver ver bawk.
" maw... eng... engmaw i sawi kha "
" he thi hi i mamawh tawh lo, tunah chuan i chhungkua te nen zalen takin awm tawh rawh ,Norah ....hlauhthawn angai tawh lo"
" ka awih thei lo " ka nui chhuak hak a,mahse ka mittui a tling pam thung ka hlim lutuk hi awmdan pawh ka thiam lo.
.
" ka... ka mumang ani lo tiraw?" ka hmai chu ka han hup vang vang a, mumang nilo in atak ngei ani bawk si.
" ka.... ka lawm e" Sarah kuah thlawp pah chuan ka ti bah nuai a
Tunah chuan thlamuang takin Delphine pawh school ka kal tir thei tawh anga,thlamuang takin ka khawsa ve thei dawn ta!!! Raven ka hrilh vat angai, he thu lawmawm tak hi a hriat hunah chuan a hlim viau ang.
" ih... i fanu chu chiang takin ka hmu chak takzet...a hming kha Delphine Cambelo tiraw?"Sarah chuan a rawn ti chhuak hlawl a,ka lo bu nghata. A hma chuan Delphine Stowe tih ani thin a hetia Sarah in Raven hming a rawn puttir hian ka hlim takzet.
.
" i dam tha hrim hrim tiraw" tih pahin Delphine room lam chu ka pan a, Sarah pawh chuan min rawn zui ve vat bawk.
" aw... ughh tha lutuk " za lo zet hian min rawn nuih suk ringawt.
" Delphy pawh a chau deuh aniang, a mut loh lai nise tha tur ania"
" a pawilo" tih pah chuan Delphine tui taka amu lai chu a han en vang vang a.
" a hmel tha hle mai "tih harh hlau tih hriat tak in duat tak hian a hmai chu a zuk chul sak heuh heuh bawka, Sarah awmdan chu ka en renga, ka ngaih a ti tha lo takzet mahse ka ti lang lem lo.
" Sarah.... "a mittui chu a hru zeuh a.
.
" ka kal a hun tawh... Norah mangtha le " tih pahin rang zet hian room atang chuan a kal chhuak nghal daih a,ka um chhuak ve nghal vat bawk.
" Sarah... ih... chaw te pawh ei la " kawngka bul a thleng hman der tawh, min chhang lo chuan chak zetin a chhuak nghal hlawk hlawk a,engthil nge thleng hriat tumin Sarah chu ka um ve nghal dawr dawr bawk, car a a lut tur chiah chu a banah ka va tham hman hram,a lo ner nghal sawk a.
" Ngatinge hetiang hian i awm? "a ban ka tham na lai chu ka en vata, thi a rawn hnam chhuak nghal tiam tiam anih chu !! phawk fe a melh kawk pahin ka thlah nghal vata.
.
"i... i ban a thi ania " ka kuta a thisen kai chu ka en renga, ka kutte chu a khur nghal der der bawk.
" mangtha le.... " tih ringawt in min chang ,car ah chuan min luh san hmaka chak zet hian a tlan chhuak nghal bawk.Ka rilru a buai takzet, engvanga khatianga awm teh thut kha nge anih ka hrethiam lo.Hrilh hai tak chung chuan in ah ka lut leh hna hna ta ringawt a .Midang in min hmuh hma in ka kut chu ka sil fai vata, Delphine rawn thawh huna a ei tur chu ka siam nghal sawk sawk a,rilru nuam lo hle mahse thi ka kawl tawh lo tih ka hriat hian ka zâng hawk thei chuan Raven hrilh hun ka nghakhlel takzet bawk,hmai chhan ngeia hrilh ka duh bawk si a, ka inhmuh leh hun ka nghak tawp mai ang .
.
Chutia Delphine eitur ka siam mawlh mawlh lai chuan ka ni in Delphine chu a rawn pawm thla hnawp hnawp a.
"alo tho tawh ani maw!" tih pahin Delphine chu ka va pawm vata.
" Khawiah nge i thiannu kha? "
" ummm.... a hmanhmawh deuh a a kal ta anih kha "
" kha nu kha ka hmuh tawh hnu a ang riau mai "
" maw? "
" ka hre chhuak zo tawh lo mahse a awmdan leh a hmel te kha ka hriat tawh hnu chu ani ngei alawm ,eee taka Raven nen a ka hmuh dun kha ani em ?" ka ni thusawi chu a dik ngei ang, engtia lo hmu leh hman nge maw anih le.
" ughh... ka ni Sarah te chu Esther Wood ah a awm ngai hleinem...." Delphine chu chair ah ka thut tir vata.
" Bawihte.... heihi lo ei la i inbual na tui tur ka va siam ange " a chala fawh zeuh pah chuan bathroom lam ka pan nghala.
*
*
Dinner kan ei zawh chuan eng eng document emaw tihfel ngai a awm avangin room ah ka tawm nghal deuh chawt a, ka bul mai ah Delphine pawh alo infiam ve bawk.
" Delphy.... bengchheng suh ka ngaihtuah thei lo ania"
" nu... ka mut a chhuak"
"ipu bulah lo zuk kal rawh... heihi zanin ah tih zawh ngei ngei ka ngai "
"aih ka duh lo "
" Delphy.... "
" nu... i bulah ka mu duh zawk " a mutchhuak meng lap tawh chu ka en reng a,a nu nih hi ka tlin lo ve ngawt mai .
" bawihte lo kal teh " tih pahin ka tho vata,ka pawm nghal vat bawk.
.
" awle.... ka bulah i mu dawn nia... muhil rawh le " a sam a chul heuh heuh pah chuan ka awi a, ka rilru a kalthui takzet,reilote ah a muhil ve nghal mai bawk.
"Bawihte....nu fel tak leh nangmah tha taka enkawl thei tu che hi i phu asin.... keichu i nu ni tlak pawh ka nilo... "ka ti sap a.Delphy ka pawm lai chuan ka phone chu a rawn ri rang rang a,Delphy lah chu a phu zawk lehnghal mahse a harh lo hlauh
" tunge mawni le?" tih sup pahin ka phone chu ka en vata Raven lo ni rengin ,ka la rang ngei mai.
.
"Raven....Delphy i ti harh tep alawm"
" anih ka ring... thawm i dim danah "
" maw! "
"a mutthilh tawh chuan pawm reng lo la" Raven thusawi avang chuan ka hawi kual nghal ruai a.
"engtin nge ka pawm tih i hriat ?" tukverh lam chu ka hawi phei vata,Raven chu tukverh pawn lamah alo awm reng anih chu!! ka phu chiang kher mai.
" Enge hetah i rawn tih ?" Delphy chu khumah ka mut te te a ka tlan phei nghal vata .
" tukverh hi hawng rawh... ka tla dawn nia "
" nilo... ka pa in a rawn hmu ang che, haw leh zawk rawh "
.
" maw!!...ka let leh ang maw!! ka tla dawn nia i rawn hawn loh chuan ka tla ..."tih pah chuan a eu nghal zawka.
" nilo.... " ka tê nghal tuarh a tukverh ka hawng nghal vat bawk.Raven kawr awmah chuan ka tham nghal tawn a ka hlauhthawn nak alaiin min rawn la nuih vur vur zui.
" kha tiang mai mai anga ka tlak i ring ami? " tih pahin inchhungah a rawn zuak lut nghal thaka.
"wow...he room ah hian ka fanu nen in awm amaw?!!" min rawn melh ha a Delphy lam chu a pan nghal vat bawk.
.
"Norah....Norah !!"hmanhnawh taka ka ni rawn tlan chho ri ka hre zui nghal,nichin a ka au thawm kha a hria ani ngei ang.Raven chu ka kai nghal dawr dawr a.
" biru rawh ka ni a rawn kal ania "
"i ni chu Hello! tih pawh ka duh lawm "
" nilo.."
"anih chuan ka fawp phawt ang che "
"lut vat rawh.." tih pahin bathroom ah ka nam lut nghal dawr dawr a
" Norah.... " a ti hman chauh kawngka ka khar nghal vata ka ni pawh hlauhthawn hmel zet hian a rawn tlan lut ve nghal bawk.
"i tha maw? khawiah nge Delphine?"
" ni.... ah... englo ania bathroom ah ka tlawhthlu teuh lutuk a "
"i na lo tiraw?....i chesual hman ta emaw ka ti hman alawm"
" ai... teuh lo mai, Delphine pawh a mu tawh a ngaihtuah awm loh "
" a room ah kan sawn phei ange " tih leh Delphy mutna lam chu a pan nghala.
"aih.... ka ni i hruai thei lo ang"mak tih hmel zet hian min rawn en ha a.
" timaw? "
" ih... englo a nia zanin chu ka bula mut a duh tlata kan mutpui ange "
"awle " min rawn nuih sanga
"thawh hai lo la... naktuk ah school dar 8 ah a tlen ngei ngei angaih kha "
" awle...anih chuan a that chu"
" muttui le bawihte" tih pahin Delphine chalah chuan a fawp zeuh a.
"nangpawh mu tawh rawh chawlh i neih lai lehzel chuan thawkrim lutuk suh muttui le.... " tih pahin min chhuahsan nghala.
.
Ka ni a chhuak chiah tih chuan kawngka chu ka kalh nghal sawk sawk a ka thaw zui hak bawk. Raven pawh bathroom atang chuan a rawn chhuak zal zal a.
" Delphine a room a sawn i phal loh chhan chu keimah vang tiraw? " a tih chuan ka lo nui suk ringawt , ni e a sawi dik reng a fanu hi hmuh a chak avanga rawn kal ani tih ka hriat vang ani.Ngawi rengin a fanu mutna bulah chuan a zuk thu thak a kei erawh ka document tihfel lai chu ka chhunzawm lehnghal.Raven chu a ngawih reng avang leh a thawm a reh em avang chuan ka va hawi phei zeuh a, a fanu ngun taka a thlir veng veng lai ka va hmuh chuan ka nui lo thei lo,hei aia thil hmuhnawm hi a awm dawn chuang em ni?.
.
" Norah.... lo kal teh "Raven chuan tawng rin hlau tak si hian a rawn ti sap a
"ngawirawh "
" vatin... " ka kal hma chu min ko leh sek dawn tih ka hria chuvang chuan kal vat hi a tha zawk
" Enge.... i ti harh ange khatia i en reng te chuan "
" shh... i tawng ring lutuk "a fanu tih harh hlau hmel hian ka nuih a tiza takzet, Raven bulah chuan ka thu a,a fanu khawih ngam chiah si lo hian a kut chu a zuk kawk a
" a kut hi a tê tiraw?"a hlim hmel chuan ka hnuk a ti ulh lek lek. Delphine awm insep lap lap chu ka zuk khawih tira mahse a tim deuh in ka hria.
.
" a pawilo... a harh lo ang " ka tih takah chuan a awm chu thlamuang tih hriat tak hian a han dawm vang vang a.
"ughh....a lungphu ka hre thei " nuih suk pahin a han ngaithla leh vang vang a.
" Norah... a lungphu ka hrethei mawle "intih theih hmel tak hian min rawn en a, Raven awmdan hi a hmuhnawm takzet hetiang em em a a hlim hmel hi ka la hmu ngai lo.
"hetiang em em a duhawm hi ka fanu a nih ka ring pha ngai lo"
"Raven..."
"umm... "
"pa tha tak i nih hi ka ring tlat bawk asin..."
"ugh...hahh...darkar hnih dawn a lungphu i ngaithla tawh ania "
.
Ka ham bai bai avang chuan min rawn nuih suk a.
"a rei tawh lo ang... ka sawi tawh ang khan ipa chu ka hmin thei em em ang"
" ka ring che alawm"
"ka fanu hi engtik ah nge ka hmuh leh theih ang.... huizz... mu la tihian ka fanu bulah hian ka awm zankhua mai ang chuan zingah ka haw leh mai anga "
" nilo... chutiang chuan i ti thei lo ang ..E takah thu lawmawm deuh hrilh tur che ka nei asin " a mit ah tak ka en kar a
" Sarah a rawn kal a chuan ka thi kha a rawn la a... " ka tih chuan Raven chu a nui tawp hmak, hlim hmel aiin hreawm ti hmel a pu mah zawkin ka hria.
" Chuan.... "
" a awmzia chu ka zanlen tawh... Raven tunah chuan ka zalen tawh " tih pahin ka kuah nghal thlawp a, mahse ka hlim ang hian Raven hi a hlim ve lo tlata hriatna ka nei.
.
" anih chuan thi kawltu tur a hrilh che em? "
" maw!! "
"Sarah chuan thi kawl tu tur a hrilh che em "
" aih.... "
"ka lawmpui che " tih pahin a nui suk a mahse a hlim tak tak lo a nui lui mai mai tih ka hria.
" umm...i mut a chhuak tawh ang mu tawh rawh " kal nghal daih chu a tum a
" Raven.... "
" umm... " ka ngawih reng avang chuan ka biang chu a kut pahnih chuan a rawn hup a.
"ka hmangaih che.... chuan ka fanu nen hian ka nei let em em ang che u " ka hmuiah a han fawp leh vang vang a.
"mangtha le" tih pahin Delphine chu a zuk melh zeuh a min rawn nuih suk pahin tukverh atang chuan a chhuak lehnghala.
Show post links
Top
Ngaia
Site Admin
Quote
Post July 2nd, 2017, 3:38 pm
Chapter-75
.
Sarah chuan min rawn kuah nghal thlawp a,
" Norah.... ka hmu thei che chu ka lawm takzet " ka hmuh hmaih hauh lo chu a hmai a ser lian tak awm chu ani ,hrem anih laia an sawisak na pawh ani mahna ,a dâng in a chêr em em a mahse hetianga a awm chhan erawh zawh ka tum lo.
" Eng... engtin nge hetah....? "
"Norah... biak che ka duh" tih pahin ka ni chu a melh zeuh a,a falin min biak a duh ani tih ka hrethiam nghal.
" ka ni min lo hrethiam lawk.... Sarah min rawn zui rawh" tih pahin inchung ah ka chho nghala, a ruk tak chuan ka hlauthawng ru hle a chhan chu thil enge maw tak awm lo se chuan Sarah hian min rawn pan ka ring lo.
.
" Lo lut rawh " Sarah chu ka room chhungah chuan hawi kual ralh ralh pah hian a rawn lut a, thawk lak hak pahin khumah chuan a thu vat a kei erawh kawngka bulah ka ding daih thung.
"umm.... i fanu chuan Raven a chhun hle mai " min rawn nuih suk a,
" nia.. ughh" ka hmel atanga zawhna tamtak awm leh hlauhthawnna te chu a hmuh hmaih bih hauh lo,
" nia... ughh... ka lo kal chhan tak chu" a ding nghal hluai a ,min rawn pan hnai vat bawk.
" nilo.... Sarah... ka la inring lo, ka fanu hi min laksak an tum em lo tiraw? " hlauhthawn hmel tak chuan ka melh kar a .
.
" haha.... Norah hahdam rawh " tih pahin ka thi awrh lai chu a rawn pawt chat hmawk a.
"Sarah.... " ka ti nghal tuarh bawk, a chet dan chuan min thawng bawk em ani.
" engthil nge maw i tih le ?" ka tih chhunzawm zat bawk.Thi chu ka hmai zawn ah tak chuan a rawn khai kang va va a.
" i zalen tawh " min rawn nuih ver ver bawk.
" maw... eng... engmaw i sawi kha "
" he thi hi i mamawh tawh lo, tunah chuan i chhungkua te nen zalen takin awm tawh rawh ,Norah ....hlauhthawn angai tawh lo"
" ka awih thei lo " ka nui chhuak hak a,mahse ka mittui a tling pam thung ka hlim lutuk hi awmdan pawh ka thiam lo.
.
" ka... ka mumang ani lo tiraw?" ka hmai chu ka han hup vang vang a, mumang nilo in atak ngei ani bawk si.
" ka.... ka lawm e" Sarah kuah thlawp pah chuan ka ti bah nuai a
Tunah chuan thlamuang takin Delphine pawh school ka kal tir thei tawh anga,thlamuang takin ka khawsa ve thei dawn ta!!! Raven ka hrilh vat angai, he thu lawmawm tak hi a hriat hunah chuan a hlim viau ang.
" ih... i fanu chu chiang takin ka hmu chak takzet...a hming kha Delphine Cambelo tiraw?"Sarah chuan a rawn ti chhuak hlawl a,ka lo bu nghata. A hma chuan Delphine Stowe tih ani thin a hetia Sarah in Raven hming a rawn puttir hian ka hlim takzet.
.
" i dam tha hrim hrim tiraw" tih pahin Delphine room lam chu ka pan a, Sarah pawh chuan min rawn zui ve vat bawk.
" aw... ughh tha lutuk " za lo zet hian min rawn nuih suk ringawt.
" Delphy pawh a chau deuh aniang, a mut loh lai nise tha tur ania"
" a pawilo" tih pah chuan Delphine tui taka amu lai chu a han en vang vang a.
" a hmel tha hle mai "tih harh hlau tih hriat tak in duat tak hian a hmai chu a zuk chul sak heuh heuh bawka, Sarah awmdan chu ka en renga, ka ngaih a ti tha lo takzet mahse ka ti lang lem lo.
" Sarah.... "a mittui chu a hru zeuh a.
.
" ka kal a hun tawh... Norah mangtha le " tih pahin rang zet hian room atang chuan a kal chhuak nghal daih a,ka um chhuak ve nghal vat bawk.
" Sarah... ih... chaw te pawh ei la " kawngka bul a thleng hman der tawh, min chhang lo chuan chak zetin a chhuak nghal hlawk hlawk a,engthil nge thleng hriat tumin Sarah chu ka um ve nghal dawr dawr bawk, car a a lut tur chiah chu a banah ka va tham hman hram,a lo ner nghal sawk a.
" Ngatinge hetiang hian i awm? "a ban ka tham na lai chu ka en vata, thi a rawn hnam chhuak nghal tiam tiam anih chu !! phawk fe a melh kawk pahin ka thlah nghal vata.
.
"i... i ban a thi ania " ka kuta a thisen kai chu ka en renga, ka kutte chu a khur nghal der der bawk.
" mangtha le.... " tih ringawt in min chang ,car ah chuan min luh san hmaka chak zet hian a tlan chhuak nghal bawk.Ka rilru a buai takzet, engvanga khatianga awm teh thut kha nge anih ka hrethiam lo.Hrilh hai tak chung chuan in ah ka lut leh hna hna ta ringawt a .Midang in min hmuh hma in ka kut chu ka sil fai vata, Delphine rawn thawh huna a ei tur chu ka siam nghal sawk sawk a,rilru nuam lo hle mahse thi ka kawl tawh lo tih ka hriat hian ka zâng hawk thei chuan Raven hrilh hun ka nghakhlel takzet bawk,hmai chhan ngeia hrilh ka duh bawk si a, ka inhmuh leh hun ka nghak tawp mai ang .
.
Chutia Delphine eitur ka siam mawlh mawlh lai chuan ka ni in Delphine chu a rawn pawm thla hnawp hnawp a.
"alo tho tawh ani maw!" tih pahin Delphine chu ka va pawm vata.
" Khawiah nge i thiannu kha? "
" ummm.... a hmanhmawh deuh a a kal ta anih kha "
" kha nu kha ka hmuh tawh hnu a ang riau mai "
" maw? "
" ka hre chhuak zo tawh lo mahse a awmdan leh a hmel te kha ka hriat tawh hnu chu ani ngei alawm ,eee taka Raven nen a ka hmuh dun kha ani em ?" ka ni thusawi chu a dik ngei ang, engtia lo hmu leh hman nge maw anih le.
" ughh... ka ni Sarah te chu Esther Wood ah a awm ngai hleinem...." Delphine chu chair ah ka thut tir vata.
" Bawihte.... heihi lo ei la i inbual na tui tur ka va siam ange " a chala fawh zeuh pah chuan bathroom lam ka pan nghala.
*
*
Dinner kan ei zawh chuan eng eng document emaw tihfel ngai a awm avangin room ah ka tawm nghal deuh chawt a, ka bul mai ah Delphine pawh alo infiam ve bawk.
" Delphy.... bengchheng suh ka ngaihtuah thei lo ania"
" nu... ka mut a chhuak"
"ipu bulah lo zuk kal rawh... heihi zanin ah tih zawh ngei ngei ka ngai "
"aih ka duh lo "
" Delphy.... "
" nu... i bulah ka mu duh zawk " a mutchhuak meng lap tawh chu ka en reng a,a nu nih hi ka tlin lo ve ngawt mai .
" bawihte lo kal teh " tih pahin ka tho vata,ka pawm nghal vat bawk.
.
" awle.... ka bulah i mu dawn nia... muhil rawh le " a sam a chul heuh heuh pah chuan ka awi a, ka rilru a kalthui takzet,reilote ah a muhil ve nghal mai bawk.
"Bawihte....nu fel tak leh nangmah tha taka enkawl thei tu che hi i phu asin.... keichu i nu ni tlak pawh ka nilo... "ka ti sap a.Delphy ka pawm lai chuan ka phone chu a rawn ri rang rang a,Delphy lah chu a phu zawk lehnghal mahse a harh lo hlauh
" tunge mawni le?" tih sup pahin ka phone chu ka en vata Raven lo ni rengin ,ka la rang ngei mai.
.
"Raven....Delphy i ti harh tep alawm"
" anih ka ring... thawm i dim danah "
" maw! "
"a mutthilh tawh chuan pawm reng lo la" Raven thusawi avang chuan ka hawi kual nghal ruai a.
"engtin nge ka pawm tih i hriat ?" tukverh lam chu ka hawi phei vata,Raven chu tukverh pawn lamah alo awm reng anih chu!! ka phu chiang kher mai.
" Enge hetah i rawn tih ?" Delphy chu khumah ka mut te te a ka tlan phei nghal vata .
" tukverh hi hawng rawh... ka tla dawn nia "
" nilo... ka pa in a rawn hmu ang che, haw leh zawk rawh "
.
" maw!!...ka let leh ang maw!! ka tla dawn nia i rawn hawn loh chuan ka tla ..."tih pah chuan a eu nghal zawka.
" nilo.... " ka tê nghal tuarh a tukverh ka hawng nghal vat bawk.Raven kawr awmah chuan ka tham nghal tawn a ka hlauhthawn nak alaiin min rawn la nuih vur vur zui.
" kha tiang mai mai anga ka tlak i ring ami? " tih pahin inchhungah a rawn zuak lut nghal thaka.
"wow...he room ah hian ka fanu nen in awm amaw?!!" min rawn melh ha a Delphy lam chu a pan nghal vat bawk.
.
"Norah....Norah !!"hmanhnawh taka ka ni rawn tlan chho ri ka hre zui nghal,nichin a ka au thawm kha a hria ani ngei ang.Raven chu ka kai nghal dawr dawr a.
" biru rawh ka ni a rawn kal ania "
"i ni chu Hello! tih pawh ka duh lawm "
" nilo.."
"anih chuan ka fawp phawt ang che "
"lut vat rawh.." tih pahin bathroom ah ka nam lut nghal dawr dawr a
" Norah.... " a ti hman chauh kawngka ka khar nghal vata ka ni pawh hlauhthawn hmel zet hian a rawn tlan lut ve nghal bawk.
"i tha maw? khawiah nge Delphine?"
" ni.... ah... englo ania bathroom ah ka tlawhthlu teuh lutuk a "
"i na lo tiraw?....i chesual hman ta emaw ka ti hman alawm"
" ai... teuh lo mai, Delphine pawh a mu tawh a ngaihtuah awm loh "
" a room ah kan sawn phei ange " tih leh Delphy mutna lam chu a pan nghala.
"aih.... ka ni i hruai thei lo ang"mak tih hmel zet hian min rawn en ha a.
" timaw? "
" ih... englo a nia zanin chu ka bula mut a duh tlata kan mutpui ange "
"awle " min rawn nuih sanga
"thawh hai lo la... naktuk ah school dar 8 ah a tlen ngei ngei angaih kha "
" awle...anih chuan a that chu"
" muttui le bawihte" tih pahin Delphine chalah chuan a fawp zeuh a.
"nangpawh mu tawh rawh chawlh i neih lai lehzel chuan thawkrim lutuk suh muttui le.... " tih pahin min chhuahsan nghala.
.
Ka ni a chhuak chiah tih chuan kawngka chu ka kalh nghal sawk sawk a ka thaw zui hak bawk. Raven pawh bathroom atang chuan a rawn chhuak zal zal a.
" Delphine a room a sawn i phal loh chhan chu keimah vang tiraw? " a tih chuan ka lo nui suk ringawt , ni e a sawi dik reng a fanu hi hmuh a chak avanga rawn kal ani tih ka hriat vang ani.Ngawi rengin a fanu mutna bulah chuan a zuk thu thak a kei erawh ka document tihfel lai chu ka chhunzawm lehnghal.Raven chu a ngawih reng avang leh a thawm a reh em avang chuan ka va hawi phei zeuh a, a fanu ngun taka a thlir veng veng lai ka va hmuh chuan ka nui lo thei lo,hei aia thil hmuhnawm hi a awm dawn chuang em ni?.
.
" Norah.... lo kal teh "Raven chuan tawng rin hlau tak si hian a rawn ti sap a
"ngawirawh "
" vatin... " ka kal hma chu min ko leh sek dawn tih ka hria chuvang chuan kal vat hi a tha zawk
" Enge.... i ti harh ange khatia i en reng te chuan "
" shh... i tawng ring lutuk "a fanu tih harh hlau hmel hian ka nuih a tiza takzet, Raven bulah chuan ka thu a,a fanu khawih ngam chiah si lo hian a kut chu a zuk kawk a
" a kut hi a tê tiraw?"a hlim hmel chuan ka hnuk a ti ulh lek lek. Delphine awm insep lap lap chu ka zuk khawih tira mahse a tim deuh in ka hria.
.
" a pawilo... a harh lo ang " ka tih takah chuan a awm chu thlamuang tih hriat tak hian a han dawm vang vang a.
"ughh....a lungphu ka hre thei " nuih suk pahin a han ngaithla leh vang vang a.
" Norah... a lungphu ka hrethei mawle "intih theih hmel tak hian min rawn en a, Raven awmdan hi a hmuhnawm takzet hetiang em em a a hlim hmel hi ka la hmu ngai lo.
"hetiang em em a duhawm hi ka fanu a nih ka ring pha ngai lo"
"Raven..."
"umm... "
"pa tha tak i nih hi ka ring tlat bawk asin..."
"ugh...hahh...darkar hnih dawn a lungphu i ngaithla tawh ania "
.
Ka ham bai bai avang chuan min rawn nuih suk a.
"a rei tawh lo ang... ka sawi tawh ang khan ipa chu ka hmin thei em em ang"
" ka ring che alawm"
"ka fanu hi engtik ah nge ka hmuh leh theih ang.... huizz... mu la tihian ka fanu bulah hian ka awm zankhua mai ang chuan zingah ka haw leh mai anga "
" nilo... chutiang chuan i ti thei lo ang ..E takah thu lawmawm deuh hrilh tur che ka nei asin " a mit ah tak ka en kar a
" Sarah a rawn kal a chuan ka thi kha a rawn la a... " ka tih chuan Raven chu a nui tawp hmak, hlim hmel aiin hreawm ti hmel a pu mah zawkin ka hria.
" Chuan.... "
" a awmzia chu ka zanlen tawh... Raven tunah chuan ka zalen tawh " tih pahin ka kuah nghal thlawp a, mahse ka hlim ang hian Raven hi a hlim ve lo tlata hriatna ka nei.
.
" anih chuan thi kawltu tur a hrilh che em? "
" maw!! "
"Sarah chuan thi kawl tu tur a hrilh che em "
" aih.... "
"ka lawmpui che " tih pahin a nui suk a mahse a hlim tak tak lo a nui lui mai mai tih ka hria.
" umm...i mut a chhuak tawh ang mu tawh rawh " kal nghal daih chu a tum a
" Raven.... "
" umm... " ka ngawih reng avang chuan ka biang chu a kut pahnih chuan a rawn hup a.
"ka hmangaih che.... chuan ka fanu nen hian ka nei let em em ang che u " ka hmuiah a han fawp leh vang vang a.
"mangtha le" tih pahin Delphine chu a zuk melh zeuh a min rawn nuih suk pahin tukverh atang chuan a chhuak lehnghala.
.
Chapter-76
.
"nu tho tawh rawh school ka tlai dawn nia"Delphine chuan min rawn sawi nawk nawk a mahse ka meng thei thlawt lo nizan ka mengrei vang pawh ani mahna.
" nu... tho rawh... "ka biang ah te chuan a rawn chul leh rih thin
" aw... bawihte i pi lo in thlah tir mai rawh"meng mang lo chuan ka phun sup a ka muhil chu ani lehnghal mai.
"nu... bye bye.... "a tih lauh lauh ri chu ka hria mahse lo changlet turin ka harh thei thlawt si lo.
.
Chutia tui taka ka mutthilh lai chuan motor ri hian min ti harh hlawl mai. Meng mang lo chuan sana chu ka han en a dar10 alo ri der tawh.
" Awi.... Lalpa leh!! " tih pahin ka thu chhuak hlawl a ka lu lah chu ana em em lehnghal.
"ilo harh tawh ani maw?" ka piah lawkah chuan ka ni hian thawmhnaw suk sa ho chu ka drawer ah alo khung mek bawka.
" tinge motor chu ava ri nasa em em ve "
" nia... Reeve te an insawn dawn a"
" maw!! khawiah?" tih pahin ka room tukverh ah ka dak chhuak vata.
"chuzawng engmah ka hrelo.... "
" ngatinge niang le " tih leh inhnuai lama tlan chhuk ka rual nghal.
.
Reeve te in lamah ka tlan phei vata, bungrua pawh an lo la zo tep tawh.
"Aunty Keira enge awmzia heng thil zawng zawng hi? " tih pahin Reeve nu bulah chuan ka ti vata.
"ughh.... Norah, Reeve an a ti tlat si a New Orleans lamah kan insawn mai angai ani"
" New.... New Orleans ah maw!!!"
" umm...mahse kan la inbe reng thei tho alawm... "
Chutia mak ti taka ka din reng lai chuan Reeve pawh a rawn lut hlawl a.
"biak che ka duh " tih pahin lungawi loh hmel zetin in hnung lamah ka kal phei nghal nghut nghut a,Reeve pawn min rawn zui ve vat bawk.
.
" Keimah vang tiraw? " Reeve chu a ngawi renga.
"Reeve... keimah vang tiraw insawn i duh chhan hi..."
"Delphine hi tha deuhin ilo enkawl dawn nia.... hau in vin vak vak lo la naupang mai ala ni tih i hre reng dawn nia " Chutia Reeve an a tih chuan ka nui lui hak a.
"Naupang chhia lutuk....helai hmunah hian i tette lai atang tawhin i awm tawh a engtin nge i chhuahsan mai theih zawk "
" Norah... hma lam pan zel hi ka duh ani,zatin in in bulah Raven hmuh ziah te hi ka duh hleinem "
" maw!! " ...Enge awmzia? Raven hi zantin ka in bulah a rawn kal thin amaw!!
.
"mahse ...."
"ka awm loh pawhin Raven a awm alawm... keite chu min theihnghilh vat ang "
" mawl lutuk... Delphine hi i ngaihtuah ve miah lo ami? Raven nen kan intih buai emaw harsatna ka tawh hunah tuin nge min hnem ta ang "
"chutih hunah chuan engtik lai pawhin i tan ka awm reng ang.... "
" Reeve.... "
"umm... ughh... zanin ah nang leh Delphine dinner ei turin hruai chhuah cheu ka duh a" a tih chuan ka nui suk a, Reeve nen kan inhmuh tawh lo maithei chuvang chuan kan dinner hnuhnung ber tur hi chu tih hlawhtlin sak ngei ka duh.
.
"tlaiah ka rawn lam ang che u "
" ok.... Oh!! Delphine hruai pawh alo hun reng tawh anih hi"
"ka thlah dawn che ami? "
"aih... aih angai lo... ughh ka kal mai nge " tih pahin in lamah ka let lehnghala.
Inchhung ka lut chiah chu thawk kan ha hak a.
"Reeve awmlo tur hi i lungngai tiraw? " Ka hma lawkah ka ni chu alo ding ran a.
"ughh" nuih suk pahin ka kut chu ka phar ringawt a.
"ngatinge kal lo turin i tih mai loh "
" ka ni.... " ka lo ti vin hlar a
.
" Raven vang tiraw? " chutia ka ni in a tih avang chuan a tawng hre lo ang maiin hmai ka phih san daih a.
"keichu Reeve hi ka khawngaih takzet...mahse.... "
" nî.... Reeve chu a insawn dawn keimah vangin a tawk tawh em? diktak chuan ka inthiam lo ve tho adin mahse hma lam pan zel se ka duh zawk"
"mahse Reeve an i chunga a thil tih zozai te hi " Lalpa leh a tan leh dawn ta!!
"khawiah nge ka pa hi" a sawi chhunzawm hma chuan thil dang daih in ka lo pawtchat vata.
" huana hnim vel saw thlai chin na turin a tifai anih ka ring.. bakah a tar tawh si a sawng thing zozai te saw engtin nge maw a laksawn dawn ni... a kawng te pawh a ti na ang tih a hlauhawm"
.
"oh!! Delphy hruai a hun tawh... ka tlai dawn...ni ka kal mai ang" tih pahin inchung lamah ka tlan chho nghal vata, ka insiam sawk a hmanhmawh zetin ka tlan chhuak lehnghal bawk. Bus ka chan lai te chuan sana ka en seka, ka tlai vaih chuan Delphy alo mangang hman dawn lutuk.Ka tum anga taxi emaw bus emaw pawh a rawn thleng tak mai loh avang chuan an school lam chu ka call ta ringawt a, sana chu ka melh zeuh a minnte10 laiin ka tlai tawh.
"Hello... " an miss chuan min lo chhang vata.
"Ugh... Ms Stowe ka nia ka rawn tlai deuh dawn a Delphine chu i bulah lo awmtir hrih mai ta che "
" Ms Stowe... Delphine Stowe chu an rawn hruai tawh "
" maw!! "
" Thil diklo a awm em ni?"
" aih... awmlo e, hriat sual ka nei niang " tih pahin phone chu ka dah vata.
.
Tuin nge Delphine chu hruai ta ang Wolf gang ho nilo... Reeve ani ngei ang tiin ka inhnem chawpa mahse ka rilru a nuam thei chuang lo. Vanneih thlak lutuk in taxi ka hmu hlauh hmanhmawh lutuk in school lam pan turin ka nawr nghal bawk.Kan thleng har tawh takzet, Reeve call lehnghal ka tum a mahse ka phone lah chu a rawn thi zui hmak lehnghal ! ava hun lo thin tak em!! .
Delphine te school ka thlen chuan rang lutuk in taxi atangin ka tlan chhuak nghal dawr dawr a engmah pawh ka ngaihtuah thei tawh lo,chutia mangang taka ka awm lai chuan gate bula Delphine lo tap bai bai lai ka va hmuh thut chuan ka ding chiang kher mai, chu aia mak ka tih zawk chu Delphine hruai tu chu tudang nilo in Raven ani.
.
" bawihte" tih pahin ka kuah nghal thlawp a,ka hahdam huai rual rual in ka thinrim tel bawk.
" tap tawh suh le....shh.. " ka pawm vata, Delphy lah a tap zual zel bawk si.
" tap suh le... kan haw daih dawn nia " tih pahin ka kalpui nghal dawr dawr a,Raven pawhin min rawn zui vat bawk.
" Norah... "
" Raven...fiamthu na chi ani lo,min ti mangang hman lutuk asin"ka lo ti vin hlar a.
" ka... ka tihpalh,mahse i rawn lang mai si lo a ka lo va hruai ta ringawt anih kha,bakah apa ka nia"
" Ngatinge i hriatthiam theih miah loh... Delphy hian hun ala mamawh ani" Raven hmela lungawilohna lo lang chu ka hmuh hmaih hauh lo,mahse hetiang hian Delphy hi nawr luih ka duh lo zawi zawi in nel chho se ka duh vang ani.
.
Ngawi rengin Raven chuan min kai nghal dawr dawr a,Delphy ka pawm bawk si ka duh ang pawhin ka tang thei lo. Car ah min nam lut nghal dawr dawr bawka
"Raven...engthil nge maw i tih le?"
"Ngatinge tunah hian kan hrilh mai loh" Delphy chu ka melh zeuh a.
" Bawihte hetah hian lo awm rawh aw ka rawn let leh vat ang... Raven... " mitmei zeuh pahin car atang chuan ka chhuak nghal a,Raven pawh a rawn chhuak ve nghal vat.
"i â ta em ni? Khatiang thu kha engtin nge Delphine bulah i sawi theih zawk " Delphy hriat phak lo chin ah chuan ka ti nghal tawn tawn a.
" Ngatinge tunah a pa ka ni tih hi kan hrilh mai loh"
.
"tunah chuan a rilru ala naupang lutuk alawm.... chuan khawngaihin lo hruai tawh suh "
"hetianga kan awm ringawt chuan min hlau reng dawn asin...ka khawih pawh a duh loh hi "
"Chuvang tak reng chuan lawm hun a mamawh ka tih....zawi zawi in a nel mai dawn che alawm" chutia ka tih takah chuan a ngawi renga,a lu dawm vang vang pahin,
"ka thlah haw ang che u " tih sap pahin car ah chuan a lut hmak bawk.
Thawk chhuah hak pahin ka zui ve nghal a. Delphy nen chuan seat hnung ah kan thu ran a,Raven chu ka melh leh zeuh thin a a lungawi lo ve tak tak ani ngei ang biak leh pawh a huphurh awm takzet.
.
"Nu...candy leh chocolate min lei rawh aw... " Delphy chuan a rawn ti sa sa a.
" awle... bawihte, hlawh ka lak hunah aw..." Raven chuan car chu a ti ding thut a, ngawi rengin a chhuak hmak bawk. Mak tih hmel takin ka en renga, kawnga chu a rawn hawng a.
"lo chhuak ru "
" ugh... maw!! " engmah a sawi lo in min kai chhuak nghal sawk sawk a.
" Enge kan tih dawn...? " Raven chu Delphy hma ah thu hniam in a nui suk a.
" Delphy... candy leh chocolate i duh tiraw?" Delphy chuan min rawn melh zeuh pah chuan a lo bu nghat a.
"awle... a tha e kan lei teuh dawn nia aw" Kan tawng kha alo hre pha ani maw, Delphy chuan ka mitmei a ngai chang renga ka phal ani tih a hriat chuan " awle... " tiin a chhang nghal vata
Kan awm nek nek a eng eng emaw ka kan tih chuan alo tlai leh tawh kher mai.Tuipui kam ah lungpui chungah kan pathum chuan ka thu thap a boruak a thiang in a nuam takzet. Raven leh Delphy te chu Raven tattoo en in an buai ve hle a, hetia an pafa a inngeih taka an awm duh lai hmuh hi a nuam takzet.
"tattoo ala hmu ngai lo aniang " Raven chuan min nuih sang pah chuan a rawn ti sap a, kei pawhin ka lo nuih let ve sak bawk. Sana ka en chuan dar5 alo ri der tawh Reeve an dinner min ei chhuah pui dawn si engtin nge Raven ka hrilh tak ang nilo... hrilh lo law law ila a tha zawk ang.
.
" Raven...a tlai tawh si a apu in alo ngaihtuah tawh lutuk ang "
"umm... awle.. "
"anih chuan kan haw mai ang "
" ka thlah ang che u "
" aih angai lo... "
"Delphy lo kal rawh le " ka thusawi chu hria ang pawhin a awm lo, Delphy chu kai in car lam pan chuan a kalpui nghal daiha.
" Reeve nen an inhmu hrim hrim ang " tih sap pahin ka um ve nghal dawr dawr a.Reeve nen an inhmuh ka duh loh chhan chu Raven an a thik leh dawn vang ani .
.
Ka pa in min hmuh ka hlauh em avangin kan in atanga hla vang lo ah car chu ka tih din tir ta ringawt a.Mahse buaina a awm tlat, Raven chuan Delphy chu kaiin kan in thleng min rawn thlah a tum anih chu!!
"Raven... let leh tawh rawh "
"Enge i hlauh em em a, ka awm hi " tih pahin min rawn fawp zeuh a, chhuanlam siam tur pawh ka hrelo, Kan pahnih in Delphy chu kan kaia in lam panin kan kal phei hnak hnak a.
"Norah... "
"umm... "
.
"i pa biak ka duh " Engmaw a hriat le?
"maw!! "
"ka fanu... " Delphy chu a melh zeuh a ,thil hrechhuak niawm taka min rawn melh pahin
" oh!! Delphy hian min hlau tawh lo bawka hetianga bihruk reng hi ka duh tawh lo "
" mahse.... "
" Apa...." ka tawng lai chuan Delphy chu a tlan phut a Reeve an alo pawm chat bawk. Chutia kan kaih laia Delphy in Reeve a pan tak daih avang chuan Raven chu a lungawi lo ngang mai.
" Hei vang hi lawm hrilh vat a tha ka tih nachhan" tih sup pahin Reeve lam pan chuan a kal nghala.
.
Chapter-77
.
" Norah...rawn sawm che ka tum a " Raven chuan mak tih hmel tak hian min rawn en a.
" ugh... Reeve an dinner eichhuah puiah min sawm a " za lo zet hian ka lo nui lui suk a ,ka rin loh lutuk in Raven chu thinrim angin a lang duh miah lo thung a ngawih reng avang chuan ka awm a ti nuam lo hial zawk.
"umm... ka lo han lut ange " Reeve chuan Delphy pawm pahin inchhungah min luhsan nghal daih a.
.
" Raven...ihh"
"rei suh aw... " ka sam a rawn chul pah chuan min rawn fawp zeuh a, engmah ka sawi hman lo a car lam panin a kal nghal nal nal a.
Raven kha a thinrim ani tih ka hria mahse khatia thinrim anga a awm loh khan a lo puitling ve tawh zia a ti lang zawk ani. Tikhan thinrim se chuan buaina a thleng zawk ngei ang.
"Alo puitling ve tak tak tawh anih hi " tih pahin ngaihtha lo zet chuan ka lut ve nghala.
*
*
Dinner kan ei zawh chuan in lam panin ke in kan kal hnak hnak a, Delphy chu a mutthilh avangin Reeve an a pawm bawk a
"taxi koh chu i duh lo tak tak maw? a rit tawh si a ka lo pawm tawh dawn em ni? "
"Norah...kan ti harh mai mai"
"Chuan naktuk ah dar engzat ah nge in kal dawn ?"
"englo nia... zanin ah dar12 ah ka let ang"
"Reeve... "
" umm... "
"inenkawl tha rawh aw...chuan pawi ka ti lutuk "
.
Kan titi chhungin in kan thleng der
" ughh...ka lawm e" Delphy pawm pah chuan ka ti a, inchhungah luh nghal mai ka tuma.
" Norah... " ka hawi let vata, Reeve chu ka bulah rawn kal in ka kut chu a rawn hum vang vang a,
"Khawngaihin Delphy hian 'pa' tia min koh phal sak hram rawh" ka nui suk a.
" a pa i ni reng dawn lawm...engtik lai pawhin... mangtha le Reeve" tih pahin inchhungah ka lut nghala. Reeve chungah hian ka inthiam lo takzet, hetianga ka ti chung pawhin Delphine hi a rawn ngaihtuah em em chu ani sia.
.
Inchhung ka luh chuan alo thim thap tawh, an mu vek tawh ani ngei ang. Room lam panin Delphy chu ka pawm chho hnak hnak a, a rit tawh bawka ka hah hman takzet. Delphy chu ka khumah mutir in ka en vang vang a
" Bawihte...i nu hian tha takin ka enkawl em em ang che " ka ti sap a
Lum ka tih em avangin inbual turin bathroom ah ka lut nghala, ka inbual lai te chuan Raven hlir ka rilru ah a awm. A thinrim angem le? Norah tinge i chet fuh theih miah loh a? tih pahin scrubber chuan ka han innawt nawk nawk a.
.
Ka inbual zo ka inthlak fel zo chiah tih chuan ka phone a rawn ri leh tlang tlang tawh. Hmanhmawh zetin ka en vata.
" Raven maw!! " ka pickup rang ngei mai.
"in in bulah ka awm... rawn chhuak lawk rawh"
" ka... ka theilo, ka mu tawh "
" ok... anih chuan ka lo chho mai ang"
" aih.. aih nilo nilo... ka rawn chhuak zawk ang " phone chu ka dah nghal vata.
" tun ang zan rei ah enge mawni le? Delphy a hmu chak aniang" Delphy muhil lai chu tih harh hlau tak si in ka pawm sawk sawk a, thawm dim thei ang berin ka chhuak ru nghal zal zal a.
.
Pawn ka chhuah chuan Delphy chu min lo pawm chhawk nghal vata.
"i rawn hruai chhuak duh a, a harh mai mai "
" i hmu duh tih ka hria lawm "
" ka lawm e " Delphy a pawm lai chuan a ngawi vung vung a.
" Hetianga a thinphu ri hriat hi nuam ka ti takzet "
"Zan a rei tawh si a..."
"umm... Norah" ka kut chu la in a fawp zeuh a.
"in nufa hian ka rilru ah in awm renga ka muhil thei lo ani"
"Raven...tlaiah khan i thinrim miah lo mi? "
.
" Hahh...min en angin Reeve kha i en ve hleinem "
" ughh... New Orleans lamah an insawn dawna chuvang ania "
"a that chu... Chuan Delphy hi"
" Raven... lo la nghak leh deuh rawh...kan hrilh thei tep tawh ang "
" mahse Reeve kha 'pa' tia a koh ka phal hleinem"
"haha... chuvang chuan maw? "
" Bakah. ...in nufa hian ka bulah awm vat ula ka duh "
" ka pa hi "
"ka sawi tawh kha min ring rawh"
.
"ka hmangaih che "
" Ka hmangaih che... Delphy nen hian... "
" ka lo pawm tawh ang... keipawh naktuk atangin hna ka tan leh tawh dawna "
" Chuan vawin kha Delphine Stowe tiin an school register ah khan a inziak ka hmu a" a tih chuan sawi tur ka hrelo.
" ih... ah.. englo ania"
" A lehpek atang chuan Delphine Cambelo ani tawh ang.... "
" umm... " ka lo bu nghata, Delphy chu ka pawm chawk nghal vata.
" mangtha le "
" mangtha le... " tih pahin Delphy chalah a rawn fawp zeuh a, tichuan ka hmuiah a han fawp leh vang vang phawt a.
" ka lut tawh ange.... " inchhungah ka lut nghala,Raven bula ka awm zawh chiah pawh hian awm leh ka chak nghal zel hi chu a buaithlak anih hi.
.
________________________________________
.
#OFFICE#
.
Department office a ka luh dawn chuan thawk kan la hawk a, Boss hmuh ka peih lo takzet. Chutia ka din reng lai chuan tu emawni hian min rawn kheuh zeuh a.
" Norah morning.... "
" Evonne...ka inhmu lo rei hle mai "
" Pasal i nei dawn tih thawm ka lo hria a"
" maw!! "
"ughh... ka ti mai mai nih kha" tih pahin a lut nghal daih a, Daniel ani chiang lutuk.
Hmanhmawh zetin ka lut ve nghala, Daniel chu a chair ah thatchhe zeta mu chung hian a hmai chu lehkhabu hian alo khuh a.
.
" Dan... tho teh" a hmai a khuhhna lehkhabu chu la in dawhkan ah chuan ka theh phei lawp a.
" Norah... min rawn tibuai lo teh "
" .. pasal ka nei dawn tih ka lo hria a" ngeiawm zet chuan ka zuk melh a,
" ughh... keimah ka ni miah lo "
" hahh... Dan ka hre vek ania"
" aaa....nizanah Raven nen zu kan in dun a, neih a tum thu che a sawi a "
" Chuan... "
" Chuan... enge.... " nin hmel zet hian ka han meng kual vela, thawk hak pahin chair ah chuan ka thu nghal dawt a.
.
" E... taka Norah.... " Daniel chu hnai zet hian ka bulah a rawn tawlh phei a.
"Raven kha chanchinbu ah ka hmu asin... "
" Engmaw!! Chanchinbu a!! "
" aw...Louisiana a Sunshine Hospital zawng zawng director ani dawn " ka meng phawk nghal kawk a, chu chu engtin nge a nih theih Wolf gang in a thunun tlat emaw ka tia.
" Khawi chanchinbu ah nge"
" bus station ah... ih... a pu... a hming chu kha lehkhabu ziak thin hmingthang ahh....Christopher Cambelo ania chu pa chu Stephen Cambelo an a ai a awh anga... chuan kum thum hnu ah Raven an a ai a awh leh thung ang.... "
.
" Chutiang chuan a inziak amaw?"
" aw...Stephen Cambelo chuan hmun danga an hospital a enkawl ve thung dawn anih chu... ka hriat thiam loh chu Raven an director nihna a chelh vat loh chhan chu buaina engemaw a awm vang an tia enge niang le ,i hre mial lo maw?" Daniel chuan hriat chak hmel zet hian min rawn melh kar a.
" engmah ka hrelo... i hna chauh ngaihtuah rawh... " tih pahin hna ka thawh san daih a. Diktak chuan engmah ka hre bik lo wolf gang ho vang te pawh ani mahna.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/
Hna ka zawh chuan dar7 alo ri der tawh, ka dar chum thak thak pah chuan ka ding uai a.
"Dan... ila zo lo mi? "
" aw... lo va haw rawh, ka zo tep "
" awle... "
" Boss in min duhsak bika... keipawh 7:30 ah chuan ka zo tawh ang "
" ok... mangtha le "
" mangtha "
Ka dar leh ka kawng vel a nat em avang chuan ka han beng thak thak a.
"ka chau hle mai, nizan ka mu bawk si lo "tih sap pahin hmanhmawh zet hian ka kal nghal hlawk hlawk a.
.
Building ka chhuahsan chiah Raven ka hmu thut mai chu ka meng phawk chiang kher mai, chuan a chauh hmel hle bawk.
" Raven... " ka tlan phei nghal vata.
" kha... in rawh i chau lutuk ang " tih pahin tui vawt hi min rawn pe vat bawk.
"umm... tah hian min lo nghak char char ami? "
" ahh... ai vawin chu hna ka thawk a"
" chuvang niang i chauh hmel lutuk a "
" lo kal rawh ka thlah ang che"
" awle" a car lam kan pan nghala.
.
Kawngka bul thleng min rawn thlah a, ka lo hlauthawng em em a ani lah a thla a muang hmel ropui lehnghal.
"Norah... " ka hawi let vata
"New Orleans ah ka let angai dawn a"
" Damdawiin vang kha ami? "
"Engtin nge i hriat? "
" Chanchinbu ah an chhuah alawm "
"Engtin nge maw an lo hriat leh tawh ni... "
" Chuan engtik ah nge ilo let leh ang... "
" ka lo let vat ang...Stephen ka pui loh chuan a buai lutuk ang... "
" umm... ka hrethiam e "
" lo inenkawl tha la... chuan Delphine pawh "
" umm... tehreng mai "
" ka hmangaih che "
"keipawh ka hmangaih che "
.
Inchhungah ka lut nghala,ka chau bawk nen mut vat ka duh
" ilo haw tawh ani maw... Delphine pawh a mu tawh a"ka ni chuan in tur min pek pah chuan alo ti nghal zung zung a.
Tui in pah chuan pawn lam chu ka thlir vung vung a
" ni... thing ho zawng zawng kha tuin nge thiar veka... chuan hnim te saw tu cut nge " mak tih hmel takin ka ni chu ka en ha a.
" ugh... Vawin ah Raven a rawn kal a,ipa a rawn thawh pui vek alawm" ka tui in lai ka hak hman tep.
" Chuan ka pa in engtin mah ati lo ami "
" Haw turin a ti a mahse Raven lah a haw duh der bawk si lo... mahse ipa hian a ngaihtuah ve deuh aniang... tui va pe rawh min ti sek mai "
.
" Chutiang chuan ka pa in a ti maw? " Raven engthil chiah nge maw tih i tum le?, heivang hi a nih dawn hi i chauh hmel em em nachhan.
" Engteh Norah... mak ka ti takzet vawin a i pa awmdan kha chu, Travis te pawh min ti hrechhuak alawm... ipa khan Raven a hah kha a hlau em em a mahse a ti lang duh bawk si lo... ipa hi chu a luhlul ve ngawt mai "
"ni...vawin ah Raven eitur te ilo siam avangin ka lawm e "
"ka tih ve tur reng alawm... bakah Delphine pawhin a ngaina chho zel in ka hria .... a tattoo kha hmuhnawm a ti lutuk a, an pafa a an inawm dan chu tattoo en ani mai ...haha"
Show post links
Top
Ngaia
Site Admin
Quote
Post July 2nd, 2017, 3:40 pm
Chapter-78
.
#2 weeks later#
.
Raven chu kar hnih lai New Orleans ah a awm leh tawh, zing chhun tlai zan ah min rawn be ziah a, ka bulah awmlo mahse nuam ka ti em em tho. Raven sawi dan chuan damdawiin inrel bawl dan vel a zir thu min hrilh thin a mahse zep then a nei hian ka hre tlat thin mahse tul a tih chuan min hrilh mai turah ka ngai.
Tun hnai te ni thum vel chu Raven an min rawn be tawh lo mahse a buai anih ka ring, ka call lahin switch off a inti zel mai bawk si,ngai hle mah ila ka hna a ka buai ve tho avangin min rawn biak hun tur nghah chu tha bera ka hriat avangin ka nghak deuh tawp mai .
.
Document thenkhat ka tihfel mawlh mawlh lai chuan Daniel an ka dawhkanah chanchinbu hi a rawn theh thla thlawp a
" Dan... min lo tibuai lo teh" tih pah chuan chanchinbu chu thehphei leh ka han tuma mahse ka thil hmuh chuan min thawng takzet.
"Kha kha lawm hrilh che ka tum, Raven an hmeichhe dang ngaihzawng a nei " Min thawn em avang chuan chhan ngaihna pawh ka hrelo.
" Heta a inziah dan chuan Sunshine hospital zawmpui hospital dang neitu fanu a intia ,Raven hi hetiang mi a nih hi ka ring lo mahse an thlalak nen an rawn tarlang vek bawk si a"
.
" umm... Dan.. washroom ah kal lawk ka duh" tih pahin ka tho thut a washroom lam ka pan nghal sawk sawk a. Ka kut te sil in darthlalang ah chuan ka in en vung vung a, ngaihtuahna a kalthui duh takzet.
" Heng thil zawng zawng hi dawt vek ani, Raven ka bia anga engkim a tha leh mai ang ,hetiang hian Raven hi a awm dawn lo hrim hrim" nuih suk pahin Raven chu ka call nghala mahse switch off ala inti tho.
" pawilo... a buai deuh aniang " thawk hak pah chuan ka han ti leh a, hetiang hian han inhnem ve mahila chhungril ah chuan ka na takzet. A hma pawh khan Sunshine Hospital Director a nih tur thu kei aiin media in an hre hmasa zawka chuan dawt nilo in thudik vek ani.
.
"Norah... ngatinge hetiang hian i awm?" Raven chu ka han call nawn leh tluk tluk a mahse ka inti thinrim zawk mai mai.
"a buai anga... nakin ah min rawn be mai ang " tih pahin bathroom atangin ka chhuak lehnghala.
Engmah ngaihtuah buai ka duh lo, Raven hi ka ring tawka engkim a tha leh em em ang, bakah khang thlalak te pawh kha an inbe lai mai mai ania an infawp lai pawh ni hlei lo, kha nu hming kha tunge ni lehnghal?
" Dan... khanu hming kha tunge...? "
" tu hming maw? " Daniel bo lutuk hmel chuan min ti phur lo zual.
" E....Emerald Hospital neitu fanu kha maw!! ughh....Natasha niin ka hria "
" aw... " tih pahin a ngai ang chiah in ka hna ka chhunzawm lehnghal mawlh mawlh a, ka awm dan chu Daniel an mak min tih hmel kher mai mahse engmah a sawi lem lo.
.
Hna kan ngah deuh avangin ka tih zawh chuan dar8 alo ri va tawh. Daniel pawhin min hawsan tawh a, a reh in a thim ruih bawk si a a nuam takzet. Ham bai bai pah chuan ka dawhkana paper chu ka han rem fel sawk sawk a, Delphy ka ngaihtuah em avangin hmanhmawh zetin elevator lam ka pan vata.
8th floor ka thlen thlak chuan Boss pawh a rawn lut ve hlawl mai,
" Hello Boss" polite fahran hian ka lo nuih a.
"ih...Ms Stowe i tawkrim bawka promotion i hmuh vat ka ring "
" ka lawm e... Boss"
.
Groundfloor kan thlen chuan elevator atang ka chhuak tur Boss thusawi chuan min khei zak mai.
"i bialpa Raven Cambelo ami kha...ka hriat dan chuan bialnu dang a nei anih hmel ughh... phone te pawh a chhan theih loh ngei ka ring " ngeiawm zeta min rawn nuih suk pah in min kalsan nghala. Ni e, Raven hi ka call tlang thei lo, ka biak theih si lo chuan ngatinge amah zawkin min rawn biak mai loh.
" Raven... ka ngaih i ti tha lo ania " tih pahin ngaihtha lo zet hian ka kal hnahna a, ka chau bawk nen engthil dang mah ngaihtuah ka duh lo.
.
Room ka luh hma in Delphy room ah ka lut hmasa leh phawta,tui taka alo mu bam lai ka hmuh chuan ka hnuk a ti ulh takzet.
" Bawihte... ipa hi ka ring alawm " mahse ngatinge chhungril ah ka nat em em si.
"A buai niang, kan nufa hian min nei let leh turin a rawn kal leh hi ka ring tlat ani" Delphy chala fawh zeuh pah chuan ka ti a,muang changin ka room ah ka lut leh hna hna a. Ka intifai sawk sawk a, mut mai ka han tum a chau hle si e tilo chuan ka harh tulh tulh mai bawk si. Chanchinbu kawma hmeichhia kha kei nena tehkhin chuan a tha lawr lak.Ka tho vuta laptop chu la in Natasha tih chu kan google tak tak maia, ka mut meuh chuan dar4 alo ri der tawh.
.
________________________________________
.
Raven nen kan inbiak lohna pawh karkhat lai ani leh tawh, biak ka tuma ka be thei bawk si lo .A chang chuan New Orleans ah ka kal ve tawp dawn emawni tih te in ka ngaihtuah hman hial. Chanchin dang engmah ka hre zui tawh lo bawka engkim a tha leh mai ang tih chu ka ring nghet tlat thung. Mahse Raven an chanchin pakhat te pawh min rawn hrilh loh vang erawh chuan ka lawm lo takzet. Ka inti pachang hram hram a mahse Delphy ka hmuh hian ka khawngaih lutuk hi ka insum thei lo tep thin, Norah mi chak lo tak kha ka ni tawh lo chuvang chuan engpawh thleng se ka tuar tlang ang tih chu ka inhnem na awm chhun ani. Ka pa lakah pawh ka inthlahrung em em a, engmah sawi lo mahse a lungawi bik vak ka ring lo.
.
Vawin zet chu ka chau tawngkhawng ve tak tak tawh in ka hria, Daniel pawh ala buai hle kei erawh naktuk a chhunzawm mai tha a ka hriat avangin paper pawimawh thenkhat chu ka bag ah ka khung mawlh mawlh a.
" Norah... Coffee i in duh em?"
"Dan...ka haw zawk mai ang, ka chau takzet"
" ok... mahse hahdam nan coffee in phawt ang " tih leh thawh a rual a, Daniel awmdan chu a mak takzet min khawngaih hmel te pawh a pu.
Chutia Daniel an a tih tlat avang chuan ka lo nghak renga, tih tur a awm lo bawk nen ka hawikual hruk hruk a, Daniel drawer atanga chanchin bu rawn lawr tet chu ka ngaimawh em avang chuan ka han pawt chhuak ringawt a.
.
Khung luh leh mai chu ka tum a mahse Chanchin bu kawmah chuan Raven ka hmu hlawl mai.Ka han chhiar chiang deuh a, Raven chu Paris ah Natasha nen an awm dun thu leh an inneih hial an rin thu alo inziak anih chu!! Chutah zet zawng ka sa ta phat mai ,a lem nen chiang takin an rawn tarlang tel bawka Raven ka biak theih loh dan ah engkim kha a dik vek ani ngei ang.
" kha le... i coffee tur " Daniel pawh a rawn thlang vat, Chanchinbu ka hmu tih a hmuh chuan a ding chawta.
" Dan... hemi hi nimin piah ami tawh tiraw? "
" umm... ih... Norah.. "
" a ho lutuk... a pawilo... "
" hrilh che chu ka duh lutuk mahse thu belhchian dawllo mai ni a ka hriat vang ania"
" Dan... a ho lutuk..." ka tho thut a "mangtha le "
.
Coffee pawh in lo chuan ka kal chhuak hlawk hlawk a tah erawh ka tum hauh lo thung mahse ka rilru a na takzet. Ralkhat atanga ka hriat ringawt anih avangin awih ka duhlo mahse ka chhungril chuan a awih tlat thung. Elevator a ka chuan lai te chuan thil chi hrang hrang ka ngaihtuah a ka thinrim lutuk hi tah chhuah hawm hawm mai ka duh.A chang leh Raven ka atanga ka hriat loh chuan ka awih dawn lo ka ti thul, awmdan thiam a har takzet.
.
Hnuailam bih ngut ngut pah chuan ka kal chhat chhat a, zan a rei tawh bawka taxi pawh a vang tawh kher mai.Chutia hnual tak leh hrehawm ti taka ka kal lai chuan ka hma ah tak Reeve a rawn ding ta thut a, mak tih hmel takin ka lo en ha a.
" Hethil hi enge awmzia... ?" Chanchinbu chu a rawn lek kang va va a.
" Reeve... engmah ka sawi peih lo " tih pahin kal pelh mai ka tum a mahse ka ban ah a man bet tlat thung.
"hreptak chuan... Raven an enge a sawi? heng thu hi a hre ve en" Reeve an min vawn na chu ka paih sawk pah in ka inhum ruh vata
"Reeve... a... a hre ngei ang mah... mahse Raven hi ka ring tawka, hetiang mai mai hi chuan a awm lo tawp ang" ka ti chuan za lo zet hian a nui chhuak hak a
" a lan dan chuan in in be ngai lo nimaw? hreptak chuan ..." ngatinge maw hetiang hian ka awm le, pangngai takin ka awm hram hram tur ani.
"umm...ka hmu leh thei che chu ka lawm takzet mangtha le" tih pahin ka kal leh chhat chhat a, thawk ka han la leh hak thin a.
"Ka lo thlah haw ang che "
" aih... Reeve angai lo, keimah in ka haw thei "
" ok... anih chuan tihian i bulah ka kal ve zel mai ang "
"luhlul lutuk" tih pahin ka nuih suk a.
.
"Chuan... Raven nen chuan in tha hrim hrim maw? "
"umm... tha nimai "
"a landan chuan a tha vak lo niin ka hria,a chanchin hi chanchinbu ah an chhuah luai luai a chutichung chuan engmah a rawn hrilh lo che maw!!"
" Reeve... engmah hi ka hrethiam tawh lo, ka thin a rim em em a, ang khum tawn tawn te pawh ka duh mahse ralkhat atanga lo rin loh ringawt pawh ani bawk si lo "
"a buai te pawh ani thei a...mahse.. " Reeve chu a ngawi daih a
"nia... ani ngei ang "
"ka ni leh ka pa pawh hmuh ka duh... Delphy pawh "
" Reeve... " thawk kan la hak a."hetianga ka chunga that i chhuah hian nuam ka ti lo "
" thian te chu kan in duhsak tawn tur ani lawm ni "
.
"Delphy pawhin a sawi reng thin che a... a hmuh che chuan a lawm ngawt ang "
Chutia ka tawng mawlh mawlh lai chuan ka phone chu a rawn ri rang rang a.
" Raven maw!!! " ka la rang ngei mai, ka hmanhmawh deuh pawh aniang speaker ka on fuh palh lehnghal.
" Hello... " Raven biak ka tum laiin hmeichhia in min rawn be thung, Reeve chu ka melh ringawt a, speaker off nachang pawh ka hre tawh lo.
" Hello... " a rawn ti leh a,
" Tunge? "Raven aw ka hre zui nghal. Rang lutuk in ka off nghal vat a, ka che buai nghal vek bawk.
.
" Norah... "
" aw... ugh... ka ..ka kal angai... mangtha le Reeve... " pangngai tak chuan ka ti thei mai,ka thinlung erawh vih sawk sawk ang maiin a na thung. Kal mai ka tum a, Reeve chuan min pawt let nghal in min kuah nghal thlawp a, ka lo tang eih lo a chhan chu tunah hian min hnemtu tur ka mamawh takzet ani.
" mawl lutuk... i tah a chhuah chuan tap mai ta che " chutah zet zawng ka insum thei tawh lo,Reeve a awmah chuan ka tap chhuak nghal hawm hawm a hrehawm ka ti lutuk hi ka puakkeh mai dawn in ka hria.
Show post links
Top
Ngaia
Site Admin
Quote
Post July 2nd, 2017, 3:41 pm
Chapter-79.
.
Nimin thil thleng vang pawh kha ani mahna nizanah ka muhil thei lo a, thil lah ka ei thei hek lo mahse ka hna erawh ka chawlh san thei si lo.Ka chhungte leh ka stuff pui ten an hriat ka hlau em em a chuvang chuan rilru na hman lo khawpa hna thawh mawlh mawlh mai chu ka duh ani.
" Norah... i tha maw ?" Emiline in a rawn tih chuan ka lo phu zawka.
" aw... tha e "
" i va dâng ve.... "
" umm... ka chau deuh a, ka tha leh mai ang "
"anih chuan thawkrim lutuk suh, inenkawl tha ang che "
" ka lawm e "
.
Emiline a kal hnu chuan thawk hak pahin tui chu ka han lem khalh khalh a.Ka mu lo bawk nen ka chau takzet
"Ms Stowe... heihi lo Xerox ta che " Boss chuan file chhah pui hi min rawn pe a.
" awle boss... " File chu la in Xerox mechine lam chu ka pan nghal vata mahse ka lu a rawn hai ta thut mai!! Ka file ken zawng zawng chu thlauh in dawhkan ah chuan ka in nem khalh hmana hram.
" Ms Stowe... i tha maw! " Boss chuan min rawn sawi nawk nawk a,midang pawh an rawn pungkhawm chak hle. Chair ah min thuttir nghal a tui ka han in khawlh khawlh a, ka luhai pawh kha a zia deuh in ka hria.
.
"Daniel... Ms Stowe hi damdawiin ah va kalpui la a tha ang "
" awle... "
" nilo... Boss ka tha e damdawiin ah kal ka ngai lo"
" Ms Stowe luhlul suh... "
" Boss.. ka tha," tih pahin ka ding hluai a.
" Anih chuan vawin chu chawl mai rawh "
" Boss... angai lo "
" Daniel... Ms Stowe hi taxi zuk lak pui ang che... Boss sual tak tia lar ka duh bik hleinem... haha... Ms Stowe inenkawl tha ang che " tih pahin a chhuak nghal ,Boss awmdan chu tu pawhin mak kan ti.
.
Daniel nen chuan inhnuai lamah ka chhukthla dun chhat chhat a, Lobby kan thlen chuan Reeve ka hmu hlawl mai.
" Dan..."
" ugh...Taxi a haw ai chuan a that zawk ka ringa, ka ko ta mai,nakinah min hau mai dawn nia chumi hma chu inenkawl tha em em phawt rawh " Chan pawh ka chhang peih lo, Reeve chu a rawn tlan phei vata ka ban ah kai in min kuah phei vat bawk.
"Reeve... damdawiin ah ka kal duh lo "ka lo ti nghal vata
" Mahse... i damloh hi "
" ka chau deuh a chu chu ani mai ka mu nga ka dam mai ang"
" Norah.... "
"ka tha... min thlah haw zawk rawh"
" awle....mahse i inenkawl tha ang tih min tiam rawh" a tih chuan ka lo bu nghata.
.
Inlam panin kan tlan chhuak nghal vang vang a ka chau bawk nen ka han maimichhing vang vang a.Reeve chuan phone a hmang mawlh mawlh a an inbiak danah chuan thil enge maw a thleng in ka hria .
" Reeve i va hlauhthawn hmel ve... " ka han ti ve thawr ringawt a, min nuih suk ringawt mahse min chhan hun ka nghah reng avang chuan a hrawk chu a han thian kharh kharh phawt a
" umm... englo ania... " ka lo en kar a.
" ih...ka ni in Delphine hruai a tum a mahse a hmu zo lo a "
" Engmaw....!! "
.
" ahh... tih rilru hah che a duh lo a chuvang chuan a hrilh duh lo che ani" ka hlauthawng lutuk chu ka awm hle hle thei lo, ka ni chu ka call vata a mangan thu leh a ngaihna a hriat bik loh thu bak min hrilh tur a nei lo.
" Norah... hlauthawng suh ka thlah haw phawt che anga Delphine chu ka zawng hmu em em ang "
" nilo... Reeve Delphy te school ah kal ang "
" mahse... i damlo si a "
" Ka fanu a bo hi... ka fanu kan hmuh zawh loh laiin engtin nge thlamuang takin ka mut thei ang " ka mittui chu a rawn luang zung zung a, Wolf gang ho in ka fanu min laksak ani ngei ang.
.
Ka kut chu ka seh neuh neuh a ngaihtuahna fim pawh ka pu thei lo ka chiai ani ber.
" Reeve... Delphine chu khawiah nge a awm ang le "
"Khawi emaw dawr velah a pi nghah pahin a kal kawi aniang... Norah lungngaih suh kan hmu em em ang" Min hnem ve tak na in awmzia a awm thei lo. Delphine te school kan thlen chuan hmanhmawh takin ka tlan chhuak nghal dawr dawr a.
Office ah tlan lut nghalin ka ni leh an zirtirtu te ho chu an lo awm thap hlawm a.
.
" Norah... " ka ni chuan min rawn kuah nghal thlawp a,ka ni hlauthawng lutuk chu a tap zawih zawih mai bawk si a ngaihna ka hre lo takzet.
" Engtin nge Delphine chu a bo theih a,tuin nge rawh hruai mawh...?" an zirtirtu nu chu ka vin nghal tawn tawn a, ka thin a rim bawk si ka dang te chu a awk vek tawh.
" Norah...keiman kan bia ange" Reeve chuan min beng daih tumin ka darah chuan a rawn vuan a,ka mangang bawk nen ka lo kuah nghal thlawp a.
"Delphine chu school atang tuin nge rawn hruai?" Reeve chuan zaidam tak hian zirtirtunu chu a han zawt leh a.
.
"A pa tia insawi in a rawn hruai a, apa ani bawka ka kaltir ta mai ani "
"Raven... Raven ani hrim hrim ang " Reeve bulah chuan ka ti sap a mahse Raven chu Paris ah a awm si a engtin nge hetah a awm daih theih ang.
"Apa tia insawi apiang bulah i kaltir dawn mi misual pawh an lo ni thei asin... " ka ti nghal tawn tawn a ka insum thei thlawt lo ani,ka lu hai lutuk chu ka lu tep tep a,Reeve an min lo kuah hman hlauh.
" Norah... i tha maw? "Reeve chuan a rawn ti vata
" Ms Stowe police hnenah kan report mai dawn em ni "
"Ahh... kan kal phawt ange, kan tihbuai cheu avangin kan tih palh takzet " Reeve chuan zaidam taka tih pahin min kuah chhuak nghal dawr dawr a, ka ni pawhin min rawn zui ve vat bawk.
" Reeve... engthil nge maw i tih le " Reeve a awm dan chuan ka lung a ti awi lo takzet.
.
A kawr nghawng a tham pah chuan
" ka fanu a bo hi engtin nge khatiang khan i tih mai theih zawk... misual in lo ru ta se engtin nge ka tih ang... nilo... " Reeve chu ka chum vak vak a ka hamhaih vek .
" Norah... " tih vin hluk pahin min kuah bet tlata.
" Khang ho khan engmah tihtheih an nei hleinem, i theihnghilh ta em ni Delphine hian a hmelhriat loh chu a zui hauh lo ang chuvang chuan Raven ani ngei ang "
" mahse... "
"Shh...i chau lutuk tawh, hahchawl phawt la Delphine chu keiman ka zawng anga ka hmu em em ang... min ring tiraw? "a tih chuan ka lo bu nghat a.
" Delphine awm lo in engtin nge ka awm mai mai theih ang... "
.
Ka chauh em avangin Reeve chuan in lam min panpui ta ringawt a, ka ni lah a hlauthawng in a ruk in a tap kerh kerh mai bawk si. Ka awm chu ka han dawm vang vang a tah pawh ka tap chhuak thei tawh lo.
In kan thlen chuan Reeve an min kuah nghal vata min dawm tu an awm loh chuan lu hai in ka ni ani nghal mai.Chutia rilru hah taka ka awm lai chuan Delphine aw ka hre hlawl anih chu!!
"nu... " Rang lutuk in ka hawiphei nghal vata, Delphine chu Raven hian a rawn kai phei a a hlim hmel em em lehnghal.
"bawihte... " ka ti chhuak thei hram, Delphy chu ka kuah nghal thlawp a, ka tap chhuak lo thei lo.
" Bawihte...i tha tiraw nâ engmah i nei lo tiraw?" a sam leh a kawr te chu kan han chul kual a
" min ti mangang lutuk alawm" Delphy chuan mak tih hmel tak hian min en renga ,engmah lah a hre ve der mai bawk si lo.
" lo kal rawh... anu bulah awm tlat rawh aw" tih pahin ka kai nghala, Reeve chuan min kuah bawka in lam pan in kan nghal leh nghala.
.
" Norah... " Raven chu ka hma ah tak hian a rawn ding ran a, chutah zet chuan ka thin in a tuar ta lo a hmai ah ka beng nghal thuai a.
"tunge ni a i in hriat a?" Raven hma a tap chhuak lo tur chuan ka insum hram hram a mahse a harsa takzet.
Ka thinrim bawk nen ben ka han tum a mahse ka ban alo man bet hman.
" Ngatinge hetiang hian i awm...? Chuan Reeve nangpawh hetah enge i tih? " Raven thusawi avang chuan ka nui chhuak hak a.
" mi enge maw tak i nih hi... Reeve kal ang " ngeiawm zet chuan ka lo chhang let ve ngat a.
.
.
" Norah... Delphy hi" ka nî chu a te nghal tuarh a
" bawihte... " Delphy chu a rawn sen nghal vek,thawk chhuah tumin a han thaw kawk kawk a
" Bawihte.. "a hnungah ka chul saka a thawk chhuak thei lo ani ber
"Raven...engthil nge i pek... "ka ti nghal tuarh a
" ih.. ice... ice bak a ei lo "
"Ice cream a? eng ice -cream nge strawberry mi?"
" aw..."
"Lalpa leh..."
" Eng...engthil nge thleng hi" Raven pawh a chi ai nghal vek.
" Delphy in strawberry a haw lutuk... " Reeve chuan a rawn ti sap a
.
" maw!!... ka.. ka " Raven dang pawh a awk nghal vek, chet nachang pawh a hre tawh lo.Delphy ka atang chuan chil phuan a rawn chhuak nghal bawrh bawrh a
"damdawiin ah kalpui nghal ang " Reeve chuan Delphy chu a pawm nawlh a car ah pawm lut nghalin damdawiin lam panin chak zetin kan tlan chhuak nghala. Raven erawh a hlauhthawn em avangin a ding khawng reng thung .
.
Damdawiin kan thlen chuan Raven pawh a rawn thleng ve nghal vat, Delphy chu nurse ho in an lo buaipui nghal sawk sawk a,hetiang hi vawihnih lai kan tawng tawh a ka hlauthawng takzet.
" bawihte... ka.. ka tihpalh" Raven chuan Delphy khawih tum chuan a han ban a.
" khawih suh... kal bo rawh " ka ti nghal tuarh a, Reeve chuan min rawn kuah bet nghal vat bawk.
" Reeve... khawngaihin chhuah tir rawh "
" nilo....ka fanu hi a dam hma loh chu khawiah mah ka kal dawn lo "
"Raven... Delphy hetianga a awm chung pawh hian inthiam lohna pakhat mah i nei lo mi? " .
.
Raven chu a ngawi renga, kalbo chu sawi loh kalsawn a tum loh hmel kher mai. Reilo te ah ka pa pawh a rawn thleng nghal vata a hlauhthawn hmel takzet . Ka ni leh Doctor chu an inbe mawlh mawlh a ka chau em avangin Reeve a darah ka bei hle hle a,Raven erawh a vei chhen thung
" Norah... bawihtei chu a mu tawh e, va haw la ka lo awmpui ang "ka ni chuan a ti a.
" Ni... keiman kan awmpui zawk ange"
" mahse i chau si a... "
" ka ni... ngaihtuah suh " Reeve chuan alo ti vata, diktak chuan eng ang pawhin chau mah ila ka haw duh dawn chuang lo tih Reeve an a hriat chian em avangin min lo tan ta zawk ani.
.
" ok... anih chuan i pa nen kan lo va haw anga, zanah ka rawn riak ve thung ang " ka ni in a tih chuan ka lo bu nghata.Delphy tui taka a muhil sek sek lai ka hmuh chuan ka lainat takzet, Raven lah Dephy harh hma chu a thu hle hle thei bawk si lo.
" bawihte... " tih paha chul heuh heuh bak tih theih ka nei bawk si lo.
" Norah... Delphy hi kan hospital lamah sawn ila a tha ang " Raven chuan a rawn ti chhuak hlawl a
" maw!! "
"Helicopter ko ila tunah New Orleans lamah kal pui ang "
.
"kan nufa min ngaihsak lo hian Natasha leh i hospital chu va ngaihsak zawk ta che"
" Norah... luhlul na chi anih loh hi... ka fanu.. "
" nilo... ka fanu chauh ani, engtik ah mah i fanu ani ngai lo ang ,khawngaih in ka bulah rawn inlan leh tawh suh"
"Norah...min ngaithla teh"
" Raven...Norah sawi chu i hre lo mi " kan in hnial buai deuh avang chuan Reeve chu alo inrawlh nghal vata mahse Raven an a ngaithei leh ta der lo.
Raven chuan ka ban ah rawn vuan in min kai chhuak nghal dawr dawr a, lo tan ka tum eih lo a chhan chu Raven insawi thiamna ngaihthlak ka duh vang ani mahse Reeve an min lo dang nghal vat.
" Raven... thlah rawh"
" Reeve... a pawilo" ka lo ti nghal vata, chutia ka tih avang chuan Reeve chuan lungawi loh hmel zet hian min thlah hna hna a.
.
Raven chuan room pawnah min kai chuak nghal dawr dawr a.
" Norah...ka fanu hi hetiang mipui zi mur mur kara a awm hi ka phal hleinem"
"Ngatinge tunah i rawn ngaihsak tak em em a,kan nufa hian kan mamawh reng reng lo che... i hlim ngawt ang chu Natasha i nei bawka.. "
" Hahh... Natasha kha i thik amaw? " Raven chu a nui suk a mahse ka huat tawk a tling em em thung .
" let leh zawk rawh..." ka luhai lutuk chu ka han khap fak fak a mahse Raven bulah erawh tih lan ka tum hauh lo thung .
" min kalsan..."
.
" Norah... i tha maw? i ..i..hna..hnar a thi ania" Raven chuan hlauhthawn hmel deuh hian a rawn ti bah nuai a, ka hnar chu ka han khawih vata ka kuta thisen kai chu ka hmu ruai ruai chauh. Ka lu hai bawk nen a rawn thim mup mup a engmah ka hre zui tawh lo.
Show post links
Top
Ngaia
Site Admin
Quote
Post July 2nd, 2017, 3:41 pm
Chapter-80
.
Light êng sût in min rawn chhun avang chuan ka han khap sawk sawk a,ka kut lehlam chuan ka mit chu ka hup vat bawk, ka kut lehlam erawh tuemaw hian nghet takin a vuan tih ka hre thei. Ka lu a nat em avangin thei leh thei lo hian men ka han tuma
" Norah... " Raven aw ngei ani, ka kut chu lak sawn tumin ka han tang deuh ta na a mahse min vuan nghet sauh thung.
"Khawiah nge ka awm? " tih pahin ka han meng siar siar a, Reeve pawh an lo awm ve bawka.
"Khawiah nge Delphy...? "
" Delphy chu ngaihtuah suh ka ni leh ka pa in an awmpui...mu leh tawh rawh" Reeve chuan alo ti vata.
.
"Nangmah pawh i in enkawl theilo ania Delphy chu ka kutah dah tawp rawh..."Raven chuan min hnem a hnekin ngeiawm zet chuan a rawn ti kher a mahse ka chhang buai peih lo, diktak chuan heng thil zawng zawng hi amah vanga thleng ani reng sia.
Raven an hnehsawh deuh deuh a min tawng khum reng avang chuan lehlam ka hawi hmaka hun rei tak min biak loh avang hrim hrim pawh khan biak ka tum bik lo.
Raven chu ka bulah a rawn thu tlat lehnghala pehhel han tum ve pawh hian a theih loh reng reng.
.
"Norah... tikhan lo hahchawl rawh...Doctor in Delphy pa a ko tlat" Doctor in a rawn koh avang chuan Raven chuan Reeve melh pah chuan a ti kher a, ngatinge Reeve hi a ngaihtheih loh em em le?
Raven a chhuah takah chuan Reeve chu chair ah chuan a rawn thu vata.
" Na dang te i nei em? "
" aih... nei lo e"
" ok... anih chuan mu hahdam la...Delphy pawh a tha tawh e "
" Reeve... ka lawm e "
" hahh... nilo kei chuan engmah ka ti hleinem" tih pahin a han inla thutak deuh a.
.
" Norah...Raven an a buaipui vek cheu lawm,nizan ah pawh mu lo in nufa hian a veng zankhua zak cheu asin... engmah pawh ala ei lo a chau ngawt ang. "
" mahse... hengthil zawng zawng hi amah vanga thleng vek alawm"
"Raven hian a ngaihtuah takzet che min ring rawh chance pe la engkim a fel leh vek mai ang "
" nilo... engmah i hrethiam lo anih kha...bakah" khum pakhat an rawn nawr luh vang chuan ka tawng tawp chat a, ka ni, ka pa leh Raven te pawhin an rawn zui lut ve nghal.
.
" ka ni... enge awmzia ngatinge Delphy hi in rawn nawr luh a "
" ugh... Raven an a ti tlat sia, in pahnih hian cabin khatah in awmdun a duh vang pawh ani mahna" Raven chu ka va melh zeuh a, doctor nen chuan ngun takin an lo in be mawlh mawlh bawka
"room hran ve ve a in awm kha chuan a awm lohna lam apiangah ka awm ve zel si a a ngaih a tha thei thlawt lo alawm... chuvang chuan hmun khata a hmuh theih nan cheu hetiang hian a ti anih hi"Reeve chuan ka hriat tawk lek hian a rawn ti sap a, a nuih a zat hmel em em lehnghal.
.
Raven chu ka bulah rawn kal in min rawn nuih sang a,a chau hle tih ka hria mahse chau angin a lang duh hauh lo.
"zanin chu hetah in riak leh phawt anga naktuk ah chuan kan chhuak thei tawh ang "
" nilo... tunah chhuah ka duh, hna thawh tur ka ngah lutuk... "
" in Boss ka be vek tawh...E...taka office lam ngaihtuah lo turin a ti bawk che" ngeiawm zet hian min rawn nuih suk a.Min hnial dang zel avang chuan a sawi ang ang hian awm ila a tha zawk mahse ka lungawi loh zia hi hre ve reng reng se ka duh.
.
"Kha... breakfast hi ei rawh"
" ka duh lo... " tih pahin lehlam ka hawi hmaka.
" anih chuan zan hnih dang hetah i riak anga nimai "
" maw!! "
"damdawiin a awm reng i duh loh chuan chaw tha taka i ei angai ,Delphy pawhin breakfast a ei tawh a saw a mutthilh leh tawh saw " a tih chuan ka lo ner suk a, ngatinge hepa lakah hian ka tlawm duai duai reng mai le. Phur lo zet in breakfast chu ka ei leh ta nge nge a.
.
Chutia breakfast ka ei mawlh mawlh lai chuan Pu Christopher a rawn lut hlawl mai.
"Norah...ilo harh tawh ani maw?" Tih pah in min rawn nuih sanga,min rawn vuah vat bawk, mak tih hmel takin ka lo en ha thung,
"Hi... Norah.. " Stephen pawh maw!! enge hetah an rawn tih sup sup a.
"Aw... ka tha tawh e... " ka lo ti hul hak a, mak ka tih em avangin tawng chhunzawm nachang pawh ka hrelo.
" Ih... hetah... hetah enge, in buai awm si a" ka lo ti bah nuai a.
" Inneih na chungchang vel sawi turin mawle" Tih pahin Pu Christopher chuan ka pa chu a va kuah thak thak a,Ka ni nen chuan an in be mawlh mawlh bawk, engmah hi ka hrethiam lo,engthil chiah nge thleng hi ?.
.
" Stephen... enge awmzia? "
" ugh... englo ania" tih pahin ka mutna bul chair ah chuan a rawn thu a.
"In inneihna chungchang vel sawi turin i pa kan rawn hmu dawn a "
" tu.. tute inneihna maw? "
" nang leh Raven mawle... "
" maw....!! chu chu engtin nge anih theih? Stephen engmah hi ka hrethiam lo"
"Norah...thil i ngaihtuah nasa lutuk, engkim kan lo buaipui fel vek mai ang" A ti leh ringawt a, engkim mai hi a mak vel vek. Ka pa lah chu a hlim hmel em em mai bawk si,nizan ah khan engthil chiah nge thleng hetianga an awm tak vek mai?
.
Tumahin engmah min hrilh tha duh bawk si lo, Reeve lah a chhuak daih bawk si,zawhna ngah hle mah ila ka thil ei lai chu ka ei chhunzawm lehnghal mawlh mawlh a.
" Norah... "Raven chuan ka kut chu a rawn hum vang vang a,phawk fe hian ka lo melh kawk a.
Ka hmuiah rawn fawh zeuh pahin a jacket atang chuan zungbun hi a rawn phawrh chhuaka,mak tih hmel takin ka hawi kual vela min lo en thap lehnghal.
" min nei duh angem? " engthil nge thleng ta hi, Raven an min propose amaw!!!,
.
Raven chu ka en renga, ni e... neih chu ka duh takzet mahse ka lung a awi tlat lo.New Orleans a a awm chhung zawng zawng in hmeichhe dang a awmpui a, a zin kual pui bawk. Chanchin pawh min hrilh lo in a rawn in lan leh thut a tunah inneih puiah min sawm leh amaw!! hahh...Khang ka hrehawm tawrh zozai te kha engmah lo maiah ka chan tir mai anga maw!!
"Raven eng mi ah nge min ngaih a"zawi sap hian ka ti a.
" maw!! "
" i haw chhung zawngin hmeichhe dang i kawp char char a tunah keimah maw!! hahh... he inneihna hi ka remti lo... nilo, neih che hi ka duh lo "tih pahin lehlam ka hawi zui hmak bawk.
Raven chu ding in zungbun bawm chu a chhin khap a
" ka pu... hun min pe lawk thei angem?"a tih chuan an vaiin an inzui chhuak sap sap a, Delphy muhil lai chu ka thlir renga, i nu hian thutlukna diktak ka siam ngei ka beisei.
" Norah..."
"engmah ka ngaithla duh lo, ka fanu nen hian min rawn ngaihtuah duh suh i tello pawh hian kan awmthei lutuk "
" mahse in tello in ka awm thei hleinem "ka kut chu rawn vawn a tum a mahse ka lo la sawn hmak.
.
"New Orleans atangin i tan ka rawn kir leh vang vang asin... chuan hmeichhe dang maw!! hahh... Norah min ring miah lo em mi ?"
"ka ring che a... ka ring em em che a tun hun hi ka thleng ta anih hi, nitin hlauthawng reng reng in ka awma, chanchin bu ah nang leh hmeichhe dang hmuh ziah hi ka kham tawh takzet chuvang chuan min rawn ti buai lo in kan nun atang hian kal bo tawh rawh "
" awle...a tha e, min lo ring ve miah lo anih hi" tih pahin thinrim zet chungin min chhuahsan nghala.
.
Thinrim zawk tur ka nih laiin min thinrim khum zawk amaw!! ka mittui chu a rawn far fap a,
"tap suh... khawngaih in tap suh " ka inhnem mawlh mawlh a mahse ka mittui ka dang thei thlawt si lo. Natasha nen an awmdun char char a engtin nge min rawn pan leh ngam zawk, mi zaktheilo leh nunrawng tak ani.Midang nei leh a duh si chuan rawn let lo se min ti na lo mai tur ,min ngaihtuah ve miah lo anih hi.
. _______________________________________
.
"Norah... kan kal thei tawh em? " Ka ni chuan a rawn ti a
" um... bawihte lo kal rawh le" Delphy chu kai in ka ni leh Stephen te chu kan zui chhuak nghala. Raven erawh nizan atang khan ka hmu leh tawh lo, ka ni sawi dan chuan in lamah pu Christopher leh ka pa in min lo nghak meka Raven erawh a sawi lang miah lo thung zawh pawh ka tum hek lo.Stephen leh Doctor pakhat chu an inbe mawlh mawlh a, an piah deuh lawkah kan lo nghak ran a.
.
" Hello... Delphine" Nurse pakhat chuan a rawn ti a,engtik lai khan nge an lo inhriat hman ni.
" Norah... hetah hian rawn sign rawh le " Stephen chuan a rawn ti a.
" awle... khawi laiah hian nge ka sign dawn "
" hetah hian... " en chiang mang lo chuan ka sign nghal ringawt a.
" le kal ang ule... "
" lawk Stephen... paper kha" ka han en chian leh nak chuan Delphine Marie Cambelo leh Norah Alison Cambelo a lo in ti kulh anih chu!!
.
"Ka.. ka hming hi"
" ugh... Raven an a thlak vek tawh alawm"
" Chuan... he damdawiin hi Sunshine hospital maw?" paper a inziak chu ka hmu a
" i hre miah lo em mi ?" a tih chuan ka ngawi renga, engtik lai khan nge Sunshine hospital ah hian min lo sawn hman?
" New Orleans ah chuan kan awm em lo tiraw"
" hahh.. ni love, Esther wood a kan hospital ah lawm i awm" ka thaw nghal huai a, New Orleans ah min hruai ang tih te nia ka hlauh.
"kal ang ule"a tih chuan Stephen chu ka zui hnak hnak a.
.
" Ni...pu Christopher te hi ngatinge an rawn kal a... chuan khawnge Reeve hi ?"
"Norah... an rawn kal loh in engtin nge inneih chungchang kan rel theih ang "
" maw!! inneih maw!"
" umm... i pa in inneih phalna a pe tawh cheu lawm, ka lawmpui che " a ngaihna hriat loh hmel zet hian ka ni chu ka en kawk a, engthil nge thleng hi ka hrethiam thei thlawt lo.
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***
WEbsite link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/
Show post links
Top
Ngaia
Site Admin
Quote
Post July 2nd, 2017, 3:42 pm
Chapter-81(Last)
.
#FLASHBACK#
Raven's POV
.
" Doctor engtin nge a awm? "ka lo ti vata
"A chau lutuk anih hi, drip te khai ila a zia leh mai ang"
"Doctor kan lawm e "Norah pa chuan alo ti vata.
" ka pa.. lo va haw rawh i chau lutuk ang Norah chu ka lo awmpui ange " Reeve chuan alo ti ve bawka, kei erawh sawi tur engmah ka hre lo thung.
" nilo e... Reeve damdawiin ah hian ka awm zawk ange,lo va haw zawk rawh" tih pahin Norah bul chair ah chuan a thu thak a,A fanu chu a en vang vang a a rilru a hah ve hle in ka hria.
.
" ka pa...inah pawh awm mah ila ka awm a nuam thei chuang lo ang chuvang chuan hetah ka awm zawk ange "
" anih chuan... Norah chu ka lo awmpui ang, Annie lo va awmpui rawh, a hah lutuk ang "
" awle... " Reeve chu Delphy awmna lam pan in a kal nghala. Reeve a chet vel dan leh Norah pa in a biak dan vel chu ka thik takzet, kei erawh min hre lo ang maiin a awm thung.
.
Norah chu ka va pawh ngam chiah loh avangin hla deuh takah amah hmuh thei si ah chuan ka ding renga, a khat tawkin Delphy khum lamah ka kal zeuh zeuh bawk. Diktak chuan ka awm loh na lam apiangah Reeve a awm zel bawk si, ka enthlak reng loh chuan ka ngaih a tha thei thlawt lo.
Sana ka en chuan dar2 a ri dawn tawh, tun thlengin an nufa in an la harh lo. Doctor ka zawh lah in a nih dan tur ve reng anih thu min lo hrilh zel bawk si.
.
"Doctor an nufa hian cabin ah kan sawn maithei lo ami,hetiang ringawt chuan a bengchheng si a, minute tinin accident emaw damlo an rawn luh belh reng bawk si "
"Enteh.. ka pu case serious lutuk anih loh mai bakah a nu phei chu naktuk mai ah a chhuah theih dawn avangin cabin ah chuan kan sawn thei lo ang "
" engmaw!! engtin nge hetiang mi zik nuaih nuaih karah hian an dam theih ang?"
" ka sawi tawh ang khan....room indaih loh avangin... "
" Doctor...kan tihbuai che avangin min ngaidam dawn nia... chuan kan lawm takzet"hnung lam atang chuan Norah pa hian a rawn ti a.
.
" Min lo hrethiam rawh u " doctor chu a kal nghala, Norah pa pawh engmah sawi lo in a kal lehnghal .
" ka pu... " ka umzui ve nghala.
" ka pu... hetiang... "
" ka hria alawm... han enkual ta che keini aia mamawh tak tak an tam asin" tih ringawt in min chhang, Norah bulah chuan thu leh in a kut chu a dawm sak vang vang a.
" anih chuan... Norah leh ka fanu hi kan damdawiin lama sawn min phalsak rawh"
" Engteh tlangval i ngaihtuah tih chu ka hria mahse ngaihtuah ngai an nih tawh loh hi ,haw la va hahchawl zawk rawh"
.
" aih... ti ringawt hi chuan ka awm a nuam thei dawn chuang lo " tih pahin a kut ah chuan ka zuk vuan a.
" ka pu... khawngaihin ka awm nawm nan tal leh ka thiltih sual te thungrulh nan tal enkawl min phal sak rawh... khawngaihin" tiin ka ngen mawlh mawlh a, mahse chhanna erawh ka hmu lo. Norah pa chu a ngawi vung vung a.
" awle... " a rawn ti sapa.
" ka pu ka lawm e... enkawlna tha ber an dawng ngei ang "
Hospital lam chu ka call nghala.
"Pi Lauren...cabin zau tha tak pahnih kha min lo buatsaih sak thei angem? " Senior Nurse pi Lauren hnenah chuan ka ti a.
" awle... mahse Raven tu tan... "
" ka nupui leh ka fanu tan" nuih suk pahin phone chu ka dah nghala. Pi Lauren hi chu ka tet lai atanga tawh a ka nu thian tha ber anih avangin nel pawh ka nel reng ani, vanneih thlak takin Esther wood ah a lo insawn hlauh bawk nen.
.
A zan a zan chuan Delphy leh Norah chu kan hospital lamah kan sawn phei nghala, kan intih fel meuh chuan dar 3 alo ri der tawh. Minute10 dan velah an nufa chuan ka kar tawn chhen a ,ka mit hmuh a an awm loh chuan ka ngaih a tha thei thlawt lo,Delphy bulah Pi Annie chuan Norah bulah apa a awm ve thunga Reeve erawh kei ang tho in ka awm loh na lam apiang ah alo awm zela chu chuan ka ngaih a ti tha lo zual.
.
Delphy chu tui takin a mu sak sak a, Pi Annie pawh a mut a chhuak ngang aniang Delphy khum bawh chuan a muhil ve bawka. Kawngka bul atang chuan ka thlir renga, strawberry ice-cream ka lo lei sak kher kher kha ka inchhir takzet. Thawk hak pahin Norah cabin lam pan chuan ka kal phei hnak hnak a,ka tum loh deuhin Reeve chu room pawnah alo thu hlauh, nuih suk pahin Room chhungah ka lut nghala, Norah pa chu alo muthlu lek lek a mahse ka va pawh mai ngam bawk si lo. Ka huaisenna zawng zawng sawm khawmin in hum ruh chungin ka va pan hnaia
" ka pu...va mu rawh Norah chu ka lo awmpui ang"
.
"Ka fanu hi engtiang chiah in nge i hmangaih?" a rawn ti chhuak hlawl a chhan mai nachang pawh ka hrelo.
" umm.. ka pu ka hmangaihna hi ka teh thei lo mahse an nufa hian ka nunna ai pawhin ka hmangaih zawk ani " ka ti ve thawr ringawt a, hetiang thil hi ka sawi ngai lo bawka ka zam takzet. Norah pa chu an thaw chhuak hak a.
" ka fapa khan a thih hma in min hrilh alawm" a thusawi hi ka hrethiam lo.
"A thih zan khan Norah in hmangaih a neih thu leh mi tha tak a nih thu min rawn hrilh asin, mahse a hnu lawkah ka fapa ka chan tih ka hre leh si "
.
" ka pu...ka tihpalh takzet , Travis kha keimah vanga thi ani"
"ka fapa khan lo pawm ngei ngei tur che in leh ka fapa ang chiaha en tur in min rawn ngen asin " ka ngawi renga, ka inthiamlo bawk nen sawitur engmah ka hrelo.
" ka pu... " tih pahin ka thingthi rawp a.
" khawngaih takin in Norah hi min neihtir rawh...mi tha tak ka ni lo maithei mahse tha takin ka enkawl anga ka thil tih sual zawng zawng pawh rulh vek ka duh ani"
Norah pa chu a ngawi renga, engpawh thleng dawn se ka beidawng dawn chuang lo.
" ka neih phal lo mahla engtik ah mah ka beidawng dawn lo... ka pu ka hmangaihna hi a tak ngei ani" ka han ti nawn leh ngata.
"Travis khan a lo sawi dik chiah nang chauh hian ka fanu hi i ti hlim thei ani" a tih chuan ka hawi chhuak vata ..
" ka fanu hi engtikah mah tah tir tawh suh ang che... a tap lai hmel ka hmu hnem zozai tawh emai" a mittui chu a khap per fap a
"ka tiam a che...an nufa hian hlim na zawng zawng ka pe ngei ang ka pu... ka lawm e..." ka nui suk a,ka awih thei lo Norah pa inneih rem min tih sak mai hi, tlangval paukhauh leh tawrchhel tak ni mah ila tunah zet zawng ka tlawm chiang kher mai ,Norah nang ka neih theih nan che anih phawt chuan vawitam tak ka tlawm nawn awn awn mai ang .
.
#END OF FLASHBACK#
.
________________________________________
* 2 Days later *
.
Ni hnih lai Raven hmel reng hmuh tur a awm tawh lo, Stephen leh pu Christopher te erawh an rawn leng reng thung. Ka pa in Raven nen kan inneih a phal tawh tih ka hria ka ni pawhin nei turin min nawr lui chhen a ka pa erawh in ka thutluakna ang ang min pawm sak thung. Raven hi neih ka duh lo pawh ani lo mahse hetiang mai mai a awlsam chuan ka nei hauh lo ang,Natasha hmel ka ngaihtuah ringawt pawh hian ka thin a rim thar leh thin.
.
" Enge i lo ngaihtuah vung vung a?"Daniel an a tih chuan ka phu deuh zawka.
" ahh... engmah" ka hnathawh lai chu ka chhunzawm nghal zat bawk .
" enteh..." Daniel chu hnai zet hian a rawn kun hniam a.
" ih...khi nu khian a be duh che a" kawngka lam chu ka hawi phei vata
" Natasha maw!!" Enge Natasha in hetah a rawn tih a chhelo em em lehnghal, ka te nghal chem chem in ka hria
"Dan... khawiah nge ka bihruk ang? "
" Norah... va kal rawh, sawi duh a nei aniang" tih pahin min nam tho zawka, tlanchhiat na chi lah ani tawh bawk si lo .
" Hi!!" za lo zet hian ka va nuih suk a .
.
" Hi!! Norah..."
" min lo zui rawh... " tih pahin hmun fal lam chu ka pan nghala, Natasha pawhin min rawn zui ve vat bawk.
"Raven an... Paris atanga kal tura min tih chhen chhan chu ka hre tawh e... a takah i hmeltha daih zawk anih hi "
"maw!! " a aw phawi atang chuan Italian te pawh a ang, Engvanga min nel em em nge maw anih le, thinrim tur zawk ani asin.
"Ughh...thupha chawi ka duh a,chanchinbu a i thil hmuh te kha dawt vek anih kha"
" chu chu eng vanga min hrilh nge i nih ?" khirh hmel deuh a lan ka duh avang chuan ka lo ti vin hlar a.
.
" nia... ughh... diktak chuan Raven hian min tanpui zawk asin, Paris ah khan rawn kal lo se chu ka hming chhe hman ngei ang, bakah ka bialnu nen pawh kan inhmuh theih phah a"
" Engmaw!! bialnu a!! "
" haha... ka hria lawm, Norah i ngaih ang kha ka ni lo ,Lesbian alawm ka nih "mak tih hmel takin ka lo en ha a, ka rilru a thil lo lang hmasa ber chu hetiang hmeichhe chhelo lutuk hi anpui kawp ching maw lo ni a.
" oh!!... " tih bakin chhan dan tur ka hrelo.
"khawngaih in Raven hi ngaidam rawh chuan ka tihpalh takzet in in kar ka tih chhiat phah a "
.
Engmah pawh ka ngaihtuah mumal thei lo chuan office lam panin ka phei leh chhat chhat a.
" Engkim kha a lem vek maw haha...a awmzia chu Raven an min la hmangaih reng " tih pahin ka nui suk a, hlim tak chungin Raven chu call tumin ka phone chu ka hmet mawlh mawlh a.
" Surprise!! " stuff ho zawng zawng chu an rawn au ta thut mai!! ka phut em avangin ka phone chu ka thlauh nghal pawp a.
Balloon tamtak leh thil dang eng eng emaw hian office chu anlo chei khat veka,phawk fe hian ka meng nghal kawk a .
.
" Engthil nge maw in tih le? " tih pahin ka phone chu chhar leh ka tum a mahse tuemaw in min lo chhar khalh hman.
" Raven... " tudang nilo in Raven ngei ani. Raven chu ka hma ah tak pangpar bawr kengin a ding ran a, ka lawk ah Delphine, Stephen, ka ni leh pu Christopher te pawh ka hmu tel bawk.
"Heng thil zozai hi enge....? " mak tih hmel takin Raven chu ka en kar a
" Norah Cambelo" nuih suk pahin ka hma ah tak a rawn thingthi a, a pangpar ken lai chu chhuatah dah in zungbun hi a rawn phawrh chhuak nghal bawk a.
.
Ka mittui a rawn tling lehnghal pam tawh ,ka tah ka hlauh em avangin ka hmui chu ka hup tlata.
" He zungbun hi ka nu zungbun kan chhungkua inro chhun zel ani a... Norah.. " a zam ve hle aniang thawk a han la kawk phawt a.
"Engtik lai pawhin harsatna ka thlen reng thin che a, vawitam tak i rilru ka ti na in ka ti tap thin che a, kei ang hian tumah in an ti na ngai lo che tih pawh ka hria mahse kei chauh hi ti hlim thei tu che leh ti nui thei tu che ka ni.Ka nunna, ka thaw leh ka engkim i ni asin, hman a ka hmangaih ang che khan tunah pawh hian ka la hmangaih reng che engtik ah mah ka danglam ngai lo ang, a ni telin ka hmangaih zual zel bawk ang che "
.
Ka insum hman tawh lo ka mittui chu a rawn luang nghal zung zung a.
"Nang leh Delphine hi engtik lai pawha hlim reng turin ka duh che u,kan hma ah harsatna tamtak ala awm ngei ang kan hmachhawn ho anga ka kut in vawn chhung chu ka thlah ngai lo ang che u, engkim ah min ring vek turin ka duh che ani... Norah ka hmangaih che... min nei duh angem? " Chutah zet zawng ka insum thei tawh lo
" ka hmangaih che... Raven... engtik lai pawhin neih che hi ka duh asin" ka kut chu dawh in zungbun chu min rawn buntir nghal vata.
" ka hmangaih che " tih pahin min rawn fawp nghal vawng vawng a.
.
(A hnuai bera advertisment khu click hram hram ang u. ..Click zawh ah a in load chhung tal nghak hram bawk ang u aw )
.
_______________________________________
.
Ed Sheeran- Perfect
Well, I found a woman, stronger than anyone I know
She shares my dreams, I hope that someday I'll share her home
I found a lover to carry more than just my secrets
To carry love, to carry children of our own
.
We are still kids but we're so in love
Fighting against all odds
I know we'll be alright this time
Darling, just hold my hand
Be my girl, I'll be your man
I see my future in your eyes
.
Author's note:
.
He story in a tum ber chu engang pawhin lo chesual in hrehawm ti thin mahila kan nihna ang ang a min hmangaitu leh min duh tu hi kan tawng leh ngei ngei dawn chuvang chuan hnual lo in hma lam pan zel tum zawk ang u hma hun eng tak kan la nei tih hre reng ila.La chesual lo te tan pawh Raven ang mipa perfect hi he khawvel ah kan tawng dawn lo chuvang chuan min hmangaih tu emaw kan tih lakah in phal ral mai mai loh tur. Chuan mipa tan pawh kan hmangaih te tan chauh rinawm ila mi toothbrush hman hnu in hman peih bik loh kha chutiang chiah chuan in toothbrush hman hnu midang in an hmang peih bik lo.
.
PS Fimkhur la Pathian dah hmasa ber thin ang che.
The End
Ig- @remruati_b
Fb-Remruati Bawitlung/ Haylor Sept
Ava ngaihnawm em. Tlaivar thak a kan chhiar chu le
ReplyDeleteZan2 lai ka tlaivar tawh ,a ngainawm takzet
ReplyDelete